﻿ማቶሳ ጻፌዝ የሱስ ክርስቶሳ ዎንግለ.
1.
ዳዉተ ናአ አፍራመ ናአ ማቄዝ የሱስ ክርስቶሳ የለትꬅ። 
አፍራመ እሳቃ የሌዛ፤ እሳቃ ያይቆባ የሌዛ፤ ያይቆባ ይሁዳራኔ ኤ እሽታ የሌዛ፤ 
ይሁዳ ትእማርፕ ፓረሳኔ ዛራ የሌዛ፤ ፓረሳ አስሮመ የሌዛ፤ አስሮማ ራመ የሌዛ፤ 
ራመ አምናዳባ የሌዛ፤ አምናዳባ ናአሶና የሌዛ፤ ናአሶና ሳልሞነ የሌዛ፤ 
ሳልሞና ራአብፐ ቦኤዛ የሌዛ፤ ቦኤዛ ኡርትፐ ኢዮቤደ የሌዛ፤ ኢዮቤደ ኢሳየ የሌዛ፤ 
ኢሳየ ካታ ዳውተ የሌዛ፤ ካት ዳውተ ኦርዮ ማቻትፐ ሶሎሞነ የሌዛ፤ 
ሶሎሞነ ሮብአማ የሌዛ፤ ሮብአመ አብያ የሌዛ፤ አብየ ኣሳፈ የሌዛ፤ 
ኣሳፈ ኢዮሳፈጸ የሌዛ፤ ኢዮሳፍጸ ኢዮራመ የሌዛ፤ ኢዮራመ ኦዛኔ የሌዛ፤ 
ኦዛኔ ኢዮአታመ የሌዛ፤ ኢዮአታመ አካዛ የሌዛ፤ አካዛ ህዝቃሳ የሌዛ፤ 
ህዝቃሳ ምናሰ የሌዛ፤ ምናሰ አሞጻ የሌዛ፤ አሞጻ ኢዮሳሳ የሌዛ፤ 
ኢዮሳሳ ኢኮናናራኔ ኤ እሽታ የሌዝ ያ ላይꬅተ እስሬለ አሳይ ድእንቲ ባብሎነ ቢታ Ꮊንጌዛ። 
ባብሎነ ቢታ እስሬለ አሳይ ድእንቲ Ꮊንጌዛይፕ ጉዬ ኢኮናና ሳላትያለ የሌዛ። ሳላትያለ ዘሩባበላ የሌዛ፤ 
ዘሩባበላ አብድዩ የሌዛ፤ አብድዩ ኤልያቀመ የሌዛ፤ ኤልያቀመ ኣዞራ የሌዛ፤ 
ኣዞራ ሳዶቀ የሌዛ፤ ሳዶቀ አክመ የሌዛ፤ አክመ ኤልዩዳ የሌዛ፤ 
ኤልዩዳ አላዛራ የሌዛ፤ አላዛረ ማታነ የሌዛ፤ ማታነ ያይቆባ የሌዛ፤ 
ያይቆባ ዮሴፋ የሌዛ፤ ዮሴፋ ክርስቶሳ ግዝ የሱሳና የሌዝ ማይራሚ አዝና። 
ይኬ፥ የለትꬅ አፍራመፕ ዳዉተ ሄሎዳይስ ታጶ ኦይደ። ዳዉተፕ Ꮊንጊ ባብሎነ ድአ ሄሎዳይስ ታጶ ኦይደ። ባብሎነ ድአይፕ Ꮊንጊ ክርስቶሳ ሄሎዳይስ ታጶ ኦይዲ የለትꬅ ማቅዛ። 
የሱስ ክርስቶሳ የልንቶ ታርካይ Ꮊይፕ ካልዛ። ኤ እንዳት ማይራማ ዮሴፋስ ኦይጭንቲ የዛር ዮሴፋር ዎላ አቀካዛር ጌሻ አያናፕ ዎደጼዛ። 
ዮሴፋ ጌሻ አስ ማቄዝ ግሾ እዞ አሲ ኦዶዳይ ጋርክ ኮየካዛይ ግሾስ ጌማር አሾዳይስ ቆፔዛ። 
ኤ የ ቆፋል የዝን ጾሳ ኪታንቻይ አቡካር ኤስ በንቲ፥ «ዳዉተ ናአ፥ ዮሴፋ፥ ማይራማ ዎደጼዛይ ጌሻ አያናፕ ማቄዝ ግሾ እዞ ኤኮዳይስ ያሽትፐ» ዬጌዛ። 
እዛ ꬍራꬅ ናአ የሎዳ፥ ኤ ዎይታ ኡ ናጋራይፕ አሽዛይ ግሾ ኤ ሱንꬃ ነ የሱሳ ግ ጼጎዳ። 
ጎዳይ ናባይ ዶናር፥ 
«ይኬ ዉድርታ ዎደጾዳ፤ ꬍራꬅ ናአካ የሎዳ፤ ኤ ሱንꬃይ አማኑኤላ ግንትንቶዳ» ጌዛይ ፖልንቶዳይ ጋርክ Ꮊ ኡባይ ሀኔዛ። አማኑኤላ ጉሳይስ ብርሽꬃይ «ጾሳይ ኑር የዛ» ጉሲ። 
ዮሴፋ ገንታፕ ባርኪ ጎዳይ ኪታንቻይ ኪቴዛይ ጋርክ ማይራሞ ፋ ካራ ካንጌዛ። 
ዝን ፋ ባይራ ናአ የሎድ ጋꬆ እዞ ቦቼካያ፤ የልንቴዝ ናአካ የሱሳ ጊ ጼጌዛ። 
