GEN 1:1 Matamana negana ai na Dirava ese guba bona tanobada e karadia.
GEN 1:2 Tanobada na asi oromana bona asi anina; dibura danu gadobada vada e gorua ahu. Bena Dirava laumana na gado kopina ai e loava.
GEN 1:3 Dirava eto, Diari aine vara. Bena diari na e vara.
GEN 1:4 Dirava ese diari e itaia, vada e namo; bena Dirava ese diari bona dibura e haridia.
GEN 1:5 Dirava ese diari ladana e hatoa Dina; dibura ladana e hatoa Boi. Ado e rahi daba e rere, dina gini-gunana.
GEN 1:6 Dirava ma eto, Ḡau ta aine vara gadobada daenai, ranu baine haridia.
GEN 1:7 Bena Dirava ese ḡau ta e karaia, henu ranudia bona atai ranudia ihididia. Bena unu e vara toma.
GEN 1:8 Dirava ese una ḡau ladana e hatoa Guba. Ado e rahi, daba e rere, dina iharuana.
GEN 1:9 Dirava ma eto, Guba henunai e miamu ranudia na ae hahebou, gabu tamona ai, tano kaukauna baine hedinarai. Bena unu e vara toma.
GEN 1:10 Dirava ese tano kaukauna ladana e hatoa Tanobada; bona ranu na edia gabu ai e hahebou ladadia e hato Davara. Dirava ese e itaia, vada e namo.
GEN 1:11 Dirava ma eto, Tanobada ai rei aine vara, bona ava idau-idau mai nadinadidia, bona huahua audia danu mai huahuadia, huahua idau-idaudia mai nadinadidia. Bena unu e vara toma:
GEN 1:12 rei e vara tanobada ai, bona ava idau-idau mai nadinadidia, bona huahua audia mai huahuadia, huahua idau-idaudia mai nadinadidia. Dirava ese e itaia, vada e namo.
GEN 1:13 Ado e rahi, daba e rere, dina ihatoina.
GEN 1:14 Dirava ma eto, Diari ae vara guba ai, dina bona hanuaboi bae haridia, bona toa ai baela, guitau bona lahara toadia, bona dina toadia, bona laḡani toadia.
GEN 1:15 Guba ai bae diari, tanobada bae hadiaria. Bena unu e vara toma.
GEN 1:16 Dirava ese diari badadia rua e kara: badana ese dina baine lohiaia, bona maraḡina ese hanuaboi baine lohiaia eto. Hisiu danu e kara.
GEN 1:17 Dirava ese guba ai e atodia, tanobada bae hadiaria totona;
GEN 1:18 dina bona hanuaboi bae lohiadia bona diari bona dibura bae hididia totona. Dirava ese e itaia, vada e namo.
GEN 1:19 Ado e rahi, daba e rere, dina ihahanina.
GEN 1:20 Dirava ma eto, Mauri ḡaudia momo davara ai ae vara, bona manu tanobada daenai ae roho guba henunai.
GEN 1:21 Bena Dirava ese lakara-donodono bona rui bona davara ai e maurimu bona e reremu ḡaudia iboudiai e karadia, bona roho manudia iboudiai danu. Dirava ese e itaia, vada e namo.
GEN 1:22 Bena Dirava ese e hanamodia, eto, Besemui ba havaradia, ba hutuma, davara idoidiai bae honu honu dae; manu danu bae vara rohoroho tanobada ai.
GEN 1:23 Ado e rahi, daba e rere, dina iha-imana.
GEN 1:24 Dirava ma eto, Tanobada ese mauri ḡaudia idau-idau baine havaradia, boromakau, bona tano ai e raumu ḡaudia, bona tanobada boromadia idau-idau ta ta ena bese ai. Bena unu e vara toma.
GEN 1:25 Bena Dirava ese tanobada boromadia idau-idau bona boromakau bona tano ai e raumu ḡaudia iboudiai e karadia, ta ta ena bese ena bese ai. Dirava ese e itaia, vada e namo.
GEN 1:26 Bena Dirava ma eto, Taunimanima aina karaia, lau laulaugu bona lau heida-idagu; davara gwarumedia bona atai manudia bona boromakau bona tanobada idoinai tano ai e raumu ḡaudia iboudiai ia ese baine biagudia.
GEN 1:27 Bena Dirava ese taunimanima e karaia, ia heida-idana, Dirava ida-idana e karaia: maruane bona hahine e karadia.
GEN 1:28 Bena Dirava ese e hanamodia, eto, Besemui ba havaradia, ba hutuma; tanobada ba hahonua bona ba biagua; davara gwarumedia bona atai manudia bona mauri ḡaudia tanobada ai e loamu iboudiai ba biagudia.
GEN 1:29 Dirava ma eto. A itaia, mai nadinadidia avadia bona mai huahuadia audia vada na henimui, amui aniani;
GEN 1:30 tanobada boromadia iboudiai danu, bona atai manudia iboudiai, bona mauri ḡaudia tanobada ai e loamu iboudiai, na ava raudia vada na henidia, adia aniani. Bena unu e vara toma.
GEN 1:31 Dirava ese e kara ḡaudia iboudiai e itadia, nanamo heherea. Ado e rahi, daba e rere, dina ihatauratoina.
GEN 2:1 Unuhetomana guba bona tanobada mai anidia vada e kara ḡuḡuru.
GEN 2:2 Dina ihahituna ai, Dirava ese ena ḡaukara idoidiai e hadokodia: dina ihahituna ai ia ese ena ḡaukara iboudiai e ato diho, e laḡa ani.
GEN 2:3 Bena Dirava ese dina ihahituna e hanamoa bona e hahelaḡaia: badina be una dina ai ena ḡaukara iboudiai e ato diho, e laḡa ani.
GEN 2:4 Guba bona ikaradia herevadia bini: ihavaradia negana ai Dirava Iehova ese tanobada bona guba e karava dinana ai,
GEN 2:5 uda audia ta be tanobada ai do we miava, aniani avadia ta do se vara; badina be Dirava Iehova ese medu tanobada ai do se hadihoa, asi tauna danu tano ibiru-henina.
GEN 2:6 A varahu be tanobada amo eme dae, tano kopina idoinai vada eme hapariparia.
GEN 2:7 Bena Dirava Iehova ese taunimanima tano ḡahuna amo e karaia, mauri laḡana ia uduna matudia ai e hahoho dobi, taunimanima na mauri tauna ai e halaoa.
GEN 2:8 Dirava Iehova ese imea ta e karaia, ladana Eden, mairiveina kahana ai, bena vada e karaia tauna unuseni ai e atoa, baine noho.
GEN 2:9 Dirava Iehova ese au danu tano ai e havaradia, ita-itadia bona ianidia nanamo audia iboudiai; mauri auna danu imea bogaraginai, namo bona dika idibaladia auna danu.
GEN 2:10 Eden imeana amo sinavai ta e aru ela, imea e hapariparia; e aru parara, sinavai hani ai ela.
GEN 2:11 Ginigunana ladana na Pison; ia be havila tanona e arua heḡeḡe: una tano ai gold e davariamu,
GEN 2:12 gold namo-hereana; bedolak bona onuku nadidia danu unuseni ai.
GEN 2:13 Sinavai iharuana ladana na Gihon: una sinavai be Etiopia tanona e arua heḡeḡe.
GEN 2:14 Sinavai ihatoina ladana na Tigris: ia be Asuria tanona mairiveina kahana amo e aru Iaomu. Sinavai ihahanina na Eufrate.
GEN 2:15 Dirava Iehova ese hari tau e abia, Eden imeana ai e atoa, ia ese baine biru henis bona baine reḡua.
GEN 2:16 Dirava Iehova ese hari tau e haduaia, eto, Imea audia iboudiai huahuadia bavani, emu ura heḡereḡerena;
GEN 2:17 a namo bona dika idibalaidia auna huahuana una mo basio ania; badina be ia bavania dinana ai oi na ba mase vaitani.
GEN 2:18 Dirava Iehova ma eto, Hari tau na sibona baine noho na dia namo; lau ese ia bamona aina karaia.
GEN 2:19 Bena Dirava Iehova ese tano amo tanobada boromadia iboudiai e karadia, bona atai manudia iboudiai danu. Bena ia ese hari tau, Adam, vairanai e hakaudia, baine diba ia ese ladadia ede baine hato toma: mauri ḡaudia iboudiai ta ta Adam ese ladadia e hato.
GEN 2:20 Taunabunai, Adam ese boromakau iboudiai ladadia e hato, bona atai manudia bona tanobada danu; a Adam na asi bamona ta ia baine durua.
GEN 2:21 Bena Dirava Iehova ese Adam e hamahutaia hedavauhe. Bena ruduna turiana ta e abia lasi, turia gabuna be hidio ai e daia ahu.
GEN 2:22 Bena Dirava Iehova ese Adam ena amo e abia lasi turiana na hahine ta e karalaia, Adam dekena e laohaia.
GEN 2:23 Bena Adam eto, Ina na turiagu turiana bona hidiogu hidiona: ladana bae hatoa Hahine, badina be Tau ena amo vada e abia lasi.
GEN 2:24 Badina bunai tau ese tamana sinana baine rakatanidia, adavana baine badinaia, raruosi na anidia tamona ai baela.
GEN 2:25 Idia raruosi, Adam mai adavana ida, na asi edia riorio ḡaudia, to asie hemaraiva.
GEN 3:1 Gaigai ena aonega ese Dirava Iehova e kara boromadia iboudiai edia aonega e hereadia. Ia ese hahine e nanadaia, eto, Momokani Dirava eto umui na imea audia ta huahuana basio ani a?
GEN 3:2 Bena hahine ese gaigai e haere henia, eto, Imea audia huahuadia baia ani;
GEN 3:3 to Dirava eto “Imea bogaraginai e ginimu auna huahuana basio ania bona basio daua toho, ba mase na garina”.
GEN 3:4 Gaigai ese hahine e hamaoroa, eto, Momokani, umui na basio mase:
GEN 3:5 Dirava vada dibana raruosi bavania dinana ai na matamui bae papa, bena Dirava ida ba heḡereḡere, namo bona dika ba diba.
GEN 3:6 Hahine ese e itaia, una au huahuana be aniani ḡauna namona, ita-itana danu namo, bona lalo-parara ihavarana ḡauna; bena ia ese e abia, adavana danu e henia, ia danu e ania.
GEN 3:7 Bena raruosi matadia e papa, vada e diba idia na ḡaḡaedia mo nonoho; bena idia ese suke raudia e turi hebou, edia riorio ḡaudia e kara.
GEN 3:8 Bena raruosi ese Dirava Iehova gadona e kamonai, ia na dina kerumana ai imea lalonai e loava; bena Adam mai adavana ida Dirava Iehova vairana amo e komu, imea audia muridiai.
GEN 3:9 Bena Dirava Iehova ese Adam e boi henia, eto, Oi na edeseni ai?
GEN 3:10 Ia na e haere, eto, Gadomu imea lalonai na kamonai, bena vada na gari, badina be ḡaḡaegu mo na noho, taunabunai na komu.
GEN 3:11 Dirava Iehova eto, Daika ese e hamaorumu oi na ḡaḡaemu mo noho? Lau na haduamu basio ania nato huahuana vada o ania a?
GEN 3:12 Adam e haere, eto, Vada o henigu baine bamogu hahinena ese una au huahuana e henigu, bena na ania.
GEN 3:13 Bena Dirava Iehova ese hahine e gwau henia, eto, Ina na dahaka vada o karaia? Hahine na eto, Gaigai ese e koigu, bena na ania.
GEN 3:14 Bena Dirava Iehova ese gaigai e gwau henia, eto, Unu vada o kara toma dainai, emu dika davana be boromakau iboudiai bona uda boromadia iboudiai edia dika davadia baine hereadia: kopamu ai do ba rau, tano ḡahuna bavania, emu mauri dinadia iboudiai.
GEN 3:15 Lau ese oi bona hahine baina haheinai hehenimui, oi garamu bona ia garana danu baina haheinai hehenidia. Ia ese oi kwaramu baine huaria, bona oi ese ia aena geduna ba tutua.
GEN 3:16 Hahine danu e gwau henia, eto, Emu rogorogo hisina lau ese baina habadaia; hisihisi ai ba mara, to adavamu ba ura henia, ia ese biagumu ai bainela.
GEN 3:17 Adam danu e gwau henia, eto, Adavamu erena o kamonai, bena na haduamu basio ania nato huahuana vada o ania, una dainai tano vada baine dika oi bagumu ai. Tano anina bavania mai hekwarahimu ida emu mauri dinadia iboudiai.
GEN 3:18 Au giniginidia bona ava ḡiniḡinidia danu tano ai bae vara oiemu ai. Tanobada avadia anidia do bavani.
GEN 3:19 Vairamu varahuna ai bavaniani ela bona tano ba lou henia, badina be tano amo oma. Oi na tano ḡahuna: tano ḡahuna danu do ba lou henia.
GEN 3:20 Bena Adam ese adavana ladana e hatoa Heva badina be ia na mauri taudia iboudiai sinadia.
GEN 3:21 Bena Dirava Iehova ese boromakau kopidia amo hahedoki dabuadia e kara, Adam ena bona adavana Heva ena, raruosi e hadabualaidia.
GEN 3:22 Bana Dirava Iehova eto, Taunimanima a itaia, ia na lau heḡereḡeregu ai vada ela, namo bona dika baine diba; readia ia ese imana ma baine toia roro, mauri auna huahuana baine abia, baine ania, bena baine mauri hanai-hanai.
GEN 3:23 Taunabunai Dirava Iehova ese Moale imeana lalona amo e lulua lasi, tano amo e vara tanona baine biru henia.
GEN 3:24 Ia ese Adam e lulua lasi; bena Moale imeana mairiveina kahana ai kerubi e haginidia, bona lahi darena e atoa, una dare matana e hegiro hanaihanaiva, mauri auna ilao-henina dalana e laoa ahu.
GEN 4:1 Adam na adavana Heva ida e eno bou: bena Heva e rogorogo, e mara, Kain e abia; eto, Tau ta Iehova ena amo vada name abia.
GEN 4:2 Ma e rogorogo lou, e mara, tadina Abel e abia. Abel na mamoe ireḡudia tauna a Kain na biru tauna.
GEN 4:3 Nega ta ai Kain ese tano anidia e mailai, Iehova ena boubou ḡauna ai baine halaoa eto.
GEN 4:4 Abel danu ena mamoe serina roboadia mai digaradia e mailaidia. Bena Iehova ese Abel ena boubou ḡauna e haḡerea,
GEN 4:5 a Kain ena boubou ḡauna se hagerea. Kain na e badu dikadika, bena vairana e huaia.
GEN 4:6 A Iehova ese Kain e gwau henia, eto, Badina be dahaka o badumu? Dahaka dainai vairamu o huaiamu?
GEN 4:7 Boma kara namo, basinama abimu dae a? Basioma kara namo, kara havara be iduara badinai e narimumu; e ura henimumu, to oi ese ba hadarerea.
GEN 4:8 Bena Kain ese tadina Abel e hereva henia, eto, Aitala uma. Bena raruosi na uma ai e nohova negana ai Kain ese tadina Abel e heatu henia, e alaia mase.
GEN 4:9 Bena Iehova ese Kain e nanadaia, eto, Tadimu Abel be edeseni ai? Ia na e haere, eto, Lau na asi dibagu; be, lau na tadigu igimana tauna a?
GEN 4:10 Iehova ma eto, Dahaka vada o karaia? Tadimu rarana gadona na tano amo vada e tai henigumu.
GEN 4:11 Harihari ela, uduna e haḡaia tadimu rarana imamu amo e abia tanona ese baine hadikamu.
GEN 4:12 Harihari ela, ba biru negadia ai na tano ese anina basine henimu. A oi na heau bona loa kava tauna ai do baola tanobada ai.
GEN 4:13 Bena Kain ese Iehova e hamaoroa, eto, Egu dika davana na metau herea; egu haheauka basine heḡereḡere.
GEN 4:14 A laloa, oi ese hari dina ai tanobada kopina amo vada o lulugu oho, vairamu danu egu amo vada o hunia. Lau na heau bona loa kava taugu ai bainala tanobada ai; taunabunai, baine davarigu tauna ese baine alagu mase.
GEN 4:15 Bena Iehova ese Kain e hamaoroa, eto, Kain baine alaia tauna na davana bae henia hahitu. Bena Iehova ese Kain enai toa ta e atoa, lau ta ese idavarina negana ai bema alaia na garina.
GEN 4:16 Bena Kain na Iehova vairana amo e raka lasi, Nod tanona ai eha noho, Eden mairiveina kahana ai.
GEN 4:17 Bena Kain na adavana ida e eno bou; bena hahine na e rogorogo, e mara, Enok e abia. Bena Kain ese hanua ta e hadaia, una hanua ladana e hatoa Enok, natuna ladana heḡereḡerena.
GEN 4:18 Enok natuna na Irad. Irad ese Mehuiael e havaraia, bona Mehuiael ese Metusael e havaraia, bona Metusael ese Lamek e havaraia.
GEN 4:19 Lamek e hodara: adavana ta ladana na Ada, ma ta ladana na Sila.
GEN 4:20 Ada e mara, Iabal e abia: ia na dabua kalagadia ai e nohomu bona boromakau e reḡudiamu taudia senedia.
GEN 4:21 Ia tadina ladana na Iubal: ia na gitara bona ivilikou e hataimu taudia senedia.
GEN 4:22 A Sila na e mara, Tubala-Kain e abia: ia na auri-laboralabora bona auri iḡaukaralaidia tauna ai ela. Hari Tubala-Kain taihuna ladana na Naamaha.
GEN 4:23 Bena Lamek ese adavana raruosi e hereva henidia, eto, Ada bona Sila, a hakala henigu! Adavagu raruosi e, egu hereva a kamonai! Tau ta ese e haberogu, na alaia; Tauhau ta ese e botagu, na alaia mase.
GEN 4:24 Kain dainai dava bae henia hahitu e tomu; Benaini, Lamek dainai dava bae henia hahitu-ahui hitu.
GEN 4:25 Bena Adam na adavana ida ma e eno bou: bena hahine e rogorogo, e mara, mero ta e abia, ladana e hatoa Set: eto, Dirava ese natugu ta vada eme henigu, Abel Kain ese e alaia mase tauna, ibolona.
GEN 4:26 Bena Set ese natuna e havaraia, ladana e hatoa Enos. Una negana ai taunimanima ese Iehova ladana e hahanea matama.
GEN 5:1 Adam besena karoana binai. Dirava ese taunimanima e karaia dinana ai ia ese Dirava ida-idana ai e karaia.
GEN 5:2 Maruane bona hahine e karadia, ladadia e hato Taunimanima; e karadia dinana ai danu e hanamodia.
GEN 5:3 Adam ena mauri laḡanidia na sinahu-ta toi-ahui negana ai, ia ese natuna ta e havaraia, ia ida-idana ai bona ia heḡereḡerena ai; bena ladana e hatoa Set.
GEN 5:4 Set e vara murinai Adam ma laḡani sinahu-taurahani e mauri nohova, natuna mamaruanedia bona hahinedia e havaradia.
GEN 5:5 Adam ena mauri laḡanidia iboudiai na sinahu-taurahani-ta toi-ahui: bena e mase.
GEN 5:6 Set ena mauri laḡanidia na sinahu-ta dikoana ima negana ai, ia ese Enos e havaraia;
GEN 5:7 bena Enos e vara murinai Set na laḡani sinahu-taurahani dikoana hitu e mauri nohova, natuna mamaruanedia bona hahinedia e havaradia.
GEN 5:8 Set ena mauri laḡanidia iboudiai na sinahu-taurahani-ta gwautarua: bena e mase.
GEN 5:9 Enos ena mauri laḡanidia na taurahani-ta-ahui negana ai, ia ese Kenan e havaraia;
GEN 5:10 bena Kenan e vara murinai Enos na laḡani sinahu-taurahani gwauta-ima e mauri nohova, natuna mamaruanedia bona hahinedia e havaradia.
GEN 5:11 Enos ena mauri laḡanidia iboudiai na sinahu-taurahani-ta dikoana ima: bena e mase.
GEN 5:12 Kenan ena mauri laḡanidia na hitu-ahui negana ai, ia ese Mahalalel e havaraia;
GEN 5:13 bena Mahalalel e vara murinai Kenan na laḡani sinahu-taurahani hari-ahui e mauri nohova, natuna mamaruanedia bona hahinedia e havaradia.
GEN 5:14 Kenan ena mauri laḡanidia iboudiai na sinahu-taurahani-ta bona gwauta: bena e mase.
GEN 5:15 Mahalalel ena mauri laḡanidia na tauratoi-ahui ima negana ai, ia ese Iared e havaraia;
GEN 5:16 bena Iared e vara murinai Mahalalel na laḡani sinahu-taurahani toi-ahui e mauri nohova, natuna mamaruanedia bona hahinedia e havaradia.
GEN 5:17 Mahalalel ena mauri laḡanidia iboudiai na sinahu-taurahani taurahani-ta-ahui ima: bena e mase.
GEN 5:18 Iared ena mauri laḡanidia na sinahu-ta tauratoi-ahui rua negana ai, ia ese Enok e havaraia;
GEN 5:19 bena Enok e vara murinai Iared na laḡani sinahu-taurahani e mauri nohova, natuna mamaruanedia bona hahinedia e havaradia.
GEN 5:20 Iared ena mauri laḡanidia iboudiai na sinahu-taurahani-ta tauratoi-ahui rua: bena e mase.
GEN 5:21 Enok ena mauri laḡanidia na tauratoi-ahui ima negana ai, ia ese Metusela e havaraia.
GEN 5:22 Metusela e vara murinai Enok na Dirava ida e hebamo heheniva ela bona laḡani sinahu-toi e ore; natuna mamaruanedia bona hahinedia danu e havaradia.
GEN 5:23 Enok ena mauri laḡanidia na sinahu-toi tauratoi-ahui ima;
GEN 5:24 ia na Dirava ida e hebamo heheniva, murinai tau ta ese se itaia lou, badina be Dirava ese e abia.
GEN 5:25 Metusela ena mauri laḡanidia na sinahu-ta taurahani-ahui hitu negana ai, ia ese Lamek e havaraia;
GEN 5:26 bena Lamek e vara murinai Metusela na laḡani sinahu-hitu taurahani-ahui rua e mauri nohova, natuna mamaruanedia bona hahinedia e havaradia.
GEN 5:27 Metusela ena mauri laḡanidia iboudiai na sinahu-taurahani-ta tauratoi-ahui taurahani-ta: bena e mase.
GEN 5:28 Lamek ena mauri laḡanidia na sinahu-ta taurahani-ahui rua negana ai, ia ese natuna ta e havaraia,
GEN 5:29 ladana e hatoa Noa. Ia eto, Iehova ese vada e hadikaia tanona amo ina mero ese baine harohoda mauri, imada ḡaukaradia bona eda hekwarahi amo baita laḡa ani.
GEN 5:30 Noa e vara murinai Lamek na laḡani sinahu-ima taurahani-ta-ahui ima e mauri nohova, natuna mamaruanedia bona hahinedia e havaradia.
GEN 5:31 Lamek ena mauri laḡanidia iboudiai na sinahu-hitu hitu-ahui hitu: bena e mase.
GEN 5:32 Noa ena mauri laḡanidia na sinahu-ima negana ai, ia ese Sem bona Ham bona Iafet e havaradia.
GEN 6:1 Nega vada e gini dae taunimanima vada e hutuma tanobada ai, natudia hahinedia danu vada e havaradia.
GEN 6:2 Bena Dirava natuna verina ese taunimanima natudia hahinedia e itadia, i'itadia, nanamo; bena e ura henidia ulatodia na e adavadia.
GEN 6:3 Bena Iehova eto, Lau laumagu na taunimanima lalodiai basine noho hanaihanai, badina be idia na hidio kavakava mo: edia mauri laḡanidia bae sinahu-ta ruahui hona.
GEN 6:4 Una dinadia ai taunimanima ḡaḡau-babadadia tanobada ai e nohova. Dirava natuna verina ese taunimanima natudia hahinedia e adavadia negadia ai na natudia e havaradia: unu na taunimanima ḡaḡau-babadadia nega gunadia ai e nohova; sivaraidia danu babada.
GEN 6:5 Iehova ese taunimanima edia kara havara e itaia, vada e bada herea tanobada ai, edia lalo-hadai iboudiai danu didika.
GEN 6:6 Bena Iehova e helalo, taunimanima e havaradia tanobada ai dainai; lalona e hisihisi danu.
GEN 6:7 Bena Iehova eto, Taunimanima, na karaia ḡauna, na tanobada kopina amo baina abia oho; oibe, taunimanima bona boroma bona tano ai e raumu ḡaudia bona atai manudia danu; badina be na helalomu, na havaridia dainai.
GEN 6:8 A Noa be Iehova ese e lalo namo heniava.
GEN 6:9 Noa sivaraina binai: Noa na kara maoromaoro tauna, ena uru ai e kara namo ḡuḡuruva. Ia na Dirava ida e havamo heheniva.
GEN 6:10 Noa ese natuna mamaruanedia tatoi e havaradia: Sem bona Ham bona Iafet.
GEN 6:11 Tanobada na dika, Dirava vairanai: tanobada idoinai daḡedaḡe ai e honu honu dae.
GEN 6:12 Dirava ese tanobada e itaia, vada e dika rohoroho; badina be taunimanima iboudiai ese edia kara vada e hadika tanobada ai.
GEN 6:13 Bena Dirava ese Noa e hereva henia, eto, Mauri ḡaudia iboudiai dokodia be lau vairagu ai vada eme kau; badina be idia daidiai tanobada na daḡedaḡe ai veda eme honu honu dae, taunabunai, lau ese baina habuadia tari tanobada ai.
GEN 6:14 A oi na sida audia amo lagatoi auta ba karaia; ia lalonai daiutu ba kara; bona lalona bona murina ba demadia ahu.
GEN 6:15 Ini ba karaia toma: latana na roha hitu-ahui ima; lababana roha gwauta-rua mai kahana; bona harana ena lata na roha hitu mai kahana.
GEN 6:16 Gaba-maurana ba karaia, ena dobu roha kahana mo; iduara danu ba karaia ohena ai, ere danu bae toi, ta henu ai, ma ta ia daenai, ma ihatoina danu iharuana daenai.
GEN 6:17 Badina be lau e e utu-utu badana tanobada baina ha-utua dae, mauri ḡaudia iboudiai guba henuna amo ihabua-taridia; ḡau iboudiai tanobada ai do bae mase ore.
GEN 6:18 A taravagu oiemu ai baina atua, baina hamomokania; oi ma lagatoi ai ba gui, oi bona natumu bona adavamu bona ravamu hahinedia.
GEN 6:19 Mauri ḡaudia iboudiai idau-idau rua amo lagatoi ai ba hakaudia vareai, idia danu bae mauri; maruane ta, hahine ta, unu bavabidia toma.
GEN 6:20 Manu idau-idau, boromakau idau-idau, tano ai e raumu ḡaudia idau-idau, rua rua amo bae vasi, vada bae mauri.
GEN 6:21 Aniani ḡaudia idau-idau iboudiai danu bavabi kau, oiamu bona idia adia.
GEN 6:22 Bena Noa na unu e kara toma, Dirava ese e haduaia heḡereḡerena.
GEN 7:1 Iehova ese Noa e hamaoroa, eto, Emu ruma taudia iboudiai lagatoi lalonai ba hakaudia vareai, badina be vada na itamu, ina uru ai oi sibomu kara maoromaoro taumu.
GEN 7:2 Mauri ḡaudia iboudiai tanobada ai bavabidia: ḡoevaḡoevadia na hitu hitu amo bavabidia, maruane hitu hahine hitu, unu bavabidia toma; a asi ḡoevaḡoevadia na rua rua amo, maruane ta hahine ta bavabidia.
GEN 7:3 Atai manudia idau-idau danu bavabidia, maruane hitu hitu amo, hahine hitu hitu amo, besedia na tanobada ai do bae vara lou helaoreana.
GEN 7:4 Badina be dina hitu bae ore murinai lau ese medu baina hadihoa tanobada ai, dina hari-ahui boi hari-ahui, mauri ḡaudia iboudiai tanobada ai vada na karadia ihabua-taridia totona.
GEN 7:5 Bena Iehova ona hahedua iboudiai na Noa ese e kara ḡuḡuru.
GEN 7:6 Noa ena mauri laḡanidia na sinahu tauratoi negana ai, utu-utu badana ese tanobada idoinai e utua dae.
GEN 7:7 Bena Noa bona natuna bona adavana bona ravana hahinedia laḡatoi ai e gui, utu-utu dainai.
GEN 7:8 Mauri ḡaudia ḡoevaḡoevadia bona asi ḡoevaoḡoevadia, bona manu, bona tano ai e raumu ḡaudia,
GEN 7:9 iboudiai na rua rua amo, maruane bona hahine, Noa ida e gui kau lagatoi ai, Dirava ese Noa e haḡania heḡereḡerena.
GEN 7:10 Bena dina hitu e ore murinai, utu-utu badana na tanobada idoinai e utua dae.
GEN 7:11 Noa ena mauri laḡanina ihasinahu-tauratoina, hua iharuana, hua dinana ihagwauta-hituna, abata bada-hereana e lasi bona medu bada-hereana e diho matama.
GEN 7:12 Una medu na dina hari-ahui boi hari-ahui e dihova.
GEN 7:13 Una dina ai Noa mai adavana ida, bona natuna tatoiosi, Sem bona Ham bona Iafet, mai adavadia ida, lagatoi ai e gui.
GEN 7:14 Boroma bona horomakau idau-idau danu, bona tano ai e raumu ḡaudia idau-idau, bona manu idau-idau, e gui kau;
GEN 7:15 mauri ḡaudia ibouboudiai rua rua amo, Noa ida lagatoi ai e gui,
GEN 7:16 maruane hahine ida e gui kau, Dirava ena hahedua heḡereḡerena. Bena Iehova ese lagatoi ai e koudia ahu.
GEN 7:17 Dina hari-ahui lalodiai utu-utu na tanobada idoinai e utua daeva, e bada e laova, a lagatoi e keni dae atai ai.
GEN 7:18 Utu-utu na e bada e laova; a lagatoi na ranu kopina ai e hureva.
GEN 7:19 Utu-utu na tanobada idoinai e utua dae vaitani; ororo iboudiai guba henunai e miava na e bubuni;
GEN 7:20 ororo doridia ai ranu ena dobu na roha hani mai kahana.
GEN 7:21 Bena mauri ḡaudia iboudiai tanobada ai e mase, manu bona boromakau bona boroma idau-idau bona tano ai e raumu ḡaudia bona taunimanima;
GEN 7:22 tano kaukauna ai e mauri nohova ḡaudia, ududia ai mai edia mauri laḡana ḡaudia, ibouboudiai e mase ore.
GEN 7:23 Tano kopina ai e mauriva ḡaudia iboudiai na e hebua tari, taunimanina bona boromakau bona tano ai e raumu ḡaudia bona atai manudia. Noa mo sibona, bona ia ida lagatoi ai e nohova ḡaudia, vada e mauri.
GEN 7:24 Ranu ese tanobada e habubunia ela bona dina sinahu-ta imahui.
GEN 8:1 Dirava ese Noa e laloa tao, bona mauri ḡaudia iboudiai bona boromakau ia ida lagatoi ai e gui danu e lalodia tao. Bena Dirava ese lai ta e siaia tanobada ai; bena ranu na e kororo.
GEN 8:2 Ranu e lohi lohi daeva gabudia bona guba iduaradia danu e kou ahu, guba amo e dihova meduna danu e hadokoa.
GEN 8:3 Ranu na metaira-metaira tano amo e louva, e maraḡi e laova,
GEN 8:4 ela bona hua ihahituna ena dina ihagwauta-hituna ai lagatoi e kuia kau Ararat ororona ai.
GEN 8:5 Ranu ma e maraḡi e laova, ela bona hua ihagwautana ena dina gini-gunana ai ororo doridia e hedinarai.
GEN 8:6 Dina hari-ahui ma e ore, bena Noa ese lagatoi gaba-mauruna e kehoa, mukou ta e harohoa;
GEN 8:7 una mukou e roho eva-eva ela bona ranu tanobada amo e kororo vaitani.
GEN 8:8 Pune ta danu e harohoa, baine diba ranu na tanobada kopina ai vada e maraḡi eiava lasi.
GEN 8:9 To pune na ena roho-kau gabuna ta se davaria, bena Noa dekena e lou lao lagatoi ai, badina be ranu ese tanobada kopina idoinai vada e habubunia. Bena Noa ese imana e toia roro, lagatoi lalonai e abia vareai.
GEN 8:10 Ia na dina hitu ma e noho; bena pune na lagatoi amo ma e harohoa.
GEN 8:11 Adorahi ai pune na e lou ela dekenai, uduna ai be olive rauna ta, ia ese vada e koria utu ḡauna; bena Noa vada e diba ranu na tanobada ai vada e maraḡi.
GEN 8:12 Dina hitu ma e noho; bena pune ma e harohoa; bena ia na vada se lou lagatoi ai, lasi vaitani.
GEN 8:13 Laḡani sinahu-tauratoi dikoana ta, hua gini-gunana ena dina gini-gunana ai, ranu na e kororo vaitani tanobada ai. Bena Noa ese lagatoi e kehoa, tanobada kopina e itaia, vada e kaukau.
GEN 8:14 Hua iharuana ena dina iharuahui-hituna ai tanobada e kaukau vaitani.
GEN 8:15 Bena Dirava ese Noa e hereva henia, eto,
GEN 8:16 Laḡatoi amo ba diho mai adavamu ida, bona natumu mai adavadia ida.
GEN 8:17 Mauri ḡaudia iboudiai oi dekemu ai danu ba rakalaidia lasi, manu bona boromakau bona tano ai e raumu ḡaudia iboudiai. Bae vara rohoroho, bae mara momomomo, bae hutuma.
GEN 8:18 Bena Noa na e diho, ia bona natuna bona adavana bona ravana.
GEN 8:19 Boroma idoudiai danu bona manu iboudiai, bona tano ai e raumu ḡaudia iboudiai, ibouboudiai na lagatoi amo e didi didi lasi.
GEN 8:20 Bena Noa ese ihaboulaina patana ta e larebaia Iehova ena; bena boroma ḡoevaḡoevadia bona manu ḡoevaḡoevadia iboudiai edia amo hidaosi e abidia, pata latanai e aladia, lahi ai e haḡoledia oho.
GEN 8:21 Bena Iehova ese bonana namona e kamonai negana ai, ia eto, Tanobada na basina hadikaia lou taunimanima daidiai, badina be edia lalo-hadai be didika, maraḡidia negadia ela; mauri ḡaudia iboudiai danu basina aladia ore lou, vanegai na aladia na heto.
GEN 8:22 Tanobada baine mia negadia ai na hadohado bona ḡeiḡei, keru bona sioahu, lahara bona guitau, dina bona boi, basie doko.
GEN 9:1 Dirava ese Noa mai natuna ida e hanamodia, eto, Besemui ba havaradia, bae vara rohoroho, tanobada bae hahonua.
GEN 9:2 Tanobada boromadia iboudiai bona atai manudia iboudiai bona tano ai e raumu ḡaudia iboudiai bona davara gwarumedia iboudiai ese garimui bae gari; umui ese danu ba biagudia.
GEN 9:3 E maurimu bona e loamu ḡaudia iboudiai na amui vamu; aniani avadia vada na henimui heḡereḡerena, ini danu na henimuimu, amui;
GEN 9:4 ḡau tamona, hidio mai rarana basio ania, badina be rara na mauri badina.
GEN 9:5 Umui raramui danu, emui mauri badina, davana baina abia: boroma enai baina abia eiava taunimanima enai baina abia; taunimanima enai tadikakana rarana davana baina abia.
GEN 9:6 Taunimanina baine alaia mase tauna na taunimanima ese bae alaia mase; badina be Dirava ese taunimanima e karadia, ia ida-idana.
GEN 9:7 Benaini, besemui ba havaraida, bae hutuma; tanobada ai bae vara rohoroho, hae hutuma bada.
GEN 9:8 Bena Dirava ese Noa mai natuna ida ma e hereva henidia, eto,
GEN 9:9 Lau o ina, egu taravatu umui bona murimui bae vara garamui na henimuimu;
GEN 9:10 mauri ḡaudia iboudiai danu umui ida nonoho na henidiamu, manu bona bokomakau bona tanobada boromadia iboudiai na henidiamu, lagatoi amo e raka lasi ḡaudia iboudiai.
GEN 9:11 Egu taravatu lau ese baina badinaia umui emui ai: mauri ḡaudia na utu-utu ta ese basine aladia lou; utu-utu badana ta basine utua dae lou, tanobada basine hadikaia lou.
GEN 9:12 Dirava ma eto, Egu taravatu na henimuimu, lauegu bona umui emui danu, mauri ḡaudia umui ida nonoho iboudiai edia danu, ela bona uru iboudiai, toana binai:
GEN 9:13 egu kevau dagadaga ai na atoamu, taravatu toana ai bainela, lauegu bona tanobada ena.
GEN 9:14 Taunabunai, lau ese dagadaga tanobada baina hadagahulaia negana ai na kevau be dagadaga ai ba itaia.
GEN 9:15 Bena egu taravatu baina laloa, lauegu, umui emui bona mauri ḡaudia iboudiai edia danu: utu-utu badana ta basina ha-utua dae lou, mauri ḡaudia basina habuadia tari lou.
GEN 9:16 Kevau na dagadaga ai baine hedinarai, bena baina itaia negana ai, hari mia-hanaihanai taravatuna, lau Dirava bona tanobada ena mauri ḡaudia iboudiai padadai, baina laloa tao.
GEN 9:17 Dirava ese Noa ma e hamaoroa, eto, Lauegu ai bona mauri ḡaudia iboudiai ediai na atuamu taravatuna toana binai.
GEN 9:18 Noa natuna mamaruanedia, lagatoi amo e raka lasi taudia, ladadia na Sem bona Ham bona Iafet. Ham na Kanaan tamana.
GEN 9:19 Noa natuna tatoiosi bunu; tanobada besedia iboudiai na idia tatoiosi ese e havaradia.
GEN 9:20 Unu dinadia ai Noa eha biru, vine imeana e hadoa.
GEN 9:21 Bena vine ranuna e inua, e kekero; bena ena kalaga ai e hekure, asi dabuana.
GEN 9:22 Bena Ham, Kanaan tamana, ese tamana na ḡaḡaena mo e itaia; bena e raka lasi, tadikakana raruosi e hamaorodia.
GEN 9:23 Bena Sem bona Iafet ese dabua ta e abia, paḡadia ai e idia roro, e rakalaia muri, asie roha kerehai, ela tamadia e tarua, ḡaḡaena mo bae itaia na garina.
GEN 9:24 Noa ena kekero amo e noga, bena e diba natuna ihararuana ede vada e karaia toma. Bena eto,
GEN 9:25 Kanaan ihabaina! Tadikakana edia hesiai taudia edia hesiai tauna ai bainela.
GEN 9:26 Ma eto, Iehova, Sem ena Dirava, aita imodaia; Kanaan ese ia isiaina baine lao heni.
GEN 9:27 Dirava ese Iafet baine hanamoa, Sem ena dabua kalagadia ai baine noho, Kanaan ese ia isiaina baine lao heni.
GEN 9:28 Utu-utu badana murinai Noa na laḡani sinahu-toi imahui e mauri nohova.
GEN 9:29 Ena mauri laḡanidia iboudiai na sinahu-taurahani-ta imahui: bena e mase.
GEN 10:1 Noa natuna tatoisi, Sem bona Ham bona Iafet, garadia bini, utu-utu badana murinai e havaradia.
GEN 10:2 Iafet natuna bini: Gomere bona Magog bona Madai bona Iavan bona Tubal bona Mesek bona Tira.
GEN 10:3 Gomere natuna bini: Asakena bona Rifat bona Togarama.
GEN 10:4 Iavan natuna bini: Elisa bona Tarasisi; bona Kitim besena bona Dodanim besena danu ia ese e havaradia.
GEN 10:5 Idia edia amo kone taudia iboudiai e vara, edia bese idau-idau ai bona edia gado idau-idau ai.
GEN 10:6 Ham natuna bini: Kusu bona Misraim bona Put bona Kanaan.
GEN 10:7 Kusu natuna bini: Seba bona Havila bona Sabata bona Raama bona Sabateka. Raama natuna bini: Seba bona Dedan.
GEN 10:8 Kusu ese danu Nimrod e havaraia; ia na lohia tauna gini-gunana tanobada ai.
GEN 10:9 Ia danu hetaraki tauna mai goadana Iehova vairanai; una dainai taunimanima edia hereva ta e tomu “Hetaraki tauna mai goadana Iehova vairanai, Nimrod bamona”.
GEN 10:10 Matamana ai ena basileia na Babel bona Ereke bona Akad bona Kalne, Sinara tanona ai.
GEN 10:11 Una tano amo e raka lasi, Asuria ela, Nineve hanuana e hadaia, ariarana mai lababadia e kara. Kala hanuana danu e hadaia,
GEN 10:12 bona Resene, Nineve bona Kala padadiai: ia na hanua bada-hereana.
GEN 10:13 Misraim ese e havaradia besedia bini: Ludim bona Anamim bona Lehabim bona Napatuhim
GEN 10:14 bona Patarusim bona Kasaluhim bona Kaftorim. Filistia taudia na Kasaluhim besena amo e vara.
GEN 10:15 Kanaan natuna bini: Sidono, tau roboana, bona Het.
GEN 10:16 E havaradia besedia danu bini: Iebusu bona Amoro bona Girigasa
GEN 10:17 bona Hivi bona Araka bona Sini
GEN 10:18 bona Aravada bona Semara bona Hamat. Gabeamo Kanaan iduhudia na e karoho, kaha idau-idau ai eha noho;
GEN 10:19 edia tano na Sidono amo e laomu ela bona Gasa, Gerara kahana ai, bona Lasa, Sodoma bona Gomora bona Adma bona Seboimi kahadia ai.
GEN 10:20 Ini iboudiai, mai edia iduhu idau-idau bona edia gado idau-idau bona edia tano idau-idau bona edia bese idau-idau na Ham ena amo e vara.
GEN 10:21 Sem danu, Iafet kakana, Ebere natuna tamadia, natuna mamaruanedia haida ma e havaradia.
GEN 10:22 Sem natuna bini: Elam bona Asuru bona Afasad bona Lud bona Aram.
GEN 10:23 Aram natuna bini: Usu bona Hulu bona Getere bona Masa.
GEN 10:24 Afasad ese Sela e havaraia, bona Sela ese Ebere e havaraia.
GEN 10:25 Ebere natuna mamaruanedia na rarua. Ta ladana na Peleg, badina be iena nega ai tanobada besedia na e haheparara. Tadina ladana na Iokotan.
GEN 10:26 Iokotan natuna bini: Alamodad bona Selefe bona Hasaramavete bona Iera
GEN 10:27 bona Hadoram bona Usala bona Dikila
GEN 10:28 bona Obala bona Abimael bona Seba
GEN 10:29 bona Ofiri bona Havila bona Iobab. Ini iboudiai na Iokotan natuna.
GEN 10:30 Edia tano na Mesa amo e laomu, mairiveina ororona ladana Sefara kahana ai.
GEN 10:31 Ini iboudiai, mai edia iduhu idau-idau bona edia gado idau-idau bona edia tano idau-idau bona edia bese idau-idau na Sem ena amo e vara.
GEN 10:32 Noa natuna garadia bini, edia uru ai bona edia bese ai: idia edia amo tanobada besedia iboudiai e vara, utu-utu badana murinai.
GEN 11:1 Tanobada idoinai taunimanima iboudiai gadodia be tamona, eredia danu heḡereḡere.
GEN 11:2 Nega ta, mairiveina kahana amo e laolaova ai, idia ese taora ta e davaria, Sinara kahana ai, bena unuseni ai e nohova.
GEN 11:3 Bena idia na e hereva heheni, eto, Mani raro nadidia aita kara, aita tunu namonamo. Bena idia ese e tunu rarodia e abi, nadi ai e halao, bona rarokaka ta e abia, hekamo ḡauna ai e halaoa.
GEN 11:4 Bena idia ma eto, Mani hanua ta aita hadaia, bona kohoro ta danu, kohoro dorina na guba ai baine kau; unu amo harida baita hadaea, tanobada kopina ai biata loa eva-eva na garina.
GEN 11:5 Bena Iehova e diho, hanua bona kohoro Adam besena ese e latebaia baine itaia eto.
GEN 11:6 Iehova eto, Idia na bese tamona, iboudiai danu edia gado tamona; ina na idia ese eme karaia matama, gabeai ḡau ta ikarana ma bae ura, daika ese baine laodia ahu?
GEN 11:7 Aina diho, edia gado baina ha-idaua, bena edia hereva na basie hediba heheni.
GEN 11:8 Taunabunai, Iehova ese e hakarohodia rohoroho, tanobada kahadia idoidiai; edia hanua ilarebana danu e hadokoa.
GEN 11:9 Taunabunai, una gabu ladana e hatoa Babel; badina be unuseni ai Iehova ese taunimanima edia gado e ha-idaua, bona unu amo ia ese e hakarohodia rohoroho, tanobada kahadia idoidiai.
GEN 11:10 Sem garana bini. Sem ena mauri laḡanidia na sinahu ta negana ai, ia ese Afasad e havaraia, utu-utu badana laḡani rua vada e kororo murinai.
GEN 11:11 Afasad e vara murinai, Sem na laḡani sinahu-ima e mauri nohova, natuna mamaruanedia bona hahinedia e havaradia.
GEN 11:12 Afasad ena mauri laḡanidia na toi-ahui ima negana ai, ia ese Sela e havaraia.
GEN 11:13 Sela e vara murinai, Afasad na laḡani sinahu-hani dikoana toi e mauri nohova, natuna mamaruanedia bona hahinedia e havaradia.
GEN 11:14 Sela ena mauri laḡanidia na toi-ahui negana ai, ia ese Ebere e havaraia.
GEN 11:15 Ebere e vara murinai Sela na laḡani sinahu-hani dikoana toi e mauri nohova, natuna mamaruanedia bona hahinedia e havaradia.
GEN 11:16 Ebere ena mauri laḡanidia na toi-ahui hani negana ai, ia ese Peleg e havaraia.
GEN 11:17 Peleg e vara murinai, Ebere na laḡani sinahu-hani toi-ahui e mauri nohova, natuna mamaruanedia bona hahinedia e havaradia.
GEN 11:18 Peleg ena mauri laḡanidia na toi-ahui negana ai, ia ese Reu e havaraia.
GEN 11:19 Reu e vara murinai, Peleg na laḡani sinahu-rua dikoana taurahani-ta e mauri nohova, natuna mamaruanedia bona hahinedia e havaradia.
GEN 11:20 Reu ena mauri laḡanidia na toi-ahui rua negana ai, ia ese Serug e havaraia.
GEN 11:21 Serug e vara murinai, Reu na laḡani sinahu-rua e mauri nohova, natuna mamaruanedia bona hahinedia e havaradia.
GEN 11:22 Serug ena mauri laḡanidia na toi-ahui negana ai, ia ese Nahoro e havaraia.
GEN 11:23 Nahoro e vara murinai, Serug na laḡani sinahu-rua e mauri nohova, natuna mamaruanedia bona hahinedia e havaradia.
GEN 11:24 Nahoro ena mauri laḡanidia na ruahui taurahani-ta negana ai ia ese Tera e havaraia.
GEN 11:25 Tera e vara murinai, Nahoro na laḡani sinahu-ta gwauta taurahani-ta e mauri nohova, natuna mamaruanedia bona hahinedia e havaradia.
GEN 11:26 Tera ena mauri laḡanidia na hitu-hitu negana ai, ia ese Abram bona Nahoro bona Haran e havaradia.
GEN 11:27 Tera garana bini: Tera ese Abram bona Nahoro bona Haran e havaradia. Haran ese Lot e havaraia.
GEN 11:28 Tamana Tera do se mase negana ai, Haran e mase guna, e vara gabuna ai, Uru, Kaldea taudia edia hanua ta, unuseni ai eha mase.
GEN 11:29 Abram e headava; Nahoro danu e headava. Abram adavana ladana na Sarai. Nahoro adavana ladana na Milka, Haran natuna. Una Haran natuna na Milka bona Iska.
GEN 11:30 Sarai na e gabani.
GEN 11:31 Tera ese natuna Abram bona tubuna Lot, Haran natuna, bona ravana Sarai, Abram adavana, e abidia, Kaldea taudia edia hanua, Uru, amo e hakaudia lasi, Kanaan tanona baela eto. Bena gabu ta ai e kau, ladana Haran, unuseni ai e noho.
GEN 11:32 Tera ena mauri laḡanidia iboudiai na sinahurua dikoana ima Tera na Haran ai e mase.
GEN 12:1 Una negana ai Iehova ese Abram e hamaoroa, eto, Emu tano bona varavaramu bona tamamu ena ruma ba rakatanidia, lau ese baina hamaorolaimu tanona baola.
GEN 12:2 Lau ese bese badana ai baina halaomu; baina hanamomu, ladamu baina imodaia, hahenamo tauna ai baola.
GEN 12:3 Oi bae hanamomu taudia na baina hanamodia, a oi baine hadikamu tauna na baina hadikaia. Oi daimu ai tanobada besedia idoidiai do bae namo.
GEN 12:4 Bena Abram na vada ela, Iehova ese e haduaia heḡereḡerena; Lot danu ia ida ela.
GEN 12:5 Abram ena mauri laḡanidia na hitu-ahui ima, Haran e rakatania negana ai. Abram ese adavana Sarai bona vavana Lot e hakaudia lao, edia kohu iboudiai bona edia hesiai memerodia Haran ai e davaridia danu e laohaidia; e tore tore isi, Kanaan tanona baela eto. Bena Kanaan tanona ai e kau.
GEN 12:6 Abram ese tano e rakaia hanai ela Sekem, ela bona au helaḡana ladana More. Una negana ai Kanaan taudia na dounu e nohova una tano ai.
GEN 12:7 Bena Iehova na Abram vairanai e hedinarai, eto, Lau ese ina tano na oi garamu baina henidia. Bena Abram ese ihaboulaina patana ta e larebaia, Iehova ena, Iehova ese ia vairanai e hedinarai gabuna ai.
GEN 12:8 Bena ia ese una gabu e rakatania, ororo ta, Betele mairiveina kahana ai, ela, unuseni ai e taruha; Betele na tahodiho kahana ai, Ai na mairiveina kahana ai. Unuseni ai danu ihaboulaina patana ta e larebaia, Iehova ena. bona Iehova ladana e hahanea.
GEN 12:9 Ma eha laolao, diho kahana ela.
GEN 12:10 Una tano ai doe vada e vara dainai, ia na diho kahana ma ela, Aigupto ai baine hanoho eto, badina be doe na bada herea.
GEN 12:11 Bena Aigupto vada e kahira ai, ia ese adavana Sarai e hereva henia, eto, Momokani, oi na hane namo:
GEN 12:12 lau na tomamu Aigupto taudia bae itamu negana ai, idia baeto “Ina na ia adavana”, bena lau bae alagu mase bona oi bae abimu mauri.
GEN 12:13 Benaini, baoto oi na lau taihugu, bena oi daimu ai baina namo bona baina mauri danu.
GEN 12:14 Taunabunai, Abram na Aigupto ai e kau negana ai, Aigupto taudia ese hahine na e itaia, ia na hane namo.
GEN 12:15 Farao ena lohia taudia ese danu e itaia, bena idia ese Farao vairanai e heatolaia. Bena e hakaua dae Farao ena ruma ai.
GEN 12:16 Bena Farao ese Abram e kara namo henia, hahine dainai: mamoe bona boromakau bona doniki bona hesiai taudia bona hesiai hahinedia bona kamelo e henia momomomo.
GEN 12:17 A Iehova ese hisihisi dikadia amo Farao mai ena ruma taudia ida e hahisidia, Sarai, Abram adavana, dainai.
GEN 12:18 Bena Farao ese Abram e boiria, e gwau henia, eto, Ede vada o karagu toma? Dahaka dainai oi so hamaorogu ia na oi adavamu?
GEN 12:19 Edeheto o koigu, oto ia na oi taihumu; bena na adavaia? Vadaeni, adavamu binai: bavabia, ba raka oho.
GEN 12:20 Bena Farao ese ena hesiai taudia e haduadia, bae hakaua lao; bena e hakaua ela, ia mai adavana mai ena kohu idoinai ida.
GEN 13:1 Abram ese Aigupto tanona e rakatania, ia mai adavana ida. Ena kohu idoinai e laohaia; Lot danu e hakaua lao. Idia na diho kahana amo e lou.
GEN 13:2 Abram ena boromakau na momo herea, ena silver bona ena gold danu momo herea.
GEN 13:3 Diho kahana amo e laolao ela, Betele ai e kau, ena taruha gabuna gunana ai ma e taruha, Betele bona Ai padadiai;
GEN 13:4 gunaguna ihaboulaina patana e larebaia gabuna bunai. Unuseni ai Abram ese Iehova ladana e hahanea.
GEN 13:5 Lot danu, Abram e bamoa tauna, ena mamoe bona ena boromakau na momo, ena dabua kalagadia danu momo.
GEN 13:6 Taunabunai una tano na dia heḡereḡere idia raruosi gabu tamona ai bae noho hebou, badina na edia kohu na momo bona gabu na dia bada.
GEN 13:7 Bena Abram ena boromakau ireḡudia taudia na Lot ena boromakau ireḡudia taudia ida e heai. Una negana ai Kanaan taudia bona Perisi taudia na una tano ai e nohova.
GEN 13:8 Bena Abram ese Lot e hamaoroa, eto, Mani ita raruosi basita heai, eda boromakau ireḡudia taudia danu basie heai, badina be ita na varavara.
GEN 13:9 Tano idoinai na oi vairamu ai mia, ani? Mani emu kara, egu ai ba raka siri; oi na lauri kahana boma lao, lau be idiba kahana bama lao; eiava oi na idiba kahana boma lao, lau be lauri kahana bama lao.
GEN 13:10 Bena Lot na e gaga isi, Ioridane kourana e itaia, idoinai mai ranuna: Iehova ese Sodoma bona Gomora do se habua tari negana ai una tano na Iehova ena imea na heto, eiava Aigupto tanona, Soara dalana ai e laomu, na heto.
GEN 13:11 Bena Lot na Ioridane kourana idoinai e abia hidi, mairiveina kahana ela. Idia raruosi na e haheparara.
GEN 13:12 Abram na Kanaan tanona ai e noho; bona Lot na taora hanuadia ela, Sodoma kahana ai e taruha.
GEN 13:13 A Sodoma taudia na didika, Iehova vairanai e kara havara.
GEN 13:14 Bena Lot e raka oho murinai Iehova ese Abram e hereva henia, eto, A gaga isi; o ginimu gabuna ai ba roha roha, mirigini kahana ai, diho kahana ai, mairiveina kahana ai, tahodiho kahana ai.
GEN 13:15 Badina be o itaiamu tanona idoinai baina henimu, bona oi garamu baina henidia ela bona hanaihanai.
GEN 13:16 Oi garamu na tano ḡahuna na heto baina hahutumadia; taunabunai, tau ta tano ḡahuna dimura-dimuradia iduahidia bema diba, ia na oi garamu iduahidia bema diba.
GEN 13:17 A tore isi, ina tano ba rakaia hanai, latana amo, lababana amo; badina be lau ese baina henimu.
GEN 13:18 Bena Abram na ena dabua kalagana e lokua, e tore isi, ela, Heberon ai e taruha, Mamare ena au helaḡadia badidiai. Unuseni ai ihaboulaina patana ta e larebaia, Iehova ena.
GEN 14:1 Amarafel ese Sinara tanona e lohiaia, Ariok ese Elasara tanona e lohiaia, Kedoralaomere ese Elam tanona e lohiaia bona Tidala ese Goimi tanona e lohiaia negana ai,
GEN 14:2 idia hahaniosi eha tuari, Bera, Sodoma pavapavana, bona Birisa, Gomora pavapavana, bona Sinab, Adma pavapavana, bona Semebere, Seboimi pavapavana, bona Bela (ladana ta be Soara) pavapavana, e tuari henidia.
GEN 14:3 Ini iboudiai na Sidim kourana ai e tuari: tadi gohuna be unuseni ai.
GEN 14:4 Laḡani gwauta-rua idia ese Kedoralaomere isiaina e lao heniava, a laḡani ihagwauta-toina ai idia na e gwau edeede.
GEN 14:5 Bena laḡani ihagwauta-hanina ai Kedoralaomere bona ia e duruava lohiadia na e tore isi, Refaim taudia na Astaroto-karanaimi ai e hadareredia, bona Susim taudia na Ham ai e hadareredia, bona Emim taudia na Savekiriataimi ai e hadareredia,
GEN 14:6 Hori taudia danu edia ororo, ladana Seiri, ai e hadareredia, bona e hahavadia lao ela bona El-paran, tano ḡaḡaena badinai.
GEN 14:7 Bena e lou ema bona En-mispat (ladana ta be Kade); bena Amalek taudia edia tano e havahua, bona Amoro taudia Hasasono-tamara ai e nohova edia tano danu.
GEN 14:8 Bena Sodoma pavapavana bona Gomora pavapavana bona Adma pavapavana bona Seboimi pavapavana bona Bela (ladana ta be Soara) pavapavana e tore isi, Sidim kourana ela, tuari totona;
GEN 14:9 idia laima-osi ese Kedoralaomere, Elam pavapavana, bona Tidala, Goimi pavapavana, bona Amarafel, Sinara pavapavana, bona Ariok, Elasara pavapavana, hahaniosi na e tuari henidia.
GEN 14:10 Una Sidim kourana na mai kopukopuna, bena Sodoma pavapavana bona Gomora pavapavana e darere negana ai e heau, kopukopu ai eha heau kau, eha mase. A taunimanima oredia na ororo ai e heau mauri.
GEN 14:11 Bena pavapava hahaniosi ese kohu idoinai bona aniani idoinai e dadi ore, Sodoma ai bona Gomora ai; bena e raka oho.
GEN 14:12 Lot, Abram vavana, Sodoma ai e nohova; bena idia ese ia danu e abia mauri, e laohaia, mai ena kohu idoinai.
GEN 14:13 Bena e heau mauri tauna ta ela, Abram, Heberu tauna, e hamaoroa. Ia na Mamare, Amoro tauna, Eskol bona Anere kakadia, ena au helaḡadia badibadi-diai e nohova, bona idia tatoiosi ida e hetura.
GEN 14:14 Abram na e kamonai, vavana vada e abia mauri, bena ia ese ena hesiai taudia, ena taruha ai e nohova taudia, e haboudia, tuari ḡaudia e henidia, una tuari oreana muridia amo e hakaudia lao, ela bona Dan.
GEN 14:15 Hanuaboi ai ena orea e hapararaia, kahana kahana amo e tuari henidia, e hadareredia, e hahavadia ela bona Hoba, Damasko mirigini kahana ai.
GEN 14:16 Kohu idoinai e abia lou, bona vavana Lot mai ena kohu ida, bona hahine, bona hanua taudia loḡora.
GEN 14:17 Kedoralaomere mai bamona ida e hadareredia, bena e lou ai na Sodoma pavapavana ida e hedavari Save kourana ai (Pavapava ena Koura).
GEN 14:18 Bena Melkisedek, Salem pavapavana, Dirava Herea Mikamika ena hahelaḡa tauna, ese flaoa bona vine ranuna e laohai, e dabara.
GEN 14:19 Ia ese Abram e hanamoa, eto, Dirava Herea Mikamika, guba bona tanobada ikaradia Diravana, ena hahenamo be Abram latanai baine mia;
GEN 14:20 Dirava Herea Mikamika danu aita imodaia, badina be ia ese oi inaimu na imamu ai vada e atodia kau. Bena Abram ese e abi kohudia iboudiai e karoadia, karoa gwauta; bena karoa ta Melkisedek e henia.
GEN 14:21 Bena Sodoma pavapavana ese Abram e hamaoroa, eto, Abi-mauri taudia lau ba henigu, a kohu be oi ese bavabi.
GEN 14:22 A Abram ese Sodoma pavapavana e haere henia, eto, Lau ese Iehova, Herea Mikamika Diravana, guba bona tanobada ikaradia Diravana, vada na gwvau henia hamata,
GEN 14:23 dabua varona ta eiava tamaka varona ta oiemu ai basina abia, gabeamo baoto “Lau ese Abram ena taḡa na henia” na garina.
GEN 14:24 Egu memero adia aniani mo ba henigu; a kohu be e bamogu taudia tatoiosi, Anere bona Eksol bona Mamare, ahudia ba henidia, vadaeni.
GEN 15:1 Unu ḡau muridiai, Iehova ena hereva na Abram enai e kau, mata hanai ai. Iehova eto, Abram, basio gari, lau na oiemu kesi, ahumu danu baine bada.
GEN 15:2 Bena Abram eto, Ḡaubada Iehova e, dahaka ba henigu? Lau na asi natugu; dihigu be hari Eliesere, Damasko tauna.
GEN 15:3 Abram ma eto, Natugu ta so henigu dainai, hesiai merona egu ruma ai e vara na dihigu ai bainela.
GEN 15:4 Bena Iehova ena hereva enai ma e kau, eto, Ina tau na dia oi dihimu; natumu adorana do baine vara, dihimu ai bainela.
GEN 15:5 Bena e hakaua lasi murimuri ai, eto, A gaga dae, guba ba itaia, hisiu ba duahidia diba eiava lasi: oi garamu danu unu bae hutuma toma.
GEN 15:6 Bena Abram ese Iehova e abidadama henia; una dainai maorona e gwauraia.
GEN 15:7 Bena Iehova ese e hereva henia lou, eto, Lau Iehova ese Uru, Kaldea hanuana, amo na hakaumu lasi, ina tano baina henimu halaoreana, emu tano korikori ai bainela.
GEN 15:8 Abram eto, Ḡaubada Iehova e, ede baina diba toma ina na egu tano korikori ai bainela?
GEN 15:9 Iehova eto, Boromakau hahinena ta bavabia, laḡani toi ḡauna, bona nani hahinena ta, laḡani toi ḡauna, bona mamoe maruanena ta, laḡani toi ḡauna, bona kerea ta bona pune natuna ta.
GEN 15:10 Ini iboudiai e abi, e ivadia parara, ahu rua ai e habou, a manu na se ivadia.
GEN 15:11 Bena galo na unu vamu ai e roho kau, to Abram ese e luludia.
GEN 15:12 Dina e diho, bena Abram matana e mahuta, bona gari bada ese e butua tao.
GEN 15:13 Bena Iehova ese Abram e hereva henia, eto, Ba diba ḡoevaḡoeva: garamu be sinahu-hani idau tano ai bae noho, daḡedaḡe taudia isiaidia bae lao heni;
GEN 15:14 a isiaina bae lao heni besena lau ese baina hahemaoro henia; bena ia bogaragina amo bae raka lasi, mai edia taḡa.
GEN 15:15 Oi be tubu tama dekedia do baola mai mainomu ida: burukamu ai ba mase, bena bae gurimu.
GEN 15:16 A idia be uru ihahanina ai ina tano bae lou henia, badina be Amoro taudia ese edia kara havara do asie haḡuḡuru.
GEN 15:17 Dina e kerekere, hanua e boi; bena Abram ese lahi mai kwalahuna e itaia, e kara kede na heto, unu vamu ahu rua padadiai.
GEN 15:18 Una dina ai Iehova ese Abram e gwau henia hamata, eto, Lau ese ina tano na oi garamu vada na henidia, Aigupto sinavaina amo ela bona sinavai badana, ladana na Eufrate:
GEN 15:19 Kene taudia edia tano, Kenisi taudia edia tano, Kadamono taudia edia tano,
GEN 15:20 Hiti taudia edia tano, Perisi taudia edia tano, Refaim taudia edia tano,
GEN 15:21 Amoro taudia edia tano, Kanaan taudia edia tano, Girigasa taudia edia tano, bona Iebusu taudia edia tano.
GEN 16:1 Sarai, Abram adavana, vada e gabani, natuna ta se havaraia iena. Ia na mai ena hesiai hahinena ta, hane Aigupto, ladana be Hagara.
GEN 16:2 Bena Sarai ese Abram e hamaoroa eto, Dibamu Iehova ese natumu ta se henigu; na noimumu, egu hesiai hahinena avabia; readia natugu ta iena amo baina abia. Bena Abram ese Sarai ena hereva e abia dae.
GEN 16:3 Taunabunai, Abram na laḡani gwauta Kanaan tanona ai vada e noho negana ai, Sarai ese ena hesiai hahinena Hagara, hane Aigupto, e abia, adavana Abram e henia, baine adavaia.
GEN 16:4 Bena ia na Hagara ida e eno bou. Bena hahine na e rogorogo; bena dibana vada e rogorogo dainai ia ese biaguna hahinena se matauraia.
GEN 16:5 Bena Sarai ese Abram e gwau henia, eto, Oiemu kerere ese vada e hadikagu; egu hesiai hahinena na henimu, bavadavaia, a dibana vada e rogorogo dainai ia na se matauraigumu: Iehova ese ita raruosi baine hahemaoro henida.
GEN 16:6 A Abram ese Sarai e haere henia, eto, Hahine na oi imamu ai; emu ura heḡereḡerena ba kara henia. Bena Sarai ese e daḡedaḡe henia, ela bona hahine na e heau.
GEN 16:7 Bena Iehova ena aneru ta ese tano ḡaḡaena ai e davaria, ranu gurina ta badibadinai. Una ranu gurina na Suru dalana ai.
GEN 16:8 Ia eto, Hagara, Sarai ena hesiai hahinemu, ede amo oma bona ede bo laomu? Hahine na e haere, eto, Biagugu hahinena Sarai vairana amo vada na heau.
GEN 16:9 Aneru ma eto, A lou lao, ia erena ba kamonai.
GEN 16:10 Iehova ena aneru ma eto, Oi garamu lau ese baina hahutumadia, basie duahidia diba.
GEN 16:11 Iehova ena aneru ma e hamaoroa lou, eto, Benaini, vada o rogorogomu; mero ta bavabia, ladana ba hatoa Ismael, badina be Iehova ese emu tai vada e kamonai.
GEN 16:12 Ia na raka edea tauna ai bainela; ia ese taunimanima iboudiai baine inai henidia, bona taunimanima iboudiai ese ia bae inai henia. Ia na tadikakana edia noho gabudia mairiveina kahana ai baine noho.
GEN 16:13 Bena hahine ese Iehova, e hereva henia Diravana, ladana e hahanea, eto, Vada o ha=eregumu Diravamu! Badina be ia eto, Tano ḡaḡaena ai vada na mata hanai, e hahedinarai henigu Diravana vada na itaia.
GEN 16:14 Taunabunai una ranu gurina ladana e hatoa Mauri bona Mata-hanai Gurina: ia na Kade bona Bered padadiai.
GEN 16:15 Bena Hagara na e mara, mero ta e abia, Abram ena; bena Abram ese natuna, Hagara ese e havaraia merona, ladana e hatoa Ismael.
GEN 16:16 Hagara ese Ismael e havaraia negana ai, Abram ena mauri laḡanidia na taurahaniahui tauratoi.
GEN 17:1 Abram ena mauri laḡanidia na taurahanai-ta-ahui taurahani-ta negana ai, Iehova ese ienai e hedinarai, e hereva henia, eto, Lau na Siahu Diravana; lau vairagu ai ba raka mai maoromaoromu ida;
GEN 17:2 taravamu aina atua raruosi eda, bona garamu baina hahutumadia.
GEN 17:3 Bena Abram na tano ai e goru diho; bena Dirava ese e hereva henia, eto,
GEN 17:4 Lau ese taravamu na atuamu: bese diaḡau do ba havaradia lau daigu ai.
GEN 17:5 Ladamu danu basie hatoa lou “Abram”, a ladamu bae hatoa “Abraham”, badina be bese diaḡau ihavaradia tauna ai vada na halaomu.
GEN 17:6 Garamu lau ese baina hahutumadia, bese idau-idau do ba havaradia, hanua pavapavadia danu oiemu amo bae vara.
GEN 17:7 Taravamu na atuamu be lau ese baina badinaia ita raruosi eda, bona garamu murimu ai bae vara edia, ela bona uru iboudiai, baine mia hanaihanai taravatuna: emu Dirava ai bona murimu ai bae vara garamu edia Dirava ai do bainala.
GEN 17:8 Oi ese o noholaia hedoa-hedoamu tanona na oi bona murimu ai bae vara garamu danu baina henimui, Kanaan tanona idoinai na umui emui ela bona hanaihanai: lau na emui Dirava ai bainala.
GEN 17:9 Dirava ese Abraham ma e hamaoroa, eto, Oi danu egu taravatu do ba badinaia, oi bona murimu ai bae vara garamu ela bona uru idoidiai.
GEN 17:10 Ba badinaia, bona murimu ai bae badinaia. taravatuna binai: emui maruane iboudiai bae peritomedia,
GEN 17:11 kopimui bae ivadia, eda taravatu toana.
GEN 17:12 Uru iboudiai lalodiai, vara matamata mamaruanedia edia vara dinadia bae taurahani ai na bae peritomedia, umui emui ai bae vara memerodia, bona emui hesiai hahinedia ese emui ruma ai bae havaradia memerodia, idau bese memerodia edia bese taudia ediai ba hoidia danu bae peritomedia.
GEN 17:13 Emui ruma ai bae vara memerodia bona ba hoidia memerodia, iboudiai ba peritomedia: unu amo egu taravatu toana na kopimui ai baine mia, badina be ia na mia-hanaihanai taravatuna.
GEN 17:14 A maruane ta basiema peritomea, ia na asi ahuna ena bese ai; ia na egu taravatu itata-utuna tauna.
GEN 17:15 Dirava ese Abraham ma e hamaoroa, eto, Adavamu Sarai ladana basio hatoa lou “Sarai”, a ladana ba hatoa “Sara”.
GEN 17:16 Lau ese baina hanamoa, natumui ta baine vara: momokani, baina hanamoa, ia na bese idau-idau sinadia ai bainela; hanua pavapavadia ia ese baine havaradia.
GEN 17:17 Bena Abraham na tano ai e goru diho, to lalona ai e kiri, eto, Ena mauri laḡanidia na sinahu-ta tauna ese natuna baine havaraia a? Sara danu ena mauri laḡanidiana taurahani-ta-ahui be baine mara a?
GEN 17:18 Bena Abraham ese Dirava e noia, eto, Ismael na oi vairamu ai bema noho bema namo.
GEN 17:19 A Dirava ese Abraham e haere henia, eto, Lasi, adavamu Sara ese natumu ta baine havaraia, ladana ba hatoa Isaak. Egu taravatu baina badinaia ienai bona murinai bae vara garana ediai, ela bona hanaihanai.
GEN 17:20 A Ismael ome gwauraia herevana vada na kamonai; benaini, vada na hanamoamu, ia besena baine vara, garana bae hutuma; lohia gwauta-rarua ia ese baine havaradia, bese badana ai baina halaoa.
GEN 17:21 A egu taravatu na Isaak enai baina badinaia, merona bunai Sara ese baine abia, laḡani vairai.
GEN 17:22 Dirava ese ena hereva e hadokoa, bena ia ese Abraham e rakatania.
GEN 17:23 Bena Abraham ese natuna Ismael e abia, bona ena hesiai tataudia iboudiai, ena ruma ai e vara taudia bona e hoidia taudia danu, e abidia, iboudiai e peritomedia una dina ai, kopidia e ivadia, Dirava ese e haduaia heḡereḡerena.
GEN 17:24 Abraham ena mauri laḡanidia na taurahani-ta-ahui taurahanita, e peritomea negana ai.
GEN 17:25 Natuna Ismael ena mauri laḡanidia na gwauta toi, e peritomea negana ai.
GEN 17:26 Abraham mai natuna Ismael ida dina tamona ai e peritomedia.
GEN 17:27 Ena ruma tataudia iboudiai danu, ena ruma ai e vara taudia bona bese idau edia amo e hoidia taudia, iboudiai na ia ida e pentomedia nega tamona ai.
GEN 18:1 Iehova ese Abraham enai ma e hedinarai lou, Mamare ena au Helaḡadia badidiai. Negana be dina tubua, bona ia na ena dabua kalagana iduarana ai e helaiva.
GEN 18:2 Ia na e gaga isi, tatau tatoi e itadia, ia vairanai gigini; e itadia negana ai, ia na ena dabua kalagana iduarana amo e heau lasi, tano ai e goru diho,
GEN 18:3 eto, Ḡauka e, boma lalo namo henigu, lau, emu hesiai tauna, basioma rakagu hanai.
GEN 18:4 Mani ranu taina ae mailaia, aemui bae huri, bena ina au ikerukeruna ai lagamui bavani.
GEN 18:5 Aniani taina danu mani aina mailaia, taumui ihagoadadia; gabeamo emui dala ai do ba raka. Lau, emui hesiai tauna, egu ai vada o kau badina korikori binai. Idia eto, Emu hereva heḡereḡerena vada ba karaia.
GEN 18:6 Bena Abraham na dabua kalagana ai e heau vareai, Sara e hamaoroa, eto, Flaoa irau autoi avabi, ba kuia, ataga ba gabu.
GEN 18:7 Bena e heau lao, ena boromakau serina ai boromakau natuna ta, hidiona manoka-manokana bona mai digarana ḡauna, e abia, ena hesiai tauna ta e henia; bena ia ese e nadua haraḡa-haraḡa.
GEN 18:8 Bena bata bona rata e abi, bona ena mero ese e nadua boromakauna; bena hari tatoiosi vairadiai e dabara, au ikerukeruna ai, bona badibadidiai e gini ela bona vada e aniani vaitani.
GEN 18:9 Bena idia ese e nanadaia, eto, Adavamu Sara be edeseni ai? Ia eto, Ia na dabua kalagana lalonai.
GEN 18:10 Bena idia ta eto, Laḡani vairai do baina lou henimu, bena adavamu Sara baine mara, mero ta baine abia. Sara na dabua kalagana iduarana murinai gini, bena ia ese una hereva e kamonai.
GEN 18:11 Una negana ai Abraham bona Sara vada e buruka herea, bona Sara ena nega vada e hanaia.
GEN 18:12 Taunabunai, Sara na e kiri, eto, Egu nega vada e ore, bona adavagu danu vada e buruka, be, moale baina davaria diba a?
GEN 18:13 Bena Iehova ese Abraham e nanadaia, eto, Dahaka dainai Sara e kirimu, e tomu “Burukagu ai natugu ta baina abia a”?
GEN 18:14 Be, hoa karana ta mia Iehova basine karaia diba, a? Laḡani vairai, vada na gwauraia hamata negana ai, do baina lou henimu, bena Sara ese natuna baine abia.
GEN 18:15 Bena Sara e heḡore, eto, Lau na asina kiri. Badina be ia na e gari. A ia eto, Lasi, oi na o kiri.
GEN 18:16 Bena hari tatoiosi e tore isi, Sodoma dalana ai e raka; bona Abraham ese dala ai e bamodia.
GEN 18:17 Bena Iehova eto, Egu kara na Abraham ena amo baina hunia, namo eiava?
GEN 18:18 Badina be Abraham na bese badana bona goadana ai bainela, bona tanobada besedia iboudiai na ia dainai hahenamo bae abia.
GEN 18:19 Badina be vada na abia hidi, ia ese natuna bona garana do baine reḡudia, idia na Iehova ena dala ai bae raka, bona kara namodia bona maoromaorodia bae kara, Iehova ese ena gwauhamata Abraham enai baine hamomokania helaoreana.
GEN 18:20 Bena Iehova eto, Sodoma bona Gomora haridia na didika bona edia kara havara danu na babada heherea dainai,
GEN 18:21 harihari vada baina diho, baina itadia, edia kara na unu haridia dikadia egu ai vada e kau heḡereḡeredia eiava lasi: baina diba ḡoevaḡoeva.
GEN 18:22 Bena hari raruosi na e raka oho, Sodoma dalana ai ela; a Abraham na dounu Iehova vairanai gini.
GEN 18:23 Bena Abraham na e raka kahira, e nanadaia, eto, O, kara maoromaoro taudia na kara dika taudia ida ba habuadia tari hebou a?
GEN 18:24 Bema kara maoromaoro taudia imahui nonoho una hanua ai, ba habuaia tari a? Basio bogaia hisi, unu kara maoromaoro taudia imahui daidiai a?
GEN 18:25 Kara maoromaoro taudia bona kara dika taudia na basio aladia bou ani? Kara maoromaoro taudia bona kara dika taudia ahudia bae tamona na dia oiemu kara ani? Tanobada idoinai ihahemaoro-henina Diravana basine kara maoromaoro a?
GEN 18:26 Bena Iehova eto, Sodoma lalonai kara maoromaoro taudia imahui baina davaridia, hanua idoinai baina bogaia hisi idia daidiai.
GEN 18:27 Bena Abraham ma e hereva, eto, Lau na ḡahu kavakava mo, to lalogu vada na ha-aukaia Ḡaubada iherevahenina:
GEN 18:28 readia kara maoromaoro taudia hariahui ima mo nonoho; o, hanua idoinai ba habuaia tari, ima mo lasi dainai a? Iehova eto, Hari-ahui ima baina davaridia, hanua na basina habuaia tari.
GEN 18:29 Ia na ma eto, Readia hari-ahui nonoho dahaka. Iehova eto, Hari-ahui daidiai baina bogaia hisi.
GEN 18:30 Ma eto, Ḡaubada e, baina noinoi lou basio badu ani? Toi-ahui bema noho ede bema heto? Iehova eto, Toi-ahui baina davaridia, basina habuaia tari.
GEN 18:31 Ma eto, Lalogu vada na ha-aukaia, Ḡaubada ihereva-henina: ruahui bema noho, ede bema heto? Iehova eto, Ruahui daidiai baina bogaia hisi.
GEN 18:32 Ma eto, Ḡaubada e, basio badu, ina nega tamona mo ma baina noinoi: gwauta hona bema noho, ede bema heto? Iehova eto, Gwauta daidiai baina bogaia hisi.
GEN 18:33 Iehova na Abraham ida e hereva-hereva vaitani, bena ena dala e raka lao, a Abraham na ena noho gabuna e lou henia.
GEN 19:1 Aneru raruosi na Sodoma ai e kau, dina kerekerena ai. Lot na hanua ikoukouna ai e helai, bena e itadia negana ai na vairadiai e heau, tano ai e goru diho,
GEN 19:2 eto, Egu lohia e, lau, emui hesiai tauna, egu ruma ai mani a dae kau, ba noho rani, aemui danu ba huri; bena daba ai ba tore isi, emui dala ai ba raka. Idia eto, Lasi; hanua ariarana ai baia noho rani.
GEN 19:3 To e noidia goadagoada, bena idia na ia ida e dae kau, ena ruma ai e raka vareai. Bena ia ese aniani e nadua, bona flaoa kavakava, se hatubua ḡauna, e gabua, e dabara, bena raruosi e ani.
GEN 19:4 Idia na do asie hekure ai, hanua taudia kikina-badana, hari Sodoma taudia, hanua kahadia iboudiai amo e heau bou heau bou ela, ruma na e ginia hegege.
GEN 19:5 Bena idia ese Lot e boi henia, eto, Hari hanuaboi emu ruma ai e dae kau taudia be edeseni ai? Ba hakaudia lasi; baia dibadia.
GEN 19:6 Bena Lot na iduara amo e raka lasi bona iduara e koua ia murinai;
GEN 19:7 bena e hamaorodia, eto, Tadikakagu e, ina kara dikana basio karaia.
GEN 19:8 A itaia, natugu raruosi nonoho, ulato rami-hebou: mani aina hakaudia lasi emui ura heḡereḡerena ba kara henidia. A ini raruosi basio hadikadia, badina be egu guhi metaina ai e nohomu.
GEN 19:9 A idia eto. A gini siri. Ma eto, Ina tau sibona ema, bogaragidai e noho hedoamu: matona. baine hahemaoro henida e tomu. Harihari idia baia hadikadia maraḡi, a oi baia hadikamu bada. Bena idia ese Lot e doria siri, iduara bae taraia patapata eto.
GEN 19:10 To unu raruosi na ruma lalona amo imadia e toi roro, Lot e veria vareai, bena iduara e koua ahu.
GEN 19:11 A ariara ai e gini hebouva taudia kikina-badana na matadia e hakepuludia; bena iduara e tahua malakamalaka ela bona e hesiku.
GEN 19:12 Bena hari raruosi ese Lot e nanadaia, eto, Varavaramu iboudiai bini eiava? Bema ravamu eiava natumu mamaruanedia eiava natumu hahinedia haida ina hanua ai nonoho, ina gabu amo ba hakaudia lasi.
GEN 19:13 Badina be ina gabu baia habuaia tari, badina be haridia dika-hereadia na Iehova enai vada e kau, taunabunai Iehova ese vada e siaimai, baia habuaia tari.
GEN 19:14 Bena Lot e raka lasi, ela, ravana, ia natuna hahinedia haida adavadia, e hereva henidia, eto, A tore tore isi, ina gabu aita rakatania, badina be Iehova ese ina hanua baine habuaia tari. To ravana banava ia e hevaseha henidia eto.
GEN 19:15 Daba e rere, bena hari aneru ese Lot e haduaia goadagoada, eto, A tore isi haraḡa-haraḡa, adavamu bona natumu ulatodia raruosi bini avabidia, baola; ina hanua ihabua-tarina ai oi danu ba mase na garina.
GEN 19:16 E halahe, bena raruosi ese ia imana bona adavana imana bona natuna ulatodia raruosi imadia e abi, hanua murimurinai e hakaudia lasi; badina be Iehova ese e bogaia hisi.
GEN 19:17 E hakaudia lasi, bena eto, Ba heau mauri, basio roha muri, taora ai basio halahe. Ororo ba heau lao, ba mase na garina.
GEN 19:18 Bena Lot ese e noidia, eto, Egu lohia e, dia unuheto.
GEN 19:19 Mani a itagu, emui hesiai tauna; vada o harihari henigu bona vada o bogagu hisi bona vada o hamaurigu. A lau na asi goadagu ororo baina heau henidia, hahedika ese baine ḡavagu tao, bena baina mase.
GEN 19:20 A una hanua na kahirakahira, baina heau henia diba; ia danu hanua maraḡina mo. Mani emui kara unu bainala. Ia na hanua maraḡina ani? Bena mauri baina davaria.
GEN 19:21 Bena Iehova eto, Emu noinoi tamona binai ma na abia daemu; hari o noilaiamu hanuana na basina habuaia tari.
GEN 19:22 Ba lao henia haraḡa; badina be ḡau ta basina karaia diba ela bona oi na unuseni ai ba kau. Una dainai una hanua ladana e hatoa Soara.
GEN 19:23 Dina e taolara ai Lot na Soara ai e kau.
GEN 19:24 Bena Iehova ese nadi siahudia bona lahi na guba amo e hadiho, Sodoma bona Gomora latadiai.
GEN 19:25 Unu hanua ruaosi, bona una taora idoinai, bona hanua taudia, bona taora ai e vara ḡaudia, ibouboudiai ia ese a habuadia tari.
GEN 19:26 A Lot adavana e roha muri, bena ia na damena nadina ai e hahelao.
GEN 19:27 Una daba ai Abraham e tore isi, Iehova ida e hereva-hereva gabuna e raka henia;
GEN 19:28 e roha lao, Sodoma bona Gomora bona taora idoinai e ita, una tano idoinai ai kwalahu e daeva, amu kwalahuna na heto.
GEN 19:29 Unuhetomana, taora hanuadia e habua tari negana ai, Dirava ese Abraham e laloa, bona Lot e hamauria, e noho kau heni hanuadia e habua tari negana ai.
GEN 19:30 Bena Lot na Soara e rakatania, ororo e dara dae, unuseni ai e nohova, natuna ulatodia raruosi ida; badina be Soara ai baine noho na garina e gariva. Ia mai natuna ulatodia raruosi ida kohua ta ai e nohova.
GEN 19:31 Bena hane guna ese tadina e hamaoroa, eto, Tamada e burukamu, bona asi tauna ta tanobada ai baine adavada tanobada ena kara heḡereḡerena.
GEN 19:32 Aitala, tamada na vine ranuna amo baita hakekeroa, bena ia ida baita eno bou, tamada ena amo natuda baita abidia.
GEN 19:33 Bena una hanuaboi vine ranuna amo tamadia e hakekeroa, bena hane guna na ia ida e eno bou; a ia be ena hekure negana bona ena toreisi negana asi dibana.
GEN 19:34 Daba ai, hane guna ese tadina e hamaoroa, eto, Boi hanuaboi lau na tamagu ida na eno bou; hari hanuaboi ma baita hakekeroa lou, bena oi danu ia ida ba eno bou; bena ita raruosi na tamada ena amo natuda baita abidia.
GEN 19:35 Bena una hanuaboi danu idia ese tamadia e hakekeroa; bena hane muritai na ia ida e eno bou; a ia be ena hekure negana bona ena tore isi negana asi dibana.
GEN 19:36 Taunabunai Lot natuna ulatodia raruosi na tamadia ese e harogorogodia.
GEN 19:37 Bena hane guna na mero ta e abia, ladana e hatoa Moab; Moab besena taudia iboudiai ema bona harihari senedia na ia.
GEN 19:38 Hane muritai danu mero ta e abia, ladana e hatoa Ben-ami; Amono besena taudia iboudiai ema bona harihari senedia na ia.
GEN 20:1 Una negana ai, Abraham na e tore isi, eha laolao, diho kahana ela, Gerara ai e noho, Kade bona Suru padadiai.
GEN 20:2 Bena Abraham ese Sara e herevalaia, eto, Ia na taihugu. Bena Abimelek, Gerara pavapavana, ese e abia.
GEN 20:3 Bena Dirava ese Abimelek e hahedinarai henia nihi ai, eto, A kamonai: oi na mase tauna, hari o abia hahinena dainai, badina be ia na tau ta adavana.
GEN 20:4 A Abimelek na hahine do se raka henia kahi. Bena ia eto, Ḡaubada e, kara maoromaoro besena ba hamasea a?
GEN 20:5 Hari tau ese e hamaorogu, eto “Ina na lau taihugu”, ani? Bona hahine ese danu e hamaorogu, eto “Ia na lau taihugu”. Mai lalogu maoromaorona bona mai imaḡu ḡoevaḡoevadia ida ina kara vada na karaia.
GEN 20:6 Bena Dirava ese nihi ai e haere henia, eto, Lau dibagu oi na mai lalomu maoromaorona ida vada o karaia. Lau danu vada na rumu, vairagu ai ba kerere na garina; una dainai na laomu ahu, so raka henia kahi.
GEN 20:7 Taunabunai, una tau adavana ba henia lou, badina be ia na peroveta tauna; bena ia ese oi daimu ai baine ḡuriḡuri. bena ba mauri. A basio henia lou, ba diba momokani vada ba mase, oi bona emu ruma taudia iboudiai.
GEN 20:8 Taunabunai Abimelek na daba vaburana ai e tore isi, ena hesiai taudia iboudiai e boiridia, unu ḡau e hamaoro-laidia: bena gari ese e butudia tao.
GEN 20:9 Bena Abimelek ese Abraham e boiria, eto, Ede vada o karamai toma? Ede na hadikamu toma dainai lau bona egu basileia ini vada o hakereremai toma? Hegwau-tao karana ta vada o kara henigu.
GEN 20:10 Abimelek ese Abraham ma e nanadaia, eto, Dahaka dainai ina kara vada o karaia?
GEN 20:11 Bena Abraham e haere, eto, Badina be na laloa nato ina gabu ai Dirava imatauraina na lasi, bena adavagu dainai bae alagu nato.
GEN 20:12 Bona ina danu, ia na momokani lau taihugu: tamamai na tamona, a sinamai be idau; bena raruosi a headava.
GEN 20:13 A Dirava ena hahedua dainai, tamagu ena ruma na rakatania negana ai lau ese na hamaoroa, nato, Ini ba bogagu hisi toma: baita lao heni gabudia iboudiai ba herevalaigu, baoto “Ia na lau taihugu”.
GEN 20:14 Bena Abimelek ese mamoe bona boromakau bona hesiai taudia bona hesiai hahinedia na Abraham e henia; bena ia adavana Sara e henia lou.
GEN 20:15 Abimelek danu eto, A itaia, egu tano idoinai na oi vairamu ai; emu ura gabuna ba noholaia.
GEN 20:16 Ia ese Sara danu e hamaoroa, eto, A itaia, silver monidia daha-ta oi taihumu vada na henia, emu hemarai iabi-ohona taunimanima iboudiai vairadiai; iboudiai vairadiai bae gwauraimu maoro.
GEN 20:17 Bena Abraham ese Dirava e ḡuria; bena Dirava ese Abimelek e hamauria, bona adavana bona ena hesiai hahinedia danu e hamauridia, bena natudia e havaradia.
GEN 20:18 Badina be Iehova ese Abimelek ena ruma hahinedia iboudiai vada e hagabanidia, Sara, Abraham adavana, dainai.
GEN 21:1 Bena Iehova ese Sara e vadivadi henia bona ena gwau-hamata heḡereḡerena e kara henia.
GEN 21:2 Bena Sara e rogorogo, e mara, mero ta e abia Abraham ena, edia ḡauka negana ai, Dirava ese e gwauraia guna heḡereḡerena.
GEN 21:3 Bena Abraham ese natuna, Sara e abia merona, ladana e hatoa Isaak.
GEN 21:4 Dina ihataurahanina ai, Abraham ese natuna Isaak e peritomea, Dirava ese e haḡania heḡereḡerena.
GEN 21:5 Abraham ena maun laḡanidia na sinahu-ta, natuna Isaak e vara negana ai.
GEN 21:6 Bena Sara eto, Dirava ese egu kiri badina vada e havaraia; harina bae kamonai taudia iboudiai na lau ida baia kiri hebou.
GEN 21:7 Ma eto, Daika ese Abraham bema hamaoroa, bema toma Sara ese natuna baine ubua? Gau tamona, iahuna ai natuna vada na henia.
GEN 21:8 Mero na e bada oho bada oho ela bona rata e negea; bena Abraham ese aria badana e karaia, Isaak ese rata e negea dinana ai.
GEN 21:9 Bena Sara ese Hagara, hane Aigupto, natuna, Abraham ese e havaraia merona, e itaia, ia ese Isaak e kirikirilaia.
GEN 21:10 Bena ia ese Abraham e hamaoroa, eto, Hesiai hahinena mai natuna ida a luludia, badina be ina hesiai hahinena natuna na oi dihimu ai basinela, natugu Isaak ida.
GEN 21:11 Bena Abraham lalona e hisihisi bada, natuna dainai.
GEN 21:12 A Dirava ese Abraham e hereva henia, eto, Lalomu basine hisihisi ina mero dainai bona emu hesiai hahinena dainai. Sara ena hereva iboudiai bavabi dae, badina be Isaak ena amo oi besemu do baine vara.
GEN 21:13 A hesiai hahinena natuna danu bese badana ai baina halaoa, badina be ia na oi natumu.
GEN 21:14 Daba matana ai Abraham na e tore isi, lagwa e abia, bona ranu danu nani kopina ai, Hagara e henia; ia na paḡana ai e atoa, bona mero danu; bena e siaia lao. Bena hahine na vada ela, Bere-sieba tano ḡaḡaena ai ehaloa.
GEN 21:15 Ranu na nani kopina na vada e ore ai, ia ese mero maraḡina e abia, au maraḡina ta henunai e atoa diho;
GEN 21:16 bena taina e raka lao, diba bema kinoa heḡereḡerena; bena tano ai e helai diho, e tai dikadika, eto, Mero ena mase basina itaia.
GEN 21:17 Dirava ese mero gadona e kamonai, bena Dirava ena aneru ta ese guba amo Hagara e boi henia, eto, Hagara e, oi na edeheto? Asio gari, badina be Dirava ese mero gadona vada e kamonai.
GEN 21:18 A tore isi, mero na avabia isi, imamu ai ba dogoa tao, badina be lau ese bese badana ai baina halaoa.
GEN 21:19 Bena Dirava ese matana e hapapa; bena ia ese ranu gurina ta e itaia; bena nani kopina e hahonua, mero na ranu e ha-inulaia.
GEN 21:20 Dirava ese mero na e reḡua. Ia na e bada oho bada oho, tano ḡaḡaena ai eha noho; ia na taraki-taraki e diba ḡoeva.
GEN 21:21 Ia na Paran tano ḡaḡaena ai e nohova; bena sinana ese Aigupto hane-ulatona ta e abia, ia baine adavaia.
GEN 21:22 Una negana ai Abimelek bona Fikol, ena tuari oreana biaguna, ese Abraham e hamaoroa, eto, Vada name diba Dirava ese e bamomumu emu kara iboudiai lalodiai.
GEN 21:23 Taunabunai, Dirava ladana ai ba gwau henigu hamata, oi na basio koigu, bona natugu bona tubugu basio koidia; a lau ese vada na kara namo henimu heḡereḡerena oi danu lau ba kara namo henigu bona ina o noholaiamu tanona danu ba kara namo henia.
GEN 21:24 Bena Abraham eto, Vada baina gwau hamata.
GEN 21:25 A Abraham ese Abimelek e gwau henia, Abimelek ena hesiai taudia ese ranu gurina ta e abia havara dainai.
GEN 21:26 Bena Abimelek eto, Asi dibagu daika ese unu e kara toma; oi ese so hamaorogu bona asi dibagu ema bona hari dina.
GEN 21:27 Bena Abraham ese mamoe bona boromakau e abidia, Abimelek e henia; bena idia raruosi e herohemaino.
GEN 21:28 Bena Abraham ese mamoe natudia hitu e abidia, kaha ta ai e atodia tabe.
GEN 21:29 Abimelek ese Abraham e nanadaia, eto, Ene mamoe natudia hitu kaha ta ai o atodia tabe be dahaka?
GEN 21:30 Abraham e haere, eto, Ini egu mamoe natudia hituosi avabi, lau ese ina ranu gurina na ḡeia toana.
GEN 21:31 Bena una gabu ladana e hatoa Bere-sieba, badina be raruosi unuseni ai e gwau hamata heheni.
GEN 21:32 Taunabunai, idia raruosi na Bere-sieba ai e herohemaino; bena Abimelek bona Fikol, ena tuari oreana biaguna, e lou lao, Filistia tanona ela.
GEN 21:33 A Abraham ese au helaḡana ta e hadoa Bere-sieba ai, bona Iehova, Noho-hanaihanai Diravana, ladana e hahanea.
GEN 21:34 Bena Abraham na nega daudau Filistia tanona ai e noho hedoa.
GEN 22:1 Unu ḡau muridiai, Dirava ese Abraham e diba-ḡania, eto, Abraham e! Ia eto, Lau o ina.
GEN 22:2 Dirava eto, Oi natumu bavabia, natumu vara-edeana, o lalokau heniamu merona, Isaak. Moria tanona baola, bena baina hamaorolaimu ororona dorina ai boubou ḡauna ai, lahi ese baine ḡolea oho ḡauna ai, ba halaoa.
GEN 22:3 Daba matana ai, Abraham na e tore isi, ena doniki e abia, ena hesiai memerodia rarua bona natuna Isaak danu e abidia. Boubou lahina audia e siri vaitani, bena e tore isi, Dirava ese e gwauraia gabuna ela.
GEN 22:4 Dina ihatoina ai Abraham ese matana e roha isi, gabuna na dauhai e itaia.
GEN 22:5 Bena Abraham ese ena memero e hamaorodia, eto, Umui raruosi doniki ida ba noho iniseni ai, a lau be ina mero ida baiala, raruosi baia toma diho, gabeai baia lou mai dekemui ai.
GEN 22:6 Bena Abraham ese boubou lahina audia e abi, natuna paḡana ai e ato kau, bona lahi bona kaia imana ai e abi; bena raruosi e raka hebou.
GEN 22:7 Bena Isaak ese tamana Abraham e hereva henia, eto, Tamagu e! Tau na e haere, eto, Natugu e, lau o ina. Mero na eto, Lahi bona au bini, a mamoe, lahi ese baine ḡolea oho ḡauna, be edeseni ai?
GEN 22:8 Abraham e haere, eto, Natugu e, mamoe lahi ese baine ḡolea oho ḡauna na Dirava sibona ena amo baita abia. Bena raruosi ma e raka lao.
GEN 22:9 Raruosi na Dirava ese e gwauraia gabuna ai e kau: unuseni ai Abraham ese boubou patana e larebaia, au pata latanai e lakwaia; bena natuna Isaak e hiria, boubou patana ai e atoa kau, au latadiai.
GEN 22:10 Bena Abraham ese imana e toia roro, kaia e abia, natuna vada aine alaia mase eto.
GEN 22:11 A Iehova ena aneru na guba amo e boi dobi, eto, Abraham e, Abraham e! Ia na e haere, eto, Lau o ina.
GEN 22:12 Ia eto, Imamu mero latanai asio atoa kau, kara ta danu asio karaia ienai; badina be lau harihari name diba oi ese Dirava garina o garimu; badina be natumu vara-edeana egu ai to ruava.
GEN 22:13 Bena Abraham ese matana e roha isi, e roha muri, mamoe maruanena ta doana au ai e hedoa dae e itaia. Bena Abraham na ela, mamoe maruanena e abia, boubou ḡauna ai e halaoa, natuna ibodohilaina.
GEN 22:14 Bena Abraham ese una gabu ladana e hatoa Iehova-ire; bena unu e gwauraia toma ema bonaharihari e tomu, Ororo dorina ai Iehova ese baine haḡeregu.
GEN 22:15 Iehova ena aneru ese Abraham ma e hereva henia lou, guba amo ma e boi dobi,
GEN 22:16 eto, Iehova na e tomu: sibogu ladagu ai vada na gwau hamata, ini vada o kara toma dainai, natumu vara-edeana, o lalokau heniamu merona, egu ai so rua dainai,
GEN 22:17 lau ese baina hanamomu badabada, oi garamu baina hahutumadia, guba hisiudia bona kone mirina na heheto; oi garamu ese bae inai henidia taudia edia tano bae abihaidia,
GEN 22:18 oi garamu daidiai tanobada besedia iboudiai baina hanamodia, badina be oi ese lau eregu o kamonai.
GEN 22:19 Bena Abraham na ena hesiai memerodia raruosi dekedia e lou lao; hahaniosi e lou ela Bere-sieba, Abraham ena noho gabuna bunai.
GEN 22:20 Unu ḡau muridiai, Abraham ese hari ta e kamonai, tadina Nahoro adavana Milka ida natudia vada e vara.
GEN 22:21 Tau guna ladana na Usu; ia tadina be Busu bona Kemuel, Aram tamana,
GEN 22:22 bona Kesed bona Haso bona Pilidasa bona Idilapa bona Betuel.
GEN 22:23 Hari Betuel na Rebeka tamana. Taurahaniosi bini Abraham tadina Nahoro, adavana Milka ida, natudia.
GEN 22:24 Ena hesiai hahinena Reuma ese danu natuna e havaradia: ladadia na Teba bona Gaham bona Tahasa bona Maaka.
GEN 23:1 Sara ena mauri laḡanidia iboudiai na sinahu-ta ruahui hitu.
GEN 23:2 Sarana Kiriat-araba ai eha mase: una hanua na Kanaan tanona ai, ladana ta be Heberon. Abraham na ruma ai e raka vareai, Sara taina e tai.
GEN 23:3 Bena Abraham na mase rumana amo e diho, Hiti taudia e hamaorodia, eto,
GEN 23:4 Lau na umui bogaragimui ai na noho hedoamu; tano ta mani a henigu, egu gara gabuna ai bainela, unuseni ai egu mase baina guria.
GEN 23:5 Bena Hiti taudia ese e haere henia, eto,
GEN 23:6 Ḡauka e, oi na lohia badana, ai bogaragimai ai; emai gara gabudia ai gabu herea-daena ta bavabia, emu mase ba guria; ai ta ese ena gara gabuna basine rua oiemu ai.
GEN 23:7 Bena Abraham e tore isi, una tano taudia, Hiti taudia, vairadiai e igo diho;
GEN 23:8 e hamaorodia, eto, Lalomui bema heḡereḡere egu mase iniseni ai bama guria, Efron Sohara boma noia daigu ai:
GEN 23:9 ia ese Makapela kohuana, ena tano hetoana ai, bema henigu. Davana korikori baina henia, egu gara gabuna ai baina halaoa.
GEN 23:10 Hari Efron na Hiti taudia bogaragidiai e helaiva. Bena Efron, Hiti tauna, ese Abraham e haere henia, Hiti taudia vairadiai bona ena hanua taudia iboudiai vairadiai, eto,
GEN 23:11 Ḡauka e, lasi; una tano mai kohuana ida baina henimu; egu bese taudia iboudiai vairadiai vada baina henimu, emu mase iguridia gabuna ai bainela.
GEN 23:12 Bena Abraham ese una gabu taudia vairadiai e igo diho.
GEN 23:13 Bena Abraham ese Efron e hereva henia, una gabu taudia vairadiai, eto, Mani a hakala henigu: una tano davana mani aina henimu; avabia, bena egu mase unuseni ai baina guria.
GEN 23:14 Bena Efron ese Abraham e haere henia, eto,
GEN 23:15 Ḡauka e, a kamonai: una tano davana na silver sekeledia sinahuhani. Ita raruosi padadai una na ḡau ta a? Emu mase unuseni ai ba guria.
GEN 23:16 Abraham ese Efron ena hereva e kamonai, Hiti taudia vairadiai tano davana unu e gwauraia toma, bena silver sekele dia sinahu-hani, idia edia sekeleheḡereḡeredia, e henia.
GEN 23:17 Taunabunai Efron ena tano Makapela ai, Mamare badinai, mai kohuana bona mai auna iboudiai na
GEN 23:18 Abraham ena tano korikori ai ela. Hiti taudia vairadiai bona ena hanua lalonai e hebouva taudia iboudiai vairadiai e hoia.
GEN 23:19 Bena Abraham ese ia adavana Sara e guria, Makapela kohuana lalonai, Mamare badinai. Una gabu na Heberon, Kanaan tanona ai.
GEN 23:20 Una tano bona una kohua be Abraham ese e abi vaitani, Hiti taudia edia amo.
GEN 24:1 Abraham vada e buruka: ena mauri laḡanidia na diaḡau. Bona Iehova ese vada e harihari henia, ḡau momo momo vada e henia.
GEN 24:2 Bena Abraham ese ena hesiai tauna badana, ena kohu idoinai e reḡuava tauna, e haduaia, eto, Imamu na mamugu ai bavatoa kau,
GEN 24:3 Iehova, guba Diravana bona tanobada Diravana, ladana ai ba gwau hamata, natugu Isaak adavana na ini Kanaan taudia, bogaragidiai na noho hedoamu taudia, natudia ulatodia ta basio abia;
GEN 24:4 a egu tano korikori baola, varavaragu dekediai, unuseni ai natugu Isaak adavana bavabia.
GEN 24:5 Bena una hesiai tauna e haere henia, eto, O, hane-ulato na reana lalona basine heḡereḡere lau baine bamogu ina tano baiama; unu bema heto, oi natumu bama hakaua lao, o rakatania tanona baiala, namo eiava?
GEN 24:6 Abraham ma eto, Lasi vaitani, natugu na basio laohaia, una tano na basinela.
GEN 24:7 Iehova, guba Diravana, ese tamagu ena ruma amo e abigu oho, egu tano korikori amo e hakaugu lasi, bona e gwau henigu hamata, eto “Ina tano na oi garamu baina henidia”; bena ia ese ena aneru oi vairamu ai baine siaia, bena natugu adavana una tano ai do bavabia.
GEN 24:8 A hane-ulato bema gwau edeede, basinema bamomu, emu gwau-hamata bema heruha. Ḡau tamona, natugu na basio laohaia, unu basiola.
GEN 24:9 Bena hesiai tauna ese imana na Abraham mamuna ai e atoa kau, e gwau henia hamata, unu baine kara toma eto.
GEN 24:10 Bena una hesiai tauna na biaguna ena kamelo gwauta e abidia, bona kohu namodia haida danu, biaguna ena, e abi. Bena e tore isi, eha laolao, Mesopotamia tanona ela, hanua ta ladana Nahoro ai eha kau.
GEN 24:11 Bena adorahi ai, hahine na ranu utu ela negana ai, ia ese kamelo e hahekuredia ranu gurina badibadinai, una hanua murimurina kahana ai.
GEN 24:12 Bena e ḡuriḡuri, eto, Iehova e, biagugu Abraham ena Dirava e, na noimumu, hari ina dina ai egu ḡaukara ba hanamoa, bona biagugu Abraham ba bogaia hisi.
GEN 24:13 Ame itagu, lau binai ranu gurina badibadinai na nohomu; a hanua ulatodia na ranu utu be maimu.
GEN 24:14 Na noimumu, hane-ulato ta baina hamaoroa, bainato “Emu hodu bavatoa diho, ranu kuri ta ba henigu, baina inua”, bena ia baineto “Madi ba inua; emu kamelo danu baina ha-inulaidia”, haneulatona bunai oiemu. abi-hidi ulatona, emu hesiai tauna Isaak ba henia ulatona mo. Unu amo baina diba oi na biagugu vada o bogaia hisimu.
GEN 24:15 Ena ḡuriḡuri do se ore ai, hane-ulato ta ladana Rebeka ena hodu e ehea ema. Ia na Betuel natuna; tubuna hahinena na Milka, Abraham tadina Nahoro adavana.
GEN 24:16 Ia na haneulato rami-hebou namo-hereana: tau ta ese do se adavaia. Ia na guri ela, ena hodu e hahonua, ma ema.
GEN 24:17 Bena hari hesiai tauna e heau ela, e hereva henia, eto, Emu hodu ranuna kuri ta mani aina inua.
GEN 24:18 Hane-ulato na eto, Ḡauka e, a inua. Bena ranu e seia, e ha-inulaia.
GEN 24:19 Ma eto, Ranu ma aina utu, emu kamelo baina ha-inulaidia.
GEN 24:20 Bena ena hodu ranuna orena na dihu-lata lalonai e seia, bena ranugurina ma e loulou henia ela bona kamelo iboudiai e ha-inulaidia vaitani.
GEN 24:21 Hari hesiai tauna ese e raraia tao, se hereva, baine diba eto, Iehova ese ena laolao anina vada e havaraia eiava.
GEN 24:22 Bena ena kamelo na ranu e inu vaitani murinai, ia ese gold gadeina ta, metauna na sekele kahana, bona gold vaḡivaḡidia rua, metaudia na sekele gwauta, e vai.
GEN 24:23 E nanadaia, eto, Oi be daika natuna? Tamamu ena ruma na mai gabuna, ai baia noho, eiava?
GEN 24:24 Hane-ulato na e haere, eto, Lau na Betuel natuna; tubugu hahinenana Milka, Nahoro adavana.
GEN 24:25 Ma eto, Uit momona bona rei kakoro momo dekemai ai mimia, emui mahuta gabuna ta danu mia.
GEN 24:26 Bena hari hesiai tauna e igo diho, Iehova e imodaia,
GEN 24:27 eto, Iehova, biagugu Abraham ena Dirava, na imodaiamu; ena hebogahisi bona ena momokani biagugu enai vada e hesiriumu, taunabunai ia ese egu dala ai vada e hakaugu maoro, ema bona biagugu varavarana edia ruma.
GEN 24:28 Bena hane-ulato na e heau ela, unu ḡau haridia na sinana ena rumataudia e hamaorolaidia.
GEN 24:29 Hari Rebeka na mai taihuna ta, ladana na Laban; bena ia na e raka lasi haraḡa, una tau dekena ela, ranu gabuna ai.
GEN 24:30 Ia ese taihuna Rebeka ena gadei bona imana vaḡivaḡidia e ita, bena e raka lasi, hari ranu gabuna ai ena kamelo e naridiava tauna dekena ela.
GEN 24:31 Bena e hereva henia, eto, Iehova ese vada e hanamomu taumu e, mani a dae kau. Dahaka dainai murimuri ai o nohomu? Badina be egu ruma vada na lailaia, bona kamelo edia gabu danu.
GEN 24:32 Bena una hesiai tauna na ruma ai e raka vareai. A Laban ese kamelo edia maduna e ruha, bena uit momona bona rei kakoro e henidia; bona hesiai tauna ranu e henia, ia mai bamona ida aedia bae huri.
GEN 24:33 Bena aniani e dabaraia ia vairanai; to ia eto, Basina aniani ela bona egu laolao badina aina gwauraia guna. Idia eto, A hereva.
GEN 24:34 Bena ia eto, Lau na Abraham ena hesiai tauna.
GEN 24:35 Iehova ese biagugu vada e hanamoa badabada, lohia badana ai vada e halaoa; mamoe seridia bona boromakau seridia vada e henia, bona silver bona gold, bona hesiai taudia bona hesiai hahinedia, bona kamelo bona doniki.
GEN 24:36 Biagugu adavana Sara na burukana ai natuna e abia; bena Abraham ese ia dihina ai vada e halaoa.
GEN 24:37 Bena biagugu ese e haduagu baina gwau hamata; eto “Natugu adavana na Kanaan taudia, bogaragidiai na noho hedoamu taudia, natudia ulatodia ta basio abia,
GEN 24:38 a tamagu ena ruma baola, varavaragu bogaragidiai natugu adavana bavabia”.
GEN 24:39 Bena biagugu na hamaoroa, nato “O hane-ulato na basine bamogu reana, bena ede baina heto?”
GEN 24:40 Bena ia eto “Iehova, vairanai na rakamu Diravana, ese ena aneru baine siaia, baine bamomu bona emu dala baine lailaia; bena varavaragu bona tamagu ena ruma taudia bogaragidiai natugu adavana do ba davaria.
GEN 24:41 Unu amo emu gwauhamata baine heruha, varavaragu dekediai ba kau negana ai; a idia na hane-ulato bema rua basiema henimu negana ai danu emu gwauhamata bema heruha”.
GEN 24:42 Bena hari dina ai ranu gabuna ai na kau, bena na ḡuriḡuri, nato: Iehova e, biagugu Abraham ena Dirava, boma ura egu laolao anina namona boma havaraia,
GEN 24:43 ini boma hamomokania toma: ina ranu gabuna ai na nohomu ai hane-ulato ta ranu utu bainema bena baina hereva henia, bainato “Emu hodu ranuna kuri ta a henigu, aina inua”, bena ia baineto
GEN 24:44 “Mani a inua, bona emu kamelo edia ranu danu baina utua”, baina diba hane-ulatona bunai, Iehova ese vada e abia hidi biagugu natuna baine adavaia ulatona.
GEN 24:45 Bena dounu na ḡuriḡuriva ai, Rebeka na hodu e ehea ema; e diho ela, guri ai ranu e utua. Bena na hamaoroa, nato “Mani emu kara, ranu kuri ta a henigu, aina inua”.
GEN 24:46 Bena ena hodu e atoa diho haraḡa, eto “A inua, bena emu kamelo edia ranu danu baina utua”.
GEN 24:47 Bena na nanadaia, nato “Oi be daika natuna?” Bena ia e haere, eto “Lau na Betuel natuna; tubugu na Nahoro bona ia adavana Milka”. Bena gadei na udu-baubauna ai na atoa, bona vaḡivaḡi imana ai.
GEN 24:48 Bena na igo diho, Iehova, biagugu ena Dirava, na imodaia, badina be ia ese e hakaugu maoro, biagugu tadina tubuna baina abia ia natuna baine adavaia helaoreana.
GEN 24:49 Benaini, mani a hereva, biagugu ba bogaia hisi bona ihanamona karana ba karaia, eiava lasi; bena baina diba ede baina raka toma, idiba kahana amo eiava lauri kahana amo.
GEN 24:50 Bena Laban bona Betuel e haere, eto, Ina na Iehova ena amo; ai na basia haere henimu diba, basiato “Oibe” eiava “Lasi.”
GEN 24:51 A itaia, Rebeka na vairamu ai gini: avabia, ba hakaua lao, biagumu natuna baine adavaia, Iehova ena hereva heḡereḡerena.
GEN 24:52 Abraham ena hesiai tauna una hereva e kamonai, bena tano ai e goru diho, Iehova e imodaia.
GEN 24:53 Bena ia ese herahera ḡaudia, gold ḡaudia bona silver gaudia bona dabua e hulala, Rebeka e henia; taihuna bona sinana danu herahia ḡaudia namo-hereadia e henidia.
GEN 24:54 Bena ia mai bamona ida e aniani, e inuinu, bena e mahuta. Daba ai e tore isi, eto, Mani a kahugu nege, biagugu baina lou henia.
GEN 24:55 A hane-ulato taihuna bona sinana eto, Hane-ulato na mani dekemai ai baine noho pura ta eiava dina gwauta, bena bainela.
GEN 24:56 A ia eto, Asio rugu: Iehova ese egu laolao anina vada e havaraia; mani a kahugu nege, biagugu baina lou henia.
GEN 24:57 Bena idia eto, Hane-ulato aita boiria, ia baine hereva.
GEN 24:58 Taunabunai, idia ese Rebeka e boiria, bena e nanadaia, eto, Lalomu vada eme heḡereḡere a, ina tau ida ba raka? Ia eto, Vada e heḡereḡere.
GEN 24:59 Taunabunai taihudia Rebeka, mai ena hesiai hahinena ida e kahudia nege, Abraham ena hesiai tauna mai bamona ida danu.
GEN 24:60 Idia ese Rebeka e hanamoa, eto, Taihumai e, daha daha oiemu amo bae vara: oi garamu ese inaidia do bae hadareredia.
GEN 24:61 Bena Rebeka bona ena hesiai hahinedia e tore isi, kamelo ai e gui, hesiai tauna ida ela. Hari hesiai tauna ese Rebeka e hakaua lao.
GEN 24:62 Una negana ai Isaak na diho kahana ai e nohova; bena tano gagaena ai eha laolao, ranu gurina ta, ladana Bere-lahai-roi, ela.
GEN 24:63 Adorahi ta taora ai eha loaloa, dina kerekerena ai, bena e roha isi, kamelo e maiva e itadia.
GEN 24:64 Rebeka danu e roha isi, Isaak e itaia; bena ena kamelo amo e diho,
GEN 24:65 hesiai tauna e nanadaia, eto, Una taora ai e maimu tauna be daika? Hesiai tauna eto, Biagugu bunai. Bena Rebeka ese dabua ta e abia, vairana e govaia ahu.
GEN 24:66 Bena hesiai tauna ese ena kara idoinai Isaak e hamaorolaia.
GEN 24:67 Bena Isaak ese Rebeka e hakaua lao, sinana Sara ena dabua rumana ai e hakaua vareai, e adavaia. Bena ia iura-henina ese lalona e hamarumarua, sinana taina e taiva negadia ai.
GEN 25:1 Abraham ese hahine ta ma e adavaia, ladana na Ketura.
GEN 25:2 Natudia ia bogana amo e vara ladadia bini: Simuran bona Iokosan bona Medan bona Midian bona Isabak bona Sua.
GEN 25:3 Iokosan ese Seba bona Dedan e havaradia. Dedan ese Asuri bona Letusi bona Leumi besedia e havaradia.
GEN 25:4 Midian ese Efa bona Efere bona Hanok bona Abida bona Eldaha e havaradia. Ini iboudiai na Ketura garana.
GEN 25:5 Abraham ese Isaak na ia dihina ai e halaoa.
GEN 25:6 A adavana oredia natudia na maurina ai e harihari henidia, bena e siaidia karoho, mairiveina kahana ai bae hanoho.
GEN 25:7 Abraham ena mauri laḡanidia iboudiai na sinahu-ta hituahui ima.
GEN 25:8 Bena Abraham e mase: ia na buruka herea, ena mauri laḡanidia na diaḡau; bena varavarana ediai eha hebou.
GEN 25:9 Bena ia natuna raruosi, Isaak bona Ismael, ese e abia, Makapela kohuana ai e guria: una kohua na Mamare kahana ai, Efron Sohara, Hiti tauna, ena tano ai.
GEN 25:10 Tanona bunai Abraham ese Hiti taudia edia amo e abia. Unuseni ai Abraham e guria, adavana Sara ida.
GEN 25:11 Abraham ena mase murinai, Dirava ese natuna Isaak e hanamoa. Isaak na Bere-lahai-roi ranu gurina badibadinai e nohova.
GEN 25:12 Ismael garana bini: ia na Abraham natuna, Sara ena hesiai hahinena Hagara, Aigupto hahinena, bogana amo.
GEN 25:13 Ismael garana ladadia bini: natuna roboana na Nebaioto; ia murinai e vara taudia be Kedara bona Adabeel bona Mibisam
GEN 25:14 bona Misima bona Duma bona Masa
GEN 25:15 bona Hadad bona Tema bona Ieturu bona Nafisi bona Kedema.
GEN 25:16 Ismael natudia bunu: ladadia bunu edia hanua bona edia taruha ladadia e hato; idia gwautararuosi na hanua ta ta e halohiadia.
GEN 25:17 Ismael ena mauri laḡanidia na sinahuta toi-ahui hitu. E mase, varavarana ediai eha hebou.
GEN 25:18 Edia tano na Havila ela bona Suru, Aigupto mairiveina kahana ai; tadikakadia iboudiai idia mo mairiveina kahana korikori ai e nohova.
GEN 25:19 Abraham natuna Isaak garana bini:
GEN 25:20 Isaak ena vara laḡanidia na hari-ahui negana ai, ia ese Rebeka, Betuel tau Suria natuna, Laban tau Suria taihuna, e adavaia. Betuel na Padan-aram tauna.
GEN 25:21 Isaak ese Iehova e noia, adavana dainai, badina ia na gabani. Iehova ese ena noinoi e kamonaia; bena Rebeka e rogorogo.
GEN 25:22 Hekapa na ia bogana ai e hedavelai; bena ia eto, Ini e karagu tomamu be ede baina heto? Bena Iehova enai e henanadai.
GEN 25:23 Bena Iehova ese e haere henia, eto, Iduhu rua na bogamu ai, Bese rua na oiemu amo bae vara; Ta ese ma ta baine hadarerea, Tau guna ese tau muritai isiaina baine lao heni.
GEN 25:24 Ena mara negana e gini dae, bena memero rarua e vara hekapa.
GEN 25:25 E vara guna merona na mia kakakaka, derana danu momo, dabua huika-huika na heto; ia ladana e hatoa Esau.
GEN 25:26 Gabeai tadina e vara, bena ia imana ese Esau aena geduna e dogoa tao; bena ladana e hatoa Iakob. Isaak ena mauri laḡanidia na tauratoi-ahui, idia raruosi e vara negana ai.
GEN 25:27 Memero raruosi na e bada oho bada oho. Esau na labana tauna mai aonegana, bona loaloa tauna; a Iakob na manada tauna bona konenoho tauna.
GEN 25:28 Isaak ese Esau e lalokau heniava, badina be ena labana damudia e aniva; a Rebeka ese Iakob e lalokau heniava.
GEN 25:29 Dina ta Iakob ese aniani e nadua; bena Esau na gunika amo e lasi mai manorina ida.
GEN 25:30 Esau ese Iakob e hereva henia, eto, Ena aniani kakakakana o naduamu na taina a henigu, aina ania, badina be e hitologu mase. Una dainai ia ladana ta e hatoa Edom.
GEN 25:31 Iakob eto, Emu roboa ahuna na a henigu, aniani davana.
GEN 25:32 Esau eto, Be, mokona ba masemu, roboa ahuna ese ede baine hanamogu toma?
GEN 25:33 Iakob eto, A gwau hamata guna. Bena Esau e gwau hamata, roboa ahuna Iakob e henia, aniani davana.
GEN 25:34 Bena Iakob ese flaoa bona vasiahu e henia; bena ia na e aniani, e inuinu danu. Bena e tore isi, e raka lasi. Esau ese ena roboa ahuna unu e dadaraia toma.
GEN 26:1 Doe bada e vara una tano ai, Abraham ena nega ai heḡereḡerena. Bena Isaak e tore isi, Gerara ela, Abimelek, Filistia pavapavana, dekena.
GEN 26:2 Bena Iehova ese ienai e hedinarai, eto, Aigupto basiola; baina hadibalaimu tanona ai ba noho.
GEN 26:3 Ina tano ai ba noho, bena lau baina bamomu bona baina hanamomu; badina be ini tano idoidiai oi baina henimu bona oi garamu baina henidia, oi tamamu Abraham na gwau henia hamata heḡereḡerena.
GEN 26:4 Oi garamu danu baina hahutumadia, guba hisiudia na heheto bae hutuma; oi garamu daidiai tanobada besedia iboudiai bae namo;
GEN 26:5 badina be Abraham ese lau eregu e kamonai, egu hahedua, egu haheḡani, egu taravatu, iboudiai e badinadiava.
GEN 26:6 Taunabunai Isaak be Gerara ai e nohova.
GEN 26:7 A una gabu taudia ese ia adavana e nanadailaia, bena ia eto, Ia na taihugu. “Ia na adavagu” baineto na e gari, badina be ia eto, Ina gabu taudia na bae alagu mase readia, Rebeka dainai, badina ia na hahine namo-hereana.
GEN 26:8 Nega daudau unu e noho tomava, bena dina ta Abimelek, Filistia pavapavana, gabamauru amo e igo lasi, Isaak adavana Rebeka ida e itadia, e sihari.
GEN 26:9 Bena ia ese Isaak e gwau henia, eto, Lalogu vada eme parara, hahine na oi adavamu. Dahaka dainai oi oto “Ia na taihugu”. Isaak e haere henia, eto, Badina be na gari, haida ese ia dainai bae alagu mase na garina.
GEN 26:10 Bena Abimelek eto, Oi na ede vada o karamai toma? Tau ta oi adavamu ida bema eno bou, iboumai ai baiama kerere oi daimu ai.
GEN 26:11 Bena Abimelek ese ena hanua taudia taravadia e atu, eto, Isaak enai baine dau kau eiava adavana enai baine dau kau tauna na baine mase.
GEN 26:12 Isaak ese aniani e hado matama una tano ai, bena una laḡani tamona lalonai anidia sinahu sinahu e abi; badina be Iehova ese e hanamoa.
GEN 26:13 Ia na taḡa tauna ai ela, ena taḡa danu e bada e laova;
GEN 26:14 ena mamoe bona ena boromakau na hutuma herea, ena hesiai taudia danu hoho. Bena Filistia taudia ese e vaḡeḡe henia.
GEN 26:15 Bena ranu guridia iboudiai Abraham ena nega ai ena hesiai taudia ese e ḡei na Filistia taudia ese e tahuni.
GEN 26:16 Bena Abimelek ese Isaak e hamaoroa, eto, Ai emai amo a raka oho, badina be vada o hereamai.
GEN 26:17 Bena Isaak na e raka oho, Gerara kourana ai e taruha, unuseni ai e nohova.
GEN 26:18 Bena ranu guridia, tamana Abraham ena nega ai e ḡei bena Filistia taudia ese e tahuni, ia ese ma e gei lou; bona ladadia, tamana ese e hato heḡereḡeredia, ia ese ma e hato lou.
GEN 26:19 Isaak ena hesiai taudia danu koura ai guri e ḡei, bona ranu e lohilohiva gabuna ta e davana.
GEN 26:20 Bena Gerara seridia ireḡudia taudia na Isaak ena seri ireḡudia taudia ida e heatu, eto, Ina na ai emai ranu. Taunabunai, ia ese una ranu gabuna ladana e hatoa Esek, badina be e heatulaia,
GEN 26:21 Bena guri ta ma e ḡeia, to una danu e heatulaia, taunabunai ladana e hatoa Sitina.
GEN 26:22 Unu amo ma e raka oho bena guri ta ma e ḡeia. Una na asie heatulaia; taunabunai ladana e hatoa Rehoboto; badina be ia eto, Iehova ese gabu ta vada e lailaia eda, iniseni ai baita noho namonamo.
GEN 26:23 Unu amo ia na Bere-sieba ela.
GEN 26:24 Bena una hanuaboi Iehova na ienai e hedinarai, eto, Lau na tamamu Abraham ena Dirava: basio gari, badina be lau ese na bamomumu; baina hanamomu bona garamu baina hahutumadia, egu hesiai tauna Abraham dainai.
GEN 26:25 Bena boubou patana ta unuseni ai e larebaia, bona Iehova ladana e hahanea. Unuseni ai danu e taruha, bona ena hesiai taudia ese ranu gurina e ḡeia.
GEN 26:26 Abimelek na Gerara amo ema, ia bona turana ta Ahusata bona ena tuari oreana biaguna Fikol, tatoiosi Isaak dekena ema.
GEN 26:27 Bena Isaak ese e hereva henidia, eto, O inai henigu bona o lulugu: harihari lau dekegu vada oma badina be dahaka?
GEN 26:28 Idia eto, Lalomai vada e parara Iehova ese vada e bamomu, taunabunai ai na a tomu: baita herohemaino bona baita gwau hamata heheni,
GEN 26:29 oi ese basio hadikamai, ai he ḡereḡeremai, emu ai asia dau kau, kara namodia mo a kara henimu, bona mai mainomu ida a siaimu, harihari Iehova ese e hanamomumu.
GEN 26:30 Bena Isaak ese aria e karaia: iboudiai e aniani hebou bona e inuinu hebou.
GEN 26:31 Daba ai e gwau hamata heheni. Bena Isaak ese e siaidia lao, mai mainodia ida ela.
GEN 26:32 Una dina ai Isaak ena hesiai taudia ia dekena ela, guri e geia herevana e hamaorolaia, eto, Ranu vada a davaria.
GEN 26:33 Bena una ranu gabuna ladana e hatoa Siba, taunabunai una hanua ladana na Bere-sieba ema bona harihari.
GEN 26:34 Esau ena mauri laḡanidia na hari-ahui, bena e headava, hahine rarua e abidia: Iuditi, Be-eri tau Hiti natuna, bona Basemata, Elon tau Hiti natuna.
GEN 26:35 A Isaak bona Rebeka lalodia na e hekwarahi unu hahine daidiai.
GEN 27:1 Isaak na vada e ḡauka, matana danu e valahu-valahu, ḡau ta seitaia ḡoeva. Bena ia ese natuna roboana Esau e boiria, eto, Natugu o! Esau eto, Lau o ina.
GEN 27:2 Isaak ma eto, Ame itagu, vada name buruka, egu mase dinana na asi dibagu.
GEN 27:3 Taunabunai na noimumu, emu diba pauana bona emu peva bavabi, ba ha labana, dia ta bavalaia lauagu;
GEN 27:4 bena vamu namona lalogu ese e ura heniamu heḡereḡerena na ba nadua, dekegu ba mailaia; baina ania, bena do basina mase ai baina hanamomu guna.
GEN 27:5 Hari Isaak ena hereva natuna Esau e hamaorolaia na Rebeka danu e kamonai. Bena Esau na eha labana, dia ta baine alaia, baine mailaia eto.
GEN 27:6 Bena Rebeka ese natuna Iakob e hereva henia, eto, Tamamu ese kakamu Esau e hamaorolaia herevana na kamonai;
GEN 27:7 ia eto “Dia ta ba mailaia, vamu namona ba nadua lauagu; baina ania, bena do basina mase ai Iehova vairanai baina hanamomu guna”.
GEN 27:8 Taunabunai, natugu e, eregu ba kamonai, baina haduamu heḡereḡerena mo ba karaia.
GEN 27:9 Aola, nani serina ai nani natudia namodia rua bavabi, dekegu ba mailai; bena lau ese vamu namona ai baina halao tamamu ana, ia ese e ura heniamu ḡauna heḡereḡerena.
GEN 27:10 Bena vada ba laohaia tamamu dekenai; baine ania bena do basine mase ai baine hanamomu.
GEN 27:11 Bena Iakob ese sinana Rebeka e haere henia, eto, Kakagu Esau na tauna mai derana, a lau kopigu be manada.
GEN 27:12 Readia tamagu ese baine darahugu, baine dibagu koikoi taugu, bena baine uduguiraigu, basine hanamogu.
GEN 27:13 Sinana eto, Heuduguirai na lau latagu ai baine mia: lau eregu a kamonai, aola, bavabi, dekegu ba mailai.
GEN 27:14 Bena ia ese eha abidia, sinana dekena e mailai. Bena sinana ese vamu namona e nadua, tamana ese e ura henia ḡauna heḡereḡerena.
GEN 27:15 Bena Rebeka ese natuna roboana Esau ena dabua namona ta ruma ai mia na e abia, natuna tau-muritai Iakob e hadokilaia;
GEN 27:16 nani natudia kopidia danu imana ruaosi bona aiona e havavalai.
GEN 27:17 Bena hari vamu bona flaoa e dabara, natuna Iakob e henia.
GEN 27:18 Iakob na tamana dekena ela, eto, Tamagu e! Ia na e haere, eto, Lau o ina: natugu e, oi be daika?
GEN 27:19 Iakob ese tamana e haere henia, eto, Lau binai Esau, natumu roboana, emu hahedua vada na badinaia; a helai tore, dia vada na alaia be bavania, bena ba hanamogu.
GEN 27:20 Bena Isaak ese natuna e nanadaia, eto, Natugu e, ede o davaria haraḡa-haraḡa toma? Ia e haere, eto, Badina be Iehova emu Dirava ese e durugu.
GEN 27:21 Bena Isaak ese Iakob e hamaoroa, eto, Natugu e, mani a raka kahi mai, baina darahumu oi na momokani lau natugu Esau eiava lasi.
GEN 27:22 Bena Iakob na tamana Isaak dekena e raka kahi lao. Ia ese e darahua, bena eto, Gado be Iakob gadona, a ima be Esau imana.
GEN 27:23 Ia na toana asi dibana, badina be imana na huika-huika, kakana Esau imana na heto; taunabunai ia ese e hanamoa.
GEN 27:24 Bena Isaak eto, Momokani, oi na natugu korikori Esau ani? Ia eto. Oibe.
GEN 27:25 Bena Isaak eto, Mani a mailaia dekegu ai, natugu emu vamu baina ania, bena baina hanamomu. Taunabunai, ia ese e mailaia, bena e ania; vine ranuna danu e mailaia, bena e inua.
GEN 27:26 Bena tamana Isaak ese e hamaoroa, eto, Natugu e, mani a raka kahi mai, ame harahugu.
GEN 27:27 Bena ia na e raka kahi, e harahua. Isaak ese ena dabua bonana e kamonai, bena e hanamoa, eto, Inai! Natugu bonana na Iehova ese e hanamoa imeana na heto:
GEN 27:28 Taunabunai guba hununa Dirava ese baine henimu, Bona tanobada digarana danu, Uit momo bona vine ranuna momo danu.
GEN 27:29 Taunimanima ese oi isiaimu bae lao heni, Bese idau-idau be vairamu ai bae igo diho; Tadikakamu biagudia ai baola, Sinamu natuna be vairamu ai bae igo diho; Bae uduguiraimu taudia na do bae uduguiraidia, Bae hanamomu taudia na do bae hanamodia.
GEN 27:30 Isaak ese Iakob ihanamona e hadokoa, Iakob danu Isaak vairana amo e raka lasi, asi vanahana kakana Esau na labana amo e lasi.
GEN 27:31 Ia danu vamu namona e nadua, tamana dekena e laohaia, tamana e hamaoroa, eto, Tamagu e, a helai tore, natumu egu vamu avania, bena ba hanamogu.
GEN 27:32 Tamana Isaak ese e nanadaia, eto, Oi be daika? Ia e haere, eto, Lau binai natumu roboana Esau.
GEN 27:33 Bena Isaak kudouna e hetaha, eto, Hari tau be daika, vamu eha abia, e mailaia dekegu ai, oi do toma ai na ania ore, bona vada na hanamoa danu? Momokani, ia ese hahenamo anina do baine abia.
GEN 27:34 Esau ese tamana ena hereva e kamonai ai e tai, e tai lolololo, tamana e tai henia, eto, Lau danu, tamagu e, lau danu ame hanamogu.
GEN 27:35 Tamana eto, Tadimu vada ema, mai ena koikoi, ihanamomu vada e dadia.
GEN 27:36 Esau eto, Ia ladana e hatoa Iakob na mai anina ani? Badina be nega rua vada e bologu: roboa ahuna e abia guna, harihari ihanamogu danu vada e abia. Hahenamo ta dia mia lauegu a?
GEN 27:37 Isaak ese Esau e haere henia, eto, Inai! Oi biagumu ai vada na halaoa, bona tadikakana iboudiai vada na henia, ena hesiai taudia ai baela; uit bona vine ranuna danu vada na gwaurai iena. Natugu e, dahaka baina karaia oiemu ai?
GEN 27:38 Bena Esau ese tamana e hamaoroa, eto, Tamagu e, emu hahenamo be tamona mo a? Tamagu e, lau danu ame hanamogu. Bena Esau e tai dikadika.
GEN 27:39 Bena tamana Isaak ese e haere henia, eto, Inai! tanobada digarana gabuna ai basio noho, Guba hununa atai amo e dihomu gabuna ai basio noho.
GEN 27:40 To emu dare goadana ai ba mauri. Tadimu isiaina ba lao heni; To negana baine gini dae emu siahu baine herea, Bena ena maduna na paḡamu amo ba negea daure.
GEN 27:41 Esau ese Iakob e inai henia, tamana ena hahenamo dainai; bena lalona ai eto, Tamagu itai-taina dinadia be kahikahi; unu muridiai tadigu Iakob baina alaia mase.
GEN 27:42 Haida ese Esau ena hereva Rebeka e hamaorolaia, bena Rebeka ese natuna tau-muritai Iakob e boiria, e hamaoroa, eto, A kamonai, kakamu Esau ese lalona e hadaiamu, baine alamu mase e tomu.
GEN 27:43 Taunabunai, natugu e, eregu a kamonai: a tore isi haraḡa, Haran baola, taihugu Laban dekenai;
GEN 27:44 nega taina ia dekenai ba noho, ela bona kakamu lalona baine keru.
GEN 27:45 Ia na do baine laloa boio ede o karaia toma, bena ena badu do baine ore; una negana ai hereva baina siaia, bena ba lou mai. Umui raruosi dina tamona egu ai ba boio anina be dahaka?
GEN 27:46 Bena Rebeka ese Isaak e hereva henia, eto, Name hesiku ini Hiti hahinedia daidiai. Iakob ese ini Hiti taudia natudia ina tano ai e nohomu ta baine adavaia, egu noho ede baine heto?
GEN 28:1 Bena Isaak ese Iakob e boiria, e hanamoa, e hagania, eto, Kanaan taudia natudia ta basio adavaia;
GEN 28:2 Padan-aram baola, tubumu Betuel ena ruma ai ba dae kau, vavamu Laban natuna kekenidia ta bavadavaia.
GEN 28:3 Bena Siahu-idoinai Diravana ese baine hanamomu, besemu baine havaraia bona baine habadaia, bese bada-hereana ai baola.
GEN 28:4 Dirava ese Abrahame henia hahenamona oi danu baine henimu, oi garamu baine henidia danu, o noholaia hedoamu tanona, Dirava ese Abraham e henia tanona bavabia, emu tano korikori ai bainela.
GEN 28:5 Bena Isaak ese Iakob e siaia lao. Ia na Padan-aram ela, Laban Betuel, tau Suria, dekenai. Una Laban na Rebeka taihuna; Rebeka na Iakob bona Esau sinadia.
GEN 28:6 Esau vada e diba Isaak ese Iakob vada e hanamoa bona vada e siaia lao, Padan-aram ai baine headava: vada e diba danu e hanamoa negana ai e haḡania, eto “Kanaan taudia natudia ta basio adavaia”;
GEN 28:7 e diba danu Iakob na tamana sinana eredia vada e kamonai, Padan-aram ela.
GEN 28:8 Bena Esau lalona e parara tamana Isaak na Kanaan hahinedia se ura henidiava.
GEN 28:9 Taunabunai, Esau na Ismael dekena ela, Ismael Abraham natuna kekenina Mahalata, Nebaioto taihuna, e adavaia; ḡau tamona, adavana gunadia raruosi nonoho.
GEN 28:10 Iakob ese Bere-sieba e rakatania, Haran dalana ai e raka.
GEN 28:11 Bena gabu ta ai e kau, unuseni ai baine noho rani eto, badina be dina vada e diho. Bena una gabu nadidia ta e abia, ena ikwina; bena e hekure diho, e mahuta.
GEN 28:12 Bena e nihi: ena nihi ai vadavada e itaia, tano amo e dae ela bona guba, bona Dirava ena aneru loḡora unu amo e dae e diho.
GEN 28:13 Iehova na dorina ai e gini, eto, Lau na Iehova, tubumu Abraham ena Dirava, tamamu Isaak ena Dirava danu: lau ese ina o mahutalaiamu tanona oi baina henimu, oi garamu danu baina henidia.
GEN 28:14 Oi garamu danu bae hutuma, tano ḡahuna na heto, tahodiho kahana ai bona mairiveina kahana ai bona mirigini kahana ai bona diho kahana ai do bae pere rohoroho; oi daimu ai bona garamu daidiai tanobada iduhudia idoidiai bae namo.
GEN 28:15 Lau ese baina bamomu, ba lao heni gabudia iboudiai baina gimamu, bona baina hakaumu lou ina tano ba lou henia; lau basina rakatanimu ela bona na herevalai henimu karadia na baina kara ḡuḡuru.
GEN 28:16 Iakob na mahuta amo e noga, bena eto, Momokani, Iehova na iniseni ai, to asi dibagu.
GEN 28:17 Bena kudouna e hetaha, eto, Ina gabu na mai garina; Dirava ena ruma binai; guba iduarana binai.
GEN 28:18 Daba matana ai Iakob e tore isi, ena hekwina nadina e haginia, pupuna ai e halaoa, latanai dehoro e seia.
GEN 28:19 Bena una gabu ladana e hatoa Betele; a una gabu ladana gunana be Lusu.
GEN 28:20 Bena Iakob e gwau hamata, eto, Bema Dirava ese baine bamogu, ina na rakalaiamu dalana ai baine gimagu, aniani baine henigu bona dabua danu,
GEN 28:21 ela bona tamagu ena ruma baina lou henia mai mainogu ida: unu baine karagu toma be Iehova na egu Dirava ai baina halaoa;
GEN 28:22 ina nadi pupuna danu hari name haginia na Dirava ena ruma ai bainela. Ba henigu ḡaudia idoidiai danu baina karoa, karoa gwauta, karoa ta oi baina henimu.
GEN 29:1 Iakob na e raka lao, ela bona mairiveina kahana taudia edia tano ai eha kau.
GEN 29:2 Bena ranu gurina ta e itaia taora ai, mamoe seridia toi na badibadinai hehekure, badina be una ranu na mamoe seridia e hainulaidia. Nadi badana ta ai guri iduarana e koua ahu;
GEN 29:3 mamoe seridia idoidiai e hegogo unuseni ai, bena idia ese nadi na guri iduarana amo e kurea oho, mamoe seridia e ha-inulaidia, bena nadi na guri iduarana ai ekurea lou ena gabu ai.
GEN 29:4 Bena Iakob ese mamoe ireḡudia taudia e nanadaidia, eto, Varavaragu e, ede amo oma? Idia eto, Ai be Haran taumai.
GEN 29:5 Ma e nanadaidia lou, eto Umui na Laban, Nahoro natuna, dibamui eiava? Idia eto, Dibamai.
GEN 29:6 Ma e nanadaidia lou, eto, Ia be namo a? Idia eto, I, vada namo; natuna kekenina Rahela mani a itaia, ena mamoe serina e hakaua maimu.
GEN 29:7 Iakob eto, Dina tubua binai, boromakau ihaboudia negana be dohore; mamoe seridia boma ha-inudia, boma lao, adia boma henidia.
GEN 29:8 Idia nae haere, eto, Lasi: mamoe seridia iboudiai bae hegogo guna, bena guri iduarana nadina baia kurea oho, bona mamoe seridia baia ha-inudia.
GEN 29:9 Ia idia ida dounu e herevava ai, Rahela na e kau, tamana ena mamoe serina e hakaudia, badina be ia ese e reḡudiava.
GEN 29:10 Iakob ese vavana Laban natuna kekenina Rahela e itaia, vavana Laban ena mamoe serina e hakaua mai, bena ia na e raka kahira, nadi guri iduarana amo e kurea oho, vavana Laban ena mamoe serina e ha-inudia.
GEN 29:11 Bena Iakob ese Rahela e harahua, bona e tai danu mai gao badana ida.
GEN 29:12 Iakob ese Rahela e hamaoroa ia na ia lalana Rebeka natuna; bena Rahela e heau ela, tamana e hamaoroa.
GEN 29:13 Laban ese vavana Iakob harina e kamnonai, bena ia e heau ela, e rosia, e harahua; bena ena ruma e hakaua lao. Bena Iakob ese hari idoidiai Laban e hamaorolaia.
GEN 29:14 Bena Laban ese e hamaoroa, eto, Momokani, oi na turiagu turiana bona hidiogu hidiona. Taunabunai, Iakob na ia ida e noho, hua tamona.
GEN 29:15 Bena Laban ese Iakob e hereva henia, eto, Oi na varavaragu dainai isiaigu ba lao heni asi davamu a? Ame hamaorogu, davamu be dahaka?
GEN 29:16 Hari Laban na mai natuna kekenidia rarua, vara guna ladana na Lea, tadina ladana be Rahela.
GEN 29:17 Lea matana na dika, a Rahela na hane namo, mai hairaina.
GEN 29:18 Iakob ese Rahela e ura henia; taunabunai ia eto, Laḡani hitu isiaimu baina lao heni, natumu hane-muritai Rahela iabina totona.
GEN 29:19 Laban eto, Oi baina henimu be namo, idau tauna ta baina henia na dika; dekegu ai ba noho.
GEN 29:20 Taunabunai, Iakob ese Laban isiaina e lao heni laḡani hitu, Rahela iabina totona; a lalona e tomava dina gadoi mo na heheto, badina be ia ese Rahela e ura henia lalo-dikava.
GEN 29:21 Bena Iakob ese Laban e hamaoroa, eto, Adavagu a henigu, badina be egu nega vada e ore, taunabunai aina adavaia na tomamu.
GEN 29:22 Bena Laban ese una gabu taudia iboudiai e haboudia, aria e karaia.
GEN 29:23 Hanua e boi, bena ia ese natuna Lea e hakaua vareai Iakob dekenai; bena Iakob ese e adavaia
GEN 29:24 Laban ese danu ena hesiai hahinena Silpa na Lea e henia, ena hesiai hahinena ai bainela.
GEN 29:25 Daba e rere, bena Iakob ese hahine na e itaia, Lea mo. Bena ia ese Laban e gwau henia, eto, Ede vada o karagu toma? Isiaimu asina lao heni Rahela iabina totona a? Dahaka dainai o koigu?
GEN 29:26 Laban na e haere, eto, Ai emai kara iniseni ai be hane-muritai asia haheadavaia gunamu, a hane-guna e headava gunamu.
GEN 29:27 Ina hahine ariana purana baine ore, murinai tadina danu baia henimu; davana be laḡani hitu ma isiaigu ba lao heni.
GEN 29:28 Iakob na unu e kara toma: dina hitu e ore, bena Laban ese natuna Rahela e henia, baine adavaia.
GEN 29:29 Laban ese danu ena hesiai hahinena Bilha na Rahela e henia, ena hesiai hahinena ai bainela.
GEN 29:30 Bena Iakob e raka vareai Rahela dekenai; ia ese Rahela e ura henia bada, a Lea e ura henia maragi. Ia ese Laban isiaina ma e lao heni, laḡani hitu.
GEN 29:31 Iakob ese Lea e dadaraia dainai Iehova ese e bogaia hisi, natuna e henia; a Rahela na gabani.
GEN 29:32 Bena Lea na e rogorogo, e mara, mero ta e abia; ladana e hatoa Ruben: badina be ia eto, Iehova ese egu lalo- hisihisi vada e haḡerea; harihari adavagu ese baine ura henigu.
GEN 29:33 Ma e rogorogo lou, e mara, mero ta e abia; bena eto, Iehova vada e kamonai adavagu vada e dadaraigumu, una dainai ina mero danu vada e henigu. Bena ladana e hatoa Simeon.
GEN 29:34 Ma e rogorogo, e mara, mero ta e abia; bena eto, Harihari adavagu ida baia hahebou, badina be memero tatoi vada na heni. Bena ladana e hatoa Levi.
GEN 29:35 Ma e rogorogo, e mara, mero ta e abia; bena eto, Harihari Iehova aina imodaia. Bena ladana e hatoa Iuda. Una murinai ia na se rogorogo lou.
GEN 30:1 Rahela na gabani, una dainai ia ese kakana e mama henia. Bena ia ese Iakob e gwau henia, eto, Natugu basio henigu vada baina mase.
GEN 30:2 Bena Iakob ese Rahela e badu henia, eto, Lau Dirava a? Ia ese mero emu ai e ruamu.
GEN 30:3 Hahine na eto, Egu hesiai hahinena Bilha binai: ia dekenai ba raka vareai; bena lau tuigu ai baine mara, iena amo natugu baina abia.
GEN 30:4 Taunabunai, ia ese ena hesiai hahinena Bilha na Iakob e henia, bena ia ese e adavaia.
GEN 30:5 Bena Bilha na e rogorogo, e mara, mero ta e abia.
GEN 30:6 Bena Rahela eto, Dirava ese vada e hahemaoro henigu, egu noinoi vada e abia dae, natugu vada e henigu. Bena ladana e hatoa Dan.
GEN 30:7 Rahela ena hesiai hahinena Bilha ma e rogorogo, e mara, mero ihararuana e abia.
GEN 30:8 Bena Rahela eto, Kakagu ida a hedaverai, vada na kwalimu. Bena mero ladana e hatoa Napatali.
GEN 30:9 Lea vada e diba ia na basine rogorogo; bena ia ese ena hesiai hahinena Silpa e abia, Iakob e henia, baine adavaia.
GEN 30:10 Bena Lea ena hesiai hahinena Silpa e rogorogo, e mara, mero ta e abia.
GEN 30:11 Bena Lea eto, Egu madinamo negana binai. Bena mero ladana e hatoa Gad.
GEN 30:12 Bena Lea ena hesiai hahinena Silpa ma e rogorogo, e mara, mero ihararuana e abia.
GEN 30:13 Bena Lea eto, Na moalemu; hahine iboudiai danu bae hanamogu. Bena mero ladana e hatoa Asere.
GEN 30:14 Uit iutuna negana ai, Ruben na ela, au-huahua ladana dudai haida e davaridia. bena e abi, sinana Lea dekena e laohai. Bena Rahela ese e noia, eto, Natumu ena dudai haida mani a henigu.
GEN 30:15 A Lea ese e gwau henia, eto, Adavagu o henaoa na ḡau pipikina a? Matona natugu ena dudai ba dadi o tomu. Bena Rahela eto, Natumu ena dudai ba henigu, bena hari hanuaboi adavada ida ba eno bou.
GEN 30:16 Adorahi ai, Iakob na uma amo e lasi, bena Lea na vairana ela, eto, Hari hanuaboi raruosi baita eno bou, natugu ena dudai na heni davadia. Bena una hanuaboi idia raruosi e eno bou.
GEN 30:17 Bena Dirava ese Lea e hakala henia; bena e rogorogo, e mara, mero iha-imana e abia, Iakob ena.
GEN 30:18 Bena Lea eto, Egu hesiai hahinena na adavagu na henia davana binai, Dirava ese vada e henigu. Bena natuna ladana e hatoa Isakara.
GEN 30:19 Lea ma e rogorogo lou, e mara, mero ihatauratoina e abia, Iakob ena.
GEN 30:20 Bena ia eto, Dava namona Dirava ese vada e henigu; harihari adavagu na dekegu ai baine noho tari, badina be natuna mamaruanedia tauratoi vada na henia. Bena mero ladana e hatoa Sebulun.
GEN 30:21 Una murinai ia ese natuna kekenina ta e abia, bena kekeni ladana e hatoa Daina.
GEN 30:22 Una negana ai Dirava ese Rahela e haḡerea, ena noinoi e abia dae; Bena ia danu e rogorogo.
GEN 30:23 E mara, mero ta e abia: bena eto, Dirava ese egu hemarai vada e abia oho.
GEN 30:24 Bena ladana e hatoa Iosef; eto, Iehova ese ma ta bema henigu bema namo.
GEN 30:25 Iosef e vara murinai, Iakob ese Laban e hamaoroa, eto, Mani emu kara a kahugu nege, egu gabu korikori bainala, egu tano korikori baina lou henia.
GEN 30:26 Adavagu bona natugu ba henigu, badina be idia daidiai oi isiaimu vada na lao heni. A kahugu nege; egu hekwarahi emu hesiai ilao-henina ai vada dibamu.
GEN 30:27 Laban eto, Na noimumu, mani emu kara basio raka oho; badina be lalogu vada eme parara Iehova ese vada e hanamogu oi daimu ai.
GEN 30:28 Davamu a gwauraia, bena baina henimu.
GEN 30:29 Iakob ese e haere henia, eto, Ede na hekwarahi tomava emu hesiai ilao-henina ai vada o itaia; dibamu danu emu seri vada e hutuma lau imagu ai.
GEN 30:30 Lau do asinama negana ai oi na vada o ogoḡami, harihari vada o taḡa; lau nama ema bona hari Iehova ese vada e hanamomu. A edena nega ai adavagu bona natugu ihataḡadia baina ḡaukara matama a?
GEN 30:31 Bena Laban eto, Dahaka baina henimu? Iakob eto, Ḡau ta basio henigu, to egu ura bavabia dae, bena emu seri ma baina reḡudia.
GEN 30:32 Hari dina ai emu seri ba hididia, mamoe mai toutoudia eiava mai revarevadia bona mamoe koremadia bona nani mai toutoudia eiava mai revarevadia iboudiai baina hakaudia siri: lau davagu bunu.
GEN 30:33 Nega gabedia ai vada ba dibagu, maoro eiava kerere: egu seri ai nani haida asi toutoudia asi revarevadia eiava mamoe kurokurodia ba davaridia, henao taugu ba gwauraigu.
GEN 30:34 Bena Laban eto, Emu hereva heḡereḡerena, unu baita kara toma.
GEN 30:35 Una dina ai ia ese nani mamaruanedia mai toutoudia bona mai revarevadia, bona nani hahinedia mai toutoudia bona mai revarevadia, bona mamoe koremadia, iboudiai e hakaudia siri, natuna e henidia, bae reḡudia.
GEN 30:36 Bena e siaidia lao, dauhai bae noho, dina toi rakadia heḡereḡerena. A Laban ena seri oredia Iakob ese e reḡudia.
GEN 30:37 Bena Iakob ese au rigidia matamatadia e utu, kopidia kahadia e nege, kahadia mimia, ita-itadia revareva na heheto.
GEN 30:38 Bena unu rigi mai revarevadia ranu gabudia ai e hagini, seri e ha-inudia negadia ai. Bena nani bona mamoe hahinedia na ranu gabudia ai e rogorogo,
GEN 30:39 unu rigi vairadiai; una dainai natudia e havaradia, kopidia na mai revarevadia.
GEN 30:40 Ini nani bona mamoe natudia Iakob ese e abidia hidi, iena seri ida e haboudia, Laban ena seri ai se atodia.
GEN 30:41 Bena nani bona mamoe hahinedia mai goadadia e rogorogova negadia ai, Iakob ese hari rigi vairadiai e hagini, ranu gabudia ai, rigi i'itadia ai bae rogorogo totona.
GEN 30:42 A manokadia e rogorogova negadia ai, hari rigi se hagini vairadiai. Taunabunai, nani bona mamoe manokadia na Laban ena seri ai, a goadadia na Iakob ena seri ai.
GEN 30:43 Taunabunai, Iakob ena taḡa e bada e laova: ena seri e hutumava; ena hesiai hahinedia bona ena hesiai taudia bona ena kamelo bona ena doniki danu hutuma herea.
GEN 31:1 Bena Iakob ese Laban natuna mamaruanedia edia maumau e kamonai: idia na e maumau, eto “Iakob ese tamamai ena kohu idoinai vada e abihaia, unu amo ena taḡa idoinai vada e abi”.
GEN 31:2 Iakob danu e itaia. Laban vairana e huaia ienai.
GEN 31:3 Una negana ai Iehova ese Iakob e hamaoroa. eto, Tubumu tamamu edia tano ba lou henia, varavaramu dekedia baola: lau ese baina bamomu.
GEN 31:4 Bena Iakob ese Rahela bona Lea e boiridia, dekena baela, taora ai ena seri e reḡudiava gabuna ai.
GEN 31:5 Bena ia ese e hamaorodia, eto, Vada na itaia, tamamui ese vairana e huaiamu bona lalona e idaumu egu ai; a tamagu ena Dirava ese vada e bamogu.
GEN 31:6 Umui danu dibamui lau ese tamamui isiaina vada na lao heni mai goadagu idoinai.
GEN 31:7 Tamamui ese vada e koigu, nega gwauta davagu vada e ha-idaua, a Dirava ese e laoa ahu dainai ia ese se hadikagu.
GEN 31:8 Ia eto “Mai toutoudia na oiemu”, bena seri idoinai ese mai toutoudia ḡaudia mo e havaradia; ma eto “Mai revarevadia na oiemu”, bena seri idoinai ese mai revarevadia ḡaudia mo e havaradia.
GEN 31:9 Unuhetomana Dirava ese tamamui ena seri iena amo vada e abi oho, lau vada e henigu.
GEN 31:10 Mamoe bona nani hahinedia e rogorogova negana ai na na nihi, egu nihi ai na itadia, mamarauendia mai toutoudia bona mai revarevadia bona koremadia mo ema, hahine dekediai.
GEN 31:11 Bena egu nihi ai Dirava ena aneru ta ese e hereva henigu, eto “Iakob”. Lau nato “Lau o ina.”
GEN 31:12 Ma eto “A itadia, mamoe bona nani hahinedia e harogorogodiamu mamaruanedia iboudiai na mai toutoudia eiava mai revarevadia eiava koremadia: badina be Laban ena kara iboudiai oiemu ai e karamu vada na ita vaitani.
GEN 31:13 Lau binai, Betele Diravana: unuseni ai oi ese boubou nadina dehoro o horolaia, bona o gwau henigu hamata. Benaini, a tore isi, ina tano amo ba raka lasi, o vara gabuna ba lou henia.”
GEN 31:14 Bena Rahela bona Lea ese e haere henia, eto, Ai ahumai be dahaka tamamai ena ruma ai? Ai na dia ia dihina.
GEN 31:15 Ai na idau taudia na heheto ienai, ani? Badina be davamai vada e abi bona vada e hapetapetalai.
GEN 31:16 Taḡa idoinai Dirava ese tamamai ena amo vada e abihaia na ai emai bona natumai edia; taunabunai, Dirava ese vada e hamaoromu heḡereḡerena vada ba karaia.
GEN 31:17 Bena Iakob ese adavana raruosi bona natuna iboudiai na kamelo ai e hahelaidia kau;
GEN 31:18 ena seri iboudiai bona ena kohu idoinai Padan-aram ai e habou danu e siaidia guna; bena e heḡaeḡae, Kanaan tanona bainela, tamana Isaak dekenai.
GEN 31:19 Una negana ai Laban na ena mamoe huidia iutudia ela. Bena Rahela ese tamana ena dirava laulaudia e henao;
GEN 31:20 bona Iakob na e heau hehuni, Laban tau Suria se hadibaia guna.
GEN 31:21 Ia na ela, ena orea taudia bona ena kohu idoinai danu e laohai, sinavai e hanaia, Gilead ororodia dalana ai ela.
GEN 31:22 Dina ihatoina ai Laban na Iakob ena heau harina e kamonai.
GEN 31:23 Bena ia ese varavarana e haboudia, dina hitu Iakob e ḡavaia, ela bona Gilead ororodia ai e ḡavaia tao.
GEN 31:24 A Dirava ese Laban tau Suria nihi ai e hahedinarai henia, eto, Iakob basio hereva henia, hereva namona eiava hereva dikana.
GEN 31:25 Bena Laban ese Iakob e lasia tao. Iakob na ororo ai vada e taruha; bena Laban mai varavarana ida danu Gilead ororodia ai e taruha.
GEN 31:26 Bena Laban ese Iakob e gwau henia, eto, Badina be dahaka o heau hehuni, natugu hahinedia danu abimauri hahinedia na heheto o heaulaidia?
GEN 31:27 Dahaka dainai o heau hehuni, so hadibagu? Boma hadibagu, bena bama kahumu nege mai moale karadia bona mai moale anedia ida, oibe, mai gaba reḡedia bona mai gitara reḡedia ida.
GEN 31:28 A oi ese o laogu ahu, natugu asina harahudia. Vada o kara kava.
GEN 31:29 Harihari, lau na mai siahugu bama hadikamu; ḡau tamona, tamamu ena Dirava ese boi hanuaboi e hahedinarai henigu, eto, “Iakob basio hereva henia, hereva namona eiava hereva dikana.”
GEN 31:30 Harihari tamamu ena ruma o ura henia lalo-dikamu dainai vada bo laomu; to dahaka dainai egu dirava laulaudia o henaodia?
GEN 31:31 Bena Iakob ese Laban e haere henia, eto, Na gari, nato natumu na egu amo ba dadidia oho readia.
GEN 31:32 A emu dirava laulaudia na daika dekenai ba davaridia, ia na baine mase. Ai vairamai ai emu a tahu, bavabi. Badina be Iakob na asi dibana Rahela ese e abidia.
GEN 31:33 Taunabunai Laban ese Iakob ena dabua rumana ai e tahu, bona Lea ena dabua rumana ai, bona hesiai hahinedia raruosi edia dabua rumadia ai, to ḡau ta se davaria. Bena Rahela ena dabua rumana ai e raka vareai.
GEN 31:34 Rahela ese hari dirava laulaudia vada e abi, kamelo e hua modadia ai vada e huni, bena moda latadiai e helai. Bena Laban ese dabua rumana ai e tahu malaka-malaka, a ḡau ta se davaria.
GEN 31:35 Bena hahine ese tamanae hereva henia, eto, Ḡauka, basio badu; vairamu ai asina tore isi, badina be vaia hahine emai kara e goreregumu. Taunabunai e hetahu mase, to ena dirava laulaudia se davaridia.
GEN 31:36 Bena Iakob ese Laban e badu henia, e gwau henia, eto, Egu kerere be dahaka, egu dika be dahaka, bena oi ese daidiai o havagu mai badumu ida?
GEN 31:37 Egu kohu idoinai vada o tahu vaitani, emu o davaria be edena? Lauegu orea taudia bona oiemu orea taudia vairadiai ba vaia dae, bena ita raruosi bae hahemaoro henida.
GEN 31:38 Laḡani ruahui dekemu ai na noho; emu mamoe bona emu nani hahinedia asie mara dika, emu nani mamaruanedia danu ta asina abia, asina ania.
GEN 31:39 Uda boromadia ese e habero ḡaudia danu asina vasilai; sibogu ibolodia na heni. Henao taudia ese dina ai e henao eiava hanuaboi ai e henao ḡaudia danu davadia lauegu amo o gwaurai.
GEN 31:40 Unu na noho tomava: dina ai dina ḡaraḡara ese e hadikaguva; hanuaboi ai keru ese e alaguva; matagu na asie mahutava.
GEN 31:41 Laḡani ruahui emu ruma ai na nohova: laḡani gwauta-hani isiaimu na lao heni, natumu raruosi davadia, ma laḡani tauratoi emu seri davadia. Nega gwauta davagu o ha-idaua.
GEN 31:42 Tamagu ena Dirava, Abraham ena Dirava, Isaak ese e gari heniamu Diravana, basinema bamogu, oi na harihari ima-kavakava boma lulugu. A Dirava ese egu hekwarahi vada e itaia bona imagu ḡaukaradia vada e nene, bena boi hanuaboi e gwaumu tubu.
GEN 31:43 Bena Laban ese e haere henia, eto, Ini hahine na lau natugu; ini memero na lau tubugu; ini seri na lauegu seri; o itamu ḡaudia iboudiai na lauegu. Ma dahaka aina karaia hari dina ai, ini natugu bona tubugu ihanamodia?
GEN 31:44 Aoma, aita herohemaino; eda herohemaino ese baine hahemaoro henida.
GEN 31:45 Bena Iakob ese nadi ta e abia, e haginia, pupuna ai e halaoa.
GEN 31:46 Iakob ese danu ena orea taudia e hamaorodia, eto, Nadi a gogo. Unu e kara toma, bena una nadi senuna latanai e aniani hebou.
GEN 31:47 Bena Laban ese una gabu ladana e hatoa legara-sahaduta; a Iakob ese ladana e hatoa Galeed.
GEN 31:48 Bena Laban eto, Hari dina ai ina nadi senuna ese e hahemaoro henidamu. Una dainai ladana na Galeed.
GEN 31:49 Ma ladana ta be Mispa; badina be ia eto, Basita heita heheni negadia ai Iehova ese baine gimada.
GEN 31:50 Natugu ba daḡedaḡe henidia, eiava hahine haida ma bavabidia, tau ta ese basine itamu, to Dirava ese baine hahemaoro henida.
GEN 31:51 Laban ese Iakob ma e hereva henia, eto, Ini nadi bona ina pupuna na ita raruosi padadai vada na hagini.
GEN 31:52 Ini nadi anidia binai bona ina pupuna anina binai: lau ese ini nadi basina rakadia hanai, oi ihadikamu, bona oi ese ini nadi bona ina pupuna basio rakadia hanai, lau ihadikagu.
GEN 31:53 Abraham ena Dirava, Nahoro ena Dirava, tamadia ena Dirava danu, ia ese baine hahemaoro henida. Bena Iakob na ia tamana Isaak ese e gari henia Diravana ladana ai e gwau hamata.
GEN 31:54 Bena Iakob ese Dirava e boua una ororo ai, bona ena orea taudia e haduadia, bae aniani. Taunabunai, e aniani, bona ororo ai e noho rani.
GEN 31:55 Daba ai Laban e tore isi, tubuna mai sinadia ida e harahudia bona e hanamodia. Bena e rakatanidia, ena hanua e lou henia.
GEN 32:1 Iakob na ena dala ai ela, bena Dirava ena aneru loḡora ida e hedavari.
GEN 32:2 Iakob ese e itadia, bena eto, Ina na Dirava ena tuari oreana: taunabunai una gabu ladana e hatoa Mahanaim.
GEN 32:3 Una negana ai Iakob ese ena hesiai taudia e siaidia guna, kakana Esau dekena baela, Seiri tanona ai: Edom ena tano bunai.
GEN 32:4 E haduadia, eto, Egu lohia Esau ini ba hamaoroa toma, baoto “Emu hesiai tauna Iakob na e tomu: lau na Laban ida vada na noho ema bona hari;
GEN 32:5 lau na mai egu boromakau bona doniki bona mamoe bona nani bona hesiai taudia bona hesiai hahinedia; bena ihamaorolaimu herevana egu lohia emu ai name siaia vasi, oi vairamu ai hebogahisi baina davaria totona”.
GEN 32:6 Hesiai taudia na e lou ema, eto, Ai na kakamu Esau ida a hedavari, ia na dekemu e maimu, ena orea taudia sinahu-hani ida.
GEN 32:7 Bena Iakob na e gari dikadika, kudouna e hetaha. Bena ena orea taudia bona ena mamoe, ena nani, ena boromakau, ena kamelo danu, orea rua ai e hididia.
GEN 32:8 eto, Esau ese orea ta baine davaria bena baine habuaia tari reana, a orea ta ma baine mauri.
GEN 32:9 Bena Iakob e ḡuriḡuri, eto, Tubugu Abraham ena Dirava, tamagu Isaak ena Dirava, Iehova e, oi ese o haduagu, oto “Emu tano ba lou henia, varavaramu dekedia baola, bena baina hanamomu”.
GEN 32:10 Emu hebogahisi karadia iboudiai emu hesiai tauna egu ai o kara, bona emu gwau-hamata herevadia emu hesiai tauna egu ai o hamomokani, lau na dia heḡereḡere; badina be imagu mai itotohina mo ina Ioridane sinavaina na hanai nala, a harihari mai orea rua ida vada na lou mai.
GEN 32:11 Na noimumu, kakagu Esau imana amo ba hamaurigu; badina be na garimu, ia na bainema, baine tuari henigu, natugu mai sinadia ida baine aladia mase.
GEN 32:12 A oi vada oto “Momokani, lau ese baina hanamomu, bona garamu baina hahutumadia kone mirina na heto, asi iduahidia”.
GEN 32:13 Una hanuaboi ia na unuseni ai e taruha; bena ena kohu amo herahia gaudia e abi, kakana Esau ena.
GEN 32:14 Gaudia bini: nani hahinedia sinahu-ruabona nani mamaruanedia ruahui; mamoe hahinedia sinahu-rua bona mamoe mamaruanedia ruahui;
GEN 32:15 kamelo toi-ahui mai natudia ida; boromakau hahinedia hari-ahui; boromakau mamaruanedia gwauta; doniki ruahui; bona doniki natudia gwauta.
GEN 32:16 Ini iboudiai ena hesiai taudia e henidia, ta ta ena seri ena seri ai. Bena ia ese ena hesiai taudia e hamaorodia, eto, Umui ba raka guna, seri ta ta mai padadia ida ba hakaudia lao.
GEN 32:17 Bena baine raka guna tauna e haduaia, eto, Kakagu Esau ida ba hedavari negana ai, ia baine henanadai, baineto “Oi na daika ena hesiai tauna? Ede bo laomu? Ina seri be daika ena?”
GEN 32:18 Bena oi ese ba haere henia, baoto “Ini na emu hesiai tauna Iakob ena, ena herahia ḡaudia lohia taumu Esau emu; ia danu murimai ai e maimu”.
GEN 32:19 Ihararuana danu unu e haduaia toma, bona ihatatoina, bona idia muridiai seri ta ta bae hakaudia taudia, hahedua tamona e henidia, eto, Esau ida ba hedavari negana ai ini ba hereva henia toma.
GEN 32:20 Ma baoto “Emu hesiai tauna Iakob na murimai ai e maimu”. Ia na lalona ai eto: Egu herahia ḡaudia amo ena badu baina laoa ahu guna, gabeai ia vairanai baina hedinarai negana ai reana baine abigu dae.
GEN 32:21 Taunabunai, unu hesiai taudia ese herahia ḡaudia e gunalai, a Iakob na una hanuaboi taruha ai e noho, ena orea taudia ida.
GEN 32:22 Malokihi ai e tore isi, adavana raruosi bona ena hesiai hahinedia raruosi bona natuna mamaruanedia gwauta-ta-osi e abidia, sinavai maraḡina ladana Iabok bae turu hanai.
GEN 32:23 Ia ese e abidia, e siaidia hanai, ena kohu idoinai danu e hanailai.
GEN 32:24 A Iakob na sibona noho, bena tau ta na ia ida e hedaverai ela bona daba e kinia.
GEN 32:25 Hari tau na dibana ia na basine kwalimu diba, bena ia ese Iakob mamuna varovarona e daua toho; taunabunai Iakob aena e heride, ia na hari tau ida e hedaverai negana ai.
GEN 32:26 Bena hari tau eto, A kahugu nege, badina be daba vada e kinia. A Iakob eto, Lau na basina kahumu nege ela bona oi ese ba hanamogu.
GEN 32:27 Bena hari tau eto, Oi ladamu be daika? Ia na e haere, eto, Ladagu na Iakob.
GEN 32:28 Hari tau ma eto, Harihari ela oi ladamu na dia Iakob; oi ladamu na Israel, badina be Dirava ida vada o goada helulu bona taunimanima ida danu, bona vada o kwalimu.
GEN 32:29 Bena Iakob ese e nanadaia, eto, Mani emu kara, oi ladamu ba hadibagu. Hari tau elo, Badina be dahaka lau ladagu o henanadailaiamu? Bena ia ese e hanamoa.
GEN 32:30 Bena Iakob ese una gabu ladana e hatoa Peniel; eto, Dirava vada na itaia, raruosi vada ame hegaga heheni, to vada na maurimu.
GEN 32:31 Bena Penuel e rakaia hanai ai daba e rere, ia na aena e heride.
GEN 32:32 Badina bunai Israel besena taudia na mamu varovarodia asie animu ema bona harihari: badina be Iakob mamuna varovarona e daua toho bena aena e heride.
GEN 33:1 Bena Iakob na e gaga isi, Esau e itaia, ena orea taudia sinahuhaniosi ida e maiva. Bena ia ese natuna e hididia, Lea natuna bona Rahela natuna bona hesiai hahinedia natudia;
GEN 33:2 hesiai hahinedia mai natudia ida vairai bae raka, idia muridiai Lea mai natuna ida, ma idia muridiai Rahela mai natuna Iosef ida.
GEN 33:3 A ia na e raka guna, nega hahitu tano ai e goru diho, ela bona kakana e raka henia kahi.
GEN 33:4 Bena Esau na e heau ela, e rosia, e harahua; bena raruosi na e taitai.
GEN 33:5 Bena Esau na e gaga isi, hari hahine mai natudia ida e itadia, bena eto, Idia be daidia? Iakob e haere, eto, Natugu bunu, Dirava ese emu hesiai tauna vada e bogagu hisi, vada e henigu.
GEN 33:6 Bena hari hesiai hahinedia mai natudia ida e raka kahira, tano ai e goru goru diho.
GEN 33:7 Lea danu natuna ida e raka kahira, bona Rahela mai natuna Iosef ida danu, bena idia danu e goru goru diho.
GEN 33:8 Esau ma e henanadai, eto, Unu seri iboudiai dala ai na itadia be edeheto? Iakob na e haere, eto, Una na herahia ḡauna, egu lohia vairamu ai baina mauri helaoreana.
GEN 33:9 A Esau eto, Tadigu e, lauegu na davana, oiemu hari ba dogo tao.
GEN 33:10 Iakob eto, Lasi, bema lalomu vada eme namo egu ai, bavabi, egu lalokau toana; badina be oi vairamu vada na itaia, Dirava vairana bama itaia heḡereḡerena, bona vada o lalo namo henigu.
GEN 33:11 Taunabunai egu herahia ḡaudia bavabi dae, bona egu hahenamo danu; badina be Dirava ese vada e hanamogu badabada, mai dinagu vada nama. Bena e noia goada dainai vada e abi.
GEN 33:12 Bena Esau eto, Mani aita laolao hebou; lau na vairai baina raka.
GEN 33:13 A Iakob eto, Egu lohia dibana natugu na mamaraḡi; egu mamoe hahinedia bona egu boromakau hahinedia haida na mai bogadia, bena dina tamona mo bae luludia haraḡa-haraḡa vada bae mase ore.
GEN 33:14 Taunabunai, egu lohia e, oi na emu hesiai tauna ba gunalaigu; a lau na baina raka metaira-metaira, egu seri bona natugu edia goada heḡereḡerena, ela bona Seiri ai egu lohia baina vasi henimu.
GEN 33:15 Bena Esau eto, Benaini, egu orea taudia haida bavabidia, bae bamomu. A Iakob eto, Una na herevana; egu lohia lalomu vada e namo egu ai vada davana.
GEN 33:16 Taunabunai Esau na una dina ai e lou, Seiri dalana ai e lou ela.
GEN 33:17 A Iakob na Sukoto ela; unuseni ai ia ese ruma auta e hadaia iena, bona kalaga haida e hadai ena boromakau edia. Una dainai gabu ladana e hatoa Sukoto.
GEN 33:18 Unuhetomana Iakob na mai maurina ida Padan-aram amo ema, Sekem hanuana ai e lasi, Kanaan tanona ai; bena hanua badinai e taruha.
GEN 33:19 Bena e taruha henia tanona na Hamoro, Sekem e hadaia tauna, natuna edia amo e hoia, davana na silver monidia sinahu-ta.
GEN 33:20 Unuseni ai boubou patana ta e larebaia, ladana e hatoa El-Elohe-Israel.
GEN 34:1 Iakob bona Lea natudia hahinena Daina na eha loaloa, una tano hahinedia i'igo-itadia ela.
GEN 34:2 Bena una tano lohiana, Hamoro, tau Hivi, natuna Sekem ese e ḡahusia, bena e rosia, e ḡaḡaia.
GEN 34:3 To ia ese Iakob natuna Daina e ura henia lalodika, mai lalona idoinai, bena ia lalona ihamarumaruna herevadia e gwaurai heniava.
GEN 34:4 Bena Sekem ese tamana Hamoro e hamaoroa, eto, Ina hane-ulato bavabia, baina adavaia.
GEN 34:5 Iakob na harina e kamonai Sekem ese natuna Daina vada e hahemaraia, a natuna mamaruanedia ese taora ai seri e reḡudiava, bena Iakob ese hereva ta se gwauraia ela bona idia ema.
GEN 34:6 Bena Hamoro, Sekem tamana, e lasi, Iakob ida bae hereva-hereva eto.
GEN 34:7 A Iakob natuna mamaruanedia na harina e kamonai, bena taora amo e lasi mai lalo-hisihisidia bona mai badudia ida; badina be una tau ese Israel vada e hahemaraia, Iakob natuna Daina vada e ḡaḡaia, dainai.
GEN 34:8 A Hamoro ese e hamaorodia, eto, Natugu Sekem ese oi natumu e ura henia lalodikamu; mani emu kara ba henia, baine adavaia.
GEN 34:9 Beseda bae hatamona: umui ese natumui ulatodia ba henimai, emai ai bae headava; ai danu natumai ulatodia baia henimui, emui ai bae headava.
GEN 34:10 Bogaragimai ai ba noho: ai emai tano na umui emui tano ai bainela; iniseni ai ba biru, ba hoihoi, ba hanua.
GEN 34:11 Sekem ese danu hane-ulato tamana bona taihuna e hereva henidia, eto, Egu noinoi boma abia dae, hane-ulato davana boma gwauraia, bena bama henimui.
GEN 34:12 Ena be davana ba habadaia herea, to vada baina henimui; ḡau tamona, hane-ulato na ba henigu, baina adavaia.
GEN 34:13 A Iakobo natuna mamaruanedia na e haere koikoi, Sekem, tamana Hamoro ida, e dibaḡanidia, taihuna Daina vada e hahemaraia dainai.
GEN 34:14 E hamaorodia, eto, Taihumai na se peritomea tauna baia henia na taravatu, bona hemarai ihavarana karana emai ai.
GEN 34:15 To ini baia kara henimui toma: bema umui ese emui maruane iboudiai ba peritomedia, ai bamomai,
GEN 34:16 ai ese natumai ulatodia baia henimui bona natumui ulatodia baia abidia, bena bogaragimui ai baia noho, bese tamona ai baitala.
GEN 34:17 A bema emai hereva basio abia dae, basio peritome, ai na hane-ulato baia abia, baiala.
GEN 34:18 Hamoro bona natuna Sekem na edia hereva e kamonai, bena raruosi e moale;
GEN 34:19 hari tauhau na se halahe, edia ura mo e karaia, badina be Iakob natuna ulatona e moalelaia bada; tamana ena ruma ai danu ia sibona herea.
GEN 34:20 Bena Hamoro, natuna Sekem ida, edia hanua ikoukouna ela, edia hanua taudia e hereva henidia, eto,
GEN 34:21 Ini taunimanima na maino e uramu; taunabunai eda tano ai bae noho baine namo: bae hoihoi bona bae biru, badina be tano na bada. Natudia ulatodia baita adavadia, bona natuda ulatodia baita henidia.
GEN 34:22 To idia lalodia bae heḡereḡere bogaragidai bae noho bona ita ida bese tamona ai baitala dalana na tamona mo: ita bogaragidai maruane iboudiai baita peritomedia, idia e karamu heḡereḡerena.
GEN 34:23 Gabe amo edia seri bona edia kohu bona edia boromakau iboudiai na iseda ai baita halao, ani? Idia ida baita herohemaino, bena bogaragidai do bae noho.
GEN 34:24 Hanua taudia iboudiai ese Hamoro bona natuna Sekem edia hereva e abia dae; bena maruane iboudiai e peritomedia.
GEN 34:25 Dina ihatoina ai, taudia hisidia e dai lasi, bena Iakob natuna rarua, Simeon bona Levi, hari Daina taihuna, ese edia dare e abi, hanua ai e raka vareai, bena mamaruanedia ibouboudiai e aladia mase;
GEN 34:26 Hamoro bona natuna Sekem danu dare amo e aladia mase. Daina danu Sekem ena ruma amo e hakaua diho, bena ela.
GEN 34:27 Bena Iakob natuna mamaruanedia na ela, Sekem taudia masedia ai e davaridia, bena hanua e habuaia tari, taihudia e hahemaraia dainai.
GEN 34:28 Edia mamoe bona edia boromakau bona edia doniki bona edia ruma kohudia bona adia uma anidia idoidiai e abihaidia;
GEN 34:29 natudia maraḡidia danu bona adavadia e abidia mauri. Edia ruma kohudia e ha-ore, bena ruma e doudia.
GEN 34:30 Bena Iakob ese Simeon bona Levi e gwau henidia, eto, Hekwarahi egu ai vada o havaraia, bona ladagu vada o hadikaia ina tano taudia, Kanaan taudia bona Perisi taudia, bogaragidiai. Bena ita na dia hoho dainai idia na bae hebou, bae tuari henigu; bena lau bona egu ruma taudia iboudiai baita mase ore.
GEN 34:31 A idia e haere, eto, Be, taihumai na ariara hahinena ai e halaoa namo eiava?
GEN 35:1 Dirava ese Iakob e hamaoroa, eto, Betele baola, unuseni ai ba ha noho; unuseni ai danu kakamu Esau o heautania negana ai e hahedinarai henimu Diravana ena ihaboulaina patana ba larebaia.
GEN 35:2 Taunabunai, Iakob ese ena orea taudia iboudiai e haduadia, eto, Dirava idaudia dekemui ai mimia vada a negedia, ba haheḡoeva, dabua ḡoevadia ba rio;
GEN 35:3 Betele baitala, unuseni ai egu dika dinana ai e haere henigu bona egu dala iboudiai lalodiai e bamogu Diravana ena ihaboulaina patana baina larebaia.
GEN 35:4 Bena idia ese edia dirava idaudia bona taiadia gadeidia na Iakob e henia. Iakob ese e abidia, au helaḡana Sekem ai henunai e guridia.
GEN 35:5 Bena edia laolao ela; bona hanua hanua taudia ese Dirava garina e gariva dainai idia ese Iakob natuna asie tuari henidia
GEN 35:6 Bena Iakob na Lusu ai e kau (una na Betele ladana ta) Kanaan tanona ai, ia bona ena orea taudia iboudiai danu.
GEN 35:7 Unuseni ai ia ese boubou patana ta e larebaia, ladana e hatoa El-betele; badina be una gabu ai Dirava ese e hahedinarai henia, ia ese kakana e heautania negana ai.
GEN 35:8 Una negana ai, Rebeka ena hesiai hahinena, ladana Debora, Rebeka e vara negana amo isiaina e lao heniva hahinena, vada e mase. Bena Betele ai e guria, au helaḡana henunai; una gabu ladana e hatoa Alono-bakutu.
GEN 35:9 Dirava ese Iakob ma e hahedinarai henia lou, Padan-aram amo ema negana ai, e hanamoa, eto,
GEN 35:10 Oi ladamu na Iakob, a ladamu basie hatoa lou Iakob; harihari bainela ladamu bae hatoa Israel. Taunabunai, ladana e hatoa Israel.
GEN 35:11 Bena Dirava ese e hamaoroa, eto, Lau na Siahu-idoinai Diravana: natumu ba havaradia, garamu bae hutuma; bese momo oiemu amo bae vara, bona hanua pavapavadia danu.
GEN 35:12 Abraham bona Isaak na henidia tanona oi baina henimu, bona oi garamu murimu ai bae vara danu baina henidia.
GEN 35:13 Bena Dirava ese ia e rakatania, e hereva henia gabuna danu e rakatania.
GEN 35:14 Bena Iakob ese nadi ta e haginia, pupuna ai e halaoa, Dirava ida e hereva gabuna ai, vine ranuna na latanai e seia, ena boubou, bona dehoro danu latanai e seia.
GEN 35:15 Bena una Dirava ese e hereva henia gabuna ladana e hatoa Betele.
GEN 35:16 Idia na Betele amo eha laolao, ela Efrata vada e kahirakahira, bena Rahela e hekamonai, hisina vada e bada.
GEN 35:17 Ena hekamonai hisidia vada e bada herea ai, hegwaroto hahinena ese e hamaoroa, eto, Basio gari; mero ta do bavabia.
GEN 35:18 Laumana ese e rakatania horana ai (badina be ia na una negana ai e mase), ia ese mero ladana e hatoa Benoni. Bena hahine na e mase. A tamana ese mero ladana e hatoa Beniamina.
GEN 35:19 Unuhetomana Rahela e mase, bena Efrata dalana badinai e guria. Una Efrata ladana ta be Betelehem.
GEN 35:20 Bena Iakob ese nadi pupuna ta e haginia ena gara latanai; ladana na doini e hatoamu “Rahela ena gara pupuna” ema bona harihari.
GEN 35:21 Israel ma e laolao, kohoro ladana Mamoe Kohorona unukahana ai e taruha.
GEN 35:22 Una tano ai e nohova negana ai Ruben na tamana ena hesiai hahinena Bilha ida e eno bou; bena Israel ese harina e kamonai.
GEN 35:23 Iakob natuna mamaruanedia na gwauta-rarua. Lea natuna: Ruben, Iakob natuna roboana, bona Simeon bona Levi bona Iuda bona Isakara bona Sebulun.
GEN 35:24 Rahela natuna: Iosef bona Beniamina.
GEN 35:25 Rahela ena hesiai hahinena Bilha natuna: Dan bona Napatali.
GEN 35:26 Lea ena hesiai hahinena Silpa natuna: Gad bona Asere. Iakob natuna mamaruanedia, Padan-aram ai e abidia, ladadia bunu.
GEN 35:27 Iakob na tamana Isaak dekena ela, Mamare ai, hanua ladana Araba. Una hanua ladana ta be Heberon; Abraham bona Isaak edia noho gabuna bunai.
GEN 35:28 Hari Isaak ena mauri laḡanidia na sinahu-ta taurahani-ahui.
GEN 35:29 Bena Isaak na laumana e heni dae, vada e mase, tubu tama dekediai eha hebou. Ia na tau buruka; ena mauri vada e daudau herea. Ia natuna raruosi, Esau bona Iakob, ese e guria.
GEN 36:1 Esau garana bini. Ia ladana ta be Edom.
GEN 36:2 Esau adavana na Kanaan hahinedia: Ada, Elon tau Hiti natuna; bona Oholibama, Ana natuna, Sibeon tau Hivi tubuna;
GEN 36:3 bona Basemata, Ismael natuna, Nebaioto taihuna.
GEN 36:4 Ada ese mero ta e abia, ladana Elifasa; bona Basemata ese mero ta e abia, ladana Reuele;
GEN 36:5 bona Oholibama ese memero tatoi e abidia, ladadia na Ieusu bona Ialam bona Kora: Esau natuna bunu, Kanaan tanona ai e vara.
GEN 36:6 Esau ese adavana tatoiosi bona natuna mamaruanedia bona hahinedia, bona ena orea taudia iboudiai, bona ena boromakau bona ena seri iboudiai bona ena kohu idoidiai Kanaan ai e habou, e abidia, tadina Iakob e rakatania, Seiri tanona ela.
GEN 36:7 Badina be raruosi edia taḡa na bada herea dainai tano na dia heḡereḡere idia raruosi bona edia seri idoidiai bae noholaia.
GEN 36:8 Taunabunai, Esau na Seiri ororodia ai eha noho. Esau na Edom.
GEN 36:9 Esau garana bini: ia na Edom besena, Seiri ororodia ai e nohomu besena, ihavarana tauna.
GEN 36:10 Esau natuna mamaruanedia bini: Elifasa, Esau adavana Ada natuna; bona Reuele, Esau adavana Basemata natuna.
GEN 36:11 Elifasa natuna na Teman bona Omara bona Sefo bona Gatam bona Kena.
GEN 36:12 Elifasa, Esau natuna, ese danu hahine ta ladana Timna e adavaia; hari Timna ese mero ta e abia, ladana Amalek: ini iboudiai na Esau adavana Ada tubuna.
GEN 36:13 Reuele natuna bini: Nahata bona Sera bona Sama bona Misa. Idia na Esau adavana Basemata tubuna.
GEN 36:14 Esau adavana Oholibama, Ana natuna, Sibeon tubuna, natuna bini: Ieusu bona Ialam bona Kora.
GEN 36:15 Hanua lohiadia Esau ena amo e vara ladadia bini: Elifasa, Esau natuna roboana, ese Teman bona Omara bona Sefo bona Kena,
GEN 36:16 bona Kora bona Gatam bona Amalek e havaradia: ini iboudiai na Edom tanona lohiadia, Elifasa, Ada natuna, ese e havaradia.
GEN 36:17 Esau natuna Reuele natuna bini: Nahata bona Sera bona Sama bona Misa. Idia na hanua lohiadia Reuele ai, Edom tanona ai; idia danu Esau adavana Basemata tubuna.
GEN 36:18 Esau adavana Oholibama natuna bini: Ieusu bona Ialam bona Kora. Ini na hanua lohiadia, Esau adavana Oholibama, Ana natuna, ese e abidia.
GEN 36:19 Esau natuna bunu, bona Edom lohiadia bunu.
GEN 36:20 Seiri tau Hori natuna una tano ai e nohova ladadia bini: Lotan bona Sobal bona Sibeon bona Ana
GEN 36:21 bona Dison bona Esere bona Disan: Hori lohiadia bunu, Seiri ese e havaradia Edom tanona ai.
GEN 36:22 Lotan natuna na Hori bona Heman; Lotan taihuna na Timna.
GEN 36:23 Sobal natuna na Alavan bona Manahata bona Ebal bona Sefo bona Onam.
GEN 36:24 Sibeon natuna na Aia bona Ana. Hari Ana na ranu e lohilohimu gabudia e davaridia tano ḡaḡaena ai, tamana Sibeon ena doniki e reḡudiava negana ai.
GEN 36:25 Ana natuna bini: maruanena ta ladana na Dison, bona hahinena ta ladana na Oholibama.
GEN 36:26 Dison natuna na Hemudan bona Eseban bona Itiran bona Keran.
GEN 36:27 Esere natuna na Bilhan bona Saavan bona Akan.
GEN 36:28 Disan natuna na Usu bona Aran.
GEN 36:29 Hori lohiadia bini: Lotan bona Sobal bona Sibeon bona Ana
GEN 36:30 bona Dison bona Esere bona Disan. Hori lohiadia bunu, Seiri tanona e lohiaia taudia.
GEN 36:31 Hanua pavapavadia haida ese Edom tanona e lohiaia, Israel taudia na do asi edia pavapava negadia ai. Ladadia bini:
GEN 36:32 Bela Beoro na Edom pavapavana, ena hanua badana ladana na Dinihaba.
GEN 36:33 Ia e mase; bena Iobab, Sera tau Bosra natuna, ese gabuna e abia.
GEN 36:34 Iokab e mase; bena Husam na Teman tanona amo ema, gabuna e abia.
GEN 36:35 Husam e mase; bena Hadad Bedad, Moab taorana ai Midian taudia e hadareredia tauna, ese gabuna e abia; iena hanua badana ladana na Aviti.
GEN 36:36 Hadad e mase; bena Samula tau Masareka ese gabuna e abia.
GEN 36:37 Samula e mase: bena Saul na sinavai isena hanuana ladana Rehoboto amo ema, gabuna e abia.
GEN 36:38 Saul e mase; bena Baal-hanana Akaboro ese gabuna e abia.
GEN 36:39 Baal-hanana e mase; bena Hadara ese gabuna e abia. Iena hanua badana ladana na Pau. Adavana ladana be Mehetabel; ia na Matared natuna, tubuna be Mesahab.
GEN 36:40 Esau besena edia hanua lohiadia, ta ta mai edia iduhu bona mai edia hanua, ladadia bini: Timna; Alava; Ietete;
GEN 36:41 Oholibama; Elaha; Pinon;
GEN 36:42 Kena; Teman; Mibsara;
GEN 36:43 Magdiel; Iram: Edom lohiadia bunu, ta ta ese ena hanua ena hanua e halohiadia. A Edom besena ihavarana tauna be Esau.
GEN 37:1 Iakob ese tamana e noholaia tanona ma e noholaia, Kanaan tanona.
GEN 37:2 Iakob garana herevadia bini: Iosef ena mauri laḡanidia na gwautahitu, bena nega ta seri e reḡuva, ia kakana, tamana adavana Bilha bona Silpa natudia, ida. Bena Iosef na tamana dekena ela, kakana e habadelaidia.
GEN 37:3 Israel ese hari Iosef e lalokau henia bada, natuna orena e lalokau henidia maraḡi; badina be burukana ai e havaraia. Bena ia ese hahedoki namohereana ta e henia.
GEN 37:4 A kakana ese e itaia, tamadia ese Iosef e lalokau henia bada, idia e lalokau henidia maraḡi; bena idia ese e inai henia, hereva namona ta asie gwaurai henia.
GEN 37:5 Hari Iosef na e nihi, bena ena nihi na kakana e hamaorolaidia; una dainai idia ese e inai henia lalodika.
GEN 37:6 E hamaorodia eto, Egu nihi mani aina hamaorolaimui.
GEN 37:7 Egu nihi ai ita na uma ai, uit ta ḡui; bena lauegu iḡui na e gini tore, a umui emui iḡui ese e ginia heḡeḡe, lauegu iḡui e toma henia diho.
GEN 37:8 Bena kakana ese e gwau henia, eto, Oi na ai emai pavapava ai baola a? Oi ese ai ba halohiamai a? Bena ena nihi bona ena hereva daidiai edia badu ienai vada e bada e laova.
GEN 37:9 Ma e nihi lou, bena ena nihi na kakana e hamaorolaidia, eto, Vada na nihi lou, bena egu nihi ai dina bona hua bona hisiu gwauta-taese e toma henigu diho.
GEN 37:10 Ia ese tamana bona kakana unu e hamaorodia toma; bena tamana e gwaugwau, eto, Emu nihi anina be dahaka a? Lau bona sinamu bona kakamu ese oi baia toma henimu diho a?
GEN 37:11 Bena kakana e badu dikadika, a tamana ese ena hereva e lalo tao.
GEN 37:12 Nega ta kakana na Sekem ela, tamadia ena seri ireḡudia.
GEN 37:13 Bena Israel ese Iosef e hereva henia, eto, Kakamu na Sekem ai seri e reḡudiamu ani? Aoma, aina siaimu dekediai. Iosef e haere, eto, Lau o ina.
GEN 37:14 Ma e hamaoroa, eto, Vada aola, ba itadia, kakamu be nanamo eiava, bona seri na edeheto; bena ma baoma, ba hadibagu. Bena e siaia; Heberon kourana amo e lasi, Sekem ai e kau.
GEN 37:15 Bena tau ta ese e itaia, taora ai e loa eva-eva, bena e nanadaia, eto, Dahaka o tahuamu?
GEN 37:16 Iosef na e haere, eto, Lau na kakagu na tahudiamu; mani emu kara ba hadibagu, idia na edeseni ai edia seri e reḡudiamu.
GEN 37:17 Hari tau eto, Ini amo vada e raka oho; badina be edia hereva na kamonai, eto, “Ita na Dotan baitala”. Taunabunai Iosef ese e ḡavadia ela, Dotan ai e ḡavadia tao.
GEN 37:18 A ia na dounu dauhai, idia ese e itaia; bena ia do se raka henidia kahi ai idia vada e henega bou, bae alaia mase eto.
GEN 37:19 E hereva heheni, eto O itaia, hari nihi tauna vada e maimu;
GEN 37:20 aita alaia mase, ini guri asi ranudia ta ai baita negea dobi; bena baitato “Uda boromana ta ese e alaia mase”; unu amo baita itaia, ena nihi anidia be dahaka.
GEN 37:21 A Ruben na unu hereva e kamonai, bena ia ese idia imadia amo e hamauria, eto, Lasi, ena mauri basita abia oho,
GEN 37:22 basita alaia mase, a guri ta ai baita tahoa dobi. Unu e gwau toma badina ena lalo-hadai be idia imadia amo baine hamauria, tamana baine henia lou eto.
GEN 37:23 Taunabunai, Iosef na kakana dekediai e kau ai, idia ese e dabaia tao, ena hahedoki namo-hereana e dokia oho,
GEN 37:24 e laohaia, guri ta ai etahoa dobi. Una guri na asi ranuna.
GEN 37:25 Bena idia na e ege diho, e aniani. Bena e gaga isi, laolao taudia haida e itadia; idia na Ismael taudia, Gilead amo e maiva, Aigupto baela eto. Edia kamelo ese aniani muramuradia bona muramura mai bonadia e hua.
GEN 37:26 Bena Iuda ese tadikakana e hamaorodia, eto, Tadida baita alaia bona ena mase baita hunia anina be dahaka?
GEN 37:27 Ini Ismael taudia ediai aita hoia. Imada na ienai basita dau kau, badina be ia na tadida korikori. Bena tadikakana ese ena hereva e abia dae.
GEN 37:28 Hari hoihoi taudia na Midian amo e raka hanai; bena Iosef kakana ese guri amo e veria dae, Ismael taudia ediai e hoia, silver monidia ruahui davana. Bena idia ese e hakaua lao, Aigupto e laohaia.
GEN 37:29 Gabeamo Ruben na guri e lou henia, a Iosef na lasihia. Bena ena dabua e darea,
GEN 37:30 tadina dekedia e lou lao, eto, Mero na lasihia; lau na ede baina kara toma?
GEN 37:31 Bena idia ese Iosef ena hahedoki e abia, nani natuna ta e alaia, rarana amo hahedoki e hamiroa.
GEN 37:32 Bena hari hahedoki na tamadia dekena e laohaia, eto, Ina na ai ese a davaria; a itaia, ina na natumu ena hahedoki eiava?
GEN 37:33 E itaia, bena eto, Ina na natugu ena hahedoki; uda boromana ta ese vada e alaia mase; momokani, Iosef vada e mase.
GEN 37:34 Bena Iakob ese ena dabua e darea, guma dabuana e rioa, natuna itailaina e tai boi tai rani ela dina hoho.
GEN 37:35 Bena natuna mamaruanedia bona hahinedia iboudiai na ihamarumaruna totona e lao henia, a ia na tauhalo se ura. Ia na e tai lolololo, eto, Natugu baina lao henia mase gabuna ai mai taigu ida. Tamana ese unu e tailaia toma.
GEN 37:36 A Midian taudia ese Iosef e hoia Aigupto ai, Potifara, Farao ena tuari oreana biaguna ta, enai.
GEN 38:1 Nega ta Iuda ese tadikakana e rakatanidia, ela, Adulama tauna ta, ladana Hira, dekenai e nohova.
GEN 38:2 Unuseni ai ia ese Kanaan tauna ta, ladana Sua, natuna ulatona e itaia; bena e adavaia.
GEN 38:3 Una hahine e mara, mero ta e abia, ladana e hatoa Ere;
GEN 38:4 ma ta e abia, ladana e hatoa Onan;
GEN 38:5 ma ihatatoina e abia, ladana e hatoa Sela. Una mero e vara negana ai, hahine na Kesib ai e nohova.
GEN 38:6 Iuda ese hane-ulato ta davana e heni, natuna roboana Ere adavanaai bainela; ia ladana na Tamara.
GEN 38:7 A hari Ere, Iuda natuna roboana, na Iehova vairanai e kara havara, bena Iehova ese e alaia mase.
GEN 38:8 Bena Iuda ese Onan e haduaia, eto, Vabu enai ba raka vareai, bavadavaia, natuna ba havaraia, kakamu ena.
GEN 38:9 Bena Onan dibana mero na basie gwauraia ia natuna dainai ia na hahine enai e raka vareai, a gau be tano ai e hahebubua, natuna ta basine vara helaoreana.
GEN 38:10 Una kara dikana dainai Iehova ese e badu henia, e alaia mase, kakana bamona.
GEN 38:11 Bena Iuda ese ravana Tamara e hamaoroa, eto, Do ba lou lao, tamamu ena ruma ai ba noho vado, ela bona natugu Sela baine bada. Ena lalo-hadai korikori be Sela danu baine mase, kakana heḡereḡeredia. Taunabunai, Tamara na e lou lao. tamana ena ruma ai e nohova.
GEN 38:12 Nega taina vada ela, bena Sua natuna, hari Iuda e adavaia hahinena, na e mase. Bena Iuda ena lalo-hisihisi e ore ai, ia na e tore isi, Timuna ela; ena mamoe huidia e utu gabuna bunai. Ia turana Hira, tau Adulama, ese e bamoa.
GEN 38:13 Tamara ese ravana harina e kamonai, ia na mamoe huidia iutudia totona Timuna e laova;
GEN 38:14 bena ia ese ena vabu dabuadia e doki oho, vairana na dabua amo e ḡovaia, ela, Timuna dalana isena ai e helai dala katakata ai. Badina be ia vada e diba hari Sela vada e tauhau, a tamana na se haheadavadia.
GEN 38:15 Bena Iuda ese e itaia, banava ia na ariara hahinena eto, badina be vairana vada e ḡovaia.
GEN 38:16 Bena ia ese e hereva henia, eto, Mani aita eno bou. Ia na asi dibana hahine na ia ravana. Bena hahine na eto, Davagu be dahaka ba henigu?
GEN 38:17 Ia eto, Nani natuna ta baina henimu. Hahine na eto, Toana be dahaka ba henigu ela bona ba siaia?
GEN 38:18 Ia ma eto, Dahaka bavabia o tomu? Hahine na eto, Imamu kwakikwakina vaḡivaḡina bona emu gana bona emu itotohi. E henia, bena raruosi e eno bou; gabeai hahine na e rogorogo.
GEN 38:19 Hahine na e tore isi, ela, vairana e ḡovalaia dabuana e negea, ena vabu dabuadia e doki lou.
GEN 38:20 Iuda ese turana Hira e siaia, nani natuna baine laohaia, bona toa gaudia hahine vada e henia ma baine abi lou. To ia na lasihia.
GEN 38:21 Bena ia ese una gabu taudia e nanadaidia, eto, Hari ariara hahinena dala katakata ai e helaiva be edeseni ai? Idia eto, Ariara hahinena ta lasi iniseni ai.
GEN 38:22 Taunabunai, ia na Iuda dekena e lou lao, eto, Asina davaria, bona una gabu taudia e tomu ariara hahinena ta lasi unuseni ai.
GEN 38:23 Bena Iuda eto, Egu ḡau ia dekenai bae mia, baita hemarai garina; nani natuna na siaia, to hahinena na so davaria.
GEN 38:24 Hua toi vada ela, bena Iuda ese harina e kamonai ia ravana Tamara na mai bogana. Bena ia eto, A hakaua lasi, lahi ai do baine mase.
GEN 38:25 E hakaua lasi, bena ia ese hereva e siaia ravana enai, eto, Ini ḡau biagudia ese e harogorogogu; mani a hereva, ina ima-kwakikwaki vaḡivaḡina, ina gana, ina itotohi be daika ena?
GEN 38:26 Bena Iuda ese e gwauraia hedinarai, eto, Iena kara maoromaoro ese lauegu e hereaiamu, badina be natugu Sela ida asina haheadavadia. Bena ia ida se eno bou lou.
GEN 38:27 Ena mara negana vada e kahira-kahira, vada e diba hekapa na bogana ai.
GEN 38:28 Bena e mara negana ai, mero ta imana e toia lasi, bena hegwaroto hahinena ese varo kakakakana ta imana ai e kwatua, eto, Roboana binai.
GEN 38:29 A mero na imana ma e veria vareai, bena tadina e vara guna. Hegwaroto hahinena na eto, Oi na dala vada o lailaia. Bena ladana e hatoa Perese.
GEN 38:30 Bena kakana e vara; ia ladana e hatoa Sera.
GEN 39:1 Iosef na Aigupto e laohaia, unuseni ai Aigupto tauna ta, lohia ta Farao ena ruma ai, ladana Potifara, ese e hoia, hari Ismael taudia, e hakaua lao taudia, edia amo.
GEN 39:2 A Iehova ese Iosef e haḡerea, bena vada e namo: ia ese biaguna, Aigupto tauna, ena ruma ai e nohova.
GEN 39:3 Bena biaguna ese e itaia, Iehova ese e bamoava bona ena kara iboudiai anidia e havara;
GEN 39:4 ena hesiai ḡaukaradia danu vada e ita, vada e namo herea. Bena ia ese ena ruma ita-taona tauna ai e halaoa, ena kohu idoinai baine reḡua.
GEN 39:5 Bena ena ruma ita-taona bona ena kohu ireḡuna tauna ai e halaoa dinana amo Iehova ese Aigupto tauna e hanamoa, Iosef dainai: Iehova ena hahenamo na ena ruma latanai bona ena uma latadiai e miava.
GEN 39:6 Ena ḡau idoidiai Iosef imana ai e ato: ḡau ta se laloa, ana aniani vairanai e dabaraia mo, vadaeni. Hari Iosef na raho-namo merona.
GEN 39:7 Bena nega ta ia biaguna adavana ese e ḡahusia, bena e hamaoroa, eto, Aita eno bou.
GEN 39:8 A Iosef na se ura; e haere henia, eto, Vada o itaia, biagugu na egu ḡaukara ruma ai se itaia taomu, ena kohu idoinai danu lau imagu ai vada e atoa.
GEN 39:9 Tau ta se hereagumu ina ruma ai; egu ai ḡau ta se ruamu, oi mo e rumumu, badina be oi na ia adavana. Ina kerere badana baina karaia, Dirava vairanai baina kara havara, be edeheto?
GEN 39:10 A hahine ese dina ta ta amo Iosef lalona e ania, raruosi bae eno bou eto; to ia ese se kamonai heniava.
GEN 39:11 Nega ta, ia na ruma lalonai e raka vareai; ruma na asi tauna.
GEN 39:12 Bena hahine ese ena dabua e dogoa tao, e veria, eto, Aoma, aita eno bou. A ia ese ena dabua na hahine imana ai e rakatania, ruma amo e heau lasi.
GEN 39:13 Hahine na e itaia, ena dabua na ia imana ai vada e rakatania, vada e heau lasi:
GEN 39:14 bena ia ese ruma taudia e boiridia, e hamaorodia, eto, O itaia, ia ese ina Heberu tauna vada e abia dae, ita ihakavakavada. Ia na lau dekegu ai e raka vareai, baia eno bou eto: na lolo,
GEN 39:15 bena gadogu e kamonai negana ai ena dabua na imagu ai e rakatania, e heau lasi.
GEN 39:16 Bena hahine na hari dabua e dogoa tao ela bona Iosef biaguna ema.
GEN 39:17 Bena ma e hamaoroa, eto, Ina Heberu tauna eda ruma ai o abia dae, eda hesiai ilao-henina, na egu ai e raka vareai, baine hakavakavagu eto;
GEN 39:18 bena na lolo negana ai ia ese ena dabua e rakatania, e heau lasi.
GEN 39:19 Ruma tauna ese adavana ena hereva e kamonai, ena hesiai tauna unu vada e kara toma eto, bena e badu dikadika.
GEN 39:20 Bena Iosef biaguna ese Iosef e dabaia tao, dibura rumana ai e koua, hanua pavapavana ena iḡui taudia e koudia gabuna ai. Bena dibura rumana ai e nohova.
GEN 39:21 A Iehova ese Iosef e haḡerea, e bogaia hisi, dibura rumana igimana tauna lalona e hanamoa ia enai.
GEN 39:22 Bena dibura rumana igimana tauna ese dibura taudia iboudiai na Iosef henunai e atodia, edia ḡaukara iboudiai Iosef ese e reḡudia.
GEN 39:23 Dibura rumana igimana tauna ese ḡau ta se laloa ena hereḡu ai; badina be Iehova ese Iosef e hagerea, bona ena ḡaukara iboudiai anidia e havara.
GEN 40:1 Ini ḡau muridiai, vine ranuna iseina memerodia ireḡudia tauna bona flaoa igabuna memerodia ireḡudia tauna Farao ena ruma ai na raruosi ese Farao e habadua.
GEN 40:2 Bena Farao ese ena hesiai taudia raruosi, hari vine ranuna iseina memerodia bona flaoa igabuna memerodia ireḡudia taudia, na e badu henidia,
GEN 40:3 dibura rumana ai e koudia, hegima taudia biagudia imana ai, Iosef e nohova gabuna ai.
GEN 40:4 Bena hegima taudia biagudia ese Iosef e hamaoroa, baine naridia; bena ia ese raruosi e naridia. Idia na nega taina daudau dibura rumana ai e nohova.
GEN 40:5 Unu tatau raruosi na hanuaboi tamona ai e nihi: Farao ena vine ranuna iseina memerodia iregudia tauna bona ena flaoa igabuna memerodia ireḡudia tauna na ta ta ena nihi ena nihi e nihirai, dibura rumana ai.
GEN 40:6 Daba ai, Iosef na e raka vareai, idia raruosi dekediai, bena toadia e ita, lalodia e hisihisiva.
GEN 40:7 Bena ia ese hari Farao ena hesiai taudia, ia ida e dibura hebouva taudia, e nanadaidia, eto, Badina be dahaka vairamui o huamu?
GEN 40:8 Idia eto, Ai na vada a nihi, bona asi tauna ta ese emai nihi anidia baine hahedinarai. Bena Iosef eto, Nihi anidia ihahedinaraidia na Dirava mo sibona: emui nihi mani a gwaurai hedinarai.
GEN 40:9 Bena vine ranuna iseina memerodia ireḡudia tauna ese ena nihi Iosef e hahedinarai henia, eto, Egu nihi ai vine auna ta na itaia;
GEN 40:10 rigina na toi. Bena e gara kau, burena e vara, huahuana e dobi.
GEN 40:11 Farao ena kehere na imagu ai, bena vine huahuadia na abi, bena na gigi, ranuna na Farao ena kehere ai e diho. Bena kehere na Farao imana ai na atoa.
GEN 40:12 Bena Iosef eto, Emu nihi anina binai: vine rigi toiosi be dina toi.
GEN 40:13 Dina toi baela, bena Farao ese baine abimu dae, dagimu baine henimu lou; bena Farao ena kehere na imana ai do bavatoa, gunaguna ena vine ranuna iseina memerodia o reḡudiava negana ai heḡereḡerena.
GEN 40:14 A oiemu dala baine namo negana ai ba lalogu, ani? Ba bogagu hisi, Farao ba hereva henia daigu ai, ina dibura rumana amo ba hakaugu lasi.
GEN 40:15 Badina be momokani lau na Heberu taudia edia tano ai e abigu mauri; iniseni ai danu kerere ta asina karaia, a dibura rumana ai e kougu kava.
GEN 40:16 Flaoa igabuna memerodia ireḡudia tauna vada e diba hari nihi anina be namo, bena ia ese Iosef e hamaoroa, eto, Lau danu na nihi; egu nihi lalonai flaoa boseadia toi kwaragu ai na ato, na oradia loaloa;
GEN 40:17 bena atai boseana lalonai na flaoa e gabu ḡaudia idau-idau mimia, Farao ana, a manu haida e roho ema, e ani.
GEN 40:18 Bena Iosef eto, Emu nihi anina binai: bosea toiosi be dina toi.
GEN 40:19 Dina toi baela, bena Farao ese dibura rumana amo baine abimu, au ta ai baine taumu dae, bena manu bae roho mai, tau-animu bae ania.
GEN 40:20 Dina ihatoina be Farao ena vara dinana, bena ia ese aria ta e karaia, ena hesiai taudia iboudiai e vavedia; hari vine ranuna iseina memerodia ireḡudia tauna bona flaoa igabuna memerodia ireḡudia tauna danu e vavedia.
GEN 40:21 Bena vine ranuna iseina memerodia ireḡudia tauna ena dagi e henia lou; ia ese kehere Farao imana ai ma e atoa.
GEN 40:22 A flaoa igabuna memerodia ireḡudia tauna na e taua dae ela bona e mase, Iosef ena hereva heḡereḡerena.
GEN 40:23 A hari vine ranuna iseina memerodia ireḡudia tauna ese Iosef se laloa tao; e laloa boio.
GEN 41:1 Laḡani rua vada e lao bubuni, bena Farao e nihi. Ena nihi ai ia na sinavai badana isena ai e gini.
GEN 41:2 Bena boromakau hitu sinavai badana amo e dae, taudia nanamo bona mai digaradia, sinavai isena ai e anianiva.
GEN 41:3 Idia muridiai boromakau idaudia hitu sinavai badana amo ma e dae, taudia didika bona vavaroda-vavaroda, hari mai digaradia ḡaudia badibadidiai e gini.
GEN 41:4 Bena hari boromakau varoda-varodadia hituosi ese boromakau mai digaradia hituosi e anidia ore. Bena Farao na e noga.
GEN 41:5 Ma e mahuta lou, e nihi. Ena nihi iharuana ai ia ese uit tuhutuhuna tamona amo anidia hitu e tubu e itadia, unu uit anidia be nanamo bona babada.
GEN 41:6 Idia muridiai uit tuhutuhuna ta amo anidia hitu ma e tubu, unu uit anidia be didika bona mamaraḡi, lai mairiveina ese e hamarai ḡaudia.
GEN 41:7 Bena hari uit anidia dikadia ese uit anidia namodia e anidia ore. Bena Farao na e noga, vada e diba nihi mo.
GEN 41:8 Daba ai kudouna e hetaha; bena ia na e hesiai, Aigupto ai babalau taudia iboudiai bona aonega taudia iboudiai e boiridia. Bena Farao ese ena nihi e hamaorolaidia, to idia iboudiai na anidia igwauraidia asi dibadia.
GEN 41:9 Bena vine ranuna iseina memerodia ireḡudia tauna ese Farao e hamaoroa, eto, Lau ese egu kerere hari name laloa.
GEN 41:10 Farao ese ena hesiai taudia e badu henidia negana ai na lau bona flaoa igabuna memerodia ireḡudia tauna raruosi dibura rumana igimana tauna imana ai o atomai.
GEN 41:11 Bena hanuaboi ai raruosi a nihi, ta ta ena nihi ena nihi na mai anidia.
GEN 41:12 Tau eregabe ta be dekemai ai, ia na tau Heberu, dibura rumana igimana tauna ena hesiai merona. Bena ai raruosi emai nihi a hamaorolaia; bena anidia ia ese e hadibamai, ta ta ena nihi ena nihi anidia.
GEN 41:13 Taunabunai, nihi anidia ia ese e gwaurai vada e momokani: lau be o halougu egu dagi ai, a bamogu be e taua dae ela bona e mase.
GEN 41:14 Bena Farao e hesiai, Iosef eha boiria. Bena idia ese dibura rumana amo e hakaua lasi haraḡa-haraḡa; ia ese aukina huina e abia bona ena dabuae boloa, bena Farao dekenai e raka vareai.
GEN 41:15 Bena Farao ese Iosef e hereva henia, eto, Vada na nihi, to nihi anina ihahedinaraina be asi tauna; a harimu vada na kamonai, nihi anidia ihahedinaraidia na mai dibamu.
GEN 41:16 Iosef ese Farao e haere henia, eto, Dia lau, a Dirava ese Farao baine haere henia, maino herevana ai.
GEN 41:17 Bena Farao ese Iosef e hamaoroa, eto, Egu nihi ai sinavai badana badibadinai na gini;
GEN 41:18 bena boromakau hitu na sinavai amo e dae, taudia nanamo bona mai digaradia, bena sinavai isena ai e anianiva.
GEN 41:19 Gabeamo boromakau idaudia hitu ma e dae, taudia didika bona vavaroda-vavaroda, Aigupto tanona idoinai boromakau dikadia unuhetomadia na hata asina itadia.
GEN 41:20 Bena boromakau dikadia mai varoda-varodadia ese boromakau mai digaradia hituosi e dae guna ḡaudia na e anidia ore;
GEN 41:21 ḡau tamona, e anidia ore murinai tau ta basinema diba idia ese vada e anidia, badina be idia na dounu varoda-varoda. Bena na noga.
GEN 41:22 Bena egu nihi ta ai, uit tuhutuhuna tamona na itaia, e tubu mai anina hitu, babada bona nanamo;
GEN 41:23 gabeai ta ma e tubu anina hitu, didika bona mamaraḡi, lai mairiveina ese e hamarai ḡaudia.
GEN 41:24 Bena uit dikadia ese uit namodia e anidia ore. Lau ese babalau taudia vada na hamaorolaidia, to anina ihahedinaraina na ta asi dibana.
GEN 41:25 Bena Iosef ese Farao e hamaoroa, eto, Farao ena nihi be tamona mo; Dirava ese ena kara ta baine karaia e tomu be Farao vada e hamaorolaia guna.
GEN 41:26 Boromakau namodia hituosi be l=agani hitu, bona uit anidia namodia hituosi be laḡani hitu: nihi na tamona mo.
GEN 41:27 Boromakau hituosi dikadia mai varoda-varodadia gabeai e dae ḡaudia be laḡani hitu, bona uit anidiadikadia hituosi, lai mairiveina ese e hamarai ḡaudia, idia danu laḡani hitu, doe laḡanidia.
GEN 41:28 Farao hari na hamaoroa heḡereḡerena, Dirava ese ena kara ta baine karaia e tomu be Farao vada e hamaorolaia guna.
GEN 41:29 Laḡani hitu be gini daemu, Aigupto tanona idoinai baine madinamo;
GEN 41:30 gabeamo doe laḡanidia hitu do bae gini dae, madinamo idoinai Aigupto tanona ai do bae laloa boio, badina be doe baine bada herea.
GEN 41:31 Taunimanima ese madinamo negana na basie laloa une, doe bada lalonai bae dabu vaitani dainai.
GEN 41:32 Farao na harua e nihi, badina be Dirava ese ina ḡau vada e gwauraia, bona asi vanahana ia ese baine havaraia.
GEN 41:33 Namona binai: Farao ese lalo-parara bona aonega tauna ta baine tahua, Aigupto tanona biaguna ai baine halaoa.
GEN 41:34 Farao na unu baine kara toma, bona tano ita-taona taudia baine gwauraidia danu: unu madinamo laḡanidia ai aniani ḡaudia iboudiai ina Aigupto tanona ai bae karoadia, karoa ima, bena karoa ta roge ai bae haboua.
GEN 41:35 Madi-namo laḡanidia anianidia iboudiai bae habou, Farao imana ai, bae mia, hanua hanua lalodiai.
GEN 41:36 Una aniani na roge ai baine mia ela bona doe laḡanidia hituosi na Aigupto ai bae gini dae; bena ina tano taunimanimadia na basie hitolo mase.
GEN 41:37 Farao mai ena hesiai taudia ida ese una hereva e abia dae.
GEN 41:38 Bena Farao ese ena hesiai taudia e hereva henidia, eto, Edeseni ai tau ta baita davaria ina tau heḡereḡerena: Dirava ena Lauma be ia lalonai ani?
GEN 41:39 Bena Farao ese Iosef e hereva henia, eto, Dirava ese ina idoinai vada e hahedinarai henimu, bona asi tauna ta mai ena lalo-parara bona mai ena aonega oi heḡereḡeremu.
GEN 41:40 Una dainai, oi ese egu ruma ba halohiaia, egu basileia idoinai oi eremu bae kamonai; lau hanua pavapavana taugu mo ese oi baina hereamu.
GEN 41:41 Farao ese Iosef ma e hereva henia, eto, A kamonai lau ese Aigupto tanona idoinai lohiana ai name halaomu.
GEN 41:42 Bena Farao ese ia imana kwakikwakina vaḡivaḡina imana amo e abia, Iosef imana kwakikwakina ai e toia vareai; dabua namo-hereadia danu e hahedokilai, bona gold agevana na aiona ai e atoa kau.
GEN 41:43 E haduaia danu, kariota iharuana, iena kariota murinai e heauva ḡauna, latanai baine gui. Haida danu ia vairanai e heau, e boiboi, eto, Dala a lailaia. Unuhetomana ia ese Aigupto tanona idoinai lohiana ai e halaoa.
GEN 41:44 Bena Farao ese Iosef e hamaoroa, eto, Lau binai Farao; oi basio hereva negana ai tau ta ese kara ta basine karaia ina Aigupto tanona idoinai.
GEN 41:45 Bena Farao ese Iosef ladana e hatoa Safenat-panea; Asenat danu e henia, baine adavaia; una Asenat na Ono ena hahelaḡa tauna, ladana Potifera, natuna. Bena Iosef na Aigupto tanona idoinai e rakaia hanai.
GEN 41:46 Iosef ena mauri laḡanidia na toi-ahui, ia Farao, Aigupto pavapavana, vairanai e gini negana ai. Bena Iosef na Farao vairana amo e raka lasi, Aigupto tanona idoinai e rakaia hanai.
GEN 41:47 Bena madinamo laḡanidia hituosi lalodiai uma anidia vada e bada herea.
GEN 41:48 Unu laḡani hitu lalodiai Iosef ese aniani idoinai e haboua, hanua hanua rogedia ai. Hanua ta ta umadia anianidia na unu hanua ta ta rogedia ai e habou.
GEN 41:49 Taunabunai, Iosef ese uit e habou, kone mirina na heto, ela bona iduahina e hadokoa, badina be asi iduahina dalana.
GEN 41:50 Doe negana na do se gini dae ai, Iosef natuna mamaruanedia rarua e vara, Asenat, Ono ena hahelaḡa tauna Potifera natuna, bogana amo.
GEN 41:51 Roboana na Iosef ese ladana e hatoa Manase; eto, Dirava ese egu hekwarahi bona tamagu ena ruma ilalolaidia na egu amo vada e abi oho.
GEN 41:52 A tau muritai ladana e hatoa Efraim; eto, Hisi na ani tanona ai Dirava ese besegu vada e henigu.
GEN 41:53 Madinamo laḡanidia hituosi vada e ore Aigupto ai,
GEN 41:54 bena doe laḡanidia gini-gunana vada e gini dae, Iosef ena hereva heḡereḡerena. Bena tano idau-idau iboudiai lalodiai taunimanima e hitolodiava; a Aigupto ai aniani na mia.
GEN 41:55 Bena Aigupto tanona idoinai taunimanima e hitolodiava ai idia ese Farao e tai henia, aniani baine henidia. Bena Farao ese e hamaorodia, eto, Iosef dekena aola, ia ede baine hamaoromui toma vada ba karaia.
GEN 41:56 Tanobada idoinai doe vada e bada. Bena Iosef ese ena roge iboudiai e keho, Aigupto taudia ese aniani e hoia, moni davana; badina be doe na bada herea Aigupto tanona ai.
GEN 41:57 Bena tano idau-idau iboudiai amo e hesiai ela, Aigupto ai aniani e hoi, Iosef dekenai; badina be doe na bada herea, tanobada idoinai.
GEN 42:1 Iakob ese harina e kamonai Aigupto be mai uitina, bena ia ese natuna e gwau henidia, eto, Badina be dahaka o herarai hehenimu?
GEN 42:2 Ma eto, Vada na kamonaimu Aigupto be mai uitina; baola, unuseni ai ita ada ba hoia, baita mauri helaoreana; bena basita mase.
GEN 42:3 Bena Iosef kakana gwauta-osi Aigupto ela, uit ihoina;
GEN 42:4 a Beniamina, Iosef tadina, na Iakob ese e rua, kakana ida basinela; badina be ia eto, Dika ese bema butua tao na garina.
GEN 42:5 Taunabunai, Israel natuna na taunimanima loḡora ida uit ihoina ela; badina be doe na bada Kanaan tanona ai.
GEN 42:6 Iosef na tano idoinai lohiana, taunabunai taunimanima iboudiai ia dekena ela, uit e hoia. Iosef kakana danu ia dekena ela, ia vairanai e goru diho.
GEN 42:7 Iosef ese kakana e itadia negana ai, ia lalona vada e parara idia be daidia, to e hereva henidia idau tauna na heto, e gwau henidia, eto, Umui be ede amo oma? Idia eto, Kanaan tanona amo ama, aniani ihoina totona.
GEN 42:8 Iosef be kakana dibana, to idia asi dibadia ia.
GEN 42:9 Bena Iosef ese ena nihi ai idia e nihiraidia e helalolai une. Bena e gwau henidia, eto, Umui na hasinadoa taumui; ina tano ena manoka itana oma.
GEN 42:10 Idia ese e haere henia, eto, Ḡaubada e, lasi, dia unuheto; ai na oi isiaimu ilao-henina taumai, aniani ihoina totona ama.
GEN 42:11 Ai na tau tamona natuna, hereva momokani taumai; asia hasinadoamu.
GEN 42:12 A ia ese ma e gwau henidia, eto, Lasi, tano ena manoka itana totona oma.
GEN 42:13 Idia ma eto, Ai na oi isiaimu ilao-henina taumai, tadikaka gwauta-rarua, tau tamona natuna Kanaan ai; a tau-muritai be harihari tamamai dekenai, bona ta be vada e mase.
GEN 42:14 A Iosef eto, Vada na hereva, ani, umui be hasinadoa taumui.
GEN 42:15 A baina dibamui: Farao maurina ai na herevamu, ini amo basio raka oho ela bona tadimui bainema.
GEN 42:16 Umui emui amo ta ba siaia, tadimui baine hakaua mai; a orena be dibura rumana ai ba noho. Unu amo baina dibamui, emui hereva be momokani eiava lasi. Bema lasi, umui na momokani hasinadoa taumui.
GEN 42:17 Taunabunai, ia ese dibura rumana ai e koudia, dina toi.
GEN 42:18 Dina ihatoina ai, Iosef ese e hereva henidia, eto, Ini ba kara toma, bena ba mauri; badina be lau danu Dirava garina na garimu.
GEN 42:19 Bema umui na hereva momokani taumui, umui ta ese dibura rumana ai baine noho, a orena be vada baola, uit ba laohaia, varavaramui adia.
GEN 42:20 Bena ba lou mai, tadimui ba hakaua mai dekegu ai; unu amo baina diba emui hereva na momokani, bena basio mase. Unu ba kara toma.
GEN 42:21 Bena idia na e hereva heheni, eto, Momokani, ita na vada ta kerere tadida dainai; badina be ena taitai ta kamonai, to ena noinoi asita abia dae; una dainai ina hekwarahi na ita edai vada e kau.
GEN 42:22 Bena Ruben eto, Lau na hamaoromui, ani, nato “Mero na basio hadikaia”, to umui na asio kamonai, harihari ia rarana na ita latadai.
GEN 42:23 Idia na asi dibadia Iosef na edia hereva anidia dibana, badina be ia na gado-hanai tauna uduna amo mo vada e hereva henidia.
GEN 42:24 Bena ia na e raka siri, e tai; gabeamo e lou henidia, e hereva henidia. Bena ia ese Simeon e abia, gadea amo e ḡuia idia vairadiai.
GEN 42:25 Bena Iosef e hahedua, edia puse na uit amo bae hahonu, bona ta ta edia moni edia puse ai bae uda lou, bona dala lakwana danu bae henidia. Bena unu e kara toma.
GEN 42:26 Bena edia puse na edia doniki dorudia ai e ato kau, e raka lao.
GEN 42:27 Adorahi ai e taruha, bena ta ese ena puse e kehoa, ena doniki baine ubua eto; bena ena moni e itaia, puse uduna ai.
GEN 42:28 Bena ia ese tadikakana e hamaorodia, eto, Egu moni vada e haloua, ḡauna na egu puse ai. Bena kudoudia e hetaha, gari ese e butudia tao, e hereva heheni, eto, Dirava na ede vada e karada toma?
GEN 42:29 Kanaan tanona ai e kau, tamadia Iakob dekenai. Bena edia laolao sivaraina e hamaorolaia, eto,
GEN 42:30 Una tano lohiana ese e daḡedaḡe henimai, dibura rumana ai e koumai, eto ai na hasinadoa taumai.
GEN 42:31 A ia ese a hamaoroa, ato “Ai na hereva momokani taumai, dia hasinadoa;
GEN 42:32 ai na tadikaka gwauta-rarua, tau tamona natuna, a ta vada e mase, bona taumuritai be tamamai dekenai, Kanaan tanona ai.”
GEN 42:33 Bena una tano lohiana eto “Ini amo baina diba umui na hereva momokani taumui eiava lasi: umui ta baina dogoa tao iniseni ai, a orena be uit ba laohaia, varavaramui adia;
GEN 42:34 bena tadimui tau-muritai tauna ba hakaua mai dekegu ai, bena bainadiba umui be hereva momokani taumui; bena tadikakamui na baina henimui lou, bona ina tano ai ba hoihoi danu”.
GEN 42:35 Bena uit na edia puse amo e bubua negana ai, ta ta edia moni e davari edia puse ai; bena idia bona tamadia moni e itaia ai e gari dikadika.
GEN 42:36 Bena tamadia Iakob ese e gwau henidia, eto, Natugu na egu amo vada o abidia oho: Iosef vada e boio; Simeon vada e boio; harihari Beniamina danu bavabia oho o tomu; ini hisihisi iboudiai na lau mo latagu ai.
GEN 42:37 Bena Ruben ese tamana e hamaoroa, eto, Beniamina basina hakaua lou dekemu ai, lau natugu raruosi bavaladia mase. Lau imagu ai ba siaia, bena lau ese ma baina mailaia mai maurina ida.
GEN 42:38 A Iakob eto, Natugu basina kahua nege, basio laohaia; badina be kakana korikori vada e mase, ia mo sibona dekegu ai e nohomu. Dala ai dika ta ienai bema kau, lau buruka taugu na umui daimui ai mase gabuna bama lao henia mai lalo-hisihisigu ida.
GEN 43:1 Tano idoinai hitolo na bada herea.
GEN 43:2 Aigupto amo e mailaia uitina vada e ania ore, bena tamadia ese e hamaorodia, eto, Ma baola, aniani taina ba ha hoia ada.
GEN 43:3 Bena Iuda ese e haere henia, eto, Una tau ena hereva na auka, eto “Tadimui basio hakaua mai, lau vairagu basio itaia”.
GEN 43:4 Taunabunai, tadimai ba siaia, ai ida baiala, aniani baia ha hoia amu;
GEN 43:5 a basio siaia, ai na basiala, badina be una tau eto “Tadimui basio hakaua mai, lau vairagu basio itaia”.
GEN 43:6 Bena Israel eto, Edeheto umui ese lau o hadikagu, tadimui herevana o hahedinaraia?
GEN 43:7 Idia eto, Una tau ese e nanadaimai malakamalaka, eda iduhu herevadia e nanadailai, eto, “Tamamui dounu e mauri nohomu?” bona “Tadimui ta noho?” Bena ai ese a haere henia. Ede baiama diba toma ia baineto “Tadimui ba hakaua mai” a?
GEN 43:8 Bena Iuda ese tamana Israel e noia, eto, Mero na ba siaia, baia tore isi, baiala; unu amo baita mauri, basita mase, oi bona natumai maraḡidia danu.
GEN 43:9 Lau ese do baina naria; lau dekegu ai ba tahua. Basinama loulaia dekemu ai, vairamu ai basinama hakaua, kerere na lau latagu ai bema mia hanaihanai.
GEN 43:10 Basiama halahe, ina laolao iharuana harihari baiama haḡuḡurua.
GEN 43:11 Bena tamadia Israel ese e haere henidia, eto, Bema dala idauna ta lasi, ini ba kara toma: eda tano anidia namo-hereadia bavabi kau, emui maduna ai, muramura mai bonadia, bada ranuna, aniani ihanamodia muramuradia, au-huahuadia aukadia, una tau ena.
GEN 43:12 Moni ikumidia rua rua danu bavabi kau; emui puse ai e uda lou monidia danu ba loulai, badina be e uda taudia na e kerere readia.
GEN 43:13 Tadimui danu ba hakaua lao, una tau do ba lou henia.
GEN 43:14 Siahu-idoinai Diravana ese baine bogamui hisi una tau vairanai baine durumui, bena ia ese tadikakamui ta baine ruhaia nege, bona Beniamina danu baine haloua. A natugu na egu ai bae boio, vadaeni, vada bae boio.
GEN 43:15 Taunabunai, idia ese herahia e abi kau, tamadia ena hereva heḡereḡerena, bona moni ikumidia rua rua amo, bona Beniamina danu e hakaua. Bena e tore isi, Aigupto tanona ela, Iosef vairanai e gini.
GEN 43:16 Iosef ese Beniamina e itaia, bena ena hesiai tauna e haduaia, eto, Ini tatau na ba hakaudia lao egu ruma lalonai; aniani danu ba dabaraia, badina be dina tubua ai idia na lau ida baia aniani hebou.
GEN 43:17 Bena hesiai tauna na Iosef ena hereva heḡereḡerena e hakaudia lao, Iosef ena ruma ai e hakaudia vareai.
GEN 43:18 Bena hari tatau e gari dikadika, Iosef ena ruma ai e hakaudia vareai dainai. Idia na e hereva heheni, eto, Nega gini-gunana ai moni euda lou eda puse ai dainai; ia na ihabadelaida dalana e tahuamu, bena baine ḡuida, ena hesiai ai baine halaoda, eda doniki danu baine abidia iena.
GEN 43:19 Taunabunai idia na Iosef ena hesiai tauna dekena ela, ruma iduarana ai;
GEN 43:20 e hamaoroa, eto, Ḡauka e, nega gini-gunana ama, aniani ihoina moama;
GEN 43:21 to emai taruha gabuna ai a kau, emai puse a keho, bena emai moni a ita, ta ta ena puse ena puse ai e heuda, emai moni idoinai; harihari vada a mailai, baia heni lou a tomu.
GEN 43:22 Bona moni haida danu vada a mailai, aniani ihoilaina. A asi dibamai daika ese emai moni na e uda lou emai puse ai.
GEN 43:23 Bena hari hesiai tauna eto, Maino avabia, basio gari; emui Dirava, tamamui danu ena Dirava, ia ese emui puse e hatagadia; emui moni na lau ese na abi. Bena ia ese Simeon e hakaua lasi dekediai.
GEN 43:24 Bena una hesiai tauna ese ena ruma lalonai e hakaudia vareai, aedia ihurilaidia ranuna e henidia, bona edia doniki danu e ubudia.
GEN 43:25 Bena edia herahia e heḡaeḡaelai, Iosef dina tubua ai bainema bae henia eto, badina be vada e diba idia na unuseni ai bae aniani.
GEN 43:26 Iosef e raka vareai, bena e haḡaeḡaelai ḡaudia vada e henia, bona e goru goru diho tano ai, ia vairanai.
GEN 43:27 Bena ia ese e nanadaidia, eto, Umui be edeheto? Tamamui danu namo a, hari tau buruka vanegai sivaraina o gwauraia; ia dounu mauri eiava?
GEN 43:28 Idia na e haere, eto, Emu hesiai tauna ai tamamai be namo, dounu e mauri nohomu. Bena idia na e igo diho, e hanamoa.
GEN 43:29 Bena ia matana e roha isi, tadina Beniamina e itaia, ia sinana natuna; bena eto, Tadimu tau-muritai benai a, vanegai sivaraina o gwauraia merona? Ma eto, Natugu e, Dirava ese baine bogamu hisi.
GEN 43:30 Bena Iosef lalona e manoka: tadina e bogaia hisi bada dainai ia na e raka vareai ena daiutu lalonai, unuseni ai e tai.
GEN 43:31 Bena vairana e huria, e raka lasi, e haheauka, eto, Aniani a dabaraia.
GEN 43:32 Bena aniani e dabaraia, pata ta ai Iosef ana, pata ta ai idia adia, bona ma pata ta ai Aigupto taudia adia. Badina be Aigupto taudia na Heberu taudia ida basie aniani hebou, mai edia taravatu dainai.
GEN 43:33 Bena edia helai gabudia vada e henidia ia vairanai; edia vara heḡereḡeredia, tau-roboana ela bona tau-muritai. Taunabunai e heita heheni, bona e hoa.
GEN 43:34 Bena Iosef ese aniani iena pata amo e abia, e siaia dekediai, a Beniamina ana ha-ima e siaia. Vine ranuna danu ia ida e inu hebou.
GEN 44:1 Bena Iosef ese ena ruma ireḡuna tauna e haduaia, eto, Ini tatau edia puse aniani ai ba hahonu, bae honu namonamo, bona edia moni danu edia puse ududia ai ba uda.
GEN 44:2 Bona egu kehere, hari silver ḡauna, taumuritai ena puse uduna ai ba udaia, bona ena uit ihoilaina monina danu. Bena ia ese Iosef ena hereva heḡereḡerena e karaia.
GEN 44:3 Daba ai, hari tatau mai edia doniki e siaidia lao.
GEN 44:4 Hanua e rakatania, a do asie raka daudau ai, Iosef ese ena ruma ireḡuna tauna e haduaia, eto, A tore isi, a ḡavadia; ba lasidia tao negana ai ba gwau henidia, baoto “Badina be dahaka umui ese namo dika vada o davalaia a?
GEN 44:5 Biagugu ena kehere, ena inuinu bona ena baguhaoro ḡauna, vada o henaoa. Umui vada o kerere dikadika”.
GEN 44:6 Taunabunai, ia ese e lasidia tao, bena unu e gwau henidia toma.
GEN 44:7 Idia ese e haere henia, eto, Dahaka dainai ḡaubada na unu e gwau tomamu? Emu hesiai taudia na unu asia kara toma.
GEN 44:8 O itaia, emai puse ududia ai a davari monidia na a henimu lou, Kanaan amo a lou mai negana ai: benaini, dahaka dainai biagumu ena ruma ai silver eiava gold baiama henao?
GEN 44:9 A boma davaria oi isiaimu ilao-henina taumai ta unu vada e kara toma, ia na baine mase, bona ai be biagumui ena hesiai taudia ai baiala.
GEN 44:10 Bena ia eto, Benaini, ini baita kara toma: ena puse ai baina davaria tauna be egu hesiai tauna ai bainela, a orena be baina kahumui nege.
GEN 44:11 Bena ta ta ena puse ena puse e abi dobi haraḡa, e ruha.
GEN 44:12 Bena hari tau ese e hetahu, tau guna enai itahuna e matamaia, ela bona tau-muritai enai e hadokoa. Kehere na Beniamina ena puse ai e davaria.
GEN 44:13 Bena edia dabua e dare, edia doniki madunadia dorudia ai ma e ato kau, hanua e lou lao.
GEN 44:14 Iuda mai tadikakana ida Iosef ena ruma ai e gini dae negana ai, Iosef na do ruma ai, bena idia ese ia vairanai e goru goru diho.
GEN 44:15 Bena Iosef ese e gwau henidia, eto, Ede vada o kara toma? Umui asio laloa lau na bagu-haoro taugu a?
GEN 44:16 Bena Iuda eto, Egu lohia e, ede baia hereva henimu toma? Ede baia maoro toma oi vairamu ai? Dirava ese emu hesiai taudia emai kerere vada e hahedinaraia; harihari ai na oi imamu ai, ai bona ena puse ai emu kehere e davaria tauna danu.
GEN 44:17 A Iosef eto, Lasi, unu basina karamui toma; egu kehere e abia tauna hari egu hesiai tauna ai bainela, a umui be tamamui dekena ba lou lao mai mainomui ida.
GEN 44:18 Bena Iuda na e raka henia kahi, eto, Mani emu kara lau binai emu hesiai tauna na biagugu baina hereva henimu; mani emu kara emu badu do baine keruma emu hesiai tauna egu ai: badina be oi na Farao heḡereḡerena.
GEN 44:19 Egu lohia e, emu hesiai taudia o nanadaimai, oto, “Tamamui eiava tadimui nonoho a?”
GEN 44:20 Bena a haere henimu, ato “Tamamai burukana e nohomu, bona mero ta, tau-badana ai e abia; una mero kakana vada emase, sinana natuna tamona mo na ia, una dainai tamamai ese e lalokau henia badamu”.
GEN 44:21 Bena oi ese o haḡanimai, oto “Ba hakaua mai, lau baina itaia”.
GEN 44:22 Bena ai ese a haere henimu, ato “Tamana na basine kahua nege; badina be ia bema raka oho, tamana bema mase”.
GEN 44:23 Bena oi ese o hamaoromai, oto “Tadimui tau-muritai basio hakaua mai, lau vairagu basio itaia lou”.
GEN 44:24 Bena emu hesiai tauna, ai tamamai, dekena a lou lao, lohia taumu emu hereva a hamaorolaia.
GEN 44:25 Bena tamamai eto “A lou lao, ada aniani taina ma bavabia”.
GEN 44:26 Bena ai ato “Tadimai tau-muritai na ai ida baiala be vada baiala; badina be tadimai na ai ida basiala, una tau vairana basia itaia lou”.
GEN 44:27 Bena tamamai eto “Umui dibamui adavagu ese memero rarua e abidia;
GEN 44:28 ta e rakatanigu, bena nato ‘Ḡau ta ese vada e darea patapata’, bena asina itaia lou ema bona harihari.
GEN 44:29 A harihari ina ta danu egu ai bavabia oho, bena dika ta ienai baine kau, lau buruka taugu na umui daimui ai mase gabuna bainala mai lalo-hisihisigu ida”.
GEN 44:30 Taunabunai, emu hesiai tauna lau tamagu dekena bama lou lao, a mero basinama hakaua lao, bena ia bona hari mero na e kara mauri tamona na heto dainai
GEN 44:31 ia baine itamai mero na lasihia negana ai ia na baine mase; oibe tamamai tau-buruka na mase gabuna bainela mai lalo-hisihisina ida.
GEN 44:32 Badina belau ese tamagu na gwau henia hamata, ina mero bagunai, nato “Basina hakaua lou dekemu ai mai maurina ida, kerere na lau latagu ai baine mia ela bona hanaihanai”.
GEN 44:33 Taunabunai na noimumu, lau ese emu hesiai tauna ai bainala, ina mero ibolona, a ia ese kakana ida bae lou lao.
GEN 44:34 Badina be ede baina haheauka toma, tamagu dekena baina lou lao a mero basina hakaua lao, bena dika tamagu enai baine vara be baina itaia?
GEN 45:1 Iosef na badibadinai e gini taudia vairadiai lalona iha-aukana asi dibana; bena e lolo, eto, Taunimanima iboudiai na vairagu ai bae raka lasi. Bena asi tauna ta dekediai Iosef ese tadikakana e hahedinarai henidia, ia be daika.
GEN 45:2 Ḡau tamona, e tai lolololo dainai Aigupto taudia bona Farao ena ruma taudia iboudiai na ena tai e kamonai.
GEN 45:3 Bena Iosef ese tadikakana e hereva henidia, eto, Lau binai Iosef, Tamagu na dounu e mauri nohomu eiava? A tadikakana na ihaere-henina asi dibadia, badina be kudoudia e hetaha.
GEN 45:4 Bena Iosef ese tadikakana ma e hamaorodia, eto, Mani a raka kahi mai. Bena idia na e raka henia kahi. Ia ma eto, Lau binai tadimu Iosef, vada o hoigu, bena Aigupto nama.
GEN 45:5 Lalomui basie hisihisi, bona basio hebadu heheni, o hoigu bona ini nama dainai; badina be Dirava ese e siaigu baina gunalaimui, ihamaurimui totona.
GEN 45:6 Badina be ini laḡani rua be doe laḡanidia, a doe laḡanidia ima do mimia, unu laḡani lalodiai tano basie ruaia bona uit basie utua.
GEN 45:7 Dirava ese e siaigu, baina gunalaimui, umui baina hamaurimui bona besemui baina hamauridia helaoreana, bena bese badana ai baola.
GEN 45:8 Taunabunai dia umui, a Dirava ese e siaigu iniseni ai. Ia ese vada e karagu lau be Farao tamana na heto, ena ruma idoinai biaguna ai bona Aigupto tanona idoinai lohiana ai vada e halaogu.
GEN 45:9 Benaini, vada aola haraḡa-haraḡa tamagu dekenai, ba hamaoroa, baota “Natumu Iosef e tomu: Dirava ese Aigupto tanona idoinai lohiana ai vada e halaogu; lau dekegu baoma, basio halahe.
GEN 45:10 Gosen tanona ai do ba noho, lau badibadigu ai: oi bona natumu bona tubumu bona emu mamoe seridia bona emu boromakau seridia bona emu ḡau idoidiai.
GEN 45:11 Lau ese baina narimui, bena oi bona emu orea taudia iboudiai basio hitolo. Badina be doe laḡanidia ima na do mimia”.
GEN 45:12 O itaia: umui matamui ese vada e itaia, bona tadigu Beniamina danu matana vada e itaia, ini hereva na lau udugu amo vada e lasi.
GEN 45:13 Taunabunai, hairaigu idoinai Aigupto ai, bona o ita ḡaudia iboudiai danu, tamagu ba hamaorolaia; bena tamagu ba hakaua mai haraḡa.
GEN 45:14 Bena ia na tadina Beniamina aiona ai e hegagiu dae mai taina ida; Beniamina danu ia aiona ai e hegagiu dae, vada e hetai heheni.
GEN 45:15 Bena Iosef ese kakana iboudiai e harahudia, bona e rosidia mai taina ida. Gabeamo tadikakana ia ida vada e hereva-hereva, asi edia gari.
GEN 45:16 Ini ḡau haridia na Farao ena ruma ai e piua, ena ruma taudia iboudiai na e kamonai Iosef tadikakana vada ema. Bena Farao mai ena hesiai taudia iboudiai vada e moale.
GEN 45:17 Bena Farao ese Iosef e hamaoroa, eto, Tadikakamu ba hamaorodia, baoto “Emui kohu be emui doniki dorudia ai bavato kau, Kanaan tanona ba lou lao,
GEN 45:18 tamamui bona varavaramui bavabidia, ba hakaudia mai dekegu ai; lau ese Aigupto tanona ena ḡau namodia baina henimui, bona ina tano digarana do bavania”.
GEN 45:19 Ma ba hamaorodia, baoto “Ini ba kara toma: ina Aigupto tanona ai rerue bavabi, ba laohai, natumui bona adavamui ba udadia, ba mailaidia, bona tamamui danu.
GEN 45:20 A emui kohu basio laloa, badina be ina Aigupto tanona ena kohu namodia na bavabi emui”.
GEN 45:21 Bena Israel natuna ese iena hereva e badina; bona Iosef ese rerue bona dala lakwana e henidia, Farao ena hahedua heḡereḡerena.
GEN 45:22 Ta ta edia hahedoki toi toi danu e henidia, a Beniamina na silver monidia sinahu-toi e henia bona hahedoki ima.
GEN 45:23 Herahia ḡaudia danu e siai, tamana ena: doniki gwauta Aigupto kohudia namodia e hua, bona doniki hahinedia gwauta uit bona flaoa bona aniani haida danu e hua, tamana ena dala lakwana.
GEN 45:24 Bena ia ese tadikakana e siaidia lao, eto, Dala ai basio heiri-heiri.
GEN 45:25 Taunabunai idia na Aigupto e toretania, Kanaan tanona ela, tamadia Iakob dekenai.
GEN 45:26 E hamaoroa, eto, Iosef e maurimu, Aigupto tanona idoinai e lohiaiamu. Bena Iakob laumana e daure, edia hereva se abia dae.
GEN 45:27 A idia ese Iosef ena hereva iboudiai e hamaorolaia; bena Iakob ese Iosef e siai reruedia e itadia ai, ia laumana ma e mauri lou.
GEN 45:28 Bena Israel eto, Vadaeni, natugu Iosef dounu e maurimu; lau na do basina mase ai baina ha itaia.
GEN 46:1 Israel na eha laolao, ena kohu idoinai e abi kau, Bere-sieba ai e kau, unuseni ai tamana Isaak ena Dirava e boua.
GEN 46:2 Bena hanuaboi ai Dirava ese nihi ai Israel e hereva henia, eto, Iakob e, Iakob e! Ia eto, Lau o ina.
GEN 46:3 Ma eto, Lau be Dirava, tamamu ena Dirava: Aigupto baola, basio gari, badina be unuseni ai bese badana ai baina halaomu.
GEN 46:4 Lau ese baina bamomu ela bona Aigupto, ma baina hakaumu lou; bona ba mase negana ai Iosef ese matamu baine hakapua.
GEN 46:5 Bena Iakob ese Bere-sieba e toretania. Israel natudia ese tamadia Iakob bona natudia maraḡidia bona adavadia e abidia, Farao ese e henidia reruedia ai e udadia, e laohaidia.
GEN 46:6 Edia boromakau danu, bona edia kohu idoinai, Kanaan tanona ai e abi, vada e laohai, ela Aigupto ai e lasi. Iakob mai ena iduhu idoinai ela:
GEN 46:7 natuna mamaruanedia bona tubuna mamaruanedia, natuna hahinedia bona tubuna hahinedia, bona varavarana ibouboudiai. Iboudiai Aigupto e laohaidia.
GEN 46:8 Israel garana, Aigupto ela taudia, ladadia bini, Iakob mai natuna iboudiai ida.
GEN 46:9 Ruben be Iakob natuna roboana. Ruben natuna be Hanok bona Palu bona Hesron bona Karami.
GEN 46:10 Simeon natuna be Iemuel bona Iamin bona Ohad bona Iakin bona Sohara bona Saul. Saul be hane Kanaan natuna.
GEN 46:11 Levi natuna be Gereson bona Kohat bona Merari.
GEN 46:12 Iuda natuna be Ere bona Onan bona Sela bona Perese bona Sera; a Ere bona Onan be Kanaan tanona ai e mase. Perese natuna be Hesron bona Hamulu.
GEN 46:13 Isakara natuna be Tola bona Puva bona Iobo bona Simron.
GEN 46:14 Sebulun natuna be Sered bona Elon bona Ialeel.
GEN 46:15 Ini iboudiai bona natuna hahinena Daina be Lea natuna bona tubuna, Iakob ese iena amo e abidia Padan-aram ai. Iboudiai be toi-ahui toi.
GEN 46:16 Gad natuna be Sifion bona Hagi bona Suni bona Esbon bona Eri bona Arodi bona Areli.
GEN 46:17 Asere natuna be Imna bona Isva bona Isvi bona Beria, taihudia Sera ida. Beria natuna be Hebere bona Malkiel.
GEN 46:18 Ini na hesiai hahinena Silpa natuna; Laban ese natuna Lea e henia hahinena bunai. Iakob ese natuna bona tubuna gwauta-tauratoi iena amo e abidia.
GEN 46:19 Iakob adavana Rahela natuna bini: Iosef bona Beniamina.
GEN 46:20 Iosef ese natuna rarua, Manase bona Efraim, na Aigupto tanona ai e abidia, Ono ena hahelaḡa tauna Potifera natuna Asenat bogana amo.
GEN 46:21 Beniamina natuna bini: Bela bona Bekere bona Asbel bona Gera bona Naaman bona Ehi bona Ros bona Mupim bona Hupim bona Arad.
GEN 46:22 Ini iboudiai be Rahela natuna bona tubuna, Iakob ese iena amo e abidia. Iboudiai be gwauta-hani.
GEN 46:23 Dan natuna be Husim.
GEN 46:24 Napatali natuna be Iaseel bona Guni bona Iesere bona Silem.
GEN 46:25 Ini be hesiai hahinena Bilha natuna; Laban ese natuna Rahela e henia hahinena bunai. Iboudiai be hahitu.
GEN 46:26 Iakob ida Aigupto ela taunimanimadia iboudiai, ia ese e havaradia taudia, be tauratoi-ahui tauratoi; a ravana be se duahidia.
GEN 46:27 Bona Iosef ese Aigupto ai e abidia memerodia be rarua. Iakob ena iduhu taudia Aigupto ela iboudiai be hitu-ahui.
GEN 46:28 Iakob ese Iuda e siaia guna, Gosen bainela, Iosef baine hadibaia. Bena Gosen ai e lasi.
GEN 46:29 Bena Iosef ese ena kariota e heḡaeḡaelaia, Gosen ela, tamana ida bae hedavari; enai e kau, bena aiona ai e hegagiu dae, e tai.
GEN 46:30 Bena Israel ese Iosef e hereva henia, eto, Harihari aina mase be namo, badina be mai maurimu ida vada na davarimu lou.
GEN 46:31 Bena Iosef ese tadikakana bona tamana ena orea taudia e hamaorodia, eto, Lau bainala, Farao baina hamaorolaia, bainato “Tadikakagu bona tamagu ena orea taudia na Kanaan tanona amo vada ema, lau dekegu ai.
GEN 46:32 Idia be mamoe bona boromakau ireḡudia taudia, edia mamoe seridia bona edia boromakau seridia bona edia kohu idoinai vada e mailai”.
GEN 46:33 Bena Farao ese baine boirimui bona baine nanadaimui, baineto “Emui ḡaukara be dahaka?”
GEN 46:34 Una negana ai umui ba haere, baoto “Ai oi isiaimu ilao-henina taumai na meromai negana amo boromakau vada e reḡudia, senemai bamodia”. Unu amo Gosen bavabia diba, emui tano ai ba halaoa; badina be Aigupto taudia ese seri ireḡudia taudia e dadaraidiamu.
GEN 47:1 Bena Iosef na Farao dekena ela, eto, Tamagu bona tadikakagu na Kanaan tanona amo vada ema, mai edia mamoe seridia bona edia boromakau seridia bona edia kohu idoinai. Idia na harihari Gosen tanona ai.
GEN 47:2 Bena kakana laima e hakaudia vareai, Farao vairanai.
GEN 47:3 Bena Farao ese e nanadaidia, eto, Emui ḡaukara be dahaka? Idia eto, Ai oi isiaimu ilao-henina taumai be mamoe ireḡudia taumai, senemai bamodia.
GEN 47:4 Bena idia ese Farao e noia, eto, Ai na vada ama, ina tano ai baia noho a tomamu, badina be Kanaan tanona na asi reina emai seri bae ania. Mani emu kara a hereva, emu hesiai taudia na Gosen tanona ai baia noho.
GEN 47:5 Bena Farao ese Iosef e hamaoroa, eto, Tamamu bona tadikakamu na dekemu vada ema.
GEN 47:6 Aigupto tanona idoinai be vairamu ai; gabu namo-hereana ta ba henidia, bae noholaia. Gosen tanona ai do bae noho, bona bema goada taudia haida idia bogaragidiai, egu boromakau ireḡudia taudia ai ba halaodia.
GEN 47:7 Iosef ese tamana Iakob e hakaua vareai Farao vairanai; bena Iakob ese Farao e hanamoa.
GEN 47:8 Farao ese e nanadaia, eto, Emu mauri laḡanidia be hida?
GEN 47:9 Iakob e haere, eto, Egu laolao laḡanidia ina tanobada ai na sinahuta toi-ahui; egu mauri laḡanidia na dia hoho bona mai hisihisidia, dia tamagu bona tubugu heḡereḡeredia, idia edia laolao laḡanidia tanobada ai na hoho.
GEN 47:10 Bena Iakob ese Farao e hanamoa, bena e rakatania.
GEN 47:11 Bena Iosef ese tamana bona tadikakana edia gabu e lailaia bona edia tano e henidia, Aigupto tanona namo-hereana ta ai, ladana Ramese, Farao ena hahedua heḡereḡerena.
GEN 47:12 Bena Iosef ese tamana bona tadikakana bona tamana ena orea taudia iboudiai e ubudia, ruma ta ta taudia adia e henidia.
GEN 47:13 Tano idoinai doe na bada herea; taunabunai Aigupto idoinai bona Kanaan idoinai aniani na lasi vaitani.
GEN 47:14 Moni idoinai Aigupto ai bona Kanaan ai na uit ihoilaina ai e ore, idoinai Iosef mo imana ai. Bena ia ese Farao ena ruma ai e haboua.
GEN 47:15 Bena Aigupto ai bona Kanaan ai moni e ore vaitani murinai Aigupto taudia na Iosef dekena ela, eto, Aniani a henimai; oi o uramu ai na oi vairamu ai baia mase a? Ai na asi emai moni.
GEN 47:16 Iosef eto, Emui boromakau a henigu; lau na uit baina henimui, emui boromakau davadia, asi emui moni dainai.
GEN 47:17 Taunabunai edia boromakau e laohai Iosef dekenai; bena ia ese aniani e henidia, edia hosi bona edia mamoe bona edia boromakau bona edia doniki davadia.
GEN 47:18 Una l=agani e ore, bena laḡani iharuana ma e lou mai ia dekenai, eto, Lohia taumu e, ai na asia koimumu: emai moni vada e ore, emai boromakau iboudiai vada o abi; ḡau ta dia mia baia henimu, tau-animai bona emai tanomo vadaeni.
GEN 47:19 Ai na oi vairamu ai baia mase bona emai uma bae vahu a? Ai bavabimai, emai tano danu bavabi, aniani ba henimai. Bena ai bona emai tano ese Farao isiaina baia lao heni. Uhe danu ba henimai, bena emai tano na basine vahu.
GEN 47:20 Taunabunai, Iosef ese Aigupto tanodia iboudiai e abi, Farao ena; badina be Aigupto taudia iboudiai ta ta ena tano ena tano e hoi, aniani davana, edia hitolo na bada dainai. Unuhetomana tano idoinai na Farao ena tano ai ela.
GEN 47:21 Taunimanima danu e abidia, Aigupto hanuadia iboudiai, atai ela bona henu, hesiai taudia ai e halaodia.
GEN 47:22 Ḡau tamona hahelaḡa taudia edia tano ia ese se abi, badina be hahelaḡa taudia na Farao ese e ubudiava; taunabunai Farao ena heubu ḡaudia dekediai mimia dainai idia be edia tano bae hoi na asi badina.
GEN 47:23 Bena Iosef ese taunimanima e hamaorodia, eto, Hari dina ai umui vada na hoimui bona emui tano vada na hoi. Uhe bini, vada ba hado.
GEN 47:24 Bena uit ba utua negana ai, ba karoa, karoa ima; karoa ta Farao ba henia, a karoa hani be emui hadohado bona amui aniani ḡaudia, emui ruma taudia bona natumui maraḡidia iubulaidia.
GEN 47:25 Bena idia ese e haere henia, eto, Momokani, oi ese vada o hamaurimai; oi baia imodaimu bona Farao isiaina baia lao heni.
GEN 47:26 Unuhetomana Iosef ese taravadia e atua, hari taravatu na doini mia ema bona harihari: karoa ima lalodiai karoa ta be Farao ena. Ḡau tamona, hahelaḡa taudia edia tano ia ese se abi.
GEN 47:27 Israel be Aigupto taudia bogaragidiai e nohova, Gosen ai. Unuseni ai idia na kohu momo e habouva; e hutuma e laova, bona edia taḡa e bada e laova.
GEN 47:28 Iakob na laḡeni gwauta-hitu Aigupto ai e nohova: ena mauri laḡanidia na sinahu-ta hari-ahui hitu.
GEN 47:29 Ena mase vada e kahira-kahira ai, ia ese natuna Iosef e boiria, e hereva henia, eto, Boma lalokau henigu, imamu na mamugu ai boma atoa kau, boma gwau hamata, Aigupto ai basio gurigu,
GEN 47:30 a tubu tama dekedia bainala negana ai, Aigupto amo ba laohaigu, idia edia gara ai ba gurigu. Bena Iosef eto, Unu baina kara toma.
GEN 47:31 Bena Iakob eto, A gwau hamata. Bena Iosef ese e gwau henia hamata. Bena Israel na ena mahuta patana duna badina ai e ḡuriḡuri.
GEN 48:1 Ini ḡau muridiai, Iosef na harina e kamonai tamana vada e gorere; bena ia ese natuna raruosi, Manase bona Efraim, e hakaudia lao.
GEN 48:2 Bena haida ese Iakob e hamaoroa, eto, Natumu Iosef na oi i'itamu e maimu. Bena Israel na e haheauka, ena mahuta patana ai e helai tore.
GEN 48:3 Bena Iakob ese Iosef e hereva henia, eto, Siahu-idoinai Diravana ese Lusu ai, Kanaan tanona ai, e hahedinarai henigu bona e hanamogu,
GEN 48:4 eto “Momokani lau ese besemu baina havaraia, baina hahohomu, bese bada-hereana ai bainahalaomu; ina tano danu oi garamu baina henidia, edia tano ai bainela, ela bona hanaihanai”.
GEN 48:5 Harihari oi natumu raruosi, oi dekemu do asinama negana ai ina Aigupto ai e vara memerodia na lau natugu ai baela; Ruben bona Simeon na lau natugu heḡereḡerena, idia danu lau natugu ai baela.
GEN 48:6 A idia muridiai bae vara memerodia na oi natumu; kakadia bae nemaidia bona ahudia bae abi.
GEN 48:7 A lau be Padan amo nama negana ai Rahela na dala ai e mase, Kanaan tanona Efrata ai do asita kau ai. Bena Efrata dalana badinai na guria: una gabu ladana ta be Betelehem.
GEN 48:8 Bena Israel ese Iosef natuna e haḡeredia, eto, Ini be daidia?
GEN 48:9 Iosef ese tamana e haere henia, eto, Ini be lau natugu, Dirava ese vada e henigu ina tano ai. Tau buruka eto, Bae raka kahira, bena baina hanamodia.
GEN 48:10 Israel vada e buruka dainai ia matana vada e valahuvalahu, ḡau se ita ḡoeva. Taunabunai e boiridia, bae raka henia kahi; bena e harahudia bona e rosidia.
GEN 48:11 Bena Israel ese Iosef e hamaoroa, eto, Lau banava nato oi vairamu basina itaia lou, to Dirava ese e bogagu hisi dainai oi bona natumu vada na itamui.
GEN 48:12 Bena Iosef ese memero raruosi na tubudia tuina padadia amo e abidia, bena ia na tano ai e goru diho.
GEN 48:13 Bena Iosef ese raruosi e abidia; imana idibana amo Efraim e abia, Israel laurina kahana ai e atoa, bona imana laurina amo Manase e abia, Israel idibana kahana ai e atoa.
GEN 48:14 Bena Israel na imana idibana e haroroa, Efraim, tau-muritai, tubuana ai e atoa kau, bona imana laurina e haroroa, Manase, tau-guna tubuana ai e atoa kau. Mai ena laio-hadai dainai imana ruaosi unu e toiroro hanai toma.
GEN 48:15 Bena ia ese Iosef e hanamoa, eto, Tubugu Abraham bona tamagu Isaak e toma henia dihova Diravana, Egu mauri dinadia iboudiai ema harihari vada e regugu Diravana,
GEN 48:16 Dika iboudiai amo vada e hamaurigu aneruna, Ia ese ini memero baine hanamodia; Lau ladagu, bona tubugu Abraham ladana, bona tamagu Isaak ladana, bae nemaidia; Bese badana ai baela tanobada ai.
GEN 48:17 A Iosef na e itaia tamana ese imana idibana Efraim tubuana ai e atoa kau, bena lalona e hekwakwanai. Bena tamana imana e abia, Manase tubuana ai baine atoa kau eto.
GEN 48:18 Iosef eto, Tamagu e, dia eneheto, badina be ina na tau-guna; imamu idibana be ia tubuana ai bavatoa kau.
GEN 48:19 A tamana na se ura, eto, Natugu e, mai dibagu na karaiamu: momokani, ia be bese badana ta baine havaraia, to tadina ese baine hereaia, bese bada-hereanabaine havaraia.
GEN 48:20 Taunabunai ia ese e hanamodia una dina ai, eto, Umui be hahenamo toana ai bae halaomui Israel ai, baeto, Dirava ese baine hanamomui, Efraim bona Manase bamodia. Unu amo ia ese Efraim na tau-guna ai Manase tau-muritai ai e halaodia.
GEN 48:21 Bena Israel ese Iosef e hamaoroa, eto, Egu mase vada eme kahikahi; a Dirava ese baine bamomui, bona baine hakaumui lou, tubu tama edia tano ba lou henia.
GEN 48:22 Oi ahumu danu name henimu, tadikakamu iboudiai ahudia e hereadiamu: Sekem bunai, Amoro taudia edia amo na abia, egu dare bona egu peva goadadia ai.
GEN 49:1 Bena Iakob ese natuna e boiridia, eto, Iboumui ai ba hebou, emui ai dahaka dahaka nega gabedia ai baine vara na baina hamaorolaimui.
GEN 49:2 Iakob natuna e, a raka kahira, Tamamui Israel ena hereva ba hakala henia.
GEN 49:3 Ruben, oi na natugu roboana, egu goada anina roboana, Heaḡi badina, siahu badina.
GEN 49:4 To oi na ranu na heto, taunabunai oi na basio herea, Badina be tamamu ena geda ai o hekure, o hamiroa.
GEN 49:5 Simeon bona Levi na boga tamona amo; Edia ura hehunidia be koikoi bona dadidadi.
GEN 49:6 Laumagu e, edia kara hehunidia ai basio raka vareai, Lalogu e, edia hebou amo ba raka siri; Badina be edia badu ai taunimanima e aladia mase. Bona edia ura kava ai boromakau e haberodia.
GEN 49:7 Edia daḡedaḡe na uduguiraiamu, badina be vada e idita; Edia badu na uduguiraiamu, badina be vada e auka. Ahudia Iakob ai baina ḡiḡi rohoroho, Israel ai baina hakarohodia,
GEN 49:8 Iuda e, tadikakamu ese bae imodaimu, Oi imamu na inaimu aiodia ai bavatoa kau; Tamamu natuna ese bae toma henimu diho.
GEN 49:9 Iuda na leona natuna; Natugu e, leona vamu momo e ania na heto vada o goadamu; Leona e hekuremu na heto laḡana e aniamu, Leona burukana na heto: daika ese baine haoa?
GEN 49:10 Lohia auna na Iuda ena amo basie abia oho, Tarava iatuna tauna ai danu basie dabu, Ela bona bainema tauna na do bainema; Bena bese loḡora ese ia bae badinaia.
GEN 49:11 Ena doniki na vine auna ai baine mataia, Ena doniki natuna na vine auna namo-hereana ai baine mataia. Ena dabua na vine ranuna ai baine huria, Ena hahedoki na vine ranuna kakakana ai baine huria;
GEN 49:12 Matana bae kakakaka, vine ranuna na heto, Isena bae kuroka-kuroka rata na heto.
GEN 49:13 Sebulun na kone ai baine noho, Lagatoi edia hetu gabuna ai bainela, Ena tano hetoana na Sidono badibadinai.
GEN 49:14 Isakara na doniki mai goadana Seri bogaragidiai e hekuremu na heto;
GEN 49:15 E itaia ena laḡa-ani be namo, Ena tano be mai hairaina; Bena kohu ihuana tauna ai ela, Hesiai tauna ai ela.
GEN 49:16 Dan be ena orea taudia baine hahemaoro henidia, Israel iduhuna ta baine hahemaoro henia.
GEN 49:17 Dan na gaigai dala isena ai na heto, Hekori gaigaina dala isena ai, Hosi ae-geduna e koriamu, Bena hosi tauna e morumu.
GEN 49:18 Iehova e, emu hahemauri vada na nariamu.
GEN 49:19 Gad be tuari oreana ta ese baine tuari henia, To ia ese baine hadareredia.
GEN 49:20 Asere ena tano ai uit momo baine vara, Aniani namodia baine dabarai, hanua pavapavadia adia.
GEN 49:21 Napatali na dia hahinena na heto, e kahua nege, Bena natuna namo-hereadia e havaradiamu.
GEN 49:22 Iosef na au rigina mai huahuana na heto, Au rigina ranu gabuna ai e varamu na heto, Rigina na maḡu amo e daemu.
GEN 49:23 Peva taudia ese vada e hahisia, E tarakia, e haberoa;
GEN 49:24 To iena peva na mia, Iakob Siahuna ese ia imana vada e ha-aukadia, Mamoe Ireḡuna, Israel Nadi-ginina, ladana ai.
GEN 49:25 Tamamu ena Dirava bunai: ia ese baine durumu, Siahu-idoinai Diravana: ia ese baine hanamomu. Guba atai ai ena hahenamo, Dobu gabuna tanobada henunai ena hahenamo, Kemena ena hahenamo, bogana ena hahenamo.
GEN 49:26 Tamamu ena hahenamo ese Ororo gunadia edia hahenamo e hereaiamu, Mia-hanaihanai ororodia edia hahenamo e hereadiamu. Hahenamo bini Iosef latanai bae diho, Tadikakana ida e haheparara tauna tubuana ai bae kau.
GEN 49:27 Beniamina na uda sisiana vamu e tahuamu na heto, Daba ai ana vamu e aniamu, Adorahi ai e ala ḡaudia e harimu.
GEN 49:28 Israel iduhudia gwauta-ruaosi bini; tamadia ena hahenamo herevadiabini. ta ta e hanamolaidia.
GEN 49:29 Bena ia ese e haḡanidia, eto, Tubu tama dekedia ba laomu: tubugu bona tamagu badibadidiai ba gurigu, nadi kohuana ai, Efron tau Hiti ena tano ai.
GEN 49:30 Kohuana bunai Makapela imeana ai, Mamare kahana ai, Kanaan tanona ai; Abraham ese Efron tau Hiti ena amo e hoia, ena gara gabuna ai bainela.
GEN 49:31 Unuseni ai Abraham mai adavana Sara ida e guridia, unuseni ai Isaak mai adavana Rebeka ida e guridia; unuseni ai danu Lea na guria.
GEN 49:32 Kohuana bunai, mai imeana, na Hiti taudia edia amo e hoia.
GEN 49:33 Iakob ese natuna ihaḡanidia e hadokoa, bena ena mahuta patana ai e hekure diho, laumana e heni dae, tubu tama dekedia ela.
GEN 50:1 Iosef na tamana vairanai e igo diho, e tai, bona e harahua.
GEN 50:2 Bena Iosef ese ena hesiai taudia haida, muramura ḡaukaradia mai dibadia taudia, e haduadia, tamana tau-anina bae haḡoevaia, muramura mai bonadia amo bae dahua, bona dabua aukana bae kumilaia. Bena unu e kara toma.
GEN 50:3 Dina hari-ahui vada ela, muramura taudia edia ḡaukara dinadia; bena dina hitu-ahui e tailaia, Aigupto taudia ese.
GEN 50:4 Taitai dinadia vada e ore, bena Iosef ese Farao ena ruma taudia e noidia, eto, Boma ura henigu, Farao boma hereva henia, boma hamaoroa,
GEN 50:5 tamagu e haduagu dainai na gwau henia hamata. Ia eto “Baina mase negana ai, vada na heḡaeḡaelai garana ai ba gurigu, Kanaan tanona ai”. Taunabunai, ba kahugu nege, tamagu do baina guria, bena ma baina lou mai.
GEN 50:6 Bena Farao eto, Vada aola, tamamu ba guria, emu gwau-hamata heḡereḡerena.
GEN 50:7 Bena Iosef e tore isi tamana igurina ela. Farao ena hesiai taudia bona ena ruma lohiadia iboudiai ese e bamoa, bona Aigupto lohiadia iboudiai,
GEN 50:8 bona Iosef varavarana iboudiai, bona ena ruma taudia, bona tamana ena ruma taudia. Natudia maraḡidia bona edia mamoe seridia bona edia horomakau seridia mo e rakatanidia Gosen tanona ai.
GEN 50:9 Haida be kariota ai e gui, haida be hosi ai: hutuma bada ia ida ela.
GEN 50:10 Atad ena uit ikwadina gabuna ai e kau, Ioridane unukahanai; unuseni ai Iakob igurina karadia e kara, mai lalo-hisihisidia bona mai taidia ida. Idia ese dina hitu tamadia e tailaia.
GEN 50:11 Una tano taudia, Kanaan taudia, ese edia lalo-hisihisi e itaia, Atad ena uit ikwadina gabuna ai, bena idia eto, Aigupto taudia edia taitai na bada herea. Taunabunai, una gabu ladana e hatoa Abele-misraim: ia na Ioridane unukahanai.
GEN 50:12 Bena natuna na iena hahedua heḡereḡerena e karaia:
GEN 50:13 Kanaan tanona ai e huaia lao, nadi kohuana lalonai e guria, Makapela imeana ai. Una kohua bona imea na Abraham ese Efron tau Hiti ena amo e hoia, ena gara gabuna, Mamare ai.
GEN 50:14 Bena tamana e guria murinai, Iosef, mai tadikakana bona mai bamona ida, e lou lao, Aigupto ela.
GEN 50:15 Tamadia ena mase murinai, Iosef kakana na e hereva heheni, eto, Readia Iosef lalona ma baine dika ita edai, bena a kara dika henia karadia davadia do baine henida.
GEN 50:16 Taunabunai, idia ese hereva ta e siaia Iosef dekenai, eto, Tamamu do se mase ai e haḡanimai, eto
GEN 50:17 “Iosef ba hamaoroa, baoto ‘Kakamu edia kerere bona edia kara dika oiemu ai ba lalo nege’; taunabunai ai a noimumu, tamamu ena Dirava isiaina ilao-henina taumai emai dika ba gwau tao”. Ina hereva e kamonai ai, Iosef na e tai.
GEN 50:18 Bena kakana ela ia vairanai e goru diho, eto, Momokani, ai na oiemu hesiai taudia.
GEN 50:19 A Iosef eto, Basio gari; lau be Dirava ibolona a?
GEN 50:20 Umui emui lalo-hadai be ba hadikagu o tomova, to Dirava ese anina namona e havaraia; anina na hari dina ai o itaiamu taunimanima hutuma vada na hamauridiamu.
GEN 50:21 Tauna-bunai, basio gari; umui baina ubumui, bona natumui danu baina ubudia. Bena hereva namodia amo lalodia e hamarumarudia.
GEN 50:22 Taunabunai, Iosef bona tamana ena iduhu taudia iboudiai na Aigupto ai ma e nohova. Iosef ena mauri laḡanidia na sinahu-ta dikoana gwauta.
GEN 50:23 Iosef ese Efraim tubuna e itadia, bona Makiri Manase natuna danu ia tuina ai e helai.
GEN 50:24 Bena Iosef ese tadikakana e hamaorodia, eto, Egu mase negana vada eme kau: a Dirava ese baine lalomui, bona ina tano amo baine hakaumui lasi, ela bona ena gwau-hamata ai Abraham bona Isaak bona Iakob e heni tanona.
GEN 50:25 Bena Iosef ese Israel natudia e haḡanidia, bae gwau hamata. Ia eto, Dirava ese ena gwau-hamata baine hamomokania; una negana ai lau turiagu na ini amo ba laohaidia.
GEN 50:26 Taunabunai Iosef na e mase: ena mauri laḡanidia na sinahu-ta dikoana gwauta. Bena idia ese ia tau-anina e haḡoevaia, muramura e karalaia, bena maua ai e udaia, Aigupto ai.
EXO 1:1 Israel natuna Aigupto ela taudia bini, idia na ta ta edia ruma taudia ida Iakob e bamoa ela.
EXO 1:2 Ladadia bini: Ruben; Simeon; Levi; Iuda;
EXO 1:3 Isakara; Sebulun; Beniamina;
EXO 1:4 Dan; Napatali; Gad; Asere.
EXO 1:5 Iakob garana iboudiai be taunimanima hitu-ahui, Iosef ese e gunalaidia Aigupto ai.
EXO 1:6 Iosef e mase, tadikakana bona ena uru taudia iboudiai danu e mase.
EXO 1:7 A Israel garana ese natudia momo e havaradia, besedia eha hutuma, una tano e hahonua.
EXO 1:8 Hanua pavapavana matamatana ta ese Aigupto e halohiaia; ia na asi dibana Iosef.
EXO 1:9 Ia ese ena orea taudia e hamaorodia, eto, A itaia, ita na gagadoi, Israel besena taudia na hutuma; ita na mamanoka, idia na gogoada;
EXO 1:10 aita laloa namonamo, bae hutuma herea bena tuari negana ai bae tore isi, inaida bae durudia, bae tuari henida, bona eda tano bae toretania na garina.
EXO 1:11 Una dainai, ia ese heitatao taudia e haginidia, ḡaukara ai bae itadia tao, bena ḡaukara momo amo bae bahisidia. Bena idia ese hanua e hadai, Parao ena kohu ihaboudia, ladadia be Pitom bona Raamese.
EXO 1:12 Edia hekwarahi e habadaia loulou, to besedia ma eha hutuma, ela bona tano idoinai e hahonua davana. Bena Aigupto taudia ese Israel taudia garidia e gariva.
EXO 1:13 Taunabunai idia ese Israel taudia e inai henidiava, e hahekwarahidiava.
EXO 1:14 Edia noho na dika, ḡaukara metaudia daidiai: raro amo e kara nadidia bona ihakamo-taodia ḡaudia e karava, uma ai danu ḡaukara idau-idau e karava mai hekwarahidia ida. Hesiai karadia idoidiai ikaradia ai e hahekwarahidiava.
EXO 1:15 Bena Aigupto pavapavana ese Heberu edia hegwaroto hahinedia e hereva henidia: hahine ta ladana na Sifra, ma ta ladana na Pua.
EXO 1:16 Ia eto, Umui raruosi ese Heberu hahinedia ba hamaradia negadia ai ba itadia, idia bae mara, bema mero, bavalaia, a bema kekeni be baine mauri.
EXO 1:17 To hari hegwaroto hahinedia ese Dirava garina e gariva dainai idia ese Aigupto pavapavana ena hahedua herevana asie badinaiava, natudia mamaruanedia idia ese e hamauridiava.
EXO 1:18 Taunabunai, Aigupto pavapavana ese hagwaroto hahinedia e boiridia, e nanadaidia, Dahaka dainai ini vada o kara toma? Dahaka dainai natudia mamaruanedia vada o hamauridia?
EXO 1:19 Hari hegwaroto hahinedia ese Farao e haere henia, eto, BAdina be Heberu hahinedia na dia Aigupto hahinedia bamodia; idia na mai goadadia, bena hegwaroto hahinena do se gini daemu negana ai idia ese e mara gunamu.
EXO 1:20 Una dainai Dirava ese hari hegwaroto hahinedia e hanamodia, bona Heberu besena na eha hutumava bona e goada dikadikava.
EXO 1:21 Hari hegwaroto hahinedia ese Dirava e matauria dainai, ia ese natudia e henidia.
EXO 1:22 Bena Farao ese ena orea taudia iboudiai e haḡanidia, eto, Natudia mamaruanedia na sinavai ai ba negedia, a kekeni na bae mauri.
EXO 2:1 Tau ta, Levi iduhuna tauna, ese Levi iduhuna kekenina ta e adavaia.
EXO 2:2 Hahine na e rogogogo, e mara, mero ta e abia; e itaia, ia na mero raho-namona, bena e hunia hua toi.
EXO 2:3 Bena ihunina asi dibana negana ai ia ese nini boseana ta e abia iena, raro-kaka mai kopukopu e tabaia ahu: bena ia ese mero e udaia, sinavai isena ai bautama lalodiai e atoa.
EXO 2:4 Taihuna na dauhai e gini, ia ede baine heto baine itaia tao eto.
EXO 2:5 Farao natuna hahinena na ela, sinavai ai baine digu eto; bena ena hesiai kekenidia na sinavai badibadinai e loava. Ia ese bosea bautama lalodiai e itaia, bena ena hesiai kekenina ta e siaia, baine mailaia.
EXO 2:6 Ia ese e kehoa, mero e itaia; ina! mero madi e taiva. Bena ia ese e bogaia hisi, eto, Ina na Heberu hahinena ta natuna.
EXO 2:7 Bena hari taihuna ese Farao natuna hahinena e hereva henia, eto, Lau ainala, ani, Heberu mararoto hihinena ta baina boiria, ia ese mero baine ubua.
EXO 2:8 Farao natuna hininena ese e haere henia, eto Aola. Bena kekeni na ela, mero sinana e boiria.
EXO 2:9 Bena Farao natuna hahinena ese e haduaia, eto, Ina mero a laohaia, ba ubua lauegu; lau ese davana baina henimu. Bena hahine ese mero e abia, e laohaia, e ubua.
EXO 2:10 Mero na e bada oho bada oho, bena hari hahine ese e hakaua lao Farao natuna hahinena dekenai. Bena ia ese natuna ai e halaoa. Ia ese ladana e hatoa Mose; eto, Badina be ranu amo na veria lasi.
EXO 2:11 Dina ta, Mose tauhauna ai, ia ne e raka lasi varavarana dekediai, edia hekwarahi e itaia. Bena ia ese Aigupto tauna ta e itaia, Heberu tauna ta, ia varavarana ta, e dadabaia.
EXO 2:12 Ia na e roha roha, tau ta se itaia; bena ia ese Aigupto tauna e alaia mase, tauna na raria ai e hunia.
EXO 2:13 Kerukeru ma e raka lasi, Heberu taudia rarua e itadia, e heatu. Bena ia ese heatu e matamaia tauna e gwau henia, eto, Badina be dahaka oi ese bamomu o dadabaiamu?
EXO 2:14 Ia na e haere, eto, Daika ese emai lohia ai bona emai hahemaoro tauna ai e halaomu? Emu ura be bavalagu mase, tau Aigupto o alaia mase na heto a? Bena Mose e gari, eto Ḡauna vada eme hedinarai.
EXO 2:15 Farao na una kara herevana e kamonai negana ai ia ese Mose baine alaia mase eto. A Mose ese Farao e heautania, ela, Midian tanona ai eha noho. Ia na ranu gurina ta badinai e halaiva.
EXO 2:16 Midian hahelaḡa tauna na mai natuna hahinedia hahitu; bena idia na ema, ranu e utua, tamadia ena mamoe seridia e ha-inulaidia.
EXO 2:17 Bena mamoe ireḡudia taudia ema, e luludia oho; a Mose na e tore isi, e durudia, edia seri e ha-inulaidia.
EXO 2:18 Bena tamadia Reuele dekena e lou lao negana ai ia ese e nanadaidia, eto Edeheto hari dina ai vada o lou mai haraḡa?
EXO 2:19 Idia na e haere, eto, Aigupto tauna ta ese e durumai, mamoe ireḡudia taudia e gwaudia tao, ranu e utu henimai, bona emai seri e ha-inulaidia.
EXO 2:20 Ia ese natuna hahinedia e gwau henidia, eto, Tauna be edeseni ai? Dahaka dainai o rakatania? A boiria, ana ba dabaraia.
EXO 2:21 Bena Mose na una tau dekenai e nohova mai moalena ida. Bena una tau ese natuna kekenina ta, ladana Sipora, na Mose e henia, baine adavaia. ?
EXO 2:22 Hahine na e mara, mero ta e abia; bena Mose ese mero ladana e hatoa Geresom; badina be ia eto, Lau na idau tano ai vada name noho hedoa.
EXO 2:23 Nega taina vada e daudau, Aigupto pavapavana e mase. Una negana ai Israel taudia e taitaiva mai lalo-hisihisidia ida, edia maduna metaudia daidai Dirava e tai henia.
EXO 2:24 Dirava ese edia taitai e kamonai, bona ena gwau-hamata, Abraham bona Isaak bona Iakob e gwau henidia hamata ḡauna, e helalolaia une.
EXO 2:25 Bena Dirava ese Israel taudia e haḡeredia bona e lalodia.
EXO 3:1 Mose ese ravana Ietero, Midian hahelaḡa tauna, ena seri e reḡuava. Ia ese seri e hakaua lao tano ḡaḡaena unukahana ai, Dirava ena ororo, ladana Horeb, ela.
EXO 3:2 Bena Iehova ena aneru ese e hahedinarai henia, lahi hururu-hururuna ai, lahi na au ginigini ai. Mose ese e itaia, lahi na au amo e hururu lasiva, to au na lahi ese se araiava.
EXO 3:3 Bena Mose eto, Aina raka siri, ina kara idauna baina itaia, au ginigini na edeheto se ara ore.
EXO 3:4 Iehova ese e itaia, ia na vada e raka siri. Bena Dirava ese au ginigini amo e boi henia, eto Mose e! Ia na e haere, eto, Lau o ina.
EXO 3:5 Dirava eto, Basio raka kahi mai, emu tamaka danu aemu amo ba koko oho, badina be o ginimu gabuna na tano helaḡana.
EXO 3:6 Ma eto, Lau na tamamu ena Dirava, Abraham ena Dirava, Isaak ena Dirava, Iakob ena Dirava. Bena Mose na vairana e koua, Dirava baine itaia na garina.
EXO 3:7 Iehova ma eto, Momokani, egu bese edia hisihisi Aigupto ai vada na itaia, bona edia taitai, biagudia ese e hahekwarahidiamu dainai e taimu, vada na kamonai; badina be edia hisihisi vada name diba.
EXO 3:8 Lau vada name diho, Aigupto taudia imadia amo baina hamauridia, una tano amo baina hakaudia lasi ela bona tano namo-hereana ai, taora badana ai, bae kau; una tano ai rata bona bada-ranuna e arumu, Kanaan taudia edia tano bunai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.
EXO 3:9 Momokani, Israel taudia edia taitai egu ai vada e kau, bona Aigupto taudia ese e hahisidia karadia vada na ita.
EXO 3:10 Aoma, lau ese oi baina siaimu Farao dekenai, egu bese taudia Israel na Aigupto amo ba hakaudia lasi helaoreana.
EXO 3:11 Bena Mose ese Dirava e haere henia, eto, Lau be daika Farao dekena bainala bona Israel taudia Aigupto amo baina hakaudia lasi?
EXO 3:12 Dirava ma eto, Momokani, lau ese baina bamomu, bona na siaimumu toana binai: oi ese Istarel taudia Aigupto tanona amo ba hakaudia lasi murinai, ina ororo ai umui ese Dirava ba toma henia diho.
EXO 3:13 Bena Mose ese Dirava ma e hereva henia, eto Lau na Israel taudia dekedia bainala, baina hamaorodia, bainato “Tamamui edia Dirava ese vada e siaigu dekemui ai”, bena idia ese bae nanadaigu, baeto “Ia ladana be daika?”, lau be ede baina haere henidia toma?
EXO 3:14 Bena Dirava ese Mose e hamaoroa, eto, LAU BINAI NA NOHOMU. Ma eto, Israel taudia ba haere henidia, baoto “LAU NA NOHOMU ese e siaigu dekemui ai.”
EXO 3:15 Dirava ese Mose ma e hamaoroa lou, eto, Israel taudia ba hamaorodia, baoto “Iehova, senemui edia Dirava, Abraham ena Dirava, Isaak ena Dirava, Iakob ena Dirava, vada e siaigu dekemui ai”. Lau ladagu binai ela hanaihanai; uru iboudiai lalodiai ini ba lalogu toma.
EXO 3:16 Aola, Israel tau-badadia ba haboudia, ba hereva henidia, baoto “Iehova, senemui edia Dirava, Abraham ena Dirava, Isaak ena Dirava, Iakob ena Dirava, ese vada e hahedinarai henigu, eto: Momokani, lau ese vada na haḡeremui, Aigupto ai e kara henimui karadia vada na ita;
EXO 3:17 vada na gwau hamata danu, Aigupto hisihisidia amo baina hakaumui lasi, Kanaan taudia bona Hiti taudia bona Amoro taudia bona Perisi taudia bona Hivi taudia bona Iebusu taudia edia tano ai baina hakaumui vareai, rata bona bada-ranuna e arumu tanona bunai”.
EXO 3:18 Bena Israel tau-badadia ese bae hakala henimu, bae bamomu, Aigupto pavapavana dekena baola, baoto “Iehova, Heberu taumai emai Dirava, na vada e hahedinarai; taunabunai, mani ba kahumai nege, dina toi baia laolao tano ḡaḡaena ai, unuseni ai Iehova, emai Dirava, baia boua”.
EXO 3:19 A lau dibagu Aigupto pavapavana na basine kahumui nege ela bona lau imagu metauna bae mamia toho.
EXO 3:20 Taunabunai lau na imagu do baina toia roro, egu hoa karadia amo Aigupto taudia baina hadareredia; una murinai ia ese baine kahumui nege.
EXO 3:21 A ina bese taudia baina hanamodia Aigupto taudia vairadiai, bena ba raka lasi negana ai umui na imamui asi anidia ai basiola.
EXO 3:22 Badina be hahine ta ta na dekedia hahinedia bona edia ruma ai e nohomu hahinedia ediai bae noinoi, silver heraheradia bona gold heraheradia bona dabua bae gwaurai; bena natumui mamaruanedia bona natumui hahinedia ba haheralaidia bona ba hahedokilaidia, Aigupto taudia edia kohu namodia vada ba dadihaidia.
EXO 4:1 Bena Mose e haere, eto, Mani a laloa, idia na basie kamonai henigu, egu hereva basie abia dae, baeto “Iehova ese se hahedinarai henimu”,
EXO 4:2 Bena Iehova eto, Ena na dahaka imamu ai? Ia e haere, eto, Itotohi.
EXO 4:3 Iehova eto, Tano ai avatoa diho. Tano ai e atoa diho, bena itotohi na gaigai ai ela; bena Mose ese e heautania.
EXO 4:4 A Iehova ese Mose e haduaia, eto, Imamu a toia roro, iuna ai avabi. (Taunabunai, ia ese imana e toia roro, e abia, bena itotohi ai ma ela ia imana ai.)
EXO 4:5 Bena bae diba Iehova, senedia edia Dirava, Abraham ena Dirava, Isaak ena Dirava, Iakob ena Dirava, ese vada e hahedinarai henimu.
EXO 4:6 Iehova ese ma e haduaia, eto, Imamu na emu hahedoki lalonai a toia vareai. Ia ese imana ena hahedoki ai e toia vareai; bena e veria lasi negana ai imana na kuroka-kuroka, lepra tauna imana na heto.
EXO 4:7 Dirava ma eto, Imamu na emu hahedoki lalonai ma a toia vareai lou. (Taunabunai, ia ese imana ma e toia vareai lou ena hahedoki ai, bena e veria lasi negana ai e itaia, vada e namo, kopina gunana heḡereḡerena.)
EXO 4:8 Bena basie kamonai henimu, toa gini-gunana basie abia dae, readia iharuana bae abia dae.
EXO 4:9 A toa ruaosi basiema abi dae bona eremu basiema kamonai, sinavai ranuna do bavabia, tano ai ba seia, bena sinavai amo bavabia ranuna na rara ai bainela tano ai.
EXO 4:10 Mose ese Iehova ma e hereva henia, eto, Egu Ḡaubada e, lau na hereva ai malagu seme haraḡa, gunaguna, bona harihari oi ome hereva henigu negana ai danu; badina be lau na hereva manau taugu, malagu danu se haraḡamu.
EXO 4:11 Bena Iehova ese e haere henia, eto; Taunimanima ududia daika ese e kara? Daika ese tau ta uduna e hakapuamu, eiava taiana e hakudimaiamu? Daika ese matana e hapapaiamu eiava e hakepuluamu? Lau binai Iehova, ani?
EXO 4:12 Taunibunai, oi baola, lau be udumu ai baina noho, ba gwaurai herevadia baina henimu.
EXO 4:13 A Mose eto, Egu Ḡaubada e, mani emu kara idauna ta ba siaia.
EXO 4:14 Bena Iehova ese Mose e badu henia, eto, Kakamu Aaron, Levi iduhuna tauna, se nohomu a? Lau dibagu ia na mai haroro dibana. Ina harihari ia na vada e raka lasi, e maimu dekemu ai; baine itamu negana ai ia baine moale.
EXO 4:15 Oi ese ba hereva henia, ia uduna herevadia ba henia; a lau be oi udumu ai bona ia uduna ai baina noho, raruosi baina hadibamui ede ba kara toma.
EXO 4:16 Ia ese oiemu hereva taunimanima baine hamaorolaidia; ia na oi udumu ai bainela, oi be Dirava heḡereḡerena ai baola ienai.
EXO 4:17 Hari itotohi danu imamu ai bavabia, toa ba karalaia.
EXO 4:18 Bena Mose ela, ia ravana Ietero dekena e lou lao, e hamaoroa, eto, Mani a kahugu nege, lau varavaragu Aigupto ai dekedia baina lou lao, baina diba idia dounu mamauri eiava lasi. Ietero ese Mose e haere henia, eto, Mai mainomu ida aola.
EXO 4:19 Bena Iehova ese Midian tanona ai Mose e hereva henia, eto, Aigupto ba lou henia, badina be emu mauri bae abia oho e tomava taudia na iboudiai vada e mase.
EXO 4:20 Bena Mose ese adavana bona natuna e abidia, doniki ai e hahelaidia kau, Aigupto tanona e lou henia. Dirava ena itotohi danu imana ai e abia kau.
EXO 4:21 Bena Iehova ese Mose e haduaia, eto, Aigupto ba lou henia negana ai, hoa karadia iboudiai Farao vairanai ba kara, lau ese siahu vada na henimu heḡereḡerena. To lau ese ia lalona baina ha-aukaia, taunabunai ia ese Heberu taudia basine kahudia nege.
EXO 4:22 Bena Farao ba hamaoroa, baoto “Iehova na ini e gwau tomamu: Israel be natugu roboana,
EXO 4:23 taunabunai na haḡanimumu, natugu a kahua nege, lau isiaigu baine lao heni helaoreana; a boma dogoa tao, oi natumu roboana bama alaia mase.”
EXO 4:24 Dala ai, adorahi ta ai e taruhava gabuna ai, Iehova ese e ginia ahu, baine alaia eto.
EXO 4:25 Bena Sipora na vasiga e abia, natuna e peritomea, kopina e ivaia ḡauna amo Mose aena palapalana e dahua, eto, Momokani, rara ai vada ta headava.
EXO 4:26 Taunabunai, Iehova ese e kahua nege. Una negana ai hahine na eto, Rara ai vada ta headava, peritome dainai.
EXO 4:27 Una negana ai Iehova ese Aaron e hereva henia, eto, Tano ḡaḡaena aola, Mose ida ba hedavari. Bena ia na ela, Dirava ena ororo ai Mose e davaria, bena e harahua.
EXO 4:28 Bena Iehova ese Mose e siailai herevadia bona e hahedualai toadia na Mose ese Aaron e hamaorolaia.
EXO 4:29 Bena Mose bona Aaron ela, Israel tau-badadia iboudiai e haboudia.
EXO 4:30 Iehova ese Mose e hamaoro-laia herevadia iboudiai Aaron ese e gwaurai hedinarai, bona hari hari toa danu Israel taudia iboudiai vairadiai e kara.
EXO 4:31 Idia na e kamonai; bena vada e diba Iehova ese Israel besena taudia vada e vadivadi henidia bona edia hisihisi vada e itaia dainai idia na e igo diho, e toma henia diho.
EXO 5:1 Una murinai Mose bona Aaron ela Farao dekenai, e hereva henia, eto, Iehova, Israel emai Dirava, ini e gwau tomamu: Egu bese taudia ba kahudia nege, idia ese agu aria bae karaia, tano ḡaḡaena ai.
EXO 5:2 A Farao eto, Iehova be daika? Ia erena baina kamonai, Israel taudia baina kahudia nege, badina be dehaka? Iehova na asi dibagu; Israel taudia danu basina kahudia nege.
EXO 5:3 Raruosi eto, Heberu taumai emai Dirava na dekemai ai vada ema; mani emu kara dina toi tano ḡaḡaena ai baia raka lao, emai Dirava, Iehova, baia boua, dai-hanai gorerena amo eiava dare amo baine alamai mase na garina.
EXO 5:4 Bena Aigupto pavapavana ese e haere henidia, eto, Mose bona Aaron, dahaka dainai emui orea taudia na edia ḡaukara amo ba hakaudia siri? Aola, emui ḡaukara ba lou henia.
EXO 5:5 Farao ma eto, Momokani, ina tano taudia vada e hutuma e laomu, a umui na ḡaukara ai o rudiamu.
EXO 5:6 Una dina ai Farao ese ḡaukara biagudia bona heitatao taudia e haḡanidia, eto,
EXO 5:7 Ḡaukara taudia na uit momona, raro ida e buloamu ḡauna, na basio henidia lou, dina iboudiai vada o henidiamu heḡereḡerena; ina murinai idia na sibodia bae ha gogoa.
EXO 5:8 Ḡau tamona, raro amo e kara nadidia e karamu na basie gadoi, ahudia korikoridia do bae kara; badina be idia na lalahedo, una dainai idia na e tai henigumu, e tomu “Mani ba kahumai nege, emai Dirava baia boua”.
EXO 5:9 Edia ḡaukara ba hametaua: bae ḡaukara goada, koikoi herevadia basie hakala heni.
EXO 5:10 Taunabunai ḡaukara biagudia bona heitatao taudia e raka lasi, Heberu taudia e hamaorodia, eto, Farao na e tomu “Uit momona basina hunimui lou;
EXO 5:11 vada baola, sibomui uit momona ba ha tahua; ḡau tamona, emui ḡaukara ahuna basine maraḡi”.
EXO 5:12 Taunabunai, iboudiai e karoho rohoroho, Aigupto tanona idoinai uit momodia eha gogo.
EXO 5:13 A ḡaukara biagudia e gwaugwau, eto, Dina ta ta ahudia ba haḡuḡuru, gunaguna uit momona a henimui negadia ai heḡereḡerena.
EXO 5:14 Bena idia ese Israel edia heitatao taudia, hari Farao ena ḡaukara biagudia ese e badinadia taudia, na e dadabadia, a gwau henidia, eto, Dahuka dainai hari dina ai emui ḡaukara ahuna korikorina asio haḡuḡurua?
EXO 5:15 Bena Israel edia heitatao taudia na Farao dekena ela, e tai henia, eto, Dahaka dainai emu hesiai taudia ini o karamai tomamu?
EXO 5:16 Uit momona asie henimai, to e hamaoromaimu, e tomu “Raro amo e kara nadidia a kara”. E dadabamai danu. A kerere be oiemu orea taudia edia kerere.
EXO 5:17 A ia na e haere, eto, Umui na lahedo taumui, lahedo dikadika taumui; una dainai umui na o tomu “A kahumai nege, Iehova baia boua”.
EXO 5:18 Vada aola, emui ḡaukara a lou henia: uit momona na basie henimui, to emui ḡaukara ahuna korikorina do ba haḡuḡurua.
EXO 5:19 Israel taudia edia heitatao taudia vada e diba idia na ihadikadia totona e haduadia, eto “Dina ta ta ai emui ḡaukara ahuna na basine maraḡi”.
EXO 5:20 Bena Farao ena amo e raka lasi ai idia na Mose bona Aaron ida e hedavari, raruosi ese e naridiava.
EXO 5:21 Bena idia ese raruosi e gwau henidia, eto, Iehova ese baine he-geremui bona baine hahemaoro henimui; badina be Farao bona ena hesiai taudia vairadiai ladamai vada o hadika, e kara ialalaimai darena imadia ai vada o atoa na heto.
EXO 5:22 Bena Mose ese Iehova e lou henia, eto, Ḡaubada e, dahaka dainai ina bese taudia vada o hadikadia? Dahaka dainai o siaigu?
EXO 5:23 Badina be Farao dekena nama, emu hereva na hamaorolaia; una negana ema bona hari ia ese ina bese taudia vada e hadikadia, bona oi ese so hamauridiamu.
EXO 6:1 Iehova ese MOse e hereva henia, eto, Harihari Farao ede baina kara henia toma do ba itaia: mai imana goadana ida ia ese baine siaidia lao; moibe, mai imana goadana ida ia ese ena tano amo baine luludia lasi.
EXO 6:2 Dirava ese Mose ma e hamaoroa, eto, Lau binai Iehova.
EXO 6:3 Abraham bona Isaak bona Iakob vairadiai na hedinarai, Siahu-idoinai Diravana; a ladagu korikori IEHOVA asina hadibadia. ?
EXO 6:4 Na gwau henidia hamata danu, Kanaan tanona, edia noho-hedoa gabuna, vada baina henidia nato.
EXO 6:5 Israel taudia, Aigupto taudia ese e hahisidiamu, edia taitai vada na kamonai; bona egu gwauhamata vada na laloamu.
EXO 6:6 Taunabunai, Israel taudia ba hamaorodia: Lau binai Iehova; Aigupto taudia pa-gamui ai e ato madunadia na emui amo baina abi oho; vada e ḡuimui, a lau ese baina ruhamui nege; imagu goadana amo bona hahemaoro karadia metaudia amo do baina hamaurimui.
EXO 6:7 Egu bese ai baina halaomui, bona emui Dirava ai bainala; vada ba diba, lau na Iehova, emui Dirava, Aigupto taudia edia maduna amo name hamaurimui Diravana
EXO 6:8 Abraham bona Isaak bona Iakob na gwaurai henidia hamata tanona lalonai baina hakaumui vareai; vada baina henimui, emui tano korikori. Lau binai Iehova.
EXO 6:9 Mose ese ina hereva Israel taudia e hamaorolaidia, to asie kamonai henia, daradia e doko bona edia maduna na metau dainai.
EXO 6:10 Bena Iehova ese Mose e haduaia, eto,
EXO 6:11 A raka vareai, Farao, Aigupto pavapavana, ba hamaoroa, Israel taudia na baine kahudia nege, ena tano bae rakatania.
EXO 6:12 A Mose ese Iehova e haere henia, eto, Mani a laloa, Israel taudia asie kamonai henigumu; hari Farao ese bibinagu na e metaumu taugu ede baine kamonai henigu toma?
EXO 6:13 A Iehova ese Mose bona Aaron na haheḡani e henidia, Tsrael taudia bae haḡanilaidia bona Farao, Aigupto pavapavana, bvae haḡanilaia, Israel taudia na Aigupto tanona amo bae raka lasi.
EXO 6:14 Tamadia edia iduhu ikwaradia taudia ladadia bini. Ruben, Israel natuna roboana, natudia bini: Hanok bona Palu bona Hesron bona Karami. Ruben ena iduhu bunai.
EXO 6:15 Simeon natuna bini: Iemuel bona Iamin bona Ohad bona Iakin bona Sohara bona Kanaan hahinena natuna Saul. Simeon ena iduhu bunai.
EXO 6:16 Levi natuna ladadia bini, edia uru ta ta ai: Gereson bona Kohat bona Merari. Levi ena mauri laḡanidia na sinahu-ta toi-ahui hitu.
EXO 6:17 Gereson natuna bini: Libni bona Simei, edia iduhu taudia ida.
EXO 6:18 Kohat natuna bini: Amram bona Isahara bona Heberon bona Usiele. Kohat ena mauri laḡanidia na sinahu-ta toi-ahui toi.
EXO 6:19 Merari natuna bini: Mali bona Musi. Levi ena iduhu bunai, uru ta ta ai.
EXO 6:20 Amram ese lalana Iokedbed e adavaia. Natudia be Aaron bona Mose. Amram ena mauri laḡanidia na sinahu-ta toi-ahui hitu.
EXO 6:21 Isahara natuna bini: Kora bona Nefeg bona Sikri.
EXO 6:22 Usiele natuna bini: Misael bona Elsafan bona Sitiri.
EXO 6:23 Aaron ese Elisebae adavaia: ia na Aminadab natuna, Nason taihuna. Ia ese e havaradia memerodia be Nadab bona Abihu bona Eleasara bona Itamara.
EXO 6:24 Kora natuna bini: Asiri bona Elkana bona Abiasafa. Kora ena iduhu bunai.
EXO 6:25 Eleasara, Aaron natuna, ese Putiele natuna kekenina ta e adavaia; ia ese Fineha e havaraia. Levi ena iduhu ai ruma ikwaradia taudia bunu.
EXO 6:26 Hari Aaron bona Mose be Iehova ese e haḡanidia, eto, Israel taudia na iduhu ta ta amo ba hakaudia lasi, Aigupto tanona bae rakatania.
EXO 6:27 Idia raruosi ese Farao, Aigupto pavapavana, e hereva henia, Israel taudia ihakaudia herevana e hamaorolaia, hari Aaron bona hari Mose ese.
EXO 6:28 Iehova ese Mose Aigupto tanona ai e hereva henia dinana ai,
EXO 6:29 ia ese Mose e hamaoroa, eto, Lau binai Iehova: vada na hamaorolaimu herevadia iboudiai na Farao, Aigupto pavapavana, ba hamaorolaia.
EXO 6:30 A Mose ese Iehova e haere henia, eto, Bibinagu na eme metau; Farao na ede baine kamonai henigu toma?
EXO 7:1 Iehova ese Mose e haere henia, eto, A kamonai: lau ese Dirava heḡereḡerena ai baina halaomu Farao enai, bona kakamu Aaron ese emu peroveta tanua ai bainela.
EXO 7:2 Baina haḡanilaimu herevadia iboudiai na ba gwaurai; kakamu Aaron ese Farao baine hamaoroa, ia ese Israel taudia do baine kahudia nege, ena tano amo bae raka lasi.
EXO 7:3 A Farao lalona baina ha-aukaia; ena be toa bona hoa karadia baina hahohodia Aigupto tanona ai,
EXO 7:4 to Farao basine kamonai henimui. Taunabunai lau ese imagu Aigupto latanai baina atoa kau, bena egu orea, egu bese, Israel taudia, Aigupto tanona amo baina hakaudia lasi, mai hahemaoro karadia badadia ida.
EXO 7:5 Bena imagu Aigupto latanai baina atoa kau bona taudia na bogaragidia amo baina hakaudia lasi negana ai, Aigupto taudia vada bae diba lau binai Iehova.
EXO 7:6 Bena Mose bona Aaron unu e kara toma; Iehova ese e haḡanidia heḡereḡerena, unu mo e kara tona.
EXO 7:7 Iehova ena hereva Farao e hamaorolaia negana ai Mose ena mauri laḡanidia be taurahani-ahui, a Aaron ena be taurahani-ahui toi.
EXO 7:8 Bena Iehova ese Mose bona Aaron ma e hereva henidia,
EXO 7:9 eto, Farao ese baine hamaoromui, baineto “Hoa karana ta a karaia, baina dibamui”, una negana ai oi ese Aaron ba haduaia, baoto, “Emu itotohi avabia, Farao vairanai ba negea dobi tano ai, gaigai ai bainela”.
EXO 7:10 Taunabunai, Mose bona Aaron na Farao dekena ela, Iehova ena hahedua heḡereḡerena e karaia. Aaron ese ena itotohi e negea dobi, Farao bona ena hesiai taudia vairadiai, bena gaigai ai ela.
EXO 7:11 Bena Farao ese aonega taudia bona mea taudia e boiridia; bena idia danu, hari Aigupto mea taudia, ese una kara heḡereḡerena ma e kara, edia mea diadiai.
EXO 7:12 Badina be ta ta ese edia itotohi e nege dobi, bena gaigai ai ela. A Aaron ena itotohi ese idia edia itotohi e hadonodia.
EXO 7:13 A Farao lalona na dounu auka, ia ese se kamonai henidia, Iehova ena hereva heḡereḡerena.
EXO 7:14 Bena Iehova ese Aaron bona Mose e hamaorodia, eto, Farao lalona vada e aukamu, taunimanima na basine kahudia nege.
EXO 7:15 Daba ai, Farao dekena baola, ranu baine lao henia negana ai. Sinavai isena ai ba naria, itotohi danu, gaigai ai ela ḡauna, bavabia kau.
EXO 7:16 Bena ba hamaoroa, baoto “Iehova, Heberu taumai emai Dirava, vada eme siaigu dekemu ai, e tomu: Egu orea taudia a kahudia nege, tano ḡaḡaena ai bae toma henigu diho. A oi ese do so kamonai henia.
EXO 7:17 Taunabunai, Iehova ma e tomu: Ini amo ba diba lau be Iehova; a itaia, Nilo sinavaina na ina imagu ai e miamu itotohina amo baina botaia, bena rara ai bainela;
EXO 7:18 bena Nilo sinavaina gwarumedia bae mase ore bona ranuna baine bodaga; bena Aigupto taudia na Nilo sinavaina ranuna bae dadaraia, basie inua”.
EXO 7:19 Iehova ese Mose ma e hamaoroa, eto, Aaron ba haduaia, baoto “Emu itotohi imamu ai bavabia, ba toia roro Aigupto ranudia daediai, bona edia sinavai badadia bona edia sinavai maraḡidia daediai, bona edia gohu daediai bona edia koupa iboudiai daediai, bena rara ai baela; Aigupto tanona idoinai rara mo baine mia, popou ai bona hodu ai”.
EXO 7:20 Bena Mose bona Aaron ese Iehova ena hahedua heḡereḡerena e karaia. Farao vairanai bona ena hesiai taudia vairadiai ia ese ena itotohi e abia, Nilo sinavaina ranuna e botaia; bena Nilo sinavaina ranuna idoinai rara ai ela.
EXO 7:21 Bena Nilo sinavaina gwarumedia iboudiai e mase ore, ranuna danu e bodaga; Aigupto taudia na Nilo sinavaina ranuna bae inua na lalodia asie heḡereḡere. Aigupto tanona idoinai rara mo e aruva.
EXO 7:22 A Aigupto mea taudia na una kara heḡereḡerena ma e kara, edia mea daidai. Bena Farao ese lalona ma e ha-aukaia, se kamonai henidia, Iehova ena hereva heḡereḡerena.
EXO 7:23 Hari Farao na e lou, ena ruma ela, se helalo.
EXO 7:24 Bena Aigupto taudia iboudiai ese guri e ḡei, sinavai isena ai, inuinu ranuna e tahua, badina be sinavai ranuna na se heḡereḡere bae inua.
EXO 7:25 Iehova ese sinavai e botaia murinai dina hitu vada ela.
EXO 8:1 Bena Iehova ese Mose ma e haduaia, eto, Farao dekena aola, ba hamaoroa, baoto “Iehova na ini e gwau tomamu: Egu orea taudia a kahudia nege, baela, bae toma henigu diho;
EXO 8:2 a basio kahudia nege, lau na parapara baina siadia emu tano idoinai bae hadikaia.
EXO 8:3 Sinavai na parapara ai bae honu; bena bae dae emu ruma ai, bona emu mahuta gabuna ai, bona emu mahuta patana ai, bona emu hesiai taudia edia ruma ai, bona emu orea taudia edia ruma ai, bona emu amu lalodiai, bona emu dihu lalodiai.
EXO 8:4 Harihari parapara na oi latamu ai bae dae, bona emu orea taudia latadiai, bona emu hesiai taudia iboudiai latadiai”.
EXO 8:5 Iehova ese Mose me e hamaoroa, eto, Aaron ba haduaia, baoto “Emu itotohi imamu ai bavabia, ba toia roro sinavai badadia bona maraḡidia bona gohu daediai, parapara ba hadaedia Aigupto tanona idoinai”.
EXO 8:6 Taunabunai, Aaron na imana e toia roro Aigupto ranudia daediai, bena parapara na ranu amo e dae kau, Aigupto tanona e hahonua.
EXO 8:7 A mea taudia na una kara heḡereḡerena ma e kara, edia mea daidiai, parapara ma e hahohodia Aigupto tanona idoinai.
EXO 8:8 Bena Farao ese Mose bona Aaron e boiridia, eto, Iehova ba noia, parapara na lauegu amo bona egu orea taudia edia amo baine abi oho, bena emui orea taudia baina kahudia nege, baela, Iehova bae boua.
EXO 8:9 Bena Mose ese Farao e haere henia, eto, Mani a hereva, edena nega ai baina noinoi oi daimu ai bona emu hesiai taudia daidiai bona emu orea taudia daidiai, bena parapara na unui emui amo bona emui ruma amo bae heabi oho, sinavai ai mo bae noho.
EXO 8:10 Ia eto, Kerukeru. Bena Mose eto, Emu hereva heḡereḡerena baine hekara; bena vada ba diba, Iehova, ai amai Dirava, na asi idaina.
EXO 8:11 Parapara ese oi bae rakatanimu, emu ruma bona emu hesiai taudia bona emu orea taudia danu bae rakatanidia, sinavai ai mo bae noho.
EXO 8:12 Taunabunai, Mose bona Aaron ese Farao e rakatania, e raka lasi. Bena Mose ese Iehova e noia, hari parapara, Farao e hadikalaiava ḡaudia, herevadia e gwaurai.
EXO 8:13 Bena Iehova ese Mose e kamonai henia; bena ruma ai bona ariara ai bona uma ai parapara e mase ore.
EXO 8:14 E haboudia bena vada e bodaga, bonadia na tano idoinai e dae.
EXO 8:15 A Farao ese e itaia, vada e madinamo, bena lalona ma e ha-aukaia, se kamonai henidia, Iehova ese e gwauraia heḡereḡerena.
EXO 8:16 Bena Iehova ese Mose e hamaoroa, eto, Aaron ba haduaia, baoto “Emu itotohi ba toia roro ḡahuna, namo ai bainela, Aigupto tanona idoinai”.
EXO 8:17 Bena unu e kara toma: Aaron ese ena itotohi e abia, tano ḡahuna e botaia, bena namo e kau, taunimanima bona boromakau e koridia; tano ḡahuna idoinai Aigupto tanona ai namo ai ela.
EXO 8:18 Bena mea taudia ese edia mea amo namo e havaradia toho, to ihavaradia asi dibadia. A namo ese taunimanima bona boromakau e koridia.
EXO 8:19 Bena hari mea taudia ese Farao a hamaoroa, eto, Ina na Dirave imana kwakikwakina. A Farao lalona ma e auka, se kamonai henidia, Iehova ese e gwauraia heḡereḡerena.
EXO 8:20 Bena Iehova ese Mose e hamaoroa, eto, Daba vaburana ai ba tore isi, Farao ba naria, digu bainela negana ai, bena ba hereva henia, baoto “Iehova ini e gwau tomamu: Egu orea taudia e kahudia nege, bae toma henigu diho.
EXO 8:21 Badina be basioma kahudia nege, lau na lao momo baina siaidia, oi latamu ai bona emu hesiai taudia bona emu orea taudia bona emui ruma latadiai bae kau; Aigupto taudia edia ruma bona edia tano be lao ai bae honu.
EXO 8:22 Una negana ai oiemu tano Bona Gosen tanona, egu orea taudia edia tano, baina hapararadia; unuseni ai lao basie kau. Unu amo vada ba diba lau be Iehova, tanobada bogaraginai.
EXO 8:23 Lauegu orea taudia bona oiemu orea taudia baina hapararadia: kerukeru ina toa ba itaia”.
EXO 8:24 Bena Iehova na uni e kara toma: lao momo herea e kau, Farao ena ruma ai bona hesiai taudia edia ruma ai; Aigupto tanona idoinai vada e dika rohoroho, lao daidiai.
EXO 8:25 Bena Farao ese Mose bona Aaron e boiridia, eto, Aola, ina tano ai emui Dirava ba boua.
EXO 8:26 A Mose eto, Unu baia kara toma na dia maoro; badina be Iehova emai Dirava ibouna ai baia aladia ḡaudia na Aigupto taudia ese e dadaraidiamu ḡaudia, bena idia vairadiai unu baia kara toma, idia ese nadi amo bae hodomai.
EXO 8:27 A baia laolao tano ḡaḡaena ai, dina toi baia raka, Iehova, emai Dirava, baia boua, baine haḡanimai heḡereḡerena.
EXO 8:28 Bena Farao eto, Baina kahumui nege; Iehova, emui Dirava, do ba boua tano ḡaḡaena ai; ḡau tamona dauha basiola, bona lau daigu ai ba ḡuriḡuri.
EXO 8:29 Bena Mose eto, Oi vairamu amo aina raka lasi, Iehova baina noia, ini lao momo be Farao ena amo bona ena hesiai taudia edia amo bona ena orea taudia edia amo kerukeru bae heabi oho. Ḡau tamona, Farao na basine koikoi lou, emai taunimanima na Iehova ibouna baela, basine rudia.
EXO 8:30 Taunabunai Mose na Farao vairana amo e raka lasi, Iehova e ḡuria.
EXO 8:31 Bena Iehova ese Mose ena noinoi heḡereḡerena e karaia: lao momo be Farao ena amo bona hesiai taudia edia amo bona ena orea taudia edia amo e abi oho, ta se miava.
EXO 8:32 A Farao na lalona ma e ha-aukaia lou, Heberu taudia se kahudia nege.
EXO 9:1 Bena Iehova ese Mose e haduaia, eto, Farao dekenai ba raka vareai, ba hamaoroa, baoto “Iehova, Heberu taumai emai Dirava, ini e gwau tomamu: Egu orea taudia ba kahudia nege, bae toma henigu diho. ?
EXO 9:2 Badina be boma rudia, doene boma dogodia tao,
EXO 9:3 lau Iehova imagu na emu seri taora ai e nohomu latadiai baine kau, hosi latadiai bona doniki latadiai bona kamelo latadiai bona boromakau latadiai bona mamoe latadiai: gorere dikana ediai baine kau.
EXO 9:4 Lau Iehova ese Israel edia seri bona Aigupto edia seri baina hididia: Israel taudia edia ḡau ta basine mase”.
EXO 9:5 Bena Iehova ese nega e abia hidi, eto, Kerukeru lau Iehova ese unu baina kara toma ina tano ai.
EXO 9:6 Bena kerukeru Iehova ese unu e kara toma; bena Aigupto taudia edia seri iboudiai eha mase, a Israel taudia edia seri ai ḡau ta se mase.
EXO 9:7 Bena Farao ena hesiai taudia ese hereva e mailaia, Israel taudia edia seri ai ḡau ta se mase. A Farao ese lalona ma e ha-aukaia, Heberu taudia se kahudia nege.
EXO 9:8 Bena Iehova ese Mose bona Aaron e hamaorodia, eto, Lahi kahuna bavabia, Mose ese baine tahoa dae Farao vairanai.
EXO 9:9 Una kahu na baine heḡiḡi rohoroho Aigupto tanona idoinai, bena iohururu bae vara bona bae toto, taunimanima kopidia ai bona mauri ḡaudia idau-idau iboudiai kopidia ai, Aigupto tanona idoinai.
EXO 9:10 Bena idia ese lahi kahuna e abia, Farao vairanai e gini; bena Mose ese e tahoa dae, bena iohururu e vara bona e toto, taunimanima kopidia ai bona mauri ḡaudia iboudiai kopidia ai.
EXO 9:11 Bena mea taudia na asi goadadia Mose vairanai bae gini, badina be idia danu mai iohururudia, Aigupto taudia iboudiai heḡereḡeredia.
EXO 9:12 A Iehova ese Frao lalona ma e ha-aukaia, bena ia ese se kamonai henidia, Iehova ese Mose e hamaoroa guna heḡereḡerena.
EXO 9:13 Bena Iehova ese Mose e haduaia, eto, Daba matana ai ba tore isi, Farao vairanai ba gini, ba hamaoroa, baoto “Iehova, Heberu taumai emai Dirava, ini e gwau tomamu: Egu orea taudia ba kahudia nege, bae toma henigu diho.
EXO 9:14 Badina be ina nega ai egu hahehisi iboudiai na oi latamu ai bona emu hesiai taudia latadiai bona emu orea taudia latadiai baina siai, bena vada ba diba lau be asi idaigu tanobada idoinai.
EXO 9:15 Badina be imagu bama toia roro, siahuna korikorina amo bama hahisimui, boma mase ore.
EXO 9:16 A ina dainai vada na hamaurimu: egu siahu baina haheitalaimu bena tanobada idoinai lau ladagu bae heatolaia helaoreana.
EXO 9:17 Doini o heaḡimu egu orea taudia vairadiai dainai ikahu-negedia so uramu.
EXO 9:18 A kamonai: kerukeru, hora inihetomana ai, medu hetarina dika-hereana baina hadihoa, tanobada matamana negana ema bona hari Aigupto tanona do asi dibana ḡauna.
EXO 9:19 Taunabunai, hari dina ai emu boromakau bona emu ḡau iboudiai taora ai e nohomu na ba hakaudia vareai; badina taunimanima bona mauri ḡaudia hahidaosi basio abidia vareai a taora ai bae noho na medu hetarina ese baine aladia bena iboudiai bae mase ore”.
EXO 9:20 Bena Farao ena hesiai taudia hahidaosi, Iehova gadona garina e gariva, ese edia hesiai taudia bona edia seri e hakaudia vareai ruma ai;
EXO 9:21 a Iehova ena hereva e dadaraia tauna ese ena hesiai taudia bona ena seri e rakatanidia taora ai.
EXO 9:22 Bena Iehova ese Mose e hamaoroa, eto, Imamu a duduia isi, medu-hetarina baine diho Aigupto tanona idoinai, taunimanima latadiai bona mauri ḡaudia idau-idau latadiai bona au idau-idau ava idau-idau iboudiai latadiai, Aigupto tanona idoinai.
EXO 9:23 Bena Mose ese ena itotohi e duduia isi; bena Iehova ese guba-rahu bona medu-hetari e hadiho tanobada ai, lahi danu tanobada ai e diho. Iehova ese medu-hetarina e hadihoa Aigupto tanona idoinai.
EXO 9:24 Taunabunai, medu-hetarina bona lahi e diho bou, vada e bada herea; Aigupto tanona idoinai nega ta unu asie diho toma, Aigupto besena e vara matama amo ema.
EXO 9:25 Bena medu-hetarina ese taora ai e nohova ḡaudia iboudiai e aladia, Aigupto tanona idoinai, taunimanima bona mauri ḡaudia idau-idau; medu-hetarina danu taora avadia iboudiai e hadika bona au iboudiai e hagari.
EXO 9:26 Gosen tanona ai mo, Israel taudia ese e noholaia tanona ai, medu-hetarina na se diho.
EXO 9:27 Bena Farao ese Mose bona Aaron e boiridia, eto Lau na ina nega ai vada na kara havara: Iehova na maoromaoro; lau bona egu orea taudia na kara dika taumai.
EXO 9:28 Iehova ba noia, badina be ini guba-rahu bona medu-hetari badadia vada eme davana. Vada baina kahumui nege; ina murinai basina dogomui tao.
EXO 9:29 Bena Mose ese e haere henia, eto, Hanua amo aina raka lasi, imagu aina toi roro, Iehova enai; bena guba-rahu baine doko, medu-hetarina danu baine doko: unu amo vada ba diba tanobada na Iehova ena.
EXO 9:30 Ḡau tamona, lau dibagu oi bona oiemu hesiai taudia ese Dirava Iehova do basio matauraia.
EXO 9:31 Una negana ai flax bona bali vada e dika: badina ba bali anina vada e dobi bona flax vada e tubu.
EXO 9:32 A uit bona rae na asie dika badina be do asie tubu.
EXO 9:33 Bena Mose ese Farao e rakatania, hanua amo e raka lasi, imana e toi roro Iehova enai; bena guba-rahu bona medu-hetari na e doko, bona medu na se diho tanobada ai.
EXO 9:34 A Farao ese e itaia, medu bona medu-hetari bona guba-rahu vada e doko, bena is ese ena kara dika ma e habadaia, lalona ma e ha-aukaia lou, ia bona ena hesiai taudia danu.
EXO 9:35 Farao lalona vada e auka, Israel taudia se kahudia nege, Iehova ese Mose e hamaoroa heḡereḡerena.
EXO 10:1 Bena Iehova ese Mose e hamaoroa, eto, Farao dekenai a raka vareai; badina be ia lalona vada na ha-aukaia, ena hesiai taudia danu lalodia vada na ha-aukadia, egu toa bini bogaragtidiai baina hahedinarai helaoreana.
EXO 10:2 Bena Aigupto ede baina kara henia toma, bona Aigupto taudia bogaragidiai egu toa ede na hahedinarai toma, natumu ba hadibaia bona tubumu ba hadibaia; bona ba diba binai Iehova.
EXO 10:3 Bena Mose bona Aaron na Farao dekenai e raka vareai, e hereva henia, eto, Ieova, Heberu taumai emai Dirava, na ini e gwau tomamu: Lau vairagu ai ba hekokoroku ela bona edena nega ai? Egu orea taudia a kahudia nege, bae toma henigu diho.
EXO 10:4 A bema lasi, boma rudia, lau ese kerukeru kwadi baina siaidia emu tano ai;
EXO 10:5 idia ese tano kopina bae ḡovaia ahu, tano na basio itaia diba. Bena amui aniani orena, medu-hetarina ese se hadikaia ḡauna, na idia ese bae ania ore; bona au iboudiai dounu mimia taora ai vada bae ani ore.
EXO 10:6 Emu ruma danu, bona emu hesiai taudia iboudiai edia ruma, bona Aigupto taudia iboudiai edia ruma, na kwadi ai mo bae honu; unuhetomana tubumui tamamui ese asie itaia, edia vara dinadia amo ema bona hari. Bena is ese Farao vairana amo e raka lasi.
EXO 10:7 Bena Farao ena hesiai taudia ese e hereva henia, eto, Ina tau ese baine hahekwakwanaida ela bona edena nega ai? Tatau be ba kahudia nege, baela, Iehova edia Dirava bae toma henia diho. Asi dibamu Aigupto vada e dika vaitani a?
EXO 10:8 Bena Mose bona Aaron ma e hakaudia vareai lou, Farao vairanai. Ia ese e hamaorodia, eto Aola, Iehova emui Dirava ba toma henia diho; a umui ida baela taudia be daidia?
EXO 10:9 Mose eto, Emai memero bona emai iahu, natumai mamaruanedia bona natumai hahinedia, emai mamoe seridia bona emai boromakau seridia, iboudiai baia laohaidia; badina be aria ta baia karaia, Iehova ena.
EXO 10:10 Ia ese e hamaorodia, eto, Bama kahumui nege, Iehova ese bema rumui. Emui lalo-hadai na dika. ?
EXO 10:11 Dia unuheto: umui tatau mo baola, Iehova ba toma henia diho, badina be emui ura bunai. Bena Farao vairana amo e luludia lasi.
EXO 10:12 Bena Iehova ese Mose e hamaoroa, eto, Imamu a toia roro Aigupto tanona daenai, kwadi vada bae kau Aigupto tanona ai, aniani avadia iboudiai medu-hetarina ese se hadika na idia ese bae ani ore.
EXO 10:13 Bena Mose ese ena itotohi toia roro Aigupto tanona daenai: bena Iehova ese lai laurabada kahana amo e siaia, una tano e toa henia boi, e toa henia rani. Dabi ai, una lai ese kwadi e mailaidia.
EXO 10:14 Bena kwadi na Aigupto tanona idoinai e heḡiḡi rohoroho ela bona Aigupto tanona hetoana idoinai; idia na dika rohoroho. Kwadi unuhohodia na nega ta asie hedinarai ema bona una negana, ma unuhohodia na basie hedinarai lou.
EXO 10:15 Badina be tano kopina adoinai idia ese e ḡovaia ahu; tano vada e korema. Idia ese aniani avadia iboudiai e ani ore una tano ai, bona au huahuadia iboudiai medu-hetarina ese se hadika ḡaudia na idia ese e ani ore. E tubumu ḡauna ta, au eiava tano avana, se miava, Aigupto tanona idoinai.
EXO 10:16 Bena Farao ese Mose bona Aaron e boiridia haraḡa-haraḡa, e hamaorodia, eto, Lau na Iehova emui Dirava vairanai bona umui vairamui ai vada na kara havara.
EXO 10:17 Taunabunai, na noimumu, ina nega tamona mo egu dika ba gwaua tao, bona Iehova emui Dirava ba noia, ia ese ina mase ḡauna egu amo baine abia oho.
EXO 10:18 Bena Mose na Farao vairana amo e raka lasi, Iehova e now henia.
EXO 10:19 Bena Iehova ese lai badana lahara kahana amo e siaia, una lai ese kwadi e odadia isi, Davara Kakakakana lalonai e odadia lao; Aigupto tanona hetoadia idoidiai kwadi ta dia mia.
EXO 10:20 A Iehova ese Farao lalona ma e ha-aukaia, bena Israel taudia se kahudia nege.
EXO 10:21 Bena Iehova ese Mose ma e hamaoroa, eto, Imamu ba duduia isi, bena dibura ese Aigupto tanona idoinai baine gorua ahu; idia ese dibura bae mamia toho.
EXO 10:22 Bena Mose ese imama e duduia isi. Bena Aigupto tanona idoinai e dibura masemase, ela dina toi vada e ore.
EXO 10:23 Taunimanima na asie heita heheni, bona edia helai noho gabudia amo asie tore isi, dina toi lalodiai. A Israel taudia iboudiai edia noho gabudia na didiari.
EXO 10:24 Bena Farao ese Mose e boiria, eto, Vada aola, Iehova ba toma henia diho, ḡau tamona emui mamoe seridia bona emui boromakau seridia ba rakatanidia, natumui mo ba hakaudia lao.
EXO 10:25 A Mose eto, Lasi, emai boubou ḡaudia bona lahi ese baine ḡole oho ḡaudia ba hemimai, Iehova emai Dirava do baia boua.
EXO 10:26 Emai boromakau baia laohaidia, ta basine mia; badina be unu amo Iehova emai Dirava baia boua, bona asi dibamai dahaka ḡau dahaka ḡau amo Iehova baia boua ela bona ihaboulaina gabuna ai baia kau.
EXO 10:27 A Iehova ese Farao lalona ma e ha-aukaia, bena se kahudia nege.
EXO 10:28 Bena Farao ese e hamaoroa, eto, A siri, nahuamu ba tohoa danu, lau vairagu basio itaia lou; badina be vairagu ba itaia lou dinana ai vada ba mase.
EXO 10:29 Bena Mose eto, Vada o hereva momokani; vairamu basina itaia lou.
EXO 11:1 Bena Iehova ese Mose e hamaoroa, eto, Hahehisi ta ma Farao latanai bona Aigupto latanai aina siaia, maurinai ia ese baine kahumui nege; baine kahumui nege negana ai danu baine lulumui vaitani.
EXO 11:2 Harihari Israel taudia ba haduadia, ta ta ese dekena tauna dekena tauna bae noidia, hahine danu unu bae kara toma, herahera ḡaudia, silver bona gold amo e karamu, bae noilai.
EXO 11:3 Bena Iehova ese Aigupto taudia lalodia e hakerudia Israel taudia ediai; Mose danu ladana na bada Aigupto ai, Farao ena hesiai taudia ediai bona hanua taudia ediai.
EXO 11:4 Bena Mose eto, Iehova na ini e gwau tomamu: Malokihi ai Aigupto tanona baina rakaia hanai;
EXO 11:5 bena Aigupto taudia natudia roboadia iboudiai bae mase, Farao, terono ai e helaimu tauna, natuna roboana, ela bona hesiai hahinena, uit iririlaina nadina e giroamu hahinena, natuna roboana, ela bona boromakau iboudiai natudia roboadia danu.
EXO 11:6 Aigupto tanona idoinai tai badana baine vara; nega ta unu asie tai toma ema bona hari, bona ina murinai danu unu basie tai toma.
EXO 11:7 A Israel taudia mai edia boromakau ida sisia ta ese basine kwaru henidia: taunabunai, vada ba diba Iehova ese Aigupto taudia bona Israel taudia vada e hididia.
EXO 11:8 Bena ini emu hesiai taudia iboudiai lau dekegu baema, vairagu ai bae goru diho, baeto “A raka lasi, emu orea taudia iboudiai ida”; una murinai baina raka lasi. Bena ia na Farao vairana amo e raka lasi ma badu ḡaraḡarana ida.
EXO 11:9 Bena Iehova ese Mose e hamaoroa, eto Farao basine kamonai henimu, egu hoa karadia Aigupto tanona ai bae momo helaoreana.
EXO 11:10 Mose bona Aaron ese unu hoa karadia iboudiai Farao vairanai e kara; a Iehova ese Farao lalona e ha-aukaia, taunabunai ia ese Israel taudia na ena tano amo se kahudia nege.
EXO 12:1 Bena Iehova ese Mose bona Aaron e hereva henidia, Aigupto tanona ai, eto.
EXO 12:2 Ina hua na hua gini-gunana ai bainela umui emui ai, emui laḡani matamana huana ai bainela.
EXO 12:3 Israel taudia iboudiai edia hebou ai ba hereva henidia, ina hua dinana ihagwautana, ta ta ena iduhu ena iduhu ai mamoe natudia bae abidia, ruma ta mamoe natuna ta, unu bae abidia toma.
EXO 12:4 A ruma ta taudia basie hoho, una ruma taudia bona e gini hetabira rumana taudia na mamoe natuna ta bae abia hebou, taunimanina hahidaosi na vamu iani-orena bae davana heḡereḡerena.
EXO 12:5 Emui mamoe na asi toutouna ḡauna, maruane, laḡani tamona ḡauna; mamoe serina amo bavabia eiava nani serina amo.
EXO 12:6 Ba balaia heni ela bona hua dinana ihagwauta-hanina ai; bena dina baine hakere ai Israel hegogona idoinai ese edia mamoe natudia bae aladia mase.
EXO 12:7 Bena rarana bavabia, iduara ihua-ihuana kahana kahana audia bona daena auna ba dahulai, bae ani rumadia ai.
EXO 12:8 Una hanuaboi amui aniani na mamoe natuna hidiona, amu ai bae guraia, bona flaoa kavakava, muramura ai basie hatubua, bona aniani avadia iditadia.
EXO 12:9 Kasirina ai basio ania, bona basio nadua; tau-anina idoinai amu ai ba guraia, mai kwarana, mai imana, mai aena, bona mai bogana ida.
EXO 12:10 Bahuna taina basine mia rani; lahi ai ba haḡolea oho.
EXO 12:11 Ini bavania tona: emui rami ba hekasilai, emui tamaka aemui ai, emui itotohi imamui ai. Bavani haraḡa: una na Iehova ena lagau hanai.
EXO 12:12 Badina be una hanuaboi ai Aigupto tanona baina rakaia hanai, natudia roboadia iboudiai baina aladia mase, taunimanima bona boromakau danu; bona Aigupto diravadia iboudia danu baina hahemaoro henidia; lau binai Iehova.
EXO 12:13 Hari rara na toa ai bainela emui noho rumadia ai; rara baina itaia negana ai, baina lagaumui hanai hahedika ta emui ai basine kau, basine alamui, imagu na Aigupto ai baine kau negana ai.
EXO 12:14 Ina dina danu ba laloa tao hanaihanai; ariana danu ba karaia Iehova ena; uru iboudiai bae karaia, taravana danu bae atua.
EXO 12:15 Dina hitu flaoa dikeadia, asie hatubu ḡaudia, bavani; dina gini-gunana ai hatubu muramurana idoinai emui ruma ai mia na bavatoa tabe murimuri ai: badina be dina gini-gunana ela bona dina ihahituna, e hatubua flaoana baine ania tauna na Israel besena amo bae negea daure.
EXO 12:16 Dina gini-gunana ai hebou helaḡana ai ba hebou, bona dina ihahituna ai hebou helaḡana ai ma ba hebou; unu dina ruaosi lalaidai ḡaukara ta basio karaia, hebou taudia adia aniani idabarana mo vadaeni.
EXO 12:17 Flaoa-asie-hatubua Ariana unu ba karaia toma: badina be emui orea loḡora Aigupto amo name hakaudia lasi dinana binai; taunabunai hari dina na uru iboudiai ese bae badinaia bona taravana bae atua ela bona hanaihanai.
EXO 12:18 Hua gini-gunana dinana ihagwauta-hanina adorahina ai asie hatubua flaoana bavania, ela bona dina iharuahui-tana adorahina.
EXO 12:19 Dina hitu flaoa ihatubuna muramurana basie mia emui ruma ai: badina be e hatubua flaoana baine ania tauna, ena be noho-hedoa tauna eiava Isreal tauna korikori, to Israel hebouna amo bae nega daure.
EXO 12:20 E hatubua ḡauna ta basio ania; emui noho gabudia iboudiai flaoa dikeadia, asie hatubu ḡaudia, mo bavani.
EXO 12:21 Bena Mose ese Israel tau-badadia iboudiai e boiridia, e haduadia, eto, Mamoe natudia bavabi hidi, iduhu ta ta adia, lagau-hanai ḡauna bavalaia mase.
EXO 12:22 Muramura avana iḡuina bavabia, rara dihuna ai ba urua diho, iduara ihua-ihuama kahana kahana audia bona iduara daena auna na dihu rarana amo ba dahudia; bena atu ta ena ruma iduarana amo basine raka lasi ela bona daba.
EXO 12:23 Badina be Iehova ese ina tano baine rakaia hanai, Aigupto taudia baine aladia mase; a rara iduara daene auna ai bona iduara ihua-ihuana kahana kahana audia ai baine itaia negana ai, Iehova ese una iduara baine lagaua hanai, hahedika ḡauna baine laoa ahu, emui ruma ai basine raka vareai, basine hamasemui.
EXO 12:24 Ina kara ba badinaia bona taravana bavatua, oiemu bona natumu edia, ela bona hanaihanai.
EXO 12:25 Benaini, Iehova ese baine henimui tanona ai ba kau, ena gwauhamata heḡereḡerena negana ai ina toma-diho karana ba badinaia.
EXO 12:26 Bena natumui bae nanadaimui, baeto “Ina toma-diho karana anina be dahaka?”,
EXO 12:27 umui ba haere, baoto “Ina na Iehova ena lagau-hanai boubou karana; Aigupto ai ia ese Israel taudia edia ruma e lagaudia hanai, Aigupto taudia mo e aladia mase, eda iduhu iboudiai e hamauridia”. Bena taunimanima iboudiai e igo diho, e toma diho, e toma diho.
EXO 12:28 Bena Israel taudia na ela, Mose bona Aaron e haduadia heḡereḡerena unu mo e kara toma.
EXO 12:29 Bena una hanuaboi malokihina ai Iehova ese roboadia iboudiai Aigupto tanona idoinai e aladia mase, Farao, terono ai e helaiva tauna, natuna roboana, ela bona dibura rumana ai e hekouva tauna natuna roboana, bona boromakau natudia roboadia danu.
EXO 12:30 Bena Farao bona ena hesiai taudia iboudiai bona Aigupto taudia iboudiai na hanuaboi ai e tore isi; bena taitai badana e vara Aigupto tanona ai, badina be ruma ta mase asi se kwabu.
EXO 12:31 Bena hanuaboi ai Farao ese Mose bona Aaron e haduadia, eto, A tore isi, egu orea taudia bogaragidia amo ba raka lasi, umui bona Israel taudia iboudiai. Aola, Iehova ba toma henia diho, emui hereva heḡereḡerena.
EXO 12:32 Emui mamoe seridia bona emui boromakau seridia danu ba laohai, emui hereva heḡereḡerena. Vada aola: lau danu ba hanamogu.
EXO 12:33 Aigupto taudia ese danu e haduadia goadagoada, edia tano amo bae raka lasi haraḡa-haraḡa eto. Badina be idia eto, Ai iboumai ai baia mase na garina.
EXO 12:34 Bena Israel taudia ese edia flaoa, ranu ai e kui ḡaudia, e abi, edia kuikui dihudia danu e abi, edia dabua ai e kumi, e dibu ela.
EXO 12:35 Bena Israel taudia ese Mose ena hereva e badinaia, Aigupto taudia ediai herahera ḡaudia, gold bona silver amo e karava, bona dabua e noi.
EXO 12:36 Bena Iehova ese Aigupto taudia lalodia e hakerudia Israel taudia ediai, bena idia ese e noi ḡaudia na e henidia. Unu amo idia ese Aigupto taudia edia Kohu e dadi ore.
EXO 12:37 Bena Israel taudia na Ramese amo e laolao ela bona Sukoto. Aedia amo e raka taudia na domaga tauratoi sisivana, bona memero kekeni danu.
EXO 12:38 Orea idau-idau taudia hutuma ese e bamodia; edia mamoe seridia bona edia boromakau seridia danu momo herea.
EXO 12:39 Bena hari flaoa ranu ai e kui, Aigupto tanona amo e raka lasi negana ai e abia kau ḡauna, na e gabua; ia na asie hatubua ḡauna. Badina be Aigupto amo e luludia lasi negana ai idia na asi edia halahe dalana bona asi edia nega bae nanadu.
EXO 12:40 Hari Israel besena Aigupto tanona ai e nohova laḡanidia iboudiai na sinahu-hani toi-ahui.
EXO 12:41 Laḡani sinahu-hani toi-ahui e ore dinana korikorina, Iehova ena orea iboudiai na Aigupto tanona amo e raka lasi.
EXO 12:42 Una hanuaboi na bae badinaia tarika-tarika Iehova vairanai, ia ese Aigupto tanona amo e hakaudia lasi dainai: una hanuaboi na Iehova ena, Israel taudia iboudiai bae badinaia ela uru iboudiai.
EXO 12:43 Iehova ese Mose bona Aaron e hereva henidia, eto, Lagau-hanai taravatuna binai: idau tauna ta basine ania;
EXO 12:44 a emui hesiai taudia moni amo o hoidia na ba peritomedia, marinai vada bae ania.
EXO 12:45 A noho-kau tauna bona e ḡaukaramu mai davana tauna na basie ania.
EXO 12:46 Ruma lalonai bavania; hidiona taina basio laohaia murimuri ai, bona turiana ta basio hakwaidua.
EXO 12:47 Israel hebouna idoinai vada bae ania.
EXO 12:48 A idau bese tauna bogaragimui ai e nohomu na bame ura Iehova ena lagau-hanai baine badinaia, ena ruma taudia mamaruanedia baine peritomedia guna, murinai ia na baine raka kahira, baine ania; badina be ia na emui ruma tauna korikorina na heto. A se peritomea tauna na basine ania.
EXO 12:49 Taravatu be tamona, Israel tauna korikori enai bona noho-kau tauna enai.
EXO 12:50 Taunabunai Israel taudia na unu e kara toma. Mose bona Aaron ese e haḡanidia heḡereḡerena.
EXO 12:51 Bena una dina ai Iehova ese Israel taudia edia orea iboudiai na Aigupto tanona amo e hakaudia lasi.
EXO 13:1 Iehova ese Mose e hamaoroa, eto,
EXO 13:2 Roboa mamaruanedia iboudiai Israel ai ba hahelaḡadia lauegu, taunimanima bona ubu-ubu ḡaudia; roboana be lauegu.
EXO 13:3 Bena Mose ese Israel taudia e hamaorodia, eto, Ina dina ba laloa tao, badina be hari dina ai Aigupto amo, iḡui rumana amo, vada o raka lasi; Iehova imana goadana ese ina gabu amo vada e hakaumui lasi. E hatubua flaoana na basio ania.
EXO 13:4 Hari ina dina ai ome raka lasi, hua ladana Abib ai.
EXO 13:5 Bena kerukeru vanegai, Iehova ese Kanaan taudia bona Hiti taudia bona Amoro, taudia bona Hivi taudia bona Iebusu taudia edia tano ai baine hakaumu vareai, senemu e gwau henidia hamata baine henidia eto tanona, rata bona bada-ranuna e arumu tanona: una negana ai oi ese ina tomadiho karana ba karaia ina hua lalonai.
EXO 13:6 Dina hitu lalodiai flaoa dikeadia, asie hatubu ḡaudia, bavani; bena dina ihahituna Iehova ena aria ba karaia.
EXO 13:7 Unu dina hituosi lalodiai asie hatubua flaoana mo bavania; e hatubua flaoana na basine hedinarai dekemu ai, bona hatubu muramurana basine mia emu noho gabuna idoinai.
EXO 13:8 Una dina ai natumu do ba hamaoroa, baoto, “Ina na Iehova ese e kahagu Aigupto amo e hakaugu lasi negana dainai”.
EXO 13:9 Ia na toa ta ai bainela imamu ai, bona helalo-tao ḡauna ai bainela bagumu ai, Iehova ena taravatu udumu ai baine mia helaoreana. Badina be Iehova imana goadana ese Aigupto amo e hakaumu lasi;
EXO 13:10 taunabunai ina haheḡani ba badinaia ena nega korikori ai laḡani iboudiai lalodiai.
EXO 13:11 Bena Iehova ese Kanaan taudia edia tano ai baine hakaumu vareai, e gwau henimu hamata bona senemu e gwau henidia hamata heḡereḡerena, bona baine henimu,
EXO 13:12 una negana ai roboa mamaruanedia iboudiai ba hididia, taunimanima bona ubu-ubu ḡaudia danu; maruane iboudiai bae helaḡa, Iehova ena.
EXO 13:13 Bena doniki natuna roboana davana na mamoe natuna ba heni; eiava davana basio heni negana ai aiona ba hakwaidua. A taunimanima natudia roboadia iboudiai na davadia ba kara.
EXO 13:14 Bena negana baine kau natumu ese baine nanadaimu, baineto “Ina kara be dahaka?”, oi ese ba haere henia baoto “Iehova imana goadana ese Aigupto, maduna metaudia gabuna, amo e hakaumai lasi;
EXO 13:15 bena Farao ese baine dogomai tao eto negana ai Iehova ese roboa mamaruanedia iboudiai Aigupto tanona ai e aladia mase, taunimanima bona ubu-ubu ḡaudia danu: taunabunai roboa mamaruanedia iboudiai na Iehova ena ihaboulaina ḡaudia ai na halaodiamu, a natugu roboadia na davadia na karamu”.
EXO 13:16 Ia na toa ai bainela imamu ai bona bagumu ai: badina be Iehova imana goadana ese Aigupto ese Aigupto amo vada e hakauda lasi.
EXO 13:17 Farao ese Israel taudia e kahudia nege murinai, Dirava ese dala kwadogina, Filistia taudia edia tano ai, se hakaudia; badina be Dirava eto “Idia na tuari mamina bae diba, bena bae helalo kerehai, Aigupto bae lou henia readia”.
EXO 13:18 Bena Dirava ese tano ḡaḡaena ai e hakaudia lao, Davara Kakakakana badinai. Israel taudia ese mai edia tuari ḡaudia imadia ai Aigupto tanona e rakatania.
EXO 13:19 Mose ese Iosef turiana danu e laohai; badina be Iosef ese Israel taudia taravadia vada e atua, eto “Momokani, Dirava ese baine vadivadi henimui; una negana ai umui ese lau turiagu bavabi kau”.
EXO 13:20 Bena idia na eha laolao, Sukoto amo ela bona Etam, tano ḡaḡaena isena ai.
EXO 13:21 Iehova na idia vairadiai ela, dina ai ori dubuna lalonai, edia dala ihahedinaraina, bona hanuaboi ai lahi mamana lalonai, edia diari, bae laolao boi bae laolao rani helaoreana.
EXO 13:22 Bena hari ori dubuna asine rakatanidiava dina ai, bona lahi mamana asine rakatanidiava hanuaboi ai.
EXO 14:1 Bena Iehova ese Mose e hareva henia, eto
EXO 14:2 Israel taudia ba haduadia, bae lou, Pi-hahiroto vairanai bae taruha, Migdol bona davara padadiai, Baal-sefon vairanai; ia hevaira-hehenina ai davara badinai ba taruha.
EXO 14:3 Badina be Farao ese Israel taumui baine herevalaimui, baineto “Idia na tano ḡaḡaena ai e raka hehiri-hehirimu, lalodia vada e haboioboio”.
EXO 14:4 Bena lau ese Farao lalona baina ha-aukaia, bena ia ese baine ḡavamui; a lau ese Farao mai ena tuari oreana idoinai baina hadareredia, bena Aigupto taudia vada bae diba lau na Iehova. Bena unu e kara toma.
EXO 14:5 Una negana ai haida ese Aigupto pavapavana e hamaoroa Israel taudia vada e heau; bena Farao mai ena hesiai taudia ida e halalo, lalodia ma e idau Israel taudia ediai. Idia eto “Israel taudia ta kahudia nege, isiaida ilao-henina ai bae doko, anina be dahaka?”
EXO 14:6 Bena ia ese ena kariota e abia heḡaeḡae, bona ena orea taudia e hakaudia lao.
EXO 14:7 Kariota namodia sinahu tauratoi e abidia hidi, bona kariota oredia danu e laohai, Aigupto kariotadia iboudiai, ta ta mai biagudia.
EXO 14:8 Una negana ai Iehova ese Farao, Aigupto pavapavana, lalona e ha-aukaia, bena ia ese Israel taudia e ḡavadia; badina be Israel taudia vada e raka lasi, asi edia gari.
EXO 14:9 Aigupto taudia ese e ḡavadia, Farao ena hosi bona ena kariota iboudiai, ena orea taudia hosi ai e gui danu, bona ena tuari taudia, bena idia ese Israel taudia e lasidia tao edia taruha ai, davara badibadinai, Pi-hahiroto badinai, Baal-sefon vairani.
EXO 14:10 Farao na e raka kahira; bena Israel taudia e roha isi, Aigupto taudia e itadia vada e lasidia tao, bena e gari dikadika, Iehova e tai henia.
EXO 14:11 Bena idia ese Mose e gwau henia, eto, Aigupto ai gara gabudia lasi a? Una dainai oi ese vada o hakaumai lasi, tano ḡaḡaena ai baia mase totona a? Badina be dahaka Aigupto amo vada o hakaumai lasi?
EXO 14:12 Ai na Aigupto ai asia hereva henimu, a, asiato “Emai ai a raka oho, ai na Aigupto taudia isiaidia baia lao heni”, a? Badina be Aigupto taudia isiaidia baiama lao heni be namo, a tano ḡaḡaena ai baiama mase na dika.
EXO 14:13 A Mose eto, Basio gari, ba gini tutuka-tutuka, Iehova ena hahemauri do ba itaia, hari dina ai baine hamaurilaimui, badina be Aigupto taudia harihari o itadiamu na basio itadia lou, lasi ona lasi vaitani.
EXO 14:14 Iehova na umui daimui ai baine tuari; umui na ba noho boioboio.
EXO 14:15 Iehova ese Mose ma e hamaoroa, eto, Dahaka dainai o tai henigumu? Israel taudia ba haduadia, bae raka lao.
EXO 14:16 Oiemu itotohi danu ba duduia isi, imamu davara daenai ba toia roro, ba hapararaia; bena Israel taudia na tano kaukauna ai bae raka hanai.
EXO 14:17 A lau be Aigupto taudia lalodia baina ha-aukadia, bena bae ḡavamui: bena lau ese Farao mai ena tuari oreana idoinai, ena kariota bona ena hosi-gui taudia, baina hadareredia.
EXO 14:18 Bena Farao bona ena kariota bona ena hosi-gui taudia baina hadareredia negana ai Aigupto taudia na bae diba lau na Iehova.
EXO 14:19 Bena Dirava ena aneru, Israel ena taruha vairanai e nohova aneruna, na muridia kahana ela; bona ori dubuna danu idia vairadia kahana amo e heabi isi, idia muridia kahana ela,
EXO 14:20 Aigupto taudia edia taruha bona Israel taudia edia taruha padadiai eha gini. Bena ori na dibura ai e miava, to ia ese diari e henidia hanuaboi ai; bona una hanuaboi idoinai orea ta ese orea ta se raka henia kahi.
EXO 14:21 Bena Mose ese imana e toia roro davara daenai; bena Iehova ese lai gubana amo davara e haloua, una hanuaboi idoinai. Bena davara na e haheparara, tano kaukauna e hedinarai.
EXO 14:22 Bena Israel taudia ese tano kaukauna ai davara e rakaia hanai; davara ranuaia e kara haba na heheto, idibidia kahana ai bona lauridia kahana ai.
EXO 14:23 Bena Aigupto taudia ese davara bogaragina amo e ḡavadia, Farao ena hosi bena ena kariota bona ena hosi-gui taudia iboudiai ese e ḡavadia. ?
EXO 14:24 A daba kahana ai Iehova ese lahi mamana bona ori dubuna amo Aigupto edia tuari oreadia e nenedia, bena e hahekwarahdia:
EXO 14:25 edia kariota uilidia e hepuni, bena kariota na asie heau namonamova. Taunabunai Aigupto taudia e hereva heheni, eto, Israel taudia vairadia amo baita heau, badina be Iehova ese idia e durudiamu, ita e tuari henidamu.
EXO 14:26 Bena Iehova ese mose e hamaoroa, eto, Oi imamu na davara daenai ma ba toia roro, ranu ma baine lou, Aigupto taudia latadiai bona edia kariota latadiai bona edia hosi-gui taudia latadiai.
EXO 14:27 Bena Mose ese imana e toia roro daenai, bena daba matana ai davara ma e lou gabuna ai; bena Aigupto taudia na davara vairanai e heau. Unu amo Iehova ese Aigupto taudia e hadareredia, davara bogaraginai:
EXO 14:28 ranu na e lou, kariota bona hosi-gui taudia bona Farao ena tuari oreana idoinai, davara bogaragina amo Israel taudia e ḡavadia taudia iboudiai na e habubunidia; ta we roho mauri.
EXO 14:29 A Israel taudia na tano kaukauna ai e raka hanai, davara bogaraginai; ranu na e kara haba na heheto, idibadia kahana ai bona lauridia kahana ai.
EXO 14:30 Unuhetomana Iehova ese Israel taudia na Aigupto taudia imadia amo e hamauridia una dina ai. Bena Israel taudia ese Aigupto taudia masedia ai e itadia, kone ai.
EXO 14:31 Aigupto taudia na Iehova ese ede e karadia toma Israel taudia ese e itaia; bena iboudiai ese Iehova garina e gari. Idia ese Iehova e abidadama henia, ena hesiai tauna Mose danu e abidadama henia.
EXO 15:1 Bena Mose bona Israel taudia na ina ane e abia, Iehova ena; eto, Lau na ane baina abia, Iehova ena, badina be ia na vada e kwalimu herea; Hosi bona e gui tauna davara ai vada e tahodia dobi.
EXO 15:2 Iehova na egu goada bona egu ane, Ia ese vada e hamaurigu. Egu Dirava binai, lau ese baina heatolaia; Tamagu ena Dirava binai, lau ese baina imodaia.
EXO 15:3 Iehova na tuari tauna; ia ladana be Iehova.
EXO 15:4 Farao ena kariota bona ena tuari oreana na davara ai vada e tahodia dobi, Ena tuari lohiadia hereadia Davara Kakakakana ai vada e hamaloadia.
EXO 15:5 Utu-utu ese vada e habubunidia; Dobu gabudia ai vada e mutu nadi na heto.
EXO 15:6 Iehova e, oi imamu idibana siahuna na herea-dae; Iehova e, oi imamu idibana ese inai taudia vada e habuadia tari.
EXO 15:7 Emu siahu herea-daena ese e inai henimumu taudia e hadarerediamu; Emu badu ese e aradia oremu, rei kakoro na heto.
EXO 15:8 Hurehure o hahodi heni, bena e hahebou, E aru bou, e heabi isi; Dobu gabudia gadobada ai vada e auka.
EXO 15:9 Inai tauna eto: Baina hahavadia, baina lasidia tao, Edia kohu baina hari, egu ura ediai baina kara; Egu dare baina lasi, lau imagu ese baine habuadia tari.
EXO 15:10 Emu lai o siaia, bena davara ese e habubunidia; Idia na gadobada ai e mutu, auri metauna na heto.
EXO 15:11 Iehova e, dirava loḡora bogaragidiai oi heḡereḡeremu be daika? Oi idaimu be daika? Helaḡa ai o herea daemu; Mai garidia ida e imodaimumu; hoa karadia o karamu.
EXO 15:12 Oi imamu idibana o toia roro, bena tano ese e hadonodia.
EXO 15:13 O hamauria besena na emu hebogahisi ai vada o hakaua; Emu goada ai vada o hakaua ema bona gabu helaḡana.
EXO 15:14 Bese idau-idau na e kamonaimu, bena e garimu; Filistia taudia na kudoudia e hetahamu;
EXO 15:15 Edom lohiadia na daradia e dokomu; Moab edia siahu taudia na gari ese e butudia taomu; Kanaan taudia iboudiai e veve ohomu.
EXO 15:16 Gari bona kudou-hetaha ese e butudia tao; Oi imamu goadana dainai idia na nadi heḡereḡeredia ai ela, asie marere, Ela bona oi Iehova emu orea taudia vada e raka hanai, Oibe, oi ese o hoidia taudia e raka hanai.
EXO 15:17 Oi ese ba hakaudia vareai, oi ahumu ai vada o halaoa ororona ai ba hadaidia, Oi Iehova emu noho gabuna ai vada o halaoa gabuna, Oi Iehova imamu ese vada e haginia dubuna.
EXO 15:18 Iehova baine lohia hanahanai.
EXO 15:19 Badina be Farao ena hosi bona ena kariota bona ena hosi-gui taudia na davara lalona amo ela; bena Iehova ese davara hurehuredia amo e habubunidia. A Israel taudia na tano kaukauna ai e raka, davara bogaragina ai.
EXO 15:20 Bena Miriama, peroveta hahinena, Aaron taihuna, ese tareko e abia imana ai; bona hahine iboudiai edia tareko e abi, ia murina amo ela mai mavarudia ida.
EXO 15:21 Bena Miriama ese tatau edia ane davana e halou henidia, ane e abia, eto, Ane avabia, Iehova ena, badina be ia na vada e kwalimu herea; Hosi bona e gui tauna davara ai vada e tahodia dobi.
EXO 15:22 Bena Mose ese Israel taudia na Davara Kakakakana amo e hakaudia lao, tano ḡaḡaena ladana Suru amo e hakaudia hanai. Dina toi tano ḡaḡaena ai eha laolao, ranu asie davaria.
EXO 15:23 Bena gabu ladana Mara ai e lasi, a una gabu ranuna asie inua diba, badina na idita; una dainai una gabu ladana e hatoa Mara.
EXO 15:24 Bena laolao taudia ese Mose e maumauraia, eto, Ai na dahaka baia inua?
EXO 15:25 Bena ia ese Iehova e noia; bena Iehova ese au ta e haheitalaia: ia ese una au ranu e urua diho, bena ranu gaiho vada e davaria. Una gabu ai Iehova ese taravatu bona haheḡani e henidia, e dibadia,
EXO 15:26 eto, Oi ese Iehova emu Dirava gadona boma hakala henia, bona ia vairanai boma kara maoromaoro, ena haheḡani boma badina bona ena taravatu boma kara, lau na hisihisi idau-idau amo basinama hahisimu, Aigupto taudia na hahisidia heḡereḡeredia; badina be lau na Iehova, oi ihamaurimu Diravana.
EXO 15:27 Bena idia na Elim ai e kau; unuseni ai ranu guridia na gwauta-rua, bona pamu audia na hitu-ahui. Bena unu ranu badidiai e taruha.
EXO 16:1 Israel hegogona idoinai na Elim amo ela, tano ḡaḡaena ladana Sin ai e kau, Elim Bona Sinai padadiai. Hua iharuana dinana ihagwauta-imana, Aigupto e rakatania murinai, idia na unuseni ai e kau.
EXO 16:2 Bena Israel hegogona idoinai ese Mose bona Aaron e maumauraidia, tano ḡaḡaena ai.
EXO 16:3 Israel taudia ese raruosi e gwau henidia, eto, Aigupto tanona ai Iehova ese bema alamai mase, vamu urodia badibadidiai a helaiva bona flaoa ianina ai bogamai e kunuva negana ai, bema namo; badina be umui raruosi ese ina tano ḡḡaena ai vada o hakaumai vareai, hitolo ese ina hegogo idoinai baine alamai mase totona.
EXO 16:4 Bena Iehova ese Mose e hamaoroa, eto, A kamonai: lau na amui aniani guba amo baina hadihoa, medu na heto; dina ta ta ai taunimanima bae raka lasi, dina tamona ahuna bae haboua; unu amo baina dibadia, lauegu taravatu bae badina eiava lasi.
EXO 16:5 A dina ihatauratoina idia na dina rua ahudia bae heḡaeḡaelai.
EXO 16:6 Bena Mose bona Aaron ese Israel taudia iboudiai e hereva henidia, eto, Hari adorahi ai vada ba diba Iehova ese Aigupto tanona amo vada e hakaumui lasi;
EXO 16:7 bona daba ai Iehova hairaina do ba itaia. Badina be emui maumau, Iehova o maumauraiamu, herevadia ia ese vada e kamonai. A ai be daidia, umui ese o maumauraimaimu?
EXO 16:8 Mose ma eto, Iehova ese vamu baine henimui adorahi ai, bona daba ai aniani baine henimui, bogamui ihakunudia: badina be emui maumau, Iehova o maumauraiamu, herevadia ia ese vada e kamonai. A ai be daidia? Emui maumau be dia ai asio maumauraimaimu; Iehova hari o maumauauriamu.
EXO 16:9 Bena Mose ese Aaron e haduaia, eto, Israel hegogona idoinai ba hereva henidia, baoto “A raka kahira Iehova vairanai; badina be ia ese emui maumau herevadia vada e kamonai”.
EXO 16:10 Bena AAron ese Israel hegogona idoinai e hereva henidia negana ai idia ese tano ḡaḡaena e haḡerea, bena Iehova diaridiarina na ori ai e itadia.
EXO 16:11 Bena Iehova ese Mose e hamaoroa, eto,
EXO 16:12 Israel taudia edia maumau herevadia vada na kamonai. Harihari ba hereva henidia, baoto “Adorahi ai vamu bavania, bona daba ai aniani bavania, bogamui ba hakunu; bena vada ba diba lau be Iehova, emui Dirava”.
EXO 16:13 Adorahi ai, kibi momo e roho kau, taruha tanona e habubunia. Daba ai, hunu na taruhu tanona idoinai e miava,
EXO 16:14 bena hunu e kaukau negana ai ḡau maraḡidia kuborodia e hedinarai, itadia na medu hetarina na heto.
EXO 16:15 Israel taudia ese una ḡau e itaia, bena e henanadai heheni, eto, Ia be dahaka? Badina be asi dibadia una ḡau. Bena Mose ese e hamaorodia, eto, Amui aniani benai, Iehova ese vada e henimui ḡauna.
EXO 16:16 Iehova ena hahedua binai: Ba haboudia, ta ta ahuna ahuna ba habou, taunimanima ta nau auta; ruma biagudia ese edia ruma taudia adia unu bae habou toma.
EXO 16:17 Bena Israel taudia na unu e kara toma. Haida e abi badabada, bona haida na sisidia mo e abi;
EXO 16:18 to e hahetohoa negana ai e abi badabada tauna na asi bahuna, bona e abi gadoi tauna na se dabu; ta ta ena hitolo ena hitolo heḡereḡeredia e abi.
EXO 16:19 Mose ese ma e hamaorodia, eto, Bahu basine mia rani.
EXO 16:20 To Mose erena asie kamonai; haida ese e atoa tabe ela bona daba ai ia na mai gaigai-gaigaina, bona bonana na dika herea. Una dainai Mose ese e badu henidia.
EXO 16:21 Daba iboudiai e habou, ta ta ena hitolo ena hitolo heḡereḡeredia. A dina e dae ai e veve oho.
EXO 16:22 Dina ihatauratoina, idia ese dina rua anianidia e habou, taunimanima ta ta nau rua rua e abi: bena hebou igunalaina taudia iboudiai ela, Mose e hamaorolaia.
EXO 16:23 Bena ia ese e hamaorodia, eto, Iehova ena hereva binai: kerukeru na laḡa-ani dinana, Iehova ena dina helaḡa; be gabu ḡaudia na ba gabu, ba nadu ḡaudia na ba nadu, bona bahu baine mia rani.
EXO 16:24 Bena bahu e atoa tabe ela bona daba ai se bodaga bona asi gaigai-gaigaina.
EXO 16:25 Mose ma eto, Hari dina ai bahu mo bavani, badina be hari na Iehova ena dina helaḡa; hari dina ai ḡau ta basio davaria tano ai.
EXO 16:26 Dina tauratoi ba habou, a dina ihahituna ai basio davaria, badina be ia na dina helaḡa.
EXO 16:27 Bena dina ihahituna ai taunimanima haida ela, bae habou eto; to ḡau ta asie davaria.
EXO 16:28 Bena Iehova ese Mose e gwau henia, eto, Egu haheḡani bona egu taravatu ba dadaraidia ela bona edena nega ai?
EXO 16:29 A itaia, Iehova ese dina helaḡa vada e henimui, una dainai dina ihatauratoina ai ia ese dina rua anianidia e henimuimu. Dina ihahituna ai vada ba noho, ta ta ena kalaga ena kalaga ai: tau ta ena kalaga basine rakatania.
EXO 16:30 Taunabunai, dina ihahituna ai taunimanima na laḡadia e aniva.
EXO 16:31 Israel taudia ese una aniani ladana e hatoa Mana: ia na nadinadi kurokurona na heto, a mamina na bada-ranuna amo e karamu dikeadia na heheto.
EXO 16:32 Bena Mose eto, Iehova ena haheḡani binai: nau autamona mo bavatoa tabe, baine mia, uru gabedia ese tano ḡaḡaena ai na ubulaimui anianina, Aigupto tanona amo na hakaumui lasi negana ai, do bae itaia.
EXO 16:33 Bena Mose ese Aaron e haduaia, eto, Hodu ta avabia, mana nau auta heḡereḡerena ba udaia, Iehova vairanai bavatoa, uru gabedia edia.
EXO 16:34 Taunabunai, Aaron ese maua helaḡana vairanai e atoa, unuseni ai baine mia, Iehova ese Mose e haduaia heḡereḡerena.
EXO 16:35 Laḡani hari-ahui lalodiai Israel taudia ese mana e aniava, ela bona tano namona ai e kau; mana mo e aniava ela bona Kanaan tanona hetoana ai e kau.
EXO 16:36 Hari nau be nau gwauta anidia na efa ta anina heḡereḡerena.
EXO 17:1 Israel hegogona idoinai ese tano ḡaḡaena ladana Sin e rakatania, e laolao metaira-metaira, Iehova ese e haduadia heḡereḡerena, ela bona Refidim ai e taruha. Unuseni ai idia na asi edia inuinu ranuna.
EXO 17:2 Taunabunai idia ese Mose e gwau henia, eto, Inuinu ranuna a henimai. Mose eto, Dahaka dainai o gwau henigumu? Dahaka dainai Iehova o dibaḡaniamu?
EXO 17:3 A taunimanima na ranu e masedia, bena idia ese Mose e maumauraia, eto, Dahaka dainai Aigupto ai vada o hakaumai lasi, bena ai bona natumai bona emai seri ranu-mase amo bavalamai?
EXO 17:4 Bena Mose ese Iehova e tai henia, eto, Ina orea taudia na ede baina karadia toma? Lalodia e hadaimu nadi amo bae hodogu mase e tomu.
EXO 17:5 Bena Iehova ese Mose e haere henia, eto Taunimanima vairadiai baola, Israel tau-badadia ba hakaudia lao; emu itotohi, sinavai badana o botalaia ḡauna, danu bavabia kau, baola.
EXO 17:6 A kamonai: lau na oi vairamu ai baina gini, Horeb nadi hagahagana ai, bena nadi hagahagana ba botaia, bena ranu unu amo baine aru lasi, taunimanima edia inuinu ḡauna. Bena Mose unu e kara toma, Israel tau-badadia vairadiai.
EXO 17:7 Bena una gabu ladana e hatoa Masa bona Meriba, badina be Israel taudia e ḡadeḡade, bona Iehova e dibaḡania, eto “Iehova na dekedekeda ai eiva lasi?”
EXO 17:8 Una negana ai Amalek ema, Israel taudia e tuari henidia Refidim ai.
EXO 17:9 Bena Mose ese Iosua e haduaia, eto, Eda orea tataudia haida bavabidia hidi, baola, Amalek ba tuari henia. Kerukeru lau na ororo dorina ai do baina gini, Dirava ena itotohi imagu ai baina abia.
EXO 17:10 Bena Iosua ese Amalek e tuari henia, Mose ena hahedua heḡereḡerena. A Mose bona Aaron bona Huru na ororo dorina ela.
EXO 17:11 Bena Mose imana e duduia isi negana ai israel taudia e kwalimu, a imana e hadihoa negana ai Amalek taudia e kwalimu.
EXO 17:12 A Mose imana e mase. Bena raruosi ese nadi ta e abia, ia murinai e atoa; bena ia e halai kau. Bena Aaron bona Huru ese ia imana ruaosi e dudui isi, ta idibana ai ma ta laurina ai; bena imana asie marere ela bona dina e diho.
EXO 17:13 Unu amo Iosua ese Amalek mai ena orea taudia ida e hadareredia, dare matana amo.
EXO 17:14 Bena Iehova ese Mose e hamaoroa, eto, Ina hereva na buka ta ai ba torea, taunimanima bae laloa tao helaoreana; bona Iosua ba hadibaia, lau na Amalek sivaraina ihelalolaina na baina haboioa, tanobada ai baine boio vaitani.
EXO 17:15 Bena Mose ese ihaboulaina patana ta e larebaia, bona ladana e hatoa Iehova-nisi.
EXO 17:16 Ia eto, Iehova vada e gwau hamata: Iehova ese Amalek baine tuari henia ela uru iboudiai.
EXO 18:1 Mose ravana, Ietero, Midian hahelaḡa tauna, ese Dirava ena kara Mose enai bona ena bese Israel ediai harina e kamonai, e kamonai danu Iehova ese Israel taudia Aigupto amo vada e hakaudia lasi.
EXO 18:2 Bena Mose ese adavana e siaia oho murinai, Mose ravana, Ietero, ese Mose adavana, Sipora, e abia,
EXO 18:3 bona natuna raruosi danu e abidia. Ta ladana na Geresom; badina be tamana eto, Lau na idau tano ai na noho hedoamu.
EXO 18:4 A tau muritai ladana na Eliesere; badina ba tamnana eto, Tamagu ena Dirava ese e kahagu, Farao ena dare amo e hamaurigu.
EXO 18:5 Bena Ietero, Mose ravana, ese Mose natuna raruosi bona adavana e hakaudia lao, Mose na tano ḡaḡaena ai e taruha gabunai ai, Dirava ena ororo ai.
EXO 18:6 Bena ia ese Mose e hamaoroa, eto, Lau, oi ravamu, vada nama dekemu ai, adavamu bona natumu raruosi danu vada na hakaudia mai.
EXO 18:7 Bena Mose e raka lasi, ravana vairanai e igo diho, e harahua. Raruosi e hahenamo heheni, bena kalaga ai e raka vareai,
EXO 18:8 Bena Mose ese Iehova ena kara idoinai harina na ravana e hamaorolaia: Israel dainai Iehova ese Farao bona Aigupto taudia ede e karadia toma, bona Israel taudia dala ai be ede e hekwarahi toma, bona Iehova ese ede e hamauridia toma.
EXO 18:9 Bena Ietero e moale, Iehova ese Israel taudia e hanamodiava, Aigupto taudia imadia amo e hamauridiava, dainai.
EXO 18:10 Ietero eto, Iehova aita imodaia, ia ese Aigupto taudia imadia amo bona Farao imana amo vada e hamaurimui, Israel taudia na Aigupto edia iḡui amo vada e ruhadia nege.
EXO 18:11 Harihari lau dibagu Iehova ese dirava iboudiai e hereadiamu, badina be edia hekokoroku ai vada e hadareredia.
EXO 18:12 Bena Mose ravana, Ietero, ese ihaboulaina karana e karaia, Dirava ena; lahi ese e ḡolea oho ḡauna amo Dirava e boua. Bena Aaron bona Israel tau-badadia iboudiai e hebou, Mose ravana ida e aniani hebou, Dirava vairanai.
EXO 18:13 Daba ai, ose na hahemaoro gabuna ai e helai, taunimanima e hahemaoro henidia: bena taunimanima na Mose vairanai e gini, daba amo ela bona dina e diho.
EXO 18:14 Mose ravana ese ena kara idoinai e itaia, taunimanima ede e karadia toma, bena ia ese e nanadaia, eto, Taunimanina ini o karadia tomamu anina be dahaka? Dahaka dainai oi sibomu o helaimu, a taunimanima iboudiai na vairamu ai gigini, daba ela bona adorahi.
EXO 18:15 Mose ese ravana e haere henia, eto, Badina be taunimanima na lau dekegu ai e maimu, Dirava ena ura bae diba totona;
EXO 18:16 bona e hepapahuahumu negadia ai danu, idia na dekegu ai e maimu, benia na hahemaoro henidiamu, bona Dirava ena taravatu bona ena haheḡani na hadibalaidiamu.
EXO 18:17 Bena Mose ravana ese e hamaoroa, eto, Emu kara na dia namo;
EXO 18:18 oiemu goada bona ini taunimanima edia goada vada bae ore, badina be ina ḡaukara na metau herea; sibomu basio karaia diba.
EXO 18:19 Egu hereva a kamonai; lau ese baina hahealo henimu bena Dirava ese baine hanamomu: oi na Dirava vairanai ba gini, taunimanima daidiai; edia daradara ba hedinarai ia vairanai.
EXO 18:20 Oi ese danu ena taravatu bona ena haheḡani ba hadibadia, edia raka daladia bona edia ḡaukara ba hadibalaidia.
EXO 18:21 Ḡau tamona, ini taunimanima iboudiai edia amo tatau namodia hahidaosi bavabidia hidi, Dirava garina e garimu taudia, kara gageva-gageva e inai henimu taudia. Edia dagi ba henidia: daha daha lohiadia, sinahu sinahu lohiadia, imahui imahui lohiadia, bona gwata gwata lohiadia.
EXO 18:22 Idia ese taunimanima bae hahemaoro henidia, dina iboudiai: hereva badadia be oi emu bae mailaidia, a hereva maraḡidia be sibodia bae haero. Unu amo oiemu ḡaukara taina baine haraḡa, badina be idia ese maduna kahana bae huaia.
EXO 18:23 Ini ba kara toma, bona Dirava ese ini baine haḡanimu toma, bena ba haheauka diba; ini taunimanima iboudiai danu edia kalaga bae lou heni mai mainodia ida.
EXO 18:24 Taunabunai, Mose ese ravana ena hereva e kamonai, bona ena hahedua heḡereḡerena e karaia.
EXO 18:25 Israel idoinai ai tatau namodia e abidia hidi, bese ikwaradia taudia ai e halaodia, daha daha lohiadia, sinahu sinahu lohiadia, imahui imahui lohiadia, bona gwauta gwauta lohiadia.
EXO 18:26 Dina iboudiai idia ese taunimanima e hahemaoro henidia; hereva aukadia be Mose vairanai e gwaurai, a hereva maraḡidia na sibodia e haero.
EXO 18:27 Bena Mose ese ravana e hatonia; bena ravana na ena tano korikori ela.
EXO 19:1 Hua ihatoina ai, Israel na Aigupto amo e raka lasi murinai, dinana heḡereḡerena ai, idia na Sinai tano ḡaḡaena ai e kau.
EXO 19:2 Refidim e rakatania negana ai, idia na Sinai tano ḡaḡaena ai e kau: bena tano ḡaḡaena ai e taruha, ororo badi-tanona ai. Unuseni ai Israel e taruha.
EXO 19:3 Bena Mose e dara dae Dirava dekenai. Iehova gadona na ororo amo ema ia enai, eto, Iakob ena bese taudia ini ba hereva henidia toma, Israel taudia ini ba hamaorodia toma. Baoto
EXO 19:4 “Aigupto taudia ede na karadia toma vada o itaia, dibamui danu ede na abimui toma, ugava hanidia latadiai na heto, bena na hakaumui mai dekegu ai.
EXO 19:5 Harihari lau eregu boma kamonai bona egu taravatu boma badinaia, umui na egu bese korokori ai boma lao, bese iboudiai bogaragidiai, badina be tanobada idoinai be lauegu.
EXO 19:6 Egu hahelaḡa taudia ai baola; bese helaḡana ai baola”. Israel taudia unu ba hamaorodia toma.
EXO 19:7 Bena Mose na ema, Israel tau-badadia e boiridia, Iehova ena haheḡani herevadia iboudiai e hamaorolaidia.
EXO 19:8 Bena taunimanima iboudiai e haere hebou, eto, Iehova ena hereva heḡereḡerena ai baia karaia. Bena Mose ese taunimanima edia haere na Iehova e hamaorolaia.
EXO 19:9 Bena Iehova ese Mose e hamaoroa, eto, A itaia, lau na ori badana ai baina vasi, bena baina hamaorolaimu herevadia na taunimanima bae kamonai; bena bae abidadama henimu ela hanaihanai. Bena Mose ese taunimanima edia hereva na Iehova e hamaorolaia.
EXO 19:10 Bena Iehova ese Mose e hamaoroa, eto, Taunimanima dekedia baola; hari dina ai bona kerukeru ba hahelaḡadia; edia dabua danu bae huri;
EXO 19:11 dina ihatoina ai bae heḡaeḡae; badina be dina ihatoina ai Iehova baine diho Sinai ororona ai, taunimania iboudiai vairadiai.
EXO 19:12 Hetoa danu bavabia, ororo baine ḡeḡea ahu, bena ba hamaorodia, baoto “Nahuamui ba toho, ororo ai basio dae kau, bona badibadina basiola; daika na ororo ai baine dae kau, vada bae alaia mase;
EXO 19:13 imadia amo basie daua toho, a nadi amo bae hodoa mase eiava diba amo bae tarakia mase; bema taunimanima eiava ubu-ubu ḡauna, to basine mauri. A kibi reḡena daudauna bae kamonai, bena ororo ai bae dara dae”.
EXO 19:14 Taunabunai Mose na ororo amo e hekei, taunimanima dekediai; bena e hahelaḡadia, edia dabua danu e huri.
EXO 19:15 Bena ia ese e haduadia, eto, Ba heḡaeḡae ela bona dina ihatoina; hahine ta basio raka henia kahi.
EXO 19:16 Dina ihatoina ai, daba kahana ai, guba e rahua bona kevaru e kevaru isi, bona badana ta ororo dorina ai e kau. Bena kibi ta reḡena e kamonai, reḡena na bada herea: taruha taudia iboudiai na kudoudia e hetaha.
EXO 19:17 Bena Mose ese taunimanima na edia taruha amo e hakaudia lasi, Dirava vairanai bae gini; idia na e raka ela bona ororo badi-tanona ai.
EXO 19:18 Una negana ai Sinai ororona na kwalahu ese e ḡovaia ahu, badina be Iehova na lahi ai e diho, ororo latani. Taunabunai, kwalahuna e dae badabada, amu kwalahuna na heto; ororo tanona idoinai danu e laga.
EXO 19:19 Kibi reḡena na e bada e laova; bena Mose na e hereva, bona Dirava ese guba rahurahu lalona amo e haere henia.
EXO 19:20 Bena Iehova vada e diho, Sinai ororona dorina ai. Iehova ese danu Mose e boiria, baine dara dae ororo dorina ai, bena Mose na e dara dae.
EXO 19:21 Bena Iehova ese Mose e haduaia, eto, A hekei, taunimanima ba hadibadia, Iehova itana totona bae didi dara bena hutuma bae mase na garina.
EXO 19:22 Hahelaḡa taudia ese danu Iehova do basie raka henia kahi; sibodia bae hahelaḡa guna, Iehova ese ediai baine hedinarai taku na garina.
EXO 19:23 Bena Mose ese Iehova e haere henia, eto, Taunimanima na ororo ai basie dara dae diba, badina be oi ese o haduamai, hetoa baia abia, ororo baine ḡeḡea ahu, baia hahelaḡaia oto.
EXO 19:24 Iehova ma eto, A hekei, bena Aaron ida ma ba dara dae; a hahelaḡa taudia bona taunimanima kavakavadia na basie didi dara Iehova enai, ia ese idia ediai baine hedinarai taku na garina.
EXO 19:25 Taunabunai Mose e hekei taunimanima dekediai, unu hereva e hamaorolaidia.
EXO 20:1 Dirava ini e hereva toma.
EXO 20:2 Lau binai Iehova, emu Dirava: Aigupto taudia edia tano bona edia iḡui rumana amo na hakamu lasi. ?
EXO 20:3 Idau dirava ta basio abia lau vairagu ai.
EXO 20:4 Laulau ta basio koroa; ḡau ta laulauna, guba ḡauna ta, eiava tanobada ḡauna ta, tanobada henuna ḡauna ta, basio karaia:
EXO 20:5 basio toma henia diho, bona isiaina basio lao heni. Badina be lau Iehova emu Dirava na vaḡeḡe Diravana: e inai henigumu taudia edia kara dika davadia na natudia bona tubudia latadiai baina kara ela bona uru ihatoina bona ihahanina,
EXO 20:6 a e ura henigumu bona egu taravatu e badinamu taudia baina bogadia hisi ela uru daha.
EXO 20:7 Iehova emu Dirava ladana na basio hatoa kava hatoa kava; badina be Iehova ladana baine hatoa kava tauna na Iehova basineto ia na asi ena kerere.
EXO 20:8 Dina Helaḡa ba laloa, ba hahelaḡaia.
EXO 20:9 Dina tauratoi lalodiai emu ḡaukara idoinai ba karaia,
EXO 20:10 a dina ihahituna na dina helaḡana, Iehova emu Dirava ena. Una dina ai basio ḡaukara, oi eiava natumu maruanena eiava natumu hahinena eiava emu hesiai tauna eiava hesiai hahinena eiava emu boromakau, eiava idau tauna emu ruma ai e noho hedoamu.
EXO 20:11 Badina be dina tauratoi lalodiai Iehovva ese guba bona tanobada bona davara bona lalodia ḡaudia iboudiai e karadia, bena dina ihahituna ai e laḡa ani. Badina bunai Iehova ese dina ihahituna vada e hanamoa bona e hahelaḡaia.
EXO 20:12 Tamamu sinamu ba matauraidia; unu amo emu mauri dinadia bae hoho, Iehova emu Dirava ese e henimumu tanona ai.
EXO 20:13 Basio ala-ala.
EXO 20:14 Basio heuda hanai.
EXO 20:15 Basio henao.
EXO 20:16 Dekemu tauna basio habadelaia ko8ikoi.
EXO 20:17 Dekemu tauna ena ruma basio ḡahusia, adavana danu basio ḡahusia, eiava ena hesiai tauna eiava ena hesiai hahinena eiava ena boromakau eiava ena doniki eiava ena kohu ta basio ḡahusi.
EXO 20:18 Taunimanima iboudiai na guba rahurahu bona kevaru bona kibi reḡena bona ororo kwalahuna e kamonai bona e ita negana ai, idia na e gari, kudoudia danu e hataha. Idia na dauhai e gini,
EXO 20:19 Mose e hereva henia, eto, Oi ba hereva henimai, bena baia kamonai henimu; a Dirava basine hereva henimai, baia mase na garina.
EXO 20:20 Bena Mose ese e hamaorodia, eto, Basio gari; badina be Dirava vada ema, baine dibamui totona, bena ia imatauraina dainai umui na basio kara dika.
EXO 20:21 Bena taunimanima na dounu dauhai e giniva, a Mose ese Dirava e noholaiava dagadagana e raka henia kahi.
EXO 20:22 Bena Iehova ese Mose e hamaoroa, eto, Israel taudia na ini ba hamaorodia toma, baoto: Umui na vada o diba, lau gadogu na guba amo vada ema.
EXO 20:23 Silver diravadia eiava gold diravadia na basio kara.
EXO 20:24 Ihaboulaina patana na tano amo ba larebaia, ia latanai emu boubou ḡaudia, heḡole-oho ḡaudia bona herohemaino ḡaudia, mamoe bona boromakau, ba henigu. lau ladagu ilalolaina vada na atoa gabudia iboudiai lau baina vasi bona baina henamomu.
EXO 20:25 A ihaboulaina patana na nadi amo boma larebaia, e utu nadidia amo basioma larebaia, badina be iutulaidia aurina ese bema hamirodia.
EXO 20:26 Ina danu: egu ihaboulaina patana na vadavada amo basio dae henia, ḡaḡaemu ai bae itamu na garina.
EXO 21:1 Ba henidia taravatudia bini.
EXO 21:2 Heberu tauna ta ba hoia, emu hesiai tauna ai ba halaoa, ia na laḡani tauratoi isiaimu baine lao heni, bena ihahituna ai ba kahua nege, asi davana.
EXO 21:3 Sibona emu ai baine raka vareai, sibona ma baine raka lasi; a mai adavana ida bae raka vareai, mai adavana ida ma bae raka lasi.
EXO 21:4 A biaguna ese hahine ta baine henia, baine adavaia, bena natuna mamaruanedia eiava hahinedia na una hahine ena amo baine abidia, una hahine mai natuna ida na biaguna ena; hesiai tauna na sibona baine raka lasi.
EXO 21:5 A hesiai tauna baine hereva hedinarai, baineto “Baigugu bona adavagu bona adavagu bonanatugu na ura henidiamu; una dainai lau basina raka lasi”,
EXO 21:6 hari biaguna ese una tau na Dirava vairanai baine hakaua lasi, iduara ai eiava iduara auna ai taiana matuna baine daia uru; bena una tau ese biaguna isiaina baine lao heni ela bona mase.
EXO 21:7 Tau ta ese natuna kekenina baine hoia, hesiai ai bainela, biaguna be basine kahua nege hesiai taudia mamaruanedia e kahudia negemu heḡereḡerena.
EXO 21:8 Bema biaguna ese baine adavaia bena basine ura henia, hahine varavarana ese ma bae davalaia bena bae abia lou. Basine hoia diba idau taudia ediai, badina be ia ese vada e dadaraia.
EXO 21:9 A bema natuna maruanena baine henia, ia ese ravana korikori ai baine halaoa.
EXO 21:10 Bema hahine ta ma baine abia, ia ese hahine gunana ana aniani bona ena dabua ihenina basine hamaraḡi, bona basine hadihoa.
EXO 21:11 A ini ḡau ai baine hadabua, ia na baine kahua nege, asi davana.
EXO 21:12 Ta ese tau ta baine alaia mase, ia danu bae alaia mase.
EXO 21:13 To bema iala-masena basine haeroa guna, a Dirava ese ia imana ai baine atoa, lau na gabu ta baina gwaurai henimu, ia baine heau mauri gabuna.
EXO 21:14 A tau ta ese iala-masena baine haeroa guna, bena baine alaia mase, egu ihaboulaina patana amo bavabia siri, vada baine mase.
EXO 21:15 Tamana eiava sinana baine botaia tauna na bae alaia mase.
EXO 21:16 Ta ese tau ta baine henaoa, bena baine hoia, eiava ia imana ai bae davaria, vada bae alaia mase.
EXO 21:17 Tamana eiava sinana baine uduguiraia tauna na bae alaia mase.
EXO 21:18 Taunimanima bae heatu, bena ese e heatu heniamu tauna na nadi amo baine hodoa, eiava imana amo baine botaia, a una tau na basine mase, baine hekure mo;
EXO 21:19 murinai ma baine tore isi, itotohi amo baine loaloa, hari e haberoa tauna na basine kerere; ḡau tamona, ena hekure dinadia davadia baine henia, bona ena muramura dalana baine lailaia ela bona baine namo vaitani.
EXO 21:20 Tau ta ese ena hesiai tauna eiava hahinena baine dadabaia, bena imana ai baine mase, ena kerere davana bae henia.
EXO 21:21 A una hesiai tauna eiava hahinena do baine mauri, dina ta eiava dina rua, biaguna na basine kerere, badina be una hesiai rauna eiava hahinena na ena moni davana.
EXO 21:22 Tatau edia heatu ai rogorogo hahinena ta bae haberoa, bena hahine baine mara dika, natuna baine dika to ia be baine namo, adavana ese e haberoa tauna baine habadelaia, bena hahemaoro taudia bae hereva, moni hida ia ese hahine adavana baine henia.
EXO 21:23 A hahine danu baine dika, mauri davana na mauri baine henia,
EXO 21:24 eiava mata davana na mara, eiava ise davana na ise, eiava ia davana na ima, eiava ae davana na ae,
EXO 21:25 eiava heara davana na heara, eiava bero davana na bero, eiava hedadaba davana na hedadaba.
EXO 21:26 Tau ta ese ena hesiai tauna eiava ena hesiai hahinena matana baine haberoa, bena baine kepulu, ia na baine kahua nege, matana davana.
EXO 21:27 Eiava uduna baine botaia bena isena ta baine heraḡa, ia na baine kahua nege, isena davana.
EXO 21:28 Boromakau ta ese tau ta eiava hahine ta baine doaia mase, una boromakau na bae hodoa mase bona hidiona na basie ania; a biaguna be asi ena kerere.
EXO 21:29 To, bema una boromakau be nega haida unu vada e kara toma, nega gunadia ai, bona biaguna be mai dibana; bena biaguna basine koua kunuka-kunuka dainai tau ta eiava hahine ta ma baine doaia mase, boromakau na bae hodoa mase, bona biaguna danu bae alaia mase.
EXO 21:30 A dava bae gwauraia negana ai una dava baine henia, ena mauri ibodohilaina.
EXO 21:31 Bema tau ta natuna maruanena eiava natuna hahinena na boromakau ese baine doaia mase, unu bae karaia toma.
EXO 21:32 A bema tau ta ena hesiai tauna eiava ena hesiai hahinena na boromakau ese baine doaia mase, boromakau biaguna ese una hesiai tauna eiava hahinena biaguna na davana baine henia, silver ena metau pound ta mai kahana heḡereḡerena, bona boromakau danu bae hodoa mase.
EXO 21:33 Tau ta ese guri ta hekehona ai baine rakatania, eiava guri baine ḡeia, bena basine koua ahu, bena boromakau ta eiava doniki ta una guri lalonai baine moru dobi,
EXO 21:34 guri biaguna ese davana baine karaia; ia ese boromakau eiava doniki biaguna moni baine henia, a mase ḡauna na iena.
EXO 21:35 Tau ta ena boromakau ese tau ta ena boromakau baine alaia mase, mauri ḡauna na bae hoia, bena raruosi ese davana bae haria; mase ḡauna danu bae haria.
EXO 21:36 Bema biaguna mai dibana una boromakau na vaia unu vada e kara toma, to basine koua kunuka-kunuka, ia ese davana do baine karaia, boromakau ta boromakau ta davana, bona mase ḡauna be iena.
EXO 22:1 Tau ta ese boromakau ta eiava mamoe ta baine henaoa, bena baine alaia eiava baine hoia, ia na davana do baine karaia: boromakau ta davana boromakau ima baine heni, eiava mamoe ta davana mamoe hani baine heni. Davana na unu baine karaia toma; a imana bema tuna, ia bema hoia, davana ihaḡuḡuruna.
EXO 22:2 Henao taudia na ruma ihamakohina ai bae davaria, bena bae botaia mase, ia rarana na asi davana;
EXO 22:3 a bema daba e rere murinai bae botaia mase, rarana na mai davana.
EXO 22:4 E henaoa boromakauna eiava donikina eiava mamoena na henao tauna dekenai bae davaria, ia na davana baine henia nega harua.
EXO 22:5 Tau ta ese boromakau baine hakaua vareai idau tauna ena uma ai eiava ena vine imeana ai, eiava baine kahua nege bena sibona baine vareai, ia na ena boromakau ese e hadika ḡaudia davadia na ena uma ḡaudia bona ena vine anidia hereadia amo do baine heni.
EXO 22:6 Lahi ese ava ḡiniḡini amo baine hanai, uit e utua ḡauna eiava uit dounu uma ai e tubumu ḡauna baine araia ore, lahi e haraia tauna ese davadia do baine heni.
EXO 22:7 Tau ta ese ena moni eiava ena kohu ia dekena tauna baine henia, baine naria totona, bena ta ese baine henaoa, henao tauna bae davaria negana ai, ia na davana baine heni nega harua.
EXO 22:8 Bema henao tauna basie davaria, ruma biaguna na hahemaoro gabuna bainela. Dirava vairanai baine gwau hamata, ia na dekena tauna ena kohu se daua toho.
EXO 22:9 Boromakau eiava doniki eiava mamoe eiava dabua bae heailai, bena tau ta baineto “Ḡauna binai egu”, kaha ruaosi na Dirava vairanai bae hahemaoro; bena hahemaoro ai baine kerere tauna ese davana nega harua ia dekena tauna baine henia.
EXO 22:10 Tau ta ese ena doniki eiava ena boromakau eiava ena mamoe eiava ena mauri ḡauna ta ia dekena tauna baine henia, baine naria totona, bena baine mase, eiava baine bero, eiava ta ese baine lulua oho, a tau ta una kara basine itaia,
EXO 22:11 ia be Iehova vairanai baine gwau hamata, ia ese dekena tauna ena ḡau se daua toho, bena ḡau biaguna ese ena gwau-hamata baine abia dae, ena ḡau davana basine abia.
EXO 22:12 A ta ese iena amo bema henaoa, ia ese davana na biaguna bema henia.
EXO 22:13 A uda boromadia ese bae koria, ia ese baine hahedinaraia, bena davana basine karaia.
EXO 22:14 Tau ta ese dekena tauna ena ḡau ta baine abia torehai, bena baine bero eiava baine mase, biaguna murinai, ia ese davana baine henia.
EXO 22:15 A bema biaguna vairanai, ia ese davana basine henia. Bema hoi-asi ḡauna, davana be vada e henia, basine henia lou.
EXO 22:16 Tau ta be hane-ulato rami-hebou, asi imaohenina, ida bae eno bou, ia ese baine adavaia, bona davana baine heni.
EXO 22:17 A tamana ese baine rua, ia ese davana doi baine heni, bema adavaia heḡereḡerena.
EXO 22:18 Babalau hahinena na basio bogaia hisi, vada baine mase.
EXO 22:19 Mauri ḡauna idauna ta ida baine eno bou tauna sa bae alaia mase.
EXO 22:20 Ihaboulaina karana baine karaia, dia Iehova ena to idau dirava ta ena, tauna na baine havahuraia vaitani.
EXO 22:21 Noho-hedoa tauna basio hadikaia bona basio hahisia, badina be umui danu Aigupto tanona ai o noho hedoava.
EXO 22:22 Vabu eiava ihareha basio hahisia;
EXO 22:23 boma hahisidia bena bema tai henigu, lau na momokani edia tai baina tai baina kamonai,
EXO 22:24 bena egu badu baine siahu, bena dare amo baina alamui mase: adavamui bae vabu bona natumui bae ihareha.
EXO 22:25 Egu orea taudia ogoḡamidia haida emu ai bae abi torehai, basio kara henidia abi-torehai taudia na heheto, bona heato-kau monina na ediai basio tahua.
EXO 22:26 Dekemu tauna ena dabua bavabia, ena abi-torehai toana, dina do basine diho ai ba henia lou;
EXO 22:27 badina be una na ena hetaru ḡauna bona ena hahedoki: ede baine mahuta toma? Ia ese baine tai henigu, bena baina hakala henia, badina be lau na mai egu hebogahisi.
EXO 22:28 Dirava basio maumauraia, bona emu bese lohiana ta basio uduguiraia.
EXO 22:29 Taboro negana ai, ihaboulaina karadia ai basio halahe: emu uma anidia bona emu vine anidia ba heni momo. Natumu roboana lau ba henigu;
EXO 22:30 emu boromakau bona emu mamoe danu unuheto. Dina hitu natuna roboana na sinana dekenai baine noho; dina ihataurahanina ai lau ba henigu.
EXO 22:31 Umui na hehelaḡa: taunabunai uda boromadia ese e alaia mase ḡauna na basio ania; sisia ba henidia.
EXO 23:1 Sivarai koikoi basio gwauraia. Kara dika taudia ida basio henega bou, hahebade koikoi igwaurina totona.
EXO 23:2 Hutuma muridiai basio raka, kara dika ikarana totona, eiava hahemaoro ihagagevana totona.
EXO 23:3 A ogoḡami tauna danu basio durua hahemaoro ihagagevana ai.
EXO 23:4 Inaimu ena boromakau eiava ena doniki baine heau boio bena oi ese ba davaria, ba hakaua lou lao ia dekenai.
EXO 23:5 Inaimu ena doniki ba itaia, ena maduna matauna dainai e goru dihomu, ba durua; ena be iduruna so uramu, to ba durua.
EXO 23:6 Ogoḡami tauna baine hahemaoro negana ai, hahemaoro basio hagagevaia ienai.
EXO 23:7 Basio hahebade koikoi; asi ena kerere tauna eiava kara maoromaoro tauna basio alaia mase; badina be kara dika tauna basina bogaia hisi.
EXO 23:8 Laloani monina basio abia; badina be lalo-ani monidia ese mata-kito taudia matadia e hakepuludiamu, bona kara maoromaoro taudia edia kara e hagagevadiamu.
EXO 23:9 Noho-hedoa tauna basio hahisia. Noho-hedoa mamina vada o abia, badina be umui danu Aigupto tanona ai o noho hedoava.
EXO 23:10 Laḡani tauratoi uma ḡaudia ba hado emu tano ai, bona anidia ba habou;
EXO 23:11 a laḡani ihahituna ai ia na baine vahu, ogoḡami taudia ese anina bae abia. Orena na uda boromadia ese bae ania. Emu vine imeana bona emu olive imeana danu unu ba karadia toma.
EXO 23:12 Dina tauratoi ba ḡaukara. Dina ihahituna ai ba laḡa ani; emu boromakau bona emu doniki danu bae laḡa ani; emu hesiai hahinena natuna bona noho-hedoa tauna ese danu goada matamata bae abia.
EXO 23:13 Egu hereva iboudiai ba lalodia tao; dirava idaudia basio herevalaidia, bona ladadia basio hato.
EXO 23:14 Laḡani ta lalonai aria toi ba kara, egu.
EXO 23:15 Asie-hatubua-flaoana ariana ba karaia: dina hitu asie hatubua flaoana bavania, gunaguna na haduamu heḡereḡerena, nega korikorina ai, hua ladana Abib lalonai, badina be una hua lalonai Aigupto amo o raka lasi. Asi tauna ta imana kavakava baine hedinarai lau vairagu ai.
EXO 23:16 Taboro ariana danu bba karaia, emu uma anidia ba utu matama negana ai. Lailai huana lalonai roge ariana danu ba karaia, emu uma anidia idoidiai emu roge ai ba habou vaitani negana ai.
EXO 23:17 Laḡani ta lalonai emu mamaruane iboudiai na nega toi Ḡaubada Iehova vairanai bae hedinarai.
EXO 23:18 Egu ihaboulaina rarana na e hatubua flaoana ida basio atodia hebou; egu aria digarana na basine mia rani.
EXO 23:19 Emu uma anidia roboadia namo-hereadia na Iehova emu Dirava ena dubu ai ba rakalaia vareai. Nani natuna hidiona na sinana ratana amo basio nadua.
EXO 23:20 A itaia, aneru ta na siaiamu, oi vairamu ai bainela, dala ai baine simamu, bona vada na abia heḡaḡae gabuna ai baine hakaumu vareai.
EXO 23:21 Ba hakala henia, erena ba kamonai; basio gwau edeede henia; badina be emu kara rea basine laloa nege, lau ladagu na ia lalonai dainai.
EXO 23:22 A ia erena ba kamonai bona lauegu hereva iboudiai ba badinadia; bena oi inaimu be lau inaigu ai baina halaodia, bona oi bae tuari henimu taudia na lau danu baina tuari henidia.
EXO 23:23 Egu aneru na oi vairamu ai bainela, Amoro taudia bona Hiti taudia bona Perisi taudia bona Kanaan taudia bona Hivi taudia bona Iebusu taudia edia tano ai baine hakaumu vareai, bena lau ese baina habuadia tari.
EXO 23:24 Una negana ai edia dirava basio toma henidia diho bona isiaidia basio lao heni, bona edia kara danu basio tohotohodia; ba hadareredia vaitani, bona edia au-tubua ba ḡiḡidia rohoroho.
EXO 23:25 Iehova emui Dirava mo isiaina ba lao heni; bena emu flaoa bona emu ranu lau ese baina hanamodia, bona emu gorere baina abia oho;
EXO 23:26 emu mauri ḡauna ta basine mara dika bona ta basine gabani emu tano ai; emu mauri dinadia baina haḡuḡurudia.
EXO 23:27 Egu hahegari na oi vairamu ai baina siaia, ediai ba kau taudia lalodia baina hadaradaradia, bena inaimu iboudiai na bae heau muri.
EXO 23:28 Nanigo danu baina siaidia vairamu ai, idia ese Hivi taudia bona Kanaan taudia bona Hiti taudia oi vairamu ai baina luludia lasi.
EXO 23:29 Laḡani tamona lalonai basina luludia lasi, edia tano baine vahu na garina, bona uda boromadia bae hutuma bena bae hadikamu na garina.
EXO 23:30 Metaira-metaira baina luludia lasi, ela bona umui na ba hutuma, bena tano bavabia emui.
EXO 23:31 Emu tano hetoadia baina kara, Davara Kakakakana amo ela bona Filistia taudia edia davara, bona tano ḡaḡaena amo ela bona Eufrate sinavaina: badina be umu tano taudia oi imamu ai baina atodia, oi vairamu ai do ba luludia lasi.
EXO 23:32 Idia ida basio herohemaino, bona edia dirava ida basio herohemaino.
EXO 23:33 Emu tano ai basie noho, bae hahekwakwanaimu bena vairagu ai ba kara dika na garina; badina be edia dirava boma toma henidia diho, oi na boma hekwakwanai.
EXO 24:1 Iehova ese Mose ma e hamaoroa, eto, Iehova enai ba dara dae, oi bona Aaron bona Nadab bona Abihu bona Israel tau-badadia hitu-ahui: dauha amo ba toma henigu diho.
EXO 24:2 Mose sibona ese Iehova baine raka henia kahi; bamona be basie raka kahira, bona edia orea taudia danu basie dara dae.
EXO 24:3 Bena Mose ela, Iehova ena hereva iboudiai bona ena taravatu iboudiai Israel taudia e hamaorolaidia. Bena Israel taudia iboudiai e haere hebou, eto, Iehova ena hereva iboudiai baia badinadia.
EXO 24:4 Mose ese Iehova ena hereva iboudiai e tore vaitanil; bena daba vaburana ai e tore isi, ororo badi-tanona ai ihaboulaina patana ta e larebaia, bona au=tubua gwauta-rua e holo, Israel idududia gwauta-ruaosi edia.
EXO 24:5 Bena ia ese Israel eregabedia haida e siaidia, boromakau mamaruanedia e laohai, boubou ḡaudia ai e halaodia: haida lahi ese e ḡole oho ḡaudia, ma haida herohemano ḡaudia, Iehova ena.
EXO 24:6 Bena Mose ese rara kahana na dihu ai e haboua, a rara kahana na ihaboulaina patana ai e seia.
EXO 24:7 Bena ia ese taravatu bukana e abia, Israel taudiavairadiai e duahia hedinarai. Bena idia eto, Iehova ena hereva iboudiai baia kamonai henidia, bona ena taravatu baia badinadia.
EXO 24:8 Bena Mose ese rara e abia, Israel taudia e nevarilaidia, eto, Ina na herohemaino rarana, Iehova na umui ida vada e herohemaino ini hereva ai.
EXO 24:9 Bena Mose bona Aaron bona Nadab bona Abihu, Israel tau-badadia hitu-ahuiosi ida, e dara dae,
EXO 24:10 Israel edia Dirava e itaia, aena na sapairo nadina ai e hadai, e negari-negari, guba na heto.
EXO 24:11 Ia imana na Israeltau-badadia latadiai se ato kau; idia ese Dirava e itaia, bena e aniani, ranu e inua danu.
EXO 24:12 Iehova ese Mose e hamaoroa, eto, Lau dekegu ai ba dara dae, ororo ai ba narigu; lau be hro-nadidia palakadia baina henimu, ini nadi ai taravatu bona haheḡani vada na tore, taunimanima ihadibaladia.
EXO 24:13 Taunabunai, Mose na ena hesiai tauna Iosua ida e tore isi; bena Mose na Dirava ena ororo ai e dara dae.
EXO 24:14 Ia ese Israel tau-badidia e haduadia, eto, Iniseni ai ba noho, ela bona ai baia lou mai dekemui ai. hari Aaron bona Huru na dekemui ai nonoho; tau ta hahemaoro baine ura negana ai, ia na idia raruosi dekedia bainela.
EXO 24:15 Mose na ororo ai e dara e dara dae, bena ori ese ororo e ḡovaia ahu.
EXO 24:16 Bena Iehova hairaina na ororo dorina ai e kau, bona ori ese ororo e ḡovaia ahu ela bona dina tauratoi e ore. Dina ihahituna ai Iehova ese Mose ladana e hatoa, ori bogaragina amo.
EXO 24:17 Iehova hairaina ita-itana na lahi hururu-hururuna na heto ororo dorina ai: Israel taudia iboudiai ese e itaia.
EXO 24:18 Bena Mose na e dara dae ori lalonai, dina hari-ahui boi hari-ahui unuseni ai e nohova.
EXO 25:1 Iehova ese Mose e hamaoroa, eto,
EXO 25:2 Israel taudia ba hamaorodia, edia herahia ḡaudia bae henigu; lalodia e namomu taudia iboudiai edia herahia ḡaudia bavabi dae, egu.
EXO 25:3 Bavabi dae ḡaudia bini: gold bona silver bona auri labora-labora;
EXO 25:4 dabua vaiuridia bona mia-kakadia bona kakakakadia bona kurokurodia; nani huidia;
EXO 25:5 mamoe kopidia, e hakakakakadia ḡaudia, bona nani kopidia; kela audia;
EXO 25:6 lamepa diaranuna bona muramura mai bonadia bona e gabu muramuradia;
EXO 25:7 onuku nadidia bona hahelaḡa taudia edia dabua ihaheralaidia bona edia vaina ihaheralaidia nadidia.
EXO 25:8 Gabu helaḡana danu bae karaia egu, bogaragidiai baina noho helaoreana.
EXO 25:9 Dubu auta danu ba karaia; dubu bona dubu lalona ḡaudia iboudiai be lau ese baina hadibalaimu heḡereḡerena ai ba kara.
EXO 25:10 Maua ta danu bae karaia, kela reireidia amo; latana na kiubit rua mai kahana, lababana bona harana ena lata na kiubit ta mai kahana.
EXO 25:11 Lalona kahana gold amo ba lahasia, bona murina kahana gold amo ba ḡovaia, bona gold amo ba haheraia heḡeḡe.
EXO 25:12 Ring hani na gold amo ba kara, maua daigunina haniosi ai ba koko kau, kahana ai rua kahana ai rua.
EXO 25:13 Maduna danu ba kara, kela audia amo, bena gold amo ba ḡovadia.
EXO 25:14 Ini maduna na ring amo ba toi hanai, maua kahana kahana ai, ihualaina ḡaudia ai baela.
EXO 25:15 hari maduna na ring lalodiai do bae mia, basie veridia lasi.
EXO 25:16 Bena taravatu nadidia, baina henimu ḡauna, do ba udaia maua lalonai.
EXO 25:17 Ikaruhi ta danu gold namo-hereana amo ba karaia, ena lata kiubit rua mai kahana, ena lababa kiubit ta mai kahana.
EXO 25:18 Ikaruhi duduna duduna kerubi rua ba koro,
EXO 25:19 duduna ta kerubi ta ma duduna ta kerubi ta; ikaruhi bona kerubi raruosi na gold siri tamona amo ba kara.
EXO 25:20 Hari kerubi na hanidia amo ikaruhi bae hakerukerua; idia bae hevaira heheni, bona ikaruhi bae vaira henia.
EXO 25:21 Hari ikaruhi na maua latanai bavatoa kau, hebogahisi teronona ai bainela; bona taravatu nadidia, do baina henimu ḡauna, na maua lalonai ba udaia.
EXO 25:22 Unuseni ai baita hedavari: ikaruhi daenai, taravatu mauana latanai e miamu kerubidia raruosi padadia amo, lau ese baina hereva henimu; haheḡani iboudiai, Israel taudia ba henidia ḡaudia, na baina hadibalaimu.
EXO 25:23 Pata ta danu, kela audia amo ba karaia, latana na kiubit rua, lababana na kiubit ta, harana ena lata na kiubit ta mai kahana.
EXO 25:24 Gold amo ba ḡovaia, bona ba haheraia heḡeḡe.
EXO 25:25 Digina danu ba karaia, labalaba na tau ta imana palapalana heḡereḡerena, ia danu gold namo-hereana amo ba haheraia heḡeḡe.
EXO 25:26 Ring hani danu gold amo ba kara, pata aena haniosi ai ba koko kau.
EXO 25:27 Hari ring be pata digina henunai ba koko kau, maduna audia bae hetoi hanai.
EXO 25:28 Maduna danu kela audia amo ba kara, bona gold amo ba ḡovadia, pata ihualaina.
EXO 25:29 Pata ḡaudia danu, mereki bona nau bona bio bona kehere, iboudiai na gold namo-hereana amo ba kara.
EXO 25:30 Nega iboudiai flaoa helaḡana na una pata latanai baine hedabara lau vairagu ai.
EXO 25:31 Lamepa patana ta danu ba karaia, gold namo-hereana amo. Aena bona duna na gold amo ba koro: aena bona duna bona kehere bona heraherana, bure bona huahua, iboudiai na gold siri tamona amo ba koro.
EXO 25:32 Rigina bae tauratoi, kahana toi kahana toi.
EXO 25:33 Rigi ta ena kehere bae toi, itadia sakada huahuadia na heheto, ta ta mai buredia bona mai huahuadia, rigi iboudiai.
EXO 25:34 Duna ai danu kehere bae hani, sakada huahuadia na heheto, ta ta mai buredia bona mai huahuadia.
EXO 25:35 Rigi rua rua amo danu buredia ta ta ba koro: rigi rua bure ta, rigi rua bure ta, rigi bure ta, rigidia henudia kahadia ai.
EXO 25:36 Hari rigi bona bure na gold namo-hereana sirina tamona amo ba koro.
EXO 25:37 Bena lamepa hitu ba kara, gabudia ai bavatodia, edia diari na pata vairana kahana bae hadiaria.
EXO 25:38 Ihaḡoevadia ḡaudia bona momorudia iudadia merekidia iboudiai na gold namo-hereana amo ba kara.
EXO 25:39 Hari lamepa patana, mai kohuna idoinai, ikaralaina gold-na ena metau be talent ta.
EXO 25:40 Ba heita, ini ḡau ba kara hari ina ororo ai emu ai vada eme hedinarai heḡereḡerena.
EXO 26:1 Dubu auta ba karaia egu: haba be dabua aukadia bona namodia gwauta amo ba kara, vaiuridia bona mia-kakadia bona kakakakadia; ihaheraladia be dibana tauna ese kerubi laulaudia baine turi.
EXO 26:2 Dabua ta ena lata be kiubit ruahui taurahani, lababana be kiubit bhani; iboudiai edia lata bae heḡereḡere, edia lababa danu bae heḡereḡere.
EXO 26:3 Dabua ima ba siriudia, ma ima ba siriudia.
EXO 26:4 Bena imaosi ta isena ai, kunipa varo vaiurina amo ba kara; ma imaosi ta isena ai danu unu ba kara toma.
EXO 26:5 Dabua ta ai kunipa imahui ba kara, ma dabua ta ai imahui: hari kunipa bae hevaira heheni.
EXO 26:6 Bena hakapu-tao ḡaudia imahui gold amo ba kara, dabua isedia ruaosi na unu hakapu-tao ḡaudia amo be hakapudia tao hesiriu, unu amo dubu tamona ai bainela.
EXO 26:7 Bena dabua haida nani huidia amo ba kara, kalaga ai baela, dubu ikoulaina; unu dabua iboudiai bae gwauta-ta.
EXO 26:8 Dabua ta ta edia lata na kiubit toi-ahui, lababadia na kiubit hani; iboudiai edia bae heḡereḡere, edia lababa danu bae heḡereḡere.
EXO 26:9 Ini dabua ima ba siriudia, ma tauratoi ba siriudia: ihatauratoina na iha-imana baine ha-ere-ruaia, kalaga vairanai.
EXO 26:10 Bena imaosi ta isena ai kunipa imahui ba kara, ma tauratoiosi ta isena ai kunipa imaosi ma ba kara.
EXO 26:11 Bena hakapu-tao ḡaudia imahui auri labora-labora amo ba kara, dabua isedia ruaosi na unu hakapu-tao ḡaudia amo ba hakapudia tao hesiriu, kalaga tamona ai bainela.
EXO 26:12 Hari e haruaia ḡauna na dubu murina kahana ai baine hetau dobi.
EXO 26:13 Hari kalaga dabuana ena lata na dubu harana ena lata baine hereaia, kahana kiubit ta, ma kahana kiubit ta, unu bae hetau dobi toma, dubu ikoulaina.
EXO 26:14 Kalaga guhina danu ba karaia, mamoe kopidia, e hakakakakadia ḡaudia, amo; ma guhi ta danu nani kopidia amo ba karaia, ia latanai bavatoa kau.
EXO 26:15 Dubu habana na kela audia amo kaha ta ta ba kara.
EXO 26:16 Kaha ta ena lata be kiubit gwauta, bona ena lababa be kiubit ta mai kahana.
EXO 26:17 Hari kaha ta ta be ikoko rua rua amo bae koko hesiriu; dubu habana kahadia iboudiai kaha rua rua amo unu bae koko hesiriu toma.
EXO 26:18 Hari kaha iboudiai na ini ba haginidia toma: diho kahana ai kaha ruahui;
EXO 26:19 hahelai-kau ḡaudia hari-ahui silver amo ba kara, kaha ruahuiosi henudiai bae mia, hahelai-kau ḡaudia kaha ta ta henudiai bae heato, ikoko rua rua amo ba kokodia tao.
EXO 26:20 Ma dubu kahana ta, mirigini kahana ai, kaha ruahui ba haginidia,
EXO 26:21 mai silver hahelai-kau ḡaudia hari-ahui, kaha ta ta henudiai hahelai-kau ḡaudia rua rua amo ba kokodia.
EXO 26:22 Dubu duduna, lahara kahana ai, kaha tauratoi ba haginidia,
EXO 26:23 bona daiguni ruaosi danu kaha ta ta. ?
EXO 26:24 Hari daiguni ḡaudia na henu ai bae kokodia hesiriu, a atai ai idia na ring amo bae hesiriu. Ruaosi na unu bae heto; idia na daiguni ḡaudia ruaosi ai baela.
EXO 26:25 Taunabunai, kaha bae taurahani bona silver hahelai-kau ḡaudia bae gwauta-tauratoi, kaha ta ta henudiai hahelai=kau ḡaudia rua rua.
EXO 26:26 Raroraro danu kela audia amo ba kara, au-ima dubu habana kahana ai,
EXO 26:27 ma au-ima kahana ai, ma au-ima dubu duduna ai, lahara kahana ai.
EXO 26:28 Bogaragi rarorarona na kaha iboudiai baine hahesiriudia, duduna ela bona duduna.
EXO 26:29 Hari kaha be gold amo ba ḡovadia. Raroraro idogo-taodia ring-dia na gold amo ba kara, bona raroraro na gold amo ba ḡovadia.
EXO 26:30 Dubu na ba haginia, hari ina ororo ai emu ai vada eme hedinarai heḡereḡerena.
EXO 26:31 Bena seseahu na dabua aukana bona namona amo ba karaia, dabua vaiurina bona mia-kakana bona kakakakana; ihaheralaina be dibana tauna ese kerubi laulaudia baine turi.
EXO 26:32 Gold igaudia amo ba taua dae; ena ihua-ihua bae hani, kela audia amo ba kara bona gold amo ba ḡovadia, bena silver hahelai-kau ḡaudia ai ba haginidia. Unuhetomana seseahu ba taua dae.
EXO 26:33 hari seseahu na hakapu-tao ḡaudia amo ba taua dae; bena taravatu mauana na bae huaia vareai: seseahu na helaḡa gabuna bona helaḡa-herea gabuna baine seses ahu.
EXO 26:34 Hari maua danu ikaruhi amo ba karuhia, helaḡa-herea gabuna ai.
EXO 26:35 Pata na seseahu murimurinai bavatoa; lamepa patana be dubu diho kahana ai bavatoa, pata baine vaira henia, a pata be mirigini kahana ai baine gini.
EXO 26:36 Kalaga iduarana seseahuna danu dabua aukana bona namona amo ba karaia, dabua vaiurina bona mia-kakana bona kakakakana, bona ihaheralaina danu bae turi.
EXO 26:37 Seseahu ena ihua-ihua bae ima; kela audia amo ba kara, bona gold amo ba ḡovadia. Edia igau na gold amo ba kara, a hahelai-kau ḡaudia imaosi na auri labora-labora amo ba kara.
EXO 27:1 Ihaboulaina patana ba karaia, kela audia amo; latana na kiubit ima, lababana kiubit ima, harana ena lata kiubit toi, unu ba karaia toma.
EXO 27:2 Doa hani ba koro, pata daigunina haniosi ai; hari doa na pata ida au tamona amo ba kara. Kopina idoinai na auri labora-labora amo ba ḡovaia.
EXO 27:3 Kahuna iudalaina urodia bona ikado-laina gagana bona dihu bona kahi bona rahurahu na iboudiai auri labora-labora amo ba kara.
EXO 27:4 Pata digina na auri labora-labora amo ba ha-aukaia heḡeḡe, bona rina hani auri labora-labora amo ba kara, hari iha-aukana auri labora-laborana ena daiguni haniosi ai.
EXO 27:5 Hari iha-aukana auri labora-laborana na pata baine ḡeḡea ahu, bona digina harana kahana ai baine diho.
EXO 27:6 Maduna audia danu ba kara, ihaboulaina patana ena; kela audia amo ba kara, bona auri labora-labora amo ba ḡovadia.
EXO 27:7 Hari maduna na ring amo ba toidia hanai, ihaboulaina patana ohena kahana kahana ai, ihualaina ḡaudia.
EXO 27:8 Ihaboulaina patana na maua na heto ba karaia, harana na reirei amo baine hekou. Vada ba karaia hari ina ororo ai emu ai vada eme hedinarai heḡereḡerena.
EXO 27:9 Dubu maḡuna danu ba karaia. Diho kahana ai maḡu latana na kiubit sinahu-ta; itautau dabuadia aukadia na
EXO 27:10 du ruahui amo bae hetau dae, du badidia ihahelai-kaudia ḡaudia danu bae ruahui; hari du bona ihahelai-kaudia ḡaudia na auri labora-labora amo ba kara. A edia igau bona edia hakapu-tao ḡaudia na silver amo ba kara.
EXO 27:11 Mirigini kahana ai danu maḡu latana na kiubit sinahu-ta; itautau dabuadia na du ruahui amo bae hetau dae, du badidia ihahelai-kaudia ḡaudia danu bae ruahui. Du bona ihahelai-kaudia ḡaudia na auri labora-labora amo ba kara, a edia igau bona edia hakapu-tao ḡaudia na silver amo ba kara.
EXO 27:12 Lahara kahana ai, maḡu lababana na kiubit imahui; du bae gwauta, badidia ihahelai-kaudia ḡaudia danu bae gwauta.
EXO 27:13 Mairiveina kahana ai, dubu vairanai, lababana na kiubit imahui.
EXO 27:14 Ikoukou kahana ai itatau dabuadia na kiubit gwauta-ima, mai du toi bona du badidia ihahelai-kaudia ḡaudia toi;
EXO 27:15 ma ikoukou kahana ai danu itautau dabuadia na kiubit gwauta-ima, mai du toi bona du badidia ihahelai-kaudia ḡaudia toi.
EXO 27:16 Ikoukou dabuana na kiubit ruahui: dabua na vaiuri bona mia-kaka bona kakakaka; varo aukana amo bae turi, bona heraherana danu bae turi. Ia duna bae hani, bona du badidia ihahelai-kaudia ḡaudia bae hani.
EXO 27:17 Maḡu duna iboudiai na silver amo ba haheralaidia, bona edia igau na silver amo ba kara. A du badidia ihahelai-kaudia ḡaudia be auri labora-labora amo ba kara.
EXO 27:18 Maḡu ena be kiubit sinahu-tu, lababana be kiubit imahui, harana ena lata be kiubit ima. Itautau dabuadia be dabua aukadia. Du badidia ihahelai-kaudia ḡaudia be auri labora-labora.
EXO 27:19 Dubu kohuna idoinai na auri labora-labora amo bae kara; dubu ikokodia bona maḡu ikokodia danu iboudiai na auri labora-labora ikokodia mo.
EXO 27:20 Israel taudia ba haḡanidia, olive dehorona ḡoevaḡoevana bae mailaia, lamepa diaranuna ai bainela; bena lamepa baine ara hanaihanai.
EXO 27:21 Aaron mai natuna ida bae naria boi naria rani Iehova vairanai, hebou kalagana lalonai, maua helaḡana seseahuna murimurinai. Ina haheḡani na Israel taudia ese bae badinaia hanaihanai, uru iboudiai lalodiai.
EXO 28:1 Kakamu Aaron, mai natuna mamaruanedia ida, israel taudia bogaragidia amo ba hakaudia siri, egu hahelaḡa taudia ai baela helaoreana. Aaron mai natuna hahaniosi, Nadab bona Abihu bona Eleasara bona Itamara, unu bavabidia toma.
EXO 28:2 Kakamu Aaron ena dabua helaḡadia danu ba kara, mai toana bona mai hairaina ida baine noho helaoreana.
EXO 28:3 Mai dibadia taudia, lau ese aonega vada name henidia taudia, ba haḡanidia, dabua bae kara Aaron ena; bena ia baine helaḡa, lauegu hahela=aga tauna ai bainela.
EXO 28:4 Bae kara ḡaudia bini: keme ai e ha-inuamu vainana; hahedoki, muri hahedokina; hahedoki badana, kwara iḡe4ḡelaina dabuana; gaba ḡauna. Dabua helaḡadia bini bae kara, kakamu Aaron ena bona natuna mamaruanedia edia, egu hahelaḡa taudia ai baela helaoreana.
EXO 28:5 Idia na gold bae abia, bona dabua idau-idau, vaiuridia bona mia-kakadia bona kakakakadia bona kurokurodia.
EXO 28:6 Bena hahedoki helaḡana bae karaia namonamo, hari gold bona dabua idau-idau, vaiuri bona mia-kaka bona kakakaka bona kurokuro, bae karalaia. ?
EXO 28:7 Paḡa ḡaudia rua ese hahedoki vairana kahana bona murina kahana bae siriudia.
EXO 28:8 Gaba ḡauna danu ḡau heḡereḡeredia ai bae karaia, dabua idau-idau, vairuri bona mia-kaka bona kakakaka bona kurokuro, bae karalaia.
EXO 28:9 Onuku nadidia rua bavabi, latadiai Israel natuna ladadia ba tore,
EXO 28:10 lada tauratoi nadi ta ai ma tauratoi nadi ta ai, murina murina amo ba tore edia vara heḡereḡeredia.
EXO 28:11 Nadi hururuhururudia iḡaukaralaidia tauna ese e ḡasidiamu heḡereḡerena, Israel natuna ladadia unu bas tore toma, unu nadi ruaosi ai. Bena isedia na gold e moḡe ḡaudia amo ba koudia heḡeḡe.
EXO 28:12 Bena unu nadi ruaosi be hari hahedoki ena paḡa ḡaudia ai bavatodia kau, helalo-tao ḡaudia ai baela, Israel natuna edia; Aaron ese ladadia na paḡana ruaosi ai baine hua, Iehova vairanai, helalo-tao toana.
EXO 28:13 Nadi isedia na gold e moḡe ḡoevaḡoeva ba karalai;
EXO 28:14 bona gold namo-hereana danu ba moḡea, gold varodia rua ba kara, bena unu gold varodia na hari nadi isedia ida ba hunu kau.
EXO 28:15 Hahemaoro vainana danu ba karaia, hahedoki e karaia heḡereḡerena ba karaia ḡoevaḡoeva, gold bona dabua idau-idau, vaiuri bona mia-kaka bona kakakaka bona kurokuro, ba karalaia.
EXO 28:16 Latana bona lababana bae heḡereḡere, bae ere rua; latana bona lababana na palapala lababana heḡereḡerena ai ba karaia.
EXO 28:17 Nadi hururu-hururudia ere hani ba turi kau: ere ta ai sadio bona topasio bona barekete;
EXO 28:18 ere iharuana ai samarago bona sapairo bona vasiga;
EXO 28:19 ere ihatoina ai huakinto bona akate bona ametuso;
EXO 28:20 ere ihahanina ai berulio bona onuku bona iaspi; iboudiai isedia na gold e moḡe ḡaudia amo ba koudia heḡeḡe.
EXO 28:21 Hari nadi hururu-hururudia na gwauta-rua, Israel natuna gwauta-raruosi ihaheḡereḡeredia; nadi ta ta ai iduhu ta ta ladadia bae ḡasi.
EXO 28:22 Gold namo-hereana ba moḡea, gold varodia ba kara, vaina ena.
EXO 28:23 Ring rua danu gold amo ba kara, vaina ena; vaina isena ruaosi ai ba turi kau.
EXO 28:24 Hari gold varodia rua na vaina ring-dia ruaosi ai ba mata kau,
EXO 28:25 a varo dududia na hahedoki ena paḡa ḡaudia ai bae hemata kau.
EXO 28:26 Ma ring rua gold amo ba kara, vaina laloma kahana ai, isena ruaosi ai, ba turi kau;
EXO 28:27 bona ring rua gold amo ma ba kara, hahedoki ai ba turi kau, paḡa ḡaudia na hahedoki ida e hesiriu gabudia ai, gaba ḡauna daenai.
EXO 28:28 Bena vaina ring-dia bona hahedoki ring-dia ba kwatu kubou, varo vaiurina amo, bona gaba ḡauna ai danu bae hemata kau; unuhetomana vaina bona hahedoki basie heruha diba.
EXO 28:29 Unuhetomana danu Israel natuna ladadia hahemaoro vainana ai na Aaron kemena ai bae mia, gabu helaḡana ai baine raka vareai negadia ai; bena baine lalodia hanai-hanai Iehova vairanai.
EXO 28:30 Urim bona Tumim na vaina ai ba uda, Aaron kemena ai bae mia, Iehova vairanai baine raka vareai negadia ai: unu amo Aaron na nega iboudiai Israel taudia baine hahemaoro henidia Iehova vairanai, mai siahuna ida.
EXO 28:31 Hahedoki badana na dabua vaiuri amo ba karaia.
EXO 28:32 Matuna bogaragi ai ba karaia, kwara gabuna; matu isena danu ba turia, vaia hahedoki isedia e turimu heḡereḡerena, baine hedare garina.
EXO 28:33 Isena ai herahera ba turi, rimono huahuadia na heheto, varo vaiuridia bona mia-kakadia bona kakakakadia ba turilai, padadia ai gold gabagabadia ba turi kau:
EXO 28:34 gold gabagabana ta rimono huahuana ta gold gabagabana ta rimono huahuana ta, unu ba turi toma, ela bona hahedoki isena ba haheraia heḡeḡe.
EXO 28:35 Ena ḡaukara helaḡana baine karaia negadia ai Aaron ese baine dokia, bena reḡena baine hedinarai, Iehova vairanai helaḡa gabuna ai baine raka vareai bona baine raka lasi negadia ai, baine mase garina.
EXO 28:36 Gold ḡoevaḡoeva mairina ta danu ba karaia, revarevana ba ḡasia, ini ba torea toma: HELAḠA IEHOVA ENA.
EXO 28:37 Bena varo vaiurina bavabia, hari mairi na kwara iḡeḡelaina dabuana ai ba turia kau;
EXO 28:38 ia na Aaron baguna ai baine mia. Unu amo Israel taudia ese edia boubou ḡaudia bae hahelaḡadia kerere negadia ai na Aaron ese edia kerere baine hua; bena hari mairi na baguna ai mia dainai Iehova ese edia boubou baine abi dae.
EXO 28:39 Muri hahedokina na dabua aukana namo-hereana amo ba karaia, mai revarevana. Kwara iḡeḡelaina dabuana danu dabua aukana amo ba karaia. Gaba ḡauna danu dabua aukana amo ba karaia, bona heraherana ba turi.
EXO 28:40 Aaron natuna danu edia muri hahedokidia bona edia kwara iḡeḡelaidia dabuadia bona gaba ḡaudia ba kara, mai toadia bona mai hairaidia ida bae noho halaoreana.
EXO 28:41 Kakamu Aaron mai natuna ida unu ba hahedokilaidia toma; ba horodia danu, dagi ba henidia; bona ba hahelaḡadia, egu hahelaḡa taudia ai baela.
EXO 28:42 Edia piribou danu dabua aukadia amo ba kara, kopidia bae koudia, gabadia amo ela bona tuidia.
EXO 28:43 Aaron mai natuna ida hari piribou bae kara, gabu helaḡana ai kara helaḡadia bae kara totona hebou kalagana ai bae raka vareai negadia iboudiai bona ihaboulaina patana bae raka henia kahi negadia iboudiai bae kara, bae kerere bena bae mase na garina. Ina haheḡani na ia bona ia garana ese bae badina ela bona hanaihanai.
EXO 29:1 Ini ba hahelaḡadia toma, bena egu hahelaḡa taudia ai baela. Boromakau natuna maruanena ta bona mamoe mamaruanedia rua, asi bebeka-bebekadia, bavabidia.
EXO 29:2 Flaoa asie hatubua e gabua, bona flaoa asie hatubua atagadia dehoro ida e bulo, bona flaoa asie hatubua atagadia latadia dehoro e seia ḡaudia danu bavabi. Ini na uit flaoana amo ba kara.
EXO 29:3 Bosea ai ba uda, ba laohai; boromakau natuna maruanena bona mamoe mamaruanedia ruaosi ida.
EXO 29:4 Bena Aaron mai natuna ida ba hakaudia lao, hebou kalagana iduarana badibadinai ranu amo ba hadigudia.
EXO 29:5 Bena dabua bavabi, muri hahedokina bona hahedoki haleḡana bona hahedoki badana bona vaina, iboudiai na Aaron ba hadokilaia; bona gaba ḡauna danu ba ḡeḡelaia.
EXO 29:6 Kwara dabuna danu kwarana ai ba ḡeḡea; bona korona helaḡana na kwara dabuana latanai bavatoa kau.
EXO 29:7 Bena ihorona dehorona bavabia, ia kwarana ai ba seia, ba horoa.
EXO 29:8 Natuna danu ba hakaudia mai, bena edia ba hadokilaidia,
EXO 29:9 bona edia gaba ḡaudia ba ḡeḡelaidia, bona edia kwara dabuadia kwaradia ai ba ḡeḡe. Edia hahelaḡa dagina na lauegu ai bae abia, baine mia hanaihanai taravatuna dainai. Aaron mai natuna ida unu ba hahelaḡadia toma.
EXO 29:10 Bena boromakau maruanena ba hakaua lao, hebou kalagana vairanai. Aaron mai natuna ida imadia na ia kwarana ai bae atodia kau;
EXO 29:11 bena boromakau na Iehova vairanai bavalaia, hebou kalagana iduarana badibadinai. ?
EXO 29:12 Bena boromakau rarana kuri ta bavabia, ihaboulaina patana doadia na imamu kwakikwakina amo ba dahulai; a rara orena na pata badinai ba bubua.
EXO 29:13 Bena bogarau urubina bona ase digarana bona nadinadi mai digaradia ida bavabi, ihaboulaina patana latanai ba gabudia, bena bae ḡoledia oho.
EXO 29:14 A boromakau hidiona bona kopina bona taḡena na taruha murimurinai ba gabudia, bae ḡoledia oho. Ina na kara dika iabi-ohona boubouna.
EXO 29:15 Una murinai mamoe maruanena ta bavabia, Aaron mai natuna ida imadia na ia kwarana ai bae atodia kau.
EXO 29:16 Bena mamoe na bavalaia, rarana bavabia, ihaboulaina patana ohena kahana kahana ba nevaridia heḡeḡe.
EXO 29:17 Bena mamoe ba ivaia, bogarauna bona imana bona aena ba huridia, hidiona bona kwarana ida ba haboudia;
EXO 29:18 idoinai na ihaboulaina patana latanai ba gabudia. Ina na ḡole-oho boubouna, Iehova ena; ia na bonana namo ḡauna, lahi boubouna, Iehova ena.
EXO 29:19 Mamoe maruanena iharuana bavabia, Aaron mai natuna ida imadia na ia kwarana ai bae atodia kau.
EXO 29:20 Bena mamoe na bavalaia, rarana kuri ta bavabia, Aaron taiana idibana abona natuna taiadia idibadia abodia ba dahulaidia, imadia idibadia bona aedia idibadia sinabadadia danu ba dahulaidia. Bena rara orena na ihaboulaina patana ohena kahana kahana ba nevaridia heḡeḡe.
EXO 29:21 Bena ihaboulaina patana latanai e miamu rarana bona ihorona dehorona bavabi, Aaron mai dabuana ida bona natuna mai dabuadia ida ba nevarilaidia. Ia mai dabuana ida bae helaḡa; natuna danu mai dabuadia ida bae helaḡa.
EXO 29:22 Mamoe maruanena digarana bavabia, bona iuna digarana, bona bogarauna urubina, bona ase digarana, bona nadinadi mai digaradia ida, bona idiba mamuna; badina be ina na hahelaḡa mamoena.
EXO 29:23 Flaoa igabuna ta, bona flaoa dehoro amo e kuia atagana ta, bona ataga kavakava ta, asie hatubua flaoana boseana amo ba vai, Iehova vairanai.
EXO 29:24 Bena Aaron imana ai bona natuna imadia ai bavato, bae davedavelai, davedave boubouna ai baela Iehova vairanai.
EXO 29:25 Bena imadia amo bavabi lou, ihaboulaina patana latanai ba gabu, hari ḡole-oho vamuna ida. Ia na bonana namo ḡauna Iehova vairanai; ḡole-oho boubouna, Iehova ena.
EXO 29:26 Aaron ihahelaḡana mamoena kemena bavabia, ba davedavelaia, dave-dave boubouna ai bainela Iehova vairanai; bena bavabia, oi ahumu.
EXO 29:27 Hari keme, e davedavelaia ḡauna, bona mamu, e duduia isi ḡauna, ba hahelaḡadia; badina be ia na Aaron mai natuna ida ihahelaḡadia mamoena.
EXO 29:28 Idia ahudia bunu, Israel taudia ese bae henidia hanaihanai. Badina be hahelaḡa taudia ahudia bunu, Israel taudia ese edia herohemaino bouboudia amo bae henidia; edia boubou ḡauna bae duduia isi, Iehova ena.
EXO 29:29 Aaron ena dabua halaḡadia na natuna ese bae abi, ia murinai; ihahelaḡadia negadia ai bae doki.
EXO 29:30 Ia natuna, hahelaḡa dagina ai baine boloa tauna, ese dina hitu lalodiai baine doki, hebou kalagana ai baine raka vareai, gabu helaḡana ai ḡaukara helaḡadia baine kara negadia ai.
EXO 29:31 Ihahelaḡadia mamoena hidiona bavabia, gabu helaḡana ai ba nadua.
EXO 29:32 Bena Aaron mai natuna ida bae ania, bona bosea lalonai e miamu flaoana danu bae ania, hebou kalagana iduarana badibadinai.
EXO 29:33 Hari kara dika itahunidia bona edia dagi ihahelaḡadia ḡaudia na idia ese bae ani; a taunimanima kavakavadia na basie ani, badina be unu ḡau be hehelaḡa.
EXO 29:34 Hari ihahelaḡadia vamuna eiava flaoana bahudia bema mia rani, idia na lahi ai bema gabu bena bema ḡole oho; basiema ani, badina be hehelaḡa.
EXO 29:35 Ini kara iboudiai na Aaron mai natuna ida ba kara henidia, egu hahedua heḡereḡerena; dina hitu lalodiai ihahelaḡadia karadia bae hesiriu.
EXO 29:36 Dina ta ta ai boubou boromakauna ta bavalaia, kara dika itahunina ḡauna; kara dika iabi-ohona boubouna ta danu ba karaia, ihaboulaina patana ena; ba horoa bona ba hahelaḡaia.
EXO 29:37 Dina hitu lalodiai boubou ba kara, ihaboulaina patana ena; unu amo ba hahelaḡaia ela bona baine helaḡa vaitani, bona enai bae dau kau ḡaudia danu bae helaḡa.
EXO 29:38 Boubou ḡaudia ihaboulaina patana ai ba gabu, bena bae ḡole oho, ḡaudia bini: mamoe natudia rua, laḡani ta do asie haḡuḡurua ḡaudia, dina ta ta amo ba gabu;
EXO 29:39 ta be daba ai ba gabua, ma ta adorahi ai.
EXO 29:40 Flaoa namona nau auta dehoro namona kehere ta amo ba kuia, mamoe natuna ida bavato kau; bona vine ranuna kehere ta ihaboulaina patana latanai ba seia.
EXO 29:41 Mamoe natuna iharuana na adorahi ai ba gabua, bona ia ida flaoa boubouna bona inuinu danu ba heni. Ina na bonana namo ḡauna, ḡole-oho boubouna, Iehova ena.
EXO 29:42 Ina ḡole-oho boubouna ba kara loulou, uru iboudiai; hebou kalagana iduarana badibadinai bae kara, Iehova vairanai. Unuseni ai lau baina hahedinarai henimui, bona oi baina hereva henimu.
EXO 29:43 Unuseni ai lau ese Israel taudia baina hahedinarai henidia, bona lau hairaiagu ese kalaga baine hahelaḡaia.
EXO 29:44 Lau ese hebou kalagana bona ihaboulaina patana baina hahelaḡadia; Aaron mai natuna ida danu baina hahelaḡadia, egu hahelaḡa taudia ai baela.
EXO 29:45 Lau na Israel taudia bogaragidiai baina noho, edia Dirava.
EXO 29:46 Idia bae diba lau be Iehova edia Dirava; Aigupto amo na hakaudia lasi, bogaragidiai baina noho helaoreana. Lau binai Iehova, edia Dirava.
EXO 30:1 Pata helaḡana ta ba karaia, muramura mai bonadia igabudia ḡauna; kela audia amo ba karaia.
EXO 30:2 Pata na latana bona lababana bae heḡereḡere. kiubit tamona; harana ena lata na kiubit rua; doana na ia ida au tamona amo bae koro.
EXO 30:3 Kopina na gold namo-hereana amo ba ḡovaia, pata bona aena bona doana; bona digina na gold amo ba haheraia heḡeḡe.
EXO 30:4 Ring rua gold amo ba kara, pata digina henunai ba kokodia kau, ta pata kahana ai, ma ta kahana ai, maduna itoi-hanaidia ḡaudia, bae huaia negadia ai.
EXO 30:5 Maduna rua danu ba kara, kela audia amo, bona gold amo ba ḡovadia.
EXO 30:6 Taravatu mauana bona e karuhia ahu ikaruhina, taravatu nadidia e karuhidia ahu ḡauna, baina hahedinarai henimu gabuna, seseahuna vairanai, bavatoa.
EXO 30:7 Daba iboudiai, lamepa baine haḡoevadia negana ai, Aaron ese muramura mai bonadia baine gabu, una pata ai.
EXO 30:8 Adorahi iboudiai danu, lamepa baine ha-ara negana ai, ma baine gabu lou; unu amo bona namodia bae dae hanaihanai Iehova vairanai, ela uru idoidiai.
EXO 30:9 Una pata ai muramura idauna ta basie gabua, ḡole-oho boubouna eiava flaoa boubouna danu basie atoa kau; bona inuinu boubouna basio seia.
EXO 30:10 Laḡani ta ta lalodiai dina tamona ai Aaron ese kara dika itahunidia karana baine karaia una pata doana ai: kara dika boubouna rarana amo baine dahudia, laḡani ta ta amo, ela uru iboudiai; ia na helaḡa herea Iehova enai.
EXO 30:11 Iehova ese Mose ma e hamaoroa, eto,
EXO 30:12 Israel taudia ladadia ba tore negana ai, tatau ta ta ese edia mauri davana na Iehova bae henia, lada itoredia lalonai gorere ese baine aladia na garina.
EXO 30:13 Ini bae henia toma: ladadia bae tore taudia iboudiai na ta ta sekele kahana kahana bae heni, gabu helaḡana ena sekele heḡereḡerena; una sekele anina be gera ruahui. Ina na herahia ḡauna, Iehova ena.
EXO 30:14 Ladadia bae tore tataudia iboudiai, laḡani ruahui vada e hanai tataudia, una herahia ḡauna Iehova bae henia.
EXO 30:15 Taḡa tauna basine habadaia, ogoḡami tauna basine hamaraḡia, sekele kahana mo bae henia, emui kara dika itahunidia herehiana Iehova ba henia negadia ai.
EXO 30:16 Ina kara dika itahundia monina na Israel taudia ediai bavabia, hebou kalagana monina ai ba halaoa: ia na helalo-tao ḡauna ai bainela Israel taudia edia, Iehova vairanai, bona emui kara dika itahunidia ḡauna ai bainela.
EXO 30:17 Iehova ese Mose na e hamaoroa, eto,
EXO 30:18 Dihu ta auri labora-labora amo ba karaia, hurihuri ḡauna mai ihahelai-kauna ḡauna, ia danu auri labora-labora. Hebou kalagana bona ihaboulaina patana padadiai ba haginia. Ia lalonai ranu ba seia.
EXO 30:19 Aaron mai natuna ida imadia bona aedia na una ranu ai bae huri:
EXO 30:20 hebou kalagana ai bae raka vareai hegadia iboudiai ranu amo unu bae haheḡoeva toma, bae mase garina. Ihaboulaina patana bae raka kahi henia negadia ai, Iehova ibouna ḡaudia bae haḡole oho totona,
EXO 30:21 imadia bona aedia bae huri, bae mase garina. Mia-hanaihanai haheḡanina binai, idia edia, Aaron mai rarana ida edia, ela uru idoidiai.
EXO 30:22 Iehova ese Mose ma e hamaoroa, eto,
EXO 30:23 Muramura namo-hereadia bavabi: muro ranuna, metauna na sekelesinahu-ima; kinamomo mai gaihona, metauna na sekele sinahu-rua imahui; kane mai gaihona, metauna na sekele sinahu-rua imahui;
EXO 30:24 bona kida, metauna na sekele sinahu-ima; iboudiai gabu helaḡana ena sekele heḡereḡeredia; bona olive dehorona hini ta.
EXO 30:25 Ini na ba bulodia, dehoro delaḡana ai baela. Ba bulodia namonamo, muramura ikarana tauna korikori ese e karaimu na heto; bena dehoro helaḡana ai bainela.
EXO 30:26 Ina dehoro amo hebou kalagana ba nevaria; bona taravatu mauana ba nevaria,
EXO 30:27 bona pata mai ena ḡau iboudiai, bona lamepa patana mai kohuna idoinai, bona muramura patana,
EXO 30:28 bona ihaboulaina patana mai ena ḡau iboudiai, bona ranu dihuna mai ihahelai-kauna ḡauna ida, iboudiai ba nevaridia.
EXO 30:29 Ba hahelaḡadia, bae helaḡa vaitani, bona ediai bae dau kau ḡaudia danu bae helaḡa.
EXO 30:30 Aaron mai natuna ida danu ba horodia, ba hahelaḡadia; lau isiaigu bae lao heni, egu hahelaḡa taudia.
EXO 30:31 Bena Israel taudia ba hamaorodia, baoto “Ina na Iehova ena dehoro helaḡana, uru iboudiai;
EXO 30:32 taunimanima kavakava na kopidia basio dahulaidia, bona ia heḡereḡerena na basio karaia; ia na helaḡa, bona baine helaḡa emui ai.
EXO 30:33 Tau ta ese dehoro ia heḡereḡerena baine kariai, idau tauna baine dahulaia, ia na ena iduhu amo bae negea daure.”
EXO 30:34 Iehova ese Mose ma e hamaoroa, eto, Muramura mai gaihodia bavabi: natafa bona sekelete bona kelebena bona libano ḡoevaḡoevana, iboudiai metaudia heḡereḡeredia bavabi.
EXO 30:35 Ba bulodia, muramura ikarana tauna korikori ese e karaimu heḡereḡerena; bena damena ida ma ba bulodia, baine ḡoevaḡoeva bona baine helaḡa.
EXO 30:36 Bena taina bavabia, ba hodoa dimura-dimura; bena taravatu mauana vairanai bavatoa diho, hebou kalagana lalonai, baina hahedinarai henimu gabuna ai. Ia na baine helaḡa herea emui ai.
EXO 30:37 Muramura ia heḡereḡerena na basio karaia sibomui emui; ia na baine helaḡa Iehova ena.
EXO 30:38 Tau ta muramura ia heḡereḡerena baine karaia ia sibona ena, ia be ena iduhu amo bae negea daure.
EXO 31:1 Iehova ese Mose ma e hamaoroa, eto,
EXO 31:2 Vada na abia hidi tauna ladana na Besalele, Uri natuna, Huru tubuna, Iuda iduhuna tauna.
EXO 31:3 Dirava ena Lauma vada na henia, baine aonega bona lalona baine parara bona ima karakara ḡaukaradia baine diba helaoreana.
EXO 31:4 Ia na gold bona silver bona auri labora-labora ḡaudia namodia baine kara,
EXO 31:5 bona herahera nadidia baine utu, bona au baine koro, ḡaukara idau-idau ikaralaidia.
EXO 31:6 Oholiab danu vada na abia hidi: ia na Ahisamaka natuna, Dan iduhuna tauna. Kara-kara taudia iboudiai danu lalodia vada na hapararadia, vada na haḡanilaimu ḡaudia iboudiai bae kara diba:
EXO 31:7 hebou kalagana, bona taravatu mauana mai ikaruhina ida, bona kalaga kohudia iboudiai,
EXO 31:8 bona pata helaḡana mai kohuna idoinai, bona lamepa patana mai kohuna idoinai, bona muramura patana,
EXO 31:9 bona ihaboulaina patana mai kohuna idoinai, bona ranu dihuna mai ihahelai-kauna ḡauna ida,
EXO 31:10 bona dabua helaḡadia, Aaron mai natuna ida edia, hahelaḡa karadia bae kara negadia ai bae doki,
EXO 31:11 bona ihorodia dehorona, bona muramura mai bonadia, gabu helaḡana ena. Na haḡanilaimu ḡaudia iboudiai na idia ese bae kara.
EXO 31:12 Iehova ese Mose ma e hamaoroa, eto,
EXO 31:13 Israel taudia ba haḡanidia, egu Dina Helaḡa bae matauraidia hanaihanai. Badina be ia na toa ta, lau bona umui padadai, emui uru idoidiai lalodiai: iena amo ba diba lau na Iehova, umui ihahelaḡamui Diravana.
EXO 31:14 Taunabunai, Dina Helaḡa na ba matauraia, badina be ia na helaḡa emui ai: basine matauraia tauna na bae alaia mase; bona una dina ai baine ḡaukara tauna na ena iduhu amo bae negea daure.
EXO 31:15 Dina tauratoi lalodiai ba ḡaukara, a dina ihahituna na Dina Helaḡa, laḡa-ani dinana; vada e helaḡa vaitani, Iehova ena. Dina Helaḡa, laḡa-ani dinana; vada e helaḡa vaitani, Iehova ena. Dina Helaḡa ai baine ḡaukara tauna na bae alaia mase.
EXO 31:16 Israel taudia ese Dina Helaḡa bae matauraia uru idoidaia; ia na baine mia hanaihanai herohemainona toana.
EXO 31:17 Ia na mia hanaihanai toana, lau bona umui Israel taumai padadai. Badina be Iehova ese guba bona tanobada e karadia, dina tauratoi lalodiai, a dina ihahituna ai e laḡa ani, bona e kara ḡaudia e moalelai.
EXO 31:18 Ena hereva, Mose ida e hereva-herevalai Sinai ororona ai, e ore ai, Iehova ese taravatu nadidia ruaosi Mose e henia: umu nadi palakadia ruaosi be Dirava ese imana kwakikwakina amo taravatu e torelai nadidia.
EXO 32:1 Israel taudia e itaia, Mose na ororo dorina ai e halahe, bena idia na Aaron dekenai eha hebou, e hamaoroa, eto, A tore isi, kaivakuku ba karaia emai, ai vairamai ai bainela; badina be hari Mose, Aigupto amo e hakaumai lasi tauna, na ede ela ai asi dibamai.
EXO 32:2 Bena Aaron ese e hamaorodia, eto, Gold badeidia na adavamui bona natumui taiadia amo ba koki oho, vada ba henigu.
EXO 32:3 Bena taunimanima iboudiai na gold gadeidia taiadia amo e koki oho, Aaron e henia.
EXO 32:4 Bena ia ese edia gold ḡaudia e abi, iboudiai e havevedia kubou; bena e koroa, boromakau natuna laulauna e karaia. Bena idia eto, Israel e, emui dirava binai, Aigupto amo e hakaumui lasi diravana.
EXO 32:5 Aaron ese edia kara e itaia, bena ia ese ihaboulaina patana ta e larebaia, una kaivakuku vairanai, bona hereva e hapiua, eto, Kerukeru aria baita karaia, Iehova ena.
EXO 32:6 Taunabunai, daba matana ai e tore isi, ḡole-oho bouboudia bona herohemaino bouboudia e kara. Bena e ege ege diho, e aniani, vine ranuna e inua; bena e tore tore isi, e gadara.
EXO 32:7 Bena Iehova ese Mose e haduaia, eto, A diho haraḡa; badina be emu orea taudia, Aigupto amo o hakaudia lasi taudia, vada e kara havara;
EXO 32:8 na haḡanilaidia dalana vada e rakatania haraḡa, boromakau natuna laulauna vada e karaia, vada e toma henia diho, vada e boua, e tomu “Israel e, emui dirava binai, Aigupto amo e hakaumui lasi”.
EXO 32:9 Iehova ese Mose ma e hamaoroa, eto, Ina orea taudia vada na itadia, lalo-auka oreana.
EXO 32:10 A siri: egu badu vada eme siahu idia ediai. Idia baine habuadia tari, a oi na bese badana ai baina halaomu.
EXO 32:11 A Mose ese Iehova, ena Dirava, e noia, eto, Iehova e, dahaka dainai emu badu vada eme siahu emu orea taudia ediai, Aigupto amo o hakaudia lasi mai siahumu badana bona mai imamu goadana ida oreana enai.
EXO 32:12 Namona be dahaka Aigupto taudia baeto “Ia ese dala dikana amo e hakaudia lasi, ororo ai e aladia mase, tanobada kopina amo e habuadia tari”. Emu badu amo ba raka siri, bona emu orea taudia ialadia amo ba helalo kerehai.
EXO 32:13 Emu hesiai taudia Abraham bona Isaak bona Israel ba lalodia: sibomu o gwau henidia hamata, oto “Umui garamui baina hahutumadia, guba hisiudia na heheto; ina tano idoinai, vada na gwauraia hamata tanona, umui garamui baina henidia, edia tano ai bainela, ela bona hanaihanai”.
EXO 32:14 Bena Iehova ese ena bese taudia ialadia amo e helalo kerehai.
EXO 32:15 Bena Mose na ororo dorina amo e hekei, taravatu nadidia ruaosi imana ai e kadidiha, unu nadi palakadia na kaha ruaosi ai, vairadia kahadia bona muridia kahadia, revareva vada e hetore.
EXO 32:16 Hari nadi be Dirava ese e kara ḡaudia, bona revareva be Dirava ese e tore revarevadia.
EXO 32:17 Iosua ese heloḡo-heloḡo e kamonai, Israel taudia e lolova, bena ia ese Mose e hamaoroa, eto, Tuari reḡena taruha ai na kamonaimu.
EXO 32:18 Mose eto, Lasi na kamonaimu ḡauna na dia kwalimu dainai asie hisi daemu, bona darere dainai asie ehonimu, to ane e abimu.
EXO 32:19 Taruha e raka henia kahi ai, boromakau natuna laulauna e itaia, bona taunimanima e mavaruva e itadia. Bena Mose e badu dikadika, taravatu nadidia imana amo e tahodia dobi, ororo badi-tanona ai e makohi rohoroho.
EXO 32:20 Bena ia ese boromakau natuna laulauna, idia ese e karaia ḡauna, e abia, lahi ai e gabua, bena e huaria sisi, ranu lalonai e ḡiḡia uda; bena e buloa patapata, Israel taudia e ha-inulaidia.
EXO 32:21 Bena Mose ese Aaron e gwau henia, eto, Ini taunimanima na ede e karamu toma dainai oi ese ini vada o hakaradia dika toma?
EXO 32:22 Aaron eto, Ḡauka e, basio badu henigu; oi dibamu ini taunimanima na mai lebu-lebudia.
EXO 32:23 Badina be idia ese e hamaorogu, eto “Kaivakuku ba karaia emai, ai vairamai ai bainela; badina ba hari Mose, Aigupto amo e hakaumai lasi tauna, na ede ela ai asi dibamai”.
EXO 32:24 Bena lau nato “Mai edia gold taudia na bae koki oho”; bena idia ese e henigu. Lau ese lahi ai na tahoa vareai; bena ina boromakau natuna e lasi.
EXO 32:25 Mose ese taunimanima e itadia, vada e heloḡo-heloḡova; badina be Aaron ese vada e kahudia nege bae heloḡo-heloḡo, inaidia vairadiai bae hemarai helaoreana.
EXO 32:26 Bena Mose na taruha ikoukouna ai e gini, eto, Iehova ena kaha taudia na dekegu aema. Bena Levi natuna iboudiai na ia dekenai e hebou.
EXO 32:27 Bena ia ese e hamaorodia, eto, Iehova, Israel Diravana, ena hahedua binai: unui ta ta ena dare ena dare bavabi, taruha ba rakaia hanai, tadikakamui bona turamui bona dekemui taudia bavaladia mase.
EXO 32:28 Bena Levi natuna ese Mose ena hahedua heḡereḡerena e karaia, taunimanima daha-toi sisivana e aladia mase una dina ai.
EXO 32:29 Bena Mose eto, Hari dina ai umui na sibomui vada o hahelaḡa, Iehova ena hesiai taumui; natumui bona tadikakamui na boubou ḡaudia ai vada o halaodia. Iehova ena hahenamo na latamui ai hari ina dina ai.
EXO 32:30 Kerukeru, Mose ese Israel taudia e hamaorodia, eto, Emui kara dika na bada herea: a lau na Iehova enai baina dara dae, emui kara dika itahunina dalana baina tahua.
EXO 32:31 Bena Mose ese Iehova e lou henia, eto, Ini taunimanima vada e kara havara, edia kaivakuku na gold amo vada e karaia.
EXO 32:32 Edia dika boma gwau tao; a bema lasi, lau ladagu danu vada o torea bukana amo ba rohoa.
EXO 32:33 A Iehova ese Mose e haere henia, eto, Vairagu ai vada e kara havara taudia iboudiai ladadia na egu buka amo bae heroho.
EXO 32:34 A harihari aola, taunimanima ba hakaudia lao, vada na hamaorolaimu tanona ai ba hakaudia vareai. Momokani, egu aneru ese baine gunalaimui. Ḡau tamona, egu hahemaoro dinana baine kau ai, edia dika davadia do baina henidia.
EXO 32:35 Bena Iehova ese Israel taudia e hahisidia, badina be boromakau natuna laulauna Aaron ese e karaia idia ese e toma henia diho.
EXO 33:1 Iehova ese Mose ma e haduaia, eto, Ina gabu amo ba raka lao, oi bona Aigupto amo o hakaudia lasi taudia, lau na gwauraia hamata tanona baola: Abraham bona Isaak bona Iakob na gwau henidia hamata, nato “Umui garamui baina henidia”, tanona bunai.
EXO 33:2 Aneru ta oi vairamu ai baina siaia; Kanaan taudia bona Amoro taudia bona Hiti taudia bona Perisi taudia bona Hivi taudia bona Iebusu taudia baina luludia lasi.
EXO 33:3 Baola, rata bona bada-ranuna e arumu tanona ai ba raka vareai; to umui na lalo-auka taumui dainai lau na basina bamomui, dala ai baina habuamui tari na garina.
EXO 33:4 Una hari dikana e kamonai ai, Israel taudia na lalodia e hisihisiva: tau ta ena herahera ḡaudia se kara.
EXO 33:5 Bena Iehova ese Mose e hamaoroa, eto, Israel taudia ba hamaorodia, baoto “Umui na lalo-auka taumui; nega kwadogi-kwadogi mo bama vasi, bama habuamui tari. Taunabunai, emui herahera ḡaudia ba kokidia oho, bena baina diba ede baina karamui toma”.
EXO 33:6 Taunabunai, Israel taudia na Horeb ororona ai edia herehera ḡaudia e kokidia oho, asie kara lou.
EXO 33:7 Mose ena kara na iniheto: kalaga e haginia taruha murimurinai, taina dauhai; ladana e hatoa Hebou Kalagana. Bena Iehova baine ḡuria e tomava tauna ese una hebou kalagana ela, taruha murimurinai.
EXO 33:8 A Mose na hebou kalagana ela negadia ai, taunimanima iboudiai e tore tore isi, edia kalaga iduaradia ai e gini, Mose e raraia tao ela bona hebou kalagana ai e raka vareai. ?
EXO 33:9 Badina be Mose na hebou kalagana ai e raka vareai negadia iboudiai, ori ta e diho, kalaga iduarana e sesea ahu, bena Iehova na Mose ida e hereva hereva.
EXO 33:10 Taruha taudia ese ori e itaia negadia ai na iboudiai e goru goru diho, ta ta ena kalaga iduarana ena kalaga iduarana ai.
EXO 33:11 Una negana ai Iehova bona Mose e hevaira heheni bona e hereva heheni, tau ta ese turana ida bae hereva hereva na heto. Bena Mose na taruha e lou henia negana ai, ena hesiai tauna, Iosua Nunu, tau eregabe ta, ese hebou kalagana se rakatania.
EXO 33:12 Mose ese Iehova e hereva henia, eto, Mani a laloa, vada o hamaorogu, oto “Ini taunimanima ba hakaudia lao”; to oi na do so hamaorogu, daika ba siaia baine bamogu. Ma vada o hamaorogu, oto “Ladamu be dibagu, bona na lalo namo henimumu”.
EXO 33:13 Taunabunai, na noimumu, boma lalo namo henigu, emu dala boma hadibalaigu, bama diba oi, emu lalo-namo danu bama diba. Boma laloa danu, ina bese na oiemu orea.
EXO 33:14 Iehova eto, Lau baina bamomu, laḡa-ani baina henimu.
EXO 33:15 Mose ma eto, Basioma bamogu, ini amo basioma siaimai.
EXO 33:16 Badina be ede baina diba toma o lalo namo henigumu bona ina bese taudia o lalo namo henidiamu? Ba bamomai dainai baia, ani? Unu amo lau bona ina bese taudia vada baia idau, tanobada besedia iboudiai bogaragidiai.
EXO 33:17 Bena Iehova ese Mose e haere henia, eto, Emu noinoi heḡereḡerena baina kara henimu, badina be lau ese na lalo namo henimumu, bona ladamu be dibagu.
EXO 33:18 Mose ese ma e noia, eto, Oi hairaimu bama itaia.
EXO 33:19 Ia eto, Egu namo idoinai baina haheitalaimu, bona lau ladagu IEHOVA oi vairamu ai baina gwauraia. Baina harihari henidia na tomu taudia vada baina harihari henidia, bona baina bogadia hisi na tomu taudia vada baina bogadia hisi.
EXO 33:20 To lau vairagu ba itaia na asi dalana, badina be asi tauna ta ese baine itagu bona baine mauri.
EXO 33:21 Iehova ma eto, A itaia, lau badibadigu ai nadi badina ta mia. Ia latanai ba gini.
EXO 33:22 Bena lau hairaigu baine raka hanai negana ai, lau na nadi kohuana lalonai baina atomu vareai, bona imagu amo baina koumu ahu, ela bona baina raka hanai.
EXO 33:23 Bena imagu baina abia oho: dorugu vada ba itaia, a vairagu basio itaia.
EXO 34:1 Iehova ese Mose e haduaia, Huro-nadidia palakadia rua ma bavabi, gunadia heḡereḡeredia; bena revarevadia ma baina tore, gunadia ruaosi, o hamakohidia ḡaudia, revarevadia na tore heḡereḡerena.
EXO 34:2 Daba ai ba heḡaeḡae, Sinai ororona ai ba dara dae, lau vairagu ai ba gini, ororo dorina ai.
EXO 34:3 Tau ta basine bamomu, bona tau ta basine hedinarai ororo dorina ai; bona mamoe seridia bona boromakau seridia basie aniani ororo badi-tanona ai.
EXO 34:4 Taunabunai, Mose na huro-nadidia palakadia rua e utudia, gunadia heḡereḡeredia. Bena daba ai e tore isi, ororo ai e dara dae, Iehova ena hahedua heḡereḡerena; hari nadi palakadia na imana ai e abi kau.
EXO 34:5 Bena Iehova na ori ai e diho, Mose badibadinai e gini, e helada hato.
EXO 34:6 Bena Iehova ese e rakaia hanai, eto, Lau binai Iehova; Iehova, hebogahisi bona harihari-bada Diravana. Badu ai na halahemu; hebogahisi ai bona uraheni ai na haraḡamu.
EXO 34:7 Daha daha na bogadia hisimu; kara-havara bona kara rea bona kara-dika na gwau taomu. Ḡau tamona, kerere taudia basina kahudia nege, a tamadia edia kara dika davadia na natudia baina henidia, bona tubudia baina henidia, ela uru ihatoina bona ihahanina danu.
EXO 34:8 Bena Mose na tano ai e goru diho haraḡa, e toma henia diho,
EXO 34:9 eto, Ḡaubada e, boma lalo namo henigu, mani emu kara, ai, lalo-auka besena taumai, bogaragimai ai baola, emai kara-havara bona emai kara-dika ba gwau tao, bona dihimu ai ba halaomai.
EXO 34:10 Iehova eto, A kamonai, aita herohemaino. Emu orea taudia iboudiai vairadiai hoa karadia baina kara, tanobada idoinai bese idau-idau bogaragidiai asie hedinaraiva karadia; bogaragidiai o nohomu oreadia iboudiai na Iehova ena kara bae itaia, badina be daimui ai baina kara karadia na mai garidia.
EXO 34:11 Hari dina ai baina henimui haheḡanidia vada ba badinadia. A itaia, lau na Amoro taudia bona Kanaan taudia bona Hiti taudia bona Perisi taudia bona Hivi taudia bona Iebusu taudia na umui vairamui ai baina luludia lasi.
EXO 34:12 A ba heita, ba lao henia tanona taudia ida basio herohemaino, ba hekwakwanai na garina.
EXO 34:13 Edia ihaboulaina patadia ba ḡiḡi rohoroho; edia kaivakuku ba hamakohidia; edia dubu ba tara patapata;
EXO 34:14 badina be umui ese idau dirava ta basio toma henia diho, badina be Iehova ladana ta be Vaḡeḡe: ia be vaḡeḡe Diravana.
EXO 34:15 Taunabunai ba heita, una tano taudia ida basio herohemaino; edia dirava basio toma henidia diho; edia boubou karadia basio kara; edia ihaboulaina ḡaudia basio ani.
EXO 34:16 Natudia hahinedia danu basio abidia, natumui mamaruanedia basie adavadia; unu hahine ese edia dirava bae toma henidia diho negadia ai na unui natumui ese danu bae toma henidia diho na garina.
EXO 34:17 Kaivakuku danu basio kara.
EXO 34:18 Flaoa asie hatubua Ariana ba badinaia. Dina hitu asie hatubua flaoana mo bavania, vada na haḡanimui heḡereḡerena, nega korikorina ai, hua ladana Abib ai, badina be Abib huana ai umui na Aigupto amo o raka lasi.
EXO 34:19 Roboa mamaruanedia iboudiai na lauegu: boromakau natudia roboa mamarunedia bona mamoe natudia roboa mamaruanedia.
EXO 34:20 Doniki natuna roboana davana na mamoe natuna ta ba henigu; a davana basioma karaia, aiona boma hakwaidua. Umui natumui roboa mamaruanedia danu davadia ba kara. Asi tauna ta ima kavakava ai baine hedinarai lau vairagu ai.
EXO 34:21 Dina tauratoi ba ḡaukara, a dina ihahituna ai laḡamui bavani; tano iruana negana ai bona taboro negana ai danu ba laḡa ani.
EXO 34:22 Pura ariana ba karaia, uit iutuna ba matamaia negana ai; bona laḡani dokona ariana ba karaia, uma anidia ba habou vaitani negana ai.
EXO 34:23 Laḡani ta lalonai emui maruane iboudiai na nega toi Ḡaubada Iehova, Israel Diravana, vairanai bae hedinarai.
EXO 34:24 Badina be lau na bese idau-idau baina luludia lasi umui vairamui ai, bona emui tano hetoadia baina habada; asi tauna ta ese danu emui tano baine hekise-hekise henia, umui na laḡani ta ta amo nega toi toi Iehova emui Dirava vairanai ba dara dae bona ba toma henia diho negadia ai.
EXO 34:25 Egu ihaboulaina rarana na flaoa ihatubuna muramurana ida basio bulodia. Lagau-hanai Ariana bahuna na basine mia rani.
EXO 34:26 Emui mua anidia roboadia na Iehova emui Dirava ena ruma ba laohai, boubou ḡaudia ai baela. Nani natuna na sinana ratana ai basio nadua.
EXO 34:27 Iehova ese Mose e hamaoroa, eto, Ini hereva ba tore, badina be ini hereva amo lau na oi bona Israel taudia ida vada tame herohemaino.
EXO 34:28 Dina hari-ahui boi hari-ahui ia na Iehova ida e nohova unuseni ai, aniani se ania bona ranu se inua. Una negana ai ia ese hari herohemaino herevadia na huro-nadidia palakadia ai e tore: taravatu gwautaosi.
EXO 34:29 Mose na Sinai ororona amo e hekei diho, mai taravatu nadidia ruaosi, imana ai e kadidiha. Una negana ai ia na se diba vairana vada e hururu-hururu, Dirava ida e hereva hereva dainai.
EXO 34:30 A Aaron bona Israel taudia iboudiai ese Mose e itaia, vairana e hururu-hururuva, bena iraka-kahi-henina e gari.
EXO 34:31 A Mose ese e boiridia, bena Aaron bona hebou igunalaina taudia e raka henia kahi; bena Mose ese e hereva henidia.
EXO 34:32 Gabeai Israel taudia iboudiai ese e raka henia kahi; bena Iehova ese Sinai ororona ai e henia haheḡanidia iboudiai na Mose ese e gwaurai henidia.
EXO 34:33 Ena hereva e hadokoa, bena vairana na dabua amo e ḡovaia ahu.
EXO 34:34 A Iehova ihereva-henina totona e raka vareai negadia ai, Mose ese dabua na vairana amo e kokia oho. Bena e raka lasi negadia ai, ia ese e kamonai haheḡanidia na Israel taudia e gwaurai henidia.
EXO 34:35 A Israel taudia na Mose vairana e itaia, kopina vada e hururu-hururu; taunabunai, mose na vvairana ma e ḡovaia ahu ela bona Iehova ihaere-henina totona e raka vareai lou.
EXO 35:1 Mose ese Israel hegogona idoinai e haheboudia, e haḡanidia, eto, Iehova ena hahe-gani emui ai bini:
EXO 35:2 Dina taura-toi ba ḡaukara, a dina ihahituna na baine helaḡa emui ai, Dina Helaḡa bona laḡa-ani dinana ai bainela, Iehova ena; una dina ai baine ḡaukara tauna na bavalaia.
EXO 35:3 Lahi be basio ha-ara emui ruma ai Dina Helaḡa ai.
EXO 35:4 Mose ese Israel hegogona idoinai ma e haḡanidia edia hebou ai, eto, Iehova ena hahedua binai:
EXO 35:5 emui herahia ḡaudia ba hulala, Iehova ena. Taigadia nanamo taudia iboudiai ese edia herehia bae mailai: gold bona silver bona auri labora-labora;
EXO 35:6 dabua vaiuridia bona mia-kakadia bona kakakakadia bona kurokurodia; nani huidia;
EXO 35:7 mamoe kopidia, e hakakakakadia ḡaudia, bona nani kopidia; kela audia;
EXO 35:8 lamepu dehorona, bona dehoro helaḡana muramuradia, bona muramura mai bonadia, bae gabu ḡaudia;
EXO 35:9 onuku nadidia, bona hahelaḡa taudia edia hahedoki bona edia vaina ihaheralaidia nadidia.
EXO 35:10 Bena karakara taudia iboudiai bae hebou, Iehova vada e haḡanilai ḡaudia iboudiai bae kara: dubu
EXO 35:11 mai kalagana bona mai guhina ida; ena igau bona ena haba kahadia bona ena raroraro bona ena du, mai ihahelai-kaudia ḡaudia ida;
EXO 35:12 maua helaḡana, mai ikaruhina bona mai ena maduna ida, bona iseseahulaina seseahuna;
EXO 35:13 pata helaḡana, mai ena maduna bona mai ena kohu idoinai ida, bona flaoa helaḡana;
EXO 35:14 lamepa patana mai ena kohu idoinai, bona ena lamepa bona ena lamepa dehorona;
EXO 35:15 muramura patana mai ena maduna ida, bona dehoro helaḡana, bona muramura mai bonaida; dubu iduarana seseahuna;
EXO 35:16 ihaboulaina patana mai iha-aukana auri labora-laborana, mai ena maduna bona ena kohu idoinai ida; auri labora-labora dihuna, mai ihahelai-kauna ḡauna ida;
EXO 35:17 maḡu dabuadia, bona maḡu duna mai ihahelai-kaudia ḡaudia ida, bona maḡu ikoukouna seseahuna;
EXO 35:18 dubu bona maḡu ikokodia, mai kwanaudia ida;
EXO 35:19 gabu helaḡana dabuadia mai heraheradia ida, bona Aaron, hahelaḡa tauna, ena dabua helaḡadia, bona ia natuna hahelaḡa karadia bae kara negadia ai bae doki dabuadia.
EXO 35:20 Bena Israel hegogona idoinai e didi karoho, Mose vairana amo e raka oho.
EXO 35:21 Bena taigadia nanamo taudia na laumadia ese e hagoadadia heḡereḡerena ta ta ena herahia ena herahia e mailai, Iehova ena, hebou kalagana ḡaudia bona kohudia bona dabua helaḡadia ikaralaidia ḡaudia.
EXO 35:22 Idia na ema, lalo-namo tataudia bona hahinedia iboudiai, gold ḡaudia idau-idau e mailai: pini bona gadei bona vaḡivaḡi bona ageva. Ibouboudiai ese edia gold e herahialai, Iehova ena.
EXO 35:23 Mai edia dabua taudia danu, vaiurina eiava mia-kakana eiava kakakakana eiava kurokurona, vada e heni. Haida danu nani huidia bona mamoe kopidia, e hakakakakadia ḡaudia, bona nani kopidia e heni.
EXO 35:24 Mai edia silver bona mai edia auri labora-labora taudia iboudiai ese danu edia silver eiava edia auri labora-labora Iehova e henia. Bona mai eida kela audia, una ḡaukara heḡereḡerena, taudia iboudiai ese e heni.
EXO 35:25 Dabua ḡaukaradia mai dibadia hahinedia iboudiai ese danu dabua e hatu, bena imadia ḡaukaradia e heni: dabua vaiuridia bona mia-kakadia bona kakakakadia bona kurokurodia.
EXO 35:26 Bona mai dibadia hahinedia ese nani huidia e moḡe, bena e hatu.
EXO 35:27 Iduhu lohiadia ese onuku nadidia, bona hahelaḡa taudia edia hahedoki bona edia vaina ihaheralaidia nadidia,
EXO 35:28 bona muramura, bona lamepa dehorona, bona dehoro helaḡana, bona muramura mai bonadia, e heni.
EXO 35:29 Israel taudia bona hahinedia iboudiai ese edia lalo-namo dainai edia herahia ḡaudia Iehova e henia, Iehova ese Mose e haḡanilaia ḡaukaradia ikaradia totona.
EXO 35:30 Bena Mose ese Israel taudia e hamaorodia, eto, A itaia, Iehova ese Besalele, Uri natuna, Huru tubuna, Iuda iduhuna tauna, vada e abia hidi.
EXO 35:31 Dirava ena Lauma ese vada e rohea, lalo-parara bona aonega vada e henia, bona ima karakara daladia idau-idau vada e hadibaia;
EXO 35:32 ḡau namo-hereadia ikaradia daladia baine haero, gold amo bona silver amo bona auri labora-labora amo baine kara.
EXO 35:33 Herehera nadidia iutudia danu, bona au ikorodia, bona ima karakara daladia iboudiai baine diba.
EXO 35:34 Siahu danu ia vada e henia, bona Oholiab, Ahisamaka natuna, Dan iduhuna tauna, danu vada e henia, raruosi ese haida ma bae hadibadia ini ḡaukara ai.
EXO 35:35 Aonega vada e henidia, ima karakara daladia iboudiai bae haero bona bae kara; dabua ḡaukaradia danu bae diba: dabua vaiuridia bona mia-kakadia bona kakakakadia bona kurokurodia bae hatu bona bae turi. Ima karakara ḡaudia iboudiai bae haero ḡoevaḡoeva bona bae kara ḡoevaḡoeva.
EXO 36:1 Benaini, Besalele bona Oholiab bona karakara taudia, Iehova ese lalo-parara bona aonega vada e henidia taudia, iboudiai ese ḡaukara bae matamaia, dubu do bae karaioa, Iehova ena hahedua heḡereḡeredia.
EXO 36:2 Bena Mose ese Besalele bona Oholiab e boiridia, bona karakara taudia, Iehova ese lalodia vada e hapararadia bona lalodia e urava una ḡaukara bae durua taudia, iboudiai e boiridia.
EXO 36:3 Bena idia ese Israel taudia edia herahia ḡaudia iboudiai, dubu ḡaukarana idurulaina ḡaudia, na Mose ena amo e abi. A herahia ḡaudia haida be daba iboudiai ma e laohai, e henia;
EXO 36:4 ela bona karakara taudia iboudiai, dubu e ḡaukaralaiava taudia, ese edia ḡaukara e rakatani,
EXO 36:5 Mose e hamaoroa, eto, Taunimanima edia herahia na Iehova ena hahedua ḡaukaradia vada e davana vaitani bona vada e hanaia danu.
EXO 36:6 Taunabunai, Mose na e haheḡani, bona ena haheḡani vada e hapiua taruha idoinai; eto, Tau ta eiava hahine ta herahia ḡauna ta basine mailaia, dubu ena. Taunabunai, taunimanima ese herehia ihenina e hadokoa;
EXO 36:7 badina be vada e heni ḡaudia vada davana, una ḡaukara ena, bona orena baine mia e tomava.
EXO 36:8 Bena karakara taudia ese dubu dabuadia gwautaosi e kara, dabua aukadia bona namodia, vaiuridia bona mia-kakadia bona kakakakadia; ihaheralaidia be kerubi laulaudia e turi.
EXO 36:9 Dabua ta ena lata be kiubit ruahui taurahani, lababana be kiubit hani, iboudiai edia lata vada e heḡereḡere bona edia lababa danu vada e heḡereḡere.
EXO 36:10 Dabua ima e siriudia, ma ima e siriudia.
EXO 36:11 Bena imaosi ta isena ai, kunipa varo vaiurina amo e kara; ma imaosi ta isena ai danu unu e kara toma.
EXO 36:12 Dabua ta ia kunipa imahui e kara, ma dabua ta ai imahui: hari kunipa vada e hevaira heheni.
EXO 36:13 Bena hakapu-tao ḡaudia imahui gold amo e kara, dabua isedia ruaosi na unu hakapu-tao ḡaudia amo e hakapudia tao hesiriu, dubu tamona ai e halaoa.
EXO 36:14 Una murinai dabua haida nani huidia amo e kara, dubu daena kalagana ena: unu dabua iboudiai be gwauta-ta.
EXO 36:15 Dabua ta ta edia lata na kiubit toi-ahui, lababadia na kiubit hani; iboudiai edia lata vada e heḡereḡere, bona edia lababa danu vada e heḡereḡere.
EXO 36:16 Unu dabua ima e siriudia, ma tauratoi e siridia.
EXO 36:17 Bena imaosi ta isena ai kunipa imahui e kara, ma tauratoiosi ta isena ai kunipa imahui e kara.
EXO 36:18 Bena hakapu-tao ḡaudia imahui auri labora-labora amo e kara, dabua isedia ruaosi na unu hakapu-tao ḡaudia amo e hakapudia tao hesiriu, kalaga tamona ai e halaoa.
EXO 36:19 Bena kalaga guhina danu e karaia, mamoe kopidia, e hakakakakadia ḡaudia, amo; ma guhi ta danu, nani kopidia amo e karaia, ia latanai ma e atoa kau.
EXO 36:20 Dubu habana kahadia na kela audia amo e kara.
EXO 36:21 Kaha ta ena lata be kiubit gwauta, bona ena lababa be kiubit ta mai kahana.
EXO 36:22 Hari kaha ta ta be ikoko rua rua amo e kokodia heririu; dubu habana kahadia iboudiai unu e kokodia hesiriu toma.
EXO 36:23 Hari dubu habana kahadia iboudiai na ini e haginidia toma: diho kahana ai kaha ruahui e haginidia.
EXO 36:24 Hahelai-kau ḡaudia hari-ahui silver amo e kara; bena hahelai-kau ḡaudia rua rua kaha ta ta henudiai e atodia bona e kokodia tao.
EXO 36:25 Ma dubu kahana ta, mirigini kahana ai, kaha ruahui ma e haginidia,
EXO 36:26 mai silver hahelai-kau ḡaudia hari-ahui, kaha ta ta henudiai hahelai-kau ḡaudia rua rua.
EXO 36:27 Dubu duduna, lahara kahana ai, kaha tauratoi e haginidia;
EXO 36:28 bona daiguni ruaosi danu kaha ta ta, dubu duduna ena.
EXO 36:29 Hari daiguni ḡaudia na henu ai e kokodia hesiriu, a atai ai idia na ring amo e hesiriu; unuhetomadia rua e kara, daiguni ḡaudia ruaosi ai e halaodia.
EXO 36:30 Taunabunai, kaha na taurahani bona silver hahelai-ku ḡaudia na gwauta tauratoi, kaha ta ta henudiai hahelai-kau ḡaudia rua rua.
EXO 36:31 Raroraro danu kela audia amo e kara, au-ima dubu habana kahana ena,
EXO 36:32 ma au-ima dubu habana kahana ena, ma au-ima dubu duduna ena, lahara kahana ai.
EXO 36:33 Bogaragi rarorarona na kaha iboudiai e hahesiriudia, duduna ela bona duduna.
EXO 36:34 Hari kaha na gold amo e ḡovadia; raroraro idogo-taodia ring-dia na gold amo e kara, bona raroraro na gold amo e ḡovadia.
EXO 36:35 Bena seseahu na dabua aukana bona namona amo e karaia, vaiurina bona mia-kakana bona kakakakana, bona kerubi laulaudia e turi, ia ihaheralaina.
EXO 36:36 Ena ihua-ihua hani kela audia amo e kara, bona gold amo e ḡovadia. Gold igaudia danu e kara, bona silver hahelai-kau ḡaudia hani.
EXO 36:37 Kalaga iduarana seseahuna danu dabua aukana bona namona amo e karaia, vaiurina bona mia-kakana bona kakakakana; bona ihaheralaina danu e turi.
EXO 36:38 Seseahu ena ihua-ihua ima e kara, mai igaudia. Hari ihua-ihua kwaradia na gold amo e ḡovadia, bona ihua-ihua na gold amo e kapadia heḡeḡe. A edia hahelai-kau ḡaudia imaosi na auri labora-labora amo e kara.
EXO 37:1 Besalele ese maua helaḡana danu e karaia, kela reireidia amo; latana na kiubit rua mai kahana, lababana na kiubit ta mai kahana, bona harana ena lata na kiubit ta mai kahana.
EXO 37:2 Lalona kahana na gold amo e lahasia, bona murina kahana na gold amo e ḡovaia, bona gold amo e haheraia heḡeḡe.
EXO 37:3 Ring hani na gold amo e kara, maua daigunina haniosi ai e koko kau, kahana ai rua kahana ai rua.
EXO 37:4 Maduna danu e kara, kela audia amo, bona gold amo e ḡovadia.
EXO 37:5 Unu maduna na ring amo e toi hanai, maua kahana kahana ai, ihualaina ḡaudia ai baela totona.
EXO 37:6 Ikaruhina danu e karaia, gold namo-hereana amo; ena lata na kiubit rua mai kahana, ena lababa na kiubit ta mai kahana.
EXO 37:7 Kerubi rua danu e kara, gold amo e korodia, hari ikaruhi duduna duduna ai,
EXO 37:8 ta duduna ta ai ma ta duduna ta ai. Idia na ikaruhi ida gold siri tamona amo e kara.
EXO 37:9 Hari kerubi na hanidia amo ikaruhi e hakerukerua; e hevaira heheni, bona ikaruhi danu e vaira henia.
EXO 37:10 Pata ta danu kela audia amo e karaia; latana na kiubit rua, lababana na kiubit ta, harana ena lata na kiubit ta mai kahana.
EXO 37:11 Gold amo e ḡovaia bona e haheraia heḡeḡe.
EXO 37:12 Digina danu e karaia, lababana na tau ta imana palapalana heḡereḡerena; ia danu gold amo e haheriaia heḡeḡe.
EXO 37:13 Ring hani danu gold amo e kara, pata aena haniosi ai e koko kau;
EXO 37:14 hari ring be pata digina henuanai e koko kau, maduna audia bae hetoi hanai totona.
EXO 37:15 Maduna danu kela audia amo e kara, bona gold amo e ḡovadia, pata ihualaina.
EXO 37:16 Pata ḡaudia danu, mereki bona nau bona bio bona udu-ahudia keheredia, iboudiai na gold namo-hereana amo e kara.
EXO 37:17 Lamepa patana danu e karaia, gold namo-hereana amo. Aena bona duna na gold amo e koro: aena bona duna bona kehere bona heraherana, bure bona huahua, iboudiai na gold siri tamona amo e koro.
EXO 37:18 Rigina na tauratoi, kahana toi kahana toi.
EXO 37:19 Rigi ta ena kehere na toi, itadia na sakada huahuadia na heto, ta ta mai buredia bona mai huahuadia, rigi iboudiai.
EXO 37:20 Duna ai danu kehere na hani, sakada huahuadia na heto, ta ta mai buredia bona mai huahuadia.
EXO 37:21 Rigi rua tua amo danu buredia ta ta e koro: rigi rua bure ta, rigi rua bure ta, rigi rua bure ta, rigidia henudia kahadia ai.
EXO 37:22 Hari rigi bona bure na gold namo-hereana sirina tamona amo e koro.
EXO 37:23 Bena lamepa hitu e kara, bona ihaḡoevadia ḡaudia bona momoru iudadia merekidia, iboudiai na gold namo—hereana anmo e kara.
EXO 37:24 Hari lamepa patana mai kohuna idoinai ikaralaina gold-na ena metau be talent ta.
EXO 37:25 Bena pata helaḡana ta e karaia, muramura mai bonaida igabudia ḡauna: kela audia amo e karaia. Ena lata bona ena lababa na heḡereḡere, kiubit tamona; harana ena lata na kiubit rua; doana na ia ida au tamona amo e koro.
EXO 37:26 Kopina na gold namo-hereana amo e ḡovaia, pata bona aena bona doana; bona digina na gold amo e haheraia heḡeḡe.
EXO 37:27 Ring rua danu gold amo e kara, pata digina henunai e kokodia kau, ta pata kahana ai, ma ta kahana ai, maduna itoi-hanaidia ḡaudia, bae huaia negadiai.
EXO 37:28 Maduna rua danu e kara, kela audia amo, bona gold amo e ḡovadia.
EXO 37:29 Dehoro helaḡana danu e karaia, bona muramura mai bonadia e bulo, bae gabua ḡauna, muramura ikarana tauna korikori ese e karaiamu heḡereḡerena.
EXO 38:1 Ihaboulaina patana ia ese e karaia, kela audia amo; latana na kiubit ima, lababana na kiubit ima, harana ena lata na kiubit toi.
EXO 38:2 Doa hani e koro, pata daigunina haniosi ai; hari doa na pata ida au tamona amo e kara. Kopina idoinai na auri labora-labora amo e ḡovaia.
EXO 38:3 Kohuna idoinai danu auri labora-labora amo e kara: kahuna iudalaina urodia bona ikadolaina gagana bona dihu bona kahi bona rahurahu.
EXO 38:4 Pata digina na auri labora-labora amo e ha-aukaia heḡeḡe; hari auri labora-laborana na pata e ḡeḡea ahu, bona digina harana kahana ai e diho.
EXO 38:5 Ring hani danu auri labora-labora amo e kara, hari iha-aukana auri labora-laborana ena daiguni haniosi ai, maduna bae hetoi hanai totona.
EXO 38:6 Maduna danu kela audia amo e kara, bona auri labora-labora amo e ḡovadia.
EXO 38:7 Hari maduna na ring amo e toidia hanai, ihaboulaina patana kahana kahana ai, ihulaina ḡaudia ai baela totona. Ihaboulaina patana na maua na heto e karaia, harana na reirei amo e koua.
EXO 38:8 Dihu ta danu auri labora-labora amo e karaia, mai ihahelai-kauna ḡauna, ia danu auri labora-labora. Hari dihu mai ihahelai-kauna ḡauna ida na hebou kalagana iduarana ai e gimava hahinedia edia auri labora-labora hevarivaridia amo e karaia.
EXO 38:9 Dubu maḡuna danu e karaia. Diho kahana ai itautau dabuadia aukadia e tau dae, edia lata idoinai kiubit sinahu-ta.
EXO 38:10 Du be ruahu; bona hahelai-kau ḡaudia danu ruahui, auri labora-labora amo e kara. Igau bona hakapu-tao ḡaudia na silver amo e kara.
EXO 38:11 Mirigina kahana ai danu itautau dabuadia e tau dae, edia lata idoinai na kiubit sinahu ta. Auri labora-labora dudia bona hahelai-kau ḡaudia na ruahui, mai silver igaudia bona hakapu-tao ḡaudia.
EXO 38:12 Lahara kahana ai itautau dabuadia e tau dae, edia lata idoinai na kiubit imahui. Du bona hahelai-kau ḡaudia na gwauta; igau bona hakapu-tao ḡaudia be silver.
EXO 38:13 Mairiveina kahana ai maḡu lababana be kiubit imahui:
EXO 38:14 ikoukou kahana ai itautau dabuadia edia lata na kiubit gwauta-ima, mai du toi bona ihahelai-kaudia ḡaudia toi;
EXO 38:15 ma ikoukou kahana ai itautau dabuadia edia lata na kiubit gwauta-ima, mai du toi bona ihahelai-kaudia ḡaudia toi.
EXO 38:16 Hari dabua iboudiai be dabua namodia bona aukadia.
EXO 38:17 Du edia hahelai-kau ḡaudia be auri labora-labora; edia igau bona edia hakapu-tao ḡaudia na silver. Hari du kwaradia na silver amo e ḡovadia, bona du be silver amo e kapadia heḡeḡe.
EXO 38:18 Ikoukou dabuana na vaiuri bona mia-kaka bona kakakaka, varo aukana amo e turi, bona heraherana danu e turi. Ena lata na kiubit ruahui, bona harana ena lata na kiubit ima, maḡu dabuadia heḡereḡeredia.
EXO 38:19 Ia duna be hani, mai ihahelai-kaudia ḡaudia danu hani, auri labora-labora ḡaudia. Edia igau na silver. Du kwaradia na silver amo e ḡovadia, bona du be silver amo e kapadia heḡeḡe.
EXO 38:20 Dubu ikokodia bona maḡu ikokodia iboudiai na auri labora-labora ikokodia mo.
EXO 38:21 Hari dubu, taravatu dubuna, ikaralaina ḡaudia ihagaudia bini; Mose ena hahedua dainai e duahidia, Levi iduhuna taudia, Itamara, hahelaḡa tauna Aaron natuna, ese e gunalaia oreana, edia ḡaudara bunai.
EXO 38:22 Besalele, Uri natuna, Huru tubuna, Iuda iduhuna tauna, ese ḡau iboudiai e kara, Iehova ese Mose e haḡania heḡereḡerena.
EXO 38:23 Iduruna tauna be Oholiab, Ahisamaka natuna, Dan iduhuna tauna: ia be ima karakara ḡaukaradia ihaerodia bona ikaradia mai dibana, turituri ḡaukaradia danu, dabua vaiuridia bona mia kakadia bona kakakakadia bona kurokurodia ituridia, na mai dibana.
EXO 38:24 Gold idoinai, taunimanima ese edia herahia ihenina ai e heni bena dubu ḡaukaradia idau-idau ai e ḡaukaralaia gold-na, ena metau be talent ruahui taurahani-ta sekele sinahu-hitu toi-ahui gabu helaḡana ena sekele heḡereḡerena.
EXO 38:25 Silver idoinai, hebou ai ladadia e tore taudia ese e heni ḡauna, ena metau be talent sinahu-ta sekele daha-ta sinahu-hitu hitu-ahui ima, gabu helaḡana ena sekele heḡereḡerena.
EXO 38:26 Beka ta ta na ladadia e tore taudia ta ta ese e heni; e heni taudia iboudiai na tatau domaga-tauratoi daha-toi sinahu-ima imahui, laḡani ruahui vada e hanai taudia. Una beka be gabu helaḡana ena sekele kahana heḡereḡerena.
EXO 38:27 Hari silver be talent sinahu-ta e ḡaukaralaia, dubu duna ihahelai-kaudia ḡaudia bona seseahu duna ihahelai-kaudia ḡaudia e karalai: hahelai-kau ḡauna ta talent ta, hahelai-kau ḡauna ta talent ta.
EXO 38:28 A silver sekele daha-ta sinahu-hitu hitu-ahui ima e ḡaukaralai, du igaudia e karalai, bona du kwaradia e ḡovalai, bona du e kapalai heḡeḡe.
EXO 38:29 Auri labora-labora idoinai be talent hitu-ahui sekele daha-rua sinahu-hani.
EXO 38:30 Ina auri labora-labora amo hebou kalagana iduarana ena hahelai-kau ḡaudia e kara, bona ihaboulaina patana, bona ihaboulaina patana iha-aukana ḡauna, bona ihaboulaina patana kohudia iboudiai;
EXO 38:31 bona maḡu duna ihahelai-kaudia ḡaudia, bona maḡu ikoukouna ena hehelai-kau ḡaudia; bona dubu ikokodia bona maḡu ikokodia iboudiai.
EXO 39:1 Dabua vaiuridia bona mia-kakadia bona kakakakadia amo gabu helaḡana ḡaukaradia ikaralaidia dabuadia e kara, bona Aaron ena dabua helaḡadia danu, Iehova ese Mose e haḡania heḡereḡerena.
EXO 39:2 Hahedoki helaḡana e karaia, gold bona dabua vaiurina bona mia-kakana bona kakakakana bona kurokurona e karalaia.
EXO 39:3 Hari gold na e hodoa ela bona vada e severa-severa herea, hena e utua, varo na heto, hari dabua vaiuridia bona mia-kakadia bona kakakakadia bona kurokurodia ihaheralaidia.
EXO 39:4 Paḡa ḡaudia e kara, hahedoki vairana kahana bona murina kahana e hahesiriudia.
EXO 39:5 Gaba ḡauna danu ḡau heḡereḡeredia ai e karaia, gold bona dabua vaiurina bona mia-kakana bona kakakakana bona kurokurona e karalaia, Iehova ese Mose e haḡania heḡereḡerena.
EXO 39:6 Onuku nadidia e abi, nadi isedia na gold e moḡe ḡauna amo e kou heḡeḡe; bena nadi kopidia e ḡasidia, Israel natudia ladadia e tore.
EXO 39:7 Bena unu nadi be hari hahedoki ena paḡa ḡaudia ai e atodia kau, helalo-tao ḡaudia ai baela, Israel natuna edia, Iehova ese Mose e haḡania heḡereḡerena.
EXO 39:8 Hahelaḡa tauna ena vaina danu e karaia, hahedoki e karaia heḡereḡerena, gold bona dabua vaiurina bona mia-kakana bona kakakakana bona kurokurona e karalaia.
EXO 39:9 Latana bona lababana na heḡereḡere, bona e ha-ere ruaia; latana bona lababana na tau ta imana palapalana heḡereḡerena.
EXO 39:10 Nadi hururu-hururudia ere hani e turi kau: ere ta ai sadio bona topasio bona barekete,
EXO 39:11 ere iharuana ai samarago bona sapairo bona vasiga;
EXO 39:12 ere ihatoina ai huakinto bona akate bona ametuso;
EXO 39:13 ere ihahanina ai berulio bona onuku bona iaspi: iboudiai isedia na gold e moḡe ḡauna amo e koudia heḡeḡe.
EXO 39:14 Hari nadi hururu-hururudia na gwauta-rua, Israel natuna gwauta-raruosi heḡereḡeredia; nadi ta ta ai iduhu ta ta ladadia bae ḡasidia.
EXO 39:15 Gold varodia na vaina ai e turi kau.
EXO 39:16 Gold e moḡe ḡaudia rua bona gold ring-dia rua danu e kara, hari ring na vaina isena ruaosi ai e turi kau.
EXO 39:17 Bena hari gold varodia rua na vaina ring-dia ruaosi ai e mata kau,
EXO 39:18 a varo dududia na hari gold e moḡe ḡaudia ruaosi ai e mata kau, unu amo hahedoki ena paḡa ḡaudia ai ma e mata kau.
EXO 39:19 Bena gold ring-dia rua ma e kara, vaina laloma kahana ai vaina isena ruaosi ai e turi kau;
EXO 39:20 ma ring rua e kara, hahedoki ai e turi kau, paḡa ḡaudia na hahedoki ida e hasiriudia gabudia ai, gaba ḡauna daenai.
EXO 39:21 Bena vaina ring-dia bona hahedoki ring-dia e kwatu kubou, varo baiurina amo, bona gaba ḡauna ai danu e mata kau: unuhetomana vaina bona hahedoki na asie heruha, Iehova ese Mose e haḡania heḡereḡerena.
EXO 39:22 Bena hahedoki badana na dabua vaiurina amo e karaia,
EXO 39:23 mai matuna bogaraginai, kwara gabuna, e karaia; matuna isena danu e turia, vaia hahedoki isedia e turimu heḡereḡerena, bae hedare na garina.
EXO 39:24 Isena ai herahera e turi, rimono huahuadia na heheto, varo vaiuridia bona mia-kakadia bona kakakakadia bona kurokurodia e turilai;
EXO 39:25 bona padadia ai gold gabagabadia e turi kau:
EXO 39:26 gold gabagabana ta rimono huahuana ta gold gabagabana ta rimono huahuana ta, ela bona hahedoki isena e haheraia heḡeḡe, Iehova ese Mose e haḡania heḡereḡerena.
EXO 39:27 Bena muri hahedokidia danu e kara, Aaron mai natuna ida edia, dabua aukana namo-hereana amo e kara;
EXO 39:28 bona Aaron ena kwara iḡeḡelaina dabuana bona kwara dabuadia namodia haida e kara; bona piribou na dabua aukadia amo e kara.
EXO 39:29 Gaba ḡauna danu dabua aukana amo e karaia, bona heraherana na varo vaiuridia bona mia-kakadia bona kakakakadia amo e turi, Iehova ese Mose e haḡania heḡereḡerena.
EXO 39:30 Bena kwara koronana mairina na gold namo-hereana amo e karaia, bona revarevana e ḡasia, ini e torea toma: HELAḠA IEHOVA ENA.
EXO 39:31 Bena varo vaiurina kwara iḡeḡelaina dabuana ai e turia kau, Iehova ese Mose e haḡania heḡereḡerena.
EXO 39:32 Taunabunai, hebou kalagana mai ena dubu ḡaukaradia iboudiai e ore vaitani. Iehova ese Mose e haḡania heḡereḡerena, Israel taudia na unu mo e kara toma.
EXO 39:33 Bena ḡau iboudiai e laohai Mose dekenai: dubu; kalaga mai kohuna idoinai; ena igau; ena haba kahadia; ena raroraro; ena du, mai ihahelai-kaudia ḡaudia ida;
EXO 39:34 guhi, mamoe kopidia e hakakakakadia ḡauna; ma guhi ta, nani kopidia ḡauna; seseahu;
EXO 39:35 taravatu mauana mai ena maduna, bona mai ikaruhina;
EXO 39:36 pata helaḡana, mai ena kohu idoinai bona mai ena flaoa helaḡana;
EXO 39:37 lamepa patana, gold ḡoevaḡoeva e karalaia ḡauna, mai ena lamepa bona mai kohuna idoinai bona ena lamepa diaranuna;
EXO 39:38 pata helaḡana, gold ḡauna, mai ena dehoro helaḡana bona mai ena muramura mai bonaida; iduara dabuana;
EXO 39:39 ihaboulaina patana, auri labora-labora ḡauna, mai iha-aukana auri labora-laborana, bona mai ena maduna, bona mai kohuna idoinai; hurihuri dihuna ai ihahelai-kauna ḡauna ida;
EXO 39:40 maḡu dabuadia; maḡu duna mai ihahelai-kaudia ḡaudia ida; ikoukou dabuana; varo bona ikoko; dubu bona hebou kalagana ḡaukaradia ikaralaidia ḡudia iboudiai;
EXO 39:41 gabu halaḡana dabuadia; Aaron mai natuna ida edia dabua helaḡadia, hahelaḡa karadia bae kara negadia ai bae doki ḡaudia.
EXO 39:42 Iehova ese Mose e haḡania heḡereḡerena, Israel taudia na ḡaukara idoinai unu e haḡugurua toma.
EXO 39:43 Mose ese ḡaukara idoinai e itaia, bona vada e diba idia ese ḡau iboudiai vada e kara Iehova ena haheḡani heḡereḡerena. Bena Mose ese e hanamodia.
EXO 40:1 Iehova ese Mose e hereva henia, eto,
EXO 40:2 Hua gini-gunana dinana gini-gunana ai hebou kalagana mai dubuna ida ba hagini. ?
EXO 40:3 Lalonai taravatu mauana bavatoa bona ba sesea ahu.
EXO 40:4 Pata helaḡana danu lalonai bavatoa, mai kohuna idoinai, ḡau ta ta ena gabu ena gabu ai. Lamepa patana danu lalonai bavatoa; bona ena lamepa ba ha-ara.
EXO 40:5 Muramura patana, gold ḡauna, na taravatu mauana vairanai bavatoa; bena dubu ba sesea ahu.
EXO 40:6 Ihaboulaina patana na dubu vairanai bavatoa, hebou kalagana lalonai;
EXO 40:7 bona hurihuri dihuna, mai ranuna, na hebou kalagana bona ihaboulaina patana padadiai bavatoa.
EXO 40:8 Maḡu dabuadia danu ba tau dae heḡeḡe, bona maḡu ba sesea ahu.
EXO 40:9 Bena dehoro helaḡana bavabia, dubu mai kohuna idoinai ba nevaridia: unu ba hahelaḡadia toma, bena bae helaḡa.
EXO 40:10 Ihaboulaina patana danu mai kohuna ida ba nevaridia: unu ba hahelaḡadia toma; hari ihaboulaina patana baine helaḡa herea.
EXO 40:11 Hurihuri dihuna danu mai ihahelai-kauna ḡauna ida ba nevaridia, vada bae helaḡa.
EXO 40:12 Bena Aaron mai natuna ida hebou kalagana iduarana ai bae gini bou. Ba hadigudia;
EXO 40:13 bena Aaron na dabua helaḡadia do ba hadokilaia. Bena ba horoa, baine helaḡa; lauegu hahelaḡa tauna ai bainela.
EXO 40:14 Natuna danu bavabidia, ba hadokilaidia;
EXO 40:15 bena ba horodia, tamadia o horoa heḡereḡerena, egu hahelaḡa taudia ai baela. Ihorodia dainai idia na hahelaḡa taudia ai baela, edia uru iboudiai, ela bona hanaihanai.
EXO 40:16 Mose na unu e kara toma. Iehova ese haḡania heḡereḡerena, unu mo e kara toma.
EXO 40:17 Laḡani iharuana gini-gunana dina na gini-gunana ai dubu na e haginia.
EXO 40:18 Mose ese dubu e haginia: hahelaikau ḡaudia na gabudia ai e atodia; haba kahadia e hagini; raroraro e toi hanai; bona du e holo.
EXO 40:19 Bena dubu na kalaga amo e koua heḡeḡe, bona guhi dabuana amo e ḡovaia ahu, Iehova ese e haḡania heḡereḡerena.
EXO 40:20 Bena taravatu nadidia e abi, maua helaḡana ai e uda. Maua ena maduna e toi hanai, bona ikaruhina amo e karuhia ahu.
EXO 40:21 Bena maua na dubu lalonai e huaia vareai, bona e sesea ahu, Iehova ese e haḡania heḡereḡerena.
EXO 40:22 Pata helaḡana na hebou kalagana ai e atoa, dubu mirigini kahana ai, seseahu murimurinai;
EXO 40:23 bona flaoa helaḡana na pata latanai e dabaraia, Iehova vairanai, Iehova ese e haḡania heḡere=herena.
EXO 40:24 Bena lamepa patana na hebou kalagana ai e atoa, pata helaḡana e havaira henia, dubu diho kahana ai;
EXO 40:25 bena lamepa e ha-ara Iehova vairanai, Iehova ese e haḡania heḡereḡerena.
EXO 40:26 Bena muramura patana, gold ḡauna, na hebou kalagana ai e atoa, seseahu vairanai;
EXO 40:27 bona muramura mai bonadia ia latanai e gabu, Iehova ese e haḡania heḡereḡerena.
EXO 40:28 Bena dubu e sesea ahu.
EXO 40:29 Bena hebou kalagana dubuna iduarana vairanai ia ese ihaboulaina patana e atoa, bona ḡole-oho boubouna bona flaoa boubouna ia latanai e ato, Iehova ese e haḡania heḡereḡerena.
EXO 40:30 Bena ihaboulaina patana bona hebou kalagana padadiai ia ese hurihuri dihuna e atoa, bona ranu e seia,
EXO 40:31 Mose bona Aaron bona Aaron natuna imadia bona aedia ihurilaidia ranuna.
EXO 40:32 Hebou kalagana ai e raka vareai bona ihaboulaina patana e raka henia kahi negadia iboudiai idia na unu e digu tomava, Iehova ese Mose e haḡania heḡereḡerena.
EXO 40:33 Bena maḡu dabuadia e tau dae heḡeḡe, dubu bona ihaboulaina patana e ḡeḡe ahu, bona e sesea ahu. Mose ena ḡaukara idoinai unu e haḡuḡurua toma.
EXO 40:34 Bena ori ese hebou kalagana e ḡovaia ahu, bona Iehova diaridiarina ese dubu e hahonua.
EXO 40:35 Taunabunai Mose na asi ena dala hebou kalagana ai baine raka vareai, badina be ori ese e ḡovaia ahu, bona Iehova diaridiarina ese dubu e hahonua.
EXO 40:36 Edia laolao iboudiai ori ese dubu e daetania negadia ai, Israel taudia na e tore isi, edia laolao ela.
EXO 40:37 A ori ese e ḡovaia ahu negadia ai, idia na asie tore isi, asie laolao, ela bona ma e daetania.
EXO 40:38 Badina be edia laolao iboudiai lalodiai Iehova ena ori ese dubu e ḡovaia ahu dina ai, bona hanuaboi ai lahi na ia lalonai, Israel taudia iboudiai vairadiai.
LEV 1:1 Iehova ese Mose e boi henia, hebou kalagana amo, eto,
LEV 1:2 Israel taudia ba hamaorodia, baoto: Tau ta ese Iehova baine boua, ia na boromakau serina amo eiava mamoe serina amo ena ihaboulaina ḡauna baine abia.
LEV 1:3 Bema ḡole-oho boubouna na boromakau serina amo baine abia, ia eseboromakau maruanena asi bebeka-bebekana ta baine abia; baine laohaia, hebou kalagana iduarana ai baine alaia, Iehova ese baine abia dae helaorana.
LEV 1:4 Ia imana na lahi ese baine ḡolea oho ḡauna kwarana ai baine dau kau; bena Iehova ese ia bagunai baine abia dae, ena herohemaino ḡauna.
LEV 1:5 Ia ese boromakau maruanena baine alaia mase Iehova vairanai; bena Aaron natuna, hahelaḡa taudia, ese rarana bae abia, ihaboulaina patana latanai bona badinai bae nevaria heḡeḡe, hebou kalagana iduarana ai.
LEV 1:6 Hari bae haḡolea oho ḡauna na bae kopaia, bena bae ivaia.
LEV 1:7 Bena Aaron natuna, hahelaḡa taudia, ese lahi bae haraia ihaboulaina patana latanai, bona rakuraku audia lahi ai bae ato kau.
LEV 1:8 Bena Aaron natuna, hahelaḡa taudia, ese hidiona e iva ḡaudia bona kwarana bona digarana na rakuraku audia latadiai bae ato kau, ihaboulaina patana latanai;
LEV 1:9 a bogarauna bona imana bona aena na ranu ai bae huridia guna. Bena idoinai be hahelaḡa tauna ese baine gabua, ihaboulaina patana latanai, haḡole-oho ḡauna ai bainela lahi ai, bonana namo ḡauna Iehova ena.
LEV 1:10 Bema ena ḡole-oho boubouna baine heni ḡauna na mamoe serinaeiava nani serina amo baine abia, ia ese maruane ta, asi bebeka-bebekana, baine abia.
LEV 1:11 Ihaboulaina patana mirigini kahana ai baine alaia mase, Iehova vairanai. Bena Aaron natuna, hahelaḡa taudia, ese rarana bae abia, ihaboulaina patana latanai bona badinai bae nevaria heḡeḡe.
LEV 1:12 Bena baine ivaia; bena hidiona e iva ḡaudia bona kwarana bona digarana na hahelaḡa tauna ese rakuraku audia latadiai baine ato kau, ihaboulaina patana ai.
LEV 1:13 A bogarauna bona imana bona aena na ranu amo baine huridia guna. Bena idoinai be hahelaḡa tauna ese baine gabua, ihaboulaina patana latanai, heḡole-oho ḡauna ai bainela lahi ai, bonana namo ḡauna Iehova ena.
LEV 1:14 Bema ena boubou ḡauna, Iehova ena, be manu baine haḡole-oho, ia na kerea eiava pune natuna baine abidia.
LEV 1:15 Bena hahelaḡa tauna ese manu na baine laohaia, ihaboulaina patana badibadinai aiona baine moḡea. Bena ihaboulaina patana latanai lahi ese baine ḡolea oho; a rarana be ihaboulaina patana isena ai baine seia.
LEV 1:16 Bogarauna bona huina na baine abidia, ihaboulaina patana mairiveina kahana ai baine negedia, lahi kahuna e negeamu gabuna ai.
LEV 1:17 Hanina amo baine darea parara; basine ivaia. Hahelaḡa tauna ese rakuraku audia latadiai baine gabua, ihaboulaina patana latanai, heḡole-oho ḡauna ai bainela lahi ai, bonana namo ḡauna Iehova ena.
LEV 2:1 Ta ese flaoa boubouna baine mailaia, Iehova ena, ia na flaoa namo-hereana baine abia, latanai dehoro baine seia, bona muramura mai bonana danu ia latanai baine atoa kau.
LEV 2:2 Baine mailaia Aaron natuna, hahelaḡa taudia, dekediai; bena flaoa mai dehorona taina bona muramura mai bonana idoinai baine abi; bena hahelaḡa tauna ta ese ihaboulaina patana latanai baine gabu, lahi ese baine ḡole-oho. Una na helalo toana, ḡole-oho boubouna, bonana namo ḡauna Iehova ena.
LEV 2:3 A flaoa boubouna orena na Aaron mai natuna ida adia; Iehova ena ḡole-oho bouboudia iboudiai ia mo helaḡa herea.
LEV 2:4 Flaoa amu ai o gabua ḡauna boma mailaia emu boubou ḡauna, ia na flaoa namo-hereana amo ba karaia; ihatubuna muramurana basio abia, a flaoa na dehoro ida ba bulo, eiava ba gabua kava, murinai dehoro ia latanai ba seia.
LEV 2:5 Eiava ataga boma mailaia emu boubou ḡauna, ia danu flaoa namo-hereana amo ba karaia; ihatubuna muramurana basio abia, a flaoana dehoro ida ba bulo.
LEV 2:6 Ba bakia sisi sisi, latanai dehoro ba seia: ia na flaoa boubouna.
LEV 2:7 Eiava emu boubou flaoana na uro ai boma nadua, ia danu flaoa namo-hereana amo ba karaia, mai dehorona.
LEV 2:8 Flaoa boubouna na unu ba karaia toma, bena Iehova enai ba mailaia, hahelaḡa tauna ese baine abia, ihaboulaina patana vairanai baine laohaia.
LEV 2:9 Bena hahelaḡa tauna ese flaoa boubouna amo helalo toana baine abia, ihaboulaina patana ai baine gabua, ḡole-oho boubouna ai bainela, bonana namo ḡauna Iehova ena.
LEV 2:10 Flaoa boubouna orena na Aaron mai natuna ida adia; Iehova ena ḡole-oho bouboudia iboudiai ia mo helaḡa herea.
LEV 2:11 Flaoa boubouna mai ihatubuna muramurana basio mailaia Iehova enai; hatubu muramurana eiava bada-ranuna na boubou ḡauna ai basio halaoa, Iehova ena ihaboulaina patana lahina ai basio gabua.
LEV 2:12 Unu na kohu ikaroadia herahiana na ba laohai Iehova enai, to ihaboulaina patana ai basio gabudia, bonadia na unu amo basie dae.
LEV 2:13 Emu flaoa bouboudia iboudiai na ba damenadia: emu flaoa boubouna na Iehova ena herohemaino damenana ai basie dabu; emu boubou iboudiai ida damena danu ba heni.
LEV 2:14 Emu uit ba karoa, herahia karoana Iehova ba henia, negana ai, uit anidia do asie auka ḡaudia bavabi, lahi latanai ba hakaukaudia, bena ba gwadadia, kopidia ba nege.
LEV 2:15 Bena latadiai dehoro ba seia, bona latadiai danu muramura mai bonana bavato kau: ia danu flaoa boubouna ḡauna.
LEV 2:16 Bena hahelaḡa tauna ese uit taina bona dehoro taina baine abi, helalo toana, bona muramura mai bonana idoinai; ḡole-oho boubouna ḡauna ai bainela, Iehova ena.
LEV 3:1 Tau ta ese herohemaino boubouna baine mailaia, bema boromakau maruanena eiava hahinena, ia na asi bebeka-bebekana ḡauna baine mailaia Iehova vairanai.
LEV 3:2 Ia ese imana na ena boubou ḡauna kwarana ai baine atoa kau, bena baine alaia mase, hebou kalagana iduarana ai. Bena Aaron natuna, hahelaḡa taudia, ese rarana bae abia, ihaboulaina patana latanai bona badinai bae nevaria heḡeḡe.
LEV 3:3 Herohemaino boubouna, lahi ese baine ḡolea oho ḡauna, baine heni negana ai, Iehova baine henia ḡaudia bini: boga bona bogarau urubina,
LEV 3:4 bona nadinadi ruaosi mai digaradia, bona demodo bona ase digarana. Ia ese baine abidia;
LEV 3:5 bena Aaron natuna ese ihaboulaina patana lahina latanai ḡole-oho boubouna ḡauna ida bae gabudia. Ia na ḡole-oho boubouna, bonana namo ḡauna Iehova ena.
LEV 3:6 Herohemaino boubouna baine mailaia, Iehova ena, bema mamoe eiava nani, ia na maruane eiava hahine asi bebeka-bebekana baine mailaia.
LEV 3:7 Bema mamoe natuna baine heni, ena boubou, ia ese Iehova vairanai baine atoa,
LEV 3:8 imana na ena boubou ḡauna kwarana ai baine atoa kau, bena hebou kalagana vairanai baine alaia mase. Bena Aaron natuna ese rarana bae abia, ihaboulaina patana latanai bona badinai bae nevaria heḡeḡe.
LEV 3:9 Ina herohemaino boubouna amo, lahi ese baine ḡolea oho ḡaudia, Iehova ena, baine abi ḡaudia bini: iuna mai digarana idoinai ida ela bona doru turiana, bona boga bona bogarau urubina,
LEV 3:10 bona nadinadi ruaosi mai digaradia, bona demodo bona ase digarana.
LEV 3:11 Hahelaḡa tauna ese baine gabua, ihaboulaina patana latanai: ia na boubou anianina, ḡole-oho boubouna, Iehova ena.
LEV 3:12 Bema nani baine heni, ena boubou, ia ese Iehova vairanai baine atoa,
LEV 3:13 imana na ena boubou ḡauna kwarana ai baine atoa kau, hebou kalagana vairanai baine alaia mase. Bena Aaron natuna ese rarana bae abia, ihaboulaina patana latanai bona badinai bae nevaria heḡeḡe.
LEV 3:14 Ena boubou ḡauna amo, lahi ese baine ḡole oho ḡaudia, Iehova ena, baine abi, ḡaudia bini: boga bona bogarau urubina,
LEV 3:15 bona nadinadi ruaosi mai digaradia ida, bona demodo bona ase digarana.
LEV 3:16 Hahelaḡa tauna ese baine gabua, ihaboulaina patana latanai; ia na boubou anianina, ḡole-oho boubouna, bonana namo ḡauna. Digara idoinai na Iehova ena.
LEV 3:17 Mia-hanaihanai taravatuna binai, emui uru iboudiai bona emui noho gabudia idoidiai lalodiai: digara bona rara basio ani.
LEV 4:1 Iehova ese Mose na e hamaoroa, eto,
LEV 4:2 Israel taudia ba haduadia, baoto: Tau ta baine kara rea, Iehova ena taravatu ta baine tataia utu, ena boubou be iniheto.
LEV 4:3 Bema hahelaḡa tauna, e horoa tauna, baine kara rea, unu amo orea taudia iboudiai na kara-rea taudia ai baine halaodia, ia ese boromakau natuna maruanena ta, asi bebeka-bebekana, na Iehova bainehenia, ena kara-rea boubouna.
LEV 4:4 Ia ese hari boromakau natuna maruanena baine mailaia, hebou kalagana iduarana ai, Iehova vairanai; imana na kwarana ai baine atoa kau, bena baine alaia mase Iehova vairanai.
LEV 4:5 Bena hahelaḡa tauna, e horoa tauna, ese rarana baine abia, hebou kalagana lalonai baine vareailaia.
LEV 4:6 Bena hahelaḡa tauna ese imana kwakikwakina na rara ai baine urua diho, nega hitu Iehova vairanai baine nevaria, gabu helaḡana seseahuna vairanai.
LEV 4:7 Hahelaḡa tauna ese danu muramura mai bonana patana, hebou kalagana lalonai e miamu ḡauna, doana na rara taina amo baine dahudia, Iehova vairanai; bena rara orena na ihaboulaina patana, ḡole-oho boubouna ḡauna, badinai baine bubua nege, hebou kalagana iduarana ai.
LEV 4:8 Bena ia ese kara-rea boubouna boromakauna digarana idoinai baine abia: boga bona bogarau urubina,
LEV 4:9 bona nadinadi ruaosi mai digaradia ida, bona demodo bona ase digarana;
LEV 4:10 herohemaino boubouna boromakauna enai e abiamu heḡereḡerena baine abia. Hahelaḡa tauna ese ihaboulaina patana latanai baine gabua, lahi ese baine ḡolea oho.
LEV 4:11 A boromakau kopina bona hidiona bona kwarana bona imana bona aena bona bogana bona bogarauna bona taḡena,
LEV 4:12 idoinai baine huaia Iasi taruha murimurinai, gabu ḡoevaḡoevana ai, lahi kahudia e negemu gabuna ai, baine gabua, Iahi ese baine ḡolea oho; Iahi kahudia e negemu gabuna ai baine heḡole-oho.
LEV 4:13 Israel oreana idoinai bema kara rea, a edia kerere bema hehuni; Iehova ena taravatu bema tata utu, unu amo bema kerere:
LEV 4:14 edia kerere baine hedinarai negana ai, hebou ese boromakau natuna maruanena ta baine heni, kara-rea boubouna ai bainela. Hebou kalagana vairanai bae mailaia;
LEV 4:15 bena orea ena tau-badadia ese imadia na ia kwarana ai bae ato kau. Iehova vairanai, bena Iehova vairanai bae alaia mase.
LEV 4:16 Bena hahelaḡa tauna, e horoa tauna, ese rarana baine abia, hebou kalagana lalonai baine vareailaia;
LEV 4:17 imana kwakikwakina na rara ai baine urua diho, nega hitu Iehova vairanai baine nevaria, seseahu vairanai,
LEV 4:18 bena pata helaḡana, hebou kalagana ai Iehova vairanai e miamu ḡauna, rara na doa baine dahulai; una murinai rara orena idoinai na ihaboulaina patana badinai baine bubua nege, hebou kalagana iduarana ai.
LEV 4:19 Bena ia ese digarana idoinai baine abia, ihaboulaina patana ai baine gabua, lahi ese baine ḡolea oho.
LEV 4:20 Hari kara-rea boubouna ta boromakauna e karalaia heḡereḡerena ai, ina boromakaudanu unu bae karaia toma; unu amo hahelaḡa tauna ese idia bagudiai herohemaino karana baine karaia, bena edia dika bae hegwau tao.
LEV 4:21 A boromakau na taruha murimurinai baine huaia lasi, hari boromakau ta e gabua heḡereḡerena ai ina danu baine gabua, lahi ese baine ḡolea oho. Hebou ena kara-rea boubouna bunai.
LEV 4:22 Hanua lohiana ta bema kara rea, Iehova, ena Dirava, ena taravatu ta bema tataia utu, unu amo bema kerere:
LEV 4:23 lalona baine parara ia vada e kerere negana ai, ia ese nani maruanena asi bebeka-bebekana ta baine mailaia, ena boubou ḡauna;
LEV 4:24 imana na nani kwarana ai baine atoa kau, bena ḡole-oho bouboudia Iehova vairanai e aladia masemu gabuna ai bainealaia mase: ia be kara-rea boubouna.
LEV 4:25 Bena hahelaḡa tauna ese boubouḡauna rarana baine abia, imana kwakikwakina amo ihaboulaina patana ai doa baine dahulai; bena rara orena na ihaboulaina patana badinai baine bubua nege.
LEV 4:26 Bena digarana idoinai na ihaboulaina patana latanai bae gabua, herohemaino boubouna e karalaiamu heḡereḡerena; Iahi ese baine ḡolea oho. Unu amo hahelaḡa tauna ese ia bagunai herohemaino karana baine karaia; bena ena dika baine hegwau tao.
LEV 4:27 Hanua tauna ta bema kara rea, Iehova ena taravatu ta bema tataia utu, unu amo bema kerere:
LEV 4:28 lalona baine parara vada e kerere negana ai, ia ese nani hahinena asi bebeka-bebekana ta baine mailaia, ena kara-rea boubouna ai bainela.
LEV 4:29 Bena imana na ena kara-rea boubouna ḡauna kwarana ai baine atoa kau; bena ḡole-oho bouboudia e aladia masemu gabuna ai baine alaia mase.
LEV 4:30 Bena hahelaḡa tauna ese rarana baine abia, imana kwakikwakina amo ihaboulaina patana, ḡole-oho boubouna ḡauna, doana baine dahulai; bena rara orena na ihaboulaina patana badinai baine bubua nege.
LEV 4:31 Bena digarana idoinai baine abia, herohemaino bouboudia e karalaidia heḡereḡerena; bena hahelaḡa tauna ese ihaboulaina patana latanai baine gabua, lahi ese baine ḡolea oho, bonana namo ḡauna Iehova ena. Unu amo hahelaḡa tauna ese ia bagunai herohemaino karana baine karaia, bena ena dika baine hegwau tao.
LEV 4:32 A mamoe natuna bema mailaia, ena kara-rea boubouna, ia ese mamoe natuna hahinena asi bebeka-bebekana ta baine mailaia;
LEV 4:33 imana na enakara-rea boubouna kwarana ai baine atoa kau, bena ḡole-oho bouboudia e aladia masemu gabuna ai ena kara-rea boubouna ḡauna baine alaia mase.
LEV 4:34 Bena hahelaḡa tauna ese kara-rea boubouna rarana baine abia, imana kwakikwakina amo ihaboulaina patana ai doa baine dahulai; bena rara orena na ihaboulaina patana badinai baine bubua nege.
LEV 4:35 Bena digarana idoinai baine abia, herohemaino boubouna mamoena digarana e abiamu heḡereḡerena; bena hahelaḡa tauna ese ihaboulaina patana ai baine gabua, ḡole-oho bouboudia ida, Iehova ena. Unu amo hahelaḡa tauna ese ia bagunai baine herohemaino, bena ena dika baine hegwau tao.
LEV 5:1 Tau ta ese e itaia ḡauna eiava mai dibana ḡauna bema herevalaia diba hahemaoro gabuna ai, to basine herevalaia, ia na baine kerere.
LEV 5:2 Eiava tau ta baine taubu, ḡau mirona ta, e mase ḡauna tau-anina, uda boromana eiava heubu ḡauna eiava tano ai e raumu ḡauna, basine itaia haraḡa bena enai baine dau kau, ia na baine kerere.
LEV 5:3 Eiava taunimanima edia miro ḡauna ta ai baine dau kau, to asi dibana; gabeamo lalona baine parara negana ai na baine kerere.
LEV 5:4 Eiava tau ta baine gwau hamata kava, baineto kara dikana ta eiava kara namona ta baine karaia, se laloa namonamo dainai; gabeai lalona baine parara ia na basine karaia diba, ia na baine kerere.
LEV 5:5 Unu baine kerere toma tauna ese ena kerere baine gwauraia hedinarai;
LEV 5:6 bona ena kerere boubouna baine mailaia Iehova dekenai, mamoe natuna hahinena ta eiava nani natuna hahinena ta ena seri amo, ena kara-dika boubouna. Bena hahelaḡa tauna ese ia bagunai herohemaino karana baine karaia, ena dika iabi-ohona.
LEV 5:7 Imana bema tuna dainai mamoe natuna basinema mailaia diba, ia ese kerea rua eiava pune natuna rua baine mailaidia, ta kara-dika boubouna, ma ta ḡole-oho boubouna, Iehova ena.
LEV 5:8 Ia ese hahelaḡa tauna dekena baine mailaidia. Bena hahelaḡa tauna ese kara-dika boubouna ḡauna baine abia guna, aiona baine moḡea, a basine ivaia parara.
LEV 5:9 Rarana na ihaboulaina patana harana baine nevarilaia, bena rara orena na ihaboulaina patana badinai baine bubua nege: una na kara-dika boubouna.
LEV 5:10 Bena manu iharuanana ḡole-oho boubouna ai bainela, taravatu heḡereḡerena. Unu amo hahelaḡa tauna ese ia bagunai herohemaino karana baine karaia, bena ena dika baine hegwau tao.
LEV 5:11 Imana bema tuna dainai, kerea rua eiava pune natuna rua basinema mailaidia diba, ia ese flaoa namo-hereana efa ta baine karoaia, karoa gwauta, bena karoa ta baine mailaia, ena kara-dika boubouna. Dehoro basine seialatanai, bona muramura mai bonana na latanai basine atoa kau.
LEV 5:12 Ia ese hahelaḡa tauna dekena baine mailaia; bena hahelaḡa tauna ese una flaoa kahana na imana ai baine abia, helalo toana, ihaboulaina patana ai baine gabua, Iehova ena ḡole-oho bouboudia ida; una na kara-dika boubouna.
LEV 5:13 Unu amo hahelaḡa tauna ese ia bagunai herohemaino karana baine karaia, bena ena dika baine hegwau tao. A flaoa orena na hahelaḡa tauna ena, flaoa bouboudia haida heḡereḡeredia.
LEV 5:14 Bena Iehova ese Mose ma e hamaoroa, eto,
LEV 5:15 Tau ta baine koikoi, Iehova ena helaḡa ḡaudia iḡaukaralaidia baine hakerere, ia ese ena kara-dika boubouna baine mailaia, Iehova dekenai: mamoe maruanena asi bebeka-bebekana ta ena seri ai baine abia. Davana danu oi ese ba haeroa, silver sekeledia ai, gabu helaḡana ena silver sekeledia heḡereḡeredia: una na kara-dika boubouna.
LEV 5:16 Ḡaukara helaḡadia e hakerere davana danu baine heni, bona davana korikori latanai heato-kau ḡauna danu baine atoa kau; davana bema karoaia karoa ima, bena karoa ta heḡereḡerena ai heato-kau ḡauna unu baine atoa kau toma, hahelaḡa tauna baine henia. Bena hahelaḡa tauna ese ia bagunai herohemaino karana baine karaia, kara-dika mamoena amo; bena ena dika baine hegwau tao.
LEV 5:17 Tau ta baine kara dika, Iehova ena taravatu baine tata utu, ena be asi dibana, to ia na mai ena kerere, bona ena kara dika davana baine heni.
LEV 5:18 Ia ese mamoe maruanena asi bebeka-bebekana ta ena seri ai baine abia, baine mailaia hahelaḡa tauna dekenai; davana danu oi ese ba haeroa, ena kara-dika boubouna ai bainela. Unu amo hahelaḡa tauna ese kara dika taunaena kara dika bagunai herohemaino karana baine karaia; bena ena dika baine hegwau tao.
LEV 5:19 Ina na kara-dika boubouna; ia na Iehova vairanai vada e kara dika.
LEV 6:1 Iehova ese Mose e hamaoroa, eto,
LEV 6:2 Tau ta baine kerere, Iehova baine koia, bona dekena tauna ena kohu inarina ai baine koikoi, eiava abitorehai iheni-louna ai baine koikoi, eiava baine dadidadi, eiava dekena tauna baine hahisia,
LEV 6:3 eiava boio ḡauna baine davaria bena baine herevalaia koikoi eiava baine gwau hamatalaia koikoi: unu baine koikoi toma tauna
LEV 6:4 na mai ena kerere bona mai ena kara dika. Ia ese e dadihaia ḡauna, eiava taunimanima ihahisidia amo e abia ḡauna, eiava e henia baine naria ḡauna, eiava e davaria ḡauna,
LEV 6:5 eiava e gwau hamatalaia koikoi ḡauna, na una ḡau biaguna baine henia lou, mai ato-kauna ida: ato-kauna be una ḡau davanabema karoaia, karoa ima, bena karoa ta bema abia, ato-kauna na unubadana baine heni, ena kara-koikoi boubouna baine mailaia dinana ai.
LEV 6:6 Bena ena kara-koikoi boubouna baine mailaia Iehova enai, mamoe maruanena asi bebeka-bebekana ta, ena seri amo, oi ese davana ba gwauraia ḡauna, hahelaḡa tauna baine henia.
LEV 6:7 Bena hahelaḡa tauna ese ia bagunai herohemaino karana baine karaia, Iehova vairanai; unu amo ena kara dika idoinai baine hegwau tao.
LEV 6:8 Iehova ese Mose e hamaoroa, eto,
LEV 6:9 Aaron mai natuna verina ida ini ba haḡanidia toma. Ḡole-oho boubouna taravatuna binai: boubou ḡauna na ihaboulaina patana lahina latanai baine mia rani, lahi danu baine ara rani.
LEV 6:10 Bena hahelaḡa tauna ese ena dabua bona ena piribou, dabua aukadia amo e kara ḡaudia, baine hadoki; bena ḡole-oho ḡauna kahuna na ihaboulaina patana latana amo baine abia oho, ihaboulaina patana badinai baine bubua.
LEV 6:11 Bena ena dabua aukadia baine doki oho, dabua idaudia baine hadoki; bena kahu na taruha murimurinai baine laohaia, gabu ḡoevaḡoevana ta ai baine bubua.
LEV 6:12 Ihaboulaina patana lahina na baine ara hanaihanai, basine bodo. Daba iboudiai hahelaḡa tauna ese rakuraku audia baine ato kau, ma ḡole-oho boubouna idia latadiai baine atoa kau; herohemaino boubouna digarana danu lahi ese baine ḡolea oho.
LEV 6:13 Lahi na ihaboulaina patana latanai baine ara hanaihanai, basine bodo.
LEV 6:14 Flaoa boubouna taravatuna binai: Aaron natuna ese Iehova vairanai bae mailaia, ihaboulaina patana vairanai.
LEV 6:15 Hahelaḡa tauna ta ese boubou flaoana kahana mai dehorona imana ai baine abia, bona muramura mai bonana idoinai, ihaboulaina patana ai baine gabua, helalo toana ai bainela, bonana namo ḡauna Iehova ena.
LEV 6:16 Flaoa orena na Aaron mai natuna ida bae ania: asi ihatubuna bae ania, gabu helaḡana ai, hebou kalagana maḡuna lalonai.
LEV 6:17 Ihatubuna muramurana ida basie buloa. Vada na henidia, idia ahudia ḡole-oho boubouna ai. Una na helaḡa herea, kara-rea bouboudia bona kara-koikoi bouboudia heḡereḡeredia.
LEV 6:18 Aaron ena iduhu mamaruanedia iboudiai bae ania diba; una na idia ahudia Iehova ena ḡole-oho bouboudia ai, emui uru iboudiai ela bona hanaihanai. Baine daua toho tauna na baine helaḡa.
LEV 6:19 Iehova ese Mose ma e hamaoroa, eto,
LEV 6:20 Aaron mai natuna ida ese Iehova ini bae boua toma, ia ihorona dinana ai: flaoa namo-hereana efa ta bae karoaia, karoa gwauta, karoa ta be flaoa boubouna ai bainela ela bona hanaihanai, kahana daba ai ma kahana adorahi ai.
LEV 6:21 Dehoro ida bae buloa, ataga ai bae gabua. Bena oi ese ba mailaia, ba bakia, boubou ḡauna ai ba halaoa, bonana namo ḡauna Iehova ena.
LEV 6:22 Hahelaḡa tauna danu Aaron natuna edia amo bae abia hidi, tamana ibolona ai bae horoa, ia ese Iehova unu baine boua toma. Mia-hanaihanai taravatuna binai: idoinai bae gabua Iehova ena, lahi ese baine ḡolea oho.
LEV 6:23 Hahelaḡa tauna ena flaoa boubouna be baine heḡole-oho vaitani; basie ania.
LEV 6:24 Iehova ese Mose ma e hamaoroa, eto,
LEV 6:25 Aaron mai natuna verina ida ini ba haḡanidia toma. Kara-rea boubouna taravatuna binai: kara-rea boubouna ḡauna na Iehova vairanai bae alaia mase, ḡole-oho bouboudiaḡaudia e aladia masemu gabuna ai, ia na helaḡa herea.
LEV 6:26 Hahelaḡa tauna ese baine hahelaḡaia, kara dika boubouna ai bainela, bena baine ania; gabu helaḡana ai, hebou kalagana maḡuna lalonai, baine ania.
LEV 6:27 Hidiona baine daua toho tauna na baine helaḡa. Rarana na dabua ta ai baine hetuturu, una dabua na gabu helaḡana ai bae huria.
LEV 6:28 Lalonai e nadua urona na bae hamakohia, eiava bema auri urona, bae kakasia bona ranu ai bae huria.
LEV 6:29 Maruane iboudiai hahelaḡa taudia edia iduhu ai bae ania diba; ia na helaḡa herea.
LEV 6:30 A kara-rea bouboudia raradia na hebou kalagana lalonai bema vareailai, gabu helaḡana ai herohemaino ḡauna ai bae halaoa, dika iabi-ohona totona, ia be basie ania; idoinai lahi ese baine ḡolea oho.
LEV 7:1 Kara-dika boubouna taravatuna binai: ia na helaḡa herea.
LEV 7:2 Kara-dika boubouna ḡauna na bae alaia mase, ḡole-oho bouboudia ḡaudia e aladia masemu gabuna ai. Hahelaḡa tauna ese rara na ihaboulaina patana latanai bona badinai baine nevaria heḡeḡe.
LEV 7:3 Digarana idoinai na boubou ḡauna ai bainela: iuna digarana, bona boga bona bogarau urubina,
LEV 7:4 bona nadinadi ruaosi mai digaradia ida, bona demodo, bona ase digarana. Idoinai baine abia,
LEV 7:5 ihaboulaina patana latanai baine gabua, lahi ese baine ḡolea oho; ia na kara-dika boubouna Iehova ena.
LEV 7:6 Maruane iboudiai hahelaḡa taudia edia orea ai ese bae ania diba: gabu helaḡana ai bae ania: ia na helaḡa herea.
LEV 7:7 Kara-rea boubouna bona kara-dika boubouna taravatudia na tamona: hahelaḡa tauna, herohemaino ḡauna ai baine halaoa tauna, ia ese anina baine abia.
LEV 7:8 Hahelaḡa tauna ese tau ta ena ḡole-oho boubouna baine hahelaḡaia negana ai, ia ese boubou ḡauna, e hahelaḡaia ḡauna, kopina baine abia iena.
LEV 7:9 Bona flaoa bouboudia, amu ai e guramu eiava uro ai e nadumu eiava ataga ai e gabumu, hahelaḡa tauna, una boubou ḡauna e hahelaḡaiamu tauna, ese baine abia iana.
LEV 7:10 Flaoa boubouna, mai dehoro ida e buloa ḡauna, eiava flaoa kaukauna, ia danu Aaron natuna adia, unu haida heḡereḡeredia.
LEV 7:11 Herohemaino bouboudia Iehova bae henia taravatuna binai.
LEV 7:12 Tau ta ese hahenamo boubouna baine mailaia, ia na ena boubou ḡauna ida se hatubua flaoana dehoro ida e bulo dikeadia, bona se hatubua flaoana atagadia, latadiai dehoro e seia ḡaudia, bona flaoa namo-hereana dehoroida e buloa bena e gabua, baine mailai.
LEV 7:13 Ena herohemaino boubouna ida e hatubua bona e gabua flaoana danu baine mailaia, ena hahenamo boubouna.
LEV 7:14 Herahia ta ta amo dikea eiava ataga eiava igabu ta ta bae dudui isi Iehova vairanai; bena hahelaḡa tauna, herohemaino boubouna rarana ihaboulaina patana ai baine nevaria tauna, baine abia iana.
LEV 7:15 Ena herohemaino bouboudia hidiodia, hahenamo ḡaudia, na bae hahelaḡadia dinana ai bae anidia, bahu taina basine mia rani.
LEV 7:16 A baine mailaia ḡauna, na gwau hamata dainai baine mailaia, eiava herahia ḡauna, bae hahelaḡaia dinana ai bae ania, ma bahu dina iharuana ai bae ania.
LEV 7:17 A boubou ḡauna hidiona taina baine mia ela bona dina ihatoina, una na lahi ai bae haḡolea oho.
LEV 7:18 Bema herohemaino boubouna hidiona na dina ihatoina ai bae ania, Iehova ese basine abia dae, bona e mailaia tauna basine hanamoa; ia na baine miro, bona baine ania tauna baine kerere.
LEV 7:19 Vamu hidiona na ḡau mirona enai baine dau kau, idia na basie ania: Iahi ai bae haḡolea oho. Hidio ḡoevadia na ḡoḡoeva taudia ese bae ani;
LEV 7:20 a mai mirona tauna ese Iehova ena herohemaino bouboudia hidiodia bema ani, ia na ena bese amo bae negea daure;
LEV 7:21 bona tau ta ese taunimanima edia ḡau mirona ta, eiava mauri ḡaudia mirodia ta, eiava ḡau mirona eiava bodagana ta, bema daua toho, murinai Iehova ena herohemaino bouboudia hidiodia bema ani, ia na ena bese amo bae negea daure.
LEV 7:22 Iehova ese Mose ma e hereva henia, eto,
LEV 7:23 Israel taudia ba hamaorodia, baoto: Digara basio ania, boromakau digarana eiava mamoe digarana eiava nani digarana.
LEV 7:24 Baine mase kava ḡauna, eiava uda ḡaudia ese bae alaia ḡauna, digarana na emui ḡaukara ta ḡauna ai bainela, to basio ania.
LEV 7:25 Badina be tau ta ese digara baine ania, taunimanima ese edia boubou ai e halaodiamu bona Iehova vairanai e haḡoledia ohomu ḡaudia ta digarana, ia na ena bese amo bae negea daure.
LEV 7:26 Rara danu basio ania, manu ta eiava mauri ḡauna ta rarana, emui ruma iboudiai lalodiai.
LEV 7:27 Rara baine ania tauna na ena bese amo bae negea daure.
LEV 7:28 Iehova ese Mose ma e hereva henia, eto,
LEV 7:29 Israel taudia ba hamaorodia, baoto: Iehova ena herohemaino boubouna baine mailaia tauna ese ena herahia baine mailaia Iehova ena. Herohemaino boubouna amo
LEV 7:30 ia sibona ese ena ḡole-oho boubouna Iehova enai baine mailaia, kemena maidigarana ida ia imana ai baine mailaia, Iehova vairanai baine davea, davedave boubouna ḡauna ai bainela.
LEV 7:31 Bena digarana na hahelaḡa tauna ese ihaboulaina patana latanai baine gabua, Iahi ese baine ḡolea oho, a kemena na Aaron mai natuna ida adia.
LEV 7:32 Emui herohemaino bouboudia ḡaudia amo danu aedia idibadia ba dudui isi, hahelaḡa tauna ana;
LEV 7:33 edena tau, Aaron natuna edia amo, herohemaino boubouna digarana bona rarana baine hahelaḡadia, ia ese aena idibana baine abia, ia ahuna.
LEV 7:34 Badina be kemena e daveamu ḡauna bona aena idibana e duduia isimu ḡauna na lau ese Israel taudia ediai vada na abi, edia herohemaino bouboudia amo, hahelaḡa tauna Aaron mai natuna Ioḡora ida vada na henidia, idia ahudia korikori, Israel taudia ediai bae abi, ela bona hanaihanai.
LEV 7:35 Aaron mai natuna ida ahudia bunu, Iehova ena ḡole-oho bouboudia amo, Iehova ese e henidia ia vairanai e hahelaḡadia bona hahelaḡa taudia ai e halaodia dinana ai.
LEV 7:36 Iehova ese e hahedua, e horodia dinana ai, eto Israel taudia ese unu ḡau bae henidia hanaihanai, idia ahudia korikori uru iboudiai lalodiai.
LEV 7:37 Ḡole-oho bouboudia bona flaoa bouboudia bona kara-rea bouboudia bona kara-dika bouboudia bona hahelaḡa taudia ihahelaḡadia bona herohemaino bouboudia taravatudia bunu,
LEV 7:38 Iehova ese Sinai ororona ai Mose e haḡanilaia heḡereḡerena. Dinana bunai, ia ese Israel taudia e haḡanidia edia boubou ḡaudia Iehova dekenai bae mailaidia, Sinai tano-ḡaḡaena ai.
LEV 8:1 Iehova ese Mose e haduaia, eto,
LEV 8:2 Aaron mai natuna ida bavabidia, dabua helaḡadia bona dehoro helaḡana bona kara-rea boromakauna bona mamoe mamaruanedia ruaosi bona asie hatubua flaoana boseana danu bavabi.
LEV 8:3 Bena taunimanima iboudiai na hebou kalagana iduarana badinai bae hebou.
LEV 8:4 Bena Mose na Iehova ena hahedua heḡereḡerena e karaia, bona taunimanima iboudiai na hebou kalagana iduarana ai e hebou.
LEV 8:5 Mose ese hebou taudia e hamaorodia, eto, Iehova ese ini vada e hahedua toma.
LEV 8:6 Bena Mose ese Aaron mai natuna ida e abidia, ranu ai e hadigudia.
LEV 8:7 Bena ia ese hahedoki badana bona gaba ḡauna e hakaralai, bona muri hahedokina bona hahedoki helaḡana e hadokilai, bona gaba ḡauna, e hatua ḡauna, gabana ai e ḡeḡea.
LEV 8:8 Bena hahemaoro vainana e ha-inulaia; vaina lalonai Urim bona Tumim e uda.
LEV 8:9 Kwara iḡeḡelaina dabuana danu kwarana ai e ḡeḡea, bona bagunai gold koronana helaḡana e atoa, Iehova ese Mose e haduaia heḡereḡerena.
LEV 8:10 Bena Mose ese dehoro helaḡana e abia, dubu bona dubu lalonai e miava ḡaudia iboudiai e horolaidia, e hahelaḡadia.
LEV 8:11 Ihaboulaina patana mai kohuna idoinai, bona digu ranuna dihuna mai ihahelai-kauna ḡauna ida, nanega hahitu e horodia, ihahelaḡadia totona.
LEV 8:12 Aaron kwarana danu dehoro amo e horoa, e hahelaḡaia.
LEV 8:13 Una murinai Mose ese Aaron natuna e abidia, hahedoki badadia bona gaba ḡaudia bona kwara ḡaudia e hakaralaidia, Iehova ese e haduaia heḡereḡerena.
LEV 8:14 Bena ia ese kara-rea boromakauna e abia. Aaron mai natuna ida ese imadia na boromakau kwarana ai e ato kau;
LEV 8:15 bena Mose ese e alaia mase, rarana e abia, imana kwakikwakina amo ihaboulaina patana ai doa e dahulai, ihaboulaina patana e hahelaḡaia. Bena rara orena na ihaboulaina patana badinai e bubua nege, unu amo e hahelaḡaia bona e haḡoevaia.
LEV 8:16 Bena boga bona bogarau urubina bona ase digarana bona nadinadi ruaosi mai digaradia ida e abi, ihaboulaina patana ai e haḡole oho, hari Mose ese.
LEV 8:17 A boromakau tau-anina, mai kopina bona hidiona bona taḡena ida, taruha murimurinai e haḡolea oho, Iehova ese Mose e haduaia heḡereḡerena.
LEV 8:18 Una murinai ia ese mamoe maruanena, ḡole-oho boubouna ḡauna, e hakaua lasi. Aaron mai natuna ida ese imadia na ia kwarana ai e ato kau;
LEV 8:19 bena Mose ese e alaia mase, rarana na ihaboulaina patana latanai bona badinai e nevaria heḡeḡe.
LEV 8:20 Bena e ivaia parara, kwarana bona tau-anina bona digarana be ihaboulaina patana latanai e haḡole oho, hari Mose ese.
LEV 8:21 A bogana bona bogarauna bona imana bona aena na ranu ai e huridia guna; bena mamoe idoinai na Mose ese e gabua, ihaboulaina patana latanai, lahi ese e ḡolea oho, bonana namo ḡauna, ḡole-oho boubouna, Iehova ena, Iehova ese Mose e haḡania heḡereḡerena.
LEV 8:22 Bena ia ese mamoe maruanena iharuana, idia ihahelaḡadia ḡauna, e hakaua lasi. Bena Aaron mai natuna ida ese imadia na mamoe kwarana ai e ato kau.
LEV 8:23 Bena Mose ese e alaia mase, rarana taina e abia, Aaron idiba taiana abona bona idiba imana sinabadana bona idiba aena sinabadana e dahulai.
LEV 8:24 Aaron natuna danu e abidia, idiba taiadia abodia bona idiba imadia sinabadadia bona idiba aedia sinabadadia e dahulai. Bena Mose ese rara orena na ihaboulaina patana latanai bona badinai e nevaria heḡeḡe.
LEV 8:25 Bena ia ese digarana e abia, bona iuna mai digarana ida, bona boga bona bogarau urubina, bona ase digarana, bona nadinadi ruaosi mai digaradia ida, bona aena idibana.
LEV 8:26 Bena asie hatubua flaoana boseana, Iehova vairanai e miava ḡauna, amo dikea kavakava.lkava ta bona dikea mai dehorona ta bona ataga ta e abi, hari mamoe digarana bona aena idibana latadiai e ato kau.
LEV 8:27 Bena ia ese ini ḡau iboudiai Aaron imana ruaosi nuadia ai bona natuna imadia nuadia ai e atodia; bena e davedia. Unu na davedave boubouna Iehova vairanai.
LEV 8:28 Bena Mose ese idia imadia amo ma e abidia lou, ihaboulaina patana latanai e gabudia, ḡole-oho boubouna ida: una na hahelaḡa boubouna, bonana namo ḡauna, ḡole-oho boubouna Iehova vairanai.
LEV 8:29 Bena Mose ese mamoe kemena e abia, e davea, davedave boubouna Iehova vairanai: una na Mose ahuna, hahelaḡa boubouna amo e abia, Iehova ese Mose e haduaia heḡereḡerena.
LEV 8:30 Bena Mose ese dehoro taina e abia, bona ihaboulaina patana latanai e miava rarana taina, Aaron mai dabuana ida bona Aaron natuna mai dabuadia ida e nevarilaidia: unu amo Aaron mai ena dabua ida bona Aaron natuna mai edia dabua ida e hahelaḡadia.
LEV 8:31 Bena Mose ese Aaron mai natuna ida e haḡanidia, eto, Hidiona na ranu ai ba nadua, hebou kalagana iduarana badinai, unuseni ai bavania, bona bosea helaḡana lalonai e miamu flaoana danu, lau na hahedua heḡereḡerena, nato “Aaron mai natuna ida bae ania”.
LEV 8:32 A vamu bahuna bona flaoa bahuna na lahi ai ba haḡole oho.
LEV 8:33 Hebou kalagana iduarana amo basio raka lasi dina hitu lalodiai, ela bona ihahelaḡamui dinadia bae ore; badina be ihahelaḡamui dinadia bae hitu.
LEV 8:34 Hari dina eda kara na Iehova ena hahedua karadia: umui na ia ida ba herohemaino totona.
LEV 8:35 Dina hitu hanuaboi hitu ba gima boi ba gima rani Iehova ena hebou kalagana iduarana ai, ba mase garina. Unu vada e haduagu toma.
LEV 8:36 Bena Iehova ese Mose e haḡanilai karadia iboudiai na Aaron mai natuna ese e karadia ḡuḡuru.
LEV 9:1 Dina ihataurahanina ai Mose ese Aaron mai natuna ida bona Israel tau-badadia e boiridia.
LEV 9:2 Ia ese Aaron e haduaia, eto, Boromakau natuna maruanena asi bebeka-bebekana ta bavabia, kara-rea boubouna, bona mamoe maruanena asi bebeka-bebekana ta bavabia, ḡole-oho boubouna, ruaosi na Iehova vairanai bavaladia mase, emu boubou.
LEV 9:3 Israel taudia danu ba haduadia, baoto: Nani maruanena ta bavabia, kara-rea boubouna, bona boromakau natuna ta bona mamoe natuna ta, ruaosi laḡani tamona ḡaudia asi bebeka-bebekadia, bavabidia, ḡole-oho boubouna;
LEV 9:4 bona boromakau maruanena ta bona mamoe maruanena ta bavabidia, herohemaino boubouna; iboudiai na Iehova vairanai baita aladia mase, emui boubou. Flaoa boubouna danu, dehoro ida e buloa ḡauna, bavabia. Badina be hari dina ai Iehova be hahedinarai henimuimu.
LEV 9:5 Bena Mose ese e gwaurai ḡaudia idia ese hebou kalagana vairanai e mailaidia, bona taunimanima iboudiai e raka kahi mai, Iehova vairanai e gini.
LEV 9:6 Bena Mose eto, Iehova ena hahedua karadia bini; ia diaridiarina danu vairamui ai baine hedinarai.
LEV 9:7 Mose ese danu Aaron e hamaoroa, eto, Ihaboulaina patana ba raka henia kahi, emu kara-rea boubouna bona emu ḡole-oho boubouna ḡaudia bavaladia mase, daimu ai bona ina orea taudia daidiai herohemaino karana be karaia; idia edia boubou ḡaudia danu ba mailaidia, idia daidiai ba herohemaino; Iehova ena haheḡani heḡereḡerena.
LEV 9:8 Taunabunai Aaron na ihaboulaina patana e raka henia kahi, boromakau natuna maruanena e alaia mase, ia sibona ena kara-rea boubouna.
LEV 9:9 Bena Aaron natuna ese rarana e abia, tamadia e henia; bena ia ese imana kwakikwakina rara ai e urua diho, ihaboulaina patana ai doa e dahulai, bena rara orena na ihaboulaina patana badinai e bubua nege.
LEV 9:10 A digara bona nadinadi bona ase digarana, hari kara-rea boubouna ḡaudia, na ia ese e abi, ihaboulaina patana ai e gabu, Iahi ese e ḡole-oho, Iehova ese Mose e haḡania heḡereḡerena.
LEV 9:11 Bena hidiona bona kopina taruha murimurinai e gabu, Iahi ese e ḡole-oho.
LEV 9:12 Una murinai ia ese ḡole-oho boubouna e alaia mase. Bena Aaron natuna ese rara e abia, tamadia e henia; bena ia ese ihaboulaina patana latanai bona badinai e nevaria heḡeḡe.
LEV 9:13 Bena idia ese ḡole-oho boubouna tau-aninae regea sisi ḡaudia na taidia taidia amo e henia, bona kwarana danu; bena ia ese ihaboulaina patana latanai e gabudia, Iahi ese e ḡoledia oho.
LEV 9:14 Ia ese danu bogana bona bogarauna bona imana bona aena e abidia, ranu ai e huridia; bena ḡole-oho boubouna ida e haḡoledia oho, ihaboulaina patana latanai.
LEV 9:15 Bena ia ese orea taudia edia boubou ḡaudia e mailaidia, kara-rea boubouna nanina e abia, orea taudia edia, e alaia mase, e haḡolea oho, kara-rea iabi-ohodia, ia sibona ena heḡereḡerena.
LEV 9:16 Ḡole-oho boubouna danu ia ese e abia, e alaia mase, e haḡolea oho, haheḡani heḡereḡerena.
LEV 9:17 Flaoa boubouna danu ia ese e abia, Iehova vairanai e atoa. Bena taina e abia imana ai, ihaboulaina patana latanai e haḡolea oho, daba boubouna ida.
LEV 9:18 Boromakau maruanena bona mamoe maruanena danu, orea taudia edia herohemaino boubouna ḡaudia, e aladia mase. Bena Aaron natuna ese raradia e abi, tamadia e henia; bena ia ese ihaboulaina patana latanai bona badinai e nevaria heḡeḡe.
LEV 9:19 Boromakau digarana, bona mamoe digarana, bona mamoe iuna mai digarana ida, bona bogana bona bogarauna urubina, bona nadinadi, bona ase digarana, e abi;
LEV 9:20 digara idoinai na boromakau bona mamoe kemedia latadiai e atoa kau. Bena digara be ihaboulaina patana latanai e haḡolea oho,
LEV 9:21 a kemedia bona idiba aedia Aaron ese e abidia Iehova vairanai e davedia, davedave boubouna ai e halaodia, Mose ena haheḡani heḡereḡerena.
LEV 9:22 Bena Aaron ese imana e dudui isi, hebou taudia e hanamodia. Bena kara-rea bouboudia bona ḡole-oho bouboudia bona herohemaino bouboudia ihahelaḡadia gabuna amo e diho.
LEV 9:23 Bena Mose bona Aaron na hebou kalagana lalonai e raka vareai; bena ma e raka lasi, hebou taudia e hanamodia. Bena Iehova diaridiarina e hedinarai, hebou taudia ibouboudiai ese e itaia.
LEV 9:24 Bona lahi na Iehova ena amo e diho, boubou ḡaudia bona digaradia, ihaboulaina patana latanai e miava ḡaudia, e haḡoledia oho. Hebou taudia iboudiai ese una kara e itaia, bena e lolo, bona e goru goru diho tano ai.
LEV 10:1 Aaron natuna, Nadab bona Abihu, ese edia gida keberedia e abi, gida e uda, bona muramura mai bonadia danu. Unu amo lahi idauna Iehova vairanai e vareailaia, dia iena haheḡani heḡereḡerena.
LEV 10:2 Bena lahi na Iehova ena amo e diho, raruosi e aladia mase, Iehova vairanai e mase.
LEV 10:3 Bena Mose ese Aaron e hamaoroa, eto, Iehova na ini vada e gwau toma: Lau na baina helaḡa, bae raka henigu kahi taudia ediai; taunimanima iboudiai ese lau bae imodaigu. Bena Aaron na asi ena hereva.
LEV 10:4 Bena Mose ese Misael bona Elsafan e boiridia; idia na Usiele, Aaron tamana lahaina, natuna. E hamaorodia, eto, Aoma, varavaramu bini gabu helaḡana, a amo bavabidia oho, taruha murimurinai ba huadia lao.
LEV 10:5 Taunabunai, idia na e raka kahira, mai dabuadia ida e abidia isi, taruha murimurinai e huadia lao, Mose ena hereva heḡereḡerena.
LEV 10:6 Mose ese Aaron mai natuna raruosi Eleasara bona Itamara ida e hamaorodia, eto, Huimui iḡuidia basio ruha, bona emui dabua basio dare, ba mase garina, bona Iehova ena badu orea taudia iboudiai latadiai baine kau na garina; a varavaramui bona Israel taudia iboudiai ese Iehova ena Iahi ḡaraḡarana dainai bae taitai.
LEV 10:7 Bona hebou kalagana iduarana amo basio raka lasi, ba mase garina; badina be Iehova ena dehoro helaḡana na latamui ai. Bena Mose ena hereva heḡereḡerena ai e karaia.
LEV 10:8 Bena Iehova ese Aaron e hereva henia, eto,
LEV 10:9 Oi mai natumu ida hebou kalagana ai ba raka vareai negana ai na vine ranuna eiava kekero muramurana basio inua, ba mase garina. Taravatu binai na umui latamui ai baine mia hanaihanai, uru iboudiai lalodiai.
LEV 10:10 Ḡau helaḡadia bona ḡau kavakavadia ba hididia; ḡau mirodia bona ḡau ḡoevaḡoevadia danu ba hididia.
LEV 10:11 Israel taudia ba hadibadia danu, Iehova ese Mose ena amo vada eme henidia taravatudia iboudiai ba hadibalaidia.
LEV 10:12 Bena Mose ese Aaron bona natuna raruosi dounu mamauri, Eleasara bona Itamara, e haduadia, eto, Flaoa boubouna orena, Iehova ena ḡole-oho boubouna amo, bavabia, ihaboulaina patana badibadinai bavania, flaoa kavakava mo, asi ihatubuna, bavania; badina be ia na helaḡa herea.
LEV 10:13 Gabu helaḡana ai bavania; badina be ia na oi ahumu bona natumu ahudia, Iehova ena ḡole-oho boubouna amo. Unu vada e haduagu toma.
LEV 10:14 A boubou ḡauna kemena, e davea ḡauna, bona aena, e duduia isi ḡauna, na gabu ḡoevaḡoevana ta ai bavani, oi bona natumu mamaruanedia bona natumu hahinedia; badina be vada e henimui, oi ahumu bona natumu ahudia, Israel taudia edia herohemaino bouboudia amo.
LEV 10:15 Boubou ḡauna aena, e duduia isi ḡauna, bona kemena, e davea ḡauna, na ḡole-oho boubouna digarana ida bae mailai, Iehova vairanai bae davedia, davedave boubouna ai baela: ina na oi amu bona natumui adia, umui ahumui ela hanaihanai, Iehova ena haheḡani heḡereḡerena.
LEV 10:16 Bena Mose ese kara-rea boubouna nanina e tahua, to vada e heḡole oho. Bena ia ese Aaron natuna raruosi dounu mamauri, Eleasara bona Itamara, e badu henidia, eto,
LEV 10:17 Dahaka dainai kara-rea boubouna asio ania gabu helaḡana ai; badina be ia na helaḡa herea, bona vada e henimui, orea taudia edia kara-rea ba huahai bona idia daidiai Iehova vairanai ba herohemaino totona.
LEV 10:18 O itaia, rarana na gabu helaḡana lalonai asie vareailaia. Momokani, umui na gabu helaḡana ai boma ania, na haḡanimui heḡereḡerena, bema namo.
LEV 10:19 A Aaron ese Mose e haere henia, eto, O itaia, hari dina ai edia kara-rea boubouna bona edia ḡole-oho boubouna vada e mailaidia, Iehova vairanai vada e hahelaḡadia; ḡau tamona, ina kara na egu ai vada e kau. Kara-rea boubouna na hari dina ai bama ania, Iehova ese bema lalo namo henigu a?
LEV 10:20 Mose ese una hereva e kamonai, bena lalona ma e keru.
LEV 11:1 Iehova ese Mose bona Aaron e haduadia, eto,
LEV 11:2 Israel taudia ba hereva henidia, baoto: Mauri ḡaudia tanobada ai e loamu na iboudiai basio ani, a ini mo bavani.
LEV 11:3 Imadia aedia palapaladia eme auka bona eme parara, bona aniani e hadonomu ma e lori lasimu, ududia ai ma e ḡauamu ḡaudia, unu be bavani.
LEV 11:4 Ḡau tamona, unuhetomadia haida na basio ani. Kamelo na basio ania; badina be ana aniani e ḡauaia loumu, to imana aena palapaladia asieme parara; ia na helaḡa emui ai.
LEV 11:5 Koni danu basio ania; badina be ana aniani e ḡauaia loumu, to imana aena palapaladia asieme parara; ia na helaḡa emui ai.
LEV 11:6 Hea danu basio ania; badina be ana aniani e ḡauaia loumu, to imana aena palapaladia asieme parara; ia na helaḡa emui ai.
LEV 11:7 Boroma danu basio ania; badina be imana aena palapaladia eme parara, to ana aniani se ḡauaia loumu.
LEV 11:8 Hidiodia basio ani, bona masedia ai basio daudia toho; idia na hehelaḡa umui emui ai.
LEV 11:9 Ranu ai e nohomu ḡaudia na iboudiai basio ani, a ini mo bavani: mai taiadia bona mai unadia davara ai bona sinavai ai vada bavani;
LEV 11:10 a asi taiadia bona asi unadia ḡaudia ranu ai e maurimu bona e loamu, davara ai eiava sinavai ai, na basio ani.
LEV 11:11 Ba dadaraidia vaitani: hidiodia basio ani, bona masedia ai basio daudia toho; idia na hehelaḡa emui ai.
LEV 11:12 Ranu ai e nohomu ḡaudia asi taiadia bona asi unadia na ba dadaraidia vaitani.
LEV 11:13 Ba dadaraidia manudia bini: basio ani, badina be idia na hehelaḡa emui ai. Ḡaudia bini: ugava-bada bona larata bona ugava maraḡina,
LEV 11:14 bona bogibada bona pivai, idia bamodia manudia ida;
LEV 11:15 mukou danu, mai ia bamona manudia iboudiai ida;
LEV 11:16 bona kokokoko bona kito bona kanaḡe bona kipa, idia bamodia manudia ida;
LEV 11:17 bona baimumu bona manubada bona gadomanu;
LEV 11:18 bona kema bona boebedi bona lokoru,
LEV 11:19 bona boḡe, bona noko mai ia bamona manudia ida, bona turumu, bona sisiboi.
LEV 11:20 Mai hanidia bona mai imadia aedia ḡaudia, imadia bona aedia amo tanobada ai e loamu, na ba dadaraidia;
LEV 11:21 a mai hanidia bona mai imadia aedia ḡaudia haida, aedia na lalata bena aedia amo e roho e laomu,
LEV 11:22 unu na bavani: una dainai kwadi idau-idau iboudiai na bavani diba.
LEV 11:23 A mai hanidia bona mai imadia aedia ḡaudia oredia iboudiai na ba dadaraidia.
LEV 11:24 Ini ese bae hataubumui; masedia ai baine daudia toho tauna na baine taubu ela bona dina baine diho;
LEV 11:25 bona tau-anidia baine abi loaloa taunana ena dabua baine huri bona baine taubu ela bona dina baine diho.
LEV 11:26 Imana aena palapaladia eme auka to asieme parara ḡauna, eiava ena aniani asine ḡauaia loumu ḡauna, na helaḡa umui emui ai: bona baine daua toho tauna na taubu.
LEV 11:27 Bona imadia aedia palapaladia eme manoka to imadia aedia amo e rakamu ḡaudia danu hehelaḡa umui emui ai; masedia ai baine daudia toho tauna baine taubu ela bona dina baine diho;
LEV 11:28 bona tau-anidia baine hua tauna na ena dabua baine huri bona baine taubu ela bona dina baine diho. Unu ḡau na hehelaḡa umui emui ai.
LEV 11:29 Ini tano ai e raumu ḡaudia danu na hehelaḡa emui ai: uda pusina, bona bita, bona ariha, mai ia bamona ḡaudia ida;
LEV 11:30 bona vaboha bona siha bona hohoduka bona variga bona gesoa.
LEV 11:31 Tano ai e raumu ḡaudia bunu hehelaḡa umui emui ai; bona masedia ai baine daudia toho tauna baine taubu ela bona dina baine diho.
LEV 11:32 Bona bae mase negana ai idia ese ḡau ta latanai bae moru, una ḡau baine miro: bema au amo e karaia ḡauna ta, eiava dabua, eiava kopi, eiava puse, ranu ai do ba udaia; ia na baine miro ela bona dina baine diho, una murinai baine ḡoeva.
LEV 11:33 A uro ai eiava hodu ai bema moru, uro eiava hodu anina baine miro, bona uro eiava hodu ba huaria.
LEV 11:34 Una uro anianina eiava hodu ranuna, eiava una ranu amo bae nadu anianidia na mimiro.
LEV 11:35 Una mase ḡauna tau-anina sina taina mo ḡau ta ai baine moru, una ḡau baine miro: bema ataga eiava uro, vada ba huaria; idia na mimiro, bona bae helaḡa umui emui ai.
LEV 11:36 Ḡau tamona, ranu e lohilohia gabuna eiava ranu gurina be bae ḡoeva. A mase tau-anina enai baine dau kau ḡauna na baine miro.
LEV 11:37 Mase ḡauna tau-anina taina emui hadohado uhedia latadiai baine moru, unu uhe bae ḡoeva;
LEV 11:38 a uhe ba hapariparidia murinai mase ḡauna tau-anina na idia latadiai baemoru, unu uhe bae miro.
LEV 11:39 Mauri ḡauna ta, ena be aniani ḡauna, to baine mase kava, ia tau-anina baine daua toho tauna baine taubu ela bona dina baine diho.
LEV 11:40 Hidiona baine ania tauna na ena dabua baine huri, bona baine taubu ela bona dina baine diho. Bona tau-anina baine huaia tauna na ena dabua baine huri, bona baine taubu ela bona dina baine diho.
LEV 11:41 Tano ai e raumu ḡaudia na ba dadaraidia, basio ani.
LEV 11:42 Kopana amo e raumu ḡauna, bona imana rua aena rua amo e raumu ḡauna, bona aena momo ḡauna: tano ai e raumu ḡaudia iboudiai na basio ani; idia na didika.
LEV 11:43 Tano ai e raumu ḡaudia edia dika ai basio dika bona edia miro ai basio miro, ba taubu na garina.
LEV 11:44 Badina be lau na Iehova, emui Dirava: taunabunai sibomui ba hahelaḡa. Ba helaḡa, badina be lau na helaḡa. Tano ai e raumu ḡauna ta ena miro ai basio miro.
LEV 11:45 Badina be lau na Iehova: Aigupto tanona amo na hakaumui lasi, emui Dirava ai bainala totona. Taunabunai ba helaḡa, badina be lau na helaḡa.
LEV 11:46 Mauri ḡaudia taravatudia bunu; tanobada ai e loamu ḡaudia, bona atai ai e rohomu manudia, bona davara ai e nohomu ḡaudia, bona tano ai e raumu ḡaudia,
LEV 11:47 mirodia bona ḡoevaḡoevadia ihididia bona bavani bona basio ani ḡaudia ihididia taravatudia.
LEV 12:1 Iehova ese Mose e hamaoroa, eto,
LEV 12:2 Israel taudia ba hereva henidia baoto: Hahine ta baine rogorogo, baine mara, mero ta baine abia negana ai, ia na dina hitu do baine taubu, rara e hekaramu negadia ai heḡereḡerena.
LEV 12:3 Dina ihataurahanina ai mero na bae peritomea.
LEV 12:4 Bena hahine na dina toi-ahui toi ma baine taubu, ena rara aru karadia daidiai; unu dina lalodiai ḡau helaḡana ta basine daua toho, bona gabu helaḡana ai basine raka vareai, ela bona ena helaḡa dinadia bae ore.
LEV 12:5 A baine mara, kekeni ta baine abia, ia na baine taubu ela bona pura rua bae ore, rara e hekaramu negadia heḡereḡerena; bona ena rara aru karadia bae kara ela bona dina tauratoi-ahui tauratoi bae ore.
LEV 12:6 Helaḡa dinadia, mero dainai eiava kekeni dainai, bae ore ai, hahine ese mamoe natuna ta, laḡani tamona ḡauna, baine abia, ena ḡole-oho boubouna, bona pune natuna ta eiava kerea ta baine abia, ena kara-rea boubouna. Unu ḡau ruaosi na hahelaḡa tauna dekena baine mailaidia, hebou kalagana iduarana ai.
LEV 12:7 Bena hahelaḡa tauna ese unu boubou ḡaudia na Iehova vairanai baine atodia, una hahine dainai herohemaino karana baine karaia; bena ena rara aru amo baine ḡoeva. Mara matamata hahinena taravatuna bunai, mero baine abia eiava kekeni baine abia hahinena.
LEV 12:8 A ena moni basinema heḡereḡere mamoe natuna ihoina, ia ese kerea rua eiava pune natuna rua bema abidia, ta ḡole-oho boubouna, ma ta kara-rea boubouna. Bena hahelaḡa tauna ese ia dainai herohemaino karana baine karaia; unu amo hahine na baine ḡoevaḡoeva.
LEV 13:1 Iehova ese Mose bona Aaron e haduadia, eto,
LEV 13:2 Tau ta kopina baine gudu, eiava baine taoha, eiava mai toutouna kurokurona, lepra na heto, una tau bae hakaua vareai hahelaḡa tauna Aaron vairanai, eiava hahelaḡa tauna Aaron natuna ta vairanai.
LEV 13:3 Bena hahelaḡa tauna ese kopina baine itaia, bema una kopi dikana derana danu kurokuro, bona toutouna na dia kopina ai mo to sisina dobu, una na lepra: hahelaḡa tauna ese baine itaia bena ia ese una tau baine gwauraia, vada e miro.
LEV 13:4 A bema toutou na kurokuro, to kopina ai mo, bona derana na se kurokuro, hahelaḡa tauna ese una tau baine koua ahu ela bona dina hitu bae ore.
LEV 13:5 Bena dina ihahituna ai hahelaḡa tauna ese baine itaia lou: toutou bema gabuna ai mo, se dika bona se bada, hahelaḡa tauna ese ma baine koua lou, ela bona dina hitu ma bae ore.
LEV 13:6 Ma dina ihahituna ai hahelaḡa tauna ese baine itaia lou: toutou bema maraḡi bona dia dobu, hahelaḡa tauna ese baine gwauraia, vada e ḡoeva. Una na idau toto taohana. Ena dabua baine huri, bena baine ḡoeva.
LEV 13:7 Ḡau tamona, hahelaḡa tauna ese baine kahua nege, murinai una toutou ma baine bada lou, ia na hahelaḡa tauna dekena ma baine lou lao.
LEV 13:8 Bena hahelaḡa tauna ese baine itaia, toutou na momokani vada e bada, ia na una tau baine gwauraia, vada e miro; ia na lepra tauna.
LEV 13:9 Lepra toadia bae hedinarai tau ta kopina ai, ia na hahelaḡa tauna vairanai bae hakaua vareai.
LEV 13:10 Bena hahelaḡa tauna ese ḡou kurokurona baine itaia una tau kopina ai, bona baine itaia danu una ḡou na mai berona bona derana e kurokuromu:
LEV 13:11 una na lepra ḡouna ia kopina ai. Hahelaḡa tauna ese baine gwauraia, vada e miro. Basine koua ahu lou, badina be ia na miro momokani.
LEV 13:12 A hahelaḡa tauna ese baine itaia, lepra be kopina idoinai vada e daea, kwarana amo ela bona aena,
LEV 13:13 ia ese baine itaia namonamo; bema momokani kopina idoinai vada e daea vaitani, ia ese una tau baine gwauraia, vada e ḡoeva. Kopina idoinai vada e kurokuro dainai, ia na vada e ḡoeva.
LEV 13:14 A hidio berona ienai bema hedinarai, ia na baine miro;
LEV 13:15 hahelaḡa tauna ese bero baine itaia, bena baine gwauraia, vada e miro. Una bero be miro toana; una tau be lepra tauna.
LEV 13:16 A hari hidio berodia ma bae namo, bona kopina baine kurokuro, ia na hahelaḡa tauna vairanai ma bainela.
LEV 13:17 Hahelaḡa tauna ese baine itaia: bema hidio berodia vada e kurokuro, hahelaḡa tauna ese baine gwauraia, vada e ḡoeva.
LEV 13:18 Tau ta kopina ai iohururu ta vada e namo
LEV 13:19 gabuna amo gudu kurokurona eiava toutou mia-kakana baine hedinarai, hahelaḡa tauna bae haheitalaia.
LEV 13:20 Hahelaḡa tauna ese baine itaia, toutou na sisina dobu bona derana danu kurokuro, ia ese una tau baine gwauraia, vada e miro; una na lepra, iohururu gabuna amo e vara.
LEV 13:21 A baine itaia, dera na se kurokuro, bona toutou na kopina ai mo bona dia kurokuro herea eiava dia kakakaka herea, hahelaḡa tauna ese una tau baine koua ahu ela bona dina hitu bae ore;
LEV 13:22 una negana ai toutou bema bada, ia ese baine gwauraia vada e miro; una na lepra.
LEV 13:23 A toutou na gabuna ai mo bema mia, basinema bada, una na iohururu kiparana mo; hahelaḡa tauna ese baine gwauraia, vada e ḡoeva.
LEV 13:24 Tau ta kopina na lahi ese e araia berona gabuna ai baine toutou, mia-kaka eiava kurokuro,
LEV 13:25 hahelaḡa tauna ese baine itaia. Bema dera vada e kurokuro, bona toutou na sisina dobu, una na lepra, Iahi ese e araia gabuna amo vada e vara. Hahelaḡa tauna ese baine gwauraia, vada e miro; badina be ia na lepra tauna.
LEV 13:26 A baine itaia, dera na se kurokuro, bona toutouna kopina ai mo, bona dia kurokuro herea eiava dia kakakaka herea, hahelaḡa tauna ese una tau baine koua ahu ela bona dina hitu bae ore.
LEV 13:27 Dina ihahituna ai hahelaḡa tauna ese baine itaia Iou: toutou bema bada, ia ese una tau baine gwauraia, vada e miro; una na lepra.
LEV 13:28 A toutou na gabuna ai mo bema mia, basinema bada, ena kurokuro eiava ena kakakaka danu bema maraḡi, una na lahi kiparana mo. Hahelaḡa tauna ese baine gwauraia, vada e ḡoeva; badina be una na e ara gabuna kiparana mo.
LEV 13:29 Tau ta kwarana eiava auki-huina baine pouka, eiava hahine ta kwarana baine pouka,
LEV 13:30 hahelaḡa tauna ese una pouka baine itaia: totototona bema sisina dobu, bona huina bema labora, ia ese una tau eiava una hahine baine gwauraia, vada e miro; una na pouka dikana, lepra heḡereḡerena.
LEV 13:31 A una pouka baine itaia, totototo bema kopina ai mo bona huina na do korema, hahelaḡa tauna ese una tau eiava una hahine baine koua ahu ela bona dina hitu bae ore.
LEV 13:32 Bena dina ihahituna ai hahelaḡa tauna ese una pouka baine itaia lou: bema se bada bona huina se labora bona kopina ai mo,
LEV 13:33 una tau eiava una hahine huina bae naua, a pouka gabuna mo basie naua; una murinai ma bae koua ahu lou dina hitu.
LEV 13:34 Bena dina ihahituna ai hahelaḡa tauna ese ma baine itaia lou: bema se bada bona kopina ai mo, ia ese una tau eiava una hahine baine gwauraia, vada e ḡoeva. Ena dabua baine huridia, bena baine ḡoeva.
LEV 13:35 A baine ḡoeva murinai una pouka ma baine hekara lou,
LEV 13:36 hahelaḡa tauna ese ma baine itaia. Totototo bema bada herea, ia huina vada e labora eiava lasi basine laloa; ia ese una tau eiava una hahine baine gwauraia, vada e miro.
LEV 13:37 A baine itaia, totototo na dia bada herea bona huina na korema, ia na baine diba gorere vada be namomu, bona una tau eiava una hahine vada e ḡoeva; bena baine gwauraia, vada e ḡoeva.
LEV 13:38 Tau ta eiava hahine ta kopina ai toutou kurokurodia bae hedinarai,
LEV 13:39 hahelaḡa tauna ese unu toutou baine itadia. Bema toutou na dia kurokakuroka, una na kopi gorerena mo: ia na ḡoeva.
LEV 13:40 Tau ta huina bema hehuhu, kwarana tubuana bema boha, to ia na ḡoeva.
LEV 13:41 Eiava ramana bona medena bema hehuhu, una na rama-boha mo: ia na ḡoeva.
LEV 13:42 A bema kwarana tubuana ai eiava ramana ai, huina vada e hehuhu gabuna ai, toutou mia-kakana ta baine hedinarai, una na lepra, boha tauna kwarana ai eiava ramana ai vada e vara.
LEV 13:43 Taunabunai, hahelaḡa tauna ese boha tauna baine itaia, toutou mia-kakadia kwarana ai eiava ramana ai vada e gudu, lepra toutoudia heḡereḡeredia,
LEV 13:44 ia na lepra tauna: ia na miro. Hahelaḡa tauna ese baine gwauraia, vada e miro; badina be kwarana na mai leprana.
LEV 13:45 Lepra tauna na dabua hedarena baine hahedokilaia, huina baine ḡiḡia rohoroho, atai bibinana na dabua amo baine koua, baine lolo, baineto “Miro, miro”.
LEV 13:46 Ena gorere dinadia iboudiai ia na baine helaḡa. Ia na miro; sibona baine noho edea, taruha murimurinai.
LEV 13:47 Dabua manokana ai eiava dabua aukana ai lepra mirona bema mia,
LEV 13:48 eiava dabua ihatulaina varodia ai, eiava boromakau kopina ai, eiava boromakau kopina amo e karaia ḡauna ta ai,
LEV 13:49 bema gorere toana gadoka-gadokana eiava kakakakana na dabua ai eiava dabua varodia ai eiava boromakau kopina ai eiava boromakau kopina amo e karaia ḡauna ai baine hedinarai, una na lepra gorerena: hahelaḡa tauna bae haheitalaia.
LEV 13:50 Hahelaḡa tauna ese baine itaia, bena ia ese hari mai gorerena ḡauna baine koua ahu ela bona dina hitu bae ore.
LEV 13:51 Bena dina ihahituna ai ma baine itaia lou: gorere toana bema bada, dabua ai eiava dabua varodia ai eiava boromakau kopina ai eiava boromakau kopina amo e karaia ḡauna ai, una na lepra korikori. Ia na miro vaitani;
LEV 13:52 taunabunai una dabua manokana eiava dabua aukana eiava dabua varona eiava boromakau kopina ḡauna na bae gabua, badina be una na lepra korikori una dainai lahi ai bae gabua.
LEV 13:53 A hahelaḡa tauna ese una ḡau baine itaia, gorere toana na se bada una dabua ai eiava una dabua varona ai eiava una boromakau kopina ḡauna ai,
LEV 13:54 ia na baine hahedua, hari mai gorerena ḡauna bae huria; bena ia ese ma baine koua ahu ela bona dina hitu ma bae ore.
LEV 13:55 Bena hahelaḡa tauna ese hari e huria ḡauna baine itaia lou: bema gorere toana ita-itana na seidau bona se bada, ia na miro; Iahi ai ba gabua. Ena be gorere toana na dabua murina kahana ai eiava dabua lalona kahana ai, to vada ba gabua.
LEV 13:56 A hahelaḡa tauna ese baine itaia, ihurina murinai gorere toana vada e heroho valahu-valahumu: ia na toutou e miamu gabuna baine darea oho, dabua amo eiava boromakau kopina amo eiava dabua varona amo;
LEV 13:57 bena gorere toana ma bema hedinarai lou una dabua ai eiava una dabua varona ai eiava una boromakau kopina ai, una na lepra ma e vara loumu. Una ḡau mai gorerena ida na lahi ai ba gabua.
LEV 13:58 A gorere toana basinema hedinarai lou, bae huria murinai, una dabua eiava una dabua varona eiava una boromakau kopina ḡauna na bae huria lou, nega iharuana, bena baine ḡoeva.
LEV 13:59 Dabua manokana eiava dabua aukana eiava dabua i hatulaina varodia eiava boromakau kopina amo e karaia ḡauna ta lepra ese baine hamiroa, taravatuna bunai; unu ba diba toma, ia na ḡoeva eiava miro.
LEV 14:1 Iehova ese Mose e haduaia, eto,
LEV 14:2 Lepra tauna ihaḡoevana dinana taravatuna binai. Bae hakaua lao, hahelaḡa tauna dekenai;
LEV 14:3 bena hahelaḡa tauna na taruha murimurinai bainela, una tau baine itaia, ena lepra vada e boio eiava.
LEV 14:4 Bema boio, hahelaḡa tauna ese baine haḡanidia, lepra tauna ihaḡoevana totona manu ḡoevaḡoevadia rua mauridia ai bae abidia, bona sida audia taidia, bona dabua kakakakana taina, bona muramura avana.
LEV 14:5 Bena hahelaḡa tauna ese baine hahedua, manu ta uro ai bae alaia, e arumu ranuna daenai.
LEV 14:6 Bena manu maurina bona sida audia bona dabua kakakakana bona muramura avana baine abi, hari e arumu ranuna daenai e alaia manuna rarana ai baine uru diho.
LEV 14:7 Bena rara baine abia, ena lepra amo baine haḡoevaia; tauna baine nevarilaia, nega hitu; bena baine gwauraia, vada e ḡoeva. A manu maurina baine harohoa lasi murimuri ai.
LEV 14:8 Bena vada e ḡoeva tauna ese ena dabua baine huri, bona huina idoinai baine naua, bona baine digu: bena baine ḡoeva. Una murinai ia na taruha lalonai baine raka vareai: to ena kalaga murimurinai baine noho ela bona dina hitu bae ore.
LEV 14:9 Dina ihahituna ai, ia na huina idoinai, kwarana huina bona aukina huina bona ibunina, baine naua; bona ena dabua baine huri; bona baine digu. Unu amo baine ḡoeva.
LEV 14:10 Dina ihataurahanina ai, ia ese mamoe natudia mamaruanedia rua, asi bebeka-bebekadia, bona mamoe natuna hahinena ta, laḡani tamona ḡauna asi bebeka-bebekana, baine abidia. Bona flaoa namo-hereana efa ta baine karoa, karoa gwauta; bena karoa toi baine abi, dehoro ida baine bulo. Bona dehoro kebere ta danu baine abia.
LEV 14:11 Bena hahelaḡa tauna ese baine haḡoevaia tauna na baine hakaua lao, mai ena boubou ḡaudia ida, hebou kalagana iduarana ai baine haginia, Iehova vairanai
LEV 14:12 Bena hahelaḡa tauna ese mamoe natudia mamaruanedia ta baine abia, kara-dika boubouna ai bainela, dehoro keberena danu; unu ḡau ruaosi baine davedia, davedave boubouna ai baela Iehova vairanai.
LEV 14:13 Hari mamoe natuna maruanena na kara-rea bouboudia ḡaudia bona ḡole-oho bouboudia ḡaudia e aladiamu gabuna ai baine alaia, gabu helaḡana ai; badina be kara-dika boubouna ḡauna na hahelaḡa tauna ana, kara-rea boubouna heḡereḡerena. Ia na helaḡa herea.
LEV 14:14 Bena hahelaḡa tauna ese kara-dika boubouna rarana taina baine abia, e haḡoevaiamu tauna idiba taiana abona baine dahulaia, bona idiba imana sinabadana baine dahulaia, bona idiba aena sinabadana baine dahulaia.
LEV 14:15 Kebere danu baine abia, dehoro taina na miana laurina nuana ai baine seia;
LEV 14:16 bena idiba imana kwakikwakina ta una dehoro ai baine urua diho, bena dehoro na nega hitu baine daveraia Iehova vairanai.
LEV 14:17 Bena dehoro orena miana hahelaḡa tauna imana ai na taina baine abia, e haḡoevaiamu tauna idiba taiana abona bona idiba imana sinabadana bona idiba aena sinabadana baine dahulaidia, kara-dika boubouna rarana e dahulaidia gabudia ai.
LEV 14:18 A dehoro orena hahelaḡa tauna imana ai miana na ibounai e haḡoevaiamu tauna kwarana baine horolaia; unu amo hahelaḡa tauna ese ia dainai herohe-maino karana baine karaia, Iehova vairanai.
LEV 14:19 Hahelaḡa tauna ese kara-rea boubouna ḡauna baine alaia mase, e haḡoevaiamu tauna dainai herohemaino karana baine karaia; murinai ḡoIe-oho mamoena baine alaia mase.
LEV 14:20 Hahelaḡa tauna ese ḡole-oho ḡauna bona flaoa boubouna baine gabudia, ihaboulaina patana ai; Iahi ese baine ḡoledia oho. Unu amo hahelaḡa tauna ese una tau dainai herohemaino karana baine karaia, bena ia na baine ḡoeva.
LEV 14:21 Tau ta bema ogoḡami dainai unu ḡau idavaridia basinema heḡereḡere, ia ese mamoe natuna maruanena tamona mo baine abia, ena kara-dika boubouna, hahelaḡa tauna ese baine davea, ia dainai herohemaino karana baine karaia; bona flaoa efa ta baine karoa, karoa gwauta, karoa toi dehoro ida baine bulo, ena flaoa boubouna; bona dehoro kebere ta;
LEV 14:22 bona kerea rua eiava pune natuna rua, ena moni heḡereḡerena, ta kara-rea boubounabona ta ḡole-oho boubouna.
LEV 14:23 Bena dina ihataurahanina ai, ia ese baine laohaidia, hahelaḡa tauna dekenai, hebou kalagana iduarana ai, Iehova vairanai, hahelaḡa tauna ese baine haḡoevaia totona.
LEV 14:24 Bena hahelaḡa tauna ese kara-dika boubouna mamoena bona kebere mai dehorona ida baine abidia, baine davedia, davedave boubouna ai baela Iehova vairanai.
LEV 14:25 Bena kara-dika boubouna mamoena baine alaia mase, bona rarana baine abia, e haḡoevaiamu tauna idiba taiana abona bona idiba imana sinabadana bona idiba aena sinabadana baine dahulaidia.
LEV 14:26 Bena hahelaḡa tauna ese dehoro na ia imana laurina nuana ai baine seia,
LEV 14:27 bona idiba imana kwakikwakina ta amo baine daveraia nega hitu, Iehova vairanai.
LEV 14:28 Bena hahelaḡa tauna ese dehoro taina imana ai mia baine abia, e haḡoevaiamu tauna idiba taiana abona bona idiba imana sinabadana bona idiba aena sinabadana baine dahulaidia, kara-dika boubouna rarana e dahulaidia gabudia ai.
LEV 14:29 A dehoro orena hahelaḡa tauna imana ai mia na e haḡoevaiamu tauna kwarana baine horolaia, ia dainai herohemaino karana baine karaia Iehova vairanai.
LEV 14:30 Bena ia ese hari kerea rua eiava pune natuna rua, ena moni heḡereḡerena ai e hoi, baine heni,
LEV 14:31 ta kara-rea boubouna ai bainela, ma ta ḡole-oho boubouna ai bainela, flaoa boubouna ida; unu amo hahelaḡa tauna ese herohemaino karana baine karaia, Iehova vairanai, e haḡoevaiamu tauna ena.
LEV 14:32 Lepra tauna, ena moni dia heḡereḡere ihaḡoevana ḡaudia korikoridia baine abi, taravatuna bunai.
LEV 14:33 Iehova ese Mose bona Aaron ma e hamaorodia, eto,
LEV 14:34 Baina henimui emui tano korikori ai bainela tanona, Kanaan, ai ba kau murinai, readia ruma auta ai lepra gorerena baina atoa kau.
LEV 14:35 Unu bema heto, ruma biaguna ese hahelaḡa tauna dekena bainela, baineto, Lau na laloamu gorere dikana ta be egu ruma ai mia.
LEV 14:36 Bena hahelaḡa tauna ese baine hahedua, ruma ḡaudia iboudiai na ruma amo bae huadia lasi, hahelaḡa tauna baine raka vareai bena ruma ḡaudia baine gwauraidia miro na garina. Bena gabeamo hahelaḡa tauna na baine raka vareai, ruma baine itaia:
LEV 14:37 bena gorere toana baine itaia; bema ruma habana na mai toutou gadoka-gadokadia eiava kakakakadia, bona toutou na dia haba kopina ai mo to sisina dobu,
LEV 14:38 hahelaḡa tauna ese ruma iduarana amo baine raka lasi bona ruma na baine koua kunuka-kunuka, ela bona dina hitu bae ore.
LEV 14:39 Dina ihahituna ai, hahelaḡa tauna ma bainela, baine itaia, ruma habana ai toutou vada e bada eiava.
LEV 14:40 Bena hahelaḡa tauna ese baine hahedua, nadi mai toutoudia bae raḡadia oho, hanua murimurinai bae negedia, momoru gabuna ai.
LEV 14:41 Ruma laloma kahana idoinai danu bae kakasia, bona bae kakasia oho momoruna danu hanua murimurinai bae negea, miro ḡaudia e negemu gabuna ai.
LEV 14:42 Bena nadi matamatadia bae abi, e raḡadia oho ḡaudia bae bolodia; murinai ruma laloma kahana, idoinai taba-taba ḡauna amo bae tabaia ahu.
LEV 14:43 Unu nadi bae raḡadia oho bona ruma laloma kahana bae kakasia bona tabataba ḡauna amo bae tabaia ahu murinai unu gorere toutoudia ma bema vara lou ai na
LEV 14:44 hahelaḡa tauna ese ma baine ha itaia. Bema gorere toutoudia vada e bada ruma ai, una na lepra korikori, ruma e hadikaiamu; ruma na miro.
LEV 14:45 Ia ese ruma na baine rohoa, nadi bona au bona tabataba ḡauna baine ḡiḡi dobi; bena bae laohai, hanua murimurinai, miro ḡaudia e negemu gabuna ai, bae nege.
LEV 14:46 Daika ese ruma lalonai vada e raka vareai, hahelaḡa tauna ese e koua murinai, ia na baine taubu ela bona dina baine diho.
LEV 14:47 Una ruma ai e aniani tauna na ena dabua baine huri, bona una ruma ai e mahuta tauna danu ena dabua baine huri.
LEV 14:48 A hahelaḡa tauna baine raka vareai negana ai na baine itaia, tabataba ḡauna amo e tabaia ahu murinai gorere toutoudia asie vara lou, ia ese una ruma baine gwauraia, vada e ḡoeva; badina be gorere vada e boio.
LEV 14:49 Bena ruma ihaḡoevana totona ia ese manu rua bona sida audia rua bona dabua kakakaka bona muramura avana baine abidia.
LEV 14:50 Manu ta be uro lalonai baine alaia mase, e arumu ranuna daenai;
LEV 14:51 bena sida audia bona muramura avana bona dabua kakakaka bona manu maurina na manu masena rarana ai bona e arumu ranuna ai baine uru diho, bena ruma baine nevarilaia nega hitu.
LEV 14:52 Ruma na unu baine haḡoevaia toma, manu rarana amo bona e arumu ranuna amo bona manu maurina amo bona sida audia amo bona muramura avana amo bona dabua kakakaka amo.
LEV 14:53 Bena manu maurina na baine harohoa, hanua amo baine roho lasi uda ai. Unuhetomana ia ese ruma dainai herohemaino karana baine karaia. Bena ruma na baine ḡoeva.
LEV 14:54 Lepra bona taunimanima kopidia e varamu goreredia taravatudia bunu;
LEV 14:55 bona dabua bona ruma lepra ese e hamirodiamu taravatudia;
LEV 14:56 bona ḡou bona taoha bona toutou taravatudia.
LEV 14:57 Unu amo ba diba, mirona be edena bona ḡoevana be edena. Lepra taravatuna bunai.
LEV 15:1 Iehova ese Mose bona Aaron e hereva henidia, eto,
LEV 15:2 Israel taudia ba hamaorodia, baoto: Tau ta ese enobou gorerena baine davana, ia na baine miro.
LEV 15:3 Ena enobou gorerena taravatuna binai: hura baine aru lasi eiava baine atua ahu, ia na miro.
LEV 15:4 E mahutalaia patana na miro, bona latadiai e helai kau ḡaudia iboudiai na mimiro.
LEV 15:5 Ena mahuta patana ai baine dau kau tauna na ena dabua baine huri, bona ranu ai baine digu, bona baine taubu ela bona dina baine diho.
LEV 15:6 Gorere tauna ena helai ḡauna ai baine helai tauna danu ena dabua baine huri, bona baine digu, bona baine taubu ela bona dina baine diho.
LEV 15:7 Gorere tauna kopina baine daua toho tauna danu ena dabua baine huri, bona baine digu, bona baine taubu ela bona dina baine diho.
LEV 15:8 Gorere tauna ese ḡoeva tauna baine kanudia, una ḡoeva tauna ese ena dabua baine huri, bona baine digu, bona baine taubu ela bona dina baine diho.
LEV 15:9 Hosi doruna ai helai ḡauna na gorere tauna baine helai kau, una ḡau na miro.
LEV 15:10 Gorere tauna henunai e miava ḡauna ta tau ta ese baine daua toho, ia na baine taubu ela bona dina baine diho; bona ḡau unuhetomadia baine abi tauna na ena dabua baine huri bona baine digu, bena baine taubu ela bona dina baine diho.
LEV 15:11 Gorere tauna ese imana ranu ai basine huri, a tau ta baine daua toho, una tau ese ena dabua baine huri, bona baine digu, bona baine taubu ela bona dina baine diho.
LEV 15:12 Gorere tauna ese baine daua toho urona na bae hamakohia, bona baine daua toho dihuna na ranu amo bae huria.
LEV 15:13 Hari mai ena hura-aru tauna hurana bema doko, ia na dina hitu lalodiai baine haheḡoeva: ena dabua baine huri bona baine digu, bena baine ḡoeva.
LEV 15:14 Dina ihataurahanina ai, ia na kerea rua eiava pune natuna rua baine abidia, baine mailaidia Iehova vairanai, hebou kalagana iduarana ai; unuseni ai hahelaḡa tauna baine henia.
LEV 15:15 Bena hahelaḡa tauna ese baine hahelaḡadia, ta kara-dika boubouna ai bainela, ma ta ḡole-oho boubouna ai bainela; unu amo hahelaḡa tauna ese ia bagunai herohemaino karana baine karaia, Iehova vairanai, ena hura-aru dainai.
LEV 15:16 Tau ta vesina bema aru, ia na ranu ai baine digu, tauna idoinai baine huria, bona baine taubu ela bona dina baine diho.
LEV 15:17 Vesi na dabua ai eiava kopi amo e kara dabuadia ai bema aru, unu dabua iboudiai eiava unu kopi iboudiai na bae huri, bona bae taubu ela bona dina baine diho.
LEV 15:18 Tau ta ese hahine ta ida bae eno bou, bena vesina baine aru, raruosi vada bae digu, bona bae taubu ela bona dina baine diho.
LEV 15:19 Hahine ta rara baine karaia, ena nega korikori ai, ia be dina hitu baine miro; bona ta ese baine daua toho, ia danu baine taubu ela bona dina baine diho.
LEV 15:20 Ena miro dinadia ai baine hekurelai ḡaudia iboudiai na bae helaḡa, bona baine helailai ḡaudia iboudiai danu bae helaḡa.
LEV 15:21 Ena mahuta patana ai baine dau kau tauna na ena dabua baine huri, bona baine digu, bona baine taubu ela bona dina baine diho.
LEV 15:22 Ena helai ḡauna ai baine dau kau tauna danu ena dabua baine huri, bona baine digu, bona baine taubu ela bona dina baine diho.
LEV 15:23 Ena mahuta ḡauna ta eiava ena helai ḡauna ta latadiai tau ta ese bema daua toho, una tau baine taubu ela bona dina baine diho.
LEV 15:24 Tau ta ia ida bae eno bou, bena ia mirona ai baine miro, ia na baine taubu dina hitu, bona baine mahutalai patadia iboudiai bae miro.
LEV 15:25 Hahine ta ena rara kara dinadia bema hoho, dia ena rara kara negana korikori ai, eiava ena nega korikori ai to baine daudau herea, ia na baine taubu ela bona una rara-kara baine doko, ena rara kara dinadia iboudiai heḡereḡerena ai, ia na baine taubu.
LEV 15:26 Baine mahutalai patadia iboudiai bae miro ena; l rara kara a adia korikoridia ai heḡereḡerena; bona baine helailai ḡaudia iboudiai danu bae miro, ena rara kara negana ai heḡereḡerena.
LEV 15:27 Unu ḡau baine daudia toho tauna danu baine miro; ena dabua baine huri, bona baine digu, bona baine taubu ela bona dina baine diho.
LEV 15:28 A ena rara kara bema doko, ia na dina hitu baine duahidia, bena baine ḡoeva.
LEV 15:29 Bena dina ihataurahanina ai, ia ese kerea rua eiava pune natuna rua baine abidia, hahelaḡa tauna dekena baine mailaidia, hebou kalagana iduarana ai.
LEV 15:30 Bena hahelaḡa tauna ese baine hahelaḡadia, ta kara dika boubouna ai bainela, ma ta ḡole-oho boubouna ai bainela. Unu amo hahelaḡa tauna ese ia bagunai herohemaino karana baine karaia, Iehova vairanai, ena rara kara dainai.
LEV 15:31 Iniheto amo umui ese Israel taudia na edia miro amo ba haḡoevadia, lauegu dubu helaḡana, bogaragidiai e miamu dubuna, bae hamiroa, bena edia miro ai bae mase na garina.
LEV 15:32 Taravatu bunu: hura-aru tauna taravatuna, bona vesi-aru amo e miromu tauna taravatuna,
LEV 15:33 bona rara-kara hahinena taravatuna; kara miro taudia bona hahinedia taravatuna; bona hahine mai mirona ida e eno bou tauna taravatuna.
LEV 16:1 Iehova ese Mose e hereva henia, Aaron natuna raruosi ese Iehova e raka henia kahi dainai e mase negana murinai.
LEV 16:2 Iehova ese Mose e haduaia, eto, Kakamu Aaron, ia na dina iboudiai gabu helaḡana, seseahu lalonai, maua helaḡana ikaruhina vairanai, basine raka vareai, lasi ona lasi vaitani, baine mase garina; badina be lau na ori ai baina hedinarai, maua helaḡana ikaruhina latanai.
LEV 16:3 A Aaron na gabu helaḡana lalonai baine raka vareai negadia ai, ia na ini baine raka vareai toma: boromakau natuna maruanena ta baine mailaia, kara rea boubouna; bona mamoe maruanena to baine mailaia, ḡole-oho boubouna.
LEV 16:4 Hahedoki helaḡana, dabua aukana ḡauna, bona piribou, dabua aukana ḡauna, baine kara, bona gaba dabuana baine ḡeḡea, bona kwara ḡauna, dabua aukana ḡauna, kwarana ai baine atoa. Baine digu guna, bena baine kara, badina be unu na dabua helaḡadia.
LEV 16:5 Bena Israel taudia ediai ani mamaruanedia rua baine abidia, kara rea boubouna, bona mamoe maruanene ta, ḡole-oho boubouna.
LEV 16:6 Aaron ese ena kara rea boubouna boromakauna baine alaia mase, ia sibona dainai bona ena ruma taudia daidiai herohemaino karana baine karaia.
LEV 16:7 Una murinai ia ese nani mamaruanedia ruaosi baine abidia, Iehova vairanai baine atodia, hebou kalagana iduarana ai.
LEV 16:8 Bena Aaron ese mari amo baine tahudia, nani maruanena ta Iehova ena, ma ta Asasele ena.
LEV 16:9 Bena nani maruanena ta, mari amo e davaria ḡauna na Iehova ena, Aaron ese baine alaia mase, kara rea boubouna;
LEV 16:10 a nani maruanena iharuana, mari amo e davaria ḡauna na Asasele ena, mai maurina ida baine hakaua Iehova vairanai, herohemaino ḡauna na Asasele ena, mai maurina ida baine hakaua Iehova vairanai, herohemaino ḡauna; bena baine kahua bege, tano ḡaḡaena bainela, Asasele ena.
LEV 16:11 Aaron na ini baine kara toma: kara rea boubouna boromakauna baine mailaia guna, ia sibona dainai bona ena ruma taudia daidiai herohemaino karana baine karaia. Kara rea boubouna boromakauna baine alaia mase, ia sibona ena kara rea boubouna.
LEV 16:12 Bena ihaboulaina patana lahina amo gida baine abi, Iehoa vairanai, kebere ta ai baine uda, ela bona kebere baine honu; bona muramura mai bonana, e hamakohia sisisisi ḡauna, imana ai baine abia, seseahu lalonai baine rakalaia vareai.
LEV 16:13 Bena hari muramura mai bonana na gida ai baine bubua, Iehova vairanai; ela bona hari muramura mai bonana kwalahuna ese maua helaḡana ikaruhina, taravatu nadidia e karuhidia ḡauna, baine ḡovaia, ia basine mase helaoreana.
LEV 16:14 Bena boromakau rarana taina baine abia, imana kwakikwakina amo baine nevaria, maua helaḡana ikaruhina latanai bona vairanai, mairiveina kahana amo baine nevaria, nega hitu.
LEV 16:15 Una murinai ia ese kara rea boubouna nanina baine alaia mase, taunimanima edia; ia rarana danu baine vareailaia, seseahu lalonai, boromakau rarana e karaia heḡereḡerena ma baine karaia, maua helaḡana ikaruhina latanai bona vairanai baine nevari.
LEV 16:16 Unu amo ia ese gabu helaḡana dainai herohemaino karana baine karaia, Israel taudia edia miro bona edia kara dika bona edia kara rea daidiai; kara heḡereḡerena ma baine karaia hebou kalagana dainai, badina be ia na miro besena bogaraginai e miamu.
LEV 16:17 Una negana ai tau ta ese hebou kalagana lalonai basine raka vareai, Aaron ese gabu helaḡana ihaḡoevana totona baine raka vareai negana amo ela bona ia sibona dainai bona ena ruma taudia daidiai bona Israel taudia iboudiai daidiai herohemaino karadia baine kara, ma baine raka lasi.
LEV 16:18 Bena gabu helaḡana amo baine raka lasi negana ai, ia ese ihaboulaina patana dainai herohemaino karana baine karaia: boromakau rarana taina bona nani rarana taina baine abi, ihaboulaina patana doana baine dahulai,
LEV 16:19 bona imana kwakikwakina amo baine nevarilaia nega hitu. Unuhetomana ia ese ihaboulaina patana na Israel taudia edia miro amo baine haḡoevaia bona baine hahelaḡaia.
LEV 16:20 Gabu helaḡana bona hebou kalagana bona ihaboulana patana daidiai herohemaino karadia baine kara murinai, ia ese nani maruanena maurina baine hakaua mai Iehova vairanai.
LEV 16:21 Bena Aaron ese imana ruaosi na nani maruanena kwarana ai baine ato kau; bena ia ese Israel taudia edia kara dika bona edia kara havara bona edia kara rea iboudiai baine gwaurai hedinarai; iboudiai na nani maruanena kwarana ai baine ato kau. Bena tano ḡaḡaena baine siaia lao; tau ta, e abia hidi heḡaeḡae tauna, ese baine hakaua lao.
LEV 16:22 Hari nani maruanena ese edia dika iboudiai baine huahai dauhai; bena tano ḡaḡaena ai baine ruhaia nege.
LEV 16:23 Bena Aaron na hebou kalagana lalonai ma baine raka vareai, dabua aukadia, gabu helaḡana ai e raka vareai negana ai e kara ḡaudia, ma baine dokidia oho, baine atodia.
LEV 16:24 Bena baine digu, gabu helaḡana ta ai; una murinai ena dabua ma baine kara, baine raka lasi, ena ḡole-oho boubouna bona Israel taudia edia ḡole-oho ḡauna baine aladia mase, baine haḡole oho, ia dainai bona idia daidiai herohemaino karana baine karaia.
LEV 16:25 Kara rea boubouna digarana danu ihaboulaina patana latanai baine haḡolea oho.
LEV 16:26 A hari Asasele ena nani e hakaua lao tauna ese ena dabua baine huri bona baine digu; una mirunai ia na taruha lalonai ma baine raka vareai lou diba.
LEV 16:27 Bena kara rea boromakauna bona kara rea nanina, raradia na herohemaino totona gabu helaḡana ai e vareailai ḡaudia, na taruha murimurinai bae laohaidia, kopidia bona hidiodia bona taḡedia na bae gabudia, lahi ese baine ḡoledia oho.
LEV 16:28 Baine haḡoledia oho tauna ese ena dabua baine huri bona baine digu; bena taruha lalonai ma baine raka vareai.
LEV 16:29 Baine mia hanaihanai haheḡanina binai, Israel taumui emui bona bogaragimui ai e noho hedoamu taudia edia: hua ihahituna ena dina ihagwautana ai umui na bavani vaga bona ḡaukara ta basio karaia,
LEV 16:30 badina be una dina ai ba herohemaino bona ba ḡoeva; emui dika iboudiai amo ba ḡoeva, Iehova vairanai.
LEV 16:31 Una dina na helaḡa herea emui ai, taunabunai bavani vaga. Baine mia hanaihanai haheḡanina bunai.
LEV 16:32 Una dina ai hahelaḡa tauna, tamana gabuna ai bae horoa bona bae hahelaḡaia tauna, ese herohemaino karana baine karaia; ia ese dabua aukadia helaḡadia baine kara,
LEV 16:33 gabu helaḡana bona hebou kalagana bona ihaboulaina patana daidiai herohemaino karadia baine kara; bona hahelaḡa taudia bona orea taudia iboudiai daidiai herohemaino karana baine karaia.
LEV 16:34 Baine mia hanaihanai taravatuna bunai umui emui; unuhetomana laḡani ta ta amo Israel taudia bae herohemaino bona edia dika bae hegwau tao. Bena unu e kara toma, Iehova ese Mose e haduaia heḡereḡerena.
LEV 17:1 Iehova ese Mose e hamaoroa, eto,
LEV 17:2 Aaron mai natuna ida bona Israel taudia iboudiai ba hereva henidia, baoto, Iehova ena hahedua binai:
LEV 17:3 Israel tauna ta ese horomakau maruanena eiava mamoe natuna eiava nani baine alaia mase, taruha lalonai eiava taruha murimurinai,
LEV 17:4 a hebou kalagana iduarana ai basine mailaia, Iehova ena ihaboulaina ḡauna ai basine halaoa Iehova ena ruma vairanai, rarana na ia latanai, badina be rara vada e hahebubua kerere: ia na ena bese amo bae negea daure.
LEV 17:5 A Israel taudia na edia boubou ḡaudia taruha murimurinai bae aladia mase negadia ai, idia ese Iehova dekena bae mailaidia, hebou kalagana iduarana ai, unuseni ai hahelaḡa tauna bae henia, edia herohemaino bouboudia ai bae halaodia Iehova ena.
LEV 17:6 Bena hahelaḡa tauna ese rara baine abia, Iehova ena ihaboulaina patana baine nevarilaia, hebou kalagana iduarana ai; bona digara baine haḡolea oho, bonana namo ḡauna ai bainela Iehova ena.
LEV 17:7 Taunabunai, idia na dirava koikoidia basie boudia, bona vairadiai basie lebulebu. Baine mia hanaihanai taravatuna bunai, idia ediai, edia uru iboudiai lalodiai.
LEV 17:8 Ba haduadia danu, baoto: Israel tauna ta, eiava noho-hedoa tauna ta, ese ḡole-oho boubouna eiava idau boubouna ta baine alaia mase,
LEV 17:9 a hebou kalagana iduarana ai basine mailaia, Iehova ena ihaboulaina ḡau, una tau be ena bese amo bae negea daure.
LEV 17:10 Israel tauna ta eiava noho-hedoa tauna ta, ese vamu mai rarana baine ania, lau ese una tau baina badu henia; ia na ena bese amo bae negea daure.
LEV 17:11 Badina be hidio ena mauri be rara ai; vada na henimui, ihaboulaina patana ena, laumamui ihaḡoevadia. Rara na haheḡoeva ḡauna, badina ia lalonai be mauri.
LEV 17:12 Taunabunai, Israel taudia vada na haḡanidia, nato: Asi tauna ta emui orea lalonai, bona asi tauna ta bogaragimui ai e noho hedoamu, vamu mai rarana baine ania.
LEV 17:13 Israel tauna ta eiava noho-hedoa tauna ta baine labana, bena udaḡauna ta eiava roho manuna ta, aniani ḡauna, baine alaia mase, ia ese rarana baine hadihoa tano ai, bona ḡahu amo baine tahunia.
LEV 17:14 Badina be mauri ḡaudia iboudiai edia mauri be rara ai. Taunabunai lau ese Israel taudia vada na haḡanidia, nato: Vamu mai rarana na basio ania, badina be mauri ḡaudia iboudiai edia mauri be rara ai; baine ania tauna na bae negea daure.
LEV 17:15 A tau ta, Israel tauna eiava noho-hedoa tauna, ese mase kava ḡauna eiava uda ḡaudia daḡedaḡedia ese e alaia ḡauna, baine ania, ia na ena dabua baine huri bona baine digu, bona baine taubu ela bona dina baine diho; una murinai ia na baine ḡoeva.
LEV 17:16 A ia na ena dabua basinema huri eiava basinema digu, ia na bema kerere.
LEV 18:1 Iehova ese Mose e hereva henia, eto,
LEV 18:2 Israel taudia ba hamaorodia, lau binai Iehova, emui Dirava.
LEV 18:3 O noholaiva tanona, Aigupto, taudia na edia kara basio kara; baina hakaumui vareai tanona, Kanaan, taudia danu edia kara basio kara bona edia taravatu basio badinadia.
LEV 18:4 A lauegu haheḡani bavabidia dae, bona lauegu taravatu ba badinadia; lau binai Iehova. emui Dirava.
LEV 18:5 Taunabunai, egu taravatu bona egu haheḡani ba badinadia; unu baine kara toma tauna be baine mauri. Lau binai Iehova.
LEV 18:6 varavaramu ta ida basio eno bou; lau Iehova na gwaumu.
LEV 18:7 Tamamu ena geda ai basio hekure, sinamu ida basio eno bou; ia na sinamu, basio abia.
LEV 18:8 Tamamu adavana ta ida basio eno bou; ia na tamamu ena.
LEV 18:9 Taihumu ida basio eno bou; tamamu natuna hahinena ta eiava sinamu natuna hahinena ta, oi ida ruma tamona ai e vara, eiava idau ruma ai e vara, basio abia.
LEV 18:10 Tubumu kekenina ida basio eno bou; natumu maruanena natuna eiava natumu hahinena natuna basio abia, badina be iena hemarai na oiemu hemarai.
LEV 18:11 Tamamu adavana natuna hahinena, tamamu ese e havaraia, ida basio eno bou, ia na taihumu.
LEV 18:12 Lalamu ida basio eno bou; ia na tamamu ida hidiotamona.
LEV 18:13 Sinamu lahaina ida basio eno bou; ia na sinamu ida hidio tamona.
LEV 18:14 Tamamu lahaina ena geda ai basio hekure, ia adavana ida basio eno bou; ia be varavaramu.
LEV 18:15 Ravamu hahinena ida basio eno bou; ia na natumu adavana; basio abia.
LEV 18:16 Ihamu ida basio eno bou; ia na tadikakamu ena.
LEV 18:17 Hahine ta ida boma eno bou, ia natuna hahinena eiava tubuna kekenina ida basioma eno bou; idia na hidio tamona. Una na hemarai karana.
LEV 18:18 Hahine ta boma adavaia, ia tadina ida basio hodara.
LEV 18:19 Hahine ta basio raka henia kahi, ia ida ba eno bou totona, rara e hekaramu negana ai.
LEV 18:20 Dekemu tauna adavana ida basio heuda hanai; una na kara mirona.
LEV 18:21 Natumu ta dirava ladana Molek basio henia, ḡole-ohoboubouna ḡauna ai basinela; una na emu Dirava ladana ihadikana karana. Lau binai Iehova.
LEV 18:22 Tatau ida basio eno bou; una na kara mirona.
LEV 18:23 Mauri ḡauna idauna ta ida basio eno bou; hahine danu unu basine kara toma; una kara na dika rohoroho.
LEV 18:24 Ini kara mirodia iboudiai na basio kara; badina be vairamui ai baina luludia lasi besedia be unu kara amo e hahemiromu.
LEV 18:25 Tano danu vada e hamiroa; una dainai ena dika davana vada na henia. Tano na vada e dika; e noholaiava taudia vada e loridia lasi.
LEV 18:26 A umui ese egu taravatu bona egu haheḡani ba badinadia, bona unu kara mirodia basio kara, umui Israel taumui bona bogaragimui ai e noho hedoamu taudia danu.
LEV 18:27 Badina be hari tano e noholaia gunava taudia ese unu kara mirodia e karava ema bona tano na vada e hamiroa.
LEV 18:28 Bena umui ese unu ba hamiroa toma, ia ese umui danu baine lorimui lasi, e noholaia gunava taudia e loridia lasi na heto.
LEV 18:29 Badina be unu kara mirodia bae kara taudia iboudiai na edia bese amo bae negedia daure.
LEV 18:30 Taunabunai, egu hahedua ba badinaia: unu kara mirodia, e gunalaimui taudia ese e kara, na umui basio kara, unu kara amo basio hahemiro. Lau binai Iehova, emui Dirava.
LEV 19:1 Iehova ese Mose e hereva henia, eto,
LEV 19:2 Israel taudia iboudiai ba hamaorodia, baoto: Umui na ba helaḡa, badina be lau Iehova, emui Dirava, name helaḡa.
LEV 19:3 Iboumui ai sinamui bona tamamui ba matauraidia, bona egu dina helaḡadia ba badinadia. Lau binai Iehova, emui Dirava.
LEV 19:4 Dirava koikoidia basio toma henidia diho, bona dirava laulaudia auri amo basio kara. Lau binai Iehova, emui Dirava.
LEV 19:5 Emui herohemaino bouboudia, Iehova ena, be mailaidia negadia ai, kara idoidiai ba kara ḡoevaḡoeva, bena baine abimui dae.
LEV 19:6 Boubou ḡauna hidiona na bavalaia dinana ai eiava dina iharuana ai bavania; dina ihatoina ai bahu na ba haḡolea oho.
LEV 19:7 Dina ihatoina ai boma ania, una na kara mirona; Iehova ese emui boubou basine abia dae:
LEV 19:8 ianina tauna baine kerere, badina be Iehova ena ḡau helaḡana vada e hahemaraia; ena bese amo l bae negea daure.
LEV 19:9 Emui uma anidia ba utu negana ai, basio utua lao ela bona emu inoḡo hetoana korikori ai; bona tano ai bae moru ḡaudia basio gogo.
LEV 19:10 Emu vine anidia danu basio buruki ore, bona vine huahuadia tano ai bae moru be basio gogo: bae mia, ogoḡami tauna ana eiava noho-hedoa tauna ana. Lau binai Iehova, emui Dirava.
LEV 19:11 Ḡau ta basio henaoa. Basio kara koikoi. Basio hereva koikoi.
LEV 19:12 Lau ladagu ai basio gwau hamata koikoi; emu Dirava ladana basio hahemaraia. Lau binai Iehova.
LEV 19:13 Dekemu tauna basio daḡedaḡe henia, ena ḡau ta danu basio dadia. Ḡaukara tauna ena ḡaukara davana basio dogoa tao ela bona daba ai.
LEV 19:14 Taiakudima tauna basio uduguiraia; mata-kepulu tauna basio hahekwakwanaia; emu Dirava garina ba gari. Lau binai Iehova.
LEV 19:15 Basio hahemaoro koikoi: ogoḡami tauna basio bogaia hisi, bona taḡa tauna basio matauraia; kara maoromaoro ai dekemu taudia ba hahemaoro henidia.
LEV 19:16 Sivarai koikoi basio piupiulai, emu orea taudia bogaragidiai. Dekemu tauna ena mauri basio abia oho, hahebade koikoi dainai. Lau binai Iehova.
LEV 19:17 Tadikakamu basio inai henia lalomu ai. Dekemu tauna ba sisiba henia, iena kerere amo oi danu ba kerere na garina.
LEV 19:18 Kara dika davana basio haloua. Emu bese taudia natudia na basio lalo-hisihisi henidia. Dekemutauna ba lalokau henia, sibomu o helalokaumu heḡereḡerena. Lau binai Iehova.
LEV 19:19 Egu taravatu ba badinadia. Emu ubu-ubu ḡaudia orea idau-idaubasio haheḡodaḡodadia. Uhe idau-idau inoḡo tamona ai basio hado. Dabua idau-idau amo e karaia hahedokina basio dokilaia.
LEV 19:20 Tau ta ese hesiai kekenina ida baine eno bou, a una kekeni be mai maohenina, bona heni-tao monina dainai eiava hebogahisi dainai ena hesiai ilao-henina amo do se ruhaia nege, kara anina bae tahu henidia; to basie aladia mase, badina be hahine na do se ruhaia nege.
LEV 19:21 Kerere tauna ese ena kara dika boubouna baine mailaia, hebou kalagana iduarana ai Iehova baine henia. Ena boubou ḡauna na mamoe maruanena ta.
LEV 19:22 Bena hahelaḡa tauna ese ena kara dika boubouna baine abia, Iehova vairanai herohemaino karana baine karaia, una tau dainai; bena ena dika baine hegwau tao.
LEV 19:23 Ba noholaia tanona ai ba kau bona emui au huahua idau-idau unuseniai ba hado negana ai anidia ba gwaurai helaḡa; laḡani toi lalodiai bae helaḡa emui ai, basio ani.
LEV 19:24 Laḡani ihahanina ai anidia bae helaḡa, boubou ḡaudia ai baela, Iehova ihanamolaina.
LEV 19:25 A laḡani iha-imana ai, anidia bavabi, bavani, anidia na emui ai bae hoho helaoreana. Lau binai Iehova, emui Dirava.
LEV 19:26 Vamu mai rarana na basio ania. Mari karadia bona mea karadia basio kara.
LEV 19:27 Kwaramui huidia basio nau heḡeḡe, bona aukimui huidia basio utu heini.
LEV 19:28 Mase daidiai kopimui basio iva bona revareva basio atu. Lau binai Iehova.
LEV 19:29 Natumu kekenina basio hahemaraia, ariara hahinena ai basio halaoa, tano na lebulebu bona kara havara ai baine honu na garina.
LEV 19:30 Egu dina helaḡadia ba badinadia; egu gabu helaḡana ba matauraia. Lau binai Iehova.
LEV 19:31 Rohe taudia bona babalau taudia na basio lao henidia; basio tahudia bona, edia kara miro ai basio miro. Lau binai Iehova, emui Dirava.
LEV 19:32 Tau burukana vairanai ba tore isi; iahu ba matauraia; emu Dirava garina ba gari. Lau binai Iehova.
LEV 19:33 Bogaragimui ai e noho hedoamu tauna na basio daḡedaḡe henia;
LEV 19:34 noho-hedoa tauna na emui bese tauna korikori heḡereḡerena baine noho bogaragimui ai. Ba lalokau henia, sibomu o helalokaumu heḡereḡerena; badina be umui danu Aigupto tanona ai o noho hedoava. Lau binai Iehova, emui Dirava.
LEV 19:35 Basio hahetoho koikoi. Lata hahetohodia bona metau hahetohodia bona anina hahetohodia basio ha-idau koikoi.
LEV 19:36 Emui hahetoho ḡaudia bona edia metau ḡaudia bae maoro; bona emui efa bona emui hini danu bae maoro. Lau binai Iehova, emui Dirava; Aigupto tanona amo na hakaumui lasi.
LEV 19:37 Egu taravatu iboudiai bona egu haheḡani iboudiai ba badinadia, karadia ba kara. Lau binai Iehova.
LEV 20:1 Iehova ese Mose e hereva henia, eto,
LEV 20:2 Israel taudia ma ba hamaorodia, baoto: Israel tauna ta eiava noho-hedoa tauna taese natuna na ḡole-oho boubouna ai baine halaoa, dirava koikoina Molek ena, ia na momokani baine mase: hanua taudia ese nadi amo bae hodoa mase.
LEV 20:3 Lau danu vairagu baina ha-aukaia una tau enai, bona ena beseamo baina negea daure; badina be natuna na Molek e henia, unu amo ia ese lauegu gabu helaḡana vada e hamiroa, bona lau ladagu helaḡana vada e hahemaraia.
LEV 20:4 A hanua taudia ese hari natuna Molek e henia tauna bema bogaia hisi, basiema hodoa mase,
LEV 20:5 lau ese vairagu baina ha-aukaia una tau enai bona ena iduhu taudia iboudiai ediai; edia bese amo baina negea daure, ia bona ia ida Molek vairani, eha lebulebu taudia iboudiai danu.
LEV 20:6 Rohe taudia bona mea taudia baine lao henidia bona idia ida baine kara havara tauna danu, lau ese vairagu baina ha-aukaia ienai, bona ena bese amo baina negea daure.
LEV 20:7 Taunabunai, sibomui ba hahelaḡa, bena ba helaḡa noho; badina be lau na Iehova emui Dirava.
LEV 20:8 Egu taravatu ba badinadia, karadia ba kara: lau binai Iehova, ihahelaḡamui Diravana.
LEV 20:9 Tamana eiava sinana e uduguiraiamu tauna na bae alaia mase; tamana eiava sinana e uduguiraia dainai, rarana be sibona latanai.
LEV 20:10 Tau ta na dekena tauna adavana ida bae heuda hanai, tau bona hahine raruosi na bae aladia mase.
LEV 20:11 Tau ta na tamana adavana ida bae heuda hanai, tamana baine hahemaraia, raruosi na bae aladia mase. Raradia na sibodia latadiai.
LEV 20:12 Tau ta na rava maraḡi hahinena ida bae heuda hanai, raruosi na bae aladia mase. Idia na kara dika-hereana vada e karaia; raradiana sibodia latadiai.
LEV 20:13 Tau ta na ma tau ta ida bae eno bou, una na kara mirona: raruosi na bae aladia mase; raradia na sibodia latadiai.
LEV 20:14 Tau ta ese adavana baine eno henia bona ma sinana danu, una na kara dika-hereana:tatoiosi na lahi ai bae hamasedia, una kara dikana bogaragimui ai baine doko helaoreana.
LEV 20:15 Tau ta na mauri ḡauna idauna ta ida bae eno bou, ia bae alaia mase bona hari mauri ḡauna danu bae alaia mase.
LEV 20:16 Eiava hahine ta na mauri ḡauna idauna ta ida bae eno bou, ia bona hari mauri ḡauna bavaladia mase; vada bae mase, raradia na sibodia latadiai.
LEV 20:17 Tau ta ese taihuna ta, tamana natuna eiava sinana natuna, baine abia, ia ida bae eno bou, una na hemarai karana; edia bese bogaragidia amo bae luludia lasi. Ia ese taihuna vada e hahemaraia; ena kara dika madunana baine huaia.
LEV 20:18 Tau ta na hahine ta ida bae eno bou, rara e karaia negana ai, ia ese hahine rarana vada e hahemaraia, bona hahine ese sibona rarana vada e hahemaraia; raruosi na edia bese amo bae negedia daure.
LEV 20:19 Sinamu lahaina eiava lalamu ida basio eno bou, badina be idia na varavaramu; emui kara dika madunana ba huaia.
LEV 20:20 Tau ta na tamana lahaina adavana ida bae eno bou, una na tamana lahaina ihahemaraina karana; edia kara dika madunana bae huaia: bae noho gabani ela bona mase.
LEV 20:21 Tau ta na ihana ida bae eno bou, una na kara mirona; ia ese tadikakana vada e hahemaraia. Idia na bae noho gabani.
LEV 20:22 Benaini: egu taravatu bona egu haheḡani ba badinadia, bona karadia ba kara; bena baina henimui ba noholaia tanona ese basine lorimui lasi.
LEV 20:23 Vairamui ai baina luludia Iasi besedia edia kara basio tohotohodia; badina be idia ese ini kara bodagadia idoidiai vada e kara, una dainai lau ese na inai henidiamu.
LEV 20:24 A lau ese vada na gwau henimui hamata, nato, Edia tano bavabia emui; baina henimui emui tano korikori, rata bona bada ranuna e arumu tanona bunai. Lau binai Iehova emui Dirava; bese idau-idau bogaragidia amo vada na abimui hidi.
LEV 20:25 Taunabunai, mauriḡaudia ḡoevaḡoevadia bona mirodia ba hididia, tano ai e loamu ḡaudia bona atai ai e rohomu manudia danu. Lau ese vada na gwauraidia miro ḡaudia, tano ai e loamu ḡaudia eiava atai ai e rohomu manudia eiava e raumu ḡaudia, na mirodia ai basio miro.
LEV 20:26 Umui na ba helaḡa lauegu ai; badina be lau Iehova name helaḡa, bona bese idau-idau bogaragimui amo vadana hidimui, egu bese ai baola helaoreana.
LEV 20:27 Rohe bona mea tauna eiava hahinena na bae aladia, nadi amo bae hododia mase. Raradia na sibodia latadiai.
LEV 21:1 Iehova ese Mose e hereva henia, eto, Hahelaḡa taudia, Aaron natuna, ba hamaorodia, idia ta ese ena hanua masena ta latanai e helaḡalaimu karadia ai basine dau kau;
LEV 21:2 varavarana mo latadiai: sinana, eiava tamana, eiava natuna, eiava tadikakana,
LEV 21:3 eiava taihuna hane-ulato rami-hebou latanai; badina be ia na varavarana, bona asi adavana, ia dainai baine dau kau.
LEV 21:4 A ena hanua masena ta latanai e helaḡalaimu karadia ai basine dau kau, badina be ia na ena bese lohiana.
LEV 21:5 Hahelaḡa taudia na kwaradia basie naudia, bona aukidia huidia basie utu heini, bona kopidia basie ivadia.
LEV 21:6 Edia Dirava enai bae helaḡa; edia Dirava ladana basie hahemaraia. Badina be boubou ḡaudia be idia ese lahi ai e hahelaḡadiamu, Iehova ena, bona edia Dirava ena flaoa idia ese e hahelaḡaiamu; taunabunai idia bae helaḡa.
LEV 21:7 Idia na ariara hahinedia eiava lebulebu hahinedia eiava diho hahinedia basie adavadia; badina be hahelaḡa tauna na helaḡa, ena Dirava enai.
LEV 21:8 Oi ese ia ba hahelaḡaia, badina be emu Dirava ena flaoa ia ese baine hahelaḡaia; bena emu ai baine helaḡa, badina be lau Iehova, umui ihahelaḡamui Diravana, na helaḡa.
LEV 21:9 Hahelaḡa tauna natuna hahinena baine lebulebu, bena ena lebulebu amo ia ese tamana baine hahemaraia, vada bae hamasea lahi ai.
LEV 21:10 Hahelaḡa tauna badana, tadikakana e biagudiamu tauna, dehoro helaḡana e horolaia tauna, e hahelaḡaia dabua helaḡadia baine dokilai tauna, ia ese huina basine ḡiḡi rohoroho, bona ena dabua basine dare.
LEV 21:11 Mase ta basine raka henia kahi; ena be tamana eiava sinana, to ia latanai e helaḡalaimu karadia ai basine dau kau.
LEV 21:12 Gabu helaḡana basine rakatania, ena Dirava ena gabu helaḡana basine hahemaraia; badina be ena Dirava ena dehoro helaḡana ese vada e hahelaḡaia. Lau binai Iehova.
LEV 21:13 Hane-ulato rami-hebou ta baine adavaia;
LEV 21:14 vabu eiava diho hahinena eiava vada e hamiroa hahinena eiava ariara hahinena basine adavaia. Hane-ulato rami-hebou ta, ena beseamo mo, baine adavaia;
LEV 21:15 unu amo natuna na basie hemarai ena bese taudia bogaragidiai; badina be lau Iehova ese vada na hahelaḡaia.
LEV 21:16 Iehova ese Mose ma e hereva henia, eto,
LEV 21:17 Aaron ini ba hamaoroa toma, baoto: Uru ta ai emu iduhu tauna ta bema mai bebeka-bebekana, iana basine raka kahi mai, ena Dirava ena flaoa ihahelaḡana.
LEV 21:18 Badina be tau-anina mai bebeka-bebekana tauna na basine raka kahi mai: mata-kepulutauna, eiava ae-hedairike tauna, eiava vairana eiava regena ta mai berona tauna,
LEV 21:19 eiava imana eiava aena e bero tauna,
LEV 21:20 eiava doru-laoho tauna, eiava tau kwadogi-herea eiava mata-gegeva tauna, eiava kopi-hemaihemai gorerena tauna, eiava kopina mai taohana tauna, eiava abona nadinadina e heala tauna.
LEV 21:21 Asi tauna ta Aaron ena iduhu amo mai bebeka-bebekana baine raka kahi mai, boubou ḡaudia lahi ai baine hahelaḡadia Iehova ena, eiava ena Dirava ena flaoa baine hahelaḡaia, totona.
LEV 21:22 Ena Dirava ena flaoa, helaḡa ḡauna bona helaḡa-herea ḡauna, baine ani diba;
LEV 21:23 a seseahu basine raka henia kahi, bona ihaboulaina patana basine raka henia kahi, badina be ia na mai bebeka-bebekana. Una dainai, ia na lauegu gabu helaḡadia basine hamirodia; badina be lau Iehova ese vada na hahelaḡadia.
LEV 21:24 Ini hereva iboudiai Mose ese Aaron mai natuna ida bona Israel taudia iboudiai e hamaorolaidia.
LEV 22:1 Iehova ese Mose e hereva henia, eto,
LEV 22:2 Aaron mai natuna ida taravadia bavatu, idia na Israel taudia edia boubou ḡaudia helaḡadia, lau dekegu ai e mailaidiamu ḡaudia, na bae matauraidia, lau ladagu helaḡana basie hahemaraia: lau binai Iehova.
LEV 22:3 Ba hamaorodia, baoto: Emui uru iboudiai lalodiai emui iduhu tauna ta ese Israel taudia edia boubou ḡaudia, e hahelaḡadiamu Iehova ena, baine raka henidia kahi mai mirona ida, una tau be lau vairagu ai bae negea daure. Lau binai Iehova.
LEV 22:4 Aaron ena iduhu tauna ta lepra eiava enobou gorerena baine davaria, ia ese aniani helaḡadia basine ani ela bona tauna baine ḡoeva. Bona ta ese mase dainai vada e miro ḡauna ta baine daua toho, eiava vesina e arumu tauna ta baine daua toho,
LEV 22:5 eiava tano ai e raumu ḡauna mirona ta baine daua toho, eiava edena miro edena miro amo vada e hahemiro tauna baine daua toho,
LEV 22:6 una miro baine daua toho tauna na baine taubu ela bona dina baine diho; bona aniani helaḡana basine ania ela bona ranu ai baine digu.
LEV 22:7 A dina baine diho, bena baine ḡoeva; una murinai ia ese aniani helaḡana baine ania, badina be ena heubu ḡauna bunai.
LEV 22:8 E mase kava ḡauna eiava uda boromadia ese e hamasea ḡauna na basine ania, baine miro na garina: lau binai Iehova.
LEV 22:9 Taunabunai, egu haheḡani bae badinadia; bae tata utu negana ai bae kara dika bona edia kara dika ai bae mase na garina. Lau Iehova ese vada na hahelaḡadia.
LEV 22:10 Idau iduhu tauna ta ese aniani helaḡana basine ania; hahelaḡa tauna ena vadivadi ese basine ania; hesiai tauna mai davana ese basine ania.
LEV 22:11 A hahelaḡa tauna ese moni amo e hoia tauna ese baine ania; bona hahelaḡa tauna ena ruma ai hesiai ai e vara tauna ese danu baine ania.
LEV 22:12 Hahelaḡa tauna natuna hahinena ese idau iduhu tauna ta baine adavaia, ia ese aniani helaḡana, e duduia isi boubouna hidiona, na basine ania.
LEV 22:13 A hahelaḡa tauna natuna hahinena bema vabu, eiava bema diho, asi natuna, bena tamana ena ruma bema lou henia, unuseni ai bema noho, kekenina negana heḡereḡerena, ia be tamana ana aniani baine ania. A idau iduhu tauna ta basine ania diba.
LEV 22:14 Tau ta ese aniani helaḡana baine ania kava, asi dibana vada e helaḡa dainai, ia ese davana na hahelaḡa tauna baine henia mai ato-kauna ida; ato-kauna na e ania ḡauna bema karoa, karoa ima, benakaroa ta heḡereḡerena ma baine atoa kau.
LEV 22:15 Israel taudia edia boubou ḡaudia helaḡadia Iehova e heniamu na hahelaḡa taudia ese basie ani kava ani kava;
LEV 22:16 aniani helaḡadia bae ani kava na e mailaidia taudia bae hakereredia; badina be lau Iehova ese vada na hahelaḡadia.
LEV 22:17 Iehova ese Mose ma e hereva henia, eto,
LEV 22:18 Aaron mai natuna ida bona Israel taudia iboudiai ba hamaorodia, baoto: Israel tauna ta eiava Israel taudia bogaragidiai e noho hedoamu tauna ta ese boubou ḡauna baine mailaia, gwau-hamata dainai eiava lalo-namo dainai, Iehova ena ḡole-oho ḡauna ai baine halaoa;
LEV 22:19 Iehova ese baine abia dae helaoreana, ihenina tauna ese boromakau maruanena eiava mamoe maruanena eiava nani maruanena asi bebeka-bebekana ta baine mailaia.
LEV 22:20 A mai bebeka-bebekana ḡauna basine mailaia, badina be Iehova ese basine abia dae.
LEV 22:21 Herohemaino boubouna baine mailaia tauna danu, gwau-hamata dainai eiava lalo-namodainai baine mailaia, Iehova ese baine abia dae helaoreana ihenina tauna ese boromakau eiava mamoe asi bebeka-bebekana ta baine mailaia.
LEV 22:22 Matakepulu ḡauna eiava ae-hedairike ḡauna eiava mai berona eiava mai totona eiava mai kuhikuhina eiava mai taohana ḡauna na basio mailaia, Iehova ena ihaboulaina patana latanai basio haḡolea oho.
LEV 22:23 Boromakau maruanena eiava mamoe natuna na imana ta eiava aena ta baine kwadogi eiava baine lata, vada ba henia diba, lalo-namo boubouna, to basio mailaia gwau-hamatadavana.
LEV 22:24 Ḡau ta abona nadinadina na e toto eiava e pata eiava e hedare eiava e heiva na basio mailaia Iehova ena, emui boubou ḡauna ai basio halaoa, emui tano idoinai.
LEV 22:25 Idau bese tauna ena amo unuhetomana ta bavabia, emui boubou ḡauna ai ba halaoa, Iehova ese basine abia dae, badina be idia na mimiro bona mai bebeka-bebekadia.
LEV 22:26 Iehova ese Mose ma e hamaoroa, eto,
LEV 22:27 Boromakau eiava mamoe eiava nani baine vara negana ai, ia na dina hitu sinana dekenai baine noho; dina ihataurahanina ai bona dina ihataurahanina murinai ia na heḡereḡere ḡole-oho boubouna ai ba halaoa, Iehova ena.
LEV 22:28 A sinana, boromakau hahinena eiava mamoe hahinena, na natuna ida dina tamona ai basio aladia hebou.
LEV 22:29 Emui hahenamo bouboudia Iehova ba henia negadia ai na ba hahelaḡadia namonamo, bena Iehova ese baine abidia dae.
LEV 22:30 Boubou hidiona na bavalaia dinana ai bavania; bahu na basine mia rani. Lau binai Iehova.
LEV 22:31 Benaini, egu haheḡani ba badinadia, karadia ba kara: lau binai Iehova.
LEV 22:32 Lau ladagu helaḡana basio hahemaraia; Israel taudia ese lau ladagu bae hahelaḡaia: lau binai Iehova, umui ihahelaḡamui Diravana.
LEV 22:33 Lau ese Aigupto tanona amo na hakaumui lasi, emui Dirava ai bainala helaoreana. Lau binai Iehova.
LEV 23:1 Iehova ese Mose e hereva henia, eto,
LEV 23:2 Israel taudia ba hamaorodia, baoto Iehova ena aria bini; ini aria negadia ai emui hebou helaḡadia ba kara.
LEV 23:3 Dina tauratoi ai ba ḡaukara, a dina ihahituna na dina helaḡana, laḡa-ani dinana, hebou helaḡana dinana. Una dina ai basio ḡaukara; ia naIehova ena Dina Helaḡa, emui noho gabudia iboudiai.
LEV 23:4 Iehova ena aria bini; emui hebou helaḡadia edia nega korikori ai do ba kara.
LEV 23:5 Hua gini-gunana dinana ihagwauta-hanina hanuaboina na Iehova ena lagau-hanai.
LEV 23:6 Hua dinana ihagwauta-imana na asie hatubua flaoana ariana, Iehova ena; dina hitu lalodiai asie hatubua flaoana mo bavania.
LEV 23:7 Aria dinana gini-gunana ai emui hebou helaḡana ba karaia, bona ḡaukara badana ta basio karaia.
LEV 23:8 Dina hituosi lalodiai emui ḡole-oho bouboudia Iehova ba henia; bena dina ihahituna ai emui hebou helaḡana ma ba karaia lou. Una dina ai danu ḡaukara badana ta basio karaia.
LEV 23:9 Iehova ese Mose ma e hereva henia, eto,
LEV 23:10 Israel taudia ba hamaorodia, baoto: Baina henimui tanona ai ba kau murinai, emui uma anidia ba utu negadia ai na emui iḡui roboana na hahelaḡa tauna dekena ba laohaia;
LEV 23:11 bena ia ese iḡui baine abia, Iehova vairanai baine davea, Iehova ese baine hanamomui helaoreana. Dina Helaḡa murina dinana ai hahelaḡa tauna ese iḡui baine davea;
LEV 23:12 bena una iḡui idavena dinana ai mamoe natuna maruanena asi bebeka-bebekana, laḡani tamona ḡauna, bavabia, ḡole-oho boubouna ḡauna ai ba halaoa, Iehova ena.
LEV 23:13 Flaoa boubouna danu ia ida ba heni: flaoa namo-hereana efa ta ba karoa, karoa gwauta, bena karoa rua bavabi, emui boubou ḡauna. Dehoro ida ba bulo, bena lahi ai ba haḡolea oho, bonana namo ḡauna ai bainela, Iehova ena. Inuinu boubouna danu idia ida ba heni, vine ranuna kehere ta.
LEV 23:14 Flaoa basio ania; uit danu, e hakaukaua ḡauna eiava matamatana, basio ania; ela bona emui boubou ḡauna na emui Dirava dekenai ba laohaia dinana ai bavania. Ina taravatu baine mia hanaihanai emui uru iboudiai bona emui noho gabudia iboudiai lalodiai.
LEV 23:15 Una dina amo, hari Dina Helaḡa murina dinana, emui iḡui roboadia ba heni davedave bouboudia ai baela dinana, pura hitu ba duahidia.
LEV 23:16 Dina imahui ba duahidia, ela bona Dina Helaḡa ihahituna murina dinana; una dina ai flaoa matamatana boubouna Iehova ba henia.
LEV 23:17 Emui ruma amo flaoa namo-hereana efa ta ba karoa, karoa ima, bena karoa ta bavabia, ihatubuna muramurana ida ba buloa; bena ba gabua, igabu rua ba kara, davedave boubouna ḡaudia, emui flaoa matamatana amo.
LEV 23:18 Bona flaoa igabudia ida mamoe natudia asi bebeka-bebekadia hitu, laḡani tamona ḡaudia, bona boromakau natuna maruanena ta, bona mamoe mamaruanedia rua, ḡole-oho boubouna ai baela, Iehova ena, flaoa boubouna bona inuinu bouboudia ida; idoinai bonana namo boubouna ai bainela lahi ai, Iehova ena.
LEV 23:19 Kara rea boubouna danu ba henia, nani maruanena ta, bona herohemaino boubouna, mamoe natuna mamaruanedia rua, laḡani tamona ḡaudia.
LEV 23:20 Hahelaḡa tauna ese baine davedia, flaoa matamatana bouboudia ida, idoinai, hari mamoe natuna ruaosi ida, davedave boubouna ai bainela, Iehova ena. Idia na Iehova ena ḡau helaḡadia, hahelaḡa tauna ana.
LEV 23:21 Una dina tamona ai danu taunimanima ba boiridia hebou, emui hebou helaḡana ba karaia; una dina ai ḡaukara badana ta basio karaia. Ina taravatu baine mia hanaihanai, emui uru iboudiai bona emui noho gabudia iboudiai lalodiai.
LEV 23:22 Emui uit eiava emui bali ba utua negana ai, basio utua ela bona emu inoḡo hetoana korikori ai, bona tano ai bae moru anidia basio gogo: bae mia, oroḡami tauna eiava noho-hedoa tauna ana. Lau binai Iehova, emui Dirava.
LEV 23:23 Iehova ese Mose ma e hereva henia, eto,
LEV 23:24 Israel taudia ba hamaorodia, baoto: Hua ihahituna dinana gini-gunana na laḡa-ani dinanahelaḡana ta emui, helalo-tao dinana mai kibi ihiriridia, bona hebou helaḡana dinana.
LEV 23:25 Una dina ai ḡaukara badana ta basio karaia; a ḡole-ohoboubouna Iehova ba henia.
LEV 23:26 Iehova ese Mose e hamaoroa, eto,
LEV 23:27 Hua ihahituna dinana ihagwautana na herohemaino dinana: una dina ai emui hebou helaḡana ba karaia, bona ba helalo kerehai, bona ḡole-oho boubouna Iehova ba henia.
LEV 23:28 Una dina ai ḡaukara ta basio karaia, lasi vaitani; badina be ia na herohemaino dinana. Iehova emui Dirava ida ba herohemaino una dina ai.
LEV 23:29 A tau ta una dina ai basine helalo, ia na ena bese amo bae negea daure.
LEV 23:30 Bona tau ta una dina ai baine ḡaukara, lau ese baina hamasea, ena bese taudia bogaragidia amo.
LEV 23:31 Ḡaukara ta basio karaia, lasi ona lasi vaitani: ina taravatu baine mia hanaihanai, emui uru iboudiai bona emui noho gabudia iboudiai lalodiai.
LEV 23:32 Ina na dina helaḡa badana, emui laḡa-ani dinana badana, bona emui helalo dinana badana: hua dinana ihataurahani-tana ai dina baine diho elabona dina ihagwautana ai dina baine diho ina dina helaḡana ba badinaia.
LEV 23:33 Iehova ese Mose ma e hereva henia, eto,
LEV 23:34 Israel taudia ba hamaorodia, baoto: Ina hua ihahituna dinana ihagwauta-imana na kalaga ariana ba matamaia dina hitu lalodiai ba karaia, Iehova ena.
LEV 23:35 Aria dinana gini-gunana ai, hebou helaḡana ba karaia; hau dina ai ḡaukara badana ta basio karaia.
LEV 23:36 Dina ta ta ai, ela bona dina hituosi bae ore, ḡole-oho bouboudia Iehova ba henia. Bena dina ihataurahanina ai emui hebou helaḡana ba karaia, bona ḡole-oho boubouna Iehova ba henia. Ia na hebou helaḡana badana; ḡaukara badana ta basio karaia una dina ai.
LEV 23:37 Iehova ena aria bunu; ba badinadia, dina helaḡadia bona hebou helaḡadia dinadia. Emui boubou ḡaudia na lahi ai ba gabudia: ḡole-oho bouboudia bona flaoa bouboudia, boromakau bona mamoe, inuinu bouboudia danu, ta ta ena dina ena dina ai.
LEV 23:38 Ini be idau; a Iehova ena dina helaḡa, pura ta ta ai, bona emui herahia ḡaudia, bona emui gwau-hamata bouboudiaiboudiai, bona emui lalo-namo bouboudia iboudiai, Iehova o heniamu, bema idau.
LEV 23:39 Benaini, hua ihahituna dinana ihagwauta-imana, uma anidia iboudiaiba haboudia murinai, Iehova ena aria ba karaia dina hitu lalodiai. Aria dinana gini-gunana na laḡa-ani helaḡa dinana, bona aria dinana ihataurahanina na laḡa-ani helaḡa dinana.
LEV 23:40 Dina gini-gunana ai au namodia huahuadia bavabi, bona reta, bona au rigidia mai raudia ida, bona arabimi sinavai isena amo; bena Iehova vairanai ba moale hebou, dina hituosi lalodiai.
LEV 23:41 Laḡani ta ta lalodiai ina aria dinadia hituosi do ba badinadia: egu haheḡani bunai, uru uru idoidiai ela bona hanaihanai. Hua ihahituna ai una aria ba karaia.
LEV 23:42 Unu dina hituosi lalodiai umui na kalaga ai ba noho; Israel taudia iboudiai kalaga bae noholai;
LEV 23:43 unu amo uru gabedia bae diba lau ese Israel taudia na kalaga ai na hanohodia, Aigupto tanona amo na hakaudia lasi negana ai. Lau binai Iehova, emui Dirava.
LEV 23:44 Bena Mose ese Israel taudia e haboudia, Iehova ena aria herevadia e hadibalaidia.
LEV 24:1 Iehova ese Mose e hamaoroa, eto,
LEV 24:2 Israel taudia ba haduadia, olive dehorona ḡoevaḡoevana, lamepa ḡauna, bae henimu, lamepa baine ara hanaihanai helaoreana.
LEV 24:3 Hebou kalagana Ialonai, maua helaḡana seseahuna murimurinai, baine ara; Aaron ese baine reḡua, hanuaboi iboudiai baine ara rani Iehova vairanai. Haheḡanina binai baine mia hanaihanai emui uru iboudiai lalodiai.
LEV 24:4 Aaron ese lamepa baine reḡudia, lamepa patana ai, gold namo-hereana amo e karaia ḡauna, Iatanai bae ara hanaihanai, Iehova vairanai.
LEV 24:5 Flaoa namo-hereana bavabia, ba gabua, igabu gwauta-rua. Flaoa efa ta ba karoa, karoa gwauta, bena karoa rua rua bavabi, igabu ta ta ikaralaidia.
LEV 24:6 Bena Iehova vairanai ba dabara, gold namo-hereana amo e karaia patana latanai; ere rua ai bavatodia, ere ta igabu tauratoi, ma ere ta igabu tauratoi.
LEV 24:7 Ere ruaosi latadiai muramura mai bonana ḡoeva-daena bavatoa kau, iana flaoa ida helalo-tao toana ai baela, bona lahi boubouna ai baela, Iehova ena.
LEV 24:8 Dina Helaḡa ta ta ai, hahelaḡa tauna ese flaoa helaḡana unu baine dabaraia toma Iehova vairanai; Israel taudia daidiai baine dabaraia, herohemaino toana, baine hesiriu hanaihanai.
LEV 24:9 Una flaoa na Aaron mai natuna ida adia; gabu helaḡana ai bae ania, Iehova ena Iahi bouboudia iboudiai ia mo sibona helaḡa herea. Mia-hanaihanai taravatuna bunai.
LEV 24:10 Tau ta, sinana na hane Israel, tamana na Aigupto tauna, e raka lasi. Israel taudia bogaragidiai: bena ia na Israel tauna korikorina ta ida e heai. taruha lalonai.
LEV 24:11 Bena hari hane Israel natuna ese Lada Helaḡana e uduguiraia, hereva metaudia e gwaurai. Bena haida ese e hakaua lao, Mose vairanai. Sinana ladana na Selomiti Dibri, Dan iduhuna hahinena.
LEV 24:12 Bena e ḡuia, ela bona Iehova ena hahemaoro herevana bae diba.
LEV 24:13 Bena Iehova ese Mose e hamaoroa, eto,
LEV 24:14 Heuduguirai tauna na taruha murimurinai ba hakaua lasi; bena ena heuduguirai herevadia e kamonai taudia iboudiai ese imadia na ia tubuana ai bae ato kau, murinai hebou taudia iboudiai ese nadi amo bae hodoa mase.
LEV 24:15 Israel taudia ba hadibadia danu, ena Dirava baine uduguiraia tauna ese sibona ena dika madunana baine huaia.
LEV 24:16 Iehova ladana baine uduguiraia tauna na baine mase; hebou taudia iboudiai ese bae hodoa mase. Ena be noho-hedoa tauna eiava Israel tauna korikori, to Lada Helaḡana bema uduguiraia, vada bae hodoa mase.
LEV 24:17 Tau ta baine alaia mase tauna danu bae alaia mase.
LEV 24:18 Mauri ḡauna ta baine alaia mase tauna ese davana baine heni; mauri ḡauna davana be mauri ḡauna.
LEV 24:19 Tau ta ese dekena tauna baine haberoa, e haberoa heḡereḡerena ai ia danu bae haberoa.
LEV 24:20 Bero davana bero, mara davana mara, ise davana ise; e karaia heḡereḡerena ma ba kara henia.
LEV 24:21 Mauri ḡauna idauna baine alaia mase tauna ese davana baine heni; a taunimanima baine alaia mase tauna na bae alaia mase.
LEV 24:22 Noho-hedoa tauna bona Israel tauna korikori taravatudia na tamona: lau Iehova emui Dirava na gwaumu.
LEV 24:23 Mose ese Israel taudia unu e haḡanidia toma; bena idia ese heuduguirai tauna e hakaua lasi, taruha murimurinai, nadi amo e hodoa mase. Iehova ese Mose e haduaia heḡereḡerena, Israel taudia na unu e kara toma.
LEV 25:1 Iehova ese Mose e hereva henia, Sinai ororona ai, eto,
LEV 25:2 Israel taudia ba hamaorodia, baoto: Baina henimui tanona ai ba kau negana ai, tano ena nega helaḡadia ba badinadia, Iehova ena.
LEV 25:3 Laḡani tauratoi emu uhe ba hado, bona laḡani tauratoi emu vine audia rigidia ba kwamadia heini, huahua ihahohodia totona.
LEV 25:4 A laḡani ihahituna na tano ena laḡa-ani negana, laḡani helaḡana Iehova ena: uhe basio hado emutano ai, bona emu vine audia rigidia basio kwamadia heini.
LEV 25:5 Sibona baine tubu ḡauna na basio utua, bona vine huahuadia bae dobi na basio habou; tano ena laḡa-ani helaḡana bunai.
LEV 25:6 Tano ena laḡa-ani amo amui ba davaria:oi bona emu hesiai tauna bona emu hesiai hahinena bona dekemu ai e ḡaukaramu tauna bona dekemu ai e noho hedoamu tauna,
LEV 25:7 bona emu boromakau bona emu seri iboudiai emu tano lalonai. Tano anina idoinai na amui.
LEV 25:8 Laḡani helaḡadia hitu ba duahidia, laḡani kavakavadia hitu hitu amo: unu laḡani iboudiai bae hari-ahui taurahani-ta.
LEV 25:9 Bena hua ihahituna dinanaihagwautana ai kibi ba hiriria badabada; herohemaino dinana ai kibi bae hiriri emui tano idoinai.
LEV 25:10 Laḡani iha-imahuina ba hahelaḡaia, bainehelaḡa herea. Una laḡani lalonai iḡui taudia iboudiai bae ruhadia nege. Ia ladana be Iubile: ia lalonai taunimanima iboudiai edia tano korikori bona edia iduhu korikori bae lou henidia.
LEV 25:11 Laḡani iha-imahuina na emui Iubile: ia Ialonai uhe basio hado, bona sibona baine tubu ḡauna basio utua; emui vine danu rigidia basio kwamadia heini, bona huahuadia basio habou.
LEV 25:12 Badina be Iubile laḡanina na helaḡa emui ai: tano anina na bavania, vadaeni.
LEV 25:13 Iubile laḡanina ai umui ta ta ena tano ena tano bavabi lou.
LEV 25:14 Dekemu tauna enai ba hoihoi, basio koia, ia danu basine koimu.
LEV 25:15 Dekemu tauna ena tano ba hoia negana ai, ba laloa, Iubile murinai laḡani hida vada e lao bubuni; ia danu baine laloa, taboro hida do mimia.
LEV 25:16 Bema laḡani momo mimia, davana na baine bada, a bema laḡani gadoi mo mimia, davana na baine maraḡi, badina e hoimu ḡauna be taboro e hoimu.
LEV 25:17 Raruosi basio hekoi heheni, a emui Dirava garina be gari, badina be lau be Iehova, emui Dirava.
LEV 25:18 Taunabunai, egu taravatu bona egu haheḡani ba badinadia bona karadia ba kara; unu amo ba noho namonamo emui tano ai.
LEV 25:19 Tano ese anina baine henimui: bavaniani, ba boga kunu, ba noho namonamo.
LEV 25:20 Ba henanadai reana, baoto “Laḡani ihahituna ai dahaka baia ania, basia hadohado bona basia taboro negana ai?”
LEV 25:21 Benaini, laḡani ihatauratoina ai baina hanamomui, tano anina bavabia, laḡani toi davadia.
LEV 25:22 Bena laḡani ihataurahanina ai emui uhe ma ba hado, a emui uma anidia gunadia do bavani, ela bona laḡani ihataurahani-tana ena taboro negana baine kau.
LEV 25:23 Tano tabasio hoia vaitani, badina be tano na lauegu, umui ese o noholaiamu, e kara lauegu vadivadi na heto.
LEV 25:24 Ba hoi tanodia iboudiai na biagudia gunadia bae abi lou diba.
LEV 25:25 Tadikakamu ta baine ogoḡami, bena ena tano kahana baine hoia, ia varavara-dosina ese una tano davana baine karaia, baine abia lou.
LEV 25:26 Bema asi iabi-louna tauna ta, a gabeamo ogoḡami tauna ma baine taḡa, iabi-lounabaine heḡereḡere,
LEV 25:27 ia na baine haeroa, laḡani hida vada ela ia ese e hoia, bena davana orena baine heni lou, ena tano ma baine abia lou.
LEV 25:28 A bema imana baine tuna, iabi-louna basine heḡereḡere, e hoia tauna ese bainebirulaia ela bona Iubile laḡanina; una negana ai tano tauna korikorina ese ena tano baine abia lou.
LEV 25:29 Hanua mai maḡuna lalonai tau ta ese ena ruma baine hoia, moni davana, ia na davana baine heni lou bona ena ruma baine abia lou diba, ela bona laḡani ta baine ore. Laḡani ta lalonai ia ese baine hoia lou diba.
LEV 25:30 A laḡani ta lalonai basine abia lou, una ruma na iena amo e hoia tauna ena ruma korikori ai bainela, iena bona ia garana edia; Iubile laḡanina ai biaguna gunana basine abia Iou.
LEV 25:31 A hanua maraḡidia, asi maḡudia hanuadia, lalodiai na ruma bae hoi be tano bae hoi heḡereḡerena, davadia bae heni lou bona ruma bae abi lou diba, bona Iubile laḡanidia ai biagudia gunadia ese bae abi lou.
LEV 25:32 Ḡau tamona, Levi taudia edia hanua ai, Levi taudia ese edia ruma bae hoi lou diba, laḡani iboudiai.
LEV 25:33 A Levi tauna ta ena ruma basine hoia Iou, ia na Iubile laḡanina ai do baine abia lou. Badina be Levi taudia edia hanua rumadia na edia korikori, Israel taudia bogaragidiai.
LEV 25:34 Bona edia gabi-ruma tanodia na haida ese basie hoi; unu tano na ediatano korikori ela bona hanaihanai.
LEV 25:35 Tadikakamu ta baine ogoḡami, asi ena heubu dalana, oi ese ba ubua, laolao tauna eiava vadivadi tauna na heto.
LEV 25:36 Moni eiava kohu iena amo basio abia; emu Dirava garina ba gari, bona tadikakamu ba hamauria.
LEV 25:37 Moni ba henia eiava aniani ba ubulaia na davadia basio abi.
LEV 25:38 Lau binai Iehova emui Dirava; Aigupto tanona amo na hakaumui lasi, Kanaan tanona baina henimui bona emui Dirava ai bainala totona.
LEV 25:39 Tadikakamu ta baine ogoḡami, bena emu ai sibona baine hehoi, basio kara henia o hoia tauna o kara heniamu heḡereḡerena;
LEV 25:40 a mai davana emu ai e ḡaukaramu tauna eiava noho-hedoa tauna heḡereḡerena oi dekemuai baine noho. Ia na oi isiaimu baine lao heni ela bona Iubile laḡanina;
LEV 25:41 bena emu ruma amo baine raka lasi, ia mai natuna ida, ena ruma taudia bona ena tano korikori baine lou henidia.
LEV 25:42 Badina be idia na lauegu hesiai taudia, Aigupto tanona amo na hakaudia lasi; basio hoidia.
LEV 25:43 Basio hahisihisia; emu Dirava garina ba gari.
LEV 25:44 E noho hetabiramu besedia edia amo emui hesiai taudia bona hahinedia ba hoidia;
LEV 25:45 bogaragimui ai e noho hedoamu taudia edia amo danu natudia emui tano ai e vara na ba hoidia diba, emui iḡui taudia ai baela.
LEV 25:46 Umui murimui ai dihimui ese danu bae abidia, edia korikori; isiaimui bae lao heni hanaihanai. A Israel taudia, varavaramui korikori, na basio hahisihisidia.
LEV 25:47 Bogaragimui ai e noho hedoamu tauna na baine taḡa, bona tadikakamu ta baine ogoḡami, bena hari tadikakamu na sibona baine hehoi, una nohohedoa tauna enai eiava iena ruma tauna ta enai,
LEV 25:48 unu e hehoi toma tauna na bae hamauria diba, tadikakana ese,
LEV 25:49 eiava tamana lahaina ese, eiava varavarana ta ese; eiava ia sibona moni baine davaria negana ai na sibona baine hahemauri.
LEV 25:50 Laḡani bae duahidia, biaguna enai e hehoi negana ela bona Iubile laḡanina; bena iruhana monina na unu laḡani hidaosi ahudia, hesiai tauna mai davana ahuna heḡereḡerena, baine heni.
LEV 25:51 Negana bema daudau, laḡani unuhohodia davadia baine heni, sibona e hehoilai monina amo;
LEV 25:52 eiava negana bema kwadogi, laḡani unuhohodia davadia na biaguna baine henia, laḡani hidaosi mimia heḡereḡeredia ia ese iruhana monina na baine heni.
LEV 25:53 Ia na hesiai tauna mai davana, laḡani ta ta amo e ḡaukaramu, heḡereḡerena ai baine ḡaukara; biaguna ese basine hahisihisia oi vairamu ai.
LEV 25:54 Bema basine heruha guna, ia na Iubile laḡanina ai baine heruha, ia mai natuna ida.
LEV 25:55 Badina be Israel taudia na lauegu hesiai taudia; Aigupto tanona amo na hakaudia Iasi, isiaigu ilao-henina totona. Lau binai Iehova, emui Dirava.
LEV 26:1 Kaivakuku basio kara. Dirava laulauna nadi amo basio koroa bona basio haginia; au-tubua helaḡana ta eiava nadi helaḡana ta danu basio haginia bona basio toma henia diho, emui tano idoinai; badina be lau na Iehova, emui Dirava.
LEV 26:2 Egu dina helaḡadia ba badinadia, bona egu dubu helaḡana ba matauraia: lau binai Iehova.
LEV 26:3 Egu taravatu boma badinadia bona egu haheḡani karadia boma kara,
LEV 26:4 lau ese medu namodia baina henimui, edia nega korikori ai, bena tano ese anina baine havaraia, bona imea audia bae huahua.
LEV 26:5 Uit ikwadina do basine ore ai vine huahuadia iutudia baine hematama, bona vine huahuadia iutudia do basine ore ai hadohado baine hematama. Bavaniani boga kunu, emui tano ai ba noho, asi emui kudou hetaha.
LEV 26:6 Lau ese maino baina henimui emui tano ai; vada ba laḡa ani, asi tauna ta ese baine hagarimui. Uda boromadia baina ha-oredia emui tano ai, bona tuari darena na basine hedinarai, emui tano idoinai.
LEV 26:7 Inaimui do ba hadareredia, emui dare amo bavaladia mase.
LEV 26:8 Laima umui emui amo ese sinahu-ta bae hadareredia, bona sinahu-ta umui emui amo ese gerebu-ta bae hadareredia; inaimui iboudiai na emui dare ai bae mase.
LEV 26:9 Lau ese baina haḡeremui, natumui momo baina henimui, baina hahutumamui. Egu gwau-hamata emui aido baina hamomokania.
LEV 26:10 Emui roge anidia basie ore; gunadia oredia do ba nege, matamatadia gabudia ilailaidia.
LEV 26:11 Bogaragimui ai baina noho; lau laumagu ese basine dadaraimui.
LEV 26:12 Bogaragimui ai baina raka; emui Dirava ai bainala, umui danu egu bese taumui ai baola.
LEV 26:13 Lau binai Iehova, emui Dirava: Aigupto tanona amo na hakaumui lasi, Aigupto taudia isiaidia basio lao heni nato; aiomui gadeadia na hamotudia, na haginimui maoromaoro.
LEV 26:14 A basioma kamonai henigu; ini haheḡani iboudiai basioma badinadia;
LEV 26:15 egu taravatu boma tata utu, bona laumamui ese egu hahemaoro herevadia bema dadaraidia; egu haheḡani iboudiai karadia basioma kara, bona emui gwau-hamata egu ai basioma hamomokania;
LEV 26:16 lau be ini baina kara henimuitoma: gari lalomui ai baina havaraia; baina havaroda-varodamui. Taumui bae siahu, bona matamui bae valahu-valahu, bona laumamui bae daure. Emui uhe ba hado, to anidia basio ani; inaimui ese bae ani.
LEV 26:17 Vairagu baina ha-aukaia emui ai. Inaimui ese bae hadareremui bona bae halohiamui. Ta ese basine havamui negana ai ba heau.
LEV 26:18 Ini ḡau muridiai ma basioma kamonai henigu, lau ese emui kara dika davadia nega hahitu baine henimui.
LEV 26:19 Emui goada heaḡina baina hahemaraia. Guba na auri ai baina halaoa emui ai; bona emui tanobada na auri laboralaborana ai baina halaoa.
LEV 26:20 Emui goada baine ore kava; emui uma anidia basie vara; emui imea audia basie huahua.
LEV 26:21 Doene boma inai henigu bona boma gwau edeede henigu, lau ese baina hahisihisimui nega hahitu, emui kara dika daidiai.
LEV 26:22 Uda boromadia baina kahudia nege bogaragimui ai; idia ese natumui bae dadihaidia, bona emui seri bae habuadia tari, bona umui bae hagadoimui. Emui dala ai ava bae tubu.
LEV 26:23 A dounu basioma lou henigu, dounu egu amo boma raka oho,
LEV 26:24 lau ese umui emui amo baina raka oho, bona emui kara dika davadia nega hahitu ma baina henimui.
LEV 26:25 Dare na latamui ai baina siaia, taravatu itatautuna davana ihaḡuḡuruna totona. Emui hanua badadia ai ba hahebou negadia ai, lau ese dai-hanai goreredia baina siaidia bogaragimui ai, benainaimui imadia ai baina negemui.
LEV 26:26 Amui mauri anianina baina abia oho negana ai, hahine gwauta amu tamona ai flaoa bae gabua, amui bae hahetoho henimui; bavaniani, to bogamui basie kunu.
LEV 26:27 Unu ḡau muridiai do basioma kamonai henigu, a egu amo boma raka oho,
LEV 26:28 lau be umui emui amo baina raka oho mai badugu ida, bona emui kara dika davadia nega hahitu baina henimui, lau sibogu ese.
LEV 26:29 Bena natumui mamaruanedia bona natumui hahinedia hidiodia do bavani.
LEV 26:30 Lau ese emui helaḡa gabudia ororo doridia ai na baina habuadia tari, bona emui muramura patadia baina uhedia hebubu, bona emui kaivakuku tau-anidiamasedia latadiai umui tau-animui masedia baina tahodia kau; bena laumaguese baine dadaraimui.
LEV 26:31 Emui hanua baina habuadia tari; emui dubu baina giḡidia rohoroho; emui muramura bonadia basina moalelai.
LEV 26:32 Emui tano baina havahua; inaimui bae noho henia, bena bae hoalaia.
LEV 26:33 Bena baina lulumui lasi, bese idau-idau bogaragidiai baina hakarohomui rohoroho. Egu dare baina veria lasi, ia ese baine havamui; emui tano bona emui hanua bae vahu.
LEV 26:34 Una negana ai tano ese ena laḡa-ani baine moalelaia, baine vahudinadia iboudiai, umui inaimui edia tano ai ba noho hedoa dinadia ai. Tano na baine laḡa ani, bona ena laḡa-ani baine moalelaia.
LEV 26:35 Ena vahudinadia iboudiai baine laḡa ani, laḡa-ani korikori, dia umui o noholaiavanegadia ai emui dina helaḡadia ai e laḡa aniva na heto.
LEV 26:36 A emui bese oredia na lalodia baina hadaradaradia, inaidia edia tano ai; au rauna lai ese e hohoamu reḡena ese baine hagaridia, bena bae heautania, dare bema heautania na heto; bena ta ese se hahavadia negana ai bae keto.
LEV 26:37 Tau ta ese se havadiamu negana ai bae hetutuhi heheni, dare bema heautania na heto. Inaimui vairadiai basio gini diba.
LEV 26:38 Mase ese baine ḡavamui tao, bese idau-idau bogaragidiai, inaimui edia tano ese baine hadonomui.
LEV 26:39 Bae roho mauri taudia kwabukwabudia na inaimui edia tano ai bae manori, edia kara dika daidiai bona tamadia edia kara dika daidiai.
LEV 26:40 To bema helalo kerehai, edia kara dika bona tamadia edia kara dika, edia kara hedibaḡani egu ai bona edia raka muri karadia,
LEV 26:41 daidiai na rakatanidia bona inaidia edia tano ai na luludia lao karadia, bema gwaurai hedinarai; bona edia hekokoroku bema negea, lalodia bema hamanau, bona edia kara dika davadia do bema hua,
LEV 26:42 lau ese egu gwau-hamata, Iakob bona Isaak bona Abraham na gwaurai henidia hamata ḡauna, baina helalolaia une, bona tano danu baina laloa.
LEV 26:43 A tano na do baine mia, ena laḡa-anibaine moalelaia, idia muridiai baine vahu dinadia iboudiai; bona idia ese edia kara dika davadia do bae hua; badina be egu haheḡani e dadaraidiava, bona laumadia ese egu taravatu e inai henidiava.
LEV 26:44 Ḡau tamona, inaidia edia tano ai bae noho negana ai, lau ese basina dadaraidia, basina inai henidia, basina habuadia tari, bona egu gwau-hamata idia ediai basina reaia; badina be lau na Iehova, edia Dirava.
LEV 26:45 Idia daidiai egu gwau-hamata, idia senedia, bese idau-idau vairadiai Aigupto amo na hakaudia lasi bonaedia Dirava ai nala taudia, na gwaurai henidia hamata ḡauna, do baina laloa tao. Lau binai Iehova.
LEV 26:46 Haheḡani bona hahemaoro bona taravatu bini, Iehova ese Mose imana amo e kara, Sinai ororona ai, ia bona Israel taudia padadiai bae mia.
LEV 27:1 Iehova ese Mose ma e hereva henia, eto,
LEV 27:2 Israel taudia ba hamaorodia, baoto: Taunimanima ta baine helaḡa, gwau-hamata ta dainai, oiese ibodohilaina ḡauna ba gwauraia, Iehova ena.
LEV 27:3 Bema tau, laḡani ruahui ela bona laḡani tauratoi-ahui, ibodohilaina na silver sekeledia imahui, gabuhelaḡana ena sekele heḡereḡeredia.
LEV 27:4 Bema hahine, ibodohilaina na sekele toi-ahui.
LEV 27:5 Taunimanima laḡanidia ima ela bona ruahui ibodohilaidia bini: bema maruane, sekele ruahui; bema hahine, sekele gwauta.
LEV 27:6 Hua ta amo ela bona laḡani ima ibodohilaidia bini: bema maruane, silver sekeledia ima; bema hahine, sekele toi.
LEV 27:7 Laḡani tauratoi-ahui vada e hanai taudia ibodohilaidia bini: bema tau, sekele gwauta-ima; bema hahine, sekele gwauta.
LEV 27:8 Aogoḡami dainai gwau-hamata tauna na ibodohilaidia bini basine heni diba, ia na hahelaḡa tauna vairanai baine hedinarai, bena hahelaḡa tauna ese ibodohilaina davana baine gwauraia, gwau-hamata tauna baine heni diba heḡereḡerena.
LEV 27:9 Ḡau helaḡana bema mauri ḡauna ta, taunimanima vaia Iehova ena ihaboulaina ai e halaomu ḡaudia ta, una ḡau danu baine helaḡa, tau ta ese Iehova vada e henia dainai.
LEV 27:10 Basine boloa: namona na dikana basine bololaia, bona dikana na namona basine bololaia. Bema boloa, mauri ḡaudia ruaosi na bae helaḡa.
LEV 27:11 A bema mauri ḡauna mirona ta, Iehova ena ihaboulaina ai asie halaoamu ḡauna, gwau-hamata tauna ese una ḡau baine laohaiaha helaḡa tauna vairanai.
LEV 27:12 Bena hahelaḡa tauna ese ibodohilaina davana baine gwauraia, ena namo eiava ena dika heḡereḡerena; oi hahelaḡa taumu ba gwauraia heḡereḡerena, dava korikorina bunai.
LEV 27:13 Hari tau baine ura baine bodohilaia, ia ese dava bunai baine heni, mai atokauna ida. Atokauna na dava idoinai baine karoaia, karoa ima, bena karoa ta heḡereḡerena ma baine atoa kau.
LEV 27:14 Tau ta ese ena ruma bema gwauraia hamata, baine helaḡa Iehova ena, hahelaḡa tauna ese ibodohilaina davana baine gwauraia, ena namo eiava ena dika heḡereḡerena; hahelaḡa tauna ese davana baine gwauraia heḡereḡerena, dava korikorina bunai.
LEV 27:15 Ruma biaguna baine ura ena ruma baine bodohilaia, ia ese dava bunai baine heni mai atokauna ida. Atokauna na dava idoinai baine karoaia, karoa ima, bena karoa ta heḡereḡerena ma baine atoa kau. Bena ruma na iena.
LEV 27:16 Tau ta ese ena tano kahana, senena edia amo e abia tanona, bema hahelaḡaia Iehova ena, oi ese ibodohilaina davana ba haeroa, uhe una tano lalonai vada e hadomu heḡereḡerena. Bali homerena ta na silver sekeledia imahui ida ba haheḡereḡerea.
LEV 27:17 Iubile laḡanina ai ena tano bema hahelaḡaia, ibodohilaina na dava idoinai, oi ese ba gwauraia heḡereḡerena, baine heni.
LEV 27:18 A Iubile laḡanina murinai bema hahelaḡaia, hahelaḡa tauna ese baine haeroa, laḡani hida do mimia ela bona Iubile ta baine kau, bena unu laḡani hidaosi ihaheḡereḡeredia ai davana baine hamaraḡia.
LEV 27:19 Tano biaguna baine ura ena tano baine bodohilaia, ia ese dava baine heni mai atokauna ida. Atokauna na dava idoinai baine karoaia, karoa ima, bena karoa ta heḡereḡerena ma baine atoa kau. Bena tano na iena.
LEV 27:20 A ibodohilaina basine ura, eiava tau ta ese baine hoia, ia na basine abia lou diba.
LEV 27:21 A Iubile baine kau ai, una tano na baine helaḡa Iehova ena, badina be ia na gwau-hamata ḡauna: hahelaḡa tauna ese baine abia, iena.
LEV 27:22 Tau ta ese ena tano ta, dia senena edia amo e abia to moni amo e hoia ḡauna, bema hahelaḡaia Iehova ena,
LEV 27:23 hahelaḡa tauna ese ibodohilaina davana laḡani hidaosi lalodiai ela bona Iubile laḡanina baine gwauraia; bena una dina ai hari tau ese dava baine heni, Iehova ena helaḡa ḡauna.
LEV 27:24 A Iubile laḡanina ai una tano biaguna korikori, senena amo e abia tauna, ese baine abia lou.
LEV 27:25 Dava iboudiai be gabu helaḡana ena sekele ai ba gwauraia: una sekele lalonai gera be ruahui.
LEV 27:26 Mauri ḡaudia natudia roboadia be Iehova ena; taunabunai tau ta ese roboa maruanena ta basine hahelaḡaia diba: boromakau natuna roboana eiava mamoe natuna roboana na Iehova ena.
LEV 27:27 A mauri ḡauna mirona natuna roboana na biaguna ese moni amo baine bodohilaia, dava baine heni, oi ese ba gwauraia heḡereḡerena, bona atokauna danu baine heni. Atokauna na dava idoinai baine karoaia, karoa ima, bena karoa ta heḡereḡerena ma baine atoa kau. A basinema bodohilaia, vada ba hoia, moni davana, dava na o gwauraia heḡereḡerena.
LEV 27:28 Tau ta ese taunimanima ta eiava mauri ḡauna ta eiava tano ta Iehova baine henia vaitani, una na basine hoia diba bona basine bodohilaia diba: unuhetomadia na vada e helaḡa vaitani, Iehova ena.
LEV 27:29 Bema taunimanima ta unu bae henia vaitani toma, idia na basie bodohilaia diba: vada bae alaia mase.
LEV 27:30 Tano anidia, nadinadi eiava huahua, bae karoadia, karoa gwauta, bena karoa ta bae hahelaḡaia, Iehova ena.
LEV 27:31 Tau ta baine ura karoa helaḡana baine bodohilaia, ia na davana baine heni mai atokauna ida. Atokauna na dava baine karoa, karoa ima, bena karoa ta heḡereḡerena ma baine atoa kau.
LEV 27:32 Boromakau seridia bona mamoe seridia danu bae karoadia. Ireḡudia tauna ena itotohi henuna amo bae raka hanai; baine duahidia gwauta gwauta amo, bena ihagwautadia na bae helaḡa, Iehova ena.
LEV 27:33 Basine itaia, namona eiava dikana; bona basine boloa: bema boloa, ḡau ruaosi bema helaḡa. Bona basine bodohilaia diba.
LEV 27:34 Haheḡani bini, Iehova ese Mose e henia, Sinai ororona ai, Israel taudia edia.
NUM 1:1 Aigupto amo e raka lasi murinai laḡanina iharuana ena hua iharuana ai, hua dinana gini-gunana ai Iehova ese Mose e hereva henia, Sinai tano ḡaḡaena ai, hebou kalagana Ialonai.
NUM 1:2 E hamaoroa, eto, Israel oreana idoinai ba duahidia, edia iduhu ta ta ai, ta ta tamadia edia ruma ai. Mamaruane iboudiai ladadia ba tore,
NUM 1:3 laḡani ruahui vada e hanai tataudia iboudiai; Israel tataudia tuari baela diba iboudiai na oi bona Aaron ese ba duahidia, edia orea ta ta ai.
NUM 1:4 Iduhu ikwaradia taudia bavabidia, iduhu ta ta ai tatau ta ta bavabidia, idia ese bae durumui.
NUM 1:5 Idurumui taudia bini. Ruben ena idudu ai: Elisuru Sedeuru.
NUM 1:6 Simeon ena iduhu ai: Selumiele Surisadai,
NUM 1:7 Iuda ena iduhu ai: Nason Aminadab.
NUM 1:8 Isakara ena iduhu ai: Netanele Suara.
NUM 1:9 Sebulun ena iduhu ai: Eliab Helon.
NUM 1:10 Efraim Iosef ena iduhu ai: Elisama Amihud. Manase Iosef ena iduhu ai: Gamaliel Pedasuru.
NUM 1:11 Beniamina ena iduhu ai: Abidan Gideoni.
NUM 1:12 Dan ena iduhu ai: Ahiesere Amisadai.
NUM 1:13 Asere ena iduhu ai: Pagiele Okran.
NUM 1:14 Gad ena iduhu ai: Eliasaf Reuele.
NUM 1:15 Napatali ena iduhu ai: Ahira Enan.
NUM 1:16 Tatau bini Israel oreana ai e abidia hidi, edia ruma biagudia bona edia iduhu ikwaradia taudia.
NUM 1:17 Ladadia unu e hatodia toma taudia na Mose bona Aaron ese e abidia.
NUM 1:18 Bena hua iharuana ena dina gini-gunana ai idia ese orea idoinai e haboudia, laḡani ruahui vada e hanai tataudia iboudiai na ladadia e tore, edia iduhu ta ta ai, ta ta tamadia edia ruma ai.
NUM 1:19 Iehova ese Mose e haḡania heḡereḡerena, Mose ese taunimanima unu e duahidia toma, Sinai tano ḡaḡaena ai
NUM 1:20 Ruben, Israel natuna roboana, garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:21 iboudiai na 46,500. Ruben iduhuna ena numera bunai.
NUM 1:22 Simeon garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:23 iboudiai na 59,300. Simeon iduhuna ena numera bunai.
NUM 1:24 Gad garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:25 iboudiai na 45,650. Gad iduhuna ena numera bunai.
NUM 1:26 Iuda garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:27 iboudiai na 74,600. Iuda iduhuna ena numera bunai.
NUM 1:28 Isakara garana e duahidia, edia iduhu ai bona tamadia edia ruma ai. Laḡani ruahui vada (Ia e hanai tatudia, tuari baela diba,
NUM 1:29 iboudiai na 54,500, Isakara iduhuna ena numera bunai.
NUM 1:30 Sebulun garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:31 iboudiai na 57,400. Sebulun iduhuna ena numera bunai.
NUM 1:32 Efraim Iosef garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:33 iboudiai na 40,500. Efraim iduhuna ena numera bunai.
NUM 1:34 Manase Iosef garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:35 iboudiai na 32,200. Manase iduhuna ena numera bunai.
NUM 1:36 Beniamina garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:37 iboudiai na 35,400. Beniamina iduhuna ena numera bunai.
NUM 1:38 Dan garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:39 iboudiai na 62,700. Dan iduhuna ena numera bunai.
NUM 1:40 Asere garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:41 iboudiai na 41,500. Asere iduhuna ena numera bunai.
NUM 1:42 Napatali garana e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:43 iboudiai na 53,400. Napatali iduhuna ena numera bunai.
NUM 1:44 Mose bona Aaron bona Israel iduhudia ikwaradia taudia gwauta-raruosi ese e duahidia taudia bini.
NUM 1:45 Israel besena e duahidia, edia iduhu ai bona tamadia edia ruma ai. Laḡani ruahui vada e hanai tataudia, tuari baela diba,
NUM 1:46 iboudiai na 603,550.
NUM 1:47 A Levi garana na idia ida asie duahidia hebou.
NUM 1:48 Badina be Iehova ese Mose e hamaoroa, eto,
NUM 1:49 Levi iduhuna taudia na Israel taudia ida basio duahidia hebou bona ladadia basio tore hebou.
NUM 1:50 Levi taudia na ba duanaidia, taravatu mauana dubuna mai kohuna mai ḡauna iboudiai ida bae naridia. Idia ese dubu mai kohuna ida bae huaia lao; bae gimaia bona bae hataruhaia heḡeḡe.
NUM 1:51 Taravatu mauana dubuna ba laolaolaia negana ai, Levi taudia ese bae rohoa, ma bae haginia lou; idau iduhu tauna ta baine raka henia kahi, vada bae alaia mase.
NUM 1:52 Israel taudia na edia iduhu ta ta ai bae taruha, iduhu ta ta ena taruha ena taruha ai, edia pepe bae ha-oda heḡeḡe.
NUM 1:53 A Levi taudia na taravatu mauana dubuna bae taruhaiaheḡeḡe, badu Israel oreana enai ilao-ahuna totona. Taravatu mauana dubunana Levi taudia ese bae naria.
NUM 1:54 Israel taudia na unu e kara toma, Iehova ese Mose e haḡana heḡereḡerena.
NUM 2:1 Iehova ese Mose bona Aaron e haḡanidia, eto,
NUM 2:2 Israel taudia na iduhu ta ta ai edia taruha bae hagini, edia iduhu pepedia badibadidiai; taruha iboudiai na hebou kalagana bae vaira henia bona bae ḡeḡea ahu.
NUM 2:3 Mairiveina ai, dina e daemu kahana ai, Iuda taudia bae taruha, edia iduhu pepena badibadinai. Ikwaradia tauna na Nason Aminadab;
NUM 2:4 bona ena tuari taudia iboudiai na 74,600.
NUM 2:5 Ia badibadinai Isakara taudia bae taruha. Ikwaradia tauna na Netanele Suara;
NUM 2:6 bona ena tuari taudia iboudiai na 54,400.
NUM 2:7 Ma ia badibadinai na Sebulun taudia bae taruha. Ikwaradia tauna na Eliab Helon;
NUM 2:8 bona ena tuari taudia iboudiai na 57,400.
NUM 2:9 Taunabunai Iuda oreana ena tuari taudia ibouboudiai na 186,400. Laolao negadia ai, idia na bae raka lasi guna.
NUM 2:10 Diho kahana Ruben taudia edia pepe bae hadaia bona bae taruha. Ikwaradia tauna na Elisuru Sedeuru;
NUM 2:11 bona ena tuari taudia iboudiai na 46,500.
NUM 2:12 Ia badibadinai Simeon taudia bae taruha. Ikwaradia tauna na Selumiele Surisadai;
NUM 2:13 bona ena tuari taudia iboudiai na 59,300.
NUM 2:14 Ma ia badibadinai Gad taudia bae taruha. Ikwaradia tauna na Eliasaf Reuele;
NUM 2:15 bona ena tuari taudia iboudiai na 45,650.
NUM 2:16 Taunabunai, Ruben oreana ena tuari taudia ibouboudiai na 151,450. Idia na raka lasi oreana iharuana
NUM 2:17 Idia muridiai Levi taudia ese hebou kalagana bae huaia lasi, edia taruha kalagadia ida; tuari oreadia bogaragidiai bae huaia lao. Iboudiai edia taruha ta ta ai bae raka lasi, orea ta ta ena pepe ena pepe muridiai.
NUM 2:18 Lahara kahana Efraim taudia edia pepe bae hadaia. Ikwaradia tauna na Elisama Amihud;
NUM 2:19 bona ena tuari taudia iboudiai na 40,500.
NUM 2:20 Ia badibadinai Manase taudia bae taruha. Ikwaradia tauna na Gamaliel Pedasuru;
NUM 2:21 bona ena tuari taudia iboudiai na 32,200.
NUM 2:22 Ma ia badibadinai Beniamina taudia bae taruha. Ikwaradia tauna na Abidan Gideoni;
NUM 2:23 bona ena tuari taudia iboudiai na 35,400.
NUM 2:24 Taunabunai, Efraim oreana ena tuari taudia ibouboudiai na 108,100. Idia na raka lasi oreana ihatoina.
NUM 2:25 Mirigini kahana Dan taudia edia pepe bae hadaia. Ikwaradia tauna na Ahiesere Amisadai;
NUM 2:26 bona ena tuari taudia iboudiai na 62,700.
NUM 2:27 Ia badibadinai Asere taudia bae taruha. Ikwaradia tauna na Pagiele Okran;
NUM 2:28 bona ena tuari taudia iboudiai na 41,500.
NUM 2:29 Ma ia badibadinai Napatali taudia bae taruha. Ikwaradia tauna na Ahira Enan;
NUM 2:30 bona ena tuari taudia iboudiai na 53,400.
NUM 2:31 Taunabunai, Dan oreana ena tuari taudia ibouboudiai na 157,600. Idia na raka lasi oreana gini gabena; edia iduhu ta ta ai bae raka lasi.
NUM 2:32 Israel taudia edia iduhu ta ta ai e duahidia bini. Tuari taudia, edia iduhu ta ta amo e duahidia, ibouboudiai na 603,550.
NUM 2:33 A Iehova ese Mose e haḡania heḡereḡerena, Levi taudia na Israel taudia ida asie duahidia hebou.
NUM 2:34 Israel taudia na unu e kara toma. Iehova ese Mose e haḡania heḡereḡerena, idia ese edia pepe ta ta badibadidiai e taruha, bona edia orea ta ta ai bona edia iduhu ta ta ai edia taruha amo e raka lasi.
NUM 3:1 Aaron bona Mose garadia bini, Iehova ese Mose Sinai ororona ai e hereva henia negana amo.
NUM 3:2 Aaron natuna ladadia bini: Nadab, tau roboana, bona Abihu, bona Eleasara, bona Itamara.
NUM 3:3 Aaron natuna bunu, e horodia bona e hahelaḡadia, hahelaḡa taudia ai e halaodia.
NUM 3:4 A Nadab bona Abihu na Iehova vairanai e mase, Sinai tano ḡaḡaena ai, lahi idauna Iehova vairanai e vareailaia negana ai. Idia na asi natudia. Taunabunai, Eleasara bona Itamara ese hahelaḡa ḡaukaradia e karava, tamadia Aaron vairanai.
NUM 3:5 Iehova ese Mose e haḡania, eto,
NUM 3:6 Levi taudia ba hakaudia mai, hahelaḡa tauna Aaron vairanai bae gini, ia isiaina bae lao heni.
NUM 3:7 Ia vairanai bona hebou taudia iboudiai vairadiai hebou kalagana bae reḡua, bona dubu ḡaukaradia bae kara.
NUM 3:8 Hebou kalagana kohudia iboudiai bae naridia, bona hahelaḡa karadia bae kara dubu ai, Israel taudia daidiai.
NUM 3:9 Levi taudia na Aaron mai natuna ida imadia ai bavatodia kau; Israel taudia iboudiai bogaragidia amo idia bavabidia, ia ba henia.
NUM 3:10 Aaron mai natuna ida ba gwauraidia hidi, hahelaḡa dagina na ediai baine mia. Idau tauna ta baine raka kahi, vada bae alaia mase.
NUM 3:11 Iehova ese Mose ma e hamaoroa, eto,
NUM 3:12 A itaia, lau ese Levi taudia vada na abidia hidi, Israel taudia bogaragidia amo, Israel taudia edia roboa mamaruanedia ibolodia. Idia na lauegu.
NUM 3:13 Badina be roboa mamaruanedia be lauegu, Aigupto taudia natudia mamaruanedia roboadia iboudiai na aladia mase dinana ai, lau ese roboa mamaruanedia iboudiai na abidia lauegu, taunimanima natudia roboadia bona mauri ḡaudia iboudiai natudia roboadia. Idia na lauegu: lau binai Iehova.
NUM 3:14 Iehova ese Mose e hereva henia, Sinai tano ḡaḡaena ai, eto,
NUM 3:15 Levi taudia iboudiai ba duahidia, tamadia edia ruma ai bona edia iduhu ai; hua ta vada - e hanaia mamaruanedia iboudiai ba duahidia.
NUM 3:16 Taunabunai, Mose ese e duahidia, Iehova ese ena hereva ai e haḡania heḡereḡerena.
NUM 3:17 Levi natuna ladadia bini: Gereson bona Kohat bona Merari.
NUM 3:18 Gereson ese e havaradia iduhudia bini: Libni bona Simei.
NUM 3:19 Kohat ese e havaradia iduhudia bini: Amram bona Isahara bona Heberon bona Usiele.
NUM 3:20 Merari ese e havaradia iduhudia bini: Mali bona Musi. Levi iduhudia bunu: ihavaradia taudia ladadia e nemaidia.
NUM 3:21 Gereson garana na Libni taudia bona Simei taudia: Gereson iduhudia bunu.
NUM 3:22 Edia mamaruane e duahidia, hua ta e hanaia amo, iboudiai na 7,500.
NUM 3:23 Gereson taudia edia taruha gabuna be dubu murina, lahara kahana ai.
NUM 3:24 Ikwaradia tauna na Eliasaf Laele.
NUM 3:25 Hebou kalagana lalonai Gereson taudia bae reḡu ḡaudia bini: dubu bona kalaga dabuadia, bona guhi dabuadia, bona kalaga iduarana dabuadia,
NUM 3:26 bona maḡu dabuadia, bona dubu maḡuna ikoukouna dabuadia, bona ihaboulaina patana, bona kwanau iboudiai. Bae reḡu ḡaudia bunu.
NUM 3:27 Kohat garana na Amram taudia bona Isahara taudia bona Heberon taudia bona Usiele taudia: Kohat iduhuna bunu.
NUM 3:28 Edia mamaruane e duahidia, hua ta e hanaia amo, iboudiai na 8,600; idia na dubu inarina taudia.
NUM 3:29 Kohat taudia edia taruha gabuna be dubu diho kahana ai.
NUM 3:30 Ikwaradia tauna na Elisafan Usiele.
NUM 3:31 Bae reḡu ḡaudia bini: maua helaḡana, bona pata helaḡana, bona lamepa patana bona ihaboulaina patadia, bona gabu helaḡana ena kohu iboudiai, hahelaḡa taudia ese kara helaḡadia e karalaimu ḡaudia, bona seseahu. Bae reḡu ḡaudia bunu.
NUM 3:32 Eleasara, hahelaḡa tauna, Aaron natuna, na Levi taudia iboudiai ikwaradia, bona gabu helaḡana ḡaukaradia ikaradia taudia edia heitatao tauna.
NUM 3:33 Merari garana na Mali taudia bona Musi taudia: Merari iduhudia bunu.
NUM 3:34 Edia mamaruane e duahidia, hua ta e hanaia amo, iboudiai na 6,200.
NUM 3:35 Ikwaradia tauna na Suriele Abihaili. Edia taruha gabuna na dubu mirigini kahana ai.
NUM 3:36 Bae reḡu ḡaudia bini: dubu habana kahadia, bona raroraro, bona ihua-ihua, bona hahelai-kau ḡaudia mai kohudia iboudiai;
NUM 3:37 bona maḡu duna iboudiai mai ihahelai-kaudia ḡaudia, bona edia ikokobona edia kwanau.
NUM 3:38 Dubu mairiveina kahana ai bae taruah taudia, hebou kalagana vairanai, dina e daemu kahana ai, be Mose bona Aaron mai natuna ida. Idia ese gabu helaḡana ḡaukaradia bae kara, Israel taudia daidiai. Idau tauna ta baine raka kahi, vada bae alaia mase.
NUM 3:39 Levi taudia, Mose bona Aaron ese iduhu ta ta amo e duahidia, Iehova ena haheḡani dainai, ibouboudiai, hua ta e hanaia amo, na 22,000.
NUM 3:40 Iehova ese Mose e hamaoroa, eto, Israel taudia natudia mamaruanedia roboadia ba duahidia, bona ladadia ba tore, hua ta vada e hanaia amo.
NUM 3:41 Bena Levi taudia bavabidia, lau Iehova egu, hari Israel taudia natudia mamaruanedia roboadia ibololaidia; Levi taudia edia boromakau danu bavabidia, Israel taudia edia boromakau natudia mamaruanedia roboadia ibololaidia.
NUM 3:42 Taunabunai, Mose ese Israel taudia natudia mamaruanedia roboadia e duahidia, Iehova ese e haḡania heḡereḡerena.
NUM 3:43 Roboa mamaruanedia dia iboudiai hua ta e hanaia amo, e duahidia bona ladadia e tore. Ibouboudiai na 22,273.
NUM 3:44 Bena Iehova ese Mose e hamaoroa, eto,
NUM 3:45 Levi taudia bavabidia, Israel taudia natudia mamaruanedia roboadia ibololaidia, bona Levi taudia edia boromakau bavabidia, edia boromakau ibololaidia. Levi taudia na lauegu: lau binai Iehova.
NUM 3:46 A Israel taudia natudia mamaruanedia roboadia sinahu-rua hitu-ahui toi asi ibololaidia Levi oreana amo be davadia bakara:
NUM 3:47 ta ta amo sekele ima ima amo ba heni. Unu sekele be gabu helaḡana ena sekele: sekele ta lalonai gera be ruahui.
NUM 3:48 Bena una moni, hari roboa mamaruanedia ese Levi taudia e hereadia taudia davadia, be Aaron mai natuna ida ba henidia.
NUM 3:49 Taunabunai hari Levi taudia ese asie bololaidia taudia davadia be Mose ese e abi,
NUM 3:50 Israel taudia natudia mamaruanedia roboadia edia amo, sekele daha-ta sinahu-toi tauratoi-ahui ima, gabu helaḡanaena sekele heḡereḡerena.
NUM 3:51 Bena Mose ese una moni na Aaron mai natuna ida e henidia, Iehova ese e haḡania heḡereḡerena.
NUM 4:1 A Iehova ese Mose bona Aaron e haḡanidia, eto,
NUM 4:2 Levi garana bogaragidia amo Kohat garana ba duahidia, edia iduhu ta ta ai, ta ta tamadia edia ruma ai.
NUM 4:3 Laḡani toi-ahui ela bona laḡani imahui taudia, hebou kalagana ḡaukaradia bae kara diba taudia iboudiai na ba duahidia.
NUM 4:4 Kohat garana edia ḡaukara binai hebou kalagana lalonai: helaḡa herea ḡaudia bae reḡu.
NUM 4:5 Taruha irohona negana ai, Aaron mai natuna ida bae raka vareai, seseahu bae kokia oho, taravatu mauana bae ḡovalaia.
NUM 4:6 Bena nani kopina amo ma bae ḡovaia, ma ia murimurinai dabua vaiurina amo bae ḡovaia. Ena maduna danu bae toi hanai.
NUM 4:7 Bena vairagu ai a atoamu flaoana patana na dabua vaiurina amo bae Iahaia; ia latanai mereki bona nau bona bio bona kehere bae laidia, bona flaoa helaḡana danu bae laia kau.
NUM 4:8 Bena dabua kakakakana amo bae ḡovadia ahu, bona ia latanai nani kopina. Ena maduna danu bae toi hanai.
NUM 4:9 Bena dabua vaiurina bae abia, lamepa patana mai ena lamepa bona ihaḡoevadia ḡaudia bona momoru iudadia merekidia bona dehoro kavabudia iboudiai bae kumilai.
NUM 4:10 Bena nani kopina amo ma bae kumidia, bona ihualaina patana ai bae hiri kau.
NUM 4:11 Gold patana na dabua vaiurina amo bae ḡovaia ahu, bena nani kopina bae kumilaia bona ena maduna bae toi hanai.
NUM 4:12 Bena gabu helaḡana kohudia iboudiai dabua vaiurina ai bae kumidia, ma nani kopina ai bae kumidia, bena ihualaina patana ai bae hiri kau.
NUM 4:13 Una murinai ihaboulaina patana kahuna bae negea, bona ihaboulaina patana na dabua mia-kakana amo bae lahaia.
NUM 4:14 Bena una dabua latanaiihaboulaina patana kohudia iboudiai bae lai kau: rahurahu bona kahi bona kahu iudalaina urodia bona ikadolaina gagadia. Bena idoinai na nani kopina amo ba ḡovaia ahu, bona maduna ba toi hanai.
NUM 4:15 Aaron mai natuna ida hari gabu helaḡana mai kohuna idoinai bae kumi vaitani, bena Israel taudia ese edia kalaga bae hua negana ai Kohat garana ese ihuadia totona bae raka kahi mai; ḡau tamona, ḡau helaḡana ta basie daua toho, bae mase na garina. Kohat garana edia huahua ḡaudia bunu, hebou kalagana lalona amo.
NUM 4:16 Hahelaḡa tauna Aaron natuna Eleasara baine reḡu ḡaudia na lamepa dehorona, bona muramura mai bonadia, bona boubou flaoana, bona dehoro helaḡana. Ia ese danu dubu mai kohuna idoinai bona gabu helaḡana mai kohuna idoinai baine ita tao.
NUM 4:17 Bena Iehova ese Mose bona Aaron e hamaorodia, eto,
NUM 4:18 Kohat taudia na Levi oreana amo basio negedia daure;
NUM 4:19 a ini ba karadia toma, basie mase to bae mauri helaoreana, ḡau helaḡadia bae raka henidia kahi negana ai: Aaron mai natuna ida bae raka vareai, ta ta ena ḡaukara ena ḡaukara, bona ta ta ena maduna ena maduna, bae henidia;
NUM 4:20 a idia be basie raka vareai, ḡau helaḡadia basie haḡeredia, lasi ona lasi vaitani, bae mase na garina.
NUM 4:21 Iehova ese Mose ma e haḡania, eto,
NUM 4:22 Gereson garana ba duahidia, edia iduhu ta ta ai, ta ta tamadia edia ruma ai.
NUM 4:23 Laḡani toi-ahui elabona laḡani imahui taudia, hebou kalagana ḡaukaradia bae kara diba taudia iboudiai, na bae duahidia.
NUM 4:24 Gereson garana edia ḡaukara, bae kara karadia bona bae hua ḡaudia, bini:
NUM 4:25 dubu habana dabuadia, bona hebou kalagana mai guhina ida bona nani kopidia ia latanai heheato danu, bona hebou kalagana iduarana dabuadia,
NUM 4:26 bona maḡu dabuadia, bona dubu bona ihaboulaina patana e ḡeḡedia ahumu maḡuna dabuadia, bona maḡu ikoukouna dabuadia, bona edia kwanau, bona edia ḡaukara ikaralaidia kohudia iboudiai. Unu kohu iḡaukaralaidia ḡaukaradia iboudiai idia ese bae kara.
NUM 4:27 Gereson taudia edia ḡaukara bona edia kohu ihuadia idoidiai na Aaron mai natuna ida ese bae hadibadia; umui ese ba haḡanidia, dahaka dahaka bae kara bona dahaka dahaka bae hua.
NUM 4:28 Gereson taudia edia ḡaukara bunu, hebou kalagana lalonai. Hahelaḡa tauna Aaron natuna Itamara ese baine itadia tao.
NUM 4:29 Merari garana ba duahidia, edia iduhu ta ta ai, ta ta tamadia edia ruma ai.
NUM 4:30 Laḡani toi-ahui ela bona laḡani imahui taudia, hebou kalaganaḡaukaradia bae kara diba taudia iboudiai, na bae duahidia.
NUM 4:31 Edia ḡaukara hebou kalagana Ialonai be dubu habana kahadia, bona raroraro, bona ihua-ihuamai ihahelai-kaudia ḡaudia ida, bae hua.
NUM 4:32 Maḡu dudia danu mai ihahelaikaudia ḡaudia ida, bona ikoko, bona kwanau, bona maḡu kohuna idoinai bona ihaginina ḡaudia iboudiai, idia ese bae hua; ta ta ena maduna ena maduna ba duanailai henidia.
NUM 4:33 Merari taudia edia ḡaukara hebou kalagana ai bunai; hahelaḡa tauna Aaron natuna Itamara ese baine itadia tao.
NUM 4:34 Taunabunai, Mose bona Aaron bona hebou ikwaradia taudia ese Kohat taudia e duahidia, edia iduhu ta ta ai, ta ta tamadia edia ruma ai;
NUM 4:35 Laḡani toi-ahui ela bona laḡani imahui taudia, hebou kalagana ḡaukaradia ikaradiamai dibadia taudia iboudiai, na e duahidia.
NUM 4:36 Iboudiai na 2,750.
NUM 4:37 Kohat taudia edia numera bunai, Mose bona Aaron ese iduhu ta ta amo hebou kalagana ḡaukaradia ikaradia mai dibadia taudia e duahidia negana ai. Iehova ese e haḡanidia heḡereḡerena, idia ese unu e duahidia toma.
NUM 4:38 Gereson taudia danu, edia iduhu ta ta ai, ta ta tamadia edia ruma ai, e duahidia;
NUM 4:39 laḡani toi-ahui ela bona laḡani imahui taudia, heboukalagana ḡaukaradia ikaradia mai dibadia taudia iboudiai, e duahidia.
NUM 4:40 Iboudiai na 2,630.
NUM 4:41 Gereson taudia edia numera bunai, Mose bona Aaron ese iduhu ta ta amo hebou kalagana ḡaukaradia ikaradia mai dibadia taudia e duahidia negana ai. Iehova ese e haḡanidia heḡereḡerena, idia ese unu e duahidia toma.
NUM 4:42 Merari taudia danu, edia iduhu ta ta ai, ta ta tamadia edia ruma ai e duahidia,
NUM 4:43 laḡani toi-ahui ela bona laḡani imahui taudia, hebou kalagana ḡaukaradia ikaradia mai dibadia taudia.
NUM 4:44 Iboudiai na 3,200.
NUM 4:45 Merari taudia edia numera bunai, Mose bona Aaron ese e duahidia negana ai. Iehova ese e haḡanidia heḡereḡerena, idia ese unu e duahidia toma.
NUM 4:46 Levi taudia ibouboudiai, Mose bona Aaron bona Israel ikwaradia taudia ese edia iduhu ta ta ai, ta ta tamadia edia ruma ai, e duahidia,
NUM 4:47 laḡani toi-ahui ela bona laḡani imahui taudia, hebou kalagana ḡaukaradiaikaradia mai dibadia bona madunadia ihuadia mai goadadia taudia.
NUM 4:48 Iboudiai na 8,580.
NUM 4:49 Iehova ese Mose e haḡania heḡereḡerena, idia ta ta ena ḡaukara ena ḡaukara bona ena maduna ena maduna e henidia. Unuhetomana Mose ese e duahidia, Iehova ese e haḡania heḡereḡerena.
NUM 5:1 Iehova ese Mose e hereva henia, eto,
NUM 5:2 Israel taudia ba haḡanidia, lepra taudia iboudiai bona hura-aru taudia iboudiai bona mase ḡaudia ediaie dau kau dainai e taubu taudia iboudiai na taruha murimurina bae siaidia lao.
NUM 5:3 Iboudiai, mamaruane bona hahine, na taruha murimurinai bae raka lasi, lau na noholaiamu taruhana bae hamiroa na garina.
NUM 5:4 Taunabunai, Israel taudia unu e karadia toma; taruha murimurina e siaidia lao, Iehova ese Mose e haḡania heḡereḡerena.
NUM 5:5 Iehova ese Mose ma e hereva henia, eto,
NUM 5:6 Israel taudia ba hamaorodia, tau ta eiava hahine ta baine kara dika, Iehova vairanai baine kerere,
NUM 5:7 ia ese ena kara dika baine gwauraia hedinarai, bona ena kara dika ai e hadikaia tauna davana baine henia mai atokauna ida. Atokauna na davana korikori bema karoa, karoa ima, bena karoa ta heḡereḡerena ma baine atoa kau.
NUM 5:8 A bema asi dalana ia baine henia eiava varavarana ta baine henia, davana na Iehova baine henia, hahelaḡa tauna ena, bona ena herohemaino boubouna mamoena danu.
NUM 5:9 Bona Israel taudia edia helaḡa ḡaudia iboudiai Iehova vairanai bae dudui isi na hahelaḡa tauna ese baine abi, ia ana.
NUM 5:10 Taunimanima iboudiai edia helaḡa ḡaudia hahelaḡa tauna bae henia na iena ḡau.
NUM 5:11 Iehova ese Mose ma e hereva henia, eto,
NUM 5:12 Israel taudia ba hamaorodia, hahine ta baine kerere,
NUM 5:13 tau ta ida bae heuda hanai; bena baine hunia, adavana asi dibana, tau ta asi dibana, ta danu basine davaria;
NUM 5:14 to adavana baine mama, baine mama henia mai badina eiava baine mama henia asi badina;
NUM 5:15 una tau ese bali flaoana efa ta baine karoa, karoa gwauta, bena karoa ta asi dehorona bona asi muramurana baine abia kau, bona hahine baine hakaua lao, hahelaḡa tauna dekenai. Bena hari flaoa baine henia, mama boubouna, kara kerere ilalolaina.
NUM 5:16 Bena hahelaḡa tauna ese hahine baine boiria, baine raka kahi mai Iehova vairanai.
NUM 5:17 Bena hahelaḡa tauna na ranu helaḡa baine abia, raro biona ta ai, bona tano ḡahuna taina dubu lalona amo una ranu ai baine udaia.
NUM 5:18 Bena ia ese hahine huina baine ruhaia, Iehova vairanai; bona hari flaoa, mama boubouna bona kerere ilalolaina ḡauna, na hahine imana ai baine atoa. A hahelaḡa tauna ese hari ranu iditana, hahedika ḡauna, na ia sibona imana ai baine abia.
NUM 5:19 Bena ia ese hahine baine taravaia, baineto “Bema adavamu so koia, tau ta ida so heuda hanai, ina ranu iditana, ena be hahedika ḡauna, to basine hadikamu;
NUM 5:20 a bema adavamu o koia, tau ta ida o heuda hanai”
NUM 5:21 (hahelaḡa tauna ese hahine ma baine taravaia, baineto) “Iehova ese kara havara toana bona taravatu itata-utuna toanaai baine halaomu emu bese taudia bogaragidiai; mamumu ruaosi bae mase, bona bogamu baine gudu;
NUM 5:22 momokani, ina hahedika ranuna na bogamu ai baine diho negana ai, bogamu do baine gudu, bona mamumu ruaosi bae mase”. Bena hahine na baineto “Amen, amen”.
NUM 5:23 Una murinai hahelaḡa tauna na unu hahedika herevadia buka ai baine tore, bena una revareva na hari ranu iditana amo ma baine huria heroho.
NUM 5:24 Bena una ranu iditana na ia ese hahine baine henia, baine inua totona. Baine inua, bena una hahedika ranuna na ia bogana ai baine idita.
NUM 5:25 A guna, hahelaḡa tauna ese mama boubouna flaoana na hahine imana amo baine abia, Iehova vairanai baine davea; bena baine laohaia ihaboulaina patana badibadinai.
NUM 5:26 Bena flaoa taina imana ai baine abia, ihaboulaina patana lahina ai baine haḡolea oho, helalo ḡauna; una murinai hahine ese una ranu iditana baine inua.
NUM 5:27 Bema una hahine ese adavana vada e koia, tau ta ida vada e heuda hanai, una ranu iditana baine inua bona bogana ai baine diho negana ai bogana baine gudu bona mamuna bae mase; bena hahedika toana ai bainela, ena bese taudia bogaragidiai.
NUM 5:28 A bema asi ena kerere, ia na basine dika; baine mauri, bona baine rogorogo, natuna baine abidia.
NUM 5:29 Mama taravatuna bunai, hahine ta ese adavana baine koia, tau ta ida bae heuda hanai,
NUM 5:30 eiava tau ta ese adavana baine mama henia, taravatuna. Ia ese Iehova vairanai baine atoa; bena hahelaḡa tauna ese hari taravatu karana baine karaia.
NUM 5:31 Bena hari tau na asi ena kerere; a una hahine be ena kerere davana baine huaia.
NUM 6:1 Iehova ese Mose e hereva henia, eto,
NUM 6:2 Israel taudia ba hamaorodia, tau ta eiava hahine ta baine gwau hamata, Nasiri gwau-hamatana baineabia, ia na baine helaḡa, Iehova ena.
NUM 6:3 Ia ese vine ranuna eiava kekero ḡauna ta basine inua; inuinu ḡaudia unuhetomadia iboudiai basine inu. Vine huahuadia ranudia basine inu, bona anidia basine ani; vine huahuadia matamatadia eiava kaukaudia basine ani.
NUM 6:4 Ena helaḡa dinadia iboudiai vine anidia, nadinadidia ela kopidia, na basine ani.
NUM 6:5 Ena helaḡa dinadia iboudiai danu huina iutuna eiava kwarana inauna aurina na ia kwarana ai basine dau kau. Iehova e gwaurai henia hamata dinadia iboudiai ia na baine helaḡa; huina do baine lata.
NUM 6:6 Ena helaḡa dinadia iboudiai danu ia ese mase tauna ta basine raka henia kahi.
NUM 6:7 Ena be tamana eiava sinana eiava taihuna eiava tadikakana baine mase, to mase tauna enai basine miro; badina be vada e gwau hamata, baine helaḡa Iehova ena.
NUM 6:8 Taunabunai, ena gwau-hamata dinadia iboudiaiia na helaḡa, Iehova ena.
NUM 6:9 A tau ta ia badibadinai bema mase taku, bena unu amo baine miro, dina hitu na baela, bena dina ihahituna ai ihaḡoevana dinana ai, ia ese kwarana baine naua.
NUM 6:10 Dina ihataurahanina ai, ia ese kerea rua eiava pune natuna rua baine abidia, hahelaḡa tauna dekena baine mailaidia, hebou kalagana iduarana ai.
NUM 6:11 Bena hahelaḡa tauna ese baine hahelaḡadia, ta kara-dika iabi-ohona boubouna, ma ta ḡole-oho boubouna, una tau dainai herohemaino karana baine karaia; badina be ia na una mase dainai vada e kerere. Una dina ai, ia ese kwarana baine hahelaḡaia lou;
NUM 6:12 baine helaḡa, Iehova ena, ena gwau-hamata dinadia iboudiai. Mamoemaruanena ta, laḡani tamona ḡauna, danu baine mailaia, kerere iabi-ohona boubouna ai bainela. A dina gunadia be basine duahidia, badina be ena gwauhamata vada e dika.
NUM 6:13 Nasiri tauna ese ena gwau-hamata dinadia baine haḡuḡurudia taravatuna binai: bae hakaua lao hebou kalagana iduarana ai;
NUM 6:14 unuseni ai, ia ese ena herahia ḡaudia Iehova baine henia, mamoe natuna maruanena ta, asi bebeka-bebekana, laḡani tamona ḡauna, na ḡole-oho boubouna ai baine halaoa; bonamamoe natuna hahinena ta, asi bebeka-bebekana, laḡani tamona ḡauna, nakara-dika iabi-ohona boubouna ai baine halaoa; bona mamoe maruanenata, asi bebeka-bebekana, na herohemaino boubouna ai baine halaoa;
NUM 6:15 bona flaoa, asie hatubua ḡauna, boseana ta, lalonai be flaoa atagadia, flaoa namo-hereana dehoro ida e bulo bena e gabu ḡaudia, bona flaoa atagadia, latadiai dehoro e seia ḡaudia, bona flaoa boubouna, bona vine ranuna boubouna.
NUM 6:16 Bena hahelaḡa tauna ese Iehova vairanai baine atodia: kara-dika iabi-ohona boubouna bona ḡole-oho boubouna baine hahelaḡadia;
NUM 6:17 herohemaino mamoena danu baine hahelaḡaia, Iehova ena; bona asie hatubua flaoana boseana bona flaoa boubouna bona vine ranuna boubouna, iboudiai baine hahelaḡadia, hahelaḡa tauna ese.
NUM 6:18 Una murinai hari Nasiri tauna ese kwarana baine naua, hebou kalagana iduarana ai; bona huina, ena gwauhamata toana, na herohemaino bouboudia lahina ai baine gabua.
NUM 6:19 Bena hahelaḡa tauna ese mamoe maruanena larolarona maedana baine abia, bona flaoa dehoro ida e buloa atagana ta bona latanai dehoro e seia atagana ta danu baine abidia, hari Nasiri tauna imana ruaosi ai baine ato kau, kwarana baine naua murinai.
NUM 6:20 Bena hahelaḡa tauna ese baine abidia lou, Iehova vairanai baine davedia: una na hahelaḡa tauna ahuna helaḡana. Keme, e davea ḡauna, bona mamu, e duduia isi ḡauna, danu ia ahuna. Una murinai hari Nasiri tauna na vine ranuna baine inua.
NUM 6:21 Nasiri gwau-hamatana e abiamu tauna taravatuna bunai; ena boubou, Iehova baine henia ḡaudia, taravatudia danu unuheto. Ma boubou haida baine heni danu namo. E gwauraia; hamata heḡereḡerena, unu baine kara toma Nasiri taravatuna ihaḡuḡuruna.
NUM 6:22 Iehova ese Mose ma e hereva henia, eto,
NUM 6:23 Aaron mai natuna ida ba hamaorodia, Israel taudia bae hanamodia negadia ai, ini bae gwau toma:
NUM 6:24 Iehova ese baine hanamomui, bona baine gimamui;
NUM 6:25 Iehova ese ia vairana diarina amo baine hadiarimui, bona baine harihari henimui;
NUM 6:26 Iehova ese baine haḡeremui, bona maino baine henimui.
NUM 6:27 Lau ladagu unu bae gwauraia toma Israel taudia latadiai; bena lau ese baina hanamodia.
NUM 7:1 Mose ese dubu e haginia vaitani dinana ai, ia ese dubu mai kohuna idoinai dehoro amo e horodia bona e hahelaḡadia; ihaboulaina patana danu mai kohuna idoinai dehoro amo e horodia bona e hahelaḡadia.
NUM 7:2 Una dina ai danu Israel lohiadia, iduhu ikwaradia taudia, e duahidia taudia iboudiai biagudia, ese
NUM 7:3 edia herahia ḡaudia e mailaidia, Iehova vairanai e atodia. Ḡaudia be rerue mai rumarumadia tauratoi bona boromakau mamaruanedia dia gwauta rua: lohia rarua rarua amo rerue ta ta, bona lohia ta ta amo boromakau mamaruanena ta ta; idia ese dubu vairanai e hahelaḡadia.
NUM 7:4 Bena Iehova ese Mose e hamaoroa, eto,
NUM 7:5 Edia herahia ḡaudia bavabi, hebou kalagana ena ḡaukara ḡaudia ai baela. Levi taudia ba henidia, ta ta ena ḡaukara ena ḡaukara heḡereḡeredia.
NUM 7:6 Taunabunai, Mose ese rerue bona boromakau e abidia, Levi taudia e henidia.
NUM 7:7 Rerue rua bona boromakau mamaruanedia hani Gereson natuna e henidia, edia ḡaukara heḡereḡerena;
NUM 7:8 ma rerue hani bona boromakau mamaruanedia taurahani Merari natuna e henidia, edia ḡaukara heḡereḡerena: unu ḡaukara be Itamara, hahelaḡa tauna Aaron natuna, ese e biagudia.
NUM 7:9 A Kohat natuna be ḡau ta se henidia, badina be edia ḡaukara be dubu kohudia helaḡadia paḡadia ai bae hua.
NUM 7:10 Hari lohia taudia ese danu edia herahia ḡaudia haida ma e mailaidia, ihaboulaina patana ihahelaḡana totona ihaboulaina patana dehoro amo e horoa dinana ai. Unu herahia na ihaboulaina patana vairanai e atodia diho.
NUM 7:11 Bena Iehova ese Mose e hamaoroa, eto, Dina ta ta ai lohia ta ta ena herahia ena herahia bae hahelaḡadia, unu amo ihaboulaina patana baine helaḡa.
NUM 7:12 Dina gini-gunana ai Nason Aminadab, Iuda iduhuna tauna, ese ena herahia e hahelaḡaia.
NUM 7:13 Ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekelehitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloa ḡauna, vada e honu, flaoa boubouna;
NUM 7:14 bona gold nauna ta, metauna na sekele gwauta, muramura mai bonadia vada e honu;
NUM 7:15 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani, tamona ḡauna, ia na ḡole-oho boubouna;
NUM 7:16 bona nani maruanena ta, kara-dika iabi-ohona boubouna;
NUM 7:17 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima laḡani tamona ḡaudia, unu iboudiai be herohemaino boubouna. Nason Aminadab ena herahia bunu.
NUM 7:18 Dina iharuana ai Netanele Suara, Isakara Iohiana, ese ena herahia e hahelaḡaia.
NUM 7:19 Ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena: unu ḡau ruaosi na flaoa namo-hereana, dehoro ida e buloa ḡauna, vada e honu, flaoa boubouna;
NUM 7:20 bona gold nauna ta, metauna na sekele gwauta, muramura mai bonadia vada e honu;
NUM 7:21 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na- ḡole-oho boubouna;
NUM 7:22 bona nani maruanena ta, kara-dika iabi-ohona boubouna;
NUM 7:23 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Netanele Suara ena herahia bunu.
NUM 7:24 Dina ihatoina ai Eliab Helon, Sebulun lohiana,
NUM 7:25 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:26 bona gold nauna ta, metauna na sekele gwauta, muramura mai bonadia vada e honu;
NUM 7:27 bona boromakau natuna naruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:28 bonanani maruanena ta, kara-dika iabi-ohona boubouna;
NUM 7:29 bona boromakau mamaruanedia rua, bona mamoe maruanena ima, bona nani mamaruanedia ima, bona mamoe natudia mamaruanedia; ima, laḡani tamona ḡaudia, unu iboudiai be herohemaino boubouna. Eliab Helon ena herahia bunu.
NUM 7:30 Dina ihahanina ai Elisuru Sedeuru, Ruben lohiana,
NUM 7:31 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:32 bona gold nauna ta, metauna na sekele gwauta, muramura mai bonadia vada e honu;
NUM 7:33 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:34 bonanani maruanena ta, kara-dika iabi-ohona boubouna;
NUM 7:35 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Elisuru Sedeuru ena herahia bunu.
NUM 7:36 Dina iha-imana ai Selumiele Surisadai, Simeon lohiana,
NUM 7:37 ena herahiaḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:38 bona gold nauna ta, metauna na sekele gwauta, muramura mai bonadia vada e honu;
NUM 7:39 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:40 bonanani maruanena ta, kara-dika iabi-ohona boubouna;
NUM 7:41 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Selumiele Surisadai ena herahia bunu.
NUM 7:42 Dina ihatauratoina ai Eliasaf Reuele, Gad lohiana,
NUM 7:43 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:44 bona gold nauna ta, metauna na sekele gwauta, muramura mai bonadia vada e honu;
NUM 7:45 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:46 bonanani maruanena ta, kara-dika iabi-ohona boubouna;
NUM 7:47 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Eliasaf Reuele ena herahia bunu.
NUM 7:48 Dina ihahituna ai Elisama Amihud, Efraim lohiana,
NUM 7:49 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:50 bona gold nauna ta, metauna na sekele gwauta, muramura mai bonadia vada e honu;
NUM 7:51 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:52 bonanani maruanena ta, kara-dika iabi-ohona boubouna;
NUM 7:53 bona boromakau mamaruanedia rua bona mamoe maruanena ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Elisama Amihud ena herahia bunu.
NUM 7:54 Dina ihataurahanina ai Gamaliel; Pedasuru, Manase lohiana,
NUM 7:55 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡanaena sekele heḡereḡerena; unu ḡau ruaosi na flaoa namo-hereana, dehoro idae buloa ḡauna, vada e honu, flaoa boubouna;
NUM 7:56 bona gold nauna ta, metauna na sekele gwauta, muramura mai bonadia vada e honu;
NUM 7:57 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:58 bona nani maruanena ta, karadika, dika iabi-ohona boubouna;
NUM 7:59 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Gamaliel Pedasuru ena herahia bunu.
NUM 7:60 Dina ihataurahani-tana ai Abidan Gideoni, Beniamina lohiana,
NUM 7:61 enaherahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro idae buloa ḡauna, vada e honu, flaoa boubouna;
NUM 7:62 bona gold nauna ta, metauna na sekele gwauta, muramura mai bonadia vada e honu;
NUM 7:63 bona boromakau natuna maruanena ta, bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:64 bona nani maruanena ta, kara-dika iabi-ohona boubouna;
NUM 7:65 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Abidan Gideoni ena herahia bunu.
NUM 7:66 Dina ihagwautana ai Ahiesere Amisadai, Dan lohiana,
NUM 7:67 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:68 bona gold nauna ta, metauna na sekele gwauta, muramura mai bonadia vada e honu;
NUM 7:69 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:70 bonanani maruanena ta, kara-dika iabi-ohona boubouna;
NUM 7:71 bona boromakau mamaruanedia; rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Ahiesere Amisadai ena herahia bunu.
NUM 7:72 Dina ihagwauta-tana ai Pagiele Okran, Asere lohiana,
NUM 7:73 ena herahia ḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:74 bona gold nauna ta, metauna na sekele gwauta, muramura mai bonadia vada e honu;
NUM 7:75 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:76 bonanani maruanena ta, kara-dika iabi-ohona boubouna;
NUM 7:77 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Pagiele Okran ena herahia bunu.
NUM 7:78 Dina ihagwauta-ruana ai Ahira Enan, Napatali lohiana,
NUM 7:79 ena herahiaḡaudia bini: silver merekina ta, metauna na sekele sinahu-ta toi-ahui, bona silver kibokibona ta, metauna na sekele hitu-ahui, gabu helaḡana ena sekele heḡereḡerena; unu ḡau ruaosi na flaoa namo-hereana, dehoro ida e buloaḡauna, vada e honu, flaoa boubouna;
NUM 7:80 bona gold nauna ta, metauna na sekele gwauta, muramura mai bonadia vada e honu;
NUM 7:81 bona boromakau natuna maruanena ta; bona mamoe maruanena ta; bona mamoe natuna maruanena ta, laḡani tamona ḡauna, ia na ḡole-oho boubouna;
NUM 7:82 bonanani maruanena ta, kara-dika iabi-ohona boubouna;
NUM 7:83 bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Ahira Enan ena herahia bunu.
NUM 7:84 Israel lohiadia na ihaboulaina patana ihahelaḡana herahiadia e heni, dehoro amo e horoa dinana ai, ḡaudia bini: silver merekidia gwauta-rua; silver kibokibodia gwauta-rua; gold naudia gwauta-rua.
NUM 7:85 Silver merekidiata ta ena metau ena metau be sekele sinahu-ta toi-ahui; bona silver kibokibodiata ta ena metau ena metau be sekele hitu-ahui. Silver ḡaudia iboudiai ediametau idoinai be sekele daha-rua sinahu-hani, gabu helaḡana ena sekele heḡereḡerena.
NUM 7:86 Hari gold naudia gwauta-ruaosi, muramura mai bonadiae honu ḡaudia, ta ta ena metau ena metau be sekele gwauta, gabu helaḡana ena sekele heḡereḡerena; gold ḡaudia iboudiai edia metau idoinai be sekele sinahu-ta ruahui.
NUM 7:87 Boromakau mamaruanedia, ḡole-oho boubouna ḡaudia, iboudiai begwauta-rua; mamoe mamaruanedia danu gwauta-rua, bona mamoe natudia mamaruanedia, laḡani tamona ḡaudia, be gwauta-rua, mai flaoa bouboudiaida e heni. Nani mamaruanedia, kara-dika iabi-ohona bouboudia ḡaudia, na gwauta-rua danu.
NUM 7:88 Boromakau mamaruanedia, herohemaino bouboudia ḡaudia, na ruahui hani; mamoe mamaruanedia na tauratoi-ahui; nani mamaruanedia na tauratoi-ahui; mamoe natudia mamarua nedia, laḡani tamonaḡaudia, danu tauratoi-ahui. Ihaboulaina patana ihahelaḡana herahiadia bunu, dehoro amo e horoa dinana ai e heni.
NUM 7:89 Mose na hebou kalagana lalonai e raka vareai, Iehova ida bae herevahereva eto. Una negana ai Iehova gadona e kamonai, taravatu mauana ikaruhina daena amo bona kerubi ruaosi padadia amo ema, e hereva henia.
NUM 8:1 Iehova ese Mose e hereva henia, eto,
NUM 8:2 Aaron ba hamaoroa, lamepa na gabudia ai baine atodia negana ai, lamepa hituosi na lamepa patana vairana kahana bae.
NUM 8:3 Bena Aaron na unu e kara toma: lamepa na gabudia e ato, lamepa patana vairana kahana e hadiaria, Iehova ese Mose e haḡania heḡereḡerena.
NUM 8:4 Hari lamepa na gold amo e koroa, aena ela bona heraherana, idoinai na gold amo e koroa; Iehova ese Mose e hadibalaia heḡereḡerena, hari lamepa patana na unu e koroa toma.
NUM 8:5 Iehova ese Mose e hamaoroa, eto,
NUM 8:6 Levi taudia na Israel taudia bogaragidia amo bavabidia, ba haḡoevadia.
NUM 8:7 Ini ba haḡoevadia toma: ranu helaḡana amo ba nevaridia; bena kopidia idoidiai bae naudia, edia dabua bae huridia, bona bae digu.
NUM 8:8 Una murinai idia ese boromakau natuna maruanena ta bae abia, mai ena flaoa boubouna ida, flaoa namohereana dehoro ida e buloa ḡauna. Boromakau natuna maruanena ma ta danu bavabia, kara-dika iabi-ohona boubouna.
NUM 8:9 Bena Levi taudia nahebou kalagana vairanai ba hakaudia lasi; bona Israel oreana taudia iboudiai ba haboudia.
NUM 8:10 Bena Levi taudia na Iehova vairanai ba haginidia. Israel taudia ese imadia na Levi taudia latadiai bae ato kau;
NUM 8:11 bena Aaron ese Levi taudia baine abidia, davedave boubouna ai baine halaodia, Israel taudia edia amo, Iehova isiaina bae lao heni totona.
NUM 8:12 Bena Levi taudia ese imadia na boromakau mamaruanedia kwaradia ai bae ato kau; ta kara-dika iabi-ohona boubouna ai ba halaoa, ma ta ḡole-oho boubouna ai ba halaoa, Iehova ena, Levi taudia daidiai herohemaino karana ba karaia.
NUM 8:13 Bena Levi taudia na Aaron mai natuna ida vairadiai ba haginidia, davedave boubouna ai baela Iehova ena.
NUM 8:14 Levi taudia na Israel taudia bogaragidia amo unu ba hididia toma; idia na lauegu.
NUM 8:15 Una negana ai, ba haḡoevadia bona davedave boubouna ai ba halaodia murinai, idia na hebou kalagana lalonai bae raka vareai, bona ḡaukarana bae karaia.
NUM 8:16 Badina be Israel taudia bogaragidia amo vada o henigu; Israel hahinedia iboudiai natudia mamaruanedia roboadia ibolodia vada na abidia.
NUM 8:17 Badina be roboa mamaruanedia iboudiai Israel ai na lauegu, taunimanima natudia roboadia bona ubu-ubu ḡaudia natudia roboadia; Aigupto tanona ai roboa mamaruanedia iboudiai na aladia mase dinana ai na hahelaḡadia lauegu.
NUM 8:18 A Israel edia roboa mamaruanedia ibolodia na Levi taudia vada na abidia,
NUM 8:19 Aaron mai natuna ida vada na henidia, Israel taudia bogaragidia; amo; hebou kalagana ḡaukaradia bae kara idia daidiai, bona Israel taudia daidiai herohemaino karana bae karaia, gabu helaḡana bae raka henia kahi bena gorere ese baine aladia na garina.
NUM 8:20 Ini kara iboudiai Mose bona Aaron bona Israel oreana taudia iboudiai ese Levi taudia e kara henidia; Iehova ese Levi taudia herevadia Mose e haḡanilaia heḡereḡerena, Israel taudia na unu e kara toma.
NUM 8:21 Levi taudia ese edia kara-dika amo e haheḡoeva bona edia dabua e huri; bena Aaron ese davedave boubouna ai e halaodia, Iehova vairanai. Aaron ese herohemaino karana vada, e karaia, idia daidiai, idia ihaḡoevadia totona.
NUM 8:22 Una murinai Levi taudia na hebou kalagana ai e raka vareai, Aaron mai natuna ida idurulaida ḡaukaradia e kara; Iehova ese Levi taudia herevadia Mose e haḡanilaia heḡereḡerena, idia na unu e kara toma.
NUM 8:23 Bena Iehova ese Mose ma e hamaoroa, eto,
NUM 8:24 Levi taudia herevadia bini edia vara laḡanidia bae ruahui ima negana ai bae ḡaukara matama, hebou kalagana lalonai;
NUM 8:25 ela bona edia vara laḡanidia bae imahui negana ai ḡaukara na bae rakatania, basie karaia lou.
NUM 8:26 Una murinai, idia ese varavaradia bae bamodia, hebou kalagana ireḡuna ai, to basie ḡaukara. Levi taudia edia ḡaukara na unu ba henidia toma.
NUM 9:1 Israel taudia ese Aigupto tanona amo e raka lasi murinai, laḡani iharuana ena hua gini-gunana ai Iehova ese Mose e hereva henia Sinai tano ḡaḡaenaai,
NUM 9:2 eto, Israel taudia ese lagau-hanai ariana bae badinaia, ena nega korikoriai.
NUM 9:3 Una hua ena dina ihagwauta-hanina adorahina ai ba karaia, ena nega korikorina ai, taravatuna iboudiai heḡereḡerena.
NUM 9:4 Taunabunai, Mose ese Israel taudia e haḡanidia, lagau-hanai ariana bae karaia eto.
NUM 9:5 Bena hua gini-gunana ena dina ihagwauta-hanina adorahina ai lagau-hanai ariana e karaia, Sinai tano ḡaḡaena ai; Iehova ese Mose e haḡanilaia karadia iboudiai na a Israel taudia ese e karadia ḡuḡuru.
NUM 9:6 A tatau haida vada e taubu, mase tauna enai vada e dau kau dainai, taunabunai idia na mai edia hekwakwanai lagau-hanai ibadinana ai una dina ai, bena idia ese Mose bona Aaron dekedia ela una dina ai.
NUM 9:7 Idia ese Mose e hamaoroa eto, Ai a taubu, mase tauna enai vada a dau kau dainai. Badina be dahaka ai ese Iehova basia boua diba, nega korikorina ai, Israel taudia iboudiai ida
NUM 9:8 Mose ese e haere henidia, eto, Do ba noho, ela bona lau baina kamonai, Iehova ede baine haḡanilaigu toma umui daimui ai.
NUM 9:9 Bena Iehova ese Mose e haḡania, eto,
NUM 9:10 Israel taudia ba hamaorodia, baoto: Ena be umui emui ai eiava garamui ediai tau ta baine taubu, mase tauria enai baine dau kau dainai, eiava dauhai baine laolao, to ia be Iehova ena lagau-hanai ariana baine badinaia.
NUM 9:11 Idia ese hua iharuana ena dinaihagwauta-hanina adorahina ai bae karaia; mai flaoana, asie hatubua ḡauna, bona mai aniani avadia iditadia ida do bae ania.
NUM 9:12 Bahu basine mia rani, turiana ta danu basie hakwaidua; lagau-hanai taravatudia iboudiai heḡereḡeredia ai bae karaia.
NUM 9:13 A tau ta se miromu eiava se laolaomu to lagau-hanai ariana basine badinaia, una tau be ena bese amo bae negea daure; badina be Iehova se boua, nega korikorina ai. Una tau be ena dika do baine huaia.
NUM 9:14 Bema idau tauna ta dekemui ai baine noho hedoa, bena ia baine ura Iehova ena lagau-hanai ariana baine ania, lagau-hanai taravatudia heḡereḡeredia, ia be baine ania diba. Emui taravatu baine tamona, noho-hedoa taudia bona bese korikori taumui.
NUM 9:15 Dubu e haginia dinana ai, ori ese dubu, taravatu mauana kalagana, e ḡovaia ahu, ela bona hanua e boi, bena ita-itana na lahi na heto ela bonadaba e rere, dubu daenai.
NUM 9:16 Nega idoinai unu mo heto, ori ese e ḡovaia ahu dina ai bona lahi hanuaboi ai.
NUM 9:17 Bena ori ese kalaga e daetania negadia ai, Israel taudia na e tore isi, edia laolao ela; a ori e diho henia gabuna ai, Israel taudia na unuseni ai e taruha.
NUM 9:18 Iehova ena haheḡani dainai Israel taudia na e tore isi, bona Iehova ena haheḡani dainai idia na e taruha ori ese dubu e ḡovaia ahuva negana lalonai, idia na taruha ai e nohova.
NUM 9:19 Ena be ori ese dina hoho dubu e ḡovaia ahu, to Israel taudia ese Iehova ena haheḡani e laloa tao, bena asie tore isi.
NUM 9:20 Nega haida ori ese dina dia hoho dubu e ḡovaia ahu; bena Iehova ena haheḡani heḡereḡerena taruha ai e nohova, ma Iehova ena haheḡani heḡereḡerena e tore isi.
NUM 9:21 Ma nega haida ori na adorahi ai e diho, e mia rani; daba ai ma e dae, bena idia na e tore isi. Eiava dina ta hanuaboi ta e miava, bena e daetanidia negana ai idia na e tore isi.
NUM 9:22 ori ese dubu e ḡovaia ahu negana bema dina rua, eiava hua ta, eiava nega daudau, to Israel taudia taruha ai e nohova, asie tore isi; a e daetanidia negana ai idia na e tore isi.
NUM 9:23 Iehova ena haheḡani dainai e taruha, ma Iehova ena haheḡani dainai e tore isi; idia ese Iehova ena haheḡani e badinaia, Iehova ese Mose e haḡania heḡereḡerena.
NUM 10:1 Iehova ese Mose e haḡania, eto,
NUM 10:2 Kibi rua ba kara, silver amo ba korodia. Reḡedia na taunimanima ihaboudia bona taruha ikokina toadia ai baela.
NUM 10:3 Kibi ruaosi bae hiriri negadia ai, taunimanima iboudiai na dekemu ai bae hebou, hebou kalagana iduarana ai.
NUM 10:4 A tamona bae hiriria negadia ai, bese lohiadia, Israel iduhudia ikwaradia, na dekemu ai bae hebou.
NUM 10:5 Kibi bae hiriri lalo-dika negana ai, mairiveina kahana taruhana bae kokia, bae huaia lao.
NUM 10:6 Nega iharuana ma bae hiriri lalo-dika negana ai, diho kahana taruhana bae kokia, bae huaia lao. Hari kibi reḡedia be edia tore-isitoana.
NUM 10:7 A taunimanima ihaboudia ba ura negadia ai, kibi na bae hiriri, to basie hiriri lalo-dika.
NUM 10:8 Hahelaḡa taudia, Aaron garana, ese kibi bae hiriri: emui kibi taravatuna bunai, ela bona uru iboudiai.
NUM 10:9 Inaimui ese bema hadikamui emui tano ai, bena boma tuari henidia, una negana ai kibi boma hiriri lalo-dika; bena Iehova emui Dirava ese baine lalomui, bona inaimui imadia amo baine hamaurimui.
NUM 10:10 Emui moale dinadia ai danu, bona emui aria dinadia ai, eiava hua matamata negadia ai, emui ḡole-oho bouboudia bona emui herohemaino bouboudia ba hahelaḡadiamai kibi ihiriridia ida; unu amo emui Dirava ese baine lalomui tao. Lau binai Iehova, emui Dirava.
NUM 10:11 Laḡani iharuana ai, hua iharuana dinana iharuahuina ai, ori ese taravatu mauana dubuna e daetania.
NUM 10:12 Israel taudia ese Sinai tano ḡaḡaena e rakatania, eha laolao, ela bona ori na Paran tano ḡaḡaena ai e diho.
NUM 10:13 Edia laolao gini-gunana binai, Iehova ese Mose e haḡanilaia dalana amo e laolaova.
NUM 10:14 Guna Iuda taruhana taudia edia orea ta ta amo edia pepe murina amo e raka; edia orea e gunalaidia tauna na Nason Aminadab.
NUM 10:15 Isakara taudia edia orea igunalaidia tauna na Netanele Suara.
NUM 10:16 Sebulun taudia edia orea igunalaidia tauna na Eliab Helon.
NUM 10:17 Bena dubu e kokia, Gereson natuna bona Merari natuna ese e huaia lao.
NUM 10:18 Idia muridiai Ruben taruhana taudia edia orea ta ta amo edia pepe murina amo e raka; edia orea e gunalaidia tauna na Elisuru Sedeuru.
NUM 10:19 Simeon taudia edia orea igunalaidia tauna na Selumiele Surisadai.
NUM 10:20 Gad taudia edia orea igunalaidia tauna na Eliasaf Reuele.
NUM 10:21 Bena Kohat taudia ese kohu helaḡadia e hua; idia do asie kau ai dubu be vada e haginia guna.
NUM 10:22 Idia muridiai Efraim taruhana taudia edia orea ta ta amo edia pepe murina amo e raka; edia orea e gunalaidia tauna na Elisama Amihud.
NUM 10:23 Manase taudia edia orea igunalaidia tauna na Gamaliel Pedasuru.
NUM 10:24 Beniamina taudia edia orea igunalaidia tauna na Abidan Gideoni.
NUM 10:25 Bena gabe oreadia e tore isi. Dan taruhana taudia edia orea ta ta amo edia pepe murina amo e raka; edia orea e gunalaidia tauna na Ahiesere Amisadai.
NUM 10:26 Asere taruhana taudia edia orea igunalaidia tauna na Pagiele Okran.
NUM 10:27 Napatali taruhana taudia edia orea igunalaidia tauna na Ahira Enan.
NUM 10:28 Israel taudia e tore isi negana ai edia laolao dalana be unuheto, orea ta ta amo e raka.
NUM 10:29 Mose ese ihana Hobab Reuele, tau Midian, e hereva henia, eto, Ai na baia laolaomu, Iehova ese vada e hamaoromai baine henimai e tomu tanona baia lao henia. Taunabunai ba bamomai, bena namo ba davaria; badina be Iehova ese ḡau namodia vada e abi heḡeḡae, Israel taumai emai.
NUM 10:30 A ia e haere, eto, Lau na basina bamomui, egu tano korikori baina lou henia, varavaragu dekedia bainala.
NUM 10:31 Mose ma eto, Basio rakatanimai; badina be oi dibamu ai na tano ḡaḡaena ai baia taruha, bena oi na ai matamai ai baola.
NUM 10:32 Ba bamomai, bena Iehova ena herahia ḡaudia amo oi ahumu do baia henimu.
NUM 10:33 Taunabunai, idia na Iehova ena ororo amo e laolao matama, dina toi eha laolao, Iehova ena taravatu mauana danu dina toiosi ai idia vairadiai e huaia lao, edia laḡa-ani gabuna e tahua.
NUM 10:34 Dina ai, Iehova ena ori esee hahekerukerudia, edia taruha e toretania negadia iboudiai.
NUM 10:35 Maua helaḡana e huaia lao negadia ai, Mose eto, Iehova e, a tore isi, inaimu ba hakarohodia; e inai henimumu taudia na oi vairamu ai bae heau.
NUM 10:36 Bona e atoa diho negadia ai ma eto, Iehova e, Israel taudia gerebu gerebu ba lou henidia.
NUM 11:1 Israel taudia na e maumau, hereva dikadia e gwaurai Iehova vairanai. Iehova na e kamonai, bena e badu, lahi na latadiai e hadihoa; una Iahi ese taruha isena e araia.
NUM 11:2 Bena Israel taudia ese Mose e tai henia, bena Mose ese Iehova e noia; bena lahi na e bodo.
NUM 11:3 Taunabunai una gabu ladana e hatoa Tabera, badina be Iehova ena lahi na bogaragidiai e arava.
NUM 11:4 Bena orea idau-idau taudia Aigupto tanona amo Israel taudia idae raka lasi hebou taudia, na e gado dikadika, bona Israel taudia ma e taitai lou, eto, vamu be ede amo baita abia?
NUM 11:5 Aigupto ai gwarume ta ani asi davadia ani? Bona kiukamba bona melon bona liki bona onion bona galik na momo herea ani?
NUM 11:6 A harihari emai goada vada eme ore; ḡau ta Iasi, ina mana mo e heitamu.
NUM 11:7 Hari mana be nadinadi kurokurona na heto; ita-itana na bedolak nadina na heto.
NUM 11:8 Taunimanima ese e hagogo; bena huro nadidia amo e idi patapata, eiava gwada-gwada auna lalonai e gwadaia; bena uro ai e nadua, manemane e kara, mamidia na flaoa dehoro ida e bulo dikeadia mamidia na heheto.
NUM 11:9 Hanuaboi ai hunu taruha ai e dihova negana ai, hari mana danu e dihova.
NUM 11:10 Israel iduhudia iboudiai e taitai, ta ta ena kalaga iduarana ena kalaga iduarana ai; bena Mose ese edia taitai e kamonai. Iehova na e badu laloḡaraḡara; Mose danu e badu.
NUM 11:11 Bena Mose ese Iehova e hereva henia, eto, Dahaka dainai emu hesiai tauna ini vada o hadikagu toma? Edeheto oi na so lalo namo henigumu? Edeheto ina bese idoinai ireḡuna na lauegu maduna ai vada o halaoa?
NUM 11:12 Ini taunimanima loḡora na lau natugu a? Lau ese na havaradia dainai oi na o tomu “lmamu ai a rosidia, rata e inuamu merona na heto, ela bona senedia na gwau henilaidia hamata tanona ai” a?
NUM 11:13 Vamu na edeseni ai baina abia, ini taunimanima loḡora iubulaidia? Badina be idia na lau vairagu ai e taimu, e tomu “Vamu a henimai, baia ania”.
NUM 11:14 Lau na sibogu ini taunimanima loḡora ireḡudia asiname heḡereḡere; maduna na metau herea, ihuana na asi goadagu.
NUM 11:15 Emu ura egu ai bema unuheto, namona be boma bogagu hisi, ina harihari boma alagu mase, bena egu hemarai na basie hedinarai.
NUM 11:16 Bena Iehova ese Mose e haḡania, eto, Israel tau-badadia hitu-ahui bavabidia hidi, oi dibamu tau-badadia korikori bona mai siahudia taudia; bena ba haboudia hebou kalagana vairanai, oi ida bae gini.
NUM 11:17 Bena lau baina diho, baina hereva henimui unuseni ai; bona oi vada na henimu siahuna kahana baina abia lou, idia baina henidia; ini taunimanima ireḡudia madunana na oi ida ba huaia hebou, sibomu basio huaia.
NUM 11:18 Taunimanima danu ba hamaorodia, baoto: Sibomui ba hahelaḡa ela bona kerukeru, bena vamu bavania; badina be Iehova o tai henia, oto “Daika ese amai vamu baine henimai? Aigupto ai bogamai e kunuva”. Taunabunai, Iehova ese vamu baine henimui, bavania.
NUM 11:19 Dia dina tamona eiava rua bona eiava ima eiava gwauta eiava ruahui,
NUM 11:20 a hua ena dina iboudiai vamu bavania, ela bona ianina ai ba hesiku, bena ba dadaraia. Badina be Iehova, bogaragimui ai e nohomu Diravana, vada o dadaraia, ia vairanai o tai, oto “Dahaka dainai Aigupto a rakatania?”
NUM 11:21 A Mose eto, Be, egu bese taudia iboudiai be domaga tauratoi aedia amo e rakamu: taudia; a oi na o tomu “Vamu baina henidia, bae ania, ela bona hua ta baine ore”.
NUM 11:22 Mamoe seridia bona nani seridia bae aladia ore, adia vamu, a? Eiava davara gwarumedia iboudiai bae abidia ore, idia bogadia ihakunudia a?
NUM 11:23 Iehova ese Mose e haere henia, eto, Iehova imana e tunamu a? Do ba itaia, lauegu hereva baine momokani eiava lasi.
NUM 11:24 Taunabunai Mose e raka lasi, Iehova ena hereva na Israel taudia e hamaorolaidia, a Bena tau badadia hitu-ahui e abidia hidi, hebou kalagana murimurinai e haginidia heḡeḡe.
NUM 11:25 Bena Iehova na ori ai e diho, e hereva henia, a bona e henia siahuna kahana na hari hitu-ahuiosi e henidia; bena hari siahu idia latadiai e kau negana ai idia na e peroveta, to una negana ai mo.
NUM 11:26 Tatau rarua taruha ai e nohova, ta ladana na Eledad, ma ta ladana na Medad; bena siahu na idia danu latadiai e kau. Idia be e abidia hidi taudia rarua, a hebou kalagana asiela, bena taruha lalonai e peroveta.
NUM 11:27 Bena eregabe tauna ta ese Mose dekena e heau lao, eto, Eledad bona Medad be taruha ai e perovetamu.
NUM 11:28 Bena Iosua Nunu, Mose ena hesiai tauna bona ena abi-hidi tauna ta, e hereva, eto, Mose Rahobada e, ba gwaudia tao.
NUM 11:29 A Mose ese e haere henia, eto, Lau daigu ai o vaḡeḡemu a? Iehova ena orea taudia iboudiai bema peroveta bona Iehova ena siahu be iboudiai latadiai bema kau bema namo.
NUM 11:30 Bena Mose, Israel tau-badadia ida, taruha e lou henia.
NUM 11:31 Una negana ai Iehova ese lai ta e siaia; bena una lai ese kibi momo davara kahana e harohodia diho edia taruha tanona ai, ela bona dina ta laolaona heḡereḡerena taruha kahana ai, bona ma kahana ai danu dina ta laolaona heḡereḡerena, tano daenai kiubit rua heḡereḡerena.
NUM 11:32 Bena taruha taudia e tore isi, kibi na e haboudia boi, e haboudia rani, ma dina iharuana ai e haboudia boi; e habou maraḡi tauna ese homere gwauta e haboudia. Bena edia kalaga badibadidiai e hakaukaudia.
NUM 11:33 A vamu na dounu ududia ai, do asie hadonoa, Iehova ena badu na ediai e siahu; bena ia ese dai-hanai gorerena dikana ta idia latadiai e siaia.
NUM 11:34 Taunabunai, una gabu ladana e hatoa Kibroto-hatava; badina be unuseni ai gado esee abidia taudia na e guridia.
NUM 11:35 Kibroto-hatava amo eha laolao, ela bona Haseroto ai e kau; unuseni ai e taruha.
NUM 12:1 Aaron bona Miriama ese Mose e maumauraia, ia adavana hane Kusu dainai, badina be ia ese Kusu hahinena vada e adavaia.
NUM 12:2 Idia eto, Iehova na Mose mo sibona uduna amo vada e hereva a? Eiava ai danu udumai amo vada e hereva? Iehova ese edia hereva e kamonai.
NUM 12:3 Hari Mose na tanobada taudia iboudiai bogaragidiai ia mo sibona manau herea.
NUM 12:4 A Iehova ese Mose bona Aaron bona Miriama e hereva henidia taku, eto, Umui tatoiosi a raka lasi, hebou kalagana baoma. Bena tatoiosi ela.
NUM 12:5 Bena Iehova na ori dubuna ai e diho, hebou kalagana vairanai e gini, Aaron bona Miriama e boiridia, bena raruosi e raka henia kahi.
NUM 12:6 Ia eto, Egu hereva a kamonai: daika umui bogaragimui ai be peroveta tauna, lau ese mata-hanai ai baina hahedinarai henia bona nihi ai baina hereva henia.
NUM 12:7 A egu hesiai tauna Mose na dia unuheto; ia na egu bese ireḡuna tauna.
NUM 12:8 Ia ida baia hereva-hereva hedinarai, lau udugu amo, ia uduna amo; basia hereva hehuni. Iehova oromana danu ia ese matana amo baine itaia. Edeheto umui raruosi na egu hesiai tauna Mose imaumauraina asio garimu?
NUM 12:9 Iehova ena badu e siahu ḡaraḡara unu raruosi ediai, bena ia ese e rakatanidia.
NUM 12:10 ori ese hebou kalagana e daetania negana ai, Miriama vada e lepra, kopina vada e kuroka-kuroka, snow na heto. Aaron ese Miriamae haḡerea, e itaia vada e lepra.
NUM 12:11 Bena Aaron ese Mose e hereva henia eto, Ḡauka e, ai vada a kara kava, vada a kara dika; mani emu kara emai dika davana basio henimai,
NUM 12:12 Ina hahine na basine noho mase hahinena na heto, eiava sinana bogana amo e vara mai dikana kekenina na heto.
NUM 12:13 Bena Mose ese Iehova e noia, eto, Dirava e, lau na noimumu, ba hamauria.
NUM 12:14 A Iehova ese Mose e haere henia, eto, Tamana ese vairana bema kanudia, ia na mai hemaraina ida bema noho ela dina hitu bema ore, ani? Benaini, ia be dina hitu taruha murimurinai baine noho, bena ma bae hakaua vareai.
NUM 12:15 Taunabunai, Miriama na taruha murimurinai e nohova ela bona dina hitu e ore; bona Israel taudia na edia laolao asie matamaia lou ela bona Miriama na taruha lalonai ma e hakaua vareai.
NUM 12:16 Una murinai idia ese Haseroto e toretania, ela, Paran tano-ḡaḡaena ai e taruha.
NUM 13:1 Iehova ese Mose e hamaoroa, eto,
NUM 13:2 Hasinadoa taudia haida ba siaidia, Kanaan tanona, lau ese Israel taudia baina henidia tanona, baela. Iduhu ta ta amo ta ta ba siaidia, a lohia taudia mo bavabidia.
NUM 13:3 Bena Mose ese Paran tano-ḡaḡaena amo e siaidia, Iehova ena hahedua heḡereḡerena; iboudiai na Israel lohiadia.
NUM 13:4 Ladadia bini: Ruben iduhuna amo, Samua Sakuru;
NUM 13:5 Simeon iduhuna amo, Safata Hori;
NUM 13:6 Iuda iduhuna amo, Kaleb lefune;
NUM 13:7 Isakara iduhuna amo, Igala Iosef;
NUM 13:8 Efraim iduhuna amo, Hosea Nunu;
NUM 13:9 Beniamina iduhuna amo, Palti Rafu;
NUM 13:10 Sebulun iduhuna amo, Gadiel Sodi;
NUM 13:11 Manase Iosef iduhuna amo, Gadi Susi;
NUM 13:12 Dan iduhuna amo, Amiele Gemali;
NUM 13:13 Asere iduhuna amo, Seturu Mikael;
NUM 13:14 Napatali iduhuna amo, Nabi Vopsi;
NUM 13:15 Gad iduhuna amo, Gevele Maki.
NUM 13:16 Hasinadoa taudia Mose ese e siaidia, Kanaan baela, ladadia bunu. A Mose ese Hosea Nunu ladana e nemaia Iosua.
NUM 13:17 Taunabinai, Mose ese e siaidia, Kanaan tanona bae ha itaia. E haḡanidia, eto, Diho kahana amo baola ela bona ororo gabudia.
NUM 13:18 Ba itaia, tano be edeheto, bona tano taudia be edeheto, gogoada eiava mamanoka, hutuma eiava gagadoi;
NUM 13:19 ba itaia danu, e noholaiamu tanona edeheto, namo eiava dika, bona edia hanua be edeheto, taruha mo eiava hanua mai maḡudia.
NUM 13:20 Ba itaia danu, edia biru gabudia be edeheto, namo eiava dika, bona au be mimia eiava. Ba goada: tano anidia taidia ba loulai. Una negana be vine e huahua matama negana.
NUM 13:21 Taunabunai idia na ela, e hasinadoa, Sin tano-ḡaḡaena amo ela bona Rehob, Hamat dalana ai.
NUM 13:22 Diho kahana amo ela, Heberon ai e kau; unuseni ai Ahiman bona Sesai bona Talmai, Anak garana, e nohova. Una Heberon e haginia murinai laḡani hitu vada ela bena Soan e haginia Aigupto ai.
NUM 13:23 Bena Eskol kourana ai e kau, unuseni ai vine rigina ta e utua, mai vine huahuana tako ta; tatau rarua ese au ai e huaia. Rimono(, huahuadia haida bona suke huahuadia haida danu e gogo, e hua.
NUM 13:24 Una gabu ladana e hatoa Eskol kourana, badina be Israel taudia ese vine takona unuseni ai e utua dainai.
NUM 13:25 Dina hari-ahui e ore, bena edia hasinadoa amo e lou ema,
NUM 13:26 Mose bona Aaron bona Israel oreana taudia iboudiai dekediai e kau, Kade ai, Paran tano-ḡaḡaena ai. Bena tano sivaraina e hamaorolaidia, bona tanoanidia e haheitalaidia.
NUM 13:27 Idia eto, O siaimai baia lao henia tanona ala, ia na rata bona bada-ranuna e arumu tanona; tano huahuadia haida bini.
NUM 13:28 To, una tano taudia na gogoada, edia hanua danu babada heherea bona mai maḡudia; Anak garana danu a itadia unuseni ai.
NUM 13:29 Diho kahana ai Amalek taudia e nohomu; ororo gabudia ai Hiti taudia bona Iebusu taudia bona Amoro taudia e nohomu; a kone ai bona Ioridane sinavaina isena ai Kanaan taudia na e nohomu.
NUM 13:30 Bena Kaleb ese taunimanima e tuidia; bena ia ese Mose e hereva henia, eto, Aitala, una tano baita abia; badina be ita na mai goadada, baita abia diba.
NUM 13:31 A ia ida ela taudia eto, Una tano taudia basita tuari henidia diba, badina be idia na gogoada, ita na mamanoka.
NUM 13:32 Taunabunai, idia ese edia hasinadoa Israel taudia e hamaorolaidia na hari dikana mo e gwauraia, eto; Una itana totona ala tanona na taunimanima ihamasedia tanona, bona unuseni ai a itadia taudia iboudiai na babada heherea.
NUM 13:33 Unuseni ai taunimanima gaḡau-babadadia a itadia, Anak garana, Nefili taudia amo evara besena. Ai na a laloa ai na kwadi na heheto, idia vairadiai, bona idia danu unu e itamai toma.
NUM 14:1 Bena hebou taudia iboudiai e tai: Israel idoinai e tai rani.
NUM 14:2 Israel taudia iboudiai ese Mose bona Aaron e maumauraidia; hebou idoinai ese e gwau henidia, eto, Aigupto ai baiama mase eiava ina tano ḡaḡaena ai baiama mase bema namo.
NUM 14:3 Namona be dahaka Iehova ese una tano ai baine hakaumai vareai? Unuseni ai ai na dare amo bae alamai mase, bona adavamai, bona, natumai bae abidia mauri. Aigupto baia lou henia hari namo, ani?
NUM 14:4 Bena sibodia e hereva heheni, eto, Biaguda ta baita abia hidi, Aigupto baita lou lao.
NUM 14:5 Bena Mose bona Aaron na Israel taudia loḡora edia hebou vairanai e goru diho;
NUM 14:6 bona Iosua Nunu bona Kaleb lefune, hasinadoa taudia rarua, na edia dabua e dare,
NUM 14:7 Israel oreana idoinai e hamaorodia, eto, Una tano, ai ala a hasinadoa tanona, na tano namo-hereana.
NUM 14:8 Iehova ese baine lalo namo henida, ia ese una tano ai baine hakauda vareai, baine henida; oibe, hari rata bona bada-ranuna e arumu tanona ia ese baine henida.
NUM 14:9 Ḡau tamona, Iehova basio inai henia, bona una tano taudia garidia basio gari. Idia na ita ada aniani na heto. Idia na asi igimadia; a Iehova na ita ida. Basio gari henidia.
NUM 14:10 A hebou taudia iboudiai ese nadi amo bae hododia eto. Bena Iehova diaridiarina na hebou kalagana ai e hedinarai, Israel taudia iboudiai vairadiai.
NUM 14:11 Bena Iehova ese Mose e hereva henia, eto, Ini taunimanirna na bae dadaraigu ela bona edena nega ai? Toa iboudiai vada na henidia ore. Edena nega ai bae abidadama henigu?
NUM 14:12 Lau na dai-hanai gorerena amo baina habuadiatari. Idia na lau dihigu ai basiela. Oiemu amo bese ta, idia baine hereadia besena, baina havaraia.
NUM 14:13 Bena Mose, ese Iehova e haere henia, eto, Unu baine heto, Aigupto taudia na bae kamonai; badina be oi ese ina bese taudia na idia bogaragidia amo e hakaudia lasi mai siahumu ida.
NUM 14:14 Bena idia ese ina tano taudia bae hamaorodia. Ina tano taudia na vada e kamonai oi na ina bese bogaraginai o nohomu, idia ida o hevaira hehenimu, oiemu ori amo o gorudia taomu, bona edia laolao ai o gunalaidiamu, dina ai ori dubuna amo bona hanuaboi ai lahi mamana amo.
NUM 14:15 A harihari oi ese ina bese taudia boma habuadia ore, hari oi harimu e kamonai besedia na baeto
NUM 14:16 “Iehova na asi siahuna ina bese na e gwaurai henidia hamata tanona ai baine hakaudia vareai; una dainai ia ese .tano ḡaḡaena ai vada e habuadia ore”.
NUM 14:17 Taunabunai, lau I na noimumu, Ḡaubada ena siahu do baine herea, emu gwau-hamata heḡeregerena, oto:
NUM 14:18 Iehova ena badu e halahemu, ena hebogahisi e hesiriumu; ia ese kara dika bona kara havara e gwau taomu; ḡau tamona, kara dika taudia na basine kahudia nege, a tama edia kara dika davadia na natudia bona tubudia baine henidia, ela bona uru ihatoina bona ihahanina.
NUM 14:19 Lau na noimumu, emu hebogahisi na bada herea dainai ina bese taudia edia kara dika do ba gwau tao, Aigupto amo ema bona ina gabu ai edia kara dika vada o gwau tao heḡereḡerena.
NUM 14:20 Bena.Iehova eto, Baina bogadia hisi, emu noinoi heḡereḡerena.
NUM 14:21 A momokani, lau na maurimu heḡereḡerena bona Iehova hairaina ese tanobada baine hahonua heḡereḡerena,
NUM 14:22 ini taunirnanima iboudiai ese lau hairaigu vada, e itaia, bona toa idau-idau Aigupto ai bona tano gaḡaena ai vada eitadia, to nega, gwauta vada e dibaḡanigu bona eregu asie kamonai dainai,
NUM 14:23 idia ese senedia na gwaurai henidia hamata tanona na basie itaia; momokani, vada e dadaraigu taudia ta ese basine itaia.
NUM 14:24 A egu hesiai tauna Kaleb, laumana na idau bona eme badinagu mai lalona idoinai dainai, ia be baina hakaua vareai, hari itana ela tanona lalonai; bena ia garana ese bae abia, edia tano.
NUM 14:25 A harihari, Amalek, taudia bona Kanaan taudia na koura ai e nohomu dainai umui be kerukeru ba lou, tano ḡaḡaena baola, Davara Kakakakana kahana ai.
NUM 14:26 Bena Iehova ese Mose bona Aaron e hereva henidia, eto,
NUM 14:27 Ina orea dikana ese lau bae maumauraigu ela bona edena nega ai? Israel taudia edia hereva, lau e maumauraigumu herevadia, vada na kamonai.
NUM 14:28 Ba hamaorodia, baoto: Iehova na e tomu “Lau na maurimu dainai, emui hereva lau vada na kamonai heḡereḡeredia unu baina karamui toma;
NUM 14:29 ina tano ḡaḡaena ai vada ba mase. Umui iboumui bogaragimui ai, laḡani ruahui vada e hanai bona vada e maumauraigu taudia.
NUM 14:30 ta na lau ese na gwaurai henimui hamata ba noholaia nato tanona na basine raka vareai, a Kaleb lefune bona Iosua Nunu, idia raruosi mo baeiraka vareai.
NUM 14:31 A natumui maragidia, umui o tomu bae abidia mauri, na lau ese baina hakaudia vareai, umui ese vada o dadaraia tanona na idia ese bae itaia.
NUM 14:32 A umui be ina tano ḡagaena ai do ba mase.
NUM 14:33 Natumui ese laḡani hari-ahui tano ḡaḡaena aiedia mamoe bae reḡudia, emui kara havara hisidia bae ani, ela bona umui tau-animui bae pata vaitani tano ḡaḡaena ai.
NUM 14:34 O hasinadoa dinadia hari-ahui ihaheḡereḡeredia, laḡani hari-ahui emui kara havara hisidia bavani, dina ta ta, davadia laḡani ta ta hisidia bavani.
NUM 14:35 Lau Iehova vada na hereva: momokani, ina orea dikana, lau e inai henigumu oreana, na unu baina karadia toma. Ina tano ḡaḡaena ai taudia bae manori, bona ina tano ḡaḡaena ai bae mase.”
NUM 14:36 Hari hasinadoa taudia, Mose ese tano itana e siaidia, bena e lou negana ai tano harina dikana amo hebou taudia iboudiai e haherou-heroudia bena Mose e maumauraia,
NUM 14:37 taudia bunu, tano harina dika e gwauraia taudia, na dai-hanai gorerena ta ese e hamasedia ore, Iehova vairanai.
NUM 14:38 A Iosua Nunu bona Kaleb lefune na e mauri, hasinadoa taudia iboudiai idia raruosi mo e mauri.
NUM 14:39 Mose ese ini hereva na Israel taudia e hamaorolaidia negana ai, idia na lalodia e hisihisi bada.
NUM 14:40 Daba maraḡi ai, idia na e tore isi, ororo dorina ela, eto, Ame itamai, ai na iniseni ai, Iehova ese vada e gwaurai henimai hamata tanona hari aiala; badina be ai na vada a kara havara.
NUM 14:41 A Mose eto, Dahaka dainai Iehova ena haheḡani harihari o tataia utumu? Basio kwalimu diba.
NUM 14:42 Basiola, inaimui ese bae hadareremui na garina; badina be Iehova ese se barnomuimu.
NUM 14:43 Amalek taudia bona Kanaan taudia na vairamui ai; bena edia dare ai ba mase; Iehova ena dala vada o rakatania dainai Iehova ese basine bamomui.
NUM 14:44 A edia hekokoroku ai e raka lao, ororo dorina arno ela; ḡau tamona, Iehova ena taravatu mauana na taruha ai mia, Mose danu taruha ai noho.
NUM 14:45 Bena Arnalek taudia bona Kanaan taudia, unu ororo ai e nohova taudia, na ema, e hadareredia, e havadia lao, ela bona Horoma.
NUM 15:1 Iehova ese Mose e hamaoroa, eto,
NUM 15:2 Israel taudia ba hereva henidia, baoto: Baina henimui ba noholaia tanona ai ba kau,
NUM 15:3 bena boromakau ta eiava mamoe ta ba hahelaḡaia Iehova ena, ḡole-oho boubouna eiava gwau-hamata boubouna eiava lalo-namo boubouna eiava aria ta boubouna, bonana namo ḡauna Iehova ena;
NUM 15:4 una negana ai boubou baine heni tauna ese flaoa namo-hereana efa ta baine karoaia, karoa gwauta, karoa ta baine abia, bona dehoro hini ta baine karoaia, karoa hani, karoa ta baine abia; bena flaoa bona dehoro baine bulodia.
NUM 15:5 Inuinu boubouna danu bavabia: vine ranuna hini ta ba karoaia, karoa hani, bena karoa ta ba heni; ḡole-oho ḡauna eiava gwau-hamata ḡauna eiava lalo-namo ḡauna ida.
NUM 15:6 Eiava mamoe maruanena ta ba hahelaḡaia, flaoa namo-hereana efa ta ba karoaia, karoagwauta, bena karoa rua bavabi, bona dehoro hini ta ba karoaia, karoa toi, bena karoa ta bavabia; bena flaoa bona dehoro ba bulodia.
NUM 15:7 Inuinu boubouna danu ba heni; vine ranuna hini ta ba karoaia, karoa toi, bena karoa ta bavabia, bonana namo ḡauna Iehova ena.
NUM 15:8 Eiava boromakau maruanena ta bavabia heḡaeḡae, emu ḡole-oho boubouna eiava emu lalo-namo boubouna eiava emu gwau-hamata boubouna eiava emu herohemaino boubouna ai bahalaoa, Iehova ena;
NUM 15:9 boromakau maruanena ida baine heni ḡaudia bini: flaoa namo-hereana efa ta baine karoaia, karoa gwauta, bena karoa toi baineabi, bona dehoro hini ta baine karoaia, karoa rua, bena karoa ta baine abia; bena flaoa bona dehoro baine bulodia.
NUM 15:10 Inuinu boubouna danu ba heni: vine ranuna hini ta ba karoaia, karoa rua, bena karoa ta bavabia, lahi boubouna ai ba halaoa, bonana namo ḡauna Iehova ena.
NUM 15:11 Boromakau mamaruanedia ta ta ida, bona mamoe mamaruanedia ta ta ida, bona mamoe natudia mamaruanedia ta ta ida, bona nani natudia ta ta ida, unu ba heni toma.
NUM 15:12 Mauri ḡaudia hida bavabidia heḡeḡae, unuhohodia mo unu ba heni toma.
NUM 15:13 Israel taudia korikori na una dala amo bae ḡaukara, edia boubou ḡaudia lahi ai bae ato kau negadia ai; unu hetomana bonana namo ḡaudia ai baela, Iehova ena.
NUM 15:14 Bona idau bese tauna eiava bogaragimui ai e noho hedoamu tauna, emui uru iboudiai lalodiai, baine ura bonana namo ḡauna lahi ai baine gabua Iehova ena, ia ese umui o karaiamu heḡereḡerena ma baine karaia.
NUM 15:15 Emui hebou ai taravatu baine tamona, umui emui, bona idau tauna bogaragimui ai e noho hedoamu ena; taravatu tamona, baine mia hanaihanai taravatuna, emui uru iboudiai lalodiai. Umui bona noho-hedoa tauna na heḡereḡere, Iehova vairanai.
NUM 15:16 Taravatu be tamona bona haheḡani be tamona, umui latamui ai bona bogaragimui ai e noho hedoamu tauna latanai.
NUM 15:17 Iehova ese Mose e hamaoroa, eto,
NUM 15:18 Israel taudia ba hereva henidia, baoto: Baina hakaumui vareai tanona ai ba kau
NUM 15:19 bona una tano anina bavani matama negana ai, emui herahia ḡaudia ba dudui isi Iehova vairanai.
NUM 15:20 Emui flaoa matamatana amo ataga ta ba duduia isi, Iehova vairanai, emui uit ikwadina gabuna amo emui herahia ḡauna o duduia isimu heḡereḡerena.
NUM 15:21 Uru iboudiai Ialodiai, emui flaoa matamatana amo emui herahia ḡaudia ba dudui isi, Iehova vairanai.
NUM 15:22 Boma kerere, ini haheḡani iboudiai, Iehova ese Mose vada e henia ḡaudia, basioma badinadia,
NUM 15:23 Iehova ese Mose uduna amo vada e henimui, e heni matama ema bona uru idoidiai lalodiai ma e heni loulou haheḡanidia,
NUM 15:24 ibadinadia ai boma kerere, a hebou taudia asi dibadia: hebou idoinai ese boromakau natuna maruanena ta bae heni, ḡole-oho boubouna ai baehalaoa, bonana namo ḡauna Iehova vairanai. Ena flaoa boubouna bona ena inuinu boubouna danu ia ida bae heni, taravatu heḡereḡerena, bona nani maruanena ta danu bae heni, kara-dika iabi-ohona boubouna.
NUM 15:25 Bena hahelaḡa tauna ese Israel oreana taudia iboudiai daidiai herohemaino karana baine karaia, unu amo edia dika bae hegwau tao; badina be vada e kerere; to edia boubou na Iehova vada e henia, ḡole-oho boubouna bona kara-dikaiabi-ohona boubouna, edia kerere dainai.
NUM 15:26 Bena hebou idoinai, Israel taudia bona bogaragidiai e noho hedoamu taudia na, edia dika bae hegwau tao, badina be iboudiai na una kara dika ese vada e hakereredia.
NUM 15:27 Tau ta baine kara rea, ia ese ena kara-rea iabi-ohona boubouna baineheni, nani hahinena ta, laḡani tamona ḡauna.
NUM 15:28 Hahelaḡa tauna ese kerere tauna ena kara rea dainai herohemaino karana baine karaia, Iehova vairanai; unu amo ena dika baine hegwau tao.
NUM 15:29 Kara rea taravatuna baine tamona, Israel tauna korikori ena bona noho-hedoa tauna ena.
NUM 15:30 A Israel tauna korikori eiava noho-hedoa tauna na hekokoroku dainai baine kerere, ia be Iehova se matauraiamu. Ena bese amo bae negea daure;
NUM 15:31 badina be ia ese Iehova ena hereva vada e dadaraia bona ena taravatu vada e tataia utu, una dainai ia na bae negea daure. Ena kara dika na basine hegwau tao.
NUM 15:32 Israel taudia na tano ḡaḡaena ai e nohova ai, idia ese tau ta e itaia, dina helaḡa ai au rakuraku e gogodia.
NUM 15:33 Bena au rakuraku igogodia ai e davaria taudia ese e hakaua lao, Mose bona Aaron bona hebou taudia iboudiai vairadiai.
NUM 15:34 Bena idia ese e ḡuia, badina be lalodia asie parara ede.bae karaia toma.
NUM 15:35 Bena Iehova ese Mose e haduaia, eto, Aine mase; hebou taudia iboudiai ese bae hodoa mase, taruha murimurinai.
NUM 15:36 Taunabunai hebou taudia iboudiai ese e hakaua lao, taruha murimurinai, bena idia ese nadi amo e hodoa mase, Iehova ese Mose e haḡania heḡereḡerena.
NUM 15:37 Iehova ese Mose e hereva henia, eto,
NUM 15:38 Israel taudia ba hamaorodia, edia uru iboudiai lalodiai edia dabua rimudia bae kara, edia dabua daigunidia ai; bona daiguni ta ta rimudia ai varo vaiurina ta ta bae turi kau.
NUM 15:39 Bena emui dabua rimudia ba itadia negadia ai Iehova ena haheḡani ba lalodia tao bona ba badinadia; sibomui lalomui bona matamui edia ura basio badinadia, basio halebulebu,
NUM 15:40 a egu haheḡani iboudiai ba lalodia tao bona ba badinadia, bona ba helaḡa, emui Dirava ena.
NUM 15:41 Lau binai Iehova, emui Dirava; Aigupto amo na hakaumui lasi, emui Dirava ai bainala helaoreana. Lau binai Iehova, emui Dirava.
NUM 16:1 Kora Isahara, Kohat Levi tubuna, bona Datan Eliab, bona Abiram Eliab, bona Onu Pelete, Ruben iduhuna tauna, hahaniosi e heḡaeḡae;
NUM 16:2 bena e tore isi, Mose dekena ela, idia bona orea lohiadia sinahu-rua imahui, hebou ese e abidia hidi taudia, iboudiai na mai haridia taudia.
NUM 16:3 Idia na Mose bona Aaron vairadiai e hebou, e heai henidia, eto, Umui raruosi na o hekokorokumu; badina be hebou taudia iboudiai na hehelaḡa; oibe, ibouboudiai, bona Iehova na bogaragidiai e nohomu. Dahaka dainai umui raruosi ese Iehova ena orea taudia o lohiadiamu?
NUM 16:4 Mose ese una hereva e kamonai, bena ia na tano ai e goru diho.
NUM 16:5 Bena ia ese Kora mai ena orea taudia ida e hamaorodia, eto, Daba ai Iehova ese baine hahedinaraia, daika be iena, bona daika na helaḡa, bona daika na ienai baine kahi lao; bena baine abia hidi tauna ese baine raka henia kahi.
NUM 16:6 Ini ba kara toma: oi Kora, bona emu orea taudia iboudiai, na gida keberedia helaḡadia bavabi;
NUM 16:7 bena kerukeru gida ba uda, bona muramura mai bonadia na gida latadiai bavato kau, Iehova vairanai; bena Iehova ese baine abia hidi tauna na baine helaḡa. Levi taumui, umui hari o hekokorokumu.
NUM 16:8 Mose ese Kora ma e hereva henia, eto, Umui Levi taumui ese egu hereva: a kamonai.
NUM 16:9 Israel Diravana ese umui vada e abimui hidi Israel oreana taudia bogaragidia amo, ba raka henia kahi, Iehova ena dubu ai ba ḡaukara, bona hebou taudia vairadiai ba gini, iena hesiai taudia. Una na ḡau pipikina a?
NUM 16:10 Ia ese vada e boirimui, umui bona varavaramui Levi taudia iboudiai, ia ba raka henia kahi. Be, hahelaḡa dagina danu o tahuamu a? a
NUM 16:11 Matona, oi bona emu orea taudia iboudiai vada o hebou, Iehova vada o heai henia. Aaron be daika, umui ese ia o maumauraiamu a?
NUM 16:12 Bena Mose ese Datan Eliab bona Abiram Eliab e boiridia. A idia eto, Ai na basia vasi.
NUM 16:13 Rata bona bada-ranuna e arumu tanona amo vadao hakaumai lasi, tano ḡaḡaena ai baia mase dahaka, harihari emai pavapava ai baola o tomu. Una na ḡau pipikina a?
NUM 16:14 Ina danu, rata bona badaranuna tanona ta ai asio hakaumai vareai, uma bona vine imeadia asio henimai, ai ahumai. Ini taunimanima na matadia ba hakepuludia a a Ai na basia vasi.
NUM 16:15 Mose na e badu dikadika, Iehova e noia, eto, Edia boubou basio abi dae. Lau be edia doniki ta asina dadia, bona idia ta asina hadikaia.
NUM 16:16 Bena Mose ese Kora e hamaoroa, eto, Kerukeru emu orea taudia ida baoma, Iehova vairanai ba gini, oi bona emu orea taudia bona Aaron.
NUM 16:17 Emui gida keberedia helaḡadia danu bavabi kau, muramura mai bonadia ba uda; ta ta ena kebere ena kebere bae mailaidia Iehova vairanai, kebere helaḡadia sinahu-rua imahui. Oi danu emu ba mailaia. Aaron danu ena baine mailaia.
NUM 16:18 Taunabunai, idia na ta ta ena kebere ena kebere e abi, gida e uda, bona muramura mai bonadia gida latadiai; bena hebou kalagana iduarana ai e gini, Mose bona Aaron ida.
NUM 16:19 Bena Kora ese orea idoinai e haboudia idia vairadiai, hebou kalagana iduarana ai. Bena Iehova diaridiarina e hedinarai, hebou taudia iboudiai ese e itaia.
NUM 16:20 Bena Iehova ese Mose bona Aaron e hamaorodia, eto,
NUM 16:21 Ena hebou amo ba raka siri, bena baina habuadia tari.
NUM 16:22 Bena idia na tano ai e goru goru :diho, eto, Dirava e, taunimanima iboudiai laumadia Diravana, tau tamona baine kara dika dainai ina hebou idoinai ba badu henidia a?
NUM 16:23 Bena Iehova ese Mose ma e hamaoroa, eto,
NUM 16:24 Hebou taudia ba hamaorodia, Kora bona Datan bona Abiram edia kalaga amo bae raka oho.
NUM 16:25 Bona Mose e tore isi, Datan bona Abiram dekedia ela; Israel tau-badadia ese e ḡavaia.
NUM 16:26 Bena ia ese hebou taudia e hamaorodia, eto, Ene kara havara taudia edia kalaga amo ba raka oho, bona edia ḡau ta basio daua toho, idia edia dika ai ba dika na garina.
NUM 16:27 Taunabunai, idia na Kora bona Datan bona Abiram edia kalaga amo e raka siri. Bena Datan bona Abiram e raka lasi, idia bona adavadia bona natudia badadia bona natudia maraḡidia, edia kalaga iduaradia ai e gini.
NUM 16:28 Bena Mose eto, Ini amo ba diba, Iehova ese vada e siaigu, ini ḡaukara iboudiai ikaradia totona; dia lau sibogu asina kara.
NUM 16:29 Ini tatau be taunimanima iboudiai vaevae edia mase dalana ai bema mase, bona taunimanima iboudiai vaevae edia dika dalana ai bema dika, ba diba Iehova ese se siaigu.
NUM 16:30 A Iehova ese kara matamatana ta bema havaraia, tano uduna bema hahaḡaia idia bona edia ḡau iboudiai bema hadonodia, mauridia ai mase taudia edia gabu ai bema diho, vada ba diba idia ese Iehova vada e dadaraia.
NUM 16:31 Ena hereva e doko ai, idia henudia tanona e parara;
NUM 16:32 tanobada ese uduna e hahaḡaia bona e hadonodia, mai edia ruma taudia ida, bona Kora ena orea taudia iboudiai mai edia kohu ida.
NUM 16:33 Taunabunai, idia mai edia orea idoinai na mauridia ai mase taudia edia gabu ai e diho. Tano ese e habubunidia, hebou taudia bogaragidiai e mase ore.
NUM 16:34 Bena Israel taudia, e ginidia heḡeḡe taudia, ese edia tai lolololo e kamonai ai, e heau karoho; eto, Tano ese baine hadonoda na garina.
NUM 16:35 Bena lahi na Iehova ena amo e diho, hari tatau sinahu-rua imahuiosi, muramura maibonadia e gabu taudia, e aradia ore.
NUM 16:36 Bena Iehova ese Mose ma e hereva henia, eto,
NUM 16:37 Hahelaḡa tauna Aaron natuna Eleasara ba hamaoroa, Iahi bogaragina amo kebere helaḡadia baine abidia lasi, gidadia baine bubu nege; badina be idia na hehelaḡa.
NUM 16:38 Ene kara havara daidiai vada e mase taudia edia gida keberedia na hehelaḡa: ba hododia severa-severa, ihaboulaina patana iḡovana ḡaudia aibaela, badina be Iehova vairanai e hahelaḡadia, taunabunai idia na hehelaḡa. Unu amo idia na toa ai baela, Israel taudia edia.
NUM 16:39 Taunabunai, hahelaḡa tauna Eleasara hari auri labora-labora keberedia, lahi ese e aradia taudia edia kebere, e abidia, e hododia severa-severa, ihaboulaina patana iḡovana,
NUM 16:40 bona helalo-tao toana, Israel taudia ese bae laloa tao, idau tauna ta, dia Aaron garana, na Iehova basine raka henia kahi, muramura mai bonana igabuna totona; Kora mai bamona ida heḡereḡeredia ai baela na garina. Iehova ese Eleasara unu e hamaoroa toma, Mose uduna amo.
NUM 16:41 Kerukeru, Israel oreana taudia ibouboudiai ese Mose bona Aaron e maumauraidia, eto, Umui ese Iehova ena orea taudia vada o aladia mase.
NUM 16:42 Ibouboudiai na Mose bona Aaron ialadia totona e hebou; bena e roha lao, hebou kalagana e itaia, ori ese vada e ḡovaia ahu, bona Iehova diaridiarina vada e hedinarai.
NUM 16:43 Bena Mose bona Aaron na hebou kalagana iduarana amo e raka lasi.
NUM 16:44 Bena Iehova ese Mose e hamaoroa, eto,
NUM 16:45 Ene e heboumu taudia edia amo a raka siri; lau ese aina habuadia tari. Bena raruosi na tano ai e goru diho.
NUM 16:46 Bena Mose ese Aaron e hamaoroa, eto, Emu gida keberena bavabia, muramura mai bonadia gida ai bavato kau; ba laohaia haraḡa-haraḡa hebou taudia dekediai, idia daidiai herohemaino karana bakaraia; badina be badu na Iehova ena amo vada e kau, dai-hanai gorerena vada e vara.
NUM 16:47 Bena Aaron ese kebere e abia, Mose ena hereva heḡereḡerena, bena e heau lao hebou taudia bogaragidiai. Dai-hanai gorerena na vadae vara matama, taunimanima ediai. Bena ia ese muramura mai bonadia na gida ai e ato kau, hebou taudia daidiai herohemaino karana e karaia.
NUM 16:48 Ia ese mase taudia bona mauri taudia padadiai e gini; bena gorere vada e doko.
NUM 16:49 Gorere ese e hamasedia taudia na gerebu-ta daha-hani sinahu-hitu; a Kora ena kara havara dainai e mase taudia be ma idau.
NUM 16:50 Bena Aaron ese Mose e lou henia, hebou kalagaana iduarana ai Gorere vada e doko.
NUM 17:1 Iehova ese Mose e haḡania, eto,
NUM 17:2 Israel taudia ba hamaorodia, itotohi bae henimu, iduhu ta ta ikwaradia taudia ese edia itotohi ta ta bae henimu: itotohi iboudiai bae gwauta-rua. Itotohi ta ta ai iduhu ikwaradia taudia ladadia ta ta ba tore;
NUM 17:3 bona Levi iduhuna taudia edia itotohi ai Aaron ladana ba torea. Iduhu ikwaradia taudia ta ta edia itotohi ta ta bavabi.
NUM 17:4 Bena hebou kalagana ai bavatodia, taravatu mauana vairanai, ita raruosi ta hedavarimu gabuna ai.
NUM 17:5 Bena vada na abia hidi tauna ena itotohi baine gara kau: unu amo Israel taudia baina tudia, oi imaumauraimu bae hadokoa.
NUM 17:6 Taunabunai, Mose ese Israel taudia unu e hamaorodia toma. Bena edia iduhu ikwaradia taudia ese itotohi e henia, iduhu ta itotohi ta iduhu ta itotohi ta, unu e henia toma; itotohi iboudiai na gwauta-rua. Aaronena itotohi danu edia itotohi ida e heato bou.
NUM 17:7 Bena Mose ese itotohi e abi, Iehova vairanai e atodia, taravatu mauana kalagana lalonai.
NUM 17:8 Kerukeru, Mose na taravatu mauana kalagana lalonai e raka vareai; bena Aaron ena itotohi, Levi iduhuna itotohina, e itaia, vada e gara kau bona vada e huahua, sakada huahuadia vada e dobi.
NUM 17:9 Bena Mose ese itotohi iboudiai na Iehova vairana amo e abidia, e laohaidia, Israel taudia iboudiai dekediai: idia ese e itadia, bena ta ta ena itotohi ena itotohi e abidia.
NUM 17:10 Bena Iehova ese Mose ma e haḡania, eto, Aaron ena itotohi bavatoa lou, taravatu mauana vairanai, toa ai bainela ini gwau-edeede taudia ediai; unu amo ba tudia, lau e maumauraigumu herevadia bae hadoko, bae mase na garina.
NUM 17:11 Mose na unu e kara toma: Iehova ese e haḡania heḡereḡerena, unu mo e kara toma.
NUM 17:12 Bena Israel taudia ese Mose e hamaoroa, eto, A itaia, ai na vada a masemu, vada ame baia, iboumai ai vada ame baia.
NUM 17:13 E raka kahiramu, Iehova ena dubu e raka henia kahimu, taudia iboudiai e masemu. Ai iboumai ai baia mase ore a?
NUM 18:1 Iehova ese Aaron e hereva henia, eto, Kerere gabu helaḡana ai bae vara na oi bona natumu bona emu iduhu taudia latamui ai; bona hahelaḡa taudia edia kerere na oi bona natumu latamui ai.
NUM 18:2 Varavaramu danu, Levi iduhuna taudia, tamamu ena iduhu taudia, na oi ida bae raka kahi mai, oi ida bae ḡaukara hebou, bona oi isiaimu bae lao heni. Ḡau tamona, oi mai natumu ida mo taravatu mauana kalagana lalonai ba ḡaukara.
NUM 18:3 Idia ese oi isiaimu bae lao heni, bona hebou kalagana ḡaukaradia bae kara; a gabu helaḡana kohudia basie raka henidia kahi, bona ihaboulaina patana basie raka henia kahi, idia bae mase bona umui ba mase na garina.
NUM 18:4 Idia na oi bae durumu, hebou kalagana inarina ai bona ena ḡaukara iboudiai ikaradia ai: idau iduhu tauna ta basine raka henimui kahi.
NUM 18:5 A umui ese gabu, helaḡana ḡaukaradia bona ihaboulaina patana ḡaukaradia ba kara; unu amo badu na Israel taudia latadiai basine kau lou.
NUM 18:6 O itaia, varavaramui Levi taudia na Israel taudia bogaragidia amo vada na abidia hidi, vada na henimui, Iehova ena, hebou kalagana ḡaukaradia bae kara.
NUM 18:7 A oi mai natumu ida na hahelaḡa taumui; ihaboulaina patana ḡaukaradia iboudiai bona seseahu lalonai e karamu karadia, iboudiai na umui ese ba kara. Lau isiaigu ba lao heni; hahelaḡa dagina lau ese vada na henimui. Idau tauna ta baine raka kahira, ia na baine mase.
NUM 18:8 Iehova ese Aaron ma e hamaoroa, eto, A itaia, egu dudui-isi bouboudia vada na henimu: Israel taudia ese e hahelaḡadiamu ḡaudia iboudiai na vada na henimu; vada e horomui dainai oi vada na henimu bona natumu vada na henidia, oi ahumu bona idia ahudia, ela bona hanaihanai.
NUM 18:9 Ḡau helaḡadia Iahi bouboudia amo bavabi ḡaudia bini: edia herahia ḡaudia iboudiai; edia flaoa bouboudia iboudiai; edia kara-dika iabi-ohodia bouboudia iboudiai; edia kerere iabi-ohodia bouboudia iboudiai; unu iboudiai bae helaḡa, oi amu bonanatumu adia.
NUM 18:10 Gabu helaḡana ai bavani, mamaruanemui iboumui ai ese; ia na helaḡa, amui aniani.
NUM 18:11 Amu bini: bae dudui isi ḡaudia, bona Israel taudia edia davedave bouboudia iboudiai; oi vada na henimu bona natumu mamaruanedia bona natumu hahinedia vada na henidia, oi ahumu bona idia ahudia ela bona hanaihanai, asi mirodia taudia iboudiai emu ruma ai na bae ani diba.
NUM 18:12 Dehoro namo-hereana bona vine ranuna namo-hereana bona uit namo-hereana bae mailai, edia uma anidia roboadia bona edia imea anidia roboadia Iehova bae henia, idoinai vada na henimu.
NUM 18:13 Edia uma anidia roboadia bona edia imea anidia roboadia iboudiai, Iehova dekena e mailaidia ḡaudia, na oiamu; asi mirodia taudia iboudiai emu ruma ai na bae ani.
NUM 18:14 Gwau-hamata daidiai Iehova bae henia ḡaudia Israel ai na oiemu.
NUM 18:15 Mauri ḡaudia natudia roboadia iboudiai, taunimanima natudia bona ubu-ubu ḡaudia natudia, na Iehova bae henia, iboudiai na oiemu. Ḡautamona, taunimanima natudia roboadia bona ḡau mirodia natudia roboadia na davadia bae kara.
NUM 18:16 Edia mauri huana tamona baine ore ai na davadia bae kara: davadia vada ba gwauraia, silver sekeledia, ima, gabu helaḡana ena sekele heḡereḡerena; una sekele lalonai gera na ruahui.
NUM 18:17 A boromakau natuna roboana eiava mamoe natuna roboana eiava nani natuna roboana na davana basio karaia. Idia na hehelaḡa; raradia na ihaboulaina patana latanai ba nevaria, bona digaradia na ba haḡole oho, bonana namo ḡauna Iehova ena.
NUM 18:18 A hidiodia na oiamu; kemena, e davea ḡauna, bona idiba mamuna na oiamu heḡereḡerena.
NUM 18:19 Herahia helaḡadia, Israel taudia ese Iehova vairanai e dudui isimu ḡaudia, iboudiai name henimu, oiamu bona natumu mamaruanedia adia bona natumu hahinedia adia, umui ahumui ela bona hanaihanai. Ina, na herohemaino damenana Iehova vairanai, oiemu bona oi garamu edia, ela bona hanaihanai.
NUM 18:20 Iehova ese Aaron ma e hamaoroa, eto, Oi na emu inoḡo ta basio abia edia tano ai, bona ahumu ta basio abia idia bogaragidiai: lau na oi ahumu, oi na lau dihigu, Israel taudia bogaragidiai.
NUM 18:21 Israel taudia edia ḡau e karoamu, karoa gwauta, bena karoa ta lau e henigumu, una karoa na Levi taudia; vada na henidiamu, idia ahudia, edia ḡaukara davana, hebou kalagana ai:lau, isiaigu lao henimu dainai.
NUM 18:22 Ina murinai, Israel taudia ese hebou kalagana: basie raka henia kahi, edia kara dika ai bae mase na garina.
NUM 18:23 A Levi taudia ese hebou kalagana ḡaukaradia iboudiai bae kara; kerere ta bema vara, una kerere na idia latadiai. Ina taravatu na do baine hesiriu hanaihanai emui uru iboudiai lalodiai. Israel taudia bogaragidiai idia na asi ahudia.
NUM 18:24 Badina be hari karoa ihagwautadia, Israel taudia ese Iehova vairanai e dudui isi ḡaudia, lau ese Levi taudia vada na henidia, idia ahudia; una dainai vada na hamaorodia, Israel taudia bogaragidiai idia na asi ahudia.
NUM 18:25 Bena Iehova ese Mose ma e hereva henia, eto,
NUM 18:26 Levi taudia na ba: hamaorodia, baoto: Israel taudia edia karoa ihagwautadia, umui ahumui vada na, henimui ḡaudia, bavabi negadia ai na ene karoa ihagwautadia ma ba karoadia, karoa gwauta gwauta, bena karoa ta ta ba dudui isi, Iehova vairanai.
NUM 18:27 Bena, ene ba dudui isi ḡaudia na emui boubou ḡaudia ai baela, uit na emui roge amo eiava vine ranuna na emui vine amo boma dudui isi heḡereḡerena.
NUM 18:28 Unuhetomana umui na emui karoa ihagwautadia, Israel taudia e henimuimu ḡaudia, na iboudiai ma ba karoadia, Iehova ena dudui isi boubouna na hahelaḡa tauna Aaron ba henia.
NUM 18:29 Bae henimui herahiadia iboudiai amo emui boubou ḡaudia ba dudui isi Iehova vairanai: namo-hereadia bona mai helaḡadia karoadia mo ia ba henia.
NUM 18:30 Taunabunai ba hamaorodia, baoto: Karoa namona ba duduia isi, bena orena be Levi taudia adia, uit anina ikwadina gabuna amo bona vine ranuna itaolaina gabuna amo heḡereḡeredia.
NUM 18:31 Una na amui aniani: gabu iboudiai bavania, umui bona emui ruma taudia, hebou kalagana ḡaukaradia o karamu davana.
NUM 18:32 Bena namo-hereana na ba duduia isi dainai umui na ianina ai basio kerere. A Israel taudia edia ḡau helaḡadia na basio abi havara, ba mase na garina.
NUM 19:1 Iehova ese Mose bona Aaron e hamaorodia, eto,
NUM 19:2 Iehova ena haheḡani ta binai. Israel taudia ba hamaorodia, idia ese boromakau hahinena kakakakana ta, asi bebeka-bebekana, maduna ta paḡana ai do asie atoa kau ḡauna, bae mailaia dekemui ai.
NUM 19:3 Hahelaḡa tauna Eleasara ba henia; ia ese baine laohaia taruha murimurinai, bena tau ta ese ia vairanai baine alaia mase.
NUM 19:4 Bena hahelaḡa tauna Eleasara ese una boromakau rarana taina baine abia, nega hahitu imana kwakikwakina amo baine daveraia, hebou kalagana vairanai.
NUM 19:5 A boromakau tau-anina na ia vairanai bae haḡolea oho, kopina bona hidiona bona rarana bona taḡena.
NUM 19:6 Bena hahelaḡa tauna ese sida audia bona muramura avana bona dabua kakakakana na boromakau e ḡolea ohomu lahina ai baine tahodia kau.
NUM 19:7 Bena hahelaḡa tauna ese ena dabua baine huri bona baine digu, bena taruha lalonai ma baine raka vareai, bona baine taubu ela bona dina baine diho.
NUM 19:8 Boromakau e haḡolea oho tauna danu ena dabua baine huri bona baine digu, bona baine taubu ela bona dina baine diho.
NUM 19:9 Bena asi mirona tauna ta ese boromakau kahuna baine haboua, taruha murimurinai baine atoa, gabu ḡoevaḡoevana ta ai. Una kahu be baine mia, Israel oreana taudia edia. Idia ese ranu ai bae buloa, kara dika ihuri-ohona ḡauna. Ina na kara dikaboubouna ta.
NUM 19:10 A hari boromakau kahuna e habouamu tauna ese ena dabua baine huri, bona baine taubu ela bona dina baine diho. Ina taravatu baine mia hanaihanai, Israel taudia latadiai bona bogaragidiai e noho hedoamu taudia latadiai.
NUM 19:11 Ta ese mase tauna baine daua toho, ia na baine taubu ela bona dina hitu bae ore.
NUM 19:12 Dina ihatoina ai bona dina ihahituna ai ranu ai baine digu, unu amo baine ḡoeva. A dina ihatoina ai bona dina ihahituna ai basine digu, ia na basine ḡoeva.
NUM 19:13 Ta ese mase tauna tau-anina bainedaua toho bona basine haheḡoeva, ia ese Iehova ena dubu baine hamiroa: Israel amo bae negea daure. Kara dika ihuri-ohona ranuna asie dairilaia dainai ia na miro; mirona na dounu mia enai.
NUM 19:14 Tau ta ena kalaga ai baine mase taravatuna binai: una kalaga ai bae raka vareai bona una kalaga ai e nohomu taudia na bae taubu, ela bona dina hitu bae ore.
NUM 19:15 Bona hodu, uro, nau asi ikaruhidia danu bae miro.
NUM 19:16 Ta ese taruha murimurinai dare amo e alaia mase tauna, eiava e mase kava tauna, eiava tau ta turiana, baine daua toho, eiava gara ai baine dau kau, ia na baine taubu ela bona dina hitu bae ore.
NUM 19:17 Bena taubu taudia ese hari kara-dika iabi-ohona boubouna kahuna taina bae abia, sinavai ranuna ida bae buloa dihu ta ai.
NUM 19:18 Bena asi mirona tauna ta ese muramura avana baine abia, una ranu ai baine urua diho; bena kalaga, bona kalaga kohuna idoinai, bona kalaga taudia, bona turia e daua toho tauna, bona dare amo e alaia mase tauna e daua toho tauna, bona e mase kava tauna e daua toho tauna, bona gara ai e dau kau tauna, baine nevaridia.
NUM 19:19 Asi taubuna tauna ese mai taubuna tauna baine nevaria, dina ihatoina ai bona dina ihahituna ai. Bena dina ihahituna ai ia na sibona baine haheḡoeva: ia na ena dabua baine huri bona baine digu, bena dina baine diho ai ia na baine ḡoeva.
NUM 19:20 A taubu tauna na unu basinema haheḡoeva toma, ia na hebou bogaragina amo bae negea daure, badina be ia ese Iehova ena gabu helaḡana vada e hamiroa; miro ihuri-ohona ranuna amo asie nevaria dainai ia na taubu.
NUM 19:21 Edia taravatu bunai ela bona hanaihanai: kara dika ihuri-ohona ranuna baine nevarilaia tauna ese ena dabua baine huri; bona kara dika iabi-ohona ranuna ai baine dau kau tauna na baine taubu ela bona dina baine diho.
NUM 19:22 Taubu tauna ese baine daua toho ḡauna na baine miro; bona una ḡau ma baine daua toho tauna danu baine taubu ela bona dina baine diho.
NUM 20:1 Hua gini-gunana ai Israel taudia oreana idoinai na Sin tano-ḡaḡaena ai e kau, Kade ai e taruha. Unuseni ai Miriama e mase; idia ese una gabu ai e guria.
NUM 20:2 Una gabu na asi ranuna, hebou taudia edia. Bena idia na e hebou, Mose bona Aaron e inai henidia.
NUM 20:3 Idia ese Mose e ḡadeḡade henia, eto, Varavaramai na Iehova vairanai e mase negana ai, ai danu baiama mase bema namo.
NUM 20:4 Dahaka dainai ai Iehova ena orea taumai na ina tano ḡaḡaena ai vada; o hakaumai vareai? Ai baia mase bona emai ubu-ubu ḡaudia baemase totona a?
NUM 20:5 Dahaka dainai Aigupto amo vada o hakaumai lasi, ema bona ina gabu dikana? Ina gabu na asi uitina, asi sukena, asi vinena, asi rimonona; inuinu ranuna danu lasi.
NUM 20:6 Bena Mose bona Aaron na hebou taudia edia amo e raka oho, hebou kalagana iduarana ai e goru diho; bena Iehova diaridiarina e itaia.
NUM 20:7 Iehova ese Mose e hamaoroa, eto,
NUM 20:8 Itotohi bavabia, taunimanima ba haboudia, oi bona kakamu Aaron dekemui ai; bena vairadiai nadi hagahagana ba haḡania, ranu na iena amo baine aru lasi. Unu amo oi ese ranu na nadi hagahagana amo ba ha-arua lasi, hebou taudia ba henidia bona edia ubu-ubu ḡaudiaba henidia, bae inua.
NUM 20:9 Bena Mose ese itotohi Iehova vairana amo e abia, ena haheḡani heḡereḡerena.
NUM 20:10 Bena Mose bona Aaron ese hebou taudia e haboudia, nadi hagahagana vairanai; e gwau henidia, eto, Gwau-edeede taumui e, a hakala; emui ranuna ina nadi hagahagana amo baia ha-arua lasi a?
NUM 20:11 Bena Mose ese imanae duduia isi, nadi hagahagana na nega harua ena itotohi amo e botaia. Bena ranu na e aru lasi badabada; hebou taudia ese e inua, bona edia ubu-ubu ḡaudia.ese danu e inu.
NUM 20:12 Bena Iehova ese Mose bona Aaron e gwau henidia, eto, Asio abidadama henigu dainai, bona Israel taudia vairadiai lau ladagu asio hahelaḡaia dainai, umui raruosi ese ina orea taudia basio hakaudia vareai, lau ese vada na henidia tanona lalonai.
NUM 20:13 Ina ranu na Meriba; badina be Israel taudia ese Iehova e ḡadeḡade henia, bena ia ese ena siahu e hahedinarai henidia.
NUM 20:14 Bena Mose ese gwaukau taudia Kade amo e siaidia, Edom pavapavana dekenai, bae hamaoroa, baeto “Tadimu Israel na ini e gwau tomamu: oi dibamu dahaka ḡau dahaka ḡau ese vada e butumai tao;
NUM 20:15 senemai na Aigupto ela, bena nega daudau Aigupto ai a nohova; a Aigupto taudia ese ai bona tamamai e daḡedaḡe henimaiva.
NUM 20:16 Iehova a tai heniava, bena ia ese emai taitai e kamonai, aneru ta e siaia, Aigupto amo e hakaumai lasi, ama, emu tano hetoana ai a nohomu, Kade hanuana ai.
NUM 20:17 Harihari ai a noimumu, emu tano amo baia raka hanai. Uma ta amo basia raka hanai, eiava vine imeana ta amo basia raka hanai, bona guri ranudia basia inu; Pavapava Dalana ai baia raka. Dala amo basia raka siri, idiba kahana amo eiava lauri kahana amo, ela bona emu tano hetoana baia rakaia hanai.”
NUM 20:18 Edom ese e haere henia, eto, Basio raka hanai, baina tuari henimu na garina.
NUM 20:19 Israel taudia ese ma e noia, eto, Laolao dalana ai baia raka; emu ranu baia inua eiava emai ubu-ubu ḡaudia ese bae inu, ai na davana baia henimu. Aemai amo baia raka hanai, vadaeni.
NUM 20:20 A ia ma e haere, eto, Basio raka hanai. Bena Edom ese tuari oreana badana mai goadana e hakaua lasi, idia ilao-ahudia.
NUM 20:21 Taunabunai Edom ese Israel taudia e laodia ahu, ena tano amo basie raka hanai. Bena Israel na idau dala amo ela.
NUM 20:22 Idia na Kade amo eha laolao, ela, iboudiai na Horo ororona ai e kau.
NUM 20:23 Bena Horo ororona ai, Edom ena tano hetoana ai, Iehova ese Mose bona Aaron e hamaorodia, eto,
NUM 20:24 Aaron na tubu tama dekediai baine hahebou; ia na Israel taudia vada na henidia tanona ai basine raka vareai, badina be ranu gabuna ai Meriba ai egu hereva o utua.
NUM 20:25 Aaron mai natuna Eleasara ida bavabidia, Horo ororona ai ba hakaudia dara.
NUM 20:26 Bena Aaron a ena dabua ba doki oho, ia natuna Eleasara ba hadokilaia. Aaron be unuseni ai baine mase, tubu tama dekedia bainela.
NUM 20:27 Bena Mose ese Iehova ena haheḡani heḡereḡerena ai e karaia; hebou taudia iboudiai vairadiai idia tatoiosi na Horo ororona e dara dae.
NUM 20:28 Bena Mose ese Aaron ena dabua e doki oho, natuna Eleasara e hadokilaia. Bena Aaron na ororo dorina ai e mase, a Mose bona Eleasara na ororo amo e hekei diho.
NUM 20:29 Hebou taudia iboudiai ese e itaia Aaron vada e mase, bena Israel taudia iboudiai ese dina toi-ahui ai ia taina e taiva.
NUM 21:1 Arada pavapavana, tau Kanaan, diho kahana ai e nohova, vada e kamonai Israel na Atarim dalana amo e maiva, bena ia ese e tuari henidia bona haida e abidia mauri.
NUM 21:2 Bena Israel taudia ese Iehova e gwau henia hamata, eto, Ina bese be ai imamai ai ba henimai, bena ai ese edia hanua baia habuadia tari.
NUM 21:3 Bena Iehova ese Israel taudia edia noinoi e abia dae, Kanaan taudia na idia imadia ai e henidia; bena idia ese una bese taudia e aladia ore bona edia hanua e habuadia tari. Taunabunai una gabu ladana e hatoa Horoma.
NUM 21:4 Bena Horo ororona amo ma e laolao, Davara Kakakakana dalana amo e laova, Edom tanona murimurina amo bae raka hanai eto. A dala ai e hesiku,
NUM 21:5 Iehova bona Mose e maumauraidia, eto, Dahaka dainai Aigupto amo o hakaumai lasi, tano ḡaḡaena ai baia mase helaoreana? Badina be asi amai; ranu danu lasi. A ina aniani ḡauna dikana ianina vada ame hesiku.
NUM 21:6 Bena Iehova ese hekori gaigaidia e siaidia, idia bogaragidiai; gaigai ese e koridia, bena Israel taudia hutuma e mase.
NUM 21:7 Bena idia na Mose dekena ela, eto, Ai na vada a kara havara, Iehova vada a maumauraia, oi danu vada a maumauraimu: Iehova ba noia, ia ese ini gaigai na ai emai amo baine abidia oho. Taunabunai Mose na e ḡuriḡuri, taunimanima daidiai.
NUM 21:8 Bena Iehova ese Mose e hamaoroa, eto, Gaigai laulauna ta ba koroa, au-tubua dorina ai ba kapaia kau; bena gaigai ese bae koridia taudia ese bae raraia tao ai na vada bae mauri.
NUM 21:9 Taunabunai, Mose ese gaigai laulauna ta, auri labora-labora amo e koroa, bona au-tubua dorina ai e kapaia kau, bena gaigai ese e koridia taudia ese una auri labora-labora gaigaina e raraiatao, bena vada e mauri.
NUM 21:10 Israel taudia ma e laolao, Oboto ai e taruha.
NUM 21:11 Oboto ma e toretania, ela, Ie-abarim ai e taruha, tano ḡaḡaena ai. Una tano ḡaḡaenana Moab e hevaira henia, mairiveina kahana ai.
NUM 21:12 Ma e tore isi, ela, Serede kourana ai e tatuha.
NUM 21:13 Unu amo ma ela, Aranon sinavaina unukahana ai e taruha; una na tano ḡaḡaena ai, Amoro taudia edia tano isena ai. Hari Aranon sinavaina na Moab bona Amoro taudia edia tano hetoana.
NUM 21:14 Una dainai Iehova ena tuari bukana ai vada e tore, eto, Wahebe Sufa ai, Bona Aranon kouradia ai;
NUM 21:15 Koura ege-egedia Ela bona Ara ena noho gabuna, Bona Moab tanona hetoana.
NUM 21:16 Unu amo ma e laolao ela bona Bere: ranu gurina bunai Iehova ese e gwauraia, Mose na e hamaorolaia, eto, Taunirnanima ba haboudia, lau ese ranu baina henidia.
NUM 21:17 Bena Israel ese ina ane e abia: Ranu e, a lohi lohi dae! Ane avabia!
NUM 21:18 Hanua pavapavadia ese guri e ḡeia, Hanua lohiadia ese e hadobua, Dagi auna amo bona itotohi amo. Una tano ḡaḡaena amo ma e laolao, ela bona gabu ladana Matana;
NUM 21:19 Matana amo ela bona Nahaliele; Nahaliele amo ela bona Bamoto;
NUM 21:20 Bamoto amo ela bona koura ta Moab kahana ai; ma unu amo ela bona Pisga ororona dorina: unu amo tano ḡaḡaena e roha tari lao.
NUM 21:21 Israel ese gwaukau taudia e siaidia, Sihon, Amoro pavapavana, dekenai, eto,
NUM 21:22 Mani emu kara emu tano amo baia raka hanai. Basia raka siri, uma ai eiava vine imeana ai basia raka vareai; guri ranudia danu basia inu. Pavapava Dalana amo baia raka, ela bona emu tano amo baia raka lasi.
NUM 21:23 A Sihon ese Israel taudia e gwaudia tao, ena tano amo basie raka hanai eto. Ena orea taudia iboudiai e haboudia, tano ḡaḡaena ela, Israel taudia ilao-henidia totona; bena Iahasa ai e tuari henidia.
NUM 21:24 A Israel taudia ese dare amo e alaia mase, ena tano idoinai e abia, Aranon sinavaina amo ela bona Iabok sinavaina ela bona Amono taudia edia tano; a Amono taudia ese edia tano hetoana e ginia ahu auka masemase.
NUM 21:25 Bena Israel taudia ese edia hanua iboudiai e abidia; bena Hesebon bona Amoro hanuadia maraḡidia iboudiai e noholaidia.
NUM 21:26 Badina be Hesebon na Sihon, Amoro pavapavana, ena hanua; ia ese gunaguna Moab pavapavana gunana e tuari henia, bona ena tano idoinai e abia ela bona Aranon sinavaina.
NUM 21:27 Una dainai ane isisibana taudia eto: Aoma Hesebon. Sihon ena hanua baita hadaia, Bona baita ha-aukaia.
NUM 21:28 Badina be lahi Hesebon amo e tubu, Lahi hururu-hururuna Sihon ena hanua amo e dae; Ara Moab ai e araia, Aranon ororodia lohiadia e aradia ore.
NUM 21:29 Moab e, madi, ihabaimu! Kemoso o toma henia dihomu taumui e, vada o baia! Natuna mamaruanedia vada e luludia oho, Natuna hahinedia vada e abidia mauri, Sihon, Amoro pavapavana, ese.
NUM 21:30 Emai diba amo vada a haberodia; Hesebon vada e hebua tari ela bona Dibon, Tano vada a havahua ela bona Nofa, ela bona Medeba.
NUM 21:31 Unuhetomana Israel na Amoro tanona e noho henia.
NUM 21:32 Bena Mose ese hasinadoa taudia e siaidia, lasere ela; bona lasere hanuadia e abidia, Amoro taudia unuseni ai e nohova na e luludia lasi.
NUM 21:33 Bena idia na e raka Iasi, Basan dalana amo ela. Bena Og, Basan pavapavana, mai ena orea taudia iboudiai ida, e raka Iasi, Edrei ai e tuari henidia.
NUM 21:34 A Iehova ese Mose e hamaoroa, eto, Basio gari henia; oi imamu ai vada na atoa kau: ia, bona ena orea taudia iboudiai, bona ena tano idoinai. Sihon, Amoro pavapavana, Hesebon ai o kara henia heḡereḡerena, ina tau danu unu ba kara henia toma.
NUM 21:35 Taunabunai idia ese ia bona natuna bona ena orea taudia iboudiai e hadareredia bona e luludia lasi; bena ena tano e abia, edia tano ai e halaoa.
NUM 22:1 Israel taudia ma e laolao, Moab taoradia ai e taruha, Ioridane sinavaina unukahana ai, gabu ladana na Ieriko.
NUM 22:2 Balak Siporo ese Israel taudia edia kara idoinai Amoro taudia e kara henidia vada e itaia.
NUM 22:3 Moab ai danu gari na bada, badina be Israel taudia na hutuma herea; una dainai Moab taudia ese Israel taudia garidia e gariva.
NUM 22:4 Bena Moab ese Midian lohiadia hamaorodia, eto, Ini hutuma na eda gabu idoinai bae habuaia tari, boromakau; ese rei e ani oremu na heto. Una negana ai Balak Siporo( na Moab pavapavana.
NUM 22:5 Taunabunai ia ese gwaukau taudia haida e siaidia, a Balaam Beoro dekenai, Petoro ai, Sinavai Badana isena ai, Amawa tanona ai, eto, A itaia, bese ta Aigupto amo vada ema, tano idoinai vada e hahonua davana; idia na lau vairagu ai vada e taruha.
NUM 22:6 Mani emu kara aoma, ina bese ba uduguiraia, badina be edia goada ese lauegu e hereaiamu; bena readia baina hadareredia diba bona baina luludia diba; badina be lau dibagu oi ese o hanamoamu tauna na baine namo, bona oi ese o uduguiraiamu tauna na baine dika.
NUM 22:7 Taunabunai, Moab lohiadia bona Midian lohiadia ese idume na imadia ai e abi, ela, Balaam enai e kau, Balak ena hereva e hamaorolaia.
NUM 22:8 Bena Balaam ese e haere henidia, eto, Hari hanuaboi iniseni ai ba mahuta; bena Iehova ese baine hereva henigu heḡereḡerena ai baina haere henimui. Taunabunai, Moab lohiadia na Balaam dekenai e nohova.
NUM 22:9 Bena Dirava na Balaam dekena ema, eto, Ini oi dekemu ai e nohomu taudia be daidia?
NUM 22:10 Balaam ese Dirava e haere henia, eto, Balak Siporo, Moab pavapavana, vada e siaidia dekegu ai, eto,
NUM 22:11 O itaia, bese ta Aigupto amo vada ema, tano idoinai vada e hahonua davana; mani emu kara, ina bese ba uduguiraia, bena baina tuari henidia bona ina tano amo baina luludia lasi.
NUM 22:12 Dirava ese Balaam e hamaoroa, eto, Idia ida basiola, bona una bese basio uduguiraia; badina be lau ese vada na hanamodia.
NUM 22:13 Daba ai Balaam e tore isi, Balak ena lohia taudia e hamaorodia, eto, Emui tano ba lou henia, badina be Iehova ese e rugumu, basina bamomui e tomu.
NUM 22:14 Taunabunai Moab lohiadia e lou ela, Balak dekenai, eto, Balaam na e gwau edeede, se bamomai.
NUM 22:15 Taunabunai, Balak ese lohia haida ma e siaidia; e siaidia guna na dia hoho bona dagi maraḡi taudia, a harihari e siaidia na hoho bona dagi bada taudia.
NUM 22:16 Idia na Balaam dekena ela, eto, Balak Siporo na e tomu, Ḡau ta basine laomu ahu, vada aoma.
NUM 22:17 Lau ese baina matauraimu, bona ede ba hamaorogu toma unu mo baina kara toma. Taunabunai vada aoma, ina bese ba uduguiraia, egu noinoi heḡereḡerena.
NUM 22:18 A Balaam ese Balak ena hesiai taudia e haere henidia, eto, Ena be Balak ese ena ruma, mai ena silver idoinai bona ena gold idoinai ida, bema henigu, to Iehova egu Dirava ena hahedua basinama ha-idaua diba; basinama hamaraḡia, basinamahabadaia danu.
NUM 22:19 Taunabunai, iniseni ai ba mahuta, hari ina hanuaboi, ela.bona lau baina diba Iehova ede baine haduagu toma.
NUM 22:20 Bena hanuaboi ai Dirava ese Balaam e hahedinarai henia, eto, Ini taunimanima) ima na oi iboirimu vada ema. Vadaeni, a tore isi, idia ida baola; a lau ese baina hamaoromu heḡereḡerena ai mo ba karaia.
NUM 22:21 Taunabunai, Balaam na daba ai e tore isi, ena doniki e abia heḡaeḡae, Moab lohiadia idoinai ida ela.
NUM 22:22 A ia na ela dainai, Dirava vada e badu; bena Iehova ena aneru ta dala ai e gini, ia ilao-ahuna. Ia be ena doniki ai e gui, ena hesiai taudia rarua danu ia e bamoa.
NUM 22:23 Hari doniki ese Iehova ena aneru e itaia, dala ai gini, mai ena dare imana ai; bena doniki na dala amo e raka siri, rei lalonai. A Balaam ese doniki e kwadia, baine Iou dala ai eto.
NUM 22:24 Bena Iehova ena aneru na gabu hekahina ta ai, dala na vine imeadia padadia amo ela gabuna ai, e gini. Dala kahana kahana ai na nadi maḡudia.
NUM 22:25 Doniki ese Iehova ena aneru ma e itaia, bena e raka siri maḡu badibadinai; bena Balaam aena e bero maḡu nadidia ai. Bena ma e kwadia lou.
NUM 22:26 Una murinai, Iehova ena aneru ma ela, gabu hekahi-hekahina taai e gini, idiba ai bona lauri ai asi raka siri dalana gabuna ai.
NUM 22:27 Doniki ese Iehova ena aneru ma e itaia, bena tano ai e hekure diho Balaam henunai. Bena Balaam e badu dikadika, ena, itotohi amo e dadabaia.
NUM 22:28 Bena Iehova ese doniki uduna e hahaḡaia, bena ia ese Balaam e hereva henia, eto, Lau ede na karamu toma dainai nega toi o kwadigu?
NUM 22:29 Balaam ese doniki e haere henia, eto, Vada o hakavakavagu dainai; imagu bema mai darena, bama alamu mase.
NUM 22:30 Bena doniki ese Balaam ma e hereva henia, eto, Lau na emu doniki ani? Emu mauri dinadia iboudiai lau dorugu ai vada o loaloa ani? Lau ese nega ta ini na karamu toma a? Balaam eto, Lasi.
NUM 22:31 Bena Iehova ese Balaam matana e hapapa; bena Balaam ese Iehova ena aneru e itaia dala ai, imana na mai darena. Bena e goru diho tano ai.
NUM 22:32 Iehova ena aneru ese e gwau henia, eto, Dahaka dainai emu doniki na nega toi o kwadia? O itaia, lau na oi ilao-ahumu vada na raka lasi, badinabe emu kara na dika vairagu ai.
NUM 22:33 Bena doniki e itagu, bona nega toi egu amo e raka siri; basinema raka siri, oi bama alamu mase a ia bama hamauria.
NUM 22:34 Bena Balaam ese Iehova ena aneru e haere henia, eto, Lau be na kerere, badina be asi dibagu oi na dala ai gini, o laogu ahu. A bema oi o laloamu bainala na dika, vada baina lou lao.
NUM 22:35 Bena Iehova ena aneru ese Balaam e hamaoroa, eto, Idia ida baola; a lau baina hamaorolaimu herevadia mo ba gwaurai. Bena Balaam na Balak lohiadia ida ela.
NUM 22:36 Balak vada e kamonai Balaam na e maimu, bena ia na Moab hanuana ela Aranon sinavaina isena ai, ena tano hetoana ai, bae hedavari eto.
NUM 22:37 Bena Balak ese Balaam e hereva henia, eto, Gwau-kau na siaia, na boirimu ani? Dahaka dainai o gwau edeede? Lau na basina hanamomu diba a?
NUM 22:38 Balaam ese Balak e haere henia, eto, Vada nama; to lau na asi siahugu hereva ta baina gwauraia; Dirava ese udugu ai baine atoa herevana, una mo baina gwauraia.
NUM 22:39 Bena Balaam na Balak ida ela, Kiriata-husoto ai e kau.
NUM 22:40 Bena Balak ese boubou ḡaudia e aladia, boromakau bona mamoe, Balaam bona ia e bamoa lohiadia ahudia e siaidia dekediai.
NUM 22:41 Daba ai Balak ese Balaan e hakaua dara, Bamoto-Baal ela; unu amo e roha lao, gabu kahikahidia aie nohova taudia na e nenedia.
NUM 23:1 Balaam ese Balak e hamaoroa, eto, Ihaboulaina patadia hitu ba lareba iniseni ai; boromakau mamaruanedia hitu bona mamoe mamaruanedia hitu danu bavabi heḡaeḡae.
NUM 23:2 Bena Balak ese Balaam ena hereva heḡereḡerena e karaia. Bena Balak bona Balaam ese ihaboulaina patadia ta ta latadiai boromakau maruanena ta bona mamoe maruanena ta e haḡoledia oho.
NUM 23:3 Bena Balaam ese Balak e hamaoroa, eto, Emu ḡole-oho boubouna badibadinai ba gini. Lau be bainala, reana Iehova nadekegu ai bainema eiava; bena ede baine hamaorogu toma ma baina hamaoromu. Bena ororo ta ai e dare dae.
NUM 23:4 Bena Dirava na ia ida e hedavari. Balaam ese e hereva henia, eto, Lau na ihaboulaina patadia hitu vada na abi heḡaeḡae, bona ta ta latadiai boromakau maruanena ta bona mamoe maruanena ta vada na haḡoledia oho.
NUM 23:5 Bena Iehova ese Balaam baine gwaurai herevadia e henia, eto, A lou lao Balak; dekenai, unu ba hamaoroa toma.
NUM 23:6 Taunabunai ia na e lou lao ia dekenai; Moab lohiadia iboudiai na unuseni ai gigini, iena ḡole-oho bouboudia badibadidiai.
NUM 23:7 Bena Balaam na e haroro, eto, Balak ese Aram amo e boirigu, Moab pavapavana ese mairiveina ororodia amo e boirigu; Aoma, eto, Iakob ba uduguiraia, Aoma, Israel ba ihi-ihiraia.
NUM 23:8 A Dirava ese se uduguiraiamu tauna na Ede baina uduguiraia toma? Iehova ese se ihi-ihiraiamu tauna na Ede baina ihi-ihiraia toma?
NUM 23:9 Haga amo na itaiamu, Ororo amo na haḡereamu, Ia na noho-edea besena, Bese loḡora ida asie duahia hebou.
NUM 23:10 Iakob ḡahuna daika ese baine hagaua? Israel oreana ta daika ese baine duahidia? Kara maoromaoro tauna ena mase ai baina mase, Egu mauri baine doko iena mauri dokona heḡereḡerena.
NUM 23:11 Bena Balak ese Balaam e gwau henia, eto, Ede vada o karagu toma? Inaigu iuduguiraidia totona na boirimu, a oi ese ihanamodia herevadia mo vada o gwaurai.
NUM 23:12 A Balaam e haere, eto, Iehova ese vada e henigu herevadia na basina gwaurai a?
NUM 23:13 Bena Balak ma e hamaoroa, eto, Mani a bamogu, gabu ta ma baitala; unu amo ba itadia, a kahikahidia taudia mo ba itadia, iboudiai basio itadia; unuseni ai ba uduguiraidia.
NUM 23:14 Bena ia ese e hakaua lao, Sofimi tanona ai, ela bona Pisga ororona; l dorina; unuseni ai ihaboulaina patadia hitu ma e lareba, bona ta ta latadiai boromakau maruanena ta bona mamoe maruanena ta e haḡoledia oho.
NUM 23:15 Bena Balaam ese Balak e hamaoroa, eto, Emu ḡole-oho boubouna badibadinai ba gini; lau bainala, Iehova ida baia hedavari.
NUM 23:16 Bena Iehova na Balaam dekena ema, baine gwaurai herevadia e henia, eto, A lou lao Balak dekenai, unu ba hamaoroa toma.
NUM 23:17 Taunabunai ia na e lou lao, Balak e davaria, ena ḡole-oho boubouna badibadinai gini, Moab lohiadia ida. Bena Balak ese e nanadaia, eto, Iehova na ede e gwau toma?
NUM 23:18 Bena Balaam ma e haroro, eto, Balak e, a tore isi, a kamonai! Siporo natuna e, a kamonai henigu!
NUM 23:19 Dirava na dia taunimanima, mai ena koikoi; Dia taunimanima natuna, mai ena lalo rua. Vada e hereva: basine karaia a? Vada e gwauraia: basine haḡuḡurua a?
NUM 23:20 Vada e haḡanigu, baina hanamodia; Ia ese vada e hanamodia; ena hahenamo iabi-ohona asi dibagu.
NUM 23:21 Kara dika ta Iakob enai se itaia, Kara havara ta Israel enai se davaria; Iehova edia Dirava ese e bamodia, Pavapava gadona na bogaragidiai.
NUM 23:22 Dirava ese Aigupto amo e hakaudia lasi; Idia na uda boromakaudia mai doadia na heheto.
NUM 23:23 Mea karadia na asi goadadia Iakob enai, Babalau karadia na asi siahudia Israel enai. Harihari Iakob bona Israel bae herevalaidia, Baeto “Dirava na ede vada e karadia toma?”
NUM 23:24 O itaia, ina bese na e tore isimu, leona hahinena na heto; E gini toremu, leona na heto; Basine hekure ela bona baine hadareredia taudia hidiodia baine ani, Bona raradia baine inu.
NUM 23:25 Bena Balak ese Balaam e haḡania, eto, Basio uduguiraidia bona basio hanamodia.
NUM 23:26 A Balaam ese Balak e haere henia, eto, Na hamaoromu, ani, nato “Iehova ese e gwauriadiamu herevadia iboudiai na baina kara”.
NUM 23:27 Bena Balak ese Balaam e hamaoroa, eto, Mani aitala, gabu idauna ta; reana unuseni ai Dirava baine ura oi ese inaigu ba uduguiraidia.
NUM 23:28 Taunabunai, Balak ese Balaam e hakaua lao, raruosi na Peoro dorina ela; unu amo e roha lao, tano ḡaḡaena e itaia.
NUM 23:29 Bena Balaam ese Balak e hamaoroa, eto, Ihaboulaina patadia hitu ma ba lareba iniseni ai, bona boromakau mamaruanedia hitu bona mamoe mamaruanedia hitu ma ba henigu.
NUM 23:30 Bena Balak ese Balaam ena hereva heḡereḡerena e karaia, boromakau maruanena ta bona mamoe maruanena ta e haḡoledia oho, ihaboulaina patadia ta ta latadiai.
NUM 24:1 Balaam lalona vada e parara Iehova ena ura be Israel baine hanamodia; una dainai ia na se raka siri, nega gunadia heḡereḡeredia, kara henuidia se kara. Ia na tano ḡaḡaena e haḡerea,
NUM 24:2 e roha lao, Israel iduhudia ta ta ena taruha ena taruha ai e itadia. Bena Dirava ena Lauma ese e rohea,
NUM 24:3 e haroro Iou, eto, Balaam Beoro ena hereva bini; Matana vada e papa tauna ena hereva bini;
NUM 24:4 Dirava ena hereva e kamonaimu tauna, Siahu-idoinai Diravana hairaina e itaiamu Bena e toma dihomu to matana se hakapuna tauna, Ena hereva bini.
NUM 24:5 Iakob e, emu kalaga na namo herea, Israel e, emu taruha na ḡoeva dae;
NUM 24:6 Sinavai kouradia na heheto, Sinavai isena umadia na heheto, Aloe audia Iehova ese vada e hadodia na heheto, Sida audia ranu gabudia ai na heheto.
NUM 24:7 Ranu na ena hodu amo baine aru, Ia garana na sinavai momo isedia ai bae noho, Ia pavapavana na Agag baine hereaia, Iena basileia baine herea dae.
NUM 24:8 Dirava ese Aigupto amo vada e hakaua lasi; Ia na mai doana, uda boromakauna na heto; Ia ese inaina baine hadareredia, Turiadia baine hakwaidudia, Ena diba amo baine tarakidia.
NUM 24:9 Ia na e hekuremu leona na heto, E laḡa animu leona hahinena na heto, Daika ese baine haoa? Bae hanamomu taudia na bae hanamodia, Bae uduguiraimu taudia na bae uduguiraidia.
NUM 24:10 Bena Balak ese Balaam e badu henia, imana ruaosi e pata hekapu, e gwau henia, eto, Inaigu iuduguiraidia totona na boirimu, to oi na nega hatoi vada o hanamodia.
NUM 24:11 A lou haraḡa, emu gabu baola; lau na dagi namona baina henimu nato, to Iehova ese vada e rumu, baina henimu nato dagina na basio abia.
NUM 24:12 Bena Balaam ese Balak e haere henia, eto, Emu gwaukau taudia na hamaorodia, ani, nato
NUM 24:13 “Ena be Balak ese ena ruma, mai ena silver idoinai bona ena gold idoinai ida, bema henigu, to Iehova ena hereva basinama ha-idaua diba; sibogu egu ura ai kara namonata eiava kara dikana ta basinama karaia diba, a Iehova ena hereva mo baina gwauraia”.
NUM 24:14 Benaini, egu gabu taudia baina lou henidia; a guna baina hamaoromu, ina bese taudia ese oiemu bese taudia ede bae karadia toma dina gabedia ai.
NUM 24:15 Bena ma e haroro, eto, Balaam Beoro ena hereva bini; Matana vada e papa tauna ena hereva bini;
NUM 24:16 Dirava ena hereva e kamonaimu tauna, Herea Mikamika ena aonega ai e aonegamu tauna, Siahu-idoinai Diravana hairaina e itaiamu Bena e toma dihomu to matana se hakapumu tauna, Ena hereva bini.
NUM 24:17 Na itaiamu, to dia ina harihari; Na roha heniamu, to dia gabu kahirana ai; Hisiu ta Iakob ena amo baine dae, Dagi auna ta Israel ena amo baine heabi isi; Moab baguna baine huaria, Set garana iboudiai kwaradia baine huaridia,
NUM 24:18 Edom taudia baine luludia lasi, Seiri taudia, ana inai taudia, baine ha-oredia. Israel baine kwalimu,
NUM 24:19 Iakob baine lohia; Hanua taudia na ta basine roho mauri.
NUM 24:20 Ia ese Amalek e haḡerea, bena ini e haroro toma: Amalek na herea-dae besena, A dokona ai baine hebua tari.
NUM 24:21 Bena Kene taudia e haḡeredia, ma e haroro, eto, Emu ruma na auka, Emu kohoro na hagahaga nadina ai,
NUM 24:22 To Kain baine hebua tari, Asuru ese baine abimu mauri.
NUM 24:23 Ma e haroro, eto, Inaio, Dirava ini baine kara toma, Bena daika baine roho mauri?
NUM 24:24 Lagatoi na Kitim amo baema, Asuru bona Ebere bae hahisidia, Bena idia danu bae hebua tari.
NUM 24:25 Una murinai Balaam e tore isi, ena gabu ela; Balak danu e raka oho.
NUM 25:1 Israel taudia na Sitim ai e nohova; una negana ai idia na Moab hahinedia ida e kara havarava.
NUM 25:2 Badina be unu hahine ese e boiridia, edia boubou karadia ai bae heduru; bena Israel taudia na ela, boubou ḡaudia e ani, bona Moab taudia edia dirava e toma henidia diho.
NUM 25:3 Unuhetomana Israel taudia ese Peoro ena Baal e toma henia diho; bena Iehova ese Israel taudia e badu henidia.
NUM 25:4 Bena Iehova ese Mose e hamaoroa, eto, Iduhu lohiadia iboudiai bavabidia, dina siahuna ai ba taudia dae, Iehova vairanai; unu amo Iehova ena badu ḡaraḡara na Israel taudia edia amo baine heabi oho.
NUM 25:5 Nena Mose ese Israel edia hahemaoro taudia e hamaorodia, eto, Umui ta ta emui iduhu taudia hahidaosi Moab hahinedia ida e kara havara bona Peoro ena Baal e toma henia diho na bavaladia mase.
NUM 25:6 Una negana ai Mose bona Israel oreana taudia iboudiai na hebou kalagana iduarana ai e hebou mai taitaidia ida. Bena idia vairadiai Israel tauna ta be Midian hahinena ta e hakaua lao, varavarana dekediai.
NUM 25:7 Fineha Eleasara, hahelaḡa tauna Aaron tubuna, ese e itadia, bena e tore isi, hebou e rakatania, io e abia imana ai;
NUM 25:8 bena una Israel tauna murina amo e raka, ela bona ena kalaga ai e raka vareai, unuseni ai ia ese raruosi e gwadadia mase, tau bona hahine danu. Unu amo dai-hanai gorerena e doko Israel ai;
NUM 25:9 ḡau tamona gerebu-rua daha-hani be gorere ese e hamasedia.
NUM 25:10 Iehova ese Mose e hamaoroa, eto,
NUM 25:11 Fineha Eleasara, hahelaḡa tauna Aaron tubuna, ese egu badu na Israel taudia edia amo vada e abia oho, badina be lauegu vaḡeḡe ai e vaḡeḡe idia bogaragidiai; una dainai egu vaḡeḡe ai asina aladia ore.
NUM 25:12 Taunabunai baoto: Lau na ia ida baia herohemaino;
NUM 25:13 emai herohemaino toana be ia bona ia garana na hahelaḡa taudia ai baela, ela bona hanaihanai; badina be ena Dirava vaḡeḡena ai e vaḡeḡe, unu amo herohemaino karana vada e karaia, Israel taudia daidiai.
NUM 25:14 Hari Israel tauna, Midian hahinena ida e gwadadia mase tauna, ladana na Simiri Salu, Simeon iduhuna lohiana ta.
NUM 25:15 A Midian hahinena, e gwadaia mase hahinena, ladana na Kosobi Suru; hari Suru na iduhu ta lohiana Midian ai.
NUM 25:16 Iehova ese Mose ma e hamaoroa, eto,
NUM 25:17 Midian taudia ba tuari henidia, vada ba hadareredia;
NUM 25:18 badina be idia ese edia kara hedibaḡani amo vada e tuari henimui, Peoro dainai vada e dibaḡanimui, bona taihudia Kosobi, Midian lohiana natuna, dainai; Peoro bagunai gorere ese e butumui tao dinana ai e gwadaia mase hahinena bunai.
NUM 26:1 Gorere vada e doko murinai, Iehova ese Mose bona Eleasara Aaron, hahelaḡa tauna, e hereva henidia, eto,
NUM 26:2 Israel oreana taudia ibouboudiai ba duahidia, laḡani ruahui vada e hanai taudia iboudiai. Iduhu ta ta amo ba duahidia, tuari mai dibadia taudia iboudiai Israel ai.
NUM 26:3 Bena Mose bona hahelaḡa tauna Eleasara ese taunimanima e hamaorodia, Moab taorana ai, Ioridane sinavaina badibadinai, Ieriko ai, eto,
NUM 26:4 Laḡani ruahui vada e hanai taudia ba duahidia, Iehova ese Mose e haḡania heḡereḡerena. Israel taudia, Aigupto amo e raka lasi, ladadia bini.
NUM 26:5 Ruben na Israel natuna roboana. Ia natuna be Hanok, Hanok iduhuna e havaraia tauna; bona Palu, Palu iduhuna e havaraia tauna;
NUM 26:6 bona Hesron, Hesron iduhuna e havaraia tauna; bona Karami, Karami iduhuna e havaraia tauna.
NUM 26:7 Ruben ena iduhu idoinai bunai: edia numera be 43,730.
NUM 26:8 Palu natuna ta be Eliab.
NUM 26:9 Eliab natuna be Nemuele bona Datan bona Abiram. Hari Datan bona Abiram, be hebou ese e abidia.a hidi, bena idia raruosi bona Kora ese Mose bona Aaron e heai henidia, bona Iehova danu e heai henia,
NUM 26:10 ela bona tano ese e hadonodia, idia bona Kora bona Kora ena orea taudia, bena iboudiai e mase. Una negana ai danu lahi ese taunimanima sinahu-rua imahui e aladia mase, mata-hakani ḡauna ai ela.
NUM 26:11 Ḡau tamona, Kora natuna na asie mase.
NUM 26:12 Simeon natuna mai edia iduhu bini: Nemuele, Nemuele iduhuna e havaraia tauna; bona Iamin, Iamin iduhuna e havaraia tauna; bona Iakin, Iakin iduhuna e havaraia tauna;
NUM 26:13 bona Sera, Sera iduhuna e havaraia tauna; bona Saul, Saul iduhuna e havaraia tauna.
NUM 26:14 Simeon ena iduhu idoinai bunai: edia numera be 22,200.
NUM 26:15 Gad natuna mai edia iduhu bini: Sefon, Sefon iduhuna e havaraia tauna; bona Hagi, Hagi iduhuna e havaraia tauna; bona Suni, Suni iduhuna e havaraia tauna;
NUM 26:16 bona Osni, Osni iduhuna e havaraia tauna; bona Eri, Eri iduhuna e havaraia tauna;
NUM 26:17 bona Arod, Arod iduhuna e havaraia tauna; bona Areli, Areli iduhuna e havaraia tauna.
NUM 26:18 Gad natuna edia iduhu bunu: edia numera be 40,500.
NUM 26:19 Iuda natuna be Ere bona Onan; a idia na Kanaan tanona ai e mase.
NUM 26:20 Iuda natuna mai edia iduhu bini: Sela, Sela iduhuna e havaraia tauna; bona Perese, Perese iduhuna e havaraia tauna; bona Sera, Sera iduhuna e havaraia tauna.
NUM 26:21 Perese natuna be Hesron, Hesron iduhuna e havaraia tauna, bona Hamulu, Hamulu iduhuna e havaraia tauna.
NUM 26:22 Iuda ena iduhu idoinai bunai: edia numera be 76,500.
NUM 26:23 Isakara natuna mai edia iduhu bini: Tola, Tola iduhuna e havaraia tauna; bona Puva, Punu iduhuna e havaraia tauna;
NUM 26:24 bona Iasub, Iasub iduhuna e havaraia tauna; bona Simron, Simron iduhuna e havaraia tauna.
NUM 26:25 Isakara ena iduhu idoinai bunai: edia numera be 64,300.
NUM 26:26 Sebulun natuna mai edia iduhu bini: Sered, Sered iduhuna e havaraia tauna; bona Elon, Elon iduhuna e havaraia tauna; bona Ialeel, Ialeel iduhuna e havaraia tauna.
NUM 26:27 Sebulun ena iduhu idoinai bunai: edia numera be 60,500.
NUM 26:28 Iosef natuna mai edia iduhu bini: Manase bona Efraim.
NUM 26:29 Manase natuna bini: Makiri, Makiri iduhuna e havaraia tauna; bona Gilead Makiri, Gilead iduhuna e havaraia tauna.
NUM 26:30 Gilead natuna bini: Iesere, Iesere iduhuna e havaraia tauna; bona Helek, Helek iduhuna e havaraia tauna;
NUM 26:31 bona Asriel, Asriel iduhuna e havaraia tauna; bona Sekem, Sekem iduhuna e havaraia tauna;
NUM 26:32 bona Semida, Semida iduhuna e havaraia tauna; bona Hefere, Hefere iduhuna e havaraia tauna.
NUM 26:33 Selofehad Hefere na asi natuna maruanena ta, hahine mo; Selofehad natuna hahinedia ladadia na Mahala bona Noa bona Hogla bona Milka bona Tirisa.
NUM 26:34 Manase ena iduhu idoinai bunai: edia numera be 52,700.
NUM 26:35 Efraim natuna mai edia iduhu bini: Sutela, Sutela iduhuna e havaraia tauna; bona Bekere, Bekere iduhuna e havaraia tauna; bona Tahan, Tahan iduhuna.e havaraia tauna.
NUM 26:36 Sutela natuna be Eran, Eran iduhuna e havaraia tauna.
NUM 26:37 Efraim natuna edia iduhu bunu: edia numera be 32,500. Iosef garana bunu, edia iduhu ta ta ai.
NUM 26:38 Beniamina natuna mai edia iduhu bini: Bela, Bela iduhuna e havaraia tauna; bona Asbel, Asbel iduhuna e havaraia tauna; bona Ahiram, Ahiram iduhuna e havaraia tauna;
NUM 26:39 bona Sefufam, Sufam iduhuna e havaraia tauna; bona Hufam, Hufam iduhuna e havaraia tauna.
NUM 26:40 Bela natuna na Arad bona Naaman. Arad ese Arad iduhuna e havaraia, bona Naaman ese Naaman iduhuna e havaraia.
NUM 26:41 Beniamina natuna edia iduhu bunu: edia numera be 45,600.
NUM 26:42 Dan natuna be Suhama; ia na Suhama iduhuna e havaraia tauna; Dan ena iduhu idoinai bunai.
NUM 26:43 Suhama iduhuna ena numera be 64,400.
NUM 26:44 Asere natuna mai edia iduhu bini: Imna, Imna iduhuna e havaraia tauna; bona Isvi, Isvi iduhuna e havaraia tauna; bona Beria, Beria iduhuna e havaraia tauna.
NUM 26:45 Beria natuna bini: Hebere, Hebere iduhuna e havaraia tauna; bona Malkiel, Malkiel iduhuna e havaraia tauna.
NUM 26:46 Asere natuna hahinena ladana be Sera.
NUM 26:47 Asere natuna edia iduhu bunu: edia numera be 53,400.
NUM 26:48 Napatali natuna mai edia iduhu bini: Iaseel, Iaseel iduhuna e havaraia tauna; bona Guni, Guni iduhuna e havaraia tauna;
NUM 26:49 bona Iesere, Iesere iduhuna e havaraia tauna; bona Silem, Silem iduhuna e havaraia tauna.
NUM 26:50 Napatali iduhuna idoinai binai: edia numera be 45,400.
NUM 26:51 Israel taudia ibouboudiai e duahidia be 601,730.
NUM 26:52 Iehova ese Mose e hamaoroa, eto.
NUM 26:53 Tano na ba haria, ini taunimanima edia; ladadia bona edia numera heḡereḡeredia ai ba haria.
NUM 26:54 Iduhu badana be tano badana ba henia, a iduhu maraḡina be tano maraḡina ba henia: iduhu ta ta ahudia ba henidia edia numera heḡereḡeredia.
NUM 26:55 A edia inoḡo be mari amo bae abi; senedia edia iduhu ladadia heḡereḡeredia ahudia bae abi.
NUM 26:56 Iduhu badadia ai bona iduhu maraḡidia ai, edia inoḡo na mari amo bae abi.
NUM 26:57 Levi taudia danu edia iduhu ta ta ai e duahidia. Gereson be Gereson iduhuna e havaraia tauna; Kohat be Kohat iduhuna e havaraia tauna; Merari be Merari iduhuna e havaraia tauna.
NUM 26:58 Levi iduhudia bini: Libni bona Heberon bona Mali bona Musi bona Kora. Kohat na Amram tamana.
NUM 26:59 Amram adavana ladana na Iokebed, Levi natuna hahinena, Aigupto ai e vara. Ia natuna Amram enai e abidia be Aaron bona Mose bona taihudia Miriama.
NUM 26:60 Aaron natuna be Nadab bona Abihu bona Eleasara bona Itamara;
NUM 26:61 a Nadab, bona Abihu e mase, lahi ida; idauna Iehovavairanai bae hahelaḡaia eto negana ai.
NUM 26:62 Levi taudia e duahidia, edia numera be 23,000; una be mamaruane hua ta vada e hanaia taudia edia numera. Israel taudia ida asie duahidia hebou, badina be tano iharina ai idia na asi.ahudia, Israel taudia bogaragidiai.
NUM 26:63 Ini iboudiai be Mose bona Eleasara, hahelaḡa tauna, ese e duahidia; Moab taorana ai, Ioridane sinavaina isena ai, Ieriko ai, unuseni ai e duahidia.
NUM 26:64 A Mose bona Aaron, hahelaḡa tauna, ese Sinai tano-ḡaḡaena ai e duahidia taudia na ta dia mauri;
NUM 26:65 badina be Iehova ese vada e herevalaidia, eto “Tano ḡaḡaena ai bae mase”. Taunabunai ta dia mauri; Kaleb lefune bona Iosua Nunu, idia raruosi mo sibodia dounu e mauri nohova.
NUM 27:1 Una negana ai Selofehad Hefere natuna hahinedia na e raka kahira. Hari Hefere na Gilead natuna; Gilead be Makiri natuna; Makiri be Manase natuna. Taunabunai, idia na Manase Iosef ena iduhu hahinedia Hahine ladadia be Mahala bona Noa bona Hogla bona Milka bona Tirisa.
NUM 27:2 Idia na Mose bona hahelaḡa tauna Eleasara bona iduhu lohiadia bona hebou taudia iboudiai vairadiai e gini, hebou kalagana iduarana ai, eto,
NUM 27:3 Tamamai na tano ḡaḡaena ai e mase: ia na dia Kora ida Iehova e heai henia oreana tauna ta, to ia sibona ena kara dika dainai e mase. Ia na asi natuna maruanena ta.
NUM 27:4 Badina be dahaka tamamai ladana na ena iduhu amo baine heabi oho, asi natuna maruanena dainai? Tamamai varavarana bogaragidiai ai ahumai ba henimai.
NUM 27:5 Mose ese idia sivaraidia na Iehova e hamaorolaia.
NUM 27:6 Bena Iehova ese Mose e hamaoroa, eto,
NUM 27:7 Selofehad natuna hahinedia edia hereva na maoro; tamadia varavarana bogaragadiai ahudia ba henidia; tamadia ahuna na idia ese bae abia.
NUM 27:8 Ina danu, Israel taudia ba hamaorodia, baoto: Tau ta baine mase, asi natuna mase maruanena, natuna hahinena ese ia ahuna baine abia;
NUM 27:9 bema asi natuna hahinena danu, ahuna na tadikakana ba henia;
NUM 27:10 bema asi tadikakana, ahuna na tamana lahaidia ba henidia;
NUM 27:11 a bema asi:tamana lahaina ta, ahuna na varavara-dosina ba henia, ia ese baine abia. Ina na taravatu bona haheḡani Israel taudia ediai. Iehova ese Mose vada e henia heḡereḡerena.
NUM 27:12 Iehova ese Mose e haḡania, eto, Ina Abarim ororona ai ba dara dae, ba roha lao, Israel taudia vada na henidia tanona do ba itaia.
NUM 27:13 Ba itaia murinai oi na tubu tama dekediai ba hahebou, kakamu Aaron heḡereḡerena;
NUM 27:14 badina be Sin tano-ḡaḡaena ai umui raruosi ese o gwau edeede henigu, hebou taudia ese e heai henigu negana ai, ranu gabuna ai asio rimodaigu idia vairadiai. Una ranu ladana na Meriba; ia na Kade kahana ai, Sin tanoḡaḡaena ai.
NUM 27:15 Bena Mose ese Iehova e haere henia, eto,
NUM 27:16 Mani emu kara, Iehova, taunimanima iboudiai laumadia edia Dirava, ese tau ta baine abia hidi, ina orea taudia baine biagudia.
NUM 27:17 Ia be vairadiai baine raka lasi bona vairadiai baine raka vareai; baine hakaudia lasi bona baine hakaudia vareai. Iehova ena orea taudia na basie noho kava, mamoe asi ireḡudia na heheto.
NUM 27:18 Bena Iehova ese Mose e haḡania, eto, Iosua Nunu avabia: ia be lauma ese vada e rohea tauna; oi imamu na ia tubuana ai bavato kau.
NUM 27:19 Bena ba haginia, hahelaḡa tauna Eleasara vairanai bona hebou taudia iboudiai vairadiai; bena idia vairadiai dagi ba henia.
NUM 27:20 Oiemu siahu amo ba hasiahua; bena Israel oreana taudia iboudiai ese ia bae kamonai henia edia hebou ai.
NUM 27:21 Ia be hahelaḡa tauna Eleasara vairanai baine gini, bena Eleasara ese ia dainai Iehova ena ura baine tahua, Urim ena amo; bena iena hereva dainai bae raka lasi bona iena hereva dainai bae raka vareai, ia bona Israel oreana taudia iboudiai.
NUM 27:22 Bena Mose ese Iehova ena haheḡani heḡereḡerena mo e karaia: Iosua e abia, hahelaḡa tauna Eleasara bona hebou taudia iboudiai vairadiai e haginia;
NUM 27:23 bena imana na ia tubuana ai e atodia kau, dagi e henia, Iehova ena haheḡani Mose ena amo e henia heḡereḡerena.
NUM 28:1 Iehova ese Mose e hereva henia, eto,
NUM 28:2 Israel taudia na ini ba haḡanidia toma, baoto: Egu boubou ḡaudia, Iahi ai o gabumu agu, bonana namo ḡaudia egu, ba lalodia tao bona ba henigu, nega korikoridia iboudiai.
NUM 28:3 Ma ba hamaorodia, baoto: Lahi boubouna binai Iehova ba henia, dina ta ta amo mamoe natudia mamaruanedia, laḡani tamona ḡaudia asi bebeka-bebekadia, rua rua amo ba heni, emu ḡole-ohoboubouna ela hanaihanai.
NUM 28:4 Mamoe natuna ta be daba ai ba henia, iharuana be adorahi ai ba henia.
NUM 28:5 Flaoa namo-hereana efa ta ba karoaia, karoagwauta, bona dehoro negari-negarina hini ta ba karoaia, karoa hani; benaflaoa karoa ta bona dehoro karoa ta bavabi, ba bulo, ba gabu.
NUM 28:6 Ina na ḡole-oho boubouna, dina iboudiai ba hahelaḡaia, Sinai ororona ai na haḡanimui heḡereḡerena; ia na bonana namo ḡauna, lahi boubouna, Iehova ena.
NUM 28:7 Inuinu bouboudia danu ba heni: vine ranuna hini ta ba karoaia, karoa hani, bena karoa ta mamoe natuna ta ida, ma karoa ta mamoe natuna ta ida, unu ba heni toma; gabu helaḡana ai hari vine ranuna ba seia Iehova ena; emui inuinu boubouna bunai.
NUM 28:8 Mamoe natuna iharuana na adorahi ai ba hahelaḡaia, flaoa boubouna bona inuinu boubouna danu, daba ai o hahelaḡadia heḡereḡerena; ia na lahi boubouna, bonana namo ḡauna, Iehova ena.
NUM 28:9 Dina Helaḡa ai, mamoe natudia mamaruanedia rua, laḡani tamona ḡaudia asi bebeka-bebekadia, ba hahelaḡadia; bona flaoa namo-hereana efata ba karoaia, karoa gwauta, bena karoa rua dehoro ida ba bulo, bena ba hahelaḡaia; inuinu boubouna danu ba seia.
NUM 28:10 Dina Helaḡa iboudiai ḡole-oho bouboudia unu ba heni toma, dina kavakava ena ḡole-oho boubouna bonaena inuinu boubouna ida ba heni hebou.
NUM 28:11 Hua matamatadia ai Iehova ena ḡole-oho boubouna na ini ba heniatoma: boromakau natudia mamaruanedia rua, mamoe maruanena ta, bona mamoe natudia mamaruanedia hitu, laḡani tamona ḡaudia asi bebeka-bebekadia.
NUM 28:12 Flaoa namo-hereana efa ta ba karoaia, karoa gwauta, bena karoa toi toibe dehoro ida ba bulo, boromakau natudia ta ta ida ba heni; bona karoa rua be dehoro ida ba bulo, mamoe maruanena ida ba heni.
NUM 28:13 Ma efa ta ba karoaia, karoa gwauta, bena karoa ta ta be dehoro ida ba bulo, mamoe natudia ta ta ida ba heni. Ini be ḡole-oho boubouna ḡaudia, bonana namoḡaudia; bae haḡoledia oho, Iehova ena.
NUM 28:14 A edia inuinu bouboudia be iniheto: vine ranuna hini ta ba karoaia, karoa rua, bena karoa ta ta ba sei, boromakau natudia ta ta edia; ma hini ta ba karoaia, karoa toi, bena karoa ta ba seia, mamoe maruanena ena; ma hini rua ba karoadia, karoa hani hani amo, bena karoa ta ta ba sei, mamoe natudia ta ta edia. Ini na hua ta ta edia ḡole-oho boubou ḡaudia, laḡani huadia iboudiai lalodiai.
NUM 28:15 Nani maruanena ta danu ba hahelaḡaia; ia na kara-dika iabi-ohona boubouna Iehova enai. Ini iboudiai na dina kavakava ena ḡole-oho boubouna bona ena inuinu boubouna ida ba heni hebou.
NUM 28:16 Hua gini-gunana ena dina ihagwauta-hanina be Iehova ena Lagau-hanai.
NUM 28:17 Ina hua ena dina ihagwauta-imana na aria dinana: dina hitu lalodia iasie hatubua flaoana mo bae ania.
NUM 28:18 Dina gini-gunana ai hebou helaḡana bavabia. Una dina ai ḡaukara badana ta basio karaia,
NUM 28:19 a lahi boubouna ba haḡolea oho, Iehova ena: boromakau natudia mamaruanedia rua, mamoe maruanena ta, bona mamoe natudia mamaruanedia hitu, iboudiai na asi bebeka-bebekadia ḡaudia mo.
NUM 28:20 Edia flaoa bouboudia danu ba haḡole oho: flaoa namo-hereana efa ta ba karoaia, karoa gwauta. Karoa toi toi bedehoro ida ba bulo, boromakau natudia ta ta ida ba heni; bona karoa rua be dehoro ida ba bulo, mamoe maruanena ida ba heni.
NUM 28:21 Ma efa ta ba karoaia, karoa gwauta; bena karoa ta ta be dehoro ida ba bulo, mamoe natudia hituosi ta ta ida ba heni.
NUM 28:22 Nani maruanena ta danu ba hahelaḡaia, emui kara-dika iabi-ohona boubouna, herohemaino ḡauna.
NUM 28:23 Ini ḡau bevaia: daba iboudiai o haḡole oho ḡaudia ida ba heni hebou.
NUM 28:24 Dina hituosi lalodiai unu mo ba kara toma, dina ta ta ai: boubou vamuna ba haḡolea oho, bonana namo ḡauna Iehova ena; ia bona dina kavakava ena ḡole-oho boubouna bona ena inuinu boubouna ba heni hebou.
NUM 28:25 Dinaihahituna ai hebou helaḡana bavabia, una dina ai ḡaukara badana ta basio karaia.
NUM 28:26 Uma anidia ba utu matama dinana ai, emui pura ariana ai flaoa matamatana boubouna ba hahelaḡaia, Iehova ena; una negana ai hebou helaḡana bavabia, bona ḡaukara badana ta basio karaia.
NUM 28:27 Ḡole-oho boubouna bahahelaḡaia, bonana namo ḡauna Iehova ena: boromakau natudia mamaruanedia rua, mamoe maruanena ta, bona mamoe natudia mamaruanedia hitu, laḡani tamona ḡaudia.
NUM 28:28 Edia flaoa bouboudia danu ba haḡole oho: flaoa namohereana efa ta ba karoaia, karoa gwauta. Karoa toi toi be dehoro ida ba bulo, boromakau natudia ta ta ida ba heni; bona karoa rua be dehoro ida ba bulo, mamoe maruanena ida ba heni.
NUM 28:29 Ma efa ta ba karoaia, karoa gwauta; bena karoa ta ta be dehoro ida ba bulo, mamoe natudia hituosi ta ta ida ba heni.
NUM 28:30 Nani maruanena ta danu ba hahelaḡaia, emui herohemaina ḡauna.
NUM 28:31 Ini ḡau be vaia emui ḡole-oho bouboudia mai edia flaoa bouboudia ida ba heni hebou. Ba ita, asi bebeka-bebekadia ḡaudia mo ba hahelaḡadia. Inuinu bouboudia danu ba sei.
NUM 29:1 Hua ihahituna ena dina gini-gunana ai, umui na hebou helaḡana ta bavabia; una dina ai ḡaukara badana ta basio karaia. Una dina ai danu kibi ba hiriri,
NUM 29:2 bona ḡole oho boubouna ba hahelaḡaia, bonana namo ḡauna Iehova ena: boromakau natuna maruanena ta; mamoe maruanena ta; bona mamoe natudia mamaruanedia hitu, laḡani tamona ḡaudia, asi bebeka-bebekadia.
NUM 29:3 Edia flaoa bouboudia danu ba haḡole oho: a flaoa namo-hereana efa ta ba karoaia, karoa gwauta. Karoa toi dehoro ida; a babulo, boromakau ida ba heni; bona karoa rua dehoro ida ba bulo, mamoe maruanena ida ba heni.
NUM 29:4 Ma efa ta ba karoaia, karoa gwauta, bena karoa ta ta be dehoro ida ba bulo, mamoe natudia hituosi ta ta ida ba heni.
NUM 29:5 Nani maruanena ta danu ba hahelaḡaia, kara-dika iabi-ohona ḡauna, emui herohemaino ḡauna.
NUM 29:6 Ini ḡau be hua matamatana ena ḡole-oho boubouna mai ena flaoa boubouna ida, bona dina kavakava ena ḡole-oho boubouna mai ena flaoa boubouna bona mai edia inuinu bouboudia ida, ba heni hebou, taravatu heḡereḡeredia. Idia na bonana namo ḡauna, Iahi boubouna, Iehova ena.
NUM 29:7 Hua ihahituna ena dina ihagwautana ai, umui na hebou helaḡana ta bavabia. Ba vaga, bona ḡaukara badana ta basio karaia.
NUM 29:8 Una dina ai ḡole-oho, boubouna ba hahelaḡaia, bonana namo ḡauna Iehova ena: boromakau natuna maruanena ta; mamoe maruanena ta; bona mamoe natudia mamaruanedia hitu, laḡani tamona ḡaudia, asi bebeka-bebekadia.
NUM 29:9 Edia flaoa bouboudia danu ba haḡole oho: flaoa namo-hereana efa ta ba karoaia, karoa gwauta. Karoa toi dehoro ida ba bulo, boromakau ida ba heni; bona karoa rua dehoro ida ba bulo, mamoe maruanena ida ba heni.
NUM 29:10 Ma efa ta ba karoaia, karoa gwauta, bena karoa ta ta be dehoro ida ba bulo, mamoe natudia hituosi ta ta ida ba heni.
NUM 29:11 Nani maruanena ta danu ba hahelaḡaia, kara-dika iabi-ohona boubouna. Ini be herohemaino boubouna ida bona ḡole-oho boubouna, dina iboudiai e heni louloumu ḡauna, mai ena flaoa boubouna bona edia inuinu bouboudia ida, ba heni hebou.
NUM 29:12 Hua ihahituna ena dina ihagwauta-imana ai, umui na hebou helaḡanata bavabia. Ḡaukara badana ta basio karaia; dina hitu lalodiai aria ba karaia, Iehova ena.
NUM 29:13 Emui ḡole-oho boubouna na lahi ai ba haḡolea oho, bonana namo ḡauna Iehova ena: boromakau natudia mamaruanedia gwauta-toi; mamoe mamaruanedia rua; bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:14 Edia flaoa bouboudia ḡaudia danu ba haḡole oho: flaoa namo-hereana efa tauratoi bae karoadia, karoa gwauta gwauta amo. Bena karoa toi toi be boromakau gwauta-toiosi ta ta ida ba heni; karoa rua rua amo be mamoe mamaruanedia ruaosi ida ba heni;
NUM 29:15 bona karoa ta ta be mamoe natudia gwauta-haniosi ta ta ida ba heni.
NUM 29:16 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona ena inuinu boubouna ida, ba heni hebou.
NUM 29:17 Aria dinana iharuana ai, emui boubou be boromakau natudia mamaruanedia gwauta-rua, mamoe mamaruanedia rua, bona mamoe natudiamamaruanedia gwauta-hani, laḡani tamona ḡaudia, asi bebeka-bebekadia.
NUM 29:18 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta edia, bona mamoe natudia ta ta edia, taravatu heḡereḡerena.
NUM 29:19 Nani maruanena ta danu ba hahelaḡaia kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona edia inuinu bouboudia ida, ba heni hebou.
NUM 29:20 Dina ihatoina ai emui boubou be boromakau mamaruanedia gwauta-ta, mamoe mamaruanedia rua, bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:21 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta ta edia, bona mamoe natudia ta ta edia, taravatu heḡereḡerena.
NUM 29:22 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona ena inuinu boubouna ida ba heni hebou.
NUM 29:23 Dina ihahanina ai emui boubou be boromakau mamaruanedia gwauta, mamoe mamaruanedia rua, bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:24 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta edia, bona mamoe natudia ta ta edia, taravatu heḡereḡeredia.
NUM 29:25 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona ena inuinu boubouna ida ba heni hebou.
NUM 29:26 Dina iha-imana ai emui boubou be boromakau mamaruanedia taurahani-ta, mamoe mamaruanedia rua, bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:27 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta edia, bona mamoe natudia ta ta edia, taravatu heḡereḡerena.
NUM 29:28 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona ena inuinu boubouna ida, ba heni hebou.
NUM 29:29 Dina ihatauratoina ai emui boubou be boromakau mamaruanedia taurahani, mamoe mamaruanedia rua, bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:30 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta edia, bona mamoe natudia ta ta edia, taravatu heḡereḡerena.
NUM 29:31 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubounabona ena inuinu bouboudia ida, ba heni hebou.
NUM 29:32 Dina ihahituna ai, emui boubou be boromakau mamaruanedia hitu, mamoe mamaruanedia rua, bona mamoe natudia mamaruanedia gwauta-hani, laḡani tamona ḡaudia, asi bebeka-bebekadia.
NUM 29:33 Flaoa bouboudia bona inuinu bouboudia danu ba heni, boromakau ta ta edia, mamoe mamaruanedia ta ta edia, bona mamoe natudia ta ta edia, taravatu heḡereḡerena.
NUM 29:34 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-oho boubouna, mai ena flaoa boubouna bona ena inuinu boubouna ida, ba heni hebou.
NUM 29:35 Dina ihataurahanina ai, umui na hebou helaḡana ta bavabia; una dina ai ḡaukara badana ta basio karaia.
NUM 29:36 Ḡole-oho boubouna ba haḡolea oho, bonana namo ḡauna, Iehova ena: boromakau maruanena ta, mamoe maruanena ta, bona mamoe natudia mamaruanedia hitu, laḡani tamona ḡaudia, asi bebeka-bebekadia.
NUM 29:37 Flaoa boubouna bona inuinu bouboudia danu baheni, boromakau; ena, bona mamoe maruanena ena, bona mamoe natudia ta ta edia, taravatu heḡereḡerena.
NUM 29:38 Nani maruanena ta danu ba hahelaḡaia, kara-dika iabi-ohona boubouna. Ini iboudiai be dina kavakava ena ḡole-ohoboubouna, mai ena flaoa boubouna bona ena inuinu boubouna ida, ba heni hebou.
NUM 29:39 Ini iboudiai na Iehova ba henia, emui aria dinadia ai, emui gwau-hamata ḡaudia bona emui herahia ḡaudia ida. Emui ḡole-oho bouboudia bona emui flaoa bouboudia bona emui inuinu bouboudia bona emui herohemaino bouboudia unu ba heni toma.
NUM 29:40 Bena Mose ese ini hereva iboudiai na Israel taudia e hamaorolaidia, Iehova ese ia e haḡania heḡereḡerena.
NUM 30:1 Mose ese Israel iduhudia lohiadia e hereva henidia, eto, Iehova ena haheḡani binai:
NUM 30:2 tau ta ese Iehova baine gwau henia hamata, eiava Iehova vairanai baine gwau hamata kara ta baine karaia, ia na basine koikoi; ena gwau hamata do baine hamomokania.
NUM 30:3 Tamana ena ruma ai nohona ai, hane-ulato ta ese Iehova baine gwau henia hamata, bona Iehova vairanai baine gwau hamata kara ta baine karaia,
NUM 30:4 bena tamana ese ena gwau hamata baine kamonai a hereva ta basine gwauraia, una hane-ulato ena gwau hamata baine gini.
NUM 30:5 A ena gwau hamata baine kamonai negana ai tamana ese baine gwaua tao, ena gwau hamata na asi anina: Iehova ese danu baine gwaua tao, badina be hane-ulato tamana ese e gwaua tao.
NUM 30:6 Hane-ulato ese ena gwau hamata karana do basine haḡuḡurua negana ai baine headava,
NUM 30:7 bena adavana ese ena gwau hamata sivaraina baine kamonai dinana ai hereva ta basine gwauraia, una hahine ena gwau hamata baine gini, anina do baine karaia.
NUM 30:8 A baine kamonai dinana ai adavana ese baine gwaua tao, ena gwau hamata na asi anina; Iehova ese danu baine gwaua tao.
NUM 30:9 Vabu ta, eiava diho hahinena ta, ena gwau hamata do baine gini, anina do baine karaia.
NUM 30:10 Bema adavana dekenai e nohova ai na e gwau hamata,
NUM 30:11 bena adavana na e kamonai a hereva ta se gwauraia; gwauraia bona se gwaua tao, ena gwau hamata do baine gini, anina baine karaia.
NUM 30:12 A bema e kamonai dinana ai adavana ese e gwaua tao, ena gwau hamata na basine gini: adavana ese vada e gwaua tao; Iehova ese danu baine gwaua tao.
NUM 30:13 Hahine ena gwau hamata adavana ese baine hamomokania diba, eiava baine gwaua tao diba.
NUM 30:14 A dina haida baela, adavana ese hereva ta basine gwauraia, una be ena gwau hamata hamomokania karana; vada e hamomokania, badina be e kamonai dinana ai ia na se hereva.
NUM 30:15 A baine kamonai murinai baine gwaua tao, hahine ena kerere be ia ese baine huaia.
NUM 30:16 Iehova ena haheḡani bunu, ia ese Mose e henia: tau mai adavana ida taravatudia, bona tau mai natuna kekenina ida taravatudia, kekeni na tamana ena ruma nohona ai.
NUM 31:1 Iehova ese Mose na e hereva henia, eto,
NUM 31:2 Midian taudia ese Israel taudia vada e ala-ala henidia davana na bavala-ala henidia; una murinai tubu tama dekediai ba hahebou.
NUM 31:3 Taunabunai Mose ese Israel taudia e hamaorodia, eto, Umui bogaragimui amo haida ese edia tuari ḡaudia bae abi heḡaeḡae, Midian taudia bae tuari henidia, edia kara davana Iehova ese vada e gwauraia do ba kara henidia.
NUM 31:4 Israel iduhudia ta ta amo tuari taudia daha-ta daha-ta ba siaidia.
NUM 31:5 Taunabunai Israel taudia loḡora edia amo iduhu ta ta edia daha-ta ta ta e siaidia: tuari taudia iboudiai be gerebu-ta daha-rua.
NUM 31:6 Bena Mose ese e siaidia, bae tuari; iduhu ta ta amo daha-ta ta ta e siaidia. Hahelaḡa tauna Fineha Eleasara danu e siaia; ia ese gabu helaḡana kohudia imana ai e abi kau, bona tuari kibidia danu.
NUM 31:7 Bena idia ese Midian taudia e tuari henidia, Iehova ese Mose e haḡania heḡereḡerena; bena mamaruanedia iboudiai e aladia ore.
NUM 31:8 Midian pavapavadia laimaosi danu e aladia mase: Evi bona Rekem bona Suru bona Huru bona Reba. Balaam Beoro danu dare amo e alaia mase.
NUM 31:9 Midian hahinedia mai natudia ida Israel taudia ese e abidia mauri; edia boromakau iboudiai bona edia mamoe iboudiai bona edia kohu idoinai danu e abi.
NUM 31:10 Edia hanua iboudiai bona edia taruha iboudiai e doudia ore;
NUM 31:11 bena e abi kohudia e laohai, bona ubu-ubu ḡaudia bona taunimanima danu e hakaudia lao.
NUM 31:12 Bena abi-mauri taudia bona seri bona kohu na e laohaidia, Mose bona hahelaḡa tauna Eleasara dekediai, Israel taudia edia hebou ai e hahedinaraidia, edia taruha ai, Ieriko ai, Moab taorana ai, Ioridane sinavaina isena ai.
NUM 31:13 Bena Mose bona hahelaḡa tauna Eleasara bona orea lohiadia na e raka lasi dekediai, taruha murimurinai idia ida e hedavari.
NUM 31:14 Bena Mose ese tuari lohiadia, daha-ta ta ta biagudia bona sinahu ta ta biagudia, tuari amovada e lou mai, na e badu henidia;
NUM 31:15 e gwau henidia, eto, Dahaka dainai hahine iboudiai o hamauridia?
NUM 31:16 A laloa, idia ese Balaam ena hereva amo Israel taudia e hahekwakwanaidia, Peoro ororona ai, bena gorere ese Iehova ena orea taudia e hamasedia.
NUM 31:17 Taunabunai, memero iboudiai bavaladia mase, bona hahine iboudiai danu;
NUM 31:18 a kekeni bona ulato na ba hamauridia, bavabidia emui.
NUM 31:19 Bena dina hitu taruha murimurinai ba noho, taunimanima o aladia mase eiava mase taudia ediai o dau kau taumui iboumui ai. Dina ihatoina ai bona dina ihahituna ai ba haheḡoeva, bona emui abi-mauri kekenidia bona ulatodia ba haḡoevadia.
NUM 31:20 Emui, dabua danu, bona kopi eiava nani huidia eiava au amo e kara taudia, iboudiai ba haḡoevadia.
NUM 31:21 Bena hahelaḡa tauna Eleasara ese tuari ela taudia e hamaorodia, eto, Haheḡani binai, Iehova ese Mose vada e henia:
NUM 31:22 gold bona silver bona auri labora-labora bona auri bona tin bona lead,
NUM 31:23 lahi ai ba gabu diba ḡaudia, iboudiai na lahi ai ba gabudia, bena bae ḡoeva. A ranu helaḡa ai ba huridia danu; bona basio gabu diba ḡaudia danu ranu ai ba huridia.
NUM 31:24 Bena dina ihahituna ai emui dabua ba huridia, bena ba ḡoeva. Una murinai umui na taruha lalonai ba raka vareai.
NUM 31:25 Iehova ese Mose e hamaoroa, eto,
NUM 31:26 Tuari ai e abi ḡaudia, taunimanima bona ubu-ubu ḡaudia, ba hagaudia, oi bona hahelaḡa tauna Eleasara bonaorea lohiadia ese.
NUM 31:27 Bena ba haridia, ahu rua: ta be tuari ela taudia ahudia, a ta be kone-noho taudia ahudia.
NUM 31:28 Bena tuari ela taudia ahudia ai, sinahu ima ima amo ta ta ba hahelaḡadia Iehova ena, taunimanima bona boromakau bona doniki bona mamoe;
NUM 31:29 idia ahudia amo bavabidia, hahelaḡa tauna Eleasara ba henia, boubou ḡaudia ai baela, baine dudui isi Iehova vairanai.
NUM 31:30 A kone-noho taudia ahudia ai, imahui imahui amo ta ta ba hahelaḡadia, taunimanima bona boromakau bona doniki bona mamoe; bena Levi taudia, Iehova ena dubu e reḡuamu taudia, ba henidia.
NUM 31:31 Bena Eleasara bona Mose na unu e kara toma, Iehova ese Mose e haḡania heḡereḡerena.
NUM 31:32 Tuari taudia ese vada e abidia mauri ḡaudia bini: mamoe 675,000,
NUM 31:33 boromakau 72,000,
NUM 31:34 doniki 61,000,
NUM 31:35 bona taunimanima 32,000, iboudiai na kekeni bona ulato.
NUM 31:36 Tuari ela taudia ahudia bini: mamoe 337,500,
NUM 31:37 unu amo Iehova ahuna na 675;
NUM 31:38 boromakau 36,000, unu amo Iehova ahuna na 72;
NUM 31:39 doniki 30,500, unu amo Iehova ahuna na 61;
NUM 31:40 bona taunimanima 16,000, unu amo Iehova ahuna na 32.
NUM 31:41 Mose ese Iehova ahuna e abia, boubou ḡauna hahelaḡa tauna Eleasara e henia, Iehova ese Mose e haḡania heḡereḡerena.
NUM 31:42 Kone-noho taudia ahudia, Mose ese tuari ela taudia ahudia amo ehididia ḡaudia,
NUM 31:43 na iniheto: mamoe 337,500,
NUM 31:44 boromakau 36,000,
NUM 31:45 doniki 30,500,
NUM 31:46 bona taunimanima 16,000.
NUM 31:47 Bena idia ahudia ai Mose ese imahui imahui amo ta ta e abidia, taunimanima bona ubu-ubu ḡaudia; bena ia ese Levi taudia, Iehova ena dubu e reḡuava taudia, e henidia, Iehova ese Mose e haḡania heḡereḡerena.
NUM 31:48 Bena tuari lohiadia, daha-ta ta ta biagudia bona sinahu ta ta biagudia, ese Mose e raka henia kahi,
NUM 31:49 eto, Emu hesiai taudia ese tuari taudia ai henumai ai vada e duahidia ore, ta se boio.
NUM 31:50 Bena herahia ḡaudia vada a mailaidia, Iehova ena, gold ḡaudia tuari ai e abi: ima vaḡivaḡidia bona bae vaḡivaḡidia bona kwakikwaki vaḡivaḡidia, bona gadei, bona ageva; emai herohemaino ḡaudia Iehova vairanai.
NUM 31:51 Bena Mose bona hahelaḡa tauna Eleasara ese hari gold ḡaudia idau-idau idia imadia amo e abidia.
NUM 31:52 Hari gold idoinai, daha-ta ta ta biagudia bona sinahu ta ta biagudia ese e mailaia, edia herahia ḡauna Iehova bae henia eto, ena metau be sekele 16,750.
NUM 31:53 Badina be tuari taudia ta ta ese edia kohu vada e gogo una tuari ai.
NUM 31:54 Bena Mose bona hahalaḡa tauna Eleasara ese hari daha ta ta biagudia bona sinahu ta ta biagudia e heni gold-na e abia, hebou kalagana ai e vareailaia, Iehova vairanai Israel taudia ihelalolaidia ḡaudia a ai bainela totona.
NUM 32:1 Ruben bona Gad garadia edia seri na momo herea; bena idia ese lasere tanona bona Gilead tanona e itadia, idia na tano namohereadia, seri iubulaidia.
NUM 32:2 Taunabunai unu iduhu ruaosi taudia na Mose dekena ela, Mose bona hahelaḡa tauna Eleasara bona hebou biagudia e hereva henidia, eto,
NUM 32:3 Ataroto bona Dibon bona lasere bona Nimra bona Hesebon bona Eleale bona Sebam bona Nebo bona Beon tanodia bini,
NUM 32:4 Iehova ese Israel oreana tauda imada ai vada e heni, na seri iubulaidia tanodia namodia; bona ai bini emu hesiai taumai emai seri na momo herea.
NUM 32:5 Idia ma eto, Oi lalomu bema namo emai ai, mani emu kara ina tano boma henimai, emai tano; basio hakaumai hanai, Ioridane sinavaina unukahana ai.
NUM 32:6 A Mose ese Ruben bona Gad iduhudia taudia e gwau henidia, eto, Varavaramui ma bae ha tuari, a umui be iniseni ai ba helai diho a?
NUM 32:7 Dahaka dainai Israel taudia lalodia ba hamanokadia, Iehova ese vada e henidia tanona ai basie raka vareai o tomu?
NUM 32:8 Tamamui na unu e kara toma, lau ese Kade-baranea amo na siaidia tano bae hasinadoa negana ai.
NUM 32:9 Idia na ela, Eskol kourana ai e lasi, tano e itaia, bena e lou, Israel taudia lalodia e hamanokadia, Iehova ese vada e henidia tanona ai basie raka vareai eto.
NUM 32:10 Una dina ai Iehova ena badu e vara, bena e gwau hamata, eto
NUM 32:11 “Momokani, Israel taudia Aigupto amo vada e raka lasi, laḡani ruahui vada e hanai taudia iboudiai, ta ese lau vada na gwauraia hamata, Abraham bona Isaak bona Iakob baina henidia nato, tanona basine itaia, lasi vaitani, badina be idia na asie abidadama henigu;
NUM 32:12 una dainai Kaleb lefune, Kenisi tauna, bona Iosua Nunu mo bae itaia, badina be idia raruosi mo Iehova vada e abidadama henia”.
NUM 32:13 Una negana ai Iehova ese Israel taudia e badu henidia, e siaidia lao, laḡani hari-ahui tano ḡagaena ai e loaloava, ela bona Iehova vairanai e kara havara uruna idoinai vada e mase ore.
NUM 32:14 Matona, umui na tamamui gabudia ai vada o vara isi, kara havara uruna ta, Iehova ena badu Israel latanai ihabadana.
NUM 32:15 Badina be umui na ia iḡavana amo ba raka siri, ia ese idia ma baine siaidia tano ḡaḡaena ai ma bae noho; bena ina bese idoinai baine dika umui daimui ai.
NUM 32:16 Bena idia na e raka henia kahi, eto, Iniseni ai maḡu baia kara, emai seri ikoulaidia, bona hanua baia hadai, natumai maraḡidia bae noholai.
NUM 32:17 A tuari be baia tuari, Israel taudia vairadiai baiala, ela bona edia gabu ai baia hakaudia lao. Ḡau; au tamona, natumai maraḡidia be hanua mai maḡudia lalodiai bae noho, ina tano taudia daidiai.
NUM 32:18 A ai be emai ruma basia lou heni ela bona Israel taudia iboudiai ahudia bae abi.
NUM 32:19 Ai ahumai na idia ida Ioridane sinavaina unukahana ai eiava gabu ta ai basia abi, badina be ahumai na Ioridane sinavaina inikahana ai vada a abi, mairiveina kahana ai.
NUM 32:20 Bena Mose ese e haere henidia, eto, Ene boma kara toma: emui tuari ḡaudia bavabi, Iehova vairanai ba raka lasi, tuari baola.
NUM 32:21 Emui tuari taudia iboudiai na Ioridane sinavaina bae hanaia, Iehova vairanai, ela bona ana inai taudia na vairadiai baine luludia Iasi,
NUM 32:22 bona tano idoinai na Iehova ena tano ai bae halaoa. Una murinai vada ba lou mai, asi emui kerere Iehova vairanai bona Israel taudia vairadiai; bena ina tano bavabia emui, Iehova vairanai.
NUM 32:23 A ene basioma kara toma, umui na ba kerere Iehova vairanai: emui kara dika davana do bavabia.
NUM 32:24 Benaini, hanua ba hadai, natumui maraḡidia bae noholai; bona maḡu ba kara, emui mamoe edia. Una murinai emui gwau hamata ba hamomokania.
NUM 32:25 Bena Gad bona Ruben iduhudia taudia ese Mose e haere henia, eto, Ai bini emu hesiai taumai na oi lohia taumu emu haheḡani heḡereḡerena baia karaia.
NUM 32:26 Natumai maraḡidia bona adavamai bona emai mamoe bona emai boromakau na iniseni ai bae noho, Gilead hanuadia ai;
NUM 32:27 a ai bini, emu hesiai taumai, na Iehova vairanai baia hanai, tuari mai dibamai taumai iboumai ai, baia tuari, oi lohia taumu emu haheḡani heḡereḡerena.
NUM 32:28 Taunabunai, Mose ese idia herevadia na hahelaḡa tauna Eleasara bona Iosua Nunu bona Israel iduhudia lohiadia e haḡanilaidia;
NUM 32:29 eto, Bema Gad bona Ruben iduhudia taudia na umui ida Ioridane sinavaina bae hanaia, mai edia tuari ḡaudia, Iehova vairanai, bena tano idoinai bavabia emui, umui ese Gilead tanona do ba henidia, edia tano.
NUM 32:30 A edia tuari ḡaudia basie abidia, umui ida basie hanai, idia na umui ida ahumui bae abi Kanaan tanona ai.
NUM 32:31 Bena Gad bona Ruben iduhudia taudia eto, Iehova ese emu hesiai taumai vada e haḡanimai heḡereḡerena, unu baia kara toma.
NUM 32:32 Emai tuari ḡaudia imamai ai baia abi, Iehova vairanai baia hanai, Kanaan tanona ai; bena ahumai ba henimai Ioridane sinavaina inikahana ai.
NUM 32:33 Taunabunai Mose ese Gad iduhuna bona Ruben iduhuna bona Manase Iosef ena iduhu kahana na Sihon, Amoro pavapavana, bona Og, Basan pavapavana, edia basileia e henidia, edia tano idoidiai bona edia hanua iboudiai.
NUM 32:34 Bena Gad iduhuna taudia ese ini hanua mai maḡudia e hadai: Dibon bona Ataroto bona Aroere,
NUM 32:35 bona Atroto-sofan bona lasere bona logobeha,
NUM 32:36 bona Bete-nimra bona Bete-haran. Edia seri maḡudia danue kara.
NUM 32:37 Ruben iduhuna taudia danu hanua mai maḡudia e hadai: Hesebon bona Eleale bona Kiriataimi,
NUM 32:38 bona Nebo bona Baal-meono (ini ruaosi ladadiae ha-idau) bona Sibma. Idia e hadai hanuadia na ladadia idaudia e henidia.
NUM 32:39 A Makiri Manase ena iduhu taudia na Gilead tanona ela, bena e abia, Amoro taudia unuseni ai e nohova na e luludia lasi.
NUM 32:40 Bena Mose ese Gilead tanona na Makiri Manase e henia, ena noho gabuna.
NUM 32:41 Bena Iairi Manase ela, Gilead hanuadia e abidia, ladadia e hato Havoto-iairi.
NUM 32:42 BonaNoba na ela, Kenat tanona mai ena hanua ida e abidia, ladana e hatoa Noba, ia e nemaia.
NUM 33:1 Israel taudia edia laolao daladia bini. Mose bona Aaron ese orea ta ta ai Aigupto amo e hakaudia lasi negana ai,
NUM 33:2 Iehova ese Mose e haḡania, bena Mose ese edia taruha sivaraidia bona edia tore-isi sivaraidiae tore. Edia tore-isi bona edia taruha herevadia bini:
NUM 33:3 hua gini-gunana ena dina ihagwauta-imana ai, idia na Ramese amo e raka lasi; lagau-hanai murina dinana ai Israel taudia na Iehova ena siahu ai e raka lasi, Aigupto taudia iboudiai vairadiai,
NUM 33:4 Aigupto taudia ese natudia roboadia e guridia dinana ai. Badina be Iehova ese natudia roboadia vada e aladia mase, bona edia dirava danu vada e hahemaoro henidia.
NUM 33:5 Taunabunai Israel taudia na Ramese amo ela, bona Sukoto ai e taruha.
NUM 33:6 Sukoto amo e tore isi, ela, Etam ai e taruha, tano ḡagaena isena ai.
NUM 33:7 Etam amo e tore isi, e lou ela, Pi-hahiroto ai e kau: una na Baal-sefon mairiveina kahana ai. Bena Migdol ai e taruha.
NUM 33:8 Ma e laolao, Hahiroto badina amo ela, davara e rakaia hanai, tano ḡaḡaena ai e kau; bena dina toi idia na Etam tano-ḡaḡaena ai e laolao, Mara ai e taruha.
NUM 33:9 Mara amoe tore isi, ela, Elim ai e kau. Una gabu ai ranu guridia na gwauta-rua, bona pamu audia na hitu-ahui. Bena unuseni ai e taruha.
NUM 33:10 Elim amoe tore isi, ela, Davara Kakakakana isena ai e taruha;
NUM 33:11 unu amo ma ela, Sin tano-ḡaḡaena ai e taruha.
NUM 33:12 Sin tano-ḡaḡaena amo e tore isi, ela, Dofka ai e taruha.
NUM 33:13 Dofka amo e tore isi, ela, Alusu ai e taruha.
NUM 33:14 Alusu amo e tore isi, ela, Refidim ai e taruha; unuseni ai inuinu ranuna ai e dabu.
NUM 33:15 Refidim amo e tore isi, ela, Sinai tano-ḡaḡaena ai e taruha.
NUM 33:16 Sinai tano-ḡaḡaena amo e tore isi, Kibroto-hatava ai e taruha.
NUM 33:17 Kibroto-hatava amo e tore isi, ela, Haseroto ai e taruha.
NUM 33:18 Haseroto amo e tore isi, ela, Ritma ai e taruha.
NUM 33:19 Ritma amo e tore isi, ela, Rimon-perese ai e taruha.
NUM 33:20 Rimon-perese amo e tore isi, ela, Libna ai e taruha.
NUM 33:21 Libna amo etore isi, ela, Risa ai e taruha.
NUM 33:22 Risa amo e tore isi, ela, Kehelata ai e taruha.
NUM 33:23 Kehelata amo e tore isi, ela, Sefere ororona ai e taruha.
NUM 33:24 Sefere ororona amo e tore isi, ela, Harada ai e taruha.
NUM 33:25 Harada amo e tore isi, ela, Makeloto ai e taruha.
NUM 33:26 Makeloto amo e tore isi, ela, Tahata ai e taruha.
NUM 33:27 Tahata amo e tore isi, ela, Tera ai e taruha.
NUM 33:28 Tera amo e tore isi, ela, Mitka ai e taruha.
NUM 33:29 Mitka amo e tore isi, ela, Hasamona ai e taruha.
NUM 33:30 Hasamona amo e tore isi, ela, Moseroto ai e taruha.
NUM 33:31 Moseroto amo e tore isi, ela, Bene-iakan ai e taruha.
NUM 33:32 Beneiakan amo e tore isi, ela, Horo-hagidigad ai e taruha.
NUM 33:33 Horo-hagidigad amo e tore isi, ela, Iotobata ai e taruha.
NUM 33:34 Iotobata amo e tore isi, ela, Abrona ai e taruha.
NUM 33:35 Abrona amo e tore isi, ela, Esiono-gebere ai e taruha.
NUM 33:36 Esiono-gebere amo e tore isi, ela, Sin tano-ḡaḡaena ai e taruha (ladanata be Kade).
NUM 33:37 Kade amo e tore isi, ela, Horo ororona ai e taruha, Edom tano hetoana ai.
NUM 33:38 Bena hahelaḡa tauna Aaron na ororo ai e dara dae, Iehova ena haheḡani dainai. Unuseni ai e mase, laḡani hari-ahui vada ela Israel taudia Aigupto tanona amo e raka Iasi murinai. Hua be hua iha-imana; dina be dina ginigunana.
NUM 33:39 Aaron ena vara laḡanidia na sinahu-ta ruahui toi, Horo ororonaai e mase negana ai.
NUM 33:40 Israel taudia vada ema harina na Kanaan lohiana ta, Arada pavapavana, ese e kamonai. Ia be diho kahana ai e nohova, Kanaan ai.
NUM 33:41 Horo ororona amo e tore isi, ela, Salmona ai e taruha.
NUM 33:42 Salmona amo e tore isi, ela, Punon ai e taruha.
NUM 33:43 Punon amo e tore isi, ela, Oboto ai e taruha.
NUM 33:44 Oboto amo e tore isi, ela, Ie-abarim ai e taruha, Moab tanona ai.
NUM 33:45 Ie amo e tore isi, ela, Dibon-gad ai e taruha.
NUM 33:46 Dibon-gad amo e tore isi, ela, Almon-diblataim ai e taruha.
NUM 33:47 Almon diblataim amo e tore isi, ela, Abarim ororodia ai e taruha, Nebo vairanai.
NUM 33:48 Abarim ororodia amo e tore isi, ela, Ieriko ai e taruha, Ioridane sinavaina isena ai, Moab taorana ai.
NUM 33:49 Edia taruha na Ioridane sinavaina isena ai, Bet-iesimoto amo ela bona Abele-sitim, Moab taorana ai.
NUM 33:50 Bena Ieriko ai, Ioridane sinavaina isena ai, Moab taorana ai, Iehova ese Mose e hereva henia, eto,
NUM 33:51 Israel taudia ba hamaorodia, baoto: Ioridane sinavaina ba hanaia, Kanaan tanona ai ba kau, negana ai,
NUM 33:52 una tano taudia iboudiai na vairamui ai ba luludia lasi; edia nadi helaḡadia iboudiai ba ḡiḡidia rohoroho, edia kaivakuku iboudiai ba doudia, edia atai gabudia helaḡadia iboudiai ba habuadia tari.
NUM 33:53 Tano bavabia emui, ba noholaia: badina be tano na vada na henimui, emui tano korikori.
NUM 33:54 Tano na mari amo ba haria, iduhu ta ta ahuna ahuna bae abi: iduhu badana be tano badana ba henia, iduhu maraḡina be tano maraḡina ba henia. Tau ta ese mari ai tano ta baine abia, una na iena tano.
NUM 33:55 A tano taudia iboudiai basioma luludia lasi vairamui ai, bae noho taudia na ḡahu vairamui ai eiava ginigini kopimui ai na heheto bae hahekwarahimui, ba noholaia tanona ai.
NUM 33:56 Bena idia baina kara henidia nato karadia na umui baina kara henimui.
NUM 34:1 Iehova ese Mose e hereva henia, eto,
NUM 34:2 Israel taudia ba haḡanidia, baoto: Kanaan tanona na emui tano, ela bona ena hetoa iboudiai. Kanaan tanona ai ba kau negana ai,
NUM 34:3 emui tano hetoana diho kahana ai na Sin tano-ḡaḡaena amo Edom hetoana ai bainela, ela bona Tadi (Gohuna mairiveina kahana.
NUM 34:4 Unu amo Akrabim ororona diho kahana amo bainela, ela bona Sin. Unu amo ia na Kade-baranea diho kahana amo bainela, ela bona Hasara-adara, ela bona Asamon;
NUM 34:5 Asamon amo bainela, ela bona Aigupto Dokana, ma unu amo kone ai baine lasi.
NUM 34:6 Lahara kahana ai, emui hetoa na Davara Badana konena; emui tano hetoana bunai, lahara kahana ai.
NUM 34:7 Mirigini kahana ai, emui hetoa na Davara Badana amo bainela, ela bona Horo ororona.
NUM 34:8 Horo ororona amo bainela, Hamat kahana ai, ela bona Sedad.
NUM 34:9 Unu amo ma bainela, Sifron kahana ai, ela bona Hasara-enan. Mirigini kahana ai emui hetoa bunai.
NUM 34:10 Mairiveina kahana ai, emui hetoa na Hasara-enan amo bainela, elabona Sefam;
NUM 34:11 bona Sefam amo bainela, ela bona Ribla, Ain mairiveina kahana ai; unu amo ma bainela, ela bona Kinerete Gohuna mairiveina kahana.
NUM 34:12 Unu amo emui hetoa na Ioridane sinavaina, ela bona Tadi Gohuna. Ini hetoa lalodiai e miamu tanodia iboudiai na umui emui.
NUM 34:13 Bena Mose ese Israel taudia e haḡanidia, eto, Ina tano na emui tano; mari ai ba haria. Iehova vada e hereva, iduhu taurahani-ta bona iduhu ta kahana ese bae abia.
NUM 34:14 Badina be Ruben iduhuna taudia bona Gad iduhuna taudia bona Manase iduhuna kahana taudia na edia tano vada e abia: iduhu lohiadia ta ta ese ahudia vada e abi.
NUM 34:15 Hari iduhu ruaosi mai kahana ese ahudia vada e abi, Ieriko ai, Ioridane sinavaina mairiveina kahana ai, daba e reremu kahana ai.
NUM 34:16 Iehova ese Mose ma e hamaoroa, eto,
NUM 34:17 Tano iharina bae biagua taudia ladadia bini: Eleasara, hahelaḡa tauna; bona Iosua Nunu;
NUM 34:18 bona iduhu ta ta amo iduhu lohiadia ta ta bavabidia hidi, tano iharina bae biagua.
NUM 34:19 Ladadia bini: Iuda iduhuna amo, Kaleb lefune;
NUM 34:20 Simeon iduhuna amo, Semuel Amihud;
NUM 34:21 Beniamina iduhuna amo, Elidad Kislon;
NUM 34:22 Dan iduhuna amo, Buki Iogli, edia lohia ta;
NUM 34:23 Iosef garana amo, Haniel Efod, Manase iduhuna lohiana,
NUM 34:24 bona Kemuel Siftan, Efraim iduhuna lohiana;
NUM 34:25 Sebulun iduhuna amo, Elisafan Paranaka, edia lohia ta;
NUM 34:26 Isakara iduhuna amo, Paltiel Asan, edia lohia ta;
NUM 34:27 Asere iduhuna amo, Ahihud Selomi, edia lohia ta;
NUM 34:28 Napatali iduhuna amo Pedahele Amihud, edia lohia ta.
NUM 34:29 Tataudia bunu, Iehova ese e haḡanidia, tano bae haria, Israel taudia ahudia bae henidia, Kanaan tanona ai.
NUM 35:1 Ieriko ai, Ioridane sinavaina isena ai, Moab taorana ai, Iehova ese Mose ma e hereva henia, eto,
NUM 35:2 Israel taudia ba haḡanidia, bae abia tanona lalonai Levi taudia na hanua bae henidia, mai hetabira tanodia ida.
NUM 35:3 Hanua be bae noholaidia, bona hetabira tanodia ai edia boromakau bona edia mamoe bona edia ubu-ubu ḡaudia idau-idau bae reḡudia.
NUM 35:4 Hari hetabira tanodia Levi taudia ba henidia na hanua maḡuna amo baela, ela bona kiubit daha-ta, hanua kahadia iboudiai.
NUM 35:5 Hanua murimurina ai ba hahetohoa, mairiveina kahana ai kiubit daha-rua, diho kahana ai kiubit daha-rua, lahara kahana ai kiubit daha-rua, bona mirigini kahana ai kiubit daha-rua; hanua be bogaraginai. Tano unubadana bae abia, edia ubu-ubu ḡaudia na una tano ai bae reḡudia.
NUM 35:6 Levi taudia ba henidia hanuadia tauratoi be roho-mauri hanuadia bae gwaurai, ala-ala tauna naediai baine heau kau, bena baine mauri; bona ma hanua hari-ahui rua danuba henidia.
NUM 35:7 Levi taudia ba henidia hanuadia bae hari-ahui taurahani; iboudiai na mai hetabira tanodia.
NUM 35:8 Ini hanua na Israel taudia ahudia amo ba henidia: iduhu badadia amo momo bavabi; iduhu maraḡidia amo gadoi mo bavabi. Iduhu ta ta ese ahudia amo Levi taudia ahudia bae henidia.
NUM 35:9 Iehova ese Mose ma e hereva henia, eto,
NUM 35:10 Israel taudia ba hamaorodia, baoto: Ioridane sinaavaina ba hanaia, Kanaan tanona ai ba kau, negana ai,
NUM 35:11 hanua haida bavabidia hidi, emui roho-mauri hanuadia. Bena taunimanima ta baine hapadidia tauna na unu baine heau lao.
NUM 35:12 Unu hanua lalodiai mase tauna varavarana ese basine alamui diba; hahepadidi tauna na basie alaia ela bona hebou ese baine hahemaoro henia.
NUM 35:13 Levi taudia ba henidia hanuadia tauratoi be emui roho-mauri hanuadia ai ba halaodia:
NUM 35:14 hanuatoi Ioridane sinavaina inikahana ai, bona hanua toi Kanaan tanona ai, ba henidia, roho-mauri hanuadia ai baela.
NUM 35:15 Unu hanua tauratoiosi na rohomauri hanuadia ai baela, Israel taumui emui, bona idau taudia bogaragimui ai e noho hedoamu taudia edia: taunimanima ta baine hapadidia tauna na unu hanua baine heau lao.
NUM 35:16 A tau ta ese bamona na auri amo baine botaia mase, ia na roroma tauna: vada bae alaia mase.
NUM 35:17 Eiava nadi imana ai baine abia, bamona baine tutulaia, bena baine mase, ia na roroma tauna: vada bae alaia mase.
NUM 35:18 Eiava au ta imana ai baine abia, bamona baine botaia mase, ia na roroma tauna: vada bae alaia mase.
NUM 35:19 Mase tauna varavarana ese roroma tauna baine davaria negana ai, ia ese baine alaia mase.
NUM 35:20 Bamona na badu ai e gwadaia mase tauna, eiava bamona ialana e bani henia tauna,
NUM 35:21 eiava bamona na imana amo e tutua mase mai baduna ida tauna, una tau bae alaia mase. Ia na roroma tauna: mase tauna varavarana ese baine davaria negana ai, ia ese baine alaia mase.
NUM 35:22 A tau ta, asi ena badu, ese bamona bema gwadaia, eiava bema hodoa,
NUM 35:23 eiava nadi amo bema tutua mase, bena bamona bema mase, a ia be bamona se inai henia bona iala-masena se ura,
NUM 35:24 hebou ese una hahepadidi tauna bona mase tauna varavarana baine hahemaoro henidia, ini taravatu heḡereḡeredia.
NUM 35:25 Hebou taudia ese hahepadidi tauna na mase tauna varavarana imana amo bae hamauria, ena roho-mauri hanuana, e heau henia hanuana, lalonai bae hakaua vareai. Unuseni ai baine noho, ela bona hahelaḡa tauna badana, dehoro helaḡana amo e horoa tauna, baine mase negana ai.
NUM 35:26 A nega ta hahepadidi tauna ese ena roho-mauri hanuana, e heau henia hanuana,baine rakatania,
NUM 35:27 bena mase tauna varavarana ese una roho-mauri hanuana murimurinai baine davaria, bena mase tauna varavarana ese hahepadidi tauna baine alaia mase, ia na asi ena kerere una rara dainai.
NUM 35:28 Badina be hahepadidi tauna na ena roho-mauri hanuana ai baine noho ela bona hahelaḡa taunabadana baine mase; a hahelaḡa tauna badana baine mase murinai hahepadidi tauna na ena tano korikori baine lou henia diba.
NUM 35:29 Uru iboudiai bona emui noho gabudia iboudiai lalodiai ini taravatu bona ini haheḡani ba badinadia.
NUM 35:30 Tau ta ese taunimanima ta baine alaia mase, roroma tauna na bae alaia mase, dibadia taudia edia hahebade herevadia daidiai; a tau tamona ena hereva dainai basie alaia mase.
NUM 35:31 Roroma tauna ena mauri ibodohilaina monina eiava kohuna na basio abia: vada baine mase.
NUM 35:32 Bona roho-mauri hanuana ai vada e heau kau tauna ena mauri ibodohilaina monina eiava kohuna, hahelaḡa tauna badana maurina ai ena tano korikori baine lou henia helaoreana, na basio abia.
NUM 35:33 Taunabunai, ba noholaia tanona basio hamiroa; badina be rara ese tano e hamiroamu, bona tano ihaḡoevana na asi dala idauna ta, rara e habubua tauna rarana mo ese baine haḡoevaia diba.
NUM 35:34 Umui o noholaiamu tanona basio hamiroa, badina be lau danu na noholaiamu; badina be lau Iehova na Israel taudia bogaragidiai na nohomu.
NUM 36:1 Gilead Makiri, Manase tubuna, ena orea amo ruma biagudia na Mose dekena ela. Idia na Iosef iduhuna taudia. Idia ese Mose e hereva henia, Israel iduhu lohiadia bona ruma biagudia vairadiai,
NUM 36:2 eto, Iehova ese oi, emai lohia, vada e haḡanimu, tano na mari amo ba haria, Israel taudia ahudia ba henidia; bona vada e haḡanimu danu ai varavaramai Selofehad ahuna na natuna hahinedia ba henidia.
NUM 36:3 Ḡau tamona, idia na idau iduhu taudia ese bema adavadia, ahudia na ai senemai ahudia amo bae heabi oho, adavadia edia iduhu ahudia ai bae heato kau; bena ai emai ai bae boio.
NUM 36:4 Ela bona Israel tauda eda Iubile laḡanina baine kau, bena idia ahudia na adavadia edia iduhu ahudia ai bae heato kau vaitani; bona senemai ahudia ediai bae boio vaitani.
NUM 36:5 Bena Mose ese Israel taudia na Iehova ena hereva e haḡanilaidia, eto, Iosef garana edia hereva na maoro.
NUM 36:6 Iehova ena haheḡani Selofehad natuna ulatodia daidiai na iniheto: e ura henidiamu taudia bae adavadia, a tamadia ena iduhu taudia mo.
NUM 36:7 Unuhetomana iduhu ta ese iduhu ta ahuna basine abihaia Israel ai; a Israel taudia ta ta ese tamadia ahudia bae abidia tarika-tarika.
NUM 36:8 Bona ulato ta bema mai ahuna Israel iduhuna ta lalonai, ia ese tamana ena iduhu tauna ta baine adavaia; unu amo Israel taudia ta ta ese tamadia ahudia bae abidia tarika-tarika.
NUM 36:9 Taunabunai, iduhu ta ese iduhuta ahuna basine abihaia; a Israel iduhudia ta ta ese ahudia bae abi tarika-tarika.
NUM 36:10 Bena Selofehad natuna ulatodia ese Iehova ena haheḡani e badinaia.
NUM 36:11 Selofehad natuna ulatodia, Mahala bona Tirisa bona Hogla bona Milka bona Noa, ese tamadia varavaradia na e adavadia.
NUM 36:12 Manase Iosef ena iduhu ai e headava, bena ahudia na tamadia ena iduhu ai e miava.
NUM 36:13 Haheḡani bona taravatu bunu, Iehova ese Mose e henia, bena Mose ese Israel taudia e henidia, Ieriko ai, Ioridane sinavaina isena ai, Moab taorana ai.
DEU 1:1 Mose ena hereva bini, Israel taudia iboudiai e harorolai henidia tano ḡaḡaena ai, Ioridane sinavaina unukahana ai. Gabu ladana na Araba, Sufu e hevaira henia; kahana ta ai be Paran, ma kahana ta ai be Tofele bona Laban bona Haseroto bona Disahab.
DEU 1:2 Horeb amo bema laolao, Seiri ororona amo bema lao ela bona Kade-baranea, Iaolao dinadia na bemagwauta-ta na heto.
DEU 1:3 Laḡani hari-ahui vada e lao bubuni, hua ihagwauta-tanaena dina gini gunana ai, Mose ese Israel taudia e haroro henidia, Iehova ese ia e henia haheḡanidia iboudiai na ia ese idia ma e henidia.
DEU 1:4 Una be Sihon, Amoro pavapavana, Hesebon ai e nohova tauna, bona Og, Basan pavapavana, Astaroto ai bona Edrei ai e nohova tauna, e hadareredia murinai.
DEU 1:5 Ioridane sinavaina unukahana ai, Moab tanona ai, Mose ese taravatu e gwaurai hedinarai matama, eto,
DEU 1:6 Iehova eda Dirava ese Horeb ai e hereva henida, eto: Umui na nega daudau vada o halahe ina ororo ai;
DEU 1:7 harihari a tore isi, ba laolao, ororo kahadia baola, Amoro taudia edia tano bona hetabira tanodia Araba taorana ai, ororo ai bona taora ai, diho kahana ai bona kone kahana ai, Kanaan tanona ai bona Lebanon tanona ai, ela bona sinavai badana, ladana na Eufrate.
DEU 1:8 A itaia, una tano idoinai vairamui ai vada na lailaia; ba raka vareai, tano na bavabia, Iehova ese umui senemui, Abraham bona Isaak bona Iakob, e gwau henidia hamata, tano na idia baine henidia bona idia garadia baine henidia eto.
DEU 1:9 Una negana ai lau ese na hamaoromui, nato, Lau na sibogu basina reḡumui diba,
DEU 1:10 badina be Iehova emui Dirava ese vada e hahutumamui; harihari umui na hutuma herea, guba hisiudia na heheto.
DEU 1:11 Egu ḡuriḡuri be Iehova, senemui edia Dirava, ese nega daha amo do baine hahutumamui, bona baine hanamomui, vada e gwau henimui hamata heḡereḡerena.
DEU 1:12 To lau sibogu ese ede baina reḡumui toma? Emui hekwarahi bona emui heiriheiri ede baina huahai toma?
DEU 1:13 Emui iduhu ta ta lalodiai tatau haida, mai aonegadia bona mai edia lalo-parara bona mai dibadia taudia, bavabidia hidi, bena lau ese ikwaramui taudia ai baina halaodia.
DEU 1:14 Bena umui ese o haere henigu, oto, Emu hereva vada e namo; ai na unu baia kara toma.
DEU 1:15 Taunabunai, emui iduhu lohiadia na abidia, mai aonegadia bona mai dibadia taudia, bena umui ikwaramui taudia ai na halaodia: daha biagudia, sinahu biagudia, imahui biagudia, gwauta biagudia, bona heitatao taudia, emui iduhu ta ta lalodiai.
DEU 1:16 Una negana ai danu emui hahemaoro taudia na haḡanidia, nato, Varavaramui ba hahemaoro henidia, tau ta tadikakana ida bae hemaka, eiava tau ta idau bese tauna ida bae hemaka, ba hahemaoro henidia mai maoromaoromui ida.
DEU 1:17 Ba hahemaoro henidia negadia ai emui hahemaoro basio hagagevaia: dagi maraḡi tauna bona dagi bada tauna bae heḡereḡere umui vairamui ai. Tau ta garina basio gari, badina be hahemaoro be Dirava ena. Bena kara ta dainai ba daradara, hereva na lau dekegu ai ba mailaia, lau ese baina haeroa.
DEU 1:18 Una negana ai, ba kara karadia iboudiai na haḡanilaimuiva.
DEU 1:19 Bena Horeb amo ma ta laolao, tano ḡaḡaena badana bona dika-hereanaamo, umui danu dibamui, ela bona Amoro taudia edia tano, ororo kahadia ai, ta rakaia hanai, Iehova, eda Dirava, ese e haḡanida heḡereḡerena; bena Kade-baranea ai ta kau.
DEU 1:20 Bena lau ese na hamaoromui, nato, Umui naAmoro taudia edia ororo tanodia ai vada o kau; ina tano be Iehova eda Dirava ese be henidamu.
DEU 1:21 O itaia, Iehova, emui Dirava, ese tano vada eme lailaia vairamui ai; ba raka vareai, bavabia, Iehova, senemui edia Dirava, ese vada e haḡanimui heḡereḡerena. Basio gari; lalomui na basie hekwarahi.
DEU 1:22 Bena umui iboumui ai na lau dekegu oma, oto, Mani emu kara, hasinadoa taudia baita siaidia guna, idia ese tano na do bae itaia bona sivaraina bae mailaia, edena dala amo baitala, bona edena hanua edena hanua ai baita kau.
DEU 1:23 Emui hereva na haeroa, hereva namona; bena tatau gwauta-rarua umui bogaragimui amo na abidia, iduhu ta ta amo tatau ta ta na abidia.
DEU 1:24 Bena idia na ororo kahadia amo eha laolao, ela bona Eskol kourana ai e kau, unuseni ai e hasinadoa.
DEU 1:25 Una tano huahuadia taidia taidia imadia ai e abi, bena e lou henida, harina e hamaorolaida, eto, Iehova eda Dirava ese be henidamu tanona na tano namona.
DEU 1:26 To umui na o gwau edeede, asiola; Iehova, emui Dirava, ena hereva o utua.
DEU 1:27 Emui kalaga ai o maumau noho, oto, Iehova ese vada e inai henida dainai ia ese Aigupto tanona amo e hakauda lasi, Amoro taudia imadia ai baine negeda bena idia ese bae alada ore totona.
DEU 1:28 Ede baitala? Tadikakada ese vada e hagarida, eto “Una tano taudia na babada bona lalata; ita na mamaraḡi bona kwakwadogi; edia hanua na babada, maḡudia danu e daemu ela bona guba ai; ina danu, Anakim taudia unuseni ai a itadia”.
DEU 1:29 Bena na hamaoromui, nato, Kudoumui basie hetaha; idia garidia basio gari.
DEU 1:30 Iehova emui Dirava, umui vairamui ai e rakamu Diravana, ia ese umui daimui ai baine tuari, hoa karadia baine kara, umui vairamui ai Aigupto ai e karava heḡereḡerena.
DEU 1:31 Tano ḡaḡaena ai danu vada o itaia, Iehova, emui Dirava, ese vada e abimui isi, tau ta ese natuna e geiamu na heto, emui laolao iboudiai lalodiai, ema bona ina gabu ai vada o kau.
DEU 1:32 Ḡau tamona, umui na Iehova, emui Dirava, asio abidadama henia.
DEU 1:33 Ia ese dala ai e gunalaimui, emui taruha gabudia e tahu; emui dala danu e hahedinarai henimui, lahi amo hanuaboi ai, bona ori amo dina ai.
DEU 1:34 Iehova ese emui hereva e kamonai, bena e badu, e gwau hamata, eto,
DEU 1:35 Momokani, ina uru dikana taudia ta ese hari tano namona, lau ese senemui na gwau henidia hamata baina henidia nato tanona, basine itaia.
DEU 1:36 A Kaleb Iefune mo sibona ese baine itaia; bona aena amo vada e moia tao tanona lau ese ia baina henia, bona natuna baina henidia, badina be ia ese Iehova vada e abidadama henia mai lalona idoinai.
DEU 1:37 Iehova ese lau danu e badu henigu, umui daimui ai; eto, Oi na unuseni ai basio raka vareai,
DEU 1:38 a Iosua Nunu, emu hesiai tauna, na una tano ai baine raka vareai. Ba hamaoroa, do baine goada; badina be ia ese Israel taudia baine hakaudia vareai.
DEU 1:39 Natumui maraḡidia, haida ese bae abidia mauri oto, bona natumui karukarudia, kara namo bona kara dika do asi dibadia, idia na bae raka vareai: una tano baina henidia, edia tano.
DEU 1:40 A umui na ba lou lao, tano ḡaḡaena ai ma ba halaolao, Davara Kakakakana kahana ai.
DEU 1:41 Bena umui ese o haere henigu, oto, Ai na vada a kara havara, Iehova enai. Ai na baiala, baia tuari, Iehova ese vada e haḡanida heḡereḡerena. Bena emui tuari ḡaudia; o abi kau, ororo kahadia ai ba ha tuari haraḡa-haraḡa oto.
DEU 1:42 A Iehova ese e hereva henigu, eto, Ba hamaorodia, baoto: Tuari na basiola, badina be lau na dia umui ida; basiola, inaimui ese bae hadareremui na garina.
DEU 1:43 Unu na hamaoromui toma, to umui na asio kamonai: Iehova o gwau edeede henia, o hekokoroku, ororo ai o dara dae.
DEU 1:44 Bena Amoro taudia na unu ororo amo e hekei diho, e lulumui, nanigo ese bema lulumui na heto; bena Seiri ai e hadareremui, e havamui ela bona Horoma.
DEU 1:45 Bena o Iou, Iehova vairanai o taitai, a Iehova na emui taitai se kamonai bona emui hereva se abi dae.
DEU 1:46 Taunabunai umui na nega daudau Kade ai o nohova.
DEU 2:1 Una murinai ta Iou lao, tano ḡaḡaena ai ta loaloa, Davara Kakakakana kahana ai, Iehova ese e haḡanigu heḡereḡerena. Dina hoho Seiri ororona ta rakaia heḡeḡe.
DEU 2:2 Bena Iehova ese e hereva henigu, eto,
DEU 2:3 Ina ororo badi-tanona ai vada o loa daudau; harihari mirigini kahana baola.
DEU 2:4 Bona Israel taudia ba hamaorodia, baoto: Harihari umui na varavaramui, Esau garana, edia tano amo ba raka hanai; idia na Seiri ai e nohomu. Idia ese umui garimui bae gari. Taunabunai, nahuamui ba toho:
DEU 2:5 basio tuari henidia, badina be edia tano taina basina henimui; oibe, aemu palapalana bema moia heḡereḡerena na basina henimui, badina be Seiri ororona na Esau na henia, ena tano.
DEU 2:6 Idia ediai aniani ba hoia, moni davana, bena bavania; bona idia ediai ranu ba hoia, moni davana, bena ba inua.
DEU 2:7 Badina be Iehova emui Dirava ese vada e hanamomui, imamui ḡaukaradia iboudiai Ialodiai; emui loaloa ina tano ḡaḡaena badana ai ia dibana. Ini laḡani hari-ahui lalodiai Iehova emui Dirava ese vada e bamomuiva; ḡau ta ai asio dabu.
DEU 2:8 Taunabunai ta laolao, varavarada Esau garana, Seiri ai e nohomu taudia, ta rakatanidia, Araba dalana danu ta rakatania, bona Elata bona Esiono-gebere ta rakatanidia. Bena ta lou lao, Moab tano-ḡaḡaena dalana ai tala.
DEU 2:9 Bena Iehova ese e haduagu, eto, Moab taudia na basio daḡedaḡe henidia bona basio tuari henidia; badina be edia tano taina basina henimu; badina be Ara na Lot garana vada na henidia, edia tano.
DEU 2:10 (Gunaguna Emim besena unuseni ai e nohova: idia na hutuma bona taunimanima badadia; edia lata na Anakim taudia edia lata heḡereḡerena.
DEU 2:11 Haida ese ladadia e hatomu “Refaim”, Anakim taudia e gwauraidiamu heḡereḡerena; a Moab taudia ese ladadia e hatomu “Emim”.
DEU 2:12 Hori taudia danu gunaguna Seiri ai e nohova, a Esau garana ese e luludia lasi, e habuadia tari, bona edia tano e abia, Israel na Iehova ese e henidia tanona e kara henia heḡereḡerena.)
DEU 2:13 A tore isi, eto, Serede sinavaina ba hanaia. Taunabunai, ita na Serede sinavaina ta hanaia.
DEU 2:14 Kade-baranea ta rakatania ela bona Serede sinavainata hanaia na eda laolao laḡanidia na toi-ahui taurahani; una negana ai unauru ena tuari taudia iboudiai vada e mase ore eda taruha ai, Iehova ena hereva heḡereḡerena.
DEU 2:15 Badina be Iehova imana ese e inai henidia, e habuadia, ela bona e mase ore.
DEU 2:16 Ina bese ena tuari taudia iboudiai e mase ore murinai,
DEU 2:17 Iehova ese e hereva henigu, eto,
DEU 2:18 Hari dina ai Moab ena tano hetoana ba hanaia, Ara ai;
DEU 2:19 bena Amono garana edia tano hetoana ba raka henia kahi negana ai, basio daḡedaḡe henidia bona basio tuari henidia, badina be Amono garana edia tano taina basina henimui; badina be una tano na Lot garana vada na henidia, edia tano.
DEU 2:20 (Una tano ladana ta be “Refaim”, badina be gunaguna Refaim taudia unuseni ai e nohova. A Amono taudia ese ladadia e hato “Samsumim”:
DEU 2:21 idia na taunimanima badadia, bona hutuma, edia lata na Anakim taudia edia lata heḡereḡerena. A Iehova ese e habuadia tari; bena Amono taudia ese gabudia e abi bona edia tano e abia:
DEU 2:22 Esau garana Seiri ai e kara henidia heḡereḡerena, ia ese Hori taudia e habuadia tari, bena Esau garana ese edia tano e abia bona e noholaiamu ema bona harihari.
DEU 2:23 Avim besena danu unuheto: idia na hanua maraḡidia e noholai ela bona Gasa. A Kaftorim taudia na Kaftoro amo ema, e aladia ore, bena edia tano e abia.)
DEU 2:24 A tore isi, eto, emui laolao baola, Aranon kourana ba hanaia; Sihon, Amoro tauna, Hesebon pavapavana, na umui imamui ai, ena tano danu vada na henimui; ba raka vareai, ba tuari henia.
DEU 2:25 Hari dina ai lau ese gari baina havaraia guba henunai e nohomu besedia iboudiai lalodia ai; idia ese umui harimui bae kamonai, bena garimui bae gari; kudoudia bae hetaha bona daradia bae doko umui daimui ai.
DEU 2:26 Taunabunai, Kedemoto tano-ḡaḡaena amo lau ese gwaukau taudia nasiaidia, Sihon, Hesebon pavapavana, dekenai, maino herevadia bae gwaurai, baeto:
DEU 2:27 Mani emu kara emu tano amo baina raka hanai; dala ai mo baina raka hanai, basina raka siri, idiba kahana amo eiava lauri kahana amo.
DEU 2:28 Aniani na emu ai baina hoia, moni davana, bena baina aniani; ranu danu oiemu amo baina abia, moni davana, bena baina inua. Ḡau tamona ba gwau maoro, aegu amo baina raka hanai.
DEU 2:29 Esau garana, Seiri ai e nohomu, na unu e karagu toma, bona Moab taudia, Ara ai e nohomu, na unu e karagu toma; unu mo baina kara toma, ela bona Ioridane sinavaina baina hanaia. Iehova emai Dirava vada e henimai tanona ai baina raka vareai.
DEU 2:30 A Sihon, Hesebon pavapavana, ese e gwauda tao, basita raka hanai eto; badina be Iehova emui Dirava ese laumana e ha-aukaia bona lalona e hagoadaia, umui imamui ai baine atoa helaoreana, hari ina dina ai heḡereḡerena.
DEU 2:31 Bena Iehova ese e hamaorogu, eto, A itaia, Sihon bona ena tano ina harihari aina henimu; avabia, ba noholaia.
DEU 2:32 Bena Sihon e raka lasi, mai ena orea taudia iboudiai, e tuari henida Iahasa ai.
DEU 2:33 Bena Iehova eda Dirava ese ita imada ai e atoa; ia bona natuna bona ena orea idoinai ta hadareredia.
DEU 2:34 Una negana ai ena hanua iboudiai ta abidia, ta habuadia tari, tatau bona hahine, memero bona kekeni, ta aladia ore, ta se roho mauri.
DEU 2:35 A ta abi boromakaudia bona ta habuadia tari hanuadia kohudia ta laohai.
DEU 2:36 Aroere, Aranon kourana isena ai, bona koura hanuana amo ela bona Gilead, hanua ta se auka, iboudiai ta abidia; Iehova eda Dirava ese ita imada ai e atodia.
DEU 2:37 A Amono taudia edia tano, Iabok sinavaina isena ai, bona ororo hanuadia, na asio raka henidia kahi, Iehova, eda Dirava, ese e gwau tao gabudia iboudiai asio raka henidia kahi.
DEU 3:1 Una dala amo ta raka siri, Basan dalana amo tala; bena Og, Basan pavapavana, e raka lasi, mai ena orea taudia iboudiai, Edrei ai e tuari henida.
DEU 3:2 A Iehova ese e hereva henigu, eto, Ia garina basio gari; badina be ia bona ena orea taudia iboudiai bona ena tano na oi imamu ai vada na atodia; Sihon, Amoro pavapavana, Hesebon ai e nohova tauna, o kara henia heḡereḡerena, ina tau danu unu ba kara henia toma.
DEU 3:3 Taunabunai, Iehova eda Dirava ese Og, Basan pavapavana, mai ena orea taudia iboudiai ida, ita imada ai e atodia; bena ta hadarerea vaitani, ena orea tauna ta se roho mauri.
DEU 3:4 Una negana ai, ena hanua iboudiai ta abidia, hanua ta asita reaia; ta abi hanuadia iboudiai na tauratoi-ahui, Aragob tanona ai; Og, Basan pavapavana, ena basileia bunai.
DEU 3:5 Ini hanua iboudiai na mai maḡudia bona mai ikoukoudia bona mai ikahidia ida; hanua maraḡidia; si maḡudia danu diaḡau ta abidia.
DEU 3:6 Bena ta habuadia tari, Sihon, Hesebon pavapavana, ta kara henia heḡereḡerena; hanua ta ta lalodiai tatau bona hahine, memero bona kekeni, ta aladia ore;
DEU 3:7 a edia boromakau bona edia kohu ta abidia, eda.
DEU 3:8 Una negana ai Amoro pavapavadia raruosi edia tano ta abi, Ioridane sinavaina unukahana ai, Aranon kourana amo ela bona Heremon ororona.
DEU 3:9 (Hari Heremon ororona na Sidono taudia ese ladana e hatoamu “Sirion”, a Amoro taudia ese ladana e hatoamu “Seniri”).
DEU 3:10 Ororo doridia hanuadia iboudiai ta abidia, bona Gilead tanona idoinai bona Basan tanona idoinai, ela bona Saleka bona Edrei: Og, Basan pavapavana, ena hanua bunu.
DEU 3:11 (Hari Og, Basan pavapavana, na Refaim tauna; Refaim taudia iboudiai vada e mase ore, ia mo noho. Ena mahuta patana na auri amo e karaia; ḡauna na do mia Raba ai, Amono taudia edia tano ai. Vaevae ita Israel tauda eda kiubit amo e hahetohoa, ena lata na kiubit taurahani-ta, bona ena lababana kiubit hani.)
DEU 3:12 Una negana ai ta abia tanona, Aroere, Aranon kourana isena ai e miamu hanuana, amo, bona Gilead ororodia kahana mai hanuadia ida, lau ese Ruben iduhuna taudia bona Gad iduhuna taudia na henidia.
DEU 3:13 A Gilead kahana bona Basan, Og ena basileia, idoinai, Aragob tanona idoinai mai Basan ida, lau ese Manase iduhuna kahana taudia na henidia. (Una Basan tanona na ladana e hatoamu “Refaim taudia edia tano”.
DEU 3:14 Iairi Manase ese Basan tanona, Aragob tanona idoinai ela bona Gesuru taudia edia tano bona Maakata taudia edia tano, e abia, unu tano hanuadia ladadia e hato “Havoto-iairi”, ia inemaina; ladana na unu e hatoa tomamu emabona hari.)
DEU 3:15 Gilead tanona na Makiri na henia;
DEU 3:16 bona Gilead ela bona Aranon kourana na Ruben iduhuna taudia bona Gad iduhuna taudia na henidia; edia tano hetoana na koura bogaragina amo ela, ela bona Iabok sinavaina, Amono taudia edia tano hetoana.
DEU 3:17 Araba taorana danu na henidia, hetoana na Ioridane sinavaina, Kinerete gohuna amo ela bona Tadi Gohuna, taora ai, bona Pisga ororona badi-tanona mairiveina kahana ai.
DEU 3:18 Una negana ai na haḡanimui, nato: Iehova ese ina tano vada e henimui, emui. Emui goada taudia iboudiai na edia tuari ḡaudia bae abi, tadikakamui Israel taudia vairadiai.
DEU 3:19 A adavamui bona natumui bona emui boromakau - dibagu emui boromakau na momo - vada na henimui hanuadia ai bae noho,
DEU 3:20 ela bona Iehova ese tadikakamui na laḡa-ani baine henidia, bona umuidanu laḡa-ani baine henimui. Bena Iehova ese be henidiamu tanona Ioridane sinavaina unukahana ai na idia ese bae abia, edia tano; bona umui na iboumui ai ba lou lao, vada na henimui tanona ai ba noho.
DEU 3:21 Una negana ai Iosua na haḡania, nato, Iehova, emu Dirava, ese ini pavapava raruosi ede e karadia toma na matamu amo vada o itaia; benaini, ba lao henidia basileiadia danu unu baine karadia toma.
DEU 3:22 Idia garidia basio gari; Iehova, emu Dirava, ese oi daimu ai baine tuari.
DEU 3:23 Una negana ai danu lau ese Iehova na noia, nato,
DEU 3:24 Ḡaubada Iehova e, oi na emu siahu bona imamu ena goada toadia vada o haheitalaigu matama; badina be edena dirava, guba ai eiava tanobada ai, ḡaukara badadia bona siahu toadia ikaradia mai dibana, oi heḡereḡeremu?
DEU 3:25 Iehova e, mani emu kara bama raka hanai, taora namona Ioridane sinavaina unukahana ai bona ororo tanodia namodia ela bona Lebanon bama itadia.
DEU 3:26 A Iehova ese e badu henigu, umui daimui ai; bena se kamonai henigu. Ia ese e haere henigu, eto, Vadaeni, ena hereva na basio gwauraia lou.
DEU 3:27 Pisga ororona ba dara dae, dorina ai ba gini, ba roha lao, tano na matamu amo ba itaia, lahara kahana ai, mirigini kahana ai, diho kahana ai, mairiveina kahana ai; badina be ina Ioridane sinavaina na basio hanaia.
DEU 3:28 A Iosua ba haḡania bona ba hagoadaia, bona lalona ba ha-aukaia; badina be ia ese ina besetaudia baine hakaudia hanai, Ioridane sinavaina unukahana ai; bena oi ese matamu amo ba itaia tanona na ia ese baine henidia, edia tano.
DEU 3:29 Taunabunai, ita na koura ai ta taruha, Bete-peoro hevaira hehenina ai.
DEU 4:1 Israel e, vada na hadibalaimui taravatudia bona haheḡanidia ba kamonaidia bona ba badinadia; bena vada ba mauri, bona Iehova, senemui edia Dirava, baine henimui tanona ai ba raka vareai bona bavabia, emui.
DEU 4:2 Vada na henimui haheḡanidia latadiai hereva ta basio atoa kau, bona edia amo hereva ta basio abia oho, a Iehova emui Dirava ena haheḡani ba badinadia, lau ese vada na henimui heḡereḡerena.
DEU 4:3 Matamui amo vada o itaia, Iehova na ede e kara toma Baal-peoro ai; badina be Iehova emui Dirava ese Peoro taudia edia Baal e toma henia diho taudia umui bogaragimui ai e aladia mase,
DEU 4:4 a umui Iehova, emui Dirava, o abidadama henia taumui iboumui ai vada ome mauri ema bona hari.
DEU 4:5 A laloa, Iehova egu Dirava ese vada e henigu taravatudia bona haheḡanidia lau ese vada na henimui, ba raka vareai bona bavabia tanona ai ba badinadia totona.
DEU 4:6 Ba badinadia, bona karadia ba kara; badina be emui aonega bona emui lalo-parara na unu amobae hedinarai, bese idau-idau vairadiai. Bena ini taravatu iboudiai baekamonai negana ai na baeto “Momokani ina bese badana na aonega bona lalo-parara besena”.
DEU 4:7 Badina be edena bese badana edia dirava ese e raka henida kahimu, Iehova ita eda Dirava ta boi heniamu negadia ai e raka henida kahimu heḡereḡerena
DEU 4:8 Bona edena bese badana edia taravatu bona edia haheḡani na mamaoro-mamaoro, lau ese hari dina ai na henimuimu taravatudia iboudiai heḡereḡeredia
DEU 4:9 Nahuamu ba tohoa, laumamu ba gimaia, matamu amo vada o ita ḡaudia ba readia na garina, bena emu mauri dinadia iboudiai lalomu amo bae boio na garina. Natumu bona tubumu ba hadibadia,
DEU 4:10 Horeb ai Iehova emu Dirava vairanai o gini dinana ai, Iehova ese lau e hereva henigu, eto “Taunimanima ba haboudia vairagu ai, egu hereva bae kamonai, bena lau garigu bae gari, tanobada ai bae noho dinadia iboudiai, bona natudia bae hadibadia, idia danu unu bae kara toma”.
DEU 4:11 Bena umui na o raka kahira, ororo badi-tanona ai o gini. Una negana ai Iahi hururu-hururudia na ororoamo e daeva guba ai, bona ori dubuna ese gabu idoinai e havaburaia.
DEU 4:12 Bena Iehova ese lahi bogaragina amo e hereva henimui; ena hereva vada o kamonai, to oromana asio itaia, gadona mo o kamonai.
DEU 4:13 Bena ena taravatu e henimui, taravatu gwauta ba badinadia eto, bona huro-nadidia palakadia ruaosi ai etoredia.
DEU 4:14 Una negana ai Iehova ese e haḡanigu, ena taravatu bona ena haheḡani baina hadibalaimui, bena ba lao henia bona bavabia tanona ai ba badinadia.
DEU 4:15 Taunabunai, nahuamui ba toho; badina be Iehova ese Horeb ai lahi bogaragina amo e hereva henimui dinana ai ia oromana asio itaia,
DEU 4:16 boma kerere, laulau ta boma koroa na garina: tau laulauna eiava hahine laulauna,
DEU 4:17 eiava tanobada ena mauri ḡauna ta laulauna, eiava atai ai e rohomu manuna ta laulauna,
DEU 4:18 eiava tano ai e raumu ḡauna ta laulauna, eiava davara ai e nohomu gwarumena ta laulauna.
DEU 4:19 Nahuamui ba toho danu, guba ai ba gaga dae, dina bona hua bona hisiu ba itadia, negadia ai na lalomui bae hekwakwanai bena ba toma henidia diho na garina. Idia be Iehova, emui Dirava, ese vada e kara, guba henunai e nohomu besedia iboudiai ihanamodia.
DEU 4:20 A Iehova ese Aigupto amo vada e hakaumui lasi, e kara auri amuna amo bema verimui lasi na heto, ena bese korikori ai baine halaomui totona. Hari dina ai umui na iena bese.
DEU 4:21 Iehova ese lau e badu henigu umui daimui ai, bena e gwau hamata, lau ese Ioridane sinavaina basina hanaia, bona Iehova emui Dirava ese baine henimui tanona namona basina raka vareai eto.
DEU 4:22 Lau na ina tano ai baina mase, basina hanaia Ioridane sinavaina unukahana ai; a umui vada ba hanaia, una tano namona bavabia emui.
DEU 4:23 Nahuamui ba toho, Iehova emui Dirava ese vada e henimui taravatuna na basio laloa boio; bona laulau ta basio koroa, badina be Iehova, emui Dirava, ese una kara taravana vada e atua.
DEU 4:24 Badina be Iehova, emui Dirava, na lahi ḡaraka-ḡaraka; ia na vaḡeḡe Diravana.
DEU 4:25 Natumui bona tubumui bae vara, bona una tano ai ba buruka, murinai boma kerere, ḡau ta laulauana boma koroa, Iehova, emui Dirava, vairanai boma kara havara bona ena badu boma havaraia,
DEU 4:26 lau ese hari dina ai guba ladana ai bona tanobada ladana ai na hamaoromuimu umui na asi vanahana ba mase ore, una tano, iabina totona Ioridane sinavaina ba hanaia tanona, lalona amo ba boio. Basio noho daudau unuseni ai: do ba mase ore.
DEU 4:27 Iehova ese baine hakarohomui rohoroho tanobada besedia bogaragidiai; vada ba gadoi, idau bese idau bese bogaragidiai, Iehova ese baine hakarohomui gabudia ai.
DEU 4:28 Unuseni ai au diravadia bona nadi diravadia, taunimanima imadia amo e kara ḡaudia, asie roharohamu, asie kamonaimu, asie anianimu, asie bonabonamu, ḡaudia ba toma henidia diho.
DEU 4:29 To unu amo Iehova, emui Dirava, do ba tahua; bena ba tahua mai lalomui idoidiai bona mai laumamui idoidiai negana ai vada ba davaria.
DEU 4:30 Dina gabedia ai, hisi bavani dinadia ai, ini kara iboudiai na emui ai bae vara; una negana ai Iehova, emui Dirava, do ba lou henia bona ba kamonai henia.
DEU 4:31 Badina be Iehova, emui Dirava, na hebogahisi Diravana; ia na basine kahumui nege bona basine habuamui tari, bona ena gwau-hamata, senemui e gwau henidia hamata, na basine laloa boio.
DEU 4:32 Nega gunadia sivaraidia ai ba tahua, Dirava ese taunimanima e karadia matama tanobada ai ema bona hari umui emui nega ai, bona guba dokona ela, bona guba dokona ai, ba henanadai, kara badana ta inihetomana na nega gunana ta ai, e vara bena sivaraina e gwauraia eiava.
DEU 4:33 Nega ta bese ta taudia, ese Dirava gadona lahi bogaragina amo e hereva vada e kamonai, umui o kamonaiva heḡereḡerena, bena dounu e mauri, eiava?
DEU 4:34 Eiava nega ta Dirava ese bese ta vada e lao henia, idau bese bogaragina amo vada e abia, iena a?, hahehisi amo, toa amo, hoa karadia amo, tuari amo, imana goadana amo, imana itoi-rorona amo, hahegari badadia amo, vada e abia, Iehova, emui Dirava, ese umui daimui ai bona umui vairarnui ai Aigupto ai, e karaia heḡereḡerena, a?
DEU 4:35 Umui emui ai vada e hedinarai: ba diba Iehova na Dirava; ia na asi idaina.
DEU 4:36 Guba amo e hereva henimui, baine hadibamui totona. Tanobada ai ena lahi badana e haheitalaimui; bena ena hereva na lahi bogaragina amo o kamonai.
DEU 4:37 Senemui e ura henidia bena garadia e abidia hidi, bona umui na ia vairanai Aigupto amo e hakaumui lasi mai siahu-badana ida,
DEU 4:38 bese badadia bona bese goadadia umui vairamuiai e luludia lasi, umui baine hakaumui vareai bona edia tano baine henimui totona, hari dina ai vada e karaiamu heḡereḡerena:
DEU 4:39 una dainai hari dina ai vada ba diba bona lalomui ai bavabia dae, Iehova na Dirava, guba ai bona tanobada ai; ia na asi idaina.
DEU 4:40 Taunabunai, ena taravatu bona ena haheḡani, hari dina ai na henimuimu ḡaudia, na ba badinadia; bena ba namo, bona natumui danu bae namo umui murimui ai, bona emui dina bae hoho, Iehova, emui Dirava, ese e henimui hanaihanaimu tanona ai.
DEU 4:41 Mose ese hanua toi e abidia hidi, Ioridane sinavaina mairiveina kahana ai,
DEU 4:42 ala-ala tauna, bamona e alaia mase, dia e inai henia guna dainai, toe hapadidia dainai, ia ese unu hanua ta baine heau henia, baine; roho mauri helaoreana.
DEU 4:43 Hanuadia bini: Besere, tano ḡaḡaena ororodia ai, na Ruben iduhuna taudia edia; Ramoto, Gilead ai, na Gad iduhuna taudia edia; bona Golan, Basan ai, na Manase taudia edia.
DEU 4:44 Taravatu binai, Mose ese Israel taudia vairadiai e gwauraia.
DEU 4:45 Haheḡani bona taravatu bona hahemaoro herevadia bini, Mose ese Israel taudia e gwaurai henidia, Aigupto amo e raka Iasi murinai.
DEU 4:46 Gabuna be Ioridane sinavaina unukahana ai, Bete-peoro e vaira henia kourana ai, Sihon, Amoro pavapavana, Hesebon ai e nohova tauna, ena tano ai. Hari Sihon na Mose bona Israel taudia ese e hadarerea, Aigupto amo e raka lasi murinai,
DEU 4:47 bena ena tano e abia. Og, Basan pavapavana, ena tano danu e abia. Unu pavapava raruosi na Amoro taudia edia pavapava: edia noho gabuna na mairiveina kahana ai, Ioridane sinavaina unukahana ai;
DEU 4:48 Aroere, Aranon kourana isena ai, e matamaia, e laomu ela bona Sirion ororona (una na Heremon ladana ta);
DEU 4:49 bona Araba taorana idoinai, Ioridane sinavaina mairiveina kahana ai, ela bona Araba gohuna, Pisga ororona badi-tanona ai.
DEU 5:1 Mose ese Israel taudia iboudiai e haboudia, e haroro henidia, eto, Israel e, a kamonai: ini taravatu bona haheḡani hari dina ai baina gwauraidia hedinarai na ba kamonaidia, bona lalomai ai bavabidia dae, bona ba badinadia.
DEU 5:2 Iehova eda Dirava ese taravatu e henida Horeb ai;
DEU 5:3 tamada se henidia, to ita, doini ta mauri nohomu bona hari dina ai ina gabu ai ta heboumu tauda iboudai vada e henida.
DEU 5:4 Iehova ida o hevaira heheni una ororo ai, bena lahi bogaragina amo e hereva henimui.
DEU 5:5 A lau be Iehova bona umui padamui ai na gini una negana ai, Iehova ena hereva na gwaurai henimui; badina be umui na lahi garina o gariva dainai ororo ai asio dara dae. Ia eto,
DEU 5:6 Lau binai Iehova, emu Dirava: Aigupto taudia edia tano bona edia iḡui rumana amo na hakaumu lasi.
DEU 5:7 Idau dirava ta basio abia lau vairagu ai.
DEU 5:8 Laulau ta basio koroa, ḡau ta laulauna: guba ḡauna ta, eiava tanobada ḡauna ta, eiava tanobada henuna ḡauna ta, basio karaia.
DEU 5:9 Basio toma henia diho, bona isiaina basio lao heni. Badina be lau Iehova emu Dirava na vaḡeḡe Diravana: e inai henigumu taudia edia kara dika davadia na natudia bona tubudia latadiai baina kara ela bona uru ihatoina bona ihahanina;
DEU 5:10 a lau e ura henigumu bona egu taravatu e badinamu taudia baina bogadia hisi ela bona uru daha.
DEU 5:11 Iehova emu Dirava ladana na basio hatoa kava hatoa kava; badina be Iehova ladana baine hatoa kava tauna na Iehova ese kara dika tauna ai baine halaoa;.
DEU 5:12 Dina Helaḡa ba badinaia bona ba hahelaḡaia, Iehova, emu Dirava, ese e haḡanimu heḡereḡerena.
DEU 5:13 Dina tauratoi lalodiai emu ḡaukara idoinai ba karaia,
DEU 5:14 a dina ihahituna na dina helaḡana, Iehova, emu Dirava, ena. Una dina ai basio ḡaukara, oi eiava natumu hahinena, eiava natumu hahinena, eiava emu hesiai tauna eiava emu hesiai hahinena, eiava emu boromakau eiava emu doniki eiava emu ubu-ubu ḡauna ta, eiava idau tauna emu ruma ai e noho hedoamu, emu hesiai tauna bona emu hesiai hahinena na oi ida bae laḡa ani helaoreana.
DEU 5:15 Ba laloa, oi na hesiai tauna Aigupto tanona ai, bena Iehova, emu Dirava, ese imana e toia roro mai siahuna ida, unu amo e hakaumu lasi; taunabunai, Iehova, emu Dirava, ese vada e haḡanimu, Dina Helaḡa ba badinaia.
DEU 5:16 Tamamu sinamu ba matauraidia, Iehova, emu Dirava, ese vada e haḡanimu heḡereḡerena; bena emu mauri dinadia bae hoho, bona emu noho baine namo, Iehova, emu Dirava, ese e henimu tanona ai.
DEU 5:17 Basio ala-ala.
DEU 5:18 Basio heuda hanai.
DEU 5:19 Basio henao.
DEU 5:20 Dekemu tauna basio habadelaia koikoi.
DEU 5:21 Dekemu tauna adavana basio ḡahusia; ena ruma danu, eiava ena uma, eiava ena hesiai tauna, eiava ena hesiai hahinena, eiava ena boromakau, eiava ena doniki, eiava ena kohu ta, basio ḡahusi.
DEU 5:22 Ini hereva na Iehova ese iboumui ai e gwaurai henimui, ororo ai o hebouva negana ai. Lahi bogaragina amo, bona ori bona dibura amo, e hereva henimui mai gao badana ida; una murinai hereva ta se gwauraia. A unu hereva na huro-nadidia palakadia rua ai e tore, bena e henigu.
DEU 5:23 Umuiese dibura bogaragina amo una gado o kamonaiva, bona ororo o itaia, lahi ese e araiava, bena o raka henigu kahi, iduhu lohiadia bona tau-badadia iboumui ai;
DEU 5:24 oto, O itaia, Iehova, eda Dirava, ese ia hairaina bona siahuna vada e haheitalaida; ia gadona danu lahi bogaragina amo vada ta kamonai. Hari dina ai tame diba Dirava ese taunimanima vada e hereva henidia, bona unu taunimanima na doini mamauri.
DEU 5:25 A baia mase ena namo be dahaka? Badina be ina lahi badana ese baine aramai ore. Iehova, eda Dirava, gadona ma baia kamonai lou, vada baia mase;
DEU 5:26 badina be tanobada idoinai taunimanima be daika, mauri Diravana gadona vada e kamonai, ita vada ta kamonai heḡereḡerena, Iahi bogaragina amo e hereva henia, bena vada e mauri?
DEU 5:27 Oi na ba raka kahi lao, Iehova, eda Dirava, ena hereva iboudiai ba kamonai; bena Iehova, eda Dirava, ese baine hamaoromu herevadia iboudiai ba hamaoromai. Ai na baia kamonai, bona karadia baia kara.
DEU 5:28 O hamaorolaigu herevadia na Iehova ese e kamonai. Bena Iehova ese e hereva henigu, eto, Ini taunimanima edia hereva vada na kamonai; edia hereva iboudiai na mamaoro-mamaoro.
DEU 5:29 Nega iboudiai unu bemalaloa toma bema namo; bena bema matauraigu bona egu haheḡani iboudiai bema badina, unu amo edia noho bema namo, bona natudia edia noho bema namo, ela bona hanaihanai.
DEU 5:30 Baola, ba haḡanidia, baoto “Emui kalaga ba lou heni”.
DEU 5:31 A oi be lau badibadigu ai ba gini, bena baina hamaorolaimu taravatudia bona haheḡanidia iboudiai o ese ba hadibalaidia; bena baina henidia tanona bae noholaia negana ai bae badinadia.
DEU 5:32 Taunabunai, nahuamui ba toho, Iehova emui Dirava ena haheḡani ba badinadia; basio raka siri, idiba kahana ai eiava lauri kahana ai.
DEU 5:33 Iehova emui Dirava ese vada e haḡanilaimui dalana ai ba raka; bena ba mauri, bona emui noho baine namo bona emui dina bae hoho, ba noholaia tanona lalonai.
DEU 6:1 Haheḡani bona taravatu bona hahemaoro herevadia Iehova, emui Dirava, ese e henigu, baina hadibalaimui, bena ba raka hanai, emui tano ai ba halaoa tanona ai ba badinadia.
DEU 6:2 Bena Iehova, emu Dirava, garina ba gari, ena taravatu bona ena haheḡani, na henimumu ḡaudia, iboudiai ba badinadia, oi bona natumu bona tubumu, emu mauri dinadia iboudiai; unu amo emu mauri dinadia bae hoho.
DEU 6:3 Taunabunai, Israel e, a kamonai, bona nahuamui ba toho; bena ba namo bona ba hutuma, rata bona bada-ranuna e arumutanona ai, Iehova, tamamui edia Dirava, vada e gwau henimui hamata heḡereḡerena.
DEU 6:4 Israel e, a kamonai: Iehova na eda Dirava, Iehova mo sibona.
DEU 6:5 Iehova, emu Dirava, ba lalokau henia mai lalomu idoinai, mai laumamu idoinai, bona mai goadamu idoinai.
DEU 6:6 Ini hereva, hari dina ai na haḡanilaimumu herevadia, na lalomu ai do bae mia;
DEU 6:7 natumu danu ba hadibalaidia mai goadamu ida; ruma ai ba helai negadia ai, bona dala ai ba raka negadia ai, bona ba hekure negadia ai, bona ba tore isi negadia ai, ba herevalaidia.
DEU 6:8 Idia na toa ai ba halaodia, imamu ai bona bagumu ai.
DEU 6:9 Emu iduara ihua-ihuana kahana kahana audia ai ba tore, bona emu ikoukou ai danuba tore.
DEU 6:10 Iehova, emui Dirava, ese senemui Abraham bona Isaak bona Iakob e gwau henidia hamata baine henemui eto tanona, ai baine hakaumui vareai ai; unuseni ai hanua badadia bona namodia, umui ese asio daidia,
DEU 6:11 bona ruma, kohu namodia amo e honu umui ese asio habou, bona ranu guridia, umui ese asio ḡei, bavabi; bona vine imeadia bona olive audia umui ese asio hadodia na anidia bavani boga kunu.
DEU 6:12 Una negana ai nahuamui ba toho, Iehova ba reaia na garina; ia ese Aigupto taudia edia tano bona edia iḡui rumana amo e hakaumui lasi.
DEU 6:13 Iehova, emui Dirava, garina ba gari; ia isiaina ba lao heni; ia ladana ai ba gwau hamata.
DEU 6:14 Idau dirava, hetabira tanodia ai e nohomu besedia edia dirava, basio toma henidia diho;
DEU 6:15 badina be Iehova, emui Dirava, bogaragimui ai e nohomu Diravana, na vaḡeḡe Diravana. Ba heita, Iehova, emui Dirava, ena badu na emui ai baine siahu bena tanobada kopina amo baine habuamui tari na garina.
DEU 6:16 Iehova, emui Dirava, na basio dibaḡania, Masa ai o dibaḡania heḡereḡerena.
DEU 6:17 Iehova, emui Dirava, ese ena haheḡani bona ena hahedua bona ena taravatu vada e, henimui: ba badinadia mai goadamui ida.
DEU 6:18 Kara maoromaorodia bona kara namodia ba kara, Iehova vairanai; bena ba namo, ba raka vareai, tano namona, Iehova ese e gwau hamata senemui baine henidia eto tanona, bavabia, emui tano ai ba halaoa;
DEU 6:19 bona inaimui iboudiai na vairamui ai ba luludia lasi, Iehova ena gwauhamata heḡereḡerena.
DEU 6:20 Nega gabena ai natumu ese baine nanadaimu, baineto “Ini haheḡani bona hahedua bona taravatu Iehova, eda Dirava, ese vada e henida anidia be dahaka?”
DEU 6:21 Bena oi ese natumu ba haere henia, baoto: Ai na Farao isiaina a lao heniva Aigupto ai; bena Iehova ese ia imana siahuna amo e hakaumai lasi, Aigupto tanona amo;
DEU 6:22 una negana ai Iehova ese toa bona hoa karadia, babada bona memetau, e hahedinarai, Aigupto Iatanai bona Farao Iatanai bona Farao ena ruma taudia latadiai, ai vairamai ai.
DEU 6:23 Unu amo e hakaumai lasi, seneda e gwau henidia hamata baine henidia eto tanona ai baine hakaumai vareai bona baine henimai helaoreana.
DEU 6:24 Bena Iehova ese e haḡanimai, ini taravatu iboudiai baia badinadia, bona Iehova, eda Dirava, garina baia gari, baia namo hanaihanai bona baine hamaurimai helaoreana, hari dina ai e hamauridamu heḡereḡerena.
DEU 6:25 Eda kara maoromaoro binai, ina haheḡani idoinai baita badinaia Iehova, eda Dirava, vairanai, vada e haḡanilaida heḡereḡerena.
DEU 7:1 Iehova, emui Dirava, ese baine hakaumui vareai, emui tano ai ba halaoa tanona lalonai, umui vairamui ai bese idau-idau baine luludia Iasi: Hititaudia, Girigasa taudia, Amoro taudia, Kanaan taudia, Perisi taudia, Hivi taudia, Iebusu taudia; bese hitu, badadia bona mai goadadia.
DEU 7:2 Iehova, emui Dirava, ese umui imamui ai baine atodia, bena ba hadareredia negana ai ba habuadia tari bona bavaladia ore; idia ida basio herohemaino, bona basio bogadia hisi.
DEU 7:3 Basio adavadia; umui natumui ulatodia na edia uhau basio henidia, bona idia natudia ulatodia basio abidia, emui uhau adavadia.
DEU 7:4 Badina be unu boma kara toma, idia ese natumui mamaruanedia na lauegu amo bema hakaudia siri, idau diravadia itomadiho-henidia totona; bena Iehova ena badu bema siahu, umui latamui ai, bona bema habuamui tari haraḡa-haraḡa.
DEU 7:5 A ini ba karadia toma: edia ihaboulaina patadia baḡiḡi rohoroho; edia dubu au-tubuadia ba tara kohikohi; edia au helaḡadiaba hagaridia; edia kaivakuku na lahi ai ba doudia.
DEU 7:6 Badina be umui na bese helaḡana, Iehova, emui Dirava, ena. Iehova, emui Dirava, ese tanobada besedia iboudiai bogaragidia amo vada e abimui hidi, iena bese korikori ai baine halaomui totona.
DEU 7:7 Iehova ese e lalokau henimui bona e abimui hidi, dia umui na bese badana dainai; lasi, bese iboudiai bogaragidiai umui na maraḡi herea.
DEU 7:8 A Iehova ese e lalokau henimuimu bona ena gwauhamata senemui ediai ihamomokanina e uramu; una dainai mai imana siahuna ida vada e hakaumui lasi, iḡui rumana amo bona Aigupto pavapavana Farao imana amo vada e hamaurimui.
DEU 7:9 Taunabunai, ba diba, Iehova, emui Dirava, na Dirava korikori, heabidadama Diravana: ia na ena hebogahisi ai ena gwauhamata e hamomokanimu ela bona uru daha, e lalokau heniamu bona ena haheḡani e badinamu taudia ediai.
DEU 7:10 To e inai heniamu tauna ia ese basine bogaia hisi; davana do baine henia.
DEU 7:11 Taunabunai, haheḡani bona taravatu bona hahedua hari dina ai na henimuimu na ba badinadia namonamo.
DEU 7:12 Ini hahedua ba hakala henidia bona ba badinadia bona karadia ba kara dainai Iehova, emui Dirava, ese ena gwauhamata baine hamomokania bona ena hebogahisi baine hahesiriua, senemui e gwau henidia hamata heḡereḡerena.
DEU 7:13 Ia ese baine lalokau henimui, baine hanamomui, baine hahutumamui; garamui danu baine hanamodia, bona emui tano anidia baine hanamodia, emui uit bona emui vine ranuna bona emui dehoro bona emui boromakau natudia bona emui mamoe natudia, senemui e gwau henidia hamata baine henimui eto tanona ai.
DEU 7:14 Bese iboudiai bogaragidiai umui baine hanamomomui badabada; taunimanima bona ubu-ubu ḡaudia ibouboudiai natudia bae havaradia, ta basine gabani.
DEU 7:15 Iehova ese gorere iboudiai na emui amo baine abi oho, Aigupto ai o davari goreredia na umui latamui ai basine atodia to inaimui iboudiai latadiai baine atodia.
DEU 7:16 A Iehova, emui Dirava, ese baine henimui oreadia iboudiai na umui ese bavaladia ore; basio bogadia hisi bona edia dirava basio toma henidia diho; badina be unu ba kara toma, vada ba hekwakwanai.
DEU 7:17 Readia lalomu ai baoto “Ini bese ese lau e hereagumu: ede baina luludia lasi toma?”
DEU 7:18 To idia garidia basio gari. Iehova, emui Dirava, ese Farao bona Aigupto idoinai ede e karadia toma na ba laloa tao;
DEU 7:19 hahehisi bona toa bona hoa karadia matamui ese e itadia, bona Iehova, emui Dirava, ese imana mai siahuna amo e hakaumui lasi na ba haeroa. Iehova, emui Dirava, ese o gari henidiamu besedia iboudiai na unu baine karadia toma.
DEU 7:20 Oibe, Iehova, emui Dirava, ese nanigo baine siaidia bogaragidiai, ela bona bese kwabukwabudia, bae komu taudia, na bae ore vaitani.
DEU 7:21 Basio gari henidia, badina be Iehova, emui Dirava, na bogaragimui ai e nohomu: ia na Dirava badana, hahegari Diravana.
DEU 7:22 Iehova, emui Dirava, ese ini bese na metaira-metaira umui vairamui ai baine luludia lasi; basio habuadia haraḡa-haraḡa, uda boromadia bae momo emui tano ai na garina.
DEU 7:23 A Iehova, emui Dirava, ese umui imamui ai baine atodia, baine haheḡonudia patapata, ela bona bae ore vaitani.
DEU 7:24 Edia pavapava na imamui ai baine atodia; ladadia ba haboiodia guba henuna amo; ta ese basine laomui ahu diba, ela bona ba habuadia tari vaitani.
DEU 7:25 Edia dirava laulaudia na lahi ai ba doudia; iheralaidia gold-na bona silver-na na basio hekise-hekise henibona basio abi, ba hekwakwanai na garina. Iehova, emui Dirava, ese unu ḡau e dadaraimu.
DEU 7:26 Vada e dadaraia ḡauna na emui ruma ai basio vareailaia, ena dika ai ba dika na garina: ena amo ba raka oho, ba rakatania, ba gari henia bona ba inai henia, badina be ia na heuduguirai ḡauna.
DEU 8:1 Nahuamui ba toho, hari dina ai na henimuimu haheḡanidia iboudiai ba badinadia, unu amo ba mauri, bona ba hutuma, a ba raka vareai, Iehova ese senemui e gwaurai henidia hamata tanona bavabia, emui tano ai ba halaoa.
DEU 8:2 Iehova, emui Dirava, ese laḡani hari-ahui lalodiai tano ḡaḡaena ai e hakaumui daladia ba haero, ihamanaumui bona lalomui itohodia totona unu e kara toma, baine diba, ena haheḡani ba badinadia eiava lasi.
DEU 8:3 Ia ese e hamanaumui bona e hahitolomui, bena mana e henimui, aniani ḡauna matamatana emui ai, tamamui asi dibadia ḡauna. Unu amo e hadibamui, taunimanima na dia aniani amo mo se maurimu, a Iehova uduna amo e lasimu herevadia iboudiai amo danu.
DEU 8:4 Unu laḡani hari-ahui iboudiailalodiai emui dabua; asie dika, bona aemui asie gudu.
DEU 8:5 Ba laloa danu, tamana ese natuna matana e hakaniamu na heto, Iehova, emui Dirava, ese umui matamui unu e hakani tomava.
DEU 8:6 Taunabunai, Iehova, emui Dirava, ena haheḡani ba badinadia; ena dala ai ba raka, bona ia garina ba gari.
DEU 8:7 Badina be Iehova, emui Dirava, ese tano namona ai be hakaumui vareaimu: sinavai momo tanona, mai ranu gabudia bona ranu guridia, koura ai bona ororo ai.
DEU 8:8 Ia na uit momo bona bali momo tanona, mai vine audia bona suke audia bona rimono audia bona olive audia, bona mai bada-ranuna danu.
DEU 8:9 Unuseni ai flaoa bavania boga-kunu; ḡau ta ai basio dabu. Una tanoena nadi na auri nadidia; ena ororo ai danu auri labora-labora ba ḡeia.
DEU 8:10 Bavaniani, bogamui bae kunu; bena Iehova, emui Dirava, ba imodaia, tanona; namona na ia ese vada e henimui dainai.
DEU 8:11 Nahuamui ba toho, Iehova, emui Dirava, ba reaia na garina, eiava ena haheḡani eiava ena taravatu eiava ena hahedua hari dina ai na henimuimu ba readia na garina.
DEU 8:12 Bavaniani, bogamui bae kunu; ruma namodia ba hagini, ba noholai;
DEU 8:13 emui boromakau seridia bona emui mamoe seridia bae hutuma; emui silver bona emui gold bae bada; emui ḡau iboudiai bae momo.
DEU 8:14 Una negana ai nahuamui ba toho, ba hekokoroku na garina, bona Iehova, Aigupto taudia edia tano bona edia iḡui rumana amo e hakaumui lasi Diravana, ba reaia na garina.
DEU 8:15 Ia ese una tano ḡaḡaena badana bona dikana amo e hakaumui hanai; gaigai bona doadoa edia hekori amo e hamaurimui; bona tano kaukauna ai, asi ranuna tanona ai, ranu na nadi hagahagana amo e ha-arua lasi, amui.
DEU 8:16 Tane ḡaḡaena ai ia ese mana amo e ubumuiva, tamamui asi dibadia anianina, baine hamanaumui bona lalomai baine dibadia bona dokona ai baine hanamomui helaoreana.
DEU 8:17 Taunabunai, lalomu ai basioto “Lau siahugu bona imagu goadana ese ina taḡa vada na abia, egu”.
DEU 8:18 A Iehova, emui Dirava, ba laloa, badina be ia ese siahu e henimuimu, taḡa bavabilaia, ena gwauhamata, senemui e gwaurai henidia hamata ḡauna, baine hamomokania totona, hari dina ai e karamu heḡereḡerena.
DEU 8:19 A Iehova, emui Dirava, boma laloa boio, dirava idaudia boma raka henidia kahi, isiaidia boma lao heni bona boma toma henidia diho, hari dina ai na hamaoromui momokanimu, vada ba mase.
DEU 8:20 Iehova ese bese haida umui vairamui ai e habuadia tarimu na heto, umui danu baine habuamui tari; badina be o gwau edeede, Iehova, emui Dirava, gadona asio kamonai henia.
DEU 9:1 Israel e, a kamonai. Hari dina ai umui ese Ioridane sinavaina ba hanaia, bese badadia, goada ai e hereamui besedia, edia tano bavabi emui; hanua badadia danu, edia maḡu na guba ai e daemu hanuadia, bavabi emui.
DEU 9:2 Unu bese taudia na babada bona lalata; idia na Anakim taudia: dibamui, bona haridia vada o kamonai, e tomu “Anak natuna vairadiai daika baine gini?”
DEU 9:3 Vada ba diba, hari dina ai Iehova, emui Dirava, na vairamui ai baine hanai, lahi ḡaraka-ḡaraka na heto; baine habuadia bona baine hamanokadia; bena umui ese ba hahavadia bona bavaladia ore haraḡa, Iehova ese vada e gwau henimui hamata heḡereḡerena.
DEU 9:4 Iehova, emui Dirava, ese vairamui ai baine luludia lasi murinai, lalomu ai basioto “Egu kara maoromaoro dainai Iehova ese ina tano vada e henigu”. Lasi; idia edia kara havara daidiai Iehova ese unu bese na vairamui amo baine luludia lasi.
DEU 9:5 Edia tano bavabia emui, dia emui kara maoromaoro eiava lalomui ḡoḡoeva-ḡoḡoeva daidiai, to unu bese edia kara havara daidiai Iehova, emui Dirava, ese vairamui amo baine luludia lasi, senemui Abraham bona Isaak bona Iakob e gwaurai henidia hamata herevana ihamomokanina totona.
DEU 9:6 Taunabunai ba diba, Iehova, emui Dirava, ese ina tano namona e henimuimu na dia emui kara maoromaoro daidiai; badina be umui na gwau-daḡe taumui.
DEU 9:7 Ba laloa tao, basio laloa boio, Iehova, emui Dirava, ede o habadua toma tano ḡaḡaena ai: Aigupto amo o raka lasi dinana ai ema bona ina gabu ai o kau, umui ese Iehova vada o gwau edeede henia.
DEU 9:8 Horeb ai danu Iehova ena badu o havaraia; bena ena badu ai baine habuamui tari eto.
DEU 9:9 Ororo ai na dara dae, huro nadidia, Iehova ese e henimui taravatudia e torelai nadidia, iabidia; una negana ai lau na dina hari-ahui boi hari-ahuiororo ai na nohova, aniani asina aniva, ranu asina inuva.
DEU 9:10 Bena Iehova ese huro nadidia ruaosi e henigu, Dirava imana kwakikwakina e torelai ḡaudia; idia latadiai Iehova ena hereva iboudiai vada e hetore, hebou badana dinana ai, ororo ai, lahi bogaragina amo e hamaorolaimui herevadia.
DEU 9:11 Dina hari-ahui boi hari-ahui e ore ai, Iehova ese unu nadi e henigu, taravatu nadidia.
DEU 9:12 Bena Iehova ese e hamaorogu, eto, A tore isi, ina gabu amo a hekei; haraḡa-haraḡa; badina be Aigupto amo vada o hakaudia lasi taudiavada e kara havara; na haḡanilaidia dalana amo vada e raka siri haraḡa-haraḡa, kaivakuku ta vada e karaia.
DEU 9:13 Bena Iehova ese e hereva henigu, eto, Ina bese taudia vada na itadia, idia na gwau-daḡe taudia.
DEU 9:14 A siri, baina habuadia tari, ladadia na baina roho guba henuna amo. Bena oiemu amo bese badana ta, idia baine hereadia besena, baina havaraia.
DEU 9:15 Taunabunai na raka muri, ororo amo na hekei. Ororo na lahi ese e araia. Taravatu nadidia ruaosi na imagu ai.
DEU 9:16 Bena na roha lao, na itamui, Iehova, emui Dirava, vairanai vada o kara havara, boromakau natuna laulauna vada o koroa, Iehova vada e haḡanilaimui dalana amo vada o raka siri haraḡa-haraḡa.
DEU 9:17 Bena huro nadidia ruaosina abidia, imagu amo na tahodia dobi; idia na vairamui ai e makohi rohoroho.
DEU 9:18 Bena Iehova vairanai na goru diho, nega gunana heḡereḡerena, dina hari-ahui boi hari-ahui aniani asina aniva bona ranu asina inuva, emui karadika iboudiai daidiai; badina be Iehova vairanai o kara havara bona ena badu o havaraia.
DEU 9:19 Iehova ese e badu henimui dikadikava bona e urava baine habuamui tari dainai kudougu e hetaha; a una negana ai danu Iehova ese egu noinoi ma e abia dae.
DEU 9:20 Iehova ese Aaron danu e badu heniava una negana ai, baine alaia mase eto; ia dainai danu na ḡuriḡuriva.
DEU 9:21 Bena emui kara havara ḡauna, hari boromakau natuna laulauna, na abia, Iahi ai na gabua; bena na huaria sisisisi, ḡahu na heto; bena hari ḡahu na ororo amo e aruva sinavaina ai na negea.
DEU 9:22 Tabera ai danu, bona Masa ai, bona Kibroto-hatava ai, umui ese Iehova o habadua.
DEU 9:23 Bena Iehova ese Kade-baranea amo ma e siaimui, eto “Vada aola; vada na henimui tanona bavabia”. Una negana ai umui na o gwau edeede, Iehova emui Dirava ena haheḡani asio badinaia, bona asio abidadama henia, bona gadona asio kamonai.
DEU 9:24 Emui ai na kau dinana ema bona harihari umui ese Iehova vada o gwau edeede henia.
DEU 9:25 Taunabunai lau na dina hari-ahui boi hari-ahui Iehova vairanai nagoru dihova; badina be Iehova ese baine habuamui tari eto.
DEU 9:26 Bena Iehova na noia, nato, Ḡaubada Iehova e, emu bese basio habuaia tari, dihimu basio aladia ore. Oi siahumu amo vada o hamauridia; oi imamu siahuna ai Aigupto amo vada o hakaudia lasi.
DEU 9:27 Emu hesiai taudia, Abraham bona Isaak bona Iakob, ba lalodia; ina bese taudia edia gwau-daḡe bona ediakara havara bona edia kara dika basio lalodia;
DEU 9:28 emu hahekau dainai a rakatania tanona taudia ese bae kirikirilaimu na garina, baeto “Iehova na asi goadana e gwaurai henidia hamata tanona ai baine hakaudia vareai”, bona “E inai henidia dainai vada e hakaudia lasi tano ḡaḡaena ai, baine aladia mase totona”.
DEU 9:29 Badina be idia na oiemu bese, oi dihimu; oi ese imamu o toia roro, emu siahu badana amo o hakaudia lasi.
DEU 10:1 Una negana ai Iehova ese e hamaorogu, eto, Huro nadidia rua ma ba utu palaka, gunadia heḡereḡeredia, bena ororo ai ba dara dae dekegu ai. Bona maua ta reirei amo ba karaia.
DEU 10:2 Bena revareva baina tore unu huro nadidia ai, nadi gunadia ai e hetore heḡereḡeredia. Bena maua ai ba udadia.
DEU 10:3 Taunabunai lau ese kela reireidia na abi, maua na karaia, bona huro nadidia rua na utu palaka, gunadia heḡereḡeredia, ororo ai na daralai dae.
DEU 10:4 Bena ia ese taravatu gwautaosi e tore, unu huro nadidia ai, gunadia ai e hetore heḡereḡeredia. Unu taravatu be Iehova ese ororo ai e henimui ḡaudia, lahi bogaragina amo e gwaurai, hebou dinana ai. Bena Iehova ese unu nadi vada e henigu.
DEU 10:5 Bena na raka muri, ororo amo na hekei, hari nadi na na karaia heḡaeḡae mauana ai na udadia. Idia na doini mimia, Iehova ese ena haheḡani e henigu heḡereḡerena.
DEU 10:6 (Israel taudia na Bene-iaakan ranu-guridia amo e laolao, ela bonaMosera ai e kau; unuseni ai Aaron e mase, bena e guria. Ia natuna Eleasara ese e boloa, hahelaḡa tauna dagina ai.
DEU 10:7 Unu amo ma e laolao, Gudugoda ela. Gudugoda amo ma e laolao, Iotobata, sinavai momo tanona, ela.
DEU 10:8 Una negana ai Iehova ese Levi iduhuna e abia hidi, Iehova ena taravatu mauana bae huaia, bona Iehova vairanai bae gini; ena ḡaukara bae kara, bona ia ladana bae heatolaia, ema bona hari dina.
DEU 10:9 Una dainai Levi na asi ahuna tadikakana bogaragidiai. Ia ahuna na Iehova, Iehova, emui Dirava, ese e hamaoroa heḡereḡerena.)
DEU 10:10 Lau na dina hari-ahui boi hari-ahui ororo ai na nohova, nega gunana heḡereḡerena; bena nega iharuana ai danu Iehova ese egu noinoi e abia dae, bena se habuamui tari.
DEU 10:11 Bena Iehova ese e hamaorogu, eto, A tore isi, emu orea taudia vairadiai ba raka; bena senedia na gwau henidia hamata baina henidia nato tanona ai bae raka vareai, bona bae abia edia.
DEU 10:12 Israel e, harihari Iehova, emui Dirava, ena ura be dahaka emui ai? Ina mo: Iehova, emui Dirava, garina ba gari, bona ena dala iboudiai ba raka. Iehova, emui Dirava, ba ura henia, bona isiaina ba lao heni mai lalomui idoidiai bona mai laumamui idoidiai;
DEU 10:13 bona Iehova ena haheḡani bona ena taravatu iboudiai, lau ese umui ihanamomui totona hari ina dina ai vada na gwaurai henimui ḡaudia, ba badinadia.
DEU 10:14 A laloa, Iehova, emui Dirava, na guba biaguna bona atai gabudia lohiana; tanobada na iena, bona tanobada anina idoinai danu iena;
DEU 10:15 to Iehova ese umui senemui e abidia dae, ena lalokau, bona garadia e abidia hidi, ena bese, umui sibomui, bese iboudiai bogaradiai, ema bona hari ina dina.
DEU 10:16 Taunabunai, lalomui ba hahelaḡadia, bona emui gwau-daḡe ba negea.
DEU 10:17 Badina be Iehova, emui Dirava, na dirava edia Dirava bona lohia edia Lohia; ia na Ḡaubada; ia na siahu bona hahegari Diravana. Ia vairanai taunimanima iboudiai na heḡereḡere; ta ese ia lalona basine ania diba.
DEU 10:18 Ia ese vabu bona ihareha na ena hahemaoro ḡoevaḡoevana amo e hanamodiamu, bona noho-hedoatauna e lalokau heniamu, e ubuamu bona e hadabualaiamu.
DEU 10:19 Taunabunai, noho-hedoa tauna ba lalokau henia; badina be umui danu Aigupto tanonaai o noho hedoava.
DEU 10:20 Iehova, emui Dirava, garina ba gari; ia isiaina ba lao heni; ia ba badinaia; ia ladana ai emui gwauhamata ba gwaurai.
DEU 10:21 Ia ba imodaia, ia na emui Dirava; siahu bona hahegari karadia iboudiai matamui ese vada e ita be ia ese e kara.
DEU 10:22 Senemui na Aigupto ela, taunimanima hitu-ahui hona; a harihari Iehova, emui Dirava, ese vada e hahutumamui, guba hisiudia na heheto.
DEU 11:1 Taunabunai, Iehova, emui Dirava, ba ura henia bona ba kamonai henia; ena hahedua bona ena taravatu bona ena haheḡani ba badinadia nega iboudiai.
DEU 11:2 Hari dina ai ba laloa namonamo: badina be ini hereva na dia natumui, ḡau ta asi dibadia bona ḡau ta asie itaia, asina herevalai henidiamu. Iehova, emui Dirava, ena mata-hakani, bona ena siahu, bona imana mai goadana ida e toia roro, ba haerodia.
DEU 11:3 Ena toa bona ena hoa karadia, Aigupto ai e kara, Farao, Aigupto pavapavana, bona ena tano idoinai, ede e karadia toma danu ba haeroa.
DEU 11:4 Aigupto ena tuari oreadia danu, mai edia hosi bona mai edia kariota, Davara Kakakakana abatana amo e habubunidia, umui e havamui negana ai; Iehova ese ma e habuadia tari ema bona hari dina.
DEU 11:5 Ba laloa danu ede e karamui toma tano ḡaḡaena ai, ema bona ina gabu ai o kau.
DEU 11:6 Ma ba laloa, Datan mai tadina Abiram, Eliab Ruben natuna, ede e karadia toma: tano ese e hadonodia, idia bona edia ruma taudia bona edia kalaga bona edia mauri ḡaudia iboudiai, Israel taudia iboudiai bogaragidiai.
DEU 11:7 Siahu karadia iboudiai Iehova ese vada e kara, umui ese matamui amo vada o ita.
DEU 11:8 Taunabunai, hari dina ai vada na haḡanilaimui haheḡanidia ba badinadia; bena ba goada, ba raka vareai, iabina totona ba hanai tanona vada bavabia;
DEU 11:9 emui mauri dinadia bae hoho danu, Iehova ese senemui e gwaurai henidia hamata tanona ai. Una tano na idia mai garadia ida bae abia eto; ia na rata bona bada-ranuna e arumu tanona.
DEU 11:10 Badina be iabina totona ba rakavareai tanona na dia o rakatania tanona Aigupto bamona. Unuseni ai emui uhe o hado, bena aemui amo ihapariparidia ola, aniani avadia umadia na heheto.
DEU 11:11 A iabina totona ba raka hanai tanona na ororo bona koura tanona, guba medudia ese e haparipariamu tanona,
DEU 11:12 Iehova, emui Dirava, ese e reḡuamu tanona. Iehova, emui Dirava, ese e haḡereamu, nega iboudiai, laḡani matamana ela bona laḡani dokona.
DEU 11:13 Hari dina ai na haḡanilaimuimu haheḡanidia boma badinadia, Iehova, emui Dirava, boma ura henia, bona isiaina boma lao heni mai lalomui idoidiai bona mai laumamui idoidiai,
DEU 11:14 ia ese medu baine henimui ena nega korikori ai, medu gunadia bona medu gabedia, tano ihapariparina; bena emui uit bona emui vine ranuna bona emui dehoro ba haboudia.
DEU 11:15 Rei matamata danu baine henimui, emui seri adia; bavaniani, bogamui bae kunu.
DEU 11:16 Nahuamui ba toho, sibomui lalomui ba hekoi bena ba raka siri, dirava idaudia isiaidia ba lao heni bona ba toma henidia diho, na garina.
DEU 11:17 Unu boma kara toma, Iehova ena badu emui ai baine vara; bena ia ese guba baine koua, medu na basine diho bona tano anidia na basie vara; bena tano namona, Iehova ese e henimuimu tanona, lalona amo ba boio haraḡa.
DEU 11:18 Taunabunai, ini egu hereva na lalomui ai bona laumamui ai ba dogodia tao; idia na toa ai baela, imamui ai bona bagumui ai.
DEU 11:19 Natumui ba hadibalaidia, ruma ai o helaimu negadia ai, bona dala ai o rakamu negadia; ai, bona o hekuremu negadia ai, bona o tore isimu negadia ai, do ba herevalaidia.
DEU 11:20 Emui iduara ihua-ihuadia kahana kahana audia ai ba tore, bona emui ikoukou ai danu ba tore;
DEU 11:21 bena emui mauri dinadia bona natumui edia mauri dinadia bae hoho, Iehova ese senemui e gwaurai henidia hamata tanona ai, guba na tanobada daenai baine mia negana idoinai.
DEU 11:22 Badina be na haḡanilaimuimu haheḡanidia iboudiai boma badinadia namonamo, Iehova emui Dirava boma ura henia bona ena dala iboudiai lalodiai boma raka bona enai boma tao,
DEU 11:23 bena Iehova ese ini bese iboudiai na umui vairamui ai baine luludia Iasi, bena bese badadia, umui e hereamui besedia, gabudia do bavabi.
DEU 11:24 Aemui bae moi tao gabudia na bavabi, emui. Emui tano bavabia, tano ḡaḡaena amo ela bona Lebanon, bona Eufrate sinavaina amo ela bona Davara Badana.
DEU 11:25 Tau ta ese basine laomui ahu diba; Iehova ese gari baine havaraia, ba lao henia tanona Ialonai; iboudiai na umui garimui bae gari, ia ese e gwau henimui hamata heḡereḡerena.
DEU 11:26 O itaia, hari dina ai lau na hahenamo bona heuduguirai umui vairamui ai na atodiamu:
DEU 11:27 hahenamo be Iehova, emui Dirava, ena haheḡani, hari dina ai na haḡanilaimuimu ḡaudia, ba badinadia davana;
DEU 11:28 heuduguirai be Iehova emui Dirava ena haheḡani basio badinadia, a hari dina ai na haḡanilaimuimu dalana amo ba raka siri bona dirava idaudia, asi dibamui diravadia, muridiai ba raka na davana.
DEU 11:29 Bena Iehova, emui Dirava, ese bavabia emui tano ai ba halaoa tanona Ialonai baine hakaumui vareai negana ai, umui ese hahenamo na Gerisim ororona ai bavatoa, bona heuduguirai na Ebal ororona ai bavatoa.
DEU 11:30 Idia na Ioridane sinavaina unukahana ai, lahara kahana ai, dina e dihomu kahana ai, Kanaan taudia Araba ai e nohomu edia tano ai. Una tano na hevaira henina ai, More au helaḡana badinai.
DEU 11:31 Badina be umui ese Ioridane sinavaina ba hanaia, ba raka vareai, Iehova, emui Dirava, ese e henimuimu tanona bavabia, emui tano. Bena bavabia bona ba noholaia negana ai,
DEU 11:32 nahuamui ba toho, taravatu bona haheḡani iboudiai, hari ina dina ai na henimuimu ḡaudia, na ba badinadia.
DEU 12:1 Taravatu bona haheḡani bini, Iehova, senemui edia Dirava, vada e henimui tanona ai ba badinadia namonamo, tanobada ai ba mauri noho dinadia iboudiai.
DEU 12:2 Gabudia bavabi besedia edia dirava e toma henidia dihomu gabudia iboudiai ba habuadia tari, ororo badadia ai bona ororo maraḡidia ai bona au mauridia henudiai.
DEU 12:3 Edia ihaboulaina patadia ba ḡiḡidia dobi; edia pupu nadidia ba hamakohidia rohoroho; edia au helaḡadia ba. doudia; edia kaivakuku ba hamakohidia, bona ladadia ba roho una gabu ai.
DEU 12:4 Iehova emui Dirava, na unu basio kara henia toma.
DEU 12:5 A Iehova, emui Dirava, ese gabu ta baine abia hidi, emui iduhu iboudiai lalodia amo, unuseni ai ladana baine atoa, bona unuseni ai baine noho. Una gabu ba tahua;
DEU 12:6 bena ba lao henia, emui ḡole-oho bouboudia, bona emui boubou idauidaudia, bona emui karoa ihagwautadia, bona emui dudui-isi ḡaudia, bonaemui gwauhamata ḡaudia, bona emui herahia ḡaudia, bona emui boromakau natudia roboadia, bona emui mamoe natudia roboadia, iboudiai ba laohai.
DEU 12:7 Unuseni ai danu Iehova, emui Dirava, vairanai bavaniani, bona ba moale hebou, emui ḡaukara iboudiai lalodiai, umui bona emui ruma taudia, badina be Iehova, emui Dirava, ese vada e hanamomui.
DEU 12:8 Harihari iniseni ai ta karamu karadia na unuseni ai basio kara. Iniseni ai ta ta ena ura ena ura ta karamu,
DEU 12:9 badina be emui laḡa-ani gabuna bonaemui tano korikori, Iehova, emui Dirava, ese baine henimui gabuna, na do asio kau.
DEU 12:10 A Ioridane sinavaina unukahana ai ba hanai, Iehova, emui Dirava, ese baine henimui emui tano korikori ai ba halaoa tanona; bena ia ese inaimui bogaragidia amo baine hamaurimui ela bona mai mainomui ida ba noho;
DEU 12:11 una negana ai vada na haḡailaimui ḡaudia iboudiai ba laohaidia, Iehova, emui Dirava, ese, ia ladana unuseni ai baine mia totona, baine abia hidi gabuna ai: emui ḡole-oho bouboudia, bona emui boubou idau-idaudia, bona emui karoa ihagwautadia, bona emui dudui-isi ḡaudia, bona emui gwauhamata ḡaudia, Iehova ena.
DEU 12:12 Una negana ai umui na Iehova, emui Dirava, vairanai ba moale hebou, umui bona natumui mamaruanedia bona natumui hahinedia, bona emui hesiai taudia bona emui hesiai hahinedia; bona Levi tauna emui hanua ai e nohomu danu, badina be ia na asi ahuna bona asi ena tano umui bogaragimui ai.
DEU 12:13 Nahuamui ba toho, emui ḡole-oho bouboudia na basio hahelaḡadia gabu kavakava ai,
DEU 12:14 a Iehova ese emui iduhu bogaragidia amo baine abia hidi gabuna ai mo; unuseni ai emui ḡole-oho bouboudia ba hahelaḡadia, bona unuseni ai na haḡanilaimuimu karadia iboudiai ba kara.
DEU 12:15 Ḡau tamona, emui hanua idau-idau iboudiai lalodiai, mauri ḡaudia haida, uda nanidia bona dia na heheto, bavaladia diba, bona hidiodia bavani, emui ura heḡereḡerena, bona Iehova, emui Dirava, ese ena hahenamo vada e henimui heḡereḡerena; vada e taubu taudia bona asie taubu taudia bae ani diba.
DEU 12:16 A mai raradia na basio ani; rara na tano ai ba hahebubua, ranu na heto.
DEU 12:17 Ini na basio ani diba, emui hanua idau-idau iboudiai lalodiai: emuiuit eiava emui vine ranuna eiava emui dehoro karoadia ihagwautadia, eiava emui boromakau eiava emui mamoe natudia roboadia, eiava emui gwauhamata ḡaudia eiava emui herahia ḡaudia eiava emui dudui-isi ḡauna.
DEU 12:18 A Iehova, emui Dirava, vairanai bavani, Iehova, emui Dirava, ese baine abia hidi gabuna ai, oi bona natumu maruanena bona natumu hahinena, bona emu hesiai tauna bona emu hesiai hahinena, bona Levi tauna emu hanua ai e nohomu; bona emu ḡaukara iboudiai lalodiai ba moale.
DEU 12:19 Nahuamu ba tohoa, Levi tauna basio reaia, emu tano ai ba noho dinadia iboudiai.
DEU 12:20 Iehova, emui Dirava, ese emui tano baine habadaia, vada e gwau henimui hamata heḡereḡerena, bena gado dainai baoto “Lau na vamu baina ania”, una negana ai vamu do bavania, emui ura heḡereḡerena.
DEU 12:21 Iehova, emui Dirava, ese baine abia hidi bona ladana baine nemailaia gabuna bema daudau, emui boromakau eiava emui mamoe, Iehova ese vada e henimui ḡaudia, bavaladia diba, vada na haḡanimui heḡereḡerena; bena emui hanua ai bavani, emui ura heḡereḡerena.
DEU 12:22 Uda nanina eiava dia boma ani heḡereḡerena, unu danu bavani; vada e taubu bona asie taubu taudia bae ani diba.
DEU 12:23 Ḡau tamona, mai raradia basio ani; badina be rara be mauri, bona mauri be hidio ida basio ani.
DEU 12:24 Basio ania; tano ai ba bubua, ranu na heto.
DEU 12:25 Basio ania, bena ba namo, umui bona natumui umui murimui ai, Iehova vairanai o kara maoromaoromu dainai.
DEU 12:26 To, emui ḡau helaḡadia bona emui gwauhamata ḡaudia vada ba laohaidia, Iehova ese baine abia hidi gabuna ai;
DEU 12:27 bona emui ḡole-oho bouboudia hidiodia bona raradia naIehova, emui Dirava, ena ihaboulaina patana ai ba hahelaḡadia. Bena emui boubou ḡaudia raradia na Iehova emui Dirava ena ihaboulaina patana ai ba sei, a hidiodia be bavani.
DEU 12:28 Nahuamui ba toho, ini na haḡanilaimuimu herevadia iboudiai na karadia ba kara; bena ba namo, natumui danu umui murimui ai bae namo hanaihanai, kara namodia bona kara maoromaorodia Iehova, emui Dirava, vairanai o karamu dainai.
DEU 12:29 Iehova, umui Dirava, ese gabudia bavabi besedia baine negedia daure, bena umui ese gabudia bavabi bona edia tano ba noholaia;
DEU 12:30 una negana ai nahuamui ba toho, idia do bae hebua tari murinai edia dala ai ba raka na garina, bona edia dirava ba herevalaidia, baoto “Ini bese na edia dirava ede e toma henidia diho tomamu Lau danu unu baina kara toma”, na garina.
DEU 12:31 Iehova, emui Dirava, na unu basio kara henia toma; badina be lebulebu karadia iboudiai Iehova ese e inai henimu be idia ese vada e kara, edia dirava ihanamolaidia; oibe, natudia mamaruanedia bona natudia hahinedia na lahi ai e haḡoledia oho, edia dirava ihanamolaidia.
DEU 12:32 Vada na henimui haheḡanidia iboudiai ba badinadia namonamo; latadiai hereva ta basio atoa kau, bona edia amo hereva ta basio kokia.
DEU 13:1 Bogaragimui ai peroveta tauna eiava nihi tauna ta bema tore isi, toa ta eiava hoa karana ta bema gwauraia guna,
DEU 13:2 gabeamo ia ese e gwauraia guna toana eiava hoa karana bema vara, bena ia bema toma “Dirava idaudia, umui do asi dibamui diravadia, baita tahudia bona isiaidia baita lao heni”,
DEU 13:3 una peroveta tauna eiava nihi tauna ena hereva basio abia dae. Badina be Iehova, emui Dirava, ese e tohomuimu, baine diba, Iehova emui Dirava o lalokau heniamu mai lalomui idoidiai bona mai laumamui idoidiai ida eiava lasi.
DEU 13:4 Iehova, emui Dirava, murina amo ba raka, ia garina ba gari, iena haheḡani ba badinadia, ia gadona ba kamonai, ia isiaina ba lao heni, bona ienai ba tao.
DEU 13:5 A una peroveta tauna eiava una nihi tauna na bavalaia mase; badina be gwau-edeede karadia e hahedibalai, e tomu Iehova, emui Dirava, Aigupto tanona amo e hakaumui lasi bona iḡui rumana amo e ruhamui nege Diravana, ba gwau edeede henia, ma e tomu, Iehova, emui Dirava, vada e haḡanilaimui dalana amo ba raka siri. Kara havara na bogaragimui amo unu ba negea daure toma.
DEU 13:6 Readia tadikakamu korikorina eiava natumu maruanena eiava natumu hahinena eiava adavamu lalokauna eiava turamu lalokauna ese lalomu baine ania hehuni, baineto “Dirava idaudia isiaidia baita lao heni”. Unu dirava na readia oi asi dibamu bona senemu asi dibadia diravadia,
DEU 13:7 a bogaragidiai o nohomu besedia edia dirava, gabu kahikahidia ai eiava gabu daudaudia ai, eiava tanobada dokona kahana amo ela bona tanobada dokona kahana.
DEU 13:8 Unu bema kara toma, ena lalo-ani basio abia dae, bona basio kamonaihenia, bona basio bogaia hisi, bona basio hamauria, bona basio hunia.
DEU 13:9 Bavalaia mase; oi imamu baine guna ia ialana ai, murinai taunimanima iboudiai imadia ienai bae kau.
DEU 13:10 Nadi amo ba hodoa mase, badina be ia ese Iehova, emu Dirava, Aigupto tanona amo bona iḡui rumana amo e hakaumui lasi Diravana, ena amo baine hakaumui siri eto dainai.
DEU 13:11 Bena Israel taudia iboudiai bae kamonai bona bae gari, gabeai kara havara unuhetomana nega ta basie karaia lou, ela bona hanaihanai.
DEU 13:12 Readia Iehova, emui Dirava, baine henimui hanuana ta ai harina ba kamonai,
DEU 13:13 kara havara taudia haida bogaragimui amo vada e raka lasi, hanua taudia lalodia vada e ani, eto, “Dirava idaudia, umui do asi dibamui diravadia, isiaidia baita lao heni”.
DEU 13:14 Unu bema heto, umui na ba tahua bona ba henanadai malaka-malaka. Bema momokani kara dika-hereana unuhetomana vada e karaia bogaragimui ai,
DEU 13:15 una hanua taudia na dare amo bavaladia mase; hanua na ba habuaia tari, bona taunimanima iboudiai bona boromakau iboudiai na dare amo bavaladia ore.
DEU 13:16 Kohuna idoinai na ariara ai ba habou, unuseni ai ba doudia; kohu na bae ara, hanua danu baine ara, e kara ḡole-oho boubouna na heto, Iehova, emui Dirava, ena. Gabu na baine vahu hanaihanai, hanua na basie haginia lou.
DEU 13:17 = helaḡana ta imamu ai basio abia. Bena Iehova na ena badu siahuna ma baine keruma; ia na baine bogamui hisi bona baine hahutumamui, senemui e gwau henidia hamata heḡereḡerena.
DEU 13:18 Iehova, emui Dirava, erena boma kamonai, bona ena, haheḡani iboudiai hari dina ai na haḡanilaimuimu na boma badinadia, bona Iehova, emui Dirava, vairanai boma kara maoromaoro, bena unu baine karamui toma.
DEU 14:1 Umui na Iehova, emui Dirava, natuna. Mase daidiai kopimui basio iva bona ramamui basio nau.
DEU 14:2 Badina be umui na Iehova, emui Dirava, ena bese helaḡana, Iehova ese tanobada kopina ai e nohomu besedia iboudiai edia amo vada e abimui hidi, ena orea korikori ai baine halaomui totona.
DEU 14:3 Ḡau dikadia basio ani.
DEU 14:4 Bavani ḡaudia bini: boromakau, bona mamoe, bona nani;
DEU 14:5 dia badana, bona dia maraḡina, bona uda diana, bona uda nanina, bona ororo diana, bona taora diana, bona ororo mamoena.
DEU 14:6 Imadia aedia palapaladia aukadia bona pararadia, bona aniani e hadonomu ma e lori lasimu, ududia ai ma e ḡauamu, ḡaudia iboudiai bavani.
DEU 14:7 Ḡau tamona, adia aniani e ḡaua loumu eiava imadia aedia pararadia ḡaudia haida na basio ani. Ḡaudia bini: kamelo bona hea bona koni, badina be adia aniani e ḡaua loumu to imadia aedia palapaladia asie parara. Idia na mimiro emui ai.
DEU 14:8 Boroma danu na miro emui ai, badina be imana aena palapaladia e parara, to ana aniani se ḡauaia loumu. Hidiodia na basio ani, bona masedia ai basio daudia toho.
DEU 14:9 Ranu ai e nohomu ḡaudia na mai taiadia bona mai unadia bavani.
DEU 14:10 A asi taiadia bona asi unadia ḡaudia na basio ani: idia na mimiro emui ai.
DEU 14:11 Manu ḡoevadia iboudiai na bavani.
DEU 14:12 A ini na basio ani: ugava-bada, bona larata, bona ugava maraḡina;
DEU 14:13 bona pivai bona bogibada, mai bamodia manudia ida;
DEU 14:14 mukou danu, mai ia bamona manudia ida;
DEU 14:15 bona kokokoko bona kito bona kanaḡe bona kipa, mai bamodia manudia ida;
DEU 14:16 bona baimumu maraḡina, bona baimumu badana, bona kema;
DEU 14:17 bona boebedi, bona lokoru, bona manubada;
DEU 14:18 bona boge bona noko, mai bamodia manudia ida; bona turumu, bona sisiboi.
DEU 14:19 Mai hanidia bona mai imadia aedia ḡaudia na mimiro emui ai, basio ani.
DEU 14:20 Mai hanidia; ḡaudia ḡoevaḡoevadia iboudiai na bavani.
DEU 14:21 E mase kava ḡauna na basio ania. Emu hanua ai e noho hedoamu tauna ba henia diba, bena baine ania; eiava idau bese tauna enai ba hoia. Badina be umui na bese helaḡana, Iehova, emui Dirava, ena. Nani natuna hidiona na sinana ratana amo basio nadua.
DEU 14:22 Laḡani ta ta amo emu uma anidia ba karoadia, karoa gwauta, bena karoa ta ba hahelaḡaia.
DEU 14:23 Bena aria ba karaia; Iehova, emu Dirava, vairanai, ia baine abia hidi gabuna ai, emu karoa ihagwautadia bavani, uit bona vine ranuna bona dehoro; bona emu boromakau natudia roboadia bona emu mamoe natudia roboadia danu bavani, nega iboudiai Iehova, emu Dirava, garina ba gari helaoreana.
DEU 14:24 A dala daudau dainai, Iehova, emu Dirava, ese baine hanamomu negadia ai oi ese hari karoa helaḡadia basio laohai diba, Iehova, emu Dirava, vada e abia hidi bona ladana vada e nemailaia gabuna na daudau dainai,
DEU 14:25 vada ba hoia, moni davana. Bena moni na imamu ai bavabia, Iehova, emu Dirava, ena abi-hidi gabuna baola,
DEU 14:26 unuseni ai lalomu e ura henimuḡaudia na emu moni amo ba hoi, boromakau eiava mamoe eiava vine ranuna eiava inuinu ḡauna ta, emu ura heḡereḡerena. Bena Iehova, emu Dirava, vairanai bavaniani, bona ba moale, oi bona emu ruma taudia iboudiai.
DEU 14:27 Levi tauna danu emu hanua ai e nohomu na basio reaia, badina be ia na asi ahuna bona asi ena tano bogaragimui ai.
DEU 14:28 Laḡani toi toi amo, emu karoa ihagwautadia, una laḡani ihatoina anina amo, bavabi, emu hanua rogena ai bavato;
DEU 14:29 bena Levi tauna (badina be asi ahuna bona asi ena tano bogaragimui ai), bona noho-hedoa taunabona ihareha bona vabu emu hanua ai nonoho na baela, adia bae ha abi, bena bogadia bae kunu. Unuheto amo Iehova, emu Dirava, ese baine hanamomu, bona imamu amo e karamu karadia iboudiai baine hanamodia.
DEU 15:1 Laḡani ihahitudia dokodia ai, abi-torehai iboudiai na bae hegwau tao.
DEU 15:2 Ini ba kara toma: taunimanima ta ta ese dekena tauna e henia torehai ḡauna baine gwaua tao, iabi-louna basine gwauraia, dekena taunaena amo eiava varavarana ena amo; badina be Iehova ese abi-torehai igwau-taodiavada e gwauraia.
DEU 15:3 Idau bese tauna enai iabi-louna ba gwauraia diba; to emu ḡau ta bema varavaramu imana ai, vada ba gwaua tao.
DEU 15:4 A tau ta basine ogoḡami umui bogaragimui ai; badina be Iehova, emui Dirava, vada e henimui emui tano ai ba halaoa tanona ai Iehova ese baine hanamomui.
DEU 15:5 = tamona, Iehova, emui Dirava, erena ba kamonai, bona hari dina ai na henimuimu haheḡanidia ba badinadia.
DEU 15:6 Badina be Iehova, emui Dirava, ese baine hanamomui, ena gwauhamata heḡereḡerena. Bese loḡora ba henidia torehai, to ediai basio abi torehai; bona bese loḡora ba halohiadia, to idia ese basie halohiamui.
DEU 15:7 Bogaragimui ai varavaramui ta bema ogoḡami, Iehova, emui Dirava, ese baine henimui tanona hanuana ta ai, lalomu basio ha-aukaia, bonarimamu basio hagorua, varavaramu ogoḡamina enai.
DEU 15:8 Imamu ba hahekidaia era, bona ba henia, ena dabu heḡereḡerena.
DEU 15:9 Nahuamu ba tohoa danu, lalomu ba hadaia kerere na garina, baoto “Laḡani ihahituna, abi-torehai igwau-taodia laḡanina, vada eme kahikahi”, bena varavaramu ogoḡaminaba vaira hua henia, bona ḡau ta basio henia; bena ia ese Iehova baine tai henia, oi baine habadelaimu, kara dika taumu.
DEU 15:10 Ba henia mai lalomu idoinai; lalomu basine hisihisi o heniamu dainai. Badina be unu amo Iehova, emu Dirava, ese baine hanamomu, emu ḡaukara iboudiai bona imamu karadia idoidiai lalodiai.
DEU 15:11 Badina be ogoḡami na basine doko emui tano ai; taunabunai na haḡanilaimumu, imamu ba hahekidaia era varavaramu enai, bona ogoḡami tauna enai eiava asi ena ḡau tauna enai, emui tano lalonai.
DEU 15:12 Varavaramu ta, Heberu tauna ta eiava Heberu hahinena ta, boma hoia, ia na laḡani tauratoi lalodiai isiaimu baine lao heni, bena laḡani ihahituna ai ba ruhaia nege.
DEU 15:13 Ba ruhaia nege negana ai, ima kavakavana ai basio kahua nege;
DEU 15:14 a emu seri amo, emu uit amo bona emu vine ranuna amo imana anina ba heni dudukau. Herahia ba henia; Iehova, emu Dirava, ese herahia vada e henimu heḡereḡerena, ia ba henia.
DEU 15:15 Ba laloa tao, umui danu hesiai iḡuidia ai o nohova Aigupto tanona ai, bena Iehova, emui Dirava, ese e ruhamui nege; taunabunai ina haheḡani name henimui hari ina dina ai.
DEU 15:16 A ia ese oi mai emu ruma taudia ida bema lalokau henimui, dekemui ai ena noho na namo dainai, bena bema toma “Lau na asina uramu baina rakatanimu”,
DEU 15:17 auri mai matana ta bavabia, iduara ai taiana abona ba daia uru; bena ia ese oi isiaimu baine lao heni ela bona mase. Emu hesiai hahinena danu unu ba karaia toma.
DEU 15:18 Basio laloa iruha-negena na karaaukana; badina be laḡani tauratoi oi isiaimu vada e lao heni, hesiai tauna mai davana ena nega vada e haruaia. Taunabunai, Iehova, emu Dirava, ese baine hanamomu, emu kara iboudiai lalodiai.
DEU 15:19 Roboa mamaruanedia emu boromakau seridia ai bona emu mamoe seridia ai ba hahelaḡadia, Iehova, emu Dirava, ena. Boromakau natuna roboana na basio haḡaukaraia; mamoe natuna roboana na huina basio abia;
DEU 15:20 unu na laḡani ta ta amo emu ruma taudia ida bavani, Iehova, emu Dirava, vairanai, ia ese baine abia hidi gabuna ai.
DEU 15:21 A bema mai bebeka-bebekana, eiava aena bema hedairike, eiava matana bema kepulu, eiava bema mai ena dika ta, basio hahelaḡaia Iehova, emu Dirava, ena.
DEU 15:22 Hanua ai bavania; vada e taubu taudia bona asie taubu taudia bae ani diba, uda nanidia bona dia o animu heḡereḡerena.
DEU 15:23 Ḡau tamona, mai rarana basio ania; rarana na tano ai ba bubua nege, ranu na heto.
DEU 16:1 Hua ladana Abib ba laloa, bona Lagau-hanai ariana ba karaia, Iehova, emui Dirava, ena; badina be Abib huana ai Iehova, emui Dirava, ese hanuaboi ai Aigupto tanona amo e hakaumui lasi.
DEU 16:2 Lagau-hanai boubouna na emui seri amo bavabia, ba hahelaḡaia Iehova, emui Dirava, ena; ia ese baine abia hidi bona ladana baine nemailaia gabuna ai ba hahelaḡaia.
DEU 16:3 E hatubua flaoana basio ania una aria lalonai; dina hitu asie hatubua flaoana mo, hisihisi toana, bavania, badina be Aigupto tanona o heautania haraḡa-haraḡa. Una kara amo emui mauri dinadia iboudiai na Aigupto tanona o rakatania dinana ba laloa tao.
DEU 16:4 Dina hitu lalodiai flaoa ihatubuna muramurana na basine hedinarai emui tano idoinai; bona aria dinana ginigunana adorahina a ai emui boubou ḡauna hidiona na basine mia rani.
DEU 16:5 Lagauhanai boubouna na Iehova, emui Dirava, ese baine henimui hanuadia ai basio alaia,
DEU 16:6 a Iehova, emui Dirava, ese baine abia hidi bona ladana baine nemailaia gabuna ai, unuseni ai lagau-hanai boubouna ḡauna bavalaia, adorahiai, dina baine diho ai, Aigupto amo o raka lasi dinana ai.
DEU 16:7 Ba nadua, bena bavania, Iehova, emui Dirava, ese baine abia hidi gabuna ai; bena daba ai ba lou, emui kalaga baola.
DEU 16:8 Dina tauratoi lalodiai asie hatubua flaoana bavania. Dina ihahituna ai hebou helaḡana bavabia, Iehova, emui Dirava, ena; una dina ai ḡaukara ta basio karaia.
DEU 16:9 Pura hitu ba duahidia; emui uma anidia ba utu matama dinana amo ba duahidia.
DEU 16:10 Bena pura ariana ba karaia, Iehova, emui Dirava, ena; emui herahia ba henia, Iehova, emui Dirava, ese ena herahia vada e hanamolaimui heḡereḡerena.
DEU 16:11 Iehova, emui Dirava, vairanai ba moale, oi bona natumu maruanena, bona natumu hahinena, bona emu hesiai tauna, bona emu hesiai hahinena, bona Levi tauna emu hanua ai noho, bona noho-hedoa tauna bona ihareha bona vabu bogaragimui ai e nohomu; Iehova, emui Dirava, ese baine abia hidi bona ladana baine nemailaia gabuna ai ba moale hebou.
DEU 16:12 Ba laloa tao, umui na hesiai iḡuidia ai o nohova Aigupto ai; bena ini taravatu iboudiai ba badinadia namonamo.
DEU 16:13 Kalaga ariana ba karaia, emui uma anidia na ikwadilaina gabuna amo bona emui vine ranuna na vine imoilaina gurina amo ba habou ḡuḡuru negana ai.
DEU 16:14 Emui aria ai ba moale hebou, oi bona natumu maruanena bona natumu hahinena, bona emu hesiai tauna bona emu hesiai hahinena, bona Levi tauna bona noho-hedoa tauna bona ihareha bona vabu emuhanua ai nonoho.
DEU 16:15 Dina hitu lalodiai aria ba karaia, Iehova emui Dirava ena, Iehova ese baine abia hidi gabuna ai. Badina be Iehova, emui Dirava, ese baine hanamomui, emui biru ai bona imamui ḡaukaradia iboudiai Ialodiai; bena ba moale hisi dae.
DEU 16:16 Laḡani ta lalonai emui maruane iboudiai na nega toi Iehova, emui Dirava, vairanai bae hedinarai, ia ese baine abia hidi gabuna ai: asie hatubua flaoana ariana negana ai, bona pura ariana negana ai, bona kalaga ariana negana ai. Imadia asi anidia basie hedinarai Iehova vairanai:
DEU 16:17 ta ta ena goada ena goada heḡereḡerena ena herahia baine heni, Iehova, emui Dirava, ese ena herahia vada e hanamolaimui heḡereḡerena.
DEU 16:18 Hahemaoro taudia bona heitatao taudia ba duanaidia, Iehova, emui Dirava, baine henimui hanuadia iboudiai lalodiai, emui iduhu ta ta amo bavabidia hidi. Idia ese taunimanima bae hahemaoro henidia mai maoromaorodia ida.
DEU 16:19 Hahemaoro basio hagagevaia, tau ta iduruna totona. Hahemaoro ihagagevana davana basio abia, badina be hahemaoro ihagagevana; davana na aonega tauna matana e hakepuludiamu bona kara maoromaoro tauna, ena hereva e hakoikoidiamu.
DEU 16:20 Kara maoromaoro ba ḡava, bena ba mauri, bona Iehova, emui Dirava, baine henimui tanona na emui tano korikori ai bainela.
DEU 16:21 Au helaḡana ta basio hadoa, Iehova, emui Dirava, ena ihaboulaina patana ba larebaia gabuna ai;
DEU 16:22 bona pupu nadina ta basio haginia, badina be Iehova, emui Dirava, ese e inai henidiamu.
DEU 17:1 Boromakau ta eiava mamoe ta mai bebeka-bebekana eiava mai enadika ta basio hahelaḡaia Iehova, emui Dirava, ena: badina be una na kara dika-rohorohona Iehova, emui Dirava, vairanai.
DEU 17:2 Tau ta eiava hahine ta boma davaria bogaragimui ai, Iehova, emui Dirava, ese baine henimui hanuadia ta lalonai, Iehova, emui Dirava, vairanai vada e kara havara ena taravatu vada e tataia utu,
DEU 17:3 dirava idaudia isiaidia vada e lao heni bona vada e toma henidia diho, eiava dina eiava hua eiava hisiu vada e toma henidia diho, unu amo egu taravatu vada e tataia utu,
DEU 17:4 bena haida ese bema hamaorolaimui: ba kamonai negana ai anina do ba tahua malaka-malaka. Bena boma diba momokani una kara dika-rohorohona vada e karaia Israel ai,
DEU 17:5 una kara dikana e karaia tauna eiava hahinena na hanua ikoukouna murimurinai ba hakaua lasi, bena nadi amo ba hodoa mase.
DEU 17:6 Dibadia taudia rarua eiava tatoi edia hahebade dainai una tau eiava una hahine ba hodoa mase; a tau tamona ena hahebade dainai basio hodoa mase.
DEU 17:7 Dibadia bena e habadea taudia ese bae hodoa guna; idia muridiai taunimanima iboudiai ese bae hodoa, ela bona baine mase. Unuhetomana, dika na bogaragimui amo ba negea daure.
DEU 17:8 Daradara bema vara, daika ese rara e haida; hahebubua, eiava daika ena hahebade na momokani, eiava daika ese heatu e matamaia, bona hanua taudia ese danu bema hepapahuahulaia; bena ba tore isi, Iehova, emui Dirava, ese baine abia hidi gabuna baola,
DEU 17:9 hahelaḡa taudia Levi iduhuna amo bona hahemaoro dagina enai e miamu tauna vairadiai ba gini, ba nanadaidia. Bena idia ese bae haeroa bona) na bae haere henimui.
DEU 17:10 Bena Iehova ese baine abia hidi gabuna amo bae haere henimui herevana ba bavabia dae, bona bae gwaurai henimui karadia iboudiai ba kara,
DEU 17:11 bae haduamui heḡereḡerena ai bona bae haere henimui eḡerena ai mo ba kara. Edia hahemaoro herevana amo basio raka siri, idiba kahana ai eiava lauri kahana ai.
DEU 17:12 A tau ta bema hekokoroku, hahelaḡa tauna, Iehova, emui Dirava, vairanai e ginimu bona isiaina e lao henimu tauna, basine kamonai henia, eiava hahemaoro tauna basine kamonai henia, una tau baine mase; unu amo kara dika na Israel ena amo ba negea daure.
DEU 17:13 Bena taunimanima iboudiai bae kamonai, bena bae gari, bona basie hekokoroku lou.
DEU 17:14 Iehova, emui Dirava, ese baine henimui tanona ai ba kau, bavabia, emui tano korikori ai ba halaoa, bona ba noholaia; una negana ai boma ura pavapava ta ba haginia, e noho hetabiramu besedia na heheto,
DEU 17:15 Iehova emui Dirava, ese baine abia hidi tauna na emui pavapava ai ba halaoa. Emui bese tauna ta bavabia, emui pavapava ai ba halaoa; idau bese tauna ta, basio abia.
DEU 17:16 Ḡau tamona, ia ese ena hosi basine hahohodia, bona ena orea taudia basine siaidia lou Aigupto ai, hosi ihahohodia totona. Badina be Iehova ese vada e hereva henimui, eto “Nega ta una dala amo basio lou lao”.
DEU 17:17 Adavana danu basine hahohodia, idia ese lalona bae ania na garina; bona silver momo bona gold momo basine habou.
DEU 17:18 Ena basileia teronona ai baine helai negana ai, ia ese ina taravatu buka ta ai baine torea, hahelaḡa taudia, Levi iduhuna amo, edia taravatu bukana amo baine torea hanai.
DEU 17:19 Buka na dekenai baine mia, bona ena mauri dinadia iboudiai baine duahia. Unu amo Iehova, ena Dirava, imatauraina ai baine manada, bona ina taravatu bona ini haheḡani baine badinadia bona karadia baine kara.
DEU 17:20 Lalona danu basine hekokoroku, ena bese taudia basine dadaraidia, bona haheḡani amo basine raka siri, idiba kahana ai eiava lauri kahana ai; bena ena mauri dinadia bae hoho bona natuna edia mauri dinadia bae hoho, ena basileia Israel ai.
DEU 18:1 Hahelaḡa taudia Levi iduhuna amo bona Levi taudia iboudiai na asi ahudia bona asi edia tano Israel ai. Ahudia na ḡole-oho bouboudiabona boubou idau-idau taunimanima ese e mailaidiamu, Iehova ena.
DEU 18:2 Asi ahudia edia bese taudia bogaragidiai: Iehova na idia ahudia, e gwau henidia hamata heḡereḡerena.
DEU 18:3 Hahelaḡa taudia ahudia na boubou ḡaudia, boromakau eiava mamoe e mailaidiamu taudia edia amo bae abi. Ḡaudia bini: larolarona, bona vahana ruaosi, bona boukana, hahelaḡa tauna bae henia.
DEU 18:4 Ini danu ba henia: emu uma anidia roboadia, bona emu vine ranuna bona emu dehoro roboadia, bona emu mamoe huina roboana.
DEU 18:5 Badina be Iehova, emui Dirava, ese vada e abia hidi, emui iduhu iboudiai lalodia amo, baine gini, hahelaḡa karadia baine kara Iehova ladana ai, ia bona ia garana ela bona hanaihanai.
DEU 18:6 Levi tauna ta, ena ura korikori dainai ena noho hanuana Israel ai bema rakatania, Iehova baine abia hidi gabuna bema lao henia,
DEU 18:7 ia ese hahelaḡa karadia baine kara Iehova ena Dirava ladana ai, varavarana Levi taudia Iehova vairanai hahelaḡa karadia unuseni ai e karamu heḡereḡerena.
DEU 18:8 Bona idia ida ana baine abia, iboudiai ahudia bae heḡereḡere, a ahuna ena hanua amo baine abia na ma idau.
DEU 18:9 Iehova, emui Dirava, baine henimui tanona ai ba raka vareai negana ai, unu bese edia kara bodagadia na basio kara.
DEU 18:10 Ta ese natuna maruanena eiava natuna hahinena na lahi ai basine haḡolea oho. Ta ese babalau eiava mari eiava rohe karadia basine kara, eiava mea ḡaudia basine abi,
DEU 18:11 eiava basine vada, eiava lauma basine nanadaidia, eiava kara hehunidia basine kara, eiava mase taudia basine hahanedia.
DEU 18:12 Badina be unu kara bodagadia e karamu taudia na Iehova ese e dadaraidiamu; bona unu kara bodagadia daidiai Iehova ese umui vairamui amo e luludia lasimu.
DEU 18:13 Umui na asi bebeka-bebekamui ba gini Iehova, emui Dirava, vairanai.
DEU 18:14 Badinabe hari gabudia bavabidia besedia ese rohe taudia bona mari taudia e kamonai henidiamu; a umui be Iehova, emui Dirava, ese vada e gwaumui tao, basio karaia e tomu.
DEU 18:15 Iehova, emui Dirava, ese peroveta tauna ta, lau heḡereḡeregu, emui bese bogaragina amo baine abia hidi; bena ia erena ba kamonai:
DEU 18:16 Horeb ai, hebou badana dinana ai, Iehova, emui Dirava, o noia heḡereḡerena, oto “Mani emu kara Iehova, emai Dirava, erena basia kamonai lou, bona ina lahi badana basia itaia lou, baia mase garina”.
DEU 18:17 Bena Iehova ese e hereva henigu, eto, Edia hereva iboudiai na mamaoro-mamaoro:
DEU 18:18 lau na ediabese bogaragina amo peroveta tauna ta baina abia hidi, oi heḡereḡeremu; lauegu hereva na ia uduna amo baina gwaurai, bena lau ese baina haḡanilaia herevadia na ia ese baine gwaurai henidia.
DEU 18:19 Bena daika ese lauegu hereva, ia ese lau ladagu ai baine gwaurai, na basine abi dae, lau ese davana baina henia.
DEU 18:20 A peroveta tauna ta ese lau asina haḡanilaia herevana ta lau ladagu ai baine gwauraia, eiava dirava idaudia ladadia ai baine hereva, una peroveta tauna na baine mase.
DEU 18:21 Readia oi lalomu ai baoto “Iehova ese se gwauraia herevana na ede baia diba toma?”
DEU 18:22 Benaini; peroveta tauna ta ese hereva ta Iehova ladana ai baine gwauraia, bena una hereva na basine momokani bona anina basine vara, una na Iehova ese se gwauraia herevana. Peroveta tauna na sibona ena hekokoroku ai vada e hereva; ia garina basio gari.
DEU 19:1 Iehova, emui Dirava, ese baine henimui tanona inoholaina besedia do baine negedia daure, bena umui ese ba luludia lasi, edia hanua bavabidia bona edia ruma ba noholaidia.
DEU 19:2 Una negana ai Iehova, emui Dirava, ese baine henimui emui tano ai ba halaoa tanona lalonai hanua toi ba gwauraidia hidi.
DEU 19:3 Daladia danu ba lailai; bena Iehova; emui Dirava, ese baine henimui emui tano ai ba halaoa tanona na ba hapararaia kaha toi. Bena ala-ala tauna ese unu hanua ta baine heau henia.
DEU 19:4 Ala-ala tauna taravatuna binai: dekena tauna se inai henia to e hapadidia tauna baine roho mauri, unu hanua ta baine heau henia negana ai.
DEU 19:5 Tau ta bamona ida uda bema lao, au bema utu; bena ira bema davea, au ta iutuna totona, a ira anina na ira auna amo bema hedave oho, bamona enai bema tubu, bema hamasea, ia na unu hanua toiosi ta baine heau henia, baine roho mauri;
DEU 19:6 mase tauna varavarana ese hapadidi tauna baine hahavaia mai baduna ida, bena dala na daudau dainai baine ḡavaia tao bona baine alaia mase na garina; a ia be mase karana se karaia, badina be bamona se inai henia.
DEU 19:7 Taunabunai na haḡanimuimu, hanua toi ba gwauraidia hidi.
DEU 19:8 A ina haheḡani idoinai hari dina ai na haḡanilaimui na ba badinaia namonamo, bona Iehova, emui Dirava, ba lalokau henia bona ena dala ba rakalaia hanaihanai; bena Iehova, emui Dirava, ese emui tano baine habadaia, senemui e gwau henidia hamata heḡereḡerena, bona senemui e gwaurai henidia hamata tanona idoinai baine henimui: una negana ai umui ese hanua toi ma ba gwauraidia hidi, unu gunadia toiosi ida bae mia;
DEU 19:10 asi ena kerere tauna rarana na Iehova, emui Dirava, baine henimui emui tano ai ba halaoa tanona ai baine hebubu, bena una rara na umui latamui ai baine mia na garina.
DEU 19:11 A tau ta ese ia dekena tauna bema inai henia, bena bema bani henia, bema heatu henia, bona bema haberoa dikadika; bena tau na baine mase, bona ala-ala tauna be una hanua ta baine heau henia,
DEU 19:12 ena hanua korikori lohiadia ese unu amo bae ha-abia, mase tauna varavarana bae henia, benaia danu baine mase.
DEU 19:13 Basio bogaia hisi, a Israel na asi ena kerere tauna rarana amo ba haḡoevaia; unu amo vada ba namo.
DEU 19:14 Iehova, emui Dirava, ese baine henimui tanona ai, dekemu tauna ena tano hetoa holoahuna, uru gunadia taudia ese e holoa ḡauna, na basio raḡaia oho.
DEU 19:15 Dibana tauna tamona ena hereva basine heḡereḡere, kerere tauna ta ena kara dika eiava ena kerere ihamomokanina: a dibadia taudia rarua eiava tatoi edia hereva ese hahebade bae hamomokania.
DEU 19:16 Koikoi tauna ta ese tau ta bema habadelaia, baineto ia na vada e kerere,
DEU 19:17 raruosi na Iehova vairanai bae gini, bona hahelaḡa tauna bona hahemaoro dagina unu negana ai vada e abia taudia vairadiai.
DEU 19:18 Bena hahemaoro taudia bae tahua namonamo: bema hahebade tauna na mai koikoina, tadikakana vada e habadelaia koikoi,
DEU 19:19 bavabia, ia ese tadikakana baine kara henia eto heḡereḡerena na ia ba kara henia.
DEU 19:20 Bena taunimanima oredia na bae kamonai bona bae gari, kara dika unuhetomana basie karaia lou umui bogaragimui ai.
DEU 19:21 Basio hebogahisi: mauri davana na mauri; mata davana na mata; ise davana na ise; ima davana na ima; ae davana na ae.
DEU 20:1 Inaimu ba tuari henidia negadia ai, hosi bona kariota momo bona tuari taudia hutuma ba itadia, to garidia basio gari; badina be Iehova, Aigupto tanona amo e hakaumui lasi Diravana, ese e bamomuimu.
DEU 20:2 Tuari gabuna ba raka henia kahi negana ai, hahelaḡa tauna na baine raka lasi, orea taudia baine hereva henidia,
DEU 20:3 baineto: Israel e, a kamonai; hari dina ai inaimui ba tuari henidia; kudoumui basie hetaha, laumamui basie daure, basio daradara, basio gari henidia.
DEU 20:4 Badina be Iehova, emui Dirava, ese e, bamomuimu; ia ese inaimui baine tuari henidia umui daimui ai, bona imadia amo baine hamaurimui.
DEU 20:5 Bena heitatao taudia ese orea taudia bae hereva henidia, baeto: Bema tau ta ena ruma matamatana vada e haginia, a do se kehoa, ia na ena ruma baine lou henia, tuari ai bema mase bena idau tauna ta ese bema kehoa na garina.
DEU 20:6 Eiava bema tau ta vine imeana vada e hadoa, a anina do se abia, ia na ena ruma baine lou henia, tuari ai bema mase bena idau tauna ese ena vine anidia roboadia bema abi na garina.
DEU 20:7 Eiava bema tau ta ese, maohenina vada e abia a do se adavaia, ia na ena ruma baine lou henia, tuari ai bema mase bena idau tauna ese hane-ulato bema adavaia na garina.
DEU 20:8 Heitatao taudia ese orea taudia ma bae hereva henidia, baeto: Bema tau ta gari ese e butua taomu, ia na ena ruma baine lou henia, bamona lalodia baine hamanokadia na garina.
DEU 20:9 Orea taudia na unu bae hamaorodia toma, bena heitatao taudia ese tuari biagudia bae duanaidia.
DEU 20:10 Hanua ta ba raka henia kahi, ba tuari henia totona, maino ba gwaurai henidia guna.
DEU 20:11 Maino herevadia amo bema haere henimui, bona edia hanua ikoukoudia bema keho emui, idia iboudiai na emui hesiai taudia ai baela, isiaimui bae lao heni.
DEU 20:12 A maino basiema ura, bema ura tuari, vada ba koua heḡeḡe,
DEU 20:13 ela bona Iehova, emui Dirava, ese una hanua baine henimui. Bena edia mamaruane ibouboudiai bavaladia mase;
DEU 20:14 a hahine mai natudia ida bavabidia mauri, bona boromakau bona hanua rumadia mai kohudia ida na bavabi emui. Bena inaimui adia, Iehova, emui Dirava, ese vada e henimui, vada bavania.
DEU 20:15 Dauha hanuadia, bavabia tanona murimurinai, na unu ba karadia toma.
DEU 20:16 A ini Iehova, emui Dirava, ese edia hanua vada e henimui emui hanua ai baela besedia na mauri ḡauna ta basio bogaia hisi: ibouboudiai bavaladia mase.
DEU 20:17 Bavaladia ore: Hiti taudia, bona Amoro taudia, bona Kanaan; taudia bona Perisi taudia, bona Hivi taudia bona Iebusu taudia, Iehova, emui Dirava, ese vada e haḡanimui heḡereḡerena.
DEU 20:18 Unuheto amo idia ese edia dirava itomadiho-henidia karadia bodagadia iboudiai na basiehadibamui, bona Iehova, emui Dirava, basio kara dika henia.
DEU 20:19 Hanua ta boma tuari henia, bena boma koua heḡeḡe ela bona nega bema, daudau, una gabu auna na emui ira amo basio hagaridia, badina be huahuadia na amui aniani. Imea audia na taunimanima a? Una dainai ba tuari henidia a?
DEU 20:20 A huahuadia asie animu audia mo ba hagaridia, bena hanua maḡuna ihamakohina audia ai ba halaodia, ela bona; una e tuari henimuimu hanuana bavabia.
DEU 21:1 Iehova, emui Dirava, ese baine henimui tanona ai, mase tauna ta; tano paka ai boma davaria, basioma diba daika ese e aIaia,
DEU 21:2 emui tau badadia bona emui hahemaoro taudia ese bae raka Iasi, mase tauna bona hetabira hanuadia padadia bae hahetoho,
DEU 21:3 edena be kahikahi; bena una kahikahi hanuana ena tau badadia ese boromakau natuna hahinena ta edia seri amo bae abia, do asie ḡaukaralaia bona aiona madunana do asie atoa kau ḡauna.
DEU 21:4 Hari hanua tau-badadia ese bae laohaia, koura ta maisinavaina, tano asie ruaia bona ḡau ta asie hadoa gabuna, unuseni ai aiona bae hakwaidua.
DEU 21:5 Bena hahelaḡa taudia, Levi iduhuna amo, bae raka kahira; badina be Iehova, emui Dirava, ese vada e abidia hidi, ia isiaina bae lao heni bona Iehova ladana bae heatolaia totona, bona hepapahuahu eiava heatu iboudiai idia ese bae hahemaorolai.
DEU 21:6 Bena una mase tauna enai e kahikahi hanuana ena tau badadia ese una boromakau natuna hahinena koura ai aiona e hakwaidua ḡauna daenai imadia bae huri;
DEU 21:7 baeto: Imamai ese ina rara asie hahebubua, bona matamai ese ihahebubuna asie itaia.
DEU 21:8 Iehova e, emu bese Israel, o hamauria besena, ba bogaia hisi; ina asi ena kerere tauna rarana na emu bese Israel bogaraginai basine mia. Bena una rara kererena na ediai baine hegwau tao.
DEU 21:9 Taunabunai, asi ena kerere tauna rarana na bogaragimui amo baine heabi oho, umui na Iehova vairanai ba kara maoromaoro negana ai.
DEU 21:10 Inaimui ba tuari henidia negana ai, Iehova, emui Dirava, ese imamui ai baine atodia kau, bena bavabidia mauri.
DEU 21:11 Una negana ai, hane namo ta abi-mauri taudia bogaragidiai boma itaia, bena boma ura henia, benaboma abia adavamu,
DEU 21:12 vada ba laohaia emu ruma. Ia na kwarana baine naua bona kahauna baine utu,
DEU 21:13 bona ena abi-mauri toana dabuadia baine doki oho, bena emu ruma ai baine noho, tamana sinana taidia baine tai ela bona hua ta baine ore. Una murinai ba raka vareai ia dekenai, bona bavadavaia; ia na oi adavamu ai bainela.
DEU 21:14 A gabeamo basioma ura henia, vada ba kahua nege; basio hoia moni davana, bona emu hesiai hahinena ai basio halaoa, badina be vada o hahemaraia.
DEU 21:15 Tau ta adavana bema rarua, ta bema ura henia, ma ta bema inai henia; bena natuna na hahine raruosi, e ura heniamu hahinena bona e inai heniamu hahinena, edia amo bema abidia, a roboana na e inai heniamu hahinena ena amo,
DEU 21:16 ena kohu baine haria natuna ahudia baine henidia dinana ai, ia na e ura heniamu hahinena natuna na dihina ai basine halaoa, roboana korikori, e inai heniamu hahinena natuna, gabuna basine abia.
DEU 21:17 A natuna roboana, e inai heniamu hahinena ena amo e havaraia, na baine hahedinaraia ahu rua ihenina ai, badina be ia na ena goada roboana; una dainai roboa ahuna be ena.
DEU 21:18 Tau ta natuna bema daḡedaḡe bona bema gwau edeede, tamana bona sinana eredia basinema kamonai, ena be bae dadabaia to basine kamonai henidia,
DEU 21:19 tamana bona sinana ese bae dabaia tao, hanua tau-badadia vairadiai bae hakaua lao, hanua ikoukouna badinai;
DEU 21:20 bena hanua taubadadia bae hamaorodia, baeto “Natumai binai e daḡedaḡemu bona e gwau edeedemu, bona eremai se kamonaimu; ia na aniani dika tauna bona vine ranuna e inu momomu tauna”.
DEU 21:21 Bena hanua taudia iboudiai ese bae hodoa mase. Unu amo kara havara na bogaragimui amo ba negea daure: Israel taudia iboudiai ese harina bae kamonai, bena bae gari.
DEU 21:22 Tau ta ese kara dikana ta baine karaia, bena una kara davana be mase, bena au ai ba taua dae ela bona baine mase,
DEU 21:23 ia na au ai basine hetau dae rani; ba taua dae dinana ani ba guria. Badina be au ai e taua dae tauna na Dirava ese e uduguiraiamu. Iehova, emui Dirava, ese baine henimui tanona na basio hamiroa.
DEU 22:1 Varavaramu ena boromakau eiava ena mamoe bema boio, bena oi ese boma itaia, basio rakatania; ba hakaua lao, varavaramu ba henia.
DEU 22:2 A biaguna ena ruma basinema kahikahi, eiava boma daradara biaguna be daika, ba laohaia oiemu ruma, unuseni ai ba naria ela bona biaguna ese baine tahua, bena ba henia lou.
DEU 22:3 Eiava ena doniki eiava ena dabua eiava ena ḡau ta bema boio, bena oi ese boma davaria, vada ba henia lou; basio rakatania.
DEU 22:4 Varavaramu ena boromakau eiava ena doniki na dala ai bema keto, bena boma itaia, ketona ai basio rakatania; ihagini-torenaai varavaramu ba durua.
DEU 22:5 Tau ta ese hahine ena dabua basine dokilaia; hahine ta danu tau ena dabua basine dokilaia. Unu e kara tomamu tauna eiava hahinena na Iehova ese e dadariamu.
DEU 22:6 Manu rumana ta boma davaria, au ai eiava tano ai, lalonai be manu hahinena mai natuna ida eiava mai gatoina ida, manu hahinena na natuna ida basio abidia;
DEU 22:7 a sinadia ba harohoa mauri, natuna mo bavabidia. Unu ba kara toma, vada ba namo; emu mauri dinadia danu bae hoho.
DEU 22:8 Ruma matamatana ba haginia negana ai, guhi isena ai helaoahu ḡauna ba karaia, emu ruma guhina amo tau ta baine moru dobi bena rarana na emu ruma latanai baine mia na garina.
DEU 22:9 Uhe idau-idau emu vine imeana ai basio hado, anina idoinai, uhe bonahuahua, baine helaḡa na garina.
DEU 22:10 Emu tano iruana ḡauna na boromakau bona doniki basie veri hebou.
DEU 22:11 Mamoe huidia bona uda varodia e hatu hebou dabu; ma na basio hahedokilaia.dinadia.
DEU 22:12 Emu dabua rimudia ba kara, emu hetaru dabuana isena haniosi ai.
DEU 22:13 Tau au ta ese hane-ulato ta bema adavaia, bena ia ida baine eno boumurinai bema dadaraia,
DEU 22:14 bena hemarai herevana bema tahotaholaia, ladana bema hadikaia bema toma “Ina hahine na abia, a ia ida a eno bou negana ai na diba ia na dia rami-hebou ulatona”.
DEU 22:15 una hahine tamana bonasinana ese ena rami-hebou toadia bae abi, hanua tau-badadia vairadiai baehahedinarai, hanua ikoukouna ai.
DEU 22:16 Bena hahine tamana ese hanua taubadadia baine hereva henidia, baineto “Natugu na ina tau na henia, baine adavaia, to se ura heniamu dainai
DEU 22:17 ia ese vada e hahemaraia, eto ia na dia rami-hebou ulatona; a natugu ena rami-hebou toadia bini”. Bena idia ese hari dabua na bae papaia, hanua tau-badadia vairadiai.
DEU 22:18 Bena hanuatau-badadia ese una tau bae abia; bena bae dadabaia,
DEU 22:19 bona ena kereredavana, silver sekeledia sinahu-ta, na iena amo bae abia, hahine tamanabae henia. Badina be una tau ese Israel hane-ulato rami-hebouna ta ladanavada e hadikaia. Bona baine abia, ia adavana; basine hadihoa, ena mauri dinadia iboudiai.
DEU 22:20 A una tau ena hahebade bema momokani, una hahine ena rami-heboutoadia bema lasi,
DEU 22:21 idia ese una hahine na tamana ena ruma iduarana amo bae hakaua lasi murimuri ai; bena hanua taudia ese bae hodoa mase, badina be ia na Israel ai vada e kara havara, tamana ena ruma ai vada e noho, ariara hahinena na heto. Unu amo kara havara na bogaragimui amo ba negea daure.
DEU 22:22 Tau ta ese ma tau ta adavana ida bae heuda hanai, bena enoboudia ai bae davaridia, raruosi na bae mase: tau baine mase, hahine danu baine mase. Unu amo kara havara na Israel bogaragina amo ba negea daure.
DEU 22:23 Hane-ulato rami-hebou ta bema mai maohenina, bena tau ta ese hanualalonai bema davaria bona bema eno henia,
DEU 22:24 raruosi na bavabidia, hanua ikoukouna amo ba hakaudia lasi, bena ba hododia mase. Hane-ulato bahodoa mase badina, ena be hanua lalonai, to ia na se lolo; bona tau ba hodoa mase, badina be ia ese dekena tauna maohenina vada e hahemaraia. Unu amo kara havara na bogaragimui amo ba negea daure.
DEU 22:25 A tau ta ese hane-ulato mai maohenina na tano paka ai bema davaria, bena bema rosia bona bema eno henia, una tau mo sibona baine mase;
DEU 22:26 a hane-ulato enai kara ta basio karaia, badina be ia na se kerere, taunabunaiasi badina ia baine mase. Una na tau ta baine tore isi, dekena tauna baine aIaia mase, na heto.
DEU 22:27 Badina be tano paka ai e davaria, bena hane-ulatona e lolo, a asi iduruna tauna ta unuseni ai.
DEU 22:28 Tau ta ese hane-ulato rami-hebou ta asi maohenina bema davaria, bena bema rosia bona bema eno henia, bena taunimanima ese bae davaria,
DEU 22:29 hari tau ese hane-ulato tamana na silver sekeledia imahui baine henia, bona hane-ulato baine adavaia danu; badina be ia ese vada e hahemaraia. Ia na basine hadihoa, ena mauri dinadia iboudiai.
DEU 22:30 Tau ta ese tamana adavana basine abia, basine eno henia.
DEU 23:1 Abona nadinadina e heala eiava usina e heutu tauna na Iehova ena hebou lalonai basine raka vareai.
DEU 23:2 Ariara natuna na Iehova ena hebou lalonai basine raka vareai; ia garana danu Iehova ena hebou lalonai basie raka vareai, ela bona uru ihagwautana.
DEU 23:3 Amono tauna ta eiava Moab tauna ta Iehova ena hebou ai basine raka vareai, ela bona uru ihagwautana, eIa bona hanaihanai;
DEU 23:4 badina be Aigupto amo oma negana ai idia na raka hanaimui ai aniani bona ranu asie henimui. Badina danu idia ese Balaam Beoro na Petoro, Mesopotamia tanona hanuana, amo e boiria, bona davana e henia, baine uduguiraimui totona.
DEU 23:5 A Iehova, emui Dirava, ese Balaam na se hakala henia; iuduguiraimui herevana na ihanamolaimui herevana ai e halaoa, badina be Iehova, emui Dirava, ese e ura henimui.
DEU 23:6 Ihamainodia bona ihanamodia na basio tahu, emui mauri dinadia iboudiai.
DEU 23:7 Edom tauna ta basio inai henia, badina be ia na tadikakamu. Aigupto tauna ta danu basio inai henia, badina be ena tano ai o noho hedoava.
DEU 23:8 Uru ihatoina ai bena idia garadia ese Iehova ena hebou lalonai bae raka vareai.
DEU 23:9 Tuari baola bena ba taruha negadia ai, nahuamui ba toho, ḡau dikadia garidia.
DEU 23:10 Tau ta hanuaboi ai baine miro, ia na taruha baine rakatania, murimuri ai baine noho;
DEU 23:11 adorahi ai baine digu, bena dina baine diho murinai ia na taruha lalonai ma baine raka vareai.
DEU 23:12 Taruha murimurinai ba hamurimuri.
DEU 23:13 Isiva ta emu tuari ḡaudia ida bavabi kau, bena o uramu ba helai diho negana ai guri ba ḡeia, bena ba kukuri murinai tano amo ba tahunia.
DEU 23:14 Badina be Iehova, emui Dirava, na emui taruha bogaraginai e loamu, baine hamaurimui bona inaimui na vairamui ai baine hadareredia totona. Taunabunai, emui taruha baine helaḡa, ia ese ḡau mirona ta bogaragimui ai baine itaia bena emui amo baine raka oho na garina.
DEU 23:15 Hesiai tauna ta ese biaguna bema heautania, oi dekemu ai bema heau kau, biaguna basio henia lou.
DEU 23:16 Ia na dekemu ai baine noho, emu ruma taudia bogaragidiai; baine abia hidi bona baine ura henia gabuna ai emu maḡu lalonai, unuseni ai baine noho; basio daḡedaḡe henia.
DEU 23:17 Israel hahinena ta ariara hahinena ai basinela, dirava ta ihanamolaina; bona Israel tauna ta tau ta ida basine eno bou, dirava ta ihanamolaina.
DEU 23:18 Ariara hahinena davana eiava sisia davana na Iehova, emu Dirava, ena ruma ai basio vareailaia, emu gwauhamata davana ai basio halaoa; badina be unu kara ruaosi na Iehova, emu Dirava, ese e dadaraimu.
DEU 23:19 Emu ḡau ta na varavaramu basio henia torehai, mai atokauna ida bavabi lou totona; ena abi-torehai bema moni eiava aniani eiava ma ḡau ta, to atokauna na basio tahua.
DEU 23:20 Idau bese tauna ena amo atokauna bavabia; a varavaramu ena amo basio abia. Unu amo Iehova, emu Dirava, ena hahenamo na imamu ḡaukaradia latadiai baine mia, bavabia emui tano ai ba halaoa tanona ai.
DEU 23:21 Iehova, emu Dirava, ba gwau henia hamata negana ai, emu gwauhamata ihamomokanina ai basio halahe. Badina be Iehova, emu Dirava, ese emu gwauhamata anina na emu ai baine tahua; bema lasi, ia ese baine gwauraimu kara dika tauna.
DEU 23:22 A basioma gwau hamata, oi na asi emu kara dika.
DEU 23:23 Udumu bibinadia amo bae lasi herevadia ba badinadia bona karadia ba kara; lalomu ena ura dainai udumu vada e hereva, Iehova, emu Dirava, vairanai, taunabunai karana ba karaia.
DEU 23:24 Dekemu tauna ena vine imeana ai ba raka vareai negana ai, vine anidia bavani, emu hitolo heḡereḡerena, a haida basio uda emu moda ai.
DEU 23:25 Dekemu tauna ena uit umana ai ba raka vareai negana ai, uit anidia na imamu ai ba buruki, a emu ilapa amo basio utu.
DEU 24:1 Tau ta baine headava, gabeai adavana basine ura henia, hahine ena kara mirona ta dainai, ia ese hekoho revarevana baine torea, baine henia; bena baine hadihoa.
DEU 24:2 Hahine na baine diho; bena baine ura negana ai ia na bainela, tau ta ma baine adavaia.
DEU 24:3 A adavana ihararuana basinema ura henia, bena hekoho revarevana baine henia bona baine hadihoa, eiava hari adavana ihararuana bema mase,
DEU 24:4 ia adavana gunana, e hadihoa guna tauna, basine abia lou diba; vada e miro ienai. Una na kara mirona Iehova enai; Iehova, emu Dirava, ese baine henimu emu tano ai ba halaoa tanona na basio hamiroa.
DEU 24:5 Headava matamata tauna na tuari basinela, bona ḡaukara ta basio henia. Ena ruma ai baine noho, adavana baine hamoalea, ela bona laḡani ta baine ore.
DEU 24:6 Asi tauna ta ese uit iririlaina nadidia, henu nadina eiava atai nadina, baine abia, abitorehai toana; badina be unu bema kara toma, una tau ena mauri badina bema abia oho.
DEU 24:7 Tau ta ese bamona, Israel tauna ta, baine dabaia tao, ena hesiai tauna ai baine halaoa eiava baine hoia, ia na henao tauna; bae alaia mase. Unu amo kara dika unuhetomana na bogaragimui amo ba negea daure.
DEU 24:8 Nahuamu ba tohoa, lepra garina. Hahelaḡa taudia Levi oreana amo ese bae hadibalaimui karadia iboudiai ba kara; lau ese idia vada na haḡanidia heḡereḡerena, umui danu unu ba kara toma.
DEU 24:9 Aigupto amo o raka lasi negana ai Iehova, emu Dirava, na dala ai Miriama ede e karaia toma vada ba laloa tao.
DEU 24:10 Dekemu tauna na ḡau ta ba henia torehai negana ai, ena ruma ai basio dae kau, ena abitorehai toana iabina.
DEU 24:11 Murimuri ai ba gini, ela bona abitorehai tauna baine raka lasi, ena abitorehai toana baine henimu.
DEU 24:12 Bema ogoḡami tauna, ena abitorehai toana basio dogoa tao rani;
DEU 24:13 dina baine diho ai ba henia lou; bena ena hetaru ai baine mahuta, bona baine hanamomu. Una na kara maoromaoro oiemu ai, Iehova, emu Dirava, vairanai.
DEU 24:14 Emu hesiai tauna mai davana, Israel tauna eiava noho-hedoa tauna, bema ogoḡami, emu kara na basine auka ienai.
DEU 24:15 Dina ta ta amo davana ba henia; dina do basine diho vada ba henia. Badina be ia na e ogoḡamimu, bona davana iabina e uramu. Ia ese Iehova baine tai henia, oi baine habadelaimu, bena oi na ba kerere na garina.
DEU 24:16 Tama na basie aladia mase natudia daidiai, bona memero na basie aladia mase tamadia daidiai; a ta ta ena kara dika ena kara dika daidiai bae aladia mase.
DEU 24:17 Hahemaoro basio hagagevaia, idau tauna enai eiava ihareha enai. Vabu ena dabua na basio abia, abitorehai davana.
DEU 24:18 Ba laloa tao, oi na hesiai iḡuidia ai o nohova Aigupto ai, bena Iehova, emu Dirava, ese e hamaurimu. Badina bunai lau ese ini na haḡanimu toma.
DEU 24:19 Emu uma anina ba utua negana ai, iḡui ta boma reaia, basio lou henia, basio abia. Idau tauna eiava ihareha eiava vabu ese baine abia. Unu boma kara toma, Iehova, emu Dirava, ese baine hanamomu, oi imamu ḡaukaradia iboudiai lalodiai.
DEU 24:20 Emu olive audia huahuadia ba hamorudia negana ai, au rigidia na basio kwadidia nega harua. Orena na idau tauna bona ihareha bona vabu ese bae abi.
DEU 24:21 Emu vine imeana ai danu vine ba pada negana ai, tano ai bae moru ḡaudia na basio gogodia; idau tauna bona ihareha bona vabu ese bae gogo.
DEU 24:22 Ba laloa tao, oi na hesiai iḡuidia ai o nohova Aigupto ai; badina bunai lau ese ini na haḡanimu toma.
DEU 25:1 Taunimanima bae heai, bena hahemaoro gabuna baela, hahemaoro taudia ese bae hahemaoro henidia; asi ena kerere tauna na bae kahua nege, bona kerere tauna na ena dika davana bae henia.
DEU 25:2 Kerere tauna davana bema hedadaba, hahemaoro tauna baine hahedua, bena ia vairanai; kerere tauna bae hagorua diho bona bae kwadia, nega hidaosi, ena kerere metauna heḡereḡerena.
DEU 25:3 Bae kwadia diba ela bona nega hari-ahui, a hari-ahui basie hanai, bae kwadia momo ela bona bae hadikaiana garina.
DEU 25:4 Boromakau ese uit e moimoilaiamu negana ai na uduna basio ḡuia.
DEU 25:5 Tadikaka bae noho hebou, bena ta baine mase asi natuna, vabu na idau tauna ta basine adavaia. Ihana na ia dekenai baine raka vareai, baine adavaia; vabu ihana ena kara korikori baine karaia.
DEU 25:6 Bena natudia roboana na mase tauna dihina ai bainela, unu amo ia ladana basine boio Israel ai.
DEU 25:7 A ihana na iabina basinema ura, hari vabu na hanua tau-badadia dekediabainela, hanua ikoukouna ai; baineto “Ihagu na se uramu tadikakana dihina baine havaraia Israel ai; vabu ihana ena kara ikarana ai e gwau edeedemu”,
DEU 25:8 Bena hanua tau-badadia ese una tau bae boiria, bae hereva henia. Benaena hereva bema ha-aukaia, bema toma “Lau na iabina asina uramu”,
DEU 25:9 vabuna baine raka kahira, hanua tau-badadia vairadiai una tau ena tamaka na aena amo baine veria oho, bona vairana baine kanudia, baineto “Tadikakana garana basine havaradia tauna na ene baine heto”.
DEU 25:10 Bena una tau ena ruma na Israel ai ladana bae hatoa “Tamaka veri-oho tauna ena ruma”.
DEU 25:11 Tatau rarua bae heatu, bena idia ta adavana baine raka kahira, adavana na e heatu heniamu tauna imana amo baine hamauria totona, bena imana baine toia roro, una tau na usina eiava abona amo baine abia,
DEU 25:12 una hahine na imana ba utui oho; basio bogaia hisi.
DEU 25:13 Emu moda ai metau hahetoho ḡaudia rua, momokanina bona koikoina, ruaosi basio uda hebou.
DEU 25:14 Emu ruma ai danu efa rua, momokanina bona koikoina, basie mia.
DEU 25:15 Emu metau hahetoho ḡauna baine maoromaoro, bona emu efa baine maoromaoro; bena emu mauri dinadia bae hoho, Iehova, emu Dirava, baine henimu tanona ai.
DEU 25:16 Badina be kara koikoidia unuhetomadia e karamu taudia na Iehova, emu Dirava, ese e dadaraidiamu.
DEU 25:17 Ba laloa tao, Amalek ese ede e karamui toma, Aigupto amo o raka Iasi negana ai.
DEU 25:18 Dala ai e davarimui, taumui e boerava bona e manoriva negana ai, bena e manokava dainai murimui ai e raka heveriveriva taudia na e aladia mase; ia na Dirava garina se gariva.
DEU 25:19 Taunabunai, Iehova, emui Dirava, ese inaimui iboudiai bogaragidiai laḡa-ani baine henimui, Iehova, emui Dirava, baine henimui emui tano ai ba halaoa tanona ai. Una negana ai Amalek ilalolaina ba rohoa oho, guba henunai. Basio laloa boio.
DEU 26:1 Iehova, emu Dirava, ese baine henimu emu tano ai ba halaoa tanona bavabia bona ba noholaia negana ai,
DEU 26:2 tano anina roboana, Iehova, emu Dirava, ese baine henimu tanona ai baine vara ḡauna, kahana bavabia, bosea ai ba udaia, Iehova, emu Dirava, ese baine abia hidi bona ladana baine hahenemailaia gabuna baola.
DEU 26:3 Bena hahelaḡa karadia una dina ai e karamu tauna dekena baola.l, baoto “Hari dina ai na gwauraia hedinaraimu, lau na Iehova ese seneda e gwaurai henidia hamata tanona ani vada na kau”.
DEU 26:4 Bena hahelaḡa tauna ese bosea oi imamu amo baine abia, Iehova, emu Dirava, ena ihaboulaina patana vairanai baine atoa diho.
DEU 26:5 Bena Iehova, emu Dirava, vairanai ba hereva, ini ba gwau toma: Senegu na tau Aram, laolao tauna; ia na Aigupto ela, taunimanima kwabu-kwabudiaida, unuseni ai ia ese bese badana bona goadana e havaraia; garana na hutuma.
DEU 26:6 Aigupto taudia ese e daḡedaḡe henimai, e hahisimai, maduna metaudia na paḡamai ai e atodia.
DEU 26:7 Bena Iehova, senemai edia Dirava, a tai henia; bena Iehova ese gadomai e kamonai, bona emai hisihisi bona emai hekwarahi bona emai maduna e haḡeredia.
DEU 26:8 Bena Iehova ese imana e toia roro, mai siahuna ida, Aigupto amo e hakaumai lasi, mai hahegari karadia bona toa idau-idau bona hoa karadia ida;
DEU 26:9 e hakaumai ema bona ina gabu ai, bona ina tano vada e henimai, rata bona bada-ranuna e arumu tanona.
DEU 26:10 Taunabunai lau vada nama, oi Iehova vada o henigu tanona anina roboana vada na mailaia. Unu ba hereva toma; bena Iehova, emu Dirava, vairanai bosea na bavatoa diho. Bena Iehova, emu Dirava, vairanai ba toma diho.
DEU 26:11 Bena Iehova, emu Dirava, ese oi bona emu ruma taudia vada e hanamolaimui ḡaudia na ba moalelai: Levi tauna bona dekemu ai e noho hedoamu tauna ida ba moale hebou.
DEU 26:12 Laḡani ihatoina ai, emu uma anidia ba karoadia negana ai, karoa ihagwautana amo Levi tauna bona idau tauna bona ihareha bona vabu ba harihari henidia, emu hanua lalonai bae aniani, bogadia bae kunu.
DEU 26:13 Bena Iehova, emu Dirava, vairanai ba hereva, baoto: Ḡau helaḡadia iboudiai egu ruma amo vada na abidia lasi, Levi tauna bona idau tauna bona ihareha bona vabu vada na harihari henidia, emu haheḡani heḡereḡerena. Emu haheḡani ta asina tataia utu, bona ta asina laloa boio.
DEU 26:14 Hari karoa ihagwautana taina asina ania, mase na tailaia negana ai; bona taina asina abia, na taubu negana ai; bona mase latanai e helaḡalaimu karadia e kara tauna na taina asina henia. Iehova, egu Dirava, erena vada na kamonai, bona o haḡanigu karadia iboudiai na kara.
DEU 26:15 Guba ai emu noho gabuna helaḡana amo ba roha dobi, emu bese Israel ba hanamoa, ina vada o henimai tanona, senemai o gwaurai henidia hamata tanona, rata bona bada-ranuna e arumu tanona, danu ba hanamoa.
DEU 26:16 Hari dina ai Iehova ese e haḡanimuimu, ini taravatu bona hahemaoro herevadia iboudiai ba badinadia; taunabunai ba badinadia bona karadia ba kara mai lalomui idoidiai bona mai laumamui idoidiai.
DEU 26:17 Hari dina ai vada o gwau hamatamu, o tomu, Iehova na emui Dirava; iena dala ai ba raka, ena taravatu bona ena haheḡani bona ena hahemaoro herevadia ba badinadia, bona ia erena ba kamonai.
DEU 26:18 Hari dina ai danu Iehova vada e gwau hamatamu, e tomu, umui na ena bese korikori, ena gwau-hamata heḡereḡerena. Mae tomu, ena haheḡani iboudiai ba badinadia;
DEU 26:19 bena ia ese baine abimui isi, e karadia besedia iboudiai daediai, imodaimui ai bona harimui ai bona imatauraimui ai; Iehova, emui Dirava, ena bese helaḡana ai baola, iena hereva heḡereḡerena.
DEU 27:1 Bena Mose bona Israel tau-badadia ese Israel taudia e haḡanidia, eto: Hari dina ai na henimuimu haheḡanidia ba badinadia.
DEU 27:2 Ioridane sinavaina ba hanaia, Iehova, emui Dirava, ese baine henimui tanona ai ba raka vareai, dinana ai, huro nadidia badadia ba hagini, bona taba-taba ḡaunaamo bae tabaia ahu.
DEU 27:3 Ina taravatu herevadia iboudiai na latadiai ba tore, ba hanai negana ai. Unu amo Iehova, emui Dirava, ese baine henimui tanona bavabia, rata bona bada-ranuna e arumu tanona, Iehova, senemuiedia Dirava, ese vada e gwau henimui hamata heḡereḡerena.
DEU 27:4 Ioridane sinavaina ba hanaia, bena hari na haḡanilaimuimu nadidia ba haginidia, Ebal ororona ai; bena taba-taba ḡauna amo ba tabaia ahu.
DEU 27:5 Bona Iehova, emui Dirava, ena ihaboulaina patana nadi amo ba larebaia unuseni ai; auri amo asie utudia nadidia.
DEU 27:6 Asie utu nadidia amo Iehova, emui Dirava, ena ihaboulaina patana ba larebaia; bena una pata latanai ḡole-oho bouboudiaba hahelaḡadia, Iehova, emui Dirava, ena.
DEU 27:7 Herohemaino bouboudia danu ba hahelaḡadia. Unuseni ai danu bavaniani bona ba moale hebou, Iehova, emui Dirava, vairanai.
DEU 27:8 Huro nadidia ai ina taravatu herevadia iboudiai ba tore hedinarai.
DEU 27:9 Bena Mose bona hahelaḡa taudia Levi iduhuna amo ese Israel taudia iboudiai e hereva henidia, eto: Israel taumui e, eremui. A hakala. Hari dina ai umui na Iehova, emui Dirava, ena bese ai vada ola.
DEU 27:10 Taunabunai, Iehova, emui Dirava, gadona ba kamonai; ena haheḡani bona ena taravatu hari ina dina ai na henimuimu vada ba badinadia.
DEU 27:11 Una dina ai danu Mose ese Israel taudia e hamaorodia, eto:
DEU 27:12 Ioridane sinavaina ba hanaia, bena ini na Gerisim ororona ai bae gini, taunimanima bae hanamodia: Simeon bona Levi bona Iuda bona Isakara bona Iosef bona Beniamina.
DEU 27:13 Ma iduhu ikwaradia bini Ebal ororona ai bae gini, heuduguirai herevadia bae gwaurai: Ruben bona Gad bona Asere bona Sebulun bona Dan bona Napatali.
DEU 27:14 Bena Levi taudia na bae hereva badabada, Israel taudia iboudiai bae hamaorodia, baeto:
DEU 27:15 Laulau ta au amo eiava nadi amo eiava auri amo e koroamu tauna na.bae uduguiraia. Unuhetomana, taunimanima imadia amo e karaiamu bona gabu hehunina ai e haginiamu, be Iehova ese e dadaraiamu. (Bena taunimanima iboudiai bae haere, baeto “Amen”.)
DEU 27:16 Tamana bona sinana se matauraidiamu tauna na bae uduguiraia. (Bena taunimanima iboudiai baeto “Amen”.)
DEU 27:17 Dekena tauna ena tano hetoana e raḡaiamu tauna na bae uduguiraia. (Bena taunimanima iboudiai baeto “Amen”.)
DEU 27:18 Matakepulu tauna e koiamu, dala amo e hakaua sirimu, tauna bae uduguiraia. (Bena taunimanima iboudiai baeto “Amen”.)
DEU 27:19 Idau tauna enai eiava ihareha enai eiava vabu enai hahemaoro e hagagevaiamu tauna na bae uduguiraia. (Bena taunimanima iboudiai baeto “Amen”.)
DEU 27:20 Tamana adavana ida e eno boumu tauna na bae uduguiraia, badina be ia ese tamana vada e haida hahemaraia. (Bena taunimanima; iboudiai baeto “Amen”.)
DEU 27:21 Mauri ḡauna idauna ta ida e eno boumu tauna a na bae uduguirai. (Bena taunimanima iboudiai baeto “Amen”.)
DEU 27:22 Taihuna, tamana natuna eiava sinana natuna, ida e eno boumu tauna na bae uduguiraia. (Bena taunimanima iboudiai baeto “Amen”.)
DEU 27:23 Rava bada hahinena ida e eno boumu tauna na bae uduguiraia. (Bena taunimanima iboudiai baeto “Amen”.)
DEU 27:24 Dekena tauna e alaia mase hehunimu tauna na bae uduguriaia. (Bena taunimanima iboudiai baeto “Amen”.)
DEU 27:25 Dava e abiamu, asi ena kerere tauna baine alaia mase totona, tauna na bae uduguiraia. (Bena taunimanima iboudiai baeto “Amen”.)
DEU 27:26 Ini taravatu herevadia se abi daemu bona se badinamu tauna na bae uduguiraia. (Bena taunimanima iboudiai baeto “Amen”.)
DEU 28:1 Benaini, Iehova, emui Dirava, erena boma kamonai, bona ena haheḡani iboudiai hari dina ai na haḡanilaimui na boma badinadia namonamo bona karadia boma kara, Iehova, emui Dirava, ese baine abimui isi, tanobada besedia iboudiai daediai.
DEU 28:2 Oibe, Iehova, emui Dirava, erena boma kamonai, ini hahenamo iboudiai na latamui ai bae diho bona dekemui ai bae kau.
DEU 28:3 Hanua lalonai vada ba namo, bona taruha ai ba namo.
DEU 28:4 Taumui anidia bae namo, bona emui tano anidia bae namo. Emui mauri ḡaudia anidia bae namo, bona emui seri bae hutuma; emui mamoe natudia bae mauri.
DEU 28:5 Emui bosea bae namo, bona emui dihu bae namo.
DEU 28:6 Emui raka vareai baine namo, bona emui raka lasi baine namo.
DEU 28:7 Inaimui bae tuari henimui negadia ai Iehova ese baine hadareredia; dala tamona ai bae mai henimui, a dala hitu amo vairamui ai bae heau.
DEU 28:8 Iehova ese emui roge baine hanamodia, bona imamui ḡaukaradia iboudiai baine hanamodia. Iehova, emui Dirava, baine henimui tanona ai ia ese baine hanamomui.
DEU 28:9 Iehova, emui Dirava, ena haheḡani boma badinadia, bona ena dala ai boma raka, Iehova ese baine hahelaḡamui, iena bese ai baine halaomui, vada e gwau henimui hamata heḡereḡerena.
DEU 28:10 Bena tanobada taudia iboudiai ese bae itaia, Iehova ese ia ladana e hanemailaimui; bena idia na garimui bae gari.
DEU 28:11 Iehova ese baine hataḡamui, ḡau namodia iboudiai: taumui anidia, bona emui seri anidia, bona emui tano anidia; Iehova ese senemui e gwau henidia hamata baine henimui eto tanona ai.
DEU 28:12 Iehova ese ena guba kohuna namona baine keho henimui, medu na emui tano ai baine hadihoa, ena nega korikori ai, bona imamui ḡaukaradia iboudiai baine hanamodia. Bese momo ba henidia torehai, a ediai basio abi torehai.
DEU 28:13 Iehova ese kwara ai baine halaomui, iu ai basiola. Atai ai mo baola; henu amo basiola. Iehova, emui Dirava, ena haheḡani hari dina ai na henimuimu na boma badinadia namonamo bona karadia boma kara,
DEU 28:14 hari dina ai na henimuimu haheḡanidia amo basio raka siri, idiba kahana amo eiava lauri kahana amo bona dirava idaudia basio lao henidia bona isiaidia basio lao heni, bona ia ese unu baine karamui toma.
DEU 28:15 A Iehova, emui Dirava, erena basioma kamonai, bona ena haheḡani bona ena taravatu iboudiai hari dina ai na haḡanilaimuimu na basioma badinadia namonamo bona karadia basioma kara, ini uduguirai anidia iboudiai na latamui ai bae diho, bona dekemui ai bae kau.
DEU 28:16 Hanua lalonai vada ba dika, bona taruha ai ba dika.
DEU 28:17 Emui bosea bae dika, bona emui dihu bae dika.
DEU 28:18 Taumui anidia bae dika, bona emui tano anidia bae dika; emui seri basie hutuma, bona emui mamoe natudia basie mauri.
DEU 28:19 Emui raka vareai bona emui raka Iasi do bae dika.
DEU 28:20 Iehova ese heuduguirai bona daradara bona lalo-hesiku latamui aibaine siaia, emui ḡaukara iboudiai lalodiai, ela bona ba dika vaitani bona ba mase haraḡa; badina be emui kara havara ai vada o rakatanigu.
DEU 28:21 Iehova ese gorere metaudia amo baine hahisimui, ela bona o lao heniamu emui tano ai ba halaoa tanona ai ba mase ore.
DEU 28:22 Iehova ese tau-varoda, bonakeru, bona ḡoudae-ḡoudae, bona siahu, bona doe, bona gesegese, bonavalavala, amo baine hahisimui; bae hahisimui ela bona ba mase.
DEU 28:23 Guba na kwaramui daediai auri labora-labora heḡereḡerena ai bainela; tanobadana aemui henudiai auri heḡereḡerena ai bainela.
DEU 28:24 Ḡahu na emui tano ai baine diho medu na heto; guba amo baine diho latamui ai, ela bona ba mase ore.
DEU 28:25 Iehova ese baine hadareremui, inaimui vairadiai. Dala tamona ai ba raka lasi, ba tuari henidia; dala hitu amo vairadiai ba heau. Tanobada basileiadia iboudiai ese bae dadaraimui.
DEU 28:26 Masemui ai atai manudia iboudiai bona tanobada boromadia ese hidiomui bae ani; tau ta basine luludia oho.
DEU 28:27 Iehova ese Aigupto iohururudia bona toto dikadia amo baine hahisihisimui. Udumui bae totototo, bona kopimui bae kuhikuhi; basio namo diba.
DEU 28:28 Iehova ese baine hakavamui, bona matamui baine hakepuludia, bona lalomui baine hadaradaradia.
DEU 28:29 Dina tubua ai ba hedarahu, matakepulu tauna ese dibura ai e hedarahumu na heto. Emui ḡaukara ta anina basine vara. Taunimanima ese bae daḡedaḡe henimui, bona emui amo bae dadidadi, dina iboudiai tau ta ese basine hamaurimui.
DEU 28:30 Hahine ta bavadavaia, to idau tauna ese baine eno henia. Ruma auta ba haginia, to basio noholaia. Vine imeana ba hadoa, to anina basio abia.
DEU 28:31 Emu boromakau na vairamu ai bae alaia, to oi na hidiona taina basio ania. Emu doniki na vairamu ai bae dadia, basie henimu lou. Emu mamoe na inaimu bae henidia, tau ta basine durumu.
DEU 28:32 Natumu mamaruanedia bona natumu hahinedia na idau bese taudia bae henidia; matamu amo ba raraidia, bona iruru-matamu bae diho, to irudia na imamu basie goada.
DEU 28:33 Do asi dibamu besena ese emu tano anina bona imamu amo ba kara ḡaudia, iboudiai bae dadihai; bae daḡedaḡe henimu bona bae hahisimu dina iboudiai lalodiai,
DEU 28:34 ela bona matamu bae ita ḡaudia ese do bae hakavamu.
DEU 28:35 Iehova ese iohururu amo baine hahisimu, tuimu ai bona aemu ai, bona aemu palapaladia amo ela bona kwaramu tubuana; muramura ta ese baine.basine hamaurimu, diba.
DEU 28:36 Umui, bona ikwaramui; ai ba halaoa pavapavana, na Iehova ese baine kahumui nege, umui asi dibamui bona senemui asi dibadia besena bogaraginai ba noho; unuseni ai dirava idaudia, au amo bona nadi amo e karadiamu diravadia, isiaidia ba lao heni.
DEU 28:37 Umui na hahegari ḡauna ai bona hereva lada-isina ai bona udu gwaurai-gwaurai herevana ai baola, Iehova ese bogaragidiai bae kahumui nege besena taudia ediai.
DEU 28:38 Uhe momo ba hado, a anidia ba gogo bae maraḡi: badina be kwadi ese bae ha-ore.
DEU 28:39 Vine audia bahado bona ba reḡu, a vine basio gogo bona vine ranuna basio inua; gaigai-gaigai ese bae ani ore.
DEU 28:40 Olive audia na bae vara emui tano idoinai, a olive dehorona basio hedahulai; badina be emui olive huahuadia bae ruru nege.
DEU 28:41 Natumui mamaruanedia bona natumui hahinedia bae vara, to dekemui ai basie noho; mai iḡuidia bae hakaudia lao.
DEU 28:42 Emui au iboudiai bona emui uma anidia na kwadi ese bae ani.
DEU 28:43 Bogaragimui ai e noho hedoamu tauna na atai ai bainela; umui be henu amo baola.
DEU 28:44 Ia ese baine henimui torehai; emui ai basine abi torehai. Ia na kwara ai bainela; umui na iu ai baola.
DEU 28:45 Ini hahedika iboudiai na latamui ai bae diho; bae ḡavamui bona emui ai do bae kau, ela bona ba mase ore. Badina be Iehova, emui Dirava, erena asio kamonai, bona ena haheḡani bona ena taravatu asio badinadia.
DEU 28:46 Idia na toa ai bona hoa ḡaudia ai baela, umui emui ai bona garamui ediai, ela bona hanaihanai.
DEU 28:47 Iehova emui Dirava isiaina ilao-henina asio moalelaia bona ḡau momoemui ai mimia daidiai asio moale henia;
DEU 28:48 una dainai inaimui na Iehova ese baine siaidia, bae tuari henimui totona. Isiaidia do ba lao heni, mai hitolomui bona mai ranu-masemui ida; dabua ai ba dabu, ḡau iboudiai badabu; auri gadeadia na aiomui ai bae ato; ela bona bae alamui ore.
DEU 28:49 Iehova ese bese ta dauha amo baine mailaia, tanobada dokona amo. Ugava e rohomu heḡereḡerena baema, umui bae tuari henimui. Una bese na edia gado asi dibamui;
DEU 28:50 vaira-hua taudia, iahu basie matauraidia bona memero basie bogadia hisi.
DEU 28:51 Idia ese emui boromakau natudia bona emui tano anidia bae ani ore, ela bona umui na ba mase ore; emui uit bona emui vine ranuna bona emui dehoro sisina taina basie rakatania; emui boromakau natudia bona emui mamoe natudia danu ta basie rakatania, ela bona umui na ba mase ore.
DEU 28:52 Emui hanua na edia tuari oreadia ese bae koudia ahu, ela bona emui maḡu badadia, o abidadama henidiamu ḡaudia, na bae heḡiḡi dobi, emui tano idiodia. Edia tuari oreadia ese emui hanua bae koudia hegege, Iehova, emui Dirava, ese vada e henimui tanona idoinai.
DEU 28:53 Taumui anidia amo e vara hidiodia, natumui mamaruanedia bona natumui hahinedia Iehova, emui Dirava, ese vada e henimui hidiodia, bavani, inaimui bae koumui ahu bona bae hadabumui dainai.
DEU 28:54 Bogaragimui ai readia tau ta tau-anina manada-manada bona aniani inonoḡadia mo e animu; to ena karabaine auka bona baine daḡedaḡe, tadikakana enai bona adavana enai bona natuna hahidaosi dounu mauridia ediai.
DEU 28:55 Bena natuna vada e mase hidiodia e animu na taidia basine henidia, badina be ena hitolo baine bada herea, emui hanua iboudiai lalodiai inaimui ese baine koumui ahu bona baine hadabumui dainai.
DEU 28:56 Eiava bogaragimui ai readia hahine ta tau-anina manada-manada bona aniani inonoḡadia mo e animu, aena danu taina se hamareremu, badina be ia na aboni-noho hahinena; to ena kara baine auka, adavana enai bona natuna maruanena enai bona natuna hahinena enai.
DEU 28:57 Bena momo aena padadia amo e lasimu bona natuna bogana amo e varamu na baine anidia hehuni, badina be ena hitolo baine bada herea, emui hanua lalodiai inaimui ese baine koumui ahu bona baine hadabumui dainai.
DEU 28:58 Ina buka ai e tore taravatudia iboudiai basioma badinadia bona karadia basioma kara, bona Iehova, emui Dirava, ladana ḡoeva-daena bona herea-daena basioma matauraia,
DEU 28:59 Iehova, emui Dirava, ese baine hahisimui bona garamui baine hahisidia, hisihisi metaudia, bae hesiriu daudau hisihisidia, bona gorere metaudia, bae hesiriu daudau goreredia, amo baine hahisimui.
DEU 28:60 Ia ese Aigupto goreredia iboudiai, o garilaidiamu ḡaudia, latamui ai baine hadihodia, bae gugubamui.
DEU 28:61 Bona ina taravatu bukana ai asie tore goreredia bona hisihisidia iboudiai Iehova ese baine hadihodia latamui ai, ela bona ba mase ore.
DEU 28:62 Vada o hutuma, guba hisiudia na heheto, a do ba gadoi; badina be Iehova, emui Dirava, gadona asio kamonai.
DEU 28:63 Iehova na ihanamomui bona ihahutumamui vada e moalelai; to ia na ihadikamui bona ihamasemui do baine moalelai; ba raka vareai emui tano ai ba halaoa tanona amo baine butumui tao.
DEU 28:64 Iehova ese baine hakarohomui rohoroho, bese idau-idauiboudiai bogaragidiai, tanobada dokona amo ela bona tanobada dokona. Unuseni ai dirava idaudia, umui asi dibamui bona senemui asi dibadia diravadia, au bona nadi amo e karadia diravadia, isiaidia ba lao heni.
DEU 28:65 Unu bese bogaragidiai basio noho namonamo, bona aemui basie laḡa ani. Iehova ese kudoumui baine hahetahadia, bona matamui baine hakepuludia, bona laumamui baine hadauredia.
DEU 28:66 Emui mauri dainai ba daradara: dina ai bona hanuaboi ai kudoumui bae hetaha, ba mauri eiava lasi.
DEU 28:67 Daba ai baoto “Hanua bema boi”. Hanuaboi ai baoto “Daba bema rere”. Lalomui bae garilai ḡaudia bona matamui bae ita ḡaudia daidiai unu ba hereva toma.
DEU 28:68 Iehova ese lagatoi ai baine laohaimui, Aigupto ba lou henia; na hamaorolaimui nato “Basio itaia lou” dalana amo ma ba lou. Unuseni ai sibomui ba hehoi toho, inaimui edia hesiai taudia bona edia hesiai hahinedia ai baola totona; a tau ta ese basine hoimui.
DEU 29:1 Taravatu herevadia bini, Iehova ese Mose e haḡanilaia Moab tanona ai, Israel taudia ma baine haḡanilaidia totona; ini hereva na Horeb ai e henidia taravatudia latadiai e ato kau.
DEU 29:2 Mose ese Israel taudia iboudiai e boiridia, e hamaorodia, eto: Iehova ese Aigupto tanona ai umui vairamui ai e kara karadia na o itadia, Farao mai ena hesiai taudia iboudiai ida bona ena tano i (idoinai ede e karadia toma.
DEU 29:3 Hedibaḡani badadia bona toa bona hoa karadia na matamui ese e itadia;
DEU 29:4 a Iehova ese lalo-parara bona mata-itaita bona taia-kamonai nado se henimui ema bona hari dina.
DEU 29:5 Laḡani hari-ahui lalodiai vada nahakaumui tano ḡaḡaena ai; emui dabua na asie dika taumui ai, bona emui tamaka na asie dika aemui ai.
DEU 29:6 Flaoa asio ania; vine ranuna eiava kekero muramurana ta asio inua. Taunabunai, vada o diba, lau na Iehova, emui Dirava.
DEU 29:7 Ina gabu oma negana ai, Sihon, Hesebon pavapavana, bona Og, Basan pavapavana, e raka lasi, e tuari henida. Bena ita ese ta hadareredia,
DEU 29:8 edia tano ta abia, Ruben iduhuna taudia bona Gad iduhuna taudia bona Manase iduhu kahana taudia ta henidia, edia tano ai bae halaoa totona.
DEU 29:9 Taunabunai, ini taravatu herevadia ba badinadia bona karadia ba kara, emui ḡaukara iboudiai anidia bae vara helaoreana.
DEU 29:10 Hari dina ai umui na iboumui ai Iehova, emui Dirava, vairanai gigini: iduhu ikwaradia taumui, iduhu tau-badadia, heitatao taumui, bona Israel taumui iboumui ai;
DEU 29:11 bona natumui, bona adavamui, bona idau bese taudia emui taruha ai e noho hedoamu, bona emui au-siri bona emui ranu-ututaudia.
DEU 29:12 Hari dina ai Iehova emui Dirava, ida ba herohemaino, bona ia ida ba hegwau-hamata heheni totona vada oma.
DEU 29:13 Iena bese taudiaai baine halaomui hari ina dina ai, bona emui Dirava ai bainela, e gwau henimui hamata bona senemui Abraham bona Isaak bona Iakob e gwau henidia hamata heḡereḡerena.
DEU 29:14 Dia umui sibomui ida ina herohemaino bona ina hegwau-hamata heheni asina karamu,
DEU 29:15 a ita ida Iehova, eda Dirava, vairanai e heboumu taudia iboudiai ida, bona ma hebou asiema taudia ida danu.
DEU 29:16 Umui dibamui, ani, Aigupto tanona ai ede ta noho tomava, bona dala ai bese idau-idau bogaragidia amo ede ta raka hanai tomava.
DEU 29:17 Ediakara havara danu vada o itaia; edia kaivakuku danu, au bona nadi bona silver bona gold amo e karadia, vada o itadia.
DEU 29:18 Nahuamui ba toho, bogaragimui ai tau ta eiava hahine ta eiava doḡoro ta eiava iduhu ta ese hari dina ai Iehova, eda Dirava, bae dadaraia bona unu bese edia dirava isiaidia bae lao heni na garina; eiava bogaragimui ai mase huahuana ta ramuna eiava huahua iditana ta ranuna baine mia na garina.
DEU 29:19 Readia unuhetomana ta ese ini gwau-hamata herevadia ikamonaina ai sibona baine hahemarumaru, baineto “Ena be na rakamu mai lalogu aukana ida, to vada baina namo”; bena unu amo pariparina bona kaukauna bae dika bou.
DEU 29:20 A Iehova ese basine bogaia hisi. Iehova ena badu bona ena vaḡege bae siahu ḡaraḡara una tau latanai; bena heuduguirai ina buka ai e hetore na ia latanai bae kau, bona Iehova ese ia ladana baine rohoa, guba henunai baine boio.
DEU 29:21 Iehova ese Israel iduhudia iboudiai bogaragidia amo baine abia siri, bona baine hadikaia, heuduguirai herevadia iboudiai vada e gwaurai hamata bona ina taravatu bukana lalonai vada e tore heḡereḡeredia.
DEU 29:22 Uru gabedia ai, umui garamui bona dauha amo ena laolao ai bainema tauna ese una tano ena dika bona ena gorere Iehova ese baine hahisilaia na bae itaia;
DEU 29:23 bae itaia danu tano idoinai na teio bona damena ese vada e hadikaia, tano ḡaḡaena; ai vada e halaoa; ḡau ta asie hadoamu, ḡau ta se tubumu, rei danu se varamu, e dika vaitanimu Sodoma bona Gomora bona Adma bona Seboimi na heheto, Iehova ese ena badu ḡaraḡarana ai e habuadia tari hanuadia.
DEU 29:24 Oibe, idia bona bese iboudiai baeto “Badina be dahaka Iehova ese ina tano na ini e karaia toma? Ina badu ḡaraḡarana anina be dahaka?”
DEU 29:25 Bena taunimanima baeto “Badina be idia ese Iehova, senedia edia Dirava, ena taravatu, Aigupto tanona amo e hakaudia lasi negana ai e henidia taravatuna, e laloa nege,
DEU 29:26 dirava idaudia isiaidia e lao heni bona e toma henidia diho, asi dibadia bona ia ese se henidia diravadia.
DEU 29:27 Una dainai Iehova ena badu vada e siahu ina tano enai bona heuduguirai idoinai ina buka ai e hetore na anina e havaraia;
DEU 29:28 edia tano amo e raḡadia oho, ena badu siahuna ai, bona e luludia lasi idau tano ai bae noho, hari ina dina ai e nohomu heḡereḡerena.”
DEU 29:29 Ḡau hehunidia na Iehova, eda Dirava, ena; to hedinarai ḡaudia na ita eda bona ita garada edia ela bona hanaihanai, ini taravatu herevadia iboudiai baita badinadia helaoreana.
DEU 30:1 Ini hahenamo bona heuduguirai herevadia vada na gwaurai henimui na anidia iboudiai do bae vara vaitani negana ai umui do ba helalo. Iehova, emui Dirava, ese bese idau-idau bogaragidiai baine hakarohomui rohoroho gabudia ai.
DEU 30:2 Bena Iehova, emui Dirava, ba lou henia, ia erena ba kamonai, ena haheḡani iboudiai hari ina dina ai vada na gwaurai henimui na ba badinadia, umui bona natumui danu, mai lalomui idoidiai bona mai laumamui idoidiai.
DEU 30:3 Bena Iehova, emui Dirava, ese baine hamaurimui, baine bogamui hisi; bena Iehova, emui Dirava, ese bese idau-idau bogaragidiaie hakarohomui rohoroho gabudia amo ma baine haheboumui lou.
DEU 30:4 Ena be taunimanima haida be guba dokona henuna ai e nohomu, to ia ese unu amo baine haheboumui bona unu amo baine hakaumui mai.
DEU 30:5 Iehova, emui Dirava, ese senemui edia tano ai ma baine hakaumui vareai; bavabia, emui tano. Ia ese baine hanamomui bona baine hahutumamui, ela bona senemui edia hutuma ba hereaia.
DEU 30:6 Iehova, emui Dirava, ese umui lalomui bona garamui lalodia baine hahelaḡadia; bena ba lalokau henia mai lalomui idoidiai bona mai laumamui idoidiai; bena vada ba mauri.
DEU 30:7 Bena Iehova, emui Dirava, ese ini heuduguirai iboudiai na inaimui latadiai bona e badu henimui, e daḡedaḡe henimui, taudia latadiai baine gwaurai.
DEU 30:8 A umui na Iehova erena ma ba kamonai, bona ena haheḡani iboudiai, hari ina dina ai na haḡanilaimui, ḡaudia, na ba badinadia.
DEU 30:9 Bena Iehova, emui Dirava, ese baine hanamomui; imamui ḡaukaradia anidia baine habada, bona garamui baine hahutumadia, bona emui seri baine hahohodia, bona emui taboro baine habada.
DEU 30:10 Iehova, emui Dirava, erena boma kamonai, ena haheḡani bona ena taravatu, ina taravatu bukana ai vada e hetore ḡaudia, na boma badinadia, bona Iehova, emui Dirava, boma lou henia mai lalomui idoidiai bona mai laumamui idoidiai ida, ia ese unu baine karamui toma.
DEU 30:11 Badina be hari ina dina ai na haḡanilaimui haheḡanina na dia auka herea bona dia daudau herea.
DEU 30:12 Ḡauna na dia guba ai; ta basioto “Daika ita daidai baine dae guba ai, baine mailaia edai, bena baita kamonaia bona karana baita karaia?”
DEU 30:13 Ḡauna na dia davara unukahana ai; ta basioto “Daika ita daidai bainela davara unukahana ai, baine mailaia edai, bena baita kamonaia bona karana baita karaia?”
DEU 30:14 A ḡauna na badibadimu ai, bona udumu ai, bona lalomu ai, karana ba karaia totona.
DEU 30:15 0 itaia, hari ina dina ai mauri bona namo, bona mase bona dika, vairamui ai vada na atodia.
DEU 30:16 Hari ina dina ai vada na haḡanimuimu, Iehova, emui Dirava, ba lalokau henia, ena dala ai ba raka, bona ena haheḡani bona ena taravatu bona ena hahemaoro herevadia ba badinadia; unu amo ba mauri, bona ba hutuma, bona Iehova, emui Dirava, ese baine hanamomui, ba raka vareai bona emui tano ai ba halaoa tanona lalonai.
DEU 30:17 A lalomui bema auka bona taiamui bema kudima, bena haida muridia amo baola, dirava idaudia ba toma henidia diho bona isiaidia ba lao heni,
DEU 30:18 lau ese hari dina ai na hamaoromui gunamu, vada ba mase; Ioridane sinavaina ba hanaia, unukahai tano ta bavabia emui tano ai ba halaoa tanona lalonai emui mauri dinadia basie hoho.
DEU 30:19 Guba bona tanobada na boi henidiamu, lau na habadelaimuimu herevadia na hari dina ai idia ese bae hamomokani: lau na mauri bona mase, bona hahenamo bona heuduguirai, na vairamui ai vada na atodia. Taunabunai, mauri bavabia hidi; bena umui ba mauri, bona garamui bae mauri;
DEU 30:20 bena Iehova, emui Dirava, ba lalokau henia, bona erena ba kamonai, bona ba badinaia tarika-tarika. Badina be ia na emui mauri, bona ia bagunai emui mauri dinadia bae hoho, Iehova ese senemui, Abraham bona Isaak bona Iakob, e gwaurai henidia hamata baine henidia eto tanona ai do ba noho.
DEU 31:1 Mose ese ini hereva iboudiai na Israel taudia e hamaorolaidia.
DEU 31:2 Bena ia ese ma e hereva henidia, eto, Hari dina ai lauegu mauri laḡanidia na sinahu-ta ruahui. Asi goadagu baina raka Iasi bona baina raka vareai; bona Iehova ese vada e hamaorogu, eto “Oi na ina Ioridane sinavaina basio hanaia”.
DEU 31:3 Iehova, emui Dirava, na umui vairamui ai baine hanai; ia ese unu bese na umui vairamui ai baine habuadia tari, bena edia tano bavabia, emui tano ai ba halaoa. Iosua ese baine gunalaimui, Iehova ena hereva heḡereḡerena.
DEU 31:4 Iehova ese baine habuadia tari, Sihon bona Og, Amoro taudia edia pavapava, e habuadia tari bona edia tano e habuaia tari heḡereḡerena.
DEU 31:5 Iehova ese umui imamui ai baine atodia, bena vada na haḡanilaimui haheḡanidia heḡereḡeredia ba kara henidia.
DEU 31:6 Ba goada, lalomui ba ha-aukadia, idia garidia basio gari; badina be Iehova, emui Dirava, ese baine bamomui. Ia ese basine lalomui rea, bona basine rakatanimui.
DEU 31:7 Bena Mose ese Iosua e boiria, Israel taudia iboudiai vairadiai e hereva henia, eto, Ba goada, lalomu ba ha-aukaia; ina orea ida ba raka vareai, Iehova ese seneda e gwaurai henidia hamata baine henidia eto tanona ai. Tano na ba henidia, edia tano ai bainela.
DEU 31:8 Iehova na oi vairamu ai bainela; ia ese baine bamomu. Ia ese basine lalomu rea, bona basine rakatanimu. Basio gari; kudoumu basine hetaha.
DEU 31:9 Mose ese ina taravatu idoinai e torea, hahelaḡa taudia, Levi natuna, Iehova ena taravatu mauana e huaiava taudia, bona Israel tau-badadia iboudiai, e henidia.
DEU 31:10 Mose ese e haḡanidia, eto, Laḡani ihahitudia dokodia ai, heruha-nege laḡanina ena nega helaḡana ai, kalaga ariana dainai
DEU 31:11 Israel taudia ese Iehova, emui Dirava, ena abi-hidi gabuna ai ia vairanai bae hebounegana ai, ina taravatu ba duahia hedinarai Israel taudia vairadiai, ibouboudiai vada bae kamonai.
DEU 31:12 Taunimanima iboudiai ba haboudia: tatau bona hahine, memero bona kekeni, bona idau taudia emui hanua ai e noho hedoamu danu. Bena bae kamonai, lalodia bae parara, Iehova, emui Dirava, garina bae gari, bona ina taravatu ena hereva iboudiai bae badinadia, bona karadia bae kara.
DEU 31:13 Natudia danu do asi dibadia, vada bae kamonai bona bae diba; bena Iehova, emui Dirava, garina bae gari, Ioridane sinavaina ba hanaia murinai emui tano ai ba halaoa tanona lalonai ba noho dinadia iboudiai.
DEU 31:14 Iehova ese :Mose e hamaoroa, eto, A kamonai: dina na vada eme kahikahi oi vada ba mase. Iosua a boiria, raruosi na hebou kalagana lalonai ba raka vareai, unuseni ai lau ese baina haḡania. Bena Mose bona Iosua na ela, hebou kalagana lalonai e raka vareai.
DEU 31:15 Bena Iehova na kalaga ai e hahedinarai henidia, ori dubuna ai. Hari ori dubuna na kalaga iduarana badinai e hedinarai.
DEU 31:16 Bena Iehova ese Mose e hamaoroa, eto, A kamonai: oi na tubu tama dekediai ba mahuta. Bena ina bese taudia bae tore isi, dirava idaudia, bae lao henia tanona taudia edia dirava, bae toma henidia diho, lau bae rakatanigu, bona egu taravatu vada na henidia be bae tataia utu.
DEU 31:17 Una dina ai egu badu baine siahu ediai; baina rakatanidia, vairagu na edia amo baina hunia; bena bae hebua tari, dika momo bona hekwarahi momo ediai bae kau. Bena una dina ai idia baeto “Ina dika na latadai vada e kau badina be eda Dirava na bogaragidai se nohomu ani?”
DEU 31:18 Momokani, una dina ai lau ese vairagu baina hunia, edia kara dika bona dirava idaudia vada e lao henidia daidiai.
DEU 31:19 Taunabunai, ina ane ba torea bona Israel taudia ba hadibalaidia. Ududia ai bavatoa: ina ane ese Israel taudia baine habadelaidia lau vairagu ai.
DEU 31:20 Badina be senemui na gwaurai henidia hamata tanona ai baina hakaudia vareai, rata bona bada-ranuna e arumu tanona; unuseni ai bae aniani, bogadiabae hakunu, taudia bae bada. Una negana ai idia ese dirava idaudia bae tahudia, bona isiaidia bae lao heni, a lau bae dadaraigu, bona egu taravatu bae tataia utu.
DEU 31:21 Bena dika momo bona hekwarahi momo ediai bae kau negana ai, ina ane ese baine habadelaidia; badina be idia garadia ududia amo basine boio. Badina be lau dibagu lalohadai dahaka dahaka ina harihari lalodia ai e varamu, na gwaurai henidia hamata tanona ai do asina hakaudia vareai negana ai.
DEU 31:22 Taunabunai, Mose ese ina ane e torea una dina ai, bona ia ese Israel taudia e hadibalaidia.
DEU 31:23 Iehova ese Iosua Nunu e haḡania, eto, Ba goada, lalomu ba ha-aukaia: Israel taudia do ba hakaudia vareai, lau ese vada na gwaurai henidia hamata tanona lalonai. Lau danu baina bamomu.
DEU 31:24 Mose ese ina taravatu ena hereva iboudiai na buka ai e tore ḡuḡuru.
DEU 31:25 Bena Mose ese Levi taudia, Iehova ena taravatu mauana e huaiava taudia, e haḡanidia, eto,
DEU 31:26 Ina taravatu bukana bavabia, Iehova, emui Dirava, ena taravatu mauana badibadinai bavatoa; ia ese umui baine habadelaimui.
DEU 31:27 Badina be emui gwau-edeede bona emui daḡedaḡe be dibagu; hari dinaai, lau na doini dekemui ai na mauri nohomu ai, umui ese Iehova vada Ia gwau edeede henia; matona, baina mase murinai ede ba kara toma?
DEU 31:28 Emui iduhu tau-badadia iboudiai bona emui heitatao taudia ba haboudia, lau eseini hereva baina gwaurai henidia, bena guba bona tanobada na umui ihabadelaimui ai baina halaodia.
DEU 31:29 Badina be lau dibagu, lauegu mase murinai umui na do ba kara havara, bona vada na haḡanilaimui daladia na ba rakatani; bena dina gabedia ai dika na emui ai baine kau, badina be Iehova vairanai do ba kara havara, bona ena badu ba havaraia, imamui ḡaukaradia daidiai.
DEU 31:30 Bena Mose na Israel taudia iboudiai edia hebou ai ina ane herevadia e gwaurai hedinarai, ela bona e ore.
DEU 32:1 Guba e, a hakala, lau baina hereva; Tanobada e, lau udugu herevadia ba kamonaidia.
DEU 32:2 Egu hahediba na medu na heto baine diho, Egu hereva na hunu na heto baine hedinarai, Medumedu rei matamata latanai na heto, Medu hetuturu aniani avadia latadiai na heto.
DEU 32:3 Badina be Iehova ladana baina heatolaia; Eda Dirava ba imodaia.
DEU 32:4 Ia na Nadi-ginina; ena ḡaukara na ḡoeva-dae; Ena dala iboudiai na hahemaoro daladia. Ia na heabidadama Diravana, asi ena kara dika; Ia na momokani bona maoromaoro.
DEU 32:5 Idia na ia vairanai vada e kara havara, Idia na dia ia natuna, badina be idia na mai bebeka-bebekadia, Idia na daḡedaḡe uruna, uru gageva-gagevana.
DEU 32:6 Kavakava bona laloduhu taumui! Iehova na ene o kara henia tomamu a? Ia na dia oi tamamu a? Mauri se henimu a? Ia ese e karamu, bona e haginimu.
DEU 32:7 Nega gunadia ba lalodia, Uru momo edia mauri laḡanidia ba haero. Tamamu ba nanadaia, ia ese baine hadibamu, Tau badadia ba nanadaidia, idia ese bae hamaoromu.
DEU 32:8 Herea Mikamika ese bese ta ta ahudia e henidia negana ai, Taunimanima natudia e hapararadia negana ai, Ia ese taunimanima edia tano hetoadia e henidia, Israel garana edia hoho heḡereḡeredia.
DEU 32:9 Badina be Iehova ahuna na ena bese, Ia dihina na Iakob.
DEU 32:10 Ia ese tano ḡaḡaena ai e davaria, Tano gesegesena ai e davaria. E dosia bona e reḡua, E gimaia, ta ese matana nadinadina e gimaiamu na heto;
DEU 32:11 Ugava na heto, natuna e harohodiamu negana ai, Idia daediai e roho taomu, Bena hanidia e toi roromu, Latadiai e hahelaidia kaumu.
DEU 32:12 Iehova sibona ese e hakaua, Dirava idauna ta ese se bamoa.
DEU 32:13 Tanobada latalatana ai ena laolao ai e siaia lao, Uda anianidia e aniva. Nadi amo bada ranuna e henia, Nadi aukana amo dehoro e henia.
DEU 32:14 Boromakau batana bona mamoe ratana, Bona mamoe natudia mamoe mamaruanedia digaradia; Basan boromakaudia bona nani. Uit namo-hereana o ania, Vine ranuna, rara hetomana, o inua.
DEU 32:15 A Iesurunu na tauna e bada, e daḡedaḡe. Taumu vada e bada, vada o hedai rumurumu, vada o ḡaubadabada. Bena e karaia Diravana vada e rakatania, Ena mauri Nadi-ginina e dadaraia.
DEU 32:16 Idia ese dirava idaudia amo e havaḡeḡea, Kara havara amo e habadua.
DEU 32:17 Lauma dikadia e boudia, idia na dia Dirava, Asi dibadia diravadia e boudia, Dirava matamatadia, vanegai mo e davaridia, bena ma e boudia; Tamamui ese asie matauraidia diravadia bunu.
DEU 32:18 E havaramu Papapapana so laloa, E karamu Diravana o reaia.
DEU 32:19 Iehova ese e itaia, bena e dadaraidia, Natuna mamaruanedia bona hahinedia edia daḡedaḡe karadia daidiai.
DEU 32:20 Eto, Vairagu na edia amo baina hunia Baina itadia, ede bae hadoko toma; Badina be idia na daḡedaḡe uruna, Asi edia heabidadama memerodia.
DEU 32:21 Edia dirava asi anina amo vada e havaḡeḡegu, Edia kaivakuku amo vada e habadugu. A lau ese orea asi anina amo baina havaḡeḡedia, Bona bese kavakavana amo baina habadudia.
DEU 32:22 Badina be egu badu ese lahi vada e havaraia, Mase taudia edia gabu dobu-hereadia ai e aramu, Tanobada mai anina ida e araia oremu, Ororo badi-tanodia e doudiamu.
DEU 32:23 Dika idau-idau na idia latadiai baina senu senu kau, Egu diba baina ha-ore idia latadiai.
DEU 32:24 Hitolo ese baine havarodadia, Lahi siahudia ese baine aladia, Mase goreredia ese bae hamasedia. Uda ḡaudia edia hekori na latadiai baina siaidia, Bona e raumu ḡaudia edia mase muramurana.
DEU 32:25 Murimuri ai dare ese baine aladia, Ruma lalonai gari ese baine butudia tao. Tauhau bona hane-ulato bae mase, Rata e inuamu merona bona iahu danu.
DEU 32:26 Bama toma “Baina hakarohodia rohoroho, bona ilalotaodia na taunimanima bogaragidia amo baina hadokoa”;
DEU 32:27 A inaidia edia hevaseha herevadia garidia na gari, Inaidia bema lalo hadai kerere na garina, Bema toma “Ai imamai vada e kwalimu, a Iehova ese ḡau ta se karaia”.
DEU 32:28 Badina be idia na dia aonega besena, Lalodia na asie pararamu.
DEU 32:29 Bema mai aonegadia, lalodia bema parara, Bona edia dina gabedia ede bae heto na bema diba.
DEU 32:30 Ta ese daha-ta ede bema luludia toma? Rarua ese gerebu-ta ede bema hahavadia toma? Dala tamona mo: edia Nadi-ginina ese vada e rakatanidia dainai, Iehova ese vada e negedia daure dainai.
DEU 32:31 Badina be edia nadi-ginina be dia iseda Nadi-ginina heḡereḡerena, Inaida na hahemaoro taudia ai vada ela.
DEU 32:32 Badina be edia vine na Sodoma ena vine na heto, Gomora ena vine imeana amo. Edia vine huahuadia na didika, Edia vine takodia na i'idita.
DEU 32:33 Edia vine ranuna na gaigai edia mase muramurana na heto, Gaigai edia mase hekorina na heto.
DEU 32:34 Ina na dia lauegu roge ai a? Ina na dia lauegu kohu namodia ida basine helaoahu a?
DEU 32:35 Dika davana be lau imagu ai, bona namo davana danu, Aedia bae dedi dinana ai. Badina be edia hekwakwanai dinana na kahikahi, Ediai baine vara ḡauna baine hedinarai taku.
DEU 32:36 Iehova ese ena bese taudia maorodia baine gwaurai, bona ena hesiai taudia baine bogadia hisi, Baine itadia, edia goada vada e ore bona tau ta dia noho, iḡui ai eiava murimuri ai, una negana ai.
DEU 32:37 Ia na baineto, Edia dirava na edeseni ai? E abidadama heniamu nadi-ginina na edeseni ai?
DEU 32:38 Edia boubou ḡaudia digaradia e ani bona edia inuinu bouboudia vine-ranudia e inu diravadia be edeseni ai? Idia bae tore isi, bae durumui; Idia ese bae gimamui.
DEU 32:39 Harihari a itaia, lau binai Dirava; Dirava ta lasi, lau mo sibogu. Lau ese na aladiamu, bona na hamauridiamu; Na haberodiamu, bona edia bero na kumidiamu; Asi tauna ta ese lau imagu amo baine hamauridia.
DEU 32:40 Badina be imagu na duduia isimu atai ai, Na tomu: Na noho hanaihanaimu heḡereḡerena,
DEU 32:41 Egu dare kiama-kiamana baina segea, Bona imagu amo hahemaoro baina karaia, negana ai, E tuari henigumu taudia davadia baina heni, E dainai henigumu taudia davadia baina heni.
DEU 32:42 Egu diba na rara baina ha-inudia loulou, Egu dare ese hidio baine ani, Mase taudia bona abi-mauri taudia raradia bunu, Hui lata taudia kwaradia bunu.
DEU 32:43 Bese idau-idau e, iena bese ba imodaia! Badina be ena hesiai taudia raradia davana e abiamu, Ia inaina davadia e henidiamu; Ena tano ena dika e abia ohomu, ena bese taudia daidiai.
DEU 32:44 Mose na ema, ina ane herevadia iboudiai e gwaurai hedinarai taunimanima vairadiai, ia bona Iosua Nunu ese.
DEU 32:45 Mose ese ina hereva na Israel taudia iboudiai e hamaorolaidia vaitani,
DEU 32:46 bena ma eto: Hari dina ai vada na haḡanilaimui herevadia iboudiai na ba Ialodia tao; natumui danu ba hadibalaidia, bena idia ese ina taravatu ena hereva iboudiai bae badinadia bona karadia bae kara.
DEU 32:47 Badina be ina na dia ḡau pipikina emui ai. Ina na emui mauri; ia dainai emui mauri dinadia bae hoho, Ioridane sinavaina unukahana ai bavabia bona emui tano ai ba halaoa tanona lalonai.
DEU 32:48 Una dina ai Iehova ese Mose e hereva henia, eto,
DEU 32:49 Abarim ororona ai ba dara dae. (Una ba Nebo ororona, Moab tanona ai, Ieriko hegaga hehenina ai.) Unu amo ba roha lao, Kanaan tanona, Israel taudia baina henidia edia tano ai bae halaoa tanona, ba itaia.
DEU 32:50 Bena ba dara dae ororona ai ba mase, tubu tama dekedia ba hahebou, Horo ororona ai kakamu Aaron e mase bona tubu tama dekediai e hahebou heḡereḡerena.
DEU 32:51 Badina be Israel taudia vairadiai o gwau edeede henigu, Meribata-kade ranudia badibadidiai, Sin tano-ḡaḡaena ai; bona asio hahelaḡagu Israel taudia bogaragidiai.
DEU 32:52 Taunabunai tano ba itaia vairamu ai; a Israel taudia na henidiamu tanona na basio lao henia bona lalonai basio raka vareai.
DEU 33:1 Bena Dirava ena hesiai tauna Mose ese Israel taudia e hanamodia, ia do se mase negana ai. Ena hahenamo herevadia bini.
DEU 33:2 Ia eto: Iehova na Sinai amo ema, Seiri amo e tata dae roha idia latadiai; Paran ororona amo e tara, Helaḡa taudia gerebu gerebu edia amo ema; Taravatu na lahi na heto, ia imana idibana ai.
DEU 33:3 Oibe, ena orea taudia e lalokau henidia, Ena helaḡa taudia iboudiai na ia imana ai. Oi aemu gabudia ai e rakava, Haheḡani emu amo e abiva.
DEU 33:4 Mose ese taravatu e henida, Iakob ena bese ahuna ai bainela ḡauna.
DEU 33:5 Iehova na Iesurunu pavapavana ai ela, Bese ikwaradia taudia e hegogova negana ai, Bona Israel iduhudia iboudiai e hebouva negana ai.
DEU 33:6 Ruben baine mauri, basine mase; Ena orea taudia danu basie gadoi.
DEU 33:7 Iuda be ini e herevalaia toma: Iehova e, Iuda gadona a kamonai; Ena orea taudia ida ba haheboudia; Oi imamu ese bae durua, Ia inaina imadia amo ba hamauria.
DEU 33:8 Levi be ini e herevalaia toma: Emu Tumim bona emu Urim, Emu helaḡa tauna ba henia; Masa ai o dibaḡania, Meriba ranu gabudia ai o heai henia.
DEU 33:9 Ia ese tamana bona sinana e herevalaidia, eto “Asina lalodiamu”; Tadikakana e dadaraidia, Bona natuna e lalodia nege; Badina be idia ese emu hereva e kamonai, Bona emu taravatu e badinadia.
DEU 33:10 Idia ese emu haheḡani na Iakob bae hadibalaia, Emu taravatu na Israel bae hadibalaia. Idia ese muramura mai bonadia na oi vairamu ai bae gabua, Ḡole-oho bouboudia na oiemu ihaboulaina patana latanai bae haḡole oho.
DEU 33:11 Iehova e, ena kohu ba hanamoa; Imana ḡaukaradia bavabi dae. E tuari heniamu taudia ba gwadadia, E dainai heniamu taudia ba gwadadia mase, Basie tore isi lou.
DEU 33:12 Beniamina be ini e herevalaia toma: Iehova ena lalokau na Ia badibadinai e nohomu mai namona ida. Dina Idoinai ia ese e ḡeḡe ahumu, Ia paḡana padadiai ena noho gabuna e karaiamu.
DEU 33:13 Iosef be ini e herevalaia toma: Iehova ese ena tano baine hanamoa, Guba atai ai ena kohu namodia amo, Dobu gabudia tanobada henunai edia ḡau namodia amo,
DEU 33:14 Dina ena huahua namodia amo, Hua ta ta anidia namodia amo,
DEU 33:15 Ororo gunadia edia ḡau hereadia amo, Mia-hanaihanai ororodia edia ḡau loḡora amo,
DEU 33:16 Tano ena ḡau namodia mai anidia idoidiai amo, Bona au ginigini ai e nohova Diravana ena hahenamo amo. Iboudiai na Iosef kwarana ai bae kau. Tadikakana e halohiadia tauna tubuana ai bae kau.
DEU 33:17 Ena boromakau natuna maruanena roboana na herea dae; Doana na uda boromakauna doana na heto; Doana amo taunimanima iboudiai baine nuadia Baine nuadia ela bona tanobada dokodia; Efraim ena gerebu gerebu ese, Bona Manase ena daha daha ese.
DEU 33:18 Sebulun be ini e herevalaia toma: Sebulun e, emu raka lasi ai ba moale; Isakara e, emu kone noho ai ba moale.
DEU 33:19 Taunimanima bae boiridia, edia ororo baela, Unuseni ai kara maoromaoro bouboudia bae hahelaḡadia; Badina be davara ena taḡa bae haboua, Bona kone ena kohu hehunidia bae gogo.
DEU 33:20 Gad be ini e herevalaia toma: Gad ena tano e habadaiamu tauna na namo. Ia na leona na heto e hekuremu, Imana e dareamu, bona kwarana tubuana.
DEU 33:21 Tano namona ia ese e abia hidi, iena, Badina be lohia ahuna bunai. Bese ikwaradia taudia dekediai ema, Iehova ena kara maoromaoro e hahemaorolaia, Ena hahemaoro na Israel taudia latadiai e gwaurai.
DEU 33:22 Dan be ini e herevalaia toma: Dan na leona natuna, Basan amo e roho lasimu.
DEU 33:23 Napatali be ini e herevalaia toma: Napatali e, lalonamo vada o abia, Iehova ena hahenamo vada o abia vaitani; Gohu bona diho kahana bavabi.
DEU 33:24 Asere be ini e herevalaia toma: Asere na mero namo-hereana; Tadikakana ese bae imodaia. Aena na dehoro ai bae uru diho.
DEU 33:25 Emu tamaka na auri bona auri labora-laborana; Emu goada na emu mauri dinadia ida bae heḡereḡere.
DEU 33:26 Iesurunu o, Dirava na asi idaina. Ia na guba oridia ai e guimu, oi idurumu totona: Ia na guba amo e maimu, mai hairaina ida.
DEU 33:27 Noho-hanaihanai Diravana na emu noho gabuna; Mia-hanaihanai imadia na henumu ai. Inaimu na vairamu ai e luludia, Eto “A habuadia tari”.
DEU 33:28 Taunabunai Israel na e noho namonamova, Iakob ena ranu gabuna e miava, Uit bona vine ranuna tanona ai; Oibe, hunu na guba amo baine diho ena tano ai.
DEU 33:29 Israel e, oi na namo. Daika na oi sisivamu? Iehova ese vada e hamauria besena; Emu hekaha kesina, Bona emu kwalimu darena. Inaimu na vairamu ai bae goru diho; Edia atai gabudia helaḡadia ba moidia tao.
DEU 34:1 Mose na Moab taorana amo Nebo ororona ela, e dara dae ela bona Pisga dorina, Ieriko hegaga hehenina ai. Bena Iehova ese tano idoinai e haheitalaia: Gilead tanona ela bona Dan;
DEU 34:2 bona Napatali tanona idoinai; bona Efraim bona Manase tanodia; bona Iuda tanona idoinai ela bona Davara Badana, Lahara kahana ai;
DEU 34:3 bona diho kahana; bona Ieriko kourana taoradia, pamu audia gabuna bunai, ela bona Soara.
DEU 34:4 Bena Iehova ese e hereva henia, eto, Tanona bunai Abraham bona Isaak bona Iakob na gwaurai henidia hamata, nato “Umui garamui baina henidia”. Harihari vada na haheitalaimu, matamu amo vada o itaia; to basio lao henia.
DEU 34:5 Taunabunai Mose, Iehova ena hesiai tauna, na unuseni ai e mase, Moab tanona ai, Iehova ena hereva heḡereḡerena.
DEU 34:6 Bena Iehova ese e guria, Moab kourana ta ai, Bete-peoro hegaga hehenina ai. A e guria gabuna na tauta asi dibana ema bona hari.
DEU 34:7 Mose ena mase negana ai, ena mauri laḡanidia na sinahu-ta ruahui; a matana se valahu-valahu, bona tauna se manoka.
DEU 34:8 Dina toi-ahui Israel taudia ese Mose taina e tai, Moab taoradia ai, ela bonaedia taitai bona edia lalo-hisihisi, Mose dainai, dinadia vada e ore ai.
DEU 34:9 Bena Iosua Nunu na aonega laumana ese e rohea; badina be Mose ese imana na ia tubuana ai vada e ato kau. Taunabunai, Israel taudia ese e kamonai henia, bona Iehova ese Mose e haḡanilaia haheḡanidia na idia ese e badinadia.
DEU 34:10 Una negana ema bona harihari, peroveta tauna ta basine hedinarai Israel ai, Mose heḡereḡerena; ia na Iehova ida e hevaira heheni bona e hahediba heheni.
DEU 34:11 Toa bona hoa karadia, Iehova ese Aigupto tanona e siaia negana ai ia ese Farao bona ena hesiai taudia iboudiai bona ena tano idoinai e kara henidia na ikaradia ai ia na asi idaina.
DEU 34:12 Bona siahu karadia bona hahegari karadia, Mose ese Israel taudia iboudiai vairadiai e kara, ikaradia ai ia na asi idaina.
JOS 1:1 Iehova ena hesiai tauna Mose e mase murinai, Iehova ese Iosua Nunu, Mose iduruna tauna, e hereva henia, eto,
JOS 1:2 Egu hesiai tauna Mose vada e mase; taunabunai, a tore isi, ina Ioridane sinavaina ba hanaia, oi bona ina bese idoinai, hari Israel taudia na henidiamu tanona ai ba raka vareai.
JOS 1:3 Aemui palapaladia bae moi tao tanodia iboudiai baina henimui, Mose na gwau henia hamata heḡereḡerena.
JOS 1:4 Tano ḡaḡaena bona ina Lebanon ororona amo ela bona sinavai badana ladana Eufrate, Hiti taudia edia tano idoinai ela bona Davara Badana dina e dihomu kahana ai na bavabia, emui tano.
JOS 1:5 Emu mauri dinadia iboudiai tau ta ese basine laomu ahu diba. Mose na bamoava heḡereḡerena, oi baina bamomu; lau na basina lalomu rea bona basina rakatanimu.
JOS 1:6 Ba goada; ba haheauka. Badina be senedia na gwaurai henidia tanona na oi ese ina bese ba henidia, edia tano ai bainela.
JOS 1:7 Ḡau tamona, ba goada bona ba haheauka. Egu hesiai tauna Mose e henimu taravatuna idoinai ba badinaia bona karana ba karaia; iena amo basio raka siri, idiba kahana ai eiava lauri kahana ai basiola; bena ba lao heni gabudia iboudiai emu kara anidia bae namo.
JOS 1:8 Ina taravatu bukana herevadia na udumu ai bae mia; ia anina ba laloa boi, ba laloa rani. Unu amo ia lalonai e tore herevadia iboudiai ba badinadia bona karadia ba kara; bena emu raka baine namo bona emu kara anidia bae namo.
JOS 1:9 Vada na haḡanimu, ani, ba goada bona ba haheauka. Basio gari, daramu basine doko; badina be Iehova, emu Dirava, ese e bamomumu, emu laolao iboudiai lalodiai.
JOS 1:10 Bena Iosua ese bese lohiadia e haduadia, eto,
JOS 1:11 Taruha amo ba raka hanai, taunimanima ba haḡanidia, baoto “Amui dala lakwana bavabia heḡaeḡae, badina be dina toi basie ore ai na ina Ioridane sinavaina ba hanaia, Iehova, emui Dirava, ese be henimuimu tanona ai ba raka vareai, bona bavabia emui tano.”
JOS 1:12 Bena Iosua ese Ruben iduhuna taudia bona Gad iduhuna taudia bona Manase iduhuna kahana taudia e hamaorodia, eto,
JOS 1:13 Iehova ena hesiai tauna Mose e haḡanilaimui herevana ba laloa tao. Ia eto “Iehova, emui Dirava, ese emui laḡa-ani gabuna baine henimui bona ina tano danu baine henimui e tomu”.
JOS 1:14 Adavamui bona natumui maraḡidia bona emui boromakau na hari Mose e henimui tanona ai bae noho, Ioridane sinavaina inikahana ai; a tuari mai dibamui taumui iboumui ai na emui tuari ḡaudia bavabi kau, tadikakamui vairadiai ba raka hanai, ba durudia,
JOS 1:15 ela bona Iehova ese tadikakamui edia laḡa-ani gabuna baine henidia, umui e henimui heḡereḡerena. Bena idia danu Iehova, emui Dirava, ese be henidiamu tanona bae abia, edia tano ai bae halaoa. Una negana ai, umui emui tano, Iehova ena hesiai tauna Mose ese e henimui tanona Ioridane sinavaina mairiveina kahan ai, vada ba lou henia bona ba noholaia.
JOS 1:16 Bena idia ese Iosua e haere henia, eto, Vada o haḡanilaimai karadia iboudiai baia kara, bona ba siaimai gabudia baiala.
JOS 1:17 Ḡau iboudiai lalodiai Mose a kamonai heniava na heto, oi danu baia kamonai henimu; bona Iehova, emu Dirava, ese baine bamomu, Mose e bamoava heḡereḡerena.
JOS 1:18 Daika ese baine papamu ahuahu bona emu haheḡani herevadia baine dadarai, una tau bae alaia mase. Ḡau tamona, ba goada bona ba haheauka.
JOS 2:1 Iosua Nunu ese hasinadoa taudia rarua Sitim amo e siaidia hehuni. E haduadia, eto, Aola, tano ba itaia, bona Ieriko hanuana danu. Raruosi na ela; bena ariara hahinena ta, ladana Rahaba, ena ruma ai e dae, unuseni ai e noho.
JOS 2:2 Haida ese Ieriko pavapavana e hamaoroa, eto, Israel taudia haida na hari ina hanuaboi vada ema, ina tano bae hasinadoa totona.
JOS 2:3 Bena Ieriko pavapavana ese ena gwau-kau e siaia, Rahaba enai, eto, Dekemu ema bona emu ruma ai e dae kau taudia ba hakaudia lasi, badina be ina tano idoinai bae hasinadoa totona vada ema.
JOS 2:4 A hahine na unu tatau raruosi vada e abidia, vada e hunidia. Bena ia na eto, Momokani, unu tatau na dekegu ema, to lau na asi dibagu idia ede amo ema;
JOS 2:5 bena dina e diho ai, hanua ikoukouna bae koua negana ai, idia na e raka lasi. Ede ela na asi dibagu; a idia muridia amo baola haraḡa, bona ba halasidia tao.
JOS 2:6 A hahine na ruma guhina ai vada e hakaudia, flax tuhutuhudia guhi ai e laha ḡaudia henudiai vada e hunidia.
JOS 2:7 Taunabunai e tahudia taudia ese Ioridane dalana ai e tahudia lao, ela bona turu-hanai gabudia. E tahudia ela, bena hanua ikoukouna vada e koua ahu.
JOS 2:8 Hasinadoa taudia do asie hekure ai, hahine na dekedia e dae kau guhi ai,
JOS 2:9 e hereva henidia, eto, Lau na dibagu Iehova ese ina tano vada e henimui. Umui daimui ai gari ese e butumai taomu, bona ina tano taudia iboudiai kudoudia e hetahamu.
JOS 2:10 Badina be ai vada a kamonai Iehova ese Davara Kakakakana na vairamui ai e hakaukaua, Aigupto tanona amo o raka lasi negana ai. Vada a kamonai danu Amoro pavapavadia raruosi, Sihon bona Og, ede o aladia mase toma, Ioridane sinavaina unukahana ai.
JOS 2:11 A kamonai negana di kudoumai e hetaha, bona ta se haheauka umui daimui ai. Badina be Iehova, emui Dirava, na guba Diravana bona tanobada Diravana.
JOS 2:12 Taunabunai, Iehova ladana ai ba gwau henigu hamata: lau ese umui na bogamui hisi heḡereḡerena umui danu tamagu ena ruma ba bogaia hisi, bona toa korikorina ba henigu,
JOS 2:13 tamagu bona sinagu bona taihugu bona tadikakagu bona edia iboudiai ba hamauridia, iboumai ai mase amo ba rauamai.
JOS 2:14 Raruosi ese e haere henia, eto, Ai emai mauri davana na oiemu mauri. Emai ḡaukara harina basio hapiua, bena ai ese hebogahisi bona kara momokani baia hahedinarai henimu, Iehova ese ina tano baine henimai negana ai.
JOS 2:15 Una hahine ena ruma na hanua maḡuna ai e hadaia; ia na maḡu latanai e nohova. Bena ia ese idia raruosi e abidia, gaba-mauru amo kwanau ai e tudia dobi.
JOS 2:16 E hamaorodia, eto, Ororo kahadia baola, e tahumuimu taudia bae davarimui na garina. Dina toi unuseni ai ba komu, ela bona e tahumuimu taudia bae lou mai; una murinai emui ura dalana ai ba raka.
JOS 2:17 Raruosi ese e hamaoroa, eto, Ai na a uramu ai na basia kerere, ina gwau-hamata emai ai vada o abia na basia hakererea.
JOS 2:18 Taunabunai, ai na ina tano lalonai baiama negana ai, ina varo kakakakana na o tumai dobi gaba-mauruna ai ba kwatua kau. Tamamu bona sinamu bona taihumu bona tamamu ena ruma taudia iboudiai na ruma lalonai ba haboudia.
JOS 2:19 Idia ta emu ruma iduarana amo baine raka lasi ariara ai, rarana na ia sibona kwarana ai; ai na asi emai kerere. A dika baine kau oi ida ruma lalonai e nohomu tauna ta enai, ia rarana na ai kwaramai ai.
JOS 2:20 A emai ḡaukara harina na tau ta boma hamaorolaia, ai na basiama kerere, ina emai ai vada o abia gwauhamatana basia hamomokania negana ai.
JOS 2:21 Hahine na eto, Emui hereva heḡereḡerena, unu baine heto. Bena ia ese e siaidia; bona idia e raka oho murinai ia ese varo kakakakana e kwatua kau, hari gaba-mauru ai.
JOS 2:22 Raruosi e raka lao, ororo kahadia ela, dina toi unuseni ai e nohova, ela bona e tahudia taudia vada e lou; badina be e tahudia taudia na dala idoinai e tahudia, to asie davaridia.
JOS 2:23 Bena raruosi na ororo amo e hekei, sinavai e hanaia, Iosua Nunu dekenai e kau. Bena edia laolao sivaraina idoinai e hamaorolaia.
JOS 2:24 Idia ese Iosua e hamaoroa, eto, Momokani, Iehova ese tano idoinai ita imada ai vada e atoa; tano taudia iboudiai na kudoudia e hetahamu ita daidai.
JOS 3:1 Daba matana ai, Iosua na e tore isi, Sitim e rakatania, Israel taudia iboudiai ida, Ioridane sinavaina isena ai e kau. Bena maoromaoro asie hanaia; do e taruha guna.
JOS 3:2 Dina toi e ore murinai, bese lohiadia ese taruha bogaragina amo e raka hanai,
JOS 3:3 taunimanima e haḡanidia, eto, Hahelaḡa taudia Levi iduhuna amo Iehova emui Dirava ena maua helaḡana bae huaia ba itadia negana ai, ba tore isi, ia murina amo ba raka.
JOS 3:4 Uno amo emui raka dalana ba diba, badina be ina dala amo nega hata asio raka. A maua helaḡana basio raka henia kahi; umui bona ia padamui na kiubit daha rua sisivana bae mia.
JOS 3:5 Bena Iosua ese taunimanima e hamaorodia, eto, Hari dina ai sibomui ba hahelaḡa, badina be kerukeru Iehova ese hoa karadia baine kara bogaragimui ai.
JOS 3:6 Iosua ese danu hahelaḡa taudia e hamaorodia, eto, Taravatu mauana bavabia isi, taunimanima vairadiai ba raka guna. Bena idia ese taravatu mauana e abia isi, taunimanima vairadiai e raka ela.
JOS 3:7 Iehova ese Iosua e hereva henia, eto, Hari dina ai baina imodaimu matama, Israel taudia iboudiai vairadiai, bena bae diba lau ese oi na bamomumu, Mose na bamoava heḡereḡerena.
JOS 3:8 Hahelaḡa taudia, taravatu mauana e huaiamu taudia, ba haḡanidia, baoto “Ioridane sinavaina ai ba diho ela bona ranu isena ai, bena ba gini”.
JOS 3:9 Bena Iosua ese Israel taudia e hamaorodia, eto, Ini aoma, Iehova, emui Dirava, ena hereva ba kamonai.
JOS 3:10 Iosua ma eto, Ini amo vada ba diba Mauri Diravana na umui bogaragimui ai e nohomu; momokani, ia ese Kanaan taudia bona Hiti taudia bona Hivi taudia bona Perisi taudia bona Girigasa taudia bona Amoro taudia bona Iebusu taudia na vairamui ai baine luludia lasi.
JOS 3:11 A kamonai: tanobada idoinai Lohiana ena taravatu mauana ese baine gunalaimui, Ioridane sinavaina ai.
JOS 3:12 Taunabunai, tatau gwautararua bavabidia, ta ta iduhu ta ta amo.
JOS 3:13 Bena hahelaḡa taudia, Iehova, tanobada idoinai lohiana, ena maua e huaiamu taudia, aedia palapaladia na Ioridane sinavaina ranuna ai bae turu dobi negana ai, Ioridane sinavaina ena aru baine doko, bona sinavai dorina amo e maimu ranudia na bae gini tao.
JOS 3:14 Taunabunai, Israel taudia ese edia taruha gabuna e rakatania, Ioridane sinavaina ihanaina totona. Bena hahelaḡa taudia ese taravatu mauana e huaia lao, Israel taudia vairadiai,
JOS 3:15 ela bona taravatu mauana ihuana taudia aedia na sinavai ranuna ai e turu dobi. Hari Ioridane sinavaina ena kara be taboro negana ai abata e daeva.
JOS 3:16 Bena sinavai dorina amo e maiva ranuna na dauhai e gini tao, hanua ladana Adam badibadinai; una na Saretan kahana hanuana ta. A e laova, Araba gohuna (ladana ta be Tadi gohuna) e aru heniava ranuna e kororo. Bena Israel taudia na e raka hanai, Ieriko hegaga hehenina ai.
JOS 3:17 A Israel taudia iboudiai tano kaukauna ai e raka hanaiva negana ai, hahelaḡa taudia, Iehova ena taravatu mauana e huaia taudia, na tano kaukauna ai e gini, Ioridane bogaraginai, ela bona bese idoinai Ioridane e rakaia hanai vaitani.
JOS 4:1 Bese idoinai ese Ioridane sinavaina e hanaia vaitani, bena Iehova ese Iosua e hagania, eto,
JOS 4:2 Iduhu gwauta-rua amo tatau ta ta amo bavabidia;
JOS 4:3 ba haḡanidia, baoto “Nadi gwauta-rua Ioridane bogaraginai, hahelaḡa taudia e gini gabuna amo, bavabidia, ba huadia lao, hari hanuaboi ba taruha gabuna ai bavatodia”.
JOS 4:4 Bena Iosua ese vada e abidia hidi taudia na iduhu ta ta amo ta ta e boiridia.
JOS 4:5 Bena Iosua ese e haḡanidia, eto, Iehova, emui Dirava, ena taravatu mauana vairanai baola, Ioridane sinavaina bogaraginai; bena ta ta nadi ta ta bavabi isi, paḡamui ai ba hua, Israel iduhudia heḡereḡeredia.
JOS 4:6 Ina na toa ai bainela bogaragimui ai. Bena kerukeru vanegai natumui ese bae nanadaimui, baeto “Ini nadi anidia be dahaka?”
JOS 4:7 umui na ba hadibadia, baoto “Ioridane sinavaina na Iehova ena taravatu mauana vairanai e kororo; Ioridane amo e huaia hanai negana ai, ranu na e kororo”. Bena ini nadi na Israel taudia edia helalo-tao ḡaudia ai baela, ela bona hanaihanai.
JOS 4:8 Bena Israel taudia ese Iosua ena haheḡani heḡereḡerena e karaia: nadi gwauta-rua Ioridane sinavaina bogaragina amo e abidia, Israel iduhudia gwauta-ruaosi toadia, Iehova ese Iosua e haḡania heḡereḡerena. Bena e huadia lao, edia taruha gabuna ai e atodia diho.
JOS 4:9 A Iosua na nadi gwauta-rua e abidia, Ioridane bogaraginai e haginidia, hahelaḡa taudia, hari taravatu mauana e huaia taudia, e gini gabuna. Idia na mimia ema bona hari dina.
JOS 4:10 Badina be hahelaḡa taudia, maua helaḡana e huaia taudia, na Ioridane bogaraginai e gini, ela bona Iehova ese Iosua e haduaia taunimanima baine haḡanilaidia karadia iboudiai vada e ore, Mose ena haheḡani iboudiai Iosua e henia heḡereḡeredia. Bena taunimanima iboudiai e hanai haraḡa-haraḡa.
JOS 4:11 Taunimanima iboudiai e raka hanai vaitani, bena maua helaḡana bona hahelaḡa taudia e hanai, taunimanima vairadiai.
JOS 4:12 Ruben taudia bona Gad taudia bona Manase iduhuna kahana taudia, mai edia tuari ḡaudia imadia ai, na Israel taudia vairadiai e raka hanai, gunaguna Mose ese e haḡanidia heḡereḡerena.
JOS 4:13 Tuari taudia gerebu hani Iehova vairanai e raka hanai, tuari ela, Ieriko taorana ai.
JOS 4:14 Una dina ai Iehova ese Iosua e imodaia, Israel taudia iboudiai vairadiai; idia ese e matauraia bada, ena mauri dinadia iboudiai, gunaguna Mose e matauraiava heḡereḡerena.
JOS 4:15 Bena Iehova ese Iosua e hamaoroa, eto,
JOS 4:16 Hahelaḡa taudia, taravatu mauana e huaia taudia, ba haḡanidia, Ioridane sinavaina amo bae dae.
JOS 4:17 Taunabunai, Iosua ese hahelaḡa taudia e haḡanidia, eto, Ioridane sinavaina amo ba dae.
JOS 4:18 Hahelaḡa taudia, Iehova ena taravatu mauana e huaia taudia, na Ioridane sinavaina bogaragina amo e dae; bena aedia na tano kaukauna ai e kau negana ai, Ioridane sinavaina ma e aru lou, abata ma e lasi, gunaguna heḡereḡerena.
JOS 4:19 Hua gini-gunana dinana ihagwautana ai Israel taudia na Ioridane sinavaina amo e dae ela, Gilgal ai e taruha, Ieriko mairiveina kahana ai.
JOS 4:20 Hari nadi gwauta-ruaosi, Ioridane ai e abi ḡaudia, na Iosua ese e haginidia Gilgal ai.
JOS 4:21 Bena ia ese Israel taudia e hamaorodia, eto, Kerukeru vanegai natumui bae nanadaimui, baeto “Ini nadi anidia be dahaka?”
JOS 4:22 umui ese natumui ba hadibadia, baoto “Israel na ina Ioridane sinavaina amo e raka hanai, tano kaukauna ai”.
JOS 4:23 Badina be Iehova, emui Dirava, ese Ioridane ranuna na emui ai e hakororoa, ela bona o raka hanai vaitani, gunaguna Iehova, emui Dirava, ese Davara Kakakakana na ai emai ai e hakororoa ela bona ai vada a raka hanai heḡereḡerena.
JOS 4:24 Taunabunai, tanobada taudia iboudiai bae diba Iehova imana na mai goadana; bona umui danu Iehova, emui Dirava, garina ba gari ela bona hanaihanai.
JOS 5:1 Amoro pavapavadia iboudiai Ioridane sinavaina unukahana ai, Iahara kahana ai, e nohova, bona Kanaan taudia edia pavapava iboudiai, kone kahana ai e nohova, na harina e kamonai, Iehova ese Ioridane sinavaina e hakororoa Israel taudia ediai ela bona idia vada e hanaia, bena kudoudia e hetaha bona laumadia e daure, Israel taudia daidiai.
JOS 5:2 Una negana ai Iehova ese Iosua e hereva henia, eto, Vasiga bavabi, Israel taudia ma ba peritomedia lou, nega iharuana.
JOS 5:3 Taunabunai Iosua ese vasiga e abi, Israel taudia e peritomedia, Gibeata-haraloto ai.
JOS 5:4 Iosua ese e peritomedia badina binai: Aigupto amo e raka lasi mamaruanedia iboudiai, tuari taudia iboudiai, na dala ai vada e mase, tano ḡaḡaena ai, Aigupto amo e raka lasi murinai.
JOS 5:5 E raka lasi tataudia iboudiai be vada e peritomedia guna; a dala ai e vara, tano ḡaḡaena ai, tataudia, tamadia na Aigupto amo e raka lasi murinai, na asie peritomedia.
JOS 5:6 Badina be Israel taudia na laḡani hari-ahui tano ḡaḡaena ai e loaloava, ela bona bese idoinai, tuari taudia Aigupto amo e raka lasi iboudiai, na e mase ore; badina be idia na Iehova erena asie kamonai. Bena Iehova ese e gwau henidia hamata, senedia e gwau henidia hamata baine henida eto tanoml, rata bona bada-ranuna e arumu tanona, na basine haheitalaidia eto.
JOS 5:7 Taunabunai idia natudia, idia ibolodia ai e halaodia taudia, na Iosua ese e peritomedia; badina be dala ai asie peritomedia.
JOS 5:8 Bese idoinai e peritomedia murinai, idia na edia taruha ai e nohova ela bona hisihisi vada e ore.
JOS 5:9 Bena Iehova ese Iosua e hamaoroa, eto, Hari dina ai Aigupto ena hemarai na emui amo vada na keia oho. Taunabunai, una gabu ladana e hatoamu Gilgal, ema bona hari dina.
JOS 5:10 Israel taudia na Gilgal ai e nohova negana ai, idia ese lagau-hanai ariana e karaia. Hua dinana ihagwauta-hanina adorahina ai e karaia, Ieriko taorana ai.
JOS 5:11 Lagau-hanai dinana e ore, kerukeru idia na una tano anina e ania, asie hatubua flaoana dikeadia bona e gabua uitina.
JOS 5:12 Tamo anina e ania, bena ma kerukeru mana e doko; Israel taudia na mana asie ania lou, a Kanaan tanona anina e ania una laḡani ai.
JOS 5:13 Ieriko badibadinai Iosua na e roha isi, tau ta e itaia, dare e veria lasi imana ai. Bena Iosua ese e raka henia kahi, e nanadaia, eto, Oi na ai ida, eiava inaimai?
JOS 5:14 Ia na e haere, eto, Lasi, lau na Iehova ena tuari oreana baina halohiaia totona nama. Bena Iosua na tano ai e goru diho, e toma henia diho, eto, Egu lohia ese ena hesiai tauna ede be haḡania tomamu?
JOS 5:15 Iehova ena tuari oreana lohiana ese Iosua e hamaoroa, eto, Emu tamaka na aemu amo a koki oho, badina be o ginimu gabuna na tano helaḡana. Bena Iosua na unu e kara toma.
JOS 6:1 Ieriko hanuana na e hekou ahu, Israel laudia daidiai; ta se raka lasi, bona ta se raka vareai.
JOS 6:2 Bena Iehova ese Iosua e hamaoroa, eto, A itaia, Ieriko hanuana na oi imamu ai vada na atoa, mai pavapavana bona mai ena tuari oreana ida.
JOS 6:3 Hanua ba rakaia heḡeḡe, mai tuari oreana idoinai ida, nega hatamona. Dina ta ta amo unu ba kara toma, ela bona dina tauratoi bae ore.
JOS 6:4 Hahelaga taudia hahitu ese nani mamaruanedia doadia amo e kara kibidia hitu bae abi, maua helagana vairanai bae raka. Dina ihahituna ai, hanua ba rakaia hegeḡe nega hahitu; hahelaga taudia danu kibi bae hiriri.
JOS 6:5 Bena kibi reḡena ba kamonai e hiriri daudaumu, una negana ai taunimanima iboudiai bae lolo lalodika; bena hanua maḡuna baine heḡiḡi dobi, taunimanima iboudiai na maorodia ai vada bae raka baela.
JOS 6:6 Taunabunai, Iosua Nunu ese hahelaḡa taudia e boiridia, eto, Taravatu mauana bavabia isi; hahelaḡa taudia hahitu danu nani mamaruanedia doadia amo e kara kibidia hitu bae abi, Iehova ena maua helagana vairanai bae raka.
JOS 6:7 Ia ese taunimanima danu e hamaorodia, eto, Aola, hanua ba rakaia hegeḡe; tuari taudia ese Iehova ena maua helaḡana vairanai bae raka.
JOS 6:8 Iosua ese taunimanima vada e haḡanidia heḡereḡerena, hahelaḡa taudia hahituosi ese nani mamaruanedia doadia amo e kara kibidia hituosi e abi, Iehova vairanai; bena e raka lao, kibi e hiriri. Idia muridiai Iehova ena taravatu mauana e huaia.
JOS 6:9 Tuari taudia na kibi e hiriri taudia vairadiai e raka; a orea taudia loḡora na maua helaḡana murinai e raka. Kibi na e hiriri loulou.
JOS 6:10 A Iosua ese taunimanima e haḡanidia, eto, Basio lolo, bona basio hereva-hereva; hereva ta udumui amo basine lasi, ela bona dina baine gini dae bainato “A lolo”. Bena ba lolo.
JOS 6:11 Taunabunai ia ese Iehova ena maua helaḡana e siaia, hanua baine haḡeḡea nega hatamona. Bena taruha e lou lao, unuseni ai e noho rani.
JOS 6:12 Daba matana ai Iosua e tore isi, bona hahelaga taudia ese Iehova ena maua helaḡana e abia isi.
JOS 6:13 Bena hahelaḡa taudia hahituosi ese nani mamaruanedia doadia amo e kara kibidia hituosi e abi, Iehova ena maua helaḡana vairanai e raka, kibi e hiriri loulou. Vairadiai tuari taudia e raka; Iehova ena maua helaḡana murinai orea taudia e raka; kibi e hiriri loulou.
JOS 6:14 Dina iharuana ai danu hanua e rakaia hegeḡe nega hatamona; bena taruha ma e lou lao. Dina tauratoi unu e kara toma.
JOS 6:15 Dina ihahituna ai, idia na daba vaburana ai e tore tore isi, hanua unu e rakaia heḡeḡe toma, nega hahitu; una dina tamona ai nega hahitu hanua e rakaia hegege.
JOS 6:16 Nega ihahituna ai, hahelaḡa taudia ese kibi e hiriri negana ai, Iosua ese taunimanima e hamaorodia, eto, A lolo, badina be Iehova ese hanua vada e henimui.
JOS 6:17 Hanua mai anina idoinai na Iehova ese vada e revaia, baine hebua tari; a ariara hahinena Rahaba, mai ena ruma taudia iboudiai ida, bae mauri, badina be ia ese iseda hasinadoa taudia e hunidia.
JOS 6:18 A umui be nahuamui ba toho, e gwaudia ahu ḡaudia ta bavabia, bena sibomui ba hahedika, bona Israel taruhana ba hadikaia bona ba hahekwarahia na garina.
JOS 6:19 A silver bona gold idoinai, bona auri laboralabora ḡaudia bona auri ḡaudia, na hehelaḡa Iehova ena; Iehova ena habouhabou rumana ai ba haboudia.
JOS 6:20 Taunabunai taunimanima na e lolo, bona kibi taudia na kibi e hiriri. Taunimanima ese kibi reḡedia e kamonai, bona ma e lolo lalodika. Bena hanua maḡuna e heḡigi dobi; taunimanima na maorodia ai e raka vareai, hanua e abia.
JOS 6:21 Hanua idoinai e habuaia tari; tatau bona hahine, memero bona iahu, boromakau bona mamoe bona doniki, ibouboudiai na dare matana amo e aladia mase.
JOS 6:22 Iosua ese hasinadoa taudia raruosi e hamaorodia, eto, Ariara hahinena ena ruma ai ba dae kau, hahine mai varavarana iboudiai ida ba hakaudia lasi, o gwau henidia hamata heḡereḡerena.
JOS 6:23 Taunabunai hari eregabe taudia gunaguna hasinadoa ela na e raka vareai, Rahaba mai tamana bona sinana bona taihuna bona varavarana iboudiai ida e hakaudia lasi; varavarana iboudiai e laohaidia, Israel taudia edia taruha murimurinai e rakatanidia.
JOS 6:24 Bena hanua na lahi amo e doua, mai anina idoinai ida; a gold bona silver bona auri labora-labora gaudia bona auri gaudia e abidia, Iehova ena ruma ai e haboudia, dava-bada ḡaudia e haboudiava gabuna ai.
JOS 6:25 A ariara hahinena Rahaba, tamana ena ruma taudia bona varavarana iboudiai ida, Iosua ese e hamauridia. Hahine na Israel ai e nohomu ema bona harihari; badina be ia ese Iosua ena hesiai taudia bae hasinadoa totona e siaidia na e rauadia.
JOS 6:26 Una negana ai Iosua ese hereva aukana e henidia, eto, Ina hanua Ieriko baine hadaia lou tauna na Iehova ese baine uduguiraia. Ruma badidia baine hagini davana na natuna roboana baine mase, bona ikoukou baine hagini davana na natuna tau-muritai baine mase.
JOS 6:27 Taunabunai, Iehova ese Iosua e bamoa; ia harina na tano idoinai e piua.
JOS 7:1 A Israel taudia na e revadia ḡaudia ediai e kerere; badina be Akan Karami, Sabdi Sera tubuna, luda iduhuna tauna, ese e gwaudia ahu ḡaudia haida e abi; taunabunai Iehova ena badu vada e siahu, Israel taudia latadiai.
JOS 7:2 Una negana ai Iosua ese tatau haida Ieriko amo e siaidia, e dae lao, hanua ladana Ai baela. Una hanua na Bet-avene badibadinai, Betele mairiveina kahana ai. E hamaorodia, eto, Aola, una tano ba hasinadoa.
JOS 7:3 Bena idia na e dae ela, Ai hanuana e hasinadoa. Bena idia na e lou, Iosua dekenai, e hamaoroa, eto, Taunimanima iboudiai na basiela; daha rua eiava daha toi mo baela, Ai hanuana bae tuari henia. Iboudiai na basio hahekwarahidia, basio siaidia; badina be hanua maraḡina mo.
JOS 7:4 Taunabunai, orea taudia bogaragidia amo daha toi sisivana e dae ela. Ai taudia ese e hadareredia, e hahavadia,
JOS 7:5 toi-ahui tauratoi sisivana e aladia mase. Hanua ikoukouna amo e hahavadia lao, ela bona Sebarimi, bena hekei gabuna ai e aladia mase. Bena Israel taudia na kudoudia e hetaha, bona lalodia e manokamanoka ranu na heto.
JOS 7:6 Bena Iosua ese ena dabua e dare, bona tano ai e goru diho, Iehova ena taravatu mauana vairanai, ela bona dina e diho, ia bona Israel tau-badadia danu. Gahu e abia danu, kwaradia ai e bubu.
JOS 7:7 Bena Iosua eto, Inaio! Ḡaubada Iehova o! dahaka dainai ina bese taudia Ioridane sinavaina amo vada o hakaudia hanai? Amoro taudia imadia ai ba negemai bena bae habuamai tari totona a? Lalomai bema heḡereḡere Ioridane sinavaina unukahana ai baiama noho bema namo.
JOS 7:8 Ḡaubada e, Israel na inaidia vairadiai vada e heau; lau na ede baina hereva toma?
JOS 7:9 Badina be Kanaan taudia bona ina tano ai e nohomu besedia iboudiai ese harina vada e kamonai, bena bae ḡeḡemai ahu, ai ladamai na tanobada ai bae kokia oho. Bena oi ladamu herea-daena na ede ba tomaia?
JOS 7:10 Iehova ese Iosua e hereva henia, eto, A tore isi, dahaka dainai ene e goru diho tomamu?
JOS 7:11 Israel vada e kerere, egu taravatu, na gwaurai henidia ḡauna, vada e tataia utu; vada na gwau ahu ḡaudia idia ese vada e abidia; vada e henao, vada e koikoi, unu ḡau na edia kohu lalodiai vada e hunidia.
JOS 7:12 Taunabunai, Israel taudia na inaidia vairadiai asi gini dibadia, bena vada e heau; badina be idia danu vada na revadia mase. Lau na basina bamomui lou, ela bona hari na gwau ahu ḡaudia na bogaragimui amo bavabidia oho, ba ha-oredia vaitani.
JOS 7:13 A tore isi, taunimanima ba hahelaḡadia, baoto: Sibomui ba hahelaḡa, kerukeru dina ena badina be Iehova, Israel eda Dirava, na e tomu “Israel e, inaimui vairadiai na basio gini diba, ela bona na gwau ahu ḡaudia na bogaragimui amo ba negedia daure”.
JOS 7:14 Taunabunai, kerukeru daba ai baoma, iduhu ta ta amo ba raka kahira; bena Iehova ese baine duanaia iduhuna na doḡoro ta ta amo ma bae raka kahira; bena Iehova ese baine duanaia doḡorona na ruma ta ta amo ma bae raka kahira; bena Iehova ese baine duanaia rumana be ruma taudia na ta ta amo ma bae raka kahira.
JOS 7:15 Bena na gwau ahu ḡaudia enai bae davaridia tauna na lahi ai bae hamasea, ena kohu idoinai danu lahi ai bae doua; badina be ia ese Iehova ena taravatu vada e tataia utu, bona hemarai karana ta vada e karaia Israel ai.
JOS 7:16 Daba matana ai Iosua e tore isi, Israel taudia e hakaudia kahira, iduhu ta ta amo; bena luda iduhuna e heduanai.
JOS 7:17 luda taudia ma e hakaudia kahira, doḡoro ta ta amo; bena Sera ena doḡoro e heduanai. Sera ena doḡoro taudia ma e hakaudia kahira, ruma ta ta amo; bena Sabdi ena ruma e heduanai.
JOS 7:18 Sabdi ena ruma taudia ma e hakaudia kahira, tatau ta ta amo; bena Akan Karami, Sabdi Sera tubuna, luda iduhuna tauna, e heduanai.
JOS 7:19 Bena Iosua ese Akan e hereva henia, eto, Natugu e, Iehova, Israel Diravana, ba heatolaia, heimodai ia mo ba henia. Mani a hamaorogu, oi na ede o kara toma; egu ai basio hunia.
JOS 7:20 Bena Akan ese Iosua e haere henia, eto, Momokani, lau na vada na kerere, Iehova, Israel Diravana, vairanai. Lau na ini na kara toma:
JOS 7:21 ta abi kohudia lalodiai lau na hahedoki dabuana namo-hereana ta, Sinara ḡauna, na itaia, bona silver sekeledia sinahu rua, bona gold tua ta, ena metau na sekele imahui; na hekise-hekise henidia, bena na abidia; a itaia, ḡaudia na tano ai e hepuni, egu kalaga ai; silver be henudiai.
JOS 7:22 Taunabunai Iosua ese haida e siaidia; e heau lao, bena kohu na e davaria, ena kalaga ai e hepuni, hari silver danu henudiai.
JOS 7:23 Bena kalaga lalona amo e abidia lasi, Iosua bona Israel taudia iboudiai dekedia e laohaidia, Iehova vairanai e atodia.
JOS 7:24 Bena Iosua bona Israel idoinai ese Akan Sera e abia, silver bona hahedoki bona gold tuana danu e abidia, bona natuna mamaruanedia bona natuna hahinedia, bona ena boromakau bona ena doniki bona ena mamoe, bona ena kalaga, bona ena kohu idoinai; ibouboudiai na Akoro kourana e laohaidia.
JOS 7:25 Bena Iosua eto, Dahaka dainai vada o hahekwarahimai? Hari dina ai Iehova ese oi e hahekwarahimumu. Bena Israel taudia iboudiai na nadi amo e hodoa; ena ḡau iboudiai danu lahi ai e doudia, bona nadi amo e hododia.
JOS 7:26 Bena ia latanai nadi e senu, una nadi senusenua bada-hereana na mia ema bona hari dina ai. Bena Iehova ena badu ma e keru lou. Taunabunai una gabu ladana e hatoamu Akoro Kourana, ema bona hari dina ai.
JOS 8:1 Iehova ese Iosua e hereva henia, eto, Basio gari; kudoumu basine hetaha. Tuari taudia iboudiai avabidia; a tore isi, Ai hanuana baola. A itaia, lau ese Ai pavapavana bona ena orea taudia bona ena hanua bona ena tano vada na henimu; idia na oi imamu ai.
JOS 8:2 Ieriko bona Ieriko pavapavana o kara henidia heḡereḡerena, Ai hanuana bona Ai pavapavana unu ba kara henidia toma; ḡau tamona, ena kohu bona ena ubu-ubu ḡaudia bavabi emui. Emu orea ta ba siaidia hehuni, hanua murina kahana amo bae hahoadia.
JOS 8:3 Taunabunai Iosua e tore isi, tuari taudia iboudiai ida; e heḡaeḡae, Ai hanuana baela. Iosua ese goada taudia gerebu toi e abidia hidi, hanuaboi ai e siaidia, bae guna.
JOS 8:4 E haḡanidia, eto, A kamonai: hanua murina kahana ai ba bani henidia; basio raka oho, ba noho heḡaeḡae.
JOS 8:5 A lau be egu orea taudia ida hanua baia raka henia kahi. Bena hanua taudia bae raka lasi, vanegai heḡereḡerena, bae tuari henimai totona; a ai be idia vairadiai baia heau.
JOS 8:6 Bena bae havamai; una dala ai hanua amo baia veridia oho dauhai: badina be idia na baeto “Vairada ai e heaumu, vanegai e heau heḡereḡerena”. Taunabunai ai na idia vairadiai baia heau;
JOS 8:7 bena umui na ba tore isi, emui komu gabuna ba rakatania, hanua na bavabia; badina be Iehova, emui Dirava, ese imamui ai baine atoa kau.
JOS 8:8 Hanua na bavabia negana ai, vada ba doua, Iehova ena hahedua heḡereḡerena. Vadaeni, vada name haḡanimui.
JOS 8:9 Taunabunai, Iosua ese e siaidia, bena edia komu gabuna ela, Betele bona Ai padadiai, Ai lahara kahana ai. A Iosua na ena orea taudia ida e nohova una hanuaboi ai.
JOS 8:10 Iosua na daba maraḡi ela, taunimanima e haboudia, bena idia bona Israel tau-badadia ida e dae ela, taunimanima vairadiai Ai ela.
JOS 8:11 Bena tuari taudia iboudiai, ia ida ela taudia, na e dae ela, hanua e raka henia kahi, Ai mirigini kahana ai e taruha. Edia taruha bona Ai hanuana padadia ai na koura dobudobuna ta.
JOS 8:12 A taunimanima daha ima sisivana e abidia, Betele bona Ai padadiai bae bani henidia, Ai lahara kahana ai.
JOS 8:13 Taunabunai iboudiai na edia gabu e abi, orea badana na hanua mirigini kahana ai, a e komu oreana na lahara kahana ai. A Iosua na koura ai e noho rani.
JOS 8:14 Ai pavapavana ese una kara e itaia, bena ia mai ena tuari taudia bona ena hanua taudia iboudiai na hanua amo e didi lasi, bena ia mai ena orea taudia, Ai hanuana taudia, e tore isi haraḡa, e didi lasi, Araba hekeidihona ela, Israel taudia bae tuari henidia totona; asi dibana orea ta be hanua murina kahana ai vada e komu.
JOS 8:15 Bena Iosua bona Israel taudia iboudiai ese e koidia, e kara vada e darere na heto, bena e heau, tano ḡaḡaena e heau lao.
JOS 8:16 Bena Ai taudia iboudiai e heau hebou, bae hahavadia totona; bena idia ese Iosua e havaia, hanua na e rakatania.
JOS 8:17 Ai bona Betele lalodiai tau ta dia noho; asi tauna ta Israel se havadia. I lanua na hekehona ai e rakatania, idia e havadia lao.
JOS 8:18 Bena Iehova ese Iosua e hamaoroa, eto, Io na imamu ai ba toia roro, Ai ba dudui henia; badina be oi imamu ai baina atoa kau. Taunabunai Iosua ese ena io na imana ai e toia roro, hanua e dudui henia.
JOS 8:19 Bena imana e toia roro negana ai, hari e komu oreana na edia komu gabuna amo e tore isi haraḡa, e heau lao, hanua lalonai e heau vareai, vada e abia; bena maoromaoro e doua.
JOS 8:20 Taunabunai, Ai taudia na e roha kerehai, hanua e doua kwalahuna guba ai e dae e itaia. Bena asi edia heau dalana ta; badina be tano ḡaḡaena e heau lao taudia na ma e lou, e havadia taudia ma e lou henidia.
JOS 8:21 Iosua bona Israel taudia iboudiai ese e itaia, e komu oreana ese hanua vada e abia, bona hanua e doua kwalahuna na e daeva, bena idia na e lou, Ai taudia e hadareredia.
JOS 8:22 Bena hari orea ta ma hanua amo e raka lasi, e tuan henidia; taunabunai Israel taudia na kahana kahana ai, idia na ihua-pada ai. Bena Israel ese e hadareredia, ta se mauri bona ta se heau.
JOS 8:23 A Ai pavapavana na e abia mauri, Iosua dekena e hakaua lao.
JOS 8:24 Israel taudia na Ai taudia iboudiai, hari tano ḡaḡaena ai e havadia taudia, na e aladia ore, iboudiai na dare amo e aladia mase. Una murinai idia na Ai e lou ela, noho taudia ma dare amo e aladia ore.
JOS 8:25 Una dina ai e aladia mase taudia iboudiai na gerebu-ta daha-rua, tatau bona hahine; Ai taudia iboudiai bunu.
JOS 8:26 Badina be Iosua ese io imana ai se veria lou ela bona Ai taudia iboudiai vada e aladia ore.
JOS 8:27 A Israel taudia ese ubu-ubu ḡaudia bona kohu una hanua lalona amo e abidia edia, Iehova ese Iosua e haḡania heḡereḡerena.
JOS 8:28 Taunabunai Iosua na Ai hanuana e doua bona e haseriseria; unu e mia tomamu ema bona hilrihari.
JOS 8:29 Bena ia ese Ai pavapavana e alaia mase, au ta ai e taua dae ela bona adorahi. Dina e diho, bena Iosua ese e haḡanidia dainai haida ese mase tauna na au amo e abia dobi, hanua ikoukouna ai e atoa diho; bena nadi e senu senu kau ia latanai. Una senusenu badana na doini mia, ema bona harihari.
JOS 8:30 Bena Iosua ese ihaboulaina patana ta e larebaia, Iehova, Israel Diravana, ena, Ebal ororona ai,
JOS 8:31 Mose, Iehova ena hesiai tauna, ena haheḡani heḡereḡerena, Mose ena taravatu bukana ai e torea, eto: Ihabiulaina patana na nadi kavakava, asie utu ḡaudia, amo ba karaia. Bena ia latanai ḡole-oho bouboudia bona herohemaino bouboudia e hahelaḡadia, Iehova ena.
JOS 8:32 Unuseni ai Mose ese ena taravatu ma e torea lou una nadi ai; Israel taudia vairadiai e torea.
JOS 8:33 Bena Israel idoinai, Israel taudia korikori bona bogaradiai e noho hedoava taudia, Israel tau-badadia bona heitatao taudia bona hahemaoro taudia ida, taravatu mauana kahana kahana ai e gini, hahelaḡa taudia Levi iduhuna amo, Iehova ena taravatu mauana e huaia taudia, vairadiai. Kahana na Gerisim ororona vairanai e gini, ma kahana Ebal ororona vairanai, Mose, Iehova ena hesiai tauna, ena haheḡani gunaguna e henidia heḡereḡerena, Israel taudia ihanamodia totona.
JOS 8:34 Una murinai ia ese taravatu herevadia iboudiai e duahi, hahenamo herevadia bona heuduguirai herevadia, taravatu bukana ai e tore herevadia iboudiai heḡereḡeredia.
JOS 8:35 Mose ena haheḡani herevana ta Iosua ese se hamorua; iboudiai e duahidia hedinarai, Israel taudia edia hebou ai, tatau bona hahine, memero bona kekeni, bona noho-hedoa taudia danu, vairadiai.
JOS 9:1 Ioridane sinavaina unukahana pavapavadia iboudiai, ororo ai bona taora ai, ela bona Davara Badana konena Lebanon kahana ai, Hiti bona Amoro bona Kanaan bona Perisi bona Hivi bona Iebusu taudia edia pavapava, ese una hari e kamonai;
JOS 9:2 bena mai lalodiai tamona e hebou, Iosua bona Israel taudia bae tuari henidia eto.
JOS 9:3 A Gibeon taudia na Iosua harina e kamonai, Ieriko bona Ai hanuadia ede e karadia toma;
JOS 9:4 bena hedibaḡani karana ta e karaia. Idia na aniani e habou, laolao taudia na heheto, puse gunadia bona vine-ranuna kopidia gunadia, vada e hedare ma e bani ḡaudia, na edia doniki dorudia ai e ato kau.
JOS 9:5 Tamaka gunadia, vada e bani ḡaudia, bona dabua gunadia, vada e hedare ḡaudia, e dokidia; adia flaoa danu vada e auka bona vada e valavala.
JOS 9:6 Bena Iosua dekena ela, Gilgal taruhana ai, ia bona Israel taudia e hamaorodia, eto, Ai na gabu daudau amo vada ama, umui ida baita herohemaino a tomu.
JOS 9:7 Bena Israel taudia ese Hivi taudia e hamaorodia, eto, Umui na readia ina tano ai o nohomu. Ede baita herohemaino toma?
JOS 9:8 A idia ese Iosua ma e hamaoroa, eto, Ai na oiemu hesiai taudia. Iosua ese ma e nanadaidia, eto, Umui be daidia? Bona ede amo vada oma?
JOS 9:9 Idia ese e haere henia, eto, Emu hesiai taudia na gabu daudau amo, Iehova, emui Dirava, ladana dainai vada ama. Badina be ia harina vada a kamonai, bona ena kara iboudiai Aigupto ai e karava sivaraidia;
JOS 9:10 bona Amoro pavapavadia raruosi, Ioridane sinavaina unukahana ai, Sihon, Hesebon pavapavana, bona Og, Basan pavapavana, Astaroto ai e nohova, na ede o karadia toma vada a kamonai.
JOS 9:11 Bena emai tano lohiadia bona emai tano taudia iboudiai ese e haḡanimai, eto “Dala lakwana bavabia, idia dekedia baola, baoto: Ai na emui hesiai taudia, mani aita herohemaino”.
JOS 9:12 Amai flaoa binai, emai dala lakwana, dekemui baiama totona a tore isi dinana ai emai ruma amo a abia lasi mai siahu-siahuna ida. A itaia, harihari ia na vada eme auka, eme valavala danu.
JOS 9:13 Ini vine ranuna kopidia danu, a hahonudia negana ai idia na mamatamata; a itaia, harihari idia na vada e hedare patapata. Emai dabua bona emai tamaka danu vada e dika, dala daudau amo vada ama dainai.
JOS 9:14 Bena Israel taudia na edia aniani taidia taidia e ani; Iehova ena hahedua asie tahua.
JOS 9:15 Bena Iosua na idia ida e herohemaino bona e gwau hamata, basine aladia mase eto. Hebou ikwarana taudia danu unu e gwau hamata toma.
JOS 9:16 Dina toi vada ela, una herohemaino karana murinai, bena sivaraidia e kamonai, idia na dekedia taudia, bona badidiai e nohomu.
JOS 9:17 Bena Israel taudia na edia laolao ela, dina ihatoina ai idia edia hanua ai e kau. Edia hanua be Gibeon bona Kefira bona Beroto bona Kiriat-iearimi.
JOS 9:18 Bena Israel taudia ese asie aladia mase, badina be hebou ikwarana taudia ese vada e gwau henidia hamata, Iehova, Israel edia Dirava, ladana ai.
JOS 9:19 Bena Israel taudia iboudiai ese edia lohia e maumauraidia. A hebou ikwarana taudia iboudiai ese hebou taudia iboudiai e hamaorodia, eto, Ai ese Iehova, Israel Diravana, ladana ai vada a gwau henidia hamata; harihari ita ese basita daudia toho diba.
JOS 9:20 A ini baita karadia toma: baita hamauridia, badu ita edai baine kau na garina, badina be ai ese a gwau henidia hamata.
JOS 9:21 Hari lohia ma eto, Baita hamauridia. Taunabunai, idia na au-siri bona ranu-utu taudia ai ela, hebou taudia iboudiai edia, hebou ikwaradia taudia edia hereva heḡereḡerena.
JOS 9:22 Bena Iosua ese e boiridia, e gwau henidia, eto, Dahaka dainai o koimai? Umui oto “Ai na gabu daudau amo vada ama”, a ḡau be gabu kahikahi ai o nohomu.
JOS 9:23 Taunabunai, heuduguirai herevana na latamui ai baina gwauraia: umui na hesiai iḡuidia ai ba noho; au ba siri bona ranu ba utu, egu Dirava ena ruma ena.
JOS 9:24 Idia ese Iosua e haere henia, eto, Ai bini emu hesiai taudia na harina a kamonai, Iehova, emu Dirava, ese ena hesiai tauna Mose e haḡania, ina tano taudia iboudiai baine aladia mase vairamui ai; taunabunai, ai na a gari dikadika, emai roho-mauri dalana a tahua, umui daimui ai. Bena ini a kara toma.
JOS 9:25 Harihari ai na oi imamu ai; edena kara ba laloa namo bona maoro, unu ba karamai toma.
JOS 9:26 Taunabunai ia ese Israel taudia imadia amo e hamauridia; asie aladia mase.
JOS 9:27 A una dina ai Iosua ese au-siri taudia bona ranu-utu taudia ai e halaodia, Israel taudia edia, bona Iehova ena ihaboulaina patana ena, ema bona harihari, e heabi hidi gabuna ai.
JOS 10:1 Adoni-sedek, Ierusalem pavapavana, ese Iosua harina e kamonai, ia ese Ai vada e habuaia tari, una hanua mai pavapavana ida vada e kara henidia Ieriko mai pavapavana ida e kara henidia heḡereḡerena; e kamonai danu Gibeon taudia na Israel taudia ida vada e herohemaino bona idia ida e noho hebouva.
JOS 10:2 Bena e gari dikadika; badina be Gibeon na hanua badana, pavapava ta ena hanua na heto; ia ese Ai e hereaiava, bona hanua taudia iboudiai na tuari taudia mai goadadia.
JOS 10:3 Taunabunai, Adonisedek, Ierusalem pavapavana, ese ena gwau-kau na Hohama, Heberon pavapavana, bona Pirama, Iaramutu pavapavana, bona Iafia, Lakisi pavapavana, bona Debiri, Eglon pavapavana, dekedia e siaia, eto,
JOS 10:4 Dekegu aoma, ba durugu, Gibeon baita tuari henia; badina be idia na Iosua bona Israel taudia ida vada e herohemaino.
JOS 10:5 Bena Amoro pavapavadia laimaosi, Ierusalem pavapavana bona Heberon pavapavana bona Iaramutu pavapavana bona Lakisi pavapavana bona Eglon pavapavana, e hebou, edia tuari oreadia iboudiai e hakaudia lao, Gibeon vairanai e taruha, e tuari henia.
JOS 10:6 Bena Gibeon taudia ese edia gwau-kau na Iosua dekena e siaia lao, Gilgal taruhana ai, eto, Imamu na emu hesiai taudia latamai amo basio abia oho; aoma haraḡa, ba hamaurimai bona ba durumui; badina be Amoro pavapavadia iboudiai ororo kahadia amo vada e hebou, vada e tuari henimai.
JOS 10:7 Taunabunai Iosua na Gilgal amo e dae ela, mai ena orea idoinai bona ena tuari taudia iboudiai ida.
JOS 10:8 Bena Iehova ese Iosua e hamaoroa, eto, Idia garidia basio gari, badina be oi imamu ai vada na atodia; idia ta oi vairamu ai basine gini.
JOS 10:9 Taunabunai Iosua na hanuaboi horana idoinai Gilgal amo e raka rani, e hahoadia.
JOS 10:10 Bena Iehova ese e hagaridia, Israel taudia vairadiai; bena Israel taudia ese hutuma bada e aladia mase Gibeon ai, bona oredia e hahavadia lao, Bete-horono e dae lao dalana ai, heaudia ai e aladia mase, ela bona Aseka bona Makeda.
JOS 10:11 Israel taudia vairadia amo ma e heau lao, Bete-horono amo ma e hekei diho; unuseni ai Iehova ese medu hetaridia badadia guba amo e hadihodia idia latadiai, ela bona Aseka; unu amo e amasedia. Medu hetarina amo e mase taudia ese Israel taudia edia dare amo e mase taudia na e hereadia.
JOS 10:12 Iehova ese Israel taudia imadia amo Amoro taudia e hadareredia dinana ai, Iosua ese Iehova e noia, Israel taudia vairadiai e hereva, eto, Dina o, Gibeon daenai ba rahu tao, Oi hua danu, Aialono kourana ai!
JOS 10:13 Bena dina e rahu tao, bona hua na gabuna ai e noho, ela bona Israel taudia ese inaidia amo davadia e abi. Iasara ena buka ai na ini e torea toma, ani? Dina na atai ai e rahu tao, se ḡelo, ela bona dina ta heḡereḡerena.
JOS 10:14 Nega ta dina hata Iehova ese tau ta unu se kamonai henia toma, guna eiava murinai; badina be Iehova ese Israel edia tuan ai e tuariva.
JOS 10:15 Bena Iosua na Israel taudia iboudiai ida e lou ela, Gilgal taruhana e lou henia.
JOS 10:16 Unu hanua pavapavadia laimaosi na e heau, Makeda kohuana ai e komu.
JOS 10:17 Bena haida ese Iosua e hamaoroa, eto, Hari pavapava laimaosi vada e davaridia, Makeda kohuana ai e komumu.
JOS 10:18 Bena Iosua eto, Nadi badadia bae keidia lao, kohua iduarana bae kurea ahu, bena kito taudia na badibadinai ba rakatanidia;
JOS 10:19 a umui na basio halahe, inaimui do ba hahavadia, muridia amo bavala-ala henidia, edia hanua na basie heau vareai; badina be Iehova, emui Dirava, ese umui imamui ai vada e atodia.
JOS 10:20 Iosua bona Israel taudia ese vada e habuadia tari, ela bona hutuma bada vada e mase ore, ta ta mo hanua mai maḡudia lalodiai e heau vareai, bena e mauri.
JOS 10:21 Una murinai Israel taudia iboudiai na Iosua dekena e lou lao, Makeda taruhana ai e nohova mai mainodia ida; tau ta ese malana se hamarerea, Israel taudia iherevalaidia.
JOS 10:22 Bena Iosua eto, Kohua iduarana a kehoa, unu pavapava laimaosi ba hakaudia lasi, lau dekegu ai ba mailaidia.
JOS 10:23 Bena unu e kara toma: hari pavapava laimaosi e hakaudia lasi, Iosua dekena e laohaidia: Ierusalem pavapavana bona Heberon pavapavana bona laramutu pavapavana bona Lakisi pavapavana bona Eglon pavapavana.
JOS 10:24 Laimaosi e hakaudia lasi Iosua vairanai; bena Iosua ese Israel taudia iboudiai e boiridia; bena ia ese tuari lohiadia, tuari ai e bamoava taudia, e hamaorodia, eto, A raka kahi mai, aemui na ini pavapava aiodia ai ba moi kau. Taunabunai, idia na e raka kahira, aedia na aiodia ai e moi kau.
JOS 10:25 Iosua ma e hamaorodia, eto, Basio gari, kudoumui na basie hetaha; ba goada, ba haheauka, badina be Iehova ese inaimui iboudiai ini baine karadia toma, ba tuari henidia negadia ai.
JOS 10:26 Una murinai, Iosua ese laimaosi e aladia mase, au auima ai e taudia dae; e hetau dae ela bona dina e diho.
JOS 10:27 Dina e diho, bena Iosua e hahedua, bena haida ese au amo e abidia dobi, Ialonai e komuva kohuana ai ma e tahodia vareai; bena nadi badadia e abi, kohua iduarana e kurea ahu. Unu e mia tomamu ema bona han dina.
JOS 10:28 Una dina ai Iosua ese Makeda e abia, e habuaia tari; hanua pavapavana e alaia mase, bona hanua taudia iboudiai e aladia ore, ta se roho mauri. Ieriko pavapavana e kara henia heḡereḡerena, Makeda pavapavana danu unu e kara henia toma.
JOS 10:29 Bena Iosua bona Israel taudia iboudiai na Makeda amo ela, Libna ai e kau; bena e tuari henia.
JOS 10:30 Bena Iehova ese Libna danu, mai pavapavana ida, Israel taudia imadia ai e atodia. Bena e habuaia tari, hanua taudia iboudiai dare amo e aladia ore, ta se roho mauri. Ieriko pavapavana e kara henia heḡereḡerena, Libna pavapavana danu unu e kara henia toma.
JOS 10:31 Bena Iosua bona Israel taudia iboudiai na Libna amo ela, Lakisi ai e kau, e koua heḡeḡe bona e tuari henia.
JOS 10:32 Bena Iehova ese Lakisi danu Israel taudia imadia ai e atoa; dina iharuana ai e abia, e habuaia tari, hanua taudia iboudiai dare amo e aladia ore, Libna ai e karaia heḡereḡerena.
JOS 10:33 Horama, Gesere pavapavana, ema, Lakisi taudia idurudia totona, a Iosua ese ia mai ena orea taudia iboudiai e hadareredia, e aladia ore.
JOS 10:34 Bena Iosua bona Israel taudia iboudiai na Lakisi amo ela, Eglon ai e kau; e koua heḡeḡe bona e tuari henia;
JOS 10:35 una dina ai e abia, e habuaia tari, hanua taudia iboudiai na dare amo e aladia ore, Lakisi ai e karaia heḡereḡerena.
JOS 10:36 Bena Iosua bona Israel taudia iboudiai na Eglon amo ela, Heberon ai e kau, e tuari henia;
JOS 10:37 e abia, dare amo e aladia, hanua pavapavana danu e alaia, bona hanua maraḡidia taudia iboudiai na dare amo e aladia ore, ta se roho mauri. Eglon ai e karaia heḡereḡerena, unu ma e kara toma: e habuaia tari, bona taunimanima iboudiai e aladia ore.
JOS 10:38 Bena Iosua bona Israel taudia iboudiai na e lou, Debiri ela, e tuari henia;
JOS 10:39 bena e abia, mai pavapavana bona mai ena hanua iboudiai ida. Bena e habuaia tari, hanua taudia iboudiai na dare amo e aladia ore, ta se roho mauri. Heberon e kara henia bona Libna mai pavapavana ida e kara henidia heḡereḡerena, Debiri mai pavapavana ida unu e karadia toma.
JOS 10:40 Taunabunai, Iosua ese tano idoinai e hadarerea: ororo kahadia bona diho kahana, taora bona ororo gabaedia, mai pavapavadia iboudiai ida; ta se hamauria. Mai laḡadia ḡaudia iboudiai e aladia ore, Iehova, Israel Diravana, ese e haḡania heḡereḡerena.
JOS 10:41 Iosua ese e hadareredia, Kade-baranea amo ela bona Gasa, bona Gosen tanona idoinai ela bona Gibeon.
JOS 10:42 Hanua pavapavadia iboudiai e abidia, bona edia tano danu una nega tamona ai e abidia vaitani; badina be Iehova, Israel Diravana, na Israel edia tuari ai e tuariva.
JOS 10:43 Bena Iosua e lou lao, Israel taudia iboudiai ida, Gilgal taruhana e lou henia.
JOS 11:1 Iabin, Hasoro pavapavana, ese unu hari e kamonai, bena ia ese gwau-kau e siaia, Iobab, Madon pavapavana, dekenai,
JOS 11:2 bona Simron pavapavana bona Akasaf pavapavana dekediai, bona ororo gabudia pavapavadia dekediai, mirigini kahana ai, bona Araba taorana pavapavadia, Kineroto diho kahana ai, bona koura hanuadia pavapavadia, bona Doro ororodia hanuadia pavapavadia, lahara kahana ai.
JOS 11:3 Gwau-kau e siaia danu Kanaan taudia dekediai, mairiveina kahana ai bona lahara kahana ai, bona Amoro taudia bona Hiti taudia bona Perisi taudia dekediai, bona Iebusu taudia dekediai, ororo kahadia ai, bona Hivi taudia dekediai, Heremon ororona badi-tanona ai, Mispa tanona ai.
JOS 11:4 Iboudiai e tore isi, edia tuari taudia iboudiai ida, taunimanima hutuma bada, kone mirina na heto, mai edia hosi momo herea bona edia kariota momo herea danu.
JOS 11:5 Unu pavapava iboudiai na edia tuari oreadia e haboudia, ela, Merom ranudia badidiai e taruha, Israel taudia bae tuari henidia totona.
JOS 11:6 Bena Iehova ese Iosua e hereva henia, eto, Idia garidia basio gari; badina be kerukeru hora inihetomana ai lau ese imamui ai baina atodia, iboudiai na bae mase ore Israel vairadiai: edia hosi aedia varovarodia ba utu, bona edia kariota na lahi ai ba doudia.
JOS 11:7 Taunabunai, Iosua mai ena tuari oreadia iboudiai na ediai e hedinarai taku Merom ranudia badidiai, bena e tuari henidia.
JOS 11:8 Bena Iehova ese Israel taudia imadia ai e atodia: Israel taudia ese e hadareredia, e hahavadia ela bona Sidono badana bona Misirefoto-maimi, ma e hahavadia ela bona Mispe kourana, mairiveina kahana ai; iboudiai e aladia ore, ta se roho mauri.
JOS 11:9 Bena Iosua ese Iehova ena haheḡani heḡereḡerena e kara henidia: edia hosi na aedia varovarodia e utu, bona edia kariota na lahi ai e doudia.
JOS 11:10 Una negana ai Iosua na e lou, hanua ta ladana Hasoro e abia, bona pavapavana na dare amo e alaia mase; badina be nega gunadia Hasoro ese unu basileia iboudiai e hereadiava.
JOS 11:11 Bena taunimanima iboudiai una hanua lalonai na idia ese dare amo e aladia mase, ela bona iboudiai vada e habuadia ore; ta se mauri. Bena Hasoro na lahi amo e doua.
JOS 11:12 Unu pavapava edia hanua iboudiai, mai pavapavadia iboudiai ida, Iosua ese e abidia, dare amo e aladia mase, e habuadia ore, Mose, Iehova ena hesiai tauna, ena haheḡani heḡereḡerena.
JOS 11:13 A Israel taudia na ororo komutadia doridia ai e hadai hanuadia asie doudia; tamona mo, Hasoro, Iosua ese e doua.
JOS 11:14 Unu hanua kohudia na Israel taudia ese e abi, edia kohu ai e halao; bona boromakau danu. A taunimanima be iboudiai dare amo e aladia mase, e habuadia ore; ta se mauri.
JOS 11:15 Iehova ese ena hesiai tauna Mose e haḡania heḡereḡerena, Mose ese Iosua ma e hagania, bena Iosua na unu e kara toma. Iehova ese Mose e haḡanilaia karadia iboudiai Iosua ese e kara; ta se reaia.
JOS 11:16 Taunabunai Iosua ese una tano idoinai e abia, ororo kahadia, bona diho kahana idoinai, bona Gosen tanona, bona koura iboudiai, bona Araba tanona, bona Israel ororodia bona kouradia:
JOS 11:17 Halak ororona amo, Seiri kahana ai, ela bona Baal-gad, Lebanon kourana ai, Heremon ororona baditanona ai. Hanua pavapavadia iboudiai e hadareredia bona e aladia mase.
JOS 11:18 Iosua ese nega daudau unu pavapava e tuari henidia.
JOS 11:19 Asi hanua ta Israel ida e herohemaino, Hivi taudia Gibeon ai e nohova mo sibodia; iboudiai na tuari ai e abidia.
JOS 11:20 Badina be Iehova ese lalodia e ha-aukadia, Israel taudia bae tuari henidia bena Israel ese bae habuadia tari totona; basie bogadia hisi, a bae aIadia ore, Iehova ese Mose e haḡania heḡereḡerena.
JOS 11:21 Una negana ai Iosua na e tore isi, Anakim taudia e habuadia tari, ororo gabudia ai, Heberon ai, Debiri ai, Anab ai, Iuda ororodia iboudiai, bona Israel ororodia iboudiai; Iosua ese e aladia ore bona edia hanua e habuadia tari.
JOS 11:22 Anakim tauna ta se mauri, Israel taudia edia tano idoinai; a Gasa ai bona Gata ai bona Asdod ai na haida dounu e mauri nohova.
JOS 11:23 Taunabunai Iosua ese tano idoinai e abia, Iehova ese Mose e herevalai henia herevadia iboudiai heḡereḡeredia. Bena Iosua ese Israel taudia e henidia, iduhu ta ta ena tano ena tano e henidia. Una negana ai tuari e doko, bona tano na e laḡa ani.
JOS 12:1 Hanua pavapavadia una tano ai, Israel taudia ese e hadareredia bona edia tano e abi, Ioridane sinavaina mairiveina kahana ai, Aranon kourana ela bona Heremon ororona bona Araba taorana idoinai mairiveina kahana ai, ladadia bini.
JOS 12:2 Ta be Sihon, Amoro pavapavana: ia na Hesebon ai e nohova. E halohiaiava tanona na Aroere amo, Aranon kourana isena ai, bona koura bogaragina amo ela bona labok sinavaina, Amono taudia edia tano hetoana. Una na Gilead tanona kahana.
JOS 12:3 Bona Araba tanona danu iena, Kineroto gohuna mairiveina kahana amo ela bona Bet-iesimoto, ela bona Araba gohuna (Tadi Gohuna), bona diho kahana tanona ela bona Pisga ororona badi-tanodia.
JOS 12:4 Ma ta be Og, Basan pavapavana, Refaim tauna ta: ia na Astaroto ai bona Edrei ai e nohova.
JOS 12:5 E halohiadiava tanodia na Heremon ororona bona Saleka bona Basan tanona idoinai ela bona Gesuru taudia bona Maakata taudia edia tano hetoadia. Gilead tanona kahana danu iena, ela bona Sihon, Hesebon pavapavana, ena tano hetoana.
JOS 12:6 Iehova ena hesiai tauna Mose bona Israel taudia ese e hadareredia; bena Iehova ena hesiai tauna Mose ese idia raruosi edia tano e abi, Ruben iduhuna taudia bona Gad iduhuna taudia bona Manase iduhuna kahana taudia e henidia, edia tano ai bae halaoa.
JOS 12:7 Hanua pavapavadia una tano ai danu Iosua bona Israel taudia ese e hadareredia, Ioridane sinavaina lahara kahana ai, Baal-gad amo, Lebanon kourana ai, ela bona Halak ororona, Seiri kahana ai. Bena Iosua ese edia tano e abi, Israel iduhudia e henidia, edia tano ai bae halao, iduhu ta ta ena tano ena tano ai baela;
JOS 12:8 ororo bona koura, Araba taorana bona ororo gabaedia bona tano ḡagaedia, bona diho kahana tanodia; Hiti taudia bona Amoro taudia bona Kanaan taudia bona Perisi taudia bona Hivi taudia bona Iebusu taudia edia tano.
JOS 12:9 Pavapava bini: Ieriko pavapavana, ta; Ai pavapavana (Ai be Betele badibadinai), ta;
JOS 12:10 Ierusalem pavapavana, ta; Heberon pavapavana, ta;
JOS 12:11 Iaramutu pavapavana, ta; Lakisi pavapavana, ta; I
JOS 12:12 Eglon pavapavana, ta; Gesere pavapavana, ta;
JOS 12:13 Debiri pavapavana, ta; Gedere pavapavana, ta;
JOS 12:14 Horoma pavapavana, ta; Arada pavapavana, ta;
JOS 12:15 Libna pavapavana, ta; Adulama pavapavana, ta;
JOS 12:16 Makeda pavapavana, ta; Betele pavapavana, ta;
JOS 12:17 Tapua pavapavana, ta; Hefere pavapavana, ta;
JOS 12:18 Afek pavapavana, ta: Lasarono pavapavana, ta;
JOS 12:19 Madon pavapavana, ta; Hasoro pavapavana, ta;
JOS 12:20 Simrono-meron pavapavana, ta; Akasaf pavapavana, ta;
JOS 12:21 Taanak pavapavana, ta; Megido pavapavana, ta;
JOS 12:22 Kede pavapavana, ta; Iokoneam pavapavana (Iokoneam be Karamele ai), ta;
JOS 12:23 Doro pavapavana (Doro be Nafata-doro ai), ta; Goimi pavapavana (Goimi be Gilgal ai), ta;
JOS 12:24 Tirisa pavapavana, ta. Pavapava iboudiai na toi-ahui ta.
JOS 13:1 Iosua vada e buruka, ena mauri laḡanidia na momo herea. Iehova ese e hereva henia, eto, Oi na vada o buruka, emu mauri laḡanidia na momo herea; a tano bada-hereana na do asio abia.
JOS 13:2 Dounu mimia tanodia bini: Filistia taudia edia tano iboudiai, bona Gesuru taudia edia tano iboudiai.
JOS 13:3 Sihoro, Aigupto mairiveina kahana tanona, amo mirigini kahana e laomu ela bona Ekron hetoana na Kanaan taudia edia tano e tomamu. Filistia lohiadia na laima: Gasa lohiana, Asdod lohiana, Askelono Iohiana, Gata lohiana, bona Ekron lohiana. Avim taudia edia tano danu do asio abia.
JOS 13:4 Diho kahana ai dounu mimia tanodia be Kanaan taudia edia tano idoinai; bona Meara, Sidono taudia edia tano, ela bona Afek, ela bona Amoro taudia edia tano hetoana;
JOS 13:5 bona Gebala taudia edia tano, bona Lebanon tanona idoinai, mairiveina kahana ai, Baal-gad amo, Heremon ororona badi-tanona ai, ela bona Hamat raka-vareaina.
JOS 13:6 Ororo ai e nohomu taudia iboudiai, Lebanon amo ela bona Misirefoto-maimi, Sidono taudia iboudiai, lau ese baina luludia lasi Israel taudia vairadiai. Ḡau tamona, tano na ba haria, Israel taudia ahudia ba henidia.
JOS 13:7 Taunabunai ina tano ba haria, iduhu taurahani-ta bona Manase iduhuna kahana na ahudia ba henidia.
JOS 13:8 A Manase iduhuna kahana na Ruben bona Gad iduhudia ida ahudia vada e abi guna; Mose ese e henidia, Ioridane sinavaina mairiveina kahana ai. Iehova ena hesiai tauna Mose ese e henidia:
JOS 13:9 Aroere amo, Aranon kourana isena ai, bona koura bogaragina hanuana amo bona Medeba taorana amo ela bona Dibon;
JOS 13:10 bona Sihon, Amoro taudia edia lohia, Hesebon pavapavana, ena hanua iboudiai, ela bona Amono taudia edia tano hetoana;
JOS 13:11 bona Gilead; bona Gesuru taudia bona Maakata taudia edia tano; bona Heremon ororona idoinai; bona Basan idoinai ela bona Saleka,
JOS 13:12 Og, Astaroto bona Edrei pavapavana, ena tano idoinai Basan ai. Hari Og be Refaim tauna; Refaim besena idoinai ia mo sibona dounu noho. Ini na Mose ese e hadareredia bena e luludia lasi.
JOS 13:13 Ḡau tamona, Israel taudia na Gesuru taudia bona Maakata taudia asie luludia lasi; Gesuru taudia bona Maakata taudia na doini Israel taudia bogaragidiai e nohomu ema bona harihari.
JOS 13:14 Levi iduhuna taudia mo Mose ese tano ta se henidia, badina be Iehova, Israel Diravana, vada e hereva, boubou ḡaudia lahi ai e gabudia na idia ahudia.
JOS 13:15 Mose ese Ruben iduhuna taudia na edia doḡoro ta ta ai ahudia e henidia.
JOS 13:16 Edia tano na Aroere amo e matamaiamu, Aranon kourana isena ai. Koura bogaragina hanuana na idia edia, bona Medeba taorana idoinai.
JOS 13:17 Hesebon danu edia, mai ena taora hanuadia iboudiai; bona Dibon, bona Bamoto-baal, bona Bete-baal-meono;
JOS 13:18 bona lahasa, bona Kedemoto, bona Mefata;
JOS 13:19 bona Kiriataimi, bona Sibma, bona Seretesahara, una koura ororona ai;
JOS 13:20 bona Bete-peoro, bona Pisga ororona gabaena, bona Bet-iesimoto.
JOS 13:21 Taora hanuadia iboudiai na idia edia; bona Sihon, Amoro taudia edia lohia, Hesebon pavapavana, ena basielia idoinai. Una Sihon na Mose ese e hadarerea: ia bona Midian lohiadia, Evi bona Rekeme bona Suru bona Huru bona Reba. Una na Sihon ena basileia lohiadia, una tano e noholaia.
JOS 13:22 Balaam Beoro danu, rohe tauna ta, Israel taudia ese dare amo e alaia mase, taunimanima loḡora ida.
JOS 13:23 Ruben iduhuna taudia edia tano hetoana na Ioridane sinavaina isena. Ruben iduhuna taudia ahudia bunu, edia deḡoro ta ta amo bona edia hanua badadia bona maraḡidia ta ta amo e abi.
JOS 13:24 Mose ese Gad iduhuna taudia na edia doḡoro ta ta ai ahudia e henidia.
JOS 13:25 Edia tano na lasere, bona Gilead hanuadia iboudiai, bona Amono taudia edia tano kahana, ela bona Aroere, Raba mairiveina kahana ai.
JOS 13:26 Hesebon amo ela bona Ramata-mispe bona Betonimi danu idia edia; bona Mahanaim ela bona Debiri hetoana.
JOS 13:27 Koura ai, Bete-haram bona Bete-nimra bona Sukoto bona Safon na edia, bona Sihon, Hesebon pavapavana, ena basileia orena; hetoana na Ioridane sinavaina ela bona ranu na Kinerete gohuna amo e aru lasimu gabuna ai, Ioridane mairiveina kahana ai.
JOS 13:28 Gad iduhuna taudia ahudia bunu, edia doḡoro ta ta amo bona edia hanua badadia bona maraḡidia ta ta amo e abi.
JOS 13:29 Mose ese Manase iduhuna kahana taudia na edia doḡoro ta ta ai ahudia e henidia.
JOS 13:30 Edia tano na Mahanaim amo ela bona Basan tanona idoinai, Og, Basan pavapavana, ena basileia idoinai, bona lairi ena hanua iboudiai Basan ai: hanua iboudiai na tauratoi-ahui.
JOS 13:31 Gilead kahana danu idia edia, bona Astaroto bona Edrei, Og ena basileia hanuadia Basan ai: unu na Makiri Manase garana e henidia, Makiri iduhuna kahana taudia ahudia, edia doḡoro ta ta ai e abi.
JOS 13:32 Taunimanima ahudia bini Mose ese e hari, Moab taoradia ai, Ioridane unukahana ai, Ieriko mairiveina kahana ai.
JOS 13:33 A Levi iduhuna taudia na Mose ese tano ta se henidia; Iehova, Israel Diravana, e hereva heḡeregerena, idia ahudia be ia.
JOS 14:1 Israel taudia na Kanaan tanona ai ahudia e abi herevadia bini: hahelaḡa tauna Eleasara bona Iosua Nunu bona Israel iduhudia ikwaradia taudia ese tano e haria.
JOS 14:2 Iharina na mari amo, Iehova ese Mose e haḡania heḡereḡerena, iduhu taurahani-ta bona iduhu kahana edia.
JOS 14:3 A iduhu rua bona iduhu kahana na Mose ese ahudia e henidia Ioridane sinavaina unukahana ai. Levi iduhuna na ahuna se henia;
JOS 14:4 a Iosef garana na iduhu rua, Manase iduhuna bona Efraim iduhuna. Levi taudia na tano ta asie henidia, a bae noholai hanuadia mo e henidia, bona rei gabudia, edia ubu-ubu ḡaudia iubulaidia.
JOS 14:5 Iehova ese Mose e haḡania heḡereḡerena, Israel taudia na unu e kara toma: tano na e haria.
JOS 14:6 Iuda taudia na Iosua dekena ela, Gilgal ai. Bena Kaleb lefune, Kenisi tauna, ese e hereva henia, eto, Oi dibamu Iehova ese oi herevamu bona lau herevagu na Mose, Dirava ena tau, ede e herevalai henia toma, Kadebaranea ai.
JOS 14:7 Lauegu mauri laḡanidia na hari-ahui negana ai, Iehova ena hesiai tauna Mose ese e siaigu, Kade-baranea amo bainala, tano baina hasinadoa, eto; bena tano sivaraina na loulaia, lalogu na hadailaia heḡereḡerena.
JOS 14:8 Tadikakagu, e bamogu taudia, ese taunimanima lalodia e hamanokadiava; a lau ese Iehova, egu Dirava, na badinaia tarika-tarikava.
JOS 14:9 Una dina ai Mose e gwau hamata, eto, Momokani, oi aemu vada e moia tao tanona na emu tano ai bainela, oiemu bona oi garamu edia, ela bona hanaihanai, badina be Iehova, emu Dirava, vada o badinaia tarika-tarika.
JOS 14:10 Harihari a itagu, Iehova ese vada e hamaurigu, ena hereva heḡereḡerena, ini laḡani hari-ahui ima lalodiai, Israel dounu tano ḡaḡaena ai e laolaova ai na Iehova ese ina hereva Mose e hamaorolaia dinana amo ema bona hari; harihari egu mauri laḡanidia na taurahani-ahui ima.
JOS 14:11 Hari dina ai egu goada na doini mia, Mose ese e siaigu dinana ai heḡereḡerena; tuari ai eiava lao mai ai egu goada na heḡereḡere, unu dina ai bona hari ina dina ai danu.
JOS 14:12 Taunabunai, ina ororo tanona una dina ai Iehova ese e herevalaia na harihari ba henigu. Badina be una dina ai harina o kamonai Anakim taudia na unuseni ai, o kamonai danu edia hanua na babada bona mai maḡudia. Reana Iehova ese baine bamogu, bena baina luludia lasi, Iehova ena hereva hegereḡerena.
JOS 14:13 Bena Iosua ese e hanamoa, Heberon tanona na Kaleb lefune e henia, ena tano korikori ai bainela.
JOS 14:14 Taunabunai Heberon na Kaleb lefune, Kenisi tauna, ena tano, ema bona harihari, badina be ia ese Iehova, Israel Diravana, e badinaia tarika-tarika.
JOS 14:15 Hari Heberon ladana gunana na Kiriat-araba. Una Araba na herea tauna Anakim besena ai. Una negana ai tuari e doko, bona tano na e laḡa ani.
JOS 15:1 Iuda iduhuna taudia na ahudia e abi, edia doḡoro ta ta ai. Edia tano na diho kahana e laomu, ela bona Edom hetoana bona Sin tano ḡagaena, diho kahana korikori ai.
JOS 15:2 Edia tano hetoana diho kahana ai na Tadi Gohuna dokona, diho kahana e vaira henia taberona amo ela.
JOS 15:3 Akrabim e dae henia tanona diho kahana amo ela, ela bona Sin; unu amo Kade-baranea diho kahana amo bona Hesron badibadina amo ela, ela bona Adara. Unu amo Karaka e lao henia,
JOS 15:4 bona unu amo Asamon ma e lao henia; bena Aigupto Dokana badibadinai kone ai e hadoko. Emui tano hetoana diho kahana ai bunai.
JOS 15:5 Edia tano hetoana mairiveina kahana ai na Tadi Gohuna isena, ela bona Ioridane sinavaina na una gohu ai eha lasi gabuna ai. Bona mirigini kahana ai tano hetoana na Ioridane sinavaina eha lasi gabuna taberona amo ela,
JOS 15:6 ela bona Bete-hogla. Bena Bet-araba mirigini kahana amo ela, ela bona Bohan Ruben ena nadi.
JOS 15:7 Unu amo Akoro kourana amo ela, ela bona Debiri. Bena mirigini kahana amo ela, Gilgal dalana ai. Hari Gilgal ese Adumimi e dae henia tanona e vaira henia, koura diho kahana ai. Hari tano hetoana ma ela, En-semese ranudia badibadidia amo, ela bona En-rogele.
JOS 15:8 En-rogele amo ma ela, Hinom natuna ena koura amo, ela bona Iebusu ororona (ladana ta be Ierusalem) diho kahana. Unu amo ma ela, ela bona Hinom kourana unukahana ororona dorina ai, lahara kahana ai, Refaim kourana dokona mirigini kahana ai.
JOS 15:9 Una ororo dorina amo tano hetoana Ina ela, ela bona Nefetoa ranudia; ma unu amo ela, ela bona Efron ororona hanuadia; unu amo e hegeḡe lao, ela bona Baala (ia ladana ta be Kiriatiearimi).
JOS 15:10 Ma Baala lahara kahana amo e heḡeḡe lao, ela bona Seiri ororona; bena learimi ororona (ladana ta be Kesalono) mirigini kahana amo ela, ela bona Bete-semese, bena Timuna badibadina amo ela.
JOS 15:11 Bena Ekron ororona mirigini kahana amo ela, e heḡeḡe lao, ela bona Sikerono; ma unu amo ela bona Baala ororona; bena kone ai e lasi, labnele ai.
JOS 15:12 Lahara kahana edia tano hetoana na Davara Badana konena. Iuda iduhuna taudia edia doḡoro ta ta ai e henidia tanona hetoana bunai.
JOS 15:13 Iosua ese Kaleb lefune ahuna e henia Iuda iduhuna taudia bogaragidiai, Iehova ese e hagania hegereḡerena. Ia ahuna na Kiriat-araba (hari Araba na Anak tamana), ladana ta be Heberon.
JOS 15:14 Bena Kaleb ese Anak garana tatoi unu amo e luludia lasi, Sesai bona Ahiman bona Talmai.
JOS 15:15 Una murinai ia ese Debiri taudia e tuari henidia. Debiri ladana gunana be Kiriatasefere.
JOS 15:16 Kaleb eto, Kiriata-sefere baine hadarerea bona baine abia tauna na lau ese natugu kekenina Aksa baina henia, ia adavana.
JOS 15:17 Bena Otoniele Kena, Kaleb natuna lahaina, ese e abia, taunabunai Kaleb ese natuna kekenina Aksa e henia, ia adavana ai e halaoa.
JOS 15:18 Raruosi e headava murinai, hahine na adavana ese lalona e ania, tamana baine noia, tano ta baine henia. Hahine na ena doniki amo e diho negana ai na Kaleb ese e nanadaia, eto, Emu ura be dahaka?
JOS 15:19 Hahine na e haere henia, eto, Harihari ḡauna ta a henigu: egu noho gabuna vada o henigu diho kahana ai; harihari ranu gabudia danu henigu. Bena Kaleb ese ranu gabudia e henia, atai kahana ai bona hen kahana ai.
JOS 15:20 Iuda iduhuna taudia ahudia bini, edia doḡoro ta ta ai.
JOS 15:21 Iuda taudia edia hanua diho kahana, Edom ena tano hetoana badinai, bini: Kabsele bona Edere bona laguru,
JOS 15:22 bona Kina bona Dimona bona Adada,
JOS 15:23 bona Kede bona Hasoro bona Itnan,
JOS 15:24 bona Sifi bona Telem bona Bealoto,
JOS 15:25 bona Hasoro-hadata bona Kerioto-hesron (ladana ta be Hasoro),
JOS 15:26 bona Amama bona Sema bona Molada,
JOS 15:27 bona Hasara-gada bona Hesemon bona Bete-pelete,
JOS 15:28 bona Hasara-sual bona Bere-sieba bona Bisiotia,
JOS 15:29 bona Baala bona Imi bona Eseme,
JOS 15:30 bona Eltolad bona Kesili bona Horoma,
JOS 15:31 bona Siklag bona Madamana bona Sansana,
JOS 15:32 bona Lebaoto bona Silihim bona Ain bona Rimon: hanua iboudiai na ruahui taurahani-ta, mai edia hanua maraḡidia ida.
JOS 15:33 Bona taora ai, Estaol bona Sora bona Asna,
JOS 15:34 bona Sanoa bona En-ganim bona Tapua bona Enam,
JOS 15:35 bona laramutu bona Adulama bona Soko bona Aseka,
JOS 15:36 bona Saaraimi bona Aditaim bona Gedera bona Gederotaim: hanua gwauta-hani mai edia hanua maraḡidia ida.
JOS 15:37 Senan danu, bona Hadasa bona Migdal-gad,
JOS 15:38 bona Dilean bona Mispe bona lokotele,
JOS 15:39 bona Lakisi bona Boskata bona Eglon,
JOS 15:40 bona Kabon bona Lahamam bona Kitilisi,
JOS 15:41 bona Gederoto bona Bete-dagon bona Naamaha bona Makeda: hanua gwauta-tauratoi mai edia hanua maraḡidia ida.
JOS 15:42 Libna danu, bona Etere bona Asana,
JOS 15:43 bona Ifta bona Asna bona Nesib,
JOS 15:44 bona Keila bona Aksib bona Maresa: hanua taurahani-ta, mai edia hanua maraḡidia ida.
JOS 15:45 Ekron danu, mai ena hanua bona ena hanua maraḡidia ida;
JOS 15:46 bona Ekron amo ela bona davara, Asdod kahana hanuadia iboudiai mai edia hanua maraḡidia ida.
JOS 15:47 Asdod danu, mai ena hanua bona ena hanua maraḡidia ida; bona Gasa, mai ena hanua bona ena hanua maraḡidia ida; ela bona Aigupto Dokana bona Davara Badana konena.
JOS 15:48 Ororo kahadia ai, Samiri bona latiri bona Soko,
JOS 15:49 bona Dana bona Kiriata-sana (ladana ta be Debiri),
JOS 15:50 bona Anab bona Estemo bona Anim,
JOS 15:51 bona Gosen bona Holon bona Gilo: hanua gwauta-ta mai edia hanua maraḡidia ida.
JOS 15:52 Arab danu, bona Duma bona Esan,
JOS 15:53 bona lanim bona Bete-tapua bona Afeka,
JOS 15:54 bona Humuta bona Kiriat-araba (ladana ta be Heberon), bona Sioro: hanua taurahani-ta mai edia hanua maraḡidia ida.
JOS 15:55 Maono danu, bona Karamele bona Sifi bona luta,
JOS 15:56 bona Iesrele bona Iokodeam bona Sanoa,
JOS 15:57 bona Kain bona Gibea bona Timuna: hanua gwauta mai edia hanua maragidia ida.
JOS 15:58 Halahulu danu, bona Bete-suru bona Gedoro,
JOS 15:59 bona Maarata bona Bet-anoto bona El-tekon: hanua tauratoi mai edia hanua maraḡidia ida.
JOS 15:60 Kiriata-baal danu (ia ladana ta be Kiriat-ieanmi), bona Raba: hanua rua mai edia hanua maraḡidia ida.
JOS 15:61 Tano ḡaḡaena ai, Bet-araba bona Midin bona Sekaka,
JOS 15:62 bona Nibsan, damena hanuana, bona En-gedi: hanua tauratoi mai edia hanua maraḡidia ida.
JOS 15:63 A Iuda taudia na asi goadadia Iebusu taudia, Ierusalem ai e nohova taudia, bae luludia lasi; taunabunai Iebusu taudia bona Iuda taudia na Ierusalem ai e noho heboumu ema bona harihari.
JOS 16:1 Iosef garana edia tano hetoana na Ioridane sinavaina, Ieriko badibadinai, Ieriko ranu gabudia mairiveina kahana ai, amo e matamaia; tano ḡaḡaena ela, bena ororo kahadia amo ela, Ieriko amo ela bona Betele.
JOS 16:2 Betele amo ma ela, ela bona Lusu, ma unu amo ela, ela bona Ataroto: Araki taudia edia tano hetoana bunai.
JOS 16:3 Bena lahara kahana ela, ela bona laflete taudia edia tano hetoana; ma unu amo ela, ela bona Bete-horono henu hanuana hetoana; ma unu amo ela, ela bona Gesere. Unu amo e lasi, kone ai e hadoko.
JOS 16:4 Iosef natuna, Manase bona Efraim, ese ahudia e abi.
JOS 16:5 Efraim taudia edia tano hetoadia, edia doḡoro ta ta amo e abidia tanodia, na iniheto. Ataroto-adara amo ela, ela bona Bete-horono atai hanuana.
JOS 16:6 Unu amo davara kahana ela; Mikimetata na mirigini kahana ai; ma mairiveina kahana ela, ela bona Taanata-silo, ela bona lanoa mairiveina kahana ai.
JOS 16:7 Ianoa amo e diho ela, ela bona Ataroto bona Naara, bena Ieriko badibadina amo ela, ela bona Ioridane sinavaina ai e hadoko.
JOS 16:8 Tapua amo lahara kahana ma ela, ela bona Kana Dokana; unu amo kone ai e hadoko. Efraim taudia ahudia bunu, edia doḡoro ta ta amo e abi.
JOS 16:9 Hanua haida danu, mai edia hanua maraḡidia ida, Manase taudia edia tano ai, e gwauraidia hidi Efraim taudia edia.
JOS 16:10 Ḡau tamona, Kanaan taudia Gesere ai e nohova na asie luludia lasi; taunabunai Kanaan taudia na Efraim taudia bogaragidiai e nohomu bona idia isiaidia e lao henimu mai hekwarahidia ida ema bona harihari.
JOS 17:1 Manase iduhuna taudia ese ahudia e abi; hari Manase na Iosef natuna roboana. Makiri be Manase natuna roboana bona Gilead tamana: ia ese Gilead tanona bona Basan tanona e abi, badina be ia na tuari tauna.
JOS 17:2 Manase iduhuna taudia oredia danu ahudia e abi, edia doḡoro ta ta amo: Abiesere ena, bona Helek ena, bona Asriel ena, bona Sekem ena, bona Hetere ena, bona Semida ena: Manase Iosef garana mamaruanedia bunu, edia doḡoro ta ta ai.
JOS 17:3 Selofehas, Hefere Gilead natuna, Makiri Manase lubuna, na asi natuna maruanena, hahine mo haida. Natuna hahinedia ladadia bini: Mahala bona Noa bona Hogla bona Milka bona Tirisa.
JOS 17:4 Idia laimaosi na ela, hahelaḡa tauna Eleasara bona Iosua Nunu bona lohia taudia vairadiai e gini, eto, Iehova ese Mose e haḡania, varavaramai ida ahumai baine henimai eto. Bena Iehova ena haheḡani hegereḡerena, ia ese ahudia e henidia, tamadia lahaidia ida.
JOS 17:5 Taunabunai, Manase iduhuna ese ahu gwauta e abidia; bona Gilead bona Basan tanodia danu, Ioridane sinavaina unukahanai;
JOS 17:6 badina be Manase garana hahinedia na ahudia e abi, mamaruanedia ida. A Manase iduhuna kahana ese Gilead tanona e abia.
JOS 17:7 Manase taudia edia tano hetoana na Asere amo ela, ela bona Mikimetata, Sekem mairiveina kahana ai. Unu amo ia na diho kahana ela, ela bona En-tapua taudia edia tano.
JOS 17:8 Tapua tanona na Manase taudia edia tano; a Tapua hanuana, Manase taudia edia tano hetoana ai, na Efraim taudia edia hanua.
JOS 17:9 Unu amo tano hetoana ma ela, ela bona sinavai maragina ladana Kana. Sinavai diho kahana hanuadia na Efraim taudia edia, Manase taudia edia hanua bogaragidiai. Manase taudia edia tano hetoana na sinavai mirigini kahana amo ela, ela bona kone ai e hadoko.
JOS 17:10 Diho kahana tanona na Efraim taudia edia; mirigini kahana tanona na Manase taudia edia. Hetoa na davara. Mirigini kahana ai na Asere taudia edia tano; mairiveina kahana ai na Isakara taudia edia tano.
JOS 17:11 Isakara taudia bona Asere taudia edia tano ai ini hanua na Manase taudia edia: Bete-seana mai ena hanua maragidia ida; Ibleam mai ena hanua maraḡidia ida; Doro mai ena hanua maraḡidia ida; En-doro mai ena hanua maraḡidia ida; Taanak mai ena hanua maraḡidia ida; Megido mai ena hanua maraḡidia ida; ororo toiosi hanuadia bunu.
JOS 17:12 A Manase taudia na asi goadadia unu hanua bae abidia vaitani; Kanaan taudia ese una tano dounu e noholaia.
JOS 17:13 Israel taudia na e goada e laova negana ai, idia ese Kanaan taudia e abidia, edia hesiai taudia ai e halaodia, a asie luludia lasi.
JOS 17:14 Bena Iosef iduhuna taudia ese Iosua e hamaoroa, eto, Dahaka dainai oi na tano tamona vada o henimai, ai ahumai ai bainela? Ai na hutuma, Iehova ese emai iduhu vada e hanamoa dainai.
JOS 17:15 Iosua ese e haere henidia, eto, Umui na hutuma, bona Efraim taudia edia tano ororo kahadia ai na dia bada o tomu; matona, uda baola, emui sega ba tara, Perisi taudia edia tano ai bona Refaim taudia edia tano ai.
JOS 17:16 Iosef iduhuna taudia ma eto, Ororo kahadia na dia heḡereḡere ai emai ai; a Kanaan taudia taora ai e nohomu na mai edia auri kariotadia; Bete-seana mai ena hanua maraḡidia taudia, bona Iesrele kourana ai e nohomu taudia danu.
JOS 17:17 Bena Iosua ese Iosef iduhuna taudia, Efraim taudia bona Manase taudia, ma e haere henidia, eto, Umui na hutuma, bona emui goada na herea; ahu tamona mo basio abia,
JOS 17:18 a ororo kahana idoinai na emui. Ena be uda, to ba taraia, bona bavabia, ela bona ena hetoa iboudiai. Ena be Kanaan taudia na mai edia auri kariotadia bona mai goadadia, to umui ese ba luludia lasi.
JOS 18:1 Israel besena taudia ibouboudiai na Silo ai e hebou, unuseni ai hebou kalagana e haginia: tano idoinai vada e darere idia vairadiai.
JOS 18:2 Israel iduhudia hitu ese ahudia do asie abi.
JOS 18:3 Taunabunai Iosua ese Israel taudia e gwau henidia, eto, Ela bona edena nega ai ba halahemu, Iehova, senemui edia Dirava, vada e henimui tanona lalonai basio raka vareai bona ahumui basio abi?
JOS 18:4 Iduhu ta ta amo tatau tatoi tatoi amo bavabidia hidi; bena lau ese baina siaidia, baela, tano ai bae loa eva-eva, sivaraina bae torea, ahudia iabidia totona; bena dekegu bae lou mai.
JOS 18:5 Bae haria, ahu hitu. Iuda iduhuna na ena hetoa lalonai baine noho, diho kahana ai, bona Iosef natuna edia iduhu na edia hetoa lalodiai bae noho, mirigini kahana ai.
JOS 18:6 Tano sivaraina ba torea, kaha hitu ai, bena revarevana na lau dekegu ai ba mailaia. Bena lau ese umui emui ai mari baina kara, Iehova, eda Dirava, vairanai.
JOS 18:7 A Levi taudia na asi ahudia umui padamui ai, badina be Iehova ena hahelaḡa taudia ai baela: ahudia bunai. Bona Gad iduhuna bona Ruben iduhuna bona Manase iduhuna kahana ese ahudia vada e abi, Ioridane sinavaina mairiveina kahana ai, Iehova ena hesiai tauna Mose ese e henidia gabudia.
JOS 18:8 Taunabunai, hari tatau e tore isi, Iosua ese e haḡanidia, tano sivaraina bae torea; eto, Aola, ba loa eva-eva, tano sivaraina ba torea, bena ba lou mai; bena lau ese ina Silo ai emui mari baina kara, Iehova vairanai.
JOS 18:9 Bena unu tatau ela, tano ai e loa eva-eva, sivaraina na buka ta ai e torea, kaha hitu ai; bena Iosua dekena ma e lou lao, Silo taruhana ai.
JOS 18:10 Bena Iosua na Silo ai edia mari e kara, Iehova vairanai. Unuseni ai Iosua ese tano e haria, Israel taudia edia, iduhu ta ta ahudia e henidia.
JOS 18:11 Mari ese e duanaia guna oreana na Beniamina iduhuna, edia doḡoro ta ta ai: edia tano na Iuda iduhuna bona Iosef iduhuna edia tano padadiai.
JOS 18:12 Mirigini kahana edia tano hetoana na Ioridane sinavaina amo e matamaia; unu amo e dae ela, Ieriko ororona nesena amo ela, mirigini kahana ai, ma ororo amo ela, lahara kahana ai, ela bona Bet-avene tano gagaena ai e hadoko.
JOS 18:13 Unu amo hetoa na diho kahana ela, Lusu (ladana ta be Betele) e lao henia, bena Lusu ororona nesena amo ela; unu amo e diho ela, ela bona Ataroto-adara, Bete-horono henu hanuana diho kahana ororona ai.
JOS 18:14 Hetoa na diho kahana ma ela, Bete-horono diho kahana ororona lahara kahana amo ela, ela bona Kiriata-baal (ladana ta be Kiriat-iearimi) ai e hadoko. Una na Iuda iduhuna hanuana ta. Hetoa bunai, Iahara kahana ai.
JOS 18:15 Diho kahana ai, hetoa na Kiriat-iearimi badibadinai e matamaia, unu amo ela, ela bona Efron; ma ela, ela bona Nefetoa ranu gabudia.
JOS 18:16 Unu amo ma ela, ela bona Hinom natuna ena koura e vaira henia ororona baditanona: una na Refaim kourana dokona, mirigini kahana ai. Ma unu amo e diho, Hinom kourana lalonai, Iebusu taudia edia ororo nesena diho kahana ai, ma e diho ela bona En-rogele.
JOS 18:17 Unu amo hetoa na e heḡege lao, mirigini kahana e lao toma, ela bona En-semese, ma unu amo ela, ela bona Geliloto, Adumimi dara-daena italaina; ma e diho ela, ela bona Bohan Ruben ena Nadi.
JOS 18:18 Unu amo Bet-araba ororona nesena mirigini kahana amo e hanai, bena e diho ela bona Araba.
JOS 18:19 Ma unu amo Bete-hogla ororona nesena mirigini kahana amo ela, ela bona Tadi Gohuna mirigini kahana taberona, Ioridane sinavaina na gohu ai e aru lasi gabuna ai. Hetoa bunai, diho kahana ai.
JOS 18:20 Mairiveina kahana ai, hetoa na Ioridane sinavaina. Beniamina iduhuna taudia edia tano bunai, edia doḡoro ta ta ai. Unu hetoa Ialodiai do bae noho.
JOS 18:21 Beniamina taudia edia hanua, edia doḡoro ta ta ai e abidia, ladadia bini: Ieriko; Bete-hogla; Emekesi;
JOS 18:22 Bet-araba; Semaraim; Betele;
JOS 18:23 Avim; Para; Ofra;
JOS 18:24 Kefaramoni; Ofni; Geba: hanua gwauta-rua, mai edia hanua maragidia ida.
JOS 18:25 Ini danu: Gibeon; Rama; Beroto;
JOS 18:26 Mispe; Kefira; Mosa;
JOS 18:27 Rekem; Iripele; Tarala;
JOS 18:28 Sela; Ha-elaf; Iebusu (ladana ta be Ierusalem); Gibea; Kiriat-iearimi: hanua gwauta-hani, mai edia hanua maraḡidia ida. Beniamina taudia ahudia bunu, edia doḡoro ta ta ai.
JOS 19:1 E duanaia oreana iharuana na Simeon iduhuna, ena doḡoro ta ta ai: edia tano na Iuda taudia edia tano bogaraginai.
JOS 19:2 Ahudia bini: Bere-sieba; Sieba; Molada;
JOS 19:3 Hasara-sual; Bala; Eseme;
JOS 19:4 Eltolad Betulu; Horoma;
JOS 19:5 Siklaḡ Bete-makaboto; Hasara-susa;
JOS 19:6 Bete-lebaoto; Saruhene: hanua gwauta-toi mai edia hanua maraḡidia ida.
JOS 19:7 Ini danu: Ain; Rimon; Etere; Asana: hanua hani mai edia hanua maraḡidia ida.
JOS 19:8 Hanua maraḡidia iboudiai danu, hetabira tanodia ai, na idia edia, ela bona Baalata-bere bona Rama, diho kahana ai. Simeon taudia ahudia bunu, edia doḡoro ta ta ai.
JOS 19:9 Simeon taudia edia tano na Iuda taudia edia tano lalonai; badina be Iuda ahuna na bada herea. Una dainai Simeon taudia na ahudia e abi, idia edia tano lalonai.
JOS 19:10 E duanaia oreana ihatoina na Sebulun iduhuna, ena doḡoro ta ta ai. Edia tano e abia ela bona Saridi.
JOS 19:11 Unu amo hetoana na lahara kahana ai ela, ela bona Mareala, ma ela bona Dabesete; unu amo sinavai maraḡina isena amo ela, Iokoneam mairiveina kahana ai.
JOS 19:12 A Saridi amo hetoa na mairiveina dina dae kahana ai ela, ela bona Kisloto-taboro;
JOS 19:13 ma unu amo ela bona Daberata. Bena e dae ela, ela bona Iafia. Unu amo ma ela, mairiveina dina dae kahana ai, ela bona Gata-hefere bona Ete-kasin. Ma unu amo ela, ela bona Rimon bona Nea.
JOS 19:14 Mirigini kahana ai, hetoa na Hanaton amo ela, ela bona Iftahele kourana ai e hadoko.
JOS 19:15 Katata bona Nahalala bona Simron bona Idala bona Betelehem danu idia edia. Edia hanua iboudiai na gwauta-rua, mai edia hanua maraḡidia ida.
JOS 19:16 Sebulun taudia ahudia bunu, edia dogoro ta ta ai: unu hanua e abi, mai edia hanua maraḡidia ida.
JOS 19:17 E duanaia oreana ihahanina na Isakara iduhuna, ena doḡoro ta ta ai.
JOS 19:18 Edia tano bini: Iesrele; Kesuloto; Sunem;
JOS 19:19 Hafaraim; Sion; Anaharata;
JOS 19:20 Rabiti; Kision; Ebe;
JOS 19:21 Remete; En-ganim; En-hada; Bete-pase.
JOS 19:22 Edia tano hetoana danu ela, ela bona Taboro bona Sahasuma bona Bete-semese; bena hetoa na Ioridane sinavaina ai e hadoko. Hanua iboudiai na gwautatauratoi, mai edia hanua maraḡidia ida.
JOS 19:23 Isakara taudia ahudia bunu, edia doḡoro ta ta ai: hanua bona hanua maraḡidia.
JOS 19:24 E duanaia oreana iha-imana na Asere iduhuna, edia doḡoro ta ta ai.
JOS 19:25 Edia tano bini: Helkat bona Hali bona Betene bona Akasaf
JOS 19:26 bona Alamelek bona Amad bona Misala. Lahara kahana ai, edia tano hetoana na ela, ela bona Karamele bona Sihoro-libnata.
JOS 19:27 Una amo mairiveina kahana amo ela, ela bona Bete-dagon bona Sebulun bona Iftahele kourana; ma mirigini kahana amo ela, ela bona Bet-emek bona Neiele; ma mirigini kahana amo ela, ela bona Kabulu
JOS 19:28 bona Ebron bona Rehob bona Hamon bona Kana, ma ela bona hanua badana Sidono.
JOS 19:29 Unu amo hetoa ma ela, ela bona Rama, ela bona maḡu badana hanuana Turo; unu amo ma ela, ela bona Hosa, bona kone ai e hadoko; Mahalab bona Aksib
JOS 19:30 bona Umaha bona Afek bona Rehob danu idia edia. Hanua iboudiai na ruahui-rua, mai edia hanua maraḡidia ida.
JOS 19:31 Asere taudia ahudia bunu, edia doḡoro ta ta ai: hanua bona hanua maragidia.
JOS 19:32 E duanaia oreana ihatauratoina na Napatali iduhuna, ena doḡoro ta ta ai.
JOS 19:33 Edia tano hetoana na Helef amo e matamaia, oak auna Saananim ai amo, bona Adaminekeb bona labnele amo, ela bona Lakumu; bena Ioridane sinavaina ai e hadoko.
JOS 19:34 Bena hetoa na lahara kahana ai ela, ela bona Asnoto-taboro, ma unu amo ela bona Hukok. Sebulun na diho kahana ai, Asere na lahara kahana ai, bona Iuda na mairiveina kahana ai, Ioridane sinavaina badinai.
JOS 19:35 Hanua mai maḡudia bini: Sidim, Sere, Hamat, Rakata, Kinerete,
JOS 19:36 Adama, Rama, Hasoro,
JOS 19:37 Kede, Edrei, Enhasoro,
JOS 19:38 Irono, Migdalele, Horeme, Bet-anata, Bete-seme. Hanua iboudiai na gwauta taurahani-ta, mai edia hanua maraḡidia ida.
JOS 19:39 Napatali taudia ahudia bunu, edia doḡoro ta ta ai: hanua bona hanua maraḡidia.
JOS 19:40 E duanaia oreana ihahituna na Dan iduhuna, ena doḡoro ta ta ai.
JOS 19:41 Edia tano bini: Sora; Estaol; Iri-semese;
JOS 19:42 Saalabin; Aialono; Itla;
JOS 19:43 Elon; Timuna; Ekron;
JOS 19:44 Elteke; Gibeton; Baalata;
JOS 19:45 lehud; Beneberak; Gatarimon;
JOS 19:46 Meiakon; Rakon; bona lopa kahana tanodia.
JOS 19:47 A Dan taudia edia tano na edia amo e heabi oho: bena e tore isi, Leseme taudia e tuari henidia. Hanua na e abia, bona hanua taudia e aladia ore; bena edia hanua ai e halaoa, e noholaia, bona ladana e hatoa Leseme-dan, senedia e nemaia.
JOS 19:48 Dan taudia ahudia bunu, edia doḡoro ta ta ai: hanua bona hanua maraḡidia.
JOS 19:49 Tano na e haria vaitani, hetoa iboudiai e gwauraidia ore, bena Israel taudia ese Iosua Nunu ahuna e henia, idia bogaragidiai.
JOS 19:50 Iehova ena hahedua dainai idia ese ia e noilaia hanuana e henia, ladana na Timnata-sera, Efraim ororo-tanodia ai. Ia ese hanua ma e hadaia lou, bena e noholaia.
JOS 19:51 Tanodia bunu, hahelaḡa tauna Eleasara bona Iosua Nunu bona Israel iduhudia ikwaradia taudia ese mari amo e hari Silo ai, Iehova vairanai, hebou kalagana iduarana ai. Tano iharina na unu e haḡuḡurua toma.
JOS 20:1 Iehova ese Iosua e hereva henia, eto,
JOS 20:2 Israel taudia ba hamaorodia, baoto: Roho-mauri hanuadia bavabidia hidi, Mose uduna amo na haḡanimui heḡereḡerena.
JOS 20:3 Bena taunimanima ta baine hapididia tauna ese unu baine heau lao: unuseni ai mase tauna varavarana imana amo ba roho mauri.
JOS 20:4 Hapadidi tauna na unu hanua ta baine heau henia, bena hanua ikoukouna ai baine gini, hanua tau-badadia vairadiai ia sibona sivaraina baine gwauraia hedinarai. Bena idia ese hanua lalonai bae hakaua vareai, gabu ta bae henia, unuseni ai baine noho.
JOS 20:5 Mase tauna varavarana ese bema ḡavaia, hapadidi tauna na basie henia; badina be ia ese dekena tauna e hapadidia, dia badu dainai se alaia mase.
JOS 20:6 Bena hapadidi tauna na una hanua ai baine noho, ela bona hebou vairanai baine gini, hebou ese baine hahemaoro henia. Ma baine noho, ela bona hahelaḡa tauna badana baine mase; una murinai ia na ena hanua korikon bona ena ruma korikori, e heautania gabuna, ma baine lou henia diba.
JOS 20:7 Taunabunai, idia na Kede, Galilea tanona ai, Napatali ororodia ai, bona Sekem, Efraim ororodia ai, bona Kiriat-araba (ladana ta be Heberon), Iuda ororodia ai, e abidia hidi.
JOS 20:8 Bona Ioridane sinavaina unukahanai, Ieriko mairiveina kahana ai, idia na Besere, tano ḡaḡaena ororo-taorana ai, Ruben taudia edia, bona Ramoto, Gilead tanona ai, Gad taudia edia, bona Golan, Basan tanona ai, Manase taudia edia, e abidia hidi.
JOS 20:9 Hanua bunu idia ese e gwauraidia, Israel taudia iboudiai edia, bona noho hedoa tauna ena: hapadidi tauna na unuseni ai baine heau maun, mase tauna varavarana ese baine alaia mase na garina, ela bona hebou vairanai baine gini.
JOS 21:1 Iduhu ikwaradia taudia Levi iduhuna amo na hahelaḡa tauna Eleasara bona Iosua Nunu bona Israel iduhudia ikwaradia taudia dekedia ela,
JOS 21:2 Silo ai, Kanaan tanona ai, e hereva henidia, eto, Iehova ese Mose e haḡania, ai na hanua haida baia abi, baia noholai, bona rei gabudia danu baia abi, emai seri iubulaidia, eto.
JOS 21:3 Taunabunai, Israel taudia ese idia ahudia amo Levi taudia edia hanua bona edia rei gabudia e henidia, Iehova ena haheḡani heḡeregerena. Gabudia bini:
JOS 21:4 Mari ese e duanaia guna oreana na Kohat ena. Levi taudia, hahelaḡa tauna Aaron vevena, ese hanua gwauta-toi mari amo e abidia, Iuda bona Simeon bona Beniamina iduhudia edia tano lalodiai;
JOS 21:5 a Kohat ena orea taudia oredia ese hanua gwauta mari amo e abidia, Efraim bona Dan iduhudia bona Manase iduhuna kahana edia tano lalodiai.
JOS 21:6 Gereson ena orea taudia ese hanua gwauta-toi mari amo e abidia, Isakara bona Asere bona Napatali iduhudia bona Manase iduhuna kahana edia tano lalodiai, Basan ai.
JOS 21:7 Merari ena orea taudia ese hanua gwauta-rua e abidia, Ruben bona Gad bona Sebulun iduhudia edia tano lalodiai.
JOS 21:8 Ini hanua, mai edia rei gabudia ida, Israel taudia ese Levi taudia e henidia, mari amo, Iehova ese Mose e haḡania heḡereḡerena.
JOS 21:9 Iuda iduhuna bona Simeon iduhuna ahudia amo e henidia hanuadia ladadia bini.
JOS 21:10 Levi taudia hahelaḡa tauna Aaron vevena, Kohat oreana ai, mari ese e duanaidia guna taudia,
JOS 21:11 edia hanua ta be Kiriat-araba, Anak tamana Araba ena hanua, Iuda ororodia ai, (ladana ta be Heberon), mai ena rei gabudia ida.
JOS 21:12 Ḡau tamona, hetabira tanodia bona hanua maraḡidia na Kaleb lefune e henia, ena gabu.
JOS 21:13 A hahelaḡa tauna Aaron vevena e henidia tanodia be hari Heberon mai ena rei gabudia ida, hapadidi taudia edia roho-mauri hanuana ta bunai; bona Libna mai ena rei gabudia ida;
JOS 21:14 bona latiri mai ena rei gabudia ida; bona Estemoa mai ena rei gabudia ida;
JOS 21:15 bona Holon mai ena rei gabudia ida; bona Debiri mai ena rei gabudia ida;
JOS 21:16 bona Ain bona luta bona Bete-semese, mai edia rei gabudia ida. Unu iduhu ruaosi edia amo e abi hanuadia na taurahani-ta.
JOS 21:17 Ma Beniamina iduhuna amo e abi hanuadia be Gibeon bona Geba, mai edia rei gabudia ida;
JOS 21:18 bona Anatoto bona Alamon, mai edia rei gabudia ida: hanua hani.
JOS 21:19 Hahelaḡa tauna Aaron vevena e henidia hanuadia iboudiai a gwauta-toi.
JOS 21:20 Kohat oreana taudia oredia, Levi taudia, ese Efraim iduhuna taudia edia amo edia hanua e abidia.
JOS 21:21 E henidia hanuadia be Sekem mai ena rei gabudia ida, Efraim ororodia ai, hapadidi taudia edia roho-mauri hanuana ta bunai; bona Gesere mai ena rei gabudia ida;
JOS 21:22 bona Kibsaim bona Bete-horono, mai edia rei gabudia ida: hanua hani.
JOS 21:23 Dan iduhuna taudia edia amo e abi hanuadia be Elteke bona Gibeton, mai edia rei gabudia ida;
JOS 21:24 bona Aialono bona Gata-rimon, mai edia rei gabudia ida: hanua hani.
JOS 21:25 Manase iduhuna kahana taudia edia amo e abi hanuadia be Taanak bona Gata-rimon, mai edia rei gabudia ida: hanua rua.
JOS 21:26 Kohat oreana taudia oredia edia hanua iboudiai be gwauta, mai edia rei gabudia ida.
JOS 21:27 Gereson oreana taudia, Levi taudia, ese Manase iduhuna kahana taudia edia amo e abi hanuadia be Golan, Basan tanona ai, mai ena rei gabudia ida, hapadidi taudia edia roho-mauri hanuana ta bunai; bona Be-estera, mai ena rei gabudia ida: hanua rua.
JOS 21:28 Isakara iduhuna taudia edia amo e abi hanuadia be Kision, mai ena rei gabudia ida; bona Daberata, mai ena rei gabudia ida;
JOS 21:29 bona Iaramutu, mai ena rei gabudia ida; bona Enganim, mai ena rei gabudia ida: hanua hani.
JOS 21:30 Asere iduhuna taudia edia amo e abi hanuadia be Misala, mai ena rei gabudia ida; bona Abdon, mai ena rei gabudia ida;
JOS 21:31 bona Helkat, mai ena rei gabudia ida; bona Rehob, mai ena rei gabudia ida: hanua hani.
JOS 21:32 Napatali iduhuna taudia edia amo e abi hanuadia be Kede, Galilea tanona ai, mai ena rei gabudia ida, hapadidi taudia edia roho-mauri hanuana ta bunai; bona Hamoto-doro, mai ena rei gabudia ida; bona Karatan, mai ena rei gabudia ida: hanua toi.
JOS 21:33 Gereson oreana taudia edia hanua iboudiai be gwauta-toi, mai edia rei gabudia ida.
JOS 21:34 Levi taudia oredia, Merari oreana taudia, ese Sebulun iduhuna taudia edia amo e abi hanuadia be lokoneam bona Karata, mai edia rei gabudia ida;
JOS 21:35 bona Dimna bona Nahalala, mai edia rei gabudia ida: hanua hani.
JOS 21:36 Ruben iduhuna taudia edia amo e abi hanuadia be Besere bona lahasa, mai edia rei gabudia ida;
JOS 21:37 bona Kedemoto bona Mefata, mai edia rei gabudia ida: hanua hani.
JOS 21:38 Gad iduhuna taudia edia amo e abi hanuadia be Ramoto, Gilead tanona ai, mai ena rei gabudia ida, hapadidi taudia edia roho-mauri hanuana ta bunai; bona Mahanaim, mai ena rei gabudia ida;
JOS 21:39 bona Hesebon bona lasere, mai edia rei gabudia ida: hanua hani.
JOS 21:40 Levi taudia oredia, Merari oreana taudia, edia hanua iboudiai be gwauta-rua.
JOS 21:41 Levi taudia edia hanua, Israel taudia edia tano lalodiai, iboudiai na hari-ahui taurahani, mai edia rei gabudia ida.
JOS 21:42 Ini hanua iboudiai na mai edia rei gabudia.
JOS 21:43 Taunabunai, Iehova ese Israel taudia edia tano e henidia, senedia e gwaurai henidia hamata tanona idoinai e henidia: una tano e abia, edia tano, bena e noholaia.
JOS 21:44 Bena Iehova ese laḡa-ani e henidia, edia tano kahadia iboudiai, senedia e gwau henidia hamata heḡereḡerena. Inaidia iboudiai ta ese se laodia ahu diba, badina be Iehova ese inaidia iboudiai na idia imadia ai e atodia.
JOS 21:45 Iehova ese ena gwau-hamata namodia, Israel taudia e gwaurai henidia hamata gaudia, na ta se reaia: iboudiai ia ese e hamomokanidia.
JOS 22:1 Bena Iosua ese Ruben bona Gad iduhudia taudia bona Manase iduhuna kahana taudia e boiridia,
JOS 22:2 e hereva henidia, eto, Iehova ena hesiai tauna Mose ese e haḡanilaimui karadia iboudiai vada o kara, lau eregu danu vada o kamonai, vada na haḡanilaimui karadia iboudiai vada o kara.
JOS 22:3 Varavaramui asio rakatanidia dina momo Ialodiai ema bona hari ina dina ai. Iehova, emui Dirava, ena hahedua vada o badinaia.
JOS 22:4 Harihari Iehova, emui Dirava, ese varavaramui na laḡa-ani vada e henidia, e gwau henidia hamata heḡereḡerena: taunabunai a lou lao, emui noho gabuna, emui tano korikori, Iehova ena hesiai tauna Mose ese e henimui tanona Ioridane sinavaina unukahana ai, ba lou henia.
JOS 22:5 A nahuamui ba toho, Iehova ena hesiai tauna Mose ese e henimui haheḡanidia bona taravatudia ba badinadia, bona Iehova, emui Dirava, ba lalokau henia, ena dala iboudiai ba raka bona ena haheḡani ba badinadia, bona ia enai ba tao bona ia isiaina ba lao heni mai lalomui idoidiai bona mai laumamui idoidiai.
JOS 22:6 Taunabunai Iosua ese e hanamodia, bena e siaidia. Bena idia na edia noho gabuna ela.
JOS 22:7 Manase iduhuna kahana be Mose ese edia tano e henidia Basan ai, a iduhu kahana be Iosua ese edia tano e henidia, Ioridane sinavaina lahara kahana ai, varavaradia badibadidiai. Bena Iosua ese e siaidia, edia noho gabudia baela, negana ai, ia ese e hanamodia,
JOS 22:8 eto, Emui noho gabudia ba lou lao, mai kohumui logora ida: boromakau momo herea, bona silver, bona gold, bona auri labora-labora, bona auri, bona dabua momo. Ḡau tamona, tuari ai o abi kohudia na varavaramui ida ba heharilai heheni.
JOS 22:9 Taunabunai Ruben bona Gad iduhudia bona Manase iduhuna kahana e lou, Israel taudia e rakatanidia Silo ai, Kanaan tanona ai; edia tano korikori, Gilead tanona, e lou henia, Iehova ena haheḡani Mose uduna amo e henidia dainai e abia tanona bunai.
JOS 22:10 Idia na Ioridane sinavaina isena ai e kau, Kanaan tanona ai. Unuseni ai Ruben iduhuna bona Gad iduhuna taudia bona Manase iduhuna kahana taudia ese ihaboulaina patana bada-hereana ta e larebaia, Ioridane sinavaina isena ai.
JOS 22:11 Bena Israel taudia ese harina e kamonai: haida eto, A itaia, Ruben taudia bona Gad taudia bona Manase iduhuna kahana taudia ese ihaboulaina patana ta vada e larebaia, Kanaan tanona hetoana ai. Ioridane sinavaina isena ai, Israel taumui emui tano lalonai.
JOS 22:12 Israel taudia ese una hari e kamonai, bena iboudiai na Silo ai e hebou, bae tuari henidia eto.
JOS 22:13 Bena Israel taudia ese hahelaḡa tauna Eleasara natuna Fineha e siaia, Gilead tanona bainela, Ruben bona Gad taudia bona Manase iduhuna kahana taudia dekediai.
JOS 22:14 Hanua lohiadia gwauta danu ia ida e siaidia, Israel iduhudia ta ta amo; iboudiai na edia iduhu ikwaradia taudia.
JOS 22:15 Idia na Ruben taudia bona Gad taudia bona Manase iduhuna kahana taudia dekediai e kau, Gilead tanona ai; bena e hamaorodia, eto,
JOS 22:16 Iehova ena orea idoinai ini e gwau tomamu: Ina kerere vada o havaraia anina be dahaka? Israel Diravana enai vada o kerere; hari dina ai Iehova ena amo vada o raka oho, vada o gwau edeede henia, ihaboulaina patana vada o larebaia.
JOS 22:17 Eda kara dika Peoro ai dia bada a? Ena be Iehova ena orea latanai hisihisi e kau, to una dika amo do asita ḡoeva.
JOS 22:18 Matona, hari dina ai Iehova ena amo ba raka oho a? Hari dina ai umui ese Iehova o gwau edeede heniamu; kerukeru ia ese Israel besena idoinai baine badu henida.
JOS 22:19 Emui tano basinema ḡoeva, boma hanai, Iehova ena tano, ena dubu e ginimu tanona, lalonai ahumui boma abi, ai bogaragimai ai. A Iehova basio gwau edeede henia, bona ai danu gwau-edeede taudia ai basio halaomai; ihaboulaina patana idauna ta, dia Iehova, eda Dirava, ena, basio larebaia.
JOS 22:20 Akan Sera na e gwau ahu ḡaudia ai e kerere, bena badu na Israel oreana idoinai latanai e kau, ani? Davana na mase, bona dia ia sibona latanai.
JOS 22:21 Bena Ruben taudia bona Gad taudia bona Manase iduhuna kahana taudia ese Israel ikwaradia taudia e haere henidia, eto,
JOS 22:22 Dirava korikori na Iehova! Dirava korikori na Iehova! Ia dibana, bona Israel danu baine diba: bema Iehova a gwau edeede henia eiava vairanai a kara havara, hari dina ai basio hamaurimai.
JOS 22:23 Eiava bema hari ihaboulaina patana a larebaia Iehova idadaraina totona, eiava latanai ḡole-oho bouboudia eiava flaoa bouboudia eiava herohemaino bouboudia baia hahelaḡadia totona, Iehova ese davana baine henimai.
JOS 22:24 Lasi, ai na a larebaia, kerukeru vanegai umui natumui ese ai natumai bae gwau henidia na garina, baeto “Iehova, Israel Diravana, enai dahaka bavabia?
JOS 22:25 Iehova ese Ioridane sinavaina na hetoa ai vada e halaoa, ai bona umui Ruben taumui bona Gad taumui padadai; umui na asi ahumui Iehova enai.” Natumui unu bema gwau toma, bena ai natumai ese Iehova itomadiho-henina bema rakatania.
JOS 22:26 Taunabunai, a hereva heheni, ato, Mani ihaboulaina patana ta aita larebaia, dia gole-oho boubouna eiava boubou ta ḡauna,
JOS 22:27 a toa, ai bona umui padadai, bona ai garamai bona umui garamui padadiai, ai na Iehova itomadiho-henina totona emai ḡole-oho bouboudia bona emai herohemaino bouboudia bona emai boubou haida a hahelaḡadiamu; kerukeru vanegai umui natumui ese ai natumai bae gwau henidia na garina, baeto “Umui na asi ahumui Iehova enai”.
JOS 22:28 Emai lalo-hadai binai: kerukeru vanegai ai eiava ai garamai unu boma gwau henimai toma, ai na baiama haere, baiama toma “A itaia, ina na Iehova ena ihaboulaina patana idaidana; tamamai ese e larebaia, dia ḡole-oho bouboudia eiava boubou haida daidiai, a toa, ai bona umui padadai”.
JOS 22:29 Ai na Iehova asia gwau edeede henia, lasi vaitani. Iena amo asia raka oho, lasi vaitani. Ai na ihaboulaina patana asia Iarebaia, gole-oho bouboudia eiava flaoa bouboudia eiava boubou haida ihahelaḡadia, Iehova, eda Dirava, ena ihaboulaina patana, ena dubu vairanai e ginimu ḡauna, latanai e karamu hegereḡerena.
JOS 22:30 Hahelaḡa tauna Fineha bona hanua Iohiadia, Israel ikwaradia taudia, ese Ruben taudia bona Gad taudia bona Manase taudia edia hereva e kamonai, bena lalodia e namo.
JOS 22:31 Bena hahelaḡa tauna Fineha Eleasara ese Ruben taudia bona Gad taudia bona Manase taudia e hamaorodia, eto, Harihari ai na dibamai Iehova na ita bogaragidai, badina be umui na asio kara havara Iehova vairanai, a Israel na Iehova imana amo vada o hamauridia.
JOS 22:32 Bena hahelaḡa tauna Fineha Eleasara bona hanua lohiadia ese Ruben taudia bona Gad taudia e rakatanidia Gilead tanona ai, e lou lao, Kanaan tanona ela, Israel taudia dekediai; bona idia vairadiai harina e piua.
JOS 22:33 Bena Israel taudia na e moale, una hereva dainai. Israel taudia ese Dirava e hanamoa, bona tuari herevadia, Ruben taudia bona Gad taudia edia tano bae habuaia tari herevadia, na e hadoko.
JOS 22:34 A Ruben taudia bona Gad taudia ese una ihaboulaina patana ladana e hatoa Toa: idia eto, Badina be ia na toa, ita padadai, Iehova na Dirava toana.
JOS 23:1 Nega daudau vada ela. Iehova ese Israel taudia na laḡa-ani e henidia, inaidia iboudiai e tuidia. Iosua vada e buruka, ena mauri laḡanidia na hoho.
JOS 23:2 Bena Iosua ese Israel besena idoinai e boiridia, edia tau-badadia bona edia hanua Iohiadia bona edia hahemaoro taudia bona edia heitatao taudia e hereva henidia, eto, Lau vada na buruka, egu maun laḡanidia na hoho.
JOS 23:3 Vada o itaia, Iehova, emui Dirava, ese ini bese ibolidiai ede vada e karadia toma umui daimui ai; badina be Iehova, emui Dirava, ese umui daimui ai vada e tuari.
JOS 23:4 A kamonai: dounu nonoho besedia edia tano na vada na habuadia tari besedia edia tano ida vada na henimui, Ioridane sinavaina amo eIa bona Davara Badana, lahara kahana ai.
JOS 23:5 Iehova, emui Dirava, ese baine doridia lao, vairamui ai baine luludia lasi; edia tano do bavabia, Iehova, emui Dirava, ese e gwau henimui hamata heḡereḡerena.
JOS 23:6 Taunabunai ba haheauka, Mose ena taravatu bukana ai e tore herevadia iboudiai ba badinadia; iena amo basio raka siri, idiba kahana ai eiava lauri kahana ai.
JOS 23:7 Ini bese haida, doini bogaragimui ai e nohomu, ida basio hetura; edia dirava ladadia basio hato, Iadadia ai basio gwau hamata, isiaidia basio Iao heni, bona basio toma henidia diho.
JOS 23:8 A Iehova, emui Dirava, ba badinaia, gunaguna ema bona harihari vada o badinaia hegereḡerena.
JOS 23:9 Badina be Iehova ese bese badadia bona goadadia na umui vairamui ai vada e luludia lasi: tau ta ese se laomui ahu diba, ema bona hari dina ai.
JOS 23:10 Umui ta ese daha ta iluludia mai dibana; badina be Iehova, emui Dirava, ese umui daimui ai e tuarimu, e gwau henimui hamata heḡereḡerena.
JOS 23:11 Taunabunai, nahuamui ba toho; Iehova, emui Dirava, ba lalokau henia.
JOS 23:12 Badina be boma raka muri, ini bese kwabukwabudia doini bogaragimui ai e nohomu ida boma hetura, edia ulato boma adavadia, bona emui ulato boma henidia bae adavadia,
JOS 23:13 ba diba momokani Iehova, emui Dirava na ini bese basine luludia lasi vairamui ai; do bae noho, idoa eiava rikiriki na heheto, emui ai, eiava ikwadi ḡauna ohemui ai eiava ginigini matamui ai na heheto, ela bona ina tano namona, Iehova, emui Dirava, ese vada e henimui tanona, lalona amo ba boio.
JOS 23:14 Lau na tanobada taudia iboudiai e lao bubunimu dalana amo ba laomu. Umui iboumui ai vada o diba, lalomui ai bona laumamui ai Iehova, emui Dirava, ese ena gwau-hamata namodia iboudiai emui ai vada e hamomokanidia, ta se reaia. Iboudiai vada e momokani, ta se moru.
JOS 23:15 A Iehova, emui Dirava, ena gwau-hamata namodia emui ai vada e momokani heḡereḡerena, Iehova ese ḡau dikadia danu latamui ai baine hadihodia diba, ela bona baine habuamui tari, ina tano namona, Iehova, emui Dirava, ese vada e henimui tanona, lalona amo ba boio.
JOS 23:16 Iehova, emui Dirava, ese vada e henimui taravatuna na boma tataia utu, dirava idaudia isiaidia boma lao heni bona boma toma henidia diho, ia ese unu baine karamui toma: Iehova ena badu emui ai baine ḡaraḡara, bena vada e henimui tanona namona amo ba boio haraḡa.
JOS 24:1 Iosua ese Israel iduhudia iboudiai e haboudia Sekem ai, bona edia tau-badadia bona edia hanua lohiadia bona edia hahemaoro taudia bona edia heitatao taudia e boiridia. Bena idia na Dirava vairanai e gini.
JOS 24:2 Bena Iosua ese taunimanima iboudiai e hereva henidia, eto, Iehova, Israel Diravana, na ini e gwau tomamu: Senemui negadia ai Tera, Abraham bona Nahoro tamadia, na Eufrate sinavaina unukahana ai e nohova; unuseni ai idia ese dirava idaudia e toma henidia diho.
JOS 24:3 Bena senemui Abraham na sinavai unukahana amo na abia, Kanaan tanona idoinai na hakaua hanai, natuna momo na henia; Isaak danu na henia,
JOS 24:4 bona Isaak na Iakob bona Esau na henia. Esau na Seiri ororodia na henia, ena tano ai bainela; a Iakob mai natuna ida na Aigupto ela.
JOS 24:5 Bena Mose bona Aaron na siaidia, Aigupto na hahisia, bogaraginai na kara karadia amo; una murinai na hakaumui lasi.
JOS 24:6 Tamamui na Aigupto amo na hakaudia lasi; bena kone ai o lasi; bena Aigupto taudia ese tamamui e ḡavadia, mai edia kariota bona mai edia hosigui taudia, ela bona Davara Kakakakana.
JOS 24:7 Bena tamamui ese Iehova e tai henia negana ai, ia ese umui bona Aigupto taudia padadia e havaburaia, davara amo e habubunidia. Aigupto ede na kara henia toma na matamui ese e itaia. Murinai tano ḡaḡaena ai o nohova, nega daudau.
JOS 24:8 Bena na hakaumui vareai, Amoro taudia edia tano Ialonai, Ioridane sinavaina unukahana ai; idia ese e tuan henimui, bena imamui ai na atodia. Edia tano o abia; lau ese umui vairamui ai na habuadia tari.
JOS 24:9 Bena Balak Siporo, Moab pavapavana, e tore isi, Israel e tuari henia; ia ese Balaam Beoro e boiria, baine uduguiraimui totona;
JOS 24:10 a Balaam asina hakala henia, taunabunai ia ese e hanamomui; ia imana amo na hamaurimui.
JOS 24:11 Una murinai Ioridane sinavaina o hanaia, Ieriko ai o kau. Bena Ieriko taudia ese e tuari henimui; Amoro taudia bona Perisi taudia bona Kanaan taudia bona Hiti taudia bona Girigasa taudia bona Hivi taudia bona Iebusu taudia ese danu e tuari henimui; a lau ese umui imamui ai na atodia.
JOS 24:12 Nanigo danu na siaidia vairamui ai, idia ese Amoro pavapavadia raruosi na umui vairamui ai e luludia lasi, dia emui dare ese bona dia emui peva ese.
JOS 24:13 Asio ruaia tanona na henimui; asio hadai hanuadia o noholai; asio hado imeadia, vine imeadia bona olive imeadia, huahuadia o ani.
JOS 24:14 Taunabunai, Iehova garina ba gari, ia isiaina ba lao heni mai momokanimui bona mai kamonaimui ida. Senemui ese Eufrate sinavaina unukahana ai bona Aigupto ai e toma henidia diho diravadia ba rakatanidia, Iehova isiaina ba lao heni.
JOS 24:15 A Iehova isiaina ilao-henina ai boma daradara, hari ina dina ai ba haeroa, daika isiaina ba lao heni, senemui sinavai unukahana ai isiaidia e lao heni diravadia, eiava Amoro taudia edia dirava, ina o noholaiamu tanona diravadia. A lau be egu ruma taudia ida Iehova isiaina baia lao heni.
JOS 24:16 Bena hebou taudia ese e haere henia, eto, Ai ese Iehova basia rakatania, dirava idaudia basia toma henidia diho, lasi vaitani.
JOS 24:17 Badina be Iehova, eda Dirava, ese ita bona tamada na Aigupto tanona amo bona iḡui rumana amo e hakauda lasi, bona unu toa badadia e karava ita vairadai, bona eda laolao dalana idoinai ai e hamauridava, edia tano ta rakadia hanai taudia iboudiai bogaragidiai.
JOS 24:18 Iehova ese danu taunimanima iboudiai na ita vairadai e luludia lasi, Amoro taudia una tano ai e nohova ibouboudiai e luludia lasi. Taunabunai ai danu Iehova isiaina baia lao heni, badina be ia na emai Dirava.
JOS 24:19 A Iosua ese hebou taudia e hamaorodia, eto, Iehova isiaina basio lao heni diba; badina be ia na Dirava helaḡana, vageḡe Diravana; ia na emui kara dika bona emui kara havara basine gwaudia tao.
JOS 24:20 Iehova boma rakatania bona dirava idaudia isiaidia boma lao heni, ia ese ihanamomui baine hadokoa, ma baine hadikamui.
JOS 24:21 Hebou taudia ese Iosua e haere henia, eto, Lasi, ai na Iehova isiaina baia lao heni.
JOS 24:22 Bena Iosua ese e hamaorodia, eto, Emui hereva ihahedinaraina na umui sibomui; Iehova vada o abia hidi, ia isiaina ba lao heni o tomu. Idia na e haere, eto, Ai sibomai ese vada a gwauraia hedinarai.
JOS 24:23 Iosua ma eto, Benaini, dirava idaudia bogaragimui ai mimia na ba negedia, bona lalomui ba hamanadadia, Iehova, Israel Diravana, enai.
JOS 24:24 Hebou taudia ese Iosua e haere henia, eto, Iehova, eda Dirava, isiaina baia lao heni, ia erena baia kamonai.
JOS 24:25 Taunabunai, Iosua na hebou taudia ida e herohemaino una dina ai; bona taravatu bona haheḡani e henidia, Sekem ai.
JOS 24:26 Bena Iosua ese unu hereva na Dirava ena taravatu bukana ai e tore; bena nadi badana ta e abia, oak auna henunai e haginia, Iehova ena gabu helaḡana ai.
JOS 24:27 Bena Iosua ese taunimanima iboudiai e hamaorodia, eto, A itaia, ina nadi na ita ihabadelaida toana ai vada ela; badina be Iehova ese e henida herevadia iboudiai na ina nadi ese vada e kamonai: taunabunai Iehova, emui Dirava, ba koia negana ai, ina nadi ese baine hahemaoro henimui.
JOS 24:28 Bena Iosua ese idia iboudiai e siaidia karoho, ta ta ena tano ena tano baela.
JOS 24:29 Unu ḡau muridiai, Iosua Nunu, Iehova ena hesiai tauna, e mase. Ena laḡani iboudiai na sinahu-ta dikoana gwauta.
JOS 24:30 Ena tano ai e guria, Timnata-sera ai; una na Efraim ororodia ai, Gaasa ororona mirigini kahana ai.
JOS 24:31 Israel taudia ese Iehova isiaina e lao heniva, Iosua ena maun dinadia iboudiai lalodiai, bona tau-badadia, Iosua ena mase murinai dounu e mauriva bona Iehova ena kara Israel taudia ediai na matadia amo e itava taudia, edia mauri dinadia lalodiai danu.
JOS 24:32 Iosef turiana, Israel taudia ese Aigupto amo e mailaidia, na Sekem ai e guridia, Iakob ese Sekem tamana Hamoro ena amo e hoia tanona ai. Davana be silver monidia sinahu-ta e heni; bena Iosef garana edia tano ai ela.
JOS 24:33 Eleasara Aaron danu e mase; bena Gibea ai e guria, natuna Fineha vada e henia hanuana bunai, Efraim ororodia ai.
JDG 1:1 Iosua ena mase murinai Israel taudia ese Iehova e nanadaia, eto, Daika ese baine gunalaimai, Kanaan taudia baia tuari henidia negadia ai.
JDG 1:2 Iehova eto, Iuda ese baine gunalaimui; a itaia, tano na ia imana ai vada na atoa.
JDG 1:3 Bena Iuda vevena ese Iuda kakana Simeon vevena e hamaorodia, eto, Ai baia abia tanona aitala, bena Kanaan taudia baita tuari henidia; gabeamo umui bavabia tanona baitala. Taunabunai, Simeon taudia na idia ida ela.
JDG 1:4 Bena Iuda na eha tuari. Bena Iehova ese Kanaan taudia bona Perisi taudia na idia imadia ai e atodia: gerebu ta e hadareredia Besek ai.
JDG 1:5 Una Besek ai idia ese Adoni-besek e davaria, bena e tuari henia, Kanaan taudia bona Perisi taudia e hadareredia.
JDG 1:6 A Adoni-besek e heau; bena idia ese e ḡavaia ela bona e abia mauri; bena imana sinabadadia bona aena sinabadadia e utudia oho.
JDG 1:7 Bena Adoni-besek eto, Pavapava hitu-ahui imadia sinabadadia bona aedia sinabadadia na utudia oho, bena egu pata henunai aniani momorudia e ani; lau ese na kara henidia heḡereḡerena, Iehova ese unu vada e kara henigu toma. Bena idia ese Ierusalem e laohaia: unuseni ai e mase.
JDG 1:8 Bena Iuda taudia ese Ierusalem e tuari henia, e abia, hanua taudia na dare amo e aladia ore, bena hanua e doua.
JDG 1:9 Una murinai Iuda taudia e hekei ela, Kanaan taudia e tuari henidia, ororo kahadia ai bona diho kahana ai bona taora kahadia ai.
JDG 1:10 Iuda taudia danu ela, Kanaan taudia Heberon ai (una hanua ladana gunana be Kiriat-araba) e tuari henidia. Bena idia ese Sesai bona Ahiman bona Talmai e hadareredia.
JDG 1:11 Unu amo ma ela, Debiri taudia e tuari henidia. (Debiri ladana gunana na Kiriata-sefere).
JDG 1:12 Kaleb eto, Kiriata-sefere baine tuari henia bona baine abia tauna na natugu kekenina Aksa baina henia, baine adavaia.
JDG 1:13 Bena Otoniele, Kaleb tadina Kena natuna, ese e abia; bena Kaleb ese natuna kekenina Aksa na e heni; l, bena ia ese e adavaia.
JDG 1:14 Bena hahine na adavana dekena ela, lalona e ania, tamana enai tano ta baine noia eto. Ma ela, bena ena doniki amo e diho negana ai, Kaleb ese e nanadaia, eto, Emu ura be dahaka?
JDG 1:15 Ia ese e noia, eto, Emu herahia do ba henigu. Egu noho gabuna vada o henigu tano kaukauna ai, diho kahana ai; harihari ranu gabudia ma ba henigu. Taunabunai, Kaleb ese atai ranu gabudia bona henu ranu gabudia e henia.
JDG 1:16 Kene taudia, Mose ravana vevena, na Iuda taudia ida pamu audia hanuana vada e rakatania, Iuda tano-ḡaḡaena ai vada ela, Arada diho kahana ai; idia na ela, una gabu taudia ida e hanoho.
JDG 1:17 Bena Iuda taudia na tadidia Simeon taudia ida ela, Kanaan taudia Sefata ai e nohova na e hadareredia, bona edia hanua e habuaia tari; taunabunai una hanua ladana e gwauraia Horoma.
JDG 1:18 Iuda danu Gasa mai tanona idoinai, bona Askelono mai tanona idoinai, bona Ekron mai tanona idoinai, e abidia.
JDG 1:19 Iehova ese Iuda taudia e bamodiava, bena idia ese ororo kahadia iboudiai e abidia; a asi edia dala taora ai e nohova taudia bae luludia lasi, badina be idia na mai edia auri kariotadia.
JDG 1:20 Bena Heberon na Kaleb e henia, Mose ena hereva heḡereḡerena; bena Kaleb ese Anak natuna tatoiosi na unu amo e luludia lasi.
JDG 1:21 A Beniamina taudia ese Iebusu taudia Ierusalem ai e nohova na asie luludia lasi; taunabunai, Iebusu taudia na Beniamina taudia ida vada e noho hebou Ierusalem ai, ema bona hari dina.
JDG 1:22 Iosef vevena ese Betele e tuari henia; bena Iehova na idia ida.
JDG 1:23 Iosef taudia ese haida e siaidia, Betele bae hasinadoa. (Una hanua ladana gunana be Lusu.)
JDG 1:24 Hasinadoa taudia ese tau ta hanua amo e raka lasi e itaia, bena e hamaoroa, eto, Mani emu kara, hanua ivareaina dalana ba hadibamai, bena baia bogamu hisi.
JDG 1:25 Bena ia ese bae vareai dalana e haheitalaidia. Bena idia ese hanua e abia, hanua taudia na dare isena amo e aladia ore; a una tau mai ena ruma taudia iboudiai ida e kahudia nege.
JDG 1:26 Una tau na Hiti taudia edia tano ela, unuseni ai hanua ta e hadaia, ladana e hatoa Lusu; una hanua na unu e hatoa toma ema bona hari dina.
JDG 1:27 Manase taudia ese danu Bete-seana taudia, mai ena hanua maraḡidia taudia ida, bona Taanak taudia, mai ena hanua maraḡidia taudia ida, bona Doro taudia, mai ena hanua maraḡidia taudia ida, bona Ibleam taudia, mai ena hanua maraḡidia taudia ida, bona Megido taudia, mai ena hanua maraḡidia taudia ida, asie luludia lasi; Kanaan taudia na dounu e nohova, una tano ai.
JDG 1:28 Gabeai, Israel taudia e goadava negana ai, idia ese Kanaan taudia e abidia, edia hesiai taudia ai e halaodia, a asie luludia lasi.
JDG 1:29 Efraim taudia ese danu Kanaan taudia Gesere ai e nohova na asie luludia lasi; Kanaan taudia na idia bogaragidiai e nohova Gesere ai.
JDG 1:30 Sebulun taudia ese danu Kitron taudia bona Nahalolo taudia na asie luludia lasi; Kanaan taudia na idia bogaragidiai e nohova bona isiaidia e lao heniva.
JDG 1:31 Asere taudia ese danu Ako taudia bona Sidono taudia bona Alab taudia bona Aksib taudia bona Helba taudia bona Afik taudia bona Rehob taudia na asie luludia lasi.
JDG 1:32 Asere taudia na Kanaan taudia bogaragidiai e nohova una tano ai; asie luludia lasi.
JDG 1:33 Napatali taudia ese danu Bete-semese taudia bona Bet-anata taudia asie luludia lasi. Idia ese Kanaan taudia bogaragidiai e nohova una tano ai; ḡau tamona idia ese Bete-semese bona Bet-anata taudia e abidia, edia hesiai taudia ai e halaodia.
JDG 1:34 Amoro taudia ese Dan taudia na e luludia lou ororo kahadia, bona e laodia ahu, taora ai basie diho.
JDG 1:35 Amoro taudia na dounu e nohova Here ororona ai bona Aialono ai bona Saalbim ai, a Iosef taudia imadia vada e metau latadiai; idia ese Iosef taudia isiaidia e lao heni.
JDG 1:36 Amoro taudia edia tano hetoana na Akrabim gabaena amo e laova, Sela amo e dae ela.
JDG 2:1 Iehova ena aneru ese Gilgal amo ela, ela bona Bokimi. Ia eto, Aigupto amo na hakaumui lasi, senemui na gwau henidia hamata baina henidia nato tanona ai na hakaumui vareai. Na hamaoromui, nato “Eda herohemaino na lau ese basina hadikaia;
JDG 2:2 umui danu ina tano taudia ida basio herohemaino; edia ihaboulaina patadia ba ḡiḡidia dobi”. To umui ese egu haheḡani asio badinaia. Ede vada o kara toma?
JDG 2:3 Taunabunai, harihari na hamaoromuimu, na tomu, Basina luludia lasi vairamui ai: idia na inaimui ai baela, bona edia dirava ese bae idoamui.
JDG 2:4 Iehova ena aneru ese Israel taudia iboudiai unu e hereva henidia toma; bena iboudiai na e tai lolololo.
JDG 2:5 Bena una gabu ladana e hatoa Bokimi. Unuseni ai idia ese Iehova e boua.
JDG 2:6 Iosua ese Israel taudia e siaidia karoho, bena ta ta ena gabu ena gabu ela, edia tano iabidia totona.
JDG 2:7 Bena Israel taudia ese Iehova isiaina e lao heni, Iosua ena mauri dinadia iboudiai lalodiai, bona tau badadia, Iosua ena mase murinai dounu e mauri nohova bona Iehova ena siahu karadia Israel latanai e kara vada e ita taudia, edia mauri dinadia lalodiai danu.
JDG 2:8 A Iosua Nunu, Iehova ena hesiai tauna, na e mase; ena mauri laḡanidia na sinahu-ta dikoana gwauta.
JDG 2:9 Ena tano korikori ai e guria, Timnata-here ai, Efraim ororodia ai, Gaasa ororona mirigini kahana ai.
JDG 2:10 Una uru idoinai danu na tubu tama dekediai e hahebou. Bena uru matamatana ta e vara isi; idia na Iehova asi dibadia, bona Iehova ena kara Israel taudia ediai danu asi dibadia.
JDG 2:11 Bena Israel taudia ese Iehova vairanai e kara havara, dirava idaudia, ladadia Baal, isiaidia e lao heni.
JDG 2:12 Idia ese Iehova, senedia edia Dirava, Aigupto tanona amo e hakaudia lasi Diravana, e rakatania; dirava idaudia, bogaragidiai e nohova besedia edia dirava, muridia amo e raka bona e toma henidia diho; unu amo idia ese Iehova ena badu e havaraia.
JDG 2:13 Idia ese Iehova e rakatania, dirava ladadia Baal bona dirava ladadia Astaroto isiaidia e lao henidia.
JDG 2:14 Taunabunai, Iehova ena badu vada e ḡaraḡara Israel taudia ediai. Bena ia ese dadidadi taudia imadia ai e atodia; idia ese edia kohu e dadi ore. Inaidia heḡeḡemadai imadia ai e atodia kau, bena idia na asi goadadia inaidia bae laodia ahu.
JDG 2:15 Tuari ela negadia iboudiai Iehova imana ese e hadikadia, Iehova ese vada e sisiba henidia bona e gwau henidia hamata heḡereḡerena. Edia noho na dika rohoroho.
JDG 2:16 Bena Iehova ese hahemaoro taudia e duanaidia, bena unu hahemaoro taudia ese dadidadi taudia imadia amo e hamauridia.
JDG 2:17 Ḡau tamona, idia ese edia hahemaoro taudia eredia asie kamonai; dounu dirava idaudia muridia amo e raka bona isiaidia e lao heni. Asi vanahana idia ese tamadia e rakalai daladia amo e raka siri; tamadia ese Iehova ena hahegani e badinadia, a idia ese asie badinadia.
JDG 2:18 Iehova ese Israel taudia edia hahemaoro taudia e duanaidia negadia ai, ia ese una hahemaoro tauna enai e taova, bona ena hahemaoro dinadia iboudiai lalodiai ia ese Israel taudia na inaidia imadia amo e hamauridiava; badina be e daḡedaḡe henidia bona e hahisihisidia taudia daidiai e ḡanaḡanava negadia ai na Iehova ese e bogadia hisiva.
JDG 2:19 A hahemaoro tauna e mase negana ai, idia na e raka muri, e kara havara, tamadia edia kara havara e hereadia; dirava idaudia muridia amo e raka, isiaidia e lao heni bona e toma henidia diho; edia kara havara bona edia gwau daḡe asie rakatanidia.
JDG 2:20 Taunabunai, Iehova ena badu ma e haḡaraḡaraia lou, Israel taudia ediai. Ia eto, Ina bese ese egu taravatu, senedia na gwaurai henidia taravatuna, vada e tataia utu bona eregu asie kamonai dainai,
JDG 2:21 lau ese Iosua na ina tano ai e masetanidia besedia basina luludia lasi vairadiai;
JDG 2:22 idia edia amo Israel taudia baina tohodia, nahuadia bae toho, Iehova ena dala ai bae raka, tamadia e rakalaiava na heto, eiava lasi.
JDG 2:23 Taunabunai, Iehova ese unu bese e hanohodia; se luludia lasi bona Iosua imana ai se atodia.
JDG 3:1 Iehova ese se luludia lasi besedia bini, Israel besena baine tohoa, bona Israel taudia iboudiai Kanaan ai asie tuari na baine dibadia,
JDG 3:2 bona uru ta ta ai Israel taudia do asi dibadia na baine hadibadia totona se luludia lasi.
JDG 3:3 Besedia bini: Filistia lohiadia laima, hona Kanaan taudia iboudiai, bona Sidono taudia, bona Hivi taudia Lebanon ororodia ai e nohova, Baalheremon ororona amo ela bona Hamat ivareaina gabuna.
JDG 3:4 Israel taudia itohodia totona e nohova: Israel taudia ese Iehova ena haheḡani, Mose uduna amo senedia e haḡanilaidia ḡaudia, na bae badinadia eiava lasi.
JDG 3:5 Taunabunai Israel taudia ese Kanaan taudia bona Hiti taudia bona Amoro taudia bona Perisi taudia bona Hivi taudia bona Iebusu taudia bogaragidiai e nohova.
JDG 3:6 Idia ese unu bese taudia natudia ulatodia e adavadia; bona idia natudia ulatodia na unu bese uhaudia e henidia, bae adavadia. Idia ese danu unu bese edia dirava isiaidia e lao heniva.
JDG 3:7 Una negana ai Israel taudia na e kara havara Iehova vairanai, Iehova edia Dirava e laloa boio, dirava ladadia Baal bona Aseroto isiaidia e lao heni.
JDG 3:8 Taunabunai, Iehova ena badu vada e siahu Israel taudia ediai; bena e negedia daure, Kusan-risataimi, Mesopotamia pavapavana, imana ai e atodia. Idia ese una tau isiaina e lao heniva, laḡani taurahani lalodiai.
JDG 3:9 A Israel taudia ese Iehova e tai henia, bena Iehova ese ihamauridia tauna ta e abia hidi, baine hamauridia totona. Tauna na Otoniele Kena: una Kena na Kaleb tadina.
JDG 3:10 Iehova ena Lauma ese ia e rohea; bena ia ese Israel taudia e hahemaoro henidia. Ma e tore isi, eha tuari; bena Iehova ese Kusan-risataimi, Mesopotamia pavapavana, na ia imana ai e atoa; bena ia ese e hadarerea.
JDG 3:11 Taunabunai, tano na vada e maino, laḡani hari-ahui; una murinai Otoniele Kena e mase.
JDG 3:12 Bena Israel taudia ma e kara havara lou, Iehova vairanai. Bena Iehova ese Eglon, Moab pavapavana, imana e ha-aukaia Israel taudia latadiai, idia ese Iehova vairanai vada e kara havara dainai.
JDG 3:13 Hari Eglon ese Amono taudia bona Amalek taudia e haboudia; bena idia ese Israel taudia e hadareredia, pamu audia hanuana e abia.
JDG 3:14 Bena Israel taudia ese Eglon, Moab pavapavana, isiaina e lao heni, laḡani gwauta-taurahani lalodiai.
JDG 3:15 A Israel taudia ese Iehova e tai henia: bena Iehova ese ihamauridia tauna ta e abia hidi, Ehud Gera, Beniamina iduhuna tauna: ia na tau lauri. Israel taudia edia herahia ḡauna na ia imana ai e siaia, hari Eglon, Moab pavapavana, enai.
JDG 3:16 Bena Ehud na dare ta e karaia, isena kahana kahana matadia e kara: ena lata be kiubit ta. Ia ese idiba kahana gabana ḡauna ai e atoa, bena ena rami amo e rioa tao.
JDG 3:17 Bena hari herahia na Eglon, Moab pavapavana, dekena e laohaia. Hari Eglon na tau-anina bada herea.
JDG 3:18 Ehud ese herahia na e henia vaitani, bena ia ese herahia e huaia taudia e siaidia lao.
JDG 3:19 A ia be Gilgal nadi-pupudia amo e lou, eto, Ḡaubada e, hereva hehunina ta vada na mailaia emu. Ḡaubada eto “Eremui”; bena ena hesiai taudia iboudiai na ia vairana amo e raka lasi munmuri ai.
JDG 3:20 Bena Ehud na ia dekenai e raka vareai, daiutu kerumana ta ai sibona e helaiva ai. Ehud eto, Hereva ta Dirava ena amo vada na mailaia, emu. Bena Ḡaubada na e tore isi.
JDG 3:21 Bena Ehud ese ena dare na imana laurina ai e abia, idibala kahana amo e veria lasi, Eglon bogana e gwadaia.
JDG 3:22 Bena dare auauna danu bogana ai e vareai, anina na e hepuni vareai: dare na bogana amo se veria lasi, a tage na kununa amo e lasi.
JDG 3:23 Bena Ehud na e raka lasi murimuri ai, una daiutu iduarana na murimuri kahana ai e koua kunuka-kunuka.
JDG 3:24 Ia e raka oho murinai, hesiai taudia na ema, guhi daiutuna iduaradia e itaia vada e hekou; bena eto, Reana mei daiutuna ai vada e vareai.
JDG 3:25 E henari mase, ela bona e daradara; bena daiutu iduarana do se kehoa dainai idia ese ki ta e abia, e kehoa, biagudia na mai masena ida reirei ai hekurena ai e davaria.
JDG 3:26 Idia na e henari nohova ai na Ehud ese vada e heau mauri, nadipupudia e hanaidia, Seira ela.
JDG 3:27 Unuseni ai e kau, bena kibi e hiriria Efraim ororodia ai; bena Israel taudia na ia ida ororo amo e hekei lao. Ia ese e gunalaidia.
JDG 3:28 Ia ese danu e hamaorodia, eto, Murigu amo a raka, badina be Iehova ese inaimui Moab taudia na imamui ai vada e atodia. Taunabunai, idia na ia murina amo e diho ela, turu-hanai gabudia Ioridane sinavaina ai, Moab hevaira-hehenina ai, e ginidia ahu, tau ta basine turu hanai diba.
JDG 3:29 Una negana ai idia ese Moab taudia gerebu-ta sisivana e aladia mase, iboudiai na goada taudia bona tuari mai dibadia taudia; tau ta se roho mauri.
JDG 3:30 Una dina ai Israel taudia ese Moab taudia e hadareredia vaitani; bena tano na vada e maino, laḡani taurahani-ahui lalodiai.
JDG 3:31 Ia murinai, Samgara Anata e tore isi; ia ese Filistia taudia sinahutauratoi na boromakau ikododia ḡauna amo e aladia mase. Ia ese danu Israel taudia e hamauridia.
JDG 4:1 Ehud e mase murinai, Israel taudia ma e kara havara Iehova vairanai.
JDG 4:2 Bena Iehova ese Iabin, Kanaan pavapavana, imana ai e atodia. Una tau na Hasoro Iohiana; ena tuari oreana biaguna na Sisera, Haroset-ha-goim ai e nohova tauna.
JDG 4:3 Bena Israel taudia ese Iehova e tai henia, baine durudia eto. Badina be una tau ena auri kariotadia na sinahu taurahani-ta; laḡani ruahui lalodiai ia ese Israel taudia e hahisidia bada.
JDG 4:4 Una negana ai peroveta hahinena ta, ladana Debora, Lapidoto adavana, ese Israel ai e hahemaorova.
JDG 4:5 Ena kara be pamu auna ta, ladana Debora ena pamu auna, henunai e helaiva, Rama bona Betele padadiai, Efraim ororodia ai. Israel taudia na unua ela ia dekenai, baine hahemaoro henidia totona.
JDG 4:6 Ia ese hereva e siaia, Barak Abinaom na Napatali hanuana ta amo e boiria: una hanua ladana na Kede. E hamaoroa, eto, Iehova, Israel Diravana, ese se haḡanimu a? Aola, emu tuari oreana na Taboro ororona ai ba haboudia: gerebu-ta bavabidia Napatali iduhuna amo bona Sebulun iduhuna amo.
JDG 4:7 Bena lau ese Sisera, Iabin ena tuari oreana biaguna, mai ena kariota bona ena tuari taudia ida, baina koia, Kison sinavaina isena ai baine vasi; bona oi imamu ai baina atoa.
JDG 4:8 Barak ese e haere henia, eto, Oi ba bamogu, vada bainala; a basio bamogu, lau na basinala.
JDG 4:9 Hahine na eto, Momokani baina bamomu; ḡau tamona una dala amo ihanamomu basio davaria, badina be Iehova ese Sisera na hahine ta imana ai baine atoa. Bena Debora e tore isi, Barak ida Kede hanuana ela.
JDG 4:10 Bena Barak ese Sebulun taudia bona Napatali taudia e boiridia, Kede hanuana baela. Tuari taudia gerebu-ta ia murinai e raka; bona Debora danu ia ida ela.
JDG 4:11 Hebere, tau Kene, ese Kene taudia, Mose ravana Hobab garana, edia amo vada e raka oho, ena kalaga na dauhai e haginia, Sanamim oak auna badibadinai, Kede hanuana badinai.
JDG 4:12 Haida ese Sisera e hamaoroa, Barak Abinaom na Taboro ororona vada ela.
JDG 4:13 Bena Sisera ese ena kariota iboudiai e haboudia, auri kariotadia sinahu taurahani-ta, bona ena tuari taudia iboudiai danu, bena Haroset-ha-goim amo Kison sinavaina ela.
JDG 4:14 Bena Debora ese Barak e haḡania, eto, A tore isi, dinana binai Iehova ese Sisera na oi imamu ai be atoamu. Iehova na oi vairamu ai basinela a? Taunabunai Barak na Taboro ororona amo e hekei, mai ena tuari taudia gerebu-ta ida.
JDG 4:15 Bena Iehova ese Sisera na dare amo e hadarerea, Barak vairanai; ia bona ena kariota iboudiai bona ena tuari oreana idoinai. A Sisera na ena kanota amo e diho, aena amo e heau.
JDG 4:16 Bena Barak ese kariota bona tuari taudia e hahavadia lao, ela bona Haroset-ha-goim. Sisera ena tuari taudia ibouboudiai na dare amo e aladia mase; ta se roho mauri.
JDG 4:17 Sisera na aena amo e heau, Iaele, Hebere tau Kene adavana, ena kalaga ela; badina be Iabin, Hasoro pavapavana, bona Hebere, tau Kene, ena iduhu vada e herohemaino.
JDG 4:18 Bena laele na e raka lasi, Sisera e hedavari henia, e hamaoroa, eto, Gauka e, a raka vareai dekegu ai; basio gari. Taunabunai, ia na ia dekenai e raka vareai, kalaga lalonai: hahine na hetaru e abia, e tarua ahu.
JDG 4:19 Sisera ese e hamaoroa, eto, Mani emu kara ranu kuri ta a henigu, aina inua, badina be ranu e masegu. Hahine na rata kopi ta e kehoa, rata kuri ta e henia, bena e inua. Ma e tarua lou.
JDG 4:20 Sisera ma e hamaoroa, eto, Kalaga iduarana ai ba gini; bena tau ta bainema, baine nanadaimu, baineto “Iniseni ai tau ta noho a?”, oi na ba haere, baoto “Lasi”.
JDG 4:21 Bena laele, Hebere adavana, ese ikoko ta e abia, bona lavu ta imana ai e abia, bena metaira-metaira Sisera e raka henia kahi, mahutana ai ibunina daena ai e kokoa uru, ikoko na tano ai e heholo; badina be tau boera dainai vada e hekure, vada e mahuta. Taunabunai vada e mase.
JDG 4:22 Bena Barak ese Sisera e hahavaia negana ai, Iaele na e raka lasi, ia ida e hedavari, e hamaoroa, eto, Aoma; o tahuamu tauna baina haheitalaimu. Taunabunai ia na hahine ena kalaga ai e raka vareai, unuseni ai Sisera na masena ai e hekure, ikoko na dounu ibunina daena ai mia.
JDG 4:23 Taunabunai, una dina ai Dirava ese Iabin, Kanaan pavapavana, e hadarerea, Israel taudia vairadiai.
JDG 4:24 Una negana ai Israel taudia edia kara e auka e laova Iabin, Kanaan pavapavana, enai, ela bona e habuaia tari.
JDG 5:1 Una dina ai Debora bona Barak Abinaom ese ane ta e abia, ini e abia toma:
JDG 5:2 Hahekau taudia ese Israel e hakaudia dainai, Bona Israel taudia ese idia muridiai e raka mai ura-kwalimudia ida dainai, Iehova ba hanamoa!
JDG 5:3 Pavapava e, a kamonai! Lohia e, a hakala! Lau ane baina abia, Iehova ena; Iehova, Israel Diravana, baina hanamoa egu ane ai.
JDG 5:4 Iehova e, Seiri amo o tore isi negana ai, Edom tanona amo o raka lasi negana ai, Tanobada na e heude-heude, Guba na e marere, Oibe, ori amo medu e diho.
JDG 5:5 Ororo na e laga Iehova vairanai, Sinai bunai e laga Iehova, Israel Diravana, vairanai.
JDG 5:6 Samgara, Anata natuna, ena nega ai, Bona laele ena nega ai, Laolao daladia korikoridia asie rakalai; Laolao taudia na uda daladia amo e laolaova.
JDG 5:7 Hanua maraḡidia vada e vahu Israel ai, Ela bona oi Debora o tore isi; Israel sinana na heto o gini tore.
JDG 5:8 Dirava matamatadia e abidia hidi, Bena tuari e vara, hanua ikoukoudia ai; Bena Israel ena gerebu hani bogaragidiai Kesi ta eiava io ta e hedinarai a?
JDG 5:9 Israel oreadia e hakaudia lasi taudia name imodaidia, Idia na Israel taudia bogaragidia amo e raka lasi mai ura-kwalimudia ida. Iehova ba hanamoa.
JDG 5:10 Doniki kurokurodia ai o guimu taumui, ba gwauraia, hedinarai, Geda udunadia ai o helaimu taumui, ba gwauraia hedinarai, Dala ai o rakamu taumui, ba herevalaia.
JDG 5:11 Ranu gabudia ai e kiri heboumu hahinedia gadodia a kamonai, Unuseni ai danu Iehova ena siahu karadia e herevalaimu, Ena kara maoromaoro Israel taudia bogaragidiai e gwaurai hedinaraiamu. Iehova ena orea taudia na hanua ikoukoudia e raka henidia lao.
JDG 5:12 A noga, a noga, Debora e! A noga, a noga, ane avabia! Barak e, a tore isi, Abinaom natuna e, emu abi-mauri taudia a hakaudia lao.
JDG 5:13 Goada taudia kwabukwabudia na tuari ela, Iehova ena orea taudia ese goada taudia e tuari henidia, ia bagunai.
JDG 5:14 Efraim amo ema, koura ai e hekei diho; Beniamina e, oi murimu ai e raka, oiemu orea ida. Makiri amo tuari biagudia e hekei, Sebulun amo tuari lohiadia ema.
JDG 5:15 Isakara lohiadia na Debora ida ema, Isakara taudia ese Barak e abidadama henia, Ia murinai e heau lao, koura ai e hekei diho. Ruben iduhuna doḡorodia bogaragidiai Daradara vada e bada.
JDG 5:16 Dahaka dainai mamoe edia maḡu ai o halahe? Dahaka dainai mamoe ireḡudia taudia edia ivilikou reḡedia mo o hakala henidia? Ruben iduhuna doḡorodia bogaragidiai Daradara vada e bada.
JDG 5:17 Gilead taudia na loridane unukahana ai e nohova; Dan taudia na dahaka dainai laḡatoi ai e halaheva? Asere taudia na kone ai e nohova, Sinavai iduaradia badidiai e nohova.
JDG 5:18 Sebulun taudia na edia mauri inegena asie gari, Napatali taudia danu ororo ai tuari gabuna ai asie gari.
JDG 5:19 Hanua pavapavadia na ema, e tuari, Kanaan pavapavadia e tuari henidia; Taanak ai, Megido ranudia badibadidiai, Silver sisina taina asie abia,
JDG 5:20 Hisiu na guba amo e tuari, Edia guba daladia amo Sisera e tuari henia.
JDG 5:21 Kison sinavaina ese e arudia lao, Abata ese e laohaidia, Kison abatana. Laumagu e, ba ha tuari, mai goadamu ida.
JDG 5:22 Hosi aedia reḡedia vada e bada; Tuari hosidia vada e heau, vada e heau.
JDG 5:23 Iehova ena aneru e tomamu, Meroso ba uduguiraia, Meroso taudia ba uduguiraidia bada; Badina be Iehova iduruna asiema, Goada taudia bogaragidiai Iehova iduruna asiema.
JDG 5:24 Hahine bogaragidiai laele mo namo, Hebere tau Kene adavana mo namo herea. Kalaga inoholaidia hahinedia bogaragidiai ia mo sibona namo herea.
JDG 5:25 Ranu e noia negana ai, ia ese rata e henia; Dihu namo-hereana ai bata e mailaia, ana.
JDG 5:26 Ikoko na imana ai e abia, Lavu na imana idibana ai e abia, Ia ese Sisera e kokoa, Kwarana e huaria, Ibunina daena e haberoa, e gwadaia.
JDG 5:27 E igo diho, e keto, Aena badibadinai e hekida diho; Aena badibadinai e igo diho, e keto, E igo diho gabuna ai e mase.
JDG 5:28 Sisera sinana na e igo lasi, Gaba-mauru amo e boiboi: Dahaka dainai ena kanota na e halahemu? Badina be dahaka kariota hosidia aedia reḡedia asina kamonaimu?
JDG 5:29 Ena aonega hahinedia ese e haere henia, Bona ia sibona e haere:
JDG 5:30 Kohu namodia e abi, e hari, ani? Ulato ta eiava rarua, tatau ta ta edia, Dabua namodia idau-idau Sisera ena, Dabua idau-idau mai heraheradia, Lau aiogu ḡaudia ani?
JDG 5:31 Iehova e, inaimu idoinai unu bae mase toma! A e ura henimumu taudia na Dina heḡereḡerena bae tata dae roha. Bena tano vada e maino, laḡani hari-ahui lalodiai.
JDG 6:1 Israel taudia ma e kara havara Iehova vairanai, bena Iehova ese Midian taudia imadia ai e atodia, ela bona laḡani hitu e ore.
JDG 6:2 Midian taudia ese Israel taudia e hadareredia; bena Midian dainai Israel taudia na ororo ai e nohova, guri ai bona kohua ai bona ororo doridia ai.
JDG 6:3 Badina be Israel taudia ese uhe e hado negadia ai, Midian taudia bona Amalek taudia bona mairiveina kahana taudia ese e tuari henidia;
JDG 6:4 e taruha, tano anidia e hadika, Israel tanona idoinai ela bona Gasa. Aniani ḡauna ta eiava mamoe ta eiava boromakau ta eiava doniki ta asie rakatania Israel ai.
JDG 6:5 Edia boromakau e hakaudia vareai bona edia taruha e hagini. Idia na hutuma, kwadi na heheto; idia bona edia kamelo danu ta basinema duahidia diba; taunabunai ema negadia ai na tano anidia e ha-ore.
JDG 6:6 Taunabunai Israel vada e ogoḡami, Midian dainai. Bena Israel taudia ese Iehova e tai henia.
JDG 6:7 Israel taudia ese Iehova e tai henia Midian taudia daidiai;
JDG 6:8 bena Iehova ese peroveta tauna ta e siaia, Israel taudia dekediai. Ia ese e hereva henidia, eto, Iehova, Israel Diravana, na e tomu: Aigupto amo na abimui oho, iḡui rumana amo na hakaumui lasi;
JDG 6:9 Aigupto taudia imadia amo na hamaurimui, bona e daḡedaḡe henimui taudia iboudiai imadia amo, bona na luludia lasi vairamui ai, bona edia tano na henimui;
JDG 6:10 bena na hamaoromui, nato “Lau na Iehova, emui Dirava; Amoro taudia, edia tano ai o nohomu taudia, edia dirava na basio toma henidia diho”. A eregu asio kamonai.
JDG 6:11 Iehova ena aneru na ela, oak auna ta henunai, Ofra ai, e helai. Una au be Ioasa, Abiesere tauna, ena. Una negana ai ia natuna Gideon na uit e kwadiava, vine ranuna itaolaina gabuna ai, Midian taudia edia amo baine hunia eto.
JDG 6:12 Bena Iehova ena aneru ese e hahedinarai henia, e hereva henia, eto, Goada-herea taumu e, Iehova na oi ida.
JDG 6:13 Gideon ese e haere henia, eto, Egu lohia e, bema Iehova na ai ida, ini kara iboudiai na ede e vara toma ai emai ai? Ena hoa karadia, tamamai ese e hadibalaimai, eto “Iehova ese Aigupto amo se hakauda lasi a?” na edeseni ai? A harihari Iehova ese vada e negemai daure, Midian taudia imadia ai vada e atomai.
JDG 6:14 Bena Iehova ese e haḡerea, eto, Mai goadamu ida baola, Israel na Midian taudia imadia amo ba harohodia mauri. Asina siaimumu o tomu a?
JDG 6:15 Gideon na e haere, eto, Ḡaubada e, Israel na ede baina harohodia mauri toma? O itaia, lauegu doḡoro na ogogami herea Manase ai, bona lau danu maraḡi herea tamagu egu ruma ai.
JDG 6:16 Iehova ese e hamaoroa, eto, A lau ese baina bamomu, bena Midian taudia ba hadareredia, tau tamona boma hadarerea na heto.
JDG 6:17 Gideon ma eto, Boma lalo namo henigu, toa ta boma haheitalaigu, bena bama diba oi na momokani o hereva henigumu.
JDG 6:18 Mani emu kara ini amo basio raka oho ela bona lau na baina lou mai, egu herahia ḡauna na oi vairamu ai baina hulala. Iehova eto, Baina noho ela bona oi na ba Iou mai.
JDG 6:19 Taunabunai, Gideon na ena ruma lalonai e raka vareai, nani natuna ta e nadua, bona flaoa era ta amo asie hatubu dikeadia e gabu. Vamu na bosea ta ai e udaia, bona vasiahu na uro ta ai e abia kau, bena e laohai, oak auna henunai e helai tauna vairanai e dabaraia.
JDG 6:20 Dirava ena aneru ese e hamaoroa, eto, Vamu bona dikea na bavabi, ina nadi ai bavato, bena vasiahu na latadiai ba seia. Bena ia na unu e kara toma.
JDG 6:21 Bena Iehova ena aneru ese imana e toia roro, ena itotohi dorina amo vamu bona asie hatubua flaoana dikeadia e daudia toho; bena Iahi na nadi amo e ara, hari vamu bona dikea e ḡoledia oho. Bena Iehova ena aneru na ia vairana amo e puki oho.
JDG 6:22 Bena Gideon lalona e parara una na Iehova ena aneru. Gideon na eto, Ḡaubada Iehova e, madi ihabaigu! Badina be Iehova ena aneru ida vada a hevaira heheni.
JDG 6:23 A Iehova ese e hereva henia, eto, Maino avabia; asio gari, oi na basio mase.
JDG 6:24 Bena Gideon ese ihaboulaina patana auta e larebaia unuseni ai, Iehova ena; ladana e hatoa Iehova-salom. Ia na doini mia, Ofra ai, Abiesere taudia edia tano ai, ema bona hari.
JDG 6:25 Una hanuaboi, Iehova ese e hamaoroa, eto, Tamamu ena boromakau maruanena, boromakau maruanena iharuana, laḡani hitu ḡauna, bavabia, Baal ena ihaboulaina patana, tamamu ena, ba ḡiḡia dobi; bona au helaḡana, ia badinai gini, ba hagaria.
JDG 6:26 Bena ina haga-nadina latanai Iehova, emu Dirava, ena ihaboulaina patana ba larebaia namonamo. Bena hari boromakau maruanena iharuana na bavabia, ba hahelagaia, gole-oho boubouna ai bainela; hari au helaḡana danu ba rakua, unu rakuraku amo boubou ḡauna na ba haḡolea oho.
JDG 6:27 Taunabunai, Gideon ese ena hesiai taudia gwauta e abidia, Iehova ese vada e haḡania heḡereḡerena e karaia; to ena ruma taudia bona hanua taudia garidia e gariva dainai, ia na dina ai se karaia, a hanuaboi ai e karaia.
JDG 6:28 Hanua taudia na daba matana ai e tore isi, e itaia, Baal ena ihaboulaina patana vada e hegiḡi dobi, bona au helaḡana ia badinai vada e gari, bona hari boromakau maruanena iharuana vada e heḡole oho, ihaboulaina patana matamatana latanai.
JDG 6:29 Bena e henanadai heheni, eto, Ina na daika ese e karaia? E hetahu bona e henanadai, bena eto, Gideon loasa ese ina kara vada e karaia.
JDG 6:30 Bena hanua taudia ese loasa e hamaoroa, eto, Natumu ba hakaua lasi; ia na baine mase. Badina be ia ese Baal ena ihaboulaina patana vada e ḡiḡia dobi, bona au helaḡana ia badinai e giniva vada e hagaria.
JDG 6:31 A Ioasa ese e heai henidia taudia iboudiai e haere henidia, eto, Be, Baal dainai bavala-ala a? Ia ba durua o tomu a? Daika ese ia dainai baine ala-ala, una tau na daba do basine rere ai baine mase. Bema ia dirava ta, ia sibona baine ala-ala, ena ihaboulaina patana vada e heḡiḡi dobi dainai.
JDG 6:32 Taunabunai, hari Gideon na una dina ai e nemaia Ierubu-baal (anina be “Baal ese baine ala-ala henia”), badina be ia ese Baal ena ihaboulaina patana e ḡiḡia dobi.
JDG 6:33 Una murinai Midian taudia iboudiai bona Amalek taudia bona mairiveina kahana taudia e hebou, Ioridane sinavaina e hanaia, bena Iesrele kourana ai e taruha.
JDG 6:34 A Iehova ena Lauma ese Gideon e rohea; bena ia ese kibi e hiriria, bona Ablesere taudia e boiridia, idia na ia murina amo baela.
JDG 6:35 Ia ese gwaukau taudia danu e siaidia, Manase tanona idoinai, Manase taudia iboudiai e boiridia, ia murina amo baela. Ma gwaukau taudia haida danu e siaidia, Asere taudia bona Sebulun taudia bona liapatali taudia dekediai; bena idia na e tore isi, bamodia dekedia ela.
JDG 6:36 Bena Gideon ese Dirava e hereva henia, eto, Bema Israel na lau imagu amo ba hamauria, emu hereva heḡereḡerena,
JDG 6:37 mani a itaia, lau na mamoe ta kopina, mai huina, uit ikwadina gabuna ai vada na lahaiamu: hunu na mamoe huina bema hapariparia a ia badina tanona idoinai bema kaukau, bama diba oi ese lau imagu amo Israel ba hamauria, emu hereva heḡereḡerena.
JDG 6:38 Bena unu e vara toma: daba matana ai e tore isi, mamoe kopina e mutua, dihu ta na hunu ranuna amo e hahonua.
JDG 6:39 Bena Gideon ese Dirava ma e hereva henia, eto, Emu badu basine siahu egu ai; ina nega tamona amo baina hereva. Mani emu kara, ina nega tamona mo mamoe kopina amo ma baina diba. Mani emu kara, mamoe huina do baine kaukau, a ia badina tanona idoinai na hunu ese baine hapariparia.
JDG 6:40 Una hanuaboi, Dirava ese unu e kara toma: mamoe huina na kaukau, a tano idoinai vada e paripari.
JDG 7:1 Bena Ierubu-baal (una be Gideon) bona ia e bamoava taudia iboudiai na daba ai e tore isi, Harod ranu gabuna badinai e taruha. Midian taudia edia taruha na mirigini kahana ai, More ororona badina kourana ai.
JDG 7:2 Iehova ese Gideon e hereva henia, eto, E bamomumu taudia na hutuma herea. Midian taudia na idia imadia ai bama atodia, Israel na lau vairagu ai bema hekokoroku, bema toma “Ai sibomai imamai amo vada a hahemauri”.
JDG 7:3 Taunabunai, taunimanima ba hamaorodia, baoto “Gari bona kudou-hetaha tauna ese ena ruma baine lou henia”. Gideon na unu e tohodia toma; bena gerebu-rua daha-rua e lou, a gerebu ta e noho.
JDG 7:4 Bena Iehova ese Gideon ma e hamaoroa, eto, Taunumanima na doene hutuma. Ranu gabuna ba hakaudia lao, unuseni ai lau ese baina dibadia; bena ta baina herevalaia, bainato “Ina tau ese baine bamomu”, una tau na oi ida bainela, a ta baina herevalaia, bainato “Ina tau ese basine bamomu”, una tau na basinela.
JDG 7:5 Taunabunai, ia ese taunimanima na ranu gabuna e hakaudia lao. Bena Iehova ese Gideon e hamaoroa, eto, Maladia an-o ranu bae peta dae, sisia na heheto, taudia iboudiai na gabu ta ai bavatodia; a bae tui diho, ranu bae dodo, taudia ma gabu ta ai bavatodia.
JDG 7:6 Bena imadia amo ranu e kado bona maladia amo e peta dae taudia na sinahu toi; a oredia iboudiai na e tui diho, ranu e dodo.
JDG 7:7 Bena Iehova ese Gideon e hamaoroa, eto, Ranu e peta dae taudia sinahu-toiosi edia amo lau ese baina hamaurimui, bona Midian taudia na oi imamu ai baina atodia. Oredia iboudiai ba kahudia nege, ta ta ena ruma ena ruma baela.
JDG 7:8 Taunabunai, hodu na taunimanima imadia amo e abi, bona edia kibi danu; bena Gideon ese Israel oredia iboudiai e siaidia lou, ta ta ena kalaga ena kalaga ela; a sinahu-toiosi mo e dogodia tao. Midian taudia edia taruha na ia henunai, koura ai.
JDG 7:9 Una hanuaboi Iehova ese ma e hamaoroa, eto, A tore isi, a hekei lao, edia taruha ai ba tuari henidia.
JDG 7:10 A boma gari, emu hesiai tauna Pura ida ba hekei lao, taruha badibadinai;
JDG 7:11 edia hereva ba kamonai, gabeamo imamu bae goada ba hekei lao, edia taruha ai ba tuari henidia. Bena ena hesiai tauna Pura ida e hekei lao, ela bona tuari taudia taruha isena ai e hegima gabuna ai.
JDG 7:12 Midian taudia bona Amalek taudia bona mairiveina kahana taudia iboudiai na koura ai e taruha. Idia na hutuma herea, kwadi na heheto; edia kamelo danu asi iduahidia, kone mirina na heto.
JDG 7:13 Gideon e kau negana ai, tau ta ese ena nihi sivaraina na bamona ta e hamaorolaia, eto: A kamonai, lau na na nihi; egu nihi ai bali dikeana ta e hekei mai Midian taruhana ai, kalaga auta ai e tata kau, bena kalaga na e kohu, e heḡiḡi dobi tano ai.
JDG 7:14 Bena bamoma na e haere, eto, Ina na Gideon Ioasa, Israel tauna, ena dare; Dirava ese Midian mai ena orea idoinai ida ia imana ai vada e atodia.
JDG 7:15 Gideon ese una nihi igwauraina bona anina ihahedinaraina e kamonai, bena ia na e toma diho. Bena Israel taruhana e lou henia, eto, A tore tore isi, badina be Iehova ese Midian ena orea idoinai na umui imamui ai vada e atodia.
JDG 7:16 Bena ia ese hari tatau sinahu-toiosi e haridia, orea toi, iboudiai kibi bona hodu e henidia, hodu lalodiai na kede.
JDG 7:17 Bena e hamaorodia, eto, Lau ba itagu, ba tohotohogu; taruha isena ai baina kau ai, lau baina karaia heḡeregerena na umui danu ba karaia.
JDG 7:18 Lau mai bamogu iboudiai ida emai kibi baia hiriri negana ai na umui danu emui kibi ba hiriri, edia taruha hegeḡemadai; bena ba lolo, baoto “Iehova bagunai bona Gideon bagunai”.
JDG 7:19 Malokihi ai, Gideon, e bamoa taudia sinahu-ta ida, taruha isena ai e kau, hegima negana iharuana ai hegini-dava taudia e atodia negana ai. Bena edia kibi e hiriri bona edia hodu e hamakohi.
JDG 7:20 Bena orea toiosi taudia ese edia kibi e hiriri bona edia hodu e hamakohi; bena kede na imadia lauridia ai e dudui isi, a kibi be imadia idibadia ai e abi, e hiriri. Bena e lolo, eto, Iehova ena dare bona Gideon ena.
JDG 7:21 Ta ta ena gabu ena gabu ai e gini, taruha e ginia heḡege. Bena tuari oreana idoinai e heau; e lolo dagu bona e heau karoho.
JDG 7:22 Kibi sinahu-toiosi e hiriri negana ai, Iehova ese tuari taudia e hadaradaradia, bena ta ta ena dare ena dare e abi, e heatu heheni. Tuari oreana e heau, ela bona Bete-sita, Serera kahana ai, ela bona Abele-mehola hetoana, Tabata badinai.
JDG 7:23 Bena Israel taudia na Napatali amo bona Asere amo bona Manase idoinai amo e boiridia; bena idia ese Midian taudia e hahavadia.
JDG 7:24 Bena Gideon ese gwaukau taudia e siaidia, Efraim ororodia idoidiai ela, eto, A hekei mai, Midian taudia ba tuari henidia, bona ranu gabudia ela bona Bete-bara, bona Ioridane sinavaina danu, ba gimadia. Taunabunai, Efraim taudia iboudiai e boiridia, bena ranu gabudia e gimadia ela bona Bete-bara, bona Ioridane sinavaina danu.
JDG 7:25 Midian lohiadia raruosi danu e abidia: Oreb na Oreb haga-nadina ai e alaia mase; bona Sebe na Sebe ena vine-ranuna itaolaina gabuna ai e alaia mase, Midian taudia e hahavadia negana ai. Bena Oreb bona Sebe kwaradia na Gideon dekena e laohaidia. Ioridane sinavaina unukahana ai.
JDG 8:1 Efraim taudia ese Gideon e nanadaia, eto, Ede vada o karamai toma? Dahaka dainai Midian taudia o tuari henidia negana ai so boirimai? Idia ese e gwau henia dikadika.
JDG 8:2 Bena ia ese e hereva henidia, eto, Lauegu kara na oiemu kara ida ede baita hahegereḡeredia toma? Efraim ena vine momorudia ihaboudia be Abiesere ena taboro idoinai e hereaiamu ani?
JDG 8:3 Dirava ese Midian pavapavadia Oreb bona Sebe na umui imamui ai vada e atodia. Lau be dahaka na karaia oiemu kara heḡereḡerena? Unu e hereva toma, bena idia lalodia e keru, bona edia badu e doko.
JDG 8:4 Gideon na Ioridane sinavaina isena ai e kau, bena e hanaia, ia bona ena orea taudia sinahu-toi ia ida. Idia na taudia e manori, to dounu e gava.
JDG 8:5 Bena ia ese Sukoto taudia e noidia, eto, Mani emu kara egu orea taudia na aniani ba henidia, badina be taudia vada e manori, bona Midian pavapavadia Sebaha bona Salmuna na ḡavadiamu.
JDG 8:6 A Sukoto lohiadia eto, Be, Sebaha bona Salmuna vada o abidia mauri, una dainai ai ese emu tuari taudia baia ubudia a?
JDG 8:7 Gideon eto, Matona, Iehova ese Sebaha bona Salmuna na imagu ai baine atodia negana ai, lau ese au ginigini tano ḡaḡaena amo baina abi, bona ava ḡinigini danu, bena unu amo baina dadabamui.
JDG 8:8 Unu amo ma e dara dae, Penuel ela, hereva heḡereḡerena e noilaidia; bena Penuel taudia ese e haere henia, Sukoto taudia ese vada e haere henia heḡereḡerena.
JDG 8:9 Bena ia ese Penuel taudia e hamaorodia, eto, Maino ai ma baina lou mai negana ai, ina kohoro baina ḡiḡia dobi.
JDG 8:10 Hari Sebaha bona Salmuna na Karakoro ai e nohova, mai edia tuari oreadia ida. Idia na tatau gerebu-ta daha-ima sisivana, mairiveina kahana taudia edia tuari oreana amo e roho mauri taudia. A dare e abi taudia domaga-ta gerebu-rua vada e mase.
JDG 8:11 Bena Gideon na Noba bona logobeha mairiveina kahana ai e taruhava taudia edia dala amo ela, una tuari oreana e tuari henia, asie hegimava negana ai.
JDG 8:12 Sebaha bona Salmuna na e heau; bena Gideon ese e hahavadia. Ia ese Midian pavapavadia raruosi, Sebaha bona Salmuna, e abidia mauri; a edia tuari oreadia e hakarohodia.
JDG 8:13 Bena Gideon loasa na tuari amo e lou, Here ororona amo.
JDG 8:14 Bena ia ese Sukoto tau-eregabena ta e dabaia tao, e nanadaia. Han eregabe tauna ese Sukoto Iohiadia bona tau-badadia ladadia e tore, iboudiai na tatau hitu-ahui hitu.
JDG 8:15 Sukoto taudia dekediai e kau, bena e hereva henidia, eto, Sebaha bona Salmuna a itadia. Umui ese o hevaseha henigu, oto “Sebaha bona Salmuna vada o abidia mauri, una dainai emu orea taudia na edia manori ai baia ubudia a?”
JDG 8:16 Bena ia ese hanua tau-badadia e abidia, au ginigini, tano ḡaḡaena ḡaudia, bona ava ḡiniḡini, amo e dadabadia.
JDG 8:17 Penuel kohorona danu e ḡiḡia dobi, bona hanua taudia e aladia mase.
JDG 8:18 Bena ia ese Sebaha bona Salmuna e nanadaidia, eto, Taboro ororona ai o aladia mase taudia na edeseni ai? Idia na e haere, eto, Idia iboudiai na oi ida-idamu, oromadia na pavapava natuna na heheto.
JDG 8:19 Gideon eto, Idia na lau tadigu, lau sinagu natuna; Iehova e maurimu heḡereḡerena, boma hamauridia lau ese basinama alamui mase.
JDG 8:20 Bena ia ese natuna roboana letere e hamaoroa, eto, A tore isi, avaladia mase. A tauhau na ena dare se veria lasi; ia na e gari, badina be ia na dounu tauhau mo.
JDG 8:21 Bena Sebaha bona Salmuna eto, Oi sibomu a tore isi, avalamai mase; tau ta be ena goada heḡereḡerena ai baine kara. Bena Gideon e tore isi, Sebaha bona Salmuna e aladia mase. Bena edia kamelo aiodia iheralaidia mairidia e abi.
JDG 8:22 Bena Israel taudia ese Gideon e hereva henia, eto, Ba halohiamai: oi bona natumu bona tubumu danu bae halohiamai; badina be Midian taudia imadia amo vada o hamaurimai.
JDG 8:23 A Gideon na e haere henidia, eto, Lau ese basina halohiamui, natugu danu basine halohiamui; Iehova ese baine halohiamui.
JDG 8:24 Gideon ma e hereva henidia, eto, Mani emui kara egu noinoi binai: umui ta ta ese gold gadeidia tuari ai o abi vada ba henigu. (Taiadia na mai gadeidia, hadina be idia na Ismael taudia).
JDG 8:25 Idia na e haere, eto, Baia henimu mai moalemai ida. Bena dabua ta e lahaia, iboudiai ese tuari ai e abidia gadeidia na dabua ai e taho dobi.
JDG 8:26 Hari gold gadeidia, ia ese e noilai ḡaudia, edia metau idoinai be sekele daha-ta sinahu-hitu. Ma ḡau haida be mairi bona ageva bona dabua kakakakadia, Midian pavapavadia edia hahedoki ḡaudia, bona edia kamelo aiodia ḡaudia danu.
JDG 8:27 Bena Gideon na una dabua e abia, hahedoki helaḡana ta e karaia, ena hanua, Ofra, lalonai e taua dae. Bena Israel taudia iboudiai ese una ḡau e toma henia diho; unu amo ia na hekwakwanai ḡauna ai ela, Gideon bona ena ruma taudia ediai.
JDG 8:28 Taunabunai, Midian vada e darere, Israel taudia vairadiai; idia na asie gaga isi lou. Bena tano na vada e maino, laḡani hariahui lalodiai, Gideon ena mauri dinadia ai.
JDG 8:29 Ierubu-baal Ioasa na e lou ela, ena ruma ai e nohova.
JDG 8:30 Hari Gideon natuna mamaruanedia na hitu-ahui, ia natuna korikoridia, natu-adoradia; badina be adavana na momo.
JDG 8:31 Ma hahine ta Sekem ai danu e adavaia, iena amo danu mero ta e abia, ladana e hatoa Abimelek.
JDG 8:32 Gideon loasa e buruka herea, bena e mase. Tamana loasa ena gara ai e guria, Ofra ai: Abiesere taudia edia hanua bunai.
JDG 8:33 Gideon e mase murinai, asi vanahana Israel taudia ma e raka muri, Kanaan taudia edia dirava e toma henidia diho; bona ta, ladana na Baalberiti, e abia, edia dirava ai e halaoa.
JDG 8:34 Israel taudia ese Iehova, edia Dirava, inaidia e koudia heḡeḡe taudia imadia amo e hamauridia Diravana, na asie laloa tao;
JDG 8:35 bona Ierubu-baal (una na Gideon) ena ruma taudia asie hanamodia, ia ese Israel e hanamoa davana asie kara.
JDG 9:1 Abimelek, Ierubu-baal natuna, na Sekem ela, sinana varavarana dekediai, idia bona sinana ena iduhu taudia iboudiai e hereva henidia, eto,
JDG 9:2 Sekem taudia iboudiai lalodia bavani, baoto “Edena namo, Ierubu-baal natuna hitu-ahui-osi iboudiai ese bae halohiamui, eiava tamona ese?” Ba laloa danu, lau na umui turiamui bona umui hidiomui.
JDG 9:3 Bena sinana varavarana ese unu hereva iboudiai na Sekem taudia e hamaorolaidia, ia dainai; bena Sekem taudia lalodia e urava Abimelek murina amo bae raka, badina be idia na eto, Ia na ai varavaramai.
JDG 9:4 Bena idia ese silver monidia hitu-ahui na Baal-beriti ena dubu amo e abi, e henia. Unu moni amo Abimelek ese tatau dikadia haida, asi lalodia taudia, davadia e heni, ia murinai bae raka totona.
JDG 9:5 Bena ia ese tamana ena ruma Ofra ai ela, tadikakana hituahui-osi, Ierubu-baal natuna, e aladia mase, nadi tamona latanai. A taumuritai, ladana Iotam, e roho mauri; badina be ia na vada e komu.
JDG 9:6 Bena Sekem taudia iboudiai bona Bete-milo taudia iboudiai na ela, Abimelek e abia dae, Sekem ena oak auna helaḡana badibadinai, edia pavapava ai e halaoa.
JDG 9:7 Haida ese Iotam e hamaoroa, bena ia na ela, Gerisim ororona dorina ai e gini, e haroro badabada, eto, Sekem taumui e, egu hereva a kamonai, bena Dirava ese umui baine kamonai henimui.
JDG 9:8 Nega ta au loḡora na e raka lasi, edia pavapava ta bae horoa eto. Bena idia ese olive auna e hereva henia, eto, Emai pavapava ai baola.
JDG 9:9 A olive auna ese edia hereva e haloua, eto, Huahuagu digarana, Dirava bona taunimanima ihanamodia ḡauna, na baina rakatania, au baina biagudia a?
JDG 9:10 Bena au ese suke auna e hereva henia, eto, Oi hari emai pavapava ai baola.
JDG 9:11 A suke auna ese edia hereva e haloua, eto, Egu gaiho bona egu huahua namodia baina rakatanidia, au baina biagudia a?
JDG 9:12 Bena au ese vine e hereva henia, eto, Oi hari emai pavapava ai baola.
JDG 9:13 A vine ese edia hereva e haloua, eto, Egu vine ranuna, Dirava bona taunimanima na e hamoalediamu ḡauna, baina rakatania, au baina biagudia a?
JDG 9:14 Bena au iboudiai ese au ginigini e hereva henia, eto, Oi hari emai pavapava ai baola. Bena au ginigini ese e haere henidia, eto,
JDG 9:15 Bema lalomui korikori be ba horogu, emui pavapava ai ba halaogu, vada baoma, lau ikerukerugu ai laḡamui bavani; a bema lasi, Iahi na au ginigini amo baine vasi, Lebanon sida-audia baine aradia ore.
JDG 9:16 Benaini, Ialomui korikori amo bona kara maoromaoro amo Abimelek o abia dae emui pavapava ai o halaoa readia; Ierubu-baal mai ena ruma taudia ida vada o kara namo henidia ia ese e kara namo henimuiva heḡereḡerena readia.
JDG 9:17 Badina be tamagu na umui daimui ai e tuariva, ena mauri se laloava, Midian taudia imadia amo e hamaurimui;
JDG 9:18 a umui ese hari dina ai tamagu ena ruma vada o tuari henia, natuna hitu-ahui osi na nadi tamona latanai vada o aladia mase, bona Abimalek, tamagu ena hesiai hahinena natuna, na Sekem taumui emui pavapava ai vada o halaoa, ia na varavaramui dainai.
JDG 9:19 A na tomu, bema lalomui korikori amo bona kara maoromaoro amo Ierubu-baal mai ena ruma taudia ida vada o kara henidia hari dina ai, Abimelek boma moalelaia, bona ia ese umui bema moalelaimui.
JDG 9:20 A bema lasi, lahi na Abimelek ena amo baine vasi, Sekem taumui bona Bete-milo taudia baine aramui ore; bona lahi na Sekem taumui emui amo bona Bete-milo taudia edia amo baine lasi, Abimelek baine araia.
JDG 9:21 Bena lotam e heau, Bere ela, unuseni ai e nohova, kakana Abimelek garina e gariva dainai.
JDG 9:22 Abimelek ese Israel e lohiaia laḡani toi.
JDG 9:23 Bena Dirava ese lauma dikana ta e siaia, Abimelek bona Sekem taudia padadiai. Bena Sekem taudia ese Abimelek e inai henia.
JDG 9:24 Unu amo Ierubu-baal natuna mamaruanedia hitu-ahui-osi ialadia bona raradia na tadikakadia Abimelek, e aladia mase tauna, latanai bona Sekem taudia, tadikakana ialadia ai e durua taudia, latadiai e kau.
JDG 9:25 Bena Sekem taudia ese e bani henia, ororo doridia ai; bona una dala amo e laolaova taudia iboudiai edia kohu e dadi. A haida ese Abimelek e hamaoroa.
JDG 9:26 Una negana ai Gaal Ebed, varavarana ida, Sekem ai e hanoho; bena Sekem taudia ese e abidadama henia.
JDG 9:27 Idia na e vareai, edia vine imeadia anidia e gogo, bena e taolai. Bena aria e karaia; edia dirava ena dubu ai e raka vareai, e aniani bona vine ranuna e inua. Bena idia ese Abimelek e ḡonaḡonalaia.
JDG 9:28 Gaal Ebed eto, Abimelek be daika? Ita Sekem tauda danu daidia? Ita ese ia isiaina baita lao heni a? Ina lerubu-baal natuna, mai ena hesiai tauna Sebulu ida, ese Sekem tamana Hamoro garana isiaidia bema lao heni hari namo. Dahaka dainai ita ese ia isiaina baita lao heni?
JDG 9:29 Ina orea bama biagua, Abimelek bama abia oho. Oibe, Abimelek bama hamaoroa, bama toma “Emu tuari taudia ba hahohodia, bena ba raka lasi, ba tuari”.
JDG 9:30 Sebulu, hanua lohiana, ese Gaal Ebed ena hereva e kamonai, bena e badu.
JDG 9:31 Bena ia ese gwaukau taudia haida e siaidia Abimelek dekenai, Aruma ai, eto, A kamonai, Gaal Ebed mai varavarana ida vada ema Sekem: bena idia ese hanua taudia lalodia e hadikamu emu ai.
JDG 9:32 Taunabunai, hanuaboi ai baola, oi mai emu orea taudia ida, tano paka ai ba henari.
JDG 9:33 Bena daba matana ai ba tore isi haraḡa, hanua ba heau henia; bena ia mai ena orea taudia ida bae raka lasi bae tuari henimui negana ai, emui goada heḡereḡerena ai ba kara henidia.
JDG 9:34 Bena Abimelek mai ena orea taudia iboudiai ida hanuaboi ai e tore isi, orea hani amo Sekem e bani henia.
JDG 9:35 Bena Gaal Ebed na e raka lasi, hanua ikoukouna ai e gini. Bena Abimelek mai ena orea taudia ida na edia komu gabudia amo e tore isi.
JDG 9:36 Gaal ese e itadia, bena ia ese Sebulu e hamaoroa, eto, A itaia, taunimanima haida be ororo doridia amo e hekei e maimu. Sebulu ese e haere henia, eto, Ororo laulaudia o itadiamu, itaitadia na taunimanima na heheto.
JDG 9:37 Gaal ma e hereva, eto, A itaia, taunimanima haida na bogaragi amo e maimu, bona orea ta danu be rohe taudia edia oak auna amo e maimu.
JDG 9:38 Bena Sebulu ese e hereva henia, eto, Harihari udumu be edeseni ai, oi oto “Abimelek be daika, bona dahaka dainai ia isiaina baita lao heni?” O dadaraidia taudia bunu, ani? Harihari ba raka lasi, ba tuari henidia.
JDG 9:39 Bena Gaal ese Sekem taudia e gunalaidia, vada e raka lasi, Abimelek e tuari henia.
JDG 9:40 A Abimelek ese e hahavaia; Gaal na ia vairanai e heau. Hutuma na dala ai e keto, mai berodia, ela bona hanua ikoukouna.
JDG 9:41 Bena Abimelek na Aruma ai ma e noho; a Sebulu ese Gaal mai varavarana ida e luludia lasi, Sekem ai basie noho.
JDG 9:42 Kerukeru, hanua taudia ma e raka lasi, tano paka ela. Abimelek e kamonai,
JDG 9:43 bena ia ese ena tuari taudia e abidia, e haridia orea toi, tano paka ai e komu. E roha lao, hanua taudia e raka lasi ai e itadia, bena e tore isi, e ala-ala henidia.
JDG 9:44 Abimelek mai ena orea taudia ida e heau ela, hanua ikoukouna e gimaia; a orea rua be tano paka ai vada e raka lasi taudia na e ala-ala henidia, bona e aladia ore.
JDG 9:45 Una dina idoinai Abimelek ese hanua na e tuari henia: hanua na e abia, bona hanua taudia iboudiai na e aladia mase. Hanua na e haheḡiḡia dobi, bona damena e ḡiḡia rohoroho, hanua tanona idoinai.
JDG 9:46 Sekem kohorona ai e nohova taudia iboudiai ese una hari e kamonai, bena idia na edia dirava ta, ladana El-beriti, ena dubu ai e didi vareai.
JDG 9:47 Haida ese Abimelek e hamaoroa, Sekem kohorona taudia iboudiai na unuseni ai vada e hebou.
JDG 9:48 Bena Abimelek na Salmon ororona ai e dara dae, ia bona ena orea taudia iboudiai. Bena Abimelek ese ira auta e abia, au e raku; bena au rakuraku iḡui ta e abia isi, paḡana ai e huaia. Ena orea taudia danu ia ese e hamaorodia, eto, Lauegu kara vada o itaia, heḡereḡerena mo ba karaia. A kara haraḡa.
JDG 9:49 Taunabunai, idia iboudiai ta ta ena au ena au e raku, ena iḡui ena iḡui e hua, Abimelek murina amo e raka, edia au rakuraku na dubu habana badinai e ato kau. Bena idia ese dubu e ha-araia; taunabunai Sekem kohorona taudia iboudiai na lahi ai e mase. Idia na tatau bona hahine: iboudiai na daha ta sisivana.
JDG 9:50 Bena Abimelek na Tebese ela, hanua na e koua heḡeḡe, bena e abia.
JDG 9:51 Hanua lalonai na kohoro aukana ta; bena hanua taudia iboudiai, tatau bona hahine, na e heau vareai, e hekou ahu; bena kohoro guhina ai e dae.
JDG 9:52 Abimelek na e raka kahira, kohoro e tuari henia; kohoro iduarana e raka henia kahi, baine doua eto.
JDG 9:53 Bena hahine ta ese uit iririlaina nadina ta e tahoa dobi, Abimelek kwarana ai, kwarana koukouna e hamakohia.
JDG 9:54 Bena ia ese eregabe tauna ta, ena kesi ihuana tauna, e boiria haraḡa-haraḡa, e hamaoroa, eto, Emu dare a veria lasi, bavalagu, taunimanima ese bae herevalaigu, baeto “Hahine ese e alaia mase”, na garina. Bena hari eregabe tauna ese e gwadaia; vada e mase.
JDG 9:55 Israel taudia ese e itaia, Abimelek e mase, bena iboudiai e karoho, ta ta ena ruma ena ruma ela.
JDG 9:56 Unuheto amo Dirava ese Abimelek ena kara dika davana e henia: una kara dika be tadikakana hitu-ahui-osi e aladia mase, unu amo tamana e hadikaia.
JDG 9:57 Dirava ese danu Sekem taudia edia kara dika iboudiai idia kwaradia ai e haloudia, Iotam Ierubu-baal ena hahedika na idia latadiai e kau.
JDG 10:1 Abimelek murinai, tau ta e tore isi, Israel e hamauria. Ia ladana na Tola; tamana na Pua, bona tubuna ladana na Dodo. Ia na Isakara tauna; ena hanua na Samiri, Efraim ororodia ai.
JDG 10:2 Ia ese Israel taudia e hahemaoro henidia, laḡani ruahui-toi lalodiai. Bena e mase; Samiri ai e guria.
JDG 10:3 Ia murinai Iairi, tau Gilead. e tore isi, Israel taudia e hahemaoro henidia laḡani ruahui-rua lalodiai.
JDG 10:4 Ia natuna mamaruanedia na toi-ahui: idia na doniki toi-ahui ai e loaloava. Edia hanua danu toi-ahui; ladadia e hatomu Havoto-iairi ema bona hari dina. Una hanua na Gilead tanona ai.
JDG 10:5 Iairi e mase, bena Kamon ai e guria.
JDG 10:6 Israel taudia ma e kara havara Iehova vairanai, dirava idaudia e toma henidia diho: Baal, bona Astaroto, bona Suria taudia edia dirava, bona Sidono taudia edia dirava, bona Moab taudia edia dirava, bona Amono taudia edia dirava, bona Filistia taudia edia dirava. A idia ese Iehova e rakatania, ia isiaina asie lao heni.
JDG 10:7 Bena Iehova ena badu vada e siahu Israel taudia latadiai; e negedia daure, Filistia taudia imadia ai bona Amono taudia imadia ai.
JDG 10:8 Unu bese ese Israel taudia e moidia tao bona e hahisidia una laḡani lalonai. Laḡani gwauta-taurahani lalodiai, idia ese Israel taudia iboudiai Ioridane sinavaina unukahana ai, Amoro taudia edia tano Gilead ai, e nohova na e hahisidia.
JDG 10:9 Amono taudia ese danu Ioridane sinavaina e hanaia, Iuda bona Beniamina bona Efraim iduhudia taudia e tuari henidia. Taunabunai, Israel taudia na daradia e doko.
JDG 10:10 Bena Israel taudia ese Iehova e tai henia, eto, Ai na vada a kara dika oi vairamu ai; badina be emai Dirava vada a rakatania, Baal isiaidia vada a lao heni.
JDG 10:11 Iehova ese Israel taudia e haere henidia, eto, Lau ese Aigupto taudia bona Amoro taudia bona Amono taudia bona Filistia taudia imadia amo na hamaurimui ani?
JDG 10:12 Sidono taudia bona Amalek taudia bona Maono taudia ese danu e hahisimui; bena o tai henigu negana ai lau ese idia imadia amo danu na hamaurimui.
JDG 10:13 Matona, vada o rakatanigu, dirava idaudia isiaidia vada o lao heni, taunabunai lau ese basina hamaurimui lou.
JDG 10:14 Aola, vada o abidia hidi diravadia ba tai henidia, idia ese emui hisihisi negana ai bae hamaurimui.
JDG 10:15 Bena Israel taudia ese Iehova e hereva henia, eto, Ai na vada a kara havara. Oi sibomu emu lalo-hadai heḡereḡerena ba kara henimai; ḡau tamona, ai a noimumu, hari dina ai ba hamaurimai.
JDG 10:16 Taunabunai, idia ese dirava idaudia e rakatanidia, Iehova isiaina e lao henia; bena ia ese Israel taudia edia hisihisi baduna e badu.
JDG 10:17 Bena Amono taudia na e hebou, bae tuari eto; bena Gilead ai e taruha. Israel taudia danu e hebou, Mispa ai e taruha.
JDG 10:18 Bena Gilead lohiadia e hereva heheni, eto, Daika ese Amono taudia baine tuari henidia matama? Una tau ese Gilead taudia iboudiai ikwaradia ai bainela.
JDG 11:1 Iefeta, tau Gilead, na tuan tauna mai goadana; ḡau tamona, ia na ariara hahinena natuna. Iefeta tamana na Gilead.
JDG 11:2 Gilead adavana ese danu natuna mamaruanedia haida e havaradia; bena e bada oho bada oho negana ai Gilead adavana natuna ese Iefeta e lulua oho, e gwau henia, eto, Oi na asi ahumu tamada ena ruma ai, badina be oi na idau hahinena natuna.
JDG 11:3 Bena Iefeta ese tadikakana e heautanidia, tano ladana Tobo ai e nohova; unuseni ai kara havara taudia haida na ia ida e raka hebouva, bona dadidadi karadia e kara hebouva.
JDG 11:4 Nega taina vada ela, Amono taudia ese Israel taudia e tuari henidia.
JDG 11:5 Bena Amono taudia ese Israel taudia e tuari henidia negana ai, Gilead tau-badadia na Tobo ela, Iefeta bae hakaua lou eto.
JDG 11:6 Idia ese Iefeta e hereva henia, eto, Aoma, ba biagumai, bena Amono taudia baita tuari henidia.
JDG 11:7 A Iefeta ese Gilead tau-badadia e haere henidia, eto, Umui ese o inai henigu, tamagu ena ruma amo o lulugu oho, ani? Dahaka dainai harihari, hekwakwanai emui ai vada e vara negana ai, lau dekegu vada oma?
JDG 11:8 Gilead tau-badadia ese Iefeta ma e noia, eto, Ina dainai harihari vada ama: oi na ai ida baitala, Amono taudia baita tuari henidia, bena Gilead taumai iboumai ai ba halohiamai.
JDG 11:9 Iefeta ese Gilead tau-badadia ma e haere henidia, eto, Boma hakaugu lao, bena Amono taudia baitama tuari henidia negana ai Iehova ese lau imagu ai bema atodia, lau na umui ikwaramui ai bainala a?
JDG 11:10 Gilead tau-badadia ese lefeta ma e hereva henia, eto, Iehova na ita padadai, eda hereva e kamonaimu: momokani, oi o herevamu heḡereḡerena baia karaia.
JDG 11:11 Bena Iefeta na Gilead tau-badadia ida ela; bena Gilead taudia ese ikwaradia tauna bona edia lohia ai e halaoa. Iefeta ese ena hereva iboudiai na Iehova vairanai e gwaurai, Mispa ai.
JDG 11:12 Iefeta ese gwaukau taudia e siaidia, Amono pavapavana dekenai, eto, Emu badu egu ai be dahaka, bena egu tano ituari-henina vada oma a?
JDG 11:13 Amono pavapavana ese Iefeta ena gwaukau taudia e haere henidia, eto, Badina be Israel na Aigupto amo ema, egu tano e dadia, Aranon sinavaina amo ela bona Iabok sinavaina bona Ioridane sinavaina; harihari una tano ba henigu lou, basio laogu ahu.
JDG 11:14 Bena Iefeta ese gwaukau taudia haida ma e siaidia, Amono pavapavana dekenai.
JDG 11:15 Idia ese e hereva henia, eto, Iefeta na ini e gwau tomamu: Israel na Moab tanona bona Amono taudia edia tano asie dadi.
JDG 11:16 A Aigupto amo ema negana ai, Israel na tano ḡaḡaena amo ema, ema bona Davara Kakakakana, bona Kade ai e kau.
JDG 11:17 Una negana ai Israel ese gwaukau taudia e siaidia, Edom pavapavana dekenai, eto “Mani emu kara, emu tano baia rakaia hanai”, a Edom pavapavana na se kamonai. Ma hereva heḡereḡerena e siaia, Moab pavapavana dekenai; to ia danu se kamonai. Taunabunai, Israel na Kade ai e noho.
JDG 11:18 Bena idia na ma e laolao, tano ḡaḡaena ai; Edom tanona bona Moab tanona murimuridia amo e raka, Moab tanona mairiveina kahana ai e kau, Aranon sinavaina unukahana ai e taruha. A Moab tanona ai asie raka vareai, badina be Aranon sinavaina na Moab tanona hetoana.
JDG 11:19 Una murinai Israel ese gwaukau taudia e siaidia, Sihon, Hesebon pavapavana, Amoro taudia edia pavapava, dekenai. Israel ese e noia, eto, Mani emu kara emu tano baia rakaia hanai, emai tano baia lao henia.
JDG 11:20 A Sihon ese Israel taudia se abidadama henidia, bae raka hanai momokani; taunabunai Sihon ese ena orea taudia iboudiai e haboudia, Iahasa ai e taruha, Israel taudia e tuari henidia.
JDG 11:21 Bena Iehova, Israel Diravana, ese Sihon mai ena orea taudia iboudiai na Israel taudia imadia ai e atodia. Bena idia ese e hadareredia; taunabunai Israel taudia ese Amoro taudia, una tano ai e nohova taudia, edia tano idoinai e abia.
JDG 11:22 Amoro taudia edia tano idoinai e abia, edia: Aranon sinavaina amo ela bona labok sinavaina, bona tano ḡaḡaena amo ela bona londane sinavaina.
JDG 11:23 Benaini, Iehova, Israel Diravana, ese Amoro taudia edia tano na edia amo e abia oho, ena bese Israel e henia. Matona, oi ese bavabia a?
JDG 11:24 Emu dirava Kemoso ese vada e henimu tanodia bavabi, ani, emu tano? A Iehova, emai Dirava, ese ai vairamai ai e luludia lasi taudia edia tano na ai ese baia abi, emai tano.
JDG 11:25 Oi ese Balak Siporo, Moab pavapavana, o hereaiamu a? Nega ta ia ese Israel taudia e ala-ala henidia eiava e tuari henidia a?
JDG 11:26 Israel na laḡani sinahu-toi Hesebon mai ena hanua maraḡidia ida, bona Aroere mai ena hanua maraḡidia ida, bona Aranon sinavaina isena hanuadia iboudiai, e noholai: dahaka dainai una negana ai asio abidia lou?
JDG 11:27 Taunabunai, lau ese asina hadikamu, a oi hari o tuari henigumu bona o kara dika henigumu. Iehova, Hahemaoro Diravana, ese Israel taudia bona Amono taudia baine hahemaoro henidia, hari ina dina ai.
JDG 11:28 A Amono pavapavana ese Iefeta ena gwaukau herevana se abia dae.
JDG 11:29 Iehova ena Lauma ese leieta e rohea, bena ia ese Gilead bona Manase tanodia e rakadia hanai, ela bona Mispa, Gilead tanona ai; unu amo Amono taudia e lao henidia.
JDG 11:30 Iefeta ese Iehova e gwau henia hamata, eto, Amono taudia na lau imagu ai boma atodia,
JDG 11:31 bena mai kwalimugu ida Amono taudia ituarihenidia amo baina lou mai negana ai na egu ruma iduarana amo dekegu baine raka lasi guna ḡauna na Iehova ena: gole-oho boubouna ai baina halaoa.
JDG 11:32 Taunabunai, Iefeta na e hanai, Amono taudia e tuan henidia; bena Iehova ese ia imana ai e atodia.
JDG 11:33 Bena ia ese e aladia, Aroere amo ela bona Miniti badibadinai. Hanua ruahui e abidia, ela bona Abele-keramim, mai ala-ala bada hereana ida. Taunabunai, Amono taudia vada e darere, Israel taudia vairadiai.
JDG 11:34 Bena Iefeta na ena ruma e lou henia, Mispa ai. Bena ia natuna kekenina na ia dekena e raka lasi, imana mai tarekodia, bona mai mavaruna ida. Ia na natuna vara-edeana; asi natuna idauna ta, maruanena eiava hahinena.
JDG 11:35 Bena e itaia negana ai na ena dabua e darea, eto, Natugu o, madi ihabaigu! Vada o hahemaraigu; vada o hahekwakwanaigu. Badina be Iehova vada na gwau henia hamata, bena egu hereva na basina ha-idaua diba.
JDG 11:36 Kekeni na eto, Tamagu e, bema Iehova o gwau henia hamata, emu hereva heḡereḡerena ai ba kara henigu; badina be Iehova ese oi inaimu, Amono taudia, vada e hadareredia, oi daimu ai.
JDG 11:37 Bena kekeni ese tamana e noia, eto, Mani emu kara ini ba karagu toma: hua rua mo ba kahugu nege, bainala, mai bamogu kekenidia ida ororo ai baia loaloa, rami-hebougu ai baina mase taina baia tai.
JDG 11:38 Ia eto, Aola. Bena e kahua nege, hua rua. Ia na mai bamona kekenidia ida ela, ororo ai e taitai, rami-hebouna ai baine mase dainai.
JDG 11:39 Hua rua e ore, bena kekeni ese tamana e lou henia. Bena tamana ese ena gwau-hamata heḡereḡerena ai e kara henia. Kekeni na tau ta ida do se eno bou. Una dainai kara ta vada e vara Israel ai:
JDG 11:40 laḡani ta ta amo Israel kekenidia ese dina hani Iefeta, tau Gilead, natuna kekenina taina e taiva.
JDG 12:1 Efraim taudia ese edia tuari gaudia e abi, e tore isi, e hanai, Safon ela, Iefeta e gwau henia, eto, Dahaka dainai Amono taudia ituarihenidia totona o hanai negana ai na so boirimai, ai danu baiama lao? Ai na oiemu ruma baia doua, oi kwaramu ai.
JDG 12:2 Iefeta ese e haere henidia, eto, Lau bona egu orea taudia emai heai na bada, Amono taudia ida, bena na boirimui negana ai umui na asioma, idia imadia amo asio hamaurigu.
JDG 12:3 Lau na diba umui basio hamaurigu, bena egu mauri na imagu ai mia, bena na hanai, Amono taudia na tuari henidia; bena Iehova ese lau imagu ai e atodia. Be, dahaka dainai hari dina ai vada oma, ba tuari henigu o tomu?
JDG 12:4 Bena Iefeta ese Gilead taudia iboudiai e haboudia, Efraim taudia e tuari henidia. Gilead taudia ese Efraim taudia e ala-ala henidia, badina be unu Efraim taudia ese vada e gwau henidia, eto “Umui Gilead taumui na heau taumui, Efraim ena amo vada o heau, Efraim tanona ai bona Manase tanona ai o noho kavamu”.
JDG 12:5 Bena Gilead taudia na Ioridane sinavaina ena turu-hanai gabudia e abidia, e gimadia, Efraim taudia na basie hanai. Efraim taudia haida na e heau ema; bena idia ta eto “Mani emui kara baina turu hanai” negana ai, Gilead taudia ese e nanadaia, eto “Oi Efraim tauna a?” Bena ia eto “Lasi” negana ai,
JDG 12:6 idia ma eto “Aogwa Shibboleth”. Bena ia na eto “Sibboleth”, badina be igwaurai-maorona na malana se heḡereḡere. Bena e dabaia tao, e alaia mase, Ioridane sinavaina ena turu-hanai gabudia ai. Una negana ai Efraim taudia gerebu-hani daha-ma e mase.
JDG 12:7 Iefeta na Israel taudia e hahemaoro henidia, laḡani tauratoi. Bena Iefeta, tau Gilead, e mase; iena hanua ai e guna, Gilead ai.
JDG 12:8 Iefeta murinai Betelehem tauna ta ladana Ibisan ese Israel ai e hahemaoro.
JDG 12:9 Natuna mamaruanedia na toi-ahui, bona natuna hahinedia na toi-ahui. Natuna hahinedia toi-ahui-osi na idau iduhu taudia e henidia, bae adavadia; bona idau iduhu taudia natudia hahinedia toi-ahui danu e abidia, ia natuna mamaruanedia bae adavadia. Ia ese Israel taudia e hahemaoro henidia, laḡani hitu.
JDG 12:10 Bena Ibisan e mase; Betelehem ai e guria.
JDG 12:11 Ia murinai, Sebulun tauna ta ladana Elon ese Israel ai e hahemaoro. Ia ese Israel taudia e hahemaoro henidia, laḡani gwauta.
JDG 12:12 Bena Elon, tau Sebulun, e mase; Aialono ai e guria, Sebulun tanona ai.
JDG 12:13 Ia murinai Abdon Hilele, Piratono tauna, na Israel ai e hahemaoro.
JDG 12:14 Ia natuna mamaruanedia na hari-ahui, bona tubuna mamaruanedia na toi-ahui; idia na doniki hitu-ahui ai e loaloava. Ia ese Israel taudia e hahemaoro henidia, laḡani taurahani.
JDG 12:15 Bena Abdon Hilele, tau Piratono, e mase; bena Piratono ai e guria, Efraim tanona ai. Una na Amalek taudia edia ororo ai.
JDG 13:1 Israel taudia ma e kara havara, Iehova vairanai: bena Iehova ese Filistia taudia imadia ai e atodia, laḡani hari-ahui.
JDG 13:2 Tau ta Sora ai e nohova, ladana na Manoa; ia na Dan iduhuna tauna. Adavana vada e gabani, asi natuna.
JDG 13:3 Bena Iehova ena aneru ese e hahedinarai henia, e hereva henia, eto, Vada o gabani, asi natumu; a do ba rogorogo, mero ta bavabia.
JDG 13:4 Taunabunai nahuamu ba tohoa, vine ranuna eiava kekero muramurana ta basio inua, bona ḡau mirona ta basio ania;
JDG 13:5 badina be oi na ba rogorogo, mero ta bavabia. Kwarana na basio naua, badina be una mero na ena vara dinana amo baine helaḡa Dirava ena, Nasin oreana tauna. Ia ese Israel na Filistia taudia imadia amo baine hamauridia matama.
JDG 13:6 Bena hahine na ela, adavana e hamaoroa, eto, Dirava ena tau ta dekegu ema, vairana na Dirava ena aneru vairana na heto. Bena na gari; asina nanadaia ede amo ema, bona ia na sibona se helada hato.
JDG 13:7 To, ia ese e hamaorogu, eto “Oi na ba rogorogo, mero ta bavabia; taunabunai vine ranuna eiava kekero muramurana ta basio inua, bona ḡau mirona ta basio ania, badina be una mero na baine helaga Dirava ena, Nasiri oreana tauna, ena vara dinana amo, ela bona ena mase dinana”.
JDG 13:8 Bena Manoa ese Iehova e noia, eto, Ḡaubada e, lau na noimumu, Dirava ena tau oi ese o siaia ma bainema, baine hadibamai, hari baine vara merona na ede baia kara henia toma.
JDG 13:9 Bena Dirava ese Manoa gadona e kamonai: Dirava ena aneru ese una hahine ma e hahedinarai henia lou, ia na uma ai e nohova negana ai; a adavana Manoa na lasihia.
JDG 13:10 Bena hahine na e heau haraḡa, adavana e hamaoroa, eto, Vanegai dekegu ema tauna na vada eme lou henigu.
JDG 13:11 Bena Manoa e tore isi, adavana murina amo ela, una tau dekenai e kau; bena e hereva henia, eto, Ina hahine e hereva henia tauna na oi, a? Ia eto, Lau binai.
JDG 13:12 Manoa ma eto, Emu hereva bae momokani negana ai, hari mero na ede baine noho toma, bona ede baine kara toma?
JDG 13:13 Bena Iehova ena aneru ese Manoa e hamaoroa, eto, Ina hahine na hamaorolaia herevadia iboudiai na ia ese baine lalo tao:
JDG 13:14 vine anidia basine ani, vine ranuna eiava kekero muramurana ta basine inua, bona ḡau mirona ta basine ania; na henia haheḡanidia iboudiai baine badinadia.
JDG 13:15 Manoa ese Iehova ena aneru e hereva henia, eto, Mani emu kara, do baia dogomu tao, nani natuna ta baia heḡaeḡaelaia amu.
JDG 13:16 A Iehova ena aneru ese Manoa e haere henia, eto, Boma dogogu tao, to amui basina ania; a ḡole-oho boubouna boma heḡaeḡaelaia, vada ba hahelaḡaia Iehova ena. (Badina be Manoa lalona do se parara una na Iehova ena aneru).
JDG 13:17 Bena Manoa ese Iehova ena aneru e nanadaia, eto, Ladamu be daika? Baiama diba, bena emu hereva anidia bae momokani negana ai, ai na baia imodaimu.
JDG 13:18 Iehova ena aneru eto, Dahaka dainai ladagu o nanadailaia? Ia na hoa ḡauna.
JDG 13:19 Taunabunai, Manoa ese nani natuna bona flaoa boubouna e abi, nadi latanai e hahelaḡaia, Iehova, hoa karadia e karamu Diravana, ena. Manoa mai adavana ida ese e itaia.
JDG 13:20 Bena lahi hururu-hururuna na ihaboulaina patana amo guba ai e dae ela negana ai, Iehova ena aneru na ihaboulaina patana lahina hururu-hururuna amo e dae ela. Manoa mai adavana ida e itaia, bena raruosi na tano ai e goru diho.
JDG 13:21 Iehova ena aneru ese Manoa mai adavana ida se hahedinarai henidia lou. Bena Manoa lalona e parara, una na Iehova ena aneru.
JDG 13:22 Bena Manoa ese adavana e hamaoroa, eto, Momokani, ita na baita mase, badina be Dirava vada ta itaia.
JDG 13:23 A adavana ese e haere henia, eto, Iehova na iala-maseda bema ura, ia na ḡole-oho boubouna bona flaoa boubouna na ita imada amo basinema abia dae; ini kara iboudiai danu basinema haheitalaida, bona do bae vara ḡaudia basinema hamaorolaida.
JDG 13:24 Bena una hahine ese mero ta e abia, ladana e hatoa Samson. Mero na e bada oho bada oho; bona Iehova ese e hanamoa.
JDG 13:25 Bena Iehova ena Lauma ese e rohea matama Mahane-dan ai, Sora bona Estaol padadiai.
JDG 14:1 Samson na Timuna ela; bena Timuna ai ia ese Filistia hane-ulatona ta e itaia.
JDG 14:2 Bena e lou lao, tamana bona sinana e hamaorodia, eto, Filistia hane-ulatona ta na itaia, Timuna ai; avabia, na uramu baina adavaia.
JDG 14:3 A tamana bona sinana ese e sisiba henia, eto, Hane-ulato namona ta lasi varavaramu bogaragidiai eiava eda bese idoinai ai, una dainai Filistia taudia, asie peritomedia taudia, bogaragidia amo adavamu bavabia a? A Samson ese tamana e hamaoroa, eto, Avabia egu, badina be na ura heniamu.
JDG 14:4 Tamana bona sinana na asi dibadia ina na Iehova ena amo; badina be ia ese Filistia taudia iheai-henidia dalana e tahuava. Una negana ai Filistia taudia ese Israel taudia e lohiadia.
JDG 14:5 Bena Samson na tamana sinana ida Timuna ela. Bena Timuna taudia edia vine imeadia ai e kau negana ai, leona natuna ta ese e ḡou henia.
JDG 14:6 Bena Iehova ena Lauma ese e rohea badabada; bena ia ese leona e darea parara, nani natuna bema darea parara na heto. Ia na asi ena ḡau ta imana ai. A ia ese ena kara na tamana bona sinana se hamaorolaidia.
JDG 14:7 Bena e diho ela, una hane-ulato ida e hereva-hereva; bena Samson ese e ura henia lalodikava.
JDG 14:8 Nega taina vada ela, ia na iabina e lou lao; bena e raka siri, una leona tau-anina baine itaia eto. E itaia, labolabo ese edia ruma vada e karaia leona tau-anina lalonai, bona edia bada-ranuna na mia.
JDG 14:9 Bena ia ese bada-ranuna na imana amo e pipitaia lasi, rakana ai e ania; bona tamana sinana ediai e kau negana ai taina vada e henidia, bena idia danu e ania. A se hamaorodia una bada-ranuna na leona tau-anina lalona amo e abia.
JDG 14:10 Tamana ese una hane-ulato dekenai e kau; bena Samson ese aria ta e karaia, headava matamata taudia vaevae e karava heḡereḡerena.
JDG 14:11 Hanua taudia ese e itaia, bena idia ese eregabe taudia toi-ahui e abidia hidi, ia bae bamoa.
JDG 14:12 Bena Samson ese toi-ahui-osi e hereva henidia, eto, Hereva hehunina ta harihari aina henimui, bena aria dinadia hituosi do basie ore ai na anina boma hamaorolaigu, lau ese hahedoki toi-ahui, dabua aukana amo e kara ḡaudia, bona riorio dabuadia toi-ahui, bama henimui;
JDG 14:13 a anina na basioma hamaorolaigu diba, umui ese hahedoki toi-ahui, dabua aukana amo e kara ḡaudia, bona riorio dabuadia toi-ahui, boma henigu. Idia eto, Emu hereva hehunina ba gwauraia, baia kamonai.
JDG 14:14 Bena ia ese e hamaorodia, eto, E anianiva ḡauna lalona amo aniani e lasi, Bona goada ḡauna lalona amo ḡau mai gaihona e lasi. Dina toi vada ela, idia na una hereva hehunina anina do asie davaria.
JDG 14:15 Dina ihahanina, idia ese Samson adavana e hereva henia, eto, Adavamu lalona bavania, bena hari hereva hehunina anina ba hadibamai. Bema lasi, ai ese oi bona tamamu ena ruma na lahi amo baia dou. Iha-ogogamimai totona o vavemai a?
JDG 14:16 Bena Samson adavana na ia vairanai e tai, eto, O inai henigumu, so ura henigumu. Egu hanua taudia na hereva hehunina vada o henidia, a anina be so hadibagu.
JDG 14:17 Samson ese e haere henia, eto, Be, tamagu bona sinagu na asina hamaorodia, matona oi baina hamaoromu o tomu a? Aria dinadia hituosi iboudiai hahine na ia vairanai e taitai; bena dina ihahituna ai Samson ese e hamaoroa, badina be hahine na e gwau havara-havara. Bena ia ese ena hanua taudia e hamaorolaidia.
JDG 14:18 Bena dina ihahituna ai, dina do se diho, hanua taudia ese Samson e hamaoroa, eto, Edena gaiho ese bada-ranuna gaihona e hereaiamu? Bona edena goada ese leona ena goada e hereaiamu? Ia ese e haere henidia, eto, Egu boromakau hahinena amo tano basioma ruaia, Egu hereva hehunina anina basioma davaria.
JDG 14:19 Bena Iehova ena Lauma ese Samson e rohea; bena Askelono ela, hanua taudia toi-ahui e aladia mase, edia dabua e dadi; bena ela, hari hereva hehunina anina e gwauraia taudia dabua e henidia. Bena Samson na mai badu ḡaraḡarana ida tamana ena ruma e lou henia;
JDG 14:20 a Samson adavana na Samson bamona ta, headava negana ai e duruava tauna, e henia, ia ese e adavaia.
JDG 15:1 Nega do se daudau, uit iutuna e matamaia, bena Samson ese nani natuna ta e abia, adavana e vadivadi henia. Ia eto, Lau na daiutu lalonai baina raka vareai, adavagu dekenai. A hahine tamana ese e rua.
JDG 15:2 Hari tamana eto, Lau na laloa oi ese vada o dadaraia vaitani, taunabunai oi bamomu na henia. A tadina danu hane namo; ia ese kakana e hereaiamu. Mani emu kara ia bavabia, kakana gabuna ai.
JDG 15:3 A Samson ese e hamaorodia, eto, Hari ina nega ai Filistia taudia baina hadikadia na asi kererena.
JDG 15:4 Taunabunai Samson na ela, uda sisiadia maraḡidia sinahu-toi e abidia mauri; kede danu e abi. Bena hari uda sisiadia na rua rua amo e abidia, iudia e ḡuidia hebou bona kede e ḡui kau iudia ruaosi padadiai.
JDG 15:5 Bena ia ese kede e ha-ara, bona uda sisiadia e kahudia nege, Filistia taudia edia uit umadia ai. Bena uit idoinai e ara ore, iḡui ai mimia ḡauna bona do asie utua ḡauna. Bona olive imeadia danu e ara.
JDG 15:6 Bena Filistia taudia eto, Ina kara na daika ese e karaia? Haida eto, Samson, Timuna tauna ravana, ese; badina be una tau ese Samson adavana e abihaia, bamona ta e henia. Bena Filistia taudia na ela, una hahine mai tamana ida na lahi amo e hamasedia.
JDG 15:7 Bena Samson ese e hamaorodia, eto, Emui kara enehetomana dainai momokani davana do baina kara henimui, bena baina hadokoa.
JDG 15:8 Bena ia ese e ala-ala henidia, hutuma e aladia mase; una murinai ia na ela, kohua ta ai e nohova, Etam hagana ai.
JDG 15:9 Filistia taudia na ela, Iuda ai e taruha, Lehi e koua heḡeḡe.
JDG 15:10 Bena Iuda taudia eto, Dahaka dainai o tuari henimaimu? Idia eto, Ai na Samson baia abia mauri totona vada ama, ia ese vada e karamai heḡereḡerena baia kara henia.
JDG 15:11 Bena Iuda taudia daha-toi ese Etam hagana kohuana ela, Samson e gwau henia, eto, Oi asi dibamu Filistia taudia na eda lohia a? Ede vada o karamai toma? Ia ese e haere henidia, eto, Idia ese e karagu heḡereḡerena mo na kara henidia.
JDG 15:12 Idia ma eto, Baia ḡuimu bona Filistia taudia imadia ai baia atomu totona vada ama.
JDG 15:13 Samson eto, A gwau henigu hamata, umui na basio alagu. Idia ma eto, Lasi, baia ḡuimu mo, bena idia imadia ai baia atomu; basia alamu. Bena idia ese kwanau matamatadia rua amo e ḡuia, haga amo e hakaua lao.
JDG 15:14 Lehi ai e kau, bena Filistia taudia na iabina e raka lasi, mai lolodia ida. Bena Iehova ena Lauma ese e rohea badabada, bena imana e ḡuilai kwanaudia na siriho lahi ese e araiamu heḡereḡerena ai ela, bena ena igui na imana amo e moru.
JDG 15:15 Bena ia ese doniki aukina turiana matamatana ta e davaria, bena imana ai e abia, tatau daha-ta na una turia amo e aladia mase.
JDG 15:16 Samson eto, Doniki aukina turiana amo Na senudia, ma na senudia; Doniki aukina turiana amo Tatau daha-ta vada na aladia mase.
JDG 15:17 E hereva vaitani, bena hari doniki aukina turiana na imana amo e negea. Una gabu ladana e hatoa Ramata-lehi.
JDG 15:18 Samson na e ranu mase, bena ia ese Iehova e boi henia, eto, Emu hesiai tauna imana amo ina hahemauri badana vada o havaraia. Harihari ranu-mase ese baine hamasegu, bena asie peritomedia taudia imadia ai baina kau a?
JDG 15:19 Bena Dirava ese Lehi kohuana e hapararaia; bena ranu e aru lasi. Samson e inua, bena laumana e lou henia, ma e goada lou. Taunabunai una gabu ladana e hatoa En-hakore; ia na Lehi ai mia, ema bona hari dina.
JDG 15:20 Samson ese Israel taudia e hahemaoro henidia, Filistia taudia edia nega ai, ela laḡani ruahui e ore.
JDG 16:1 Samson na Gasa ela. Unuseni ai ariara hahinena ta e davaria, bena ia dekenai e raka vareai.
JDG 16:2 Ta ese Gasa taudia e hamaorodia, eto, Samson na vada ema ina hanua. Bena idia ese hanua e koua heḡeḡe, ia e naria rani, hanua ikoukouna ai. Hanuaboi idoinai asi reḡereḡena e nohova, eto, Baita naria ela bona daba baine rere, bena baita alaia mase.
JDG 16:3 A Samson na e hekure ela bona malokihi: bena malokihi ai e tore isi, hanua ikoukouna mai audia ida bona mai ikahidia ida e raḡadia, paḡana ai e huadia lao, ela bona Heberon e vaira henia ororona dorina.
JDG 16:4 Una murinai Samson ese Soreke kourana hahinena ta e ura henia; hahine ladana na Delila.
JDG 16:5 Bena Filistia lohiadia na una hahine dekena ela, e hereva henia, eto, A koia, ba diba ena goada hereana na ede amo, bona edena dala amo baia hadarerea; bena baia ḡuia bona baia hamanadaia; bena silver monidia daha-ta sinahu-ta baia henimu.
JDG 16:6 Bena Delila ese Samson e hereva henia, eto, Mani emu kara ba hamaorogu, emu goada na ede amo o abiamu; ede bema ḡuimu toma, bena bema hamanadamu.
JDG 16:7 Samson ese e haere henia, eto, Peva maoradia matamatadia hitu, do asie kaukau ḡaudia, amo bema ḡuigu, lau na bama manoka, taunimanima iboudiai heḡereḡeredia.
JDG 16:8 Bena Filistia lohiadia ese peva maoradia matamatadia hitu, do asie kaukau ḡaudia, e henia; bena ia ese e ḡuia.
JDG 16:9 Tatau haida vada e hunidia, laloma daiutuna ai e henari noho. Bena ia eto, Samson e, Filistia taudia na emu ai be kaumu. A ia ese peva maoradia e hamotudia, varo haurahaurana lahi ai e kaumu bena e motumu na heto. Taunabunai, ena goada badina na dounu hehuni, tau ta asi dibana.
JDG 16:10 Bena Delila ese Samson ma e hereva henia, eto, O itaia, vada o kirikirilaigu bona vada o koigu; mani emu kara ba hamaorogu, ede bema ḡuimu toma.
JDG 16:11 Ia ese e haere henia, eto, Kwanau matamatadia, nega hata do asie ḡaukaralai ḡaudia, amo bema guigu, lau bama manoka, taunimanima iboudiai heḡereḡeredia.
JDG 16:12 Taunabunai, Delila ese kwanau matamatadia e abi, e guia, bena eto, Samson e, Filistia taudia na emu ai be kaumu. Hari e henari noho taudia na laloma daiutuna ai. A Samson ese imana e ḡuilai kwanaudia e hamotudia, turituri varodia na heheto.
JDG 16:13 Bena Delila ese Samson ma e hereva henia, eto, Vada o kirikirilaigu bona vada o koigu ema bona hari; a hamaorogu, ede bema ḡuimu toma. Ia ese e haere henia, eto, Huigu boma pania, ipani hitu, bena ipani hituosi na o hatuamu dabuana ai boma hatu kau, bona gwada-tao ḡauna amo boma daia tao, bena bama manoka, taunimanima iboudiai heḡereḡeredia.
JDG 16:14 Bena Samson mahutana ai Delila ese huina e pania, ipani hitu, bena ipani hituosi na e hatuava dabuana ai e hatu kau, bona gwada-tao ḡauna amo e daia tao. Bena ia ese e hamaoroa, eto, Samson e, Filistia taudia na emu ai be kaumu. Bena ena mahuta amo e noga, gwada-tao ḡauna bona dabua ihatulaina ḡau bona e hatuava dabuana na iboudiai e raḡadia oho.
JDG 16:15 Hahine ma e hereva, Samson e gwau henia, eto, Edeheto oi na o tomu “Na ura henimumu”, a lalomu na so henigu? Nega hatoi vada o kirikirilaigu, bona do so hamaorogu emu goada e hereamu badina korikori be dahaka.
JDG 16:16 Bena dina iboudiai ia ese lalona e ania, bona e nanadaia louIou, ela bona Samson darana e doko.
JDG 16:17 Bena ia ese lalona anina idoinai e hahedinarai henia, eto, Nega hata kwaragu asie naua; badina be sinagu bogana amo lau vada na helaḡa, Dirava ena Nasiri tauna. A huigu bema utua, egu goada bema rakatanigu, bena bama manoka, taunimanima iboudiai heḡereḡeredia.
JDG 16:18 Delila lalona vada e parara ia na lalona anina idoinai vada e hahedinarai henia; bena ia ese Filistia lohiadia e boiridia, eto, Ina nega tamona ma baoma, badina be ia ese lalona anina idoinai vada e hahedinarai henigu. Bena Filistia lohiadia na dekena ema, moni danu imadia ai e mailai.
JDG 16:19 Bena hahine ese Samson e ura henia, ia mamuna ai baine mahuta; e mahuta, bena hahine ese tau ta e boiria, kwarana baine naua; bena huina ipanina hituosi e utu oho. Bena e hauraia matama, badina be ena goada vada e rakatania.
JDG 16:20 Ia eto, Samson e, Filistia taudia na emu ai vada e kau. Bena Samson e noga, eto, Baina raka lasi, nega gunadia heḡereḡeredia, ma baina roho mauri. Ia na do asi dibana Iehova ese vada e rakatania.
JDG 16:21 Bena Filistia taudia ese e dabaia tao, matana ruaosi e gibo lasi; bena Gasa e hakaua lao, unuseni ai auri labora-labora gadeadia amo e ḡuia. Bena dibura rumana lalonai ia ese flaoa iririlaina ḡauna e giroava.
JDG 16:22 A kwarana huina ma e vara matama, e naua murinai.
JDG 16:23 Filistia lohiadia na e hebou, edia dirava, ladana Dagon, bae boua, boubou bada-hereana, bona bae moale hebou totona. Badina be idia na eto, Iseda dirava ese inaida Samson na imada ai vada e atoa.
JDG 16:24 Bena taunimanima ese Samson e itaia negana ai, idia ese edia dirava e hanamoa; badina be idia eto, Ita inaida, eda tano e habuaia tari bona eda tano taudia hutuma e aladia mase tauna, na eda dirava ese ita imada ai vada e atoa.
JDG 16:25 Lalodia vada e moale, bena eto, Samson a boiria, baia kirikirilaia. Taunabunai, idia ese Samson na dibura rumana amo e boiria, bena e kirikirilaia. Ruma au-tubuadia padadia ai e haginia.
JDG 16:26 Bena Samson ese imana amo e hakaua merona na e hamaoroa, eto, Mani emu kara ruma au-tubuadia baina dau toho, ediai baina tabe kau.
JDG 16:27 Hari ruma na tatau bona hahine e honu honu dae; Filistia lohiadia iboudiai danu unuseni ai. Bona tatau bona hahine daha-toi sisivana danu atai amo e roha dobi, Samson ikirikirilaina karadia e ita.
JDG 16:28 Bena Samson ese Iehova e ḡuria, eto, Ḡaubada Iehova e, lau na noimumu, a lalogu; lau na noimumu, a hagoadagu, Dirava e, ina nega tamona mo, bena Filistia taudia davadia baina henidia, matagu ruaosi daidiai.
JDG 16:29 Bena Samson ese ruma bogaragina au-tubuadia ruaosi, ruma metauna e huaiava gaudia, e dogodia tao, bena imana idibana amo ta e rosia, ma imana laurina amo ta e rosia.
JDG 16:30 Samson ma eto, Mani emu kara Filistia taudia ida baia mase hebou. Bena e igo diho mai goadana idoinai. Bena ruma na e kohu, bese lohiadia bona ruma ai e nohova taudia iboudiai latadiai. Taunabunai, Samson masena ai e aladia mase taudia na hutuma; a maurina ai e aladia mase taudia na gagadoi.
JDG 16:31 Bena tadikakana bona ena iduhu taudia iboudiai na ela, e abia, e laohaia, tamana Manoa ena gara ai e guria, Sora bona Estaol padadiai. Ia ese Israel taudia vada e hahemaoro henidia, laḡani ruahui lalodiai.
JDG 17:1 Tau ta Efraim ororodia ai e nohova, ladana na Mika.
JDG 17:2 Ia ese sinana e hamaoroa, eto, Hari silver monidia daha-ta sinahu-ta oiemu amo e heabi-oho, bona daidiai oi ese heuduguirai herevana o gwauraia, bena lau danu na kamonai, ḡaudia na lau dekegu ai; lau ese na abidia. Bena sinana eto, Iehova ena hahenamo na natugu latanai baine mia.
JDG 17:3 Bena Mika ese hari silver monidia daha-ta sinahu-ta na sinana e henia lou. Bena sinana eto, Ina silver na hahelaḡaiamu Iehova ena, natugu bagunai: e koroamu laulauna ta bona e haveveamu laulauna ta bae kara; taunabunai na henimu loumu.
JDG 17:4 Taunabunai, Mika ese silver e abia, sinana e heni lou, negana ai, hahine ese silver monidia sinahu-rua e abi, silver iḡaukaralaiana tauna e henia; bena ia ese kahana e koroa, laulau ta e karaia, ma kahana e havevea, laulau ta e karaia; bena laulau na Mika ena ruma ai e miava.
JDG 17:5 Hari tau, Mika, na mai ena dubu; bena ia ese dabua helaḡana bona kaivakuku e kara; bena natuna maruanena ta e duanaia, ena hahelaḡa tauna ai bainela.
JDG 17:6 Unu dinadia ai Israel na asi pavapavana; Israel taudia na ta ta ena lalo-hadai ena lalo-hadai heḡereḡeredia e kara.
JDG 17:7 Tauhau ta Betelehem ai e nohova, Iuda tanona ai. Ia na Iuda iduhuna tauna; ia danu Levi tauna.
JDG 17:8 Una tau na Betelehem-luda amo e tore isi, eha laolao, ena noho gabuna ta baine tahua eto; bena ena laolao ai na Efraim ororodia ai e kau, bona Mika ena ruma ai e gini dae.
JDG 17:9 Mika ese e nanadaia, eto, Ede amo oma? Ia e haere henia, eto, Lau na Levi taugu, Betelehem-luda amo vada nama; egu noho gabuna ta na tahuamu.
JDG 17:10 Bena Mika ese e hamaoroa, eto, Lau dekegu ai ba noho, tamagu ai bona egu hahelaḡa tauna ai baola; bena laḡani ta ta amo silver monidia gwauta gwauta amo baina henimu; emu dabua bona amu danu baina henimu.
JDG 17:11 Bena Levi tauna lalona vada e heḡereḡere Mika dekenai baine noho; bena una tauhau na ia natuna heḡereḡeredia ai ela.
JDG 17:12 Bena Mika ese una Levi tauna na e haginia: tauhau na Mika ena hahelaḡa tauna ai ela, bona ena ruma ai e nohova.
JDG 17:13 Bena Mika eto, Harihari lau na dibagu Iehova ese baine hanamogu, badina be Levi tauna vada na abia, egu hahelaḡa tauna.
JDG 18:1 Unu dinadia ai Israel na asi pavapavana. Unu dinadia ai danu Dan taudia na tano ta e tahuava, bae noholaia: badina be idia na Israel iduhudia bogaragidiai edia tano ta do asie davaria.
JDG 18:2 Taunabunai Dan taudia na edia iduhu taudia edia amo goada taudia laima e siaidia, Sora amo bona Estaol amo, tano bae hasinadoa, kahana iboudiai bae ita totona. E hamaorodia, eto, Tano idoinai ba itaia. Laimaosi na Efraim ororodia ai e kau, bena idia ese Mika ena ruma ai e dae kau, unuseni ai e mahuta.
JDG 18:3 Mika ena ruma badibadinai, idia ese hari Levi tauna eregabena gadona e kamonai, bena dibadia daika gadona, bena e raka siri, e nanadaia, eto, Daika ese e hakaumu mai iniseni ai? Ina gabu ai dahaka o karamu? Emu ḡaukara be dahaka iniseni ai?
JDG 18:4 Bena ia ese e haere henidia, eto, Mika ese ini vada e karagu toma: davagu vada e henigu, bena ena hahelaḡa tauna ai vada nala.
JDG 18:5 Idia ese ma e hereva henia, eto, Ai a noimumu, Dirava enai ba tahua bena baia diba, ina emai laolao harihari a matamaiamu be anina baine vara eiava? Bena hahelaḡa tauna ese e haere henidia, eto,
JDG 18:6 Mai mainomui ida aola; emui laolao na Iehova ese e itaia taomu.
JDG 18:7 Bena hari tatau laimaosi e raka oho, Laisi ai e kau, Una gabu ai e nohova taudia e itadia, mai mainodia ida e nohova, Sidono taudia heḡereḡeredia, asie raivaraiva, ḡau ta asie laloa, bona tanobada ḡauna ta ai asie dabu; idia bona Sidono taudia padadia na daudau, bona idia na bese ta ida asie hoihoi.
JDG 18:8 Laimaosi na e lou lao; bena varavaradia Sora ai bona Estaol ai dekediai e kau negana ai, varavaradia ese e nanadaidia, eto, Emui laolao herevadia be dahaka dahaka?
JDG 18:9 Laimaosi eto, A tore isi, aitala, aita tuari henidia; badina be ai ese una tano vada a itaia, biru tanona namo hereana. Umui ba noho kava a? Basio halahe, baola, una tano ai ba raka vareai bona bavabia, emui tano.
JDG 18:10 Unu baola danu ḡau ta asie laloamu taudia ba davaridia unuseni ai. Tano na bada; momokani, Dirava ese imamui ai vada e atoa. Una gabu ai tanobada ḡauna ta ai basio dabu.
JDG 18:11 Bena Dan taudia sinahu tauratoi, mai edia tuari ḡaudia imadia ai, Sora amo bona Estaol amo e raka lasi,
JDG 18:12 ela, Kiriat-iearimi ai e taruha, Iuda tanona ai. Una dainai una gabu ladana e hatoa Mahane-dan, ema bona hari dina; ia na Kiriat-iearimi lahara kahana ai.
JDG 18:13 Unu amo idia ma e laolao, Efraim ororodia ela, Mika ena ruma ai e kau.
JDG 18:14 Bena hari tatau laimaosi, Laisi tanona e hasinadoa taudia, ese varavaradia e hamaorodia, eto, Umui dibamui a, ini ruma lalodiai na dabua helaḡana ta, bona kaivakuku, bona dirava laulaudia rua, e koroa ḡauna ta bona e havevea ḡauna ta? Taunabunai, harihari ba laloa ede ba kara toma.
JDG 18:15 Bena idia na e raka siri, hari Levi tauna eregabena ena ruma ai e dae kau, Mika ena maḡu ai, e nanadaia, ia na edeheto.
JDG 18:16 Hari Dan taudia sinahu-tauratoiosi mai edia tuari ḡaudia imadia ai, na ikoukou badibadinai e gini;
JDG 18:17 bena hari hasinadoa taudia imaosi na ruma ai e dae kau, e raka vareai, e koroa laulauna bona dabua helaḡana bona kaivakuku bona e havevea laulauna e abi. A hahelaḡa tauna na ikoukou badibadinai e gini, tuari taudia sinahutauratoiosi ida.
JDG 18:18 Unu laimaosi na Mika ena ruma ai e raka vareai, hari e koroa laulauna bona dabua helaḡana bona kaivakuku bona e havevea laulauna-e abi, negana ai hahelaḡa tauna ese e hereva henidia, eto, Dahaka o karamu?
JDG 18:19 Bena idia ese e hamaoroa, eto, Eremu; udumu na imamu amo a koua; baitala, ai tamamai ai bona emai hahelaḡa tauna ai baola. Edena be namo: ba noho, ruma ta taudia edia hahelaḡa tauna, eiava, Israel iduhuna ta taudia edia hahelaḡa tauna ai baola?
JDG 18:20 Bena hahelaḡa tauna lalona vada e moale; bena ia ese dabua helaḡana bona kaivakuku bona e koroa laulauna e abi, idia bogaragidiai ela.
JDG 18:21 Edia dala ai ma e raka; natudia maraḡidia bona boromakau bona kohu na vairadiai e atodia.
JDG 18:22 Mika ena ruma amo taina vada e raka daudau, bena Mika ena ruma badibadina rumadia taudia e hebou, ela, Dan taudia e ḡavadia tao.
JDG 18:23 Idia ese Dan taudia e lolo henidia. Bena Dan taudia na e gini kerehai, Mika e nanadaia, eto, Emu lalo-hisihisi be dahaka? Ina orea ida oma badina be dahaka?
JDG 18:24 Ia ese e haere henidia, eto, Egu dirava laulaudia, na kara ḡaudia, o abi, o laohai, bona egu hahelaḡa tauna o hakaua lao. Egu ai e miamu ḡauna be dahaka? Matona, o tomamu “Emu lalo-hisihisi be dahaka?”
JDG 18:25 Bena Dan taudia ese e gwau henia, eto, Oi gadomu basine hedinarai ai bogaragimai ai, badu-haraḡa taudia haida ese bae alamui na garina, oiemu mauri bona dekemu taudia edia mauri bae boio na garina.
JDG 18:26 Bena Dan taudia na edia laolao ela; a Mika vada e diba, idia edia goada ese iena goada e hereaiava; bena e lou, ena ruma e lou henia.
JDG 18:27 Dan taudia na Mika ese e kara ḡaudia bona ena hahelaḡa tauna e abidia, ela, Laisi ai e kau, asie raivaraivava bona ḡau ta asie laioava taudia na dare amo e aladia mase, bona edia hanua e doua.
JDG 18:28 Asi ihamauridia tauna ta, badina be Sidono na daudau, bona idia na bese ta ida asie hoihoi. Una gabu na Bete-rehob kourana ai. Bena idia ese hanua ma e hadaia lou, bena e noholaia.
JDG 18:29 Hanua ladana e hatoa Dan, senedia Dan, Israel natuna, inemaina. A gunaguna una hanua ladana na Laisi.
JDG 18:30 Dan taudia ese Dirava laulauna, e koroa ḡauna, e haginia edia. Ionatan Geresom, Mose tubuna, mai garana ida, na Dan taudia edia hahelaḡa taudia ai ela, ela bona e ḡuidia dinana.
JDG 18:31 Taunabunai, idia ese hari e koroa laulauna, Mika ese e karaia ḡauna, e haginia, Dirava ena dubu na Silo ai e miava negadia iboudiai.
JDG 19:1 Unu dinadia ai, Israel na asi pavapavana negana ai, Levi tauna ta Efraim ororodia ai e nohova, gabu daudau ai. Ia ese hesiai hahinena ta Betelehem-luda amo e abia, e adavaia.
JDG 19:2 Una hahine vada e badu, bena e diho, tamana ena ruma e lou lao, Betelehem-luda ai; hua hani unuseni ai e nohova.
JDG 19:3 Bena adavana e tore isi, ia murina amo ela, baine hamarumarua bena baine hakaua lao eto. Ena hesiai tauna bona doniki rua e laohaidia. Hahine ese tamana ena ruma ai e abia dae; bena tamana ese e itaia negana ai ia danu e abia dae mai moalena ida.
JDG 19:4 Bena ravana, hari hahine tamana, ese e dogoa tao, dina toi; taunabunai e aniani hebou, e inuinu hebou, bona e mahuta unuseni ai.
JDG 19:5 Dina ihahanina ai, idia na daba matana ai e tore isi, bena hari Levi tauna e heḡaeḡae, baine raka eto. A hahine tamana ese ravana e noia, eto, Mani bavaniani guna, taumu baine auka, bena ba raka.
JDG 19:6 Taunabunai, tatau raruosi e ege diho, e aniani hebou bona e inuinu hebou. Bena hahine tamana ese ma e noia, eto, Mani emu kara do ba mahuta, lalomu baine moale.
JDG 19:7 Hari Levi tauna e tore isi, baine raka eto; a ravana ese e noia loulou, ela bona ma e hekure diho.
JDG 19:8 Dina iha-imana ai, ia na daba matana ai e tore isi, baine raka eto. A hahine tamana eto, Taumu do ba ha-aukaia ela bona adorahi. Taunabunai raruosi ma e aniani hebou.
JDG 19:9 Bena Levi tauna mai ena hahine bona mai ena hesiai tauna ida e tore isi, bae raka eto. A hahine tamana eto, O itaia, dina e ḡelomu; mani emu kara iniseni ai ba mahuta rani. O itaia, ado vada e rahi; iniseni ai ba noho, lalomu baine moale, ma kerukeru daba matana ai ba tore isi, emu laolao baola, emu ruma ba lou henia.
JDG 19:10 A Levi tauna na se ura unuseni ai baine mahuta. Ia na e tore isi, ela, Iebusu (una na Ierusalem ladana ta) vairanai e kau. Ia na mai ena donih rua, dorudia na mai helai-kau ḡaudia; ena hahine danu na ia ida.
JDG 19:11 Iebusu e raka henia kahi negana ai dina vada e kerekere; bena hesiai tauna ese biaguna e hamaoroa, eto, Mani emu kara aita raka siri, ina Iebusu taudia edia hanua ai baita mahuta.
JDG 19:12 A biaguna ese e haere henia, eto, Basita raka siri, ini idau taudia edia hanua ai basita raka vareai, badina be idia na dia Israel besena taudia. Aita raka hanai, Gibea baitala.
JDG 19:13 Ia ese ena hesiai tauna ma e hamaoroa, eto, Aoma, unu gabu ta aitala, Gibea ai eiava Rama ai baita mahuta.
JDG 19:14 Bena e raka lao, dala ai ela; Gibea vada e kahirakahira, bena dina vada e diho. Una Gibea na Beniamina iduhuna taudia edia hanua.
JDG 19:15 Bena dala amo e raka siri, hanua ai bae raka vareai, Gibea ai bae mahuta eto. Bena e raka vareai, hanua ariarana ai e helai diho, badina be asi tauna ta ese ena ruma e abidia dae, bae mahuta totona.
JDG 19:16 Tau buruka ta ena biru ḡaukarana amo ema, adorahi kahana ai; ia be Efraim ororodia amo ema Gibea ai e noho hedoava tauna; a hanua taudia na Beniamina taudia.
JDG 19:17 Tau buruka na e gaga dae, hari laolao tauna e itaia, hanua ariarana ai. Tau buruka eto, Oi na ede bo Iaomu, bona ede amo oma?
JDG 19:18 Tau na e haere, eto, Ai na Betelehem-Iuda amo vada ama, gabu daudauna Efraim ororodia ai baia laomu. Lau na unu amo nama, Betelehem-Iuda nala; harihari egu ruma ba laomu, bena asi tauna ta vada e abigu dae ena ruma ai.
JDG 19:19 Ai na rei kakoro bona aniani vada a abi kau, emai doniki edia bona adia; flaoa bona vine ranuna danu a abi kau, lauagu bona ina hahine ana bona hari eregabe tauna emu hesiai taudia ida adia; ḡau ta ai basita dabu.
JDG 19:20 Tau buruka eto, Maino na emui ai baine mia; lau ese emui dabu ḡaudia iboudiai baina henimui; ḡau tamona, hanua ariarana ai basio noho rani.
JDG 19:21 Taunabunai, ia ese ena ruma ai e hakaudia vareai, bona doniki na adia e henidia. Bena idia ese aedia e huridia; bena e aniani bona e inuinu.
JDG 19:22 Edia moale lalonai hanua taudia haida, lebulebu taudia, ema, ruma na e ginia heḡeḡe, bena iduara na e botabotaia. Bena idia ese ruma biaguna, hari tau buruka, na e hamaoroa, eto, Emu ruma ai e dae kau tauna na ba hakaua lasi, ai baia dibaia.
JDG 19:23 A ruma biaguna na idia dekediai e raka lasi, eto, Varavaragu e, una kara dikana basio karaia. Ina tau na lauegu vadivadi; una kara mirona basio karaia.
JDG 19:24 O itaia, lau natugu hane-ulato rami-hebouna noho, bona iena hahine danu noho. Idia baina mailaidia dekemui ai; bavabidia, emui ura heḡereḡerena ai ba kara henidia; a ina tau na basio kara miro henia.
JDG 19:25 A hanua taudia na asie kamonai henia. Taunabunai, una Levi tauna ese ena hahine na e abia, e doria lasi idia dekediai. Idia ese e abia, e eno henia hanuaboi idoinai, ela bona daba e rere. Daba vaburana ai e kahua nege.
JDG 19:26 Daba e rere, bena hahine na ela, biaguna ena noho rumana iduarana ai e hekida diho, ela bona dina e dae.
JDG 19:27 Daba ai biaguna e tore isi, ruma iduaradia e keho, ena laolao ai ma bainela eto; bena ena hahine e itaia, iduara vairanai e hekida diho, imana ruaosi na iduara raka-vareai ai heheato.
JDG 19:28 Ia ese e hereva henia, eto, A tore isi, aitala. A hahine na se haere. Bena doniki doruna ai e atoa kau. Bena una tau e tore isi, ena ruma ela.
JDG 19:29 Ena ruma lalonai e raka vareai, bena kaia e abia, ena hahine tau-anina e abia, e utua parara, rege gwauta-rua; bena e siaidia, Israel tanona idoinai.
JDG 19:30 Bena e itaia taudia iboudiai eto, Kara unuhetomana na nega hata se vara bona nega hata se hedinarai, Israel taudia na Aigupto tanona amo e raka lasi dinana amo ema bona hari ina dina. Ba haeroa, ba henegalaia, ba herevalaia.
JDG 20:1 Bena Israel taudia iboudiai e raka lasi, ibouboudiai na mai lalodia tamona e hebou, Dan amo ela bona Bere-sieba, bona Gilead amo danu, Iehova vairanai e hebou Mispa ai.
JDG 20:2 Hanua lohiadia iboudiai, Israel iduhudia iboudiai amo, danu e hebou, Dirava ena orea taudia vairadiai: idia na talau domaga-hani, aedia amo e rakava, mai edia dare.
JDG 20:3 Bena Beniamina iduhuna taudia na harina e kamonai, Israel taudia na unu e hebou tomava Mispa ai. Bena Israel taudia eto, A hamaoromai, ena kara dikana na ede e vara toma?
JDG 20:4 Bena hari Levi tauna, vada e alaia hahinena adavana, ese e haere henidia, eto, Lau na egu hahine ida Beniamina hanuana ta ladana Gibea ai a kau, unuseni ai baia mahuta ato.
JDG 20:5 Bena Gibea taudia na lau ihadikagu totona e tore isi, hanuaboi ai ruma na e koua heḡeḡe, bae alagu mase eto. A egu hahine na e abia bona e hahemaraia; bena vada e mase.
JDG 20:6 Taunabunai, hahine na na abia, tau-anina na utua parara, regena na siaidia, Israel taudia na edia tano ai vada e halaoa tanona idoinai: badina be idia na lebulebu karana bona hemarai karana vada e karaia, Israel bogaraginai.
JDG 20:7 Israel taumui iboumui ai, ba haeroa: emui lalo-hadai bona emui hahedua ba gwaurai hedinarai.
JDG 20:8 Bena hebou taudia e tore isi, tau tamona na heto, eto, Ita ta ena kalaga basinela, bona ta ena ruma basine lou henia.
JDG 20:9 A Gibea na ini baita karaia toma: mari amo baita diba, daika daika ese bae tuari henia.
JDG 20:10 Israel iduhudia iboudiai lalodia amo, sinahu-ta amo gwauta baita abidia hidi, bona daha-ta amo sinahu-ta baita abidia hidi, bona gerebu-ta amo daha-ta baita abidia hidi. Idia na baela, aniani ḡaudia bae ha abi, ina orea taudia adia; bena Gibea ai bae kau negana ai, idia ese Gibea taudia edia kara havara iboudiai Israel bogaraginai vada e kara na davadia do bae henidia.
JDG 20:11 Taunabunai Israel taudia iboudiai na mai lalodia tamona e hebou, una hanua bae tuari henia totona.
JDG 20:12 Bena Israel iduhudia iboudiai ese edia gwau-kau taudia e siaidia, Beniamina iduhuna taudia dekediai, eto, Ena kara dikana bogaragimui ai e vara anina be dahaka?
JDG 20:13 Hari kara havara taudia Gibea ai taodia ba tore, ai ese baia aladia mase, kara havara na Israel bogaraginai baine ore. A Beniamina taudia na tadikakadia Israel taudia eredia asie kamonai.
JDG 20:14 Bena Beniamina taudia na hanua hanua amo ela, Gibea ai e hebou, Israel taudia oredia bae tuari henidia totona.
JDG 20:15 Una dina ai Beniamina taudia hanua hanua amo e hebou na tatau gerebu-rua daha-tauratoi mai edia dare; bona Gibea taudia edia tuari taudia mai goadadia be tatau sinahu-hitu.
JDG 20:16 Ini iboudiai bogaragidiai na ima-lauri taudia mai goadadia sinahu-hitu; idia iboudiai na vilipopo amo nadi bema tahoa, hui autamona basiema reaia.
JDG 20:17 Beniamina iduhuna taudia na unuhohodia; a Israel iduhudia oredia edia tatau na domaga hani mai edia dare. Unu iboudiai na tuari taudia.
JDG 20:18 Israel taudia na e tore isi, Betele ela, Dirava e nanadaia, eto, Edena iduhu bainela guna, Beniamina taudia baine tuari henidia? Iehova eto, Iuda iduhuna baine guna.
JDG 20:19 Daba ai, Israel taudia e tore isi, Gibea vairanai e taruha.
JDG 20:20 Bena Israel taudia ese Beniamina taudia e tuari henidia, Gibea vairanai e gini.
JDG 20:21 Bena Beniamina taudia na Gibea amo e raka lasi, Israel taudia gerebu-rua daha-rua e aladia mase una dina ai.
JDG 20:22 A Israel taudia na e haheauka, tuari gabuna ai ma e gini lou, tuari dinana gini-gunana ai e gini heḡereḡerena.
JDG 20:23 Israel taudia na e dae lao, Iehova vairanai e tai boi; bena idia ese Iehova e nanadaia, eto, Tadikakamai Beniamina taudia ma baia tuari henidia lou eiava? Iehova eto, A tuari henidia.
JDG 20:24 Taunabunai, Israel taudia ese Beniamina taudia ma e tuari henidia lou, dina iharuana ai.
JDG 20:25 Bena Beniamina taudia na Gibea amo ma e raka lasi, dina iharuana ai, Israel taudia gerebu-ta daha-taurahani e aladia mase. Unu iboudiai na tuari taudia mai edia dare.
JDG 20:26 Bena Israel taudia, tuari oreana idoinai, na ela, Betele ai e kau, bena e taitai. Idia na Iehova vairanai e helaiva, e vaga una dina ai, ela bona dina e diho. Bena ḡole-oho bouboudia bona herohemaino bouboudia e hahelaḡadia, Iehova vairanai.
JDG 20:27 Bena Israel taudia ese Iehova e nanadaia; badina be unu dinadia ai Iehova ena taravatu mauana na unuseni mia,
JDG 20:28 bona Fineha Eleasara, Aaron tubuna, na una maua vairanai Iehova isiaina e lao heniva unu dinadia ai. Taunabunai idia ese e henanadai, eto, Tadikakamai Beniamina taudia ma baia tuari henidia lou, eiava vada baia hadokoa? Iehova eto, Ma baola; kerukeru umui imamui ai baina atodia.
JDG 20:29 Taunabunai, Israel na edia tuari taudia haida e siaidia, Gibea bae bani henia.
JDG 20:30 Dina ihatoina ai, Israel taudia ese Beniamina taudia ma e tuan henidia, Gibea vairanai ma e gini, nega gunadia heḡereḡeredia.
JDG 20:31 Bena Beniamina taudia na ituari-henidia e raka lasi, hanua na e rakatania; bena nega gunadia heḡereḡeredia idia na e ala-ala matama, Israel taudia haida laolao daladia ai e aladia mase, Betele dalana ai bona Gibea dalana ai, bona tano paka ai danu haida e aladia mase. E aladia taudia na Israel taudia toi-ahui sisivana.
JDG 20:32 Bena Beniamina taudia e hereva heheni, eto, Vairadai vada e darere, nega gunadia heḡereḡeredia. A Israel taudia e hereva heheni, eto, Aita heau, hanua amo baita veridia oho laolao daladia ai.
JDG 20:33 Bena Israel taudia iboudiai na e tore isi, ela, Baal-tamara ai e gini heḡaeḡae; a Israel taudia hahidaosi hanua e bani henia taudia na edia komu gabuna, Geba lahara kahana, amo e heau lasi.
JDG 20:34 Bena tuari taudia mai goadadia gerebu-ta Israel taudia iboudiai edia amo e abidia hidi na Gibea e tuari henia. Tuari na auka herea; Beniamina taudia danu lalodia asie parara edia darere negana na kahira-kahira.
JDG 20:35 Bena Iehova ese Beniamina taudia e hadareredia Israel vairanai. Israel taudia ese Beniamina taudia gerebu-rua daha-ima sinahu-ta e aladia mase una dina ai: iboudiai na tuari taudia mai edia dare.
JDG 20:36 Taunabunai Beniamina taudia na lalodia e parara vada e darere. Israel taudia na Beniamina taudia vairadiai e heau, badina be Gibea ibani-henina vada e siaidia taudia e abidadama henidia.
JDG 20:37 Una negana ai hanua e bani henia taudia e heau lasi haraḡa-haraḡa, Gibea e daea, bena idia ese hanua taudia iboudiai na dare amo e aladia mase.
JDG 20:38 Israel taudia bona hanua e bani henia taudia na edia henega ai toa ta vada e gwauraia guna. Toana binai: lahi kwalahuna ori na heto hanua amo baine dae negana ai
JDG 20:39 Israel taudia na bae gini kerehai tuari ai. Una negana ai Beniamina taudia ese vada e ala-ala matama, Israel taudia toi-ahui sisivana vada e aladia mase. Bena idia eto, Momokani, idia na vairadai vada e darere, tuari gunana ai heḡereḡerena.
JDG 20:40 A hari toa, lahi kwalahuna, e dae matama negana ai, Beniamina taudia e roha kerehai; madi, hanua idoinai kwalahuna e daeva guba ai.
JDG 20:41 Una negana ai Israel taudia na e gini kerehai; bena Beniamina taudia kudoudia e hetaha, badina be vada e diba vada be dareremu.
JDG 20:42 Taunabunai, idia na Israel taudia vairadia amo e lou, tano gaḡaena ela. A tuari ese e ḡavadia tao, bona hanua amo ema taudia ese edia dala e ginia ahu, bena dare amo e aladia ore.
JDG 20:43 Oibe, idia ese Beniamina taudia e ginidia ahu, bona e hahavadia lao, bona e aladia, Noha amo ela bona Gibea mairiveina kahana ai.
JDG 20:44 Beniamina taudia gerebu-ta daha-taurahani e mase, iboudiai na tuari taudia mai goadadia.
JDG 20:45 Ma e kerehai, tano gaḡaena ai e heau, ela bona Rimon nadi-hagana. Daha-ima be laolao daladia ai e aladia mase; oredia ma e hahavadia ela bona Gidomo ai daha-rua ma e aladia mase.
JDG 20:46 Taunabunai, Beniamina taudia una dina ai e mase iboudiai na gerebu-rua daha-ima; iboudiai na tuari taudia mai goadadia, imadia na mai daredia.
JDG 20:47 A tatau sinahu-tauratoi e heau mauri, Rimon nadi-hagana ela, tano ḡaḡaena ai; idia na hua hani Rimon nadi-hagana ai e nohova.
JDG 20:48 Israel taudia na tuari amo e lou, Beniamina taudia ma e ala-ala henidia, taunimanima bona boromakau bona e davari ḡaudia iboudiai e habuadia tari; bona e davari hanuadia na e doudia.
JDG 21:1 Israel taudia na Mispa ai vada e gwau hamata guna, eto, Ita ese natuda hane-ulatona ta Beniamina tauna ta basita henia, basine adavaia.
JDG 21:2 A Israel taudia na Betele ela, Dirava vairanai e helai boi, e tai dikadika,
JDG 21:3 eto, Iehova e, Israel Diravana, badina be dahaka ina kara vada e vara Israel ai, bena hari dina ai Israel ai iduhu ta na lasihia?
JDG 21:4 Bena daba ai, idia na e tore isi haraḡa, boubou patana ta e larebaia, latanai ḡole-oho bouboudia bona herohemaino bouboudia e hahelaḡadia.
JDG 21:5 Israel taudia na eto, Israel iduhudia iboudiai bogaragidia amo edena iduhu Iehova vairanai asiema, ta hebouva negana ai? Badina be vada e gwau hamata mai hereva metauna ida, Mispa sela, Iehova vairanai se hebou, tauna na baine mase eto.
JDG 21:6 Bena Israel taudia ese tadikakadia Beniamina taudia e bogadia hisi, eto, Hari dina ai iduhu ta na Israel amo vada e henege daure.
JDG 21:7 E roho mauri taudia na adavadia ede baita henidia toma? Badina be Iehova vairanai vada ta gwau hamata, tato, natuda ulatodia basita henidia, basie adavadia.
JDG 21:8 Idia ma eto, Edena iduhu Israel ai na Iehova vairanai se hedinarai, Mispa ai? Bena vada e laloa, Iabese-gilead amo tau ta hebou gabuna sela.
JDG 21:9 Badina be hebou taudia e hagaudia negana ai, Iabese-gilead taudia na lasihidia, ta se hedinarai.
JDG 21:10 Taunabunai, hebou taudia ese edia tuari taudia mai goadadia gerebu-ta daha-rua e siaidia lao, e haganidia, eto, Aola, Iabese-gilead taudia na dare isena amo bavaladia mase, hahine bona memero maraḡidia danu bavaladia mase.
JDG 21:11 Ini ba kara toma: mamaruane iboudiai bona tatau ida vada e eno bou hahinedia iboudiai na bavaladia ore.
JDG 21:12 A Iabese-gilead taudia bogaragidiai rami-hebou ulatodia sinahu-hani e davaridia; bena Silo taruhana e laohaidia, Kanaan tanona ai.
JDG 21:13 Bena hebou taudia iboudiai ese gwau-kau herevana e siaia, Beniamina taudia dounu Rimon haga-nadina ai e nohova dekediai, maino e gwauraia.
JDG 21:14 Una negana ai Beniamina taudia na e lou. Bena hebou taudia ese hari Iabese-gilead hahinedia bogaragidia amo e hamauridia ulatodia na idia e henidia. To asie davana.
JDG 21:15 Bena Israel taudia ese Beniamina taudia e bogadia hisi, Iehova ese Israel besena vada e hapararaia dainai.
JDG 21:16 Bena Israel tau-badadia eto, Tatau oredia adavadia ede baita davaridia toma? Badina be Beniamina hahinedia vada e mase ore.
JDG 21:17 Ma eto, Beniamina taudia kwabukwabudia na ahudia bae abi baine namo, iduhu ta Israel bogaragina amo baine boio na garina;
JDG 21:18 ḡau tamona, natuda ulatodia na basita henidia diba. Badina be Israel taudia vada e gwau hamata, eto, Beniamina tauna na hane-ulato ta baine henia, baine adavaia totona, tauna na do baine baia.
JDG 21:19 Taunabunai idia ma eto, Laḡani ta ta amo taunimanima ese Iehova ena aria ta e karaiamu Silo ai, Betele mirigini kahana ai, Betele amo Sekem e lao heniamu dalana mairiveina kahana ai, Lebona diho kahana ai.
JDG 21:20 Bena idia ese Beniamina taudia e haḡanidia, eto, Aola, vine imeadia ai ba komu,
JDG 21:21 ba henari; bena Silo ulatodia bema raka lasi, mavaru ai bema mavaru, umui ese vine imeadia amo ba heau lasi, ta ta adavamui ba dabaidia tao, Silo ulatodia bogaragidia amo, bena Beniamina tanona baola.
JDG 21:22 A tamadia eiava taihudia na ai dekemai baema, bae hahebade, negana ai, ai ese baia hamarumarudia, baiato “Idia na emui harihari-bada ai mani ba henimai, badina be tuari ai asia abidia mauri, asia henidia bae adavadia, bona umui danu asio henidia: boma henidia, umui na harihari boma kerere”.
JDG 21:23 Bena Beniamina taudia na unu e kara toma, mavaru ulatodia e dabaidia tao, e adavadia, taudia hohodia heḡereḡeredia. Bena idia na ela, edia tano e lou henia, edia hanua e hadai lou, e noholaidia.
JDG 21:24 Una negana ai Israel taudia na e karoho, ta ta ena ruma ena ruma ela, edia iduhu heḡereḡeredia. Iboudiai na edia tano korikori e lou henidia.
JDG 21:25 Unu dinadia ai Israel na asi pavapavana; Israel taudia na ta ta ena lalo-hadai ena lalo-hadai heḡereḡeredia e kara.
RUT 1:1 Nega ta, hahemaoro taudia ese tano e lohiaia negana ai, doe bada-hereana e vara. Una negana ai, Betelehem-iuda tauna ta mai adavana bona mai natuna mamaruanedia rarua ida edia hanua e toretania, Moab tanona ai eha noho.
RUT 1:2 Una tau ladana na Elimelek; adavana ladana na Naomi; natuna mamaruanedia raruosi ladadia be Malon bona Kilion. Idia na Efrata taudia, Betelehem-iuda amo; Moab tanona ai e kau, unuseni ai e nohova.
RUT 1:3 Bena Elimelek, Naomi adavana, unuseni ai e mase; una hahine mai natuna raruosi ida e noho hedoava.
RUT 1:4 Idia raruosi ese Moab ulatodia rarua e adavadia; ta ladana be Oropa, ma ta ladana be Ruta. Edia headava murinai idia na unuseni ai e nohova ela bona laḡani gwauta e ore.
RUT 1:5 Bena Malon bona Kilion raruosi e mase; sinadia na sibona e nohova, asi adavana bona asi natuna.
RUT 1:6 Taunabunai, ia mai ravana hahinedia raruosi ida e heḡaegae, Moab bae toretania, hahine badana ena tano bae lou henia; badina be harina ienai vada e kau Moab ai, Iehova ese ena abi-hidi taudia vada e bogadia hisi, adia vada e henidia.
RUT 1:7 Bena ena noho gabuna e rakatania, ia mai ravana raruosi ida, Iuda dalana a e raka ela.
RUT 1:8 A Naomi ese ravana raruosi e haduadia, eto, Madi, sinamui edia ruma ba lou heni; Iehova ese baine hanamomui, umui ese mase taudia o hanamodiava bona lau vada o hanamogu heḡereḡerena;
RUT 1:9 Iehova ese laga-ani baine henimui, adavamui matamatadia edia ruma ai. Bena e harahudia. Idia na e tai dikadika.
RUT 1:10 Bena raruosi ese e haere henia, eto, Lasi, oi baia bamomu, emu bese taudia dekedia baitala.
RUT 1:11 A Naomi eto, Ravagu e, a lou lao; ba bamogu anina be dahaka? Natugu haida ma baina havaradia, umui adavamui ai baela a?
RUT 1:12 Ravagu e, a lou, emui dala ai baola; lau be vada name buruka, basina headava lou. A bama headava lou, hari ina hanuaboi bama headava, natugu mamaruanedia bama havaradia,
RUT 1:13 umui boma haheauka noho ela bona idia taudia bema lo a? Boma noho vado idia daidiai a? Lasi, ravagu e. Ḡau tamona, lalogu eme hisihisi umui daimui ai, badina be Iehova ese vada e murigu.
RUT 1:14 Ma e taitai louva; bena Oropa ese ravana e hatonia, a Ruta na se rakatania.
RUT 1:15 Naomi eto, A itaia, bamomu ese ena bese taudia bona ena dirava vada e lou henidia; ia murinai ba raka.
RUT 1:16 A Ruta eto, Basio haḡanigu, basioto baina rakatanimu; badina be oi baola gabuna lau danu bainala, bona oi ba noho gabuna lau danu baina noho; oiemu bese na lauegu bese ai bainela, bona oiemu Dirava na lauegu Dirava ai bainela;
RUT 1:17 oi ba mase gabuna ai lau danu baina mase, unuseni ai bae gurigu. Ḡau ta ese basine hapararada, mase mo sibona; mauri ai baina rakatanimu, Iehova ese dava badana baine henigu, ma baine hametaua danu.
RUT 1:18 Rava-bada hahinena ese e itaia, Ruta na lalona vada e ha-aukaia baine bamoa; bena ia na hereva ta se gwauraia.
RUT 1:19 Taunabunai, raruosi e raka bou, ela bona Betelehem ai e kau. Betelehem ai e kau negana ai hanua taudia iboudiai e heau bou heau bou ema; bena hahine na eto, Ina na Naomi a?
RUT 1:20 Ia na e haere henidia, eto, Ladagu basio hatoa Naomi; ba hatoa Mara; badina be Ḡaubada ena kara egu ai na idita.
RUT 1:21 Mai ahugu nala, a Iehova ese ima kavakava vada e halougu. Dahaka dainai ladagu o hatoamu Naomi; a Iehova ese vada e hahemaoro henigu, bona Ḡaubada ese vada e hahisigu?
RUT 1:22 Unuhetomana Naomi na Moab tanona amo e lou, ravana Ruta, hane Moab, danu ia ida. Bali iutuna e matamaia negana ai Betelehem ai e kau.
RUT 2:1 Naomi adavana varavarana ta noho, taga tauna, Elimelek ena iduhu tauna, ladana na Boa.
RUT 2:2 Ruta, hane Moab, ese Naomi e hamaoroa, eto, Mani uma bainala, baine lalo namo henigu tauna murinai baina raka, bali anidia momorudia baina gogodia. Ia ese e haere henia, eto, Ravagu, vada aola.
RUT 2:3 Bena ia na ela, bali iutuna taudia muridia amo e raka, bali anidia momorudia e gogova. Ena raka ai, ia na Boa, Elimelek ena iduhu tauna, ena uma ai e raka vareai.
RUT 2:4 Bena Boa na Betelehem amo ema, bali iutuna taudia e hanamodia, eto, Iehova ese baine bamomui. Idia na e haere, eto, Iehova ese baine hanamomu.
RUT 2:5 Bena Boa ese bali iutuna taudia ireḡudia tauna e nanadaia, eto, Una na daika ena hesiai hahinena?
RUT 2:6 Bali iutuna taudia ireḡudia tauna ese e haere henia, eto, Una na Moab hahinena, Naomi ida Moab tanona amo ema.
RUT 2:7 la ese e noigu, eto “Mani emu kara uma ai baina raka vareai, bali anidia momorudia na iutuna taudia muridiai baina gogo”. Taunabunai ia na daba ai ema, se laḡa ani ema bona harihari.
RUT 2:8 Bena Boa ese Ruta e hereva henia, eto, Natugu, eregu a kamonai: idau uma ai bali anidia momorudia basio gogo, ina uma basio rakatania; egu hesiai hahinedia badibadidiai ba noho.
RUT 2:9 Bali e utuamu gabuna ba itaia tao: idia muridiai ba raka. Eregabe taudia vada na taravadia, emu ai basie dau kau. Ba ranu mase negadia ai danu hodu ba lao henidia, eregabe taudia vada e utua ranuna taina ba inua.
RUT 2:10 Bena hahine na tano ai e goru diho, eto, Dahaka dainai lau, idau hahinena, o lalo namo henigumu bona o haḡeregumu?
RUT 2:11 Boa ese e haere henia, eto, Harimu vada na kamonai, adavamu e mase murinai ravamu ede o karaia toma; tamamu bona sinamu bona o vara tanona o rakatanidia, ai idau taumai bogaragimai ai oma.
RUT 2:12 Iehova ese davamu baine henimu, emu kara heḡereḡerena; Iehova, Israel taumai emai Dirava, hanina henunai o gorumu Diravana, ese davamu namona baine henimu.
RUT 2:13 Hahine na eto, Egu lohia e, vada o lalo namo henigu; ena be lau na dia oiemu hesiai hahinedia heḡereḡeredia to oi ese taugu vada o haloa bona hereva namodia amo vada o hanamogu.
RUT 2:14 Aniani negana ai, Boa ese e hereva henia, eto, Ini aoma, flaoa ba bitua, vine ranuna ai ba urua diho. Hahine na bali iutuna taudia bogaragidiai e helai diho. Bena Boa ese e gabua balina taina e henia; hahine ese e abia, e ania, bogana e kunu, bahuna danu mia.
RUT 2:15 Ia na e tore isi, bali anidia ma baine gogo eto. Bena Boa ese ena eregabe taudia e haduadia, eto, Iḡui padadiai danu baine gogo, basio gwaua tao;
RUT 2:16 bona iḡui amo bali anidia haida ba buruki, tano ai ba nege, bena baine gogo; basio gwau henia.
RUT 2:17 Taunabunai ia na uma ai ma e gogo ela bona ado e rahi. Bena e gwadaia, momona e negea, bali efa ta heḡereḡerena e abia.
RUT 2:18 E laohaia, hanua ela, ravana e haheitalaia; bona bahu danu e henia.
RUT 2:19 Ravana ese e nanadaia, eto, Edeseni ai bali anidia o gogo hari ina dina ai? Edeseni ai o ḡaukara? E hageremu tauna na Dirava ese baine hanamoa. Bena ia ese ena ḡaukara gabuna na ravana e hadibalaia, eto, Dekenai na ḡaukara tauna hari dina ai ladana be Boa.
RUT 2:20 Bena Naomi ese ravana e hamaoroa, eto, Iehova, nega idoidiai mauri taudia bona mase taudia e bogadia hisimu Diravana, ese ia baine hanamoa. Naomi ma eto, Una tau na iseda iduhu tauna, ita varavarada.
RUT 2:21 Ruta, hane Moab, eto, Ia danu e hamaorogu, eto “Egu eregabe taudia badibadidiai ba noho ela bona egu taboro baine ore”.
RUT 2:22 Naomi ese ravana Ruta e hamaoroa, eto, Ravagu, namona binai, iena hesiai hahinedia ida ba raka bou, idau uma ai dika emu ai baine kau na garina.
RUT 2:23 Taunabunai ia na Boa ena hesiai hahinedia ida e raka bou, momoru e gogo, ela bona bali iutuna bona uit iutuna vada e ore. Rava-bada hahinena dekenai e nohova.
RUT 3:1 Ravana Naomi ese Ruta e hereva henia, eto, Ravagu e, emu noho gabuna ta baina lailaia bena unuseni ai ba noho namonamo ani?
RUT 3:2 Varavarada Boa, ena hesiai hahinedia o bamodia tauna, na hari ina hanuaboi ena bali e tapoamu, ena gwada-gwada gabuna ai.
RUT 3:3 Taunabunai, a digu, kopimu dehoro amo ba dahua, emu dabua namona ba hahedokia, bena hari gwadagwada gabuna baola; to ienai basio hedinarai ela bona baine aniani bona baine inuinu vaitani.
RUT 3:4 Bena baine hekure negana ai ena hekure gabuna do ba itaia, gabeai ba raka vareai, ena hetaru aena amo bavabia isi, ba hekure diho; bena ede ba kara toma ia ese baine hadibamu.
RUT 3:5 Ruta eto, Emu hahedua heḡereḡerena baina karaia.
RUT 3:6 Taunabunai ia na hari gwada-gwada gabuna ela, ravana ese e haduaia heḡereḡerena e karaia.
RUT 3:7 Boa na e aniani bona e inuinu vaitani, bena mai moalena ida e hekure diho, uit senuna gwaduna ai. Bena Ruta na asi reḡereḡena ela, hetaru na aena amo e abia isi, e hekure diho.
RUT 3:8 Malokihi, Boa na e noga, e hoa, e helai tore, hahine na e itaia, ia aena badinai e hekure.
RUT 3:9 Ia eto, Oi be daika? Hahine na e haere, eto, Lau binai Ruta, emu hesiai hahinena; emu hesiai hahinena ba tarugu, badina be oi na adavagu e mase tauna varavarana.
RUT 3:10 Boa eto, Natugu e, Iehova ese baine hanamomu; ina emu kara namona gini-gabena ese emu kara namona gini-gunana vada e hereaia: badina be oi na uhau, mai edia ogoḡami eiava mai edia taḡa, so sihari henidia.
RUT 3:11 Taunabunai, natugu e, basio gari; emu noinoi heḡereḡerena do baina kara henimu, badina be egu hanua taudia iboudiai dibadia oi na kara-namo hahinena.
RUT 3:12 Momokani, lau na adavamu e mase tauna varavarana; ḡau tamona, ia varavara-dosina ta do noho.
RUT 3:13 Hari hanuaboi iniseni ai ba noho. Daba ai, ia na baine ura baine adavamu, namo; a bema lasi, lau ese baina adavamu. Iehova maurina ladana ai na herevamu. A hekure diho ela bona daba.
RUT 3:14 Taunabunai, ia na ia aena badinai e hekure ela bona daba. Daba vaburana ai, taunimanima do basie heita heheni negana ai, ia na e tore isi. Boa ese e hahedua, eto, Tau ta basine diba hari hahine na gwada-gwada gabuna ema.
RUT 3:15 Bena ia ese hahine na e hereva henia, eto, O dokiamu dabuana a mailaia, avabia papa. Hahine na e abia papa, bena Boa ese bali efa tauratoi e uda, e henia, baine laohaia; bena hahine na hanua e lou lao.
RUT 3:16 Ravana dekenai e kau negana ai, ravana ese e nanadaia, eto, Natugu e, edeheto? Bena ia ese Boa ena kara idoinai sivaraina e gwauraia.
RUT 3:17 Ma eto, Ia danu bali efa tauratoiosi bini e henigu, eto “Ima kavakava ai ravamu basio lou henia”.
RUT 3:18 Ravana eto, Natugu e, ba henari ela bona ba diba ede baine kara toma: badina be hari tau na laḡana basine ania to han dina ai ina ḡau baine haḡuḡurua.
RUT 4:1 Boa na hanua ikoukouna ela, unuseni ai e helai diho; bena hari mase tauna varavara-dosina, Boa ese e herevalaia tauna, e raka hanai. Boa ese e boi henia, eto, Turagu e, mani aoma, iniseni ai a helai. Bena hari tau ema, e helai diho.
RUT 4:2 Bena Boa ese hanua tau-badadia gwauta e boiridia, eto, Mani a helai diho. Bena e helai diho.
RUT 4:3 Bena ia ese hari tau e hereva henia, eto, Naomi na Moab tanona amo vada e lou mai, bona e uramu varavarada Elimelek ena tano baine hoia e tomu.
RUT 4:4 Taunabunai, na lalomu, oi baina hamaoromu na tomu: ba ura oi ese ba iloia, iniseni ai e helaimu taudia vairadiai bona hanua tau-badadia vairadiai. Ba ura bavabia, vada bavabia; a basio ura vada ba hamaorogu, baina diba; badina be iabina mai siahuna tauna na oi, bona oi murimu ai lau. Hari tau eto, Baina abia.
RUT 4:5 Boa ma eto, Tano Naomi imana amo bavabia dinana ai, Ruta, hane Moab, mase tauna vabuna, danu bavabia, mase tauna dihina ihavarana totona.
RUT 4:6 Bena hari tau eto, Lau na basina abia diba, sibogu dihigu ai baina dabu na garina. Oi ese bavabia, badina be lau be basina abia diba.
RUT 4:7 Nega gunadia ai Israel taudia edia kara na iniheto, tano e hoihoilai negadia ai: hoihoi ihamomokanina toana na tau ta ese ena tamaka ta e kokia oho, ena tano e hoia tauna e henia. Ihamomokanina toana bunai Israel ai.
RUT 4:8 Taunabunai hari tau ese Boa e hamaoroa, eto, Oi ese bavabia; bena ena tamaka ta e kokia oho.
RUT 4:9 Bena Boa ese hanua tau-badadia bona hanua taudia iboudiai e hamaorodia, eto, Hari dina ai umui ese vada o itaia bona vada o kamonai lau ese Naomi ena amo Elimelek ena ḡau idoinai bona Kilion ena ḡau idoinai bona Malon ena ḡau idoinai vada na hoi;
RUT 4:10 bona Ruta, hane Moab, Malon vabuna, danu vada na hoia, baina adavaia, mase tauna dihina ihavarana totona, ladana basine boio ena iduhu ai bona ena hanua ai helaoreana. Hari dina ai vada o itaia bona vada o kamonai danu.
RUT 4:11 Bena hanua ikoukouna ai e helaiva taudia bona hanua tau-badadia eto, Ai na vada a itaia bona vada a kamonai. Iehova ese emu ruma ai be dae kaumu hahinena na Rahela bona Lea, Israel besena ihavarana hahinedia, heḡereḡeredia ai baine halaoa. Oi danu Efrata ai ba taḡa, bona Betelehem ai harimu baine namo;
RUT 4:12 emu ruma taudia danu Perese Iuda, Tamara bogana amo e vara tauna, ena ruma taudia heḡereḡeredia ai baela, Iehova ese ina eregabe hahinena ena amo natumu baine henimu dainai.
RUT 4:13 Taunabunai Boa ese Ruta e abia, e adavaia. Raruosi e eno bou, bona Iehova ese hahine e hanamoa; bena hahine na e rogorogo, mero ta e abia.
RUT 4:14 Bena hanua hahinedia ese Naomi e hereva henia, eto, Iehova aita hanamoa, badina be hari dina ai oi garamu vada e henimu. Ia ladana baine bada Israel ai.
RUT 4:15 Ia ese emu mauri baine hamatamataia, bona burukamu ai baine narimu; badina be ravamu, e lalokau henimumu hahinena, tatau hahitu e hereadiamu hahinena, ia ese vada e havaraia.
RUT 4:16 Bena Naomi ese mero karukaruna e abia, e rosia, bona e reḡua.
RUT 4:17 Bena dekena hahinedia ese mero ladana e hatoa, eto, Naomi na mai natuna, bena ladana e hatoa Obed. Ia na Iese tamana; Iese na David tamana.
RUT 4:18 Perese garana bini: Perese ese Hesron e havaraia;
RUT 4:19 Hesron ese Ram e havaraia; Ram ese Aminadab e havaraia;
RUT 4:20 Aminadab ese Nason e havaraia; Nason ese Salmon e havaraia;
RUT 4:21 Salmon ese Boa e havaraia; Boa ese Obed e havaraia;
RUT 4:22 Obed ese Iese e havaraia; Iese ese David e havaraia.
1SA 1:1 Efraim ororodia ai, hanua ta ladana na Ramataim-sofimi ai, tau tae nohova, ladana na Elkana. Ia tamana be Ierohama; Ierohama tamana na Elihu; Elihu tamana na Tohu; Tohu tamana na Sufu, Efraim iduhuna tauna ta.
1SA 1:2 Elkana na e hodara: adavana ta ladana na Hana, ma ta ladana na Penina. Penina na mai natuna haida, a Hana na e gabani.
1SA 1:3 Ina tau na laḡani ta ta amo ena hanua e rakatania, Silo ela; unuseni ai ia ese Iehova Sabaota e toma henia diho, bona ena boubou ḡaudia e hahelaḡadia Iehova ena. Unuseni ai Eli natuna mamaruanedia raruosi, Hofni bona Fineha, na Iehova ena hahelaḡa taudia.
1SA 1:4 Ena boubou ḡaudia e hahelaḡadia dinana ai, Elkana ese adavana Penina bona ia natuna mamaruanedia bona hahinedia iboudiai na ahudia e henidia.
1SA 1:5 A Hana be ahu tamona e henia; ena be e lalokau henia bada, to ahu tamona e henia, badina be Iehova ese gabana e ha-aukaia.
1SA 1:6 Bena hari hahine ta ese e ha-uraia bona lalona e hahisia, Iehova ese gabana vada e ha-aukaia dainai.
1SA 1:7 Laḡani iboudiai unu mo heto; Iehova ena dubu ela negadia ai, ia ese unu e ha-uraia tomava. Una dainai Hana e taitaiva, bonase anianiva.
1SA 1:8 Bena adavana Elkana ese e nanadaia, eto, Hana e, dahaka dainai o taitaimu? Dahaka dainai so anianimu? Dahaka dainai lalomu e hisihisimu? Egu lalokau oiemu ai ese memero gwauta edia se hereaia a?
1SA 1:9 Silo ai e aniani bona e inuinu murinai, Hana e tore isi. Una negana ai hahelaḡa tauna Eli na Iehova ena dubu iduarana badibadinai e helaiva.
1SA 1:10 Hana na lalona e hisihisi badava, bena Iehova e ḡuria mai taitaina ida.
1SA 1:11 Bona e gwau hamata, eto, Iehova Sabaota e, emu hesiai hahinena egu hisihisi boma itaia, boma lalogu tao, basioma lalogu boio, a natugu maruanena ta na emu hesiai hahinena boma henigu; bena lau ese Iehova ma bama henia lou, ena mauri dinadia iboudiai huina basinema utua.
1SA 1:12 Hahine na ma e ḡuriḡuri Iehova va vairanai; bena Eli ese uduna e itaia.
1SA 1:13 Hana na lalona ai mo e ḡuriḡuriva; bena bibinana e marere-marereva, to gadona na se hekamonaiva, taunabunai Eli banava eto hahine na vada e kekero.
1SA 1:14 Bena Eli ese e gwau henia, eto, Ba kekero ela bona edena negai? Vine ranuna na emu amo bavatoa siri.
1SA 1:15 A Hana ese e haere henia, eto, Ḡauka e, lasi. Lau na lalo-hisihisi hahinegu. Vine ranuna eiava kekeromuramurana ta asina inua, a lalogu anina na halasiamu Iehova vairanai.
1SA 1:16 Basio laloa emu hesiai hahinena na lebulebu hahinena; egu hereva iboudiai na lalogu ena hisihisi bona ena hekwarahi amo vada e vara.
1SA 1:17 Bena Eli ese e haere henia, eto, Mai mainomu ida aola; Israel Diravana ese o noilaia ḡauna na baine henimu.
1SA 1:18 Hahine ma eto, Emu hesiai hahinena ba hanamoa. Bena hahine na ena dala ela, e aniani, vairana danu se huaia lou.
1SA 1:19 Daba ai, idia na e tore isi haraḡa, Iehova vairanai e toma diho; bena edia ruma e lou henia, Rama ai. Bena Elkana na adavana Hana ida e eno bou, bona Iehova ese e laloa tao;
1SA 1:20 bena Hana e rogorogo, bena ena nega korikori ai e mara, mero ta e abia, ladana e hatoa Samuel; badina be ia eto, Lau ese Iehova ena amo na noia.
1SA 1:21 Hari Elkana mai ena ruma taudia iboudiai na ela, laḡani ta boubouna bae hahelaḡaia Iehova ena bona ena gwauhamata anina baine heni totodia.
1SA 1:22 A Hana na sela; ia ese adavana e hamaoroa, eto, Mero na rata baine topoa nege negana ai, lau ese baina laohaia, Iehova vairanai baine hedinarai, bona unuseni ai baine noho hanaihanai.
1SA 1:23 Adavana Elkana ese e haere henia, eto, Emu lalo-hadai heḡereḡerena ba karaia, a rata do baine topoanege guna. Ḡau tamona, Iehova ese ena hereva baine hamomokania. Taunabunai, hahine na e noho, natuna e ubua, ela bona rata e topoa nege.
1SA 1:24 Mero na rata e topoa nege murinai, sinana ese e laohaia; boromakau maruanena ta, laḡani toi ḡauna, bona flaoa efa ta, bona vine ranuna kopi ta, danu e abi kau. E laohaia, ela bona Iehova ena dubu Silo ai e kau. Mero na do maraḡi.
1SA 1:25 Bena idia ese boromakau e alaia, bona mero na Eli dekena e hakaua lao.
1SA 1:26 Hahine na eto, Ḡauka e, oi o maurimu heḡereḡerena, ḡauka e, lau be gunaguna oi vairamu ai na gini bona Iehova na ḡuria hahinegu.
1SA 1:27 Ina mero dainai na ḡuriḡuri; bena Iehova ese na noia ḡauna e henigu.
1SA 1:28 Taunabunai, Iehova vada na henia; ena mauri dinadia iboudiai ia na Iehova ena. Bena idia ese Iehova e toma henia diho unuseni ai.
1SA 2:1 Hana danu e ḡuriḡuri, eto: Lalogu ese Iehova e imodaiamu; egu goada vada e herea Iehova dainai. Udugu ese inaigu e kirikirilaidiamu, badina be emu hahemauri na moalelaiamu.
1SA 2:2 Ta dia helaḡa Iehova heḡereḡerena, asi dirava ta, oi mo sibomu, asi nadi-gini ta emai Dirava heḡereḡerena.
1SA 2:3 Heaḡi herevadia basio gwaurai lou, hekokoroku herevadia na udumu amo basie lasi; badina be Iehova na aonega Diravana, ia ese kara iboudiai e hahetohodiamu.
1SA 2:4 Goada taudia edia peva e hakwaidudiamu, a manoka taudia na goada e hariolaimu.
1SA 2:5 Bogadia e kunuva taudia na aniani idavalaina ḡaukaradia vada e kara, a e hitolodiava taudia na edia hitolo vada e doko. Gabani hahinena ese natuna hahitu vada e havaradia, a natuna hoho e havaradia hahinena na vada e dabu.
1SA 2:6 Iehova ese e healamu bona e hahemaurimu; mase taudia edia gabu ai e hakaudia dihomu bona e hakaudia daemu.
1SA 2:7 Iehova ese taunimanima na e ha-ogoḡamidiamu bona e hataḡadiamu; e atodia dihomu bona e abidia isimu.
1SA 2:8 Ogoḡami tauna na ḡahu amo e abia isimu; e dabumu tauna na kahu e negeamu gabuna amo e abia daemu; lohia ida e hahelaidiamu, bona helai ḡauna hereana e henidiarnu. Badina be tanobada dudia na Iehova ena, idia latadiai ia ese tanobada vada e hadaia.
1SA 2:9 Ia ese ena helaḡa taudia aedia baine gimadia, a kara dika taudia na dibura ai baine negedia daure; badina be dia goada amo tau ta baine kwalimu.
1SA 2:10 Iehova inaina bae hehuari kohi; ia ese guba baine harahurahu henidia. Iehova ese tanobada dokodia baine hahemaoro henidia; e duanaia pavapavana na ia ese goada baine henia, bona e horoa tauna na ia ese ena siahu baine habadaia.
1SA 2:11 Una negana ai Elkana na Rama e lou lao. A hari mero na Iehova isiaina e lao heniva, hahelaḡa tauna Eli vairanai.
1SA 2:12 Eli natuna na lebulebu taudia; idia ese Iehova asie matauraia.
1SA 2:13 Hari hahelaḡa taudia edia kara taunimanima ediai na iniheto. Tau ta ena boubou ḡauna e mailaia negana ai, hahelaḡa tauna ena hesiai tauna na ema, vamu dounu e naduava negana ai, diniga mai matana toi na imana ai e abia;
1SA 2:14 bena oburo eiava uro eiava tohe eiava keikei lalonai e kodoa dobi, bena hari diniga amo e kodo isi ḡaudia iboudiai na hahelaḡa tauna ana. Israel taudia iboudiai na Silo ela negadia ai na unu e karadia tomava.
1SA 2:15 Ma ina danu: digara do se haḡolea oho negana ai, hahelaḡa tauna ena hesiai tauna na bema mai, boubou ḡauna e mailaia tauna bema hereva henia, bema toma, Vamu taina na hahelaḡa tauna ba henia, baine gabua; badina be o naduamu ḡauna na oiemu amo basine abia, kasirina mo e uramu.
1SA 2:16 Bena una tau bema toma “Mani digara bae haḡolea oho guna, bena emu ura heḡereḡerena bavabia”, ia na bema haere, bema toma “Lasi, harihari ba henigu; bema lasi, lau ese baina dadihaia”.
1SA 2:17 Taunabunai, hari eregabe edia kara havara na bada herea Iehova vairanai; badina be idia ese Iehova ena ihaboulaina ḡaudia na asie matauraidia.
1SA 2:18 Hari mero Samuel ese Iehova isiaina e lao heniva. Ena hahedoki helaḡana na dabua aukana amo e karaia.
1SA 2:19 Laḡani ta ta amo sinana ese ena hahedoki maraḡina ta e turia, bena e laohaia, e henia, adavana ida laḡani boubouna ihahelaḡana totona ela negana ai.
1SA 2:20 Unu negadia ai, Eli ese Elkana mai adavana ida e hanamodia, eto, Iehova ese natumu na ina hahine ena amo baine henimu, ina mero na Iehova vada o henia davana. Bena idia na edia ruma e lou lao.
1SA 2:21 Iehova ese Hana e vadivadi henia; bena e rogorogo, natuna haida e abidia, memero tatoi bona kekeni rarua. A Samuel na Iehova vairanai e bada oho bada oho.
1SA 2:22 Eli na vada e buruka herea. Ia ese natuna mamaruanedia edia kara iboudiai, Israel taudia iboudiai e kara henidiava karadia, na haridia e kamonai. E kamonai danu, idia na hebou kalagana iduarana ai hesiai karadia e karava hahinedia ida e eno bouva.
1SA 2:23 Bena ia ese e gvvau henidia, eto, Dahaka dainai ene kara o karamu? Emui kara havara haridia na taunimanima iboudiai edia amo na kamonaimu.
1SA 2:24 Lasi, natugu, Iehova ena orea taudia e hapiuamu sivaraina na dia namo.
1SA 2:25 Tau ta ese tau ta baine kara dika henia, Dirava ese baine hahemaoro henia; a tau ta ese Iehova baine kara dika henia, daika ese baine hamauria? A idia ese tamadia erena na asie kamonai; badina be Iehova ena ura na baine aladia mase.
1SA 2:26 Samuel na e bada oho bada oho; Iehova bona taunimanima edia uraheni ienai e bada e laova danu.
1SA 2:27 Una negana ai Dirava ena hesiai tauna ta be Eli dekena ela, e hereva henia, eto, Iehova na ini e gwau tomamu: senemu ena iduhu taudia na hahedinarai henidia, Aigupto ai Farao mai ena orea taudia ida isiaidia e lao heniva negana ai.
1SA 2:28 Ia na abia hidi, Israel iduhudia iboudiai bogaragidia amo, egu hahelaḡa tauna ai na halaoa, egu ihaboulaina patana baine raka henia kahi, muramura mai bonadia baine gabu, bona hahedoki helaḡana na lau vairagu ai baine hadokia. Egu lahi boubou ḡaudia iboudiai Israel taudia ese e henigu danu lau ese oi senemu ena iduhu taudia na henidia.
1SA 2:29 Dahaka dainai lauegu ihaboulaina ḡaudia, bona herahia ḡaudia egu hahegani heḡereḡeredia e mailaimu, na o mata ḡaniḡani henidiamu? Dahaka dainai natumu o matauraidia badamu, lau o matauraigu maraḡimu? Dahaka dainai egu bese Israel ese e mailaidiamu bouboudia na umui ese kaha namodia o abimu, bogamui o hakunulaimu?
1SA 2:30 Taunabunai Iehova, Israel Diravana, na ini e gwau tomamu: lau na gwau hamata nato emu ruma taudia bona senemu ena iduhu taudia na lau vairagu ai bae raka vareai bona bae raka lasi ela bona hanaihanai. A harihari Iehova na ini e gwau tomamu: unu basina karaia toma; badina be e matauraigumu taudia na baina matauraidia, bona e dadaraigumu taudia na basina lalodia bada.
1SA 2:31 A kamonai: dinadia be maimu lau ese emu goada baina abia oho, bona tamamu ena ruma taudia edia goada baina abia oho. bena iahu ta basine noho emu ruma ai.
1SA 2:32 Bena emu ogoḡami ai Israel taudia edia taḡa ba haḡerea bona ba ḡahusia; a oiemu ruma ai na iahu ta basine noho, ela bona hanaihanai.
1SA 2:33 Umui bogaragimui ai tau tamona na egu ihaboulaina patana amo basina negea daure, a ia na iruru-matana baine diho bona lalona baine hisihisi. A emu ruma memerodia iboudiai na taunimanima edia dare ai bae mase.
1SA 2:34 Toana binai emu ai: natumu raruosi, Hofni bona Fineha, na dina tamona ai bae mase.
1SA 2:35 Bena lau ese egu hahelaḡa tauna namona ta baina haginia; egu ura bona egu lalo-hadai idoinai ia ese baine karaia; lau ese ena iduhu baina haginia; bonaia ese baina horoa tauna vairanai baine raka vareai bona baine raka lasi ela bona hanaihanai.
1SA 2:36 Bena oiemu iduhu taudia kwabukwabudia na ienai bae noi hegame, silver monina ta eiava flaoa igabu ta baine henidia; baeto, Mani emu kara hahelaḡa tauna ta gabuna ai bavatogu, bena aniani taina baina ania.
1SA 3:1 Hari mero Samuel ese Iehova isiaina e lao heniva, Eli iduruna ai. Unu dinadia ai Iehova ena hereva na nega ta ta mo e hedinaraiva, se hedinarai momova.
1SA 3:2 Una negana ai, Eli matana na e valahu-valahu, ḡau se itava. Ia na ena mahuta gabuna ai e hekureva,
1SA 3:3 Dirava ena lamepa do se bodo negana ai; Samuel danu Iehova ena dubu ai e hekureva, Dirava ena maua helaḡana e miava gabuna ai.
1SA 3:4 Bena Iehova na e boiboi, eto, Samuel e, Samuel e! Mero na eto, Lau o ina.
1SA 3:5 Bena e heau ela, Eli dekenai, eto, Lau o ina, o boirigu. A Eli eto, Asina boirimu; a hekure lou. Taunabunai, mero na ela, e hekure lou.
1SA 3:6 Iehova ma e boiboi lou, eto, Samuel e! Samuel ma e tore isi, Eli dekena ela, eto, Lau ina o boirigu. A Eli eto, Natugu, asina boirimu; a hekure lou.
1SA 3:7 Hari Samuel na Iehova do asi dibana, bona Iehova ena hereva do se hedinarai ienai.
1SA 3:8 Bena Iehova ese Samuel e boi henia lou, nega ihatoina. Mero na e tore isi, Eli dekena ela, eto, Lau ina o boirigu. Bena Eli lalona e parara, Iehova ese una mero vada e boi henia.
1SA 3:9 Taunabunai, Eli ese Samuel e hamaoroa, eto, Aola, a hekure; bema boiboi lou, baoto “Iehova e, a hereva, badina be lau binai emu hesiai taugu na hakalamu.” Taunabunai, Samuel na ela, ena gabu ai ma e hekure.
1SA 3:10 Bena Iehova na ema, e gini, nega gunadia heḡereḡeredia e boiboi, eto, Samuel e, Samuel e! Samuel na e haere, eto, A hereva, badina be lau binai emu hesiai taugu na hakalamu.
1SA 3:11 Bena Iehova ese Samuel e hamaoroa, eto, A kamonai, lau na kara ta baina karaia Israel ai, bena harina bae kamonai taudia iboudiai na taiadia bae heḡara-heḡara.
1SA 3:12 Lau ese Eli vada na hamaorolaia karadia iboudiai, ena ruma taudia daidiai baina kara nato, na una dina ai baina kara henia, matamana ela bona dokona.
1SA 3:13 Badina be vada na hamaoroa lau ese ena ruma baina revaia ela bona hanaihanai, ia dibana karadia dikadia daidiai, badina be ia natuna ese Dirava e ḡonaḡonalaia, bona ia ese se gwaudia tao.
1SA 3:14 Taunabunai, Eli ena ruma taudia na gwaurai henidia momokanimu, na tomu edia kara dika na boubou ḡaudia eiava hereahia ḡaudia ese basie roho diba ela bona hanaihanai.
1SA 3:15 Samuel ma e hekure ela bona daba e rere, bena Iehova ena dubu iduaradia e kehodia. Samuel na e gari, e kamonai herevadia Eli baine hamaorolaia.
1SA 3:16 A Eli ese Samuel e boiria, eto, Natugu Samuel e! Mero na eto, Lau o ina.
1SA 3:17 Eli eto, Dahaka e hamaorolaimu? Egu ai basio hunia. Bema e hamaoromu ḡauna ta egu ai boma hunia, Dirava ese davana bema henimu ma bema habadaia.
1SA 3:18 Taunabunai, Samuel ese hereva iboudiai e hamaorolaia, hereva ta se hunia. Bena Eli eto, Ia na Iehova; ena lalo-hadai heḡereḡerena baine karaia.
1SA 3:19 Samuel na e bada oho bada oho; Iehova ese e bamoava, bona ena hereva ta se hamorua.
1SA 3:20 Israel taudia iboudiai, Dan amo ela bona Bere-sieba, dibadia Samuel na vada e gini, Iehova ena peroveta tauna ta.
1SA 3:21 Iehova na Silo ai ma e hedinarai lou; badina be Iehova ese Samuel na e hahedinarai henia bona e hereva henia Silo ai.
1SA 4:1 Samuel ena hereva na Israel taudia iboudiai ediai e kau. Bena Israel taudia na e raka lasi, Filistia taudia bae tuari henidia eto. Idia na Ebenesere ai e taruha; a Filistia taudia na Afek ai e taruha.
1SA 4:2 Bena Filistia taudia na e raka lasi, e gini ere, Israel ituari-henina totona, bena idia eseIsrael taudia e hadareredia, bona edia tuari taudia daha hani sisivana e aladia mase una gabu ai.
1SA 4:3 Tuari taudia na taruha ai ma e kau, bena Israel tau-badadia na e henanadai heheni, eto, Dahaka dainai hari dina ai Iehova ese vada e hadarereda, Filistia taudia vairadiai? Mani Iehova ena taravatu mauana aita ha-abia, Silo amo baita mailaia iniseni ai, bena ia na ita bogaragidai bainema, bona inaida edia siahu amo baine hamaurida.
1SA 4:4 Taunabunai, orea taudia na e hesiai lao Silo ai, unu amo Iehova Sabaota, kerubi daediai e helaimu Diravana, ena taravatu mauana e laohaia; Eli natuna raruosi, Hofni bona Fineha, danu Dirava ena taravatu mauana ida ela.
1SA 4:5 Iehova ena taravatu mauana na taruha ai e kau negana ai, Israel taudia iboudiai e lolo badabada, edia lolo reḡena ai tano danu e hatarurea.
1SA 4:6 Filistia taudia ese una lolo reḡena e kamonai, bena e henanadai heheni, eto, Una lolo reḡena badana Heberu taudia edia taruha ai anina be dahaka? Bena vada e diba, Iehova ena maua helaḡana na taruha ai vada e kau.
1SA 4:7 Bena Filistia taudia na kudoudia e hetaha; badina be idia eto, Dirava na taruha ai vada e kau. Ma eto, Madi, ihabaida! Kara inihetomana na nega hata se vara.
1SA 4:8 Madi ihabaida! Daika ese ini siahu diravadia edia amo baine hamaurida? Tano ḡaḡaena ai Aigupto taudia na hahehisi idau-idau amoe hahisidia diravadia ḡaudia bini.
1SA 4:9 Filistia taumui e, ba goada, ba boga auka tau heḡereḡerena: Heberu taudia ese edia hesiai taudia ai bae halaomui na garina, umui ese emui hesiai taudia ai o halaodia na heto. Ba boga auka tau heḡereḡerena, bona ba tuari.
1SA 4:10 Taunabunai, Filistia taudia ese e tuari henidia. Bena Israel na e darere, e heau karoho, ta ta ena ruma ena ruma ela. Ala-ala danu vada e bada herea; Israel edia tuari taudia gerebu toi e mase.
1SA 4:11 Bona Dirava ena maua helaḡana na e dadia; bona Eli natuna raruosi, Hofni bona Fineha na e aladia mase.
1SA 4:12 Beniamina tauna ta na tuari gabuna amo e heau ela, una dina ai Silo ai e kau; ena dabua vada e hedare, bona tano ḡahuna na kwarana ai.
1SA 4:13 E kau negana ai, Eli na ena helai ḡauna ai e helaiva, dala isena ai, e hegimava, badina be kudouna e hetahava, Dirava ena maua helaḡana dainai. Hari tau be hanua ai e kau, e hari piu; bena hanua taudia iboudiai e tai lolololo.
1SA 4:14 Eli ese edia taitai reḡena e kamonai, bena eto, Una heloḡo-heloḡo be dahaka? Bena hari tau e heau ela, Eli e hamaorolaia.
1SA 4:15 Eli ena mauri laḡanidia na taurahani-ta-ahui taurahani, matana vada e valahu-valahu, gau ta se itaiava.
1SA 4:16 Hari tau ese Eli e hamaoroa, eto, Lau binai tuari amo vada nama; hari ina dina ai lau na tuari gabuna amo vada na heau mai. Eli eto, Natugu e, edeheto?
1SA 4:17 Bena una hari e mailaia tauna na e haere, eto, Israel na Filistia taudia vairadia amo vada e heau; hutuma bada vada e aladia mase; oi natumu raruosi danu, Hofni bona Fineha, vada e mase; bona Dirava ena maua helaḡana vada e dadia.
1SA 4:18 Dirava ena maua helaḡana e herevalaia negana ai, Eli na ena helai ḡauna amo e hegedu hanai tano ai, ikoukou badibadinai. Bena aiona e helou kwaidu bona e mase, badina be ia na tau buruka, bona mai metauna. Laḡani hari-ahui ia ese Israel taudiae hahemaoro henidia.
1SA 4:19 Eli ravana, Fineha adavana, na vada e rogorogo, ena mara negana vada e kahikahi. Harina e kamonai, Dirava ena maua helaḡana vada e dadia bona adavana vada e mase, bena e igo diho, bona e mara; badina be ena hekamonai hisidia vada e kau.
1SA 4:20 Ena mase vada e kahira-kahira, benahegwaroto hahinedia ese e hamaoroa, eto, Asio gari, natumu maruanena ta vada e vara. A ia na se haere, bona se marere.
1SA 4:21 Bena ia ese mero ladana e hatoa Ikabod; eto, Israel hairaina vada e puki. Unu e gwau toma, Dirava ena maua helaḡana vada e dadia dainai, bona ravana bona adavana daidiai.
1SA 4:22 Ia na eto, Israel hairaina vada e puki, badina be Dirava ena maua helaḡana vada e dadia.
1SA 5:1 Filistia taudia ese Dirava ena maua helaḡana e dadia negana ai, idia ese Ebenesere amo e laohaia ela bona Asdod;
1SA 5:2 unuseni ai Filistia taudia ese dirava ladana Dagon ena dubu ai e vareailaia, Dagon badibadinai e haginia.
1SA 5:3 Daba maraḡi ai, Asdod taudia e tore isi, e itaia, hari Dagon na tano ai vada e goru parapara, Iehova ena maua helaḡana vairanai. Taunabunai, idia ese Dagon e abia isi, ena gabu ai e haginia lou.
1SA 5:4 Kerukeru, daba maraḡi ai ma e tore isi, ma e itaia, Dagon na tano ai ma vada e goru parapara lou, Iehova ena maua helaḡana vairanai, bona Dagon kwarana bona imana ruaosi na vada e heutu oho, iduara ikure-ahuna ai heheato, a tau-aninamo heatona ai mia.
1SA 5:5 Una dainai Asdod ai Dagon ena hahelaḡa taudia bona Dagon ena dubu ai e raka vareaimu taudia iboudiai na Dagon ena dubu iduarana ikure-ahuna asie moia taomu, ema bona hari dina.
1SA 5:6 Iehova imana vada e metau Asdod taudia latadiai; ia ese e hagaridia, bona gudu dikadia amo e hahisidia, Asdod hanuana ai bona Asdod kahana idoinai.
1SA 5:7 Bena Asdod taudia lalodia e parara, eto, Israel Diravana ena maua helaḡana na ita dekedai basine mia; badina be ia imana na metau ita latadai, bona eda dirava Dagon latanai.
1SA 5:8 Taunabunai, idia na e hesiai, Filistia lohiadia iboudiai e haboudia, eto, Israel Diravana ena maua helaḡana na ede baia karalaia toma? Idia na e haere, eto, Israel Diravana ena maua helaḡana na Gata ba laohaia. Taunabunai, idia ese Israel Diravana ena maua helaḡana na e laohaia Gata.
1SA 5:9 E laohaia murinai, Iehova ese ia imana e toia roro, una hanua ihadikana totona, bena gari ese e butudia tao. Ia ese hanua taudia kikina-badana e hahisidia, gudu dikadia amo.
1SA 5:10 Taunabunai, Dirava ena maua helaḡana ma e siaia Ekron. A Dirava ena maua helaḡana na Ekron ai e kau negana ai, Ekron taudia e taitai, eto, Israel Diravana ena maua helaḡana vada e mailaia, ita ialada bona varavarada ialadia totona.
1SA 5:11 Taunabunai, idia na e hesiai, Filistia lohiadia iboudiai e haboudia, eto, Israel Diravana ena maua helaḡana bavabia oho, ba siaia lao ena gabu korikori, baine alamai bona varavaramai baine aladia na garina. Badina be hanua idoinai na gari bada ese e butua tao. Dirava imana na metau herea unuseni ai;
1SA 5:12 asie mase taudia na gudu dikadia ese e hahisidia. Hanua taudia edia taitai na guba ai e daeva.
1SA 6:1 Iehova ena maua helaḡana na hua hitu Filistia tanona ai e miava.
1SA 6:2 Bena Filistia taudia ese hahelaḡa taudia bona mari-abi taudia e boiridia, e nanadaidia, eto, Hari Iehova ena maua helaḡana na ede baia karalaia toma? Ede baia siaia lou toma?
1SA 6:3 Idia eto, Israel Diravana ena maua helaḡana boma siaia lao, basioma siaia kava, a mai emui kerere boubouna ḡauna ida ba siaia, emui kara dika irohona herahiana. Bena ba mauri, bona ba diba badina be dahaka ia imana umui emui amo se abia oho.
1SA 6:4 Idia ma e henanadai, eto, Kara dika herahiana na ia ida baia siaia be dahaka? Ma e haere, eto, Gudu dikadia ima bona bita ima gold amo ba karadia, Filistia lohiadia edia hoho heḡereḡerena, badina be hahedika gorerena be tamona, umui iboumui ai latamui ai bona emui lohia latadiai.
1SA 6:5 Taunabunai, emui gudu dikadia laulaudia ba kara, bona emui tano e hadikaiamu bitadia laulaudia danu ba kara, bona Israel Diravana ba heatolaia. Bena reana ia ese imana baine abia oho, umui emui amo bona emui dirava edia amo bona emui tano amo.
1SA 6:6 Umui ese lalomui ba ha-auka, Aigupto taudia bona Farao ese lalodia e ha-auka na heto, anina be dahaka? Ia ese e hakavakavadia; una murinai idia ese Israel taudia e kahudia nege, bena e raka oho, ani?
1SA 6:7 Benaini, rerue matamatana ta bavabia, bona boromakau hahinedia rua, maduna ta paḡadia ai do asie atoa ḡaudia. Hari boromakau na rerue iverina ba ḡuidia a natudia be edia amo bavabihaidia, ruma ai ba koudia.
1SA 6:8 Bena Iehova ena taravatu mauana bavabia, rerue latanai bavatoa; bena ia badibadinai maua ta bavatoa, lalonai hari gold ḡaudia, emui kerere boubouna ḡaudia Iehova ena ba heni, na ba uda. Bena ba siaia lao, ena dala ai bainela.
1SA 6:9 Bena ba itaia: bema ena tano korikori Bete-semese dalana amo bainela, be ina hahedika badana be ia ese vada e havaraia ita latadai; a bema lasi, ita baita diba dia ia imana ese e hadikada, a ina hahedika na ita latadai vada e vara kava.
1SA 6:10 Unu e kara toma: boromakau hahinedia rua e abidia, rerue iverina e ḡuidia, a natudia be ruma ai e koudia.
1SA 6:11 Bena Iehova ena maua helaḡana e abia, rerue latanai e atoa; bona gold amo e kara bitadia bona gududia laulaudia mauana danu.
1SA 6:12 Bena boromakau na maoromaoro ela, Betesemese ilao-henina dalana amo, mai ḡoudia ida; asie raka siri idiba kahana ai eiava lauri kahana ai. Bena Filistia lohiadia na idia muridia amo e raka, ela bona Bete-semese hetoana.
1SA 6:13 Una negana ai Bete-semese taudia na edia uit e utuava koura ai. Bena e gaga dae, maua helaḡana e itaia; bena itana ai e moale.
1SA 6:14 Rerue na losua, Bete-semese tauna, ena uma lalonai e vareai, unuseni ai e gini. Una gabu ai nadi badana ta na mia. Bena rerue audia e siri, bona boromakau e hahelaḡadia, ḡole-oho boubouna, Iehova ena.
1SA 6:15 Bena Levi taudia ese Iehova ena maua helaḡana, bona ia badinai gold ḡaudia e uda mauana danu, e abi dobi; bena maua ruaosi na nadi badana latanai e atodia kau. Bena Bete-semese taudia ese gole-oho bouboudia e haḡoledia oho, bona boubou idau-idau e hahelaḡadia Iehova ena una dina ai.
1SA 6:16 Filistia lohiadia laimaosi ese una kara e itaia, bena una dina ai Ekron e lou henia.
1SA 6:17 Gudu dikadia laulaudia, gold ḡaudia, Filistia taudia ese e siaidia edia kerere boubouna ḡaudia, Iehova ena, bini: Asdod ena ta; Gasa ena ta; Askelono ena ta; Gata ena ta; Ekron ena ta.
1SA 6:18 Bita laulaudia, gold ḡaudia, danu be Filistia hanuadia iboudiai, hanua mai maḡudia bona hanua maraḡidia asi maḡudia, edia, hari lohia laimaosi edia hanua iboudiai. A una nadi badana, badibadinai Iehova ena maua helaḡana e atoa diho ḡauna, na toa ai ela; ia na doini mia, Iosua tau Bete-semese ena uma ai, ema bona hari dina.
1SA 6:19 Ia ese Bete-semese taudia haida e aladia mase, badina be idia ese Iehova ena maua helaḡana lalonai e igo vareai. Tatau hitu-ahui unu ealadia mase toma: bena hanua taudia na e taitai, badina be Iehova ese una ala-ala badana e karaia Israel taudia bogaragidiai.
1SA 6:20 Bena Bete-semese taudia eto. Daika ese ina Dirava helaḡana, Iehova, vairanai baine gini? Bona ita eda amo ia na daidia dekedia bainela?
1SA 6:21 Taunabunai, idia ese gwaukau taudia e siaidia, Kiriat-iearimi taudia dekedia, eto, Filistia taudiaese Iehova ena maua helaḡana vada e siaia lou; aoma, avabia, emui hanua ai ba daelaia.
1SA 7:1 Bena Kiriat-iearimi taudia na ela, Iehova ena maua helaḡana e abia isi, e laohaia, Abinadab ena ruma ai e atoa, ororo ai. Bena idia ese Abinadab natuna Eleasara e hahelaḡaia, Iehova ena maua helaḡana baine naria.
1SA 7:2 Nega daudau vada ela, laḡani ruahui sisivana, hari maua helaḡana na Kiriat-iearimi ai e miava. Unu laḡani lalodiai Israel taudia iboudiai ese Iehova e tai henia.
1SA 7:3 Bena Samuel ese Israel taudia iboudiai e sisiba henidia, eto, Bema Iehova vada o lou heniamu mai lalomui idoidiai, dirava idaudia bona Astaroto b ba rakatanidia, lalomui na Iehova ba henia, ia mo sibona isiaina ba lao heni; bena ia ese Filistia taudia imadia amo baine hamaurimui.
1SA 7:4 Taunabunai Israel ese Baalona Astaroto e rakatanidia, Iehova mo isiaina e lao heniva.
1SA 7:5 Bena Samuel eto, Israel taudia iboudiai ba haboudia Mispa ai. Lau ese Iehova baina noi henia, umui daimui ai.
1SA 7:6 Taunabunai, idia na Mispa ai e hebou; unuseni ai ranu e utua, bena Iehova vairanai e bubua nege, a una dina ai e anivaga. Idia eto, Ai na vada a kara dika, Iehova vada a gwau edeede henia. Bena Samuel ese Israel taudia e hahemaoro henidia, Mispa ai.
1SA 7:7 Filistia taudia e kamonai Israel taudia na Mispa ai vada e hebou, bena Filistia lohiadia na e raka lasi, Israel taudia bae tuari henidia totona. Israel taudia e kamonai, bena e gari, Filistia taudia garidia e gariva.
1SA 7:8 Bena Israel taudia ese Samuel e hamaoroa, eto, Iehova eda Dirava inoi-henina ita daidaibasio hadokoa: ba noia. ia ese Filistia taudia imadia amo baine hamaurida.
1SA 7:9 Taunabunai, Samuel ese mamoe natuna rata-inuna ta e abia, bena e hahelaḡaia, ḡole-oho boubouna Iehova ena. Bena Samuel ese Iehova e taihenia Israel dainai, bona Iehova ese e haere henia.
1SA 7:10 Samuel ese ḡole-oho boubouna e hahelaḡaia negana ai, Filistia taudiae raka kahira, Israel taudia bae tuari henidia totona. A una dina ai Iehova gadona e kau guba rahurahu na heto, Filistia taudia latadiai, e hadaradaradia; bena e darere Israel vairadiai.
1SA 7:11 Bena Israel taudia na Mispa amo e raka lasi, Filistia taudia e luludia bona e ala-ala henidia ela bona Bete-kara henunai.
1SA 7:12 Bena Samuel na nadi ta e abia, Mispa bona lesana padadiai e haginia, bona ladana e hatoa Ebenesere. Ia eto, Iehova ese vada e kahada ema bona hari.
1SA 7:13 Unu a Filistia taudia na e darere, Israel taudia edia tano ai asie raka vareai lou. Iehova imana ese Filistia taudia e laodia ahu, Samuel ena mauri dinadia iboudiai.
1SA 7:14 Israel hanuadia Filistia taudia ese vada e abidia na Israel taudia ese ma e abidia lou, Ekron amo ela bona Gata. Israel taudia ese edia tano na Filistia taudia imadia amo ma e abia lou. Israel taudia bona Arnoro taudia danu e herohemaino.
1SA 7:15 Samuel ese Israel taudia e hahemaoro henidia, edia mauri dinadia iboudiai lalodiai.
1SA 7:16 Laḡani ta ta amo ia na eha laolao, Betele bona Gilgal bona Mispa e vadivadi henidia; unu gabu iboudiai ia ese Israel taudia e hahemaoro henidia.
1SA 7:17 Bena Rama e lou henia, badina be una na ena noho gabuna; unuseni ai danu ia ese Israel taudia e hahemaoro henidia. Bona unuseni ai ia ese ihaboulaina patana ta e larebaia, Iehova ena.
1SA 8:1 Samuel na e buruka, bena ia ese natuna mamaruanedia e abidia, Israel edia hahemaoro taudia ai e halaodia.
1SA 8:2 Natuna roboana ladana na Ioel; ihararuana ladana na Abia. Raruosi na hahemaoro taudia Bere-sieba ai.
1SA 8:3 A idia na tamadia ena dala ai asie raka; moni iabina totona e raka siri. Idia na hahemaoro e hagagevaia, bona ihagagevana davana e abia.
1SA 8:4 Bena Israel tau-badadia iboudiai e hebou, Samuel dekena ela, Rama ai.
1SA 8:5 E hereva henia, eto, O itaia, oi na vada o buruka, bona natumu na oiemu dala ai asie rakamu; taunabunai, emai pavapava ta bavabia hidi, baine halohiamai, bese iboudiai e karamu heḡereḡeredia.
1SA 8:6 A edia hereva, eto “Pavapava ta ba henimai, baine halohiamai”, na Samuel ese e badulaia. Bena Samuel ese Iehova e ḡuria.
1SA 8:7 Iehova ese Samuel e hamaoroa, eto, Ene taunimanima edia hereva iboudiai bavabi dae; badina be oi asie dadaraimumu, a lau hari e dadaraigumu; asie uramu bae abigu, edia pavapava.
1SA 8:8 Edia kara iboudiai lau e kara heniguva, Aigupto amo na hakaudia lasi dinana amo ema bona hari dina, na lau vada e dadaraigu bona dirava idaudia isiaidia vada e lao heni; oi danu unu e karamu tomamu.
1SA 8:9 Taunabunai, harihari edia hereva bavabia dae, ḡau tamona, hereva aukadia amo ba sisiba henidia guna; ba hadibalaidia, edia pavapava, baine halohiadia tauna, na ede baine karadia toma.
1SA 8:10 Taunabunai, Samuel ese hari pavapava e noilaia taudia na Iehova ena hereva iboudiai e hamaorolaidia.
1SA 8:11 Ia na eto, Emui pavapava, baine halohiamui tauna, na ini baine kara toma: natumui mamaruanedia baine abidia, ena kariota taudia bona ena hosi-gui taudia bona ena kariota vairadiai bae heau taudia ai baine halaodia.
1SA 8:12 Daha lohiadia bona imahui lohiadia baine duanaidia. Haida be ena tano iruana bona ena uma anidia iutudia baine siaidia; ma haida ena tuari kohudia bona ena kariota kohudia ikaradia baine siaidia.
1SA 8:13 Natumui hahinedia danu baine abidia, muramura mai bonadia ikaradia bona aniani inaduna bona flaoa igabuna hahinedia ai baine halaodia.
1SA 8:14 Emui uma bona emui vine imeadia bona emui olive imeadia namo-hereadia baine abidia, ena hesiai taudia baine henidia.
1SA 8:15 Emui uma anidia bona emui vine anidia baine karoadia, karoa gwauta, bena karoa ta baine abia, ena ruma ireḡuna taudia bona ena hesiai taudia baine henidia.
1SA 8:16 Emui hesiai taudia bona emui hesiai hahinedia bona emui boromakau bona emui doniki namo-hereadia ia ese baine abidia, iena ḡaukara bae kara.
1SA 8:17 Emui seri baine karoadia, karoa gwauta, bena karoa ta baine abia iena. Baine ḡuimui, ena hesiai ai baine halaomui.
1SA 8:18 Una dina ai umui na ba tai lolololo, emui pavapava, sibomui o abia hidi tauna, dainai. A Iehova na basine haere henimui una dina ai.
1SA 8:19 A hebou taudia na e gwau edeede, Samuel erena asie kamonai. Idia eto, Lasi! Ai na a uramu pavapava ta ese baine halohiamai:
1SA 8:20 unu amo bese iboudiai heḡereḡeredia ai baia noho, emai pavapava ese baine halohiamai, bona vairamai ai baine raka lasi, emai tuari ai baine gunalairnai.
1SA 8:21 Samuel ese hebou taudia edia hereva iboudiai e kamonai, bena ia ese Iehova vairanai ma e gwaurai.
1SA 8:22 Bena Iehova ese Samuel e hamaoroa, eto, Edia hereva bavabia dae, edia pavapava ta ba henidia. Bena Samuel ese Israel taudia e haduadia, eto, Ta ta ena hanua ena hanua baola.
1SA 9:1 Beniamina iduhuna tauna ta ladana na Kisa. Ia na Abiele natuna; Abiele na Seroro natuna; Seroro na Bekorata natuna; Bekorata na Afia natuna. Hari Kisa na Beniamina iduhuna tauna; ia danu taḡa tauna.
1SA 9:2 Kisa na mai natuna maruanena ta, ladana Saulo. Ia na tauhau malaḡana; Israel tataudia iboudiai na ia ese e hereadia. Ena lata ai danu e hereadia; idia kwaradia na ia pagana ida heḡereḡere.
1SA 9:3 Saulo tamana Kisa ena doniki e boio. Taunabunai, Kisa ese natuna Saulo e hamaoroa, eto, Hesiai tauna ta avabia, ia ese baine bamomu, bena raruosi ba tore isi, doniki ba ha tahudia.
1SA 9:4 Bena idia ese Efraim ororodia bona Salisa tanona e rakadia hanai, a doniki asie davaridia. Saalim tanona danu e rakaia hanai, to lasihidia. Bena Beniamina tanona e rakaia hanai, to asie davaridia.
1SA 9:5 Idia na Sufu tanona ai e kau, bena Saulo ese ena hesiai tauna, e bamoava tauna, na e hamaoroa, eto, Mani aita lou lao, hari be tamagu ena lalo-hekwarahi doniki daidiai baine ore a ita daidai lalona baine hekwarahi na garina.
1SA 9:6 A hesiai tauna eto, A itaia, Dirava ena tau ta ina hanua ai e nohomu. Ia be taunimanima ese e matauraiamu, bona iena hereva iboudiai na anidia e varamu. Mani unu aitala; reana ia ese eda laolao, ta mai henia ḡauna, badina baine dae henida.
1SA 9:7 Bena Saulo ese ena hesiai tauna e nanadaia. eto. A una tau baitama lao henia, dahaka ḡau baitama laohaia ia dekenai? Badina be flaoa vada e ore eda puse ai, bona asi eda harihari ḡauna ta una Dirava ena tau baitama henia. Dahaka ḡau ita dekedai mia?
1SA 9:8 Hesiai tauna ese Saulo ma e haere henia, eto, Silver sekelena kahana binai dekegu ai; lau ese Dirava ena tau baina henia, bena ia ese eda dala baine hadibalaida.
1SA 9:9 (Gunaguna tau ta Israel ai na Dirava inanadaina totona bema lao, ia bema toma “Aoma, mata-hanai tauna dekena aitala”; badina be ina harihari “peroveta” ta gwauraiamu tauna na gunaguna “mata-hanai tauna” e gwauraiava.)
1SA 9:10 Bena Saulo ese ena hesiai tauna e hamaoroa, eto, Emu hereva na namo; mani aitala. Taunabunai idia ese hari Dirava ena tau e noholaiava hanuana e lao henia.
1SA 9:11 Ororo ai e dara dae, bena idia ese ulato haida ida e hedavari. Unu ulato na ranu-utu totona vada e raka lasi. Bena idia ese unu ulato e nanadaidia, eto, Mata-hanai tauna iniseni ai a?
1SA 9:12 Idia na e haere, eto, Oibe, a itaia, ia na vairamui ai e rakamu. A raka haraḡa; ia na ina harihari mo hanua ai vada e raka vareai, badina be hanua taudia na hari dina ai boubou karana bae karaia atai ai, gabu helaḡana ai.
1SA 9:13 Hanua ai ba raka vareai negana ai ba davaria, ia na atai gabuna ai do basine dara dae bona do basine aniani negana ai. Badina be hanua taudia do basie aniani, ela bona ia na baine kau bona boubou ḡauna baine hanamoa; una murinai vada e vavedia taudia bae aniani. Benaini, vada ba dara dae, bena maoromaoro ba davaria.
1SA 9:14 Taunabunai idia na hanua ai e dara dae. Hanua lalonai e raka vareai negana ai, idia ese Samuel e itaia, dekediai e raka lasi, atai gabuna ilaohenina totona.
1SA 9:15 Saulo do se kau dinana ai, Iehova ese Samuel e hahedinarai henia, eto,
1SA 9:16 Kerukeru, nega inihetomana, lau ese tau ta Beniamina tanona amo baina siaia dekemu ai, bena oi ese ba horoa, egu bese Israel baine halohiaia. Ia ese egu bese na Filistia taudia imadia amo baine hamauridia; badina be egu bese taudia edia hisihisi vada na itaia, edia taitai egu ai vada e dae dainai.
1SA 9:17 Bena Samuel ese Saulo e itaia negana ai, Iehova ese e hereva henia, eto, Na gwauraia tauna binai; ia ese egu bese baine halohiaia.
1SA 9:18 Saulo ese Samuel e raka henia kahi, hanua ikoukouna ai, eto, Mani a hamaorogu, mata-hanai tauna ena ruma be edeseni ai?
1SA 9:19 Samuel ese Saulo e haere henia, eto, Mata-hanai tauna be lau; lau vairagu ai ba rakaguna, atai gabuna ai ba dara dae. Hari dina ai, ita raruosi baita aniani hebou; bena daba ai baina kahumu nege, bona o lalo-hadailaimu ḡaudia iboudiaibaina hahedinarai henimu.
1SA 9:20 A emu doniki, dina toi vada ela e boio ḡaudia, na basio lalodia, badina be vada e davaridia. A daika enai Israel ese e uralaimu ḡaudia iboudiai bae hedavari? Oi emu ai bona tamamu ena ruma idoinai enai ani?
1SA 9:21 Saulo e haere, eto, Be, lau na Beniamina iduhuna tauna. iduhu maraḡi-hereana Israel besena bogaraginai; bona egudogoro na maraḡi-herea Beniamina dogorona iboudiai bogaragidiai. Badina dahaka dala inihetomana o herevalai henigumu?
1SA 9:22 Bena Samuel ese Saulo mai ena hesiai tauna ida e abidia, aniani daiutuna ai e hakaudia vareai, helai gabudia hereadia ai e hahelaidia, e vavedia taudia iboudiai vairadiai. Idia iboudiai na taunimanima toi-ahui sisivana.
1SA 9:23 Bena Samuel ese aniani inaduna tauna e hereva henia, eto, Na henimu nato “Bavatoa tabe” ḡauna na a mailaia.
1SA 9:24 Bena aniani inaduna tauna ese ae hako ta mai baribarana ida e abia, Saulo vairanai e dabaraia. Bena Samuel eto, O itaia, e atoa tabe ḡauna na oi vairamu ai vada e dabaraia. Avania; badina be e heato tabe oiamu ela bona e abia hidi horana, e vavedia taudia ida bavaniani hebou totona. Taunabunai, Saulo na Samuel ida e aniani hebou una dina ai.
1SA 9:25 Atai gabuna amo e diho, hanua lalonai e raka vareai, bena Saulo ena mahuta gabuna vada e lailaia atai daiutuna ai; unuseni ai e hekure diho, e mahuta.
1SA 9:26 Daba e rere ai, Samuel e boi dae, Saulo e hamaoroa, eto, A tore isi, baina siaimu, emu dala ai baola. Taunabunai Saulo e tore isi, Samuel ida e diho, hanua ariarana ai.
1SA 9:27 Idia na e raka lasi, hanua murimurinai, bena Samuel ese Saulo e hamaoroa, eto, Emu hesiai tauna ba hamaoroa, ia na ita vairadai baine raka guna: bena ia baine raka lao, a oi na iniseni ai ba noho, nega sisina. Dirava ena hereva baina hahedinarai henimu.
1SA 10:1 Bena Samuel ese dehoro kavabu ta e abia, Saulo kwarana ai e seia, bena e harahua, eto, Iehova ese vada e horomu, ena bese Israel ba halohiaia ani? Iehova ena bese taudia do ba halohiadia, idia inaidia e noho heḡeḡemu taudia imadia amo ba hamauridia. Iehova ese vada e horomu. ena bese ba halohiaia, toana binai:
1SA 10:2 hari dina ai, ba rakatanigu murinai, tatau rarua ida ba hedavari Rahela ena gara gabuna ai, Selesa ai. Beniamina tanona ai; bena idia ese bae hereva henimu, baeto, Itahudia ola donikidia na vada e davaridia, harihari tamamu na doniki se lalodiamu, a oi daimu ai lalona e hekwarahimu, e tomu “Ede baina kara toma natugu dainai?”
1SA 10:3 Unu amo ma baola, ela bona oak auna Taboro ai; unuseni ai tatau tatoi, Dirava dekena e laomu Betele ai taudia, ida ba hedavari. Ta be nani natudia toi e huamu; ihararuana na flaoa igabu toi e huamu; ihatatoina na vine ranuna kopi ta e huaiamu.
1SA 10:4 Idia ese bae hahenamo henimu, bona flaoa igabu rua bae henimu; imadia amo do bavabi.
1SA 10:5 Una murinai Dirava ena ororo ai ba kau, ladana na Gibea; unuseni ai Filistia taudia edia tuari oreana ta e nohomu. Una hanua ba raka henia kahi negana ai na peroveta oreana ta ida ba hedavari: idia na atai gabuna amo bae diho, bae peroveta, mai hatai-hatai ḡaudia, ruirui tarekodia, ivilikou bona gitara oreana na idia vairadiai.
1SA 10:6 Bena Iehova ena lauma ese baine rohemu badabada, bena idia ida ba peroveta, ma tau idauna ta ai baola.
1SA 10:7 Ini toa na emu ai bae kau negana ai, imamu ese baine davaria ḡaukarana na ba karaia, badina be Dirava na oi ida.
1SA 10:8 Bena lau vairagu ai ba raka, Gilgal baola: bena lau baina vasi, ḡole-oho bouboudia bona herohemaino bouboudia baina hahelaḡadia. Dina hitu ba narigu, ela bona lau na baina vasi, ede ba kara toma na baina hadibamu.
1SA 10:9 Saulo ese Samuel e rakatania, bena Dirava ese lalona e hakerehaia; bena unu toa iboudiai e hedinarai una dina ai.
1SA 10:10 Gibea ororona ai e kau negana ai, peroveta oreana ta ia ida e hedavari; bena Dirava ena lauma ese e rohea badabada, bena idia bogaragidiai e peroveta.
1SA 10:11 Gunaguna dibadia ia taudia ese e itaia, peroveta taudia ida e perovetava, bena e henanadai heheni, eto, Kisa natuna na edeheto? Saulo danu peroveta tauna ta a?
1SA 10:12 Bena una gabu tauna ta e haere, eto, Be, tamadia be daika? Taunabunai una hereva be edia lada-isi herevana ai ela, eto “Saulo danu peroveta tauna ta a?”
1SA 10:13 E peroveta vaitani, bena atai gabuna ai e kau.
1SA 10:14 Saulo tamana lahaina ese ia bona ena hesiai tauna e nanadaidia, eto, Ede ola? Saulo eto, Doniki itahudia ala, a asia davaridia negana ai, ai na Samuel dekena ala.
1SA 10:15 Saulo tamana lahaina eto, Mani a hamaorogu, Samuel na dahaka e hamaoromui.
1SA 10:16 Saulo ese tama-lahaina e haere henia, eto, E hadibamai, doniki vada e davaridia. A hari basileia herevana Samuel ese e gwauraia na herevana ta se hamaorolaia.
1SA 10:17 Una negana ai Samuel ese taunimanima e boiridia, Iehova vairanai bae hebou Mispa ai.
1SA 10:18 Ia ese Israel taudia e hamaorodia, eto, Iehova, Israel Diravana, na ini e gwau tomamu: Lau ese Israel besena na Aigupto amo na hakaua lasi; Aigupto taudia imadia amo bona e hahisimuiva basileiadia iboudiai imadia amo na hamaurimui.
1SA 10:19 A umui na hari dina ai emui Dirava, emui dika iboudiai bona emui lalo-hisihisi iboudiai amo e hamaurimuimu Diravana, vada o dadaraia, vada oto “Lasi, emai pavapava ta hari ba henimai”. Taunabunai, Iehova vairanai ba hedinarai, emui iduhu ta ta amo, bona emui daha ta ta amo.
1SA 10:20 Bena Samuel ese Israel iduhudia iboudiai e boiridia, bae raka kahira; bena mari ese Beniamina iduhuna e duanaia.
1SA 10:21 Bena Beniamina iduhuna taudia e boiridia, dogoro ta ta amo bae raka kahira; bena mari ese Matri dogorona e duanaia. Bena Matri dogorona taudia e boiridia, tatau ta ta amo bae raka kahira; bena mari ese Saulo Kisa e duanaia. A e tahua negana ai na asie davaria.
1SA 10:22 Taunabunai, idia ese Iehova e nanadaia, eto, Tauna na ema eiava? Iehova eto, A itaia, ia na kohu lalodiai e komumu.
1SA 10:23 Bena idia na e heau lao, e hakaua lasi; bena taunimanima bogaragidiai e gini negana ai ena lata ese iboudiai edia lata e hereadia; ia paḡana na idia kwaradia ida heḡereḡere.
1SA 10:24 Bena Samuel ese taunimanima iboudiai e hamaorodia, eto, Iehova vada e abia hidi tauna o itaiamu a? Taunimanima iboudiai bogaragidiai ia na asi idaina. Bena hebou taudia iboudiai e lolo, eto Pavapava na baine mauri daudau.
1SA 10:25 Bena Samuel ese basileia taravatudia na hebou taudia e hamaorolaidia, bona buka ta ai danu e toredia; buka na Iehova vairanai e atoa. Bena Samuel ese hebou taudia na e hakarohodia, ta ta ena ruma ena ruma baela.
1SA 10:26 Saulo danu ena ruma ela, Gibea ai, boga-auka taudia hahidaosi danu, Dirava ese lalodia vada e ha-uradia taudia, na ia ida ela.
1SA 10:27 A asi lalodia taudia haida eto, Ina tau ese ede baine hamaurida toma? Bena e dadaraia, bona herahia ḡauna ta asie henia. A ia na se hereva.
1SA 11:1 Una negana ai Nahasa, tau Amono, ela, Iabese-gilead e koua heḡeḡe. Bena Iabese taudia iboudiai ese Nahasa e hereva henia, eto, Aita herohemaino, bena ai ese oi isiaimu baia lao heni.
1SA 11:2 A Nahasa, tau Amono, ese e haere henidia, eto, Aita herohemaino; ḡau tamona lau na matamui idibadia baina gibodia lasi, unu amo Israel idoinai baina hahemaraia.
1SA 11:3 Bena labese tau-badadia ese e hamaoroa, eto, Dina hitu ba henimai, unu dina lalodiai ai ese gwaukau taudia baia siaidia Israel tanona idoinai. Bena tau ta ese basinema hamaurimai, ai na oi dekemu ai baia raka lasi.
1SA 11:4 Hari gwaukau taudia na Saulo ena hanua, Gibea, ai e kau, sivaraina na taunimanima taiadia ai e boilaia dobi; bena taunimanima iboudiai e tai lolololo.
1SA 11:5 Una negana ai Saulo na uma amo ema, ena boromakau mamaruanedia muridia amo e rakava. Bena Saulo e henanadai, eto, Taunimanima na dahaka dainai e taitaimu? Bena idia ese labese taudia haridia e hamaorolaia.
1SA 11:6 Saulo na una hereva e kamonai negana ai na Dirava ena lauma ese e rohea badabada, bona e badu dikadika danu.
1SA 11:7 Bena ia ese boromakau mamaruanedia rua e abidia, e ivadia sisi; bena Israel tanona idoinai e siaidia lao, gwaukau taudia imadia ai; eto, Daika na Saulo bona Samuel muridia amo basine raka lasi, ena boromakau mamaruanedia na unu bae karadia toma. Bena Iehova garina ese taunimanima iboudiai e butudia tao, bena iboudiai e raka lasi, tau tamona na heto.
1SA 11:8 Ia ese Besek ai e haboudia negana ai, Israel taudia na domaga toi, bona Iuda taudia na gerebu toi.
1SA 11:9 Bena idia ese gwaukau taudia e hamaorodia, eto, Iabese-gilead taudia ba hamaorodia, baoto “Kerukeru, dina tubua ai, ai ese baia hamaurimui”. Gwaukau taudia na ela, Iabese taudia unu e hamaorodia toma, bena iboudiai na e moale.
1SA 11:10 Taunabunai, Iabese taudia ese Nahasa e hamaoroa, eto, Kerukeru ai na oi dekemu baia raka lasi, bena emu ura heḡereḡerena ba kara henimai.
1SA 11:11 A daba ai Saulo ese ena tuari taudia e hapararadia, orea toi; bena daba kahana ai idia na taruha lalonai e vareai, Amono taudia e aladia, ela bona dina tubua. E roho mauri taudia na e heau karoho; rarua amo asie heau kubou.
1SA 11:12 Bena taunimanima ese Samuel e hamaoroa, eto, Daidia eto “Saulo ese baine halohiada a?” Taudia a mailaidia, baia aladia mase.
1SA 11:13 A Saulo eto, Tau ta basio alaia mase hari ina dina ai; badina be hari dina ai Iehova ese hahemauri karana vada e karaia Israel ai.
1SA 11:14 Bena Samuel ese taunimanima e hamaorodia, eto, Aoma, Gilgal aitala; unuseni ai basileia ma baita haginia lou.
1SA 11:15 Bena taunimanima iboudiai na Gilgal ela; unuseni ai idia ese Saulo na pavapava ai e halaoa Iehova vairanai, Gilgal ai. Unuseni ai danu herohemaino bouboudia e hahelaḡadia Iehova vairanai; bona unuseni ai Saulo bona Israel taudia iboudiai na e moale hisi dae.
1SA 12:1 Bena Samuel ese Israel taudia iboudiai e haroro henidia, eto, A kamonai: lau be vada na hakala henimui, emui hereva iboudiai vada na abi dae, pavapava ta vada na henimui, baine halohiamui.
1SA 12:2 Benaini, hari pavapava na harihari vairamui ai e rakamu; a lau be vada na buruka, huigu vada eme kurokuro; natugu danu o itadiamu, dekemui ai e nohomu. Lau na umui vairamui ai vada na raka, tauhaugu negana amo ema bona hari dina.
1SA 12:3 Lau o ina; Iehova vairanai bona ia ese e horoa tauna vairanai ba habadegu. Daika ena boromakau maruanena vada na dadia? Daika ena doniki vada na henaoa? Daika vada na koia? Daika vada na hahisia? Daika imana amo hahemaoro ihagagevana monina vada na abia, matagu ihakepululaina? Ba hahedinaraia, bena baina henimui lou.
1SA 12:4 Idia eto, Oi na so koimai bona so hahisihisimai; ḡau ta danu tau ta imana amo so abia.
1SA 12:5 Ia ese ma e hereva henidia, eto, Iehova ese umui vairamui ai e hamomokaniamu, bona e horoa tauna ese hari dina ai e hamomokaniamu, umui ese ḡau ta lau imagu ai asio davaria. Idia eto, Ia ese e hamomokaniamu.
1SA 12:6 Bena Samuel ese Israel taudia e hamaorodia, eto, Iehova ese Mose bona Aaron e duanaidia, bona senemui na Aigupto amo e hakaudia lasi.
1SA 12:7 Taunabunai, harihari a gini, asio marere; lau ese Iehova vairanai Iehova ena hahemauri karadia emui ai bona senemui ediai vada e kara na aina hamaorolaimui.
1SA 12:8 Iakob na Aigupto ela murinai, senemui ese Iehova e tai heniava negana ai, Iehova ese Mose bona Aaron e siaidia; bena idia raruosi ese senemui na Aigupto amo e hakaudia lasi, ina gabu ai e hanohodia.
1SA 12:9 A idia ese Iehova, edia Dirava, e laloa boio; bena ia ese Sisera, Hasoro pavapavana Iabin ena tuari oreana biaguna, imana ai, bona Filistia taudia imadia ai, bona Moab pavapavana imana ai, e atodia; idia ese e tuari henidia.
1SA 12:10 Bena idia ese Iehova e tai henia, eto, Ai na vada a kara dika; badina be Iehova vada a rakatania, Baal bona Astaroto isiaidia vada a lao heni; a harihari inaimai imadia amo ame hamaurimai, bena oi isiaimu baia lao heni.
1SA 12:11 Bena Iehova ese Ierubu-baal bona Barak bona Iefeta bona Samuele siaidiava, inaimui imadia amo e hamaurimuiva, kaha iboudiai; bena o noho namonamova.
1SA 12:12 Bena o itaia, Nahasa, Amono pavapavana, vada e raka lasi, baine tuari henimui eto; una negana ai o hereva henigu, oto, Lasi, pavapava ta ese baine halohiamai. A Iehova, emui Dirava, na emui pavapava.
1SA 12:13 Harihari emui pavapava ba itaia, o abia hidi bona o noilaia tauna. A itaia, Iehova ese pavapava ta vada e haginia; ia ese baine halohiamui.
1SA 12:14 Iehova garina boma gari, bona isiaina boma lao heni, bona erena boma kamonai, bona Iehova ena haheḡani basioma tataia utu, bona hari pavapava, e halohiamuimu tauna, ida Iehova, emui Dirava, murina amo boma raka, una na baine namo.
1SA 12:15 To, Iehova erena basioma kamonai, a Iehova ena haheḡani boma tataia utu, Iehova ese umui bona emui pavapava baine inai henimui.
1SA 12:16 Taunabunai, a gini, asio marere, ina kara badana Iehova ese vairamui ai baine kara na do ba itaia.
1SA 12:17 Hari dina na uit iutuna dinana ani? Lau ese Iehova baina hahanea, baina noia, ia ese guba-rahu bonamedu baine siaidia; bena ba diba, emui kara dika, Iehova vairanai vada o kara, na bada. Emui kara dika binai: emui pavapava vada o noinoilaia amo.
1SA 12:18 Taunabunai Samuel ese Iehova e hahanea; bena Iehova ese guba-rahu bona medu vada e siaidia una dina ai. Bena taunimanima iboudiai ese Iehova bona Samuel garidia e gariva.
1SA 12:19 Bena taunimanima iboudiai ese Samuel e noia, eto, Iehova, emu Dirava, ba ḡuria, ai bini emu hesiai taumai daimai ai, baia mase na garina; badina be emai kara dika iboudiai latadiai ina kara dikana ta ma vada a atoa kau: emai pavapava ia vada a noinoilaia.
1SA 12:20 Bena Samuel ese e hamaorodia, eto, Asio gari; ini kara dika iboudiai vada o kara ḡau tamona Iehova iḡavana dalana amo basio raka siri. Iehova isiaina ba lao heni, mai lalomui idoidiai;
1SA 12:21 basio raka siri, dirava koikoidia basio ḡavadia: idia na asi anidia bona asi edia hahemauri, idia na koikoi ḡaudia.
1SA 12:22 Badina be Iehova ese ena orea taudia basine negedia daure, ia ladana herea-daena bagunai; Iehova ena ura be iena bese ai baine halaomui.
1SA 12:23 Ina danu, lau ese ḡuriḡuri umui daimui ai basina hadokoa; unu bama kara toma lau na Iehova bama kara dika henia. A lau na dala namona bona maorona baina hadibalaimui.
1SA 12:24 Ḡau tamona, Iehova garina ba gari, bona isiaina ba lao heni namonamo, mai lalomui idoidiai; ba haeroa, ia ese kara badadia amo vada e hanamomui.
1SA 12:25 A do ba kara dika havara, umui na do bae bibimui oho, mai emui pavapava ida.
1SA 13:1 Saulo ena vara laḡanidia hidaosi vada e ore ai, ia ese Israel e halohiaia matama. Laḡani rua Israel e halohiaia,
1SA 13:2 bena Saulo ese Israel tataudia daha-toi e abidia hidi: daha rua na Saulo ida Mikmasa ai bona Betele ororodia ai, bona daha ta na Ionatan ida Gibea ai, Beniamina tanona ai. Taunimanima oredia na e siaidia oho, ta ta ena ruma ena ruma baela.
1SA 13:3 Ionatan ese Filistia taudia edia gima oreana Geba ai e hadareredia: bena Filistia taudia ese harina e kamonai. Bena Saulo ese kibi e hiriria, Israel tanona idoinai, eto, Heberu taumui e, harina a kamonai.
1SA 13:4 Bena Israel taudia iboudiai ese harina e kamonai Saulo ese Filistia edia gima oreana vada e hadarerea, bona Filistia taudia ese Israel taudia vada e badu henidia. Bena Israel taudia na e boiridia, Saulo ida bae hebou, Gilgal ai.
1SA 13:5 Filistia taudia ese danu Israel taudia bae tuari henidia totona e hebou. Edia kariota na gerebu toi, bona edia hosi-gui taudia na daha tauratoi, aedia tuari taudia na hutuma herea, kone mirina na heto. Idia na ema, Mikmasa ai e taruha, Bet-avene mairiveina kahana ai.
1SA 13:6 Israel taudia nalalodia e parara, hahedika badana na ediai vada e kau, bena idia na ela, kohua ai bona uda ai bona haga nadidia henudiai bona gara gabudia ai bona ranu guridia ai e komu.
1SA 13:7 Haida danu Ioridane sinavaina amo e turu hanai Gad bona Gilead tanodia ela. A Saulo na dounu Gilgal ai; Israel taudia ese ia e ḡavaia, mai kudou-hetahadia ida.
1SA 13:8 Saulo na dina hitu e nohova, Samuel ese e gwaurai dinadia; to Samuel na Gilgal do sema. Bena orea taudia na iena amo e raka oho matamava.
1SA 13:9 Taunabunai Saulo eto, Ḡole-oho bouboudia bona herohemaino bouboudiana lau dekegu ai ba mailaidia. Bena ia ese ḡole-oho boubouna e hahelaḡaia.
1SA 13:10 E haḡolea oho vaitani, bena Samuel vada e kau. Saulo na e raka lasi, ia ida bae hedavari bona baine hahenamo henia totona.
1SA 13:11 Samuel eto, Oi na ede vada o kara toma? Saulo eto, Orea taudia na itadia. idia na vada e karohomu, bona oi na o gwaurai guna dinadia ai soma; Filistia taudia danu Mikmasa ai vada e hebou;
1SA 13:12 bena nato “Filistia taudia na Gilgal ai bae tuari henigu, a lau be Iehova ena hahenamo do asina tahua”. Taunabunai na gava, ḡole-oho boubouna na hahelaḡaia.
1SA 13:13 Samuel ese Saulo e hamaoroa, eto, Vada o kara kava; Iehova, emu Dirava, ena haheḡani, e henimu ḡauna, na so badinaia. Iehova ese emu basileia na Israel ai baine haginia hanaihanai eto;
1SA 13:14 a harihari emu basileia na basine hesiriu. Iehova ese e lalo namo heniamu tauna ta vada e tahua bona vada e davaria; Iehova ese ia vada e duanaia, ena bese taudia do baine halohiadia, badina be oi ese Iehova ena haheḡani emu ai na so badinaia.
1SA 13:15 Bena Samuel na e tore isi, Gilgal e rakatania, Gibea, Beniamina tanona ai, ela. Bena Saulo ese ia dekenai e nohova taudia na e duahidia: idia na tatau sinahu tauratoi.
1SA 13:16 Bena Saulo bona ia natuna Ionatan bona idia dekediai e nohova taudia na Geba ai e nohova, Beniamina tanona ai; a Filistia taudia na Mikmasa ai e taruha.
1SA 13:17 Bena tuari oreadia toi Filistia taruhana amo e raka lasi: orea ta na Ofra dalana amo e raka, Sual tanona ela;
1SA 13:18 orea iharuana na Bete-horono kahana ela; ma orea ihatoina natano hetoana dalana amo ela, unu amo e roha lao, Seboimi kourana bona tano ḡaḡaena e itava.
1SA 13:19 Una negana ai Israel tanona idoinai na asi tauna ta auri iḡaukaralaina mai dibana. Badina be Filistia taudia na eto, Heberu taudia na edia dare bona edia io bae kara na garina.
1SA 13:20 A Israel taudia iboudiai na Filistia taudia dekedia e laova, edia ruarua auridia eiava edia gaga eiava edia ira eiava edia ilapa iseḡedia e urava negadia ai.
1SA 13:21 Badina be idia na mai edia huro, ruarua auridia bona gaga bona ira iseḡelaidia, bona ikodo matadia ikaradia.
1SA 13:22 Taunabunai, tuari dinana ai Saulo bona Ionatan edia orea taudia na asi edia dare bona asi edia io, a Saulo bona ia natuna Ionatan mo mai edia.
1SA 13:23 Bena Filistia taudia edia tuari oreana na e raka lasi, Mikmasa ela.
1SA 14:1 Dina ta Ionatan, Saulo natuna, ese ena kesi ihuana tauhauna e hamaoroa, eto, Aoma, Filistia taudia edia taruha aita lao henia, unukaha ai. A ia ese tamana na se hamaoroa.
1SA 14:2 Saulo na Gibea tanohetoana ai e nohova, rimono auna henunai, Migron ai; tatau sinahu-tauratoisisivana na ia ida e nohova.
1SA 14:3 Ahia Ahitubu, Iehova ena hahelaḡa tauna Silo ai, danu unuseni ai; ia na dabua helaḡana e dokia. Ia be Ikabod kakana Ahitubu natuna, bona Fineha Eli tubuna. Taunimanima na asi dibadia lonatan vada ela.
1SA 14:4 Ionatan na Filistia taudia edia taruha ilao-henina totona baine rakaiahanai makanana ai na haga-nadidia rua, ta kahana ai ma ta kahana ai. Ta ladana na Bose, ma ta ladana na Sene.
1SA 14:5 Haga-nadina ta na mirigini kahana ai, Mikmasa vairanai; ma ta diho kahana ai, Geba vairanai.
1SA 14:6 Ionatan ese ena kesi ihuana tauhauna e hamaoroa, eto, Aoma, hari asie peritomedia taudia edia taruha baita lao henia; reana Iehova ese baine duruda; badina be Iehova ese bema ura haida bema hamauridia, hutuma imadia amo eiava gagadoi imadia amo, tau ta ese basine laoa ahu diba.
1SA 14:7 Bena ena kesi ihuana tauna eto, Lalomu ai vada o haeroa karana idoinai ba karaia; o itaia, lau na oi ida, bona oiemu lalohadai na lauegu lalohadai.
1SA 14:8 Bena Ionatan eto, A kamonai; ita na baita raka hanai, unu taunimanima dekediai, ediai baita hedinarai.
1SA 14:9 Bena idia na bema hamaoroda, bema toma “A henari ela bona baia vasi”, ita na eda gabu ai baita gini, basita dara dae dekediai.
1SA 14:10 A idia na bema toma “Dekemai ai a dara dae”, ita na baita dara dae; badina be Iehova ese idia na ita imada ai vada e atodia toana bunai.
1SA 14:11 Taunabunai, raruosi na Filistia taudia vairadiai e hahedinarai. Filistia taudia eto, O itaia, Heberu taudia na edia komu guridia amo e raka lasimu.
1SA 14:12 Bena taruha taudia ese lonatan bona ena kesi ihuana tauna e boi henidia, eto, Dekemai ai a dara dae; ai ese ḡau ta baia haheitalaimui. Bena Ionatan ese ena kesi ihuana tauna e hamaoroa, eto, Lau murigu ai a dara dae: badina be idia na Iehova ese Israel taudia imadia ai vada e atodia.
1SA 14:13 Bena lonatan na imana bona aena amo e rau dae; ena kesi ihuana tauna danu ia murina amo e rau dae. Bena idia haida na lonatan ese e aladia, ma haida na ena kesi ihuana tauna ese.
1SA 14:14 Una ala-ala gini-gunana lalonai Ionatan bona enakesi ihuana tauna ese tatau ruahui sisivana e aladia mase, inoḡo ta, dina tamona ai bema ruaia heḡereḡerena, lalonai.
1SA 14:15 Bena gari bada vada e vara, taruha ai bona tuari gabuna ai bona taunimanima iboudiai bogaragidiai: taruha ai e nohova taudia bona tuari amo ema taudia na kudoudia e hetahava; tano danu e lagava; bena iboudiai na e gari dikadikava.
1SA 14:16 Saulo ena hegima taudia na Gibea ai, Beniamina tanona ai, e gimava. Bena e roha lao, hutuma na e heau maiva e heau laova e itadia.
1SA 14:17 Bena Saulo ese ia dekenai e nohova taudia na e hamaorodia, eto, Taunimanima ba duahidia, ba diba, daidia na ita eda amo vada e raka oho. E duahidia, bena vada e diba, Ionatan bona ena kesi ihuana tauna na lasihidia.
1SA 14:18 Bena Saulo ese Ahia e hamaoroa, eto, Dirava ena maua helaḡana ba mailaia. Badina be una negana ai Dirava ena maua helaḡana na Israel taudia ese e loalaiava.
1SA 14:19 A Saulo na hahelaḡa tauna ida e hereva-hereva ai na heloḡoheloḡo vada e bada herea taruha ai. Bena Saulo ese hahelaḡa tauna e hamaoroa, eto, Imamu ba veria oho.
1SA 14:20 Bena Saulo bona ia ida e nohova taudia na e heau hebou, eha tuari. Bena ta ta edia dare e ala-ala heheni, e heḡonu patapata.
1SA 14:21 Heberu taudia haida danu, gunaguna Filistia taudia ida e hebouva bona edia taruha ai e nohova taudia na e lou, Israel oreana, Saulo bona Ionatan ida e hebouva taudia, dekediai.
1SA 14:22 Ma Israel tataudia haida, Efraim ororodia ai e komuva taudia, na harina e kamonai Filistia taudia vada e heau, bena idia danu e ḡava, eha havadia.
1SA 14:23 Taunabunai, Iehova ese Israel e hamauria una dina ai; tuari na e laohaia ela bona Bet-avene unukahanai.
1SA 14:24 Israel taudia na tau-anidia e manoriva una dina ai; badina be Saulo ese e taravadia, eto, Tau ta basine aniani ela bona dina diho ela bona inaigu baina hadava henidia; baine aniani tauna na baine dika. Taunabunai, tau ta se aniani.
1SA 14:25 A taunimanima iboudiai na uda ta ai e kau; unuseni ai bada-ranuna na tano ai mia.
1SA 14:26 Taunimanima na uda ai e raka vareai, e itaia, bada-ranuna na e hetuturuva; a tau ta ese uduna se daua toho, badina be taunimanima na hari taravatu garina e gariva.
1SA 14:27 A Ionatan na se kamonai tamana ese taunimanima na taravatu vada e henidia. Taunabunai, ia ese ena itotohi matana na hari bada-ranuna ai e urua diho, bena imana amo uduna ai e atoa. Bena matana e diari.
1SA 14:28 Bena tau ta ese e hamaoroa, eto, Tamamu ese taravatu aukana na orea taudia vada e henidia, eto “Hari dina ai baine aniani tauna na do baine dika”. Taunimanima iboudiai na tau-anidia vada e manori.
1SA 14:29 Bena Ionatan eto, Tamagu ese ina tano vada e hahekwarahia; a itaia, matagu na ede e diari tomamu, hari bada-ranuna sisina vada na ania dainai.
1SA 14:30 Orea taudia ese inaidia edia amo e dadi ḡaudia na hari dina ai bema ani bema namo; badina be ala-ala Filistia taudia ediai na dia bada.
1SA 14:31 Una dina ai idia ese Filistia taudia e aladia mase, Mikmasa amo ela bona Aialono. A tuari taudia na tau-anidia e manori dikadika;
1SA 14:32 taunabunai idia ese e dadi ḡaudia e heau henidia, mamoe bona boromakau mamaruanedia bona boromakau natudia e abidia, tano ai e aladia mase, bena mai raradia ida e ani.
1SA 14:33 Bena haida ese Saulo e hamaoroa, eto, A itaia, tuari taudia na Iehova vairanai e kara havaramu, vamu na mai rarana ida e aniamu. Ia na eto, Vada e kara havara; nadi badana ta ba keia mai iniseni ai.
1SA 14:34 Saulo ma eto, Taunimanima bogaragidiai baola, ba hamaorodia, baoto “Ta ta ena boromakau ena boromakau mamaruanedia bona ena mamoe ena mamoe bae mailaidia, iniseni ai bae aladia mase bona bae anidia. Iehova vairanai basio kara havara; vamu mai rarana basio ania.” Taunabunai, una hanuaboi idia ta ta ena boromakau ena boromakau mamaruanedia e laohaidia, unuseni ai e aladia mase.
1SA 14:35 Bena Saulo ese ihaboulaina patana ta e larebaia, Iehova ena; una na ihaboulaina patana gini-gunana ia ese e larebaia Iehova ena.
1SA 14:36 Bena Saulo eto, Aita diho, Filistia taudia muridiai aitala; baita aladia rani, baita ha-oredia, ta basine mauri. Idia na e haere, eto, Emu lalo-hadai heḡereḡerena do ba karaia. A hahelaḡa tauna eto, Dirava aita raka henia kahi iniseni ai.
1SA 14:37 Bena Saulo ese Dirava e nanadaia, eto, Filistia taudia muridia amo ainala eiava? Israel taudia imadia ai bavatodia eiava? A ia na e haere henia una dina ai.
1SA 14:38 Bena Saulo eto, Ini aoma, lohia taumui iboumui ai; ba tahua bona ba diba, ina kara dikana ede vada e vara toma hari ina dina ai.
1SA 14:39 Badina be Iehova, Israel ihamaurina Diravana, e maurimu heḡereḡerena. kerere ihavarana tauna, ena be lau natugu Ionatan, to baine mase. A taunimanima iboudiai bogaragidia amo ta se haere henia.
1SA 14:40 Bena ia ese Israel taudia e hamaorodia, eto, Umui na kaha ta ai ba gini; a lau bona natugu Ionatan na kaha ta ai baia gini. Idia ese Saulo e haere henia, eto, Emu lalo-hadai heḡereḡerena ba karaia.
1SA 14:41 Taunabunai Saulo na eto, Iehova, Israel Diravana e, dahaka dainai emu hesiai tauna na so haere henigu hari dina ai? Ina kerere bema lauegu eiava natugu lonatan ena, Iehova e. Israel Diravana e, Urim ba heni lasi; a ina kerere bema emu bese Israel ena Tumim ba heni lasi. Bena mari ese Ionatan bona Saulo e duanaidia, a Israel taudia e roho mauri.
1SA 14:42 Saulo ma eto, Lau bona natugu Ionatan padamai ai mari a karaia. Bena mari ese lonatan e duanaia.
1SA 14:43 Bena Saulo ese Ionatan e nanadaia, eto, A hamaorogu, ede o kara toma? Bena Ionatan ese e hamaoroa, eto, Bada-ranuna sisina na egu itotohi matana amo na abia, na mamia toho. Lau binai, vada baina mase.
1SA 14:44 Saulo eto, Dirava na unu baine karagu toma, ma baine hametaua. Ionatan e, oi na momokani vada ba mase.
1SA 14:45 Bena Israel taudia ese Saulo e gwau henia, eto, Ionatan baine mase a? Ina kwalimu badana Israel ai e havaraia tauna na baine mase a? Lasi ona lasi vaitani. Iehova e maurimu heḡereḡerena ia kwarana huina tamona na tano ai basine moru; badina be hari dina ai ia na Dirava ida vada e gaukara hebou. Taunabunai, Israel taudia ese Ionatan e rauaia; ia na se mase.
1SA 14:46 Bena Saulo na Filistia taudia ihahavadia amo e lou: bona Filistia taudia na edia gabu korikori e lou lao.
1SA 14:47 Saulo na Israel e halohiaia negana ai na ia ese inaina iboudiai e tuari henidia, kaha iboudiai; Moab taudia bona Amono taudia bona Edom taudia bona Soba pavapavadia bona Filistia taudia, iboudiai e tuari henidia bona e hadareredia.
1SA 14:48 Ia na goada dikadika; ia ese Amalek taudia e hadareredia, bona Israel taudia na e tuari henidia taudia imadia amo e hamauridia.
1SA 14:49 Saulo natuna mamaruanedia na Ionatan bona Isvi bona Malkisua. Natuna hahinedia na rarua; tau guna ladana na Meraba, tau muritai ladana na Mikala.
1SA 14:50 Saulo adavana ladana na Ahinoama; ia na Ahimasa natuna. Ena tuari oreana biaguna ladana na Abnere, Nere natuna. Hari Nere na Saulo tamana lahaina;
1SA 14:51 Kisa, Saulo tamana, bona Nere, Abnere tamana, raruosi na Abiele natuna.
1SA 14:52 Saulo ena dina iboudiai lalodiai tuari na auka, Filistia taudia ida. Taunabunai, Saulo ese goada tauna ta eiava tuari mai dibana tauna ta e itaia negana ai, ia ese e abia, ena orea tauna ai e halaoa.
1SA 15:1 Samuel ese Saulo e hamaoroa, eto, Iehova ese e siaigu baina horomu totona; bena na horomu, ena bese Israel pavapavana ai na halaomu. Taunabunai, harihari Iehova ena hereva a kamonaidia.
1SA 15:2 Iehova Sabaota na ini e gwau tomamu: Lau ese Amalek davana baina henia, ena kara dainai; Israel na Aigupto amo e raka lasi negana ai na ia ese e laodia ahu.
1SA 15:3 Harihari aola, Amalek ba tuari henia, idia mai edia ḡau iboudiai ida ba habuadia tari. Basio bogadia hisi; a tau bona hahine, mero bona kekeni, rata e inuamu merona danu, bona boromakau bona mamoe bona kamelo bona doniki, na bavaladia mase.
1SA 15:4 Taunabunai, Saulo ese tuari taudia e haboudia, Telaimi ai e duahidia. Ae-raka taudia na domaga rua, bona Iuda taudia na gerebu ta.
1SA 15:5 Bena Saulo na Amalek hanuana e raka henia kahi, koura ai e bani tao.
1SA 15:6 Saulo ese Kene taudia e hamaorodia, eto, Aola, Amalek taudia bogaragidia amo a raka siri, idia ida baina habuamui tari na garina. Badina be umui ese Israel taudia iboudiai o bogadia hisi, Aigupto amo e raka lasi negana ai. Taunabunai, Kene taudia na Amalek taudia bogaragidia amo e raka siri.
1SA 15:7 Bena Saulo ese Amalek taudia e hadareredia, Havila amo ela bona Suru. Hari Suru na Aigupto mairiveina kahana ai.
1SA 15:8 Ia ese Agag, Amalek pavapavana, e abia mauri, a ena orea taunimanimadia iboudiai na dare amo e aladia ore.
1SA 15:9 A Saulo bona ena orea taudia ese Agag e hamauria; mamoe bona boromakau mamaruanedia bona boromakau natudia bona mamoe natudia namo-hereadia danu e hamauridia. Ḡau namodia iboudiai e hamauridia, asie habuadia tari; a ḡau dikadia na e dadaraidia, bona e habuadia tari.
1SA 15:10 Iehova ena hereva na Samuel enai e kau, eto,
1SA 15:11 Lau na helalomu, Saulo na pavapava ai basinama halaoa bema namo; badina be ia na lau iḡavagu amo vada e lou, bona egu haheḡani se badinadiamu. Bena Samuel na e badu; ia ese Iehova e ḡanaḡana henia rani.
1SA 15:12 Daba ai, Samuel e tore isi haraḡa, Saulo ida baine hedavari eto, Bena haida ese Samuel e hamaoroa, eto. Saulo na Karamele ela, unuseni ai pupu ta e haginia, ma unu amo e lou, e hekei diho, Gilgal ela.
1SA 15:13 Samuel na Saulo dekenai e kau, bena Saulo ese e hahenamo henia, eto, Iehova ese baine hanamomu; Iehova ena haheḡani heḡereḡerena vada na karaia.
1SA 15:14 Samuel eto, Matona, ini reḡe na kamonai, mamoe e taimu bona boromakau e ḡoumu, anidia be dahaka?
1SA 15:15 Saulo eto, Amalek taudia edia amo vada e abidia; badina be egu orea taudia ese mamoe namo-hereadiabona boromakau mamaruanedia namo-hereadia e abidia mauri, Iehova, emu Dirava, ena ihaboulaina ḡaudia ai bae halaodia helaoreana; a oredia vada a habuadia tari.
1SA 15:16 Bena Samuel ese Saulo e hamaoroa, eto, Eremu! Aina hamaoromu, Iehova ese boi hanuaboi ede e hereva henigu toma. Saulo eto, A hereva.
1SA 15:17 Bena Samuel eto, Sibomu lalomu vada o hamanaua, to oi na Israel iduhudia ikwaradia taumu ani? Iehova ese vada e horomu, Israel pavapavana.
1SA 15:18 Iehova ese ḡaukara ta ikarana totona e siaimu, eto “Aola, unu Amalek taudia, kara havara taudia, na ba habuadia tari; ba tuari henidia ela bona bae ore”.
1SA 15:19 Dahaka dainai Iehova erena so kamonai? Dahaka dainai edia kohu o dadi? Dahaka dainai Iehova vairanai o kara havara?
1SA 15:20 Saulo ese Samuel e haere henia, eto, Iehova erena vada na kamonai, Iehova ese e henigu ḡaukarana ikarana nala; Agag, Amalek pavapavana, vada na mailaia, a Amalek taudia vada na aladia ore.
1SA 15:21 A egu orea taudia ese e dadidadi. mamoe namo-hereadia bona boromakau mamaruanedia namohereadia na mase amo e hamauridia, Gilgal ai bae hahelaḡadia Iehova, emu Dirava, ena e tomamu.
1SA 15:22 Samuel ma eto, Iehova ese gole-oho bouboudia bona boubou idau-idau e moalelaidia badamu, a Iehova erena ikamonaina e moalelaia maraḡimu a? A laloa, kamonai ese boubou e hereaiamu; taia-kirara ese nani mamaruanedia digaradia e hereadiamu.
1SA 15:23 Badina be gwau-edeede ena dika na babalau ena dika heḡereḡerena; bona daḡedaḡe ena dika na kaivakuku bona dirava koikoidia itomadiho-henidia heḡereḡerena. Badina be Iehova ena hereva vada o dadaraiadainai, ia ese danu emu pavapava dagina ai vada e dadaraimumu.
1SA 15:24 Saulo ese Samuel ma e haere henia, eto, Lau na vada na kara dika; badina be Iehova ena haheḡani bona oiemu hereva vada na tata utu, badina be egu orea taudia garidia na gariva, bena eredia na kamonaiva.
1SA 15:25 Taunabunai, lau na noimumu, egu dika ba gwau tao; bena baita lou lao, Iehova baina toma henia diho.
1SA 15:26 A Samuel ese Saulo e hamaoroa, eto, Oi ida basina lou lao; badina be oi ese Iehova ena hereva vada o dadaraia, bona Iehova ese oi vada e dadaraimu, Israel pavapavana dagina amo.
1SA 15:27 Samuel e gini kerehai, baine raka oho eto. Bena Saulo ese Samuel ena dabua isena e dogoa tao, a dabua na e hedare.
1SA 15:28 Samuel eto, Iehova ese hari dina ai Israel basileiana na oiemu amo vada e darea oho; oi dekemu tauna ta, oi e hereamumu tauna, vada e henia.
1SA 15:29 Ina danu, Israel Hairaina na basine koikoi bona basine helalo kerehai; badina be ia na dia taunimanima, taunabunai ia lalona na basine idau.
1SA 15:30 Bena Saulo eto, Lau vada na kara dika; ḡau tamona harihari a matauraigu egu orea tau-badadia vairadiai bona Israel taudia vairadiai. Aita lou lao, bena Iehova, emu Dirava, baina toma henia diho.
1SA 15:31 Taunabunai Samuel na Saulo murina amo e lou lao; bona Saulo ese Iehova e toma henia diho.
1SA 15:32 Bena Samuel eto, Agag, Amalek pavapavana, na dekegu a mailaia. Bena Agag na mai lalo-namona ida ema. Agag eto, Momokani, mase enaidita vada e ore.
1SA 15:33 Bena Samuel eto, Hahine na asi natudia e nohomu oiemu dare dainai, heḡereḡerena oi sinamu na asi natuna baine noho. Bena Samuel ese Agag e dapaia sisi, Iehova vairanai, Gilgal ai.
1SA 15:34 Una murinai Samuel na Rama ela, a Saulo na e dae ela, ena ruma ai e nohova Gibea ai, Saulo ena tano ai.
1SA 15:35 Bena Samuel ese Saulo se itaia lou ela bona ena mase dinana. A Samuel na lalona e hisihisiva, Saulo dainai. Bena Iehova na e helalo, Saulo na Israel pavapavana ai basinema halaoa eto.
1SA 16:1 Iehova ese Samuel e hereva henia, eto, Lalomu baine hisihisi Saulo dainai ela bona edena negai? Lau ese ia na Israel pavapavana dagina ai vada na dadaraia. Emu doa na dehoro amo ba hahonua, bena baola. Lau na Iese, tau Betelehem, dekena baina siaimu lao, badina be natuna mamaruanedia bogaragidia amo pavapava ta vada na abia hidi.
1SA 16:2 Samuel eto, Ede bainala toma? Saulo bema kamonai, ia ese bema alagu mase. Iehova ma eto, Boromakau hahinena matamatana ta ba laohaia, baoto “Lau na Iehova ibouna totona vada nama”.
1SA 16:3 Iese danu ba boiria, emu boubou karana ai baine vareai; bena baina hadibamu ede ba kara toma. Emu ai ladana baina hatoa tauna na ba horoa egu.
1SA 16:4 Bena Samuel ese Iehova ena haheḡani heḡereḡerena e karaia, Betelehem ela. Hanua tau-badadia na e raka lasi, ia ida e hedavari, mai kudou-hetahadiaida, eto, Mai mainomu ida vada oma eiava?
1SA 16:5 Ia eto, Mai mainogu ida vada nama, Iehova baina boua totona. Sibomui ba hahelaḡa, lau ida boubou karana baita karaia. Bena ia ese Iese mai natuna mamaruanedia ida e hahelaḡadia, bena e boiridia, boubou gabuna baela.
1SA 16:6 Idia ema negana ai, ia ese Eliab e raraia tao, bena lalona e hadaia, eto, Momokani, Iehova ese baine horoa tauna binai, ia vairanai e ginimu.
1SA 16:7 A Iehova ese Samuel e hamaoroa, eto, Oromana eiava ena lata basio laloa, badina be lau ese vada na dadaraia. Badina be Iehova ese ḡau se itamu taunimanima ese e itadiamu heḡereḡerena; taunimanima ese oromana e itaiamu, a Iehova ese lalona e itaiamu.
1SA 16:8 Bena Iese ese Abinadab e boiria, e hagania, Samuel vairanai baine raka hanai. A ia eto, Ina tau danu Iehova ese se abia hidi.
1SA 16:9 Bena Iese ese Sama e haḡania, baine raka hanai. A ia eto, Ina tau danu Iehova ese se abia hidi.
1SA 16:10 Iese ese natuna mamaruanedia hahitu e haḡanidia, Samuel vairanai bae raka hanai. A Samuel ese Iese e hamaoroa, eto, Ini na Iehova ese se abidia hidi.
1SA 16:11 Samuel ese Iese e nanadaia, eto, Natumu mamaruanedia iboudiai bini, eiava? Ia na e haere, eto, Tau muritai na dounu noho; ia ese mamoe e reḡudiamu. Samuel ese Iese e hamaoroa, eto, Hereva a siaia, bainema; badina be ita na basita helai diho ela bona ia baine kau.
1SA 16:12 Hereva e siaia, bena haida ese e hakaua mai. Ia vairana na tonika-tonika, matana na mai hairaina, bona mero raho-namona. Iehova eto, A tore isi, a horoa. tauna benai.
1SA 16:13 Bena Samuel ese doa mai dehorona e abia, kakana bogaragidiai e horoa. Bena Iehova ena Lauma ese David e rohea badabada, una dina amo. Bena Samuel e tore isi, Rama ela.
1SA 16:14 Iehova ena Lauma ese Saulo e rakatania, lauma dikana ta Iehova ena amo ese e hahisia.
1SA 16:15 Bena Saulo ena hesiai taudia ese e hamaoroa, eto, Madi, lauma dikana ta Dirava ena amo ese e hahisimumu.
1SA 16:16 Harihari emai lohiabada ese emu hesiai taumai vairamu ai gigini boma haḡanimai, gitara ihataina dibana herea tauna ta baiama ha tahua; bena hari lauma dikana Dirava ena amo emu ai baine kau negadia ai, ia ese gitara baine hataia, bena lalomu do baine namo.
1SA 16:17 Taunabunai, Saulo ese ena hesiai taudia e haḡanidia, eto, Tau ta bavabia, gitara ihataina dibana herea tauna ta, bena dekegu ai ba hakaua mai.
1SA 16:18 Eregabe tauna ta e haere, eto, Lau na Iese, tau Betelehem, natuna ta vada na itaia, ia na gitara ihataina dibana herea; ia danu goada tauna bona tuari tauna; ena hereva be nanamo bona ita-itana danu namo; Iehova na ia ida.
1SA 16:19 Taunabunai, Saulo ese gwaukau taudia na e siaidia lao Iese dekenai, eto, Natumu David, mamoe ireḡudia merona, na ba siaia mai dekegu ai.
1SA 16:20 Bena Iese ese flaoa, bona vine ranuna kopi ta, bona nani natuna ta, e abidia, doniki ta doruna ai e ato, natuna David imana amo e siaidia, Saulo dekenai.
1SA 16:21 David na Saulo dekenai e kau, bena ena hesiai tauna ai ela. Saulo ese e lalokau henia bada, ena kesi ihuana tauna ai e halaoa.
1SA 16:22 Bena Saulo ese hereva e siaia Iese enai, eto, David na lau isiaigu ilao-henina ai baine noho, badina be lau ese na lalo namo heniamu.
1SA 16:23 Bena lauma dikana Dirava ena amo Saulo enai e kau negadia ai, David ese gitara e abia, imana amo e hataia; bena Saulo lalona vada e matamata bona vada e namo, bona lauma dikana ese e rakatania.
1SA 17:1 Filistia taudia ese edia tuari oreadia e boiridia hebou, bae tuari totona. Idia na Soko ai e hebou, Iuda tanona ai; Soko bona Aseka padadiai e taruha. Una Aseka na Efese-damim ai.
1SA 17:2 Bena Saulo bona Israel taudia na Elaha kourana ai e taruha, e haginidia heḡaeḡae, Filistia taudia bae tuari henidia.
1SA 17:3 Kahana ai Filistia taudia na ororo ta ai e gini, ma kahana ai Israel taudia na ororo ta ai e gini; padadiai na koura.
1SA 17:4 Bena tau ta Filistia taudia edia taruha amo e raka lasi, ladana na Goliata, tau Gata; ia na goada herea tauna. Ena lata be kiubit tauratoi mai kahana.
1SA 17:5 Ena kwara ḡauna na aun labora-laborana; ena tuari hahedokinaena metau na auri labora-labora sekeledia daha ima.
1SA 17:6 Aena vaḡivaḡidiana auri labora-labora; bona ena matani-ḡadiva, auri labora-labora ḡauna, namurinai e daharaia.
1SA 17:7 Ena io auauna na dabua ihatuna tauna ena hatuhatu auna na heto: matana na auri, ena metau be sekele sinahu tauratoi. Ena kesi ihuana tauna na vairanai e raka.
1SA 17:8 Ia na e gini, Israel taudia e boi henidia, eto, Dahaka dainai oma, o gini heḡaeḡaemu tuari totona? Lau na dia Filistia tauna a? Umui na dia Saulo ena hesiai taudia a? Tau ta avabia hidi, ia na lau dekegu ai baine diho.
1SA 17:9 Bema mai goadana baine heatu henigu bona baine alagu mase, ai na emui hesiai taudia ai baiala; a lau baina kwalimu, ia baina alaia mase, umui na ai emai hesiai taudia ai baola, bona isiaimai ba lao heni.
1SA 17:10 Filistia tauna ma eto, Hari dina ai lau ese Israel tuari oreadia na hare henidiamu: tau ta ba henigu, raruosi baia heatu.
1SA 17:11 Saulo bona Israel taudia iboudiai ese una Filistia tauna ena hereva e kamonai, bena kudoudia e hetaha bona gari bada ese e butudia tao.
1SA 17:12 David na Iese, tau Efrata, natuna. Iese ena hanua na Betelehem, Iuda tanona ai; natuna mamaruanedia na taurahani. Saulo ena nega ai, ia na tau buruka; ena mauri laḡanidia na hoho.
1SA 17:13 Iese natuna tatoi, tau guna bona ia murina taudia rarua, na Saulo murina amo vada e raka, tuan gabuna ela. Tuari ela taudia tatoiosi ladadia bini: tau guna na Eliab; ihararuana na Abinadab ihatatoina na Sama.
1SA 17:14 Tau muritai na David. E vara guna taudia tatoiosi na Saulo murina amo ela;
1SA 17:15 a David na Saulo ena amo tamana ena mamoe Betelehem ai ireḡudia totona e laova e maiva.
1SA 17:16 Dina hari-ahui lalodiai hari Filistia tauna na e raka lasiva, e giniva; daba adorahi unu e kara tomava.
1SA 17:17 Iese ese natuna David e hamaoroa, eto, Ini uit kakorodia efa ta bona ini flaoa igabudia gwauta bavabi, kakamu adia. Avabidia, ba laohai haraga kakamu dekedia taruha ai.
1SA 17:18 Ini cheese gwauta-osi danu edia daha biaguna dekena ba laohai. Kakamu ba itadia, ede e noho tomamu, bona ola toana ta idia edia amo ba mailaia.
1SA 17:19 Una negana ai Saulo bona David kakana bona Israel taudia iboudiai na Elaha kourana ai, Filistia taudia ida e tuariva.
1SA 17:20 Bena David na daba matana ai e tore isi, mamoe na ireḡuna tauna ta imana ai e rakatanidia, aniani ḡaudia e abi, bena ela, Iese ena haheḡani heḡereḡerena. Taruha ai e kau negana ai, tuari oreadia na e raka lasiva, tuari gabuna e laova, e honeva.
1SA 17:21 Bena Israel taudia bona Filistia taudia edia tuari oreadia na e heḡaeḡae, e hevaira heheni, bae tuari heheni eto.
1SA 17:22 Bena David ese ena kohu na kohu ireḡudia tauna imana ai e rakatania, tuari oreana lalonai e heau ela, kakana e hahenamo henidia.
1SA 17:23 Ia na idia ida e hereva-herevava ai, hari goada-herea tauna, Filistia tauna Gata amo, ladana na Goliata, na Filistia taudia edia tuari oreadia bogaragidia amo e raka lasi, ena hereva gunadia ma e gwaurai lou. Bena David e kamonai.
1SA 17:24 Israel taudia iboudiai na una tau e itaia, bena ia vairana amo e heau oho mai garidia ida.
1SA 17:25 Israel taudia na eto, Ina e raka lasimu tauna o itaia a? Momokani, ia na Israel ihare-henina totona vada e raka lasi. Baine alaia mase tauna na pavapava ese kohu momo ai baine hataḡaia, bona natuna kekenina baine henia, bona tax baine gwaua tao, ia tamana ena ruma taudia ediai, Israel tanona ai.
1SA 17:26 Bena David ese ia badibadinai e giniva taudia na e nanadaidia, eto, Ina tau Filistia baine alaia mase bona Israel ena hemarai baine abia oho tauna na ede bae kara henia toma? Badina be ina tau Filistia, se peritomea tauna, be daika, ia na Mauri Diravana ena tuari oreadia e hare henidiamu a?
1SA 17:27 Bena idia ese e haere henia, hereva gunana mo e gwauraia lou; bena eto, Baine alaia mase tauna na unu bae kara henia toma.
1SA 17:28 A kakana tau-guna Eliab na David ese e hereva henidia herevanae kamonai; bena Eliab ese David e badu henia, eto, Oi na dahaka totona oma a? Mamoe hidaosi tano ḡaḡaena ai be daika imana ai o rakatanidia? Oiemu hekokoroku bona emu lalo-hadai dikadia na dibagu: oi na tuari itana totona oma.
1SA 17:29 David eto, Be, ede vada na kara toma? Na hereva mo, ani?
1SA 17:30 Bena iena amo e raka oho, ma e henanadai lou, hereva heḡereḡerena mo; taunimanima ese ma e haere henia, haere gunana heḡereḡerena.
1SA 17:31 David ena hereva na haida ese e kamonai, bena Saulo vairanai ma e gwaurai; bena Saulo ese e boiria.
1SA 17:32 Bena David ese Saulo e hamaoroa, eto, Tau ta darana basine doko una tau dainai; lau binai emu hesiai tauna bainala, ina Filistia tauna baina heatu henia.
1SA 17:33 Bena Saulo ese David e hamaoroa, eto, Oi na basio heḡereḡere ina Filistia tauna ba heatu henia, badina be oi na tauhau mo, a ia be tauhauna negana amo tuari tauna korikori.
1SA 17:34 Bena David ese Saulo e hamaoroa, eto, Lau binai emu hesiai tauna na tamagu ena mamoe na reḡudiava; bena leona ta eiava bea ta ema, mamoe natuna ta seri amo e abia negadia ai na
1SA 17:35 lau na ia murina amo nala, na botaia, mamoe natuna na ia uduna amo na hamauria. Ia ese e heatu henigu negana ai, lau ese aukina huina ai na abia, na rahua mase.
1SA 17:36 Lau binai emu hesiai tauna ese leona bona bea vada na aladia mase; benaini, ina tau Filistia, se peritomea tauna, na idia ta heḡereḡerena ai bainela, badina be ia ese Mauri Diravana ena tuari oreadia vada e hare henidia.
1SA 17:37 David ma eto, Iehova, leona imana amo bona bea imana amo vada e hamaurigu Diravana, ese ina Filistia tauna imana amo do baine hamaurigu. Bena Saulo ese David e hamaoroa, eto, Aola, Iehova ese baine bamomu.
1SA 17:38 Bena Saulo ese ena tuari dabuadia e abi, David e hahedokilaia; auri labora-laborana kwara ḡauna na kwarana ai e atoa, bona auri hahedokina amo e hahedokia.
1SA 17:39 David ese ena dare varona gabana ai e kwatua, ena tuari dabuadia latadiai; bena e raka toho, badina be unu ḡau se manadalai. Bena David ese Saulo e hamaoroa, eto, Ini na basina rakalai diba, badina be asina manadalai. Bena e dokidia oho.
1SA 17:40 Bena David ese ena itotohi imana ai e abia; hena sinavai-sinavai amo nadi manada-manadadia ima eabidia, ena mamoe-reḡu modana lalonai e uda. Ena vilipopo be imana ai. Bena ia ese Filistia tauna e raka henia kahi.
1SA 17:41 Filistia tauna na e raka kahira, David e raka henia kahi. Ena kesi ihuana tauna na ia vairanai e raka.
1SA 17:42 Filistia tauna na e roha lao, David e itaia; bena e dadaraia, badina be ia na tauhau mo, vairana tonika-tonika bona raho-namo merona.
1SA 17:43 Bena Filistia tauna ese David e gwau henia, eto, Lau sisia a, una dainai oi na mai aumu ida lau o mai henigumu a? Bena Filistia tauna ese ena dirava ladadia ai David e uduguiraia.
1SA 17:44 Filistia tauna ese David ma e hamaoroa, eto, Dekegu aoma, lau ese oi hidiomu na atai manudia bona uda boromadia baina henidia.
1SA 17:45 David ese Filistia tauna e haere henia, eto, Oi na mai emu dare bona mai emu io bona mai emu matani-ḡadiva ida dekegu oma, a lau be Iehova Sabaota, Israel tuari oreadia, oi ese vada o hare henidia oreadia, Diravana ladana ai na vasimu. Hari dina ai Iehova ese lau imagu ai baine atomu, baina alamu mase, kwaramu baina utua oho.
1SA 17:46 Hari dina ai danu Filistia tuari oreadia tau-anidia na atai manudia bona uda boromadia do baina henidia. Bena tanobada idoinai bae diba Dirava ta e nohomu Israel ai;
1SA 17:47 iniseni ai e hebou taudia iboudiai danu bae diba Iehova na dia dare mo bona dia io mo amo ena hahemauri karadia e karamu; badina be tuari na Iehova ena, bona ia ese ai imamai ai baine atomui.
1SA 17:48 Filistia tauna na e tore isi, e raka kahi, David e lao henia, negana ai David na e heau haraḡa lao tuari gabuna ai, Filistia tauna e lao henia.
1SA 17:49 Bena David be imana na ena moda ai e dau dobi, nadi ta e vaia ena vilipopo amo e davea; nadi na Filistia tauna baguna ai e tubu, bona e hepuni vareai; bena tauna na tano ai e goru parapara.
1SA 17:50 Taunabunai, David ese vilipopo mai nadina ida amo Filistia tauna e hadarerea; e hodoa bona e hamasea. David na asi ena dare imana ai.
1SA 17:51 Bena David e heau, Filistia tauna latanai e gini, iena dare na iudalaina ḡauna amo e veria lasi, e alaia mase, bena kwarana e utua oho. Filistia taudia ese e itaia, edia goada tauna vada e mase, bena idia na e heau.
1SA 17:52 Bena Israel taudia bona luda taudia na e tore isi, e lolo, Filistia taudia e hahavadia lao ela bona Gata, ma ela bona Ekron ikoukoudia. Hari Filistia taudia mai berodia na dala ai e keto, Saaraimi amo ela bona Gata bona Ekron.
1SA 17:53 A Israel taudia na Filistia taudia ihahavadia amo e lou, bena edia taruha kohudia e dadi ore.
1SA 17:54 Bena David ese Filistia tauna kwarana e abia, Ierusalem e laohaia; a ena tuari dabuadia na ena kalaga ai e ato.
1SA 17:55 Saulo ese David e itaia, Filistia tauna ituari-henina e raka lasi negana ai, bena ia ese ena tuari oreana biaguna, Abnere, e nanadaia, eto, Abnere e, una tauhau na daika natuna? Abnere e haere, eto, Pavapava e, oi o maurimu heḡereḡerena lau na asi dibagu.
1SA 17:56 Pavapava na eto, A henanadai ia na daika natuna.
1SA 17:57 Bena David na Filistia taudia ialadia amo e lou negana ai, Abnere ese e abia, e hakaua vareai Saulo vairanai. Imana ai be Filistia tauna kwarana.
1SA 17:58 Bena Saulo ese e nanadaia, eto, Tauhau e, oi na daika natuna? David e haere, eto, Lau na emu hesiai tauna Iese, tau Betelehem, natuna.
1SA 18:1 David ese Saulo e haere henia vaitani, bena Ionatan bona David na lalo-tamona ai e hetura heheni; Ionatan ese David e lalokau henia, ia sibona e helalokau heniva heḡereḡerena.
1SA 18:2 Una dina ai Saulo ese e dogoa tao; e rua, tamana ena ruma basine lou lao.
1SA 18:3 Bena Ionatan na David ida e hegwauhamata heheni; badina be ia ese e lalokau henia, sibona e helalokau heniva heḡereḡerena.
1SA 18:4 Ionatan ese ena hahedoki badana bona ena tuari dabuadia e doki oho, ena dare bona ena peva bona ena gaba ḡauna danu e ruha, iboudiai na David e henia.
1SA 18:5 David e raka lasi, Saulo ese e siaia gabudia ela; unu gabu iboudiai ai e kwalimu. Bena Saulo ese ena tuari oreana biaguna ai e halaoa. Taunimanima iboudiai bona Saulo ena hesiai taudia danu ese una kara e moalelaia.
1SA 18:6 Tuari amo e lou negana ai, David ese Filistia tauna e alaia mase murinai, hahine na Israel hanuadia iboudiai amo e didi lasi, ane e abi bona e mavaru danu. King Saulo ida e hedavari mai moaledia ida, edia tareko e ruirui, edia moale anedia e abi, bona edia gitara e hatai.
1SA 18:7 Edia moale ai idia ese ina ane e abia hebou: Saulo ese ena daha daha e aladia, A David ese ena gerebu gerebu e aladia.
1SA 18:8 Bena Saulo e badu dikadika, una hereva e badulaia; eto, David ena gerebu gerebu e gwauraidiamu, a lauegu daha daha mo e gwauraidiamu. Ma dahaka baine abia? Ina basileia a?
1SA 18:9 Una dina amo Saulo ese David e vaira hua henia.
1SA 18:10 Daba rerena ai, lauma dikana ta Dirava ena amo ese Saulo e butua tao, bena ena ruma ai e kavaia. David ese gitara e hataiava, dina iboudiai heḡereḡeredia. Saulo imana na mai iona;
1SA 18:11 bena e tahoa, eto, David na haba ida aine raia bou. A David be nega rua e dekea.
1SA 18:12 Saulo ese David e gari heniava; badina be Iehova ese David e bamoava, a Saulo vada e rakatania.
1SA 18:13 Taunabunai Saulo ese ia vairana amo e siaia oho, daha ta biaguna ai e halaoa. Bena ia ese taunimanima vairadiai e raka lasiva e raka vareaiva.
1SA 18:14 Bena David ena ḡaukara iboudiai na mai anidia namodia, badina be Iehova na ia ida.
1SA 18:15 Saulo ese e itaia, ena kara iboudiai na mai anidia namodia, bena e gari henia.
1SA 18:16 A Israel bona Iuda taudia iboudiai ese David e ura heniava; badina be ia na idia vairadiai e raka lasiva e raka vareaiva.
1SA 18:17 Bena Saulo ese David e hereva henia, eto, Natugu kekenina roboana Meraba binai. Baina henimu, bavadavaia. Ḡau tamona, lau daigu ai ba goada, Iehova ena tuari ba tuarilaia. Badina be Saulo na ini e laloa toma, eto, Lau basina alaia mase, a Filistia taudia hari.
1SA 18:18 Bena David ese Saulo e haere henia, eto, Lau be daika, bona varavaragu, tamagu ena ruma taudia, be daidia Israel ai, dainai lau na pavapava ravana ai bainala?
1SA 18:19 A hari Saulo natuna hahinena Meraba na David bae henia eto negana ai, idia ese Adriele, tau Mehola, e henia, ia ese e adavaia.
1SA 18:20 Saulo natuna hahinena ta, ladana Mikala, ese David e ura heniava. Haida ese Saulo e hamaoroa; bena Saulo lalona vada e namo.
1SA 18:21 Saulo ese lalona e hadaia, eto, Baina henia, ihahekwakwalaina ai bainela, bena Filistia taudia imadia amo baine dika. Taunabunai Saulo ese David na nega iharuana ma e hamaoroa, eto, Harihari ravagu ai baina halaomu.
1SA 18:22 Saulo ese danu ena hesiai taudia e haḡanidia, eto, David ba hereva henia hehuni, baoto “A kamonai, pavapava ese e lalo namo henimumu, bona ena hesiai taudia iboudiai ese e lalokau henimumu, taunabunai harihari pavapava ravana ai baola”.
1SA 18:23 Bena Saulo ena hesiai taudia ese David unu e hereva henia toma. David eto, Umui o laloamu pavapava ravana ai bainala na ḡau pipikina a? Lau na ogoḡami taugu, bona asi dagigu.
1SA 18:24 Saulo ena hesiai taudia ese Saulo e hamaoroa, eto, David na unu ini e gwau tomamu.
1SA 18:25 Bena Saulo eto, David na ini ba hamaoroa toma, baoto “Pavapava na hahine davana ta se uramu, ina mo, peritome ai e iva heḡeḡe kopidia na Filistia taudia sinahu-ta edia amo; unu amo pavapavaese ia inaina ediai dava baine abi”. Saulo ena lalo-hadai be David na Filistia taudia imadia amo baine mase.
1SA 18:26 Hari hesiai taudia ese ini hereva na David e hamaorolaia negana ai, David ese pavapava ravana ai bainela na e moalelaia. Bena negana do se ore ai,
1SA 18:27 David e tore isi, ena tuari oreana ida, ela, Filistia taudia sinahu-rua e aladia mase; bena kopidia e ivadia, hari kopi iboudiai e laohaidia, pavapava e henia, pavapava ravana ai bainela totona. Bena Saulo ese ia natuna hahinena Mikala e abia, David e henia, ia adavana ai bainela.
1SA 18:28 Saulo ese e itaia bona e diba, Iehova na David ida, bona Israel taudia iboudiai ese ia e ura henia;
1SA 18:29 bena Saulo ese David e gari henia bada. Taunabunai, Saulo ese David e inai henia hanaihanaiva.
1SA 18:30 Bena Filistia lohiadia na tuari totona e raka lasi loulouva, to e raka lasiva negadia iboudiai na David e kwalimu bada, Saulo ena hesiai taudia iboudiai na e hereadia. Taunabunai iboudiai ese ia ladana e heatolaia.
1SA 19:1 Saulo ese natuna lonatan bona ena hesiai taudia iboudiai e hamaorodia, eto David bae alaia mase. A Ionatan, Saulo natuna, ese David e lalokau heniava.
1SA 19:2 Bena Ionatan ese David e hamaoroa, eto, Tamagu Saulo na iala-masemu dalana e tahuamu; taunabunai, daba ai nahuamu ba tohoa, gabu hehunina ai ba noho, ba komu;
1SA 19:3 a lau be baina raka lasi uma ai, oiemu komu gabuna ai, tamagu badibadinai baina gini, oi herevamu baina gwaurai; bena dahaka baina diba, una na baina hadibalaimu.
1SA 19:4 Bena Ionatan ese David herevana namona na tamana e hamaorolaia, eto, Oi pavapava taumu ese emu hesiai tauna David basio kara dika henia, badina be ia ese oi se kara dika henimu; ena kara ese oi vada e hanamomu.
1SA 19:5 Badina be ia ese ena mauri se laloa, a Filistia tauna e alaia mase, unu amo Iehova ese ena kwalimu badana e karaia, Israel idoinai ena. Oi ese o itaia, bona o moalelaia. Benaini, dahaka dainai asi ena kerere tauna rarana enai ba kerere? Dahaka dainai David bavalaia mase, asi badina?
1SA 19:6 Bena Saulo ese Ionatan erena e kamonai. Saulo na hereva metauna amo e gwau hamata, eto, Iehova e maurimu heḡereḡerena, David na basie alaia mase.
1SA 19:7 Bena Ionatan ese David e boiria, unu hereva iboudiai e hamaorolaia. Bena Ionatan ese David na Saulo dekena e hakaua lao; bena ia na ia vairanai e nohova, gunaguna heḡereḡerena.
1SA 19:8 Tuari ma e vara lou; bena David na e raka lasi, Filistia taudia e tuari henidia, hutuma e aladia mase; bena oredia na ia vairanai e heau.
1SA 19:9 Bena lauma dikana ta Iehova ena amo ese Saulo e butua tao. Ia na ena ruma ai e helaiva, imana na mai iona, a David be gitara e hataiava.
1SA 19:10 Bena Saulo ese ena io e abia, David na haba ida baine raia bou eto. A David ese e dekea, bena io na haba ai e heholo. Bena David na e heau, e roho mauri.
1SA 19:11 Una hanuaboi, Saulo ese kito taudia e siaidia, David ena ruma ai ia bae gimaia; daba ai baine alaia mase eto. A Mikala, David adavana, ese e hamaoroa, eto, Hari hanuaboi basioma heau mauri, kerukeru bema alamu mase.
1SA 19:12 Taunabunai Mikala ese David na gaba-mauru amo e tua dobi; bena David e heau, e roho mauri.
1SA 19:13 Bena Mikala ese e koroa laulauna ta e abia, mahuta patana ai e hahekurea, nani huina amo e karaia ikwinana ia kwarana henunai e atoa, bena hetaru amo e tarua.
1SA 19:14 Saulo ese gwaukau taudia haida e siaidia, David bae abia totona, bena hahine na eto, Vada e gorerea.
1SA 19:15 Saulo ese gwaukau taudia ma e siaidia, David bae itaia; eto, Mai ena mahuta patana ida ba huaia mai, bena baina alaia mase.
1SA 19:16 A gwaukau taudia na e raka vareai, hari e koroa laulauna e itaia, mahuta patana ai, bona nani huina amo e karaia ikwinana ia kwarana henunai.
1SA 19:17 Bena Saulo ese Mikala e gwau henia, eto, Dahaka dainai ini vada o koigu toma, inaigu vada o kahua nege, bena vada e roho mauri? Mikala ese Saulo e haere henia, eto, Ia eto “A kahugu nege, baina alamu mase na garina”.
1SA 19:18 David na e heau, e roho mauri, Rama ela, Samuel dekenai; bena ia ese Saulo vada e kara henia karadia iboudiai na Samuel e hamaorolaia. Bena ia bona Samuel na ela, Naioto ai eha noho.
1SA 19:19 Bena haida ese Saulo e hadibaia, eto, A kamonai, David na Naioto ai, Rama kahana ai.
1SA 19:20 Bena Saulo ese gwaukau taudia haida e siaidia, David bae abia. A idia ese peroveta oreana e itadia, e perovetava, bona Samuel danu e giniva, idia ikwaradia: bena Dirava ena Lauma ese Saulo ena gwaukau taudia e rohedia, bena idia danu e perovetava.
1SA 19:21 Haida ese Saulo e hamaoroa negana ai, ia ese gwaukau taudia haida ma e siaidia; bena idia danu e perovetava. Nega ihatoina Saulo ese gwaukau taudia haida ma e siaidia, bena idia danu e perovetava.
1SA 19:22 Bena ia sibona Rama ela, ranu gurina badana Seku ai e kau; bena e henanadai, eto, Samuel bona David be edeseni ai? Tau ta e haere, eto, Idia na Naioto ai, Rama kahana ai.
1SA 19:23 Unu amo ia na Naioto ela, Rama kahana ai; bena ia danu Dirava ena Lauma ese e rohea. Bena rakana ai e perovetava, ela bona Naioto ai e kau, Rama kahana ai.
1SA 19:24 Bena ia ese danu ena dabua e doki oho, Samuel vairanai e perovetava; bena gagaena mo e hekureva, una dina idoinai, bona hanuaboi idoinai danu. Una dainai hereva e piua, eto, Saulo danu peroveta tauna ta a?
1SA 20:1 Bena David na Naioto Rama amo e heau, Ionatan dekena ela, eto, Lau be ede vada na kara toma? Egu dika be dahaka? Tamamu vairanai ede na kerere toma, bena ia ese egu mauri iabi-ohona dalana etahuamu?
1SA 20:2 Ionatan ese e haere henia, eto, Lasi vaitani; oi na basio mase. A itaia tamagu na ḡau badana ta eiava ḡau maraḡina ta se karaiamu, a lau e hadibagu gunamu. Dahaka dainai tamagu na ina gau egu amo baine hunia? Unu basine kara toma.
1SA 20:3 A David ese ena hereva e ha-aukaia, eto, Tamamu na dibana oi ese o lalo namo henigumu, bena e tomamu “Ina na Ionatan basine diba, lalona baine hisihisi na garina”. A momokani. Iehova e maurimu bona oi laumamu e maurimu heḡereḡerena, lau bona mase padamai ai na daḡa tamona na heto.
1SA 20:4 Bena Ionatan ese David e hamaoroa, eto, Dahaka ba gwauraia, una na baina karaia oiemu.
1SA 20:5 Bena David ese lonatan e hamaoroa, eto, A itaia, kerukeru na hua matamatana; bena lau na pavapava ida ena aniani patana ai baiama helai. A mani bainala, hanua murimurinai baina noho hehuni ela bona adorahi ihatoina ai.
1SA 20:6 Bena tamamu bema herevalaigu, lau na lasihigu dainai, baoto “David ese e noigu goada-goada, ena hanua Betelehem baine heau lao eto; badina be laḡani ta ta amo ena iduhu idoinai boubou karana e karaiamu ina nega ai.”
1SA 20:7 Bena ia baineto “Namo”, vada baine namo emu hesiai tauna egu ai: a bema badu, vada ba diba ia na kara dikana ta e haeroamu.
1SA 20:8 Taunabunai, emu hesiai tauna ba bogagu hisi, badina be emu hesiai tauna ida vada ta herohemaino, Iehova ena herohemaino ai. A bema mai egu kerere, oi sibomu bavalagu mase. Anina be dahaka tamamu dekenai ba hakaugu lao?
1SA 20:9 Ionatan e haere, eto, Lasi ona lasi vaitani. Bama diba tamagu ese kara dikana ta e haeroamu emu ai, bama hamaoromu ani?
1SA 20:10 David ese Ionatan e nanadaia, eto, Tamamu na badu herevadia bema gwaurai henimu, daika ese bema hamaorogu?
1SA 20:11 Ionatan ese David e hamaoroa, eto, Aoma, hanua murimurina aitala. Taunabunai raruosi na hanua murimurina ela.
1SA 20:12 Bena Ionatan ese David e hamaoroa, eto, Iehova, Israel Diravana vairanai na herevamu! tamagu lalona do baina tahua, bena nega inihetomana, kerukeru eiava vanegai, bema oi David e lalo namo henimumu, lau ese gwau-kau baina siaia, baina hadibamu, ani?
1SA 20:13 A tamagu ese oi ihadikamu urana bema ura, bona lau ese basinama hadibamu bona basinama siaimu oho, mauri ba davaria helaoreana, Iehova ese lau Ionatan do baine hadava henigu, bona ma baine habadaia. Iehova ese oi baine bamomu, tamagu e bamoava heḡereḡerena.
1SA 20:14 Do bama mauri, Iehova ena hebogahisi heḡereḡerena ai ba bogagu hisi, basinama mase;
1SA 20:15 bona emu hebogahisi na egu ruma taudia edia amo basio abia oho, ela bona hanaihanai. Iehova ese David inaina iboudiai na tanobada kopina amo baine negedia daure negana ai,
1SA 20:16 lonatan ladana na David ena ruma amo basine henege daure. Iehova ese David inaina ediai dava baine abia.
1SA 20:17 Bena lonatan ese gwauhamata na David ena amo ma e abia, ena lalokau dainai; badina be ia ese e lalokau heniava, ia sibona e helalokau heniva heḡereḡerena.
1SA 20:18 Ionatan ese e hereva henia lou, eto, Kerukeru na hua matamatana; bena bae herevalaimu, emu helai gabuna na asi tauna dainai.
1SA 20:19 Ma vanegai bae herevalaimu bada; una dina ai baola haraḡa, o komu guna gabuna baola, nadi ladana Esele badinai ba noho.
1SA 20:20 Lau ese diba toi baina kinodia una nadi badinai baela, e kara ḡau ta baina tarakia na heto.
1SA 20:21 Bena egu mero baina siaia, bainato “Aola, diba ba tahudia”. Mero na bama hamaoroa, bama toma “A itaia, diba na inikahamu ai, avabidia”, oi na do baoma, badina be Iehova e maurimu heḡereḡerena dika ta emu ai basine kau.
1SA 20:22 A mero na bama hamaoroa, bama toma “A itaia, diba na unukahamu ai”, oi na do baola, badina be Iehova ese e siaimu ohomu.
1SA 20:23 A ba laloa, ita raruosi vada ta herevalaia ḡauna ai Iehova na oi bona lau padadai ela bona hanaihanai.
1SA 20:24 Taunabunai, David na hanua murimurinai e noho hehuni. Bena hua matamatana negana ai, pavapava na e helai diho, baine aniani totona.
1SA 20:25 Pavapava na vaia ena kara heḡereḡerena ena helai ḡauna ai e helai diho, haba badibadinai. Ionatan na ia ida e hevaira heheni, bona Abnere na Saulo ohenai e helai, a David ena gabu na asi tauna.
1SA 20:26 Una dina ai Saulo na hereva ta se gwauraia, badina be ia ese lalona e hadaia, eto, Kara ta ienai vada e vara dainai ia na dia ḡoeva; momokani, ia na dia ḡoeva.
1SA 20:27 A dina iharuana, hua matamatana dinana murina dinana ai, David ena gabu na asi tauna. Bena Saulo ese natuna Ionatan e nanadaia, eto, Dahaka dainai Iese natuna na aniani gabuna sema, varani bona hari?
1SA 20:28 Bena Ionatan ese Saulo e haere henia, eto, David ese e noigu goadagoada, Betelehem bainela eto;
1SA 20:29 ia eto “Ba kahugu nege, badina be egu iduhu taudia na hanua ai boubou karana ta e karaiamu, bona kakagu ese vada e haḡanigu, bainala e tomu; taunabunai, boma lalo namo henigu, boma kahugu nege, bena kakagu bama ha itadia”. Una dainai, ia na pavapava ena pata se mai heniamu.
1SA 20:30 Bena Saulo e badu ḡaraḡara, Ionatan e badu henia; bena e gwau henia, eto, Oi na kara gageva-gageva bona gwau-edeede hahinena natuna; oi nao tomu lau na asi dibagu oi ese Iese natuna vada o abia hidi, oi ihahemaraimu bona sinamu tau-anina ihahemaraina ai bainela.
1SA 20:31 Badina be hari Iese natuna na tanobada ai baine noho negana ai, oi na basio gini, bona emu basileia danu basine gini. Taunabunai gwau-kau ba siaia, bainema; bena dekegu ba hakaua mai, badina be ia na momokani do baine mase.
1SA 20:32 Ionatan ese tamana Saulo e haere henia, eto, Dahaka dainai baine mase? Ede vada e kara toma?
1SA 20:33 A Saulo ese ena io e tahoa, baine gwadaia eto; unu amo lonatan vada e diba, tamana ese lalona vada e ha-aukaiaDavid baine alaia mase.
1SA 20:34 Bena Ionatan e badu dikadika, e tore isi, pata e rakatania; hua ena dina iharuana ai ia na e ani vaga, bona lalona e hisihisiva David dainai; badina be tamana ese hemarai karana e kara henia.
1SA 20:35 Daba ai Ionatan na hanua murimurina ela, David ida e hegwauhamata heheni heḡereḡerena. Mero maraḡina ta be ia ida ela.
1SA 20:36 Bena ia ese ena mero e hamaoroa, eto, A heau lao, baina kino dibadia ba tahudia. Mero na e heau ai, Ionatan ese diba ta e kinoa, hari mero unukahana ai.
1SA 20:37 Bena mero na diba e moru gabuna ai e kau negana ai, lonatan ese mero na e boi henia, eto, Diba na unukahamu ai a?
1SA 20:38 Bena Ionatan ese mero na ma e boi henia, eto, A kara haraḡa, legamu ba gadaia, basio halahe. Taunabunai, Ionatan ena mero ese diba e haboudia, biaguna dekena e lou ela.
1SA 20:39 A mero na ḡau ta asi dibana; Ionatan bona David sibodia mo una kara anina mai dibadia.
1SA 20:40 Bena Ionatan ese ena peva bona ena diba na ena mero e henia, eto, Aola, ba laohaidia hanua ai.
1SA 20:41 Mero na e raka oho, bena David na nadi senuna badibadina amo e tore isi, tano ai e goru diho, nega toi e igo diho. Bena raruosi e haherahu heheni bona e taitai hebou, ela bona David na taitai ai e herea.
1SA 20:42 Bena Ionatan ese David e hamaoroa, eto, Mai mainomu ida aola; badina be ita raruosi na Iehova ladana ai vada ta hegwauhamata heheni, tato Iehova na lau bona oi padadai bona lau garagu bona oi garamu padadiai ela bona hanaihanai. Bena David e tore isi, e raka oho; a Ionatan na hanua e lou henia.
1SA 21:1 David na Nob ela, hahelaḡa tauna Ahimelek dekenai e kau. Ahimelek na e raka lasi mai heude-heudena ida, David ida e hedavari, eto, Dahaka dainai sibomu oma? Badina dahaka asi bamomu?
1SA 21:2 David ese hahelaḡa tauna Ahimelek e harnaoroa, eto, Pavapava ese ḡaukara ta e henigu, e hamaorogu, eto “Ikarana na siaimu bona na haḡanilaimu ḡaukarana na tau ta basio hamaorolaia”. Eregabe taudia ida vada a henega, gabu ta ai baia hebou.
1SA 21:3 Benaini, aniani ḡauna emu ai be dahaka? Flaoa igabu ima. eiava dahaka aniani ḡauna emu ai mia, na boma henigu.
1SA 21:4 Hahelaḡa tauna ese David e haere henia, eto, Flaoa igabu kavakavadia na lasi dekegu ai, helaḡadia mo mimia; eregabe taudia na hahine ida basiema eno bou bema namo.
1SA 21:5 David ese hahelaḡa tauna e haere henia, eto, Momokani, hahine na asie raka henimai kahi; egu tuari lao iboudiai na unu mo heto. Eregabe taudia edia tuari ḡaudia danu vada e hahelaḡadia. Bema laolao kavakava mo danu idia na unu bema kara toma; matona, hari dina ai vada e hahelaḡadia vaitani.
1SA 21:6 Taunabunai, hahelaḡa tauna ese flaoa helaḡana e henia; ibolona flaoana mai siahu-siahuna ida eha atoa negana ai Iehova vairana amo e abiaoho ḡauna e henia.
1SA 21:7 Una dina ai, Saulo ena hesiai tauna ta na unuseni ai, Iehova vairanai vada e dogoa tao; ladana na Doeg: ia na Edom tauna, bona Saulo ena seri ireḡudia taudia ikwaradia.
1SA 21:8 David ese Ahimelek e nanadaia, eto, Io ta eiava dare ta na dekemu ai mia a? Lau na egu dare eiava egu tuari ḡauna ta asina abia kau, badina be pavapava e henigu ḡaukarana na baine haraḡa.
1SA 21:9 Hahelaḡa tauna eto, Goliata, tau Filistia, oi ese Elaha kourana ai o alaia mase tauna, ena dare na iniseni ai, dabua ai e hekumi, hahedoki helaḡana murinai e heato. Iabina boma ura, boma abia; idauna ta na lasi iniseni ai, una tamona mo. David eto, Ia na asi ihaheḡereḡerena; a henigu.
1SA 21:10 Bena David na e tore isi, una dina ai ia ese Saulo e heautania, Akisi Gata pavapavana, dekena ela.
1SA 21:11 Akisi ena hesiai taudia ese e hamaoroa. eto, Ina na David, tano pavapavana, ani? E mavaruva negana ai edia ane ai e herevalaia heheni, ani, eto, Saulo ese ena daha daha e aladia, A David ese ena gerebu gerebu e aladia.
1SA 21:12 David ese unu hereva e lalo hadailaidia, bena ia ese Akisi, Gata pavapavana, garina e gari badava.
1SA 21:13 Taunabunai, ia ese ena kara e ha-idauaidia vairadiai, e kara idia imadia ai vada e kavaia na heto, maḡu iduaradia e kakasi, bona uduna tabana na aukina huina amo e diho.
1SA 21:14 Bena Akisi ese ena hesiai taudia e hamaorodia, eto, Vada o itaiamu ina tau na e kavaiamu; dahaka dainai vada o mailaia dekegu ai.
1SA 21:15 Kava taudia ai na dabumu a, una dainai ina tau vada o mailaia, lau vairagu ai baine kavaia totona? Ina tau na egu ruma lalonai baine raka vareai a?
1SA 22:1 David na unu amo e raka oho, Adulama kohuana ai e komu. Tadikakana bona tamana ena ruma taudia iboudiai ese harina e kamonai, bena unu ela ia dekenai.
1SA 22:2 Bena lalo-hisihisi taudia bona maiedia abi-torehai taudia bona maumau taudia iboudiai na ia dekenai e hebou; bena ia ese e biagudia. Ienai e hebou taudia na sinahu hani sisivana.
1SA 22:3 David na unu amo ma ela, Mispe ela, Moab tanona ai. Bena ia ese Moab pavapavana e noia, eto, Mani emu kara tamagu bona sinagu na oi dekemu ai bae noho, ela bona baina diba Dirava ese ede baine karagu toma.
1SA 22:4 Bena ia ese Moab pavapavana dekenai e rakatanidia; idia ese ia dekenai e nohova, David na ena komu gabuna ai e nohova negana idoinai lalonai.
1SA 22:5 Bena peroveta tauna ta, ladana Gad, ese David e hamaoroa, eto, Komu gabuna ai basio noho; ba raka oho, Iuda tanona baola. Taunabunai David na e raka oho, uda ladana Herete ela.
1SA 22:6 Saulo ese harina e kamonai, David mai bamona ida vada e davaridia. Una negana ai, Saulo na Gibea ai, atai gabuna ena tamarisk auna henunai e helai; ena io na imana ai, bona ena hesiai taudia na e ginia heḡeḡe.
1SA 22:7 Bena Saulo ese ena hesiai taudia, e ginia heḡeḡe taudia, e hamaorodia, eto, Beniamina taumui e, a hakala! Iese natuna na umui ta ta uma bona vine imeadia baine henimui a? Iboumui ai daha biagudia bona sinahu biagudia ai baine halaomui a?
1SA 22:8 Una dainai taogu itorena daladia vada o tahu a? Natugu na Iese natuna ida e hegwauhamata heheni negana ai, tau ta ese se hadibagu; umui ta ese se bogagu hisi, se hamaorogu natugu ese egu hesiai tauna lalona vada e ania, baine inai henigu bona baine bani henigu, hari dina ai e karaiamu heḡereḡerena.
1SA 22:9 Doeg, tau Edom, na Saulo ena hesiai taudia badibadidiai e gini, bena ia na e haere, eto, Lau ese Iese natuna na itaia, ia na Nob ema, Ahimelek Ahitubu dekenai;
1SA 22:10 bena Ahimelek ese Iehova e nanadaia ia bagunai, bena aniani e henia, bona Goliata, tau Filistia, ena dare danu e henia.
1SA 22:11 Bena pavapava ese gwau-kau e siaia, hahelaḡa tauna Ahimelek Ahitubu bona tamana ena ruma taudia iboudiai, hahelaḡa taudia Nob ai, e boiridia. Iboudiai na pavapava dekena ema.
1SA 22:12 Bena Saulo eto, Ahitubu natuna e, a kamonai. Tauna na e haere, eto, Egu lohia e, lau binai.
1SA 22:13 Bena Saulo ese e gwau henia, eto, Dahaka dainai taogu itorena dalana vada o tahua, oi bona hari Iese natuna? Aniani bona dare o henia, bona Dirava o nanadaia ia bagunai; una dainai ia vada e tore isi, lau ihadikagu totona, bona vada e bani henigu, hari dina ai e karaiamu heḡereḡerena.
1SA 22:14 Ahimelek ese pavapava e haere henia, eto, Emu hesiai taudia bogaragidiai daika ese e abidadama henimumu, David ese e abidadama henimumu heḡereḡerena. Ia na oi ravamu bona emu gima oreana biaguna; emu ruma taudia ese danu e matauraiamu, ani?
1SA 22:15 Nega gini-gunana binai ia bagunai Dirava na nanadaia a? Lasi vaitani. Oi pavapava taumu be emu hesiai tauna na unu basio helalolaigu toma, bona tamagu ena ruma taumai iboumai ai unu basio helalolaimai toma. Badina be lau binai emu hesiai taugu be ina sivarai na asi dibagu, hereva badadia eiava hereva maraḡidia na asi dibagu.
1SA 22:16 Pavapava na eto, Ahimelek e, momokani oi na ba mase, bona tamamu ena ruma taudia iboudiai do bae mase.
1SA 22:17 Bena pavapava ese ena hegima taudia, e ginidia heḡeḡe taudia, na e haḡanidia, eto, Iehova ena hahelaḡa taudia na bavaladia mase, badina be idia ese David e duruamu; idia na dibadia ia vada e heau, to asie hadibagu. A pavapava ena hesiai taudia na lalodia asie heḡereḡere imadia bae toi roro, Iehova ena hahelaḡa taudia ialadia totona.
1SA 22:18 Bena pavapava ese Doeg e hamaoroa, eto, Oi ese hahelaḡa taudia bavaladia. Bena Doeg, tau Edom, ese hahelaḡa taudia e aladia matama; una dina ai ia ese hahedoki helaḡadia, dabua aukadia ḡaudia, e dokidia taudia taurahani-ahui ima e aladia mase.
1SA 22:19 Nob danu, hahelaḡa taudiaedia hanua, ia ese dare amo e habuaia tari: tatau, hahine, memero kekeni, rata e inu memerodia danu, bona boromakau bona doniki bona mamoe, iboudiai na ia ese dare amo e aladia ore.
1SA 22:20 A Ahimelek Ahitubu natuna tamona mo, ladana na Abiatara, e roho maun, David murina amo e heau.
1SA 22:21 Bena Abiatara ese David na sivarai e hamaorolaia, Saulo ese Iehova ena hahelaḡa taudia vada e aladia mase.
1SA 22:22 Bena David ese Abiatara e hamaoroa, eto, Una dina ai Doeg, tau Edom, na unuseni ai, bena lalogu e parara ia na Saulo do baine hamaoroa. Lauegu kara dainai tamamu ena ruma taudia iboudiai vada e mase ore.
1SA 22:23 Lau dekegu ai ba noho, basio gari; badina be lauegu mauri iabi-ohona e tahuamu tauna ese oiemu mauri danu iabi-ohona e tahuamu. A lau ida ba noho, vada ba mauri.
1SA 23:1 Haida ese David e hamaoroa, eto, A kamonai: Filistia taudia ese Keila e tuari heniamu, bona uit ikwadilaina gabudia ai uit e dadimu.
1SA 23:2 Taunabunai, David ese Iehova e nanadaia, eto, Lau bainala, hari Filistia taudia baina tuari henidia, eiava? Iehova ese David e haere henia, eto, Aola, Filistia taudia ba tuari henidia, bona Keila ba hamauria.
1SA 23:3 A David ena orea taudia ese e hamaoroa, eto, A laloa, ai na mai garimai ida a nohomu ina Iuda ai; bema Keila baitala, Filistia taudia baita tuari henidia, emai gari baine bada herea.
1SA 23:4 Bena David ese Iehova ma e nanadaia lou; Iehova ese ma e haere henia, eto, A tore isi, Keila aola, lau ese Filistia taudia na oi imamu ai baina atodia.
1SA 23:5 Bena David mai ena orea taudia ida na Keila ela, Filistia taudia e tuari henidia, edia boromakau e dadidia, bona taunimanima hutuma e aladia mase. Taunabunai, David ese Keila taudia e hamauridia.
1SA 23:6 Abiatara Ahimelek na David dekena e heau, Keila ela, negana ai, ia na unuseni ai e kau mai dabua helaḡana ta imana ai.
1SA 23:7 Una negana ai haida ese Saulo e hamaoroa, David na Keila ai vada e kau. Bena Saulo eto, Dirava ese lau imagu ai vada e atoa; badina be hanua ta mai ikoukouna bona mai maḡuna lalonai vada e raka vareai, sibona vada e hekou ahu.
1SA 23:8 Bena Saulo ese ena orea taudia iboudiai e boiridia, tuari baela, David mai ena orea taudia ida Keila ai bae koudia ahu totona.
1SA 23:9 David be dibana Saulo ese ia ihadikana dalana e tahua; bena ia ese Abiatara e hamaoroa, eto, Dabua helaḡana a mailaia.
1SA 23:10 Bena David eto, Iehova e, Israel Diravana e, lau binai emu hesiai tauna vada na kamonai momokani Saulo ese ena dala e tahuamu, Keila bainema, hanua na baine habuaia tari lau daigu ai.
1SA 23:11 Keila taudia ese ia imana ai bae atogu eiava? Saulo na do bainema, lau binai emu hesiai tauna vada na kamonai heḡereḡerena, eiava? Iehova e, Israel Diravana e, lau na noimumu, lau binai emu hesiai tauna ame hamaorogu. Iehova eto, Ia na bainema.
1SA 23:12 David ma e henanadai, eto, Keila taudia ese lau bona egu orea taudia Saulo imana ai bae atomai eiava? Iehova eto, Ia imana ai bae atomui.
1SA 23:13 Bena David mai ena orea taudia sinahu-tauratoi sisivana ida e toreisi, Keila e rakatania, e loa eva-eva. Haida ese Saulo e hamaoroa David na Keila amo vada e roho mauri; bena Saulo na unu se raka lao.
1SA 23:14 A David na tano ḡaḡaena ai e nohova, ororo doridia gabudia ai, Sifi tano ḡaḡaena ororodia ai. Dina iboudiai Saulo ese e tahuava, a Dirava ese ia irnana ai se atoa kau.
1SA 23:15 David na e gari, badina be Saulo na vada e raka lasi, iena mauri iabiohona dalana e tahuava. David na Hore ai e nohova, Sifi tano-ḡaḡaena ai.
1SA 23:16 Bena Saulo natuna Ionatan e tore isi, David dekena ela Hore ai, Dirava ladana ai e hagoadaia.
1SA 23:17 Ia ese e hamaoroa, eto, Asio gari; badina be tarnagu Saulo imana ese basine davarirnu; oi na Israel pavapavana ai baola, bona lau na oi murimu ai bainala. Tamagu Saulo danu dibana.
1SA 23:18 Bena raruosi na Iehova vairanai e hegwauhamata heheni; bena David na Hore ai e noho, a Ionatan na ena hanua ela.
1SA 23:19 Una negana ai Sifi taudia na Saulo dekena ela, Gibea ai, eto, David na ai bogaragimai ai e komumu, gabu aukadia Hore ai, Hakila ororona ai, lesimono diho kahana ai.
1SA 23:20 Taunabunai, pavapava e, baola, emu ura ba haḡuḡurua; a ai emai ḡaukara be oi pavapava taumu imamu ai baia atoa kau.
1SA 23:21 Saulo eto, Iehova ese baine hanamomui, badina be umui ese vada o bogagu hisi.
1SA 23:22 Aola, ba diba momokani iena noho gabuna be edena, bona daika ese vada e itaia unuseni ai; badina be haida ese vada e hamaorogu, ia na koikoi aonega dikadika tauna.
1SA 23:23 Taunabunai, do ba itaia tao, ena komu gabudia iboudiai ba dibadia; bena sivarai momokanina na dekegu ba mailaia. Bena lau na umui ida baitala; bema ia na una tano ai noho, lau ese Iuda ena daha daha iboudiai bogaragidiai do baina tahua.
1SA 23:24 Bena idia na e tore isi, Saulo vairana ela, ela bona Sifi. Una negana ai David mai ena orea taudia ida na Maono tano-ḡaḡaena ai, Araba tanona ai, Iesimono diho kahana ai.
1SA 23:25 Bena Saulo mai ena orea taudia ida na ia itahuna ela. Haida ese David e hadibaia; taunabunai ia na haga-nadina ela, Maono tano-ḡaḡaena ai. Saulo ma e kamonai, benaia ese David e hahavaia, Maono tano-ḡaḡaena ai.
1SA 23:26 Saulo mai ena oreataudia ida na ororo kahana amo e raka, a David mai ena orea taudia ida na ororo kahana amo ma e raka; David na e ḡava, Saulo ena amo baine roho mauri eto. A Saulo mai ena orea taudia ida ese David mai ena orea taudia ida e koudia heḡeḡe, bae abidia mauri helaoreana.
1SA 23:27 Una negana ai gwaukau tauna ta Saulo dekenai e kau, eto, Aoma haraḡa, badina be Filistia taudia na tano vada e tuari henia.
1SA 23:28 Taunabunai, Saulo ese David igavana amo e lou lao, Filistia taudia e tuari henidia. Una dainai, una gabu ladana e hatoa Roho-mauri Nadina.
1SA 23:29 David na unu amo e dae ela, Engedi ena ororo doridia ai e nohova.
1SA 24:1 Saulo na Filistia taudia ihahavadia amo e lou, bena haida ese e hamaoroa, eto, A kamonai, David na En-gedi tano-ḡaḡaena aie nohomu.
1SA 24:2 Bena Saulo ese tatau mai goadadia daha toi Israel taudia iboudiai edia amo e abidia hidi; bena idia ese David mai ena orea taudia itahudia ela, Uda Nanidia edia Haga-nadidia vairadiai.
1SA 24:3 Dala ai, ia namamoe maḡudia e rakadia hanai. Unuseni ai na kohua ta, bena Saulo na kohua lalonai e raka vareai, baine murimuri eto. Una negana ai David mai ena orea taudia ida na una kohua gunigunina ai hehelai.
1SA 24:4 Bena David ena orea taudia ese e hereva henia, eto, Iehova ese e herevalai henimu dinana binai, eto “Inaimu na imamu ai baina atoa, emu lalo-hadai heḡereḡerena do ba kara henia”. Bena David e tore isi, asi reḡereḡena ela, Saulo ena dabua rimuna e utua oho.
1SA 24:5 Gabeamo David na e helalo, ia ese Saulo ena dabua rimuna e utua oho dainai.
1SA 24:6 Bena ia ese ena orea taudia e hamaorodia, eto, Iehova ese bema gwaugu tao, ina kara na egu lohia, Iehova ese e horoa tauna, basinama kara henia, imagu na ia ihadikana totona basinama toia lasi; badina be ia na Iehova ese e horoa tauna.
1SA 24:7 Unu hereva amo David ese ena orea taudia lalodia e ani, e gwaudia tao, Saulo basie ala-ala henia. Bena Saulo e tore isi, kohua e rakatania, ena dala ela.
1SA 24:8 Gabeai David danu e tore isi, kohua amo e raka lasi, Saulo e boi henia, eto, Pavapava e, egu lohia. Saulo e roha muri; bena David na tano ai e goru diho, e toma henia diho.
1SA 24:9 Bena David ese Saulo e hereva henia, eto, Dahaka dainai hari e hereva henimu, e tomu “David ese oi ihadikamu dalana e tahuamu” taudia na o kamonai henidiamu?
1SA 24:10 A itaia, hari ina dina ai matamu ese vada e itaia, Iehova ese hari dina ai lau imagu ai e atomu; bena haida ese e haḡanigu baina alamu mase eto, a na bogamu hisi, nato “Imagu na basina toia roro egu lohia ihadikana totona, badina be ia na Iehova ese e horoa tauna”.
1SA 24:11 Tamagu e, a itaia, emu dabua rimuna imagu ai a itaia; badina be emu dabua rimuna na utua oho, a asina alamu mase; unu amo ba diba bona ba itaia, ena be oi ese egu mauri iabi-ohona totona o tahugumu, to lau imagu na asie kerere bona ihadikamu karana ta asie karaia oiemu ai.
1SA 24:12 Iehova ese ita raruosi baine hahemaoro henida; Iehova ese baine hadikamu lau daigu ai, a lau imagu ese basine hadikamu.
1SA 24:13 Sene taudia edia hereva lada-isina heḡereḡerena, e tomu “Kara dika tauna ena amo kara dika baine vara”, a lau imagu ese oi basine hadikamu.
1SA 24:14 Israel pavapavana na daika ialana totona vada e raka lasi? O tahuamu tauna be daika? Sisia masena a? Eiava sei a?
1SA 24:15 Iehova ese hahemaoro karana baine karaia, ita raruosi baine hahemaoro henida. Ia ese baine itagu, maorogu baine gwaurai; bona oi imamu amo baine hamaurigu.
1SA 24:16 David ese unu hereva na Saulo e herevalai henia vaitani, bena Saulo na eto, David natugu e, ena oi gadomu a? Bena Saulo na e tai lolololo.
1SA 24:17 Bena ia ese David e hereva henia, eto, Oi hari kara maoromaoro tauna, a lau be lasi; badina be oi ese kara namo vada o hadava henigu, a lau ese dika na hadavalai henimu.
1SA 24:18 Hari ina dina ai vada o gwauraia hedinarai, ede o kara namo henigu toma: Iehova ese oi imamu ai e atogu negana ai na so alagu mase.
1SA 24:19 Tau ta ese ia inaina baine davaria negana ai, ia ese baine kahua nege mai maurina ida a? Taunabunai, Iehova ese baine kara namo henimu, hari ina dina ai oi ese vada o kara namo henigu dainai.
1SA 24:20 A kamonai, lau dibagu oi na pavapava ai baola, bena Israel basileiana baine gini tutuka-tutuka oi imamu ai.
1SA 24:21 Taunabunai, Iehova ladana ai a gwau henigu hamata, lau dihigu na basio aladia ore lau murigu ai. bona lau ladagu na tamagu ena iduhu amo basio haboioa.
1SA 24:22 David ese Saulo na unu e gwau henia hamata toma. Bena Saulo na ena ruma ela; a David mai ena orea taudia ida na edia komu-namo gabuna e dae lao.
1SA 25:1 Una negana ai Samuel e mase; bena Israel taudia iboudiai e hebou, ia taina e taiva. Bena ena ruma ai e ḡuria, Rama ai. Bena David e tore isi, Paran tano-ḡaḡaena ela.
1SA 25:2 Tau ta Maono ai e nohova; ena ḡaukara gabuna be Karamele ai. Ia na taḡa tauna: ena mamoe na daha toi bona ena nani na daha ta. Ia ese ena mamoe huidia e utu Karamele ai.
1SA 25:3 Una tau ladana na Nabala; adavana ladana na Abigail. Hahine na mai aonegana bona mai hairaina, a tau na mai daḡedaḡena bona kara dika tauna. Ia na Kaleb ena iduhu tauna.
1SA 25:4 David na tano ḡaḡaena ai e kamonai hari Nabala na ena mamoe huidia iutudia vada ela.
1SA 25:5 Taunabinai, David ese eregabe gwauta e siaidia; e haḡanidia, eto, Karamele a dae lao, Nabala dekena baola, lau ladagu ai ba hahenamo henia.
1SA 25:6 Ini ba hahenamo henia toma, baoto: Maino na oi latamu ai, bona emu ruma latanai, bona emu iboudiai danu latadiai.
1SA 25:7 Lau vada na kamonai oi na mai emu mamoe huidia iutudia taudia; emu mamoe ireḡudia taudia danu ai dekemai ama, bena asia hadikadia, bona edia ḡau ta se boio, Karamele ai e nohova negana idoinai.
1SA 25:8 Emu eregabe ba nanadaidia, bena idia ese bae hamaoromu. Taunabunai, lauegu eregabe ba lalo namo henidia; badina be aria dinana ai vada ama. Mani emu kara, dekemu ai mimia ḡaudia na ai oiemu hesiai taudia bona natumu David ba henimai.
1SA 25:9 Bena David ena eregabe ela, unu hereva iboudiai na Nabala e hamaorolaia, David ladana ai; bena e nari.
1SA 25:10 Bena Nabala ese David ena hesiai taudia e haere henidia, eto, David be daika? Ina Iese natuna be daika? Ina nega ai hesiai taudia hutuma ese biagudia e heautanidiamu.
1SA 25:11 Be, egu flaoa bona ranu, bona vamu, na aladia ḡaudia egu mamoe huidia iutudia taudia adia. na baina abi, asi dibagu ede amo ema taudia baina henidia a?
1SA 25:12 Taunabunai, David ena eregabe e raka oho, e lou lao, unu hereva iboudiai e hamaorolaia.
1SA 25:13 Bena David ese ena orea taudia e haḡanidia, eto, Ta ta ena dare ena dare gabamui ai ba kara. Bena ta ta ese ena dare ena dare na gabadia ai e kara; David danu ena dare gabana ai e karaia. Bena tatau sinahu hani sisivana na David murina amo e raka lao, a sinahu rua be kohu igimadia e noho.
1SA 25:14 A eregabe ta ese Nabala adavana, Abigail, e hamaoroa, eto, A kamonai; David ese gwaukau taudia tano ḡaḡaena amo e siaidia, biagumai bae hahenamo henia totona, a ia ese e ḡonaḡonalaidia.
1SA 25:15 A una orea taudia ese ai e hanamomai, dika ta emai ai se kau, bona emai ḡau ta se boio, idia ida tano paka ai a loa hebouva dinadia iboudiai lalodiai.
1SA 25:16 Idia na ai maḡumai na heto, hanuaboi ai bona dina ai, mamoe iregudia totona idia dekediai a nohova negadia iboudiai.
1SA 25:17 Taunabunai, ina na ba diba, bona ba haeroa ede ba kara toma; badina be biagumai bona ena ruma na bae hadikadia e tomamu, bona biagumai na e daḡedaḡe hereamu dainai ta ese basine hereva henia diba.
1SA 25:18 Bena Abigail e kara haraḡa, flaoa igabudia sinahu rua, bona vine ranuna kopi rua, bona mamoe ima, vada e haheḡaeḡaedia ḡaudia, bona uiti kakorodia bosea ima, bona vine huahuadia, e hakaukaudia ḡaudia, mane sinahu ta, bona suke huahuadia, e hakaukaudia ḡaudia, mane sinahu rua, e abi, iboudiai na doniki dorudia ai e ato kau.
1SA 25:19 Bena ia ese ena eregabe e hamaorodia, eto, Lau vairagu ai baola; lau na umui murimui ai baina vasi. A ia ese adavana Nabala se hamaoroa.
1SA 25:20 Bena doniki ai e gui, ororo helavahuna amo ela; a David mai ena orea taudia ida na una dala amo e hekei ema, bena ia na idia ida e hedavari.
1SA 25:21 Dala ai David vada e hereva, eto, Momokani, ina tau ena ḡau iboudiai na tano ḡaḡaena ai vada na gimadia, bena ena ḡau iboudiai lalodia amo ḡau ta se boio, una na asi anina; egu kara namo davana na kara dika ai e haloua.
1SA 25:22 Bama bogaia hisi, daba ai ena orea maruanena ta baine mauri, Dirava ese davana na David ena amo bema abia.
1SA 25:23 Abigail ese David e itaia, bena e kara haraḡa, ena doniki amo e diho, David vairanai e igo diho, tano ai e goru diho.
1SA 25:24 Aena badinai e igo diho, eto, Egu lohia e, kerere gwauna na lau sibogu latagu ai baine mia. Mani emu kara lau binai emu hesiai hahinena aina hereva henimu; mani emu kara lau binai emu hesiai hahinena egu hereva ba kamonai.
1SA 25:25 Egu lohia e, hari daḡedaḡe tauna Nabala basio laloa; badina be ladana heḡereḡerena ena kara danu unu mo heto: ladana na Nabala, ia danu kava tauna. A lau binai emu hesiai hahinena na egu lohia emu eregabe o siaidia be asina itadia.
1SA 25:26 Taunabunai, egu lohia e, Iehova e maurimu bona oi laumamu e maurimu heḡereḡerena, Iehova ese rara ihahebubuna amo bona sibomu dava iabina amo vada e gwaumu tao dainai, oi inaimu bona egu lohia ihadikamu daladia e tahumu taudia na Nabala heḡereḡerena ai baela.
1SA 25:27 Harihari ina herahia ḡauna emu hesiai hahinena ese vada e mailaia na do bavabia, egu lohia murimu ai e rakamu eregabedia na ba hariharilai henidia.
1SA 25:28 Mani emu kara lau binai emu hesiai hahinena egu dika ba gwaua tao; badina be Iehova ese momokani egu lohia emu iduhu baine hagoadaia; badina be egu lohia ese Iehova ena tuari o tuarilaiamu, bona oi lalomu amo dika ta basine hedinarai, emu mauri dinadia iboudiai lalodiai.
1SA 25:29 Haida bae tore isi, oi itahumu bona emu mauri iabi-ohona dalana itahuna totona, to egu lohia emu mauri na Iehova, emu Dirava. ena hereḡu ese mauri taudia ida baine ḡuidia hebou; bona inaimu edia mauri baine davea lasi, nadi na vilipopo amo bema davea lasi na heto.
1SA 25:30 Bena Iehova ese egu lohia baine hanamoa, vada e herevalaimu guna heḡereḡerena, bona Israel pavapavana ai baine halaomu;
1SA 25:31 una negana ai egu lohia lalomu basine hisihisi bona kudoumu basine hetaha, rara o hahebubua kava eiava sibomu ese dava o abia dainai. Bena Iehova ese egu lohia baine hanamomu negana ai, lau binai emu hesiai hahinena ba lalogu.
1SA 25:32 Bena David ese Abigail e hereva henia, eto, Iehova, Israel Diravana, na hanamoamu, badina be hari dina ai ia ese vada e siaimu, bena ita raruosi vada ta hedavari.
1SA 25:33 Oiemu lalo-maoro na hanamoamu, bona oi danu nahanamomumu, badina be hari dina ai oi ese rara ihahebubuna bona sibogu dava iabina amo vada o gwaugu tao.
1SA 25:34 Badina be Iehova, Israel Diravana oi ihadikamu amo vada e gwaugu tao Diravana, e maurimu heḡereḡerena, basioma mai haraḡa bena basitama hedavari, momokani, kerukeru daba ai Nabala ena orea maruanena ta basinema mauri.
1SA 25:35 Bena David ese hahine ena herahia ḡaudia na ia imana amo e abi; bena e hereva henia, eto, Emu ruma aola, mai mainomu ida; oi eremu vada na kamonai, bona emu noinoi vada na abia dae.
1SA 25:36 Bena Abigail na Nabala dekenai e kau, e itaia, ia na aria e karaia ena ruma ai, ita-itana na pavapava ena aria na heto. Nabala lalona vadae moale, badina be ia na vada e kekero dikadika; taunabunai hahine ese se hereva henia ela bona daba e rere.
1SA 25:37 Daba ai, vine ranuna siahuna na Nabala lalona ai vada e ore negana ai, ia adavana ese unu ḡau iboudiai e hamaorolaia; bena ia laumana e daure, bona tauna e auka nadi na heto.
1SA 25:38 Dina gwauta sisivana ela, bena Iehova ese Nabala e alaia, bena e mase.
1SA 25:39 David e kamonai Nabala vada e mase, bena eto, Iehova na hanamoamu badina be Nabala ese e hahemaraigu davana na ia ese vada e henia, bona kara dika amo vada e gwaugu tao; Iehova ese Nabala ena kara dika na sibona kwarana ai vada e haloua. Bena David ese gwau-kau e siaia, Abigail lalona ianina, baine adavaiatotona.
1SA 25:40 David ena hesiai taudia na Abigail dekenai e kau, Karamele ai, bena idia ese e hereva henia, eto, David ese vada e siaimai, ia dekena baia hakaumu lao, bena ia ese baine adavamu e tomamu.
1SA 25:41 Bena hahine na e tore isi, tano ai e igo diho, eto, A itagu, lau binai emu hesiai hahinena na egu lohia emu hesiai taudia aedia ihuridia hahinegu.
1SA 25:42 Bena Abigail e tore isi haraḡa, doniki ta ai e gui, bona ena ulato laima ese e bamoa. Bena David ena gwaukau taudia muridia amo ela; bena raruosi e headava.
1SA 25:43 David ese Ahinoama, Iesrele hahinena, danu e abia; hahine raruosi na ia ese e adavadia.
1SA 25:44 A Saulo ese natuna hahinena Mikala, David adavana, na Palti Laisi, Galimi tauna, vada e henia.
1SA 26:1 Sifi taudia na Saulo dekena ela, Gibea ai, eto, David na Hakila ororona ai e komumu, Iesimono mairiveina kahana ai.
1SA 26:2 Taunabunai, Saulo e tore isi, Sifi tano-ḡaḡaena ela, Israel abi-hidi taudia daha toi ida, Sifi tano-ḡaḡaena ai David bae tahua eto.
1SA 26:3 Bena Saulo na Hakila ororona ai e taruha: una ororo na dala badibadinai, lesimono mairiveina kahana ai. A David na tano-ḡaḡaena ai e nohova. Ia vada e itaia, Saulo na iaitahuna totona tano-ḡaḡaena vada ema,
1SA 26:4 bena David ese hasinadoa taudiae siaidia, idia edia amo vada e diba momokani, Saulo vada ema.
1SA 26:5 Bena David e tore isi, ela, Saulo ena taruha gabuna ai e kau; bena David ese Saulo na Abnere Nere, ena tuari oreana biaguna, ida edia hekure gabuna e itaia. Saulo na taruha bogaraginai e hekure; ena tuari oreadia ese e taruhaia heḡeḡe.
1SA 26:6 Bena David ese Ahimelek, tau Hiti, bona Abisai Seruia, Ioab tadina, na e nanadaidia, eto, Daika na lau ida taruha lalonai baita diho, Saulo dekenai? Abisai eto, Lau na oi ida baita diho.
1SA 26:7 Taunabunai, David bona Abisai na hanuaboi ai tuari oreana bogaragina amo ela; Saulo na unuseni ai e mahuta, taruha bogaraginai; ena io na tano ai e heholo, kwarana badibadinai. Abnere bona tuari oreana na e hekure heḡeḡe.
1SA 26:8 Bena Abisai ese David e hamaoroa, eto, Dirava ese oi inaimu na imamu ai vada e atoa, ina dina ai; harihari lau na nega tamona tano ida aina raia bou, ani; nega harua basina gwadaia.
1SA 26:9 A David ese Abisai e hamaoroa, eto, Basio alaia; badina be Iehova ese e horoa tauna na daika imana na ia tauna ai baine dau kau, bena bae gwauraia asi ena kerere?
1SA 26:10 David ma eto, Iehova e maurimu heḡereḡerena, Iehova ese baine alaia, eiava ena mase dinana korikori ai baine mase, eiava tuari bainela bena ta ese baine alaia mase.
1SA 26:11 Lau imagu na Iehova ese e horoa tauna ai bema dau kau, Iehova ese bema gwaugu tao. A harihari io ia kwarana badinai na avabia, una hodu mai ranuna danu, bena baitala.
1SA 26:12 Taunabunai, David ese io bona hodu na Saulo kwarana badina amo e abi; bena raruosi e raka oho. Ta ese se itaia, eiava ta ese se dibaia, ta danu se noga; badina be iboudiai vada e mahuta. Mahuta hedavauhe Iehova ena amo na idia latadiai vada e kau.
1SA 26:13 Bena David na unukaha ela, dauhai e gini, ororo dorina ai. Padadia na daudau.
1SA 26:14 Bena David ese tuari oreana bona Abnere Nere e boi henidia, eto, Abnere, basio haere a? Abnere e haere, eto, Oi be daika, pavapava o boi heniamu?
1SA 26:15 Bena David ese Abnere e gwau henia, eto, Oi na dia tau a? Daika na Israel ai oi heḡereḡeremu? O dahaka dainai emu lohia bona emu pavapava so gimaia? Badina be tau ta e vasi, emu pavapava bona emu lohia ialana totona.
1SA 26:16 Ina emu kara na dia namo. Iehova e maurimu heḡereḡerena, oi na boma mase, badina be emu lohia, Iehova ese e horoa tauna, so gimaia. Harihari a itaia, pavapava ena io bona ena hodu, kwarana badinai miadia ḡaudia, be edeseni ai?
1SA 26:17 Saulo lalona e parara, una na David gadona; bena ia eto, Natugu David e, ena na oi gadomu a? David e haere, eto, Pavapava e, egu lohia, lau gadogu binai.
1SA 26:18 Ma eto, Egu lohia e, badina be dahaka emu hesiai tauna o havagumu? Lau be dahaka na karaia? Lau imagu edia kerere be dahaka?
1SA 26:19 Egu lohia bona egu pavapava e, lau binai emu hesiai tauna egu hereva mani a kamonai. Bema Iehova ese oi lalomu vada e ha-aukaiaegu ai, reana ia ese boubou ḡauna ta baine abia dae; a bema taunimanima ese, idia na Iehova vairanai bema hadikadia bema namo; badina be hari dina ai idia ese vada e lulugu lasi, Iehova enai ahugu ta basina davaria totona. Vada eto “Aola, idau dirava isiaidia ba lao heni”.
1SA 26:20 Taunabunai, mani emu kara, raragu na basine hebubu Iehova ese se hagereamu tanona ai. Badina be Israel pavapavana ese egu mauri iabi-ohona dalana e tahuamu, tau ta ese aba na ororo ai e tahuamu na heto.
1SA 26:21 Bena Saulo eto, Lau vada na kara havara. Natugu David e, a lou mai, basina hadikamu lou; badina be hari ina dina ai lauegu mauri na ḡau hereana oi matamu ai. Lau be vada na kara kava, vada na kerere dikadika.
1SA 26:22 Bena David e haere, eto, Pavapava e, emu io binai; emu eregabe ta ainema, baine abia.
1SA 26:23 Iehova ese taunimanima iboudiai edia kara maoromaoro bona edia heabidadama davadia e henidiamu; badina be Iehova ese lau imagu ai e atomu hari dina ai, a lau imagu na Iehova ese e horoa tauna ihadikana asina dau lasi.
1SA 26:24 A itaia, hari dina ai oiemu maun na ḡau hereana lau vairagu ai; una heḡereḡerena lauegu mauri na ḡau hereana ai bainela Iehova vairanai, bena dika iboudiai lalodia amo ia ese baine hamaurigu.
1SA 26:25 Bena Saulo ese David e hamaoroa, eto, Natugu David e, hahenamo na oi latamu ai baine mia. Kara momo do ba kara, iboudiai na anidia bae vara. Taunabunai David na ena dala ai ela, a Saulo be ena gabu e lou henia.
1SA 27:1 David be lalona ai eto, Dina ta lau na Saulo imana ai baina mase; egu dala namona be baina heau mauri, Filistia taudia edia tano bainala. Bena Saulo ese Israel tanona ai baine tahugu malaka-malaka elabona baine hesiku; bena ia imana amo baina roho mauri.
1SA 27:2 Taunabunai, David e tore isi, e raka hanai, ia bona ena orea tataudia sinahu-tauratoiosi, Akisi Maoko, Gata pavapavana, dekena ela.
1SA 27:3 Bena David na Akisi dekenai e nohova, Gata ai: ia bona ena orea taudia, mai adavadia bona mai natudia ida, bona ia adavana raruosi, Ahinoama, hane Iesrele, bona Abigail, hane Karamele, Nabala vabuna.
1SA 27:4 Haida ese Saulo e hamaoroa, David vada e heau, Gata vada ela, bena ia ese ia itahuna e hadokoa.
1SA 27:5 Bena David ese Akisi e noia, eto, Boma lalo namo henigu, gabu ta boma henigu emu hanua maraḡina ta ai, unuseni ai baina noho. Namona be dahaka lau binai emu hesiai tauna na oi dekemu ai baina noho, pavapava taumu emu hanua ai?
1SA 27:6 Taunabunai, una dina ai Akisi ese Siklag e henia; una dainai Siklag na luda pavapavadia edia hanua ta, ema bona hari dina.
1SA 27:7 David na Filistia taudia edia tano ai e nohova dinadia be laḡani ta hua hani.
1SA 27:8 Bena David mai ena orea taudia ida e tore isi, Gesuru taudia bona Girisi taudia bona Amalek taudia na e tuari henidia: idia be sene negana amo una tano e noholaiava, ela bona Suru, ma ela bona Aigupto tanona.
1SA 27:9 David ese tano e habuaia tari, tau ta eiava hahine ta se hamauria, a mamoe bona boromakau bona doniki bona kamelo bona dabua e abidia; bena Akisi dekena e lou lao.
1SA 27:10 A Akisi e henanadaiva, e tomava “Hari dina ai daidia o tuari henidia?” negadia ai na David e haereva, e tomava “Iuda diho kahana taudia”, eiava “Ierahamele diho kahana taudia”, eiava “Kene diho kahana taudia”.
1SA 27:11 David ese tau ta eiava hahine ta se hamauria badina korikori be harina na Gata bae laohaia na garina; ia lalona e hadaia, eto, Harimai bae piua, baeto “David na unu ini e kara toma” na garina. Ena kara be unuheto, Filistia tanona ai e nohova negana idoinai.
1SA 27:12 A Akisi ese David e abidadama henia; lalona e hadaia, eto, Ena kara daidiai ena bese taudia Israel ese e inai henia hereamu, taunabunai ia ese lau isiaigu baine lao heni hanaihanai.
1SA 28:1 Unu dinadia ai Filistia taudia ese edia tuari oreadia e haboudia, Israel taudia bae tuari henidia totona. Bena Akisi ese David e hamaoroa, eto, Ba diba, oi bona emu orea taudia na lau ida tuari oreana lalonai baitala.
1SA 28:2 David ese Akisi e haere henia, eto, Namo; oi do ba diba emu hesiai tauna ede baine kara toma. Bena Akisi ese David ma e hamaoroa, eto, Lau igimagu tauna ai baina halaomu, egu mauri dinadia iboudiai.
1SA 28:3 Samuel be vada e mase; Israel taudia iboudiai ia taina vada e tai, bona Rama, ena hanua korikori, ai vada e ḡuria. Saulo ese danu rohe taudia bona mea taudia na Israel tanona amo vada e luludia lasi.
1SA 28:4 Filistia taudia na e hebou, bona ema, Sunem ai e taruha. Bena Saulo ese Israel taudia iboudiai e haboudia, Gilboa ai e taruha.
1SA 28:5 Saulo ese Filistia taudia edia tuari oreana e itaia, bena e gari, kudouna e hetaha dikadika.
1SA 28:6 Bena Saulo ese Iehova e nanadaia negana ai, Iehova na se haere, nihi amo eiava Urim amo eiava peroveta taudia edia amo.
1SA 28:7 Bena Saulo ese ena hesiai taudia e hamaorodia, eto, Rohe hahinena ta a tahua, bena dekena bainala, iena amo baina henanadai. Ena hesiai taudia ese e haere henia, eto, Rohe hahinena ta be En-doro ai e nohomu.
1SA 28:8 Bena Saulo ese oromana e ha-idaua, bona dabua idaudia e dokidia; bena ela, tatau rarua ida. Hanuaboi ai idia na una hahine dekenai e kau. Bena Saulo eto, E rohemu laumana amo ba haere henigu, bona ladana baina hatoa tauna laumana ba hadaea.
1SA 28:9 Hahine na e haere henia, eto, Saulo ena kara dibamu namonamo, ani? Ia na rohe taudia bona mea taudia na Israel tanona amo vada e luludia lasi. Dahaka dainai egu mauri o idoaiamu, ihamasegu totona?
1SA 28:10 Bena Saulo ese Iehova ladana ai hereva metaudia amo e gwau henia hamata, eto, Iehova e maurimu heḡereḡerena, dava dikana ta emu ai basine kau ina kara dainai.
1SA 28:11 Bena hahine eto, Daika baina hadaea emu ai? Ia eto, Samuel ba hadaea egu ai.
1SA 28:12 Hahine ese Samuel e itaia, bena e lolo lalo dika. Bena hahine ese Saulo e gwau henia, eto, Dahaka dainai o koigu? Oi na Saulo.
1SA 28:13 Pavapava ese e hamaoroa, eto, Asio gari; dahaka o itaiamu? Hahine ese Saulo ma e hamaoroa, eto, Dirava ta na itaiamu; ia na tano lalona amo e daemu.
1SA 28:14 Ma e nanadaia, eto, Ita-itana be edeheto? Hahine na eto, Tau burukanata e daemu; ia na dabua badana e hetarulaia. Bena Saulo dibana una na Samuel; bena tano ai e goru diho, e toma henia diho.
1SA 28:15 Bena Samuel ese Saulo e hamaoroa, eto, Dahaka dainai vada o haraivagu, vada o hadaegu? Saulo e haere, eto, Lalogu na e hekwarahi badamu, badina be Filistia taudia ese e tuari henigumu bona Dirava ese vada e rakatanigu, bona se haere henigumu, peroveta edia amo eiava nihi amo. Taunabunai oi vada na boirimu, ede baina kara toma na ba hamaorolaigu.
1SA 28:16 Samuel eto, Iehova ese vada e rakatanimu bona e inai henimumu, matogana lau ma o nanadaigumu a?
1SA 28:17 Iehova ese vada e kara henimu, lauegu ai e gwauraia heḡereḡerena; badina be Iehova ese basileia na oi imamu amo vada e dadihaia, dekemu tauna David vada e henia.
1SA 28:18 Badina be Iehova erena so kamonai, bona ena badu ḡaraḡara Amalek taudia ediai anina so hamomokania; una dainai Iehova ese ini vada e karamu toma hari ina dina ai.
1SA 28:19 Ina danu, Iehova ese oi bona Israel taudia danu Filistia taudia imadia ai baine atomui; bena kerukeru oi bona natumu mamaruanedia na lau dekegu baoma. Iehova ese danu Israel ena tuari oreana na Filistia ena tuari oreana imadia ai baine atodia.
1SA 28:20 Bena Saulo na maoromaoro e goru parapara tano ai, bona gari ese e butua tao, Samuel ena hereva daidiai; ia taunadanu e manori, badina be ḡau ta se ania, dina idoinai bona hanuaboi idoinai.
1SA 28:21 Bena hari hahine na Saulo dekena ema, e itaia, gari ese vada e butua tao; bena ia ese e hereva henia, eto, A itagu, lau binai emu hesiai hahinena na eremu na kamonai, bona emu hereva ikamonai-henina amo egu mauri na atoa diho.
1SA 28:22 Taunabunai, harihari oi danu emu hesiai hahinena erena ba kamonai: mani emu kara, aniani taina oi vairamu ai baina dabaraia, bena bavania, taumu do baine auka. bena emu dala ai baola.
1SA 28:23 Ia e gwau hedadarai, eto, Basina aniani. A ena hesiai taudia bona una hahine ese e noia goadagoada; bena ia ese idia eredia e kamonai. Taunabunai ia na tano amo e tore isi, mahuta patana ai e helai diho.
1SA 28:24 Una hahine na mai ena boromakau natuna ta, ubu-ubu ḡauna, ruma ai; taunabunai ia ese e alaiaharaga. Bena flaoa e abia, e kuia, asi ihatubuna ḡauna, bena e gabua,
1SA 28:25 Saulo bona ena hesiai taudia vairadiai e dabaraia, bena idia ese e ania. Bena idia na e tore isi, una hanuaboi ai e raka ela.
1SA 29:1 Filistia taudia ese edia tuari oreadia e haboudia Afek ai; bona Israel taudia na Iesrele ranu gurina badibadinai e taruha.
1SA 29:2 Filistia lohiadia na edia sinahu sinahu ida bona edia daha daha ida e raka lao; bona idia muridiai David bona ena orea taudia na Akisi ida e raka.
1SA 29:3 Bena Filistia edia tuari biagudia eto, Ini Heberu taudia na dahaka e karamu iniseni ai? Akisi ese Filistia edia tuari biagudia e haere henidia, eto, Ina na David, ani, Israel pavapavana Saulo ena hesiai tauna; ia na dina momo bona laḡani haida lau dekegu ai vada e noho, bona ena kerere ta asina davaria, egu ai e hanai negana ema bona hari ina dina.
1SA 29:4 A Filistia edia tuari biagudia ese e badu henia, bena e gwau henia, eto, Ena tau a siaia lou, o henia gabuna baine lou lao; ia na ita ida basine diho tuari gabuna, tuari lalonai baine inai henida na garina. Badina be ina tau na ena lohia ida ede baine herohemaino toma? Ini tatau kwaradia amo ani?
1SA 29:5 Ina na David, ani, edia mavaru ai e anelaia, eto, Saulo ese ena daha daha e aladia, A David ese ena gerebu gerebu e aladia.
1SA 29:6 Bena Akisi ese David e boiria, eto, Iehova e maurimu heḡereḡerena, oi na mai momokanimu ida, bona lau na tomamu oi na lau ida baita raka hebou tuari lalonai be namo; badina be lau ese emu kerere ta asina davaria, lau dekegu ai o kau dinana amo ema bona hari dina. Ḡau tamona, hari lohia na asie ura henimumu.
1SA 29:7 Taunabunai, harihari a lou, mai mainomu ida aola, Filistia taudia lohiadia ba habadudia na garina.
1SA 29:8 Bena David ese Akisi e hamaoroa, eto, Lau be dahaka vada na karaia? Emu hesiai tauna enai dahaka kerere vada o davaria, oi isiaimu na lao heni matama dinana amo ema bona hari, bena una dainai lau na basinala, egu lohia bona egu pavapava inaina ituari-henidia a?
1SA 29:9 Bena Akisi ese David e haere henia, eto, Lau dibagu oi na asi emu kerere lau vairagu ai, Dirava ena aneru heḡereḡerena; ḡau tamona Filistia edia tuari biagudia vada e hereva, eto “Ia na ita ida tuari basinela”.
1SA 29:10 Taunabunai, daba matana ai ba tore isi, emu lohia ena hesiai taudia, oi oma negana ai e bamomuva taudia, ida; daba matana ai ba tore isi, gabu baine diari-diari vada ba raka.
1SA 29:11 Taunabunai David na daba matana aie raka, mai ena orea taudia ida, Filistia tanona bae lou henia totona. A Filistia taudia na Iesrele e dae lao.
1SA 30:1 Dina ihatoina ai David na ena orea taudia ida Siklag ai e kau, e diba, Amalek taudia ese diho kahana tanodia bona Siklag danu vada e tuari henidia. Siklag na vada e hadarerea, vada e doua,
1SA 30:2 bona hahine bona hanua taudia iboudiai, kikina-badana, vada e abidia mauri. Ta asie alaia, to iboudiai e hakaudia lao, edia dala ela.
1SA 30:3 Taunabunai, David mai ena orea taudia ida hanua ai e kau negana ai, e itaia, lahi ese vada e araia, bona adavadia bona natudia, mamaruanedia bona hahinedia, vada e abidia mauri.
1SA 30:4 Bena David mai bamona ida e tai lolololo, ela bona edia goada vada e ore, asi goadadia ma bae tai.
1SA 30:5 David adavana raruosi danu vada e abidia mauri: Ahinoama, Iesrele hahinena, bona Abigail, Karamele tauna Nabala vabuna.
1SA 30:6 David lalona na e hisihisi bada; badina be ena orea taudia ese nadi amo ihodona e herevalaia. Badina be iboudiai na lalodia e dika. natudia mamaruanedia bona hahinedia daidiai. A David na e haheauka, Iehova, ena Dirava, enai goada e abia.
1SA 30:7 Bena David ese hahelaḡa tauna Abiatara, Ahimelek natuna, e hamaoroa, eto, Hahedoki helaḡana na dekegu a mailaia. Taunabunai, Abiatara ese hahedoki helaḡana na David dekena e mailaia.
1SA 30:8 Bena David ese Iehova e nanadaia, eto, Una orea na baina ḡavadia a? Baina lasidia tao a? Ia ese e haere henia, eto, A ḡavadia; badina be momokani bo lasidia taomu, bona abi-maun taudia ba hamauridia.
1SA 30:9 Taunabunai David na e tore isi, bamona sinahu tauratoiosi danu ia ida, ela, Besoro sinavaina ai e kau, haida unuseni ai e rakatanidia.
1SA 30:10 A David na e ḡava, ia bona tatau sinahu hani; sinahu rua e noho, badina be taudia e manori, asi goadadia Besoro sinavaina bae hanaia.
1SA 30:11 Aigupto tauna ta e davaria, tano paka ai, bena David dekena e hakaua lao. Flaoa e henia, bena e ania; inuinu ranuna danu e henia.
1SA 30:12 Suke huahuana manena taina e henia, bona vine huahuadia kakorodia tako rua. E aniani vaitani, bena lalona e mauri lou; badina be dina toi hanuaboi toi ia na se aniani bona se inuinu.
1SA 30:13 David ese e nanadaia. eto, Oi na daika ena orea tauna? Bona ede amo oma? Ia eto, Lau na eregabe ta Aigupto amo Amalek tauna ta ena hesiai tauna. Dina toi vada ela, e goreregu, bena biagugu ese e rakatanigu.
1SA 30:14 Ai na Kerete taudia edia tano diho kahana, bona Iuda tanona, bona Kaleb ena tano diho kahana, a tuari henidia; bena Siklag na lahi amo a doua.
1SA 30:15 David eto, Ba hakaugu lao una orea enai, ani? Hari tau eto, Dirava ladana ai ba gwau henigu hamata, basio alagu mase, bona biagugu imana ai basio atogu, bena baina hakaumu lao una orea enai.
1SA 30:16 E hakaua lao, bena e itadia, idia na tano idoinai e taruhaia evaeva, e anianiva, e inuinuva, e mavaruva, kohu bada-herea Filistia taudiaedia tano ai bona Iuda tanona ai vada e dadi daidiai.
1SA 30:17 Dina e diho ai, David ese e ala-ala henidia, ela bona daba, ela bona dina ma e diho. Tauta se roho mauri, aeregabe taudia sinahu hani mo kamelo ai e gui, e heau.
1SA 30:18 Amalek taudia ese e abi ḡaudia iboudiai na David ese ma e abi lou. David ese danu adavana raruosi e hamauridia.
1SA 30:19 Ḡau ta se boio, maraḡina eiava badana, eiava natudia mamaruanedia eiava hahinedia, eiava e dadi kohudia, eiava e abi ḡaudia ta. David ese idoinai e loulaia.
1SA 30:20 David ese danu mamoe seridia bona boromakau seridia iboudiai e abidia mauri; bena orea taudia ese ia vairanai e luludia lao, eto, Ini na David ena dadidadi ḡaudia.
1SA 30:21 Bena David na hari tatau sinahu-rua, tau-manori dainai David murinaiasie raka bena Besoro sinavaina badibadinai e rakatanidia taudia, na dekediai e kau. Idia na e raka lasi, David bona ena orea taudia ida bae hedavari totona. Bena David ese e raka henidia kahi, e hanamodia.
1SA 30:22 Bena David ida ela oreana lalona amo, kara dika bona lalo-hadai dikadia taudia iboudiai eto, Idia na ita ida asitala dainai ta abi lou kohudia na taidia basita henidia, a idia ta ta adavadia bona natudia bae hakaudia, baela.
1SA 30:23 A David eto, Tadikakagu e, Iehova ese vada e henida ḡaudia na unu basio karalai toma; ia ese vada e hamaurida, bona e tuari henida oreana na imada ai vada e atodia.
1SA 30:24 Daika ese baine kamonai henimui, ina kara ai. Badina be tuari ela tauna ahuna bona kohu badibadinai e nohova tauna ahuna bae heḡereḡere; ahudia na bae tamona.
1SA 30:25 Una dina amo ema bona hari dina ai, ia ese Israel taudia taravadia unu e atu toma, bona unu e hahemaoro henidia toma.
1SA 30:26 David na Siklag ai e kau, bena e abi kohudia kahana na turana Iuda tau-badadia dekediai e siaia, eto, Harihari ḡauna binai, Iehova inaina edia amo a dadi ḡaudia.
1SA 30:27 Dekediai e siaia taudia bini: Betele taudia, Ramoto diho kahana taudia, latiri taudia,
1SA 30:28 Aroere taudia, Sifimoto taudia, Estemoa taudia,
1SA 30:29 bona Rakala taudia, bona Ierahamele hanuadia taudia, bona Kene hanuadia taudia,
1SA 30:30 bona Horoma taudia, bona Borasana taudia, bona Ataka taudia,
1SA 30:31 bona Heberon taudia. Unu gabu iboudiai na David mai bamona ida vada e loa evaeva henidia gabudia.
1SA 31:1 Filistia taudia ese Israel taudia e tuari henidia; bena Israel taudia na Filistia taudia vairadia amo e heau, ela bona Gilboa ororona ai Filistia taudia ese e aladia ore.
1SA 31:2 Bena Filistia taudia ese Saulo mai natuna mamaruanedia ida e lasidia tao; bena Filistia taudia ese Saulo natuna mamaruanedia Ionatan bona Abinadab bona Malkisua e aladia mase.
1SA 31:3 Tuari na auka herea, Saulo enai; peva taudia ese e davaria, bona edia diba amo e haberoa.
1SA 31:4 Bena Saulo ese ena kesi ihuana tauna e hamaoroa, eto, Emu dare a veria lasi, ba gwadagu mase, ini asie peritomedia taudia na baema, bae gwadagu bona bae kirikirilaigu na garina. A ena kesi ihuana tauna na e gwau edeede, badina be e gari dikadika. Taunibunai, Saulo ese ena dare e abia, bena matana ai sibona e hetoḡe.
1SA 31:5 Ena kesi ihuana tauna ese e itaia, Saulo vada e mase, bena ia danu ena dare matana ai sibona e hetoḡe, ia ida e mase hebou.
1SA 31:6 Saulo na unu e mase toma, bona natuna mamaruanedia tatoiosi, bona ena kesi ihuana tauna, bona ena orea taudia iboudiai, dina tamona ai e mase bou.
1SA 31:7 Bena Israel taudia haida koura kahana ai bona Ioridane sinavaina unukahana ai e nohova na vada e diba Israel taudia vada e heau bona Saulo mai natuna mamaruanedia ida vada e mase; una negana ai edia hanua e rakatanidia, e heau. Bena Filistia taudia ema, unu hanua e noholaidia.
1SA 31:8 Daba rerena ai Filistia taudia na ema, mase taudia edia dabua bae abi eto. Bena Saulo mai natuna mamaruanedia tatoiosi ida masedia ai e dabaridia, Gilboa ororona ai.
1SA 31:9 Bena Saulo kwarana e utua oho, ena tuari dabuadia danu e koki oho. Bena idia ese gwaukau taudia e siaidia karoho, Filistia rtnona idoinai, hari namona na edia kaivakuku dubudia ai bona edia bese taudia vairadiai bae piua totona.
1SA 31:10 Saulo ena tuari dabuadia na Astaroto ena dubu ai e atoa; bona tau-anina na Bete-sana hanuana maḡuna ai e kapaia kau.
1SA 31:11 A Iabese-gilead taudia na harina e kamonai, Filistia taudia ese Saulo unu e karaia toma,
1SA 31:12 bena boga-auka taudia iboudiai e tore isi, e raka rani, Saulo tau-anina natuna mamaruanedia tau-anidia na Bete-sana maḡuna amo e abidia dobi. Bena Iabese ela, unuseni ai e hagabudia.
1SA 31:13 Bena turiadia e abidia, au ta ladana tamarisk henunai e guridia, Iabese ai. Bena dina hitu e ani vaga.
2SA 1:1 Saulo ena mase murinai, David na Amalek taudia ialadia amo e lou; bena David na dina rua e nohova Siklag ai.
2SA 1:2 Dina ihatoina ai, tau ta ema, Saulo ena taruha amo; ena dabua vada e hedare bona tano na kwarana tubuana ai heato. Ia na David dekenai e kau, bena e igo diho.
2SA 1:3 David ese e nanadaia, eto, Ede amo oma? Ia e haere, eto, Lau na Israel taudia edia taruha amo vada na roho mauri.
2SA 1:4 David ese ma e nanadaia, eto, Dahaka e vara? A hamaorogu. Ia ma e haere, eto, Orea taudia na tuari amo e heau, bena hutuma vada e keto, vada e mase; Saulo mai natuna lonatan ida danu vada e mase.
2SA 1:5 Bena David ese han tau eregabe, una hereva e hamaorolaia tauna, ma e nanadaia, eto, Ede o diba toma Saulo mai natuna lonatan ida vada e mase?
2SA 1:6 Hari eregabe tauna eto, Lau na so vada na loa kavava Gilboa ororona ai. Saulo na unuseni ai, ena io ai e heto'o tao, bona kariota bona hosi ai e gui taudia na vada e mai heniamu.
2SA 1:7 Ia e roha mun, e itagu; bena e boirigu. Lau na haere, nato, Lau o ina.
2SA 1:8 Ia e nanadaigu, eto, Oi be daika? Na haere, nato, Lau na Amalek tauna.
2SA 1:9 Ia ma eto, Badibadigu ai ba gini, bavalagu mase; badina be hisihisi ese e gugubagumu, a doini na maunmu.
2SA 1:10 Bena badibadinai na gini, na alaia mase; badina be na diba momokani ena keto murinai na basine maun diba. Bena havava ḡauna na kwarana ai bona toea na imana ai na kokidia; vada na mailaidia, egu lohia, oi dekemu ai.
2SA 1:11 Bena David ese ena dabua e abi, e daredia; ia bamona iboudiai danu unu e kara toma.
2SA 1:12 Bena e lalo hisihisiva, e taiva, bona e ani vagava, ela bona dina e diho; Saulo bona natuna Ionatan bona Iehova ena orea taudia bona Israel besena taidia e taiva, badina be idia na dare amo vada e mase.
2SA 1:13 Bena David ese una hari e mailaia tau-eregabena ma e nanadaia, eto, Oi na ede amo oma? Ia e haere, eto, Lau na tau Amalek, noho-hedoa tauna ta, natuna.
2SA 1:14 David ese ma e nanadaia, eto, Edeheto oi na imamu itoi-rorona, Iehova ese e horoa tauna iala-masena, na garina to gari a?
2SA 1:15 Bena David ese eregabe taudia ta e boiria, eto, A ha alaia. Bena e rahua mase.
2SA 1:16 David ese e hamaoroa, eto, Raramu be sibomu kwaramu ai, badina be sibomu vada o hahebade, oto “Iehova ese e horoa tauna na na alaia mase”.
2SA 1:17 Bena David ese Saulo mai natuna Ionatan ida taidia e tai, ena tai anena binai.
2SA 1:18 Bona e hahedua, Iuda taudia bae hadibalaidia eto. A itaia, ḡauna na lasara ena buka ai vada e torea. Ia eto:
2SA 1:19 Israel e, oi hairaimu na emu ororo doridia ai vada e hamasea; Goada taudia madi, vada e keto.
2SA 1:20 Gata ai basio herevalaia Askelono ariaradia ai basio gwauraia hedinarai; Filistia hahinedia bae moale na garina, asie peritomedia taudia natudia hahinedia na bae hisi dae na garina.
2SA 1:21 Umui Gilboa ororomui e, hunu eiava medu na latamui ai basie diho, animui na basie vara ḡahuḡala; badina be unuseni ai goada tauna ena kesi e hamiroa, Saulo ena kesi, dehoro amo asie horoa ḡauna.
2SA 1:22 E aladia taudia raradia amo, siahu taudia hidiodia amo, Ionatan ena peva na se lou, Saulo ena dare na se lou kava.
2SA 1:23 Saulo bona lonatan, mai lalokaudia bona mai raho-namodia, mauri ai bona mase ai asie haheparara. Ugava edia haraḡa na e hereadia, leona edia goada na e hereadia.
2SA 1:24 Israel hahinemui e, Saulo taina ba tai; ia ese dabua kakakaka e hadokilaimuiva, gold heraheradia amo emui dabua e haheralaidia.
2SA 1:25 Goada taudia madi ihabaidia, tuari bogaraginai vada e keto. Ionatan na emu ororo doridia ai e hamasea.
2SA 1:26 Tadigu Ionatan e, lalogu na e hisihisi hereamu oi daimu ai. Oi ese vada o lalo namo henigu, vada o lalokau l-enigu bada; emu lalokau egu ai ese hahine ilalokau-henidia e hereaia.
2SA 1:27 Goada taudia madi vada e keto, bona tuari gaudia vada e kwaidu.
2SA 2:1 Una murinai David ese Iehova e nanadaia, eto, Iuda hanuadia haida baina dae henidia eiava? Iehova ese e haere henia, eto, A dae lao. David eto Edena baina dae henia? Iehova eto, Heberon.
2SA 2:2 Taunabunai, David na unua ela, mai adavana raruosi ida: Ahinoama, Iesrele hahinena, bona Abigail, Nabala tau Karamele vabuna.
2SA 2:3 Bena David ese ena orea taudia e hakaudia dae; iboudiai na edia ruma taudia ida ela. Bena Heberon hanuadia ai e nohova.
2SA 2:4 Bena Iuda taudia na ela; unuseni ai idia ese David e horoa, Iuda iduhuna pavapavana ai e halaoa. Una negana ai idia ese David e hamaoroa, eto, Iabese-gilead taudia ese Saulo e guria.
2SA 2:5 Bena David ese gwaukau taudia e siaidia, Iabese-gilead taudia dekediai, e hamaorodia, eto, Iehova ese baine hanamomui, badina be emui abidadama na biagumui Saulo enai o hahedinaraia, bena o guria.
2SA 2:6 Iehova ese ena hebogahisi bona ena heabidadama emui ai baine hahedinarai. Bona lau danu baina hanamomui, una kara o karaia dainai.
2SA 2:7 Taunabunai, imamui ba ha-aukadia, ba goada; badina be biagumui Saulo vada e mase, bona Iuda taudia ese vada e horogu, edia pavapava ai bainala.
2SA 2:8 Una negana ai Abnere, Nere natuna, Saulo ena tuari oreana biaguna, ese Saulo natuna Isiboset e abia, Mahanaim e laohaia,
2SA 2:9 pavapava ai e halaoa: Gilead bona Asuru bona Iesrele bona Efraim bona Beniamina oreadia edia pavapava, bona Israel idoinai pavapavana.
2SA 2:10 Isiboset Saulo ena mauri laḡanidia na hari-ahui, Israel besena e lohiaia matama negana ai; laḡani rua hona e lohiaia. A Iuda iduhuna ese David e badinaia.
2SA 2:11 David ese laḡani hitu hua tauratoi Iuda iduhuna e lohiaia, Heberon ai.
2SA 2:12 Abnere Nere, Isiboset Saulo ena hesiai taudia ida, na Mahanaim e rakatania, Gibeon ela.
2SA 2:13 Bena loab Seruia, David ena hesiai taudia ida, na e raka lasi, Gibeon gohugohuna isena ai idia ida e hedavari. Bena e helai diho, orea ta gohugohu kahana ai, ma orea ta kahana ai.
2SA 2:14 Bena Abnere ese loab e hamaoroa, eto, Eregabe taudia na bae tore isi, ita vairadai bae heatu heatu helulu. Ioab eto, Ae tore isi.
2SA 2:15 Bena e tore isi, e raka hanai, gwauta-rarua Beniamina bona Isiboset Saulo edia, bona David ena hesiai taudia danu gwauta-rarua.
2SA 2:16 Bena ta ta ese ana dagae ana daḡae kwaradia e heabi heheni, edia dare amo ohedia e gwada; bena e keto hebou. Taunabunai, una gabu ladana e hatoa Helkatahasurim; gabuna na Gibeon ai.
2SA 2:17 Una dina ai tuari na auka herea, bona David ena hesiai taudia ese Abnere bona Israel taudia na e hadareredia.
2SA 2:18 Seruia natuna mamaruanedia tatoiosi na unuseni ai: Ioab bona Abisai bona Asahele. Hari Asahele na mai heau dibana, ena heau na uda diana ena heau na heto.
2SA 2:19 Bena Asahele ese Abnere e ḡavaia; iḡavana ai se heau siri, idiba kahana ai eiava lauri kahana ai.
2SA 2:20 Bena Abnere e roha mun, eto, Asahele, ena oi a? Asahele e haere, eto, Ina na lau.
2SA 2:21 Abnere eto, Idibamu kahana ai eiava laurimu kahana ai a heau siri, eregabe tauna ta ba dabaia tao, ena ḡau ba dadi. A Asahele na Abnere iḡavana amo se heau siri.
2SA 2:22 Bena Abnere ese Asahele e hereva henia lou, eto, Iḡavagu amo ba raka siri; baina gwadamu mase anina be dahaka? Kakamu Ioab vairanai ede baina igo isi toma?
2SA 2:23 A lalona e ha-aukaia, se raka siri. Taunabunai, Abnere ese ena io dorina amo ia bogana e gwadaia; bena io na doruna amo e lasi; e keto, bena e keto gabuna ai e mase. Bena Asahele e mase gabuna ai e kau taudia iboudiai na unuseni ai e gini.
2SA 2:24 A Ioab bona Abisai ese Abnere e gavaia. Dina e dihova ai, idia na Ama ororona ai e kau; una ororo na Gia vairanai, Gibeon tanoḡaḡaena e lao heniamu dalana ai.
2SA 2:25 Bena Beniamina taudia e hebou, Abnere murinai; orea tamona ai e hahebou, ororo ta dorina ai e gini.
2SA 2:26 Bena Abnere ese loab e boi henia, eto, Dare baine ala-ala hanaihanai a? Asi dibamu dokona na baine idita a? Edena negai emu orea taudia ba haḡanidia, tadikakadia ihahavadia amo bae lou?
2SA 2:27 Bena Ioab eto, Dirava e maurimu heḡereḡerena, oi basioma hereva ina orea taudia ese tadikakadia ihahavadia na daba ai bema hadokoa.
2SA 2:28 Taunabunai, Ioab ese kibi e hiriria; bena ena orea taudia iboudiai e gini, Israel taudia ihahavadia e hadokoa, bona asie tuari lou.
2SA 2:29 Una hanuaboi idoinai Abnere mai ena orea taudia ida e raka, Araba tanona e rakaia hanai, Ioridane sinavaina e hanaia, ma e raka, ela bona dina tubua ai Mahanaim ai e kau.
2SA 2:30 Ioab na Abnere iḡavana amo e lou ela, ena orea taudia iboudiai e haboudia; David ena hesiai taudia gwauta taurahani-ta vada lasihidia, bona Asahele danu.
2SA 2:31 A David ena hesiai taudia ese Beniamina taudia sinahu-toi tauratoi-ahui, Abnere ena orea taudia, vada e aladia mase.
2SA 2:32 Bena idia ese Asahele e abia, tamana ena gara ai e guria, Betelehem ai. Bena loab mai ena orea taudia ida e raka rani; daba e rere, idia na Heberon ai e kau.
2SA 3:1 Saulo ena orea bona David ena orea na e tuari heheni: tuan na vada e daudau. David na e goada e laova, a Saulo ena orea na e manoka e laova.
2SA 3:2 David ese natuna mamaruanedia haida e havaradia Heberon ai. Roboana na Amnon; ia na Ahinoama, hane Iesrele, natuna.
2SA 3:3 Iharuana na Kilea, Abigail natuna; una Abigail na Nabala, tau Karamele, vabuna. Ihatoina na Absalom, Maaka natuna; una Maaka na Talmai, Gesuru pavapavana, natuna hahinena.
2SA 3:4 Ihahanina na Adonia, Hagiti natuna; bona iha-imana na Sefatia, Abitala natuna.
2SA 3:5 Ihatauratoina na Itireama, David adavana Egla natuna. Una na David ese e havaradia, Heberon ai.
2SA 3:6 Saulo ena orea bona David ena orea e tuari heheniva ai na Abnere ese ena siahu e habadaia, Saulo ena orea ai.
2SA 3:7 Saulo vabuna ta ladana na Rispa, Aia natuna. Bena Isiboset ese Abnere e gwau henia, eto, Dahaka dainai tamagu vabuna ta ida o eno bou?
2SA 3:8 Bena Abnere e badu dikadika, Isiboset ena hereva dainai, eto, Be, lau na Iuda ena sisia kwarana ta a? Han dina ai, tamamu Saulo iduhuna bona tadikakana bona turana doini na badinadiamu. Oi na David imana ai asina atomu. Matona han dina ai o habadegumu, hahine ta ida na kerere dainai.
2SA 3:9 Iehova ena gwauhamata, David enai, anina basinama havaraia, Dirava ese Abnere davana bema henia, ma bema habadaia.
2SA 3:10 Gwauhamata na binai: basileia na Saulo ena iduhu amo baine heabi oho, David ena terono baine hahedai, Israel bona Iuda baine lohiadia, Dan amo ela bona Bere-sieba.
2SA 3:11 Bena Isiboset ese Abnere se haere henia, badina be ia garina e gari.
2SA 3:12 Bena Abnere ese gwaukau taudia na David dekena e siaidia, Heberon ai, eto, Tano be daika ena? Aita herohemaino, bena lau imagu ese baine durumu, Israel idoinai na emu ai baina vena hanai.
2SA 3:13 David eto, Namo; aita herohemaino. Ḡau tamona, dekegu baoma negana ai na Saulo natuna hahinena, Mikala, ba hakaua mai guna; bema lasi, vairagu basio itaia.
2SA 3:14 Bena David ese gwaukau taudia na Isiboset Saulo dekena e siaidia, eto, Adavagu Mikala a henigu, badina be na mao henia davana na Filistia taudia sinahu-ta peritome ai e iva heḡeḡe kopidia amo vada na karaia.
2SA 3:15 Bena Isiboset e hesiai, hahine na adavana Paltiel Laisi ena amo e vena lou.
2SA 3:16 A adavana ese e bamoa, bona murina amo e tai, ela bona Bahurimi. Bena Abnere ese e hamaoroa, eto, A lou aola. Bena e lou ela.
2SA 3:17 Bena Abnere na Israel tau-badadia ida e henega bou, eto, Nega taina daudau vada e lao bubuni, umui ese David vada o ura heniava, emui pavapava ai bainela.
2SA 3:18 Harihari, karana ba karaia; badina be Iehova ese David vada e gwau henia hamata, eto, Egu hesiai tauna David imana amo lau ese egu orea Israel na Filistia taudia imadia amo bona inaina iboudiai imadia amo baina hamauria.
2SA 3:19 Abnere ese Beniamina taudia danu e hereva henidia. Bena Abnere na Heberon ela, Israel besena bona Beniamina iduhuna idoinai edia lalo-hadai ede bae kara toma eto na David baine hamaorolaia totona.
2SA 3:20 Bena Abnere, tatau ruahui ida, David dekena ela, Heberon ai. Una negana ai, David ese aria ta e karaia, Abnere mai bamona ida adia.
2SA 3:21 Bena Abnere ese David e hamaoroa, eto, Aina tore isi, bainala, Israel taudia iboudiai baina haboudia, egu lohia bona egu pavapava vairamu ai. Idia na oi ida bae herohemaino; bena o ura henidiamu taudia iboudiai na ba biagudia. Taunabunai David ese Abnere e siaia oho; ia na mai mainona ida ela.
2SA 3:22 Una negana ai, David ena hesiai taudia na Ioab ida tuari amo e kau; e dadi kohudia momo e mailai. A Abnere na dia David dekenai Heberon ai; badina be vada e siaia oho, bena mai mainona ida ela.
2SA 3:23 Ioab mai ena tuari oreana idoinai ida e kau; bena haida ese e hamaoroa, eto, Abnere Nere na pavapava dekena ema; ma vada e kahua nege, mai mainona ida ela.
2SA 3:24 Bena Ioab na pavapava dekena ela, eto, Ede vada o kara toma? A itaia, Abnere na dekemu ema; dahaka dainai vada o siaia oho, bena ela?
2SA 3:25 Oi dibamu Abnere Nere na ikoimu totona ema, emu raka lasi emu raka vareai bona emu kara iboudiai baine diba totona.
2SA 3:26 Ioab na David vairana amo e raka lasi, bena ia ese gwaukau taudia e siaidia, Abnere bae ḡavaia. Bena Siragohugohuna amo e hakaua lou mai; a David na asi dibana.
2SA 3:27 Bena Abnere na Heberon e lou henia negana ai na Ioab ese hanua ikoukouna amo e hakaua siri, baine hereva henia hehuni eto; bena bogana e gwada, bena e mase, ia tadina Asahele rarana davana.
2SA 3:28 Gabeai, David e kamonai negana ai, ia eto, Lau bona egu basileia na asi emai kerere Iehova vairanai, Abnere Nere rarana dainai.
2SA 3:29 Ioab latanai, bona tamana ena iduhu taudia latadiai, baine kau. Uru iboudiai Ioab ena iduhu ai haida na enobougorerena bae davaria, eiava bae lepra, eiava hahine edia ḡaukara bae kara, eiava dare amo bae mase, eiava bae hitolo.
2SA 3:30 Badina bunai Ioab bona tadina Abisai ese Abnere e alaia mase, badina be ia ese Gibeon tuarina ai idia tadidia Asahele e alaia mase davana.
2SA 3:31 Bena David ese Ioab bona ena orea taudia iboudiai e hamaorodia, eto, Emui dabua ba dare, puse dabuadia ba hedokilai, Abnere taina ba tai. Hanua pavapavana David na mase patana murinai e raka.
2SA 3:32 Abnere na Heberon ai e guria; bena hanua pavapavana na gadona e habadaia, Abnere gurina badibadinai e tai; taunimanima iboudiai danu e taitai.
2SA 3:33 Bena haulua pavapavana na Abnere taina e tai, eto, Abnere na kava tauna ena mase ai baineme mase a?
2SA 3:34 Imamu na asie ḡuidia, aemu na asi gadeadia. Kara dika taudia vairadiai e ketomu tauna na heto, oi vada o keto. Bena taunimanima iboudiai na ia taina ma e tai.
2SA 3:35 Bena taunimanima iboudiai na David dekena ela, lalona e ania toho, ia na dina ai do baine aniani. A David na hereva metauna e gwauraia, eto, Dina do basine diho ai flaoa eiava aniani ḡauna ta baina mamia toho, Dirava ese do baine hadikagu, baine hadikagu bada.
2SA 3:36 Bena taunimanima iboudiai ese e haeroa, bona lalodia e namo, hanua pavapavana ena kara iboudiai ese lalodia e hanamodiava heḡereḡerena.
2SA 3:37 Taunabunai, una dina ai hebou taudia iboudiai bona Israel idoinai lalodia na e parara, una Abnere Nere iala-masena na dia hanua pavapavana ena ura.
2SA 3:38 Bena hanua pavapavana ese ena hesiai taudia na e hamaorodia, eto, Umui asi dibamui a, lohia tauna, tau badana ta, hari ina dina ai vada e mase Israel ai.
2SA 3:39 Ena be e horogu, pavapava ai e halaogu, to hari ina dina ai vada na manoka-manokamu; ina Seruia natuna na egu ai eme auka herea. Iehova ese kara dika tauna davana do baine henia, ena kara dika heḡereḡerena.
2SA 4:1 Isiboset Saulo e kamonai Abnere na Heberon ai e mase, bena e gari dikadika, bona Israel taudia iboudiai danu kudoudia e hetaha.
2SA 4:2 Saulo natuna na mai ena tuari oreadia maraḡidia biagudia rarua; ladadia na Baanaha bona Rekab. Raruosi na Beniamina iduhuna tauna ta, ladana Rimon, Beroto tauna, natuna. (Hari Beroto danu e gwauraiamu Beniamina hanuana ta;
2SA 4:3 Beroto taudia na e heau, Gitaimi ela, unuseni ai e noho hedoamu ema bona hanhan).
2SA 4:4 Ionatan Saulo na mai natuna ta, ae-hedairike merona. Saulo bona Ionatan sivaraidia na Iesrele amo e kau negana ai, una mero ena mauri laḡanidia na ima hona. Bena ireḡuna hahinena ese e abia isi, e heaulaia; heauna ai mero na e moru, bena aena e hedairike. Mero ladana na Mefiboset.
2SA 4:5 Han Rimon, tau Beroto, natuna raruosi, Rekab bona Baanaha, e raka lasi, dina tubua ai Isiboset ena ruma ai e kau, tauna na laḡana e ania negana ai.
2SA 4:6 Iduara igimana hahinena na uit ihaḡoevana ai matana vada e ḡaraia, vada e mahuta; taunabunai Rekab mai tadina Baanaha ida e dae kau hehuni.
2SA 4:7 Ruma lalonai e raka vareai negana ai, idia ese Isiboset na ena mahuta daiutuna ai ena mahuta patana latanai mahutana ai e rahua mase, bona kwarana e utua oho. Bena idia na kwara e abia, Araba dalana amo e raka boi e raka rani,
2SA 4:8 Isiboset kwarana na David dekena e laohaia Heberon ai. Idia ese hanua pavapavana e hamaoroa, eto, Oi inaimu Isiboset Saulo, emu maun iabi-ohona dalana e tahuava tauna, kwarana binai. Han dina ai Iehova ese Saulo mai garana ida davadia vada e henidia, oi, egu lohia bona egu pavapava, vada e hadava henimu.
2SA 4:9 A David ese Rimon tau Beroto natuna raruosi, Rekab mai tadina Baanaha ida, e haere henidia, eto, Iehova, dika iboudiai lalodia amo vada e hamaurigu Diravana, e maunmu heḡereḡerena,
2SA 4:10 tau ta ese e hamaorogu, eto “A kamonai, Saulo vada e mase”, bona e laloa ia na hari namona ta vada e mailaia, negana ai na na dabaia tao, Siklag ai na alaia mase, ena hari davana unu na henia toma.
2SA 4:11 Matona, kara dika taudia ese kara maoromaoro tauna ta na ena ruma korikori ai bona ena mahuta patana ai vada e alaia mase, ia rarana davana na umui imamui amo basina abia, tanobada ai basina habuamui tari a?
2SA 4:12 Bena David ese ena eregabe taudia e haḡanidia; bena idia ese raruosi na e aladia mase, imadia bona aedia e utudia oho, bena tau-anidia na Heberon gohugohuna badibadinai e taudia dae. A Isiboset kwarana e abia, Abnere ena gara ai e guria, Heberon ai.
2SA 5:1 Bena Israel iduhudia iboudiai na David dekena ela, Heberon ai, eto, Ai na oi turiamu bona oi hidiomu.
2SA 5:2 Nega gunadia ai, Saulo ese e lohiadava negadia ai, oi ese ai Israel taumai o hakaumai lasi bona o hakaumai vareai. Bena Iehova ese e hamaoromu, eto “Oi ese egu bese Israel do ba reḡua, bona pavapavana ai baola”.
2SA 5:3 Taunabunai, Israel tau-badadia iboudiai na hanua pavapavana dekena ela, Heberon ai; bena King David na idia ida e hegwauhamata heheni Heberon ai, Iehova vairanai. Bena idia ese David e horoa, Israel pavapavana ai e halaoa.
2SA 5:4 David ena mauri laḡanidia na toi-ahui, e lohia matama negana ai; ena lohia laḡanidia na hari-ahui.
2SA 5:5 Laḡani hitu hua tauratoi ia ese Iuda iduhuna e lohiaia Heberon ai, ma laḡani toi-ahui toi ia ese Israel idoinai bona Iudea idoinai e lohiadia Ierusalem ai.
2SA 5:6 Hanua pavapavana na ena tuari taudia ida Ierusalem ela, Iebusu taudia, una tano taudia, bae tuari henidia totona. Idia ese David e hamaoroa, eto, Oi na iniseni ai basio dae kau, a mata-kepulu taudia bona ae-hedairie taudia ese bae laomu ahu. Edia lalo-hadai be David na unuseni ai basine dae kau diba.
2SA 5:7 A David ese Siona kohorona e abia: David ena hanua bunai.
2SA 5:8 Una dina ai David eto, Daika ese Iebusu taudia baine hadareredia, ia na ranu gabuna amo baine dae, ae-hedairike taudia bona mata-kepulu taudia, David laumana ese e inai henidiamu taudia, baine tuari henidia. Unu amo ina hereva e vara: Mata-kepulu taudia bona ae-hedairike taudia na ruma ai basie dae kau.
2SA 5:9 Bena David na una kohoro ai e nohova, ladana e hatoa “David ena hanua”. David ese danu hanua ma e hadaia heḡeḡe, hetoa ladana Milo lalonai.
2SA 5:10 Bena David na e goada e laova, badina be Dirava, Iehova Sabaota, na ia ida.
2SA 5:11 Hirama, Turo pavapavana, ese gwaukau taudia na David dekena e siaidia; bona sida audia, bona kamuta taudia, bona nadi-koro taudia. Bena idia ese ruma auta e hadaia, David ena.
2SA 5:12 Bena David lalona e parara Iehova ese vada e haginia, Israel pavapavana, bona ena basileia vada e hadaea herea, ena orea taudia Israel daidiai.
2SA 5:13 David ese hahine haida ma e adavadia, Ierusalem ai, Heberon e rakatania murinai; bena natuna mamaruanedia bona natuna hahinedia haida ma e vara.
2SA 5:14 Natuna Ierusalem ai e vara taudia ladadia bini: Samua, Sobab, Natan, Solomon,
2SA 5:15 Ibihara, Elisua, Nefeg, Iafia,
2SA 5:16 Elisama, Eliada, Elifelete.
2SA 5:17 Filistia taudia hari e kamonai David vada e horoa, Israel pavapavana; bena Filistia taudia iboudiai na e tore isi, David itahuna ela. A David e kamonai, bena ena kohoro ela.
2SA 5:18 Filistia taudia na ema, Refaim kourana idoinai e hahonua.
2SA 5:19 Bena David ese Iehova e nanadaia, eto, Bainala, Filistia taudia baina tuan henidia eiava? Imagu ai bavatodia eiava? Iehova ese David e haere henia, eto, Aola: momokani lau ese Filistia taudia na oi imamu ai baina atodia.
2SA 5:20 Bena David na Baal-perasimi ela, unuseni ai e hadareredia. Bena ia eto, Iehova ese lau inaigu vada e haheḡiḡidia dobi, abata ese ḡau ta bema ḡiḡia dobi na heto. Taunabunai, una gabu ladana e hatoa Baal-perasimi.
2SA 5:21 Filistia taudia ese edia kaivakuku e rakatanidia unuseni ai, bena David bona ena orea taudia ese e haboudia, e huadia lao.
2SA 5:22 Filistia taudia ma ema, Refaim kourana ma e hahonua lou.
2SA 5:23 A David ese Iehova e nanadaia negana ai, Iehova ese e haere henia, eto, Basiola; a ba rakadia hegeḡe, bona muridia kahana amo ba hahoadia, baka audia italaidia.
2SA 5:24 Bena reḡe ta baka audia doridia ai ba kamonai, e kara tuari taudia e raka hanaimu reḡedia na heheto, negana ai vada ba raka haraḡa; badina be ba diba, Iehova vada e guna oi vairamu ai, Filistia edia tuari taudia irahu-masedia totona.
2SA 5:25 Bena David ese Iehova ena hahedua heḡereḡerena e karaia; bena ia ese Filistia taudia e rahudia mase, Geba amo ela bona Gesere.
2SA 6:1 David ese Israel ai e abidia hidi taudia iboudiai ma e haboudia lau: iboudiai na gerebu toi.
2SA 6:2 Bena David e tore isi, mai bamona iboudiai ida Baale-iuda ela, unu amo Dirava ena maua helaḡana, Iehova Sabaota, kerubi latadiai e helaimu Diravana, ladana e hahenemailaia mauana, bae daelaia totona.
2SA 6:3 Bena Dirava ena maua helaḡana na rerue matamatana ta latanai e atoa, Abinadab ena ruma amo e abia lasi. Una ruma na ororo ai. Abinadab natuna raruosi, Usa bona Ahio, ese hari rerue matamatana e heaulaia,
2SA 6:4 Dirava ena maua helagana na rerue latanai, bona Ahio na maua helaḡana vairanai e raka.
2SA 6:5 Bena David bona Israel besena idoinai e moale hisi dae mai goadadia idoinai, Iehova vairanai, mai anedia bona hatai-hatai gaudia idau-idau bona tareko bona bota-bota auridia idau-idau reḡedia ida.
2SA 6:6 Idia na Nakono ena uit ikwadina gabuna ai e kau, bena Usa ese imana e toia roro, Dirava ena maua helaḡana ai e dau kau, baine dogoa tao eto. badina be boromakau mamaruanedia na e hetutuhi.
2SA 6:7 Bena Iehova ena badu na Usa latanai e kau; bena Dirava ese e rahua mase, imana e toia roro maua helaḡana enai e kau kau dainai; bena unuseni ai e mase, Dirava ena maua helaḡana badibadinai.
2SA 6:8 Bena David na e badu, Iehova ese Usa e rahua mase dainai; bona una gabu ladana e hatoa Perese-usa, ema bona harihari.
2SA 6:9 Una dina ai David ese Iehova garina e gari, eto, Iehova ena maua helaḡana na egu ai ede bae mailaia toma?
2SA 6:10 Taunabunai, David lalona na se heḡereḡere, Iehova ena maua helaḡana na David ena hanua ai bae vareailaia. A David ese e heaulaia siri, Obed-edom, tau Gata, ena ruma e laohaia.
2SA 6:11 Bena Iehova ena maua heḡana na Obed-edom, tau Gata, ena ruma ai e miava, hua toi; bona Iehova ese Obed-edom mai ena ruma taudia iboudiai ida e hanamodia.
2SA 6:12 Haida ese King David e hamaoroa, eto, Iehova ese Obed-edom ena ruma taudia bona ena kohu idoinai vada e hanamodia, Dirava ena maua helaḡana dainai. Taunabunai David na ela, Dirava ena maua helaḡana na Obed-edom ena ruma amo e abia, David ena hanua ai e daelaia, mai moalena ida.
2SA 6:13 Iehova ena maua helaḡana ihuana taudia ese daḡa tauratoi hona e raka, bena ia ese boromakau maruanena ta bona ubu-ubu ḡauna ta e hahelaḡadia bona e aladia mase.
2SA 6:14 Bena David na Iehova vairanai e mavaru, mai goadana idoinai; ia ese hahedoki helaḡana, dabua aukana amo e karaia ḡauna, e hahedokilaia.
2SA 6:15 Taunabunai David bona Israel besena idoinai ese Iehova ena maua helaḡana e daelaia, mai honedia bona mai kibi reḡedia ida.
2SA 6:16 A Iehova ena maua helagana na David ena hanua ai e kau negana ai, Saulo natuna hahinena Mikala na gaba-mauru amo e igo lasi, bena King David e itaia, e mavaru roho-isi roho-isiva Iehova vairanai; bena lalona ese e dadaraia.
2SA 6:17 David ese kalaga auta vada e hadaia heḡaeḡae, Iehova ena maua helaḡana ena; bena idia ese e vareailaia, ena gabu ai e atoa kau. Bena David ese ḡole-oho boubou =audia bona herohemaino boubou ḡaudia na Iehova vairanai e hahela=adia.
2SA 6:18 David ese unu ḡole-oho boubou ḡaudia bona herohemaino boubou ḡaudia e hahelaḡadia vaitani, bena ia ese Israel taudia na e hanamodia, Iehova Sabaota ladana ai,
2SA 6:19 bona Israel taudia iboudiai, tatau bona hahine, adia e henidia hagau-hagau, flaoa igabu ta, bona vamu taina, bona vine huahuadia kaukaudia mane ta. Bena taunimanima iboudiai e karoho, ta ta ena ruma ena ruma ela.
2SA 6:20 Bena David na e lou ela, ena ruma taudia baine hanamodia eto. A Saulo natuna hahinena, Mikala, e raka lasi, David ida e hedavari, eto, Israel pavapavana han dina ai sibona dahaka heimodai? Ena hesiai kekenidia vairadiai sibona e heruharuha, tau-kavakava e heruherahamu asi hemaraina na heto.
2SA 6:21 David ese Mikala e haere henia, eto, Iehova, e abigu hidi tamamu bona ena iduhu taudia iboudiai baina hereadia bona Israel, Iehova ena bese, pavapavana ai e halaogu Diravana, ia vairanai na karaia; bona Iehova vairanai moale karadia do baina kara.
2SA 6:22 Hemarai karadia do baina habada, bona oi ese be ba dadaraigu, to unu o gwauraidiamu kekenidia ese be bae imodaigu.
2SA 6:23 Una Saulo natuna hahinena Mikala na e gabani ela bona e mase.
2SA 7:1 Hanua pavapavana na ena ruma ai e nohova, bona Iehova ese laḡa-ani e henia, ana inai iboudiai vairadiai.
2SA 7:2 Bena hanua pavapavana ese peroveta tauna Natan na e hamaoroa, eto, A itaia, lau na sida rumana ai na nohomu, a Dirava ena maua helaḡana na kalaga ai e miamu.
2SA 7:3 Bena Natan ese hanua pavapavana e hamaoroa, eto, Aola, Ialomu e hadaiamu karana idoinai do ba karaia, badina be Iehova na oi ida.
2SA 7:4 A una hanuaboi Iehova ena hereva na Natan enai e kau, eto,
2SA 7:5 Aola, egu hesiai tauna David ba hamaoroa, Iehova na ini e gwau tomamu: Egu noho rumana auta ba haginia a?
2SA 7:6 Ruma ta ai asina noho, Israel taudia na Aigupto tanona amo na hakaudia lasi dinana amo ema bona hari ina dina ai, a vada na loa eva-eva, kalaga ai vada na noho.
2SA 7:7 Israel taudia iboudiai ida na loa henidiava gabudia iboudiai na Israel edia hanemaoro tauna ta, egu orea Israel ireguna ai na halaoa tauna, na nanadaia a, nato “Dahakadainai sida rumana auta to haginia egu?”
2SA 7:8 Taunabunai, egu hesiai tauna David na ba hamaoroa, Iehova Sabaota na ini e gwau tomamu: Rei gabuna amo, mamoe ireḡudia amo na abimu, egu bese Israel edia pavapava ai baola helaoreana,
2SA 7:9 bona vada na bamomu emu loa daladia iboudiai, bona inaimu vada na hadareredia vairamu ai, bona ladamu do baina habadaia, tanobada Iohiadia ladadia hegereḡeredia.
2SA 7:10 Egu bese Israel edia gabu baina gwauraidia hidi, bona baina hadaidia, edia gabu korikori ai bae noho, ta ese basine hamareredia. Daḡedaḡe taudia ese basie hahisidia lou, gunaguna e karava heḡereḡerena,
2SA 7:11 egu bese Israel na hahemaoro taudia na henidia negana amo. Laḡa-ani danu baina henimu, inaimu iboudiai vairadiai. Ina danu, Iehova ese e hamaoromumu, emu iduhu na Iehova ese baine haginia.
2SA 7:12 Emu dina bae ore, bena tubumu tamamu ida ba hekure, negana ai lau ese natumu baina haginia oi murimu ai; ia na oi tau-animu amo baine vara, bona lau ese ena basileia baina haginia.
2SA 7:13 Ia ese ruma auta baine haginia, lau ladagu ena; bona lau ese iena basileia teronona baina haginia, baine gini hanaihanai.
2SA 7:14 Lau na ia tamana ai bainala, bona ia na lau natugu ai bainela. Baine kara dika negadia ai na taunimanima edia ikwadi amo baina kwadia, bona taunimanima natudia edia hedadaba amo baina dadabaia.
2SA 7:15 A egu hebogahisi na iena amo basina abia oho, Saulo ena amo na abia oho heḡereḡerena, ia na oi vairamu amo na atoa siri negana ai.
2SA 7:16 Emu iduhu bona emu basileia na bae gini tutuka-tutuka vairagu ai, bona emu terono na baine hedai hanainanai.
2SA 7:17 Ini hereva iboudiai bona ina mata-hanai idoinai heḡereḡeredia, Natan ese David e hamaorolaia.
2SA 7:18 Bena King David e raka vareai, Iehova vairanai e helai, eto, Ḡaubada Iehova e, lau be daika, bona egu iduhu be dahaka? Matona, oi ese vada o hakaugu ema bona hari.
2SA 7:19 A Ḡaubada Iehova e, una na ḡau pipikina oi vairamu ai; oi ese emu hesiai tauna ena iduhu vada o herevalaia, nega dau ai baine vara ḡauna, bona uru gabedia vada o haheitalaigu, Ḡaubada Iehova e!
2SA 7:20 Ma dahaka David ese baine hamaoromu? Ḡaubada Iehova e, emu hesiai tauna na vada dibamu.
2SA 7:21 Emu gwauhamata dainai bona emu lalo-hadai bagunai ini kara badadia vada o kara, emu hesiai tauna lalona baine parara helaoreana.
2SA 7:22 Taunabunai oi na bada, Iehova, Dirava e; badina be asi idaimu bona Dirava ta ma lasi; taiamai e kamonaimu sivaraidia iboudiai na unu e hadibamai tomamu.
2SA 7:23 Edena bese tanobada ai na emu bese Israel heḡereḡerena? Dirava ese e hamauridia, iena bese ai baela; ia sibona ladana e habadaia, bona kara badadia, hahegari karadia, idia daidiai e kara, iena orea taudia vairadiai bese ta mai ena dirava iboudiai ida e luludia lasi.
2SA 7:24 Emu bese Israel danu oi ese o haginia, emu bese ai bainela ela bona hanaihanai; bona oi danu, Iehova e, edia Dirava ai o hahelao.
2SA 7:25 Iehova, Dirava e, emu hesiai tauna bona ia garana o herevalaidia herevana hari ba hamomokania hanaihanai, bona karana ba karaia.
2SA 7:26 Bena oi ladamu bae imodaia hanaihanai, baeto “Iehova Sabaota na Israel Diravana”; bona emu hesiai tauna David ena iduhu baine gini tutuka-tutuka vairamu ai.
2SA 7:27 Badina oi, Iehova Sabaota, Israel Diravana, ese emu hesiai tauna vada o hahedinarai henia, oto “Emu iduhu baina haginia”. Una dainai emu hesiai tauna ese goada vada e davaria, ini baine ḡuriḡun henimu toma.
2SA 7:28 Ḡaubada Iehova e, oi na Dirava; emu hereva na momomo-kakani. Ina ḡau namona emu hesiai tauna vada o gwaurai henia hamata;
2SA 7:29 taunabunai, mani emu kara emu hesiai tauna ena iduhu ba hanamoa, bena oi vairamu ai baine hesiriu hanaihanai. Badina be, Ḡaubada Iehova e, oi ese vada o gwauraia, bona oiemu hahenamo ese emu hesiai tauna ena iduhu baine hanamoa, ela bona hanaihanai.
2SA 8:1 Una murinai David ese Filistia taudia e hadareredia bona e hamanaudia. David ese danu Metegama na Filistia taudia imadia amo e abia.
2SA 8:2 Ia ese Moab taudia danu e hadareredia, bena hetoadia e kara, e hahekuredia ere-ere; ere rua hetoana e karaia bae mase, a ere ta idoinai e hamauridia. Bena Moab taudia na David ena hesiai taudia ai ela, bona heaiva ḡaudia danu e henia.
2SA 8:3 David ese Hadadesere Rehob, Soba pavapavana, danu e hadarerea, una tau ese Eufrate sinavaina tanodia iabi-loudia totona ela negana ai.
2SA 8:4 David ese hosi-gui taudia daha-ta sinahu-hitu bona ae-raka taudia gerebu rua na iena amo e abidia. David ese kariota hosidia iboudiai danu mamudia varovarodia e utu, a kariota sinahu-ta hosidia mo asie utudia.
2SA 8:5 Suna taudia na Damasko amo ela, Hadadesere, Soba pavapavana, bae durua eto; bena David ese Suria taudia gerebu-rua daha-rua e aladia mase.
2SA 8:6 Bena David ese tuari oreadia haida e siaidia, Aram, Damasko kahana ai, ela, unuseni ai bae noho; bena Suria taudia na David ena hesiai taudia ai ela, bona heaiva ḡaudia e henia. Iehova ese David na kwalimu e henia, e laova gabudia iboudiai.
2SA 8:7 David ese gold kesidia, Hadadesere ena hesiai taudia ese e hua ḡaudia, danu e abidia, Ierusalem e laohaidia.
2SA 8:8 Hadadesere ena hanua rua, Beta bona Berotai, amo King David ese auri labora-laboradia momo herea e abi.
2SA 8:9 Toi, Hamat pavapavana, hari e kamonai David ese Hadadesere ena tuari oreana idoinai vada e hadarerea.
2SA 8:10 Bena Toi ese natuna loram na King David dekena e siaia lao, baine hahenamo henia bona baine imodaia totona, ia ese Hadadesere vada e tuan henia bona vada e hadarerea dainai; badina be una Hadadesere na nega momo Toi ida vada e tuan. Ioram na gold gaudia bona silver gaudia bona bronze gaudia e mailaidia;
2SA 8:11 ini danu King David ese e hahelagadia, Iehova ena, vada e hadareredia besedia iboudiai edia amo e abi bona e hahelaḡa gold-na bona silver-na ida.
2SA 8:12 Besedia be Edom bona Moab, bona Amono taudia bona Filistia taudia bona Amalek taudia; Hadadesere Rehob, Soba pavapavana, ena amo e abi kohudia danu ia ese e hahelaḡadia.
2SA 8:13 David na sibona ladana e habadaia. E lou negana ai, ia ese Edom taudia gerebu-ta daha-taurahani na Damena Kourana ai e aladia mase.
2SA 8:14 Edom tanona idoinai ia ese tuari oreadia e hanohodia; bena Edom taudia iboudiai na David ena hesiai taudia ai ela. Iehova ese kwalimu na David e henia, e laova gabudia iboudiai.
2SA 8:15 Taunabunai, David ese Israel idoinai e lohiaia. David ese ena orea taudia iboudiai e hahemaoro henidia mai maoromaorona ida.
2SA 8:16 Ioab Seruia na tuari oreana lohiana; lehosafat Ahilud na e tore pepadia inaridia tau;
2SA 8:17 Sadok Ahitubu bona Ahimelek Abiatara na hahelaḡa taudia; Seraia na toretore tauna;
2SA 8:18 Benaia Iehoiada na Kerete bona Pelete taudia biagudia. David natuna mamaruanedia na hahelaḡa taudia.
2SA 9:1 David eto, Saulo ena iduhu tauna ta noho eiava? Bama kara namo henia, Ionatan dainai.
2SA 9:2 Hesiai tauna ta e noho, Saulo ena iduhu lalona amo, ladana na Siba. E boiria, David dekena bainema; bena hanua pavapavana ese e nanadaia, eto, Oi Siba a? Ia e haere, eto, Emu hesiai tauna binai.
2SA 9:3 Hanua pavapavana ma e henanadai, eto, Saulo ena iduhu tauna ta noho eiava? Dirava ena gado-namo ia baina hahedinarai henia. Siba ese hanua pavapavana e hamaoroa, eto, Ionatan natuna ta do noho; ia na aena ruaosi e hedairike.
2SA 9:4 Hanua pavapavana ese e nanadaia, eto, Ia be edeseni ai? Siba ese hanua pavapavana e hamaoroa, eto, Ia na Makiri Arniele ena ruma ai, Lo-debara ai.
2SA 9:5 Bena King David ese hereva e siaia, bena Lo-debara ai Makin Amiele ena ruma amo e hakaua mai.
2SA 9:6 Bena Mefiboset, Ionatan Saulo natuna, na David dekenai e kau; bena e goru diho, e toma henia diho. David eto, Meribosel. Ia na e haere, eto, Lau binai emu hesiai tauna.
2SA 9:7 David ese e hamaoroa, eto, Asio gari; tamamu Ionatan dainai baina kara namo henimu. Tubumu Saulo ena tano na idoinai ma baina henimu lou; bona egu pata ai bavaniani, nega idoinai.
2SA 9:8 Bena ma e toma henia diho, eto, Emu hesiai tauna be dahaka? Lau na sisia masena na heto; ba haḡeregu anina be dahaka?
2SA 9:9 Bena hanua pavapavana ese Saulo ena hesiai launa Siba e boina, eto, Saulo mai ena idunu taudia ida edia kohu idoinai na biagumu natuna vada na henia.
2SA 9:10 Oi bona natumu bona emu hesiai taudia ese tano ba ruaia iena, bona tano anina ba haboua, biagumu natuna na ana aniani baine davaria totona. A biagumu natuna Mefiboset na egu pata ai baine aniani, nega idoinai. Siba natuna mamaruanedia na gwauta-ima, bona ena hesiai taudia na ruahui.
2SA 9:11 Bena Siba ese hanua pavapavana e hamaoroa, eto, Egu lohia bona egu pavapava ese ena hesiai tauna vada e henia haheḡanidia iboudiai na emu hesiai tauna ese unu baine kara toma. Taunabunai, Mefiboset na David ena pata ai e anianiva, pavapava natuna ta na heto.
2SA 9:12 Mefiboset na mai natuna maraḡina ta, ladana na Mika. Siba ena ruma ai e nohova taudia iboudiai ese Mefiboset isiaina e lao heniva.
2SA 9:13 Taunabunai, Mefiboset na Ierusalem ai e nohova; badina be ia na hanua pavapavana ena pata ai e anianiva, nega idoinai. Ia na aena ruaosi e hedairike.
2SA 10:1 Una murinai Amono taudia edia pavapava e mase, bona natuna Hanunu ese ia gabuna e abia.
2SA 10:2 Bena David eto, Hanunu Nahasa baina kara momokani henia, tamana ese e kara momokani heniguva heḡereḡerena. Taunabunai, David ese ena hesiai taudia e siaidia, tauna ihalona totona, tamana dainai. Bena David ena hesiai taudia na Arnono taudia edia tano ai e kau.
2SA 10:3 A Amono lohiadia ese Hanunu, edia pavapava, e hereva henia, eto, Oi na o laloamu David ese tauhalo taudia na dekemu ai vada e siaidia tamamu e matauraiamu dainai a? David ese ena hesiai taudia dekemu ai vada e siaidia badina korikori be hanua bae loaia, bae hasinadoa, bena bae hadarerea, ani?
2SA 10:4 Taunabunai, Hanunu ese David ena hesiai taudia e abidia, aukidia huidia kahadia e utudia oho, bona edia hahedoki e utudia kwadogi ela bona koekoedia; bena e siaidia oho.
2SA 10:5 David e kamonai; bena ia ese haida e siaidia, idia ida bae hedavari, badina be idia na e hemarai bada herea. Hanua pavapavana eto, Ieriko ai ba noho, ela bona aukimui huidia ma bae tubu lou, bena ba lou mai.
2SA 10:6 Amono taudia vada e diba, David lalona vada e dika ediai; bena idia ese Suria taudia Bete-rehob amo bona Soba amo e boiridia, e vatudia, tuari taudia, ae-raka taudia, gerebu-rua; bona Maaka pavapavana mai ena orea taudia daha ta, bona Tobo taudia gerebu-ta daha-rua, danu e vatudia.
2SA 10:7 David e kamonai, bena ia ese Ioab mai ena tuari oreadia iboudiai ida e siaidia lao.
2SA 10:8 Bena Amono taudia e raka lasi, edia tuari ḡaudia e abidia bona e gini hagaeḡae, edia ikoukou raka-vareaina ai. A Suria taudia Soba bona Rehob amo, bona Tobo bona Maaka taudia, na sibodia tano paka ai nonoho.
2SA 10:9 Ioab na e itaia, inaina na vairai bona muri ai e ginia ahu, bena ia ese Israel edia goada taudia haida e abidia hidi, Suria taudia ituari-henidia e siaidia lao.
2SA 10:10 A ena tuari taudia eredia na tadina Abisai e henia. baine biagudia, Amono taudia ituari-henidia baela.
2SA 10:11 Ia eto, Suria taudia bema goada herea, vada ba durugu; a Amono taudia na egu ai bema goada herea, lau ese baina vasi durumu.
2SA 10:12 Ba goada balaheni; baita haheauka, eda bese dainai, bona eda Dirava ena hanua daidiai; Iehova ese ena lalo-hadai namodia heḡereḡeredia do baine kara.
2SA 10:13 Taunabunai, Ioab mai bamona ida ela, Suria taudia e tuari henidia, bena idia na ia vairanai e heau.
2SA 10:14 Amono taudia e itaia, Suria taudia na vada e heau, bena idia danu Abisai vairanai e heau, hanua lalonai e heau vareai. Bena Ioab na Amono taudia ituari-henidia amo e lou, Ierusalem e lou henia.
2SA 10:15 Suna taudia na vada e diba, Israel taudia ese vada e hadareredia, bena idia na e hegogo.
2SA 10:16 Bena Hadadesere e hesiai, Suria taudia Eufrate sinavaina unukahana ai e nohova na e boindia; bena idia na ema, Helam ai e kau; Sobaka, Hadadesere ena tuari lohiana, ese e biagudia.
2SA 10:17 Haida ese David e hamaoroa, bena ia ese Israel taudia iboudiai e haboudia; idia ese Ioridane sinavaina e hanaia, Helam ela. Bena Suria taudia na David ituari-henina e raka lasi, bena e tuari henia.
2SA 10:18 Bena Suria taudia na Israel taudia vairadiai e heau. Suria edia kariota sinahu hitu taudia bona hosi gui taudia gerebu hani David ese e aladia mase; Sobaka danu, edia tuari lohiana, e haberoa, bena unuseni ai e mase.
2SA 10:19 Hanua pavapavadia hahidaosi Hadadesere isiaina e lao heniva na lalodia vada e parara Israel taudia ese vada e hadareredia, bena idia na Israel taudia ida e herohemaino, bona isiaidia e lao heni. Taunabunai, una negana amo Suria taudia na Amono taudia idurudia garina e gariva.
2SA 11:1 Komukau ai, hanua pavapavadia na tuari e laomu negana ai, David ese Ioab mai ena hesiai taudia bona Israel taudia iboudiai ida e siaidia lao; bena idia ese Amono taudia e habuadia tari, bona Raba e koua heḡeḡe. A David na Ierusalem ai e noho.
2SA 11:2 Adorahi ta, David na ena mahuta patana amo e tore isi, hanua pavapavana ena ruma guhina ai e rakava; bena guhi amo hahine ta e diguva ai e itaia. Ia na hane namo, mai hairaina.
2SA 11:3 Bena David na e hesiai, hahine henanadaina e karaia. Ta eto, Una na Bataseba Eliama, Uria tau Hiti adavana.
2SA 11:4 Taunabunai, David ese gwaukau taudia e siaidia, hahine na e abia; hahine na ia dekena ema, bena raruosi e eno bou. (Una negana ai, ia na hahine gorerena amo do e haheḡoevava). Bena hahine na ena ruma e lou lao.
2SA 11:5 Hahine na e rogorogo, bena ia ese hereva e siaia, David e hamaoroa, eto, Lau vada na rogorogomu.
2SA 11:6 Taunabunai, David ese hereva ta e siaia Ioab enai, eto, Uria, tau Hiti, na a siaia mai.
2SA 11:7 Uria na ia dekenai e kau negana ai, David ese Ioab mai ena orea taudia ida na edeheto bona tuan na ede e lao tomamu e nanadailaia.
2SA 11:8 Bena David ese Uria e hamaoroa, eto, Emu ruma aola, aemu ba huridia. Bena Uria na hanua pavapavana ena ruma amo e diho, bona hanua pavapavana ese herahia ḡauna ta ia murina amo e siaia.
2SA 11:9 A Uria na hanua pavapavana ena ruma iduarana ai e mahuta, ena lohia ena hesiai taudia iboudiai ida; ia na ena ruma korikori sela.
2SA 11:10 Haida ese David e hamaoroa, eto, Uria na ena ruma sela. Bena David ese Uria e hereva henia, eto, Oi na laolao amo vada oma ani? Dahaka dainai emu ruma sola?
2SA 11:11 Bena Uria ese David e haere henia, eto, Maua helaḡana bona Israel bona Iuda taudia na kalaga ai e nohomu; biagugu Ioab mai ena hesiai taudia ida na tano paka ai e taruhamu; matona, lau na egu ruma bainala, baina aniani, baina inuinu, adavagu ida baina eno bou, a? Oi o maurimu bona laumamu e maurimu heḡereḡerena, lau na unu basina kara toma.
2SA 11:12 Bena David eto, Hari dina ai iniseni ai ba noho, kerukeru baina kahumu nege. Taunabunai, Uria na Ierusalem ai e nohova, una dina bona daba-rerena.
2SA 11:13 Bena David ese e vavea, bena pavapava vairanai e aniani bona vine ranuna e inu, ela bona vada e hakekeroa. Hanua e boi, bena ia na e raka lasi, ena mahuta gabuna ai e hekure, ena Iohia ena hesiai taudia ida; a ena ruma korikori sela.
2SA 11:14 Daba ai, David ese revareva ta e torea, Ioab ena; bena Uria imana ai e siaia.
2SA 11:15 Revareva ai ini e torea toma: Uria na tuari e aukamu gabuna ai bavatoa, bena iena amo ba raka Iou, bae rahua mase totona.
2SA 11:16 Bena Ioab na hanua e koua heḡeḡe negana ai, ia ese Uria na gabu ta e henia, ia dibana una na tuari dibaka taudia baema gabuna.
2SA 11:17 Bena hanua taudia na e raka lasi, Ioab e tuari henia; bena ena orea lalona amo David ena hesiai taudia haida e moru, bona Uria, tau Hiti, danu e alaia mase.
2SA 11:18 Bena Ioab na hereva e siaia, tuan harina idoinai David e hamaorolaia.
2SA 11:19 Ia ese gwaukau tauna e hadibadibaia, eto, Tuari harina idoinai hanua pavapavana ba hamaorolaia vaitani, murinai
2SA 11:20 hanua pavapavana baine badu reana, baine gwau henimu, baineto “Dahaka dainai tuari o laohaia ela bona hanua badibadinai? Asi dibamui idia ese maḡu amo bae tarakimui a?
2SA 11:21 Abimelek Ierubeset na daika ese e alaia mase? Hahine ta ese uit iririlaina nadina ta na magu amo e tahoa dobi ia latanai, bena Tebese ai e mase ani? Dahaka dainai maḡu badibadina ola?” Bena ba hamaoroa, baoto “Emu hesiai tauna Uria, tau Hiti, danu vada e mase”.
2SA 11:22 Taunabunai hari gwaukau tauna ela, bena e kau negana ai Ioab ese e henia herevadia iboudiai na ia ese David e herevalai henia.
2SA 11:23 Hari gwaukau tauna ese David e hamaoroa, eto, Idia ese e hadareremai, tano paka ai e tuari henimai; ma a luludia lou ela bona hanua ikoukouna.
2SA 11:24 Una negana ai peva taudia ese maḡu amo emu hesiai taudia e tarakidia, bena hanua pavapavana ena hesiai taudia haida na e mase; emu hesiai tauna Uria, tau Hiti, danu e mase.
2SA 11:25 David ese gwaukau tauna e hamaoroa, eto, Ioab na ini ba hamaoroa toma, baoto “Lalomu basine hekwarahi ina sivarai dainai; badina be dare na nega ta, ta baine alaia, ma nega ta, ta ma baine alaia. Una hanua ituan-henina ba goadalaia bena ba hadarerea”. Ia lalona unu ba hagoadaia toma.
2SA 11:26 Uria adavana e kamonai ia adavana Uria vada e mase, bena ia na adavana taina e tai.
2SA 11:27 Taitai dinadia vada e ore murinai, David na e hesiai, hahine e hakaua mai iena ruma ai; bena e adavaia. Bena natuna maruanena ta iena amo e havaraia. A Iehova ese David ena kara na e badulaia.
2SA 12:1 Iehova ese Natan na David dekena e siaia lao. Ia na dekenai e kau, bena e hereva henia, eto, Hanua ta lalonai tatau rarua e nohova, ta be taga tauna, ma ta ogoḡami tauna.
2SA 12:2 Taḡa tauna ena mamoe bona nani seridia na momo herea;
2SA 12:3 a ogoḡami tauna ena mauri ḡauna na tamona mo, mamoe natuna hahinena ta, e hoia ḡauna. Ia ese e ubua; ia natuna ida ia badibadinai e bada oho bada oho; ana aniani bahudia e ani, bona ena kebere amo ranu e inu, bona kopana ai e hekure, ia natuna kekenina na heto.
2SA 12:4 Nega ta laolao tauna ta ema, una taga tauna dekenai; bena una taḡa tauna na lalona se ura iena mamoe ta eiava nani ta ena seri amo baine abia, baine nadua, laolao tauna ana. A ia be ogoḡami tauna ena mamoe natuna e abia, e nadua, ena vadivadi tauna ana.
2SA 12:5 Bena David ena badu e ḡaraḡara una tau enai. Ia ese Natan e hamaoroa, eto, Iehova e maurimu hegereḡerena, una kara e karaia tauna na bema mase hari namo.
2SA 12:6 Ia ese mamoe natuna davana do baine heni hahani, unu e kara toma dainai; badina be asi ena hebogahisi.
2SA 12:7 Bena Natan ese David ma e hereva henia, eto, Tauna na oi. Iehova, Israel Diravana, ini e gwau tomamu: Lau ese na horomu, Israel pavapavana, bona Saulo imana amo na hamaurimu.
2SA 12:8 Biagumu ena ruma na henimu, bona biagumu adavana na henimu, bavadavadia; bona Israel bona Iuda iduhudia na henimu. Una bema maraḡi, ma bama habadaia harua emu.
2SA 12:9 Dahaka dainai Iehova ena hereva vada o dadaraia? Dahaka dainai ia vairanai vada o kara havara? Uria, tau Hiti, na dare amo vada o alaia, ia adavana vada o abia, oi adavamu ai vada o halaoa; bona Amono taudia edia dare amo vada o alaia mase.
2SA 12:10 Benaini, dare na emu ruma amo basine heabi oho ela bona hanaihanai; badina be lau vada o dadaraigu, bona Uria tau Hiti adavana vada o abia, oi adavamu ai vada o halaoa.
2SA 12:11 Iehova na ini e gwau tomamu; Oi sibomu emu ruma lalona amo dika baina havaraia latamu ai; adavamu na oi vairamu ai baina abidia oho, dekemu tauna baina henia, bena ia na ina dina diarina ai oi adavamu ida bae eno bou.
2SA 12:12 Badina be una kara o karaia hehuni; a lau ese ina kara baina karaia hedinarai, Israel taudia iboudiai vairadiai, bona dina ai.
2SA 12:13 Bena David ese Natan e hamaoroa, eto, Iehova vairanai vada na kara dika. Natan ese David e hamaoroa, eto, Iehova ese emu dika vada e gwau tao, basio mase;
2SA 12:14 ḡau tamona, una kara ai Iehova vada o dadaraia vaitani dainai, hari vada e vara merona na do baine mase.
2SA 12:15 Natan na ena ruma ela. Bena Iehova ese David natuna, Bataseba ena amo e havaraia merona, na e daua toho; bena mero na e gorerea.
2SA 12:16 Bena David ese Dirava e noia, natuna dainai. David na e ani vaga danu, bona ruma ai e raka vareai, tano ai e hekure rani.
2SA 12:17 Ena ruma tau-badadia na badibadinai e gini, tano amo bae hatorea isi eto; to ia na se ura. Aniani idia ida se aniva danu.
2SA 12:18 Dina ihahituna ai mero na e mase. Bena David ena hesiai taudia na ena mase herevana ihamaorolaina garina e gariva; badina be idia eto, A itaia, mero maurina ai ta hereva henia, to se kamonai henida; matona, ede baita hamaoroa toma mero na vada e mase? Sibona baine heala dahaka.
2SA 12:19 David ese ena hesiai taudia e itadia, e hemaunu heheni, bena lalona e parara, mero na vada e mase. Bena David ese ena hesiai taudia e nanadaidia, eto, Mero na e mase a? Idia eto, Vada e mase.
2SA 12:20 Bena David na tano amo e tore isi, e digu, tauna na dehoro amo e dahua, dabua ḡoevadia e doki; bena Iehova ena dubu ai e raka vareai, e toma diho. Una murinai ia na ena ruma ela; bena e hereva negana ai idia ese aniani ia vairanai e atoa, bena e aniani.
2SA 12:21 Bena ena hesiai taudia ese e hereva henia, eto, Ede vada o kara toma? Mero maurina ai o ani vaga bona o taitai; a mero na e mase, bena o tore isi, o aniani.
2SA 12:22 Ia eto, Mero na dounu mauri negana ai, na ani vaga bona na taitai, badina be lau nato “Daika dibana, Iehova baine bogagu hisi bena mero na baine mauri eiava?”
2SA 12:23 A harihari vada e mase; baina ani vaga anina be dahaka? Baina hamauria lou diba a? Lau na ia dekena bainala, a ia na lau dekegu basine lou mai.
2SA 12:24 Bena David ese adavana Bataseba lalona e hamarumarua; bena dekenai e raka vareai, raruosi na e eno bou. Bena hahine ese mero ta e abia; ladana na e hatoa Solomon. Iehova ese e lalokau henia,
2SA 12:25 bona gwaukau ta peroveta tauna Natan uduna amo e siaia. Taunabunai, mero ladana ma e hatoa ledidia, Iehova dainai.
2SA 12:26 Ioab ese Raba, Amono taudia edia hanua ta, e tuari henia, bena hanua pavapavana ena hanua e abia.
2SA 12:27 Bena Ioab ese gwaukau taudia na David dekena e siaidia, eto, Raba vada na tuari henia, bona ranu hanuana vada na abia.
2SA 12:28 Taunabunai, taunimanima oredia ba haboudia, hanua na ba koua heḡeḡe, bavabia, lau ese hanua baina abia bena ladagu bae nemailaia na garina.
2SA 12:29 Taunabunai, David ese orea taudia iboudiai e haboudia, Raba ela, e tuari henia ela bona e abia.
2SA 12:30 Bena edia hanua pavapavana ena havava ḡauna na kwarana amo e abia oho: metauna be gold talent ta; bona lalonal na mai herahera nadina herea-daena ta. Bena David kwarana ai e atoa kau. Bena kohu momo herea na hanua ai e dadi, e laohai.
2SA 12:31 Hanua taudia danu e hakaudia lasi, ḡaukara e henidia, iri bona aun isivadia bona auri iradia amo bae ḡaukara; bona e siaidia danu, raro amo e kara nadidia igabudia ai bae ḡaukara. Amono hanuadia iboudiai na unu e karadia toma. Bena David bona ena orea taudia iboudiai na Ierusalem e lou lao.
2SA 13:1 David natuna Absalom na mai taihuna ta, ladana na Tamara; ia na hane namo. Nega ta e kau David natuna ta, ladana na Amnon, ese e ura henia.
2SA 13:2 Heḡahusi ese lalona e gugubaia, bena e gorerea, taihuna Tamara dainai; badina be ia na hane-ulato rami-hebou, bona Amnon na asi ena dala ta ienai.
2SA 13:3 A Amnon na mai turana ta, ladana na Ionadab, David kakana Simea natuna; hari Ionadab na kara hegui-heḡui tauna.
2SA 13:4 Ia ese Amnon e hereva henia, eto, Hanua pavapavana natuna e, dahaka dainai daba daba medemu e hore e laomu? Basio hamaorogu a? Amnon ese e haere henia, eto, Tadigu Absalom taihuna Tamara na ura heniamu.
2SA 13:5 Ionadab ese e hamaoroa, eto, Emu mahuta patana ai ba hekure, ba gorere koikoi. Bena tamamu ese baine itamu negana ai na ba hamaoroa, baoto “Mani emu kara taihugu Tamara bainema, flaoa baine henigu baina ania, bona aniani taina na vairagu ai baine gabua, baina itaia, bona ia imana amo baina ania”.
2SA 13:6 Taunabunai, Amnon na e hekure, e gorere koikoi; bena hanua pavapavana ema e itaia negana ai, Amnon ese hanua pavapavana e noia, eto, Mani emu kara, taihugu Tamara bainema, ataga rua iau vairagu ai baine gabu, bena ia imana amo baina ani.
2SA 13:7 Bena David ese hereva e siaia Tamara enai; eto, Taihumu Amnon ena ruma aola, ana taina ba ha karaia.
2SA 13:8 Bena Tamara na taihuna Amnon ena ruma ela, e hekureva gabuna ai e raka vareai Bena ia ese flaoa e hapariparia, e kuia, Amnon vairanai ataga e kara, bena e gabudia.
2SA 13:9 Bena ia vairanai e bubu diho, a ia ese e dadaraidia. Bena Amnon eto, Iboudiai a siaidia lasi. Taunabunai, iboudiai na iena amo e raka lasi.
2SA 13:10 Bena Amnon ese Tamara e hamaoroa, eto, Hari aniani ame vareailai daiutu lalonai, bena oi imamu amo baina ania. Bena Tamara ese e kara atagadia na e abi, daiutu ai e vareailai, taihuna Amnon dekenai.
2SA 13:11 A ianidia totona ia dekena e laohai negana ai, ia ese e rosia, eto, Taihugu e, aoma, aita eno bou.
2SA 13:12 Ia ese e haere henia, eto, Taihugu e, lasi, unu basio karagu toma; badina be kara unuhetomana na Israel ai asie karamu. Ina lebulebu karana basio karaia.
2SA 13:13 Egu hemarai ede baina huaia lao? Bona oi na Israel ai lebulebu tauna ai bae halaomu. Una dainai na noimumu, hanua pavapavana ba hereva henia; badina be ia ese emu amo basine rugu.
2SA 13:14 A ia na erena se kamonai; bena mai goadana dainai e butua tao, e hadikaia.
2SA 13:15 Bena Amnon ese ia e ihi-ihiraia bada; una dainai e ihi-ihiraiava heihi-ihiraina ese e ḡahusia gunava heḡahusina e hereaia. Bena Amnon ese e hamaoroa, eto, A tore isi, lao.
2SA 13:16 A hahine ese e haere henia, eto, Taihugu e, lasi; hari vada o karagu kererena na maragi, a o lulugumu kererena na bada. A ia ese asine kamonai henia.
2SA 13:17 Bena ia ese ena hesiai merona e boina, eto, Ina hahine na vairagu amo avabia oho, bena ia murinai iduara ba koua ahu kunuka-kunuka.
2SA 13:18 Hari hahine ena dabua na dabua latana, imana lata ḡauna; badina be nega gunadia ai hanua pavapavana natuna ulatodia rami-hebou na unu e hadabuadia tomava. Taunabunai, ena hesiai merona ese hahine na e doria lasi murimuri ai, bena ia murinai iduara e koua ahu kunuka-kunuka.
2SA 13:19 Bena Tamara ese kahu na kwarana tubuana ai e atoa, bona hari ena dabua ima-lata e dokia ḡauna na e darea; bena imana tubuana ai e atoa; bena e raka lao mai tai Iolololona ida.
2SA 13:20 Bena taihuna Absalom ese e hereva henia, eto, Taihumu Amnon na oiemu ai e raka vareai a? Taihugu e, asio tai, badina be ia na oi taihumu, asio laloa bada. Taunabunai, Tamara na taihuna Absalom ena ruma ai e nohova mai dara-dokona ida.
2SA 13:21 King David ese unu kara iboudiai haridia e kamonai, bena e badu dikadika.
2SA 13:22 A Absalom ese Amnon se hereva henia, namo eiava dika herevana ta se gwauraia; badina be Absalom ese Amnon e inai henia, taihuna Tamara e hadikaia dainai.
2SA 13:23 Laḡani heboudia rua e lao bubuni. Bena Absalom ena mamoe huidia iutudia taudia na Baal-hasoro ai, Efraim badinai. Bena Absalom ese hanua pavapavana natuna mamaruanedia iboudiai e vavedia.
2SA 13:24 Absalom danu hanua pavapavana dekena ela, e hereva henia, eto, Mani a kamonai; emu hesiai tauna na mai ena mamoe huidia iutudia taudia haida; mani emu kara hanua pavapavana mai ena hesiai taudia ida na emu hesiai tauna ida baitala.
2SA 13:25 A hanua pavapavana ese Absalom e haere henia, eto, Lasi, natugu e, iboumai ai basiala, baia hahekwarahimu na garina. E noia loulou, to se ura, a ena hahenamo mo e henia.
2SA 13:26 Absalom ma eto, Bema oi basiola, mani emu kara kakagu Amnon na ai ida baiala. Hanua pavapavana ese e nanadaia, eto, Dahaka dainai ia na oi ida baola?
2SA 13:27 A Absalom e noia louIou, ela bona ia ese Amnon bona hanua pavapavana natuna mamaruanedia iboudiai na e kahudia nege, ia ida ela.
2SA 13:28 Bena Absalom ese ena hesiai taudia na e haḡanidia, eto, Amnon ba itaia tao, ela bona vine ranuna ese baine hakekeroa; bena bainato “Amnon bavalaia”, bena bavalaia mase. Basio gari; vada na haḡanimui ani? Ba haheauka, ba goada balaheni.
2SA 13:29 Taunabunai, Absalom ena hesiai taudia ese Amnon na Absalom ena haheḡani heḡereḡerena e kara henia. Bena hanua pavapavana natuna mamaruanedia iboudiai na e tore isi, ta ta ena doniki ena doniki ai e gui, e heau.
2SA 13:30 Idia na dounu dala ai, haida ese hari e laohaia David dekenai, eto, Absalom ese hanua pavapavana natuna mamaruanedia iboudiai vada e aladia mase, ta se mauri.
2SA 13:31 Bena hanua pavapavana na e tore isi, sibona ena dabua e dare, bona tano ai e goru diho. Ena hesiai taudia una gabu ai gigini iboudiai danu sibodia edia dabua e dare.
2SA 13:32 A Ionadab, David tadina Simea natuna, eto, Egu lohia na basine laloa hari eregabe taudia, hanua pavapavana natuna, na iboudiai vada e aladia mase; Amnon sibona vada e mase, Absalom ena haheḡani dainai, badina be lalona unu vada e hadaia toma, hari Amnon ese taihuna Tamara e hadikaia dinana amo ema bona harihari.
2SA 13:33 Taunabunai, egu lohia bona egu pavapava kudouna basine hetaha, basineto hanua pavapavana natuna iboudiai vada e mase; lasi, Amnon sibona vada e mase.
2SA 13:34 A Absalom na e heau. Bena tau eregabe, kito tauna, na e gaga isi, e roha lao, taunimanima hutuma na Horonaimi dalana amo e maiva, ororo gabaena ai.
2SA 13:35 Bena Ionadab ese hanua pavapavana e hamaoroa, eto, A itaia, hanua pavapavana natuna na vada ema; emu hesiai tauna e gwauraia heḡereḡerena, unu vada e vara toma.
2SA 13:36 Ena hereva e doko ai, hanua pavapavana natuna e kau; bena gadodia e habada, e tai lolololo. Hanua pavapavana danu mai ena hesiai taudia iboudiai na e tai dikadika.
2SA 13:37 A Absalom na e heau, Talmai Amihud, Gesuru pavapavana, dekena ela. Bena David na natuna taina e taiva, dina iboudiai.
2SA 13:38 Taunabunai Absalom na e heau, Gesuru ela, laḡani toi unuseni ai e nohova.
2SA 13:39 Bena hanua pavapavana lalona ese Absalom ilao-henina e ura lalo-dikava; e diba Amnon na vada e mase dainai una lalo-hisina amo lalona na vada e hakerua.
2SA 14:1 Ioab Seruia lalona vada e parara, hanua pavapavana ese Absalom e laloa badava.
2SA 14:2 Bena Ioab e hesiai, aonega hahinena ta Tekoa amo e boiria, e hamaoroa, eto, Mase tauna taina e taimu hahinena ba tohotohoa, guma dabuadia ba dokilai; taumu na dehoro amo basio dahua, a dina momo mase tauna taula vada e tai hahinena heḡereḡerena ai baola;
2SA 14:3 bena hanua pavapavana dekenai ba raka vareai, ini ba hereva henia toma. Bena baine gwaurai herevadia na Ioab ese e henia.
2SA 14:4 Hari Tekoa hahinena na hanua pavapavana dekenai e kau negana ai, ia na tano ai e goru diho, e toma henia diho, eto, Pavapava e, a kahagu.
2SA 14:5 Hanua pavapavana ese e nanadaia, eto, Emu hekwarahi be dahaka? Hahine na e haere, eto, Lau na vabu, adavagu na vada e mase.
2SA 14:6 Lau binai emu hesiai hahinena natugu mamaruanedia na rarua. Nega ta idia na tano paka ai e heai; asi tauna ta unuseni ai baine dogodia, bena ta ese ta e alaia mase.
2SA 14:7 Harihari egu iduhu taudia iboudiai ese emu hesiai hahinena vada e daḡedaḡe henigumu, e tomu, Tadikakana e alaia tauna a henimai, baia alaia mase, hari tadikakana e alaia tauna ena mauri davana. Unu amo idia ese dihi danu bae ha-orea; unu amo egu gida tamona doini e aramu na bema habodoa, adavagu na ladana eiava garana basiema mia tanobada latanai.
2SA 14:8 Bena hanua pavapavana ese hahine na e hamaoroa. eto, Emu ruma aola, taravamu do baina atua.
2SA 14:9 Tekoa hahinena ese hanua pavapavana ma e hamaoroa, eto, Egu lohia bona egu pavapava, kerere na lau latagu ai bona tamagu ena ruma latanai baine mia; hanua pavapavana bona ena terono na asi kereredia.
2SA 14:10 Hanua pavapavana eto, Bema tau ta ese hereva ta baine hamaorolaimu, dekegu ba hakaua mai; ia na nega ta basine daumu toho lou.
2SA 14:11 Hahine ma eto, Namona be hanua pavapavana ese Iehova, emu Dirava, do ba hahanea, bena rara davana iabina tauna basine ala-ala lou, bona natugu na basine mase. Hanua pavapavana eto, Iehova e maunmu heḡereḡerena, natumu huina tamona na tano ai basine moru.
2SA 14:12 Bena hahine eto, Mani emu kara, lau binai emu hesiai hahinena ese egu lohia bona egu pavapava na hereva ta aina hamaorolaimu. Ia eto, A hereva.
2SA 14:13 Bena hahine na eto, Dahaka dainai Dirava ena orea taudia na kara idauna amo o kara henidiamu? Badina be ina hereva amo hanua pavapavana ese sibona e hahemaoro henimu; badina be hanua pavapavana ese natuna vada e negea daure bena se hakaua lou mai.
2SA 14:14 Ita iboudai baita mase; ita na ranu tano ai e hebubumu na heto, tau ta ese basine haboua lou diba. A vada e murimuria tauna se negea daure vaitanimu to iabi-louna dalana e haeroamu tauna na Dirava ese ena mauri basine abia oho.
2SA 14:15 Ina hereva na egu lohia, hanua pavapavana, ihamaorolaina totona vada nama, badina be taunimanima ese vada e hagarigu. Bena emu hesiai hahinena ese lalona e hadaia, eto, Hanua pavapavana baina hereva henia; reana hanua pavapavana ese ena hesiai hahinena ena noinoi heḡereḡerena baine karaia.
2SA 14:16 Badina be hanua pavapavana baine kamonai, bena ia ese ena hesiai hahinena baine hamauna, lau bona natugu na Dirava ena orea lalona amo baine habuamai tari eto tauna imana amo.
2SA 14:17 Bena emu hesiai hahinena ese lalona e hadaia, eto, Egu lohia bona egu pavapava ena hereva ese lalogu baine hamarumarua; badina be egu lohia bona egu pavapava na Dirava ena aneru na heto, namo bona dika itadia mai dibana. Iehova, emu Dirava, ese baine bamomu.
2SA 14:18 Bena hanua pavapavana ese hahine na e haere henia, eto, Na noimumu, ḡau ta egu ai basio hunia. Hahine na eto, Egu lohia bona egu pavapava na aine hereva.
2SA 14:19 Bena hanua pavapavana eto, Ina kara ai Ioab imana na oi ida a? Hahine na e haere, eto, Mornokani, egu lohia bona egu pavapava o maurimu heḡereḡerena, egu lohia bona egu pavapava emu hereva amo taunimanima ta basine raka sin diba, idiba kahana ai eiava lauri kahana ai. Emu hesiai tauna Ioab ese e haḡanigu; ia ese ini hereva iboudiai na emu hesiai hahinena uduna ai e atoa.
2SA 14:20 Kara iha-idaudia totona emu hesiai tauna Ioab na unu e kara toma. A egu lohia na Dirava ena aneru heḡereḡerena, tanobada ḡaudia iboudiai na mai dibana.
2SA 14:21 Bena hanua pavapavana ese Ioab e hereva henia, eto, A kamonai, na gwau maoromu: aola, eregabe tauna Absalom ba hakaua lou mai.
2SA 14:22 Bena Ioab na tano ai e goru diho, hanua pavapavana e toma henia diho, bona e hanamoa. Ioab eto, Egu lohia bona egu pavapava, hari dina ai emu hesiai tauna dibana oi ese vada o lalo namo henigumu, badina be hanua pavapavana ese ena hesiai tauna ena noinoi vada e abia dae.
2SA 14:23 Taunabunai, Ioab na e tore isi, Gesuru ela, Absalom e hakaua mai Ierusalem ai.
2SA 14:24 Bena hanua pavapavana eto, Ia na sibona ena ruma ai baine noho edea, vairagu basinema. Taunabunai, Absalom na sibona ena ruma ai e noho edea, hanua pavapavana dekenai se raka vareai.
2SA 14:25 Israel idoinai raho-namo tauna ta asie imodaiava, Absalom heḡereḡerena; aena henuna amo ela bona kwarana tubuana ia na asi bebeka-bebekana.
2SA 14:26 Laḡani ta ta dokodia ai ia ese huina e utua, e metauva dainai; bena e utua negadia ai na huina metauna e hahetohoa; metauna na sekele sinahu-rua, hanua pavapavana ena metau hahetohona ḡaudia amo.
2SA 14:27 Absalom natuna na e vara, mamaruanedia tatoi, hahine tamona. Natuna hahinena ladana e hatoa Tamara; ia na hane namo.
2SA 14:28 Taunabunai, Absalom na Ierusalem ai e nohova, hanua pavapavana dekenai se raka vareai, ela bona Iaḡani rua vada e ore.
2SA 14:29 Bena Absalom ese gwau-kau e siaia, Ioab na hanua pavapavana, dekenai bainela; a Ioab na e gwau edeede. Nega iharuana ia ese gwau-kau e siaia, a Ioab ma e gwau edeede.
2SA 14:30 Bena ia ese ena hesiai taudia e hamaorodia, eto, A itaia, Ioab ena uma na lauegu uma badibadinai; ena bali na unuseni ai; aola, a doua. Taunabunai, Absalom ena hesiai taudia ese uma na e doua.
2SA 14:31 Bena Ioab e tore isi, Absalom dekena ela, ena ruma ai, e nanadaia, eto, Badina be dahaka emu hesiai taudia ese egu uma vada e doua?
2SA 14:32 Bena Absalom ese Ioab e haere henia, eto, Badina be gwau-kau na dekemu ai na siaia, nato “Baoma, hanua pavapavana dekena baina siaimu lao, ba henanadai, baoto: Dahaka dainai Gesuru amo nama? Unuseni ai bama noho ema bona harihari bema namo.” Taunabunai, hanua pavapavana dekenai aina raka vareai na tomu; bena bema mai egu kerere, ia ese baine alagu mase.
2SA 14:33 Bena Ioab na hanua pavapavana dekena ela, e hamaoroa. Bena hanua pavapavana ese Absalom e boiria. Absalom na hanua pavapavana dekenai e kau, bena tano ai e igo diho, hanua pavapavana vairanai. Bena hanua pavapavana ese Absalom e harahua.
2SA 15:1 Una murinai Absalom ese ena kariota ta e abia, bona hosi, bona tatau imahui, ia vairanai bae heau.
2SA 15:2 Absalom ena kara be daba ai e tore isi haragava, hanua ikoukouna ilao-henina dalana badinai e giniva. Bena tau ta bema mai, hanua pavapavana vairanai ihahemaoro-henina totona, Absalom ese bema boi henia, bema toma, Oi na edena hanua amo? Bena una tau bema haere, iduhu ta ladana bema hatoa, bema toma “Emu hesiai tauna ena iduhu na unai Israel ai” negana ai na
2SA 15:3 Absalom ese bema hereva henia, bema toma, A kamonai, emu hereva na namo bona maoro, a tau ta hanua pavapavana ese se duanaia baine hahemaoro henimu.
2SA 15:4 Absalom rna bema toma, Lau na ina tano ai hahemaoro bama karaia bema namo; bena mai edia noinoi eiava mai edia daradara taudia iboudiai na dekegu bema mai, bena bama hahemaoro henidia.
2SA 15:5 Ina danu, tau ta ese itomadiho-henina totona bema raka henia kahi, Absalom ese imana bema toi roro, bema rosia, bena bema harahua.
2SA 15:6 Israel taudia na hahemaoro totona hanua pavapavana dekena e maiva iboudiai na Absalom ese unu e karadia tomava; unu amo Absalom ese Israel taudia lalodia e aniva.
2SA 15:7 Laḡani hani e ore, bena Absalom ese hanua pavapavana e hamaoroa, eto, Mani emu kara a kahugu nege, Heberon bainala, unuseni ai egu gwauhamata, Iehova na gwau henilaia hamata ḡauna, na anina do baina havaraia.
2SA 15:8 Badina be emu hesiai tauna na Gesuru ai, Aram tanona ai, na nohova negana ai na gwau hamata, nato, Iehova na baine hakaugu lou ela bona Ierusalem ai baina kau, lau ese Iehova baina toma henia diho.
2SA 15:9 Bena hanua pavapavana ese e haere henia, eto, Mai mainomu ida aola. Bena Absalom e tore isi, Heberon ela.
2SA 15:10 A Absalom ese gwaukau taudia e siaidia hehuni, Israel iduhudia iboudiai ediai, eto, Kibi reḡena ba kamonai negana ai baoto “Absalom na hanua pavapavana Heberon ai e nohomu”.
2SA 15:11 Ierusalem taudia sinahu-rua, Absalom ese e vavedia taudia, na ia ida ela; a idia na mai lalo-goevaḡoevadia ida ela, ḡau ta asi dibadia.
2SA 15:12 Absalom ese hahelaḡa karadia e karava lalonai ia ese hereva e siaia, David iduruna tauna ta ladana Ahitofel, tau Gilo, enai, ena hanua Gilo amo bainema eto. Lalo-hadai dikana e henegalaia bada; bona Absalom enai e taova taudia na e hutuma e laova.
2SA 15:13 Bena gwaukau tauna ta ese David dekenai e kau, eto, Israel taudia na Absalom e lalokau heniamu.
2SA 15:14 Bena David ese ena hesiai taudia iboudiai ia ida Ierusalem ai e nohova na e hamaorodia, eto, O tore tore isi, aita heau; eiava Absalom imana amo basita roho mauri diba. Aitala haraḡa, ia baine lasida tao bona baine hadikada bona hanua na dare matana amo baine habuaia tari na garina.
2SA 15:15 Bena hanua pavapavana ena hesiai taudia ese hanua pavapavana e haere henia, eto, A itaia, emu hesiai taudia vada heheḡaeḡae; emai lohia bona emai pavapava emu lalo-hadai heḡereḡerena baia kara.
2SA 15:16 Taunabunai, hanua pavapavana e raka lasi, mai ena ruma taudia iboudiai ida. A hanua pavapavana ese vada e adavadia hahinedia gwauta e rakatanidia, ruma inarina totona.
2SA 15:17 Bena hanua pavapavana na e raka lasi, bona ena orea taudia iboudiai na ia murinai e raka; bena hanua dokona rumana badinai e gini.
2SA 15:18 Bena ena hesiai taudia iboudiai ese e rakaia hanai; bona Kerete taudia iboudiai bona Pelete taudia iboudiai, bona Gata taudia sinahu-tauratoiosi, Gata amo vada e ḡavaia taudia, na hanua pavapavana vairana amo e raka lao.
2SA 15:19 Bena hanua pavapavana ese Itai, tau Gata, e hereva henia, eto, Dahaka dainai oi danu ai ida ta laomu? A lou lao, hanua pavapavana ida ba noho; badina be oi na idau tauna bona noho-hedoa tauna.
2SA 15:20 Varani mo oma, ma han baina hakaumu loaloa a? Lau na ede bainala na asi dibagu. A lou, tadikakamu danu ba hakaudia; bena Iehova ese ena hebogahisi bona ena heabidadama na baine hahedinarai henimu.
2SA 15:21 A Itai ese hanua pavapavana e haere henia, eto, Iehova e maurimu bona oi, egu lohia bona egu pavapava, o maurimu heḡereḡerena, egu lohia bona egu pavapava ba noho gabuna ai lau, emu hesiai tauna, danu baina noho henia, mase ai eiava maun ai.
2SA 15:22 Bena David ese Itai e hamaoroa, eto, Mato, vada a raka lao. Taunabunai Itai, tau Gata, e raka ela, mai ena orea taudia iboudiai ida, bona natudia maraḡidia danu.
2SA 15:23 Unu taunimanima iboudiai e raka hanaiva negana ai, hanua hanua taudia ibouboudiai na e tai lolova. Hanua pavapavana ese sinavai maragina ladana Kidron e hanaia, bena taunimanima iboudiai na tano ḡaḡaena dalana amo e raka ela.
2SA 15:24 Abiatara na ema, bona Sadok danu, Levi taudia iboudiai ida, Dirava ena taravatu mauana e huaia; bena idia ese Dirava ena maua helaḡana e atoa diho, ela bona taunimanima iboudiai na hanua badana amo vada e raka lasi.
2SA 15:25 Bena hanua pavapavana ese Sadok e hamaoroa, eto, Dirava ena maua helaḡana na ba huaia lou lao hanua lalonai. Iehova ese bema lalo namo henigu, ia ese baine hakaugu lou, bena ma baina itaia, bona iena noho gabuna ma baina itaia;
2SA 15:26 a ia bema toma “Lau na asina lalo namo henimumu”, vadaeni, lau binai, ena ura heḡereḡerena ai baine kara henigu.
2SA 15:27 Hanua pavapavana ese hahelaḡa tauna Sadok ma e hamaoroa, eto, O itaiamu? Mai mainomu ida hanua a lou henia, oi bona Abiatara, bona natumui raruosi, oi natumu Ahimasa bona Abiatara natuna Ionatan.
2SA 15:28 A itaia, tano ḡaḡaena ai, turu-hanai gabuna ai, baina henari, ela bona hereva ta umui emui amo egu ai baine kau.
2SA 15:29 Taunabunai, Sadok bona Abiatara ese Dirava ena maua helaḡana e huaia lou lao Ierusalem ai; idia na unuseni ai e nohova.
2SA 15:30 Bena David na Olive ororona amo e dara dae, mai taina ida. Aena asi tamakadia ela, bona kwarana danu e koua; bena ia ida ela taudia iboudiai ese kwaradia e koudia, bona e dara dae mai taidia ida.
2SA 15:31 Bena haida ese David e hamaoroa, eto, Absalom ida e henega boumu taudia ta na Ahitofel. Bena David eto, Iehova e, na noimumu, Ahitofel ena hahealo na kavakava ai ba halaoa.
2SA 15:32 David na ororo dorina ai e kau, Dirava e toma henia dihova gabuna ai, unuseni ai Husai, tau Araki, na ia ihedavari-henina ema; ena dabua vada e hedare, bona kwarana na mai tanona.
2SA 15:33 David ese e hereva henia, eto, Bema oi na lau ida baitala negana ai oi ese ba hametaugu.
2SA 15:34 A hanua ba lou lao, Absalom ba hereva henia, baoto “Hanua pavapavana e, lau na emu hesiai tauna ai bainala; nega gunadia ai tamamu isiaina na Iao heniva heḡereḡerena, harihari oi isiaimu baina lao heni”. Unu amo oi ese Ahitofel ena lalo-hadai ba utu, lau daigu ai.
2SA 15:35 Hahelaḡa taudia Sadok bona Abiatara na unuseni ai, oi ida, ani? Taunabunai, dahaka dahaka ba kamonai hanua pavapavana ena ruma ai, unu na hahelaḡa taudia Sadok bona Abiatara ba hadibalaidia.
2SA 15:36 Ina danu, idia natudia raruosi, Ahimasa Sadok bona Ionatan Abiatara, na unuseni ai; ba kamonai herevadia iboudiai na idia edia amo lau dekegu ba siaidia.
2SA 15:37 Taunabunai David turana Husai na hanua lalonai e raka vareai, Absalom na Ierusalem ai e dae kau negana ai.
2SA 16:1 David ese ororo dorina taina e rakaia hanai, bena ia na Siba, Mefiboset ena hesiai tauna, ida e hedavari. Hari Siba ese doniki rua e hakaudia, edia maduna na flaoa igabu sinahu-rua, vine huahuadia kaukaudia tako sinahu-ta, au huahuadia idau-idau sinahu-ta, bona vine ranuna kopi ta.
2SA 16:2 Bena hanua pavapavana ese Siba e nanadaia, eto, Dahaka dainai ini ḡau vada o mailai. Siba e haere, eto, Doniki na hanua pavapavana ena ruma taudia edia gui ḡaudia; flaoa bona au huahuadia na eregabe taudia adia; vine ranuna na tano gaḡaena ai bae manori taudia ese bae inua.
2SA 16:3 Hanua pavapavana eto, Biagumu natuna be edeseni ai? Siba ese hanua pavapavana e haere henia, eto, Ia na Ierusalem ai e nohomu; badina be ia na eto “Hari dina ai Israel taudia ese tamagu ena basileia na ma bae henigu lou”.
2SA 16:4 Bena hanua pavapavana ese Siba e hamaoroa, eto, A kamonai, Mefiboset ena ḡau iboudiai harihari na oiemu. Siba eto, Lau na na toma henimu dihomu. Egu lohia bona egu pavapava, ba lalo namo henigu hanaihanai.
2SA 16:5 King David na Bahurimi ai e kau, bena Saulo varavarana ta unuseni ai, ladana Simei Gera, na e raka lasi; rakana ai ia na e heuduguirai havara havara.
2SA 16:6 Bena ia ese David na nadi amo e hodoa, bona King David ena hesiai taudia iboudiai danu e hododia. Hanua taudia iboudiai bona tuari taudia iboudiai na David idibana kahana ai bona laurina kahana ai e gini.
2SA 16:7 Bena Simei e uduguirai henia, eto, Rara ihahebubuna taumu, asi emu kara namona ta taumu, a raka oho, a raka oho.
2SA 16:8 Iehova ese Saulo, dagina o abia tauna, mai ena iduhu taudia ida raradia davadia idoinai na oiemu amo vada e abia; bona Iehova ese basileia na natumu Absalom imana ai vada e atoa. A itaia, emu dika na vada latamu ai vada e kau; badina be oi na rara ihahebubuna tauna.
2SA 16:9 Bena Abisai Seruia ese hanua pavapavana e hereva henia, eto, Dahaka dainai ina sisia masena ese egu lohia bona egu pavapava e uduguiraimumu? Mani ainala, kwarana baina utua oho.
2SA 16:10 A hanua pavapavana eto, Seruia natuna e, lau oiemu ai be dahaka? Bema ia na e heuduguiraimu badina be Iehova ese vada e haḡania, eto “David ba uduguiraia”, bena daika baineto “Dahaka dainai unu o kara tomamu?”
2SA 16:11 Bena David ese Abisai bona ena hesiai taudia iboudiai e hamaorodia, eto, A itaia, natugu korikori ese lauegu mauri baine abia oho e tomamu; o, ina Beniamina iduhuna tauna ese egu mauri iabi-ohona basine ura badabada a? Aine noho, baine heuduguirai; badina be Iehova ese vada e haḡania.
2SA 16:12 A reana Iehova ese egu hisihisi baine itaia, bena hari dina ai Iehova ese dava namona ta baine henigu, ina heuduguirai davana.
2SA 16:13 Taunabunai David mai ena orea taudia ida na dala amo e raka, a Simei na ororo gabaena ai e raka, ia hegaga-hehenina ai, bena rakana ai e heuduguirai, bona nadi amo e hodoa, bona ḡahu e tahoa.
2SA 16:14 Bena hanua pavapavana mai bamona iboudiai ida na Ioridane sinavaina ai e kau, taudia na boboera. Unuseni ai laḡana e ania.
2SA 16:15 Absalom bona Israel taudia iboudiai na Ierusalem ai e kau, Ahitofel danu ia ida.
2SA 16:16 Bena Husai, tau Araki, David turana, na Absalom dekena ela. Bena Husai ese Absalom e hamaoroa, eto, Hanua pavapavana ena mauri baine daudau! Hanua pavapavana ena mauri baine daudau!
2SA 16:17 Bena Absalom ese Husai e hamaoroa, eto, Turamu enai emu heabidadama binai a? Dahaka dainai turamu ida asiola?
2SA 16:18 Husai ese Absalom e haere henia, eto, Lasi badina be Iehova bona ini taunimanima bona Israel taudia iboudiai ese vada e abia hidi tauna na lau ese danu baina abia dae, bona ia dekenai baina noho.
2SA 16:19 Bona ina danu, daika isiaina baina lao heni? Ia natuna, ani? Tamamu isiaina na lao heniva heḡereḡerena, oi isiaimu danu baina lao heni.
2SA 16:20 Bena Absalom ese Ahitofel e hamaoroa, eto, Emu lalo-hadai a gvvaurai, ede baita kara toma?
2SA 16:21 Ahitofel ese Absalom e haere henia, eto, Tamamu e adavadia hahinedia, ruma inarina totona e rakatanidia, na dekediai ba raka vareai; bena Israel taudia iboudiai bae kamonai, oi ese tamamu lalona vada o hadikaia emu ai, bena emu ai e taomu taudia iboudiai na imadia bae ha-aukadia.
2SA 16:22 Taunabunai, idia ese kalaga auta na ruma guhina latanai e haginia, Absalom ena; bena Absalom na tamana ese e adavadia hahinedia dekediai e raka vareai, Israel taudia iboudiai vairadiai.
2SA 16:23 Unu dinadia ai Ahitofel ena lalo-hadai e gwaurai na e kara Dirava ena hereva na heto. David bona Absalom ese Ahitofel ena lalo-hadai iboudiai na unu e abidia dae tomava.
2SA 17:1 Ahitofel ese Absalom e hamaoroa, eto, Mani emu kara tatau gerebu-ta daha-rua aina abidia hidi, bena baina tore isi, hari hanuaboi ai David baina ḡavaia.
2SA 17:2 Bena tauna dounu e boeramu bona lalona dounu e metaumu ai baina lasia tao, bona baina hagaria; bena e bamoamu taudia iboudiai na bae heau. Hanua pavapavana mo sibona baina rahua mase;
2SA 17:3 a ena orea taudia iboudiai na dekemu baina hakaudia mai, headava matamata hahinena ese adavana enai e raka vareaimu na heto. Tau tamona ena mauri iabi-ohona dalana o tahuamu; bena taunimanima iboudiai na bae maino.
2SA 17:4 Una lalo-hadai na Absalom bona Israel tau-badadia iboudiai ese e moalelaia.
2SA 17:5 Bena Absalom eto, Husai tau Araki danu a boina, iena hereva baita kamonai.
2SA 17:6 Bena Husai na Absalom dekenai e kau negana ai, Absalom ese e nanadaia, eto, Ahitofel na unu ini e gwau tomamu; iena lalo-hadai heḡereḡerena baita karaia eiava? Bema lasi, oi na ba hereva.
2SA 17:7 Bena Husai ese Absalom e hamaoroa, eto, Ina nega ai Ahitofel ese vada e henimui lalo-hadaina na dia namo.
2SA 17:8 Husai ma eto, Oi dibamu, tamamu bona ena orea taudia na goada-herea taudia, bona e badu dikadikamu, bea hahinena tano paka ai haida ese natuna vada e dadidia oho na heto. Ina danu, tamamu na tuari mai dibana tauna; ia na ena orea taudia ida basine noho rani.
2SA 17:9 A laloa, ina harihan ia na guri ta ai eiava gabu ta ai vada e komumu. Bena tuari baine hematama negana ai haida bema keto, bae kamonai taudia na baeto Absalom murinai e rakamu taudia vada e mase oremu.
2SA 17:10 Bena goada-herea tauna, lalona na leona lalona na heto tauna, na gari ese baine butua tao; badina be Israel taudia iboudiai na dibadia tamamu na goada-herea tauna, bona ia e bamoamu taudia danu goada-herea taudia.
2SA 17:11 A lauegu lalo-hadai be Israel taudia iboudiai na oi dekemu bae hebou, Dan amo ela bona Bere-sieba; bae hutuma kone mirina na heto. Bena oi danu tuari baola.
2SA 17:12 Taunabunai ita ese ia e nohomu gabuna ai baita lasia tao, bona latanai baita diho hunu tano latanai e dihomu na heto; bena ia bona e bamoamu taudia iboudiai na tau ta basine mauri.
2SA 17:13 A bema hanua ta ai baine raka vareai, Israel taudia iboudiai na kwanau bae laohai, una hanua na baita veria dobi, ela bona koura lalonai, ela bona ia nadina momoruna ta basine mia.
2SA 17:14 Bena Absalom bona Israel taudia iboudiai eto, Husai tau Araki ena lalo-hadai ese Ahitofel ena lalo-hadai na e hereaiamu. Badina be Iehova ese dalana vada e lailaia Ahitofel ena lalo-hadai namona baine hadarerea, Iehova ese Absalom baine hadikaia helaoreana.
2SA 17:15 Bena Husai ese hahelaḡa taudia Sadok bona Abiatara e hamaorodia, eto, Ahitofel ena lalo-hadai Absalom bona Israel tau-badadia e henidia na unu ini e hamaorodia toma, a Iauegu lalo-hadai na henidia na unu ini na hamaorodia toma.
2SA 17:16 Taunabunai, hereva ba siaia haraḡa, David ba hamaoroa, baoto “Hari ina hanuaboi tano ḡaḡaena ena turu-hanai gabudia badibadidiai basio noho, a ba hanai vaitani, hanua pavapavana bona e bamoarnu taudia iboudiai bae hadonodia ore na garina”.
2SA 17:17 Una negana ai Ionatan bona Ahimasa na En-rogele ai e nariva; hesiai kekenina ta vaevae e laova, hereva e henidiava, bena idia ese King David e hamaoroa laova; badina be idia na hanua badana ai raka-vareaidia ai bae itadia na garina.
2SA 17:18 A mero ta ese e itadia, bena ia ese Absalom e hamaoroa; taunabunai raruosi na e raka oho haraḡa, Bahurimi ela, tau ta ena ruma ai e kau. Una tau na mai ena ranu gurina ta, ena maḡu lalonai; bena raruosi na ranu gurina ai e diho.
2SA 17:19 Bena ruma hahinena na ranu gurina e koua ahu, bena latanai uit nadinadidia e ḡiḡi eva-eva. Una kara na tau ta asi dibana.
2SA 17:20 Bena Absalom ena hesiai taudia na una ruma ai e dae kau; bena idia ese hahine na e nanadaia, eto, Ahimasa bona Ionatan na edeseni ai? Han hahine ese e haere henidia, eto, Sinavai maragina amo e turu hanai. Bena e tahudia, to asie davaridia; bena Ierusalem e lou lao.
2SA 17:21 Vada e raka oho murinai, idia raruosi na ranu gurina amo e dae; bena ela, King David e hamaoroa. Idia ese David e hamaoroa, eto, A tore isi, sinavai ba hanaia haraḡa; badina be Ahitofel ese oi ihadikamu dalana na unu ini e gwau tomamu.
2SA 17:22 Bena David bona e bamoava taudia iboudiai na e tore isi, Ioridane sinavaina e hanaia. Daba ai, iboudiai vada e hanai, ta se noho.
2SA 17:23 Ahitofel vada e diba iena lalo-hadai na asie abia dae, bena ena doniki e abia, ena hanua korikori e lou lao. Ena kohu iboudiai e atodia namonamo bena sibona e hemata. E mase; bena tamana ena gara ai e guria.
2SA 17:24 David na Mahanaim ai e kau. Bena Absalom ese Ioridane sinavaina e hanaia, Israel taudia iboudiai ida.
2SA 17:25 Absalom ese Amasa vada e gwauraia, tuari oreana baine biagua, Ioab gabuna ai. Hari Amasa na Ismael tauna ta, ladana Itira, natuna; adavana na Abigail Nahasa, Ioab sinana Seruia tadina.
2SA 17:26 Israel taudia bona Absalom na Gilead tanona ai e taruha.
2SA 17:27 David na Mahanaim ai e kau negana ai, Sobi Nahasa, tau Amono, na Raba amo, bona Makiri Amiele na Lo-debara amo, bona Barasilai, tau Gilead, na Rogelim amo,
2SA 17:28 mahuta ḡaudia bona nau bona uro e mailaidia; bona uit, bali, flaoa, uit kakorodia, bini, lentils,
2SA 17:29 bada ranuna, butter, mamoe, bona cheese, boromakau ratana amo e karaia ḡauna, danu. E mailaidia David ana bona ia e bamoava taudia adia; badina be idia na eto, Ini taunimanima na tano ḡaḡaena ai e hitolodiamu, taudia e boeramu, bona e ranu masemu danu.
2SA 18:1 Bena David ese e bamoava taudia na e haboudia, biagudia e gwauraidia, daha ta ta biagudia bona sinahu ta ta biagudia e haginidia.
2SA 18:2 David ese tuari oreana e haria, kaha toi, bena e siaidia lao; kaha ta be Ioab ese e biagua, ma kaha ta Abisai Seruia, Ioab tadina, ese e biagua, ma kaha ihatoina Itai, tau Giti, ese e biagua. Bena hanua pavapavana ese tuari taudia e hamaorodia, eto, Lau danu umui ida baitala.
2SA 18:3 A tuari taudia eto, Oi na basiola; badina be ai baiama heau, idia na basiema lalomai. Ena be emai orea kahana bema mase, a basiema lalomai. A oi idaimu na ai gerebu ta heḡereḡerena; taunabunai namona be ikahamai na hanua amo ba siaidia.
2SA 18:4 Bena hanua pavapavana ese e haere henidia, eto, Edena dala umui ese o laloamu dala namona, una na baina karaia. Taunabunai, hanua pavapavana na ikoukou badibadinai e gini; bena tuari oreana idoinai e raka lasi, sinahu ta ta amo, bona daha ta ta amo.
2SA 18:5 Bena hanua pavapavana ese Ioab bona Abisai bona Itai e haḡanidia, eto, Lau daigu ai han eregabe tauna Absalom ba bogaia hisi. Taunimanima iboudiai ese hanua pavapavana ena hereva e kamonai, ia ese tuari biagudia iboudiai na han Absalom herevana e haganilaidia negana ai.
2SA 18:6 Taunabunai, tuari oreana idoinai ela, Israel taudia e tuari henidia; bena Efraim udana ai e tuari heheni.
2SA 18:7 Unuseni ai David ena hesiai taudia ese Israel taudia e hadareredia; una dina ai ala-ala na bada herea, taunimanima gerebu-rua e mase.
2SA 18:8 Tuari na una tano idoinai e da'ania guḡuru; hutuma na uda ahu ese e hamasedia, gadoina mo dare ai e mase.
2SA 18:9 Bena Absalom na David ena hesiai taudia ida e hedavari taku. Absalom na ena doniki ai e gui; bena doniki na oak auna badana ta rigina momo henudiai e heau vareai. Bena kwarana na oak rigina ai e headai; bena e hetau veriveri. A doniki na ia henuna amo e heau oho.
2SA 18:10 Tau ta ese e itaia, bena ia ese Ioab e hamaoroa, eto, A kamonai, Absalom na itaia, oak auna ta ai e hetau dae.
2SA 18:11 Ioab ese hari e hamaoroa tauna na e gwau henia, eto, Be, o itaia a? Matona, so lapaia dobi tano ai? Silver monidia gwauta bona gaba ḡauna ta bama henimu mai moalegu ida.
2SA 18:12 A una tau ese Ioab e haere henia, eto, Ena be silver monidia daha ta imagu ai bama mamidia, to imagu na hanua pavapavana natuna ihadikana totona basinama toia roro. Badina be ai a kamonai hanua pavapavana ese oi bona Abisai bona Itai e haḡanimui, eto, Lau daigu ai eregabe tauna Absalom ba hamauria.
2SA 18:13 Ina danu, ena mauri bama hadikaia, (ḡau ta hanua pavapavana ena amo basine hehuni diba), oi na boma gini tabe.
2SA 18:14 Ioab eto, Lau na nega basina ha-orea dekemu ai. Bena ia ese io autoi imana ai e abidia, Absalom kudouna e gwadaia, oak auna ai dounu e mauriva negana ai.
2SA 18:15 Bena eregabe taudia gwauta, Ioab ena kesi ihuana taudia, ese Absalom e ginia ahu, e rahua mase, e alaia.
2SA 18:16 Bena Ioab ese kibi e hiriria; bena tuari taudia iboudiai na Israel taudia ihahavadia amo e lou; badina be Ioab ese e gwaudia tao.
2SA 18:17 Bena idia ese Absalom e abia, guri badana ta lalonai e tahoa dobi, uda ai; bena nadi momo-herea e senudia, ia latanai. Bena Israel taudia iboudiai e heau, ta ta ena ruma ena ruma ela.
2SA 18:18 Absalom ena mauri ai pupu ta e abia, Pavapava Kourana ai e haginia, ia sibona ena; badina be ia eto “Lau na asi natugu, ladagu ihahedinaraina”. Hari pupu na ia sibona ladana e henemailaia; ladana na doini e hatoamu “Absalom pupuna” ema bona hari dina.
2SA 18:19 Bena Ahimasa Sadok eto, Mani aina heau, harina na hanua pavapavana dekena baina laohaia, ia na Iehova ese ia inaina edia siahu amo vada e hamauria.
2SA 18:20 Bena Ioab ese e hamaoroa, eto, Hari dina ai harina basio laohaia; dina ta harina ba laohaia, a hari dina ai hari ta basio laohaia, badina be hanua pavapavana natuna vada e mase.
2SA 18:21 Bena Ioab ese Kusu tauna e haduaia, eto, Aola, o ita ḡaudia na hanua pavapavana ba hamaorolaia. Kusu tauna na Ioab vairanai e igo diho, bena e heau.
2SA 18:22 Bena Ahimasa Sadok ese Ioab ma e hamaoroa, eto, Dahaka baine vara na herevana; mani emu kara lau danu Kusu tauna murina amo baina heau. Ioab eto, Natugu e, dahaka dainai ba heau; ina hari ilaohaina na asi davana.
2SA 18:23 Ahimasa eto, Dahaka baine vara na herevana; baina heau. Taunabunai Ioab ese e hamaoroa, elo, A heau. Bena Ahimasa na taora dalana amo e heau, Kusu tauna e heautania.
2SA 18:24 David na ikoukou ruaosi padadiai e helaiva; bena hegima tauna na maḡu amo e dae ela bona ikoukou guhina ai e gini. Bena e roha lao, tau ta e itaia, sihona e heauva.
2SA 18:25 Bena hegima tauna e boi dobi, hanua pavapavana e hamaoroa. Hanua pavapavana e haere, eto, Bema ia na sibona, unu na hari ia e mailaiamu. E heau mai haraḡa, una gabu e kahi henia.
2SA 18:26 Bena hegima tauna na tau ma ta e itaia, e heauva; bena hegima tauna na ikoukou e boi lao, eto, A itaia, ta ma sibona e heau e maimu. Hanua pavapavana eto, Ia danu hari ta e mailaiamu.
2SA 18:27 Hegima tauna ma eto, Mata ai e heaumu tauna ena heau ita-itana na Ahimasa Sadok ena heau hegereḡerena. Hanua pavapavana eto, Ia na tau namona, hari namona e mailaiamu.
2SA 18:28 Bena Ahimasa ese hanua pavapavana e boi henia, eto, Namo herea. Bena ia na tano ai e goru diho, hanua pavapavana vairanai, eto, Iehova, emu Dirava, aita imodaia; ia ese egu lohia bona egu pavapava e tuari heniava taudia na vada e hadareredia.
2SA 18:29 Bena hanua pavapavana eto, Hari eregabe tauna Absalombe namo a? Ahimasa e haere, eto, Ioab ese emu hesiai tauna e siaigu negana ai, heloḡo-heloḡo bada-hereana ta na itaia, a asina diba dahaka heloḡo-heloḡona.
2SA 18:30 Hanua pavapavana eto, A raka siri, iniseni ai ba gini. Bena ia na e raka siri, e gini.
2SA 18:31 Bena Kusu tauna e kau. Kusu tauna eto, Hari namona, egu lohia bona egu pavapava emu. Badina be hari dina ai Iehova ese e tuari henimuva taudia iboudiai edia siahu amo vada e harohomu mauri.
2SA 18:32 Hanua pavapavana ese Kusu tauna e nanadaia, eto, Hari eregabe tauna Absalom be namo a? Kusu tauna e haere, eto, Egu lohia bona egu pavapava inaina bona ihadikamu totona e tuari henimumu taudia iboudiai na una eregabe tauna ida bae heḡereḡere baine namo.
2SA 18:33 Bena hanua pavapavana na darana e doko; ikoukou daena daiutuna ai e dae kau, e tai. Bona daekauna ai danu e tai, eto, Natugu Absalom o, natugu o, natugu Absalom o! Oi gabumu ai bama mase, Absalom o; natugu o, natugu o!
2SA 19:1 Haida ese Ioab e hamaoroa, eto, Hanua pavapavana na e taitaimu, Absalom taina e taimu.
2SA 19:2 Taunabunai, una dina ai kwalimu na taitai ai e hahelao, taunimanima iboudiai ediai; badina be una dina ai idia e kamonai “Hanua pavapavana na natuna dainai lalona e hisihisimu”.
2SA 19:3 Bena una dina ai taunimanima na asi rakirakidia hanua lalonai e didi vareai helada, tuari amo e heau bena mai hemaraidia ida asi rakirakidia edia hanua ai e raka vareai helada taudia na heheto.
2SA 19:4 Hanua pavapavana na vairana e govaia ahu, bena e tai lolololo, eto, Natugu Absalom o, Absalom o, natugu o, natugu o!
2SA 19:5 Bena Ioab na ruma ai e dae kau, hanua pavapavana dekenai, bena eto, Hari dina ai emu hesiai taudia iboudiai vairadia na hemarai amo vada o ḡovadia. Hari dina ai, idia ese emu mauri vada e rauaia, bona natumu mamaruanedia bona natumu hahinedia bona adavamu bona unu vada o adavadia hahinedia iboudiai danu vada e hamauridia,
2SA 19:6 a oi ese e inai henimumu taudia be o ura henidiamu, bona e ura henimumu taudia be o inai henidiamu. Hari dina ai vada o hahedinaraia, tuari biagudia bona hesiai taudia na so lalodiamu; badina be hari dina ai lalogu vada eme parara, Absalom na hari dina ai bema mauri bona ai iboumai ai baiama mase, bena oi na boma moale.
2SA 19:7 Be, a tore isi, a raka lasi, emu hesiai taudia na hereva namodia ba henidia; badina be Iehova ladana ai na gwaumu, basio raka lasi negana ai, hari hanuaboi tau ta oi dekemu ai basine noho; bena emu ai baine kau dikana ese hahedika gunadia, tauhaumu negana ema bona hanhari, iboudiai na baine hereadia.
2SA 19:8 Bena hanua pavapavana na e tore isi, ikoukou ai e helai diho. Bena haida ese taunimanima iboudiai e hamaorodia, eto, A itaia, hanua pavapavana na ikoukou ai e helaimu. Bena taunimanima iboudiai na hanua pavapavana vairanai e hebou. Una negana ai Israel taudia iboudiai na vada e heau karoho, ta ta ena ruma ena ruma vada ela.
2SA 19:9 Bona taunimanima iboudiai, Israel iduhudia iboudiai lalodiai, na e hedoria masemaseva, eto, Hanua pavapavana ese inaida imadia amo e hamauridava bona Filistia taudia imadia amo e harohoda mauriva, a harihari ia na Absalom ena amo eda tano vada e heautania.
2SA 19:10 To Absalom, eda pavapava ai ta horoa tauna, na tuan ai vada e mase. Matona, hanua pavapavana ihakau-louna asio herevalaiamu badina be dahaka?
2SA 19:11 Bena King David ese gwaukau ta e siaia, hahelaḡa taudia Sadok bona Abiatara dekediai, eto, Iuda tau-badadia ba hamaorodia, baoto, Badina be dahaka hanua pavapavana ihakau-louna ena ruma ai na o halahemu a Israel taudia iboudiai edia hereva na hanua pavapavana enai vada e kaui
2SA 19:12 Umui na varavaragu, lau turiagu bona lau hidiogu; matona, dahaka dainai hanua pavapavana ihakau-louna ai umui na vada o halahemu?
2SA 19:13 Amasa danu ba hamaoroa, baoto, Oi na lau turiagu bona lau hidiogu ani? Ina murinai oi na egu tuari oreana basioma biagua, Ioab gabuna ai, Dirava ese davagu metauna bema henigu, ma bema hametaua.
2SA 19:14 Bena ia ese Iuda taudia iboudiai lalodia e ani, bona e hatamonadia; taunabunai idia ese hereva e siaia, hanua pavapavana enai, eto, A lou, oi bona emu hesiai taudia iboudiai danu.
2SA 19:15 Taunabunai, hanua pavapavana na e lou, Ioridane sinavaina ela; bona Iuda taudia na Gilgal ela, hanua pavapavana ida bae hedavari bona Ioridane sinavaina amo bae hakaua hanai totona.
2SA 19:16 Bena Simei Gera, tau Beniamina, na Bahurimi amo e diho haraḡa-haraḡa Iuda taudia ida David ihedavari-henina ela;
2SA 19:17 bona Beniamina taudia danu daha ta ia ida ela. Bena Siba, Saulo ena iduhu taudia edia hesiai tauna, mai natuna mamaruanedia gwauta-ima bona ena hesiai taudia ruahui, e rou hekei guna lao Ioridane sinavaina ai, hanua pavapavana do se kau ai,
2SA 19:18 bena e turu hanai, hanua pavapavana ena orea taudia bae hakaudia hanai bona hanua pavapavana isiaina baine lao heni totona. Bena hanua pavapavana ese Ioridane sinavaina baine hanaia eto negana ai, Simei Gera na hanua pavapavana vairanai e igo diho,
2SA 19:19 e hereva henia, eto, Egu lohia e, basioto lau na kerere, bona emu hesiai tauna egu kerere, egu lohia bona egu pavapava na Ierusalem o rakatania dinana ai na havaraia, na basio laloa une; hanua pavapavana ese basioma laloa tao.
2SA 19:20 Badina be lau emu hesiai tauna dibagu vada na kara dika; a itaia, hari dina ai vada nama, Iosef iduhuna taudia iboudiai vada na gunalaidia, egu lohia bona egu pavapava ihedavari-henimu.
2SA 19:21 Bena Abisai Seruia e haere, eto, Hari Simei bae alaia mase, ani? Badina be Iehova ese vada e horoa tauna na ia ese e uduguiraia.
2SA 19:22 A David eto, Seruia natuna e, dahaka ta kara dainai umui ese hari dina ai ba inai henigu? Hari dina ai tau ta bae hamasea Israel ai a? O tomu asi dibagu a, hari dina ai lau na Israel pavapavana?
2SA 19:23 Bena hanua pavapavana ese Simei e hamaoroa, eto, Oi na basio mase. Bena hanua pavapavana ese e gwau henia hamata.
2SA 19:24 Bena Mefiboset, Saulo dihina, na hanua pavapavana ihedavan-henina ema. Aena se haḡoevadiava, aukina huina se utuava, bona ena dabua se huridiava, hanua pavapavana e raka oho dinana amo ema bona mai namona ida e lou mai.
2SA 19:25 Ia na Ierusalem amo e raka lasi, hanua pavapavana ida e hedavari; bena hanua pavapavana ese e nanadaia, eto, Mefiboset e, dahaka damal lau ida asitala.
2SA 19:26 Ia e haere, eto, Pavapava e, egu lohia, egu hesiai tauna ese e koigu; badina be emu hesiai tauna ese na hamaoroa, nato, Doniki ta ba heḡaeḡaelaia, baina gui kau, hanua pavapavana ida bainala. Badina be emu hesiai tauna aegu eme hedairike.
2SA 19:27 Ia ese emu hesiai tauna vada e habadelaigu koikoi, egu lohia bona egu pavapava vairamu ai. A egu lohia bona egu pavapava na Dirava ena aneru na heto; taunabunai, emu lalo-hadai heḡereḡerena do ba kara henigu.
2SA 19:28 Badina be tamagu ena iduhu taudia iboudiai na egu lohia bona egu pavapava vairamu ai e revadia mase; a oi ese emu hesiai tauna na emu pata ai e anianimu taudia bogaragidiai o atogu. Dahaka dainai hanua pavapavana ma baina tai henia lou?
2SA 19:29 Bena hanua pavapavana ese e hamaoroa, eto, Emu noho na basio herevalaia lou. Vada na haeroa vaitani: oi bona Siba ese tano ba haria.
2SA 19:30 Bena Mefiboset ese hanua pavapavana e hamaoroa, eto, Vadaeni, idoinai ia ese baine abia; badina be egu lohia bona egu pavapava na mai namomu ida vada o lou mai.
2SA 19:31 Barasilai, tau Gilead, na Rogelim amo ema, hanua pavapavana e bamoa ela bona Ioridane sinavaina, sinavai amo baine hakaua hanai totona.
2SA 19:32 Barasilai na buruka herea, ena mauri laḡanidia na taurahani-ahui. Hanua pavapavana na Mahanaim ai e nohova negana ai hari Barasilai ese e ubuava; badina be ia na taḡa bada tauna.
2SA 19:33 Bena hanua pavapavana ese Barasilai e hamaoroa, eto, Aita hanai, lau ese baina narimu Ierusalem ai.
2SA 19:34 A Barasilai ese hanua pavapavana e haere henia, eto, Laḡani hida baina mauri dainai hanua pavapavana ida Ierusalem bainala?
2SA 19:35 Hari dina ai egu mauri laḡanidia na taurahani-ahui; ḡau namodia bona ḡau dikadia baina hididia diba a? Emu hesiai tauna ese na animu bona na inumu gaudia baina mamidia diba a? Ane e abimu taudia bona hahinedia edia ane baina kamonai diba a? Matona, emu hesiai tauna ese egu lohia bona egu pavapava baina hahekwarahimu anina be dahaka?
2SA 19:36 Emu hesiai tauna ese Ioridane sinavaina unukahana ai do baina bamomu taina. Anina be dahaka hanua pavapavana ese unu ba hanamogu toma?
2SA 19:37 Mani emu kara emu hesiai tauna do baina lou lao, egu hanua korikori ai baina mase, tamagu bona sinagu edia gara badibadinai. A emu hesiai tauna Kimuhamu binai, ia ese egu lohia bona egu pavapava ida baine hanai, bena emu lalo-hadai heḡereḡerena do ba kara henia.
2SA 19:38 Bena hanua pavapavana e haere, eto, Kimuhamu na lau ida baia hanai, bena oiemu lalo-hadai heḡereḡerena baina kara henia, bona egu ai ba gwaurai ḡaudia iboudiai do baina henimu.
2SA 19:39 Bena taunimanima iboudiai ese Ioridane sinavaina e hanaia; hanua pavapavana danu e hanai. Bena hanua pavapavana ese Barasilai e harahua bona e hanamoa; bena ia ese ena hanua korikori e lou henia.
2SA 19:40 A hanua pavapavana na Gilgal ela, bona hari Kimuhamu na ia ida ela. Iuda taudia iboudiai, bona Israel besena kahana, ese David e bamoa.
2SA 19:41 Bena Israel taudia iboudiai na hanua pavapavana enai e kau, e nanadaia, eto, Badina be dahaka tadikakamai Iuda taudia ese vada e dadihaimai, hanua pavapavana bona ena ruma taudia na Ioridane sinavaina amo vada e hakaudia hanai, bona David ena orea taudia iboudiai danu ia ida.
2SA 19:42 Bena Iuda taudia iboudiai ese Israel taudia e haere henidia, eto, Badina be hanua pavapavana na ai varavaramai. Ina kara dainai o badu henimaimu badina be dahaka? Ai na hanua pavapavana ena aniani taidia a animu a? Eiava herahia ḡauna ta vada e henimai a?
2SA 19:43 Bena Israel taudia ese Iuda taudia e haere henidia, eto, Ai ahumai na gwauta, hanua pavapavana enai; David enai ai ahumai na bada, umui ahumui be maraḡi. Matona, dahaka dainai o dadaraimaimu? Ai na asia guna, hanua pavapavana iabi-louna dalana iherevalaina ai a? A Iuda taudia edia hereva daḡedaḡena na bada, Israel taudia edia hereva daḡedaḡena na maraḡi.
2SA 20:1 Kara-kava kara-kava tauna ta e nohova, ladana na Sieba Bikri, Beniamina tauna ta. Ia ese kibi e hiriria, bena eto, Ita na asi ahuda David enai, Asi ahuda ta Iese natuna enai. Israel e, ta ta ena kalaga ena kalaga a lou heni.
2SA 20:2 Taunabunai, Israel taudia iboudiai ese David e rakatania, Sieba Bikri murina amo ela; a Iuda taudia ese edia hanua pavapavana e ḡavaia, Ioridane sinavaina amo ela bona Ierusalem.
2SA 20:3 David na ena ruma ai e kau, Ierusalem ai; bena hanua pavapavana ese e adavadia hahinedia gwautaosi, hari ruma inarina totona e rakatanidia hahinedia, na e abidia, ruma ta ai e koudia ahu mai igimadia; unuseni ai e ubudia, a dekediai se raka vareai. Taunabunai idia na e hekou ahu, e nohova vabu na heheto, ela bona e mase.
2SA 20:4 Bena hanua pavapavana ese Amasa e hamaoroa, eto, Iuda taudia ba boiridia, dina toi do basie ore idia na lau dekegu ai bae hebou iniseni ai, bona oi danu baoma.
2SA 20:5 Taunabunai, Amasa na Iuda taudia iboiridia ela, to e halahe, vada e gwauraia hamata dinadia ai se lou mai.
2SA 20:6 Bena David ese Abisai e hamaoroa, eto, Absalom ese e hadikada maraḡi, a hari Sieba Bikri ese baine hadikada bada. Emu lohia ena hesiai taudia bavabidia, ia ba ḡavaia, hanua mai magudia haida baine abidia bena baine hahekwarahida na garina.
2SA 20:7 Bena Ioab bona Kerete taudia bona Pelete taudia bona goada taudia iboudiai na Abisai murinai ela; Ierusalem amo e raka lasi, Sieba Bikri bae hahavaia totona.
2SA 20:8 Nadi-bada Gibeon ai enai e kau negana ai, Amasa na ema, idia ida e hedavari. Ioab ese tuari dabuana e hahedokilaia, Iatanai dare mai iudalaina ḡauna mai varona ida na gabana ai e ḡeḡea; bena rakana ai dare na iudalaina ḡauna amo e moru.
2SA 20:9 Bena Ioab ese Amasa e hereva henia, eto, Tadigu, oi namo a? Bena Ioab ese imana idibana amo Amasa aukina huina e abia, baine harahua totona.
2SA 20:10 A Amasa na dare se itaia, Ioab imana ai. Taunabunai, Ioab ese ia bogana e gwadaia, bona bogarauna na tano ai e heḡiḡi dobi; ma se gwadaia harua. A tau na e mase. Bena Ioab bona tadina Abisai ese Sieba Bikri ma e hahavaia.
2SA 20:11 A Ioab ena orea tauna ta ese Amasa badibadinai e gini, eto, Daika ese Ioab bona David e lalo namo henidiamu, ia na Ioab murina amo baine raka.
2SA 20:12 Hari Amasa na sibona rarana lalonai e hekure, laolao dalana ai; raka-hanai taudia na e itaia, bena e gini. Bena una tau ese e itadia, idia na vada e gini, bena ia ese Amasa e abia, laolao dalana amo e huaia lao, rei lalonai e atoa, bena dabua amo e tarua ahu.
2SA 20:13 Laolao dalana amo vada e abia oho murinai, taunimanima iboudiai na Ioab murina amo ela, Sieba Bikri e hahavaia.
2SA 20:14 Sieba na Israel iduhudia iboudiai bogaragidia amo e raka hanai ela bona Abele, Bete-maka kahana hanuana ta; bena Bikri ena taunimanima iboudiai e hebou, ia murina amo ela, hanua lalonai e didi vareai.
2SA 20:15 Bena Ioab ena orea idoinai ema, Sieba e koua ahu, Abele, Bete-maka hanuana, lalonai. Bena tano e senua hanua vairanai, hanua maḡuna hegaga-hehenina ai, bena maḡu iḡiḡi-dobina ai e gugu mase.
2SA 20:16 Bena aonega hahinena ta hanua lalona amo e boiboi, eto, A kamonai, a kamonai; Ioab a hamaoroa, aine raka mai, baina hereva henia.
2SA 20:17 Ioab na dekena e raka kahi lao, bena hahine na eto, Oi na Ioab a? Ia na e haere, eto, Oibe. Bena hahine ese e hereva henia, eto, Emu hesiai hahinena egu hereva ba kamonai. Ia na e haere, eto, Na hakalamu.
2SA 20:18 Hahine na eto, Sene negadia ai ini e gwau tomava “Abele ai lalo-hadai namona ba tahua”, bena unu e kara tomava.
2SA 20:19 Lau be maino bona heabidadama Israel ai e badinadiamu taudia ta; a oi na Israel hanuana gunana ta ihabua-tarina dalana o tahuamu. Dahaka dainai Iehova ahuna ba hadonoa?
2SA 20:20 Ioab e haere, eto, Unu asina ura tomamu, asina uramu ḡau ta baina hadonoa eiava baina habuaia tari.
2SA 20:21 Una na koikoi. A tau ta Efraim ororodia amo, ladana Sieba Bikri, ese King David vada e tuan henia; ia mo sibona ba henigu, bena hanua amo baina raka oho. Una hahine ese Ioab e hamaoroa, eto, Benaini, ia kwarana na magu amo baia tahoa hanai emu ai.
2SA 20:22 Bena hahine ese hanua taudia iboudiai dekedia ela, mai aonegana ida e hereva henidia. Bena idia ese Sieba Bikri kwarana e utua oho, e tahoa lasi Ioab enai. Taunabunai, ia ese kibi e hiriria, bena idia na una hanua amo e raka oho, ta ta ena hanua ena hanua ela. Bena Ioab na Ierusalem e lou lao, hanua pavapavana dekena ela.
2SA 20:23 Ioab ese Israel tuari oreana idoinai e biaguava; Benaia Iehoiada ese Kerete taudia bona Pelete taudia e biagudiava;
2SA 20:24 Adorama ese e haḡaukaradiava taudia na e biagudiava. Iehosafat Ahilud na e tore pepadia inaridia tau;
2SA 20:25 Seva na toretore tauna; Sadok bona Abiatara na hahelaḡa taudia;
2SA 20:26 bona Ira, tau lairi, na David ena hahelaḡa tauna danu.
2SA 21:1 David ena nega ai doe e vara, bena se doko ela bona laḡani toi e ore. Bena David ese Iehova vairana e tahua. Iehova eto, Kerere na Saulo bona ena iduhu taudia latadiai, rara dainai; badina be ia ese Gibeon taudia e aladia mase.
2SA 21:2 Taunabunai, David ese Gibeon taudia e boiridia; hari Gibeon taudia na dia Israel besena taudia, idia na Amoro kwabukwabudia. Israel taudia ese gunaguna e gwau henidia hamata, basie hamasedia eto; to Saulo ese ialadia dalana e tahuava, Israel bona Iuda taudia ihanamodia e uralaia badava dainai.
2SA 21:3 Bena David ese Gibeon taudia e nanadaidia, eto, Ede baina kara henimui toma? Dika davana na ede baina halou henirnui toma, bena umui ese Iehova dihina ba hanamoa?
2SA 21:4 Gibeon taudia ese e haere henia, eto, Saulo mai ena iduhu taudia ida bona ai padamai ai gold bona silver na herevadia; bona dia ai emai ḡaukara Israel tauna ta baia alaia mase. David ma eto, Emui ura be dahaka, ede baina karamui toma?
2SA 21:5 Idia ese hanua pavapavana ma e haere henia, eto, E hadikamaiva bona ihabua-tarimai dalana e tahuava tauna, e urava Israel tanona idoinai emai gabu ta basine mia e tomava tauna,
2SA 21:6 natuna mamaruanedia hahitu ba henimai; bena Gibeon ai, Iehova ena ororo ai bona Iehova vairanai, baia taudia dae. Hanua pavapavana eto, Baina henimui.
2SA 21:7 Hanua pavapavana ese Saulo tubuna, Mefiboset Ionatan, na e hamauria gunaguna ia bona Ionatan Saulo na Iehova vairanai e gwauhamata heheni dainai.
2SA 21:8 A Rispa Aia natuna mamaruanedia raruosi, Saulo ena amo e abidia taudia, ladadia be Aramoni bona Mefiboset, bona Meraba Saulo natuna mamaruanedia laimaosi, Adriele Barasilai, tau Mehola, ena amo e abidia taudia, na hanua pavapavana ese e abidia,
2SA 21:9 hahituosi na Gibeon taudia e henidia. Bena Gibeon taudia ese Iehova ena ororo ai e taudia dae; hahituosi na e mase hebou. E hamasedia dinana be taboro matamana ai, bali iutuna e matamaia negana ai.
2SA 21:10 Bena Rispa Aia ese puse dabuana ta e abia, nadi-haga ai e lahaia, e hahelaia kau, taboro e matamaia negana amo ela bona medu na latadiai e diho. Dina ai atai manudia e laodia ahu, latadiai basie roho kau, bona hanuaboi ai uda boromadia ma e laodia ahu.
2SA 21:11 Haida ese Rispa Aia, Saulo vabuna, ena kara na David e hamaorolaia;
2SA 21:12 bena David na ela, Saulo bona natuna Ionatan turiadia na Iabese-Gilead taudia edia amo e abidia. Badina be Filistia taudia ese Saulo na Gilboa ai e alaia mase dinana ai, idia ese Bete-sana ariarana ai e taudia dae, bena Iabese-Gilead taudia ese unu alno e henaodia.
2SA 21:13 Taunabunai, David ese Saulo bona natuna Ionatan turiadia na unu amo e laohaidia; bona haida ese hari e taudia dae taudia turiadia danu e haboudia.
2SA 21:14 Bena Saulo bona natuna Ionatan turiadia na Sela ai, Beniamina tanona ai, e guridia, tamana Kisa ena gara gabuna ai. Hanua pavapavana ena hahedua idoinai heḡereḡerena ai e karaia. Una murinai Dirava ese edia noinoi tano dainai vada e abia dae.
2SA 21:15 Filistia taudia ese Israel taudia ma e tuari henidia; bena David mai ena hesiai taudia ida e hekei lao, Filistia taudia ida e tuari, ela bona David tauna e boera.
2SA 21:16 Bena Isibibenob, taunimanima ḡaubadabadadia garadia ta, ese David baine alaia mase eto. Una tau ena io na auri labora-labora ḡauna, metauna na sekele sinahu-toi, ena dare matamatana mai ḡauna ida na gabana ai e ḡegea.
2SA 21:17 A Abisai Seruia na ia iduruna ema; ia ese Filistia tauna e heatu henia, bena e alaia mase. Bena David ena orea taudia ese David e sisiba henia, eto, Oi na ai ida basita tuari hebou lou, Israel ena diari ba habodoa na garina.
2SA 21:18 Una murinai Filistia taudia ida ma e tuari lou, Gob ai. Bena Sibekai, tau Husata, ese Safa, taunimanima ḡaubadabadadia garadia ta, e alaia mase.
2SA 21:19 Bena Filistia taudia ida ma e tuari lou, Gob ai; una negana ai Elhanan Iaare-oregimi, tau Betelehem, ese Goliata, tau Gata, e alaia mase. Una tau ena io auauna na dabua ihatuna tauna ena au na heto.
2SA 21:20 Ma e tuari lou Gata ai; unuseni ai tau ḡaulatalatana ta e nohova, imana ruaosi ai bona aena ruaosi ai kwakikwaki be tauratoi tauratoi amo - kwakikwakina iboudiai na ruahui-hani. Ia danu taunimanima ḡaubadabadadia garadia ta.
2SA 21:21 Una tau ese Israel taudia e ḡonaḡonalaidia; bena Ionatan, David kakana Simei natuna, ese e alaia mase.
2SA 21:22 Unu tatau hahaniosi na Cata taudia ḡaubadabadadia garadia; David imana amo bona ena hesiai taudia imadia amo e mase.
2SA 22:1 Iehova ese David na inaina iboudiai imadia amo bona Saulo imana amo e hamauria dinana ai, David ese Iehova e hereva henia ina ane ai.
2SA 22:2 Ia eto: Iehova na egu nadi-gini, egu kohoro, egu hahemauri tauna;
2SA 22:3 egu Dirava, egu nadi-gini, na abidadama heniamu tauna; egu kesi bona egu mauri doana; egu kohoro bona egu roho-mauri gabuna; egu hahemauri tauna, oi ese daḡedaḡe karadia amo o hamaurigumu.
2SA 22:4 Iehova, e imodaiamu Diravana, na tai heniamu, bona inaigu edia amo e hamaurigumu.
2SA 22:5 Mase hurehuredia ese e ḡeḡegu ahuva, hahedika abatadia ese e hagariguva;
2SA 22:6 Mase gabuna ena iḡui varodia ese e idoagu, mase huodia ida na tata hedavari.
2SA 22:7 Egu hisihisi ai Iehova na boi henia, egu Dirava na tai henia. Ena dubu ai lau gadogu e kamonai; egu taitai na ia taiana ai e kau.
2SA 22:8 Una negana ai tanobada e laga, e heude-heude, guba badidia danu e heude-heude. e marere-marere, badina be ia vada e badu.
2SA 22:9 Kwalahu na ia uduna matudia amo e dae, Iahi siahuna na ia uduna amo e lasi, Iahi hururu-hururudia na iena amo ema.
2SA 22:10 Guba e beua tari, bena e diho; dibura badana na ia aena henudiai.
2SA 22:11 Kerubi ai e gui, e roho lao; lai hanina amo e roho haraḡa-haraga.
2SA 22:12 Dibura na e hekoulaia, dagadaga dubana e hetarulaia.
2SA 22:13 Diari na ia vairanai, unu amo Iahi hururuna e lasi.
2SA 22:14 Iehova ese guba-rahua ai e hereva, Herea Mikamika na e gwau isi.
2SA 22:15 Ena diba e kino, e hakarohodia; ena kevaru e hakevarua isi, e hadareredia.
2SA 22:16 Bena davara dobudobudia e heita, bona tanobada badidia e hedinarai, oi Iehova ese o gwau henidia negana ai, oi udumu matudia amo o hahodi lasi negana ai.
2SA 22:17 Atai amo e dau dobi, e abigu, ranu momo amo e verigu lasi.
2SA 22:18 Lau inaigu goadana ena amo e hamaurigu, e inai henigu taudia imadia amo e hamaurigu, badina be idia ese bema hadareregu diba.
2SA 22:19 Egu hisihisi dinana ai e davarigu, a Iehova na egu imuda.
2SA 22:20 Ia ese taora bada gabuna ai e hakaugu lasi; ia ese e hamaurigu, e moalelaigu dainai.
2SA 22:21 Iehova ese davagu vada e henigu, egu kara maoromaoro heḡereḡerena, vada e hanamogu, imagu edia ḡoevaḡoeva heḡereḡeredia.
2SA 22:22 Badina be Iehova ena dala vada na badinadia; lalo-hadai dikadia daidiai egu Dirava asina rakatania.
2SA 22:23 Badina be ena haheḡani iboudiai na lau vairagu ai; ena taravatu asina negedia daure.
2SA 22:24 Ia vairanai lau na asi egu kerere. kara dika amo na raka oho.
2SA 22:25 Taunabunai, Iehova ese vada e hanamogu, egu kara maoromaoro heḡereḡerena ai; egu ḡoevaḡoeva heḡereḡerena ai vada e hanamogu.
2SA 22:26 Heabidadama tauna oi ese o abidadama heniamu; kara maoromaoro tauna oi ese o kara maoromaoro heniamu.
2SA 22:27 Lalo-ḡoevaḡoeva tauna enai oi lalomu danu baine ḡoevaḡoeva; a kara gageva-gageva tauna enai oiemu kara danu bae gageva-gageva.
2SA 22:28 Badina be lalo-manau taudia na oi ese o hamauridiamu; a hekokoroku taudia na oi ese matadia o ha-igodia dihomu.
2SA 22:29 Momokani, Iehova e, oi na egu lamepa; Iehova ese egu dibura e hadiariamu.
2SA 22:30 Momokani, oi bagumu ai orea badana baina hadarerea diba; egu Dirava bagunai maḡu ta baina rohoa hanai diba.
2SA 22:31 Ina Dirava ena dala na herea dae; Iehova ena gwauhamata vada e momokani; ia na e abidadama heniamu taudia edia kesi.
2SA 22:32 Dirava be daika? Iehova mo. Nadi-gini be daika? Iseda Dirava mo.
2SA 22:33 Ina Dirava na egu roho-mauri gabuna aukana; ia na egu dala e halailaia Diravana.
2SA 22:34 Ia ese lau aegu na dia aedia heḡereḡeredia ai e halaodia; ia ese atai gabudia ai e haginigu kau.
2SA 22:35 Ia ese lau imagu e hadibadiamu, tuari karadia ai, bena imagu na mai goadadia auri-laboralabora pevana baina marea.
2SA 22:36 Emu hahemauri kesina vada o henigu; emu kara manada-manada ese vada e imodaigu.
2SA 22:37 Taora bada gabuna vada o lailaia, lau aegu bae moia tao; aegu na asie dedi.
2SA 22:38 Lau inaigu na hahavadia, na lasidia tao; lau asina gini kerehai ela bona idia na e bua tari.
2SA 22:39 Na ha-oredia, na gwadadia uru dainai asie tore isi, e keto, aegu henudiai.
2SA 22:40 Oi ese goada o hariolaigu, baina tuari totona; lau inaigu o tahodia dobi henugu ai.
2SA 22:41 Lau inaigu o hakerehaidia lau vairagu ai; e inai heniguva taudia na na habuadia tari.
2SA 22:42 Hekaha e noilaia, a ta ese se hamauridia; Iehova e tai henia, a ia na se haere henidia.
2SA 22:43 Lau ese na botadia patapata, tano ḡahuna na heto; na taodia tao, na moidia, ariara kopukopuna na heto.
2SA 22:44 Taunimanima edia tuari amo o hamaurigu; bese idau-idau ikwaradia ai o halaogu; asi dibagu taudia ese isiaigu e lao heniva.
2SA 22:45 Idau bese taudia na lau vairagu ai e igo diho; lau harigu e kamonai, bena e kamonai henigu.
2SA 22:46 Idau bese taudia na kudoudia e hetaha; edia komu gabudia amo e raka lasi mai heude-heudedia ida.
2SA 22:47 Iehova na e maurimu; egu nadi-gini na hanamoamu; egu Dirava bae imodaia, egu hahemauri nadi-ginina.
2SA 22:48 Dirava ese lau inaigu davadia e henidiamu; ia ese taunimanima na lau henugu ai e atodiamu, ia ese lau inaigu bogaragidia amo e hakaugu lasi.
2SA 22:49 Oi ese o imodaigu, lau inaigu daediai; daḡedaḡe taudia edia amo o hamaurigu.
2SA 22:50 Ina dainai, Iehova e, lau baina imodaimu bese idau-idau bogaragidiai; oi ladamu baina hanamoa egu ane ai.
2SA 22:51 Kwalimu badana ia ese ena pavapava e heniamu; e horoa tauna ia ese e bogaia hisimu; David mai garana ida baine bogadia hisi ela bona hanaihanai.
2SA 23:1 David ena hereva dokodia bini: David Iese ena hereva, Dirava ena amo; atai ai e abia dae tauna, Iakob ena Dirava ese e horoa tauna, Israel edia ane gaihodia isisibadia tauna, ena hereva.
2SA 23:2 Iehova ena Lauma na udugu amo e herevamu, iena hereva na malagu ai.
2SA 23:3 Israel ena Dirava vada e hereva, Israel ena Nadi-gini vada e hereva henigu, eto: Taunimanima e biagudia maoromaoromu, Dirava igari-henina ai e biagudiamu, tauna,
2SA 23:4 ia na idia latadiai e diarimu, daba e reremu na heto, eiava daba asi oriorina ai dina e taramu na heto; ia na idia latadiai e dihomu, medu na heto, medu ese rei tano ai e hatubuamu na heto.
2SA 23:5 Momokani, Dirava ese egu iduhu na unu vada e tomaia ani? Badina be mia-hanaihanai taravatuna vada e henigu, ḡau iboudiai ilailaidia; vada e hamomokania danu. Ikahagu bona egu ura idavarina na ia ese baine havara henigu ani?
2SA 23:6 A Dirava asie matauraiamu taudia na ginigini, e negediamu ḡaudia, na heheto; imada amo basita abidia diba.
2SA 23:7 A baine daudia toho tauna na auri bona io auna imana ai e abimu; bona lahi ese e aradia oremu.
2SA 23:8 David ena goada-herea taudia ladadia bini: loseb-basebete, Takemono tauna; tuari lohiadia tatoiosi bogaragidiai gini gunana be ia. Ia ese tatau sinahu-taurahani na nega tamona ai ena io amo e aladia mase.
2SA 23:9 Hari goada taudia tatoiosi bogaragidiai, ihararuana be Eleasara; ia na Dodo Ahohi natuna. Filistia taudia na tuari totona e hebouva bena Israel taudia na e lou negana ai, una tau na David ida.
2SA 23:10 Bena ia na e tore isi, Filistia taudia e aladia ela bona imana e hisihisi bona dare idogo-taona ai imana e hekamo dae. Una dina ai Iehova ese kwalimu badana e karaia; bona orea taudia na ia murinai ela, hari mase taudia edia ḡau iboudiai bae hagogo mo totona.
2SA 23:11 Ihatatoina be Sama Age, Harara tauna. Filistia taudia na Lehi ai e hebouva; lentil umana ta be unuseni ai. Israel taudia na Filistia taudia vairadia amo e heau;
2SA 23:12 bena hari Sama na uma bogaraginai e gini ahu, Filistia taudia e aladia mase. Unu amo Iehova ese kwalimu badana e karaia.
2SA 23:13 Lohia toiahuiosi bogaragidia amo hari tatoiosi ela, taboro negana ai David enai e kau, Adulama kohuana ai. Filistia taudia edia orea ta na Refairn kourana ai e taruha.
2SA 23:14 Una negana ai David na ena kohua ai e nohova, a Filistia taudia edia tuari oreana na Betelehem ai.
2SA 23:15 Bena David na mai lalo-hekisehekisena ida e hereva, eto, Ta ese Betelehem ikoukouna badibadinai e miamu gurina amo ranu kuri ta bema henigu, bama inua.
2SA 23:16 Bena hari goada-herea taudia tatoiosi na Filistia taudia edia taruha amo e raka uru, Betelehem ikoukouna badibadinai e miamu gurina amo ranu e utua, bena e abia, David dekena e laohaia. A David na lalona se hegereḡere baine inua; ia na e bubua dobi, Iehova ena;
2SA 23:17 eto, Iehova e, egu ai unu basine heto, lasi ona lasi vaitani; edia mauri inegedia asie laloa taudia raradia baina inu a? Taunabunai, ia na inuna se ura. Ini kara be hari goada-herea taudia tatoiosi ese e kara.
2SA 23:18 Abisai Seruia, Ioab tadina, ese hari lohia toiahuiosi na e biagudiava. Ia ese tatau sinahu-toi na ena io amo e aladia mase; bena ia harina na hari tatoiosi haridia ida e haheḡereḡeredia.
2SA 23:19 Hari toiahuiosi bogaragidiai, ia mo sibona harina vada e bada, bena biagudia ai ela. A ia na unu tatoiosi ida se heḡereḡere.
2SA 23:20 Benaia lehoiada na boga-auka tauna ta, Kabsele amo; ia na kara badadia e karava. Ia ese Ariele natuna raruosi Moab amo na e aladia mase; bona leona ta guri lalonai e alaia mase, snow e dihova dinana ai.
2SA 23:21 Aigupto tauna ta danu, raho-namo tauna, na ia ese e alaia mase. Una Aigupto tauna na imana mai iona; a Benaia na au ta e abia, e lao henia, io na Aigupto tauna imana amo e dadia, bena sibona ena io amo e gwadaia mase.
2SA 23:22 Ini kara na Benaia lehoiada ese e karava, bena ia harina na unu tatoiosi haridia ida e gwauraidia hebou.
2SA 23:23 Ia na mai harina unu toiahuiosi bogaragidiai; ḡau tamona hari tatoiosi ida se heḡereḡere. Bena David ese ia igimana oreana biaguna ai e halaoa.
2SA 23:24 Ioab tadina Asahele na toiahuiosi taudia ta. Oredia bini: Elhanan Dodo, tau Betelehem;
2SA 23:25 Sama, tau Harod; Elika, tau Harod;
2SA 23:26 Helese, tau Palti; Ira Ikese, Tekoa tauna;
2SA 23:27 Abiesere, Anatoto tauna; Mebunai, tau Husata;
2SA 23:28 Salmon, tau Ahohi; Maharai, tau Netofa;
2SA 23:29 Helebe Baanaha, tau Netofa; Itai Ribai, tau Gibea, Beniamina iduhuna tauna;
2SA 23:30 Benaia, tau Piratono; Hidai, Gaasa sinavaidia amo;
2SA 23:31 Abialabono, Araba tauna; Asamavete, Bahurimi tauna;
2SA 23:32 Eliaba, tau Saalbon; lasene natuna; Ionatan;
2SA 23:33 Sama, tau Harara; Ahiama Sarara, tau Harara;
2SA 23:34 Elifelete Ahasabai, tau Maaka; Eliama Ahitofel, tau Gilo;
2SA 23:35 Hesero, Karamele tauna; Paarai, Arab tauna;
2SA 23:36 Igala Natan, tau Soba; Bani, tau Gad;
2SA 23:37 Seleke, Amono tauna; Naharai, tau Beroto, Ioab Seruia ena kesi ihuana tauna;
2SA 23:38 Ira, tau Itiri; Gareb, tau Itiri;
2SA 23:39 bona Uria, Hiti tauna. Iboudiai na toi-ahui hitu.
2SA 24:1 Iehova ena badu ma e vara lou Israel taudia latadiai. Bena idia ihadikadia totona ia ese David e dibaḡania, eto, Aola, Israel taudia bona Iuda taudia ba hagaudia lao.
2SA 24:2 Taunabunai, hanua pavapavana ese Ioab bona ena tuari biagudia e hamaorodia, eto, Israel iduhudia iboudiai ba rakadia hanai, Dan amo ela bona Bere-sieba, bona taunimanima iboudiai ba hagaudia, baina diba idia be hahida.
2SA 24:3 A Ioab ese hanua pavapavana e hamaoroa, eto, Iehova, emu Dirava, ese taunimanima na nega sinahu-ta amo baine hahutumadia, bona egu lohia bona egu pavapava matamu ese bae itadia; a dahaka dainai egu lohia bona egu pavapava ese ina kara o moalelaiamu?
2SA 24:4 A hanua pavapavana ena hereva ese Ioab bona tuari biagudia edia hereva e laodia ahu. Taunabunai, Ioab bona tuari biagudia ese hanua pavapavana vairana amo e raka lasi, Israel taudia bae hagaudia totona.
2SA 24:5 Idia ese Ioridane sinavaina e hanaia, Aroere ai e matamaia; koura bogaraginai e miamu hanuana amo e matamaia, Gad kahana ai ela, ma ela, ela bona lasere.
2SA 24:6 Bena Gilead ai e kau, una murinai Kade ai e kau, Hiti taudia edia tano ai. Una murinai Dan ai e kau; bena Dan amo e raka heḡeḡe ela bona Sidono,
2SA 24:7 bona Turo kohorona, bona Hivi taudia bona Kanaan taudia edia hanua iboudiai. Unu amo Iuda diho kahana ai e lasi, Bere-sieba ai.
2SA 24:8 Taunabunai, idia ese tano idoinai e rakaia hanai, ela bona Ierusalem ai ma e kau. Edia laolao dinadia na hua taurahani-ta bona dina ruahui.
2SA 24:9 Bena Ioab ese taunimanima ihagaudia herevana na hanua pavapavana e henia: Israel ai goada taudia mai edia dare na domaga taurahani, bona Iuda taudia na domaga ima.
2SA 24:10 Bena David na lalona ese e botaia, taunimanima e hagaudia murinai. Bena David ese Iehova e hereva henia, eto, Vada na kerere dikadika egu kara ai. Iehova e, na noimumu, emu hesiai tauna ena dika bavabia oho; badina be vada na kavakava herea.
2SA 24:11 Daba ai, David na e tore isi negana ai, Iehova ena hereva na peroveta tauna Gad, David ena mata-hanai tauna, enai e kau, eto,
2SA 24:12 Aola, David ba hamaoroa, baoto “Iehova na ini e gwau tomamu: Ḡau toi na dudu henirnumu, tamona bavabia hidi, bena unu baina kara henimu toma”.
2SA 24:13 Taunabunai, Gad na David dekena ela, e hamaoroa, eto, Laḡani toi lalodiai doe na emu tano ai baine kau a? Eiava, hua toi lalodiai inaimu ese bae hahavamu, bena vairadia amo ba heau a? Eiava, dina toi lalodiai gorere na emu tano ai baine dai hanai a? Ba haeroa, bena ba hereva, e siaigu Diravana ese ede baina haere henia toma.
2SA 24:14 Bena David ese Gad e haere henia, eto, Daragu eme doko; Iehova imana ai baita moru be namo, badina be ena hebogahisi na bada; a lau na taunimanima imadia ai basina moru.
2SA 24:15 Taunabunai, Iehova ese dai-hanai gorerena ta Israel latanai e siaia, daba amo, ela bona e gwauraia negana e ore. Bena Dan amo ela bona Bere-sieba taunimanima gerebu-hitu e mase.
2SA 24:16 A aneru ese Ierusalem ihabua-tarina totona imana e toi roro henia negana ai, Iehova na una dika amo e helalo kerehai, bena ia ese taunimanima ihabua-taridia aneruna na e hamaoroa, eto, Vadaeni, imamu a haloua. Iehova ena aneru na Arauna, tau Iebusu, ena uit ikwadina gabuna badibadinai noho.
2SA 24:17 David ese hari taunimanima e aladiava aneruna e itaia, bena ia ese Iehova e hereva henia, eto, Lau na vada na kara dika, vada na kara havara; a ini mamoe be ede vada e kara toma? Lau na noimumu, oi imamu ese lau baine hadikagu, bona tamagu ena iduhu baine hadikaia.
2SA 24:18 Una dina ai, Gad na David dekena ela, eto, A dae lao, Arauna, tau Iebusu, ena uit ikwadina gabuna ai Iehova ena ihaboulaina patana ta ba larebaia.
2SA 24:19 Bena Gad ena hereva dainai David na e dae ela, Iehova ena haheḡani heḡereḡerena.
2SA 24:20 Arauna na e roha lao, hanua pavapavana mai ena hesiai taudia ida e itadia, ia dekena e maiva; bena Arauna na e raka lasi, tano ai e goru diho, hanua pavapavana e toma henia diho.
2SA 24:21 Bena Arauna eto, Egu lohia bona egu pavapava na ena hesiai tauna dekegu vada oma badina be dahaka? David eto, Emu uit ikwadina gabuna na baina hoia, Iehova ena ihaboulaina patana ta baina larebaia, dai-hanai gorerena na taunimanima edia amo baine heabi-oho helaoreana.
2SA 24:22 Bena Arauna ese David e hamaoroa, eto, Egu lohia bona egu pavapava emu lalo-hadai namona heḡereḡerena, ḡau bavabi bona ba hahelaḡa. Boromakau mamaruanedia bini, ḡole-oho boubouna gaudia; bona uit ikwadilaina audia bona boromakau pagadia madunadia na lahi audia ai baela.
2SA 24:23 Pavapava e, Arauna ese ini ḡau iboudiai na hanua pavapavana e heniamu. Arauna ese hanua pavapavana ma e hereva henia, eto, Iehova, emu Dirava, ese baine abimu dae.
2SA 24:24 A hanua pavapavana ese Arauna e haere henia, eto, Lasi, baina hoia, davana na baina henimu. Asi davadia gaudia na basina hahelaḡadia, gole-oho boubou ḡaudia ai basina halaodia, Iehova, egu Dirava, ena. Taunabunai, David ese uit ikwadilaina gabuna bona boromakau mamaruanedia na e hoi, davadia na e heni, silver sekeledia imahui.
2SA 24:25 Bena David ese ihaboulaina patana ta unuseni ai e larebaia, Iehova ena; bona ḡole-oho bouboudia bona maino bouboudia e hahelaḡadia. Taunabunai, Iehova ese noinoi tano dainai na e kamonaidia, bona dai-hanai gorerena na Israel ena amo e hegwau tao.
1KI 1:1 King David vada e buruka; ena mauri laḡanidia na momo. Ena be dabua momo e hahedokilaiva, to tauna na se siahua.
1KI 1:2 Taunabunai, ena hesiai taudia ese e hamaoroa, eto, Hane-ulato ta bae tahua, egu lohia bona egu pavapava emu; ia ese pavapava isiaimu baine lao heni, bona baine reḡumu. Kememu ai baine hekure, egu lohia bona egu pavapava taumu baine siahu helaoreana.
1KI 1:3 Taunabunai hane-ulato mai hairaina ta e tahua, Israel tanona idoinai; bena Abisaga, Suneme kekenina, e davana, hanua pavapavana dekena e hakaua lao.
1KI 1:4 Ia na hane-ulato ḡoeva-daena. Bena ia ese hanua pavapavana ireḡuna ai ela, bona isiaina e lao heni; a hanua pavapavana na ia ida se eno bou.
1KI 1:5 Una negana ai Adonia, Hagiti natuna, na sibona e heaḡi, eto, Lau baina pavapava. Bena ia ese kariota bona hosi-gui taudia e abidia heḡaeḡae, bona ia vairanai bae heau taudia imahui danu.
1KI 1:6 Tamana ese nega ta lalona se hahisia, seto “Badina be dahaka unu ini vada o kara toma?” Ia na raho-namo tauna; ia danu Absalom murina amo e vara tauna.
1KI 1:7 Bena ia ese Ioab Seruia bona hahelaḡa tauna Abiatara ida e henega bou; bena idia na Adonia murinai e raka, bona e durua.
1KI 1:8 A hahelaḡa tauna Sadok, bona Benaia Iehoiada, bona peroveta tauna Natan, bona Simei, bona Rei, bona David ena goada taudia, na Adonia ida asie hebou.
1KI 1:9 Bena Adonia na gabu ta ladana Gaigai Nadina ela, En-rogele kahana ai; unuseni ai ia ese mamoe bona boromakau bona heubu ḡaudia na ihaboulaina patana ai e hahelaḡadia. Hanua pavapavana natuna, ia tadikakana iboudiai, bona hanua pavapavana ena hesiai taudia iboudiai Iuda tanona ai, na e vavedia;
1KI 1:10 a peroveta tauna Natan bona Benaia bona goada taudia bona tadina Solomon na se vavedia.
1KI 1:11 Bena Natan ese Solomon sinana, Bataseba, e hamaoroa, eto, Oi so kamonai Adonia, Hagiti natuna, ese pavapava dagina vada e abia, bona eda lohia David na asi dibana, a?
1KI 1:12 Benaini, do baina hahealo henimu, bena oiemu mauri bona natumu Solomon ena mauri ba rauadia.
1KI 1:13 King David dekenai ba raka vareai haraḡa, ba hamaoroa, baoto: Egu lohia bona egu pavapava e, oi ese lau, emu hesiai hahinena, o gwau henigu hamata, oto “Natumu Solomon na lau murigu ai baine pavapava bona egu terono ai baine helai”, ani? Matona, Adonia vada e pavapava badina be dahaka?
1KI 1:14 Bena hanua pavapavana ihereva-henina do basio hadokoa ai, lau danu oi murimu amo baina raka vareai, emu hereva baina hamomokania.
1KI 1:15 Taunabunai, Bataseba na hanua pavapavana dekena ela, ena daiutu ai. Hanua pavapavana na buruka herea, bona Abisaga, Suneme kekenina, ese ia isiaina e lao heniva.
1KI 1:16 Bataseba na e igo diho, hanua pavapavana na e toma henia diho. Bena hanua pavapavana eto, Emu ura be dahaka?
1KI 1:17 Ia ese e haere henia, eto, Egu lohia e, oi ese lau, emu hesiai hahinena, na Iehova, emu Dirava, ladana ai o gvvau henigu hamata, oto “Natumu Solomon na lau murigu ai baine pavapava, bona egu terono ai baine helai”.
1KI 1:18 A itaia, harihari Adonia vada e pavapava; ḡau tamona oi, egu lohia bona egu pavapava, na asi dibamu.
1KI 1:19 Ia ese boromakau bona heubu gaudia bona mamoe momo herea na ihaboulaina palana ai vada e hahelaḡadia, bona hanua pavapavana natuna iboudiai bona hahelaga tauna Abiatara bona tuari oreana biaguna Ioab vada e vavedia; a emu hesiai tauna Solomon na se vavea.
1KI 1:20 Egu lohia bona egu pavapava e, harihari Israel taudia iboudiai ese oi e haḡeremumu, ba hamaorodia daika na oi murimu ai egu lohia bona egu pavapava emu terono ai baine helai e tomu.
1KI 1:21 Bena basioma hereva, egu lohia bona egu pavapava na tubu tama dekediai ba mahuta negana ai lau bona natugu Solomon na bae gwauraimai kerere taudia.
1KI 1:22 Dounu hanua pavapavana ida e hereva-hereva ai, peroveta tauna Natan na e raka vareai.
1KI 1:23 Bena haida ese hanua pavapavana e hamaoroa, eto, Peroveta tauna Natan na iniseni ai. Bena ia na hanua pavapavana dekenai e raka vareai; bena vairanai e igo diho, bona tano ai e goru diho.
1KI 1:24 Bena Natan eto, Egu lohia bona egu pavapava e, oi o hereva, oto “Adonia na lau murigu ai baine pavapava bona egu terono ai baine helai”, a?
1KI 1:25 Badina be ia na hari dina ai vada ela, boromakau bona heubu ḡaudia bona mamoe momo herea na ihaboulaina patana ai vada e hahelaḡadia, bona hanua pavapavana natuna iboudiai bona tuari oreana biaguna Ioab bona hahelaḡa tauna Abiatara na vada e vavedia; bona ina harihari idia na ia vairanai e anianimu bona e inuinumu, e tomamu “King Adonia ena mauri baine daudau”.
1KI 1:26 A lau, emu hesiai tauna, bona hahelaga tauna Sadok, bona Benaia Iehoiada, bona emu hesiai tauna Solomon, na se vavemai.
1KI 1:27 Egu lohia bona egu pavapava e, ina na oi ese o karaia, bona emu hesiai taudia na so hamaorodia daika ese oi murimu ai egu lohia bona egu pavapava emu terono ai baine helai a?
1KI 1:28 Bena King David na e haere, eto, Bataseba a boiria, dekegu ainema. Taunabunai, hahine na hanua pavapavana dekenai e raka vareai, ia vairanai e gini.
1KI 1:29 Bena hanua pavapavana na e gwau hamata, eto, Iehova, lau laumagu na hahedika iboudiai lalodia amo vada e hamauria Diravana, e maurimu heḡereḡerena,
1KI 1:30 bona lau ese Iehova, Israel Diravana, ladana ai na gwau henimu hamata, nato “Natumu Solomon na lau murigu ai baine pavapava bona egu terono ai baine helai lau gabugu ai”, heḡereḡerena, unu baina kara toma hari ina dina ai.
1KI 1:31 Bena Bataseba na tano ai e goru diho, hanua pavapavana e toma henia diho, eto, Egu lohia King David baine mauri hanaihanai.
1KI 1:32 King David eto, Hahelaḡa tauna Sadok bona peroveta tauna Natan bona Benaia lehoiada a boiridia. Taunabunai, idia na e raka vareai, hanua pavapavana vairanai.
1KI 1:33 Bena hanua pavapavana ese e hereva henidia, eto, Emui lohia ena hesiai taudia na ba laohaidia, bona natugu Solomon na egu doniki ai ba hahelaia kau; bena ba hakaua lao, Gihon baola;
1KI 1:34 unuseni ai hahelaḡa tauna Sadok bona peroveta tauna Natan ese bae horoa, Israel pavapavana ai bae halaoa. Bena kibi ba hiriria, baoto “King Solomon ena mauri baine daudau”.
1KI 1:35 Bena ia murina amo baoma; ia na bainema, egu terono ai baine helai; badina be ia na baine pavapava lau gabugu ai. Lau vada na duanaia, ia ese Israel bona Iuda baine biagudia.
1KI 1:36 Bena Benaia Iehoiada ese hanua pavapavana e haere henia, eto, Amen; Iehova, egu lohia bona egu pavapava emu Dirava, unu baine gwau toma.
1KI 1:37 Iehova ese egu lohia bona egu pavapava vada e bamoa heḡereḡerena, ia ese Solomon danu baine bamoa, bona ena terono baine habadaia, egu lohia King David ena terono do baine hereaia.
1KI 1:38 Taunabunai, hahelaḡa tauna Sadok, bona peroveta tauna Natan, bona Benaia Iehoiada, bona Kerete taudia bona Pelete taudia, na e diho ela, Solomon na King David ena doniki ai e hahelaia kau; bena e hakaua lao, ela bona Gihon.
1KI 1:39 Unuseni ai hahelaḡa tauna Sadok ese doa mai dehorona na kalaga helaḡana amo e abia, bena ia ese Solomon e horolaia. Bena kibi e hiriria, bona taunimanima iboudiai eto, King Solomon ena mauri baine daudau.
1KI 1:40 Bena taunimanima iboudiai na ia murina amo e dara dae, ivilikou e hatai, bona e moale hisi dae; bena edia heloḡo-heloḡo ese tano danu e hapararaia.
1KI 1:41 Adonia bona ena vadivadi iboudiai na edia aria dokona ai una reḡe e kamonai. Bena Ioab na kibi reḡena e kamonai negana ai na e henanadai, eto, Una heloḡo-heloḡo hanua lalonai anina be dahaka?
1KI 1:42 Dounu e herevava ai, Ionatan, hahelaḡa tauna Abiatara natuna, ema. Bena Adonia eto, A raka vareai, badina be oi na tau namona, bona hari namona o mailaiamu.
1KI 1:43 Ionatan ese Adonia e haere henia, eto, Lasi; badina be eda lohia King David ese Solomon na pavapava ai vada e halaoa.
1KI 1:44 Hanua pavapavana ese hahelaga tauna Sadok bona peroveta tauna Natan bona Benaia Iehoiada bona Kerete taudia bona Pelete taudia na ia ida vada e siaidia; bena hanua pavapavana ena doniki ai vada e hahelaia kau.
1KI 1:45 Bona hahelaḡa tauna Sadok bona peroveta tauna Natan ese vada e horoa, pavapava ai vada e halaoa, Gihon ai. Unu amo ma vada e dara dae mai moaledia ida, bena hanua ai heloḡo-heloḡo vada e bada. Vada o kamonai heloḡo-heloḡona bunai.
1KI 1:46 Solomon ese hanua pavapavana ena terono ai e helaimu.
1KI 1:47 Ina danu, hanua pavapavana ena hesiai taudia na eda lohia King David ihahenamohenina ela, eto, Emu Dirava ese Solomon ladana harina baine habadaia, oi ladamu baine hereaia, bona iena terono danu baine habadaia, oiemu baine hereaia. Bena hanua pavapavana na ena mahuta patana latanai e igo diho.
1KI 1:48 Hanua pavapavana danu eto, Iehova, Israel Diravana, aita hanamoa, badina be ia ese vada e gwau maoro, natugu ta na hari ina dina ai egu terono ai baine helai, bona matagu ese vada e itaia.
1KI 1:49 Bena Adonia ena vadivadi taudia iboudiai na kudoudia e hetaha; bena e tore isi, ta ta ena dala ena dala ela.
1KI 1:50 Adonia ese Solomon garina e gariva; taunabunai e tore isi, ela, ihaboulaina patana doana e dogodia tao.
1KI 1:51 Bena haida ese Solomon e hamaoroa, eto, A itaia, Adonia ese King Solomon garina e garimu; badina be ia ese ihaboulaina patana doana vada e dogoa taomu, e tomu, King Solomon baine gwau henigu hamata guna, baineto ia ese ena hesiai tauna na dare amo basine alagu mase.
1KI 1:52 Bena Solomon eto, Baina dibaia guna: bema ia na tau namona, ia huina tamona na tano ai basine moru; a bema dika na ia lalonai baina davaria, ia na baine mase.
1KI 1:53 Taunabunai, King Solomon ese haida e siaidia, bena idia ese ihaboulaina patana amo e hakaua diho. Bena ia na ela, King Solomon e toma henia diho; bena Solomon ese e hamaoroa, eto, Emu ruma aola.
1KI 2:1 David ena mase vada e kahira-kahira negana ai, ia ese ia natuna Solomon e haḡania, eto,
1KI 2:2 Lau na tanobada idoinai ena lao dalana ai na laomu. Ba goada, tau doḡadoḡa ai baola.
1KI 2:3 Iehova, emu Dirava, ena hahedua ba badinaia, ena dala ai ba raka, bona ena taravatu bona ena haheḡani bona ena hadediba herevadia bona ena hahediba herevadia ba badinadia, Mose ena taravatu ai e hetore na heto, emu kara iboudiai Ialodiai bona ba lao heni gabudia iboudiai lalodiai namomu baine bada helaoreana,
1KI 2:4 bona Iehova ese ena hereva baine hamomokania helaoreana. Badina be ia ese e herevalaigu, eto, Natumu na edia dala nahuadia bema toho, bena lau vairagu bema raka mai heabidadamadia ida bona mai lalodia bona laumadia idoidiai ida, oi garamu ta basine moru Israel teronona ihelai-kauna ai.
1KI 2:5 Ina danu, oi dibamu Ioab Seruia ede e karagu toma, bona Israel tuari oreadia biagudia raruosi, Abnere Nere bona Amasa Ietere, ede e karadia toma. Ia ese e aladia mase, tuari ai e hebubu rarana na maino negana ai davana e abia, bona asi edia kerere taudia raradia na egu gaba ḡauna ai bona egu tamaka ai e hahebubua.
1KI 2:6 Taunabunai, emu aonega heḡereḡerena ai ba kara, to kwarana na mase gabuna bainela dia maino ai.
1KI 2:7 A Barasilai, tau Gilead, natuna ba hanamodia, emu dabara ai e anianimu taudia bogaradiai bae aniani; badina be kakamu Absalom ena amo na heau negana ai idia ese unu e karagu toma.
1KI 2:8 Simei Gera, tau Beniamina, Bahurimi amo, danu na oi dekemu ai. Mahanaim nala dinana ai ia ese hereva metaudia amo e ihi-ihiraigu; bena Ioridane sinavaina badinai lau dekegu ai e diho ema negana ai na na gwau henia hamata, Iehova ladana ai, nato, Dare amo basina alamu mase.
1KI 2:9 Taunabunai, basioto ia na asi ena kerere, badina be oi na mai aonegamu; ba diba ede ba kara henia toma; ia kwarana mai rarana ida mase gabuna ai ba hadihoa.
1KI 2:10 Bena David na tubu tama dekediai e mahuta; David ena hanua ai e guria.
1KI 2:11 David ese Israel e lohiaia laḡanidia na hari-ahui: laḡani hitu Heberon ai bona laḡani toi-ahui toi Ierusalem ai.
1KI 2:12 Taunabunai, Solomon ese tamana David ena terono ai e helai, bona ena basileia na e gini tutuka-tutuka.
1KI 2:13 Bena Adonia Hagiti na Solomon sinana Bataseba dekena ela. Hahine na eto, Mai mainomu ida oma a? Tau na e haere, eto, Oibe, mai mainogu ida.
1KI 2:14 Ma eto, Aina hereva henimu na tomu. Hahine na eto, A hereva.
1KI 2:15 Ia eto, Oi dibamu basileia na egu, bona Israel taudia iboudiai edia lalohadai idoinai be lau ese baina lohiadia eto; ḡau tamona, basileia na vada e hanai, tadigu enai, badina be Iehova ena amo vada e abia.
1KI 2:16 Harihari egu noinoi oiemu ai na tamona; basio dadaraia. Hahine na eto, A hereva.
1KI 2:17 Ia eto, Mani emu kara King Solomon ba noia, ia ese Abisaga, hane Suneme, baine henigu, baina adavaia; badina be ia ese oiemu noinoi basine dadaraia.
1KI 2:18 Bataseba eto, Namo, hanua pavapavana na oi daimu ai baina noia.
1KI 2:19 Taunabunai Bataseba na King Solomon dekena ela, Adonia dainai baine hereva henia totona. Bena hanua pavapavana e tore isi, ia ida e hedavari, bena e igo henia diho. Una murinai ia na ena terono ai e helai, bona e hahedua, helai ḡauna ta bae mailaia, hanua pavapavana sinana ena; bena hahine na ia idibana kahana ai e helai diho.
1KI 2:20 Bena hahine na eto, Mai egu noinoi maraḡina tamona emu ai; basio dadaraia. Hanua pavapavana ese e haere henia, eto, Sinagu e, a noinoi; emu noinoi basina dadaraia.
1KI 2:21 Hahine na eto, Abisaga, hane Suneme, na kakamu Adonia ba henia, ia ese baine adavaia.
1KI 2:22 Bena King Solomon ese sinana e haere henia, eto, Badina be dahaka Abisaga, hane Suneme, o gwauraiamu, Adonia ena? Basileia danu ba gwauraia iena; badina be ia na kakagu, bona iena kaha ai na hahelaḡa tauna Abiatara, bona Ioab Seruia danu.
1KI 2:23 Bena King Solomon na Iehova ladana ai e gwau hamata, eto, Ina hereva ese Adonia ena mauri basinema abia oho, Dirava ese dava metau-hereana bema henigu.
1KI 2:24 Taunabunai, Iehova, e haginigu bona tamagu David ena terono ai e atogu bona ena gwauhamata heḡereḡerena ai egu iduhu vada e haginia Diravana, e maurimu heḡereḡerena, Adonia na hari dina ai bae alaia mase.
1KI 2:25 Taunabunai, King Solomon ese Benaia Iehoiada e siaia; bena ia ese e rahua mase.
1KI 2:26 Bena hanua pavapavana ese hahelaḡa tauna Abiatara e hereva henia, eto, Emu tano Anatoto baola; badina be davamu maorona na mase. A ina nega ai basina alamu mase, badina be Ḡaubada Iehova ena maua helaḡana na tamagu David vairanai o huaiava, bona tamagu ida o hisihisi hebouva, iena hisihisi iboudiai lalodiai.
1KI 2:27 Taunabunai, Solomon ese Abiatara na Iehova ena hahelaḡa tauna dagina amo e lulua lasi; unu amo ia ese Iehova ena hereva, Silo ai Eli ena iduhu e herevalaia herevana, na e hamomokania.
1KI 2:28 Una kara harina na Ioab enai e kau. Ioab ese Adonia e duruava, ḡau tamona Absalom na se duruava. Bena Ioab ese Iehova ena kalaga helaḡana e heau henia, bona ihaboulaina patana doana e dogodia tao.
1KI 2:29 Bena haida ese King Solomon e hamaoroa, eto, Ioab ese Iehova ena kalaga helaḡana vada e heau henia; ia na ihaboulaina patana badibadinai. Bena Solomon ese Benaia Iehoiada e siaia, eto, Aola, ba rahua mase.
1KI 2:30 Taunabunai, Benaia na Iehova ena kalaga helaḡana ai e kau, bena ia ese Ioab e hereva henia, eto, Hanua pavapavana e haheduamu, e tomu, A raka lasi. A Ioab eto, Lasi, iniseni ai baina mase. Bena Benaia ese una hereva e laohaia hanua pavapavana enai, eto, Ioab na unu e hereva toma, bona unu e haere henigu toma.
1KI 2:31 Bena hanua pavapavana eto, Ena hereva heḡereḡerena a karaia, bavalaia mase, bena ba guria; unu amo rara na Ioab ese e hahebubua kava gwauna na lauegu amo bona tamagu dihina amo bavabia oho.
1KI 2:32 Iehova ese ena rara-hebubu karadia na ia sibona kwarana ai baine haloudia, badina be ia ese tamagu e halahuia, kara maoromaoro ai bona kara namo ai ia e hereaiava taudia rarua na e ala-ala henidia bona dare amo e aladia mase: ta be Abnere Nere, Israel tuari oreana biaguna, ma ta be Amasa letere, Iuda tuari oreana biaguna.
1KI 2:33 Taunabunai, idia raradia gwauna na Ioab kwarana ai bona ia garana kwaradia ai baine lou, bona baine mia hanaihanai; a David bona ia garana bona ena ruma bona ena terono ediai Iehova ena maino baine mia hanaihanai.
1KI 2:34 Bena Benaia Iehoiada na e dae ela; bena ia ese Ioab e botaia bona e hamasea; bena ena ruma ai e guria, tano gagaena ai.
1KI 2:35 Bena hanua pavapavana ese Benaia Iehoiada na tuari oreana biaguna ai e halaoa, Ioab gabuna ai. Hanua pavapavana ese danu hahelaga tauna Sadok na Abiatara gabuna ai e atoa.
1KI 2:36 Bena hanua pavapavana erena e siaia, Simei e boiria, e hamaoroa, eto, Emu ruma auta na Ierusalem ai ba haginia; unuseni ai ba noho, bona unu amo basio raka lasi, gabu ta basiola.
1KI 2:37 Badina be ba diba momokani, ba raka lasi bona Kidron sinavaina ba hanaia dinana ai vada ba mase; raramu na oi sibomu kwaramu ai baine mia.
1KI 2:38 Bena Simei ese hanua pavapavana e hamaoroa, eto, Emu hereva na namo; egu lohia bona egu pavapava emu hereva heḡereḡerena, emu hesiai tauna na unu baina kara toma. Taunabunai, Simei na dina momo Ierusalem ai e nohova.
1KI 2:39 Laḡani toi e ore, bena nega ta Simei ena hesiai taudia rarua na e heau, Akisi Maaka, Gata pavapavana, dekena ela. Haida ese Simei e hamaoroa, eto, A kamonai, emu hesiai taudia na Gata ai.
1KI 2:40 Bena Simei e tore isi, doniki ta e heḡaeḡaelaia, bena ena hesiai taudia itahudia totona Gata ela, Akisi dekenai. Simei ese ena hesiai taudia eha abidia, Gata amo e loulaidia.
1KI 2:41 Haida ese Solomon e hamaoroa, Simei na Ierusalem amo Gata ela, ma e lou.
1KI 2:42 Bena hanua pavapavana erena e siaia, Simei e boiria, e gwau henia, eto, Iehova vairanai asina hagwauhamatamu a? Asina sisiba henimu, asinato “Ba diba momokani, ba raka lasi gabu ta baola negana ai vada ba mase”, a? Bena oi ese o haere henigu, oto “Emu hereva na namo, baina kamonaia”.
1KI 2:43 Benaini, dahaka dainai emu gwauhamata Iehova enai, bona lau ese - na hahedua henimu haheganina, so badinadia a?
1KI 2:44 Bena hanua pavapavana ese Simei e hamaoroa, eto, Tamagu David o kara dika heniava karadia iboudiai na sibomu lalomu ai dibamu; taunabunai Iehova ese emu kara dika idoinai na oi sibomu kwaramu ai baine haloua.
1KI 2:45 A King Solomon ese hahenamo baine abia, bona David ena terono na Iehova vairanai baine gini hanaihanai.
1KI 2:46 Bena hanua pavapavana ese Benaia Iehoiada e haḡania; bena ia na ela, una tau e rahua mase. Taunabunai, basileia na Solomon imana ai e gini tutuka-tutuka.
1KI 3:1 Solomon ese Farao, Aigupto pavapavana, natuna hane-ulatona e adavaia; bena ia ese Farao natuna e abia, David ena hanua ai e hakaua vareai, ela bona iena ruma bona Iehova ena dubu bona Ierusalem maḡuna e haginidia ore.
1KI 3:2 Ḡau tamona, taunimanima ese edia boubou ḡaudia na dounu atai gabudia ai e hahelaḡadiava, badina be dubu auta do asie hadaia, Iehova ladana ena.
1KI 3:3 Solomon ese Iehova e ura henia, bona tamana David ena taravatu ai e rakava; ḡau tamona, ia ese danu atai gabudia ai boubou ḡaudia e hahelaḡadiava bona muramura mai bonadia e gabudiava.
1KI 3:4 Bena hanua pavapavana na Gibeon ela, unuseni ai boubou ḡaudia baine hahelaḡadia eto, badina be atai gabuna helaḡa-hereana bunai; Solomon na vaia ena kara ḡole-oho bouboudia daha ta ta una ihaboulaina patana ai e hahelaḡadiava.
1KI 3:5 Bena Gibeon ai Iehova ese hanuaboi ai nihi lalonai Solomon e hahedinarai henia. Dirava ese e hamaoroa, eto, A hereva, dahaka baina henimu.
1KI 3:6 Solomon eto, Tamagu David, emu hesiai tauna, na o bogaia hisi bada, badina be ia ese heabidadama ai bona kara maoromaoro ai bona mai ena lalo-maoromaoro emu ai oi vairamu ai e rakava; bena ina hebogahisi bada-hereana ma o henia, natuna ta vada o henia, bena iena terono ai e helaimu hari ina dina ai.
1KI 3:7 Iehova e, egu Dirava e, ena be lau na mero maraḡina mo, to oi ese emu hesiai tauna na pavapava ai vada o halaogu, tamagu David gabuna ai. Lau na asi dibagu ede baina raka lasi toma bona ede baina raka vareai toma.
1KI 3:8 Emu hesiai tauna ese emu orea taudia, o abia hidi besena, bogaragidiai na nohomu. Idia na hutuma herea, ta ese basine duahidia diba eiava basine hagaudia diba.
1KI 3:9 Taunabunai, emu hesiai tauna na lalo-parara ba henigu, emu orea taudia baina biagudia bona namo bona dika baina dibadia totona; badina be emu orea bada-hereana binai daika ese baine biagua.
1KI 3:10 Ḡaubada na e moale, badina be Solomon ese unu e noia toma.
1KI 3:11 Dirava ese e hamaoroa, eto, Badina be ini ome noinoi toma, bona mauri daudauna eiava taḡa eiava inaimu edia mauri so gwaurai, a lalo-parara vada o gwauraia emu, kara maoromaoro ba diba helaoreana,
1KI 3:12 a itaia, lau na ina harihari emu hereva heḡereḡerena ai baina karaia: aonega bona lalo-parara name henimu, ta oi heḡereḡeremu ai se hedinarai guna, bona oi murimu ai danu ta oi heḡereḡeremu ai basine hedinarai.
1KI 3:13 Bona so gwaurai ḡaudia danu name henimu: taḡa bona hairai. Taunabunai, pavapava ta na oi ida basine heḡereḡere, emu dina iboudiai lalodiai.
1KI 3:14 Ina danu, egu dala ai boma raka, bona egu taravatu bona egu haheḡani boma badinadia, tamamu David e rakava heḡereḡerena, lau ese emu mauri dinadia baina hahohodia.
1KI 3:15 Bena Solomon na e noga, vada e diba una na nihi mo. Bena ia na Ierusalem ela, Iehova ena taravatu mauana helaḡana vairanai e gini, bena ḡole-oho bouboudia bona maino bouboudia e hahelaḡadia, bona aria ta e karaia, ena hesiai taudia iboudiai adia.
1KI 3:16 Una negana ai, ariara hahinedia rarua na hanua pavapavana dekena ela, vairanai e gini.
1KI 3:17 Hahine ta eto, Ḡaubada e, ina hahine bona lau na ruma tamona ai a nohomu; bena ia na una ruma ai nohona ai, lau na na mara, mero ta na abia.
1KI 3:18 Lau na mara murinai dina toi vada ela, bena ina hahine danu e mara. Ai na sibomai; asi tauna ta ai ida una ruma ai, ai raruosi mo.
1KI 3:19 Bena hanuaboi ai ina hahine natuna e mase, badina be ia ese e enoa tao.
1KI 3:20 Bena malokihi ai ia na e tore isi, lau natugu na ohegu amo e abia, emu hesiai hahinena mahutagu ai, bena ia kemena ai e atoa, a ia natuna, vada e mase merona, na lau kemegu ai e atoa.
1KI 3:21 Daba ai na tore isi, natugu baina ubua nato, to vada e mase; a daba diarina ai na itaia goevaḡoeva negana ai na diba, ia na dia lau ese na havaraia merona.
1KI 3:22 A hari hahine ihararuana eto, Lasi, mauri merona na lau natugu, vada e mase merona na oiemu. Ma gini-gunana eto, Lasi, vada e mase merona na oi natumu, a mauri merona na lauegu. Hanua pavapavana vairanai raruosi na unu e hepapahuahu tomava.
1KI 3:23 Bena hanua pavapavana eto, Ina ta e tomu “Ina mauri merona na lau natugu, a oi natumu vada e mase”, ma ta e tomu “Lasi, oi natumu vada e mase, mauri merona na lau natugu”.
1KI 3:24 Bena hanua pavapavana ma eto, Dare ta dekegu ai a mailaia. Taunabunai dare ta na e mailaia, hanua pavapavana vairanai e atoa.
1KI 3:25 Bena hanua pavapavana eto, Mauri merona a dapaia parara, kaha rua; kaha ta hahine ta ba henia, ma kaha ta hahine ta.
1KI 3:26 Bena natuna maurina sinana ese hanua pavapavana e hereva henia, badina be lalona ese natuna e ura henia badava dainai; eto, Egu ḡaubada e, mauri merona na ia ba henia, basio alaia mase. A ihararuana eto, Lau basina abia, oi danu basio abia; a hapararaia.
1KI 3:27 Bena hanua pavapavana na e haere, eto, Mauri merona na hahine gini-gunana ba henia, basio alaia mase; sinana na ia.
1KI 3:28 Bena Israel idoinai ese hanua pavapavana ena hahemaoro karana sivaraina e kamonai; bena idia ese hanua pavapavana e matauraia, badina be vada e diba Dirava ena aonega na ia lalonai noho, hahemaoro ḡoevaḡoeva ihenina totona.
1KI 4:1 A King Solomon na Israel idoinai pavapavana.
1KI 4:2 Ia iduruna taudia badadia bini: Asaria Sadok na hahelaḡa tauna;
1KI 4:3 Elihorefe Sisa bona Ahia Sisa na toretore taudia; Iehosafat Ahilud na e tore pepadia inaridia tau.
1KI 4:4 Benaia Iehoiada na tuari oreana biaguna; Sadok bona Abiatara na hahelaga taudia;
1KI 4:5 Asaria Natan ese hanua pavapavana ena hesiai taudia e biagudiava. Sabud Natan na hahelaḡa tauna bona hanua pavapavana turana;
1KI 4:6 Ahisara ese hanua pavapavana ena ruma e itaia taova; bona Adoniram Abda ese e haḡaukaradiava taudia e biagudiava.
1KI 4:7 Solomon na mai ena heitatao taudia gwauta-rarua: idia ese Israel idoinai e lohiaia, bona hanua pavapavana bona ena ruma taudia adia e henidia; ta ta hua ta ta ai adia e henidia, laḡani ta lalonai.
1KI 4:8 Ladadia bini: Ben-huru, Efraim ororodia ai;
1KI 4:9 Ben-dekere, Maka bona Saalbim bona Bete-semese bona Elono-bete-hanana kahadia ai;
1KI 4:10 Ben-hesed, Aruboto ai, (Soko bona Hefere tanona idoinai na iena);
1KI 4:11 Ben-abinadab, Nafata-doro idoinai lalonai, (ia ese Solomon natuna hane-ulatona Tafata e adavaia);
1KI 4:12 Baana Ahilud, Taanak ai bona Megido ai bona Bete-seana idoinai lalonai, (una na Saretan badibadinai, Iesrele henunai, bona Bete-seana amo ela bona Abele-mehola, ela bona lokomeama unukahana);
1KI 4:13 Ben-gebere, Ramoto-gilead ai, (ia na Iairi Manase ena hanua hidaosi Gilead ai, bona Aragob tanona Basan ai, e abidia, hanua badadia tauratoi-ahui mai maḡudia bona mai auri labora-laboradia);
1KI 4:14 Ahinadab Ido, Mahanaim ai;
1KI 4:15 Ahimasa, Napatali ai, (ia ese Solomon natuna hane-ulatona Basemata e adavaia);
1KI 4:16 Baana Husai, Asere ai bona Bealoto ai;
1KI 4:17 Iehosafat Parua, Isakara ai;
1KI 4:18 Simei Elaha, Beniamina ai;
1KI 4:19 Gebere Uri, Gilead tanona ai, (Amoro taudia edia pavapava Sihon bona Basan pavapavana Og edia tano bunai). Bona heitatao tauna ta danu na Iuda tanona ai.
1KI 4:20 Iuda taudia bona Israel taudia na hutuma herea, kone mirina na heto; e anianiva, e inuinuva, e moaleva.
1KI 4:21 Solomon ese basileia iboudiai e halohiadia, Eufrate sinavaina amo ela bona Filistia taudia edia tano bona Aigupto tanona hetoana; idia ese heaiva monina e mailaia, bona Solomon isiaina e lao heniva, ena mauri dinadia iboudiai lalodiai.
1KI 4:22 Solomon ena ruma anianina dina ta lalonai na flaoa kurokurona koro toi-ahui, bona flaoa mia-kurona koro tauratoi-ahui,
1KI 4:23 bona boromakau mamaruanedia mai digaradia gwauta, bona boromakau rei gabudia amo ruahui, bona mamoe sinahu-ta, bona dia badadia bona uda nanidia bona dia maraḡidia bona kokoroku mai digaradia.
1KI 4:24 Badina be Eufrate sinavaina lahara kahana tanona idoinai, Tifsa amo ela bona Gasa, ia ese e lohiaia, bona Eufrate sinavaina lahara kahana pavapavadia iboudiai ia ese e biagudia; bena e heḡeḡemadai tanodia iboudiai vada e maino.
1KI 4:25 Iuda taudia bona Israel taudia na e noho namonamova, Dan amo ela bona Bere-sieba, ta ta ena vine auna ena vine auna henudiai bona ena suke auna ena suke auna henudiai, Solomon ena mauri dinadia iboudiai lalodiai.
1KI 4:26 Solomon na mai ena kariota hosidia danu, ta ta mai rumadia, iboudiai na gerebu hani; bona ena hosi-gui taudia na gerebu-ta daha-rua.
1KI 4:27 Hari heitatao taudia ese King Solomon ana, bona King Solomon ena pata ai adia e abiva taudia adia, e heni, ta ta hua ta ta amo; ḡau ta ai asie hadabudiava.
1KI 4:28 Bali bona rei kakoro danu, kariota hosidia bona gui hosidia adia bona edia, na e gwaurai gabudia e laohai, ta ta e haḡanidia heḡereḡerena.
1KI 4:29 Bena Dirava ese aonega bona lalo-parara bada-herea na Solomon e henia, bona lalo-hadai dobudia momo danu, kone mirina na heto.
1KI 4:30 Taunabunai, Solomon ena aonega ese mairiveina kahana taudia iboudiai edia aonega bona Aigupto aonegana idoinai e hereadiava.
1KI 4:31 Badina be ia ese taunimanima iboudiai na aonega ai e hereadiava; Etana tau Esraha, bona Maholo natuna tatoiosi, Hemana bona Kalakolo bona Darada, edia aonega danu. Bena ia harina e piua, hegegemadai besedia iboudiai lalodiai.
1KI 4:32 Ia ese danu lada-isi herevadia daha toi e gwauraidia; bona ena ane na daha-ta dikoana ima.
1KI 4:33 Au danu ia ese e herevalaidiava, Lebanon sida audia amo ela bona husopo avana nadi-maḡudia nadidia padadiai e tubumu ḡauna; boroma idau-idau bona manu bona e raumu ḡaudia bona gwarume danu ia ese e herevalaidiava.
1KI 4:34 Bena bese iboudiai amo taunimanima na Solomon ena aonega ikamonaina totona ema, bona tanobada pavapavadia, ena aonega harina vada e kamonai taudia, edia amo danu.
1KI 5:1 Hirama, Turo pavapavana, ese harina e kamonai Solomon vada e horoa bona pavapava ai vada e halaoa tamana gabuna ai, bena ena hesiai taudia na Solomon dekena e siaidia; badina be ia na vaia David e ura heniava.
1KI 5:2 Bena Solomon ena gwau-kau e siaia Hirama dekenai, eto,
1KI 5:3 Oi dibamu tamagu David na asi ena dala dubu auta baine haginia, Iehova, ena Dirava, ladana ena, inaina ese e koua heḡeḡe bona e tuari henia dainai; ela bona Iehova ese ia aena henudiai e atodia.
1KI 5:4 A harihari Iehova, egu Dirava, ese laḡa-ani vada e henigu, kaha iboudiai; asi inaigu bona asi ihadikagu ḡauna ta mia.
1KI 5:5 Taunabunai, lalogu na hadaiamu, na tomamu dubu auta baina haginia, Iehova, egu Dirava, ladana ena; Iehova ese tamagu David e hamaoroa heḡereḡerena, eto, Natumu, oi gabumu ai emu terono ai baina hahelaia kau tauna, ese dubu baine haginia, lau ladagu ena.
1KI 5:6 Taunabunai, a hahegani, Lebanon sida audia haida bae utudia egu; bena lauegu hesiai taudia na oiemu hesiai taudia ida bae ḡaukara hebou, bona oiemu hesiai taudia davadia ba gwaurai, bena baina henimu; badina be oi dibamu ai bogaragimai ai asi tauna ta au-utu ḡaukaradia dibana, Sidono taudia heḡereḡeredia.
1KI 5:7 Hirama ese Solomon ena hereva e kamonai negana ai na e moale dikadika, eto, Hari dina ai Iehova aita hanamoa; ia ese natuna mai aonegana na David vada e henia, ina bese badana ikwarana.
1KI 5:8 Bena Hirama ese hereva e siaia Solomon dekenai, eto, Emu gwaukau herevana dekegu ai o siaia na vada na kamonai; lalogu na heḡereḡere hari sida bona beroso audia herevadia na emu ura idoinai baina karaia.
1KI 5:9 Egu hesiai taudia na Lebanon amo bae lasilaidia kone ai; bena keridia bae rai, davara amo bae toidia vasi, ela bona ba gwauraia gabuna ai bae ruhadia, bena oi ese bavabidia. Bena oi ese egu ura ba henigu, egu ruma taudia adia aniani ba siaia.
1KI 5:10 Taunabunai, Hirama ese sida bona beroso audia na Solomon e henia, ena ura idoinai e haheḡereḡerea;
1KI 5:11 a Solomon ese uit koro gerebu-rua na Hirama e henia, ena ruma taudia adia, bona dehoro ḡoevaḡoevana koro gereburua danu. Una na laḡani ta ta amo Solomon ese Hirama e henia.
1KI 5:12 Iehova ese aonega na Solomon e henia, e gwau henia hamata heḡereḡerena; bena Hirama bona Solomon e herohemaino heheni, bona e gwauhamata heheni.
1KI 5:13 Bena King Solomon ese ḡaukara taudia e abidia, Israel taudia iboudiai bogaragidia amo; ḡaukara taudia iboudiai na gerebu toi.
1KI 5:14 E siaidia, Lebanon baela, hua ta gerebu ta hua ta gerebu ta, unu e siaidia toma; bena hua ta Lebanon ai e nohova bona hua rua edia hanua ai. Adoniram ese ini ḡaukara taudia e biagudia.
1KI 5:15 Solomon ese kohu ihuadia taudia gerebu hitu bona nadi-utu taudia gerebu taurahani danu e abidia, ororo kahadia ai e haḡaukaradia.
1KI 5:16 Solomon ena heitatao taudia na daha-toi sinahu-toi; idia ese ḡaukara e itaia tao bona ḡaukara taudia e biagudia.
1KI 5:17 Hanua pavapavana ena haheḡani heḡereḡerena ai, idia ese nadi badadia, davadia babada gaudia, e ḡeidia, isedia bae ninidia bena dubu badidia nadidia ai bae halaodia totona.
1KI 5:18 Taunabunai, Solomon ena ruma-hagini taudia bona Hirama ena rumahagini taudia bona Gebala taudia ese au bona nadi e utudia, bona e haḡoevadia heḡaeḡae, dubu ihaginina totona.
1KI 6:1 Israel taudia na Aigupto tanona amo e raka lasi murinai laḡani sinahu-hani taurahani-ahui vada ela, Solomon ese Israel e lohiaia laḡanina ihahanina ai, hua iharuana, ladana Sivi, lalonai, ia ese Iehova ena dubu e haginia matama.
1KI 6:2 Iehova ena dubu King Solomon ese e haginia ḡauna ena lata na kiubit tauratoi-ahui, ena lababa na kiubit ruahui, bona harana latana na kiubit toi-ahui.
1KI 6:3 Dubu vairanai na dehe ta; ena lata na kiubit ruahui, dubu lababana heḡereḡerena, bona ena lababa na kiubit gwauta, dubu vairanai.
1KI 6:4 Dubu ena gaba-mauru ioradia na au rotonadia amo e kara.
1KI 6:5 Bena hagere-kau rumana e haginia heḡeḡe, dubu mai ena gabu helaḡana ida habadia e koudia heḡeḡe, mai ohena daiutudia e heḡeḡe dae.
1KI 6:6 Henu erena lababana na kiubit irna, bogaragi erena lababana na kiubit tauratoi, ma ere ihatoina lababana na kiubit hitu; badina be dubu habadia ai to-tao ḡaudia e kara, ruma lavadia na dubu habana lalonai basie hetoi vareai helaoreana.
1KI 6:7 Dubu e haginia negana ai, idia ese nadi-ḡei gabuna ai e utu heḡaeḡae nadidia amo e haginia; taunabunai, law eiava ira eiava auri ta reḡena na dubu lalonai asie kamonai, e haginia negana lalonai.
1KI 6:8 Hari henu erena raka-vareaina na dubu tahodiho kahana ai; unu amo vadavada ta e dae lao ela bona bogaragi erena; ma unu amo vadavada ta ma e dae lao ela bona ere ihatoina.
1KI 6:9 Taunabunai, ia ese dubu e haginia ela bona e ore; bena guhi lalo-ikouna na sida lavadia bona sida reireidia amo e karaia.
1KI 6:10 Hari hagere-kau rumana e haginia, dubu idoinai e hagerea kau; ere-ta ta haradia na kiubit ima ima amo. Ruma na dubu habana ai e siriua kau, sida audia amo.
1KI 6:11 Iehova ena hereva na Solomon enai e kau, eto,
1KI 6:12 Ina o haginiamu dubuna herevana binai: egu taravatu daladia ai boma raka, bona egu hahemaoro herevadia bona egu hahegani iboudiai boma badinadia bona boma rakalaidia, lau ese egu hereva, tamamu David na herevalai henia herevana, na oiemu ai baina haginia;
1KI 6:13 bona Israel garana bogaragidiai baina noho, bona egu bese Israel basina rakatania.
1KI 6:14 Taunabunai, Solomon ese dubu e haginia ela bona vada e ore.
1KI 6:15 Haba lalo-ikoudia na sida audia amo e kara, dubu reireina amo ela bona guhi lalo-ikouna toidaedia, bona dubu lalona reireidia na beroso audia amo e koudia.
1KI 6:16 Dubu murina kahana ai kiubit ruahui heḡereḡeredia na sida audia amo e koua ahu, dubu reireina ela bona toidae, helaḡa daiutuna ta dubu lalonai unu e karaia toma; una na helaḡa herea gabuna.
1KI 6:17 Hari helaḡa daiutuna vairanai dubu ena lata na kiubit hari-ahui.
1KI 6:18 Dubu lalonai sida audia na e korodia, ita-itadia na ahu bona au buredia na heheto. Nadi ta se hedinarai; iboudiai na sida audia ese e ḡovadia.
1KI 6:19 Hari helaga daiutuna na dubu laloma kahana ai e karaia, Iehova ena taravatu mauana na unuseni ai bae atoa helaoreana.
1KI 6:20 Hari helaḡa daiutuna ena lata na kiubit ruahui, lababana danu kiubit ruahui, bona harana latana danu kiubit ruahui; gold ḡoevaḡoevana amo e ḡovaia. Ihaboulaina patana danu sida audia amo e karaia.
1KI 6:21 Solomon ese dubu laloma kahana na gold ḡoevaḡoevana amo e ḡovaia, bona gold varodia amo helaḡa daiutuna e seroa ahu; ma gold amo e ḡovaia.
1KI 6:22 Dubu idoinai na gold amo e ḡovaia ela bona idoinai vada e ore. Ihaboulaina patana, helaḡa daiutuna lalonai, danu idoinai gold amo e ḡovaia.
1KI 6:23 Helaḡa daiutuna lalonai ia ese kerubi rua olive audia amo e korodia; edia lata na kiubit gwauta.
1KI 6:24 Kerubi ta hanina kahana kahana edia lata na kiubit ima irna amo: hani ta matana amo ela bona ma hani ta matana padadia na kiubit gwauta.
1KI 6:25 Kerubi iharuana danu ihahetohona na kiubit gwauta; kerubi ruaosi ihahetohodia na heḡereḡere bona oromadia na heḡereḡere.
1KI 6:26 Kerubi ta ena lata na kiubit gwauta: iharuana danu unuheto.
1KI 6:27 Kerubi ruaosi na helaḡa daiutuna ai e atodia; hanidia na e hetoi roro, bena kerubi ta hanina ta na haba ta ai e hetomu kau, ma kerubi ta hanina ta na haba kahana ai ma e hetomu kau; a hanidia iharuadia na dubu bogaraginai e hetomu heheni.
1KI 6:28 Hari kerubi na gold amo e ḡovadia.
1KI 6:29 Dubu habadia danu iboudiai e korodia heḡeḡe, ita-itadia na kerubi bona pamu ḡaudia bona au buredia, laloma daiutuna ai bona murimuri daiutuna ai.
1KI 6:30 Dubu reireina danu gold amo e ḡovaia, laloma bona murimuri daiutudia ai.
1KI 6:31 Helaḡa daiutuna raka-vareai iduaradia na olive audia amo e kara; iduara bagubagu audia bona iduara ihua-ihuadia kahadia kahadia audia iboudiai na siri ima.
1KI 6:32 Hari olive audia iduaradia ruaosi na ikoro amo e ha-ahudia, kerubi bona pamu audia bona au buredia laulaudia e koro; bena gold amo e govadia.
1KI 6:33 Dubu raka vareai iduaradia ihua-ihuadia kahadia kahadia audia e abi danu, olive audia kaha haniosi heḡereḡere dudia;
1KI 6:34 bona iduara rua beroso audia amo e kara, iduara ta kaha rua e hahelokudia, ma ta kaha rua e hahelokudia.
1KI 6:35 Idia kopidia e koro, kerubi bona pamu audia bona au buredia laulaudia; bona gold amo e ḡovadia ḡoevaḡoeva.
1KI 6:36 Laloma maḡuna danu e haginia, e utu nadidia ere toi bona sida audia badadia ere ta.
1KI 6:37 Laḡani ihahanina ai, hua ladana Sivi lalonai, Iehova ena dubu badina vada e hadaia.
1KI 6:38 Bena laḡani ihagwauta-tana ai, hua ihataurahanina, ladana Bulu, lalonai, dubu tau-anina regena iboudiai vada e ha-oredia. E lalohadailaiva ḡaudia iboudiai heḡereḡerena ai ia ese una dubu na laḡani hitu lalodiai e ha-orea.
1KI 7:1 Laḡani gwauta-toi lalodiai Solomon ese ena noho rumana e haginia, unu laḡani lalodiai idoinai e ha-orea.
1KI 7:2 Ruma ladana Lebanon Udana Rumana e haginia. Ena lata na kiubit sinahu-ta, lababana na kiubit imahui, bona harana latana na kiubit toi-ahui. Sida au-tubuadia ere toi e haginidia, bona sida lavadia na au-tubua latadiai e atodia.
1KI 7:3 Atai ai, sida audia amo e koua, unu au-tubua hari-ahui ima, ere ta ta ai gwauta-ima gwauta-ima e haginidia ḡaudia, latadiai e karadia daiutudia daediai.
1KI 7:4 Gaba-mauru na ere toi, ruma kahana kahana ai ere ta ta ai e hevaira heheni.
1KI 7:5 Iduara bona gaba-mauru na kaha haniosi heḡereḡeredia ḡaudia; bona gaba-mauru na e hevaira heheni ere toiosi ai.
1KI 7:6 Ruma ladana Au-tubua Rumana danu e haginia; ena lata na kiubit imahui, lababana na kiubit toi-ahui. Ia vairanai na dehe toi-lasi rumana, mai au-tubuadia bona mai guhina.
1KI 7:7 Ruma ladana Terono Rumana danu e haginia, taunimanima baine hahemaoro henidia gabuna, Hahemaoro Rumana ai bainela. Sida audia amo e karaia, reirei amo ela bona toidae.
1KI 7:8 Ia sibona baine noholaia rumana, maḡu ta ai, una ruma murina kahana ai, na una dala heḡereḡerena ai e karaia. Solomon ese danu ruma auta ma e haginia, una ruma heḡereḡerena, Farao natuna, vada e adavaia hahinena, ena.
1KI 7:9 Ini ruma iboudiai na dava-bada nadidia amo e haginidia; nadi iboudiai na e hahetohodia, bona iri amo e iridia ḡoevagoeva, kahana kahana, badidia ela bona doridia, bona Iehova ena dubu maḡuna ela bona maḡu badana.
1KI 7:10 Ruma badidia na dava-bada nadidia bada-hereadia: haida edia bada na kiubit taurahani, ma haida gwauta.
1KI 7:11 Idia latadiai danu dava-bada nadidia, e hahetoho bona e utu ḡoevaḡoeva ḡaudia, e heato, bona sida audia danu.
1KI 7:12 Maḡu badana na e utu nadidia ere toi ese e ḡeḡea ahu, bona sida audia ere ta idia latadiai; ma ia lalonai Iehova ena dubu maḡuna danu unuheto, bona dehe toi-lasi rumana danu.
1KI 7:13 Bena King Solomon e hesiai, Hirama na Turo amo e hakaua mai.
1KI 7:14 Hari Hirama na vabu ta natuna, Napatali iduhuna amo, a tamana na tau Turo, auri labora-labora igaukaralaina tauna. Ia na mai aonegana bona mai ena lalo-parara; ia na ima idibaka tauna danu, auri labora-labora iḡaukaralaina ai. Ia na King Solomon dekena ema, ena ḡaukara idoinai e karaia.
1KI 7:15 Ia ese au-tubua rua auri labora-labora e havevea bona e hahetaria ḡauna amo e karadia. Au-tubua ta ena lata na kiubit gwauta-taurahani, bona ena kuboro na kiubit gwauta-rua. Ia na auri kuborona lalona kohua; kopina udunana na ima kwakikwaki hani e haheboudia udunana heḡereḡerena. Au-tubua iharuana danu unu e karaia toma.
1KI 7:16 Auri labora-labora e havevea ḡauna amo au-tubua kwaradia ikorodia rua e karadia, au-tubua doridia ai e atodia kau. Kwara ikorona ta ena lata na kiubit ima, iharuana danu ena lata na kiubit ima.
1KI 7:17 Bena ḡau haida auri amo e karadia reke-dae, bona herahera ḡaudia e moḡedia kuboro, au-tubua kwaradia ikorodia ḡaudia ihaheralaidia, ta au-tubua ta ena, ma ta au-tubua ta ena.
1KI 7:18 Unuhetomana, rimono huahuadia laulaudia danu e kara, ere rua ai e karadia, hari reke hetomana e ḡeḡelaia, au-tubua kwarana ikorona ḡauna iḡovalaina. Ma iharuana danu unu e karaia toma.
1KI 7:19 Dehe au-tubuadia kwaradia ikorodia ḡaudia ita-itadia na sosana heraheradia na heheto; edia lata na kiubit hani.
1KI 7:20 Hari kwara ikorodia gaudia na au-tubua doridia ilahasi kuborodia latadiai e ato kau, hari reke-hetomana badinai. Rimono huahuadia iboudiai na sinahu rua, e ato heḡeḡe ere rua ai. Kwara ikorona ḡauna iharuana danu unuheto.
1KI 7:21 Hari au-tubua na dubu dehena vairanai e haginidia; ta diho kahana ai e haginia, ladana e hatoa lakin; ma ta mirigini kahana ai e haginia, ladana e hatoa Boa.
1KI 7:22 Au-tubua doridia ai na sosana heraheradia laulaudia. Autubua ikaradia na unu e ha-orea toma.
1KI 7:23 Bena ranu nauna bada-hereana ta auri labora-laborana, e havevea ḡauna, amo e karaia. Ia na kuboro-kuboro; ena lababa na kiubit gwauta, harana latana na kiubit ima, bona e hahetohoa heḡeḡe na kiubit toi-ahui.
1KI 7:24 Isena henunai na popou laulaudia, kiubit toi-ahuiosi ai e kara, nau e haheḡegea dae; hari popou na ere rua ai e kara, nau ai e karaia kau tamona, e hahetaria negana ai e hahetaridia hebou.
1KI 7:25 Hari nau na boromakau mamaruanedia laulaudia gwauta-rua latadiai e helai kau: toi mirigini kahana e vaira henia, ma toi lahara kahana, ma toi diho kahana, ma toi laurabada kahana. Hari nau na idia latadiai e heato kau, bona iboudiai e hekunu heheni.
1KI 7:26 Nau udunana na ima palapala lababana heḡereḡerena; isena na kehere isena heḡereḡerena, sosana heraherana na heto. Ia anina na ranu bata daha-rua.
1KI 7:27 Ia ese danu rerue gwauta auri labora-labora amo e karadia. Rerue ta ena lata na kiubit hani, lababana na kiubit hani, bona harana latana na kiubit toi.
1KI 7:28 Hari rerue na ini e karadia toma: idia na mai habahabadia, tua ta ta auridia ai e kapa vareai;
1KI 7:29 bona unu tua ta ta auridia ai e kapa vareai habahabadia ai na leona bona boromakau mamaruanedia bona kerubi laulaudia. Hari tua ta ta ohe auridia ai, leona bona boromakau mamaruanedia laulaudia daediai bona henudiai, isedia ihaheinidia na e haheradia heḡeḡe.
1KI 7:30 Rerue ta ta na mai ava-keikeidia hani, auri labora-labora ḡaudia; itoilaidia auridia danu na auri labora-labora. Daiguni haniosi ai na tohe iabi-isina auridia; unu auri na e hahetaria ḡauna amo e karadia, ta ta mai heraheradia ohedia ai.
1KI 7:31 Kwarana harana latana na kiubit ta, bona lalona na kohua mauru heḡeḡe, au-tubua lalona na heto; ena dobu na kiubit ta mai kahana. Hari lalo-heḡeḡe isena na mai heraherana; habahabana na mai daigunina hani, dia kuboro.
1KI 7:32 Ava-keikeidia haniosi na habahaba henudiai; itoilaidia auridia bona rerue na auri tamona amo e hekara. Ava-keikei ta harana na kiubit ta mai kahana.
1KI 7:33 Hari ava-keikeidia na e karadia kariota ava-keikeina na heto; itoilaidia auridia bona ava-keikei auridia bona ito'o-tao auridia bona bogaragi idogo-taolaina auridia iboudiai na e hahetaria aurina amo e karadia.
1KI 7:34 Tohe iabi-isina auridia na hani, rerue daigunidia haniosi ai; auri bona rerue na auri siri tamona amo e hekara.
1KI 7:35 Rerue kwarana ai na auri kuborona ta, harana latana na kiubit kahana; ena lada-tao auridia bona ena habahaba na auri tamona amo e hekara.
1KI 7:36 Bona lada-tao auridia bona habahabadia ai ia ese kerubi bona leona bona pamu audia laulaudia e koro, edia bada heḡereḡeredia, bona heraheradia danu e kara heḡeḡe.
1KI 7:37 Rerue gwauta-osi na unu e karadia toma; iboudiai na e karadia heḡereḡere, hahetohodia bona oromadia na tamona.
1KI 7:38 Ranu tohedia gwauta na auri labora-laborana amo e karadia; tohe ta anina na bata hari-ahui, bona ihahetohona na kiubit hani. Rerue gwauta-osi ta ta mai edia tohe.
1KI 7:39 Hari rerue na e atodia, dubu diho kahana ai ima, bona dubu mirigini kahana ima; a hari nau bada-hereana na dubu laurabada kahana daigunina ai e atoa.
1KI 7:40 Hirama ese danu uro bona gaga bona nau e karadia. Taunabunai, King Solomon ese e henia ḡaukaradia iboudiai na Hirama ese e ha-oredia, Iehova ena dubu ai:
1KI 7:41 au-tubua ruaosi; au-tubua doridia ikorodia mai ilahasidia kuborodia ida; bona reke-hetomana ḡaudia ruaosi hari au-tubua doridia ikorodia ilahasidia kuborodia iḡeḡelaidia;
1KI 7:42 bona rimono huahuadia laulaudia sinahu-hani, reke-hetomana ḡaudia ruaosi edia, rimono huahuadia ere rua reke-hetomana ta ta edia, au-tubua doridia ikorodia ilahasidia kuborodia ruaosi iḡovalaidia;
1KI 7:43 bona rerue gwauta-osi, bona tohe gwauta-osi rerue latadiai;
1KI 7:44 bona nau bada-hereana tamona, bona boromakau mamaruanedia laulaudia nau bada-hereana henunai.
1KI 7:45 Hari uro bona gaga bona nau, Iehova ena dubu ḡaudia, Hirama ese e karadia King Solomon ena, ḡaudia iboudiai na auri labora-laborana amo e karadia kimore-kimore.
1KI 7:46 Unu ḡau na hanua pavapavana ese raro tanona gabuna ai e hahetaridia, Ioridane taorana ai, Sukoto bona Saretan padadiai.
1KI 7:47 Solomon ese unu ḡau iboudiai metaudia se hahetohodia, badina be idia na momo herea; hari auri labora-labora ena metau na asie davaria.
1KI 7:48 Taunabunai, Solomon ese Iehova ena dubu kohuna iboudiai e karadia: ihaboulaina patana, gold ḡauna; bona flaoa helaḡana patana, gold ḡauna;
1KI 7:49 bona lamepa patadia, gold ḡaudia, diho kahana ai au-ima bona mirigini kahana ai au-ima, helaḡa-herea gabuna vairanai; bona herahera bona lamepa bona ikahi, iboudiai na gold ḡoevaḡoevana gaudia;
1KI 7:50 bona kehere bona lamepa ihagoevadia ḡaudia bona nau, bona muramura mai bonadia urodia bona gida keberedia, gold goevaḡoevana ḡaudia; bona iduara ihahelai-dobidia matudia, gold amo e kara, helaḡa-herea gabuna iduaradia bona dubu iduaradia edia.
1KI 7:51 Taunabunai, Iehova ena dubu ḡaukaradia iboudiai na King Solomon ese e karadia, ela bona vada e ore. Bena tamana David ese e hahelaḡadia gaudia na Solomon ese e vareailaidia, silver bona gold bena ḡau idau-idau, iboudiai na Iehova ena dubu ena habou-habou daiutudia ai e haboudia.
1KI 8:1 Bena Solomon ese Israel tau-badadia bona iduhu lohiadia iboudiai bona Israel taudia edia ruma biagudia na e haboudia, Ierusalem ai bae hebou King Solomon vairanai, Iehova ena taravatu mauana na David ena hanua ladana Siona amo bae daelaia totona.
1KI 8:2 Hua ihahituna, ladana Etanimi, ariana negana ai, Israel tataudia iboudiai na King Solomon dekenai e hebou.
1KI 8:3 Israel tau-badadia iboudiai ema; bena hahelaḡa taudia ese maua helaḡana e abia isi,
1KI 8:4 Iehova ena maua helaḡana bona hebou kalagana bona ḡau helaḡadia kalaga lalonai e miava iboudiai na hahelaḡa taudia bona Levi taudia ese e daelaidia.
1KI 8:5 Bena King Solomon bona Israel hegogona idoinai, ia vairanai vada e hebou taudia, na ia ida maua helaḡana vairanai e gini, mamoe bona boromakau mamaruanedia momo herea na e hahelaḡadia, ihagaudia eiava iduahidia na tau ta asi dibana.
1KI 8:6 Bena hahelaḡa taudia ese Iehova ena taravatu mauana na e mailaia, ena gabu ai e atoa, dubu ena laloma daiutuna helaḡana lalonai, helaḡa herea gabuna ai, kerubi hanidia henudiai.
1KI 8:7 Badina be kerubi ese hanidia e toidia roro, maua helaḡana ena gabu daenai; taunabunai kerubi ese maua helaḡana mai madunana audia ida e ḡovadia.
1KI 8:8 Hari maduna audia na lalata heherea dainai, dududia na laloma daiutuna helaḡana vairana kahana ai dubu irutahunana amo e heitava; a dubu murimurina amo na asie heitava. Unu e mia tomamu ema bona ina dina.
1KI 8:9 Asi ḡau ta maua helaḡana lalonai, hari huro-nadidia palakadia ruaosi, Horeb ai Mose ese e udadia ḡaudia mo; una na vanegai Iehova ese Israel taudia taravadia e atu gabuna, Aigupto tanona amo e raka lasiva negana ai.
1KI 8:10 Bena hahelaḡa taudia na gabu helaḡana amo e raka lasi negana ai, ori ta ese Iehova ena dubu e hahonua.
1KI 8:11 Taunabunai, hahelaga taudia na hesiai karadia ikaradia totona asie gini diba, una ori dainai; badina be Iehova hairaina ese ena dubu e hahonua.
1KI 8:12 Bena Solomon eto, Iehova ese dina na guba ai vada e atoa; a ia be dibura masemase lalonai baine noho e tomamu.
1KI 8:13 Lau ese ruma hereadaena vada na hadaia oiemu, emu noho gabuna ai bainela, ela bona hanaihanai.
1KI 8:14 Bena Israel hebou taudia do ginidia ai, hanua pavapavana na e gini kerehai, bena una hebou idoinai e hanamoa.
1KI 8:15 Ia eto, Iehova, Israel Diravana, aita hanamoa. Ia ese ia imana amo ena gwauhamata vada e hamomokania, ia uduna amo tamagu David e hamaorolaia ḡauna, eto
1KI 8:16 “Egu bese Israel na Aigupto amo na hakaua lasi dinana amo ema, hanua ta Israel iduhudia iboudiai lalodiai asina abia hidi, lau ladagu baine noholaia rumana auta baine gini gabuna; a David na abia hidi, egu bese Israel baine biagua”.
1KI 8:17 Tamagu David ena lalo-hadai be Iehova, Israel Diravana, ena dubu auta baine haginia eto.
1KI 8:18 A Iehova ese tamagu David e hamaoroa, eto “Emu lalo-hadai be lau ladagu dubuna auta ba haginia, bona unu o laloa tomamu be namo;
1KI 8:19 ḡau tamona oi na dubu basio haginia, a natumu, do baine vara merona, ese lau ladagu dubuna baine haginia”.
1KI 8:20 Harihari Iehova ese ena gwauhamata vada e hamomokania; badina be lau vada na tore isi, tamagu David gabuna ai, bona Israel teronona ai na helaimu, Iehova ena gwauhamata heḡereḡerena, bona dubu vada na haginia, Iehova, Israel Diravana, ladana ena.
1KI 8:21 Unuseni ai maua helaḡana gabuna vada na lailaia; ia lalonai Iehova ena taravatu, Aigupto tanona amo e hakaudia lasi negana ai seneda e henidia ḡauna, na e heudamu.
1KI 8:22 Bena Solomon na Iehova ena ihaboulaina patana vairanai e gini, Israel hebouna idoinai vairanai; bena imana na e toi roro, guba e dudui heni;
1KI 8:23 bena eto, Iehova e, Israel Diravana, asi Dirava ta oi heḡereḡeremu, guba atai ai eiava tanobada henu ai; emu gwauhamata o badinaiamu bona emu hebogahisi o hahedinaraiamu emu hesiai taudia, oi vairamu ai e rakamu mai lalodia idoidiai taudia, ediai.
1KI 8:24 Oi ese emu hesiai tauna lau tamagu David o hamaorolaia herevana vada o badinaia; oibe, udumu amo o gwauraia bona imamu amo vada o hamomokania hari ina dina ai.
1KI 8:25 Taunabunai, Iehova e, Israel Diravana, emu hesiai tauna David o gwau henia hamata ḡauna na ba badinaia, oto “Natumu na edia dala nahuadia bema toho, bona lau vairagu ai bema raka, oi ese lau vairagu ai vada o raka heḡereḡerena, oi garamu ta basine moru, Israel teronona ihelai-kauna ai.”
1KI 8:26 Taunabunai, Israel Diravana e, emu hereva, emu hesiai tauna lau tamagu David o hamaorolaia herevana, na ba hamomokania.
1KI 8:27 A Dirava na momokani tanobada ai baine noho a? A itaia, guba atai doriva-dorivana na se heḡereḡere emu noho gabuna; matona, ina lau ese vada na haginia dubuna na ede baine heḡereḡere toma?
1KI 8:28 Ḡau tamona, emu hesiai tauna egu ḡuriḡuri bona egu noinoi bavabi dae; Iehova e, egu Dirava, emu hesiai tauna egu taitai bona egu ḡuriḡuri hari ina dina ai e dae vasimu ba hakala henidia;
1KI 8:29 hanuaboi ai bona dina ai ina dubu, vada o herevalaia oto “Lau ladagu na eneseni ai baine noho” gabuna, ba haḡerea, emu hesiai tauna egu ḡuriḡuri ina gabu enai na gwauraiamu na ba hakala henia totona.
1KI 8:30 Emu hesiai tauna bona emu bese Israel na emai ḡuriḡuri ai na ina gabu baia vaira henia negadia ai na emai noinoi ba kamonai; oibe, emu noho gabuna guba ai ba kamonai; bona ba kamonai negana ai emai dika ba gwau tao.
1KI 8:31 Tau ta ese ia dekena tauna bema kara dika henia, bena bema haduaia baine gwau hamata, bona ena gwauhamata na ina dubu lalonai emu ihaboulaina patana vairanai bema gwauraia,
1KI 8:32 oi ese guba ai ba kamonai, bona karana ba karaia; emu hesiai taudia ba hahemaoro henidia, kerere tauna na ba revaia, ena kara na ia sihona kwarana ai ba haloua, bona kara maoromaoro tauna na maorona ba gwauraia, ena kara maoromaoro heḡereḡerena davana do ba henia.
1KI 8:33 Emu bese Israel na inaidia vairadiai bae darere, oiemu ai vada e kara dika dainai, negadia ai na bema lou henimu, bona oi ladamu bema matauraia, bona ina dubu ai bema ḡurimu bona bema noi henimu,
1KI 8:34 oi ese guba ai ba kamonai, bena emu bese Israel edia dika ba gwau tao, bona ba loulaidia, senedia o henidia tanona lalonai.
1KI 8:35 Emu ai bae kara dika dainai guba baine hekou bona medu basine diho negadia ai, ina gabu enai bema ḡuriḡuri, bona oi ladamu bema matauraia, bona ba hahisihisidia negadia ai edia kara dika bema rakatanidia,
1KI 8:36 oi ese guba ai ba kamonai, bena emu hesiai taudia, emu bese Israel, edia dika ba gwau tao, bona bae rakalaia dalana namona ba hadibalaidia; bona emu tano, emu bese taudia vada o henidia bae ḡaunaia tanona, latanai medu ba hadihoa.
1KI 8:37 Tano ai doe bema vara, eiava dai-hanai gorerena, eiava hogohogo eiava valavala eiava kwadi eiava rautunu, eiava inaidia na edia hanua ta ai bema koudia heḡeḡe; edena dai-hanai gorerena eiava edena hisihisi bema vara;
1KI 8:38 bena edena ḡuriḡuri eiava edena noinoi tau ta ese eiava emu bese Israel taudia iboudiai ese, bae henimu, ta ta sibona sibona lalodia hisihisidia ihaerodia ai bona imadia ina dubu bae toi roro henia ai,
1KI 8:39 oi ese emu noho gabuna guba ai ba kamonai bona edia dika ba gwau tao, bona ba kara henidia, ena kara ena kara heḡereḡerena ba henidia, badina be oi sibomu ese taunimanima natudia iboudiai lalodia o dibadiamu.
1KI 8:40 Taunabunai idia ese oi ganmu bae gari, senedia o henidia tanona ai bae noho dinadia iboudiai lalodiai.
1KI 8:41 Unuhetomana danu idau tauna ta, dia emu bese Israel tauna ta, na oi ladamu bagunai tano daudauna amo bainema,
1KI 8:42 (badina be idia ese oi ladamu herea-daena bona oi imamu goadana bona imamu hetoi-rorona haridia bae kamonai), bena ina dubu baine vaira henia, baine ḡuriḡuri,
1KI 8:43 una negana ai emu noho gabuna guba ai ba kamonai, idau tauna ena noinoi gaudia iboudiai ba henia; unu amo tanobada besedia iboudiai ese oi ladamu bae diba bona oi garimu bae gari, emu bese Israel heḡereḡeredia, bona bae diba danu ina lau ese vada na haginia dubuna na oi ladamu vada e hahenemailaia.
1KI 8:44 Emu orea taudia ese inaidia bema tuari henidia, oi ese borna siaidia dalana ta amo, bena oi ese vada o abia hidi hanuana bema vaira henia bona oi ladamu dainai vada na haginia dubuna danu bema vaira henia, bena Iehova bema ḡuria,
1KI 8:45 oi ese guba ai edia ḡuriḡuri bona edia noinoi ba kamonaidia, bona edia namo ba hamiaia.
1KI 8:46 Oiemu ai kara dika bema kara, (badina be dika se karamu tauna ta lasi), bena boma badu henidia, bona inaidia irnadia ai boma atodia, bena mai iguidia ida inaidia edia tano bema laohaidia, gabu daudau eiava kahikahi,
1KI 8:47 ḡau tamona, mai iḡuidia ida e laohaidia tanona ai bema haeroa bona bema helalo kerehai, bona e guidia taudia edia tano ai oi bema tai henimu, bema toma “Ai na vada a kerere, vada a kara havara, vada a kara dika”;
1KI 8:48 oibe, bema helalo kerehai mai daradia idoidiai bona mai lalodia idoidiai, inaidia, hari e ḡuidia taudia, edia tano ai, bena edia tano, senedia o henidia tanona, bona o abia hidi hanuana, bona ina oi ladamu bagunai vada na haginia dubuna, bema vaira henidia, oi bema gurirnu,
1KI 8:49 oi ese emu noho gabuna guba ai edia ḡuriḡuri bona edia noinoi ba kamonai, bona edia namo ba hamiaia,
1KI 8:50 bona emu orea taudia edia kara dika oiemu ai do ba gwau tao, bona edia kara havara iboudiai oiemu ai vada e kara danu. Bona ba bogadia hisi, e ḡuidia taudia vairadiai, idia ese danu bae bogadia hisi helaoreana.
1KI 8:51 Badina be idia na oiemu orea bona oi dihimu; oi ese Aigupto tanona amo, bona auri amuna lalona amo, o hakaudia lasi.
1KI 8:52 Matamu na bae papa, emu hesiai tauna egu noinoi enai, bona emu bese Israel edia noinoi enai; bena bae boi henimu negana ai ba hakala henidia.
1KI 8:53 Badina be, Ḡaubada Iehova e, oi ese tanobada besedia iboudiai bogaragidia amo o abidia siri, oi dihirnu ai baela totona, senemai na Aigupto amo o hakaudia lasi negana ai emu hesiai tauna Mose uduna amo o gwauraia heḡereḡerena.
1KI 8:54 Solomon na ina ḡuriḡuri bona noinoi idoinai e gwauraia vaitani, bena ia na Iehova ena ihaboulaina patana vairanai, tuina vada e hadai bona imana na guba vada e toi roro henia gabuna amo, e tore isi;
1KI 8:55 unuseni ai e gini, Israel hegogona idoinai e hanamoa, mai gao badana ida, eto,
1KI 8:56 Iehova aita hanamoa, badina be ia ese ena bese Israel na laga-ani vada e henidia, ena gwauhamata idoinai heḡereḡerena. Ena gwauhamata namona, ena hesiai tauna Mose uduna amo e gwauraia ḡauna, herevana ta se hamorua.
1KI 8:57 Iehova, eda Dirava, na ita ida, seneda e bamodiava heḡereḡerena; ia na basine rakatanida bona basine dadaraida;
1KI 8:58 ia ese laloda baine hamanadadia ienai, iena dala iboudiai baita raka, bona ena hahegani, ena taravatu bona ena hahedua, seneda e haḡanilaidia ḡaudia, baita badinadia helaoreana.
1KI 8:59 Egu hereva bini, Iehova vairanai na noinoi gaudia, na Iehova, eda Dirava, dekenai bae mia kahikahi, dina ai bona hanuaboi ai, bona ia ese ena hesiai tauna bona ena bese Israel edia namo baine hamiaia, dina ta ta ahuna heḡereḡerena;
1KI 8:60 unu amo tanobada besedia iboudiai bae diba, Iehova na Dirava, idauna ta ma lasi.
1KI 8:61 Taunabunai, lalomui ese Iehova, eda Dirava, bae badinaia tarika-tarika; iena taravatu ai ba raka bona iena haheḡani ba badinadia, ina dina ai heḡereḡerena.
1KI 8:62 Bena hanua pavapavana, bona Israel idoinai ia ida, ese Iehova e boua.
1KI 8:63 Solomon ese boromakau mamaruanedia gerebu-rua daha-rua bona mamoe domaga-ta gerebu-rua e hahelaḡadia, ena herohemaino boubouna, Iehova ena. Unu a hanua pavapavana bona Israel taudia iboudiai ese Iehova ena dubu e hahelaḡaia.
1KI 8:64 Una dina tamona ai hanua pavapavana ese danu dubu maḡuna lalona bogaraginai, Iehova ena dubu vairanai e miava ḡauna, na e hahelaḡaia; unuseni ai ia ese ḡole-oho boubouna bona flaoa boubouna bona digara seadia herohemaino boubouna ḡaudia danu e hahelaḡadia; badina be auri-laboralabora ihaboulaina patana Iehova vairanai na dia bada, gole-oho boubouna bona flaoa boubouna bona digara seadia herohemaino boubouna gaudia na ia latanai bae ato.
1KI 8:65 Taunabunai, Solomon ese aria e karaia una negana ai, bona Israel idoinai ia ida, hegogo bada-hereana, Hama e raka vareai gabuna amo ela bona Aigupto Dokana. Iehova, eda Dirava, vairanai, aria dinadia na hitu.
1KI 8:66 Bena dina ihataurahanina ai ia ese taunimanima na e siaidia oho; bena idia ese hanua pavapavana e hanamoa, bena edia ruma ela mai moaledia bona mai lalo-namodia ida, Iehova ena hahenamo idoinai ena hesiai tauna David bona ena bese Israel latadiai e hahedinaraia dainai.
1KI 9:1 Solomon ese Iehova ena dubu bona pavapava ena ruma bona ena ura rumadia iboudiai e haginidia vaitani murinai,
1KI 9:2 Iehova ese Solomon e hahedinarai henia, nega iharuana, Gibeon ai e hahedinarai henia hegereḡerena.
1KI 9:3 Iehova ese e hereva henia, eto, Emu ḡuriḡuri bona emu noinoi lau vairagu ai vada o gwaurai vada na kamonai; ina oi ese vada o haginia dubuna na lau ese vada na hahelaḡaia, bona ladagu ienai vada na atoa, baine mia hanaihanai; matagu bona lalogu na eneseni ai bae mia, nega iboudiai.
1KI 9:4 Oi danu lau vairagu ai boma raka, tamamu David heḡereḡerena, mai lalo-momokanina bona mai kara maoromaorona ida, bona vada na haḡanilaimu herevadia iboudiai heḡeregeredia ai, bona egu taravatu bona egu hahedua na boma badinadia,
1KI 9:5 bena lau ese emu pavapava teronona baina haginia, Israel daenai baine mia ela bona hanaihanai, tamamu David na gwau henia hamata heḡereḡerena, nato “Oi garamu ta basine moru Israel teronona ihelai-kauna ai”.
1KI 9:6 A lau iḡavagu amo boma raka siri, oi eiava natumu, bona egu haheḡani bona egu taravatu, oi vairamu ai vada na atodia ḡaudia, na basioma badinadia, a boma lao, dirava idaudia isiaidia boma lao heni bona boma toma henidia diho,
1KI 9:7 bena lau ese Israel na vada na henia tanona amo baina negea daure; bona ina dubu, vada na hahelaḡaia lau ladagu ena, na lau vairagu amo baina negea; bena Israel na hereva lada-isina bona udu gwaurai-gwaurai herevana ai bainela, bese iboudiai bogaragidiai.
1KI 9:8 Ina dubu danu baine heḡigi dobi; bona raka hanai taudia iboudiai na bae hoa bona bae si dagu, baeto, Badina be dahaka Iehova ese ina tano bona ina dubu na ini vada e karadia toma?
1KI 9:9 Ma baeto, Badina be edia Dirava, Iehova, senedia Aigupto amo e hakaudia lasi Diravana, idia ese e rakatania, bena dirava idaudia e abidia, e toma henidia dihova bona isiaidia e lao heniva; taunabunai Iehova ese ina dika idoinai na idia latadiai vada e kara.
1KI 9:10 Laḡani ruahui e ore; unu laḡani lalodiai Solomon ese ruma aurua e haginidia, Iehova ena dubu bona pavapava ena ruma.
1KI 9:11 Hirama, Turo pavapavana, ese sida bona beroso audia bona gold na Solomon ena ura heḡereḡerena e henia. Bena King Solomon ese hanua badadia ruahui Galilea tanona ai na Hirama e henia.
1KI 9:12 A Hirama na Turo amo ema, Solomon ese vada e henia hanuadia baine itadia totona; bena se moalelaidia.
1KI 9:13 Taunabunai ia na eto, Tadigu e, ini vada o henigu hanuadia be hanua edehetomadia? Taunabunai, ladadia e hato Kabulu tanona, ema bona ina dina.
1KI 9:14 Hirama ese gold talent sinahu-ta ruahui vada e siaidia guna, hanua pavapavana enai.
1KI 9:15 King Solomon ese e haḡaukaradia taudia sivaraidia na iniheto. Ruma ihaginidia totona e abidia: Iehova ena dubu, bona ia sibona ena ruma, bona Milo kohorona, bona Ierusalem maguna, bona Hasoro bona Megido bona Gesere.
1KI 9:16 (Farao, Aigupto pavapavana na guna vada e dara dae, Gesere e abia, lahi amo e doua, bona Kanaan taudia una hanua e noholaiava na e aladia ore; bena ia ese una gabu na natuna hahinena, Solomon adavana, e hadabilaia.
1KI 9:17 Una dainai Solomon ese Gesere e haginia lou.) Bena Bete-horono, henu hanuana,
1KI 9:18 bona Baalata bona Tamara, tano ḡaḡaena ai, Iuda tanona ai,
1KI 9:19 bona Solomon ena kohu-habou hanuadia iboudiai, bona ena kariota hanuadia, bona ena hosi-gui taudia edia hanua, bona Solomon e urava baine haginidia ḡaudia iboudiai Ierusalem ai bona Lebanon ai bona e lohiaiava tanona idoinai lalonai, na idia ese e haginidia.
1KI 9:20 Amoro taudia bona Hiti taudia bona Perisi taudia bona Hivi taudia bona Iebusu taudia kwabukwabudia iboudiai, dia Israel besena,
1KI 9:21 garadia hahidaosi una tano ai e nohova, Israel asie aladia ore diba taudia, unu na Solomon ese e ḡuidia, bena e haḡaukaradia; idia na unu mo heto ema bona ina dina.
1KI 9:22 A Israel taudia na Solomon ese ta se ḡuia; idia na tuari taudia bona ena lohia taudia, ena tuari lohiadia bona tuari igunalaina taudia, ena kariota lohiadia bona ena hosi-gui taudia.
1KI 9:23 Solomon ena heitatao lohiadia bini: tatau sinahu-ima imahui. Idia ese ḡaukara taudia e itadia tao.
1KI 9:24 Farao natuna hahinena na David ena hanua amo e dae lao, ena ruma korikori ai; Solomon ese vada e haginia iena. Bena Solomon ese Milo kohorona e haginia.
1KI 9:25 Laḡani ta ta ai Solomon ese nega hatoi amo ḡole-oho bouboudia bona herohemaino bouboudia na e hahelaḡadia, Iehova ena ihaboulaina patana, ia ese vada e haginia ḡauna, latanai; bona muramura mai bonana na Iehova vairanai e gabua. Unu amo dubu iḡaukaralaina vada e haguḡurua.
1KI 9:26 King Solomon ese lagatoi haida e raidia Esiono-gebere ai; una na Elata badibadinai, Davara Kakakakana konena ai, Edom tanona ai.
1KI 9:27 Bena Hirama ese ena hesiai taudia haida e siaidia, unu lagatoi ai bae gui, davara ḡaukaradia mai dibadia taudia, Solomon ena hesiai taudia ida baela.
1KI 9:28 Bena Ofiri ela, unu amo gold e mailaia, ena metau na talent sinahu-hani ruahui; King Solomon dekena e mailaia.
1KI 10:1 Sieba pavapavana hahinena ese Solomon harina namona Iehova ladana bagunai e kamonai; bena ia na ema, henanadai aukadia amo baine tohoa totona.
1KI 10:2 Ierusalem ai e kau, mai ena hesiai taudia hutuma bona ena kohu momo ida; kamelo ese aniani mamidia ihanamodia muramuradia bona gold momo-herea bona dava bada nadidia e hua. Solomon dekenai e kau, bena ena lalo-hadai iboudiai na ia e hamaorolaia.
1KI 10:3 Bena Solomon ese ena henanadai iboudiai e haerelai henia; pavapava enai ḡau ta na dia hehuni, iboudiai ia ese e hahedinarai henia.
1KI 10:4 Sieba pavapavana hahinena ese Solomon ena aonega idoinai e itaia, bona e haginia rumana,
1KI 10:5 bona ena pata anianidia, bona ena heitatao lohiadia edia helai gabudia, bona ena hesiai taudia edia kara bona edia dabua, bona ena kehere iloalaina taudia, bona ena gole-oho bouboudia, Iehova ena dubu ai e hahelaḡadia ḡaudia; bena lalona e boio.
1KI 10:6 Bena hari hahine ese hanua pavapavana e hamaoroa, eto, Egu tano ai emu kara bona emu aonega haridia na kamonai iboudiai na momomo-kakani,
1KI 10:7 a unu hari na asina abidia dae ema bona lau nama, sibogu matagu amo name ita; a, kahana na asie hamaorogu, emu aonega bona emu taḡa ese na kamonai haridia e hereadiamu.
1KI 10:8 Adavamu na daka moale! Emu hesiai taudia bini, dina iboudiai oi vairamu ai gigini bona emu aonega herevadia e kamonaimu danu daka moale!
1KI 10:9 Iehova, emu Dirava, bae imodaia; ia ese vada e lalo namo henimu, bona Israel teronona ai vada e hahelaimu kau. Iehova ese Israel e ura henia hanaihanaimu dainai, ia ese pavapava ai vada e halaomu, hahemaoro bona kara maoromaoro ba kara helaoreana.
1KI 10:10 Bena hari hahine ese hanua pavapavana na gold talent sinahu-ta ruahui, bona aniani mamidia ihanamodia muramuradia bona dava-bada nadidia momo herea e henia; nega hata aniani mamidia ihanamodia muramuradia unuhohodia na asie ita lou, unu Sieba pavapavana hahinena ese King Solomon e henia gaudia heḡereḡeredia.
1KI 10:11 Ina danu, hari Hirama ena lagatoi, Ofiri amo gold e mailaia ḡaudia, na Ofiri amo danu boto audia momo bona dava-bada nadidia e mailai.
1KI 10:12 Unu boto audia amo hanua pavapavana ese au-tubua e kara, Iehova ena dubu ḡaudia bona pavapava ena ruma gaudia; bona ane-abi taudia edia gitara bona edia hatai ḡaudia badadia danu e kara. Boto audia unuhetomadia haida asiema eiava asie heita ema bona ina dina.
1KI 10:13 Bena King Solomon ese Sieba pavapavana hahinena na ena ura gaudia iboudiai e henia; King Solomon ena herahia gaudia latadiai hahine e noi gaudia iboudiai ma e ato kau. Bena hahine na e tore isi, ena hesiai taudia ida ena tano korikori e lou lao.
1KI 10:14 Laḡani tamona lalonai Solomon dekena e mailaia gold-na ena metau na talent sinahu-tauratoi tauratoi-ahui tauratoi;
1KI 10:15 bona haida danu laolao taudia bona hoihoi taudia bona Arabia pavapavadia iboudiai bona tano lohiadia edia amo e abi.
1KI 10:16 King Solomon ese gold kesidia badadia sinahu-rua, e hodo palaka gaudia, e karadia; kesi ta ta ai gold ena metau be sekele sinahutauratoi.
1KI 10:17 Bona gold kesidia sinahu-toi, e hodo palaka gaudia, ma e karadia; kesi ta ta ai gold ena metau be mina toi. Unu kesi na hanua pavapavarta ese Lebanon Udana Rumana ai e atodia.
1KI 10:18 Hanua pavapavana ese danu terono badana na aivori amo e karaia, bona gold ḡoevaḡoeva-hereana amo e ḡovaia.
1KI 10:19 Hari terono ena vadavada na tauratoi; tabekau ḡauna latanai boromakau natuna kwarana e koroa; ohena kahana kahana na ima ato-kau gabudia, bona hari ima ato-kau gabudia badibadidiai na leona rua laulaudia ginidia ai e korodia.
1KI 10:20 Leona gwauta-rua laulaudia na hari vadavada tauratoiosi dududia dududia ta ta ai e haginidia. Basileia idau-idau iboudiai lalodiai unuhetomana ta nega ta ai asie karaia.
1KI 10:21 King Solomon ena inuinu keheredia iboudiai na gold, bona Lebanon Udana Rumana ai ruma kohudia iboudiai na gold ḡoeva-daena amo e karadia. Ḡau ta silver amo asie karaia; una na ḡau pipikina Solomon ena nega ai.
1KI 10:22 Badina be hanua pavapavana na mai ena lagatoi oreana ta, Tarasisi lagatoidia, Hirama ena lagatoi oreana ida e heau hebou. Laḡani toi toi amo hari Tarasisi lagatoidia na e lou mai, gold bona silver bona aivori bona maniki badadia bona tukimi e mailaidia.
1KI 10:23 King Solomon ese tanobada pavapavadia iboudiai na e hereadia, taga ai bona aonega ai.
1KI 10:24 Tanobada idoinai ese Solomon vairana e tahua, Dirava ese ia lalona ai vada e atoa aonegana bae kamonai totona.
1KI 10:25 Ta ta ena herahia ena herahia e mailai, silver ḡaudia bona gold ḡaudia, bona dabua, bona dahudahu muramurana bona aniani mamidia ihanamodia muramuradia, bona hosi bona doniki; unuheto laḡani ta ta lalodiai e heni.
1KI 10:26 Solomon ese kariota bona hosi-gui taudia e haboudia. Ena kariota na daha-ta sinahu-hani; bona hosi-gui taudia na gerebu-ta daha-rua, kariota hanuadia ai e hanohodia, bona haida na hanua pavapavana dekenai Ierusalem ai danu.
1KI 10:27 Hanua pavapavana ese silver na ḡau pipikina ai e halaoa Ierusalem ai, nadi na heto; bona sida audia na e hahohodia, Sefela sukedia na heheto.
1KI 10:28 Solomon ena hosi na Aigupto bona Kue amo e abidia; hanua pavapavana ena hoihoi taudia ese Kue amo e abidia, mai davadia.
1KI 10:29 Kariota ta na Aigupto amo e abia, davana na silver sekeledia sinahu-tauratoi, bona hosi ta davana na silver sekeledia sinahu-ta imahui. Taunabunai, hanua pavapavana ena hoihoi taudia ese ma e hoihoilaidia lou, Hiti taudia edia pavapava iboudiai bona Suria pavapavadia ediai.
1KI 11:1 King Solomon ese idau bese hahinedia diaḡau e ura henidiava: Farao natuna hahinena, bona Moab bona Amono bona Edom bona Sidono bona Hiti hahinedia.
1KI 11:2 Unu bese na Iehova ese Israel taudia vada e herevalai henidia, eto, Basio adavadia bona basie adavamui, badina be idia na momokani lalomui bae girodia hanai, edia dirava ediai. A Solomon ese unu hahine na e ura henidia lalo-dikava.
1KI 11:3 Ia adavana korikori, lohia hahinedia, na sinahu hitu; ma hahine haida sinahu toi danu e adavadia; bena adavana verina ese lalona e aniava.
1KI 11:4 Badina be Solomon vada e buruka negana ai, ia adavana ese lalona e giroa hanai, dirava idaudia ediai; ia lalona ese Iehova, ena Dirava, se badinaia momokani, tamana David lalona ese e badinaiava heḡereḡerena.
1KI 11:5 Badina be Solomon ese Astaroto, Sidono taudia edia dirava hahinena, bona Milkom, Arnono taudia edia dirava dikana, e badinadiava.
1KI 11:6 Taunabunai, Solomon na e kara havara Iehova vairanai, Iehova se badinaia ḡoevaḡoeva, tamana David ese e badinaiava heḡereḡerena.
1KI 11:7 Bena Solomon ese Kemoso, Moab taudia edia dirava dikana, bona Molek, Amono taudia edia dirava dikana, edia atai gabuna helaḡana e hadaia, ororo ta dorina ai, Ierusalem mairiveina kahana ai.
1KI 11:8 Unu mo e kara toma, adavana idau bese hahinedia edia; bena idia ese edia dirava vairadiai muramura mai bonadia e gabu bona boubou ḡaudia e hahelaḡadia.
1KI 11:9 Bena Iehova ese Solomon e badu henia, badina be ia lalona ese Iehova, Israel Diravana, nega rua e hahedinarai henia
1KI 11:10 bona e hagania dirava idaudia basine badinadia Diravana, na e rakatania. Ia ese Iehova ena haheḡani se badinaia.
1KI 11:11 Taunabunai, Iehova ese Solomon e hamaoroa, eto, Lalomu na eneheto bona egu gwauhamata bona egu taravatu, na haḡanilaimu ḡaudia, na so badinadia dainai, lau na momokani basileia oiemu amo baina darea oho, emu hesiai tauna baina henia.
1KI 11:12 A, tamamu David bagunai oiemu mauri dinadia ai basina karaia, a oi natumu imana amo do baina darea oho.
1KI 11:13 Ḡau tamona, basileia idoinai basina darea oho; a iduhu ta na natumu baina henia, egu hesiai tauna David bagunai, bona Ierusalem, na abia hidi hanuana, dainai.
1KI 11:14 Iehova ese Solomon ana inai tauna ta e haginia; ia na Hadad, Edom tauna, Edom pavapavadia edia iduhu tauna ta.
1KI 11:15 Badina be David na Edom ai e nohova negana ai, Ioab, tuari oreana biaguna badana, na mase taudia iguridia totona ela, bena ia ese Edom mamaruanedia iboudiai e aladia mase;
1KI 11:16 badina be Ioab bona Israel oreana idoinai na hua tauratoi unuseni ai e nohova, ela bona Edom mamaruanedia iboudiai vada e aladia ore.
1KI 11:17 A Hadad na Aigupto e heau lao, Edom taudia haida, ia tamana ena hesiai taudia, ida. Una negana ai, Hadad na do mero maragi.
1KI 11:18 Idia na Midian amo e tore isi, Paranlai eha kau, bena Paran taudia haida e abidia, idia ida Aigupto ela, Farao, Aigupto pavapavana, dekenai e kau. Farao ese ruma auta e henia, bona aniani e henia loulou, dina iboudiai; bona tano danu e henia.
1KI 11:19 Farao ese Hadad e lalo namo henia; taunabunai ia ese ia adavana, Queen Tapene, tadina e henia, baine adavaia.
1KI 11:20 Hari Tapene tadina ena amo ia ese natuna maruanena, ladana Genubata, e havaraia; bena Tapene ese una mero na Farao ena ruma ai rata amo e butua oho. Hari Genubata na Farao ena ruma ai e nohova, Farao natuna mamaruanedia bogaragidiai.
1KI 11:21 A Hadad na Aigupto ai harina e kamonai, David na tubu tama dekediai vada e mahuta, bona Ioab, tuari oreana biaguna badana, vada e mase; bena Hadad ese Farao e noia, eto, Mani a kahugu nege, egu tano korikori bainala.
1KI 11:22 A Farao ese e haere henia, eto, Egu ai dahaka ḡau ai o dabumu dainai emu tano korikori ilou-henina dalana o tahuamu? A ia ma e noia, eto, Mani emu kara a kahugu nege mo.
1KI 11:23 Dirava ese inaina ta ma e hatorea isi, ladana na Reson Eliada; ia ese biaguna Hadadesere, Soba pavapavana, vada e heautania.
1KI 11:24 Ia ese tatau haida e haboudia, dadidadi oreana ta biaguna ai e hahelao, David ena ala-ala murinai. Bena idia na Damasko ela, unuseni ai e nohova; bena ia na Damasko pavapavana ai e halaoa.
1KI 11:25 Solomon ena dina iboudiai una tau ese Israel taudia e inai henidiava, bona e kara dika henidiava, Hadad heḡereḡerena. Ia ese Israel e inai henia badava, bona Suria e lohiaiava.
1KI 11:26 Ieroboam Nebata, Efraim tauna ta, Sereda amo, Solomon ena hesiai tauna ta, sinana na vabu ta ladana Serua, ia ese danu hanua pavapavana e inai heniava.
1KI 11:27 Hanua pavapavana e inai heniava badina binai: Solomon ese Milo kohorona e haginia, bona tamana David ena hanua maḡuna e ha-aukaia.
1KI 11:28 Hari eregabe tauna Ieroboam na mai aonegana; bena Solomon ese e itaia ia na ḡaukara dikadika tauna dainai ia ese Iosef ena iduhu ai e hagaukaradia taudia biagudia ai e halaoa.
1KI 11:29 Una negana ai, Ieroboam na Ierusalem amo e raka lasi, bena peroveta tauna ta, ladana Ahia, tau Silono, ese dala ai e davaria. Hari Ahia na dabua matamatana ta vada e hahedokilaia; bona idia raruosi na sibodia una tano paka ai.
1KI 11:30 Bena Ahia ese ena dabua matamatana e dokia oho, e darea, siri gwauta-rua.
1KI 11:31 Bena ia ese Ieroboam e hamaoroa, eto, Siri gwauta bavabi emu; badina be Iehova, Israel Diravana, na ini e gwau tomamu: a itaia, basileia na Solomon imana amo baina darea, iduhu gwauta na oi baina henimu;
1KI 11:32 a ia be egu hesiai tauna David bagunai bona Israel iduhudia amo na abia hidi hanuana Ierusalem dainai, iduhu ta do baine abia.
1KI 11:33 Badina be ia ese vada e rakatanigu, Astaroto, Sidono taudia edia dirava hahinena, bona Kemoso, Moab diravana, bona Milkom, Amono diravana, vada e toma henidia diho; ia danu egu dala ai se rakamu, lau vairagu ai kara maoromaoro se karamu, bona egu taravatu bona egu hahedua herevadia se badinadiamu, tamana David ese e badinadiava heḡereḡerena.
1KI 11:34 Ḡau tamona, lau na basileia idoinai ia imana amo basina abia oho; ena mauri dinadia iboudiai ena lohia gabuna ai baina hanohoa, egu hesiai tauna David, na abia hidi bona egu haheḡani bona egu taravatu e badinadiava tauna, dainai.
1KI 11:35 A basileia na ia natuna imana amo baina abia oho, bena oi baina henimu, iduhu gwauta.
1KI 11:36 Ḡau tamona, ia natuna na iduhu ta baina henia, egu hesiai tauna David ena lamepa na Ierusalem, na abia hidi lau ladagu baine noholaia hanuana, lalonai lau vairagu ai baine mia helaoreana.
1KI 11:37 A oi baina abimu, lalomu e ura henimu ḡaudia iboudiai na oi ese ba lohiadia, bona Israel pavapavana ai baola.
1KI 11:38 Bena baina haḡanilaimu haheganidia ihoudiai boma kamonaidia, bona egu dala ai boma raka, bona egu taravatu bona egu haheḡani boma badinadia, egu hesiai taudia David e karava heḡereḡerena, lau ese baina bamomu, bona garamu baina haginia auka, David na kara henia heḡereḡerena, bona Israel na oi baina henimu.
1KI 11:39 David garana na ina dainai baina hahisihisia, to dia ela bona hanaihanai.
1KI 11:40 Taunabunai, Solomon ese Ieroboam iala-masena dalana e tahua. A Ieroboam e tore isi, e heau, Aigupto ela, Sisaka, Aigupto pavapavana, dekenai; ia na Aigupto ai e nohova ela bona Solomon e mase.
1KI 11:41 Solomon ena kara oredia, ena kara iboudiai bona ena aonega, na Solomon ena kara bukana ai vada e tore, ani?
1KI 11:42 Solomon na Israel idoinai Ierusalem ai e lohiaia laḡanidia na hari-ahui.
1KI 11:43 Bena Solomon na tubu tama dekediai e mahuta; tamana David ena hanua ai e guria. Ia natuna Rehoboam ese ia gabuna ai e lohia.
1KI 12:1 Rehoboam na Sekem ela, badina be Israel taudia iboudiai na Sekem ela, pavapava ai bae halaoa totona.
1KI 12:2 Ieroboam Nebata na harina e kamonai; badina be ia na dounu Aigupto ai, King Solomon e heautania negana ai e lao henia gabuna ai. Bena Ieroboam na Aigupto amo e lou.
1KI 12:3 Bena idia ese ia iboirina e hesiai; bena Ieroboam bona Israel hegogona idoinai ema, Rehoboam e hereva henia, eto,
1KI 12:4 Tamamu ese emai maduna e hametaua. Taunabunai, harihari tamamu ena hesiai ilao-henina aukana bona ena maduna metauna ai latamai ai na ba haharaḡaia; bena ai ese oi isiaimu baia lao heni.
1KI 12:5 Ia na eto, Ba raka oho, dina toi heḡereḡerena, ma ba lou mai dekegu ai. Taunabunai, taunimanima na e raka oho.
1KI 12:6 Bena King Rehohoam na tau badadia, tamana Solomon maurina ai ia vairanai e giniva taudia, ida e henega bou, e nanadaidia, eto, Emui hahealo be dahaka egu ai? Ini taunimanima na ede baina haere henidia toma?
1KI 12:7 Idia ese e haere henia, eto, Hari dina ai ini taunimanima edia hesiai tauna ai boma lao, isiaidia boma lao heni, bona ba haere henidia negana ai hereva namodia boma gwaurai; bena idia na oiemu hesiai taudia ai baela hanaihanai.
1KI 12:8 To una hahealo tau badadia ese e henia na ia ese e dadaraia; bona eregabe taudia, ia ida e vara isi hebouva bona ia vairanai e giniva taudia, ida e henega bou.
1KI 12:9 Ia ese e nanadaidia, eto, Emui hahealo be dahaka? Ini taunimanima ese vada e hamaorogu, eto “Tamamu ese ai latamai ai vada e atoa madunana na ba haharaḡaia”. Ede baita haere henidia toma?
1KI 12:10 Bena hari ia ida e vara isi hebou taudia ese e haere henia, eto, Hari vada e hamaoromu, eto “Tamamu ese emai maduna e hametaua a oi ese ba haharaḡaia”, taudia na ini ba haere henidia toma, baoto “Lau imagu kwakikwakina maraḡina udunana ese tamagu mamuna udunana na e hereaiamu;
1KI 12:11 taunabunai, tamagu ese maduna metauna na umui latamui ai e atoa, a lau ese ma baina hametaua, bona tamagu ese hekwadi varodia amo e hahisimui, a lau ese doadoa amo baina hahisimui”.
1KI 12:12 Taunabunai, dina ihatoina ai, Ieroboam bona taunimanima iboudiai na Rehoboam dekena ema, hanua pavapavana ena hereva heḡereḡerena, eto “Dina ihatoina ai dekegu ma baoma”.
1KI 12:13 Bena hanua pavapavana ese taunimanima na e gwau daḡe henidia, tau badadia edia hahealo e dadaraia,
1KI 12:14 bona eregabe taudia edia hahealo heḡereḡerena ai e hereva henidia. Eto, Tamagu ese maduna metauna na umui latamui ai e atoa, a lau ese ma baina hametaua; bona tamagu ese hekwadi varodia amo e hahisimui, a lau ese doadoa amo baina hahisimui.
1KI 12:15 Taunabunai, hanua pavapavana ese taunimanima eredia se kamonai; badina be ini kara na Iehova ese e havaradia, ena hereva, Ahia tau Silono ese Ieroboam Nebata e hamaorolaia herevana, na baine hamomokania helaoreana.
1KI 12:16 Israel taudia iboudiai na e itaia, hanua pavapavana ese idia eredia se kamonai; bena idia ese hanua pavapavana e haere henia, eto, Ai ahumai be dahaka David enai a? Asi ahumai ta Iese natuna enai. Israel e, emui kalaga ba lou henidia! David e, emu ruma ba gimaia! Taunabunai, Israel taudia na edia kalaga e lou henidia.
1KI 12:17 A Rehoboam ese Israel taudia Iuda hanuadia ai e nohova na e lohiadia.
1KI 12:18 Bena Rehoboam ese Adorama, e haḡaukaradia taudia biagudia, na e siaia; a Israel taudia iboudiai ese nadi amo e hodoa mase. Bena King Rehoboam na ena kariota ai e gui haraḡa, Ierusalem baine heau lao eto.
1KI 12:19 Taunabunai, Israel idoinai ese David garana e gwau edeede henidiamu ema bona ina dina.
1KI 12:20 A Israel taudia na e kamonai Ieroboam vada e lou mai, bena idia ese e boiria, hebou lalonai; bena Israel idoinai pavapavana ai e halaoa. Ta na David garana murinai se raka, Iuda iduhuna taudia mo sibodia.
1KI 12:21 Rehoboam na Ierusalem ai e kau negana ai, ia ese Iuda iduhuna taudia iboudiai bona Beniamina iduhuna taudia e haboudia, tuari taudia mai goadadia domaga-ta gerebu-taurahani; Israel taudia bae tuari henidia bona basileia na Solomon natuna Rehoboam bae henia lou eto.
1KI 12:22 A Dirava ena hereva na Dirava ena tau ladana Semaia dekenai e kau, eto,
1KI 12:23 Rehoboam Solomon, Iuda pavapavana, bona Iuda bona Beniamina iduhudia taudia, bona taunimanima oredia iboudiai na ba hamaorodia, baoto
1KI 12:24 “Iehova na ini e gwau tomamu: Basiola, varavaramui Israel taudia na basio tuari henidia; ta ta emu ruma emu ruma ba lou lao, badina be ina na lauegu amo e vara”. Taunabunai idia ese Iehova ena hereva e hakala henia, edia ruma e lou heni, Iehova ena hereva heḡereḡerena.
1KI 12:25 Bena Ieroboam ese Sekem e hadaia, Efraim ororodia ai, unuseni ai e nohova. Bena unu amo e raka lasi, Penuel e haginia.
1KI 12:26 Bena Ieroboam na lalona ai eto, Ina basileia ese David garana baine lou henia.
1KI 12:27 Ini taunimanima ese Iehova ena dubu Ierusalem ai bema lao henia, boubou ḡaudia ihahelaḡadia totona, idia lalodia ese edia lohia Rehoboam, Iuda pavapavana, bema lou henia; bena lau bae alagu mase, bona Rehoboam, Iuda pavapavana, bae lou henia.
1KI 12:28 Taunabunai, hanua pavapavana na hahealo e tahua, bena boromakau natudia laulaudia rua gold amo e karadia. Bena ia ese taunimanima e hamaorodia, eto, Ierusalem vada o lao henia davana. Israel taumui e, Aigupto tanona amo e hakaumui lasi diravadia bini a itadia.
1KI 12:29 Bena ia ese ta Betele ai e haginia, ma ta be Dan ia.
1KI 12:30 Bena ina na kara dika ai ela; badina be taunimanima ese ta e lao henia Betele ai, ma ta ilao-henina totona e laova bona Dan ia.
1KI 12:31 Ia ese danu dubu haida e haginidia atai gabudia ai, bona hahelaga taudia e duanaidia taunimanima iboudiai lalodia amo, dia Levi taudia mo lalodiai.
1KI 12:32 Ieroboam ese danu aria e gwauraia, hua ihataurahanina dinana ihagwautaimana ai bae karaia, Iuda ai e karaiava ariana heḡereḡerena; bona boubou ḡaudia e hahelaḡadia, ihaboulaina patana latanai. Betele ai danu unu e kara toma, hari boromakau natudia laulaudia, e karadia ḡaudia, na e boudia. Bona hari atai ai e karadia gabu-helaḡadia edia hahelaga taudia na ia ese Betele ai e hanohodia.
1KI 12:33 Ihaboulaina patana Betele ai e karaia na hua ihataurahanina dinana ihagwauta-imana ai e dae henia, ia sibona ese lalona ai e haeroa huana ai; aria ta e gwauraia Israel taudia edia, bona ihaboulaina patana e dae henia, muramura mai bonana igabuna totona.
1KI 13:1 Dirava ena tau ta Iuda amo ema, Iehova ena hereva dainai, bena Betele ai e kau. Ieroboam na ihaboulaina patana badinai gini, muramura mai bonana igabuna totona.
1KI 13:2 Bena hari tau ese ihaboulaina patana e boi henia lao, Iehova ena hereva dainai; eto, ihaboulaina patana e, ihaboulaina patana e, Iehova na ini e gwau tomamu: a itaia; mero ta baine vara David ena iduhu ai, ladana bae hatoa Iosia; bena ia ese atai gabudia edia hahelaḡa taudia, oi latamu ai muramura mai bonana e gabua taudia, na oi latamu ai boubou gaudia ai baine halaodia, bena oi latamu ai taunimanima turiadia bae gabudia.
1KI 13:3 Una dina ai ia ese toa ta e herlidia, eto, Ina na hari Iehova vada e hereva toana: a itaia, ihaboulaina patana bae giḡia dobi, bona ia latanai e miamu kahudia na bae hebubu nege.
1KI 13:4 Hanua pavapavana ese Dirava ena tau ena hereva, ihaboulaina patana Betele ai e boi henia lao ḡauna, e kamonai negana ai, Ieroboam ese imana na ihaboulaina patana amo e toia roro, eto, A dabaia tao. Bena hari imana ia e toi roro henia ḡauna na e auka; bena asi ena dala baine veria lou.
1KI 13:5 Ihaboulaina patana danu e heḡiḡi dobi, bona latana kahuna e hebubu nege, hari Dirava ena tau ese Iehova ena hereva dainai vada e henidia toana heḡereḡerena.
1KI 13:6 Bena hanua pavapavana ese Dirava ena tau e hamaoroa, eto, Iehova, emu Dirava, ba noia, lau daigu ai ba ḡuriḡuri, imagu ma baine namo lou helaoreana. Bena Dirava ena tau ese Iehova e noia; bena hanua pavapavana imana na e namo lou, ma e goada, guna heḡereḡerena.
1KI 13:7 Bena hanua pavapavana ese Dirava ena tau e hamaoroa, eto, Egu ruma aitala, laḡamu bavania, bena davamu baina henimu.
1KI 13:8 A Dirava ena tau ese hanua pavapavana e haere henia, eto, Ena be emu ruma kahana boma henigu, to oi ida basina raka vareai hebou. Aniani basina ania eiava ranu basina inua ina gabu ai;
1KI 13:9 badina be Iehova ena hereva ese e haganigu, eto, Aniani basio ania bona ranu basio inua, bona oma dalana amo ma basio lou.
1KI 13:10 Taunabunai, ia na dala idauna ta amo e lou ela, Betele ema dalana amo ma se lou.
1KI 13:11 Betele ai peroveta tauna burukana ta e nohova. Bena natuna haida ema, Dirava ena tau una dina ai Betele ai vada e kara karadia iboudiai na sivaradia e hamaorolaia; una tau ese hanua pavapavana e hamaorolaia herevadia danu idia ese tamadia e hamaorolaia.
1KI 13:12 Bena tamadia ese e nanadaidia, eto, Edena dala amo ela? Bena natuna ese Dirava ena tau, hari Iuda amo ema tauna, ena lao dalana e haheitalaia.
1KI 13:13 Bena ia ese natuna e hamaorodia, eto, Doniki ba haheḡaeḡaea egu. Taunabunai, idia ese doniki e haheḡaeḡaea ena, bena ia na e gui kau.
1KI 13:14 Bena ia na Dirava ena tau murina amo ela, oak auna henunai helaina ai e davaria; bena e nanadaia, eto, Oi na Dirava ena tau Iuda amo oma a? Ia eto, Oibe.
1KI 13:15 Bena ia ese e hamaoroa, eto, Egu ruma aitala, bavaniani.
1KI 13:16 A ia eto, Oi ida basina lou diba, bona oi ida basina raka vareai; oi ida basina aniani bona ranu basina inua ina gabu ai;
1KI 13:17 badina be Iehova ena hereva ese e hamaorogu, eto “Basio aniani bona ranu basio inua unuseni ai, bona oma dalana amo ma basio lou”.
1KI 13:18 Bena hari peroveta tauna ese e haere henia, eto, Lau danu peroveta tauna, oi heḡereḡeremu; bena aneru ta ese e hereva henigu, Iehova ena hereva dainai, eto “Ba hakaua lou emu ruma ai, baine aniani bona ranu baine inua totona”. To ia ese e koia.
1KI 13:19 Taunabunai raruosi na e lou ela, bena ena ruma ai e aniani, bona ranu e inua.
1KI 13:20 Pata ai e helaiva ai na Iehova ena hereva na hari tau e loulaia peroveta-tauna enai e kau;
1KI 13:21 bena ia ese hari Dirava ena tau Iuda amo na e gwau henia, eto, Iehova na ini e gwau tomamu: oi ese Iehova ena hereva vada o utua, Iehova, emu Dirava, ena haheḡani asio badinaia;
1KI 13:22 a vada o lou mai, e haḡanimu eto “Basio aniani bona ranu basio inua” gabuna ai vada ome aniani bona ranu vada ome inua; una dainai oi tau-animu na senemu edia gara gabuna ai basine heato.
1KI 13:23 E aniani bona ranu e inua murinai, ia ese doniki e haheḡaeḡaea, e hakaua lou peroveta-tauna ena.
1KI 13:24 A e raka laova ai, leona ta ese dala ai e davaria, bena e alaia mase. Tau-anina na dala ai e henege dobi, bena doniki na ia badibadinai e gini; leona danu una tau tau-anina badibadinai e gini.
1KI 13:25 Taunimanima haida e raka hanai, bena una tau tau-anina dala ai henege-dobina ai e itaia, bona leona na tau-anina badibadinai gini. Bena idia na ela, hari peroveta tauna burukana e noholaiava hanuana lalonai harina e piua.
1KI 13:26 Una tau e hakaua lou peroveta-tauna na sivarai e kamonai, bena ia eto, Una na Dirava ena tau, Iehova ena hereva e utua tauna; una dainai Iehova ese leona vada e henia, bena leona ese vada e darea bona vada e alaia mase, Iehova ese e hamaorolaia herevana heḡereḡerena.
1KI 13:27 Bena ia ese natuna na e hamaorodia, eto, Doniki a haheḡaeḡaea egu. Bena e haheḡaeḡaea.
1KI 13:28 Bena ia na ela, una tau tau-anina na dala ai henege-dobina ai e davaria, bona doniki bona leona na ia badibadinai gigini. Leona ese una tau tau-anina na se ania, bona doniki danu se darea.
1KI 13:29 Bena peroveta tauna ese Dirava ena tau tau-anina e abia isi, doniki doruna ai e atoa kau, hanua e loulaia lao, bae taitaia bona bae guria totona.
1KI 13:30 Bena hari tau tau-anina na sibona ena gara ai e atoa; bena idia ese e taitaia, eto, Tadigu o, ihabaimu.
1KI 13:31 E guria murinai, ia ese natuna e hamaorodia, eto, Baina mase negana ai, hari Dirava ena tau vada ta haguria garana ai ba gurigu; lau turiagu na ia turiana badibadidiai bavato.
1KI 13:32 Badina be iena hereva, Iehova ena hereva dainai ia ese ihaboulaina patana Betele ai bona Samaria hanuadia edia atai gabudia dubudia iboudiai e boi henidia lao herevana, na momokani anina do baine vara.
1KI 13:33 Ina kara murinai, Ieroboam ese ena dala dikana se rakatania, a taunimanima iboudiai bogaragidia amo atai gabudia edia hahelaga taudia haida ma e abidia; e urava taudia na ia ese e hahelaḡadia, atai gabudia edia hahelaḡa taudia ai baela.
1KI 13:34 Bena una kara na kara dikana ai ela, Ieroboam ena iduhu enai, tanobada kopina amo baine henege daure bona baine hebua tari totona.
1KI 14:1 Una negana ai Ieroboam natuna Abia na e gorerea.
1KI 14:2 Bena Ieroboam ese adavana e hamaoroa, eto, A tore isi, oromamu ba ha-idaua, taunimanima basie diba oi na Ieroboam adavana; bena Silo baola. A itaia, peroveta tauna Ahia, e herevalaigu ina bese ena pavapava ai bainala eto tauna, na unuseni ai.
1KI 14:3 Flaoa igabudia gwauta bona dikea haida bona bada-ranuna kavabu ta bavabi kau, ia dekena baola; ia ese baine hamaoromu dahaka baine vara ina mero enai.
1KI 14:4 Ieroboam adavana na unu e kara toma; e tore isi, Silo ela, Ahia ena ruma ai e kau. Hari Ahia na ḡau ta se ita, badina be matana e valahu-valahu, e buruka dainai.
1KI 14:5 Bena Iehova ese Ahia e hamaoroa, eto, A itaia, Ieroboam adavana na e maimu, baine nanadaimu natuna dainai; badina be ia na e gorereamu. Unu ini ba hereva henia toma. Hahine na e kau negana ai, ia na e koikoi, eto ia na hahine idauna ta.
1KI 14:6 A ia na iduara amo e raka vareai negana ai Ahia na ia aena reḡedia e kamonai; bena ia na eto, Ieroboam adavana e, a raka vareai. Dahaka dainai o koikoimu, o tomu oi na hahine idauna ta? Badina be hereva metauna vada e henigu oiemu.
1KI 14:7 Aola, Ieroboam ba hamaoroa, baoto “Iehova, Israel Diravana, na ini e gwau tomamu: Taunimanima bogaragidia amo na abimu dae, egu bese Israel ihakauna ai na halaomu,
1KI 14:8 basileia na David ena iduhu amo na dadia oho, oi na henimu, ḡau tamona oi na dia egu hesiai tauna David heḡereḡerena; ia ese egu haheḡani e badinadiava, bona murigu amo e rakava mai lalona idoinai, bona kara maoromaoro mo lau vairagu ai e karava.
1KI 14:9 A oi ese e gunalaimu taudia iboudiai na kara dika ai vada o hereadiamu, vada ola, dirava idaudia bona e haveve auridia amo e kara kaivakukudia vada o kara emu; unu amo vada o habadugu, bona vada o negegu murimu kahana ai.
1KI 14:10 Una dainai lau ese dika baina havaraia, Ieroboam ena ruma latanai, bona mamaruane iboudiai Israel ai, e ḡuidia taudia bona asie ḡuidia taudia, na Ieroboam ena amo baina utudia oho, bona Ieroboam ena iduhu baina habuaia tari vaitani, tau ta ese boromakau taḡedia e gabumu bona e haḡole ohomu na heto.
1KI 14:11 Ieroboam ena orea tauna ta hanua ai bema mase, sisia ese bae ania; eiava ta tano paka ai bema mase, atai manudia ese bae ania, badina be Iehova ese unu vada e gwauraia toma”.
1KI 14:12 Taunabunai, a tore isi, emu ruma aola. Aemu na hanua lalonai bae raka vareai negana ai, mero na baine mase.
1KI 14:13 Bena Israel idoinai na ia taina bae tai, bona bae guria; badina be Ieroboam ena orea amo ia mo sibona gara ai bae guria, badina be ia enai Iehova, Israel Diravana, ese ḡau ta ai e lalo namo heniamu, Ieroboam ena iduhu ai.
1KI 14:14 Ina danu, Iehova ese Israel pavapavana ta baine haginia; una dina ai ina tau ese Ieroboam ena iduhu baine negea daure. Bona ina negana amo
1KI 14:15 Iehova ese Israel baine hamarerea, siriho na ranu ai e marere-mareremu na heto; bona Israel taudia na ina tano namona, ia ese senedia e henidia tanona, amo baine raḡadia oho, Eufrate sinavaina unukahana ai baine hakarohodia rohoroho. Badina be idia ese edia au-tubua helaḡadia e karadia amo Iehova e habadua.
1KI 14:16 Ia ese Israel baine negea daure, Ieroboam ena kara dikadia, sibona e karadikalai ḡaudia bona Israel taudia e hakaradia dikalai gaudia daidiai.
1KI 14:17 Bena Ieroboam adavana e tore isi, e raka lav, Tirisa ai e kau; bena ruma iduarana ai e kau negana ai, mero vada e mase.
1KI 14:18 Israel idoinai ese e guria, bona taina e tai, Iehova ena hereva, ena hesiai tauna, peroveta tauna Ahia, uduna amo e gwauraia heḡereḡerena.
1KI 14:19 Ieroboam ena kara oredia, ena tuari bona ena lohia karadia, sivaraidia na Israel Pavapavadia Sisigadia Bukana lalonai eme hetore.
1KI 14:20 Ieroboam ena lohia negana na laḡani ruahui-rua. Bena ia na tubu tama dekediai e mahuta; bona ia natuna Nadab ese ia gabuna ai e lohia.
1KI 14:21 Rehoboam, Solomon natuna, na Iuda ai e lohia. E lohia matama negana ai ena vara laḡanidia na hari-ahui ta, bena laḡani gwauta-hitu ia na Ierusalem ai e lohia, una na Iehova ese Israel iduhudia iboudiai bogaragidia amo e abia hidi hanuana, ia ladana unuseni ai baine atoa totona. Ia sinana ladana na Naamaha, hane Amono.
1KI 14:22 Bena Iuda taudia na Iehova vairanai e kara havara, edia kara dika amo e havaḡeḡea. Una kara ai idia ese tamadia e hereadiava.
1KI 14:23 Badina be idia ese atai gabudia bona au-tubua helaḡadia e karadia, bona ororo badadia iboudiai doridia ai bona au mauridia henudiai au-tubua helaḡadia e haginidia;
1KI 14:24 bona lebulebu karadia e karava edia gabu helaḡadia ai. Iehova ese Israel taudia vairadiai e luludia lasi besedia edia kara bodagadia iboudiai na idia ese ma e karadia.
1KI 14:25 King Rehoboam ena lohia laḡanina iha-imana ai, Sisaka, Aigupto pavapavana, na ema, Ierusalem e tuari henia.
1KI 14:26 Ia ese Iehova ena dubu kohudia ḡoeva-daedia bona pavapava ena ruma kohudia goeva-daedia e abidia oho, ḡau iboudiai e laohaidia. Gold kesidia danu, Solomon ese e kara gaudia, na iboudiai e abidia oho.
1KI 14:27 Bena King Rehoboam ese auri labora-labora kesidia e kara, idia ibolodia; bona hegima oreana biagudia, pavapava ena ruma iduarana e gimaiava taudia, imadia ai e atodia, bae naridia.
1KI 14:28 Bena hanua pavapavana na Iehova ena dubu ai e raka vareaiva negadia iboudiai, hegima taudia ese unu kesi e abidia kauva, ma e loulaidiava, edia hegima rumana ai e atodiava.
1KI 14:29 Rehoboam ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai e hetore, ani?
1KI 14:30 Rehoboam bona Ieroboam e hetuari heheni hanaihanaiva.
1KI 14:31 Bena Rehoboam na tubu tama dekediai e mahuta; David ena hanua lalonai e guria, tubu tama ida. Ia sinana ladana na Naamaha, hane Amono. Ia gabuna ai natuna Abiama e lohia.
1KI 15:1 King Ieroboam, Nebata natuna, ena lohia laḡanina ihagwauta-taurahanina ai, Abiama ese Iuda e lohiaia matama;
1KI 15:2 laḡani toi e lohiaia, Ierusalem ai. Sinana ladana na Maaka Abisalomo.
1KI 15:3 Tamana ena dala dikadia iboudiai e rakava; ia ese Iehova, ena Dirava, se badinaia momokaniva, tubuna David lalona ese e badinaiava heḡereḡerena.
1KI 15:4 Ḡau tamona, David dainai Iehova, ena Dirava, ese lamepa ta e henia Ierusalem ai; ia murina amo natuna e haginia, bona Ierusalem e ha-aukaia.
1KI 15:5 Badina be David na Iehova vairanai e kara maoromaorova, bona e haḡanilaia karadia ta amo se raka siri ena mauri dinadia iboudiai; a Uria tau Hiti enai mo e kerere.
1KI 15:6 Ena mauri dinadia iboudiai lalodiai Rehoboam bona Ieroboam e hetuari heheniva.
1KI 15:7 Abiama ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai e hetore, ani? Abiama bona Ieroboam e hetuari heheniva.
1KI 15:8 Bena Abiama na tubu tama dekediai e mahuta; David ena hanua ai e guria. Ia gabuna ai natuna Asa e lohia.
1KI 15:9 Ieroboam, Israel pavapavana, ena lohia laḡanina iharuahuina ai, Asa ese Iuda e lohiaia matama;
1KI 15:10 laḡani hari-ahui ta e lohiaia, Ierusalem ai. Sinana ladana na Maaka Abisalomo.
1KI 15:11 Asa na e kara maoromaorova Iehova vairanai, senena David e karava heḡereḡerena.
1KI 15:12 Gabu helaḡadia ai lebulebu karadia e karava taudia na ia ese tano amo e atodia lasi, bona tubuna bona tamana ese e karadia kaivakukudia iboudiai na ia ese e abidia oho.
1KI 15:13 Ia ese danu sinana Maaka ena pavapava dagina e abia oho, badina be iena hahedua dainai haida ese kaivakuku dikana ta e karaia, Asera ena. Asa ese una kaivakuku e utua gari, bena Kidron sinavaina badibadinai e hagabua.
1KI 15:14 A atai gabudia helaḡadia na se abidia oho. Ḡau tamona Asa lalona ese Iehova e badinaia momokaniva, ena dina iboudiai lalodiai.
1KI 15:15 Bena tamana ena ḡau helaḡadia bona ia sibona ena ḡau helaḡadia, silver bona gold bona herahera ḡaudia idau-idau, ia ese Iehova ena dubu ai e vareailaidia.
1KI 15:16 Asa bona Israel pavapavana Baasa na e hetuari heheniva, edia dina iboudiai.
1KI 15:17 Baasa, Israel pavapavana, na e raka lasi, Iuda baine tuari henia totona, bena ia ese Rama e haginia, Asa, Iuda pavapavana, enai baela baema taudia ilao-ahudia.
1KI 15:18 Bena Asa ese Iehova ena dubu kohudia amo silver bona gold orena idoinai e abia, bona pavapava ena ruma kohudia namodia iboudiai danu, bena ena hesiai taudia imadia ai e atodia kau. King Asa ese e siaidia lao, Suria pavapavana Ben-hadad, Tabarimono Hesiono natuna, Damasko ai e nohova tauna, dekenai; eto,
1KI 15:19 Raruosi aita herohemaino, lau tamagu bona oi tamamu heḡereḡeredia. A ita, herahia ḡaudia, silver bona gold, vada na siai vasimu; aola, Israel pavapavana Baasa ida emui herohemaino ba ḡigia rohoroho; bena ia na lauegu amo baine raka oho.
1KI 15:20 Ben-hadad ese King Asa e kamonai henia, bena ena tuari oreadia biagudia e siaidia, Israel hanuadia bae tuari henidia. Idia ese Iono bona Dan bona Abele-bete-maka bona Kineroto idoinai bona Napatali tanona idoinai e hadareredia.
1KI 15:21 Baasa e kamonai, bena Rama ihaginina e hadokoa, ela, Tirisa ai e nohova.
1KI 15:22 Bena King Asa ese Iuda taudia iboudiai e haḡaukaradia vaitani, ta se hanohoa kava; bena idia ese Rama nadidia bona audia e huadia, Baasa ese vada e hagini ḡaudia; bena unu ḡau amo King Asa ese Geba, Beniamina tanona ai, bona Mispa, e haginidia.
1KI 15:23 Asa ena kara oredia, ena siahu idoinai bona e kara karadia iboudiai, bona e hadai hanuadia, sivaraidia na Iuda Pavapavadia Sisigadia Bukana ai vada e hetore, ani? A burukana ai ia ese hisihisi ta e davaria aena ai.
1KI 15:24 Bena Asa na tubu tama dekediai e mahuta; senena David ena hanua ai e guria. Ia gabuna ai ia natuna Iehosafat e lohia.
1KI 15:25 Asa, Iuda pavapavana, ena lohia laḡanina iharuana ai, Nadab Ieroboam ese Israel e lohiaia matama. Laḡani rua ia ese Israel e lohiaia.
1KI 15:26 Iehova vairanai e kara havara, tamana ena dala ai e raka, bona ena kara dika ai Israel e hakaraia dika danu.
1KI 15:27 Baasa Ahia, Isakara iduhuna tauna, ese e revaia. Bena Baasa ese e alaia mase, Gibeton ai: una na Filistia taudia edia hanua ta. Badina be Nadab bona Israel taudia iboudiai ese Gibeton vada e koua ahu.
1KI 15:28 Taunabunai, Asa, Iuda pavapavana, ena lohia laḡanina ihatoina ai, Baasa ese Nadab e alaia mase; bena gabuna ai e lohia.
1KI 15:29 Pavapava dagina e abia, bena maoromaoro ia ese Ieroboam ena iduhu taudia iboudiai e aladia mase; Ieroboam ena iduhu tauna ta maurina ai se rakatania, ela bona una iduhu e habuaia tari, Iehova ena hereva, ena hesiai tauna Ahia tau Silono uduna amo e gwauraia, heḡereḡerena.
1KI 15:30 Unu e kara toma, Ieroboam ena kara dika, sibona e kara-dikalai ḡaudia bona Israel taudia e hakaradia dikalai ḡaudia, daidiai, bona Iehova, Israel Diravana, ena badu e havaraia dainai.
1KI 15:31 Nadab ena kara oredia, e kara karadia iboudiai, na Israel Pavapavadia Sisigadia Bukana ai vada e hetore, ani?
1KI 15:32 Asa bona Baasa e hetuari heheniva, edia dina iboudiai lalodiai.
1KI 15:33 Asa, Iuda pavapavana, ena lohia laḡanina ihatoina ai, Baasa Ahia ese Israel idoinai e lohiaia matama Tirisa ai; ia ese laḡani ruahui-hani e lohiaia.
1KI 15:34 Iehova vairanai e kara havara, Ieroboam ena dala ai e rakava, bona ena kara dika ai ia ese Israel taudia e hakaradia dika.
1KI 16:1 Iehova ena hereva na Iehu Hanani enai e kau, Baasa latanai.
1KI 16:2 Eto, Ḡahu amo na abimu isi, egu bese Israel ihakauna tauna ai na halaomu; a oi na Ieroboam ena dala ai vada o raka, egu bese Israel vada o hakaraia dika, bona edia kara dika amo vada o habadugu.
1KI 16:3 Una dainai, lau ese Baasa bona ena iduhu baina negedia daure; emu iduhu na Ieroboam Nebata ena iduhu heḡereḡerena ai baina halaoa.
1KI 16:4 Baasa ena iduhu tauna ta hanua ai bema mase, sisia ese bae ania; eiava ta ma tano paka ai bema mase, atai manudia ese bae ania.
1KI 16:5 Baasa ena kara oredia, ede ede e kara tomava, bona ena siahu herevadia, na Israel Pavapavadia Sisigadia Bukana ai vada e hetore, ani?
1KI 16:6 Bena Baasa na tubu tama dekediai e mahuta; Tirisa ai e guria. Ia gabuna ai, ia natuna Elaha e lohia.
1KI 16:7 Iehova ena hereva na peroveta tauna lehu Hanani ena amo ma e kau, Baasa mai ena iduhu taudia ida latadiai, ena kara dika iboudiai Iehova vairanai e karava ḡaudia ai, ia imana gaukaradia amo e habadua, Ieroboam ena iduhu ida vada e heḡereḡere bona e habuaia tari dainai.
1KI 16:8 Asa, Iuda pavapavana, ena laḡani iharuahui-tauratoina ai, Elaha Baasa ese Israel e lohiaia matama, Tirisa ai; laḡani rua hona e lohiaia.
1KI 16:9 A ena hesiai tauna Simiri, ena kariota oreana kahana biaguna, ese ia ihadikana dalana e tahua. Elaha na Tirisa ai, Arasa ena ruma ai e inuinu ela bona e kekero. Hari Arasa na pavapava ena ruma igimana tauna, Tirisa ai.
1KI 16:10 Una negana ai Simiri e raka vareai, e rahua mase, e alaia; bena gabuna ai e lohia. Unu na Asa, Iuda pavapavana, ena laḡani iharuahui-hituna lalonai.
1KI 16:11 Ia e lohia matama negana ai, ena terono ai e helai kau dinana ai, ia ese Baasa ena iduhu taudia iboudiai e aladia ore; varavarana maruanena ta eiava turana maruanena ta se roho mauri.
1KI 16:12 Taunabunai, Simiri ese Baasa ena iduhu idoinai e habuaia tari, Iehova ese ena peroveta tauna Iehu uduna amo Baasa latanai e gwauraia herevana heḡereḡerena;
1KI 16:13 Baasa bona natuna Elaha edia kara dika daidiai, bona idia raruosi ese Israel besena e hakaraia dika dainai, bona edia kaivakuku amo Iehova, Israel Diravana, e habadua dainai.
1KI 16:14 Elaha ena kara orena, ede ede e kara tomava, sivaraidia na Israel Pavapavadia Sisigadia Bukana ai vada e hetore, ani?
1KI 16:15 Asa, Iuda pavapavana, ena laḡani iharuahui-hituna ai, Simiri na dina hitu Tirisa ai e lohia. Una negana ai tuari taudia na Gibeton, Filistia taudia edia hanua ta, ituari-henina ela, e koua heḡeḡe.
1KI 16:16 Tuari oreana na edia taruha ai harina e kamonai, Simiri ese hanua pavapavana ihadikana dalana e tahua, bona vada e alaia mase. Taunabunai, una dina ai Israel idoinai ese Omri, tuari oreana biaguna, e abia, Israel pavapavana ai e halaoa, taruha ai.
1KI 16:17 Taunabunai, hari Omri na Gibeton amo e dae ela, bona Israel idoinai ia ida; bena Tirisa e koua heḡeḡe.
1KI 16:18 Simiri ese e itaia, idia ese hanua vada e abia, bena ia ese hanua pavapavana ena ruma laloma daiutuna e haginia tutuka ḡauna lalonai e raka vareai, bena ia sibona daenai e doua, bena e mase.
1KI 16:19 Una na ena kara dika daidiai, Iehova vairanai e kara havara bona Ieroboam ena dala ai e raka, kara dika e karava bona Israel danu e hakaraia dikava, daidiai.
1KI 16:20 Simiri ena kara orena, bona ena hahedika karana, sivaraidia na Israel Pavapavadia Sisigadia Bukana ai vada e hetore, ani?
1KI 16:21 Bena Israel taudia na haheparara; kahana na Tibni Ginata murinai e raka, hanua pavapavana ai bae halaoa eto; ma kahana na Omri murina amo e raka.
1KI 16:22 A Omri murinai e raka taudia ese Tibni murinai e raka taudia na e hadareredia. Taunabunai, Tibni e mase, bona Omri na pavapava ai ela.
1KI 16:23 Asa, Iuda pavapavana, ena laḡani ihatoiahui-tana ai, Omri ese Israel e lohiaia matama; ena lohia laḡanidia na gwauta-rua. Laḡani tauratoi ia ese Tirisa ai e nohova.
1KI 16:24 Bena ia ese Samaria ororona na Semere ena amo e hoia; davana na silver talent rua. Bena ia ese maḡuna e karaia, bona hanua e hadaia, ladana e hatoa Samaria, ororo biaguna Semere inemaina.
1KI 16:25 Omri na Iehova vairanai e kara havara, e gunalaia taudia iboudiai edia kara havara ia ese e hereadia.
1KI 16:26 Badina be ia ese Ieroboam Nebata ena dala ai e rakava, bona kara dika ai, ia ese Israel taudia e hakaradia dikava, Iehova, Israel Diravana, e habadua, edia kaivakuku daidiai.
1KI 16:27 Omri ena kara orena, bona ena siahu e hahedinaraia, sivaraidia na Israel Pavapavadia Sisigadia Bukana ai e hetore ani?
1KI 16:28 Bena Omri na tubu tama dekediai e mahuta, Samaria ai e guria; bona natuna Ahaba ese ia gabuna ai e lohia.
1KI 16:29 Asa, Iuda pavapavana, ena laḡani ihatoiahui-taurahanina ai, Ahaba Omri ese Israel e lohiaia matama. Ahaba Omri ese laḡani ruahui-rua Israel e lohiaia, Samaria ai.
1KI 16:30 Ahaba Omri na Iehova vairanai e kara havara; e gunalaia taudia iboudiai na ia ese e hereadia.
1KI 16:31 Ia na e laloa Ieroboam Nebata ena kara dika daladia ai baine raka na ḡau pipikina; una dainai ia ese lesebel, Etebaal, Sidono pavapavana, natuna hahinena, e adavaia; bona ela, Baal isiaina e lao heniava bona e toma henia dihova danu.
1KI 16:32 Ia ese Baal ena dubu auta e haginia, Samaria ai; lalonai Baal ena ihaboulaina patana ta danu e larebaia.
1KI 16:33 Ahaba danu au-tubua helaḡana ta e haginia. Ahaba ese Iehova, Israel Diravana, e habadua herea, e gunalaia taudia Israel pavapavadia iboudiai na ia ese e hereadia.
1KI 16:34 Iena nega ai Hiele, tau Betele, ese Ieriko e hadaia; ruma badidia e haginidia davana na natuna roboana Abiram, bona ikoukou e haginidia davana na natuna tau-muritai Segubu, Iehova ena hereva Iosua Nunu uduna amo e gwauraia heḡereḡerena.
1KI 17:1 Elia, tau Tisbe, Gilead ai e nohova tauna ta, ese Ahaba e hereva henia, eto, Iehova, Israel Diravana, vairanai na ginimu Diravana, e maurimu heḡereḡerena, hunu bona medu basie diho ini laḡani lalodiai, a lauegu hereva dainai mo bae diho.
1KI 17:2 Bena Iehova ena hereva na ienai e kau, eto,
1KI 17:3 Ini amo a raka oho, mairiveina kahana baola, sinavai maraḡina ladana Keriti isena ai ba komu; una na Ioridane mairiveina kahana ai.
1KI 17:4 Sinavai ranuna do ba inua; bona galo vada na haḡanidia, idia ese bae ubumu unuseni ai.
1KI 17:5 Taunabunai, ia na ela, Iehova ena hereva heḡereḡerena e kara, sinavai maraḡina Keriti isena ai e nohova, Ioridane mairiveina kahana ai.
1KI 17:6 Daba ai, galo ese ana aniani bona vamu e mailaiva, bona adorahi ai danu ana aniani bona vamu e mailaiva; sinavai ranuna danu e inuva.
1KI 17:7 A nega taina vada ela, bena sinavai maraḡina e kororo, badina be medu na se dihova una tano ai.
1KI 17:8 Bena Iehova ena hereva na ienai e kau, eto,
1KI 17:9 A tore isi, Sarefata, Sidono kahana hanuana ta, baola, unuseni ai ba noho. A itaia, lau ese vabu ta unuseni ai vada na hagania, baine ubumu.
1KI 17:10 Taunabunai, ia na e tore isi, Sarefata ela; hanua ikoukouna badinai e kau, bena vabu ta e itaia, rakuraku audia e gogova. Bena e boi henia, eto, Ranu kuri ta a mailaia, aina inua.
1KI 17:11 Baine mailaia eto, bena ma e boi henia, eto, Aniani taina imamu ai a mailaia.
1KI 17:12 A hahine na eto, Iehova, emu Dirava, e maurimu heḡereḡerena, asi egu aniani maedana; flaoa sina taina mo tohe ai, bona dehoro taina kavabu ai. Harihari rakuraku audia siri rua na gogomu, bainala, aniani baina nadua, lau bona natugu merona amai; baia ania, bena vada baia mase.
1KI 17:13 Bena Elia ese e hamaoroa, eto, Asio gari; aola, emu hereva heḡereḡerena ba karaia. To guna dikea ta ba gabua, lauagu ba mailaia; una murinai oi bona natumu amui ba gabu.
1KI 17:14 Badina be Iehova, Israel Diravana, na ini e gwau tomamu: flaoa tohena na anina basine ore, bona dehoro kavabuna na basine kaurakaura, ela bona Iehova ese medu na tanobada ai baine hadihoa dinana baine kau.
1KI 17:15 Bena hahine na ela, Elia ena hereva heḡereḡerena e karaia; bena ia bona Elia bona hari hahine ena ruma taudia na dina hoho e anianiva.
1KI 17:16 Flaoa tohena na anina se ore, bona dehoro kavabuna na se kaurakaura, Iehova ena hereva Elia uduna amo e gwauraia heḡereḡerena.
1KI 17:17 Una murinai, hari ruma biaguna hahinena natuna e gorerea; mero ena gorere e bada e laova, ela bona laḡana e ore.
1KI 17:18 Bena hahine ese Elia e hamaoroa, eto, Dirava ena tau e, dahaka egu ai o karamu? Egu kara dika ihelalolaina bona natugu ihamasena totodia vada oma.
1KI 17:19 Elia ese e hereva henia, eto, Natumu a henigu. Bena ia ese hahine kemena amo e abia, e rosia lao, ela bona atai daiutuna, ena hekure gabuna; bena ena mahuta ḡauna ai e kurea.
1KI 17:20 Bena ia ese Iehova e boi henia, eto, Iehova, egu Dirava e, oi ese hari vabu, dekenai na nohomu hahinena, latanai hahedika vada o hadihoa, natuna vada o alaia mase, a?
1KI 17:21 Bena nega toi ia ese hari mero latanai e goru kau, bona Iehova e tai henia, eto, Iehova, egu Dirava e, ina mero laumana na ba henia lou.
1KI 17:22 Bena Iehova ese Elia gadona e kamonai; bena hari mero laumana na e lou, bena e mauri lou.
1KI 17:23 Bena Elia ese mero e abia, atai daiutuna amo e diholaia ruma ai, bena sinana e henia. Elia eto, A itaia, natumu vada eme mauri.
1KI 17:24 Hahine ese Elia e hamaoroa, eto, Harihari name diba oi na Dirava ena tau, bona Iehova ena hereva oi udumu ai na momokani.
1KI 18:1 Dina hoho vada ela, bena laḡani ihatoina ai Iehova ena hereva na Elia enai e kau, eto, Aola, Ahaba enai ba hedinarai, bena medu na tanobada ai baina hadihoa.
1KI 18:2 Taunabunai Elia na ela, Ahaba enai baine hedinarai totona. Una negana ai doe na bada herea Samaria ai.
1KI 18:3 Bena Ahaba ese Obadia e boiria; ia na ruma biaguna tauna. (Hari Obadia ese Iehova e matauraia bada;
1KI 18:4 bona Iesebel ese Iehova ena peroveta taudia e aladiava negana ai na Obadia ese peroveta taudia sinahu-ta e abidia, imahui imahui amo kohua ai e hunidia, bona aniani bona ranu e henidia.)
1KI 18:5 Ahaba ese Obadia e hamaoroa, eto, Tano ba rakaia hanai, ranu gabudia iboudiai bona koura iboudiai ba itadia; readia rei taina baita davaria, bena hosi bona doniki baita hamauridia, bona mauri ḡaudia haida na basie mase.
1KI 18:6 Taunabunai raruosi na tano e hapararaia, bae rakaia hanai totona; Ahaba sibona kaha ta ela, ma Obadia sibona kaha ta ela.
1KI 18:7 Obadia na dala ai e rakava ai na Elia ese e davaria. Bena Obadia na dibana ia, bena e goru diho, eto, Elia e, egu lohia, ena oi a?
1KI 18:8 Ia ese e haere henia, eto, Lau binai. Aola, biagumu ba hamaoroa, baoto “A itaia, Elia na iniseni ai”.
1KI 18:9 Obadia eto, Egu dika be dahaka, bena emu hesiai tauna na Ahaba imana ai bavatogu, baine alagu totona a?
1KI 18:10 Iehova, emu Dirava, e maurimu heḡereḡerena, egu lohia ese bese ta eiava basileia ta enai oi itahumu ai se hakwabua; bona idia bema toma “Ia na dia iniseni ai” negana ai, ia na una basileia eiava una bese edia amo hereva aukadia bema abi, idia ese asie davarimu.
1KI 18:11 Harihari, oi na o tomu “Aola, biagumu ba hamaoroa, baoto: Elia na iniseni ai”.
1KI 18:12 Matona, emu amo baina raka oho, Iehova ena Lauma na maoromaoro baine abimu, asi dibagu gabuna baine laohaimu; bena Ahaba baina hamaoroa bona ia basine davarimu negana ai, ia ese lau baine alagu mase; ena be lau na oiemu hesiai tauna bona merogu negana amo Iehova vada na matauraia.
1KI 18:13 Ta ese egu lohia vada e hamaoromu a, lau ede na kara toma, Iesebel ese Iehova ena peroveta taudia e aladia mase negana ai? Iehova ena peroveta taudia sinahu-ta na abidia, imahui imahui amo kohua ai na hunidia, bona aniani bona ranu na henidia.
1KI 18:14 A harihari oi na o tomu “Aola, biagumu ba hamaoroa, baoto ‘Elia na iniseni ai’”; bena ia ese baine alagu mase.
1KI 18:15 Elia eto, Iehova Sabaota, vairanai na ginimu Diravana, e maurimu heḡereḡerena, lau na momokani ia vairanai baina hedinarai, hari ina dina ai.
1KI 18:16 Taunabunai, Obadia na Ahaba ihedavari-henina ela, e hamaoroa; bena Ahaba na Elia ihedavari-henina ela.
1KI 18:17 Ahaba ese Elia e itaia. Bena Ahaba ese e hereva henia, eto, Israel iharaivana taumu, ena oi a?
1KI 18:18 Ia ese e haere, eto, Lau ese Israel asina haraivaia; a oi hari, oi bona tamamu ena iduhu ese. Badina be Iehova ena haheḡani vada o rakatanidia, bona Baal muridiai vada o raka.
1KI 18:19 Taunabunai, harihari a hesiai, Israel taudia iboudiai lau dekegu ai ba haboudia, Karamele ororona ai, bona Baal ena peroveta taudia sinahu-hani imahui bona Asera ena peroveta taudia sinahu hani, Iesebel ena pata ai e anianimu taudia.
1KI 18:20 Taunabunai, Ahaba ese Israel taudia iboudiai e boiridia, bona peroveta taudia e haboudia, Karamele ororona ai.
1KI 18:21 Bena Elia ese taunimanima iboudiai e raka henidia kahi, e hereva henidia, eto, Lalo rua ai ba raka ege raka ege ela bona edena nega? Bema Iehova na Dirava, ia murina ai ba raka; a bema Baal, ia murina amo ba raka. Bena taunimanima na hereva ta ai asie haere henia.
1KI 18:22 Bena Elia ese taunimanima na e hamaorodia, eto, Lau na Iehova ena peroveta tauna, lau mo sibogu noho, a Baal ena peroveta taudia na sinahuhani imahui.
1KI 18:23 Boromakau mamaruanedia rua ba henimai; bena idia ese ta bae abia hidi, bae ivaia sisi, au rakuraku latanai bae atoa kau, a lahi basie karaia. A lau be boromakau maruanena iharuana do baina heḡaeḡaelaia, au rakuraku latanai baina atoa, a lahi basina karaia.
1KI 18:24 Bena umui ese emui dirava ladana ba hahanea, a lau ese Iehova ladana baina hahanea; bena edena dirava na lahi amo baine haere, ia hari Dirava. Taunimanima iboudiai na e haere, eto, Hereva namona bunai.
1KI 18:25 Bena Elia ese Baal ena peroveta taudia e hamaorodia, eto, Umui ba guna. Boromakau maruanena ta bavabia hidi, ba heḡaeḡaelaia; badina be umui na hutuma. Bena emui dirava ladana ba hahanea; a lahi basio karaia.
1KI 18:26 Bena e henidia boromakauna maruanena na idia ese e abia, e heḡaeḡaelaia; bena Baal ladana e hahanea, daba amo ela bona dina tubua eto, Baal e, a haere henimai. A asi gado ta, bona ta se haere. Bena ihaboulaina patana e raka ege raka egea heḡeḡe.
1KI 18:27 Dina tubua ai Elia ese e hevaseha henidia, eto, A lolo badabada, badina be ia na dirava ta; reana e helalomu, eiava vada e hamurimuri, eiava vada eha laolao; eiava reana e mahutamu bena vada ba haoa.
1KI 18:28 Bena idia na e lolo badabada, bona vaia edia kara dare bona io amo sibodia e heivava, ela bona raradia e aru lohilohiva.
1KI 18:29 Dina tubua amo ma e lolo, ela bona boubou ḡaudia ihahelaḡadia negana e kau; a asi gado ta; ta se haere, bona ta se kamonai.
1KI 18:30 Bena Elia ese taunimanima iboudiai e hereva henidia, eto, Dekegu a raka kahi mai. Bena taunimanima iboudiai ese e raka henia kahi. Bena ia ese Iehova ena ihaboulaina patana, vada e hegiḡi dobi ḡauna, ma e larebaia lou.
1KI 18:31 Elia ese nadi gwauta-rua e abidia, Iakob natuna edia iduhu ihaheḡereḡeredia. (Una na Iehova ena hereva ienai e kau, eto. “Oi ladamu bae hatoa Israel”, tauna.)
1KI 18:32 Unu nadi amo ia ese ihaboulaina patana e larebaia, Iehova ladana ai; bena dadaira ta e ḡeia heḡeḡe, ena bada na hadohado nadinadidia bosea rua bema hahonua na heto.
1KI 18:33 Au rakuraku e lae heḡaeḡae, bena boromakau maruanena na e ivaia sisi, au latadiai e atoa kau. Bena eto, Hodu auhani ranu amo ba hahonudia, gole-oho boubouna ḡauna latanai ba seia, bona au latadiai danu.
1KI 18:34 Ma eto, A haruaia; bena nega iharuana e karaia. Ma eto, Ma a hatoia; bena nega ihatoina ma e karaia.
1KI 18:35 Bena ranu ese ihaboulaina patana e arua heḡeḡe, bona dadaira na e utua dae.
1KI 18:36 Boubou ḡaudia ihahelaḡadia negana e kau. Bena peroveta tauna Elia na e raka kahira, eto, Iehova e, Abraham bona Isaak bona Israel edia Dirava, hari dirla ai baine hedinarai oi na Israel Diravana, bona lau na emu hesiai tauna, bona ini ḡau iboudiai na oiemu hereva dainai vada na kara.
1KI 18:37 A haere henigu, Iehova e, a haere henigu; bena ina bese taudia na bae diba oi Iehova na Dirava, bona oi ese lalodia vada o haloudia.
1KI 18:38 Bena Iehova ena lahi e moru dobi, hari ḡole-oho boubouna ḡauna e haḡolea oho, bona au, bona nadi, bona ḡahu; bona dadaira ranuna danu e hakaukaua.
1KI 18:39 Taunimanima iboudiai ese e itaia, bena idia na e goru goru diho, eto, Iehova, ia na Dirava; Iehova, ia na Dirava.
1KI 18:40 Bena Elia ese e hamaorodia, eto, Baal ena peroveta taudia a dabaidia tao, ta basine roho mauri. E dabaidia tao; bena Elia ese e laohaidia, sinavai maraḡina ladana Kison badibadinai e aladia mase.
1KI 18:41 Bena Elia ese Ahaba e hamaoroa, eto, Aola, bavaniani, ba inuinu; badina be medu guruna na e maimu.
1KI 18:42 Taunabunai Ahaba na ela, baine aniani bona baine inuinu totona. A Elia na Karamele dorina e dae ela; bena tano ai e igo diho, vairana na tuina padadiai e atoa.
1KI 18:43 Bena ia ese ena hesiai tauna e hamaoroa, eto, Aola, davara kahana ba raraia. Ia na ela, e roha lao, eto, Ḡau ta lasi. Ma eto, A lou lao nega hitu.
1KI 18:44 Nega ihahituna ai, ia na eto, A itaia, ori maraḡina ta, tau ta imana na heto, davara amo e daemu. Bena Elia eto, Aola, Ahaba ba hamaoroa, baoto “Emu kariota bavabia heḡaegae, ba diho baola, medu ese baine laomu ahu na garina”.
1KI 18:45 Nega sisina taina ela, bena guba e dubaia ahu, mai orina mai laina ida, bona medu na bada herea. A Ahaba na e gui, Iesrele ela.
1KI 18:46 Bena Iehova imana na Elia latanai; bena ena rami e hekasilaia bona Ahaba vairanai e heau, ela bona Iesrele ikoukouna.
1KI 19:1 Ahaba ese Elia ena kara iboudiai na Iesebel e hamaorolaia, bona peroveta taudia iboudiai dare amo e aladia mase sivaraina danu.
1KI 19:2 Bena Iesebel ese gwaukau tauna ta Elia dekena e siaia lao, eto, Kerukeru hora inihetomana do basine kau ai oiemu mauri na idia ta ena mauri ida basinama haheḡereḡerea, dirava ese davagu bae henigu, bona ma bae habadaia danu.
1KI 19:3 Bena Elia na e gari, e tore isi, e heau, maurina e tahua; bena Beresieba ai, Iuda tanona ai, e kau. Ena hesiai tauna na unuseni ai e rakatania.
1KI 19:4 Bena ia na sibona tano gaḡaena ai ela, dina ta laolaona heḡereḡerena; bena roteme auna ta henunai e helai diho. Bena e noinoi baine mase; eto, Vadaeni, Iehova e, egu mauri avabia oho; badina be senegu asina hereadiamu.
1KI 19:5 Bena e hekure diho, roteme auna henunai e mahuta; bena aneru ta ese e daua toho, e hereva henia, eto, A tore isi, avaniani.
1KI 19:6 Bena e itaia, ia kwarana badibadinai na dikea igabuna ta, nadi siahu amo e guraia ḡauna, bona ranu hodu ta. E aniani, ranu e inua, bena ma e hekure lou.
1KI 19:7 Bena Iehova ena aneru na nega iharuana ema, e daua toho, eto, A tore isi, bavaniani, hari be laolao na be bada hereamu oiemu ai na garina.
1KI 19:8 Bena ia na e tore isi, e aniani, bona ranu e inua; bena una aniani goadana ai dina hari-ahui boi hari-ahui e laolaova, ela bona Dirava ena ororo, ladana Horeb, ai e kau.
1KI 19:9 Unuseni ai ia na kohua ta ai e raka vareai, e noho. Bena Iehova ena hereva na ienai e kau, eto, Elia e, dahaka o karamu iniseni ai?
1KI 19:10 Elia eto, Lau na Iehova Sabaota dainai na vaḡeḡe hereamu; badina be Israel taudia ese emu taravatu vada e rakatania, emu ihaboulaina patadia vada e ḡiḡidia dobi, emu peroveta taudia na dare amo vada e aladia mase; ema bona lau mo sibogu na nohomu, bona lau danu egu maun e tahuamu, bae abia oho e tomamu.
1KI 19:11 Iehova eto, A raka lasi, ororo ai ba gini Iehova vairanai. Bena Iehova na e raka hanai; lai badana mai goadana ida ese ororo e hapararadia bona nadi e hamakohidia rohoroho Iehova vairanai. A Iehova na dia una lai lalonai. Lai murinai tano e laga; a Iehova na dia tano-laga lalonai.
1KI 19:12 Tano-laga murinai na lahi; a Iehova na dia lahi lalonai. Lahi murinai na ere maimu-maimuna ta.
1KI 19:13 Elia e kamonai, bena vairana na ena dabua amo e ḡovaia ahu, bena e raka lasi, kohua iduarana ai e gini. Bena ere ta ienai e kau, eto, Elia e, oi dahaka o karamu iniseni ai?
1KI 19:14 Ia na eto, Lau na vaḡeḡe herea, Dirava, Iehova Sabaota dainai; badina be Israel taudia ese oiemu taravatu vada e rakatania, emu ihaboulaina patadia danu vada e ḡigidia dobi, emu peroveta taudia na dare amo vada e aladia mase; bona lau mo sibogu na nohomu. Bena lauegu mauri e tahuamu, bae abia oho e tomamu.
1KI 19:15 Bena Iehova ese e hamaoroa, eto, Aola, emu dala ai ba lou lao ela bona Damasko tano-ḡaḡaena. Ba kau negana ai, Hasaele ba horoa, Suria pavapavana;
1KI 19:16 bona lehu Nimisi ba horoa, Israel pavapavana; bona Elisaia, Safata tau Abel-mehola natuna, ba horoa, peroveta tauna ai bainela, oi ibolomu.
1KI 19:17 Bena Hasaele ena dare amo baine roho mauri tauna na lehu ese baine alaia mase, bona Iehu ena dare amo baine roho mauri tauna na Elisaia ese baine alaia mase.
1KI 19:18 Ḡau tamona, taunimanima daha hitu do baina hamauridia Israel ai, tuidia asie hadai Baal vauranai asie igo diho bona ududia amo asie harahua taudia iboudiai.
1KI 19:19 Unu amo e raka oho, bena ia ese Elisaia Safata e davaria; tauna na tano e ruaiava, boromakau mamaruanedia ruahui-hani na rua rua amo ia vairanai e rakava, a ia be gabe ḡaudia ruaosi badidiai. Elia na ia badina amo e raka hanai, bona ena hahedoki na ia latanai e tahoa kau.
1KI 19:20 Bena Elisaia ese boromakau e rakatanidia, Elia murina amo e heau, eto, Tamagu bona sinagu aina harahudia, bena oi baina ḡavamu. A Elia ese e hamaoroa, eto, A lou lao; dahaka emu ai na kara?
1KI 19:21 Bena ia iḡavana amo e lou lao, boromakau mamaruanedia e abidia, e aladia mase, hidiodia na maduna audia amo e nadudia, bena taunmanima e henidia, e ani. Bena ia na e tore isi, Elia murina amo ela, ia isiaina e lao heni.
1KI 20:1 Ben-hadad, Suria pavapavana, ese ena tuari oreana idoinai e haboua; pavapava toiahui-rua na ia ida, bona hosi, bona kariota. Bena ia na ela, Samaria e koua heḡeḡe bona e tuari henia.
1KI 20:2 Bena ia ese gwaukau taudia haida e siaidia, hanua lalonai baela, Ahaba, Israel pavapavana, dekenai. Idia eto, Ben-hadad na ini e gwau tomamu:
1KI 20:3 Emu silver bona emu gold na egu; adavamu hereadia bona natumu hereadia danu na egu.
1KI 20:4 Bena Israel pavapavana na e haere, eto, Pavapava e, egu lohia, emu hereva na momokani; lau bona lauegu idoinai na oiemu.
1KI 20:5 Gwaukau taudia ma ema, eto, Ben-hadad na ini e gwau tomamu: Emu ai na hesiai, nato “Emu silver bona emu gold na dekegu ba siaidia, adavamu bona natumu danu”;
1KI 20:6 ḡau tamona, kerukeru, nega inihetomana, egu hesiai taudia baina siaidia vasi, bena emu ruma ai bona emu hesiai taudia edia ruma ai bae hetahu, lalodia bae ura ḡaudia iboudiai na imadia ai bae abi, bae laohai.
1KI 20:7 Bena Israel pavapavana ese ena tano tau-badadia iboudiai e boiridia, eto, Mani a roharoha, ina tau ese e hahekwarahidamu toana a itaia; badina be e hesiai, egu ai adavagu bona natugu bona egu silver bona egu gold e gwaurai, bona asina rudia ienai.
1KI 20:8 Bena tano tau-badadia bona taunimanima iboudiai ese e hamaoroa, eto, Basio laloa, bona basio gwau maoro.
1KI 20:9 Taunabunai, ia ese Ben-hadad ena gwaukau taudia e hamaorodia, eto, Egu pavapava bona egu lohia ba hamaoroa, baoto “Emu hesiai tauna enai o gwaurai guna ḡaudia iboudiai na baina kara, a ina na basina karaia diba”. Gwaukau taudia na e raka oho, una hereva na e hamaorolaia.
1KI 20:10 Bena Ben-hadad ese hereva na ienai e siaia, eto, Egu dirava ese davana bae henigu, ma bae habadaia danu, bema murigu ai e rakamu taudia ese Samaria ḡahuna ima ta ta bae abi davana diba negana ai.
1KI 20:11 Israel pavapavana ma e haere, eto, A hamaoroa; heagi herevadia na ena tuari dabuadia e hahedokilaimu tauna ese basine gwaurai, a e dokidia ohomu tauna ese hari.
1KI 20:12 Ben-hadad na pavapava haida ida kalaga ai e inuinuva ai na una gwaukau herevana na ienai e kau. Bena ia ese ena orea taudia e hamaorodia, eto, Emui tuari gabudia ai ba gini. Bena edia tuari gabudia ai eha gini, hanua ituari-henina totona.
1KI 20:13 Bena peroveta tauna ta ese Ahaba, Israel pavapavana, e raka henia kahi, eto, Iehova na ini e gwau tomamu: Ina hegogo badana vada o itaia a? A kamonai, hari dina ai lau ese oi imamu ai baina atoa; bena ba diba lau na Iehova.
1KI 20:14 Ahaba eto, Daidia edia amo? Ia eto, Iehova na ini e gwau tomamu: Kaha ta ta lohiadia edia hesiai taudia edia amo. Ahaba ma eto, Daika ese tuari baine matamaia? Ia na e haere, eto, Oi.
1KI 20:15 Bena Ahaba ese kaha ta ta lohiadia edia hesiai taudia e haboudia, idia na sinahu-rua toi-ahui rua; una murinai ia ese Israel taudia iboudiai e haboudia, idia na daha hitu.
1KI 20:16 Dina tubua ai, idia na e raka lasi. Una negana ai Ben-hadad na kalaga ai vada e inuinu kekero, ia bona iduruna taudia pavapava toi-ahui rua danu.
1KI 20:17 Kaha ta ta lohiadia edia hesiai taudia na e raka lasi guna. Bena Ben-hadad ese kito taudia e siaidia lao; bena idia na hari e piu henia, eto, Taunimanima na Samaria amo e didi lasimu.
1KI 20:18 Ia eto, Bema maino ai e maimu, bavabidia mauri, eiava bema tuari totona e maimu danu bavabidia mauri.
1KI 20:19 Taunabunai, kaha ta ta lohiadia edia hesiai taudia na e raka lasi guna; bena tuari oreana idoinai na idia muridiai e raka.
1KI 20:20 Bena ta ta ana daḡae ana daḡae e aladia mase. Bena Suria taudia na e heau, bona Israel taudia ese e hahavadia. A Ben-hadad, Suria pavapavana, na hosi ai e heau, hosi-gui taudia ida.
1KI 20:21 Bena Israel pavapavana na e raka lasi, hosi bona kariota e abidia. Ia ese Suria taudia e aladia mase; ala-ala na bada herea.
1KI 20:22 Bena peroveta tauna ese Israel pavapavana e raka henia kahi, eto, Benaini, ba hahegoada, ba haeroa namonamo, dahaka ba karaia; badina be keru negana baine ore, Suria pavapavana ese ma baine tuari henimu lou.
1KI 20:23 Bena Suria pavapavana ena hesiai taudia ese e hamaoroa, eto, Edia dirava na ororo diravadia, una dainai idia ese e hadarereda; a taora ai baitama tuari henidia ita ese baita hadareredia.
1KI 20:24 Ini ba kara toma: pavapava bavabidia oho, ta ta ena orea ena orea amo, bona tuari biagudia na idia gabudia ai bavatodia;
1KI 20:25 bena tuari oreana ta ma ba haboua, vada o haboioa ḡauna heḡereḡerena, hosi ta hosi ta gabuna ai, kariota ta kariota ta gabuna ai; bena taora ai baita tuari henidia, bona baita hadareredia. Bena ia ese edia hereva e kamonai, bona unu e kara toma.
1KI 20:26 Keru negana e ore ai, Ben-hadad ese Suria taudia e haboudia, bena Afek ela, Israel bae tuari henidia totona.
1KI 20:27 Israel taudia na e haboudia, lakwa e henidia, bena Suria taudia ituari-henidia ela. Israel taudia na idia vairadiai e taruha, nani seri maraḡidia rua na heheto, a Suria taudia ese tano e hahonuava.
1KI 20:28 Bena Dirava ena tau ta e raka kahira, Israel pavapavana e hereva henia, eto, Iehova na ini e gwau tomamu: Suria taudia eto “Iehova na ororo diravana, a dia koura diravana”, una dainai lau ese ina orea bada-hereana idoinai na imamu ai baina atoa; bena ba diba lau na Iehova.
1KI 20:29 Bena edia taruha ai e hetalai heheni dina hitu lalodiai; dina ihahituna ai e tuari matama. Bena Israel taudia ese Suria taudia na e rahudia mamase, una dina tamona ai tuari ae-raka taudia na domaga ta e aladia mase.
1KI 20:30 Oredia na Afek hanuana lalonai e heau vareai, bena hanua maḡuna ese idia gerebu-rua daha-hitu e kohudia tao. Ben-hadad danu e heau, bena hanua rumana ta lalonai laloma daiutuna ai e vareai.
1KI 20:31 Bena ena hesiai taudia ese e hamaoroa, eto, A kamonai; ai na vada a kamonai, Israel pavapavadia na mai edia hebogahisi; ai mani puse dabuadia baia riodia, bona kwaramai ai kwanau baia ato; bena baia raka lasi, Israel pavapavana dekena baiala, reana emu mauri baine rauaia.
1KI 20:32 Taunabunai, idia ese puse dabuadia e riodia, bona kwaradia ai kwanau e ato; bena Israel pavapavana dekena ela, eto, Emu hesiai tauna Ben-hadad na e tomu “Mani emu kara ba rauagu”. Ia eto, Ia na dounu e maurimu a? Ia na tadigu.
1KI 20:33 Unu tatau ese toana e nariava ela bona e itaia davari, bena nega tamona eto, Oibe, tadimu Ben-hadad. Bena ia eto, Vada aola, a hakaua mai. Bena Ben-hadad na e raka lasi ia dekenai; bena ia ese ena kariota ai e hadaea kau.
1KI 20:34 Bena Ben-hadad ese e hamaoroa, eto, Tamagu ese tamamu ena amo e abi oho hanuadia na lau ese ma baina henimu lou, bona emu hoihoi gabudia danu ba kara Damasko ai, tamagu ese Samaria ai e kara heḡereḡerena. Bena Ahaba eto, Unu bema heto, baina kahumu nege. Bena raruosi e hegwau hamata heheni; bena ia ese e kahua nege.
1KI 20:35 Iehova ena haheḡani dainai, peroveta oreana tauna ta ese ia bamona ta e hamaoroa, eto, Mani emu kara a botagu. A tauna na ibotana se ura.
1KI 20:36 Bena ia ese ma e hamaoroa, eto, Iehova gadona to kamonaia dainai, ba rakatanigu murinai maoromaoro leona ta ese baine alamu mase. E rakatania, bena maoromaoro leona ta ida e hedavari, bena leona ese e alaia mase.
1KI 20:37 Bena ma tau ta e davaria, e hamaoroa, eto, Mani emu kara a botagu. Hari tau ese e botaia; e rahua bona e haberoa.
1KI 20:38 Taunabunai, hari peroveta tauna na ela, dala isena ai hanua pavapavana e nariava, matana na bero ikumilaina dabuana ai e kumia, oromana e ha-idaua.
1KI 20:39 Bena hanua pavapavana e raka hanai negana ai, ia ese hanua pavapavana e boi henia, eto, Emu hesiai tauna na tuari bogaragina nala; bena tuari tauna ta e lou, tau ta dekegu e mailaia, eto “Ina tau ba dogoa tao; bema baine boio, ena mauri idavalaina na oiemu mauri, eiava silver talent ta ba heni”.
1KI 20:40 A emu hesiai tauna na unu ini ihekwarahilaidia ai, tauna na vada e heau. Israel pavapavana ese e haere henia, eto, Ihahemaoro-henimu na unu baine heto, sibomu ese o gwauraiamu heḡereḡerena.
1KI 20:41 Bena hari matana ikoulaina dabuana na e kokia oho haraḡa; bena Israel pavapavana ese toana e itaia ia na peroveta oreana tauna ta.
1KI 20:42 Bena peroveta tauna ese e hamaoroa, eto, Iehova na ini e gwau tomamu: Lau na revaia mase tauna na oi ese imamu amo o kahua nege, una dainai iena mauri idavalaina na oiemu mauri, bona iena bese idavalaina na oiemu bese.
1KI 20:43 Bena Israel pavapavana na mai lalo-metauna bona mai baduna ida ena ruma e lou ela; bena Samaria ai e kau.
1KI 21:1 Naboto, tau Iesrele, na mai ena vine imeana ta Iesrele ai, Ahaba, Samaria pavapavana, ena pavapava rumana badinai.
1KI 21:2 Bena Atlaba ese Naboto e hereva henia, eto, Emu vine imeana a henigu, egu uma ai baina halaoa, ia na egu ruma badinai; bena lau ese vine imeana namo-hereana ta amo baina bodohilaia, eiava ba ura davana na moni baina henimu.
1KI 21:3 A Naboto ese Ahaba e haere henia, eto, Iehova na se uramu senegu edia amo na abia tanona na oi baina henimu.
1KI 21:4 Bena Ahaba na mai lalo-ḡaraḡarana bona mai baduna ida ena ruma ai e raka vareai, Naboto tau Iesrele ena hereva dainai; badina be ia na eto, Senegu edia amo na abia tanona na basina henimu. Bena ena mahuta ḡauna ai e hekure, vairana e hunia, bona se aniani.
1KI 21:5 A adavana Iesebel na ia dekena ela, e nanadaia, eto, Badina be dahaka lalomu e hisihisimu bona so anianimu?
1KI 21:6 Bena ia ese e haere henia, eto, Badina be Naboto tau Iesrele na hereva henia, nato “Emu vine imeana a henigu moni davana, eiava ba ura lau ese vine imeana ta baina henimu, ia ibodohilaina”; bena ia na e haere, eto “Egu vine imeana basina henimu”.
1KI 21:7 Bena adavana Iesebel ese e hamaoroa, eto, Oi na harihari Israel o lohiaiamu a? A tore isi, bavaniani, lalomu na baine moale; lau ese Naboto tau Iesrele ena vine imeana baina henimu.
1KI 21:8 Taunabunai, una hahine ese revareva haida e tore Ahaba ladana ai, bona ena toa amo e hamomokanidia; bena ia ese unu revareva na Naboto ena hanua tau-badadia bona lohiadia, ia ida e noho hebouva taudia, dekedia e siai lao.
1KI 21:9 Revareva lalodiai ini e torea toma: Anivaga ba gwauraia, bona Naboto na atai ai ba hahelaia kau, taunimanima bogaragidiai;
1KI 21:10 bona kara dibaka taudia rarua na ia vairanai bavatodia. Bena raruosi ese ia bae habadelaia, baeto “Oi na Dirava bona hanua pavapavana o uduguiraidia”. Bena ba hakaua lasi, nadi amo ba hodoa mase.
1KI 21:11 Bena ena hanua tau-badadia bona lohiadia, ia ida e noho hebouva taudia, ese Iesebel e siaia herevana heḡereḡerena e karaia. Dekediai e siai lao revarevadia ai e torea heḡereḡerena ai,
1KI 21:12 idia ese anivaga e gwauraia, bona Naboto na atai ai e hahelaia, taunimanima bogaragidiai.
1KI 21:13 Bena kara dibaka taudia raruosi na e raka vareai, ia vairanai e helai; bena hari kara dibaka taudia ese Naboto e habadelaia, taunimanima vairadiai, eto, Naboto ese Dirava bona hanua pavapavana na e uduguiraidia. Taunabunai, idia ese hanua murimurinai e laohaia, nadi amo e hodoa mase.
1KI 21:14 Bena hereva na Iesebel dekena e siaia lao, eto, Naboto na nadi amo vada e hodoa, vada e mase.
1KI 21:15 Iesebel na e kamonai Naboto vada e hodoa mase, bena maoromaoro ia ese Ahaba e hamaoroa, eto, A tore isi, Naboto tau Iesrele ena vine imeana, e rua moni davana ai basine henimu eto ḡauna, na bavabia oiemu; badina be Naboto na dia mauri, ia na vada e mase.
1KI 21:16 Ahaba na Naboto ena mase harina e kamonai, bena maoromaoro e tore isi, Naboto tau Iesrele ena vine imeana baine lao henia, baine ḡaunaia eto.
1KI 21:17 Una negana ai Iehova ena hereva na Elia, tau Tisbe, enai e kau, eto,
1KI 21:18 A tore isi, aola, Ahaba, Israel pavapavana, ida ba hedavari. Ia na Samaria ai, Naboto ena vine irneana vada e lao henia, baine ḡaunaia totona.
1KI 21:19 Ba hamaoroa, baoto, Iehova na ini e gwau tomamu: Vada o ala-ala bona vada o ḡaunaia a? Ma ba hamaoroa, baoto, Iehova na ini e gwau tomamu: Sisia ese Naboto rarana e demaria gabuna ai oi raramu danu bae demaria.
1KI 21:20 Ahaba ese Elia e hereva henia, eto, Inaigu e, vada o davarigu a? Elia ese e haere henia, eto, Vada na davarimu; badina be sibomu vada o hehoi, Iehova vairanai kara havara ba karaia totona.
1KI 21:21 A kamonai, lau ese dika baina hadihoa latamu ai; baina negemu daure vaitani, Ahaba ena amo mamaruane iboudiai Israel ai, e ḡuidia taudia bona asie ḡuidia taudia, baina utudia oho.
1KI 21:22 Emu iduhu na Ieroboam Nebata ena iduhu bona Baasa Ahia ena iduhu heḡereḡeredia ai baina halaoa, badina be lau vada o habadugu, bona Israel vada o hakaraia dika.
1KI 21:23 Iesebel danu Iehova ese e herevalaia, eto, Sisia ese Iesebel bae ania, Iesrele tano-hetoana lalonai.
1KI 21:24 Ahaba ena iduhu tauna ta hanua ai bema mase, sisia ese bae ania; eiava ena iduhu tauna ta tano paka ai bema mase, atai manudia ese bae ania.
1KI 21:25 Tau ta sibona se hehoi, Iehova vairanai kara havara ikarana totona, Ahaba heḡereḡerena; ia lalona na adavana Iesebel ese e ania.
1KI 21:26 Kara dikahereadia danu e karava, dirava koikoidia igavadia ai, Amoro taudia, Iehova ese Israel taudia vairadiai e luludia lasi besena, e karava heḡereḡerena.
1KI 21:27 Ahaba ese unu hereva e kamonai, bena ia ese ena dabua e dare, puse dabuadia e dokilaidia, e anivagava, puse dabuadia ai e hekureva, bona mai lalo-metauna ida e loava.
1KI 21:28 Bena Iehova ena hereva na Elia, tau Tisbe, enai e kau, eto,
1KI 21:29 Ahaba vada o itaia, lau vairagu ai e hahemanaumu a? Lau vairagu ai e hahemanaumu dainai lau ese dika basina hadihoa iena nega ai, a natuna ena nega ai lau ese dika baina hadihoa, ena iduhu latanai.
1KI 22:1 Laḡani toi lalodiai Suria bona Israel na asie tuari.
1KI 22:2 A laḡani ihatoina ai Iehosafat, Iuda pavapavana, na e diho ela, Israel pavapavana dekenai.
1KI 22:3 Bena Israel pavapavana ese ena hesiai taudia e hamaorodia, eto, Umui dibamui Ramoto-gilead na iseda, a ita na asi regereḡeda ta nohomu, Suria pavapavana imana amo asita abiamu, ani?
1KI 22:4 Bena ia ese Iehosafat e hereva henia, eto, Oi na lau ida aitala, Ramoto-gilead ai baita tuari, ani? Iehosafat ese Israel pavapavana e haere henia, eto, Lau oi na tamona, lauegu orea bona oiemu orea danu tamona, lauegu hosi bona oiemu hosi danu tamona.
1KI 22:5 Bena Iehosafat ese Israel pavapavana e hamaoroa, eto, Iehova ena hereva do ba tahua guna.
1KI 22:6 Bena Israel pavapavana ese peroveta taudia e haboudia, tatau sinahu-hani sisivana; bena e nanadaidia, eto, Ramoto-gilead baina tuari henia eiava basina tuari henia? Idia na e haere, eto, Vada aola; badina be Ḡaubada ese hanua pavapavana imana ai baina atoa.
1KI 22:7 A Iehosafat eto, Iehova ena peroveta tauna ma ta dia noho iniseni ai, bena ia ma baitama nanadaia a?
1KI 22:8 Israel pavapavana ese Iehosafat e haere henia, eto, Tau ta do noho, iena amo Iehova ena hereva baitama tahua; ladana na Mikaia, Imla natuna. A lau ese na inai heniamu, badina be ia na nega ta ḡau namodia egu ai se perovetalai, a ḡau dikadia mo. A Iehosafat eto, Hanua pavapavana na unu basine gwau toma.
1KI 22:9 Bena Israel pavapavana ese ena heitatao tauna ta e boiria, eto, Mikaia Imla ba hakaua mai haraḡa.
1KI 22:10 Una negana ai Israel pavapavana bona Iehosafat, Iuda pavapavana, na edia terono ai hehelai, edia pavapava dabuadia e kara, uit ikwadina gabuna ai, Samaria hanua ikoukouna ai; bona peroveta taudia iboudiai na idia vairadiai e peroveta.
1KI 22:11 Bena Sedekia Kenana ese ena auri doadia e kara, bona e hereva, eto, Iehova na ini e gwau tomamu: Ini ḡau amo Suria taudia ba doridia lao, ela bona ba habuadia tari.
1KI 22:12 Bona peroveta taudia iboudiai danu unu e peroveta toma; ma eto, Ramoto-gilead baola, ba kwalimu; Iehova ese hanua pavapavana imana ai baine atoa.
1KI 22:13 Gwaukau tauna na Mikaia iboirina ela, bena e hamaoroa, eto, A kamonai: peroveta taudia edia hereva na vada e hatamonaia, hanua pavapavana ihanamona; oiemu hereva danu idia ta ena hereva ida baine heḡereḡere, hereva namona ba gwauraia.
1KI 22:14 A Mikaia eto, Iehova na e maurimu heḡereḡerena, Iehova ede baine hereva henigu toma, una mo baina gwauraia.
1KI 22:15 Ia na hanua pavapavana dekenai e kau; bena hanua pavapavana ese e nanadaia, eto, Mikaia, ai ese Ramoto-gilead na baia tuari henia eiava basia tuari henia? Bena Mikaia ese e haere henia, eto, Aola, ba kwalimu; Iehova ese hanua pavapavana imana ai baine atoa.
1KI 22:16 A hanua pavapavana ese ma e hamaoroa, eto, Nega hida baina haduamu, Iehova ladana ai hereva ta basio gwaurai henigu, a hereva momokani mo?
1KI 22:17 Bena Mikaia eto, Lau ese Israel idoinai na itadia, ororo ai e heau karoho, mamoe asi ireḡudia na heheto; bena Iehova eto, Ini na asi biagudia, ta ta ena ruma ena ruma aela, mai mainodia ida.
1KI 22:18 Israel pavapavana ese Iehosafat e hamaoroa, eto, Na hamaoromu ani, ia na hereva namodia latagu ai basinema gwaurai, a hereva dikadia mo?
1KI 22:19 Mikaia ma eto, Taunabunai, Iehova ena hereva ba kamonai; Iehova na ena terono ai helaina ai na itaia, bona guba oreana idoinai ia badinai gigini, haida idibana kahana ai bona haida laurina kahana ai.
1KI 22:20 Bena Iehova eto, Daika ese Ahaba baine koia, bena bainela, Ramoto-gilead ai baine mase. Bena ta ese hereva ta e gwauraia, ma ta hereva ta.
1KI 22:21 Bena lauma ta e raka lasi, Iehova vairanai e gini, eto, Lau ese baina koia.
1KI 22:22 Iehova ese e nanadaia, eto, Edena dala amo? Ia eto, Bainala, koikoi laurnana ai baina hahelao, ena peroveta taudia iboudiai ududia ai. Iehova eto, Ba koia, emu koikoi baine kwalimu; aola, unu ba kara toma.
1KI 22:23 Taunabunai, o kamonaimu, Iehova ese koikoi laumana na emu peroveta taudia iboudiai ududia ai vada e atoa; Iehova ese hereva dikana oi latamu ai vada e gwauraia.
1KI 22:24 Sedekia Kenana na e raka kahira, bena ia ese Mikaia na vahana ai e pataia, bona eto, Iehova Laumana na ede e rakatanigu toma oi ihereva-henimu totona a?
1KI 22:25 Mikaia eto, Laloma daiutuna ai ba raka vareai, komu totona, dinana ai vada ba itaia.
1KI 22:26 Bena Israel pavapavana eto, Mikaia ba dabaia tao, Amon, hanua lohiana, bona Ioasa, hanua pavapavana natuna, dekediai ba loulaia;
1KI 22:27 baoto “Hanua pavapavana na ini e gwau tomamu: Ina tau na dibura rumana ai ba koua, flaoa kavakava bona ranu taidia mo ba henia, ela bona maino ai baina lou mai”.
1KI 22:28 Bena Mikaia eto, Bema oi na maino ai ba lou mai, bena Iehova na lauegu amo vada se hereva. Ma eto, Taunimanima ibouboumui ai, a kamonai.
1KI 22:29 Taunabunai, Israel pavapavana bona Iehosafat, Iuda pavapavana, na Ramoto-Gilead ela.
1KI 22:30 Bena Israel pavapavana ese Iehosafat e hereva henia, eto, Lau ese ita-itagu baina ha-idaua, bainala tuari lalonai, a oi be emu pavapava dabuadia ba doki. Bena Israel pavapavana ese sibona ita-itana e ha-idaua, ela tuari lalonai.
1KI 22:31 Suria pavapavana ese ena kariota biagudia toi-ahui ruaosi vada e haḡanidia, eto, Taunimanima maraḡidia eiava badadia basio tuari henidia, a Israel pavapavana mo.
1KI 22:32 Kariota biagudia ese Iehosafat e itaia, bena idia eto, Momokani, una na Israel pavapavana. Taunabunai, idia na e heau kerehai, ia bae heatu henia eto. A Iehosafat na e lolo.
1KI 22:33 Kariota biagudia ese e itaia, ia na dia Israel pavapavana, bena iḡavana amo e lou.
1KI 22:34 A tau ta ese diba ta e kinoa kava, Israel pavapavana ena auri dabuana bona ena keme aurina padadiai e taraki. Taunabunai ia ese ena kariota e heaulaiava tauna na e hamaoroa, eto, A haheaua hegiro, tuari murimurinai ba laohaigu, badina be vada na bero.
1KI 22:35 Una dina ai tuari na auka herea. Israel pavapavana na ena kariota ai e doria tao, Suria taudia e vaira henidia ela bona ado e rahi, bena e mase; berona rarana na kariota reireina ai e aru dobi.
1KI 22:36 Dina e diho, bena tuari oreana ai haida e lolo, eto, Ta ta ena hanua ena hanua ena tano ena tano baela.
1KI 22:37 Hanua pavapavana na unu e mase toma, bena Samaria e laohaia. Hanua pavapavana na Samaria ai e guria.
1KI 22:38 A kariota na Samaria gohugohuna badinai e huria, bena sisia ese ia rarana e demaria, bona ariara hahinedia ese e digulaia, Iehova ese e gwauraia guna herevana heḡereḡerena.
1KI 22:39 Ahaba ena kara orena, e kara karadia iboudiai bona ena aivori rumana e haginia, bona e hadai hanuadia iboudiai, sivaraidia na Israel Pavapavadia Sisigadia Bukana lalonai vada e hetore, ani?
1KI 22:40 Taunabunai Ahaba na tubu tama dekediai e mahuta; ia natuna Ahasia na ia gabuna ai e lohia.
1KI 22:41 Ahaba, Israel pavapavana, ena lohia laḡanina ihahanina lalonai, Iehosafat, Asa natuna, ese Iuda e lohiaia matama.
1KI 22:42 E lohiaia matama negana ai ena mauri laḡanidia na toi-ahui ima; bena Ierusalem ai e lohia, laḡani ruahui ima. Sinana ladana na Asuba Silihi.
1KI 22:43 la na tamana Asa ena dala idoinai lalonai e raka, una dala amo se raka siri; kara maoromaoro e karava Iehova vairanai. Ḡau tamona, atai gabudia helagadia na se kokidia oho; taunimanima na dounu edia boubou ḡaudia e hahelaḡadiava bona muramura mai bonana e gabuava unu atai gabudia ai.
1KI 22:44 Iehosafat na Israel pavapavana ida danu e herohemaino.
1KI 22:45 Iehosafat ena kara oredia, ena siahu ede e hahedinaraia toma bona ena tuari sivaraidia na Iuda Pavapavadia Sisigadia Bukana ai vada e hetore, ani?
1KI 22:46 Ia ese danu enobou karadia helaḡadia e karava taudia oredia, tamana Asa ena nega ai dounu e nohova taudia, na e aladia ore.
1KI 22:47 Una negana ai Edom na asi pavapavana; lohia ta ese pavapava ḡaukarana e karaiava.
1KI 22:48 Bena Iehosafat ese Tarasisi lagatoidia haida e raidia, gold iabina totona Ofiri baela eto; a asiela, badina be idia na Esiono-gebere ai e tata kau.
1KI 22:49 Bena Ahasia, Ahaba natuna, ese Iehosafat e hamaoroa, eto, Mani emu kara lauegu hesiai taudia na lagatoi ai bae gui, oiemu hesiai taudia ida. A Iehosafat na se ura.
1KI 22:50 Bena Iehosafat na tubu tama dekediai e mahuta; idia dekediai e guria, senena David ena hanua ai. Bena ia natuna Iehoram ese ia gabuna ai e lohia.
1KI 22:51 Iehosafat, Iuda pavapavana, ena lohia laḡanina ihagwauta-hituna ai, Ahasia, Ahaba natuna, ese Israel e lohiaia matama Samaria ai. Laḡani rua hona ia ese Israel e lohiaia.
1KI 22:52 Ia na e kara havarava, Iehova vairanai, tamana bona sinana edia dala ai e rakava, bona Ieroboam Nebata, Israel e hakaraia dika tauna, ena dala ai danu.
1KI 22:53 Ia ese Baal isiaina e lao heniva bona e toma henia dihova, bona Iehova, Israel Diravana, e habaduava, tamana ese e habaduava daladia iboudiai lalodiai.
2KI 1:1 Ahaba e mase murinai, Moab taudia ese Israel taudia e daḡedaḡe henidia.
2KI 1:2 Una negana ai Ahasia na ena atai daiutuna Samaria ai gaba-mauru amo e hedagwa dobi; bena mai gorerena ida e hekureva. Taunabunai, ia ese gwaukau taudia haida e siaidia, eto, Aola, Baal-sebub, Ekron diravana, enai ba henanadai, ina gorere amo baina namo eiava.
2KI 1:3 A Iehova ena aneru ese Elia, tau Tisbe, e hereva henia, eto, A tore isi, aola, Samaria pavapavana ena gwaukau taudia ida ba hedavari, ba hamaorodia, baoto: Israel na asi Diravana dainai Baal-sebub, Ekron diravana, inanadaina o laomu a?
2KI 1:4 Taunabunai, Iehova na ini e gwau tomamu: O hekure kau patana amo basio diho, a momokani vada ba mase. Taunabunai Elia na ela.
2KI 1:5 Gwaukau taudia na e lou lao, hanua pavapavana dekenai, bena ia ese e nanadaidia, eto, Dahaka dainai vada o lou mai?
2KI 1:6 Idia ese e haere henia, eto, Tau ta ema, ai ida a hedavari, bena ia ese e hamaoromai, eto, Hanua pavapavana, e siaimui tauna, dekena ba lou lao, ba hamaoroa, baoto, Iehova na ini e gwau tomamu: Israel na asi Diravana dainai oi ese haida na Baal-sebub, Ekron diravana, inanadaina o siaidiamu a? Taunabunai, o hekure kau patana amo basio diho, a momokani vada ba mase.
2KI 1:7 Ia ese ma e nanadaidia, eto, Tau edehetomana ema, umui ida o hedavari, bena ini ḡau e hamaorolaimui?
2KI 1:8 Idia ese e haere henia, eto, Hui dabuana e hahedokilaia, bona boromakau kopina gabana ai e ḡeḡea. Ia eto, Una na Elia, tau Tisbe.
2KI 1:9 Bena hanua pavapavana ese imahui biagudia ta ia dekena e siaia lao, mai ena orea taudia imahuiosi ida. Ia na Elia dekena ela, ororo ta dorina ai helaina ai e davaria, bena e hereva henia, eto, Dirava ena tau e, hanua pavapavana na e tomu “A diho aoma”.
2KI 1:10 A Elia ese hari imahui biagudia e haere henia, eto, Bema lau na Dirava ena tau, Iahi na guba amo baine diho, bena baine ḡolemui oho, oi bona emu orea taudia imahuiosi danu. Bena lahi na guba amo e diho, una tau mai ena orea taudia imahuiosi ida e goledia oho.
2KI 1:11 Bena hanua pavapavana ese imahui biagudia ma ta ia dekena e siaia, mai ena orea taudia imahuiosi ida. Ia na e dae ela, e hamaoroa, eto, Dirava ena tau e, hanua pavapavana ena haheḡani binai, e tomu “A diho haraḡa”.
2KI 1:12 A Elia ese e haere henia, eto, Bema lau na Dirava ena tau, lahi na guba amo baine diho, baine ḡolemui oho, oi bona emu orea taudia imahuiosi danu. Bena Dirava ena lahi na guba amo e diho, una tau mai ena orea taudia imahuiosi ida e ḡoledia oho.
2KI 1:13 Hanua pavapavana ese orea ihatoina biaguna, mai ena orea taudia imahuiosi ida, ma e siaidia. Bena hari imahui biagudia ihatoina na e dae ela, Elia vairanai tuina e hadai, e noia, eto, Dirava ena tau e, na noimumu, egu mauri bona ini emu hesiai taudia imahuiosi edia mauri emu ai ḡau badana ai boma halaoa.
2KI 1:14 Lahi na guba amo e diho, unu imahui biagudia raruosi mai edia orea taudia ida e ḡoledia oho; to harihari lauegu mauri do ba laloa bada.
2KI 1:15 Bena Iehova ena aneru ese Elia e hamaoroa, eto, Ia ida baola, garina basio gari. Taunabunai, ia na e tore isi, unu tau ida ela, hanua pavapavana dekenai.
2KI 1:16 Bena ia ese hanua pavapavana e hamaoroa, eto, Iehova na ini e gwau tomamu: Gwaukau taudia na Baal-sebub, Ekron diravana, inanadaina o siaidia. O laloamu Israel na asi Diravana, bena ia to nanadaia a? Taunabunai, oi na o hekure kau patana amo basio diho; momokani, vada ba mase.
2KI 1:17 Taunabunai, ia na vada e mase, Iehova ena hereva Elia ena amo e gwauraia heḡereḡerena. Ia tadina Iehoram na ia gabuna ai e lohia, lehoram Iehosafat, Iuda pavapavana, ena lohia laḡanina iharuana ai ia e lohia matama; badina be hari Ahasia na asi natuna maruanena ta.
2KI 1:18 Ahasia ena kara oredia e kara ḡaudia na Israel Pavapavadia Sisigadia Bukana ai vada e hetore, ani?
2KI 2:1 Iehova ese Elia na koehirihiri amo guba ai baine daelaia eto; una negana ai Elia bona Elisaia na Gilgal amo e laova.
2KI 2:2 Bena Elia ese Elisaia e hamaoroa, eto, Mani emu kara iniseni ai do ba noho, badina be Iehova ese vada e siaigu, Betele bainala. A Elisaia eto, Iehova e maurimu bona oi o maurimu heḡereḡerena, lau basina rakatanimu. Taunabunai, raruosi na Betele ela.
2KI 2:3 Bena peroveta oreana taudia Betele ai e nohova na Elisaia dekena e raka lasi, e hereva henia, eto, Oi dibamu hari dina ai Iehova ese biagumu na oiemu amo baine abia oho a? Ia eto, Oibe, dibagu; asio hereva.
2KI 2:4 Bena Elia ese e hereva henia, eto, Elisaia e, mani emu kara iniseni ai do ba noho, badina be Iehova ese vada e siaigu, Ieriko bainala. A ia na eto, Iehova e maurimu bona oi o maurimu heḡereḡerena, lau basina rakatanimu. Taunabunai idia na Ieriko ai e kau.
2KI 2:5 Bena peroveta oreana taudia Ieriko ai e nohova ese Elisaia e raka henia kahi, e hereva henia, eto, Oi dibamu hari dina ai Iehova ese biagumu na oiemu amo baine abia oho a? Ia na e haere, eto, Oibe, dibagu; asio hereva.
2KI 2:6 Elia ese ma e hereva henia, eto, Mani emu kara iniseni ai do ba noho, badina be Iehova ese vada e siaigu, Ioridane sinavaina bainala. A ia na eto, Iehova e maurimu bona oi o maurimu heḡereḡerena, lau basina rakatanimu. Taunabunai, raruosi na e raka lao.
2KI 2:7 Tatau imahui peroveta oreana amo danu ela, dauhai e giniva, idia raruosi Ioridane sinavaina isena ai e giniva negana ai.
2KI 2:8 Bena Elia ese ena hahedoki badana e abia, e lokua, bena ranu e botalaia; bena ranu na e parara, kahana ela kahana ela, ela bona raruosi na tano kaukauna ai e raka hanai.
2KI 2:9 E raka hanai, bena Elia ese Elisaia e hamaoroa, eto, Emu amo do asina heabi oho ai, ba noigu ede baina karamu toma. Elisaia eto, Na noimumu, lalomu siahuna lauegu ai ba habadaia harua.
2KI 2:10 Elia eto, Ḡau aukana ta o noinoilaiamu; ḡau tamona, emu amo baina heabi oho negana ai ba itagu, emu ai unu baine heto, a basio itagu be unu basine heto.
2KI 2:11 Idia na dounu e rakava bona e hereva-herevava ai, lahi kariotana ta bona lahi hosidia ese raruosi e hapararadia. Bena Elia na koehirihiri amo e dae guba ai.
2KI 2:12 Elisaia e itaia, bena e boi lolo, eto, Tamagu e, tamagu e, Israel ena kariota bona ena hosi-gui taudia. Bena se itaia lou. Bena ia sibona ena dabua e abidia, e daredia parara.
2KI 2:13 Hahedoki badana, Elia ena amo e moru ḡauna, na Elisaia ese e abia, e lou lao, Ioridane sinavaina isena ai e gini.
2KI 2:14 Bena hari hahedoki badana Elia ena amo e moru ḡauna na e abia, ranu e botalaia, eto, Iehova, Elia ena Dirava, be edeseni ai? Ranu e botaia negana ai, ranu na e parara, kahana ela kahana ela; bena Elisaia e raka hanai.
2KI 2:15 Ieriko peroveta oreana taudia ese e itaia, ia na idia vairadiai, bena idia na eto, Elia lalona siahuna ese Elisaia e roheamu. Bena ia dekena ela, tano ai e igo diho ia vairanai.
2KI 2:16 Bena idia ese e hamaoroa, eto, A itaia, emu hesiai taudia dekemai ai na goada taudia imahui; mani emu kara idia na baela, biagumu bae tahua; reana Iehova ena Lauma ese vada e abia isi, ororo ta ai eiava koura ta lalonai vada e tahoa dobi. Bena ia e haere, eto, Basio siaidia.
2KI 2:17 To idia ese e ha-uraia ela bona e hemarai, bena eto, A siaidia. Taunabunai, idia ese tatau imahui e siaidia, idia na dina toi e tahua, to asie davaria.
2KI 2:18 Bena e lou lao, Elisaia dekenai, ia na dounu Ieriko ai nohona ai. Bena ia ese e hamaorodia, eto, Na hamaoromui nato “Basiola” ani?
2KI 2:19 Bena hanua taudia ese Elisaia e hamaoroa, eto, A itaia, ina hanua e ginimu gabuna na gabu namona, egu lohia o itaiamu heḡereḡerena. A ranu na dika, bona tano anina e ruru negemu.
2KI 2:20 Ia eto, Nau matamatana ta a mailaia, lalonai damena ba uda. Taunabunai idia ese e mailaia ia dekenai.
2KI 2:21 Bena ia na ranu gurina ela, damena na ranu lalonai e tahoa dobi, eto, Iehova na ini e gwau tomamu: Ina ranu vada na haḡoevaia; ina negana amo ia ese mase eiava ruru-nege basine havaraia.
2KI 2:22 Taunabunai, una ranu vada e namo ema bona hari dina, Elisaia ese e gwauraia herevana heḡereḡerena.
2KI 2:23 Unu amo ia na e dae lao Betele ai. Dala ai e laova ai na memero maraḡidia haida na hanua amo e raka lasi, e kirikirilaia, eto, Kwara boha e, a dae lao, kwara boha e, a dae lao.
2KI 2:24 Ia na e gini kerehai, e itadia; bena Iehova ladana ai e uduguiraidia. Bena bea hahinedia rua na uda amo e raka lasi, memero hari-ahui rua e aladia mase.
2KI 2:25 Unu amo ia na ena dala ai e raka, ela bona Karamele ororona; bena unu amo Samaria ma e lou lao.
2KI 3:1 Iehosafat, Iuda pavapavana, ena lohia laḡanina ihagwauta-taurahanina ai, Iehroam, Ahaba natuna, na Israel pavapavana ai ela, Samaria ai. Ena lohia laḡanina na gwauta-rua.
2KI 3:2 Iehova vairanai e kara havara, a dia tamana sinana heḡereḡeredia; badina be Baal ena au-tubua, tamana ese e karaia ḡauna, na ia ese e abia oho.
2KI 3:3 Ḡau tamona, Ieroboam Nebata ena kara dika, Israel e hakaralaia dika ḡauna, na ia ese e dogoa tao, se rakatania.
2KI 3:4 Mesa, Moab pavapavana, na mamoe e haperedia rohoroho tauna; laḡani ta ta amo ia ese mamoe natudia domaga ta bona mamoe mamaruanedia domaga ta huidia na Israel pavapavana dekena e siaidia lao.
2KI 3:5 A Ahaba e mase murinai Moab pavapavana ese Israel pavapavana e daḡedaḡe henia.
2KI 3:6 Taunabunai, una negana ai King Iehoram na Samaria amo e raka lasi, Israel taudia iboudiai e haboudia.
2KI 3:7 Bena ela, hereva na Iehosafat, Iuda pavapavana, dekena e siaia, eto, Moab pavapavana ese e daḡedaḡe henigumu; oi na lau ida aitala, Moab baita tuari henia ani? Ia eto, Baina vasi; lau oi na tamona, lauegu orea bona oiemu orea danu tamona; lauegu hosi bona oiemu hosi danu tamona.
2KI 3:8 Ma eto, Edena dala amo baitala? Iehoram e haere, eto, Edom tano-ḡaḡaena dalana amo.
2KI 3:9 Taunabunai Israel pavapavana na Iuda pavapavana bona Edom pavapavana ida ela. Dina hitu lalodiai idia na dala magevana amo e raka heḡeḡe; bena tuari taudia bona edia ubu-ubu ḡaudia, idia muridiai e rakava gaudia, na asi adia ranu.
2KI 3:10 Bena Israel pavapavana eto, Madi ihabaida, Iehova ese ita pavapava tatoiosi vada e boirida, Moab pavapavana imana ai baine atoda totona.
2KI 3:11 Iehosafat eto, Iehova ena peroveta tauna ta dia iniseni ai a? Iena amo Iehova baitama nanadaia. Bena Israel pavapavana ena hesiai tauna ta e haere, eto, Elisaia Safata na iniseni ai, ia be Elia imana ranu amo e dairidia tauna.
2KI 3:12 Iehosafat eto, Iehova ena hereva na ia enai. Taunabunai Israel pavapavana bona Iehosafat bona Edom pavapavana na ia dekena ela.
2KI 3:13 Elisaia ese Israel pavapavana e hamaoroa, eto, Dahaka baina kara henimu? Tamamu bona sinamu edia peroveta taudia dekedia aola. A Israel pavapavana ese e hamaoroa, eto, Lasi, Iehova ese pavapava taumai tatoiosi vada e boirimai, Moab taudia imadia ai baine atomai totona.
2KI 3:14 Elisaia eto, Iehova Sabaota, isiaina na lao heniamu Diravana, e maurimu heḡereḡerena, Iehosafat, Iuda pavapavana, basinama matauraia, lau ese oi basinarna haḡeremu bona basinama itamu.
2KI 3:15 Benaini, hatai-hatai ḡaudia e hataimu tauna ta ba hakaua mai dekegu ai. Bena hatai-hatai ḡaudia e hatai tauna ta ese ena ḡau e hataia negana ai, Iehova ena siahu ese Elisaia e rohea.
2KI 3:16 Bena ia eto, Iehova na ini e gwau tomamu: Ina koupa kaukauna lalonai lau ese ranu gohogohudia baina karadia.
2KI 3:17 Badina be Iehova na ini e gwau tomamu: Lai eiava medu basio itadia, to una koupa na ranu ai baine honu, ba inu helaoreana, umui bona emui boromakau bona emui ubu-ubu ḡaudia iboudiai.
2KI 3:18 Iehova vairanai una na ḡau pipikina; ia ese Moab taudia danu umui imamui ai baine atodia;
2KI 3:19 bena hanua mai maḡudia iboudiai bona abi-hidi hanuadia iboudiai na ba hadareredia, au namodia iboudiai na ba hagaridia, ranu guridia iboudiai na ba tahunidia, bona tano namodia iboudiai na nadi amo ba hadikadia.
2KI 3:20 Daba-rerena ai, boubou ḡaudia e hahelaḡadiava horana sisivana ai, ranu na Edom kahana amo e aru ema, ela bona una tano idoinai na ranu ese e utua dae.
2KI 3:21 Moab taudia iboudiai na e kamonai, hari pavapava na idia ituari-henidia totona vada ema; bena tuari dabuadia bae doki diba taudia, maragina amo ela bona badana, e boiridia, tano hetoana ai e haginidia heḡaeḡae.
2KI 3:22 Daba matana ai e tore tore isi, bena dina e tara ranu latanai; bena Moab taudia ese ranu idia vairadiai e itaia na vada e kakakaka, rara na heto.
2KI 3:23 Bena idia na eto, Ina na rara; momokani hari pavapava na sibodia e tuari bona vada e heala-ala heheni. Moab e, aitala, edia ḡau aita ha-abi.
2KI 3:24 A Israel edia taruha ai e kau negana ai, Israel taudia na e tore isi, Moab taudia e guru henidia, ela bona Moab taudia na idia vairadia amo e heau. Bena idia ese e lao henidia, Moab taudia e aladia laova.
2KI 3:25 Hanua na e ḡiḡidia dobi, bona tano namodia iboudiai latadiai idia ta ta ese nadi ta ta e taho kau, ela bona tano e bubuni. Ranu guridia iboudiai danu e tahunidia, bona au namodia iboudiai e hagaridia; ela bona Kiri-haresete nadina mo mimia. Bena vilipopo taudia ese e koua heḡeḡe bona e hadarerea.
2KI 3:26 Moab pavapavana e diba, ia vada e darere; bena ia ese dare taudia sinahu hitu e abidia, Edom pavapavana vairanai bae raka uru eto, to asie heḡereḡere.
2KI 3:27 Bena ia ese natuna roboana, ena gabu ai bema lohia merona, na e abia, e hahelaḡaia, ḡole-oho boubouna ḡauna ai e halaoa, hanua maguna latanai. Bena badu ḡaraḡara na Israel taudia latadiai e kau; bena idia na iena amo e raka oho, edia tano korikori e lou lao.
2KI 4:1 Peroveta oreana tauna ta vabuna ese Elisaia e tai henia, eto, Emu hesiai tauna, lau adavagu, na vada e mase. Oi dibamu emu hesiai tauna na Iehova garina e gariva, to enai e abi torehai tauna na vada ema, natugu raruosi baine abidia oho, ena hesiai memerodia ai baine halaodia e tomamu.
2KI 4:2 Elisaia ese e hamaoroa, eto, Ede baina karamu toma? A hamaorogu, emu ruma ai na dahaka ḡau mia? Hahine na eto, Emu hesiai hahinena na asi ena ḡau ta ruma ai mia, dehoro kavabu tamona mo.
2KI 4:3 Bena Elisaia eto, A raka lasi, bamomu dekediai kavabu haida do a ha-abi, kavabu asi anidia taina momo.
2KI 4:4 Bena ba raka vareai, iduara ba koua, natumu raruosi danu oi ida ruma lalonai ba hekou ahu. Bena dehoro na kavabu iboudiai lalodiai ba vedadia; ta baine honu, bavatoa siri.
2KI 4:5 Taunabunai, hahine ese ia e rakatania, mai natuna raruosi ida e raka vareai, iduara e koua; bena dehoro e seia negana ai, idia ese kavabu na ia dekena e mailaidia.
2KI 4:6 Kavabu iboudiai e honu, bena ia ese natuna ta e hamaoroa, eto, Kavabu ta ma a mailaia. Hari mero ese e hamaoroa, eto, Ta dia mia. Bena dehoro ena aru e doko.
2KI 4:7 Hahine na ela, Dirava ena tau e hamaoroa; bena ia eto, Aola, dehoro ba hoia, emu abi-torehai davadia ba heni; orena na oi bona natumu raruosi emui mauri ḡauna.
2KI 4:8 Dina ta Elisaia na Suneme ela. Taḡa hahinena ta unuseni ai e nohova, bena ia ese Elisaia e ura henia bada, baine aniani. Taunabunai, una dala amo e laova negadia iboudiai ia na unuseni ai e dae kau, baine aniani totona.
2KI 4:9 Bena una hahine ese adavana e hamaoroa, eto, A itaia, lau vada name diba ina eda gabu e rakaia hanai louloumu tauna na Dirava ena tau helaḡana ta.
2KI 4:10 Mani emu kara, atai ai daiutu maraḡina ta baita karaia, unuseni ai mahuta ḡauna bona pata bona helai ḡauna bona lamepa baita atodia iena; bena dekedai bainema negadia ai ia na unuseni ai baine dae kau.
2KI 4:11 Dina ta ia na unuseni ai e kau, bena una daiutu ai e dae kau,
2KI 4:12 laḡana e ania. Bena ia ese ena hesiai tauna Gehasi e hamaoroa, eto, Hari hane Suneme a boiria. E boiria, bena ia vairanai e gini.
2KI 4:13 Bena ia ese Gehasi e hamaoroa, eto, A hereva henia, aogwa “O itaiamu, ina idoinai vada o hekwarahilaia ai daimai ai; dahaka baia kara henimu? Oi daimu ai hanua pavapavana eiava tuari oreana biaguna baia hereva henia a?” Hahine e haere, eto, Lau na varavaragu bogaragidiai na nohomu.
2KI 4:14 Elisaia ma eto, Vada dahaka baita kara henia? Gehasi na e haere, eto, O, ia na asi natuna merona ta, bona adavana na vada e buruka.
2KI 4:15 Elisaia eto, A boiria. E boiria; bena hahine na iduara ai e gini.
2KI 4:16 Elisaia eto, Laḡani vairai, nega inihetomana ai, natumu merona ta ba rosia. Hahine eto, Egu lohia, Dirava ena tau e, lasi; emu hesiai hahinena basio koia.
2KI 4:17 A hahine na e rogorogo, bena tubu-kau negana sisivana ai mero ta e abia, Elisaia ese e hamaoroa negana heḡereḡerena ai.
2KI 4:18 Mero na e bada oho bada oho, bena dina ta ia na e raka lasi, tamana dekena ela, uit iutuna taudia bogaragidiai.
2KI 4:19 Bena ia ese tamana e tai henia, eto, Kwaragu o, kwaragu o. Bena tamana ese ena hesiai tauna e hamaoroa, eto, A rosia, sinana dekena a laohaia.
2KI 4:20 E abia isi, sinana dekena e laohaia; bena mero na sinana mamuna ai e helai ela bona dina tubua, bena e mase.
2KI 4:21 Bena hahine ese e daelaia, Dirava ena tau ena mahuta ḡauna ai e kurea kau, bena iduara e koua. Bena e diho.
2KI 4:22 Bena ia ese adavana e boi henia, eto, Hesiai tauna ta dekegu a siaia, bona doniki ta danu; lau na Dirava ena tau dekena baina lao haraḡa, bena ma baina lou mai.
2KI 4:23 Adavana eto, Dahaka dainai hari dina ai ba lao henia? Ina na dia hua matamata dinana eiava dia dina helaḡana. Hahine eto, Vada baine namo.
2KI 4:24 Bena ia ese doniki e haheḡaeḡaea, bona ena hesiai tauna e hamaoroa, eto, Ba haḡavaia, ena raka basio hametaua ela bona lau ese baina hamaoromu dahaka.
2KI 4:25 Taunabunai ia na ela, bona Dirava ena tau enai e kau, Karamele ororona ai. Dirava ena tau ese maina ai e itaia negana ai, ia ese ena hesiai tauna Gehasi e hamaoroa, eto, A itaia, Suneme hahinena bunai;
2KI 4:26 a heau lao haraḡa, ia ida ba hedavari, baoto “Oi namo a? Adavamu bona natumu danu nanamo a?” Hahine na e haere, eto, Nanamo.
2KI 4:27 Ororo ai e kau, Dirava ena tau dekenai, bena ia ese aena e abi tao. Gehasi ema, baine doria oho eto; a Dirava ena tau eto, Aine noho, badina be darana e dokomu. Iehova ese e hunia egu ai; se hamaorogu.
2KI 4:28 Bena hahine eto, Lau ese egu lohia emu ai natugu na noia a? Lau nato “Basio koigu” ani?
2KI 4:29 Elisaia ese Gehasi e hamaoroa, eto, Emu rami ba hekasilaia, egu itotohi na imamu ai bavabia, baola. Ta ida boma hedavari, Basio hahenamo henia; bona ta ese bema hahenamo henimu, basio haere henia. Bena egu itotohi na mero vairana latanai ba dagaia diho.
2KI 4:30 Bena mero sinana eto, Iehova e maurimu bona oi o maurimu heḡereḡerena, lau na oi basina rakatanimu. Taunabunai, ia na e tore isi, hahine murina amo e raka.
2KI 4:31 Gehasi na e raka guna, itotohi na mero vairana latanai e dagaia diho, a mauri reḡena ta eiava toana ta enai se hedinarai. Taunabunai ia na e lou ela, Elisaia ida e hedavari; bena e hamaoroa, eto, Mero na do se noga.
2KI 4:32 Elisaia na ruma ai e dae kau, bena iena mahuta ḡauna latanai mero hekurena ai e itaia, mase.
2KI 4:33 Taunabunai, ia na e raka vareai, e hekou ahu, idia raruosi mo nonoho. Bena ia ese Iehova e ḡuria.
2KI 4:34 Bena ia na ela, mero latanai e goru kau, ia uduna mero uduna latanai, ia matana mero matana latadiai, ia imana mero imana latadiai; bena latanai e goru parapara negana ai hari mero tau-anina e siahu-siahu.
2KI 4:35 Bena ia na e tore isi lou, ruma lalonai e raka lao e raka lou; bena ma e dae kau, ma latanai e goru parapara. Bena mero na nega hitu e asimana; bena matana e papa.
2KI 4:36 Bena Elisaia ese Gehasi e boiria, eto, Hari Suneme hahinena a boiria. Bena e boiria. Hahine na ema, bena Elisaia eto, Natumu avabia isi.
2KI 4:37 Hahine na ema, ia aena badidiai e igo diho, tano ai e goru diho; bena ia ese natuna e abia isi, e raka lasi.
2KI 4:38 Elisaia na e lou lao, Gilgal ela. Una negana ai doe vada e vara una tano ai. Peroveta oreana taudia na ia vairanai hehelai; bena ia ese ena hesiai tauna e hamaoroa, eto, Uro badana na lahi ai ba laia kau, vasiahu ba nadua, peroveta oreana taudia adia.
2KI 4:39 Idia ta e raka lasi, tano paka ai aniani avadia baine gogo eto; bena uda varovarona ta e davaria, bena huahuana e gogo, vairana ramina e hahonua, bena ela, e reredia, vasiahu urona lalonai e udadia. Asi dibana unu be dahaka ḡau.
2KI 4:40 Bena e seia, tatau bae inua totona. A vasiahu inuna ai idia na e lolo, eto, Dirava ena tau e, mase na uro lalonai. Idia na asie inua diba.
2KI 4:41 Elisaia eto, Flaoa taina a mailaia. Bena uro ai e udaia. Ma eto, Ma a seia, tatau adia, bae inua. Dika ta dia mia uro lalonai.
2KI 4:42 Tau ta Baal-salisa amo ema, Dirava ena tau ana e mailai, uma anidia roboadia flaoana, bali igabudia ruahui, bona uit anidia matamatadia, na ena puse ai. Bena Elisaia eto, Tatau a henidia, bae ani.
2KI 4:43 A ena hesiai tauna eto, Tatau sinahu ta vairadiai ede baina dabarai toma? Ma e hamaoroa, eto, Tatau a henidia, bae aniani, badina be Iehova na ini e gwau tomamu: Bae aniani, bona bahudia na bae mia.
2KI 4:44 Bena e dabaraia idia vairadiai. Bena idia na e aniani, bona bahudia na e mia, Iehova ena hereva heḡereḡerena.
2KI 5:1 Naaman, Suria pavapavana ena tuari oreana lohiana, na biaguna ena tau badana ta, bona e lalo namo heniava; badina be iena amo Iehova ese kwalimu na Suria e henia. Ia na goada dikadika bona boga-auka tauna; to ia na lepra tauna.
2KI 5:2 Edia tuari ta ai, Suria taudia ese kekeni ta e abia mauri, Israel tanona ai; bena una kekeni ese Naaman adavana isiaina e lao heniva.
2KI 5:3 Bena ia ese biaguna hahinena e hereva henia, eto, Una egu lohia na bema Samaria peroveta tauna dekenai, ia ese ena lepra bema hanamoa.
2KI 5:4 Taunabunai, Naaman e raka vareai, ena lohia e hamaoroa, eto, Israel kekenina na unu ini e gwau tomamu.
2KI 5:5 Bena Suria pavapavana eto, Vada aola, revareva ta baina siaia, Israel pavapavana ena. Taunabunai, ia na ela, silver talent gwauta bona gold sekele daha tauratoi bona dabua ḡoeva-daedia gwauta e abi kau, e laohai.
2KI 5:6 Israel pavapavana dekena e laohaia revarevana ai ini e torea toma: Ina revareva ba davaria negana ai ba diba, lau ese egu hesiai tauna Naaman vada na siaia vasi, ena lepra ba hanamoa totona.
2KI 5:7 Israel pavapavana ese revareva e duahia, bena ena dabua e dare, eto, Lau na Dirava, bona taunimanima baina hamasedia bona baina hamauridia, a? Una dainai ina tau ese lepra tauna ta ihanamona herevana egu ai e siaia mai a? Mani a haeroa, a itaia, iheai-henigu dalana e tahuamu.
2KI 5:8 Elisaia, Dirava ena tau, e kamonai Israel pavapavana ese ena dabua vada e dare; bena ia ese hereva e siaia lao, hanua pavapavana enai, eto, Dahaka dainai emu dabua vada o dare? Ia na dekegu ainema, baine diba, peroveta tauna ta na Israel ai e nohomu.
2KI 5:9 Taunabunai, Naaman na mai hosina bona mai kariotana ida ela, Elisaia ena ruma iduarana vairanai e gini.
2KI 5:10 Bena Elisaia ese gwaukau tauna ta ia dekena e siaia lao, eto, Aola, Ioridane sinavaina ai ba digu nega hahitu, bena taumu baine namo lou, bona vada ba ḡoeva.
2KI 5:11 A Naaman na e badu, e raka oho, eto, Lau banava nato ia korikorina ese baine mai henigu, bena baine gini, Iehova, ena Dirava, ladana baine hahanea bona hisi gabuna baine daroa, unu amo lepragu baine hanamoa nato.
2KI 5:12 Damasko sinavaina Abana bona Farapara, ese Israel sinavaidia iboudiai na asie hereadiamu a? Idia lalodiai basinama digu basinama ḡoeva diba a? Bena e raka muri, mai lalo-ḡaraḡarana ida e raka oho.
2KI 5:13 A iena hesiai taudia na e raka kahira, e hereva henia, eto, Tamagu e, peroveta tauna ese kara aukana ta bema haḡanilaimu, boma karaia ani? Matogana, ia e gwaumu “Ba digu bena ba ḡoeva” be edeheto?
2KI 5:14 Taunabunai, ia na e diho ela, nega hitu Ioridane sinavaina ai e heuru utu, Dirava ena tau ena hereva heḡereḡerena. Bena tauna vada e namo lou, mero karukaruna heḡereḡerena ai ela; bena vada e ḡoeva.
2KI 5:15 Bena e lou lao, Dirava ena tau dekenai, ia bona ena orea idoinai. E kau, bena vairanai e gini, eto, Harihari lau dibagu tanobada idoinai latanai na asi Dirava ta, a Israel ai mo; taunabunai emu hesiai tauna ena amo herahia ḡauna mani avabia.
2KI 5:16 A Elisaia eto, Iehova, isiaina na lao henimu Diravana, e maurimu heḡereḡerena, ḡau ta basina abia. Bena e ha-uraia, baine abia, to se ura.
2KI 5:17 Bena Naaman eto, Bema lasi be lau na noimumu, emu hesiai tauna na tano taina ba henigu, doniki rua edia huahua heḡeregeredia; badina be harihari bainela emu hesiai tauna na ḡole-oho boubouna ḡauna eiava boubou ḡauna ta basina hahelaḡaia dirava ta ena, a Iehova mo ena.
2KI 5:18 Ina kara tamona ai Iehova ese emu hesiai tauna bema bogagu hisi: biagugu na toma-diho totona Rimon ena dubu ai baine dae kau, bona lau imagu ai baine hetao kau, bena una negana ai lau ese Rirnon ena dubu ai baina igo diho, Iehova ese una kara ai baine bogagu hisi.
2KI 5:19 Elisaia ese e hamaoroa, eto, Mai mainomu ida aola. A Naaman na do se raka daudau ai,
2KI 5:20 Gehasi, Dirava ena tau Elisaia ena hesiai tauna, eto, Ia, lau biagugu ese Naaman tau Suria, vada e bogaia hisi, e mailai gaudia na ia imana amo se abidia. Iehova e maurimu heḡereḡerena, lau na ia murina amo baina heau, ḡau ta iena amo baina abia.
2KI 5:21 Taunabunai, Gehasi na Naaman murina amo ela. Naaman ese tau ta e itaia, murina amo e maimu, bena ena kariota amo e diho, ia ihedavari-henina totona; eto, Edeheto, namo eiava?
2KI 5:22 Ia eto, Namo. Biagugu ese vada e siaigu, e tomu, Peroveta oreana tau-eregabedia rarua na ina harihari Efraim ororodia amo vada ema; bena e noimumu, silver talent ta bona dabua herea-daedia rua ba henidia.
2KI 5:23 Naaman eto, Mani emu kara talent rua bavabi. Bena ia ese e ha-uraia, bena silver talent rua na puse rua ai e uda, bona dabua herea-daedia rua danu; bena puse na ena hesiai taudia rarua e hahualaidia; bena raruosi ese e hua, Gehasi vairanai.
2KI 5:24 Ororo ai e kau, bena ia ese idia imadia amo e abidia, ruma ai e atodia; e siaidia, bena e raka oho.
2KI 5:25 Ia na e raka vareai, biaguna vairanai e gini. Bena Elisaia ese e nanadaia, eto, Gehasi e, ede ola? Ia eto, Emu hesiai tauna na gabu ta asinala.
2KI 5:26 A ia ese e gwau henia, eto, Lauma ai oi ida asita lao hebou, una tau na ena kariota amo e hegiro oi ihedavari-henimu totona negana ai a? Una na moni bona dabua, eiava olive bona vine imeadia, eiava mamoe bona boromakau, eiava hesiai taudia bona hahinedia, iabidia negana buna a?
2KI 5:27 Taunabunai, Naaman ena lepra na oiemu ai baine kau, bona oi garamu ediai danu, ela bona hanaihanai. Taunabunai, ia na ia vairana amo e raka lasi mai leprana; kopina e kuroka-kuroka danu, snow na heto.
2KI 6:1 Peroveta oreana taudia ese Elisaia e hamaoroa, eto, A itaia, emu hereḡu henunai a nohomu gabuna na maraḡi herea.
2KI 6:2 Mani Ioridane sinavaina aiala, ta ta au ta ta baia abi, bena emai noho gabuna ta baia karaia unuseni ai. Ia na e haere, eto, Aola.
2KI 6:3 Bena idia ta eto, Mani emu kara oi danu emu hesiai taudia ida baitala. Ia na e haere, eto, Baitala.
2KI 6:4 Taunabunai ia na idia ida ela. Ioridane ai e kau, bena idia ese au haida e hagaridia.
2KI 6:5 Bena tau ta ese au ta e hagaria negana ai na ena ira kwarana na ranu ai e moru. Bena e boi lolo, eto, Biagugu e, ihabaigu, na abia torehai.
2KI 6:6 Dirava ena tau eto, Edeseni ai e moru? Ia ese gabu na e haheitalaia; bena Elisaia ese auau ta e utua, una gabu ai e tahoa dobi, bena auri na e hakenia dae.
2KI 6:7 Ia eto, Avabia isi, Taunabunai, ia na e dau lao, e abia.
2KI 6:8 Nega ta, Suria pavapavana ese Israel e tuari heniava negana ai, ia na ena hesiai taudia ida e henega bou, gabu ta ladana e hatoa, eto, Una gabu ai baina taruha.
2KI 6:9 A Dirava ena tau ese hereva na Israel pavapavana dekena e siaia lao, eto, Una gabu na basio rakaia hanai, badina be Suria taudia na unu a be laomu.
2KI 6:10 Bena Israel pavapavana ese haida e siaidia lao, Dirava ena tau ese e hamaorolaia gabuna baela. Unuhetomana ia ese vaevae e sisiba heniava, bena e roho mauri, dia nega tamona eiava nega rua hona.
2KI 6:11 Suria pavapavana lalona e hekwarahiva ina ḡau dainai, bena ia ese ena hesiai taudia e boiridia, e gwau henidia, eto, Basio hamaorogu ita bogaragidai daika ese Israel pavapavana e duruamu a?
2KI 6:12 Bena ena hesiai taudia ta eto, Egu lohia bona egu pavapava e, ta lasi; to Elisaia, peroveta tauna Israel ai e nohomu, ia ese emu mahuta daiutuna lalonai o gwauraimu herevadia na Israel pavapavana e hamaorolaiamu.
2KI 6:13 Ia eto, Aola, ba itaia ia be edeseni ai; bena haida na ia idabai-taona baina siaidia lao. Haida ese e hamaoroa, eto, A kamonai, tauna na Dotan ai.
2KI 6:14 Taunabunai, ia ese hosi bona kariota bona tuari oreana badana ta e siaidia. Idia na hanuaboi ai ela, hanua e koua heḡeḡe.
2KI 6:15 Dirava ena tau ena hesiai tauna na daba matana ai e tore isi, e raka lasi, e itaia, tuari oreana ta mai hosidia bona mai kariotadia ida, ese hanua vada e koua heḡeḡe. Hesiai tauna eto, Biagugu e, madi ihabaida! Ede baita kara toma?
2KI 6:16 Elisaia eto, Basio gari; badina be ita e bamodamu taudia na hutuma, a idia e bamodiamu taudia na dia hoho.
2KI 6:17 Bena Elisaia e ḡuriḡuri, eto, Iehova e, na noimumu, ia matana a hapapa, baine itaia helaoreana. Taunabunai, Iehova ese una eregabe tauna matana e hapapadia, bena e itaia, ororo na lahi hosidia bona kariotadia ai e honu, idia ese Elisaia e ḡeḡea ahu.
2KI 6:18 Bena Suria taudia na ia iabina totona e hekei diho negana ai, Elisaia ese Iehova e ḡuria, eto, Na noimumu, ina orea na matadia a huari kepulu. Taunabunai ia ese matadia e huari kepulu, Elisaia ena ḡuriḡuri heḡereḡerena.
2KI 6:19 Bena Elisaia ese e hereva henidia, eto, Dalana na dia inai, bona hanuana na dia inai; murigu amo a raka, bena baina hakaumui lao, o tahuamu tauna dekenai. Bena ia ese e hakaudia lao, ela bona Samaria.
2KI 6:20 Samaria ai e raka vareai, bena maoromaoro Elisaia eto, Iehova e, ini taunimanima matadia ba hapapadia, do bae ita. Taunabunai Iehova ese idia matadia e hapapadia, bena e itaia, idia na Samaria bogaraginai.
2KI 6:21 Israel pavapavana ese e itadia, bena ia ese Elisaia e hamaoroa, eto, Tamagu e, aina aladia mase eiava?
2KI 6:22 Ia na e haere, eto, Basio aladia mase. Emu dare bona emu peva amo boma abidia mauri taudia na boma aladia mase a? Aniani bona ranu na vairadiai ba dabara, bae aniani bona ranu bae inu, bena biagudia dekena baela.
2KI 6:23 Taunabunai, ia ese aria badana e dabaraia adia; bena e aniani bona e inuinu vaitani murinai ia ese e siaidia, bena biagudia dekena ela. Suria taudia ese Israel tanona asie daea lou.
2KI 6:24 Una murinai Ben-hadad, Suna pavapavana, ese ena tuari oreana idoinai e haboua, e dae ela, Samaria e koua heḡeḡe.
2KI 6:25 Bena doe bada e vara Samaria ai, vada e koua heḡeḡe dainai; ela bona doniki kwarana ta e hoia, davana na silver sekeledia taurahani-ahui, bona pune taḡena kebere ta davana na silver sekeledia ima.
2KI 6:26 Nega ta Israel pavapavana na magu latana amo e raka hanaiva ai, hahine ta ese e boi henia, eto, Egu lohia bona egu pavapava, a durugu.
2KI 6:27 Ia eto, Bema Iehova ese basine durumu, lau na ede amo baina durumu? Uit ikwadilaina gabuna amo eiava vine itaolaina gabuna amo a?
2KI 6:28 Bena hanua pavapavana ese hahine na e nanadaia, eto, Emu hekwakwanai be dahaka? Hahine na e haere, eto, Ina hahine ese e hamaorogu, eto “Natumu a heni, hari dina ai baita ania, bena kerukeru lau natugu baita ania”.
2KI 6:29 Taunabunai, lau natugu a nadua, bena a ania. Daba-rerena ai lau ese na hamaoroa, nato “Natumu a heni, baita ania”; a ia ese natuna e hunia.
2KI 6:30 Hanua pavapavana ese hahine ena hereva e kamonai; bena maḡu latana amo rakana ai ia ese ena dabua e dare; bena taunimanima ese e itaia, ena dabua henunai na puse dabuana vada e hahedokilai.
2KI 6:31 Bena ia eto, Hari dina ai Elisaia Safata kwarana na pagana ai bema mia, Dirava ese bema hadikagu, bona ma bema hadikagu bada.
2KI 6:32 Elisaia na ena ruma ai e helaiva, bona tau-badadia na ia ida hehelai. Hanua pavapavana ese tau ta ia vairana amo vada e siaia lao; a hari gwaukau tauna do se kau ai, Elisaia ese unu tau-badadia e hamaorodia, eto, O itaiamu, una roroma tauna vada e hesiai, lau kwaragu iabi-ohona totona. Gwaukau tauna bainema negana ai, iduara na ba koua kunuka-kunuka, ia ba laoa ahu. Biaguna aena regedia na ia murina amo se maimu a?
2KI 6:33 Dounu e hereva henidiava ai, hanua pavapavana na ia dekenai e kau, eto, Ina hehvarahi na Iehova ena amo. Iehova ma baina naria anina be dahaka?
2KI 7:1 A Elisaia eto, Iehova ena hereva a kamonaia. Iehova na ini e gwau tomamu: Kerukeru, hari ina hora sisivana, flaoa namo-hereana bosea ta eiava bali bosea rua na Samaria ikoukouna ai bae hoi, davadia na sekele tamona.
2KI 7:2 Bena tuari biaguna, imana ai hanua pavapavana e hetao kau tauna, ese Dirava ena tau e hamaoroa, eto, Iehova sibona ese gaba-mauru bema kara guba ai, ina kara bema vara diba a? A Elisaia eto, Oi sibomu matamu amo ba itaia, to basio ania.
2KI 7:3 Lepra taudia hahani na hanua ikoukouna ai nonoho, bena e hereva heheni, eto, Iniseni ai ta helaimu ela bona baita mase anina be dahaka?
2KI 7:4 Bema baitato “Hanua lalonai aita raka vareai”, to doe na hanua lalonai, bena unuseni ai baita mase; a iniseni ai baitama helai danu baita mase. Benaini, Suria taudia edia taruha aitala; idia ese bema hamaurida, baita noho; eiava bema alada, baita mase mo.
2KI 7:5 Taunabunai, dina kerekerena ai e tore isi, taruha bae lao henia totona; a Suria taudia edia taruha isena ai e kau negana ai, tau ta asie davaria unuseni ai.
2KI 7:6 Badina be Ḡaubada ese kariota bona hosi bona tuari oreana badana reḡedia e havara Suria taudia taiadia ai; taunabunai idia ese e hereva heheni, eto, A kamonai, Israel pavapavana ese Hiti taudia edia pavapava bona Aigupto pavapavadia vada e vatudia, bae tuari henida totona.
2KI 7:7 Taunabunai, idia na dina kerekerena ai e heau oho, edia kalaga, edia hosi, edia doniki e rakatanidia, taruha lalona ḡaudia miadia ai e laputani, mauridia e tahu.
2KI 7:8 Hari lepra taudia na taruha isena ai e kau, bena kalaga ta ai e raka vareai, e aniani, e inuinu, bena silver bona gold bona dabua e hua lao, e hunidia. Bena e lou lao, ma kalaga ta ai e raka vareai, ḡau haida ma e hua lao, e hunidia.
2KI 7:9 Bena idia na e hereva heheni, eto, Ita na asita kara maoromu. Ina dina na hari namona dinana; bema basita herevalaia, baita noho hedavauhe ela bona daba, na mata-hakanina ese baine lasida tao. Taunabunai aitala, hanua pavapavana ena ruma taudia baita hamaorodia.
2KI 7:10 Taunabunai, idia na hanua ela, hanua ikoukoudia igimadia taudia e boi henidia, e hamaorodia, eto, Suria taudia edia taruha ala, unuseni ai tau ta asia itaia bona ere ta asia kamonai, a hosi bona doniki mo hehemata, bona kalaga mai ḡaudia ida mo mimia.
2KI 7:11 Bena ikoukou igimadia taudia e boi lao, hanua pavapavana ena ruma taudia ediai e hehari piu.
2KI 7:12 Bena hanua pavapavana na hanuaboi ai e tore isi, ena hesiai taudia e hamaorodia, eto, Aina hamaoromui, Suria taudia ese ita ihadikada dalana na ede e hegaeḡaelaia toma. Dibadia ita na e hitolodamu; taunabunai idia na taruha vada e rakalania, tano paka ai e komumu, e tomamu “Hanua amo bae raka lasi negana ai baita abidia mauri, bona hanua lalonai baita didi vareai”.
2KI 7:13 Bena ena hesiai tauna ta eto, Mani emu kara tatau haida a siaidia, doini mimia hosidia ima bae abidia, badina be dibada doini iniseni ai e nohomu taudia na Israel hutuma vada e mase taudia heḡereḡeredia ai baela. Mani aita siaidia, bae itaia.
2KI 7:14 Taunabunai, hosi-gui taudia rarua e abidia; bena hanua pavapavana ese e siaidia, Suria taudia edia tuari oreana murina amo baela. Ia na eto, Aola, a ha itadia.
2KI 7:15 Taunabunai raruosi na idia muridia amo ela, ela bona Ioridane sinavaina; bena e itaia, dala idoinai dabua bona kohu e hepetapetalai, Suria taudia ese heaudia ai e nege ḡaudia. Bena e siaidia taudia na e lou, hanua pavapavana e hamaorolaia.
2KI 7:16 Bena hanua taudia na e raka lasi, Suria taudia edia taruha ela, edia kohu e abi ore. Taunabunai, flaoa namo-hereana bosea ta e hoia, davana na sekele tamona, bona bali bosea rua danu e hoi, davana na sekele tamona, Iehova ena hereva heḡereḡerena.
2KI 7:17 Hanua pavapavana ese tuari biaguna, imana ai e hetao kau tauna, na vada e siaia, ikoukou baine naria; bena hanua taudia ese e moia taotao, ikoukou raka-lasina ai; bena ia na e mase, Dirava ena tau ena hereva, hanua pavapavana ia dekena ela negana ai e gwauraia herevana, heḡereḡerena.
2KI 7:18 Badina be Dirava ena tau ese hanua pavapavana e hamaoroa, eto “Kerukeru, hari ina hora sisivana, bali bosea rua eiava flaoa namo-hereana bosea ta na Samaria ikoukouna ai bae hoi, davadia na sekele tamona” negana ai
2KI 7:19 hari tuari biaguna ese Dirava ena tau e haere henia, eto “Iehova sibona ese gaba-mauru bema kara guba ai, ina kara bema vara diba a?”. Una negana ai Dirava ena tau eto “Oi sibomu matamu amo ba itaia, to basio ania”.
2KI 7:20 Benaini, unu e vara toma ienai, badina be hanua taudia ese ikoukou raka-lasina ai e moia taotao, bena e
2KI 8:1 Elisaia ese natuna e hamauria lou hahinena na vada e hamaoroa, eto, A tore isi, emu ruma taudia ida aola, ba noholaia diba gabuna ta ai vada ba noho; badina be Iehova ese doe vada e gwauraia, bena ina tano na baine doe ela bona laḡani hitu.
2KI 8:2 Taunabunai, una hahine na e tore isi, Dirava ena tau ena hereva heḡereḡerena e karaia; ia na ela, ena ruma taudia ida, Filistia taudia edia tano ai e nohova, laḡani hitu.
2KI 8:3 Laḡani hitu e ore ai, hahine na Filistia taudia edia tano amo e lou lao, bena ia na hanua pavapavana dekena ela, baine noia totona; ena ruma bona ena tano iabi-loudia herevadia baine gwaurai.
2KI 8:4 Una negana ai hanua pavapavana na Gehasi, Dirava ena tau ena hesiai tauna, ida e hereva-herevava ai, hanua pavapavana na eto, Elisaia ena kara badadia iboudiai sivaraidia ba hamaorolaigu.
2KI 8:5 Hari tau ese hanua pavapavana na Elisaia mase merona e hamauria sivaraina e hamaorolaiava lalonai, hari natuna e hamauria lou hahinena ese hanua pavapavana e noia, ena ruma bona ena tano herevadia e gwaurai. Bena Gehasi eto, Pavapava e, egu lohia, hari hahinena binai, bona natuna danu, Elisaia ese e hamauria lou merona.
2KI 8:6 Hanua pavapavana ese hahine na e nanadaia, bena ia ese sivarai ma e gwauraia. Taunabunai, hanua pavapavana ese ena ḡaukara itataona tauna ta e haḡania, eto, Ena ḡau iboudiai ba henia lou, bona uma anidia iboudiai danu, e raka oho dinana amo ema bona hari.
2KI 8:7 Elisaia na Damasko ai e kau. Una negana ai Ben-hadad, Suria pavapavana, na e gorerea. Bena haida ese e hamaoroa, eto, Dirava ena tau vada ema.
2KI 8:8 Bena hanua pavapavana ese Hasaele e hamaoroa, eto, Herahia ḡauna avabia kau, baola, Dirava ena tau ida ba hedavari; bena iena amo Iehova ba nanadaia, ina gorere amo baina mauri lou eiava?
2KI 8:9 Taunabunai, Hasaele na ia ihedavari-henina totona ela, herahia e laohai, Damasko kohudia idau-idau, kamelo hari-ahui edia huahua. Ia na ela, vairanai e gini, eto, Natumu Ben-hadad, Suria pavapavana, ese vada e siaigu dekemu ai, e tomu “Ina gorere amo baina mauri lou eiava?”
2KI 8:10 Elisaia ese e haere henia, eto, Aola, ba hamaoroa, baoto “Momokani, vada ba mauri lou”; ḡau tamona, Iehova ese vada e haheitalaigu, momokani ia na baine mase.
2KI 8:11 Bena e raraia tao ela bona e hemarai. Bena Dirava ena tau e tai.
2KI 8:12 Bena Hasaele eto, Egu lohia e, dahaka dainai o taimu? Ia na e haere, eto, Badina be Israel taudia ede ba hadikadia toma na vada dibagu: edia kohoro ba doudia, edia eregabe taudia na dare amo bavaladia mase, natudia maraḡidia ba huaridia, bona edia rogorogo hahinedia ba dapadia.
2KI 8:13 Bena Hasaele eto, Emu hesiai tauna be daika, ia na una kara badana baine karaia? Ia na sisia mo. Elisaia na e haere, eto, Iehova ese vada e haheitalaigu, oi na Suria pavapavana ai baola.
2KI 8:14 Bena una tau ese Elisaia e rakatania, biaguna dekena e lou lao; bena biaguna ese e nanadaia, eto, Elisaia be dahaka eto? Ia na e haere, eto, E hamaorogu, oi na momokani ba mauri lou.
2KI 8:15 A daba ai ia ese hetaru ḡauna e abia, ranu ai e urua diho; bena hanua pavapavana vairana e ḡovalaia ela bona e mase. Bena Hasaele na ia gabuna ai e lohia.
2KI 8:16 Ioram Ahaba, Israel pavapavana, ena lohia laḡanina iha-imana ai, Iehoram, Iuda pavapavana Iehosafat natuna, na e lohia matama.
2KI 8:17 E lohia matama negana ai, ena mauri laḡanidia na toi-ahui rua; ia na Ierusalem ai e lohia, laḡani taurahani.
2KI 8:18 Ia na Israel pavapavadia edia dala ai e rakava, Ahaba ena iduhu taudia e karava heḡereḡerena, badina be adavana na Ahaba natuna hahinena. Ia na Iehova vairanai e kara dikava.
2KI 8:19 Ḡau tamona, Iehova ese Iuda na se habuaia tari, ena hesiai tauna David dainai, badina be vada e gwau hamata, lamepa ta ia baine henia bona ia garana baine henidia ela bona hanaihanai.
2KI 8:20 Iena nega ai Edom ese Iuda ena helohia e dadaraia, sibodia edia pavapava ta e haginia.
2KI 8:21 Bena Ioram e hanai, mai ena kariota iboudiai ida, Sairi kahana ela. Bena hanuaboi ai e tore isi; bena ia bona ena kariota biagudia ese Edom oreana, ia e daia heḡeḡe taudia, na e rahudia mase. A ena tuari taudia na e heau, edia hanua ela.
2KI 8:22 Taunabunai Edom ese Iuda ena helohia e dadaraiamu ema bona ina dina. Libna ese danu una nega tamona ai e dadaraia.
2KI 8:23 Ioram ena kara orena, e kara karadia iboudiai, na Iuda Pavapavadia Sisigadia Bukana ai vada eme hetore, ani?
2KI 8:24 Bena Ioram na tubu tama dekediai e mahuta, senena ida e guridia hebou, David ena hanua ai. Bena ia natuna Ahasia ese ia gabuna ai e lohia.
2KI 8:25 loram Ahaba, Israel pavapavana, ena lohia laḡanina ihagwauta-ruana ai, Ahasia, Iuda pavapavana Iehoram natuna, na e lohia matama.
2KI 8:26 E lohia matama negana ai, Ahasia ena mauri laḡanidia na ruahui rua; ia na laḡani tamona Ierusalem ai e lohia. Sinana ladana na Atalia, Omri, Israel pavapavana, tubuna.
2KI 8:27 Ia danu Ahaba ena iduhu edia dala ai e rakava, bona Iehova vairanai e kara dikava, Ahaba ena iduhu taudia e karava heḡereḡerena; badina be ia na Ahaba iduhuna ravadia.
2KI 8:28 Ia na Ioram Ahaba ida ela, Hasaele, Suria pavapavana, e tuari henia, Ramoto-gilead ai; unuseni ai Suria taudia ese Ioram e haberoa.
2KI 8:29 Bena King Ioram na e lou ela, Iesrele ai ena bero bae namo totona. Unu bero be Suria taudia edia amo e davaridia Rama ai, ia ese Hasaele, Suria pavapavana, e tuari henia negana ai. Bena Ahasia Iehoram, Iuda pavapavana, na Iesrele ela, Ioram Ahaba baine igoa ita totona, badina be ia na e gorereava.
2KI 9:1 Bena peroveta tauna Elisaia ese peroveta oreana tauna ta e boiria, e hamaoroa, eto, Emu rami ba hekasilaia, ina dehoro kavabuna na imamu ai bavabia, Ramoto-gilead baola.
2KI 9:2 Ba kau negana ai, Iehu, Iehosafat Nimisi natuna, ba tahua. Ba raka vareai, ba hamaoroa, ia na bamona bogaragidia amo baine tore isi; bena laloma daiutuna lalonai ba hakaua vareai.
2KI 9:3 Bena dehoro kavabuna bavabia, dehoro na ia kwarana ai ba bubua, baoto “Iehova na ini e gwau tomamu: lau ese na horomumu, Israel pavapavana”. Bena iduara ba kehoa, ba heau; basio halahe.
2KI 9:4 Taunabunai, hari tau peroveta eregabena na Ramoto-gilead ela.
2KI 9:5 E kau negana ai, tuari lohiadia na e henega bouva; bena ia eto, Lohia e, lau na mai egu hereva emu. Iehu eto, Ai daika enai? Ia eto, Lohia e, oiemu.
2KI 9:6 Taunabunai, ia na e tore isi, ruma lalonai e raka vareai; bena hari eregabe tauna ese dehoro na kwarana tubuana ai e bubua, e hamaoroa, eto, Iehova, Israel Diravana, na ini e gwau tomamu: lau ese na horomumu, Iehova ena orea, Israel, pavapavana.
2KI 9:7 Biagumu Ahaba ena iduhu taudia na ba rahudia mase; unu amo egu hesiai taudia, peroveta taudia, raradia bona Iehova ena hesiai taudia iboudiai raradia davadia na Iesebel ena amo baina abi.
2KI 9:8 Badina be Ahaba ena iduhu taudia iboudiai bae mase ore; Ahaba garana mamaruanedia iboudiai Israel ai, e ḡuidia taudia bona asie guidia taudia, na baina aladia ore.
2KI 9:9 Ahaba ena iduhu na Ieroboam Nebata ena iduhu bona Baasa Ahia ena iduhu heḡeregeredia ai baina halaodia.
2KI 9:10 Bona Iesebel na sisia ese bae ania, Iesrele tanona ai; ta ese basine guria. Bena eregabe tauna na iduara e kehoa, bena e heau.
2KI 9:11 Iehu na biaguna ena hesiai taudia dekedia ma e raka lasi, bena idia ese e nanadaia, eto, Namo eiava? Badina be dahaka una kavakava tauna na dekemu ema? Ia ese e haere henidia, eto, Una tau be dibamui, ena hereva danu dibamui.
2KI 9:12 Idia eto, O koikoimu, harihari a hamaoromai. Ia eto, Unu in: e hamaorogu, eto, Iehova na ini e gwau tomamu: lau ese na horomumu, Israel pavapavana.
2KI 9:13 Bena idia iboudiai ta ta ena dabua e doki oho haraḡa-haraga, ia henuna vadavadadia kavakava latadiai e laha. Bena kibi e hiriria, eto, Iehu na pavapava.
2KI 9:14 Bena Iehu, Iehosafat Nimisi natuna, ese Ioram ihadikana dalana e tahua. (Hari loram na Israel taudia iboudiai ida Ramoto-gilead ai vada e hegima, Hasaele, Suria pavapavana, ilao-ahuna totona,
2KI 9:15 a King Ioram na vada e lou Iesrele, Hasaele, Suria pavapavana, e tuari heniava negana ai Suria taudia ese e haberoa berodia ihanamodia totona.) Taunabunai, Iehu eto, Bema lalomui na iniheto, bena ta na hanua amo basine heau helada, harina basine ha piua Iesrele ai.
2KI 9:16 Bena Iehu na ena kariota ai e gui, Iesrele ela; badina be loram na unuseni ai. Ahasia, Iuda pavapavana, danu Ioram igo-itana totona vada ema.
2KI 9:17 Kito tauna ta na Iesrele kohorona ai gini, bena Iehu ena orea e maiva ai e itaia, eto, Orea ta na itaiamu. Ioram eto, Hosi-gui tauna ta bavabia, ba siaia lao, idia ida bae hedavari, bena baineto “Maino ai oma a?”
2KI 9:18 Taunabunai, tau ta na hosi ai e gui, ela, ia ida e hedavari, eto, Hanua pavapavana na ini e gwau tomamu: maino ai oma a? Iehu eto, Maino be dahaka ikaralaina emu ai? A hegiro, murigu ai a raka. Bena kito tauna ma e hereva, eto, Gwaukau tauna na dekediai e kau, to se lou maimu.
2KI 9:19 Bena ia ese hosi-gui tauna ihararuana e siaia lao. Ia na dekediai e kau, eto, Hanua pavapavana na ini e gwau tomamu: maino ai oma a? Iehu e haere, eto, Maino be dahaka ikaralaina emu ai? A hegiro, murigu ai a raka.
2KI 9:20 Bena kito tauna ma e hereva, eto, Dekediai e kau, to se lou maimu; kariota ihaheauna danu Iehu Nimisi ena kariota e heaumu na heto, badina be ia na vaia ena kariota e haheaua lalo-dikamu.
2KI 9:21 Ioram eto, A heḡaeḡae. Bena idia ese ena kariota e heḡaeḡaelaia. Bena loram, Israel pavapavana, bona Ahasia, Iuda pavapavana, na e tore isi, ta ta ena kariota ena kariota ai e gui, Iehu ida bae hedavari totona ela; bena ia ida e hedavari, Naboto, Iesrele tauna, ena tano ai.
2KI 9:22 loram ese Iehu e itaia, bena eto, Iehu e, maino ai oma a? Ia na e haere, eto, Maino be ede baine vara toma, sinamu Iesebel ena lebulebu karadia bona ena mea karadia na doini momo herea negana ai?
2KI 9:23 Bena Ioram ese ena kariota e veria hegiro, e heau, bona Ahasia na e boi henia, eto, Ahasia e, tao tore!
2KI 9:24 Bena Iehu ese ena peva e marea mai goadana idoinai ida, loram na larolarona padadiai e tarakia, bena diba ese kudouna e daia uru, bena tauna na ena kariota ai e hetaba diho.
2KI 9:25 Bena Iehu ese iduruna tauna Bidikara e hamaoroa, eto, Avabia isi, Naboto tau Iesrele ena tano ai ba negea. Badina be ba laloa, ita raruosi na tamana Ahaba murina amo ta laova negana ai, Iehova ese ia ihadikana herevana e gwauraia guna, eto
2KI 9:26 “Lau Iehova ini na gwau tomamu: Naboto rarana bona natuna raradia varani na ita heḡereḡerena, davana na ina tano latanai do baina halou henimu”. Taunabunai, avabia isi, una tano ai ba negea, Iehova ena hereva heḡereḡerena.
2KI 9:27 Ahasia, Iuda pavapavana, ese una kara e itaia, bena ia na Bete-hagana dalana ai e heau lao. Bena Iehu ese e hahavaia, eto, Ia danu ba tarakia. Bena ena kariota ai e tarakia, Guru dara-daena ai, Ibleam badibadinai. Bena e heau, Megido ela, unuseni ai e mase.
2KI 9:28 Ena hesiai taudia ese kariota ai e laohaia, Ierusalem ela; bena senena ida ena gara ai e guria, David ena hanua lalonai.
2KI 9:29 (Ioram, Ahaba natuna, ena lohia laḡanina ihagwauta-tana ai, Ahasia ese Iuda e lohiaia matama.)
2KI 9:30 Iehu na Iesrele ai e kau negana ai, Iesebel e kamonai, bena ia ese matana e umudia bona kwarana heraheradia e kara; bena gaba-mauru amo e ha igo.
2KI 9:31 Bena Iehu na ikoukou amo e heau vareai negana ai, hahine na eto, Simiri e, biagumu iala-masena taumu, maino ai oma a?
2KI 9:32 Bena Iehu na gaba-mauru e roha dae henia, eto, Daika na lauegu kaha ai? Daika? Bena hesiai taudia rarua eiava tatoi na e igo lasi, e itaia.
2KI 9:33 Ia eto, A tahoa dobi. E tahoa dobi; bena rarana pisipisidia na haba ai bona hosi ediai e kau. Bena hosi ese e moimoilaia.
2KI 9:34 Bena Iehu na e raka vareai, e aniani, e inuinu; bena eto, Hari e uduguiraia hahinena na bavabia, ba guria; badina be ia na pavapava natuna.
2KI 9:35 A idia ese igurina ela negana ai na ḡau ta asie davaria, kwarana koukouna bona aena bona imana palapaladia mo.
2KI 9:36 Bena idia na ela, e hamaoroa. Bena ia eto, Iehova ena hereva, ena hesiai tauna Elia, tau Tisbe, uduna amo e gwauraia, herevana binai: Iesrele tanona ai sisia ese Iesebel hidiona bae ania,
2KI 9:37 bona Iesebel tau-anina na Iesrele tanona kopina ai baine mia, hosi taḡena na heto; taunabunai tau ta basine hereva diba, basineto “Iesebel binai”.
2KI 10:1 Ahaba natuna mamaruanedia hitu-ahui na Samaria ai e nohova. Taunabunai Iehu ese revareva haida e tore, e siaidia lao Samaria ai, hanua lohiadia bona tau-badadia bona Ahaba natuna e reḡudiava taudia dekediai.
2KI 10:2 Eto, Ina revareva ba davaria dinana ai, biagumu natuna mamaruanedia na dekemui ai e nohomu bona kariota bona hosi bona hanua mai maḡudia bona tuari ḡaudia na dekemui ai e miamu dainai,
2KI 10:3 biagumu natuna namo-hereana bona baine davana momokani merona bavabia hidi, tamana ena terono ai ba hahelaia kau, bona biagumu ena iduhu dainai ba tuari.
2KI 10:4 Bena idia na e gari dikadika, e hereva heheni, eto, A itaia, hari pavapava raruosi na ia vairanai se gini diba, matona ita na ede baita gini toma?
2KI 10:5 Taunabunai, hanua pavapavana ena ruma biaguna bona hanua lohiana bona hanua tau-badadia bona hereḡu taudia na hereva e siaia, Iehu dekenai, eto, Ai na oiemu hesiai taudia; emu haheḡani iboudiai emai ai na baia badinadia. Ai na tau ta hanua pavapavana ai basia halaoa; oi sibomu emu lalo-hadai heḡereḡerena ba karaia.
2KI 10:6 Bena Iehu ese revareva ta ma e tore henidia, eto, Bema umui na lauegu kaha ai, bona lalomui bema heḡereḡere lau ba kamonai henigu, biagumui natuna mamaruanedia kwaradia bavabidia, bena kerukeru, nega inihetomana ai, dekegu baoma Iesrele ai. Una negana ai hari hanua pavapavana natuna mamaruanedia hitu-ahuiosi na hanua tau-badadia dekediai e nohova; idia ese e regudiava.
2KI 10:7 Bena revareva na dekediai e kau negana ai, idia ese hanua pavapavana natuna mamaruanedia e abidia, taudia hitu-ahuiosi na e aladia mase, kwaradia na bosea haida lalodiai e udadia, bena ia dekena e siaidia lao, Iesrele ai.
2KI 10:8 Gwaukau tauna na e kau, bena e hamaoroa, eto, Hanua pavapavana natuna mamaruanedia kwaradia vada e mailai. Bena Iehu eto, Senu rua ai bavatodia, ikoukou raka-vareaina ai bae mia ela bona daba.
2KI 10:9 Bena daba ai ia na e raka lasi, e gini, taunimanima iboudiai e hereva henidia, eto, Umui na asi emui kerere; lau ese biagugu ihadikana dalana na tahua, bena na alaia mase; a ini be daika ese e aladia mase?
2KI 10:10 Taunabunai ba diba, Iehova ese Ahaba iduhuna herevadia e gwaurai ḡaudia na ta tano ai basine moru; badina be Iehova ese ena hesiai tauna Elia uduna amo e gwaurai herevadia na karadia vada e kara.
2KI 10:11 Taunabunai, Iehu ese Ahaba ena orea taudia Iesrele ai na e aladia mase, ena tau-badadia iboudiai bona turana korikori bona ena hahelaḡa taudia, ela bona ta se hanohoa.
2KI 10:12 Bena ia na e tore isi, Samaria ela. Dala ai, ia na Bet-ekede ai e kau; una na mamoe ireḡudia taudia edia gabu ta.
2KI 10:13 Unuseni ai Iehu na Ahasia, Iuda pavapavana, varavarana ida e hedavari, bena e nanadaidia, eto, Umui, be daidia? Idia na e haere, eto, Ai na Ahasia varavarana, hanua pavapavana natuna bona ia sinana natuna baia igodia ita totona vada ama.
2KI 10:14 Ia eto, Ba dabaidia tao! E dabaidia tao; bena Bet-ekede ranu gurina badibadinai e aladia mase. Iboudiai na hari-ahui rua; ta se hanohoa.
2KI 10:15 Unu amo e raka oho negana ai, Iehonadab Rekab na ema, bena raruosi e hedavari. Bena Iehu ese e hahenamo henia, eto, Oi o lalokau henigu momokanimu, lau ese oi na lalokau henimu momokanimu na heto, a? Iehonadab e haere, eto, Oibe. Iehu eto, Bema unuheto, imamu ba henigu. Bena imana e henia. Bena Iehu ese e abia dae, ena kariota latanai,
2KI 10:16 eto, Aitala, ba itaia, lalogu na e siahumu Iehova dainai. Taunabunai, ena kariota ai e laohaia.
2KI 10:17 Bena Samaria ai e kau ai, ia ese Ahaba ena orea taudia oredia iboudiai Samaria ai e aladia mase, ela bona vada e ha-oredia, Iehova ese Elia e hamaorolaia herevana heḡereḡerena.
2KI 10:18 Bena Iehu ese taunimanima iboudiai e haboudia, e hereva henidia, eto, Ahaba ese Baal isiaina e lao henia sisina, a Iehu ese isiaina baine lao henia bada.
2KI 10:19 Taunabunai, Baal ena peroveta taudia bona e toma henia dihomu taudia bona ena hahelaḡa taudia ibouboudiai a boiridia, ta basine noho, badina be boubou karana badana ta baina karaia, Baal ena; baine noho tauna na basine mauri. A Iehu ese e koidia; ia ese Baal itomadihohenina taudia baine habuadia tari eto.
2KI 10:20 Bena Iehu na e hahedua, eto, Hebou ta ba hahelaḡaia, Baal ena. Bena idia ese vada e gwauraia.
2KI 10:21 Bena Iehu ese herevana e siaia lao, Israel idoinai; bena Baal itomadiho-henina taudia iboudiai ema, ta se noho. Bena Baal ena dubu ai e dae kau, ela bona Baal ena dubu na e honu, duduna ela bona duduna.
2KI 10:22 Bena Iehu ese dabua kobena inarina tauna e hamaoroa, eto, Dabua helaḡadia avabidia lasi, Baal itomadiho-henina taudia iboudiai edia. Taunabunai, ia ese edia dabua e abidia lasi.
2KI 10:23 Bena Iehu na Baal ena dubu ai e dae kau, lehonadab Rekab ida. Bena ia ese Baal itomadiho-henina taudia e hamaorodia, eto, Mani a hetahu, ba itaia, Iehova itomadiho-henina tauna ta umui padamui ai basine noho, a Baal itomadiho-henina taudia mo sibodia.
2KI 10:24 Bena ia na e raka vareai, boubou ḡaudia bona ḡole-oho bouboudia baine hahelaḡadia totona. Iehu ese tatau taurahani-ahui na edia gini gabudia vada e henidia murimuri ai, bena ia ese e hamaorodia, eto, Ini imamui ai vada na atodia taudia ta baine harohoa mauri tauna na baine mase.
2KI 10:25 Taunabunai, ḡole-oho boubouna e hahelaḡaia vaitani murinai, Iehu ese kito taudia bona heitatao taudia e hamaorodia, eto, A raka vareai, bavaladia mase, tau ta basine roho mauri. Taunabunai hari kito taudia bona heitatao taudia ese dare amo e aladia ore, bena e tahodia lasi murimuri ai. Bena Baal ena dubu ena laloma daiutuna lalonai e raka vareai,
2KI 10:26 au-tubua helaḡana Baal ena dubu ai e miava ḡauna na e huaia lasi, e gabua.
2KI 10:27 Baal ena au-tubua bona ena dubu danu idia ese e ḡigidia dobi, bona mei rumana ai e halaoa, ema bona ina dina.
2KI 10:28 Unu amo Iehu ese Baal na Israel ai e halasihiaia.
2KI 10:29 A Iehu na Ieroboam Nebata ena kara dika, Israel e hakaralaia dika ḡaudia, amo se raka oho. Una Ieroboam ese boromakau natuna laulaudia na gold amo e karadia, Betele ai bona Dan ai e atodia; unu amo ia ese Israel e hakaraia dika.
2KI 10:30 Bena Iehova ese Iehu e hamaoroa, eto, Vada o kara namo; egu lalohadai heḡereḡerena vada o karaia, bona lalogu e urava karadia iboudiai na Ahaba ena iduhu vada o kara henia, una dainai uru ihahanina ai oi garamu na Israel teronona ai bae helai.
2KI 10:31 A Iehu na Iehova, Israel Diravana, ena taravatu dalana ai se raka namonamo mai lalona idoinai, ia na Ieroboam ena kara dika, Israel e hakaraia dika ḡaudia, na se rakatanidia.
2KI 10:32 Unu dinadia ai, Iehova ese Israel tanona e hamaraḡia matama. Israel tanona idoinai lalonai Hasaele ese Israel taudia e hadareredia:
2KI 10:33 Ioridane sinavaina amo mairiveina kahana tanodia, bona GDead tanona idoinai, bona Gad bona Ruben bona Manase taudia edia tano, Aroere, Aranon kourana badina, amo; unu na Gilead bona Basan tanodia.
2KI 10:34 Iehu ena kara oredia, ena kara iboudiai bona ena siahu, sivaraidia na Israel Pavapavadia Sisigadia Bukana ai vada eme hetore, ani?
2KI 10:35 Taunabunai, Iehu na tubu tama dekediai e mahuta; Samaria ai e guria. Ia gabuna ai ia natuna Iehoahasa ese Israel e lohiaia.
2KI 10:36 Iehu ena lohia laḡanidia, Samaria ai Israel e lohiaia, na laḡani ruahui taurahani.
2KI 11:1 Atalia, Ahasia sinana, ese e itaia, natuna na vada e mase, bena ia na e tore isi, hanua pavapavana varavarana iboudiai e aladia mase.
2KI 11:2 A Iehoseba, King Ioram natuna hahinena, Ahasia taihuna, ese Ahasia natuna loasa e abia, hanua pavapavana natuna mamaruanedia, bae aladia taudia, bogaragidia amo e hakaua oho hehuni, ireḡuna hahinena ida mahuta daiutuna ta ai e hunidia. Unuheto ia ese Atalia ena amo e hunia, bena asie alaia mase.
2KI 11:3 Mero na laḡani tauratoi ia dekenai e nohova, Iehova, ena dubu ai e komuva, Atalia ese tano e lohiaiava negana lalonai.
2KI 11:4 Laḡani ihahituna ai, Iehoiada na e hesiai, Kariti biagudia bona gima oreana biagudia e boiridia, ia dekenai bae hebou, Iehova ena dubu ai; bena e gwau henidia hamata bona idia edia amo gwauhamata e abia, Iehova ena dubu ai; bena ia ese hanua pavapavana natuna e haheitalaidia.
2KI 11:5 Bena e haganidia, eto, Umui na ini ba kara toma: emui orea kaha toiosi ai kaha ta be Dina Helaḡa ai o raka vareaimu, hanua pavapavana ena ruma o gimaiamu,
2KI 11:6 (a kaha ta be Suru ikoukouna ai bona kaha ta be gima taudia muridia ikoukouna ai), na pavapava ena ruma do ba gimaia;
2KI 11:7 a kaha rua, Dina Helaḡa ai emui nega o matamaiamu bona Iehova ena ruma o gimaiamu taumui na
2KI 11:8 hanua pavapavana ba ginia heḡeḡe, ta ta mai emui tuari ḡaudia imamui ai, bena daika ese baine raka kahi henimui na bavalaia mase. Hanua pavapavana na ba bamoa, ena raka lasi ai bona ena raka vareai ai.
2KI 11:9 Bena orea biagudia ese hahelaḡa tauna Iehoiada ena haheḡani idoinai heḡereḡerena e karaia; ta ta ese ena orea ena orea, Dina Helaḡa ai e raka lasiva bona Dina Helaḡa ai e raka vareaiva taudia, na e mailaidia, hahelaḡa tauna Iehoiada dekenai.
2KI 11:10 Bena hahelaḡa tauna ese io bona kesi, gunaguna King David ena bena Iehova ena dubu ai e miava ḡaudia, na e abidia, orea biagudia e henidia.
2KI 11:11 Bena gima taudia na e gini, ta ta mai edia tuari gaudia imadia ai, dubu diho kahana amo ela bona dubu mirigini kahana, ihaboulaina patana bona dubu e ginidia heḡeḡe.
2KI 11:12 Bena hahelaḡa tauna ese hanua pavapavana natuna e hakaua lasi, havava ḡauna na kwarana ai e atoa, bona dagi toana e henia, bena idia ese ia e gwauraia hanua pavapavana, bona e horoa danu, bena imadia e patapata, eto, Hanua pavapavana baine mauri daudau.
2KI 11:13 Atalia na gima taudia bona taunimanima iboudiai eredia e kamonai, bena Iehova ena dubu ai e raka vareai, taunimanima dekediai.
2KI 11:14 E roha lao, hanua pavapavana e itaia, au-tubua badibadinai gini, edia kara heḡereḡerena; orea biagudia bona kibi-hiriri taudia danu hanua pavapavana badibadinai gigini, bona tano taudia iboudiai e moaleva bona kibi e hiririva. Bena Atalia ese ena dabua e dare, e boi lolo, eto, Tao-tore! Tao-tore!
2KI 11:15 Bena hahelaḡa tauna Iehoiada ese tuari biagudia e haganidia, eto, Gima taudia padadia amo ba hakaua lasi; ia murina amo baine raka tauna na dare amo bavalaia mase. Badina be hahelaḡa tauna eto, Iehova ena dubu ai basio alaia mase.
2KI 11:16 Bena idia ese e dabaia tao; bena hosi edia raka vareai dalana amo hanua pavapavana ena ruma e lao henia, unuseni ai e alaia mase.
2KI 11:17 Bena Iehoiada ese Iehova bona hanua pavapavana bona taunimanima na e haherohedia maino, idia na Iehova ena orea taudia ai baela totona; ia ese danu hanua pavapavana bona taunimanima e haherohedia maino.
2KI 11:18 Bena tano taudia iboudiai na Baal ena dubu ela, eha ḡiḡia dobi; ena ihaboulaina patadia bona ena kaivakuku danu e hamakohidia rohoroho; bona Matan, Baal ena hahelaḡa tauna, na ihaboulaina patadia vairadiai e alaia mase. Bena hahelaḡa tauna ese Iehova ena dubu igimana taudia e atodia.
2KI 11:19 Bena ia ese orea biagudia bona Kariti taudia bona gima taudia bona tano taudia iboudiai e abidia; bena idia ese hanua pavapavana na Iehova ena dubu amo e hakaua diho, gima taudia edia ikoukou amo e raka hanai, ela hanua pavapavana ena ruma ai. Bena ia na pavapava edia terono ai e helai.
2KI 11:20 Taunabunai, tano taudia iboudiai e moaleva. Atalia na hanua pavapavana ena ruma ai dare amo e alaia mase, bena hanua na asi reḡereḡena.
2KI 11:21 Iehoasa e lohia matama negana ai na ena mauri laḡanidia na hitu hona.
2KI 12:1 Iehu ena lohia laḡanina ihahituna ai, Iehoasa e lohia matama; ena lohia laḡanidia Ierusalem ai na hari-ahui. Sinana ladana na Sibia; ia na Bere-sieba hahinena.
2KI 12:2 Iehoasa na Iehova vairanai e kara maoromaorova ena dina iboudiai lalodiai; badina be hahelaḡa tauna Iehoiada ese e hadibadibaia.
2KI 12:3 Ḡau tamona, atai gabudia helaḡadia na asie kokidia oho; taunimanima na dounu boubou karadia e karava bona muramura mai bonadia e gabuva unu atai gabudia ai.
2KI 12:4 Iehoasa ese hahelaḡa taudia e hereva henidia, eto, Herahia helaḡadia monidia iboudiai Iehova ena dubu ai e vareailai, taunimanima ta ta edia taḡa ahudia, bona sibodia ahudia, bona edia ura-kwalimu ai Iehova ena dubu ai e vareailai monidia,
2KI 12:5 unu iboudiai na hahelaḡa taudia ese bae abi, ta ta turadia bona dekedia taudia edia amo bae abi; bena dubu baine dika gabudia na bae hanamolai.
2KI 12:6 A King Iehoasa ena lohia laḡanidia ruahui-toi lalodiai, hahelaga taudia ese dubu ihanamona ḡaukarana ta do asie karaia.
2KI 12:7 Taunabunai, King Iehoasa ese hahelaḡa tauna Iehoiada bona hahelaḡa taudia oredia na e boiridia, e gwau henidia, eto, Dahaka dainai dubu na asio hanamoa loumu? Benaini, turamui bona dekemui taudia edia amo moni haida ma basio abi lou, a ba heni, dubu ihanamo-louna ḡauna.
2KI 12:8 Taunabunai hahelaḡa taudia ese lalodia e hatamonadia, taunimanima edia moni basie abi lou, bona dubu danu basie ḡaukaralaia.
2KI 12:9 Bena hahelaḡa tauna Iehoiada ese maua ta e abia, bona matu ta na ikaruhina ai e budua uru. Bena maua na ihaboulaina patana idibana kahana ai e atoa, Iehova ena dubu raka-vareaina ai. Bena dubu iduarana e nariava hahelaḡa taudia ese hari Iehova ena dubu e vareailai monidia iboudiai na una maua lalonai e uda dobi.
2KI 12:10 Bena moni momo maua lalonai e ita negadia ai na hanua pavapavana ena toretore tauna bona hahelaḡa tauna badana ema, bena raruosi ese Iehova ena dubu ai e davari monidia na e duahi bona puse lalodiai e ḡui ahu.
2KI 12:11 Bena e hahetoho monidia na Iehova ena dubu ḡaukaradia e ita tao taudia e henidia; bena idia ese kamuta taudia bona ruma-hagini taudia Iehova ena dubu e ḡaukaralaiava na e henidia,
2KI 12:12 bona nadi iḡaukaralaidia bona iutudia taudia danu. Idia ese danu au bona vada e ḡei nadidia na e hoi, dubu ihanamo-louna ḡaudia, bona dubu ihanamo-louna ḡaukaradia ma haida davadia e kara.
2KI 12:13 A silver keheredia lamepa ihaḡoevadia ḡaudia bona nau bona kibi bona gold eiava silver urodia na haida asie kara, unu Iehova ena dubu ai e vareailai monidia amo;
2KI 12:14 badina be unu moni na Iehova ena dubu ihanamo-louna e ḡaukaralaiava taudia e henidia.
2KI 12:15 Unu moni ede e ḡaukaralai tomava na e henidia taudia ediai asie tahua, badina be idia na e ḡaukara maoromaorova.
2KI 12:16 A kara dika davadia bona kara kerere bouboudia monidia na Iehova ena dubu ai asie vareailai: unu na hahelaḡa taudia edia.
2KI 12:17 Una negana ai Hasaele, Suria pavapavana, na ela, Gata hanuana e tuari henia, bena e abia. A Hasaele be Ierusalem e raka lao, baine tuari henia totona, negana ai na
2KI 12:18 Iehoasa, Iuda pavapavana, ese herahia helaḡadia iboudiai, Iehosafat bona Iehoram bona tamana Ahasia, Iuda pavapavadia, ese e hahelaḡadia ḡaudia, bona ia sibona ena herahia, e hahelaḡadia ḡaudia, bona Iehova ena dubu ai bona hanua pavapavana ena ruma ai e habouva gold-na idoinai e abi, bena Hasaele, Suria pavapavana, dekena e siaidia lao. Bena Hasaele na Ierusalem amo e raka oho.
2KI 12:19 Ioasa ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai vada eme hetore, ani?
2KI 12:20 Iena hesiai taudia na e tore isi, ia iala-masena totona e henega bou; bena idia ese Ioasa e alaia mase Milo kohorona ai, Sila lao dalana ai.
2KI 12:21 Ena hesiai taudia rarua, Iosakara Simeata bona Iehosabad Somere, ese e rahua mase, bena vada e mase. Bena David ena hanua ai e guria, tubu tama dekediai; bena natuna Amasia ese ia gabuna ai e lohia.
2KI 13:1 Ioasa Ahasia, Iuda pavapavana, ena lohia laḡanina iharuahui-toina ai, Iehoahasa Iehu ese Israel e lohiaia matama, Samaria ai; ena lohia laḡanidia na gwauta-hitu.
2KI 13:2 Iehova vairanai e kara havara, Ieroboam Nebata ena kara dika, Israel taudia e hakaradia dikalai ḡaudia, na e badinadia; unu kara dika amo se raka oho.
2KI 13:3 Bena Iehova ena badu vada e ḡaraḡara Israel taudia latadiai; Hasaele, Suria pavapavana, bona Ben-hadad, Hasaele natuna, imadia ai e atodia loulou.
2KI 13:4 Bena Iehoahasa ese Iehova e noia, bona Iehova ese ia e kamonai henia; badina be Israel taudia edia hisi-ani e itaia, Suria pavapavana ese e hahisihisidia.
2KI 13:5 Taunabunai, Iehova ese Israel na ihamauridia tauna ta e henidia, bena Suria taudia imadia amo e roho mauri; bena Israel taudia na edia ruma ai e nohova, gunaguna heḡereḡerena.
2KI 13:6 Ḡau tamona, idia ese Ieroboam ena iduhu taudia edia kara dika, Israel taudia e hakaradia dikalai ḡaudia, na asie rakatanidia, a dounu e rakalaidia, bona au-tubua helaḡana danu dounu e miava Samaria ai.
2KI 13:7 Tuari oreana dounu Iehoahasa dekenai e nohova na hosi-gu i taudia imahui hona, bona kariota gwauta bona ae-raka taudia gerebu-ta; badina be Suria pavapavana ese e habuadia tari, uit ikwadina gabuna momoruna heḡereḡerena ai e halaoa.
2KI 13:8 Iehoahasa ena kara oredia, ena kara iboudiai bona ena goada sivaraidia, na Israel Pavapavadia Sisigadia Bukana ai vada e hetore, ani?
2KI 13:9 Taunabunai, Iehoahasa na tubu tama dekediai e mahuta, Samaria ai e guria. Bena natuna Ioasa ese ia gabuna ai e lohia.
2KI 13:10 Ioasa, Iuda pavapavana, ena lohia laḡanina ihatoiahui-hituna ai, Iehoasa Iehoahasa ese Israel e lohiaia matama Samaria ai. Ena lohia laḡanidia na gwauta-tauratoi.
2KI 13:11 Ia danu Iehova vairanai e kara havara; ia ese Ieroboam Nebata ena kara dika iboudiai, Israel taudia e hakaradia dikalai gaudia, na se rakatanidia, a e rakalaidiava.
2KI 13:12 Ioasa ena kara oredia, e kara karadia iboudiai, bona mai goadana ida Amasia, Iuda pavapavana, e tuari henia sivaraidia, na Israel Pavapavadia Sisigadia Bukana ai vada e hetore, ani?
2KI 13:13 Bena Ioasa na tubu tama dekediai e nohova, bona Ieroboam ese ena terono ai e helai. Ioasa na Samaria ai e guria, Israel pavapavadia dekediai.
2KI 13:14 Elisaia na e gorerea, baine mase gorerena e davaria. Bena Ioasa, Israel pavapavana, na dekena ela, ia vairanai e tai, eto, Tamagu o, tamagu o! Israel kariotadia bona ena hosi-gui taudia!
2KI 13:15 Bena Elisaia ese e hereva henia, eto, Peva bona diba bavabi. Taunabunai, ia ese peva ta bona diba haida e abi.
2KI 13:16 Bena Elisaia ese Israel pavapavana e hamaoroa, eto, Peva a marea. Bena e marea. Bena Elisaia ese ia imana na hanua pavapavana imana latadiai e atodia.
2KI 13:17 Ia ma eto, Gaba-mauru a kehoa, mairiveina kahana ai. Bena e kehoa. Bena Elisaia eto, A kinoa. Bena e kinoa. Ma eto, Ina diba na Iehova ena kwalimu ḡauna, Suria ihadarerena ḡauna. Badina be Suria taudia ba tuari henidia Afek ai, ela bona ba habuadia tari.
2KI 13:18 Ma eto, Diba avabi. Bena e abi. Bena ia ese Israel pavapavana e hamaoroa, eto, Diba amo tano a tutua. Nega toi e tutua, bena e hadokoa.
2KI 13:19 Bena Dirava ena tau ese e badu henia, eto, Nega ima eiava tauratoi boma tutua, bena Suria boma tutua gwada, ela bona boma habuaia tari. A harihari oi na nega toi hona Suria ba tutua gwada.
2KI 13:20 Taunabunai, Elisaia na e mase; bena e guria. Una negana ai Moab oreadia edia kara be tubu-kau negana ai Israel tanona ai e hadadidadiva.
2KI 13:21 Bena tau ta e guria negana ai, dadidadi oreana ta e hedinarai; bena mase tauna na Elisaia ena guri ai e tahoa dobi. Ia na Elisaia turiana ai e dau kau, bena maoromaoro e mauri lou, bona aena ai e gini tore.
2KI 13:22 Hasaele, Suria pavapavana, ese Israel taudia e hahisihisidiava, Iehoahasa ena dina iboudiai lalodiai.
2KI 13:23 A Iehova ese e lalo namo henidia, e bogadia hisi, bona e haḡeredia, ena gwauhamata Abraham bona Isaak bona Iakob ediai dainai, bona se habuadia tari. Bona ia vairana amo se negedia daure ema bona hari.
2KI 13:24 Hasaele, Suria pavapavana, e mase negana ai, ia natuna Ben-hadad na ia gabuna ai e lohia.
2KI 13:25 Bena ia ese Iehoasa tamana Iehoahasa ena amo tuari ai e abi hanuadia na Iehoasa Iehoahasa ese ma e abidia lou. Nega toi Ioasa ese e hadarerea, bona Israel hanuadia e abidia lou.
2KI 14:1 Ioasa Ioahasa, Israel pavapavana, ena lohia laḡanina iharuana ai, Amasia Ioasa ese Iuda e lohiaia matama.
2KI 14:2 E lohia matama negana ai ena mauri laḡanidia na ruahui-ima; ena lohia laḡanidia Ierusalem ai na ruahui taurahani-ta. Sinana ladana be leho-adini; ia na Ierusalem hahinena.
2KI 14:3 Amasia na Iehova vairanai e kara maoromaoro, a dia senena David heḡereḡerena; tamana Ioasa e karava karadia iboudiai ia ese ma e kara.
2KI 14:4 A atai gabudia helaḡadia na se abidia oho; taunimanima na dounu boubou karadia e karava bona muramura mai bonadia e gabuva unu atai gabudia ai.
2KI 14:5 Lohia siahuna ia imana ai e ha-aukaia negana ai, ia ese ena hesiai taudia, ia tamana e alaia mase taudia, na e aladia mase.
2KI 14:6 A unu roroma taudia natudia na ia ese se aladia mase; Mose ena taravatu bukana ai Iehova ena haheḡani e torea heḡereḡerena, eto “Tama na basie aladia mase natudia daidiai, eiava memero na basie aladia mase tamadia daidiai; a ta ta ena kara dika ena kara dika daidiai bae mase”.
2KI 14:7 Ia ese Edom taudia gerebu-ta e aladia mase, Damena Kourana ai; bona Sela hanuana na e daea ai e abia, bena ladana e hatoa lokotele. Ia ladana na unu e hatoa tomamu ema bona ina dina.
2KI 14:8 Bena Amasia ese gwaukau taudia na Iehoasa, Israel pavapavana, Iehoahasa Iehu natuna, dekena e siaidia lao, eto, Aoma, vairadai aitame heita heheni.
2KI 14:9 Bena Iehoasa, Israel pavapavana, ese herevana na Amasia, Iuda pavapavana, dekena e siaia lao, eto, Lebanon ava-ḡiniḡinina ta ese hereva na Lebanon sida-auna ta dekena e siaia lao, eto “Natumu kekenina na lau natugu maruanena ba henia, baine adavaia”; a Lebanon uda-boromana ta ese raka-hanaina ai una ava ḡiniḡini na e moia tao.
2KI 14:10 Momokani, oi ese Edom vada o hadarerea, una dainai lalomu e heabi isimu; una heimodaina ba moalelaia, bona emu hanua ai ba noho. Anina be dahaka hekwarahi ba havaraia, bena ba moru, oi bona Iuda idoinai danu oi ida?
2KI 14:11 A Amasia na se kamonai. Taunabunai Iehoasa, Israel pavapavana, na e dae ela; bena ia bona Amasia, Iuda pavapavana, na e hevaira heheni tuari ai, Bete-semese ai, Iuda tanona ai.
2KI 14:12 Bena Iuda na Israel ese e hadarerea, bona Iuda taudia na e heau, ta ta ena ruma ena ruma ela.
2KI 14:13 Bena Iehoasa, Israel pavapavana, ese Amasia, Iuda pavapavana, Iehoasa Ahasia natuna, e abia mauri, Bete-semese ai. Ia na Ierusalem ai e kau, bena Ierusalem maḡuna e ḡiḡia dobi, Efraim Ikoukouna amo ela bona Daiguni Ikoukouna; padadia na kiubit sinahu-hani.
2KI 14:14 Bena ia ese gold bona silver bona Iehova ena dubu ai bona hanua pavapavana ena ruma habou-habou gabudia ai e davari ḡaudia na iboudiai e dadi, bona abi-mauri taudia na e ḡuidia; bena Samaria e lou lao.
2KI 14:15 Iehoasa ena kara oredia, bona ena goada sivaraina, bona Amasia, Iuda pavapavana, e tuari henia sivaraina, na Israel Pavapavadia Sisigadia Bukana ai e hetore, ani?
2KI 14:16 Bena Iehoasa na tubu tama dekediai e mahuta; Samaria ai e guria, Israel pavapavadia ida. Bena ia natuna Ieroboam ese ia gabuna ai e lohia.
2KI 14:17 Amasia Ioasa, Iuda pavapavana, na laḡani gwauta-ima dounu mauri, Iehoasa Iehoahasa, Israel pavapavana, ena mase murinai.
2KI 14:18 Amasia ena kara oredia na Iuda Pavapavadia Sisigadia Bukana ai e hetore, ani?
2KI 14:19 Haida ese ia iala-masena dalana e henegalaia Ierusalem ai; bena ia na e heau, Lakisi ela. A idia ese haida na ia murina amo e siaidia lao, ela bona Lakisi, unuseni ai e alaia mase.
2KI 14:20 Bena hosi ai e atoa kau, e huaia lao; bena Ierusalem ai e guria, tubu tama dekediai, David ena hanua ai.
2KI 14:21 Bena Iuda taudia iboudiai ese Asaria laḡanina gwauta-tauratoi ai e abia, hanua pavapavana ai e halaoa, tamana Amasia gabuna ai.
2KI 14:22 Ia ese Elata e haginia, bona Iuda hanuana ta ai ma e halaoa, hanua pavapavana na tubu tama dekediai e mahuta murinai.
2KI 14:23 Amasia Ioasa, Iuda pavapavana, ena lohia laḡanina ihagwautaimana ai, Ieroboam Ioasa, Israel pavapavana, na Samaria ai e lohia matama. Ena lohia laḡanidia na hari-ahui ta.
2KI 14:24 Ia na Iehova vairanai e kara havara; Ieroboam Nebata ena kara dika, Israel taudia e hakaradia dikalai ḡaudia, na se rakatanidia.
2KI 14:25 Israel tano-hetoana e abia lou, Hamat raka-vareaina amo ela bona Araba gohuna, Iehova, Israel Diravana, ena hereva, ena hesiai tauna lona Amitai, peroveta tauna Gata-hefere amo, uduna amo e gwauraia heḡereḡerena.
2KI 14:26 Badina be Iehova ese e itaia, Israel ena hisihisi na idita herea, badina be ta dia noho, e ḡuidia taudia eiava asie ḡuidia taudia, bona Israel na asi iduruna tauna ta.
2KI 14:27 A Iehova na asineto Israel ladana na guba henunai baine rohoa; taunabunai ia ese Ieroboam Ioasa imana amo e hamauridia.
2KI 14:28 Ieroboam ena kara oredia, e kara karadia iboudiai, bona ena goada tuari ai, bona Damasko bona Hamat hanuadia na Iuda ena amo e abidia lou, Israel ena, sivaraidia na Israel Pavapavadia Sisigadia Bukana ai e hetore, ani?
2KI 14:29 Bena Ieroboam na tubu tama, Israel pavapavadia, dekediai e mahuta, bona ia natuna Sekaria na ia gabuna ai e lohia.
2KI 15:1 Ieroboam, Israel pavapavana, ena lohia laḡanina iharuahui-hituna ai, Asaria Amasia ese Iuda e lohiaia matama.
2KI 15:2 E lohia matama negana ai ena mauri laḡanidia na gwauta-tauratoi; ena lohia laḡanidia Ierusalem ai na imahui-rua. Sinana ladana be lekolia; ia na Ierusalem hahinena.
2KI 15:3 Ia na Iehova vairanai e kara maoromaoro, tamana Amasia ena kara iboudiai heḡereḡeredia ai e kara.
2KI 15:4 Ḡau tamona, atai gabudia na se abidia oho; taunimanima na dounu boubou karadia e karava bona muramura mai bonadia e gabuva unu atai gabudia ai.
2KI 15:5 Iehova ese hanua pavapavana e hagorerea, bena lepra e davaria ela bona ena mase dinana, una dainai ia na sibona ruma ta ai e nohova. A hanua pavapavana natuna Iotam ese hanua pavapavana ena ruma taudia e reḡudiava bona tano taudia e lohiadia.
2KI 15:6 Asaria ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai e hetore, ani?
2KI 15:7 Bena Asaria na tubu tama dekediai e mahuta; senena ida e guria, David ena hanua ai. Bena natuna lotam na ia gabuna ai e lohia.
2KI 15:8 Asaria, Iuda pavapavana, ena lohia laḡanina ihatoiahui-taurahanina ai, Sekaria Ieroboam ese Israel e lohiaia Samaria ai, hua tauratoi hona.
2KI 15:9 Ia na Iehova vairanai e kara havara, senena heḡeregeredia; Ieroboam Nebata ena kara dika, Israel taudia e hakaradia dikalai ḡaudia na se rakatanidia.
2KI 15:10 Salumu Iabese ese ia iala-masena dalana e tahua, bena Ibleama ai e botaia hekida diho, e alaia mase; bena ia gabuna ai e lohia.
2KI 15:11 Sekaria ena kara oredia sivaraidia na Israel Pavapavadia Sisigadia Bukana ai vada e hetore.
2KI 15:12 Ina na Iehova ena gwauhamata, ia ese Iehu e gvau henia hamata, eto, Oi garamu na Israel teronona ai bae helai ela bona uru ihahanina. Bena unu vada e vara toma.
2KI 15:13 Usia, Iuda pavapavana, ena lohia laḡanina ihatoiahui-taurahani-tana ai, Salumu Iabese na e lohia matama; Samaria ai e lohia, hua tamona mo.
2KI 15:14 Bena Menaheme Gadi na Tirisa amo ema, Samaria ai e kau, bena ia ese Salumu Iabese e botaia hekida diho, e alaia mase Samaria ai; bena ia gabuna ai e lohia.
2KI 15:15 Salumu ena kara oredia bona ena ala-ala karana sivaraidia na Israel Pavapavadia Sisigadia Bukana ai vada e hetore.
2KI 15:16 Una negana ai Menaheme ese Tapua hanuana bona lalona taudia iboudiai bona tanona idoinai, Tirisa amo e laomu, na e habuadia tari; badina be hanua na asie kehoa ia ena, una dainai e habuaia tari. Bona rogorogo hahinedia iboudiai una hanua lalonai ia ese e dapadia.
2KI 15:17 Asaria, Iuda pavapavana, ena lohia laḡanina ihatoiahui-taurahani-tana ai, Menaheme Gadi ese Israel e lohiaia matama. Ina na laḡani gwauta Samaria ai e lohia.
2KI 15:18 Iehova vairanai e kara havara; ena dina iboudiai Ieroboam Nebata ena kara dika, Israel taudia e hakaradia dikalai ḡaudia, na se rakatanidia.
2KI 15:19 Pulu, Asuria pavapavana, ese Israel tanona e tuari henia; bena Menaheme ese silver talent daha-ta Pulu e henia, pavapava dagina ai do baine hanohoa davana.
2KI 15:20 Menaheme ese Israel taudia edia amo una moni na taḡa taudia iboudiai ta ta ediai silver sekeledia imahui imahui amo e abi bagubagu, Asuria pavapavana baine henia totona. Taunabunai, Asuria pavapavana e lou, Israel tanona ai se noho.
2KI 15:21 Menaheme ena kara oredia, e kara karadia iboudiai, sivaraidia na Israel Pavapavadia Sisigadia Bukana ai e hetore, ani?
2KI 15:22 Bena Menaheme na tubu tama dekediai e mahuta; ia natuna Pekahia na ia gabuna ai e lohia.
2KI 15:23 Asaria, Iuda pavapavana, ena lohia laḡanina iha-imahuina ai, Pekahia Menaheme ese Israel e lohiaia matama Samaria ai; ena lohia laḡanidia na rua hona.
2KI 15:24 Iehova vairanai e kara havara; Ieroboam Nebata ena kara dika, Israel taudia e hakaradia dikalai gaudia, na se rakatanidia.
2KI 15:25 Peka Remalia, ena tuari biaguna ta, na Gilead taudia imahui ida e henega bou, ia iala-masena totona; bena idia ese Samaria ai e alaia mase, hanua pavapavana ena ruma laloma daiutuna e haginia tutuka-tutuka ḡauna lalonai. Ia ese e alaia mase, bena gabuna ai e lohia.
2KI 15:26 Pekahia ena kara oredia, e kara karadia iboudiai, sivaraidia na Israel Pavapavadia Sisigadia Bukana ai e hetore.
2KI 15:27 Asaria, Iuda pavapavana, ena lohia laḡanina iha-imahui-ruana ai, Peka Remalia ese Israel e lohiaia matama, Samaria ai. Ena lohia laḡanidia na ruahui.
2KI 15:28 Ia na Iehova vairanai e kara havara; Ieroboam Nebata ena kara dika, Israel taudia e hakaradia dikalai ḡaudia, na se rakatanidia.
2KI 15:29 Peka, Israel pavapavana, ena nega ai Tiglata-pilesere, Asuria pavapavana, ema. Ia ese lono bona Abele-bete-maka bona lanoa bona Kede bona Hasoro bona Gilead bona Galilea, bona Napatali tanona idoinai, na tuari ai e abidia; bona unu gabu taudia na e ḡuidia, Asuria e laohaidia.
2KI 15:30 Bena Hosea Elaha ese Peka Remalia iala-masena dalana e tahua; bena e botaia hekida diho, e alaia mase; bena ia gabuna ai e lohia, Iotama Usia ena lohia laḡanina iharuahuina lalonai.
2KI 15:31 Peka ena kara oredia, e kara karadia iboudiai, sivaraidia na Israel Pavapavadia Sisigadia Bukana ai e hetore.
2KI 15:32 Peka Remalia, Israel pavapavana, ena lohia laḡanina iharuana ai, lotam Usia, Iuda pavapavana, e lohia matama.
2KI 15:33 E lohia matama negana ai ena mauri laḡanidia na ruahui-ima; ena lohia laḡanidia na gwauta-tauratoi Ierusalem ai. Sinana ladana be Ierusa; ia na Sadok natuna hahinena.
2KI 15:34 Ia na Iehova vairanai e kara maoromaoro, tamana Usia ena kara iboudiai hegereḡeredia ai e kara.
2KI 15:35 Ḡau tamona, atai gabudia helaḡadia na se abidia oho; taunimanima na dounu boubou karadia e karava bona muramura mai bonadia e gabuva unu atai gabudia ai. Ia ese Iehova ena dubu atai kahana ikoukouna e karaia.
2KI 15:36 Iotam ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai e hetore, ani?
2KI 15:37 Unu dinadia ai Iehova ese Resini, Suria pavapavana, bona Peka Remalia e siaidia matama, Iuda ituari-henina.
2KI 15:38 Bena Iotam na tubu tama dekediai e mahuta; senena ida e guria, senena David ena hanua ai. Bena natuna Ahasa na ia gabuna ai e lohia.
2KI 16:1 Peka Remalia ena lohia laḡanina ihagwauta-hituna ai, Ahasa Iotam ese Iuda e lohiaia matama.
2KI 16:2 Ahasa e lohia matama negana ai ena mauri laḡanidia na ruahui; ena lohia laḡanidia Ierusalem ai na gwauta-tauratoi. Ia na se kara maoromaoro ena Dirava, Iehova, vairanai, ia senena David e karava heḡereḡerena;
2KI 16:3 a Israel pavapavadia edia dala ai e raka. Ia ese danu natuna maruanena na lahi ai e haḡolea oho, Iehova ese Israel taudia vairadiai e luludia lasi besedia edia kara dika-hereadia heḡereḡeredia.
2KI 16:4 Ia ese danu boubou karadia e karava bona muramura mai bonadia e gabuva, atai gabudia ai bona ororo ai bona au mauridia iboudiai henudiai.
2KI 16:5 Bena Resini, Suria pavapavana, bona Peka Remalia, Israel pavapavana, ese Ierusalem ituari-henina totona e dae henia. Idia ese Ahasa e koua ahu, to asi goadadia bae hadarerea.
2KI 16:6 Una negana ai Edom pavapavana ese Elata e abia lou, Edom ena; Iuda taudia na Elata amo e luludia oho, bena Edom taudia na Elata ela, unuseni ai e nohomu ema bona ina dina.
2KI 16:7 Taunabunai Ahasa ese gwaukau taudia na Tiglata-pilesere, Asuria pavapavana, dekena e siaidia lao, eto, Lau na oiemu hesiai tauna bona oi natumu. Aoma, e tuari henigumu taudia, Suria pavapavana bona Israel pavapavana, imadia amo ba hamaurigu.
2KI 16:8 Ahasa ese danu Iehova ena dubu ai bona hanua pavapavana ena ruma habou-habou gabudia ai e davari silver-na bona gold-na e abi, herahia ḡauna e siaia, Asuria pavapavana ena.
2KI 16:9 Bena Asuria pavapavana ese e kamonai henia. Asuria pavapavana na ela, Damasko e tuari henia, taunimanimadia e abidia mauri, Kiri e laohaidia, bona Resini e alaia mase.
2KI 16:10 King Ahasa na Damasko ela, Tiglata-pilesere, Asuria pavapavana ihedavari-henina totona. Una negana ai ia ese ihaboulaina patana e itaia, Damasko ai. Bena King Ahasa ese una ihaboulaina patana laulauna ta e abia, hahelaḡa tauna Uria dekena e siaia lao; una laulau ese una ihaboulaina patana ikarana dalana bona oromana e hahedinaraia ḡoevaḡoeva.
2KI 16:11 Bena hahelaḡa tauna Uria ese ihaboulaina patana ta e haginia, King Ahasa ese Damasko amo e siai lao herevadia iboudiai heḡereḡeredia; King Ahasa na Damasko amo do se kau ai, hahelaḡa tauna Uria ese vada e karaia hata.
2KI 16:12 Hanua pavapavana na Damasko amo ema, bena ia ese hari ihaboulaina patana e itaia. Bena hanua pavapavana na e raka henia kahi, bena latanai e dae kau;
2KI 16:13 bena ia ese ena ḡole-oho boubouna ḡauna e haḡolea oho, bona ena flaoa boubouna ḡauna danu; ena inuinu boubouna ḡauna danu e bubua kau, bona ena maino boubouna ḡaudia raradia na ihaboulaina patana latanai e nevari.
2KI 16:14 Bena auri-laboralabora ihaboulaina patana, Iehova vairanai e miava ḡauna, na dubu vairana amo, iena ihaboulaina patana bona Iehova ena dubu padadia amo, e abia oho; bena iena ihaboulaina patana amo mirigini kahana ai ma e haginia.
2KI 16:15 Bena King Ahasa ese hahelaḡa tauna Uria e haḡania, eto, Daba ḡole-oho boubouna ḡaudia bona adorahi flaoa boubouna gaudia, bona hanua pavapavana ena ḡole-oho boubouna bona ena flaoa boubouna ḡaudia, bona tano taudia iboudiai edia ḡole-oho bouboudia bona edia flaoa bouboudia bona edia inuinu bouboudia ḡaudia, iboudiai na hari ihaboulaina patana badana latanai ba hahelaḡadia; bona ḡole-oho bouboudia bona boubou iboudiai raradia na ia latanai ba nevari. A auri-laboralabora ihaboulaina patana na lauegu bagu-haoro ḡauna ai bainela.
2KI 16:16 Hahelaḡa tauna Uria ese unu kara iboudiai e kara, King Ahasa ena haheḡani heḡereḡerena.
2KI 16:17 Bena King Ahasa ese rerue habahabadia e utudia oho, bona edia amo nau e abi oho. Bona ranu nauna bada-hereana na boromakau mamaruanedia laulaudia, auri labora-labora ḡaudia, latadia amo e abia dobi, nadi-palaka latanai e atoa.
2KI 16:18 Dina helaḡa ai raka-hanai dalana mai guhiguhina, hanua pavapavana ena ruma ai e karaia ḡauna, bona hanua pavapavana ena raka vareai murirnuri kahana iduarana na Iehova ena dubu amo e abi oho, Asuria pavapavana dainai.
2KI 16:19 Ahasa ena kara oredia sivaraidia na Iuda Pavapavadia Sisigadia Bukana ai e hetore, ani?
2KI 16:20 Bena Ahasa na tubu tama dekediai e mahuta; senena ida e guria, David ena hanua ai. Bena natuna Hesekia na ia gabuna ai e lohia.
2KI 17:1 Ahasa, Iuda pavapavana, ena lohia laḡanina ihagwauta-ruana ai, Hosea Elaha ese Israel e lohiaia matama, Samaria ai; bona ena lohia laḡanidia na taurahani-ta.
2KI 17:2 Ia na Iehova vairanai e kara havara, to dia Israel pavapavadia gunadia heḡereḡeredia.
2KI 17:3 Salmanesere, Asuria pavapavana, ese e tuari henia, bena Hosea na ia isiaina ilao-henina tauna ai ela, bona heaiva ḡaudia e henia.
2KI 17:4 A Asuria pavapavana ese ena tao-tore e davaria; badina be Hosea ese gwaukau taudia na So, Aigupto pavapavana, dekena e siaidia lao, bona heaiva ḡaudia na Asuria pavapavana dekena se siaidia lao, laḡani ta ta amo e siai laova heḡereḡerena. Taunabunai, Asuria pavapavana ese dibura rumana ai e koua ahu, bona e ḡuia.
2KI 17:5 Bena Asuria pavapavana ese Israel tanona idoinai e tuari henia, ela bona Samaria ai e kau, bena hanua na e koua ahu ela bona laḡani toi e ore.
2KI 17:6 Hosea ena lohia laḡanina ihataurahani-tana ai, Asuria pavapavana ese Samaria e abia; bena Israel taudia na Asuria e laohaidia, Hala ai bona Haboro, Gosan sinavaina, badibadinai bona Mede hanuadia ai e hanohodia.
2KI 17:7 Una na e vara badina be Israel taudia ese Iehova, edia Dirava, Aigupto tanona amo e hakaudia lasi bona Farao, Aigupto pavapavana, imana amo e hamauridia Diravana, e kara havara heniava, dirava idaudia garidia e gariva,
2KI 17:8 bona Israel taudia vairadiai Iehova ese e luludia lasi besedia edia kara bona Israel pavapavadia ese e haginidia karadia na e karava.
2KI 17:9 Kara dia maoro, Iehova, edia Dirava, ihadikana karadia, na Israel taudia ese e karadia hehuniva. Idia ese atai gabudia e haginidia edia hanua iboudiai lalodiai, gima kohorona ela bona hanua mai maḡudia.
2KI 17:10 Idia ese au-tubua helaḡadia bona kaivakuku na ororo badadia iboudiai doridia ai bona au mauridia iboudiai henudiai e haginidia;
2KI 17:11 unuseni ai idia ese muramura mai bonadia e gabudia atai gabudia iboudiai latadiai, Iehova ese idia vairadia amo e abidia oho besedia e karava heḡereḡerena. Kara dikadia e karava, unu amo idia ese Iehova e habadua.
2KI 17:12 Iehova ese vada e hamaorodia kaivakuku basie toma henidia diho na idia ese e toma henidia dihova.
2KI 17:13 Ḡau tamona, Iehova ese Israel bona Iuda na peroveta taudia bona mata-hanai taudia iboudiai ududia amo e sisiba henidia, eto, Emui dala dikadia amo ba raka oho, egu haheḡani bona egu taravatu ba badinadia, senemui na haḡanilai henidia bona peroveta, egu hesiai taudia, edia amo na siaia vasi taravatuna idoinai heḡereḡerena.
2KI 17:14 A idia na asie kamonai, a lalodia na a'auka, senedia heḡereḡeredia, idia danu Iehova, edia Dirava, asie abia dae.
2KI 17:15 Idia ese ena taravatu, bona ena gwauhamata, senedia ida e hegwauhamata heheni ḡauna, bona e sisibalai henidia herevadia, na e dadaraidia, dirava koikoidia e ḡavadia, bena idia danu koikoi taudia ai ela; bona e noho hetabira besedia, Iehova ese vada e haḡanidia basie tohotohodia besedia, na muridiai e raka.
2KI 17:16 Iehova, edia Dirava, ena haheḡani iboudiai e rakatanidia; edia boromakau natudia laulaudia rua e kara, bona kaivakuku ta danu; bona guba hisiudia iboudiai e toma henidia diho; bona Baal isiaina e lao heni.
2KI 17:17 Natudia mamaruanedia bona natudia hahinedia na lahi ai e haḡoledia oho, bona bagu-haoro bona mea karadia e kara, bona sibodia e hehoi, kara havara Iehova vairanai bae kara; bena unu amo e habadua.
2KI 17:18 Taunabunai, Iehova ese Israel taudia e badu henidia dikadika, ia vairana amo e abidia oho; ta se noho, Iuda iduhuna mo sibona.
2KI 17:19 Iuda taudia ese danu Iehova, edia Dirava, ena haheḡani asie badinadia, to Israel taudia ese e haginidia daladia ai e raka.
2KI 17:20 Bena Iehova ese Israel garana iboudiai e dadaraidia bona e hahisihisidia, bona ihadikadia taudia imadia ai e atodia, ela bona ia vairana amo e negedia daure.
2KI 17:21 Ia ese Israel na David ena iduhu amo e darea oho negana ai, idia ese Ieroboam Nebata e abia, edia pavapava ai e halaoa. Bena Ieroboam ese Israel e lulua oho, Iehova iḡavana amo, bona e hakaradia dika bada herea.
2KI 17:22 Israel taudia ese Ieroboam ena kara dika iboudiai e tohotohodia, asie rakatanidia;
2KI 17:23 ela bona Iehova ese Israel na ia vairana amo e abia oho, ena hesiai taudia, peroveta taudia, iboudiai ududia amo e herevava heḡereḡerena. Taunabunai, Israel taudia na edia tano korikori amo e luludia oho, Asuria ela, ema bona ina dina.
2KI 17:24 Bena Asuria pavapavana ese taunimanima haida na Babulono bona Kuta bona Ava bona Hamat bona Sefaravaimi amo e mailaidia, Samaria hanuadia ai e hanohodia, Israel taudia ibolodia; bena idia ese Samaria e abia, edia tano ai e halaoa, bona hanuadia e noholaidia.
2KI 17:25 Unuseni ai e noho matama negana ai, idia ese Iehova garina asie gariva; taunabunai Iehova ese leona haida e siaidia lao idia bogaragidiai, haida e aladia mase.
2KI 17:26 Taunabunai, haida ese Asuria pavapavana e hamaoroa, eto, Vada o laohaidia, Samaria hanuadia ai o hanohodia, taudia na una tano diravana ena taravatu asi dibadia; una dainai ia ese leona na bogaragidiai vada e siaidia lao, bena leona ese e aladia masemu, badina be idia na una tano diravana ena taravatu asi dibadia.
2KI 17:27 Bena Asuria pavapavana na e hahedua, eto, Hahelaḡa taudia unu amo o mailaidia na ta unu ba siaia lao; bainela, unuseni ai baine noho, una tano diravana ena taravatu baine hadibalaidia.
2KI 17:28 Taunabunai, hari hahelaḡa taudia Samaria amo e laohaidia na ta ela, Betele ai e noho, e hadibadia, Iehova ede bae gari henia toma.
2KI 17:29 A bese ta ta ese sibodia edia dirava dounu e karava ḡaudia na atai gabudia, Samaria taudia ese e kara gaudia, dubudia ai e atodia, bese ta ta e noho heniva hanuadia lalodiai.
2KI 17:30 Babulono taudia ese Sukoto-benoto e karaia; Kutu taudia ese Neregala e karaia; Hamat taudia ese Asima ekaraia;
2KI 17:31 Ava taudia ese Nibihasa bona Tarataka e karadia; bona Sefaravaimi taudia ese natudia na lahi ai e haḡoledia oho, Adram-melek bona Anam-melek, Sefaravaimi diravadia, edia.
2KI 17:32 Idia ese Iehova danu garina e gariva, bona idia sibodia bogaragidia amo taunimanima idau-idau e abidia hidi, atai gabudia edia hahelaḡa taudia ai baela; bena unu hahelaḡa taudia ese boubou ḡaudia e hahelaḡadia idia daidiai, unu atai gabudia dubudia ai.
2KI 17:33 Taunabunai idia ese Iehova garina e gariva, a sibodia edia dirava danu isiaidia e lao heniva, bogaragidia amo e mailaidia besedia edia kara heḡereḡeredia.
2KI 17:34 Una kara gunana heḡereḡerena mo e karaiamu ema bona ina dina. Iehova garina asie garimu, hahedua eiava hahemaoro herevadia eiava taravatu eiava Iehova ese Iakob (e nemaia Israel) natuna e henidia haheḡanina asie badinadiamu.
2KI 17:35 Iehova na idia ida e hegwauhamata heheni; bona e haḡanidia, eto, Dirava idaudia garidia basio gari; basio toma henidia diho, bona isiaidia basio lao heni, bona basio boudia.
2KI 17:36 A Iehova garina ba gari; ia ese imana e toia roro mai siahu-badana ida, Aigupto tanona amo e hakaumui lasi; ia ba toma henia diho bona ia ba boua.
2KI 17:37 Hahedua bona hahemaoro herevadia bona taravatu bona haheḡani, e tore emui, ḡaudia na nega idoinai karadia ba kara nahua-toho. Dirava idaudia garidia basio gari,
2KI 17:38 bona ta hegwauhamata heheni gwauhamatana basio laloa boio. Dirava idaudia garidia basio gari,
2KI 17:39 a Iehova, emui Dirava, garina ba gari; bena ia ese inaimui iboudiai imadia amo baine hamaurimui.
2KI 17:40 Ḡau tamona, idia na asie kamonai, a edia kara gunadia heḡereḡeredia mo e karava.
2KI 17:41 Taunabunai, unu bese ese Iehova garina e gariva, bona edia kaivakuku danu e toma henidia dihova; natudia bona tubudia danu unu e kara tomava. Bona senedia e karava heḡereḡerena, idia danu doini e karamu ema bona ina dina.
2KI 18:1 Hosea Elaha, Israel pavapavana, ena lohia laḡanina ihatoina ai, Hesekia Ahasa ese Iuda e lohiaia matama.
2KI 18:2 E lohia matama negana ai ena mauri laḡanidia na ruahui-ima; ena lohia laḡanidia Ierusalem ai na ruahui taurahani-ta. Sinana ladana na Abi Sekaria.
2KI 18:3 Ia na Iehova vairanai e kara maoromaoro, senena David ena kara iboudiai heḡereḡeredia.
2KI 18:4 Atai gabudia helaḡadia e abidia oho, bona au-tubua e hakwaidudia, bona kaivakuku e utudia. Gaigai laulauna, Mose ese auri labora-labora amo e karaia ḡauna, danu ia ese e hamakohia rohoroho. Gunaguna ema bona unu dinadia Israel taudia ese muramura mai bonadia na una ḡau vairanai e gabuva; ladana e gwauraiava Nehustana.
2KI 18:5 Ia ese Iehova, Israel Diravana, e abidadama henia; una dainai ia na asi heḡereḡerena ta, Iuda pavapavadia gunadia eiava gabedia iboudiai lalodiai.
2KI 18:6 Badina be ia ese Iehova e badinaia tarika-tarika, ia iḡavana amo se raka oho; a Iehova ese Mose e henia haheḡanidia ia ese e badinadia.
2KI 18:7 Iehova na ia ida; e lao heniva gabudia iboudiai na ena namo e varava. Ia ese Asuria pavapavana e gwau daḡe henia, bona isiaina se lao heni.
2KI 18:8 Ia ese Filistia taudia e rahudia mamase, gima kohorona amo ela hanua mai maḡuna, ela bona Gasa mai tanona ida.
2KI 18:9 King Hesekia ena lohia laḡanina ihahanina ai, bona Hosea Elaha, Israel pavapavana, ena lohia laḡanina ihahituna ai, Salmanesere, Asuria pavapavana, ese Samaria e tuari henia, e koua heḡeḡe;
2KI 18:10 bena laḡani toi e ore ai na e abia. Hesekia ena lohia laḡanina ihatauratoina ai, bona Hosea, Israel pavapavana, ena lohia laḡanina ihataurahani-tana ai, Samaria vada e abia.
2KI 18:11 Asuria pavapavana ese Israel taudia na Asuria e laohaidia, Hala ai bona Haboro, Gosan sinavaina, badibadinai, bona Mede hanuadia ai, e hanohodia.
2KI 18:12 Badina be Iehova, edia Dirava, gadona asie kamonaiva, a ena taravatu, Iehova ena hesiai tauna Mose ese e haḡanilaidia ḡaudia iboudiai, na e tata utuva; idia na asie hakalava, bona asie kamonai heniava.
2KI 18:13 King Hesekia ena lohia laḡanina ihagwauta-hanina ai, Senakerib, Asuria pavapavana, ese Iuda hanuadia mai maḡudia iboudiai e tuari henidia bona e abidia.
2KI 18:14 Bena Hesekia, Iuda pavapavana, ese hereva na Asuria pavapavana enai e siaia, Lakisi ai; eto, Lau vada na kerere; egu amo ba raka oho, bena dahaka dahaka latagu ai bavatoa kau na baina huaia. Bena Asuria pavapavana ese silver talent sinahu-toi bona gold talent toi-ahui e gwaurai, Hesekia, Iuda pavapavana, ese baine henia eto.
2KI 18:15 Bena Hesekia ese silver idoinai Iehova ena dubu ai bona pavapava ena ruma ai habou-habou gabudia amo e abi, e henia.
2KI 18:16 Una negana ai danu Hesekia ese Iehova ena dubu iduaradia e ḡovalai gold na e koki oho, bona iduara kahadia kahadia audia Hesekia, Iuda pavapavana, ese e ḡovalai gold danu ma e koki, Asuria pavapavana e henia.
2KI 18:17 Bena Asuria pavapavana ese Taratana bona Rabsarisi bona Rabsake na e siaidia lao, mai tuari oreana badana ida, Lakisi amo King Hesekia dekena ela Ierusalem ai. Idia na e dae ela, Ierusalem ai e kau. E kau negana ai, idia na ela, atai gohuna dadairana badibadinai e gini, Dabua-huri Taudia Edia Tano lao dalana ai.
2KI 18:18 Idia ese hanua pavapavana e boi henia negana ai, Eliakim Hilkia, hanua pavapavana ena ruma ireḡuna tauna, bona Sebna, toretore tauna, bona loa Asaf, e tore pepadia inaridia tau, tatoiosi na e raka lasi dekediai.
2KI 18:19 Bena Rabsake ese e hereva henidia, eto, Hesekia na ba hamaoroa, baoto, Pavapava badana, Asuria pavapavana, na ini e gwau tomamu: Dahaka ai o helahalahamu dainai so daradaramu?
2KI 18:20 Oi o laloamu hereva kavakavadia na tuari ihaerolaina bona igoadalaina a? Daika enai o hetao kaumu dainai vada o gwau edeede henigu?
2KI 18:21 A itaia, oi na Aigupto enai o hetao kaumu, a ia be siriho kwaiduna tau ta ese hetao-kau ai imana baine gwadaia uru ḡauna na heto. Farao, Aigupto pavapavana, na unuheto, ienai e hetao kaumu taudia iboudiai ediai.
2KI 18:22 A boma hamaorogu “Ai na Iehova, emai Dirava, enai a hetao kaumu”; matona, iena atai gabudia bona ena ihaboulaina patadia na Hesekia ese vada e abi oho, bona Iuda taudia bona Ierusalem taudia vada e hamaorodia, eto “Ina ihaboulaina patana Ierusalem ai vairanai ba toma diho”, ani?
2KI 18:23 Be, biagugu Asuria pavapavana ida ba gwau hamata. Ia e tomu “Lau ese hosi daha-rua baina henimu, bema oi ese gui taudia na latadiai ba hahelaidia kau diba negana ai”.
2KI 18:24 Aigupto edia kariota bona edia hosi-gui taudia ediai o hetao kaumu negana ai, biagugu ena hesiai taudia bogaragidia amo tuari biaguna maraḡi-maraḡina tamona mo ede ba hadarerea toma?
2KI 18:25 Ina danu, oi o tomamu ina gabu ituari-henina bona ihabua-tarina vada nama lalonai Iehova na dia lau ida a? Lasi, Iehova ese e haḡanigu, eto, Ina tano ba tuari henia bona ba habuaia tari.
2KI 18:26 Bena Eliakim Hilkia bona Sebna bona loa ese Rabsake e hereva henia, eto, Mani emu kara emu hesiai taudia na Aram gadona ai ba hereva henimai, badina be ikamonaina mai dibamai, a Iuda gadona ai basio hereva henimai, maḡu latanai e helairnu taudia bae kamonai na garina.
2KI 18:27 A Rabsake ese e hamaorodia, eto, Biagugu vada e siaigu, ini hereva na umui biagumui bona umui emui ai mo baina gwaurai totona, dia unu maḡu latanai e helaimu taudia, idia na umui ida vada e ahumui vaitani sibomui taḡemui bavani bona meimui ba inu taudia, ediai a?
2KI 18:28 Bena Rabsake na e tore isi, Iuda gadona ai e boi lolo, eto, Pavapava badana, Asuria pavapavana, ena hereva a kamonai.
2KI 18:29 Pavapava na ini e gwau tomamu: Hesekia ese basine koirnui, badina be ia ese lau imagu amo basine harohomui mauri diba.
2KI 18:30 Bona Hesekia ese Iehova enai baine hahetaomui kau, baineto “Momokani Iehova ese baine hamaurida; ina hanua na Asuria pavapavana imana ai basine atoa kau”, na basio abia dae.
2KI 18:31 Hesekia basio kamonai henia; badina be Asuria pavapavana na ini e gvau tomamu: umui na lau ida baita herohe maino; lau dekegu ba raka lasi mai. Bena iboumui ai na ta ta ena vine ena vine ena suke ena suke anidia baine ani, bona ena guri ena guri ranuna baine inu;
2KI 18:32 ela bona lau baina vasi, bena tano ta baina laohaimui, umui emui tano heḡereḡerena, uit bona vine-ranuna tanona, flaoa bona vine imeadia tanona, olive audia bona bada-ranuna tanona; bena ba mauri, basio mase. Bona Hesekia baine koimui, baineto “Iehova ese baine harohoda mauri”, na basio kamonai.
2KI 18:33 Bese idau-idau diravadia ta ese nega ta ai ena tano na Asuria pavapavana imana amo vada e hamauria a?
2KI 18:34 Hamat bona Arapada diravadia be edeseni ai? Sefaravaimi bona Hena bona Iva diravadia be edeseni ai? Samaria na imagu amo vada e hamauria a?
2KI 18:35 Tano idau-idau diravadia iboudiai bogaragidiai daidia ese edia tano na lau imagu amo vada e hamauridia? Matona, Iehova ese Ierusalem na lau imagu amo baine hamauria a?
2KI 18:36 A taunimanima na asi reḡereḡedia e nohova, hereva ta asie haere henia; badina be hanua pavapavana ese vada e haḡanidia, eto, Basio haere henia.
2KI 18:37 Bena Eliakim Hilkia, hanua pavapavana ena ruma ireḡuna tauna, bona Sebna, toretore tauna, bona loa Asaf, e tore pepadia inaridia tau, na edia dabua e dare, bena Hesekia dekenai e raka vareai, Rabsake ena hereva e hamaorolaia.
2KI 19:1 King Hesekia na hereva e kamonai, bena ena dabua e dare, puse dabuadia e hahedokilai; bena Iehova ena dubu ai e raka vareai.
2KI 19:2 Bena ia ese Eliakim, ena ruma ireguna tauna, bona Sebna, toretore tauna, bona hahelaḡa taudia badadia, na e siaidia, puse dabuadia bae doki, bena peroveta tauna Isaia Amoso dekena baela.
2KI 19:3 Idia ese e hamaoroa, eto, Hesekia na ini e g vau tomamu: Hari dina na lalo-hisihisi bona gwau-gwau bona hemarai dinana; memero edia vara negana vada e kau, to ihavaradia ai goada na vada lasi.
2KI 19:4 Reana Iehova, emu Dirava, ese Rabsake, biaguna Asuria pavapavana ese e siaia Mauri Diravana baine ḡonaḡonalaia tauna, ena hereva iboudiai vada e kamonai. Reana Iehova, emu Dirava, ese e kamonai herevadia baine gwaudia tubu. Taunabunai, taunimanima kwabukwabudia doini e nohomu daidiai ba ḡuriḡuri.
2KI 19:5 King Hesekia ena hesiai taudia na Isaia dekenai e kau negana ai,
2KI 19:6 Isaia ese e hereva henidia, eto, Biagumui ba hamaoroa, baoto “Iehova na ini e gwau tomamu: Basio gari, o kamonai herevadia, Asuria pavapavana ena hesiai taudia ese lau e ḡonaḡonalaigu herevadia, daidiai.
2KI 19:7 A itaia, lau ese lauma ta ia lalonai baina atoa, bena sivarai lahulahuna ta baine kamonai, bena ena tano korikori baine lou lao. Bena ena tano korikori ai lau ese ena mase dalana na dare amo baina havaraia”.
2KI 19:8 Bena Rabsake e lou ela, Asuria pavapavana e davaria, ia na Libna e tuari heniava; badina be vada e kamonai hanua pavapavana na Lakisi amo vada e raka oho.
2KI 19:9 Bena hanua pavapavana na Tirihaka, Etiopia pavapavana, harina e kamonai, haida eto “A itaia, ia na vada e tore isi, oi ituarihenimu e maimu”. Bena ia ese gwaukau taudia haida na Hesekia dekena ma e siaidia, eto,
2KI 19:10 Hesekia, Iuda pavapavana, ini ba hamaoroa toma, baoto: Emu Dirava, o abidadama heniamu Diravana, ese Ierusalem na Asuria pavapavana imana ai basine atoa gwauhamatana amo basine koilaimu.
2KI 19:11 Vada o kamonai Asuria pavapavadia ede vada e kara toma; tano iboudiai vada e habuadia tari vaitani. Bena umui na ba roho mauri a?
2KI 19:12 Bese idau-idau, senegu ese e habuadia tari besedia, Gosan, Haran, Resef, bona Eden taudia Tel-asara ai e nohova, na edia dirava ese vada e hamauridia a?
2KI 19:13 Hamat bona Arapada bona Sefaravaimi hanuana bona Hena bona Iva pavapavadia be edeseni ai?
2KI 19:14 Hesekia ese revareva na gwaukau taudia imadia amo e abia, bena e duahia. Bena Hesekia na Iehova ena dubu ai e dae kau, bena revareva e kehoa Iehova vairanai.
2KI 19:15 Bena Hesekia na Iehova vairanai e ḡuriḡuri, eto, Iehova e, Israel Diravana, oi na kerubi daediai o helaimu; oi mo sibomu tanobada basileiadia iboudiai edia Dirava; oi ese guba bona tanobada vada o karadia.
2KI 19:16 Iehova e, taiamu a hakala, bona ba kamonai. Iehova e, matamu a hapapa, ba roharoha. Senakerib ena hereva, Mauri Diravana iḡonaḡonalaina totona e siaidia herevadia, na ba kamonai.
2KI 19:17 Momokani, Iehova e, Asuria pavapavadia ese bese idau-idau mai edia tano ida vada e habuadia tari,
2KI 19:18 bona edia dirava na lahi ai vada e tahodia kau; badina be idia na dia dirava korikoridia, a taunimanima imadia ese e kara ḡaudia, au bona nadi; una dainai vada e habuadia tari.
2KI 19:19 Taunabunai, Iehova emai Dirava e, lau na noimumu, ia imana amo ba hamaurimai, bena tanobada basileiadia iboudiai na bae diba, Iehova e, oi mo sibomu Dirava.
2KI 19:20 Bena Isaia Amoso ese gwau-kau na Hesekia dekena e siaia lao, eto, Iehova, Israel Diravana, na ini e gwau tomamu: Emu ḡuriḡuri egu ai, Senakerib, Asuria pavapavana, o herevalaia ḡauna, na vada na kamonai.
2KI 19:21 Iehova ese ia vada e herevalaia herevana binai: Siona natuna hane-ulato rami-hebouna ese e dadaraimumu bona e ḡonaḡonalaimumu; Ierusalem natuna hahinena ese oi murimu ai kwarana e taiko-taikomu.
2KI 19:22 Daika vada o ḡonagonalaia, vada o ihi-ihiraia? Daika ihadikana ai gadomu vada o habadaia bona matamu o helari dae heniamu? Israel ena Helaḡa Diravana enai.
2KI 19:23 Emu gwaukau taudia ududia amo Iehova vada o gonaḡonalaia, oto, Egu kariota momo amo ororo doridia ai vada na dara dae, ela bona Lebanon ena gabu hehunidia. Ena sida audia lata-hereadia na hagaridia, bona ena beroso audia namo-hereadia danu. Ena gabu hehuni-hereana ai na vareai, bona ena uda ahu ai danu.
2KI 19:24 Guri na ḡeidia, idau tano ranudia na inu; aegu lalona amo Aigupto sinavaidia iboudiai na hakororodia.
2KI 19:25 Oi to kamonai a, lau ese idau nega ai na heḡaeḡaelaia? Harihari na havaramu karadia na idau nega ai na lalodia, nato, oi ese hanua mai maḡudia na nadi senudia ai ba halaodia;
2KI 19:26 bena edia goada baine ore dainai inoholaidia taudia na daradia bae doko bona bae baia; tano avadia eiava rei matamata heḡereḡeredia ai baela, eiava ruma guhidia ai rei e varamu na heto, do se huahua ai na e maraimu.
2KI 19:27 A lau na emu helai diho dibagu, emu raka lasi bona emu raka vareai, bona emu heihi-ihirai egu ai danu.
2KI 19:28 Vada o ihi-ihiraigu dainai, bona emu hekokoroku herevadia vada na kamonai dainai, lau ese egu igau na udu-baubaumu ai baina atoa, bona egu udu-aurina danu udumu ai; bena ma baina haloumu, oi oma dalana amo.
2KI 19:29 Toana emu ai binai: ina laḡani lalonai vara kava ḡauna bavania, bona laḡani iharuana ai ma iena amo baine vara ḡauna bavania; laḡani ihatoina ai ba hadohado bona ba taboro, vine imeadia ba hado, bona anidia bavani.
2KI 19:30 Bona Iuda kwabukwabudia dounu mamauri na ramudia bae diho bona tuhutuhudia bae dae;
2KI 19:31 badina be kwabukwabudia na Ierusalem amo bae raka lasi, bona Siona ororona amo roho-mauri taudia oreana na bainela. Iehova ena ura kwalimu ese ina na baine havaraia.
2KI 19:32 Taunabunai, Iehova ese Asuria pavapavana na ini e herevalaia tomamu: Ia na ina hanua basinema, eiava diba ta basine kino henia, eiava mai kesina ida hanua vairanai basinema, eiava tano na hanua vairanai basine larebaia dae.
2KI 19:33 Ema dalana amo ma baine lou; ina hanua lalonai basine raka vareai. Iehova vada e hereva.
2KI 19:34 Badina be ina hanua baina gimaia bona baina hamauria, lau sibogu daigu ai bona egu hesiai tauna David dainai.
2KI 19:35 Una hanuaboi, Iehova ena aneru na e raka lasi, taunimanima domaga-ta gerebu-taurahani daha-ima Asuria taudia edia taruha ai e aladia mase. Daba e rere, haida e tore isi, e itadia, unu na iboudiai mase taudia mo.
2KI 19:36 Bena Senakerib, Asuria pavapavana, na e raka oho, e lou lao, Nineve ai e noho.
2KI 19:37 Bena ena dirava, ladana Nisrok, ena dubu ai e ḡuriḡuriva negana ai, ia natuna Adram-melek bona Saresere ese dare amo e alaia mase, bena e heau mauri, Ararat tanona ela. Bena natuna ta, ladana Esarahadon, ese ia gabuna
2KI 20:1 Unu dinadia ai Hesekia na e gorerea, mokona e mase. Bena peroveta tauna Isaia Amoso na dekena ema, e hereva henia, eto, Iehova na ini e gwau tomamu: Emu ḡau iboudiai bavatodia ḡoevaḡoeva, badina be oi na ba mase, emu gorere amo basio namo lou.
2KI 20:2 Bena Hesekia vairana na haba e henia, bona Iehova e ḡuria, eto,
2KI 20:3 Iehova e, na noimumu ba laloa tao, lau na oi vairamu ai vada na raka mai heabidadamagu bona mai lalogu idoinai ida, bona oi vairamu ai vada na kara maoromaoro. Bena Hesekia na e tai dikadika.
2KI 20:4 Isaia na bogaragi maḡuna amo do se raka lasi ai, Iehova ena hereva na ienai e kau, eto,
2KI 20:5 A lou lao, Hesekia, egu bese lohiana, ba hamaoroa, baoto, Iehova, senemu David ena Dirava, na ini e gwau tomamu: Emu ḡuriḡuri vada na kamonai, bona iruru-matamu vada na ita. A kamonai, do baina hamaurimu; dina ihatoina ai Iehova ena dubu ai ba dae kau.
2KI 20:6 Emu mauri na ma baina hadaudaua laḡani gwauta-ima. Oi bona ina hanua na Asuria pavapavana imana amo baina harohomui mauri, bona ina hanua baina gimaia, lau sibogu daigu ai bona egu hesiai tauna David dainai.
2KI 20:7 Bena Isaia eto, Suke mane ta a mailaia; bae abia, iohururu ai bae atoa kau, bena baine namo lou.
2KI 20:8 Bena Hesekia ese Isaia e hereva henia, eto, Iehova ese baine hamaurigu bena dina ihatoina ai Iehova ena dubu ai baina dae kau toana be dahaka?
2KI 20:9 Bena Isaia eto, Emu toa binai Iehova ena amo, Iehova ese vada e gwauraia ḡauna na baine karaia: ikerukeru na vadavada gwauta ma baine ha-ikerukerudia, eiava baine lou, vadavada gwauta ma bae diari?
2KI 20:10 Hesekia na e haere, eto, Ikerukeru baine lata na ḡau haraḡana, a ikerukeru na vadavada gwauta amo baine lou be namo.
2KI 20:11 Bena peroveta tauna Isaia ese Iehova e tai henia; bena Iehova ese ikerukeru na vadavada gwauta amo e haloua, dina gelona ai Ahasa ena dina-hahetohona ḡauna ai vada e ikerukeru gaudia.
2KI 20:12 Una negana ai Merodak-baladan, Babulono pavapavana Baladan natuna, ese gwaukau taudia haida e siaidia, revareva bona herahia ḡauna na Hesekia dekena bae laohai; badina be ia e kamonai Hesekia vada e gorerea.
2KI 20:13 Bena Hesekia ese e abidia dae, ena kohu namo-hereadia e habouva rumana idoinai na e haheitalaidia, silver, gold, muramura mai bonadia, dehoro namo-hereana, ena tuari ḡaudia, bona ḡau iboudiai ena habou-habou rumadia ai mimia; asi ḡauna ta ena ruma ai eiava ena tano ai Hesekia ese se haheitalaidia.
2KI 20:14 Bena peroveta tauna Isaia na King Hesekia dekena ema, e nanadaia, eto, Unu tatau na dahaka e gwaurai? Bona ede amo oi dekemu ema? Hesekia eto, Gabu daudau amo vada ema, Babulono amo.
2KI 20:15 Isaia ma eto, Oiemu ruma ai dahaka dahaka e ita? Hesekia ma e haere, eto, Ḡau iboudiai egu ruma ai na vada e itadia; asi ḡauna ta egu habou-habou rumadia ai lau ese asina haheitalaidia.
2KI 20:16 Bena Isaia ese Hesekia e hamaoroa, eto, Iehova ena hereva a kamonai:
2KI 20:17 Dinadia vada e maimu, emu ruma kohudia iboudiai, senemu ese vada e haboudia ema bona hari dina, na Babulono bae laohaidia; ḡau ta basine mia. Iehova e gwaumu.
2KI 20:18 Bona oi natumu haida, oi ese o havaradia memerodia, na bae laohaidia; idia na hesiai taudia ai baela, Babulono pavapavana ena ruma ai.
2KI 20:19 Bena Hesekia ese Isaia e hamaoroa, eto, Iehova ena hereva oi ese vada o gwauraia na hereva namona. Badina be Hesekia na ini e helalo toma, eto, Herevana, lauegu dina lalodiai maino bona noho-namo bae mia.
2KI 20:20 Hesekia ena kara oredia, bona ena goada sivaraidia, bona gohu bona dadaira e karadia, ranu na e mailaia hanua lalonai, sivaraina, na Iuda Pavapavadia Sisigadia Bukana ai vada e hetore, ani?
2KI 20:21 Bena Hesekia na tubu tama dekediai e mahuta; bona ia natuna Manase na ia gabuna ai e lohia.
2KI 21:1 Manase e lohia matama negana ai ena mauri laḡanidia na gwauta-rua; ena lohia laḡanidia na imahai-ima Ierusalem ai. Sinana ladana na Hefisiba.
2KI 21:2 Ia na Iehova vairanai e kara havara, Iehova ese Israel taudia vairadiai e luludia lasi besedia edia kara dika-hereadia heḡereḡeredia.
2KI 21:3 Badina be atai gabudia ia tamana Hesekia ese e habuadia tari na ia ese ma e haginidia lou; bona ihaboulaina patadia e haginidia Baal ena, bona kaivakuku ta e karaia, Israel pavapavana Ahaba ese e karaia heḡereḡerena; bona guba hisiudia iboudiai e toma henidia diho bona isiaidia e lao heni.
2KI 21:4 Iehova ena dubu ai danu ia ese ihaboulaina patadia haida e haginidia; dubuna bunai Iehova ese vada e herevalaia, eto “Ierusalem ai lau ladagu baina atoa”.
2KI 21:5 Ia ese ihaboulaina patadia e haginidia, guba hisiudia iboudiai edia, Iehova ena dubu maḡuna ruaosi lalodiai.
2KI 21:6 Ia ese danu natuna na haḡole-oho boubouna ḡauna ai e halaoa, bona mari bona bagu-haoro karadia e kara, bona rohe taudia bona mea taudia na e daidaidia. Iehova vairanai e kara havara-havara, bona e habadua.
2KI 21:7 Hari kaivakuku e karaia, ladana Asera, na dubu ai e haginia; dubuna bunai Iehova ese David bona David natuna Solomon e herevalai henidia, eto “Ina dubu ai bona Ierusalem, Israel iduhudia iboudiai lalodia amo vada na abia hidi hanuana, lalonai lau ladagu baina atoa ela bona hanaihanai;
2KI 21:8 bona Israel taudia na senedia na henidia tanona murimurinai basina haloaloadia lou; ḡau tamona na henidia haheḡanina idoinai bona egu hesiai tauna Mose ese e henidia taravatuna idoinai bae badina namonamo”.
2KI 21:9 A idia na asie kamonai; bena Manase ese e dibaḡanidia dainai Iehova ese Israel taudia vairadiai e habuadia tari besedia edia kara dika na idia edia ese e hereadia.
2KI 21:10 Bena Iehova na peroveta taudia, ena hesiai taudia, ududia amo e hereva, eto,
2KI 21:11 Manase, Iuda pavapavana, na ini kara dika-hereadia vada e kara, bona Amoro taudia, ia e gunalaia taudia, edia kara dika ia ese vada e hereadia, bona ena kaivakuku amo Iuda taudia vada e hakaradia dika;
2KI 21:12 una dainai Iehova, Israel Diravana, na ini e gwau tomamu: A itaia, lau ese Ierusalem bona Iuda latadiai dika badana baina havaraia, bena bae kamonai taudia na taiadia bae heḡara-heḡara.
2KI 21:13 Bena Ierusalem daenai Samaria ena hahetoho varona bona Ahaba iduhuna ena gini-maoro varona baina veridia; bena Ierusalem na baina dahua, nau e dahuamu na heto, e dahuamu bena e karuhia hebubumu.
2KI 21:14 Lau dihigu orena baina negedia daure, inaidia imadia ai baina atodia; bena inaidia iboudiai adia hirua bona dinadia ai bae hahelao.
2KI 21:15 Badina be idia na lau vairagu ai vada e kara dika, bona vada e habadugu, senedia na Aigupto amo e raka lasi dinana ema bona hari dina.
2KI 21:16 Ina danu, Manase ese asi edia kerere taudia hutuma raradia e hahebubu ela bona Ierusalem vada e hahonua, duduna ela bona duduna; bona Iuda taudia na kara dika amo e hakaradia dika, bena Iehova vairanai ma e kara dika.
2KI 21:17 Manase ena kara oredia, e kara karadia iboudiai, bona ena kara dikadia, sivaraidia na Iuda Pavapavadia Sisigadia Bukana ai vada e hetore, ani?
2KI 21:18 Bena Manase na tubu tama dekediai e mahuta; iena ruma uma-umana lalonai, Usa ena uma-uma ai, e guria. Bena natuna Amon na ia gabuna ai e lohia.
2KI 21:19 Amon e lohia matama negana ai, ena mauri laḡanidia na ruahui-rua; laḡani rua hona e lohia, Ierusalem ai. Sinana ladana na Mesulemete, Harusu tau lotoba natuna.
2KI 21:20 Ia na Iehova vairanai e kara havarava, tamana Manase e kara havarava heḡereḡerena.
2KI 21:21 Tamana ese e rakalaiva daladia iboudiai na ia ese danu e rakalaiva, bona tamana ese isiaidia e lao heniva kaivakukudia na ia ese danu isiaidia e lao heniva bona e toma henidia dihova.
2KI 21:22 Ia ese Iehova, senena edia Dirava e rakatania, bona Iehova ena dala ai se raka.
2KI 21:23 Amon ena hesiai taudia ese ia ihadikana dalana e henegalaia, bena idia ese hanua pavapavana na ena ruma ai e alaia mase.
2KI 21:24 A una tano taudia ese King Arnon ihadikana e henegalala taudia iboudiai na e aladia mase; bena idia ese ia natuna Iosia na hanua pavapavana ai e halaoa, ia gabuna ai.
2KI 21:25 Amon ena kara oredia sivaraidia na Iuda Pavapavadia Sisigadia Bukana ai vada e hetore, ani?
2KI 21:26 Bena ena gara ai e guria, Usa ena uma-uma ai; bena natuna Iosia na ia gabuna ai e lohia.
2KI 22:1 Iosia e lohia matama negana ai, ena mauri laḡanidia na taurahani. Ena lohia laḡanidia Ierusalem ai na toiahui-ta. Sinana ladana be ledida; ia na Adaia tau Boskata natuna.
2KI 22:2 Ia na Iehova vairanai e kara maoromaoro, senena David ena dala idoinai e rakalaia, se raka siri, idiba kahana ai eiava lauri kahana ai.
2KI 22:3 King Iosia ena lohia laḡanina ihagwauta-taurahanina ai, ia ese Safana, toretore tauna, Asalia Mesulama natuna, na e siaia lao, Iehova ena dubu ai; eto,
2KI 22:4 Hahelaḡa tauna badana Hilkia dekena baola, taunimanima ese Iehova ena dubu ai vada e vareailai monidia, iduara inarina taudia ese idia edia amo vada e abi ḡaudia, na ia ese baine hagau;
2KI 22:5 bena ḡaukara taudia Iehova ena dubu e itaia taomu na baine henidia. Bena idia ese Iehova ena dubu ai dubu ihanamo-louna ḡaukaradia e karamu taudia baine henidia;
2KI 22:6 unu na kamuta taudia bona ruma ihaginidia taudia bona nadi iḡaukaralaidia taudia. Una moni amo danu au bona e ḡei nadidia bae hoi, dubu ibanilaina.
2KI 22:7 A unu imadia ai bae ato monidia igaukaralaidia daladia na basie nanadailaidia, badina be idia ese e ḡaukaralai momokanimu.
2KI 22:8 Bena hahelaḡa tauna badana Hilkia ese toretore tauna Safana e hereva henia, eto, Taravatu bukana na vada na davaria, Iehova ena dubu ai. Bena Hilkia ese una buka na Safana e henia; bena ia ese e duahia.
2KI 22:9 Bena toretore tauna Safana na hanua pavapavana dekena ema, e hamaoroa, eto, Emu hesiai taudia na dubu ai e davaria monina idoinai vada e bubua diho, bona Iehova ena dubu ḡaukarana e itaia taomu taudia imadia ai vada e atoa.
2KI 22:10 Bena toretore tauna Safana ese hanua pavapavana ma e hamaoroa, eto, Hahelaḡa tauna Hilkia ese buka ta e henigu. Bena Safana ese hanua pavapavana vairanai e duahia hedinarai.
2KI 22:11 Hanua pavapavana ese taravatu bukana herevadia e kamonai negana ai, ena dabua e dare.
2KI 22:12 Bena hanua pavapavana ese hahelaḡa tauna Hilkia, bona Ahikama Safana, bona Akaboro Mikaia, bona toretore tauna Safana, bona Asaia, hanua pavapavana ena hesiai tauna ta, na e haḡanidia, eto,
2KI 22:13 Aola, Iehova ba nanadaia, lau daigu ai bona taunimanima daidiai, bona Iuda idoinai dainai, hari e davaria bukana herevadia ba henanadailai; badina be Iehova ena badu vada e vara bona e haḡaraḡaraia herea ita latadai, badina be tamada ese ina buka herevadia asie badinadia, bona ia lalonai ita herevada e tore ḡaudia iboudiai na asie kara.
2KI 22:14 Taunabunai, hahelaḡa tauna Hilkia, bona Ahikama bona Akaboro bona Safana bona Asaia, na peroveta hahinena Hulda, Salumu Tikva adavana, dekena ela. Una Salumu na Harahasa tubuna. Ia na pavapava ena dabua inaridia tauna. Hahine na Ierusalem kaha matamatana ai e nohova. Idia na ia ida e hereva-hereva.
2KI 22:15 Bena ia ese e hamaorodia, eto, Iehova, Israel Diravana, na ini e gwau tomamu: dekegu e siaimui mai tauna ba hamaoroa, baoto,
2KI 22:16 Iehova na ini e gwau tomamu: A itaia, lau na dika baina havaraia, ina gabu latanai bona inoholaina taudia latadiai, Iuda pavapavana ese vada e duahia bukana herevadia iboudiai heḡereḡeredia ai.
2KI 22:17 Badina be lau vada e rakatanigu, bona idau dirava vairadiai muramura mai bonadia vada e gabu; imadia ḡaukaradia iboudiai amo vada e habadugu. Taunabunai, egu badu baine ḡaraḡara ina gabu latanai, bona ta ese basine habodoa.
2KI 22:18 A Iuda pavapavana ese Iehova inanadaina totona vada e siaimui mai; taunabunai ini ba hamaoroa toma, baoto, Iehova, Israel Diravana, na ini e gwau tomamu: Badina be vada o kamonai herevadia daidiai
2KI 22:19 o helalo kerehai bona Iehova vairanai o hahemanau; bona ina gabu mai inoholaina taudia ida ihadikalaidia herevadia na gwaurai, gabudia bae ḡagae bona heuduguirai gaudia ai baela nato, negana ai na emu dabua o dare bona vairagu ai o tai; una dainai (Iehova na e tomamu) lau ese danu name kamonai henimu.
2KI 22:20 Taunabunai, tubu tama ida baina haheboumui, gara bae laohaimu mai mainomu ida; a dika idoinai baina mailaia ina gabu latanai na oi matamu ese basie itaia. Bena idia ese una hereva na hanua pavapavana dekena e loulaia lao.
2KI 23:1 Hanua pavapavana na e hesiai, bena Iuda bona Ierusalem tau-badadia iboudiai na ia dekenai e hebou.
2KI 23:2 Bena hanua pavapavana na Iehova ena dubu ai e dae kau, bona Iuda taudia iboudiai bona Ierusalem inoholaina taudia iboudiai, bona hahelaḡa taudia bona peroveta taudia, taunimanima iboudiai kikina-badana danu ia ida; bena ia ese taravatu bukana, Iehova ena dubu ai e davaria ḡauna, herevadia iboudiai idia vairadiai e duahi hedinarai.
2KI 23:3 Bena hanua pavapavana na au-tubua badibadinai e gini, Iehova vairanai e gwau hamata, Iehova ena dala ai baine raka, bona ena haheḡani bona ena hahediba herevadia bona ena taravatu baine badinadia mai lalona idoinai bona mai laumana idoinai ida, bona taravatu herevadia una buka lalonai e hetore na karadia do baine kara. Bena taunimanima iboudiai na ia ida e gwau hamata hebou.
2KI 23:4 Bena hanua pavapavana ena hahelaḡa tauna badana Hilkia, bona hahelaḡa taudia ia henunai, bona dubu iduarana inarina taudia, na e haḡanidia, dubu kohudia iboudiai, Baal ena eiava Asera ena eiava guba hisiudia iboudiai edia e kara ḡaudia, na Iehova ena dubu lalona amo bae lasilaidia; bena ia ese Ierusalem murimurinai e gabudia, Kidron badina tanodia ai; bena kahudia na Betele e laohai.
2KI 23:5 Dirava koikoidia edia hahelaḡa taudia, Iuda pavapavadia ese vada e haginidia Iuda hanuadia bona Ierusalem heḡeḡe-madai ai atai gabudia ai muramura mai bonadia bae gabu totona taudia, na ia ese e hadokodia; bona muramura mai bonadia e gabu Baal ena, bona dina bona hua bona noho-bou hisiudia bona guba hisiudia iboudiai edia, taudia danu.
2KI 23:6 Ia ese au-tubua ladana Asera na Iehova ena dubu lalona amo e abia, e laohaia Ierusalem murimurinai, ela bona Kidron sinavaina. Kidron sinavaina badibadinai ia ese e gabua, e kwadia dimura-dimura, bena kahuna na hanua taudia garadia ai e negea.
2KI 23:7 Kara bodaga ikarana amo e toma dihova taudia e hanohodiava rumadia, Iehova ena dubu lalonai, na ia ese e hagari; unu ruma lalodiai hahine ese Asera ena dabua e hatu.
2KI 23:8 Hahelaḡa taudia iboudiai Iuda hanuadia amo e hakaudia lasi, bona atai gabudia, hahelaḡa taudia ese muramura mai bonadia e gabuva gabudia, na ia ese e hamirodia, Geba amo ela bona Bere-sieba. Ikoukou ai gabu helaḡadia danu, Iosua, hanua lohiana, ena ikoukou raka-vareaina badinai e miava, hanua ikoukouna lauri kahana ai, ia ese e ḡiḡidia dobi.
2KI 23:9 Ḡau tamona, atai gabudia edia hahelaḡa taudia ese Iehova ena ihaboulaina patana Ierusalem ai asie dara henia dae, a tadikakadia bogaragidiai se hatubua flaoana e aniva.
2KI 23:10 Ia ese danu Tofete, Hinom natuna edia koura ai, e hamiroa, tau ta ese natuna maruanena eiava natuna hahinena na lahi ai basine haḡoledia oho Molek ena helaoreana.
2KI 23:11 Hosi laulaudia danu, Iuda pavapavadia ese e hahelaḡadia dina ena, bona Iehova ena dubu raka-vareaina ai, hesiai tauna Natana-melek ena daiutu badibadinai, dubu murimurinai e atodia, na ia ese ma e abidia oho; bona dina ena kariota danu e gabudia.
2KI 23:12 Bona ihaboulaina patadia, Ahasa ena atai-daiutuna guhina latanai Iuda pavapavadia ese e kara ḡaudia, bona ihaboulaina patadia Manase ese Iehova ena dubu maḡudia ruaosi lalodiai e larebadia, na ia ese e haheḡiḡidia dobi, e hamakohidia dimura-dimura, bena ḡahudia na Kidron sinavaina ai e negedia.
2KI 23:13 Hanua pavapavana ese danu atai gabudia Ierusalem mairiveina kahana ai, bodaga ororona diho kahana ai, na e hamirodia. Unu atai gabudia na Solomon, Israel pavapavana, ese e larebadia, Astaroto, Sidono taudia edia dirava dikana, bona Kemoso, Moab taudia edia dirava dikana, bona Milkom, Amono taudia edia dirava dikana, edia.
2KI 23:14 Ia ese danu nadi au-tubuadia e hamakohidia bona au au-tubuadia e utudia, bena gabudia na mase taudia turiadia amo e hahonudia.
2KI 23:15 Ihaboulaina patana Betele ai, atai gabuna Ieroboam Nebata, Israel e hakaraia dika tauna, ese e haginia ḡauna, una danu ia ese e haheḡiḡia dobi; nadidia na e hamakohi dimura-dimura, ḡahu ai e halaodia; Asera ena au-tubua danu e gabua.
2KI 23:16 Iosia e roha kerehai, bena gara haida e itadia ororo ai; bena e hesiai, turia na gara amo e abidia; ihaboulaina patana latanai e hagoledia oho; unu amo e hamiroa, Iehova ena hereva, Dirava ena tau uduna amo e gwauraia, lalonai unu ḡau e gwaurai guna heḡereḡerena.
2KI 23:17 Bena ia eto, Una be dahaka pupuna na itaiamu unuseni a? Hanua taudia ese e hamaoroa, eto, Una na Dirava ena tau garana; ia na Iuda amo ema, bona Betele ihaboulaina patana ihadikana karadia oi ese vada o kara na ia ese e gwaurai guna.
2KI 23:18 Ia eto, Baine mia, tau ta ese ia turiana basine abidia oho. Taunabunai ia turiana, bona peroveta tauna ta Samaria amo ema tauna turiana, asie daudia toho.
2KI 23:19 Samaria hanuadia edia atai gabudia helaḡadia iboudiai danu, Israel pavapavadia ese e kara bena unu amo Iehova e habadua ḡaudia, na Iosia ese e abidia oho; Betele ai e kara karadia iboudiai heḡereḡeredia na idia danu e kara henidia.
2KI 23:20 Bona unu atai gabudia edia hahelaḡa taudia na ihaboulaina patadia latadiai e aladia mase, bena mase taudia turiadia na latadiai e haḡoledia oho. Bena ia na Ierusalem e lou lao.
2KI 23:21 Bena hanua pavapavana ese taunimanima iboudiai e haḡanidia, eto, Iehova, emui Dirava, ena lagau-hanai ariana ba karaia, ina taravatu bukana ai e hetore heḡereḡerena.
2KI 23:22 Badina be una lagau-hanai ariana na asie karaiava, hahemaoro taudia ese Israel besena e hahemaoro heniava negana amo ema bona Israel pavapavadia bona Iuda pavapavadia edia dina iboudiai lalodiai.
2KI 23:23 A King Iosia ena lohia laḡanina ihagwauta-taurahanina ai, ina lagau-hanai ariana na Ierusalem ai e karaia, Iehova ena.
2KI 23:24 Iosia ese rohe taudia bona mea taudia bona laulau helaḡadia bona kaivakuku, bona kara dika-hereadia iboudiai Iuda ai bona Ierusalem ai e heitava, na e atodia tabe, taravatu herevadia, hahelaḡa tauna Hilkia ese Iehova ena dubu ai e davaria bukana ai e hetore gaudia, iboudiai anidia ihavaradia helaoreana.
2KI 23:25 Nega gunadia ai asi pavapava ta ia heḡereḡerena, Iehova e lou henia mai lalona idoinai, mai laumana idoinai, bona mai goadana idoinai ida, Mose ena taravatu idoinai heḡereḡerena; bona ia murinai danu asi pavapava ta e tore isi, ia heḡereḡerena.
2KI 23:26 A Iehova na ena badu-garaḡara siahuna amo se raka oho. Ena badu dounu e haḡaraḡaraiava Iuda enai, Manase ese e habadua loulouva dainai.
2KI 23:27 Iehova eto, Lau ese Iuda danu lau vairagu amo baina abia oho, Israel na abia oho heḡereḡerena; bona ina hanua, na abia hidi hanuana, Ierusalem, bona ina dubu, na herevalaia nato “Lau ladagu na unuseni ai baine mia” dubuna, na baina negedia daure.
2KI 23:28 Iosia ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai vada e hetore, ani?
2KI 23:29 Iena nega ai Farao Neko, Aigupto pavapavana, na Asuria pavapavana dekena ela, Eufrate sinavaina ai. Bena King Iosia na ia ihedavari-henina ela. Bena Farao Neko ese e itaia negana ai e alaia mase, Megido ai.
2KI 23:30 Bena ena hesiai taudia ese kariota ta amo masena ai e laohaia, Megido amo ela bona Ierusalem; bena iena gara korikori ai e guria. Bena Iuda taudia ese Iehoahasa, Iosia natuna, e abia, e horoa, pavapava ai e halaoa, tamana gabuna ai.
2KI 23:31 Iehoahasa e lohia matama negana ai, ena mauri laḡanidia na ruahui-toi; ia na hua toi hona Ierusalem ai e lohia. Sinana ladana na Hamutala; ia na leremia, tau Libna, natuna.
2KI 23:32 Iehoahasa na Iehova vairanai e kara havara, senena edia kara iboudiai heḡereḡeredia ma e kara.
2KI 23:33 Bena Farao Neko ese e ḡuia, Ribla ai, Hamat tanona ai, Ierusalem ai basine lohia helaoreana; bona heaiva monina na tano taudia ediai e gwauraia, silver talent sinahu-ta bona gold talent ta.
2KI 23:34 Bena Farao Neko ese Eliakim, Iosia natuna, e abia, pavapava ai e halaoa, tamana Iosia gabuna ai, bona lada matamatana e henia, Iehoiakim eto. A Iehoahasa na e hakaua ela Aigupto; bena unuseni ai e mase.
2KI 23:35 Bena Iehoiakim ese silver bona gold na Farao e henia, a tano taudia edia amo tax e abia, Farao ena haheḡani heḡereḡerena ai moni baine henia totona. Silver bona gold na tano taudia edia amo e abi, ta ta ena taḡa ena taga e hahetohoa heḡereḡerena, Farao Neko baine henia totona.
2KI 23:36 Iehoiakim e lohia matama negana ai, ena mauri laḡanidia na ruahui-ima; ena lohia laḡanidia Ierusalem ai na gwauta-ta. Sinana ladana na Sebida; ia na Pedaia, tau Rumaha, natuna.
2KI 23:37 Ia na Iehova vairanai e kara havara, senena edia kara iboudiai heḡereḡeredia ma e kara.
2KI 24:1 Iena nega ai Nebukadnesara, Babulono pavapavana, na ema; bena Iehoiakim ese ia isiaina e lao heni ela bona laḡani toi e ore; bena e hegiro, e gwau edeede henia.
2KI 24:2 Bena Iehova ese tuari oreadia na Kaldea bona Suria bona Moab bona Amono amo e siaidia, ia bae tuari henia bona Iuda tanona bae habuaia tari totona, Iehova ena hereva, ena hesiai peroveta taudia ududia amo e gwauraia, heḡereḡerena.
2KI 24:3 Momokani, ina na Iehova ena haheḡani dainai Iuda latanai e kau, ia vairana amo bae heabi oho totona, Manase ena kara dika, e kara karadia iboudiai, daidiai,
2KI 24:4 bona asi edia kerere taudia raradia ia ese e hahebubua dainai. Badina be ia ese Ierusalem na asi edia kerere taudia raradia amo e hahonua; bona Iehova ese una kara na se laloa nege.
2KI 24:5 Iehoiakim ena kara oredia, e kara karadia iboudiai, sivaraidia na Iuda Pavapavadia Sisigadia Bukana ai vada e hetore, ani?
2KI 24:6 Taunabunai, Iehoiakim na tubu tama ida e mahuta, bona ia natuna lehoiakini na ia gabuna ai e lohia.
2KI 24:7 Una negana ai Aigupto pavapavana na ena tano amo se raka lasi lou, badina be Babulono pavapavana ese Aigupto pavapavana ena tano, Aigupto sinavaina amo ela bona Eufrate sinavaina, iboudiai vada e abidia.
2KI 24:8 Iehoiakini e lohia matama negana ai, ena mauri laḡanidia na gwautataurahani; ia na hua toi hona Ierusalem ai e lohia. Sinana ladana na Nehusuta, Elnatan, Ierusalem tauna, natuna.
2KI 24:9 Ia na Iehova vairanai e kara havara, tamana ena kara iboudiai heḡereḡeredia ma e kara.
2KI 24:10 Una negana ai Nebukadnesara, Babulono pavapavana, ena hesiai taudia ese Ierusalem e dae henia, bona hanua e koua heḡeḡe.
2KI 24:11 Bena Nebukadnesara, Babulono pavapavana, ena hesiai taudia ese hanua e koua heḡeḡeva lalonai, ia na hanua ai e kau.
2KI 24:12 Bena Iehoiakini, Iuda pavapavana, na sibona Babulono pavapavana imana ai e heato, ia bona sinana bona ena hesiai taudia, bona ena lohia taudia bona ena ruma itataona taudia. Babulono pavapavana ese e abia mauri, ena lohia laḡanina ihataurahanina ai;
2KI 24:13 bona Iehova ena dubu kohudia iboudiai bona pavapava ena ruma kohudia e laohaidia, bona gold gaudia iboudiai Iehova ena dubu ai e miava, Solomon, Israel pavapavana, ese e kara gaudia, na e utudia sisi-sisi, Iehova ese vada e gwauraia guna heḡereḡerena.
2KI 24:14 Ierusalem taudia iboudiai na e laohaidia, lohia iboudiai bona tuari taudia mai goadadia iboudiai, iḡui taudia gerebu ta; bona ima namo taudia bona auri igaukaralaina mai dibadia taudia. Tau ta se noho, ogogami dikadika taudia mo.
2KI 24:15 Ia ese Iehoiakina na Babulono e laohaia; hanua pavapavana sinana danu, bona adavana hahidaosi, bona ena heitatao taudia bona tano lohiadia, e ḡuidia, Ierusalem amo e laohaidia, ela bona Babulono.
2KI 24:16 Babulono pavapavana ese tuari taudia daha-hitu, bona ima namo taudia bona auri iḡaukaralaina mai dibadia taudia daha-ta, na Babulono e laohaidia; iboudiai na mai goadadia bona tuari mai dibadia.
2KI 24:17 Bena Babulono pavapavana ese Matania, Iehoiakini tamana lahaina, na pavapavana ai e halaoa, ia gabuna ai, bona lada matamatana e henia, e nemaia Sedekia.
2KI 24:18 Sedekia e lohia matama negana ai, ena mauri laḡanidia na ruahui-ta; ena lohia laḡanidia Ierusalem ai na gwauta-ta. Sinana ladana na Hamutala, Ieremia, tau Libna, natuna.
2KI 24:19 Ia na Iehova vairanai e kara havara, Iehoiakim ena kara iboudiai heḡereḡeredia ma e kara.
2KI 24:20 Iehova ena badu dainai unu kara e vara, Ierusalem ai bona Iuda ai, ela bona negana e kau bena idia na ia vairana amo e negedia daure. Bena Sedekia ese Babulono pavapavana e gwau edeede henia.
2KI 25:1 Sedekia ena lohia laḡanina ihataurahani-tana ai, hua ihagwautana dinana ihagwautana lalonai, Nebukadnesara, Babulono pavapavana, na ena tuari oreana idoinai ida Ierusalem ihadikana ema, e koua heḡeḡe bona tano e larebaia heḡeḡe.
2KI 25:2 Taunabunai, hanua e koua heḡeḡe ela bona King Sedekia ena lohia laḡanina ihagwauta-tana.
2KI 25:3 Bena hua ihahanina dinana ihatamahani-tana ai, hanua lalonai doe vada e bada herea, bona tano idoinai taunimanima na asi adia.
2KI 25:4 Una negana ai, hanua maḡuna e hamaurua. Ena be Kaldea taudia na hanua vada e koua heḡeḡe, to hanua pavapavana bona tuari taudia iboudiai na hanuaboi e heau, maḡu ruaosi padadia ikoukouna amo, hanua pavapavana ena uma-uma badibadinai; bena Araba kahana ela.
2KI 25:5 A Kaldea taudia edia tuari oreana ese hanua pavapavana na e ḡavaia, ela bona Ieriko taorana ai e lasi tao; ena tuari oreana idoinai na iena amo e karoho rohoroho.
2KI 25:6 Bena idia ese hanua pavapavana e abia mauri, Babulono pavapavana dekena e laohaia, Ribla ai. Ia ese e revaia.
2KI 25:7 Bena Sedekia natuna mamaruanedia na ia vairanai e aladia mase; bena Sedekia matana e hakepuludia, bena auri gadeadia amo e ḡuia, Babulono e laohaia.
2KI 25:8 Hua iha-imana dinana ihahituna ai, (una na King Nebukadnesara, Babulono pavapavana, ena lohia laḡanina ihagwauta-taurahani-tana ai), Nebusaradana, hegima oreana biaguna, Babulono pavapavana ena hesiai tauna ta, na Ierusalem ai e kau.
2KI 25:9 Bena ia ese Iehova ena dubu bona pavapava ena ruma bona Ierusalem rumadia iboudiai e doudia; ruma badadia iboudiai e dou.
2KI 25:10 Bena Kaldea tuari oreana taudia iboudiai, hegima oreana biaguna ida ema taudia, ese Ierusalem heḡegemadai maḡudia e haheḡigidia dobi.
2KI 25:11 Bena hanua taudia kwabukwabudia dounu hanua ai e nohova, bona e heau Babulono pavapavana enai e hanai taudia, bona taunimanima oredia, na Nebusaradana, hegima oreana biaguna, ese dauha e laohaidia.
2KI 25:12 A hegima oreana biaguna ese ogoḡami dikadika taudia haida e rakatanidia, vine imeadia ireḡudia bona tano iruana.
2KI 25:13 Auri labora-labora au-tubuadia Iehova ena dubu ai, bona rerue bona auri labora-labora nauna badana Iehova ena dubu ai, na Kaldea taudia ese e hamakohidia, bona auri labora-laborana na e laohaia Babulono.
2KI 25:14 Bona uro bona gaga bona lamepa ihaḡoevadia ḡaudia, bona muramura mai bonadia urodia, bona auri labora-labora ḡaudia, kara helaḡadia ai e ḡaukaralaiva ḡaudia, na iboudiai e laohai.
2KI 25:15 Gida keberedia bona bio, bona gold amo bona silver amo e kara ḡaudia ibouboudiai na hari hegima oreana biaguna ese e laohai.
2KI 25:16 Hari au-tubua ruaosi, bona nau badana, bona rerue, Solomon ese e kara Iehova ena dubu ena, auri labora-laboraidia lalodiai metauna na asi ihahetohona.
2KI 25:17 Au-tubua ta ena lata na kiubit gwauta-taurahani; ia latanai na kwarana ikorona, auri labora-labora ḡauna, ena lata na kiubit toi; bona reke-hetomana bona rimono huahuadia laulaudia, iboudiai na auri labora-labora amo e kara, na hari au-tubua kwarana ikorona ḡauna e ḡeḡelaia. Au-tubua iharuana danu unuheto, mai ena reke-hetomana.
2KI 25:18 Bena hari hegima oreana biaguna ese hahelaḡa tauna badana Seraia, bona hahelaḡa tauna ihararuana Sefania, bona dubu iduarana inaridia taudia tatoiosi, e abidia.
2KI 25:19 Hanua amo danu tuari oreana biaguna ta bona hanua pavapavana ena kaunsil taudia laima hanua lalonai e davaridia na e abidia; bona tuari biaguna ena toretore tauna, ena ḡaukara be tano taudia ihagaudia, bona tano taudia tauratoi-ahui hanua lalonai e davaridia danu,
2KI 25:20 Nebusaradana, hegima oreana biaguna, ese e abidia, Babulono pavapavana dekena e laohaidia Ribla ai.
2KI 25:21 Bena Babulono pavapavana ese e rahudia mase Ribla ai, Hamat tanona ai, e aladia mase. Taunabunai, Iuda taudia na edia tano amo e abidia oho, dauha e laohaidia.
2KI 25:22 Taunimanima kwabukwabudia na Iuda tanona ai e nohova, Nebukadnesara, Babulono pavapavana, ese e rakatanidia dainai. Bena ia ese Gedalia, Ahikama Safana natuna, e duanaia, baine biagudia.
2KI 25:23 Bena tano paka ai e nohova oreadia biagudia iboudiai, mai edia orea taudia ida, e kamonai Babulono pavapavana ese Gedalia vada e duanaia baine biagudia negana ai, idia na edia orea taudia ida Gedalia dekena ela, Mispa ai. Taudia bini: Ismael Netania; lohanan Karea; Seraia Tanahumete, tau Netofa; bona Iaasania, tau Maakata natuna.
2KI 25:24 Bena Gedalia ese idia bona edia orea taudia e gwau henidia hamata, eto, Basio gari Kaldea lohiadia daidiai; tano lalonai ba noho, bona Babulono pavapavana isiaina ba lao heni, bena ba namo.
2KI 25:25 A hua ihahituna ai, Ismael, Netania Elisama natuna, hanua pavapavana ena iduhu tauna ta, na tatau gwauta ida ema. Idia ese Gedalia bona Iuda taudia bona Kaldea taudia ia ida Mispa ai e nohova na e tuari henidia bona e aladia mase.
2KI 25:26 Bena taunimanima iboudiai kikina-badana, bona orea biagudia, na e tore isi, Aigupto ela; badina be idia na Kaldea taudia garidia e gariva.
2KI 25:27 Iehoiakini, Iuda pavapavana, ena noho-hedoa laḡanina ihatoiahui-hituna ai, hua ihagwauta-ruana dinana iharuahui-hituna ai, Evil-merodak, Babulono pavapavana, e lohia matama. Bena ena lohia laḡanina gini-gunana ai ia ese Iehoiakini, Iuda pavapavana, e bogaia hisi, dibura rumana amo e ruhaia nege;
2KI 25:28 ia ese e hereva namo henia, bona helai ḡauna hereana e henia, pavapava iboudiai ia ida Babulono ai e nohova daediai.
2KI 25:29 Taunabunai, Iehoiakini na ena dibura dabuadia e doki oho. Una murinai ena mauri dinadia iboudiai lalodiai ia na hanua pavapavana ena pata ai e anianiva;
2KI 25:30 bona hanua pavapavana ese ahuna e henia, dina ta ta amo, ena mauri dinadia iboudiai lalodiai.
1CH 1:1 Adam, Set, Enos;
1CH 1:2 Kenan, Mahalalel, Iared;
1CH 1:3 Enok, Metusela, Lamek;
1CH 1:4 Noa, Sem, Ham, Iaet.
1CH 1:5 Ifet natuna: Gomere, Magog, Madai, lavan, Tubal, Mesek, Tira.
1CH 1:6 Gomere natuna: Asakena, Difata, Togarama.
1CH 1:7 Ivan natuna: Elisa bona Tarasisi; bona Kitim besena bona Dodanim besena danu ia ese e havaradia.
1CH 1:8 Ham natuna: Kusu, Aigupto, Put, Kanaan. Kusu natuna: Seba, Havila, Sabata, Raama, Sabateka.
1CH 1:9 Raama natuna: Sieba, Dedan.
1CH 1:10 Kusu ese Nimrod e havaraia; ia na lohia tauna gini-gunana tanobada ai.
1CH 1:11 Aigupto ese e havaradia besedia bini: Ludim, Anamim, Lehabim, Napatuhim,
1CH 1:12 Patarusim, Kasaluhim, Kaftorim. Filistia taudia na Kasaluhim besena amo e vara.
1CH 1:13 Kanaan natuna bini: Sidono, tau-roboana, bona Het.
1CH 1:14 E havaradia besedia bini: Iebusu, Amoro, Girigasa,
1CH 1:15 Hivi, Araka, Sini,
1CH 1:16 Aravada, Semara, Hamat.
1CH 1:17 Sem natuna: Elam, Asuru, Afasad, Lud, Aram, Usu, Hulu, Getere, Mesek.
1CH 1:18 Afasad ese Sela e havaraia, bona Sela ese Ebere e havaraia.
1CH 1:19 Ebere natuna mamaruanedia na rarua: ta ladana Peleg (badina be iena nega ai tano hetoadia e kara); ia tadina ladana na Iokotan.
1CH 1:20 Ikotan natuna: Alamodad, Selefe, Hasaramavete, Iera,
1CH 1:21 Hadoram, Usala, Dikila,
1CH 1:22 Ebal, Abimael, Sieba,
1CH 1:23 Ofiri, Havila, Iobab. Ini iboudiai na Iokotan natuna.
1CH 1:24 Sem, Afasad, Sela,
1CH 1:25 Ebere, Peleg, Reu,
1CH 1:26 Serug, Nahoro, Tera,
1CH 1:27 Abram (ladana ta be Abraham).
1CH 1:28 Abraham natuna: Isaak bona Ismael.
1CH 1:29 Edia uru ladadia bini: Ismael natuna roboana na Nebaioto; bona murina amo Kedara, Adabeel, Mibisam,
1CH 1:30 Misima, Duma, Masa, Hadad, Tema,
1CH 1:31 Ieturu, Nafisi, Kedema. Ismael natuna bunu.
1CH 1:32 Ketura na Abraham ese e adavaia hahinena. Una hahine ese e havaradia memerodia: Simuran, Iokosan, Medan, Midian, Isabak, Sua. Iokosan natuna: Sieba bona Dedan.
1CH 1:33 Midian natuna: Efa, Efere, Hanok, Abida, Eldaha. Ini iboudiai na Ketura vevena.
1CH 1:34 Abraham ese Isaak e havaraia. Isaak natuna: Esau bona Israel.
1CH 1:35 Esau natuna: Elifasa, Reuele, Ieusu, Ialam, Kora.
1CH 1:36 Elifasa natuna Teman, Omara, Sefi, Gatam, Kena, Timna, Amalek.
1CH 1:37 Reuele natuna: Nahata, Sera, Sama, Misa.
1CH 1:38 Seiri natuna: Lotan, Sobal, Sibeon, Ana, Dison, Esere, Disan.
1CH 1:39 Lotan natuna: Hori bona Homam. Lotan taihuna na Timna.
1CH 1:40 Sobal natuna: Alian, Manahata, Ebal, Sefi, Onam. Sibeon natuna: Aia bona Ana.
1CH 1:41 Ana natuna: Dison. Dison natuna: Hamaran, Eseban, Itiran, Keran.
1CH 1:42 Esere natuna: Bilhan, Saavan, laakan. Dison natuna: Usu bona Aran.
1CH 1:43 Israel taudia do asi edia pavapava negadia ai na Edom tanona e lohiaiava pavapavadia bini. Bela Beoro, ena hanua badana ladana na Dinihaba.
1CH 1:44 Bela e mase, bena Iobab, Sera tau Bosra natuna, na e lohia, ia gabuna ai.
1CH 1:45 Iobab e mase, bena bena Husam, Teman tanona tauna, na e lohia, ia gabuna ai.
1CH 1:46 Husam e mase, Hadad Bedad, Moab tanona ai Midian e hadarerea tauna, na e lohia, ia gabuna ai; ena hanua badana ladana na Aviti.
1CH 1:47 Hadad e mase, bena Samula, tau Masareka, na e lohia, ia gabuna ai.
1CH 1:48 Samula e mase, bena Saul, Rehoboto, Eufrate sinavaina hanuana ta, tauna, na e lohia, ia gabuna ai.
1CH 1:49 Saul e mase, bena Baal-hanana Akahoro na e lohia, ia gabuna ai.
1CH 1:50 Baal-hanana e mase, bena Hadad na e lohia, ia gabuna ai; ena hanua badana ladana na Pai. Adavana ladana na Mehetabel; ia na Matared natuna, tubuna na Mesahab.
1CH 1:51 Hadad na e mase. Edom iduhu-lohiadia bini: Timna, Alia, letete,
1CH 1:52 Oholibama, Elaha, Pinon,
1CH 1:53 Kena, Teman, Mibsara,
1CH 1:54 Magdiel, Iram. Unu na Edom iduhulohiadia.
1CH 2:1 Israel natuna bini: Ruben, Simeon, Levi, Iuda, Isakara, Sebulun,
1CH 2:2 Dan, Iosef, Beniamina, Napatali, Gad, Asere.
1CH 2:3 Iuda natuna: Ere, Onan, Sela; ini memero tatoiosi na Batasua, hane Kanaan, ese e havara henia. Hari Ere, Iuda natuna roboana, na e kara dika, Iehova vairanai; bena Iehova ese e alaia mase.
1CH 2:4 Ia rava-maraḡina hahinena Tamara ese danu Perese bona Sera na iena amo e havaradia. Iuda natuna mamaruanedia iboudiai na laima.
1CH 2:5 Perese natuna: Hesron bona Hamulu.
1CH 2:6 Sera natuna: Simiri, Etana, Hemana, Kalakolo, Dara, laimaosi.
1CH 2:7 Karami natuna: Akara, Israel ena kwasima e havaraia tauna; ia na e gwaua ahu ḡauna ai e kerere.
1CH 2:8 Etana natuna na Asaria.
1CH 2:9 Hesron natuna mamaruanedia e havaradia ladadia bini: Ierahamele, Ram, Kelubai.
1CH 2:10 Ram na Aminadab tamana; Aminadab na Nason tamana; una Nason na Iuda taudia edia lohia ta.
1CH 2:11 Nason na Salma tamana; Salma na Boa tamana;
1CH 2:12 Boa na Obed tamana; Obed na Iese tamana.
1CH 2:13 Iese natuna roboana na Eliab, iharuana na Abinadab, ihatoina na Simea,
1CH 2:14 ihahanina na Netanele, iha-imana na Radai,
1CH 2:15 ihatauratoina na Oseme, ihahituna na David.
1CH 2:16 Taihudia na Seruia bona Abigail. Seruia natuna: Abisai, Ioab, Asahele, tatoi.
1CH 2:17 Abigail ese Amasa e havaraia; Amasa tamana na letere, tau Ismael.
1CH 2:18 Kaleb, Hesron natuna, ese natuna e havaradia, adavana Asuba enai bona lerioto enai. Asuba natuna bini: Iesere bona Sobab bona Aradono.
1CH 2:19 Asuba e mase murinai, Kaleb ese Efrata e adavaia; una hahine ese natuna Huru e havara henia.
1CH 2:20 Huru na Uri tamana, bona Uri na Besalele tamana.
1CH 2:21 Una murinai Hesron na Makiri natuna hahinena, Gilead taihuna, ida e eno bou. Una hahine na e adavaia negana ai iena mauri laḡanidia na tauratoi-ahui; bena una hahine ese natuna Segubu e havara henia.
1CH 2:22 Segubu na lairi tamana; hari lairi ena hanua na ruahui-toi Gilead tanona ai.
1CH 2:23 A Gesuru bona Aram ese Havoto-iairi na idia edia amo e abia oho, bona Kenat mai ena hanua maraḡidia ida danu; e abi hanuadia iboudiai na tauratoiahui. Unu iboudiai na Makiri, Gilead tamana, garana.
1CH 2:24 Hesron e mase murinai, Kaleb ese Efrata, ia tamana Hesron adavana, ida e eno bou; bena una hahine ese natuna Asahuru e havara henia; ia na Tekoa tamana.
1CH 2:25 Ierahamele, Hesron natuna roboana, natuna: Ram, roboa merona, Buna, Orene, Oseme, Ahia.
1CH 2:26 Ierahamele na mai adavana ma ta danu, ladana na Atara; ia na Onam sinana.
1CH 2:27 Ram, Ierahamele natuna roboana, natuna: Maasa, Iamin, Ekere.
1CH 2:28 Onam natuna: Samai bona lada. Sarnai natuna: Nadab bona Abisuru.
1CH 2:29 Abisuru adavana ladana na Abihaili; una hahine ese natuna Ahabana bona Molidi na e havara henia.
1CH 2:30 Nadab natuna: Selede bona Apaimi. Selede na e mase, asi natuna.
1CH 2:31 Apairni natuna: Isi. Isi natuna na Sesana. Sesana natuna na Ahalai.
1CH 2:32 Iada, Samai tadina, natuna: Ietere bona Ionatan. Ietere na e mase, asi natuna.
1CH 2:33 Ionatan natuna: Pelete bona Sasa. Unu na Ierahamele vevena.
1CH 2:34 Hari Sesana natuna na hahinedia mo, asi natuna maruanena. A Sesana na mai ena hesiai tauna ta, Aigupto tauna, ladana na Iaraha.
1CH 2:35 Taunabunai, Sesana ese ia natuna hahinena na ena hesiai tauna Iaraha e henia, baine adavaia; bena una hahine ese natuna Atai e havara henia.
1CH 2:36 Atai na Natan tamana; Natan na Sabada tamana;
1CH 2:37 Sabada na Efelala tamana; Efelala na Obed tamana;
1CH 2:38 Obed na Iehu tamana; Iehu na Asaria tamana;
1CH 2:39 Asaria na Helese tamana; Helese na Eleasa tamana;
1CH 2:40 Eleasa na Sisimai tamana; Sisimai na Salumu tamana;
1CH 2:41 Salumu na Iekamia tamana; Iekamia na Elisama tamana.
1CH 2:42 Kaleb, lerahamele tadina, natuna roboana na Maresa; ia na Sifi tamana. Maresa natuna na Heberon.
1CH 2:43 Heberon natuna: Kora, Tapua, Rekeme Sema.
1CH 2:44 Sema na Rahama tamana; Rahama na lorokeama tamana. Rekeme na Samai tamana.
1CH 2:45 Samai natuna na Maono, Maono na Bete-suru tamana
1CH 2:46 Efa na Kaleb ese e adavaia hahinena; una hahine ese Haran bona Mosa bona Gasese e havara henia. Haran na Gasese tamana.
1CH 2:47 Iahadai natuna: Regeme, Iotam, Gesana, Pelet, Efa, Saafa.
1CH 2:48 Maaka na Kaleb ese e adavaia hahinena; una hahine ese Sebere bona Tirihana e havara henia.
1CH 2:49 Ia ese Saafa danu e havaraia (ia na Madamana tamana), bona Seva (ia na Makabena bona Gibea tamadia). Kaleb natuna hahinena na Aksa.
1CH 2:50 Kaleb vevena bunu. Huru, Efrata natuna roboana, natuna: Sobal (ia na Kiriat-iearimi tamana)
1CH 2:51 Salma (ia na Betelehem tamana); bona Harefe (ia na Bete-gadere tamana).
1CH 2:52 Sobal, Kiriat-iearimi tamana, na mai ena bese haida danu: Haroe; Menuhoto besena kahana;
1CH 2:53 bona Kiriata-iearimi iduhudia: Itiri bona Puti bona Sumata bona Misira besedia; idia edia amo Sorata bona Estaol besedia e vara.
1CH 2:54 Salma besena bini: Betelehem, bona Netofa besena, bona Ataroto-bete-ioab, bona Manahata besena kahana, bona Soro besena.
1CH 2:55 Itorena taudia Iabese ai e nohova danu besedia bini: Tirata bona Simeata bona Sukata besedia. Unu na Kene taudia, Hamat ena amo e vara; una Hamat na Rekab iduhuna senena.
1CH 3:1 David natuna Heberon ai e vara: roboana na Amnon, Ahinoama, hane Iesrele, bogana amo; iharuana na Daniel, Abigail, hane Karamele, bogana amo;
1CH 3:2 ihatoina na Absalom; ia sinana na Maaka, Talmai, Gesuru pavapavana natuna hahinena; ihahanina na Adonia; ia sinana na Hagiti;
1CH 3:3 iha-imana na Sefatia, Abitala bogana amo; ihatauratoina na Itireama, adavana Egla bogana amo.
1CH 3:4 Natuna mamaruanedia tauratoi Heberon ai e vara; ia na laḡani hitu hua tauratoi unuseni ai e lohia. Ma laḡani toi-ahui toi Ierusalem ai e lohia.
1CH 3:5 Ini na Ierusalem ai e havaradia: Simea, Sobab, Natan, Solomon; ini hahaniosi na Batasua, Amiele natuna, bogana amo.
1CH 3:6 Idia muridiai: Ibihara, Elisama, Elifelete,
1CH 3:7 Noga, Nefeg, Iafia,
1CH 3:8 Elisama, Eliada, Elifelete; taudia taurahani-ta.
1CH 3:9 Ini iboudiai na David natuna mamaruanedia; ma haida be e adavadia hahinedia natudia. Taihudia na Tamara.
1CH 3:10 Solomon garana: Rehoboam; ia natuna Abia; ia natuna Asa; ia natuna Iehosafat;
1CH 3:11 ia natuna Ioram; ia natuna Ahasia; ia natuna Ioasa;
1CH 3:12 ia natuna Amasia; ia natuna Asaria; ia natuna Iotam;
1CH 3:13 ia natuna Ahasa, ia natuna Hesekia; ia natuna Manase;
1CH 3:14 ia natuna Amon; ia natuna Iosia.
1CH 3:15 Iosia natuna: roboana na Iohanan; iharuana Iehoiakim; ihatoina na Sedekia; ihahanina na Salumu.
1CH 3:16 Iehoiakim garana: natuna na Iekonia; ia natuna na Sedekia.
1CH 3:17 Iekonia, abi-mauri tauna, natuna: Sealtiele,
1CH 3:18 Malkiram, Pedaia, Senasara, Iekamia, Hosama, Nedabia.
1CH 3:19 Pedaia natuna: Serubabele bona Simei. Serubabele natuna: Mesulama bona Hanania; idia taihudia na Selomiti;
1CH 3:20 bona Hasuba, Ohele, Berekia, Hasadia, lusaba-hesede, tatau laima.
1CH 3:21 Hanania natuna na Pelatia, ia natuna na Iesaia; ia natuna na Refaia; ia natuna na Aranana; ia natuna na Obadia; ia natuna na Sekania.
1CH 3:22 Sekania natuna na Semaia. Semaia natuna: Hatusu, Igala, Baria, Nearia, Safata, taudia tauratoi.
1CH 3:23 Nearia natuna: Elioenai, Hesekia, Asarikama, taudia tatoi.
1CH 3:24 Elioenai natuna: Hodavia, Eliasibi, Pelaia, Akubu, Iohanan, Delaia, Anani, taudia hahitu.
1CH 4:1 A Iuda natuna: Perese, Hesron, Karami, Huru, Sobal.
1CH 4:2 Sobal natuna Re-aia na lahata tamana; Iahata na Ahumai bona Lahada tamadia. Unu na Sorata iduhudia.
1CH 4:3 Ini na Etam natuna: Iesrele, Isma, Idibasa; taihudia ladana na Haseleleponi.
1CH 4:4 Penuel na Gedoro tamana; Esere na Husa tamana. Idia na Huru natuna; una Huru na Betelehem tamana Efrata natuna roboana.
1CH 4:5 Asahuru, Tekoa tamana, adavana na rarua, Hela bona Naara.
1CH 4:6 Naara ese ia natuna e havara henia ḡaudia bini: Ahusama, Hefere, Temeni, Haahasatari. Naara natuna bunu.
1CH 4:7 Hela natuna: Serete, Isara, Etenana.
1CH 4:8 Koso na Anubu bona Sobeba tamadia, bona Aharahele, Harumu natuna, ena iduhu senena.
1CH 4:9 Iabese ese kara maoromaoro ai tadikakana e hereadia; sinana ese ia ladana e hatoa Iabese, eto, Badina be hisi-ani ai na havaraia.
1CH 4:10 Iabese ese Israel Diravana e noia, eto, Boma hanamogu, egu tano hetoa boma habadaia bona imamu na bema lau dekegu ai, bona dika amo boma rauagu, bena basinema hahisigu. Bena e noia ḡauna na Dirava ese e havara henia.
1CH 4:11 Kelubu, Suha tadina, na Mehin tamana; Mehiri na Esetono tamana;
1CH 4:12 Esetono na Bete-rafa bona Pasea bona Tehina tamadia; Tehina na Irinahasa tamana. Unu na Reka taudia.
1CH 4:13 Kena natuna na Otoniele bona Seraia; Otoniele natuna na Hatata bona Meonotai.
1CH 4:14 Meonotai na Ofra tamana; Seraia na Ioab tamana. Ioab na Geharasimi taudia senedia; Geharasimi e gwauraidia badina be idia na ima karakara dibakana taudia.
1CH 4:15 Kaleb lefune natuna: Iru, Elaha, Naama; Elaha natuna na Kena.
1CH 4:16 Iehalelele natuna: Sifi, Sifaha, Tiria, Asarele.
1CH 4:17 Esera natuna: Ietere, Merede, Efere, Ialono. Ini na Bitia natuna, (ia na Farao natuna hahinena Merede ese e adavaia); hahine na e gaba manoka, bena natuna e havaradia, Miriama bona Samai bona Isiba, Estemoa tamana.
1CH 4:18 Bona adavana hane Heberu ese Ierede, Gedoro tamana, bona Hebere, Soko tamana, bona lekutiele, Sanoa tamana, e havaradia.
1CH 4:19 Hodia adavana, Nahama taihuna, natuna na Keila, tau Garama, bona Estemoa, tau Maakata, tamadia.
1CH 4:20 Sirnono natuna: Amnon, Rina, Benhanana, Tilono. Isi natuna: Sohete bona Ben-sohete.
1CH 4:21 Sela Iuda natuna: Ere, Leka tamana, bona Laada, Maresa tamana. Ia be Bet-asabea dabua aukadia ikaradia taudia edia iduhu senedia danu.
1CH 4:22 Ia garana haida be lokimi bona Koseba taudia, bona Ioasa, bona Sarafa; hari Sarafa na Moab ai e lohia, bena e lou lao Leheme. (Ini na sene negadia ai e tore ḡaudia.)
1CH 4:23 Unu na uro ikaradia taudia, bona Netaimi ai bona Gedera ai e nohova taudia; unuseni ai hanua pavapavana ida e nohova, iena ḡaukara ikaradia totona.
1CH 4:24 Simeon natuna: Nemuele, Iamin, Iaribi, Sera, Saul;
1CH 4:25 ia natuna na Salumu, ia natuna na Mibisam, ia natuna na Misirna.
1CH 4:26 Misima natuna na Hamuele; ia natuna na Sakuru; ia natuna na Sirnei.
1CH 4:27 Sirnei na mai natuna mamaruanedia gwauta-tauratoi bona hahinedia tauratoi, a tadikakana natudia be dia hoho; dia iboudiai asie vara momomomo, Iuda taudia heḡereḡeredia.
1CH 4:28 Edia noho gabudia na Bere-sieba, Molada, Hasara-sual,
1CH 4:29 Bilha, Eseme, Tolada,
1CH 4:30 Betuel, Horoma, Siklag,
1CH 4:31 Bete-makaboto, Hasara-susirni, Bete-biri, bona Saaraimi. Edia hanua badadia bunu, ela bona David e lohia negana.
1CH 4:32 Edia hanua maraḡidia na Etam, Ain, Rimon, Tokene, Asana; hanua ima,
1CH 4:33 mai edia hanua maraḡidia iboudiai ida, hari hanua badadia e ginidia heḡeḡe-madai ḡaudia, ela bona Baal. Edia noho gabudia bunu; bona senedia ladadia e tore ḡaudia e baladia heni.
1CH 4:34 Mesobaba; Iamlek; Iosa Amasia;
1CH 4:35 Ioel; Iehu Iosibia, Seraia Asiele tubuna;
1CH 4:36 Elioenai; Iaakoba; Iesohaia; Asaia; Adiele; Iesimiele; Benaia;
1CH 4:37 bona Sisa Sifi; ia na Alono ledaia tubuna, bona hari Alono na Sirnri Semaia tubuna.
1CH 4:38 Ini ladadia e hetore taudia be edia iduhu lohiadia, bona edia iduhu na e bada e laova.
1CH 4:39 Idia na e laolao ela bona Gedoro rakavareaina kourana mairiveina kahana ai, edia seri adia rei gabudia e tahudia.
1CH 4:40 Unuseni ai idia na rei ḡoeva-daedia gabudia e davaridia; una tano na taora bada, asi tautauna, heato kava, badina be e noholaia gunava taudia na Ham besena taudia.
1CH 4:41 Ini ladadia e hetore taudia na Hesekia, Iuda pavapavana, ena nega ai ema, edia kalaga e habuadia tari, bona Meunimi taudia unuseni ai e davaridia danu e ha-oredia, ema bona ina dina; bena edia gabu e noholaia, badina be edia seri adia rei gabudia na unuseni ai.
1CH 4:42 Bena idia haida, Simeon iduhu tataudia sinahu-ima, na Seiri ororona ela; ihakaudia taudia na Isi natuna hahaniosi, Pelatia bona Nearia bona Refaia bona Usiele.
1CH 4:43 Bena idia ese Amalek taudia kwabukwabudia, guna vada e roho mauri taudia, na e habuadia tari; bena unuseni ai e nohomu ema bona ina dina.
1CH 5:1 Ruben, Israel natuna roboana, natuna bini. (Ia na tau-roboana; ḡau tamona, tamana ena geda e hamiroa dainai ia ahuna na Iosef Israel natuna e henidia; taunabunai edia uru ladadia ai ia ladana se hetore, tau-guna ahuna iabina tauna.
1CH 5:2 Ena be Iuda na mai goadana tadikakana bogaragidiai, bona lohia ta iena amo e vara, to roboa ahuna na Iosef ena.)
1CH 5:3 Ruben, Israel natuna roboana, natuna: Hanok, Palu, Hesron, Karami.
1CH 5:4 Ioel natuna na Semaia; ia natuna na Goḡ ia natuna na Simei;
1CH 5:5 ia natuna na Mika; ia natuna na Re-aia; ia natuna na Baal.
1CH 5:6 Ia natuna na Bera, Tiglata-pilnesere, Asuria pavapavana, ese e abia mauri bena e laohaia tauna; ia na Ruben iduhuna taudia edia lohia ta.
1CH 5:7 Ia varavarana, edia iduhu ta ta ai, edia uru ladadia e hagaudia heḡereḡerena: Ieiele, lohia tauna, bona Sekaria;
1CH 5:8 bona Bela Asasa, Sema Ioel tubuna, ia na Aroere ai e nohova, ela bona Nebo bona Baal-meono.
1CH 5:9 Ia na mairiveina kahana ai danu e nohova, ela bona tano ḡaḡaena iraka-vareaina gabuna, Eufrate sinavaina inikahana ai; badina be edia boromakau vada e hutuma Gilead tanona ai.
1CH 5:10 Saulo ena nega ai idia ese Hagara taudia e tuari henidia bona e hadareredia; bena edia kalaga ai e nohova, Gilead mairiveina kahana idoinai lalonai.
1CH 5:11 Gad garana na idia italaidia ai e nohova, Basan tanona ai, ela bona Saleka.
1CH 5:12 Ioel na lohia tauna; iharuana na Safama; bona lanai bona Safata danu na Basan ai.
1CH 5:13 Varavaradia, tamadia edia iduhu heḡereḡeredia ai, bini: Mikael, Mesulama, Sieba, Iorai, Iakan, Sia, Ebere, taudia hahitu.
1CH 5:14 Unu na Abihaili Huri natuna; Huri na Iaroa natuna, Iaroa na Gilead natuna, Gilead na Mikael natuna, Mikael na Iesisai natuna, Iesisai na lado natuna, Iado na Busu natuna.
1CH 5:15 Ahi, Abdiele Guni natuna, na edia iduhu e lohiadia.
1CH 5:16 Edia noho gabudia na Gilead, Basan mai ena hanua ida, bona Saron ena rei gabudia iboudiai ela bona rei dokodia.
1CH 5:17 Ini iboudiai na Iotam, Iuda pavapavana, bona Ieroboam, Israel pavapavana, negadia ai edia uru ta ta ladadia ai e tore.
1CH 5:18 Ruben bona Gad iduhudia bona Manase iduhu-kahana na mai edia goada taudia, kesi bona dare ihuadia bona peva imaredia bona tuari mai dibadia taudia; iboudiai na gerebu-hani daha-hani sinahu-hitu tauratoi-ahui, heheḡaeḡae tuari totona.
1CH 5:19 Idia ese Hagara taudia, bona leturu bona Nafisi bona Nodaba, e tuari henidia;
1CH 5:20 ituari-henidia ai hekaha e davaria. bena Hagara taudia mai bamodia ida na idia imadia ai e heato kau; badina be tuari lalonai idia ese Dirava e boi henia, bena ia ese edia noinoi e abia dae, idia ese ia e abidadama henia dainai.
1CH 5:21 Bena edia ubu-ubu ḡaudia na e laohaidia: edia kamelo gerebu-ima, edia mamoe domaga-rua gerebu-ima, bona edia doniki daha-rua; tatau domaga-ta danu e abidia mauri.
1CH 5:22 Hutuma bada e mase, badina be tuari na Dirava ena amo e vara. Bena edia gabu e noholaia ela bona e laohaidia idau gabu ai e hanohodia negana.
1CH 5:23 Manase iduhu-kahana taudia na una tano ai e nohova; idia na hutuma herea, Basan amo ela bona Baal-heremon bona Seniri bona Heremon ororona.
1CH 5:24 Tamadia edia iduhu kwaradia bini: Efere, Isi, Eliele, Asriel, Ieremia, Hodavia, bona Iahadiele, tuari taudia mai goadadia bona mai haridia, tamadia edia iduhu kwaradia.
1CH 5:25 A idia ese tamadia edia Dirava e kara havara henia, bona una tano taudia edia dirava e toma henidia diho, Dirava ese idia vairadiai vada e habuadia tari ḡaudia.
1CH 5:26 Taunabunai, Israel Diravana ese Pulu, Asuria pavapavana, bona Tiglata-pilnesere, Asuria pavapavana, na lalodia e haḡaraḡara, bena idia ese hari Ruben bona Gad iduhudia bona Manase iduhu-kahana taudia e laohaidia oho, Hala bona Haboro bona Hara bona Gosan sinavaina badinai e hanohodia, ema bona ina dina.
1CH 6:1 Levi natuna: Gereson, Kohat, Merari.
1CH 6:2 Kohat natuna: Amram, Isahara Heberon, Usiele.
1CH 6:3 Arnram natuna: Aaron, Mose, Miriama. Aaron natuna: Nadab, Abihu, Eleasara, Itamara.
1CH 6:4 Eleasara na Fineha tamana Fineha na Abisua tamana;
1CH 6:5 Abisua na Buki tamana; Buki na Usisi tamana,
1CH 6:6 Usisi na Serahia tamana; Serahia na Meraioto tamana;
1CH 6:7 Meraioto na Amaria tamana; Amaria na Ahitubu tamana;
1CH 6:8 Ahitubu na Sadok tamana; Sadok na Ahimasa tamana;
1CH 6:9 Ahimasa na Asaria tamana; Asaria na Iohanan tamana;
1CH 6:10 Iohanan na Asaria tamana; Solomon ese Ierusalem ai e haginia dubuna lalonai una Asaria ese hahelaḡa karadia e kara.
1CH 6:11 Asaria na Amaria tamana Arnaria na Ahitubu tamana;
1CH 6:12 Ahitubu na Sadok tamana; Sadok na Salumu tamana;
1CH 6:13 Salumu na Hilkia tamana; Hilkia na Asaria tamana;
1CH 6:14 Asaria na Seraia tamana; Seraia na Iehosadak tamana.
1CH 6:15 Iehova ese Iuda bona Ierusalem taudia na Nebukadnesara imana amo idau gabu ai e hanohodia lao negana ai, hari Iehosadak danu e laohaia.
1CH 6:16 Levi natuna: Gereson, Kohat, Merari.
1CH 6:17 Gereson natuna ladadia bini: Libni bona Simei.
1CH 6:18 Kohat natuna: Amram, Isahara, Heberon, Usiele.
1CH 6:19 Merari natuna: Mali bona Musi. Levi taudia edia iduhu bini, tamadia heḡereḡeredia:
1CH 6:20 Gereson natuna na Libni; Libni natuna na Iahata; Iahata natuna na Sima;
1CH 6:21 Sima natuna na Ioa; Ioa natuna na Ido; Ido natuna na Sera; Sera natuna na leaterai.
1CH 6:22 Kohat natuna na Aminadab; Aminadab natuna na Kora; Kora natuna na Asiri;
1CH 6:23 Asiri natuna na Elkana; Elkana natuna na Ebiasafa; Ebiasafa natuna na Asiri;
1CH 6:24 Asiri natuna na Tahata; Tahata natuna na Uriele; Uriele natuna na Usia, Usia natuna na Saul.
1CH 6:25 Elkana natuna na Amasai bona Ahimoto;
1CH 6:26 Ahimoto natuna na Elkana; Elkana natuna na Sofai; Sofai natuna na Nahata;
1CH 6:27 Nahata natuna na Eliab; Eliab natuna na Ierohama; Ierohama natuna na Elkana.
1CH 6:28 Samuel natuna roboana na loel; iharuana na Abia.
1CH 6:29 Merari natuna na Mali; Mali natuna na Libni; Libni natuna na Simei, Simei natuna na Usa;
1CH 6:30 Usa natuna na Simea; Simea natuna na Hagia, Hagia natuna na Asaia.
1CH 6:31 Maua helaḡana Iehova ena dubu ai e atoa murinai, David ese ini tatau e atodia, unuseni ai ane-abi gaukarana bae gunalaia.
1CH 6:32 Idia na hebou kalagana dubuna vairanai toma-diho anedia e abi ema bona Solomon ese Iehova ena dubu e haginia Ierusalem ai; bona toma-diho karadia e kara, ta ta ena nega ena nega ai.
1CH 6:33 Ina ḡaukara e karaia taudia, mai natudia ida, ladadia bini. Kohat iduhuna amo: Ane-abi tauna Hemana, Ioel natuna. (Hari Ioel na Sarnuel natuna,
1CH 6:34 Samuel na Elkana natuna, Elkana na Ierohama natuna, Ierohama na Eliele natuna, Eliele na Toa natuna,
1CH 6:35 Toa na Sufu natuna, Sufu na Elkana natuna, Elkana na Mahata natuna, Mahata na Amasai natuna,
1CH 6:36 Amasai na Elkana natuna, Elkana na Ioel natuna, Ioel na Asaria natuna, Asaria na Sefania natuna,
1CH 6:37 Sefania na Tahata natuna, Tahata na Asiri natuna, Asiri na Ebiasafa natuna, Ebiasafa na Kora natuna.
1CH 6:38 Kora na Isahara natuna, Isahara na Kohat natuna, Kohat na Levi natuna, Levi na Israel natuna.)
1CH 6:39 Bona ia tadina Asaf; ia na ia idibana kahana ai e giniva. (Hari Asaf na Berekia natuna, Berekia na Simea natuna,
1CH 6:40 Simea na Mikael natuna, Mikael na Baaseia natuna, Baaseia na Malkia natuna,
1CH 6:41 Malkia na Eteni natuna, Eteni na Sera natuna, Sera na Adaia natuna,
1CH 6:42 Adaia na Etana natuna, Etana na Sima natuna, Sima na Simei natuna,
1CH 6:43 Simei na Iahata natuna, Iahata na Gereson natuna, Gereson na Levi natuna.)
1CH 6:44 Lauri kahana ai na tadikakadia Merari garana, Etana Kisi. (Una Kisi na Abdi natuna, Abdi na Maluku natuna,
1CH 6:45 Maluku na Hasabia natuna, Hasabia na Amasia natuna, Amasia na Hilkia natuna,
1CH 6:46 Hilkia na Amasi natuna, Amasi na Bani natuna, Bani na Semere natuna,
1CH 6:47 Semere na Mali natuna, Mali na Musi natuna, Musi na Merari natuna, Merari na Levi natuna.)
1CH 6:48 Bona tadikakadia Levi taudia na e gwauraidia hidi, Dirava ena dubu ai gabu helaḡana ḡaukaradia iboudiai ikaradia taudia.
1CH 6:49 A Aaron mai garana ida ese boubou ḡaudia e hahelaḡadia, ḡole-oho bouboudia ihaboulaina patana latanai bona muramura mai bonadia patana latanai, helaḡa-herea gabuna gaukaradia iboudiai daidiai bona Israel ena herohemaino ikarana totona, Dirava ena hesiai tauna Mose ena haheḡani iboudiai heḡereḡeredia.
1CH 6:50 Aaron garana bini: natuna na Eleasara; Eleasara natuna na Fineha, Fineha natuna na Abisua,
1CH 6:51 Abisua natuna na Buki, Buki natuna na Usisi, Usisi natuna na Serahia,
1CH 6:52 Serahia natuna na Meraioto; Meraioto natuna na Amaria; Amaria natuna na Ahitubu;
1CH 6:53 Ahitubu natuna na Sadok; Sadok natuna na Ahimasa.
1CH 6:54 Ini na edia noho gabudia, edia taruha ta ta hetoadia heḡereḡeredia ai. Aaron garana Kohat iduhuna taudia na mari ese e duanaidia;
1CH 6:55 bena Heberon, Iuda tanona ai, mai ena rei gabudia ida, e henidia;
1CH 6:56 a hanua badana tanodia mai ena hanua maraḡidia ida na Kaleb Iefune e henia.
1CH 6:57 Aaron garana na roho-mauri hanuadia e henidia: Heberon; Libna, mai ena rei gabudia ida; Iatiri; Estemoa, mai ena rei gabudia ida;
1CH 6:58 Hilene, mai ena rei gabudia ida; Debiri, mai ena rei gabudia ida;
1CH 6:59 Asana, mai ena rei gabudia ida; Betesemese, mai ena rei gabudia ida.
1CH 6:60 Bona Beniamina iduhuna amo: Geba, mai ena rei gabudia ida; Alemete, mai ena rei gabudia ida; Anatoto, mai ena rei gabudia ida. Edia iduhu lalodiai edia hanua iboudiai na gwauta-toi.
1CH 6:61 Kohat taudia oredia na hanua gwauta mari amo e henidia, Manase iduhuna kahana ena amo.
1CH 6:62 Gereson taudia edia iduhu ta ta amo na hanua gwauta-toi e gwaurai henidia, Isakara bona Asere bona Napatali bona Manase (Basan ai) iduhudia amo.
1CH 6:63 Merari taudia edia iduhu ta ta amo na hanua gwauta-rua e gwaurai henidia, Ruben bona Gad bona Sebulun iduhudia amo.
1CH 6:64 Taunabunai, Israel taudia ese Levi taudia na hanua, mai edia rei gabudia ida, e henidia.
1CH 6:65 Bona Iuda bona Simeon bona Beniamina iduhudia amo ini ladadia vada e tore hanuadia na mari amo e henidia.
1CH 6:66 Kohat taudia edia iduhu haida na edia hanua e abidia, Efraim taudia edia tano amo.
1CH 6:67 Roho-mauri hanuadia na e henidia: Sekem, mai ena rei gabudia ida, Efraim ororodia ai; Gesere, mai ena rei gabudia ida;
1CH 6:68 Iokomeama, mai ena rei gabudia ida; Bete-horono, mai ena rei gabudia ida;
1CH 6:69 Aialono, mai ena rei gabudia ida; Gata-rimon, mai ena rei gabudia ida.
1CH 6:70 Bona Manase iduhu-kahana amo: Anere, mai ena rei gabudia ida; bona Bileama, mai ena rei gabudia ida. Kohat taudia edia iduhu oredia edia gabu bunu.
1CH 6:71 Gereson taudia na Manase iduhu-kahana amo ini hanua e henidia: Golan, Basan ai, mai ena rei gabudia ida; bona Astaroto, mai ena rei gabudia ida.
1CH 6:72 Bona Isakara iduhuna amo: Kede, mai ena rei gabudia ida; Dabera, mai ena rei gabudia ida;
1CH 6:73 Ramoto, mai ena rei gabudia ida; Aneme, mai ena rei gabudia ida.
1CH 6:74 Bona Asere iduhuna amo: Masala, mai ena rei gabudia ida; Abdon, mai ena rei gabudia ida;
1CH 6:75 Hukoko, mai ena rei gabudia ida; Rehob, mai ena rei gabudia ida.
1CH 6:76 Bona Napatali iduhuna amo: Kede, Galilea ai, mai ena rei gabudia ida; Hamon, mai ena rei gabudia ida; Kiriataimi, mai ena rei gabudia ida.
1CH 6:77 Merari taudia orena na ini hanua Sebulun iduhuna amo e henidia: Rimono, mai ena rei gabudia ida; bona Taboro, mai ena rei gabudia ida.
1CH 6:78 Bona Ioridane sinavaina unukahana ai, Ieriko ai, Ioridane mairiveina kahana ai, Ruben iduhuna amo: Besere, tano ḡaḡaena ai, mai ena rei gabudia ida; Iahasaha, mai ena rei gabudia ida;
1CH 6:79 Kedemoto, mai ena rei gabudia ida; Mefata, mai ena rei gabudia ida.
1CH 6:80 Bona Gad iduhuna amo: Ramoto, Gilead ai, mai ena rei gabudia ida; Mahanaim, mai ena rei gabudia ida;
1CH 6:81 Hesebon, mai ena rei gabudia ida; bona Iasere, mai ena rei gabudia ida.
1CH 7:1 Isakara natuna: Tola, Pua, Iasub, Simron; tatau hahani.
1CH 7:2 Tola natuna: Usisi, Refaia, Ieriele, Iahamai, Ibsam, Semuel. Idia na edia iduhu, Tola iduhuna, ikwaradia. Idia na tuari taudia mai goadadia edia uru ai; iboudiai na gerebu-rua daha-rua sinahu-tauratoi, David ena nega ai.
1CH 7:3 Usisi natuna na Isirahia. Isirahia natuna: Mikael, Obadia, Ioel, Isihia; tatau laima, iboudiai na lohia taudia;
1CH 7:4 bona idia ida, edia uru ta ta ai bona edia iduhu ta ta heḡereḡeredia ai na tuari oreadia, iboudiai na gerebu-toi daha-tauratoi; badina be adavadia bona natudia na hutuma.
1CH 7:5 Idia varavaradia, Isakara ena iduhu iboudiai lalodiai, na tuari taudia mai goadadia gerebu-taurahani daha-hitu, edia uru ai ladadia e tore.
1CH 7:6 Beniamina natuna: Bela, Bekere, Iediaele, tatoiosi.
1CH 7:7 Bela natuna: Esbon, Usisi, Usiele, Ierimoto, Iri, Iaimaosi, iduhu kwaradia, tuari taudia mai goadadia. Edia uru ai ladadia e tore, iboudiai na gerebu-rua daha-rua toi-ahui hani.
1CH 7:8 Bekere natuna: Semira, Ioasa, Eliesara, Elioenai, Omri, Ieremoto, Abia, Anatoto, Alemete.
1CH 7:9 Unu iboudiai na Bekere natuna; edia uru ai ladadia e tore. Idia na edia iduhu kwaradia, bona tuari taudia mai goadadia. Iboudiai na gerebu-rua sinahu-rua.
1CH 7:10 Iediaele natuna na Bilhan. Bilhan natuna; Ieusu, Beniamina, Ehud, Kenana, Setana, Tarasisi, Ahisahara.
1CH 7:11 Unu iboudiai na Iediaele natuna, edia iduhu ikwaradia taudia, tuari taudia mai goadadia. Iboudiai na gerebu-ta daha-hitu sinahu-rua, heheḡaegae tuari totona.
1CH 7:12 Supim bona Hupim na Iri natuna; Husim na Ahere natuna.
1CH 7:13 Napatali natuna: Iasiel, Guni, Iesere, Salumu; sinadia na Bilha.
1CH 7:14 Manase natuna na Asriel, Aram hahinena bogana amo; una hahine ese Makiri, Gilead tamana, danu e havaraia.
1CH 7:15 Makiri ese ulato e abidia, Hupirn bona Supim bae adavadia. Ia taihuna ladana na Maaka. Iharuana ladana na Selofehad; Selofehad na mai natuna hahinedia.
1CH 7:16 Bena Makiri adavana Maaka ese mero ta e havaraia, ladana e hatoa Perehe; ia tadina ladana na Serese; ia natuna ladadia na UIama bona Rakeme.
1CH 7:17 Ulama natuna na Bedana. Unu na Gilead garana; Gilead na Makiri natuna, Makiri na Manase natuna.
1CH 7:18 Ia taihuna Hamolekete ese Isihod bona Abiesere bona Mahala e havaradia.
1CH 7:19 Semida natuna: Ahiana, Sekem, Likihi, Aniama.
1CH 7:20 Efraim natuna na Sutela, (Sutela natuna na Bered, Bered natuna na Tahata, Tahata natuna na Eleada, Eleada natuna na Tahata,
1CH 7:21 Tahata natuna na Sabada, Sabada natuna na Sutela); bona Esere, bona Eleada. Unu na Gata taudia, una tano ai vada e vara taudia, ese e aladia mase, badina be idia na e diho ela, edia boromakau ihenaodia.
1CH 7:22 Tamadia Efraim na taidia e tai, dina hoho; bena tadikakana ese ia tauna ihalona ema.
1CH 7:23 Bena Efraim na adavana dekenai e vareai; bena hahine na e rogorogo, mero ta e havaraia, ladana e hatoa Beria, badina be dika na ena ruma latanai vada e kau.
1CH 7:24 Ia natuna hahinena na Seera; una hahine ese Bete-horono, henu bona atai hanuadia, bona Usene-sera e haginidia.
1CH 7:25 Natuna maruanena na Refa; Refa natuna na Resefe; Resefe natuna na Tela; Tela natuna na Tahan;
1CH 7:26 Tahan natuna na Ladan; Ladan natuna na Amihud; Amihud natuna na Elisama;
1CH 7:27 Elisama natuna na Nunu; Nunu natuna na Iosua.
1CH 7:28 Edia tano bona edia noho gabuna na Betele, mai hanuadia ida; bona laurabada kahana ai Naaran; bona lahara kahana ai Gesere, mai hanuadia ida; bona Sekem, mai hanuadia ida; bona Aiaha, mai hanuadia ida;
1CH 7:29 bona Manase taudia edia tano hetoana ai danu, Bete-seana mai hanuadia ida; bona Taanak, mai hanuadia ida; bona Megido, mai hanuadia ida; bona Doro, mai hanuadia ida. Unu hanua lalodiai Iosef Israel garana e nohova.
1CH 7:30 Asere natuna: Imna, Isva, Isvi, Beria, bona taihudia Sera.
1CH 7:31 Beria natuna: Hebere bona Malkiel, Birisaiti tamana.
1CH 7:32 Hebere natuna: laflete, Somere, Hotama, bona taihudia Sua.
1CH 7:33 Iaflete natuna: Pasaka, Bimihala, Asavata. Unu na laflete natuna.
1CH 7:34 Ia tadina Semere natuna: Roga, Iehuba, Aram.
1CH 7:35 Ia tadina Helere natuna: Sofa, Imna, Selese, Amala.
1CH 7:36 Sofa natuna: Sua, Haranefere, Sual, Beri, Imra,
1CH 7:37 Besere, Hod, Sama, Silsa, Itiran, Bera.
1CH 7:38 Ietere natuna: Iefune, Pisipa, Ara.
1CH 7:39 Ula natuna: Ara, Haniel, Risia.
1CH 7:40 Unu iboudiai na Asere taudia, edia iduhu kwaradia, e abidia dae taudia, tuari taudia mai goadadia, Iohia ikwaradia. Edia uru ai ladadia e tore, tuan lao totona; iboudiai na tatau gerebu-rua daha-tauratoi.
1CH 8:1 Beniamina natuna roboana na Bela; iharuana na Asbel; ihatoina na Ahara;
1CH 8:2 ihahanina na Noha; iha-imana na Rafa.
1CH 8:3 Bela natuna: Adara, Gera, Abihud,
1CH 8:4 Abisua, Naaman, Ahoa,
1CH 8:5 Gera, Sefufana, Hurama.
1CH 8:6 Ehud natuna bini (idia na Geba taudia edia iduhu kwaradia, gabeai e laohaidia, Manahata ai e hanohodia):
1CH 8:7 Naaman, Ahia, Gera (ladana ta Hegelama); ia na Usa bona Ahihud tamadia.
1CH 8:8 Saharaimi ese natuna e havaradia, Moab tanona ai, adavana raruosi Husim bona Baara e hadihodia murinai.
1CH 8:9 Natuna haida adavana Hodese enai e havaradia: Iobab, Sibia, Mesa, Malkam,
1CH 8:10 Ieusu, Sakia, Mirima. Natuna bunu; idia na iduhu kwaradia.
1CH 8:11 Natuna haida danu adavana Husim enai e havaradia: Abitub bona Elpala.
1CH 8:12 Elpala natuna: Ebere, Misama, Semede (ia ese Ono, bona Lod mai hanuana ida, e haginidia),
1CH 8:13 bona Beria bona Sema (idia na Aialono taudia edia iduhu kwaradia, bona idia ese Gata taudia e hadareredia),
1CH 8:14 bona Ahio bona Sasaka bona Ieremoto.
1CH 8:15 Beria natuna: Sebadia, Arada, Edere,
1CH 8:16 Mikael, Ispa, loha.
1CH 8:17 Elpala natuna: Sebadia, Mesulama, Hiski, Hebere,
1CH 8:18 Isimerai, Islia, Iobab.
1CH 8:19 Sirnei natuna: Iakimi, Sikri, Sabdi,
1CH 8:20 Elienai, Siletai, Eliele,
1CH 8:21 Adaia, Beraia, Simirata.
1CH 8:22 Sasaka natuna: Isipana, Ebere, Eliele,
1CH 8:23 Abdon, Sikri, Hanana,
1CH 8:24 Hanania, Elam, Antotia,
1CH 8:25 Ifideia, Penuel.
1CH 8:26 Ierohama natuna: Samaserai, Seharia, Atalia,
1CH 8:27 Iaresia, Elia, Sikn.
1CH 8:28 Unu na iduhu kwaradia bona lohia taudia, edia uru lalodiai. Idia na Ierusalem ai e nohova.
1CH 8:29 Ieiele, Gibeon tamana, na Gibeon ai e nohova; ia adavana ladana na Maaka.
1CH 8:30 Natuna roboana na Abdon; ia murinai Suru, Kisa, Baal, Nadab,
1CH 8:31 Gedoro, Ahio, Sekere,
1CH 8:32 bona Mikloto (ia na Simea tamana). Idia na varavaradia italaidia ai e nohova Ierusalem ai, tadikakadia ida.
1CH 8:33 Nere na Kisa tamana, Kisa na Saulo tamana, Saulo na Ionatan bona Malkisua bona Abinadab bona Esebaal tamadia.
1CH 8:34 Ionatan natuna na Merib-baal; Merib-baal na Mika tamana.
1CH 8:35 Mika natuna: Pitono, Melek, Tarea, Ahasa.
1CH 8:36 Ahasa na Iehoada tamana; Iehoada na Alemete bona Asamavete bona Simiri tamadia; Simiri na Mosa tamana.
1CH 8:37 Mosa na Binea tamana; Binea natuna na Rafa; Rafa natuna na Eleasa; Eleasa natuna na Asele.
1CH 8:38 Asele natuna na tauratoi, ladadia bini: Asarikama, Bokeru, Ismael, Searia, Obadia, Hanana. Unu iboudiai na Asele natuna.
1CH 8:39 Ia tadina Esek natuna bini: roboana na Ulama; iharuana na Ieusu; ihatoina na Elifelete.
1CH 8:40 Ulama natuna na tuari taudia mai goadadia, peva taudia, natudia bona tubudia na hutuma, iboudiai na sinahu-ta imahui. Unu iboudiai na Beniamina taudia.
1CH 9:1 Taunabunai Israel idoinai ladadia e tore, edia uru ta ta ai; ini na Israel Pavapavadia Bukana ai e hetore. Iuda taudia na e abidia oho, Babulono ai e hanohodia, asie momokani dainai.
1CH 9:2 Edia tano ai bona edia hanua ai e noho henidia lou matama taudia na Israel taudia, hahelaḡa taudia, Levi taudia, bona dubu ena hesiai taudia.
1CH 9:3 Iuda bona Beniamina bona Efraim bona Manase taudia haida na Ierusalem ai e nohova.
1CH 9:4 Ta be Utai, Amihud natuna; Amihud na Omri natuna, Omri na Imri natuna, Imri na Bani natuna; Bani na Perese Iuda garana ta.
1CH 9:5 Bona Silono taudia: Asaia, tau-guna, mai natuna hahidaosi ida.
1CH 9:6 Sera garana: Ieuele bona varavara verina, tatau sinahu-tauratoi taurahanita-ahui.
1CH 9:7 Bona Beniamina taudia: Salu (ia na Mesulama natuna, Mesulama na Hodavia natuna, Hodavia na Hasenua natuna);
1CH 9:8 bona Ibneia Ierohama; bona Elaha (ia na Usisi natuna, Usisi na Mikri natuna); bona Mesulama (ia na Sefatia natuna, Sefatia na Reuele natuna, Reuele na Ibnia natuna);
1CH 9:9 bona varavaradia, edia uru ta ta ai, tatau sinahutaurahanita imahui tauratoi. Ini iboudiai na iduhu kwaradia, ta ta ena iduhu ena iduhu ai.
1CH 9:10 Hahelaḡa taudia: Iedaia, Iehoiaribi, Iakin,
1CH 9:11 bona Asaria (ia na Hilkia natuna, Hilkia na Mesulama natuna, Mesulama na Sadok natuna, Sadok na Meraioto natuna, Meraioto na Ahitubu natuna - ia na Dirava ena dubu itataona tau badana);
1CH 9:12 bona Adaia (ia na Ierohama natuna, Ierohama na Pasahuru natuna, Pasahuru na Malkia natuna); bona Maasai (ia na Adiele natuna, Adiele na Iahasera natuna, Iahasera na Mesulama natuna, Mesulama na Mesilemiti natuna, Mesilemiti na Imere natuna);
1CH 9:13 bona varavaradia, edia iduhu kwaradia, tatau daha-ta sinahu-hitu tauratoi-ahui, Dirava ena dubu ḡaukaradia mai dibadia herea taudia.
1CH 9:14 Levi taudia: Semaia (ia na Hasub natuna, Hasub na Asarikama natuna, Asarikama na Hasabia natuna, Merari garana taudia);
1CH 9:15 bona Bakabakara; bona Herese; bona Galala; bona Matania (ia na Mika natuna, Mika na Sikri natuna, Sikri na Asaf natuna);
1CH 9:16 bona Obadia (ia na Semaia natuna, Semaia na Galala natuna, Galala na Iedutunu natuna); bona Berekia (ia na Asa natuna, Asa na Elkana natuna; hari Elkana na Netofa taudia edia hanua ai e nohova).
1CH 9:17 Ikoukou igimadia taudia bini: Salumu, Akubu, Talmon, Ahiman, mai varavaradia ida. Ikwaradia na Salumu.
1CH 9:18 Guna idia na hanua pavapavana ena ikoukou e gimaiava, mairiveina kahana ai. Levi taudia edia taruha ikoukouna igimana taudia bunu.
1CH 9:19 Salumu (ia na Kore natuna, Kore na Ebiasafa natuna, Ebiasafa na Kora natuna) bona iena iduhu, Kora iduhuna, taudia na dubu ḡaukaradia e biagudia bona kalaga raka-vareaina e gimaia, senedia ese Iehova ena taruha e biaguava bona raka-vareaina e gimaiava heḡereḡerena.
1CH 9:20 Nega gunadia ai, Fineha Eleasara ese e biagudia, bona Iehova na ia ida.
1CH 9:21 Sekaria Meselemia na ikoukou igimana tauna, hebou kalagana raka-vareaina ai.
1CH 9:22 Ini iboudiai, raka-vareai ikoukoudia igimadia dainai e duanaidia taudia, na sinahu-rua gwauta-rua; edia uru ta ta ai ladadia e tore, edia hanua heḡereḡeredia ai. David bona mata-hanai tauna Samuel ese e haginidia, abidadama dagina ai.
1CH 9:23 Taunabunai, idia bona natudia na Iehova ena dubu, kalaga dubuna, ikoukoudia ibiagudia bona igimadia taudia.
1CH 9:24 Ikoukou igimadia taudia na kaha haniosi ai, laurabada bona lahara, mirigini bona tahodiho, e gimadiava;
1CH 9:25 bona varavaradia hanua ai na taravadia e atu, dina hitu hitu amo baema, edia nega edia nega ai, bae bamodia totona.
1CH 9:26 Badina be ikoukou igimadia taudia badadia hahaniosi na Levi taudia; idia ese Dirava ena dubu daiutudia bona kohudia e nariva.
1CH 9:27 Idia na Dirava ena dubu heḡeḡemadai e nohova, badina be edia ḡaukara korikori na bae gimaia, bona daba daba iboudiai bae kehoa.
1CH 9:28 Idia haida ese tomadiho ai e ḡaukaralaiva ḡau helagadia e nariva; edia ḡaukara be e atodia vareai bona e abidia lasi negadia ai bae hagaudia.
1CH 9:29 Ma haida edia ḡaukara na dubu kohudia bona ḡau helaḡadia iboudiai, bona flaoa namo-hereana, bona vine ranuna, bona dehoro, bona muramura mai bonadia, bona aniani mamidia ihanamodia muramuradia, inaridia.
1CH 9:30 Ma haida, hahelaḡa taudia natudia, ese aniani mamidia ihanamodia muramuradia e bulo hegaeḡaeva.
1CH 9:31 Matitia, Levi tauna ta, Salumu tau Kora natuna roboana, ese ataga igabudia e nariava.
1CH 9:32 Bona varavaradia haida, Kohat iduhuna taudia, ese flaoa helaḡana igabuna e nariava, dina helagadia iboudiai e heḡaeḡaelaiava.
1CH 9:33 Unu na ane-abi taudia, Levi iduhudia ikwaradia taudia, dubu daiutudia ai e nohova, bona asi edia ḡaukara idauna ta, badina be dina hanuaboi e gaukarava.
1CH 9:34 Levi taudia edia iduhu kwaradia bunu; idia na hegunalai taudia, edia uru ta ta ai; idia danu Ierusalem ai e nohova.
1CH 9:35 Ieiele, Gibeon tamana, na Gibeon ai e nohova; ia adavana ladana na Maaka.
1CH 9:36 Natuna roboana na Abdon; ia murinai Suru, Kisa, Baal, Nere, Nadab,
1CH 9:37 Gedoro, Ahio, Sekaria, Mikloto.
1CH 9:38 Mikloto na Simeama tamana. Idia na varavaradia italaidia ai e nohova Ierusalem ai, tadikakadia ida.
1CH 9:39 Nere na Kisa tamana, Kisa na Saulo tamana, Saulo na Ionatan bona Malkisua bona Abinadab bona Esebaal tamadia.
1CH 9:40 Ionatan natuna na Merib-baal; Merib-baal na Mika tamana.
1CH 9:41 Mika natuna: Pitono, Melek, Tarea, Ahasa.
1CH 9:42 Ahasa na Iara tamana; Iara na Alemete bona Asamavete bona Simin tamadia; Simiri na Mosa tamana;
1CH 9:43 Mosa na Binea tamana; Binea natuna na Refaia; Refaia natuna na Eleasa; Eleasa natuna na Asele.
1CH 9:44 Asele natuna na tauratoi, ladadia bini: Asarikama, Bokeru, Ismael, Searia, Obadia, Hanana. Asele natuna bunu.
1CH 10:1 Filistia taudia ese Israel taudia e tuari henidia; bena Israel taudia na Filistia taudia vairadia amo e heau, ela bona Gilboa ororona ai Filistia taudia ese e aladia ore.
1CH 10:2 Bena Filistia taudia ese Saulo mai natuna mamaruanedia ida e lasidia tao; bena Filistia taudia ese Saulo natuna mamaruanedia Ionatan bona Abinadab bona Malkisua e aladia mase.
1CH 10:3 Tuari na auka herea, Saulo enai; peva taudia ese e davaria, bena edia diba amo e haberoa.
1CH 10:4 Bena Saulo ese ena kesi ihuana tauna e hamaoroa, eto, Emu dare a veria lasi, ba gwadagu mase, ini asie peritomedia taudia na baema, bae kirikirilaigu na garina. A ena kesi ihuana tauna na e gwau edeede, badina be e gari dikadika. Taunabunai, Saulo ese ena dare e abia, bena matana ai sibona e hetoḡe.
1CH 10:5 Ena kesi ihuana tauna ese e itaia, Saulo vada e mase, bena ia danu ena dare matana ai e hetoḡe, bena e mase.
1CH 10:6 Saulo na unu e mase toma, bona natuna mamaruanedia tatoiosi bona ena ruma taudia iboudiai na ia ida e mase bou.
1CH 10:7 Bena Israel taudia iboudiai koura ai e nohova ese tuari oreana e itaia vada e heau, bona Saulo mai natuna mamaruanedia ida vada e mase; una negana ai idia ese edia hanua e rakatanidia, e heau. Bena Filistia taudia ema, unu hanua e noholaidia.
1CH 10:8 Daba rerena ai Filistia taudia na ema, mase taudia edia dabua bae abi eto. Bena Saulo mai natuna mamaruanedia tatoiosi ida masedia ai e davaridia, Gilboa ororona ai.
1CH 10:9 Bena ena dabua e koki oho, bona kwarana bona ena tuari dabuadia e abi, e laohai. Bena idia ese gwaukau taudia e siaidia karoho, Filistia tanona idoinai, hari namona na edia kaivakuku dubudia ai bona edia bese taudia vairadiai bae piua totona.
1CH 10:10 Bena ena tuari dabuadia na edia dirava edia dubu ai e atodia, bona kwarana na edia dirava ta ladana Dagon ena dubu ai e kapaia kau.
1CH 10:11 A Iabese-gilead taudia iboudiai na Filistia taudia edia kara iboudiai Saulo enai haridia e kamonai,
1CH 10:12 bena boga-auka taudia iboudiai e tore isi, Saulo tau-anina bona natuna mamaruanedia tau-anidia na e abidia oho, Iabese e laohaidia, turiadia na Iabese oak auna henunai e guridia. Bena dina hitu e anivaga.
1CH 10:13 Taunabunai Saulo na e mase, asi ena momokani dainai; ia na Iehova enai se momokani, Iehova ena haheḡani se badinaia, bona rohe hahinena enai hahekau e tahua,
1CH 10:14 a Iehova enai hahekau se tahua. Taunabunai, Iehova ese e alaia mase, bona basileia na David lese e henia.
1CH 11:1 Bena Israel idoinai na David dekenai e hebou, Heberon ai, eto, A itaia, ai na oi turiamu bona oi hidiomu.
1CH 11:2 Nega gunadia ai, Saulo e lohiava ai, oi ese Israel o hakaua lasi bona o hakaua vareai. Bena Iehova, emu Dirava, ese e hereva henimu, eto, Oi na egu bese Israel ireḡuna tauna ai bona egu bese Israel pavapavana ai baola.
1CH 11:3 Taunabunai, Israel tau-badadia iboudiai na hanua pavapavana dekena ela, Heberon ai; bena David na idia ida e hegwauhamata heheni Heberon ai, Iehova vairanai. Bena idia ese David e horoa, Israel pavapavana, Iehova ena hereva Samuel ena amo heḡereḡerena.
1CH 11:4 David bona Israel idoinai na Ierusalem (ladana ta na Iebusu) ela. Iebusu taudia, una tano e noholaiava taudia, na unuseni ai.
1CH 11:5 Iebusu taudia ese David e hamaoroa, eto, Oi na iniseni ai basio raka vareai. Ḡau tamona, David ese Siona kohorona e abia; una na David ena hanua.
1CH 11:6 David eto, Daika ese Iebusu taudia baine hadareredia guna, ia na lohia bona tuari biaguna ai bainela. Bena Ioab Seruia na e dae guna; una dainai ia na lohia ai ela.
1CH 11:7 Bena David na una kohoro ai e nohova; una dainai ladana e hatoa “David ena hanua”.
1CH 11:8 Bena ia ese hanua e hadaia heḡeḡe, Milo kohorona amo e matamaia ela bona e heḡeḡe dae. A Ioab ese hanua orena e haginia lou.
1CH 11:9 Bena David na e bada herea e laova, badina be Iehova Sabaota na ia ida.
1CH 11:10 David ena goada taudia lohiadia bini. Idia ese e durua goadagoadava ena basileia lalonai, Israel idoinai ida, pavapava ai bae halaoa totona, Iehova ese Israel e herevalaia heḡereḡerena.
1CH 11:11 David ena goada taudia herevadia bini: Iasobeama, Hakamoni tauna, na tatau tatoi ikwaradia tauna. Nega ta ai ia ese ena io amo tatau sinahu-toi e aladia mase.
1CH 11:12 Unu tatoiosi bogaragidiai, ia murinai na Eleasara; ia na Dodo, tau Ahohi, natuna.
1CH 11:13 Filistia taudia na tuari totona Pasadamimi ai e hebou negana ai, una tau danu David ida unuseni ai. Bali umana ta na unuseni ai, bena Israel taudia na Filistia taudia vairadia amo e heau.
1CH 11:14 A ia na uma bogaraginai e gini, e gimaia, bona Filistia taudia e aladia mase; una kwalimu badana amo Iehova ese e hamauridia.
1CH 11:15 Lohia toiahuiosi bogaragidia amo tatau tatoi na nadi-gini ela, David dekenai, Adulama kohuana ai. Una negana ai Filistia taudia edia tuari oreana na Refaim kourana ai e taruha.
1CH 11:16 David na gabu aukana ai, a Filistia taudia na Betelehem ai e hegimava.
1CH 11:17 Bena David na mai lalo-hekisehekisena ida e hereva, eto, Ta ese Betelehem ikoukou badibadinai guri e miamu ranuna kuri ta bema henigu, bama inua.
1CH 11:18 Bena hari goadaherea taudia tatoiosi na Filistia taudia edia taruha amo e tata uru, Betelehem ikoukou badibadinai guri e miamu ranuna e utua, bena e abia, David dekena e laohaia. A David ese inuna se ura; ia na e bubua diho Iehova ena;
1CH 11:19 eto, Egu Dirava vairanai, unu baina kara toma na lalogu ai se heḡereḡeremu, lasi ona lasi vaitani. Ini tatau edia mauri rarana baina inu a? Badina be edia mauri inegedia asie laloa, bena e mailaia. Taunabunai, ia na inuna se ura. Ini kara be goada-herea taudia tatoiosi ese e kara.
1CH 11:20 Abisai, Ioab tadina, na hari toiahuiosi biagudia. Ia ese tatau sinahu-toi na ena io amo e aladia mase; bena ladana e dae, idia tatoiosi ida heḡereḡere.
1CH 11:21 Hari toiahuiosi bogaragidiai, ia mo sibona harina vada e bada, bena biagudia ai ela. A ia na hari tatoiosi ida se heḡereḡere.
1CH 11:22 Benaia Iehoiada na boga-auka tauna ta, Kabsele amo; ia na kara badadia ikaradia tauna. Ia ese Ariele natuna raruosi Moab amo na e aladia mase. Ia danu e hekei lao, leona ta na guri lalonai e alaia mase, snow e dihova dinana ai.
1CH 11:23 Aigupto tauna ta danu ia ese e alaia mase; una tau na tau bada-hereana, ena lata na kiubit ima. Una Aigupto tauna imana na mai iona; una io na dabua ihatuna tauna ena au na heto. A Benaia ese mai auna ida ia e lao henia, io na Aigupto tauna imana amo e dadihaia, bena sibona ena io amo e gwadaia mase.
1CH 11:24 Ini kara na Benaia Iehoiada ese e karava, bena ia harina na hari goada-herea taudia tatoiosi haridia ida e gwauraidia hebou.
1CH 11:25 Ia na mai harina unu toiahuiosi bogaragidiai; ḡau tamona hari tatoiosi ida se heḡereḡere. Bena David ese ia igimana oreana biaguna ai e halaoa.
1CH 11:26 Goada-herea taudia tuari oreadia lalodiai ladadia bini: Asahele, Ioab tadina; Elhanan Dodo, tau Betelehem;
1CH 11:27 Samota, tau Harod; Helese, tau Pelono;
1CH 11:28 Ira Ikese, Tekoa tauna; Abiesere, Anatoto tauna;
1CH 11:29 Sibekai, tau Husata; Ilai, tau Ahohi;
1CH 11:30 Maharai, tau Netofa; Helede Baanaha, tau Netofa;
1CH 11:31 Itai Ribai, tau Gibea, Beniamina iduhuna tauna; Benaia, tau Piratono;
1CH 11:32 Hurai, Gaasa sinavaidia amo; Abiele, Araba tauna;
1CH 11:33 Asamavete, Baharumu tauna; Eliaba, tau Saalbon;
1CH 11:34 Haseme, tau Gisono; Ionatan Sage, tau Harara;
1CH 11:35 Ahiama Sakara, tau Harara; Elifala Uru;
1CH 11:36 Hefere, tau Mekerata; Ahia, tau Pelono;
1CH 11:37 Hesero, Karamele tauna; Naarai Esebai;
1CH 11:38 Ioel, Natan tadina; Mibhara Hagri;
1CH 11:39 Seleke, Amono tauna; Naharai, tau Beroto, Ioab Seruia ena kesi ihuana tauna;
1CH 11:40 Ira, tau Itiri; Gareb, tau Itiri;
1CH 11:41 Uria, Hiti tauna; Sabada Ahalai;
1CH 11:42 Adina Sisa, Ruben iduhuna tauna, Ruben taudia edia lohia ta, bona tatau toi-ahui ia ida;
1CH 11:43 Hanana Maaka; Iosafat, tau Mitini;
1CH 11:44 Usia, tau Astaroto; Sama bona Ieiele, Hotama tau Aroere natuna raruosi;
1CH 11:45 Iediaele Simri, bona ia tadina loha, tau Tisi;
1CH 11:46 Eliele, Mahava tauna; Ieribai bona Iosavia, Elnama natuna raruosi; Itima, Moab tauna;
1CH 11:47 Eliele; Obed; bona Iaasiel, tau Mesoba.
1CH 12:1 Ini na David dekena ela Siklag ai taudia. Una negana ai David na asi ena raka evaeva dalana, Saulo Kisa dainai. Goada-herea taudia, tuari ai e duruava taudia, haida be idia.
1CH 12:2 Idia na peva taudia; diba ikinodia bona vilipopo nadidia idavedia, ima-idibadia eiava ima-lauridia amo, na mai dibadia; idia na Beniamina taudia, Saulo varavarana.
1CH 12:3 Ginigunana na Ahiesere, bona ia murinai na Ioasa; raruosi Sema, tau Gibea, natuna. Idia muridiai na lesiele bona Pelet, Asamavete natuna raruosi; Beraka; Iehu, tau Anatoto;
1CH 12:4 Isimaia, Gibeon tauna, goada-herea tauna ta tatau toiahuiosi bogaragidiai bona toiahuiosi igunalaidia tauna ta; Ieremia; Iahasiel; Iohanan; Iosabad, tau Gedera;
1CH 12:5 Elusai; Ierirnoto; Bealia; Semaria; Sefatia, Harufu tauna;
1CH 12:6 Elkana; Isia; Asarele; Ioesere bona Iasobeama, Kora taudia;
1CH 12:7 Ioela bona Sebadia, Ierohama tau Gedoro natuna raruosi.
1CH 12:8 Goada-herea bona tuari mai dibadia taudia haida Gad iduhuna amo na David dekena e hanai. Ia na ena gabu aukana ai, tano gagaena ai. Idia na kesi bona io dibadia herea; vairadia na leona vairadia na heheto; edia heau na uda diana ororo ai e heaumu na heto.
1CH 12:9 Gini-gunana na Esere; iharuana na Obadia; ihatoina na Eliab;
1CH 12:10 ihahanina na Misimana; iha-imana na Ieremia;
1CH 12:11 ihatauratoina na Alai; ihahituna na Eliele;
1CH 12:12 ihataurahanina na Iohanan; ihataurahani-tana na Elsabad;
1CH 12:13 Ihagwautana na Ieremia; ihagwauta-tana na Makabanai.
1CH 12:14 Ini Gad taudia na tuari lohiadia; dagimaragi taudia be sinahu-ta e biagudia, dagi-bada taudia na daha-ta e biagudia.
1CH 12:15 Tatau bini Ioridane sinavaina e hanaia, hua gini-gunana lalonai, abata e lasiva negana ai; bena idia ese koura ai e nohova taudia iboudiai, laurabada kahana ai bona lahara kahana ai, e luludia karoho.
1CH 12:16 Beniamina bona Iuda iduhudia taudia haida na David ena gabu aukana ema.
1CH 12:17 David na ihedavan-henidia e raka lasi, bena e hereva henidia, eto, Bema hetura ai vada oma, lau idurugu totona, bena lau lalogu bona umui lalomui bae tamona; a bema inaigu ediai taogu itorena totona vada oma, ena be lau imagu na asi edia kerere, bena seneda edia Dirava ese baine itamui bona baine gwau henimui.
1CH 12:18 Bena Lauma ese Amasai, toiahuiosi biagudia, na e rohea; bena ia na eto, David e, ai na oiemu; Iese natuna e, ai na oi ida! Maino avabia, maino oi latamu ai, bona idurumu taudia latadiai danu! Badina be emu Dirava ese e durumumu. Bena David ese e abidia dae, bona ena tuari taudia biagudia ai e halaodia.
1CH 12:19 David na Filistia taudia ida ema, Saulo bae tuari henia totona, negana ai Manase taudia haida na e hanai, David ena kaha ai. (Ḡau tamona, ia ese Filistia taudia se durudia, badina be Filistia lohiadia na e henega bou, bena e siaia oho, eto, Ia na biaguna Saulo dekena ma baine hanai negana ai, dika na kwaramai ai baine kau na garina.)
1CH 12:20 Siklag ela negana ai hari Manase taudia na ienai e hanai ladadia bini: Adna, Iosabad, Iediaele, Mikael, Iosabad, Elihu, Siletai; idia na daha lohiadia Manase ai.
1CH 12:21 Idia ese David e durua, ala-ala taudia ilao-ahudia; badina be idia iboudiai na goada-herea taudia bona tuari lohiadia.
1CH 12:22 Dina ta ta amo tatau na David dekena e maiva, bae durua totona, ela bona tuari oreana na bada herea, e kara Dirava ena tuari oreana ta na heto.
1CH 12:23 Tuari taudia edia orea ta ta e hagaudia ḡaudia bini; idia na David dekena ela, Heberon ai, Saulo ena basileia na ia bae henia eto, Iehova ena hereva heḡereḡerena.
1CH 12:24 Iuda taudia, mai edia kesi bona edia io, na tuari taudia daha-tauratoi sinahu-taurahani.
1CH 12:25 Simeon taudia, goada-herea taudia tuari ai, na daha-hitu sinahu-ta.
1CH 12:26 Levi taudia na daha-hani sinahu-tauratoi.
1CH 12:27 Tau lohia Iehoiada, Aaron ena iduhu tauna, ida ela taudia na daha-toi sinahu-hitu.
1CH 12:28 Sadok, tau eregabe, goada-herea tauna, bona tuari lohiadia ruahui-rua, ia tamana ena iduhu amo.
1CH 12:29 Beniamina taudia, Saulo varavarana, na daha-toi; idia hutuma na ema bona hari Saulo ena iduhu enai e tao.
1CH 12:30 Efraim taudia gerebu-rua sinahu-taurahani, goada-herea taudia, mai haridia, tamadia edia iduhu ai.
1CH 12:31 Manase iduhu-kahana taudia na gerebu-ta daha-taurahani, vada e duanaidia, baela David na pavapava ai bae halaoa.
1CH 12:32 Isakara lohiadia na sinahu-rua, nega ihaerona mai dibadia bona Israel na ede baine karaia toma danu dibadia taudia; varavaradia iboudiai na idia edia siahu henunai.
1CH 12:33 Sebulun taudia na gerebu-ima, tuari manada taudia, edia tuari ḡaudia iboudiai na imadia ai, bona lalodia na tamona, David bae durua eto.
1CH 12:34 Napatali amo tuari lohiadia daha-ta, mai edia tuari taudia gerebu-toi daha-hitu, mai kesidia bona mai iodia ida.
1CH 12:35 Dan taudia na gerebu-rua daha-taurahani sinahu-tauratoi, mai edia tuari ḡaudia ida.
1CH 12:36 Asere taudia na gerebu-hani, tuari manada taudia, heheḡaeḡae tuari.
1CH 12:37 Ruben bona Gad iduhudia bona Manase iduhu-kahana Ioridane sinavaina unukahana amo, tatau iboudiai na domaga-ta gerebu-rua, mai edia tuari ḡaudia iboudiai imadia ai.
1CH 12:38 Ini tuari taudia iboudiai na edia tuari oreadia ta ta ai e raka lao Heberon, edia lalo-hadai korikori be David na Israel idoinai pavapavana ai bae halaoa; Israel taudia oredia iboudiai danu edia lalo-hadai tamona na unuheto.
1CH 12:39 Dina toi unuseni ai David ida e nohova, e anianiva bona e inuinuva, badina be tadikakadia ese adia vada e abi heḡaeḡae.
1CH 12:40 Bona noho hetabira taudia danu, ela bona Isakara bona Sebulun bona Napatali ese aniani ḡaudia e mailai, doniki bona kamelo bona hosi bona boromakau mamaruanedia dorudia ai: flaoa momo; suke manedia; vine huahuadia, e hakaukaudia ḡaudia, takodia; vine ranuna bona dehoro; boromakau mamaruanedia bona mamoe; badina be Israel tanona ai e moaleva dainai.
1CH 13:1 David na daha lohiadia bona sinahu lohiadia bona hegunalai taudia iboudiai ida e henega bou.
1CH 13:2 David ese Israel hegogona idoinai e hamaoroa, eto, Lalomui bema heḡereḡere bona Iehova, eda Dirava, bema ura, ita ese hereva baita siaia, varavarada Israel tanona idoinai e nohomu ediai, bona hahelaḡa taudia bona Levi taudia rei hanuadia ai e nohomu ediai danu; bena idia na baema, ita ida baitame tao hebou.
1CH 13:3 Bena Dirava ena maua helaḡana baita loulaia, badina be Saulo ena nega ai asita haḡerea.
1CH 13:4 E hegogo taudia iboudiai lalodia e hatamona unu bae kara toma, badina be taunimanima iboudiai vairadiai una na kara maorona.
1CH 13:5 Taunabunai David ese Israel taudia iboudiai e haboudia, Aigupto sinavaina ladana Sihoro amo ela bona Hamat raka-vareaina ai, Dirava ena maua helaḡana na Kiriat-iearimi amo bae mailaia totona.
1CH 13:6 Bena David bona Israel idoinai na Baala ela (una na Kiriat-ieanmi, Iuda hanuana ta), Dirava ena maua helaḡana, Iehova, kerubi daediai e helaimu Diravana, ladana e nemailaia ḡauna, na unu amo bae daelaia eto.
1CH 13:7 Bena Dirava ena maua helaḡana na rerue matamatana latanai Abinadab ena ruma amo e laohaia; Usa bona Ahio ese rerue e heaulaia.
1CH 13:8 David bona Israel idoinai na Dirava vairanai e moale hisi dae mai goadadia idoinai, mai anedia bona hatai-hatai ḡaudia idau-idau bona tareko bona botabota auridia bona kibi reḡedia ida.
1CH 13:9 Idia na Kidono ena uit ikwadina gabuna ai e kau, bena Usa ese imana e toia roro, maua helaḡana baine dogoa tao eto, badina be boromakau mamaruanedia na e hetutuhi.
1CH 13:10 Bena Iehova ena badu na Usa latanai e kau; bena e rahua mase, imana na maua helaḡana e toi roro henia dainai; bena unuseni ai e mase, Dirava vairanai.
1CH 13:11 Bena David na e badu, Iehova ese Usa e rahua mase dainai; bena una gabu ladana e hatoamu Perese-usa, ema bona harihari.
1CH 13:12 Una dina ai David ese Dirava garina e gari, eto, Dirava ena maua helaḡana na egu gabu ede baina laohaia toma?
1CH 13:13 Taunabunai David ese maua helaḡana na ena gabu, David ena hanua, se laohaia, to e heaulaia siri, Obed-edom, tau Gata, ena ruma e laohaia.
1CH 13:14 Bena Dirava ena maua helaḡana na Obed-edom ena ruma ai e miava, ena ruma taudia ediai, hua toi, bona Iehova ese Obed-edom ena ruma taudia bona ena ḡau iboudiai e hanamodia.
1CH 14:1 Hirama, Turo pavapavana, ese gwaukau taudia na David dekena e siaidia; bona sida audia, bona nadi iḡaukaralaidia taudia, bona kamuta taudia, iena ruma auta bae haginia totona.
1CH 14:2 Bena David lalona e parara, Iehova ese ia vada e haginia, Israel pavapavana, bona ena basileia danu vada e hadaea herea, ena orea taudia Israel bagudiai.
1CH 14:3 David ese hahine haida ma e adavadia Ierusalem ai, bona natuna mamaruanedia bona natuna hahinedia haida e havaradia.
1CH 14:4 Natuna Ierusalem ai e havaradia taudia ladadia bini: Samua, Sobab, Natan, Solomon,
1CH 14:5 Ibihara, Elisua, Elpelete,
1CH 14:6 Noga, Nefeg, Iafia,
1CH 14:7 Elisama, Beliada, Elifelete.
1CH 14:8 Filistia taudia na e kamonai David vada e horoa, Israel idoinai pavapavana; bena Filistia taudia iboudiai na David itahuna e dae ela. David e kamonai, bena e raka lasi, baine tuari henidia.
1CH 14:9 Filistia taudia na vada ema, Refaim kourana taudia tuari e lasi henidia.
1CH 14:10 Bena David ese Dirava e nanadaia, eto, Bainala, Filistia taudia baina tuari henidia a? Imagu ai bavatodia eiava? Iehova ese e hamaoroa, eto, Aola, lau ese oi imamu ai baina atodia.
1CH 14:11 Bena ia na Baal-perasimi ela; unuseni ai David ese e hadareredia. David eto, Dirava ese inaigu na lau imagu amo vada e haheḡiḡidia dobi, abata ese ḡau ta bema ḡiḡia dobi na heto. Una dainai una gabu ladana e hatoamu Baal-perasimi.
1CH 14:12 Edia kaivakuku diravadia na unuseni ai e rakatanidia; bena David na e haheḡani, bena e doudia.
1CH 14:13 Filistia taudia ese koura taudia tuan ma e lasi henidia.
1CH 14:14 Bena David ese Dirava ma e nanadaia lou negana ai, Dirava ese e hamaoroa, eto, Basio gavadia; ba raka heḡeḡe, baka audia italaidia amo ba mai henidia.
1CH 14:15 Bena reḡe ta baka audia dondia ai ba kamonai, e kara tuari taudia e raka hanaimu na heheto, vada ba raka lasi, ba tuari henidia; badina be Dirava vada e raka lasi guna oi vairamu ai, Filistia edia tuari taudia irahu-masedia totona.
1CH 14:16 Bena David ese Dirava ena haheḡani heḡereḡerena e karaia; bena Filistia taudia e rahudia mase, Gibeon amo ela bona Gesere.
1CH 14:17 Bena David harina na tano iboudiai e piua rohoroho, bona Iehova ese ia garina igari-henina e havaraia, bese iboudiai ediai.
1CH 15:1 David na ruma haida e haginidia ia sibona ena, David ena hanua ai; bona Dirava ena maua helaḡana gabuna e lailaia, bona kalagana e haginia.
1CH 15:2 Bena David eto, Asi tauna ta ese Dirava ena maua helaḡana baine huaia, a Levi taudia mo; badina be Iehova ese vada e abidia hidi, Iehova ena maua helaḡana bae huaia bona ia isiaina bae lao heni ela bona hanaihanai.
1CH 15:3 Bena David ese Israel taudia iboudiai e haboudia Ierusalem ai, Iehova ena maua helaḡana na ena gabu, vada e heḡaeḡaelaia gabuna, ai bae daelaia totona.
1CH 15:4 Bena David ese Aaron garana ona Levi taudia e haboudia.
1CH 15:5 Kohat garana amo: Uriele, tau lohia, mai varavarana sinahu-ta ruahui.
1CH 15:6 Merari garana amo: Asaia, tau lohia, mai varavarana sinahu-rua ruahui.
1CH 15:7 Gereson garana amo: loel, tau lohia, mai varavarana sinahu-ta toi-ahui.
1CH 15:8 Elisafan garana amo: Semaia, tau lohia, mai varavarana sinahu-rua.
1CH 15:9 Heberon garana amo: Eliele, tau lohia, mai varavarana taurahani-ahui.
1CH 15:10 Usiele garana amo: Aminadab, tau lohia, mai varavarana sinahu-ta gwauta-rua.
1CH 15:11 Bena David ese hahelaḡa taudia Sadok bona Abiatara, bona Levi taudia Uriele bona Asaia bona Ioel bona Semaia bona Eliele bona Aminadab e boiridia,
1CH 15:12 e hereva henidia, eto, Umui na Levi taudia edia iduhu kwaradia; sibomui ba hahelaḡa, umui bona varavaramui danu; Iehova, Israel Diravana, ena maua helaḡana vada na heḡaeḡaelaia gabuna ai ba daelaia totona.
1CH 15:13 Nega gunana ai asie huaia dainai, Iehova, eda Dirava, ese e makohi dagu henida; badina be asita naria namonamo, taravatu heḡereḡerena.
1CH 15:14 Taunabunai, hahelaḡa taudia bona Levi taudia na sibodia e hahelaḡa, Iehova, Israel Diravana, ena maua helaḡana bae daelaia totona.
1CH 15:15 Bena Levi taudia ese Dirava ena maua helaḡana na mai madunana ida paḡadia ai e huaia, Mose ese Iehova ena hereva amo e haḡanilaidia dalana heḡereḡerena ai.
1CH 15:16 David ese danu Levi lohiadia na e haḡanidia, varavaradia haida bae duanaidia, ane bae abi, bona reḡereḡe ḡaudia idau-idau, hatai-hatai ḡaudia badadia bona maraḡidia bona botabota ḡaudia, ihataidia bona ibotadia amo moale reḡedia bae hadae badabada.
1CH 15:17 Taunabunai, Levi taudia ese Hemana Ioel e duanaia, varavarana ta Asaf Berekia ida; bona varavaradia Merari garana amo, Etana Kusaia;
1CH 15:18 bona idia ida ma varavaradia haida orea iharuana ai, Sekaria, Iaasiel, Semiramoto, Iehiele, Uni, Eliab, Benaia, Maaseia, Matitia, Elifelehu bona Mikineia; bona ikoukou igimadia taudia, Obed-edom bona leiele.
1CH 15:19 Ane-abi taudia Hemana bona Asaf bona Etana na aurilaboralabora botabota ḡaudia bae botadia;
1CH 15:20 Sekaria, Asiele, Semiramoto, Iehiele, Uni, Eliab, Maaseia bona Benaia na hatai-hatai ḡaudia badadia bae hatai, Alamoto dalana ai;
1CH 15:21 a Matitia, Elifelehu, Mikineia, Obed-edom, Ieiele bona Asasia na hatai-hatai ḡaudia maraḡidia bae hatai, Seminiti dalana ai.
1CH 15:22 Kenania, Levi taudia edia ane-abi igunalaina tauna, ese ane baine hakaua, badina be ia na mai dibana.
1CH 15:23 Berekia bona Elkana na maua helaḡana ena ikoukou igimana taudia ai baela.
1CH 15:24 Hahelaḡa taudia Sebania, Iosafat, Netanele, Amasai, Sekaria, Benaia bona Eliesere na kibi bae hiriri. Dirava ena maua helaḡana vairanai. Obed-edom bona lehia danu na maua helaḡana ena ikoukou igimana taudia ai baela.
1CH 15:25 Taunabunai David bona Israel tau-badadia bona daha lohiadia na ela, mai moaledia ida Iehova ena taravatu mauana Obed-edom ena ruma amo bae daelaia totona.
1CH 15:26 Bena Dirava ese Levi taudia, hari Iehova ena taravatu mauana e huaia taudia, na e durudia dainai, idia ese boromakau mamaruanedia hitu bona mamoe mamaruanedia hitu na e abidia, boubou ḡaudia ai e halaodia.
1CH 15:27 David na dabua aukana namo-hereana e hahedokilaia; bona Levi taudia maua helaḡana e huaia, bona ane-abi taudia, bona Kenania, ane-abi igunalaina tau, danu dabua unuhetomadia e hahedokilai. David danu hahedoki helaḡana, dabua aukana amo e karaia ḡauna, e hahedokilaia.
1CH 15:28 Taunabunai, Israel idoinai ese Iehova ena taravatu mauana e daelaia, mai honedia bona mai kibi idau-idau bona botabota ḡaudia reḡedia ida; bona hatai-hatai ḡaudia badadia bona maraḡidia e hatai lalo-dika danu.
1CH 15:29 Iehova ena taravatu mauana na David ena hanua ai e kau negana ai, Mikala, Saulo natuna hahinena, na gaba-mauru amo e igo lasi, bena King David e itaia, e mavaruva bona e galaḡalava; bena lalona amo e ihi-ihiraia.
1CH 16:1 Bena Dirava ena maua helaḡana e huaia vareai, David ese vada e haginia kalagana lalonai e atoa; bena ḡole-oho bouboudia bona maino bouboudia ḡaudia na Dirava vairanai e hahelaḡadia.
1CH 16:2 David ese ḡole-oho bouboudia bona maino bouboudia ḡaudia e hahelaḡadia vaitani, bena ia ese taunimanima na Iehova ladana ai e hanamodia,
1CH 16:3 bena Israel tataudia bona hahinedia iboudiai ta ta adia e henidia hagau-hagau: flaoa igabuna ta, bona vamu taina, bona vine huahuadia kaukaudia mane ta.
1CH 16:4 Ia ese danu Levi taudia haida e duanaidia, Iehova ena maua helaḡana vairanai toma-diho karadia bae kara; Iehova, Israel Diravana, bae ḡuria, bona bae hanamoa, bona bae imodaia.
1CH 16:5 Gini-gunana na Asaf; ia murinai na Sekaria, Ieiele, Semiramoto, Iehiele, Matitia, Eliab, Benaia, Obed-edom bona Ieiele. Idia na hatai-hatai ḡaudia badadia bona maraḡidia bae hatai; Asaf na botabota auridia baine botadia;
1CH 16:6 bona hahelaḡa taudia Benaia bona lahasiel na kibi bae hiriri loulou, Dirava ena taravatu mauana vairanai.
1CH 16:7 Una dina ai David ese Asaf mai varavarana ida e duanaidia, Iehova ihanamolaina anedia bae abi matama.
1CH 16:8 Iehova ba hanamoa, ia ladana ba hahanea; ena kara ba gwauraidia hedinarai bese idau-idau vairadiai.
1CH 16:9 Ane bavabi iena, ia ihanamolaina anedia bavabi, ena hoa karadia iboudiai sivaraidia ba gwaurai.
1CH 16:10 Ia ladana helaḡana ba heatolaia; Iehova e tahuamu taudia lalodia do bae moale.
1CH 16:11 Iehova ba tahua, bona ena goada danu; ia vairana ba tahua loulou.
1CH 16:12 Ena hesiai tauna Abraham garana e! Iakob natuna, ena abi-hidi taudia, e! Hoa karadia ia ese vada e kara ba lalodia tao, hoa karadia ia ese vada e kara, bona ena hanemaoro herevadia danu.
1CH 16:14 Ia na Iehova, eda Dirava; ena hahemaoro na tanobada idoinai e miamu.
1CH 16:15 Ia ese ena gwauhamata e laloa hanaihanaimu, bona ena haheḡani herevadia danu ela bona uru daha.
1CH 16:16 Abraham ida e hegwauhamata heheni, Isaak e gwau henia hamata;
1CH 16:17 Iakob enai e hamomokania, taravatu ai bainela, Israel enai baine mia hanaihanai ḡauna.
1CH 16:18 Eto “Kanaan tanona baina henimu, oi ahumu korikori ai bainela”.
1CH 16:19 Idia na dounu gagadoi, asi haridia, e noho hedoava una tano ai,
1CH 16:20 bese ta bese ta lalodia amo e loa eva-evava, basileia ta lalona amo ela bona ma orea ta ai;
1CH 16:21 una negana ai ta asine gwau maoro henia idia baine daḡedaḡe henidia; hanua pavapavadia ia ese e gwau henidia, idia daidiai.
1CH 16:22 Eto “Vada na horodia taudia basio daudia toho, egu peroveta taudia na basio hadikadia.”
1CH 16:23 Tanobada idoinai, ane avabia, Iehova ena! daba daba iboudiai ena hahemauri ba herevalaia.
1CH 16:24 Tanobada besedia bogaragidiai ia hairaina ba gwauraia hedinarai, ena hoa karadia danu taunimanima iboudiai bogaragidiai.
1CH 16:25 Badina be Iehova na bada, ia ihanamona danu baine bada; ia mo bae matauraia, dirava idaudia iboudiai na basie matauraidia.
1CH 16:26 Badina be bese idau-idau edia dirava na kaivakuku mo, a Iehova na guba vada e karaia.
1CH 16:27 Hemataurai bona heimodai na ia vairanai, goada bona moale na ena gabu ai.
1CH 16:28 Bese idau-idau taumui kikina badana, Iehova ba herevalaia, hairai bona goada ba gwaurai, Iehova ena;
1CH 16:29 hairai ba gwauraia, Iehova ladana ena, boubou ḡauna ba mailaia, ia vairana baoma. Dabua helaḡadia ai Iehova ba toma henia diho;
1CH 16:30 tanobada idoinai, ia vairanai ba heude-heude; oibe, tanobada vada e gini tutuka-tutuka, basine marere ela bona hanaihanai.
1CH 16:31 Guba baine moale, tanobada baine hisi dae; bese idau-idau bogaragidiai baeto: Iehova na pavapava!
1CH 16:32 Davara baine lolo, mai lalona ḡaudia iboudiai ida; uma danu bae moale, mai anidia iboudiai.
1CH 16:33 Una negana ai uda audia na moale anedia bae abi Iehova vairanai, badina be ia na tanobada ihahemaoro-henina totona e maimu.
1CH 16:34 Iehova ba hanamoa, badina be ia na namo, ena hebogahisi na e hesiriu hanaihanaimu.
1CH 16:35 Ma baoto: Ihamaurimai Diravana e, ba harohomai mauri; bese idau-idau bogaragidia amo ba haboumai gogogogo bona ba hamaurimai; oi ladamu helaḡana baia imodaia totona, oi ihanamomu baia heaḡilaia helaoreana.
1CH 16:36 Iehova, Israel Diravana, bae hanamoa, matamana amo ela bona dokona. Bena taunimanima iboudiai eto “Amen”, bona Iehova e imodaia.
1CH 16:37 Taunabunai, David ese Asaf mai varavarana ida na Iehova ena taravatu mauana vairanai e rakatanidia, maua helaḡana vairanai toma-diho karadia bae kara loulou, dina ta ta edia kara heḡereḡeredia;
1CH 16:38 bona Obed-edom mai varavarana tauratoi-ahui taurahani danu. A Obed-edom Iedutunu bona Hosa na e gwauraidia, ikoukou bae gima.
1CH 16:39 Hahelaga tauna Sadok mai tadikakana hahelaḡa taudia ida danu e rakatanidia, Iehova ena kalaga helaḡana vairanai, atai gabuna Gibeon ai;
1CH 16:40 unuseni ai ḡole-oho bouboudia ḡaudia na ihaboulaina patana latanai bae hahelaḡadia loulou, daba ai bona adorahi ai, Iehova ena taravatu, Israel e haḡanilaia ḡauna, lalonai e tore herevadia iboudiai heḡereḡeredia.
1CH 16:41 Idia ida na Hemana bona ledutunu, bona e abidia hidi bona ladadia e hato taudia oredia. Eto, Iehova bae hanamoa, badina be ena hebogahisi e hesiriu hanaihanaimu.
1CH 16:42 Hemana bona ledutunu na mai edia kibi bona mai edia botabota auridia, ane daidiai, bona Dirava ihanamolaina anedia iabidia idurulaina ḡaudia danu. Iedutunu natuna na e duanaidia, ikoukou bae gimadia.
1CH 16:43 Bena taunimanima iboudiai e karoho, ta ta ena ruma ena ruma ela. Bona David na ena gabu ela, ena ruma taudia baine hanamodia totona.
1CH 17:1 David na ena ruma ai e nohova. Una negana ai David ese peroveta tauna Natan e hereva henia, eto, A itaia, lau na sida rumana ai na nohomu, a Iehova ena taravatu mauana na kalaga ai e miamu.
1CH 17:2 Bena Natan ese David e hamaoroa, eto, Lalomu ai e miamu ḡauna idoinai do ba karaia, badina be Dirava na oi ida.
1CH 17:3 A una hanuaboi Iehova ena hereva na Natan enai e kau, eto,
1CH 17:4 Aola, egu hesiai tauna David ba hamaoroa, Iehova na ini e gwau tomamu: Egu noho rumana auta basio haginia.
1CH 17:5 Badina be ruma ta ai asina noho, Israel na hakaua isi dinana amo ema bona ina dina, a kalaga ta amo ela bona kalaga ta, bona noho gabuna ta ela bona noho gabuna ta, vada na noho eva-eva.
1CH 17:6 Israel idoinai ida na loa heniva gabudia iboudiai lalodiai Israel ena hahemaoro taudia, na haḡanidia egu orea Israel bae reḡua taudia, ta na hereva henia a, nato “Dahaka dainai egu sida rumana auta to haginia?”
1CH 17:7 Taunabunai, harihari egu hesiai tauna David ba hamaoroa, Iehova Sabaota na ini e gwau tomamu: Rei gabuna amo bona mamoe ireḡudia amo na abimu, egu bese Israel lohiana ai baola helaoreana;
1CH 17:8 emu loa daladia iboudiai lalodiai vada na bamomu, bona oi inaimu iboudiai na oi vairamu ai vada na negedia daure; bona oi ladamu do baina hadaea, tanobada ai lada-bada taudia heḡereḡeredia.
1CH 17:9 Egu bese Israel ena gabu baina duanai henia, bona baina hadaia, bena ena gabu korikori ai baine noho, basie hamarerea lou. Daḡedaḡe taudia ese basie habuaia lou, gunaguna e karava heḡereḡerena,
1CH 17:10 egu bese Israel ena hahemaoro taudia na duanaidia negana amo; bona inaimu iboudiai baina hadareredia. Ina danu na hamaoromumu, Iehova ese emu iduhu baine haginia.
1CH 17:11 Emu dina bae ore bena tubu tama dekedia baola negana ai oi ese o havaraia merona, oi natumu mamaruanedia ta, lau ese baina abia isi, bona ena basileia danu baina haginia.
1CH 17:12 Ia ese egu ruma auta baine haginia; bona lau ese iena terono baina haginia ela bona hanaihanai.
1CH 17:13 Lau na ia tamana ai bainala, bona ia na lau natugu ai bainela; egu hebogahisi na iena amo basina abia oho, e gunalaimu tauna ena amo na abia oho heḡereḡerena;
1CH 17:14 a egu ruma ai bona egu basileia ai baina hamomokania hanaihanai, bona iena terono baine gini ela bona hanaihanai.
1CH 17:15 Ini hereva iboudiai bona ina mata-hanai idoinai heḡereḡeredia ai, Natan ese David e hamaorolaia.
1CH 17:16 Bena King David e raka vareai, Iehova vairanai e helai, eto, Dirava Iehova e, lau be daika bona egu iduhu be dahaka, bena oi ese vada o hakaugu ema bona hari?
1CH 17:17 Dirava e, una na ḡau pipikina oi vairamu ai; oi ese emu hesiai tauna ena iduhu vada o herevalaia, nega dau ai baine vara ḡauna, bona uru gabedia vada o haheitalaigu, Dirava Iehova e!
1CH 17:18 Ma dahaka David ese baine hamaorolaimu, emu hesiai tauna vada o hanamoa dainai? Badina be emu hesiai tauna na vada o dibaiamu.
1CH 17:19 Iehova e, emu hesiai tauna bagunai bona sibomu emu lalo-hadai heḡereḡerena ai, ina kara hereana idoinai vada o karaia, bona ini kara badadia iboudiai vada o hahedinarai.
1CH 17:20 Iehova e, oi na asi idaimu, Dirava ta na ma lasi, taiamai ai a kamonai ḡaudia iboudiai heḡereḡeredia.
1CH 17:21 Edena bese tanobada ai na emu bese Israel heḡereḡerena? Dirava ese vada e hamauria, iena bese ai bainela; oi sibomu ladamu o hadaia, kara badadia bona hahegari karadia o karava daidiai; bona bese idau-idau na oiemu bese, Aigupto arrto o hamauria besena, vairana amo o luludia lasi.
1CH 17:22 Bena emu taunimanima Israel na emu bese ai o halaodia, ela bona hanaihanai; bona oi danu, Iehova e, edia Dirava ai o hahelao.
1CH 17:23 Iehova e, emu hesiai tauna bona ena iduhu o herevalaidia herevana na vada baine gini hanaihanai, bona o gwauraia heḡereḡerena ba karaia.
1CH 17:24 Bena oi ladamu baine gini, bona bae imodaia hanaihanai, baeto “Iehova Sabaota, Israel Diravana, na Israel taudia edia Dirava”; bona emu hesiai tauna David ena iduhu na oi vairarnu ai baine gini.
1CH 17:25 Badina be oi, egu Dirava, ese emu hesiai tauna vada o hahedinarai henia, ena iduhu ba haginia oto; una dainai emu hesiai tauna ese goada vada e davaria, oi vairamu ai baine ḡuriḡun.
1CH 17:26 Iehova e, oi na Dirava, bona oi ese ina ḡau namona na emu hesiai tauna vada o gwaurai henia hamata;
1CH 17:27 taunabunai, mani emu kara emu hesiai tauna ba hanamoa, bena oi vairamu ai baine hesiriu hanaihanai; badina be, Iehova e, oi ese vada o hanamoa ḡauna na baine namo ela bona hanaihanai.
1CH 18:1 Una murinai David ese Filistia taudia e hadareredia bona e hamanaudia; bena ia ese Gata mai ena hanua maraḡidia iboudiai ida na Filistia taudia imadia amo e abidia oho.
1CH 18:2 Ia ese Moab danu e hadarerea, bena Moab taudia na David ena hesiai taudia ai ela, bona heaiva gaudia e henia.
1CH 18:3 David ese Hadadesere, Soba pavapavana, danu e hadarerea, Hanlat kahana ai, ena pupu na Eufrate sinavaina badibadinai ihaginina totona e laova negana ai.
1CH 18:4 Bena David ese kariota daha-ta bona hosi-gui taudia daha-hitu bona ae-raka taudia gerebu-rua na iena amo e abidia. David ese kariota hosidia iboudiai na mamudia varovarodia e utu, a kariota sinahu-ta hosidia mo asie utudia.
1CH 18:5 Bena Suria taudia na Damasko amo ela, Hadadesere, Soba pavapavana, bae durua eto; una negana ai David ese Suria taudia gerebu-rua daha-rua e aladia mase.
1CH 18:6 Bena David ese tuari oreadia haida na Suria ai e atodia, Damasko ai; bona Suria taudia na David ena hesiai taudia ai ela, bona heaiva ḡaudia e henia. Iehova ese David na kwalimu e henia, e laova gabudia iboudiai lalodiai.
1CH 18:7 Hadadesere ena hesiai taudia ese gold kesidia e abi ḡaudia na David ese Ierusalem e laohaidia.
1CH 18:8 Hadadesere ena hanua rua, Tibihata bona Kunu, amo David ese aun labora-labora momo herea e abi; bena Solomon ese ranu nauna bada-hereana bona au-tubua bona ḡau idau-idau na una auri-laboralabora amo e kara.
1CH 18:9 Tou, Hamat pavapavana, e kamonai David ese Hadadesere, Soba pavapavana, ena tuari oreana idoinai vada e hadarerea.
1CH 18:10 Bena ia ese natuna Hadorama na King David dekena e siaia lao, baine hahenamo henia bona baine imodaia totona, ia ese Hadadesere vada e tuari henia bona vada e hadarerea dainai; badina be una Hadadesere na nega momo Tou ida e tuari. Ia ese gold bona silver bona bronze amo e karadia ḡaudia idau-idau na e siaidia lao;
1CH 18:11 unu ḡau danu King David ese e hahelaḡadia, Iehova ena, vada e hadareredia besedia iboudiai edia amo e dadi silver-na bona gold-na ida. Besedia be Edom bona Moab bona Arnono bona Filistia bona Amalek taudia.
1CH 18:12 Abisai, Seruia natuna, ese Edom taudia gerebu-ta sinahu-taurahani na Damena Kourana ai e aladia mase.
1CH 18:13 Bena ia ese tuari oreadia na Edom ai e atodia; bona Edom taudia iboudiai na David ena hesiai taudia ai ela. Iehova ese David na kwalimu e henia, e laova gabudia iboudiai lalodiai.
1CH 18:14 Taunabunai, David ese Israel idoinai e lohiaia, bona ia ese ena orea taudia iboudiai e hahemaoro henidia mai maoromaorona ida.
1CH 18:15 Ioab Seruia na tuari oreana lohiana; Iehosafat Ahilud na e tore pepadia inaridia tau;
1CH 18:16 Sadok Ahitubu bona Ahimelek Abiatara na hahelaḡa taudia; Savasa na toretore tauna;
1CH 18:17 Benaia Iehoiada na Kerete bona Pelete taudia biagudia. David natuna mamaruanedia na heitatao taudia badadia, hanua pavapavana ena ḡaukara lalonai.
1CH 19:1 Una murinai, Nahasa, Amono pavapavana, e mase, bena natuna na ia gabuna ai e lohia.
1CH 19:2 Bena David eto, Hanunu Nahasa baina kara momokani henia, badina be tamana ese e kara momokani heniguva. Taunabunai, David ese gwaukau taudia e siaidia, tauna ihalona totona, tamana dainai. Bena David ena hesiai taudia na Hanunu dekenai e kau, Amono taudia edia tano ai, tauna ihalona totona.
1CH 19:3 A Amono lohiadia ese Hanunu e hereva henia, eto, Oi na o laloamu David ese tauhalo taudia na dekemu vada e siaidia mai dainai ia ese tamamu e matauraiamu a? David ese ena hesiai taudia dekemu ai vada e siaidia badina korikori be bae hetahu, bae hahedarere, bona tano bae hasinadoa, ani?
1CH 19:4 Taunabunai, Hanunu ese David ena hesiai taudia e abidia, auki-huidia e nau, bona edia hahedoki e utudia kwadogi koekoedia ai; bena e siaidia oho. Bena idia na ela.
1CH 19:5 Haida ese idia sivaraidia na David e hamaorolaia, bena ia ese haida e siaidia, idia ida bae hedavari, badina be idia na e hemarai bada herea. Hanua pavapavana, eto, Ieriko ai ba noho ela bona aukimui huidia ma bae tubu, bena ba lou mai.
1CH 19:6 Amono taudia vada e diba, David lalona vada e hadikaia ediai; bena Hanunu bona Amono taudia ese silver talent daha-ta e siaidia, kariota bona hosi-gui taudia na bae vatudia, Mesopotamia bona Arama-maaka bona Soba amo.
1CH 19:7 Idia ese kariota gerebu-toi daha-rua bona Maaka pavapavana mai ena tuari oreana ida e vatudia; bena idia na ema, Medeba vairanai e taruha. Amono taudia danu edia hanua amo e haboudia, bena tuari ela.
1CH 19:8 David e kamonai, bena ia ese Ioab, bona tuari taudia mai goadadia iboudiai na e siaidia lao.
1CH 19:9 Bena Amono taudia na e raka lasi, edia tuari ḡaudia e abidia, hanua raka-vareaina ai e gini heḡaeḡae. A hari pavapavana, ema taudia, na sibodia tano paka ai e noho.
1CH 19:10 Ioab na e itaia, tuari na vairanai bona murina kahana ai vada e atodia, bena ia ese Israel edia goada taudia e abidia hidi, Suria taudia ituari-henidia e siaidia lao.
1CH 19:11 A ena tuari taudia oredia na tadina Abisai e henia, baine biagudia, Amono taudia ituari-henidia baela.
1CH 19:12 Ia eto, Suria taudia na egu ai bema goada herea, vada ba durugu; a Amono taudia na emu ai bema goada herea, lau ese baina vasi durumu.
1CH 19:13 Ba goada balaheni; baita haheauka, eda bese dainai, bona eda Dirava ena hanua daidiai; Iehova ese ena lalo-hadai namodia heḡereḡeredia ai baine kara.
1CH 19:14 Taunabunai, Ioab mai bamona ida ela, Suria taudia e tuari henidia, bena idia na ia vairana amo e heau.
1CH 19:15 Amono taudia e itaia, Suria taudia vada e heau, bena idia danu Abisai, Ioab tadina, vairana amo e heau, hanua lalonai e heau vareai. Bena Ioab na Ierusalem ela.
1CH 19:16 Suria taudia na vada e diba, Israel taudia ese idia vada e hadareredia, bena idia ese gwaukau taudia e siaidia lao, Suria taudia Eufrate sinavaina unukahana ai e nohova na e hakaudia mai; Sofaka, Hadadesere ena tuari oreana biaguna, ese e kwaradia.
1CH 19:17 Haida ese David e hamaoroa, bena ia ese Israel taudia iboudiai e haboudia; Ioridane sinavaina e hanaia, e lao henidia, bona ena orea e haheḡaeḡaea, idia ituari-henidia totona. David ese tuari taudia e haginidia hegaeḡae, Suria taudia vairadiai; bena idia na ia ida e tuan.
1CH 19:18 Bena Suria taudia na Israel taudia vairadia amo e heau. Suria edia kariota daha-hitu taudia bona ae-raka taudia gerebu-hani David ese e aladia mase, bona Sofaka, edia tuari oreana biaguna, danu e alaia mase.
1CH 19:19 Hadadesere ena hesiai taudia ese e itaia Israel taudia ese idia vada e hadareredia, bena idia na David ida e herohemaino, bona ia isiaina e lao heni. Taunabunai una negana amo Suria taudia na asie ura Amono taudia ma bae durudia lou.
1CH 20:1 Komukau negana ai, hanua pavapavadia edia tuari lao negana, Ioab ese tuari oreana e hakaua lasi, bena Amono taudia edia tano e e habuaia tari; bena ma ela, Raba e koua heḡeḡe. A David na Ierusalem ai e noho. Bena Ioab ese Raba e tuari henia, bena e hadarerea.
1CH 20:2 Bena David ese edia hanua pavapavana ena havava ḡauna na kwarana amo e abia oho: metauna na gold talent ta, bona lalonai na mai herahera nadina herea-daena ta. Gauna na David kwarana ai e atoa kau. Bena hanua kohuna idau-idau na hanua lalona amo e hua lasi, kohu momo herea.
1CH 20:3 Hanua taudia danu e hakaudia lasi, ḡaukara e henidia, iri bona auri isivadia bona ira amo bae ḡaukara. David ese Amono hanuadia iboudiai na unu e karadia toma. Bena David bona ena orea taudia iboudiai na Ierusalem e lou lao.
1CH 20:4 Una murinai idia na Filistia taudia ida e tuan lou, Gesere ai. Bena Sibekai, tau Husata, ese Sipai, taunimanima ḡaubadabadadia garadia ta, e alaia mase. Bena Filistia taudia na vada e darere.
1CH 20:5 Bena Filistia taudia ida ma e tuari lou; una negana ai Elhanan lairi ese Lahami, Goliata tau Gata tadikakana, na e alaia mase. Una tau ena io auauna na dabua ihatuna tauna ena au na heto.
1CH 20:6 Ma e tuari lou, Gata ai; unuseni ai tau ḡaulatalata ta e nohova, imana ruaosi bona aena ruaosi kwakikwakidia na tauratoi tauratoi amo; kwakikwakina iboudiai na ruahui-hani. Ia na taunimanima ḡaubadabadadia garadia ta.
1CH 20:7 Una tau ese Israel taudia e ḡonaḡonalaidia, bena Ionatan, David kakana Simea natuna, ese e alaia mase.
1CH 20:8 Ini na Gata taudia ḡaubadabadadia garadia; David imana amo bona ena hesiai taudia imadia amo e hamasedia.
1CH 21:1 Satana ese Israel e inai henia, bena David e dibaḡania, Israel taudia baine hagaudia.
1CH 21:2 Taunabunai, David ese Ioab bona tuari biagudia e hamaorodia, eto, Aola, Israel taudia ba hagaudia, Bere-sieba amo ela bona Dan; bena hereva ba mailaia, baina diba idia be hahida.
1CH 21:3 A Ioab eto, Iehova ese ena bese na nega sinahu-ta amo baine habadaia. Egu lohia bona egu pavapava e, idia iboudiai na egu lohia ena hesiai taudia, ani? Dahaka dainai egu lohia ese ina ḡau e ura heniamu? Dahaka dainai ia ese Israel baine hakererea?
1CH 21:4 A hanua pavapavana ena hereva ese Ioab e laoa ahu. Taunabunai, Ioab na e raka lasi, Israel tanona idoinai e rakaia hanai, bena Ierusalem ma e lou lao.
1CH 21:5 Bena Ioab ese taunimanima ihagaudia herevana na David e henia. Israel idoinai lalonai dare taudia na domaga gwauta-ta, bona Iuda lalonai dare taudia na domaga-hani gerebu-hitu.
1CH 21:6 A ia ese Levi taudia bona Beniamina taudia na se duahidia, badina be hanua pavapavana ena haheḡani na Ioab lalona ese e dadaraia.
1CH 21:7 A Dirava ese una kara na e badulaia, bena ia ese Israel e hahisia.
1CH 21:8 Bena David ese Dirava e hamaoroa, eto, Vada na kerere dikadika ina kara ikarana ai; a harihari lau na noimumu emu hesiai tauna ena dika bavabia oho; badina be vada na kara kava herea.
1CH 21:9 Bena Iehova ese Gad, David ena mata-hanai tauna, e hereva henia, eto,
1CH 21:10 Aola, David ba hamaoroa, baoto, Iehova na ini e gwau tomamu: ḡau toi na dudui henimumu, tamona bavabia hidi, bena unu baina kara henimu toma.
1CH 21:11 Taunabunai, Gad na David dekena ela, e hamaoroa, eto, Iehova na ini e gwau tomamu. Edena o uramu bavabia:
1CH 21:12 doe laḡani toi lalodiai; eiava inaimu edia hahebua-tari, hua toi lalodiai idia edia dare ese bae lasimu tao; eiava Iehova ena dare, dina toi lalodiai dai-hanai gorerena na tano ai baine kau, bona Iehova ena aneru na Israel tanona idoinai lalonai baine hahebua tari. Lalomu a hadaia, edena haere na e siaigu Diravana baina henia.
1CH 21:13 Bena David ese Gad e haere henia, eto, Daragu eme doko dikadika; Iehova imana ai baina moru be namo, badina be ena hebogahisi na bada herea, a taunimanima imadia ai basina moru.
1CH 21:14 Taunabunai, Iehova ese dai-hanai gorerena ta Israel latanai e siaia; bena Israel taudia gerebu-hitu e mase.
1CH 21:15 Bena Dirava ese aneru na Ierusalem ihabua-tarina e siaia lao, a baine habuaia tari eto negana ai Iehova ese e itaia, bena ia na una dika amo e helalo kerehai; bena ia ese taunimanima ihabua-taridia aneruna e hamaoroa, eto, Vadaeni, imamu a haloua. Iehova ena aneru na Oronana, tau Iebusu, ena uit ikwadina gabuna badibadinai gini.
1CH 21:16 Bena David na e gaga isi, Iehova ena aneru e itaia, tanobada bona guba padadiai gini, imana amo dare e veria lasi bona Ierusalem daenai e toia roro. Bena David bona hanua tau-badadia na puse dabuadia e hahedokilai bona tano ai e goru parapara.
1CH 21:17 Bena David ese Dirava e hereva henia, eto, Lau na haheḡani, taunimanima bae hagaudia nato, ani? Lau na vada na kara dika bona na kara havara; a ini mamoe na dahaka e karaia? Iehova egu Dirava e, na noimumu, oi imamu ese lau bona tamagu ena iduhu baine hadikamai, a dai-hanai gorerena na emu bese taudia latadiai basine mia.
1CH 21:18 Bena Iehova ena aneru ese Gad e haḡania, ia ese David baine hamaoroa, David na bainela, Iehova ena ihaboulaina patana ta baine larebaia, Oronana tau Iebusu ena uit ikwadina gabuna ai.
1CH 21:19 Taunabunai David na ela, Gad ena hereva, Iehova ladana ai e gwauraia, ḡauna dainai.
1CH 21:20 Una negana ai Oronana na uit e kwadiva; bena e roha kerehai, aneru e itaia. Bena natuna mamaruanedia hahaniosi ia dekenai na e komu.
1CH 21:21 David na Oronana dekena ela negana ai, Oronana na e roha lao, David e itaia; bena uit ikwadina gabuna amo e raka lasi, tano ai e goru diho, David e toma henia diho.
1CH 21:22 David ese Oronana e hamaoroa, eto, Uit ikwadina gabuna tanona a henigu, Iehova ena ihaboulaina patana na ia latanai baina larebaia totona. A henigu, bena davana korikori baina henimu, dai-hanai gorerena na taunimanima edia amo baine heabi oho helaoreana.
1CH 21:23 Bena Oronana ese David e haere henia, eto, Avabia; egu lohia bona egu pavapava na ena lalo-hadai namona heḡereḡerena baine karaia. A itaia, boromakau mamaruanedia na henimumu, ḡole-oho boubou ḡaudia ai baela, bona uit ikwadilaina audia na rakuraku audia ai baela, bona uit na flaoa boubou ḡauna ai bainela; idoinai na henimumu.
1CH 21:24 A King David ese Oronana e hamaoroa, eto, Lasi, a davana korikori ai baina hoia; oiemu ḡau na basina abia Iehova ena, bona davadia asina kara ḡaudia na basina hahelaḡadia.
1CH 21:25 Taunabunai, David ese gold sekele sinahu-tauratoi e hahetohodia, Oronana e henia, una tano davana.
1CH 21:26 Bena David ese Iehova ena ihaboulaina patana ta unuseni ai e larebaia, bona ḡole-oho boubou ḡaudia bona maino bouboudia ḡaudia e hahelaḡadia, bona Iehova e hahanea. Bena ia ese guba lahina amo e haere henia, ḡole-oho bouboudia patana latanai.
1CH 21:27 Bena Iehova ese hari aneru e haḡania; bena aneru ese ena dare na iudalaina ḡauna ai ma e toia vareai.
1CH 21:28 Una negana ai David ese e itaia, Oronana tau Iebusu ena uit ikwadina gabuna ai Iehova ese vada e haere henia; bena ena boubou ḡaudia na e hahelaḡadia unuseni ai.
1CH 21:29 Badina be una negana ai Iehova ena kalaga helaḡana, Mose ese tano ḡaḡaena ai e karaia ḡauna, bona ḡole-oho bouboudia patana, na Gibeon ai, atai gabuna ai;
1CH 21:30 a David na asi ena dala unu bainela, Dirava inanadaina totona, badina be ia ese Iehova ena aneru ena dare garina e gariva.
1CH 22:1 Bena David eto, Dirava Iehova ena dubu na iniseni ai baine gini, bona Israel ena ḡole-oho bouboudia patana danu.
1CH 22:2 David e haheḡani, idau bese taudia Israel tanona lalonai na bae haboudia; bena ia ese nadi-utu taudia e haḡaukaradia, Dirava ena dubu ihaginilaina nadidia na bae haḡoeva heḡaegae.
1CH 22:3 David ese danu auri momo herea e habou, raka-vareai iduaradia ikokodia bona hakapu-tao auridia ikaradia totona, bona auri labora-labora momo herea danu, metauna na asi ihahetohona dalana;
1CH 22:4 bona sida audia danu, asi iduahidia, badina be Sidono taudia bona Turo taudia ese sida audia momo herea na David dekena e mailaidia.
1CH 22:5 Badina be David eto, Natugu Solomon na eregabe, bona ḡaukara ai do asine manada, bona namona be Iehova ena dubu hairaina baine herea dae vaitani; harina bona hairaina herevadia na tano idoidiai latadiai bae da'ania; una dainai lau ese baina heḡaeḡaelaia. Taunabunai, David na do se mase ai, ia ese dubu kohuna momo herea e habou guna.
1CH 22:6 Bena ia ese natuna Solomon e boiria, e haḡania, Iehova, Israel Diravana, ena dubu auta baine haginia.
1CH 22:7 David ese Solomon e hamaoroa, eto, Natugu e, lalogu na e ura dubu auta baina haginia nato, Iehova, egu Dirava, ladana ena.
1CH 22:8 A Iehova ena hereva na egu ai e kau, eto: Oi na rara momo vada o hahebubu, bona tuari babada o kara; dubu auta basio haginia lau ladagu ena, badina be rara momo na tano ai vada o hahebubu lau vairagu ai.
1CH 22:9 A itaia, natumu ta baine vara; ia na maino tauna ai bainela, bona lau ese maino baina henia, ana inai taudia iboudiai bogaragidiai. Badina be ladana bae hatoa Solomon; bona iena nega ai lau ese Israel na maino bona laḡa-ani baina henia.
1CH 22:10 Ia ese dubu auta baine haginia, lau ladagu ena. Ia na lau natugu ai bainela, bona lau na ia tamana ai bainala; bona ena pavapava teronona na Israel ai baina haginia ela bona hanaihanai.
1CH 22:11 Taunabunai, natugu e, Iehova ese baine bamomu, bona Iehova, emu Dirava, ena dubu do ba haginia vaitani, ia ese vada e herevalaimu heḡereḡerena.
1CH 22:12 Ḡau tamona, Iehova ese aonega bona lalo-parara baine henimu, bena Israel igunalaina tauna ai baine halaomu negana ai na Iehova, emu Dirava, ena taravatu do ba badinaia.
1CH 22:13 Bena Iehova ese Israel edia taravatu bona hahemaoro herevadia Mose e haḡanilaia ḡaudia na boma badinadia ḡoevaḡoeva negana ai, namomu do baine bada. Ba goada, ba boga auka. Basio gari, basio kudou hetaha.
1CH 22:14 Mai hekwarahi-badagu ida Iehova ena dubu kohudia vada na abi heḡaegae: gold talent domaga-ta, silver talent domagagwauta, bona auri labora-labora bona auri, asi ihahetohodia dalana badina be momo herea daidiai. Bona au bona nadi danu vada na abi heḡaeḡae. Ini latadiai ma haida bavato kau.
1CH 22:15 Emu ḡaukara taudia na hutuma: nadi-utu taudia, nadi-hagini taudia, kamuta taudia, bona ima-karakara taudia idau-idau, asi iduahidia,
1CH 22:16 gold bona silver bona auri labora-labora bona auri iḡaukaralaidia diba herea taudia. A tore isi, a ḡaukara! Iehova ese baine bamomu!
1CH 22:17 David ese danu Israel lohiadia iboudiai e haḡanidia, idia ese ia natuna Solomon bae durua. Ia eto,
1CH 22:18 Iehova, emui Dirava, na umui ida ani? Ia ese maino vada e henimui kaha iboudiai ani? Badina be ina tano taudia na lau imagu ai vada e atodia, bona tano na vada e hagedaia tari, Iehova mai ena bese taudia ida vairadiai.
1CH 22:19 Harihari mai Ialomui bona daramui ida Iehova, emui Dirava, ba tahua. A tore isi; Dirava Iehova ena gabu helaḡana ba haginia, bena Iehova ena taravatu mauana bona Dirava ena ḡau helaḡadia na Iehova ladana bagunai vada o haginia rumana lalonai bae vareailaidia.
1CH 23:1 David vada e buruka, ena mauri dinadia vada e hoho; una negana ai ia ese natuna Solomon na Israel pavapavana ai e halaoa.
1CH 23:2 David ese Israel lohiadia bona hahelaḡa taudia bona Levi taudia iboudiai e haboudia.
1CH 23:3 Levi taudia, laḡanidia toi-ahui vada e hanai taudia, na e duahidia, iboudiai na gerebu-toi daha-taurahani.
1CH 23:4 David eto, Idia bogaragidia amo gerebu-rua daha-hani na Iehova ena dubu gaukaradia bae kara, daha tauratoi na heitatao taudia bona hahemaoro taudia ai baela,
1CH 23:5 daha hani na ikoukou igimadia taudia ai baela, bona daha hani ese hatai-hatai ḡaudia, hahenamo totona vada na kara ḡaudia, amo Iehova bae hanamnoa.
1CH 23:6 Bena David ese orea ta ta ai e hididia, Levi natudia, Gereson bona Kohat bona Merari, besedia dodidiai.
1CH 23:7 Gereson natuna na Ladan bona Simei.
1CH 23:8 Ladan natuna na Iehiele, tau lohia, bona Setama bona Ioel, tatoiosi.
1CH 23:9 Simei natuna na Selomoto bona Hasiele bona Haran, tatoiosi. Idia na Ladan ena iduhu lohiadia.
1CH 23:10 Simei natuna na lahata bona Sina bona Ieusu bona Beria. Unu hahaniosi na Simei natuna.
1CH 23:11 Iahata na tau lohia, Sisa na ihararuana; a Ieusu bona Beria natudia mamaruanedia na dia hoho, una dainai idia na iduhu tamona mo e gwauraidia.
1CH 23:12 Kohat natuna na Amram bona Isahara bona Heberon bona Usiele, hahaniosi.
1CH 23:13 Amram natuna na Aaron bona Mose. Aaron na e atoa idau, helaḡa herea ḡaudia baine hahelaḡadia totona; ia bona ia garana ese muramura mai bonadia na Iehova vairanai bae gabu ela bona hanaihanai, bona ia isiaina bae lao heni bona hahenamo herevadia bae gwaurai ia ladana ai ela bona hanaihanai.
1CH 23:14 A Mose, Dirava ena tau, natuna danu Levi oreana taudia ida e gwauraidia hebou.
1CH 23:15 Mose natuna na Geresom bona Eliesere.
1CH 23:16 Geresom natuna na Sebuele, tau lohia.
1CH 23:17 Eliesere natuna na Rehabia, tau lohia. Eliesere na asi natuna mamaruanedia haida, a Rehabia natuna na hutuma herea.
1CH 23:18 Isahara natuna na Selomiti, tau lohia.
1CH 23:19 Heberon natuna na Ieria, tau lohia; ihararuana na Amaria, ihatatoina na Iahasiel, bona ihahahanina na lekameama.
1CH 23:20 Usiele natuna na Mika, tau lohia; ihararuana na Isia.
1CH 23:21 Merari natuna na Mali bona Musi. Mali natuna na Eleasara bona Kisa.
1CH 23:22 Eleasara na e mase, asi natuna mamaruanedia to hahine mo; bena idia varavaradia, Kisa natuna mamaruanedia, ese e adavadia.
1CH 23:23 Musi natuna na Mali bona Edere bona Ieremoto, tatoiosi.
1CH 23:24 Levi garana bunu, edia iduhu ta ta ai; idia na iduhu kwaradia; laḡani ruahui vada e hanai taudia e hagaudia heḡereḡerena amo ta ta ladadia e tore, idia ese Iehova ena dubu ḡaukaradia bae kara totona.
1CH 23:25 Badina be David eto, Iehova, Israel Diravana, ese maino na ena bese taudia vada e henidia, bona ia na Ierusalem ai e noho hanaihanaiamu;
1CH 23:26 taunabunai Levi taudia na kalaga helaḡana bona ena ḡaukara kohudia na basie hua lou.
1CH 23:27 Badina be David ena hereva oredia be Levi taudia, laḡani ruahui vada e hanai taudia, ihagaudia herevadia.
1CH 23:28 Edia ḡaukara be Aaron garana bae durudia, Iehova ena dubu gaukaradia ikaradia ai: maḡu bona daiutu bae naridia, ḡau helaḡadia bae haḡoevadia, bona Dirava ena dubu ḡaukaradia idau-idau bae kara;
1CH 23:29 bona flaoa helaḡana, bona boubou flaoadia, bona asie hatubua flaoana atagadia, bona boubou dikeadia, bona dehoro ida e buloa boubouna, bona hahetoho ḡaudia idau-idau iboudiai, na bae regudia.
1CH 23:30 Daba iboudiai bae gini, Iehova bae hanamoa bona bae imodaia, bona adorahi ai danu,
1CH 23:31 bona ḡole-oho boubou ḡaudia Iehova vairanai bae hahelaḡadia loulou negadia ai danu, dina helaḡadia ai bona hua matamata dinadia ai bona aria dinadia ai, taravatu ese e gwaurai ḡaudia heḡereḡeredia ai.
1CH 23:32 Hebou kalagana bona gabu helaḡana na unu bae naridia toma, bona tadikakadia Aaron garana bae durudia, Iehova ena dubu ḡaukaradia ikaradia ai.
1CH 24:1 Aaron garana edia orea bini. Aaron natuna na Nadab bona Abihu bona Eleasara bona Itamara.
1CH 24:2 A Nadab bona Abihu na tamadia maurina ai e mase, asi natudia; taunabunai Eleasara bona Itamara na hahelaḡa taudia ai ela.
1CH 24:3 Bena Eleasara garana ta, ladana Sadok, bona Itamara garana ta, ladana Ahimelek, ese David e durua, edia iduhu taudia na orea ta ta lalodiai e haboudia bona edia ḡaukara e henidia.
1CH 24:4 Eleasara garana bogaragidiai lohia taudia na momo, a Itamara garana bogaragidiai lohia taudia be dia hoho; una dainai Eleasara garana na orea ai e haboudia, edia iduhu kwaradia gwauta-tauratoi henudiai, bona Itamara garana na orea ai e haboudia, edia iduhu kwaradia taurahani henudiai.
1CH 24:5 Mari amo edia orea e hididia, iboudiai na heḡereḡere; badina be haida na gabu helaḡana itataona taudia bona haida na Dirava ena itatao taudia, Eleasara garana amo bona Itamara garana amo danu.
1CH 24:6 Bena itorena tauna Semaia Netanele, Levi tauna ta, ese iboudiai ladadia e tore, hanua pavapavana bona bese lohiadia bona hahelaḡa taudia Sadok bona Ahimelek Abiatara, bona hahelaḡa taudia bona Levi taudia edia iduhu kwaradia, vairadiai; iduhu ta na Eleasara garana amo e abia hidi, ma iduhu ta Itamara garana amo.
1CH 24:7 Mari ese e duanaia guna tauna na Iehoiaribi, iharuana na ledaia,
1CH 24:8 ihatoina na Harimi, ihahanina na Seorimi,
1CH 24:9 iha-imana na Malkia, ihatauratoina na Miamini,
1CH 24:10 ihahituna na Hakoso, ihataurahanina na Abia,
1CH 24:11 ihataurahani-tana na Iesua, ihagwautana na Sekania,
1CH 24:12 ihagwauta-tana na Eliasibi, ihagwautaruana na lakimi,
1CH 24:13 ihagwauta-toina na Hupa, ihagwauta-hanina na Iesebeaba,
1CH 24:14 ihagwauta-imana na Bilga, ihagwauta-tauratoina na Imere,
1CH 24:15 ihagwautahituna na Hesiri, ihagwauta-taurahanina na Hapisese,
1CH 24:16 ihagwauta-taurahanitana na Petahia, iharuahuina na Iehesekele,
1CH 24:17 iharuahui-tana na lakin, iharuahuiruana na Gamulu,
1CH 24:18 iharuahui-toina na Delaia, iharuahui-hanina na Maasia.
1CH 24:19 Ini ta ta na mai edia ḡaukara, Iehova ena dubu ai e raka vareai negadia ai, Iehova, Israel Diravana ese senedia Aaron e haḡania bena Aaron ese taravadia e atu heḡereḡerena.
1CH 24:20 Levi garana orena ai: Amram natuna edia amo, Subaele; Subaele natuna edia amo, Iehedeia.
1CH 24:21 Rehabia enai: Rehabia natuna edia amo, Isihia, tau lohia.
1CH 24:22 Isihara taudia edia amo, Selomoto; Selomoto natuna edia amo, Iahata.
1CH 24:23 Heberon natuna: Ieria, tau lohia, ihararuana na Amaria, ihatatoina na Iahasiel, ihahahanina na lekameama.
1CH 24:24 Usiele natuna, Mika; Mika natuna, Samiri;
1CH 24:25 Mika tadina, Isihia; Isihia natuna edia amo, Sekaria
1CH 24:26 Merari natuna: Mali bona Musi. Iaasia natuna, Beno.
1CH 24:27 Merari natuna, Iaasia ena amo: Beno, Sohama, Sakuru, Ibri.
1CH 24:28 Mali ena amo: Eleasara; ia na asi natuna.
1CH 24:29 Kisa ena amo, Kisa natuna: lerahamele.
1CH 24:30 Musi natuna: Mali, Edere, lerimoto. Levi garana bunu, edia iduhu ta ta ai.
1CH 24:31 Ini danu, iduhu kwaradia ta ta mai tadidia ta ta ida, man e abi, tadikakadia Aaron garana heḡereḡeredia, King David bona Sadok bona Ahimelek, bona hahelaḡa taudia bona Levi taudia edia iduhu kwaradia, vairadiai.
1CH 25:1 David bona ḡaukara biagudia ese Asaf bona Hemana bona Iedutunu natudia haida e abidia hidi, edia ḡaukara be hatai-hatai ḡaudia maraḡidia bona badadia bona botabota ḡaudia amo bae peroveta. Unu ḡaukara taudia ladadia bona edia ḡaukara herevadia bini.
1CH 25:2 Asaf natuna edia amo: Sakuru, Iosef, Netania, Asarela. Idia na Asaf natuna, bona Asaf ese e biagudia. Hari Asaf na hanua pavapavana ena hahedua heḡereḡerena ai e perovetava.
1CH 25:3 Iedutunu ena amo: Iedutunu natuna Gedalia, Seri, Iesaia, Simei, Hasabia, Matitia, tauratoiosi. Tamadia Iedutunu ese e biagudia; una tau na Iehova ihanamona bona i'imodaina ai hatai-hatai ḡaudia amo e perovetava.
1CH 25:4 Hemana ena amo: Hemana natuna Bukia, Matania, Usiele, Sebuele; bona Ierimoto, Hanania, Hanani, Eliata, Gidalti; bona Romamatiesere, Iosobekasa, Maloti, Hotiri, Mahasioto.
1CH 25:5 Unu iboudiai na Hemana, hanua pavapavana ena mata-hanai tauna, natuna. Una tau na Dirava ese vada e gwau henia hamata, i'imodaina baine habadaia; badina be Dirava ese Hemana na natuna mamaruanedia gwauta-hani bona natuna hahinedia tatoi e henia.
1CH 25:6 Idia iboudiai na Iehova ena dubu lalonai tamadia ese e biagudiava ane ḡaukaradia ai, mai botabota auridia bona hatai-hatai ḡaudia badadia bona maraḡidia ida, Dirava ena dubu gaukarana lalonai. Asaf bona Iedutunu bona Hemana na hanua pavapavana ese e biagudiava.
1CH 25:7 Idia bona tadikakadia Iehova ihanamolaina anedia iabidia e hadibalaidia taudia, iboudiai mai dibadia momo, na sinahu-rua taurahani-ahui taurahani.
1CH 25:8 Idia na mari e abi, ta ta ena ḡaukara ena ḡaukara iduanaidia totona. Maraḡidia bona badadia, hahediba taudia bona e hadibadia taudia, na e kara henidia negeregere.
1CH 25:9 Mari ese e duanaia guna tauna, Asaf enai, na Iosef. Iharuana na Gedalia, mai tadikakana bona natuna verina ida, gwauta-rua.
1CH 25:10 Ihatoina na Sakuru, mai natuna bona tadikakana verina ida gwauta-rua.
1CH 25:11 Ihahanina na Isiri, mai natuna bona tadikakana verina ida, gwauta-rua.
1CH 25:12 Iha-imana na Netania, mai natuna bona tadikakana verina ida, gwauta-rua.
1CH 25:13 Ihatauratoina na Bukia, mai natuna bona tadikakana verina ida, gwauta-rua.
1CH 25:14 Ihahituna na lesarela, mai natuna bona tadikakana verina ida, gwauta-rua.
1CH 25:15 Ihataurahanina na lesaia, mai natuna bona tadikakana verina ida, gwauta-rua.
1CH 25:16 Ihataurahani-tana na Matania, mai natuna bona tadikakana verina ida, gwauta-rua.
1CH 25:17 Ihagwautana na Simei, mai natuna bona tadikakana verina ida, gwauta-rua.
1CH 25:18 Ihagwauta-tana na Asarele, mai natuna bona tadikakana verina ida, gwauta-rua.
1CH 25:19 Ihagwauta-ruana na Hasabia, mai natuna bona tadikakana verina ida, gwauta-rua.
1CH 25:20 Ihagwauta-toina na Subaele, mai natuna bona tadikakana verina ida, gwauta-rua.
1CH 25:21 Ihagwauta-hanina na Matitia, mai natuna bona tadikakana verina ida, gwauta-rua.
1CH 25:22 Ihagwautaimana na Ieremoto, mai natuna bona tadikakana verina ida, gwauta-rua.
1CH 25:23 Ihagwauta-tauratoina na Hanania, mai natuna bona tadikakana verina ida, gwauta-rua.
1CH 25:24 Ihagwauta-hituna na Iosobekasa, mai natuna bona tadikakana verina ida, gwauta-rua.
1CH 25:25 Ihagwauta-taurahanina na Hanani, mai natuna bona tadikakana verina ida, gwauta-rua.
1CH 25:26 Ihagwauta-taurahanitana na Maloti, mai natuna bona tadikakana verina ida, gwauta-rua.
1CH 25:27 Iharuahuina na Eliata, mai natuna bona tadikakana verina ida, gwauta-rua.
1CH 25:28 Iharuahui-tana na Hotiri, mai natuna bona tadikakana verina ida, gwauta-rua.
1CH 25:29 Iharuahuiruana na Gidalti, mai natuna bona tadikakana verina ida, gwauta-rua.
1CH 25:30 Iharuahui-toina na Mahasioto, mai natuna bona tadikakana verina ida, gwauta-rua.
1CH 25:31 Iharuahui-hanina na Romamatiesere, mai natuna bona tadikakana verina ida, gwauta-rua.
1CH 26:1 Ikoukou igimadia taudia edia orea bini. Kora taudia edia amo: Meselemia Kore, Asaf natuna ta.
1CH 26:2 Meselemia na mai natuna haida: tau-roboana na Sekaria, iharuana na lediaele, ihatoina na Sebadia, ihahanina na Iataniele,
1CH 26:3 iha-imana na Elam, ihatauratoina na Iehohanan, ihahituna na Eliehoenai.
1CH 26:4 Obed-edom danu na mai natuna haida: tau-roboana na Semaia, iharuana na Iehosabad, ihatoina na Ioa, ihahanina na Sakara, iha-imana na Netanele,
1CH 26:5 ihatauratoina na Amiele, ihahituna na Isakara, ihataurahanina na Peuletai; badina be Dirava ese e hanamoa.
1CH 26:6 Ia natuna Semaia ese danu natuna mamaruanedia haida e havaradia; idia na edia iduhu kwaradia, badina be idia na mai dibadia momo taudia.
1CH 26:7 Semaia natuna: Otni, Refaele, Obed, Elsabad; Elsabad tadikakana Elihu bona Semakia na mai dibadia momo taudia.
1CH 26:8 Ini iboudiai na Obed-edom natuna, bona idia natudia bona tadikakadia, mai dibadia momo taudia, edia diba vada e heḡereḡere ḡaukara ikarana ai, iboudiai na tauratoi-ahui rua, Obed-edom garana amo.
1CH 26:9 Meselemia na mai natuna bona tadikakana, mai dibadia momo taudia, gwauta-taurahani.
1CH 26:10 Bona Hosa, Merari garana ta, danu na mai natuna haida: Simri, tau lohia, (ia na dia tau-roboana, a tamana ese lohia tauna ai e halaoa);
1CH 26:11 ihararuana na Hilkia; ihatatoina na Tebalia; ihahahanina na Sekaria. Hosa natuna bona tadikakana iboudiai na gwauta-toi.
1CH 26:12 Ini ikoukou igimadia taudia edia orea, ta ta mai edia lohia taudia, na mai edia ḡaukara Iehova ena dubu ḡaukaradia ikaradia ai, tadikakadia heḡereḡeredia.
1CH 26:13 Iduhu ta ta ai, edia ikoukou iduanai-henidia totona, mari e abi, maraḡidia bona badadia heḡereḡere.
1CH 26:14 Mari ese Selemia e duanaia, laurabada kahana ena. Ia natuna Sekaria danu, hahealo tauna ta mai aonegana, na mari ese e duanaia, mirigini kahana ena.
1CH 26:15 Obed-edom na e duanaia, diho kahana ena, bona natuna na habou-habou rumana ena.
1CH 26:16 Supim bona Hosa na e duanaidia, lahara kahana ena; Salekete ikoukouna na unuseni ai, e dae laomu dalana ai. Edia nega edia nega ai e gima.
1CH 26:17 Laurabada kahana ai na tatau tauratoi, dina ta ta ai; mirigini kahana ai na hahani, dina ta ta ai; diho kahana ai danu hahani, dina ta ta ai; bona habou-habou rumana ai rarua rarua amo.
1CH 26:18 Lahara kahana dehena ai na tatau hahani dala ai bona rarua dehe ai.
1CH 26:19 Ikoukou igimadia taudia edia orea bunu; idia na Kora taudia bona Merari garana.
1CH 26:20 Ahia, Levi iduhuna tauna, ese Dirava ena dubu kohudia bona herahia helaḡadia ihaboudia rumadia e nariva.
1CH 26:21 Ladan natuna, Gereson iduhuna taudia Ladan ena amo e vara, Gereson iduhuna ikwarana taudia Ladan, tau Gereson, ena amo e vara: Iehieli.
1CH 26:22 Iehieli natuna, Setama bona tadina Ioel ese Iehova ena dubu kohudia ihaboudia rumadia e nariva.
1CH 26:23 Amram bona Isahara bona Heberon bona Usiele iduhudia amo:
1CH 26:24 Sebuele (ia na Geresom garana bona Geresom na Mose garana) na habou-habou rumadia itataodia tauna badana.
1CH 26:25 Ia tadikakana: Eliesere ena amo, natuna Rehabia; ia natuna Iesaia; ia natuna Ioram; ia natuna Sikri; ia natuna Selomoto.
1CH 26:26 Hari Selomoto bona tadikakana ese herahia helaḡadia hanua pavapavana David bona iduhu kwaradia bona daha biagudia bona sinahu biagudia bona tuari oreadia biagudia ese e hahelaḡadia gaudia, ihaboudia rumadia iboudiai na e itadia taova.
1CH 26:27 Tuari ai e abi kohudia amo idia ese herahia ḡaudia e hahelaḡadia, Iehova ena dubu inanatalaina ḡaudia ai baela.
1CH 26:28 Bona mata-hanai tauna Samuel, bona Saulo Kisa, bona Abnere Nere, bona Ioab Seruia, ese e hahelaḡadia ḡaudia danu; herahia helaḡadia iboudiai na Selomoto mai tadikakana ida ese e nariva.
1CH 26:29 Isihara iduhuna amo, Kenania mai natuna ida e duanaidia, murimuri kahana ḡaukaradia bae kara, Israel ena; heitatao taudia bona hahemaoro taudia ai baela.
1CH 26:30 Heberon iduhuna amo, Hasabia mai tadikakana ida, mai dibadia momo taudia daha-ta sinahu-hitu, ese Israel tanona Ioridane sinavaina lahara kahana e itaia taova, Iehova ena ḡaukara iboudiai lalodiai, bona hanua pavapavana isiaina ilao-henina danu.
1CH 26:31 Heberon iduhuna lalona amo leria na Heberon iduhudia idau-idau iboudiai edia lohia. (David ena lohia laḡanina ihahari-ahuina ai hetahu e karaia, bena mai dibadia momo taudia haida na idia bogaragidiai e davaridia, lasere, Gilead hanuana ta, ai.)
1CH 26:32 King David ese ia mai tadikakana ida e duanaidia, mai dibadia momo taudia daha-rua sinahu-hitu, iduhu kwaradia, Ruben bona Gad iduhudia bona Manase iduhu-kahana taudia na idia ese bae itadia tao, Dirava ena ḡaukara iboudiai lalodiai, bona hanua pavapavana ena ḡaukara ai danu.
1CH 27:1 Israel taudia ladadia bini, iduhu kwaradia bona daha bona sinahu Iohiadia bona edia orea biagudia, hanua pavapavana isiaina e lao heniva, laḡani lalonai hua ta ta ai orea edia lao mai e ita taova; orea ta ta taudia na gerebu-rua daha-hani.
1CH 27:2 Iasobeama, Sabdiele natuna, na orea gini-gunana e biaguava, hua gini-gunana ai; ena orea taudia na gerebu-rua daha-hani.
1CH 27:3 Ia na Perese garana; bona ia ese tuari lohiadia iboudiai e biagudiava, hua gini-gunana ai.
1CH 27:4 Dodai tau Ahohi ese hua iharuana oreana e biaguava; ena orea taudia na gerebu-rua daha-hani.
1CH 27:5 Hua ihatoina oreana biaguna na Benaia, hahelaḡa tauna Iehoiada natuna; ena orea taudia na gerebu-rua daha-hani.
1CH 27:6 Ina Benaia na goada-herea tauna ta, vanegai toi-ahuiosi bogaragidiai, bona ia ese toi-ahuiosi e biagudiava; ia natuna Amisabad ese ena orea e biagudiava.
1CH 27:7 Ihahanina na Asahele, Ioab tadina, hua ihahanina ena, bona ia natuna Sebadia ia murinai; ena orea taudia na gerebu-rua daha-hani.
1CH 27:8 Hua iha-imana oreana biaguna na Samahutu, tau Isiraha; ena orea taudia na gerebu-rua daha-hani.
1CH 27:9 Ihatauratoina, hua ihatauratoina ena, na Ira, Ikese tau Tekoa natuna; ena orea taudia na gerebu-rua daha-hani.
1CH 27:10 Ihahituna, hua ihahituna ena, na Helese, tau Pelono Efraim garana ta; ena orea taudia na gerebu-rua daha-hani.
1CH 27:11 Ihataurahanina, hua ihataurahanina ena, na Sibekai, tau Husata, Sera iduhuna tauna; ena orea taudia na gerebu-rua daha-hani.
1CH 27:12 Ihataurahani-tana, hua ihataurahanitana ena, na Abiesere, tau Anatoto, Beniamina iduhuna tauna; ena orea taudia na gerebu-rua daha-hani.
1CH 27:13 Ihagwautana, hua ihagwautana ena, na Maharai tau Netofa, Sera iduhuna tauna; ena orea taudia na gerebu-rua daha-hani.
1CH 27:14 Ihagwauta-tana, hua ihagwauta-tana ena, na Benaia, tau Piratono, Efraim garana ta; ena orea taudia na gerebu-rua daha-hani.
1CH 27:15 Ihagwauta-ruana, hua ihagwauta-ruana ena, na Heledai, tau Netofa, Otoniele garana; ena orea taudia na gerebu-rua daha-hani.
1CH 27:16 Israel ena iduhu itataodia taudia: Ruben iduhuna taudia ikwaradia na Eliesere Sikri; Simeon iduhuna taudia ikwaradia na Sefatia Maaka;
1CH 27:17 Levi iduhuna taudia ikwaradia na Hasabia Kemuel; Aaron iduhuna taudia ikwaradia na Sadok;
1CH 27:18 Iuda iduhuna taudia ikwaradia na Elihu, David kakana ta; Isakara iduhuna taudia ikwaradia na Omri Mikael;
1CH 27:19 Sebulun iduhuna taudia ikwaradia na Isimaia Obadia; Napatali iduhuna taudia ikwaradia na Ieremoto Asriel;
1CH 27:20 Efraim iduhuna taudia ikwaradia na Hosea Asasia; Manase iduhu-kahana taudia ikwaradia na Ioel Pedaia;
1CH 27:21 Manase iduhu-kahana Gilead ai e nohomu taudia ikwaradia na Ido Sekaria; Beniamina iduhuna taudia ikwaradia na Iaasiel Abnere;
1CH 27:22 Dan iduhuna taudia ikwaradia na Asarele Ierohama. Israel ena iduhu lohiadia bunu.
1CH 27:23 David ese laḡani ruahui henuna taudia na se duahidia, badina be Iehova vada e gwau hamata, ia ese Israel baine hahutumaia, guba hisiudia hohodia na heto.
1CH 27:24 Ioab Seruia ese taunimanima iduahidia e matamaia, a se ha-orea; to ḡau tamona badu na Israel latanai e kau, una kara dainai, bona King David Sisigana bukana lalonai asie torea Iaunimanima na ede hohodia.
1CH 27:25 Hanua pavapavana ena habou-habou rumadia itataodia na Asamavete, Adiele natuna; bona tano idoinai, hanua badadia bona maraḡidia bona kohorodia ai habou-habou rumadia itataodia na Ionatan, Usia natuna.
1CH 27:26 Biru taudia itataodia na Esri, Kelubu natuna;
1CH 27:27 bona vine imeadia itataodia tauna na Simei, tau Ramata; bona vine anidia, vine ranuna e haboumu gabudia bae laohai ḡaudia, itataodia na Sabdi, tau Sifimi.
1CH 27:28 Olive bona suke audia Sefela ai itataodia tauna na Baal-hanana, tau Gedere; bona e habou dehorodia itataodia tauna na Ioasa.
1CH 27:29 Saron ai e reḡudia seridia itataodia tauna na Sitrai, tau Saron; bona koura ai e reḡudia seridia itataodia tauna na Safata, Adlai natuna.
1CH 27:30 Kamelo itataodia tauna na Obili, tau Ismael; bona doniki hahinedia itataodia tauna na Iehedeia, tau Meronoto. Mamoe seridia itataodia tauna na Iasisi, tau Hagere.
1CH 27:31 Ini iboudiai na King David ena kohu ireḡudia.
1CH 27:32 Ionatan, David tamana lahaina, na gwau-sisiba tauna, badina be ia na diba momo tauna bona itorena tauna. Ia bona Iehiele, Hakamoni natuna, ese hanua pavapavana natuna e naridia.
1CH 27:33 Ahitofel na hanua pavapavana ena gwau-sisiba tauna, bona Husai tau Araki na hanua pavapavana turana.
1CH 27:34 Ahitofel gabuna na Iehoiada Benaia bona Abiatara ese e abia. Ioab na hanua pavapavana ena tuari oreana biaguna.
1CH 28:1 David ese Israel ena heitatao taudia bona iduhu ta ta edia heitatao taudia, bona hanua pavapavana isiaina e lao heniva oreadia biagudia, bona daha bona sinahu lohiadia, bona hanua pavapavana mai natuna ida edia kohu bona edia boromakau iboudiai ireḡudia taudia, bona hanua pavapavana ena ruma itataona taudia, bona goada-herea taudia bona tuari manada taudia iboudiai, na e haboudia, Ierusalem ai.
1CH 28:2 Bena King David e tore isi, eto. Tadikakagu bona egu orea taumui e, a kamonai henigu. Lalogu na hadaia dubu auta baina haginia nato, Iehova ena taravatu mauana baine heato gabuna bona eda Dirava aena ihadaina gabuna; bena ihaginina daladia na lailai.
1CH 28:3 A Dirava ese e hamaorogu, eto: Dubu auta basio haginia, lau ladagu ena, badina be oi na tuari tauna, bona taunimanima raradia vada o hahebubu.
1CH 28:4 Ḡau tamona, Iehova, Israel Diravana, ese tamagu ena ruma taudia iboudiai bogaragidia amo e abigu hidi, Israel baina lohiaia hanaihanai. Badina be ia ese Iuda e abia hidi, baine hegunalai, bona Iuda iduhuna amo lau tamagu ena ruma e abia hidi, bona tamagu natuna bogaragidia amo lau e lalo namo henigu, Israel idoinai baina lohiaia eto.
1CH 28:5 Bona natugu mamaruanedia iboudiai bogaragidia amo (badina be Iehova ese natugu hutuma vada e henigu) ia ese lau natugu Solomon vada e abia hidi, Iehova ena basileia teronona latanai baine helai, Israel baine lohiaia.
1CH 28:6 Ia ese e hamaorogu, eto: Oi natumu Solomon ese egu dubu bona egu maḡu baine haginidia, badina be vada na abia hidi, ia na lau natugu ai bainela, bona lau na ia tamana ai bainala.
1CH 28:7 Bema ia ese egu haheḡani bona egu taravatu baine badinadia namonamo, asi dokona, hari ina dina ai e karamu heḡereḡerena, lau ese ena basileia baina haginia hanaihanai.
1CH 28:8 Taunabunai, harihari Israel taudia iboudiai, Iehova ena hegogo taudia vairadiai, bona eda Dirava ena kamonai ai, Iehova, emui Dirava, ena haheḡani iboudiai ba badinadia bona ba tahudia, bena ina tano namona bavabia oiemu, bona ba rakatania, garana ahudia ai bainela ela bona hanaihanai.
1CH 28:9 Bona oi, natugu Solomon e, tamamu ena Dirava enai ba manada, bona isiaina ba lao heni mai lalomu idoinai bona mai lalo-uramu idoinai; badina be Iehova ese taunimanima iboudiai lalodia e tahudiamu, bona lalo-hata bona lalo-hadai iboudiai na dibana. Boma tahua, vada ba davaria; a boma rakatania, ia ese baine negemu daure ela bona hanaihanai.
1CH 28:10 Harihari nahuamu a tohoa, badina be Iehova ese vada e abimu hidi, helaḡa gabuna dubuna ba haginia. Ba goada, vada ba karaia.
1CH 28:11 Bena David ese dubu raka-vareaina bona rumana, bona habou-habou daiutudia, bona atai daiutudia, bona laloma daiutudia, bona hebogahisi teronona daiutuna, ikaradia dalana e laloa hata ḡauna na ia natuna Solomon e henia;
1CH 28:12 ma lalona ai e lalo hatalai ḡaudia iboudiai danu: Iehova ena dubu maḡudia, bona hagere-kau heḡeḡe daiutudia, bona Dirava ena dubu ena habou-habou daiutudia, bona herahia helaḡadia ihaboudia daiutudia;
1CH 28:13 bona hahelaḡa taudia bona Levi taudia edia orea, bona Dirava ena dubu ḡaukaradia iboudiai; bona Iehova ena dubu lalona ḡaukaradia ḡaudia iboudiai,
1CH 28:14 ḡaukara ta ta edia gold ḡaudia metaudia, bona ḡaukara ta ta edia silver ḡaudia metaudia;
1CH 28:15 bona lamepa patadia, gold amo e kara ḡaudia, mai lamepadia ida, metaudia; lamepa patadia ta ta mai lamepadia ida edia gold metaudia, bona lamepa patana ta mai lamepana ida edia silver metaudia, lamepa patadia ta ta ena ḡaukara ena ḡaukara heḡereḡeredia;
1CH 28:16 bona flaoa helaḡana patadia ta ta edia gold metaudia, bona silver patadia edia silver metaudia;
1CH 28:17 bona gold ḡoeva-daena, kahi bona kibokibo bona kehere ikaralaidia; bona gold dihudia ta ta metaudia; bona silver dihudia ta ta metaudia;
1CH 28:18 bona muramura mai bonadia patana, gold ḡoeva-daena amo e karaia ḡauna, metauna; bona hanidia e toi roro, Iehova ena taravatu mauana e goru ahu, kerubidia edia gold kariotana danu e laloa hata.
1CH 28:19 Ini iboudiai na Iehova imana ena toretore ḡaudia ese e hahedinaraidia ḡoeva, ḡaukara iboudiai na bae hekara e helalo hatalai heḡereḡerena.
1CH 28:20 Bena David ese natuna Solomon e hamaoroa, eto, Ba goada, ba boga auka, ba karaia. Basio gari, kudoumu basine hetaha, badina be Dirava Iehova, lauegu Dirava, na oi ida. Ia na basine lalomu rea bona basine rakatanimu, ela bona Iehova ena dubu gaukaradia iboudiai bae ore.
1CH 28:21 A itaia, hahelaḡa taudia bona Levi taudia oreadia, Dirava ena dubu ḡaukaradia iboudiai ikaradia taudia; bona lalo-ura taudia iboudiai, ḡaukara idau-idau ikaradia mai dibadia taudia, na oi ida, ḡaukara idoinai lalonai; bona heitatao taudia bona taunimanima iboudiai ese oiemu haheḡani bae badinadia.
1CH 29:1 David, hanua pavapavana, ese hebou taudia iboudiai e hamaorodia, eto, Natugu Solomon sibona na Dirava ena abi-hidi tauna, to ia na eregabe, bona ḡaukara ai do asine manada; ḡaukara danu bada herea, badina be ina ruma badana na dia taunimanima edia, a Dirava Iehova ena.
1CH 29:2 Taunabunai, egu Dirava ena dubu kohudia vada na heḡaeḡaelai, egu goada heḡereḡerena: gold, gold gaudia edia; silver, silver ḡaudia edia; bronze, bronze ḡaudia edia; auri, auri ḡaudia edia; au, au ḡaudia edia; bona onuku nadidia, bona herahera nadidia haida, puku nadidia, oromadia idau-idau nadidia, dava-bada nadidia idau-idau, bona nadi hururu-hururudia.
1CH 29:3 Ina danu, egu Dirava ena dubu na lalokau heniamu dainai, ini ruma helaḡa kohuna iboudiai na habou latadiai lauegu kohu korikori, gold bona silver, na egu Dirava ena dubu na heniamu:
1CH 29:4 gold talent daha-toi, Ofiri gold-na, bona silver ḡoeva-daena talent daha-hitu, dubu habana igovalaidia;
1CH 29:5 bona karakara ai ima-namo taudia edia ḡaukara iboudiai ikaralaidia gaudia, gold, gold ḡaudia edia, bona silver, silver ḡaudia edia. Daika na hari ina dina ai mai ura-kwalimuna ida sibona baine heato lasi Iehova enai?
1CH 29:6 Bena iduhu kwaradia ese edia herahia ḡaudia e heni, bona iduhu lohiadia bona daha bona sinahu lohiadia bona hanua pavapavana ena ḡaukara itataona taudia danu.
1CH 29:7 Dirava ena dubu gaukaradia ikaralaidia totona e heni ḡaudia na gold talent daha-ima bona golddarikidia gerebu-ta, silver talent gerebu-ta, bronze talent gerebu-ta daha-taurahani, bona auri talent domaga-ta.
1CH 29:8 Bona mai edia dava-bada nadidia ese e heni, Iehova ena dubu habou-habou rumadia ai e ato, Iehiele, tau Gereson, imana ai.
1CH 29:9 Bena taunimanima na e moale, badina be vada e heni mai lalo-uradia ida; badina be idia ese mai lalodia idoidiai Iehova vada e henia dudukau. David, hanua pavapavana, danu e moale bada herea.
1CH 29:10 Taunabunai, David ese Iehova e hanamoa, hebou taudia iboudiai vairadiai. David eto: Iehova e, senemai Israel ena Dirava, oi bae hanamomu hanaihanai.
1CH 29:11 Iehova e, goada bona siahu bona hairai bona kwalimu bona herea-dae na oiemu; badina be ḡau iboudiai guba ai bona tanobada ai na oiemu. Iehova e, basileia na oiemu; vada e imodaimumu, ḡau iboudiai ikwaradia.
1CH 29:12 Taḡa bona hemataurai e maimu daladia na oiemu amo; oi ese ḡau iboudiai o biagudiamu. Siahu bona goada na oi imamu ai; oi imamu ai na ḡau iboudiai ihabadadia bona ihagoadadia.
1CH 29:13 Dirava e, harihari a hanamomumu, bona oi ladamu herea-daena a imodaiamu.
1CH 29:14 A lau be daika, bona egu orea taudia be daidia, bena mai emai dala emai lalo-ura ai herahia baia heni? Badina be ḡau iboudiai na oiemu amo e maimu, bena oi sibomu emu ḡau ma vada a henimu lou.
1CH 29:15 Badina be oi vairamu ai ai na idau taumai bona noho-hedoa taumai, senemai iboudiai heḡereḡeredia; emai dina tanobada ai na laulau na heto, asi emai helaro.
1CH 29:16 Iehova e, ai emai Dirava, ini kohu momo ai ese vada a heḡaeḡaelai, dubu auta, oi ladamu helaḡana ena, ihaginina totona, na oi sibomu imamu amo bona oi sibomu emu ḡau.
1CH 29:17 Egu Dirava e, lau dibagu oi ese taunimanima lalodia o tohodiamu, bona kara maoromaoro o moalelaiamu; mai lalogu maoromaorona ida ini ḡau iboudiai vada na heni dudukau, bona harihari oiemu orea taudia hahidaosi iniseni ai nonoho vada na itadia, idia na edia herahia ḡaudia e henimu dudukaumu mai moaledia ida.
1CH 29:18 Iehova e, senemai Abraham bona Isaak bona Israel edia Dirava, ura bona lalo-hadai unuhetomadia na emu orea taudia lalodia ai ba hamiadia hanaihanai, bona lalodia ba ha-uradia, idia na oi mo bae haḡeremu.
1CH 29:19 Natugu Solomon danu ba ha-uraia, bena ia ese mai lalona idoinai emu haheḡani bona emu hahediba herevadia bona emu taravatu baine badinadia, iboudiai na anidia baine kara, bona ruma badana, kohuna na lau ese vada na heḡaeḡaelai ḡauna, na ia ese baine haginia.
1CH 29:20 Bena David ese hebou taudia iboudiai e haḡanidia, eto, Iehova, emui Dirava, ha hanamoa. Bena hebou taudia iboudiai ese Iehova, senedia edia Dirava, e hanamoa, e igo diho, Iehova e toma henia diho; bona hanua pavapavana vairanai danu e igo diho.
1CH 29:21 Bena boubou ḡaudia e hahelaḡadia, Iehova ena; bona daba-rerena ai ḡole-oho bouboudia na e hahelaḡadia. Iehova ena, boromakau mamaruanedia daha-ta, bona mamoe natudia daha-ta; edia inuinu bouboudia danu e hahelaḡadia, bona boubou ḡaudia momo herea, Israel taudia iboudiai daidiai.
1CH 29:22 Bena una dina ai idia na Iehova vairanai e aniani bona e inuinu, mai moale badadia ida. Bena Solomon, David natuna, na pavapava ai ma e halaoa, nega iharuana, bona ma e horoa, bese pavapavana, Iehova ena. Bona Sadok danu e horoa, hahelaḡa tauna ai e halaoa.
1CH 29:23 Bena Solomon na Iehova ena terono ai e helai, tamana David gabuna ai e lohia; ena namo e habadaia e laova, bona Israel idoinai ese ia erena e kamonai.
1CH 29:24 Lohia iboudiai bona goada taudia iboudiai bona King David natuna iboudiai ese edia gwauhamata na King Solomon e henia.
1CH 29:25 Bena Iehova ese Solomon harina e habadaia, Israel taudia iboudiai vairadiai, bona siahu herea-daena e henia; Israel pavapavana ta, ia e gunalaia taudia bogaragidia amo, na siahu unuhetomana asie henia.
1CH 29:26 David, Iese natuna, ese Israel idoinai unu e lohiaia toma.
1CH 29:27 Ena lohia laḡanidia Israel ai na hari-ahui; laḡani hitu ia ese Heberon ai e lohiaia, bona laḡani toi-ahui toi Ierusalem ai.
1CH 29:28 Bena burukana ai e mase; ena dina na hoho, ena taḡa bona imatauraina danu na bada herea. Bena natuna Solomon na ia gabuna ai e lohia.
1CH 29:29 King David ena kara, matamana amo ela bona dokona, na mata-hanai tauna Samuel bona peroveta tauna Natan bona mata-hanai tauna Gad Sisigadia bukadia ai e hetore;
1CH 29:30 ena lohia karadia, bona ena siahu, bona ienai bona Israel enai bona unu tano basileiadia iboudiai ediai e vara ḡaudia, sivaraidia danu.
2CH 1:1 Solomon, David natuna, ese sibona ena siahu e haginia auka ena basileia lalonai. Iehova, ena Dirava, na ia ida, bona e habadaia herea.
2CH 1:2 Solomon ese Israel taudia iboudiai e hereva henidia, daha bona sinahu lohiadia, hahemaoro taudia, bona hegunalai taudia Israel idoinai lalonai ai, edia iduhu kwaradia.
2CH 1:3 Bena Solomon bona hebou taudia iboudiai ia ida na atai gabuna ela, Gibeon ai; badina be Dirava ena hebou kalagana, Iehova ena hesiai tauna Mose ese tano ḡaḡaena ai e karaia ḡauna, na unuseni ai.
2CH 1:4 (A David ese Dirava ena maua helaḡana na Kiriat-iearimi amo vada e mailaia; David ese e heḡaeḡaelaia gabuna ai, Ierusalem ai, vada e atoa; badina be ia ese kalagana auta vada e haginia Ierusalem ai.)
2CH 1:5 Auri-laboralabora ihaboulaina patana. Besalele, Uri Huru natuna, ese e karaia ḡauna, na unuseni ai, Iehova ena kalaga helaḡana vairanai. Bena Solomon bona hebou taudia iboudiai ese lehove e tahua.
2CH 1:6 Bena Solomon na hari auri-laboralabora ihaboulaina patana e dae henia Iehova vairanai, hari hebou kalagana gabuna ai, bona ḡole-oho boubou ḡaudia daha-ta e hahelaḡadia ia latanai.
2CH 1:7 Una hanuaboi ai Dirava ese Solomon e hahedinarai henia, e hereva henia, eto, A hereva, dahaka baina henimu.
2CH 1:8 Bena Solomon ese Dirava e haere henia, eto, Oi ese tamagu David o bogaia hisi bada, bona pavapava ai vada o halaogu ia gabuna ai.
2CH 1:9 Dirava Iehova e, emu gwauhamata tamagu David o henia na harihari ba hamomokania; badina be bese badana ta, tano gahuna na heto, edia pavapava ai vada o halaogu.
2CH 1:10 Harihari aonega bona lalo-parara ba henigu, ini taunimanima vairadiai baina raka lasi bona baina raka vareai; badina be emu orea bada-hereana binai daika ese baine lohiaia diba?
2CH 1:11 Bena Dirava ese Solomon e haere henia, eto, Badina be emu lalo-hadai na iniheto, bona kohu eiava taḡa eiava imatauraimu so gwaurai, bona inaimu edia mauri so revadia, oibe, mauri daudauna danu so gwauraia, a aonega bona lalo-parara vada o gwaurai emu, egu orea taudia, pavapavadia ai vada na halaomu oreana, na ba lohiadia helaoreana,
2CH 1:12 una dainai aonega bona lalo-parara do bavabi. Lau ese danu taḡa bona kohu bona imatauraimu baina henimu; pavapava ta, e gunalaimu tauna ta eiava murimu ai baine lohia tauna ta, na oi ida basie heḡereḡere.
2CH 1:13 Taunabunai, Solomon na atai gabuna Gibeon ai, hebou kalagana vairana amo, e diho, Ierusalem ela. Bena ia ese Israel e lohiaia.
2CH 1:14 Solomon ese kariota bona hosi-gui taudia na e haboudia. Ena kariota na daha-ta sinahu-hani, bona ena hosi-gui taudia na gerebu-ta daha-rua, kariota hanuadia lalodiai bona Ierusalem ai, hanua pavapavana dekenai, e hanohodia.
2CH 1:15 Hanua pavapavana ese silver bona gold na ḡau pipikidia ai e halaodia Ierusalem ai, nadi na heheto; bona sida audia na e hahohodia, Sefela sukeaudia na heheto.
2CH 1:16 Solomon ena hosi na Aigupto bona Kue amo e abidia; hanua pavapavana ena hoihoi taudia ese Kue amo e abidia, mai davadia.
2CH 1:17 Kariota ta na Aigupto amo e abia, davana na silver sekeledia sinahutauratoi; bona hosi ta davana na silver sekeledia sinahu-ta imahui. Bena idia ese ma e hoihoilaidia lou, Hiti taudia edia pavapava iboudiai bona Suria pavapavadia ediai.
2CH 2:1 Solomon ena lalo-hadai na dubu auta baine haginia, Iehova ladana ena, bona pavapava rumana auta, ia sibona ena.
2CH 2:2 Bena Solomon ese tatau gerebu-hitu e haḡaukaradia, kohu bae hua, bona gerebu-taurahani, ororo kahadia ai nadi bae ḡei, bona daha-toi sinahu-tauratoi na bae heita tao.
2CH 2:3 Bena Solomon ese hereva e siaia, Hurama, Turo pavapavana, enai, eto, Sida audia na tamagu David dekena o siaidia, ena noho rumana baine haginia totona; ia o kara henia heḡereḡerena lau danu unu ba kara henigu toma.
2CH 2:4 A itaia, lau na harihari dubu auta baina haginia, Iehova, egu Dirava, ladana ena, bona baina hahelaḡaia iena, muramura mai bonadia namodia ia vairanai bae gabudia bona flaoa helaḡana bae heni loulou bona daba bona adorahi ḡole-oho bouboudia na dina helaḡadia ai bona hua matamatadia negadia ai bona Iehova, emai Dirava, ena aria dinadia ai bae hahelaḡadia totona, Israel taravana vada e atua ela bona hanaihanai heḡereḡerena.
2CH 2:5 Baina haginia dubuna na baine bada, badina be emai Dirava ese dirava iboudiai e hereadiamu.
2CH 2:6 A daika ese iena ruma auta baine haginia diba? Badina be guba, oibe guba atai-dorivadorivana, na se heḡereḡere iena noho gabuna ai bainela. Lau be daika, iena ruma auta baina haginia? Lasi, muramura mai bonana ia vairanai bae gabua gabuna mo.
2CH 2:7 Taunabunai, mani emu kara tau ta ba siaia mai, gold bona silver bona bronze bona auri bona dabua mia-kakadia bona kakakakadia bona vaiuridia iḡaukaralaidia bona ḡau ikorodia mai dibana tauna; ia ese ḡaukara idibaka taudia lau dekegu ai Iuda ai bona Ierusalem ai, tamagu David ese e abidia hidi taudia, na baine bamodia.
2CH 2:8 Sida bona beroso bona boto audia danu Lebanon amo ba siaidia mai, badina be lau dibagu oiemu hesiai taudia na Lebanon audia iutudia mai dibadia. Lauegu hesiai taudia na oiemu hesiai taudia ida
2CH 2:9 au momo herea bae abi heḡaeḡae egu, badina be baina haginia dubuna na baine bada bona hoa-mase ḡauna.
2CH 2:10 Emu hesiai taudia, au-utu taudia, na davadia baina heni: e kwadi uitina koro gerebu-rua, bali koro gerebu-rua, vine ranuna bata gerebu-rua, bona dehoro bata gerebu-rua.
2CH 2:11 Bena Hurama, Turo pavapavana, ese ena haere na revareva amo e siaia lao, Solomon dekenai; eto, Iehova ese ena orea taudia e ura henidiamu dainai, ia ese edia pavapava ai vada e halaomu.
2CH 2:12 Hurama ma eto, Iehova, Israel Diravana, guba bona tanobada ikaradia Diravana, bae hanamoa; ia ese King David na natuna ta vada e henia, aonega tauna, mai ena diba-maoro bona mai ena lalo-parara. Ia ese dubu auta baine haginia, Iehova ena, bona pavapava rumana auta, ia sibona ena.
2CH 2:13 Taunabunai lau ese ḡaukara idibakana bona lalo-parara tauna ta vada na siaia vasi. Ia ladana na Huram-abi;
2CH 2:14 ia na Dan iduhuna hahinena ta natuna, a tamana na Turo tauna. Gold bona silver bona bronze, bona auri bona nadi bona au, bona dabua mia-kakadia bona vaiuridia bona kakakakadia bona aukadia, iḡaukaralaidia na mai dibana, bona ḡau idau-idau ikorodia danu; bona ba henia ḡaukaradia dahaka dahaka baine karadia diba. Ia na oiemu ḡaukara idibaka taudia, egu lohia oi tamamu David ena ḡaukara idibaka taudia, ida bae ḡaukara hebou.
2CH 2:15 Taunabunai, hari uit bona bali bona vine ranuna bona dehoro, egu lohia ese vada e herevalai ḡaudia, na vada baine siaidia, ena hesiai taudia dekediai.
2CH 2:16 Bena ai ese dahaka dahaka o uramu audia na Lebanon ai baia utu; bena keridia baia rai, davara amo baia toidia vasi ela bona lopa; bena unu amo ba daelaidia Ierusalem ai.
2CH 2:17 Bena Solomon ese idau bese taudia Israel tanona ai e nohova na e hagaudia, tamana David ese e karaia heḡereḡerena; iboudiai na domaga-ta gerebu-ima daha-toi sinahu-tauratoi e davaridia.
2CH 2:18 Bena ia ese e haḡaukaradia: tatau gerebu-hitu na kohu bae hua; tatau gerebu-taurahani na ororo kahadia ai nadi bae ḡei; bona tatau daha-toi sinahu-tauratoi na heitatao taudia ai e halaodia, idia ese taunimanima bae haḡaukaradia totona.
2CH 3:1 Bena Solomon ese Iehova ena dubu na Ierusalem ai e haginia matama, Moria ororona ai; una gabu ai Iehova ese ia tamana David e hahedinarai henia, bena David ese una gabu e abia hidi, Oronana, tau Iebusu, ena uit ikwadina gabuna ai.
2CH 3:2 Ena lohia laḡanina ihahanina huana iharuana ai, ia ese e haginia matama.
2CH 3:3 Solomon ese Dirava ena dubu badidia na ini e karadia toma: latana na kiubit tauratoi-ahui (una na sene edia kiubit), bona lababana na kiubit ruahui.
2CH 3:4 Dubu vairana kahana dehena ena lata na kiubit ruahui, dubu lababana heḡereḡerena; bona harana latana na kiubit sinahu-ta ruahui. Laloma kahana na gold ḡoeva-daena amo e ḡovaia.
2CH 3:5 Dubu laloikoudia na beroso audia, gold ḡoeva-daena amo e ḡovadia, bona heraheradia e kara, pamu audia bona gold varodia.
2CH 3:6 Dubu na dava-bada nadidia namohereadia amo e haheraia; bona gold na Paravaimi gold-na.
2CH 3:7 Taunabunai, ia ese dubu idoinai, lavadia bona raka-vareai audia bona habadia bona iduaradia, na gold amo e ḡovadia; bona haba ai na kerubi e korodia.
2CH 3:8 Bena ia ese helaḡa-herea gabuna e karaia; ena lata, dubu lababana heḡereḡerena, na kiubit ruahui, bona ena lababa na kiubit ruahui; bena gold ḡoeva-daena talent sinahu-tauratoi amo e ḡovaia.
2CH 3:9 Ikoko metaudia na gold sekele imahui. Atai daiutudia danu na gold amo e ḡovadia.
2CH 3:10 Helaḡa-herea gabuna ai ia ese kerubi rua au amo e korodia, bona gold amo e ḡovadia.
2CH 3:11 Kerubi ruaosi hanidia e toi roro negana ai edia lata idoinai na kiubit ruahui. Kerubi ta hanina ta, ena lata na kiubit ima, be dubu habana ai e hetomu kau, ma hanina ta, ia danu ena lata na kiubit ima, be kerubi iharuana hanina ida e hetomu heheni;
2CH 3:12 bona una kerubi hanina ta, ena lata na kiubit ima, be dubu habana ai e hetomu kau, ma hanina ta, ia danu ena lata na kiubit ima, be kerubi gini-gunana hanina ida e hetomu heheni.
2CH 3:13 Hari kerubi ruaosi hanidia edia lata idoinai na kiubit ruahui; kerubi na aedia ai e gini, dubu e vaira henia.
2CH 3:14 Ia ese seseahu na dabua vaiunna bona mia-kakana bona kakakakana bona aukana amo e karaia, bona kerubi laulaudia na seseahu dabuana ai e turi kau.
2CH 3:15 Dubu vairanai ia ese au-tubua rua e kara, edia lata na kiubit toi-ahui ima; bona ta ta doridia ai kwara ikorodia e kara, edia lata na kiubit ima.
2CH 3:16 Bena auri varodia e kara, ageva na heto, au-tubua doridia ai e atodia. Rimono huahuadia laulaudia sinahu-ta danu e kara, hari auri varodia ai e hakamo kau.
2CH 3:17 Unu au-tubua na dubu vairanai e haginidia, ta diho kahana ai bona ta mirigini kahana ai; diho kahana ḡauna ladana e hatoa lakin, bona mirigini kahana ḡauna ladana e hatoa Boa.
2CH 4:1 Ia ese ihaboulaina patana na auri labora-labora amo e karaia. Ena lata na kiubit ruahui bona ena lababa danu kiubit ruahui, bona harana latana na kiubit gwauta.
2CH 4:2 Bena ranu nauna bada-hereana na auri laboralabora, e havevea ḡauna, amo e karaia. Ia na kuboro-kuboro; ena lababa na kiubit gwauta, harana latana na kiubit ima, bona e hahetohoa heḡeḡe na kiubit toi-ahui.
2CH 4:3 Ia henunai na popou laulaudia, kiubit toi-ahuiosi ai e kara, nau e haḡeḡea dae; hari popou na ere rua ai e kara, nau ai e karaia kau tamona, e hahetaria negana ai e hahetaridia hebou.
2CH 4:4 Hari nau na boromakau mamaruanedia laulaudia gwauta-rua latadiai e helai kau: toi mirigini kahana e vaira henia, ma toi lahara kahana, ma toi diho kahana, ma toi laurabada kahana. Hari nau na idia latadiai e heato kau, bona iboudiai e hekunu heheni.
2CH 4:5 Nau udunana na ima palapala lababana heḡereḡerena; isena na kehere isena heḡereḡerena, sosana heraherana na heto. Ia anina na ranu bata daha-toi mai kahana.
2CH 4:6 Ia ese danu tohe gwauta e karadia, hurihuri ḡaudia; ima na diho kahana ai e atodia, bona ima na mirigini kahana ai. Idia lalodiai ḡole-oho boubou ḡaudia na e huridia, a hari nau badahereana na hahelaḡa taudia edia hehuri ḡauna.
2CH 4:7 Ia ese danu lamepa patadia gwauta, gold ḡaudia, na e karadia, e gwauraidia guna heḡereḡerena; bena dubu lalonai e atodia, ima na diho kahana ai bona ima na mirigini kahana ai.
2CH 4:8 Bona pata gwauta danu e karadia, dubu lalonai e atodia, ima na diho kahana ai bona ima na mirigini kahana ai. Ia ese danu nau sinahu-ta na gold amo e karadia.
2CH 4:9 Hahelaḡa taudia edia magu bona maḡu badana danu e karadia, bona magu iduaradia; hari iduara na auri labora-labora amo e govadia.
2CH 4:10 Nau bada-hereana na dubu laurabada kahana daigunina ai e haginia.
2CH 4:11 Hurama ese danu uro bona gaga bona nau e karadia. Taunabunai, King Solomon ese e henia ḡaukaradia na Hurama ese e ha-oredia, Dirava ena dubu ai:
2CH 4:12 au-tubua ruaosi, ilahasi-kuborodia, bona au-tubua doridia ikorodia; bona reke-hetomana ḡaudia ruaosi hari au-tubua doridia ikorodia ilahasi-kuborodia iḡegelaidia;
2CH 4:13 bona rimono huahuadia laulaudia sinahu-hani, reke-hetomana ḡaudia ruaosi edia, rimono huahuadia ere rua reke-hetomana ta ta edia, au-tubua doridia ikorodia ilahasi-kuborodia iḡovalaidia.
2CH 4:14 Ia ese rerue danu e karadia, bona tohe rerue latadiai;
2CH 4:15 bona nau bada-hereana tamona, bona boromakau mamaruanedia gwauta-ruaosi laulaudia ia henunai.
2CH 4:16 Uro bona gaga bona kahi, mai kohudia iboudiai ida, na Huram-abi ese e karadia, King Solomon ena; auri labora-labora amo e karadia kimore-kimore, Iehova ena dubu ena.
2CH 4:17 Unu ḡau na hanua pavapavana ese raro tanona gabuna ai e hahetaridia, Ioridane taorana ai, Sukoto bona Sereda padadiai.
2CH 4:18 Solomon ese ini ḡau iboudiai e karadia momo-momo; taunabunai auri labora-labora metauna na asie hahetohoa.
2CH 4:19 Taunabunai Solomon ese Dirava ena dubu kohuna iboudiai e karadia: ihaboulaina patana, gold ḡauna; bona flaoa helaḡana patadia,
2CH 4:20 bona lamepa patadia mai lamepadia ida, gold ḡoevaḡoevana amo e karadia, laloma daiutuna helaḡana vairanai bae ara totona, taravatu heḡereḡerena;
2CH 4:21 bona herahera bona lamepa bona ikahi, gold ḡoeva-daena ḡaudia;
2CH 4:22 bona lamepa ihaḡoevadia ḡaudia, bona nau, bona muramura mai bonadia urodia, bona gida keberedia, gold ḡoevaḡoevana ḡaudia; bona iduara ihahelai-dobidia, helaga-herea gabuna iduaradia bona dubu iduaradia ḡaudia, na gold amo e kara.
2CH 5:1 Taunabunai, Iehova ena dubu ḡaukaradia iboudiai na Solomon ese e karadia ore. Bena tamana David ese e hahelaḡadia gaudia na Solomon ese e vareailaidia, silver bona gold bona ḡau idau-idau iboudiai na Dirava ena dubu ena habou-habou daiutudia ai e haboudia.
2CH 5:2 Bena Solomon ese Israel tau-badadia bona iduhu lohiadia iboudiai bona Israel taudia edia iduhu igunalaidia taudia na Ierusalem ai e haboudia, Iehova ena taravatu mauana na David ena hanua, ladana Siona, amo bae daelaia totona.
2CH 5:3 Hua ihahituna ariana negana ai, Israel tataudia iboudiai na hanua pavapavana vairanai e hebou.
2CH 5:4 Israel tau-badadia iboudiai ema; bena Levi taudia ese maua helaḡana e abia isi.
2CH 5:5 Maua helaḡana bona hebou kalagana bona ḡau helagadia, kalaga lalonai e miava gaudia, iboudiai na e daelaidia; hahelaḡa taudia bona Levi taudia ese e daelaidia.
2CH 5:6 Bena King Solomon bona Israel hegogona idoinai, ia vairanai vada e hebou taudia, na maua helaḡana vairanai e gini, mamoe bona boromakau mamaruanedia momo herea na boubou ḡaudia ai e halaodia, asi ihagaudia bona asi iduahidia.
2CH 5:7 Taunabunai hahelaḡa taudia ese Iehova ena taravatu mauana na e mailaia, ena gabu ai e atoa, dubu ena laloma daiutuna helaḡana lalonai, helaḡa-herea gabuna ai, kerubi hanidia henudiai.
2CH 5:8 Badina be kerubi ese hanidia e toi roro, maua helaḡana ena gabu daenai; taunabunai kerubi ese maua helaḡana mai madunana audia ida e govadia ahu.
2CH 5:9 Hari maduna audia na lalata heherea dainai, dududia na laloma daiutuna helaḡana vairana kahana ai dubu irutahunana amo e heitava; a dubu murimurina amo na asie heitava. Unu e mia tomamu ema bona ina dina.
2CH 5:10 Asi ḡau ta maua helaḡana lalonai, hari huro-nadidia palakadia ruaosi, Horeb ai Mose ese e udadia ḡaudia mo; una na vanegai Iehova ese Israel taudia taravadia e atu gabuna, Aigupto tanona amo e raka lasiva negana ai.
2CH 5:11 Una negana ai hahelaḡa taudia na gabu helaḡana amo e raka lasi; badina be hahelaḡa taudia iboudiai una hebou ai na sibodia vada e hahelaḡa, edia orea na asie lalodia.
2CH 5:12 Bena ane-abi taudia Levi iduhuna amo, Asaf bona Hemana bona ledutunu mai natudia bona varavaradia ida, na dabua aukadia e hahedokilai, bona edia botabota auridia bona edia hatai-hatai ḡaudia badadia bona maraḡidia e abidia; bena ihaboulaina patana mairiveina kahana ai, hahelaḡa taudia sinahu-ta ruahui, kibi-hiriri taudia, ida e gini.
2CH 5:13 Hari kibi-hiriri taudia bona ane-abi taudia edia ḡaukara be Iehova bae imodaia bona bae hanamoa hebou. Bena ane e ladaia isi, mai kibi bona botabota auridia bona hatai-hatai ḡaudia idau-idau regedia ida, Iehova ihanamolaina: eto, Badina be ia na namo; Badina be ena hebogahisi na e hesiriu hanaihanaimu. Una negana ai hari dubu, Iehova ena dubu, na ori ta ese e hahonua;
2CH 5:14 bena hahelaḡa taudia na hesiai karadia ikaradia totona asie gini diba, ori dainai; badina be Iehova hairaina ese Dirava ena dubu e hahonua.
2CH 6:1 Bena Solomon eto, Iehova vada e hereva, dibura masemase lalonai baine noho eto,
2CH 6:2 Lau ese ruma herea-daena vada na hadaia oiemu, emu noho gabuna ai bainela, ela bona hanaihanai.
2CH 6:3 Bena Israel taudia, una hegogo taudia, do ginidia ai, hanua pavapavana na e gini kerehai, Israel hegogona idoinai e hanamoa.
2CH 6:4 Ia eto, Iehova, Israel Diravana, aita hanamoa. Ia ese ena gwauhamata, uduna amo tamagu David e hamaorolaia ḡauna, na imana amo vada e hamomokania. Ia eto
2CH 6:5 “Egu orea taudia na Aigupto tanona amo na hakaua lasi dinana amo ema, Israel iduhuna iboudiai lalodia amo hanua ta asina abia hidi, lau ladagu baine noholaia rumana auta baine gini gabuna; bona tau ta asina abia hidi, egu bese Israel baine lohiaia.
2CH 6:6 A harihari lau ese Ierusalem vada na abia hidi, lau ladagu na unuseni ai baine noho; bona David vada na abia hidi, egu hese Israel baine lohiaia.”
2CH 6:7 Tamagu David ena lalo-hadai be dubu auta baine haginia, Iehova, Israel Diravana, ladana ena.
2CH 6:8 A Iehova ese tamagu David e hamaoroa, eto “Emu lalo-hadai be lau ladagu dubuna auta ba haginia, bona unu o laloa tomamu be namo;
2CH 6:9 ḡau tamona, oi na dubu basio haginia, a natumu, do baine vara merona, ese lau ladagu dubuna baine haginia.”
2CH 6:10 Harihari Iehova ese ena gwauhamata vada e hamomokania; badina be lau vada na tore isi, tamagu David gabuna ai, bona Israel teronona ai na helaimu, Iehova ena gwauhamata heḡereḡerena, bona dubu vada na haginia, Iehova, Israel Diravana, ladana ena.
2CH 6:11 Unuseni ai maua helaḡana vada na atoa; ia lalonai Iehova ena taravatu, Israel taudia taravadia e atulai ḡauna, na e heudamu.
2CH 6:12 Bena Solomon na Iehova ena ihaboulaina patana vairanai e gini, Israel hegogona idoinai vairanai; bena imana na e toi roro.
2CH 6:13 Solomon na pata ta auri labora-labora amo vada e karaia, dubu maḡuna ai vada e haginia; ena lata na kiubit ima, ena lababa danu kiubit ima, bona harana latana na kiubit toi. Ia na latanai e gini, tuina e hadai, Israel hegogo idoinai vairanai, bona imana e toi roro, guba e dudui henia.
2CH 6:14 Bena eto, Iehova e, Israel Diravana, asi Dirava ta oi heḡereḡeremu, guba ai eiava tanobada ai; emu gwauhamata o badinaiamu, bona emu hesiai taudia, oi vairamu ai e rakamu mai lalodia idoidiai ida taudia, o bogadia hisimu.
2CH 6:15 Oi ese emu hesiai tauna lau tamagu David o hamaorolaia herevana vada o badinaia; oibe, udumu amo o gwauraia bona imamu amo vada o hamomokania hari ina dina ai.
2CH 6:16 Taunabunai, Iehova e, Israel Diravana, emu hesiai tauna lau tamagu David o gwau henia hamata ḡauna na ba badinaia, oto “Natumu na edia dala nahuadia bema toho bona lau vairagu ai bema raka, oi ese lau vairagu ai vada o raka heḡereḡerena, oi garamu ese basie moru, Israel teronona ihelai-kauna ai”.
2CH 6:17 Taunabunai, Iehova e, Israel Diravana, emu hereva, emu hesiai tauna David o hamaorolaia herevana, na ba hamomokania.
2CH 6:18 To Dirava na momokani taunimanima ida tanobada ai baine noho a? A itaia, guba atai doriva-dorivana na se heḡereḡere emu noho gabuna; matona, ina lau ese vada na haginia dubuna na ede baine heḡereḡere toma?
2CH 6:19 Ḡau tamona, emu hesiai tauna egu ḡuriḡuri bona egu noinoi bavabi dae. Iehova e, egu Dirava, emu hesiai tauna egu taitai bona egu ḡuriḡuri oi vairamu ai na ba hakala heni;
2CH 6:20 bena ina dubu, vada o gwauraia hamata oi ladamu na iniseni ai bavatoa gabuna, na dina ai bona hanuaboi ai ba haḡerea, emu hesiai tauna egu ḡuriḡuri, ina gabu enai na gwauraiamu ḡauna, na ba hakala henia totona.
2CH 6:21 Emu hesiai tauna bona emu bese Israel na emai ḡuriḡuri ai ina gabu baia vaira henia negadia ai, emai noinoi ba kamonai; oibe, guba ai emu noho gabuna amo ba kamonai; bona ba kamonai negana ai emai dika ba gwau tao.
2CH 6:22 Tau ta ese ia dekena tauna bema kara dika henia, bena bema haduaia baine gwau hamata, bena bainema, ena gwauhamata na ina dubu lalonai emu ihaboulaina patana vairanai baine gwauraia,
2CH 6:23 oi ese guba ai ba kamonai, bona karana ba karaia; emu hesiai taudia ba hahemaoro henidia, kerere tauna na ba revaia, ena kara na ia sibona kwarana ai ba haloua, bona kara maoromaoro tauna na maorona ba gwauraia, ena kara maoromaoro heḡereḡerena davana do ba henia.
2CH 6:24 Emu bese Israel na inaidia vairadiai bema darere, oiemu ai vada e kara dika dainai, negadia ai na bema lou henimu, bena oi ladamu bema matauraia, bona ina dubu ai bema ḡurimu bona bema noi henimu,
2CH 6:25 oi ese guba ai ba kamonai, bona emu bese Israel edia dika ba gwau tao, bona ba loulaidia, idia bona senedia o henidia tanona lalonai.
2CH 6:26 Emu ai bae kara dika dainai guba baine hekou bona medu basine diho negadia ai, ina gabu enai bema ḡuriḡuri, bona oi ladamu bema matauraia, bona ba hahisihisidia negadia ai edia kara dika bema rakatanidia,
2CH 6:27 oi ese guba ai ba kamonai, bena emu hesiai taudia, emu bese Israel, edia dika ba gwau tao, edia raka dalana namona ba hadibalaidia negana ai; bona emu tano, emu bese taudia vada o henidia bae ḡaunaia tanona, latanai medu ba hadihoa.
2CH 6:28 Tano ai doe bema vara, eiava dai-hanai gorerena, eiava hogohogo eiava valavala eiava kwadi eiava rautunu; eiava inaidia na edia hanua ta ai bema koudia heḡeḡe; eiava edena gorere eiava edena hisihisi bema vara;
2CH 6:29 una negana ai edena guriḡuri eiava edena noinoi tau ta ese eiava emu bese Israel taudia iboudiai ese bae henimu, ta ta sibona sibona ena hisihisi bona ena lalo-hisihisi dibadia ai bona imadia ina dubu bae toi roro henia ai,
2CH 6:30 oi ese emu noho gabuna guba ai ba kamonai bona edia dika ba gwau tao, bona lalodia o dibadiamu taudia ba kara henidia, ta ta ena kara ena kara heḡereḡerena ba henidia, badina be oi sibomu ese taunimanima natudia iboudiai lalodia o dibadiamu.
2CH 6:31 Taunabunai, idia ese oi garimu bae gari bona oiemu dala ai bae raka, senemai o henidiamu tanona ai bae noho dinadia iboudiai lalodiai.
2CH 6:32 Unuhetomana danu idau tauna ta, dia emu bese Israel tauna ta, na tano daudauna amo bainema, oi ladamu herea-daena bona imamu goadana bona imamu hetoi-rorona bagudiai; bena bainema, ina dubu enai baine ḡuriḡuri;
2CH 6:33 una negana ai emu noho gabuna guba ai ba kamonai, idau tauna ena noinoi gaudia iboudiai ba henia; unu amo tanobada besedia iboudiai ese oi ladamu bae diba bona oi garimu bae gari, emu bese Israel heḡereḡeredia, bona bae diba danu ina lau ese vada na haginia dubuna na oi ladamu vada e hahenemailaia.
2CH 6:34 Emu orea taudia ese inaidia bema tuari henidia, oi ese boma siaidia dalana ta amo, bena ina oi ese vada o abia hidi hanuana enai bona oi ladamu dainai vada na haginia dubuna enai bema ḡuriḡuri,
2CH 6:35 oi ese guba ai edia ḡuriḡuri bona edia noinoi ba kamonaidia, bona edia namo ba hamiaia.
2CH 6:36 Oiemu ai kara dika bema kara (badina be dika se karamu tauna ta na lasi), bena boma badu henidia bona inaidia imadia ai boma atodia, bena mai iḡuidia ida inaidia edia tano bema laohaidia, gabu daudau eiava kahikahi,
2CH 6:37 ḡau tamona, mai iḡuidia ida e laohaidia tanona ai bema haeroa bona bema helalo kerehai, bona e ḡuidia taudia edia tano ai oi bema tai henimu, bema toma “Ai na vada a kerere, vada a kara havara, vada a kara dika”;
2CH 6:38 oibe, bema helalo kerehai mai daradia idoidiai bona mai lalodia idoidiai, inaidia, hari e ḡuidia taudia edia tano ai, bona edia tano, senedia o henidia tanona, bona o abia hidi hanuana, bona ina oi ladamu bagunai vada na haginia dubuna, bema vaira henidia, oi bema ḡurimu,
2CH 6:39 oi ese emu noho gabuna guba ai edia ḡuriḡuri bona edia noinoi ba kamonai, bona edia namo ba hamiaia, bona emu orea taudia edia kara dika oiemu ai do ba gwau tao.
2CH 6:40 Egu Dirava e, harihari oi matamu a hapapadia bona taiamu a hakiraradia, ina gabu ḡuriḡurina enai.
2CH 6:41 Dirava Iehova e, harihari a tore isi, emu laḡa-ani gabuna baola, oi bona emu siahu maua-helagana; Dirava Iehova e, emu hahelaḡa taudia ese hahemauri bae hahedokilaia, emu helaḡa taudia ese emu namo bae moalelaia;
2CH 6:42 Dirava Iehova e, o horoa tauna vairana basio hamedea kerehai, emu hebogahisi emu hesiai tauna David enai ba laloa tao.
2CH 7:1 Solomon ese ena ḡuriḡuri e ha-orea, bena lahi na guba amo e diho, ḡole-oho bouboudia bona boubou gaudia idau-idau e hagoledia oho; bona Iehova hairaina ese dubu e hahonua.
2CH 7:2 Bena hahelaḡa taudia na asi edia dala Iehova ena dubu ai bae raka vareai, badina be Iehova hairaina ese Iehova ena dubu e hahonua.
2CH 7:3 Bena Israel taudia ese lahi e diho bona Iehova hairaina dubu latanai e itadia negana ai, idia na e igo diho, tano ai e goru parapara ariara ai; bena idia ese Iehova e toma henia diho bona e hanamoa, eto, Badina be ia na namo, badina be ena hebogahisi na e hesiriu hanaihanaimu.
2CH 7:4 Bena hanua pavapavana bona taunimanima iboudiai ese boubou ḡaudia e hahelaḡadia, Iehova vairanai.
2CH 7:5 King Solomon ese boromakau mamaruanedia gerebu-rua daha-rua bona mamoe domaga-ta gerebu-rua e hahelaḡadia, ena boubou gaudia. Unu amo hanua pavapavana bona taunimanima iboudiai ese Dirava ena dubu e hahelaḡaia.
2CH 7:6 Hahelaḡa taudia na edia ḡaukara gabudia ai e gini; bona Levi taudia danu, mai edia hatai-hatai ḡaudia bona edia botabota auridia idau-idau ida, Iehova ena; unu na King David ese Iehova ihanamolaina totona e kara ḡaudia (badina be ena hebogahisi na e hesiriu hanaihanaimu), bena David ena hahenamo negadia iboudiai e hataidia bona e botadia. Hahelaga taudia ese e hevaira henidia, bona kibi e hiriri; bona Israel taudia iboudiai na e gini noho.
2CH 7:7 Solomon ese danu dubu maḡuna lalona bogaraginai, Iehova ena dubu vairanai e miava ḡauna, na e hahelaḡaia; badina be unuseni ai ia ese ḡole-oho bouboudia bona digara seadia herohemaino boubouna ḡaudia e hahelaḡadia; badina be auri labora-labora ihaboulaina patana, Solomon ese e karaia ḡauna, na dia bada, ḡole-oho boubouna bona flaoa boubouna bona digara boubouna ḡaudia na ia latanai bae ato.
2CH 7:8 Una negana ai Solomon ese aria e karaia, dina hitu lalodiai, bona Israel idoinai ia ida, hegogo bada-hereana, Hamat e raka vareai gabuna amo ela bona Aigupto Dokana.
2CH 7:9 Bena dina ihataurahanina ai idia ese hebou helaḡana e karaia; badina be ihaboulaina patana na dina hitu lalodiai vada e hahelaḡaia, bona aria na dina hitu lalodiai vada e karaia.
2CH 7:10 Bena hua ihahituna dinana iharuahui-toina ai ia ese taunimanima e siaidia karoho, edia ruma baela; idia na mai moaledia bona mai lalo-namodia, badina be Iehova ese ena hahenamo na David bona Solomon bona ena bese Israel vada e hahedinarai henidia dainai.
2CH 7:11 Solomon ese Iehova ena dubu bona pavapava ena ruma na unu e ha-oredia toma; Solomon ese e lalo hatalai ḡaukaradia iboudiai, Iehova ena dubu ai bona ia sibona ena ruma ai, e ha-oredia vaitani.
2CH 7:12 Bena hanuaboi ai Iehova ese Solomon e hahedinarai henia, bona e hereva henia. eto, Emu ḡuriḡuri vada na kamonai, bona ina gabu vada na abia hidi egu, boubou dubuna ai bainela.
2CH 7:13 Guba baina koua bena medu basine diho, eiava kwadi baina haḡanidia, tano anidia bae ani ore, eiava dai-hanai gorerena baina siaia egu orea taudia bogaragidiai,
2CH 7:14 unu negadia ai, egu orea taudia, lau ladagu e henemailai taudia, na sibodia bema hahemanau, bena bema ḡuriḡuri, lau vairagu bema tahua, bona edia dala dikadia bema rakatanidia, bena lau na guba amo baina kamonai, bona edia dika baina gwaudia tao, bona edia tano baina hanamoa lou.
2CH 7:15 Harihari matagu baina hapapa bona taiagu baina hakirara, ina gabu ai bae gwaurai ḡuriḡuridia ediai.
2CH 7:16 Badina be harihari ina dubu vada na abia hidi bona vada na hahelaḡaia, lau ladagu ese baine noholaia hanaihanai totona; matagu bona lalogu na unuseni ai, nega idoinai.
2CH 7:17 Bona oi danu lau vairagu ai boma raka, tamamu David e rakava heḡereḡerena, bona na haḡanilaimu ḡaudia iboudiai heḡereḡeredia ai boma kara, bona egu taravatu bona egu hahedua boma badinadia,
2CH 7:18 bena lau ese emu pavapava teronona baina haginia, tamamu David na gwau henia hamata heḡereḡerena, nato “Oi garamu ta basine moru, Israel ireḡuna ai”.
2CH 7:19 A boma raka siri, egu taravatu bona egu haheḡani, oi vairamu ai vada na ato ḡaudia, na boma rakatanidia, bona boma lao, dirava idaudia isiaidia boma lao heni bona boma toma henidia diho,
2CH 7:20 bena lau ese vada na henimu tanona amo baina butumu oho, bona ina dubu, vada na hahelaḡaia lau ladagu ena, na lau vairagu amo baina negea, bona hereva lada-isina bona udu gwaurai-gwaurai herevana ai baina halaoa, bese iboudiai bogaragidiai.
2CH 7:21 Ina dubu danu, harihari e imodaiamu ḡauna, na raka-hanai taudia iboudiai ese bae hoalaia, baeto, Badina be dahaka Iehova ese ina tano bona ina dubu na ini vada e karadia toma?
2CH 7:22 Ma baeto, Badina be Iehova, senedia edia Dirava, Aigupto amo e hakaudia lasi Diravana, idia ese e rakatania, bena dirava idaudia e abidia, e toma henidia dihova bona isiaidia e lao heniva; taunabunai ia ese ina dika idoinai na idia latadiai vada e kara.
2CH 8:1 Laḡani ruahui e ore; unu laḡani lalodiai Solomon ese Iehova ena dubu bona ia sibona ena ruma vada e haginidia.
2CH 8:2 Bena Hurama ese vada e henia hanuadia na Solomon ese e haginidia lou, bona Israel taudia na lalodiai e hanohodia.
2CH 8:3 Solomon na Hamata-soba ela, bona e abia.
2CH 8:4 Ia ese Tadamoro e haginia, tano ḡaḡaena ai, bona kohu-habou hanuadia iboudiai Hamat ai danu e haginidia.
2CH 8:5 Ia ese Betehorono atai bona henu hanuadia ruaosi e haginidia; idia na hanua aukadia, mai maḡudia bona ikoukoudia bona auridia;
2CH 8:6 bona Baalata, bona Solomon ena kohu-habou hanuadia iboudiai, bona ena kanota hanuadia iboudiai, bona ena hosi-gui taudia edia hanua, bona Solomon ena ura rumadia iboudiai, Ierusalem ai bona Lebanon ai bona e lohiaia tanona idoinai lalonai, danu e haginidia.
2CH 8:7 Hiti bona Amoro bona Perisi bona Hivi bona Iebusu taudia oredia, dia Israel besena taudia,
2CH 8:8 garadia dounu tano ai e nohova, Israel asie habuadia tari taudia, na Solomon ese e haḡaukaradia; bona unu e noho tomamu ema bona ina dina.
2CH 8:9 A Solomon ese Israel taudia ta se ḡuia bona ta se hagaukaraia; idia na tuari taudia bona tuari biagudia, kariota biagudia bona hosi-gui taudia.
2CH 8:10 King Solomon ena heitatao taudia na tatau sinahu-rua imahui; idia ese taunimanima e biagudia.
2CH 8:11 Solomon ese Farao natuna hahinena na David ena hanua amo e hakaua dae, ena ruma, e haginia ḡauna, lalonai; badina be ia eto, Adavagu na David, Israel pavapavana, ena ruma ai basine noho, badina be Iehova ena maua vada e heato gabudia na hehelaḡa.
2CH 8:12 Bena Solomon ese ḡole-oho boubou ḡaudia e hahelaḡadia, Iehova ena, Iehova ena ihaboulaina patana, dubu dehena vairanai e haginia ḡauna, latanai.
2CH 8:13 Dina ta ta ahudia e gwaurai heḡereḡerena ai e hahelaḡadia, Mose ena haheḡani heḡereḡerena, dina helagadia edia, bona hua matamatadia edia, bona aria toiosi, laḡani ta ta amo e kara gaudia, asie hatubua flaoana ariana bona pura ariana bona kalaga ariana, edia.
2CH 8:14 Tamana David ena hahedua heḡereḡerena, ia ese hahelaḡa taudia e duanaidia orea ta ta lalodiai, edia ḡaukara ikarana totona; bona Levi taudia danu edia heimodai bona edia hesiai gaukaradia hahelaḡa taudia vairadiai, dina ta ta e gwaurai ḡaukaradia heḡereḡeredia; bona ikoukou igimadia taudia edia orea lalodiai, ikoukou ta ta edia; badina be David, Dirava ena tau, ese unu e haheḡanilaia toma.
2CH 8:15 Bona hanua pavapavana ese hahelaḡa taudia bona Levi taudia na ḡau ta dainai eiava habou-habou daiutudia ḡaukaradia daidiai e haganilaidia daladia amo asie raka siri.
2CH 8:16 Solomon ena ḡaukara iboudiai na unu e karadia toma, Iehova ena dubu badina e hadaia dinana amo ela bona e ha-orea negana. Iehova ena dubu na unu e haginia toma.
2CH 8:17 Bena Solomon na Esiono-gebere bona Elata ela, davara konena ai, Edom tanona lalonai.
2CH 8:18 Bena Hurama ese ena hesiai taudia imadia amo lagatoi haida e siaidia, ia dekenai, bona lagatoi taudia, davara ḡaukaradia mai dibadia taudia, haida danu. Bena idia na Solomon ena hesiai taudia ida Ofiri ela, unu amo gold talent sinahu-hani imahui e abi, King Solomon dekena e mailai.
2CH 9:1 Sieba pavapavana hahinena na Solomon harina namona e kamonai negana ai, ia na Ierusalem ema, henanadai aukadia amo baine tohoa totona. Ia na mai ena hesiai taudia hutuma; bona ena kamelo ese aniani mamidia ihanamodia muramuradia bona gold momo herea bona dava-bada nadidia e hua. Solomon dekenai e kau, bena ena lalo-hadai iboudiai na ia e hamaorolaia.
2CH 9:2 Bena Solomon ese ena henanadai iboudiai e haerelai henia; Solomon enai ḡau ta na dia hehuni, iboudiai ia ese e hahedinarai henia.
2CH 9:3 Sieba pavapavana hahinena ese Solomon ena aonega e itaia, bona e haginia rumana,
2CH 9:4 bona ena pata anianidia, bona ena heitatao taudia edia helai gabudia, bona ena hesiai taudia edia kara bona edia dabua, bona ena kehere iloalaina taudia bona edia dabua, bona ena ḡole-oho bouboudia, Iehova ena dubu ai e hahelaḡadia ḡaudia; bena lalona e boio.
2CH 9:5 Bena hari hahine ese hanua pavapavana e hamaoroa, eto, Egu tano ai emu kara bona emu aonega haridia na kamonai iboudiai na momomo-kakani,
2CH 9:6 a unu hari na asina abidia dae ema bona nama, sibogu matagu amo name ita; a, emu aonega bada-hereana kahana na asie hamaorogu; na kamonai harina na oi ese o hereaiamu.
2CH 9:7 Adavarnu na daka moale! Emu hesiai taudia bini, dina iboudiai oi vairamu ai gigini bona emu aonega herevadia e kamonaimu danu daka moale!
2CH 9:8 Iehova, emu Dirava, bae imodaia; ia ese vada e lalo namo henimu, bona iena terono ai vada e hahelaimu kau, pavapava ai baola, Iehova, emu Dirava, ena. Badina be emu Dirava ese Israel taudia vada e ura henidia, baine haginidia hanaihanai e tomu, una dainai ia ese edia pavapava ai vada e halaomu, hahemaoro bona kara maoromaoro ba kara helaoreana.
2CH 9:9 Bena hari hahine ese hanua pavapavana na gold talent sinahu-ta ruahui, bona aniani mamidia ihanamodia muramuradia momo-herea, bona dava-bada nadidia, e henia; asi aniani ihanamodia muramuradia haida unu Sieba pavapavana hahinena ese Solomon e henia ḡaudia heḡereḡeredia.
2CH 9:10 Ma ina danu, Hurama ena hesiai taudia bona Solomon ena hesiai taudia, Ofiri amo gold e mailaia taudia, na boto audia bona dava-bada nadidia danu e mailai.
2CH 9:11 Unu boto audia amo hanua pavapavana ese vadavada e kara, Iehova ena dubu ḡaudia bona pavapava ena ruma ḡaudia, bona ane-abi taudia edia gitara bona edia hatai-hatai ḡaudia badadia danu. Unuhetomadia na nega hata asie ita guna Iuda tanona ai.
2CH 9:12 Bena King Solomon ese Sieba pavapavana hahinena na ena ura gaudia iboudiai e henia; e noi ḡaudia iboudiai na hanua pavapavana enai e mailai ḡaudia davadia latadiai ma e ato kau. Bena hahine na e tore isi, ena hesiai taudia ida ena tano korikori e lou lao.
2CH 9:13 Laḡani tamona lalonai Solomon dekena e mailaia gold-na ena metau na talent sinahu-tauratoi tauratoi-ahui tauratoi;
2CH 9:14 bona haida danu laolao taudia bona hoihoi taudia ese e mailai; bona Arabia pavapavadia iboudiai bona tano lohiadia ese gold bona silver na Solomon dekena e siai lao.
2CH 9:15 King Solomon ese gold kesidia badadia sinahu-rua, e hodo palaka-palaka ḡaudia, na e karadia; kesi ta ta ai e hodoa palaka-palaka gold-na metauna na sekele sinahu-tauratoi.
2CH 9:16 Bona gold kesidia sinahu-toi, e hodo palakapalaka ḡaudia, ma e karadia; kesi ta ta ai gold metauna na sekele sinahu-toi. Unu kesi na hanua pavapavana ese Lebanon Uda Rumana ai e atodia.
2CH 9:17 Hanua pavapavana ese danu terono badana na aivori amo e karaia, bona gold ḡoevaḡoevana amo e ḡovaia.
2CH 9:18 Hari terono ena vadavada na tauratoi, bona mai ae-hadai ḡauna, gold amo e karaia, terono ida e karadia tamona. Helai ḡauna ohena kahana kahana na ima ato-kau gabudia, bona hari ima ato-kau ḡaudia badibadidiai na leona rua laulaudia ginidia ai e korodia.
2CH 9:19 Leona gwauta-rua laulaudia na hari vadavada tauratoiosi ta ta duduna duduna ai e haginidia. Basileia idau-idau iboudiai lalodiai unuhetomana ta nega ta ai asie karaia.
2CH 9:20 King Solomon ena inuinu keheredia iboudiai na gold, bona Lebanon Uda Rumana ai ruma kohudia iboudiai na gold ḡoeva-daena amo e karadia. Solomon ena nega ai silver na e haeroa ḡau pipikina mo.
2CH 9:21 Badina be hanua pavapavana ena lagatoi na Tarasisi ela, Hurama ena hesiai taudia ida; laḡani toi toi amo hari Tarasisi lagatoidia na e lou mai, gold bona silver bona aivori bona maniki badadia bona tukimi e mailaidia.
2CH 9:22 King Solomon ese tanobada pavapavadia iboudiai na e hereadia, taḡa ai bona aonega ai.
2CH 9:23 Tanobada pavapavadia iboudiai ese Solomon vairana e tahua, Dirava ese ia lalona ai vada e atoa aonegana bae kamonai totona.
2CH 9:24 Ta ta ena herahia ena herahia e mailai, silver ḡaudia bona gold ḡaudia, bona dabua, bona dahudahu muramurana bona aniani mamidia ihanamodia muramuradia, bona hosi bona doniki; unuheto laḡani ta ta lalodiai e heni.
2CH 9:25 Solomon na mai ena hosi bona kariota rumadia daha-hani; bona ena hosi-gui taudia na gerebu-ta daha-rua, kariota hanuadia ai e hanohodia, bona haida na hanua pavapavana dekenai Ierusalem ai danu.
2CH 9:26 Ia ese pavapava iboudiai e lohiadia, Eufrate sinavaina amo ela bona Filistia taudia edia tano bona Aigupto tano-hetoana.
2CH 9:27 Hanua pavapavana ese silver na ḡau pipikina ai e halaoa Ierusalem ai, nadi na heto; bona sida audia na e hahohodia, Sefela suke-audia na heheto.
2CH 9:28 Solomon ena hosi na Aigupto amo bona tano iboudiai amo e hoidia.
2CH 9:29 Solomon ena kara oredia, matamana ela bona dokona, na peroveta tauna Natan sivaraina, bona Ahia tau Silono ena peroveta herevadia, bona Ido, mata-hanai tauna, ena mata-hanai Ieroboam Nebata dainai, bukadia ai vada e hetore, ani?
2CH 9:30 Solomon ese Israel idoinai e lohiaia Ierusalem ai laḡani hari-ahui lalodiai.
2CH 9:31 Bena Solomon na tubu tama dekediai e mahuta; tamana David ena hanua ai e guria. Bena natuna Rehoboarn na ia gabuna ai e lohia.
2CH 10:1 Rehoboam na Sekem ela, badina be Israel taudia iboudiai na Sekem ela, pavapava ai bae halaoa totona.
2CH 10:2 Ieroboam Nebata na harina e kamonai; badina be ia na dounu Aigupto ai, King Solomon e heautania negana ai e lao henia gabuna ai; una negana ai Ieroboam na Aigupto amo e lou.
2CH 10:3 Bena idia ese ia iboirina e hesiai; bena Ieroboam bona Israel hegogona idoinai ema, Rehoboam e hereva henia, eto,
2CH 10:4 Tamamu ese emai maduna e hametaua. Taunabunai, harihari tamamu ena hesiai ilao-henina aukana bona ena maduna metauna latamai ai na ba haharagaia; bena ai ese oi isiaimu baia lao heni.
2CH 10:5 Ia eto, Dina toi muridiai ma baoma. Taunabunai taunimanima na e raka oho.
2CH 10:6 Bena King Rehoboam na tau badadia, tamana Solomon maurina ai ia vairanai e giniva taudia, ida e henega bou, e nanadaidia, eto, Emui hahealo be dahaka egu ai? Ini taunimanima na ede baina haere henidia toma?
2CH 10:7 Idia ese e haere henia, eto, Ini taunimanima na boma bogadia hisi, bona boma hamoaledia, bona hereva namodia amo boma haere henidia, bena idia na oiemu hesiai taudia ai baela hanaihanai.
2CH 10:8 To una hahealo tau badadia ese e henia ḡauna na ia ese e dadaraia; bona eregabe taudia, ia ida e vara isi hebouva bona ia vairanai e giniva taudia, ida e henega bou.
2CH 10:9 Ia e nanadaidia, eto, Emui hahealo be dahaka? Ini taunimanima ese vada e hamaorogu, eto “Tamamu ese ai latamai ai vada e atoa madunana na ba haharaḡaia”. Ede baita haere henidia toma?
2CH 10:10 Bena hari ia ida e vara isi hebouva taudia ese e haere henia, eto, Hari vada e hamaoromu, eto “Tamamu ese emai maduna e hametaua a oi ese ba haharaḡaia”, taudia na ini ba haere henidia toma, baoto “Lau imagu kwakikwakina maraḡina udunana ese tamagu mamuna udunana e hereaiamu;
2CH 10:11 taunabunai, tamagu ese maduna metauna na umui latamui ai e atoa, a lau ese ma baina hametaua, bona tamagu ese hekwadi varodia amo e hahisimui, a lau ese doadoa amo baina hahisimui”.
2CH 10:12 Taunabunai, dina ihatoina ai, Ieroboam bona taunimanima iboudiai na Rehoboam dekena ema, hanua pavapavana ena hereva heḡereḡerena, eto “Dina ihatoina ai dekegu ma baoma”.
2CH 10:13 Bena hanua pavapavana ese e gwau daḡe henidia, tau badadia edia hahealo e dadaraia.
2CH 10:14 King Rehoboam ese eregabe taudia edia hahealo heḡereḡerena ai e hereva henidia, eto, Tamagu ese maduna metauna na umui latamui ai e atoa, a lau ese ma baina hametaua; bona tamagu ese hekwadi varodia amo e hahisimui, a lau ese doadoa amo baina hahisimui.
2CH 10:15 Taunabunai hanua pavapavana ese taunimanima eredia asine kamonai; badina be ini kara na Dirava ese e havaradia, Iehova ese ena hereva, Ahia tau Silono uduna amo Ieroboam Nebata e hamaorolaia ḡauna, na baine hamomokania helaoreana.
2CH 10:16 Israel taudia iboudiai na e itaia, hanua pavapavana ese idia eredia se kamonai; bena idia ese hanua pavapavana e haere henia, eto, Ai ahumai be dahaka David enai a? Asi ahumai ta lese natuna enai. Israel e, emu kalaga ba lou henidia! David e, emu ruma ba gimaia! Taunabunai, Israel taudia iboudiai na edia kalaga e lou henidia.
2CH 10:17 A Rehoboam ese Israel taudia Iuda hanuadia ai e nohova na e lohiadia.
2CH 10:18 Bena King Rehoboam ese Hadorama, e haḡaukaradia taudia biagudia, na e siaia; a Israel taudia ese nadi amo e hodoa mase. Bena King Rehoboam na ena kariota ai e gui haraḡa, Ierusalem baine heau lao eto.
2CH 10:19 Taunabunai, Israel taudia ese David garana e gwau edeede henidiamu ema bona ina dina.
2CH 11:1 Rehoboam na Ierusalem ai e kau negana ai, ia ese Iuda bona Beniamina iduhudia taudia e haboudia, tuari taudia mai goadadia domaga-ta gerebu-taurahani, Israel taudia bae tuari henidia bona basileia na Rehoboam bae henia lou totona.
2CH 11:2 A Iehova ena hereva na Dirava ena tau ladana Semaia dekenai e kau, eto,
2CH 11:3 Rehoboam Solomon, Iuda pavapavana, bona Israel taudia iboudiai Iuda bona Beniamina iduhudia ai, na ba hamaorodia, baoto,
2CH 11:4 Iehova na ini e gwau tomamu: Basiola, tadikakamui basio tuari henidia; ta ta ena ruma ena ruma ba lou lao, badina be ina na lauegu amo e vara. Taunabunai idia ese Iehova ena hereva e hakala henia; bena e lou, Ieroboam asie tuari henia.
2CH 11:5 Rehoboam na Ierusalem ai e nohova. Ia ese tuari ilao-ahuna hanuadia haida e haginidia Iuda ai.
2CH 11:6 Hanuadia bini: Betelehem, Etam, Tekoa,
2CH 11:7 Betesuru, Soko, Adulama,
2CH 11:8 Gata, Maresa, Sifi,
2CH 11:9 Adoraimi, Lakisi, Aseka,
2CH 11:10 Sora, Aialono, Heberon; iboudiai na hanua mai maḡudia, Iuda ai bona Beniamina ai.
2CH 11:11 Kohoro na e ha-aukadia, bona ibiagudia e atodia, bona aniani bona dehoro bona vine ranuna na idia lalodiai e haboudia.
2CH 11:12 Hanua iboudiai lalodiai kesi bona io e atodia, bona e ha-aukadia herea. Unu amo ia ese Iuda bona Beniamina e dogodia tao tarika-tarika.
2CH 11:13 Hahelaga taudia bona Levi taudia Israel tanona idoinai na edia noho gabudia iboudiai amo ia dekena ela.
2CH 11:14 Badina be Levi taudia ese edia rei gabudia bona edia tano e rakatanidia, Iuda bona Ierusalem ela. Badina be Ieroboam bona ia garana ese Iehova ena hahelaḡa ḡaukaradia amo e hadokodia,
2CH 11:15 bona ia sibona ena hahelaḡa taudia e abidia, atai gabudia edia, bona nani mamaruanedia laulaudia edia, bona boromakau natudia laulaudia, ia ese e kara ḡaudia, edia.
2CH 11:16 Lalodia e urava Iehova, Israel Diravana, bae tahua taudia danu idia muridia amo ela; Israel iduhudia iboudiai amo Ierusalem ela, Iehova, senedia edia Dirava, bae boua totona.
2CH 11:17 Idia ese Iuda basileiana e ha-aukaia, laḡani toi lalodiai Rehoboam, Solomon natuna, e hahedaia kunu, badina be laḡani toi lalodiai idia na David bona Solomon edia dala ai e rakava.
2CH 11:18 Rehoboam ese Mahalata e adavaia. Una hahine na Ierimoto David bona Abihaili natudia; Abihaili na Eliab Iese natuna.
2CH 11:19 Una hahine ese ia natuna mamaruanedia e havaradia: leusu bona Semaria bona Sahama.
2CH 11:20 Ia murinai Rehoboam ese Maaka, Absalom natuna hahinena, e adavaia; bena ia ese ia natuna e havaradia: Abia bona Atai bona Sisa bona Selomiti.
2CH 11:21 Rehoboam ese Absalom natuna hahinena Maaka e lalokau henia bada, adavana orena bona e adavadia hahinedia iboudiai na e lalokau henidia maragi. (Ia adavana korikoridia na gwauta-taurahani bona e adavadia hahinedia na tauratoi-ahui; natuna mamaruanedia na ruahui taurahani bona natuna hahinedia na tauratoi-ahui.)
2CH 11:22 Rehoboam ese Maaka natuna Abia e abia hidi, lohia badana ai bainela, tadikakana bogaragidiai; badina be ena ura be pavapava ai baine halaoa.
2CH 11:23 Ia e ḡaukarava mai aonegana, natuna mamaruanedia haida na Iuda bona Beniamina kahadia iboudiai e hanohodia, vada e ha-aukadia hanuadia lalodiai; kohu momo e henidia, bona adavadia e abi henidia.
2CH 12:1 Rehoboam ena siahu vada e gini bona vada e auka, murinai ia ese Iehova ena taravatu e rakatania, bona Israel idoinai ia ida.
2CH 12:2 King Rehoboam ena lohia laḡanina iha-imana ai, idia ese Iehova e gwau edeede henia dainai, Sisaka, Aigupto pavapavana, na Ierusalem ituari-henina e dae henia,
2CH 12:3 ena kariota daha-ta sinahu-rua bona ena hosi-gui taudia gerebutauratoi ida. Aigupto amo ia ida ema taudia, Libia taudia bona Suki taudia bona Etiopia taudia na asi iduahidia.
2CH 12:4 Bena ia ese Iuda hanuadia mai maḡudia e abidia, bona Ierusalem e raka henia kahi.
2CH 12:5 Bena peroveta tauna Semaia na Rehoboam bona Iuda lohiadia, Sisaka dainai Ierusalem ai vada e hebou taudia, dekedia ela, e hamaorodia, eto, Iehova na ini e gwau tomamu: umui ese o kahugu nege dainai lau ese baina kahumui nege, Sisaka imana ai.
2CH 12:6 Bena Israel lohiadia bona hanua pavapavana na sibodia e hahemanau, eto, Iehova na maoromaoro.
2CH 12:7 Iehova ese e itadia sibodia vada e hahemanau negana ai, Iehova ena hereva na Semaia enai e kau, eto, Sibodia vada e hahemanau; lau na basina habuadia tari, a baina hamauridia; egu badu na Ierusalem latanai basina bubua kau, Sisaka imana amo.
2CH 12:8 Ḡau tamona, idia ese ia isiaina bae lao heni; bena lau isiaigu ilao-henina bona tanobada basileiadia isiaidia ilao-henidia mamidia bae diba.
2CH 12:9 Taunabunai, Sisaka, Aigupto pavapavana, ese Ierusalem e tuari henia. Ia ese Iehova ena dubu kohudia ḡoeva-daedia bona pavapava ena ruma kohudia goeva-daedia e abidia oho, ḡau iboudiai e laohaidia. Gold kesidia danu, Solomon ese e kara ḡaudia, na iboudiai e abidia oho.
2CH 12:10 Bena King Rehoboam ese auri labora-labora kesidia e kara, idia ibolodia; bona hegima oreana biagudia, pavapava ena ruma iduarana e gimaiava taudia, imadia ai e atodia, bae naridia.
2CH 12:11 Bena hanua pavapavana na Iehova ena dubu ai e raka vareaiva negadia iboudiai, hegima taudia ese unu kesi e abidia kauva. ma e loulaidiava, edia hegima rumana ai e atodiava.
2CH 12:12 Ia sibona e hahemanau negana ai Iehova ese ena badu na iena amo e abia oho, bena se hadikaia rohoroho. Bena taunimanima edia noho be namo Iuda ai.
2CH 12:13 Taunabunai, King Rehoboam na vada e gini auka bona e lohia Ierusalem ai. Rehoboam e lohia matama negana ai ena mauri laḡanidia na hari-ahui ta; ia na laḡani gwauta-hitu Ierusalem, Iehova ese Israel iduhudia iboudiai bogaragidia amo e abia hidi ia ladana unuseni ai baine atoa totona hanuana, lalonai e lohia. Ia sinana ladana na Naamaha, Amono hahinena.
2CH 12:14 Ia na e kara havara, badina be ia ese lalona se ha-aukaia Iehova itahuna ai.
2CH 12:15 King Rehoboam ena kara, matamana ela bona dokona, na Semaia, peroveta tauna, bona Ido, mata-hanai tauna, Sisigadia Bukadia ai e hetore, ani? Rehoboam bona Ieroboam e hetuari heheni loulouva.
2CH 12:16 Bena Rehoboam na tubu tama dekediai e mahuta, David ena hanua ai e guria. Bena ia natuna Abia na ia gabuna ai e lohia.
2CH 13:1 King Ieroboam ena lohia laḡanina ihagwauta-taurahanina ai, Abia ese Iuda e lohiaia matama.
2CH 13:2 Ia na laḡani toi e lohia Ierusalem ai. Sinana ladana na Mikaia, Uriele tau Gibea natuna hahinena.
2CH 13:3 Abia bona Ieroboam na e hetuari heheni. Abia na tuari totona e raka lasi, mai ena tuari oreana ida, tuari boga-auka taudia domaga-hani; bona Ieroboam ese ena tuari taudia e haginidia hegaeḡae, ituari-henina totona; iena tuari boga-auka taudia na domaga-taurahani.
2CH 13:4 Bena Abia na Semaraim ororona ai e gini (una na Efraim ororodia ai), eto, Ieroboam e, bona Israel idoinai, a kamonai henigu!
2CH 13:5 Umui dibamui, ani, Iehova, Israel Diravana, ese Israel basileiana na David mai garana ida e henidia ela bona hanaihanai, damena amo e hamomokania gwauhamatana ai?
2CH 13:6 A Ieroboam Nebata, Solomon David ena hesiai tauna, na e tore isi, ena lohia e daḡedaḡe henia;
2CH 13:7 bona kara dibaka taudia haida na ia dekenai e hebou, Rehoboam Solomon e daḡedaḡe henia. Una negana ai Rehoboam na eregabe bona lalo-manoka tauna, bena se laodia ahu diba.
2CH 13:8 Harihari o laloamu umui na hutuma herea bona boromakau natudia laulaudia, Ieroboam ese gold amo e kara bona emui dirava ai e halao ḡaudia, o abidia kau dainai umui ese Iehova ena basileia David garana imadia ai e miamu ḡauna ba laoa ahu o tomamu.
2CH 13:9 Iehova ena hahelaḡa taudia, Aaron garana, bona Levi taudia na asio luludia lasi a? Sibomui emui hahelaḡa taudia asio abidia, idau tano taudia e karamu heḡereḡerena, a? Bainema, boromakau maruanena natuna ta eiava nani mamaruanedia hitu amo sibona baine hahelaḡa tauna na hahelaḡa tauna ai e hahelaomu, a dia dirava edia.
2CH 13:10 A ai emai Dirava na Iehova; ai na asia rakatania. Ai na mai emai hahelaḡa taudia; idia ese Iehova isiaina e lao henimu; idia na Aaron garana, bona Levi taudia ese idia isiaidia e lao henimu.
2CH 13:11 Daba iboudiai bona adorahi iboudiai idia ese ḡole-oho boubou ḡaudia e hahelaḡadiamu Iehova ena, bona muramura mai bonadia namo-hereadia na e gabudiamu, bona flaoa helaḡana na gold ḡoeva-daena patana latanai e atoamu, bona lamepa patana, gold ḡauna, e nariamu, lamepa na adorahi iboudiai bae ara helaoreana. Badina be ai ese Iehova, emai Dirava, a badinaiamu, a umui ese vada o rakatania.
2CH 13:12 A itaia, Dirava na ai ida, ai ikwaramai; iena hahelaḡa taudia ese edia tuari kibidia bae hiriri, ituari-henimui totona. Israel besena e, Iehova, senemui edia Dirava, basio tuari henia, badina be basio kwalimu diba.
2CH 13:13 Ieroboam ese haida vada e siaidia hehuni, muridia kahana amo bae hahoadia; taunabunai ena tuari oreadia na Iuda taudia vairadiai, a hari e siaidia hehuni taudia na muridia kahana ai.
2CH 13:14 Iuda taudia na e roha lao negana ai e itaia, tuari na vairadiai bona muridiai; bena idia ese Iehova e boi henia, bona hahelaḡa taudia ese kibi e hiriri.
2CH 13:15 Bena Iuda taudia ese tuari honena e hone. Iuda taudia e hone negana ai, Dirava ese Ieroboam bona Israel idoinai e hadareredia, Abia bona Iuda taudia vairadiai.
2CH 13:16 Israel taudia ese Iuda taudia vairadiai e heau, bona Dirava ese idia imadia ai e atodia.
2CH 13:17 Bena Abia bona ena orea taudia ese e aladia mase; ala-ala na bada herea. Israel edia abi-hidi taudia domaga-ima e mase.
2CH 13:18 Taunabunai, Israel taudia na e darere bona Iuda na e kwalimu una negana ai, badina be idia ese Iehova, senedia edia Dirava, e abidadama henia.
2CH 13:19 Bena Abia ese Ieroboam e hahavaia, bona hanua haida na iena amo e abidia, Betele mai ena hanua maraḡidia ida, bona lesana mai ena hanua maraḡidia ida, bona Efron mai ena hanua maraḡidia ida.
2CH 13:20 Ieroboam ese ena siahu na se abia lou Abia ena nega ai; Iehova ese e rahua mase, bena vada e mase.
2CH 13:21 A Abia na e goada e laova. Ia ese hahine gwauta-hani e adavadia; natuna mamaruanedia na ruahui-rua, bona natuna hahinedia na gwauta-tauratoi.
2CH 13:22 Abia ena kara oredia, ena dala bona ena hereva, na peroveta tauna Ido Sisigana Bukana ai e hetore.
2CH 14:1 Taunabunai, Abia na tubu tama dekediai e mahuta; David ena hanua ai e guria. Ia gabuna ai natuna Asa e lohia. Iena nega ai tano na e laḡa ani, laḡani gwauta lalodiai.
2CH 14:2 Asa ese kara namodia bona maoromaorodia e karava, Iehova, ena Dirava, vairanai.
2CH 14:3 Ia ese dirava idaudia edia ihaboulaina patadia bona atai gabudia helagadia e abidia oho, bona au-tubua e hagaridia, bona kaivakuku e utudia.
2CH 14:4 Ia ese danu Iuda taudia e haḡanidia, Iehova, senedia edia Dirava, bae tahua, bona taravatu bona haheḡani bae badinadia.
2CH 14:5 Iuda hanuadia iboudiai Ialodiai ia ese atai gabudia helaḡadia bona muramura mai bonadia patadia e abidia oho. Basileia na e laḡa aniva ia henunai.
2CH 14:6 Hanua mai maḡudia e haginidia Iuda tanona ai, badina be tano na e laḡa aniva. Unu laḡani lalodiai ia na se tuari, badina be Iehova ese maino e havara henia.
2CH 14:7 Bena ia ese Iuda taudia e hamaorodia, eto, Ini hanua baita haginidia, bona magu bona kohoro bona ikoukou bona auri amo baita koudia heḡeḡe; tano na doini iseda, badina be ita ese Iehova, eda Dirava, vada ta tahua; ita ese vada ta tahua, bona ia ese maino vada e havara henida, kaha iboudiai. Taunabunai, idia ese e haginidia, bona edia namo e habadaiava.
2CH 14:8 Asa na mai ena tuari oreana, Iuda taudia domaga-toi, mai edia kesi bona edia io, bona Beniamina taudia domaga-rua gerebu-taurahani, mai edia kesi bona edia peva; ini iboudiai na goada dikadika taudia.
2CH 14:9 Sera, Etiopia tauna, na ituari-henidia totona ema. Ena tuari taudia na domaga-gwauta, bona ena kariota na sinahu-toi. Idia na ema bona Maresa ai e kau.
2CH 14:10 Asa na e raka lasi ia vairanai; bena idia ese edia tuari oreadia e haginidia heḡaeḡae Maresa ai, Sefata kourana ai.
2CH 14:11 Bena Asa ese Iehova, ena Dirava, e boi henia, eto, Iehova e, asi ikahamai ta oi heḡereḡeremu, goada taudia bona manoka taudia padamai ai. Iehova e, emai Dirava, a kahamai; badina be emu ai a hetao kaumu, bona oi ladamu ai ini hutuma baia tuari henidia a tomu. Iehova e, oi na emai Dirava; tau ta basine gini diba oi vairamu ai.
2CH 14:12 Taunabunai, Iehova ese Etiopia taudia e hadareredia, Asa bona Iuda taudia vairadiai. Bena Etiopia taudia na e heau.
2CH 14:13 Asa mai bamona ida ese e hahavadia ela bona Gerara; Etiopia taudia na e aladia mase, ela bona ta se mauri; badina be Iehova bona ena tuari oreana vairanai idia na e makohi rohoroho. Iuda taudia ese kohu momo e hua lao.
2CH 14:14 Bena idia ese Gerara kahana hanuadia iboudiai e habuadia tari; badina be Iehova igari-henina na idia lalodiai. Idia ese hanua iboudiai kohudia e abi, badina be lalodia kohudia na momo.
2CH 14:15 Boromakau ireḡudia taudia edia kalaga danu e habuadia tari; bena mamoe momo e laohaidia, bona kamelo danu. Bena idia na Ierusalem e lou lao.
2CH 15:1 Dirava ena lauma ese Asaria Odede e rohea,
2CH 15:2 bena ia na e raka lasi Asa ihedavari-henina totona. E hereva henia, eto, Asa e, bona Iuda bona Beniamina idoinai, a kamonai henigu! Umui na Iehova enai o taomu ai, ia na umui ida. Boma tahua, do ba davaria, a boma rakatania, ia ese baine rakatanimui.
2CH 15:3 Nega daudau Israel na asi edia Dirava korikori, asi edia hahedibadiba hahelaḡa tauna, bona asi edia taravatu.
2CH 15:4 A edia hisihisi lalodiai Iehova, Israel Diravana, e hagerea bona e tahua negana ai, idia ese ia e davaria.
2CH 15:5 Unu negadia ai, e raka lasi tauna bona e raka vareai tauna na asi edia maino, badina be hahedika badadia ese tano idau-idau taudia iboudiai e hahisihisidiava.
2CH 15:6 Idia na e makohi rohoroho, bese ta bese ta hanua ta hanua ta e heala-ala heheni; badina be Dirava ese hisi idau-idau amo e hahisidia.
2CH 15:7 A umui na ba boga auka. Imamui basie manoka, badina be emui ḡaukara anina bae halou henimui.
2CH 15:8 Asa ese Asaria Odede ena peroveta herevadia e kamonai negana ai, e boga auka, bona kaivakuku dikadia na Iuda bona Beniamina tanodia idoidiai bona Efraim ororo-hanuadia, ia ese vada e abi ḡaudia, amo e abidia oho. Iehova ena ihaboulaina patana danu, Iehova ena dubu dehena vairanai e miava ḡauna, na ma e larebaia lou.
2CH 15:9 Bena ia ese Iuda bona Beniamina taudia iboudiai e haboudia, bona Efraim bona Manase bona Simeon taudia, idia bogaragidiai e noho hedoava taudia, danu; badina be hutuma bada ese e itaia, Iehova, ena Dirava, na ia ida, bena idia ese Israel e rakatania, ia dekena ela.
2CH 15:10 Asa ena lohia laḡanina ihagwauta-imana huana ihatoina lalonai, idia na Ierusalem ai e hebou.
2CH 15:11 Una dina ai idia ese boubou gaudia na Iehova vairanai e hahelaḡadia, hari tuari ai e abi gaudia lalodia amo, boromakau mamaruanedia sinahu-hitu bona mamoe daha-hitu.
2CH 15:12 Bena e gwau hamata, Iehova, senedia edia Dirava, na bae tahua, mai lalodia bona mai laumadia idoidiai ida eto;
2CH 15:13 bona daika Iehova, Israel Diravana, basine tahua, ia na bae alaia mase, eregabe eiava iahu, tau eiava hahine.
2CH 15:14 Iehova e gwau henia hamata mai gao badadia bona mai lolodia ida, bona mai auri kibidia bona doa kibidia reḡedia ida.
2CH 15:15 Bena Iuda idoinai na una gwauhamata e moalelaia; badina be mai lalodia idoidiai ida vada e gwau hamata, bona mai edia ura idoinai vada e tahua; bena idia ese ia e davaria, bona Iehova ese laḡa-ani e henidia, kaha iboudiai ai.
2CH 15:16 King Asa ese danu ia sinana Maaka ena pavapava dagina e abia oho, badina be ia ese kaivakuku dikana ta e karaia, Asera ena. Asa ese ena kaivakuku e utua gari, e hapatapataia, bena Kidron sinavaina badibadinai e gabua.
2CH 15:17 A atai gabudia helaḡadia na Israel amo asie abidia oho. Ḡau tamona, Asa na asi ena lalo-hadai kerere, ena dina iboudiai.
2CH 15:18 Bena tamana ena herahia ḡaudia helagadia bona ia sibona ena herahia ḡaudia helaḡadia, silver bona gold ḡaudia idau-idau, ia ese Iehova ena dubu ai e vareailaidia.
2CH 15:19 Tuari na se vara lou, ela bona Asa ena lohia laḡanina ihatoiahui-imana ai.
2CH 16:1 Asa ena lohia laḡanina ihatoiahui-tauratoina ai, Baasa, Israel pavapavana, na e dae lao, Iuda baine tuari henia totona; bena ia ese Rama e haginia, Asa, Iuda pavapavana, enai baela baema taudia ilao-ahudia.
2CH 16:2 Bena Asa ese Iehova ena dubu bona pavapava ena ruma kohudia amo gold bona silver e abi, Ben-hadad, Suria pavapavana, Damasko ai e nohova tauna, dekena e siai lao, eto,
2CH 16:3 Raruosi aita herohemaino, lau tamagu bona oi tamamu heḡereḡeredia. A itaia, silver bona gold vada na siai vasimu; aola, Israel pavapavana Baasa ida emui herohemaino ba ḡiḡia rohoroho; bena ia na lauegu amo baine raka oho.
2CH 16:4 Ben-hadad ese King Asa e kamonai henia, bena ena tuari oreadia biagudia e siaidia lao, Israel hanuadia bae tuari henidia. Idia ese lono bona Dan bona Abele-maimi bona Napatali kohu-habou hanuadia iboudiai e hadareredia.
2CH 16:5 Baasa e kamonai, bena Rama ihaginina e rakatania bona ena ḡaukara e hadokoa.
2CH 16:6 Bena King Asa ese Iuda taudia iboudiai e laohaidia; bena idia ese Rama nadidia bona audia, Baasa ese vada e hagini ḡaudia, na e huadia; bena unu ḡau amo ia ese Geba bona Mispa hanuadia e haginidia.
2CH 16:7 Una negana ai Hanani, mata-hanai tauna, na Asa, Iuda pavapavana, dekena ela, e hereva henia, eto, Suria pavapavana enai o hetao kaumu a Iehova, emu Dirava, enai to hetao kaumu dainai, Suria pavapavana ena tuari oreana na oi imamu amo vada e roho mauri.
2CH 16:8 Etiopia taudia bona Libia taudia na dia orea bada-hereana a? Edia kariota bona edia hosi-gui taudia na dia hutuma a? Matona, Iehova enai o hetao kau dainai ia ese oi imamu ai e atodia.
2CH 16:9 Badina be Iehova matana ese tanobada idoinai e neneamu, ena siahu na ienai asie kereremu taudia idurulaidia ai baine hedinarai totona. Ina lalonai vada o kara kava; badina be hari amo tuari na bae vara loulou emu ai.
2CH 16:10 Asa ese hari mata-hanai tauna e badu henia, bena dibura rumana ai aena ikahidia e atodia; badina be e badu henia lalo-dika, una hereva dainai. Asa ese danu taunimanima haida e daḡedaḡe henidia una negana ai.
2CH 16:11 Asa ena kara, matamana ela bona dokona, na Iuda bona Israel Pavapavadia Bukana ai e hetore.
2CH 16:12 Ena lohia laḡanina ihatoiahui-taurahanitana ai, Asa ese hisihisi ta e davaria aena ai, bena ena hisihisi e bada e laova; ḡau tamona ena hisihisi lalonai danu ia ese Iehova se tahua, a muramura taudia edia heduru mo e tahua.
2CH 16:13 Bena Asa na tubu tama dekediai e mahuta; ena lohia laḡanina ihahariahui-tana ai e mase.
2CH 16:14 David ena hanua ai e guria, ia sibona e geia heḡaeḡae kohuana lalonai. Pata ta ai e hahekurea; una pata na muramura mai bonadia ikaradia taudia edia muramura idau-idau ai e hahonua. Bena lahi badana e ha-araia ia ilalolaina.
2CH 17:1 Ia natuna Iehosafat na ia gabuna ai e lohia, bona ena goada e habadaia, Israel ituari-henina totona.
2CH 17:2 Tuari taudia na Iuda hanuadia mai maḡudia iboudiai lalodiai e hanohodia, bona hegima oreadia na Iuda tanona ai bona Efraim hanuadia, tamana Asa e abi hanuadia, lalodiai e atodia.
2CH 17:3 Iehova na Iehosafat ida, badina be ia na tamana ena dala gunadia ai e rakava. Ia na Baal se tahudia,
2CH 17:4 a tamana ena Dirava e tahua, bona ena haheḡani ai e raka, dia Israel taudia edia dala ai.
2CH 17:5 Taunabunai, Iehova ese basileia e haginia auka ia imana ai. Iuda taudia iboudiai ese heaiva ḡaudia na Iehosafat dekena e mailaidia; bena ena taḡa bona imatauraina na bada herea.
2CH 17:6 Lalona vada e auka Iehova ena dala ai; ina danu, ia ese atai gabudia helaḡadia bona kaivakuku na Iuda tanona amo e abidia oho.
2CH 17:7 Ena lohia laḡanina ihatoina ai ia ese ena lohia taudia, Ben-haili bona Obadia bona Sekaria bona Netanele bona Mikaia, e siaidia lao, Iuda hanuadia ai taunimanima na bae hadibadibadia totona.
2CH 17:8 Levi taudia danu, Semaia bona Netania bona Sebadia bona Asahele bona Semiramoto bona lehonatan bona Adonia bona Tobia bona Tobadonia, na idia ida e siaidia lao; bona Levi taudia ida hahelaḡa taudia Elisama bona Iehoram danu e siaidia lao.
2CH 17:9 Iuda ai e hahedibava; Iehova ena taravatu bukana na idia ese e abia kau, bena Iuda hanuadia iboudiai e rakadia hanai, taunimanima na e hadibalaidia lao.
2CH 17:10 Iehova garina ese Iuda e ḡeḡea ahu basileiadia iboudiai e butudia tao; bena idia ese Iehosafat asie tuari henia.
2CH 17:11 Filistia taudia haida ese herahia gaudia na Iehosafat dekena e mailaidia, bona silver danu, heaiva ḡaudia; Arabia taudia ese danu mamoe mamaruanedia daha-hitu sinahu-hitu bona nani mamaruanedia daha-hitu sinahu-hitu na ia dekena e mailaidia.
2CH 17:12 Bena Iehosafat na e bada e laova. Iuda tanona ai ia ese kohoro bona kohu-habou hanuadia e haginidia;
2CH 17:13 bona Iuda hanuadia lalodiai kohu momo e habou. Ia na mai ena tuari taudia, goada-herea taudia, Ierusalem ai.
2CH 17:14 Ihagaudia binai, edia iduhu ta ta ai: Iuda ai daha biagudia na Adna, goada-herea taudia domaga-toi biagudia;
2CH 17:15 bona ia - murinai lehohanan, goada-herea taudia domaga-rua gerebu-taurahani biagudia;
2CH 17:16 bona ia murinai Amasia Sikri, Iehova isiaina ilao-henina e urava tauna ta, ia na goada-herea taudia domaga-rua biagudia.
2CH 17:17 Beniamina ai na Eliada, goada-herea tauna ta; ena orea taudia na domaga-rua, mai edia peva bona edia kesi ida.
2CH 17:18 Ia murinai na Iehosabad; ena orea taudia na domaga-ta gerebu-taurahani, mai edia tuari ḡaudia ida.
2CH 17:19 Ini na hanua pavapavana ena hesiai taudia; ma haida danu be hari hanua pavapavana ese hanua mai maḡudia lalodiai vada e hanohodia taudia, Iuda tanona idoinai lalonai.
2CH 18:1 Iehosafat na mai ena taḡa bada, bona imatauraina danu na bada. Iena iduhu bona Ahaba ena iduhu na e headava heheni.
2CH 18:2 Laḡani haida vada ela, bena ia na Samaria e diho ela, Ahaba dekenai. Bena Ahaba ese mamoe bona boromakau momo herea e aladia mase, ia bona ia ida ela taudia adia, bona e ha-uraia ia na Ramoto-gilead baine tuari henia.
2CH 18:3 Ahaba, Israel pavapavana, ese Iehosafat, Iuda pavapavana, e nanadaia, eto, Oi na lau ida Ramoto-gilead aitala eiava? Ia na e haere henia, eto, Lau oi na tamona, lauegu orea bona oiemu orea danu tamona. Tuari ai baia bamomu.
2CH 18:4 Bena Iehosafat ese Israel pavapavana e hamaoroa, eto, Iehova ena hereva do ba tahua guna.
2CH 18:5 Bena Israel pavapavana ese peroveta taudia e haboudia, tatau sinahu-hani; bena e nanadaidia, eto, Ramoto-gilead baia tuari henia eiava basina tuari henia? Idia na e haere, eto, Vada aola; badina be Dirava ese hanua pavapavana imana ai baine atoa.
2CH 18:6 A Iehosafat eto, Iehova ena peroveta tauna ma ta dia noho iniseni ai, bena ia ma baitama nanadaia a?
2CH 18:7 Israel pavapavana ese Iehosafat e haere henia, eto, Tau ta do noho, iena amo Iehova ena hereva baitama tahua; ladana na Mikaia, Imla natuna. A lau ese na inai heniamu, badina be ia na nega ta ḡau namodia egu ai se perovetalai, a nega iboudiai ḡau dikadia mo. A Iehosafat eto, Hanua pavapavana na unu basine gwau toma.
2CH 18:8 Bena Israel pavapavana ese ena heitatao tauna ta e boiria, eto, Mikaia Imla ba hakaua mai haraḡa.
2CH 18:9 Una negana ai Israel pavapavana bona Iehosafat, Iuda pavapavana, na edia terono ai hehelai, edia pavapava dabuadia e kara, uit ikwadina gabuna ai, Samaria hanua ikoukouna ai; bona peroveta taudia iboudiai na idia vairadiai e perovetava.
2CH 18:10 Bena Sedekia Kenana ese ena auri doadia e kara, bona e hereva, eto, Iehova na ini e gwau tomamu: Ini ḡau amo Suria taudia ba doridia lao, ela bona ba habuadia tari.
2CH 18:11 Bena peroveta taudia iboudiai danu unu e peroveta toma; ma eto, Ramoto-gilead baola, ba kwalimu; Iehova ese hanua pavapavana imana ai baine atoa.
2CH 18:12 Gwaukau tauna na Mikaia iboirina ela, bena e hamaoroa, eto, A kamonai: peroveta taudia edia hereva na vada e hatamonaia, hanua pavapavana ihanamona; oiemu hereva danu idia ta ena hereva ida baine heḡereḡere, hereva namona ba gwauraia.
2CH 18:13 A Mikaia eto, Iehova e maurimu heḡereḡerena, egu Mrava ese ede baine hereva henigu toma, una mo baina gwauraia.
2CH 18:14 Ia na hanua pavapavana dekenai e kau; bena hanua pavapavana ese e nanadaia, eto, Mikaia e, Ramoto-gilead na baia tuari henia eiava basina tuari henia? Bena Mikaia ese e haere henia, eto, Aola, ba kwalimu; imamu ai bae heato kau.
2CH 18:15 A hanua pavapavana ese ma e hamaoroa, eto, Nega hida baina sisiba henimu, Iehova ladana ai hereva ta basio gwaurai henigu, a hereva momokani mo?
2CH 18:16 Bena Mikaia eto, Lau ese Israel idoinai na itadia, ororo ai e heau karoho, mamoe asi ireḡudia na heheto; bena Iehova eto, Ini na asi biagudia, ta ta ena ruma ena ruma aela, mai mainodia ida.
2CH 18:17 Bena Israel pavapavana ese Iehosafat e hamaoroa, eto, Na hamaoromu ani, ia na hereva namodia latagu ai basine gwaurai, a hereva dikadia mo?
2CH 18:18 Mikaia ma eto, Taunabunai, Iehova ena hereva ba kamonai. Iehova na ena terono ai helaina ai na itaia, bona guba oreana idoinai ia badinai gigini, haida idibana kahana ai bona haida laurina kahana ai.
2CH 18:19 Bena Iehova eto, Daika ese Ahaba, Issel pavapavana, baine koia, bena bainela, Ramoto-gilead ai baine mase. Bena ta ese hereva ta e gwauraia, ma ta hereva ta.
2CH 18:20 Bena lauma ta e raka lasi, Iehova vairanai e gini, eto, Lau ese baina koia. Iehova ese e nanadaia, eto, Edena dala amo?
2CH 18:21 Ia eto, Bainala, koikoi laumana ai baina hahelao, ena peroveta taudia iboudiai ududia ai. Iehova eto, Ba koia, emu koikoi baine kwalimu; aola, unu ba kara toma.
2CH 18:22 Taunabunai o kamonaimu, Iehova ese koikoi laumana na emu peroveta taudia ududia ai vada e atoa; Iehova ese hereva dikana oi latamu ai vada e gwauraia.
2CH 18:23 Sekedia Kenana na e raka kahira, bena ia ese Mikaia na vahana ai e pataia, eto, Iehova Laumana na ede e rakatanigu toma oi ihereva-henimu totona a?
2CH 18:24 Mikaia eto, Laloma daiutuna ai ba heau vareai, komu totona, dinana ai vada ba itaia.
2CH 18:25 Bena Israel pavapavana eto, Mikaia ba dabaia tao, Amon, hanua lohiana, bona Ioasa, hanua pavapavana natuna, dekedia ba loulaia;
2CH 18:26 baoto, Hanua pavapavana na ini e gwau tomarnu: Ina tau na dibura rumana ai ba koua, flaoa kavakava bona ranu taidia mo ba henia, ela bona maino ai baina lou mai.
2CH 18:27 Bena Mikaia eto, Bema oi na maino ai ba lou mai, bena Iehova na lauegu amo vada se hereva. Ma eto, Taunimanima ibouboumui ai, a kamonai.
2CH 18:28 Taunabunai, Israel pavapavana bona Iehosafat, Iuda pavapavana, na Ramoto-gilead ela.
2CH 18:29 Bena Israel pavapavana ese Iehosafat e hereva henia, eto, Lau na ita-itagu baina ha-idaua, bainala tuari lalonai, a oi be emu pavapava dabuadia ba doki. Bena Israel pavapavana na sibona ita-itana e ha-idaua; bena idia na ela tuari lalonai.
2CH 18:30 Suria pavapavana ese ena kariota biagudia vada e haḡanidia, eto, Taunimanima maraḡidia eiava badadia basio tuari henidia, a Israel pavapavana mo.
2CH 18:31 Kariota biagudia ese Iehosafat e itaia, bena idia eto, Una na Israel pavapavana; taunabunai, idia na e heau kerehai, ia bae heatu henia eto. A Iehosafat na e lolo, bena Iehova ese e durua. Dirava ese iena amo e veridia oho,
2CH 18:32 badina be kariota biagudia ese e itaia, ia na dia Israel pavapavana, bena iḡavana amo e lou.
2CH 18:33 A tau ta ese diba ta e kinoa kava, Israel pavapavana ena auri dabuana bona ena keme aurina padadiai e taraki. Taunabunai, ia ese ena kariota e heaulaiava tauna na e hamaoroa, eto, A haheaua hegiro, tuari murimurinai ba laohaigu, badina be vada na bero.
2CH 18:34 Una dina ai tuari na auka herea. Israel pavapavana na sibona e hedori tao, ena kariota ai, Suria taudia e vaira henidia ela bona ado e rahi. Bena dina e diho ai e mase.
2CH 19:1 Iehosafat, Iuda pavapavana, na ena ruma e lou henia, Ierusalem ai, mai namona ida.
2CH 19:2 A Iehu Hanani, mata-hanai tauna, na ihedavarihenina totona e raka lasi, bena ia ese King Iehosafat e gwau henia, eto, Kara dika taudia o durudiamu bona Iehova e inai heniamu taudia o ura henidiamu be maoro a? Ina dainai Iehova ena badu na oi latamu ai vada e kau.
2CH 19:3 Ḡau tamona, namo taina lalomu ai e miamu, badina be kaivakuku na tano idoinai o habuadia tari, bona lalomu vada o hadaia Dirava ba tahua oto.
2CH 19:4 Iehosafat na Ierusalem ai e nohova. Bena ia na ma e raka lasi, taunimanima bogaragidiai ela, Bere-sieba amo ela bona Efraim ororodia, e harakadia kerehai, Iehova, senedia edia Dirava, enai.
2CH 19:5 Ia ese hahemaoro taudia e haginidia, Iuda hanuadia mai maḡudia iboudiai lalodiai.
2CH 19:6 Unu hahemaoro taudia na ia ese e hamaorodia, eto, Emui kara nahuadia ba toho; badina be emui hahemaoro be dia tau ta ena a Iehova ena; ia na umui ida, hahemaoro ḡaukaradia ai.
2CH 19:7 Benaini, Iehova garina na latamui ai baine mia; emui kara nahuadia ba toho, badina be Iehova, eda Dirava, ese hahemaoro se hagagevaiamu, bona tau ta se matauraiamu, bona hahemaoro ihagagevana davana se abiamu.
2CH 19:8 Ierusalem ai danu Iehosafat ese Levi taudia bona hahelaḡa taudia haida bona Israel iduhudia ikwaradia taudia haida danu e haginidia, Iehova ena hahemaoro karadia bae kara, bona heiri-heiri taudia bae hahemaoro henidia. Edia ḡaukara gabuna be Ierusalem ai.
2CH 19:9 Bena ia ese e haduadia, eto, Ini ba kara toma, Iehova garina ai bona heabidadama ai bona mai lalomui idoidiai ida:
2CH 19:10 tadikakamui edia hanua lalodiai e nohomu na hahemaoro totona dekemui baema, rara ihahebubuna dainai, eiava haheḡani eiava taravatu eiava hahedua herevadia daidiai, negadia iboudiai na ba hadibadia, bena idia na Iehova vairanai basie kerere, bona badu na umui bona tadikakamui latamui ai basine kau. Unu ba kara toma, bena basio kerere.
2CH 19:11 A itaia, biagumui Iehova ena ḡaukara lalodiai na Amaria, hahelaḡa tauna badana; bona biagumui hanua pavapavana ena ḡaukara lalodiai na Sebadia, Ismael natuna, Iuda iduhuna lohiana; a Levi taudia na idurumui taudia ai baela. Ba ḡaukara mai boga-aukamui ida; Iehova na kara maoromaoro taudia ida baine noho.
2CH 20:1 Una murinai, Moab taudia bona Amono taudia bona Meunimi taudia haida na Iehosafat ituari-henina totona ema.
2CH 20:2 Bena tatau haida na ema, Iehosafat e hamaoroa, eto, Hutuma bada ese oi ituari-henimu e maimu Edom amo, davara unukahana amo; a itaia, idia na Hasasono-tamara ai (una na En-gedi).
2CH 20:3 Bena Iehosafat na e gari, bena lalona e hadaia Iehova baine tahua; bena anivaga e gwauraia Iuda tanona idoinai.
2CH 20:4 Bena Iuda taudia na e hebou, hekaha na Iehova ena amo bae tahua totona; Iuda hanuadia iboudiai amo ema, Iehova itahuna totona.
2CH 20:5 Bena Iehosafat na Iuda bona Ierusalem hebouna bogaraginai e gini, Iehova ena dubu ai, magu matamatana vairanai;
2CH 20:6 bena eto, Iehova e, senemai edia Dirava, oi na guba Diravana ani? Oi na bese idau-idau basileiadia iboudiai o lohiadiamu ani? Oi imamu ai na siahu bona goada, una dainai oi ilao-ahumu dalana na tau ta asi dibana.
2CH 20:7 Emai Dirava e, oi ese ina tano taudia na emu bese Israel vairanai o luludia lasi, bona turamu Abraham garana o henidia, bae ḡaunaia hanaihanai, ani?
2CH 20:8 Bena idia ese vada e noholaia, bona lalonai gabu helaḡana vada e haginia, oi ladamu ena, eto,
2CH 20:9 Hahedika eiava dare eiava hahemaoro eiava dai-hanai gorerena eiava doe na latamai ai bema kau negana ai, ai ese ina dubu vairanai bona oi vairamu ai baia gini, badina be oi ladamu na ina dubu ai; bena emai hisihisi ai baia tai henimu, bena oi ese ba kamonai bona ba hamaunmai.
2CH 20:10 Harihari Amono bona Moab bona Seiri ororona taudia a itadia; Israel taudia na Aigupto amo ema negana ai oi ese o gwaudia tao, unu bese basie tuari henidia, bena e rakadia hanai, asie habuadia tari.
2CH 20:11 A itaia, edia ima-dava e maimu, emu tano, o henimai baia ḡaunaia tanona, amo bae lulumai lasi e tomu.
2CH 20:12 Emai Dirava e, oi basio hahemaoro henidia a? Badina be ai na asi goadamai, ina hutuma bada-hereana, ituari-henimai totona e maimu, vairadiai. Ai na asi dibamai ede baia kara toma, to matamai na oiemu ai e kaumu.
2CH 20:13 Una negana ai Iuda taudia iboudiai na Iehova vairanai e gini, mai natudia karukarudia bona adavadia bona natudia ida.
2CH 20:14 Bena Iehova ena Lauma ese lahasiel e rohea, hebou bogaraginai. Una lahasiel na Sekaria natuna; Sekaria tamana na Benaia; Benaia tamana na leiele; leiele tamana na Matania, Levi tauna, Asaf ena iduhu amo.
2CH 20:15 Ia eto, Iuda idoinai bona Ierusalem taumui iboumui ai, bona King Iehosafat, a kamonai. Iehova ese ini e gwau henirnui tomamu: Basio gari, kudoumui basie hetaha, ina hutuma bada-hereana dainai; badina be tuari na dia emui, a Dirava ena.
2CH 20:16 Kerukeru baola, ba tuari henidia; idia na Sisi amo bae dara dae; koura dokona ai ba davaridia, Ieruele tano-ḡaḡaena mairiveina kahana ai.
2CH 20:17 Iuda bona Ierusalem e, ina tuari ai umui na basio tuari; emui gabu ai ba gini noho, bena Iehova ena kwalimu umui daimui ai do ba itaia. Basio gari, kudoumui basie hetaha; kerukeru idia ituari-henidia baola, bona Iehova na umui ida.
2CH 20:18 Bena Iehosafat na e igo diho, tano ai e goru diho; bona Iuda taudia iboudiai bona Ierusalem taudia danu e goru diho Iehova vairanai, bona Iehova e toma henia diho.
2CH 20:19 Bena Levi taudia haida, Kohat taudia bona Kora taudia, na e tore tore isi, Iehova, Israel Diravana, e imodaia, mai gao badadia ida.
2CH 20:20 Daba maraḡi ai, idia na e tore isi, e raka lasi, Tekoa tano-ḡaḡaena ela. Idia e raka lasi negana ai, Iehosafat na e gini tore, eto, Iuda bona Ierusalem taumui e, a hakala henigu. Iehova, emui Dirava, bavabiabiraia, bena ba gini; ena peroveta taudia ba kamonai henidia, bena ba kwalimu.
2CH 20:21 Ia na taunimanima ida e henega bou, bena ia ese Iehova ihanamolaina anedia bae abi taudia e gvauraidia hidi; idia na dabua helaḡadia bae hahedokilai bona tuari oreana vairanai baela, baeto, Iehova ba hanamoa, badina be ena hebogahisi na e hesiriu hanaihanaimu.
2CH 20:22 Idia na heimodai anedia e abi matama negana ai, Iehova ese Amono bona Moab bona Seiri ororona taudia, hari Iuda ituari-henina totona vada ema taudia, ihahoadia dalana ta e lailaia; taunabunai idia na e darere.
2CH 20:23 Badina be Amono bona Moab taudia ese Seiri ororona taudia e tuan henidia bona e habuadia tan vaitani, bena Seiri taudia e aladia ore murinai idia na sibodia e hahebuatari heheniva.
2CH 20:24 Iuda taudia na kito rumana ai e kau, tano gagaena ai, bena idia ese hari hutuma e rohadia bona e itadia mase taudia mo tano ai hehekure; ta se mauri.
2CH 20:25 Iehosafat mai ena orea taudia ida edia kohu iabidia totona ela negana ai, idia ese boromakau momo bona kohu bona dabua bona dava-bada gaudia e davaridia. E abidia edia, ela bona asi goadadia haida ma bae hua. Dina toi lalodiai unu ḡau e abidia, badina be ḡau momo herea.
2CH 20:26 Bena dina ihahanina ai idia na Beraka Kourana ai e hebou. Unuseni ai idia ese Iehova e hanamoa; una dainai una gabu ladana e hatoamu Beraka Kourana ema bona ina dina.
2CH 20:27 Bena Iuda bona Ierusalem taudia iboudiai na e lou lao, bona Iehosafat na mata ai e raka; Ierusalem e lou henia mai moaledia ida, badina be Iehova ese vada e hamoaledia, inaidia vairadiai.
2CH 20:28 Idia na Ierusalem ai e dae kau, mai edia hatai-hatai ḡaudia badadia bona maraḡidia bona edia kibi ida; bena Iehova ena dubu ai e didi vareai.
2CH 20:29 Bena tano idau-idau basileiadia iboudiai na Iehova ese Israel taudia adia inai vada e tuari henidia sivaraina e kamonai negana ai na gari ese e butudia tao.
2CH 20:30 Taunabunai, Iehosafat ena basileia na asi reḡereḡena, badina be ena Dirava ese laḡa-ani e henia, kaha iboudiai.
2CH 20:31 Taunabunai, Iehosafat ese Iuda e lohiaia. E lohia matama negana ai ena mauri laḡanidia na toi-ahui ima; bena Ierusalem ai e lohia, laḡani ruahui ima. Ia sinana ladana na Asuba Silihi.
2CH 20:32 Ia na tamana Asa ena dala ai e raka, una dala amo se raka siri; kara maoromaoro e karava, Iehova vairanai.
2CH 20:33 Ḡau tamona, atai gabudia helaḡadia na se abidia oho; taunimanima lalodia ese senedia edia Dirava do asie abia dae.
2CH 20:34 Iehosafat ena kara oredia, matamana ela bona dokona, na Iehu Hanani Sisigana lalonai e hetore; una na Israel Pavapavadia Sisigadia Bukana ai.
2CH 20:35 Una murinai Iehosafat, Iuda pavapavana, na Ahasia, Israel pavapavana, kara havara tauna, ida e tami hebouva.
2CH 20:36 Ia ida e tami hebou, lagatoi haida e raidia, Tarasisi baela ḡaudia. Unu lagatoi na Esiono-gebere ai e raidia.
2CH 20:37 Bena Eliesere Dodavahu, tau Maresa, ese Iehosafat e gwau henia ena peroveta ai, eto, Ahasia ida vada o tami hebou dainai, Iehova ese ini vada o kara ḡaudia na baine habuadia tari. Bena lagatoidia na e tata kau, bena Tarasisi na vada asiela diba.
2CH 21:1 Iehosafat na tubu tama dekediai e mahuta; senena garadia ai e guria, David ena hanua ai. Bena natuna Iehoram na ia gabuna ai e lohia.
2CH 21:2 Ia na mai tadina, Iehosafat natuna haida; ladadia na Asaria, Iehiele, Sekaria, Asaria, Mikael bona Sefatia. Ini iboudiai na Iehosafat, Iuda pavapavana, natuna.
2CH 21:3 Tamadia ese herahia badadia e henidia, silver bona gold bona dava-bada kohudia, bona hanua mai maḡudia Iuda ai danu; a basileia na Iehoram e henia, badina be ia na natuna roboana.
2CH 21:4 Iehoram na tamana ena terono ai e dae kau, bona ena siahu e ha-aukaia, bena ia ese tadina iboudiai bona Israel lohiadia haida na dare amo e aladia mase.
2CH 21:5 Iehoram e lohia matama negana ai ena mauri laḡanidia na toi-ahui rua; ia na laḡani taurahani Ierusalem ai e lohia.
2CH 21:6 Ia na Israel pavapavadia edia dala ai e rakava, Ahaba ena iduhu taudia vada e karava heḡereḡerena, badina be Ahaba natuna hahinena na ia adavana. Ia na Iehova vairanai e kara dikava.
2CH 21:7 Ḡau tamona, Iehova na se ura David ena iduhu baine habuaia tari, badina be ia na David ida e hegwauhamata heheni, bona e gwau henia hamata, lamepa ta ia bona ia garana baine henidia ela bona hanaihanai.
2CH 21:8 Iena nega ai Edom ese Iuda ena helohia e dadaraia, bona sibodia edia pavapava ta e haginia.
2CH 21:9 Bena Iehoram na ena tuari biagudia bona ena kariota iboudiai ida e hanai; bena hanuaboi ai e tore isi, hari Edom taudia, ia bona ena kariota biagudia vada e daidia heḡeḡe taudia, na e rahudia mamase.
2CH 21:10 Taunabunai, Edom ese Iuda ena helohia vada e dadaraia ema bona ina dina. Una negana ai, Libna ese danu iena helohia e dadaraia, badina be ia ese Iehova, senena edia Dirava, vada e rakatania dainai.
2CH 21:11 Ina danu, ia ese atai gabudia helaḡadia e kara, Iuda ororodia ai, bona Ierusalem taudia na gwau-edeede daladia ai e hakaudia, bona Iuda taudia e harakadia kerere.
2CH 21:12 Bena revareva ta na peroveta tauna Elia ena amo ema, eto, Iehova, senemu David ena Dirava, na ini e gwau tomamu: Badina be tamamu Iehosafat eiava Asa, Iuda pavapavana, edia dala ai so raka,
2CH 21:13 a Israel pavapavadia edia dala ai vada o raka, bona Iuda bona Ierusalem taudia na gwau-edeede daladia ai vada o hakaudia, Ahaba ena iduhu ese Israel taudia na gwau-edeede daladia ai e hakaudia na heto, bona tadimu danu, tamamu ena iduhu taudia, oi e hereamu taudia, vada o aladia mase;
2CH 21:14 una dainai Iehova ese dai-hanai gorerena badana ta na emu orea taudia latadiai baine havaraia, bona natumu bona adavamu bona emu ḡau iboudiai latadiai;
2CH 21:15 bona oi danu ba gorere bada, bogaraumu gorerena ba davaria, ela bona una gorere dainai bogamu anina baine heḡiḡi lasi, dina ta ta amo.
2CH 21:16 Bena Iehova ese Filistia taudia bona Arabia taudia Etiopia taudia badibadidiai e nohova na edia badu e havaraia, Iehoram enai;
2CH 21:17 bena idia na Iuda ituari-henina totona ema, e daea, bona e davaridia kohudia iboudiai e hua lao, pavapava ena ruma kohudia, bona pavapava natuna bona adavana hahidaosi danu, e laohaidia; taunabunai natuna ta se noho, tau-muritai Iehoahasa mo sibona.
2CH 21:18 Una murinai Iehova ese gorere metau-hereana amo ia bogarauna e hahisihisia.
2CH 21:19 Negana ela, bena laḡani rua e ore ai ia bogana anina na e heḡiḡi lasi, una gorere dainai; bena e mase, n-ai hisihisi bada-hereana ida. Ena orea taudia na lahi ta asie ha-araia ia dainai, senena edia lahi e ha-arava heḡereḡeredia.
2CH 21:20 Ia na e lohia matama negana ai ena mauri laḡanidia na toi-ahui rua, bona ia na laḡani taurahani Ierusalem ai e lohia. E mase negana ai ta ese lalo-hisihisina se karaia; idia ese David ena hanua ai e guria, a dia pavapava edia gara ai.
2CH 22:1 Ierusalem taudia ese Iehoram natuna tau-muritai Ahasia na pavapava ai e halaoa, ia gabuna ai; badina be Arabia taudia ida ema oreana ese natuna gunadia iboudiai vada e aladia mase. Taunabunai, Ahasia, Iuda pavapavana Iehoram natuna, na e lohia.
2CH 22:2 Ahasia e lohia matama negana ai ena mauri laḡanidia na hari-ahui rua; ia na laḡani tamona mo e lohia, Ierusalem ai. Ia sinana ladana na Atalia; una hahine na Omri tubuna hahinena.
2CH 22:3 Ia danu Ahaba ena iduhu taudia edia dala ai e raka, badina be sinana ese e hahealo henia, kara dika daladia ai.
2CH 22:4 Ia na Iehova vairanai e kara havara, Ahaba ena iduhu taudia e karava heḡereḡerena; badina be tamana ena mase murinai idia ese e hahealo henia, bena e hakaraia dika.
2CH 22:5 Edia hahealo e abia dae dainai ia na Iehoram Ahaba, Israel pavapavana, ida ela, Hasaele, Suria pavapavana, na Ramoto-gilead ai bae tuari henia totona. Bena Suria taudia ese Ioram e haberoa;
2CH 22:6 bena ia na e lou lao Iesrele ai, ena bero, Hasaele, Suria pavapavana, e tuari henia negana ai Rama ai e davari gaudia, ihanamodia totona. Bena Ahasia Iehoram, Iuda pavapavana, na Iesrele ela, Ioram Ahaba i'igo-itana totona, badina be ia na e gorerea.
2CH 22:7 Dirava ese Ahasia ihadikana dalana e heḡaeḡaelaia, Ioram i'igo-itana ela amo. Badina be unuseni ai e kau, bena Iehoram ida e raka lasi, Iehu Nimisi ida bae hedavari totona. Una Iehu na Iehova ese vada e horoa, Ahaba ena iduhu ihabua-tarina helaoreana.
2CH 22:8 Iehu ese Ahaba ena iduhu taudia edia kara dika davadia e henidiava negana ai, ia na Iuda lohiadia bona Ahasia kakana natuna hahidaosi, Ahasia e bamoava taudia, ida e hedavari; bena ia ese e aladia mase.
2CH 22:9 Ia ese danu Ahasia e tahua, bena Samaria ai e komuva ai na e dabaia tao. Idia ese e laohaia Iehu dekenai, bena e hamasea. Bena e guria, badina be idia na eto, Ia na Iehosafat, mai lalona idoinai ida Iehova e tahua tauna, tubuna. Bena Ahasia ena iduhu ai asi tauna ta noho, basileia baine lohiaia diba.
2CH 22:10 Atalia, Ahasia sinana, ese e itaia, natuna na vada e mase, bena ia na e tore isi, Iuda pavapavana varavarana iboudiai e aladia mase.
2CH 22:11 A Iehosabea, hanua pavapavana natuna hahinena, ese Ioasa, Ahasia natuna, e abia, hanua pavapavana natuna mamaruanedia, bae aladia taudia, bogaragidia amo e hakaua oho hehuni, ireḡuna hahinena ida mahuta daiutuna ta ai e hunidia. Hari Iehosabea, King Iehoram natuna hahinena bona hahelaḡa tauna Iehoiada adavana, na unu e kara toma badina be ia na Ahasia taihuna; bena ia ese Atalia ena amo e hunia, taunabunai se alaia mase.
2CH 22:12 Bena ia na idia ida e nohova, laḡani tauratoi lalodiai, Dirava ena dubu ai e komuva, Atalia ese tano e lohiaiava negana ai.
2CH 23:1 Laḡani ihahituna ai Iehoiada na e boga auka, sinahu biagudia, Asaria Ierohama bona Ismael Iehohanan bona Asaria Obed bona Maaseia Adaia bona Elisafat Sikri, ida e henega bou.
2CH 23:2 Bena idia na Iuda tanona e rakaia hanai, Levi taudia Iuda hanuadia iboudiai lalodia amo bona Israel iduhudia ikwaradia taudia na e haboudia; bena idia na Ierusalem ela.
2CH 23:3 Bena hebou taudia iboudiai na hanua pavapavana ida e hegwauhamata heheni, Dirava ena dubu ai. Bena Iehoiada ese e hamaorodia, eto, A itaia, hanua pavapavana natuna; ia na baine lohia, Iehova ese David garana e herevalaidia heḡereḡerena.
2CH 23:4 Ini ba kara toma: umui hahelaḡa taumui bona Levi taumui dina helaḡa ai ḡaukara amo ba raka oho na orea toi ai ba haheparara; bona orea ta na ikoukou bae gimadia,
2CH 23:5 ma orea ta na pavapava ena ruma ai bae noho, ma orea ta na Dubu Badina Ikoukouna ai bae noho. A taunimanima iboudiai na Iehova ena dubu maguna lalodiai bae noho.
2CH 23:6 Ta ese Iehova ena dubu lalonai basine raka vareai, hahelaḡa taudia bona Levi taudia, mai edia ḡaukara taudia, sibodia mo bae raka vareai diba, badina be idia na hehelaḡa. A taunimanima iboudiai ese Iehova ena hahedua bae badinaia.
2CH 23:7 Levi taudia ese hanua pavapavana bae ginia heḡeḡe, ta ta mai edia tuari ḡaudia imadia ai; bena daika na dubu ai baine raka vareai na bae alaia mase. Hanua pavapavana na ba bamoa, ena raka vareai ai bona ena raka lasi ai.
2CH 23:8 Levi taudia bona Iuda taudia iboudiai ese hahelaḡa tauna Iehoiada ena haheḡani iboudiai heḡereḡeredia mo e kara. Ta ta ena orea ena orea e mailaidia, dina helaḡa ai ḡaukara amo bae raka oho oreadia bona dina helaḡa ai ḡaukara bae matamaia oreadia; badina be hahelaḡa tauna Iehoiada ese orea na se siaidia oho.
2CH 23:9 Bena hahelaḡa tauna Iehoiada ese io bona kesi, badadia bona maraḡidia, gunaguna King David ena, Dirava ena dubu ai e miava gaudia, na e abidia, orea biagudia e henidia.
2CH 23:10 Bona taunimanima iboudiai na hanua pavapavana igimana ai e halaodia, ta ta mai edia tuari ḡaudia imadia ai, dubu diho kahana amo ela bona dubu mirigini kahana ai, ihaboulaina patana bona dubu e ginia heḡeḡe.
2CH 23:11 Bena ia ese hanua pavapavana natuna e hakaua lasi, havava ḡauna na kwarana ai e atoa, bona dagi toana e henia; bena idia ese ia e gwauraia hanua pavapavana. Bena Iehoiada mai natuna ida ese ia e horoa; bena eto, Hanua pavapavana baine mauri daudau.
2CH 23:12 Atalia na reḡe e kamonai, taunimanima na e heau bona hanua pavapavana e imodaia, bena ia na Iehova ena dubu ai e raka vareai, taunimanima dekediai.
2CH 23:13 E roha lao negana ai hanua pavapavana e itaia, raka-vareaina ai e gini, ena au-tubua badibadinai; orea biagudia bona kibi-hiriri taudia danu hanua pavapavana badibadinai gigini; bona tano taudia iboudiai e moaleva bona kibi e hiririva, bona ane-abi taudia mai edia hatai-hatai gaudia ese moale e gunalaiava. Bena Atalia ese ena dabua e dare, e boi lolo, eto, Tao-tore! Tao-tore!
2CH 23:14 Bena hahelaḡa tauna Iehoiada ese tuari oreana biagudia e hakaudia lasi, e hereva henidia, eto, Gima taudia padadia amo ba hakaua lasi; ia murina amo baine raka tauna na dare amo bavalaia mase. Badina be hahelaḡa tauna eto, Iehova ena dubu ai basio alaia mase.
2CH 23:15 Bena idia ese e dabaia tao; bena hosi edia raka vareai dalana amo hanua pavapavana ena ruma e lao henia, unuseni ai e alaia mase.
2CH 23:16 Bena Iehoiada ese ia bona taunimanima iboudiai bona hanua pavapavana na e haherohedia maino, idia na Iehova ena orea taudia ai baela totona.
2CH 23:17 Bena taunimanima iboudiai na Baal ena dubu ela, eha ḡiḡia dobi; ena ihaboulaina patadia bona ena kaivakuku danu e hamakohidia rohoroho; bona Matan, Baal ena hahelaḡa tauna, na ihaboulaina patadia vairadiai e alaia mase.
2CH 23:18 Bena Iehoiada ese Iehova ena dubu igimana taudia e atodia: idia e biagudia taudia be hahelaḡa taudia Levi oreana amo, bona Levi taudia. Unu na David ese edia orea ta ta ai e atodia, Iehova ena dubu ḡaukaradia bae biagudia, bona ḡole-oho bouboudia bae hahelaḡadia Iehova ena, Mose ena taravatu ai e torea heḡereḡerena, mai moaledia bona mai anedia ida, David ena hahedua heḡereḡerena.
2CH 23:19 Ia ese danu ikoukou igimadia taudia na Iehova ena dubu ikoukoudia ai e atodia, se haheḡoeva tauna ta basine raka vareai heloareana.
2CH 23:20 Bena ia ese orea biagudia bona hanua lohiadia, taunimanima e lohiadia taudia, bona tano taudia iboudiai, na e abidia; bena idia ese hanua pavapavana na Iehova ena dubu amo e hakaua diho, atai ikoukouna amo e raka hanai, ela hanua pavapavana ena ruma ai. Bena idia ese pavapava teronona ai e hahelaia kau.
2CH 23:21 Taunabunai, tano taudia iboudiai e moaleva; Atalia na dare amo e alaia mase murinai hanua na asi reḡereḡena.
2CH 24:1 Ioasa e lohia matama negana ai ena mauri laḡanidia na hitu hona; ia na laḡani hari-ahui Ierusalem ai e lohiava. Sinana ladana na Sibia; ia na Bere-sieba hahinena.
2CH 24:2 Ioasa na Iehova vairanai e kara maoromaoro, hahelaḡa tauna Iehoiada ena mauri dinadia iboudiai lalodiai.
2CH 24:3 Iehoiada ese ia adavana rarua e abidia hidi; bena ia ese natuna mamaruanedia bona hahinedia e havaradia.
2CH 24:4 Una murinai, Ioasa na lalona e hadaia Iehova ena dubu baine hanamoa lou eto.
2CH 24:5 Bena ia ese hahelaḡa taudia bona Levi taudia e haboudia, e hereva henidia, eto, Iuda hanuadia baola, Israel taudia iboudiai edia amo moni ba habou, laḡani ta ta amo emui Dirava ena dubu ba hanamoa helaoreana; ḡaukara ba haharagaia. A Levi taudia ese ḡaukara na se haharaḡaia.
2CH 24:6 Taunabunai, hanua pavapavana ese hahelaḡa tauna badana Iehoiada e boiria, e nanadaia, eto, Badina be dahaka Levi taudia so haduadia goada, idia ese Iuda bona Ierusalem amo tax monina, Iehova ena hesiai tauna Mose ese Israel hegogona latanai e gwauraia ḡauna, taravatu mauana kalagana ena, asie abia, asie mailaia?
2CH 24:7 Badina be una hahine dikana Atalia natuna mamaruanedia ese Dirava ena dubu e daea, bona Iehova ena dubu ai e hahelaḡadia gaudia iboudiai vada e ḡaukaralaidia, Baal ediai.
2CH 24:8 Taunabunai hanua pavapavana ese e haḡanidia, bena idia ese maua ta e karaia, Iehova ena dubu ikoukouna murimurinai e atoa.
2CH 24:9 Bena Iuda bona Ierusalem ai e gwauraia hedinarai, tax monina bae mailaia Iehova ena, Dirava ena hesiai tauna Mose ese tano ḡaḡaena ai Israel latanai e gwauraia ḡauna.
2CH 24:10 Bena lohia iboudiai bona taunimanima iboudiai e moale hisi dae. edia tax monidia e mailai, maua lalonai e uda dobi, ela bona e ore vaitani.
2CH 24:11 Bena Levi taudia ese moni momo maua ai e itava negadia ai, idia ese e laohaiava hanua pavapavana ena heitatao taudia dekediai; unu negadia ai hanua pavapavana ena toretore tauna bona hahelaḡa tauna badana ena heitatao tauna na e maiva, maua anina e bubuava; bena maua ma e laohaiava, gabuna ai e atoava. Dina ta ta amo unu e kara tomava, bena moni momo vada e haboudia.
2CH 24:12 Bena hanua pavapavana bona Iehoiada ese unu moni na Iehova ena dubu ḡaukaradia e ita taova taudia e henidia; bena idia ese nadi iḡaukaralaidia taudia bona kamuta taudia e vatudia, Iehova ena dubu bae hanamoa lou totona, bona auri bona auri labora-labora iḡaukaralaidia taudia danu e vatudia, Iehova ena dubu ibanina totona.
2CH 24:13 Taunabunai ḡaukara lalonai e vareai taudia na e ḡaukara goadagoada, bona dubu ibanina vada e haraḡa idia imadia ai; idia ese Dirava ena dubu ma e hanamoa lou oromana korikorina ai, bona e ha-aukaia danu.
2CH 24:14 Gaukara e ha-orea, bena moni orena na hanua pavapavana bona Iehoiada vairadiai e atoa. Una moni amo Iehova ena dubu kohuna idau-idau e kara, ia isiaina ilao-henina ḡaudia, bona ḡole-oho boubou ḡaudia bona e gabu muramuradia keberedia, bona gold bona silver ḡaudia. Bena Iehoiada ena maun dinadia iboudiai lalodiai ḡole-oho bouboudia e hahelaḡadia loulouva, Iehova ena dubu ai.
2CH 24:15 A Iehoiada na e buruka, ena mauri dinadia na momo herea; bena e mase. Ena mase negana ai, ena mauri laḡanidia na sinahu-ta toi-ahui.
2CH 24:16 Bena David ena hanua ai e guria, pavapava bogaragidiai, badina be ia na kara namodia e karava Israel ai, bona Dirava enai, bona ena dubu enai.
2CH 24:17 Iehoiada ena mase murinai, Iuda lohiadia na ema, hanua pavapavana e toma henia diho; bena hanua pavapavana ese e kamonai henidia.
2CH 24:18 Bena idia ese Iehova, senedia edia Dirava, ena dubu e rakatania, Asera kaivakukudia bona kaivakuku haida isiaidia e lao heni. Bena badu na Iuda bona Ierusalem latadiai e kau, edia kerere dainai.
2CH 24:19 Ḡau tamona, ia ese peroveta taudia na bogaragidiai e siaidia lao, Iehova enai bae haloudia totona; idia ese e hahebada henidia, to asie kamonai.
2CH 24:20 Bena Dirava ena Lauma ese Sekaria, hahelaḡa tauna Iehoiada natuna, na e rohea; bena taunimanima daediai e gini, e hereva henidia, eto, Dirava na ini e gwau tomamu: Dahaka dainai Iehova ena hehaḡani o tata utumu, bena namomui basine vara diba? Umui ese Iehova vada o rakatania dainai, ia ese vada e rakatanimui.
2CH 24:21 Bena idia ese ia ihadikana dalana e henegalaia, bona hanua pavapavana ena hahedua dainai idia ese nadi amo e hodoa, Iehova ena dubu maguna lalonai.
2CH 24:22 Una kara ai, Ioasa, hanua pavapavana, ese Iehoiada, Sekaria tamana, ena hebogahisi ienai e hahedinaraia na se laloa tao, a natuna e alaia mase. Bena mase e laova ai ia na eto, Iehova ese baine itaia, bona baine hadavaia.
2CH 24:23 Laḡani dokona ai, Suria tuari oreana na Ioasa ituari-henina totona ema. Iuda ai bona Ierusalem ai e kau, bena taunimanima bogaragidia amo hanua lohiadia iboudiai e habuadia tari, bona edia kohu iboudiai e abi, Damasko pavapavana dekena e siai lao.
2CH 24:24 Ena be Suria tuari oreana taudia na gagadoi, to Iehova ese tuari oreana bada-hereana na idia imadia ai e atoa, Iehova, senedia edia Dirava, vada e rakatania dainai. Unuheto idia ese Ioasa latanai hahemaoro anina e kara henia.
2CH 24:25 Idia na iena amo e raka oho, mai bero bada-hereana ida e rakatania, bena ena hesiai taudia ese ia ihadikana dalana e henegalaia, hahelaḡa tauna Iehoiada natuna rarana dainai, bena ena mahuta ḡauna latanai e alaia mase. Taunabunai, ia na e mase; bena David ena hanua ai e guria, a pavapava edia gara ai asie guria.
2CH 24:26 Ia ihadikana dalana e henegalaia taudia na Sabada, Simeata hane Amono natuna, bona Iehosabad, Simiriti hane Moab natuna.
2CH 24:27 Ia natuna mamaruanedia sivaraidia, bona peroveta herevadia momo ia latanai e gwaurai, bona Dirava ena dubu ihagini-louna sivaraina, na Hanua Pavapavadia Bukana anina ihahedinaraina herevadia lalodiai e hetore. Bena ia natuna Amasia na ia gabuna ai e lohia.
2CH 25:1 Amasia e lohia matama negana ai, ena mauri laḡanidia na ruahui-ima. Ia na laḡani ruahui taurahani-ta Ierusalem ai e lohia. Ia sinana ladana na Ieho-adana, Ierusalem hahinena.
2CH 25:2 Ia na Iehova vairanai e kara maorova, to dia mai lalo-ḡoevaḡoevana ida.
2CH 25:3 Lohia siahuna na ia imana ai e ha-aukaia negana ai, ia ese ena hesiai taudia, ia tamana hanua pavapavana e alaia mase taudia, na e aladia mase.
2CH 25:4 A idia natudia na ia ese se aladia mase, taravatu na Mose ena buka ai e torea heḡereḡerena; unuseni ai Iehova e haheḡani, eto “Tama na basio aladia mase natudia daidiai, eiava memero na basio aladia mase tamadia daidiai; a ta ta ena kara dika ena kara dika daidiai bae mase”.
2CH 25:5 Bena Amasia ese Iuda taudia e haboudia, edia iduhu ta ta daha biagudia bona sinahu biagudia e atodia, Iuda idoinai bona Beniamina idoinai unu e karadia toma. Laḡani ruahui vada e hanai tataudia na e haboudia, bena e duahidia, iboudiai na abi-hidi taudia domaga-toi, tuari ai bae heḡereḡere bona io bona kesi iḡaukaralaidia mai dibadia taudia.
2CH 25:6 Ia ese danu goada-herea taudia domaga-ta na Israel amo e vatudia, davadia na silver talent sinaltu-ta.
2CH 25:7 Dirava ena tau ta ia dekena ema, eto, Pavapava e, Israel tuari oreana na oi ida basiola, badina be Iehova na dia Israel ida, dia ini Efraim taudia iboudiai ida.
2CH 25:8 A boma laloa ina dala amo tuari ai ba goada, Dirava ese baine tahomu dobi, inai taudia vairadiai; badina be Dirava na mai siahuna baine kahamu eiava baine tahomu dobi.
2CH 25:9 Bena Amasia ese Dirava ena tau e nanadaia, eto, A hari talent sinahu-ta Israel tuari oreana vada na henidia na ede baia tomaia? Dirava ena tau e haere, eto, Iehova baine henimu diba ḡauna ese una na baine hereaia.
2CH 25:10 Bena Amasia ese tuari oreana, Efraim amo ia dekena vada ema ḡauna, na e hakarohodia, e siaidia lao, edia hanua bae lou heni. Bena edia badu e bada Iuda enai; bena edia hanua ela mai badu ḡaraḡaradia ida.
2CH 25:11 A Amasia na e boga auka, ena orea taudia e hakaudia lasi, Damena Kourana ela, Seiri taudia gerebu-ta e rahudia mase.
2CH 25:12 Iuda taudia ese gerebu-ta ma e abidia mauri; bena haga nadina ta dorina e laohaidia, una haga nadina dorina amo e tahodia dobi; iboudiai na e hehuari patapata.
2CH 25:13 A Amasia ese e haloua oreana, ia ida tuari lalonai basiela eto taudia, na Iuda hanuadia e tuari henidia, Samaria amo ela bona Bete-horono lalodiai idia ese hanua taudia daha-toi e aladia mase, bona kohu momo e abi, e laohai.
2CH 25:14 Amasia na Edom taudia iala-masedia amo e lou murinai ia ese Seiri taudia edia dirava laulaudia e mailaidia, e haginidia iena dirava; bena ia ese e toma henidia diho, bona boubou ḡaudia e hahelaḡadia edia.
2CH 25:15 Taunabunai Iehova ese Amasia e badu henia, bona peroveta tauna ta ia dekena e siaia. Una peroveta tauna ese e hereva henia, eto, Dahaka dainai varavaradia na oi imamu amo asie hamauridia besena edia dirava vada o lao henidiamu?
2CH 25:16 Dounu e herevava ai hanua pavapavana ese e gwau henia, eto, Ai ese pavapava ena hahealo tauna ai vada a halaomu a? A hadokoa! Baia alamu mase anina be dahaka? Taunabunai, peroveta tauna ese ena hereva e hadokoa; a ia eto, Lau dibagu Dirava ese lalona vada e ha-aukaia, baine habuamu tari, badina be ini vada o kara toma bona egu hahealo herevadia so kamonai henidia.
2CH 25:17 Bena Amasia, Iuda pavapavana, na hahealo e tahua, bena Ioasa, Iehoahasa Iehu natuna, Israel pavapavana, dekena e hesiai, eto, Aoma, vairada aitame heita heheni.
2CH 25:18 Bena Ioasa, Israel pavapavana, ese hereva na Amasia, Iuda pavapavana, dekena e siaia lao, eto, Lebanon ava-ḡiniḡinina ta na Lebanon sida-auna dekena e siaia lao, eto “Natumu kekenina na lau natugu maruanena ba henia, baine adavaia”; a Lebanon uda-boromana ta ese raka-hanaina ai una ava-ḡinigini na e moia tao.
2CH 25:19 Oi na o tomu “A itaia; Edom vada na rahua mase”, bena lalomu e heabi isimu, o heaḡimu. A harihari emu hanua ai ba noho; anina be dahaka hekwarahi ba havaraia, bena ba moru, oi bona Iuda idoinai danu oi ida?
2CH 25:20 Bena Amasia na se kamonai; badina be una na Dirava ena amo, inaidia imadia ai baine atodia helaoreana, idia ese Edom diravadia e tahudia dainai.
2CH 25:21 Taunabunai Ioasa, Israel pavapavana, na e dae ela; bena ia bona Amasia, Iuda pavapavana, na e hevaira heheni tuari ai, Bete-semese ai, Iuda tanona ai.
2CH 25:22 Bena Iuda na Israel ese e hadarerea, bona Iuda taudia na e heau, ta ta ena ruma ena ruma ela.
2CH 25:23 Bena Ioasa, Israel pavapavana, ese Amasia, Iuda pavapavana, Iehoasa Ahasia natuna, e abia mauri, Bete-semese ai. Ia ese Ierusalem e laohaia, bena Ierusalem maḡuna e ḡiḡia dobi, Efraim Ikoukouna amo ela bona Daiguni Ikoukouna, padadia na kiubit sinahu-hani.
2CH 25:24 Ia ese danu gold bona silver idoinai bona ḡau iboudiai Dirava ena dubu ai e davari ḡaudia, na e abidia, bona Obed-edom danu e abia, idia ida. Ia ese pavapava ena ruma kohuna namo-hereadia e dadidia, bona abi-mauri taudia danu; bena Samaria e lou lao.
2CH 25:25 Amasia Ioasa, Iuda pavapavana, na laḡani gwauta-ima dounu mauri, Ioasa Iehoahasa, Israel pavapavana, ena mase murinai.
2CH 25:26 Amasia ena kara oredia, matamana ela bona dokona, na Iuda bona Israel Pavapavadia Bukana ai e hetore, ani?
2CH 25:27 Iehova ena amo e raka oho negana amo idia ese ia ialana dalana e henegalaia Ierusalem ai; bena ia na e heau, Lakisi ela. A idia ese haida na ia murina amo e siaidia lao ela bona Lakisi; unuseni ai e alaia mase.
2CH 25:28 Bena hosi ai e atoa kau, e laohaia; bena Ierusalem ai e guria, tubu tama dekediai, David ena hanua ai.
2CH 26:1 Bena Iuda taudia iboudiai ese Usia na ena mauri laḡanina ihagwauta-tauratoina ai e abia, hanua pavapavana ai e halaoa, tamana Amasia gabuna ai.
2CH 26:2 Ia ese Elata e haginia, bona Iuda hanuana ta ai ma e halaoa, hanua pavapavana na tubu tama dekediai e mahuta murinai.
2CH 26:3 Usia e lohia matama negana ai ena maun laḡanidia na gwauta-tauratoi; ia na laḡani imahui-rua Ierusalem ai e lohia. Sinana ladana na lekolia, hane Ierusalem.
2CH 26:4 Ia na Iehova vairanai e kara maoromaoro, tamana Amasia ena kara iboudiai heḡereḡeredia ai e kara.
2CH 26:5 Ia ese Dirava itahuna na Sekaria ena nega ai e matamaia; hari Sekaria ese Dirava garina e hadibalaia; bona Iehova e tahuava negadia iboudiai lalodiai, Dirava ese ena namo e habadaia.
2CH 26:6 Ia na e raka lasi, Filistia taudia e tuari henidia, Gata bona labne bona Asdod maḡudia eha ḡiḡidia dobi. Ia ese hanua haida na Asdod tanona ai bona gabu haida ai danu e haginidia, Filistia taudia padadiai.
2CH 26:7 Dirava ese e durua, Filistia taudia ituari-henidia ai, bona Arabia taudia Guru-baal ai e nohova bona Meunimi taudia ituari-henidia ai danu.
2CH 26:8 Amono taudia ese heaiva ḡaudia na Usia e henia, bona ia harina vada e haperea ela bona Aigupto tano-hetoana; badina be ena goada e habadaia e laova.
2CH 26:9 Ina danu, Usia ese kohoro e haginidia Ierusalem ai, Daiguni Ikoukouna bona Koura Ikoukouna badibadidiai bona maḡu diagunidia ai, bona e ha-aukadia, tuari gabudia ai baela.
2CH 26:10 Ia ese danu kohoro haida tano ḡaḡaena ai e haginidia, bona guri momo e ḡei, badina be ena seri na momo, Sefela ai bona taora ai danu. Ia na mai ena biru taudia bona ena vine ireḡudia taudia, ororo ai bona nomu tanodia ai, badina be biru e ura henia.
2CH 26:11 Ma ina danu, Usia na mai ena tuari oreana, tuari ai heḡereḡere taudia, edia orea ta ta ai e haboudia, leiele toretore tauna, bona Maaseia, heitatao tauna, ese e hagaudia heḡereḡerena. Biagudia na Hanania, hanua pavapavana ena tuari lohiana ta.
2CH 26:12 Iduhu ikwaradia taudia, goada-herea taudia, iboudiai na daha-rua sinahu-tauratoi.
2CH 26:13 Tuari oreana taudia idia henudiai iboudiai na domaga-toi daha-hitu sinahu-ima; idia na gogoada heherea, tuari ai bae tuari diba, bona hanua pavapavana iduruna mai dibadia, inai taudia ituari-henidia ai.
2CH 26:14 Bona Usia ese kesi bona io bona kwara ḡaudia bona auri dabuadia bona peva bona vilipopo nadidia e abi heḡaeḡae, tuari taudia iboudiai edia.
2CH 26:15 Bona Ierusalem ai ia na ḡau haida e kara, aonega taudia ese ikaradia daladia e lalo davari heḡereḡerena, kohoro ai bona maḡu daigunidia ai bae heato, diba ikinolaidia bona nadi badadia ipidi-lasilaidia. Bena ia harina e pere rohoroho, badina be heduru badana e davaria ela bona vada e goada.
2CH 26:16 A e goada negana ai, ena heaḡi e vara, unu amo e dika Badina be Iehova, ena Dirava, enai e kara koikoi; ia na Iehova ena dubu ai e raka vareai, muramura patana ai muramura mai bonana baine gabua eto.
2CH 26:17 A hahelaḡa tauna Asaria na ia murina amo e raka vareai, Iehova ena hahelaḡa taudia taurahani-ahui, boga-auka taudia, ida.
2CH 26:18 Bena idia ese King Usia e laoa ahu, eto, Usia e, dia oiemu ḡaukara muramura mai bonana ba gabua Iehova ena, a Aaron garana hari vada e hahelaḡadia, muramura mai bonadia bae gabu. Gabu helaḡana amo a raka lasi, badina be vada o kara kerere, bona ina kara ai hahenamo na Iehova ena amo basio abia.
2CH 26:19 Bena Usia na e badu. Una negana ai gida keberena ta be ia imana ai, muramura igabulaina ḡauna, bena hahelaḡa taudia e badu henidia negana ai lepra na e vara ia baguna ai, hahelaḡa taudia vairadiai, Iehova ena dubu lalonai, muramura patana badibadinai.
2CH 26:20 Bena hahelaḡa tauna badana Asaria bona hahelaḡa taudia iboudiai ese ia e raraia, e itaia baguna na mai leprana. Bena e doria lasi haraḡa, bona ia sibona danu e raka lasi haraḡa, badina be Iehova ese vada e hahisia.
2CH 26:21 Bena King Usia vada lepra tauna, ela bona ena mase dinana. Ia na lepra tauna dainai sibona ena ruma ta ai e nohova, badina be mai taravatuna, Iehova ena dubu ai basine raka vareai. Bena ia natuna Iotam ese hanua pavapavana ena ruma e biagua, bona tano taudia e lohiadia.
2CH 26:22 Usia ena kara oredia, matamana ela bona dokona, peroveta tauna Isaia Arnoso ese sivaraidia e tore.
2CH 26:23 Usia na tubu tama dekediai e mahuta; bona tubu tama dekediai e guria, pavapava edia gara gabuna ai; badina be idia eto, Ia na lepra tauna. Bena natuna Iotam na ia gabuna ai e lohia.
2CH 27:1 Iotam e lohia matama negana ai, ena mauri laḡanidia na ruahui-ima; ia na laḡani gwauta-tauratoi Ierusalem ai e lohia. Sinana ladana na Ierusa; ia na Sadok natuna hahinena.
2CH 27:2 Ia na Iehova vairanai e kara maoromaoro, tamana Usia ena kara iboudiai heḡereḡeredia ai e kara; ḡau tamona ia na Iehova ena dubu ai se raka vareai kava. A taunimanima na dounu e kara havarava.
2CH 27:3 Ia ese Iehova ena dubu atai kahana ikoukouna e karaia, bona Ofele maḡuna latanai danu ruma momo e hagini.
2CH 27:4 Ia ese danu hanua haida e hadaidia Iuda ororodia ai, bona tuari rumadia bona kohoro e haginidia, ororo mai udadia doridia ai.
2CH 27:5 Ia ese Amono taudia edia pavapava e tuari henia, bena e hadareredia. Bena una laḡani lalonai Amono taudia ese silver talent sinahu-ta, bona uit koro gerebu-ta, bona bali koro gerebu-ta, e henia. Amono taudia ese danu unu heḡereḡeredia ma e henia, laḡani iharuana ai bona laḡani ihatoina ai.
2CH 27:6 Taunabunai, Iotam na e goada e Iehova, badina be ena dala nahuana e tohoava Iehova, ena Dirava, vairanai.
2CH 27:7 Iotam ena kara oredia, bona ena tuari iboudiai, bona ena ḡaukara daladia, sivaraidia na Israel bona Iuda Pavapavadia Sisigadia Bukana ai vada e hetore.
2CH 27:8 E lohia matama negana ai, ena mauri laḡanidia na ruahui-ima; ia na laḡani gwauta-tauratoi Ierusalem ai e lohiava.
2CH 27:9 Bena Iotam na tubu tama dekediai e mahuta; David ena hanua ai e guria. Bena ia natuna Ahasa na ia gabuna ai e lohia.
2CH 28:1 Ahasa e lohia matama negana ai ena mauri laḡanidia na ruahui; ia na laḡani gwauta-tauratoi e lohiava Ierusalem ai. Ia na Iehova vairanai se kara maoromaorova, senena David e karava heḡereḡerena,
2CH 28:2 a Israel pavapavadia edia dala ai e rakava. Ia ese kaivakuku na e havevea aurina amo e karadia, Baal edia;
2CH 28:3 bona muramura mai bonadia e gabu, Hinom natuna ena koura ai; bona natuna mamaruanedia na ḡole-oho bouboudia ai e halaodia, Iehova ese Israel taudia vairadiai e luludia lasi besedia edia kara dika-hereadia heḡereḡeredia.
2CH 28:4 Ia ese danu boubou karadia e karava bona muramura mai bonadia e gabuva, atai gabudia ai bona ororo ai bona au mauridia iboudiai henudiai.
2CH 28:5 Taunabunai Iehova, ena Dirava, ese Suria pavapavana imana ai e atoa. Suria pavapavana ese e hadarerea, bona ena orea taudia hutuma bada e abidia mauri, bena Damasko e laohaidia. Israel pavapavana imana ai e atoa danu; bena una tau ese e hadarerea mai ala-ala badana ida.
2CH 28:6 Badina be Peka Remalia ese Iuda taudia domaga-ta gerebu-rua na dina tamona ai e aladia mase, iboudiai na goada taudia; badina be idia ese Iehova, senedia edia Dirava, vada e rakatania.
2CH 28:7 Bena Sikri, goada-herea tauna ta Efraim ai, ese Maaseia, hanua pavapavana natuna, bona Asarikama, pavapava ena ruma biaguna, bona Elkana, hanua pavapavana badibadinai e gini tauna, na e aladia mase.
2CH 28:8 Israel taudia ese varavaradia domaga-rua e abidia mauri, hahine, memero, bona kekeni; bona kohu momo edia amo e abi, bena unu kohu na Samaria e laohai.
2CH 28:9 A Iehova ena peroveta tauna ta, ladana Odede, na unuseni ai. Bena ia na e raka lasi, tuari oreana na Samaria irakakahi-henina ai e hedavari henidia; bena e hamaorodia, eto, A itaia, Iehova, senemui edia Dirava, ese Iuda taudia e badu henidia dainai, ia ese umui imamui ai e atodia; a umui ese vada o ala-ala henidia mai badumui ida, una badu na e dae ela guba ai.
2CH 28:10 Harihari emui lalo-hadai be Iuda taudia bona Ierusalem taudia, mamaruanedia bona hahinedia, ba ḡuidia, bona emui hesiai taudia ai ba halaodia. A umui danu sibomui ese Iehova, emui Dirava, asio kara dika henia a?
2CH 28:11 Harihari ba kamonai henigu, varavaramui o abidia mauri na ba siaidia lou, badina be Iehova ena badu ḡaraḡara na umui latamui ai.
2CH 28:12 Lohia haida danu Efraim oreana amo, Asaria Iohanan bona Berekia Mesilemoto bona Iehisikia Salumu bona Amasa Hadalai, ese tuari amo e maiva taudia ilao-ahudia e gini,
2CH 28:13 e hamaorodia, eto, Abi-mauri taudia na iniseni ai basio hakaudia vareai; badina be o haeroamu karana ese baine hakerereda Iehova vairanai, bena una kerere na eda kara dika bona eda kerere gunadia latadiai baine heato ḡau. Badina be eda kerere vada e bada, bona badu ḡaraḡarana na Israel latanai.
2CH 28:14 Taunabunai, tuari taudia ese abi-mauri taudia bona e abi kohudia na lohia bona hebou taudia iboudiai vairadiai e rakatanidia.
2CH 28:15 Bena hari ladadia vada e hegwaurai taudia na e tore isi; bena idia ese unu abi-mauri taudia na e abidia, bona idia bogaragidiai asi dabuadia taudia iboudiai na unu e abi ḡaudia amo e hadabualaidia, bona tamaka e henidia, bona aniani bona ranu e henidia, bona taudia na dehoro amo e dahudia. Bena edia manoka taudia iboudiai na doniki latadiai e hahelaidia kau; bena varavaradia dekedia e laohaidia, Ieriko, pamu audia hanuana, lalonai. Bena idia na Samaria e lou lao.
2CH 28:16 Una negana ai King Ahasa ese hereva na Asuria pavapavana dekena e siaia lao, una tau ese baine durua eto.
2CH 28:17 Badina be Edom taudia ese Iuda na ma vada e daea bona e hadarerea, bona abi-mauri taudia vada e laohaidia.
2CH 28:18 Bona Filistia taudia ese Sefela kahana bona Iuda diho kahana hanuadia vada e tuari henidia; bena Bete-semese bona Aialono bona Gederoto e abidia, bona Soko bona Timuna bona Gimiso, mai edia hanua maraḡidia ida; bena unuseni ai e nohova.
2CH 28:19 Badina be Iehova ese Iuda e taoa tari, Ahasa, Israel pavapavana, dainai; badina be Iuda ai e kara havara, bona Iehova vada e gwau edeede henia.
2CH 28:20 Taunabunai Tiglata-pilnesere, Asuria pavapavana, na ia ituari-henina totona ema; bena e hahisihisia mo, a se hagoadaia.
2CH 28:21 Badina be Ahasa ese Iehova ena dubu bona pavapava ena ruma bona lohia edia ruma kohudia e abi, heaiva ḡaudia na Asuna pavapavana e henia; to unu ese na se kahaia.
2CH 28:22 Ena hisihisi negana ai ena gwau-edeede Iehova enai ma e habadaia, hari King Ahasa ese.
2CH 28:23 Badina be ia ese boubou ḡaudia e hahelaḡadia, Damasko diravadia, e hadarerea ḡaudia, edia. Ia eto, Suria pavapavadia edia dirava ese idia e durudia dainai, lau ese boubou ḡaudia baina hahelaḡadia edia, bae durugu helaoreana. A idia ese ia bona Israel idoinai e hadikadia rohoroho.
2CH 28:24 Bena Ahasa ese Dirava ena dubu kohudia e haboudia bona e utudia sisisisi; bona Iehova ena dubu iduaradia e koudia ahu. Bena ia ese ihaboulaina patadia e kara, ia sibona ena, Ierusalem daigunidia iboudiai lalodiai.
2CH 28:25 Iuda hanuadia iboudiai Ialodiai danu ia ese atai gabudia e kara, unuseni ai muramura mai bonadia bae gabu, idau dirava edia; unu amo ia ese Iehova, senena edia Dirava, e habadua.
2CH 28:26 Ena kara orena bona ena dala iboudiai, matamana ela bona dokona, na Iuda bona Israel Pavapavadia Sisigadia Bukana ai vada e hetore.
2CH 28:27 Bena Ahasa na tubu tama dekediai e mahuta. Hanua lalonai e guria, Ierusalem ai; badina be Israel pavapavadia edia gara ai asie vareailaia. Bena ia natuna Hesekia na ia gabuna ai e lohia.
2CH 29:1 Hesekia e lohia matama negana ai ena mauri laḡanidia na ruahui-ima. Ia na laḡani ruahui-taurahanita e lohiava Ierusalem ai. Sinana ladana na Abia, Sekaria natuna hahinena.
2CH 29:2 Ia na Iehova vairanai e kara maoromaoroava, senena David ena kara iboudiai heḡereḡeredia ai e karava.
2CH 29:3 Ena lohia laḡanina gini-gunana huana gini-gunana ai, ia ese Iehova ena dubu iduaradia e kehodia bona e banidia.
2CH 29:4 Hahelaḡa taudia bona Levi taudia na e hakaudia vareai, maḡu lalonai e haboudia, mairiveina kahana ai.
2CH 29:5 Ia ese e hamaorodia, eto, Levi taumui e, a kamonai henigu! Sibomui ba hahelaḡa, bona Iehova, senemui edia Dirava, ena dubu ba hahelaḡaia; bona miro na gabu helaḡana amo bavabia lasi murimuri ai.
2CH 29:6 Badina be tamada vada e gwau edeede, Iehova, eda Dirava, vairanai vada e kara havara; idia ese ia vada e rakatania, bona vairadia na Iehova ena noho gabuna amo e mede kerehai, e gini muri.
2CH 29:7 Dehe iduaradia danu vada e koudia, bona lamepa vada e habododia, muramura mai bonadia asie gabu bona ḡole-oho bouboudia asie hahelaḡadia, Israel Diravana ena gabu helaḡana lalonai.
2CH 29:8 Taunabunai, Iehova ena badu na Iuda bona Ierusalem latadiai e kau, taunimanima ese igari-henidia bona ihoalaidia bona isi-henidia ḡaudia ai vada e halaodia, umui sibomui ese matamui ai o itamu heḡereḡerena.
2CH 29:9 Badina be o itaiamu, tamada na dare amo vada e mase, bona natuda mamaruanedia bona hahinedia bona adavadia na iḡui ai e nohomu, una dainai.
2CH 29:10 Harihari lau lalogu na e uramu Iehova, Israel Diravana, ida baia herohemaino, ena badu ḡaraḡara na ita eda amo baine heabi oho helaoreana.
2CH 29:11 Natugu e, harihari basio hedavauhe, badina be Iehova ese vada e abimui hidi, ia vairanai ba gini, ia ba toma henia diho, ia isiaina ba lao heni, bona ienai muramura mai bonadia ba gabu totona.
2CH 29:12 Bena Levi taudia na e tore isi. Taudia bini. Kohat iduhuna amo: Mahata Amasai bona Ioel Asaria; Merari iduhuna amo: Kisa Abdi bona Asaria Iehalelele; Gereson iduhuna amo: loa Sima bona Eden loa;
2CH 29:13 Elisafan iduhuna amo: Simri bona leuele; Asaf iduhuna amo: Sekaria bona Matania;
2CH 29:14 Hemana iduhuna amo: Iehuele bona Simei; bona Iedutunu iduhuna amo: Semaia bona Usiele.
2CH 29:15 Idia ese tadikakadia e haboudia, bena sibodia e hahelaḡa; bena e raka vareai, hanua pavapavana ese Iehova ena hereva amo e haduadia heḡereḡerena, Iehova ena dubu bae haḡoevaia totona.
2CH 29:16 Bena hahelaḡa taudia na Iehova ena dubu laloma daiutuna lalonai e raka vareai, bae haḡoevaia totona; bena miro iboudiai Iehova ena gabu helaḡana ai e davari na e abi lasi, Iehova ena dubu maḡuna ai; bena Levi taudia ese e abi, e laohai ela bona Kidron sinavaina.
2CH 29:17 Hua gini-gunana dinana gini-gunana ai idia ese hahelaḡa ḡaukaradia e kara matama; bena hua dinana ihataurahanina ai idia na Iehova ena dubu dehena ai e kau; bena dina taurahani lalodiai idia ese Iehova ena dubu e hahelaḡaia, ela bona hua gini-gunana dinana ihagwautatauratoina ai e hadokoa.
2CH 29:18 Bena idia na Hesekia, hanua pavapavana, dekenai e raka vareai, eto, Ai ese Iehova ena dubu idoinai vada a haḡoevaia, bona ḡole-oho bouboudia patana, mai kohuna iboudiai ida, bona flaoa helaḡana patana, mai kohuna iboudiai ida.
2CH 29:19 Kohu iboudiai, King Ahasa ese e lohiava negana lalonai ena gwau-edeede ai e negedia ḡaudia, na ai ese vada a heḡaeḡaelaidia bona vada a hahelaḡadia; a itaia, ḡaudia na Iehova ena ihaboulaina patana vairanai.
2CH 29:20 Bena Hesekia, hanua pavapavana, na daba ai e tore isi, hanua ena heitatao taudia iboudiai e haboudia, bena Iehova ena dubu ai e dae kau.
2CH 29:21 Idia ese boromakau mamaruanedia hitu bona mamoe mamaruanedia hitu bona mamoe natudia hitu bona nani mamaruanedia hitu e vareailaidia, boubou ḡaudia ai baela, kara dika daidiai, basileia ena, bona gabu helaḡana ena, bona Iuda ena. Bena ia ese hahelaḡa taudia, Aaron garana, na e haḡanidia, idia ese unu ḡau bae hahelaḡadia, Iehova ena ihaboulaina patana latanai.
2CH 29:22 Taunabunai, idia ese boromakau mamaruanedia e aladia mase; bena hahelaḡa taudia ese raradia e abi, ihaboulaina patana e nevarilaia; bona mamoe mamaruanedia e aladia mase, bona raradia na ihaboulaina patana e nevarilaia; mamoe natudia danu e aladia mase, bona raradia na ihaboulaina patana e nevarilaia.
2CH 29:23 Bena nani mamaruanedia e mailai, hanua pavapavana bona hebou taudia dekediai, boubou ḡaudia ai bae halao, kara dika dainai; bena idia ese imadia na latadiai e ato kau.
2CH 29:24 Bena hahelaḡa taudia ese e aladia mase, bona raradia na kara dika dainai boubou ḡauna ai e halaoa, ihaboulaina patana latanai, herohemaino ikaralaina, Israel taudia iboudiai edia. Badina be hanua pavapavana ese e haḡanidia, ḡole-oho boubouna bona kara-dika boubouna bae kara, Israel taudia iboudiai edia.
2CH 29:25 Bena ia ese Levi taudia na Iehova ena dubu ai e atodia, mai edia botabota auridia, bona hatai-hatai ḡaudia badadia bona maraḡidia ida, David bona hanua pavapavana ena mata-hanai tauna Gad bona peroveta tauna Natan edia haheḡani heḡereḡerena; badina be una haheḡani na Iehova ena amo ema, ena peroveta taudia edia amo.
2CH 29:26 Levi taudia na e gini, David ena botabota auridia bona ena hatai-hatai ḡaudia imadia ai e abi; bona hahelaḡa taudia danu, mai edia kibi ida.
2CH 29:27 Bena Hesekia ese e haḡanidia, ḡole-oho boubouna na ihaboulaina patana ai bae hahelaḡaia. Bena ihahelaḡana e matamaia negana ai, Iehova ihanamolaina anena danu e ladaia isi, bona kibi e hiriri, bona David, Israel pavapavana, ena ḡau e botadia bona e hataidia.
2CH 29:28 Hebou idoinai e toma diho, bona ane-abi taudia ese ane e abi, bona kibi-hiriri taudia ese edia kibi e hiriri; una mo e kara toma ela bona ḡole-oho boubouna ḡaudia vada e haḡoledia oho vaitani.
2CH 29:29 Boubou karana e ore, bena hanua pavapavana bona ia ida e hebou taudia iboudiai na e igo diho, e toma diho.
2CH 29:30 Bena Hesekia, hanua pavapavana, bona lohia taudia, ese Levi taudia e haḡanidia, Iehova ihanamolaina anedia bae abi, David ena, bona Asaf, matai-hanai tauna, ena. Bena ihanamolaina anedia e abi mai moaledia ida. Bena e igo diho, e toma diho.
2CH 29:31 Bena Hesekia eto, Sibomui vada o hahelaḡa, Iehova ena; harihari a raka kahi mai, boubou ḡaudia bona hahenamo herahiadia na Iehova ena dubu ai a mailaidia. Bena hebou taudia ese boubou ḡaudia bona hahenamo herahiadia e mailai; bona ura kwalimu taudia iboudiai ese ḡole-oho boubouna ḡaudia e mailaidia.
2CH 29:32 Gole-oho boubouna ḡaudia hebou taudia ese e mailaidia be inihohodia: boromakau mamaruanedia hitu-ahui, mamoe mamaruanedia sinahu-ta, bona mamoe natudia sinahu-rua; unu iboudiai na ḡole-oho boubouna ḡaudia, Iehova ena.
2CH 29:33 Bona e hahelaḡadia herahiadia na boromakau mamaruanedia sinahu-tauratoi bona mamoe daha-toi.
2CH 29:34 A hahelaḡa taudia na dia hoho ḡole-oho boubouna ḡaudia iboudiai na bae kopadia, taunabunai hahelaḡa taudia haida na sibodia do asie hahelaḡa negana lalonai tadikakadia Levi taudia ese e durudia, ela bona ḡaukara vada e ore; badina be Levi taudia edia lalo-maoromaorona ese nahelaḡa taudia edia e hereaia, sibodia edia hahelaḡa karana ai.
2CH 29:35 Ḡole-oho ḡaudia momomomo latadiai na maino boubouna ḡaudia digaradia bona inuinu bouboudia, ḡole-oho ḡaudia edia, danu. Iehova ena dubu ḡaukarana na unu e haginia lou toma.
2CH 29:36 Bena Hesekia bona taunimanima iboudiai na e moale, Dirava ese taunimanima vada e kara henidia karadia daidiai; badina be una kara na vada e vara taku.
2CH 30:1 Hesekia ese hereva e siaia lao Israel bona Iuda kahadia idoidiai, bona revareva e tore Efraim bona Manase edia, idia na Iehova ena dubu Ierusalem ai baema, Iehova, Israel Diravana, ena lagau-hanai ariana bae karaia totona.
2CH 30:2 Hanua pavapavana bona hanua lohiadia bona Ierusalem hebouna idoinai vada e henega, lagau-hanai ariana na hua iharuana ai bae karaia eto.
2CH 30:3 (Idia na asi edia dala negana korikorina ai bae karaia, badina be hahelaḡa taudia na asie heḡereḡere, haida na sibodia do asie hahelaḡa dainai, bona taunimanima danu Ierusalem ai do asie hebou.)
2CH 30:4 Bena una lalo-hadai na hanua pavapavana bona hebou idoinai e haeroa vada e namo.
2CH 30:5 Taunabunai idia na e hahedua, Israel idoinai lalonai, Bere-sieba amo ela bona Dan, bae gwauraia hedinarai, taunimanima na Ierusalem baema, lagau-hanai ariana bae karaia Ierusalem ai, e gwauraia dalana heḡereḡerena ai, Iehova, Israel Diravana, ena; badina be idia hutuma ese asie badinaiava.
2CH 30:6 Taunabunai, gwaukau taudia na Israel bona Iuda tanodia idoidiai e rakadia hanai, hanua pavapavana mai ena lohia taudia ida e tore revarevadia e laohai, hanua pavapavana ena haheḡani heḡereḡerena, eto, Israel taumui e, Iehova, Abraham bona Isaak bona Israel edia Dirava, ba lou henia, ia ese umui kwabukwabumui, Asuria pavapavadia imadia amo vada o roho mauri taumui, ma baine haḡeremui lou helaoreana.
2CH 30:7 Tamamui bona tadikakamui ida basio heḡereḡere; idia ese Iehova, senedia edia Dirava, e gwau edeede henia, una dainai ia ese e harahudia tari, umui ese o itaiamu heḡereḡerena.
2CH 30:8 Basio aio auka, tamamui heḡereḡeredia, a Iehova enai ba hedaro dae, bona ena gabu helaḡana, ia ese vada e hahelaḡaia hanaihanai ḡauna, baoma; Iehova, emui Dirava, isiaina ba lao heni, ena badu ḡaraḡara na umui emui amo baine heabi oho helaoreana.
2CH 30:9 Badina be Iehova boma lou henia, tadikakamui bona natumui na e ḡuidia taudia ese bae bogadia hisi, bena idia na ina tano bae lou henia. Badina be Iehova, emui Dirava, na mai ena harihari-bada bona mai ena hebogahisi; boma lou henia, ia na emui amo basine mede kerehai.
2CH 30:10 Taunabunai, gwaukau taudia na hanua ta ta amo ela, Efraim bona Manase kahadia e rakadia hanai ela bona Sebulun; a idia ese e kirikirilaidia bona e ḡonaḡonalaidia.
2CH 30:11 Asere bona Manase bona Sebulun taudia hida hona be sibodia e hahemanau, bena Ierusalem ela.
2CH 30:12 Dirava imana na Iuda taudia latadiai danu, Ialodia ihatamonadia, hanua pavapavana bona hanua lohiadia ese Iehova ena hereva dainai e haheganilai karadia bae kara totona.
2CH 30:13 Taunabunai, hutuma na Ierusalem ai e hebou, asie hatubua flaoana ariana na hua iharuana ai bae karaia totona. Hebou na bada herea.
2CH 30:14 Idia na e ḡaukara matama, ihaboulaina patadia Ierusalem ai e abidia oho bona muramura mai bonadia igabudia patadia iboudiai e abidia, e laohaidia, Kidron kourana ai e negedia.
2CH 30:15 Bena hua iharuana dinana ihagwauta-hanina ai idia ese lagau-hanai mamoena e alaia mase. Bena hahelaḡa taudia bona Levi taudia na e hemarai; taunabunai idia na sibodia e hahelaḡa, bena ḡole-oho boubouna ḡaudia na Iehova ena dubu ai e vareailai.
2CH 30:16 Edia gini gabudia korikori ai e gini, Mose, Dirava ena tau, ena taravatu heḡereḡerena; bena hahelaḡa taudia ese Levi taudia imadia amo e abia rarana na e henevarilaia.
2CH 30:17 Badina be hutuma una hebou lalonai na sibodia asie hahelaḡa; una dainai Levi taudia edia ḡaukara ta be asie haheḡoeva taudia iboudiai edia lagau-hanai mamoedia e aladia mase, Iehova enai bae helaga totona.
2CH 30:18 Badina be taunimanima hutuma na sibodia asie haheḡoeva; momo na Efraim bona Manase bona Isakara bona Sebulun amo; ḡau tamona idia ese lagau-hanai ariana e ania, dala idauna amo, dia taravatu ese e gwauraia dalana heḡereḡerena. Badina be Hesekia na idia daidiai vada e ḡuriḡuri, eto, Iehova namona ese
2CH 30:19 unu lalodia vada e ura vaitani idia ese senedia edia Dirava, Iehova, bae tahua taudia iboudiai na edia dika baine gwau tao, ena be gabu helaḡana ena haheḡoeva taravatudia asie badinadia.
2CH 30:20 Bena Iehova ese Hesekia e kamonai henia, bona taunimanima na e hamauridia.
2CH 30:21 Israel taudia Ierusalem ai e hebouva ese asie hatubua flaoana ariana na dina hitu lalodiai e karaia, mai moale badadia ida; bona Levi taudia bona hahelaḡa taudia ese Iehova e imodaia, dina ta ta lalodiai, bona ane e abi mai goadadia ida Iehova ena.
2CH 30:22 Bena Hesekia ese Levi taudia na ena hereva amo e hagoadadia, badina be idia ese edia diba namona vada e hahedinaraia, Iehova isiaina ilao-henina lalonai. Taunabunai, hebou taudia ese aria anianidia e ani, dina hitu lalodiai, bona herohemaino bouboudia e hahelaḡadia, bona Iehova, senedia edia Dirava, e hanamoa.
2CH 30:23 Bena hebou taudia iboudiai ese ura tamona e uralaia hebou, aria na ma bae karaia lou dina hitu; taunabunai idia ese ma e karaia lou, dina hitu lalodiai, mai moaledia ida.
2CH 30:24 Badina be Hesekia, Iuda pavapavana, ese boromakau mamaruanedia daha-ta bona mamoe daha-hitu na hebou taudia e henidia, edia boubou ḡaudia; bona hanua lohiadia ese boromakau mamaruanedia daha-ta bona mamoe gerebu-ta e henidia. Hahelaḡa taudia hutuma na sibodia e hahelaḡa.
2CH 30:25 Iuda hegogona idoinai, bona hahelaḡa taudia bona Levi taudia, bona Israel amo ema taudia edia hegogo idoinai, bona noho-hedoa taudia Israel tanona amo ema, bona Iuda ai e noho hedoava taudia danu, na e moale.
2CH 30:26 Taunabunai, moale na bada Ierusalem ai; badina be Solomon, David natuna, Israel pavapavana, ena nega amo ema, kara unuhetomana na Ierusalem ai se hedinarai.
2CH 30:27 Bena hahelaḡa taudia bona Levi taudia na e tore tore isi, taunimanima e hanamodia. Bena gadodia na vada e kamonaidia, bona edia ḡuriḡuri na e dae, Dirava ena noho gabuna helaḡana guba ai.
2CH 31:1 Ina idoinai e ore, bena Israel taudia iboudiai unuseni ai e hebouva na e raka lasi, Iuda hanuadia ela, nadi au-tubuadia e hamakohidia rohoroho, bona kaivakuku au-tubuadia e utudia, bona atai gabudia bona ihaboulaina patadia e ḡiḡidia dobi, Iuda bona Beniamina tanodia idoidiai lalodiai, bona Efraim ai bona Manase ai, ela bona idia ese iboudiai vada e habuadia tari. Bena Israel taudia iboudiai na edia hanua e lou heni, ta ta ena gabu ena gabu ela.
2CH 31:2 Bena Hesekia ese hahelaḡa taudia bona Levi taudia oreadia e duanaidia, orea ta ta edia ḡaukara, hahelaḡa taudia edia bona Levi taudia edia, heḡeregeredia ai, ḡole-oho bouboudia bona maino bouboudia bae hahelaḡadia bona Iehova ena taruha ikoukoudia ai ḡuriḡuri ḡaukaradia bae kara bona hahenamo bona heimodai bae heni helaoreadia.
2CH 31:3 Hanua pavapavana e heni ḡaudia, ia sibona ena ḡau amo, na ḡole-oho boubou ḡaudia ai e halaodia: daba bona adorahi ḡole-oho bouboudia, bona dina helaḡadia bona hua matamatadia bona e gwaurai ariadia edia ḡole-oho bouboudia, Iehova ena taravatu ai e hetore heḡereḡerena.
2CH 31:4 Bena ia ese Ierusalem ai e nohova taudia na e haḡanidia, idia ese hahelaḡa taudia bona Levi taudia ahudia korikoridia bae henidia, Iehova ena taravatu bae badinaia balaheni totona.
2CH 31:5 Una haheḡani herevana e piua rohoroho negana ai, Israel taudia ese ḡau momo-herea e heni, uit bona bali anidia roboadia, bona vine ranuna, bona dehoro, bona bada-ranuna, bona uma anidia iboudiai; ḡau iboudiai e karoadia, karoa gwauta, bena karoa ta e mailaia. E mailai karoadia na momo herea.
2CH 31:6 Israel taudia bona Iuda taudia Iuda hanuadia ai e nohova ese danu edia boromakau bona edia mamoe e karoadia, karoa gwauta, bena karoa ta na e mailaia, bona ḡau helaḡadia danu, vada e hahelaḡadia Iehova, edia Dirava, ena; bena unu ḡau na senu ai e atodia.
2CH 31:7 Hua ihatoina ai e senudia matama, ela bona hua ihahituna ai e hadokoa.
2CH 31:8 Hesekia bona lohia iboudiai ema hari senu e itadia negana ai, idia ese Iehova bona ena bese Israel na e hanamodia.
2CH 31:9 Bena Hesekia ese hari senu daladia na hahelaḡa taudia bona Levi taudia e nanadailaidia.
2CH 31:10 Asaria, hahelaḡa tauna badana, Sadok ena iduhu tauna, ese e haere henia, eto, Edia herahia ḡaudia na Iehova ena dubu ai e vareailai matama negana amo ema bona harihari, ai na vada a aniani, bogamai vada e kunu, bona bahu momo vada e mia, badina be Iehova ese ena orea taudia vada e hanamodia; una dainai ini ḡau oredia momo herea vada ame hamia.
2CH 31:11 Bena Hesekia ese e haḡanidia, daiutu haida bae haheḡaeḡaedia Iehova ena dubu ai. Bena idia ese e haheḡaeḡaedia.
2CH 31:12 Bena mai maoromaorodia ida herahia ḡaudia bona e karoadia ḡaudia bona ḡau hahelaḡadia na e vareailaidia. Heitatao tauna badana, unu ḡau igimadia tauna, na Konania, Levi tauna; ihararuana na ia tadina Simei.
2CH 31:13 Heitatao taudia haida ese Konania tadina Simei ida e durudia. Ladadia bini: Iehiele, Asasia, Nahata, Asahele, Ierimoto, Iosabad, Eliele, Isimakia, Mahata, Benaia; Hesekia, hanua pavapavana, bona Asaria, heitatao tauna badana Dirava ena dubu ai, ese e duanaidia.
2CH 31:14 Herahia ḡaudia, taunimanima edia lalo-namo ai Dirava e henia ḡaudia, na Kore, Levi tauna Imna natuna, mairiveina kahana ikoukouna igimana tauna, ese e itadia tao, Iehova ahuna bona helaḡa-herea herahiana ahuna danu baine ato tabe totona.
2CH 31:15 Ia iduruna, hahelaḡa taudia edia hanua hidaosi lalodiai, be Eden, Miniamini, lesua, Semaia, Amaria bona Sekania; idia ese e durua balaheni, tadikakadia badadia bona maraḡidia ahudia e henidia, edia orea ta ta ai.
2CH 31:16 A e hadabudia taudia be edia iduhu ta ta ai ladadia e tore taudia, laḡani toi vada e hanai mamaruanedia, Iehova ena dubu ai e raka vareai dina ta ta ḡaukaradia heḡereḡeredia, edia hesiai karadia bae kara, ta ta ena ḡaukara ena ḡaukara heḡereḡeredia, edia orea ta ta ai.
2CH 31:17 Hahelaḡa taudia na tamadia edia iduhu heḡereḡeredia ai ladadia e tore; a Levi taudia, laḡani ruahui vada e hanai, na edia ḡaukara heḡereḡeredia ai orea ta ta ai ladadia na e tore.
2CH 31:18 Hahelaḡa taudia na mai natudia maraḡidia bona adavadia bona natudia mamaruanedia bona hahinedia ida iboudiai ladadia e tore; badina be sibodia ihahelaḡadia karadia e kara momokani.
2CH 31:19 A Aaron garana, hahelaḡa taudia, edia hanua gabi-ruma tanodia ai e nohova, edia dala be hanua ta ta ai tatau haida ladadia vada e gwaurai, idia ese mamaruane iboudiai, hahelaḡa taudia bona Levi taudia oreana ai hahidaosi ladadia vada e tore taudia, ta ta ahudia bae henidia hagau-hagau.
2CH 31:20 Hesekia na unu e kara toma, Iuda tanona idoinai; kara namodia bona maoromaorodia bona momokanidia Iehova, ena Dirava, vairanai e kara.
2CH 31:21 Bona e kara ḡaukaradia iboudiai, Dirava ena dubu isiaina ilao-henina ai, bona taravatu bona haheḡani ibadinadia ai, bona ena Dirava itahuna ai, ia ese e karava mai lalona idoinai, bona ena namo e habadaia.
2CH 32:1 Unu ḡau bona unu heabidadama karadia muridia i, Senakerib, Asuria pavapavana, ema, Iuda e daea. Ia na hanua mai maḡudia vairadiai e taruha, e laloa baine ḡaunaidia eto.
2CH 32:2 Hesekia e diba Senakerib vada ema Ierusalem baine tuari henia negana ai,
2CH 32:3 ia na ena heitatao taudia bona ena goada taudia ida e henega bou, ranu gabudia hanua badana murimurinai na bae tahunidia eto; bena idia ese ia e durua.
2CH 32:4 Taunimanima hutuma bada e hebou, bena ranu gabudia Iboudiai, bona sinavai maragina, tano e ha-arua hanai ḡauna, na e tahunidia; eto, Anina be dahaka Asuria pavapavadia baema, ranu momo bae davari?
2CH 32:5 Ia na mai boga-aukana ida e ḡaukara matama, vada e hegigi dobi maḡuna idoinai ma e haginia lou, bona latanai kohoro e haginidia. Bena una maḡu murimurinai ia ese maḡu ta ma e larebaia; bona Milo kohorona e ha-aukaia, David ena hanua lalonai. Ia ese danu tuari ḡaudia bona kesi momo herea e karadia.
2CH 32:6 Ia ese tuari lohiadia e duanaidia, idia ese taunimanima bae biagudia. Hanua ikoukouna ariarana ai e haboudia, bena ena hereva amo e hagoadadia, eto,
2CH 32:7 Ba goada, ba boga auka. Basio gari bona kudoumui basie hetaha, Asuria pavapavana bona hutuma bada ia ida ema vairadiai; badina be ita edai na ta herea-dae, ia enai e hereaiamu.
2CH 32:8 Ienai be taunimanima imana mo; a ita edai be Iehova, eda Dirava. Ia ese baine duruda, bona eda tuari baine tuarilaia. Bena taunimanima lalodia ma e goada, Hesekia, Iuda pavapavana, ena hereva daidiai.
2CH 32:9 Senakerib, Asuria pavapavana, mai ena tuari oreana idoinai, ese Lakisi e daia ahuva; bena una murinai ia ese ena hesiai taudia na Ierusalem e siaidia lao, Hesekia, Iuda pavapavana, bona Iuda taudia iboudiai Ierusalem ai e hebouva, dekediai; eto,
2CH 32:10 Senakerib, Asuria pavapavana, na ini e gwau tomamu: Dahaka ai o hetao kaumu dainai Ierusalem o ha-aukaiamu?
2CH 32:11 Hesekia ese se koimuimu a? Ia ese baine kahumui nege, doe bona ranu mase ese bae hamasemui; badina be ia ese vada e koimuimu, e tomu “Iehova, eda Dirava, ese Asuria pavapavana imana amo baine hamaurida”.
2CH 32:12 Ina Hesekia ese ena atai gabudia bona ena ihaboulaina patadia vada e abidia oho, bona Iuda bona Ierusalem vada e haḡanidia, eto “Ihaboulaina patana tamona mo vairanai ba toma diho bona latanai emui boubou ḡaudia ba hagoledia oho”, ani?
2CH 32:13 Umui asi dibamui a, lau bona lau senegu ese idau tano taudia iboudiai ede vada a kara henidia toma? Unu tano basileiadia edia dirava ese edia tano na lau imagu amo vada e hamauridia diba a?
2CH 32:14 Unu senegu ese e habuadia tari vaitani basileiadia edia dirava iboudiai bogaragidia amo daika ese ena bese na lau imagu amo vada e hamauria diba, matona, umui emui Dirava ese lau imagu amo baine hamaurimui diba a?
2CH 32:15 Taunabunai, harihari Hesekia ese unu basine dibaḡanimui eiava basine koimui toma. Basio kamonai henia, badina be bese ta eiava basileia ta diravana ese ena orea taudia na lau imagu amo eiava lau senegu imadia amo se hamauridia diba. Benaini, umui emui Dirava ese lau imagu amo basine hamaurimui diba.
2CH 32:16 Ena hesiai taudia ese hereva haida ma e gwaurai, Ḡaubada Iehova ihadikana bona ena hesiai tauna Hesekia ihadikana.
2CH 32:17 Bona revareva haida ia ese e tore, Iehova, Israel Diravana, iḡonagonalaina bona ihadikana herevadia e tore, eto “Tano haida basileiadia edia dirava ese edia orea taudia na lau imagu amo asie hamauridia heḡereḡerena, Hesekia ena Dirava ese ena orea taudia na lau imagu amo basine hamauridia”.
2CH 32:18 Unu hereva e lololai mai gao badadia ida, Ierusalem taudia maḡu ai e giniva na e hamaorolaidia, Iuda taudia edia gado ai. Edia ura be bae hagaridia bona laumadia bae hadauredia, hanua badana bae abia helaoreana.
2CH 32:19 Ierusalem Diravana e herevalaia, tanobada besedia edia dirava, taunimanima imadia ese e kara ḡaudia, e herevalaidia heḡereḡerena.
2CH 32:20 Bena Hesekia, hanua pavapavana, bona Isaia, peroveta tauna, Amoso natuna, e ḡuriḡuri unu hereva daidiai, bona guba e tai henia.
2CH 32:21 Bena Iehova ese aneru ta e siaia, bena ia ese tuari taudia mai goadadia bona tuari lohiadia bona heitatao taudia Asuria pavapavana ena taruha lalonai na e aladia mase. Bena Asuria pavapavana na ena tano korikori ai e lou lao mai hemaraina ida. Bena ena dirava ena dubu ai e dae kau negana ai, ia natuna haida ese unuseni ai dare amo e alaia.
2CH 32:22 Taunabunai, Iehova ese Hesekia bona Ierusalem ai e nohova taudia na Senakerib, Asuria pavapavana, imana amo bona ana inai taudia iboudiai imadia amo e hamauridia. Ia ese laga-ani e henidia, kaha iboudiai.
2CH 32:23 Bena hutuma ese herahia gaudia na Ierusalem e laohaidia, Iehova ena, bona dava-bada ḡaudia, Hesekia, Iuda pavapavana, ena; taunabunai ia na e imodaia bese iboudiai vairadiai, una negana amo ela.
2CH 32:24 Unu dinadia ai Hesekia na e gorerea, mokona e mase. Bena ia ese Iehova e ḡuria; bona Iehova ese e haere henia bona toa ta e henia.
2CH 32:25 A Hesekia ese ia ihanamona davana na se heni, badina be lalona na e hekokoroku. Taunabunai badu na ia latanai e kau, bona Iuda bona Ierusalem latadiai danu.
2CH 32:26 A Hesekia ese ena hekokoroku e negea, e hahemanau, ia bona Ierusalem taudia danu; una dainai Iehova ena badu na idia latadiai se kau, Hesekia ena nega ai.
2CH 32:27 Hesekia ena taḡa na bada; imatauraina danu bada. Ia ese habou-habou rumadia e haginidia, silver bona gold bona dava-bada nadidia, bona aniani mamidia ihanamodia muramuradia, bona kesi, bona dava-bada kohudia idau-idau na unu ruma lalodiai e habou.
2CH 32:28 Roḡe danu e kara, lalodiai ia ese uit bona bali bona vine ranuna bona dehoro e haboudia. Boromakau rumadia danu e haginidia, ubu-ubu ḡaudia idau-idau edia, bona mamoe ikoulaidia maḡudia danu.
2CH 32:29 Ia ese danu ena hanua haida e hadaidia, bona mamoe seridia bona boromakau seridia momo herea e abidia; badina be Dirava ese ena taḡa e habadaia herea.
2CH 32:30 Hari Hesekia ese danu Gihon daena ranu e arumu gabudia e koudia ahu, bena ranu na e ha-arua diho, David ena hanua lahara kahana ai. Hesekia ese ena namo e habadaiava, ena ḡaukara iboudiai lalodiai.
2CH 32:31 Taunabunai, Babulono lohiadia ese edia gwaukau taudia na ia dekena e siaidia, una tano ai vada e hedinarai toana bae henanadailaia eto negana ai, Dirava ese e rakatania ḡaḡae, baine tohoa bona lalona idoinai baine dibaia helaoreana.
2CH 32:32 Hesekia ena kara oredia bona ena kara namodia sivaraidia na Isaia Amoso, peroveta tauna, ena mata-hanai ai e tore, Iuda bona Israel Pavapavadia Sisigadia Bukana ai.
2CH 32:33 Bena Hesekia na tubu tama dekediai e mahuta; idia ese David garana edia gara dae-laona ai e guria. Ena mase negana ai, Iuda idoinai bona Ierusalem taudia iboudiai ese ia e imodaia. Bona ia natuna Manase na ia gabuna ai e lohia.
2CH 33:1 Manase e lohia matama negana ai ena mauri laḡanidia na gwauta-rua; ena lohia laḡanidia na imahui-ima Ierusalem ai.
2CH 33:2 Ia na Iehova vairanai e kara havara, Iehova ese Israel taudia vairadiai e luludia lasi besedia edia kara dika-hereadia heḡereḡeredia.
2CH 33:3 Badina be atai gabudia helaḡadia ia tamana Hesekia ese e habuadia tari na ia ese ma e haginidia lou, bona Baal edia ihaboulaina patadia e haginidia, bona kaivakuku au-tubuadia haida e kara, bona guba hisiudia iboudiai e toma henidia diho bona isiaidia e lao heni.
2CH 33:4 Iehova ena dubu ai danu ia ese ihaboulaina patadia haida e haginidia; una dubu na Iehova ese vada e herevalaia, eto “Lau ladagu na Ierusalem ai baine mia hanaihanai”.
2CH 33:5 Ia ese ihaboulaina patadia e haginidia, guba hisiudia iboudiai edia, Iehova ena dubu maḡuna ruaosi lalodiai.
2CH 33:6 Ia ese danu natuna mamaruanedia na ḡole-oho boubou ḡaudia ai e halaodia, Hinom natuna ena koura ai; bona mari bona bagu-haoro bona babalau karadia e kara, bona rohe bona mea taudia na e daidaidia. Iehova vairanai e kara havara-havara, bona e habadua.
2CH 33:7 Hari kaivakuku, ia ese e karaia ḡauna, na oirava ena dubu ai e haginia; una dubu na Dirava ese David bona natuna Solomon e herevalai henidia, eto “Ina dubu ai bona Ierusalem, Israel iduhudia iboudiai lalodia amo vada na abia hidi hanuana, lalonai lau ladagu baina atoa ela bona hanaihanai,
2CH 33:8 bona Israel aena na senemui na duanai henidia tanona amo nega ta ai basina abia oho lou; ḡau tamona na henidia haheḡanina idoinai bona egu hesiai tauna Mose ena amo na henidia taravatuna idoinai bona hahedua herevadia bona hahemaoro herevadia na bae badinadia namonamo”.
2CH 33:9 Manase ese Iuda taudia bona Ierusalem inoholaina taudia e dibaḡanidia, taunabunai Iehova ese Israel taudia vairadiai e habuadia tari besedia edia kara dika na idia edia ese e hereadia.
2CH 33:10 Iehova ese Manase mai ena orea taudia ida e hereva henidia, a idia na asie kamonai.
2CH 33:11 Taunabunai, Iehova ese Asuria pavapavana ena tuari oreana biagudia na idia ihadikadia totona e siaidia lao; bena idia ese Manase na igau amo e abia, bona auri labora-labora gadeadia ai e ḡuia, bena Babulono e laohaia.
2CH 33:12 Ena hisihisi negana lalonai ia ese Iehova, ena Dirava, ena hahenamo e tahua ena ḡuriḡun ai, bona senena edia Dirava vairanai e hahemanau herea.
2CH 33:13 E ḡuria, bena Dirava ese ena noinoi e abia dae, bona e hakaua lou lao Ierusalem ai, ena basileia lalonai. Bena Manase vada e diba Iehova be Dirava.
2CH 33:14 Una murinai ia ese David ena hanua maḡuna, murimuri kahana ḡauna, e haginia, Gihon lahara kahana ai, koura lalonai, ela bona Gwarume Ikoukouna raka-vareaina ai; ma e larebaia lao ela bona Ofele e ḡeḡea; bona harana e halataia herea. Ia ese danu tuari oreana biagudia na Iuda hanuadia mai maḡudia iboudiai lalodiai e hanohodia.
2CH 33:15 Bona dirava idaudia bona kaivakuku na Iehova ena dubu amo e abidia oho, bona ihaboulaina patadia iboudiai ia ese guna Iehova ena dubu ororona ai bona Ierusalem ai e haginidia ḡaudia ma e abidia oho, hanua murimurinai e negedia.
2CH 33:16 Ia ese danu Iehova ena ihaboulaina patana ma e haginia lou, bona latanai herohemaino bouboudia bona hahenamo bouboudia e hahelaḡadia; bona Iuda taudia e haḡanidia, idia ese Iehova, Israel Diravana, isiaina bae lao heni.
2CH 33:17 Ḡau tamona, tauimanima ese boubou karadia dounu e karava atai gabudia ai, to Iehova, edia Dirava, mo enai.
2CH 33:18 Manase ena kara oredia, bona ena ḡuriḡuri ena Dirava enai, bona mata-hanai taudia ese Iehova, Israel Diravana, ladana ai e hereva henia negana ai e gwaurai herevadia, na Israel Pavapavadia Sisigadia Bukana ai e hetore.
2CH 33:19 Ena ḡuriḡuri danu, bona Dirava ese ena noinoi ede e abia dae toma, bona ena kara dika bona ena kara hebeatai, bona edeseni ai atai gabudia e karadia, bona Asera ena au-tubua bona kaivakuku e haginidia, ia na do se hahemanau negana ai, sivaraidia na Mata-hanai Taudia Sisigadia Bukana ai vada e hetore.
2CH 33:20 Taunabunai, Manase na tubu tama dekediai e mahuta; bena ena ruma ai e guria. Bena ia natuna Amon na ia gabuna ai e lohia.
2CH 33:21 Amon e lohia matama negana ai ena mauri laḡanidia na ruahui; laḡani rua hona e lohia, Ierusalem ai.
2CH 33:22 Ia na Iehova vairanai e kara havarava, tamana Manase e kara havarava heḡereḡerena. Tamana Manase ese e kara kaivakukudia iboudiai na Amon ese e boudia bona isiaidia e lao heni.
2CH 33:23 Iehova vairanai se hahemanau, tamana Manase na e hahemanau na heto; a hari Amon ese ena kerere e habadaia herea.
2CH 33:24 Ena hesiai taudia ese ia ihadikana dalana e henegalaia, bena iena ruma ai e alaia mase.
2CH 33:25 A tano taudia ese King Amon ihadikana e henegalaia taudia iboudiai na e aladia mase; bena tano taudia ese ia natuna Iosia na pavapava ai e halaoa, ia gabuna ai.
2CH 34:1 A Iosia e lohia matama negana ai, ena mauri laḡanidia na taurahani. Ena lohia laḡanidia Ierusalem ai na toiahui-ta.
2CH 34:2 Ia na Iehova vairanai e kara maoromaoro, senena David ena dala idoinai e rakalaia, se raka siri, idiba kahana ai eiava lauri kahana ai.
2CH 34:3 Badina be ena lohia laḡanina ihataurahanina ai, ia do merona ai, ia ese senena David ena Dirava e tahua matama; bena laḡani ihagwauta-ruana ai ia ese Iuda bona Ierusalem e haḡoevadia matama, atai gabudia bona Asera ena au-tubua bona kaivakuku, e havevedia auridia amo e kara gaudia, na e abidia oho.
2CH 34:4 Idia ese Baal edia ihaboulaina patadia na ia vairanai e gigidia dobi. Ia ese danu muramura mai bonadia patadia, idia daediai e giniva gaudia, na e utudia; bona Asera ena au-tubua bona e havevedia auridia amo e kara kaivakukudia na e hamakohidia patapata, ḡahu ai e halaodia; bena gahu na unu ḡau e boudia taudia edia gara latadiai e ḡiḡia rohoroho.
2CH 34:5 Hahelaḡa taudia turiadia danu edia ihaboulaina patadia latadiai e haḡoledia oho; una kara amo ia ese Iuda bona Ierusalem e haḡoevadia.
2CH 34:6 Manase bona Efraim bona Simeon hanuadia ai, ela bona Napatali, bona edia hanua gunadia heḡeḡe:madaidia ai danu,
2CH 34:7 ia ese ihaboulaina patadia e ḡiḡidia dobi, bona Asera ena au-tubua bona kaivakuku na gahu ai e halaodia, bona muramura mai bonadia patadia e utudia, Israel tanona idoinai. Bena ia na Ierusalem e lou lao.
2CH 34:8 Ena lohia laḡanina ihagwauta-taurahanina ai, tano bona dubu vada e haḡoevadia murinai, ia ese Safana, Asalia natuna, bona Maaseia, hanua lohiana, bona loa Ioahasa, toretore tauna, na e siaidia lao, Iehova, ena Dirava, ena dubu bae bania.
2CH 34:9 Idia na Hilkia, hahelaḡa tauna badana, dekenai e kau; bena Dirava ena dubu ai e vareailai monidia, Levi taudia, raka-vareaina inarina taudia, ese Manase bona Efraim taudia, bona Israel taudia kwabukwabudia, bona Iuda bona Beniamina taudia iboudiai, bona Ierusalem inoholaina taudia, edia amo e abi ḡaudia, na e henia.
2CH 34:10 Idia ese Iehova ena dubu itataona taudia e henidia, bena Iehova ena dubu e ḡaukaralaiava taudia ese dubu ibanina ai bona ihanamo-louna ai e heni;
2CH 34:11 kamuta taudia bona ruma-hagini taudia e henidia, e gei nadidia bona kapa-kapa audia bona lava bae hoidia, Iuda pavapavadia ese e matadia rea dainai vada e dika rumadia ihanamo-loudia totona.
2CH 34:12 Unu tatau ese ḡaukara e karaia mai momokanidia ida. Idia itataodia taudia e atodia na Iahata bona Obadia, Levi taudia Merari besena amo, bona Sekaria bona Mesularna, Kohat besena taudia; idia ese e itadia tao. Levi taudia iboudiai na hatai-hatai ḡaudia ihataidia mai dibadia taudia;
2CH 34:13 idia ese kohu-hua taudia e itadia tao, bona hesiai ḡaukaradia idau-idau e kara taudia iboudiai e biagudia. Levi taudia haida na itorena taudia bona heitatao taudia bona ikoukou igimadia taudia.
2CH 34:14 Hari Iehova ena dubu ai e vareailaia monina e abia lasi negana lalonai, hahelaḡa tauna Hilkia ese Iehova ena taravatu bukana, Mose ena amo e heni ḡauna, na e davaria.
2CH 34:15 Bena Hilkia ese toretore tauna Safana e hamaoroa, aeto, Lau ese taravatu bukana vada na davaria, Iehova ena dubu ai; bena Hilkia ese buka na Safana e henia.
2CH 34:16 Safana ese buka na hanua pavapavana dekena e laohaia. Ia ese hanua pavapavana e hamaoroa, eto, Emu hesiai taudia o henidia ḡaukaradia iboudiai na e karamu;
2CH 34:17 Iehova ena dubu ai e davaria monina na vada e vaia, heitatao taudia bona ḡaukara taudia imadia ai vada e atoa.
2CH 34:18 Bena toretore tauna Safana ese hanua pavapavana ma e hamaoroa, eto, Hahelaga tauna Hilkia ese buka ta vada e henigu. Bena Safana ese hanua pavapavana vairanai e duahia.
2CH 34:19 Hanua pavapavana ese taravatu herevadia e kamonai negana ai, ena dabua e dare.
2CH 34:20 Bena hanua pavapavana ese Hilkia, bona Ahikama Safana, bona Abdon Mika, bona toretore tauna Safana, bona Asaia, hanua pavapavana ena hesiai tauna, na e haḡanidia, eto,
2CH 34:21 Aola, Iehova ba nanadaia, lau daigu ai bona Israel bona Iuda kwabukwabudia daidiai, hari e davaria bukana herevadia ba henanadailai; badina be Iehova ena badu ḡaraḡara na ita latadai vada e hadihoa; badina be tamada ese Iehova ena hereva asie badinaia, bona ina buka lalonai e tore ḡaudia iboudiai na asie kara.
2CH 34:22 Taunabunai, Hilkia bona hanua pavapavana ese vada e siaidia taudia na peroveta hahinena Hulda, Salumu Tokohata adavana, dekena ela. Una Salumu na Hasra tubuna. Ia na pavapava ena dabua inaridia tauna. Hahine na Ierusalem kaha matamatana ai e nohova. Bena idia ese unu hereva e hamaorolaia.
2CH 34:23 Bena ia ese e hamaorodia, eto, Iehova, Israel Diravana, na ini e gwau tomamu: dekegu e siaimui mai tauna ba hamaoroa, baoto,
2CH 34:24 Iehova na ini e gwau tomamu: A itaia, lau na dika baina havaraia, ina gabu latanai bona inoholaina taudia latadiai, heuduguirai herevadia iboudiai, Iuda pavapavana vairanai e duahia bukana lalonai e hetore ḡaudia, heḡereḡeredia ai.
2CH 34:25 Badina be lau vada e rakatanigu, bona idau dirava vairadiai muramura mai bonadia vada e gabu; imadia gaukaradia iboudiai amo vada e habadugu. Taunabunai, egu badu baine diho ina gabu latanai, bona ta ese basine habodoa diba.
2CH 34:26 A Iuda pavapavana ese Iehova inanadaina totona vada e siaimui mai; taunabunai ini ba hamaoroa toma, baoto, Iehova, Israel Diravana, na ini e gwau tomamu: Badina be vada o kamonai herevadia daidiai
2CH 34:27 o helalo kerehai, bona Dirava ena hereva, ina gabu mai inoholaina taudia ida ihadikalaidia ḡaudia, o kamonai negana ai na vairagu ai o hahemanau, bona emu dabua vada o dare bona vairagu ai vada o tai; una dainai (Iehova na e tomamu) lau ese danu vada na kamonai henimu.
2CH 34:28 A itaia, lau ese tubu tama ida baina haheboumui, gara bae laohaimu mai mainomu ida; a dika iboudiai ina gabu mai inoholaina taudia ida latadiai baina mailai na oi matamu ese basie ita. Bena idia ese una hereva na hanua pavapavana dekena e loulaia lao.
2CH 34:29 Bena hanua pavapavana na e hesiai, Iuda bona Ierusalem tau-badadia iboudiai e haboudia.
2CH 34:30 Bena hanua pavapavana na Iehova ena dubu ai e dae kau, bona Iuda taudia iboudiai bona Ierusalem inoholaina taudia iboudiai, bona hahelaḡa taudia bona Levi taudia, taunimanima iboudiai kikina-badana danu ia ida; bena ia ese taravatu bukana, Iehova ena dubu ai e davaria ḡauna, herevadia iboudiai na idia vairadiai e duahi hedinarai.
2CH 34:31 Bena hanua pavapavana na ena gabu ai e gini, Iehova vairanai e gwau hamata, Iehova ena dala ai baine raka, bona ena haheḡani bona ena hahediba herevadia bona ena taravatu baine badinadia mai lalona idoinai bona mai laumana idoinai ida, bona taravatu herevadia una buka lalonai e hetore na karadia do baine kara.
2CH 34:32 Bena Ierusalem bona Beniamina taudia na e haduadia idia danu unu bae gwau hamata toma. Bena Ierusalem inoholaina taudia na Dirava, senedia edia Dirava, ena taravatu heḡereḡerena ai e kara.
2CH 34:33 Bena Iosia ese kara dika-hereadia iboudiai na Israel taudia edia tano idoinai lalona amo e abidia oho; bona Israel ai e nohova taudia iboudiai na e haduadia, Iehova, edia Dirava, isiaina bae lao heni. Iena nega ai idia na Iehova, senedia edia Dirava, ena dala amo asie raka siri.
2CH 35:1 Iosia ese lagau-hanai ariana ta Ierusalem ai e karaia, Iehova ena. Hua gini-gunana dinana ihagwauta-hanina ai, idia ese lagau-hanai mamoena e alaia mase.
2CH 35:2 Ia ese hahelaḡa taudia e duanaidia, edia ḡaukara e gwaurai henidia, bona Iehova ena dubu isiaina ilao-henina ai e hagoadadia.
2CH 35:3 Bena ia ese Levi taudia, (unu na Israel taudia iboudiai e hadibadia bona Iehova enai e helaḡa taudia), na e hamaorodia, eto, Maua helaḡana na Solomon, David natuna, Israel pavapavana, ese e haginia dubuna lalonai bavatoa; ina murinai paḡamui ai basio huaia lao. Harihari Iehova, emui Dirava, bona ena bese Israel, isiaidia ba lao heni.
2CH 35:4 Sibomui ba heḡaeḡae, emui iduhu heḡereḡeredia ai, emui orea ta ta amo; David, Israel pavapavana, bona ia natuna Solomon, edia hahedua ba badinadia.
2CH 35:5 Bona gabu helaḡana ai ba gini, tadikakamui hanua taudia edia iduhu oreadia ta ta ai e gini heboumu heḡereḡeredia; Levi iduhuna taudia haida na orea ta ta ida bae gini hebou.
2CH 35:6 Bena lagau-hanai mamoena bavalaia mase; sibomui ba hahelaḡa, bona ba heḡaeḡae tadikakamui daidiai; bena Iehova ena hereva Mose ena amo heḡereḡerena ai ba karaia.
2CH 35:7 Bena Iosia ese hanua taudia e harihari henidia, e hebouva taudia iboudiai edia lagau-hanai boubouna ḡaudia e henidia, mamoe natudia bona nani natudia gerebu-toi bona boromakau mamaruanedia daha-toi; unu na hanua pavapavana sibona ena seri amo.
2CH 35:8 Ena lohia taudia ese danu hanua taudia bona hahelaḡa taudia bona Levi taudia e harihari henidia mai lalo-haraḡadia ida. Hilkia bona Sekaria bona Iehiele, Iehova ena dubu itataona taudia badadia ese mamoe natudia bona nani natudia daha-rua sinahu-tauratoi bona boromakau mamaruanedia sinahu-toi na hahelaḡa taudia e henidia, lagau-hanai boubouna ḡaudia.
2CH 35:9 Konania danu, mai tadina Semaia bona Netanele ida, bona Hasabia bona leiele bona Iosabad, Levi taudia Iohiadia, ese mamoe natudia bona nani natudia daha-ima bona boromakau mamaruanedia sinahu-ima na Levi taudia e henidia, lagau-hanai boubouna ḡaudia.
2CH 35:10 Kara helaḡana vada e heḡaeḡaelaia vaitani negana ai, hahelaḡa taudia na edia gabu ai e gini bona Levi taudia edia orea ta ta ai e gini, hanua pavapavana ena haheḡani heḡereḡerena ai.
2CH 35:11 Bena lagau-hanai mamoena e alaia mase; bena hahelaḡa taudia ese raradia e abi, e henevarilai; bona Levi taudia ese mase ḡaudia na e kopadia.
2CH 35:12 Bena ḡole-oho boubou ḡaudia e atodia tabe, hanua taudia edia iduhu oreadia bae henidia hagau-hagau, Iehova enai bae hahelaḡadia helaoreana, Mose ena buka ai e torea heḡereḡerena. Boromakau mamaruanedia danu unu e karadia toma.
2CH 35:13 Bena idia ese lagau-hanai mamoena na lahi ai e gabua, taravatu heḡereḡerena; bona herahia helaḡadia ḡaudia na uro maraḡidia bona badadia bona nau lalodiai e nadudia, bena e laohaidia haraḡa, hanua taudia dekediai.
2CH 35:14 Gabeamo idia na sibodia adia bona hahelaḡa taudia adia e nadu, badina be hahelaḡa taudia, Aaron vevena, ese ḡole-oho boubou ḡaudia bona digaradia ihahelaḡadia e hekwarahilai ela bona hanua e boi. Una dainai Levi taudia ese sibodia adia bona hahelaḡa taudia, Aaron vevena, adia e nadu.
2CH 35:15 Ane-abi taudia, Asaf vevena, na edia gabu ai e nohova, David ena haheḡani heḡereḡerena; bona Asaf bona Hemana bona ledutunu, hanua pavapavana ena mata-hanai tauna, danu. Bona ikoukou igimadia taudia na ikoukou ta ta ai e nohova; asi badina edia ḡaukara bae rakatania, badina be tadikakadia, Levi taudia, ese adia e nadu.
2CH 35:16 Taunabunai Iehova isiaina ilao-henina idoinai e heḡaeḡaelaia una dina ai, lagau-hanai ariana bae karaia bona ḡole-oho boubouna ḡaudia Iehova ena ihaboulaina patana latanai bae hahelaḡadia totona, King Iosia ena haheḡani heḡereḡerena.
2CH 35:17 Bena Israel taudia hahidaosi unuseni ai e hebouva ese lagau-hanai ariana e karaia una negana ai, bona asie hatubua flaoana ariana danu e karaia, dina hitu lalodiai.
2CH 35:18 Peroveta tauna Samuel negana amo, lagau-hanai ariana ta se karaia Israel ai; Israel pavapavana ta ese lagau-hanai ariana ta se karaia, una Iosia bona hahelaḡa taudia bona Levi taudia bona Iuda bona Israel unuseni ai e hebouva taudia iboudiai bona Ierusalem inoholaina taudia ese e karaia ḡauna heḡereḡerena.
2CH 35:19 Iosia ena lohia laḡanina ihagwauta-taurahanina ai una lagau-hanai ariana e karaia.
2CH 35:20 Una idoinai murinai, Iosia ese dubu vada e lailaia vaitani negana ai, Neko, Aigupto pavapavana na tuari totona Karakemisi, Eufrate sinavaina badibadinai, ela; bena Iosia ese ia ituari-henina totona e lao henia.
2CH 35:21 A ia ese gwaukau taudia na dekena e siaidia lao, eto, Iuda pavapavana e, ita padadai be dahaka? Hari dina ai lau ese oi ihadikamu totona asinama, a na tuari heniamu oreana na mai henia; bona Dirava ese vada e haḡanigu, baina kara haraḡa. Dirava na lau ida; ia ilao-ahuna ba hadokoa, ia ese baine habuamu tari na garina.
2CH 35:22 Ḡau tamona, Iosia na se ura iena amo baine raka oho; a ia na sibona toana e ha-idaua, baine tuari henia totona. Ia ese Neko ena hereva Dirava uduna amo na se kamonaidia, a Megido taorana ai tuari e kwatua.
2CH 35:23 A peva taudia ese King Iosia e tarakia. Bena hanua pavapavana ese ena hesiai taudia na e hamaorodia, eto, Dauha a laohaigu, badina be vada na bero dikadika.
2CH 35:24 Taunabunai ena hesiai taudia ese kariota amo e abia dobi, ma ena kariota iharuana amo e laohaia Ierusalem ai. Bena e mase; tubu tama edia gara ai e guria. Iuda bona Ierusalem idoinai ese Iosia taina e tai.
2CH 35:25 Ieremia ese Iosia e rohe-ahulaia, bona ane-abi tataudia bona hahinedia ese danu Iosia e rohe-ahulaia, ema bona ina dina. Ini na edia kara ai e halaoa Israel ai; ḡaudia bunu idia na Rohe-ahu Bukana lalonai e hetore.
2CH 35:26 Iosia ena kara oredia, bona ena ḡaukara namodia Iehova ena taravatu ai e tore heḡereḡeredia,
2CH 35:27 bona e kara karadia, matamana ela dokona, a itaia, idia na Israel bona Iuda Pavapavadia Sisigadia Bukana ai e hetore.
2CH 36:1 Tano taudia ese Iehoahasa, Iosia natuna, e abia, pavapava ai e halaoa Ierusalem ai, tamana gabuna ai.
2CH 36:2 Iehoahasa ena mauri laḡanidia na ruahui-toi, e lohia matama negana ai; ia na hua toi hona e lohiava Ierusalem ai.
2CH 36:3 Bena Aigupto pavapavana ese ena dagi e abia oho Ierusalem ai, bona heaiva na tano taudia edia amo e gwauraia, silver talent sinahu-ta bona gold talent ta.
2CH 36:4 Bena Aigupto pavapavana ese Iehoahasa tadina Eliakim na Iuda bona Ierusalem pavapavana ai e halaoa, bona ladana e ha-idaua Iehoiakim. A Neko ese kakana Iehoahasa e abia, Aigupto e laohaia.
2CH 36:5 Iehoiakim ena mauri laḡanidia na ruahui-ima, e lohia matama negana ai; ena lohia laḡanidia na gwauta-ta Ierusalem ai. Ia na Iehova, ena Dirava, vairanai e kara havara.
2CH 36:6 Bena Nebukadnesara, Babulono pavapavana, ese e tuari henia, bona auri gadeadia ai e ḡuia, Babulono baine laohaia totona.
2CH 36:7 Nebukadnesara ese danu Iehova ena dubu kohudia haida na Babulono e laohai, iena ruma badana ai e atodia Babulono ai.
2CH 36:8 Iehoiakim ena kara oredia, kara dika-hereadia ia ese e kara, sivaraidia, bona hereva dikadia ia latanai e gwaurai, a itaia, idia na Israel bona Iuda Pavapavadia Sisigadia Bukana ai e hetore. Bena ia natuna Iehoiakini na e lohia, ia gabuna ai.
2CH 36:9 Iehoiakini ena mauri laḡanidia na taurahani, e lohia matama negana ai; ia na hua toi dina gwauta hona Ierusalem ai e lohiava. Ia na Iehova vairanai e kara havarava.
2CH 36:10 Bena gara-kau negana ai, King Nebukadnesara e hesiai, bena Babulono e hakaua lao; Iehova ena dubu kohudia herea-daedia danu e laohai. Bena kakana Sedekia na Iuda bona Ierusalem pavapavana ai e halaoa.
2CH 36:11 Sedekia ena mauri laḡanidia na ruahui-ta, e lohia matama negana ai; ena lohia laḡanidia Ierusalem ai na gwauta-ta.
2CH 36:12 Ia na Iehova, ena Dirava, vairanai e kara havara; bona peroveta tauna Ieremia, Iehova uduna herevadia e gwaurai tauna, vairanai se hahemanau.
2CH 36:13 King Nebukadnesara ese e haduaia dainai ia na Dirava ladana ai vada e gwau hamata; to ia ese hari King Nebukadnesara e gwau edeede henia. Ia ese aiona e ha-aukaia bona lalona danu e ha-aukaia, Iehova, Israel Diravana, basine haḡerea.
2CH 36:14 Hahelaḡa taudia badadia bona hanua taudia danu e gwau edeede dikadika, bese idau-idau edia kara dika-hereadia iboudiai e tohotohodia; bona Iehova ena dubu Ierusalem ai, ia ese vada e hahelaḡaia ḡauna, na idia ese e hamiroa.
2CH 36:15 Iehova, senedia edia Dirava, ese hereva na ena gwaukau taudia ududia amo e siai havara-havara, badina be ia ese ena taunimanima bona ena noho gabuna e bogadia hisi.
2CH 36:16 A vaia idia ese Dirava ena gwaukau taudia e ḡonaḡonalaidia, ena hereva e dadaraidia bona ena peroveta taudia e hevasehalaidia, ela bona Iehova ena badu e vara, ena bese taudia latadiai, ela bona asi ihanamo-louna dalana.
2CH 36:17 Una dainai, ia ese Kaldea pavapavana e hakaua mai, idia ihadikadia totona. Ia ese edia eregabe taudia na dare amo e aladia mase, edia dubu ena helaḡa gabuna ai. Tauhau eiava hane-ulato, tau badana eiava tau burukana, se bogadia hisi; iboudiai na una tau imana ai e atodia.
2CH 36:18 Bona Dirava ena dubu kohudia iboudiai, badadia bona maraḡidia, bona Iehova ena dubu ḡaudia herea-daedia, bona hanua pavapavana bona ena lohia taudia edia ḡau herea-daedia, iboudiai ia ese Babulono e laohai.
2CH 36:19 Dirava ena dubu e doua, bona Ierusalem maḡuna e ḡigia dobi, bona ena ruma badadia iboudiai na lahi amo e dou, bona ena kohu ḡoeva-daedia iboudiai e habuadia tari.
2CH 36:20 Dare amo e roho mauri taudia na ia ese e abidia mauri, Babulono e laohaidia; bena idia ese ia bona ia natuna isiaidia e lao heniva ela bona Parasa basileiana e gini matama.
2CH 36:21 Unuheto Iehova ena hereva Ieremia uduna amo e gwauraia na vada e hamomokania, ela bona tano ese ena dina helaḡadia vada e moalelaidia. Una e haḡaḡaea dinadia iboudiai na e helaga, ela bona laḡani hitu-ahui e ore.
2CH 36:22 Kurese, Parasa pavapavana, ena lohia laḡanina gini-gunana ai, Iehova ena hereva Ieremia uduna amo e gwauraia na anina baine vara totona, Iehova ese Kurese, Parasa pavapavana, e rohea; bena ia ese haheḡani ta e gwauraia ena basileia idoinai lalonai, bona e tore danu.
2CH 36:23 Haheḡani na binai. Kurese, Parasa pavapavana, ini e gwau tomamu: Iehova, guba Diravana, ese tanobada basileiadia iboudiai vada e henigu, bona vada e haḡanigu, ena dubu auta baina haginia Ierusalem ai, Iuda tanona ai. Daika daika umui bogaragirnui ai na iena bese tauna, Iehova, ia ena Dirava, ese baine bamoa. Ia na baine dae lao.
EZR 1:1 Kurese, Parasa pavapavana, ena lohia laḡanina gini-gunana ai, Iehova ena hereva Ieremia uduna amo e gwauraia na anina baine vara totona Iehova ese Kurese, Parasa pavapavana, e rohea; bena ia ese haheḡani ta e gwauraia ena basileia idoinai laionai, bona e torea danu.
EZR 1:2 Haheḡani na binai. Kurese, Parasa pavapavana, na ini e gwau tomamu: Iehova, guba Diravana, ese tanobada basileiadia iboudiai vada e henigu, bona vada e haḡanigu ena dubu auta baina haginia Ierusalem ai, Iuda tanona ai.
EZR 1:3 Daika daika umui bogaragimui ai na iena bese tauna, Iehova, ia ena Dirava, ese baine bamoa. Ia na Ierusalem, Iuda tanona ai, baine dae lao, Iehova, Israel Diravana, ena dubu baine haginia lou. Ia na Ierusalem ai e nohomu Diravana.
EZR 1:4 Bona edena gabu edena gabu ai doini e noho hedoamu taudia ta ta na unu e nohomu gabudia taudia ese bae durudia, silver bona gold bona kohu bona ubu-ubu ḡaudia bae henidia, bona lalo-namo herahiadia danu, Dirava ena dubu Ierusalem ai ena.
EZR 1:5 Bena Iuda bona Beniamina iduhu kwaradia na e tore isi, bona hahelaḡa taudia bona Levi taudia danu, Dirava ese vada e rohedia taudia iboudiai, Iehova ena dubu Ierusalem ai bae haginia lou totona;
EZR 1:6 bona dekedia taudia iboudiai ese silver ḡaudia bona gold bona kohu bona ubu-ubu ḡaudia bona dava-bada ḡaudia na e henidia, mai edia lalo-namo herahiadia iboudiai ida.
EZR 1:7 Hanua pavapavana Kurese ese danu Iehova ena dubu kohudia, Nebukadnesara ese Ierusalem amo e laohai bona ena dirava edia dubu ai e ato ḡaudia, na e abidia lasi.
EZR 1:8 Kurese, Parasa pavapavana, ese e abidia lasi, moni inarina tauna Mitredata imana ai e atodia; bena una tau ese e hagaudia, Iuda lohiana Sesebasara e henia.
EZR 1:9 Ihagaudia bini: gold naudia toi-ahui, silver naudia daha-ta, kaia ruahui taurahani-ta,
EZR 1:10 gold kibokibodia toi-ahui, silver kibokibodia idaudia sinahu-hani gwauta, bona ma ḡau idau-idau daha-ta danu.
EZR 1:11 Gold bona silver ḡaudia iboudiai na daha-ima sinahu-hani. Ini iboudiai na Sesebasara ese e daelaidia, e laohaidia idau gabu ai e hanohodia taudia na Babulono amo Ierusalem e hakaudia dae lao negana ai.
EZR 2:1 Iuda tanona taudia bini, Nebukadnesara, Babulono pavapavana, ese vada e abidia mauri, Babulono tanona vada e laohaidia, bena edia noho-hedoa amo ma e dae lao. Idia na Ierusalem bona Iuda e lou lao, ta ta ena hanua ena hanua ela.
EZR 2:2 Idia na Serubabele bona lesua bona Nehemia bona Seraia bona Reelaia bona Morodekai bona Bilsan bona Mispara bona Bigvai bona Rehumu bona Baanaha ida ela. Israel tataudia ihagaudia binai:
EZR 2:3 Paroso garana, daha-rua sinahu-ta hitu-ahui rua;
EZR 2:4 Sefatia garana, sinahu-toi hitu-ahui rua;
EZR 2:5 Ara garana, sinahu-hitu hitu-ahui ima;
EZR 2:6 Pahatamoab garana (unu na Iesua bona Ioab garadia), daha-rua sinahu-taurahani gwauta-rua;
EZR 2:7 Elam garana, daha-ta sinahu-rua imahui hani;
EZR 2:8 Satu garana, sinahu-taurahanita hari-ahui ima;
EZR 2:9 Sakai garana, sinahu-hitu tauratoi-ahui;
EZR 2:10 Bani garana, sinahu-tauratoi hari-ahui rua;
EZR 2:11 Bebai garana, sinahu-tauratoi ruahui toi;
EZR 2:12 Asgada garana, daha-ta sinahu-rua ruahui rua;
EZR 2:13 Adonikama garana, sinahu-tauratoi tauratoi-ahui tauratoi;
EZR 2:14 Bigvai garana, daha-rua imahui tauratoi;
EZR 2:15 Adini garana, sinahu-hani imahui hani;
EZR 2:16 Atere garana (unu na Hesekia garana), taurahanita-ahui taurahani;
EZR 2:17 Besai garana, sinahu-toi ruahui toi;
EZR 2:18 Iora garana, sinahu-ta gwauta-rua;
EZR 2:19 Hasumu garana, sinahu-rua ruahui toi;
EZR 2:20 Gibara garana, taurahanita-ahui ima;
EZR 2:21 Betelehem garana, sinahu-ta ruahui toi;
EZR 2:22 Netofa taudia, imahui tauratoi;
EZR 2:23 Anatoto taudia, sinahu-ta ruahui taurahani;
EZR 2:24 Asamavete taudia, hari-ahui rua;
EZR 2:25 Kiriat-arimi bona Kefira bona Beroto taudia, sinahu-hitu hari-ahui toi;
EZR 2:26 Rama bona Geba taudia, sinahu-tauratoi ruahui ta;
EZR 2:27 Mikma taudia, sinahu-ta ruahui rua;
EZR 2:28 Betele bona Ai taudia, sinahu-rua ruahui toi;
EZR 2:29 Nebo taudia, imahui rua;
EZR 2:30 Magabisi taudia, sinahu-ta imahui tauratoi;
EZR 2:31 Elam ma ta taudia, daha-ta sinahu-rua imahui hani;
EZR 2:32 Harimi taudia, sinahu-toi ruahui;
EZR 2:33 Lod bona Hadidi bona Ono taudia, sinahu-hitu ruahui ima;
EZR 2:34 Ieriko taudia, sinahu-toi hari-ahui ima;
EZR 2:35 Senaha taudia, daha-toi sinahu-tuaratoi toiahui.
EZR 2:36 Hahelaḡa taudia: Iedaia (Iesua ena iduhu tauna) garana, sinahu-taurahanita hitu-ahui toi;
EZR 2:37 Imere garana, daha-ta imahui rua;
EZR 2:38 Pasahuru garana, daha-ta sinahu-rua hari-ahui hitu;
EZR 2:39 Harimi garana, daha-ta gwauta-hitu.
EZR 2:40 Levi taudia: lesua bona Kadmiele garadia (idia na Hodavia garana), hituahui hani.
EZR 2:41 Ane-abi taudia: Asaf garana, sinahu-ta ruahui taurahani.
EZR 2:42 Ikoukou igimadia taudia garadia: Salumu garana, Atere garana, Talmon garana, Akubu garana, Hatita garana, Sobai garana. Iboudiai na sinahu-ta toi-ahui taurahani-ta.
EZR 2:43 Dubu ena hesiai taudia: Siha garana, Hasufa garana, Tabaoto garana,
EZR 2:44 Kero garana, Siaha garana, Padono garana,
EZR 2:45 Lebana garana, Hagabaha garana, Akubu garana,
EZR 2:46 Hagaba garana, Samalai garana, Hanana garana,
EZR 2:47 Gidele garana, Gahara garana, Re-aia garana,
EZR 2:48 Resini garana, Nekoda garana, Gasama garana,
EZR 2:49 Usa garana, Pasea garana, Besai garana,
EZR 2:50 Asna garana, Meunimi garana, Nefisimi garana,
EZR 2:51 Bakabuku garana, Hakufa garana, Harahuru garana,
EZR 2:52 Basalutu garana, Mehida garana, Harasa garana,
EZR 2:53 Barako garana, Sisera garana, Tema garana,
EZR 2:54 Nesia garana bona Hatifa garana.
EZR 2:55 Solomon ena hesiai taudia garadia: Sotai garana, Hasoferete garana, Peruda garana,
EZR 2:56 Iaala garana, Darakono garana, Gidele garana,
EZR 2:57 Sefatia garana, Hatili garana, Pokerete-hasabaimi garana bona Ami garana.
EZR 2:58 Dubu ena hesiai taudia iboudiai bona Solomon ena hesiai taudia garadia na sinahu-toi taurahanita-ahui rua.
EZR 2:59 Ini na Tele-mela bona Tele-harasa bona Kerubu bona Adana bona Imere amo ema taudia, a edia iduhu bona senedia ladadia ihamomokanidia asi dibadia, idia na Israel besena eiava lasi:
EZR 2:60 Delaia garana, Tobia garana bona Nekoda garana, sinahu-tauratoi imahui rua.
EZR 2:61 Hahelaga taudia garadia danu: Habaia garana, Hakoso garana, Barasilai garana (una tau ese Barasilai tau Gilead natuna hahinedia ta e adavaia, bena idia ladadia ta ai e henemai).
EZR 2:62 Unu na ladadia e tahu, uru ladadia bukadia ai, to asie davaridia; una dainai hahelaḡa dagina amo e atodia tabe, idia na dia ḡoḡoeva dainai.
EZR 2:63 Hanua lohiana ese e hamaorodia, idia na aniani helaḡa-hereana basie ania, ela bona hahelaḡa tauna ta ese Urim bona Tumim ediai baine henanadai.
EZR 2:64 Hegogo idoinai be taunimanima gerebu-hani daha-rua sinahu-toi tauratoi-ahui;
EZR 2:65 bona edia hesiai tataudia bona hahinedia danu daha-hitu sinahu-toi toi-ahui hitu; edia ane-abi tataudia bona hahinedia danu na sinahu-rua.
EZR 2:66 Edia hosi na sinahu-hitu toi-ahui tauratoi; edia doniki badadia na sinahu-rua hari-ahui ima;
EZR 2:67 edia kamelo na sinahu-hani toi-ahui ima; bona edia doniki maraḡidia na daha-tauratoi sinahu-hitu ruahui.
EZR 2:68 Iehova ena dubu Ierusalem ai e kau negana ai, iduhu kwaradia haida ese lalo-namo herahiadia e heni, Dirava ena dubu ena, gabuna korikorina ai baine gini helaoreana.
EZR 2:69 Edia taḡa heḡereḡerena idia ese una ḡaukara idurulaina monina e heni, gold darikidia gerebu-tauratoi daha-ta, bona silver minadia daha-ima, bona hahelaḡa taudia edia hahedoki sinahu-ta.
EZR 2:70 Hahelaḡa taudia bona Levi taudia bona taunimanima haida na Ierusalem ai bona hetabira tanodia ai e nohova; ane-abi taudia bona ikoukou igimadia taudia bona dubu ena hesiai taudia na edia hanua lalodiai e nohova. Israel taudia iboudiai danu edia hanua lalodiai e nohova.
EZR 3:1 Hua ihahituna e kau negana ai, Israel taudia na hanua lalodiai e nohova. Bena taunimanima na Ierusalem ela, e hegogo hebou, tau tamona na heto.
EZR 3:2 Bena Iesua Iosadak, mai bamona hahelaḡa taudia ida, bona Serubabele Sealtiele, mai varavarana ida, e tore isi, Israel Diravana ena ihaboulaina patana e larebaia, ḡole-oho boubou ḡaudia na ia latanai bae hahelaḡadia totona, Dirava ena tau Mose ena taravatu ai e torea heḡereḡerena.
EZR 3:3 Ihaboulaina patana na ena gabu ai e haginia, badina be gari ese e butudia tao, unu tano taudia daidiai; bena ḡole-oho boubou ḡaudia na ia latanai e hahelaḡadia Iehova ena, daba ai bona adorahi ai.
EZR 3:4 Bona kalaga ariana e karaia, e torea heḡereḡerena, bona dina ta ta amo ḡole-oho boubou ḡaudia hahidaosi e hahelaḡadia, taravatu ese dina ta ta ahudia e gwaurai heḡereḡerena.
EZR 3:5 Una murinai idia ese ḡole-oho boubou ḡaudia e hahelaḡadia loulouva, hua matamata bouboudia bona Iehova ena aria negadia korikoridia bouboudia, bona ta ta edia lalo-namo bouboudia, Iehova e heni ḡaudia, iboudiai danu.
EZR 3:6 Hua ihahituna dinana gini-gunana ai idia ese ḡole-oho boubou ḡaudia e hahelaḡadia matama, Iehova ena. A Iehova ena dubu badina na do asie hadaia.
EZR 3:7 Taunabunai, idia ese nadi iḡaukaralaidia taudia bona kamuta taudia na moni e henidia; bona aniani bona inuinu ḡaudia bona dehoro na Sidono bona Turo taudia e henidia, sida audia na Lebanon amo bae lasilaidia kone ai bona lopa ai bae atodia na davana, Kurese, Parasa pavapavana, ena gwau-maoro heḡereḡerena.
EZR 3:8 Dirava ena dubu Ierusalem ai e lou henia laḡanina iharuana huana iharuana lalonai, Serubabele Sealtiele bona lesua losadak na e ḡaukara matama, tadikakadia oredia, hahelaḡa taudia bona Levi taudia, bona abi-mauri amo Ierusalem vada e lou henia taudia iboudiai ida. Idia ese laḡani ruahui vada e hanai taudia Levi oreana lalonai e duanaidia, idia ese Iehova ena dubu ḡaukarana bae itaia tao.
EZR 3:9 Bena Iesua, mai natuna bona varavarana ida, bona Kadmiele mai natuna, Iuda vevena taudia, ida, ese Dirava ena dubu ai e ḡaukarava taudia na e itadia tao hebou, Henadab natuna bona Levi taudia mai natudia bona varavaradia ida.
EZR 3:10 Ruma-hagini taudia ese Iehova ena dubu badina e hadaia negana ai, hahelaḡa taudia ese edia dabua helaḡadia e hahedokilai, bena mai kibidia ida e raka kahira, bona Levi taudia, Asaf garana, mai edia botabota auridia ida, e raka ela, Iehova ihanamolaina totona, David, Israel pavapavana, ena haheḡani heḡereḡerena.
EZR 3:11 Bena ane e abi hadava-hadava, Iehova e imodaia bona e hahenamo henia, eto, Badina be ia na namo; Badina be ena hebogahisi e hesiriu hanaihanaimu, Israel enai. Bena Iehova e hanamoa negana ai, taunimanima iboudiai na e lolo mai gao badadia ida, Iehova ena dubu badina vada e hadaia dainai.
EZR 3:12 A hahelaḡa taudia bona Levi taudia bona iduhu kwaradia loḡora, tau burukadia, dubu gunana e itaia taudia na e tai lolololo, ina dubu badina e hadaia e itaia negana ai; a hutuma na moale dainai e lolo badabada.
EZR 3:13 Taunabunai, taunimanima asie diba maoro dahaka reḡe, moale eiava taunimanima edia taitai reḡedia; badina be taunimanima na e lolo badabada, bona reḡena na dauhai danu e kamonaiva.
EZR 4:1 A Iuda bona Beniamina taudia inaidia na e kamonai hari noho-hedoa amo vada e lou mai taudia ese Iehova, Israel Diravana, ena dubu e haginiava;
EZR 4:2 bena idia ese Serubabele bona iduhu kwaradia dekedia ela, e hereva henidia, eto, Mani emui kara ai na umui ida dubu baita haginia hebou; badina be ai ese emui Dirava a toma henia dihomu, umui heḡereḡeremui, bona a bouamu danu, Esarahadon, Asuria pavapavana, ese e mailaimai bona ina gabu ai e hanohomai negana amo ema bona harihari.
EZR 4:3 A Serubabele bona lesua bona iduhu lohiadia oredia Israel ai ese e haere henidia, eto, Umui na asi emui ḡaukara ai emai ai, emai Dirava ena dubu ihaginina ai; a ai sibomai ese baia haginia, Iehova, Israel Diravana, ena, King Kurese, Parasa pavapavana, vada e haḡanimai heḡereḡerena.
EZR 4:4 Bena tano taudia ese Iuda taudia lalodia e ani bona e hagaridia, una ḡaukara ai;
EZR 4:5 bona hahealo taudia haida davadia e kara, edia ura ḡaukarana bae laoa ahu, Kurese, Parasa pavapavana, ena dina iboudiai, ela bona Darauese, Parasa pavapavana, ena lohia negana.
EZR 4:6 Bena Ahasuero e lohia matama negana ai, idia ese hahebade pepana e torea, Iuda bona Ierusalem inoholaidia taudia ihahebadelaidia.
EZR 4:7 Aratasasta e lohiava negana ai, Bisilama bona Mitredata bona Tabele mai bamodia oredia ida ese Aratasasta, Parasa pavapavana, e tore henia. Edia revareva be Aram revarevadia bona gadona amo e torea.
EZR 4:8 Rehumu, tuari oreana biaguna, bona Simisai, itorena tauna, ese Ierusalem ihadikana revarevana ta na King Aratasasta e tore henia.
EZR 4:9 Rehumu, tuan oreana biaguna, bona Simisai, itorena tauna, mai bamodia oredia ida, hahemaoro taudia, lohia taudia, heitatao taudia, bona Parasa bona Ereke bona Babulono bona Susa taudia (unu na Elam taudia),
EZR 4:10 bona lohia badana bona herea-daena Osonopara ese e laohaidia Samaria hanuadia bona Sinavai Badana unukahana basileiana orena lalodiai e hanohodia besedia oredia, ese revareva e torea.
EZR 4:11 E siaia revarevana lalonai e tore herevadia bini: Revareva King Aratasasta ena: Emu hesiai taudia, Sinavai Badana inikahana basileiana ai e nohomu taumai, ese a hahenamo henimuimu.
EZR 4:12 Harihari oi, pavapava taumu, ba diba, hari Iuda taudia oiemu amo dekemai ema na Ierusalem vada ela. Idia ese una daḡedaḡe bona kara dika hanuana ma e haginia loumu; maḡu na be ha-oreamu, bona ruma badidia e banidia.
EZR 4:13 Oi pavapava taumu ba diba, ina hanua na bema haginia lou bona maguna bema ha-orea, bena idia ese heaiva eiava kohu davadia eiava tax basie heni, bena oi pavapava taumu emu taḡa na baine maraḡi.
EZR 4:14 Ai ese pavapava ena ruma damenana a animu dainai, dia namo ai ese hanua pavapavana ihahemaraina baia itaia; taunabunai ina hereva a siaia vasimu, oi pavapava taumu ihadibamu,
EZR 4:15 bena senemu sisigadia bukana ai bae hetahu. Una sisiga bukana ai ba davaria bona ba diba, ina hanua na daḡedaḡe hanuana, pavapava bona basileia ihadikadia ḡauna. Nega gunadia amo taravatu idadaraina karadia vada e tubu ia lalonai; una dainai ina hanua na e habuaia tari.
EZR 4:16 Oi pavapava taumu a hadibamumu, ina hanua bema gini lou bona maḡuna bema ore negana ai, oi na asi emu ḡau ta, Sinavai Badana inikahana basileiana idoinai lalonai.
EZR 4:17 Hanua pavapavana ese ena haere e siaia. Haere na binai: Revareva Rehumu, tuari oreana biaguna, bona Simisai, itorena tauna, mai bamodia oredia Samaria bona Sinavai Badana enekahana basileiana orena lalodiai e nohomu edia: Na hahenamo henimuimu.
EZR 4:18 Dekemai o siaia mai revarevana na vairagu ai vada e duahia hedinarai.
EZR 4:19 Bena na hahedua, bena vada e hetahu; vada e davaria una hanua ese nega gunadia amo hanua pavapavadia vada e tuari henidia, bona ia lalonai daḡedaḡe bona taravatu idadaraina karadia vada e kara.
EZR 4:20 Pavapava herea-daedia ese Ierusalem vada e lohiaia; Sinavai Badana enekahana basileiana idoinai ese heaiva bona kohu davadia bona tax na idia e henidia.
EZR 4:21 Taunabunai ba hahedua, unu tatau ese edia ḡaukara bae hadokoa, bona hanua na basie haginia lou, ela bona lau ese hahedua herevana ta ma baina gwauraia.
EZR 4:22 Nahuamui ba toho, ina kara ai basio manoka. Anina be dahaka ina hekwakwanai ḡauna na baine tubu badabada, hanua pavapavana ihadikalaina.
EZR 4:23 King Aratasasta ena revareva herevadia na Rehumu bona itorena tauna Simisai mai bamodia ida vairadiai e duahi hedinarai; bena idia na Iuda taudia Ierusalem ai dekedia ela haraḡa, bona mai goadadia bona mai siahudia ida edia ḡaukara ai e hadokodia.
EZR 4:24 Bena Dirava ena dubu Ierusalem ai iḡaukaralaina e doko vaitani, ela bona Darauese, Parasa pavapavana, ena lohia laḡanina iharuana.
EZR 5:1 Peroveta taudia Hagai bona Sekaria Ido ese Iuda taudia, Iuda ai bona Ierusalem ai, e haroro henidia, Israel Diravana, idia e biagudia Diravana, ladana ai.
EZR 5:2 Bena Serubabele Sealtiele bona lesua losadak na e tore isi, Dirava ena dubu Ierusalem ai ihagini-louna e matamaia; Dirava ena peroveta taudia na idia ida, e durudiava.
EZR 5:3 Una negana ai, Tatenai, Sinavai Badana unukahana basileiana lohiana, bona Setara-bosenai, mai bamodia ida, na idia dekediai e kau, e hereva henidia, eto, Daika ese hahedua e henimui, ina dubu ba haginia lou bona maḡuna ba ha-ahua?
EZR 5:4 Ma e nanadaidia, eto, Ina ruma e haginiamu taudia ladadia be daidia?
EZR 5:5 A Iuda tau-badadia na edia Dirava ese e raraidia tao, bena asie hadokodia, ela bona harina na Darauese enai baine kau, bena iena haere na revareva amo bae davaria.
EZR 5:6 Tatenai, Sinavai Badana unukahana basileiana lohiana, bona Setara-bosenai mai bamona, lohia haida Sinavai Badana unukahana basileiana ai e nohova taudia, ida edia revareva, King Darauese enai e siaia ḡauna, herevadia bini.
EZR 5:7 Idia ese sivarai e torea, ia dekena e siaia, eto: Revareva King Darauese ena: maino idoinai avabia.
EZR 5:8 Pavapava taumu vada ba diba, ai na Iuda basileiana ala, Dirava badana ena dubu enai. Ia na nadi bada-hereadia amo e haginia bona au na haba ai heheato; ina ḡaukara na e goadalaiamu, bona idia imadia ai anina e varamu.
EZR 5:9 Bena ai ese unu tau-badadia na ini a nanadaidia toma, ato, Daika ese hahedua e henimui, ina dubu ba haginia bona maḡuna ba ha-ahua?
EZR 5:10 Bena ladadia a henanadailai, oi ihadibalaimu, idia ikwaradia taudia ladadia baia tore ato.
EZR 5:11 Bena idia ese e haere henimai, eto, Ai na guba bona tanobada Diravana ena hesiai taudia, bona laḡani momo vada e lao bubuni Israel pavapavana badana ta ese e haginia bona e ha-orea dubuna na ai ese ma a haginia loumu.
EZR 5:12 A senemai ese guba Diravana e habadua dainai, ia ese Nebukadnesara, Babulono pavapavana, tau Kaldea, imana ai e atodia; bena una tau ese ina dubu e ḡiḡia dobi, bona taunimanima na Babulono kahana e laohaidia.
EZR 5:13 Ḡau tamona, Kurese, Babulono pavapavana, ena lohia laḡanina ginigunana ai, hanua pavapavana ese hahedua herevana e gwauraia, ina Dirava ena dubu baia haginia lou eto.
EZR 5:14 Bona gold bona silver gaudia, una Dirava ena dubu kohudia, Nebukadnesara ese Ierusalem dubuna amo vada e abi lasi bona Babulono dubuna ai vada e vareailai ḡaudia, na King Kurese ese Babulono dubuna amo e abi lasi, tau ta ladana Sesebasara e henia. Ia ese una tau na lohia tauna ai e halaoa;
EZR 5:15 bona e hamaoroa, eto, Ini ḡau avabidia, baola, Ierusalem dubuna lalonai ma bavatodia; bona Dirava ena dubu na gabuna korikori ai ma bae haginia lou.
EZR 5:16 Bena hari Sesebasara na ema, bona Dirava ena dubu Ierusalem ai badina e hadai. Bena una negana ema bona hari, ihaginina vada a ḡaukaralaia, to do se ore.
EZR 5:17 Taunabunai, hanua pavapavana lalona bema heḡereḡere, pavapava edia pepa e haboumu rumadia Babulono ai lalodiai bae hetahu, bae diba, King Kurese ese hahedua pepana ta e karaia, ina Dirava ena dubu Ierusalem ai ihagini-louna e hahedualaia eiava lasi. Bena hanua pavapavana ese ena ura baine hadibalaimai ina kara ai.
EZR 6:1 Bena King Darauese e hahedua; bena Babulono tanona ai e hetahu, basileia pepadia e habou rumadia lalodiai.
EZR 6:2 Bena Ekebatana, Media basileiana ena hanua badana, Ialonai pepa ta e davaria; una pepa ai e tore herevadia bini: Sivarai ta.
EZR 6:3 King Kurese ena lohia laḡanina gini-gunana lalonai, King Kurese ese hahedua herevana ta e gwauraia, eto, Dirava ena dubu Ierusalem ai herevana binai: dubu na bae haginia lou, boubou ḡaudia e hahelaḡadiamu bona ḡole-oho boubou gaudia e laohaidiamu gabuna; harana latana na kiubit tauratoi-ahui bona lababana danu kiubit tauratoi-ahui, unu bae haginia toma.
EZR 6:4 Nadi ere toi bona au ere ta bae kara. Davana na pavapava ena moni amo ba heni.
EZR 6:5 Ina danu, Dirava ena dubu ena gold bona silver ḡaudia Nebukadnesara ese Ierusalem dubuna lalona amo e abi bona Babulono e mailai ḡaudia, na bae heni lou, Ierusalem dubuna bae laohai, bena ta ta ena gabu ena gabu ai ma bae ato lou. Dirava ena dubu lalonai bavatodia.
EZR 6:6 Taunabunai, Tatenai, Sinavai Badana enekahana basileiana lohiana, bona Setara-bosenai, mai bamomui Sinavai Badana enekahana ai e nohomu lohiadia ida, umui na dauhai a noho.
EZR 6:7 Hari Dirava ena dubu ḡaukarana aine hekara; Iuda lohiadia bona tau-badadia ese hari Dirava ena dubu na gabuna korikorina ai bae haginia.
EZR 6:8 Ina danu na haganimuimu, ene Iuda tau-badadia na ini ba durudia toma, hari Dirava ena dubu ihagini-louna ai: davana idoinai na ene tatau ba henidia ḡuḡuru haraḡa, pavapava ena moni, hari Sinavai Badana enekahana basileiana ena heaiva ḡauna, amo.
EZR 6:9 Bona dahaka ai e dabumu, boromakau natudia mamaruanedia eiava mamoe mamaruanedia eiava hahinedia, ḡole-oho boubou ḡaudia guba Diravana iboulaina; bona uit bona damena bona vine ranuna bona dehoro, hahelaḡa taudia Ierusalem ai edia dabu heḡereḡeredia, na dina ta ta amo ba henidia, basio reaia;
EZR 6:10 bena idia ese boubou ḡaudia namodia na bae hahelaḡadia guba Diravana ena, bona bae guriḡuri, hanua pavapavana mai natuna ida edia mauri daidiai.
EZR 6:11 Lau na haheduamu danu, tau ta ese ina haheḡani bema ha-idaua, bena au ta iena ruma amo bae raḡaia, bona una tau na una au ai bae gwadaia uru, bena ena ruma na boromakau taḡena ihabouna gabuna ai bae halaoa.
EZR 6:12 Ina hereva baine ha-idaua, eiava hari Dirava ena dubu Ierusalem ai baine ḡigia dobi, pavapavana eiava besena na una gabu ai ladana vada e hanohoa Diravana ese baine hadarerea. Lau Darauese na haheduamu; ba karaia balaheni.
EZR 6:13 Bena King Darauese ese e siaia herevana heḡereḡerena, Tatenai, Sinavai Badana unukahana basileiana lohiana, bona Setara-bosenai, mai bamodia ida, ese King Darauese ena hahedua ḡaudia na e karadia balaheni.
EZR 6:14 Bena Iuda tau-badadia ese dubu e haginia, bona edia ḡaukara anina e tubu, peroveta tauna Hagai bona Sekaria Ido edia haroro herevadia daidiai. Dubu ihaginina e haḡugurua, Israel Diravana ena haheḡani bona Kurese bona Darauese bona Aratasasta, Parasa pavapavadia, edia hahedua daidiai.
EZR 6:15 King Darauese ena lohia laḡanina ihatauratoina ai, hua ladana Adara ena dina ihatoina ai, una dubu e haḡuḡurua.
EZR 6:16 Bena Israel taudia, hahelaḡa taudia bona Levi taudia bona noho-hedoa amo vada e lou taudia oredia, ese hari Dirava ena dubu ihahelaḡana karadia e kara, mai moaledia ida.
EZR 6:17 Idia ese boromakau mamaruanedia sinahu-ta bona mamoe mamaruanedia sinahu-rua bona mamoe natudia sinahu-hani na boubou ḡaudia ai e halaodia, hari Dirava ena dubu ihahelagana totona; bona nani mamaruanedia gwauta-rua e hahelaḡadia Israel idoinai ena kara dika boubouna ḡaudia, Israel ena iduhu gwauta-ruaosi ihaheḡereḡeredia.
EZR 6:18 Bena hahelaḡa taudia e hididia, edia orea ta ta ai, bona Levi taudia danu unu e karadia toma, Ierusalem ai, Dirava isiaina ilaohenina totona, Mose ena buka ai e hetore heḡereḡerena.
EZR 6:19 Hua gini-gunana dinana ihagwauta-hanina ai, hari noho-hedoa amo e lou taudia ese lagau-hanai ariana e karaia.
EZR 6:20 Badina be hahelaḡa taudia bona Levi taudia na sibodia vada e hahegoeva hebou; idia iboudiai na goḡoeva-ḡoḡoeva. Taunabunai idia ese lagau-hanai mamoedia e ala mase, noho-hedoa amo e lou taudia iboudiai edia, bona bamodia hahelaḡa taudia edia, bona idia sibodia edia.
EZR 6:21 Israel taudia noho-hedoa amo vada e lou ese e ani, bona idia ida e hebou bona una tano taudia edia kara mirodia vada e rakatani, Iehova, Israel Diravana, bae toma henia diho totona, taudia iboudiai danu.
EZR 6:22 Dina hitu lalodiai idia ese se hatubua flaoana ariana e karaia, mai moaledia ida, badina be Iehova ese vada e hamoaledia, bona Asuria pavapavana lalona vada e haloua idia ediai, taunabunai ia ese Dirava, Israel Diravana, ena dubu iḡaukaralaina ai e durudia.
EZR 7:1 Una murinai, Aratasasta, Parasa pavapavana, e lohiava negana ai, Esera na e dae lao. Una Esera na Seraia natuna, Seraia na Asaria natuna, Asaria na Hilkia natuna,
EZR 7:2 Hilkia na Salumu natuna, Salumu na Sadok natuna, Sadok na Ahitubu natuna,
EZR 7:3 Ahitubu na Amaria natuna, Amaria na Asaria natuna, Asaria na Meraioto natuna,
EZR 7:4 Meraioto na Serahia natuna, Serahia na Usisi natuna, Usisi na Buki natuna,
EZR 7:5 Buki na Abisua natuna, Abisua na Fineha natuna, Fineha na Eleasara natuna, Eleasara na Aaron, hahelaḡa tauna badana, natuna.
EZR 7:6 Hari Esera na Babulono amo e dae lao. Ia be itorena tauna ta, Mose ena taravatu, Iehova, Israel Diravana, ese e heni ḡauna, dibana herea. Hanua pavapavana ese iena ura idoinai e henia, badina be Iehova, ena Dirava, imana na ia latanai.
EZR 7:7 Bena King Aratasasta ena lohia laḡanina ihahituna ai, Israel taudia haida danu Ierusalem e dae lao, bona hahelaḡa taudia bona Levi taudia haida, bona ane-abi taudia bona ikoukou igimadia taudia, bona gabu helaḡana ena hesiai taudia.
EZR 7:8 Ia be hua iha-imana lalonai Ierusalem ai e kau, hanua pavapavana ena lohia laḡanina ihahituna ai.
EZR 7:9 Badina be hua gini-gunana dinana gini-gunana ai ia na Babulono tanona amo e dae lao matama, bona hua iha-imana dinana gini-gunana ai Ierusalem ai e kau, badina be ena Dirava imana namona na ia latanai.
EZR 7:10 Badina be Esera ese lalona vada e hadaia, ia ese Iehova ena taravatu baine haeroa bona karana baine karaia, bona ena taravatu bona ena hahedua herevadia na Israel ai baine hahedibalai.
EZR 7:11 King Aratasasta ese revareva ta Esera, hahelaḡa tauna bona itorena tauna, Iehova ena haheḡani bona ena taravatu Israel latanai mai dibana tauna, e henia. E henia revarevana herevadia bini:
EZR 7:12 Aratasasta, pavapava edia pavapava, vada e torea revarevana, hahelaḡa tauna Esera, guba Diravana ena taravatu itorena tauna, enai.
EZR 7:13 Lau vada na hahedua, Israel taudia eiava edia hahelaḡa taudia eiava Levi taudia egu basileia lalonai daika daika ena urakwalimu dainai Ierusalem lao e uramu na oi ida baola.
EZR 7:14 Badina be hanua pavapavana mai ena hahealo taudia hahituosi ese vada e siaimumu, Iuda bona Ierusalem henanadaidia ba kara, emu Dirava ena taravatu, oi imamu ai e miamu ḡauna heḡereḡerena;
EZR 7:15 bona hanua pavapavana mai ena hahealo taudia ida edia herahia ḡaudia, silver bona gold, idia ese Israel Diravana, Ierusalem ai e nohomu, vada e henia ḡaudia na oi ese ba laohai;
EZR 7:16 bona silver bona gold idoinai, Babulon tanona iboudiai ba davari gaudia, bona taunimanima bona hahelaḡa taudia edia herahia gaudia, mai lalo-namodia ida vada e gwaurai hamata edia Dirava, Ierusalem ai e nohomu Diravana, ena dubu ena.
EZR 7:17 Taunabunai, ina moni ba gaukaralaia balaheni, boromakau mamaruanedia bona mamoe mamaruanedia bona mamoe natudia, mai edia flaoa boubouna ḡaudia bona inuinu boubouna ḡaudia ida, na ba hoi, bena emui Dirava ena dubu ena ihaboulaina patana Ierusalem ai latanai ba hahelaḡadia.
EZR 7:18 Bena silver bona gold oredia na oi mai tadikakamu ida emui lalo-hadai bona emui Dirava ena ena ura heḡereḡeredia ai ba gaukaralai.
EZR 7:19 Hari emu Dirava ena dubu gaukaradia ikaralaidia ḡaudia vada a henimui na ba laohai, Ierusalem Diravana vairanai bavato.
EZR 7:20 Bona dahaka ḡau dahaka ḡau ai o dabumu, emu Dirava ena dubu ena, bavabi, bena hanua pavapavana ena moni amo davadia do ba kara.
EZR 7:21 Ina danu, lau King Aratasasta ese moni inarina taudia iboudiai Sinavai Badana unukahana basileiana lalonai, na haḡanimuimu: dahaka dahaka hahelaḡa tauna Esera, guba Diravana ena taravatu itorena tauna, ese emui ai baine gwaurai, vada ba kara balaheni,
EZR 7:22 ela bona silver talent sinahu-ta bona uit koro sinahu-ta bona vine ranuna bata sinahu-ta bona damena asi hahetohona.
EZR 7:23 Dahaka dahaka guba Diravana ese baine haganilai, vada ba kara ḡuguru, guba Diravana ena dubu ena, iena badu na hanua pavapavana mai natuna ida edia basileia latanai baine kau na garina.
EZR 7:24 Ai na a hadibamuimu danu, hahelaḡa taudia, eiava Levi taudia, eiava ane-abi taudia, eiava ikoukou igimadia taudia, eiava gabu helaḡana ena hesiai taudia, eiava hari Dirava ena dubu ena hesiai taudia haida, na ta ena amo heaiva monidia eiava kohu davadia eiava tax monidia basio abi.
EZR 7:25 Oi danu, Esera e, emu Dirava ena aonega, imamu ai e miamu ḡauna, heḡereḡerena ai, hahemaoro taudia maraḡidia bona badadia ba duanaidia; idia ese Sinavai Badana unukahana basileiana taudia. emu Dirava ena taravatu mai dibadia taudia, iboudiai na bae hahemaoro henidia. A asi dibadia taudia ba hadibadia.
EZR 7:26 Daika ese emu Dirava ena taravatu bona hanua pavapavana ena taravatu basine badinaia, hahemaoro aukana na ia latanai bae karaia, bena baine mase, eiava tano amo baine raka oho, eiava ena kohu bae heabi oho, eiava dibura rumana ai baine hekou ahu.
EZR 7:27 Iehova, ita seneda edia Dirava, aita hanamoa, badina be ia ese kara unuhetomana na hanua pavapavana lalona ai e havaraia, Iehova ena dubu Ierusalem ai ihahairaina;
EZR 7:28 ia ese danu hanua pavapavana mai ena hahealo taudia vairadiai bona hanua pavapavana ena heitatao taudia mai siahudia vairadiai ena hebogahisi vada e henigu. Lau na boga auka, badina be Iehova, egu Dirava, imana na latagu ai; bena Israel tau-badadia na haboudia, lau ida baia dae lao totona.
EZR 8:1 King Aratasasta ena lohia negana ai lau ida Babulono tanona amo a dae ala taudia edia iduhu kwaradia bona edia uru ladadia bini.
EZR 8:2 Fineha garana amo: Geresom. Itamara garana amo: Daniel. David garana amo: Hatusu;
EZR 8:3 ia be Sekania natuna ta. Paroso garana amo: Sekaria; ia ida tatau sinahu-ta imahui ladadia e hetore.
EZR 8:4 Pahata-moab garana amo: Eliehoenai Serahia, bona tatau sinahu-rua ia ida.
EZR 8:5 Satu garana amo: Sekania lahasiel, bona tatau sinahu-toi ia ida.
EZR 8:6 Adini garana amo: Ebed Ionatan, bona tatau imahui ia ida.
EZR 8:7 Elam garana amo: Iesaia Atalia, bona tatau hitu-ahui ia ida.
EZR 8:8 Sefatia garana amo: Sebadia Mikael, bona tatau taurahani-ahui ia ida.
EZR 8:9 Ioab garana amo: Obadia Iehiele, bona tatau sinahu-rua gwauta-taurahani ia ida.
EZR 8:10 Bani garana amo: Selomiti Iosifia, bona tatau sinahu-ta tauratoi-ahui ia ida.
EZR 8:11 Bebai garana amo: Sekaria Bebai, bona tatau ruahui-taurahani ia ida.
EZR 8:12 Asgada garana amo: Iohanan Hakatan, bona tatau sinahu-ta gwauta ia ida.
EZR 8:13 Adonikama garana amo haida na gabeai ema: Elifelete bona Ieuele bona Semaia, bona tatau tauratoi-ahui idia ida.
EZR 8:14 Bigvai garana amo: Utai bona Sakuru, bona tatau hitu-ahui idia ida.
EZR 8:15 Ahava e aru laomu sinavaina badinai na haboudia, bona dina toi unuseni ai a taruha. Taunimanima bona hahelaḡa taudia na nenedia negana ai, asi tauna ta unuseni ai Levi garana amo.
EZR 8:16 Bena Eliesere, Ariele, Semaia, Elnatan, Iaribi, Elnatan, Natan, Sekaria bona Mesulama, orea igunalaina taudia, bona loiaribi bona Elnatan, lalo-parara taudia, na boiridia;
EZR 8:17 bena na siaidia lao, Ido, gabu ladana Kasifia ikwarana tauna dekenai, bona na hamaorodia, hari Ido bona tadikakana, dubu ena hesiai taudia, ede bae hereva henidia toma, gabu ladana Kasifia ai. Herevana binai: idia ese eda Dirava ena dubu ena hesiai taudia na dekemai ai bae siaidia mai. I
EZR 8:18 Bena eda Dirava imana namona na ai latamai ai dainai, idia ese lalo-maoro tauna ta, Mali, Levi Israel natuna, garana ta, e hakaua mai. Una tau ladana na Serebia; ia na natuna bona varavarana ida ema, tatau gwauta-taurahani.
EZR 8:19 Hasabia danu e hakaua mai, bona ia ida Merari garana tauna ta ladana lesaia, bona varavarana mai natudia ida, tatau ruahui.
EZR 8:20 Dubu ena hesiai taudia sinahu-rua ruahui danu e hakaudia mai; unu na David bona ena heitatao taudia ese e gwauraidia, Levi taudia isiaidia bae lao heni. Ini iboudiai na ladadia e hegwaurai.
EZR 8:21 Bena anivaga ta na gwauraia, hari Ahava sinavaina badibadinai, eda Dirava vairanai baia hahemanau bona dala maoromaorona ta iena amo baia tahua, ai emai bona natumai edia bona emai ḡau iboudiai ediai.
EZR 8:22 Badina be hanua pavapavana inoina na hemarai, emai raka dalana ai tuari taudia bona hosi-gui taudia oreana ta ese inaimai edia amo baine gimamai: badina be ai ese hanua pavapavana vada a hamaoroa, ato “Emai Dirava imana na namo, ia e tahuamu taudia iboudiai latadiai, bona ena badu siahuna ese iena amo e raka ohomu taudia na e inai henidiamu”.
EZR 8:23 Taunabunai ai na a anivaga, bona eda Dirava unu a noia toma; bena ia ese emai noinoi e hakala henia.
EZR 8:24 Bena hahelaḡa taudia badadia gwauta-rua na gwauraidia hidi: Serebia bona Hasabia, bona varavaradia gwauta idia ida.
EZR 8:25 Bena silver bona gold bona ḡau idau-idau, hanua pavapavana mai ena hahealo taudia bona ena lohia taudia ida, bona Israel taudia unuseni ai vada e hebou danu, edia herahia ḡaudia vada e heni eda Dirava ena dubu ḡaudia, na hahetoho, na henidia hagau-hagau.
EZR 8:26 Na hahetoho bona idia imadia ai na ato gaudia bini: silver talent sinahu-tauratoi imahui, bona silver ḡaudia talent sinahu-ta davana; bona gold talent sinahu-ta,
EZR 8:27 bona gold kibokibodia, davadia na dariki daha-ta; bona auri labora-labora namo-hereana bona kimore-kimorena, davana na gold davana ida heḡereḡere, ḡaudia rua.
EZR 8:28 Bena na hereva henidia, nato, Umui na hehelaḡa Iehova ena, bona ini ḡau danu hehelaḡa, bona hari silver bona gold na herahia ḡaudia, lalo-namo ai e heni, Iehova, senemui edia Dirava, ena.
EZR 8:29 Ba gimadia bona ba baladia heni, ela bona hahelaḡa taudia badadia bona Levi taudia bona Israel iduhu kwaradia vairadiai ba hahetohodia, Ierusalem ai, Iehova ena dubu daiutudia lalodiai.
EZR 8:30 Taunabunai hahelaḡa taudia bona Levi taudia ese silver bona gold bona ḡau idau-idau metaudia idoinai e abi, eda Dirava ena dubu Ierusalem ai bae laohai totona.
EZR 8:31 Bena hua gini-gunana dinana ihagwauta-ruana ai, ai na Ahava sinavaina amo a raka oho, Ierusalem baiala totona. Eda Dirava imana na latamai ai, bena ia ese inai taudia imadia amo bona dala ai e bani henimai taudia edia amo e hamaurimai.
EZR 8:32 Ai na Ierusalem ai a kau, bena dina toi unuseni ai a noho.
EZR 8:33 Dina ihahanina ai, eda Dirava ena dubu lalonai, hari silver bona gold bona ḡau idau-idau na e hahetohodia, hahelaḡa tauna Meremoto Uria imana ai e atodia. Ia ida be Eleasara Fineha, bona Levi taudia Iosabad Iesua bona Noadia Binui.
EZR 8:34 Iboudiai na e hagaudia bona e hahetohodia, bona iboudiai metaudia e tore.
EZR 8:35 Una negana ai, abi-mauri taudia, edia noho-hedoa amo vada e lou taudia, ese ḡole-oho boubou ḡaudia na e hahelaḡadia, Israel Diravana ena: boromakau mamaruanedia gwauta-rua Israel idoinai dainai, bona mamoe mamaruanedia taurahanita-ahui tauratoi bona mamoe natudia hitu-ahui hitu; bona nani mamaruanedia g vauta-rua danu, kara dika boubouna ḡaudia. Ina idoinai na ḡole-oho boubouna Iehova ena.
EZR 8:36 Idia ese hanua pavapavana ena hahedua pepadia na hanua pavapavana ena tuari biagudia bona Sinavai Badana inikahana basileiana lohiadia e henidia; bena idia ese taunimanima bona Dirava ena dubu e durudia.
EZR 9:1 Unu ḡaukara muridiai, heitatao taudia na lau dekegu ema, eto, Israel taudia bona hahelaḡa taudia bona Levi taudia na ini tano taudia, kara dika-herea taudia, Kanaan bona Hiti bona Perisi bona Iebusu bona Amono bona Moab bona Aigupto bona Amoro taudia, edia amo do asie raka oho.
EZR 9:2 Badina be natudia hahinedia haida vada e abidia, idia adavadia bona natudia adavadia ai e halaodia; una kara amo bese helaḡana na ini tano taudia ida vada e hebulo; bona ina hebeatai karana ai heitatao taudia bona hanua tau-badadia vada e guna.
EZR 9:3 Una hereva na kamonai negana ai, egu dabua bona egu hahedoki badana na dare, bona kwaragu bona aukigu huidia na rakasidia, bena na helai diho, daragu e doko.
EZR 9:4 Mai dara-dokogu ai na helaiva ai, noho-hedoa amo e lou taudia edia gwau hebeatai dainai Israel Diravana ena hereva bagudiai kudoudia e hetaha taudia na dekegu ai e hebou, ela bona adorahi boubouna negana.
EZR 9:5 Bena adorahi boubouna negana ai, lau na egu anivaga amo na tore isi, mai dabuagu bona hahedokigu hedaredia ida; bena tuigu na hadai, imagu na Iehova, egu Dirava, na toi roro henia,
EZR 9:6 nato: Egu Dirava e, na hemaraimu, vairagu danu e kakakakamu, egu Dirava e, vairagu iabi-isina emu ai na heto'o ahumu; badina be emai kara dika vada e dae kwaramai daediai, bona emai kerere vada e dae ela bona guba.
EZR 9:7 Senemai negana amo ema bona ina dina, ai na vada a kerere dikadika; bona emai kara dika daidiai ai bona emai pavapava bona emai hahelaḡa taudia na tano haida pavapavadia imadia ai vada e atomai, bona dare bona abi-mauri bona dadidadi bona hemarai bada-herea ediai vada o negemai, ina dina heḡereḡerena ai.
EZR 9:8 A harihari nega kwadogi ai Iehova, emai Dirava, ese vada e hanamomai, ai kwabukwabumai vada e hanohomai, bona emai hekamo-kau gabuna vada e henimai ena gabu helaḡana lalonai, emai Dirava ese matamai baine hadiaridia bona emai igui ai taina baine hagoadamai totona.
EZR 9:9 Badina be ai na iḡui taumai; ḡau tamona emai Dirava ese emai igui ai se rakatanimai, a vada e bogamai hisi Parasa pavapavadia vairadiai, emai goada taidia ma baine hamatamata, bena emai Dirava ena dubu baia haginia lou, bona ena dika gabudia baia banidia, bona imaḡu-ahumai ai bainela, Iudea ai bona Ierusalem ai.
EZR 9:10 A harihari, emai Dirava e, ina murinai ai na ma dahaka baia gwaurai? Badina be emu haheḡani vada a dadaraidia.
EZR 9:11 Unu haheḡani na emu hesiai peroveta taudia edia amo o henimai, oto, O raka vareaimu bona bo ḡaunaiamu tanona na miro, tano taudia edia kara mirodia daidiai; edia kara dika-hereadia ese edia miro amo vada e hahonua, duduna ela bona duduna.
EZR 9:12 Taunabunai, natumui hahinedia na idia natudia mamaruanedia basio henidia, bona idia natudia hahinedia na basio abidia, natumui mamaruanedia edia, bona edia maino eiava noho-namo daladia na nega ta basio tahua; bena ba goada, tano anidia bavani, bona ba rakatani dihimui edia, ela bona hanaihanai.
EZR 9:13 Ina idoinai na ai latamai ai vada e kau, emai kara dikadia bona emai kerere bada-hereadia daidiai; a oi, emai Dirava, ese mata-hakani sisina mo vada o henimai, dia emai kara dika davadia korikori, bona ina kwabukwabumai o hanohomai;
EZR 9:14 mato, ai na emu haheḡani baia tata utu lou, bona hari kara dika-hereadia e karamu taudia ida ma baia headava hanai a? Basioma badu henimai ela bona boma habuamai tari, bena kwabukwabuna ta eiava roho-maurina ta basinema noho, a?
EZR 9:15 Iehova e, Israel Diravana, oi na maoromaoro, badina be ai na kwabukwabumai, a roho mauri taumai, ina dina ai. O itaiamu, ai na oi vairamu ai mai emai kerere; badina be asi tauna ta oi vairamu ai baine gini diba, ina kara dainai.
EZR 10:1 Esera e ḡuriḡuriva bona dika e gvaurai hedinaraiva, e taitaiva bona Dirava ena dubu vairanai e goru dihova, Ialonai hegogo bada-hereana, tatau bona hahine, memero bona kekeni, israel idoinai amo na ia dekenai e hebou; badina be taunimanima na e tai dikadikava dainai.
EZR 10:2 Bena Sekania, Iehiele natuna, (ia na Elam natuna ta), ese Esera e hereva henia, eto, Eda g vauhamata eda Dirava enai vada ta hamakohia, idau hahinedia ina tano besedia amo vada ta adavadia; ḡau tamona, ena be unu vada ta kara toma to Israel na doini mai ena helaro.
EZR 10:3 Taunabunai, ita ese eda Dirava aita gwau henia hamata, ini hahine iboudiai mai natudia ida, baita hadihodia, egu lohia, bona eda Dirava ena haheḡani dainai kudoudia e hetahamu taudia, edia hahealo heḡereḡerena; bena karana baita karaia, taravatu heḡereḡerena.
EZR 10:4 A tore isi, badina be ina na oiemu ḡaukara, bona ai na oi ida; ba goada, ba karaia.
EZR 10:5 Bena Esera e tore isi, hahelaḡa taudia bona Levi taudia igunalaidia taudia, bona Israel idoinai, e haduadia, bae gwau hamata, e gwauraia heḡereḡerena ai bae kara. Taunabunai idia na e gwau hamata.
EZR 10:6 Bena Esera na Dirava ena dubu vairana amo e raka oho, lehohanan Eliasibi ena daiutu ela, unuseni ai e noho rani; aniani se ani, ranu se inu; badina be noho-hedoa amo vada e lou taudia edia hebeatai e tailaia.
EZR 10:7 Bena hahedua na Iuda bona Ierusalem idoinai lalodiai e gwauraia hedinarai, noho-hedoa amo vada e lou taudia na Ierusalem ai bae hebou;
EZR 10:8 bona dina toi lalodiai tau ta basinema mai, bena heitatao taudia bona hanua tau-badadia na bae hahedua, ena kohu baine heabi oho, bona ia danu noho-hedoa amo vada e lou taudia edia hebou lalona amo bae gwaua tao.
EZR 10:9 Bena Iuda bona Beniamina taudia iboudiai na Ierusalem ai e hebou, dina toi lalodiai; dina na hua ihataurahani-tana dinana iharuahuina. Bena taunimanima iboudiai na hanua ariarana ai e helai, Dirava ena dubu vairanai, e heude-heudeva, una kara dainai bona medu e diho badabadava dainai.
EZR 10:10 Bena hahelaḡa tauna Esera na e tore isi, e hereva henidia, eto, Umui na vada o kara kerere, idau hahinedia vada o adavadia, unu amo Israel ena kerere vada o habadaia.
EZR 10:11 Taunabunai, emui kerere na Iehova, senemui edia Dirava, vairanai ba gwaurai hedinarai, bona iena ura be karaia: ina tano taudia bona idau hahinedia edia amo ba raka oho.
EZR 10:12 Bena hebou taudia iboudiai e haere, e hereva badabada, eto, Momokani, emu hereva heḡereḡerena do baia karaia.
EZR 10:13 A taunimanima na hutuma, bona ina na medu momo negana; ai na murimuri ai basia gini diba. Bona ina na dia dina tamona eiava dina rua ḡaukarana; badina be ai na vada a kerere bada ina kara ai.
EZR 10:14 Emai heitatao taudia ese hebouna bae abia; emai hanua lalodiai idau hahinedia vada e adavadia taudia iboudiai na bae hegwaurai hidi negadia ai baema, bona hanua tau-badadia bona hahemaoro taudia danu idia ida, hanua iboudiai amo, ela bona eda Dirava ena badu ḡaraḡara ina kara dainai na ita eda amo baine heabi oho.
EZR 10:15 Ionatan Asahele bona lahaseia Tikva sibodia ese una hereva e utua, bona Mesulama bona Sabetai, Levi tauna, ese e durudia.
EZR 10:16 Bena noho-hedoa amo e lou taudia na unu e kara toma. Hahelaḡa tauna Esera ese tatau haida e abidia hidi, iduhu kwaradia iduhu ta ta ai; bona ta ta ladadia e hato. Hua ihagwautana dinana gini-gunana ai e hebou matama, una kara bae tahua totona;
EZR 10:17 ela bona hua gini-gunana dinana gini-gunana ai idau hahinedia vada e adavadia taudia iboudiai e davaridia vaitani.
EZR 10:18 Hahelaḡa taudia natudia bogaragidia amo e davaridia idau hahinedia vada e adavadia, taudia bini: Maaseia, Eliesere, laribi, Gedalia. Ini na Iesua Iosadak mai tadikakana ida natudia.
EZR 10:19 Idia na e gwau hamata, adavadia bae hadihodia; edia kara dika boubouna na mamoe maruanena ta edia seri amo, edia kara dika irohona.
EZR 10:20 Imere natuna bogaragidia amo: Hanani bona Sebadia.
EZR 10:21 Harimi natuna bogaragidia amo: Maaseia, Elia, Semaia, Iehiele, Usia.
EZR 10:22 Pasahuru natuna bogaragidia amo: Elioenai, Maaseia, Ismael, Netanele, Iosabad, Elasa.
EZR 10:23 Levi oreana amo: Iosabad, Simei, Kelaia (ladana ta Kelita), Petahia, Iuda, Eliesere.
EZR 10:24 Ane-abi oreana amo: Eliasibi. Ikoukou igimadia oreana amo: Salumu, Telem, Uri.
EZR 10:25 Israel besena amo: Paroso natuna bogaragidia amo: Ramia, Isia, Malkia, Miamini, Eleasara, Hasabia, Benaia.
EZR 10:26 Elam natuna bogaragidia amo: Matania, Sekaria, Iehiele, Abdi, Ieremoto, Elia.
EZR 10:27 Satu natuna bogaragidia amo: Elioenai, Eliasibi, Matania, Ieremoto, Sabada, Asisa.
EZR 10:28 Bebai natuna bogaragidia amo: Iehohanan, Hanania, Sabai, Atalai.
EZR 10:29 Bani natuna bogaragidia amo: Mesulama, Maluku, Adaia, lasub, Seala, Ieremoto.
EZR 10:30 Pahatamoab natuna bogaragidia amo: Adna, Kelala, Benaia, Maaseia, Matania, Besalele, Binui, Manase.
EZR 10:31 Harimi natuna bogaragidia amo: Eliesere, Isihia, Malkia, Semaia, Simeon,
EZR 10:32 Beniamina, Maluku, Semaria.
EZR 10:33 Hasumu natuna bogaragidia amo: Matenai, Matata, Sabada, Elifelete, Ieremai, Manase, Simei.
EZR 10:34 Bani natuna bogaragidia amo: Maadai, Amram, Uele,
EZR 10:35 Benaia, Bedeia, Keluhi,
EZR 10:36 Vania, Meremoto, Eliasibi,
EZR 10:37 Matania, Matenai, Iaasu.
EZR 10:38 Binui natuna bogaragidia amo: Simei,
EZR 10:39 Selemia, Natan, Adaia,
EZR 10:40 Maknadebai, Sasai, Sarai,
EZR 10:41 Asarele, Selemia, Semaria,
EZR 10:42 Salumu, Amaria, Iosef.
EZR 10:43 Nebo natuna bogaragidia amo: Ieiele, Matitia, Sabada, Sebina, Iadai, Ioel, Benaia.
EZR 10:44 Ini iboudiai ese idau hahine e adavadia, bena mai natudia ida e hadihodia.
NEH 1:1 Nehemia, Hakalia natuna, ena hereva bini. Laḡani iharuahuina huana ladana Kisleve lalonai, lau na hanua badana Susa ai noho;
NEH 1:2 bena varavaragu ta ladana Hanani na tatau haida ida Iuda amo ema. Bena na nanadaidia, Iuda taudia dounu e nohova, heabi-oho amo e roho mauriva taudia, bona Ierusalem henanadaidia na kara.
NEH 1:3 Bena idia ese e hamaorogu, eto, Heabi-oho amo e roho mauri bona una basileia ai dounu e nohomu taudia na e hekwarahi badamu bona e hemaraimu; Ierusalem maguna vada e heḡigi dobi, bona ikoukouna na lahi ese vada e araia oho.
NEH 1:4 Unu hereva na kamonai, bena na helai diho, na tai; dina haida na tailaiava bona na anivaga loulouva bona na ḡuriḡuri loulouva, guba Diravana vairanai.
NEH 1:5 Bena na ḡuriḡuri, nato, Iehova e, guba Diravana, Dirava badana bona mai garina, e ura heniamu bona ena haheḡani e badinamu taudia ida e herohemainomu bona e bogadia hisimu Diravana;
NEH 1:6 taiamu a hakala bona matamu a hapapa, lau emu hesiai tauna egu ḡuriḡuri, dina bona hanuaboi oi vairamu ai Israel besena, emu hesiai taudia, daidiai na gwauraiamu ḡauna, na ba kamonai. Israel taudia edia kara dika, ai ese oi a kara henimu gaudia, na na gwaurai hedinaraimu; oibe, lau bona tamagu ena iduhu taudia vada a kara dika.
NEH 1:7 Ai ese oi vada a kara havara henimu, bona haheḡani bona taravatu bona hahedua herevadia, emu hesiai tauna Mose o haḡanilaia ḡaudia, na asia badinadia.
NEH 1:8 Emu hesiai tauna Mose o haḡanilaia herevana ba laloa tao; oto “Boma gwau hebeatai, lau ese baina hakarohomui rohoroho bese idau-idau bogaragidiai;
NEH 1:9 a boma lou henigu bona egu haheḡani boma badinadia bona karadia boma kara, bena ena be emui karoho taudia be guba dokodokodia henudiai to lau ese unu amo ma baina haboudia, vada na abia hidi lau ladagu baine noho henia gabuna ai baina hakaumui vareai”.
NEH 1:10 Idia na oiemu hesiai taudia bona oiemu bese; oi ese emu siahu badana bona imamu goadana amo vada o hamauridia.
NEH 1:11 Ḡaubada e, taiamu a hakala, lau emu hesiai tauna bona emu hesiai taudia, oi ladamu igari-henina e moalelaiamu taudia, emai ḡuriḡuri ame kamonai; bona hari dina ai emu hesiai tauna na kwalimu ba henia, bona ba bogaia hisi, ina tau vairanai. Madi, lau na hanua pavapavana ena kehere iloalaina tauna.
NEH 2:1 King Aratasasta ena lohia laḡanina iharuahuina ai, hua ladana Nisan lalonai, vine ranuna na ia vairanai e heato negana ai, lau ese vine ranuna na abia isi, hanua pavapavana na henia. A, ema bona una dina ai lalogu nega ta se hisihisi ia vairanai.
NEH 2:2 Bena hanua pavapavana ese e nanadaigu, eto, Dahaka dainai vairamu o huaiamu, a ḡau be so gorere? Ina na dia ḡau ta, to lalo hisihisina mo. Bena na gari dikadika.
NEH 2:3 Lau ese hanua pavapavana na hamoroa, nato, Hanua pavapavana baine mauri hanaihanai! Dahaka dainai senegu edia gara e miamu hanuana vada e ḡaḡae bona ikoukouna na lahi ese vada e araia oho negana ai vairagu na basina huaia?
NEH 2:4 Bena hanua pavapavana ese ma e nanadaigu, eto, Emu noinoi be dahaka? Taunabunai, lau ese guba Diravana na ḡuria.
NEH 2:5 Bena hanua pavapavana na hamaoroa, nato, Hanua pavapavana lalomu bema heḡereḡere, bona lau, emu hesiai tauna, boma lalo namo henigu, boma siaigu lao Iuda, senegu edia gara e miamu hanuana bainala, baina haginia lou totona.
NEH 2:6 Bena hanua pavapavana ese ma e nanadaigu (ia adavana, pavapava hahinena, na ia badinai helai), eto, Baola bena edena nega ai ma ba lou mai? Taunabunai, hanua pavapavana lalona vada e heḡereḡere baine siaigu, bona lau ese negana na gwaurai henia.
NEH 2:7 Bena hanua pavapavana ma na hamaoroa, nato, Hanua pavapavana lalomu bema heḡereḡere, revareva haida boma henigu, Sinavai Badana unukahana basileiana lohiadia edia, bena idia na bae gwau maoro baina raka hanai ela bona Iuda ai baina kau;
NEH 2:8 bona revareva ta danu, Asaf, hanua pavapavana ena uda igimana tauna, ena, bena ia ese au baine henigu, dubu kohorona ikoukoudia bona hanua maguna bona baina noholaia rumana ikaralaidia ḡaudia. Bena hanua pavapavana ese na gwaurai ḡaudia e henigu, badina be egu Dirava imana namona na latagu ai.
NEH 2:9 Bena Sinavai Badana unukahana basileiana lohiadia dekediai na kau, bona hanua pavapavana ena revareva na henidia. Hanua pavapavana ese tuari lohiadia bona hosi-gui taudia na vada e siaidia, lau ida.
NEH 2:10 A Sanbalata, tau Horono, bona Tobia, hesiai tauna, tau Amono, ina sivarai e kamonai, bena lalodia na e dika herea, ta na Israel taudia edia namo dalana itahuna vada ema dainai.
NEH 2:11 Taunabunai lau na Ierusalem nala, dina toi unuseni ai na noho.
NEH 2:12 Bena hanuaboi ai na tore isi, lau bona tatau hida mo lau ida; tau ta asina hamaoroa Dirava ese Ierusalem ihanamona dalana na lalogu ai ede vada e havaraia toma. Egu ai na asi gui gaudia, tamona mo lau ese na guilaia.
NEH 2:13 Bena hanuaboi ai lau na Koura Ikoukouna amo na raka lasi, ela bona Sisia Ranu Gurina bona Boromakau Tagena Ikoukouna; Ierusalem maguna heḡiḡi-dobina na itaia, bona ikoukouna danu, Iahi ese e araia oho gaudia.
NEH 2:14 Unu amo nala ela bona Ranu Lohilohi Ikoukouna bona Pavapava Gohuna, a hari latanai na ḡui ḡauna na asi ena raka-hanai gabuna.
NEH 2:15 Bena hanuaboi ai koura amo ma nala, maḡu na itaia; bena na hegiro, Koura Ikoukouna amo na raka vareai, bena na lou.
NEH 2:16 Heitatao taudia na asi dibadia edena gabu nala bona dahaka na karaia; lau ese Iuda taudia bona hahelaḡa taudia bona hanua lohiadia bona heitatao taudia bona taunimanima oredia, ḡaukara bae karaia taudia, na do asina hamaorodia.
NEH 2:17 Bena na hamaorodia, nato, Eda hekwarahi o itaiamu, Ierusalem na e gagae, bena ena ikoukou vada e ara oho. Aoma, Ierusalem maguna baita haginia, bena eda hemarai na basine mia.
NEH 2:18 Na hamaorodia danu egu Dirava imana na latagu ai, namo ihavarana totona; bona hanua pavapavana ese vada e hamaorolaigu herevadia danu na hamaorolaidia. Bena idia eto, Aita tore tore isi, aita haginia. Taunabunai idia ese imadia e ha-aukadia, ḡaukara namona ikarana dainai.
NEH 2:19 A Sanbalata, tau Horono, bona Tobia, hesiai tauna, tau Amono, bona Geseme, tau Arabia, na e kamonai, bena idia ese e kirikirilaimai bona e gonagonalaimai, eto, Ina na dahaka o karamu? Hanua pavapavana o dagedaḡe heniamu a?
NEH 2:20 Bena na haere henidia, nato, Guba Diravana ese baine hanamomai, bona ai, iena hesiai taudia, baia tore isi, baia haginia; a umui na asi ahumui bona asi siahumui bona asi ilalolaimui Ierusalem ai.
NEH 3:1 Bena Eliasibi, hahelaḡa tauna badana, na tadikakana hahelaḡa taudia ida e tore isi; bena idia ese Mamoe Ikoukouna e haginia. Idia ese e hahelagaia, bena iduara e atodia; e hahelaḡaia lao ela bona Sinahu Kohorona, bona unu amo ela bona Hananele Kohorona.
NEH 3:2 Ia ohedia ai Ieriko taudia ese magu e haginia; bona idia ohedia ai Sakuru Imri ese magu e haginia.
NEH 3:3 Hasena natuna verina ese Gwarume Ikoukouna e haginia; auna e atodia bona iduara e haginidia mai ikoulaidia auridia bona kahitao auridia ida.
NEH 3:4 Idia ohedia ai Meremoto Uria, Hakoso tubuna, ese magu e bania; bona idia ohedia ai Mesulama Berekia, Mesesabele tubuna, ese magu e bania. Ma idia ohedia ai Sadok Baana ese maḡu e bania.
NEH 3:5 Ma idia ohedia ai Tekoa taudia ese magu e bania, a lohiadia ese edia Ḡaubada ena ḡaukara asie goadalaia.
NEH 3:6 Ioiada Pasea bona Mesulama Besodeia ese Ikoukou Gunana e bania; auna e atodia bona iduara e haginidia, mai ikoulaidia auridia bona kahitao auridia ida.
NEH 3:7 Idia ohedia ai Melatia, Gibeon tauna, bona ladono, Meronoto tauna, bona Gibeon bona Mispa taudia ese maḡu e bania; idia na Sinavai Badana unukahana basileiana lohiana ena siahu henunai e nohova taudia.
NEH 3:8 Idia ohedia ai Usiele Harahaia, gold iḡaukaralaina taudia ta, ese maḡu e bania; bona ia ohena ai Hanania, muramura mai bonadia ibulodia taudia ta, ese magu e bania. Idia ese Ierusalem e haginia lou ela bona Lababa-bada Maḡuna.
NEH 3:9 Idia ohedia ai Refaia Huru, Ierusalem tano kahana lohiana, ese magu e bania;
NEH 3:10 idia ohedia ai ledaia Harumafa ese maḡu e bania, ena ruma italaina ai; bona ia ohena ai Hatusu Hasabaneia ese maḡu e bania.
NEH 3:11 Malkia Harimi bona Hasub Pahata-moab ese maḡu kahana ta e bania bona Amu Kohorona e haginia lou.
NEH 3:12 Ia ohena ai Salumu Halohese, Ierusalem tano kahana lohiana, mai natuna hahinedia ida, ese maḡu e bania.
NEH 3:13 Hanunu bona Sanoa inoholaina taudia ese Koura Ikoukouna e bania. Idia ese e haginia lou, bona iduara e atodia, mai ikoulaidia auridia bona kahitao auridia ida. Idia ese maḡu kiubit daha-ta e bania, ela bona Boromakau Taḡena Ikoukouna.
NEH 3:14 Malkia Rekab, Bete-hakereme tanona lohiana, ese Boromakau Taḡena Ikoukouna e bania; e haginia lou, bona iduara e atodia, mai ikoulaidia auridia bona kahitao auridia ida.
NEH 3:15 Salumu Kolohose, Mispa tanona lohiana, ese Ranu Lohilohi Ikoukouna e bania; e haginia lou, guhiguhina e karaia, bona iduara e atodia, mai ikoulaidia auridia bona kahitao auridia ida. Ia ese Sela gohuna maḡuna e haginia, pavapava ena uma-uma badibadinai, ela bona David ena Hanua amo e diho vadavadana.
NEH 3:16 Ia murinai Nehemia Asabuku, Bete-suru tano kahana lohiana, ese magu e bania ela bona David ena gara italaina, bona taunimanima imadia amo e karaia gohuna, bona goada-dikadika taudia edia ruma.
NEH 3:17 Ia murinai Levi taudia ese maḡu e bania: Rehumu Bani; bona ia ohena ai Hasabia, Keila tano kahana lohiana, ese iena kaha e bania.
NEH 3:18 Ia murinai idia tadikakadia ese maḡu e bania: Bavai Henadad, Keila tano kahana lohiana;
NEH 3:19 bona ia ohena ai Esere Iesua, Mispa lohiana, ese maḡu kahana ta e bania, tuari ḡaudia e haboudia rumana italaina ai, Maḡu Magevana ai.
NEH 3:20 Ia ohena ai Baruku Sabai ese maḡu kahana ta e bania, Maḡu Magevana amo ela bona hahelaḡa tauna badana Eliasibi ena ruma iduarana.
NEH 3:21 Ia ohena ai Meremoto Uria, Hakoso tubuna, ese magu kahana ta e bania, Eliasibi ena ruma iduarana amo ela bona Eliasibi ena ruma dokona.
NEH 3:22 Ia ohena ai, hahelaḡa taudia, Taora taudia, ese maḡu e bania.
NEH 3:23 Idia ohedia ai, Beniamina bona Hasub ese maḡu e bania, edia ruma italaina ai. Idia ohedia ai, Asaria Maaseia, Anania tubuna, ese maḡu e bania, iena ruma badibadinai.
NEH 3:24 Ia ohena ai, Binui Henadad ese maḡu kahana ta e bania, Asaria ena ruma amo ela Maḡu Magevana,
NEH 3:25 ma unu amo ela bona daiguni, Palala Usai ese Maḡu Magevana italaina ai maḡu e bania, bona pavapava ena atai rumana latanai e haginia kau kohorona, hegima taudia edia maḡu badibadinai, danu e bania. Ia ohena ai, Pedaia Paroso
NEH 3:26 bona dubu ena hesiai taudia Ofele ai e nohova ese maḡu e bania ela bona Ranu Ikoukouna mairiveina kahana ai bona una atai kohorona italaidia gabuna ai.
NEH 3:27 Ia ohena ai, Tekoa taudia ese maḡu kahana ta e bania, hari atai kohorona badana italaina ai, ela bona Ofele maḡuna.
NEH 3:28 Hosi Ikoukouna atai kahana ai, hahelaḡa taudia ese maḡu e bania, ta ta ena ruma ena ruma italaidia ai.
NEH 3:29 Idia ohedia ai, Sadok Imere ese magu e bania, iena ruma italaina ai. Ia ohena ai, Semaia Sekania, Mairiveina Ikoukouna igimana tauna, ese maḡu e bania.
NEH 3:30 Ia ohena ai, Hanania Selemia bona Hanunu, Salafa natuna ihatauratoina, ese magu kahana ta e bania. Ia ohena ai, Mesulama Berekia ese maḡu e bania, ena daiutu italaina ai.
NEH 3:31 Ia ohena ai, Malkia, gold iḡaukaralaina taudia ta, ese maḡu e bania ela bona dubu ena hesiai taudia edia ruma bona hoihoi taudia edia ruma, Tuari Taudia Ihagaudia Ikoukouna italaina ai, bona daiguni latana daiutuna.
NEH 3:32 Hari daiguni latana daiutuna bona Mamoe Ikoukouna padadiai gold iḡaukaralaina taudia bona hoihoi taudia ese maḡu e bania.
NEH 4:1 Ai ese maḡu a haginia sivaraina na Sanbalata e kamonai negana ai ia na e badu dikadika, bena ia ese Iuda taudia e kirikirilaidia.
NEH 4:2 Tadikakana bona Samaria tuari oreana vairadiai e hereva, eto, Ini Iuda taudia mamanodia na dahaka e karamu? Ḡau bae hamatamatadia a? Boubou karadia bae kara a? Dina tamona ai bae ha-orea a? Lahi ai e ara nadidia na momoru senusenudia amo bae kara lou a?
NEH 4:3 Tobia, tau Amono, na ia badibadinai; bena ia eto, Oibe, idia na dahaka e haginiamu; uda sisiana ta na edia nadi maḡuna latanai bema dae kau, ia ese bema hahegiḡia dobi.
NEH 4:4 Emai Dirava e, a kamonai; badina be e dadaraimaimu; edia heihi-ihirai na idia sibodia kwaradia ai ba haloua. Ba negedia daure, bena iḡuidia ai bae noho tanona lalonai edia ḡau bae dadihaidia.
NEH 4:5 Edia kerere basio gwau tao, bona edia kara dika vairamu amo basio kokidia oho; badina be idia ese oi vada e habadumu, maḡu ihaginina taudia vairadiai.
NEH 4:6 Taunabunai, maḡu a haginia; maḡu idoinai a ha-ahua, tano amo ela bona harana kahana. Badina be taunimanima lalodia e urava ḡaukara.
NEH 4:7 A Sanbalata bona Tobia, bona Arabia bona Amono bona Asdod taudia, ese Ierusalem maḡuna ibanina ḡaukarana vada e haheaua bona e heḡigi dobi gabudia na e ha-ahu matama sivaraidia e kamonai negana ai, idia na e badu dikadika;
NEH 4:8 bena iboudiai e henega bou, idia na baema, Ierusalem bae tuari henia bona lalona bae haheḡonua.
NEH 4:9 Bena ai na emai Dirava a guria, bona kito taudia a duanaidia, dina hanuaboi ilao-ahudia bae gimamai.
NEH 4:10 A Iuda eto, Kohu-hua taudia na edia goada e oremu, bona momoru na bada herea; ai na asia heḡereḡere maḡu baia ḡaukaralaia.
NEH 4:11 Bona inaimai eto, Basie diba bona ḡau ta basie itaia ela bona ita na bogaragidiai baita kau; bena baita aladia mase bona ḡaukara baita hadokoa.
NEH 4:12 Iuda taudia idia badibadidiai e nohova na ema, bena nega gwauta e hamaoromai, eto, Idia na edia noho gabudia iboudiai amo ihadikada totona baema.
NEH 4:13 Taunabunai, maḡu harana kwadogi-hereadia gabudia muridia kahadia ai be taunimanima na atodia, edia iduhu ta ta ai, mai edia dare io peva ida.
NEH 4:14 Lau na roharoha, bena na tore isi, hanua lohiadia bona heitatao taudia bona taunimanima oredia na hamaorodia, nato, Idia garidia basio gari. Ḡaubada ba laloa tao; ia na bada bona mai garina. Bona ba tuari, tadikakamui bona natumui mamaruanedia bona hahinedia bona adavamui bona emui ruma daidiai.
NEH 4:15 Inaimai e kamonai ai na vada a diba, bona Dirava ese edia lalo-hadai vada e laoa ahu, negana ai, ai iboumai ai ese maḡu a lou henia, ta ta ena ḡaukara ena ḡaukara ai.
NEH 4:16 Una dina amo ela, egu hesiai taudia edia orea kahana na maḡu e ḡaukaralaia, a kahana be edia io kesi peva bona tuari dabuadia e abi hata; bona hegunalai taudia na Iuda iduhuna taudia iboudiai,
NEH 4:17 maḡu e haginia taudia, muridiai e gini. Kohu-hua taudia edia maduna e haheḡereḡeredia, bena imadia kahana ta e ḡaukara, kahana ta be edia tuari ḡaudia e abi heni.
NEH 4:18 Maḡu e haginiava ai ḡaukara taudia na ta ta ena dare ena dare gabadia ai e kara; kibi ihiririna tauna na lau badibadigu ai e gini.
NEH 4:19 Bena lau ese hanua lohiadia bona heitatao taudia bona taunimanima oredia na hamaorodia, nato, Gaukara na bada, bona e heato roro gabu idoinai, bona ita na mai padada magu latanai, bona padada danu daudau.
NEH 4:20 Edena kaha amo kibi reḡena ba kamonai, unuseni ai ba heau hegogo mai, ai dekemai ai. Eda Dirava na ita daidai baine tuari.
NEH 4:21 Taunabunai, ai na ḡaukara a hekwarahilaia; orea kahana taudia ese io e abi hata, daba matana amo ela bona hisiu e dae ai.
NEH 4:22 Una negana ai, lau ese taunimanima ma na hamaorodia, nato, Taunimanima iboudiai mai edia hesiai taudia ida na Ierusalem ai bae noho rani; bena hanuaboi bae gimamai, a dina ai bae ḡaukara.
NEH 4:23 Taunabunai, lau bona tadikakagu bona egu hesiai taudia bona kito taudia, lau murigu amo e rakava taudia, na iboumai ai emai dabua asia doki oho; ta ta ena tuari ḡauna ena tuari ḡauna na imana ai e abi hata.
NEH 5:1 Una negana ai maumau badana e vara, hanua taudia bona adavadia ese tadikakadia Iuda taudia na e maumauraidia.
NEH 5:2 Badina be haida eto, Ai mai natumai mamaruanedia bona hahinedia ida na huhutuma; aniani ḡaudia baia ha-abi, baia aniani, baia mauri.
NEH 5:3 Ma haida eto, Emai uma bona emai vine imeadia bona emai ruma na a gwau hamatalaimu, abitorehai davadia, aniani iabina, doe dainai.
NEH 5:4 Ma haida eto, Ai na moni vada a abi torehai, hanua pavapavana ena tax ihenina totona, una dainai emai uma bona emai vine imeadia vada a gwau hamatalai.
NEH 5:5 Ai hidiomai na tadikakamai hidiodia heḡereḡeredia, bona ai natumai na idia natudia heḡeregeredia; ḡau tamona, natumai mamaruanedia bona hahinedia na hesiai taudia bona hahinedia ai a halaodiamu; bona natumai hahinedia haida na hesiai iḡuidia ai e nohomu; a asi emai dala una kara baia laoa ahu, badina be haida ese emai uma bona emai vine imeadia vada e abi.
NEH 5:6 Edia maumau bona unu hereva na kamonai negana ai, lau na badu dikadika.
NEH 5:7 Na haeroa; bena hanua lohiadia bona heitatao taudia ediai gwau na atu. Na hamaorodia, nato, Umui na abitorehai davadia o abimu, ta ta tadikakana tadikakana edia amo. Bena hebou bada-hereana ta na gwauraia, idia ihahemaoro-henidia totona.
NEH 5:8 Bena na hamaorodia, nato, Ai na emai goada heḡereḡerena ai tadikakamai Iuda taudia, idau bese ediai e hoidia taudia, na ma a hoidia lou; a umui ese tadikakamui o hoidiamu, ai ese ma baia hoidia totona. Idia na asi reḡereḡedia, bona asi edia hereva ta.
NEH 5:9 Taunabunai lau nato, Emui kara na dia namo. Eda Dirava igari-henina dalana ai boma raka, ani, e inai henidamu besedia edia heihi-ihirai ilao-ahuna?
NEH 5:10 Ina danu, lau bona tadikakagu bona egu hesiai taudia ese moni bona aniani a henidia torehaimu. Ini abitorehai davadia iabidia baita hadokoa.
NEH 5:11 Hari dina ai edia uma, edia vine imeadia, edia olive imeadia bona edia ruma ba henidia lou; bona karoadia sinahu ta ta amo moni eiava aniani eiava vine ranuna eiava dehoro ediai o g vaurai danu ba halou henidia.
NEH 5:12 Bena idia eto, Unu na baia halou henidia, bona ḡau ta ediai ma basia gwauraia; emu hereva heḡereḡerena baia karaia. Bena hahelaḡa taudia na boiridia, idia edia amo gwauhamata helaḡana na abia, edia gwauhamata heḡereḡerena ai do bae karaia.
NEH 5:13 Bena vairagu ramina na davedavea, nato, Ina gwauhamata basie hamomokania taudia iboudiai na Dirava ese edia ruma amo bona edia ḡaukara amo unu baine davedavedia oho toma. Taunabunai baine davedavedia oho bona baine bubudia oho. Bena hebou idoinai eto “Amen”, bona Iehova e imodaia. Bena taunimanima ese edia gwauhamata heḡereḡerena ai e kara.
NEH 5:14 Ina danu: e duanaigu Iuda tanona ai e nohova taudia edia hekwara tauna ai bainala negana amo, King Aratasasta ena lohia laḡanina iharuahuina ela bona laḡanina ihatoiahui-ruana, laḡani gwauta-rua, lau ese hekwara ahuna asina ania, bona tadikakagu danu asie ani.
NEH 5:15 Hekwara taudia gunadia, lau e gunalaigu taudia, ese maduna metaudia na taunimanima latadiai e ato, bona aniani bona vine ranuna bona silver sekeledia hari-ahui na edia amo e abi. Edia hesiai taudia ese danu taunimanima e lohiadiava. A lau na unu asina kara toma, Dirava garina dainai.
NEH 5:16 Lau ese danu hari maḡu ḡaukarana na karaia balaheni, tano taina asina abia; bona egu hesiai taudia iboudiai na unuseni ai e hebou, ḡaukara totona.
NEH 5:17 Ina danu: tatau sinahu-ta imahui na lauegu pata ai e anianiva, Iuda taudia bona heitatao taudia, bona e noho hetabira besedia lalodia amo dekemai ema taudia danu.
NEH 5:18 E hegaeḡaelai ḡaudia, dina tamona ena, na boromakau ta bona mamoe namo-hereadia tauratoi; kokoroku danu e heḡaeḡaelai lauagu; bona dina gwauta gwauta amo kopi-pusedia mai vine-ranudia ida momo herea. Ḡau tamona, lau ese hekwara ahuna anianidia asina gwaurai; badina be hesiai ilao-henina na metau, ini taunimanima latadiai.
NEH 5:19 Egu Dirava e, ina orea dainai na kara karadia iboudiai ba lalo tao, lau ihanamogu.
NEH 6:1 Sivarai na Sanbalata bona Tobia bona Geseme tau Arabia bona inaimai oredia e hamaorodia lau ese maḡu vada na haginia bona na ha-ahua vaitani (gau tamona una negana ai ikoukou iduaradia do asina hagini);
NEH 6:2 bena Sanbalata bona Geseme ese hereva na dekegu e siaia mai, eto, Aoma, Ono taorana hanuana ta ai baita hebou. A edia lalo-hadai be bae hadikagu.
NEH 6:3 Bena lau ese gwaukau taudia na dekedia na siaidia lao, nato, Lau na ḡaukara badana ta na karaiamu; basina vasi diba. Anina be dahaka ḡaukara na baine doko, lau ese baina rakatania bona baina vasi negana ai?
NEH 6:4 Nega hani hereva na unu e siaia toma, bona nega hani lau ese unu na haere henidia toma.
NEH 6:5 Dala heḡereḡerena ai Sanbalata ese nega iha-imana ena hesiai tauna na dekegu e siaia mai, imana ai na revareva ta, ikeho-hata ḡauna.
NEH 6:6 Lalonai ini e torea toma: Bese idau-idau bogaragidiai e herevalaiamu, bona Geseme ese danu e gwauraiamu, oi bona luda taudia emui lalo-hadai be ba daḡedaḡe, una dainai ena maḡu o haginiamu; bona oi na o uramu edia pavapava ai baola. Sivarai be unu e gwauraia tomamu.
NEH 6:7 Bona peroveta taudia haida danu vada o haginidia Ierusalem ai, oi bae gwauraimu hedinarai, baeto, Pavapava ta na luda ai. Harihari ini hereva na hanua pavapavana bae hamaorolaia lao. Benaini, aoma, baita haeroa hebou.
NEH 6:8 Bena hereva na ia dekena na siaia lao, nato, O gwauraimu karadia ta asia karaia; oi sibomu lalomu ai o lalo davarimu.
NEH 6:9 Badina be idia iboudiai edia ura be bae hagarimai; ini e laloa toma: Imadia na gaukara ai bae manoka, bena gaukara na basine hekara. Dirava e, harihari imagu a ha-aukadia.
NEH 6:10 Semaia, Delaia Mehetabel natuna, na e hekou ahu; bena ena ruma ai na dae kau negana ai ia eto, Dirava ena dubu ai baita hedavari, gabu helaḡana ai, bona gabu helaḡana iduarana baita koudia ahu; badina be oi iala-masemu e maimu, hanuaboi baema oi iala-masemu totona.
NEH 6:11 A lau nato, Lau heḡereḡeregu tauna ta baine heau a? Lau heḡereḡeregu tauna ta na gabu helaḡana ai baine raka vareai, mauri idavarina totona, a? Lau na basina raka vareai.
NEH 6:12 Bena lalogu na e parara, vada na diba, Dirava ese se siaia a una peroveta herevana na lau ihadikagu totona e gwauraia badina be Tobia bona Sanbalata ese vada e vatua.
NEH 6:13 Ina dainai e vatua: lau na baina gari bona ina kara baina karaia, bena baina kerere; unu amo ladagu bae hadikaia, bena bae ihi-ihiraigu.
NEH 6:14 Egu Dirava, ba laloa, Tobia bona Sanbalata edia kara na inihetomadia; bona peroveta hahinena Noadia bona peroveta taudia oredia, ihagarigu e uramu taudia, danu.
NEH 6:15 Taunabunai, maḡu ḡaukarana na dina imahui-rua lalodiai e ha-orea, hua ladana Elulu dinana iharuahui-imana ai e ore.
NEH 6:16 Inaimai iboudiai na sivarai e kamonai negana ai, e noho hetabira besedia iboudiai na e gari bona e hemarai dikadika; badina be lalodia e parara ina ḡaukara na emai Dirava ena heduru dainai a ha-orea.
NEH 6:17 Ina danu: unu dinadia ai luda lohiadia ese revareva momo Tobia enai e siai lao, bona Tobia ena revareva na idia ediai e kau.
NEH 6:18 Badina be hutuma luda ai na mai edia gwauhamata helaḡadia ienai; badina be ia na Sekania Ara rava-maraḡina, bona ia natuna Iehohanan ese Mesulama Berekia natuna hahinena vada e adavaia.
NEH 6:19 Bona iena kara namodia na lau vairagu ai e herevalaidia, bona lauegu hereva na ia e hamaorolaia. Bena Tobia ese revareva haida e siaidia mai, lau ihagarigu.
NEH 7:1 Maḡu vada e ahu, bona iduara vada na haginidia, bona ikoukou igimadia taudia bona ane-abi taudia bona Levi taudia vada na duanaidia murinai,
NEH 7:2 lau ese tadigu Hanani bona kohoro hekwara tauna Hanania na duanaidia, Ierusalem bae itaia tao; badina be ia ese heabidadama ai bona Dirava igari-henina ai hutuma na e hereadiava.
NEH 7:3 Bena na hamaorodia, nato, Ierusalem ikoukoudia basie kehodia ela bona dina na baine siahu, bona dounu igimadia e ginimu ai iduara na bae koudia bona auri amo bae ha-aukadia. Bona Ierusalem inoholaina taudia bogaragidia amo hegima taudia ba duanaidia, ta ta ena gabu ena gabu ai bona ta ta ena ruma ena ruma italaidia ai bae gima.
NEH 7:4 Hanua na lababa bona bada, a inoholaina taudia na dia hoho, bona ruma na do asie haginidia.
NEH 7:5 Bena Dirava ese lalo-hadai ta lalogu ai e havaraia, Iohia taudia bona heilatao taudia bona orea taudia na baina haboudia, edia uru ta ta ai ladadia bae tore totona. Bena e dae ema guna taudia edia uru bukana na davaria. Una buka lalonai ini e torea toma:
NEH 7:6 Basileia taudia Nebukadnesara, Babulono pavapavana, ese e abidia mauri bona dauha e laohaidia bena edia noho-hedoa amo ma e lou mai taudia bini. Idia na Ierusalem bona Iuda e lou lao, ta ta ena hanua ena hanua ela.
NEH 7:7 Idia na Serubabele bona Iesua bona Nehemia bona Asaria bona Raamia bona Nahamani bona Morodekai bona Bilsan bona Misperete bona Bigvai bona Nehumu bona Baanaha ida ema. Israel tataudia ihagaudia bini:
NEH 7:8 Paroso garana, daha-rua sinahu-ta hitu-ahui rua;
NEH 7:9 Sefatia garana, sinahu-toi hitu-ahui rua;
NEH 7:10 Ara garana, sinahu-tauratoi imahui rua;
NEH 7:11 Pahata-moab garana (unu na Iesua bona Ioab garadia), daha-rua sinahu-taurahani gwauta-taurahani;
NEH 7:12 Elam garana, daha-ta sinahu-rua imahui hani;
NEH 7:13 Satu garana, sinahu-taurahani hari-ahui ima;
NEH 7:14 Sakai garana, sinahu-hitu tauratoi-ahui;
NEH 7:15 Binui garana, sinahu-tauratoi hari-ahui taurahani;
NEH 7:16 Bebai garana, sinahu-tauratoi ruahui taurahani;
NEH 7:17 Asgada garana, daha-rua sinahu-toi ruahui rua;
NEH 7:18 Adonikama garana, sinahu-tauratoi tauratoi-ahui hitu;
NEH 7:19 Bigvai garana, daha-rua tauratoi-ahui hitu;
NEH 7:20 Adini garana, sinahutauratoi imahui ima;
NEH 7:21 Atere garana (unu na Hesekia garana), taurahanita-ahui taurahani;
NEH 7:22 Hasumu garana, sinahu-toi ruahui taurahani;
NEH 7:23 Besai garana, sinahu-toi ruahui hani;
NEH 7:24 Harifi garana, sinahu-ta gwauta-rua;
NEH 7:25 Gibeon garana, taurahanita-ahui ima;
NEH 7:26 Betelehem bona Netofa taudia, sinahu-ta taurahani-ahui taurahani;
NEH 7:27 Anatoto taudia, sinahu-ta ruahui taurahani;
NEH 7:28 Bet-asamavete taudia, hari-ahui rua;
NEH 7:29 Kiriat-iearimi bona Kefira bona Beroto taudia, sinahu-hitu hari-ahui toi;
NEH 7:30 Rama bona Geba taudia, sinahutauratoi ruahui ta;
NEH 7:31 Mikma taudia, sinahu-ta ruahui rua;
NEH 7:32 Betele bona Ai taudia, sinahu-ta ruahui toi;
NEH 7:33 Nebo hanuana ta taudia, imahui rua;
NEH 7:34 Elam ma ta garana, daha-ta sinahu-rua imahui hani;
NEH 7:35 Harimi garana, sinahu-toi ruahui;
NEH 7:36 Ieriko garana, sinahu-toi hari-ahui ima;
NEH 7:37 Lod bona Hadidi bona Ono garadia, sinahu-hitu ruahui ta;
NEH 7:38 Senaha garana, daha-toi sinahutaurahanita toi-ahui.
NEH 7:39 Hahelaḡa taudia: ledaia garana (lesua ena iduhu), sinahu-taurahanita hitu-ahui toi;
NEH 7:40 Imere garana, daha-ta imahui rua;
NEH 7:41 Pasahuru garana, daha-ta sinahu-rua hari-ahui hitu;
NEH 7:42 Harimi garana, daha-ta gwauta-hitu.
NEH 7:43 Levi taudia: Iesua garana amo Kadmiele garana (hari Kadmiele na Hodeva garana), hitu-ahui hani.
NEH 7:44 Ane-abi taudia: Asaf garana, sinahu-ta hari-ahui taurahani.
NEH 7:45 Ikoukou igimadia taudia: Salumu garana, Atere garana, Talmon garana, Akubu garana, Hatita garana, Sobai garana, sinahu-ta toi-ahui taurahani.
NEH 7:46 Dubu ena hesiai taudia: Siha garana, Hasufa garana, Tabaoto garana,
NEH 7:47 Kero garana, Sia garana, Padono garana,
NEH 7:48 Lebana garana, Hagaba garana, Salmai garana,
NEH 7:49 Hanana garana, Gidele garana, Gahara garana,
NEH 7:50 Re-aia garana, Resini garana, Nekoda garana,
NEH 7:51 Gasama garana, Usa garana, Pasea garana,
NEH 7:52 Besai garana, Meunimi garana, Nefusesimi garana,
NEH 7:53 Bakabuku garana, Hakufa garana, Harahuru garana,
NEH 7:54 Basaliti garana, Mehida garana, Harasa garana,
NEH 7:55 Barako garana, Sisera garana, Tema garana,
NEH 7:56 Nesia garana, Hatifa garana.
NEH 7:57 Solomon ena hesiai taudia garadia: Sotai garana, Soferete garana, Perida garana,
NEH 7:58 laala garana, Darakono garana, Gidele garana,
NEH 7:59 Sefatia garana, Hatili garana, Pokerete-hasabaimi garana, Amon garana.
NEH 7:60 Dubu ena hesiai taudia bona Solomon ena hesiai taudia garadia iboudiai na sinahu-toi taurahanita-ahui rua.
NEH 7:61 Ini na Tele-mela bona Tele-harasa bona Kerubu bona Adono bona Imere amo ema, a edia iduhu bona senedia ladadia ihamomokanidia asi dibadia, idia na Israel besena taudia eiava lasi:
NEH 7:62 Delaia garana, Tobia garana, Nekoda garana, sinahu-tauratoi hari-ahui rua.
NEH 7:63 Hahelaga taudia edia amo danu: Hobaia garana, Hakoso garana, Barasilai garana (una tau ese Barasilai tau Gilead natuna hahinena ta e adavaia, bena idia ladadia ta e henemai).
NEH 7:64 Idia na ladadia e tahu, lada-tore bukadia ai, to asie davaridia; una dainai hahelaḡa dagina amo e atodia siri, idia na dia ḡoḡoeva dainai.
NEH 7:65 Hekwara tauna ese e hamaorodia, idia na aniani helaḡa-hereana basie ania, ela bona hahelaḡa tauna ta baine tore isi, Urim bona Tumim baine nanadaidia.
NEH 7:66 Hegogo idoinai be taunimanima gerebu-hani daha-rua sinahu-toi tauratoi-ahui,
NEH 7:67 bona edia hesiai tataudia bona hahinedia danu, daha-hitu sinahu-toi toi-ahui hitu; edia ane-abi tataudia bona hahinedia na sinahu-rua hari-ahui ima.
NEH 7:68 Edia hosi na sinahu-hitu toi-ahui tauratoi; edia doniki badadia na sinahu-rua hari-ahui ima;
NEH 7:69 edia kamelo na sinahu-hani toi-ahui ima; bona edia doniki na daha-tauratoi sinahu-hitu ruahui.
NEH 7:70 Iduhu kwaradia haida ese ḡaukara idurulaina ḡaudia e heni. Hekwara tauna ese gold darikidia daha-ta, nau imahui, bona hahelaḡa taudia edia hahedoki sinahu-ima toi-ahui e heni.
NEH 7:71 Bona iduhu kwaradia haida ese ḡaukara idurulaina ḡaudia e heni: gold darikidia gerebu-rua bona silver minadia daha-rua sinahu-rua.
NEH 7:72 Taunimanima oredia e heni ḡaudia be gold darikidia gerebu-rua bona silver minadia daha-rua, bona hahelaḡa taudia edia hahedoki tauratoi-ahui hitu.
NEH 7:73 Taunabunai, hahelaḡa taudia bona Levi taudia bona ikoukou igimadia taudia bona ane-abi taudia bona orea taudia haida bona dubu ena hesiai taudia bona Israel idoinai na edia hanua lalodiai e nohova. Hua ihahituna e kau ai Israel taudia iboudiai na edia hanua ai nonoho.
NEH 8:1 Taunimanima iboudiai na e hegogo hebou, tau tamona na heto, Ranu Ikoukouna ariarana lalonai. Bena idia ese itorena tauna Esera e hamaoroa, Mose ena taravatu, Iehova ese Israel vada e henia ḡauna, bukana na baine mailaia.
NEH 8:2 Hua ihahituna dinana gini-gunana ai, hahelaḡa tauna Esera ese taravatu na hebou taudia, tatau bona hahine bona natudia badadia, ikamonaina mai dibadia memerodia, vairadiai e mailaia.
NEH 8:3 Vairana na Ranu Ikoukouna ariarana e henia, bena taravatu lalona amo e duahia, daba maraḡi amo ela bona dina tubua, tatau bona hahine bona natudia badadia, ikamonaina mai dibadia memerodia, vairadiai; bona taunimanima iboudiai taiadia e kirara, taravatu bukana herevadia na e hakala henidia.
NEH 8:4 Itorena tauna Esera na hereva patapatana ta, una ḡaukara dainai au amo e karaia ḡauna, latanai e gini. Ia badibadinai e gini taudia be Matitia bona Sema bona Anaia bona Uria bona Hilkia bona Maaseia, ia idibana kahana ai; bona Pedaia bona Misael bona Malkia bona Hasumu bona Hasabadana bona Sekaria bona Mesulama, ia laurina kahana ai.
NEH 8:5 Esera ese buka e kehoa taunimanima iboudiai vairadiai, badina be ia na taunimanima iboudiai daediai; bena e kehoa negana ai taunimanima iboudiai na e gini tore.
NEH 8:6 Bena Esera ese Iehova, Dirava badana, e hanamoa; bona taunimanima iboudiai na e haere, eto, Amen, Amen; bona imadia na e abi isi. Bena e igo diho, tano ai e goru diho, Iehova e toma henia diho.
NEH 8:7 Levi taudia haida danu, Iesua bona Bani bona Serebia bona Iamin bona Akubu bona Sabetai bona Hodia bona Maaseia bona Kelita bona Asaria bona Iosabad bona Hanana bona Pelaia, ese taunimanima e durudia, taravatu anina idavarina ai, taunimanima na dounu edia gabu ai nohodia ai.
NEH 8:8 Bena Dirava ena taravatu bukana amo e duahia hedinarai, bona anina e gwauraia; taunabunai taunimanima lalodia na e parara.
NEH 8:9 Bena Nehemia, hekwara tauna, bona Esera, hahelaḡa tauna bona itorena tauna, bona hari Levi oreana, taunimanima e hadibadia taudia, ese taunimanima iboudiai e hereva henidia, eto, Ina dina na helaḡa, Iehova, emui Dirava, ena; basio helalo bona basio tai. Badina be taunimanima ese taravatu herevadia e kamonai negana ai na e tai.
NEH 8:10 Bena ia ese e hamaorodia, eto, Emui dala ai baola, digara bavania, vine ranuna gaihona ba inua, bona ana asie heḡaeḡaelaia tauna ahuna na ba siai henia; badina be ina dina na helaḡa, eda Ḡaubada ena. Bona lalomui basie hisihisi, badina be Iehova imoalelaina na emui goada ḡauna.
NEH 8:11 Taunabunai, Levi taudia ese taunimanima iboudiai e hadorodia, elo, Asi reḡereḡemui ba noho, badina be ina dina na helaḡa; lalomui be basie hisihisi.
NEH 8:12 Bena taunimanima iboudiai na e karoho, bae aniani, bae inuinu, bona hari ahu bae siai lao bona bae moale hisi dae na totona; badina be vada e gwaurai henidia herevadia na anidia vada e diba.
NEH 8:13 Dina iharuana ai, taunimanima iboudiai edia iduhu kwaradia, hahelaḡa taudia bona Levi taudia ida, na itorena tauna Esera dekenai e hebou, taravatu herevadia anidia bae tahu totona.
NEH 8:14 Bena taravatu lalonai e hetore herevadia vada e davari, Iehova ese Mose ena amo vada e haheḡani, Israel taudia na kalaga ai bae noho, hua ihahituna ariana dinadia lalodiai;
NEH 8:15 bona edia hanua iboudiai lalodiai bona Ierusalem lalonai ina hereva bae hapiua bona bae gwaurai hedinarai: Ba raka lasi, ororo baola, olive audia bona uda olivedia bona keroro bona pamu audia bona rau momo audia idau-idau rigidia ba mailai, kalaga ikaradia totona, vada e torea heḡereḡerena.
NEH 8:16 Taunabunai, taunimanima na e raka lasi, ḡau e ha abi, bona edia kalaga e kara, edia ruma guhidia latadiai bona edia ruma maḡudia lalodiai, bona Dirava ena dubu maḡudia ai, bona Ranu Ikoukouna ariarana ai bona Efraim Ikoukouna ariarana ai.
NEH 8:17 Hari hegogo idoinai, abi-mauri gabuna amo vada e lou taudia, ese kalaga e kara bona kalaga lalodiai e noho; badina be Iesua Nunu ena nega ema bona una dina Israel taudia na unu do asie kara toma. Bena moale na bada herea.
NEH 8:18 Bena dina ta ta amo, dina gini-gunana ela bona dina dokona, ia ese Dirava ena taravatu bukana lalona amo e duahia. Dina hitu lalodiai aria e karaia; bena dina ihataurahanina ai hebou helaḡana ta e hekara, taravatu heḡereḡerena.
NEH 9:1 Una hua dinana iharuahui-hanina ai, Israel taudia na e hebou, e anivaga, puse dabuadia e hahedokilai, bona tano na kwaradia ai e ato.
NEH 9:2 Bena Israel taudia na idau bese taudia edia amo e raka oho, e gini, edia kara dika bona tamadia edia kara havara na e gwaurai hedinarai.
NEH 9:3 Bena edia gabu ai e gini tore, Iehova, edia Dirava, ena taravatu bukana lalona amo e duahia, hora toi lalodiai; ma hora toi lalodiai edia dika e gwaurai hedinarai, bona Iehova, edia Dirava, e toma henia diho.
NEH 9:4 Iesua, Bani, Kadmiele, Sebania, Buni, Serebia, Bani bona Kenani na Levi taudia edia vadavada ai e gini; bena idia ese Iehova, edia Dirava, e tai henia mai gao badadia ida.
NEH 9:5 Bena Levi taudia, Iesua bona Kadmiele bona Bani bona Hasabaneia bona Serebia bona Hodia bona Sebania bona Petahia, na eto, A gini tore, Iehova, emui Dirava, ba hanamoa, asi matamana bona asi dokona, ela hanaihanai. Oi ladamu herea-daena bae hanamoa; ia ese hahenamo iboudiai bona heimodai iboudiai na e hereadiamu.
NEH 9:6 Bena Esera eto, Oi na Iehova, oi mo sibomu. Oi ese guba o karaia, guba gubadia danu mai hisiudia iboudiai, bona tanobada mai latana ḡaudia iboudiai, bona davara mai lalodia gaudia iboudiai. Oi ese o hamauridia hanaihanaimu; guba hisiudia ese oi e toma henimu dihomu.
NEH 9:7 Oi na Iehova, Abram e abia hidi bona Uru, Kaldea hanuana, amo e hakaua lasi bona ladana e hatoa “Abraham” Diravana.
NEH 9:8 Oi ese ia lalona o dibaia, ia na mai momokanina oi vairamu ai, bona o gwau henia hamata, Kanaan taudia bona Hiti taudia bona Amoro taudia bona Perisi taudia bona Iebusu taudia bona Girigasa taudia edia tano na ia garana ba henidia; bena emu gwauhamata vada o hamomokania, badina be oi na maoromaoro.
NEH 9:9 Oi ese senemai edia hisihisi o itaia Aigupto ai, bona edia taitai o kamonai Davara Kakakakana isena ai;
NEH 9:10 bona toa bona hoa karadia o kara, Farao bona ena hesiai taudia iboudiai bona ena tano taudia iboudiai ihadikadia; badina be oi vada o diba idia ese senemai e kara dagedage henidia; bona ladamu o hahoria ema bona ina dina.
NEH 9:11 Oi ese davara o haparararaia idia vairadiai, bena idia na davara bogaragina amo e raka hanai, tano kaukauna ai; bona e hahavadia taudia na dobu gabudia ai o tahodia dobi, nadi ranu badadia lalodiai na heto.
NEH 9:12 Dina ai ori dubuna amo o hakaudia, bona hanuaboi ai lahi mamana amo o hakaudia, edia lao dalana o hadiaria.
NEH 9:13 Oi na Sinai ororona dorina ai o diho, bona guba amo o hereva henidia, hahemaoro herevadia maoromaorodia bona taravatu momokanidia bona haheḡani bona hahedua herevadia namodia o henidia.
NEH 9:14 Emu dina helaḡana danu o hadibalaidia, bona haheḡani bona hahedua herevadia bona taravatu na emu hesiai tauna Mose ena amo o henidia.
NEH 9:15 Oi ese aniani na guba amo o henidia, edia hitolo dainai, bona ranu na nadi amo o ha-arua lasi, edia ranu-mase dainai; bona o hamaorodia, bae raka vareai, o gwau hamatalaia tanona bae abia.
NEH 9:16 A idia bona ai senemai na e hekokorokuva bona aiodia e ha-aukava bona emu haheḡani asie badinadiava;
NEH 9:17 e gwau edeedeva bona hoa karadia idia bogaragidiai vada o kara na asie lalodiava; a aiodia e ha-aukadia, bona hegunalai tauna ta e duanaia, edia iḡui gabuna Aigupto ai bae lou henia eto. A oi na dika igwau-taona Diravana, mai emu harihari-bada bona mai emu hebogahisi; badu ai o halahemu, bona lalokau ai o honuhonu-daemu; bena to rakatanidia.
NEH 9:18 Ena be idia ese auri e havevea, boromakau natuna laulauna e karaia, eto “Ina na emui dirava, Aigupto amo e hakaumui lasi diravana”, bona oi ihadikamu karadia badadia e kara,
NEH 9:19 to emu hebogahisi badana dainai tano ḡaḡaena ai to rakatanidia; ori dubuna, dala ai vada e hakaudia ḡauna, ese dina ai se rakatanidia, bona lahi mamana, edia lao dalana e hadiaria ḡauna, danu se rakatanidia hanuaboi ai.
NEH 9:20 Emu Lauma namona o henidia, baine hadibadia, bona emu mana na ududia amo so rua; ranu danu o henidia, edia ranu-mase dainai.
NEH 9:21 Laḡani hari-ahui lalodiai oi ese tano gaḡaena ai o hamauridiava; ḡau ta ai asie dabuva; edia dabua asie mouka-mouka, bona aedia asie gudu.
NEH 9:22 Oi ese basileia idau-idau bona bese idau-idau o henidia, bona tano daigunidia iboudiai; taunabunai idia ese Sihon, Hesebon pavapavana, bona 0g, Basan pavapavana, edia tano e ḡaunaidia.
NEH 9:23 Oi ese garadia o hahutumadia, guba hisiudia heḡereḡeredia, bona senedia vada o hamaorodia lalona ai bae raka vareai bona bae ḡaunaia tanona na lalonai o hakaudia vareai.
NEH 9:24 Taunabunai, garadia na tano ai e raka vareai, e ḡaunaia; bena oi ese tano inoholaina taudia, Kanaan taudia, na idia vairadiai o hadareredia, bona imadia ai o atodia, mai edia pavapava bona edia tano taudia ida, idia ese edia ura heḡereḡerena bae kara henidia totona.
NEH 9:25 Bena hanua mai maḡudia na tuari ai e abidia, bona tano namona danu; ruma mai kohu namo-hereadia ida, bona ranu habou-habou gabudia, nadi ai e ḡei ḡaudia, bona vine imeadia bona olive imeadia bona huahua audia momo herea, iboudiai na e abidia, e ḡaunaidia. Taunabunai, e anianiva, bogadia e kunuva, bona taudia e digarava, bona emu harihari-bada e moalelaiava.
NEH 9:26 Ḡau tamona, idia na e gwau edeede bona e daḡedaḡe henimu, emu taravatu na muridiai e negedia, bona emu peroveta taudia ese e sisiba henidia, dekemu bae hakaudia lou totona, negadia ai, idia ese e aladia mase; idia ese danu oi ladamu iḡonaḡonalaina karadia e karava.
NEH 9:27 Una dainai oi ese inaidia imadia ai o atodia, bena idia ese e hahisihisidia; bena edia hisihisi negana ai e tai henimu, bona oi ese guba ai o kamonai henidia; bona emu hebogahisi bada-hereadia heḡereḡeredia ai oi ese ihamauridia taudia o henidia, bena idia ese idia inaidia imadia amo e hamauridia.
NEH 9:28 A lagadia e aniva murinai idia na oi vairamu ai ma e kara dika lou, bona oi ese ma o negedia daure inaidia imadia ai; taunabunai idia ese e lohiadia. Ḡau tamona, idia na ma e hegiro bona e tai henimu negana ai, oi ese guba ai ma o kamonai henidia; bona nega momo oi ese o hamauridia, emu hebogahisi heḡereḡeredia.
NEH 9:29 Oi ese o sisiba henidia, emu taravatu enai ba haloudia totona. Ḡau tamona idia na e hekokorokuva, emu haheḡani asie badinadia, a emu hahemaoro herevadia, taunimanima na henudiai bema noho ḡaudia, na e tata utu, bona e gini muri dabudabu, aiodia e ha-auka, basie kamonai eto.
NEH 9:30 Laḡani momo lalodiai oi ese o haheauka henidia, bona emu Lauma ena amo o sisiba henidia, peroveta taudia ududia amo; a idia na asie ura bae kamonai. Una dainai oi ese tano besedia imadia ai o atodia.
NEH 9:31 Ḡau tamona emu hebogahisi badadia lalodiai oi ese so ha-oredia bona so rakatanidia; badina be oi na harihari-bada bona hebogahisi Diravana.
NEH 9:32 Taunabunai, emai Dirava e, Dirava badana, mai siahumu bona mai garimu Diravana, gwauhamata bona hebogahisi o badinadiamu Diravana, basio laloa hari hisihisi iboudiai Asuria pavapavadia edia nega amo ema bona ina dina ai emai pavapava bona emai lohia bona emai hahelaḡa taudia bona emai peroveta taudia bona tamamai bona emu orea taudia iboudiai latamai ai vada e kau na ḡau pipikidia.
NEH 9:33 Ḡau tamona, latamai ai vada e kau ḡaudia iboudiai lalodiai oi na vada o kara maoromaoro; badina be oi o kara momokani bona ai be a kara dika;
NEH 9:34 emai pavapava bona emai lohia bona emai hahelaḡa taudia bona tamamai ese taravatu asie badinadia, bona emu haheḡani bona emu sisiba, o henidia ḡaudia, na nahuadia asie toho.
NEH 9:35 Edia basileia lalonai, bona emu harihari-bada, o henidia ḡauna, lalonai, bona tano badana bona namona, vairadiai o atoa ḡauna, lalonai, oi isiaimu asie lao heni; bona edia kara dika amo asie raka oho.
NEH 9:36 A itaia, ina dina ai ai na hesiai taumai; senemai o henidia, anina bona ena herahia ḡaudia bae moalelai, tanona lalonai a itamai, ai na hesiai taumai.
NEH 9:37 Hari pavapava, emai kara dika amo daemai ai vada o atodia taudia, ese ia anina herea-daena e abiamu; idia na mai siahudia danu, tau-animai bona emai ubu-ubu gaudia bae biagudia, edia ura heḡereḡerena ai; bona ai na vada a hekwarahi mase.
NEH 9:38 Ina idoinai dainai ita ese gwauhamata aukana ta karaiamu bona ta toreamu, bona eda lohia bona eda Levi taudia bona eda hahelaḡa taudia ese edia toa amo e hamomokaniamu.
NEH 10:1 Edia toa amo e hamomokaniamu taudia bini: Nehemia, hekwara tauna, Hakalia natuna; Sedekia,
NEH 10:2 Seraia, Asaria, Ieremia,
NEH 10:3 Pasahuru, Amaria, Malkia,
NEH 10:4 Hatusu, Sebania, Maluku,
NEH 10:5 Harimi, Meremoto, Obadia,
NEH 10:6 Daniel, Ginetono, Baruku,
NEH 10:7 Mesulama, Abia, Miamini,
NEH 10:8 Maasia, Bilgai, Semaia. Hahelaga taudia bunu.
NEH 10:9 Levi taudia: Iesua, Asania natuna; Binui, Henadad natuna ta; Kadmiele;
NEH 10:10 bona tadikakadia, Sebania, Hodia, Kelita, Pelaia, Hanana,
NEH 10:11 Mika, Rehob, Hasabia,
NEH 10:12 Sakuru, Serebia, Sebania,
NEH 10:13 Hodia, Bani, Beninu.
NEH 10:14 Iduhu kwaradia: Paroso, Pahata-moab, Elam, Satu, Bani,
NEH 10:15 Buni, Asgada, Bebai,
NEH 10:16 Adonia, Bigvai, Adini,
NEH 10:17 Atere. Hesekia, Asuru,
NEH 10:18 Hodia, Hasumu, Besai,
NEH 10:19 Harifi, Anatoto, Nebai,
NEH 10:20 Magapiasa, Mesulama, Hesiri,
NEH 10:21 Mesesabele, Sadok, Iadua,
NEH 10:22 Pelatia, Hanana, Anaia,
NEH 10:23 Hosea, Hanania, Hasub,
NEH 10:24 Halohese, Pilha, Sobek,
NEH 10:25 Rehumu, Hasabana, Maaseia,
NEH 10:26 Ahia, Hanana, Anana,
NEH 10:27 Maluku Harimi, Baanaha.
NEH 10:28 Bese orena, hahelaḡa taudia, Levi taudia, ikoukou igimadia taudia, ane-abi taudia, dubu ena hesiai taudia, bona tano taudia edia amo vada e raka oho Dirava ena taravatu enai vada e tao taudia, mai adavadia bona natudia mamaruanedia bona hahinedia ida, mai aonegadia bona mai lalopararadia taudia iboudiai, ese
NEH 10:29 tadikakadia, edia bese lohiadia, ida e tao heboumu, gwauhamata metauna bona helaḡana lalonai e vareaimu, Dirava ena taravatu, ena hesiai tauna Mose ena amo e heni ḡauna, bae rakalaia, bona Iehova, eda Ḡaubada, ena haheḡani iboudiai bona ena hahemaoro herevadia bona ena hahedua herevadia bae badinadia, bona karadia bae kara.
NEH 10:30 Ita ese natuda hahinedia na tano taudia basita henidia, eiava idia natudia hahinedia na basita abidia, natuda mamaruanedia adavadia ai basiela;
NEH 10:31 bona tano taudia ese kohu eiava aniani na dina helaḡa ai bema mailai, hoihoi totona, ita na ediai basita hoihoi, Dina Helaḡa ai eiava helaḡa dinana ta ai; bona laḡani ihahituna ai baita kau ai uma anidia bona abitorehai davadia baita gwau tora.
NEH 10:32 Ita ta hegwauhamata hehenimu, laḡani ta ta amo ita ta ta ese sekele kaha toiosi ai ta baita heni, Dirava ena dubu ḡaukarana ena,
NEH 10:33 flaoa helaḡana, bona flaoa bouboudia bona ḡole-oho bouboudia, e hahelaḡadia louloumu ḡaudia, bona dina helaḡadia, hua matamatadia, bona e gwaurai ariadia, bona ḡau helaḡadia, bona kara dika bouboudia Israel ena dika iabi-ohona ḡaudia, bona eda Dirava ena dubu ḡaukaradia iboudiai, inanatalaidia.
NEH 10:34 Ita ese danu hahelaḡa taudia bona Levi taudia bona hanua taudia na mari amo vada ta duanaidia, boubou audia bae mailai, Dirava ena dubu lalonai, eda iduhu ta ta heḡereḡeredia ai, bae gwaurai negadia ai laḡani ta ta amo, Iehova eda Dirava ena ihaboulaina patana latanai bae ha-ara, taravatu ai e torea heḡereḡerena.
NEH 10:35 Ta gwau hamatamu, eda tano anidia roboadia bona huahua audia iboudiai anidia roboadia na laḡani ta ta amo Iehova ena dubu baita laohai;
NEH 10:36 bona natuda mamaruanedia roboadia bona eda boromakau natudia roboadia danu eda Dirava ena dubu baita laohaidia, hahelaḡa taudia eda Dirava ena dubu ai e ḡaukaramu dekediai, taravatu ai e torea heḡereḡerena, bona roboa gaudia eda nani bona eda mamoe seridia amo danu;
NEH 10:37 bona eda flaoa, e tari baroko guna ḡaudia, bona eda herahia ḡaudia, au-huahua idau-idau bona vine ranuna bona dehoro, na hahelaḡa taudia dekedia baita laohai, eda Dirava ena dubu ena habou-habou daiutudia lalodiai; bena eda tano anidia baita karoadia, karoa gwauta, bena karoa ta na Levi taudia dekedia baita laohai, badina be hari Levi taudia ese karoa ihagwautadia e haboumu, eda digi hanuadia iboudiai lalodiai.
NEH 10:38 Hahelaḡa tauna, Aaron garana, na Levi taudia ida bae tao hebou, Levi taudia ese karoa ihagwautadia bae abi negana ai; bena Levi taudia ese edia karoa ihagwautadia ma bae karaoadia, karoa gwauta, bena una ikaroana amo karoa ta na eda Dirava ena dubu ai bae daelaia, habou-habou daiutudia ai bae haboua.
NEH 10:39 Badina be Israel taudia bona Levi garana taudia ese herahia ḡaudia, aniani bona vine ranuna bona dehoro, na habou-habou daiutudia lalodiai bae vareailai, gabu helaḡana kohudia e miamu, bona hahelaḡa taudia, dubu ḡaukaradia e karamu taudia, bona ikoukou igimadia taudia bona ane-abi taudia e nohomu gabuna ai. Eda Dirava ena dubu basita laloa herekwa.
NEH 11:1 Bese igunalaina taudia na Ierusalem ai e nohova. Taunimanima oredia na mari e kara, bena taunimanima gwauta gwauta lalodia amo ta ta na hanua helaḡana Ierusalem ai bae hanoho, a oredia ihataurahanitadia na hanua idau-idau ai bae noho.
NEH 11:2 Bena taunimanima ese Ierusalem inoho ura-kwalimuna taudia iboudiai e hanamodia.
NEH 11:3 Ini na basileia lohiadia, Ierusalem ai e nohova taudia; a Iuda hanuadia ai ta ta ena tano ena tano ai e nohova, edia hanua lalodiai, Israel taudia, hahelaḡa taudia, Levi taudia, dubu ena hesiai taudia, bona Solomon ena hesiai taudia garadia.
NEH 11:4 Ierusalem ai Iuda vevena bona Beniamina vevena taudia haida e nohova. Iuda vevena amo: Ataia, Usia natuna, (Usia na Sekaria natuna, Sekaria na Amaria natuna, Amaria na Sefatia natuna, Sefatia na Mahalalel natuna, Mahalalel na Perese garana);
NEH 11:5 bona Maaseia, Baruku natuna, (Baruku na Kolohose natuna, Kolohose na Hasaia natuna, Hasaia na Adaia natuna, Adaia na Ioiaribi natuna, Ioiaribi na Sekaria natuna, Sekaria na Silono tauna natuna).
NEH 11:6 Perese garana iboudiai Ierusalem ai e nohova na boga-auka tataudia sinahu-hani tauratoi-ahui taurahani.
NEH 11:7 Beniamina vevena bini: Salu, Mesulama natuna, (Mesulama na Ioed natuna, loed na Pedaia natuna, Pedaia na Kolaia natuna, Kolaia na Maaseia natuna, Maaseia na Itiele natuna, Itiele na lesaia natuna).
NEH 11:8 Bona ia murinai Gabai bona Salai bona tatau sinahu-taurahanita ruahui-taurahani.
NEH 11:9 Ioel Sikri ese e itadia tao, bona Iuda Hasenua na hanua itataona tauna iharuana.
NEH 11:10 Hahelaḡa taudia edia amo: Iedaia Ioiaribi, Iakin,
NEH 11:11 Seraia, (ia na Hilkia natuna, Hilkia na Mesulama natuna, Mesulama na Sadok natuna, Sadok na Meraioto natuna, Meraioto na Ahitubu natuna); ia na Dirava ena dubu biaguna.
NEH 11:12 Bona idia tadikakadia, dubu ḡaukaradia e karava taudia, tatau sinahu-taurahani ruahui-rua; bona Adaia, (ia na Ierohama natuna, Ierohama na Pelalia natuna, Pelalia na Amasi natuna, Amasi na Sekaria natuna, Sekaria na Pasahuru natuna, Pasahuru na Malkia natuna),
NEH 11:13 bona ia tadikakana, iduhu kwaradia, tatau sinahu-rua hari-ahui rua; bona Amasahai, (ia na Asarele natuna, Asarele na Ahasai natuna, Ahasai na Mesilemoto natuna, Mesilemoto na Imere natuna),
NEH 11:14 bona idia tadikakadia, goada dikadika taudia, sinahu-ta ruahui taurahani; idia itataodia tauna na Sabdiele Hagedolimi.
NEH 11:15 Levi taudia edia amo: Semaia, (ia na Hasub natuna, Hasub na Asarikama natuna, Asarikama na Hasabia natuna, Hasabia na Buni natuna);
NEH 11:16 bona Sabetai bona losabad, Levi edia lohia taudia bogaragidia amo; idia ese Dirava ena dubu murimurina kahana ḡaukaradia e biagudia.
NEH 11:17 Bona Matania, (ia na Mika natuna, Mika na Sabdi natuna, Sabdi na Asaf natuna); ia na Dirava ihanamolaina guriḡurina igwauraina imatamana tauna. Bona Bakabukia, tau iharuana tadikakana bogaragidiai, bona Abda, (ia na Samua natuna, Samua na Galala natuna, Galala na Iedutunu natuna).
NEH 11:18 Levi taudia iboudiai hanua helaḡana lalonai na tatau sinahu-rua taurahani-ahui hani.
NEH 11:19 Ikoukou igimadia taudia Akubu bona Talmon mai tadikakadia ida, ikoukou e gimadiava taudia, na tatau sinahu-ta hitu-ahui rua.
NEH 11:20 Israel orena, bona hahelaḡa taudia bona Levi taudia oredia, na Iuda hanuadia iboudiai Ialodiai e nohova, ta ta ena tano ena tano ai.
NEH 11:21 A dubu ena hesiai taudia na Ofele ai e nohova; bona Siha bona Gispa ese dubu ena hesiai taudia e biagudia.
NEH 11:22 Ierusalem ai Levi taudia itataodia tauna na Usisi, (ia na Bani natuna, Bani na Hasabia natuna, Hasabia na Matania natuna, Matania na Mika natuna, Mika na Asaf vevena, ane-abi taudia, ta); ia ese Dirava ena dubu ḡaukaradia e ita tao.
NEH 11:23 Badina be hanua pavapavana ese haheḡani ta e heni, idia daidiai, bona ane-abi taudia ese dina ta ta adia ahudia e abi.
NEH 11:24 Petahia Mesesabele, Sera Iuda vevena ta, na hanua pavapavana ena ere-gwaurai tauna, taunimanima itataodia ḡaukaradia iboudiai ai.
NEH 11:25 A hanua maraḡidia, mai edia biru tanodia ida, herevadia bini. Iuda taudia haida na Kiriat-araba mai ena hanua maraḡidia ida, bona Dibon mai ena hanua maraḡidia ida, bona Iekabasele mai ena hanua maraḡidia ida,
NEH 11:26 bona Iesua bona Molada bona Bete-pelete, lalodiai e nohova.
NEH 11:27 Edia noho gabudia haida danu na Hasara-sual,
NEH 11:28 bona Bere-sieba mai ena hanua maraḡidia ida, bona Siklag, bona Mekona mai ena hanua maraḡidia ida,
NEH 11:29 bona En-rumon, bona Sora, bona Iaramutu,
NEH 11:30 bona Sanoa bona Adulama mai edia hanua maraḡidia ida, bona Lakisi mai ena biru tanodia ida, bona Aseka mai ena hanua maraḡidia ida. Taunabunai, idia na e taruha, Bere-sieba amo ela bona Hinom kourana.
NEH 11:31 Beniamina taudia danu Geba amo ela Mikmasa ai bona Aia ai, bona Betele mai ena hanua maraḡidia ida, lalodiai e nohova;
NEH 11:32 bona Anatoto ai bona Nob ai bona Anania ai,
NEH 11:33 bona Hasoro ai bona Rama ai bona Gitaimi ai,
NEH 11:34 bona Hadidi ai bona Seboimi ai bona Nebalata ai,
NEH 11:35 bona Lod ai, bona Ono, ima karakara dibaka taudia edia koura, lalonai.
NEH 11:36 Levi taudia edia orea haida Iuda ai na Beniamina taudia ida e hataodia hebou.
NEH 12:1 Hahelaḡa taudia bona Levi taudia, Serubabele Sealtiele bona Iesua ida e dae ela taudia, ladadia bini: Seraia, Ieremia, Esera,
NEH 12:2 Amaria, Maluku, Hatusu,
NEH 12:3 Sekania, Rehumu, Meremoto,
NEH 12:4 Ido, Ginetoi, Abia,
NEH 12:5 Miamini, Maadia, Bilga,
NEH 12:6 Semaia, Ioiaribi, Iedaia,
NEH 12:7 Salu, Amok Hilkia, Iedaia. Unu na hahelaḡa taudia mai varavaradia ida edia lohia, Iesua ena nega ai.
NEH 12:8 Levi taudia: Iesua, Binui, Kadmiele, Serebia, Iuda, Matania. Hari Matania mai varavarana ida ese Dirava ihanamolaina anedia iabidia e gunalaidia.
NEH 12:9 Bona varavaradia Bakabukia bona Uno na ane-abi negadia ai idia italaidia ai e gini.
NEH 12:10 Iesua na loiakim tamana, Ioiakim na Eliasibi tamana, Eliasibi na loiada tamana,
NEH 12:11 Ioiada na Ionatan tamana, Ionatan na ladua tamana.
NEH 12:12 Ioiakim ena nega ai hahelaḡa taudia na iduhu kwaradia: Seraia ena na Meraia; Ieremia ena na Hanania;
NEH 12:13 Esera ena na Mesulama; Amaria ena na Iehohanan;
NEH 12:14 Maluki ena na Ionatan; Sebania ena na Iosef;
NEH 12:15 Harimi ena na Adna; Meraioto ena na Helekai;
NEH 12:16 Ido ena na Sekaria; Ginetono ena na Mesulama;
NEH 12:17 Abia ena na Sikri; Miniamini ena, Moadia ena na Pilitai;
NEH 12:18 Bilga ena na Samua; Semaia ena na Iehonatan;
NEH 12:19 Ioiaribi ena na Matenai; Iedaia ena na Usisi;
NEH 12:20 Salai ena na Kalai; Amok ena na Ebere;
NEH 12:21 Hilkia ena na Hasabia; Iedaia ena na Netanele.
NEH 12:22 Levi taudia herevadia na iniheto. Eliasibi bona Ioiada bona Iohanan bona ladua edia nega ai iduhu kwaradia ladadia e tore; bona hahelaḡa taudia ladadia danu ela bona Darauese, tau Parasa, ena pavapava negana.
NEH 12:23 Levi garana, iduhu kwaradia, na Sisiga Bukana ai e torea ema bona Iohanan Eliasibi ena nega.
NEH 12:24 Levi Iohiadia: Hasabia, Serebia bona Iesua Kadmiele na varavaradia e gini hetalai henidia, bae heimodai bona bae hahenamo totona, David, Dirava ena tau, ena haheḡani heḡereḡerena ai bae nari hedava hedava.
NEH 12:25 Matania bona Bakabukia bona Obadia bona Mesulama bona Talmon bona Akubu na ikoukou igimadia taudia, ikoukou edia habou-habou rumadia e gimadia.
NEH 12:26 Unu na Ioiakim, Iesua Iosadak natuna, bona Nehemia, hekwara tauna, bona Esera, hahelaḡa tauna bona itorena tauna, edia nega ai.
NEH 12:27 Ierusalem maḡuna ihahelaḡana negana ai idia ese Levi taudia e tahudia, edia noho gabudia iboudiai lalodia amo, Ierusalem bae mailaidia totona, bena maḡu ihahelaḡana karadia bae moalelai, mai hahenamodia bona mai anedia ida, bona botabota auridia bona hatai-hatai ḡaudia badadia bona maraḡidia ida.
NEH 12:28 Bena ane-abi oreadia taudia e hebou, Ierusalem heḡeḡemadai amo, bona Netofa hanuadia amo,
NEH 12:29 bona Bete-gilgal amo, bona Geba bona Asamavete kahadia amo, badina be ane-abi taudia ese edia hanua e hagini Ierusalem heḡeḡemadai ai.
NEH 12:30 Bena hahelaḡa taudia bona Levi taudia na sibodia e haheḡoeva; bena idia ese taunimanima bona ikoukou bona maḡu na e haḡoevadia.
NEH 12:31 Bena lau ese Iuda lohiadia na hakaudia dae maḡu latanai, bona orea badadia rua na duanaidia; bena idia na e raka hebou mai hahenamodia ida. Orea ta be idiba kahana amo e raka lao, maḡu latanai, ela bona Boromakau Taḡena Ikoukouna.
NEH 12:32 Idia muridia amo Hosaia bona Iuda lohiadia edia orea kahana e raka,
NEH 12:33 bona Asaria, Esera, Mesulama,
NEH 12:34 Iuda, Beniamina, Semaia, Ieremia,
NEH 12:35 bona hahelaḡa taudia natudia haida mai kibidia ida. Sekaria (ia na Ionatan natuna, Ionatan na Semaia natuna, Semaia na Matania natuna, Matania na Mikaia natuna, Mikaia na Sakuru natuna, Sakuru na Asaf natuna),
NEH 12:36 bona ia varavarana Semaia, Asarele, Milalai, Gilalai, Maai, Netanele, Iuda bona Hanani; idia ese David, Dirava ena tau, ena hatai-hatai ḡaudia e abi kau; bena itorena tauna Esera ese e gunalaidia.
NEH 12:37 Ranu Lohilohi Ikoukouna ai e kau, bena maoromaoro e dae ela, David ena hanua vadavadana amo, maḡu nese-dae gabuna ai, David ena ruma daenai, ela bona Ranu Ikoukouna ai, mairiveina kahana ai, e kau.
NEH 12:38 Hahenamo oreana iharuana na lauri kahana amo ela, bena lau na idia muridia amo na raka, orea kahana ida. Maḡu latana amo ala, Amu Kohorona atai kahana amo ela bona Lababa-bada Maḡuna;
NEH 12:39 bena Efraim Ikoukouna atai kahana amo, bona Ikoukou Gunana bona Gwarume Ikoukouna bona Hananele ena Kohoro bona Sinahu-ta Kohorona amo ala, ela bona Mamoe Ikoukouna; bena Hegima Ikoukouna ai a doko.
NEH 12:40 Bena hahenamo oreadia ruaosi na Dirava ena dubu ai e gini, bona lau danu, heitatao oreana kahana ida.
NEH 12:41 Hahelaḡa taudia Eliakim, Maaseia, Miniamini, Mikaia, Elioenai. Sekaria bona Hanania danu unuseni ai, mai edia kibi;
NEH 12:42 bona Maaseia, Semaia, Eleasara, Usisi, Iehohanan, Malkia, Elam bona Esere danu. Bena ane-abi taudia ese ane e abi; Ieselahia ese e gunalaidia.
NEH 12:43 Una dina ai boubou karadia badadia e kara, bona e moale, badina be Dirava ese e hamolaedia herea; hahine mai natudia ida danu e moale. Ierusalem ena moale reḡedia na dauha amo e kamonai.
NEH 12:44 Una dina ai tatau haida e duanaidia, habou-habou rumadia, kohu bona herahia ḡaudia bona aniani roboadia bona karoa ihagwautadia ḡaudia e habou gabudia, itataodia; unuseni ai hahelaḡa taudia bona Levi taudia ahudia bae habou, taravatu ai e gwaurai ḡaudia, hanua hanua edia biru gabudia heḡereḡeredia; badina be Iuda taudia ese hahelaḡa taudia bona Levi oreana, dubu ḡaukarana e karaiava taudia, na e moalelaidia.
NEH 12:45 Idia bona ane-abi taudia bona ikoukou igimadia taudia danu ese edia Dirava isiaina e lao heniva; bona haheḡoeva karadia e karava, David bona natuna Solomon edia haheḡani heḡereḡerena.
NEH 12:46 Badina be nega gunadia ai, David bona Asaf edia nega ai, ane-abi taudia na mai edia lohia ta, bona Dirava iheatolaina bona ihanamona anedia e abi.
NEH 12:47 Bena Serubabele bona Nehemia edia nega ai Israel idoinai ese ane-abi taudia bona ikoukou igimadia taudia ahudia na dina ta ta amo e henidia; bona Levi taudia ahudia e ato tabe; bena Levi taudia ese Aaron garana taudia ahudia ma e ato tabe.
NEH 13:1 Una dina ai idia ese Mose ena buka e duahia, taunimanima vairadiai; lalonai e davaria, vada e torea, Amono tauna ta eiava Moab tauna ta na nega ta Dirava ena orea hebouna lalonai basine vareai;
NEH 13:2 badina be Israel taudia asie hedavari henidia ranu bona aniani ida, a Balaam e vatua, baine uduguiraidia totona; ḡau tamona iseda Dirava ese heuduguirai na hahenamo herevana ai e halaoa.
NEH 13:3 Taunimanima na taravatu e kamonai negana ai, idia ese bese idaudia amo e vara taudia na Israel edia amo e abidia oho.
NEH 13:4 Ina kara do se vara negana ai, hahelaḡa tauna Eliasibi, e duanaia eda Dirava ena dubu daiutudia baine biagua tauna, na Tobia bamona,
NEH 13:5 bena ia ese daiutu badana ta e lailaia Tobia ena. Una daiutu na guna idia ese boubou flaoana bona muramura mai bonana bona dubu kohudia, bona aniani bona vine ranuna bona dehoro karoadia ihagwautadia, haheḡani heḡereḡerena ai Levi taudia bona ane-abi taudia bona ikoukou igimadia taudia e henidia gaudia, bona herahia, hahelaḡa taudia e henidia ḡaudia, e haboulaiva daiutuna.
NEH 13:6 Una kara e vara negana ai lau na dia Ierusalem ai; badina be Aratasasta, Babulono pavapavana, ena lohia laḡanina ihatoiahui-ruana ai lau na hanua pavapavana dekena nala. Nega taina vada ela, bena hanua pavapavana na noia baine kahugu nege;
NEH 13:7 bena Ierusalem nama. Una negana ai lau ese hari kara dikana na davaria, Eliasibi ese Tobia iduruna totona vada e karaia, daiutu ta Dirava ena dubu maḡuna ikoukoudia lalodiai e heḡaeḡaelaia iena.
NEH 13:8 Bena na badu dikadika, bena Tobia ena ruma ḡaudia iboudiai na daiutu lalona amo na tahodia lasi.
NEH 13:9 Na hahedua, bena daiutu e haḡoevadia. Bena lau ese Dirava ena dubu kohudia na una daiutu lalonai ma na atodia lou, bona boubou flaoana bona muramura mai bonadia danu.
NEH 13:10 Lau na davaria danu Levi taudia ahudia na asie henidia; una dainai Levi taudia bona ane-abi taudia, ḡaukara e karava taudia, na vada e heau, ta ta ena uma ena uma vada ela.
NEH 13:11 Taunabunai lau ese heitatao taudia na gwau henidia, nato, Dahaka dainai Dirava ena dubu vada o laloa herekwa? Bena na haboudia, bona edia ḡaukara gabudia na henidia.
NEH 13:12 Bena Iuda idoinai ese aniani bona vine ranuna bona dehoro karoadia ihagwautadia na habou-habou rumadia lalodiai e vareailaidia.
NEH 13:13 Bena hahelaḡa tauna Selemia bona itorena tauna Sadok bona Levi tauna Pedaia na duanaidia, habou-habou ḡaudia ibalahenidia taudia ai baela; bona Hanana, Sakuru Matania natuna, na duanaia, idia idurudia tauna ai bainela; badina be idia na kara momokani taudia. Edia ḡaukara na tadikakadia adia bae henidia hagau-hagau.
NEH 13:14 Dirava e, ba lalogu tao, ina kara dainai, bona egu kara namodia egu Dirava ena dubu bona ena ḡaukara ihanamolaidia totona vada na kara ḡaudia na basio lalodia nege.
NEH 13:15 Unu dinadia ai lau ese haida na itadia Iuda ai, idia ese vine huahuadia na dina helaḡa ai e moimoilai, bona uit bali senudia e mailai, doniki latadiai; bona vine ranuna bona vine huahuadia bona suke huahuadia bona kohu idau-idau iboudiai na dina helaḡa ai Ierusalem ai e vareailai. Bena aniani e hoihoilai dinana ai na sisiba henidia.
NEH 13:16 Turo taudia hanua badana ai e nohova danu, gwarume bona hoihoi ḡaudia idau-idau e vareailai, dina helaḡa ai Iuda taudia ediai bona Ierusalem lalonai e hoihoilai.
NEH 13:17 Bena Iuda lohiadia na gwau henidia, nato, Ina kara dikana umui ese o karaiamu be dahaka, dina helaḡa o hadikaiamu?
NEH 13:18 Senemui na unu e kara toma, bena eda Dirava ese ina dika idoinai ita latadai bona ina hanua badana latanai e havaraia, ani? A umui ese badu ma o havaraiamu Israel latanai, dina helaḡa o hadikaiamu dainai.
NEH 13:19 Dina helaḡa e kahira-kahira ai, Ierusalem ikoukouna ai dina e diho negana ai, lau ese na haduadia iduara bae koudia, bona na haḡanidia basie kehodia ela bona dina helaḡa baine ore. Bena egu hesiai taudia haida na ikoukou itataodia na atodia, maduna ta dina helaḡa ai basie vareailaia helaoreana.
NEH 13:20 Bena nega ta eiava rua hoihoi taudia, kohu idau-idau e hoi taudia, na Ierusalem murimurinai e taruhava.
NEH 13:21 A lau ese na sisiba henidia, nato, Dahaka dainai maḡu vairanai o taruhamu? Una kara ba karaia lou negana ai, baina dabaimui tao. Una negana amo idia na dina helaḡa ai asiema lou.
NEH 13:22 Bena Levi taudia na haḡanidia, idia na sibodia bae haheḡoeva, bena baema, ikoukou bae gimadia, dina helaḡa bae hahelaḡaia helaoreana. Egu Dirava e, ina danu ba laloa tao, lau ihanamogu, bona emu hebogahisi badana heḡereḡerena ai ba hamaurigu.
NEH 13:23 Unu dinadia ai lau ese Iuda taudia haida, Asdod bona Amono bona Moab hahinedia vada e adavadia taudia, na itadia;
NEH 13:24 idia natudia orea kahana na Asdod gadona ai e herevava, bona Iuda gadona igwauraina asi dibadia, a bese ta ta gadodia mo.
NEH 13:25 Bena na heai henidia, bona na uduguiraidia, bona haida be na dadabadia bona huidia na butu. Bena na haduadia, Dirava ladana ai bae gwau hamata; nato, Natumui hahinedia na idia natudia mamaruanedia basio henidia, bona idia natudia hahinedia na basio abidia, umui adavamui eiava natumui mamaruanedia adavadia ai basio halaodia.
NEH 13:26 Solomon, Israel pavapavana, na hahine unuhetomadia daidiai e kerere, ani? Bese momo bogaragidiai asi pavapava ta ia heḡereḡerena; ena Dirava ese e lalokau henia, bona Dirava ese Israel idoinai pavapavana ai e halaoa; ḡau tamona, idau bese hahinedia ese ia e hakaraia dika.
NEH 13:27 Matona, ai ese umui baia kamonai henimui, bona ina kara dika-hereana baia karaia, bona eda Dirava baia kara henia koikoi, idau bese hahinedia iadavadia ai, a?
NEH 13:28 Iehoiada natuna ta, hahelaḡa tauna Eliasibi tubuna, na Sanbalata, tau Horono, rava-maragina, una dainai lau ese egu amo na lulua oho.
NEH 13:29 Egu Dirava e, ba lalodia tao, badina be idia ese hahelaḡa dagina, bona hahelaḡa taudia bona Levi taudia edia gwauhamata, na e hamiro.
NEH 13:30 Taunabunai, lau ese idau bese ḡaudia iboudiai amo na haḡoevadia, bona hahelaḡa taudia bona Levi taudia na haginidia, edia ḡaukara ta ta ai;
NEH 13:31 bona boubou au-rakurakudia dalana na lailaia, e gwaurai negadia ai, bona aniani roboadia dalana danu. Egu Dirava e, ba lalogu tao, baina namo helaoreana.
EST 1:1 Ahasuero ena nega ai, (una Ahasuero na basileia sinahu-ta ruahui-hitu e lohiadia, India amo ela bona Etiopia),
EST 1:2 unu dinadia ai King Ahasuero na ena pavapava teronona ai e helaiva, hanua badana ladana Susa ai.
EST 1:3 Bena ena Iohia laḡanina ihatoina ai, ia ese aria ta e karaia, ena Iohia taudia bona ena hesiai taudia iboudiai, bona Parasa bona Media tuari lohiadia, bona basileia lohiadia bona ikwaradia taudia, adia.
EST 1:4 Una negana ai ia ese ena basileia herea-daena taḡadia bona ena siahu hairaina bada-herea e haheitalaidia, dina momo lalodiai; unu dina iboudiai na sinahu-ta taurahani-ahui.
EST 1:5 Unu dina vada e ore murinai, hanua pavapavana ese aria ta ma e karaia, hanua badana Susa lalonai e nohova taudia kikina-badana iboudiai adia. Una aria na hanua pavapavana ena ruma uma-umana maḡuna lalonai e dabaraia, ela bona dina hitu e ore.
EST 1:6 Seseahu dabuadia kurokurodia bona vaiundia na e taudia dae, bona varo aukadia bona varo kakakakadia amo silver ikekedia ai bona nadi hururu-hururu au-tubuadia ai e matadia kau. Helai ḡaudia na gold bona silver amo e kara, bona reireina na nadi hururu-hururudia kakakakadia bona kurokurodia amo e karaia, bona mairi bona dava-bada nadidia amo e haheraia.
EST 1:7 Inuinu ḡaudia na gold keheredia ai e sei bona e diu henidia; unu kehere na idau-idau; bona vine ranuna momo, pavapava e inumu ḡauna, hanua pavapavana ena harihari-bada heḡereḡerena.
EST 1:8 I'inuna na taravatu heḡereḡerena, ta asie haduaia baine inu; badina be hanua pavapavana ese ena ruma ireḡuna taudia iboudiai vada e haḡanidia, eto ta ta ena ura ena ura heḡereḡeredia bae kara.
EST 1:9 Queen Vasati danu aria ta e karaia, hahine adia, King Ahasuero ena ruma ai.
EST 1:10 Dina ihahituna ai hanua pavapavana lalona e moaleva, vine ranuna e inuava dainai, bena ia ese Mehumana bona Bisita bona Harabona bona Bigita bona Abagata bona Setara bona Karakasa, King Ahasuero ena ruma irefiuna taudia hahituosi, na e haḡanidia,
EST 1:11 idia ese Queen Vasati na bae hakaua vareai hanua pavapavana vairanai, mai ena havava ḡauna kwarana ai, hanua taudia bona hanua hanua lohiadia na ia hairaina baine haheitalaidia totona; badina be ia na hane namo, mai hairaina.
EST 1:12 A Queen Vasati e gwau edeede; hanua pavapavana ena haheḡani hari ruma ireḡuna taudia ese e mailaia na ibadinana se ura. Una dainai, hanua pavapavana lalona e siahu, e badu ḡaraḡara.
EST 1:13 Bena hanua pavapavana ese aonega taudia, nega mai dibadia taudia, na e hereva henidia. (Hanua pavapavana na vaia ena kara unu e kara tomava, taravatu bona hahemaoro mai dibadia taudia ediai.
EST 1:14 Ia badinai e giniva taudia be Karasena bona Setara bona Adamata bona Tarasisi bona Merese bona Marasena bona Memukana, Parasa bona Media lohiadia hahituosi; idia na nega idoinai hanua pavapavana vairana e itaiava, bona helai gabudia hereadia ai e helaiva una basileia lalonai.)
EST 1:15 Ia na eto, Taravatu ai ede e torea tomamu, Queen Vasati ede baita kara henia toma? Badina be ia ese King Ahasuero ena haheḡani, ena ruma ireḡuna taudia ududia amo e siaia, na se badinaia.
EST 1:16 Bena Memukana na hanua pavapavana bona hanua hanua lohiadia vairadiai e hereva, eto, Queen Vasati vada e kerere, dia hanua pavapavana mo enai, to lohia iboudiai bona taunimanima iboudiai ediai, King Ahasuero ena basileia iboudiai lalodiai.
EST 1:17 Badina be ina hanua pavapavana adavana ena kara na hahine iboudiai ese sivaraina bae kamonai, bena idia ese adavadia basie matauraidia; badina be idia na baeto “King Ahasuero na e hahedua, Queen Vasati na ia vairanai bae hakaua mai, to sema”.
EST 1:18 Hari ina dina ai, hanua pavapavana adavana ena kara sivaraina vada e kamonai dainai, Parasa bona Media lohiadia adavadia ese hanua pavapavana ena lohia iboudiai ediai bae herevalaia, bena hemarai bona badu na bae bada herea.
EST 1:19 Bema hanua pavapavana lalona baine heḡereḡere, pavapava haheduana ta na iena amo bainela, Parasa taudia bona Media taudia edia taravatu ai baine hetore, bena ta ese basine ha-idaua diba. Hahedua na iniheto: Vasati na King Ahasuero vairanai ma basine raka vareai lou; a hanua pavapavana ese ena dagi na hahine ta, ia e hereaiamu hahinena, baine henia.
EST 1:20 Taunabunai, hanua pavapavana ena haheḡani herevana na ena basileia bada-hereana idoinai bae piua, bena hahine iboudiai, lohia hahinedia bona hanua hahinedia, ese adavadia bae matauraidia.
EST 1:21 Ina hahealo herevana na hanua pavapavana bona hanua hanua lohiadia ese e moalelaia; bena hanua pavapavana na Memukana ena lalo-hadai heḡereḡerena ai e kara.
EST 1:22 Ia ese revareva e siaidia, e lohiadia basileiadia iboudiai ediai, basileia ta ta edia revareva daladia amo, bona bese ta ta edia gado ai, tatau ta ta ena ruma ena ruma bae biagudia, bona edia bese herevadia korikoridia bae gwaurai.
EST 2:1 Unu ḡau muridiai, King Ahasuero lalona ma e keru, bena ia ese Vasati e helalolaia une, bona ena kara bona hari hahedua herevana ia latanai e gwauraia na e helalolai.
EST 2:2 Bena hanua pavapavana ena hesiai taudia eto, Rami-hebou ulatodia matamatadia mai hairaidia bae tahudia, hanua pavapavana ena.
EST 2:3 Hanua pavapavana ese heitatao taudia baine duanaidia, ena basileia iboudiai lalodiai; bena idia ese rami-hebou ulatodia matamatadia mai hairaidia iboudiai na bae haboudia, Susa bae siaidia mai; bena hanua pavapavana ena hesiai tauna Hegai, hanua pavapavana adavana edia ruma ireguna tauna, ese una ruma ai do baine naridia, bona dahudahu muramuradia baine henidia.
EST 2:4 Bena edena hane-ulato na hanua pavapavana ese baine ura henia bada be pavapava hahinena dagina baine abia, Vasati gabuna ai. Hanua pavapavana ese ina hereva e moalelaia, bena unu e kara toma.
EST 2:5 Hanua badana Susa ai, Iuda tauna ta e nohova, ladana na Morodekai lairi, Simei Kisa tubuna, Beniamina tauna.
EST 2:6 Morodekai na abi-mauri taudia ida Ierusalem amo e laohaia, Nebukadnesara, Babulono pavapavana, ese Iekonia, Iuda pavapavana, na e abia mauri bona e laohaia negana ai.
EST 2:7 Hari Morodekai ese Hadasa (ladana ta be Eseta), tamana lahaina natuna, vada e ubua, badina be tamana bona sinana vada e mase. Ia na hane namo mai hairaina; bena tamana bona sinana e mase negana ai, Morodekai ese e abia, ia natuna ai e halaoa.
EST 2:8 Taunabunai, hanua pavapavana ena hahedua herevana bona ena haheḡani e gwauraia hedinarai, bena ulato momo na hanua badana Susa ai e haboudia, Hegai ena hereḡu ai, negana ai Eseta danu e abia, hanua pavapavana ena ruma ai e atoa, Hegai, hahine inaridia tauna, ena hereḡu ai.
EST 2:9 Bena hari hane-ulato ese una tau lalona e hamoalea; bena ia ese hane-ulato na e lalo namo henia, bona dahudahu muramuradia e henia haraḡa. Ana aniani danu e henia, bona hesiai kekenidia hahitu, hanua pavapavana ena ruma kekenidia bogaragidia amo e abidia hidi, na e henia. Bena ia bona ena hesiai kekenidia na gabu namo-hereana e henidia, hahine edia ruma ai.
EST 2:10 Eseta na ena iduhu bona ena bese se hahedinaraidia, badina be Morodekai ese vada e haḡania ia na basine gwauraidia hedinarai.
EST 2:11 A dina iboudiai Morodekai ese hahine edia ruma maḡuna vairanai e rakava, baine diba Eseta na edeheto bona ena noho na edeheto totona.
EST 2:12 Ini ulato na hahine taravatudia henunai e nohova ela bona hua gwauta-rua e ore; una na ihahairaidia negana korikorina, hua tauratoi muro dehorona amo bona hua tauratoi muramura mai bonadia bona hahine edia dehoro haida amo. Bena ulato ta ta edia nega e kau, King Ahasuero dekenai bae raka vareai, negadia ai na
EST 2:13 hanua pavapavana dekenai baine raka vareai hane-ulatona ena ura ḡauna na e henia, hanua pavapavana adavana edia ruma amo baine laohaia, bainela pavapava ena ruma ai.
EST 2:14 Adorahi ai ela, bena daba ai ma e lou, hahine edia ruma iharuana ela, Saasagasa, hanua pavapavana ese e adavadia hahinedia inaridia tauna, ena hereḡu ai e nohova. Ia na hanua pavapavana dekenai basinema raka vareai lou, a hanua pavapavana ese bema ura henia, ia ese ladana bema hatoa, bena bema boiria.
EST 2:15 Eseta, Morodekai tamana lahaina Abihaili natuna, Morodekai ese e natua kekenina, ena nega e kau, hanua pavapavana dekenai baine raka vareai; bena ia ese ḡau ta se gwauraia, hanua pavapavana ena hesiai tauna Hegai, hahine e naridiava tauna, ena lalo-hadai ḡauna mo. E itaia taudia iboudiai ese Eseta e lalo namo heniava.
EST 2:16 King Ahasuero ena lohia laḡanina ihahituna ai, hua ihagwautana, ladana Tebete, lalonai, Eseta na King Ahasuero dekenai e hakaua vareai, hanua pavapavana ena ruma ai.
EST 2:17 Bena hanua pavapavana ese Eseta e ura henia bada, hahine oredia iboudiai e ura henidia maragi; bona ulato iboudiai bogaragidia amo ia sibona ese hanua pavapavana ena harihari bona ena hahenamo e abidia badabada. Taunabunai, ia ese havava ḡauna na ia kwarana ai e atoa, bona pavapava hahinena ai e halaoa, Vasati ibolona.
EST 2:18 Bena hanua pavapavana ese aria badana e karaia, ena lohia bona ena hesiai taudia iboudiai adia; una na Eseta ena aria. Bona basileia iboudiai edia laḡa-ani e henidia, bona harihari ḡaudia e heni hagauhagau, pavapava ena harihari-bada heḡereḡerena.
EST 2:19 Ulato na hahine edia ruma iharuana ai e haboudia negana ai, Morodekai na hanua pavapavana ena ruma ikoukouna ai e helaiva.
EST 2:20 Eseta ese ena iduhu bona ena bese do se gwaurai hedinarai, Morodekai ena haheḡani heḡereḡerena; badina be Eseta ese dounu Morodekai e kamonai henia, gunaguna ia dekenai e nohova negana ai e kamonai heniava heḡereḡerena.
EST 2:21 Bena unu dinadia ai, Morodekai na hanua pavapavana ena ikoukou ai e helaiva ai, Bigitana bona Terese, hanua pavapavana ena raka-vareaina e gimaiava taudia, na e badu, King Ahasuero na bae dabaia tao eto.
EST 2:22 Ina na Morodekai e diba, bena ia ese Queen Eseta e hadibaia, bena Eseta ese hanua pavapavana e hamaoroa, Morodekai ladana ai.
EST 2:23 Hereva na e tahua, e davaria vada e momokani; bena unu tatau raruosi na tau-dae auna ai e matadia. Bena sivarai na Sisiga Bukana ai e torea, hanua pavapavana vairanai.
EST 3:1 Unu ḡau muridiai, King Ahasuero ese Hamana Hamedata, tau Agag, e abia dae, dagi badana e henia, bona ia ida e lohia hebou taudia iboudiai daediai e hahelaia.
EST 3:2 Bena hanua pavapavana ena hesiai taudia iboudiai, pavapava ena ikoukou ai e nohova taudia, na e igo diho; idia ese Hamana e toma henia diho, badina be hanua pavapavana na unu vada e haheḡanilaia toma. A Morodekai na se igo diho bona se toma henia diho.
EST 3:3 Bena hanua pavapavana ena hesiai taudia, hanua pavapavana ena ikoukou ai e nohova taudia, ese Morodekai e nanadaia, eto, Dahaka dainai hanua pavapavana ena haheḡani o tataia utumu?
EST 3:4 Dina momo lalodiai idia ese e hereva henia loulou, to ia ese se kamonai henidia. Bena idia ese Hamana e hamaoroa; bae itaia, Morodekai ena hereva baine kwalimu eiava. Badina be ia ese vada e hamaorodia ia na Iuda tauna.
EST 3:5 Hamana ese e itaia, Morodekai na se igo diho bona se toma henia diho, bena Hamana na e badu dikadika.
EST 3:6 A Morodekai na ia sibona ese baine dabaia tao na se ura. Taunabunai, haida ese e hadibaia, Morodekai ena bese be edena; bena Hamana ese Iuda taudia, Morodekai ena bese taudia, iboudiai ihabua-taridia dalana e tahua, Ahasuero ena basileia idoinai lalonai.
EST 3:7 King Ahasuero ena lohia laḡanina ihagwauta-ruana ai, hua gini-gunana, ladana Nisan, lalonai, idia ese mari karana ta, ladana Puru, na Hamana vairanai e karaia, dina ta ta amo bona hua ta ta amo, ela bona mari ese hua ihagwauta-ruana, ladana Adara, na e duanaia.
EST 3:8 Bena Hamana ese King Ahasuero e hereva henia, eto, Bese ta na e noho rohorohomu, emu basileia kahadia iboudiai taudia bogaragidiai e noho hedoa-hedoamu; edia taravatu na idau, dia bese oredia iboudiai edia heḡereḡeredia, bona hanua pavapavana ena taravatu asie badinadiamu; una dainai dia namo hanua pavapavana ese baine haheauka henidia.
EST 3:9 Hanua pavapavana lalomu bema heḡereḡere, boma haheḡani, bae habuadia tari, bena lau ese silver talent gerebu ta hanua pavapavana ena moni e reguamu taudia imadia ai baina ato, bena idia ese hanua pavapavana ena kohu-habou rumadia ai bae ato.
EST 3:10 Taunabunai, hanua pavapavana ese ia imana kwakikwakina vaḡivaḡina, ena toa ikarana ḡauna, na kwakikwakina amo e veria oho, Hamana Hamedata, tau Agag, Iuda taudia adia inai, na e henia.
EST 3:11 Hanua pavapavana ese Hamana e hamaoroa, eto, Moni na oiemu, taunimanima danu oiemu, emu lalo-hadai heḡereḡerena ba karalaidia.
EST 3:12 Bena hua gini-gunana dinana ihagwauta-toina ai, hanua pavapavana ena toretore taudia e boiridia, bona haheḡani pepana ta, Hamana ena haheḡani herevadia iboudiai ihaheḡereḡeredia, na e tore, hanua pavapavana ena heitatao taudia, bona ena basileia iboudiai ikwaradia taudia, bona bese iboudiai lohiadia, ediai, basileia ta ta edia revareva daladia amo, bona bese ta ta edia gado ai. King Ahasuero ladana ai e tore, bona kwakikwakina vaḡivaḡina amo hanua pavapavana toana e karaia.
EST 3:13 Revareva na gwaukau taudia imadia ai e siaidia lao, hanua pavapavana ena basileia kahadia iboudiai ediai, eto, dina tamona ai, hua ihagwauta-ruana, ladana Adara, dinana ihagwauta-toina ai, Iuda tataudia iboudiai kikina-badana bona hahine bona natudia na bae habuadia tari, bae aladia mase, bae ha-oredia vaitani, bona edia kohu bae dadi.
EST 3:14 Pepa unuhetomadia ta ta be basileia ta ta ai bae halasidia, taravatu na heto, bona bae duahi hedinarai, taunimanima iboudiai vairadiai, bae hegaeḡae, una dina bae naria, totona.
EST 3:15 Gwaukau taudia na e heau ela, hanua pavapavana ena hahedua heḡereḡerena; bona haheḡani na hanua badana Susa ai e gwauraia hedinarai danu. Bena hanua pavapavana bona Hamana na e helai diho, vine ranuna e inua; a Susa ai hanua taudia na e daradara.
EST 4:1 Unu kara iboudiai na Morodekai vada e diba; bena ia ese ena dabua e daredia, puse dabuadia e hahedokilai, bona kahu ai e hebubu tao. Bena hanua bogaragina ela, e tai lolololo, e tai hahane;
EST 4:2 bena ma ela, ela bona hanua pavapavana ena ikoukou vairanai, badina be puse dabuana e hahedokilaia tauna ta na hanua pavapavana ena ikoukou lalonai basine raka vareai diba.
EST 4:3 Bona hanua pavapavana ena hahedua herevadia bona ena haheḡani e kau basileiadia iboudiai lalodiai, Iuda taudia na e tai noho tai nohova, e anivagava, e taitaiva, e tai hahane-hahaneva; bona hutuma na puse dabuadia e hahedokilaiva bona kahu ai e hebubu taova, bena e hekure nohova.
EST 4:4 Eseta ena hesiai kekenidia bona ena hesiai taudia na dekena ema, bona e hamaoroa; bena pavapava hahinena na lalona e hisihisi bada. Ia ese dabua haida e siaidia, Morodekai ese ena puse dabuadia baule doki oho bona unu dabua baine hahedokilai eto; to ia ese se abidia.
EST 4:5 Bena Eseta ese Hataka, hanua pavapavana ena hesiai tauna ta, hanua pavapavana ese vada e hagania ia isiaina baine lao heni tauna, e boiria, e haḡania, Morodekai dekena bainela, baine diba una kara be dahaka bona anina be dahaka.
EST 4:6 Bena Hataka na e raka lasi, Morodekai dekena ela, hanua ariarana ai, hanua pavapavana ena ikoukou vairanai.
EST 4:7 Bena Morodekai ese ienai vada e vara ḡaudia iboudiai e hamaorolaia, bona e hamaoroa danu moni hida Hamana ese vada e gwauraia hamata, hanua pavapavana ena kohu-habou gabuna ai baine atoa, Iuda taudia ihabua-taridia davana.
EST 4:8 Morodekai ese danu haheḡani pepadia, Susa ai e tore ḡaudia, ta e henia, Eseta baine haheitalaia totona; bona e hamaoroa anina na baine hadibalaia, bona baine noia, ia na hanua pavapavana dekenai baine raka vareai, baine noinoi, ena bese taudia daidiai baine noia.
EST 4:9 Bena Hataka na ela, Morodekai ena hereva na Eseta e hamaorolaia.
EST 4:10 Bena Eseta ese Hataka e hereva henia, gwaukau herevana e henia Morodekai ena, eto,
EST 4:11 Hanua pavapavana ena hesiai taudia bona ena basileia taudia iboudiai na dibadia tau ta eiava hahine ta na laloma maḡuna ai baine raka vareai hanua pavapavana dekenai, se boiria negana ai, taravatuna be tamona: iboudiai na bae karadia heḡereḡere, bae aladia mase mo. Ḡau tamona, hanua pavapavana ese ena dagi auna, gold ḡauna, amo ta baine dudui henia, una tau eiava una hahine na baine mauri. Bona lau na dina toi-ahui asie boirigu, hanua pavapavana dekenai baina raka vareai totona.
EST 4:12 Bena idia ese Eseta ena hereva na Morodekai e hamaorolaia.
EST 4:13 Bena Morodekai ese e hamaorodia, ina haere na bae laohaia, Eseta bae henia, baeto: Basioto hanua pavapavana ena ruma ai oi na ba roho maun, a Iuda taumai iboumai ai baia mase.
EST 4:14 Badina be nega inihetomana ai udumu boma hakapua, hekaha bona hahemauri na idau kaha amo bae hedinarai Iuda taudia edia, a oi bona tamamu ena iduhu taudia na ba mase. Daika dibana, oi na reana nega inihetomana bagunai dagi vada o abia ina basileia lalonai.
EST 4:15 Bena Eseta ese e hamaorodia, Morodekai na bae haere henia, baeto:
EST 4:16 Aola, Iuda taudia iboudiai Susa ai ba davandia na ba haboudia, lau daigu ai bavanivaga; dina toi hanuaboi toi basio aniani bona ranu basio inua. Lau bona egu hesiai kekenidia danu baia anivaga, umui heḡereḡeremui. Una murinai, ena be vada e taravatua to hanua pavapavana dekenai baina raka vareai; bama mase be vada baina mase.
EST 4:17 Bena Morodekai na e raka oho, ḡau iboudiai e kara, Eseta ese e haḡania heḡereḡerena.
EST 5:1 Dina ihatoina ai Eseta ese ena dagi dabuadia e hahedokilaidia, bena ela, hanua pavapavana ena ruma maguna lalonai e gini, hanua pavapavana ena daiutu vairanai. Hanua pavapavana na ena terono ai e helaiva, ena ruma lalonai, ruma iduarana hevaira hehenina ai.
EST 5:2 Hanua pavapavana ese Queen Eseta na maḡu ai ginana ai e itaia, bena e lalo namo henia. Ena dagi auna, gold ḡauna, na imana ai mia, bena ia ese e toia roro, Eseta e dudui henia. Bena Eseta e raka kahira, hari dagi auna dorina e daua toho.
EST 5:3 Bena hanua pavapavana ese e nanadaia, eto, Queen Eseta, edeheto? Emu ura be dahaka? Ena be egu basileia kahana to baina henimu.
EST 5:4 Bena Eseta eto, Hanua pavapavana lalomu bema heḡereḡere, hanua pavapavana bona Hamana na hari dina ai raruosi baoma, aniani vada na heḡaeḡaelaia hanua pavapavana ana, na raruosi bavania.
EST 5:5 Bena hanua pavapavana eto, Hamana a boiria haraḡa, ai raruosi na Eseta ena ura heḡereḡerena baia karaia. Taunabunai, hanua pavapavana bona Hamana na ela, Eseta ese vada e heḡaeḡaelaia anianina bae ania totona.
EST 5:6 Bena vine ranuna e inuva negana ai, hanua pavapavana ese Eseta e nanadaia, eto, Emu noinoi ḡauna be dahaka? Baina henimu. Emu ura be dahaka? Ena be egu basileia kahana, to baina henimu vaitani.
EST 5:7 A Eseta eto, Egu noinoi bona egu ura be iniheto:
EST 5:8 bema oi hanua pavapavana ese o lalo namo henigumu, bona o uramu egu noinoi ḡauna ba henigu bona egu ura ba haḡuḡurua, mani emu kara hanua pavapavana bona Hamana na raruosi kerukeru ma baoma, baina heḡaeḡaelaia anianina ma bavania, bena hanua pavapavana emu hereva heḡereḡerena do baina karaia.
EST 5:9 Una dina ai, Hamana na e raka lasi mai moalena ida; lalona na e moale bada. A Hamana ese Morodekai na hanua pavapavana ena ikoukou ai e itaia, ia na se tore isi bona ia vairanai se gari, bena ena badu na e ḡaraḡara Morodekai enai.
EST 5:10 Ḡau tamona, Hamana na e haheauka, bona ena ruma ela. Bena ia ese haida e siaidia lao, ia turana bona adavana Serese bae hakaudia mai.
EST 5:11 Bena Hamana ese e hereva henidia, ena taḡa hairaidia, bona natuna mamaruanedia na edehohodia, bona dagi idau-idau hanua pavapavana ese vada e henia, ia ihanamolaina totona, bona hanua pavapavana ese vada e abia dae, ena lohia taudia bona ena hesiai taudia iboudiai daediai, sivaraidia e gwaurai.
EST 5:12 Hamana ma eto, Queen Eseta ese danu ta se boiria, hanua pavapavana baine bamoa, vada e heḡaeḡaelaia anianina ianina totona, a lau mo sibogu; bona ma vada e vavegu lou, kerukeru hanua pavapavana ida ma baiala.
EST 5:13 A ina idoinai na do se hanamolaigu ḡuḡurumu, hari Morodekai, Iuda tauna, na doini hanua pavapavana ena ikoukou ai helaina ai na itaiamu negadia ai.
EST 5:14 Bena ia adavana Serese bona turana iboudiai ese e hamaoroa, eto, Tau-dae auna ta, ena lata na kiubit imahui, na baine hekara; bena daba ai hanua pavapavana ba hamaoroa, baine hahedua, Morodekai na una ḡau dorina ai bae mataia. Bena hanua pavapavana ida aniani ianina baola mai moalemu ida. Ina hereva na Hamana ese e abia dae; bena e hahedua, hari tau-dae auna bae karaia.
EST 6:1 Una hanuaboi ai hanua pavapavana na se mahutava; bena e boiboi, sisiga bukana bae mailaia. Una buka lalonai kara mai haridia vada e hetore; bena hanua pavapavana vairanai e duahidia hedinarai.
EST 6:2 E torea sivaraina ta be Morodekai ese Bigitana bona Terese e hahebadelaidia sivaraina. Idia be hanua pavapavana ena hesiai taudia rarua, iduara raka-vareaina e gimaiava taudia; bena idia ese King Ahasuero idabai-taona dalana e tahua.
EST 6:3 Bena hanua pavapavana e henanadai, eto, Hari Morodekai na dahaka hahenamona eiava edena dagi badana vada e henia, ina kara dainai? Hanua pavapavana ena hesiai taudia, ia vairanai ginidia taudia, na eto, Ḡau ta asie kara henia.
EST 6:4 Hanua pavapavana eto, Daika na maḡu lalonai noho? Una negana ai Hamana na hanua pavapavana ena ruma maḡuna lalonai vada e raka vareai, ena ura be vada e heḡaeḡaelaia tau-dae auna ai Morodekai baine mataia dalana na hanua pavapavana baine herevalai henia.
EST 6:5 Bena hanua pavapavana ena hesiai taudia ese e hamaoroa, eto, Hamana na unuseni ai, magu ai e ginimu. Hanua pavapavana eto, Aine raka vareai.
EST 6:6 Taunabunai, Hamana na e raka vareai. Bena hanua pavapavana ese e nanadaia, eto, Hanua pavapavana ese ihanamona e moalelaiamu tauna na ede bae karaia toma? Hamana na sibona lalona e hadaia, eto, Hanua pavapavana ese daika ihanamona bema moalelaia bada, a lau ihanamogu be bema moalelaia maraḡi?
EST 6:7 Bena Hamana ese hanua pavapavana e haere henia, eto, Hanua pavapavana ese ihanamona e moalelaiamu tauna na ini bae karaia toma:
EST 6:8 pavapava dabuadia bae mailai, oi pavapava taumu vada o doki oho ḡaudia, bona hosi ta, latanai hanua pavapavana vada o gui bona kwarana ai havava ḡauna, pavapava toana, vada e atoa ḡauna;
EST 6:9 bena dabua bona hosi na hanua pavapavana emu lohia badadia ta bae henia. Bena una tau ese hari hanua pavapavana ese ihanamona e moalelaiamu tauna na baine hadabualaia bona hosi latanai baine hahelaia kau; bena hanua ariarana amo baine hakaua hanai, bona vairanai baine haroro, baineto “Hanua pavapavana ese ihanamona e moalelaiamu tauna na ini bae karaia toma”.
EST 6:10 Bena hanua pavapavana ese Hamana e hamaoroa, eto, A kara haraḡa, dabua bona hosi avabidia, emu hereva heḡereḡerena; bena Morodekai, tau Iuda, hanua pavapavana ena ikoukou ai e helaimu tauna, na unu ba kara henia toma. Vada o herevalai ḡaudia ta basio reaia.
EST 6:11 Bena Hamana ese dabua bona hosi e abidia, Morodekai e hadabualaia bona e hahelaia kau, bena hanua ariarana amo e hakaua hanai, e haroro, eto, Hanua pavapavana ese ihanamona e moalelaiamu tauna na ini bae karaia toma.
EST 6:12 Bena Morodekai na hanua pavapavana ena ikoukou e lou henia; a Hamana na ena ruma e lou lao haraḡa, mai taitaina ida, kwarana danu e ḡovaia ahu.
EST 6:13 Bena Hamana ese adavana Serese bona turana iboudiai na enai vada e vara ḡaudia iboudiai e hamaorolaidia. Bena ena aonega taudia bona adavana Serese ese e hamaoroa, eto, Ina Morodekai, vairanai vada o moru matama tauna, bema Iuda besena tauna ta, oi na basio laoa ahu diba, to ia vairanai ba moru vaitani.
EST 6:14 Idia na dounu ia ida e herevava ai, hanua pavapavana ena hesiai taudia na e kau; bena idia ese Hamana e hakaua lao haraḡa, Eseta ese vada e heḡaeḡaelaia anianina ianina totona.
EST 7:1 Taunabunai, hanua pavapavana bona Hamana na e raka vareai, Queen Eseta ida bae aniani hebou totona.
EST 7:2 Dina iharuana ai, idia na vine ranuna e inuva ai, hanua pavapavana ese Eseta ma e nanadaia lou, eto, Queen Eseta e, emu noinoi be dahaka? Do baina henimu. Emu ura ḡauna be dahaka? Ena be egu basileia kahana ba gwauraia, to bavabia vaitani.
EST 7:3 Bena Queen Eseta e haere, eto, Pavapava e, bema o lalo namo henigumu bona lalomu na bema heḡereḡere, egu noinoi dainai egu mauri ba henigu, bona egu ura dainai egu bese ba hamauria.
EST 7:4 Badina be vada e hoimai, lau bona egu bese taudia, bae habuamai tari, bae alamai mase, bona bae ha-oremai vaitani totona. Bema hoimai, hesiai taudia bona hesiai hahinedia ai bema halaomai, lau na basinama hereva; badina be ai emai hisihisi na ḡau maraḡina, a hanua pavapavana imamu bema pari be ḡau badana, basita haheḡereḡeredia diba.
EST 7:5 Bena King Ahasuero ese Queen Eseta e nanadaia, eto, Tauna na daika ina kara baine karaia e tomu? Ia be edeseni ai?
EST 7:6 Bena Eseta e haere, eto, Daḡedaḡe tauna, inai tauna, ina tau dikana Hamana. Bena Hamana na e gari dikadika, hanua pavapavana mai adavana ida vairadiai.
EST 7:7 Bena hanua pavapavana na aniani gabuna amo e tore isi mai baduna ida, e raka lasi, ena ruma uma-umana ai. A Hamana na e noho, Queen Eseta enai ena mauri baine noia eto; badina be lalona vada e parara, hanua pavapavana ese ia ihadikana baine gwauraia.
EST 7:8 Bena hanua pavapavana na ena ruma uma-umana amo e lou, vine ranuna e inuva gabuna ai ma e raka vareai; una negana ai Hamana na Eseta ena ege-diho patana ai vada e goru diho. Bena hanua pavapavana eto, Egu ruma ai bona vairagu ai adavagu baine eno henia a? Hanua pavapavana na dounu e hereva ai, idia ese Hamana vairana e ḡovaia ahu.
EST 7:9 Bena Harabona, hanua pavapavana isiaina e lao heniva tauna ta, eto, Ina danu, Hamana ena tau-dae auna, Morodekai, ena hereva amo hanua pavapavana e hamauria tauna, imatana totona e heḡaeḡaelaia ḡauna, na ena ruma ai gini; ena lata na kiubit imahui.
EST 7:10 Bena hanua pavapavana eto, Una ḡau ai a mataia. Taunabunai idia ese Hamana e mataia, ia ese Morodekai imatalaina e heḡaeḡaelaia ḡauna dorina ai. Bena hanua pavapavana ena badu vada e keru.
EST 8:1 Una dina ai King Ahasuero ese Hamana, Iuda taudia adia inai tauna, ena ruma na Queen Eseta e henia. Bena Morodekai na hanua pavapavana vairanai e gini, badina be Eseta vada e hamaoroa idia raruosi na varavara.
EST 8:2 Bena hanua pavapavana ese ia imana kwakikwakina vaḡivaḡina, ena toa ikaralaina ḡauna, Hamana ena amo vada e abia oho, Morodekai e henia. Bena Eseta ese Morodekai na Hamana ena ruma biaguna ai e halaoa.
EST 8:3 Bena Eseta ese hanua pavapavana ma e hereva henia lou. Ia na ia aena badinai e goru diho, mai taina ida e noia, Hamana tau Agag ena lalo-hadai dikana, Iuda taudia ihadikadia dalana vada e lailaia, na baine gwaua tubu.
EST 8:4 Bena hanua pavapavana ese ena dagi auna, gold ḡauna, na e toia roro, Eseta e dudui henia.
EST 8:5 Bena Eseta e tore isi, hanua pavapavana vairanai e gini, eto, Hanua pavapavana lalomu bema heḡereḡere, bona boma lalo namo henigu, boma haeroa bema kara maoromaoro oi vairamu ai, bona boma moalelaigu, haheḡani herevana ta bae torea, Hamana Hamedata, tau Agag, ena revareva, hanua pavapavana ena basileia iboudiai lalodiai Iuda taudia bae habuadia tari totona e tore ḡaudia, bae gwaudia tao.
EST 8:6 Badina be dika badana na egu bese taudia latadiai be kaumu na itana ai ede baina haheauka toma? Varavaragu ihabua-taridia baina itaia negana ai, ede baina haheauka toma?
EST 8:7 Bena King Ahasuero ese Queen Eseta bona Morodekai, tau Iuda, na e e hamaorodia, eto, A itaia, Hamana ena ruma na Eseta vada na henia, bona tauna na tau-dae ḡauna ai vada e mataia, badina be ia ese Iuda taudia baine dabaidia tao eto.
EST 8:8 Bona Iuda taudia herevadia na emui ura heḡereḡerena ba tore, hanua pavapavana ladagu ai, bona hanua pavapavana imagu kwakikwakina vaḡivagina amo toana ba karaia; badina be haheḡani herevana hanua pavapavana ladana ai e torea bona imana kwakikwakina vaḡivaḡina amo toana e karadia na ta ese basine gwaua tao diba.
EST 8:9 Una negana ai hanua pavapavana ena toretore taudia na e boiridia, hua ihatoina, ladana Sivana, dinana iharuahui-toina ai. Bena haheḡani herevana e torea, Morodekai ese e haḡanidia heḡereḡerena, Iuda taudia daidiai, basileia sinahu-ta ruahui-hitu, India amo ela bona Etiopia, edia heitatao taudia bona edia basileia ikwaradia taudia bona edia bese lohiadia ediai, basileia ta ta edia revareva daladia amo bona bese ta ta edia gado ai, bona Iuda taudia ediai danu, edia revareva dalana amo bona edia gado ai.
EST 8:10 King Ahasuero ladana ai e torea, bona hanua pavapavana imana kwakikwakina vaḡivaḡina amo toa e karaia. Bena revareva na gwaukau taudia imadia ai e siaidia; unu gwaukau taudia na heau-dikadika hosidia ai e gui, hanua pavapavana ena hosi maḡuna ai e vara bona hanua pavapavana isiaidia ilao-henina ai e loalaidia hosidia.
EST 8:11 Unu revareva lalodiai hanua pavapavana na e gwau maoro, Iuda taudia hanua ta ta lalodiai bae hebou diba, edia mauri igimadia totona, bona bese ta eiava basileia ta ena tuari taudia ese bema ala-ala henidia, idia ese idia bona natudia bona adavadia na bae habuadia tari bona bae aladia mase bona bae ha-oredia vaitani, bona edia kohu bae dadi,
EST 8:12 dina tamona ai, King Ahasuero ena basileia iboudiai lalodiai; una dina be hua ihagwauta-ruana ladana Adara, dinana ihagwauta-toina.
EST 8:13 Pepa unuhetomadia ta ta be basileia ta ta ai bae halasidia, taravatu na heto, bona bae duahi hedinarai taunimanima iboudiai vairadiai; bena Iuda taudia na bae heḡaeḡae, una dina ai inaidia davadia bae henidia.
EST 8:14 Taunabunai, gwaukau taudia na edia hosi, hari heau-dikadika ḡaudia, hanua pavapavana isiaina ilao-henina ai e ḡaukaralaidiava ḡaudia, na latadiai e gui, e heau haraḡa-haraḡa, hanua pavapavana ena hahedua aukana dainai. Hari haheḡani herevana na hanua badana Susa ai danu e gwauraia hedinarai.
EST 8:15 Bena Morodekai na hanua pavapavana vairana amo e raka lasi. Pavapava dabuadia e hahedokilai, vaiuridia bona kurokurodia; ena havava ḡauna na gold ḡauna bada-hereana; ena hahedoki na dabua aukana ḡoeva-daena bona dabua kakakakana amo e karaia. Bena Susa taudia na e lolo bona e moale hisi dae;
EST 8:16 diari bona moale bona lalo-namo bona heimodai na Iuda taudia latadiai.
EST 8:17 Bena hanua pavapavana ena hahedua herevana bona ena haheḡani e kamonai basileiadia bona hanuadia iboudiai Ialodiai, Iuda taudia na e moaleva bona e hisi daeva, aria e karava bona e kone nohova. Bona unu tano taudia hutuma na sibodia Iuda taudia ai e hegwaurai, badina be Iuda taudia garidia e gariva.
EST 9:1 Hua ihagwauta-ruana, ladana Adara, dinana ihagwauta-toina ai, hanua pavapavana ena haheḡani bona ena revareva anidia bae vara negana vada e kau. Una dina ai Iuda taudia inaidia ese bae hadareredia eto, ḡau tamona Iuda taudia ese inaidia e hadareredia una dina lalonai.
EST 9:2 King Ahasuero ena basileia lalodiai Iuda taudia na edia hanua lalodiai e hebou, una dina ai, ihadikadia dalana e tahuava taudia na bae dabaidia tao totona. A asi tauna ta ese baine laodia ahu diba, badina be taunimanima iboudiai ese idia garidia e gariva.
EST 9:3 Bona basileia lohiadia bona heitatao taudia bona hekwara taudia bona hanua pavapavana ena hesiai taudia iboudiai ese Iuda taudia e durudia, badina be Morodekai garina e gariva.
EST 9:4 Badina be Morodekai na bada herea hanua pavapavana ena ruma ai, bona harina vada e piua, basileia heḡeḡemadai iboudiai lalodiai; badina be una tau Morodekai ena siahu e bada e laova.
EST 9:5 Taunabunai, Iuda taudia ese inaidia iboudiai na dare amo e aladia; e aladia mase bona e habuadia tari, bona e inai henidia taudia na edia ura heḡereḡerena ai e kara henidia.
EST 9:6 Hanua badana Susa ai Iuda taudia ese tatau sinahu-ima e aladia mase bona e habuadia tari.
EST 9:7 E aladia taudia haida ladadia be Parasanadata bona Dalafono bona Aspata,
EST 9:8 bona Porata bona Adalia bona Aridata,
EST 9:9 bona Paramasta bona Arisai bona Aridai bona Vaisata;
EST 9:10 ini na Hamana Hamedata, Iuda taudia inaidia, natuna mamaruanedia gwautaosi.
EST 9:11 Una dina ai haida ese hanua pavapavana e hadibaia, hanua badana Susa ai taunimanima edehohodia vada e aladia mase.
EST 9:12 Bena hanua pavapavana ese Queen Eseta e hamaoroa, eto, Hanua badana Susa lalonai Iuda taudia ese tatau sinahu-ima vada e aladia mase, bona Hamana natuna mamaruanedia gwautaosi danu. Hanua pavapavana ena basileia oredia ai be edehohona vada e aladia mase! Harihari emu noinoi be dahaka? Vada baina henimu. Dahaka ma o uramu? Baine hekara ḡuḡuru.
EST 9:13 Bena Eseta eto, Hanua pavapavana lalomu bema heḡereḡere, Iuda taudia Susa ai na hari dina haheḡanina heḡereḡerena ai kerukeru ma bae karaia; bona Hamana natuna mamaruanedia gwautaosi tau-dae auna ai bae taudia dae.
EST 9:14 Taunabunai, hanua pavapavana na e haheḡani, unu bae karadia toma; haheḡani na Susa ai e gwauraia hedinarai, bona Hamana natuna mamaruanedia gwautaosi na e taudia dae.
EST 9:15 Bena Iuda taudia Susa ai na hua ladana Adara dinana ihagwauta-hanina ai ma e hebou, Susa ai tatau sinahu-toi ma e aladia mase; a kohu asie dadi.
EST 9:16 Iuda taudia oredia hanua pavapavana ena basileia lalodiai e nohova danu e hebou, edia mauri igimana totona; bena inaidia imadia amo e roho mauri, bona e inai henidia taudia gerebu-hitu daha-ima na e aladia mase; a kohu na asie dadi.
EST 9:17 Una na hua ladana Adara dinana ihagwauta-toina ai; bena dina ihagwauta-hanina ai idia na lagadia e ani, aria bona moale dinana ai e halaoa.
EST 9:18 A Iuda taudia Susa ai na dina ihagwauta-toina ai bona dina ihag vauta-hanina ai e hebou, bena dina ihagwauta-imana ai lagadia e ani, aria bona moale dinana ai e halaoa.
EST 9:19 Taunabunai, Iuda taudia hanua hanua lalodiai, hanua asi maḡudia ai e nohova taudia, ese hua ladana Adara dinana ihagwauta-hanina na moale bona aria bona kone-noho dinana ai e halaoamu, bona una dina ai idia na aniani namo-hereadia e herahialai hehenimu.
EST 9:20 Bena Morodekai ese ini ḡau iboudiai sivaraidia e tore, bona revareva e tore, Iuda taudia iboudiai ediai e siaidia, King Ahasuero ena basileia iboudiai lalodiai, gabu kahikahidia bona daudaudia.
EST 9:21 E haḡanidia, eto hua ladana Adara dinana ihagwauta-hanina bona ihagwauta-imana ai, laḡani ta ta lalodiai, na bae badinadia,
EST 9:22 Iuda taudia na inaidia imadia amo e roho mauri dinadia, bona edia lalo-hisihisi na moale ai bona edia taitai na laḡa-ani ai e hahelao huana; unu dina na aria bona moale dinadia ai bae halaodia; bona unu dina ai idia na aniani namo-hereadia bae herahialai heheni, bona ogogami taudia bae harihari henidia.
EST 9:23 Bena Iuda taudia na e gwau hamata, sibodia vada e matamaia bona Morodekai ese vada e tore henidia heḡereḡerena ai bae karaia.
EST 9:24 Badina be Hamana Hamedata, tau Aga, Iuda taudia iboudiai adia inai tauna, ese Iuda taudia ihabua-taridia dalana e lalo-hadailaia, bona mari karana ta ladana Puru e karaia, idia ihadareredia bona ihabua-taridia totona.
EST 9:25 A Eseta na hanua pavapavana vairanai e gini negana ai, hanua pavapavana ese hahedua revarevana e torea, unu amo Hamana ena lalo-hadai dikana na ia sibona kwarana ai e kau, bona ia bona natuna mamaruanedia na tau-dae auna ai e taudia dae.
EST 9:26 Taunabunai, unu dina ladadia e hato Purimi, hari hereva Puru dainai. Bena ina revareva ai e hetore herevadia bona ina kara ai vada e ita ḡaudia bona ediai vada e vara ḡaudia daidiai,
EST 9:27 Iuda taudia na e haheḡani bona e gwau hamata, idia sibodia bagudiai bona garadia- bona edia orea ai bae vareai taudia bagudiai, eto unu dina ruaosi be basie readia a bae badinadia, vada e tore herevadia heḡereḡeredia, laḡani ta ta amo vada e gwauraia negana ai;
EST 9:28 bona unu dina na bae lalodia tao bona bae badinadia uru iboudiai lalodiai, iduhu iboudiai bona basileia iboudiai bona hanua iboudiai lalodiai. Unu amo hari Purimi dinadia ibadinadia karadia basie boio, Iuda taudia bogaragidiai, bona garadia bogaragidiai danu unu dina ilalolaidia na basine doko.
EST 9:29 Bena Queen Eseta, Abihaili natuna, bona Morodekai, tau Iuda, ese revareva iharuana ma e torea, mai siahudia ida, hari Purumi herevana ihamomokanina.
EST 9:30 Revareva na vada e siaidia lao, Iuda taudia iboudiai ediai, King Ahasuero ena basileia sinahu-ta ruahui-hitu lalodiai; maino herevadia bona hereva momokanidia ai e hetore, eto
EST 9:31 unu Purimi dinadia na bae badinadia, negadia korikori ai, Morodekai, tau Iuda, bona Queen Eseta ese Iuda taudia vada e haḡanidia, bona idia sibodia ese idia bagudiai bona garadia bagudiai vada e gwau hamata, heḡereḡerena, bona edia anivaga bona edia taitai negadia danu.
EST 9:32 Queen Eseta ena haheḡani ese ini kara e haginidia, bona revareva ese e hamomokanidia.
EST 10:1 King Ahasuero na heaiva e abia, tano idoinai lalonai, bona kone kahana tanodia danu.
EST 10:2 Ena siahu bona ena goada herevadia, bona Morodekai ena dagi badana hanua pavapavana ese e henia sivaraina idoinai, na Media bona Parasa Pavapavadia Sisigadia Bukana ai vada e hetore, ani?
EST 10:3 Badina be Morodekai, tau Iuda, na King Ahasuero henuna tauna; Iuda taudia bogaragidiai ia na bada herea, bona varavarana logora ese e moalelaia; badina be ena bese ena namo e tahuava, bona ena bese taudia iboudiai na maino dalana e herevalai henidiava.
JOB 1:1 Usu tanona ai tau ta e nohova, ladana Iobu. Ia na asi ena kerere ta, bona kara maoromaoro tauna; Dirava garina e gariva, bona kara dika amo e raka ohova.
JOB 1:2 Natuna gwauta vada e vara, mamaruanedia hahitu bona hahinedia tatoi.
JOB 1:3 Ena mamoe na daha hitu, ena kamelo na daha toi, ena boromakau mamaruanedia na daha ta, ena doniki hahinedia na sinahu-ima; bona ena hesiai taudia na hutuma herea. Taunabunai, mairiveina kahana taudia iboudiai bogaragidiai ina tau na sibona herea.
JOB 1:4 Natuna mamaruanedia na ta ta ena ruma ena ruma ai aria e karava, e abidia hidi dinadia ai; bena idia ese taihudia tatoiosi e vavedia, idia ida bae aniani bona bae inuinu hebou.
JOB 1:5 Iobu ena kara be aria dinadia e ore ai, ia na e hesiai, haheḡoeva karadia idia daidiai e kara; bona daba matana ai e tore isi, boubou ḡaudia e haḡoledia oho, idia hahidaosi daidiai; badina be lobu na eto, Readia natugu na vada e kara dika bona lalodia ai Dirava vada e uduguiraia. Iobu na unu e kara toma loulouva.
JOB 1:6 Dina ta, Dirava natuna verina na Iehova vairanai e hedinarai, bona Satana danu ema, idia bogaragidiai.
JOB 1:7 Iehova ese Satana e nanadaia, eto, Oi na ede amo oma? Satana ese Iehova e haere henia, eto, Tanobada ai na loa eva-evamu, na raka laomu na raka maimu.
JOB 1:8 Iehova ese Satana ma e nanadaia, eto, Egu hesiai tauna Iobu vada o haeroa a? Tanobada ai ia na asi idaina; ia na asi ena kerere ta, bona kara maoromaoro tauna; Dirava garina e garimu, bona kara dika amo e raka ohomu, ani?
JOB 1:9 Bena Satana ese Iehova ma e haere henia, eto, Iobu na asi badina Dirava garina e garimu a?
JOB 1:10 Ia bona ena ruma, bona ena orea bona ena ḡau iboudiai, na vada o maḡudia, ani? Imana gaukaradia vada o hanamodia, bona tano ai ena taga na vada e habadadia.
JOB 1:11 A harihari imamu a toia roro, ena orea bona ena ḡau iboudiai ba daudia toho; bena ia ese oi vairamu ai baine uduguiraimu.
JOB 1:12 Bena Iehova ese Satana e hamaoroa, eto, A itaia, ena orea bona ena ḡau iboudiai na imamu ai; ḡau tamona ia sibona mo basio daua toho. Bena Satana na Iehova vairana amo e raka lasi.
JOB 1:13 Dina ta, natuna mamaruanedia bona hahinedia na tau-guna ena ruma ai e aniani hebouva bona vine ranuna e inua hebouva negana ai,
JOB 1:14 gwaukau tauna ta na Iobu enai e kau, eto, Boromakau mamaruanedia na e ruaruava, bona doniki na idia badibadidiai e anianiva;
JOB 1:15 bena Sabea taudia ese e guru henidia, e abidia, bona hesiai taudia na dare matana amo e aladia mase; lau mo sibogu na roho mauri, bena oi ihadibamu nama.
JOB 1:16 Dounu e herevava ai, ta ma ema, eto, Dirava ena lahi na guba amo e moru, mamoe bona hesiai taudia e aradia, e goledia oho; lau mo sibogu na roho mauri, bena oi ihadibamu nama.
JOB 1:17 Ia na dounu e herevava ai, ta ma ema, eto, Kaldea taudia na orea toi ai e hebou, kamelo idadidia ema; bena e abidia, bona hesiai taudia na dare matana amo e aladia mase; lau mo sibogu na roho mauri, bena oi ihadibamu nama.
JOB 1:18 Ia na dounu e herevava ai, ta ma ema, eto, Natumu mamaruanedia bona hahinedia na tau-guna ena ruma ai e aniani hebouva bona vine ranuna e inua hebouva;
JOB 1:19 bena lai gubana na tano ḡaḡaena amo e huhu kau, ruma daigunina haniosi e hohodia rohoroho; bena ruma na hari eregabe latadiai e kohu, iboudiai na e mase. Lau mo sibogu na roho mauri, bena oi ihadibamu nama.
JOB 1:20 Bena Iobu na e tore isi, ena dabua e darea bona kwarana e naua; bena tano ai e goru diho, Dirava e toma henia diho.
JOB 1:21 Bena eto, Gagaegu mo sinagu bogana amo nama, bona ḡaḡaegu mo baina lou. Iehova ese e heni, Iehova ese ma e abi oho; Iehova ladana bae imodaia.
JOB 1:22 Ina idoinai lalonai, Iobu na se kerere bona Dirava se gwau dika henia.
JOB 2:1 Ma dina ta ai, Dirava natuna verina na Iehova vairanai ma e hedinarai lou, bona Satana ma ema, idia bogaragidiai, Iehova vairanai baine hedinarai totona.
JOB 2:2 Bena Iehova ese Satana e nanadaia, eto, Oi na ede amo oma? Satana ese Iehova e haere henia, eto, Tanobada ai na loa eva-evamu, na raka laomu na raka maimu.
JOB 2:3 Iehova ese Satana ma e nanadaia, eto, Egu hesiai tauna Iobu vada o haeroa a? Tanobada ai ia na asi idaina; ia na asi ena kerere ta, bona kara maoromaoro tauna; Dirava garina e garimu bona kara dika amo e raka ohomu, ani? Ena be oi ese lalogu o ania, asi badina baina hadikaia bona baina habuaia tari, to ia na doini ena lalo-maoromaoro ai e haheaukamu.
JOB 2:4 Bena Satana ese Iehova ma e haere henia, eto, Kopi davana na kopi. Tau ta ese ena orea bona ena kohu iboudiai baine heni, ena mauri ibodohilaina.
JOB 2:5 A harihari imamu a toia roro, ia turiana bona hidiona ba daua toho, bena ia ese oi vairamu ai baine uduguiraimu.
JOB 2:6 Bena Iehova ese Satana e hamaoroa, eto, A itaia, ia na oi imamu ai, ḡau tamona basio hamasea.
JOB 2:7 Taunabunai, Satana na Iehova vairana amo e raka lasi; bena ia ese Iobu na toto dika-hereadia amo e hahisia, aena lalona amo ela bona kwarana tubuana.
JOB 2:8 Bena Iobu ese ataga e abia, sibona e henau, bona kahu ai e helai.
JOB 2:9 Bena adavana ese e hereva henia, eto, Doini emu lalo-maoromaoro ai o haheaukamu a? Dirava ba uduguiraia, bena ba mase.
JOB 2:10 A ia ese e haere henia, eto, Oi na kavakava hahinedia edia hereva heḡereḡeredia ai o herevamu. Be, namo mo Dirava imana amo baita abi bona dika basita abi a? Ina idoinai lalonai Iobu na uduna bibinadia amo se kerere.
JOB 2:11 Iobu turana tatoiosi na una dika idoinai ia latanai vada e kau harina e kamonai, bena ta ta ena hanua ena hanua amo ema: Elifasa, tau Teman; Bildad, tau Suhi; bona Sofara tau Naamata. Idia na e henega guna, baela, tauna bae haloa bona lalona bae hagoadaia totona.
JOB 2:12 Dauha amo e itaia negana ai, toana asie diba, bena e tai lolololo; bena edia dabua e dare, bona ḡahu na e peta peta isi atai ai, bena ḡahu na e moru idia kwaradia ai.
JOB 2:13 Bena tano ai e helai diho ia badibadinai, dina hitu hanuaboi hitu lalodiai hereva ta asie gwaurai henia; badina be e itaia, ena hisihisi na bada herea.
JOB 3:1 Una murinai Iobu na e hereva matama ena vara dinana e uduguiraia.
JOB 3:2 Iobu eto,
JOB 3:3 Na vara dinana bema boio, bona “Mero ta vada e vara” egwa hanuaboina danu.
JOB 3:4 Una dina na baine dibura, Dirava atai ai e nohomu ese basine tahua, bona ḡau ta ese basine hadiaria.
JOB 3:5 Dibura bona ḡabora ese bae abia, dagadaga ese bae gorua tao; dina ai daga-ahu ese baine halalaḡaia.
JOB 3:6 Una hanuaboi danu baine dibura masemase, laḡani dinadia bogaragidiai basine moale, hua padadiai basie duahia.
JOB 3:7 Momokani, una hanuaboi baine gabani, moale reḡena ta ia lalonai basie kamonai.
JOB 3:8 Bae uduguiraia, dina iuduguiraina dibadia taudia ese, Leviathan ihaona mai dibadia taudia ese.
JOB 3:9 Ena daba hisiudia bae dibura; diari baine laroa, to basine abia, bona daba e rotoamu basine itaia.
JOB 3:10 Badina be sinagu na se hagabania, bona hekwarahi na matagu amo se hunia.
JOB 3:11 Badina be dahaka egu vara negana ai asina mase? Dahaka dainai sinagu bogana amo na lasi negana ai na asina mase?
JOB 3:12 Badina be dahaka sinagu ese mamuna ai e hahelaigu kau? Dahaka dainai sinagu ratana ese e ubugu?
JOB 3:13 Unu bema heto, bama hekure diho asi reḡereḡegu; bama mahuta, bena bama laḡa ani,
JOB 3:14 hanua pavapavadia mai edia hahealo taudia, ruma gunadia e haginidia lou taudia, ida,
JOB 3:15 eiava lohia badadia ida, gold e haboua bona silver amo edia ruma e hahonudia taudia.
JOB 3:16 Dahaka dainai masegu ai asina vara helavahu, tanobada diarina asie itaia memerodia na heheto?
JOB 3:17 Unuseni ai kara dika taudia edia hahetuna e dokomu, bona tau-boera taudia na laḡadia e animu;
JOB 3:18 unuseni ai igui taudia na e noho hebou namonamomu, ḡaukara biaguna gadona asie kamonaimu.
JOB 3:19 Maraḡidia bona badadia na unuseni ai, bona hesiai tauna na biaguna ena amo e roho maurimu.
JOB 3:20 Badina be dahaka diari na hisihisi ai e nohomu tauna e heniamu, bona mauri na laumana ai mauri mamina e iditamu tauna e heniamu?
JOB 3:21 Idia na mase e ura lalo-dikamu, to se davariamu; kohu tano ai e hepunimu itahina na heto, idia ese mase e tahua goadagoadamu.
JOB 3:22 Gara ai e kau negana ai e moalemu, e moale hisi daemu.
JOB 3:23 Badina be dahaka diari na ena dala e hehunimu tauna e heniamu, Dirava ese vada e maḡua tauna?
JOB 3:24 Egu taitai na agu aniani na heto; egu ḡanaḡana na e aru lasimu, ranu na heto.
JOB 3:25 Badina be na gari heniamu ḡauna na latagu ai e kaumu, bona na gari henia lalo-dikamu ḡauna na egu ai e varamu.
JOB 3:26 Asina noho namonamomu, asina noho mainomu, asina laḡa animu; a hekwarahi na egu ai e kaumu.
JOB 4:1 Bena Elifasa, tau Teman, na e haere, eto,
JOB 4:2 Tau ta ese bema hereva henimu boma badu a? A daika ese uduna baine koua?
JOB 4:3 A itaia, oi ese hutuma vada o hadibadia, ima manoka taudia vada o hagoadadia;
JOB 4:4 emu hereva ese hekwakwanai tauna vada e haginia tore, tui manoka taudia oi ese vada o ha-aukadia.
JOB 4:5 A harihari emu ai vada e kau ḡauna lalonai so haheaukamu; e daumu toho, bena daramu e dokomu.
JOB 4:6 Dirava igari-henina ese emu heabidadama se havaraiamu a? Emu kara maoromaoro dainai so helaromu a?
JOB 4:7 A laloa, ena be asi ena kerere to e mase tauna be daika? Eiava edeseni ai kara maoromaoro taudia e negedia daure?
JOB 4:8 Lau ese vada na itaia be dika e ruaiamu bona hekwarahi e hadoamu taudia na taboro negana ai una anina mo e abiamu.
JOB 4:9 Dirava ese e hahodi henidiamu bena e masemu, ena badu siahuna ese e aradia oremu.
JOB 4:10 Leona na e ḡoumu, leona na mai daḡedagena ida e ḡoumu, leona natudia na isedia e kwaidumu.
JOB 4:11 Mai goadana leonana e masemu, asi damuna dainai; leona hahinena natuna verina na e hakarohodiamu.
JOB 4:12 Hereva ta na dekegu e mailaia hehuni, taiagu ai e hemaunulaia.
JOB 4:13 Taunimanima e mahuta hedavauhemu negadia ai, hanuaboi nihidia amo lalo-hadai e varamu,
JOB 4:14 lalonai gari ese e butugu tao, taugu e heude-heude, turiagu iboudiai e marere-marere.
JOB 4:15 Lauma ta vairagu ai e hanai, bena deragu na e tala;
JOB 4:16 e gini, to oromana asina itaia ḡoeva; ḡau ta na vairagu ai e gini, asi reḡereḡena. Bena gado ta na kamonai, eto,
JOB 4:17 Taunimanima na Dirava vairanai baine maoromaoro diba a? Tau ta na Ikarana Diravana vairanai baine ḡoevaḡoeva diba a?
JOB 4:18 Be, ena hesiai taudia na se abidadama henidiamu, bona ena aneru na e habadelaidiamu;
JOB 4:19 matona, raro rumadia ai e nohomu taudia, badidia na gahu ai gigini taudia, na ede baine karadia toma? Kaubebe na e taoa patapata haraḡamu, a idia hari e taodia patapata haraga-haragamu.
JOB 4:20 Daba bona adorahi padadiai idia na e habuadia tarimu, e mase vaitanimu, bona ta ese se lalodiamu.
JOB 4:21 Edia kalaga varona na edia amo bema heraḡa oho, idia na asi aonegadia ai bema mase ani?
JOB 5:1 A boiboi; ta ese baine haere henimu a? Helaḡa taudia na edena ba haḡerea? Momokani, badu ese kavakava tauna e alaiamu,
JOB 5:2 bona vaḡeḡe ese asi aonegana tauna e hamaseamu.
JOB 5:3 Kavakava tauna ramuna e dihova na itaia; asi kaimana ena ruma na uduguiraia.
JOB 5:4 Natuna na asi edia roho-mauri gabuna, hahemaoro gabuna ai e taodia tao, asi ihamauridia tauna ta.
JOB 5:5 Ena uma anidia na hitolo taudia ese e animu, a ia be ava ginigini amo e abiamu; ena taḡa na ranu-mase taudia ese e laga dae laḡa dae heniamu.
JOB 5:6 Badina be hisihisi na gahu amo se varamu, bona hekwarahi na tano amo se tubumu;
JOB 5:7 a taunimanima iboudiai ahudia be hekwarahi, lahi kimoremoredia na e pisi daemu na heto.
JOB 5:8 A lau na Iehova itahuna na uramu, bona egu mauri na Dirava imana ai baina atoa.
JOB 5:9 Ia ese kara badadia, ita asi dibada karadia, e karamu, bona hoa karadia diaḡau.
JOB 5:10 Ia ese medu na tanobada latanai e hadihoamu, bona ranu danu uma latadiai.
JOB 5:11 Manau taudia na e abidia daemu atai ai, bona taitai taudia na e abidia isimu, mauri gabuna ai.
JOB 5:12 Kara dibaka taudia edia lalo-hadai na e laodia ahumu; taunabunai, imadia gaukaradia na anidia asie varamu.
JOB 5:13 Aonega taudia na edia kara dibaka ai e abidiamu, bona kara heḡuiheḡui taudia edia lalo-hadai na e hadokodia haraḡamu.
JOB 5:14 Dina na ediai e diburamu, dina tubua ai idia na e raka hedarahumu, hanuaboi ai na heto.
JOB 5:15 Ia ese ihareha na idia ududia amo e hamauridiamu, bona ogoḡami taudia na siahu taudia imadia amo e harohodia maurimu.
JOB 5:16 Taunabunai, ogoḡami taudia na mai edia helaro, bona hahemaoro kerere-kererena ese uduna e kouamu.
JOB 5:17 A itaia, Dirava ese e sisiba heniamu tauna na namo; taunabunai, Siahu-idoinai Diravana ena mata-hakani basio dadaraia.
JOB 5:18 Badina be ia ese e haheberomu, a bero ma e kumimu; e herahu masemu, a imana amo ma e hahemaurimu.
JOB 5:19 Hekwakwanai tauratoi lalodia amo baine hamaurimu, bona hitu lalodiai dika na basine daumu toho.
JOB 5:20 Doe negana ai ia ese mase amo baine rauamu, bona tuari negana ai dare ena siahu amo baine hamaurimu.
JOB 5:21 Mala ena ikwadi amo baine hunimu; hahebua-tari negana ai basio gari.
JOB 5:22 Hahebua-tari bona doe na ba kirikirilaidia; bona uda boromadia na garidia basio gari.
JOB 5:23 Badina be tano paka nadidia ida ba hetura, bona uda boromadia ida ba herohe maino.
JOB 5:24 Vada ba diba, emu kalaga na namo; emu maḡu ba itaia, ia lalonai ḡau ta se boio.
JOB 5:25 Vada ba diba, garamu bae hutuma; besemu bae loḡora tanobada reina na heto.
JOB 5:26 Burukamu ai gara ai ba kau, uit ikumina na ena nega korikori ai ikwadina gabuna ai e kaumu na heto.
JOB 5:27 A itaia, ina na vada a tahua, ia na momokani; a kamonai, emu diba namona ai ba halaoa.
JOB 6:1 Bena Iobu e haere, eto:
JOB 6:2 Egu badu metauna bema hahetohoa! E hadikagu ḡaudia iboudiai na hahetoho ḡauna ai bema atodia!
JOB 6:3 Badina be metaudia ese kone mirina metauna bema hereaia; una dainai egu hereva na kakavakava.
JOB 6:4 Siahu-idoinai Diravana ese ena diba amo vada e tarakigu; unu diba siohadia na laumagu ese e inuamu; Dirava ena hahegari ḡaudia ese e alagumu.
JOB 6:5 Uda donikina na rei e animu negana ai e taimu a? Eiava boromakau maruanena na mai ana negana ai e goumu a?
JOB 6:6 Aniani asi mamina na bae ania asi damenana a? Eiava batu na mai mamina a?
JOB 6:7 Udugu ese e dadaraidiamu; lauegu ai idia na aniani dikadia.
JOB 6:8 Egu noinoi ḡauna na bama abia, egu ura na Dirava ese bema henigu;
JOB 6:9 Dirava ese bema taogu tao, ia imana bema negea, bena bema negegu daure;
JOB 6:10 unu bema heto, taugu bema lou; hisihisi badadia bama heaḡilai, badina be Helaḡa Diravana ena hereva asina ḡoredia.
JOB 6:11 Egu goada be dahaka, bena baina henari? Dahaka helaoreana baina haheauka?
JOB 6:12 Egu goada na nadi edia goada a? hidiogu na auri labora-labora a?
JOB 6:13 Momokani, asi ikahagu ta; heduru daladia na egu amo vada e heabi oho.
JOB 6:14 Hebogahisi na turana ena amo e ruamu tauna ese Siahu-idoinai Diravana igari-henina na e rakataniamu.
JOB 6:15 Tadikakagu na mai hedibaḡanidia, ororo abatadia na heheto, abata e aru e laomu na heto.
JOB 6:16 Idia na ice ese e hadiburadiamu, idia na snow e hehunimu gabuna;
JOB 6:17 a siahu negadia ai, idia na e veve ohomu, dina e ḡaraḡaramu, bona edia gabu amo e puki ohomu.
JOB 6:18 Kohu-hua kamelodia na edia dala amo e raka sirimu, tano ḡaḡaena ai e laomu, eha masemu.
JOB 6:19 Tema kohu-hua kamelodia na e oroamu; Sieba laolao taudia na e helaromu.
JOB 6:20 E helarova dainai daradia e dokomu; unuseni ai e kau, bena laumadia e daure.
JOB 6:21 Harihari umui na unuheto, lauegu ai; ihadikagu ḡauna o itaiamu, bena o garimu.
JOB 6:22 Be, lau nato “Herahia ḡauna ta ba henigu” a? Eiava “Emui taḡa amo egu kerere henitaona ba kara” a?
JOB 6:23 Eiava “Inai tauna imana amo ba hamaurigu” a? Eiava “Daḡedaḡe taudia imadia amo ba davalaigu” a?
JOB 6:24 A hadibagu, bena asi reḡereḡegu baina noho; egu kerere daladia ba hadibalaigu.
JOB 6:25 Hereva momokanidia na daka goada! A emui sisiba herevadia anidia be dahaka?
JOB 6:26 Dara-doko tauna ena hereva na lai na heto; matona, unu hereva ba sisibalai henidia diba a?
JOB 6:27 Umui na mari ba kara, ihareha iabidia; bona turamui davadia ba hepapahuahulai.
JOB 6:28 Harihari mani a raraigu, badina be lau na vairamui ai basina koikoi.
JOB 6:29 Lau na noimumu, a gini kerehai, basio kara kerere; harihari a gini kerehai, igwaurai-maorogu totona.
JOB 6:30 Kerere ta lau malagu ai e miamu a? Ihadikagu mamina na asi dibagu a?
JOB 7:1 Taunimanima ena hekwarahi tanobada ai na auka, ani? ena noho dinadia na dava iabina totona e ḡaukaramu tauna ena noho dinadia na heheto ani?
JOB 7:2 Hesiai tauna ese ikerukeru e ura heniamu na heto, bona dava iabina totona e ḡaukaramu tauna davana e tahuamu na heto;
JOB 7:3 unu mo heto asi anidia huadia e henigu, bona mai hisihisidia hanuaboidia danu.
JOB 7:4 Na hekuremu negana ai na tomu “Edena nega ai baina tore isi?” A hanuaboi na e daudaumu; na eno marere-marere ranimu.
JOB 7:5 Hidiogu na uloulo bona miro ese e ḡovaiamu; kopigu na e aukamu, ma e toto loumu.
JOB 7:6 Egu dina na e lao haraḡamu, dabua ihatuna tauna ena diva na heto; e oremu, asi helarodia.
JOB 7:7 Ba laloa tao, egu mauri na hahodi tamona na heto. Matagu ese namo basie itaia lou.
JOB 7:8 E itagumu tauna matana ese basine itagu lou; oi matamu ese e raraigu lalonai baina puki.
JOB 7:9 Ori na e veve ohomu bona e pukimu na heto, Mase Gabuna ai e dihomu tauna na se dae loumu;
JOB 7:10 ena ruma na nega ta se lou heniamu, ena noho gabuna ai se hedinarai loumu.
JOB 7:11 Taunabunai, lau na udugu basina hakapua; mai lalo-hisihisigu ida baina hereva, mai laumagu iditana ida baina maumau.
JOB 7:12 Lau na davara eiava davara ḡauna badana ta a? Una dainai o itagu taomu a?
JOB 7:13 Lau na tomamu “Egu mahuta ḡauna ese taugu baine haloa, egu hekure patana ese lalogu baine hamarumarua” negana ai
JOB 7:14 oi ese nihi amo o hagarigumu, bona mata-hanai amo o hagarigu badamu.
JOB 7:15 Taunabunai, hemata bona mase na abi hidimu, turiagu asina lalodiamu.
JOB 7:16 Egu mauri na inai henia badamu; baina mauri hanaihanai asina uramu. Basio haraivagu, badina be egu mauri na hahodi tamona na heto.
JOB 7:17 Taunimanima be dahaka, oi ese o abia daemu, bona o lalo-hadailaiamu?
JOB 7:18 Daba ta ta amo o vadivadi heniamu a? Nega idoinai o tohoa louloumu a?
JOB 7:19 Ba itagu tao ela bona edena nega ai? Basio rakatanigu ela bona tabagu baina hadonoa a?
JOB 7:20 Taunimanima i'itataodia Diravana e! Bama kara dika, dahaka bama kara henimu? Dahaka dainai oi ese emu taraki-taraki ḡauna ai o halaogu? Dahaka dainai emu maduna metau ai vada na hahelao?
JOB 7:21 Dahaka dainai egu kara dika so gwaua taomu? Dahaka dainai egu kara havara so abia ohomu? Badina be harihari lau na tano ai baina hekure; ba tahugu, to basio davarigu
JOB 8:1 Bena Bildad, tau Suhi, e haere, eto:
JOB 8:2 Ini hereva ba gwaurai ela bona edena nega ai? Ela bona edena nega ai udumu herevadia na lai gubana ai baela?
JOB 8:3 Dirava ese hahemaoro e hagagevaiamu a? Siahu-idoinai Diravana ese kara maoromaoro na e hagagevaiamu a?
JOB 8:4 Bema natumu e kara dika, ia ese edia kara havara siahuna ai vada e atodia vareai.
JOB 8:5 Dirava boma tahua, Siahu-idoinai Diravana boma noia,
JOB 8:6 boma ḡoevaḡoeva bona boma maoromaoro, momokani ia na oi daimu ai baine tore isi, emu noho gabuna korikorina baine henimu.
JOB 8:7 Bena, ena be emu hematama na maraḡi, to emu dina gabedia ai ba bada herea.
JOB 8:8 Na noimumu, nega gunadia sivaraidia ba tahu, bona sene taudia ese e davaridia ḡaudia na ba haero;
JOB 8:9 badina be ita na varani mo tauda, bona ḡau ta asi dibada, eda mauri tanobada ai na laulau ta na heto.
JOB 8:10 Idia na basie hadibamu, basie hamaoromu, a? edia diba bada amo hereva basie gwaurai a?
JOB 8:11 Siriho na se pariparimu tanona ai baine vara a? Geda na asi ranuna gabuna ai baine tubu a?
JOB 8:12 Dounu e gohaiamu ai do asie utudia negana ai, ava ta do se maraimu negana ai, idia na e marai gunamu.
JOB 8:13 Dirava e laloa boiomu taudia iboudiai edia dala na unu mo heto, Dirava se matauraiamu tauna ena helaro baine doko.
JOB 8:14 Ena helaro na baine heḡigi rohoroho; ena abidadama na magera valavalana na heto.
JOB 8:15 Ena ruma e tabekau heniamu, bena se ginimu; e dogoa taomu, to se miamu.
JOB 8:16 Dina ai e tubumu, tuhutuhuna na ena uma e ragaia ahu.
JOB 8:17 Ia ramuna na nadi senuna ai e hemoḡemu; ia na nadi gabuna ai e nohomu.
JOB 8:18 Bena ena gabu amo baine hebutu oho; una gabu ese baine ḡorea, baineto “Nega ta asina itamu”.
JOB 8:19 A itaia, ina na moale, iena dala ai; bona tano amo ma haida bae vara.
JOB 8:20 A itaia, Dirava ese asi ena kerere tauna na basine dadaraia, bona kara dika taudia imadia basine abidia.
JOB 8:21 Oi udumu na doini kiri amo baine hahonua, bona udumu bibinadia na hisi-dae amo.
JOB 8:22 E inai henimumu taudia na hemarai amo baine hahedokilaidia, bona kara dika taudia edia kalaga na basine mia.
JOB 9:1 Bena Iobu na e haere, eto:
JOB 9:2 Lau dibagu una na momokani; a taunimanima ta na ede baine maoro toma, Dirava vairanai.
JOB 9:3 Ta na ihaere-henina bema ura, ia na nega daha lalodiai nega ta basine haere henia diba.
JOB 9:4 Dirava na mai aonegana, ena goada na herea. Daika ese lalona vada e ha-aukaia ienai, bena vada e kwalimu?
JOB 9:5 Dirava ese ororo e abidia oho, to idia na asi dibadia, ena badu ai e uhedia hebubu negana ai.
JOB 9:6 Ia ese tanobada na ena gabu amo e haheudea oho, bena badina na e heude-heudemu.
JOB 9:7 Ia ese dina e haganiamu bena se daemu; hisiu danu e ḡovadia ahumu.
JOB 9:8 Ia ese guba e-idia roro, bona davara hurehuredia e moidia tao.
JOB 9:9 Ia ese Asa bona Kesili bona Kima e karadia, bona diho kahana ai hisiu haida ma e abidia heḡaeḡae.
JOB 9:10 Ia ese kara badadia e karamu, ita asi dibada karadia, bona hoa karadia diaḡau duahi-duahi.
JOB 9:11 Ia ese e rakagu hanaimu, to asina itaiamu; e raka laomu, to asina mataia davarimu.
JOB 9:12 A itaia, e dadi ohomu; daika ese baine laoa ahu? Daika ese baine nanadaia, baineto “Dahaka o karamu?”
JOB 9:13 Dirava ese ena badu basine haloua, Rahaba iduruna taudia na ia henunai e igo dihomu.
JOB 9:14 Bena ede baina haere henia toma? Ihaere-henina herevadia na ede baina abidia hidi toma?
JOB 9:15 Ena be asi egu kerere, to basina haere henia diba; e habadelaigu tauna baina noia, baine bogagu hisi.
JOB 9:16 Bama boiria, bena bema haere henigu; to basinama abia dae ia ese lau gadogu e kamonaimu.
JOB 9:17 Badina be lai gubana amo e taogu taomu; berogu na e hahohodiamu, asi badina.
JOB 9:18 Se uramu taina baina hahodi, lalo-idita amo e hahonugumu.
JOB 9:19 Bema goada-helulu, a raraia; bema hahemaoro, daika ese baine boiria diba.
JOB 9:20 Ena be na maoro, to udugu ese bema revagu, ena be asi egu kerere, to ia ese taiga-dika tauna ai bema halaogu.
JOB 9:21 Lau na asi egu kerere, to sibogu asina helalomu; egu mauri na inai henia badamu.
JOB 9:22 Herevana! Badina be ia ese asi edia kerere taudia bona kara dika taudia e habuadia tari heboumu.
JOB 9:23 Dika ese baine hahemase taku negana ai, ia ese asi edia kerere taudia ihahisidia ḡaudia na e kirikirilaidiamu.
JOB 9:24 Tanobada na kara dika taudia imadia ai vada e atoa; ia ese ena hahemaoro taudia vairadia e ḡovadiamu. Bema dia ia, o daika ese?
JOB 9:25 Egu mauri dinadia na e lao haraḡamu, heau tauna na heto; idia na e heau bubunimu, namo asie itaiamu.
JOB 9:26 Edia heiru na revareva vanaḡidia na heheto; eiava ugava ese damuna e hedai heniamu na heto.
JOB 9:27 Bama toma “Egu maumau baina laloa boio, egu vaira-hua baina hadokoa, baina moale”;
JOB 9:28 to egu hisihisi iboudiai garidia na garimu, badina be lau dibagu oi na maorogu basio gwauraia.
JOB 9:29 Ba revagu mase! Na hekwarahi kavamu anina be dahaka?
JOB 9:30 Ena be snow ai bama digu, bona imagu na sopu amo bama huridia,
JOB 9:31 to guri ai ba dorigu dobi, bena egu dabua ese bae dadaraigu.
JOB 9:32 Badina be ia na dia taunimanima, lau bamogu; bema taunimanima, be bama haere henia, bena raruosi na hahemaoro gabuna ai baiama gini.
JOB 9:33 A asi tauna ta na padamai ai baine hahemaoro diba; asi tauna ta ese imana na ai raruosi latamai ai baine atoa kau diba.
JOB 9:34 Ena hekwadi auna na egu amo bema abia oho, bona ia garina basinama gari;
JOB 9:35 bena bama hereva henia asi garigu ida, badina be lau na lalogu ai asina garimu.
JOB 10:1 Egu mauri na inai heniamu, egu maumau herevadia baina gwaurai hedinarai; mai laumagu iditana ida baina hereva.
JOB 10:2 Dirava baina hereva henia, bainato, Basio revagu mase; ba hadibagu, dahaka dainai o tuari henigumu.
JOB 10:3 Oi na o laloamu daḡedaḡe be namo a? Imamu ese e kara ḡaudia na o dadaraidiamu bona kara dika taudia edia ura na o abi daemu a?
JOB 10:4 Oi matamu na hidio a? Taunimanima ese e itamu heḡereḡerena o itamu a?
JOB 10:5 Emu dina na taunimanima edia dina, bona emu laḡani na taunimanima edia laḡani heḡereḡeredia a?
JOB 10:6 Una dainai reana egu kara havara o tahuamu, egu kara dika o tahua malaka-malakamu;
JOB 10:7 ḡau tamona oi dibamu lau na asi egu kerere; bona dibamu, ta ese oi imamu ai basine harohogu mauri diba.
JOB 10:8 Oi imamu ese e karagu, bona oromagu e henigu; a harihari lalomu o halouamu bona o alagumu.
JOB 10:9 A laloa tao, oi ese raro amo o karagu; ḡahu ai ma ba halaogu a?
JOB 10:10 O seigu, rata ranuka-ranuka na heto, ma o hahetarigu, rata hetarina na heto, ani?
JOB 10:11 Kopi bona hidio amo o ḡovagu; bona turia bona varovaro amo tau-anigu o ha-aukaia.
JOB 10:12 Mauri vada o henigu, vada o lalokau henigu danu; emu hereḡu ese laumagu vada e balaia heni.
JOB 10:13 Ḡau tamona, ini ḡau na lalomu ai o huni; lau dibagu emu lalo-hadai na iniheto.
JOB 10:14 Bama kara dika, oi ese nahuagu boma tohoa, bona egu kara dika amo basioma ruhagu nege.
JOB 10:15 Bama kara havara, madi ihabaigu! Bama kara namo, basinama igo isi diba; badina be hemarai ese e hahonugumu, bona egu hisihisi na haeroamu.
JOB 10:16 Sibogu bama heabi isi, oi ese boma havagu, leona na heto, bona hoa karadia ma boma kara, lau ihadikagu;
JOB 10:17 ihabadelaigu taudia boma haginidia lou, lau ihadikagu; emu badu na latagu ai ma boma habadaia, bona tuari oreadia matamatadia boma mailaidia, lau ihadikagu totona.
JOB 10:18 Dahaka dainai sinagu bogana amo o abigu lasi? Mata ta do se itagu negana ai bama mase vada namo.
JOB 10:19 Mauri mamina basinama abia, a boga amo maoromaoro guri bema laohaigu, hari vada namo.
JOB 10:20 Egu mauri dinadia na dia hoho ani? Basio haraivagu, tauhalo taina baina davaria,
JOB 10:21 basina rakatania diba gabuna do basina lao henia negana ai; ia na tano vabura-vaburana, dibura masemase gabuna;
JOB 10:22 ia na tano vabura-vaburana, asi oromana, ena diari na dibura na heto.
JOB 11:1 Bena Sofara, tau Naamata na e haere, eto:
JOB 11:2 Hereva momo davadia basie gwaurai a? Hereva momo tauna na maorona bae gwaurai a?
JOB 11:3 Emu hereva momo ese taunimanima edia hereva na bae lao ahu a? Gonaḡona herevadia ba gwaurai negana ai, ta ese basine hahemaraimu a?
JOB 11:4 Badina be oi na o tomu: Na abi daemu herevadia na goḡoeva-ḡoḡoeva, bona lau danu name ḡoevaḡoeva, Dirava vairanai.
JOB 11:5 Dirava bema hereva bema namo; ia bibinana bema hapapaia, bema hereva henimu,
JOB 11:6 aonega hehunidia bema herevalai henimu; badina be ena lalo-parara na herea. Ba diba, Dirava ese dava oiemu amo e abiamu na maraḡi, emu dika davana korikorina na bada.
JOB 11:7 Dirava ena dobu ḡaudia ba davaridia diba a? Siahu-idoinai Diravana ena siahu dokona ba davaria diba a?
JOB 11:8 Ia na guba daenai: ede ba kara toma? Ia na mase gabuna henunai: ede ba diba toma?
JOB 11:9 Ena lata ese tanobada ena e hereaiamu; ena lababa ese davara ena e hereaiamu.
JOB 11:10 Bema baine raka hanai, tau ta baine dabaia tao, bena baine hahemaoro henia, daika ese baine laoa ahu?
JOB 11:11 Asi edia namo taudia na ia dibana; kara havara baine itaia negana ai, ia ese basine haeroa a?
JOB 11:12 Uda donikina ese natuna baine havaraia taunimanima, una negana ai kavakava tauna na baine aonega.
JOB 11:13 Lalomu boma hamaoromaoroa, imamu boma dudui isi henia.
JOB 11:14 Kara havara bema imamu ai, ba negea daure; bona kara dika na emu kalaga ai basine mia.
JOB 11:15 Bena momokani vairamu asi bebeka-bebekana ai ba gaga isi; ba noho namonamo, basio gari.
JOB 11:16 Emu hisihisi na ba laloa nege; eiava ba laloa tao, vada e aru oho ranuna na heto.
JOB 11:17 Emu mauri na baine diari, dina diarina baine hereaia; ena dibura na daba heḡereḡerena ai bainela.
JOB 11:18 Ba heabidadama, badina be helaro na mia; hereḡu ba davaria, bena laḡamu bavania mai namomu ida.
JOB 11:19 Ba hekure, ta ese basine hagarimu; hutuma ese bae noimu, emu hahenamo iabina totona.
JOB 11:20 A kara dika taudia na matadia bae valahu-valahu; roho-mauri daladia iboudiai na ediai bae boio, edia helaro tamona be laḡadia bae ore.
JOB 12:1 Bena Iobu na e haere, eto:
JOB 12:2 Momokani, umui na herea; ba mase negana ai aonega baine ore.
JOB 12:3 A lau danu mai aonegagu, umui heḡereḡeremui, umui ese asio hereagumu. Ini ḡau daika asi dibana?
JOB 12:4 Turagu ese e kirikirilaigumu; lau, Dirava na boi henia bena e haere henigu tauna, lau, kara maoromaoro bona asi egu kerere tauna, e kirikirilaigumu.
JOB 12:5 E noho ḡoeva-daemu tauna lalona ese e hekwakwanaimu tauna na e dadaraiamu; to hekwakwanai vada e heḡaeḡaemu, aedia e dedimu taudia ediai.
JOB 12:6 Dadidadi taudia edia kalaga na mai mainodia, bona Dirava e habaduamu taudia na e noho namonamomu; e tomu edia dirava na imadia ai.
JOB 12:7 A uda boromadia ba nanadaidia, bena bae hadibamu; atai manudia danu, bena bae hamaoromu;
JOB 12:8 eiava tanobada avadia, bena bae hadibamu; bona davara gwarumedia, bena bae herevalai henimu.
JOB 12:9 Idia iboudiai bogaragidiai daika asi dibana Iehova imana ese ina kara vada e karaia?
JOB 12:10 Mauri ḡaudia iboudiai edia mauri na ia imana ai, bona taunimanima iboudiai laḡadia danu.
JOB 12:11 Taia ese hereva e mamidia tohomu, udu ese aniani e mamidia tohomu na heto, ani?
JOB 12:12 Aonega na taunimanima burukadia ediai, bona dina momo ese lalo-parara e havaraiamu.
JOB 12:13 Aonega bona siahu na Dirava enai; hahealo bona lalo-parara danu ia enai.
JOB 12:14 Bema ia ese ruma baine ḡiḡia dobi, ta ese basine haginia lou diba; bema ia ese tau ta baine koua ahu, ta ese basine kehoa diba.
JOB 12:15 Bema ia ese sinavai lanudia baine laodia ahu, vada bae kororo; a bema ha-arudia lao, bena tanobada bae habubunidia.
JOB 12:16 Goada bona aonega na ienai; koikoi tauna bona ia e koia tauna na iena.
JOB 12:17 Hahealo taudia na ia ese ḡaḡaedia mo e hakaudia ohomu; hahemaoro taudia na ia ese e hakavakavadiamu.
JOB 12:18 Hanua pavapavadia na e ruhadia negemu, bona riorio dabuadia e hariolaidiamu.
JOB 12:19 Hahelaḡa taudia na ia ese ḡaḡaedia mo e hakaudia ohomu; bona siahu taudia na e hamorudiamu.
JOB 12:20 Taunimanima ese e abidadama henidiamu taudia ududia na ia ese e hakapudiamu; bona tau-badadia edia lalo-parara na ia ese e abia ohomu.
JOB 12:21 Lohia taudia na ia ese e ḡonaḡonalaidiamu; bona goada taudia na edia gaba gavadia e ruhadiamu.
JOB 12:22 Dobu gabudia na dibura lalona amo e kehodiamu, bona dibura masemase gabudia na e hadiaridiamu.
JOB 12:23 Tanobada besedia na e habadadiamu, bona e habuadia tarimu; e hahutumadiamu, bona e hakaudia ohomu.
JOB 12:24 Tanobada besedia lohiadia edia amo lalo-parara e abia ohomu; e siaidia laomu, tano gagaena ai bae loa kava loa kava.
JOB 12:25 Dibura ai e hedarahumu, asi edia diari; ia ese e hararagadiamu, kekero tauna na heto.
JOB 13:1 Matagu ese ina idoinai vada eme itaia, bona taiagu na vada eme kamonai bona vada eme diba.
JOB 13:2 Umui dibamui ḡaudia na lau danu dibagu; umui ese asio hereagumu.
JOB 13:3 A siahu-idoinai Diravana baina hereva henia na tomu; na uramu egu gini-kau gabuna na Dirava ida baia hereva-herevalaia.
JOB 13:4 a umui na koikoi herevadia ai o helao ahumu; umui iboumui ai na muramura taudia asi namomui.
JOB 13:5 Asi reḡereḡemui boma noho bema namo, unuheto aonega taudia bema gwauraimui.
JOB 13:6 Harihari egu hereva ba kamonai, udugu bibinadia edia noinoi ba hakala henidia.
JOB 13:7 Hereva gageva-gagevadia na Dirava bagunai ba gwaurai a? Koikoi herevadia na ia bagunai ba gwaurai a?
JOB 13:8 Ia enai ba tao a? Dirava idurulaina herevadia ba gwaurai a?
JOB 13:9 Baine tahumui negana ai vada ba namo a? Ba koia diba, tau ta boma koia na heto, a?
JOB 13:10 Bema haida ediai ba tao hehuni, ia ese do baine gwau henimui.
JOB 13:11 Ena siahu herea-daena ese basine hagarimui a? Ia garina basio gari a?
JOB 13:12 Emui aonega hereva lada-isidia na kahu mo; emui maḡu na raro maḡudia mo.
JOB 13:13 Eremui, lau baina hereva; bena dahaka egu ai baine kau be herevana.
JOB 13:14 Tau-anigu sibogu baina reḡua, egu mauri nahuana baina tohoa.
JOB 13:15 A itaia, ia ese baine alagu mase; asi egu helaro dalana; ḡau tamona, egu kara na maorodia baina gwaurai ia vairanai.
JOB 13:16 Egu hahemauri dalana binai; Dirava se matauraiamu tauna na ia vairanai basine gini.
JOB 13:17 A hakala namonamo, egu hereva ba kamonai; baina gwaurai herevadia na taiamui ai bae vareai.
JOB 13:18 A itaia, egu gini-kau herevara vada na heḡaeḡaelaia; dibagu lau maorogu baine gwaurai.
JOB 13:19 Daika lau ida baia hepapahuahu? Bema unuheto, lau na asi reḡereḡegu bama noho, bona bama mase.
JOB 13:20 Ḡau rua mo ba henigu, bena oi vairamu amo basina komu:
JOB 13:21 oi imamu na egu amo bavabia oho dauhai, bona oi garimu basina gari.
JOB 13:22 Bena ba boiboi, bona lau baina haere; eiava boma hamaorogu bama hereva, bena ba haere henigu.
JOB 13:23 Egu kara havara bona egu kara dika be hida? Egu kerere bona egu kara dika ba hadibalaigu.
JOB 13:24 Dahaka dainai oi vairamu o huniamu, bona inaimu ai o halaogumu?
JOB 13:25 Au rauna, lai ese e odaia ohomu ḡauna, na ba hagaria a? Eiava rei kakoro na ba hahavaia a?
JOB 13:26 Badina be oi ese lau ihabadelaigu herevadia iditadia o toremu, bona egu kara dika, eregabegu ai na kara ḡaudia, be doini davadia o henigumu.
JOB 13:27 Aegu o hakahidia taomu, bona egu dala iboudiai o itadia taomu, bona aegu imoidia gabudia o gwauraidiamu.
JOB 13:28 Taunimanima na e oremu, e houka-houkamu ḡauna na heto, eiava e mouka-moukamu dabuana na heto.
JOB 14:1 Hahine bogadia amo e varamu taudia edia mauri dinadia na gagadoi, bona hekwarahi ai e honumu.
JOB 14:2 Au burena na heto e papamu, bena e maraimu; laulau na heto e lao bubunimu, se miamu.
JOB 14:3 Unuhetomana na o haḡereamu, bona o hahemaoro heniamu, a?
JOB 14:4 Daika ese ḡau ḡoevaḡoevana na ḡau asi ḡoevaḡoevana amo baine havaraia? Asi tauna ta ese.
JOB 14:5 Ena dina vada e gwauraidia, bona ena hua ihagaudia vada o diba; bona hetoana vada o henia, basine hanaidia;
JOB 14:6 una dainai iena amo ba roha muri, bona basio haturiaia, bena ena nega baine moalelaia, mai davana e ḡaukaramu tauna na heto.
JOB 14:7 Badina be au na mai ena mauri dalana; bae utua kwadogi, bena ma baine tubu lou, bona tuhutuhuna ma bae gara kau lou.
JOB 14:8 Ena be ramuna na nega daudau tano ai bema mia, bona badina na tano ai bema mase,
JOB 14:9 to ranu bonana baine kamonai, bena tuhutuhuna bae gara, bona rigina do bae vara, au matamatana na heto.
JOB 14:10 A taunimanima na e masemu, ena goada e oremu; laḡana e oremu, bena ia be edeseni ai?
JOB 14:11 Gohu ranuna e oremu bona sinavai na e kororomu na heto,
JOB 14:12 unuhetomana taunimanima na e hekuremu, bena se tore isi loumu; ia na basine noga lou ela bona guba baine puki, eiava ena mahuta amo basie haoa diba.
JOB 14:13 Mase gabuna ai boma hunigu, boma hunigu ela bona emu badu baine ore; nega korikori boma gwaurai henigu, bena boma lalogu tao.
JOB 14:14 Tau ta bema mase, ia na baine mauri lou a? Egu hesiai dinadia iboudiai lalodiai bama henari, ela bona ikahu-negegu negana bema kau.
JOB 14:15 Boma boiboi, bena bama haere henimu; oi imamu ḡaukarana boma uralaia lalo-dika.
JOB 14:16 Badina be una negana ai ae-dagagu boma duahidia, egu kara dika basioma itaia tao;
JOB 14:17 egu kerere na puse lalonai bema hiria ahu, egu kara havara boma ḡovaia ahu.
JOB 14:18 A ororo na e heḡiḡi dobimu, e dimura-dimuramu; nadi hagana na ena gabu amo e hevarure ohomu.
JOB 14:19 Ranu ese nadi e arua hehuhu-hehuhumu, abata ese tano na e ha-arua ohomu, unuhetomana oi ese taunimanima ena helaro o ha-oreamu.
JOB 14:20 Oi ese o hadarerea hanaihanaiamu, bena e pukimu; oi ese vairana o ha-idauamu, bena o siaia ohomu.
JOB 14:21 Natuna na dagi namodia e abimu, a ia na asi dibana; e ogoḡamimu, a ia ese se itadiamu.
JOB 14:22 Ia sibona tau-anina hisihisina e mamiamu, bona ia sibona taina e taimu.
JOB 15:1 Bena Elifasa, tau Teman, e haere, eto:
JOB 15:2 Aonega tauna na hereva hepui-hepui amo baine haere, bona sibona laurabada dobirina amo baine hahehonu, a?
JOB 15:3 Hepapahuahu herevadia asi anidia, eiava namo basie havaraia diba herevadia, baine gwaurai a?
JOB 15:4 A oi na Dirava igari-henina o abia ohomu, bona helalo Dirava vairanai na o laoa ahumu.
JOB 15:5 Badina be emu kara havara ese udumu e hadibaiamu, bona dibaka tauna malana vada o abia hidi.
JOB 15:6 Oi sibomu udumu ese e gwau henimumu, dia lau ese; oi sibomu udumu bibinadia ese e habadelaimumu.
JOB 15:7 Taunimanima gini-gunana na oi a? Ororo do asie hekara oi o vara a?
JOB 15:8 Dirava ena henega-hebouna ai oi o hakala lao a? Oi na o tomu oi sibomu mai aonegamu a?
JOB 15:9 Dahaka ḡau oi mai dibamu a ai asi dibamai? Edena ḡau ai oi lalomu vada e parara a ai lalomai asie pararamu?
JOB 15:10 Ai bogaragimai ai na hui-buruka bona laḡanidia hoho taudia; idia be guna, oi tamamu na gabe tauna.
JOB 15:11 Dirava ena tau-halo herevadia emu ai na mamaraḡi, eiava ena hereva manadadia emu ai na dia heḡereḡere, a?
JOB 15:12 Dahaka dainai lalomu na e siahumu, bona matamu na o hahururumu,
JOB 15:13 bena laumamu na Dirava ena amo e raka murimu, bona hereva enehetomadia na udumu amo o halasidiamu?
JOB 15:14 Taunimanima be dahaka, bena baine ḡoevaḡoeva diba? Hahine bogana amo e vara tauna be dahaka, bena baine maoromaoro diba?
JOB 15:15 A itaia, Dirava ese ena helaḡa taudia se abidadama henidiamu, bona guba na dia ḡoevaḡoeva ia vairanai;
JOB 15:16 matona, kara dika bona kara bodaga tauna, kara havara e inumu ranu na heto tauna, ia be edeheto?
JOB 15:17 Aina hamaoromu, a kamonai; vada na ita ḡaudia baina gwaurai hedinarai:
JOB 15:18 aonega taudia ese vada e gwaurai bona tamadia ese asie hunidia ḡaudia.
JOB 15:19 (Tano na idia sibodia e henidia, bona idau tauna ta na bogaragidia amo se raka laova.)
JOB 15:20 Kara dika tauna na hisi ese e gugubaiamu ena mauri dinadia iboudiai lalodiai, asi ena hebogahisi tauna ahuna na vada e heḡaeḡaelai laḡanidia iboudiai lalodiai.
JOB 15:21 Reḡe mai garidia na taiana lalodiai; ena noho namo ai hahebua-tari tauna na enai baine kau.
JOB 15:22 Se abia daemu ia na dibura amo ma baine raka lasi, bona ia ahuna na dare.
JOB 15:23 Aniani itahuna e loa eva-evamu, e tomu, Ḡauna na edeseni ai? Ia dibana dibura dinana vada eme heḡaeḡae ia ena.
JOB 15:24 Lalo-hisihisi bona dara-doko ese e hagariamu; idia ese e hadarereamu, pavapava ese tuari dalana e lailaia gunamu na heto.
JOB 15:25 Badina be imana vada e toia roro, Dirava ihadikana; Siahu-idoinai Diravana na vada e hare henia.
JOB 15:26 Ituari-henina totona vada e heau henia, mai ena kesi aukana ida.
JOB 15:27 Badina be digarana ese vahana e hapouta-poutaiamu, bona koekoena e habadika-badikaiamu.
JOB 15:28 Ia na hanua ahutudia ai e nohomu, taunimanima basiema noholaidia rumadia ai, do bae heḡiḡi dobi rumadia ai.
JOB 15:29 Ia na basine taḡa, ena taḡa kohudia basie mia; bona ia ramuna na tano ai basie diho.
JOB 15:30 Ia na dibura amo basine roho mauri; Iahi hururuna ese ia tuhutuhuna baine aradia, bona lai ese ia burena baine hodaia oho.
JOB 15:31 Ḡau asi anina basine abidadama henia, sibona basine hekoi; badina be ahuna na ḡau asi anina.
JOB 15:32 Ena nega do basine ore ai dava baine abia, ia rigina na basine mauri.
JOB 15:33 Vine na heto, huahuana na kasiridia ai bae hehuhu; olive auna na heto, ia burena bae hehuhu.
JOB 15:34 Badina be Dirava asie matauraiamu taudia ibamodia na asi anina, bona kara gageva-gageva davana e abiamu taudia edia kalaga na lahi ese e aradiamu.
JOB 15:35 Idia ese kara dika e lalo-hadailaia matamamu, bena anina dikana e havaraiamu, bona lalodia ese koikoi daladia e heḡaeḡaelaimu.
JOB 16:1 Bena Iobu na e haere, eto:
JOB 16:2 Ḡau unuhetomadia momo vada na kamonai; umui iboumui ai na tauhalo taudia dikadia.
JOB 16:3 Hereva kavakavadia na mai dokodia a? Eiava dahaka ese e habadumu, bena o haere?
JOB 16:4 Umui na lau gabugu ai boma noho, lau ese bama hereva henimui diba, umui o herevamu heḡereḡerena. Lau ese danu hereva bama hahesiriudia diba umui latamui ai, bona kwaragu bama hataiko-taiko henimui;
JOB 16:5 eiava, udugu amo bama hagoadamui diba, bona udugu bibinadia edia tauhalo herevadia ese emui hisihisi bema hamaraḡia.
JOB 16:6 Bama hereva, egu hisihisi basine maraḡi; a udugu bama hakapua, edebadana bema ore?
JOB 16:7 Momokani, harihari Dirava ese lau daragu vada e hadokoa; egu orea idoinai ia ese vada e havahuraia.
JOB 16:8 Vada e havarodagu, tau-anigu ese egu kerere e hahedinaraiamu; taugu varoda-varodana ese e habadelaigumu, bona vairagu ai egu kerere e gwauraia hedinaraimu.
JOB 16:9 Ena badu ai vada e daregu, vada e inai henigu; gadigadina vada e hahedai henigu; lau inaigu ese matana e halari henigumu.
JOB 16:10 Taunimanima ese ududia e habaru-habaru henigumu; idia ese edia heihi-ihirai ai vahagu vada e pataia; lau ihadikagu totona e heboumu.
JOB 16:11 Dirava ese ia asie matauraiamu taudia imadia ai e atogumu, kara dika taudia imadia lalodiai e negegumu.
JOB 16:12 Lau na noho namonamova, bena ia ese e huarigu parara; aiogu ai e dabaigu tao, e hamakohigu rohoroho. E haginigu, ena taraki-taraki ḡauna ai e halaogu;
JOB 16:13 ena peva taudia ese e ḡeḡegu ahu. Nadinadigu e dapadia pararamu, se bogagu hisimu; audunagu na tano ai e hahebubuamu.
JOB 16:14 E haberogu louloumu; e heau henigumu, tuari tauna na heto.
JOB 16:15 Puse dabuana vada na turia, lau kopigu iḡovalaina; egu goada na ḡahu ai vada na atoa diho.
JOB 16:16 Taitai dainai vairagu na vada e kakakaka, bona matagu kopidia vada e vabura-vabura;
JOB 16:17 ḡau tamona, imagu na dagedaḡe karadia asie kara, bona egu ḡuriḡuri na ḡoevaḡoeva.
JOB 16:18 Tano e, raragu basio tahunia; egu taitai na ena laḡa-ani gabuna basio henia.
JOB 16:19 Ina harihari egu hereva ihamomokanina tauna na guba ai; lau ihamomokanigu tauna na atai ai.
JOB 16:20 Turagu ese e ḡonaḡonalaigumu; iruru-matagu na e dihomu, Dirava vairanai, na tomu,
JOB 16:21 tau ta ese igwaurai-maorona Dirava vairanai bema herevalaia diba, dekena tauna vairanai bema herevalaia na heto.
JOB 16:22 Badina be laḡani dia hoho do bae ore, bena baina rakalaia dalana amo bainala negana ai unu amo ini basinama.
JOB 17:1 Laumagu eme daure, egu dina vada e ore; ara vada e heḡaeḡae, egu.
JOB 17:2 Momokani, ḡonaḡona taudia ese e ḡeḡegu ahumu; matagu ese edia hahebadu karadia e itamu.
JOB 17:3 Gwauhamata davana lau daigu ai na sibomu emu bavatoa; daika ese gwauhamata davana baine heni lau daigu ai?
JOB 17:4 Badina be lalodia vada o koudia, basie lalo parara; una dainai oi ese ba laodia ahu, basie kwalimu.
JOB 17:5 Turana e habadelaidiamu, edia kohu kahana iabina, taudia na natudia matadia do bae valahu-valahu.
JOB 17:6 Ia ese taunimanima edia gwaurai-gwaurai herevana ai vada e halaogu; taunimartima ese vairagu ai e kanudi-kanudiraigumu.
JOB 17:7 Matagu vada e valahu-valahu, lalo-hisihisi dainai; taugu regena iboudiai na laulau na heto.
JOB 17:8 Kara maoromaoro taudia ese e itaiamu, bena e gari takumu; bona asi ena kerere tauna sibona lalona e haḡaraḡaraiamu, kara dika taudia latadiai.
JOB 17:9 A kara maoromaoro tauna na ena dala ai e raka balahenimu. bona ima ḡoevaḡoeva tauna ena goada na e bada e laomu.
JOB 17:10 A umui iboumui ai, a lou aoma; umui bogaragimui ai aonega tauna ta basina davaria.
JOB 17:11 Egu dina vada e lao bubuni, egu lalo-hadai vada e heḡiḡi rohoroho, bona lalogu ena ura danu.
JOB 17:12 Idia ese hanuaboi na dina ai e halaoamu, bona dibura ai e tomu “Diari na kahikahi”.
JOB 17:13 Bema mase gabuna baina tahua, egu ruma ai baina halaoa, eiava dibura ai egu geda baina lahaia,
JOB 17:14 bema guri baina hereva henia, bainato “Oi na lau tamagu”, bona uloulo baina hamaoroa, bainato “Oi na lau sinagu” eiava “Lau taihugu”;
JOB 17:15 bena egu helaro na edeseni ai? Egu helaro na daika ese baine itaia?
JOB 17:16 Mase ikoukoudia lalodiai baine diho a? Ḡahu ai baia diho hebou a?
JOB 18:1 Bena Bildad, tau Suhi, na e haere, eto:
JOB 18:2 Hereva ba tahudia ela bona edena nega ai? A haeroa; bena ai baia hereva.
JOB 18:3 Dahaka dainai boroma ai o halaomaimu? Dahaka dainai ai na kakavakava oi vairamu ai?
JOB 18:4 Oi, sibomu badu ai lalomu o gugubaiamu taumu, tanobada bae dadaraia oi daimu ai, eiava nadi-gini na ena gabu amo baine heraḡa oho a?
JOB 18:5 Momokani, kara dika tauna ena diari vada e bodo, ena lahi hururuna na se diarimu.
JOB 18:6 Ena kalaga ai diari vada e dibura, ena lamepa ia daenai vada e bodo.
JOB 18:7 Iena goada daḡadia vada e hakwadogidia, ia sibona ena lalo-hata ese e hahekwakwanaiamu.
JOB 18:8 Badina be ia sibona aena ese huo ai e hakaua vareaimu, moru-gurina helaoahuna latanai e moi kaumu.
JOB 18:9 Rikiriki ese ae-geduna e abiamu, idoa ese e idoaiamu.
JOB 18:10 Ibodi-kwanauna na tano ai e huniamu, ia ihahekwakwanaina; rikiriki na dala ai e atoamu, ia iabina.
JOB 18:11 Hahegari ḡaudia ese e hagariamu, kaha iboudiai; bona ae-geduna ai e hahavaiamu.
JOB 18:12 Ena goada na hitolo ese e hamamanoamu; hahehisi na e heḡaeḡaemu, ia ihahekwakwanaina.
JOB 18:13 Gorere ese ia kopina e ha-oreamu; mase gorerena gini-gunana ese ia tau-anina regena e ha-oremu.
JOB 18:14 Ia ese e abidadama heniamu kalagana amo e veria lasimu, hahegari pavapavana dekena e laohaiamu.
JOB 18:15 Idau taunimanimadia na ena kalaga ai e nohomu, teio nadidia na ena noho gabuna latanai e morumu.
JOB 18:16 Ia ramuna e kaukaumu henu ai, bona atai ai ia rigina e kakoromu.
JOB 18:17 Ia ilalolaina na tanobada ai e boiomu, bona ia ladana na hanua ariarana ai se hedinaraimu.
JOB 18:18 oiari amo e doria lasi dibura ai, bona tanobada amo e lulua lasi.
JOB 18:19 Ia na asi natuna bona asi garana ena bese taudia bogaragidiai, bona e nohova gabuna ai ta se nohomu.
JOB 18:20 Lahara kahana taudia ese ena dina e lalagalaiamu, bona laurabada kahana taudia na gari ese e butudia taomu.
JOB 18:21 Momokani, Dirava asie matauraiamu taudia edia noho gabudia na unuheto; asi dibana Dirava tauna ena gabu na unuheto.
JOB 19:1 Bena Iobu e haere, eto:
JOB 19:2 Ba hahisihisigu ela bona edena nega ai? Hereva momo amo lalogu ba hadikaia rohoroho ela bona edena nega ai?
JOB 19:3 Ini nega gwauta vada o gwau henigu. Umui ese o hadikagumu na asio hemaraimu a?
JOB 19:4 Bema momokani vada na kerere, to kerere be lau sibogu latagu ai.
JOB 19:5 Bema momokani ihadikagu o goadalaiamu bona egu hemarai o herevalaiamu lau ihabadelaigu,
JOB 19:6 to ba diba, Dirava ese vada e hakereregu, ena huo ai vada e kougu heḡeḡe.
JOB 19:7 A itaia, na boi lolomu, na tomu “E alagumu”, a ta se haeremu; na boiboi goadagoadamu, a ta ese maorogu se gwauraimu.
JOB 19:8 Egu dala vada e magua ahu, basina raka hanai diba totona, egu dala danu vada e hadiburadia.
JOB 19:9 Hairaigu na egu amo vada e dabuia oho, bona havava ḡauna na kwaragu amo vada e abia oho.
JOB 19:10 Kaha iboudiai amo e hadareregumu, bena vada na manoka vaitani; egu helaro vada e raḡaia isi, au na heto.
JOB 19:11 Ena badu vada e hasiahua, lau ihadikagu; ana inai tauna ai vada e halaogu.
JOB 19:12 Ena tuari taudia vada e aru hegogo e maimu, tano vada e larebaia, ituari-henigu totona; egu kalaga vada e taruhaia heḡeḡe.
JOB 19:13 Tadikakagu na egu amo vada e abidia oho dauhai, bona turagu lalodia vada e hadikadia vaitani egu ai.
JOB 19:14 Varavaragu bona turagu korikori ese vada e rakatanigu,
JOB 19:15 egu ruma vadivadidia ese vada e lalogu boio; egu hesiai hahinedia ese idau tauna ai e halaogumu, idia vairadiai lau na idau gabu tauna.
JOB 19:16 Egu hesiai tauna na boiriamu, to ia na se haeremu; lau udugu amo do baina noia.
JOB 19:17 Adavagu enai lau na hedadarai ḡauna; tadikakagu korikori ese e iga-igaraigumu.
JOB 19:18 Memero maraḡidia ese e lalogu negemu; na tore isi negadia ai, idia ese e gwau dika henigumu.
JOB 19:19 Turagu korikori ese e dadaraigumu, bona na lalokau henidiamu taudia ese e inai henigumu.
JOB 19:20 Tau-anigu e varoda-varodamu, bona turiagu e horemu; mokona asina roho mauri.
JOB 19:21 A bogagu hisi, turagu e, a bogagu hisi; badina be Dirava imana ese vada e daugu toho.
JOB 19:22 Dahaka dainai o hdhisigumu, Dirava ese e hahisigumu na heto? Dahaka dainai lau tau-anigu ihahisina ai lalomui do asie heḡereḡere?
JOB 19:23 Egu hereva bema hetore bema namo; buka ai bema hetore.
JOB 19:24 Auri vaduna bona auri metauna amo papapapa ai bema hetore, vada bema mia hanaihanai.
JOB 19:25 Badina be lau dibagu Ihamaurigu Diravana na e nohomu, bona nega dokona ai ia na tanobada ai baine gini;
JOB 19:26 bena kopigu na unu baine dika toma murinai asi hidiogu ai Dirava do baina itaia.
JOB 19:27 Ia na baina itaia, lauegu kaha ai; matagu ese ia mo bae itaia, dia idauna ta. Daragu na e dokomu.
JOB 19:28 Boma toma “Ede baita hahisia toma?” bona “Ramu na ia lalonai mia”,
JOB 19:29 to dare garina ba gari, badina be badu ese hahedika darena e mailaiamu; unu amo ba diba, dika davana na e miamu.
JOB 20:1 Bena Sofara, tau Naamata, na e haere, eto:
JOB 20:2 Taunabunai, egu lalo-hadai ese e haere henigumu, badina be lalogu na e haraḡamu dainai.
JOB 20:3 Gwau-gwau herevadia na kamonaimu, idia ese e hadikagumu; bena egu lalo-parara amo lauma ese e haere henigumu.
JOB 20:4 Gunaguna amo, taunimanima na tanobada ai e atodia negana amo, ina na so diba a?
JOB 20:5 Kara dika tauna ena heagi na kwadogi, bona Dirava se matauraiamu tauna ena moale na e doko haraḡamu, ani?
JOB 20:6 Ena be tauna do baine lata ela bona guba, bona kwarana na ori ai baine kau,
JOB 20:7 to ia na baine mase hanaihanai, ia sibona tagena na heto; vada e itaia taudia na baeto “Ia be edeseni ai?”
JOB 20:8 Ia na baine roho lao, nihi na heto, bena basie davaria; bae lulua oho, hanuaboi mata-hanaina na heto.
JOB 20:9 E itaia matana ese basine itaia lou; ena gabu ese basine itaia lou.
JOB 20:10 Ia natuna ese ogoḡami taudia edia heduru bae tahua; bona ia imana ese ena taḡa baine heni lou.
JOB 20:11 Ia turiana na mai goadadia, eregabe na heto; a ena goada na ia ida ḡahu ai baine hekure.
JOB 20:12 Ena be kara dika na mai gaihona uduna ai, bona malana henunai e huniamu;
JOB 20:13 ena be lalona na se heḡereḡere baine kahua nege, bona uduna ai e dogoa taomu;
JOB 20:14 to ana aniani na e idita ia bogana ai, gaigai ena mase muramurana na heto ia lalonai.
JOB 20:15 Taḡa na e hadonoamu, bena ma e mumutaia negemu; Dirava ese ia bogana amo e halasiamu.
JOB 20:16 Gaigai edia mase muramurana e topoamu, hekori gaigaina ese baine koria mase.
JOB 20:17 Sinavai na basine raraidia, bada-ranuna bona rata-hetarina e arumu na basine itadia.
JOB 20:18 Ena ḡaukara huahuana baine heni lou, bona basine hadonoa; ena hoihoi anina amo moale taina basine davaria.
JOB 20:19 Badina be ogoḡami taudia vada e moidia tao bona vada e rakatanidia; se haginia rumana vada e dadia.
JOB 20:20 Badina be ena ani-gunita na asi dokona; una dainai ia ese e moalelaiamu ḡauna ta basine atoa tabe.
JOB 20:21 E anianiva negadiai bahu taina se miava; taunabunai ena taḡa na basine mia daudau.
JOB 20:22 Ena taga badana lalonai ia na baine hekwarahi; lalo-hisihisi siahuna idoinai na ia latanai baine kau.
JOB 20:23 Ia bogana ihakununa totona Dirava ese ena badu garaḡarana na ia latanai baine siaia; ia latanai baine hadihoa, medu na heto; ana aniani ai bainela.
JOB 20:24 Auri iona amo baine heau; auri-laboralabora dibana ese baine tarakia uru;
JOB 20:25 e veria ohomu, ia tau-anina amo e veria lasimu, matana mai kimoremorena na ia audunana amo e lasimu; gari ese e butua taomu.
JOB 20:26 Dibura vada e heḡaeḡaelaia, iena taḡa ihadonodia; asie hahururua lahina ese baine araia, ena kalaga ai e miamu ḡaudia baine aradia ore.
JOB 20:27 Guba ese ena kara havara baine hahedinaraia; tanobada na ia ihadikana totona baine tore isi.
JOB 20:28 Ena ruma kohudia na bae huadia lao, Dirava ena badu dinana ai bae veridia oho.
JOB 20:29 Kara dika tauna davana binai, Dirava ena amo; ahuna binai, Dirava ese vada e gwaurai henia.
JOB 21:1 Bena Iobu na e haere, eto:
JOB 21:2 Egu hereva a kamonaidia namonamo, bona taumui ihalodia ḡaudia ai ba halaodia.
JOB 21:3 Ba haheauka henigu, bena baina hereva; egu hereva baina hadokoa murinai ma ba ḡonaḡonalaigu.
JOB 21:4 A lau be taunimanima na maumauraidiamu a? Dahaka dainai baina haheauka?
JOB 21:5 A itagu, bena ba gari taku, bona imamui amo udumui ba kou.
JOB 21:6 Na haeromu negana ai daragu e dokomu, bona tau-anigu e heude-heudemu.
JOB 21:7 Dahaka dainai kara dika taudia na e maurimu ela bona e burukamu, bona edia siahu na e bada e laomu?
JOB 21:8 Natudia na vairadiai e gini tutuka-tutukamu, bona e havaradia taudia danu idia matadiai.
JOB 21:9 Gari na se miamu edia ruma ai, bona Dirava ena hekwadi auna ta na latadiai se kaumu.
JOB 21:10 Edia boromakau maruanena ese nega iboudiai natuna e havaradiamu; bona edia boromakau hahinena ese natuna e abidiamu, nega ta se mara dikamu.
JOB 21:11 Natudia karukarudia na e siaidia lasimu, mamoe serina na heto; natudia na e mavarumu.
JOB 21:12 Tareko bona gitara anedia e abimu, bona ivilikou reḡena e moalelaiamu.
JOB 21:13 Taḡa ai edia dina e ha-orediamu, bona mai mainodia ida mase gabuna ai e dihomu.
JOB 21:14 Idia ese Dirava e hereva heniamu, e tomu: A rakatanimai, asia uramu emu dala baia dibadia.
JOB 21:15 Siahu-idoinai Diravana be daika, bena ai ese ia isiaina baia lao heni? Baia ḡuria be davana dahaka baia abia?
JOB 21:16 A itaia, edia taḡa na dia imadia ai a? Kara dika taudia edia hahealo lauegu amo na dauha verevai.
JOB 21:17 Nega hida kara dika taudia edia lamepa e habodoamu, eiava hahehisi na ediai e kaumu? Nega hida Dirava ese ena badu ai e hahisidiamu?
JOB 21:18 Nega hida idia na rei kakoro lai ese e hodaia ohomu na heto, eiava uit momona lai gubana ese e laohaiamu na heto?
JOB 21:19 Umui na o tomu “Dirava ese dika e habouamu, natudia edia”. Benaini, davadia do baine henidia, lalodia na bae parara totona,
JOB 21:20 Sibodia matadia ese ihabua-taridia bae itaia; Siahu-idoinai Diravana ena badu-ḡaraḡara do bae inua.
JOB 21:21 Edia helalo be dahaka, besedia edia, edia mauri huadia bae ore negana ai?
JOB 21:22 Tau ta ese Dirava baine ha-aonegaia a? Be, ia ese atai taudia na e hahemaoro henidiamu.
JOB 21:23 Tau ta na taḡa ai e masemu, ena noho namo ai bona asi garina ai;
JOB 21:24 tau-anina na digara ese e hahonuamu, bona turiana hidorona na se kaukaumu.
JOB 21:25 Ma ta be e masemu mai lauma-iditana ida; nega ta namo se mamia toho.
JOB 21:26 Ḡau ai e hekure dihomu negana ai, raruosi na heḡereḡere, bona uloulo ese e tahunidiamu.
JOB 21:27 A itaia, emui lalo-hadai na dibagu, lau ihadikagu o lalo-hadailaimu ḡaudia.
JOB 21:28 Badina be umui na o tomu: Lohia ena ruma be edeseni ai? Kara dika tauna ena noho kalagana be edeseni ai?
JOB 21:29 Dala ai e laolaomu taudia na asio nanadaidia, bona edia hereva asio abi dae a?
JOB 21:30 Idia na e tomu kara dika tauna na hahehisi dinana ai e maurimu, bona badu dinana ai e roho maurimu.
JOB 21:31 Daika ese ia vairanai ena dala e gwauraia hedinaraiamu, bona ena kara davana e heniamu?
JOB 21:32 Gara e huaia laomu negana ai ena guri na bae gimaia.
JOB 21:33 Koura tanona mamina na namo ienai; taunimanima iboudiai na ia murina amo e laomu, e gunalaiamu taudia danu na diaḡau duahi-duahi.
JOB 21:34 Hereva asi anidia amo taugu ede bae haloa toma? Emui haere ai ḡau ta se miamu, a koikoi mo.
JOB 22:1 Bena Elifasa, tau Teman, na e haere, eto:
JOB 22:2 Tau ta ese ḡau ta Dirava baine henia diba a? Aonega tauna ese sibona ena ḡau e gogomu.
JOB 22:3 Siahu-idoinai Diravana na baine moale, emu kara maoromaoro dainai a? Eiava iena namo baine bada, emu dala idoinai asi kererena ta dainai a?
JOB 22:4 Ia garina o garimu dainai ia ese e sisiba henimumu bona e hahemaoro henimumu a?
JOB 22:5 Emu kara dika na daka bada! Emu kara havara na asi dokodia!
JOB 22:6 Badina be gwauhamata toadia na tadikakamui edia amo o abi hai, bona ḡaḡaedia taudia na edia dabua ma o abi oho.
JOB 22:7 Tau-boera taudia adia inuinu ranuna so henidia, bona aniani na hitolo taudia edia amo vada o rua.
JOB 22:8 Mai siahuna tauna ese tano e ḡaunaia; bona e lalo namo henia tauna ese e noholaia.
JOB 22:9 Vabu na una kavakavadia ai vada o siaidia oho, bona ihareha imadia vada o taodia patapata.
JOB 22:10 Taunabunai, idoa ese vada e ḡeḡemu ahu, bona gari-taku ḡaudia ese e habubunimu.
JOB 22:11 Emu diari vada e dibura, ḡau ta so itaiamu; abata ese e habubunimu.
JOB 22:12 Dirava na dia guba doriva-dorivana ai a? Atai hisiudia a itadia, idia na atai herea.
JOB 22:13 Taunabunai oi na o tomu: Dirava be dahaka dibana? Dibura masemase ai ḡau toadia baine diba a?
JOB 22:14 Dagadaga ese e koua hegegemu, una dainai ḡau ta se itaiamu; ia na guba dorina ai e rakamu.
JOB 22:15 Dala gunana, kara dika taudia ese vada e rakalaia dalana, na do ba badinaia a?
JOB 22:16 Edia nega do se ore ai e dadidia oho; badidia na e ha-arudia oho.
JOB 22:17 Idia ese Dirava e hereva henia, eto “A rakatanimai”, bona “Siahu-idoinai Diravana na dahaka baine karaia diba emai ai?”
JOB 22:18 Ḡau tamona, ia ese edia ruma na ḡau namodia amo e hahonudia. A kara dika taudia edia hahealo na lauegu amo dauha verevai.
JOB 22:19 Kara maoromaoro taudia ese e itaiamu, bena e moalemu; asi edia kerere taudia ese e ḡonaḡonalaidiamu;
JOB 22:20 e tomu: Momokani, inaida vada eme darere, bona e rakatani ḡaudia na lahi ese vada e ha-oredia.
JOB 22:21 Dirava ida ba helalo tamona, bena maino ai ba noho, bona namo na emu ai baine kau.
JOB 22:22 Hahediba herevadia ia uduna amo na bavabi dae, bona ena hereva na lalomu ai ba haboudia.
JOB 22:23 Bema Siahu-idoinai Diravana ba lou henia, bona sibomu ba hahemanau, bema kara dika na emu kalaga amo ba negea daure,
JOB 22:24 bema gold na ḡahu ai bavatoa, bona Ofiri gold-na na koupa nadidia bogaragidiai ba negea,
JOB 22:25 bema Siahu-idoinai Diravana na emu gold ai bona emu silver namo-hereana ai ba halaoa;
JOB 22:26 bena, Siahu-idoinai Diravana na ba moalelaia, bona Dirava na ba roha dae henia.
JOB 22:27 Ia ba ḡuria, bena ia ese emu ḡuriḡuri baine kamonai; bona emu gwauhamata karadia ba kara.
JOB 22:28 Kara ta ba haeroa, ede ba karaia toma; bena unu baine hekara toma emu ai, bona diari na emu dala ai baine tara.
JOB 22:29 Badina be Dirava ese hekokoroku tauna na e atoa tarimu, a manau tauna na e hamauriamu.
JOB 22:30 Asi ena kerere tauna na e harohoa maurimu; oi na imamu ḡoevaḡoevadia daidiai do ba roho mauri.
JOB 23:1 Bena Iobu na e haere, eto:
JOB 23:2 Hari dina ai na maumaumu mai lalo-iditagu ida; ena be na ḡanaḡanamu, to ia imana na metau lau latagu ai.
JOB 23:3 Bama diba edeseni ai ia bama davaria, bena ena helai gabuna bama raka henia kahi;
JOB 23:4 bena lau sibogu herevagu bama herevalai henia, udugu na idurulaigu herevadia ai bema honu;
JOB 23:5 bama diba ede bema haere henigu toma, bona dahaka bema gwaurai henigu negana ai na lalogu bema parara.
JOB 23:6 Ia ese ena siahu hereana amo bema lodu henigu a? Lasi; bema kamonai henigu.
JOB 23:7 Unuseni ai kara maoromaoro tauna na bema hereva henia diba, bona ihahemaoro-henigu tauna ese maorogu bema gwauraia vaitani.
JOB 23:8 A itaia, vairagu kahana na raka laomu, to ia na lasihia; murigu kahana na raka loumu, to asina itaia davarimu;
JOB 23:9 laurigu kahana ai na tahuamu, to asina itaiamu; idibagu kahana ai na raka sirimu, to asina mataia davarimu.
JOB 23:10 A ia na egu lao dalana dibana; ia ese vada baine haḡoevagu murinai lau na gold heḡereḡerena ai baina raka lasi.
JOB 23:11 Lau aegu na ia aena gabudia vada e taodia; iena dala vada na badinaia, asina raka siri.
JOB 23:12 Ia uduna bibinadia haheḡanidia na asina rakatanidia; ia uduna herevadia na lalogu ai vada na baladia heni.
JOB 23:13 A ia na se idaumu. Daika ese baine ha-idaua? Dahaka e uramu, una na baine karaia.
JOB 23:14 Egu ai vada e gwaurai hidi ḡaudia na baine haḡuḡurudia; bona ḡau unuhetomadia momo na ia lalona ai mimia.
JOB 23:15 Taunabunai, ia vairanai na gari dikadikamu; na haeroamu, bena na gari henia badamu.
JOB 23:16 Dirava ese lalogu vada e hamanokaia herea; Siahu-idoinai Diravana ese vada e halalaḡaḡu;
JOB 23:17 badina be dibura ese e ḡeḡeḡu daemu, bona dibura badana ese vairagu e ḡovaia ahumu.
JOB 24:1 Dahaka dainai Siahu-idoinai Diravana ese hahemaoro negadia se badinadiamu? Dahaka dainai ia e dibaiamu taudia ese iena dina asie itadiamu?
JOB 24:2 Taunimanima ese tano hetoadia e abidia ohomu; mamoe seridia e dadidiamu, bena rei gabudia ai e reḡudiamu.
JOB 24:3 Idia ese ihareha ena doniki e hakaua ohomu, bona vabu ena boromakau maruanena e abiamu, gwauhamatadavana.
JOB 24:4 Idia ese ogoḡami taudia na dala amo e doridia sirimu; tanobada ena ogoḡami taudia iboudiai na e komumu.
JOB 24:5 A itaia, uda donikidia tano ḡaḡaena ai na heheto raka lasimu, edia ḡaukara e laomu; tano ḡaḡaena ai damudia e tahumu, natudia adia.
JOB 24:6 Uma ai adia aniani e habouamu, bona kara dika tauna ena vine imeana ai vine momorudiae gogomu.
JOB 24:7 Hanuaboi idoinai ḡaḡaedia mo e hekuremu, asi dabuadia; keru negana ai idia na asi edia hetaru.
JOB 24:8 Ororo ai medu ese e aladiamu; asi edia hemetai gabudia dainai idia na nadi-gini metaidia ai e raki taomu.
JOB 24:9 (Haida ese ihareha na itorena hahine kemena amo e dadiamu, bona ogoḡami tauna natuna maragina e abiamu, gwauhamata davana.)
JOB 24:10 Ḡaḡaedia mo e loaloamu, asi dabuadia; mai hitolodia ida uit iḡuidia e huamu;
JOB 24:11 kara dika tauna ena olive imeana ai idia ese dehoro e karaiamu; vine imoilaidia gabuna ai vine e moidiamu, ḡau tamona ranu e masediamu.
JOB 24:12 Hanua badana lalona amo e masemu taudia edia ḡanaḡana e daemu, bona e haberodia taudia lalodia ese idurudia e tailaiamu, a Dirava ese edia noinoi se abi daemu.
JOB 24:13 Haida ese diari e inai heniamu, dalana na asi dibadia, bona asie rakalaiamu.
JOB 24:14 Roroma tauna na dibura ai e tore isimu, ogoḡami taudia bona hitolo taudia iala-masedia totona; bona hanuaboi ai ia na henao tauna na heto.
JOB 24:15 Heuda-hanai tauna ese mairumairu e nariamu, e tomu “Mata ta ese basine itagu”; ia ese vairana danu e ha-idauamu.
JOB 24:16 Dibura ai ruma e darediamu, dina ai sibodia e hekou ahumu, diari na asi dibadia.
JOB 24:17 Malokihi na edia daba ai e halaoamu; malokihi ena hahegari ḡaudia ida e heturamu.
JOB 24:18 Umui na o tomamu, Abata ese e laohaidia haraḡamu, idia ahudia vada e hadikaia tanobada ai; vine imoilaidia tauna ta ese edia vine uneadia basine lao henidia.
JOB 24:19 Geaka-geaka bona gesegese negadia ai ranu parakana na e dodomu; mase gabuna ese danu kara dika taudia na unu e karadia tomamu.
JOB 24:20 Hanua ariaradia ese e lalodia boiomu, idia ladadia na ta se lalodia taomu; taunabunai, kara dika na e kwaidumu, au na heto.
JOB 24:21 Gabani hahinena, asi natuna, ana aniani ai e heubumu; bona vabu na asie kara namo heniamu.
JOB 24:22 Ḡau tamona, Dirava ese goada taudia edia mauri na ena siahu amo e hadaudaumu; asi edia helaro negadia ai e tore isimu.
JOB 24:23 Noho namo e henidiamu, edia imuda ai e laomu; edia dala ia ese e itadia taomu.
JOB 24:24 Nega sisina mo e heabi isimu, bena e pukimu; idia na e maraimu bona e kakoromu, ḡau iboudiai heḡereḡeredia; idia na e heutu ohomu, uit adadia heḡereḡeredia.
JOB 24:25 Bema dia unuheto, daika ese koikoi tauna ai baine halaogu? daika ese baine hahedinaraia egu hereva na asi anina?
JOB 25:1 Bena Bildad, tau Suhi, e haere, eto:
JOB 25:2 Lohia siahuna bona magigina na Dirava enai; ia ese maino e karaiamu, ena guba dorivanai.
JOB 25:3 Ta ese iena tuari oreadia baine duahidia diba a? Tau ta latanai ena diari se taramu a?
JOB 25:4 Benaini, taunimanima na ede baine maoromaoro toma Dirava vairanai? Hahine bogana amo e vara tauna na ede baine ḡoevaḡoeva toma?
JOB 25:5 A itaia, ia vairanai hua na asi diarina, bona hisiu na dia ḡoḡoeva-ḡoḡoeva;
JOB 25:6 a idia ese taunimanima e hereaiamu; ia na uloulo mo; bona taunimanima natuna na biluga mo.
JOB 26:1 Bena Iobu na e haere, eto:
JOB 26:2 Emui heduru, asi siahuna tauna enai, namona be dahaka? Emui hahemauri, imana asi goadana tauna enai, namona be dahaka?
JOB 26:3 Emui hahealo, asi aonegana tauna enai, namona be dahaka? Diba-maoro vada o gwauraia davana a?
JOB 26:4 Daika ena heduru ai hereva vada o gwaurai? Daika laumana na oiemu amo vada e lasi?
JOB 26:5 Mase gabuna ai e nohomu laumadia na e heude-heudemu, ranu bona davara mai inoholaidia ḡaudia ida danu.
JOB 26:6 Mase gabuna na eme ḡaḡae, Dirava vairanai; bona dobu-masemase gabuna na asi iḡovalaina.
JOB 26:7 Ia ese mirigini kahana e idia roromu, gabu gagaena daenai; tanobada ia ese e atoamu, dia ḡau ta latanai.
JOB 26:8 Ia ese ranu e hahebouamu, ena duba dagadagana ai; a dagadaga na se pararamu.
JOB 26:9 Ena terono e ḡovaiamu, ena dagadaga amo e ḡovaia ahumu.
JOB 26:10 Hetoa na gadobada ai e karaia heḡeḡe, diari bona dibura hetoadia.
JOB 26:11 Guba au-tubuadia e heude-heudemu; iena gwaugwau dainai e hoa takumu.
JOB 26:12 Ia siahuna amo davara e hagaimaia; ena lalo-parara amo Rahaba e rahua mase.
JOB 26:13 lena lai ese vala e hanamoa; ia imana ese e vero haraḡa-haraḡamu gaigaina na e gwadaia mase.
JOB 26:14 A itaia, ini na ena kara rimuna mo; ia harina sisina mo ta kamonai lahulahumu, a iena siahu reḡena, guba-rahurahu na heto, daika dibana?
JOB 27:1 Iobu ma e haroro lou, eto:
JOB 27:2 Ahugu korikorirta e abia ohomu Diravana, Siahu-idoinai, lalogu e ha-iditaiamu, Diravana e maurimu heḡereḡerena,
JOB 27:3 Laḡagu na lalogu ai doini e miamu bona Dirava ena lauma na udu-baubaugu matudia lalodiai doini e nohomu ai.
JOB 27:4 Lau udugu bibinadia na koikoi herevadia basie gwaurai, bona malagu na koikoi daladia basine herevalai.
JOB 27:5 Lau basinato umui na mamaoro, lasi ona lasi vaitani; harihari ela bona baina mase, egu lalo-maoromaoro basina negea.
JOB 27:6 Egu kara maoromaoro na dogoa taomu, basina kahua nege; lalogu ese se gwau henigumu egu mauri dinadia ta dainai.
JOB 27:7 Inaigu na kara dika taudia heḡereḡeredia ai bainela, bona e inai henigumu tauna na kara gageva-gageva taudia heḡereḡeredia ai bainela.
JOB 27:8 Badina be Dirava se matauraiamu tauna ena helaro be dahaka, Dirava ese e negea dauremu bona ena mauri e abia ohomu negana ai?
JOB 27:9 Hekwarahi na ienai baine kau negana ai na Dirava ese ena taitai baine kamonai a?
JOB 27:10 Siahu-idoinai Diravana na baine moalelaia, a? Nega iboudiai Dirava na baine hahanea, a?
JOB 27:11 Dirava imana haridia baina hadibalaimui; Siahu-idoinai Diravana enai e miamu ḡaudia na basina hunidia.
JOB 27:12 Umui iboumui ai ese vada o itaia, ani; bena dahaka dainai vada o kavakava vaitani?
JOB 27:13 Ina na kara dika tauna ahuna, Dirava ena amo; bona dagedaḡe taudia ahudia, Siahu-idoinai Diravana ena amo:
JOB 27:14 natuna bema hoho, to idia na dare ena; ia natuna veridia na bae hitolo.
JOB 27:15 Iena mase murinai e maurimu taudia na dai-hanai gorerena ese e hamasediamu, bona vabudia ese taidia asie taimu.
JOB 27:16 Ena be silver baine hasenua, gahu na heto, bona dabua baine haboudia, raro na heto,
JOB 27:17 to baine haboudia ḡaudia na kara maoromaoro taudia ese bae hahedokilaidia, bona asi edia kerere taudia ese silver na bae haria.
JOB 27:18 E haginiamu rumana na magera valavalana na heto, eiava gima tauna e haginiamu kalagana na heto.
JOB 27:19 E hekure dihomu mai taḡana ida, a nega ta ma unu basine karaia toma; e nogamu negana ai na ena taḡa vada lasihia.
JOB 27:20 Hahegari ese e lasia taomu, abata na heto; hanuaboi ai koehirihiri ese e odaia ohomu.
JOB 27:21 Laurabada ese e odaia isimu, bena vada lasihia; ena gabu amo e odaia ohomu.
JOB 27:22 E hohoamu, se bogaia hisimu; bena ena siahu amo e heau ohomu, bona e heau lalodikamu.
JOB 27:23 Ia ese imana e poupou heniamu, bona ena gabu amo e si dagu heniamu.
JOB 28:1 Momokani, silver na mai gurina, bona gold na mai ihaḡoevana gabuna;
JOB 28:2 auri nd ano lalona amo e abiamu, bona auri labora-labora na nadi ihavevena ai e davariamu.
JOB 28:3 Taunimanima ese dibura e hadokoamu, bona daudau masemase gabudia ai e hetahumu; auri nadidia na vabura ai bona dibura masemase ai e tahumu.
JOB 28:4 Koura ai guri e ḡeidiamu, taunimanima edia noho gabudia na daudau. Laolao taudia ese e lalodia boiomu; dahu ai e tua dobimu, e ḡelomu, e hedave laomu, e hedave maimu.
JOB 28:5 Tanobada kopina amo aniani e abiamu, a lalona na lahi ese e haveveamu.
JOB 28:6 Ena nadi na sapairo gabudia; ena ḡahu na gold.
JOB 28:7 Una dala na vamu e animu manuna ta ese se dibaia, bona bogibada matana ese se itaia.
JOB 28:8 E heaḡimu boromadia ese asie moia tao, bona leona ese se rakaia hanai.
JOB 28:9 Taunimanima imadia na nadi-gini aukana ai e dau kau, bona ororo na badidia amo e ḡiḡidia dobi.
JOB 28:10 Nadi badadia ai dadaira e ḡeidia; matadia ese ḡau hereadia iboudiai e itadiamu.
JOB 28:11 Sinavai na e koudia ahumu, bena asie manodia urumu, bona hehuni ḡauna na diari ai e veria lasimu.
JOB 28:12 Aonega na edeseni ai bae davaria? Lalo-parara gabuna be edena?
JOB 28:13 Taunimanima na ilao-henina dalana asi dibadia; mauri taudia edia tano ai asie davariamu.
JOB 28:14 Dobu gabuna na e tomu “Ia na dia lau lalogu ai”, bona davara na e tomu “Ia na dia lau dekegu ai”.
JOB 28:15 Gold amo basita hoia diba, bona davana na silver amo basita hahetohoa diba.
JOB 28:16 Ofiri gold-na amo davana basita karaia diba, eiava onuku eiava sapairo nadidia amo.
JOB 28:17 Gold eiava glass ida basita haheḡereḡeredia diba, bona gold heraheradia namo-hereadia amo basita hoia diba.
JOB 28:18 Ramoto bona gabisi basita herevalaidia; aonega davana ese peninimi nadidia davadia e hereadiamu.
JOB 28:19 Etiopia ena topasio na ia ida asie heḡereḡere, bona davana na gold goevaḡoevana ai basita gwauraia diba.
JOB 28:20 Benaini, aonega na ede amo e maimu? Bona lalo-parara gabuna be edeseni ai?
JOB 28:21 Ia na mauri ḡaudia iboudiai matadia amo e hehunimu, bona atai manudia edia amo danu.
JOB 28:22 Dobu masemase gabuna aneruna bona Mase na e tomu “Ia harina taina na taiamai amo vada a kamonai Iahulahu”.
JOB 28:23 Dirava na ilao-henina dalana dibana, bona gabuna danu dibana.
JOB 28:24 Badina be tanobada dokodia e roho henidiamu, bona ḡau iboudiai guba henunai na e itadiamu.
JOB 28:25 Lai ena goada e henia bona ranu e hahetohodia negana ai,
JOB 28:26 medu taravana e atua bona guba rahurahu kevaruna dalana e lailaia negana ai,
JOB 28:27 ia ese e itaia bona e gwauraia hedinarai; e haginia bona e dibaia vaitani.
JOB 28:28 Ia ese taunimanima e hamaorodia, eto: A itaia, Ḡaubada igari-henina, una na aonega; bona kara dika irakatanina, una na lalo-parara.
JOB 29:1 Bena Iobu ma e haroro, eto:
JOB 29:2 Hua gunadia ai, Dirava ese e gimagu dinadia ai, na nohova heḡereḡerena ai bama noho bema namo.
JOB 29:3 Una negana ai iena lamepa ese kwaragu e hadiaria, bona ena diari ai dibura lalona amo na raka hanai.
JOB 29:4 Egu goada dinadia ai na nohova heḡereḡerena ai bama noho bema namo; una negana ai Dirava ena hetura na egu kalaga latanai e miava,
JOB 29:5 bona Siahu-idoinai Diravana ese e bamoguva, bona natugu na dekegu ai e nohova;
JOB 29:6 una negana ai aegu vataḡadia na rata amo e huridia, bona dehoro na sinavai na heheto nadi-gini amo e aru lasi.
JOB 29:7 Hanua ikoukouna na lao henia bona hanua ariarana ai egu helai gabuna na abia hata negadia ai,
JOB 29:8 eregabe taudia ese e itagu, bena e raka oho, bona tatau burukadia na e tore isi, e gini;
JOB 29:9 pavapava danu asie hereva, bona ududia na imadia amo e koudia;
JOB 29:10 lohia na asi reḡereḡedia, bona maladia na ududia atai maodia ai e kape dae.
JOB 29:11 Taia ese e kamonai negana ai, e hanamogu; mata ese e itaia negana ai na e hamomokania;
JOB 29:12 badina be ogoḡami tauna e tai negana ai na hamauria; ihareha danu, asi iduruna negana ai na hamauria.
JOB 29:13 Masena vada e kahira-kahira tauna ese e hanamogu, bona vabu ese lalona ai moale anedia e abi lau daigu ai.
JOB 29:14 Kara maoromaoro na hahedokilaia, ia ese e hadabualaigu; egu hahemaoro ḡoevaḡoevana na hahedoki dabuana bona kwara dabuana na heheto.
JOB 29:15 Lau na matakepulu tauna matana, bona ae-hedairike tauna aena.
JOB 29:16 Lau na ogoḡami tauna tamana, bona asi dibagu tauna sivaraina na tahua.
JOB 29:17 Kara gageva-gageva tauna dodomana na hakwaidudia, bena damuna na isena amo e moru.
JOB 29:18 Bena na laloa, nato: Egu ruma ai baina mase, bona egu mauri dinadia baina hahohodia, miri na heto.
JOB 29:19 Ramugu na e hatamu, ranu e davariamu; bona hunu na rigigu ai e dihomu, hanuaboi idoinai.
JOB 29:20 Hairaigu na e matamatamu bona egu peva e matamata hanaihanaimu imagu ai.
JOB 29:21 Taunimanima ese e hakala heniguva, bona e henariva; asi reḡereḡedia egu hahealo e nariava.
JOB 29:22 Lau na hereva murinai idia na asi reḡereḡedia; egu hereva na latadiai e kau.
JOB 29:23 Idia ese e narigu, medu bema naria na heto; ududia e haḡadia, medu gabedia negadia heḡereḡeredia.
JOB 29:24 Edia daradara negadia ai na kiri amo na hagoadadia, bona vairagu diarina na idia ese asie habodoa.
JOB 29:25 Edia dala na abia hidi, edia lohia tauna ai nala; hekara pavapava na ena tuari taudia bogaragidiai e nohomu heḡereḡerena ai na nohova, eiava taitai taudia e hamarumarudiamu tauna na heto.
JOB 30:1 A harihari idia ese e hevasehalaigumu, uru gabena taudia ese. Tamadia na bama dadaraidia; egu sisia ida egu seri ireḡudia ai basinama halaodia.
JOB 30:2 Idia imadia goadadia amo bama abia ḡauna namona be dahaka? Edia goada vada e ore.
JOB 30:3 E dabumu bona e hitolodia dikadikamu dainai, idia ese tano kaukauna na tano ḡaḡaena ai e ḡauaiamu.
JOB 30:4 Idia ese doe anianidia bona au raudia e abidiamu, bona lagwa ramudia e ḡeidiamu.
JOB 30:5 Taunimanima bogaragidia amo e luludia lasimu; muridia amo e lolomu, henao tauna murina amo bema lolo na heto.
JOB 30:6 Ororo dadairadia ai e nohomu, bona tano koupadia ai bona nadi-gini kohuadia ai.
JOB 30:7 Uda ai e ḡoumu, bona au ginigini henudiai e hetabira boumu.
JOB 30:8 Kavakava besena, mai harina dikana; tano amo vada e havadia lasi.
JOB 30:9 A harihari lau na edia ane ḡauna ai vada nala; edia gwaurai-gwaurai herevana ai vada e halaogu.
JOB 30:10 Idia ese e ihi-ihiraigumu, asie raka henigu kahimu; vairagu ai e kanudi bagubagumu.
JOB 30:11 Dirava ese egu peva maorana vada e ruhaia bona vada e hahemaraigu dainai, lau vairagu ai idia ese edia haheauka vada e negea daure.
JOB 30:12 Idibagu kahana ai hearuru taudia na e tore isimu, e lulugu lasimu; edia hahebua-tari daladia amo e ala-ala henigumu.
JOB 30:13 Idia ese egu lao dalana e hadikaiamu; ihadikagu karadia e goadalaimu, ta ese se laodia ahumu.
JOB 30:14 E ḡiḡia dobi maḡuna amo bema didi vareai na heto idia na e maimu: maḡu e heḡiḡi dobimu ai idia na e aru e maimu.
JOB 30:15 Hahegari na latagu ai e kaumu; egu momokani e lulua ohomu, lai ese bema hodaia oho na heto; egu noho namo na e pukimu, ori na heto.
JOB 30:16 Harihari lalogu na hisihisi ese e gugubaiamu, hisihisi dinadia ese vada e abigu;
JOB 30:17 hanuaboi ai turiagu e hisihisimu, e gugubagumu hisidia na asie dokomu.
JOB 30:18 Mai daḡedaḡena ida egu dabua e dabaia taomu; e ḡuigumu, aiogu mukona na heto.
JOB 30:19 Dirava ese vada e tahogu dobi, kopukopu lalonai; lau na ḡahu bona kahu heḡereḡeredia ai vada nala.
JOB 30:20 Lau na boi henimumu, to so haere henigumu; na ginimu, to so itagumu.
JOB 30:21 Lau inaigu ai vada ola, oi imamu goadana amo vada o daḡedaḡe henigu.
JOB 30:22 O abigu isimu lai latanai, egu gui ḡauna ai o halaoamu; lai gubana reḡena ai o tahogu isi tahogu isimu.
JOB 30:23 Oibe, lau dibagu oi ese ba hamasegu; bona mauri taudia iboudiai edia vada o gwauraia hidi rumana ba siaigu lao.
JOB 30:24 Tau ta ese vada e heḡiḡi dobi rumana senuna amo imana basine toia roro a? Ena hisihisi ai basine boiboi, ta ese baine durua helaoreana, a?
JOB 30:25 Ena dina vada e dika tauna taina asina tai a? Lalogu na se hisihisi ogoḡami taudia daidiai a?
JOB 30:26 A namo na tahuava negana ai, dika na egu ai e kau; bona diari na nariava negana ai, dibura na e kau.
JOB 30:27 Lalogu na e hekwarahimu, se laḡa animu; hisihisi dinadia ese e davarigumu.
JOB 30:28 Kopigu vada e hakoremaia, to dia dina ese; hebou ai na tore isimu, na tai henidiamu, bae kahagu.
JOB 30:29 Lau na uda sisiadia tadikakadia, bona kokokoko turadia.
JOB 30:30 Kopigu koremana e hevaka ohomu, bona turiagu na e araia morumorumu.
JOB 30:31 Egu gitara reḡena na rohe-ahu reḡena ai e laomu, bona egu ivilikou reḡena na taitai taudia gadodia ai e laomu.
JOB 31:1 Lau na matagu taravadia vada na atu; benaini, hane-ulato rami-hebou na ede baina haḡerea toma?
JOB 31:2 Davagu bema dahaka atai Diravana ena amo? Ahugu bema dahaka Siahu-idoinai Diravana atai ai e nohomu ena amo?
JOB 31:3 Hahehisi na kara gageva-gageva taudia latadiai bona mase danu kara havara taudia latadiai se kaumu a?
JOB 31:4 Egu dala na se itadiaimu bona aegu daḡadia iboudiai se duahidiamu a?
JOB 31:5 Koikoi dalana ai bama raka, aegu na koikoi gabuna bema heau henia;
JOB 31:6 bena hahetoho ḡauna maoromaorona ai baine hahetohogu, bona Dirava ese egu lalo-maoromaoro baine dibaia.
JOB 31:7 Aegu na dala amo bema raka oho, lalogu ese matagu bema ḡavadia, imagu na bema mai mirodia;
JOB 31:8 bena dahaka baina hadoa ta ese baine ania, bona dahaka baine vara egu na baine heraḡa oho.
JOB 31:9 Lalogu na hahine ta ese bema ania, dekegu tauna ena ruma iduarana badinai bama henari;
JOB 31:10 bena adavagu na idau tauna ta ana uit baine riria, bona idaudia haida ese bae eno henia.
JOB 31:11 Badina be una na bema kerere metau-hereana; una na bema kara dikana, hahemaoro taudia ese bema hahemaorolaia;
JOB 31:12 davana na lahi, e ara e laomu ela bona dobu masemase gabuna; egu ḡaukara anina idoinai bema araia ore.
JOB 31:13 Egu hesiai tauna eiava hahinena bema maumauraigu negana ai ena hereva bama dadaraia,
JOB 31:14 ede baina kara toma, Dirava baine tore isi negana ai? Baine henanadai negana ai, ede baina haere henia toma?
JOB 31:15 Sinagu bogana ai e karagu Diravana ese ia danu se karaia a? bona ta ese sinamai bogadia ai se karamai a?
JOB 31:16 Ogoḡami tauna ena ura ḡauna ta bama rua, eiava vabu matana bama havalahu-valahua,
JOB 31:17 eiava agu bama ani gunita, ihareha na sina taina basinama henia,
JOB 31:18 (badina be merona negana amo na reḡua, tamana na heto, bona e vara negana amo na hakaua);
JOB 31:19 ta bama itaia, asi dabuana dainai e mase, eiava ogoḡami tauna asi ena hetaru;
JOB 31:20 ia ese tau-anina amo basinema hanamogu, bona egu mamoe huidia ese tauna basiema hasiahua;
JOB 31:21 imagu bama abia isi ihareha ihadikana, ikahagu na hahemaoro gabuna ai na itaia dainai;
JOB 31:22 bena larolarogu turiana na paḡagu amo baine moru oho, bona imagu na paḡagu amo baine heveri oho.
JOB 31:23 Badina be Dirava ena amo bainema hahisina garina na gari; ia hairaina mai siahuna ida basinama haḡerea diba.
JOB 31:24 Gold bama abidadama henia, eiava gold ḡoevaḡoevana na egu helaro ḡauna ai bama halaoa;
JOB 31:25 bama moale egu taḡa vada e bada dainai, eiava imagu na ḡau momo vada e haboudia dainai;
JOB 31:26 dina bama raraia e taramu negana ai, eiava hua hairaina bama raraia e rahumu negana ai,
JOB 31:27 unu amo lalogu bema heani hehuni-hehuni, bona udugu ese imagu bema harahua;
JOB 31:28 bena ina danu na kara havara, hahemaoro taudia ese davana bae gwaurai; badina be unu kara amo atai Diravana bama koia.
JOB 31:29 E inai henigu tauna ihadikana bama moalelaia, eiava dika ese e butua tao negana ai bama heaḡi,
JOB 31:30 (udugu asina hakererea, heuduguirai herevana amo, ena mauri iabi-ohona asina gwauraia);
JOB 31:31 egu kalaga taudia basiema toma “Daika na ena aniani ianina ai bogana do se kunu?”
JOB 31:32 (Laolao tauna na ariara ai se noho, egu iduara vada na kehoa, loaloa tauna ena);
JOB 31:33 egu kara dika na taunimanima edia amo bama hunidia, egu kara havara na lalogu ai bama hunia,
JOB 31:34 badina be hutuma igari-henidia bona varavara edia hedadarai igari-henina dainai, bena asi reḡereḡegu na nohova, bona asina raka lasi;
JOB 31:35 ta ese baine kamonai henigu be namo; (lau toagu binai: Siahu-idoinai Diravana ese baine haere henigu); inaigu ena hahebade revarevana baina abia be namo.
JOB 31:36 Momokani, paḡagu ai bama huaia, bona kwaragu bama ḡeḡelaia, havava ḡauna na heto;
JOB 31:37 aegu daḡadia iboudiai sivaraidia bama gwaurai henia, pavapava heḡereḡerena bama raka henia kahi.
JOB 31:38 Egu tano ese bema habadelaigu; tano latalatadia bema taitai hebou;
JOB 31:39 anina bama ania asi davana, eiava biaguna bama hamasedia;
JOB 31:40 bena au ginigini bae vara uit gabudia ai, bona ava dikadia bali gabudia ai. Iobu ena hereva na iniseni ai vada e ore.
JOB 32:1 Taunabunai unu tatau tatoiosi ese Iobu ihaere-henina e hadokoa, badina be ia na sibona maorona e gwaurai.
JOB 32:2 Bena Elihu Barakele, tau Busu, Ram iduhuna tauna, na e badu. Ia ese Iobu e badu henia, badina be ia sibona maorona e gwaurai, a Dirava maorona se gwaurai.
JOB 32:3 Ia ese danu Iobu turana tatoiosi e badu henidia, badina ena be Iobu na kererena e gwaurai to haere ta asie laloa davari.
JOB 32:4 Elihu na Iobu ihaere-henina ai e halahe, badina be idia na ereguna, a ia na eregabe.
JOB 32:5 A Elihu ese unu tatau tatoiosi e itadia, ududia ai na asi edia haere herevana ta; bena ia na e badu.
JOB 32:6 Bena Elihu Barakele, tau Busu, e hereva, eto: Lau na eregabe, a umui na ereguna. Una dainai kudougu e hetaha, bona egu lalo-hadai emui ai baina gwaurai hedinarai na na gari.
JOB 32:7 Nato “Dina momo bae hereva, bona laḡani momo ese aonega bae hahedibalai”.
JOB 32:8 A ḡau be tau ta laumana, Siahu-idoinai Diravana laḡana ia lalonai, ese ia lalona e hapararaiamu.
JOB 32:9 Aonega na dia ereguna taudia ediai, bona tatau burukadia na hereva maoromaorodia asi dibadia.
JOB 32:10 Taunabunai lau na tomamu: A hakala henigu; lau danu egu lalo-hadai mani aina gwauraia hedinarai.
JOB 32:11 A itaia, emui hereva na naridia; na hakala, emui aonega herevadia baina kamonai nato, ba gwaurai herevadia o tahudiava negana ai.
JOB 32:12 Na hakala henimui, bena na itaia, umui ta ese Iobu ena hereva se lao ahu, eiava ena hereva se haere henidia.
JOB 32:13 Metaira ba hereva, baoto: Ai na aonega vada a davaria; Dirava ese baine hadarerea, dia taunimanima ese.
JOB 32:14 Iena hereva matadia na dia lauegu ai, bona umui emui hereva amo basina haere henia.
JOB 32:15 Idia na e hemaraimu, asie haeremu; asi edia hereva ta.
JOB 32:16 Idia asie herevamu, e ginimu asi edia haere, una dainai lau do baina henari a?
JOB 32:17 Lau danu baina haere; lau danu egu lalo-hadai baina gwauraia;
JOB 32:18 badina be lau na hereva ai na honumu, bona lalogu ese e haduagumu.
JOB 32:19 A itaia, lalogu na vine ranuna asi ena lasi dalana na heto, eiava kopi matamatadia kahira-kahira be poumu na heto.
JOB 32:20 Do baina hereva, bena lalogu baine keru; bibinagu baina hapapaia, baina haere.
JOB 32:21 Lau na taunimanima ta enai basina tao, eiava tau ta basina hanamoa koikoi;
JOB 32:22 badina be hahenamo koikoi daladia na asi dibagu. Unu bama kara toma, ikaragu Diravana ese bema hamasegu haraḡa.
JOB 33:1 Iobu e, harihari eregu a kamonai; egu hereva iboudiai ba hakala henidia.
JOB 33:2 A itaia, udugu na kehoamu, bona malagu udugu ai e herevamu.
JOB 33:3 egu hereva ese egu lalo-maoromaoro na e gwauraiamu, bona bibinagu dibadia ḡaudia na e gwauraimu mai momokanidia ida.
JOB 33:4 Dirava ena lauma ese vada e karagu, bona Siahu-idoinai Diravana laḡana ese vada e hamaurigu.
JOB 33:5 Bema mai emu haere dalana, ba haere henigu; vairagu ai emu hereva ba haerodia namonamo bona ba gini tutuka.
JOB 33:6 A itaia, lau na oi heḡereḡeremu Dirava vairanai; lau danu raro taba ta amo e karagu.
JOB 33:7 A itagu, garigu basio gari; imagu na basina taoa tari metau latamu ai.
JOB 33:8 Momokani, o gwaurai herevadia vada na kamonai; emu hereva reḡedia danu vada na kamonai.
JOB 33:9 O tomu: Lau na ḡoeva dae, asi egu kerere ta; lau na ḡoeva herea, asi egu kara havara ta;
JOB 33:10 matona, ia ese i'inai-henigu dalana e tahuamu, ia inaina ai e halaogumu;
JOB 33:11 lau aegu na hekahi-tao auna ai e kahi tao, bona egu dala iboudiai e hasinadodiamu.
JOB 33:12 A itaia, ina hereva ai oi na dia maoro. Lau ese baina haere henimu; Dirava ese taunimanima na e hereadiamu.
JOB 33:13 Dahaka dainai ia o lodu heniamu, o tomu “Egu hereva davadia se gwauraimu”?
JOB 33:14 Badina be Dirava ese dala ta amo e herevamu, eiava dala rua amo, to taunimanima na lalodia asie pararamu.
JOB 33:15 Nihi ai, eiava hanuaboi mata-hanaina ai, taunimanima e mahuta hedavauhemu negana ai, edia mahuta ḡaudia latadiai e mahutamu lalonai,
JOB 33:16 ia ese taunimanima taiadia e hakiraradiamu, bona sisiba herevadia amo e hagaridiamu,
JOB 33:17 taunimanima na edia kara amo baine hakaudia siri bona edia heaḡi baine abia oho helaoreana.
JOB 33:18 Idia laumadia na guri amo bona edia mauri danu dare ena hahemase amo e rauadiamu.
JOB 33:19 Taunimanima na hisihisi ese matana e hakanimu ena mahuta ḡauna latanai, bona turiana danu e hisihisi louloumu;
JOB 33:20 una dainai ena mauri ese aniani e dadaraiamu, bona uduna ese aniani namodia se ura henidiamu.
JOB 33:21 Tau-anina vada e varoda-varoda ela bona basine heita diba, bona turiana, gunaguna asie itadiava, na e hedinaraimu.
JOB 33:22 Laumana ese guri eha kahi heniamu, bona ena mauri ese mase taudia edia noho gabuna e raka henia kahimu.
JOB 33:23 Aneru ta, aneru daha bogaragidia amo, na ia bona Dirava padadiai bema gini, taunimanima ena dala maorona bema gwaurai henia;
JOB 33:24 bena bema bogaia hisi, bema toma: A hamauria, guri lalonai basine diho; lau ese ia idavalaina ḡauna vada na davaria;
JOB 33:25 bena hidiona baine matamata, eregabe tauna na heto, bona eregabena ena goada dinadia baine lou henidia.
JOB 33:26 Bena taunimanima ese Dirava e ḡuriamu, bena Dirava ese e abia daemu, bona ia ese Dirava vairanai e raka vareaimu mai moalena ida. Ia ese taunimanima na ena hahemauri sivaraina e hamaorolaidiamu,
JOB 33:27 taunimanima vairadiai ane e abimu, e tomu: Lau na kara dika na karaia, bona kara maoromaoro na hagagevaia, bona davagu se henigu;
JOB 33:28 ia ese laumagu na e hamauria, guri ai basine diho; egu mauri ese diari baine itaia.
JOB 33:29 A itaia, Dirava ese ini kara iboudiai na taunimanima ta e kara heniamu, nega rua eiava toi,
JOB 33:30 laumana na guri amo baine hakaua lou bena mauri diarina baine itaia helaoreana.
JOB 33:31 Iobu e, a hakala, a kamonai henigu; eremu, lau baina hereva.
JOB 33:32 Bema mai emu hereva, ba haere henigu; a hereva, lau na uramu maoromu baina gwaurai.
JOB 33:33 Bema lasi, a hakala henigu; basio hereva, bena lau ese aonega baina hadibalaimu.
JOB 34:1 Elihu ma eto:
JOB 34:2 Aonga taumui e egu hereva a kamonai; mai dibamui taumui e, taiamui a hakede henigu.
JOB 34:3 Badina be taia ese hereva e tohodiamu, mao ese aniani e mamia tohomu na heto.
JOB 34:4 Dala maoromaorona baita abia hidi; baita haeroa hebou ḡau namona be edena.
JOB 34:5 Badina be Iobu na e tomu: Lau na asi egu kerere, bona Dirava ese hahemaoro na egu amo vada e abia oho;
JOB 34:6 ena be lau na maoromaoro, to koikoi tauna ai e halaogumu; ena be asi egu kerere, to berogu na asi ihanamona.
JOB 34:7 Daika na Iobu heḡereḡerena? Ia ese ḡonaḡona herevadia e inumu, ranu na heto;
JOB 34:8 ia na kara dika taudia ida e hebamo hehenimu, bona kara havara taudia ida e raka heboumu.
JOB 34:9 Badina be ia eto: Dirava ihamoalelaina ai tau ta ese ena namo taina basine davaria.
JOB 34:10 Taunabunai, lalo-parara taumui e, a kamonai henigu: Dirava na basine kara dika; Siahu-idoinai Diravana na basine kerere, lasi ona lasi vaitani.
JOB 34:11 Badina be tau ta ena ḡaukara heḡereḡerena ai davana baine henia, bona ena dala heḡereḡeredia ai baine kara henia.
JOB 34:12 Momokani, Dirava na basine kara dika; Siahu-idoinai Diravana ese hahemaoro basine hagagevaia.
JOB 34:13 Daika ese tanobada ireḡuna ai e halaoa? Daika ese tanobada idoinai hekwarahina na ia latanai e atoa?
JOB 34:14 Ena lauma na bema abia lou, sibona enai, bona laḡana danu bema haboua lou,
JOB 34:15 mauri ḡaudia iboudiai na bema mase bou, bona taunimanima na ḡahu bema lou henia.
JOB 34:16 Bema mai emui lalo-parara, a hakala; egu hereva ba kamonai.
JOB 34:17 Hahemaoro ḡoevaḡoeva e inai heniamu tauna na baine lohia a? Kara maoromaoro bona goada tauna ba revaia a?
JOB 34:18 Ia ese pavapava e hamaoroamu, e tomu “Oi na kara kava taumu”, bona lohia na e hamaorodiamu, e tomu “Oi na kara dika taumu”.
JOB 34:19 Ia na pavapava ediai se taomu; taḡa taudia se lalodia badamu bona ogoḡami taudia se lalodia maraḡimu, badina be iboudiai na ia imana ese e karadia. Ia ba revaia a?
JOB 34:20 Idia na e mase takumu; malokihi ai taunimanima na e marere-mareremu bona e pukimu, bona goada taudia na e heabi ohomu, dia taunimanima imadia amo.
JOB 34:21 Badina be ia ese taunimanima ta ena dala e itadia taomu, ia aena daḡadia iboudiai e itadiamu.
JOB 34:22 Asi gabu vaburana eiava diburana ta mia, kara dika taudia na bae komu;
JOB 34:23 badina be tau ta ena nega se gwauraia guna, Dirava vairanai hahemaoro baine abia.
JOB 34:24 Ia ese goada taudia na e huaridiamu, se tahudia gunamu; ma haida na gabudia ai e atodiamu.
JOB 34:25 Taunabunai, edia kara dibana dainai ia ese hanuaboi ai e haheḡiḡidia dobi; bena idia na e hemoi patapatamu.
JOB 34:26 Edia kara dika daidiai ia ese e rahudia masemu taunimanima vairadiai;
JOB 34:27 badina be ia iḡavana amo e raka siri, bona ena dala ta se laloa;
JOB 34:28 bena idia daidiai ogoḡami taudia edia taitai na ienai e kau, bona hisi-ani taudia edia taitai na e kamonai.
JOB 34:29 Asi reḡereḡena negana ai, daika ese baine revaia? Vairana e huniamu negana ai, daika ese baine itaia? Bese ta eiava tau ta danu unuheto.
JOB 34:30 Taunabunai, Dirava se matauraiamu tauna na basine pavapava; ia ese taunimanima na basine idoadia.
JOB 34:31 Tau ta ese Dirava bema hamaoroa, bema toma: Kerere davana vada na abia, basina kerere lou;
JOB 34:32 asina itamu ḡaudia na ba hadibagu; bema na kara dika, vada basina kara lou;
JOB 34:33 bena dava baine ha-idaua oiemu ura heḡereḡerena badina be o dadaraia dainai a? Badina be oi ese bavabia hidi, dia lau; taunabunai dibamu ḡauna ba gwauraia hedinarai.
JOB 34:34 Lalo-parara taudia ese bae hereva henigu, bona mai aonegana ida e kamonai henigumu tauna na baineto:
JOB 34:35 Iobu ese asi dibana ḡaudia e herevalaimu, ena hereva na dia lalo-hadai dobudia amo asie varamu.
JOB 34:36 Iobu ena haheauka na bema tohoa ela bona dokona; badina be ena haere na kara dika taudia edia haere heḡereḡeredia.
JOB 34:37 Badina be ena kara dika latadiai gwau-edeede ma e atoa kaumu, ita bogaragidai imana e patapatadiamu, bena Dirava ihadikana herevadia momo herea e gwauraimu.
JOB 35:1 Elihu ma eto:
JOB 35:2 Oi o laloamu ina na maoro a? Oi na o tomu “Ina na ahugu korikori Dirava vairanai”;
JOB 35:3 bena ma o tomu “Namona be dahaka egu ai? Na kara namo negana ai ina hisi ianina na davaria; bama kara dika, egu hisi ianina bema herea eiava?”
JOB 35:4 Lau ese baina haere henimu, bona turamu danu, oi ida.
JOB 35:5 Ba roha isi, guba ba itaia; ori ba itadia, idia na atai ai, oi na henudiai.
JOB 35:6 Boma kara dika, ia boma kara dika henia a? Emu kara dika boma habada, ede ba kara henia toma a?
JOB 35:7 Boma kara maoromaoro, dahaka ba henia? Eiava dahaka oi imamu amo baine abia?
JOB 35:8 Emu kara dika na taunimanima ta oi heḡereḡeremu enai baine kau; bona emu kara maoromaoro taunimanima natuna ta danu enai.
JOB 35:9 Daḡedaḡe karadia momo daidiai, taunimanima na e tai lolomu: goada taudia imadia daidiai idia ese hekaha e boiboilaiamu.
JOB 35:10 A asi tauna ta e tomu: Ikaragu Diravana na edeseni ai? Hanuaboi ai ia ese ane e henimu;
JOB 35:11 ia ese e hadibadibadamu, bena uda boromadia ta hereadiamu; ia ese e ha-aonegadamu, bena atai manudia ta hereadiamu; ia be edeseni ai?
JOB 35:12 Idia e tai lolomu, to ia na se haeremu, kara dika taudia edia hekokoroku dainai.
JOB 35:13 Momokani, Dirava ese taitai asi anina na se kamonai heniamu; Siahu-idoinai Diravana ese se abia daemu.
JOB 35:14 Matona, baoto so itaiamu, bona hahemaoro badina na ia vairanai mia; bena ia o nariamu, ia danu basine abia dae, ani?
JOB 35:15 A harihari, ena badu ese dava se henimu bona kara dika se laloa badamu dainai,
JOB 35:16 Iobu ese uduna e kehoamu, hereva asi anidia e gwauraimu; hereva momo e habadamu, asi dibana ida.
JOB 36:1 Elihu ese hereva haida ma e gwaurai, eto:
JOB 36:2 Nega sisina ba haheauka henigu, bena baina hadibamu, badina be hereva sisina do baina gwauraia Dirava ladana ai.
JOB 36:3 Egu diba na dauha amo aina mailaia, bona ikaragu Diravana ena kara maoromaoro baina gwauraia.
JOB 36:4 Badina be momokani egu hereva na dia kokoikoi; e diba ḡoeva-daemu tauna na dekemu ai.
JOB 36:5 A itaia, Dirava na mai goadana; ia ese ta se dadaraiamu; aonega ai danu ena goada na herea.
JOB 36:6 Kara dika taudia edia mauri na ia ese se hadaudaumu; a hisihisi taudia na ahudia korikori e henidiamu.
JOB 36:7 Ia matana na kara maoromaoro taudia edia amo se roha murimu; a pavapava ida terono ai e hahelaidia hanaihanaimu, bona e imodaidiamu.
JOB 36:8 Auri gadeadia ai bema ḡuidia, eiava hisihisi ese bema idoadia;
JOB 36:9 bena ia ese edia kara bema hahedinarai henidia, edia kerere bona edia heagi karadia danu.
JOB 36:10 Ia ese taiadia e hakiraradiamu, ena hahediba herevadia bae kamonai totona, bona e haḡanidiamu, edia kara dika bae rakatanidia.
JOB 36:11 Bema bae kamonai henia bona isiaina bae lao heni, edia dina bae haḡuḡurudia mai ima lalo anidia ida, bona edia laḡani danu mai moaledia ida.
JOB 36:12 A bema basie kamonai, idia na dare ai bae hamasedia; edia lalo-duhu ai bae mase.
JOB 36:13 Lalodia ai Dirava asie matauraiamu taudia ese badu e ubuamu; e ḡuidiamu negana ai hekaha asie boiboilaiamu.
JOB 36:14 Idia na eregabedia ai e masemu; edia mauri na hemarai ai e oremu.
JOB 36:15 Ia ese hisihisi taudia na ihahisihisidia amo e hamauridiamu, bona hahedika daladia amo taiadia e hakiraradiamu.
JOB 36:16 Ia ese lalomu ianina ai hisihisi amo e hakaumu lasi, lababana bada gabuna ai, gabu heidi-rorona; bona emu aniani patana ai digara ḡaudia eme hedabara.
JOB 36:17 A kara dika taudia ihahemaoro-henidia ese lalomu e hahonuamu; hahemaoro bona kara maoromaoro mo o laloamu.
JOB 36:18 Nahuamu ba tohoa, badu ese baine dibaḡanimu bena ba ḡonaḡona na garina; bona ba heita, dava badana ese basine hakaumu kerere.
JOB 36:19 Emu taitai ese hisihisi amo baine hamaurimu diba, eiava emu goada idoinai ese, a?
JOB 36:20 Dibura basio laroa bada, badina be dibura ai taunimanima na edia gabu amo e heabi ohomu.
JOB 36:21 Nahuamu ba tohoa, kara havara basio haḡerea; badina be oi ese ina na vada o abia hidi, a hisihisi na vada o dadaraia.
JOB 36:22 A itaia, Dirava ena siahu na herea-dae; hahediba tauna ia heḡereḡerena be daika?
JOB 36:23 Daika ese ena dala vada e gwaurai henia, eiava daika baineto “Vada o kerere”.
JOB 36:24 Ena ḡaukara i'imodaina ba laloa tao, taunimanima ese vada e anelaiamu ḡauna
JOB 36:25 Taunimanima iboudiai ese vada e raraia; taunimanima ese dauha amo e itaiamu.
JOB 36:26 A itaia, Dirava na herea, ita na asi dibada ia; ena laḡani na ede hohodia basita tahua diba.
JOB 36:27 Badina be ranu varahudia na e veri daemu, bena ena ori lalona amo medu e hadihoamu;
JOB 36:28 guba amo e dihomu, taunimanima latadiai e diho badabadamu.
JOB 36:29 Tau ta ese ori e hepiu rohorohomu daladia mai dibana a? Eiava iena kalaga gurudia mai dibana a?
JOB 36:30 A itaia, ena ninoa e idia roromu, ororo doridia e ḡovadia ahumu;
JOB 36:31 badina be ini amo ia ese taunimanima besedia na e hahemaoro henidiamu, bona adia aniani e henidia badabadamu.
JOB 36:32 Kevaru na imana ai e abiamu; e haḡaniamu, edena gabu ai baine tubu.
JOB 36:33 Ena guba rahurahu ese ia harina e piuamu; ia ese kara dika e heturia-rikilaiamu mai baduna ida.
JOB 37:1 Una dainai lalogu na e hekwarahimu, bona kudougu na e hetahamu.
JOB 37:2 Ia gadona guruna a kamonai; ia uduna amo e lasimu reḡedia danu.
JOB 37:3 Guba idoinai henunai e piua e laomu; bona ena kevaru ese tanobada daigunidia e kevarudia isimu.
JOB 37:4 Una murinai ia gadona e ḡoumu; ia gadona herea-daena na guba rahurahu guruna na heto, bona gadona e hekamonaimu negadia ai kevaru danu se dogoa taomu.
JOB 37:5 Dirava ese gadona guruna e habadaiamu, ta hoamu; kara badadia, ita asi dibada karadia, danu ia ese e karamu.
JOB 37:6 Badina be snow e haḡaniamu, e tomu “Tano ai ba diho”; bona medu sisimu bona medu baroko e hamaorodiamu, e tomu “Ba goada”.
JOB 37:7 Ia ese taunimanima iboudiai imadia na e laodia ahumu, iboudiai na iena ḡaukara bae diba totona.
JOB 37:8 Bena uda boromadia na edia noho gabudia ai e vareaimu; edia kohua lalodiai e nohomu.
JOB 37:9 Koe-hirihiri na taho-diho kahana amo e maimu; bona paraka na mirigini ese e mailaiamu.
JOB 37:10 Dirava laḡana amo medu-hetari na e hekaramu, bona gohu kopidia na e hetarimu.
JOB 37:11 Ori dagadagadia na ranu amo e hahonudiamu; dagadaga ese ena kevaru e hakarohodiamu.
JOB 37:12 Iena hahekau ai e odadia hegiro-hegiromu, ena haheḡani iboudiai ihagugurudia totona, taunimanima ese e noholaidiamu tanodia iboudiai latadiai.
JOB 37:13 Mata-hakani dainai eiava ena tano dainai eiava hebogahisi daidiai, ia ese e havaraiamu.
JOB 37:14 Iobu e, ina na a kamonai; a gini, Dirava ena hoa karadia ba haerodia,
JOB 37:15 Oi dibamu Dirava ese ede e haḡanidia tomamu, eiava ena dagadaga kevarudia ede e kevarudia isi tomamu, a?
JOB 37:16 Ori ede e heabi isi tomamu mai dibamu a? Aonega herea-dae Diravana ena hoa karadia na dibamu a?
JOB 37:17 Lai diho kahana amo e hahohomu dainai tano na se mareremu, bena emu dabua na e siahumu; oi na mai dibamu a?
JOB 37:18 Oi na guba ba idia roro diba, ia heḡereḡerena; bona ba ha-aukaia, e havevea aurina hevarivarina ta na heto, a?
JOB 37:19 Ba hadibamai, ede baia hereva henia toma; sivaraimai ihamaoromaorolaidia asi dibamai, dibura dainai.
JOB 37:20 Ta ese baine hamaoroa lau na uramu baina hereva a? Nega ta ai tau ta eto “Baine hadonogu” a?
JOB 37:21 Harihari taunimanima na diari basie roha henia diba, guba e diarimu negana ai, bona lai ese ori e odadia ohomu negana ai.
JOB 37:22 Mirigini kahana amo diari herea-daena na e maimu, itaitana na gold na heto; Dirava hairaina na herea dae bona mai garina.
JOB 37:23 Siahu-idoinai Diravana na basita davaria diba; ia na herea, ena siahu bona ena hahemaoro ḡoevaḡoevana ai; bona ena kara maoromaoro na bada, ia ese basine hadikaia.
JOB 37:24 Una dainai taunimanima ese ia garina e garimu; ia ese sibodia edia aonega e heaḡilaiamu taudia na se matauraidiamu.
JOB 38:1 Bena Iehova ese Iobu e haere henia, koe-hirihiri lalona amo, eto:
JOB 38:2 Ina na daika ese hereva asi anidia amo hahealo herevadia e hadiburadiamu?
JOB 38:3 Emu rami ba hekasilaia, tau karakara na heto; baina nanadaimu, bena ba haere henigu.
JOB 38:4 Lau ese tanobada badidia na atodia negana ai oi na edeseni ai? Bema mai dibamu, vada ba hamaorogu.
JOB 38:5 Daika ese ena lata bona ena lababa e gwaurai? Oi mai dibamu a? Eiava daika ese e hahetohoa?
JOB 38:6 Daba hisiudia na ane e abi hebou bona Dirava natuna loḡora na mai moaledia idia e lolo bou negana ai, ia badina hidaosi na dahaka ai e heholo, bona daika ese ena daiguni nadina e atoa?
JOB 38:8 Daika ese davara iduaradia e koudia, ena vara gabuna amo e aru lasi negana ai?
JOB 38:9 Una negana ai lau ese ori na kara, ena hahedoki ḡauna; bona dibura badana na havaraia, ena hetaru dabuana.
JOB 38:10 Ia hetoana vada na gwaurai henia, bona maḡuna bona iduarana na kara;
JOB 38:11 nato: Baoma bona ini gabu ai, basio hanai; iniseni ai emu hurehure mai heaḡidia ida bae doko.
JOB 38:12 Emu vara dinana amo daba vada o haḡania, bona daba e reremu gabuna vada o hadibaia,
JOB 38:13 ia ese tanobada digidia baine abi, dabua ramina na heto, bona kara dika taudia baine petadia lasi, a?
JOB 38:14 Ia na e idaumu, raro na toa ikarana ḡauna henunai e idaumu na heto; e muramuraia, dabua na heto.
JOB 38:15 Diari na kara dika taudia se henidiamu, bona heaḡi taudia imadia na e hakwaidudiamu.
JOB 38:16 Davara ena lohilohi-dae gabudia ai vada o vareai, eiava dobu gabudia ai vada o raka, a?
JOB 38:17 Mase iduaradia vada e haheitalaimu, eiava dibura masemase ikoukoudia vada o itadia, a?
JOB 38:18 Tanobada dokodia iboudiai mai dibamu a? Bema ina idoinai dibamu, a gwauraia hedinarai.
JOB 38:19 Diari ena noho gabuna dalana be edena? Dibura gabuna be edeseni ai?
JOB 38:20 Ba laohaia ela bona ena hetoa, bona ena noho gabuna daladia ba davaridia, a?
JOB 38:21 Oi dibamu, badina be una negana ai o vara; emu mauri dinadia na hoho.
JOB 38:22 Snow e habouamu gabudia ai vada o vareai, eiava medu-hetari e habouamu gabudia vada o itadia, a?
JOB 38:23 Unu na vada na abidia hegaeḡae, dika baine vara negana ena, heatu bona tuari dinana ena.
JOB 38:24 Diari ede amo e piua rohoroho e maimu bona una gabu ilao-henina dalana be edena? Laurabada na edena gabu amo tanobada e toa henia rohorohomu?
JOB 38:25 Daika ese medu ranuna ena aru lao dadairana e geiamu? Haita ena dala daika ese e karaiamu?
JOB 38:26 Tau ta ese se noholaiamu tanona latanai ia ese medu e hadihoamu, tano ḡaḡaena asi inoholaina latanai;
JOB 38:27 tano ḡaḡaena, tano deḡedegena-rahu, e hanamoamu, bona rei na tano amo e hatubuamu, ani?
JOB 38:28 Medu na mai ihavarana a? Daika ese hunu e havaraia?
JOB 38:29 Ice na daika bogana amo e vara? hunu-hetari na daika ese e havaraia?
JOB 38:30 Ranu vada e auka, nadi na heto; bona gadobada kopina na ice ai ela.
JOB 38:31 Kima iḡuilaidia na mai dibamu, eiava Kesili na ba ruhaia diba, a?
JOB 38:32 Masaroto ba hakaudia lasi, ta ta ena nega ena nega ai, eiava Asa mai natuna ida ba hakaudia, a?
JOB 38:33 Guba taravatudia na mai dibamu a? Tanobada ai taravadia bavatu diba a?
JOB 38:34 Gadomu ba habadaia diba, dagadaga ba boi henidia, ranu momo ese baine habubunimu totona, a?
JOB 38:35 Kevaru lahidia ba siaidia lao diba, bena baela, bae hamaoromu baeto “Ai bini”, a?
JOB 38:36 Daika ese aonega na ori ai vada e atoa, bona lalo-parara na ninoa vada e henidia?
JOB 38:37 Daika mai aonegana ori baine duahidia diba? Bona guba ranudia ikoulaidia daika ese baine ha-evaia,
JOB 38:38 gahu na kopukopu ai e laomu bona tano na e hemane boumu negana ai?
JOB 38:39 Leona ana vamu oi ese bavala henidia, eiava leona natudia bogadia ba hakunudia diba,
JOB 38:40 idia na edia kohua lalodiai e rakimu eiava edia komu gabudia ai e banimu negana ai, a?
JOB 38:41 Mukou na daika ese ana e heniamu, ia natuna ese Dirava e tai heniamu bona mai hitolodia ida e loaloamu negadia ai?
JOB 39:1 Ororo nanidia edia mara negadia na dibamu a? Dia hahinedia edia mara ai o itadia taomu a?
JOB 39:2 Edia rogorogo huadia iduahidia bona edia mara negadia,
JOB 39:3 e hekuremu, e maramu, natudia e abidiamu, negadia na dibamu a?
JOB 39:4 Natudia tau-anidia e lomu, bena tano paka ai e bada oho bada ohomu; idia na e raka ohomu, sinadia asie lou henidiamu.
JOB 39:5 Uda donikina na daika ese e kahua nege? Uda hosina na daika ese e ruhaia nege?
JOB 39:6 Lau ese tano ḡaḡaena na henia, ena noho gabuna, bona laguta na henia baine noholaia, ani?
JOB 39:7 Ia ese hanua heloḡo-heloḡona e dadaraiamu; ḡaukara biaguna ena lolo se kamonaimu;
JOB 39:8 ororo ai e loamu, ana aniani gabuna bunai; rei bona ava namodia iboudiai e tahudiamu.
JOB 39:9 Uda boromakauna na oi isiaimu baine lao heni a? Emu boromakau rumana ai baine noho rani a?
JOB 39:10 Tano iruana totona kwanau amo ba mataia kau diba, eiava oi murimu ai koura tanodia baine ḡaudia a?
JOB 39:11 Bavabidadama henia, ena goada na bada dainai, eiava emu ḡaukara ikarana ia ba habadinalaia, a?
JOB 39:12 O abidadama heniamu, o tomu baine lou mai, emu uit na ikwadilaina gabuna baine mailaia, a?
JOB 39:13 Kokokoko ese hanina e hahetapo-hetapoamu mai heaḡina ida; a hanina mai huina ida na hebogahisi ḡauna ena a?
JOB 39:14 Badina be gatoina na tano ai e rakatanidiamu, tano ese baine hasiahu-siahudia totona.
JOB 39:15 E helalo boiomu ḡau ta aena ese baine hamakohidia, eiava uda ḡauna ta ese baine moidia tao.
JOB 39:16 Ia ese natuna e dagedaḡe henidiamu, e kara idia na dia ia natuna na heto; ena be ena hekwarahi be asi anina, to ia na se garimu;
JOB 39:17 badina be Dirava ese aonega na iena amo vada e abia oho, bona lalo-parara sina taina danu se henia.
JOB 39:18 A e heaumu negana ai, ia ese hosi bona latanai e guimu tauna na e kirikirilaidiamu.
JOB 39:19 Oi ese hosi ena siahu o henia, bona aiona na goada amo o hadabualaia, a?
JOB 39:20 Oi ese o harohoamu kwadi na heto a? Ena tubebe reḡena na mai garina.
JOB 39:21 Koura ai e pana dagumu, ena goada e heaḡilaiamu; tuari totona e raka lasimu.
JOB 39:22 Gari na e kirikirilaiamu; ia na asi kudou-hetaha dibana; dare vairana amo se tata kerehaimu.
JOB 39:23 Diba pauana reḡena na taiana ai; io bona matani-ḡadiva kimoredia na matana ai.
JOB 39:24 Ena daḡedaḡe bona ena badu ai tano e veria haraḡa-haraḡamu; kibi reḡena e kamonaimu negana ai se gini taritarimu.
JOB 39:25 Kibi e hiririamu negana ai, ia na e tomu “Aha”. Dauha amo tuari bonana e kamonaimu; tuari biagudia edia lolo bona tuari taudia edia hone danu.
JOB 39:26 Bogibada na oiemu aonega dainai e roho isimu bona diho kahana e roho laomu a?
JOB 39:27 Oiemu haheḡani dainai ugava na e roho daemu bona atai gabudia ai ena ruma e karaiamu a?
JOB 39:28 Nadi-gini ai ena ruma e karaiamu bona e nohomu, hagahaga ena gabu aukana ai;
JOB 39:29 unu amo damuna e roha heniamu, dauha amo ia matana ese e itaiamu.
JOB 39:30 Ia natuna ese rara e inuamu, bona mase tau-anidia e miamu gabuna ai, ia na unuseni ai.
JOB 40:1 Iehova ese Iobu ma e hereva henia, eto:
JOB 40:2 Maumau tauna ese Siahu-idoinai Diravana na baine lodu henia a? Dirava ida e hepapahuahumu tauna na baine haere.
JOB 40:3 Bena Iobu ese Iehova e haere henia, eto:
JOB 40:4 A itaia, lau na ḡau pipikina; ede baina haere henimu toma? Udugu na imagu amo baina koua.
JOB 40:5 Nega ta vada na hereva, harihari lau basina haere; nega rua vada na hereva, egu hereva ma basina hadaudaua.
JOB 40:6 Bena Iehova ese Iobu na koe-hirihiri lalona amo ma e hereva henia lou, eto:
JOB 40:7 Emu rami ba hekasilaia, tau karakara na heto; baina nanadaimu, bena ba haere henigu.
JOB 40:8 Lau ba hahekwakwanaigu a? Lau kereregu ba gwaurai, oi sibomu maoromu ba gwaurai totona a?
JOB 40:9 Oi imamu na Dirava imana heḡereḡerena, bona gadomu ba habadaia diba ia gadona heḡereḡerena, a?
JOB 40:10 Siahu bona sibo-hemataurai oromadia ba heralai; hairai bona ninina-namo ba hahedokilai.
JOB 40:11 Emu badu aine hepurai dobi; hekokoroku taudia iboudiai ba itadia, bena ba hahemaraidia.
JOB 40:12 Hekokoroku taudia iboudiai ba itadia, bena ba doridia dobi; kara dika taudia na edia gini gabudia ai ba moidia tao.
JOB 40:13 Iboudiai na ḡahu ai ba tahunidia hebou; gabu hehunina ai vairadia ba ḡovadia ahu.
JOB 40:14 Bena lau ese danu baina imodaimu, bainato, Oi imamu idibana sibona ese baine hakwalimumu.
JOB 40:15 Behemoto ba itaia; lau ese ia na karaia, oi na karamu heḡereḡerena; ia na rei e animu, boromakau na heto.
JOB 40:16 A itaia, ena goada na koekoena ai, bona ena siahu na bogana hidiona ai.
JOB 40:17 luna na e ha-aukaiamu, sida auna na heto; mamuna varovarodia na e hebani boumu.
JOB 40:18 Ia turiana na auri labora-labora bona reḡena na auri na heheto.
JOB 40:19 Dirava ese e kara ḡaudia hereana na ia; e karaia Diravana na ena dare baine mailaia.
JOB 40:20 Badina be ororo ese ana e heniamu, uda boromadia iboudiai e gadaramu gabuna ai.
JOB 40:21 Telimi audia henudiai e hekuremu; siriho lalodiai, bona gohu ai.
JOB 40:22 Telimi audia ese e hakerukeruamu, bona sinavai isena audia ese e koua heḡeḡemu.
JOB 40:23 A itaia, abata e lasimu negadia ai ia na se garimu; ena be Ioridane sinavaina ese ia uduna e toiamu, to asi ena gari.
JOB 40:24 Kimai amo ba veria diba, eiava udu-baubauna ba idoaia, a?
JOB 41:1 Leviathan na kimai amo ba veria diba eiava malana na ba idoaia a?
JOB 41:2 Udu-baubauna na kwanau amo ba idoaia diba eiava aukina na kimai amo ba gaua a?
JOB 41:3 Ia ese baine noinoi henimu eiava hereva manadadia baine gwaurai henimu a?
JOB 41:4 Ia baine gwauhamata henimu, baineto oi isiaimu baine lao heni hanaihanai, a?
JOB 41:5 Ba gadaralaia, manu na heto, eiava ba ḡuia emu ruma kekenidia edia, a?
JOB 41:6 Hoihoi taudia ese ia davana bae hepapahuahulaia, eiava ia bae haria, hoihoi biagudia ahudia bae henidia, a?
JOB 41:7 Diba momo amo ia kopina ba tarakia diba eiava kwarana na karaudi amo ba gwadaia a?
JOB 41:8 Imamu amo ba dabaia tao toho; e lou henimu na ba laloa, bena basio karaia lou.
JOB 41:9 A itaia, tau ta ena helaro anina basine vara; e itaiamu negana ai vada e dareremu.
JOB 41:10 Asi tauna ta mai goadana ia baine haraivaia. Benaini, daika na lau vairagu ai baine gini diba?
JOB 41:11 Daika ese ḡau ta vada e henigu, bena lau ese davana baina henia? Guba henuna ḡaudia iboudiai na lauegu.
JOB 41:12 Udugu basina hakapua ia reḡena iherevalaidia, eiava ena goada hereana eiava tau-anina ita-itana namona.
JOB 41:13 Daika ese ia kopina baine vakaia oho diba? Daika ese ia kopina, auri ere rua na heheto, baine gwadaia uru?
JOB 41:14 Daika ese ia uduna baine hahaḡaia? Ia isena heḡeḡe-dae na mai garina.
JOB 41:15 Doruna na kesi, siri ta ta ai, e hahekapa-hekapadia;
JOB 41:16 padadia na hekahi-hekahi herea, bena hodahoda na padadia amo basine vareai diba;
JOB 41:17 e hesiriu heboumu, e hekamo boumu, basie haheparara diba.
JOB 41:18 Ena asimana na mai kimoremoredia, bona matana na daba e rotoamu na heto.
JOB 41:19 Uduna lalona amo lahi hururu-hururudia e lasimu, bona kimoremore danu e roho lasimu.
JOB 41:20 Udu-baubauna amo kwalahu e lasimu, uro e daidaimu varahuna eiava siriho e aramu kwalahuna na heto.
JOB 41:21 Ena hahodi-lasi ese rakuraku audia e ha-aradiamu, bona lahi hururuna na uduna amo e lasimu.
JOB 41:22 Aiona na mai goadana; haheḡari na ia vairana ai e hare e laomu.
JOB 41:23 Hidiona baruru-barurudia e hahekapa-hekapadiamu; ia tau-anina ai e aukamu, basie marere-marere.
JOB 41:24 Ia lalona na auka, nadi na heto; nadi-hurona, latanai uit e ririamu ḡauna, na heto.
JOB 41:25 E tore isimu negana ai goada taudia na e garimu; reḡena e kamonaimu, bena e magigimu.
JOB 41:26 Ena be dare na enai baine kau, to asi anina; io bona diba bona karaudi danu asi anidia.
JOB 41:27 Auri na rei kakoro na heto ienai, bona auri labora-labora na au houka-houkana na heto.
JOB 41:28 Diba ese basine hagaria, bena basine heau; vilipopo nadidia na uit momona ai e halaoamu.
JOB 41:29 Kareva na uit momona heḡereḡerena ienai; io reḡedia na e kirikirilaiamu.
JOB 41:30 Ia kopana na ataga ganoka-ganokadia na heheto; kopukopu na e kwadiamu, uit ikwadilaina auna na heto.
JOB 41:31 Gadobada na e halohilohiamu, uro anina na heto; davara na uro mai muramurana heḡereḡerena ai e halaoamu.
JOB 41:32 Ia murinai gwaragwara e hekaramu; davara na e hanahuaiamu.
JOB 41:33 Tanobada ai ia heḡereḡerena ta lasi; ia na asi gari dibana ḡauna.
JOB 41:34 Atai ḡaudia iboudiai na e itadiamu; ia na hekokoroku ḡaudia iboudiai edia pavapava.
JOB 42:1 Bena Iobu ese Iehova ma e haere henia, eto:
JOB 42:2 Lau dibagu oi na ḡau iboudiai ikaradia dibamu, bona emu lalo-hadai ta basine helao ahu.
JOB 42:3 Ina na daika, hahealo herevadia e hunidiamu asi aonegana dainai? Taunabunai, lalogu se pararamu ḡaudia vada na gwauraidia; e hahoagu herea ḡaudia, asi dibagu ḡaudia, vada na herevalaidia.
JOB 42:4 A kamonai, bena baina hereva; baina nanadaimu, bena ba haere henigu.
JOB 42:5 Gunaguna taiagu amo sivaraimu na kamonai, a harihari matagu ese e itamumu;
JOB 42:6 una dainai lau na sibogu na hedadaraimu, ḡahu bona kahu ai na helalo kerehaimu.
JOB 42:7 Iehova ese ini hereva na Iobu e hamaorolaia murinai, Iehova ese Elifasa tau Teman e gwau henia, eto, Egu badu vada e ḡaraḡaramu, oi bona turamu raruosi latadiai, badina be sivaraigu maorona asio gwauraia, hari egu hesiai tauna Iobu ese e gwauraia heḡereḡerena.
JOB 42:8 Taunabunai, harihari boromakau mamaruanedia hitu bona mamoe mamaruanedia hitu bavabidia, egu hesiai tauna Iobu dekena baola, bona emui ḡole-oho boubouna ḡaudia ba hahelaḡadia. Bena egu hesiai tauna Iobu na umui daimui ai baine ḡuriḡuri; badina be ena ḡuriḡuri umui daimui ai na baina abia dae, emui kavakava heḡereḡerena ai basina kara henimui. Badina be umui na asio herevalaigu maoro, egu hesiai tauna Iobu ese e herevalaigu heḡereḡerena.
JOB 42:9 Taunabunai, Elifasa, tau Teman, bona Bildad, tau Suhi, bona Sofara, tau Naamata, na ela, Iehova ese e hamaorodia heḡereḡerena idia ese e karaia; bena Iehova ese Iobu ena ḡuriḡuri e abia dae.
JOB 42:10 Bena Iehova ese Iobu ena taḡa ma e henia lou, turana daidiai e ḡuriḡuri negana ai. Iehova ese Iobu ena taḡa gunana na nega harua ma e habadaia.
JOB 42:11 Bena tadikakana bona taihuna bona turana gunadia iboudiai na ia dekena ema, ia ida e aniani hebou ena ruma ai. Idia ese e hamarumarua bona tauna e haloa, dika idoinai Iehova ese ia latanai e hadihoa dainai; bena idia ta ta ese silver monina ta bona gold vagivaḡina ta e henia.
JOB 42:12 Bena Iehova ese Iobu ena dina gabedia e hanamodia bada, a matamana ai ihanamona be maraḡi. Ena mamoe na gerebu-ta daha-hani; ena kamelo na daha-tauratoi; ena boromakau mamaruanedia na daha-rua, bona ena doniki hahinedia na daha-ta.
JOB 42:13 Natuna mamaruanedia na hahitu bona natuna hahinedia na tatoi.
JOB 42:14 Kekeni roboana na ladana e hatoa lemima; ihararuana na ladana e hatoa Kesia; bona hane muritai na ladana e hatoa Kerene-hapuku.
JOB 42:15 Bena tano idoinai asi hahinena ta mai hairaina, Iobu natuna hahinedia tatoiosi hairaidia heḡereḡeredia. Bena tamadia ese taihudia ida ahudia e henidia.
JOB 42:16 Una murinai Iobu ena mauri laḡanidia na sinahu-ta hari-ahui; bona besena e itadia ela bona uru hani.
JOB 42:17 Bena Iobu na e mase; ia na tau buruka, ena mauri dinadia na hoho herea.
PSA 1:1 Taunimanima binai vada e namo: ia na kara dika taudia edia henega sela, kara kerere-kerere taudia edia dala ai se gini, hevaseha taudia edia helai gabudia ai se helai;
PSA 1:2 A Iehova ena taravatu ia ese e moalelaiamu, ena taravatu e laloa boimu, e laloa ranimu.
PSA 1:3 Ia na sinavai isena ai e hadoa auna na heto: ena huahua negana ai ia anina do baine dobi, ia rauna danu do basine marai, ḡau idoidiai ia baine kara be anidia do bae vara ḡoevaḡoeva.
PSA 1:4 Kara dika taudia na dia unuheto: idia na uit momodia na heheto, lai ese e oda ohomu.
PSA 1:5 Taunabunai kara dika taudia na hahemaoro negana ai do basie gini, kara kerere-kerere taudia danu kara maoromaoro hebouna ai do basie gini.
PSA 1:6 Badina be Iehova na kara maoromaoro taudia edia dala dibana; A kara dika taudia, edia dala do baine doko.
PSA 2:1 Badina be dahaka lalo-dibura taudia na e heloḡo-heloḡomu? Badina be dahaka taunimanima edia lalo-hadai na kavakava?
PSA 2:2 Tanobada pavapavadia e gini toremu, bona lohia taudia na e henega boumu; Iehova bona ia ese e horoa tauna na idia ese e inai henidiamu. Idia na e tomu:
PSA 2:3 Edia gadea baita hamotudia, e ḡuilaida varodia baita negedia.
PSA 2:4 Guba ai e nohomu Diravana ese baine kirikirilaidia; Ḡaubada ese baine hevasehalaidia.
PSA 2:5 Ia ese baine gwau henidia mai baduna ida, ena badu-ḡaraḡara ese baine hahisihisidia. Baineto:
PSA 2:6 Egu pavapava vada na atoa, egu ororo Siona dorina ai.
PSA 2:7 Iehova ena hereva baina harorolaia, ia ese vada e hadibagu heḡereḡerena, eto: Oi na lau natugu, hari dina ai vada na havaramu.
PSA 2:8 Ba noigu, bena bese idau-idau baina henimu, oi ahumu, tanobada dokodia do baina henimu, emu.
PSA 2:9 Auri itotohina amo ba hamakohidia, uro na heto ba huaridia.
PSA 2:10 Pavapava e, ba aonega; tanobada lohiamui e, ba diba.
PSA 2:11 Iehova ba toma henia diho mai garimui, bona mai heude-heudemui ida.
PSA 2:12 Ia aena palapaladia ba harahudia, baine badu henimui bena dala ai ba mase na garina; badina be ena badu e vara haraḡamu. Ia e abidadama heniamu taudia be nanamo.
PSA 3:1 Iehova e, e inai henigumu taudia na ede hohodia! E tuari henigumu taudia na hutuma.
PSA 3:2 Hutuma herea ese lau e herevalaigumu, etomu, Dirava ese se kahaiamu. (Selah)
PSA 3:3 Iehova, e, o ḡeḡegu ahumu, egu kesi ai o laomu; oi na egu diari, lau kwaragu o abia isimu.
PSA 3:4 Iehova na boi heniamu, bena ena ororo helaḡana amo e haere henigumu. (Selah)
PSA 3:5 Lau na hekure, na mahuta, ma na noga; badina be Iehova na egu imuda.
PSA 3:6 Taunimanima gerebu gerebu basina gari henidia; e ḡeḡegu ahumu bona e tuari henigumu taudia na garidia basina gari.
PSA 3:7 Iehova e, a tore isi! Egu Dirava e, a hamaurigu! Badina be inaigu iboudiai na vahadia vada o patadia, kara dika taudia danu isedia vada o hakwaidudia.
PSA 3:8 Hahemauri na Iehova ena amo e maimu; emu hahenamo na emu orea taudia latadiai e miamu. (Selah)
PSA 4:1 Egu kara maoromaoro Diravana e! Na boi henimumu negadia ai na ba haere henigu. Egu dika amo vada o ruhagu nege; A bogagu hisi, egu noinoi a kamonai.
PSA 4:2 Taunimanima e, umui ese lau namogu na hemarai ai ba halaoa ela bona edena nega ai? Hereva kavakavadia ba ura henidia bona hereva koikoidia ba tahudia ela bona edena nega ai? (Selah)
PSA 4:3 Ba diba, Iehova ese ia ibadinana tauna na vada e abia hidi; Iehova na boi heniamu negadia ai na ia ese e kamonai henigumu.
PSA 4:4 Ba hemataurai, basio kara dika; sibomu lalomu ba tahua emu mahuta gabuna ai, a basio hereva. (Selah)
PSA 4:5 Kara maoromaoro bouboudia ba hahelaḡadia, bona Iehova bavabidadama henia.
PSA 4:6 Hutuma na e tomu, Daika ese baine hanamomai? Iehova e, oi vairamu diarina bavabia isi ai emai ai.
PSA 4:7 Lau lalogu vada o hamoalea; egu moale ese edia uit bona edia vine ranuna e habadamu taudia edia moale na e hereaiamu.
PSA 4:8 Mai mainogu ida baina hekure bona baina mahuta, Iehova e, badina be oi mo sibomu ese o gimagumu.
PSA 5:1 Iehova e, egu hereva a hakala henidia; egu ḡanaḡana a kamonai.
PSA 5:2 Egu Pavapava bona egu Dirava e, egu taitai a kamonai, badina be oi na tai henimumu.
PSA 5:3 Iehova e, daba ai lau gadogu o kamonaimu; daba ai na toma henimu dihomu, bona na hegimamu.
PSA 5:4 Badina be oi na dia kara dika imoalelaina Diravana; oi dekemu ai dika ta se miamu.
PSA 5:5 Hekokoroku taudia na oi vairamu ai basie gini; kara dika taudia iboudiai o inai henidiamu.
PSA 5:6 Koikoi taudia o habuadia tarimu; Iehova ese ala-ala taudia bona koikoi taudia e inai henidiamu.
PSA 5:7 A lau be emu ruma lalonai baina raka vareai, emu hebogahisi bada-herea bagunai; emu dubu helaḡana baina haḡerea, baina toma diho; oi baina gari henimu.
PSA 5:8 Iehova e, emu kara maoromaoro ai ba hakaugu, lau inaigu daidiai; Emu dala ba hamaoromaoroa lau vairagu ai.
PSA 5:9 Badina be asi hereva momokanina ta idia ududia ai; lalodia na kara dika ai eme honu honu dae, gadodia na gara na heto, maladia na e hereva manada-manada koikoimu.
PSA 5:10 Dirava e, edia dika davadia ba henidia; edia lalo-hadai dikadia ese bae hahekwakwanaidia; edia kara dikadia momo daidiai ba negedia daure; badina be idia ese oi vada e gwau tubu henimu.
PSA 5:11 Oi e abidadama henimumu taudia na bae moale, bae moale hisi dae ela bona hanaihanai, oi ese o gimadiamu dainai; oi ladamu e ura heniamu taudia ese bae moalelaimu.
PSA 5:12 Badina be oi ese kara maoromaoro tauna o hanamoamu; Iehova e, emu harihari-bada amo o gimaiamu, kesi na heto.
PSA 6:1 Iehova e, emu badu ai basio gwau henigu, emu badu ḡaragarana ai basio hahisigu.
PSA 6:2 Iehova e, a bogagu hisi, badina be na manokamu; Iehova e, a hamaurigu, badina be turiagu e hisihisimu.
PSA 6:3 Laumagu danu e hisihisi badamu; Iehova e, ela bona edena nega?
PSA 6:4 Iehova e, a gini kerehai, lau laumagu ba hamauria, emu hebogahisi dainai ba hamaurigu;
PSA 6:5 badina be mase ai tau ta ese basine lalomu tao; mase taudia edia gabu ai daika ese baine imodaimu?
PSA 6:6 Ḡanaḡana ai na hesikumu, hanuaboi iboudiai egu mahuta gabuna ai na tai noho egu mahuta gedana na iruru-matagu ai e pariparumu.
PSA 6:7 Matagu na e valahu-valahumu, egu lalo-hisihisi dainai, egu roharoha e manokamu, inaigu loḡora iboudiai daidiai.
PSA 6:8 Kara havara taumui iboumui ai, egu amo a raka oho, badina be Iehova ese egu taitai reḡena vada e kamonai.
PSA 6:9 Iehova ese egu noinoi vada e kamonai, Iehova ese egu ḡuriḡuri e abia daemu.
PSA 6:10 Lau inaigu iboudiai bae hemarai, lalodia na bae hekwarahi. idia na bae raka kerehai, hemarai ese baine abidia haraḡa.
PSA 7:1 Iehova e, egu Dirava, lau oi na abidadama henimumu; e havagumu taudia edia amo ba harohogu mauri, ba hamaurigu
PSA 7:2 leona na heto bae daregu na garina, asi ihamaurigu bae verigu oho na garina.
PSA 7:3 Iehova e, egu Dirava, ini bama kara toma, eiava imagu bema kerere,
PSA 7:4 eiava turagu bama kara dika henia, eiava inaigu ena ḡau bama dadi kava.
PSA 7:5 Inaigu ese baine havagu ela bona baine lasigu tao, egu mauri na tano ai baine moia tao, bona laumagu na ḡahu ai baine moimoilaia.
PSA 7:6 Iehova e, mai badumu ida a tore isi, lau inaigu edia badu ba laoa ahu totona a tore isi; Egu Durava e, a noga, hahemaoro vada o haheḡanilaia.
PSA 7:7 Bese idau-idau edia hegogo ese baine ḡeḡemu ahu; atai ai ba helai, idia daediai.
PSA 7:8 Iehova ese bese idau-idau e hahemaoro henidiamu: Iehova e, egu kara maoromaoro bona egu lalo-ḡoevaḡoeva heḡereḡeredia ba hahemaoro henigu.
PSA 7:9 Kara havara taudia edia dika ba hadokoa, a kara maoromaoro taudia do ba haginidia; badina be oi na kara maoromaoro Diravana, taunimanima daradia bona lalodia o dibadiamu.
PSA 7:10 Dirava na egu kesi, ia ese laloḡoevaḡoeva taudia e hamauridiamu.
PSA 7:11 Dirava na hahemaoro tauna, mai ena kara maoromaoro; dina iboudiai Dirava ese kara dika e badu heniamu.
PSA 7:12 Tau ta basine helalo kerehai, Dirava ese ena dare baine segea. Ena peva vada e beua, vada e rohea,
PSA 7:13 ena ala-ala ḡaudia vada e abi heḡaeḡae, ena diba na lahi dibadia ai e halaodiamu.
PSA 7:14 A itaia, kara havara tauna ese dika e havaraiamu, kara dika ai e rogorogomu, koikoi daladia e havaramu.
PSA 7:15 Ia ese guri e ḡeia dobumu, bena e ḡeia gurina lalonai e moru dobimu.
PSA 7:16 Ena kara dika na sibona kwarana ai ma e kaumu, ena daḡedaḡe na sibona tubuana ai e dihomu.
PSA 7:17 Iehova baina hanamoa, ena kara maoromaoro dainai, Iehova, atai doriva-doriva Diravana, ladana baina imodaia.
PSA 8:1 Iehova e, ai emai Lohiabada, tanobada idoinai oi ladamu vada e namo herea, oi hairaimu na guba ai vada o atoa.
PSA 8:2 Natudia karukarudia, rata e inumu memerodia, ududia amo goada vada o hadaia, e inai henimumu taudia daidiai; inai tauna bona dika davana ma e haloua tauna oi ese ba hatuidia totona.
PSA 8:3 Emu guba name itaia, oi imamu kwakikwakidia ese e karaia, hua bona hisiu danu oi ese o atodia:
PSA 8:4 Taunimanima be dahaka oi ese o laloamu? taunimanima natuna be daika oi ese o igoa itamu?
PSA 8:5 Vada o karaia, Dirava ese sisina mo ia e hereaiamu; hairai bona hemataurai ia kwarana vada o havavalaia,
PSA 8:6 Oi imamu amo o kara ḡaudia iboudiai vada o henia, baine biagudia, ḡau iboudiai ia aena henudiai vada o atodia:
PSA 8:7 mamoe bona boromakau iboudiai, uda boromadia danu,
PSA 8:8 atai manudia bona davara gwarumedia, bona gadobada daladia ai e loamu ḡaudia iboudiai.
PSA 8:9 Iehova e, ai emai Lohiabada, tanobada idoinai oi ladamu vada e namo herea.
PSA 9:1 Iehova baina hanamoa mai lalogu idoinai: emu hoa karadia iboudiai baina herevalaidia.
PSA 9:2 Baina moale, oi baina imodaimu, oi ladamu ihanamolaina anena baina abia, Herea-Mikamika Diravana e!
PSA 9:3 Lau inaigu e raka kerehai negana ai, e hekwakwanai bona e mase oi vairamu ai.
PSA 9:4 Badina be egu dala maoromaorona vada o hamomokania, terono ai vada o helai, hahemaoro maoromaorona vada o karaia.
PSA 9:5 Bese idau-idau vada o gwau henidia, kara dika taudia vada o habuadia tari; ladadia vada o Ialodia nege ela bona hanaihanai.
PSA 9:6 Inai taudia vada e dika hanaihanai, vada e puki; edia hanua vada o raḡadia oho, ilalotaodia vada e boio.
PSA 9:7 A Iehova na terono ai e helai hanaihanaimu, ena terono vada e haginia, hahemaoro totona;
PSA 9:8 ia ese tanobada e hahemaoro heniamu mai maoromaorona ida, tanobada besedia e hahemaoro henidiamu mai maoromaorona ida.
PSA 9:9 Haida ese e daḡedaḡe henidiamu taudia edia kohoro na Iehova, ia na edia kohoro, dika negadia ai.
PSA 9:10 Oi ladamu dibadia taudia ese e abidadama henimumu, badina be, Iehova e, oi vada e tahumu taudia na asio rakatanidia.
PSA 9:11 Iehova, Siona ai e nohomu Diravana, ba imodaia! Iena kara na bese idau-idau bogaragidiai ba herevalaidia!
PSA 9:12 Badina be rara davana iabina Diravana ese e lalodiamu; haida ese e daḡedaḡe henidiamu taudia edia taitai na ia ese se laloa boiomu.
PSA 9:13 Iehova e, ba bogagu hisi! E inai henigumu taudia edia amo na abi hisidia na ba itadia, mase ikoukoudia amo o abigu isimu Diravana e!
PSA 9:14 Bena oi ihanamolaimu herevadia iboudiai baina gwaurai; Siona natuna kekenina ena ikoukou ai emu hahemauri baina moalelaia.
PSA 9:15 Bese idau-idau na sibodia e ḡei guridia lalodiai vada e moru dobi; sibodia e otoa huona ai aedia vada e headai,
PSA 9:16 Iehova na sibona e hahedinarai, hahemaoro vada e karaia; kara dika taudia na sibodia imadia karadia ai vada e heidoa. (Higgaion. Selah)
PSA 9:17 Kara dika taudia na mase taudia edia gabu baela; Dirava e laloa boiomu besedia iboudiai na unu baela.
PSA 9:18 Badina be e dabumu taudia na basine lalodia boio hanaihanai, bona ogoḡami taudia edia helaro na basine mase hanaihanai.
PSA 9:19 Iehova e, a tore isi! Taunimanima na basie kwalimu; bese idau-idau na oi vairamu ai bae hahemaoro henidia.
PSA 9:20 Iehova e, ba hagaridia! Bese idau-idau taudia bae diba idia na taunimanima mo. (Selah)
PSA 10:1 Iehova e, dahaka dainai oi na dauhai o ginimu? Dahaka dainai dika negadia ai o noho hehunimu?
PSA 10:2 Kara dika taudia ese ogoḡami taudia e hahisihisidiamu mai hekokorokudia ida; sibodia edia lalo-hadai dikadia ai bae heidoa.
PSA 10:3 Badina be kara dika tauna ese sibona ena ura e heagilaiamu, bona mata-ḡaniḡani tauna ese Iehova e uduguiraiamu bona e dadaraiamu.
PSA 10:4 Kara dika tauna vairana hekokorokuna ai ia se tahuamu; ena lalo-hadai idoinai be Dirava na lasi.
PSA 10:5 Nega idoidiai ena dala na auka; oiemu hahemaoro na atai ai, ia na se itamu; ia inaina iboudiai e pururudiamu.
PSA 10:6 Lalona e hadaiamu, e tomu “Basina marere-marere, uru iboudiai lalodiai basina dika”.
PSA 10:7 Uduna na heuduguirai bona koikoi bona daḡedaḡe eme honu honu dae, malana henunai kara havara bona kara dika na mimia.
PSA 10:8 Hanua lalodiai e bani taomu, gabu hehunidia ai asi edia kerere taudia e aladia masemu.
PSA 10:9 Ia matana ese manoka-manoka taudia e hasinadodiamu; ia na komu gabuna ai e banimu, leona ese ena kohua ai e banimu na heto; ogoḡami tauna e bani heniamu, baine dabaia tao totona; ena huo ai e koia vareaimu, bena e dabaia taomu.
PSA 10:10 Manoka-manoka tauna e hapataia tarimu, e moru dihomu, kara dika tauna ena goada ese e hamoruamu.
PSA 10:11 Kara dika tauna na lalona e hadaiamu, e tomu “Dirava vada e helalo boio; vairana vada e hamuea, egu kara dika basine itaia”.
PSA 10:12 Iehova e, a tore isi! Dirava e, imamu a duduia isi! Hisi e animu taudia na basio lalodia boio.
PSA 10:13 Badina be dahaka kara dika tauna ese Dirava e dadaraiamu? Dahaka dainai lalona e hadaiamu, e tomu “Anina basio tahua”?
PSA 10:14 Hekwarahi bona hisihisi vada o itaia, oibe, vada o haeroa, oi imamu ai bavabia totona; manoka-manoka tauna ese oiemu ai e taomu; oi ese ihareha o kahadiamu.
PSA 10:15 Kara havara bona kara dika tauna imana na ba hakwaidua; ena dika ba tahua ela bona ta basio davaria.
PSA 10:16 Iehova baine pavapava hanaihanai; bese idau-idau na iena tano amo bae ore.
PSA 10:17 Iehova e, manau taudia edia noinoi ba kamonai, ani; Ialodia ba hagoadadia, bona ba hakala henidia,
PSA 10:18 ihareha bona hisihisi taudia ba kara maoromaoro henidia totona; unu amo tanobada tauna na hahegari karadia basine kara lou.
PSA 11:1 Iehova na abidadama heniamu; dahaka dainai o hamaorogumu, o tomu “Ororo ba roho henia, manu na heto;
PSA 11:2 a itaia, kara dika taudia na peva e rohemu, edia diba na maora ai e adaimu, lalo-ḡoevaḡoeva taudia na dibura ai bae tarakidia totona;
PSA 11:3 badidia bema habua tari, kara maoromaoro taudia na ede bae kara toma?”
PSA 11:4 Iehova na ena dubu helaḡana ai e nohomu, Iehova ena terono na guba ai mia; ia matana ese taunimanima natudia e nenediamu, ia matana kopidia ese e dibadiamu.
PSA 11:5 Iehova ese kara maoromaoro taudia bona kara dika taudia e dibadiamu; ia laumana ese daḡedaḡe karadia e ura henimu tauna na e inai heniamu.
PSA 11:6 Ia ese lahi gidadia bona teio na kara dika taudia latadiai baine ḡiḡi dobi; lai siahuna na edia kehere anina ai bainela.
PSA 11:7 Badina be Iehova na maoromaoro, bona kara maoromaorodia ia ese e ura henidiamu; kara maoromaoro taudia ese ia vairana bae itaia.
PSA 12:1 Iehova e, a kahamai! Badina be Dirava imatauraina taudia vada e ore; kamonai taudia na taunimanima natudia bogaragidia amo vada e puki oho.
PSA 12:2 Iboudiai na dekedia taudia e koidiamu; bibinadia na hereva manada-manadadia amo e koikoimu, bona lalo-rua amo e herevamu.
PSA 12:3 Bibinadia amo hereva manada-manadadia koikoidia bona maladia amo hekokoroku herevadia e gwauraimu taudia na Iehova ese bema negedia daure be namo.
PSA 12:4 Badina be idia na e tomu “Malada amo baita kwalimu, bibinada na siboda eda; ita biaguda be daika?”
PSA 12:5 Iehova na e tomu “Ogoḡami tauna ena ḡau e dadihaimu dainai, bona asi ena tauna e ḡanaḡanamu dainai, lau na baina tore-isi, e ura heniamu mauri-gabuna ai baina atoa”.
PSA 12:6 Iehova ena gwauhamata na gwauhamata ḡoeva-daedia, silver na tano ai ihavevelaina lahina ai nega hahitu e haḡoevaiamu na heto.
PSA 12:7 Iehova e, oi ese ba gimamai, ina uru amo ba gimamai hanaihanai.
PSA 12:8 Kaha iboudiai kara dika taudia na e hetahu loaloamu; kara havara na taunimanima natudia bogaragidiai e imodaimu.
PSA 13:1 Iehova e, ela bona edena nega ai? Ba lalogu boio ela bona hanaihanai a? Vairamu na egu amo ba hamuea ela bona edena nega ai?
PSA 13:2 Daragu baine doko ela bona edena nega ai? Lalogu na dina idoinai baine hisihisi a? Lau inaigu baine hereagu ela bona edena nega ai?
PSA 13:3 Iehova e, egu Dirava, ba haeroa bona ba haere henigu; matagu ba hadiaridia, mase ena mahuta ai baina mahuta na garina,
PSA 13:4 inaigu na baineto “Vada na hadarerea” na garina, bona na manokamu dainai e inai henigumu taudia bae moale na garina.
PSA 13:5 A lau na emu hebogahisi vada na abidadama henia; lau lalogu ese emu hahemauri baine moalelaia.
PSA 13:6 Ane baina abia, Iehova ena; badina be ia ese ena harihari-bada ai vada e hanamogu.
PSA 14:1 Kavakava tauna ese lalona e hadaiamu, e tomu “Dirava na lasi”. Idia na didika, kara mirodia vada e kara; asi tauna ta ese kara namodia e karamu.
PSA 14:2 Iehova na guba amo e roha dobimu, taunimanima natudia e nenediamu; baine itadia, ta e kara aonegamu eiava, ta ese Dirava e tahuamu eiava.
PSA 14:3 Iboudiai vada e raka boioboio, iboudiai na didika; ta se kara namomu, lasi ona lasi vaitani.
PSA 14:4 Hari kara dika taudia, hari egu bese taudia e anidiamu flaoa e animu heḡereḡerena bona Iehova ladana asie hahaneamu taudia na asi aonegadia a?
PSA 14:5 Gari bada ese baine butudia tao, badina be Dirava na kara maoromaoro taudia edia uru ida e nohomu.
PSA 14:6 Ogoḡami tauna ena lalo-hadai vada o hahemaraidia, a Iehova na iena maḡu.
PSA 14:7 Israel ihamaurina na Siona amo bainema be namo! Iehova ese ena bese taudia baine ruhadia nege negana ai na Iakob baine moale, Israel baine moale hisi dae.
PSA 15:1 Iehova e, daika oiemu ḡuriḡuri kalagana ai baine noho? Daika na oiemu ororo helaḡana ai baine taruha?
PSA 15:2 Taunimanima binai: e raka ḡoevaḡoevamu, kara maoromaoro e karamu, bona lalona amo hereva momokani e gwauraimu;
PSA 15:3 ia malana amo haida se hadikadiamu, turana ihadikana karana ta se karaiamu, bona dekena tauna ihadikana herevana ta se gwauraiamu;
PSA 15:4 kara gageva-gageva tauna na ia ese e ihi-ihiraiamu, a Iehova garina e garimu taudia na ia ese e hanamodiamu; ia sibona ihadikana gwauhamatana e gwauraiamu negana ai ma se idaumu;
PSA 15:5 ia ese ena moni se heni torehaimu davana iabina totona, bona asi ena kerere tauna ihadikana monina danu ia se abiamu. Unu e kara tomamu tauna na do basine marere ela bona hanaihanai.
PSA 16:1 Dirava e, a hamaurigu, badina be oi na abidadama henimumu.
PSA 16:2 Iehova na hereva heniamu, na tomu “Oi na egu Ḡaubada, asi egu namo idauna ta, egu namo na oi mo emu ai”.
PSA 16:3 Tanobada ena helaḡa taudia na heherea-dadae, lau ese na moalelaidiamu.
PSA 16:4 Dirava idauna e abia hidimu taudia ese edia lalo-hisihisi e habadaiamu; edia inuinu bouboudia na rara, a lau be basina sei nege, ladadia na udugu bibinadia amo basina gwaurai.
PSA 16:5 Iehova vada na abia hidi, lau ahugu bona lauegu kehere; oi ese lau ahugu o gimaiamu.
PSA 16:6 Egu dala na gabu namodia amo e laomu; oibe, lau ahugu na namo herea.
PSA 16:7 Iehova na hanamoamu, ia ese e hahealo henigumu; hanuaboi lalonai lau lalogu ese e hadibagumu.
PSA 16:8 Iehova na vairagu ai na atoamu nega idoinai; badina be ia na lau idibagu kahana ai dainai lau na basina marere.
PSA 16:9 Taunabunai, lalogu na e moalemu, bona laumagu na e hisi daemu; tau-anigu danu e noho namonamomu.
PSA 16:10 Badina be oi ese basio kahugu nege, mase taudia edia gabu ai; e matauraimumu tauna na guri basio haheitalaia.
PSA 16:11 Mauri dalana oi ese o haheitalaigumu; oi vairamu ai moale e ḡuḡurumu, oi imamu idibana ai moale ḡaudia na e mia hanaihanaimu.
PSA 17:1 Iehova e, lalo-hadai maoromaorona a hakala henia; egu taitai a kamonai. Egu ḡuriḡuri a hakala henia, bibinagu asi koikoidia ese e gwauraiamu.
PSA 17:2 Ihahemaoro-henigu na oiemu amo bainema; oi matamu ese kara maoromaoro bae itaia.
PSA 17:3 Lalogu boma dibaia, hanuaboi ai boma vadivadi henigu, boma tohogu, a kara dika na lalogu ai basioma davaria; udugu na se kereremu.
PSA 17:4 Taunimanima edia ḡaukara lalodiai lau na daḡedaḡe taudia edia dala amo vada na raka siri, oi udumu bibinadia herevadia daidiai.
PSA 17:5 Oiemu dala ai vada na raka balaheni, lau aegu na asie dedi.
PSA 17:6 Dirava e, na boi henimumu, badina be oi ese ba haere henigu dainai; a hakala henigu, egu hereva ba kamonai.
PSA 17:7 Oi imamu idibana ai inaidia amo e roho maurimu taudia ihamauridia Taumu e, emu hebogahisi ba hahedinaraia, hoa ḡauna na heto.
PSA 17:8 A gimagu, ta ese matana nadinadina e gimaiamu na heto; oi hanimu ikerukerudia ai ba hunigu,
PSA 17:9 kara dika taudia, egu ḡau e dadihaimu taudia, edia amo, bona inaigu, e daigu heḡeḡemu taudia edia amo.
PSA 17:10 Lalodia e koudiamu, asi edia hebogahisi; ududia e kehodiamu, hekokoroku herevadia e gwauraimu.
PSA 17:11 Idia na e gavagu taomu, e daigu heḡeḡemu, e itagu taomu, tano ai bae tahogu dobi e tomu.
PSA 17:12 Idia na leona damuna idarena e ura lalodikamu na heto, leona natuna na komu gabuna ai e banimu na heto.
PSA 17:13 Iehova e, a tore isi! Ba tuari henidia, ba tahodia dobi! Emu dare bavabia, dika taudia edia amo ba hamaurigu;
PSA 17:14 Iehova e, oi imamu amo ba hamaurigu, taunimanima edia amo, tanobada ai mo edia mauri ahuna e abiamu taudia edia amo. Adia vada o abi heḡaeḡae ḡaudia amo bogadia ba hakunu; natudia bogadia bae kunu bona bahu baine mia; edia bahu baine mia, natudia karukarudia adia.
PSA 17:15 A lau be kara maoromaoro ai oi vairamu baina itaia; baina noga negana ai oi oromamu itana ai lalogu do baine namo.
PSA 18:1 Iehova e, egu goada, na lalokau henimumu!
PSA 18:2 Iehova na egu nadi-gini, egu maḡu, egu hahemauri tauna; egu Dirava, egu nadi-gini, na abidadama heniamu tauna; egu kesi, egu mauri doana, bona egu kohoro.
PSA 18:3 Iehova, e imodaiamu Diravana, na tai heniamu, bena inaigu edia amo e hamaurigumu.
PSA 18:4 Mase iḡuidia ese e ḡeḡegu ahuva, hahedika abatadia ese e hagariguva;
PSA 18:5 Mase Gabuna ena iḡui varodia ese e idoagu, mase huodia ida na tata hedavari.
PSA 18:6 Egu hisihisi ai Iehova na boi henia; egu Dirava na tai henia, baine durugu nato. Ena dubu ai lau gadogu e kamonai; egu taitai na ia taiana ai e kau.
PSA 18:7 Una negana ai tanobada e laga, e heude-heude, ororo badidia danu e heude-heude, e marere-marere, badina be ia vada e badu.
PSA 18:8 Kwalahu na ia uduna matudia amo e dae, Iahi siahuna na ia uduna amo e lasi, lahi hururu-hururudia na iena amo ema.
PSA 18:9 Guba e beua tari, bena e diho; dibura badana na ia aena henudiai.
PSA 18:10 Kerubi ai e gui, e roho lao; lai hanina amo e roho haraḡa-haraḡa.
PSA 18:11 Dibura na e hekoulaia, dagadaga dubana e hetarulaia.
PSA 18:12 Hururu-hururu na ia vairanai, unu amo medu-hetari bona lahi-hururuhururu na ena dagadaga amo e diho.
PSA 18:13 Iehova ese guba-rahua ai e hereva, Herea Mikamika na e gwau isi, bena medu-hetari bona lahi-hururuhururu na e diho.
PSA 18:14 Ena diba e kino, e hakarohodia; ena kevaru e hakevarua isi, e hadareredia.
PSA 18:15 Bena davara dobudobudia e heita, bona tanobada badidia e hedinarai, oi Iehova ese o gwau henidia negana ai, oi udumu matudia amo o hahodi lasi negana ai.
PSA 18:16 Atai amo e dau dobi, e abigu, ranu momo amo e verigu lasi.
PSA 18:17 Lau inaigu goadana ena amo e hamaurigu, e inai henigu taudia imadia amo e hamaurigu, badina be idia ese bema hadareregu diba.
PSA 18:18 Egu hisihisi dinana ai e davarigu, a Iehova na egu imuda.
PSA 18:19 Ia ese taora bada gabuna ai e hakaugu lasi; ia ese e hamaurigu, e moalelaigu dainai.
PSA 18:20 Iehova ese davagu vada e henigu, egu kara maoromaoro heḡereḡerena, vada e hanamogu, imagu edia ḡoevaḡoeva heḡereḡeredia.
PSA 18:21 Badina be Iehova ena dala vada na badinadia; lalo-hadai dikadia daidiai egu Dirava asina rakatania.
PSA 18:22 Badina be ena haheḡani iboudiai na lau vairagu ai; ena taravatu asina negedia daure.
PSA 18:23 Ia vairanai lau na asi egu kerere; kara dika amo na raka oho.
PSA 18:24 Taunabunai, Iehova ese vada e hanamogu, ena kara maoromaoro heḡereḡerena ai; imagu na ia vairanai vada e ḡoevaḡoeva heḡereḡerena vada e hanamogu.
PSA 18:25 Hebogahisi tauna oi ese o bogaia hisimu; kara maoromaoro tauna oi ese o kara maoromaoro heniamu.
PSA 18:26 Lalo-ḡoevaḡoeva tauna enai oi lalomu danu baine ḡoevaḡoeva; a kara gageva-gageva tauna enai oiemu kara danu bae gageva-gageva.
PSA 18:27 Badina be lalo-manau taudia na oi ese o hamauridiamu; a hekokoroku taudia na oi ese matadia o ha-igodia dihomu.
PSA 18:28 Momokani, oi ese egu lamepa o haraiamu; Iehova, egu Dirava, ese egu dibura e hadiariamu.
PSA 18:29 Momokani, oi bagumu ai orea badana baina hadarerea diba; egu Dirava bagunai maḡu ta baina rohoa hanai diba.
PSA 18:30 Ina Dirava ena dala na herea dae; Iehova ena gwauhamata vada e momokani; ia na e abidadama heniamu taudia edia kesi.
PSA 18:31 Dirava be daika? Iehova mo. Nadi-gini be daika? Iseda Dirava mo.
PSA 18:32 Ia na goada e hariolaigu Diravana; ia na egu dala e halailaia Diravana.
PSA 18:33 Ia ese lau aegu na dia aedia heḡereḡeredia ai e halaodia; ia ese atai gabudia ai e haginigu kau.
PSA 18:34 Ia ese lau imagu e hadibadiamu, tuari karadia ai, bena ima u na mai goadadia auri-laboralabora pevana baina marea.
PSA 18:35 Emu hahemauri kesina vada o henigu; oi imamu idibana ese vada e dogogu tao, emu kara manada-manada ese vada e imodaigu.
PSA 18:36 Taora bada gabuna vada o lailaia, lau aegu bae moia tao; aegu na asie dedi.
PSA 18:37 Lau inaigu na havadia, na lasidia tao; lau asina gini kerehai ela bona idia na e bua tari.
PSA 18:38 Na gwadadia uru, asie tore diba; e keto, aegu henudiai.
PSA 18:39 Oi ese goada o hariolaigu, baina tuari totona; lau inaigu o tahodia dobi henugu ai.
PSA 18:40 Lau inaigu o hakerehaidia lau vairagu ai; e ina heniguva taudia na na habuadia tari.
PSA 18:41 Hekaha e noilaia, a ta ese se hamauridia; Iehova e tai henia, a ia ese se haere henidia.
PSA 18:42 Lau na botadia patapata, ḡahu lai vairanai na heto; lau na negedia lasi murimuri ai, ariara mirona na heto.
PSA 18:43 Taunimanima edia tuari amo o hamaurigu; bese idau-idau ikwaradia ai o halaogu; asi dibagu taudia ese isiaigu e lao heniva.
PSA 18:44 Lau harigu e kamonai, bena e kamonai henigu; idau bese taudia na lau vairagu ai e igo diho.
PSA 18:45 Idau bese taudia na kudoudia e hetaha; edia komu gabudia amo e raka lasi mai heude-heudedia ida.
PSA 18:46 Iehova na e maurimu; egu nadi-gini na hanamoamu; egu hahemauri Diravana bae imodaia.
PSA 18:47 Dirava ese lau inaigu davadia e henidiamu; ia ese taunimanima na lau henugu ai e atodiamu;
PSA 18:48 ia ese lau inaigu edia amo e hamaurigu. Momokani, oi ese o imodaigu, lau inaigu daediai; daḡedaḡe taudia edia amo o hamaurigu.
PSA 18:49 Ina dainai, Iehova e, lau baina imodaimu bese idau-idau bogaragidiai; oi ladamu baina hanamoa egu ane ai.
PSA 18:50 Kwalimu badana ia ese ena pavapava e heniamu; e horoa tauna ia ese e bogaia hisimu; David mai garana ida baine bogadia hisi ela bona hanaihanai.
PSA 19:1 Guba ese Dirava hairaina e gwauraia hedinaraiamu; guba ḡaudia ese ia imana gaukaradia e hahedinaraiamu.
PSA 19:2 Dina ta ese dina ta e herevalai heniamu; hanuaboi ta ese hanuaboi ta enai iena aonega e gwauraimu.
PSA 19:3 Asi hereva ta, asi gado ta; eredia na se hekamonaimu.
PSA 19:4 A reḡedia na tanobada idoinai vada ela; edia hereva na tanobada dokona ai vada e kau. Idia ediai ia ese dina ena kalaga vada e atoa,
PSA 19:5 dina na e raka lasimu, headava matamata tauna na ena ruma amo e raka lasimu na heto; goada tauna na heto ia na ena dala ai e heaumu mai moalena ida.
PSA 19:6 Guba dokona ta amo e daemu, e hanaimu bona guba dokona ta; ḡau ta na ia siahuna amo basine komu diba.
PSA 19:7 Iehova ena taravatu vada e namo ḡuḡuru; ia ese lauma e hamauria loumu. Iehova ena hahediba herevana vada e momokani; ia ese asi aonegana tauna na e ha-aonegaiamu.
PSA 19:8 Iehova ena hahedua herevadia vada e maoromaoro; ia ese taunimanima lalodia e hamoalediamu. Iehova ena haheḡani vada e ḡoevaḡoeva; ia ese taunimanima matadia e hapapadiamu.
PSA 19:9 Iehova imatauraina vada e ḡoevaḡoeva, e mia hanaihanaimu. Iehova ena hahemaoro vada e momokani, bona vada e maoromaoro.
PSA 19:10 Edia namo ese gold ena namo e hereaiamu, gold ḡoevaḡoevadia momo edia namo e hereadiamu. Edia gaiho ese bada ranuna e hereaiamu, labolabo edia ruma amo e hetuturu dobimu ḡauna.
PSA 19:11 Idia ese oiemu hesiai tauna e sisiba heniamu; ibadinadia ahuna na bada.
PSA 19:12 To daika ese ena kara kerere-kereredia baine diba; Egu kara dika hehuni-hehunidia amo ba haḡoevagu.
PSA 19:13 Oiemu hesiai tauna ba rua, ena hekokoroku ai basine kara dika; egu kara dika basie hadareregu. bena basina kerere; kara dika badana ta basina karaia.
PSA 19:14 Iehova e, egu nadi-gini, egu hahemauri tauna, ba durugu; udugu herevadia bona lalogu ena lalo-hadai bae ḡoeva oi vairamu ai.
PSA 20:1 Iehova ese baine haere henimu, hisihisi dinana ai. Iakob ena Dirava ladana ese baine gimamu.
PSA 20:2 Helaḡa gabuna amo ena hekaha baine siaia vasi; Siona amo goada baine henimu.
PSA 20:3 Emu boubou iboudiai baine lalodia tao; emu ḡole-oho bouboudia baine abi dae. (Selah)
PSA 20:4 Lalomu ena ura baine henimu; emu lalo-hadai iboudiai anidia baine havara.
PSA 20:5 Emu hahemauri baia moalelaia, bona emai Dirava ladana ai emai pepe baia haodaia isi. Iehova ese emu noinoi iboudiai anidia baine havara henimu.
PSA 20:6 Harihari lau name diba, Iehova ese e horoa tauna na baine kahaia; ena gabu helaḡana amo baine haere henia, bona imana idibana amo kwalimu badadia baine henia.
PSA 20:7 Haida ese kariota e heaḡilaidiamu; ma haida ese hosi e heaḡilaidiamu; a ai ese Iehova, emai Dirava, ladana a heaḡilaiamu.
PSA 20:8 Idia na vada e hekwakwanai, vada e keto; a ai na vada a tore isi, vada a gini tore.
PSA 20:9 Iehova e, a hamaurimai! Baia boiboi negana ai, emai Pavapava ese baine haere henimai.
PSA 21:1 Iehova e, oi goadamu ai hanua pavapavana na e moalemu; oiemu hekaha e heaḡilaia badamu.
PSA 21:2 Lalona e uramu ḡauna oi ese vada o henia; uduna bibinadia edia noinoi na so rua. (Selah)
PSA 21:3 Emu hahenamo ḡaudia namo-hereadia ese ia e gunalaiamu; havava ḡauna, gold namo-hereana amo e karaia, na ia kwarana ai o havavalaiamu.
PSA 21:4 Ia ese mauri e noia emu ai; oi ese o henia; ena mauri dinadia o hadaudau, ela bona hanaihanai.
PSA 21:5 Oiemu hekaha dainai taunimanima ese e imodaia badamu; hairai bona siahu oi ese vada o henia.
PSA 21:6 Momokani, oi ese vada o hanamoa bada ela bona hanaihanai; oi vairamu moalena amo vada o hamoalea.
PSA 21:7 Badina be hanua pavapavana ese Iehova e abidadama heniamu; Herea Mikamika ena hebogahisi dainai ia na basine marere.
PSA 21:8 Oi imamu ese oi inaimu iboudiai baine davaridia; oi imamu idibana ese e inai henimumu taudia iboudiai do baine davaridia.
PSA 21:9 Ba hedinarai negana ai amu mai siahuna heḡereḡerena ai ba halaodia. Iehova ese ena badu ai baine hadonodia, lahi ese baine aradia ore.
PSA 21:10 Oi ese idia garadia na tanobada amo ba habuadia; idia natudia na taunimanima natudia bogaragidia amo ba habuadia tari.
PSA 21:11 Oi ihadikamu dalana e haeroa, lalo-hadai dikana ta e laloa heḡaeḡae; to asi edia dala karana bae karaia.
PSA 21:12 Badina be oi ese ba hakarohodia; oi ese oiemu peva amo vairadia ba kino henidia.
PSA 21:13 Iehova e, emu goada ai bae imodaimu! Ai ese danu ane baia abi, oiemu siahu baia imodaia emai ane ai.
PSA 22:1 Egu Dirava e, egu Dirava e, dahaka dainai vada o rak-atanigu? Dahaka dainai emu hekaha na dauhai e miamu? Dahaka dainai egu ḡanaḡana so kamonaimu?
PSA 22:2 Egu Dirava e, dina ai na tai henimumu, a so haere henigumu; hanuaboi ai danu, to laḡa-ani asina davariamu.
PSA 22:3 A oi na helaḡa; Israel taudia edia heimodai latadiai o nohomu.
PSA 22:4 Tamamai ese oi e abidadama henimuva; e abidadama henimuva, bena oi ese o hamauridiava.
PSA 22:5 E tai henimuva, bena e mauri; e abidadama henimuva, bena asie baia.
PSA 22:6 A lau na biluga mo, dia taunimanima; taunimanima ese e ihi-ihiraigumu, egu bese taudia ese e dadaraigumu.
PSA 22:7 E itagumu taudia iboudiai ese e kirikirilaigumu, bibinadia e hamue henigumu, kwaradia e taiko-taikomu, e tomu
PSA 22:8 “Ia ese Iehova e abidadama henia, Iehova ese baine hamauria, baine harohoa mauri; badina be ia ese e moalelaiamu”.
PSA 22:9 Ḡau tamona, oi ese sinagu bogana amo o verigu lasi; oi ese o gimaguva sinagu kemena ai.
PSA 22:10 Egu vara dinana amo oiemu ai na tao; sinagu bogana amo na lasi dinana amo oi na egu Dirava.
PSA 22:11 Egu amo dauha basiola, badina be hisihisi vada eme kahira-kahira, bona lau na asi ikahagu ta.
PSA 22:12 Boromakau mamaruanedia momo ese e ḡeḡegu ahumu, Basan boromakaudia mai goadadia ida ese e kougu heḡeḡemu;
PSA 22:13 Idia ese ududia e haga henigumu, leona na mai daḡedaḡena ida e ḡoumu na heto.
PSA 22:14 Na aru ohomu ranu na heto, turiagu na e heridemu; kudougu na bada na heto, kemegu ai e veve ohomu.
PSA 22:15 Egu goada na e kaukaumu, ataga na heto, malagu na udugu ai e kaki taomu; mase ḡahuna ai vada o hagorugu diho.
PSA 22:16 Momokani, sisia ese e ḡegegu ahumu; kara dika taudia vada e hebou, vada e kougu ahu; imagu palapaladia bona aegu palapaladia vada e daidia uru,
PSA 22:17 (Turiagu idoinai na ita hedinaraimu). Idia ese e raraigumu, e itagu taomu;
PSA 22:18 egu dabua e hari, egu hahedoki na mari amo e hari.
PSA 22:19 A oi, Iehova e, basio noho dahu ai! Ikahagu e, aoma haraḡa, ba durugu!
PSA 22:20 Laumagu na dare amo ba hamauria, egu mauri na sisia ena siahu amo ba rauaia.
PSA 22:21 Leona uduna amo ba hamaurigu, uda boromakaudia doadia amo lau laumagu ba hamauria.
PSA 22:22 Oi ladamu baina hatoa, tadikakagu vairadiai; baina imodaimu, hebou bogaraginai.
PSA 22:23 Iehova garina o garimu taumui e, ia ba imodaia! Iakob natuna iboumui ai, ia ba heatolaia! Israel natuna iboumui ai, ia ba matauraia!
PSA 22:24 Badina be hisi ani tauna ena hisihisi ia ese se dadaraia bona se lalo dika henia; ia vairana na iena amo se hunia, e tai henia negana ai e kamonai.
PSA 22:25 Hebou badana ai baina imodaimu; egu gwauhamata anidia baina kara, ia garina e garimu taudia vairadiai.
PSA 22:26 Ogoḡami taudia na bae aniani, bogadia bae kunu; e tahuamu taudia ese Iehova bae imodaia. Oi lalomu baine mauri hanaihanai.
PSA 22:27 Tanobada dokodia iboudiai na bae helalo tao, bena Iehova bae haḡerea; bese idau-idau edia iduhu iboudiai ese ia bae toma henia diho.
PSA 22:28 Badina be basileia na Iehova ena, ia ese bese bese e lohiadiamu.
PSA 22:29 Momokani, heaḡi taudia iboudiai tanobada ai ese ia bae toma henia diho; ḡahu ai e dihomu taudia iboudiai na ia vairanai bae igo diho, bona sibona ihamaurina asi dibana tauna danu.
PSA 22:30 Garada ese ia isiaina bae lao henia; taunimanima ese uru gabena na Iehova sivaraina bae hamaorolaidia;
PSA 22:31 do asie vara taudia na iena hahemauri bae hadibalaidia, hari vada e hahedinaraia heḡereḡerena.
PSA 23:1 Lau ireḡugu tauna mamoe ireḡuna na heto Iehova mo; lau na ḡau ta ai basina dabu.
PSA 23:2 Rei manoka-manoka gabudia ai ia ese e hahekuregumu; deḡedeḡerahu gabuna ranudia badibadidiai e hakaugumu.
PSA 23:3 Lau laumagu ia ese e hamauria loumu; kara maoromaoro daladia ai ia ese e hakaugumu, ia ladana dainai.
PSA 23:4 Oibe, ena be mase diburana kourana ai baina raka, to dika garina basina gari; badina be oi na lau ida, emu kareva bona emu itotohi ese lau taugu e haloamu.
PSA 23:5 Agu aniani oi ese o dabaraiamu, lau inaigu vairadiai; lau kwaragu na dehoro ai o horoamu, egu kehere na e hepurai dobimu.
PSA 23:6 Momokani, namo bona hebogahisi do bae ḡavagu, egu mauri dinadia idoidiai; bona Iehova ena ruma ai baina noho hanaihanai.
PSA 24:1 Tanobada mai anidia iboudiai ida, Iehova ena, tanobada idoinai mai inoho-henina taudia ida;
PSA 24:2 badina be ia sibona ese vada e hadaia, davara latadiai, ia ese vada e haginia utu-utu latadiai.
PSA 24:3 Daika ese Iehova ena ororo baine dara dae? Daika ese ena gabu helaḡana ai baine gini?
PSA 24:4 Ima-ḡoevaḡoeva bona lalo-ḡoevaḡoeva tauna ese; kara havara se ura henimu bona se gwau hamata koikoimu tauna ese.
PSA 24:5 Hahenamo na Iehova ena amo baine abia, ena kara igwaurai-maorona danu ia ihamaurina Diravana ena amo baine abia.
PSA 24:6 Ia e tahuamu taudia edia uru bunai; idia na oi vairamu e tahuamu, Iakob ena Dirava e! (Selah)
PSA 24:7 Ikoukoumui e, umui kwaramui avabi isi! Idau nega iduaradia, umui na sibomui a heabi isi! Hanua Pavapavana diaḡau namona baine raka vareai.
PSA 24:8 Hari Hanua Pavapavana diaḡau namona be daika? Iehova bunai, mai goadana ida bona mai siahuna ida; Iehova bunai, tuari ai e kwalimumu.
PSA 24:9 Ikoukoumui e, umui kwaramui avabi isi! Oibe, idau nega iduaradia, umui na sibomui a heabi isi! Hanua Pavapavana diaḡau namona baine raka vareai.
PSA 24:10 Hari Hanua Pavapavana diaḡau namona be daika? Iehova Sabaota, ia bunai Hanua Pavapavana diaḡau namona. (Selah)
PSA 25:1 Iehova e, laumagu na abia isimu oiemu ai;
PSA 25:2 egu Dirava e, lau oi na abidadama henimumu. Ba durugu, hemarai na basine abigu; ba durugu, inaigu na basie herouheroua latagu ai.
PSA 25:3 Oibe, e narimumu tauna ta basie hahemaraia; a asi badina e tao toremu taudia vada bae hahemaraidia.
PSA 25:4 Iehova e, emu kara ba haheitalaigu, emu dala ba hadibalaigu.
PSA 25:5 Emu hereva momokanidia ai ba hakaugu, ba hadibagu, badina be oi na lau ihamaurigu Diravana; oi na narimumu dina idoinai.
PSA 25:6 Iehova e, emu hebogahisi ba laloa, emu lalokau ba laloa tao; badina be idia na nega gunadia amo e hemailaimu.
PSA 25:7 Tauhaugu negana ena kara dika na basio Ialoa tao, eiava egu kara havara danu; Iehova e, lau ba lalogu tao, emu hebogahisi dainai.
PSA 25:8 Iehova na namo bona maoromaoro; taunabunai ia ese kara dika taudia na dala ai e hadibadiamu.
PSA 25:9 Ia ese lalo-manau taudia na kara maoromaoro ai e hakaudiamu, lalo-manau taudia na iena dala e hadibalaidiamu.
PSA 25:10 Iehova ena dala iboudiai na hebogahisi bona momokani daladia, ena taravatu bona ena hahediba herevadia e badinadiamu taudia edia.
PSA 25:11 Iehova e, oi ladamu dainai egu kara dika ba gwau tao, badina be vada e bada.
PSA 25:12 Iehova garina e garimu tauna be daika? Iehova ese ia baine hadibaia, edena dala baine abia hidi.
PSA 25:13 Ia na taḡa ai baine noho, bona ia natuna ese tano bae abia, edia.
PSA 25:14 Iehova ena hetura na ia garina e garimu taudia edia; ia ese ena taravatu baine hadibalaidia.
PSA 25:15 Matagu ese Iehova e haḡereamu, badina be ia ese lau aegu na huo amo baine veridia oho.
PSA 25:16 A haḡeregu, a bogagu hisi; badina be lau na sibogu, bona na hisihisimu.
PSA 25:17 Lalogu ena hisihisi na e bada e laomu; egu hisihisi amo ba hakaugu lasi.
PSA 25:18 Egu hisihisi bona egu hekwarahi ba haerodia, bona egu kara dika iboudiai ba gwau tao.
PSA 25:19 A haeroa, inaigu na hutuma, bona edia badu na auka herea egu ai.
PSA 25:20 Egu mauri ba gimaia, ba hamaurigu; ba durugu, basie hahemaraigu; badina be egu roho-mauri be oiemu ai.
PSA 25:21 Kara momokani bona kara maoromaoro ese bae hamaurigu; badina be oi na narimumu.
PSA 25:22 Dirava e, Israel ba hamauria, ena hisihisi iboudiai lalodia amo.
PSA 26:1 Iehova e, ba gwauraigu maoro, badina be vada na raka mai maoromaorogu ida, bona Iehova vada na abidadama henia, asi egu daradara.
PSA 26:2 Iehova e, ba tahugu, ba dibagu; lalogu bona daragu ba dibadia.
PSA 26:3 Badina be emu hebogahisi na lau matagu ai, bona oi iabidadama-henimu karana ai na rakamu.
PSA 26:4 Koikoi taudia ida asina helaimu, bona boga-alaga taudia ida asina raka heboumu;
PSA 26:5 kara dika taudia edia hebou na inai heniamu, bona kara havara taudia ida basina helai hebou.
PSA 26:6 Ialo-ḡoevaḡoeva ai lau imagu na huriamu; Iehova e, emu ihaboulaina patana na rakaia heḡeḡemu,
PSA 26:7 oi ihanamolaimu anena na lololaiamu, bona oiemu hoa karadia iboudiai na gwauraidiamu.
PSA 26:8 Iehova e, oi o noholaiamu rumana na ura heniamu, oi hairaimu e miamu gabuna na lalokau heniamu.
PSA 26:9 Kara dika taudia ida basio darogu tabe, egu mauri danu rara e hahebubuamu taudia ida basio bibia tabe;
PSA 26:10 idia imadia na kara dikadia ai e honumu, imadia idibadia na koikoi karadia davadia ai e honumu.
PSA 26:11 A lau be egu kara maoromaoro ai na rakamu; ba hamaurigu, ba bogagu hisi.
PSA 26:12 Aegu na taora ai gini; hebou badana lalonai Iehova baina hanamoa.
PSA 27:1 Iehova na egu diari, lau ihamaurigu; daika garina baina gari? Iehova na egu mauri maḡuna; daika baina gari henia?
PSA 27:2 Kara dika taudia ese bae ala-ala henigu, lau taugu ianina totona, una negana ai lau inaigu bona e daḡedage henigumu taudia na bae hetutuhi bona bae keto.
PSA 27:3 Ena be tuari taudia hutuma bae taruha, lau bae ala-ala henigu, to kudougu basine hetaha; ena be tuari na egu ai baine kau, to lalogu do baine goada.
PSA 27:4 Ḡau tamona mo Iehova enai na noiamu, una mo baina tahua; Iehova ena ruma ai baina noho, egu mauri dinadia iboudiai; Iehova hairaina baina itaia, bona ena dubu ai lalo-parara baina tahua.
PSA 27:5 Badina be hahedika baine kau dinana ai, ia ese ena kalaga ai baine hunigu; ena ḡuriḡuri kalagana ai ia ese baine hunigu, baine abigu isi, nadi latanai baine atogu.
PSA 27:6 Lau kwaragu baine heabi isi, inaigu, e daigu ahu taudia, daediai; bena ena ḡuriḡuri kalagana ai boubou ḡaudia baina hahelaḡadia mai moalegu ida; bona ane baina abi, Iehova ihanamolaina anedia.
PSA 27:7 Iehova e, na boi lolomu negana ai na ba kamonai, ba bogagu hisi, ba haere henigu.
PSA 27:8 Vada oto “Lau vairagu ba tahua;” bena lau lalogu e haere henimumu, e tomu “Iehova e, oi vairamu na tahuamu.”
PSA 27:9 Oi vairamu na egu amo basio hunia. Oiemu hesiai tauna basio lulua mai badumu ida; ikahagu na oi. Lau ihamaurigu Diravana e, basio negegu, bona basio rakatanigu.
PSA 27:10 Badina be tamagu bona sinagu vada e rakatanigu, a Iehova ese baine abigu dae.
PSA 27:11 Iehova e, emu dala ba hadibalaigu; dala maoromaorona ai ba hakaugu, lau inaigu daidiai.
PSA 27:12 E daḡedaḡe henigumu taudia edia ura ai basio negegu; badina be hahebade koikoi taudia vada e gini tore, bae hadikagu totona, idia na mai daḡedaḡedia ida e ḡosimu.
PSA 27:13 Lau lalogu na e abia daemu Iehova ena kara namo baina itaia, mauri taudia edia tano ai.
PSA 27:14 Iehova ba naria; ba goada balaheni, ba boga auka; oibe, Iehova ba naria.
PSA 28:1 Iehova e, lau oi na boiboi henimumu; egu nadi-gini, taiamu na basio koudia egu ai, basio haere henigu negana ai na mase gabuna e laomu taudia heḡereḡeredia ai bainala na garina.
PSA 28:2 Egu noinoi herevadia a kamonai, ba kahagu totona na tai henimumu negana ai, bona imagu na emu gabu helaḡana na dudui isi heniamu negara ai.
PSA 28:3 Kara dika taudia ida basio abigu oho, kara havara taudia ida basio negegu daure; idia ese dekedia taudia na maino herevadia e gwaurai henidiamu, a lalo-hadai dikadia na lalodia ai mimia.
PSA 28:4 Edia ḡaukara heḡereḡeredia ai davadia na ba henidia, edia kara dikadia davadia do ba henidia; imadia ḡaukaradia heḡereḡeredia ai davadia na ba henidia, davadia korikori do ba henidia.
PSA 28:5 Badina be Iehova ena ḡaukara asie matauraidiamu, ia imana ḡaukaradia asie matauraidiamu; ia ese baine ḡiḡidia dobi, ma basine hadaidia lou.
PSA 28:6 Iehova aina hanamoa! Badina be egu noinoi vada e kamonai.
PSA 28:7 Iehova na egu goada bona egu kesi, lau lalogu ese ia e abidadama heniamu; unu amo hekaha na davariamu, bona lalogu na e moalemu, egu ane ai danu ia na hanamoamu.
PSA 28:8 Iehova na ena bese taudia edia goada; ia na e horoa tauna ena kohoro.
PSA 28:9 Emu bese taudia ba hamauridia, oi dihimu ba hanamodia; ba reḡudia, bona bavabidia isi hanaihanai.
PSA 29:1 Siahu taudia natudia e, Iehova ba imodaia; Iehova hairaina bona siahuna ba heatolaidia.
PSA 29:2 Iehova ladana hairaina ba heatolaia; Dabua helaḡadia ai Iehova ba imodaia.
PSA 29:3 Iehova gadona na ranu latadiai; Hairai Diravana gadona na guba-rahu na heto, Iehova na ranu badadia latadiai.
PSA 29:4 Iehova gadona na mai siahuna, Iehova gadona na pavapava gadona.
PSA 29:5 Iehova gadona ese sida audia e hakwaidudiamu, Iehova ese Lebanon ena sida audia e hakwaidudiamu.
PSA 29:6 Ia ese Lebanon e harohoamu, boromakau natuna na heto, Sirion danu e harohoamu, uda boromakauna natuna maruanena na heto.
PSA 29:7 Iehova gadona ese lahi hururu-hururudia e hakevaru isimu;
PSA 29:8 Iehova gadona ese tano ḡaḡaena e haheude-heudeamu, Iehova ese Kade tano-gaḡaena e haheude-heudeamu.
PSA 29:9 Iehova gadona ese oak audia e odadia hirihirimu, bona uda au-raudia e oda ohomu; iena dubu ai ḡau iboudiai ese ia hairaina e gwauraiamu.
PSA 29:10 Iehova na ena terono ai e helaimu, utu-utu daediai; Iehova na ena terono ai e helaimu, e pavapava hanaihanaimu.
PSA 29:11 Iehova ese ena orea taudia na goada baine henidia; Iehova ese ena orea taudia na maino amo baine hanamodia.
PSA 30:1 Iehova e, aina heatolaimu, badina be oi ese vada o verigu isi; lau inaigu vada o rudia, basie kirikirilaigu.
PSA 30:2 Iehova e, egu Dirava, na tai henimu, ba kahagu nato; bena oi ese o hamaurigu.
PSA 30:3 Iehova e, lau laumagu na mase taudia edia gabu amo vada o hakaua dae; mase gabuna vada ela taudia bogaragidia amo vada o hamaurigu.
PSA 30:4 Iehova ena helaḡa taumui e, ia ihanamolaina anedia bavabi, ia ladana helaḡana ba hanamoa.
PSA 30:5 Badina be ena badu na e ore haraḡamu, a ena hahenamo na e hesiriumu ela bona mauri dokona. Taitai na reana baine hesiriu rani, a daba ai moale na baine vara lou.
PSA 30:6 Lau be egu noho namo ai nato “Lau na basina marere ela hanaihanai”.
PSA 30:7 Iehova e, emu hahenamo amo vada o haginigu, ororo aukana na heto; Oi vairamu o hunia, bena kudougu e hetaha.
PSA 30:8 Iehova e, lau oi na tai henimu; Iehova enai na noinoi, nato
PSA 30:9 “Mase gabuna bama lao henia, egu mase ena namo be dahaka? Ḡahu ese oi baine hanamomu a? Ḡahu ese oiemu heabi-dae baine gwauraia a?
PSA 30:10 Iehova e, a kamonai, a bogagu hisi! Iehova e, a kahagu!”
PSA 30:11 Egu tai gadeḡade na mavaru ai vada o halaoa; egu guma dabuadia vada o hadoki oho, moale vada o hariolaigu,
PSA 30:12 laumagu ese baine imodaimu bona udugu basina hakapua helaoreana. Iehova e, egu Dirava, lau oi baina hanamomu ela bona hanaihanai.
PSA 31:1 Iehova e, lau oi na abidadama henimumu; hemarai na nega idoinai basine abigu, emu kara maoromaoro ai ba hamaurigu!
PSA 31:2 Ame igo diho, a hakala henigu, ba hamaurigu haraḡa-haraḡa! Egu komu nadina ai baola, egu kohoro ai baola, ihamaurigu totona.
PSA 31:3 Oibe, oi na egu nadi-gini bona egu kohoro; oi ladamu dainai ba gunalaigu bona ba hakaugu;
PSA 31:4 iabigu totona e otoa huona amo ba hamaurigu, badina be egu maḡu na oi.
PSA 31:5 Laumagu na oi imamu ai na atoamu; Iehova e, heabi-dae Diravana e, oi ese vada o hamaurigu.
PSA 31:6 Dirava koikoidia laulaudia e badinadiamu taudia na inai henidiamu; a Iehova na abidadama heniamu.
PSA 31:7 Lau baina moale, emu hebogahisi baina moalelaia; badina be egu hisihisi vada o itaia, egu hekwarahi vada o haeroa;
PSA 31:8 lau inaigu imadia ai so negegu, a lau aegu na taora bada gabuna ai vada o atodia.
PSA 31:9 Iehova e, ame bogagu hisi, badina be hisihisi ese a gugubagumu, taitai ese matagu e hadikamu, laumagu bona tau-anigu danu e dikamu.
PSA 31:10 Badina be egu mauri na lalo-hisihisi ai e oremu, egu mauri laḡanidia na ḡanaḡana ai e oremu; egu goada na e oremu, egu kara dika daidiai, bona turiagu na e mamano.
PSA 31:11 Inaigu iboudiai ese e dadaraigumu, dekegu taudia ese e dadaraigu hereamu, turagu ese e gari henigumu, ariara ai e itagumu taudia ese e heautanigumu.
PSA 31:12 Taunimanima ese vada e lalogu boio, mase tauna na heto; lau na uro makohina na heto.
PSA 31:13 Oibe, hutuma edia hemaunu na kamonaimu, kudou hetaha na kaha iboudiai e miamu. Idia ese e henega heboumu, lau ihadikagu totona, egu mauri iabi-ohona dalana e tahuamu.
PSA 31:14 Iehova e, lau oi na abidadama henimumu, na tomu “Oi na egu Dirava”.
PSA 31:15 Egu nega na oi imamu ai; lau inaigu bona e daḡedaḡe henigumu taudia imadia amo ba hamaurigu.
PSA 31:16 Oi vairamu ese emu hesiai tauna baine hadiaria; emu hebogahisi ai ba hamaurigu.
PSA 31:17 Iehova e, hemarai ese basine abigu, badina be oi na hahanemumu; kara dika taudia na bae hemarai, asi reḡereḡedia na mase taudia edia gabu baela.
PSA 31:18 Koikoi taudia bibinadia na bae mu; edia heaḡi ai bona edia hedadarai ai kara maoromaoro taudia bae ihi-ihiraidia taudia na ududia bae hahekapu.
PSA 31:19 Emu hahenamo na bada herea, o abia heḡaeḡaemu, oi e gari henimumu taudia edia, bona o karaiamu, oi metaimu e heau heniamu taudia edia, taunimanima natudia vairadiai o karaiamu.
PSA 31:20 Oi metaimu ai o hunidiamu, taunimanima edia hedibaḡani karadia amo o hunidiamu; emu kalaga ai o naridiamu, badu taudia maladia amo o gimadiamu.
PSA 31:21 Iehova aina hanamoa; badina be ena hebogahisi na egu ai vada e hahedinaraia, hoa ḡauna na heto, e heḡeḡe dae hanuana lalonai e kougu ahu negana ai.
PSA 31:22 Egu gari ai nato “Oi vairamu amo na henege daure”. A oi ese egu noinoi o kamonai, na tai henimu negana ai.
PSA 31:23 Iehova ena helaḡa taumui e, ia ba lalokau henia. Iehova ese kamonai taudia e hamauridiamu, a heaḡi karadia e karamu taudia na davadia e henidiamu.
PSA 31:24 Ba goada, ba boga auka, Iehova o nariamu taumui iboumui ai.
PSA 32:1 Ena kara dika eme hegwau tao tauna be namo, ena kara havara e heḡova ahu tauna danu namo.
PSA 32:2 Iehova ese se habadelaiamu tauna na namo, laumana na asi koikoina tauna danu namo.
PSA 32:3 Egu kara dika asina gwauraia hedinarai negana ai, lau taugu anina na e varoda-varodava, dina idoinai na ḡanaḡanava dainai.
PSA 32:4 Badina be imamu metauna na latagu ai e miava, dina ai bona hanuaboi ai danu; taugu vada e geakageaka, lahara negana ena dina ḡaraḡara ese bema raraia na heto. (Selah)
PSA 32:5 Egu kara dika na vairamu ai na gwauraia hedinarai, egu kara havara na asina hunia; nato “Egu kerere baina gwaurai hedinarai Iehova vairanai”; bena oi ese egu kara dika ena metau o abia oho. (Selah)
PSA 32:6 Taunabunai, helaḡa taudia iboudiai ese oi bae ḡurimu, bena hisihisi negana ai utu-utu baine utua dae, to ediai basine kau.
PSA 32:7 Oi na egu komu gabuna, dika amo o hamaurigumu, bona hahemauri anedia amo o hahegeḡegu daemu. (Selah)
PSA 32:8 Lau ese baina hadibamu, emu raka dalana baina hadibalaimu; lau matagu ese baine itamu tao.
PSA 32:9 Hosi eiava doniki ida basio heḡereḡere, idia na asi daradia; ududia auridia bona varodia amo bae hamanadadia, basie kamonai henimu na garina.
PSA 32:10 Kara dika taurla ena hisihisi na momo; a Iehova e abidadama heniamu tauna na hebogahisi ese e ḡeḡea daemu.
PSA 32:11 Iehova ba moalelaia! Kara maoromaoro taumui e, ba moale! Lalomui mamaoro-mamaoro taumui, ba moale hisidae.
PSA 33:1 Kara namo taumui e, Iehova ba moalelaia; badina be heimodai be ḡau namona, kara maoromaoro taudia ududia ai.
PSA 33:2 Hatai-hatai ḡauna maraḡina amo Iehova ba hanamoa, ma badana, varo gwauta ḡauna, ba hataia, ia ihanamolaina.
PSA 33:3 Ane matamatana avabia iena; varo ḡaudia ba hatai, ba hatai balaheni, mai lolomui ida.
PSA 33:4 Badina be Iehova ena hereva na maoromaoro; ena ḡaukara idoinai e karaiamu mai momokanina ida.
PSA 33:5 Ia ese kara maoromaoro bona hahemaoro e ura henidiamu, tanobada na Iehova ena hebogahisi ai e honu honu daemu.
PSA 33:6 Iehova ena hereva ese guba e karaia, ia uduna amo e hahodi, bena guba taudia iboudiai e vara.
PSA 33:7 Ia ese davara ranudia e haboudia, kavabu ai bema haboudia na heto; bona gadobada na e haboudia, roge ai bema haboudia na heto.
PSA 33:8 Tanobada idoinai ese Iehova garina baine gari, tanobada taudia iboudiai ese ia bae matauraia.
PSA 33:9 Badina be ia e hereva, bena e hekara; ia e hahedua, bena e gini tutuka-tutuka.
PSA 33:10 Iehova ese bese idau-idau edia henega e hakarohodiamu, orea idau-idau edia lalo-hadai ia ese e laodia ahumu.
PSA 33:11 Iehova ena henega e gini hanaihanaimu, bona ena lalo-hadai ela bona uru iboudiai.
PSA 33:12 Iehova na ena Dirava ai e halaoamu besena be namo; vada e abidia hidi ia dihina ai baela taudia be nanamo.
PSA 33:13 Iehova na guba amo e roha dobimu, taunimanima natudia iboudiai e nenediamu;
PSA 33:14 terono ai e helaimu gabuna amo e roha laomu. tanobada taudia iboudiai e itadiamu;
PSA 33:15 ia ese idia iboudiai lalodia e karadiamu, edia kara iboudiai danu e itadia taomu.
PSA 33:16 Hanua pavapavana na dia ena tuari oreana badana dainai basine roho mauri; tuari tauna na dia ena goada badana dainai basine mauri.
PSA 33:17 Tuari hosina na mauri e tahuamu tauna ese basine abidadama henia; dia ena goada badana ese tau ta basine hamauria diba.
PSA 33:18 A itaia, Iehova ese ia garina e garimu taudia na e itadiamu; iena hebogahisi e laroamu taudia ia ese e itadia taomu;
PSA 33:19 idia laumadia na mase amo baine harohodia mauri totona, bona doe negana ai baine hamaundia totona.
PSA 33:20 Ita laumada ese Iehova e nariamu; ia na ita ikahada, bona eda kesi.
PSA 33:21 Oibe, ita laloda ese ia e moalelaiamu, badina be ia ladana helaḡana ta abidadama heniamu.
PSA 33:22 Iehova e, emu hebogahisi na ai latamai ai baine mia, ai emai helaro na oiemu ai e miamu heḡereḡerena.
PSA 34:1 Nega iboudiai Iehova baina hanamoa; ia iheatolaina na udugu ai baine mia hanaihanai.
PSA 34:2 Laumagu ese Iehova e heaḡilaiamu; manau taudia ese bae kamonai, bena bae moale.
PSA 34:3 Lau ida Iehova baita imodaia, ia ladana baita heatolaia hebou.
PSA 34:4 Iehova na tahua, bena ia ese e haere henigu; egu gari idoidiai lalodia amo e hamaurigu.
PSA 34:5 Ia ba haḡerea, bena ba diari; una dainai vairamui na nega ta basie hemarai.
PSA 34:6 Ina ogoḡami tauna e taitai, bena Iehova ese e kamonai henia, bona ena hekwarahi iboudiai lalodia amo e hamauria.
PSA 34:7 Iehova ena aneru e taruhamu, ia garina e garimu taudia e ḡeḡedia ahumu, bona e hamauridiamu.
PSA 34:8 A mamia toho, bena ba diba, Iehova na namo; ia e abidadama heniamu tauna danu e moalemu.
PSA 34:9 Ena helaḡa taumui e, Iehova garina ba gari, badina be ia garina e garimu taudia na asie dabumu.
PSA 34:10 Leona natudia na e dabumu bona e hitolodiamu; a Iehova e tahuamu taudia na ḡau namona ta ai asie dabumu.
PSA 34:11 Memero kekeni e, aoma, lau ba hakala henigu; Iehova imatauraina baina hadibamui.
PSA 34:12 Tau be daika, mauri urana e uramu, e uramu danu ena mauri dinadia bae hoho, namo baine itaia helaoreana,
PSA 34:13 Malamu ba naria, basine ere dika, udumu bibinadia danu, koikoi herevadia basie gwaurai.
PSA 34:14 Dika ba rakatania, kara namo ba kara; maino ba tahua, bona ba ḡavaia.
PSA 34:15 Iehova ese kara maoromaoro taudia e haḡerediamu; edia taitai ia ese e hakala henidiamu.
PSA 34:16 Iehova ese kara dika taudia e vaira hua henidiamu; idia ilalo-taodia na tanobada amo e abia ohomu.
PSA 34:17 Kara maoromaoro taudia e boiboimu negadia ai na Iehova ese e kamonaimu, bona edia hekwakwanai iboudiai lalodia amo e hamauridiamu.
PSA 34:18 Iehova na lalo-hisihisi taudia dekedekediai; dara-doko taudia ia ese e hamauridiamu.
PSA 34:19 Kara maoromaoro tauna ena hisihisi na momo, a Iehova ese iboudiai lalodia amo e hamauriamu.
PSA 34:20 Ia turiana iboudiai Iehova ese e gimadiamu, ta se kwaidumu.
PSA 34:21 Kara dika tauna na dika ese baine alaia; kara maoromaoro tauna e inai heniamu taudia na bae baia.
PSA 34:22 Iehova ese ena hesiai taudia laumadia e hamauridiamu; ia e abidadama heniamu tauna ta basine baia.
PSA 35:1 Iehova e, e heai henigumu taudia na ba heai henidia, e tuari henigumu taudia na ba tuari henidia.
PSA 35:2 Kesi bona keme aurina avabi, a tore isi, ba durugu.
PSA 35:3 Io bona dare a veridia lasi, e havagumu taudia ba laodia ahu. Lau laumagu a hereva henia, aoto “Lau binai oi ihamaurimu”.
PSA 35:4 Egu mauri iabi-ohona e tahuamu taudia na ba hadareredia bona ba hahemaraidia; lau ihadikagu karadia e haeromu taudia na ba haloudia bona ba hadaradaradia.
PSA 35:5 Uit momona na lai ese e odaia ohomu heḡereḡerena ai baela; Iehova ena aneru ese do baine luludia oho.
PSA 35:6 Edia dala baine dibura bona baine dedidedi; Iehova ena aneru ese baine havadia.
PSA 35:7 Badina be lau iabigu totona edia huo e otoa, asi badina; asi badina guri e ḡeia, egu mauri iabi-ohona.
PSA 35:8 Mase ese baine hahoadia; e otoa huona ese baine hatoadia, ia lalonai vada bae mase.
PSA 35:9 Una negana ai laumagu ese Iehova baine moalelaia; ena hahemauri baine imodaia.
PSA 35:10 Turiagu iboudiai baeto “Iehova e, daika na oi heḡereḡeremu? Oi ese manoka tauna o hamauriamu, goada ai e hereaiamu tauna imana amo; bona manoka tauna bona ogoḡami tauna ena kohu e dadihaiamu tauna imana amo”.
PSA 35:11 Hahebade koikoi taudia e tore isimu, asi dibagu ḡaudia e nanadailaigumu.
PSA 35:12 Na kara namo henidia davana na e kara dika henigumu; laumagu na e dauremu.
PSA 35:13 A lau be e goreredia negana ai na guma dabuadia na dokilai, bona anivaga ai sibogu na hahedika;
PSA 35:14 na ḡuriḡuri igo-diho, turagu eiava tadikakagu taina bama tai na heto; na loa eva-eva, sinana e tailaiamu tauna na heto, na igo diho, na tai noho tai noho.
PSA 35:15 A lau na hekwakwanai negana ai na idia na e moale hebouva, lau ihadikagu totona e hegogova; idau taudia, asi dibagu taudia, na lau ihadikagu totona e hebouva, e ihi-ihiraiguva asi dokona.
PSA 35:16 Dirava asie matauraiava taudia ese e hevaseha henigu loulouva, gadigadidia e hahedai heniguva.
PSA 35:17 Ḡaubada e, ba herarai tao ela bona edena nega ai? Laumagu na edia ala-ala amo ba hamauria, egu mauri na leona edia amo ba rauaia;
PSA 35:18 bena hebou badana lalonai baina hanamomu, hutuma bada bogaragidiai baina imodaimu.
PSA 35:19 Ba durugu, e inai henigu koikoimu taudia ese basie kirikirilaigu, e inai henigu kavamu taudia ese ibunidia basie ha-roro.
PSA 35:20 Badina be maino herevadia asie gwauraimu, a tano ai e noho mainomu taudia latadiai na koikoi herevadia e gwauraimu.
PSA 35:21 Ududia e ahagamu, lau ihadikagu, e tomu “Aha, aha, matamai ese vada e itaia”.
PSA 35:22 Iehova e, vada o itaia; udumu basio hakapua; Iehova e, dahu ai basio noho.
PSA 35:23 Legamu a gadaia, lau ihahemaoro-henigu totona a noga; egu Dirava, egu Ḡaubada, lau ihamaoromaorogu totona a noga.
PSA 35:24 Iehova e, egu Dirava, a gvauraigu maoro, oiemu kara maoromaoro heḡereḡerena; bona ba laodia ahu, basie kirikirilaigu.
PSA 35:25 Idia na basie hereva heheni, basieto “Aha, eda ura vada ta abia;” ma basieto “Ita ese vada ta hadonoa”.
PSA 35:26 Egu hisihisi e moalelaiamu taudia na ba hahemaraidia bona ba dadaraidia vaitani; edia daḡedaḡe egu ai e habadaiamu taudia na hemarai bona hedadarai amo ba ḡovadia.
PSA 35:27 Igwaurai-maorogu e uramu taudia na bae hisi dae bona bae moale; bae hereva hanaihanai, baeto “Iehova na herea, ia ese ena hesiai tauna ihanamona e moalelaiamu”.
PSA 35:28 Bena malagu ese oiemu kara maoromaoro baine gwauraia, bona dina idoinai baine imodaimu.
PSA 36:1 Kerere ese kara dika tauna e hereva heniamu, ia lalona ai e herevamu; Dirava igari-henina na ia matana ai se miamu.
PSA 36:2 Ia sibona matana ai e heaḡimu, e tomu, ena kara dika na ta ese basine davaria, bona basine inai henia diba.
PSA 36:3 Ia uduna herevadia na didika bona kokoikoi; aonega karadia bona kara namodia vada e hadoko.
PSA 36:4 Ena mahuta patana ai kara dikadia e haeromu; dala asi namona e rakalaiamu, kara dika na se dadaraiamu.
PSA 36:5 Iehova e, oiemu hebogahisi na guba e dae laomu, emu heabidadama na ori ai e kaumu.
PSA 36:6 Oiemu kara maoromaoro na Dirava ena ororo na heheto, emu hahemaoro na gadobada na heto. Iehova e, taunimanima bona mauri ḡaudia idau-idau danu oi ese o hamauridiamu.
PSA 36:7 Dirava e, emu hebogahisi na herea-dae; taunimanima natudia ese oi hanimu ikerukerudia ai e komumu.
PSA 36:8 Emu ruma anianidia e ani boga kunumu; emu moale sinavaina amo o ha-inudiamu.
PSA 36:9 Badina be mauri ranuna na oiemu amo e lohi lohi daemu, bona oiemu diari ai diari a itaiamu.
PSA 36:10 Emu hebogahisi ba hahesiriua, oiemu ai e manadamu taudia ediai; emu hahemauri danu, lalodia mamaoro-mamaoro taudia ediai.
PSA 36:11 Hekokoroku tauna aena ese basine moigu tao, kara dika tauna imana ese basine dorigu oho.
PSA 36:12 Kara dika taudia na e goru paraparamu; vada e doridia dobi, asi edia tore isi dalana ta.
PSA 37:1 Alomu na basine hekwarahi kara dika taudia daidiai, kara kerere taudia danu basio vaḡeḡe henidia.
PSA 37:2 Badina be asi vanahana bae utudia, rei na heto; bae kakoro, au raudia na heheto.
PSA 37:3 Iehova bavabidadama henia, kara namo ba kara; bena tano ai ba noho, mai mainomu ida.
PSA 37:4 Iehova ba moalelaia; oi lalomu ena ura ia ese baine henimu.
PSA 37:5 Oiemu dala idoinai Iehova imana ai bavatoa; ia bavabidadama henia, ia ese baine gaukaralaia.
PSA 37:6 Oi igwaurai-maoromu ia ese baine hahedinaraia diari na heto; oiemu kara maoromaoro danu dina tubua na heto.
PSA 37:7 Iehova enai ba laḡa ani, ia ba naria mai haheaukamu ida; Ialomu basine hekwarahi, ena ḡaukara ai e tagamu tauna dainai, eiava ena lalo-hadai dikadia anidia e karamu tauna dainai.
PSA 37:8 Badu baine mia, daḡedaḡe ba rakatania. Lalomu basio hahekwarahia: una na kara dika e havaraiamu.
PSA 37:9 Badina be kara dika taudia na bae henege daure; a Iehova e nariamu taudia ese tano bae abia.
PSA 37:10 Asi vanahana kara dika tauna baine puki; ena gabu ba tahua, to basio davaria.
PSA 37:11 A manau taudia ese tano bae abia; maino ena harihari-bada idia ese bae moalelaia.
PSA 37:12 Kara dika tauna ese kara maoromaoro tauna ihadikana daladia e haeromu, gadigadina e hahedai heniamu;
PSA 37:13 a Ḡaubada ese kara dika tauna e kirikirilaiamu, badina be e itaiamu, ena dina be maimu.
PSA 37:14 Kara dika taudia ese dare e veridia lasimu, bona edia peva e marediamu, ogoḡami taudia bona e dabumu taudia ialadia totona, bona kara maoromaoro taudia iala-masedia totona.
PSA 37:15 Edia dare na sibodia kudoudia ai bae vareai, bona edia peva bae kwaidu.
PSA 37:16 Kara maoromaoro tauna ena ogoḡami ese kara dika taudia hutuma edia taḡa e hereaiamu.
PSA 37:17 Badina be kara dika taudia imadia na bae kwaidu, a Iehova ese kara maoromaoro taudia e haginidia toremu.
PSA 37:18 Iehova ese asi edia kerere taudia edia dina dibana, idia ahudia bae mia hanaihanai.
PSA 37:19 Haida ese asie hahemaraidiamu dika negadia ai, bona doe negadia ai bogadia e kunumu.
PSA 37:20 A kara dika taudia na e mase oremu; Iehova inaina loḡora na rei gabudia hairaidia na heto, idia na e boiomu, kwalahu ai e boio vaitanimu.
PSA 37:21 Kara dika tauna na e abi torehaimu, bena ihalouna asi dibana a kara maoromaoro tauna na mai ena harihari-bada ida e henimu.
PSA 37:22 Badina be Iehova ese e hanamodiamu taudia ese tano bae abia a baine ihi-ihiraidia taudia na bae henege daure.
PSA 37:23 Tau namona ena ae-raka na Iehova ese e reḡuamu, bona ena dala e moalelaiamu tauna na ia ese e haginiamu.
PSA 37:24 Ia na baine keto, to basine moru dobi; badina be Iehova ese ia imana amo e dogoa taomu.
PSA 37:25 Lau be gunaguna na eregabe, harihari vada na buruka; a lau ese nega hata kara maoromaoro tauna ta vada e baia na do asina itaia, eiava natuna na aniani e noi hegame ai do asina itaia.
PSA 37:26 Ia na nega iboudiai e hariharimu bona e heni torehaimu, bona ia natuna na taunimanima ihanamodia taudia ai vada ela.
PSA 37:27 Kara dika ba rakatanidia, kara namo ba kara; bena ba noho hanaihanai.
PSA 37:28 Badina be Iehova na kara maoromaoro e ura heniamu; ena helaḡa taudia na basine rakatanidia. Kara maoromaoro taudia na bae mauri hanaihanai; a kara dika taudia natudia na bae henege daure.
PSA 37:29 Kara maoromaoro taudia ese tano bae abia, bae noholaia hanaihanai.
PSA 37:30 Kara maoromaoro tauna uduna ese aonega herevadia e gwauraimu, ia malana ese hahemaoro herevadia e gwauraimu.
PSA 37:31 Ena Dirava ena taravatu na lalona ai; ia aena na se dedimu.
PSA 37:32 Kara dika tauna ese kara maoromaoro tauna e itaia taomu, ia iala-masena dalana e tahuamu.
PSA 37:33 Iehova ese ia imana ai basine negea, bona bae hahemaoro henia negana ai baine rudia, basie revaia.
PSA 37:34 Iehova ba naria, iena dala ai ba raka, bena baine abimu dae, tano na bavabia oiemu; kara dika taudia ihabua-taridia danu ba itaia.
PSA 37:35 Kara dika tauna vada na itaia, e lao hereava, e tubu badabadava, Lebanon ai sida auna ta na heto;
PSA 37:36 Ma na raka hanai, ia na lasihia; na tahua, to asina davaria.
PSA 37:37 Asi ena kerere tauna ba haeroa, bona kara maoromaoro tauna ba itaia, badina be dokona ai ia ese maino baine abia.
PSA 37:38 A kara dika taudia na bae mase ore, dokona ai bae henege daure.
PSA 37:39 Kara maoromaoro taudia ihamauridia na Iehova ena amo; ia na edia hahemauri gabuna, hekwarahi negadia ai.
PSA 37:40 Iehova ese e durudiamu bona e hamauridiamu; ia ese kara dika taudia imadia amo e hamauridiamu, e harohodia maurimu, badina be idia ese ia e abidadama heniamu.
PSA 38:1 Iehova e, emu badu ai basio gwvau henigu, emu badu ḡaraḡara ai basio hahisigu;
PSA 38:2 badina be emu diba na lauegu ai vada e heholo vareai, oi imamu metauna na latagu ai.
PSA 38:3 Hidiogu na se digaramu, emu badu dainai; turiagu na asie aukamu, egu kara dika daidiai;
PSA 38:4 badina be egu kara havara na kwaragu ai vada e kau, idia na maduna metauna na heto, ihuana na asi goadagu.
PSA 38:5 Berogu na bonadia e daemu, vada e bodaga, egu kavakava dainai.
PSA 38:6 Lau na igo dihomu, na goru dihomu, dina idoinai na tai ḡadeḡademu.
PSA 38:7 Badina be taugu anina e siahumu, hidiogu na se aukamu.
PSA 38:8 Vada na manoka, hisi ese e gugubagumu; na ḡanaḡanamu, daragu e dokomu dainai.
PSA 38:9 Ḡaubada e, egu ura idoinai oi dibamu, egu ḡanaḡana na emu ai se hehunimu.
PSA 38:10 Kudougu e hetahamu, egu goada e oremu; matagu diaridia danu vada e rakatanigu.
PSA 38:11 Turagu bona bamogu na egu gorere amo e gini daudaumu, bona varavaragu na dahu ai gigini.
PSA 38:12 Egu mauri e tahuamu taudia ese edia idoa e atomu; ihadikagu e uramu taudia ese hereva dikadia na latagu ai e gwauraimu, bona dina idoinai ikoigu daladia e haeromu.
PSA 38:13 A lau na taia-kudima tauna na heto, asina kamonaimu, mu tauna, uduna se haḡaiamu, na heto.
PSA 38:14 Oibe, lau na se kamonaimu tauna na heto, uduna ai gwaugwau herevadia asie miamu tauna na heto.
PSA 38:15 Iehova e, lau oi na narimumu; Ḡaubada e, egu Dirava, oi ba haere.
PSA 38:16 Badina be na ḡuriḡurimu, na tomu “Mani emu kara aegu e dedimu negadia ai e heaḡimu taudia na ba laodia ahu, basie kirikirilaigu”.
PSA 38:17 Badina be lau na vada ba ketomu, egu hisihisi na vairagu ai e miamu nega idoinai.
PSA 38:18 Egu kara dika na gwaurai hedinaraimu, egu kara havara amo na helalo kerehaimu.
PSA 38:19 Asi badina e inai henigumu taudia na mai goadadia, e inai henigu koikoimu taudia na hutuma.
PSA 38:20 Egu kara namo na dika e davanalaiamu taudia na lau inaigu, badina be lau ese namo na ḡavaiamu.
PSA 38:21 Iehova e, basio rakatanigu; egu Dirava e, egu amo dauhai basio noho.
PSA 38:22 Ḡaubada e, lau ihamaurigu Diravana, a durugu haraḡa.
PSA 39:1 Lau nato “Egu dala nahuadia baina toho, malagu amo kara dika baina havaraia na garina; udugu baina hakapua, kara dika taudia na dekegu ai e nohomu negadia iboudiai”.
PSA 39:2 Lau na asi reḡereḡegu, asi egu hereva, hereva ta asina gwauraia, to se heḡereḡere;
PSA 39:3 egu lalo-hisihisi vada e bada e laova, lalogu na e siahu e laova; na haeroava lalonai lahi e arava, bena malagu amo na hereva.
PSA 39:4 Iehova e, egu doko negana boma hadibagu, egu dina na ede hohodia; egu mauri ede e heau tomamu bama diba.
PSA 39:5 A itaia, egu dina vada o kara, ima lababadia hida hodia na heto; egu mauri na dia ḡau ta oi vairamu ai. Momokani, taunimanima iboudiai edia mauri na hahodi tamona na heto; (Selah)
PSA 39:6 momokani, taunimanima na e loaloamu, vabura na heto. Momokani, edia hekwarahi na asi anina; idia ese taḡa e habouamu, a asi dibadia daika ese baine abia.
PSA 39:7 Ḡaubada e, dahaka na nariamu? Egu helaro na oi.
PSA 39:8 Egu kara dika iboudiai lalodia amo ba harohogu mauri; kavakava taudia na ba laodia ahu, basie ihi-ihiraigu.
PSA 39:9 Lau na asi reḡereḡegu, udugu asina haḡaia; badina be oi ese o karaia.
PSA 39:10 Emu hekwadi na egu amo bavabia oho; oi imamu ena hedadaba ese vada e alagu.
PSA 39:11 Taunimanima na edia kara dika daidiai o gwau henidiamu negedia ai na idia hairaidia o ha-oreamu, kaubebe na heto. Momokani, taunimanima iboudiai na hahodi tamona na heto. (Selah)
PSA 39:12 Iehova e, egu ḡuriḡuri ba kamonai; egu taitai ba hakala henia; iruru-matagu ba itadia negana ai, udumu basio hakapua. Badina be lau na emu vadivadi; lau na noho-hedoa taugu, senegu iboudiai heḡereḡeredia.
PSA 39:13 Egu amo ba mede kerehai, bena moale baina diba, ini amo do basina raka oho basina lao bubuni negana ai.
PSA 40:1 Iehova na nariava mai haheaukagu ida; ia ese e igo diho henigu, egu taitai e kamonai.
PSA 40:2 Ia ese guri dikana amo e verigu lasi, kopukopu gabuna amo e abigu isi; aegu na nadi badana latanai e atodia kau, egu raka e reḡua.
PSA 40:3 Ia ese ane matamata na udugu ai e atoa, eda Dirava ihanamolaina anena. Hutuma bae itaia, bena bae gari, bona Iehova bae abidadama henia.
PSA 40:4 Iehova e abidadama heniamu tauna na namo; ia ese heaḡi taudia se matauraidiamu, bona dirava koikoidia ilao-henidia totona e raka sirimu taudia se haḡerediamu.
PSA 40:5 Iehova e, egu Dirava, emu hoa karadia bona ilalolaimai lalo-hadaidia vada o habada emai ai; oi na asi idaimu. Bama gwauraidia bona bama herevalaidia, to basinama duahidia diba.
PSA 40:6 Rara boubouna bona flaoa boubouna na so uramu, a taiagu vada o hakiraradia. Ḡole-oho boubouna bona kara-dika boubouna oi ese so gwauraimu.
PSA 40:7 Bena lau nato “A itaia, na vasimu, buka ilokuna ta ai vada e torelaigu:
PSA 40:8 egu Dirava e, oiemu ura ikarana na moalelaiamu, oiemu taravatu na lalogu ai e miamu”.
PSA 40:9 Hahemauri sivaraina namona vada na gwauraia, hebou badana lalonai; Iehova e, oi dibamu, bibinagu asina hakapudia.
PSA 40:10 Oiemu kara maoromaoro na lalogu ai asina hunia, emu heabidadama bona emu hahemauri vada na herevalaidia; emu hebogahisi bona emu hereva momokani na hebou badana amo asina hunia.
PSA 40:11 Iehova e, emu hebogahisi na egu amo basio rua; emu lalokau bona emu heabidadama ese bae reḡugu hanaihanai.
PSA 40:12 Badina be hahedika momo herea vada e ḡeḡegu ahu, egu kara havara ese vada e lasigu tao, asi egu dala baina gaga isi; idia na momo herea, kwaragu huidia na dia hoho; daragu na e dokomu.
PSA 40:13 Iehova e, mani emu kara ba hamaurigu, Iehova e, ba durugu haraḡa.
PSA 40:14 Egu mauri iabi ohona dalana e tahuamu taudia na ba hahemaraidia bona ba haheḡonudia; ihahisigu e uramu taudia na ba haloudia bona ba hahemaraidia;
PSA 40:15 e gwau henigumu, e tomu “Aha, aha”, taudia na edia hemarai dainai bae kudou hetaha.
PSA 40:16 A e tahumumu taudia iboudiai na bae moale, oi bae moalelaimu. Emu hahemauri e ura heniamu taudia bae hereva loulou, baeto “Iehova na herea dae”.
PSA 40:17 Lau be na ogoḡamimu bona na dabumu, A Ḡaubada ese e lalogumu. Dirava e, basio halahe; oi na lau ikahagu bona lau ihamaurigu Diravana.
PSA 41:1 Ogoḡami taudia e lalodiamu tauna na namo; Iehova ese e harohoa maurimu, hekwakwanai dinana ai;
PSA 41:2 Iehova ese e gimaiamu bona e hamauriamu; tano ai namo e gwauraiamu; ia na inaina edia ura dalana ai asio heni.
PSA 41:3 Gorere dainai ena geda ai e hekuremu negadia ai Iehova ese e abia isimu; ena gorere lalodiai, oi ese ena hisihisi iboudiai o abi ohomu.
PSA 41:4 Lau nato “Iehova e, a bogagu hisi, ba hamaurigu; badina be lau ese vada na kara havara henimu”.
PSA 41:5 Lau inaigu ese e maumauraigumu, e tomu “Edena nega ai baine mase? Ia ladana na edena nega ai baine boio?”
PSA 41:6 Ta dekegu ai e maimu negana ai, ia ese hereva asi anidia e gwauraimu. Lalo-hadai dikadia na lalona ai e haboumu; bena e raka lasimu, e piu rohorohomu.
PSA 41:7 E inai henigumu taudia iboudiai ese lau e hemaunulai henigumu, ihadikagu daladia e haeromu.
PSA 41:8 Idia na e tomu “Gorere dikana ese vada e abia, ena hekure gabuna amo basine tore isi lou”.
PSA 41:9 Turagu lalokauna danu, na abidadama heniava tauna, egu aniani e aniava tauna, ia ese danu ia ae-geduna amo vada e lahagu.
PSA 41:10 Iehova e, oi ese ba bogagu hisi; bavabigu isi, bena davadia do baina henidia.
PSA 41:11 Ini amo lau dibagu oi ese o lalo namo henigumu, inaigu ese se hadareregu dainai.
PSA 41:12 Oi ese vada o haginigu tore, egu kara maoromaoro dainai; oi vairamu ai vada o haginigu hanaihanai.
PSA 41:13 Iehova, Israel Diravana, bae hanamoa, harihari ela bona hanaihanai. Amen. Amen.
PSA 42:1 Dirava e, dia hahinena ese sinavai ranudia e ura henidiamu na heto, lau laumagu ese unu e ura henimu tomamu.
PSA 42:2 Laumagu na e ranu masemu, Dirava enai, Mauri Diravana enai. Edena nega ai Dirava vairana baina itaia?
PSA 42:3 Iruru-matagu na agu aniani ḡauna, dina ai bona hanuaboi ai; Nega idoinai taunimanima ese e nanadaigu louloumu, e tomu “Emu Dirava be edeseni ai?”
PSA 42:4 Laumagu ena hisihisi ai na lalodia taomu ḡaudia bini: hutuma ida na laova, Dirava ena ruma ai na hakaudia vareaiva, mai moale lolodia bona ihanamolaidia anedia ida; hutuma bada ese aria helaḡana e karaiava.
PSA 42:5 Laumagu e, dahaka dainai vada o metau? Dahaka hekwarahina lalogu ai o karaiamu? Dirava ba laroa; badina be lau do baina hanamoa lou, lau ikahagu bona egu Dirava.
PSA 42:6 Laumagu na e metaumu lalogu ai; taunabunai oi mo na lalomu taomu, Ioridane tanona bona Heremon tanona amo, bona Misara ororona amo.
PSA 42:7 Dobu gabuna ta ese dobu gabuna ta e boi heniamu, ranu seiraina guruna ai. Emu hurehure bona emu sinaia iboudiai ese vada e habubunigu.
PSA 42:8 Dina ai Iehova ese ena hebogahisi e haheḡanilaiamu, hanuaboi ai ena ane ese e bamogumu; ḡuriḡuri danu, egu mauri Diravana ena.
PSA 42:9 Dirava, egu nadi-gini, na hereva heniamu, na tomu “Dahaka dainai vada o lalogu boio? Badina be dahaka na tai ḡadeḡademu, inaigu edia daḡedaḡe karadia daidiai?”
PSA 42:10 Tau-anigu bema haberoa na heto, inaigu ese lalogu e daia urumu. E nanadaigu louloumu, e tomu “Emu Dirava be edeseni ai?”
PSA 42:11 Laumagu e, dahaka dainai vada o metau? Dahaka hekwarahina lalogu ai o karaiamu? Dirava ba laroa; badina be lau do baina hanamoa lou, lau ikahagu bona egu Dirava.
PSA 43:1 Dirava e, ba gwauraigu maoro; se matauraimumu besena enai maorogu ba gwauraia; kara koikoi bona kara gageva-gageva taudia imadia amo ba hamaurigu.
PSA 43:2 Oi na lau igimagu Diravana; dahaka dainai vada o negegu daure? Badina be dahaka na tai ḡadeḡademu, inaigu edia daḡedaḡe karadia daidiai?
PSA 43:3 Emu diari bona emu hereva momokani a siaia mai, idia ese bae hakaugu; emu ororo helaḡana bona emu noho kalagana ediai bae hakaugu vasi.
PSA 43:4 Bena Dirava ena ihaboulaina patana baina lao henia; na moalelaia badamu Diravana baina lao henia. Dirava e, egu Dirava, lau ese gitara amo baina hanamomu.
PSA 43:5 Laumagu e, dahaka dainai vada o metau? Dahaka hekwarahina lalogu ai o karaiamu? Dirava ba laroa; badina be lau do baina hanamoa lou, lau ikahagu bona egu Dirava.
PSA 44:1 Dirava e, taiamai amo vada a kamonai, tamamai ese vada e hamaoromai, idia edia dina ai dahaka dahaka o kara, nega gunadia ai.
PSA 44:2 Sibomu imamu amo bese idau-idau o luludia lasiva, a idia na o atodia; bese idau-idau oi ese o hahisidiava, a idia na o hamauridia.
PSA 44:3 Badina be dia idia sibodia edia dare amo tano e abia, bona dia idia sibodia imadia amo e kwalimu; a oi imamu idibana amo, oi imamu bona oi vairamu diarina amo; badina be oi ese o moalelaidiava.
PSA 44:4 Oi na egu Pavapava bona egu Dirava; oi ese Iakob ihamaurina vada o gwauraia.
PSA 44:5 Oi bagumu ai ai inaimai a hadarerediamu, oi ladamu bagunai e tuari henimaimu taudia na baia moimoilaidia.
PSA 44:6 Badina be dia egu peva asina abidadama heniamu, dia egu dare ese basine hamaurigu;
PSA 44:7 a oi ese ai inaimai imadia amo vada o hamaurimai, e inai henimaimu taudia vada o haheḡonudia.
PSA 44:8 Nega idoinai Dirava vada a heaḡilaia; oi ladamu baia imodaia hanaihanai. (Selah)
PSA 44:9 A oi ese vada o negemai daure, bona vada o hahemaraimai, emai tuari oredia ida asiola.
PSA 44:10 Inaimai vairadiai vada o haloumai; inaimai ese emai kohu vada e dadihai.
PSA 44:11 E aladiamu mamoedia heḡereḡeredia ai vada o halaomai, bese idau-idau bogaragidiai vada o hakarohomai rohoroho.
PSA 44:12 Emu orea taudia na vada o hoidia, dava maraḡi ai, idavalaidia badana na asio tahuamu.
PSA 44:13 Dekemai taudia ese bae kirikirilaimai taudia ai vada o halaomai, e ḡeḡemai daemu taudia ese bae hevasehalaimai bona bae dadaraimai taudia ai vada o halaomai;
PSA 44:14 bese idau-idau bogaragidiai bae ihi-ihiraimai taudia ai vada o halaomai, orea idau-idau bogaragidiai kwaradia bae taiko-taiko henimai taudia ai vada o halaomai.
PSA 44:15 Dina idoinai egu keto na vairagu ai, hemarai ese vairagu vada e ḡovaia;
PSA 44:16 hevaseha taudia bona heihi-ihirai taudia edia hereva daidiai, inai tauna bona dava iabina tauna daidiai.
PSA 44:17 Ena be asia lalomu boio, bona emu taravatu asia tataia utu, to ina idoinai na ai latamai ai vada e kau
PSA 44:18 Ai lalomai na asie lou, bona aemai na emu dala amo asie raka siri;
PSA 44:19 matona, oi ese uda sisiadia edia gabu ai vada o huarimai, bona dibura masemase ai vada o ḡovamai.
PSA 44:20 Emai Dirava ladana baiama laloa boio, eiava imamai na dirava idauna ta bema toi roro henia,
PSA 44:21 Dirava basinema davaria a? Badina be ia na lalo-hadai hehunidia dibana.
PSA 44:22 Lasi, oi daimu ai dina idoinai e alamaimu, e duahimaimu, bae aladia mamoedia na heheto.
PSA 44:23 A noga! Ḡaubada e, dahaka dainai o mahutamu? A tore isi! Basio negemai daure hanaihanai.
PSA 44:24 Dahaka dainai vairamu o huniamu? Dahaka dainai emai hekwarahi bona emai hisihisi o lalo boiomu?
PSA 44:25 Badina be laumamai na ḡahu ai e igo dihomu, tau-animai na tano ai e goru dihomu.
PSA 44:26 A tore isi, ikahamai aoma! emu hebogahisi dainai ba hamaurimai.
PSA 45:1 Lalogu na ḡau namona amo e hepurai dobimu; egu hereva na hanua pavapavana enai na gwauraiamu, malagu na toretore e manadamu tauna ena pen na heto.
PSA 45:2 Taunimanima natudia iboudiai bogaragidiai oi mo sibomu o raho namo hereamu; harihari-bada na bibinamu ai e hebubu kaumu, taunabunai Dirava ese vada e hanamomu hanaihanaimu.
PSA 45:3 Siahu taumu e, emu dare na koekoemu ai bavatoa, mai hairaimu ida bona mai siahumu ida.
PSA 45:4 Emu hosi ai ba gui, mai siahumu ida baola, ba kwalimu; hereva momokani dainai bona kara maoromaoro igimana totona, imamu idibana ese hahegari karadia baine hadibalaimu.
PSA 45:5 Emu diba na mai matadia, hanua pavapavana inaina kudoudia ai e hedai kaumu; bese idau-idau taudia na oi henumu ai e ketomu.
PSA 45:6 Oiemu terono helaḡana e mia hanaihanaimu, oiemu pavapava aurla na hahemaoro auna.
PSA 45:7 Kara maoromaoro o ura henimu, bona kara dika o inai henimu; taunabunai Dirava, oiemu Dirava, ese vada e horomu, moale dehorona vada e horolaimu, oi bamomu daediai.
PSA 45:8 Emu dabua amo muro bona aloe bona kasia bonadia e daemu; pavapava edia aivori rumadia amo hatai-hatai ḡaudia ese e hamoalemumu.
PSA 45:9 Pavapava natudia hahinedia na emu ruma hahinedia bogaragidiai; oi idibamu kahana ai pavapava hahinena mai Ofiri gold dabuana ida gini.
PSA 45:10 Hane-ulato e, a haeroa, a hakala henigu, emu bese taudia bona tamamu ena ruma ba lalodia boio;
PSA 45:11 bena hanua pavapavana ese oi hairaimu baine ura henia. Ia na emu lohia dainai ba igo henia diho;
PSA 45:12 bena Turo ulatodia na herahia bae mailai. bona taḡa herea taudia edia noinoi na oi dekemu bae mailai.
PSA 45:13 Hanua pavapavana natuna kekenina na mai hairaina, ena daiutu lalonai; ena dabua na gold varodia ai e haheraiamu.
PSA 45:14 Dabua herea-daedia ai ia na hanua pavapavana dekena e hakaua vareaimu, mai bamona, hane-ulato rami-heboudia, ida, ia murinai e rakamu;
PSA 45:15 mai moaledia ida, mai moale-badadia ida e hakaudia laomu, hanua pavapavana ena ruma ai e raka vareaimu.
PSA 45:16 Natumui mamaruanedia ese tamamui bae bolodia, tanobada idoinai lohiadia ai ba halaodia.
PSA 45:17 Oi ladamu baina habadaia, uru iboudiai ese bae imodaia, taunabunai bese idau-idau ese bae hanamomu ela bona hanaihanai.
PSA 46:1 Dirava na eda roho-mauri gabuna, bona eda goada, ikahada namo-hereana dika negadia ai.
PSA 46:2 Una dainai ita na basita gari, ena be tanobada baine idau, ena be ororo bae marere-marere davara bogaraginai,
PSA 46:3 ena be davara ranudia bae regerege bona bae gwaragwara, ena be ororo bae heude-heude una regerege dainai, to ita na basita gari. (Selah)
PSA 46:4 Sinavai ta ena aru parara ese Dirava ena hanua vada e hamoalea, Herea Mikamika ena noho gabuna helaḡana bunai.
PSA 46:5 Dirava na ia bogaraginai, ia na basine marere; Dirava ese ia baine kahaia, daba matana ai.
PSA 46:6 Tanobada besedia e heloḡo-heloḡomu, basileia idau-idau e raivaraivamu; ia gadona e gwau isimu, bena tanobada e vevemu.
PSA 46:7 Iehova Sabaota na ita ida; Iakob ena Dirava na eda kohoro. (Selah)
PSA 46:8 Aoma, Iehova ena ḡaukara a itaia; hahedika karadia ia ese tanobada ai vada e kara.
PSA 46:9 Tuari ia ese e hadokodiamu ela bona tanobada dokona, peva ia ese e bituamu, io ia ese e hakwaiduamu, kariota ia ese lahi ai e douamu.
PSA 46:10 Eremui, ba diba, lau na Dirava; bese idau-idau bogaragidiai e imodaigumu, tanobada ai e heatolaigumu.
PSA 46:11 Iehova Sabaota na ita ida; Iakob ena Dirava na eda kohoro. (Selah)
PSA 47:1 Bese idau-idau iboumui ai, imamui ba poupou; Dirava ba lolo henia, moale anedia ba lololai.
PSA 47:2 Badina be Iehova, Herea Mikamika, na mai garina; ia na Pavapava badana, tanobada idoinai e lohiaiamu.
PSA 47:3 Ia ese bese idau-idau ita henudai vada e hamanadadia, orea idau-idau aeda henudiai vada e atodia.
PSA 47:4 Ia ese ahuda vada e abia hidi, ena lalokau tauna Iakob ena heaḡi. (Selah)
PSA 47:5 Dirava na mai lolona ida vada e dae, Iehova na mai kibi reḡena ida vada e dae.
PSA 47:6 Dirava ba hanamoa, ia ihanamolaina anedia bavabi; eda Pavapava ba hanamoa, ia ihanamolaina anedia bavabi.
PSA 47:7 Badina be Dirava na tanobada idoinai pavapavana; salamo amo ba hanamoa.
PSA 47:8 Dirava ese bese idau-idau e lohiadiamu; Dirava na ena terono helaḡana ai e helaimu.
PSA 47:9 Bese idau-idau lohiadia e heboumu, Abraham ena Dirava ena bese ai baela. Badina be tanobada kesidia na Dirava ena; ia bae imodaia bada.
PSA 48:1 Iehova na bada; ia ihanamona danu baine bada, eda Dirava ena hanua ai.
PSA 48:2 Ena ororo helaḡana dorina na mai hairaina; tanobada idoinai ese ia e moalelaiamu. Siona ororona na dahu ai, mirigini kahana ai; ia na Pavapava badana ena hanua.
PSA 48:3 Ena ruma bogaragidiai Dirava eme hedinarai, kohoro na heto.
PSA 48:4 A itaia! Hanua pavapavadia e hebou, e raka hebouva.
PSA 48:5 E itaia negana ai e hoa dikadika, laumadia e daure, bena e heau;
PSA 48:6 unuseni ai taudia e heude-heude, e hisihisi bada danu, hahine e hekamonaimu na heto.
PSA 48:7 Lai mairiveina amo Tarasisi lagatoidia o huaridia.
PSA 48:8 Ai a kamonaiva heḡereḡerena vada a itaia danu, Iehova Sabaota ena hanua ai, emai Dirava ena hanua ai, Dirava ese vada e haginia hanaihanai hanuana bunai. (Selah)
PSA 48:9 Dirava e, emu hebogahisi vada a haeroa, emu dubu helaḡana bogaraginai.
PSA 48:10 Dirava e, oi ladamu e piua e laomu heḡereḡerena, ihanamomu danu e piua e laomu, ela bona tanobada dokodia. Oi imamu idibana na kwalimu ai e honumu;
PSA 48:11 Siona ororona baine moale, Iuda natuna hahinedia bae moale hisi dae, emu hahemaoro herevadia daidiai.
PSA 48:12 Siona ai ba loa, ba rakaia heḡeḡe, ena kohoro ba duahidia,
PSA 48:13 ena maḡu ba haerodia; ena ruma namodia ba itadia loaloa, uru gabena taudia do ba hamaorodia helaoreana.
PSA 48:14 Ina na Dirava, eda Dirava hanaihanai; ia ese baine kahada ela bona dokona.
PSA 49:1 Bese idau-idau taumui iboumui ai, a kamonai! Tanobada taumui iboumui ai, a hakala!
PSA 49:2 Henu taumui bona atai taumui, taḡa taumui bona ogoḡami taumui, orea tamona mo.
PSA 49:3 Udugu ese aonega baine gwauraia, lalogu ese lalo-parara herevadia baine haerodia.
PSA 49:4 Hereva heḡereḡerena baina hakala henia, egu hereva hehunina na gitara reḡena ese baine hahedinaraia.
PSA 49:5 Dahaka dainai baina gari, hekwakwanai negadia ai, eiava e daḡedaḡe henigumu taudia edia kara dika ese e ḡeḡegu ahumu negadia ai?
PSA 49:6 Idia ese edia taḡa e abidadama heniamu, edia kohu momo herea e heagilaimu.
PSA 49:7 Momokani, tau ta sibona basine hehoi lasi diba, ena mauri davana na Dirava basine henia diba;
PSA 49:8 badina be ena mauri davana na bada herea. Tau ta dia heḡereḡere
PSA 49:9 ena mauri baine hadaudaua hanaihanai, bona mase gabuna basine itaia.
PSA 49:10 Oibe, ia baine itaia, aonega taudia danu e masemu; kava tauna bona lalo-duhu tauna raruosi bae mase, bona edia taḡa na bae rakatani, haida edia.
PSA 49:11 Ena be tano haida e gwauraidia edia, to edia guri na edia ruma ela bona hanaihanai, edia noho gabudia ela bona uru iboudiai.
PSA 49:12 Tau ta na ena hairai ai basine noho diba, ia na e masemu boromadia na heheto.
PSA 49:13 E heaḡi kavamu taudia davadia binai, ahudia e moalelaimu taudia dokodia binai.
PSA 49:14 Mamoe na heheto mase gabuna baela; mase ese baine regudia, mamoe iregudia tauna na heto. Maoromaoro guri ai e dihomu, hairaidia vada bae ore, mase taudia edia gabu ai bae noho.
PSA 49:15 A Dirava ese lau laumagu davana baine karaia, mase siahuna amo baine rauaia; badina be ia ese baine abigu dae. (Selah)
PSA 49:16 Tau ta baine taḡa negana ai, bona ena ruma hairaina baine bada negana ai, basio gari.
PSA 49:17 Badina be baine mase negana ai ḡau ta basine abia kau, basine laohaia; ia hairaina basine diholaia.
PSA 49:18 Ena be ena mauri dinadia ai ia na sibona moale tauna ai baine hegwaurai, ena be sibona ena namo e havaraiamu tauna na bae imodaia,
PSA 49:19 to tamana ena uru taudia baine lao henidia; idia ese diari basie itaia lou.
PSA 49:20 Tau ta na ena hairai ai basine noho diba, ia na e masemu boromadia na heheto.
PSA 50:1 Goada-bada Diravana Iehova, vada e hereva, tanobada vada e boiria, dina e daemu gabuna amo ela bona dina e dihomu gabuna.
PSA 50:2 Siona, hairai-herea gabuna, amo Dirava diarina e taramu.
PSA 50:3 Eda Dirava na e maimu, asine mai kumamu, ia vairanai na lahi hururu-hururuna, lai gubadia ese e gegea ahumu.
PSA 50:4 Ia ese guba atai ai e boi heniamu, tanobada danu e boi heniamu, ena orea taudia baine hahemaoro henidia totona.
PSA 50:5 “E abidadama henigumu taudia ba haboudia egu” e tomu, “idia ese boubou karadia e kara, lau ida a herohemaino”.
PSA 50:6 Guba ese ena kara maoromaoro e gwauraimu, badina be Iehova sibona na hahemaoro tauna. (Selah)
PSA 50:7 Egu orea taumui e, a hakala, lau baina hereva; Israel e, baina habadelaimu. Lau na Dirava, emui Dirava.
PSA 50:8 Asina gwau henimuimu emui boubou daidiai; emui ḡole-oho bouboudia na lau vairagu ai nega idoinai.
PSA 50:9 Boromakau maruanena ta emui ruma amo basina abia, nani maruanena ta emui maḡu amo basina abia dae;
PSA 50:10 badina be uda ḡaudia iboudiai na lauegu, bona ororo daha-ta boromakaudia danu;
PSA 50:11 atai manudia iboudiai be dibagu, tano paka ai e laomu ḡaudia iboudiai na egu.
PSA 50:12 Bama hitolo, umui basinama hamaoromui; badina be tanobada mai anina idoinai ida na lauegu.
PSA 50:13 Boromakau mamaruanedia hidiodia na animu a? Nani raradia na inumu a?
PSA 50:14 Hahenamo na Dirava ba henia, emui boubou bunai; emui gwauhamata anidia ihamomokanidia na Herea Mikamika ba henia.
PSA 50:15 Hekwakwanai dinana ai lau ba boi henigu; bena lau ese umui baina hamaurimui, bona umui ese lau ba imodaigu.
PSA 50:16 A kara dika taudia na Dirava ese e hereva henidiamu, e tomu: Badina be dahaka egu taravatu o gwauraimu? Dahaka dainai egu gwauhamata herevadia na udumui bibinadia ai mimia?
PSA 50:17 Badina be mata-hakani o inai heniamu, bona egu hereva na murimui ai o negediamu.
PSA 50:18 Henao tauna o itaiamu negana ai o hetura heniamu; bona heuda-hanai taudia o bamodiamu.
PSA 50:19 Hereva dikadia na udumui amo e lasimu, malamui na hereva koikoidia e gwauraimu;
PSA 50:20 o helaimu, tadikakamui o habadelaidiamu, sinamui natudia mamaruanedia o habadelaidia koikoimu.
PSA 50:21 Ini vada o kara toma, asina hereva; umui banava oto lau na umui heḡereḡeremui. A harihari na gwau henimuimu, egu hahebade na vairamui ai na gwauraiamu.
PSA 50:22 Ina na ba laloa, Dirava o laloa boiomu taumui, baina daremui, bena ta ese basine hamaurimui diba, na garina.
PSA 50:23 Hahenamo e mailaiamu tauna na ena boubou bunai, una tau ese e matauraigumu. Ena mauri dalana e reḡua namonamomu tauna na Dirava ena hahemauri baina haheitalaia.
PSA 51:1 Dirava e, a bogagu hisi, emu lalokau heḡereḡerena; emu hebogahisi bada-herea heḡereḡerena ai egu kara dika ba rohodia.
PSA 51:2 Egu kara havara ba huridia oho, egu kerere amo ba haḡoevagu.
PSA 51:3 Badina be egu kara dika na dibagu, egu kerere na vairagu ai nega iboudiai.
PSA 51:4 Oiemu ai, oi mo sibomu emu ai, vada na kerere, oi vairamu ai vada na kara havara; taunabunai emu hereva na maoromaoro, bona emu hahemaoro herevana na asi kererena.
PSA 51:5 Momokani, lau na kara havara ai na vara, bona kara dika ai sinagu ese e havaragu.
PSA 51:6 Momokani, oi o uramu hereva momokani na lalomai ai baine mia, taunabunai, lalogu ai aonega hehunidia ba hadibagu.
PSA 51:7 Muramura avana amo ba haḡoevagu, bena baina ḡoevaḡoeva; a hurigu, bena snow ena kurokuro baina hereaia.
PSA 51:8 Moale bona lalo-namo amo ba hahonugu; vada o hakwaidu turiadia do bae moale.
PSA 51:9 Vairamu na egu kara dika amo ba hunia, bona egu kara havara iboudiai na ba rohodia.
PSA 51:10 Dirava e, lalo-ḡoevaḡoeva na lalogu ai ba havaraia, bona lauma matamatana bona maoromaorona na lalogu ai bavatoa.
PSA 51:11 Oi vairamu amo basio negegu daure; emu Lauma helaḡana na egu amo basio abia oho.
PSA 51:12 Emu hahemauri moalena na ba henigu lou, bona ura-kwalimu laumana amo bavabigu isi.
PSA 51:13 Bena emu dala na kara kerere taudia baina hadibalaidia, bona kara dika taudia ese oi bae lou henimu.
PSA 51:14 Dirava e, lau ihamaurigu Diravana, rara ihahebubuna amo ba hamaurigu, bena lau malagu ese ane baine abia badabada, oiemu hahemauri anena.
PSA 51:15 Ḡaubada e, lau bibinagu ba hapapadia, bena udugu ese baine imodaimu.
PSA 51:16 Badina be boubou karadia so moalelaidiamu, ḡole-oho boubouna bama henimu, to basioma moalelaia.
PSA 51:17 Dirava ese e abia daemu boubouna be lauma manauna; Dirava e, lalona e manaumu bona ena dika amo e helalo kerehaim tauna na basio dadaraia.
PSA 51:18 Emu lalo-namo ai Siona ba kara namo henia; Ierusalem maḡuna ba haginia lou;
PSA 51:19 bena kara maoromaoro bouboudia ba moalelaidia, lahi bouboudia bona ḡole-oho bouboudia; bena boromakau mamaruanedia na emu ihaboulaina patana ai bae hahelaḡadia.
PSA 52:1 Goada-herea taumu e, Dahaka dainai Dirava e matauraiamu taudia e kara dika henidiamu na o heaḡilaiamu? Dina idoinai hahebua-tari daladia o haero heḡaeḡaemu.
PSA 52:2 Kara koikoi taumu e, malamu na kaia mai ganona na heto.
PSA 52:3 Dika o ura henia badamu, namo o ura henia maraḡimu, hereva koikoi o ura henia badamu, hereva momokani o ura henia maragimu. (Selah)
PSA 52:4 Koikoi malana e, hahemase herevadia iboudiai o ura henidiamu.
PSA 52:5 A Dirava ese baine huarimu ela bona hanaihanai; ia na baine verimu oho, emu kalaga amo baine dadihaimu, mauri taudia edia tano amo baine raḡamu. (Selah)
PSA 52:6 Kara maoromaoro taudia bae itaia, bena bae gari, bae kirikirilaia, baeto
PSA 52:7 “Hari Dirava enai se tao tauna mani a itaia; ia ese ena kohu momo e abidadama henia, bona ena taḡa ai mo e helalokau”.
PSA 52:8 A lau na olive auna mai rauna matamatadia na heto, Dirava ena ruma ai; Dirava ena hebogahisi na abidadama henia hanaihanaimu.
PSA 52:9 Lau ese baina imodaimu ela bona hanaihanai, badina be oi ese vada o karaia; oi ladamu baina heatolaia, badina ia na namo Dirava e matauraiamu taudia vairadiai.
PSA 53:1 Kava tauna na lalona ai e tomu “Dirava na lasi”. Idia na mimiro, kara dika-hereadia e karamu; asi tauna ta ese kara namo e karamu.
PSA 53:2 Dirava na guba amo e roha dobimu, taunimanima natudia e nenediamu; baine itadia, aonega taudia haida nonoho, eiava Dirava e tahuamu taudia haida nonoho.
PSA 53:3 Iboudiai vada e keto, iboudiai vada e miro; asi tauna ta ese kara namo e karamu, lasi ona lasi vaitani.
PSA 53:4 Kara dika taudia na asi edia lalo-parara a? Idia na egu orea taudia e anidiamu, flaoa e animu na heto; idia ese Dirava asie boi heniamu.
PSA 53:5 Idia bunu, gari bada ese e butudia taomu, gari idauna, nega gunana ta se vara ḡauna. Badina be Dirava ese asie matauraiamu taudia turiadia baine ḡiḡidia rohoroho; idia na bae hahemaraidia, badina be Dirava ese vada e dadaraidia.
PSA 53:6 Israel ihamaurina na Siona amo bema mai be namo! Dirava ese ena orea taudia baine haginidia lou negana ai Iakob baine moale, bona Israel baine hisi dae.
PSA 54:1 Dirava e, oi ladamu amo ba hamaurigu, oi goadamu amo ba gwauraigu maoro.
PSA 54:2 Dirava e, egu noinoi a kamonai, lau udugu herevadia ba hakala henidia.
PSA 54:3 Badina be asi edia hemataurai taudia vada e tore isi, lau ihadikagu totona; daḡedaḡe taudia ese egu mauri iabi-ohona e tahuamu, idia lalodia ai na Dirava asie hanohoamu. (Selah)
PSA 54:4 A itaia, Dirava na lau ikahagu, Ḡaubada na egu mauri imudana.
PSA 54:5 Lau inaigu na dava dikana baine henidia; emu momokani ai ba habuadia tari.
PSA 54:6 Egu lalo-namo ai egu boubou ḡauna baina hahelaḡaia oiemu; Iehova e, oi ladamu baina hanamoa, badina be ia na namo.
PSA 54:7 Badina be oi ese hekwakwanai iboudiai lalodia amo vada o harohogu mauri; inaigu na egu kwalimu ai na itadia nenenenemu.
PSA 55:1 Dirava e, egu guriḡuri a kamonai, egu noinoi na basio dadaraia.
PSA 55:2 A hakala henigu, a haere henigu; egu hisihisi ese vada e hadareregu.
PSA 55:3 Inai tauna gadona ese vada e hadaradaragu, kara dika taudia edia daḡedaḡe karadia daidiai; badina be idia ese e hahekwakwanaigumu, bona edia badu ai e inai henigumu.
PSA 55:4 Lalogu na e hisihisi badamu; mase ena hahegari na latagu ai vada e kau.
PSA 55:5 Gari bona kudou-hetaha ese e butugu taomu, laumagu na e dauremu.
PSA 55:6 Na tomu “Bema mai hanigu, pune na heto, bena bama roho lao, bama laga ani;
PSA 55:7 oibe, dauha bama lao, tano ḡaḡaena ai bama noho; (Selah)
PSA 55:8 bama lao haraḡa, hemetai gabuna bama tahua, lai bona medu ilao-ahudia”.
PSA 55:9 Ḡaubada e, edia lalo-hadai ba hadikadia, gadodia ba haheḡonudia; badina be haheala bona heatu na hanua ai na itamu.
PSA 55:10 Dina ai bona hanuaboi ai maḡuna e rakaia heḡeḡemu, hedibaḡani bona hekwarahi na ia lalonai e miamu, hahebua-tari na ia bogaraginai;
PSA 55:11 daḡedaḡe bona koikoi karadia na ena ariara ai asie dokomu.
PSA 55:12 E kirikirilaigumu tauna na dia inai tauna, bema unuheto, bama haheauka; e ihi-ihiraigumu tauna na dia inai tauna, bema unuheto, iena amo bama komu.
PSA 55:13 A tauna na oi, lau idaigu, lau bamogu, lau turagu korikori.
PSA 55:14 Ta hereva-herevava mai moaleda ida, ta raka hebouva Dirava ena ruma ai.
PSA 55:15 Mase na ediai baine kau, mauridia ai mase gabuna ai bae diho, mai garidia ida edia guri ai bae diho, be namo.
PSA 55:16 A lau be Dirava do baina boi henia; Iehova ese baine hamaurigu.
PSA 55:17 Adorahi ai bona daba ai bona dina tubua ai na maumaumu bona na ḡanaḡanamu. Ia ese lau gadogu baine kamonaia,
PSA 55:18 ia ese lau laumagu baine hamauria; na tuarilaiamu tuarina amo baine hamaurigu, badina be hutuma ese e tuari henigumu.
PSA 55:19 Dirava na baine hakala, baine tuidia, sene negana amo e nohomu Diravana; badina be taravatu asie badinaiamu, bona Dirava garina se garimu. (Selah)
PSA 55:20 Bamogu ese imana e haroroa, ia turana ihadikadia totona, ena gwauhamata e hadikaia.
PSA 55:21 Ena hereva na manada-manada, bata ena manada-manada e hereaia, a tuari be ia lalona ai. Ena hereva na manoka-manoka, dehoro ena manoka-manoka e hereaia, a idia na e veri lasi daredia.
PSA 55:22 Emu maduna na Iehova enai ba tahoa kau, ia ese baine abimu isi; ia ese kara maoromaoro taudia baine gimadia, idia na basie marere-marere.
PSA 55:23 Dirava e, oi ese ba tahodia dobi, henu herea gurina lalonai; rara ihahebubuna bona koikoi karadia ikaradia taudia na edia mauri kahana basie haḡuḡurua. A lau ese oi baina abidadama henimu.
PSA 56:1 Dirava e, ame bogagu hisi, badina be taunimanima ese e moigu taomu, dina idoinai tuari taudia ese e daḡedaḡe henigumu.
PSA 56:2 Inaigu na dina idoinai e moigu taomu, hutuma ese e tuari henigumu mai heaḡidia ida.
PSA 56:3 Lau na garimu negadia ai na oi mo na abidadama henimumu.
PSA 56:4 Ena hereva na imodaiamu Diravana, Dirava mo na abidadama heniamu, asi egu gari; hidio na ede baine karagu toma?
PSA 56:5 Dina idoinai idia ese egu hereva e hagagevadiamu, edia lalo-hadai iboudiai na lau ihadikagu mo e laloamu.
PSA 56:6 Idia na e heboumu, e bani taomu, egu raka marere e itaia taomu. Egu mauri iabi-ohona totona vada e narigu heḡereḡerena,
PSA 56:7 edia kara dika davana unu ba henidia toma. Dirava e, bese idau-idau taudia na mai badumu ida ba tahodia dobi.
PSA 56:8 Egu loa eva-eva vada o hagaudia, irurumatagu na emu kavabu ai ba udadia; emu buka ai e miamu, ani?
PSA 56:9 Baina boiboi dinana ai, lau inaigu na ba haloudia. Ina na dibagu, Dirava na lau ida:
PSA 56:10 Dirava, ena hereva na imodaiamu Diravana; Iehova, ena hereva na imodaiamu Diravana.
PSA 56:11 Ia mo na abidadama heniamu, asi egu gari; taunimanima na ede bae karagu toma?
PSA 56:12 Dirava e, egu gwauhamata emu ai na anidia do baina kara; egu hehenamo bouboudia na oi baina henimu.
PSA 56:13 Badina be oi ese lau laumagu na mase amo vada o rauaia; oibe, aegu na hetutuhi amo vada o hamauria. Dirava vairanai baina raka totona, mauri diarina lalonai.
PSA 57:1 Ame bogagu hisi, Dirava e, ame bogagu hisi. Badina be oi lalomu ai lau laumagu e komumu; oi hanimu ikerukerudia na egu hemetai gabuna, ela bona hahebua-tari baine ore.
PSA 57:2 Dirava Herea Mikamika na tai heniamu, egu ai ena ura e haḡuḡuruamu Diravana.
PSA 57:3 Ia na guba amo ena hesiai baine siaia, baine hamaurigu; e moigu taomu taudia ia ese baine hahemaraidia. (Selah) Dirava ese ena hebogahisi bona ena momokani baine siai lasi.
PSA 57:4 Leona bogaragidiai na hekuremu, taunimanima natudia e anidia lava daemu ḡaudia; isedia na io bona diba, bona maladia na dare ganoka-ganokadia.
PSA 57:5 Dirava e, guba doriva-dorivana ai bae imodaimu, oi hairaimu na tanobada idoinai daenai baine mia.
PSA 57:6 Idia na huo e otoa, lau aegu ihatoadia; laumagu na e igo diho. Idia na egu dala ai guri e ḡeia, a ḡau be idia sibodia na lalonai e moru dobi. (Selah)
PSA 57:7 Lau lalogu na auka; Dirava e, lau lalogu na auka. Ane baina abia, hahenamo anedia baina abi;
PSA 57:8 laumagu e, a noga. Gitara bona hatai-hatai ḡauna maragina, a noga; lau na daba matana ai baina noga.
PSA 57:9 Ḡaubada e, lau oi baina hanamomu, bese idau-idau bogaragidiai; oi ihanamolaimu anedia baina abi, orea idau-idau bogaragidiai.
PSA 57:10 Badina be emu hebogahisi na bada ela bona guba, emu momokani na bada ela bona ori.
PSA 57:11 Dirava e, guba doriva-dorivana ai bae imodaimu, oi hairaimu na tanobada idoinai daenai baine mia.
PSA 58:1 Lohiamui e, emui hahemaoro herevadia na maoromaoro eiava? Taunimanima o hahemaoro henidiamu mai maoromaoromui ida a?
PSA 58:2 Lasi, lalomui ai kara kerere-kereredia o haeromu; imamui na daḡedaḡe karadia e karamu tanobada ai.
PSA 58:3 Kara dika taudia na dounu sinadia bogadia lalodiai e nohova negadia amo vada e raka muri matama, edia vara dinadia amo vada e kerere, koikoi herevadia e gwauraimu.
PSA 58:4 Idia na mai edia mase muramurana, gaigai ena mase muramurana na heto, taia kudima gaigaina na heto. Ia na taiana e kouamu,
PSA 58:5 mea tauna gadona basine kamonai totona, babalau tauna mai aonegana gadona basine kamonai helaoreana.
PSA 58:6 Dirava e, isedia ba hakwaidudia ududia ai, Iehova e, leona natudia gadigadidia ba ragadia lasi.
PSA 58:7 E aru ohomu ranuna na heto bae puki; rei na heto bae moidia tao, bena bae marai.
PSA 58:8 Bisisi na kwari ai e hepunimu na heto bae boio, e vara dika merona heḡereḡerena, dina nega hata se itaia.
PSA 58:9 Ava ḡiniḡini, mauridia eiava kakorodia, siahudia na emui uro ese do se abi negana ai, ia ese baine petadia oho.
PSA 58:10 Kara maoromaoro tauna baine moale, dava ihenina baine itaia negana ai; kara dika tauna rarana ai ia aena baine huridia.
PSA 58:11 Bena taunimanima baeto: Momokani, kara maoromaoro na mai davana; momokani, tanobada ihahemaoro-henina Diravana na e nohomu.
PSA 59:1 Egu Dirava e, inaigu edia amo ba hamaurigu, e tuari henigumu taudia edia amo ba gimagu;
PSA 59:2 kara dika taudia edia amo ba hamaurigu, rara ihebubuna e uramu taudia edia amo ba harohogu mauri.
PSA 59:3 A itaia, egu mauri iabi-ohona totona e bani henigumu; daḡedaḡe taudia na lau ihadikagu totona e heboumu.
PSA 59:4 Iehova e, dia lauegu kara dika eiava lauegu kara havara daidiai, eiava dia lauegu kerere dainai, idia ese e heaumu bona e heḡaeḡaemu. A noga, ikahagu aoma, a itaia!
PSA 59:5 Iehova Sabaota, oi na Israel edia Dirava. A noga, bese iboudiai matadia ba hakanidia, kara dika e haero hehunimu taudia ta basio bogaia hisi. (Selah)
PSA 59:6 Adorahi iboudiai idia na e lou maimu, sisia na heheto e ḡoumu, hanua lalonai e igo Ioamu.
PSA 59:7 Ḡaudia bunu, ududia amo e lolomu, bibinadia amo e ḡiḡimu. Badina be idia na e tomamu “Daika ese baine kamonai?”
PSA 59:8 Iehova e, oi ese o kirikirilaidiamu, bese iboudiai oi ese o kirikirilaidiamu.
PSA 59:9 Egu Goada e, oi ihanamolaimu anedia baina abi, badina be, Dirava e, oi na egu kohoro.
PSA 59:10 Egu Dirava na ena hebogahisi ai baine hedavari henigu, egu Dirava ese egu dala baine kehoa, inaigu edia darere do baina itaia.
PSA 59:11 Basio aladia mase, egu orea taudia bae helalo boio na garina, emu siahu amo ba hahekwakwanaidia bona ba haketodia, Ḡaubada e, emai kesi.
PSA 59:12 Ududia edia dika, bibinadia edia hereva, daidiai edia heaḡi ai bae hedoa. Heuduguirai bona koikoi herevadia vada e gwaurai daidiai,
PSA 59:13 badu ai ba ha-oredia, ba ha-oredia ela bona bae boio vaitani. Unu amo taunimanima bae diba Dirava ese Iakob e lohiaiamu ela bona tanobada dokona.
PSA 59:14 Adorahi iboudiai idia na e lou maimu, sisia na heheto e ḡoumu, hanua lalonai e igo loamu.
PSA 59:15 Aniani itahuna e loa eva-evamu, bona bogadia asie kumumu negadia ai e ḡiḡimu.
PSA 59:16 A lau na oiemu goada baina anelaia, daba ai emu hebogahisi baina anelaia bada; badina be oi na egu kohoro, bona egu roho-mauri gabuna, egu hisihisi dinana ai.
PSA 59:17 Egu Goada e, oi ihanamolaimu anedia baina abi, badina be, Dirava e, oi na egu kohoro; e bogagu hisimu Diravana.
PSA 60:1 Dirava e, oi ese vada o dadaraimai, vada o hadareremai, vada o badu; mani emu kara bavabimai dae lou.
PSA 60:2 Oi ese tano vada o haheude-heudea, vada o hapararaia; ba haginia lou, badina be e marere-mareremu.
PSA 60:3 Kara aukadia amo emu bese taudia vada o hahisidia; vine ranuna vada o henimai, vada a inua, vada a kekero.
PSA 60:4 Pepe vada o veria dae, e gari henimumu taudia edia, ienai bae hahegoada hebou, peva bae heautania negana ai; (Selah)
PSA 60:5 unu amo emu lalokau taudia na bae roho mauri. Imamu idibana amo kwalimu ba henimai, bona ba haere henimai.
PSA 60:6 Dirava na ena gabu helaḡana ai vada e hereva, eto, Mai moalegu ida Sekem baina hapararaia, bona Sukoto kourana baina haria.
PSA 60:7 Gilead na lauegu; Manase na lauegu; Efraim na egu kwara ḡauna; Iuda na egu dagi auna.
PSA 60:8 Moab na imagu ihuridia dihuna; Edom Iatanai egu tamaka na tahoa kaumu; Filistia daenai na heaḡimu, na lolomu.
PSA 60:9 Daika ese hanua mai maḡuna lalonai baine hakaugu vareai? Daika ese Edom baine haka-lgu lao?
PSA 60:10 Dirava e, vada o dadaraimai ani? Dirava e, emai tuari oreadia ida so raka lasimu.
PSA 60:11 Ame kahamai, inaimai ituari-henidia ai; badina be taunimanima edia hekaha na asi anina.
PSA 60:12 Dirava ida baita goada balaheni; ia ese ita inaida baine moidia tao.
PSA 61:1 Dirava e, egu taitai a kamonai, egu ḡuriḡuri bavabia dae;
PSA 61:2 lau kudougu e hetahamu negana ai na tanobada dokona amo baina boi henimu. Mani a hakaugu lao, baine hagagu tao nadina enai;
PSA 61:3 badina be egu roho mauri gabuna na oiemu ai, egu kohoro na oi, inai taudia ilao-ahudia.
PSA 61:4 Emu kalaga ai baina noho hanaihanai, oi hanimu ikerukerudia ai baina mauri. (Selah)
PSA 61:5 Badina be, Dirava e, oi ese egu gwauhamata vada o kamonai oi ese oi ladamu e matauraiamu taudia ahudia vada o henigu.
PSA 61:6 Hanua pavapavana ena mauri ba hadaudaua, ena mauri laḡanidia bae hesiriu ela bona uru iboudiai,
PSA 61:7 ena terono ai baine helai hanaihanai, Dirava vairanai; lalokau bona momokani amo ba reḡua.
PSA 61:8 Taunabunai lau ese oi ladamu baina hanamoa egu ane ai; dina ta ta amo egu gwauhamata anidia baina kara.
PSA 62:1 Lau laumagu ese Dirava mo e nariamu, asi reḡereḡegu; ihamaurigu na iena amo e maimu.
PSA 62:2 Ia mo sibona na egu nadi-gini bona egu hahemauri, egu kohoro; lau na basina marere-marere.
PSA 62:3 Iboumui ai ese tau tamona bavala-ala henia ela bona edena nega ai? e gini sehemu maḡuna eiava e marere-mareremu arana na heto?
PSA 62:4 Edia lalo-hadai tamona be ena dagi amo bae doria dobi; hereva koikoidia e moalelaimu; ududia amo hahenamo herevadia e gwauraimu, a lalodia ai e heuduguirai. (Selah)
PSA 62:5 Lau laumagu ese Dirava mo e nariamu, asi reḡereḡegu; badina be egu helaro na ienai.
PSA 62:6 Ia mo sibona na egu nadi-gini bona egu hahemauri, egu kohoro; lau na basina marere.
PSA 62:7 Egu mauri bona ihamomokanigu na Dirava enai; egu nadi-gini badana na Dirava, egu roho-mauri gabuna na Dirava.
PSA 62:8 Taunimanima e, nega iboudiai ia bavabidadama henia; lalomui anidia na ia vairanai ba hahedinarai; eda roho-mauri gabuna na Dirava enai. (Selah)
PSA 62:9 Dagi maraḡi taudia na hahodi ta na heto; dagi bada taudia na asi anidia; metau hahetoho ḡauna ai e haraḡamu, metaudia idoinai na maraḡi, hahodi tamona metauna ida asie heḡereḡere.
PSA 62:10 Dadidadi karadia basio abidadama henidia, henao karadia basio larodia kava; emui taḡa bema bada, basio lalokau henia.
PSA 62:11 Nega hata Dirava vada e hereva, nega harua ini vada o kamonai toma: siahu na Dirava ena.
PSA 62:12 Ḡaubada e, hebogahisi na oi mo emu; badina be taunimanima ta ta ena ḡaukara ena ḡaukara heḡereḡeredia, davadia o henidiamu.
PSA 63:1 Dirava e, oi na lauegu Dirava, lau oi na tahumumu, lau laumagu e ranu masemu oiemu ai; lau hidiogu na e manorimu oiemu ai, tano kaukauna ai, tano gaḡaena ai, asi ranuna tanona ai, na heto.
PSA 63:2 Taunabunai, lau ese vada na raraimu, gabu helaḡana ai, oi siahumu bona hairaimu vada na itadia;
PSA 63:3 badina be emu hebogahisi ese mauri e hereaiamu, una dainai lau bibinagu ese bae imodaimu.
PSA 63:4 Taunabunai, egu mauri dinadia iboudiai baina hanamomu, imagu baina dudui isi, oi ladamu baina hahanea.
PSA 63:5 Egu geda ai oi na lalomu negadia ai, hanuaboi lalonai oi na haeromu negadia ai, laumagu be bogagu na turia harana bona digara amo bema kunu na heto; lau udugu ese e hanamomumu, mai bibina moaledia ida;
PSA 63:7 badina be oi ese vada o kahagu, oi hanimu ikerukerudia ai moale anedia na abimu.
PSA 63:8 Lau laumagu na oiemu ai e taomu; oi imamu idibana na egu imuda.
PSA 63:9 A egu mauri iabi-ohona e tahuamu taudia na tanobada ena dobu gabudia ai bae diho.
PSA 63:10 Dare ese bae aladia; uda sisiadia ese bae daredia.
PSA 63:11 A hanua pavapavana ese Dirava baine moalelaia; ia ladana ai e gwau hamatamu taudia na hairaina bae abia, badina be koikoi taudia ududia na bae dai ahu.
PSA 64:1 Dirava e, egu taitai ai lau gadogu ba kamonai; egu mauri na inaigu igari-henidia amo ba rauaia.
PSA 64:2 Kara dika taudia edia lalohadai dikadia hehunidia amo ba hunigu, kara havara taudia edia ura dikadia amo ba hunigu.
PSA 64:3 Idia na maladia e segediamu dare na heheto, edia hereva iditadia e kinodiamu, diba na heheto;
PSA 64:4 e bani taomu, asi ena kerere tauna e tarakiamu, e tarakia takumu, asie garimu.
PSA 64:5 Edia ura dikadia na e dogodia taomu; idoa iato-hehunidia na e herevalaimu. E tomu “Daika ese baine itada diba?
PSA 64:6 Daika ese eda kara dika baine tahudia diba? Eda ura dalana vada ta haeroa mai aonegada ida”. Badina be taunimanima lalona na dobu, ena lalo-hadai danu dobu.
PSA 64:7 A Dirava ese ena diba amo baine tarakidia; idia na bae bero haraḡa-haraḡa.
PSA 64:8 Badina be idia sibodia maladia daidiai ia ese edia dika do baine havaraia; bae itadia taudia iboudiai na kwaradia bae taiko-taiko.
PSA 64:9 Bena taunimanima iboudiai bae gari, Dirava ena kara bae herevalaia, bona ena ḡaukara bae haeroa.
PSA 64:10 Kara maoromaoro taudia ese Iehova bae moalelaia, ienai bae roho mauri; lalo-maoromaoro taudia iboudiai ese ia bae imodaia.
PSA 65:1 Dirava e, Siona ai bae imodaimu; bona gwauhamata anidia na oi bae henimu.
PSA 65:2 Ḡuriḡuri ikamonaina Diravana e, taunimanima iboudiai na bae vasi,
PSA 65:3 kara dika daidiai Emai kara dika ese e hadareremaimu negadia ai na oi ese o gwaudia taomu.
PSA 65:4 Emu maḡu ai baine noho totona o abia hidimu bona o hakaua kahimu tauna be namo; emu ruma ena namo ai ese baia moalelaia, emu dubu helaḡana bunai.
PSA 65:5 Ai ihamaurimai Diravana e, hahegari karadia amo o haere henimaimu bona o hamaurimaimu; oi na tanobada dokodia iboudiai edia helaro, bona davara daudau-hereadia edia danu.
PSA 65:6 Oi ese emu goada amo ororo o hadaidia, oi na siahu o hariolaiamu;
PSA 65:7 oi na davara reḡedia o gwaudia taomu, edia hurehure reḡedia bona taunimanima edia heloḡo-heloḡo danu.
PSA 65:8 Taunabunai tanobada hetoadia daudau-hereadia ai e nohomu taudia ese oiemu toa e gari henidiamu; oi ese dina dae tanodia bona dina diho tanodia o hamoalediamu. bena e moale hisi daemu.
PSA 65:9 Tanobada o vadivadi heniamu, o haparipariamu, uma tanodia o hanamodiamu; Dirava ena sinavai na ranu ai e honumu, uma anidia o henidiamu, vada o haheḡaeḡaedia tanodia lalodiai.
PSA 65:10 E ruadia tanodia o hapariparidia badamu, tano latalatadia o hataoradiamu, medumedu amo o hamanokadiamu, lalodiai e tubumu ḡaudia o hanamodiamu.
PSA 65:11 Emu herahia ese laḡani ihanamona e haḡuḡuruamu, aemu gabudia amo digara e dihomu,
PSA 65:12 tano ḡaḡaena reidia ai e dihomu, ororo ese edia moale e rioamu.
PSA 65:13 Rei gabudia ese mamoe seridia na e hadabuadiamu, koura ese uit e hadokiamu, ane e abimu, e moale hisi daemu.
PSA 66:1 Tanobada idoinai, Dirava ba hisi dae henia;
PSA 66:2 ia ladana hairaina anedia bavabi, ba imodaia badabada.
PSA 66:3 Dirava ba hanamoa, baoto: Emu kara na hahegari karadia. emu siahu na bada herea, oi inaimu na vairamu ai e gari igo dihomu.
PSA 66:4 Tanobada idoinai ese oi e toma henimu dihomu, oi ihanamolaimu anedia e abimu, oi ladamu iheatolaina anedia.
PSA 66:5 Aoma, Dirava ena kara ba itaia; ena kara taunimanima bogaragidiai na hahegari karadia.
PSA 66:6 Davara na tano kaukauna ai e halaoa, taunimanima na aedia amo sinavai e rakaia hanai, unuseni ai ia ta moalelaiava.
PSA 66:7 lena siahu amo e lohia hanaihanaiamu, ia matana ese bese idau-idau e nenediamu; gwau-hemuri taudia na sibodia basie heaḡi. (Selah)
PSA 66:8 Bese idau-idau e, emui Dirava ba hanamoa, ia iheatolaina reḡedia bae dae.
PSA 66:9 Ia ese mauri ai vada e dogomai tao, aemai vada e naridia dainai asie dedi.
PSA 66:10 Badina be, Dirava e, oi ese vada o tohomai; silver e tohoamu na heto vada o tohomai.
PSA 66:11 Huo ai vada o abimai, koekoemai vada o hahisidia.
PSA 66:12 Edia hosi aedia amo e moimai tao taudia na so rudia; lahi amo a raka hanai, bona ranu amo danu. A oi ese gabu namona ai vada o hakaumai lasi.
PSA 66:13 Lau be ḡole-oho bouboudia na emu dubu ai baina rakalai vareai, egu gwauhamata anidia na oiemu ai baina kara,
PSA 66:14 hisi na ani negana ai bibinagu ese e gwauraia heḡereḡerena, udugu ese e gwauraia hamata na heto.
PSA 66:15 Ubu-ubu ḡaudia baina hahelaḡadia, emu ḡole-oho bouboudia ḡaudia, bona mamoe mamaruanedia iḡole-ohodia kwalahuna danu; boromakau mamaruanedia bona nani danu ba hahelaḡadia oiemu. (Selah)
PSA 66:16 Dirava garina o garimu taumui iboumui ai, aoma, ba kamonai. Ia ese ede vada e karagu toma na baina gwauraia hedinarai.
PSA 66:17 Lau ese ia na boi henia, lau malagu ese ia e imodaia.
PSA 66:18 Lalo-hadai dikadia na lalogu ai bema mia, Ḡaubada ese basinema kamonai henigu.
PSA 66:19 A momokani Dirava ese vada e kamonai, ia ese egu noinoi herevadia vada e abi dae.
PSA 66:20 Dirava aina hanamoa, badina be egu ḡuriḡuri se dadaraia, ena hebogahisi egu amo na se abia oho.
PSA 67:1 Dirava baine bogada hisi, baine hanamoda, ia vairana diarina baine henida. (Selah)
PSA 67:2 Tanobada ai oiemu dala bae diba totona; bona emu hahemauri siahuna bese iboudiai bogaragidiai danu.
PSA 67:3 Dirava e, bese idau-idau bae hanamomu, bese iboudiai bae imodaimu.
PSA 67:4 Bese idau-idau bae moale, moale anedia bae abi, badina be tanobada taudia o hahemaoro henidiamu mai maoromaoromu ida, bona tanobada besedia o hakaudiamu.
PSA 67:5 Dirava e, bese idau-idau bae hanamomu, bese iboudiai bae imodaimu.
PSA 67:6 Tano anina vada e vara ḡoevaḡoeva; Dirava, iseda Dirava, ese vada e hanamoda.
PSA 67:7 Dirava vada e hanamoda; bona tanobada dokodia iboudiai ese ia garina bae gari.
PSA 68:1 Dirava baine tore isi, ia inaina baine hakarohodia rohoroho; e inai heniamu taudia na ia vairanai bae heau.
PSA 68:2 Lai ese kwalahu e odaia ohomu heḡereḡerena unu bae odadia oho toma; Wax na lahi badibadinai e vevemu na heto, kara dika taudia na unu bae mase toma, Dirava vairanai.
PSA 68:3 A kara maoromaoro taudia na bae moale; Dirava vairanai bae hisi dae, moale ai bae honu honu dae.
PSA 68:4 Ane avabia, Dirava ena, ia ladana ba hanamoa emu ane ai; ane ba ladaia isi, ori ai e guimu Diravana ena; ia ladana na Iehova, ia vairanai ba hisi dae.
PSA 68:5 Dirava na ihareha tamadia bona vabu igimadia, ena noho gabuna helaḡana ai.
PSA 68:6 Dirava ese noho-edea taudia edia iduhu e henidiamu, iḡui taudia e hakaudia lasimu, e hataḡadiamu; a gwau-emuri taudia na tano kaukauna ai e nohomu.
PSA 68:7 Dirava e, emu orea taudia vairadiai o raka lasi bona tano gagaena o rakaia hanai negana ai, (Selah)
PSA 68:8 tano e laga bona guba medudia e diho badabada, Dirava vairanai. Sinai ororona bunai, Dirava vairanai e heude-heude, Israel Diravana vairanai.
PSA 68:9 Dirava e, medu o hadihoa badabada; emu tano e kaukauva negana ai o hapariparia;
PSA 68:10 emu seri na ia lalonai edia noho gabuna e davaria. Dirava e, emu kara namo bagunai ogoḡami taudia adia o henidia.
PSA 68:11 Ḡaubada ese ena hahedua herevana e gwauraiamu hutuma bada ese e piuamu;
PSA 68:12 tuari oreadia pavapavadia e heaumu, e heaumu. Ruma ai e nohomu hahinedia ese tuari ai e dadi kohudia e haridiamu,
PSA 68:13 mamoe edia maḡu ai e nohomu hahinedia ese. Pune hanina na silver amo e heḡova, hanina huidia na gold gadoka-gadokana amo e heḡova.
PSA 68:14 Siahu-idoinai Diravana ese hanua pavapavadia na Salmon ai e hakarohodia negana ai, snow na unuseni ai e diho.
PSA 68:15 Ororo badana e, Basan ororona! Dorina momo ororona e, Basan ororona!
PSA 68:16 Dorina momo ororona e, dahaka o hamuemu? Dirava e uramu baine noholaia ororona, Oibe, Iehova baine noholaia hanaihanai ororona, dahaka hamuena o karaiamu?
PSA 68:17 Ḡaubada na Sinai amo gabu helaḡana ema, mai kariota aukadia gerebu rua ida, oibe, mai kariota daha daha ida.
PSA 68:18 Oi na ororo ḡaulatalatana ai o dara dae, iḡui taudia na murimu ai o hakaudia dara. Herahia ḡaudia na taunimanima edia amo o abi, oibe, gwau-hemuri taudia edia amo danu, Ḡaubada Iehova unuseni ai baine noho na totona.
PSA 68:19 Ḡaubada aita hanamoa! Ia ese dina iboudiai e abida isimu; Dirava na eda mauri. (Selah)
PSA 68:20 Eda Dirava na hahemauri Diravana; Ḡaubada Dirava ese mase amo e harohoda maurimu.
PSA 68:21 A Dirava ese ia inaina kwaradia baine huaridia, ena kara havara ai e rakamu tauna na tubuana mai huina baine huaria.
PSA 68:22 Ḡaubada eto: Basan amo baina loulaidia, davara dobuna gabudia amo baina loulaidia,
PSA 68:23 aemui na rara ai ba hadigudia totona, bona emui sisia maladia na inaimui raradia bae demaria totona.
PSA 68:24 Dirava e, mai hairaimu ida o raka hanaimu, egu Dirava, egu Pavapava, na gabu helaḡana ai e raka vareaimu, mai hairaina ida.
PSA 68:25 Ane e abimu taudia na vairai e rakamu, hatai-hatai ḡaudia e hataimu taudia na muri ai, bogaragi ai na ulato ese edia tareko e hareḡemu.
PSA 68:26 Hebou badana ai Dirava ba hanamoa, Israel ena ranu-lohilohi gabuna amo o maimu taumui, Ḡaubada ba hanamoa.
PSA 68:27 Beniamina, tau muritai, na vairai; Iuda lohiadia na mai edia orea ida, Sebulun lohiadia bona Napatali lohiadia danu unuseni ai.
PSA 68:28 Dirava e, siahumu avabia, Dirava e, goadamu ba hahedinaraia, emu siahu karadia vada o kara, ai daimai ai.
PSA 68:29 Emu Dubu Helaḡa Ierusalem ai dainai, pavapava ese edia herahia e mailaimu emu.
PSA 68:30 Siriho ai e nohomu boromadia ba gwau henidia, boromakau mamaruanedia seridia bona taunimanima edia boromakau natudia ba gwau henidia. Heaiva kohuna iabina e uramu taudia ba moidia tao, tuari e moalelaiamu besedia ba hakarohodia.
PSA 68:31 Auri labora-labora na Aigupto amo bae mailaia, Etiopia ese mase mauri imana na Dirava baine toi roro henia.
PSA 68:32 Tanobada basileiadia, ane bavabi, Dirava ena; hahenamo anedia bavabi, Ḡaubada ena, (Selah)
PSA 68:33 nega gunana ai e miava gubana latanai e guimu Diravana ena. A kamonai, ia gadona e siaia lasimu, ia gadona mai siahuna ida.
PSA 68:34 Dirava ena siahu ba gwauraia, ia ese Israel e lohiaiamu, ia siahuna na guba ai,
PSA 68:35 Dirava na mai garina, ena gabu helaḡana ai, ia na Israel Diravana. Ia ese siahu bona goada ena orea taudia e henidiamu; Dirava aita hanamoa.
PSA 69:1 Dirava e, a harohogu mauri! Badina be abata vada e dae ema bona aiogu.
PSA 69:2 Kopukopu dobuna ai vada na hepuni, aegu na asi ihadaina gabuna. Ranu dobudia ai vada na diho, abata ese e habubunigu.
PSA 69:3 Lau vada na tai mase, gadogu eme haurahaura; matagu vada e valahu-valahu, egu Dirava inarina ai.
PSA 69:4 Kwaragu huidia na gagadoi, asi badina e inai henigumu taudia na hutuma; bae hamasegu e tomu taudia na gogoada, edia koikoi amo e hadikagumu taudia na gogoada. Asina henaoa ḡauna na harihari baine haloua a?
PSA 69:5 Dirava e, egu kavakava be dibamu, egu kerere na oiemu amo se hehunimu.
PSA 69:6 Ḡaubada e, Iehova Sabaota e, ba durugu, oi e laromumu taudia na basie hemarai lau daigu ai. Israel Diravana e, ba durugu, oi e tahumumu taudia na basie hahemaraidia lau daigu ai.
PSA 69:7 Badina be oi daimu ai haida ese vada e gwau henigu; oi daimu ai hemarai ese vairagu vada e ḡovaia.
PSA 69:8 Tadikakagu ediai idau tauna ai vada nala; sinagu natuna ediai idau bese tauna ai vada nala.
PSA 69:9 Badina be emu ruma iura-henina ese vada e hamasegu, bona oi e gwau henimumu taudia edia gwaugwau na lau latagu ai vada e kau.
PSA 69:10 Anivaga amo laumagu na hamanaua negana ai, una na ihahemaraigu ḡauna ai ela;
PSA 69:11 Guma dabuadia na dokilai negana ai, idia ese e ihi-ihiraigu.
PSA 69:12 Hanua ikoukouna ai e helaimu taudia ese e herevalaigumu, kekero taudia ese edia ane ai e herevalaigumu.
PSA 69:13 Iehova e, oi mo na hahanemu, Dirava e, nega namona ai na hahanemu; emu hebogahisi bada-herea amo ba haere henigu.
PSA 69:14 Emu hekaha momokanina amo ba harohogu mauri, kopukopu ai baina hepuni na garina; lau inaigu amo ba hamaurigu, bona ranu dobudia amo danu.
PSA 69:15 Ba durugu, abata basine habubunigu, dobu gabudia basie hadonogu, mase gurina iduarana basine kougu ahu.
PSA 69:16 Iehova e, a haere henigu, badina be emu lalokau na namo; emu hebogahisi bada-herea heḡereḡerena ba haḡeregu.
PSA 69:17 Vairamu na emu hesiai tauna ena amo basio hunia, badina be hisi ese e gugubagumu; a haere henigu haraḡa,
PSA 69:18 a raka kahira, ba hamaurigu, ba ruhagu nege, lau inaigu daidiai.
PSA 69:19 Dibamu ede e gwau henigu tomamu, egu hemarai bona egu koikoi oi dibamu, inaigu iboudiai na oi dibamu.
PSA 69:20 Laumagu e dauremu, gwaugwau herevadia daidiai daragu e dokomu. Hebogahisi na tahua, to asi ḡauna; tauhalo taudia na tahudia, to ta asina davaria.
PSA 69:21 Mase muramurana e henigu, agu; ranu e masegu ai na vine ranuna iditana e henigu, baina inua.
PSA 69:22 Sibodia edia dabara vairadiai na idoa ai bainela, edia aria helagadia na rikiriki ai baela ediai.
PSA 69:23 Matadia bae valahu-valahu, basie ita; batubatudia na bae heude-heude loulou.
PSA 69:24 Emu badu na latadiai ba seia dobi, emu badu ḡaraḡarana ese baine lasidia tao.
PSA 69:25 Edia taruha baine vahu, edia kalaga ai tau ta basine noho.
PSA 69:26 Badina be oi ese vada o hahisia tauna na idia ese ma e daḡedaḡe heniamu, bona oi ese vada o haberoa tauna na idia ese ma e hahisihisiamu.
PSA 69:27 Mata-hakani latanai mata-hakani ma bavatoa idia ediai; emu hahemaoro ai basio ruhadia nege.
PSA 69:28 Ladadia na mauri taudia edia buka amo bae heroho, ladadia na kara maoromaoro taudia ladadia ida basie hetore.
PSA 69:29 A lau be na ogoḡamimu bona na hisihisimu: Dirava e, emu hahemauri ese atai ai baine atogu.
PSA 69:30 Lau ese Dirava ladana na egu ane ai baina heatolaia, egu hahenamo herevadia ai baina imodaia.
PSA 69:31 Ina kara na Iehova baine moalelaia bada, a boromakau baine moalelaia maraḡi, boromakau maruanena mai doana bona mai aena kahaudia ida baine moalelaia maraḡi.
PSA 69:32 Ogoḡami taumui, ba itaia bona ba moale; Dirava o tahuamu taumui, lalomui bae mauri lou;
PSA 69:33 badina be Iehova ese e dabumu taudia na e kamonai henidiamu, ena orea taudia iḡuidia ai e nohomu na se dadaraidiamu.
PSA 69:34 Guba bona tanobada ese bae imodaia, davara danu, bona lalonai e loamu ḡaudia.
PSA 69:35 Badina be Dirava ese Siona baine hamauria, bona Iuda hanuadia baine haginidia lou; iena hesiai taudia na unuseni ai bae noho, bae abia edia gabu;
PSA 69:36 iena hesiai taudia natudia ese bae abia, idia ahudia, bona ia ladana e lalokau heniamu taudia ese bae noholaia.
PSA 70:1 Dirava e, a harohogu mauri, Iehova e, ba durugu haraḡa.
PSA 70:2 Lauegu mauri iabi-ohona dalana e tahuamu taudia na ba hahemaraidia bona ba haheḡonudia; ihahisigu e uramu taudia na ba haloudia bona ba hahemaraidia.
PSA 70:3 E gwau henigumu, e tomu “Aha, aha”, taudia na edia hemarai dainai bae kudou hetaha.
PSA 70:4 E tahumunu taudia iboudiai na bae moale, oi bae moalelaimu; emu hahemauri e ura heniamu taudia na bae hereva loulou, baeto “Dirava na herea-dae”.
PSA 70:5 A lau be na ogoḡamimu bona na dabumu; Dirava e, aoma haraḡa dekegu ai. Oi na lau ikahagu bona lau ihamaurigu; Iehova e, basio halahe.
PSA 71:1 Iehova e, oi mo na abidadama henimumu; ba durugu, nega ta basie hahemaraigu.
PSA 71:2 Emu kara maoromaoro ai ba rauagu bona ba hamaurigu; ba hakala henigu, ba harohogu mauri.
PSA 71:3 Egu roho-mauri nadina ai baola, egu kohoro aukana ai baola, ihamaurigu totona; badina be oi na egu nadi-gini bona egu kohoro.
PSA 71:4 Egu Dirava e, kara dika tauna imana amo ba hamaurigu, kara gageva-gageva bona daḡedaḡe tauna imana amo.
PSA 71:5 Badina be, Ḡaubada e, egu helaro na oi, Iehova e, tauhaugu negana amo egu abidadama na oi.
PSA 71:6 Egu vara dinana amo oiemu ai vada na tabe kau; oi ese sinagu bogana amo o abigu. Oi mo na umodaimu hanaihanaimu.
PSA 71:7 Lau na toa ta, hutuma ediai; a oi na egu roho-mauri gabuna aukana.
PSA 71:8 Lau udugu na oi ihanamomu ai e honumu, bona oi hairaimu ai danu, dina idoinai.
PSA 71:9 Baina buruka negana ai basio negegu daure, egu goada e oremu negana ai basio rakatanigu.
PSA 71:10 Badina be inaigu ese e herevalaigumu, egu mauri iabi-ohona totona e bani taomu taudia na e henega boumu;
PSA 71:11 e tomu: Dirava ese vada e rakatania; a havaia, ba dabaia tao, badina be asi ihamaurina tauna ta.
PSA 71:12 Dirava e, dauhai basio noho egu Dirava e, a durugu haraḡa.
PSA 71:13 Ihabadelaigu taudia na hemarai bona hahebua-tari ese bae abidia, heihi-ihirai bona hedadarai ese bae ḡovadia ahu.
PSA 71:14 A lau be baina helaro Ioulou, bona oi ihanamomu baina habadaia loulou.
PSA 71:15 Udugu ese emu kara maoromaoro baine herevalai, emu hahemauri karadia baine gwaurai dina idoinai, badina be iduahidia na asi dibagu.
PSA 71:16 Ḡaubada Iehova ena siahu karadia baina gwauraidia, oiemu kara maoromaorodia baina imodaidia, oi mo sibomu emu.
PSA 71:17 Dirava e, tauhaugu negana amo vada o hadibagu; emu hoa karadia doini na gwauraidiamu.
PSA 71:18 Taunabunai, ena be baina iahu, huigu baine buruka, to, Dirava e, basio rakatanigu, ela bona oi siahumu baina gwauraia, do bae vara urudia iboudiai ediai.
PSA 71:19 Dirava e, oi siahumu bona emu kara maoromaoro na e dae e laomu. ela bona guba doriva-dorivana. Oi ese kara siahudia vada o kara, Dirava e, daika na oi idaimu?
PSA 71:20 Hisihisi dikadia momo amo vada o hahisigu, to vada ba hagoadagu lou; tanobada ena dobu gabudia amo ba hakaugu dae lou.
PSA 71:21 Oi ese imatauraigu ba habadaia, bona taugu ma ba haloa lou.
PSA 71:22 Egu Dirava e, hatai-hatai ḡauna amo danu baina hanamomu; emu momokani baina hanamoa. Israel ena Helaḡa Diravana e, gitara amo do baina hanamomu.
PSA 71:23 Oi ihanamolaimu anedia baina abi negadia ai, bibinagu na bae lolo, moale dainai, laumagu danu, oi ese o hamauria dainai.
PSA 71:24 Malagu danu oiemu hekaha maoromaorona baine gwauraia, dina idoinai; badina be ihahisigu dalana e tahuava taudia na vada e hahemaraidia bona vada e dadaraidia.
PSA 72:1 Dirava e, emu hahemaoro ḡoeva-daena na hanua pavapavana ba henia, emu kara maoromaoro na hanua pavapavana natuna ba henia.
PSA 72:2 Ba durua, emu orea taudia baine hahemaoro henidia mai maoromaorona ida, emu ogoḡami taudia baine hahemaoro henidia ḡoevaḡoeva.
PSA 72:3 Ororo badadia ese taunimanima edia maino bae havaraia, ororo maraḡidia ese taunimanima edia kara maoromaoro bae havara.
PSA 72:4 Ia na ogoḡami taudia ediai baine tao; e dabumu taudia na ia ese baine hamauridia, e daḡedaḡe henidiamu tauna na ia ese baine taoa tari.
PSA 72:5 Dina bona hua bae mia negadia iboudiai, iena mauri danu do baine mia, uru iboudiai lalodiai.
PSA 72:6 Medu na e utua guna reina latanai e dihomu na heto, medu maraḡidia na tanobada e haparipariamu na heto, ia danu unu baine heto.
PSA 72:7 Ena dina iboudiai kara maoromaoro baine tubu, maino danu baine bada, ela bona hua baine puki oho.
PSA 72:8 Davara ta amo ela bona davara ta, ia baine lohia; sinavai badana ela bona tanobada dokodia danu.
PSA 72:9 Ia inaina na ia vairanai bae igo diho, bae goru goru diho, kahu bae demari.
PSA 72:10 Tarasisi pavapavadia bona motumotu pavapavadia ese edia heaiva ḡaudia bae mailai, ena. Sieba bona Seba pavapavadia ese herahia ḡaudia bae mailai.
PSA 72:11 Pavapava iboudiai na ia vairanai bae goru diho; bese iboudiai na ia isiaina bae lao heni.
PSA 72:12 Badina be e dabumu tauna e boiboimu negana ai ia ese e hamauriamu, ogoḡami tauna bona asi iduruna tauna danu.
PSA 72:13 Ia ese manoka-manoka taudia bona ogoḡami taudia e bogadia hisimu bona e dabumu taudia e hamauridiamu.
PSA 72:14 Daḡedaḡe bona ala-ala amo ia ese edia mauri e rauadiamu, raradia na ḡau herea-daena ia vairanai.
PSA 72:15 Ena mauri baine daudau baine namo, Sieba gold-na bae henia. Ia dainai bae ḡuriḡuri hanaihanai, dina idoinai ia ihanamolaina bae noinoilaia.
PSA 72:16 Aniani reidia na tano ai bae vara momomomo, ororo doridia reidia bae helado, anidia bae vara Lebanon ai na heto. Hanua hanua lalodiai taunimanima na bae hutuma, tano reidia na heheto.
PSA 72:17 Ia ladana baine mia hanaihanai, ia harina baine hesiriu, dina do baine mia heḡereḡerena. Ia dainai taunimanima ese namo bae davaria, bese iboudiai ese ia namona bae gwauraia.
PSA 72:18 Iehova, Israel Diravana, aita hanamoa; ia sibona hoa karadia e karamu.
PSA 72:19 Ia ladana herea-daena baita imodaia hanaihanai; ia hairaina ese tanobada idoinai baine hahonua. Amen. Amen.
PSA 72:20 David Iese ena ḡuriḡuri iniseni ai e dokomu.
PSA 73:1 Momokani, Dirava ena kara na namo, Israel enai; lalo-ḡoevaḡoeva taudia ediai ena kara na namo.
PSA 73:2 A lau be aegu mokona e hetutuhi, egu raka ai mokona na dedi.
PSA 73:3 Badina be kara dika taudia edia taḡa na itaia negana ai, hekokoroku taudia na vaḡeḡe henidia.
PSA 73:4 Badina be idia na asi edia hisihisi, tau-anidia na a'auka-a'auka bona tonika-tonika.
PSA 73:5 Idia na asie hisihisimu, haida heḡereḡeredia, bona se gorerediamu, haida bamodia.
PSA 73:6 Taunabunai, hekokoroku na aiodia agevana, daḡedaḡe ese e ḡovadiamu, dabua na heto.
PSA 73:7 Matadia na digara ese e hagudu lasimu, kavakava na lalodia amo e hepurai dobimu.
PSA 73:8 Idia na hevaseha bona badu herevadia e gwauraimu, atai gabudia amo dagedaḡe herevadia e gwauraimu.
PSA 73:9 Ududia reḡedia na guba ai e daemu, maladia reḡedia ese tanobada e hahonuamu.
PSA 73:10 Taunabunai, taunimanima e gini kerehaimu, e hanamodiamu, ediai kerere ta asie davariamu.
PSA 73:11 Idia na e tomu “Dirava na ede baine diba toma a? Herea Mikamika na mai dibana a?”
PSA 73:12 A itaia, kara dika taudia bini; asie hekwarahimu, to edia taḡa e bada e laomu.
PSA 73:13 Asi badina lalogu vada na haḡoevaia, asi badina imagu na kerere amo vada na huridia;
PSA 73:14 badina be dina idoinai vada na hisihisi, daba iboudiai hisi na animu.
PSA 73:15 Bama toma “Unu baina hereva toma”, natumu na edia uru ai bama koidia.
PSA 73:16 To na haeroa ede baina dibaia toma negana ai, ita-itana egu ai na hekwarahi ḡauna;
PSA 73:17 ela bona Dirava ena gabu helaḡana nala, bena edia doko daladia na diba.
PSA 73:18 Momokani, oi ese dedidedi gabudia ai o atodiamu, o habuadia tarimu;
PSA 73:19 vada e hebua tari haraḡa-haraḡa, gari ese vada e butudia tao.
PSA 73:20 Idia na nihi na heto, e noga tauna enai; o nogamu ai nihi ai o ita ḡaudia o dadaraidiamu.
PSA 73:21 Laumagu e hisihisiva bona lalogu na e kodoava negana ai,
PSA 73:22 lau na kavakava bona mata-lahui, lau na boroma na heto, oi vairamu ai.
PSA 73:23 Ḡau tamona, lau na hanaihanai oi ida, oi ese imagu idibana o dogoa taomu.
PSA 73:24 Emu sisiba amo o hakaugumu, gabe amo hairai ai bavabigu dae.
PSA 73:25 Guba ai daika baina davaria? Oi mo sibomu. Tanobada ai ḡau ta asina ura heniamu, oi mo sibomu.
PSA 73:26 Hidiogu bona lalogu bae manoka, a Dirava na lau lalogu ena goada, bona lau ahugu ela bona hanaihanai.
PSA 73:27 A itaia, oiemu amo dauhai e nohomu taudia na bae mase; oiemu ai e koikoimu taudia na o hamasediamu.
PSA 73:28 A Dirava badibadinai na nohomu be namo; Ḡaubada Iehova na egu roho-mauri gabuna ai vada na halaoa, emu kara iboudiai baina herevalaidia totona.
PSA 74:1 Dirava e, dahaka dainai o negemai daure hanaihanaimu? Badina be dahaka emu badu vada e siahu, o ubudiamu mamoedia latadiai?
PSA 74:2 Emu orea, idau nega ai o hoia, na ba laloa tao; oi ese o hamauria, emu bese korikori ai bainela totona; Siona ororona, vada o noholaia gabuna, ba laloa tao.
PSA 74:3 Vada e hekohutani vaitani hanuana ba raka henia kahi; inai taudia ese gabu helaḡana vada e habuaia tari.
PSA 74:4 Oi inaimu na emu gabu helaḡana bogaraginai vada e ḡou; sibodia edia toa vada e hagini, una gabu toana ai baela.
PSA 74:5 Atai iduarana ai perepere audia na ira amo e tara patapata;
PSA 74:6 au amo e koro ḡaudia iboudiai na ira bona hama amo vada e hamakohidia.
PSA 74:7 Emu gabu helaḡana vada e doua, oi ladamu e noholaiava gabuna vada e hamiroa tari ela bona tano.
PSA 74:8 Idia na e hereva heheni, eto “Aita hadareredia vaitani”; idia ese Dirava ena hebou gabudia iboudiai e doudia, tano idoinai.
PSA 74:9 Ai toamai na asia itadiamu, asi emai peroveta tauna ta, bogaragimai ai nega ena daudau idibana tauna ta lasi.
PSA 74:10 Dirava e, inai taudia bae kirikirilaimai ela bona edena nega ai? inai tauna ese oi ladamu baine ihi-ihiraia hanaihanai a?
PSA 74:11 Dahaka dainai oi imamu o veria loumu? Badina be dahaka oi imamu idibana na kememu dabuana ai o huniamu?
PSA 74:12 Ḡau tamona, matamana negana amo Dirava na egu Pavapava; tanobada bogaraginai ia ese ena hahemauri karadia e karamu.
PSA 74:13 Oi siahumu amo davara o hapararaia; lakara-donodono kwaradia o huaridia.
PSA 74:14 Leviathan kwarana iboudiai o huaridia patapata, tano ḡaḡaena taudia o henidia, adia.
PSA 74:15 Tano o hapararaia, ranu baine lohilohi bona baine aru totona; e aru hanaihanaiva sinavaidia o hakororodia.
PSA 74:16 Dina na oiemu, hanuaboi danu oiemu, diari o karaia, bona dina danu.
PSA 74:17 Tano hetoadia iboudiai oi ese o kara; lahara negana o karaia, bona guitau danu.
PSA 74:18 Iehova e, inai taudia edia heihi-ihirai ba laloa tao, asie matauraimu taudia na oi ladamu e ihi-ihiraiamu danu.
PSA 74:19 Emu pune laumana na uda boromadia basio henidia, emu ogoḡami taudia edia mauri na basio laloa boio vaitani.
PSA 74:20 Emu gwauhamata ba laloa; badina be tano ena dibura gabudia na daḡedaḡe rumadia ai e honumu.
PSA 74:21 Vada e moidia tao taudia na basie hahemaraidia; ogoḡami taudia bona e dabumu taudia ese oi ladamu bae hanamoa.
PSA 74:22 Dirava e, a tore isi; emu hahemaoro na sibomu ba karaia; dina idoinai asie matauraimu taudia ese ede e kirikirilaimu toma na ba laloa tao.
PSA 74:23 Oi inaimu gurudia basio lalo boio; e inai henimumu taudia edia heloḡo-heloḡo reḡena na e dae louloumu.
PSA 75:1 Dirava e, ai oi a hanamomumu, a imodaimumu; oi ladamu a hahaneamu, emu hoa karadia a gwauraidia hedinaraimu.
PSA 75:2 Na gwauraia guna negana baine kau, bena baina hahemaoro ḡoevaḡoeva.
PSA 75:3 Tanobada mai inoho-henina taudia iboudiai ida e raragararagamu negana ai, lau ese na imudadiamu. (Selah)
PSA 75:4 Hekokoroku taudia na hamaorodiamu, na tomu “Basio hekokoroku”. Kara dika taudia na hamaorodiamu, na tomu “Doamui basio abi isi;
PSA 75:5 doamui basio dudui isi atai ai; basio hereva aio haboḡe isi”.
PSA 75:6 Heabi-isi na dia dina-dae gabudia amo eiava dina-diho gabudia amo, bona dia tano ḡaḡaena amo se maimu;
PSA 75:7 a Dirava ese hahemaoro e karaiamu, ta e atoa dihomu, ma ta e abia isimu.
PSA 75:8 Badina be kehere ta na Iehova imana ai, lalonai vine ranuna na kakakaka, e buloa namonamo ḡauna; ia ese baine seia, bena tanobada ena kara dika taudia iboudiai ese bae inua ore.
PSA 75:9 A lau be baina moale hanaihanai, Iakob ena Dirava ihanamolaina anedia baina abi.
PSA 75:10 Kara dika taudia doadia iboudiai ia ese baine utu oho, a kara maoromaoro taudia doadia bae heabi isi.
PSA 76:1 Iuda ai idia dibadia Dirava, Israel ai ia ladana na bada.
PSA 76:2 Salem ai ena ruma vada e hadaia, Siona ai ena noho gabuna vada e haginia.
PSA 76:3 Unuseni ai diba kiama-kiamadia e hakwaidudia, kesi bona dare bona tuari ḡaudia idau-idau danu. (Selah)
PSA 76:4 Oi na herea dae; oi hairaimu ese mia-hanaihanai ororodia hairaidia e hereadiamu.
PSA 76:5 Goada taudia edia dadihai kohudia na edia amo ma e dadihai, mahuta ese e abidia; tuari taudia iboudiai na imadia edia goada vada e ore.
PSA 76:6 Iakob Diravana e, o gwau henidia negana ai hosi mai iguina tauna ida e habereredia.
PSA 76:7 A oi na mai igari-henimu; emu badu baine ḡaraḡara negana ai, daika ese oi vairamu ai baine gini diba?
PSA 76:8 Guba amo oi ese hahemaoro o gwauraia; tanobada na e gari, bena se marere-marere.
PSA 76:9 Una negana ai Dirava e tore isi, hahemaoro ihaginina totona, tanobada ai hisi e animu taudia iboudiai ihamauridia halaoreana. (Selah)
PSA 76:10 Momokani, taunimanima edia badu ese baine hanamomu, badu orena na oi ese ba haheriolaia.
PSA 76:11 Emu gwauhamata na Iehova, emui Dirava, ba henia, bona anidia danu ba kara. E ginia heḡeḡemu taudia iboudiai na herahia bae mailai, e gari heniamu Diravana ena.
PSA 76:12 Ia ese lohia laumadia e laodia ahumu, bona tanobada pavapavadia e hagaridiamu.
PSA 77:1 Dirava na tai henia lolomu, Dirava na tai henia goadagoadamu, baine kamonai henigu halaoreana.
PSA 77:2 Egu hekwarahi dinana ai Ḡaubada na tahuamu, hanuaboi ai imagu na toia roromu, asina hesikumu, laumagu ese ihalolaina se ura heniamu.
PSA 77:3 Dirava na laloamu, bena na ḡanaḡanamu; lalogu na hadaiamu, bena laumagu na e dauremu. (Selah)
PSA 77:4 Matagu kopidia o dogo taomu, basie kapu; egu hekwarahi e badamu dainai basina hereva dibamu.
PSA 77:5 Dina gunadia na haerodiamu, vada e lao bubuni laḡanidia na lalodia taomu.
PSA 77:6 Hanuaboi ai lalogu na tahuamu; lalogu na hadaiamu, bona laumagu na tahuamu.
PSA 77:7 Ḡaubada baine dadaraigu hanaihanai, nega ta basine lalo namo henigu lou a?
PSA 77:8 Ena hebogahisi vada e doko vaitani, ena gwauhamata vada e doko ela bona hanaihanai a?
PSA 77:9 Dirava ese harihari-bada vada e laloa boio, ena badu ese ena hebogahisi vada e laoa ahu a? (Selah)
PSA 77:10 Lau na tomamu “Egu lalo-hisihisi binai, Herea Mikamika ese imana idibana na vada e ha-idaua”.
PSA 77:11 Iehova ena kara baina lalodia une; oibe, oiemu hoa karadia gunadia baina lalodia tao.
PSA 77:12 Emu ḡaukara idoinai baina lalo-hadailaia, emu siahu karadia danu baina haerodia.
PSA 77:13 Dirava e, emu dala na helaḡa. Edena dirava na emai Dirava idaina?
PSA 77:14 Hoa karadia ikaradia Diravana na oi, oi ese emu siahu vada o hahedinaraia, bese idau-idau bogaragidiai.
PSA 77:15 Oi imamu amo emu bese taudia o hamauridia, Iakob bona Iosef garadia.
PSA 77:16 Dirava e, ranu ese e itamu negana ai, ranu ese e itamu negana ai, ia na e gari; oibe, dobu gabudia e heude-heude.
PSA 77:17 Ori ese medu e hadihoa, guba danu e rahua, bona emu kevaru e kevarua isi, kaha iboudiai.
PSA 77:18 Emu guba rahurahu e makohi dagu, koea hirihiri lalonai, emu kevaru ese tanobada e hadiaria, tanobada e marere-marere bona e heude-heude.
PSA 77:19 Emu raka na davara bogaragina amo, emu dala na ranu badadia bogaragidia amo; a vataḡamu na tau ta ese se itadia.
PSA 77:20 Emu bese taudia na o hakaudia, mamoe serina na heto, Mose bona Aaron imadia amo.
PSA 78:1 Egu orea taumui e, egu hahediba herevadia a kamonai, taiamui a hakala, lau udugu herevadia a kamonai.
PSA 78:2 Sivarai heḡereḡerena ta baina gwauraia, sene herevadia hehunidia;
PSA 78:3 ai a kamonai bona dibamai, tamamai ese vada e hamaoromai ḡaudia, baina gwaurai.
PSA 78:4 Besedia edia amo basia hunidia, a Iehova ena kara herea-daedia bona ena goada, bona hoa karadia ia ese vada e kara, uru gabena taudia baia hamaorolaidia.
PSA 78:5 Ia ese haheḡani e atoa Iakob ena, bona taravatu na Israel e henia. Bena seneda e haḡanidia, idia ese natudia bae hadibadia eto;
PSA 78:6 uru gabena taudia bae diba totona, do asie vara memerodia danu; bena idia na bae tore isi, natudia ma bae hamaorolaidia.
PSA 78:7 Unu amo Dirava bae laroa, bona Dirava ena ḡaukara basie laloa boio, a ena haheḡani bae badinadia.
PSA 78:8 Unu amo danu tamadia ida basie heḡereḡere: lalo-auka bona gwau-edeede uruna bunai, lalodia asie hadai maoromaoro uruna, laumadia ese Dirava asie badinaia.
PSA 78:9 Efraim taudia mai edia peva na tuari dinana ai e lou.
PSA 78:10 Dirava ena gwauhamata asie badinaia, bona ena taravatu irakalaina e dadaraia.
PSA 78:11 E kara ḡaudia e lalodia boio, bona ena hoa karadia e hahedinaraiva ḡaudia danu.
PSA 78:12 Senedia vairadiai ia ese hoa karadia e kara, Aigupto tanona ai bona Soan taorana ai.
PSA 78:13 Davara e hapararaia, bena idia ese e rakaia hanai, ranu na e haginia tao, senu ta na heto.
PSA 78:14 Dina ai ia ese ori dubuna amo e hakaudia, bona hanuaboi idoinai lahi mamana amo.
PSA 78:15 Tano ḡaḡaena ai nadi e hapararadia, inuinu ranuna momo e henidia, ranu dobuna heḡereḡerena.
PSA 78:16 Ranu na nadi amo e ha-arua lasi, ranu na e aru dobi, sinavai na heheto.
PSA 78:17 Ḡau tamona idia ese edia kara havara e habadaia ienai, tano ḡaḡaena ai Herea Mikamika e gwau edeede henia.
PSA 78:18 Lalodia ai Dirava e tohoa, edia ura anianidia e gwaurai;
PSA 78:19 Dirava e ihi-ihiraia, eto “Tano gaḡaena ai Dirava ese aniani baine dabaraia a?
PSA 78:20 Ia ese nadi e botaia, bena ranu e aru lasi, koupa-koupa e aru rohoroho; a aniani danu baine heni diba, eiava vamu na ena orea taudia baine henidia diba a?”
PSA 78:21 Taunabunai Iehova e kamonai negana ai na e badu dikadika, Iahi e ara Iakob enai, ena badu e ḡaraḡara Israel enai;
PSA 78:22 badina be Dirava asie abiabiraia, ena hahemauri siahuna asie abidadama henia.
PSA 78:23 Ḡau tamona, ia ese guba atai ai e haḡanidia, bona guba iduaradia e kehodia;
PSA 78:24 mana na latadiai e hadihoa medu na heto, adia, guba anianidia e henidia.
PSA 78:25 Taunimanima ese aneru adia aniani e aniva; ia na aniani momo e siaia, adia.
PSA 78:26 Guba ai lai mairiveina e toa, ena hahedua dainai, ena siahu amo lai diho e hakaua lasi;
PSA 78:27 vamu na latadiai e hadihoa gahu na heto, roho manudia e hadihodia kone mirina na heto;
PSA 78:28 ia ese e hamorudia edia taruha bogaraginai, edia noho gabudia heḡeḡemadai.
PSA 78:29 Idia na e aniani, bogadia e kunu; e gadodiava ai e urava ḡaudia na e henidia.
PSA 78:30 A dounu e gadova negana ai, aniani na dounu ududia ai,
PSA 78:31 Dirava ena badu na e vara latadiai; bena goada-herea taudia ia ese e aladia mase, Israel ena abi-hidi taudia ia ese e hamasedia.
PSA 78:32 Ena be unu e kara toma, to idia na dounu e kara havara; ena be ena hoa karadia e ita, to idia na asie abia dae.
PSA 78:33 Taunabunai, ia ese edia dina e ha-oredia, hahodi tamona na heto, edia laḡani danu gari ai e ha-oredia.
PSA 78:34 E aladiava negadia ai, idia ese ia e tahuava, e helalo kerehaiva, bona Dirava e tahua malaka-malakava.
PSA 78:35 E helalo taova, Dirava na edia nadi-gini, Dirava Herea Mikamika na idia ihamauridia.
PSA 78:36 A ududia amo e hanamoa kava, maladia amo e koia;
PSA 78:37 lalodia na asie hatutukadia ienai, ena taravatu asie badinaia.
PSA 78:38 Ḡau tamona, ena hebogahisi dainai ia ese edia dika e gwau tao, bona se habuadia tari; nega momo ena badu e dogoa tao, ena badu siahuna idoinai asine havaraia.
PSA 78:39 E helalo tao, idia na hidio mo, lai nega tamona e toa bena ma se toa lou.
PSA 78:40 Nega momo idia ese tano ḡaḡaena ai e gwau edeede heniava, oibe, tano deḡedeḡe rahu ai lalona e hahisihisiava.
PSA 78:41 E tohoa loulouva, Israel edia Helaḡa Diravana e habaduava.
PSA 78:42 Ena siahu asie laloa taova, inai tauna imana amo e hamauridia dinana na asie laloa taova.
PSA 78:43 Una negana ai, ia ese ena toa e kara Aigupto ai, bona ena hoa karadia Soan taorana ai.
PSA 78:44 Edia sinavai na rara ai e halaodia, taunabunai edia sinavai ranudia asie inu dibava.
PSA 78:45 Lao momo herea e siaidia, idia taudia e ani, bona parapara danu, idia e habuadia.
PSA 78:46 Edia uma anidia na rautunutunu e henidia, bona edia hekwarahi huahuadia na kwadi e henidia.
PSA 78:47 Edia vine na medu hetari amo e habuadia tari, bona edia suke audia danu keru amo.
PSA 78:48 Edia boromakau na medu hetari amo e hadikadia, edia mamoe danu kevaru amo.
PSA 78:49 Ena badu ḡaraḡara na idia latadiai e halasia, badu bona daḡedaḡe bona hahehisi, hahedika anerudia oreana ta na heto.
PSA 78:50 Ena badu dalana e lailaia; mase amo se rauadia, a dai-hanai goreredia amo e hamasedia.
PSA 78:51 Aitupto taudia natudia roboadia iboudiai e aladia mase, edia goada roboadia, Ham ena kalaga lalodiai.
PSA 78:52 Bena ena orea taudia e hakaudia lasiva, mamoe na heheto, tano ḡaḡaena ai e hakaudiava, seri na heto.
PSA 78:53 Dala namona ai e hakaudia, taunabunai asie gari; a inaidia na davara ese e habubunidia.
PSA 78:54 Ena tano helaḡana ai e hakaudia lao, ia imana idibana e kwalimu ororona ai.
PSA 78:55 Bese idau-idau na idia vairadia amo e luludia oho, edia tano e haridia; Israel iduhudia na idia edia kalaga ai e hanohodia.
PSA 78:56 A idia ese Dirava Herea-mikamika e tohoa bona e gwau edeede henia; ena hereva momokanidia asie badinadia.
PSA 78:57 E raka muri, e kara koikoi, tamadia heḡereḡeredia; e kara gageva-gageva, peva dikana, koikoi ḡauna, na heto.
PSA 78:58 Badina be edia atai gabudia helaḡadia amo e habadua, edia kaivakuku e koro ḡaudia amo e havaḡeḡea.
PSA 78:59 Dirava e kamonai negana ai, ia na e badu dikadika, ia ese Israel e dadaraia vaitani.
PSA 78:60 Ena noho kalagana Silo ai e rakatania, taunimanima bogaragidiai e noholaiava ḡauna;
PSA 78:61 ena siahu e negea, heabi-mauri ḡauna ai ela. ia hairaina e negea, inai tauna imana ai.
PSA 78:62 Ena orea taudia na dare matana ai e henidia, ia dihina e badu henidia.
PSA 78:63 Lahi ese edia uhau e haḡoledia oho; edia ulato na asi edia headava anedia.
PSA 78:64 Edia hahelaḡa taudia na dare matana ai e moru, vabudia ese idia taidia asie tai.
PSA 78:65 Bena Ḡaubada na mahuta amo e noga, goada tauna vine ranuna e inua dainai e lolomu na heto;
PSA 78:66 ia inaina e hakarohodia rohoroho, e hahemaraidia ela hanaihanai.
PSA 78:67 Ia ese Iosef ena kalaga e dadaraia, bona Efraim iduhuna se abia hidi;
PSA 78:68 a Iuda iduhuna e abia hidi, Siona ororona, ena lalokau.
PSA 78:69 Ena gabu helaḡana e hadaia, guba doriva-dorivana na heto, eiava tanobada na heto, vada e hadaia mia hanaihanai ḡauna.
PSA 78:70 Ia ese David e abia hidi, ena hesiai tauna, mamoe maḡudia amo e abia;
PSA 78:71 mamoe hahinedia mai natudia ida ireḡudia amo e hakaua mai, ena orea taudia, Iakob besena, ireḡudia, ia dihina Israel ireḡudia totona.
PSA 78:72 Mai lalo-maoromaorona ida e reḡudia, bona mai ima namona ida e hakaudia.
PSA 79:1 Dirava e, bese idau-idau ese oi ahumu vada e abia, emu dubu helaḡana vada e hamiroa, Ierusalem vada e ḡiḡia dobi.
PSA 79:2 Emu hesiai taudia tau-anidia na atai manudia vada e henidia, adia; emu helaḡa taudia hidiodia na tanobada boromadia vada e henidia.
PSA 79:3 Raradia vada e hahebubua, ranu heḡereḡerena, Ierusalem heḡeḡemadai ai, asi tauna ta noho, idia baine guridia.
PSA 79:4 Dekemai taudia ese e ihi-ihiraimaimu, e ḡeḡemai daemu taudia ese e ḡonaḡonalaimaimu, bona e kirikirilaimaimu.
PSA 79:5 Iehova e, ba badu henimai ela bona edena nega ai? Ela hanaihanai a? Emu vaḡeḡe baine ara lahi na heto a?
PSA 79:6 Asia dibamu besedia latadiai emu badu ba seia dobi, oi ladamu asie hahaneamu basileiadia latadiai danu;
PSA 79:7 badina be idia ese Iakob vada e ania ore, ena noho gabuna vada e havahua.
PSA 79:8 Senemai edia kara havara na basio lalo tao, ai ihadikalaimai; emu hebogahisi baine mai henimai haraḡa, badina be ai na vada ame baia.
PSA 79:9 Ihamaurimai Diravana e, ba kahamai, oi ladamu hairaina bagunai; ba hamaurimai bona emai dika ba gwau tao, oi ladamu dainai.
PSA 79:10 Anina be dahaka bese idau-idau baeto “Edia Dirava be edeseni ai?” Emu hesiai taudia raradia e hebubu idavalaidia na bese idau-idau bae diba, ai vairamai ai.
PSA 79:11 Iḡui taudia edia ḡanaḡana na oiemu ai baine dae; vada e revadia mase taudia na oi siahumu badana amo ba hamauridia.
PSA 79:12 Ḡaubada e, ai dekemai taudia latadiai oi vada e ihi-ihiraimu taudia edia heihi-ihirai na nega hahitu ba halou henidia;
PSA 79:13 bena ai, emu bese taudia, emu seri mamoedia, baia imodaimu hanaihanai; uru ta ela bona ma uru ta oi ihanamomu baia gwaurai hesiriu-hesiriu.
PSA 80:1 Israel Ireḡuna e, a hakala! Oi ese Iosef o hakauamu, mamoe serina na heto. Kerubi latadiai o helaimu Diravana, a diari,
PSA 80:2 Efraim bona Beniamina bona Manase vairadiai. Mai goadamu ida ba tore isi; ihamaurimai totona baoma.
PSA 80:3 Dirava e, ma bavabimai dae lou; oi vairamu baine diari, bena baia roho mauri.
PSA 80:4 Iehova Sabaota e, emu bese taudia edia ḡuriḡuri na ba badulai ela bona edena nega ai?
PSA 80:5 Iruru-mata o ha-anilaidia, bona ma o ha-inulaidia davana.
PSA 80:6 Dekemai taudia edia ihi-ihirai ḡauna ai vada o halaomai; ai inaimai ese e kirikirilaimai hehenimu.
PSA 80:7 Iehova Sabaota e, ba hamaurimai; oi vairamu baine diari, bena baia roho mauri.
PSA 80:8 Vine auna ta Aigupto amo o mailaia; bese idau-idau o luludia lasi, bena o hadoa;
PSA 80:9 tano o lailaia, ia ihadona totona, ramuna e hedai, tano e vevea ahu.
PSA 80:10 Ororo na ia ese e hakerukerudia, sida audia badadia na ia rigina ese e lahea ahu;
PSA 80:11 ia rigina e toia roro ela bona davara, ia tuhutuhuna ela bona sinavai badana.
PSA 80:12 Dahaka dainai ia maḡuna vada o hamakohia, bena raka-hanai taudia iboudiai ese ia huahuana e burukimu?
PSA 80:13 Uda boromana ese e raḡaiamu; uda ḡaudia iboudiai ese e heubulaimu.
PSA 80:14 Iehova Sabaota e, a roha kerehai! Guba amo a roha dobi, a itaia. Ina vine auna a haḡerea,
PSA 80:15 ia na oi imamu idibana ese e hadoa ḡauna.
PSA 80:16 Idia ese lahi amo e doua, bona e utua oho; oi vairamu baduna ese baine hamasedia be namo.
PSA 80:17 Oi imamu na idibamu kahana tauna latanai baine mia, bona taunimanima natuna, o hagoadaia sibomu emu, latanai.
PSA 80:18 Bena oiemu amo basia raka muri; mauri ba henimai, bena oi ladamu baia hahanea.
PSA 80:19 Iehova Sabaota e, ba hamaurimai; oi vairamu baine diari, bena baia roho mauri.
PSA 81:1 Ane avabia lolololo, eda goada Diravana ena; a hisi dae, Iakob ena Dirava enai.
PSA 81:2 Ane a ladaia isi, tareko a hareḡedia; gitara bona hatai-hatai ḡauna badana danu a hatai.
PSA 81:3 Hua matamatana negana ai kibi a hiriria, hua e idoi negana ai danu, eda aria dinana bunai.
PSA 81:4 Badina be taravatu bunai Israel ena; Iakob ena Dirava ena haheḡani bunai;
PSA 81:5 ena hahediba herevana Iosef e henia, Aigupto ai e loa eva-eva negana ai. Asi dibagu gadona ta na kamonaia;
PSA 81:6 Maduna na paḡamu amo na abia oho, imamu na bosea amo na kokidia.
PSA 81:7 Emu hisihisi ai o boi henigu, bena na hamaurimu; guba rahu-rahu ena gabu hehunina ai na haere henimu, Meriba ena ranu gabudia ai na tohomu. (Selah)
PSA 81:8 Egu bese taumui e, a hakala, baina sisiba henimui; Israel e, boma kamonai henigu bema namo.
PSA 81:9 Bogaragimui ai dirava idauna ta basine noho, idau taudia edia dirava ta basio toma henia diho.
PSA 81:10 Lau binai Iehova, emui Dirava, Aigupto amo na hakaumui lasi. Udumui a haḡadia, bena baina hahonudia.
PSA 81:11 A egu bese taudia na gadogu asie kamonaia; Israel ese e dadaraigu.
PSA 81:12 Taunabunai na negedia, sibodia edia lalo-auka bae badinaia, sibodia edia lalo-hadai karadia bae kara.
PSA 81:13 Egu bese taudia bema kamonai henigu bema namo; Israel na egu dala ai bema raka bema namo.
PSA 81:14 Bena idia inaidia bama hadareredia haraga, e tuari henidia taudia bama tuari henidia.
PSA 81:15 Iehova e inai heniamu taudia na ia vairanai bema igo diho; matadia ihakanidia bema hesiriu hanaihanai.
PSA 81:16 Uit namo-hereana amo bama ubumui, bada-ranuna nadi amo e abiamu na bama ubulaimui.
PSA 82:1 Dirava ese dirava edia hebou lalonai ena gabu vada e abia, dirava idau-idau bogaragidiai hahemaoro e karaiamu.
PSA 82:2 Umui na ba hahemaoro kerere-kerere ela bona edena nega ai? Kara dika taudia ediai ba tao ela bona edena nega ai? (Selah)
PSA 82:3 Asie goadamu taudia bona ihareha na hahemaoro maorona ba henidia, hisihisi taudia bona ogoḡami taudia edia dala maorodia ba gwaurai.
PSA 82:4 Asie goadamu taudia bona e dabumu taudia ba hamauridia; kara dika taudia imadia amo ba harohodia mauri.
PSA 82:5 Idia na asi edia aonega bona asi edia lalo-parara, dibura ai a loa eva-evamu; tanobada badidia iboudiai na e heude-heudemu.
PSA 82:6 Lau na tomamu: Umui na dirava; iboumui ai na Herea Mikamika natuna;
PSA 82:7 ḡau tamona, taunimanima heḡereḡeredia do ba mase, hanua pavapavana natuna ta heḡereḡerena ba keto.
PSA 82:8 Dirava e, a tore isi, tanobada ba hahemaoro henia; badina be bese iboudiai na oiemu.
PSA 83:1 Dirava e, basio noho hedavauhe, Dirava e, eremu basio kumaia, Iaḡamu basio ania.
PSA 83:2 A itaia, oi inaimu na e heloḡo-heloḡomu, e inai henimumu taudia na e gaga isimu.
PSA 83:3 Oiemu bese idoadia daladia e ato hatamu, o reḡudiamu taudia ihadikadia totona e henega boumu.
PSA 83:4 Idia na e tomu “Aoma, una bese baita habuaia tari, Israel ladana basie laloa tao Iou ela bona hanaihanai”.
PSA 83:5 Oibe, mai lalodia tamona e henegamu, oi ihadikamu totona e gwau hamata hehenimu.
PSA 83:6 Taudia bini: Edom bona Ismael iduhudia iboudiai, bona Moab taudia, bona Hagara besena danu;
PSA 83:7 Gebala bona Amono bona Amalek, bona Filistia bona Turo taudia danu.
PSA 83:8 Asuria danu idia ida vada e hebou, idia na Lot garana e ima henia heboumu. (Selah)
PSA 83:9 Midian taudia o kara henidia heḡereḡerena, idia danu unu ba kara henidia toma; eiava Sisera bona Iabin na Kison sinavaina isena ai o kara henidia heḡereḡerena.
PSA 83:10 En-doro ai o habuadia tari, tano seriserina ai o halaodia.
PSA 83:11 Edia lohia na Oreb bona Sebe heḡereḡeredia ai ba halaodia, edia pavapava iboudiai na Sebaha bona Salmuna heḡereḡeredia ai.
PSA 83:12 Idia na eto “Dirava ena rei gabudia na baita abidia iseda”.
PSA 83:13 Egu Dirava e, mariu nadinadidia e morumu e hegiromu heḡereḡeredia ai ba halaodia, eiava uit momodia lai ese e oda ohomu heḡereḡeredia ai.
PSA 83:14 Lahi ese uda e ḡoleamu na heto, lahi hururuna ese ororo udadia e aradiamu na heto,
PSA 83:15 emu lai badana ese unu baine havadia toma, emu lai gubana ese unu baine hagaridia toma.
PSA 83:16 Iehova e, vairadia ba hahemaraidia, oi ladamu bae tahua helaoreana;
PSA 83:17 ba hahemaraidia bona ba hadaradaradia hanaihanai, edia hemarai ai do bae mase.
PSA 83:18 Ba hadibadia, bena bae diba, oi ladamu na Iehova; oi mo sibomu Herea Mikamika, tanobada idoinai daenai.
PSA 84:1 Iehova Sabaota e, emu noho gabuna na mai hairaina.
PSA 84:2 Lau laumagu na e ganaḡanamu, Iehova ena maḡu e mase heniamu; lalogu bona hidiogu na moale anedia e abimu, mauri Diravana ena.
PSA 84:3 Iehova Sabaota e, egu pavapava, egu Dirava, bisini na ena noho gabuna e davariamu, emu pata helaḡana enai; aibisi danu ena ruma unuseni ai e karaiamu, bona natuna e havaradiamu.
PSA 84:4 Emu ruma ai e nohomu taudia na nanamo, idia ese oi ihanamomu anedia e abi hanaihanaimu. (Selah)
PSA 84:5 Edia goada oiemu amo e abiamu taudia na nanamo, Siona ilao-henina daladia na idia lalodia ai.
PSA 84:6 Baka kourana e rakaia hanaimu negana ai, idia ese ranu lohilohi gabuna ai e halaoamu; medu matamana ai danu, una koura na gohugohu ai e hahonuamu.
PSA 84:7 Edia goada na e bada e laomu; dirava edia Dirava na Siona ai baine hedinarai.
PSA 84:8 Iehova Sabaota e, egu guriḡuri a kamonaia; Iakob ena Dirava e, a hakala henigu. (Selah)
PSA 84:9 Dirava e, emai kesi a itaia; o horoa tauna vairana ba haḡerea.
PSA 84:10 Badina be dina tamona emu maḡu ai ese dina daha idau gabu ai na e hereadiamu; egu Dirava ena ruma iduarana inarina ai bama lao hari namo herea, a kara dika taruhadia ai bama noho na dia namo.
PSA 84:11 Badina be Ḡaubada Iehova na dina bona kesi, ia na harihari-bada bona hailai e henimu. Iehova ese ḡau namona ta se ruamu, e raka maoromaoromu taudia ediai.
PSA 84:12 Iehova Sabaota e, oi e abidadama henimumu tauna be namo.
PSA 85:1 Iehova e, emu tano o lalo namo heniava, Iakob ena noho o hanamoava.
PSA 85:2 Emu bese taudia edia dika o gwau tao, edia kara dika idoinai o laloa nege.
PSA 85:3 Emu badu idoinai o abia oho, emu badu ḡaraḡarana amo o kerehai.
PSA 85:4 Ihamaurimai Diravana e, ba hamaurimai lou; emu badu emai ai ba negea daure.
PSA 85:5 Ba badu henimai hanaihanai a? Emu badu ba hadaudaua ela bona uru iboudiai a?
PSA 85:6 Emu bese taudia bae moalelaimu totona basio hamaurimai lou a?
PSA 85:7 Iehova e, emu hebogahisi na emai ai ba hahedinaraia, emu hahemauri ba henimai.
PSA 85:8 Ḡaubada Iehova ena hereva mani aina kamonai; badina be ia ese maino herevadia baine gvaurai, ena orea taudia ediai, ena helaḡa taudia danu, lalodia ai ia e haḡereamu taudia, ediai.
PSA 85:9 Momokani, iena hahemauri na ia e gari heniamu taudia ediai e kaumu, hairai na emai tano ai baine noho helaoreana.
PSA 85:10 Hebogahisi bona heabidama bae hedavari, kara maoromaoro bona maino bae haherahu heheni.
PSA 85:11 Heabidadama na tano amo baine tubu, kara maoromaoro na guba amo baine igo dobi.
PSA 85:12 Momokani, Iehova ese ḡau namodia baine henimai, bona emai tano ese anina baine hatubua.
PSA 85:13 Kara maoromaoro na ia vairanai bainela, ia aena gabudia baine lailai.
PSA 86:1 Iehova e, taiamu a hakala, a haere henigu, badina be na ogoḡamimu, na dabumu.
PSA 86:2 A hamaurigu, badina be oiemu ai na taomu; emu hesiai tauna oi e abidadama henimumu ba hamauria.
PSA 86:3 Oi na egu Dirava. Ḡaubada e, ba bogagu hisi; badina be oi na tai henimumu dina idoinai.
PSA 86:4 Emu hesiai tauna laumana ba hamoalea. Ḡaubada e, lau laumagu ese e tahumumu.
PSA 86:5 Ḡaubada e, oi na namo, oi na dika o gwaua taomu; emu hebogahisi na bada, oi e tai henimumu taudia iboudiai ediai.
PSA 86:6 Iehova e, egu ḡuriḡuri a hakala henia, egu noinoi a kamonaia.
PSA 86:7 Egu hekwarahi dinana ai na tai henimumu, badina be oi ese o haere henigumu.
PSA 86:8 Ḡaubada e, dirava idau-idau bogaragidiai oi na asi idaimu; ta ena ḡaukara danu dia oiemu heḡereḡeredia.
PSA 86:9 Ḡaubada e, o karadia besedia iboudiai na baema, oi vairamu ai bae igo diho, bona oi ladamu bae heatolaia.
PSA 86:10 Badina be oi na bada, bona hoa karadia o karamu, oi mo sibomu Dirava.
PSA 86:11 Iehova e, emu dala ba hadibagu, emu momokani ai baina raka helaoreana; lau lalogu ba haheboua tamona, oi ladamu imatauraina ai.
PSA 86:12 Ḡaubada Dirava e, lau oi na hanamomumu mai lalogu idoinai ida, oi ladamu baina imodaia hanaihanai.
PSA 86:13 Badina be emu hebogahisi na bada egu ai, lau laumagu na mase ena dobu gabudia amo vada o hamauria.
PSA 86:14 Dirava e, hekokoroku taudia vada e tuari henigu; daḡedaḡe taudia ese lauegu mauri iabi-ohona dalana e tahuamu, oi asie atomu lasi idia vairadiai.
PSA 86:15 A Ḡaubada e, oi na hebogahisi bona harihari-bada Diravana, emu badu e halahemu emu hebogahisi bona emu heabidadama na bada herea.
PSA 86:16 A haḡeregu, a bogagu hisi; emu goada na emu hesiai tauna na henia, emu hesiai hahinena natuna ba hamauria.
PSA 86:17 Emu lalo-namo toana ta ba hahedinarai henigu, bena e inai henigumu taudia na bae itaia, bona bae hemarai; badina be, Iehova e, oi ese vada o durugu, bona taugu vada o haloa.
PSA 87:1 Ororo helaḡana ai Iehova ese e hadaia hanuana na e ginimu;
PSA 87:2 ia ese Siona ikoukoudia e ura henidia badamu, Iakob ena noho gabudia iboudiai na e ura henidia maraḡimu.
PSA 87:3 Dirava ena hanua e, oi hairaimu na e imodaiamu. (Selah)
PSA 87:4 Rahaba bona Babulono na dibadia lau, Filistia bona Turo bona Etiopia danu: “Ina na unuseni ai e vara”, e tomu.
PSA 87:5 Siona danu bae herevalaia, baeto “Ina bona una na ia lalonai e vara”. Badina be Herea Mikamika ese baine haginia tutuka-tutuka.
PSA 87:6 Bese idau-idau e hagaudiamu negana ai Iehova na e gwaumu “Ina na unuseni ai e vara”. (Selah)
PSA 87:7 Ane-abi taudia bona mavaru taudia na e gwaumu “Lau badigu idoinai na oiemu ai”.
PSA 88:1 Iehova, ihamaurigu Diravana e, dina ai na boi henimumu, ba kahagu totona, hanuaboi ai danu na tai henimumu.
PSA 88:2 Egu ḡuriḡuri baine dae vasi emu ai, egu taitai ba hakala henia.
PSA 88:3 Lau laumagu na e hekwarahi masemu, egu mauri na mase gabuna e kahi laomu.
PSA 88:4 Mase gurina ai e dihomu taudia ida vada e gwauraigu hebou; lau na asi goadagu,
PSA 88:5 mase taudia bogaragidiai vada e kahua nege tauna na heto, e aladia taudia guri ai e hekuremu na heheto, oi so lalodia taomu badina be oi imamu ese vada e negedia daure taudia na heheto.
PSA 88:6 oi ese mase gurina ena dobu gabudia ai vada o atogu, dibura masemase bona dobu masemase gabudia ai;
PSA 88:7 oiemu badu na metau lau latagu ai, emu hurehure iboudiai ese vada e habubunigu. (Selah)
PSA 88:8 Bamogu na lalodia vada o ani, bena e dadaraigumu; hahegari ḡauna ai vada o halaogu ediai. Vada name hekou ahu, asi egu roho mauri dalana;
PSA 88:9 matagu vada eme valahu-valahu, Ialo-hisihisi dainai. Iehova e, dina iboudiai na boi henimumu, lau imagu na oiemu ai na toi roro henimumu.
PSA 88:10 Hoa karadia o karamu mase taudia edia, eiava mase taudia laulaudia na oi ihanamomu totona e tore isimu a? (Selah)
PSA 88:11 Mase gurina ai oiemu hebogahisi e gwauraia hedinaraimu, eiava dobu masemase gabuna ai oiemu heabidadama sivaraina e gwauraiamu a?
PSA 88:12 Dibura gabuna ai oiemu hoa karadia na mai dibadia, eiava helalo-boio tanona ai oiemu hahemauri karadia na e helalo taomu a?
PSA 88:13 Iehova e, lau oi na tai henimumu, daba ai egu ḡuriḡuri e dae vasimu.
PSA 88:14 Iehova e, dahaka dainai vada o kahugu nege? Dahaka dainai oi vairamu na egu ai o huniamu?
PSA 88:15 Merogu negana amo mai hisihisigu ida vada na noho, mase kahira-kahirana ai; emu hahegari ese e hadikagumu, lau na asi ikahagu.
PSA 88:16 Emu badu ese e habubunigumu, emu hahedika ese e habuagu tarimu;
PSA 88:17 abata na heto e kougu heḡegemu dina idoinai, vada e kougu ahu heboumu.
PSA 88:18 Egu lalokau tauna bona turagu lalodia vada o ani, bena e dadaraigumu; bamogu na dibura ai nonoho.
PSA 89:1 Iehova e, emu hebogahisi na do baina anelaia hanaihanai; lau udugu amo emu heabidadama baina gwauraia hedinarai uru iboudiai ediai.
PSA 89:2 Badina be emu hebogahisi vada o haginia hanaihanai, emu heabidadama na auka, guba na heto.
PSA 89:3 Oi na vada oto: Na abia hidi tauna ida vada a hegwau hamata heheni; egu hesiai tauna David na ini vada na gwau henia hamata toma,
PSA 89:4 “Oi garamu baina haginidia hanaihanai, oiemu terono baina haginia uru iboudiai lalodiai.” (Selah)
PSA 89:5 Iehova e, guba ese oiemu hoa ḡaudia bae imodaidia, bona emu heabidadama helaḡa taudia edia hebou ai danu.
PSA 89:6 Badina be Iehova idaina be daika guba ai? Guba taudia bogaragidiai daika na Iehova heḡereḡerena?
PSA 89:7 Ia na helaḡa taudia edia hebou ai e gari heniamu Diravana; ia na bada bona mai garina, e ginia hegegemu taudia iboudiai bogaragidiai.
PSA 89:8 Iehova Sabaota e, Iehova e, emu heabidadama ese e ḡeḡemu dae; daika na mai siahuna oi heḡereḡeremu?
PSA 89:9 Davara hurehuredia o biagudiamu; hurehure e daemu, to oi ese o hadokodiamu.
PSA 89:10 Rahaba o taoa kohi, mase ḡauna na heto; oi inaimu na imamu siahuna amo o hakarohodia rohoroho.
PSA 89:11 Guba na oiemu, tano danu oiemu; tanobada mai lalona ḡaudia iboudiai na oi ese o karadia.
PSA 89:12 Mirigini kahana bona diho kahana na oi ese o karadia, Taboro bona Heremon ese oi ladamu e heatolaiamu, mai moaledia ida.
PSA 89:13 Oi imamu na mai siahuna, imamu palapalana na mai goadana, imamu idibana na atai ai.
PSA 89:14 Emu terono badidia na kara maoromaoro bona hahemaoro ḡoevadia; hebogahisi bona heabidadama na oi vairamu ai e laomu.
PSA 89:15 Heimodai honedia mai dibadia taudia be nanamo; Iehova e, idia na oi vairamu diarina ai e rakamu.
PSA 89:16 Idia ese oi ladamu e heaḡilaiamu dina idoinai, idia ese oiemu kara maoromaoro e imodaiamu.
PSA 89:17 Badina be oi na edia goada hairaina; oiemu hahenamo ese emai doa e haduduia isimu.
PSA 89:18 Badina be emai kesi na Iehova ena; emai hanua pavapavana na Israel ena Helaga Diravana ena.
PSA 89:19 Sene negana ai e abidadama henimumu tauna na oi ese mata-hanai ai o hereva henia, oto: Goada tauna kwarana ai havava ḡauna vada na atoa, hanua taudia bogaragidia amo na abia hidi tauna vada na imodaia.
PSA 89:20 Egu hesiai tauna David vada na davaria; egu dehoro helaḡana amo vada na horoa,
PSA 89:21 lau imagu palapalana ese ia baine bamoa hanaihanai bona lau imagu ese ia baine hagoadaia totona.
PSA 89:22 Inai tauna ese basine haerotania, bona kara dika tauna ese basine hahemaraia.
PSA 89:23 Ia inaina baina taodia kohi ia vairanai; e inai heniamu taudia baina rahudia mase.
PSA 89:24 Egu heabidadama bona egu hebogahisi na ia ida, lau ladagu ai ena doa baine heabi isi.
PSA 89:25 Ia imana na davara latanai baine atoa kau, ia imana idibana sinavai latadiai danu.
PSA 89:26 Ia ese baine tai henigu, baineto “Oi na lau Tamagu, egu Dirava, ihamaurigu Nadi-ginina.”
PSA 89:27 Bena lau ese tau roboana ai baina halaoa, bona pavapava herea-daena, tanobada pavapavadia bogaragidiai.
PSA 89:28 Egu hebogahisi na ienai baina hamomokania hanaihanai, egu gwauhamata na ienai baine gini tutuka-tutuka.
PSA 89:29 Ia garana baina haginidia hanaihanai, iena terono do baine mia, guba baine mia dinadia heḡereḡerena.
PSA 89:30 Ia natuna ese egu taravatu bema rakatania, bona egu hahedua heḡereḡeredia basiema raka,
PSA 89:31 egu taravatu bema tata utu, bona egu haheḡani basiema badinadia,
PSA 89:32 bena edia kerere davadia na hedadaba auna amo, bona edia kara dika davadia na hekwadi varodia amo baina henidia.
PSA 89:33 A lau be egu hebogahisi na iena amo basina abia oho, egu heabidadama basina ha-idaua;
PSA 89:34 egu gwauhamata na basina rakatania, eiava udugu bibinadia amo e lasi herevadia na basina ha-idaudia.
PSA 89:35 Egu helaḡa ai vada na gwau hamata vaitani; David na basina koia.
PSA 89:36 Ia garana bae hesiriu hanaihanai, iena terono baine mia, dina na lau vairagu ai e miamu heḡereḡerena;
PSA 89:37 hua heḡereḡerena baine gini hanaihanai, baine gini tutuka-tutuka, guba e hesiriumu heḡereḡerena. (Selah)
PSA 89:38 A harihari vada o kahua nege bona vada o dadaraia, o horoa tauna na o badu henia lalodikamu.
PSA 89:39 Emu gwauhamata na emu hesiai tauna ena amo vada o haloua; ena havava ḡauna na gahu ai vada o hadikaia.
PSA 89:40 Ena maḡu iboudiai vada o hamakohidia, ena kohoro vada o ḡiḡidia dobi.
PSA 89:41 Raka-hanai taudia iboudiai ese ena kohu e dadihaimu; ia dekena taudia ese e ḡonaḡonalaiamu.
PSA 89:42 Ia inaina imadia idibadia vada o abi isi, ia inaina iboudiai vada o hamoaledia.
PSA 89:43 Oibe, iena dare matana vada o haloua; tuari ai so haginia auka.
PSA 89:44 Ena ḡoeva-dae vada o abia oho, ena terono na tano ai vada o ḡiḡia dobi.
PSA 89:45 Ena malaḡa dinadia vada o hakwadogidia, vada o hahemaraia vaitani. (Selah)
PSA 89:46 Iehova e, ba noho hehuni ela bona edena nega ai? Ela hanaihanai ai? emu badu baine ḡaraḡara lahi na heto ela bona edena nega ai?
PSA 89:47 Ba laloa tao, egu mauri dinadia na dia hoho; dahaka badina ai taunimanima natudia o havaradia!
PSA 89:48 Tau be daika ena mauri baine hesiriu, mase basine mamia toho? Daika sibona mase siahuna amo ia laumana baine hamauria? (Selah)
PSA 89:49 Ḡaubada e, emu hebogahisi gunana, emu heabidadama amo David o gwaurai henia hamata hebogahisina, ḡauna be edeseni ai?
PSA 89:50 Ḡaubada e, emu hesiai tauna e dadaraiamu na ba laloa tao; bese iboudiai edia heuduguirai na lau ese na huaiamu;
PSA 89:51 Iehova e, heuduguirai bunu, oi inaimu edia heuduguirai, unu amo idia ese oi o horoa tauna ena raka e ḡonaḡonalaiamu.
PSA 89:52 Iehova baita hanamoa hanaihanai. Amen. Amen.
PSA 90:1 Ḡaubada e, emai noho gabuna oi mo, uru iboudiai lalodiai.
PSA 90:2 Ororo do asie vara, tanobada bona motumotu do so kara, una negana ema bona hari ela bona hanaihanai oi mo Duava.
PSA 90:3 Oi ese taunimanima na ḡahu ai ma o halaodiamu, ini o gwau tomamu “Taunimanima natuna loḡora e, ba lou”.
PSA 90:4 Badina be laḡani daha oi vairamu ai na varani na heto vada e ore, eiava hanuaboi hegima negana tamona na heto.
PSA 90:5 Oi ese taunimanima na o ha-arudia oho; idia na nihi na heto; idia na rei daba ai e vara loumu na heto:
PSA 90:6 daba ai e varamu, e tubumu; adorahi ai e maraimu bona e kakoromu.
PSA 90:7 Badina be emu badu ese e habuamai tari, emu badu ese e ḡovamai.
PSA 90:8 Emai kara havara na oi vairamu ai vada o ato lasi, bona emai kerere hehunidia na oi vairamu diarina ai danu.
PSA 90:9 Badina be emai dina iboudiai na oiemu badu henunai vada e lao bubuni; emai mauri laḡanidia vada e oremu, hahodi tamona na heto.
PSA 90:10 Emai mauri laḡanidia na hitu-ahui, eiava goada dainai bae taurahani-ahui readia; to idia na hekwarahi ai bona lalo-hisihisi ai e honu honu daemu; idia na e ore haraḡamu, bena ai na dauha a roho laomu.
PSA 90:11 Daika ese emu badu siahuna e laloamu? Daika ese emu badu na igari-henimu ida e haheḡereḡereamu?
PSA 90:12 Oi ese emai dina ihagaudia ba hadibamai, bena lalomai ese aonega bae davari.
PSA 90:13 Iehova e, a lou mai! Edena nega ai baoma? Emu hesiai taudia a bogadia hisi.
PSA 90:14 Daba ai emu hebogahisi amo ba ubumai; emai dina iboudiai baia hisi dae bona baia moale helaoreana.
PSA 90:15 Ba hamoalemai dinadia na o hahisimaiva dinadia ida ba haheḡereḡeredia, bona dika a mamiava laḡanidia ida danu bae heḡereḡere.
PSA 90:16 Emu ḡaukara baine hedinarai emu hesiai taudia vairadiai, bona emu siahu herea-daena na idia natudia vairadiai.
PSA 90:17 Iehova, emai Dirava, ena lalo-namo na latamai ai baine mia, bona imamai ḡaukaradia ba haginidia ai emai ai; oibe, imamai gaukaradia ba haginidia.
PSA 91:1 Herea Mikamika metaina ai e nohomu tauna, Siahu-idoinai Diravana ikerukeruna ai e nohomu tauna ese
PSA 91:2 Iehova baine hereva henia, baineto, “Egu roho-mauri gabuna bona egu kohoro; egu Dirava, na abidadama henimumu”.
PSA 91:3 Ia ese manu-tahu tauna ena idoa amo baine harohomu mauri, mase gorerena amo baine hamaurimu.
PSA 91:4 Ia ese ia hanina amo baine gorumu ahu, ia hanina henudiai emu roho-mauri gabuna ba davaria; iena heabidadama na emu kesi bona keme aurina.
PSA 91:5 Hanuaboi ena hahegari na basio garilaia, dina ai e kinomu dibana danu garina basio gari;
PSA 91:6 hanuaboi ai e dai hanaimu gorerena, bona dina tubua ai e kaumu hahebua-tarina danu.
PSA 91:7 Taunimanima daha na ohemu ai bae keto, bona gerebu na oi imamu idibana kahana ai; a basine hakahikahimu.
PSA 91:8 Matamu amo ba roha roha, kara dika taudia davadia e abimu ba itaia.
PSA 91:9 Iehova na emu roho-mauri gabuna ai vada o halaoa, Herea Mikamika na emu noho gabuna bunai;
PSA 91:10 una dainai dika ta emu ai basine kau, gorere ta emu kalaga basine hakahikahia.
PSA 91:11 Badina be ia ese ena aneru baine haduadia, emu dala iboudiai bae gimamu.
PSA 91:12 Idia ese imadia ai bae abimu isi, aemu na nadi ai ba tutuhia na garina.
PSA 91:13 Leona bona hekori gaigaina do ba moidia, leona natuna bona gaigai na aemu amo ba moidia tao.
PSA 91:14 Ia ese e lalokau henigumu dainai, lau ese baina hamauria; lau ese baina gimaia, badina be lau ladagu na dibana.
PSA 91:15 Baine boi henigu negana ai, lau ese baina haere henia; lau ese ena hekwarahi ai baina bamoa, baina hamauria, bona imatauraina baina henia.
PSA 91:16 Mauri dinadia momo baina henia; egu hahemauri baina hahedinarai henia.
PSA 92:1 Iehova ihanamona be namo. Herea Mikamika e, oi ladamu iheatolaina be namo:
PSA 92:2 emu hebogahisi igwauraina daba ai, bona emu heabidadama hanuaboi ai,
PSA 92:3 gitara bona ivilikou reḡedia amo, bona hatai-hatai ḡauna reḡena amo.
PSA 92:4 Badina be, Iehova e, oi ese emu ḡaukara amo vada o hamoalegu; oi imamu ḡaukaradia daidiai ane na abimu mai moalegu ida.
PSA 92:5 Iehova e, emu ḡaukara na babada; emu lalo-hadai na dodobu heherea.
PSA 92:6 Lalo duhu tauna basine diba, kavakava tauna lalona basine parara:
PSA 92:7 ena be kara dika taudia na bae vara rei na heto, ena be kara havara taudia na bae tubu, to bae bua tari hanaihanai.
PSA 92:8 A oi, Iehova e, na atai ai hanaihanai;
PSA 92:9 Iehova e, oi inaimu ba itadia. A itaia, oi inaimu bae mase ore, kara dika taudia iboudiai bae karoho.
PSA 92:10 A oi ese egu doa vada o duduia isi, uda boromakauna maruanena doana na heto; dehoro matamata na latagu ai vada o seia.
PSA 92:11 Lau matagu ese inaigu ihadareredia vada e itaia, bona lau taiagu ese e kara havara henigu taudia ihabua-taridia reḡedia vada e kamonai.
PSA 92:12 Kara maoromaoro taudia na e varamu, pamu auna na heto, e tubumu, Lebanon sidana auna na heto;
PSA 92:13 Iehova ena ruma ai vada e hadodia, eda Dirava ena ikoukou ai e tubumu.
PSA 92:14 Sene audia na huahuadia dounu e havaramu; todedia e arumu, rau matamatadia e hekaramu;
PSA 92:15 unu ese e hahedinaraiamu Iehova na maoromaoro. Ia na egu nadi-gini; ia lalonai na asi kara dikana ta.
PSA 93:1 Iehova na pavapava, ia ese hairai e hahedokilaiamu; Iehova ese goada e hahedokilaiamu, bona e rioamu. Oibe, tanobada vada e gini tutuka-tutukamu, ia basine marere.
PSA 93:2 Oiemu terono sene negana amo vada o haginia; oi na o noho hanaihanaimu.
PSA 93:3 Iehova e, abata vada e dae, abata reḡedia vada e daemu, abata gurudia na babada.
PSA 93:4 Ranu momo reḡedia na babada, davara hurehuredia na gogoada; A Iehova na atai ai e nohomu, ena siahu ese idia e hereadiamu.
PSA 93:5 Iehova e, emu hereva na momokani; emu ruma na helaḡa, bona do baine helaḡa hanaihanai.
PSA 94:1 Iehova e, dika davana ihenina Diravana, dika davana ihenina Diravana e, a diari.
PSA 94:2 Tanobada ihahemaoro-henina Diravana e, a tore isi, heaḡi taudia na davadia ba henidia.
PSA 94:3 Iehova e, kara dika taudia na ela bona edena nega ai, ela bona edena nega ai, bae heaḡi?
PSA 94:4 Edia heaḡi herevadia e gwaurai momomu, kara havara taudia iboudiai na e hekokorokumu.
PSA 94:5 Iehova e, emu bese taudia e moidia taomu, emu tano e hadikaiamu;
PSA 94:6 vabu bona idau tauna e aladiamu, ihareha e aladia masemu.
PSA 94:7 Idia na e tomu: Iehova ese se itaiamu; Iakob ena Dirava ese se laloamu.
PSA 94:8 Lalo-duhu herea taumui e, ba diba. Kavakava taumui e, edena nega ai lalomui bae parara?
PSA 94:9 Taia vada e ato Diravana na se kamonaimu a? Mata vada e kara Diravana na se itamu a?
PSA 94:10 Bese idau-idau matadia e hakanimu Diravana na dava basine heni a? Taunimanima e ha-aonegadiamu Diravana,
PSA 94:11 Iehova, ia na taunimanima edia lalo-hadai dibana; ia dibana idia na hahodi tamona na heto.
PSA 94:12 Iehova e, matana o hakaniamu tauna be namo, emu taravatu o hadibalaia tauna danu.
PSA 94:13 Hekwarahi dinadia ai na laḡa-ani o heniamu, ela bona kara dika taudia iabidia rikirikina gurina baine heḡei.
PSA 94:14 Badina be Iehova ese ena bese taudia na basine rakatanidia; ena tano danu basine rakatania.
PSA 94:15 Badina be hahemaoro ḡoevaḡoevana ese kara maoromaoro taudia baine lou henidia, bona lalo-ḡoevaḡoeva taudia iboudiai ese bae ḡavaia.
PSA 94:16 Daika baine tore isi, baine durugu, kara dika taudia ilao-ahudia? Daika baine gini tore, baine kahagu, kara havara taudia ilao-ahudia?
PSA 94:17 Iehova basinema durugu, lau laumagu na asi reḡereḡena tanona bema hanoho haraḡa.
PSA 94:18 Lau banava nato “Aegu e dedimu” negana ai, Iehova e, emu hebogahisi ese e dogogu tao;
PSA 94:19 Ialogu e hekwarahi momomu negadia ai, emu tauhalo ese laumagu e hamoaleamu.
PSA 94:20 Lohia dikadia na oi ida bae hebou diba a? Idia ese edia taravatu amo dika e havaraiamu.
PSA 94:21 Idia na e henega boumu, kara maoromaoro taudia edia mauri iabiohona totona; idia ese asi edia kerere taudia na e revadia mase.
PSA 94:22 A Iehova na egu kohoro; egu Dirava na egu roho-mauri nadi-ginina.
PSA 94:23 Edia kara havara na idia latadiai ma baine haloua, bona edia kara dika daidiai baine ha-oredia; Iehova iseda Dirava ese baine havahuradia.
PSA 95:1 Aoma, ita ane baita abia, Iehova ena; hamaurida nadi-ginina baita moale hisi dae henia.
PSA 95:2 Ia vairanai baita hebou, ia baita hanamoa; baita moale hisi dae henia mai ihanamolaina anedia ida.
PSA 95:3 Badina be Iehova na Dirava badana, Ḡaubada hereana, dirava iboudiai e hereadiamu.
PSA 95:4 Tanobada ena dobu gabudia na ia imana ai, ororo doridia danu iena.
PSA 95:5 Davara danu iena, badina be ia ese e karaia; tano danu ia imana ese e karaia.
PSA 95:6 Aoma, baita toma diho, baita igo diho, Iehova, ita ikarada Diravana, vairanai tuida baita hadai;
PSA 95:7 badina be ia na iseda Dirava; ita na iena heubu taudia, bona h imana mamoedia. Hari dina ai gadona boma kamonai bema namo.
PSA 95:8 Lalomui basio ha-aukadia, Meriba ai heḡereḡerena, eiava Masa tano-ḡagaena ai o nohova dinana ai na heto.
PSA 95:9 Una negana ai senemui ese e tohogu; ena be egu ḡaukara vada e itaia, to e dibaḡanigu.
PSA 95:10 Laḡani hari-ahui una uru na inai heniava, nato: Idia na lalo-kerere besena, egu dala asie badinaiamu.
PSA 95:11 Taunabunai egu badu ai na gwau hamata, idia na egu laḡa-ani ai basie vareai nato.
PSA 96:1 Ane matamatana avabia, Iehova ena; tanobada idoinai, ane avabia, Iehova ena.
PSA 96:2 Ane avabia, Iehova ena; ia ladana ba hanamoa; daba daba iboudiai ena hahemauri ba herevalaia,
PSA 96:3 Tanobada besedia bogaragidiai ia hairaina ba gwauraia hedinarai, ena hoa karadia danu taunimanima iboudiai bogaragidiai.
PSA 96:4 Badina be Iehova na bada ia ihanamona danu baine bada; ia mo bae matauraia, dirava idaudia iboudiai na basie matauraidia.
PSA 96:5 Badina be bese idau-idau edia dirava na kaivakuku mo, a Iehova ese guba vada e karaia.
PSA 96:6 Hemataurai bona heimodai na ia vairanai, goada bona hairai na ena dubu ai.
PSA 96:7 Bese idau-idau taumui kikina badana, Iehova ba herevalaia, hairai bona goada ba gwaurai, Iehova ena;
PSA 96:8 hairai ba gwauraia, Iehova ladana ena, boubou ḡauna ba mailaia, ena ikoukou ai ba raka vareai.
PSA 96:9 Dabua helaḡadia ai Iehova ba toma henia diho; tanobada idoinai, ia vairanai ba heude-heude.
PSA 96:10 Bese idau-idau bogaragidiai baoto: Iehova na pavapava. Oibe, tanobada vada e haginia, basine marere ela bona hanaihanai. Ia ese tanobada besedia baine hahemaoro henidia, mai maoromaorona ida.
PSA 96:11 Guba baine moale, tanobada baine hisi dae, davara baine lolo, mai lalona ḡaudia iboudiai ida;
PSA 96:12 uma danu bae moale, mai anidia iboudiai. Una negana ai uda audia iboudiai na moale anedia bae abi
PSA 96:13 Iehova vairanai. Badina be ia na e maimu, tanobada ihahemaoro henina totona e maimu. Ia ese tanobada baine hahemaoro henia mai maoromaorona ida, bese idau-idau taudia baine hahemaoro henidia mai momokanina ida.
PSA 97:1 Iehova na pavapava, tanobada baine moale, kone tanodia momo bae hisi dae.
PSA 97:2 Ori bona dagadaga ese e ḡeḡea ahumu, kara maoromaorodia bona hahemaoro ḡoevaḡoevadia na ena terono badidia.
PSA 97:3 Lahi na ia vairanai e daemu, inaina e aradia eva-evamu.
PSA 97:4 Ena kevaru ese tanobada idoinai e hadiariamu; tanobada ese e itaiamu, bena e heude-heudemu.
PSA 97:5 Ororo na e vevemu wax na heto, Iehova vairanai, tanobada idoinai Lohiana vairanai.
PSA 97:6 Guba ese ena kara maoromaorodia e gwauraidia hedinaraimu; bese iboudiai na ia hairaina e itaiamu.
PSA 97:7 Ḡau laulaudia e toma henidia dihomu taudia iboudiai na e hahemaraidiamu, kaivakuku asi anidia e heaḡilaidiamu taudia danu; dirava iboudiai na ia vairanai e goru dihomu.
PSA 97:8 Iehova e, Siona e kamonaimu, bena e moalemu, Iuda natuna kekenidia na e hisi daemu, oiemu hahemaoro herevadia daidiai.
PSA 97:9 Badina be, Iehova e, oi na herea dae tanobada idoinai daenai; oi na o heabi isi hereamu dirava iboudiai daediai.
PSA 97:10 Iehova ese kara dika e inai heniamu taudia na e ura henidiamu; ia ese ena helaḡa taudia e hamauridiamu, kara dika taudia imadia amo e harohodia maurimu.
PSA 97:11 Diari na e taramu, kara maoromaoro taudia edia; moale na e varamu, lalo-ḡoevaḡoeva taudia edia.
PSA 97:12 Kara maoromaoro taumui iboumui ai, Iehova ba moalelaia, ia ladana helaḡana ba heatolaia.
PSA 98:1 Ane matamatana avabia, Iehova ena; ia ese hoa karadia vada e kara. Ia imana idibana, ia imana helaḡana ese kwalimu vada e abia, ena.
PSA 98:2 Iehova ese ena kwalimu vada e hahedinaraia, ena kara maoromaoro vada e hamomokania, bese idau-idau vairadiai.
PSA 98:3 Ena hebogahisi bona ena heabidadama Israel garana ediai vada e lalo tao; tanobada dokodia iboudiai ese eda Dirava ena kwalimu vada e itaia.
PSA 98:4 Iehova ba moale hisi dae henia, tanobada idoinai; moale anedia ba lada isi, hahenamo anedia bavabi.
PSA 98:5 Gitara anedia amo Iehova ba hanamoa, gitara bona ane reḡedia amo;
PSA 98:6 kibi badadia bona kibi maraḡidia reḡedia amo ba moale hisi dae, Pavapava Iehova vairanai.
PSA 98:7 Davara reḡena baine dae, bona e hahonuamu ḡaudia iboudiai, tanobada, bona e noholaiamu taudia iboudiai.
PSA 98:8 Abata na imadia bae patapata, ororo na moale anedia bae abi hebou
PSA 98:9 Iehova vairanai. Badina be ia na e maimu, tanobada baine biagua totona; ia ese tanobada baine hahemaoro henia mai maoromaorona ida, bona bese idau-idau ahudia korikoridia baine henidia.
PSA 99:1 Iehova na pavapava, bese idau-idau bae heude-heude; ena terono ai e helaimu, kerubi latadiai; tanobada na baine laga.
PSA 99:2 Iehova na herea dae Siona ai; ia na e heabi isimu, bese iboudiai daediai.
PSA 99:3 Oi ladamu herea-daena, oi ladamu mai garina, bae hanamoa; ia na Helaḡa.
PSA 99:4 Siahu Pavapavana, oi ese hahemaoro ḡoevaḡoevadia o ura henimu, oi ese taunimanima ahudia korikoridia o henidiamu; oi ese hahemaoro ḡoevaḡoevadia o karamu, bona kara maoromaorodia, Iakob garana ediai.
PSA 99:5 Iehova, iseda Dirava, ba heatolaia, ia aena ihadaina ḡauna vairanai ba toma diho: ia na Helaḡa.
PSA 99:6 Mose bona Aaron na iena hahelaḡa taudia rarua, Samuel na ia ladana e hahaneava taudia ta. Iehova e tai henia, bena ia ese e haere henidia,
PSA 99:7 ori dubuna lalona amo ia ese e hereva henidia. Idia ese iena haheḡani e badinadia, bona e henidia taravatudia danu.
PSA 99:8 Iehova e, ai emai Dirava, oi ese o haere henidia; oi na dika igwau-taona Diravana idia ediai, to, edia kerere davadia ihenidia Diravana danu.
PSA 99:9 Iehova eda Dirava ba heatolaia, ena ororo helaḡana ai ba toma diho; badina be Iehova, eda Dirava, na helaḡa.
PSA 100:1 Tanobada idoinai, Iehova ba moale hisi dae henia.
PSA 100:2 Iehova isiaina ba lao heni mai moalemui ida, ia vairanai baoma mai anemui ida.
PSA 100:3 Umui ba diba Iehova na Dirava. Ia ese e karada, ita na iena; ita na ia besena, bona ena heubu mamoedia.
PSA 100:4 Ena ikoukou ai ba raka vareai mai hahenamomui ida, ena dubu ai danu mai anemui ida ia ba hanamoa, ia ladana ba imodaia.
PSA 100:5 Badina be Iehova na namo; ena hebogahisi na e hesiriu hanaihanaimu, bona ena heabidadama ela bona uru iboudiai.
PSA 101:1 Hebogahisi bona hahemaoro ḡoevaḡoevana baina aneiaidia; Iehova e, oiemu ai egu ane baina abi.
PSA 101:2 Asi kerere dalana baina badinaia: edena nega ai dekegu ai baoma? Mai lalo-ḡoevaḡoevagu ida baina raka, egu ruma lalonai;
PSA 101:3 lau matagu vairadiai, ḡau mirona ta basina atoa. Raka muri taudia edia ḡaukara na inai heniamu; lau na basina badinaia;
PSA 101:4 Ialo-gagevagageva na lauegu amo baine daudau; kara dika ta basina dibaia.
PSA 101:5 Ia dekena tauna e habadelaia hehunimu tauna na lau ese baina alaia mase; e hekokorokumu bona lalona e heagimu tauna na lau basina haheauka henia.
PSA 101:6 Heabidadama taudia ina tano ai baina lalo namo henidia idia na lau dekegu ai bae noho; asi kererena dalana ai e rakamu tauna ese lau isiaigu baine lao heni.
PSA 101:7 Koikoi karadia e karamu tauna na lauegu ruma ai basine noho; koikoi herevadia e gwauraimu tauna na lau vairagu ai basine noho.
PSA 101:8 Daba ta ta amo kara dika taudia ina tano ai na iboudiai baina aladia mase; kara havara taudia iboudiai na Iehova ena hanua amo baina luludia oho.
PSA 102:1 Iehova e, egu noinoi a kamonai; egu taitai na dekemu aine vasi,
PSA 102:2 Oi vairamu na egu amo basio hunia, egu hisihisi dinana ai. Taiamu ae kirara egu ai; baina boiboi dinana ai ba haere henigu haraḡa.
PSA 102:3 Badina be egu mauri dinadia na e lao bubunimu, kwalahu na heto; turiagu na e aramu, lahi hururuna na heto.
PSA 102:4 Lalogu na vada e kakoro, rei na heto, bena vada e marai; agu aniani ianina na reaiamu.
PSA 102:5 Egu ḡanaḡana bada dainai, tau-anigu na e varoda-varodamu.
PSA 102:6 Lau na boebedi tano ḡaḡaena ai na heto, eiava baimumu gahu ḡaḡaena ai na heto.
PSA 102:7 Na noga ranimu; lau na manu edeana ta ruma guhina ai na heto.
PSA 102:8 Dina idoinai inaigu ese e ihi-ihiraigumu; e kirikirilaigumu taudia ese lau ladagu na hahedika ḡauna ai e halaoamu.
PSA 102:9 Badina be kahu na aniamu, aniani ḡauna na heto, bona iruru-mata na agu inuinu ḡauna ida na buloamu,
PSA 102:10 emu lalo-dika bona emu badu daidiai; badina be oi ese vada o abigu isi bona ma o tahogu nege.
PSA 102:11 Egu mauri dinadia na dina e dihomu ikerukeruna na heto; na maraimu, rei na heto.
PSA 102:12 Iehova e, oi na o lohia, bainela hanaihanai; oi ladamu na e hesiriumu ela bona uru iboudiai.
PSA 102:13 Oi na ba tore isi, Siona ba bogaia hisi; ilalonamo-henina negana binai, o gwauraia hamata negana vada e gini dae.
PSA 102:14 Badina be emu hesiai taudia ese ia nadina e lalokau henidiamu ia ḡahuna e bogaia hisimu.
PSA 102:15 Bese idau-idau ese Iehova ladana garina bae gari, tanobada pavapavadia iboudiai ese oi hairaimu garina bae gari.
PSA 102:16 Badina be Iehova ese Siona baine haginia, mai hairaina ida baine hedinarai.
PSA 102:17 Ia ese ogoḡami taudia edia ḡuriḡuri baine lalodia, bona edia noinoi na basine dadaraidia.
PSA 102:18 Ina na bae torea, uru gabedia edia, do asie vara taudia ese Iehova bae imodaia totona:
PSA 102:19 ia na ena gabu helaḡana amo e roha dobi, guba amo Iehova ese tanobada e nenea,
PSA 102:20 iḡui taudia edia ḡanaḡana baine kamonai bona e revadia mase taudia baine ruhadia nege helaoreana,
PSA 102:21 Siona ai taunimanima ese Iehova ladana bae gwauraia, bona Ierusalem ai bae imodaia totona.
PSA 102:22 Una negana ai bese idau-idau bona basileia idau-idau bae hebou, Iehova bae toma henia diho.
PSA 102:23 Egu mauri dinadia bogaragidiai ia ese egu goada vada e abia oho, egu mauri dinadia vada e hagadoidia.
PSA 102:24 Lau na tomamu: Egu Dirava e, egu mauri dinadia bogaragidiai basio abigu daudau; oi emu laḡani na e hesiriumu, uru iboudiai lalodiai.
PSA 102:25 Oi ese gunaguna tanobada badina o hadaia, guba danu oi imamu ese e karaia.
PSA 102:26 Idia na bae ore, a oi na ba hesiriu; idia iboudiai na bae mouka-mouka, dabua na heto. Oi ese o bolodiamu, hahedoki na heto, bena idia na e boiomu;
PSA 102:27 a oi na so idaumu, bona emu laḡani na asi dokodia.
PSA 102:28 Emu hesiai taudia natudia na bae noho namonamo; idia garadia na vairamu ai bae gini.
PSA 103:1 Laumagu e, Iehova ba hanamoa; lalogu idoinai, ia ladana helaḡana ba hanamoa.
PSA 103:2 Laumagu e, Iehova ba hanamoa; ena harihari-bada iboudiai na basio lalo boio.
PSA 103:3 Ia ese emu kara dikadia iboudiai e gwau taomu, ia ese emu gorere iboudiai lalodia amo e hamaurimumu.
PSA 103:4 Emu mauri ia ese mase gurina amo e rauaiamu, ia ese oi kwaramu na heuraheni bona hebogahisi e havavalaiamu.
PSA 103:5 Emu goada na ia ese ḡau namodia amo e ubuamu; una dainai emu eregabe na e hamatamataiamu ugava na heto.
PSA 103:6 Daḡedaḡe ese vada e hadikadia taudia iboudiai na Iehova ese e kara maoromaoro henidiamu, bona e hahemaoro henidia ḡoevaḡoevamu.
PSA 103:7 Ia ese ena dala na Mose e hadibalaia, ena kara danu Israel taudia e hadibalaidia.
PSA 103:8 Iehova na mai ena hebogahisi bona mai ena harihari-bada; ena badu na e halahemu, ena hebogahisi na e honu honu daemu.
PSA 103:9 Ia na basine gwau henida hanaihanai, ena badu na basine mia hanaihanai.
PSA 103:10 Eda kara dika heḡereḡeredia se kara henidamu, eda kara havara na davadia se henidamu.
PSA 103:11 Badina be guba bona tanobada padadia na bada herea heḡereḡerena, iena hebogahisi na unu e bada tomamu ia garina e garimu taudia ediai;
PSA 103:12 laurabada kahana bona lahara kahana padadia edia daudau heḡereḡerena, eda kara dika na ita eda amo unu e abidia oho tomamu.
PSA 103:13 Tamana ese natuna e bogadia hisimu heḡereḡerena, Iehova ese ia garina e garimu taudia na unu e bogadia hisi tomamu.
PSA 103:14 Badina be ede e karada toma na ia dibana; ia vada e helalo une, ita na tano ḡahuna mo.
PSA 103:15 Taunimanima ena mauri dinadia na rei na heto, au heraheradia na heheto e tubumu;
PSA 103:16 badina be lai e odaiamu, bena vada e boiomu; ena gabu na basine itaia lou.
PSA 103:17 A Iehova ena hebogahisi na sene ereguna amo, doini mia, bona baine mia ela bona hanaihanai, ia garina e garimu taudia ediai; ena kara maoromaoro danu, uru gabedia ediai;
PSA 103:18 ena taravatu e badinaiamu taudia ediai, bona ena haheḡani e lalo taomu bona e karamu taudia ediai.
PSA 103:19 Iehova ese ena terono na guba ai vada e hadaia; ena basileia ese taunimanima iboudiai e lohiadiamu.
PSA 103:20 Iehova ena aneru, ia ba hanamoa; umui goada taumui, ena hereva o badinamu, bona erena o kamonaimu.
PSA 103:21 Ena tuari oreadia iboumui ai, Iehova ba hanamoa; ena hesiai taumui, ena ura o karamu taumui.
PSA 103:22 Iehova ena karakara ḡaudia iboumui ai, ia ba hanamoa, ia e lohiadiamu gabudia iboudiai lalodiai. Laumagu e, Iehova ba hanamoa.
PSA 104:1 Laumagu e, Iehova ba hanamoa. Iehova, egu Dirava, oi na herea dae. Hairai bona siahu vada o riodia,
PSA 104:2 diari vada o hahedokilaia, dabua na heto. Guba vada o idia roro, dabua kalagana na heto,
PSA 104:3 emu ruma mukurodia na ranu latadiai vada o atodia, ori na emu kariota ai o halaodiamu, lai hanidia ai o guimu;
PSA 104:4 lai na emu gwaukau taudia ai o halaodiamu, lahi mai hururudia ida na emu hesiai taudia.
PSA 104:5 Tanobada na ia badina latanai vada o hadaia, una dainai nega ta basine heude-heude diba.
PSA 104:6 Gadobada amo o tarua ahu, dabua heḡereḡerena; utu-utu ese ororo e habubunidia.
PSA 104:7 O gwau henia negana ai na e karoho, emu guba rahurahu reḡena dainai e heau.
PSA 104:8 Ororo e dae, koura e diho; edia gabu o gwauraidia hidi, bena unua ela.
PSA 104:9 Hetoa o karaia, idia basie hanaia, una dainai tanobada basie habubunia lou.
PSA 104:10 Ranu o halohidia dae koura ai, unu ranu na ororo padadia amo e aru e laomu;
PSA 104:11 uda boromadia iboudiai adia ranu e henidiamu, uda donikidia ranu e inumu;
PSA 104:12 idia badibadidiai atai manudia na edia ruma e karamu, au rigidia lalodiai e taimu.
PSA 104:13 Emu noho gabuna na atai ai, unu amo ororo o hapariparidiamu; emu ḡaukara huahuadia ese tanobada e hahonuamu.
PSA 104:14 Rei o havaraiamu, boromakau adia, bona hadohado ḡaudia, taunimanima edia; aniani na tano amo bae abia totona,
PSA 104:15 bona vine ranuna, taunimanima lalodia ihamoaledia, bona dehoro, idia vairadia ihakimoredia, bona flaoa, taunimanima lalodia ihagoadalaidia.
PSA 104:16 Iehova ese ena au e hapariparidia badamu, Lebanon ena sida audia, ia ese e hado ḡaudia.
PSA 104:17 Idia lalodiai manu ese edia ruma e karamu; boḡe na beroso audia ai e nohomu.
PSA 104:18 Ororo badadia na uda nanidia edia gabu; nadi hagahagadia na koni edia komu gabudia.
PSA 104:19 Hua vada o karaia, nega hetoadia; dina na ena diho negana na mai dibana.
PSA 104:20 Dibura o karaiamu, bena hanua vada e boimu; una negana ai uda ḡaudia iboudiai e raka lasimu.
PSA 104:21 Leona natudia e ḡoumu, adia vamu e tahumu, Dirava enai edia aniani e tahumu.
PSA 104:22 Dina e daemu, idia na e raka ohomu, edia kohua ai e hekuremu.
PSA 104:23 Taunimanima na e raka lasimu, e ḡaukaramu, e hekwarahimu ela bona adorahi.
PSA 104:24 Iehova e, o kara ḡaudia dahaka ini heḡiḡi-boudia; iboudiai na mai aonegamu ida vada o kara, o kara ḡaudia ese tanobada e hahonuamu.
PSA 104:25 Davara bunai, bada herea bona mai lababana, ia lalonai na ḡau momo, diaḡau duahiduahi, mauri ḡaudia, maraḡidia bona badadia.
PSA 104:26 Unuseni ai lagatoi na e heaumu; bona lakara donodono, oi ese o karaia, davara ai baine gadara loaloa totona.
PSA 104:27 Ini ḡau iboudiai ese oi e haḡeremumu, aniani negadia ai adia ba henidia e tomamu.
PSA 104:28 O henidiamu negadia ai na idia ese e abi isimu; oi imamu o kehoamu negadia ai na idia bogadia e kunumu, ḡau namodia ai.
PSA 104:29 Oi vairamu o huniamu negadia ai na daradia e dokomu; idia laḡadia o abi ohomu negadia ai na e masemu, ḡahu ai ma e lou heniamu.
PSA 104:30 Oi laumamu o siaia laomu negadia ai, idia na e varamu, tanobada kopina o hamatamataiamu.
PSA 104:31 Namona binai: Iehova hairaina baine hesiriu hanaihanai; Iehova ese ia e kara ḡaudia na baine moalelaidia.
PSA 104:32 Ia ese tanobada e raraiamu, bena tanobada na e heude-heudemu; ia ese ororo e daudia tohomu, bena kwalahu na doridia amo e daemu.
PSA 104:33 Lau ane baina abia Iehova ena, egu mauri dinadia iboudiai; egu Dirava na egu ane ai baina hanamoa, na mauri nohomu ai.
PSA 104:34 Egu lalo-hadai na ia ihamoalelaina ḡauna ai bema lao, badina be lau ese Iehova na moalelaiamu.
PSA 104:35 Kara dika taudia na tanobada ai bae mase ore, bona kara havara taudia na bae puki be namo. Laumagu e, Iehova ba hanamoa. Iehova ba imodaia.
PSA 105:1 Iehova ba hanamoa, ia ladana ba hahanea; ena kara ba gwauraidia hedinarai bese idau-idau vairadiai.
PSA 105:2 Ane bavabi iena, ia ihanamolaina anedia bavabi, ena hoa karadia iboudiai sivaraidia ba gwaurai.
PSA 105:3 Ia ladana helaḡana ba heatolaia; Iehova e tahuamu taudia lalodia do bae moale.
PSA 105:4 Iehova ba tahua, bona ena goada danu; ia vairana ba tahua loulou.
PSA 105:5 Ena hesiai tauna Abraham garana e! Iakob natuna, ena abi-hidi taudia, e! Hoa karadia ia ese vada e kara ba lalodia tao, ena siahu karadia bona ena hahemaoro herevadia danu.
PSA 105:7 Ia na Iehova, eda Dirava; ena hahemaoro na tanobada idoinai e miamu.
PSA 105:8 Ia ese ena gwauhamata e laloa hanaihanaimu, bona ena haheḡani herevadia danu ela bona uru daha.
PSA 105:9 Abraham ida e hegwauhamata heheni, Isaak e gwau henia hamata;
PSA 105:10 Iakob enai e hamomokania, taravatu ai bainela, Israel enai baine mia hanaihanai ḡauna.
PSA 105:11 Eto “Kanaan tanona baina henimu, oi ahumu korikori ai bainela”.
PSA 105:12 Idia na dounu gagadoi, asi haridia, e noho hedoava una tano ai,
PSA 105:13 bese ta bese ta lalodia amo e loa eva-evava, basileia ta lalona amo ela bona ma orea ta ai;
PSA 105:14 una negana ai ta asine gwau maoro henia idia baine daḡedaḡe henidia; hanua pavapavadia ia ese e gwau henidia, idia daidiai.
PSA 105:15 Eto “Vada na horodia taudia basio daudia toho, egu peroveta taudia na basio hadikadia”.
PSA 105:16 Doe e gwauraia tano latanai, aniani ḡaudia iboudiai e utudia oho;
PSA 105:17 una negana ai ia ese idia edia amo tau ta e siaia guna; ladana na Iosef, e hoia, hesiai tauna ai ela.
PSA 105:18 Ia aena na auri gadeadia ese e haberodia, ia aiona na auri amo e ḡuia;
PSA 105:19 Iehova ena hereva ese e dibaia toho, ela bona e gwaurai guna ḡaudia vada e hekara.
PSA 105:20 Hanua Pavapavana ese haida e siaidia, bae ruhaia nege, bese lohiana ese e kahua nege;
PSA 105:21 ena ruma inarina tauna ai e halaoa, bona ena kohu iboudiai ireḡudia ai ela,
PSA 105:22 ena hanua lohiadia baine hadibadia ena ura heḡereḡerena bona ena tau badadia baine ha-aonegadia totona.
PSA 105:23 Bena Israel na Aigupto ema, Iakob na Ham ena tano ai e nohova.
PSA 105:24 Bona Iehova ese ena orea taudia e hahutumadia, e hagoadadia, ela bona idia vada e goada, inaidia vada e manoka.
PSA 105:25 Bena ia ese inaidia lalodia e ha-idaudia, ena orea taudia bae inai henidia, bona ena hesiai taudia bae koidia.
PSA 105:26 Ia ese Mose e siaia, bona Aaron danu, ena abi-hidi tauna;
PSA 105:27 raruosi ese iena toa e karava, taunimanima bogaragidiai, hoa karadia danu, Ham ena tano ai.
PSA 105:28 Dibura e siaia, tano e hadiburaia, to idia ese iena hereva e gwaua ede ede.
PSA 105:29 Edia ranu na rara ai e halaoa, edia gwarume e hamasedia.
PSA 105:30 Parapara e hahegiḡia bou edia tano ai, edia pavapava edia ruma ai danu.
PSA 105:31 Ia e gwau isi, bena lao momo ema, bona namo momo danu, edia tano idoinai.
PSA 105:32 Medu-hetari na latadiai e hadihoa, bona kevaru danu edia tano idoinai e hakevarua isi.
PSA 105:33 Edia vine bona edia suke audia e hakwaidudia, bona edia tano audia iboudiai e hagaridia.
PSA 105:34 Ma e gwau isi, bena kwadi ema, bona kwadi natudia asi iduahidia;
PSA 105:35 edia tano reina idoinai bona edia uma anidia danu e ani ore.
PSA 105:36 Natudia roboadia iboudiai edia tano ai na e aladia mase, edia goada anidia roboadia iboudiai.
PSA 105:37 Bena Israel taudia na ia ese e hakaudia lasi, mai edia silver bona gold ida; ena iduhu iboudiai lalodiai tau ta se hetutuhi.
PSA 105:38 E raka lasi negana ai Aigupto e moaleva, badina be idia garidia e gariva.
PSA 105:39 Ori e hapapaia, idia iḡovadia, bona lahi, hanuaboi ai edia diari ai bainela.
PSA 105:40 Idia e noinoi, bena ia ese kibi e siaidia, bona aniani momo na guba amo e henidia dobi.
PSA 105:41 Nadi hagahaga e hapararaia, bena ranu e aru lasi, tano ḡaḡaena ai e aruva, sinavai na heto.
PSA 105:42 Badina be ena gwauhamata helaḡana e laloa tao, bona ena hesiai tauna Abraham danu.
PSA 105:43 Ena orea taudia na unu e hakaudia lasi toma mai moaledia ida, ena abi-hidi taudia mai anedia ida.
PSA 105:44 Bese idau-idau edia tano ia ese e henidia; bena idia ese unu bese taudia edia biru anidia e abi,
PSA 105:45 ena hahedua karadia bae kara bona ena taravatu bae badinadia helaoreana. Iehova ba imodaia!
PSA 106:1 Iehova ba imodaia! Iehova ba hanamoa, badina be ia na namo, ena hebogahisi na e hesiriu hanaihanaimu.
PSA 106:2 Daika ese Iehova ena siahu karadia baine herevalaidia? Daika ese ena heimodai karadia iboudiai baine hahedinaraidia?
PSA 106:3 E hahemaoro goevaḡoevamu bona nega iboudiai kara maoromaoro e karamu taudia na nanamo.
PSA 106:4 Iehova e, emu orea taudia ba hanamodia negana ai na lau danu ba lalogu; ba hamauridia negana ai na lau danu ba durugu;
PSA 106:5 unu amo emu abi-hidi taudia edia namo ihabadana baina itaia, emu orea taudia edia moale baina moalelaia, bona oi ahumu baina heaḡilaia.
PSA 106:6 Ai bona tamamai vada a kerere, vada a kara dika, vada a kara havara.
PSA 106:7 Senemai na Aigupto ai e nohova negana ai na oiemu hoa karadia asie haerodia; asie laloa tao emu hebogahisi na bada herea, a Davara Kakakakana isena ai idia ese Herea Mikamika e gwau ede ede henia.
PSA 106:8 Ḡau tamona ia ese e hamauridia, ia ladana bagunai, ena siahu herea-daena baine hahedinarai helaoreana.
PSA 106:9 Ia ese Davara Kakakakana e gwau henia, bena e kororova, bena dobu gabuna amo e hakaudia hanai, tano ḡaḡaena amo bema hakaudia hanai heḡereḡerena.
PSA 106:10 Unu amo ia ese inaidia imadia amo e hamauridia, inai taudia edia siahu amo e harohodia mauri.
PSA 106:11 Davara ese idia inaidia e habubunidia, ta se roho mauri.
PSA 106:12 Bena idia ese ena hereva e abidia dae, bona ia ihanamolaina anedia e abi.
PSA 106:13 A idia ese ena kara e lalodia boio haraḡa; ena hahealo asie nariava.
PSA 106:14 Idia na tano ḡaḡaena ai e ura kava ura kavava, tano ḡaḡaena ai idia ese Dirava e dibaḡania.
PSA 106:15 Bena ia ese edia ura e henidia, a gorere dikana ta e siaia, idia tau-anidia ihavarodavarodadia.
PSA 106:16 Taruha taudia haida ese Mose bona Iehova ena hahelaḡa tauna Aaron e vaḡeḡe henidiava.
PSA 106:17 Una negana ai tano ese uduna e haḡaia, Datan e hadonoa; bona Abiram ena orea taudia e habubunidia;
PSA 106:18 lahi danu e ara edia orea bogaraginai, lahi hururuna ese kara dika taudia e haḡoledia oho.
PSA 106:19 Boromakau natuna laulauna e karaia Horeb ai, gold kaivakukuna e toma henia diho;
PSA 106:20 Dirava hairaina na e bodohia, boromakau maruanena, rei e aniamu ḡauna, laulauna na ia gabuna ai e abia.
PSA 106:21 Ihamauridia Diravana, Aigupto ai kara badadia e karava
PSA 106:22 bona Ham ena tano ai hoa karadia e karava bona Davara Kakakakana isena ai hahegari karadia e karava Diravana na e laloa boio.
PSA 106:23 Taunabunai baine habuadia tari eto, a iena abi-hidi tauna Mose na pada ai e gini, ia vairanai, ena badu baine laoa ahu bena basine habuadia tari helaoreana.
PSA 106:24 Bena idia ese tano namo-hereana e dadaraia, iena gwauhamata asie abidadama henia.
PSA 106:25 Edia kalaga ai e maumau, bona Iehova gadona asie kamonai henia;
PSA 106:26 taunabunai ia ese imana e duduia isi, e gwau henidia hamata, tano ḡaḡaena ai baine hamorudia,
PSA 106:27 bona garadia na baine hakarohodia bese idau-idau bogaragidiai, baine hakarohodia rohoroho tano idau-idau ai eto.
PSA 106:28 Peoro ena Baal e badinaia, mase iboulaina ḡauna e ani.
PSA 106:29 Edia kara amo Iehova e habadua, bena gorere dikana na ediai e dai hanai;
PSA 106:30 Fineha e tore isi, e oro oro, bena gorere e doko.
PSA 106:31 Una na e gwauraia iena kara maoromaoro; uru iboudiai ese bae herevalaia ela bona hanaihanai.
PSA 106:32 Meriba ranudia badidiai idia ese e habadua, bona Mose na siriana e reaia, idia daidiai;
PSA 106:33 badina be idia daidiai ia lalona e turiariki, bena hereva kavakavadia e gwaurai.
PSA 106:34 Idia ese bese idau-idau taudia asie habuadia tari, Iehova ese e haḡanidia heḡereḡerena;
PSA 106:35 a unu bese ida e noho hebouva, edia kara e manadalaiva.
PSA 106:36 Edia kaivakuku e toma henidia dihova, bena idoa ai ela idia ediai.
PSA 106:37 Natudia mamaruanedia bona natudia hahinedia na boubou ḡaudia ai e halaodiava, lauma dikadia iboulaidia.
PSA 106:38 Kanaan taudia edia kaivakuku e boudia negadia ai na asi edia kerere taudia raradia e hahebubuva, natudia mamaruanedia bona natudia hahinedia raradia; bena rara ese tano idoinai e hadikaiava.
PSA 106:39 Unu amo edia kara ese e hamirodiava; lebulebu karadia e karava.
PSA 106:40 Bena Iehova ena badu e ḡaraḡara, ena orea taudia ediai; ena abi-hidi taudia e ihi-ihiraidia;
PSA 106:41 bese idau-idau taudia imadia ai e atodia, bena e inai henidia taudia ese e biagudia.
PSA 106:42 Inaidia ese e daḡedaḡe henidia, bena edia iḡui taudia ai ela;
PSA 106:43 nega momo ia ese e ruhadia nege, to lalodia na e gwau ede ede, bona edia kara dika ese e hahekwakwanaidia.
PSA 106:44 Ḡau tamona, edia taitai e kamonai negadia ai, edia hisihisi e laloa;
PSA 106:45 idia daidiai ena gwauhamata e laloa tao, ena hebogahisi bada-herea dainai edia dika e lalo nege.
PSA 106:46 Ia ese ibogahisidia dalana e havaraia, unu e ḡuidia taudia ese bae bogadia hisi totona.
PSA 106:47 Iehova e, emai Dirava, a hamaurimai; bese idau-idau bogaragidia amo ba haboumai gogogogo, oi ladamu helaḡana baia imodaia totona, oi ihanamomu baia heaḡilaia helaoreana.
PSA 106:48 Iehova, Israel Diravana, bae hanamoa, matamana amo ela bona dokona. Taunimanima iboudiai na baeto “Amen”. Iehova ba imodaia!
PSA 107:1 Iehova ba hanamoa; badina be ia na namo, ena hebogahisi na e hesiriu hanaihanaimu.
PSA 107:2 Iehova ese vada e hamauridia taudia, hisihisi amo vada e rauadia taudia,
PSA 107:3 tano idau-idau amo, laurabada amo bona lahara amo, mirigini amo bona tahodiho amo, vada e haboudia taudia na unu bae gwau toma.
PSA 107:4 Haida na tano ḡaḡaedia ai e loava, bae noholaia hanuana ta dalana asie davaria;
PSA 107:5 idia na hitolo bona ranu-mase ese e abidiava, laumadia na lalodiai e manoriva.
PSA 107:6 Bena edia hisihisi ai idia ese Iehova e tai henia, bena ia ese edia hisihisi amo e hamauridia,
PSA 107:7 bona dala maoromaorona amo e hakaudia laova, ela bona bae noholaia hanuana ai e kau.
PSA 107:8 Iehova bae hanamoa, ena hebogahisi bona ena hoa karadia taunimanima natudia ediai daidiai.
PSA 107:9 Badina be ranu-mase tauna na ia ese e ha-inuamu, bona hitolo tauna na ḡau namodia amo bogana e hakunuamu.
PSA 107:10 Haida na hanuaboi diburana ai e nohova, bona lalodia e diburava, hisihisi ai bona auri iguidia ai;
PSA 107:11 badina be Dirava ena hereva vada e gwau ede ede henidia, bona Herea Mikamika ena hahealo vada e dadaraia.
PSA 107:12 Hekwarahi ese lalodia e hametaudia; idia na e keto, asi idurudia ta.
PSA 107:13 Bena edia hekwarahi lalonai idia ese Iehova e tai henia, bena ia ese edia hisihisi amo e hamauridia;
PSA 107:14 hanuaboi diburana bona lalo-dibura amo e hakaudia lasi, edia iḡui e hamotudia.
PSA 107:15 Iehova bae hanamoa, ena hebogahisi bona ena hoa karadia taunimanima natudia ediai daidiai.
PSA 107:16 Badina be ia ese auri labora-labora iduaradia e huaridia, bona auri e rahu utu.
PSA 107:17 Haida na e goreredia, edia kara dika daidiai, edia kara havara daidiai hisi e ani;
PSA 107:18 aniani idau-idau iboudiai e dadaraidia, mase ikoukoudia e raka henidia kahi.
PSA 107:19 Edia hisihisi ai Iehova e tai henia, bena ia ese edia hisihisi amo e hamauridia;
PSA 107:20 iena hereva e halasia, e hamauridia, hahebua-tari amo e harohodia mauri.
PSA 107:21 Iehova bae hanamoa, ena hebogahisi bona ena hoa karadia taunimanima natudia ediai daidiai;
PSA 107:22 boubou ḡaudia bae hahelaḡadia mai heimodai herevadia ida, iena kara bae gwauraidia hedinarai, edia moale anedia ai.
PSA 107:23 Haida na davara ai e laolaova, bona gadobada ai e gaukarava;
PSA 107:24 Iehova ena kara e itadia, ena hoa karadia dobu gabudia ai.
PSA 107:25 Badina be ia e gwau isi, lai gubana e hatoaia, bena davara hurehuredia na e heabi isi.
PSA 107:26 Guba ai e daeva, dobu gabudia ai e dihova, edia hekwarahi ai edia haheauka e veve ohova.
PSA 107:27 Matadia e madai-madai, e raraga, kekero taudia na heheto, daradia e doko.
PSA 107:28 Bena edia hekwarahi ai Iehova e tai henia, bena ia ese edia hisihisi amo e hamauridia.
PSA 107:29 Lai gubana e gwaua tao, bena e vea, bona davara hurehurena e gaima.
PSA 107:30 Bena e moaleva, lagadia e aniva dainai; metai gabuna, e ura heniava gabuna, Ialonai e hakaudia vareai.
PSA 107:31 Iehova bae hanamoa, ena hebogahisi bona ena hoa karadia taunimanima natudia ediai daidiai.
PSA 107:32 Bese taudia edia hebou ai bae heatolaia, bona hanua tau-badadia edia henega ai bae imodaia.
PSA 107:33 Ia ese sinavai na tano ḡaḡaena ai e halaodiamu, bona ranu e lohilohimu gabudia na tano kaukaudia ai.
PSA 107:34 Tano mai anina na laguta ai e halaoamu, inoholaina taudia edia kara dika daidiai.
PSA 107:35 Ma tano ḡaḡaena na gohu ai e halaoamu, bona tano kaukauna na ranu e lohilohimu gabuna ai.
PSA 107:36 Unuseni ai ia ese hitolo taudia e hanohodiamu, bena idia ese hanua ta e hadaiamu, bae noholaia totona;
PSA 107:37 idia ese uma e karamu, bona vine imeadia e hadomu, anidia badadia e abimu.
PSA 107:38 lena hahenamo dainai idia na e hutuma e laomu; bona edia seri e gimadiamu, basie gadoi.
PSA 107:39 Daḡedaḡe eiava hekwakwanai eiava hisihisi daidiai, idia na e gadoimu bona e morumu,
PSA 107:40 una negana ai ia ese pavapava e ihi-ihiraidiamu, e siaidia laomu, tano ḡagaedia ai bae loaloa;
PSA 107:41 a ogoḡami taudia na edia hisihisi amo e abidia isimu, bona garadia e hahohodiamu, mamoe seridia na heheto.
PSA 107:42 Kara maoromaoro taudia ese e itaiamu, bena e moalemu; kara dika taudia iboudiai na ududia e hakapumu.
PSA 107:43 Daika na mai aonegana, ia ese ini ḡau do baine lalodia, taunimanima ese Iehova ena hebogahisi bae haeroa.
PSA 108:1 Lalogu vada eme heḡaeḡae, Dirava e, lalogu vada eme heḡaeḡae; ane baina abi, hahenamo anedia baina abi. Laumagu e, a noga.
PSA 108:2 Ivilikou e, gitara e, a noga; daba mamana baina haoa.
PSA 108:3 Iehova e, orea idau-idau bogaragidiai baina hanamomu, bese idau-idau bogaragidiai oi ihanamolaimu anedia baina abi.
PSA 108:4 Badina be emu hebogahisi na bada guba daenai, oiemu heabidadama na ori ai e kaumu.
PSA 108:5 Dirava e, guba daenai ba heaḡi, oi hairaimu na tanobada idoinai baine hedinarai.
PSA 108:6 Imamu idibana amo ba kahagu, ba haere henigu, emu lalokau tauna baine roho mauri totona.
PSA 108:7 Ena helaḡa gabuna ai Dirava vada e gwau hamata, eto: Sekem ihapararana baina heaḡilaia, Sukoto kourana baina haria.
PSA 108:8 Gilead na egu; Manase na egu; Efraim na kwaragu aurina; Iuda na egu dagi auna.
PSA 108:9 Moab na imagu ihurilaina dihuna; Edom latanai egu tamaka baina tahoa kau; Filistia latanai baina hone.
PSA 108:10 Daika ese hanua mai maḡuna lalonai baine hakaugu vareai? Daika ese Edom enai baine hakaugu lao?
PSA 108:11 Dirava e, vada o dadaraimai a? Dirava e, emai tuari oreadia ida so raka lasi.
PSA 108:12 A durumai, inai taudia imadia amo ba hamaurimai, badina be taunimanima edia hekaha na asi anina.
PSA 108:13 Dirava na ita ida baita goada; ia ese ita inaida baine moidia tao.
PSA 109:1 Na imodaiamu Diravana e, udumu basio hakapua.
PSA 109:2 Badina be dika bona koikoi taudia ududia ese lau ihadikagu herevadia e gwauraimu, maladia mai koikoidia ese lau e hadikagumu.
PSA 109:3 Inai herevadia amo e haheḡeḡegu daemu, asi badina e heatu henigumu.
PSA 109:4 Egu uraheni davana na e habadelaigumu, a lau be na ḡuriḡurimu.
PSA 109:5 E kara dika henigumu, egu kara namo davana; e inai henigumu, egu lalokau davana.
PSA 109:6 Kara dika tauna ta ba gwauraia hidi, ia ihadikana; hahebade tauna ta ese baine mailaia, ihahemaoro-heninatotona.
PSA 109:7 Bae hahemaoro henia negana ai, kererena bae gwauraia; ena ḡuriḡuri be kara dikana ai bae halaoa.
PSA 109:8 Ena mauri dinadia bae gadoi; ta ese ena kohu baine dadihai.
PSA 109:9 Natuna bae ihareha, adavana na baine vabu;
PSA 109:10 natuna bae loa eva-eva, bae noi hegame, e kohu rumana e noholaiamu amo bae luludia lasi.
PSA 109:11 Enai e abi torehai tauna ese ena ḡau iboudiai baine dadihai; idau taudia ese ena hekwarahi anina bae henao ore.
PSA 109:12 Asi tauna ta ese baine kara namo henia, asi tauna ta ese natuna baine bogadia hisi.
PSA 109:13 Garana na bae mase ore; ladana na baine heroho, uru iharuana ai.
PSA 109:14 Senena edia kara havara na Iehova vairanai bae helalolai une, sinana ena kara dika na basine heroho.
PSA 109:15 Unu kara na Iehova ese baine lalodia hanaihanai, a ia ilalolaina na tanobada amo baine boio.
PSA 109:16 Badina be hebogahisi ihahedinaraina se laloa tao, a ogoḡami taudia bona e dabu taudia na ia ese e havadia, hisi ese e gugubadia taudia na ia ese e havadia, ela bona edia mase negadia.
PSA 109:17 Heuduguirai e urava; ia danu bae uduguiraia; hahenamo se urava; iena amo dauhai baine mia.
PSA 109:18 Heuduguirai e hahedokilaia, ena hahedoki dabuana na heto, ia tauna ai baine dodoa vareai, ranu na heto, ia turiana ai baine vareai, digara na heto.
PSA 109:19 E rioamu dabuana heḡereḡerena ai bainela, dina iboudiai gabana ai e ḡeḡeamu ḡauna na heto.
PSA 109:20 Davadia bunu e habadelaigumu taudia ese Iehova ena amo bae abi, edia hereva ai egu mauri e hadikaiamu taudia danu.
PSA 109:21 A oi, Iehova e, egu Ḡaubada, lau daigu ai ba ḡaukara, oi ladamu bagunai; ba harohogu mauri, badina be emu hebogahisi na namo.
PSA 109:22 Badina be lau be na ogogamimu, na dabumu, lalogu na e hisihisi badamu.
PSA 109:23 Vada na boio, adorahi ikerukeruna e boiomu na heto; vada e tapogu oho, kwadi na heto.
PSA 109:24 Na anivaga dainai tuigu eme manoka, taugu danu eme varoda-varoda.
PSA 109:25 E habadelaigumu taudia ese e ihi-ihiraigumu, e itagumu negadia ai na kwaradia e taiko-taikomu.
PSA 109:26 Iehova e, egu Dirava, emu hebogahisi dainai ba hamaurigu.
PSA 109:27 Ba hadibadia ina na oi imamu; Iehova e, oi ese vada o karaia.
PSA 109:28 Bae heuduguirai, a oi na ba hahenamo, iheatu-henigu taudia na ba hahemaraidia; emu hesiai tauna baine moale.
PSA 109:29 E habadelaigumu taudia na hemarai bae hahedokilaia; sibodia edia hemarai bae rioa, dabua na heto.
PSA 109:30 Lau udugu amo Iehova baina hanamoa, hutuma bogaragidiai baina imodaia;
PSA 109:31 badina be e dabumu tauna imana idibana ai e ginimu, vada e revaia mase taudia imadia amo baine hamauria totona.
PSA 110:1 Iehova ese egu lohia e hamaoroamu, e tomu “Lau idibagu kahana ai ba helai, ela bona oi inaimu na aemu ihadaidia ḡaudia ai baina halaodia”.
PSA 110:2 Iehova ese ena siahu dagina auna na Siona amo vada e siaia, oi inaimu bogaragidiai ba lohia.
PSA 110:3 Emu tuari oreana na ororo helagadia ai ba hakaua lao dinana ai, emu orea taudia ese kunudia bae rahu pou; Daba matana ai, hunu na heto, emu goada matamatana bainema.
PSA 110:4 Iehova vada e gwau hamata, bona lalona basine ha-idaua: oi na hahelaḡa tauna hanaihanai, Melkisedek ena orea tauna.
PSA 110:5 Ḡaubada na oi idibamu kahana ai; ena badu dinana ai pavapava baine huaridia.
PSA 110:6 Bese idau idau bogaragidiai hahemaoro baine karaia, edia gabu na mase tau-anidia ai baine hahonudia; ia ese ikwaradia taudia baine huaridia, tanobada heḡeḡemadai ai.
PSA 110:7 Dala ai ia na sinavai ranuna baine inua; taunabunai ia na baine gaga dae.
PSA 111:1 Iehova ba imodaia. Lau ese Iehova baina hanamoa mai lalogu idoinai, kara maoromaoro taudia edia orea ai, hebou taudia bogaragidiai.
PSA 111:2 Iehova ena ḡaukara na babada, e moalelaidiamu taudia iboudiai ese e haerodiamu.
PSA 111:3 Ena ḡaukara na mai imatauraina bona mai siahuna, ena kara maoromaoro na e mia hanaihanaimu.
PSA 111:4 Ena hoa karadia vada e kara, taunimanima ese bae lalodia tao totona; Iehova na mai ena harihari-bada bona mai ena hebogahisi.
PSA 111:5 E gari heniamu taudia na adia e henidiamu; ena gwauhamata e laloa hanaihanaimu.
PSA 111:6 Ena orea taudia na ena kara siahudia e haheitalaidia, bese idau-idau edia tano e henidia negana ai.
PSA 111:7 Ia imana ḡaukaradia na momomokakani bona mamaoromamaoro, ena haheḡani iboudiai na mai heabidadamadia.
PSA 111:8 Idia na bae gini hanaihanai; taunimanima ese karadia bae kara mai momokanidia bona mai maoromaorodia ida.
PSA 111:9 Ia ese hahemauri na ena orea taudia ediai e siaia; ena gwauhamata vada e gwauraia, baine mia hanaihanai, ia ladana na helaḡa, bona mai garina.
PSA 111:10 Iehova igari-henina na aonega imatamana; e badinaiamu taudia iboudiai na e diba namonamomu, ia ihanamona e hesiriu hanaihanaimu.
PSA 112:1 Iehova ba imodaia. Iehova garina e garimu tauna be namo, ena haheḡani e moalelaidiamu tauna danu.
PSA 112:2 Ia garana bae goada edia tano ai; kara maoromaoro taudia edia uru baine hanamo.
PSA 112:3 Moni bona kohu na ena ruma ai, bona ena kara maoromaoro e hesinu hanaihanaimu.
PSA 112:4 Diari na dibura ai e taramu, kara maoromaoro taudia edia; Iehova na mai ena harihari-bada bona mai ena hebogahisi bona mai ena kara maoromaoro.
PSA 112:5 E hariharimu bona e heni torehaimu bona ena kara e karamu mai maoromaorona ida tauna be namo;
PSA 112:6 badina be kara maoromaoro tauna na nega ta basine mareremarere; bae laloa hanaihanai.
PSA 112:7 Ia na hari dikadia garidia se garimu; lalona na auka, Iehova e abidadama heniamu.
PSA 112:8 Lalona na auka, basine gari, ela bona ena ura baine hedinarai, ana inai taudia latadiai.
PSA 112:9 Vada e harihari momo, ogoḡami taudia vada e harihari henidia; ena kara maoromaoro e hesiriu hanaihanaimu, ena doa na mai hairaina ida e heabi isimu.
PSA 112:10 Kara dika tauna ese e itaiamu, bena e badumu, gadigadina a hahedaimu, bena e veve ohomu; kara dika tauna ena ura na anina basine vara.
PSA 113:1 Iehova ba imodaia. Iehova ena hesiai taumui, ia ba imodaia, Iehova ladana ba heatolaia.
PSA 113:2 Iehova ladana na bae hanamoa, ina harihari ela bona hanaihanai;
PSA 113:3 dina dae ela bona dina diho, Iehova ladana na bae heatolaia.
PSA 113:4 Iehova na atai ai, bese iboudiai daediai; ia hairaina na guba daenai.
PSA 113:5 Iehova, eda Dirava, idaina be daika? Ia na atai ai e helaimu,
PSA 113:6 e igo dobimu, guba bona tanobada e nenediamu.
PSA 113:7 Ia ese ogoḡami taudia na ḡahu amo e abidia isimu, e dabumu taudia na kahu gabuna amo e veridia isimu;
PSA 113:8 pavapava ida e hahelaidia heboumu, ena orea taudia edia pavapava ida.
PSA 113:9 Ia ese gabani hahinena na ena noho gabuna e heniamu, e hamoaleamu, memero kekeni sinadia ai e halaoamu. Iehova ba imodaia.
PSA 114:1 Israel na Aigupto amo e raka lasi, Iakob besena na gado-idau taudia edia amo e raka oho,
PSA 114:2 una negana ai Iuda na ena gabu helaḡana ai ela, Israel na ena basileia ai ela.
PSA 114:3 Davara e itaia, bena e heau, Ioridane sinavaina e lou ela;
PSA 114:4 ororo badadia e roho isi roho isi, mamoe mamaruanedia na heheto, bona ororo maraḡidia mamoe-mamoe na heheto.
PSA 114:5 Davara e, oi be edeheto, be o heaumu? Ioridane e, oi danu edeheto, be o Ioumu?
PSA 114:6 Ororo badadia e, umui be edeheto, be o roho isi roho isimu, mamoe mamaruanedia na heheto? Ororo maraḡidia e, umui danu edeheto, be mamoe-mamoe na o hetomu?
PSA 114:7 Tanobada e, Ḡaubada vairanai a heude-heude, Iakob ena Dirava vairanai.
PSA 114:8 Ia ese haga-nadina na gohu ai e halaoa, vasiga na ranu e lohilohimu gabuna ai e halaoa.
PSA 115:1 Dia ai emai ai, Iehova e, dia ai emai ai, a oi ladamu enai hairai bae henia, emu hebogahisi bona emu heabidadama daidiai.
PSA 115:2 Namona be dahaka bese idau-idau baeto “Edia Dirava be edeseni ai?”
PSA 115:3 Eda Dirava na guba ai, ena ura heḡereḡeredia e karamu.
PSA 115:4 Idia edia kaivakuku na silver bona gold, taunimanima imadia e kara ḡaudia.
PSA 115:5 Mai ududia, to asie herevamu; mai matadia, to asie itamu;
PSA 115:6 mai taiadia, to asie kamonaimu; mai udu-baubaudia, to asie bonabonamu;
PSA 115:7 mai imadia, to ḡau ta asie daua tohomu; mai aedia, to asie rakamu; bona gadodia na asi reḡedia.
PSA 115:8 Ikaradia taudia na idia heḡereḡeredia, bona e abidadama henidiamu taudia iboudiai danu.
PSA 115:9 Israel e, Iehova bavabidadama henia; ia na ikahadia bona edia kesi.
PSA 115:10 Aaron iduhuna e, Iehova bavabidadama henia; ia na ikahadia bona edia kesi.
PSA 115:11 Iehova garina o garimu taumui, Iehova bavabidadama henia; ia na ikahadia bona edia kesi.
PSA 115:12 Iehova vada e laloda tao; ia baine hanamoda; ia ese Israel besena baine hanamoa, ia ese Aaron iduhuna baine hanamoa;
PSA 115:13 ia ese Iehova garina e garimu taudia baine hanamodia, maraḡidia bona badadia danu.
PSA 115:14 Iehova ese garamui baine hahutumadia, umui garamui bona natumui garadia.
PSA 115:15 Iehova, guba bona tanobada ikaradia Diravana, ia ese baine hanamomui.
PSA 115:16 Guba na Iehova ena guba, a tanobada be ia ese taunimanima natudia vada e henidia.
PSA 115:17 Mase taudia ese Iehova asie imodaiamu, asi reḡereḡerena gabuna e lao heniamu taudia danu.
PSA 115:18 A ita ese Iehova baita hanamoa, hari ina negana amo ela bona hanaihanai. Iehova ba imodaia.
PSA 116:1 Iehova na lalokau heniamu, badina be gadogu bona egu noinoi danu vada e kamonai.
PSA 116:2 Badina be taiana vada e kirara egu ai; taunabunai lau ese ia baina boi henia, egu mauri dinadia iboudiai.
PSA 116:3 Mase ena idoa e ḡeḡegu ahuva, mase gabuna hisidia ese e gugubaguva, lalo-hisihisi bona dara-doko danu e alaguva.
PSA 116:4 Bena Iehova ladana na hahanea, nato “Iehova e, lau na noi henimumu, ba hamaurigu”.
PSA 116:5 Iehova na mai ena harihari-bada bona mai ena kara maoromaoro, eda Dirava na mai ena hebogahisi.
PSA 116:6 Iehova ese asi aonegana tauna e nariamu; na hekwakwanaiva negadia ai e hamauriguva.
PSA 116:7 Laumagu e, emu laḡa-ani gabuna ba lou henia, badina be Iehova ese vada e harihari henimu.
PSA 116:8 Badina be oi ese laumagu na mase amo vada o rauaia, iruru-matagu vada o dahu oho, aegu vada o rudia, basie hetutuhi.
PSA 116:9 Iehova vairanai na rakamu, mauri taudia edia tano ai.
PSA 116:10 Ena be lau nato “Vada na hisihisi hereamu”, to egu abidadama na ha-aukaia.
PSA 116:11 Egu kudou-hetaha ai lau nato “Taunimanima iboudiai ibadinadia na asi anina”.
PSA 116:12 Dahaka Iehova baina henia, ena harihari-bada idoinai egu ai na davana?
PSA 116:13 Hahemauri keherena baina abia isi, Iehova ladana baina hahanea.
PSA 116:14 Egu gwauhamata anidia na Iehova baina henia, ena orea taudia iboudiai vairadiai.
PSA 116:15 Iehova vairanai ḡau herea-daena na ena helaḡa taudia edia mase.
PSA 116:16 Iehova e, lau na emu hesiai tauna, lau na emu hesiai tauna, emu hesiai hahinena natuna; oi ese iḡuigu vada o ruha.
PSA 116:17 Oi ihanamomu na egu boubou ḡauna ai baina halaoa, bona Iehova ladana baina hahanea.
PSA 116:18 Egu gwauhamata anidia na Iehova baina henia, ena orea taudia iboudiai vairadiai,
PSA 116:19 Iehova ena ruma maḡudia lalodiai, Ierusalem e, oi bogaragimu ai. Iehova ba imodaia.
PSA 117:1 Bese idau-idau iboumui ai, Iehova ba imodaia; orea idau-idau taumui iboumui ai, ia ba heatolaia.
PSA 117:2 Badina be ena hebogahisi na bada ita edai, bona Iehova ena heabidadama na e hesiriu hanaihanaimu. Iehova ba imodaia.
PSA 118:1 Iehova ba hanamoa, badina be ia na namo; ena hebogahisi e hesiriu hanaihanaimu.
PSA 118:2 Israel na baineto, lena hebogahisi e hesiriu hanaihanaimu.
PSA 118:3 Aaron ena iduhu baineto, lena hebogahisi e hesiriu hanaihanaimu.
PSA 118:4 Iehova garina e garimu taudia baeto, lena hebogahisi e hesiriu hanaihanaimu.
PSA 118:5 Egu hisihisi lalona amo Iehova na boi henia, bena Iehova ese e haere henigu, bona e ruhagu nege.
PSA 118:6 Iehova na lau badibadigu ai dainai lau na asina garimu: taunimanima ese ede bae hadikagu toma?
PSA 118:7 Iehova na lau badibadigu ai, ikahagu totona; e inai henigumu taudia baina hadareredia.
PSA 118:8 Iehova enai baita roho mauri be namo, taunimanima baita abidadama henidia na dika.
PSA 118:9 Iehova enai baita roho mauri be namo, hanua pavapavadia baita abidadama henidia na dika.
PSA 118:10 Bese iboudiai e ḡeḡegu ahu, a Iehova ladana ai na hadareredia.
PSA 118:11 E geḡegu ahu, kaha iboudiai amo e kougu, a Iehova ladana ai na hadareredia.
PSA 118:12 E daigu kou, nanigo na heheto, e hururu-hururu, ava ḡiniḡini e aramu na heto, a Iehova ladana ai na hadareredia.
PSA 118:13 E dorigu lalo-dika, mokona na keto, a Iehova ese e durugu.
PSA 118:14 Iehova na egu goada bona egu ane; ia na vada e hamaurigu.
PSA 118:15 A hakala, kwalimu moale anedia, kara maoromaoro taudia edia kalaga ai; Iehova imana idibana na e ḡaukaramu mai kwalimuna ida.
PSA 118:16 Iehova imana idibana eme heabi isi, Iehova imana idibana na e ḡaukaramu mai kwalimuna ida.
PSA 118:17 Lau na basina mase, a do baina mauri; Iehova ena kara baina gwauraidia.
PSA 118:18 Iehova ese matagu vada e hakania, mata-hakani aukana amo, a se negegu mase enai.
PSA 118:19 Kara maoromaoro ikoukoudia na egu ai a kehodia, bena idia edia amo baina raka vareai, bona Iehova baina hanamoa.
PSA 118:20 Iehova ena ikoukou binai, kara maoromaoro taudia na iena amo bae raka vareai.
PSA 118:21 Lau na hanamomumu, badina be vada o haere henigu, bona vada o hamaurigu.
PSA 118:22 Ruma ilarebana taudia ese e dadaraia nadina na daiguni nadina ai vada ela.
PSA 118:23 Ina na Iehova ena kara; ta itaiamu, ta hoamu.
PSA 118:24 Ina na Iehova vada e karaia dinana; ia lalonai baita hisi dae, baita moale.
PSA 118:25 Iehova e, ai a noimumu, ba hamaurimai; Iehova e, ai a noimumu, kwalimu ba henimai.
PSA 118:26 Iehova ladana ai e maimu tauna aita hanamoa; Iehova ena ruma lalona amo vada a hanamomuimu.
PSA 118:27 Iehova na Dirava, ia ese diari vada e henida. Ba aru lao, imamui mai au heraheradia ida, ela bona ihaboulaina patana doana.
PSA 118:28 Oi na egu Dirava, baina hanamomu, oi na egu Dirava, baina heatolaimu.
PSA 118:29 Iehova ba hanamoa, badina be ia na namo; badina be ena hebogahisi e hesiriu hanaihanaimu.
PSA 119:1 Asi edia kerere e rakamu taudia, Iehova ena taravatu ai e rakamu taudia, idia na nanamo.
PSA 119:2 Ena hahediba herevadia e badinadiamu bona ia e tahuamu mai lalodia idoidiai taudia, idia na nanamo.
PSA 119:3 Idia na kara dika asie karamu, a iena dala ai e rakamu.
PSA 119:4 Oi ese vada o haḡanimai, emu hahedua herevadia na baia badinadia tarika-tarika.
PSA 119:5 Bama raka balaheni emu taravatu ibadinadia ai bema namo,
PSA 119:6 bena tau ta basine hahemaraigu; badina be emu haheḡani iboudiai baina raraidia tao.
PSA 119:7 Emu hahemaoro herevadia maoromaorodia baina diba negadia ai na baina imodaimu, mai lalogu maoromaorona ida.
PSA 119:8 Emu taravatu baina badinadia; basio negegu daure.
PSA 119:9 Eregabe tauna na ede baine raka ḡoevaḡoeva toma? Ena raka baine gimaia, emu hereva heḡereḡerena.
PSA 119:10 Mai lalogu idoinai na tahumumu, ba durugu, emu haheḡani basina rakatanidia.
PSA 119:11 Emu hereva na lalogu ai na balaia henimu, emu ai basina kara dika totona.
PSA 119:12 Iehova e, oi na namo; emu taravatu ba hadibagu.
PSA 119:13 Lau udugu bibinadia amo, oi udumu ena hahemaoro herevadia na gwauraimumu.
PSA 119:14 Emu hahediba herevadia dalana na moalelaia badamu, taḡa idoinai na moalelaia maraḡimu.
PSA 119:15 Emu hahedua herevadia baina haerodia, emu dala baina raraidia tao.
PSA 119:16 Emu taravatu baina moalelaidia, emu hereva na basina laloa boio.
PSA 119:17 Emu hesiai tauna ba hanamoa, bena baina mauri, bona emu hereva baina badinaia.
PSA 119:18 Matagu ba hapapa, bena emu taravatu lalona amo hoa ḡaudia baina itadia.
PSA 119:19 Lau na noho-kau taugu tanobada ai; emu haheḡani na egu amo basio hunidia.
PSA 119:20 Laumagu na eme daure, nega idoinai emu hahemaoro herevadia na ura henidia lalo-dikamu dainai.
PSA 119:21 Hekokoroku taudia, vada e baia taudia, oi ese vada o gwau henidia; idia ese oiemu haheḡani vada e rakatanidia.
PSA 119:22 Edia ihi-ihirai bona edia hedadarai na egu amo bavabi oho, badina be oiemu hahediba herevadia vada na badinadia.
PSA 119:23 Ena be hanua lohiadia na lau ihadikagu totona e henega boumu, to emu hesiai tauna ese emu taravatu baine haerodia.
PSA 119:24 Oiemu hahediba herevadia na egu moale ḡaudia, idia ese e hakaugumu.
PSA 119:25 Laumagu na ḡahu ai e goru dihomu; ba hamaurigu, emu hereva heḡereḡerena.
PSA 119:26 Egu dala na gwauraidia negana ai, oi ese o haere henigu; emu taravatu ba hadibalaigu.
PSA 119:27 Emu hahedua herevadia dalana ba hadibalaigu, bena emu hoa karadia baina haerodia.
PSA 119:28 Lalo-hisihisi dainai laumagu na e veve ohomu, emu hereva heḡereḡerena ai ba hagoadagu.
PSA 119:29 Dala koikoidia na egu amo bavato daudau; emu harihari-bada ai emu taravatu ba hadibalaigu.
PSA 119:30 Heabidadama dalana vada na abia hidi; emu hahemaoro herevadia na vairagu ai vada na atodia.
PSA 119:31 Iehova e, emu hahediba herevadia na badinadiamu; ba durugu, tau ta basine hahemaraigu.
PSA 119:32 Egu lalo-parara ba habadaia negana ai na emu haheḡani dalana ai baina heau.
PSA 119:33 Iehova e, emu taravatu dalana ba hadibagu, lau ese baina badinaia ela bona dokona.
PSA 119:34 Lalo-parara ba henigu, emu taravatu baina badinaia, bona baina abia dae mai lalogu idoinai.
PSA 119:35 Emu haheḡani dalana ai ba hakaugu, badina be una dala na moalelaiamu.
PSA 119:36 Lalogu na ba hamanadaia, emu hahediba herevadia ai, bena basina mata ḡaniḡani.
PSA 119:37 Matagu na ba naridia, ḡau asi anidia basie haḡeredia; emu dala ai ba hamaurigu.
PSA 119:38 Emu hesiai tauna enai emu gwauhamata ba hamomokania; una gwauhamata na e gari henimumu taudia edia.
PSA 119:39 Gwau-gwau, na gari heniamu ḡauna, na egu amo bavabia oho, badina be emu hahemaoro herevadia na nanamo.
PSA 119:40 A itaia, emu hahedua herevadia na ura henidia lalo-dikamu; emu kara maoromaoro ai ba hamaurigu.
PSA 119:41 Iehova e, emu hebogahisi ba henigu, bona emu hahemauri, emu gwauhamata heḡereḡerena.
PSA 119:42 Bena e ḡonaḡonalaigumu taudia na baina haere henidia diba, badina be emu hereva na abidadama heniamu.
PSA 119:43 Hereva momokanina na udugu amo basio abia oho vaitani, badina be emu hahemaoro herevadia na egu helaro.
PSA 119:44 Emu taravatu ibadinana basina hadokoa ela bona hanaihanai;
PSA 119:45 ura-kwalimu ai baina raka, badina be emu hahedua herevadia vada na tahudia.
PSA 119:46 Emu hahediba herevadia danu hanua pavapavadia vairadiai baina herevalai, bona tau ta basine hahemaraigu;
PSA 119:47 badina be emu haheḡani na ura henidiamu, idia lalodiai egu moale na davariamu.
PSA 119:48 Emu haheḡani, na ura henidiamu gaudia, na na matauraidiamu; emu taravatu baina haerodia.
PSA 119:49 Emu hesiai tauna o henia herevana na ba laloa tao, iena amo helaro o henigu.
PSA 119:50 Egu hisihisi ai egu tauhalo binai: emu gwauhamata ese e hamaurigumu.
PSA 119:51 Dirava garina asie garimu taudia ese e dadaraigu vaitanimu, a emu taravatu amo asina raka muri.
PSA 119:52 Emu hahemaoro herevadia gunadia na lalodiamu negana ai, Iehova e, taugu na e lomu.
PSA 119:53 Badu ḡaraḡara ese e abigumu, kara dika taudia daidiai, idia ese emu taravatu e rakataniamu dainai.
PSA 119:54 Emu taravatu na egu ane, egu dae-kau rumana ai.
PSA 119:55 Iehova e, hanuaboi ai oi ladamu na laloa taomu, emu taravatu na badinaiamu.
PSA 119:56 Ina hahenamo na egu ai vada e kau, emu hahedua herevadia vada na badinadia.
PSA 119:57 Iehova na lauegu; lau na gwau hamatamu, emu hereva baina badinadia.
PSA 119:58 Mai lalogu idoinai na noimumu, ba hanamogu, ba bogagu hisi, emu gwauhamata heḡereḡerena.
PSA 119:59 Emu dala na haerodia negadia ai, aegu na emu hahediba herevadia daladia ai e rakamu.
PSA 119:60 Lau na raka haraḡa-haraḡamu, asina halahemu, emu haheḡani ibadinadia ai,
PSA 119:61 Ena be kara dika taudia edia idoa ese e idoagumu, to emu taravatu asina reaiamu.
PSA 119:62 Malokihi ai na tore isimu, oi ihanamomu totona, emu hahemaoro herevadia maoromaorodia daidiai.
PSA 119:63 Lau na e gari henimumu taudia iboudiai bona emu hahedua herevadia e badinadia taudia bamodia.
PSA 119:64 Iehova e, tanobada na emu hebogahisi ai eme honu honu dae, emu taravatu ba hadibagu.
PSA 119:65 Iehova e, emu hesiai tauna vada o kara namo henia, emu hereva heḡereḡerena.
PSA 119:66 Lalo-parara bona aonega ba hadibagu, badina be emu haheḡani na abi daemu.
PSA 119:67 Hisihisi do se abigu negana ai na raka muri, a harihari emu hereva na badinaiamu.
PSA 119:68 Oi na namo, bona o kara namomu; emu taravatu ba hadibagu.
PSA 119:69 Dirava garina asie garimu taudia ese hereva koikoidia amo e hadikagumu, a lau ese mai lalogu idoinai emu hahedua herevadia na badinadiamu.
PSA 119:70 Lalodia na digara uduna masemasedia na heheto; a lau na emu taravatu na moalelaiamu.
PSA 119:71 Hisi na ani be namo, unu amo emu taravatu na lalo davari.
PSA 119:72 Udumu taravatuna na namo herea egu ai, gold bona silver monidia daha daha e hereadiamu.
PSA 119:73 Oi imamu ese vada e karagu, oromagu vada e henigu; lalo-parara danu ba henigu, emu haheḡani baina lalo davari helaoreana.
PSA 119:74 Oi garimu e garimu taudia bae itagu, bena bae moale, badina be emu hereva vada na laroa.
PSA 119:75 Iehova e, lau dibagu emu hahemaoro herevadia na mamaoro, bona heabidadama ai vada o hahisigu.
PSA 119:76 Emu lalokau ese taugu ihalona baine lailaia, emu hesiai tauna o gwau henia hamata heḡereḡerena.
PSA 119:77 Emu hebogahisi na egu ai baine kau, baina mauri totona; badina be emu taravatu na egu moale ḡauna.
PSA 119:78 Dirava garina e garimu taudia na bae hahemaraidia, badina be edia koikoi amo vada e dibaḡanigu; a lau ese emu hahedua herevadia baina haerodia.
PSA 119:79 Oi garimu e garimu taudia ese lau bae haḡeregu, bena emu hahediba herevadia bae dibadia.
PSA 119:80 Lalogu na asi kererena baine noho emu taravatu ai, bena basie hahemaraigu diba.
PSA 119:81 Laumagu ese emu hahemauri e ura henia lalo dikamu; emu hereva na laroamu.
PSA 119:82 Matagu e vaburamu emu gwauhamata inarina ai; na henanadaimu, na toma “Edena nega ai taugu ba haloa?”
PSA 119:83 Lau na vine ranuna ivedailaina kopina kwalahu ai e hetau daemu na heto, to emu taravatu asina lalodia boio.
PSA 119:84 Emu hesiai tauna baine haheauka ela bona edena nega ai? Edena nega ai e daḡedaḡe henigumu taudia ba hahemaoro henidia?
PSA 119:85 Dirava garina se garimu taudia ese rikiriki vada e karaia, lau iabigu totona, idia na emu taravatu asie badinaiamu.
PSA 119:86 Emu haheḡani iboudiai na momomo kakani; kara koikoi amo e hadikagumu; a kahagu.
PSA 119:87 Mokona vada e hamasegu tanobada ai, a lau ese emu hahedua herevadia asina rakatanidia.
PSA 119:88 Emu hebogahisi ai ba hamaurigu, bena udumu ena hahediba herevadia baina badinadia.
PSA 119:89 Iehova e, emu hereva na guba ai e mia hanaihanaimu.
PSA 119:90 Emu heabidadama na e hesiriumu ela bona uru. iboudiai; tanobada vada o hadaia, e gini tutuka-tutukamu.
PSA 119:91 Oi o gwau maoro dainai hari dina ai idia na gigini, badina be ḡau iboudiai ese oi isiaimu e lao henimu.
PSA 119:92 Emu taravatu basinama moalelaia, egu hisihisi ai bama mase.
PSA 119:93 Emu hahedua herevadia basina lalodia boio, lasi vaitani; badina be idia edia amo mauri vada o henigu.
PSA 119:94 Lau na oiemu, ba hamaurigu; badina be emu hahedua herevadia vada na tahudia.
PSA 119:95 Kara dika taudia na e bani taomu, bae alagu mase totona, a lau ese emu hahediba herevadia na haerodiamu.
PSA 119:96 Vada na itaia, asi ḡauna ta tanobada ai vada e namo guḡuru, a emu haheḡani na ḡamoḡa bada.
PSA 119:97 Emu taravatu na ura henia lalo dikamu; ia na egu haero-haero ḡauna dina idoinai.
PSA 119:98 Egu aonega ese inaigu edia aonega e hereaiamu, emu haheḡani ese lalogu vada e hapararaia dainai; badina be ia na egu ai hanaihanai.
PSA 119:99 Egu lalo-parara ese e hadibagu taudia iboudiai edia lalo-parara e hereadiamu, badina be emu hahediba herevadia na egu haero-haero ḡaudia.
PSA 119:100 Egu diba ese tatau burukadia edia diba na e hereaiamu, badina be emu hahedua herevadia na badinadiamu.
PSA 119:101 Aegu na dala dikadia iboudiai amo na rudiamu, emu hereva ibadinana totona.
PSA 119:102 Emu hahemaoro herevadia amo asina raka siri, badina be oi ese vada o hadibagu.
PSA 119:103 Emu hereva mamidia egu ai na daka gaiho! Edia gaiho mamina ese bada-ranuna gaihona e hereaiamu udugu ai.
PSA 119:104 Emu hahedua herevadia ese lalogu vada eme hapararaia, una dainai lau ese dala koikoidia iboudiai na inai henidiamu.
PSA 119:105 Emu hereva na lau aegu lamepana, bona egu dala diarina.
PSA 119:106 Vada na gwau hamata, bona egu gwauhamata vada na hamomokania, emu hahemaoro herevadia maoromaorodia baina badinadia.
PSA 119:107 Egu hisihisi na bada; Iehova e, ba hamaurigu, emu hereva heḡereḡerena.
PSA 119:108 Iehova e, egu heimodai herevadia bavabi dae; emu hahemaoro herevadia ba hadibagu.
PSA 119:109 Nega idoinai egu mauri na imagu ai, a emu taravatu asina reaiamu.
PSA 119:110 Kara dika taudia ese idoa vada e karaia, bae idoagu eto; a emu hahedua herevadia amo asina raka siri.
PSA 119:111 Emu hahediba herevadia na lau ahugu, ela bona hanaihanai; oibe, idia na lalogu ena moale badina.
PSA 119:112 Lalogu vada eme heḡaeḡae, emu taravatu karadia baina kara, nega iboudiai, ela bona dokona.
PSA 119:113 Lalo-rua taudia na inai henidiamu, a emu taravatu na ura heniamu.
PSA 119:114 Oi na egu komu gabuna bona egu kesi; emu hereva na laroamu.
PSA 119:115 Kara dika taumui e, egu amo ba raka oho, bena egu Dirava ena haheḡani baina badinadia diba.
PSA 119:116 Ba imudagu, emu gwauhamata heḡereḡerena, bena baina mauri, bona egu helaro ai tau ta ese basine hahemaraigu.
PSA 119:117 Egu imuda ai baola, bena baina mauri, bona emu taravatu baina lalodia loulou.
PSA 119:118 Emu taravatu amo e raka siri taudia iboudiai na o dadaraidiamu; oibe, edia aonega na asi anina.
PSA 119:119 Tanobada ena kara dika taudia iboudiai na negenege ḡaudia ai o halaodiamu; taunabunai emu hahediba herevadia na ura henidiamu.
PSA 119:120 Hidiogu e heude-heudemu, oi garimu na garimu dainai; emu hahemaoro herevadia danu na gari henidiamu.
PSA 119:121 Vada na kara ḡoevaḡoeva, vada na kara maoromaoro; e daḡedaḡe henigumu taudia imadia ai basio rakatanigu.
PSA 119:122 Turagu ai baola; Dirava garina asie garimu taudia ba laodia ahu, basie daḡedaḡe henigu.
PSA 119:123 Matagu vada eme hesiku, emu hahemauri irohana ai, bona emu gwauhamata maoromaoro ihaḡuḡuruna irohana ai danu.
PSA 119:124 Emu hebogahisi heḡereḡerena ai emu hesiai tauna ba kara henia, emu taravatu ba hadibagu.
PSA 119:125 Lau na emu hesiai tauna; lalo-parara ba henigu, bena emu hahediba herevadia baina diba.
PSA 119:126 Iehova ena kara baine hedinarai negana vada eme kau, badina be haida ese emu taravatu vada e tataia utu.
PSA 119:127 Taunabunai emu haheḡani na ura henidia badamu, gold daenai, oibe, gold namo-hereana daenai.
PSA 119:128 Una dainai emu hahedua herevadia iboudiai heḡereḡeredia ai aegu na davemu, dala koikoidia iboudiai na inai henidiamu.
PSA 119:129 Emu hahediba herevadia na nanamo heherea; una dainai laumagu ese e badinadiamu.
PSA 119:130 Emu hereva ikehodia ese diari e havaraiamu, asi aonegadia taudia lalodia e hadiaridiamu.
PSA 119:131 Udugu na haḡaiamu, na hodi dae hodi daemu, badina be emu haheḡani na ura henidia lalo-dikamu.
PSA 119:132 Ba haḡeregu, ba bogagu hisi, vaia oi ladamu e ura heniamu taudia o kara henidiamu heḡereḡerena.
PSA 119:133 Egu raka ba ha-aukaia, emu gwauhamata heḡereḡerena, kara dika ta basine biagugu.
PSA 119:134 Taunimanima edia daḡedaḡe amo ba hamaurigu, emu hahedua herevadia baina badinadia totona.
PSA 119:135 Oi vairamu diarina amo emu hesiai tauna ba hadiaria, emu taravatu ba hadibagu.
PSA 119:136 Iruru-matagu e aru badabadamu, badina be taunimanima ese emu taravatu asie badinaiamu.
PSA 119:137 Iehova e, emu kara na mamaoro-mamaoro; emu hahemaoro herevadia na mamaoro-mamaoro.
PSA 119:138 Emu hahediba herevadia na kara maoromaorodia ai vada o duanai, bona heabidadama idoinai Ialonai danu.
PSA 119:139 Lalogu siahuna ese e aragumu, badina be inaigu ese emu hereva e lalodia boiomu.
PSA 119:140 Emu gwauhamata vada e hekara toho ḡoeva; emu hesiai tauna ese e ura heniamu.
PSA 119:141 Lau na maraḡi, bona vada e dadaraigu, ḡau tamona, emu hahedua herevadia asina lalodia boiomu.
PSA 119:142 Emu kara maoromaorodia na maoromaoro hanaihanai, bona emu taravatu na momokani.
PSA 119:143 Hekwarahi bona hisihisi badadia na latagu ai eme kau, to emu haheḡani na moalelaidiamu.
PSA 119:144 Emu hahediba herevadia na maoromaoro hanaihanai, lalo-parara ba henigu, bena baina mauri.
PSA 119:145 Mai lalogu idoinai na taimu; Iehova e, a haere henigu; emu taravatu baina badinadia.
PSA 119:146 Na tai henimumu; a hamaurigu, bena emu hahediba herevadia baina badinadia.
PSA 119:147 Daba do se kiniamu na tore isimu, hekaha totona na taimu, emu hereva na larodiamu.
PSA 119:148 Hanuaboi gima negana ai matagu e nogamu, emu gwauhamata baina haeroa totona.
PSA 119:149 Emu hebogahisi ai gadogu a kamonai; Iehova e, emu kara maoromaoro ai do ba hamaurigu.
PSA 119:150 Edia lalo-hadai dikadia daidiai e daḡedaḡe henigumu taudia na e raka kahimu; idia bona emu taravatu padadia na daudau.
PSA 119:151 A oi, Iehova e, oi na kahira-kahira, bona emu haheḡani iboudiai na momomo-kakani.
PSA 119:152 Nega daudau emu hahediba herevadia vada na dibadia; vada o haginidia, bae gini hanaihanai.
PSA 119:153 Egu hisihisi ba itaia, ba hamaurigu, badina be emu taravatu asina laloa boiomu.
PSA 119:154 Idurugu herevana ba gwauraia, ba hamaurigu; mauri ba henigu, emu gwauhamata heḡereḡeredia.
PSA 119:155 Hahemauri bona kara dika taudia padadia na daudau, badina be idia ese emu taravatu asie tahudiamu.
PSA 119:156 Iehova e, emu hebogahisi na bada; mauri ba henigu, emu kara maoromaoro heḡereḡeredia ai.
PSA 119:157 E daḡedaḡe henigumu bona e inai henigumu taudia na hutuma, a emu hahediba herevadia amo asina raka sirimu.
PSA 119:158 Asi edia heabidadama taudia na itadiamu ai na lalogu e dikamu, badina be emu haheḡani asie badinadiamu.
PSA 119:159 Ba laloa, emu hahedua herevadia na ura henidia badamu; ba hamaurigu, emu hebogahisi heḡereḡerena ai.
PSA 119:160 Emu hereva iboudiai anidia na momokani, bona emu hahemaoro herevadia maoromaorodia iboudiai na e hesiriu hanaihanaimu.
PSA 119:161 Lohia ese e daḡedaḡe henigumu, asi badina; a lalogu ese emu hereva e matauraidiamu.
PSA 119:162 Emu hereva na moalelaiamu, abi-dadi kohudia e davarimu tauna ena moale na heto.
PSA 119:163 Koikoi na inai heniamu, na inai henia badamu; a emu taravatu na lalokau heniamu.
PSA 119:164 Dina ta ta ai, nega hahitu na imodaimumu, emu hahemaoro herevadia maoromaorodia daidiai.
PSA 119:165 Emu taravatu e wa heniamu taudia na maino badana e abiamu, ḡau ta ese basine hahekwakwanaidia diba.
PSA 119:166 Iehova e, emu hahemauri na laroamu, bona emu haheḡani na badinadiamu.
PSA 119:167 Laumagu na emu hahediba herevadia e badinadiamu; na ura henidia lalo-dikamu.
PSA 119:168 Emu hahedua herevadia bona emu hahediba herevadia na badinadiamu, badina be egu dala iboudiai na oi vairamu ai.
PSA 119:169 Iehova e, egu taitai aine vasi oi vairamu ai; lalo-parara ba henigu, emu hereva heḡereḡerena ai.
PSA 119:170 Egu noinoi aine dae vasi emu ai; ba hamaurigu, emu hereva heḡereḡerena ai.
PSA 119:171 Udugu bibinadia ese heimodai herevadia e gwaurai momomu, emu taravatu o hadibalaigumu dainai.
PSA 119:172 Malagu ese emu hereva baine anelaia, badina be emu haheḡani iboudiai na mamaoro-mamaoro.
PSA 119:173 Imamu na lau ikahagu baine heḡaeḡae, badina be emu hahedua herevadia vada na abidia hidi.
PSA 119:174 Iehova e, emu hahemauri na ura henia lalo-dikamu, bona emu taravatu na moalelaiamu.
PSA 119:175 Mauri ba henigu, baina imodaimu totona; emu hahemaoro herevadia amo ba durugu.
PSA 119:176 Lau vada na raka boioboio, dobi mamoena na heto; emu hesiai tauna ba tahua, badina be emu haheḡani herevadia asina lalodia boiomu.
PSA 120:1 Egu lalo-hisihisi ai Iehova na tai henia, baine haere henigu totona.
PSA 120:2 Nato: Iehova e, koikoi bibinadia bona hedibagani maladia amo ba hamaurigu.
PSA 120:3 Hedibaḡani malana e, dahaka baine henimu? ede ma baine kara henimu toma?
PSA 120:4 Tuari tauna ena diba mai matadia, roteme audia e aramu gidadia.
PSA 120:5 Madi ihabaigu, Mesek ai na noho hedoamu, Kedara kalagadia bogaragidiai na nohomu.
PSA 120:6 Egu noho vada eme daudau herea, maino e inai heniamu taudia bogaragidiai.
PSA 120:7 Lau na maino na uramu, a na herevamu negadia ai, idia na tuari e uramu.
PSA 121:1 Lau matagu na gaga isimu, ororo na haḡerediamu; ikahagu na ede amo e maimu?
PSA 121:2 Ikahagu na Iehova ena amo e maimu; ia ese guba bona tanobada e karadia.
PSA 121:3 Oi aemu ia ese baine naria, basine marere; oi igimamu Diravana na basine mahuta.
PSA 121:4 Oibe, Israel igimana Diravana na matana basine ḡaraia, basine mahuta.
PSA 121:5 Iehova na oi igimamu Diravana; Iehova na oi ihahemetaimu, idibamu kahana ai.
PSA 121:6 Dina siahuna basine hagoreremu dina ai, eiava hua hanuaboi ai.
PSA 121:7 Iehova ese dika iboudiai lalodia amo baine gimamu; ia ese emu mauri baine gimaia.
PSA 121:8 Emu raka lasi ai bona emu raka vareai ai Iehova ese baine gimamu, harihari ela bona hanaihanai.
PSA 122:1 “Iehova ena ruma aitala”; unu e hamaorogu toma negana ai na moale.
PSA 122:2 Ierusalem e, ai aemai vada e gini, emu ikoukou lalodiai.
PSA 122:3 Ierusalem na vada e hadaia, hanua badana, vada e hahekuboua tutuka-tutuka;
PSA 122:4 iduhu hidaosi ese e dara heniamu, Iehova ena bese iduhudia; hahediba herevana na Israel e henia heḡereḡerena, Iehova ladana bae hanamoa totona.
PSA 122:5 Hahemaoro teronodia unuseni ai e hadai, David garana edia terono bunu.
PSA 122:6 Ierusalem ena maino dainai ba guriḡuri! E ura henimumu taudia na bae namo.
PSA 122:7 Maino na emu maḡu ialodiai baine mia, bona mauri na emu kohoro lalodiai.
PSA 122:8 Tadikakagu bona bamogu bagudiai bainato “Maino na oi lalomu ai baine mia”.
PSA 122:9 Iehova, eda Dirava, ena ruma bagunai, oi namomu baina tahua.
PSA 123:1 Matagu na roha isimu oiemu ai, guba ai emu terono ai o helaimu Diravana e!
PSA 123:2 Hesiai taudia matadia ese biagudia imana e raraia taomu eiava hesiai kekenina matana ese biaguna hahinena imana e raraia taomu na heto, ita matada ese Iehova, eda Dirava, unu ta raraia tao tomamu, ela bona ia ese baine bogada hisi.
PSA 123:3 A bogamai hisi, Iehova e, a bogamai hisi, badina be taunimanima ese vada e kirikirilaimai ai vada a hesiku.
PSA 123:4 Nega daudau herea taḡa taudia edia heihi-ihirai bona heaḡi taudia edia hekinkirilai ese lalomai vada e hahonu.
PSA 124:1 Iehova na bema dia iseda kaha ai, (Harihari Israel ini baine gwau toma),
PSA 124:2 Iehova na bema dia iseda kaha ai, taunimanima ese e tuari henida neganai,
PSA 124:3 idia ese maurida ai bema hadonoda, edia badu na ita eda ai e siahuva ai;
PSA 124:4 bena aru ese bema aruda oho, abata ese bema habubunida,
PSA 124:5 hurehure ese bema ḡovada ahu.
PSA 124:6 Iehova aita hanamoa, badina be ia ese ita na idia dinadia ai se halaoda.
PSA 124:7 Vada ta roho mauri, manu ese manu-tahu taudia edia idoa amo e roho maurimu na heto; idoa vada e motu, bona vada ta roho mauri.
PSA 124:8 Ikahada na Iehova ladana ai; ia ese guba bona tanobada e karadia.
PSA 125:1 Iehova e abidadama heniamu taudia na Siona ororona na heto; basine marere diba, baine mia hanaihanai.
PSA 125:2 Ororo ese Ierusalem e ḡeḡea ahumu heḡereḡerena, Iehova ese ena orea taudia unu e ḡeḡedia ahu tomamu, hari ina negana amo ela bona hanaihanai.
PSA 125:3 Badina be kara dika ena dagi auna na kara maoromaoro taudia e henidia tanona latanai basine mia kara maoromaoro taudia na imadia bema toia roro bona kara dika bema kara na garina.
PSA 125:4 Iehova e, kara namo taudia na ba hanamodia, bona lalodia mamaoro-mamaoro taudia danu.
PSA 125:5 A dala gageva-gagevadia ai e rakamu taudia na Iehova ese kara dika taudia ida baine hakaudia lao. Maino na Israel ai baine mia.
PSA 126:1 Iehova ese Siona e hanamoa lou negana ai, ita na e nihimu taudia na heheto.
PSA 126:2 Una negana ita ududa na kiri ai e honu honu dae, bona malada e moale hisi dae. Bena bese idau-idau bogaragidiai ini e gwau toma: Iehova ese kara badadia vada e kara idia edia.
PSA 126:3 Oibe, Iehova ese kara badadia vada e kara ita eda; ita na ta moalemu.
PSA 126:4 Iehova e, ma ba hanamomai lou, diho kahana sinavaidia na heheto.
PSA 126:5 Mai iruru-matadia ida e hadohadomu taudia na mai moaledia ida bae ḡeiḡei;
PSA 126:6 uhe ihadodia totona mai taitaina ida e raka lasimu tauna na mai hisi-daena ida ena ruma baine lou henia, ena uit iḡuidia baine lasilaidia.
PSA 127:1 Iehova ese ruma basinema haginia negana ai, e haginiamu taudia na bema hekwarahi kava; Iehova ese hanua basinema gimaia negana ai, gima taudia na bema noga kava.
PSA 127:2 Asi anina daba ai o tore boiboimu, e laomu bona hanuamu e boimu, bena lagamu o animu, murinai lalo-hekwarahi anidia o animu; badina be ia ese ena lalokau taudia na mahuta e henidiamu.
PSA 127:3 A itaia, memero na Iehova ena herahia, boga anidia na ena harihari ḡaudia.
PSA 127:4 Eregabe tauna natuna na tuari tauna imana dibadia na heheto,
PSA 127:5 ena diba pauana e honumu tauna na e moalemu. Hanua ikoukouna ai ia inaina ida bae hereva negana ai, tau ta ese basine hahemaraia.
PSA 128:1 Iehova garina e garimu taudia iboudiai na nanamo; idia na iena dala ai e rakamu.
PSA 128:2 Imamu edia hekwarahi anidia do bavani; ba moale bona ba namo danu.
PSA 128:3 Adavamu emu ruma ai na vine auna mai huahuana na heto; natumu na olive tuhutuhudia na heheto, emu pata bae helaia heḡeḡe.
PSA 128:4 A laloa, Iehova garina e garimu tauna na unu baine namo toma.
PSA 128:5 Siona amo Iehova ese baine hanamomu, Ierusalem ena namo do ba itaia, emu mauri dinadia iboudiai;
PSA 128:6 tubumu do ba itadia danu. Maino na Israel latanai baine mia.
PSA 129:1 Merogu negana amo vada e hahisigu bada, (Harihari Israel ini baine gwau toma),
PSA 129:2 Merogu negana amo vada e hahisigu bada, to asie hadareregu.
PSA 129:3 Ruarua taudia ese dorugu e ruaia, edia ruarua gabudia e halatadia.
PSA 129:4 Iehova ena kara na maoromaoro; ia ese kara dika varodia vada e utudia.
PSA 129:5 Siona e inai heniamu taudia iboudiai na bae hahemaraidia bona bae haloudia.
PSA 129:6 Idia na ruma guhidia ai rei e varamu na heto: do se huahua ai na e maraimu,
PSA 129:7 bena iutuna tauna na imana ai se abiamu, bona iḡuina tauna na kemena ai se rosiamu;
PSA 129:8 e raka hanaimu taudia danu asie herevalaiamu, asie tomu “Iehova ena hahenamo na latamu ai baine mia, Iehova ladana ai a hanamomumu”.
PSA 130:1 Iehova e, dobu gabuna amo na tai henimumu. Ḡaubada e, gadogu a kamonai.
PSA 130:2 Taiamu ae kirara, egu noinoi a hakala henia.
PSA 130:3 Iehova e, kara dika boma lalo tao, Ḡaubada e, daika bema gini?
PSA 130:4 A dika igwau-taodia na oiemu amo, una dainai oi garimu bae gari.
PSA 130:5 Iehova na nariamu, laumagu ese e nariamu, iena hereva na laroamu.
PSA 130:6 Laumagu ese Ḡaubada e nariamu, hegima taudia ese daba e nariamu na e hereadiamu, hegima taudia ese daba e nariamu na e hereadiamu.
PSA 130:7 Israel e, Iehova ba laroa. Badina be Iehova na mai ena hebogahisi, bona ena hahemauri na bada herea.
PSA 130:8 Ia ese Israel na ena kara dika iboudiai lalodia amo baine hamauria.
PSA 131:1 Iehova e, lalogu na se heabi isimu, matagu na se roha isi badabadamu. Ḡau bada-hereadia bona hoa bada karadia na asina ḡaukaralaidiamu.
PSA 131:2 A laumagu vada na hakerua bona vada na hamanaua, mero maragina na sinana kemena ai e manaumu na heto; laumagu na vada e hamanaua merona na heto.
PSA 131:3 Israel e, Iehova ba laroa, hari ina nega amo, ela bona hanaihanai.
PSA 132:1 Iehova e, David ba laloa; hisi-ani e haheaukalaia ba laloa tao.
PSA 132:2 Ia ese Iehova e gwau henia hamata, Iakob ena Dirava herea-daena e gwau henia hamata.
PSA 132:3 Nato: Egu ruma lalonai basina raka vareai, egu mahuta patana ai basina hekure,
PSA 132:4 matagu basina hamahutadia, matagu kopidia basina hakapudia,
PSA 132:5 ela bona Iehova ena gabu ta baina davaria, Iakob ena Dirava herea-daena ena noho gabuna ta.
PSA 132:6 Efrata ai sivaraina ta kamonai, Iara umadia ai ta davaria.
PSA 132:7 Ena noho gabuna aitala, aena ihadaina ḡauna vairanai baita toma diho.
PSA 132:8 Iehova e, a tore isi, emu laḡa-ani gabuna baola, oi bona emu siahu mauana helaḡana.
PSA 132:9 Emu hahelaḡa taudia na kara maoromaoro bae hahedokilai; emu helaḡa taudia na bae hisi dae.
PSA 132:10 Emu hesiai tauna David bagunai, vada o horoa tauna ena amo basio mede kerehai.
PSA 132:11 Iehova ese gwauhamata aukana David e henia, unu amo ia na basine lou. Eto: Natumu adorana ta emu terono ai baina hahelaia.
PSA 132:12 Bema natumu ese egu taravatu bae badinaia, bona egu hahediba herevadia, baina hadibalaidia ḡaudia, idia natudia danu emu terono ai bae helai, ela bona hanaihanai.
PSA 132:13 Badina be Iehova ese Siona e abia hidi; e ura henia, ena noho gabuna ai bainela.
PSA 132:14 Eto: Egu laḡa-ani gabuna binai, ela bona hanaihanai; iniseni ai baina noho, badina be vada na ura heniamu.
PSA 132:15 Ena roge baina hahonudia, ena ogoḡami taudia na adia baina henidia.
PSA 132:16 Ena hahelaḡa taudia na hahemauri amo baina hadokilaidia, ena helaḡa taudia na bae hisi dae.
PSA 132:17 Unuseni ai David ena doa ta baina havaraia; lamepa ta vada na abia heḡaeḡae, na horoa tauna ena.
PSA 132:18 Ia inaina na hemarai amo baina hadokilaidia, a ia be ena havava ḡauna ese baine hadiaria.
PSA 133:1 A itaia, tadikaka bae noho hebou mai lalodia tamona, una na namo, bona mai moalena danu.
PSA 133:2 Una na dehoro namo-hereana kwara ai na heto, auki-huina amo e veve dihomu, Aaron aukina huina amo e veve dihomu, ena dabua aiona ai.
PSA 133:3 Una na Heremon hununa na heto, Siona ororona ai e dihomu. Badina be unuseni ai Iehova ese hahenamo vada e hahedualaia. Hahenamona binai: mauri hanaihanai.
PSA 134:1 Aoma, Iehova ba hanamoa, umui Iehova ena hesiai taumui iboumui ai, hanuaboi idoinai Iehova ena ruma ai o ginimu taumui.
PSA 134:2 Imamui ba dudui isi, gabu helaḡana enai, bona Iehova ba hanamoa.
PSA 134:3 Iehova, guba bona tanobada ikaradia Diravana, ia ese Siona amo baine hanamomui.
PSA 135:1 Iehova ba imodaia. Iehova ladana ba imodaia; umui Iehova ena hesiai taumui, heimodai ba henia,
PSA 135:2 umui Iehova ena ruma ai o ginimu taumui, iseda Dirava ena ruma maḡudia ai o ginimu taumui.
PSA 135:3 Iehova ba imodaia, badina be Iehova na namo; ia ladana ba heatolaia emui ane ai, badina be ia na mai ena harihari-bada.
PSA 135:4 Badina be Iehova ese Iakob vada e abia hidi, ia sibona ena; Israel na iena korikori.
PSA 135:5 Badina be lau dibagu Iehova na bada; eda Ḡaubada ese dirava iboudiai e hereadiamu.
PSA 135:6 Badina be Iehova na sibona ena ura e karamu, guba ai bona tanobada ai, bona davara ai bona dobu gabudia iboudiai.
PSA 135:7 Ia ese ori e hadaediamu, tanobada dokona amo; bona kevaru e karaiamu, medu ena, bona lai na ena roge amo e halasidiamu.
PSA 135:8 Ia ese Aigupto ai natu-roboadia e aladia mase, taunimanima natudia roboadia bona boroma natudia roboadia.
PSA 135:9 Aitupto e, oi bogaragimu ai, ia ese toa bona hoa karadia e siaidia, Farao bona ena hesiai taudia iboudiai ihadikadia.
PSA 135:10 Ia ese bese momo e habuadia tari, bona pavapava mai siahudia e aladia mase:
PSA 135:11 Sihon, Amoro taudia edia pavapava, bona Og, Basan pavapavana, bona Kanaan basileiadia iboudiai.
PSA 135:12 Edia tano e heni lao, haida ese e ḡaunaia, ena orea taudia Israel ese e ḡaunaia.
PSA 135:13 Iehova e, oi ladamu na e hesiriu hanaihanaimu; Iehova e, oi harimu na laḡani laḡani e miamu.
PSA 135:14 Badina be Iehova ese ena orea taudia na maorodia baine gwaurai, bona ena hesiai taudia na baine bogadia hisi.
PSA 135:15 Bese idau-idau edia kaivakuku na silver bona gold amo e karadiamu, taunimanima imadia karakaradia:
PSA 135:16 mai ududia, to asie herevamu; mai matadia, to asie itamu;
PSA 135:17 mai taiadia, to asie kamonaimu; bona asi laḡadia ududia ai.
PSA 135:18 E karadiamu taudia na idia heḡereḡeredia ai baela; oibe, e abidadama henidiamu taudia iboudiai danu.
PSA 135:19 Israel besena e, Iehova ba hanamoa; Aaron iduhuna e, Iehova ba hanamoa;
PSA 135:20 Levi iduhuna e, Iehova ba hanamoa; Iehova garina o garimu taumui e, Iehova ba hanamoa.
PSA 135:21 Siona amo Iehova ba hanamoa; ia na Ierusalem ai e nohomu. Iehova ba imodaia.
PSA 136:1 Iehova ba hanamoa, badina be ia na namo; ena hebogahisi na e hesiriu hanaihanaimu.
PSA 136:2 Dirava edia Dirava ba hanamoa; badina be ena hebogahisi na e hesiriu hanaihanaimu.
PSA 136:3 Lohia edia Lohia ba hanamoa; badina be ena hebogahisi na e hesiriu hanaihanaimu.
PSA 136:4 Sibona hoa bada karadia e karamu Diravana ba hanamoa; badina be ena hebogahisi na e hesiriu hanaihanaimu.
PSA 136:5 Ena aonega amo guba e karaia; badina be ena hebogahisi na e hesiriu hanaihanaiamu.
PSA 136:6 Tanobada na davara latadiai e idia roro; badina be ena hebogahisi na e hesiriu hanaihanaimu.
PSA 136:7 Diari ḡaudia badadia e karadia; badina be ena hebogahisi na e hesiriu hanaihanaimu.
PSA 136:8 Dina tara ese dina e biaguamu; badina be ena hebogahisi na e hesiriu hanaihanaimu.
PSA 136:9 Hua bona hisiu ese hanuaboi e biaguamu; badina be ena hebogahisi na e hesiriu hanaihanaimu.
PSA 136:10 Aigupto ai natu-roboadia e aladia mase Diravana ba hanamoa; badina be ena hebogahisi na e hesiriu hanaihanaimu.
PSA 136:11 Idia bogaragidia amo Israel e hakaudia lasi; badina be ena hebogahisi na e hesiriu hanaihanaimu.
PSA 136:12 Imana na mai goadana ida e toia roro; badina be ena hebogahisi na e hesiriu hanaihanaimu.
PSA 136:13 Davara Kakakakana e hapararaia; badina be ena hebogahisi na e hesiriu hanaihanaimu.
PSA 136:14 Israel taudia na bogaragina amo e harakadia hanai; badina be ena hebogahisi na e hesiriu hanaihanaimu.
PSA 136:15 A Farao bona ena tuari oreana na Davara Kakakakana ai e hadareredia; badina be ena hebogahisi na e hesiriu hanaihanaimu.
PSA 136:16 Ena orea taudia na tano ḡaḡaena amo e hakaudia hanai; badina be ena hebogahisi na e hesiriu hanaihanaimu.
PSA 136:17 Pavapava badadia e aladia; badina be ena hebogahisi na e hesiriu hanaihanaimu.
PSA 136:18 Bona pavapava mai haridia e aladia mase; badina be ena hebogahisi na e hesiriu hanaihanaimu.
PSA 136:19 Sihon, Amoro pavapavana; badina be ena hebogahisi na e hesiriu hanaihanaimu.
PSA 136:20 Bona Og, Basan pavapavana; badina be ena hebogahisi na e hesiriu hanaihanaimu.
PSA 136:21 Bena edia tano na haida e henidia, bae ḡaunaia; badina be ena hebogahisi na e hesiriu hanaihanaiamu.
PSA 136:22 Ena hesiai tauna Israel ese e ḡaunaia; badina be ena hebogahisi na e hesiriu hanaihanaimu.
PSA 136:23 Ia ese e laloda tao eda noho dika ai; badina be ena hebogahisi na e hesiriu hanaihanaimu.
PSA 136:24 Bona inaidia imadia amo e harohoda mauri; badina be ena hebogahisi na e hesiriu hanaihanaimu.
PSA 136:25 Ia ese mauri ḡaudia iboudiai adia e henidiamu; badina be ena hebogahisi na e hesiriu hanaihanaimu.
PSA 136:26 Guba Diravana ba hanamoa; badina be ena hebogahisi na e hesiriu hanaihanaimu.
PSA 137:1 Babulono sinavaidia badibadidiai, a helai dihova, a taiva, Siona a laloa taova negadia ai.
PSA 137:2 Unuseni ai emai hatai-hatai ḡaudia na sinavai isedia audia ai a taudia dae.
PSA 137:3 Badina be unuseni ai e ḡuimai taudia ese e haḡanimai, ane baia abi, e hahisimai taudia ese e haḡanimai, baia moale; “Siona anedia ta bavabia” eto.
PSA 137:4 Idau tano ai Iehova ena ane na ede baia abia toma?
PSA 137:5 Ierusalem e, bama lalomu boio, imagu bema heveri;
PSA 137:6 basinama lalomu tao, bona egu moale ḡauna hereana daenai Ierusalem basinama atoa, malagu na udugu atai maona ai bema kape dae.
PSA 137:7 Iehova e, Ierusalem ena dina ba laloa tao, Edom taudia latadiai. Idia e tomava: A ḡiḡia dobi, a ḡiḡia dobi, a ḡiḡia rohoroho.
PSA 137:8 Babulono natuna hahinena e, hahebua-tari hahinemu: o kara henimaiva karadia davadia ma baine halou henimu tauna na baine moale;
PSA 137:9 bona natumu maraḡidia baine abidia, haga-nadina ai baine huaridia, tauna na baine moale.
PSA 138:1 Iehova e, mai lalogu idoinai na hanamomumu; dirava vairadiai na imodaimumu egu ane ai.
PSA 138:2 Emu dubu helaḡana vairanai na igo dihomu, bona ladamu na hanamoamu, emu hebogahisi bona emu heabidadama daidiai; badina be ladamu bona emu hereva vada o abidia isi ḡau iboudiai daediai.
PSA 138:3 Na boiboi dinana ai o haere henigu, bona laumagu goadana o habadaia.
PSA 138:4 Iehova e, tarlobada pavapavadia iboudiai bae imodaimu, badina be udumu herevadia vada e kamonai;
PSA 138:5 Iehova ena dala bae anelaidia, badina be Iehova hairaina na bada.
PSA 138:6 Badina ena be Iehova na atai ai, to manau taudia na e haḡerediamu; a hekokoroku taudia na dauha amo e dibadiamu.
PSA 138:7 Ena be hekwakwanai ḡaudia lalodiai na rakamu, to oi ese egu mauri o rauaiamu. Imamu o toia roromu, inaigu edia badu o laoa ahumu; bona imamu idibana ese e hamaurigumu.
PSA 138:8 Iehova ese ena lalo-hadai baine haḡuḡurua egu ai. Iehova e, emu hebogahisi na e hesiriu hanaihanaimu; imamu karakarana ḡaudia basio rakatanidia.
PSA 139:1 Iehova e, lalogu vada o tahua, vada o dibagu;
PSA 139:2 egu helai diho, egu tore isi, oi dibamu; dauha amo egu lalo-hadai o dibadiamu.
PSA 139:3 Egu raka o itaia taomu, egu hekure diho danu; egu kara iboudiai na oi dibamu.
PSA 139:4 Malagu ese hereva ta do se gwauraia negana ai, Iehova e, una hereva na vada o diba vaitani.
PSA 139:5 Oi ese o gunalaigumu, o gabelaigumu, imamu na latagu ai vada o atoa kau.
PSA 139:6 Aonega enehetomana na hoalaia badamu; ia na atai ai, idavarina na asi dibagu.
PSA 139:7 Oi Laumamu ena amo lau ede bainala? Oi vairamu ena amo lau ede baina heau henia?
PSA 139:8 Guba ai bama dae, to oi na unuseni ai; mase taudia edia gabu ai egu geda bama lahaia, ai danu.
PSA 139:9 Daba hanina bama abi, bama roho lao, gadobada daudauna ai bama hanoho,
PSA 139:10 unuseni ai danu oi imamu ese bema hakaugu, oi imamu idibana ese bema dogogu tao.
PSA 139:11 Bama toma “Dibura ese baine gorugu ahu, bona e ḡeḡegu daemu diarina na baine dibura”;
PSA 139:12 to, dibura na dia dibura oiemu ai, hanuaboi eme diari dina heḡereḡerena; badina be dibura bona diari na heḡereḡere oiemu ai.
PSA 139:13 Oi ese taugu anina o karaia, sinagu bogana ai o karagu.
PSA 139:14 Na imodaimumu, badina be oi na mai garimu bona mai hoamu; emu kara na hoa ḡaudia. Oi na dibamu herea lau;
PSA 139:15 gabu hehunina ai taugu e hekara; tanobada ena dobu gabudia ai e hekara ḡoevaḡoeva negana ai, taugu anitarana na emu amo se hehuni.
PSA 139:16 Tau-anigu na do asi oromana negana ai, oi matamu ese e itagu; dina o karadia egu na iboudiai emu buka ai vada e tore, ta do se vara negana ai.
PSA 139:17 Dirava e, emu lalo-hadai na ḡoeva-dae egu ai, idia na daka hutuma;
PSA 139:18 bama duahidia, idia na miri na heto. Na nogamu negana ai, lau na doini oi ida.
PSA 139:19 Dirava e, kara dika taudia boma aladia mase bema namo; bona rara ihahebubuna e uramu taudia bema rakatanigu danu bema namo;
PSA 139:20 idia ese e gwau edeede henimumu mai daḡedaḡedia ida, idia ese e inai henimumu, bae hadikamu totona.
PSA 139:21 Iehova e, e inai henimumu taudia na na inai henidiamu ani? e daḡedaḡe henimumu taudia na na badu henidiamu ani?
PSA 139:22 Na inai henidia lalo dikamu; idia na lau inaigu na tomamu.
PSA 139:23 Dirava e, ba tahugu, lalogu na ba diba; ba tohogu, egu lalo-hadai ba dibadia.
PSA 139:24 Ba itaia, dala dikana ta lalogu ai e miamu eiava; bona mia hanaihanai dalana ai ba hakaugu.
PSA 140:1 Iehova e, kara dika taudia edia amo ba harohogu mauri; daḡedaḡe taudia edia amo ba hamaurigu.
PSA 140:2 Idia ese kara dikadia e lalo hadailaimu, bona tuari e havaradia louloumu.
PSA 140:3 Maladia na e hamatakamu, gaigai malana na heto; bibinadia henudiai na hekori gaigaidia edia mase muramurana. (Selah)
PSA 140:4 Iehova e, kara dika taudia imadia amo ba gimagu, daḡedaḡe taudia edia amo ba hamaurigu; idia ese aegu ihahetutuhidia dalana vada e haeroa.
PSA 140:5 Heaḡi taudia ese rikiriki vada e hunia, iabigu totona, huo vada e otoa, dala isena ai idoalaigu ḡaudia vada e kara. (Selah)
PSA 140:6 Iehova na hamaoroamu, na tomu “Oi na egu Dirava”; Iehova e, egu noinoi herevadia ba hakala heni.
PSA 140:7 Iehova e, egu Ḡaubada, ihamaurigu tauna mai goadamu, tuari dinana ai kwaragu vada o laoa ahu.
PSA 140:8 Iehova e, kara dika tauna ena ura basio henia; ena lalo-hadai dikana basio durua. (Selah)
PSA 140:9 E ḡeḡegu daemu taudia na kwaradia e abidia isimu; bibinadia herevadia dikadia ese bae hadareredia;
PSA 140:10 lahi gidadia na latadiai bae moru, guri ai bae tahodia dobi, basie tore isi lou,
PSA 140:11 Taunimanima ihadikadia herevadia e gwauraimu tauna na tano ai basine noho taritari; dika ese daḡedaḡe tauna na baine lasia tao haraḡa.
PSA 140:12 Lau dibagu Iehova ese hisi e animu tauna ena dala baine hamiaia, bona e dabumu tauna na ahuna maorona baine henia.
PSA 140:13 Momokani, kara maoromaoro taudia ese oi ladamu bae hanamoa, kara ḡoevaḡoeva taudia na oi vairamu ai bae noho.
PSA 141:1 Iehova e, na boi henimumu, aoma haraḡa dekegu ai, na boi henimumu negana ai ba hakala henigu.
PSA 141:2 Egu ḡuriḡuri na muramura mai bonana ai bainela oi vairamu ai, bona imagu na dudui isimu na adorahi boubouna ai bainela.
PSA 141:3 Iehova e, udugu ba gimaia, udugu bibinadia iduarana ba naria.
PSA 141:4 Lalogu na basio kehoa, dika ḡauna ta enai; bona kara dika ihekwarahilaidia ai kara havara taudia ida basina hebou, edia aniani ḡaudia namodia danu basina ani.
PSA 141:5 Tau namona ese ena hebogahisi ai baine kwadigu eiava baine gwau henigu be namo, a kara dika taudia edia dehoro amo nega ta kwaragu basie horoa; badina be nega idoinai edia kara dika ilao-ahudia ḡuriḡuridia na gwauraimu.
PSA 141:6 Bae revadia taudia imadia ai bae kau negana ai, lalodia na bae parara, Iehova ena hereva na momokani.
PSA 141:7 Haga nadina na ta hamakohiamu, tano ai ta ḡiḡia rohorohomu na heto, idia turiadia na unu bae karadia toma, mase gabuna iduarana ai.
PSA 141:8 Ḡaubada Iehova e, lau oi na hageremumu; oiemu ai na roho maurimu; asi igimagu ai basio rakatanigu.
PSA 141:9 Iabigu totona vada e atoa rikirikina amo ba rauagu; kara dika taudia edia idoa amo ba hamaurigu.
PSA 141:10 Kara dika taudia na sibodia edia huo ai bae heabi, a lau baina roho mauri.
PSA 142:1 Eregu amo Iehova na tai heniamu, eregu amo Iehova na noinoi heniamu.
PSA 142:2 Egu lalo-hisihisi na ia vairanai na herevalaiamu, egu lalo-hekwarahi na ia vairanai na gwauraiamu.
PSA 142:3 Laumagu e dauremu negana ai, egu dala oi mai dibamu. Na rakalaiamu dalana ai, iabigu rikirikina vada e hunia.
PSA 142:4 Idiba kahana na roha heniamu bona na henarimu, a ta ese se lalogumu; asi egu roho-mauri gabuna ta, asi tauna ta ese e dosigumu.
PSA 142:5 Iehova e, na tai henimumu, na tomu “Egu roho-mauri gabuna na oi, oi na lau ahugu, mauri taudia edia tano ai”.
PSA 142:6 Egu noinoi a kamonai, badina be vada e taogu tao. E daḡedaḡe henigumu taudia edia amo ba hamaurigu, badina be lauegu ai idia na gogoada heherea.
PSA 142:7 Dibura rumana amo ba hakaugu lasi, bena oi ladamu baina hanamoa. Kara maoromaoro taudia ese bae gegegu ahu, badina be oi ese ba harihari henigu.
PSA 143:1 Iehova e, egu ḡuriḡuri a kamonaia, egu noinoi a hakala henia. Emu heabidadama ai bona emu kara maoromaoro ai ba haere henigu.
PSA 143:2 Emu hesiai tauna basio hahemaoro henia, badina be harihari e maurimu tauna ta asi ena maoromaoro oi vairamu ai.
PSA 143:3 Badina be inai tauna vada e havagu, egu mauri na tano ai vada e taoa tao, dibura gabuna ai vada e atogu, idau nega masedia na heheto.
PSA 143:4 Taunabunai laumagu na e mase rea Ialogu ai, bona kudougu na eme hetaha tau-anigu ai.
PSA 143:5 Sene negana na laloamu, emu kara iboudiai na haerodiamu, imamu karakaradia na haerodiamu.
PSA 143:6 Imagu na dudui isimu emu ai, laumagu e ranu mase henimumu, tano kaukauna na heto. (Selah)
PSA 143:7 Iehova e, a haere henigu haraḡa; laumagu na e manokamu. Vairamu na egu ai basio hunia, mase gurina ai e dihomu taudia heḡereḡeredia ai bainala na garina.
PSA 143:8 Daba ai emu hebogahisi sivaraina baina kamonai, badina be na abidadama henimumu; egu lao dalana ba hadibagu, badina be laumagu na emu ai na abia isimu.
PSA 143:9 Iehova e, inaigu edia amo ba hamaurigu; oiemu ai vada na roho mauri.
PSA 143:10 Emu ura ikarana ba hadibagu, badina be oi na egu Dirava. Emu lauma namona ese baine hakaugu, dala heinina ai.
PSA 143:11 Iehova e, oi ladamu dainai egu mauri ba rauaia, emu kara maoromaoro ai hisihisi amo ba hakaugu lasi.
PSA 143:12 Emu hebogahisi ai lau inaigu na ba negedia dawe, e tuari henigumu taudia iboudiai na ba habuadia tari, badina be lau na emu hesiai tauna.
PSA 144:1 Iehova, egu nadi-gini, na hanamoamu; ia ese imagu e hadibadiamu, tuari ai, bona imagu kwakiwakidia danu heatu ai.
PSA 144:2 Ia na egu nadi-gini bona egu kohoro, igimagu bona ihamaurigu, egu kesi bona egu roho-mauri gabuna. Ia ese bese idau-idau na ia aena henudiai e atodiamu.
PSA 144:3 Iehova e, taunimanima be dahaka oi ese o haḡereamu? Taunimanima natuna be daika, oi ese o laloamu?
PSA 144:4 Taunimanima na hahodi tamona na heto, ena mauri dinadia na ikerukeru e hanaimu na heto.
PSA 144:5 Iehova e, emu guba ba haevaia, ba diho. Ororo ba daudia toho, bena bae ara;
PSA 144:6 kevaru ba hakevarua isi, ba hakarohodia rohoroho; emu diba ba kinodia, ba hadareredia.
PSA 144:7 Imamu na atai amo ba toia dobi, ranu momo lalodia amo ba rauagu bona ba hamaurigu, bona idau bese taudia imadia amo danu.
PSA 144:8 Idia ududia ese koikoi herevadia e gwauraimu, idia imadia idibadia na idiba koikoidia.
PSA 144:9 Dirava e, ane matamatana baina abia emu, varo-gwauta gitarana baina hataia, oi ihanamomu.
PSA 144:10 Oi ese pavapava na kwalimu o henidiamu, oi ese emu hesiai tauna David o hamauriamu.
PSA 144:11 Dare mai hisina amo ba hamaurigu, bona idau bese taudia imadia amo ba harohogu mauri; idia ududia ese koikoi herevadia e gwauraimu, bona imadia idibadia na idiba koikoidia.
PSA 144:12 Natuda mamaruanedia na maraḡidia amo bae bada oho bada oho, au babada na heheto; bona natuda hahinedia daiguni dudia na heheto, vada e utu, pavapava ena ruma ḡaudia.
PSA 144:13 Eda roge na bae honu honu dae, aniani ḡaudia idau-idau amo; eda mamoe na natudia daha daha bae havaradia, eda rei gabudia ai bae gerebu gerebu.
PSA 144:14 Eda boromakau na bae rogorogo, bona ta basine mara dika; eda hanua ariaradia ai na lalo-hisihisi taitaidia basie vara.
PSA 144:15 Hahenamo unuhetomadia e abimu besena na e moalemu; ena Dirava be Iehova besena na e moalemu.
PSA 145:1 Egu Dirava bona egu Pavapava, oi baina imodaimu, bona oi ladamu baina hanamoa ela bona hanaihanai.
PSA 145:2 Dina iboudiai baina hanamomu, bona ladamu baina imodaia ela bona hanaihanai.
PSA 145:3 Iehova na bada, ia iheatolaina danu baine bada; ena herea-dae na asi itahuna dalana.
PSA 145:4 Uru ta ese uru ta enai emu ḡaukara baine hanamolaia, bona emu siahu karadia baine gwaurai hedinarai.
PSA 145:5 Emu lohia toadia hairaidia bona emu hoa karadia baina haerodia.
PSA 145:6 Emu kara siahudia mai garidia na taunimanima ese bae gwauraidia; emu herea-dae baina gwauraia hedinarai.
PSA 145:7 Emu harihari-bada haridia bae hapiu, bona emu kara maoromaoro na bae anelai lalo-dika.
PSA 145:8 Iehova na mai ena harihari-bada bona mai ena hebogahisi; ena badu e halahemu, ena hebogahisi na bada herea.
PSA 145:9 Iehova ese taunimanima iboudiai e kara namo henidiamu, vada e kara ḡaudia iboudiai na ia ese e bogadia hisimu.
PSA 145:10 Iehova e, o kara ḡaudia iboudiai ese bae hanamomu, bona emu helaḡa taudia ese bae imodaimu.
PSA 145:11 Emu basileia hairaina bae herevalaia, bona emu siahu bae gwauraia;
PSA 145:12 emu siahu karadia na taunimanima natudia bae hadibalaidia, bona emu basileia hairaina ḡoeva-daena danu.
PSA 145:13 Emu basileia na mia-hanaihanai basileiana, emu lohia na e hesiriumu uru iboudiai lalodiai. Iehova na mai ena heabidadama, ena hereva iboudiai lalodiai, bona mai ena harihari-bada, ena kara iboudiai lalodiai.
PSA 145:14 Iehova ese e ketomu taudia iboudiai na e abidia isimu; e nunumaidia tarimu taudia iboudiai na ia ese e veridia toremu.
PSA 145:15 Mata iboudiai ese oi e haḡeremumu; oi ese adia o henidiamu, ta ta ena nega ena nega ai.
PSA 145:16 Oi imamu o kehoamu, mauri ḡaudia iboudiai bogadia o hakunudiamu.
PSA 145:17 Iehova ena dala iboudiai na mamaoro-mamaoro, ena kara idoinai na mai hebogahisina.
PSA 145:18 Iehova na e boi heniamu taudia iboudiai dekedekediai, e boi heniamu mai momokanidia ida taudia iboudiai dekedekediai.
PSA 145:19 Ia garina e garimu taudia iboudiai edia ura na ia ese e haḡuḡuruamu, edia taitai danu e kamonaimu, bona e hamauridiamu.
PSA 145:20 Ia e ura heniamu taudia iboudiai na Iehova ese e hamauridiamu, a kara dika taudia iboudiai na ia ese baine habuadia tari.
PSA 145:21 Lau udugu ese Iehova baine imodaia; taunimanima iboudiai ese ia ladana helaḡana bae hanamoa ela bona hanaihanai.
PSA 146:1 Iehova ba imodaia. Laumagu e, Iehova ba imodaia.
PSA 146:2 Iehova baina imodaia egu mauri dinadia iboudiai; egu Dirava ihanamolaina anedia baina abi ela bona egu mauri dokona.
PSA 146:3 Pavapava basio abidadama henidia; taunimanima natuna ta danu basio abidadama henia, ia na asi ena hekaha.
PSA 146:4 Laḡana e dokomu negana ai na ia ese tano e lou heniamu; una dina ai ena lalo-hadai e oremu.
PSA 146:5 Iakob ena Dirava ese e kahaiamu tauna na e moalemu ena helaro be Iehova, ena Dirava.
PSA 146:6 Iehova ese guba bona tanobada bona davara e karadia, bona lalodia ḡaudia iboudiai; ena heabidadama na e hesiriu hanaihanaimu.
PSA 146:7 E hadikadiamu taudia na ia ese e kara maoro henidiamu bona hitolo taudia na adia e henidiamu. Iehova ese iḡui taudia e ruhadia negemu;
PSA 146:8 Iehova ese mata-kepulu taudia matadia e hapapadiamu; E nunumaidia tarimu taudia na Iehova ese e veridia toremu; Iehova ese kara maoromaoro taudia e lalokau henidiamu.
PSA 146:9 Iehova ese noho-hedoa taudia e gimadiamu; vabu bona ihareha ia ese e naridiamu, a kara dika taudia na ia ese e habuadia tarimu.
PSA 146:10 Iehova baine lohia hanaihanai; Siona e, ia na emu Dirava ela bona uru iboudiai. Iehova ba imodaia.
PSA 147:1 Iehova ba imodaia. Badina be eda Dirava ihanamolaina anedia baita abi be namo; badina be ia na mai hariharibadana, bona heimodai anena iabina be namo.
PSA 147:2 Iehova ese Ierusalem e hadaiamu, Israel taudia vada e hakarohodia na ia ese e haboudia loumu.
PSA 147:3 Dara doko taudia na taudia e halodiamu, bona berodia e kumidiamu.
PSA 147:4 Ia ese hisiu na e hagaudiamu, bona iboudiai na ladadia e henidiamu.
PSA 147:5 Dirava na bada, ena siahu na bada herea, ena aonega na asi hahetohona.
PSA 147:6 Vada a moidia tao taudia na ia ese e abidia isimu, a kara dika taudia na ia ese tano ai e tahodia dobimu.
PSA 147:7 Iehova ihanamolaina anedia bavabi; eda Dirava na gitara anedia amo ba hamoalea.
PSA 147:8 Ia ese guba na ori amo vada e ḡovaia ahu; medu e heḡaeḡaelaiamu, tanobada ena, bona rei e hatubuamu ororo ai.
PSA 147:9 Uda ḡaudia na adia e henidiamu; mukou natudia e taimu negadia ai na ia ese e ubudiamu.
PSA 147:10 Hosi ena goada na se moalelaiamu, tau aena danu se moalelaiamu;
PSA 147:11 a Iehova ese ia garina e garimu taudia na e moalelaidiamu, bona ena hebogahisi e laroamu taudia danu.
PSA 147:12 Ierusalem e, Iehova ba imodaia. Siona e, emu Dirava be imodaia.
PSA 147:13 Badina be ia ese emu ikoukou auridia e ha-aukadiamu, bona natumu e hanamodiamu maḡumu ai.
PSA 147:14 Maino e havaraiamu emu tano hetoadia ai; uit namo-hereana amo e hahonumumu.
PSA 147:15 Ena haheḡani e siaiamu, tanobada enai; ena hereva na e lao haraḡamu.
PSA 147:16 Snow e henimu, beberoho na heto; medu-hetarina e ḡiḡia rohorohomu, kahu na heto.
PSA 147:17 Ice e tahoa lasimu, aniani momorudia na heheto. ena keru ai daika baine gini?
PSA 147:18 Ena hereva e siai lasimu, e havevedia ohomu; ena lai e hatoaiamu, bena ranu e arumu.
PSA 147:19 Ia ese ena hereva na Iakob e gwaurai heniamu; ena taravatu bona ena hahemaoro herevadia na Israel e heniamu.
PSA 147:20 Bese idauna ta unu se kara henia toma: idia na ena hahemaoro herevadia asi dibadia. Iehova ba imodaia.
PSA 148:1 Iehova ba imodaia. Guba amo Iehova ba imodaia, atai doriva-dorivana ai ba imodaia.
PSA 148:2 Ena aneru iboumui ai, ba imodaia; ena tuari oreadia iboumui ai, ba imodaia.
PSA 148:3 Dina bona hua, ba imodaia; hisiu mai diarimui, iboumui ai ba imodaia.
PSA 148:4 Guba atai dorivana ai, ba imodaia; ranu guba daenai, ba imodaia.
PSA 148:5 Iehova ladana bae imodaia; badina be ia e gwau isi, bena idia na e vara.
PSA 148:6 Ia ese vada e atodia, bae mia hanaihanai; ia ese hetoa vada e henidia, basie hanai.
PSA 148:7 Tanobada amo Iehova ba imodaia, umui davara ḡaudia badadia bona dobu gabudia iboudiai danu.
PSA 148:8 Lahi bona medu hetarina, snow bona ice; lai gubana, ena haheḡani ihamomokanina ḡauna.
PSA 148:9 Ororo badadia bona maraḡidia iboudiai; huahua audia bona sida audia iboudiai.
PSA 148:10 Uda boromadia bona boromakau iboudiai; tano-rau ḡaudia bona roho manudia.
PSA 148:11 Tanobada pavapavadia bona bese iboudiai; hanua lohiadia bona hahemaoro taudia iboudiai.
PSA 148:12 Uhau bona ulato; iahu bona memero.
PSA 148:13 Idia na Iehova ladana bae imodaia, badina be ia sibona ladana na herea dae; ia hairaina na tanobada bona guba daediai.
PSA 148:14 Ia ese ena bese taudia edia doa na vada e duduia isi, ena helaḡa taudia iboudiai edia heimodai toana, Israel besena, ia dekedekenai e nohomu taudia, toadia danu. Iehova ba imodaia.
PSA 149:1 Iehova ba imodaia. Ane matamatana avabia, Iehova ena; e abidadama heniamu taudia edia hebou ai ba
PSA 149:2 Israel ese ia ikarana Diravana baine moalelaia; Siona natuna ese edia Pavapava bae moalelaia.
PSA 149:3 Ia ladana bae imodaia mai mavarudia ida, tareko bona gitara reḡedia amo bae imodaia.
PSA 149:4 Badina be Iehova ese ena orea taudia na e moalelaidiamu, bona manau taudia na kwalimu e haheralaidiamu.
PSA 149:5 E abidadama heniamu taudia na hairai ai bae hisi dae, edia mahuta patadia ai moale anedia bae abi.
PSA 149:6 Gadodia ese Dirava bae imodaia badabada, bona matadia rua daredia na imadia ai bae abi.
PSA 149:7 Orea idau-idau taudia na davadia bae henidia; bese idau-idau taudia na matadia bae hakanidia.
PSA 149:8 Edia pavapava na auri amo bae ḡuidia, bona edia lohia na auri gadeadia amo.
PSA 149:9 Hahemaoro herevadia vada e tore ḡaudia heḡereḡeredia ai do bae kara henidia; e abidadama heniamu taudia iboudiai hairaidia binai. Iehova ba imodaia.
PSA 150:1 Iehova ba imodaia Dirava ba imodaia ena helaḡa gabuna ai; guba ai, ena siahu gabuna ai, ba imodaia.
PSA 150:2 Ena siahu karadia daidiai ba imodaia; ena goada herea-daena heḡereḡerena ba imodaia.
PSA 150:3 Kibi reḡena amo ba imodaia; gitara bona hatai ḡauna badana amo ba imodaia.
PSA 150:4 Tareko reḡedia bona mavaru amo ba imodaia; gitara bona ivilikou amo ba imodaia.
PSA 150:5 Botabota auridia reḡedia amo ba imodaia, auri ba botadia goada-goada, ia ba imodaia.
PSA 150:6 Mai laḡadia ḡaudia iboudiai Iehova ba imodaia. Iehova ba imodaia.
PRO 1:1 Solomon, David natuna, Israel pavapavana, ena hereva lada-isidia bini:
PRO 1:2 Taunimanima na aonega bona hahediba herevadia bona lalo-parara herevadia bae diba totona;
PRO 1:3 aonega karadia, kara maoromaoro, hahemaoro ḡoevaḡoeva bona ahu korikorina daladia, bae hadibadia totona;
PRO 1:4 asi aonegadia taudia na bae henahua toho bona eregabe taudia na aonega bona karabalaheni bae abi totona.
PRO 1:5 Aonega tauna danu baine kamonai, bena ena diba baine habadaia; bona lalo-parara tauna na baine ḡaukara mai dibana ida;
PRO 1:6 hereva lada-isina bona haheḡereḡere anidia bae diba, aonega taudia edia hereva bona edia sivarai hehuni-hehunidia danu.
PRO 1:7 Iehova igari-henina na lalo-parara matamana; kavakava taudia ese aonega bona hahediba e dadaraimu.
PRO 1:8 Natugu e, tamamu ena hahediba ba kamonai, bona sinamu ena hahediba herevadia basio dadaraidia;
PRO 1:9 badina be idia be kwaramu ihaheralaina heraheradia bona aiomu agevana na heheto.
PRO 1:10 Natugu e, kara dika taudia ese lalomu bae ania negana ai, edia ura basio abia dae.
PRO 1:11 Idia na bema toma: Aoma, aitala, rara ihahebubuna totona baita bani; asi edia kerere taudia na asi badina baita bani henidia;
PRO 1:12 mai mauridia ida baita hadonodia, mase gabuna ese bema hadonodia heḡereḡerena; baita hadonodia idoi, mase gurina ai e dihomu taudia na heheto;
PRO 1:13 bena kohu namo-hereadia iboudiai baita davari, dadidadi kohudia amo eda ruma baita hahonu;
PRO 1:14 oi na ai ida baita ḡaukara hebou, bena iboudai na moni modana tamona baita abia hebou.
PRO 1:15 Natugu e, idia ida basio raka hebou edia dala ai, aemu na edia dala irakalaina ai ba rudia;
PRO 1:16 badina be aedia na kara dika e heau heniamu, rara ihahebubuna totona e lao haraḡamu.
PRO 1:17 Badina be manu vairadiai huo iotona na asi anina;
PRO 1:18 to ini taunimanima ese sibodia raradia ihahebubudia totona e banimu, sibodia edia mauri e bani henidiamu.
PRO 1:19 Daḡedaḡe amo kohu e dadimu taudia iboudiai edia dala be unu heheto; unu kara ese edia mauri e abi ohomu.
PRO 1:20 Aonega na ariara ai e boi lolomu, hoinoi gabudia ai gadona e habadaiamu;
PRO 1:21 maḡu latadiai e lolomu, hanua ikoukoudia ai e herevamu, e tomu:
PRO 1:22 Asi aonegamui taumui e, kware-kware ba ura henia ela bona edena nega ai; Ḡonaḡona taudia na edia ḡonaḡona bae moalelaia, bona kavakava taudia na aonega bae inai henia, ela bona edena nega ai?
PRO 1:23 Egu sisiba herevadia ba hakala henidia; a itaia, egu lalo-hadai na emui ai baina seia dobi; egu hereva baina hadibalaimui.
PRO 1:24 Badina be lau na boiboi, to umui na asio ura ba kamonai; imagu na toia roro, a ta ese se laloa;
PRO 1:25 egu hahealo idoinai vada o dadaraia, egu sisiba herevadia ta asio abia dae.
PRO 1:26 Lau ese danu emui hahehisi baina kirikirilaia, gari ese baine butumui tao negana ai baina ḡonaḡonalaimui;
PRO 1:27 gari ese baine butumui tao lai gubana na heto, bona emui hahehisi ḡaudia bae kau koehirihiri na heto, negadia ai, bona lalomui bae hisihisi bona daramui bae doko negadia ai.
PRO 1:28 Unu negadia ai bae boi henigu, to basina haere; bae tahugu malaka-malaka, to basie davarigu.
PRO 1:29 Badina be idia ese aonega e inai heniava, bona Iehova igari-henina asie abia hidiva;
PRO 1:30 egu hahealo herevadia ta asie abia daeva, bona egu sisiba herevadia iboudiai e dadaraidiava;
PRO 1:31 taunabunai edia kara huahuadia bae ani, bona lalodia na lalo-hadai ese e hahonudia vaitani.
PRO 1:32 Badina be asi aonegadia taudia na edia raka-muri ese e hamasediamu, bona kavakava taudia na edia mata-lahui ese e habuadia tarimu;
PRO 1:33 to e hakala henigumu tauna baine noho hedai; baine noho namonamo, dika garina basine gari.
PRO 2:1 Natugu e, egu hereva boma abi dae, egu haheḡani boma lalodia bada;
PRO 2:2 taiamu ese aonega bema hakede henia, bona lalomu ese lalo-parara bema ura henia;
PRO 2:3 oibe, lalo-dobu boma noilaia, bona lalo-parara boma boilaia;
PRO 2:4 boma tahua, silver na heto; boma tahua goada, e hehunimu kohudia namodia na heheto;
PRO 2:5 bena Iehova igari-henina ba diba, bona Dirava idibana ba davaria.
PRO 2:6 Badina be Iehova ese aonega e henimu, ia uduna amo aonega bona lalo-parara na e maimu;
PRO 2:7 ia ese aonega namona e habouamu, kara maoromaoro taudia edia; ia na dala momokanina ai e rakamu taudia edia kesi;
PRO 2:8 hahemaoro ḡoevaḡoeva daladia e gimadiamu, bona ena helaḡa taudia edia dala e nariamu.
PRO 2:9 Bena kara maoromaoro bona hahemaoro ḡoevaḡoeva ba diba, bona ahu korikori ihenina bona dala namodia iboudiai danu
PRO 2:10 badina be aonega na oi lalomu ai baine vareai, bona laumamu ese lalo-parara baine moalelaia;
PRO 2:11 kara-balaheni ese baine narimu, lalo-parara ese baine gimamu,
PRO 2:12 dala dikana amo baine hamaurimu, hereva gageva-gageva taudia edia amo danu.
PRO 2:13 Idia ese kara maoromaoro daladia e rakatanimu, dibura daladia ai e rakamu;
PRO 2:14 kara dika ikaradia e moalelaiamu, bona kara dika ena dala gageva-gagevana e lalo namo heniamu;
PRO 2:15 idia na dala gagevadia ai e rakamu taudia, edia raka daladia na dia mamaoro-mamaoro.
PRO 2:16 Lebulebu hahinena ena amo baine harohomu mauri, bona ariara hahinena ena hedibaḡani herevadia amo danu.
PRO 2:17 Ia ese eregabena ai e bamoava tauna na e rakataniamu, bona ena Dirava ena taravatu e reaiamu;
PRO 2:18 badina be ena ruma na mase idiho-henina gabuna, bona ena dala na mase laumadia edia gabu ai e dihomu;
PRO 2:19 e lao heniamu taudia na ta se lou maimu, mauri daladia asie davaridia loumu.
PRO 2:20 Taunabunai taunimanima namodia edia dala ai ba raka, bona kara maoromaoro taudia edia dala ba badinadia.
PRO 2:21 Badina be kara maoromabro taudia na tano bae noholaia, bona lalo-maoromaoro taudia na ia lalonai bae noho;
PRO 2:22 a kara dika taudia na tano amo bae henege daure, bona kara hegui-hegui taudia na tano amo bae heraḡa oho.
PRO 3:1 Natugu e, egu hahediba herevadia basio lalodia boio, lalomu ese egu haheḡani baine badinadia;
PRO 3:2 badina be idia ese emu mauri dinadia bae hadaudaudia, bona idia ese emu mauri laḡanidia bae hahohodia, bona ḡau namodia momo bae henimu.
PRO 3:3 Hebogahisi bona heabidadama basio negedia, a aiomu ba ḡeḡelaia bona lalomu ai ba toredia.
PRO 3:4 Unu amo lalo-namo bona lalo-parara ba davaridia, Dirava bona taunimanima vairadiai.
PRO 3:5 Iehova bavabidadama henia mai lalomu idoinai; sibomu emu lalo-parara basio abidadama henia.
PRO 3:6 Emu dala iboudiai lalodiai ia bavabia dae, bena ia ese emu dala baine hamaoromaorodia.
PRO 3:7 Sibomu emu aonega basio heaḡilaia; Iehova garina ba gari, bona dika amo ba raka oho.
PRO 3:8 Una na hidiomu ihamaurina, bona turiamu ihagoadadia.
PRO 3:9 Emu kohu amo Iehova ba hanamoa, bona emu uma ḡaudia iboudiai anidia roboadia amo danu;
PRO 3:10 bena emu roge na bae honu honu dae, bona vine ranuna na emu vine ibulolaina urodia amo baine hepurai dobi.
PRO 3:11 Natugu e, Iehova ena mata-hakani basio dadaraia, bona ena sisiba basio hesikulaia;
PRO 3:12 badina be Iehova ese e lalokau heniamu tauna na e sisiba heniamu, tama ta ese natuna, e lalo namo heniamu merona, na e sisiba heniamu heḡereḡerena.
PRO 3:13 Aonega e davariamu tauna na namo, bona lalo-parara e abiamu tauna danu;
PRO 3:14 badina be aonega ena amo e heabimu ahuna ese silver ena amo e heabimu ahuna na e hereaiamu, bona davana ese gold e hereaiamu.
PRO 3:15 Ia davana ese herahera nadidia davadia e hereadiamu, bona o ura henimu ḡaudia ta na ia ida basie heḡereḡere.
PRO 3:16 Mauri daudauna na ia imana idibana ai; taḡa bona heimodai na ia imana laurina ai.
PRO 3:17 Ena dala na moale daladia; ena dala iboudiai na maino daladia.
PRO 3:18 Ia na mauri auna, e dabaia taomu taudia ediai; e dogoa taomu taudia na moale taudia e gwauraidiamu.
PRO 3:19 Iehova ese aonega amo tanobada e hadaia, lalo-parara amo guba e karaia;
PRO 3:20 iena diba-bada dainai gadobada na e aru dae, bona ori ese hunu e hadihoamu.
PRO 3:21 Natugu e, aonega namona bona kara balaheni ba badinadia; oi matamu ese basie readia;
PRO 3:22 bena idia ese laumamu bae hamauria, bona aiomu bae heralaia,
PRO 3:23 bena emu dala ai ba raka mai namomu ida, bona aemu na basine hetutuhi.
PRO 3:24 Boma helai diho, basioma gari; boma hekure diho, emu mahuta bema gaiho.
PRO 3:25 Hahetaku ḡauna garina basio gari, eiava kara dika taudia ihabua-taridia baine kau negana ai danu basio gari;
PRO 3:26 badina be Iehova na emu abidadama, ia ese oi aemu baine naria, basine heidoa.
PRO 3:27 Ihanamona na mai badina bae abia taudia edia amo basio rua, ba henidia diba negana ai.
PRO 3:28 Dekemu tauna basio hamaoroa, basioto “Aola, ma ba lou mai, kerukeru baina henimu”, a ḡau be dekemu ai e miamu.
PRO 3:29 Dekemu tauna ihadikana dalana basio laloa hata, ia na badibadimu ai e nohomu, bona e abidadama henimumu.
PRO 3:30 Tau ta basio lodu henia kava, ia ese se hadikamu negana ai.
PRO 3:31 Taiḡa dika tauna basio vaḡeḡe henia, ena dala ta basio abia hidi;
PRO 3:32 badina be kara heḡui-heḡui tauna na Iehova ese e inai henia badamu, a kara maoromaoro taudia na ia ese e abidadama henidiamu.
PRO 3:33 Iehova ese kara dika tauna ena ruma e uduguiraiamu; a kara maoromaoro tauna ena ruma ia ese e hanamoamu.
PRO 3:34 Heihi-ihirai taudia na ia ese e ihi-ihiraidiamu; a manau taudia na ia ese e lalo namo henidiamu.
PRO 3:35 Aonega taudia davadia na heimodai, a kavakava taudia na bae hahemaraidia.
PRO 4:1 Natu e, tama ena hahediba herevadia ba kamonai; ba hakede henia, bena lalomui bae parara;
PRO 4:2 badina be hahediba herevadia namodia vada na henimui; egu hahediba na basio rakatania.
PRO 4:3 Merogu ai lau danu mai tamagu, maraḡigu ai sinagu ese e lalokau henigu bada;
PRO 4:4 una negana ai tamagu ese e hadibagu, eto: Egu hereva na lalomu ai ba dogodia tao tarika-tarika; egu haheḡani ba badinadia, bena ba mauri.
PRO 4:5 Basio helalo boio; udugu herevadia amo basio raka muri. Aonega bavabia, lalo-parara bavabia;
PRO 4:6 basio rakatania, bena ia ese baine narimu; ba ura henia, bena ia ese baine gimamu.
PRO 4:7 Aonega matamana binai: aonega bavabia; dahaka dahaka bavabi, to lalo-parara basio reaia.
PRO 4:8 Ba laloa bada, bena ia ese baine heatolaimu; ba rosia, bena ia ese baine imodaimu.
PRO 4:9 Herahera ḡauna namona na oi kwaramu baine havavalaia; havava ḡauna mai hairaina baine henimu.
PRO 4:10 Natugu e, a kamonai; egu hereva bavabi dae, bena emu mauri laḡanidia bae hoho.
PRO 4:11 Aonega dalana vada na hadibalaimu; kara maoromaoro daladia ai vada na hakaumu.
PRO 4:12 Ba raka negana ai aemu basine hekwakwanai; boma heau, basioma hetutuhi.
PRO 4:13 Hahediba ba dogoa tao, basio kahua nege; ba gimaia, badina be ia na emu mauri.
PRO 4:14 Kara dika taudia edia dala ai basio raka vareai, kara havara taudia edia dala ai basio raka;
PRO 4:15 ena amo ba siri, basio rakalaia; ena amo ba raka oho, ba rakaia hanai.
PRO 4:16 Badina be basie mahuta diba ela bona kara kerere tavada bae karaia; mahuta ai bae dabu ela bona tau ta vada bae hahekwakwanaia.
PRO 4:17 Badina be e aniamu ḡauna na kara dika, bona e inuamu ḡauna na daḡedaḡe.
PRO 4:18 A kara maoromaoro taudia edia dala na daba matana na heto; diarina na e bada e laomu ela bona dina e taramu.
PRO 4:19 Kara dika taudia edia dala na dibura masemase na heto, asi dibadia dahaka ḡau ai e hetutuhimu.
PRO 4:20 Natugu e, egu hereva ba hakede henidia; taiamu a hakala, egu hereva ba kamonai.
PRO 4:21 Oi vairamu amo basie boio, oi lalomu ai ba baladia heni.
PRO 4:22 Badina be idia na mauri, e davaridiamu tauna enai; idia na ia hidiona idoinai ihamaurina.
PRO 4:23 Lalomu ba gimaia tarika-tarika, badina be iena amo mauri e lohilohiamu.
PRO 4:24 Hereva gageva-gagevadia na emu amo bavato siri; hereva koikoidia na emu amo ba nege daure.
PRO 4:25 Matamu na vairamu kahana bae roha henia; vairamu kahana do ba raraia tao.
PRO 4:26 Aemu daladia nahuadia ba toho, bena emu dala iboudiai bae momokani.
PRO 4:27 Basio heau mageva, idiba kahana amo eiava lauri kahana amo; aemu na kara dika amo bae raka siri.
PRO 5:1 Natugu e, egu aonega ba hakede henia, taiamu ba hakala, egu lalo-parara enai;
PRO 5:2 kara balaheni ba badinaia bona bibinamu ese aonega bae gimaia totona.
PRO 5:3 Badina be bada-ranuna na lebulebu hahinena bibinana amo e hetuturu dobimu, bona ena hereva digarana ese dehoro digarana e hereaiamu;
PRO 5:4 a dokona ai ia na idita, muramura iditana na heto; bona mai ganona, isena ruaosi e segedia darena na heto.
PRO 5:5 Aena ese mase e diho heniamu, mase gabuna e lao heniamu dalana ai e rakamu;
PRO 5:6 mauri dalana nahuana na se tohoamu; e raka kava raka kavamu, to ena dala asi dibana.
PRO 5:7 Natu e, a kamonai henigu; udugu herevadia basio rakatanidia.
PRO 5:8 Hahine unuhetomana na dauhai ba rakaia hanai, ena ruma iduarana basio raka henia kahi;
PRO 5:9 ikwahimu na haida ese bae abi bona emu mauri laḡanidia na asi edia hebogahisi taudia ese bae abi oho na garina;
PRO 5:10 idau taudia ese oi goadamu amo bae goada bona emu hekwarahi anina ese idau tauna ena ruma baine hanamoa na garina;
PRO 5:11 ela bona emu mauri dokona ai ba ḡanaḡana, gorere ese hidiomu bona tau-animu baine ha-ore negana ai.
PRO 5:12 Una negana ai baoto: Mata-hakani na inai heniava, bona lalogu ese sisiba herevadia e dadaraidiava;
PRO 5:13 e hadibagu taudia eredia asina kamonaiva, bona egu hahediba taudia asina hakala henidiava;
PRO 5:14 mokona na dika vaitani hebou taudia bogaragidiai.
PRO 5:15 Sibomu emu ranu gabuna amo, sibomu emu ranu gurina amo, ranu ba inua.
PRO 5:16 Emu ranu baine lohilohi rohoroho eiava ariara ai baine aru lao a?
PRO 5:17 Lasi, baine mia sibomu emu; idau taudia ida basie inua hebou.
PRO 5:18 Emu ranu lohilohina baine namo; eregabemu ai o adavaia hahinena na ba moalelaia.
PRO 5:19 Ia na dia hahinena namo-hereana na heto, eiava-miara raho-namona na heto. Ena lalokau ba moalelaia nega iboudiai; ena uraheni ese lalomu baine hahonua hanaihanai.
PRO 5:20 Natugu e, anina be dahaka lebulebu hahinena boma ura henia lalo-dika? Badina be dahaka anara hahinena ba rosia?
PRO 5:21 Badina be tau ta ena kara na Iehova ese e itadiamu; Iehova ese ena dala iboudiai e itadia taomu.
PRO 5:22 Kara havara tauna na ena kara havara ese e idoaiamu, ena kara dika ese e ḡuiamu.
PRO 5:23 Matana asi ihakanina dainai e masemu; ena kavakava bada-herea dainai e boiomu.
PRO 6:1 Natugu e, dekemu tauna dainai boma gwau hamata, eiava idau tauna dainai boma gwau guna,
PRO 6:2 eiava bibinamu reḡedia ese bema idoamu, eiava udumu herevadia ese bema hahekwakwanaimu,
PRO 6:3 natugu e, ini boma kara toma, sibomu boma hahemauri, badina be oi na dekemu tauna imana ai: aola haraḡa, dekemu tauna ba noia.
PRO 6:4 Matamu basie mahuta, matamu kopidia basie kapu;
PRO 6:5 ba roho mauri, uda nanina ese labana tauna imana amo eiava manu ese manu-tahu tauna imana amo e roho maurimu na heto.
PRO 6:6 Lahedo taumu e, dimairi ba lao henia; ena kaura ba laloa, bena aonega ba davaria.
PRO 6:7 Ia na asi lohiana, asi biaguna, asi pavapavana,
PRO 6:8 to lahara negana ai ana aniani e abimu, bona taboro negana ai e haboumu.
PRO 6:9 Lahedo taumu e, ba hekure ela bona edena nega ai? Edena nega ai emu mahuta amo ba noga?
PRO 6:10 Matamu ba taia, ba laḡa ani sisina, nega sisina kwaramu na imamu ai ba hahekwinaia;
PRO 6:11 bena ogoḡami ese baine abimu, dadidadi tauna na heto, bona dabu na emu ai baine kau, tuari tauna na heto.
PRO 6:12 Kara kava tauna, kara dika tauna, e loa eva-evamu mai hereva gageva-gagevana ida;
PRO 6:13 matana e hakunumaiamu, aena amo tano e dadaroamu, bona dodoriana e duduiamu;
PRO 6:14 lalona gageva-gagevana amo kara dika e laloa hatamu, heiriheiri e havaraia louloumu.
PRO 6:15 Taunabunai hahedika ese baine halahuia; mata-kunumai tamona ai baine dika, ta basine hamauria diba.
PRO 6:16 Ḡau tauratoi Iehova ese e inai henidiamu, ḡau hitu ia ese e badulaidiamu:
PRO 6:17 hekokoroku matadia, koikoi malana, bona asi ena kerere tauna rarana e hahebubuamu imadia;
PRO 6:18 lalo-hadai dikadia e lalo hatamu lalona, bona kara dika e heau heniamu aedia;
PRO 6:19 hahebade koikoi tauna, koikoi herevadia mo e gwauraimu, bona heiri-heiri na tadikaka bogaragidiai e havaraiamu tauna.
PRO 6:20 Natugu e, tamamu ena haheḡani ba badinaia, bona sinamu ena hahediba herevadia basio rakatanidia.
PRO 6:21 Nega idoinai lalomu ai ba ḡuidia, bona aiomu ai ba taudia dae.
PRO 6:22 Ba raka negana ai bae hakaumu; ba hekure negana ai bae gimamu; ba noga negana ai bae hereva henimu.
PRO 6:23 Badina be haheḡani na lamepa, bona hahediba na diari, bona mata-hakani na mauri dalana.
PRO 6:24 Idia ese hahine dikana ena amo bae hamaurimu, bona ariara hahinena malana gaihona amo danu.
PRO 6:25 Ia hairaina na lalomu ai basio ḡahusia, bona nahuamu ba tohoa, matana rauna ese baine idoamu na garina;
PRO 6:26 badina be ariara hahinena na flaoa igabu ta bae davalaia, a heuda-hanai hahinena ese tau ta ena mauri e rau heniamu.
PRO 6:27 Tau ta ese lahi na kemena ai bema abia loaloa, ena dabua basinema ara a?
PRO 6:28 Eiava tau ta ese gida latadiai bema raka, aena basinema haraka a?
PRO 6:29 Dekena tauna adavana dekenai e raka vareaimu tauna na unuheto; enai e daukaumu tauna ta na mata-hakani amo basine roho mauri.
PRO 6:30 Hitolo dainai aniani baine henaoa tauna na taunimanima ese bae ihi-ihiraia ani?
PRO 6:31 A bema davaria, ia na dava baine heni hahitu; ena ruma kohuna idoinai baine heni.
PRO 6:32 E heuda hanaimu tauna na asi darana; ia na sibona e healamu;
PRO 6:33 bero bona hedadarai baine abi, ena hemarai na basine heroho.
PRO 6:34 Badina be mama ese tau ta lalona e habaduamu; dava iabina negana ai, ia na asi ibogahisina.
PRO 6:35 Heaiva kohuna basine abia; bona herahia momo amo ia lalona basio hakerua diba.
PRO 7:1 Natugu e, egu hereva ba badinadia, bona egu haheḡani na emu kohu ai ba halaodia.
PRO 7:2 Egu haheḡani ba badinadia, bena ba mauri; egu hahediba herevadia ba naridia, matamu nadinadina o nariamu na heto;
PRO 7:3 kwakikwakimu ai ba hiridia kau; lalomu ai ba toredia.
PRO 7:4 Aonega ba hamaoroa, baoto “Oi na taihugu”; lalo-parara na turamu korikori ai ba halaoa.
PRO 7:5 Ia ese lebulebu hahinena ena amo baine hamaurimu, bona ariara hahinena ena hereva gaihodia amo danu.
PRO 7:6 Egu ruma gaba-mauruna badibadinai na gini, maka-maka amo na igo lasi;
PRO 7:7 asi aonegadia taudia bogaragidiai, eregabe bogaragidiai, eregabe tauna ta na itaia, asi darana;
PRO 7:8 una hahine ena ariara daigunina e raka heniava, ena ruma lao dalana ai e rakava,
PRO 7:9 dina e kerekereva ai, dina e dihova ai, hanua e boiva ai, dibura e kauva ai.
PRO 7:10 A itaia, hahine ta ia ida e hedavarimu; ita-itana na ariara hahinena, lalona na gageva-gageva;
PRO 7:11 e hereva momomu, e kara kavamu, e loa eva-evamu;
PRO 7:12 nega haida ariara ai, ma nega haida hoihoi gabuna ai, ariara daigunidia iboudiai e banimu.
PRO 7:13 Ia ese una eregabe tauna e rosiamu, e harahuamu, mai kirina ida e hereva heniamu, e tomu:
PRO 7:14 Egu boubou ḡaudia vada na hahelagadia, hari dina ai egu gwauhamata davadia vada na heni;
PRO 7:15 taunabunai vada na raka lasi, ihedavari-henimu totona, mai moalegu ida baina tahumu totona; bona vada name davarimu.
PRO 7:16 Egu mahuta patana ai dabua vada na tahoa, dabua aukadia Aigupto amo, mai hairaidia;
PRO 7:17 egu mahuta ḡauna na muramura mai bonadia amo vada na kwadia, muro bona aloe bona kinamono.
PRO 7:18 Aoma, baita eno bou rani, baita heura heheni mai moaleda ida.
PRO 7:19 Badina be adavagu na lasihia, ia na dala daudauna ai vada e halaolao;
PRO 7:20 ia ese moni vainana ta e abia kau, hua baine idoi negana ai baine lou mai.
PRO 7:21 Hedibaḡani herevadia momo amo lalona e aniamu, ena hereva gaihodia amo lalona e ha-uraiamu.
PRO 7:22 Vadaeni, ia murina amo e laomu, boromakau na ialana gabuna e laomu na heto; eiava dia na heto, idoa ese e idoaiamu,
PRO 7:23 ela bona diba ese bogana e gwadaiamu; eiava manu na heto, rikiriki e roho heniamu, asi dibana ena mauri e negeamu.
PRO 7:24 Natu e, a kamonai henigu; udugu herevadia ba hakala henidia.
PRO 7:25 Lalomu na basine raka siri una hahine ena dala ai, ena dala lalodiai basio raka lao;
PRO 7:26 badina be vada e aladia taudia na hutuma; oibe, vada e aladia mase taudia iboudiai na hutuma herea.
PRO 7:27 Ena ruma na mase gabuna dalana, bona mase rumadia e diho henidia laomu.
PRO 8:1 Aonega na se boiboimu a? Lalo-parara ese gadona se habadaiamu a?
PRO 8:2 Dala badina ororodia ai bona dala lalodiai e ginimu;
PRO 8:3 hanua ikoukoudia badibadidiai bona ruma iduaradia ai e boiboimu, e tomu:
PRO 8:4 Taunimanima e, na boi henimuimu; taunimanima natudia e, na tai henimuimu.
PRO 8:5 Asi aonegamui taumui e, nahuamui ba toho; kavakava taumui e, a hakala.
PRO 8:6 A kamonai, badina be ḡau herea-daedia baina herevalai, udugu bibinadia herevadia bae maoromaoro;
PRO 8:7 badina be udugu na hereva momokanidia baine gwaurai, udugu bibinadia ese kara dika e inai heniamu.
PRO 8:8 Udugu herevadia iboudiai na mamaoro-mamaoro; ta se hepui, ta se gageva-gageva.
PRO 8:9 Iboudiai na hehedinararai, lalona e pararamu tauna enai, bona mamaoro-mamaoro, aonega e davariamu taudia ediai.
PRO 8:10 Egu hahediba herevadia bavabi dae, a dia silver; aonega bavabia dae, a dia gold namo-hereana;
PRO 8:11 badina be aonega ena namo ese herahera nadinadidia edia namo e hereaiamu, o ura henimu ḡaudia iboudiai na ia ida basie heḡereḡere.
PRO 8:12 Lau, aonega, na henahua tohomu, bena lalo-parara bona kara-balaheni na davaridiamu.
PRO 8:13 Iehova igari-henina na dika i'inai-henina; hekokoroku bona heaḡi bona kara dika dalana bona hereva gageva-agevadia na inai henidiamu.
PRO 8:14 Hahealo bona aonega namodia na egu ai, lalo-parara bona goada danu.
PRO 8:15 Lau daigu ai pavapava e lohiamu, bona hanua lohiadia ese taravatu maoromaorodia e gwauraimu
PRO 8:16 lau daigu ai pavapava e lohiamu, bona lohia taudia ese tanobada e biaguamu.
PRO 8:17 E ura henigumu taudia na na ura henidiamu, bona mai gadodia ida e tahugumu taudia ese e davarigumu.
PRO 8:18 Taḡa bona hemataurai na egu ai, mia-hanaihanai kohudia bona ima-lalo-ani negadia danu.
PRO 8:19 Lau huahuagu ese gold e hereaiamu, gold namo-hereana e hereaiamu; lau anigu ese silver ḡoeva-daena e hereaiamu.
PRO 8:20 Kara maoromaoro daladia ai na rakamu, bona hahemaoro ḡoevaḡoevana ai danu;
PRO 8:21 e ura henigumu taudia na hataḡadiamu, edia habou-habou rumadia na hahonudiamu.
PRO 8:22 Ena ḡaukara matamana ai Iehova ese e karagu, ena kara gunadia matamana.
PRO 8:23 Gunaguna negana ai e haginigu, matamana negana ai, tanobada do se vara negana ai.
PRO 8:24 Gadobada na do lasi negana ai, ia ese e havaragu, ranu gabudia ai ranu do se lohilohiva negana ai.
PRO 8:25 Ororo badadia na oromadia do asie abi, ororo maraḡidia na do lasi negana ai, lau e havaragu;
PRO 8:26 tanobada mai ena rei gabudia ida do se kara bona tano ḡahuna do se karaia matama negana ai.
PRO 8:27 Guba e karaia negana ai, lau na unuseni ai, gadobada hetoadia e karadia heḡeḡe negana ai;
PRO 8:28 atai ai guba e ha-aukaia bona gadobada e halohilohia daeva negana ai;
PRO 8:29 davara hetoana e henia, ranuna ese iena haheḡani basie tataia utu helaoreana, bona tanobada badidia toadia e kara negana ai.
PRO 8:30 Una negana ai lau na ia badibadinai, ḡaukara idibaka tauna na heto; dina iboudiai ia ese e moalelaiguva, bona lau na ia vairanai na moaleva nega idoinai;
PRO 8:31 ena tanobada mai inoholaina taudia ida, taunimanima natudia iboudiai na moalelaidiava.
PRO 8:32 Natugu e, ina harihari a kamonai henigu: Egu dala e badinadiamu taudia be nanamo.
PRO 8:33 Hahediba herevadia ba hakala henidia, bena ba aonega; basio laloa nege.
PRO 8:34 E kamonai henigumu tauna na namo; dina iboudiai ia ese egu ikoukou ai e gimamu, egu iduara ai e henarimu.
PRO 8:35 Badina be lau e davarigumu tauna ese mauri e davariamu, bona lalo-namo na Iehova ena amo e abiamu;
PRO 8:36 a e reagumu tauna na sibona e healamu, lau e inai henigumu taudia iboudiai ese mase e ura heniamu.
PRO 9:1 Aonega ese ena ruma vada e hadaia, ena au-tubua hituosi vada e haginidia.
PRO 9:2 Ena vamu vada e aladia mase, ena vine ranuna vada e buloa, ena pata vada e dabaraia.
PRO 9:3 Ena hesiai kekenidia vada e siaidia lao, hanua lalonai atai gabudia amo bae boiboi, baeto:
PRO 9:4 Daika na asi aonegana, ia na iniseni ai baine raka vareai. Bona asi darana tauna na ia ese e hereva heniamu, e tomu:
PRO 9:5 Aoma, egu dabara bavania; vine ranuna vada na buloa ba inua;
PRO 9:6 lalo-duhu ba rakatania bena ba mauri; lalo-parara dalana ai ba raka.
PRO 9:7 Ḡonaḡona tauna e sisiba heniamu tauna na bae ihi-ihiraia, bona kara dika tauna e gwau heniamu tauna na bae haberoa.
PRO 9:8 Ḡonaḡona tauna basio gwau henia, badina be baine inai henimu; a aonega tauna ba gwau henia bena baine lalokau henimu.
PRO 9:9 Aonega tauna ba hadibaia, bena ena aonega ma baine bada; kara maoromaoro tauna ba hadibaia, bena baine diba herea.
PRO 9:10 Iehova igari-henina na aonega matamana; Helaḡa Diravana idibana na lalo-parara.
PRO 9:11 Badina be lau ese emu mauri dinadia baina hahohodia; emu mauri laḡanidia baina hadaudaudia.
PRO 9:12 Boma aonega, emu aonega ese baine hanamomu; boma ḡonaḡona, sibomu metauna ba huaia.
PRO 9:13 Kavakava hahinena na e udu maurimu; ia na mai lebulebuna, asi hemarai dibana.
PRO 9:14 Ena ruma iduarana ai e helaimu, hanua ena atai gabudia ai e helaimu,
PRO 9:15 raka-hanai taudia, edia dala ai e raka maoromaoromu taudia, na e boi henidiamu, e tomu:
PRO 9:16 Daika na asi aonegana, ia na iniseni ai baine raka vareai. Bona asi darana tauna na ia ese e hereva heniamu, e tomu:
PRO 9:17 E henaoa ranuna na mai gaihona, bona e ania hehunimu anianina mamula na namo.
PRO 9:18 A tauna na asi dibana mase taudia na unuseni ai, asi dibana una hahine vadivadina na mase ena dobu gabudia ai.
PRO 10:1 Solomon ena hereva lada-isidia: Aonega merona ese tamana e hamoaleamu, a kavakava merona ese sinana lalona e hahisihisiamu.
PRO 10:2 Kara dika amo e abimu kohudia ese namo se habadaiamu, a kara maoromaoro ese mase amo e haherauamu.
PRO 10:3 Iehova ese kara maoromaoro taudia na edia hitolo ai se rakatanidia, a kara dika taudia edia ura dikadika e laodia ahumu.
PRO 10:4 Ima manokana ese ogoḡami e havaraiamu, a ima-lalo-ani tauna imana ese taḡa e habadaiamu.
PRO 10:5 Ḡeiḡei negana ai aniani e habouamu merona na lalo-parara merona, a taboro negana ai e mahuta hedavauhemu merona ese hemarai e havaraiamu.
PRO 10:6 Kara maoromaoro tauna kwarana ai hahenamo na e kaumu, a kara dika tauna uduna ai daḡedaḡe e mia hehunimu.
PRO 10:7 Kara maoromaoro tauna ilalo-taona na mai hahenamona, a kara dika tauna ladana baine hogohogo.
PRO 10:8 Lalona e aonegamu tauna ese haheḡani baine badinadia, a udu-mauri tauna baine dika vaitani.
PRO 10:9 E raka momokanimu tauna na e rakamu mai namona ida, a e raka gageva-gagevamu tauna na ena kerere baine hedinarai.
PRO 10:10 Matana e kunumaiamu tauna ese hekwakwanai e havaraiamu, a sisiba herevadia igwauraidia se garimu tauna ese maino e havaraiamu.
PRO 10:11 Kara maoromaoro tauna uduna amo mauri e lohilohiamu, a kara dika tauna uduna ai daḡedaḡe e mia hehunimu.
PRO 10:12 Inai ese heiri-heiri e havaraiamu, a lalokau ese kerere iboudiai e ḡovadiamu.
PRO 10:13 Lalo-parara tauna bibinana ai aonega e hedinaraimu, a lalo-duhu tauna doruna ai na hekwadi auna mia.
PRO 10:14 Aonega taudia ese edia diba e habadaiamu, a kavakava tauna ena udu-mauri ese hahedika e mailaiamu.
PRO 10:15 Taḡa tauna ena taḡa na ena hanua aukana, a ogoḡami taudia na edia ogoḡami ese e hadikadiamu.
PRO 10:16 Kara maoromaoro tauna davana be mauri e davariamu, a kara dika tawla ahuna be ena dika e habadaiamu.
PRO 10:17 Hahediba herevadia e kamonaimu tauna na mauri dalana ai e rakamu, a sisiba herevadia e dadaraidiamu tauna na e raka kereremu.
PRO 10:18 Inai e huniamu tauna bibinana na e koikoimu, bona hahebade herevadia e gwauraimu tauna na kavakava tauna.
PRO 10:19 Hereva momo ese kara kerere e havaradiamu, a uduna bibinadia e rudiamu tauna na mai aonegana.
PRO 10:20 Kara maoromaoro tauna malana na silver namo-hereana, a kara dika tauna darana na negenege ḡauna.
PRO 10:21 Kara maoromaoro tauna bibinana ese hutuma e ubudiamu, a kavakava taudia na asi daradia dainai e masemu.
PRO 10:22 Iehova ena hahenamo ese taḡa e habadaiamu, bona lalo-hisihisi sina taina se atoa kaumu.
PRO 10:23 Kavakava tauna ese kara dika na ena gadara ai e halaoamu, a lalo-parara tauna ese aonega karadia e moalelaimu.
PRO 10:24 Kara dika tauna ese e garilaiamu ḡauna na ienai baine kau, a kara maoromaoro tauna ena ura na baine abia.
PRO 10:25 Lai gubana e toamu, murinai kara dika tauna na lasihia, a kara maoromaoro tauna na e gini hanaihanaimu.
PRO 10:26 Inuinu ḡauna iditana mamina taunimanima isedia ai, eiava kwalahu heḡarana matadia ai, kunu-metau tauna na unuheto, e siaiamu taudia ediai.
PRO 10:27 Iehova igari-henina ese mauri e hadaudauamu, a kara dika tauna ena mauri laḡanidia bae gadoi.
PRO 10:28 Kara maoromaoro tauna ena helaro na moale ai e gugurumu, a kara dika tauna na ena helaro ai baine baia.
PRO 10:29 Iehova na goada gabuna, kara maoromaoro tauna enai, a ia na hahebua-tari, kara dika taudia ediai.
PRO 10:30 Kara maoromaoro tauna na basine heabi oho, a kara dika taudia na tano ai basie noho.
PRO 10:31 Kara maoromaoro tauna uduna amo aonega e lasimu, a mala gageva-gagevana na baine heutu oho.
PRO 10:32 Kara maoromaoro tauna bibinana na heabi-dae herevadia mai dibana, a kara dika taudia ududia na gagageva-gagageva.
PRO 11:1 Metau ihahetohona e hakoikoiamu ḡauna na ḡau dika-hereana Iehova enai, a hahetoho aurina mai momokanina na ia ese e moalelaiamu.
PRO 11:2 Hekokoroku e kaumu negana ai, hemarai danu e kaumu, aonega na manau taudia ediai.
PRO 11:3 Kara maoromaoro taudia na edia lalo-maoromaoro ese ehakaudiamu, a kara heḡuiheḡui taudia na edia lalo-gagevagageva ese e habuadia tarimu
PRO 11:4 Badu dinana ai taḡa na asi hahenamona, a kara maoromaoro ese mase amo e hahemaurimu.
PRO 11:5 Asi ena kerere tauna na ena kara maoromaoro ese ena dala e hamaoromaoroamu, a kara dika tauna na sibona ena dika ese e hahekwakwanaiamu.
PRO 11:6 Kara maoromaoro taudia na edia kara maoromaoro ese e hamauridiamu, a kara heḡuihegui taudia na edia ura dikadia ese e dabaidia taomu.
PRO 11:7 Kara dika tauna e masemu negana ai, ena helaro danu e masemu, bona Dirava asie matauraiamu taudia na edia helaro ai e baiamu.
PRO 11:8 Kara maoromaoro tauna na ena hekwakwanai amo e roho maurimu, bena ia gabuna ai kara dika tauna na hekwakwanai lalonai e vareaimu.
PRO 11:9 Dirava se matauraiamu tauna ese ia uduna amo ia dekena tauna bema habuaia tari; a aonega dainai kara maoromaoro taudia na e roho maurimu.
PRO 11:10 Kara maoromaoro taudia e noho namonamomu negadia ai, hanua na e moalemu; a kara dika taudia e masemu negadia ai, hanua na e moale hisi daemu.
PRO 11:11 Kara maoromaoro tauna ena hahenamo herevadia ese hanua e hanamoamu, a kara dika tauna uduna ese e haheḡiḡia dobimu.
PRO 11:12 Ia dekena tauna e ihi-ihiraiamu tauna na asi darana, a lalo-parara tauna na asi reḡereḡerena.
PRO 11:13 Hesivarai loaloa tauna ese hereva hehunidia e hahedinaraimu, a lalo-ihunu tauna ese ḡau e moia taomu.
PRO 11:14 Bema asi ihakaudia, taunimanima na bae keto, a hahealo taudia bema hoho, taunimanima edia noho baine namo.
PRO 11:15 Idau tauna dainai e gwau hamatamu tauna ese hisina baine ani, a gwauhamata unuhetomadia e inai henimu tauna na basine dika.
PRO 11:16 Harihari-bada hahinena na bae matauraia; daḡedaḡe taudia na bae taḡa.
PRO 11:17 Hebogahisi tauna na sibona ena namo e havaraiamu, a daḡedaḡe tauna na sibona e hahehisimu.
PRO 11:18 Kara dika tauna ese dava koikoina e abiamu, a kara maoromaoro e hadoamu tauna ese dava momokanina e davariamu.
PRO 11:19 Kara maoromaoro ai e gini tutuka-tutukamu tauna na baine mauri, a kara dika e ḡavaiamu tauna na baine mase.
PRO 11:20 Lalo-gagevagageva taudia na Iehova ese e inai henidia hereamu, a asi edia kerere taudia na ia ese e moalelaidiamu.
PRO 11:21 Ba diba momokani, kara dika tauna na mata-hakani amo basineroho mauri diba; a kara maoromaoro taudia hari bae roho mauri.
PRO 11:22 Hane-namo asi lalona na gold gadeina boroma kurukuruna ai na heto.
PRO 11:23 Kara maoromaoro tauna ena ura na namo ai e ḡuḡurumu, a kara dika tauna ena helaro ese badu e havaraiamu.
PRO 11:24 Tau ta ese e heni dudukaumu, to ena taḡa na e bada e laomu; ma ta ese bema heni ḡaudia na se henimu, to ia na e ogoḡamimu.
PRO 11:25 Harihari-bada tauna na ena taḡa ma e badamu, bona e dairi-dairimu tauna na bae dairia.
PRO 11:26 Uit e ruamu tauna na taunimanima ese e uduguiraiamu, a e hoiamu tauna latanai hahenamo herevadia bae gwaurai.
PRO 11:27 Namo e tahua malaka-malakamu tauna ese harihari-bada danu etahuamu, a dika e tahuamu tauna ese dika e davariamu.
PRO 11:28 Ena taḡa e abidadama heniamu tauna na baine marai, a kara maoromaoro tauna na baine tubu, rau matamatana na heto.
PRO 11:29 Ena ruma taudia e hahekwarahidiamu tauna ahuna na lai; kavakava tauna na aonega tauna ena hesiai tauna ai bainela.
PRO 11:30 Kara maoromaoro huahuana na mauri auna, a taravatu itata-utuna ese mauri e abia ohomu.
PRO 11:31 Kara maoromaoro tauna ese davana baine abia ina tanobada ai; benaini, kara dika tauna bona kara havara tauna edia kara davadia na daka bada.
PRO 12:1 Mata-hakani e ura heniamu tauna ese aonega e ura heniamu, a sisiba e inai heniamu tauna na kavakava.
PRO 12:2 Tau namona ese harihari-bada na Iehova ena amo e abiamu, a lalo-hadai dikadia tauna na Iehova ese dikana e gwauraimu.
PRO 12:3 Kara dika ese tau ta se haginia tutukamu, a kara maoromaoro tauna na ramuna basine heraḡa.
PRO 12:4 Hahine namona na adavana kwarana ihavavalaina, a adavana e hahemaraiamu hahinena na ia turiana ihamanokana gorerena na heto.
PRO 12:5 Kara maoromaoro taudia edia lalo-hadai na mamaoro-mamaoro; kara dika taudia edia hahealo na mai hedibaḡanidia.
PRO 12:6 Kara dika taudia edia hereva na rara ihahebubuna totona e banimu, a kara maoromaoro taudia ududia ese taunimanima e hamauridiamu.
PRO 12:7 Kara dika taudia na e dareremu bena e pukimu, a kara maoromaoro tauna ena ruma na baine hedai.
PRO 12:8 Tau ta bae hanamoa ena lalo-maoromaoro dainai, a lalo-gagevagageva tauna na bae dadaraia.
PRO 12:9 Dagi maraḡi tauna sibona dainai e hekwarahimu na namo, a sibona lohia e hegwauraimu to e hitoloamu tauna na dia namo.
PRO 12:10 Kara maoromaoro tauna ese ena boromakau e bogaia hisimu, a kara dika tauna ena hebogahisi na mai daḡedaḡena.
PRO 12:11 Ena tano e ruaiamu tauna ese aniani momo baine abia, a kara asi anidia e karamu tauna na asi darana.
PRO 12:12 Kara dika tauna ena kohoro aukana e heḡiḡi dobimu, a kara maoromaoro tauna ramuna e hedaimu.
PRO 12:13 Kara dika tauna na bibinana edia kerere ese bae idoaia, a kara maoromaoro tauna na hekwakwanai amo e roho maurimu.
PRO 12:14 Ena hereva anidia amo tau ta e namo ḡuḡurumu, bona tau ta imana ḡaukarana ese e lou heniamu.
PRO 12:15 Kavakava tauna ena dala na maoro, ia sibona ena ita-ita ai, a aonega tauna ese hahealo herevadia e hakala henidiamu.
PRO 12:16 Kavakava tauna ena badu e hedinarai haraḡamu, a lalo-parara tauna ese heiri-heiri herevadia se lalodiamu.
PRO 12:17 E hereva momokanimu tauna ese hereva maoromaorodia e gwaurai hedinaraiamu, a gwaurai-hedinarai koikoi tauna ese hereva koikoidia mo e gwauraimu.
PRO 12:18 E hereva haraḡa-haraḡamu tauna ena hereva na dare e hegwadamuna heto, a aonega tauna malana ese hahemauri e mailaiamu.
PRO 12:19 Momokani bibinadia na e mia hanaihanaimu, a koikoi malana na asine mia vanahamu.
PRO 12:20 Koikoi na dala dikana, e laloa hatamu taudia lalodia ai; a namo e laloa hatamu taudia ese moale e davariamu.
PRO 12:21 Hahedika ta se kaumu, kara maoromaoro taudia ediai, a kara dika taudia e hekwakwanai momomu.
PRO 12:22 Hereva koikoidia e gwauraimu bibinadia na Iehova ese e inai henidia badamu, a e kara momokanimu taudia na ia ese e moalelaidiamu.
PRO 12:23 Lalo-parara tauna ese ena diba e huniamu, a kavakava taudia ese edia kavakava e gwauraia hedinaraimu.
PRO 12:24 E ḡaukara malaka-malakamu tauna baine lohia, a lahedo tauna na bae haḡaukaraia.
PRO 12:25 Lalo-hekwarahi ese tau ta e hametauamu, a hereva namona ese e hamoaleamu.
PRO 12:26 Kara maoromaoro tauna na dika ena amo e raka sirimu, a kara dika taudia na edia dala ese e hakaudia kereremu.
PRO 12:27 Lahedo tauna ese dinana basine abia, a e ḡaukara malaka-malakamu tauna ese taḡa namo-hereana baine abia.
PRO 12:28 Kara maoromaoro dalana na mauri, a kerere dalana na mase e lao heniamu dalana.
PRO 13:1 Aonega merona ese tamana ena hahediba herevadia e kamonai henidiamu, a ḡonaḡona tawla ese sisiba herevadia se kamonaidiamu.
PRO 13:2 Uduna anina amo tau namona ese namo e aniamu, a kara heḡui-heḡui tauna ena ura be daḡedaḡe.
PRO 13:3 Uduna e nariamu tauna ese ena mauri nahuana e tohoamu, a uduna e haḡaia badabadamu tauna na sibona e hahedikamu.
PRO 13:4 Lahedo tauna lalona e ura dikadikamu, to ḡau ta se abiamu; a e ḡaukara malaka-malakamu tauna na ḡau e henia momomu.
PRO 13:5 Kara maoromaoro tauna ese koikoi e inai heniamu, a kara dika tauna na ena hemarai karadia daidiai e dadaraiamu.
PRO 13:6 Kara maoromaoro ese dala maoromaorona ai e rakamu tauna e gimaiamu, a dika ese kara dika tauna e hadarereamu.
PRO 13:7 Tau ta sibona taḡa tauna e hegwauraimu, to asi ena ḡau ta; ma ta sibona ogoḡami tauna e hegwauraimu, to ena taḡa na bada.
PRO 13:8 Tau ta ena mauri ibodohilaina na ena taḡa, a ogoḡami tauna na asi ena mauri ibodohilaina ḡauna.
PRO 13:9 Kara maoromaoro tauna diarina na mai moalena, a kara dika tauna lamepana na baine bodo.
PRO 13:10 Se henahua tohomu tauna ena ḡadeḡade ese heiri-heiri e havaraiamu, a aonega na sisiba e abia daemu taudia ediai.
PRO 13:11 E abi kava kohudia na bae ore haraḡa-haraḡa, a ena kohu taidia taidia amo e haboumu tauna ese ena taḡa baine habadaia.
PRO 13:12 Helaro mai halahena ese lalo-hisihisi e havaraiamu, a e haḡuḡurua urana na mauri auna.
PRO 13:13 Hereva e dadaraiamu tauna na sibona e hahedikamu, a haheḡani e matauraiamu tauna ese davana baine abia.
PRO 13:14 Aonega tauna ena hahediba herevadia na e lohilohia dae maurina, mase ena idoa ai basita kau helaoreana.
PRO 13:15 Lalo-parara ese lalo-namo e havaraiamu, a asi edia heabidadama taudia edia dala na e dika vaitanimu.
PRO 13:16 Lalo-parara tauna ese ḡau iboudiai mai aonegana ida e karamu, a kavakava tauna ese ena kavakava e heaḡilaiamu.
PRO 13:17 Gwaukau tauna dikana ese taunimanima na e hahekwakwanaidia dikadikamu, a gwaukau tauna mai momokanina ese hahemauri e mailaiamu.
PRO 13:18 Hahediba herevadia se kamonaimu tauna na e ogoḡamunu bona e hemaraimu, a sisiba herevadia e abi daemu tauna na e matauraiamu.
PRO 13:19 Ura ta anina idavarina na mai gaihona, tau lalona ai; a dika irakatanina na kavakava taudia ese e inai henia badamu.
PRO 13:20 Aonega taudia ida e raka heboumu tauna na e heaonegamu, a kavakava taudia e bamodiamu tauna na baine hekwakwanai.
PRO 13:21 Hahedika ese kara dika taudia e ḡavadiamu, a kara maoromaoro taudia ahudia na taḡa.
PRO 13:22 Tau namona ese garana ahudia e masetanimu; a kara dika tauna ena taḡa baine mia, kara maoromaoro tauna ena.
PRO 13:23 Ogoḡami tauna ena vahu gunana ese aniani momo e havaraiamu a hahemaoro gageva-gagevana ese iena amo e daroa ohomu.
PRO 13:24 Se hekwadi momomu tauna ese natuna e inai heniamu, a natuna e ura heniamu tauna ese ia matana e hakania balahenimu.
PRO 13:25 Kara maoromaoro tauna na bogana e kunumu, a kara dika tauna na e hitoloamu.
PRO 14:1 Aonega ese ena ruma e haginiamu, a kavakava ese sibona imana amo e veria garimu.
PRO 14:2 Kara maoromaoro ai e rakamu tauna ese Iehova garina egarimu, a e raka gageva-gagevamu tauna ese e dadaraiamu.
PRO 14:3 Kavakava tauna ena hereva na ia sibona doruna ikwadilaina auna, a aonega taudia bibinadia ese bae hamauridia.
PRO 14:4 Asi boromakauna gabuna ai, roge na asi anina; a boromakau maruanena ena goada ese uma anidia e hahohodiamu.
PRO 14:5 Sivarai momokanina e gwauraia hedinaraimu tauna na se koikoimu, a sivarai koikoina e gwauraia hedinaraimu tauna na e koikoi momomu.
PRO 14:6 Ḡonaḡona tauna ese aonega e tahua kavamu, a lalo-parara tauna enai aonega idavarina na haraḡa.
PRO 14:7 Kavakava tauna vairana amo ba raka oho, badina be unuseni ai aonega herevadia basio davaridia.
PRO 14:8 Lalo-parara tauna ena aonega ese ena dala e hahedinarai heniamu, a kavakava taudia edia kavakava na e hekoimu.
PRO 14:9 Dirava ese kara dika taudia e dadaraidiamu, a kara maoromaoro taudia ese ena lalo-namo e moalelaiamu.
PRO 14:10 Lalo sibona ese ena idita mamina e dibaiamu, bona idau tauna ta na ia ida basie moale hebou.
PRO 14:11 Kara dika tauna ena ruma baine heḡiḡi dobi, a kara maoromaoro tauna ena kalaga baine namo bada.
PRO 14:12 Tau ta vairanai dala ita-itana na maoro, a dokona na mase e lao heniamu dalana.
PRO 14:13 Kiri lalonai tau ta lalona e hisihisimu, bona moale dokona na lalo-hisihisi.
PRO 14:14 Raka-muri tauna na sibona ena kara hualIuadia amo bogana baine kunu, bona tau namona na ena kara huahuadia amo danu.
PRO 14:15 Lalo-duhu tauna ese hereva iboudiai e abi daemu, alalo-parara tauna ese e rakalaiamu dalana na e raraia taomu.
PRO 14:16 Aonega tauna na sibona nahuana e tohoamu, bona kara dika amo e raka sirimu; a kavakava tauna ese haheauka e negeamu, bona e mata lahuimu.
PRO 14:17 Badu haraḡa tauna na e kara kava kara kavamu, a mai darana tauna na e haheaukamu.
PRO 14:18 Lalo-duhu taudia ahudia na kavakava, a lalo-parara taudia kwaradia na aonega ai e havavalaidiamu.
PRO 14:19 Kara dika taudia ese kara namo taudia vairadiai e igo dihomu; bona kara havara taudia danu, kara maoromaoro taudia ikoukou ai.
PRO 14:20 Ogoḡami tauna na ia dekena tauna ese danu se ura heniamu, a taḡa tauna turana na hutuma.
PRO 14:21 Ia dekena tauna e dadaraiamu tauna na tau dikana, a ogoḡami taudia e bogadia hisimu tauna na e moalemu.
PRO 14:22 Kara dika e lalo hatamu taudia na kekerere ani? Kara namo e lalo hatamu taudia ese hebogahisi bona heabidadama bae davari.
PRO 14:23 Hekwarahi iboudiai na mai ahudia, a hereva kava ese dabu e havaraiamu.
PRO 14:24 Aonega na aonega taudia kwaradia ivavalaidia ḡauna, a kavakava na kavakava taudia ihaheralaidia ḡauna.
PRO 14:25 Hereva momokani e gwaurai hedinaraimu tauna ese mauri e havaraiamu, a hereva koikoi e gwauraimu tauna na tao-tore tauna.
PRO 14:26 Iehova igari-henina ese kamonai lava-dae e havaraiamu; bona kamonai lava-dae tauna natuna ese roho-mauri gabuna baedavaria.
PRO 14:27 Iehova igari-henina na e lohilohimu maurina; unu amo masc ena idoa ai basita kau.
PRO 14:28 Taunimanima hutuma na pavapava hairaina, a lohia asi ena orea taudia na vada e baia.
PRO 14:29 Ena badu e halahemu tauna na lalo-parara hereana tauna, a badu haraḡa tauna cse kavakava e habadaiamu.
PRO 14:30 Lalo-manau ese tau-anina e hamauriamu, a vaḡeḡe ese turia e hamanokaiamu.
PRO 14:31 Ogoḡami tauna e hahisiamu tauna ese ia ikarana Diravana e ḡonaḡonalaiamu, a dabu tauna e bogaia hisimu tauna ese Dirava e matauraiamu.
PRO 14:32 Kara dika tauna na ena kara dika ese e hahekwakwanaiamu, a kara maoromaoro tauna na ena lalo-maoromaoro ese baineharohoa mauri.
PRO 14:33 Aonega na lalo-parara tauna lalonai e miamu, a kavakava taudia lalodia ese asie dibaiamu.
PRO 14:34 Kara maoromaoro ese bese ta e hanamoamu, a kara dika ese orea ta e hahemaraiamu.
PRO 14:35 E kara aonegamu hesiai tauna na hanua pavapavana ese e lalo-namo heniamu; a ena badu na hemarai karadia e karamu tauna latanai e kaumu.
PRO 15:1 Haere manauna ese badu e laoa ahumu, a gwau turianki ese badu e havaraiamu.
PRO 15:2 Aonega tauna malana amo aonega herevadia na e hetuturumu, a kavakava taudia ududia amo kavakava herevadia na e aru lasimu.
PRO 15:3 Iehova matana ese gabu iboudiai e nenediamu, dika taudia bona namo taudia e itadia taomu.
PRO 15:4 Mala manadana na mauri auna ta, a mala gageva-gagevana ese dara doko e havaraiamu.
PRO 15:5 Kavakava tauna ese tamana ena hahediba e dadaraiamu, a sisiba herevadia e hakala henidiamu tauna na lalo-parara tauna.
PRO 15:6 Kara maoromaoro tauna ena ruma ai na kohu momo, a kara dika tauna ena davari-davari ḡaudia ese ena hekwakwanai e havaraiamu.
PRO 15:7 Aonega na aonega taudia bibinadia ese e piuamu, a kavakava taudia lalodia na unu asie kara tomamu.
PRO 15:8 Kara dika tauna ena boubou ḡauna na Iehova ese e ihi-ihiraiamu, a kara maoromaoro tauna ena ḡuriḡuri na ia ese e moalelaiamu.
PRO 15:9 Kara dika tauna ena dala na Iehova ese e ihi-ihiraiamu, a kara maoromaoro e ḡavaiamu tauna na ia ese e lalokau heniamu,
PRO 15:10 Mata-hakani auka-hereana na dala e rakataniamu tauna enai; sisiba e inai heniamu tauna na baine mase.
PRO 15:11 Mase gabuna bona dobu masemase gabuna na hehedina-rarai, Iehova vairanai; matona, taunimanima lalodia na ienai eme hedinarai ḡuḡuru.
PRO 15:12 Ḡonaḡona tauna na se uramu bae sisiba henia; ia na aonega tawla dekena basinela.
PRO 15:13 Lalo moale na vaira namo ai e hedinaraimu, a lalo hisihisi ese dara doko e havaraiamu.
PRO 15:14 Lalo-parara tauna lalona ese aonega e tahuamu, a kavakava taudia ududia ese kavakava e aniamu.
PRO 15:15 Hisi e animu tauna ena mauri dinadia iboudiai na didika, a lalo-moale tauna na bogana e kunu hanaihanaimu.
PRO 15:16 Ḡau maraḡi-maraḡina Iehova igari-henina ida ese taḡa badana mai hekwakwanaina ida e hereaiamu.
PRO 15:17 Aniani asi ianimaina lalokau e miamu gabuna ai ese vamu manoka-manokana heinai-hehenina ai e animu na e hereaiamu.
PRO 15:18 Badu haraḡa tauna ese heiri-heiri e havaraiamu, a badu ai e halahemu tauna ese heiri-heiri e haumaia tarimu.
PRO 15:19 Lahedo tauna ena dala na au ḡiniḡini ai e bubunimu, a kara maoromaoro tauna ena dala na dala avohana.
PRO 15:20 Aonega merona ese tamana e hamoaleamu, a kavakava tauna ese sinana e dadaraiamu.
PRO 15:21 Asi darana tauna ese kavakava e moalelaiamu, a lalo-parara tauna na e raka maoromaoromu.
PRO 15:22 Ta se hahealomu negana ai, taunimanima edia lalo-hata ḡaudia asie tubu namonamomu; a hahealo taudia na hoho negana ai na e tubu ḡoevaḡoevamu.
PRO 15:23 Haere maorona ese taunimanima e hamoaleamu, bona nega korikorina ai e gwauraiamu herevana be daka namo!
PRO 15:24 Aonega tauna ena dala ese mauri e dae heniamu, mase ena dobu gabuna ai basine kau helaoreana.
PRO 15:25 Iehova ese hekokoroku tauna ena ruma e veria garimu, a vabu ena tano hetoadia e gimadiamu.
PRO 15:26 Kara dika taudia edia lalo-hadai na Iehova ese e inai henidiamu, a lalo-ḡoevaḡoeva taudia edia hereva na ia ese e moalelaimu.
PRO 15:27 Mata-ḡaniḡani tauna ese hekwakwanai e havaraiamu ena ruma taudia ediai, a henitao dikadia e inai henimu tauna na baine mauri.
PRO 15:28 Kara maoromaoro tauna ese lalona e hadaia namonamomu ede baine haere toma, a kara dika tauna uduna amo hereva dikadia na e aru lasimu.
PRO 15:29 Iehova bona kara dika taudia padadia na daudau, a kara maoromaoro tauna ena ḡuriḡuri ia ese e kamonaiamu.
PRO 15:30 Mata diaridia ese tau lalona e hamoaleamu, bona hari namodia ese turia e ha-aukadiamu.
PRO 15:31 Sisiba herevadia namodia e hakala henimu tauna na aonega taudia bogaragidiai baine noho.
PRO 15:32 Hahediba se abi daemu tauna na sibona e hedadaraimu, a sisiba herevadia e kamonaimu tauna lalona na e pararamu.
PRO 15:33 Iehova igari-henina na aonega idavarina badina, bona manau ese heimodai e gunalaiamu.
PRO 16:1 Lalo-hadai be taunimanima edia, a mala ena haere na Iehova ena amo.
PRO 16:2 Tau ta ena dala iboudiai na ḡoḡoeva, ia sibona vairanai; a Iehova ese lalo e tohodiamu.
PRO 16:3 Emu ḡaukara idounai na Iehova imana ai bavatoa, bena emu lalo-hata ḡaudia bae gini hedai.
PRO 16:4 Iehova ese ḡau iboudiai vada e kara, ta ta mai badidia; kara dika tauna danu vada e karaia, hekwakwanai negana ena.
PRO 16:5 Hekokoroku taudia iboudiai na Iehova ese e inai henidia badamu; ba diba momokani, idia ta na mata-hakani amo basine roho mauri.
PRO 16:6 Hebogahisi bona heabidadama daidiai kara dika na e herohomu, bona Iehova igari-henina ai tau ta na kara dika amo e raka ohomu.
PRO 16:7 Tau ta ena kara ese Iehova e hamoaleamu negana ai, ia na inaina ida e herohemainomu.
PRO 16:8 Kohu maraḡina mai kara maoromaorona ida be namo; kohu bada-hereadia kara gageva-gagevadia ida na dika.
PRO 16:9 Tau ta lalona ese ena dala e laloa hatamu, a Iehova ese ia aena e hakaudiamu.
PRO 16:10 Oru edia hereva na pavapava uduna amo e lasimu; hahemaoro ai ia uduna na se kereremu.
PRO 16:11 Hahetoho ḡauna bona metau idavarina ḡauna maoromaorodia na Iehova ena; hahetoho auridia moda ai mimia iboudiai na iena ḡaukara.
PRO 16:12 Pavapava ese kara dika ikarana e inai henia badamu, badina be terono na kara maoromaoro ai e ginimu.
PRO 16:13 Hereva maoromaoro bibinadia na hanua pavapavana ese e moalelaidiamu; ia ese hereva maoromaorodia e gwauraimu tauna na e lalokau heniamu.
PRO 16:14 Pavapava ena badu na mase ena gwaukau tauna; aonega tauna ese lalona baduna baine hakerua.
PRO 16:15 Pavapava vairana diarina ai na mauri; ena lalo-namo na medu gabedia e hadihodiamu dagadagadia na heheto.
PRO 16:16 Aonega iabina ese gold iabina e hereaiamu; lalo-parara abi-hidina ese silver iabi-hidula e hereaiamu.
PRO 16:17 Kara maoromaoro tauna ena dala avohana na kara dika amo e raka sirimu; ena dala nahuana e tohoamu tauna na sibona e hahemaurimu.
PRO 16:18 Heaḡi ese hahebuatari dalana e lailaiamu; hekokoroku ese moru dalana e lailaiamu.
PRO 16:19 Ogoḡami taudia ida manau ai ba noho be namo; heaḡi taudia ida dadidadi kohudia ba haridia na dika.
PRO 16:20 Hereva e kamonaimu tauna ena namo baine bada; Iehova e abidadama heniamu tauna na e moalemu.
PRO 16:21 Lalona e aonegamu tauna na lalo-parara tauna e gwauraiamu, bona hereva namodia ese lalo-ani e habadaiamu.
PRO 16:22 Aonega na e lohilohiamu maurina, aonega tauna enai; a kavakava na mata-hakani ḡauna, kavakava taudia ediai.
PRO 16:23 Aonega tauna lalona ese ena hereva e hamaoromaorodiamu, bona bibinana na lalo-ani herevadia e hadibadiamu.
PRO 16:24 Hereva manadadia na bada-ranuna na heto; gaihona na lauma enai, bona goadana na tau-anina enai.
PRO 16:25 Tau ta ese dala ta baine haeroa, dala namona na heto; a ḡau be dokona na mase dalana.
PRO 16:26 Ḡaukara tauna na bogana helaoreana e ḡaukara goadamu; ia uduna ese e ha-uraiamu.
PRO 16:27 Bonegita tauna ese kara dika e laloa hatamu; ena hereva na lahi ḡaraḡara na heto.
PRO 16:28 Lalo gageva-gageva tauna ese heiri-heiri e havaraia rohorohomu; hemaunu tauna ese e hetura hehenimu taudia na e hapararadiamu.
PRO 16:29 Daḡedaḡe tauna ese ia dekena tauna e koiamu, bona dala dia namo ai e hakauamu.
PRO 16:30 Matana e hakunumaiamu tauna ese kara gageva-gagevadia e lalo hatamu; bibinana e hakapumu tauna ese kara dika e havaraiamu.
PRO 16:31 Hui buruka na havava ḡauna mai hairaina; noho maoromaoro dainai e varamu.
PRO 16:32 Badu ai e halahemu tauna ese goada tauna e hereaiamu, bona sibona lalona e biaguamu tauna ese hanua ta e hadarereamu tauna na e hereaiamu.
PRO 16:33 Mari na taunimanima ese e karaiamu, a Iehova ese anina e havaraiamu.
PRO 17:1 Aniani kakorona asi reḡereḡe gabuna ai ese aria badana mai heiri-heirina na e hereaiamu.
PRO 17:2 Hesiai tauna e kara aonegamu ese ruma biaguna natuna hemarai karadia e karamu na baine biagua, bona ahuna baine abia, tadikaka ta na heto.
PRO 17:3 Keikei na silver ena, bona lahi na gold ena, bona Iehova ese taunimanima lalodia e tohodiamu.
PRO 17:4 Kara dika tauna ese dika bibinadia e kamonai henidiamu; bona koikoi tauna ese mala gageva-gagevana e hakala heniamu.
PRO 17:5 Ogoḡami taudia e ḡonaḡonalaidiamu tauna ese ia ikarana Diravana na e ihi-ihiraiamu; hahehisi karadia e moalelaiamu tauna ese mata-hakani amo basine roho mauri.
PRO 17:6 lahu kwaradia ihavavalaidia na tubudia; bona memero ihahairaidia na tamadia.
PRO 17:7 Hereva ḡoevadia na asie heḡeregere kavakava tauna uduna ai, bona koikoi herevadia danu lohia uduna ai.
PRO 17:8 Koikoi henitaona na mea nadina na heto, e henimu tauna ese unu e laloa tomamu; ena kara iboudiai anidia e varamu.
PRO 17:9 Dika e gwau taomu tauna ese lalokau e tahuamu, a sivarai e piuamu tauna ese hetura e hadikaiamu.
PRO 17:10 Sisiba herevana tamona ese lalo-parara tauna lalona e gwadaia dobumu, a hekwadi sinahu-ta ese kavakava tauna asie haberoamu.
PRO 17:11 Kara dika tauna ese daḡedaḡe e tahuamu; gwaukau tauna mai daḡedaḡena ida na ia bae siai henia.
PRO 17:12 Tau ta ese bea hahinena, natuna vada e dadidia ḡauna, ida bae hedavari na sisina namo, a kavakava tauna ida bae hedavari na dika herea.
PRO 17:13 Tau ta ese dika bema haloua, namo davana, dika ese iena ruma basine rakatania.
PRO 17:14 Heatu matamana na ranu ikehona na heto; taunabunai heai do basine vara ai ba raka oho.
PRO 17:15 Kara dika tauna maorona baine gwauraia tauna bona kara maoromaoro tauna dikana baine gwauraia tauna raruosi na Iehova ese e inai henidia badamu.
PRO 17:16 Badina be dahaka kavakava tauna imana ai aonega ihoilaina davana baine mia, a ia be asi darana?
PRO 17:17 Tau ta turana ese nega iboudiai e lalokau heniamu; bona tadikakana ena lalokau na dika negana ai e hedinaraimu.
PRO 17:18 Asi darana tauna ese gwauhamata ḡauna e henimu; ia dekena tauna vairanai gwauhamata toana ai e laomu.
PRO 17:19 Kara dika e ura heniamu tauna ese heiri-heiri danu e ura heniamu; bona ena iduara atai ai e karaiamu tauna ese hahebua-tari e tahuamu.
PRO 17:20 Lalo-gagevagageva tauna na ena ḡaukara anidia asie varamu, bona malana mai koikoina tauna na hahehisi ai e morumu.
PRO 17:21 Lalo-duhu merona ese tamana lalona e hahisihisiamu; kavakava merona tamana na se moalemu.
PRO 17:22 Lalo-moale na muramura namona, a lalo-metau ese turia e hamanokadiamu.
PRO 17:23 Kara dika tauna ese koikoi henitaona e abia hehunimu, hahemaoro ihagagevana totona.
PRO 17:24 Lalo-parara tauna ese aonega e haḡereamu, a kavakava tauna ese tanobada dokodia e roha henia laomu.
PRO 17:25 Kavakava merona ese tamana lalona e hahisihisiamu, bona e havaraia hahinena lalona e hadikaiamu.
PRO 17:26 Kara maoromaoro tauna matana ihakanina na dia namo; lalo-ihunu taudia bae dadabadia na dika.
PRO 17:27 Se hereva momomu tauna na mai aonegana; se badu-haraḡamu tauna na mai ena lalo-parara.
PRO 17:28 Kavakava tauna basine hereva negana ai, bae laloa ia na aonega tauna; uduna baine hakapua negana ai, baeto ia na lalo-parara tauna.
PRO 18:1 E haheidaumu tauna ese sibona ena ura e tahuamu; lalo-hadai namodia iboudiai e inai henimu.
PRO 18:2 Kavakava tauna ese lalo-parara se moalelaiamu; ia sibona ena lalo-hadai igwauraina mo e moalelaiamu.
PRO 18:3 Kara dika e maimu negana ai, heihi-ihirai danu e maimu; heḡonaḡonalai amo hedadarai e varamu.
PRO 18:4 Tau ta uduna herevadia na ranu dobudia na heheto; aonega na e lohilohiamu, e aru goadagoadamu.
PRO 18:5 Kara dika tauna ibeiana na dia namo, bona kara maoromaoro tauna idadaraina danu dia namo.
PRO 18:6 Kavakava tauna bibinana ese heiri-heiri e havaraiamu, bona uduna ese hedadaba e vaveamu.
PRO 18:7 Kavakava tauna uduna na ia ihabua-tarina, bona bibinana na ia sibona idoalaina ḡau.
PRO 18:8 Hemaunu tauna ena hereva na aniani mai gaihodia na heheto; idia na boga lalonai e laomu.
PRO 18:9 Ena ḡaukara ai e lahedomu tauna na hahebua-tari tauna tadikakana.
PRO 18:10 Iehova ladana na kohoro aukana; kara maoromaoro tauna na ia lalonai e heau vareaimu bena e maurimu.
PRO 18:11 Taḡa tauna ena taḡa na hanua aukana na heto ia ena, bona maḡu badana na heto, ia igimana.
PRO 18:12 Tau lalona ena heaḡi ese hahebua-tari e gunalaiamu, a lalo-manau ese heimodai e gunalaiamu.
PRO 18:13 Tau ta do se kamonai negana ai na e haeremu, una na ena kavakava bona ena hemarai.
PRO 18:14 Tau ta lalona na gorere ai baine haheauka; a dara-doko ai daika baine haheauka?
PRO 18:15 Mai darana tauna lalona ese lalo-parara e davariamu, bona aonega tauna taiana ese lalo-parara e tahuamu.
PRO 18:16 Tau ta ena herahia ḡauna ese ena dala e lailaiamu, lohia vairadiai e hakaudia vareaimu.
PRO 18:17 E hereva gunamu tauna ena hereva mamina na momokani, ela bona ta ma bainema, anina baine tahu henia.
PRO 18:18 Mari ese hepapahuahu e hadokodiamu, bona hahemaoro na siahu taudia padadiai e karaiamu.
PRO 18:19 Tadikakana ese e kahaiamu tauna na hanua aukana na heto, a heiri-heiri na ruma aukana auridia na heheto.
PRO 18:20 Tau ta uduna huahuana amo e hahehonumu; bibinana anina amo e hahehonumu.
PRO 18:21 Mase bona mauri na mala siahuna lalonai mimia; e ura heniamu taudia ese huahuana bae ani.
PRO 18:22 Hahine e adavaiamu tauna ese namo e davariamu, Iehova ena hahenamo e abiamu.
PRO 18:23 Ogoḡami taudia na e noinoimu, a taḡa taudia na hereva aukadia amo e haeremu.
PRO 18:24 Haida na e hetura koikoimu, a hetura korikori tauna ena hedaro-boubou ese tadikaka ena hedaro-boubou e hereaiamu.
PRO 19:1 Ogoḡami tauna ena lalo-maoromaoro ai e rakamu ese kavakava tauna mai ena hereva gageva-gagevadia na e hereaiamu.
PRO 19:2 Tau ta asi aonegana baine noho na dia namo; e raka haraḡa-haragamu tauna ese ena dala e reaiamu.
PRO 19:3 Tau ta ena kavakava ese ena dala e hakererea vaitanimu negana ai, ia ese Iehova e lalo dika heniamu.
PRO 19:4 Taḡa ese hetura taudia matamatadia momo e mailaidiamu, a ogoḡami tauna na turana ese e rakataniamu.
PRO 19:5 Gwaurai-hedinarai koikoi tauna ese mata-hakani basine reaia; hereva koikoi tauna na basine roho mauri.
PRO 19:6 Hutuma ese harihari-bada tauna ena lalo-namo e tahuamu, bona taunimanima iboudiai na herahia e henimu tauna turana.
PRO 19:7 Ogoḡami tauna na tadikakana iboudiai ese e inai heniamu; benaini, turana ese e heautaniamu, dauha e laomu; e boi henidiamu, to idia na lasihidia.
PRO 19:8 Aonega e abiamu tauna na sibona e heura-henimu; lalo-parara e abia tarika-tarikamu tauna na ena namo baine bada.
PRO 19:9 Hahebade koikoi tauna ese mata-hakani basine reaia; bona hereva koikoi tauna na baine mase.
PRO 19:10 Kavakava tauna baine noho loḡea na dia namo; bona hesiai tauna ese lohia baine biagudia na dika herea.
PRO 19:11 Lalo-maoromaoro dainai tau ta na badu ai baine halahe, bona kara dika ilalo-negena na ia hairaina.
PRO 19:12 Pavapava ena badu na leona e ḡoumu na heto; ena lalo-namo na hunu rei latanai na heto.
PRO 19:13 Kavakava merona ese tamana e hadikaia vaitanimu; bona hahine ena hepapahuahu na medu e hetuturu hanaihanaimu na heto.
PRO 19:14 Ruma bona taḡa na tamada edia amo ta abimu; a mai darana hahinena na Iehova ena amo.
PRO 19:15 Lahedo ese taunimanima e hamahutadia hedavauhemu, bona lahedo tauna na baine hitolo.
PRO 19:16 Haheḡani e badinaiamu tauna na baine mauri, a hereva e dadaraiamu tauna na baine mase.
PRO 19:17 Ogoḡami taudia e bogadia hisimu tauna ese Iehova enai e heni torehaimu; Iehova ese ena kara davana do baine henia.
PRO 19:18 Natumu matana ba hakania, helaro na doini e miamu negana ai; lalomu basio hadaia ia baine dika.
PRO 19:19 Badu dikadika tauna ese davana baine abia; badina be boma hamauria, to ma boma karaia lou.
PRO 19:20 Hahealo herevadia ba kamonaidia, hahediba herevadia bavabidia dae; unu amo aonega bavabia, nega gabena ena.
PRO 19:21 Tau ta ena lalo-hadai na momo, a Iehova ena ura mo baine gini.
PRO 19:22 Tau ta enai ta ura heniamu ḡauna na heabidadama; ogoḡami tauna ena namo ese koikoi tauna ena e hereaiamu.
PRO 19:23 Iehova igari-henina ese mauri dalana ai e hakauda laomu; ienai e miamu tauna na lalona baine heḡereḡere, hahedika ta ienai basine kau.
PRO 19:24 Lahedo tauna ese imana na dihu ai e dau dobimu, bona basine abia isi uduna ai.
PRO 19:25 Ḡonaḡona tauna ba botaia, bena lalo-duhu taudia lalodia bae parara; lalo-parara tauna ba sisiba henia, bena ena aonega baine bada.
PRO 19:26 Tamana e daḡedaḡe heniamu bona sinana e luluamumerona ese hemarai bona gwaugwau e havaradiamu.
PRO 19:27 Natugu e, hahediba herevadia ikamonaina boma hadokoa, bena aonega herevadia amo ba raka oho danu.
PRO 19:28 Gwaurai-hedinarai asi anina tauna ese hahemaoro e ḡonaḡonalaiamu, bona kara dika tauna uduna ese dika badana e hadonoamu.
PRO 19:29 Ḡonaḡona taudia davadia na vada e heḡaeḡaelai; bona kavakava taudia dorudia danu bae kwadidia hiruka-hiruka.
PRO 20:1 Vine ranuna na ḡonaḡona ḡauna, kekero muramurana na heai ḡauna: ediai e kereremu tauna na asi aonegana.
PRO 20:2 Pavapava ena badu mai garina na leona e ḡoumu na heto; e habaduamu tauna ese ena mauri e negeamu.
PRO 20:3 Heatu amo e raka sirimu tauna na bae imodaia, a kavakava taudia iboudiai bae heai.
PRO 20:4 Lahedo tauna ese hadohado negana ai tano se ruaiamu; taboro negana ai baine hetahu, a ḡau ta basine davaria.
PRO 20:5 Taunimanima ta ena lalo-hadai na ranu dobuna na heto; a lalo-parara tauna ese baine veria lasi.
PRO 20:6 Taunimanima hutuma ese sibodia edia heabidadama egwauraimu, a kara momokani tauna na daika ese baine davaria diba?
PRO 20:7 Kara maorormaoro tauna na ena lalo-maoromaoro ai e rakamu; ia murinai natuna danu bae namo.
PRO 20:8 Hanua pavapavana na hahemaoro gabuna ai helaina ai ia matana ese dika baine tapoa hidi.
PRO 20:9 Daika baine hereva diba, baineto: Lalogu vada na haḡoevaia, egu dika amo vada name ḡoeva.
PRO 20:10 Metau auridia mai koikoidia bona hahetoho ḡaudia mai koikoidia, ruaosi Iehova ese e inai henidia badamu.
PRO 20:11 Mero maraḡina ena kara amo sibona e hahedinaraimu, ena kara na ḡoḡoeva-ḡoḡoeva bona mamaoro-mamaoro eiava?
PRO 20:12 E hakalamu taiana bona e roharohamu matana na Iehova ese ruaosi vada e karadia.
PRO 20:13 Mahuta basio ura henia, ba ogoḡami na garina; matamu a hapapadia, bena aniani momo bavabia.
PRO 20:14 Hoihoi tauna na e tomu “Ina na dika, ina na dika”, bena e raka ohomu mai heaḡina ida.
PRO 20:15 Gold bona dava-bada nadidia na mimia; a aonega bibinadia na herahera nadina namo-hereana.
PRO 20:16 Tau ta ese idau tauna dainai bema gwau hamata, ena hahedoki na bavabia; bona idau bese taudia daidiai bema gwau hamata, iena amo gwauhamata toana bavabia.
PRO 20:17 Koikoi amo e abiamu anianina na mai gaihona, iabina tauna uduna ai; a gabeamo ia uduna na miri ai baine honu.
PRO 20:18 Hahealo amo lalo-hata e ginimu; hahekau mai aonegana amo ba tuari.
PRO 20:19 E hesivarai loaloamu tauna ese hereva hehunidia e hahedinaraimu; taunabunai hereva kavakavadia e gwauraimu tauna ida basio hetura.
PRO 20:20 Ta ese tamana eiava sinana bema uduguiraia, ena lamepa baine bodo, baine dibura masemase.
PRO 20:21 Matamana ai e abia haraḡamu ahuna na dokona ai anina namona basine vara.
PRO 20:22 Basioto “Dika baina davalaia”; Iehova ba naria, ia ese baine durumu.
PRO 20:23 Metau auridia mai koikoidia na Iehova ese e inai henidia badamu: bona hahetoho ḡaudia mai koikoidia na dia nanamo.
PRO 20:24 Taunimanima ena raka na Iehova ese e reḡuamu; benaini, ena dala ede baine dibaia toma?
PRO 20:25 Tau ta baine hereva haraḡa, baineto “Ina na helaḡa”, bena baine gwau hamata murinai baine haeroa, una na idoa ienai.
PRO 20:26 Pavapava mai aonegana ese dika taudia na e tapodia hidimu, bona edia dika davadia e henidiamu.
PRO 20:27 Taunimanima laumana na Iehova ena lamepa, ia lalona idoinai itahuna.
PRO 20:28 Heabidadama bona kara maoromaoro ese hanua pavapavana na e hamauriamu; ena terono na hahemaoro ḡoevaḡoeva ese e ha-aukaiamu.
PRO 20:29 Eregabe taudia hairaidia na edia goada, a iahu hairaidia na huidia burukadia.
PRO 20:30 Hekwadi berodia ese dika e abi ohomu; bona hedadaba ese taunimanima lalodia e haḡoevadiamu.
PRO 21:1 Hanua pavapavana lalona na sinavai na heto, Iehova imana ai: ena ura gabuna e ha-arua laomu.
PRO 21:2 Tau ta ena dala iboudiai na mamaoro-mamaoro ena ita-ita ai; a Iehova ese ia lalona e dibaiamu.
PRO 21:3 Kara maoromaoro bona hahemaoro ḡoevaḡoeva na Iehova ese e abidia dae badamu, a boubou ḡaudia na e abidia dae maraḡimu.
PRO 21:4 Heaḡi matadia bona hekokoroku lalona, kara dika taudia edia lamepa, unu na didika.
PRO 21:5 Ḡaukara malaka-malaka tauna ena lalo-hadai ese anidia e havara badamu, a lalo-haraga taudia iboudiai na bae dabu.
PRO 21:6 Koikoi malana amo e abimu kohudia na ninoa lai ese e odaia ohomu na heto; una na mase idoana.
PRO 21:7 Kara dika taudia na edia daḡedaḡe ese baine darodia oho, badina be kara maoromaoro ikarana asie uramu.
PRO 21:8 Kerere tauna ena dala na gageva-gageva, a lalo-ḡoevaḡoeva tauna ena kara na maoromaoro.
PRO 21:9 Tau ta abikau ai baine noho be namo; a hereva momo hahinena ida ruma ai bae noho bou na dika.
PRO 21:10 Kara dika tauna laumana ese dika e ura heniamu, bona dekena tauna se bogaia hisimu.
PRO 21:11 Ḡonaḡona tauna matana e hakaniamu negana ai, lalo-duhu tauna lalona e heaonegamu; aonega tauna e hadibaiamu negana ai, ena lalo-parara e habadamu.
PRO 21:12 Kara maoromaoro tauna ese kara dika tauna ena ruma e itaia taomu; kara dika taudia na e hahebua tarimu.
PRO 21:13 Ogoḡami taudia edia taitai se hakala henimu tauna na sibona baine tai lolololo a ta basine kamonai.
PRO 21:14 Herahia ḡauna e heni hehunimu ese badu e laoa ahumu; bona koikoi henitaona e heni hehunimu ese badu aukana e hamanokaiamu.
PRO 21:15 Hahemaoro ḡoevaḡoevana ese kara maoromaoro taudia na e hamoalediamu, a kara dika taudia na kudoudia e hahetahadiamu.
PRO 21:16 Lalo-parara dalana amo e raka ohomu tauna ese mase taudia edia hebou ai baine noho.
PRO 21:17 Moale-kava e ura heniamu tauna na baine ogoḡami; bona vine ranuna bona dehoro e ura henidiamu tauna na basine taḡa.
PRO 21:18 Kara dika tauna na kara maoromaoro tauna ibodohilaina, bona kara koikoi tauna ese kara momokani tauna e bodohiamu.
PRO 21:19 Tau ta tano ḡaḡaena ai baine noho be namo, a e hereva momomu bona e maumaumu hahinena ida baine noho na dika.
PRO 21:20 Kohu namo-hereadia bona dehoro na aonega tauna ena ruma ai mimia, a kavakava tauna ese e ha-orediamu.
PRO 21:21 Kara maoromaoro bona hebogahisi e ḡavamu tauna ese mauri bona kara maoromaoro bona heimodai e davarimu.
PRO 21:22 Aonega tauna ese goada taudia edia hanua maḡuna amo e dada daemu; bona edia ruma aukana, e abidadama heniamu ḡauna, e ḡiḡia dobimu.
PRO 21:23 Uduna bona malana e naridiamu tauna na hekwakwanai amo e roho maurimu.
PRO 21:24 Heaḡi bona hekokoroku tauna na “gonaḡona tauna” e gwauraiamu; ia na e kara heaḡi-heaḡimu.
PRO 21:25 Lahedo tauna ena ura ese e hamaseamu, badina be ia imana na se uramu ḡaukara.
PRO 21:26 Dina idoinai kara dika tauna na e heḡahusimu, a kara maoromaoro tauna ese ḡau e henimu, se rumu.
PRO 21:27 Kara dika tauna ena boubou ḡauna na dika rohoroho, a mai ena lalo-hadai dikana ida e mailaiamu negana ai ena dikana bada herea.
PRO 21:28 Gwaurai-hedinarai koikoi tauna na baine mase, a kamonai tauna ena hereva do baine hesiriu.
PRO 21:29 Kara dika tauna ese vairana e ha-aukaiamu; a kara maoromaoro tauna ese ena dala e haerodiamu.
PRO 21:30 Asi aonega ta, asi lalo-parara ta, asi lalo-hadai ta ese Iehova baine laoa ahu diba.
PRO 21:31 Hosi e heḡaeḡaelaiamu, tuari dinana inanatalaina; a kwalimu na Iehova enai.
PRO 22:1 Lada namona iabi-hidina ese taḡa badadia iabi-hididia e hereadiamu, bona lalo-namo esesilver eiava gold e hereadiamu.
PRO 22:2 Taga taudia bona ogoḡami taudia na e hegogo heboumu; Iehova ese iboudiai e karadia.
PRO 22:3 Lalo-parara tauna ese dika e itaiamu, bena e komumu; a lalo-duhu taudia na e raka e laomu, bena e hekwakwanaimu.
PRO 22:4 Manau bona Iehova igari-henina davadia na taḡa bona heimodai bona mauri.
PRO 22:5 Ginigini bona idoa na lalo-gagevagageva tauna ena dala ai mimia; a sibona e hegimamu tauna na dauhai baine noho.
PRO 22:6 Meromero bema rakalaia dalana na ba hadibalaia; bena baine buruka negana ai basine rakatania.
PRO 22:7 Taga tauna ese ogoḡami tauna e biaguamu, bona abi-torehai tauna ese e henia torehai tauna isiaina e lao heniamu.
PRO 22:8 Hahemaoro gageva-gageva e hadoamu tauna ese hahehisi anina baine abia, bona ena badu auna na baine kwaidu.
PRO 22:9 Ani gaga-isi tauna na bae hanamoa, badina be ana aniani na ogoḡami taudia ida e ania heboumu.
PRO 22:10 Ḡonaḡona tauna ba lulua lasi, bena heiri-heiri na baine ore, bona heai bona gwaugwau bae doko.
PRO 22:11 Lalo-ḡoevaḡoeva e ura heniamu bona e hereva manadamu tauna na hanua pavapavana turana ai bainela.
PRO 22:12 Iehovas matana ese lalo-parara e itaia taomu; a koikoi tauna ena hereva na ia ese e ḡiḡi dobimu.
PRO 22:13 Lahedo tauna na e tomu “Leona ta na murimuri ai; ariara ai baine alagu mase”.
PRO 22:14 Ariara hahinena uduna na guri dobu-hereana; Iehova ese e badu heniamu tauna na ia lalonai baine moru dobi.
PRO 22:15 Kavakava na meromero lalonai mia; a mata-hakani auna ese baine lulua lasi dauhai.
PRO 22:16 Ogoḡami taudia edia amo e dadidadimu, sibona ena taḡa ihabadana totona, eiava taḡa taudia e harihari henidiamu, tauna na do baine dabu mo.
PRO 22:17 Taiamu a hakala, aonega taudia edia hereva ba kamonaidia, egu diba na lalomu ai bavabia dae;
PRO 22:18 badina be lalomu ai ba dogodia tao, bona bibinamu ai bavabidia hata, una na moale ḡauna.
PRO 22:19 Hari dina ai oi vada na hadibalaimumu, Iehova bavabidadama henia helaoreana.
PRO 22:20 Sisiba bona lalo-parara herevadia toi-ahui vada na tore henimu ani,
PRO 22:21 kara maoromaoro bona kara momokani ihadibalaimu totona, bona haere maorona na e siaimu taudia ba henidia helaoreana?
PRO 22:22 Ogoḡami tauna basio dadia, badina be ia na ogoḡami; hisi e animu taudia na hahemaoro gabuna ai basio taodia tao;
PRO 22:23 badina be Iehova ese edia gini-kau gabuna ai baine durudia, bona edia kohu e dadi ohomu taudia na edia mauri baine dadi oho.
PRO 22:24 Badu haraḡa tauna ida basio hetura, bona badu ḡaraḡara tauna ida basiola;
PRO 22:25 ena dala ba manadalaidia, bona sibomu idoa ai ba heidoa na garina.
PRO 22:26 Tau ta dainai e gwau hamatamu tauna ai basiola, bona ta ena abitorehai toana basio heni.
PRO 22:27 Idavalaina monina ai boma dabu negana ai emu mahuta patana na henumu amo bema heabi oho, namona be dahaka?
PRO 22:28 Tano hetoana gunana, senemu ese e holoa ḡauna, basio raḡaia oho.
PRO 22:29 Ena ḡaukara ikarana mai dibana tauna o itaiamu a? Ia na pavapava vairadiai baine gini; asi haridia taudia vairadiai basine gini.
PRO 23:1 Pavapava ida bavaniani hebou negana ai, vairamu ai ḡaudia ba itadia namonamo;
PRO 23:2 bema aniani dika taumu, bavani heita heni.
PRO 23:3 Ena aniani manokadia basio hekise-hekise henidia, badina be idia na hedibaḡani anianidia.
PRO 23:4 Taḡa iabina basio hekwarahilaia; a iabina boma hadokoa, boma aonega.
PRO 23:5 O roha heniamu negana ai na e pukimu; badina be asi kaimana hanina e hekaramu, bena guba e roho dae heniamu, ugava na heto.
PRO 23:6 Asi mata-henina tauna ana basio ania, ena aniani manokadia basio hekise-hekise henidia;
PRO 23:7 badina be ia na e helalomu tauna na heto; e tomu “Bavaniani, ba inuinu”, to lalona na dia oiemu ai.
PRO 23:8 Aniani ḡaudia vada o ani na ba mumuta nege, bona emu lalo-namo herevadia na ba hapetapetalai.
PRO 23:9 Kavakava tauna vairanai basio hereva, badina be emu hereva aonegadia na ia ese baine dadarai.
PRO 23:10 Tano hetoana gunana basio raḡaia oho, bona ihareha edia tano ai basio raka vareai;
PRO 23:11 badina be Ihamauridia Diravana na mai goadana; edia gini-kau gabuna ai baine durudia, oi baine laomu ahu.
PRO 23:12 Lalomu ese hahediba baine tahua, bona taiamu ese aonega herevadia bae hakala henidia.
PRO 23:13 Mero ta matana ihakanina ai basio daradara; au amo boma kwadia, ia na basinema mase.
PRO 23:14 Au amo boma kwadia, bena ia laumana na mase gabuna amo do ba rauaia.
PRO 23:15 Natugu e, lalomu bema aonega, bena lau lalogu danu bema moale.
PRO 23:16 Udumu bibinadia na hereva maoromaorodia bae gwaurai negana ai, lau laumagu do baine moale.
PRO 23:17 Lalomu ese kara dika taudia basine vaḡeḡe henidia, a dina idoinai Iehova garina ai ba noho.
PRO 23:18 Momokani, vaira dinadia dounu, bona emu helaro na basine doko.
PRO 23:19 Natugu e, a kamonai, bena ba aonega; lalomu na dala namona ai ba hakaua.
PRO 23:20 Vine ranuna e inu momomu taudia ida basio inu hebou, bona e ani lavadaemu taudia ida basio aniani hebou;
PRO 23:21 badina be kekero tauna bona ani-lavadae tauna na bae ogoḡami; bona mahuta momo ese tau ta dabua hedaredia baine hadabualaia.
PRO 23:22 Tamamu, e havaramu tauna, na ba kamonai henia; bona sinamu na e burukamu negana ai basio dadaraia.
PRO 23:23 Hereva momokani ba hoia emu, bona haida ediai ma basio hoihoilaia; aonega bona hahediba bona lalo-parara na ba hoidia emu.
PRO 23:24 Kara maoromaoro tauna tamana baine moale hisi dae; bona natuna mai aonegana e havaraiamu tauna ese baine moalelaia.
PRO 23:25 Tamamu bona sinamu na ba hamoaledia; e havaramu hahinena ba hamoalea hisi dae.
PRO 23:26 Natugu e, lalomu ba henigu; matamu ese egu dala do bae ita.
PRO 23:27 Badina be anara hahinena na guri dobuna; lebulebu hahinena na ranu gurina hekahi-hekahina.
PRO 23:28 E bani taomu, dadidadi tauna na heto; koikoi taudia e hahutumadiamu.
PRO 23:29 Daika etomu “Inaio”? Daika e tomu “Madi ihabaigu”? Daika e heaimu? Daika e maumaumu? Daika na asi badina vada e bero? Daika matana eme kakakaka?
PRO 23:30 Vine ranuna e inu daudaumu taudia, bona vine ranudia idau-idau e bulodiamu bena e inu tohomuta udia.
PRO 23:31 Vine ranuna e kakakakamu negana ai, kehere ai e kimore-kimoremu bona inuna ai e manada-manadamu negana ai, basio raraia.
PRO 23:32 Dokona ai ia na e hekorimu, gaigai na heto; duba na heto e hekorimu.
PRO 23:33 Matamu ese ḡau idaudia bae ita, bona lalomu amo hereva gageva-gagevadia bae dae.
PRO 23:34 Oi na davara nuana ai e hekuremu tauna eiava lagatoi au-tubuana dorina ai e helaimu tauna heḡereḡerena ai ba hahelao.
PRO 23:35 Baoto: E botagu, to asina hisihisi; e dadabagu, to mamina asina abia. Edena nega ai baina noga? Inuinu ḡauna ma ta baina tahua.
PRO 24:1 Kara dika taudia basio vaḡeḡe henidia, ibamodia basio ura;
PRO 24:2 badina be lalodia ese daḡedaḡe karadia e lalo hatamu, bona bibinadia ese hahedika karadia e herevalaimu.
PRO 24:3 Aonega ai ruma e hadaiamu; lalo-parara ai e haginiamu;
PRO 24:4 aonega ai ena daiutu na dava bada kohudia bona kohu namodia iboudiai amo e honumu.
PRO 24:5 Aonega tauna ese goada tauna e hereaiamu, bona mai dibana tauna ese mai goadana tauna e hereaiamu;
PRO 24:6 badina be hahekau mai aonegana amo emu tuari ba goadalaia, bona hahealo taudia hutuma daidiai ba kwalimu.
PRO 24:7 Aonega na atai ai, kavakava tauna na basine davaria diba; hanua ikoukouna ai ia na se herevamu.
PRO 24:8 Kara dika ikarana e laloa hatamu tauna na hahedika tauna bae gwauraia.
PRO 24:9 Kara kavakavadia ilalo-hatadia na kerere, bona ḡonaḡona tauna na taunimanima ese bae inai henia bada.
PRO 24:10 Hekwakwanai dinana ai boma manoka-manoka, emu goada na maraḡi-maraḡi.
PRO 24:11 Mase dalana ai e laohaidiamu taudia na ba hamauridia; mase gabuna ai e dedi dobimu taudia na ma ba veridia lou.
PRO 24:12 Boma toma “A itaia, ina na do asia dibaia”, lalo e dibaiamu Diravana ese se itaiamu a? Laumamu e gimaiamu Diravana na asi dibana a? Ia ese taunimanima davadia na edia ḡaukara heḡereḡeredia ai baine henidia, ani?
PRO 24:13 Natugu e, bada-ranuna bavania, badina be ia na namo; labolabo edia ruma amo e hetuturumu ḡauna na mai gaihona udumu ai.
PRO 24:14 Ba diba, aonega na unuheto, laumamu enai; boma davaria, vaira dinadia be dounu, bona emu helaro na basine doko.
PRO 24:15 Basio bani tao, kara dika tauna ese kara maoromaoro tauna ena ruma e bani henia taomu na heto; ena ruma na basio ḡiḡia dobi.
PRO 24:16 Badina be kara maoromaoro tauna na nega hitu e ketomu, ma e tore isimu; a kara dika taudia na hahehisi karadia ese e doridia dobimu.
PRO 24:17 Oi inaimu e ketomu negana ai na basio hisi dae; e hetutuhimu negana ai na lalomu basine moale;
PRO 24:18 Iehova ese baine itaia, bena baine badu, bona ena badu na iena amo baine abia oho na garina.
PRO 24:19 Lalomu basine hekwarahi kara dika taudia daidiai, bona kara havara taudia basio vaḡeḡe henidia;
PRO 24:20 badina be kara dika tauna enai vaira dinadia na dia mimia; bona kara havara tauna ena lamepa na baine bodo.
PRO 24:21 Natugu e, Iehova bona hanua pavapavana na garidia ba gari, bona idia ta basio gwau edeede henia;
PRO 24:22 baduna be idia edia amo hahebua-tari baine hedinarai taku. Daika dibana dahaka hahedika na idia raruosi edia amo bainema?
PRO 24:23 Aonega taudia edia hereva haida bini: Hahemaoro gageva-gageva na dia namo.
PRO 24:24 Kara dika tauna baine hamaoroa, baineto “Asi emu kerere”, tauna na bese idau-idau ese bae uduguiraia; orea idau-idau ese bae inai henia bada.
PRO 24:25 A kara dika tauna e sisiba heniamu taudia na moale bae davaria, bona hahenamo badana na latadiai baine kau.
PRO 24:26 Haere maorona e henimu tauna na bibinana amo e haherahumu tauna na heto.
PRO 24:27 Murimuri ai emu ḡaukara ba heḡaeḡaelaia, tano paka ai emu ruma dagana bavabi heḡaeḡae; una murinai emu ruma ba haginia.
PRO 24:28 Dekemu tauna basio habadelaia kava; bibinamu amo basio koikoi.
PRO 24:29 Basioto: Ia vada e kara henigu heḡereḡerena baina kara henia; una tau ena kara do baina hadavaia.
PRO 24:30 Lahedo tauna ena uma na rakaia hanai, bona asi darana tauna ena vine imeana danu.
PRO 24:31 Bena na itaia, au ḡinigini ese vada e habubunia, ava ḡiniḡini ese tano e lahea tao, ena nadi maḡuna vada e hegiḡi dobi.
PRO 24:32 Na itaia, bena na haeroa; na raraia, bena lalogu e parara.
PRO 24:33 Matamu ba taia, ba laḡa ani sisina, nega sisina kwaramu na imamu ai ba hahekwinaia;
PRO 24:34 bena ogoḡami ese baine abimu, dadidadi tauna na heto, bona dabu na emu ai baine kau, tuari tauna na heto.
PRO 25:1 Ini danu na Solomon ena hereva lada-isidia haida, Hesekia, Iuda pavapavana, ena orea taudia ese e tore hanai.
PRO 25:2 Dirava hairaina na ḡau ihunidia ai, a pavapava hairaidia na ḡau anidia itahudia ai.
PRO 25:3 Guba na atai ai e daemu bona tanobada na dobu gabudia ai e dihomu heḡereḡeredia, pavapava lalodia na basita tahudia diba.
PRO 25:4 Miro na e havevea silver-na amo ba kakaroa oho, bena silver iḡaukaralaina tauna na kehere ta baine karaia diba;
PRO 25:5 kara dika taudia na pavapva vairana amo bavabidia oho, bena ena terono na kara maoromaoro ai baine hedai.
PRO 25:6 Pavapava vairanai basio hekokoroku, eiava lohia ida basio gini bou;
PRO 25:7 badina be bae hamaoromu, baeto “Ini a dae mai”, be namo, a pavapava vairanai henu bae siaimu lao na dika. Matamu vada e ita karadia na
PRO 25:8 hahemaoro gabuna ai basio vareailai haraḡa; badina be dokona ai ede ba kara toma, dekemu tauna ese baine hahemaraimu negana ai?
PRO 25:9 Dekemu tauna sibona ida emu lalo-hadai ba herevalaia, tau ta ena lalo-hadai hehunina basio hahedinaraia;
PRO 25:10 emu hereva baine kamonai tauna ese baine hahemaraimu bona harimu dikana basine doko na garina.
PRO 25:11 Hereva maorona ig vauraina na gold apolodia silver boseadia lalodiai na heheto;
PRO 25:12 sisiba tauna mai aonegana ena hereva taia kirara tauna enai e gwauraiamu na gold gadeina eiava gold heraherana ta na heto.
PRO 25:13 E siaia taudia ediai gwaukau tauna namona na ninoa parakana taboro negana ai na heto; ia ese biagudia lalodia e hamatamatadiamu.
PRO 25:14 Se henimu herahiana e heaḡilaiamu tauna na ori bona lai asi medudia na heheto.
PRO 25:15 Haheauka ese lohia lalona baine ania, bona mala manadana ese turia baine hakwaidua.
PRO 25:16 Bada-ranuna boma davaria, dodinai boma ania, ianina ai lalomu baine aru bena ba mumuta na garina.
PRO 25:17 Dekemu tauna ena ruma ai basio dae kau momo, baine hesiku bena baine inai henimu na garina.
PRO 25:18 Dekena tauna e habadelaia koikoimu tauna na gahi eiava dare eiava diba mai matana na heto.
PRO 25:19 Hekwakwanai negana ai koikoi tauna iabidadama-henina na isi e hisihisimu eiava ae e dedimu na heto.
PRO 25:20 Lalo-metau tauna enai ane e abimu tauna na keru dinana ai hahedoki e doki ohomu tauna na heto, eiava heḡara muramurana bero ai na heto.
PRO 25:21 Inaimu bema hitolo, ana boma henia, bona ranu bema masea, ranu boma henia;
PRO 25:22 badina be unu amo lahi gidadia na kwarana ai ba senu kau, bena Iehova ese davamu baine henimu.
PRO 25:23 Lahara ese medu e mailaiamu, bona udu mauri ese vaira hua e havaraiamu.
PRO 25:24 Tau ta abikau ai baine noho be namo, a hereva momo hahinena ida ruma ai bae noho bou na dika.
PRO 25:25 Hari namona gabu daudau amo na ranu keruma-keruma ranu-mase tauna enai na heto.
PRO 25:26 Kara maoromaoro tauna ese kara dika taudia edia dala se laoa ahumu na guri ranuna e duhumu eiava ranu bodaga e lohilohiamu na heto.
PRO 25:27 Bada-ranuna momo bavania na dia namo; unuhetomana danu heimodai herevadia momo basio gwaurai.
PRO 25:28 Asi ena haheauka tauna na vada e habuaia tari bona asi maḡuna vada e rakatania hanuana na heto.
PRO 26:1 Kavakava tauna bae matauraia na dia namo; una na snow siahu negana ai eiava medu taboro negana ai na heto.
PRO 26:2 Bisini e roho loaloamu eiava aibisi e roho laomu na heto, heuduguirai asi badina na gabu ta ai se roho kaumu.
PRO 26:3 Hekwadi varona na hosi ena, hahekau varona na doniki ena, bona hekwadi auna na kavakava tauna doruna ena.
PRO 26:4 Kavakava tauna na ena kavakava heḡereḡerena ai basio haere henia, ia ida ba heḡereḡere na garina.
PRO 26:5 Kavakava tauna na ena kavakava heḡereḡerena ai ba haere henia, ia sibona ena ita-ita ai baine aonega na garina.
PRO 26:6 Gwaukau herevana na kavakava tauna imana ai e siaia laomu tauna ese sibona aena e utu ohomu bona daḡedaḡe e inuamu.
PRO 26:7 Hereva lada-isina kavakava taudia ududia ai na ae-hedairike tauna aena e heveriverimu na heto.
PRO 26:8 Kavakava tauna e matauraiamu tauna be nadi na vilipopo ai e kwatua kaumu tauna na heto.
PRO 26:9 Hereva lada-isina kavakava taudia ududia ai na kekero tauna imana e gwadaiamu giniginina na heto.
PRO 26:10 Kavakava tauna eiava kekero tauna raka-hanaina ai e vatuamu tauna na peva tauna taunimanima iboudiai e haberodiamu na heto.
PRO 26:11 Kavakava tauna ena kara kava ma e karaia loumu na mumutana e lou heniamu sisiana na heto.
PRO 26:12 Tau ta o itaiamu, ia sibona namona e gwauraiamu? Kavakava tauna na sisina baine namo, a una tau na basine namo diba.
PRO 26:13 Lahedo tauna na e tomu “Leona ta na dala ai; leona ta na ariara ai”.
PRO 26:14 Iduara na garugaruna ai e davedavemu na heto, lahedo tauna na ena mahuta patana ai unu e davedave tomamu.
PRO 26:15 Lahedo tauna ese imana na dihu ai e dau dobimu; ma baine abia isi uduna ai na e hesikulaiamu.
PRO 26:16 Lahedo tauna sibona ena ita-ita ai ena aonega ese mai lalo-pararadia ida e haeremu taudia hahitu e hereadiamu.
PRO 26:17 Haida edia heai lalonai e vareaimu tauna be sisia na raka-hanaina ai taiana ai e abiamu tauna na heto.
PRO 26:18 Dekena tauna e koiamu, bena e tomu “Lau be na hevaseha mo” tauna na kava tauna lahi tutudia bona diba bona mase e tahodiamu na heto.
PRO 26:20 Asi rakuraku audia dainai lahi na e bodomu; bona asi hemaunu tauna gabuna ai heai e dokomu.
PRO 26:21 Badu haraḡa tauna ese heai e havaraiamu, guma gida latanai eiava au lahi latanai na heto.
PRO 26:22 Hemaunu tauna ena hereva na aniani namodia taidia na heheto, boga ai e dihomu.
PRO 26:23 Bibinana e manada-manadamu a lalona e dikamu tauna na uro mai kopina kavari-kavarina na heto.
PRO 26:24 E heinaimu tauna na bibinana amo e helao ahumu, bona koikoi na lalona ai e huniamu danu;
PRO 26:25 hereva manadadia e gwauraimu negana ai basio kamonai henia, badina be lalo-hadai dika-rohorohodia hitu na ia lalona ai mimia.
PRO 26:26 Ena be ena heinai na koikoi ai e heḡova ahumu, to ena dika na hebou ai baine hedinarai.
PRO 26:27 Guri e ḡeiamu tauna na lalonai baine moru dobi, bona e hekeimu nadina ese e keiamu tauna na baine keia tao.
PRO 26:28 Koikoi malana ese e koidiamu taudia na e inai henidiamu, bona hahenamo koikoi herevadia e gwauraimu uduna ese hahebuatari e havaraiamu.
PRO 27:1 Kerukeru ḡaudia basio heaḡilaidia; badina be asi dibamu dina ta ai dahaka baine vara.
PRO 27:2 Ta ese baine hanamomu, dia oi sibomu udumu; idau tauna ta ese, dia oi sibomu bibinamu.
PRO 27:3 Nadi na metau, miri danu metau; a kavakava tauna ena hahebadu daladia na metau herea.
PRO 27:4 Badu na mai dagedaḡena; ia na abata na heto; a vaḡeḡe na daika ese baine ginia ahu?
PRO 27:5 Sisiba baine hedinarai na namo; lalokau baine hehuni na dika.
PRO 27:6 Hetura ai e henimu berodia na mai heabidadamadia ida, a inai tauna ena haherahu momo na mai koikoidia.
PRO 27:7 Boga-kunu tauna ese bada-ranuna e dadaraiamu, a hitolo tauna enai ḡau iditadia iboudiai na mai gaihodia.
PRO 27:8 Ena noho gabuna e rakataniamu tauna na ena ruma e rohotaniamu manuna na heto.
PRO 27:9 Dehoro bona muramura mai bonana ese lalo e hamoaleamu; a hekwakwanai ese lalo e hadikaiamu.
PRO 27:10 Turamu bona tamamu turana basio rakatanidia; bona hahehisi karana emu ai e kaumu dinana ai tadikakamu ena ruma basiola. Dekemu tauna ena noho kahi ese tadikakamu ena noho daudau e hereaiamu.
PRO 27:11 Natugu e, ba aonega, lalogu na ba hamoalea, e gwau henigumu tauna baina haere henia totona.
PRO 27:12 Lalo-parara tauna ese hahedika e itaiamu, bena e komumu; a lalo-duhu taudia na e raka laomu, unu amo e hisihisimu.
PRO 27:13 Idau tauna dainai e gwau hamatamu tauna na ena dabua bavabia; bona idau taudia daidiai e gwau hamatamu negana ai, iena amo gwauhamata toana do bavabia.
PRO 27:14 Daba matana ai e tore isimu, dekena tauna e hanamoa badabadamu, tauna na heuduguirai tauna bae gwauraia.
PRO 27:15 Ḡadeḡade hahinena na medu e hetuturumu na heto;
PRO 27:16 ia igwau-taona na lai igwau-taona na heto, eiava ima idibana ai dehoro ikahu-taona na heto.
PRO 27:17 Auri ese auri e segeamu; bona tau ta ese ma tau ta e segeamu.
PRO 27:18 Suke auna e reḡuamu tauna ese huahuana baine ania, bona biaguna e gimaiamu tauna na bae imodaia.
PRO 27:19 Tau ta lalona na tau ta lalona ai e heitamu, ia vairana laulauna na ranu ai e heitamu na heto.
PRO 27:20 Mase gabuna bona dobu masemase gabuna asie honumu; bona tau ta matana ese ḡau se ita davanamu.
PRO 27:21 Uro na silver ena, lahi gold ena, a tau ta itohona na heimodai ai e hedinaraimu.
PRO 27:22 Kavakava tauna na uit ida ba gwadaia hebou, to ena kavakava na iena amo basine hekoki oho.
PRO 27:23 Emu mamoe seridia ede e noho tomamu na ba diba, bona emu nani seridia ba reḡudia;
PRO 27:24 badina be taḡa na se mia hanaihanaimu. Kwara ivavalaina ḡau na uru iboudiai lalodiai baine mia a?
PRO 27:25 Rei baine marai, ma rei matamata baine vara, bona ororo avadia bae habou;
PRO 27:26 una negana ai mamoe natudia amo emu hahedoki ḡaudia bavabi, bona nani na emu tano davana ai baela;
PRO 27:27 nani ratana na baine davana oi amu, bona emu ruma taudia adia, bona emu hesiai kekenidia adia.
PRO 28:1 Kara dika taudia be ta ese se havadiamu negadia ai e heau kavamu, a kara maoromaoro taudia na e haheaukamu, leona na heto.
PRO 28:2 Basileia ta ai e kara havaramu negadia ai, ena pavapava na hoho; a aonega bona lalo-parara taudia daidiai, ia na nega daudau baine gini tutuka-tutuka.
PRO 28:3 Ogoḡami tauna ese ogoḡami tauna e hahisiamu na medu baroko ese aniani ḡaudia e hadikadia oremu na heto.
PRO 28:4 Taravatu e rakataniamu taudia ese kara dika taudia na e imodaidiamu, a taravatu e badinaiamu taudia ese e biridia ahumu.
PRO 28:5 Kara dika taudia na hahemaoro ḡoevaḡoeva asi dibadia, a Iehova e tahuamu taudia na dibadia vaitani.
PRO 28:6 Ogoḡami tauna ena lalo-momokani ai e rakamu be namo; taḡa tauna mai ena kara gageva-gageva na dika.
PRO 28:7 Taravatu e badinaiamu merona na aonega merona; a ani-lavadae taudia e bamodiamu merona ese tamana e hahemaraiamu.
PRO 28:8 Ena taḡa na heato-kau kohudia amo e habadaiamu tauna ese egogomu, ogoḡami taudia e bogadia hisimu tauna ena.
PRO 28:9 Taravatu ikamonaina amo taiana e daro kepokepomu tauna ena ḡuriḡuri na ḡau dika-rohorohona.
PRO 28:10 Kara maoromaoro taudia kara dika dalana ai e hakaudia kereremu tauna na sibona ena guri ai baine moru dobi; a asi edia kerere taudia ese ahudia namodia bae abi.
PRO 28:11 Taḡa tauna na mai aonegana, sibona ena ita-ita ai; a ogoḡami tauna mai lalo-pararana ese ena koikoi baine davaria.
PRO 28:12 Kara maoromaoro e kwalimumu negana ai heimodai na bada; a kara dika taudia e tore isimu negana ai taunimanima bae komu.
PRO 28:13 Ena kara dika e hunidiamu tauna basine namo, a ena kara dika e gwaurai hedinaraimu bona e rakatanimu tauna na ena dika baine hegwau tao.
PRO 28:14 Nega idoinai Iehova garina e garimu tauna na namo, a lalona e ha-aukaiamu tauna na hahehisi lalonai baine moru.
PRO 28:15 Pavapava dikana ese ogoḡami taudia e biagudia na leona e ḡoumu eiava bea e daḡedaḡemu na heto.
PRO 28:16 Pavapava asi lalo-pararana ese taunimanima e hahisidia badamu; a taḡa iabi-koikoina e inai heniamu tauna ese ena mauri dinadia baine hahohodia.
PRO 28:17 Taunimanima rarana e hahebubua tauna na heau tauna ai bainela ela bona mase; tau ta ese basine durua.
PRO 28:18 Kara maoromaoro ai e rakamu tauna na baine roho mauri, a kara gageva-gageva tauna na guri ai baine moru dobi.
PRO 28:19 Ena tano e ruaiamu tauna ese aniani momo baine abi, a kara asi anidia e karamu tauna na baine ogoḡami herea.
PRO 28:20 Heabidadama tauna ese ḡau namodia momo baine abi, a taḡa e ḡavalaiamu tauna ese mata-hakani basine reaia.
PRO 28:21 Kaha ta ai mo e taomu karana na dia namo; a aniani taina helaoreana ai tau ta baine kerere.
PRO 28:22 Taga e ura heniamu tauna eseltaḡa e ḡava heniamu; asi dibana ia na do baine ogoḡami.
PRO 28:23 Tau ta e sisiba heniamu tauna ese gabeai lalo-namo bada baine abia; a malana amo e hanamoa koikoimu tauna ese lalo-namo maragi baine abia.
PRO 28:24 Tamana eiava sinana ena ḡau e henaomu bena e tomu “Una na dia kerere” tauna na hahebua-tari tauna bamona.
PRO 28:25 Mata ḡaniḡani tauna ese heiri-heiri e havaraiamu; a Iehova e abidadama heniamu tauna ena taḡa do baine bada.
PRO 28:26 Sibona lalona e abidadama heniamu tauna na kavakava tauna; a aonega ai e rakamu tauna na do baine roho mauri.
PRO 28:27 Ogoḡami taudia e harihari henidiamu tauna na basine dabu, a matana e hakapuamu tauna na bae uduguiraia bada.
PRO 28:28 Kara dika taudia e tore isimu negadia ai, taunimanima na e komumu; a e masemu negadia ai, kara maoromaoro taudia na e hutumamu.
PRO 29:1 E sisiba henia momomu to aiona e ha-aukaiamu tauna na baine dika taku, asi ihanamona dalana ta.
PRO 29:2 Kara maoromaoro taudia e lohiamu negadia ai na taunimanima e moalemu; a kara dika taudia e lohiamu negadia ai na taunimanima e ḡanaḡanamu.
PRO 29:3 Aonega e ura heniamu tauna ese tamana e hamoaleamu, a ariara hahinedia ida e heboumu tauna ese ena kohu e hapetapetalaiamu.
PRO 29:4 Hahemaoro ḡoevaḡoeva amo hanua pavapavana ese basileia e haginia tutuka-tutukamu, a harihari ḡaudia igwaurai-bagubagudia amo e havahuamu.
PRO 29:5 Dekena tauna e hanamoa koikoimu tauna ese huo e otoamu, ia sibona ihatoalaina.
PRO 29:6 Kara dika tauna na ena kara dika ese e idoaiamu, a kara maoromaoro tauna na ane e abimu bona e moale hisi daemu.
PRO 29:7 Kara maoromaoro tauna na ogoḡami taudia ahudia korikori mai dibana, a kara dika tauna na lalo-parara unuhetomana asi dibana.
PRO 29:8 Heḡonaḡonalai taudia ese hanua e ha-araiamu, a aonega taudia ese badu e laoa ahumu.
PRO 29:9 Aonega tauna na kavakava tauna ida bema hepapahuahu negana ai, kavakava tauna na e badumu bona e kirimu mo, a asie mainomu.
PRO 29:10 Rara ihahebubuna e uramu taudia ese asi ena kerere tauna e inai heniamu, a kara maoromaoro taudia ese ia ihamaurina dalana e tahuamu.
PRO 29:11 Kavakava tauna ese ena badu e halasiamu, a aonega tauna na badu ai e haheaukamu.
PRO 29:12 Pavapava ese hereva koikoidia bema abidia dae negana ai, ia henuna taudia iboudiai na bae kara dika.
PRO 29:13 Ogoḡami tauna bona ia e hahisiamu tauna raruosi e hevaira hehenimu, bena Iehova ese raruosi matadia e hadiaridiamu.
PRO 29:14 Pavapava ese ogoḡami taudia bema hahemaoro henidia mai maoromaorona ida; ena terono baine gini hanaihanai.
PRO 29:15 Hekwadi auna bona sisiba herevadia ese aonega e havaraiamu, a sibona ena ura e karamu merona ese sinana e hahemaraiamu.
PRO 29:16 Kara dika taudia e lohiamu negadia ai na kara havara e bada e laomu, a kara maoromaoro taudia ese edia moru bae itaia.
PRO 29:17 Natumu matana ba hakania, bena ia ese laḡa-ani baine henimu, bona lalomu do baine hamoalea.
PRO 29:18 Lalo-diari lasi negana ai, taunimanima e kara havaramu, a taravatu e badinaiamu tauna na namo.
PRO 29:19 Hesiai tauna na hereva amo mo matana se hakaniamu; badina be lalona e pararamu, a nahuana se tohoamu.
PRO 29:20 Hereva takutaku tauna ta o itaiamu a? Kavakava tauna na reana baine namo, a una tau basine namo diba.
PRO 29:21 Ena hesiai tauna na merona ai e hagabuḡabua tauna na dokona ai baine hekwarahi ia dainai.
PRO 29:22 Badu tauna ese heiri-heiri e havaraiamu, bona badu momo tauna ese kara dika momo e havaramu.
PRO 29:23 Tau ta ena hekokoroku ese baine hahekwakwanaia, a manau tauna na bae imodaia.
PRO 29:24 Henao tauna bamona ese sibona ena mauri e inai heniamu; heuduguirai herevana e kamonaimu, to dibana ḡaudia se herevalaidiamu.
PRO 29:25 Taunimanima igari-henidia ese idoa e atoamu, a Iehova e abidadama heniamu tauna na basine dika.
PRO 29:26 Hutuma ese pavapava ena lalo-namo e tahuamu, a Iehova enai tau ta ese hahemaoro goevaḡoeva e abiamu.
PRO 29:27 Kara gageva-gageva tauna na kara maoromaoro taudia ese e inai henia badamu, a dala maoromaoro ai e rakamu tauna na kara dika taudia ese e inai henia badamu.
PRO 30:1 Aguru Iake, tau Masa, ena hereva bini. Hari tau eto: Na hesikumu, Dirava e, na hesikumu; Dirava e, egu goada vada e ore.
PRO 30:2 Momokani, lau na kavakava herea, dia taunimanima na heto; asi daragu taunimanima darana na heto.
PRO 30:3 Aonega asina davaria; Helaḡa Diravana na asi dibagu.
PRO 30:4 Daika na guba ai vada e dae, bona ma e diho? Daika ese lai na imana ai vada e kahua tao? Daika ese davara na dabua ai vada e kumia? Daika ese tanobada dokodia iboudiai vada e hadai? Ia ladana be daika, bona natuna ladana be daika? Vada o diba, ani!
PRO 30:5 Dirava ena hereva iboudiai na momomo-kakani; enai e roho maurimu taudia edia kesi na ia.
PRO 30:6 lena hereva latadiai hereva ta basio atoa kau, baine gwau henimu bena emu koikoi baine hedinarai na garina.
PRO 30:7 Ḡau rua emu ai na noimu; do asina mase ai basio rudia.
PRO 30:8 Koikoi karadia bona herevadia egu amo bavabidia daudau; ogoḡami eiava taḡa basio henigu, a egu hitolo heḡereḡerena ai mo ba ubugu;
PRO 30:9 bogagu baine kunu bena baina ḡoremu, bainato “Iehova be daika?” na garina; eiava baina ogoḡami, bena baina henao-henao, bona egu Dirava ladana baina ḡonaḡonalaia na garina.
PRO 30:10 Hesiai tauna na biaguna enai basio habadelaia koikoi; baine uduguiraimu, bena kereremu bae gwauraia na garina.
PRO 30:11 Haida ese tamadia e uduguiraidiamu, bona sinadia asie hanamodiamu.
PRO 30:12 Haida na sibodia edia ita-ita ai ḡoḡoeva-ḡoḡoeva etomamu, a ḡau be edia miro amo do asie ḡoeva.
PRO 30:13 Haida be matadia e heaḡimu, bona ibunidia e haroroka-rorokamu.
PRO 30:14 Haida na isedia be dare, bona gadigadidia be kaia; idia ese ogoḡami taudia tanobada amo e anidia oremu, bona e dabumu taudia taunimanima bogaragidia amo danu.
PRO 30:15 Doma na mai natuna hahinedia rua; “A henimai, a henimai” e tomu. Ḡau toi bogadia asie kunumu; ḡau hani nega ta asie tomu “Vadaeni”.
PRO 30:16 Gaudia be mase gabuna, bona gabani hahinena bogana, bona tanobada, nega idoinai ranu e maseamu, bona lahi, nega ta asine tomu “Vadaeni”.
PRO 30:17 Tamana e ḡonaḡonalaiamu bona sinana e gwau edeede heniamu tauna matana na koura galodia ese bae giboa lasi, bona ugava ese bae ania.
PRO 30:18 Ḡau toi na mai hoadia bada egu ai; ḡau hani be asi dibagu.
PRO 30:19 Ḡaudia be ugava ena dala guba ai, bona gaigai ena dala hagahaga nadina ai, bona lagatoi ena dala gadobada ai, bona tauhau ena dala hane-ulato enai.
PRO 30:20 Heuda-hanai hahinena ena dala binai: e anianimu, bena uduna e dahuamu, bena e tomu “Asina kerere”.
PRO 30:21 Ḡau toi henudiai tanobada e heude-heudemu; ḡau hani henudiai basine gini auka.
PRO 30:22 Ḡaudia be hesiai tauna, pavapava ai e hahelaomu negana ai; bona kavakava tauna, bogana e kunumu negana ai;
PRO 30:23 bona ta ese se lalokau heniamu hahinena, e headavamu negana ai; bona hesiai kekenina, biaguna gabuna e abiamu negana ai.
PRO 30:24 Ḡau hani tanobada ai na mamaraḡi, a idia na a'aonega heherea:
PRO 30:25 dimairi na asi goadadia, to taboro negana ai adia e haboumu;
PRO 30:26 miḡu danu asi goadadia, to edia ruma na tano lalonai e karamu;
PRO 30:27 kwadi na asi edia pavapava, to e raka ere-eremu, tuari oreana na heto;
PRO 30:28 vaboha na imamu ai bavabia diba, to ia na pavapava edia ruma ai e nohomu.
PRO 30:29 Ḡau toi e raka ruturutumu; ḡau hani e raka turiaturiamu.
PRO 30:30 Ḡaudia be leona, uda ḡaudia bogaragidiai ia mo herea, bona ḡau ta vairanai ia na se raka murimu;
PRO 30:31 bona kokoroku maruanena; bona nani maruanena; bona hanua pavapavana, ena orea matana ai e rakamu.
PRO 30:32 Boma kavakava, sibomu boma heaḡi, eiava kara dika boma laloa hata, bena udumu na imamu amo ba koua.
PRO 30:33 Badina be rata ba taoa, rata-hetarina digarana ba davaria; bona udu baubauna ba taoa tari, bena rara baine aru; bona badu ba taoa, bena heiri-heiri baine vara.
PRO 31:1 Lemuele, Masa pavapavana, ena hereva bini, sinana ese e hadibalaia herevadia.
PRO 31:2 Natugu e, bogagu amo o vara merona, natugu e, egu gwauhamata amo o vara merona, ede baina hereva henimu toma?
PRO 31:3 Emu goada na hahine basio henidia; emu dala na pavapava iala-masedia taudia basio henidia.
PRO 31:4 Dia namo, Lemuele e, dia namo pavapava ese vine ranuna bae inua; dia namo hanua lohiadia ese kekero muramurana bae ura henia;
PRO 31:5 bae inu bena taravatu bae readia, bona hisi e animu taudia iboudiai ahudia korikori bae ha-idau na garina.
PRO 31:6 Kekero muramurana na mokona e masemu tauna ba henia, bona vine ranuna na lalodia e hisihisi hereamu taudia ba henidia;
PRO 31:7 do bae inu, bena edia ogoḡami bae laloa boio, bona edia hisihisi basie laloa une.
PRO 31:8 Udumu ba hapapaia, mu taudia daidiai, bona ihareha iboudiai ahudia korikori daidiai.
PRO 31:9 Udumu ba hapapaia, ba hahemaoro mai maoromaoromu ida, ogogami taudia bona e dabumu taudia ahudia korikori inanatalaidia.
PRO 31:10 Hahine namona na daika ese baine davaria? Ia ese herahera nadinadidia namo-heredia e hereadiamu.
PRO 31:11 Adavana lalona ese ia e abidadama heniamu, bona ḡau namodia ai basine dabu.
PRO 31:12 Hahine unuhetomana ese adavana e hanamoamu, se hadikaiamu, ena mauri dinadia iboudiai lalodiai.
PRO 31:13 Mamoe huina bona lagwa varona e tahudiamu; ia imana na gaukara e uramu.
PRO 31:14 Ia na hoihoi taudia edia lagatoi na heheto, ana aniani na dauha amo e mailaimu.
PRO 31:15 Daba vaburana ai e tore isimu, ena ruma taudia adia e nadu hatamu, bona ena hesiai kekenidia edia ḡaukara e henidiamu.
PRO 31:16 Tano ta ihoina e lalo-hadailaiamu, bena e hoiamu; ena ḡaukara anina amo vine imeana e hadoamu.
PRO 31:17 Goada e rioamu, bona imana e ha-aukadiamu.
PRO 31:18 Ena hoihoi anidia namodia e itamu; hanuaboi ai ena lamepa na se bodomu.
PRO 31:19 Dabua ihatuna auna na imana ai e abiamu, bona igirolaina gau na imana amo e dogoa taomu.
PRO 31:20 Ia ese imana e kehoamu ogogami taudia ediai; bona imana ruaosi e toi roromu, e dabumu taudia ediai.
PRO 31:21 Keru negana ai ena ruma taudia se kudou hetahalaidiamu, badina be iboudiai na mai edia dabua kakakakadia.
PRO 31:22 Ia ese hetaru e karamu; ena dabua na linen namo-hereana bona dabua kakakaka miakoremana.
PRO 31:23 Hanua ikoukoudia lalodiai taunimanima ese ia adavana e dibaiamu; ia na hanua tau-badadia bogaragidiai e helaimu.
PRO 31:24 Ia ese linen dabuadia e karadiamu, bena e hoidiamu; gaba ḡaudia danu hoihoi taudia dekedia e siaidia laomu.
PRO 31:25 Goada bona ninina-namo e hahedokilaidiamu; nega vaira dinadia ia ese e kiri henidiamu.
PRO 31:26 Uduna e hapapaiamu mai aonegana ida, bona hebogahisi ihahedibalaina na matana ai.
PRO 31:27 Ena ruma taudia edia kara e ita taomu; bona aniani inonogadia se animu.
PRO 31:28 Natuna e tore isimu, namona e gwauraiamu; adavana ese e imodaiamu danu, e tomu:
PRO 31:29 Hahine hutuma vada e kara namo herea, to oi ese iboudiai o hereadiamu.
PRO 31:30 Kara laloa-laloa na koikoi, bona hairai na asi anina; a Iehova garina e garimu hahinena na bae imodaia.
PRO 31:31 Ena gaukara anina ba henia, bona ena kara na hanua ikoukouna ai do bae imodaia.
ECC 1:1 Ini na Haroro Tauna ena hereva; ia be David natuna, Ierusalem pavapavana.
ECC 1:2 Haroro Tauna na eto: Asi anidia ḡaudia, asi anidia ḡaudia; ḡau iboudiai be asi anidia.
ECC 1:3 Tau ta ena hekwarahi idoinai dina henunai e karaiamu anina be dahaka?
ECC 1:4 Uru ta e lao bubunimu, ma uru ta e vara isimu; a tanobada na e mia hanaihanaimu.
ECC 1:5 Dina e daemu, ma e dihomu; bena ena dae gabuna ma e ḡava heniamu.
ECC 1:6 Lai ese diho kahana e toa heniamu, bena e toa heḡeḡemu, mirigini kahana e toa heniamu; e toa heḡeḡe-heḡeḡemu, ena dala gunadia ai ma e toa loumu.
ECC 1:7 Sinavai iboudiai na davara ai e aru lasimu, a davara na se honumu; sinavai ese e aru henidia gunava gabudia ma e aru henidia loumu.
ECC 1:8 Ḡau iboudiai na hekwarahi ai e honumu; tau ta basine herevalaia diba. Mata be basine itaia ore; taia be basine kamonai ḡuḡuru.
ECC 1:9 E vara guna ḡauna ma baine vara lou; e karaia guna karana ma bae karaia lou; ḡau matamatana ta se miamu, dina henunai.
ECC 1:10 Ḡau be edena, bae herevalaia, baeto “A itaia, ina na matamata”? Lasi, nega gunadia ai e miava, ita do asita vara negadia ai.
ECC 1:11 E vara guna ḡaudia na ta ese se lalodia taomu, bona do bae vara ḡaudia na ta ese basine lalodia tao, gabeai bae vara urudia lalodiai.
ECC 1:12 Lau, Haroro Tauna, ese Israel taudia na biagudia Ierusalem ai.
ECC 1:13 Bena guba henunai e karamu karadia iboudiai na tahudia, mai lalogu idoinai bona mai aonegagu ida. Dirava ese taunimanima natudia unu vada e hahekwarahidia tomamu.
ECC 1:14 Dina henunai e karamu karadia iboudiai vada na itadia; iboudiai na asi anidia, lai ianina na heto.
ECC 1:15 Ḡau gageva-gagevana na basie hamaoromaoroa diba, bona lasihidia ḡaudia na basie duahidia diba.
ECC 1:16 Lalogu ai nato: Aonega badana vada na abia; egu aonega ese Ierusalem e biagua gunava taudia iboudiai edia aonega na e hereadiamu; oibe, lalogu ese aonega bona lalo-parara vada e dibadia bada.
ECC 1:17 Bena lalogu na hadaia, aonega baina dibaia, bona kavakava bona lebulebu baina dibadia. Bena lalogu vada e parara, ina danu lai ianina mo.
ECC 1:18 Badina be aonega bada lalonai lalo-hekwarahi danu bada; bona lalo-parara e habadaiamu tauna ese lalo-hisihisi danu e habadaiamu.
ECC 2:1 Lalogu ai nato: Be, moale baina dibaia; ba hahemoale. To una danu na asi anina.
ECC 2:2 Kiri na herevalaia, nato “Ia na kavakava”; bona moale na herevalaia, nato “Ena namo be dahaka?”
ECC 2:3 Tau-anigu ihanamona dalana vine ranuna i'inuna amo na lalogu ai na tahua; ḡau tamona, lalogu ese dounu aonega e badinaiava. Kavakava idogo-taona dalana danu na tahua, baina itaia nato, taunimanima natuna na edia mauri dinadia oreoredia guba henunai ede bae namo toma.
ECC 2:4 Ḡaukara badadia na kara: ruma na hadai, bona vine imeadia na hado egu.
ECC 2:5 Uma bona imea na kara, bona huahua audia idau-idau na idia lalodiai na hado.
ECC 2:6 Ranu gabudia na ḡei, egu imea audia ihapariparidia.
ECC 2:7 Hesiai taudia bona hahinedia na hoidia, bona hesiai memerodia bona kekenidia na egu ruma ai e vara. Egu nani bona egu mamoe seridia na momo herea, Ierusalem ai e gunalaigu taudia iboudiai edia e hereadia.
ECC 2:8 Silver bona gold na haboudia egu; bona pavapava idau-idau edia kohu bona tano idau-idau kohudia danu. Ane-abi taudia bona hahinedia danu na abidia; bona hahine momo na adavadia, taunimanima edia moale dalana bunai.
ECC 2:9 Unu amo na herea dae; Ierusalem ai e gunalaigu taudia iboudiai na na hereadiava, bona egu aonega na egu ai e miava danu.
ECC 2:10 Matagu edia ura ta ediai asina rua, bona lalogu ena moale dalana ta enai asina laoa ahu; badina be lalogu ese egu hekwarahi idoinai e moalelaiava, egu hekwarahi idoinai ahuna bunai.
ECC 2:11 Bena imagu ḡaukaradia iboudiai bona ikaradia hekwarahidia idoidiai na haerodia; bena lalogu e parara, idoinai na asi anina, lai ianina mo. Ihanamogu ḡauna ta lasi dina henunai.
ECC 2:12 Bena aonega bona kavakava bona lebulebu ma na haerodia; badina be hanua pavapavana murina amo e maimu tauna na ede baine kara toma? E kara gunava karadia mo, ani.
ECC 2:13 Bena lalogu e parara, aonega ese kavakava e hereaiamu, diari ese dibura e hereaiamu na heto.
ECC 2:14 Aonega tauna matana na kwarana ai, a kavakava tauna na dibura ai e rakamu; ḡau tamona na diba, iboudiai dokodia be tamona mo.
ECC 2:15 Bena lalogu ai nato: Kavakava tauna enai e kaumu ḡauna na lauegu ai danu baine kau; matona, na aonega hereamu anina be dahaka? Ma lalogu ai nato: Ina danu asi anina.
ECC 2:16 Aonega tauna bona kavakava tauna na raruosi basie lalodia tao daudau; badina be dina gabedia ai iboudiai na bae lalodia boio vaitani. Aonega tauna na e masemu, kavakava tauna heḡereḡerena.
ECC 2:17 Taunabunai, mauri na inai heniava; badina be dina henunai e karava karadia na lalogu ese e hisihisilaiva. Badina be iboudiai na asi anidia, Iai ianina mo.
ECC 2:18 Dina henunai na hekwarahilaiva ḡaudia iboudiai na na inai henidiava; badina be murigu ai bainema tauna enai baina rakatanidia.
ECC 2:19 Bona daika dibana ia na baine aonega eiava baine kavakava? A mai aonegagu ida dina henunai na hekwarahilaiva ḡaudia iboudiai na ia ese baine biagudia. Ina danu asi anina.
ECC 2:20 Taunabunai, lalogu na na haloua bona daragu e doko, egu hekwarahi idoinai ai dina henunai na ḡaukaralaiva ḡaudia daidiai;
ECC 2:21 badina be nega haida tau ta ese mai aonegana bona mai lalo-pararana bona mai idibakana ida e karava ḡaudia iboudiai na baine rakatanidia, bena se hekwarahilaiva tauna ese baine moalelai. Ina danu asi anina, bona dika herea.
ECC 2:22 Tau ta ena ḡaukara iboudiai bona ena hekwarahi idoinai dina henunai davadia be dahaka baine abi?
ECC 2:23 Badina be ena dina iboudiai na hisihisi ai e honumu, bona ena ḡaukara na lalo-hekwarahi ḡauna; hanuaboi ai danu ia lalona se laḡa animu. Ina danu asi anina.
ECC 2:24 Tau ta ena dala namo-hereana binai: baine aniani, baine inuinu, bona ena hekwarahi baine moalelaia. Bena lalogu e parara, ina danu be Dirava imana amo;
ECC 2:25 badina be bema ia dauhai, daika bema aniani eiava bema moale?
ECC 2:26 Badina be Dirava ese e lalo namo heniamu tauna na aonega bona lalo-parara bona moale e heniamu; a kara dika tauna na ina hekwarahi e heniamu, ia ese kohu baine habou bona baine hasenu, Dirava ese e lalo namo heniamu tauna ihenina totona. Ina danu asi anina, lai ianina mo.
ECC 3:1 Ḡau iboudiai na mai edia nega korikori, bona ḡaukara iboudiai guba henunai e karamu be mai negadia:
ECC 3:2 vara mai negana, mase mai negana; hadohado mai negana, ḡeiḡei mai negana;
ECC 3:3 ala-ala mai negana, hahemauri mai negana; ruma irohona mai negana, ruma ihadaina mai negana;
ECC 3:4 taitai mai negana, kiri mai negana; lalo-hisihisi mai negana, mavaru mai negana;
ECC 3:5 nadi inegedia mai negana, nadi ihaboudia mai negana; haherahu mai negana, basie haherahu na mai negana;
ECC 3:6 itahuna mai negana, ihaboiona mai negana; ikahu-taona mai negana, ikahu-negena mai negana;
ECC 3:7 dabua idarena mai negana, dabua iturina mai negana; asi reḡereḡeda baita noho na mai negana, baita herevahereva na mai negana;
ECC 3:8 heura-heheni mai negana, heinai-heheni mai negana; tuari mai negana, maino mai negana.
ECC 3:9 Ḡaukara tauna ena hekwarahi anina be dahaka baine abia?
ECC 3:10 Dirava ese taunimanima natudia vada e henidia bae hekwarahilai ḡaukaradia vada na itadia.
ECC 3:11 Ia ese ḡau iboudiai vada e hahairaidia, ta ta ena nega ena nega ai; a taunimanima lalodia vada e haduhudia, idia ese Dirava ena ḡaukara, matamana ela bona dokona, basie davaria diba.
ECC 3:12 Lau dibagu taunimanima edia dala namona tamona binai: bae moale, edia mauri dinadia iboudiai lalodiai bae hahemoale.
ECC 3:13 Ina danu, iboudiai bae aniani bona bae inuinu, bona edia hekwarahi idoinai bae moalelaia; una na Dirava ena harihari ḡauna taunimanima ediai.
ECC 3:14 Lau dibagu Dirava ena kara Iboudiai na bae mia hanaihanai; ḡau ta ma basie atoa kau eiava basie abia oho; Dirava ese unu vada e karaia toma, taunimanima na ia vairanai bae gari helaoreana.
ECC 3:15 Harihari e miamu ḡaudia na gunaguna e miava, bona do bae vara ḡaudia danu gunaguna e miava; bona Dirava ese vada e heabi oho ḡaudia na e tahudiamu.
ECC 3:16 Dina henunai ma na itaia, hahemaoro ḡoevaḡoeva gabuna ai kara dika e miava, bona kara maoromaoro gabuna ai kara gageva-gagevadia danu e miava.
ECC 3:17 Lalogu ai nato: Dirava ese kara maoromaoro taudia bona kara dika taudia baine hahemaoro henidia; badina be ia ese bae vara ḡaudia iboudiai bona ḡaukara iboudiai edia nega vada e gwaurai.
ECC 3:18 Lalogu ai ma nato: Dirava ese taunimanima natudia e tohodiamu, baine hahedinarai henidia idia na boroma mo.
ECC 3:19 Badina be taunimanima natudia ediai e varamu bona boroma ediai e varamu dalana be tamona; ta e masemu heḡereḡerena, ma ta danu e masemu. Iboudiai laḡadia na heḡereḡere, taunimanima ese boroma asie hereadiamu; badina be iboudiai na asi anidia.
ECC 3:20 Iboudiai na gabu tamona e laomu; iboudiai na ḡahu amo, bona iboudiai na ḡahu ai ma baela.
ECC 3:21 Daika dibana taunimanima laumana na e daemu bona boroma laumana na tano ai e dihomu eiava?
ECC 3:22 Taunabunai vada na diba, taunimanima ena dala namo-hereana binai, ena ḡaukara baine moalelaia, badina be ia ahuna bunai. Ia murinai bae vara ḡaudia na daika ese baine haheitalaia.
ECC 4:1 Ma na roha lao, hahehisi karadia iboudiai dina henunai e karamu na itadia. Hahehisi ese e hahisidiamu taudia iruru-matadia na itadia, bona tau ta ese taudia se halodia. Siahu na hahehisi taudia ediai; bona taudia ihalodia tauna ta lasi.
ECC 4:2 Bena na laloa, vada e mase guna taudia na nanamo; idia ese doini e maurimu taudia na e hereadiamu.
ECC 4:3 A herea-daena be do se vara bena kara dikadia dina henunai e karamu na do se ita tauna hari.
ECC 4:4 Bena na itaia, hekwarahi idoinai bona ima-idibaka ḡaukaradia iboudiai na tau ta ese dekena tauna e vaḡeḡelai heniamu amo e varamu. Ina danu asi anina, lai ianina mo.
ECC 4:5 Kavakava tauna ese imana e lokumu, bona sibona tau-anina e aniamu.
ECC 4:6 Ima tamona na laḡa-ani amo baine honu be namo; ima ruaosi na hekwarahi bona lai ianina amo bae honu na dika.
ECC 4:7 Bena kara asi anina dina henunai ma na itaia. Kara na binai:
ECC 4:8 tau ta na asi bamona ta, asi natuna, asi tadikakana; ḡau tamona ena hekwarahi na se dokomu, bona ena roharoha ai ena taḡa na nega ta se heḡereḡeremu; bena nega ta se henanadaimu, seto “Daika bagunai na hekwarahimu bona moale ai na dabumu?” Ina danu asi anina, kara asi moalena.
ECC 4:9 Rarua ese tamona e hereaiamu; badina be edia hekwarahi davana namona e abiamu.
ECC 4:10 Badina be ta bema keto, bamona ese bema abia isi; a ta bema raka edea bena bema keto negana ai asi iabi-isina tauna, ia madi ihabaina.
ECC 4:11 Ina danu, rarua bema hekure hebou, tau-anidia bema siahu; a ta bema hekure edea, tauna ede bema siahu toma?
ECC 4:12 Tau ta ese tau tamona baine hadarerea diba reana, a tatau rarua ese bae laoa ahu diba. Varo ere toi na basie motu haraḡa.
ECC 4:13 Eregabe tauna mai aonegana, ena be ia na e vara ogoḡami tauna mo basileia lalonai bena dibura rumana lalona amo e raka lasi pavapava ai ela, to ia ese pavapava burukana mai ena kavakava, aonega taudia edia hahealo iabi-daena vada e rakatania tauna, na e hereaiamu.
ECC 4:15 Mauri taudia iboudiai dina henunai e raka eva-evamu na itadia, bona una pavapava burukana baine boloa eregabena danu.
ECC 4:16 Unu taunimanima iboudiai na asi iduahidia; ia ese iboudiai e biagudiava. Ḡau tamona, gabeai baema taudia ese basie moalelaia. Momokani, ina danu asi anina, bona lai ianina.
ECC 5:1 Dirava ena dubu ai ba raka vareai negadia ai na aemu ba nari; ikamonaina totona ba raka kahira be namo, kavakava taudia edia boubou ḡaudia ihahelaḡadia na e hereaiamu, badina be idia na asi dibadia e kara dikamu.
ECC 5:2 Udumu basine hereva haraga-haraga, bona lalomu na hereva ta igwauraina ai basine haraḡa Dirava vairanai; badina be Dirava na guba ai a oi na tanobada ai, una dainai emu hereva na bae gadoi.
ECC 5:3 Badina be nihi na hekwarahi momo amo e varamu, bona hereva momo na kavakava tauna gadona amo.
ECC 5:4 Dirava ba gwau hamata henia negana ai, anina ikarana ai basio halahe; badina be ia ese kavakava taudia se moalelaidiamu. Emu gwauhamata anina ba karaia.
ECC 5:5 Basioma gwau hamata be namo, a ba gwau hamata bena anina basio karaia na dika.
ECC 5:6 Udumu ba naria, kara dika ai basine hakaumu vareai; bona gwaukau tauna vairanai basioto “Na kerere”. Namona be dahaka Dirava ese eremu baine badulaia, bona imamu ḡaukaradia baine habuadia tari?
ECC 5:7 Badina be nihi bae momo negadia ai, hereva asi anidia bae vara momo; a oi ese Dirava garina ba gari.
ECC 5:8 Basileia ta ai ogoḡami taudia e hahisidiamu bona hahemaoro ḡoevaḡoeva bona ahu korikori e dadihaidiamu boma itaia negana ai basioma hoalaia; badina be herea tauna na herea-dae tauna henunai, bona idia raruosi daediai na herea mikamika taudia haida.
ECC 5:9 A e birulaiamu tanona na pavapava ese baine biagua, una na namo.
ECC 5:10 Moni e ura heniamu tauna ese moni baine abi, to lalona basine heḡereḡere; bona taḡa e ura heniamu tauna ese ena taḡa baine habadaia, to lalona basine heḡereḡere. Ina danu asi anina.
ECC 5:11 Kohu bae momo, to iha oredia taudia danu bae hoho; bena kohu biaguna ese anidia basine abi, a matana amo baine itadia mo, ani?
ECC 5:12 Ḡaukara tauna na bogana baine kunu eiava baine hitolo, to ena mahuta baine namo; a taḡa tauna na baine ani paru dainai basine mahuta diba.
ECC 5:13 Dika badana ta guba henunai vada na itaia: taḡa tauna na ena taḡa igogosina ai e dika;
ECC 5:14 hekwakwanai negana ai una taḡa e boio, bena ia na mai natuna, to imana e tuna.
ECC 5:15 Sinana bogana amo ema heḡereḡerena ai ma bainela, ḡaḡaena ai, ema heḡereḡerena; ena hekwarahi danu asi anina, ḡau ta na imana ai basine laohaia.
ECC 5:16 Ina danu dika badana ta: ema heḡereḡerena ai ma bainela; ia na lai iabina e hekwarahilaia,
ECC 5:17 bona ena dina iboudiai na dibura bona lalo-hisihisi bona lalo-hekwarahi bona gorere bona tudaga lalodiai e ha-oredia, anina be dahaka?
ECC 5:18 Vada na itaia, ina na namo bona heḡereḡere: taunimanima na btine aniani, bona baine inuinu, bona ena hekwarahi idoinai Dirava ese ena mauri dinadia oreoredia dina henunai vada e henia lalodiai baine moalelaia; badina be ia ahuna korikori bunai.
ECC 5:19 Dirava ese taḡa bona kohu vada e henidia taudia iboudiai na siahu danu vada e henidia, bae moalelaidia, bona ahudia bae abi dae, bona edia hekwarahi ai bae moale; una na Dirava ena harihari ḡauna.
ECC 5:20 Badina be idia ese edia mauri dinadia basie lalodia bada; badina be Dirava ese e hamoalediamu, bona una mo bae laloa bada.
ECC 6:1 Dika ta vada na itaia dina henunai, taunimanima e hametaudiamu ḡauna:
ECC 6:2 tau ta be Dirava ese taḡa bona kohu bona dagi e heniamu, bena ena ura ḡauna ta ai se dabumu; ḡau tamona, Dirava ese imoalelaina siahuna se heniamu, a idau tauna ta ese e moalelaidiamu. Ina na asi anina, hahehisi badana.
ECC 6:3 Tau ta natuna bema sinahu-ta, bona ena mauri bema daudau, ela bona ena mauri laḡanidia bema momo herea, a ena mauri ihanamona ḡaudia basinema moalelaidia bona ena mase negana ai basiema ḡuria; lau na tomamu masena ai e vara merona ese ia e hereaiamu.
ECC 6:4 Badina be ena mai na asi anina, ena lao be dibura e lao heniamu, bona ia ladana na dibura ai e bubunimu;
ECC 6:5 oibe, dina na se itaia, bona ḡau ta asi dibana, ḡau tamona ia na laḡa-ani e davariamu; a una tau be lasi.
ECC 6:6 Ena be ena mauri laḡanidia bema daha rua, to ḡau namona ta basinema moalelaia: be, iboudiai na gabu tamona se laomu a?
ECC 6:7 Taunimanima edia hekwarahi idoinai na ududia daidiai; ḡau tamona, bogadia na asie kunumu.
ECC 6:8 Aonega tauna ese kavakava tauna ede e hereaia tomamu? Ogoḡami tauna na mauri taudia vairadiai ede baine kara toma bema mai dibana, to ahuna be dahaka namona?
ECC 6:9 Matada e itamu ḡaudia ese ta lalo haguhilaimu ḡaudia na e hereadiamu; ina danu asi anina, lai ianina mo.
ECC 6:10 Vada e vara ḡaudia iboudiai na ladadia vada e hato guna, bona dibada taunimanima be dahaka, bona dibada ia ese goada-herea tauna basine hepapahuahu henia diba.
ECC 6:11 Hereva bae momo, kavakava danu baine bada; idia ese taunimanima ede bae hanamodia toma?
ECC 6:12 Badina be daika dibana taunimanima ena namo be dahaka, ena mauri asi anina dinadia oreoredia lalodiai? E raka hanaimu laulau ta na heto, ani? Badina be daika ese baine hamaoroa, ia murinai dahaka baine hedinarai dina henunai?
ECC 7:1 Lada namona ese dehoro namo-hereana e hereaiamu, bona mase dinana ese vara dinana e hereaiamu.
ECC 7:2 Taitai rumana ilao-henina be namo, aria rumana ilao-henina na dika; badina be taunimanima iboudiai ini e doko tomamu, bona mauri taudia ese bae helalolaia.
ECC 7:3 Lalo-hisihisi ese kiri e hereaiamu; badina be vaira ḡegeva ese lalona e hamoaleamu.
ECC 7:4 Aonega taudia lalodia na taitai rumana ai, a kavakava taudia lalodia na kiri rumana ai.
ECC 7:5 Aonega tauna ena gwau-gwau e hakala heniamu tauna be namo, kavakava taudia edia ane e kamonaimu tauna na dika.
ECC 7:6 Kavakava taudia edia kiri na au ginigini uro henunai e aramu reḡedia na heheto; ina danu asi anina.
ECC 7:7 Momokani, hahehisi ese aonega tauna e hakavaiamu. bona koikoi henitaona ese lalona e hamiroamu.
ECC 7:8 Kara dokona ese kara matamana e hereaiamu, bona lalo-manau ese lalo-heaḡi e hereaiamu.
ECC 7:9 Basio badu haraḡa, badina be badu ese kavakava taudia lalodia e noho henidiamu.
ECC 7:10 Basioto “Dahaka dainai nega gunadia ese ina nega e hereaia?” Badina be dia aonega amo so henanadaimu.
ECC 7:11 Kohu iabina mai aonegana ida be namo, dina e itaiamu taudia ihanamodia;
ECC 7:12 badina be aonega ena hegima na moni ena hegima na heto, bona lalo-parara ena hahenamo be aonega ese lalo-parara tauna e naria balahenimu.
ECC 7:13 Dirava ena ḡaukara ba haeroa: ia ese vada e hagagevaia ḡauna na daika ese baine hamaoromaoroa.
ECC 7:14 Emu namo e badamu dinana ai ba moale, bona emu dika e badamu dinana ai ba laloa, Dirava ese unu ruaosi vada e karadia, taunimanima na basie diba dahaka dahaka ia murinai bae vara helaoreana.
ECC 7:15 Egu mauri asi anina lalonai, ḡau iboudiai vada na itadia: kara maoromaoro tauna na ena kara maoromaoro ai e masemu, bona kara dika tauna na ena kara dika ai ena mauri e hadaudauamu.
ECC 7:16 Metaira ba kara maoromaoro, metaira ba aonega; sibomu ba heala anina be dahaka?
ECC 7:17 Metaira ba kara dika, bona basio kavakava; emu nega do basine ore ai vada ba mase anina be dahaka?
ECC 7:18 Ina na ba kahua tao bona una na basio kahua nege be namo; badina be Dirava garina e garimu tauna na idia iboudiai bogaragidia amo baine raka lasi.
ECC 7:19 Aonega ese aonega tauna e hagoadaiamu; bena ia ese hanua lohiadia gwauta e hereadiamu.
ECC 7:20 Momokani, asi kara-maoromaoro tauna ta tanobada ai e kara namomu mo, bona nega ta se kara dikamu.
ECC 7:21 Taunimanima edia hereva iboudiai basio hakala henidia, emu hesiai tauna baine uduguiraimu bena ena hereva ba kamonai na garina.
ECC 7:22 Lalomu ai vada o diba, nega momo oi ese haida na vada o uduguiraidia.
ECC 7:23 Ina idoinai aonega amo vada na tohoa. Lau nato “Baina aonega”; to aonega egu amo na idauhai.
ECC 7:24 E miamu ḡauna na idauhai; ia na dobu, dobu masemase. Daika ese baine davaria diba?
ECC 7:25 Lalogu na haloua, baina diba, bona aonega bona ḡau badidia baina tahudia; bona kara dika ena kavakava bona kavakava ena kava kukuha baina dibadia.
ECC 7:26 Bena ḡau idita-hereana ta na davaria, mase iditana e hereaiamu ḡauna; una ḡau be lalona na idoa bona huo bona imana na gadea hahinena. Dirava e hamoaleamu tauna na iena amo e roho maurimu; a kara dika tauna na ia ese e abiamu.
ECC 7:27 Haroro Tauna e tomamu: A itaia, ina na vada na davaria. Lalo-hadai idau-idau vada na haboudia, ede bae hatamona toma;
ECC 7:28 Ialogu ai vada na tahua loulou, to asina davaria. Daha ta lalodia amo tau tamona na davaria, a ini iboudiai lalodia amo hahine ta asina davaria.
ECC 7:29 A itaia, ina mo vada na davaria: Dirava ese taunimanima e karadia mai edia maoromaoro, a idia ese dala idau-idau vada e tahudia.
ECC 8:1 Daika na aonega tauna heḡereḡerena; Daika na ḡau anidia mai dibana? Tau na aonega ese vairana e hahururu-hururuamu, bona ena vaira auka e abia ohomu.
ECC 8:2 Hanua pavapavana ena haheḡani ba badinaia, bona emu gwauhamata helaḡana dainai kudoumu basine hetaha.
ECC 8:3 Ia vairana amo ba raka oho; ena be ḡaukara mamina na dika to basio halahe, badina be ia ese ena ura iboudiai heḡereḡeredia ai e karamu.
ECC 8:4 Badina be hanua pavapavana ena hereva na herea; daika ese baine nanadaia, baineto “Dahaka o karamu?”
ECC 8:5 Haheḡani e badinaiamu tauna na basine dika; bona aonega tauna lalona baine parara, nega bona dala be ededia.
ECC 8:6 Badina be, ena be taunimanima edia hekwarahi na metau, to ḡaukara iboudiai na mai negadia bona mai daladia.
ECC 8:7 Badina be ia na asi dibana dahaka baine vara, bena daika ese baine hamaoroa diba ede baine vara toma?
ECC 8:8 Asi tauna ta mai siahuna ia laumana baine dogoa tao eiava mai siahuna ena mase dinana enai. Tuari ai tau ta basine raka siri diba; bona dika ese kara dika tauna basine hamauria.
ECC 8:9 Ina idoinai na itaia, kara iboudiai dina henunai e karamu na haerodia negana ai. Na itaia danu, taunimanima haida ese bamodia e biagudiamu bona e hahisidiamu.
ECC 8:10 Na itaia danu, kara dika taudia na e guridia; gunaguna-idia na gabu helaḡana ai e raka vareai e raka lasi, bona hanua lalonai e imodaidia edh kara daidiai. Ina danu asi anina.
ECC 8:11 Kara dika davadia na asie heni haraḡamu dainai, taunimanima natudia lalodia ese kara dika e ura heni badamu.
ECC 8:12 Ena be kara dika tauna na nega sinahu-ta e kara dikamu bona ena mauri e hadaudauamu, to lau dibagu Dirava garina e garimu taudia na bae namo, badina be ia vairanai e garimu.
ECC 8:13 A kara dika tauna basine namo; ena mauri basine hadaudaua laulau na heto; badina be ia na Dirava vairanai se garimu.
ECC 8:14 Kara ta tanobada ai na asi anina: kara namo taudia haida na kara dika taudia ahudia heḡereḡeredia ai e abimu, bona kara dika taudia haida na kara namo taudia ahudia heḡereḡeredia ai e abimu. Lau nato una danu asi anina.
ECC 8:15 Moale na hanamoamu, badina be taunimanima na asi ena ḡau namona ta dina henunai; a baine aniani, baine inuinu bona baine moale; badina be unu ese ena hekwarahi ai bae bamoa, ena mauri dinadia Dirava ese dina henunai baine henia lalodiai.
ECC 8:16 Lalogu na hadaia, aonega baina diba, bona tanobada ai e karaiamu ḡaukarana baina itaia; e kara boimu e kara ranimu, matadia asie mahutamu.
ECC 8:17 Bena Dirava ena kara idoinai na itaia, dina henunai e karamu ḡaukaradia anidia na taunimanima ese basine davaridia diba. Ena be itahudia ai baine hekwarahi bada, to basine davaridia; ena be aonega tauna baineto mai dibana, to basine davaridia diba.
ECC 9:1 Ina idoinai na laloa bona na haeroa: kara maoromaoro taudia bona aonega taudia bona edia kara danu na Dirava imana ai; taunimanima na asi dibadia ia ese e ura henidiamu eiava e inai henidiamu. Ḡau iboudiai idia vairadiai na asi anidia;
ECC 9:2 badina be kara tamona na iboudiai ediai e kaumu, kara maoromaoro tauna enai bona kara dika tauna enai, tau namona enai bona tau dikana enai, lalo-ḡoevaḡoeva tauna enai bona lalo-bodaga tauna enai, boubou ḡauna e hahelaḡaiamu tauna enai bona boubou ḡauna se hahelaḡaiamu tauna enai. Kara namo tauna bona kara dika tauna na heḡereḡere; e gwau hamatamu tauna bona gwauhamata se uramu tauna na heḡereḡere.
ECC 9:3 Dina henunai e karamu karadia iboudiai edia dika ta binai: kara tamona na iboudiai ediai e kaumu. Ina danu, taunimanima lalodia na dika ai e honu honu daemu, edia mauri dinadia ai lalodia na kakavakava, una murinai mase gabuna e laomu.
ECC 9:4 To mauri taudia iboudiai ida e heturamu tauna na mai ena helaro; badina be e maurimu sisiana ese vada e mase leonana na e hereaiamu.
ECC 9:5 Badina be mauri taudia na dibadia do bae mase; a mase taudia na ḡau ta asi dibadia, bona asi ahudia, a ilalo-taodia na e boiomu.
ECC 9:6 Edia heura-heni bona edia heinai-heni bona edia vaḡeḡe vada e ore vaitani; bona dina henunai e karamu karadia iboudiai lalodiai idia na asi ahudia, ela bona hanaihanai.
ECC 9:7 Aola, amu bavania mai moalemu ida, bona emu vine ranuna ba inua mai lalo-namomu ida; badina be Dirava ese emu kara vada e hanamoa guna.
ECC 9:8 Nega iboudiai dabua kurokurodia ba hahedokilai; dehoro na kwaramu ai baine mia hanaihanai.
ECC 9:9 Adavamu, o ura heniamu hahinena, ida ba moale hebou, emu mauri asi anina dinadia Dirava ese dina henunai vada e henimu iboudiai lalodiai, badina be oi ahumu bunai emu mauri ai, bona dina henunai o hekwarahilaimu ḡaukaradia lalodiai.
ECC 9:10 Oi imamu ese baine davaria ḡaukarana na ba karaia mai goada-badamu ida; badirla be o lao heniamu gabuna, mase taudia edia gabu, lalonai na asi ḡaukara ta, asi lalo-hadai ta, asi lalo-parara ta, bona asi aonega ta.
ECC 9:11 Dina henunai ma na itaia lou: heau helulu ai heau haraḡa taudia asie gunamu, bona tuari ai goada taudia asie kwalimumu, bona aonega taudia ese aniani asie aniamu, bona lalo-parara taudia ese taḡa asie abiamu, bona idibaka taudia na asie lalo-namo henidiamu; a nega bona kara na e vara kavamu mo, iboudiai ediai.
ECC 9:12 Badina be taunimanima ese ena nega se dibaiamu. Gwarume na hekoi rekena ai e hetoamu eiava manu na idoa ai e heidoamu na heto, taunimanima natudia na unu e heidoa tomamu, nega dika ese e hahoadiamu negana ai.
ECC 9:13 Ina aonega toana na dina henunai vada na itaia danu; bona na laloa, ia na ḡau badana.
ECC 9:14 Hanua maragina ta ena taunimanima na dia hoho; bena hanua pavapavana badana ta ese e tuari henia, e koua heḡeḡe, bona tano e larebaia heḡeḡe ia iabina totona.
ECC 9:15 A una hanua lalonai na ogoḡami tauna ta mai aonegana; bona ia ese ena aonega amo una hanua e hamauria. A asi tauna ta ese una ogoḡami tauna e laloa tao.
ECC 9:16 A lau na tomamu, ena be ogoḡami tauna ena aonega e dadaraiamu bona ena hereva asie kamonaimu, to aonega ese goada e hereaiamu.
ECC 9:17 Aonega tauna ena hereva asi regerege gabuna ai e gwauraimu ese lohia ena haroro kavakava taudia bogaragidiai na e hereaiamu.
ECC 9:18 Aonega ese tuari ḡaudia na e hereadiamu, a kara dika tauna tamona ese ḡau namodia diagau e hadikadiamu.
ECC 10:1 Muramura mai bonadia ikaradia tauna ena dehoro lalonai lao e masemu, bena una dehoro bonana na e dikamu; unuhetomana kavakava sisina ese aonega bona matau e hadikadiamu.
ECC 10:2 Aonega tauna lalona ese idiba kahana e hakaua laomu, a kavakava tauna lalona ese lauri kahana e hakaua laomu.
ECC 10:3 Kavakava tauna, ena be dala ai e rakamu, to lalona se pararamu; ia ese taunimanima iboudiai e hamaorodiamu ia na kavakava.
ECC 10:4 Hanua pavapavana ese bema badu henimu, emu gabu basioma rakatania; badina be hemataurai ese kerere badadia e tahunidiamu.
ECC 10:5 Dika ta vada na itaia dina henunai, hanua pavapavana ena kerere ta na heto reana.
ECC 10:6 Kererena binai: kavakava na atai gabudia ai e abia daemu, a taḡa taudia na henu ai e helaimu.
ECC 10:7 Hesiai taudia vada na itadia, hosi ai e guimu; bona hanua lohiadia vada na itadia, aedia amo e rakamu, hesiai taudia na heheto.
ECC 10:8 Guri e ḡeiamu tauna na una guri lalonai baine moru; bona haba e dareamu tauna na gaigai ese baine koria.
ECC 10:9 Nadi e taradiamu tauna na nadi ese bae haberoa; bona au e poladiamu tauna na au ese bema hadikaia reana.
ECC 10:10 Auri asi ganona basie segea negana ai, ḡaukara tauna ena hekwarahi baine bada, a aonega ese ḡaukara e haheauamu.
ECC 10:11 Mea tauna ese gaigai do se hamanadaia negana ai ia na bema hekori, mea tauna iboirina na asi anina.
ECC 10:12 Aonega tauna uduna herevadia ese taunimanima edia hahenamo e abiamu, a kavakava tauna bibinana ese e ha-oreamu.
ECC 10:13 Ia uduna herevadia matamadia na kavakava, bona ena hereva dokona na kava bona dika rohoroho.
ECC 10:14 Kavakava tauna ena hereva na momo, a tau ta asi dibana dahaka baine vara, bona daika ese baine hamaoroa ia murinai dahaka baine vara.
ECC 10:15 Kavakava tauna na ena hekwarahi ai e hesikumu; una dainai hanua lao dalana na asi dibana.
ECC 10:16 Tano e, pavapavamu bema mero bona emu lohia na daba ai bema ani lava dae negana ai, madi ihabaimu!
ECC 10:17 Tano e, pavapavamu bema ura-kwalimu taudia natudia, bona emu lohia na hora korikorina ai bema aniani, goada iabina helaoreana, dia bae kekero totona, oi na ba moale!
ECC 10:18 Lahedo dainai ruma guhina e kohumu, bona medu na ruma lalonai e hetuturu dobimu.
ECC 10:19 Aniani na kiri ihavarana ḡauna, bona vine ranuna ese taunimanima edia mauri e hamoaleamu, bona moni ese ḡau iboudiai e havaramu.
ECC 10:20 Lalomu ai hanua pavapavana basio uduguiraia, bona emu mahuta gabuna ai taḡa taudia basio uduguiraidia; badina be atai manuna ta ese gadomu baine roholaia, eiava roho manuna ta ese harina baine piua.
ECC 11:1 Amu aniani na davara kopina ai ba negea, badina be dina momo muridiai ma ba davaria.
ECC 11:2 Hahitu eiava taurahani ahudia ba henidia, badina be asi dibamu dahaka hahedika ḡaudia na tanobada ai bae vara.
ECC 11:3 Dagadaga na ranu ai bema honu, idia ese medu bema hadihoa tanobada latanai; bona au na diho kahana eiava mirigini kahana bema gari henia, ia na e gari heniamu gabuna ai bema mia.
ECC 11:4 Lai e nariamu tauna na uhe basine hado, bona dagadaga e ita taomu tauna na basine geiḡei.
ECC 11:5 Lai ede e toa tomamu na asi dibamu; mero matamatana turiana na sinana bogana ai ede e vara tomamu danu asi dibamu; benaini, ḡau iboudiai ikaradia Diravana ena ḡaukara danu asi dibamu.
ECC 11:6 Daba ai emu uhe ba hado, bona adorahi ai danu basio hesiku; badina be asi dibamu ina baine namo eiava una baine namo, eiava ruaosi bae namo.
ECC 11:7 Diari be namo, bona matada ese dina e itaiamu na mai moalena.
ECC 11:8 Badina be tau ta ena mauri dinadia bema hoho, ia ese iboudiai baine moalelaidia; to, baine laloa, dibura dinadia bae hoho. E varamu ḡaudia iboudiai na asi anidia.
ECC 11:9 Eregabe taumu e, eregabemu ai ba moale, eregabemu dinadia ai lalomu ese baine hamoalemu; lalomu ena ura bona matamu ena ita-ita daladia ai ba raka. A ba diba, ini ḡau iboudiai daidiai Dirava ese baine hahemaoro henimu.
ECC 11:10 Lalo-hekwarahi na lalomu amo bavatoa lasi, bona hisihisi na taumu anina amo bavabia oho; badina be tauhau bona eregabe negadia na asi anidia.
ECC 12:1 Eregabemu dinadia ai ikaramu Diravana na ba laloa tao, hahedika dinadia do asie kau ai, bona ba herevalaidia baoto “Asina moalelaidiamu” laḡanidia do asie kahira-kahira ai;
ECC 12:2 dina bona diari bona hua bona hisiu do asie dibura bona medu murinai dagadaga do asie hahebou lou negana ai.
ECC 12:3 Una dina ai ruma igimana taudia na bae heude-heude, bona goada taudia dorudia bae laoho; uit iriridia bae hadoko badina be, idia na gagadoi mo, bona gaba-mauru amo e igo lasimu hahinedia na matadia bae valahu-valahu,
ECC 12:4 bona ariara ai ruma iduaradia bae hekou. Una dina ai uit iririna reḡena baine maraḡi, bona ta baine noga haraḡa manu ena tai ai, bona ane-abi hahinedia eredia bae manoka.
ECC 12:5 Una dina ai. atai gabudia garidia bae gari, bona dala ai danu hahegari ḡaudia bae mia. Una dina ai sakada auna baine burea, bona kwadi baine bainabaina lao, bona heḡahusi baine ore. Badina be taunimanima na baine noho henia hanaihanai gabuna e laomu, bona taitai taudia na ariara ai e tai loaloamu.
ECC 12:6 Ia ba laloa tao, silver varona do se motu, eiava gold dihuna do se makohi, eiava hodu na ranu gabuna ai do se hesea rohoroho, eiava ava keikeina na ranu gurina isena ai do se kwaidu ai;
ECC 12:7 ḡahu ese tano do se lou henia, oromana gunana heḡereḡerena do se abia, bona lauma na e henia Diravana dekena do se lou lao negana ai.
ECC 12:8 Haroro Tauna na e tomu: Asi anidia ḡaudia, ḡau iboudiai be asi anidia.
ECC 12:9 Haroro Tauna na mai aonegana, bona ia ese taunimanima e ha-aonegadiava. Hereva lada-isidia e tahudia, bona e haerodia, bona e haboudia ḡoevaḡoeva.
ECC 12:10 Haroro Tauna na hereva mai mamidia e tahudia, bona hereva momokanidia e tore maoromaoro.
ECC 12:11 Aonega taudia edia hereva na ikodo na heheto; bona e haboudia herevadia na e kokodia kau ikokodia na heheto; idia na Hereḡu Tauna tamona ese e heni.
ECC 12:12 Natugu e, ini e hereadiamu ḡaudia nahuadia ba toho. Buka momo itoredia na asi dokona, bona ihaerodia ese hesiku e havaraiamu.
ECC 12:13 Ḡaukara dokona binai; hereva iboudiai vada o kamonai. Dirava garina ba gari, bona ena haheḡani ba badinadia; badina be una na taunimanima ena kara korikori idoinai.
ECC 12:14 Badina be Dirava ese kara iboudiai bona ḡau hehunidia iboudiai, namodia bona dikadia, na baine hahemaorg henidia.
SOL 1:1 Ane Herea-daena, Solomon ena.
SOL 1:2 Udumu haherahuna amo boma harahugu, badina be emu uraheni ese vine ranuna e hereaiamu.
SOL 1:3 Emu hedahu muramuradia bonadia na nanamo heherea; oi ladamu na dehoro e seiamu na heto. Una dainai ulato ese e ura henimumu.
SOL 1:4 Murimu ai a verigu kau! Aitala haraḡa; hanua pavapavana ese ena ruma ai vada e hakaugu vareai. Baia heatolaimu, baia moalelaimu; emu uraheni baia imodaia bada, vine ranuna baia imodaia maraḡi. Mai badina idia ese e ura henimumu.
SOL 1:5 Ierusalem kekenimui e, kopigu na korema-korema, to ita-itagu na namo, Kedara dabua rumadia na heheto, Solomon ena seseahu na heheto.
SOL 1:6 Kopigu na korema-korema dainai basio raraigu; badina be dina ese vada e raragu. Taihugu ese e badu heniguva, vine imeadia ireḡudia ai e halaogu; a lauegu imea na asina reḡua.
SOL 1:7 Egu lalokau taumu e, ba hadibagu, emu mamoe na edeseni ai o ubudiamu? Dina tubua ai edeseni ai o hahekurediamu? Bamomu edia seri badidiai baina loa eva-eva anina be dahaka? *****
SOL 1:8 Hane namo e, bema asi dibamu, mamoe vatagadia ba ḡavadia; emu nani natudia na mamoe ireḡudia taudia edia kalaga badidiai ba ubudia. *****
SOL 1:9 Egu lalokau e, Farao ena kariota hosina ta ida aina haheḡereḡeremu.
SOL 1:10 Vahamu mai heraheradia ita-itadia na nanamo heherea, bona aiomu mai agevana danu.
SOL 1:11 Ihaheralaimu ḡaudia baia kara, gold heraheradia mai silver-dia. *****
SOL 1:12 Hanua pavapavana na e ege dihova negana ai, egu muramura bonana namona e daeva.
SOL 1:13 Egu lalokau na muro modana ta, ratagu padadiai e miamu.
SOL 1:14 Egu lalokau na kofere buredia idabubuna ta, En-gedi vine-imeadia ai. *****
SOL 1:15 Egu lalokau e, oi na hane namo, momokani, oi na hane namo. Matamu na pune. *****
SOL 1:16 Egu lalokau e, oi na raho namo taumu; momokani, oi na mai hairaimu. Eda mahuta patana na gadoka-gadoka,
SOL 1:17 eda ruma audia na sida, eda ruma toidaedia na beroso audia.
SOL 2:1 Lau na Saron vahuvahuna, koura ai e varamu sosanana. *****
SOL 2:2 Ulato bogaragidiai egu lalokau na sosana burena siniura bogaragidiai na heto. *****
SOL 2:3 Uhau bogaragidiai egu lalokau na apolo auna uda audia bogaragidiai na heto. Ia ikerukeruna ai na helai mai moale-badagu ida; huahuana na mai gaihona udugu ai.
SOL 2:4 Aria rumana ai e hakaugu lao; ena pepe lau daegu ai na lalokau.
SOL 2:5 Vine huahuadia kakorodia amo ba ubugu, apolo huahuadia amo ba hagoadagu, badina be uraheni ese e hamasegumu.
SOL 2:6 Imana laurina amo bema hahekwinagu, imana idibana amo bema rosigu.
SOL 2:7 Ierusalem kekenimui e, na haḡanimuimu, uda nanidia bona dia daidiai, uraheni na basio haoa ela bona sibona baine noga.
SOL 2:8 Egu lalokau tauna gadona! A itaia, ia na e maimu; ororo badadia ai e roho daemu, ororo maraḡidia ai e roho laomu.
SOL 2:9 Egu lalokau tauna na uda nanina eiava dia natuna na heto. A itaia, emai ruma murimurinai e ginimu, gaba-mauruna amo e ha-igomu, makamaka amo e igo vareaimu.
SOL 2:10 Egu lalokau tauna ese e hereva henigumu, ini e gwau tomamu: Egu lalokau e, a tore isi! Hane namo e, aitala!
SOL 2:11 Keru negana vada e ore; medu vada e doko.
SOL 2:12 Tano heraheradia vada e tubu; ane-abi negana vada e kau; bona pune na e taimu eda tano ai.
SOL 2:13 Suke huahuadia e dobimu, vine buredia e papamu, bonadia na e daemu. Egu lalokau e, a tore isi! Hane namo e, aitala!
SOL 2:14 Egu pune e, oi na nadi matudia ai; oi na haga kohuadia ai. Vairamu bama itaia, bona gadomu bama kamonai; badina be gadomu na namo, bona vairamu na mai hairaina. *****
SOL 2:15 Aoma, mariboi baita idoadia, ena be mamaragi to idia ese vine imeadia e hadikamu, badina na eda vine buredia e papamu. *****
SOL 2:16 Ia na egu lalokau, lau be ena lalokau; ia ese ena mamoe e ubudiamu, sosana bogaragidiai.
SOL 2:17 Egu lalokau taumu e, a kerehai, uda nanina eiava dia natuna ororo gabaedia ai na heto; ela bona dina baine keruma, bona hanua baine boi.
SOL 3:1 Hanuaboi ai, egu mahuta patana ai, egu lalokau tauna na tahua; na tahua, to asina davaria, na boiria, to ia na se haere.
SOL 3:2 Aina tore isi, hanua ai baina loa eva-eva, ariara ai bona noho-bou gabudia ai egu lalokau tauna baina tahua. Na tahua, to asina davaria.
SOL 3:3 Gima taudia ese e davarigu, hanua ai e loa eva-evava ai; na tai henidia, nato “Egu lalokau tauna so itaia a?”
SOL 3:4 Na rakatanidia, bena asi vanahana egu lalokau tauna na davaria. Na dogoa tao, asina kahua nege, ema bona sinagu ena ruma ai, e havaragu hahinena ena daiutu ai, na hakaua dae.
SOL 3:5 Ierusalem kekenimui e, na haḡanimuimu, uda nanidia bona dia daidiai, uraheni na basio haoa ela bona sibona baine noga. *****
SOL 3:6 Una na dahaka, tano ḡaḡaena amo e maimu, kwalahu dubuna na heto, mai bonana, muro bona lebona bona hoihoi tauna ena muramura mai bonadia ibouboudiai?
SOL 3:7 A itaia, Solomon ena ivitoto, goada taudia tauratoi-ahui ese e ginia heḡeḡemu!
SOL 3:8 Idia na Israel ena goada taudia, iboudiai na mai daredia gabadia ai. Tuari na mai dibadia; ta ta edia dare na koekoedia ai; hanuaboi ena hahegari ḡaudia ilao-ahudia.
SOL 3:9 King Solomon ena laolao kalagana na Lebanon audia amo e karaia.
SOL 3:10 Aena na silver, tabekau kahana na gold; helai ḡauna iḡovana na dabua kakakakana. Laloma kahana na e haheraia ḡoevaḡoeva, Ierusalem kekenidia ese.
SOL 3:11 Siona kekenimui e, a raka lasi; King Solomon ba itaia. Ena havava ḡauna be kwarana ai; ena headava dinana ai, lalona e moaleva dinana ai, sinana ese ia kwarana e havavalaia. *****
SOL 4:1 Egu lalokau e, oi na hane namo; momokani, oi na hane namo. Matamu na pune, vairamu iḡovalaina dabuana murinai. Huimu na nani serina, Gilead ororona amo e hekei dihomu na heto.
SOL 4:2 Isemu na mamoe serina huidia vada e utu bena digu gabuna amo e daemu na heto; iboudiai na mai natudia vara-hekapa, ta se raka edeamu.
SOL 4:3 Udumu bibinadia na varo kakakakadia na heheto; udumu na mai hairaina. Vahamu ruaosi na rimono huahuana e ivaia parara na heto, vairamu iḡovalaina dabuana murinai.
SOL 4:4 Aiomu na David ena kohoro na heto, ena tuari ḡaudia e haboumu gabuna; unuseni ai kesi daha-ta hetau dadae, iboudiai na tuari taudia edia kesi.
SOL 4:5 Ratamu ruaosi na uda nanidia natudia rua na heheto, uda nanina hahinena natuna vara-hekapa, sosana bogaragidiai e anianimu ḡaudia.
SOL 4:6 Lau na muro ororona bainala, lebona ororona baina lao henia, ela bona dina baine keruma, bona hanua baine boi.
SOL 4:7 Egu lalokau e, oi na hane namo; oi na asi bebeka-bebekamu.
SOL 4:8 Adavagu e, Lebanon amo baita raka hebou, Lebanon amo baita raka hebou. Amana bona Seniri bona Heremon ororodia doridia, bona leona edia kohua bona taiga edia ororo, ba rakatanidia.
SOL 4:9 Taihugu e, adavagu e, lalogu vada o hamanokaia. Matamu ena halari tamona ai, aiomu agevana ena herahera nadina tamona ai, lalogu vada o hamanokaia.
SOL 4:10 Taihugu e adavagu e, emu uraheni na daka gaiho! Emu uraheni ese vine ranuna e hereaiamu, emu dehoro bonana ese muramura iboudiai bonadia e hereadiamu.
SOL 4:11 Adavagu e, bada-ranuna na udumu bibinadia amo e hetuturumu, bada-ranuna bona rata na malamu henunai; emu dabua bonadia na Lebanon bonana na heto.
SOL 4:12 Taihugu, adavagu, na e hekou kunuka-kunuka umana; e hekou kunuka-kunuka umana, e hekou ahu ranuna.
SOL 4:13 Emu uma ai e varamu ḡaudia na rimono audia mai huahuadia herea-daedia, bona kofere bona nerede;
SOL 4:14 oibe, nerede bona karakomo, bona kane bona kinamomo, bona lebona audia iboudiai; bona muro bona aloe, bona muramura hereadia iboudiai.
SOL 4:15 Hari uma na mai ranu-lohilohi gabuna, bona mai mauri-ranuna gurina, bona mai sinavai-sinavaina, Lebanon amo e arumu. *****
SOL 4:16 Lai mirigini e, a noga! Diho e, a toa! Egu uma ba toa henia, ena muramura bonadia ba oda rohoroholai. Egu lalokau tauna na ena uma ai baine raka vareai ena huahua herea-daedia baine ani. *****
SOL 5:1 Tadigu e, adavagu e, egu uma lalonai na raka vareaimu. Egu muro bona egu muramura mai bonadia na haboudiamu; bada mai ranuna ida na aniamu, egu vine ranuna bona egu rata na inumu. ***** O hetura hehenimu taumui e, bavaniani, vine ranuna ba inua. O helalokau hehenimu taumui e, ba inuinu, ba inu momo. *****
SOL 5:2 Na mahuta, to lalogu be noga; A kamonai, egu lalokau tauna e pidipidimu. ***** Taihugu e, egu Ialokau, egu pune, oi na ḡoeva-dae! Iduaragu ba kehoa. Badina be hunu ese kwaragu vada e hapariparia, hanuaboi hununa ese huigu vada e hapariparia. *****
SOL 5:3 A lau be dabua vada na dokia oho, ma ede baina dokia lou toma? Aegu vada na huridia, ma ede baina hamirodia lou toma?
SOL 5:4 Egu lalokau tauna imana na iduara ikouna ai e daukau, bena kudougu e hetaha.
SOL 5:5 Lau na tore isi, egu lalokau tauna iduarana baina kehoa. Muro na imagu amo e hetuturu, muro ranuna na imagu kwakikwakidia amo e hetuturu dobi, iduara ikoulaina auna ai.
SOL 5:6 Egu lalokau tauna iduarana na kehoa; to egu lalokau vada e raka oho, ia na lasihia. E hereva negana ai laumagu na e daure, a na tahua negana ai asina davaria, bona na boi henia negana ai ia na se haere.
SOL 5:7 Gima taudia ese e davarigu, hanua ai e loa eva-eva ai; idia ese e dadabagu bona e haberogu, egu hetaru e abihaigu, maḡu igimana taudia ese.
SOL 5:8 Ierusalem kekenimui e, na haḡanimuimu, egu lalokau tauna boma davaria, boma hamaoroa, uraheni ese e hamasegumu. *****
SOL 5:9 Hane namo e, emu lalokau tauna ede e herea tomamu? Ede e herea tomamu dainai bena ini o haḡanimai tomamu? *****
SOL 5:10 Egu lalokau tauna kopina na ḡoevaḡoeva bona kakakaka, gerebu-ta bogaragidiai ia mo sibona herea.
SOL 5:11 Kwarana na gold namo-hereana; ia na hui-tuma, bona huina na korema-korema, galo huina na heto.
SOL 5:12 Matana na ranu badidia ai e nohomu punedia na heheto, rata ai e huridiamu, e heato ḡoevadaemu.
SOL 5:13 Vahana na muramura avadia umadia na heheto, mai bonadia. Bibinana na sosana, muro ranuna na idia amo e vevemu.
SOL 5:14 Imana na gold, e hakuboroa heḡeḡe ḡauna, mai herahera nadidia ida. Tauna na aivori, mai sapairo nadidia ida.
SOL 5:15 Aena na bauka-bauka, nadi kurokurona na heto; hehedaikau gold-na ai e hadaidia kau. Ita-itana na Lebanon na heto; hairaina na Lebanon sidadia na heheto.
SOL 5:16 Ena hereva na gaiho herea; lau na ura henia lalo-dikamu. Ierusalem kekenimui e, egu lalokau bunai, bona turagu bunai.
SOL 6:1 Hane namo e, emu lalokau tauna na ede ela? Emu lalokau tauna na ede kaha ai vada e raka siri? Edeseni ai baita tahua? *****
SOL 6:2 Egu lalokau na ena uma vada ela, ena muramura avadia umana. Uma ai ena mamoe baine ubudia, bona sosana heraheradia baine haboudia.
SOL 6:3 Ia na egu lalokau, lau be ena lalokau; ia ese ena mamoe e ubudiamu, sosana bogaragidiai. *****
SOL 6:4 Egu lalokau e, oi na mai hairaimu, Tirisa na heto; hairaimu na herea, Ierusalem na heto; itamu na mai garina, tuari oreana mai pepena na heto.
SOL 6:5 Asio raraigu, badina be matamu ese e hamanoka-manokagumu. Huimu na nani serina Gilead ororona amo e hekei dihomu na heto.
SOL 6:6 Isemu na mamoe serina digu gabuna amo e daemu na heto; iboudiai na mai natudia vara-hekapa, ta se raka edeamu.
SOL 6:7 Vahamu ruaosi na rimono huahuana e ivaia parara na heto, Vairamu iḡovalaina dabuana murinai.
SOL 6:8 Lohia hahinedia na tauratoi-ahui, hesiai hahinedia na taurahani-ahui, ulato na asi iduahidia.
SOL 6:9 Egu pune na ḡoeva-dae, ia mo sibosibona; ia na sinana ena lalokau, e havaraia hahinena natuna herea-daena. Ulato ese e itaia, bena e hanamoa; lohia hahinedia bona hesiai hahinedia ese e itaia, bena e imodaia.
SOL 6:10 Ina be daika, ita-itana na daba e reremu na heto? Mai hairaina hua na heto? Mai diaridiarina dina na heto? Itana na mai garina, tuari oreana mai pepena na heto, ani? *****
SOL 6:11 Okari imeana na lao henia, koura heraheradia baina itadia; baina itaia, vine vada e tubu eiava; baina diba, rimono vada e kobo eiava.
SOL 6:12 Asi vanahana na mata hanai: lau na kariota ai, egu lohia tauna badibadinai nato. *****
SOL 6:13 Sulama kekenina e, a lou mai, a lou mai; baina raraimu tao, a lou mai, a lou mai. ***** Badina be dahaka Sulama kekenina ba raraia, Mahanaim mavaruna boma raraia na heto? *****
SOL 7:1 Lohia kekenimu e, emu mai tamakadia ida be daka hairai! Mamumu bauka-baukadia na herahera nadidia na heheto, karakara tauna namona ese e kara.
SOL 7:2 Hudomu na kehere kuboruna na heto, vine ranuna ai e honu hanaihanaimu. Bogamu na uit isenuna ta, sosana ese e haheḡeḡea daemu.
SOL 7:3 Ratamu ruaosi na uda nanidia natudia rua na heheto, uda nanina natuna vara-hekapa.
SOL 7:4 Aiomu na kohoro na heto, aivori amo e hadaia ḡauna. Matamu na Hesebon gohugohudia, Batarabim ikoukouna badibadinai. Udu-baubaumu na Lebanon kohorona na heto, Damasko roha-hekeina.
SOL 7:5 Kwaramu na mai hairaina, Karamele ororona na heto; bona huimu heveriveridia na varo kakakakadia na heheto, hanua pavapavana na huimu ai vada e heau kau. *****
SOL 7:6 Lalokau e, moale ihavarana kekenimu, oi na hane namo, oi na mai hairaimu.
SOL 7:7 Emu lata na buatau auna na heto, bona ratamu na buatau takodia na heheto.
SOL 7:8 Lau na tomu, Buatau auna baina dae, bona takona baina abidia. Ratamu na vine takodia ida bae heḡereḡere, udumu bonana na apolo bonadia heḡereḡeredia.
SOL 7:9 Emu haherahu na vine ranuna namo-hereana na heto, i'inuna na mai gaihona, bibinagu ai bona isegu ai. *****
SOL 7:10 Lau na egu lalokau tauna ena; ia ese e ura henigumu.
SOL 7:11 Egu lalokau e, aoma! aita raka lasi tano paka ai, hanua maraḡidia ai baita noho;
SOL 7:12 daba ai vine imeadia baitala, baita itaia, vine vada e kobo dae eiava, baita diba, buredia vada e papa eiava, baita tahua, rimono vada e tubu eiava lasi. Unuseni ai baina ura henimu.
SOL 7:13 Dudai bonadia na e daemu, emai iduara daediai na huahua namo-hereadia idau-idau, matamatadia bona gunadia, vada na haboudia oiemu, egu lalokau e!
SOL 8:1 Bema oi na lau taihugu, sinagu ratana e inuava tauna, ariara ai baitama hedavari bena bama harahumu, bona ta ese basinema ihi-ihiraigu.
SOL 8:2 Sinagu ena ruma ai, e havaragu hahinena ena daiutu ai, bama hakaumu vareai. Vine ranuna mai muramurana bama henimu, egu rimono ranuna bama ha-inulaimu.
SOL 8:3 Imana laurina amo bema hahekwinagu, imana idibana amo bema rosigu.
SOL 8:4 Ierusalem kekenimui e, na haḡanimuimu, uraheni na basio haoa, ela bona sibona baine noga. *****
SOL 8:5 Una na daika, tano ḡaḡaena amo e maimu, ena lalokau tauna enai e tabe kaumu? ***** Apolo auna henunai na haomu; unuseni ai sinamu e hekamonaiva, unuseni ai e havaramu hahinena na hisi e aniva.
SOL 8:6 Toagu avatoa lalomu ai, toagu avatoa imamu ai. Lalokau ena goada na mase ena goada heḡereḡerena, bona mama ena daḡedaḡe na mase gabuna ena daḡedaḡe heḡereḡerena; ena ḡaraḡara na lahi ḡaraḡarana na heto, ena siahu na lahi hururu-hururuna siahuna na heto.
SOL 8:7 Ranu momo ese lalokau basie habodoa diba; utu-utu badadia ese basie utua dae diba. Tau ta ese ena taḡa idoinai bema heni dudu kau, lalokau davana, to basinema heḡereḡere; bema dadaraia vaitani. *****
SOL 8:8 Tadimai ta do asi ratana. Tadimai ede baia durua toma, tau ta ese baine herevalaia negana ai?
SOL 8:9 Ia na bema magu, silver amo baia ha-aukaia; bema iduara, sida reireidia amo baia koua ahu. *****
SOL 8:10 Lau na maḡu, ratagu na kohoro na heto; e herevalaigu tauna vairanai lau na maino imailaina. *****
SOL 8:11 Solomon ena vine imeana ta be Baal-hamono ai; ia ese imea ireguna taudia e habadinalaidia. Ta ta silver monidia daha-ta daha-ta e heni, imea anina davana.
SOL 8:12 Solomon e, oiemu daha-ta bavabia; vine ireḡuna taudia edia sinahu-rua bae abi danu. A lauegu vine imeana na lauegu korikori, lau sibogu egu.
SOL 8:13 Imea ai o nohomu taumu e, bamogu na e hakalamu, gadomu ikamonaina totona; lau danu eremu bama kamonai.
SOL 8:14 Egu lalokau e, aoma haraḡa, uda nanina eiava dia natuna muramura ororodia ai na heto.
ISA 1:1 Isaia, Amoso natuna, ena mata-hanai, Iuda bona Ierusalem daidiai e e itaia, Iuda pavapavadia Usia bona Iotam bona Ahasa bona Hesekia edia nega ai.
ISA 1:2 Guba e, a kamonai! Tanobada e, a hakala! Badina be Iehova vada e hereva, eto: Natugu vada na reḡudia bona na hadibadibadia, to idia ese vada e daḡedaḡe henigu.
ISA 1:3 Boromakau maruanena na biaguna dibana, bona doniki na biaguna ese ana e atoa patana dibana; a Israel na asi dibana, egu bese taudia na lalodia asie pararamu.
ISA 1:4 Kara dika besena o! Kara havara ese e hametaudiamu taudia, kara dika taudia natudia, kara koikoi e karamu memerodia. Idia ese Iehova vada e rakatania, Israel ena Helaḡa Diravana e dadaraia, ena amo vada e raka oho vaitani.
ISA 1:5 Dahuka dainai mata-hakani doini o vaveamu, bena o daḡedaḡe louloumu? Kwara idoinai e hisihisimu; kudou idoinai e hetahamu.
ISA 1:6 Ae lalona amo ela bona kwara asi namona ta; a rara aru-kubou bona toto, bona e raramu berodia; rara se hadodoa, bero se kumidia, bona dehoro amo se haḡavedia.
ISA 1:7 Emui tano vada e vahu, emui hanua na lahi ese e aradia; umui vaira-tuhutuhumui ai idau taudia ese emui tano anidia vada e ha-oredia ia na vada e ḡaḡae, idau taudia ese vada e havahuraia.
ISA 1:8 Siona natuna hahinena na e nohomu, kalaga vine imeana lalonai na heto, rumaruma kiukamba umana ai na heto, e koua heḡeḡe hanuana na heto.
ISA 1:9 Iehova Saboata ese kwabukwabuda basinema hamaurida, ita na Sodoma heḡereḡerena ai baitama noho, bona Gomora heḡereḡerena ai baitama hahelao.
ISA 1:10 Sodoma lohiamui e, Iehova ena hereva a kamonai! Gomora taumui e, eda Dirava ena hahediba herevadia a hakala heni!
ISA 1:11 Iehova na e tomu: Emui boubou ḡaudia momo egu ai be dahaka? Mamoe mamaruanedia e haḡoledia oho ḡaudia, bona ubu-ubu ḡaudia digaradia, vada na abi davana. Boromakau mamaruanedia eiava mamoe natudia eiava nani mamaru-anedia raradia asina moalelaimu.
ISA 1:12 Vairagu ai o hedinaraimu negadia ai, daika ese e hamaoromui egu ikou tanodia ba moimoilai?
ISA 1:13 Herahia ḡaudia asi anidia haida ma basio mailaidia; muramura mai bonana na ḡau dika-rohorohona egu ai. Hua matamatadia bona dina helaḡadia bona hebou boiboidia, kara havara bona hebou helaḡadia, na egu ai seme heḡereḡere.
ISA 1:14 Emui hua matamatadia bona emui aria negadia na lau laumagu ese e inai henidiamu; idia na maduna metauna egu ai, ihuadia ai na hesikumu.
ISA 1:15 Imamui ba toi roro negana ai, lau vairagu baina hunia emui ai; ena e ḡuriḡuri momo ba gwaurai, to lau basina kamonai; imamui na rara ai e honumu.
ISA 1:16 Sibomui ba hehuri; sibomui ba haheḡoeva; emui kerere na vairagu amo bavabi oho. Kara dika ba hadoko,
ISA 1:17 kara namo ikarana dalana ba tahua; hahemaoro ḡoevaḡoeva ba tahua; hahehisi karadia ba lao ahu; ihareha ba gimaia, vabu dainai ba hereva.
ISA 1:18 Iehova na e tomu: Aoma, aita hereva hebou. Ena be emui dika na paira na heto, to bae huroka-kuroka snow heḡereḡerena; ena be idia na kakakaka herea, to mamoe huina heḡerḡerena ai baela.
ISA 1:19 Lalomui bema manada bona boma kamonai, umui ese tano anina namona boma ania;
ISA 1:20 a boma gwau edeede bona boma daḡedaḡe, dare ese bema alamui mamase; badina be Iehova uduna vada e hereva.
ISA 1:21 Kara momokani hanuana, hahemaoro ḡoevaḡoeva ai e honuva hanuana, na ariara hahinena heḡereḡerena ai vada ela. Kara maoromaoro na ia lalonai e nohova, a harihari roroma taudia ese e noholaiamu.
ISA 1:22 Emu silver na ḡau mirona ai vada ela, emui vine ranuna na ranu ida vada e hebulo.
ISA 1:23 Emui lohia na daḡedaḡe taudia, bona henao taudia ibamodia; iboudiai na koikoi henitaona e ura heniamu, bona herahia ḡaudia e ḡavadiamu. Idia ese ihareha se gimaiamu, bona vabu ena heatu-kau dalana se haeroamu.
ISA 1:24 Taunabunai Ḡaubada, Iehova Sabaota, Israel ena Goada Diravana, eto: A! Egu badu na inaigu latadiai baina seia kau, bona e inai henigumu taudia baina hadava henidia.
ISA 1:25 Imagu na baina toi roro henimui, emui miro na muramura amo baina havevea oho, e bulolaimui ḡauna dikana idoinai baina abia oho.
ISA 1:26 Emui hahemaoro taudia baina haginidia lou, gunaguna heḡereḡerena, bona emui haealo taudia danu, nega gunadia ai na heheto. Gaeamo bae gwauraimui kara maoromaoro hanuana, bona kara momokani hanuana.
ISA 1:27 Siona na hahemaoro ḡoevaḡoeva ese baine hamauria, bona ia lalonai vada e helalo kerehai taudia na kara maoromaoro ese baine hamauridia.
ISA 1:28 A daḡedaḡe taudia bona kara dika taudia na bae habuadia tari hebou, bona Iehova e rakataniamu taudia na bae aradia ore.
ISA 1:29 Badina be oak audia, o moalelaiva ḡaudia, daidiai ba hemarai, bona uma-uma, vada o abi hidi ḡaudia, daidiai vairamui bae kakakaka.
ISA 1:30 Badina be umui na oak auna, rauna e maraimu ḡauna, bona uma-uma asi pariparina, heḡereḡeredia ai ba hahelao.
ISA 1:31 Goada tauna na varo haura-haurana ai bainela, bona ena ḡaukara na lahi kimoremorena ai bainela; ruaosi bae ara bou, bona tau ta ese basine habododia.
ISA 2:1 Isaia, Amoso natuna, ese e itaia herevana, Iuda bona Ierusalem daidiai.
ISA 2:2 Dina gabedia ai ina na baine vara: Iehova ena dubu ororona na atai-herea ororona ai baine hahelao, bona baine heabi isi ororo maraḡidia daediai. Bese iboudiai ese bae aru henia,
ISA 2:3 taunimanima loḡora baema, baeto: Aoma, Iehova ena ororo baita dara dae henia, Iakob ena Dirava ena dubu ai; ia ese ena kara baine hadibalaida, ena dala ai baita raka helaoreana. Badina be Siona lalona amo taravatu bainela, Ierusalem amo Iehova ena hereva bainela.
ISA 2:4 Ia ese bese idau-idau padadiai baine hahemaoro, bona hahemaoro herevadia na taunimanima loḡora baine gwaurai henidia; bena idia ese edia dare bae hododia, ruarua auridia ai bae halaodia, bona edia io bae hododia, kwama-kwama kaiadia ae bae halaodia; bese ta ese dare basine veri lasi, bese ta ihadikana totona, bona tuari daladia basie hahedibalai lou.
ISA 2:5 Iakob besena e, aoma, Iehova ena diari ai baita raka.
ISA 2:6 Badina be oi ese emu orea taudia vada o dadaraidia, Iakob besena vada o dadaraia; badina be mari-abi taudia mairiveina kahana amo bona rohe taudia Filistia taudia hetomadia ai e honumu, bona idau bese taudia ida e utua hehenimu mai ima udeudedia ida.
ISA 2:7 Edia tano na silver bona gold ai e honumu, bona edia dava-bada kohudia na asie oremu; edia tano na hosi ai e honumu, bona edia kariota na asie oremu.
ISA 2:8 Edia tano na kaivakuku ai e honumu; imadia amo vada e kara ḡaudia, ima kwakikwakidia amo vada e kara ḡaudia, e toma henidia dihomu.
ISA 2:9 Taunimanima na unu amo e hamanaudiamu, taunimanima na e hamaraḡidiamu; edia dika basio gwau tao.
ISA 2:10 Nadi-gini lalonai ba komu, ḡahu ai ba hetahuni ahu, Iehova igari-henina amo, bona ena pavapava hairaina amo.
ISA 2:11 Vairadia ai e hekokorokumu taudia ita-itadia bae hamaragi, taunimanima edia heaḡi bae hamanau; Iehova sibona mo bae imodaia una dina ai.
ISA 2:12 Badina be Iehova Sabaota na mai ena dina ta, heaḡi bona hekokoroku idoidiai bona e heabi isimu, atai ai e heatomu, ḡaudia iboudiai ihadikadia dinana;
ISA 2:13 Lebanon sida-audia iboudiai, ḡau-latalatadia bona kidotaodia, bona Basan oak audia iboudiai ihadikadia dinana;
ISA 2:14 ororo badadia iboudiai bona ororo ḡau-latalatadia iboudiai ihadikadia dinana;
ISA 2:15 kohoro latadia iboudiai bona maḡu aukadia iboudiai ihadikadia dinana;
ISA 2:16 Tarasisi lagatoidia iboudiai bona lagatoi herea-daedia iboudiai ihadikadia dinana.
ISA 2:17 Taunimanima edia hekokoroku bae hamanau, taunimanima edia heaḡi bae hamaraḡi, bona Iehova sibona mo bae imodaia una dina ai.
ISA 2:18 Bona kaivakuku na bae hapuki, bae hapuki vaitani.
ISA 2:19 Bena taunimanima na nadi kohuadia lalodiai bae raka vareai, bona tano guridia lalodiai danu, Iehova igari-henina amo, bona ena pavapava hairaina amo, tanobada ihagarina totona baine tore isi negana ai.
ISA 2:20 Una dina ai taunimanima ese edia silver kaivakukudia bona edia gold kaivakukudia, bae toma henidia diho totona e karadia ḡaudia, na migu bona sisiboi ediai bae negedia;
ISA 2:21 bena nadi kohuadia lalodiai bae raka vareai, bona nadi-hagadia padadiai danu, Iehova igari-henina amo, bona ena pavapava hairaina amo, tanobada ihagarina totona baine tore isi negana ai.
ISA 2:22 Taunimanima, laḡa na udu-baubauna ai e miamu ḡauna, ena amo ba raka oho, badina be ia namona be dahaka?
ISA 3:1 A itaia, Ḡaubada, Iehova Sabaota, ese Ierusalem bona Iuda amo edia goada ihavaradia ḡaudia e abidia ohomu, aniani ena hahegoada idoinai, bona ranu ena danu;
ISA 3:2 goada tauna bona tuari tauna, hahemaoro tauna bona peroveta tauna, mari tauna bona hanua tau-badana,
ISA 3:3 imahui lohiana bona dagi tauna, hahealo tauna bona babalau mai dibana tauna, bona mea ḡaudia dibana momo tauna.
ISA 3:4 Memero na edia lohia ai baina halaodia, karukarudia ese bae biagudia.
ISA 3:5 Taunimanima na bae hahehisi heheni, ta ta bamona bamona, bona ta ta dekena tauna dekena tauna: eregabe tauna ese tau badana baine ihi-ihiraia, bona lebulebu tauna ese kara momokani tauna baine ḡonaḡonalaia.
ISA 3:6 Negana bainema tau ta ese tadikakana enai baine dau kau, tamana ena ruma ai, baineto: Oi na mai emu dagi dabuana, emai hegunalai tauna ai baola, bona ini e kohu rumadia nadidia isenudia na oi ese ba biagudia.
ISA 3:7 Una dina ai ia baine hereva hedinarai, baineto: Lau na hisihisi iabi-ohona tauna ai basinala, egu ruma ai aniani bona dagi dabuana na lasi; oi ese taunimanima igunalaidia tauna ai basio halaogu.
ISA 3:8 Badina be Ierusalem vada e hetutuhi, bona Iuda vada e keto; badina be edia hereva bona edia kara ese Iehova e inai heniamu, ia hairaina hedinaraina e dadaraiamu.
ISA 3:9 Edia hahemaoro gagevadia ese e hadikalaidiamu, edia dika e gwaurai hedinaraimu Sodoma na heto, asie hunimu. Madi ihabaidia! Badina be dika na sibodia latadiai vada e hadihoa.
ISA 3:10 Kara maoromaoro taudia ba hamaorodia, do bae namo; edia kara huahuadia do bae ani.
ISA 3:11 Kara dika tauna madi ihabaina! Ia na do baine dika; badina be imana ese vada e kara ḡaudia heḡereḡeredia ai ia badi-kara henia.
ISA 3:12 Egu bese taudia madi, memero ese e hahisidiamu, bona hahine ese e biagudiamu. Egu bese taumui e, igunalaimui taudia ese e hakaumui kereremu, bona emui raka daladia e haheḡonudiamu.
ISA 3:13 Iehova ese ena gabu vada e abia, baine helodu heni; ena bese taudia vairadiai e ginimu, baine hahemaoro henidia.
ISA 3:14 Iehova ese ena bese tau-badadia bona lohiadia e hahemaoro henidia matamamu, e tomu: Umui ese vine imeana anidia vada o ani ore, bona ogoḡami taudia ediai o dadi kohudia na emui ruma ai mimia.
ISA 3:15 Dahaka dainai egu bese taudia o moimoilaidiamu, bona ogoḡami taudia vairadia o moidia taomu? Ḡaubada, Iehova Sabaota, unu e gwau tomamu.
ISA 3:16 Iehova eto: Siona kekenidia na e heaḡimu, bona rakadia ai aiodia e haboḡemu, e mata varuamu, bona e raka sihesihemu, ae-ganagana tarekodia e hareḡediamu;
ISA 3:17 una dainai Ḡaubada ese Siona kekenidia kwaradia baine hapoukadia, bona Iehova ese vairadia iḡovalaidia dabuadia baine dabuidia oho.
ISA 3:18 Una dina ai, Ḡaubada ese ae kapadia, kwara kaparidia, mairi,
ISA 3:19 odo, gana, muko,
ISA 3:20 sera, toea, gaba toradia, muramura mai bonadia mauamauadia toni,
ISA 3:21 ima-kwakikwaki vaḡiva=idia, udu-baubau gadeidia,
ISA 3:22 ipou, he=ova dabuadia, hahedoki badadia, vaina-vaina,
ISA 3:23 dabua severa-severadia, dabua aukadia, kwara ikumilaidia dabuadia bona vaira iḡovalaidia dabuadia iboudiai baine abidia oho.
ISA 3:24 Muramura mai bonana na bodaga ese do baine boloa, bona gaba torana ibolona na kwanau; hui ḡoeva-daena gabuna ai, kwara boha, bona dabua namo-hereana gabuna ai, puse ramina, bona hairai gabuna ai, hemarai.
ISA 3:25 Emu tatau na dare ai bae mase, bona emu goada taudia na tuari ai bae mase.
ISA 3:26 Siona ena ikoukou bae tai lolololo, bae tai hevale; ḡaḡaena ai tano ai baine helai.
ISA 4:1 Una dina ai hahine hahitu ese tau tamona bae dabuia, baeto, Sibomai amai baia ani, bona sibomai emai dabua baia hahedokilai, ḡau tamona, na oi ladamu ai bae gwauraimai kau; emai hemarai bavabia oho.
ISA 4:2 Una dina ai Iehova ena rigi do baine hairai bona baine herea dae, bo na tano anina na Israel kwabukwabudia edia heaḡi bona edia heimodai ḡauma ai bainela.
ISA 4:3 Bena Siona ai e rakatanidia, Ierusalem ai e nohomu, taudia na helaḡa taudia bae gwauraidia, Ierusalem ai ladadia vada e tore mauri iabina totona taudia iboudiai.
ISA 4:4 Ḡaubada ese Siona kekenidia edia miro baine huri oho, bona Ierusalem bogaraginai rara ese vada e hamiro gabudia na hahemaoro laumana bona heara laumana amo bae haḡoevadia negana murinai.
ISA 4:5 Bena Iehova ese Siona ororona idoinai daenai bona latanai e heboumu taudia daediai ori baine havaraia dina ai, bona kwalahu bona lahi hururu-hururuna hanuaboi ai; badina be hairai idoinai daenai na helao-ahu ḡauna bona kalaga bae mia.
ISA 4:6 Dina ai ia na ikerukeru ai bainela, siahu ilao-ahulaina, bona metai gabuna ai bainela, lai gubana bona medu ilao-ahulaidia.
ISA 5:1 Ane ta baina abia, egu lalokau tauna ena, lalokau anena, ena vine imeana dainai: Egu lalokau tauna na mai ena vine imeana ta, ororo ai, tano namona ai.
ISA 5:2 E ruaia, nadi e negedia, bena vine namo-hereadia e hado; bogaraginai gima patana e haginia, bona nadi e taraia guriguri, vine itaolaidia. Bena ia banava eto vine huahuadia bae dobi, to uda vinedia huahuadia hetomadia mo e dobi.
ISA 5:3 Ierusalem inoholaina taumui e, Iuda taumui e, Lau na noimuimu, lau bona egu vine imeana ba gwauraimai hidi, edena be namo.
ISA 5:4 Dahaka bama karaia egu vine imeana enai, bena asina karaia? Lau banava nato vine huahuadia bae dobi, to dahaka dainai uda vinedia huahuadia hetomadia mo e dobi?
ISA 5:5 A harihari aina hamaoromui, egu vine imeana ede baina ḡaukaralaia toma: Arana baina raḡaia, bena lahi ai bae doua; maḡuna baina ḡiḡia dobi, bena bae moimoilaia;
ISA 5:6 baina havahua, vine rigidia basie kwamadia bona ava basie rau, ava ḡiniḡini bona au ginigini na bae tubu; dagadaga danu baina haḡanidia, medu basie hadihoa ia latanai.
ISA 5:7 Badina be Iehova Sabaota ena vine imeana na Israel besena, bona Iuda taudia na ena uhe namodia; ia ese hahemaoro ḡoevaḡoeva e tahua, a ḡau be rara hebubu mo; kara maoromaoro e tahua, a ḡau be taitai mo.
ISA 5:8 Ruma ta ruma ta ida bona uma ta uma ta ida e haboudia taudia, madi, ihabaidia! Umui na asi emui noho gabuna ta, tano bogaraginai vada e hanohomui edea dainai.
ISA 5:9 Iehova Sabaota ena gwauhamata na kamonai, eto: Ruma momo bae mia ḡaḡae, ruma namodia, mai hairaidia, to asi inoholaidia taudia.
ISA 5:10 Badina be vine imeana dina tamona ena herua tanona anina na bata tamona bae haboua, bona uhe nadinadidia homere ta amo aniani efa tamona bae abia.
ISA 5:11 Unu daba maraḡi ai e tore isimu kekero ḡaudia bae tahu totona, bena e halahemu ela bona hanuaboi ai vine ranuna ese e hakekerodiamu taudia, madi, ihabaidia!
ISA 5:12 Edia aria ai idia na mai edia hatai-hatai ḡaudia maraḡidia bona badadia, bona edia tareko bona ivilikou bona vine ranuna danu; to idia ese Iehova ena kara asie lalodiamu, bona imana ai e kara ḡaudia asie itadiamu.
ISA 5:13 Taunabunai egu bese taudia na dauhai e hanohodiamu, asi edia lalo-parara dainai; e matauradiamu taudia na e hitolodia masemu, bona edia taunimanima hutuma na e ranu masemu.
ISA 5:14 Una dainai Mase Gabuna e gadomu, bona uduna e haḡaia badabadamu; Ierusalem lohiadia bona ena taunimanima hutuma na e diho e laomu, ena hegogo taudia bona ia e heaḡilaiamu tauna danu.
ISA 5:15 Taunimanima na e ha-igodia dihomu, e atodia dobimu; heaḡi taudia matadia e harohadia tarimu.
ISA 5:16 A Iehova Sabaota na hahemaoro ḡoevaḡoeva ai e imodaiamu, bona Helaḡa Diravana ese ena helaḡa na kara maoromaoro ai e hahedinaraiamu.
ISA 5:17 Bena mamoe natudia na bae aniani, edia rei gabudia ai bema aniani na heto; ubu-ubu ḡaudia bona nani natudia na ruma ahutudia ai bae aniani.
ISA 5:18 Kara havara na koikoi varodia amo e veriamu, bona kara dika e veriamu, rerue kwanaudia amo bema veria na heto taudia, madi, ihabaidia!
ISA 5:19 Idia na e tomu: Baine kara haraḡa, ena ḡaukara baine haheaua, baia itaia helaoreana; Israel ena Helaḡa Diravana ena lalo-hadai baine kahikahi mai, bainema, baia dibaia helaoreana.
ISA 5:20 Unu dika e gwauraiamu namo bona namo e gwauraiamu dika taudia, unu dibura na diari ai bona diari na dibura ai e halaomu taudia, unu idita na e hagaihoa bona gaiho na e ha-iditaia taudia, madi, ihabaidia!
ISA 5:21 Unu sibodia matadia ai mai aonegadia e tomu bona sibodia vairadiai mai dibadia momo e tomu taudia, madi, ihabaidia!
ISA 5:22 Unu mai haridia vine ranuna i'inuna ai, bona mai boga-aukadia kekero ḡaudia ibulodia ai taudia, madi, ihabaidia!
ISA 5:23 Unu henitao koikoi dainai kerere tauna maorona e gwauraiamu bona asi ena kerere tauna igwaurai-maorona se uramu taudia, madi, ihabaidia!
ISA 5:24 Taunabunai, vada e utu reidia badidia lahi ese vada e aradia, bona rei kakoro na lahi hururudia ai e ara oremu na heto, idia ramudia unu bae houka-houka toma, bona buredia bae heoda isi kahu na heto; badina be idia ese Iehova Sabaota ena taravatu vada e negea, bona Israel ena Helaga Diravana ena hereva vada e dadaraia.
ISA 5:25 Taunabunai Iehova ena badu e ḡaraḡara, ena bese taudia latadia bena ia imana e toi roro henidia, e rahudia mase, bona ororo na e heude-heude; bena tau-anidia masedia na momoru na heto, ariara bogaragidiai. Ḡau tamona, ena badu na do se heabi oho, bona imana na doini e hetoi roromu.
ISA 5:26 Toa na dauhai e nohomu besena baine henia, bona tanobada dokodia amo baine hioga henia. A itaia, e mai haraḡa-haraḡamu.
ISA 5:27 Ta tauna se boeramu, ta se hetutuhimu, ta matana se hakapumu eiava se mahutamu, ta ramina se heruhamu, tamaka varona ta se motumu;
ISA 5:28 edia diba na mamataka-mamataka, edia peva iboudiai e marediamu, edia hosi aedia na nadi-vasiga na heto, edia ava-keikei na koe-hirihiri na heto;
ISA 5:29 edia ḡou na leona e ḡoumu na heto, leona natudia na heheto e ḡoumu, e ḡiḡimu, damudia e korimu, e laohaimu, ta basine hamauridia diba.
ISA 5:30 Una dina ai bae heḡaralaia, davara hurehuredia reḡedia na heheto. Ta ese tanobada bema haḡerea, dibura bona hisihisi mo bema ita davari; bona ia dagadagana ese diari e hadiburaiamu.
ISA 6:1 King Usia e mase laḡanina lalonai, lau ese Ḡaubada na itaia, terono ai e helaiva, atai ai e heabi isiva; ena dabua latana isena ese dubu e hahonuava.
ISA 6:2 Ia daenai serapi na gigini; idia ta ta hanidia na tauratoi tauratoi amo: rua amo ia vairana e ḡovaia, ma rua amo aena e ḡovadia, ma rua amo rohova.
ISA 6:3 Bena e heboi heheni, eto: Iehova Sabaota na helaḡa, helaḡa, helaḡa; ia hairaina ese tanobada idoinai e hahonuamu.
ISA 6:4 Bena boiboi tauna gadona ese raka-vareai iduaradia badidia e hamareredia, bo na kwalahu ese dubu e hahonua.
ISA 6:5 Bena lau nato, Madi, ihabaigu! Badina be lau vada name baia; badina be lau na bibina miroka taugu, bona bibina miroka taudia bogaragidiai na nohomu; badina be matagu ese Pavapava, Iehova Sabaota vada e itaia.
ISA 6:6 Bena serapi ta na dekegu e roho mai, imana ai na gida ta, ihaboulaina patana amo auri ikahina ai e abia ḡauna.
ISA 6:7 Bena udugu e daua toho, eto, A itaia, ina ḡau ese udumu vada e daua toho; emu kerere vada eme heabi oho, bona emu dika vada eme hegwau tao.
ISA 6:8 Bena Ḡaubada gadona na kamonai; eto, Daika baina siaia? Daika na ai daimai ai bainela? Bena lau nato, Lau o ina, a siaigu.
ISA 6:9 Bena ia eto, Aola, ina bese ba hamaoroa, baoto: Ba kamonai loulou, to lalomui basie parara; ba ita loulou, to basio diba.
ISA 6:10 Ini taunimanima na lalodia ba haduhudia, bona taiadia ba hakudimadia, bona matadia ba hakapudia; matadia amo bema ita, bona taiadia amo bema kamonai, bona lalodia bema parara, bena bema kerehai bona bema namo lou na garina.
ISA 6:11 Bena lau nato, Ḡaubada e, ela bona edena nega ai? Bena ia eto: Ela bona hanua badadia bae vahu, asi inoholaidia tauna ta baine mia, bona ruma na asi taunimanimadia ai baela, bona tano idoinai baine vahu vaitani;
ISA 6:12 bona Iehova ese taunimanima na dauha baine laohaidia, bona bae rakatanidia gabudia bae momo tano bogaraginai.
ISA 6:13 Ena be karoa gvauta amo karoa ta baine mia, to ma baine ara lou, terebinth auna eiava oak auna e hagariamu bena badina mo e miamu na heto. Ia badina na uhe helaḡana.
ISA 7:1 Ahasa Iotam, Usia tubuna, Iuda pavapavana, ena nega ai, Resini, Suria pavapavana, bona Peka Remalia, Israel pavapavana, na Ierusalem e dae lao, bae tuari henia totona, a asie hadarerea diba.
ISA 7:2 Bena David garana e kamonai Suria na Efraim ida vada e henega hebou negana ai, ia bona ena orea taudia kudoudia e hetaha, uda audia na lai ai e helado-heladomu na heto.
ISA 7:3 Bena Iehova ese Isaia e hamaoroa, eto, Ahasa ihedavari-henina totona a raka lasi, oi bona natumu Seara-iasubu, atai gohuna dadairana dokona ai, Dabua-huri Tauna ena tano lao dalana ai, Dabua-huri Tauna ena tano lao dalana ai, ia ida ba hedavari.
ISA 7:4 Ba hamaoroa, baoto, Nahuamu ba tohoa, lalomu basine hekwarahi; basio gari bona basio kudou-hetaha ini lahi tutututudia ruaosi, e ara oremu ḡaudia, hari Resini bona Suria bona Remalia natuna, edia badu-ḡaraḡara dainai.
ISA 7:5 Badina be Suria, Efraim bona Remalia natuna ida, oi ihadikamu dalana vada e laloa hata, e tomu
ISA 7:6 “Iuda ihadikana totona baita dae lao, baita hagaria, bena baita hadarerea bona baita abia iseda, bona Tabele natuna na pavapava ai baita halaoa ia bogaraginai”.
ISA 7:7 Una dainai Ḡaubada Iehova na ini e gwau tomamu: Una na basine gini, bona anina basine vara;
ISA 7:8 badina be Suria kwarana na Damasko, bona Damasko kwarana na Resini. (Laḡani tauratoi-ahui ima bae lao henia lalonai Efraim na baine makohirohoroho, bona basie gwauraia bese ta.)
ISA 7:9 Bona Efraim kwarana na Samaria, bona Samaria kwarana na Remalia natuna. Bema basio kamonai, momokani umui na basio gini tutuka-tutuka.
ISA 7:10 Iehova ese Ahasa ma e hereva henia, eto,
ISA 7:11 Iehova, emu Dirava, enai toa ta ba gwauraia; baine dobu, Mase Gabuna na heto, eiava baine dae, guba na heto.
ISA 7:12 A Ahasa eto, Ḡau ta basina gwauraia bona Iehova basina dibaḡania.
ISA 7:13 Bena Isaia eto, Benaini, David garana e, a kamonai! Taunimanima o hahekwarahidiamu na ḡau pipikina dainai egu Dirava danu o hahekwarahiamu a?
ISA 7:14 Taunabunai Ḡaubada sibona ese toa ta baine henimu.
ISA 7:15 A itaia, haneulato ta baine rogorogo, natuna baine havaraia, mero ta; bena ladana baine hatoa Emanuel. Dika idadaraina bona namo iabi-hidina baine diba negana ai, ia ese rata-hetarina bona bada-ranuna baine ani.
ISA 7:16 Badina be una mero na dika idadaraina bona namo iabi-hidinado basine diba hekada hanai, hari o gari henidiamu pavapavadia raruosi edia tano na bae vahu.
ISA 7:17 Iehova ese nega ta baine havaraia, oi bona emu bese audia bona tamamu ena iduhu latadiai; nega unuhetomana ta se vara, Efraim ese Iuda e rakatania negana amo ema bona hari. Asuria pavapavana bunai.
ISA 7:18 Una dina ai Iehova ese Aigupto sinavaidia badidia laodia bona Asuria tanona labolabona loḡora baine hioga henidia.
ISA 7:19 Bena iboudiai bae roho mai, koura dobudobudia ai bona haga nadidia kohuadia ai bona au ḡiniḡini ona rei gabudia iboudiai lalodiai bae noho.
ISA 7:20 Una dina ai Ḡaubada ese vasiga ta Sinavai Badana unukahana amo baine vatua, Asuria pavapavana bunai; bena kwara bona ae baine naudia, bona auki-huina danu.
ISA 7:21 Una dina ai tau ta ese boromakau hahinena matamatana ta bona mamoe hahinedia rua baine ubudia;
ISA 7:22 bena rata momo herea bae heni dainai, ia ese rata-hetarina baine ania; badina be tano ai do bae noho taudia iboudiai ese rata-hetarina bona bada-ranuna bae ani.
ISA 7:23 Gunaguna vine audia daha-ta, davadia silver sekeledia daha-ta ḡaudia, e varava gabudia iboudiai na una dina ai ava ḡiniḡini bona au ḡiniḡini ese bae habubunidia.
ISA 7:24 Taunimanima na mai pevadia bona mai dibadia ida unu gabu baela; badina be tano idoinai ava ḡiniḡini bona au ḡiniḡini ese bae habubunia.
ISA 7:25 Ororo danu, gunaguna isiva amo avadia e rau; a unu basiola, ava ḡiniḡini bona au ḡiniḡini na garidia. A unu na boromakau heruhadia bona mamoe edia hemoimoilai gabudia ai baela.
ISA 8:1 Bena Iehova ese e hereva henigu, eto, Nadi palakana badana ta bavabia, bena taunimanima iboudiai dibadia revarevadia amo ba torea “Mahere-salala-hasa-basa ena”.
ISA 8:2 Bena ihamomokanina taudia namodia na abidia. Uria, hahelaḡa tauna, bona Sekaria, Ieberekia natuna, egu kara bae hamomokania totona.
ISA 8:3 Bena peroveta hahinena dekenai na raka vareai, bena ia na e rogorogo, mero ta e havaraia. Bena Iehova ese e hamaorogu, eto, Ladana ba hatoa “Mahere-salala-hasa-basa”;
ISA 8:4 badina be mero na “Mama” eiava “Ina” do basine boi diba negana ai, Damasko ena taḡa bona Samaria ai bae dadi kohudia na Asuria pavapavana vairanai bae hua lao.
ISA 8:5 Iehova ese ma e hereva henigu, eto,
ISA 8:6 Badina be ina bese ese Siloa ranudia, e aru metaira-metairamu ḡaudia, vada e dadaraidia, bona Resini bona Remalia natuna garidia ese e butudia taomu,
ISA 8:7 una dainai Ḡaubada ese Sinavai Badana ranudia na idia ihadikadia totona e ha-arudia maimu. Unu ranu na goada herea bona momo, Asuria pavapavana mai hairaina idoinai ida; bena abata ese sinavai baine hahonudia, sinavai popotodia iboudiai baine utudia dae;
ISA 8:8 ma baine aru lao ela bona Iuda tanona baine utua dae, ma bainela, baine dae ela bona aio ai baine kau. Emanuel e, hanina hetoi-rorodia ese emu tano lababana baine hahonua.
ISA 8:9 Bese idau-idau e, ba heḡiḡi rohoroho, ba gari dikadika! Gabu daudau e, ba hakala! Emui rami ba hekasilai, ba gari dikadika; emui rami ba hekasilai, ba gari dikadika.
ISA 8:10 Ba henega bou, to ḡau ta basine vara; ba hereva, to emui hereva basine gini; badina be Dirava na ai dekedekemai ai.
ISA 8:11 Badina be Iehova ese unu e hereva henigu toma; imana mai goadana na lau latagu ai e atoa kau, bona e sisiba henigu, ina bese ena dala ai basina raka. Eto,
ISA 8:12 Ina bese ese “dika henegadia” e gwauraimu ḡaudia iboudiai na umui ese “dika henegadia” basio gwauraidia, bona garidia e garimu ḡaudia na garidia basio gari, bona kudoumui basie hetaha.
ISA 8:13 A Iehova Sabaota hari ba gwauraia “helaḡa”; ia mo ba gari henia, bona ia dainai kudoumui bae hetaha.
ISA 8:14 Ia na gabu helaḡana ai bainela, bona Israel oreadia ruaosi ediai hekwakwanai bona hetutuhi nadidia ai bainela, bona Ierusalem inoholaina taudia ediai rikiriki bona idoa ai bainela.
ISA 8:15 Hutuma na ienai bae hetutuhi; bae moru bona bae hehuari; baine idoadia, bena baine abidia.
ISA 8:16 Hahediba herevadia ba hunidia; egu hahediba taudia mo ba hadibadibalaidia.
ISA 8:17 Iehova baine naria; ia ese vairana na Iakob ena iduhu amo e huniamu; ia baina laroa.
ISA 8:18 A itaia, lau bona natugu, Iehova ese vada e henigu memerodia, na toa bona gware Israel ai, Iehova Sabaota, Siona ororona ai e nohomu Diravana, ena amo.
ISA 8:19 Bae hamaoromui, baeto “Rohe taudia bona mea taudia, e tanatanamu bona e hereva hemaunumu taudia, na ba nanadaidia” negana ai ba laloa, taunimanima ese edia Dirava basiema nanadaia a? Mase taudia bema nanadaidia mauri taudia dadiai a?
ISA 8:20 Hahediba daladia bona hahediba herevadia ba badinadia. Momokani ina e gwauraiamu herevana na asi diarina.
ISA 8:21 Tano bae rakaia hanai mai hisihisi badadia bona mai hitolodia ida; bena bae hitolo negana ai bae badu ḡaraḡara, bena edia pavapava bona edia Dirava bae uduguiraidia. Bae gaga dae,
ISA 8:22 bona tanobada bae raraia, a hisihisi bada bona dibura mo bae ita, hisihisi bada-hereavaburana; bena dibura masemase lalonai bae doridia vareai.
ISA 9:1 A hisihisi ese e gugubaiava hahinena na vabura ai basinela. Nega gunana ai ia ese Sebulun bona Napatali tanodia na hedadarai gabudia ai e halaodia; a nega gabena ai ia ese davara dalana, loridane sinavaina unukahana tanona, bese idau-idau edia Galilea, baine hahairaia.
ISA 9:2 Dibura ai e rakava taudia ese diari badana vada e itaia; dibura masemase tanona ai e nohova taudia latadiai diari vada e tata dae roha.
ISA 9:3 Bese vada o hahutumaia, bona ena moale vada o habadaia; idia na oi vairamu ai e moalemu, taboro imoalelaina na heto, eiava vada e dadi kohudia e harimu taudia edia moale na heto.
ISA 9:4 Badina be ena maduna metauna, bona ia paḡana auna, bona ia ihahisina tauna ena ikwadi auna, oi ese vada o hakwaidu Midian ena dina ai na heto.
ISA 9:5 Badina be tuari herou-herouna ai e rakamu taudia edia tamaka iboudiai, bona rara ai vada e hekuikuilai dabuadia iboudiai, bae gabudia, lahi audia na heheto.
ISA 9:6 Badina be meromero ta vada e vara, ita eda; mero ta vada e henida. Taunimanima ireḡudia na ia paḡana ai baine heato, bona ladana bae hatoa: Hahealo Tauna Herea-daena, Siahu-bada Diravana, Tamada hanaihanai, Maino Lohiana.
ISA 9:7 Ena heregu ihabadana bona maino daladia na basie doko, David ena terono bona ena basileia latadiai, baine haginia bona baine ha-aukaia totona, mai hahemaoro ḡoevaḡoeva bona mai kara maoromaoro ida, hari ina nega ela hanaihanai. Ina na Iehova Sabaota ena ura-kwalimu ese baine karaia.
ISA 9:8 Ḡaubada ese hereva ta vada e siaia, Iakob ihadikana; ia na Israel latanai baine kau.
ISA 9:9 Bena taunimanima iboudiai bae diba, Efraim bona Samaria inoholaina taudia na edia heaḡi ai bona edia hekokoroku ai e herevamu, e tomu:
ISA 9:10 E tunu nadidia vada e heḡiḡi dobi, a e utu nadidia amo ruma baia haginia; suke audia na vada e hagaridia, a sida audia baia hadodia idia gabudia ai.
ISA 9:11 Taunabunai, Iehova ese idia ihadikadia taudia e hatoredia isimu, bona inaidia na e hagaradiamu.
ISA 9:12 Suria taudia laurabada kahana ai bona Filistia taudia lahara kahana ai ese ududia e hagadiamu, Israel e hadonoamu. Ina idoinai vada e vara, to ena badu do se keru; ia imana na doini e hetoi roromu.
ISA 9:13 E rahudia mase tauna na taunimanima ese asie haḡerea, Iehova Sabaota asie tahua.
ISA 9:14 Taunabunai, Iehova ese Israel kwarana bona iuna e utu oho, reta bona geda, dina tamona lalonai.
ISA 9:15 Tau badana, e matauraiamu tauna, na kwara, bona koikoi herevadia e hahedibalaimu perovetana na iu;
ISA 9:16 badina be ina bese taudia e hakaudia taudia ese e hakaudia kereremu, idia ese e hakaudiamu taudia na e hadonodiamu.
ISA 9:17 Taunabunai Ḡaubada ese edia eregabe taudia se moalelaidiamu, bona edia ihareha bona edia vabu se bogadia hisimu; badina be iboudiai na Dirava asie matauraiamu, iboudiai na kara dika taudia, bona udu iboudiai na e hereva kava hereva kavamu. Ina idoinai vada e vara, to ena badu do se keru; ia imana na doini e hetoi roromu.
ISA 9:18 Badina be kara dika na e aramu, lahi na heto; ava ḡiniḡini bona au ginigini e aradia oremu. Uda audia hedoma-hedomadia e aramu, kwalahudia na e daemu.
ISA 9:19 Iehova Sabaota ena badu ḡaraḡara dainai tano na e aramu; taunimanima na au rakuraku na heto, asi tauna ta ese tadikakana e bogaia hisimu.
ISA 9:20 Idiba kahana ai e dadidadimu, a doini e hitolodiamu; lauri kahana ai e anianimu, a bogadia asie kunumu; ta ta ese dekena tauna dekena tauna hidiodia e animu.
ISA 9:21 Manase ese Efraim e aniamu, bona Efraim ese Manase e aniamu, bona raruosi ese Iuda e hadikaiamu. Ina idoinai vada e vara, to ena badu do se keru, ia imana na doini e hetoi roromu.
ISA 10:1 Hahedua herevadia dikadia e gwauraimu taudia madi ihabaidia; itorena taudia hahehisi herevadia e tore louloumu, madi ihabaidia!
ISA 10:2 E dabumu taudia edia amo hahemaoro ḡoevaḡoeva e lao ahumu, bona ogoḡami taudia egu bese lalonai ahudia korikori e dadimu; edia dadidadi ḡaudia na vabu, bona damudia na ihareha.
ISA 10:3 Dika davana iabina dinana ai dahaka ba karaia? Lai gubana dauha amo bainema negana ai dahaka ba karaia? Daika ba heau henia baine kahamu totona? Emu taḡa be edeseni ai ba rakatania?
ISA 10:4 Dala ta lasi, to e abidia mauri taudia bogaragidiai ba raki, eiava e aladia mase taudia bogaragidiai ba moru. Ina idoinai vada e vara, to ena badu do se keru, ia imana na doini e hetoi roromu.
ISA 10:5 A! Asuria na egu badu auna, egu badu-ḡaraḡara gahina.
ISA 10:6 Dirava se matauraiamu besena ihadikana totona na siaia laomu; na haganiamu, na badu henidiamu taudia na baine hadikadia. Baine dadidadi, kohu momo baine dadi; baine moimoilaidia, ariara kopukopuna na heto.
ISA 10:7 A unu se laloa tomamu, ena lalo-hadai na dia unuheto; a ena ura be hahebua-tari, bese diaḡau baine butudia tao.
ISA 10:8 Badina be ia na e tomu: Egu tuari lohiadia iboudiai na dia papavapava a?
ISA 10:9 Kalano na Karakemisi ida vada e heḡereḡere, bona Hamat na Arapada ida vada e heḡereḡere, bona Samaria na Damasko ida vada e heḡereḡere, ani?
ISA 10:10 Imagu ese kaivakuku ibadinadia basileiadia vada e toi roro henidia, edia dirava laulaudia, e koro ḡaudia, na Ierusalem bona Samaria edia e hereadiava gabudia;
ISA 10:11 matona, Samaria bona ena dirava laulaudia vada na kara henidia heḡereḡerena ai, Ierusalem mai ena kaivakuku ida basina kara henidia a?
ISA 10:12 Ḡaubada ese ena ḡaukara idoinai Siona Ororona bona Ierusalem latadiai baine ha-orea murinai, ia ese Asuria pavapavana ena hekokoroku herevadiabona ena heaḡi bada-herea daidiai baine hadikaia.
ISA 10:13 Badina be una taue tomamu: Lau imagu goadana amo vada na karaia, bona egu aonega amo danu; badina be lau na lalo-parara taugu. Bese idau-idau edia tano hetoadia vada na abidia oho, bona edia kohu namodia vada na dadi; bona terono ai e helaiva taudia vada na doridia dobi, boromakau maruanena ese bema doadia dobi heḡereḡerena.
ISA 10:14 Imagu ese bese idau-idau edia taḡa vada e davaridia, tau ta ese manu rumana bema davaria na heto; bona manu hahinena ese vada e rakatanidia gatoidia na taunimanima ese e haboudiamu heḡereḡerena ai, lau ese tanobada idoinai tagadia vada na haboudia; ta ese hanina se hamarereamu, eiava uduna se haḡaiamu, eiava se taimu.
ISA 10:15 Ira na sibona baine heaḡi, e utu-utulaiamu tauna baine dadaraia a? Eiava iri na sibona baine heimodai, e iri-irilaiamu tauna baine dadaraia a? Una na au ese e abia isimu tauna bema kwadi-kwadilaia, eiava gahi, au ḡauna, ese tau, dia au ḡauna, bema abia isi na heto.
ISA 10:16 Taunabunai Ḡaubada, Iehova Sabaota, ese taudia ihavaroda-varodadia gorerena na ena tuari taudia goada-hereadia bogaragidiai baine siaia; ia hairaina henunai hururu ta baine vara, lahi hururuna na heto.
ISA 10:17 Israel Diarina na lahi ai bainela; ena Helaḡa Diravana na lahi hururu-hururuna ai bainela; ena au ḡiniḡini bona ena ava ḡiniḡini baine aradia, dina tamona ai baine aradia ore.
ISA 10:18 Ena uda bona ena tano namona hairaidia na Iehova ese baine habuadia tari, lauma ai bona tau-anina ai; gorere tauna e varoda-varodamu heḡereḡerena ai bainela.
ISA 10:19 Ena uda audia oredia bae gadoi vaitani dainai, mero maraḡina ta ese baine hagaudia diba.
ISA 10:20 Una dina ai Israel kwabukwabudia bona Iakob iduhuna ena roho-mauri taudia ese idia e rahudia mase tauna enai basie tao lou, a Iehova, Israel ena Helaḡa Diravana, enai bae tao mai momokanidia ida.
ISA 10:21 A kwabukwabudia na bae lou mai, Iakob iduhuna kwabukwabudia, Siahu Diravana bae lou henia.
ISA 10:22 Badina, ena be emu bese Israel na kone mirina na heto, to kwabukwabudia mo bae lou mai. Kara maoromaoro na e hepurai dobimu, una dainai hahebua-tari na vada e hahedualaia.
ISA 10:23 Badina be Ḡaubada, Iehova Sabaota, ese baine haḡuḡurua vaitani, hahedua heḡereḡerena, tanobada idoinai bogaraginai.
ISA 10:24 Taunabunai Ḡaubada, Iehova Sabaota, na ini e gwau tomamu: Egu bese taumui e, Siona ai o nohomu taumui e, Asuria taudia ese au amo bae rahumui mase bona edia gahi na ihadikamui totona bae abidia isi, Aigupto taudia e karaia heḡereḡerena, negana ai idia garidia basio gari.
ISA 10:25 Badina be asi vanahana egu lalo-siahu baine ore, bona egu badu eseidia ihabua-taridia baine matamaia.
ISA 10:26 Bena Iehova Sabaota ese ikwadiva varona amo baine hadikadia, Midian na Oreb nadi-ginina badibadinai e rahua mase negana heḡereḡerena ai; bona ena itotohi na davara daenai baine he toi roro, bona baine abia isi, Aigupto ai e karaia heḡereḡerena.
ISA 10:27 Una dina ai ena maduna metauna na pagamui amo baine heabi oho, bona ena maduna auna na aiomui amo baine kwaidu oho. Ia na Rimon amo vada e dae lao,
ISA 10:28 Aiata ai vada e kau; Migron vada e rakaia hanai, Mikmasa ai ena kohu e habouamu;
ISA 10:29 Ororo makana amo vada e hanai, Geba ai e taruha rani; Rama na e heude-heudemu, Gibea, Saulo ena hanua, vada e heau.
ISA 10:30 Galimi hahinemu e, a tai badabada! Laisa e, a kamonai! Anatoto e, a haere henia!
ISA 10:31 Madamena na e heaumu; Gebimi inoholaina taudia na e heau maurimu.
ISA 10:32 Hari ina dina ai, ia na Nob ai baine gini, imana baine kahua kuboro-kuboro, Siona kekenina ena ororo baine kahu kuboro henia, Ierusalem ororona bunai.
ISA 10:33 A itaia, Ḡaubada, Iehova Sabaota, ese au rigidia baine utu oho, mai siahu herea-daena ida; atai ḡaudia na baine utudia gari, atai-herea ḡaudia na henu ai bae heato diho.
ISA 10:34 Ia ese uda audia hedoma-hedomadia na ira amo baine utudia, bona Lebanon mai ena au hereadia ida bae moru.
ISA 11:1 Iese badina amo tuhutuhu ta baine gara kau; bona ia ramuna amo rigi ta baine tubu.
ISA 11:2 Iehova ena Lauma ese baine rohea, aonega bona lalo-parara laumana, hahealo bona siahu laumana, diba-maoro bona Iehova garina laumana.
ISA 11:3 Ia ese Iehova garina baine moalelaia. Ia na basine hahemaoro, matana e itamu ḡaudia daidiai, bona lalona basine hadaia, taiana e kamonaimu herevadia daidiai;
ISA 11:4 a mai kara maoromaorona ida ia ese ogoḡami taudia baine hahemaoro henidia, bona ia!ona baine hadaia maoro, tanobada ena manau taudia ediai; ia uduna auna amo tanobada baine botaia, bona uduna bibinadia hodahodana amo kara dika taudia baine aladia mase.
ISA 11:5 Kara maoromaoro na ia gabana ḡauna ai bainela, bona kara momokani na ia koekoena igegelaina ḡauna ai bainela.
ISA 11:6 Uda sisiana na mamoe natuna ida bae noho, bona taiga na nani natuna ida bae hekure; boromakau natuna bona leona bona ubu-ubu ḡauna na bae noho hebou, bona mero maraḡina ta ese baine hakaudia.
ISA 11:7 Boromakau hahinena bona bea bae aniani hebou, bona natudia bae hekure hebou; bona leona ese rei kakoro baine ania, boromakau maruanena na heto.
ISA 11:8 Rata e inumu merona na gaigai ena guri latanai baine gadara, bona rata vada e dadaraia merona ese imana na duba ena guri lalonai baine toia vareai.
ISA 11:9 Basie hahehisi bona basie hahebua tari, egu ororo helaḡana idoinai ai; badina be tanobada na Iehova idiba-maorona ai baine honu, davara ena honuhonu-dae na heto.
ISA 11:10 Una dina ai Iese ramuna baine gini, taunimanima loḡora edia pepe; bese idau-idau ese ia bae tahua, bona ena noho gabudia bae herea dae.
ISA 11:11 Una dina ai Ḡaubada ese nega iharuana imana baine toia roro, ena bese kwabukwabudia iabi-loudia totona: Asuria amo, Aigupto amo, Pataro amo, Etiopia amo, Elam amo, Sinara amo, Hamat amo, bona kone ahadia amo.
ISA 11:12 Ia ese pepe ta baine duduia isi, bese idau-idau edia, bona Israel ena henege-daure taudia baine haboudia, bona Iuda ena karoho taudia baine gogodia tanobada daigunidia haniosi amo.
ISA 11:13 Efraim ena vagege baine heabi oho, bona Iuda ihahisina taudia bae henege daure; Efraim ese Iuda basine vagege henia, bona Iuda ese Efraim basine hahisia.
ISA 11:14 A Filistia taudia edia ororo gabaedia na bae hedai henidia lahara kahana ai; bona hebou tamona ai baela, laurabada kahana taudia edia kohu bae dadi. Imadia bae toi roro, Edom bona Moab ihadikadia totona; bona Amono taudia ese bae kamonai henidia.
ISA 11:15 Bena Iehova ese Aigupto davara dogurana baine habuaia tari vaitani, bona Sinavai Badana daenai imana baine davea, mai ena lai siahuna ida; bena baine botaia parara, rege hitu ai baine aru, bona taunimanima na bae raka hanai diba, aedia basie paripari.
ISA 11:16 Bena laolao dalana ta baine helailai Asuria amo, ena bese kwabukwabudia edia; Israel ena heḡereḡerena, Aigupto tanona amo e raka lasi negana ai.
ISA 12:1 Una dina ai baoto: Iehova e, lau baina hanamomu, badina ena be o badu henigu, to emu badu na egu amo o abia oho, bona taugu o haloa.
ISA 12:2 A itaia, Dirava na lau ihamaurigu; baina heabidadama, basina gari; badina be Iehova na egu goada bona egu ane, ia na ihamaurigu ai vada e hahelao.
ISA 12:3 Mai moalemui ida ranu na hahemauri guridia amo ba utu.
ISA 12:4 Bona una dinai ai baoto: Iehova ba hanamoa, ia ladana ba hahanea; ena kara na bese idau-idau ba hadibalaidia, ba gwauraia hedinarai, ia ladana na herea-dae.
ISA 12:5 Iehova ihanamolaina anedia avabi, badina be kara hereadia vada e kara, tanobada idoinai unu bae diba toma.
ISA 12:6 Siona inoholaina taumui, a lolo, moale anedia avabi; badina be Israel ena Helaḡa Diravana na bada, umui bogaragimui ai.
ISA 13:1 Maduna metauna Babulono latanai, Isaia Amoso ese e itaia ḡauna.
ISA 13:2 Ororo gagaena ai toa ta ba duduia isi, ba boi lolo henidia; ba kalodia, bae raka vareai, lohia edia ikoukou lalodiai.
ISA 13:3 Lau sibogu ese egu helaḡa taudia vada na haḡanidia, bona egu goada taudia, egu heaḡi herea taudia, vada na boiridia, egu badu karadia bae kara totona.
ISA 13:4 A hakala, heloḡo-heloḡo na ororo ai, hutuma bada reḡedia na heheto. A hakala, basileia idau-idau e heloḡo ahu-ahumu, e heboumu besedia na e heloḡo-heloḡomu. Iehova Sabaota ese tuari oreana ta e habouamu;
ISA 13:5 tano daudau amo e maimu, bona guba dokona amo, Iehova bona ena badu ḡaudia, tanobada idoinai ihabua-tarina totona.
ISA 13:6 A tai lolololo, badina be Iehova ena dina eme kahikahi; ia na do baine kau, Siahu-idoinai Diravana ena hahebua-tari dinana ai bainela.
ISA 13:7 Taunabunai, ima iboudiai bae manoka-manoka; taunimanima iboudiai kudoudia bae hetaha,
ISA 13:8 bona gari ese baine butudia tao. Hisihisi ese baine gugubadia, hisihisi badadia; idia na hisi bae ani, hahine ena hekamonai hisina na heto. Bae heita heheni mai gari badadia ida; vairadia bae kakakaka, lahi na heto.
ISA 13:9 A itaia, Iehova ena dina e maimu, mai dagedagena bona mai baduna ida, mai badu ḡaraḡarana ida; tanobada na baine havahua, bona kara dika taudia na ia latana amo baine habuadia tari.
ISA 13:10 Badina be guba hisiudia edia orea lalodiai na basie diari; daba ai dina na baine dibura, bona hua basine rara.
ISA 13:11 Tanobada na ena dika davana baina henia, kara dika taudia na edia kara havara davadia baina heni; heaḡi taudia edia hekokoroku baina hadokoa, bona asi edia hebogahisi taudia edia heaḡi baina hamaraḡia.
ISA 13:12 Taunimanima baina hagadoidia: idia na bae gadoi, gold namo-hereana baine momo; idia na bae gadoi, Ofiri gold-na baine momo.
ISA 13:13 Taunabunai, guba baina haheude-heudea; bona Iehova Sabaota ena badu ese tanobada na ena gabu amo baine bibia oho, ena badu baine ḡaraḡara dinana ai.
ISA 13:14 E labanaiamu diana na heto, eiava mamoe asi ireḡudia na heheto, taunimanima ta ta ese ena bese taudia ena bese taudia bae haḡeredia, bona taunimanima ta ta na ena tano korikori ena tano korikori bae lou lao.
ISA 13:15 Bae davaria tauna na bae gwadaia uru, bona bae dabaia tao tauna na dare amo bae alaia mase;
ISA 13:16 natudia karukarudia na vairadiai bae huaridia, edia ruma kohudia bae dadidia, bona adavadia bae hadikadia.
ISA 13:17 A itaia, lau ese Mede taudia lalodia baina hasiahudia, bae hadikadia totona; idia na silver asie laloamu, bona gold asie moalelaiamu.
ISA 13:18 Edia peva ese eregabe taudia bae aladia mase; hahine bogadia anidia na basie hamauridia; matadia ese memero bona kekeni na basie bogadia hisi.
ISA 13:19 Babulono danu, basileia herea-daena, Kaldea taudia edia hairai bona edia heaḡi ḡauna, na Sodoma bona Gomora heḡereḡeredia ai bainela, Dirava ese e habuadia tari negana ai.
ISA 13:20 Haida ese basie noho henia, bona basie noholaia ela bona uru iboudiai; Arabia tauna ta unuseni ai basine taruha, bona mamoe ireḡudia taudia haida ese edia seri basie hahekuredi: unuseni ai.
ISA 13:21 A uda boromadia na unuseni ai bae hekure, rumadia na e ḡoumu ḡaudia ai bae honu; unuseni ai kokokoko bae noho, bona huika-huika ḡaudia na unuseni ai bae mavaru.
ISA 13:22 Tano ḡaḡaena sisiadia na kohorodia ai bae turo, bona uda sisiadia danu lohia rumadia lalodiai; ena nega vada eme kahikahi, bona ena dina na basie hoho.
ISA 14:1 Iehova ese Iakob baine bogaia hisi bona Israel baine abia hidi lou; edia tano korikori ai baine atodia lou, bena idau bese taudia na idia ida bae tamona, Iakob besena enai bae tao.
ISA 14:2 Bena unu bese taudia ese bae abidia, edia gabu korikori bae mailaidia; bena Israel taudia ese bae abidia, Iehova ena tano ai, edia hesiai taudia bona hahinedia ai bae halaodia; e abidia mauriva taudia na idia ese bae abidia mauri, bona e hahisidiava taudia na idia ese bae biagudia.
ISA 14:3 Iehova ese emui hisihisi bona emui hekwarahi bona emui hesiai-laoheniaukana amo laḡa-ani baine henimui negana ai,
ISA 14:4 umui ese ina Babulono pavapavana iḡonaḡonalaina anena ba ladaia isi: A itaia! Hahehisi tauna vada e doko, heaḡi baduna vada e ore.
ISA 14:5 Iehova ese kara dika taudia edia itotohi vada e hakwaidua, bona pavapava edia dagi auna danu.
ISA 14:6 Ia ese mai baduna ida bese idau-idau taudia e rahudia mase asi dokona; ia ese mai baduna ida basileia idau-idau taudia e biagudia, e hahisidia, se bogadia hisi.
ISA 14:7 Tanobada idoinai e laḡa animu, asi reḡereḡena; idia ese ane e ladaia isimu.
ISA 14:8 Beroso audia na oi daimu ai e moalemu, bona Lebanon sida audia danu, e tomu, Oi o moru negana ema bona hari, au-utu tauna ta na ai ihadikamai se maimu.
ISA 14:9 Mase Gabuna na e marere-mareremu henumai ai, oi ihedavari-henimu totona; mase laulaudia na e haodiamu, oi ihahenamo-henimu totona, tanobada ena hegunalai taudia laulaudia iboudiai; basileia idau-idau pavapavadia iboudiai na edia terono amo e hatoredia isimu.
ISA 14:10 Iboudiai bae hereva, bae hamaoromu, baeto, Oi danu vada o manoka-manoka, ai bamomai; oi na ai heḡereḡeremai ai vada ola.
ISA 14:11 Oi hairaimu na Mase Gabuna ai vada e hadihoa, emu hatai-hatai ḡaudia reḡedia danu; uloulo na emu hekure gedana, bona biluga na emu hetaru.
ISA 14:12 Daba hisiuna, daba-matana natuna, guba amo vada o moru! Basileia idau-idau o hamorudia taumu, tano ai vada e hamorumu!
ISA 14:13 Lalomu ai oto: Guba ai baina dae, Dirava ena hisiu daediai, atai ai egu terono baina hadaia; hebou ororona ai baina helai, dauhai, mirigini kahana ai;
ISA 14:14 lau na atai oridia daediai baina dae, Herea Mikamika heḡereḡerena ai baina hahelao.
ISA 14:15 A oi na Mase Gabuna ai vada e hadihomu, mase gurina ena dobu gabudia ai.
ISA 14:16 Bae itamu taudia bae raraimu tao, bona bae haerolaimu, baeto: Ina na tanobada e haheude-heudea bona basileia idau-idau e hamareredia tauna a?
ISA 14:17 Ina be tanobada na tano ḡaḡaena ai e halaoa, bona ena hanua badadia e ḡiḡidia dobi, bona e ḡuidia taudia se kahudia nege tauna a?
ISA 14:18 Bese idau-idau pavapavadia iboudiai na hairai ai e hekuremu, ta ta ena gara ena gara ai;
ISA 14:19 a oi na emu gara amo vada e negemu daudau, vara-dika merona, taunimanima ese e dadaraiamu ḡauna, na heto, dare ai e mase taudia na emu hetaru, Mase Gurina ena dobu gabudia nadidia ai mase tau-anina e moimoilaiamu na heto.
ISA 14:20 Oi na idia ida basie gurimui hebou, badina be emu tano vada o havahua, bona emu bese taudia vada o aladia mase. Kara dika taudia vevedia ladadia na basie hato lou ela bona hanaihanai.
ISA 14:21 Natuna iala-masedia dalana ba lailaia, tamadia edia kerere daidiai, bae tore isi bena tanobada bae ḡaunaia bona tanobada kopina na hanua badadia amo bae hahonua na garina.
ISA 14:22 Iehova Sabaota na e tomu, Lau na ihadikadia totona baina tore isi Iehova na e tomu, Lau ese ladana bona kwabukwabuna, natuna bona garana na Babulono amo baina negedia daure.
ISA 14:23 Iehova Sabaota na e tomu, Lau ese migu ena gabu bona gohugohu gabuna ai baina halaoa, bona hahebua-tari idarona amo baina daroa.
ISA 14:24 Iehova Sabaota vada e gwau hamata, eto: Vada na laloa hata heḡereḡerena, unu baine vara toma; bona vada na lalo-hadailaia heḡereḡerena, unu baine gini toma.
ISA 14:25 Lau ese Asuria tauna na egu tano ai baina huaria, bona egu tano ororodia ai baina moimoilaia; ena maduna na edia amo baine heabi oho, bona ena maduna metauna idia paḡadia amo danu.
ISA 14:26 Lalo-hadai binai vada e lalo-hadailaiamu, tanobada idoinai dainai; e toia roromu imana binai, basileia iboudiai daediai.
ISA 14:27 Badina be Iehova Sabaota ese vada e lalo-hadailaia, bena daika ese baine utua? Ia imana vada eme hetoi roro, bena daika ese baine haloua?
ISA 14:28 King Ahasa ena mase laḡanina ai ina maduna metauna herevana e kau:
ISA 14:29 Filistia taumui iboumui ai, basio moale, e rahumui mase auna vada e kwaidu dainai; badina be gaigai ramuna amo duba ta baine vara, bona huahuana baine dobi, roho gaigaina ta.
ISA 14:30 Ogoḡami tauna natuna roboana baine aniani, bona e dabumu tauna baine hekure diho mai namona ida; a lau ese ramumu na doe amo baina hamasea, bona emu taunimanima kwabukwabudia baina aladia mase.
ISA 14:31 Ikoukou e, a tai! Hanua badana e, a tai lolololo; Filistia taumui iboumui ai, gari ese kudoumui baine hahetahadia! Badina be tuari kwalahuna na mirigini amo e lasi e maimu, bona tuari oreana ai tau ta se halahemu.
ISA 14:32 Basileia ena gwaukau taudia na ede bae haere henidia toma? Iehova ese Siona vada e hadaia, bona ia lalonai ena hisihisi taudia ese mauri bae davaria.
ISA 15:1 Maduna metauna Moab latanai: Ara na hanuaboi tamona ai vada e havahua dainai, Moab na vada e baia; Kiri na hanuaboi tamona ai vada e havahua dainai, Moab na vada e baia.
ISA 15:2 Dibon natuna kekenina vada e dae lao, atai gabudia ai baine taitai totona; Nebo bona Medeba latadiai, Moab na e tai lolololomu. Kwara iboudiai vada e naudia, auki iboudiai huidia vada e abi;
ISA 15:3 ariara ai puse dabuadia e riomu; ruma guhidia ai bona hanua bogaragidiai danu taunimanima iboudiai na e tai lolololomu, bona taitaidia ai taudia e manokamu.
ISA 15:4 Hesebon bona Eleale e lolomu, gadodia na e kamonaimu ela bona Iahasa; taunabunai, Moab ena tuari taudia na e tai badabadamu, laumadia na e dauremu.
ISA 15:5 Moab dainai lalogu na e taimu, ena heau-mauri taudia na e heaumu ela bona Soara ela bona Eglata-selisia; badina be Luhiti dae-lao dalana ai, mai taitaidia ida e dae laomu; bona Horonaimi dalana ai, hahebua-tari dainai e taitaimu.
ISA 15:6 Nimirimi ranu-gabudia vada e kororo, rei vada e marai, bona matamatadia se tubumu; tano ai e varamu ḡaudia iboudiai vada e ore.
ISA 15:7 Taunabunai edia taḡa idoinai bona vada e habou ḡaudia iboudiai e huadia hanaimu, Arabimi Sinavaina unukahana ai.
ISA 15:8 Badina be Moab tanona hegegemadai ai, taitai na vada ela; taitai reḡedia na e laomu ela bona Eglaimi, e laomu ela bona Bere-elim.
ISA 15:9 Badina be Dibon ranu gabudia na rara ai e honumu, ḡau tamona Dibon ena hisi ma baina habadaia; leona ta baina siaia Moab amo e roho maurimu taudia ediai, bona tano taudia kwabukwabudia ediai.
ISA 16:1 Idia ese mamoe natudia vada e siaidia, tano lohiana dekenai, Sela amo, tano ḡaḡaena dalana ai, ela bona Siona natuna kekenina ena ororo.
ISA 16:2 Manu e roho eva-evamu na heto, manu natudia e hakarohodiamu na heto, Moab hahinedia na unuheto, Aranon turu-hanai gabudia ai.
ISA 16:3 Ba hahealo, hahemaoro ḡoevaḡoeva ba karaia; ikerukerumu na dina tubua ai ba ha-udunaia, hanuaboi diburana na heto. Vada e luludia lasi taudia ba hunidia, e heau maurimu tauna taona basio torea.
ISA 16:4 Moab amo e luludia lasi taudia na bogaragimui ai bavabidia dae; hahebua-tari tauna imana amo iharoho-mauridia gabuna ai baola. Negana bainema, hahehisi tauna baine boio, bona hahebua-tari baine doko, bona ae-hemoimoilai karadia e karamu tauna na tano amo baine puki;
ISA 16:5 una negana ai terono ta na hebogahisi ai baine gini, ia latanai heabidadama tauna ta baine helai, David ena kalaga ai, hahemaoro e karaiamu bona hahemaoro ḡoevaḡoeva e tahuamu bona kara maoromaoro ikarana ai e haraḡamu tauna.
ISA 16:6 Moab ena heaḡi sivaraina vada ta kamonai, ena hekokoroku na dibada; e hekokorokumu, e heaḡimu, e gwau daḡemu, ena heaḡi herevadia na koikoi.
ISA 16:7 Taunabunai, Moab taudia bae tai lolololo, bona taunimanima iboudiai na Moab dainai bae tai. A tai, mai dara-dokomui ida, Kiri-haresete ena vine huahua kaukaudia manedia ba tailaidia.
ISA 16:8 Badina be Hesebon umadia na e maraimu, bona Sibma vinena danu; basileia idau-idau lohiadia ese ia rigina vada e bokodia; unu rigi na e laova ela bona Iasere, e loava ela bona tano ḡaḡaena; ia tuhutuhuna na e tubu rohorohova, davara e hanaiava.
ISA 16:9 Taunabunai Iasere ida a taitaimu, Sibma vinena taina a taimu. Hesebon bona Eleale e, iruru-matagu amo na hapariparimuimu; badina be tuari honena vada e kau, emui huahua bona emui taboro latadiai.
ISA 16:10 Moale bona lalo-namo na uma mai anina amo vada eme heabi oho; bona vine imeadia lalodiai ane asie abimu bona asie hisi daemu; vine itaolaidia gabudia ai tau ta ese vine se moimoilaimu, bona ta se hisi daemu.
ISA 16:11 Taunabunai, Moab dainai lalogu e taimu, hatai-hatai ḡauna na heto, bona Kiri-herese danu dainai.
ISA 16:12 Moab baine hedinarai, atai gabuna ai baine hekwarahi, ena gabu helaḡana ai baine ḡuriḡuri negana ai ḡau ta basine davaria.
ISA 16:13 Nega gunadia ai Iehova ese Moab na unu e herevalaia toma.
ISA 16:14 A harihari Iehova na e tomu, Ena be Moab taudia na hutuma herea, to laḡani toi, ḡaukara tauna ena gwauhamata laḡanidia heḡereḡeredia, lalodiai Moab hairaina na heihi-ihirai ḡauna ai bainela; bopa bae mauri taudia na baegadoi bona taudia bae manoka.
ISA 17:1 Maduna metauna Damasko latanai: A itaia, Damasko hanuana baine vahu, nadi hesenudia ai bainela.
ISA 17:2 Hanuadia bae mia ḡaḡae ela bona hanaihanai, mamoe seridia edia gabu ai baela; mamoe na unuseni ai bae hekure, bona tau ta ese basine hagaridia.
ISA 17:3 Efraim kohorona baine puki oho, bona Damasko basileiana danu; Suria taudia kwabukwabudia danu bae boio, Israel taudia hairaidia vada e boio heḡereḡerena. Iehova Sabaota unu e gwau tomamu.
ISA 17:4 Una dina ai, Iakob hairaina na baine maraḡi, bona tau-anina baine varoda-varoda;
ISA 17:5 uit iutuna tauna ese e ginimu uitina e habouamu bena ia imana ese uit anidia e utumu na heto, eiava uit anidia momorudia Refaim kourana ai e gogomu na heto.
ISA 17:6 Momorudia do bae mia, olive auna e kwadiamu negana ai na heto; huahua rua eiava toi atai rigina dorina ai e miamu eiava hani eiava ima huahua auna rigina ai e miamu na heto. Iehova, Israel Diravana, unu e gwau tomamu.
ISA 17:7 Una dina ai taunimanima ese Ikaradia Diravana na bae laloa, bona matadia ese Israel ena Helaḡa Diravana bae haḡerea;
ISA 17:8 ihaboulaina patadia, imadia amo e kara ḡaudia, na basie lalodia; bona ima-kwakikwakidia amoe kara ḡaudia, Asera ena au-tubua helaḡadia eiava muramura mai bonadiapatadia, na basie haḡeredia.
ISA 17:9 Una dina ai edia goada hanuadia na Hivi taudia bona Amoro taudia edia hanua ahutudia, Israel taudia daidiai e rakatanidia gabudia, heḡereḡeredia ai baela, bona tano na baine vahu.
ISA 17:10 Badina be ihamaurimu Diravana vada o laloa boio, bona ihahemetaimu Nadi-ginina so laloa taomu; taunabunai, ena be herahera namodia bona dirava idauna ena uhe helaḡadia ba hado,
ISA 17:11 ena be ba hado dinana ai ba hatubudia bona ba hado dabana ai anidia ba havaradia, to anidia na bae puki, lalo-hisihisi bona asi ihanamona hisina dinana ai.
ISA 17:12 Aha! Taunimanima hutuma reḡedia, davara hurehuredia gurudia na heheto. Aha! Basileia idau-idau reḡedia, e heloḡo-heloḡomu, ranu badadia gurudia na heheto.
ISA 17:13 Basileia idau-idau taudia na e heloḡo-heloḡomu, ranu momo gurudia na heheto, a ia ese baine gwau henidia, bena dauha bae heau lao; lai ese momoru na ororo ai e hoda ohomu na heto, eiava lai-gubana ese ḡahu e hodaia isimu na heto.
ISA 17:14 A itaia, adorahi ai gari bada-herea! Daba do se reremu, idia na lasihidia! Ina na eda ḡau e abi ohomu taudia ahudia; ina na eda kohu e dadi ohomu taudia davadia.
ISA 18:1 Aha! Manu hanidia gurudia tanona, Etiopia sinavaidia unukahadia ai;
ISA 18:2 ena gwaukau taudia na revareva vanagidia ai e siaidiamu, Nilo sinavaina amo. Gwaukau taumui mai haragamui e, aola, taudia lalata bona kopidia mamanada-mamanada besena dekediai, gabu kahikahidia bona gabu daudaudia ai e gari heniamu oreana dekenai; una bese na mai siahuna bona mai kwalimuna, ena tano na sinavai ese e hapararaiamu.
ISA 18:3 Tanobada inoholaina taumui iboumui ai, tanobada latanai o nohomu taumui e, toa ta ororo ai bae duduia isi negana ai, ba itaia! Kibi ta bae hiriria negana ai, ba kamonai!
ISA 18:4 Badina be Iehova ese ini e hereva henigu toma, eto: Egu noho gabuna amo baina roharoha, asi reḡereḡegu; dina e taramu siahuna na heto, ninoa taboro negana siahuna ai na heto.
ISA 18:5 Badina be taboro negana do basine kau ai, bure vada e marai bona vine huahuana e magemu negana ai, ia ese kwama-kwama kaiadia amo baine kwamadia, bona e hetoi lasimu rigidia baine lapa oho.
ISA 18:6 Iboudiai bae mia, ororo manudia, damudia e tahumu ḡaudia, adia, bona tano boromadia adia. Siahu negana ai damudia e tahumu manudia ese bae anidia, bona keru negana ai tano boromadia iboudiai ese.
ISA 18:7 Una negana ai haida ese edia herahia ḡaudia bae mailai, Iehova Sabaota ena. Taudia lalata bona kopidia mamanada-mamanada oreana, gabu kahikahidia bona gabu daudaudia ai e gari heniamu oreana. bese mai siahuna bona mai kwalimuna, ena tano na sinavai ese e hapararaiamu besena, ese Siona ororona, Iehova Sabaota ladana e nemaiamu gabuna, bae maila.
ISA 19:1 Maduna metauna Aigupto latanai: A itaia, Iehova na ori heiruna ai e guimu, Aigupto ai e kaumu. Aigupto kaivakukudia na ia vairanai bae heude-heude, Aigupto taudia na bae lalaḡa.
ISA 19:2 Bena lau ese Aigupto taudia lalodia baina hasiahudia, bae hahedika heheni, bae heatu heheni, ta ta tadikakana tadikakana ida, ta ta dekena tauna dekena tauna ida, hanua ta hanua ta ida, basileia ta basileia ta ida.
ISA 19:3 Aigupto taudia laumadia bae daure; edia lalo-hata ḡaudia baina laodia ahu. Idia ese kaivakuku bona babalau taudia bae nanadaidia, bona rohe taudia bona mea taudia danu.
ISA 19:4 Bena lau ese Aigupto taudia na biagu aukana ta imana ai baina atodia; bona pavapava ta mai dagedagena ese baine lohiadia. Ḡaubada, Iehova Sabaota, unu e gwau tomamu.
ISA 19:5 Nilo sinavaina ranudia bae kororo, sinavai baine kororo bona baine haurahaura;
ISA 19:6 e gei dadairadia ranudia bae bodaga, bona Aigupto ena Sinavai Badana reḡedia bae kororo bona bae haurahaura, bona geda bona bota na bae pata rohoroho.
ISA 19:7 Nilo sinavaina badibadina tanodia bae ḡaḡae, Nilo sinavaina isena tanodia; Nilo sinavaina isena ai e hadomu ḡaudia iboudiai na bae marai, lai ese baine hodadia oho, baine ha-oredia.
ISA 19:8 Haoda taudia na bae taitai, bae hahane, Nilo sinavaina ai e kimaimu taudia iboudiai; bona reke e toremu taudia na lalodia bae hisihisi.
ISA 19:9 Dabua aukadia e hatumu taudia daradia bae doko, bona dabua kurokurodia e hatumu taudia danu.
ISA 19:10 Tano lohiadia na bae taodia tari, bona e gaukaramu mai davadia taudia na lalodia bae hisihisi.
ISA 19:11 Soan lohiadia na kavakava herea; Farao ena aonega taudia ese hahealo kavakavadia e gwauraimu. Farao na ede ba hamaoroa toma, baoto “Lau na aonega tauna natuna, pavapava gunadia garadia”?
ISA 19:12 Emu aonega taudia na edeseni ai? Bae hadibamu bona bae gwaurai hedinarai, Iehova Sabaota ese Aigupto ede baine kara henia toma.
ISA 19:13 Soan lohiadia na kavakava taudia ai vada ela, Memefisi lohiadia na vada e hekoi; ena iduhu daiguni-nadidia ese Aigupto vada e hakaua kerere.
ISA 19:14 Iehova ese daradara na ia bogaraginai vada e havaraia; Aigupto na vada e hararagaia ena kara iboudiai lalodiai, e kekeromu tauna na mumutana ai e raragamu na heto.
ISA 19:15 Aigupto enai ḡau ta basine hekara, kwara eiava iu, reta eiava geda, ese bema karaia diba ḡauna.
ISA 19:16 Una dina ai, Aigupto taudia na hahine heḡereḡeredia ai baela; bona Iehova Sabaota ese imana na idia daediai baine davedavea negana ai, idia na ia vairanai bae heude-heude mai garidia ida.
ISA 19:17 Iuda tanona na gari ḡauna ai bainela Aigupto taudia ediai; bae herevalai henidia taudia iboudiai na bae gari, lalo-hadai, Iehova Sabaota ese idia ihadikadia e lalo-hadailaia, dainai.
ISA 19:18 Una dina ai, Aigupto hanuadia badadia ima lalodiai Kanaan gadona ai bae hereva, bona edia gwauhamata na Iehova Sabaota bae henia. Ta ladana bae hatoa Dina Hanuana.
ISA 19:19 Una dina ai, Iehova ena ihaboulaina patana ta na Aigupto tanona bogaraginai baine mia, bona Iehova ena au-tubua ta na ena tano hetoana ai baine gini.
ISA 19:20 Una na Iehova Sabaota toana ai bona ihahedinaraina ḡauna ai bainela, Aigupto tanona ai. Ihahisidia taudia daidiai idia ese Iehova bae tai henia negana ai, ia ese ihamauridia tauna ta na dekedia baine siaia lao; baine gimadia bona baine hamauridia.
ISA 19:21 Bena Iehova ese Aigupto taudia baine hahedinarai henidia. Una dina ai, Aigupto taudia bae diba Iehova, bona bae toma henia diho mai kara helaḡadia bona ḡole-oho bouboudia ida, bona Iehova enai baegwau hamata, bena edia gwauhamata bae hamomokanidia.
ISA 19:22 Bena Iehova ese Aigupto taudia baine rahudia mase; baine rahudia mase ma baine hamauridia. Idia ese Iehova bae lou henia; bena ia ese edia noinoi baine kamonai, bona baine hamauridia.
ISA 19:23 Una dina ai, laolao dalana baine helailai, Aigupto amo ela bona Asuria. Asuria tauna na Aigupto bainela, bona Aigupto tauna na Asuria bainela; bona Aigupto taudia bona Asuria taudia bae toma diho hebou.
ISA 19:24 Una dina ai, Israel na Aigupto bona Asuria ida bae hebou, bena orea toiosi na hahenamo ḡauna ai baela, tanobada bogaraginai.
ISA 19:25 Iehova Sabaota ese vada e hanamodia, eto, Egu orea Aigupto, bona imagu amo na karaia ḡauna Asuria, bona dihigu Israel, na bae namo.
ISA 20:1 Tuari lohiana Saragono, Asuria pavapavana ese e siaia mai tauna, na Asdod ema, e tuari henia, bena e abia.
ISA 20:2 (Una negana ai, Iehova ese Isaia Amoso enai vada e hereva, eto, Aola, puse dabuana ba dokia oho, bona emu tamaka na aemu amo ba kokidia oho. Bena ia na unu e kara toma, asi dabuana bona aena asi tamakana vada e loaloava.)
ISA 20:3 Una laḡani lalonai Iehova eto, Egu hesiai tauna Isaia na laḡani toi lalodiai asi dabuana bona aena asi tamakana vada e loaloa, Aigupto bona Etiopia ihadikadia toana bona gwarena;
ISA 20:4 una heḡereḡerena ai, Asuria pavapavana ese Aigupto taudia baine abidia mauri, baine hakaudia lao, bona Etiopia taudia na baine laohaidia, basie lou - eregabedia bona burukadia danu, asi dabuadia bona aedia asi tamakadia bona asi sihidia, Aigupto ihahemaraina.
ISA 20:5 Bena bae dara doko bona bae baia, edia helaro ḡauna Etiopia bona edia heaḡi ḡauna Aigupto daidiai.
ISA 20:6 Bena una dina ai ina kone tanona taudia baeto: A itaia, ina na vada e vara, ta helaro henidia, bona bae duruda, Asuria pavapavana ena amo bae hamaurida, totona ta heau henidia, taudia ediai. Matogana, ita na ede baita roho mauri toma?
ISA 21:1 Maduna metauna tano ḡaḡaena, davara kahana ḡauna, latanai; Koe-hirihiri na diho kahana amo e daro e maimu na heto, ia na tano ḡaḡaena amo e maimu, tano dika amo e maimu.
ISA 21:2 Mata-hanai aukana vada e hahedinarai henigu: dadidadi tauna ese e dadidadimu, hahebua-tari tauna ese e hahebua tarimu. Elam e, a dae lao! Media e, a hahegegea ahu! Ḡanaḡana idoinai ia ese vada e havaraia na lau ese na hadokoamu.
ISA 21:3 Taunabunai, koekoegu e hisihisi hereamu; hisi ese e gugubagumu, hahine ena hekamonai hisidia na heheto. Lau na e ha-igogu dihomu dainai asina kamonaimu; kudougu e hahetahaiamu dainai asina heitamu.
ISA 21:4 Daragu e dokomu, gari ese e butugu taomu; adorahi vaburana na hekise-hekise henia, to ia na egu heude-heude negana ai vada ela.
ISA 21:5 Pata e dabaraiamu, geda e tahomu; e anianimu bona e muinumu. kesi na ba dehorodia.
ISA 21:6 Badina be Ḡaubada ese ini e hamaorogu toma: Aola, gima tauna bavatoa; e itaiamu ḡauna na baine gwauraia hedinarai.
ISA 21:7 Gui taudia baine itadia, hosi-gui taudia rarua rarua amo, bona doniki-gui taudia bona kamelo-gui taudia danu; una negana ai baine hakala balaheni, baine hakala balaheni-balaheni.
ISA 21:8 Bena e roharoha tauna na e boi lolo, eto: Ḡaubada e, gima kohorona ai na ginimu, dina idoinai; bona egu gima gabuna ai na hegimamu, hanuaboi idoidiai.
ISA 21:9 A itaia, gui taudia na e maimu, hosi-gui taudia, rarua rarua amo. Bena ia na e haere, eto: Babulono vada e moru, vada e moru; ena dirava laulaudia iboudiai na ia ese vada e huaridia kohi tano ai.
ISA 21:10 Bamogu e, e kwadimu bona e tapomu taumu e, Iehova Sabaota, Israel Diravana, ena amo vada na kamonai ḡauna na oi na hahedinarai henimumu.
ISA 21:11 Maduna metauna Duma latanai: Ta ese Seiri amo e boi henigumu, e tomu: Gima taumu, hanuaboi be edeheto? Gima taumu, hanuaboi be edeheto?
ISA 21:12 Gima tauna e tomu: Daba na e maimu, a hanuaboi danu ma bainema; bema henanadai o uramu, vada ba henanadai, ma ba lou mai.
ISA 21:13 Maduna metauna Arabia latanai: Dedan laolao hebou oreana taumui e, Arabia uda hedoma-hedomadia lalodiai ba taruha.
ISA 21:14 Ranu ba mailaia, ranu-mase tauna ba henia; Tema tanona inoholaina taumui e, flaoa bavabia kau, heau-mauri tauna ba hedavarilai henia.
ISA 21:15 Badina be dare amo vada e heau, e veria lasi darena amo, e marea pevana amo, bona tuari siahuna amo.
ISA 21:16 Badina be Ḡaubada ese ini e hamaorogu toma: Laḡani tamona lalonai, ḡaukara tauna ena gwauhamata laḡanina na heto, Kedara hairaina idoinai baine ore:
ISA 21:17 bona Kedara garana bogaragidiai goada taudia edia peva taudia oredia bae gadoi; badina be Iehova, Israel Diravana, vada e hereva.
ISA 22:1 Maduna metauna mata-hanai kourana latanai:
ISA 22:2 Heloḡo-heloḡo hanuana, moale hisidae hanuana, o lalo heboumu taumui e! Emui lalo-hadai be dahaka, bena vada o dae, iboumui ai ruma guhidia ai vada o dae kau? Emui mase taudia na dare amo asie aladia, eiava tuari ai asie mase.
ISA 22:3 Emui lohia iboudiai nega tamona vada e heau karoho; asi edia peva taudia ese e abidia mauri. E davarimui taumui, ena be haida e heau daudau, to iboumui ai e abimui mauri.
ISA 22:4 Taunabunai lau nato: Basio haḡeregu, baina tai lalo dika; egu bese hane-ulatona vada e habuaia tari, taugu ihalona basio gugulaia.
ISA 22:5 Badina be Ḡaubada, Iehova Sabaota, na mai ena dina, heloḡo-heloḡo bona raka gurudia bona daradara dinana mata-hanai kourana lalonai, magu iḡiḡi-dobidia bona ororo ilolo-henidia dinana.
ISA 22:6 Elam ese diba pauana e abia kau, bona Aram na hosi ai e gui, bona Kiri ese kesi e abia heḡaeḡae.
ISA 22:7 Emu koura namo-hereadia na kariota ese e hahonudia, bona hosi-gui taudia na ikoukou ai e gini.
ISA 22:8 Ia ese Iuda ena maḡu vada e abia oho. Una dina ai, tuari ḡaudia Uda Rumana lalonai o haḡeredia;
ISA 22:9 bona David ena hanua maḡuna o itaia, gabu momo vada e heḡiḡi dobi; bona henu gohuna ranudia o haboudia;
ISA 22:10 bona Ierusalem rumadia o duahidia, bena ruma na o haheḡiḡidia dobi, maḡu iha-aukana totona.
ISA 22:11 Ranu ihabouna gabunana maḡu ruaosi padadiai o karaia, gohu gunana ranuna ihabouna. A ikarana tauna asio haḡerea, bona idau nega ai e laloa hata tauna na asio kamonai henia.
ISA 22:12 Una dina ai Ḡaubada, Iehova Sabaota, ese e boi henidia, bae taitai bona bae lalo hisihisi, kwaradia bae nau bona puse dabuadia bae rio.
ISA 22:13 To, a itaia, moale bona hisi-dae, boromakau bona mamoe ialadia, vamu ianina bona vine ranuna i'inuna. “Aita aniani bona aita inuinu, badina be kerukeru baita mase.”
ISA 22:14 Iehova Sabaota ese vada e hahedinarai henigu, taiagu ai vada e hereva, eto: Ina emui kara havara na basine hegwau tao ela bona ba mase. Ḡaubada, Iehova Sabaota, na unu e gwau tomamu.
ISA 22:15 Ḡaubada. Iehova Sabaota, ini e gwau tomamu: Aoma, hari rum; ireguna tauna Sebna dekena baola, ba hamaoroa, baoto:
ISA 22:16 Gara na ata gabuna ai vada o ḡeiamu bona emu noho gabuna na haga-nadina ai o utuamu taumu e, iniseni ai dahaka o karamu, bona iniseni ai daika na dekemu a bena gara gabuna na iniseni ai vada o ḡeia sibomu emu a?
ISA 22:17 Goada taumu e, a itaia, Iehova ese baine negemu daure mai dagedagena ida. Ia ese baine dabaimu tao,
ISA 22:18 bena baine davemu heḡeḡe-heḡeḡe, bolo na heto, tano mai lababana lalonai; unuseni ai ba mase, bona unuseni ai emu kariota, ḡoeva-daedia bae mia, biagumu ena ruma ihahemaraina taumu e!
ISA 22:19 Emu dagi amo baina dorimu lasi, emu ḡaukara gabuna amo ba henege dobi.
ISA 22:20 Una dina ai, lau ese egu hesiai tauna Eliakim Hilkia baina boiria,
ISA 22:21 oiemu dabua amo baina hadabualaia, oiemu gaba ḡauna amo baina ḡeḡelaia, bona oiemu siahu na ia imana ai baina atoa. Bena ia na Ierusalem inoholaina taudia bona Iuda iduhuna taudia tamadia ai bainela.
ISA 22:22 David ena ruma kina na ia paḡana ai baina atoa; ia ese baine kehoa, bena ta ese basine koua; ia ese baine koua, bena ta ese basine kehoa.
ISA 22:23 Ikoko e kokoa kaumu na heto baina kokoa kau, gabu aukana ai; bena ia na hairai teronona ai bainela, tamana ena iduhu lalonai.
ISA 22:24 Tamana ena iduhu metauna idoinai na ienai baine hetau dae, garana bona vevena idoinai, uda-uda ḡaudia maraḡidia iboudiai, kebere amo e dae ela bona bio iboudiai.
ISA 22:25 Iehova Sabaota na e tomu: Una dina ai gabu aukana ai e kokoa kau ikokona baine heraḡa; bena bae utua dobi, bena baine moru; bena ia latanai e miava madunana baine henege daure, badina be Iehova vada e hereva.
ISA 23:1 Maduna metauna Turo latanai: Tarasisi lagatoidia e, ba taitai; badina be Turo vada e havahua, asi rumana bona asi hetu gabuna. Kupro tanona amo vada e hahedinarai henidia.
ISA 23:2 Kone taumui e, eremui! Sidono hoihoi taumui e, eremui! Emui gwaukau taudia na gadobada e hanaia,
ISA 23:3 davara idau-idau momo ai e laolao; emui habou-habou ḡaudia na Sihoro uitina, bona Nilo tanona anianidia; umui na bese idau-idau edia hoihoi taudia.
ISA 23:4 Sidono e, ba hemarai; badina be davara vada e hereva, davara ena gabu aukana vada e hereva, eto: Asina hekamonai, bona asina mara; uhau asina ubudia bona ulato rami-heboudia asina regudia.
ISA 23:5 Ina hari na Aigupto ai baine kau negana ai, lalodia bae hisihisi herea, Turo harina dainai.
ISA 23:6 Tarasisi enai ba hanai; kone taumui e, ba taitai!
ISA 23:7 O moalelaia hisi dae hanuana, nega gunadia ai e hadaia hanuana, aena amo ela bona gabu daudau ai ma e noho hanuana binai a?
ISA 23:8 Turo, havava ḡaudia ihenidia hanuana; ena kohu-hoi taudia na lolohia, ena hoihoi taudia na tanobada ese e heatolaidiamu; daika ese ia ihadikana na ini e lalo hadailaia tomamu?
ISA 23:9 Iehova Sabaota ese e lalo hadailaia, e heaḡilaiamu hairaina idoinai baine hamiroa totona, tanobada ai e matauraidiamu taudia iboudiai baine hahemaraidia totona.
ISA 23:10 Tarasisi hahinemu e, emu tano ba da'ania, Nilo sinavaina na heto; asi ilao-ahumu dalana ta mia.
ISA 23:11 Ia ese imana vada e toia roro, davara daenai; basileia vada e haheude heudedia. Iehova vada e haheḡani Kanaan dainai, ena gabu aukadia bae habuadia tari.
ISA 23:12 Ia eto: Sidono hane-ulato rami-hebouna e, e hahisimumu kekenimu e, basio moale hisi dae lou. A tore isi, Kupro enai ba hanai, a unuseni ai danu basio laḡa ani diba.
ISA 23:13 Kaldea tanona a itaia; besena bunai, dia Asuria. Turo na uda boromadia edia gabu ai bae halaoa eto. Idia ese tano na hanuana e lareba henia: ena lohia rumadia e haheḡiḡidia dobi, bona hanuana e habuaia tari.
ISA 23:14 Tarasisi lagatoidia e, a taitai; badina be emu gabu aukana vada e havahua.
ISA 23:15 Una dina ai, Turo na bae laloa boio ela bona laḡani hitu-ahui bae? ore, hanua pavapavana ta ena nega heḡereḡerena. Bena laḡani hitu-ahui dokona ai, kara ta Turo enai baine vara, ariara hahinena anena lalonai na heto:
ISA 23:16 Ariara hahinemu e, vada e lalomu boio. Gitara avabia, hanua lalonai ba loa eva-eva; ba hataia gaiho-gaiho, ane momo bavabi, bae lalomu tao helaoreana.
ISA 23:17 Laḡani hitu-ahui dokona ai, Iehova ese Turo baine vadivadi heni? bena ena hehoi-nege karana baine lou henia, bona basileia iboudiai tanobada kopina ai ediai baine hehoi nege.
ISA 23:18 Ena hoihoi ḡaudia bona davana na baine hahelaḡadia, Iehova ena; basine haboudia bona basine gogosidia; a ena hoih? ḡaudia ese Iehova vairanai e nohomu taudia na bae ubudia bona bae hadabua-laidia aniani momo bona dabua namo-hereadia danu.
ISA 24:1 A itaia, Iehova ese tanobada baine havahua, tano ḡaḡaena ai baine halaoa; ia ese tano kopina baine harigika-rigikaia, bona inoholaina taudia baine hakarohodia rohoroho.
ISA 24:2 Hanua taudia ediai baine vara heḡereḡerena ai, hahelaḡa tauna enai danu; bona hesiai tauna enai heḡereḡerena ai, biaguna enai danu; bona hesiai kekenina enai heḡereḡerena ai, biaguna hahinena enai danu; bona kohu e hoiamu tauna enai heḡereḡerena ai, davana e abiamu tauna enai danu; bona heni-doa tauna enai heḡereḡerena ai, abi-doa tauna enai danu; bona heni-torehai tauna enai heḡereḡerena ai, abi-torehai tauna enai danu.
ISA 24:3 Tanobada na baine havahua vaitani bona baine habuaia tari ḡuḡuru, badina be Iehova ese ina hereva vada e gwauraia.
ISA 24:4 Tanobada na e taitaimu bona e maraimu, tanobada na e hisihisimu bona e maraimu, guba bona tanobada na e hisihisi heboumu.
ISA 24:5 Tanobada na vada e miro, inoholaina taudia daidiai; badina be idia ese taravatu vada e tata utu, bona hahedua herevadia vada e hadikadia, bona mia-hanaihanai gwauhamatana vada e dadaraia.
ISA 24:6 Una dainai heuduguirai ese tanobada e hadonoamu, bona inohoiaina taudia na edia kara dika daidiai e hisihisimu; una dainai tanobada inoholaina taudia na lahi ese e aradiamu, bona kwabukwabudia mo e nohomu.
ISA 24:7 Vine ranuna e taitaimu, vine auna e hisihisimu, lalodia e moaleva taudia na e ḡanaḡanamu.
ISA 24:8 Tareko reḡedia vada e ore, hisi-dae taudia eredia vada e doko, gitara moalena vada e ore.
ISA 24:9 Vine ranuna i'inuna ai ane asie abimu; kekero ḡauna vada e idita, i'inuna taudia ediai.
ISA 24:10 Hanua asi oromana na vada eme heḡiḡi dobi; ruma iboudiai vada eme hekou, tau ta basine raka vareai helaoreana.
ISA 24:11 Ariara ai e heloḡo-heloḡo, vine-ranuna lasi dainai; moale idoinai e vaburamu, tanobada moalena vada e puki oho.
ISA 24:12 Hanua na vada e habuaia tari; ikoukou na vada e hamakohidia rohoroho.
ISA 24:13 Badina be tanobada bogaraginai unu baine vara toma, bese idau-idau bogaragidiai, olive auna e ureamu negana na heto, eiava vine anidia e habou vaitanimu bena momorudia e gogomu negana na heto.
ISA 24:14 Ane e lada isimu, moale dainai ane e abimu; lahara kahana amo Iehova hairaina e heatolaiamu.
ISA 24:15 Una dainai laurabada kahana ai Iehova ba imodaia, bona kone tanodia ai danu Iehova, Israel Diravana, ladana ba imodaia.
ISA 24:16 Hahenamo anedia ta kamonaimu, tanobada dokodia amo e maimu, heimodai anedia, Kara Maoromaoro Diravana ena. A lau na tomamu “Daragu e doko e laomu, daragu e doko e laomu, madi, ihabaigu; badina be kara dibaka taudia na e kara dibakamu; oibe, kara dibaka taudia na e kara dika hereamu.”
ISA 24:17 Tanobada inoholaina taumu e, gari bona guri bona idoa na latamu ai be kaumu.
ISA 24:18 Hahegari guruna e kamonaimu bena e heaumu tauna na guri lalonai baine moru dobi; bona guri amo e rau daemu tauna na idoa ese baine idoaia. Badina be guba iduaradia eme hekeho, bona tanobada badidia vada e heude-heudemu.
ISA 24:19 Tanobada na e makohi rohorohomu, tanobada na e hedare pararamu, tanobada na e heude-heude dikadikamu.
ISA 24:20 Tanobada na e raragamu, kekero tauna na heto; e marere-mareremu, kalaga na heto. Ena kara dika na metau, ia latanai e miamu; ia na e morumu, basine tore isi lou.
ISA 24:21 Una dina ai, Iehova ese dika davana baine henidia, guba oreana guba ai, bona tanobada pavapavadia tanobada ai.
ISA 24:22 Baine haboudia, abi-mauri taudia guri lalonai na heheto; dibura rumana ai baine koudia, bena dina hoho muridiai edia dika davadia baine henidia.
ISA 24:23 Hua baine baia, bona dina baine hemarai; badina be Iehova Sabaota baine lohia, Siona ororona ai bona Ierusalem ai; bona ia hairaina baine hahedinaraia, ena rahobada vairadiai.
ISA 25:1 Iehova e, oi na egu Dirava; baina imodaimu, oi ladamu baina hanamoa; badina be oi ese kara hereadia vada o kara, gunaguna o lalo hatalai karadia, heabidadama karadia bona kara momokanidia.
ISA 25:2 Badina be hanua na vada o hasenua, hanua mai maḡuna na vada o ḡiḡia dobi; idau taudia edia pavapava rumana na hanua ta ai basie gwauraia lou. basie haginia lou ela bona hanaihanai.
ISA 25:3 Taunabunai, goada besedia ese bae imodaimu; asi edia hebogahisi besedia hanuadia ese oi garimu bae gari.
ISA 25:4 Badina be oi na ogoḡami tauna ena gabu aukana ema bona hari, e dabumu tauna ena gabu aukana ena hisihisi ai, hemetai gabuna lai gubana amo, bona ikerukeru gabuna siahu amo; badina be asi edia hebogahisi taudia edia badu na lai gubana ese haba e hohoamu na heto,
ISA 25:5 eiava siahu ḡaraḡarana tano kaukauna ai na heto. Oi ese idau taudia edia heloḡo-heloḡo o tuiamu; siahu na ori ese e hakerukeruamu na heto, asi edia hebogahisi taudia edia ane na unu o tuia tomamu.
ISA 25:6 Ina ororo ai Iehova Sabaota ese aria namo-hereana baine karaia, beseboudiai adia: vine-ranuna negarina, aniani gaihodia, vine-ranuna asi nurinurina.
ISA 25:7 Ina ororo ai danu ia ese bese iboudiai e ḡovadia ahumu, bona basileia boudiai e sese-ahulaidiamu, ḡauna baine habuaia tari.
ISA 25:8 Ia ese mase baine a-orea ela bona hanaihanai; Ḡaubada Iehova ese irurumata na vaira iboudiai amo baine dahu oho, bona ena bese taudia edia hemarai na tanobada idoinai amo baine abia oho; badina be Iehova vada e hereva.
ISA 25:9 Una dina ai, idia na baeto: A itaia, ina na eda Dirava; vada ta naria, baine hamaurida helaoreana. Ina na Iehova; vada ta naria; baita moale, ena hahenamo baita moalelaia.
ISA 25:10 Badina be Iehova imana na ina ororo latanai baine hetao kau; bona Moab na ena gabu ai baine moia tao, rei kakoro na boromakau tagedia e haboumu gurina ai e hemoi taomu na heto.
ISA 25:11 Bogaraginai, ia imana baine toi roro, nahu tauna ese imana e toi roromu na heto. A Iehova ese ena hekokoroku bona ena ima-dibaka baine hamaraḡidia.
ISA 25:12 Ena maḡu gabudia aukadia na ia ese baine ḡiḡidia dobi, baine hamorudia, tano ai baine tahodia dobi, ḡahu ai baine taodia tari.
ISA 26:1 Una dina ai, ina ane na Iuda tanona ai bae abia: Ita na mai eda hanua aukana; ia ese ena hahemauri e haginiamu, maḡu ai bona imuda ai e halaoamu.
ISA 26:2 Ikoukou a kehodia, bena kara maoromaoro besena mai ena heabidadama na baine raka vareai.
ISA 26:3 Lalona ese oi e badinamumu tauna na oi ese maino ḡoeva-daena ai o hanohoamu, badina be ia ese oi e abidadama henimumu.
ISA 26:4 Iehova bavabidadama henia hanaihanai, badina be Iehova na mia-hanaihanai nadi-ginina.
ISA 26:5 Badina be ia ese atai hanuana inoholaina taudia vada e hamorudia. E hamoruamu, e hamoruamu ela bona tano ai, ḡahu ai e negea dobi.
ISA 26:6 Ae ese e moia taomu, ogoḡami taudia aedia ese, e dabumu taudia aedia palapaladia ese.
ISA 26:7 Kara maoromaoro tauna ena raka dalana na e hedaga maoro; oi ese kara maoromaoro tauna ena dala o hamanadaiamu.
ISA 26:8 Iehova e, ai ese a narimumu, emu hahemaoro daladia ai, oi ilalolaimu ladana na laumamai ese e ura heniamu ḡauna.
ISA 26:9 Hanuaboi ai lalogu ese e hekise-hekise henimumu; laumagu ese e tahumu malaka-malakamu. Badina be emu hahemaoro herevadia na tanobada ai e miamu negadia a tanobada inoholaina taudia ese kara maoromaoro e dibaiamu.
ISA 26:10 Kara dika tauna bema lalo namo henia, to ia ese kara maoromaoro basinema dibaia; kara maoromaoro tanona ai ia na e kara gageva-gagevamu, bona Iehova hairaina se itaiamu.
ISA 26:11 Iehova e, oi imamu e heabi isimu, a idia na asie itaiamu. Emu uraheni emu bese taudia ediai na bema itaia, bena bema hemarai; oi inaimu iaradia lahina ese bema aradia ore.
ISA 26:12 Iehova e, oi ese emai maino na emu hereva amo ba haginia; emu ḡaukara iboudiai oi ese vada o kara ai daimai ai.
ISA 26:13 Iehova e, emai Dirava, lohia idaudia ese vada e lohiamai, a oi ladamu mo a abia daemu.
ISA 26:14 Idia vada e mase, basie mauri; idia na laulau mo, basie tore isi; una totona oi ese hahebua-tari na latadiai vada o siaia, bona idia ilalo-taolaidia daladia iboudiai vada o rohodia.
ISA 26:15 A bese taudia vada o hahutumadia; Iehova e, bese taudia vada o hahutumadia; idia ese e imodaimumu; tano hetoadia iboudiai vada o habadadia.
ISA 26:16 Iehova e, hisihisi ai oi e tahumu; emu mata-hakani na latadiai e kau negana ai, idia ese e ḡanaḡana henimu;
ISA 26:17 rogorogo hahinena na heto, ena mara negana vada e kahikahi ai, ena hekamonai hisidia ai e hebiloumu, bona e ḡanaḡanamu. Iehova e, ai danu unuheto, oi daimu ai;
ISA 26:18 ai na a rogorogo, a hebilou, to asi anina, lai na heto. Tanobada ai tau ta asia hamauria, bona tanobada inoholaina tauna ta se vara, ai daimai ai.
ISA 26:19 Emu mase taudia bae mauri, tau-anidia bae tore isi. Ḡahu ai o nohomu taumui e, a noga! Moale anedia bavabi. Badina be emu hunu na diari hununa; oi ese mase laulaudia edia tano ai ba hadihoa.
ISA 26:20 Egu bese taumui e, emui daiutu ai ba raka vareai, iduaramui ba kou; nega taina ba komu, ela bona badu baine ore.
ISA 26:21 Badina be, a itaia, Iehova na ena gabu amo e raka lasimu, tanobada inoholaina taudia edia dika davadia baine henidia totona; tanobada ese ia latanai vada e hebubu rarana na baine hahedinaraia, bona ena mase taudia basine ḡovadia ahu lou.
ISA 27:1 Una dina ai Iehova ese ena dare aukana bona badana bona goadana amo Leviathan, e rau laomu gaigaina, Leviathan, e veromu gaigaina, davana baine henia; bona davara hualana na baine alaia mase.
ISA 27:2 Una dina ai, vine imeana namo-hereana anena bavabia.
ISA 27:3 Lau Iehova na ia ireḡuna, nega idoinai na dairiamu. Hanuaboi ai bona dina ai na gimaiamu, ta ese bema hadikaia na garina;
ISA 27:4 lau na asi egu badu. Au ginigini bona ava ḡiniḡini bema mia, lau ese bama tuari henidia; ihadikadia totona bama tore isi, bama doudia ore.
ISA 27:5 Eiava egu hegima lalonai bema vareai, lau ida baiama herohemaino, lau ida baiama herohemaino.
ISA 27:6 Dina gabedia ai, Iakob ramuna baine hekara, Israel baine gara kau, tuhutuhuna na bae tubu, huahuana na tanobada idoinai bae hahonua.
ISA 27:7 Vada e rahudia mase, irahu-masedia taudia e rahudia mase heḡereḡerena a? Eiava vada e aladia mase, iala-masedia taudia e aladia mase heḡereḡerena a?
ISA 27:8 Taidia taidia amo dauhai iatodia ai o heai henidia; ena lai goadana amo e odadia oho, laurabada e toa dinana ai.
ISA 27:9 Taunabunai, ini amo Iakob ese ena kerere baine davalaia, ena dika iabi-ohona anina momokanina binai: ia ese ihaboulaina patadia nadidia iboudiai na nadi maḡiḡidia, vada e makohi sisisisi ḡaudia, heḡereḡeredia ai baine halaodia; bona Asera ena au-tubua ta eiava muramura mai bonadia patana ta basine hamiaia.
ISA 27:10 Badina be hanua mai maḡuna vada e ḡaḡae, ruma ahutuna, vada e rakatania ḡauna, na heto, eiava tano ḡaḡaena na heto. Boromakau natuna unuseni ai e anianimu, unuseni ai e hekuremu, rigi raudia e animu.
ISA 27:11 Rigi e kaukaumu e kwaidumu negana ai, hahine na e maimu, edia au rakuraku ai e halaodiamu. Badina be ina bese taudia na asi edia lalo-parara, taunabunai ikaradia Diravana ese basine bogadia hisi, bona oromadia e henidia Diravana ese basine lalo namo henidia.
ISA 27:12 Una dina ai, Iehova ese uit baine kwadia, Eufrate sinavaina amo ela bona Aigupto Dokana. Bona umui, Israel taumui e, umui na ta ta amo baine haboumui kau.
ISA 27:13 Una dina ai, kibi badana bae hiriria; bena Asuria tanona ai e boio taudia bona Aigupto tanona e luludia lao taudia na baema, Ierusalem ena ororo tubuana ai Iehova bae toma henia diho.
ISA 28:1 Efraim ena kekero taudia kwaradia ihavavalaidia ḡaudia na hekokoroku; madi, ihabaidia! Vine ranuna e inu kekeromu taudia edia koura namona kwarakauna, ihahairaina ḡauna na e maraimu heraherana, madi, ihabaina!
ISA 28:2 A itaia, Ḡaubada enai ta na mai siahuna bona mai goadana; medu-hetarina na heto, lai-gubana mai hahebua-tari na heto, sinavai abatana e aru goadagoadamu na heto; ia ese tano ai baine negea dobi mai daḡedaḡena ida.
ISA 28:3 Efraim ena kekero taudia kwaradia ihavavalaidia heaḡina na aedia henudiai bae moia tao;
ISA 28:4 Bona ia hairaina heraherana, koura namona kwarakauna ai e maraimu ḡauna, na suke huahuana ta, huahua negana do se kau ai e mage gunamu ḡauna, na heto; ta ta ese e itaiamu, bena imana ai e abiamu negana ai e ania haraḡamu.
ISA 28:5 Una dina ai, Iehova Sabaota na kwara-havava ḡauna mai hairaina ai bainela, bona herahera ḡauna herea-daena danu, ena bese taudia kwabukwabudia edia;
ISA 28:6 hahemaoro ḡoevaḡoeva laumana ai bainela, hahemaoro tauna enai, bona goada ai bainela, tuari na hanua ikoukouna amo e halouamu taudia ediai.
ISA 28:7 Ini danu vine ranuna dainai e laigo-laigomu, kekero ḡauna dainai e raragamu: hahelaḡa tauna bona peroveta tauna na kekero ḡauna dainai e laigolaigomu; vine ranuna dainai lalodia e heḡonumu, kekero ḡauna dainai e raragamu; matadia e madai-madaimu, hahemaoro ikarana ai e gwau rea gwau reamu.
ISA 28:8 Badina be pata iboudiai na mumuta ai e honumu, bona asi mirona gabuna ta dia mia.
ISA 28:9 Ia ese aonega na daika baine hadibalaia? Ia ese gwaukau herevana anina na daika baine hamaorolaia? Rata vada e dadaraia memerodia a? Sinadia kemedia amo vada e abidia oho memerodia a?
ISA 28:10 Badina be taidia taidia amo bae hadibadia; sidia sidia taidia taidia amo, iniseni ai taina, unuseni ai taina.
ISA 28:11 Lasi, idau mala taudia edia amo, bona idau gado taudia edia amo, Iehova ese ina bese baine hereva henia.
ISA 28:12 Ia ese vada e hamaorodia, eto “Ina na laḡa-ani, tau-boera taudia na laḡadia ba ha-ani; ina na doru-heu”. Ḡau tamona, idia na asie ura bae kamonai.
ISA 28:13 Taunabunai, Iehova ena hereva idia ediai na taidia taidia amo; sidia sidia taidia taidia amo, iniseni ai taina, unuseni ai taina. Idia na baela, bae hekidaera; bae hehuari, bae he-idoa, bena bae abidia.
ISA 28:14 Taunabunai, umui heḡonaḡonalai taumui, Ierusalem ai ina bese o lohiaiamu taumui, Iehova ena hereva ba kamonai.
ISA 28:15 Badina be umui oto: Ai na mase ida vada a gwauhamata heheni, bona Mase Gabuna ida vada a herohemaino; una dainai hahedika na abata na heto baine utu utu dae neganai, to ia na ai emai ai basine kau; badina be koikoi na emai roho-mauri gabuna ai vada a halaoa, bona koikoi herevadia ai vada a hemetaimu.
ISA 28:16 Taunabunai, Ḡaubada Iehova na ini e gwau tomamu: A itaia, Siona ai badi ta na atoamu; nadi ta, e tohoa nadina, daiguni nadina ḡoeva-daena, badi nadina momokanina. Baine abia dae tauna basine haraḡa-haraḡa.
ISA 28:17 Hahemaoro ḡoevaḡoeva na hahetoho varona ai baina halaoa, bona kara maoromaoro na gini-maoro varona ai baina halaoa; bena koikoi ai o roho maurimu gabuna na medu-hetari ese baineha-arua oho, bona abata ese hemetai gabuna baine utua dae.
ISA 28:18 Bena emui gwauhamata, mase ida, baine heḡiḡi rohoroho; bona emui herohemaino, Mase Gabuna ida, basine gini; bena hahedika na abata na heto baine utu utu dae negana ai, ia ese baine habubunimui.
ISA 28:19 Baine utu utu dae negadia iboudiai na baine abimui; badina be daba ta ta amo baine utu utu dae, dina ai bona hanuaboi ai danu, bena gwaukau herevana anina idavarina na mai gari-badana.
ISA 28:20 Badina be mahuta ḡauna na kwadogi, hekure tauna basine hetoi roro; bona hetaru na iora, hetaru tauna basine hetaru namonamo.
ISA 28:21 Badina be Iehova baine tore-isi, Perasimi ororona ai heḡereḡerena; bona baine badu, Gibeon kourana ai heḡereḡerena; ena kara ikarana totona (ena kara na idau), ena ḡaukara ikarana totona (ena ḡaukara na idau).
ISA 28:22 Taunabunai, basio ḡonaḡona, iḡuimui baine ha-aukadia na g=arina; badina be hahebua-tari e hahedualaia herevana vada na kamonai. Ḡaubada, Iehova Sabaota, ena amo, tano idoinai latanai.
ISA 28:23 Taiamui a hakiraradia, gadogu a kamonai; a hakala, egu hereva a kamonai.
ISA 28:24 Hadohado totona tano e ruaiamu tauna ese e ruaia louloumu a? Ena tano e ruaia louloumu bona e gaua louloumu a?
ISA 28:25 Tano kopina vada e hamanadaia negana ai, ia ese aniani avadia e hadomu; bona uit danu ere ta ta ai, bona bali ena gabu korikori ai, bona rae uma isedia ai, ani?
ISA 28:26 Badina be vada e hadibaia maoromaoro; ena Dirava ese e hadibaiamu.
ISA 28:27 Aniani avadia na uit ikwadilaina auna amo asie kwadidiamu, eiava rerue ava-keikeina na idia latadiai asie keia hanaimu; a au maraḡina amo e kwadidiamu, au severa-severana amo e kwadidiamu.
ISA 28:28 Flaoa ikaralaina uitina e ririamu a? Lasi, se kwadia louloumu. Ena rerue ava-keikeina na hosi ese ia latanai e veria hanaimu, a se ririamu.
ISA 28:29 Ina danu Iehova Sabaota ena amo e maimu; hahealo ai ia na namo herea, bona aonega ai ia na herea dae.
ISA 29:1 Ariele e, Ariele e! David ese e noholaia hanuana e! Laḡani ta laḡani ta murina amo bainema, aria na edia nega ta ta ai bae hekara.
ISA 29:2 A Ariele baina hahisihisia, bae ḡanaḡana, bae tai lolololo; ia na ihaboulaina patana rahurahuna heḡereḡerena ai bainela lauegu ai.
ISA 29:3 Lau ese baina hataruhamu heḡeḡe, kohoro amo baina hadaimu ahu, bona tano baina larebaia, oi ihadikamu.
ISA 29:4 Bena tano lalona amo ba hereva, ḡahu lalona amo emu hereva bainema; oi gadomu na tano lalona amo bainema, laulau gadona na heto: oi eremu na ḡahu amo baine hemaunu.
ISA 29:5 Inaimu bae hutuma, tano ḡahuḡahuna na heto; bona asi edia hebogahisi taudia bae hutuma, uit momorudia lai ese e oda ohomu na heto. Bena davadavana ai
ISA 29:6 Iehova Sabaota ese baine vadivadi henimu taku, guba-rahu bona tano-laga bona rege-bada ida, bona koe-hirihiri bona lai-gubana bona lahi siahuna hururu-hururunaida.
ISA 29:7 Bena Ariele e tuari heniamu besedia loḡora iboudiai, ia bona ena gabu aukana e tuari henidiamu bona e hahisihisidiamu besedia iboudiai, na nihi eiava hanuaboi mata-hanaina heḡereḡerena ai baela.
ISA 29:8 Hitolo tauna na heto, e nihimu bena ena nihi ai e anianimu, a mai hitolona ida e nogamu; eiava ranu-mase tauna na heto, e nihimu bena ena nihi ai ranu e inumu, a mai manorina bona mai ranu-masena ida e nogamu, Siona ororona e tuari heniamu besedia loḡora iboudiai na unu mo bae heto.
ISA 29:9 Sibomui ba hahekavakava, bena mai kavakavamui ida ba noho; sibomui matamui ba hakepulu, bena mai mata-kepulumui ida banoho. Ba kekero, a dia vine-ranuna dainai; ba raraga, a dia kekero ḡauna dainai.
ISA 29:10 Badina be Iehova ese mahuta-hedavauhe laumana na latamui ai vadae seia kau; peroveta taudia matadia vada e hakapudia, emui mata-hanai taudia kwaradia vada e ḡovadia ahu.
ISA 29:11 Ina mata-hanai idoinai na vada e koua ahu bukana herevadia heḡereḡeredia ai vada ela, emui ai. Taunimanima ese duahia-duahi mai dibana tauna ta e heniamu, e tomu “Ina na a duahia”, negana ai, ia na e tomu “Basina duahia diba, badina be vada e hekou ahu”.
ISA 29:12 Bena buka na asi duahi-duahi dibana tauna ta e heniamu, e tomu “Ina na a duahia”, negana ai, ia na e tomu “Duahi-duahi asi dibagu”.
ISA 29:13 Bena Ḡaubada eto: Badina be ina bese taudia na mai udu-herevadia ida mo e rakahenigu kahimu, bona bibinadia amo mo e imodaigumu, a lalodia na dauhai; bona taunimanima edia haheḡani mo e abia dae kavamu dainai, idia ese lau garigu e garimu.
ISA 29:14 Taunabunai, lau ese hoa karadia badadia ma baina kara lou ina bese enai; hoa karadia, hoa bada karadia; bona edia aonega taudia edia aonega baine ore vaitani, bona edia lalo-parara taudia edia lalo-parara baine hehuni.
ISA 29:15 Edia hahealo na Iehova ena amo e hunia balahenimu taudia, madi ihabaidia! Edia kara dika na dibura ai e karamu, e tomu, Daika ese e itadamu? Daika ese e dibadamu?
ISA 29:16 Umui ese ḡau o karuhi hebubumu! Uro ikarana tauna na raro bae gwauraia a? baineto “Ia ese asine karagu”, a? Eiava oromana e henia ḡauna ese oromana ihenina tauna baine herevalaia, baineto “Ia na asi ena lalo-parara”, a?
ISA 29:17 Asi vanahana Lebanon na uma mai anina ai bainela; bona uma mai anina na imea bae gwauraia, ani?
ISA 29:18 Una dina ai, taia-kudima taudia ese buka herevadia bae kamonaidia, bona vaburadia bona diburadia amo matakepulu taudia matadia ese ḡau bae ita.
ISA 29:19 Manau taudia ese moale matamatana na Iehova enai bae abia; bona ogoḡami taudia ese Israel ena Helaḡa Diravana bae moalelaia bada.
ISA 29:20 Badina be asi edia hebogahisi taudia na bae baia, bona ḡonaḡona taudia na bae doko; bona kara dika ikaradia daladia e tahumu taudia iboudiai na bae negedia daure.
ISA 29:21 Idia ese hereva tamona amo tau ta na kerere tauna ai e halaoamu, bona hanua ikoukouna ai e hahemaoromu tauna na e idoaiamu, bona hereva asi anina amo kara maoromaoro tauna na e hakaua sirimu.
ISA 29:22 Taunabunai, Abraham e hamauria Diravana ese Iakob ena iduhu na ini e herevalaia tomamu: Iakob na basine hemarai lou; ia vairana na basine ḡeḡeva lou.
ISA 29:23 Badina be natuna, lau imagu ese e karadia taudia, na bogaraginai baine itadia negana ai, idia ese lau ladagu bae hahelaḡaia; Iakob ena Helaḡa Diravana bae hahelaḡaia, Israel ena Dirava magigina bae magigi.
ISA 29:24 Bena lalodia e kereremu taudia na lalodia do bae parara, bona e maumaumu taudia ese hahediba herevadia bae abi dae.
ISA 30:1 Iehova na e tomu, Gwau-edeede memerodia madi ihabaidia! Idia edia lalo-hata karadia e karamu na dia lauegu; e henega boumu, to dia lau laumagu ai; unu amo kara dika na kara dika latanai e atoa kaumu.
ISA 30:2 Idia vada e tore isi, Aigupto baela e tomu, a lauegu hahealo asie tahua; Farao ena hegima lalonai bae roho mauri, bona Aigupto ikerukeruna ai edia hemetai gabuna bae tahua e tomu
ISA 30:3 Taunabunai Farao ena hegima na ihahemaraimui ḡauna, bona Aigupto ikerukeruna hemetaina ese baine hahemaraimui bada.
ISA 30:4 Badina be, ena be ena heitatao taudia na Soan ai, bona ena gwaukau taudia na Hane ai vada e kau,
ISA 30:5 to iboudiai na hemarai ese e abidiamu, basine hadavalaidia diba besena dainai; una bese ese se kahadiamu bona se hadavalaidiamu, a hemarai bona hedadarai mo latadiai e hadihomu.
ISA 30:6 Maduna metauna diho kahana boromadia latadiai: Hekwarahi bona hisihisi-bada tanona, leona hahinena bona leona maruanena edia tano, hekori gaigaina bona roho gaigaina edia tano amo, idia ese edia taḡa ḡaudia na doniki dorudia ai e laohaimu, bona dava-bada kohudia na kamelo dorudia ai, basine hadavalaidia lou diba besena taudia dekedia.
ISA 30:7 Badina be Aigupto ena hekaha na asi namona bona asi anina, una dainai ladana vada na hatoa; “Rahaba e helai kavamu”.
ISA 30:8 Aola, huro-nadina palaka-palakana ai ba torea, idia vairadiai, bona buka lalonai danu ba torea; bena nega vairai ia na ihamomokanina ḡauna ai bainela, ela bona hanaihanai.
ISA 30:9 Badina be idia na gwau-edeede besena, koikoi memerodia, Iehova ena hahediba herevadia ikamonaidia asie uramu memerodia.
ISA 30:10 Idia ese mata-hanai taudia e hamaorodiamu, e tomu, Basio mata hanai; bona peroveta taudia e hamaorodiamu, e tomu, Hereva maoromaorodia basio perovetalai henimai; hereva gaihodia mo ba hamorolaimai, bona lalomai ikoidia herevadia ba perovetalai;
ISA 30:11 dala ba rakatania, dala amo ba raka oho, Israel ena Helaḡa Diravana herevana basia kamonai lou.
ISA 30:12 Taunabunai, Israel ena Helaḡa Diravana ini e gwau tomamu: Badina be ina hereva o dadaraiamu, bona hahehisi karadia bona kara gageva-gagevadia o abidadama henidiamu bona ediai o taomu;
ISA 30:13 una dainai ina kara havara na emui ai baine vara, hara-lata maḡuna e heḡiḡi dobimu na heto; e pavamu ela bona heḡiḡi-dobina e kahira-kahiramu, bena negana e kaumu ai, nega tamona ai e heḡiḡi dobi takumu;
ISA 30:14 eiava uro e makohimu na heto; e makohi rohorohomu, e makohi patapatamu, ela bona atagana ta se miamu, gida iudalaina heḡereḡerena, eiava ranu ikadolaina heḡereḡerena.
ISA 30:15 Badina be Ḡaubada Iehova, Israel ena Helaḡa Diravana, ini e gwau tomamu: Emui lou ai bona emui laḡa-ani ai ba mauri; bona maino ai bona heabidadama ai goada ba davaria. A umui na asio ura,
ISA 30:16 oto “Lasi, hosi ai baia heau”; taunabunai ba heau oho haraḡa; ma oto “Hosi mai heaudia latadiai baia gui”; taunabunai, ihahavamui taudia na bae heau haraḡa-haraḡa.
ISA 30:17 Taunimanima daha-ta bae heau, tau tamona ese baine halalaḡadia dainai; bona tatau laima ese bae halalaḡamui dainai umui na ba heau; ela bona ba noho, au-tubua ta ororo dorina ai eiava pepe ta ororo ai na heto.
ISA 30:18 Taunabunai Iehova na e henarimu, baine hanamomui e tomamu; taunabunai ia na e tore isimu, baine bogamui hisi e tomamu. Badina be Iehova na hahemaoro ḡoevaḡoeva Diravana; ia e nariamu taudia iboudiai na nanamo.
ISA 30:19 Oibe, Siona taumui, Ierusalem ai o nohomu taumui, umui na basio taitai lou. Momokani, emui taitai reḡena dainai ia ese baine hanamomui; baine kamonai negana ai baine haere henimui.
ISA 30:20 Ena be Ḡaubada ese hahedika anianina bona hahehisi ranuna baine henimui, to emui Hahediba Tauna na basine komu lou, a matamui ese emui Hahediba Tauna bae itaia.
ISA 30:21 Bona idibamui kahana ai eiava laurimui kahana ai ba raka siri negana ai, taiamui na hereva ta murimui kahana amo bae kamonai, baineto, Dalana binai, ia lalonai ba raka.
ISA 30:22 Bena emui kaivakuku, e korodia bena silver amo e ḡovadia ḡaudia, bona e hahetaridia bena gold amo e ḡovadia ḡaudia, na ba hamirodia. Ba ḡiḡidia rohoroho, ḡau mirodia na heheto. Ba hamaorodia, baoto, A siri.
ISA 30:23 Bena ia ese medu baine henimui, tano ai ba hado uhedia idairidia, bona uit danu, tano anidia, bae namo bona bae momo. Una dina ai emui boromakau na rei gabudia badadia ai bae aniani;
ISA 30:24 bona boromakau mamaruanedia bona doniki, tano e ruaiamu ḡaudia, ese aniani mai damenana bae ania, gaga bona igau amo vada e hididia ḡaudia.
ISA 30:25 Ororo badadia bona ororo latadia iboudiai latadiai sinavai maraḡidia bae aru diho, ala-alabadana dinana ai, kohoro bae heḡiḡi dobi negana ai.
ISA 30:26 Ina danu, hua diarina na dina diarina heḡereḡerena ai bainela, bona dina diarina na baine habadaia hahitu, dina hitu diaridia heḡereḡeredia, Iehova ese ena bese taudia edia hisi gabudia baine kumidia bona ena hebota amo vada e havaradia berodia baine hanamodia dinana ai.
ISA 30:27 A itaia, Iehova ladana na dauha amo e maimu; ena badu e garagaramu, bona kwalahuna e dae badabadamu. Ia bibinana na badu ai e honumu, bona malana na e heara oremu lahina na heto;
ISA 30:28 ia lagana na sinavai abatana na heto, e utu daemu ela bona taunimanima aiodia. Basileia idau-idau na hahebua-tari amo baine hididia, bona bese idau-idau aukidia ai ihakau-kereredia ḡauna baine atoa.
ISA 30:29 Ane ta bavabia, aria helaḡana e karaiamu hanuaboina ai na heto; bona lalomui bae moale mai ivilikou reḡena ida, Iehova ena ororo, Israel nadi-ginina, ilao-henina totona e tore isimu negana ai na heto.
ISA 30:30 BenaIehova ese ia gadona herea-daena baine hakamonaidia bona ia imana ehadihoamu hebotana baine haheitalaidia, mai badu-ḡaraḡarana bona heara-orelahina hururu-hururuna ida, bona mai medu-barokona bona lai-gubana bonamedu-hetarina ida.
ISA 30:31 Asuria taudia na gari ese baine butudia tao, Iehovagadona dainai, ena au amo baine hebota negana ai.
ISA 30:32 Iehova ena dava ihenina auna amo baine botadia negana ai, hebota ta ta ai tareko bona gitara reḡedia bae dae; ia na imana irubena amo baine tuari henidia.
ISA 30:33 Badina be lahi gabuna na idau nega ai vada e heḡaeḡaelaia; oibe, vada e abia hata, hanua pavapavana ena; vada e hadobua bona lababana vada e habadaia, mai lahina bona au-rakurakuna momo herea ida. Iehova laḡana, heara nadidia e arumu na heto, ese e haraiamu.
ISA 31:1 Hekaha idavarina totona Aigupto e laomu bona hosi e abidadama henidiamu taudia, madi ihabaidia! Idia ese kariota e abidadama henidiamu, badina be momo; bona hosi-gui taudia danu, badina be gogoada heherea, a Israel ena Helaḡa Diravana asie heḡerea, bona Iehova ena hahealo asie hetahulaia.
ISA 31:2 Ḡau tamona, ia na mai aonegana, bona e hahebua tarimu, ena hereva se haloudiamu; a kara dika taudia edia ruma ihadikana totona baine tore isi, bona kara havara taudia e durudiamu taudia ihadikadia totona danu.
ISA 31:3 Aigupto taudia na taunimanima mo, dia Dirava; edia hosi na hidio mo, dia lauma. Iehova ese ia imana baine toi roro negana ai, hekaha tauna baine hetutuhi, bona e kahaiamu tauna baine moru, bena raruosi bae mase hebou.
ISA 31:4 Badina be Iehova ese ini e hamaorogu toma: leona eiava leona natuna na damuna latanai e ḡiḡimu, bona mamoe ireḡudia taudia oreana ta ia ihadikana totona e boiridiamu negana ai ia na edia lolo dainai se garimu bona edia heloḡo-heloḡo dainai damuna se rakataniamu, una heḡereḡerena ai Iehova Sabaota baine diho, Siona Ororo ororona latanai baine tuari.
ISA 31:5 Iehova Sabaota ese Ierusalem baine manua tao, bona baine gimaia; ia ese baine gimaia bona baine hamauria, baine bogaia hisi bona baine harohoa mauri.
ISA 31:6 Israel taumui e, vada o daḡedaḡe henia bada Diravana ma ba lou henia.
ISA 31:7 Badina be una dina ai iboumui ai ese emui silver kaivakukudia bona emui gold kaivakukudia do ba negedia, hari imamui mai dikadia ese emui vada e kara ḡaudia.
ISA 31:8 Bena Asuria tauna na dare ai baine mase, a dia taunimanima edia dare; dare, dia taunimanima ena, ese baine alaia mase; bena dare amo baine heau oho, bona ena eregabe taudia na hahedua ḡaukaradia ai bae haḡaukaradia.
ISA 31:9 Ena nadi-gini baine puki, gari dainai; bona ena tuari biagudia ese pepe bae heautania, laḡaḡa dainai, Iehova, ena lahi na Siona ai bona ena amu na Ierusalem ai Diravana, unu e gwau tomamu.
ISA 32:1 A itaia, pavapava ta na kara maoromaoro ai baine lohia, bona lohia na hahemaoro ḡoevaḡoeva ai bae hereḡu.
ISA 32:2 Ta ta na lai ilao-ahuna gabuna heḡereḡerena ai baela, lai-gubana ilao-ahuna gabuna; sinavai-sinavai gabu kaukauna ai na heheto, eiava nadi-gini badana ikerukeruna tano ḡaḡaena ai na heto.
ISA 32:3 Bena e heitamu taudia matadia na basie hakapu, bona e kamonaimu taudia taiadia bae kirara.
ISA 32:4 Takutaku tauna ese lalona do baine hadaia maoromaoro, bona lanalana taudia maladia bae hereva haraḡa, bona bae hereva ḡoevaḡoeva.
ISA 32:5 Kavakava tauna na lohia basie gwauraia lou, bona kara koikoi tauna na kara momokani tauna basie gwauraia lou.
ISA 32:6 Badina be kavakava tauna na e hereva kava hereva kavamu, bona lalona ese kara dikadia e lalo hatamu, Dirava iḡonaḡonalaina karadia baine kara bona Iehova baine herevalaia kerere helaoreana; hitolo tauna na bogana basine hakunua bona ranu mase tauna na ranu basine henia helaoreana.
ISA 32:7 Koikoi tauna ena kara koikoi na didika; lalo-hadai dikadia e lalo hatalaimu, ogoḡami tauna na koikoi herevadia amo baine hadikaia rohoroho totona, e dabumu tauna ena noinoi na momokani negana ai.
ISA 32:8 A lalo-ḡoevadae tauna ese kara ḡoeva-daedia e lalo hatalaimu, bona kara ḡoeva-daedia daidiai e ginimu.
ISA 32:9 Aboni-noho hahinemui e, a tore isi; lau eregu ba kamonai. Sibomui o heimodaimu kekenimui e, egu hereva ba hakala henia.
ISA 32:10 Laḡani ta sisivana baine ore, bena umui sibomui o heimodaimu hahinemui kudoumui bae hetaha; badina be vine na basie huahua, bona au huahuadia basio huredia.
ISA 32:11 Aboni-noho hahinemui e, a heude-heude; sibomui o heimodaimu hahinemui e, kudoumui ae hetaha; emui dabua ba doki oho, puse dabuadia ba rio.
ISA 32:12 Ba hevale, uma namodia ilalodia bona vine mai anidia ilalodia daidiai,
ISA 32:13 bona egu bese taudia edia tano ese au ginigini bona ava ḡiniḡini e havaradiamu dainai; oibe, moale rumadia iboudiai moale hanuana lalonai daidiai.
ISA 32:14 Badina be pavapava ena ruma na baine mia ḡaḡae, bona hutuma ese e noholaiava hanuana na baine vahu; ororo bona hegima rumana na uda ḡaudia ese bae noho henidia; uda donikidia ese bae moalelaidia, bona mamoe seridia ese reidia bae ani;
ISA 32:15 ela bona Lauma na atai amo ita latadai baine hesei kau, bona tano ḡaḡaena na uma mai anina ai bainela, bona uma mai anina na imea bae gwauraia.
ISA 32:16 Bena hahemaoro ḡoevaḡoeva na tano ḡaḡaena ai baine mia, bona kara maoromaoro na uma mai anina lalonai baine mia.
ISA 32:17 Kara maoromaoro anina na maino, bona kara maoromaoro amo laḡa-ani bona heabidadama bae hesiriu hanaihanai.
ISA 32:18 Egu bese taudia na maino gabuna ai bae noho, asi garidia gabudia bona laḡa-ani gabudia asi reḡereḡedia ai.
ISA 32:19 Imea audia na bae gari ore, bona hanua badana baine heḡiḡi dobi vaitani.
ISA 32:20 Ranu gabudia iboudiai badibadidiai o hadohadomu taumui na nanamo; boromakau mamaruanedia bona doniki o kahudia negemu bona o haloaloadiamu taumui danu nanamo.
ISA 33:1 Hahebua-tari taumu e, madi ihabaimu! Oi na asie habuamu tari. Kara-dibaka taumu e, madi ihabaimu! Ta ese se kara dibaka henimu. Hahebua-tari ba hadokoa murinai bae habuamu tari; bona kara-dibaka karadia ba hadoko murinai bae kara dibaka henimu.
ISA 33:2 Iehova e, a bogamai hisi; ai ese a narimumu. Daba daba iboudiai ai imamai ai baola, bona ihamaurimai ai baola, dika negadia ai.
ISA 33:3 Rege badana e varamu dainai bese idau-idau e heaumu; sibomu emu heabi-isi ai basileia idau-idau e karoho rohorohomu.
ISA 33:4 Dadidadi kohudia e haboumu, rautunu ese edia ḡau e haboumu na heto; kwadi e rohomu na heto, taunimanima ese unu ḡau latadiai e roho kaumu.
ISA 33:5 Iehova na e imodaiamu, badina be ia na atai ai e nohomu; Siona na hahemaoro ḡoevaḡoeva bona kara maoromaoro amo e hahonuamu.
ISA 33:6 Ia na imuda ai bainela, emui nega ai; hahemauri bona aonega bona lalo-parara bae bada herea. Iehova garina na ena taḡa.
ISA 33:7 A itaia, boga-auka taudia na murimuri ai e taimu; maino ena gwaukau taudia na e tai dikadikamu.
ISA 33:8 Laolao daladia na e mia ḡaḡaemu; taunimanima na asie laolaomu. Gwauhamata na e ḡiḡidia rohorohomu, hereva ihamomokanidia taudia na e dadaraidiamu; taunimanima na asie lalodiamu.
ISA 33:9 Tano na e taitaimu, e maraimu; Lebanon vada e baia, e kakoromu; Saron na tano ḡaḡaena na heto; Basan bona Karamele raudia e hehuhumu.
ISA 33:10 Iehova na e tomu: Aina tore isi; sibogu aina heabi isi; ae imodaigu.
ISA 33:11 Uit momorudia na emui ai e varamu, uit badidia o havaradiamu; laḡamu na lahi, ia ese baine aramu ore.
ISA 33:12 Bese idau-idau bae hegabu, ahu na heto; eiava au giniginidia e utumu bona e doumu na heheto.
ISA 33:13 Umui dauhai o nohomu taumui e, egu kara sivaraina a kamonai. Umui kahikahi ai o nohomu taumui e, egu siahu bavabia dae.
ISA 33:14 Kara dika taudia Siona ai na e garimu, Dirava asie matauraiamu taudia kudoudia e hetahamu. Daika ita bogaragidai na lahi hururu-hururuna lalonai baine noho diba? Daika ita bogaragidai na e ara hanaihanaimu lahina lalonai baine noho diba?
ISA 33:15 E raka maoromaoromu bona e hereva maoromaoromu tauna, hahehisi karadia amo e abimu ḡaudia e dadaraidiamu tauna; imana amo koikoi henitaona e piua daudaumu, baine abia na garina, tauna; bona taiana e kodobeamu, rara ihahebubuna herevadia baine kamonai na garina, tauna; bona matana e hakapudiamu, kara dika baine itaia na garina, tauna.
ISA 33:16 Ia na atai ai baine noho, helao-ahu nadi-hagadia ai baine noho namonamo; ana aniani bae henia, bona ranu ai basine dabu.
ISA 33:17 Matamu ese pavapava na hairaina lalonai bae itaia; tano rohana latana danu bae itaia.
ISA 33:18 Oi lalomu ese hahegari ḡauna baine haeroa: ḡau e hagaudia tauna be edeseni ai? eaiva ḡaudia e hahetohodia tauna be edeseni ai? Kohoro e duahidia tauna be edeseni ai?
ISA 33:19 Heḡonaḡonalai taudia na basio itadia lou, bona hereva hehunidia, anidia asi dibamu herevadia, asi dibamu gadona ai e hereva lanalanamu, taudia danu basio itadia lou.
ISA 33:20 Siona ba raraia, eda aria, e gwauraidia guna ariadia, hanuana. Oi matamu ese Ierusalem bae itaia; noho namonamo gabuna asi reḡereḡena, basine heraḡa palai rumana, ikokona basie heraḡa bona kwanauna basie motu ḡauna.
ISA 33:21 Unuseni ai Iehova na hairai ai baine hedinarai, ita edai, ḡamoḡa bada sinavaidia bona doka gabuna ai; unuseni ai vanaḡi ta na basie baraia diba, bona lagatoi ta basine heau diba.
ISA 33:22 Badina be Iehova na eda hahemaoro tauna, Iehova na eda lohia, Iehova na eda pavapava; ia ese baine hamaurida.
ISA 33:23 Emu kwanau eme hetu; au-tubua asie haginia tutukamu, eiava lara asie veria roromu. Una negana ai e dadi ḡaudia momo herea bae haridia. ae-hedairike taudia danu ḡau bae dadi,
ISA 33:24 bona hanua tauna ta basineto “E goreregumu”. Unuseni ai e nohomu taudia edia dika na bae hegwau tao.
ISA 34:1 Basileia idau-idau e, a raka kahira, a kamonai! Bese idau-idau e, a hakala! Tanobada baine kamonai, mai anina idoinai ida; tanobada bona ena amo e varamu ḡaudia iboudiai.
ISA 34:2 Badina be Iehova ese basileia idau-idau iboudiai e badu henidiamu, ena badu e ḡaraḡaramu edia tuari taudia iboudiai latadiai; ia ese vada e revadia, bae aladia mase.
ISA 34:3 Edia mase taudia na bae henege lasi murimuri ai; tau-anidia bae bodaga, bonadia bae dae, bona raradia na ororo amo bae aru diho.
ISA 34:4 Guba oreana idoinai baine ore; guba na baine heloku, pepa e lokuamu na heto. Ena orea taudia iboudiai bae moru, vine raudia eiava suke raudia na e hehuhumu na heto.
ISA 34:5 Badina be egu dare na rara ai vada e honu honu dae guba ai; a itaia, ia na Edom ihahemaoro-henina totona e dihomu, vada na revadia mase taudia latadiai.
ISA 34:6 Iehova na mai ena dare; ena dare na rara ai vada e honu honu dae, bona digara ai vada e ḡataka-ḡataka; mamoe natudia bona nani raradia, bona mamoe mamaruanedia nadinadidia digaradia. Badina be Iehova na mai ena boubou Bosra ai, bona mai ena ala-ala badana Edom tanona ai.
ISA 34:7 Uda boromakaudia mamaruanedia na idia ida bae hekida diho, bona boromakau mamaruanedia matamatadia, boromakau goada hereadia ida. Edia tano na rara ese baine haḡonua; edia uma tanona na digara ese baine hanamoa herea.
ISA 34:8 Badina be Iehova na mai dika davana ihenina dinana, bona mai ena dava ikarana laḡanina, Siona dainai.
ISA 34:9 Edom sinavaidia na e havevemu nadidia ai bae hahelao, bona ena uma tanodia na heara nadidia ai baela; ena tano na e aramu nadina ai bainela.
ISA 34:10 Hanuaboi ai bona dina ai ia na basine bodo; kwalahuna na baine dae hanaihanai. tau ta ese basine rakaia hanai ela bona hanaihanai.
ISA 34:11 Bogibada bona miḡu ese bae ḡaunaia, baimumu bona mukou ese bae noholaia. Ia ese oromana iabi-ohona na ia daenai baine veria, hahetoho varonana heto, bona anina iha-orena ena lohia daediai, gini-maoro varona na heto.
ISA 34:12 Ladana bae hatoa “Asi Basileiana Unuseni Ai”; bona ena lohia iboudiai bae lasihi lasihi.
ISA 34:13 Au ginigini ese ena gabu aukadia bae habubunidia, bona ava ḡiniḡini ese ena kohoro bae hahonudia. Uda sisiadia na unuseni ai bae loa, bona kokokoko na unuseni ai bae noho.
ISA 34:14 Uda ḡaudia na tano ḡaḡaena sisiadia ida bae hedavari, bona huika-huika ḡauna ese bamona baine tai henia. Oibe, unuseni ai lai-gubana laumana baine roho kau, ena laḡa-ani gabuna baine davaria.
ISA 34:15 Unuseni ai baimumu ese ena ruma baine karaia, ena gatoi baine atodia, baine hapapadia, bona natuna na ikerukeruna ai baine haboudia. Oibe, bogibada na unuseni ai bae hebou, hahinedia bona mamaruanedia.
ISA 34:16 Iehova ena buka ai a tahua, ini ba duahia toma: Ini ta basine boio; bona hahine ta basine noho kava, asi bamona maruanena. Badina be Iehova uduna na vada e haheḡani, bona ena Lauma ese vada e haboudia.
ISA 34:17 Ia ese mari vada e abi, idia edia; ia imana ese idia ahudia vada e hahetoho henidia; idia ese bae ḡaunaia hanaihanai, uru ta ta lalodiai idia ese bae noholaia.
ISA 35:1 Tano ḡaḡaena bona tano kaukauna bae moale; tano ḡaḡaena baine moale, bona baine burea; vahuvahu na heto
ISA 35:2 baine burea momo; baine moale hisi dae mai ane iabina ida. Lebanon hairaina bae henia, Karamele bona Saron herea-daedia danu. Idia ese Iehova hairaina bae itaia, eda Dirava herea-daena bae itaia.
ISA 35:3 Ima manokadia ba hagoadadia; tui manokadia ba ha-aukadia.
ISA 35:4 Kudoudia e hetahamu taudia ba hamaorodia, baoto: Ba goada, basio gari! A itaia, emui Dirava bainema, mai dika davana ihenina ida, Dirava ena dava ikarana ida; ia na bainema, bena baine hamaurimui.
ISA 35:5 Una negana ai mata-kepulu taudia matadia na bae papa, bona taia-kudima taudia taiadia na bae kirara;
ISA 35:6 una negana ai ae-hedairike tauna baine roho isi roho isi, dia na heto; bona mu tauna malana ese moale anedia baine abi. Badina be tano ḡaḡaena ai ranu baine lohi lohi dae, bona tano kaukauna ai sinavai bae aru;
ISA 35:7 miri tanona mai siahuna na gohu ai bainela; bona ranu-mase tanona na ranu lohi-lohi gabuna ai bainela; uda sisiadia edia loa gabudia na gohugohu ai bae hahelao, bona rei na geda bona siriho ese bae boloa.
ISA 35:8 Unuseni ai laolao dalana baine mia, bona ladana bae hatoa “Dala Helaḡana”; dia ḡoeva taudia ese basie rakalaia, bona kavakava taudia na ia lalonai basie kerere.
ISA 35:9 Unuseni ai leona ta basine noho, bona una dala ai kasiri aniani ḡauna daḡedaḡena ta basinela; basie davaridia una gabu ai; a vada e hamauridia taudia na unuseni ai bae raka.
ISA 35:10 Iehova ese vada e davalaidia taudia na bae lou mai, Siona baema mai anedia ida; moale hanaihanai na kwaradia ai baine mia, moale bona lalo-namo bae abi, bona lalo-hisihisi bona ḡanaḡana na bae ore.
ISA 36:1 King Hesekia ena lohia laḡanina ihagwauta-hanina ai, Senakerib, Asuria pavapavana, ese luda hanuadia mai maḡudia iboudiai e tuari henidia bona e abidia.
ISA 36:2 Bena Asuria pavapavana ese Rabsake bona tuari, oreana badana ta Lakisi amo e siaidia lao, King Hesekia dekenai, Ierusalem ai. Ia na atai gohuna dadairana badibadinai e gini, Dabua-huri Tauna Ena Tano lao dalana ai.
ISA 36:3 Bena Eliakim Hilkia, hanua pavapavana ena ruma ireḡuna tauna, bona Sebna, toretore tauna, bona Ioa Asaf, e tore pepadia inaridia tau, tatoiosi na e raka lasi ia dekenai.
ISA 36:4 Bena Rabsake ese e hereva henidia, eto, Hesekia na ba hamaoroa, baoto, Pavapava badana, Asuria pavapavana, na ini e gwau tomamu: Dahaka o halahalahamu dainai so daradaramu?
ISA 36:5 Oi o laloamu hereva kavakavadia na tuari ihaerolaina bona igoadalaina a? Daika enai o helalo kaumu dainai vada o gwau edeede henigu?
ISA 36:6 A itaia, oi na Aigupto enai o helalo kaumu, a ia be siriho kwaiduna tau ta ese hetao-kau ai imana baine gwadaia uru ḡauna na heto. Farao, Aigupto pavapavana, na unuheto, ienai e helalo kaumu taudia iboudiai ediai.
ISA 36:7 A boma hamaorogu “Ai na Iehova, emai Dirava, enai a helalo kaumu”; matona, iena atai gabudia bona ena ihaboulaina patadia na Hesekia ese vada e abi oho, bona Iuda taudia bona Ierusalem taudia vada e hamaorodia, eto “Ina ihaboulaina patana vairanai ba toma diho”, ani?
ISA 36:8 Be, biagugu Asuria pavapavana ida ba gwau hamata. Ia e tomu “Lau ese hosi daha-rua baina henimu, bema oi ese gui taudia na latadiai ba hahelaidia kau diba negana ai”.
ISA 36:9 Aigupto edia kariota bona edia hosi-gui taudia ediai o helalo kaumu negana ai, biagugu ena hesiai taudia bogaragidia amo tuari biaguna maraḡi-maraḡina tamona ma ede ba hadarerea toma?
ISA 36:10 Ina danu, oi o tomamu ina gabu ituari-henina bona ihabua-tarina vada nama lalonai Iehova na dia lau ida a? Lasi, Iehova ese e haḡanigu, eto, Ina tano ba tuari henia bona ba habuaia tari.
ISA 36:11 Bena Eliakim bona Sebna bona Ioa ese Rabsake e hereva henia, eto, Mani emu kara emu hesiai taudia na Aram gadona ai ba hereva henimai, badina be ikamonaina mai dibamai, a Heberu gadona ai basio hereva henimai, maḡu latanai e helaimu taudia bae kamonai na garina.
ISA 36:12 A Rabsake ese e hamaorodia, eto, Biagugu vada e siaigu, ina hereva na umui biagumui bona umui emui ai mo baina gwaurai totona, dia unu maḡu latanai e helaimu taudia, idia na umui ida vada e ahumui vaitani sibomui tagemui bavani bona meimui ba inu taudia, ediai a?
ISA 36:13 Bena Rabsake na e tore isi, Heberu gadona ai e boi lolo, eto, Pavapava badana, Asuria pavapavana, ena hereva a kamonai.
ISA 36:14 Pavapava na ini e gwau tomamu: Hesekia ese basine koimui, badina be ia ese basine harohomui mauri diba.
ISA 36:15 Bona Hesekia ese Iehova enai baine hahelalomui kau, baineto “Momokani Iehova ese baine hamaurida; ina hanua na Asuria pavapavana imana ai basine atoa kau”, na basio abia dae.
ISA 36:16 Hesekia basio kamonai henia; badina be Asuria pavapavana na ini e gwau tomamu: umui na lau ida baita herohe maino; lau dekegu ba raka lasi mai. Bena iboumui ai na ta ta ena vine ena vine ena suke ena suke anidia baine ani, bona ena guri ena guri ranuna baine inu;
ISA 36:17 ela bona lau baina vasi, bena tano ta baina laohaimui, umui emui tano heḡereḡerena, uit bona vine-ranuna tanona, flaoa bona vine imeadia tanona.
ISA 36:18 Nahuamui ba toho, Hesekia ese baine koimui na garina, baineto “Iehova ese baine harohoda mauri”. Bese idau-idau diravadia ta ese nega ta ai ena tano na Asuria pavapavana imana amo vada e hamauria a?
ISA 36:19 Hamat bona Arapada diravadia be edeseni ai? Sefaravaimi diravana be edeseni ai? Samaria na imagu amo vada e hamauria a?
ISA 36:20 Ini tano idau-idau diravadia iboudiai bogaragidiai, daidia ese edia tano na lau imagu amo baine hamauria a? Matona, Iehova ese Ierusalem na lau imagu amo baine hamauria a?
ISA 36:21 A taunimanima na asi reḡereḡedia e nohova, hereva ta asie haere henia; badina be hanua pavapavana ese vada e haḡanidia, eto, Basio haere henia.
ISA 36:22 Bena Eliakim Hilkia, hanua pavapavana ena ruma ireḡuna tauna bona Sebna, toretore tauna, bona Ioa Asaf, e tore pepadia inaridia tau, na edia dabua e dare, bena Hesekia dekenai e raka vareai, Rabsake ena hereva e hamaorolaia.
ISA 37:1 King Hesekia ese hereva e kamonai, bena ena dabua e dare, puse dabuadia e hahedokilai; bena Iehova ena dubu ai e raka vareai.
ISA 37:2 Bena ia ese Eliakim, ena ruma ireḡuna tauna, bona Sebna, toretore tauna, bona hahelaḡa taudia badadia, na e siaidia, puse dabuadia bae doki, bena peroveta tauna Isaia Amoso dekena baela.
ISA 37:3 Idia ese e hamaoroa, eto, Hesekia na ini e gwau tomamu: Hari dina na lalo-hisihisi bona gwau-gwaubona hemarai dinana; memero edia vara negana vada e kau, to ihavaradia ai goada na vada lasi.
ISA 37:4 Reana Iehova, emu Dirava, ese Rabsake, biaguna Asuria pavapavana ese e siaia Mauri Diravana baine ḡonaḡonalaia tauna, ena hereva iboudiai vada e kamonai. Reana Iehova, emu Dirava, ese e kamonai herevadia baine gwaudia tubu. Taunabunai, taunimanima kwabu-kwabudia doini e nohomu daidiai ba ḡuriḡuri.
ISA 37:5 King Hesekia ena hesiai taudia na Isaia dekenai e kau negana ai,
ISA 37:6 Isaia ese e hereva henidia, eto, Baigumui ba hamaoroa, baoto “Iehova na ini e gwau tomamu: Basio gari, o kamonai herevadia, Asuria pavapavana ena hesiai taudia ese lau e ḡonaḡonalaigu herevadia, daidiai.
ISA 37:7 A itaia, lau ese lauma ta ia lalonai baina atoa, bena sivarai lahulahuna ta baine kamonai, bena ena tano korikori baine lou lao. Bena ena tano korikori ai lau ese ena mase dalana na dare amo baina havaraia”.
ISA 37:8 Bena Rabsake e lou ela, Asuria pavapavana e davaria, ia ese Libna e tuari heniava; badina be vada e kamonai hanua pavapavana na Lakisi amo vada e raka oho.
ISA 37:9 Bena hanua pavapavana ese Tirihaka, Etiopia pava pavana, harina e kamonai, haida eto “Ia na vada e tore isi, oi ituari-henimu e maimu”. Una hereva e kamonai negana ai, ia ese gwaukau taudia haida na Hesekia dekena e siaidia, eto,
ISA 37:10 Hesekia, Iuda pavapavana, ini ba hamaoroa toma, baoto: Emu Dirava, o abidadama heniamu Diravana, ese Ierusalem na Asuria pavapavana imana ai basine atoa gwauhamatana amo basine koilaimu.
ISA 37:11 Vada o kamonai Asuria pavapavana ede vada e kara toma; tano iboudiai vada e habuadia tari vaitani. Bena umui na ba roho mauri a?
ISA 37:12 Bese idau-idau, senegu ese e habuadia tari besedia, Gosan, Haran, Resef, bona Eden taudia Tel-asara ai e nohova, na edia dirava ese vada e hamauridia a?
ISA 37:13 Hamat bona Arapada bona Sefaravaimi hanuana bona Hena bona Iva pavapavadia be edeseni ai?
ISA 37:14 Hesekia ese revareva na gwaukau taudia imadia amo e abia, bena e duahia. Bena Hesekia na Iehova ena dubu ai e dae kau, bena revareva e kehoa Iehova vairanai.
ISA 37:15 Bena Hesekia ese Iehova e ḡuria, eto,
ISA 37:16 Iehova Sabaota e, Israel Diravana, oi na kerubi daediai o helaimu; oi mo sibomu tanobada basileiadia iboudiai edia Dirava; oi ese guba bona tanobada vada o karadia.
ISA 37:17 Iehova e, taiamu a hakala, bona ba kamonai. Iehova e, matamu a hapapa, ba roharoha. Senakerib ena hereva iboudiai, Mauri Diravana iḡonaḡonalaina totona e siaidia herevadia, na ba kamonai.
ISA 37:18 Momokani, Iehova e, Asuria pavapavadia ese bese idau-idau iboudiai mai ediatano ida vada e habuadia tari,
ISA 37:19 bona edia dirava na lahi ai vada e tahodia kau; badina be idia na dia dirava korikoridia, a taunimanima imadia ese e kara ḡaudia, au bona nadi; una dainai vada e habuadia tari.
ISA 37:20 Taunabunai, Iehova emai Dirava e, ia imana amo ba hamaurimai, bena tanobada basileiadia iboudiai na bae diba, Iehova e, oi mo sibomu Dirava.
ISA 37:21 Bena Isaia Amoso ese gwau-kau na Hesekia dekena e siaia lao, eto, Iehova, Israel Diravana, na ini e gwau tomamu: Badina be vada o ḡurigu, Senakerib, Asuria pavapavana, herevadia vada o gwaurai, dainai,
ISA 37:22 Iehova ese ini vada e herevalaia toma: Siona natuna hane-ulato rami-hebouna ese e dadaraimumu bona e ḡonaḡonalaimumu; Ierusalem natuna hahinena ese oi murimu ai kwarana e taiko-taikomu.
ISA 37:23 Daika vada o ḡonaḡonalaia, vada o ihi-ihiraia? Daika ihadikana ai gadomu vada o habadaia bona matamu o helari dae heniamu? Israel ena Helaḡa Diravana enai.
ISA 37:24 Emu hesiai taudia ududia amo Iehova vada o ḡonaḡonalaia, oto, Egu kariota momo amo ororo doridia ai vada na dara dae, ela bona Lebanon ena gabu hehunidia. Ena sida audia lata-hereadia na hagaridia, bona ena beroso audia namo-hereadia danu. Ia doridorina ai na dara dae, bona ena uda ahu ai danu.
ISA 37:25 Guri na geidia, ranu na inu; aegu lalona amo Aigupto sinavaidia iboudiai na hakororodia.
ISA 37:26 Oi to kamonai a, lau ese idau nega ai na heḡaeḡaelaia? Harihari na havaramu karadia na idau nega ai na lalodia, nato, oi ese hanua mai maḡudia na nadi senudia ai ba halaodia;
ISA 37:27 bena edia goada baine ore dainai inoholaidia taudia na daradia bae doko bona bae baia; tano avadia eiava rei matamata heḡereḡeredia ai baela, eiava ruma guhidia ai rei e varamu na heto, do se huahua ai na e maraimu.
ISA 37:28 A lau na emu helai diho dibagu, emu raka lasi bona emu raka vareai, bona emu heihi-ihirai egu ai danu.
ISA 37:29 Vada o ihi-ihiraigu dainai, bona emu hekokoroku herevadia vada na kamonai dainai, lau ese egu igau na udu-baubaumu ai baina atoa, bona egu udu-aurina danu udumu ai; bena ma baina haloumu, oi oma dalana amo.
ISA 37:30 Toana emu ai binai: ina laḡani lalonai vara kava ḡauna bavania, bona laḡani iharuana ai ma iena amo baine vara ḡauna bavania; laḡani ihatoina ai ba hadohado bona ba taboro, vine imeadia ba hado, bona anidia bavani.
ISA 37:31 Bona Iuda kwabukwabudia dounu mamauri na ramudia bae diho bona tuhutuhudia bae dae;
ISA 37:32 badina be kwabukwabudia na Ierusalem amo bae raka lasi, bona Siona ororona amo roho-mauri taudia oreana na bainela. Iehova ena ura kwalimu ese ina na baine havaraia.
ISA 37:33 Taunabunai, Iehova ese Asuria pavapavana na ini e herevalaia tomamu: Ia na ina hanua basinema, eiava diba ta basine kino henia, eiava mai kesina ida hanua vairanai basinema, eiava tano na hanua vairanai basine larebaia dae.
ISA 37:34 Ema dalana amo ma baine lou; ina hanua lalonai basine raka vareai Iehova vada e hereva.
ISA 37:35 Badina be ina hanua baina gimaia bona baina namauria, lau sibogu daigu ai bona egu hesiai tauna David dainai.
ISA 37:36 Bena Iehova ena aneru na e raka lasi, taunimanima domaga-ta gerebu-taurahani daha-ima Asuria taudia edia taruha ai e aladia mase. Daba e rere, haida e tore isi, e itadia, unu na iboudiai mase taudia mo.
ISA 37:37 Bena Senakerib, Asuria pavapavana, na e raka oho, e lou lao, Nineve ai e noho.
ISA 37:38 Bena ena dirava, ladana Nisrok, ena dubu ai e ḡuriḡuriva negana ai, ia natuna Adram-melek bona Saresere ese dare amo e alaia mase, bena e heau mauri, Ararat tanona ela. Bena natuna ta, ladana Esarahadon, ese ia gabuna ai e lohia.
ISA 38:1 Unu dinadia ai Hesekia na e gorerea, mokona e mase. Bena peroveta tauna Isaia Amoso na dekena ema, e hereva henia, eto, Iehova na ini e gwau tomamu: Emu ḡau iboudiai bavatodia ḡoevaḡoeva, badina be oi na ba mase, emu gorere amo basio namo lou.
ISA 38:2 Bena Hesekia vairana na haba e henia, bona Iehova e ḡuria, eto,
ISA 38:3 Iehova e, na noimumu ba laloa tao, lau na oi vairamu ai vada na raka mai heabidadamagu bona mai lalogu idoinai ida, bona oi vairamu ai vada na kara maoromaoro. Bena Hesekia na e tai dikadika.
ISA 38:4 Bena Iehova ena hereva na Isaia enai e kau, eto,
ISA 38:5 Aola, Hesekia ba hamaoroa, baoto, Iehova, tamamu David ena Dirava, na ini e gwau tomamu: Emu ḡuriḡuri vada na kamonai, bona iruru-matamu vada na ita; a itaia, emu mauri na ma baina hadaudaua ela bona laḡani gwauta-ima.
ISA 38:6 Oi bona ina hanua na Asuria pavapavana imana amo baina harohomui mauri, bona ina hanua baina gimaia.
ISA 38:7 Toana binai oiemu, Iehova ena amo, Iehova ese vada e gwauraia hamata ḡauna na baine karaia:
ISA 38:8 A itaia, dina e gelomu ai na Ahasa ena dina hahetoho ḡauna ai e ha-ikerukerumu vadavadadiagwauta amo ikerukeru baina haloua. Taunabunai, dina ese ikerukeru na vadavada gwauta amo e haloua, hari dina hahetoho ḡauna ai.
ISA 38:9 Hesekia, Iuda pavapavana, ena revareva, ena gorere amo e namo lou murinai e torea ḡauna, herevadia bini:
ISA 38:10 Egu mauri dina-tubuana ai baina lao bubuni nato; Mase Gabuna ikoukouna vada e siaigu lao, egu laḡani oredia ai unuseni ai baina noho.
ISA 38:11 Iehova basina itaia mauri taudia edia tano ai nato; taunimanima na basina itadia lou tanobada inoholaina ḡaudia bogaragidiai nato.
ISA 38:12 Egu noho gabuna vada e raḡaia, egu amo vada e abia oho, mamoe ireḡudia tauna ena kalaga na heto; egu mauri vada na lokua, dabua ihatuna tauna ese dabua e lokuamu na heto; ia ese dabua ihatulaina ḡauna amo e utugu ohomu. Dina ela bona hanuaboi oi ese vada o alagumu;
ISA 38:13 ikahagu dalana na tahua tai tahua taimu ela bona daba. Leona na heto ia ese turiagu iboudiai e hakwaidudiamu; dina ela bona hanuaboi oi ese vada o alagumu.
ISA 38:14 Aibisi eiava noko na heto na taimu, pune na heto na ḡanaḡanamu. Na roha dae daudaumu dainai matagu e hisihisimu; Ḡaubada e, e hahisihisigumu; oi na igimagu ai baola.
ISA 38:15 A dahaka bainato? Badina be ia ese vada e hereva henigu; ia sibona ese vada e karaia. Lau na asina mahutamu, lalogu iditana dainai.
ISA 38:16 Ḡaubada e, ini ḡau daidiai taunimanima na e maurimu, bona laumagu ena mauri na ini ḡau iboudiai lalodiai. Goada ba henigu lou, bona ba hamaurigu.
ISA 38:17 A itaia, lau ihanamogu totona hisi badadia na ani; a oi ese egu mauri na mase gurina amo o rauaia; badina be oi ese egu kara dika iboudiai na murimu ai vada o nege.
ISA 38:18 Badina be Mase Gabuna ese basine hanamomu diba, bona mase ese basine imodaimu diba; guri ai e dihomu taudia ese emu momokani basie laroa diba.
ISA 38:19 Mauri tauna, mauri tauna, ia ese e hanamomumu, lau ese hari dina ai na hanamomumu heḡereḡerena; tama ese natuna na emu momokani e hadibalaidiamu.
ISA 38:20 Iehova ese baine hamaurigu, bena ita ese ane baita abi mai gitara ihataidia ida, eda mauri dinadia iboudiai lalodiai, Iehova ena dubu ai.
ISA 38:21 Isaia vada eto, Suke manena ta bae abia, iohururu ai bae atoa kau, bena baine namo lou.
ISA 38:22 Bena Hesekia vada eto, Lau na Iehova ena dubu ai baine dae kau toana be dahaka?
ISA 39:1 Una negana ai Merodak-baladan, Babulono pavapavana Baladan natuna, ese gwaukau taudia haida e siaidia, revareva bona herahia tauna na Hesekia dekena bae laohai; badina be ia e kamonai Hesekia vada e gorerea ma vada e namo lou.
ISA 39:2 Bena Hesekia ese e abidia dae, ena tohu namo-hereadia e habouva rumana na e haheitalaidia, silver, gold, muramura mai bonadia, dehoro namo-hereana, ena tuari ḡaudia iboudiai, bona ḡau iboudiai ena kohu-habou rumadia ai mimia; asi ḡauna ta ena ruma ai eiava ena tano ai Hesekia ese se haheitalaidia.
ISA 39:3 Bena peroveta tauna Isaia na King Hesekia dekena ema, e nanadaia, eto, Unu tatau na dahaka e gwaurai? Bona ede amo oi dekemu ema? Hesekia eto, Gabu daudau amo vada ema, Babulono amo.
ISA 39:4 Isaia ma eto, Oiemu ruma ai dahaka dahaka e ita? Hesekia ma e haere, eto, Ḡau iboudiai egu ruma ai na vada e itadia; asi ḡauna ta egu kohu-habou rumadia ai lau ese asina haheitalaidia.
ISA 39:5 Bena Isaia ese Hesekia e hamaoroa, eto, Iehova ena hereva a kamonai:
ISA 39:6 Dinadia vada e maimu, emu ruma kohudia iboudiai, senemu ese vada e haboudia ema bona hari dina, na Babulono bae laohaidia; ḡau ta basine mia. Iehova e gwaumu.
ISA 39:7 Bona oi natumu haida, oi ese o havaradia memerodia, na bae laohaidia; idia na hesiai taudia ai baela, Babulono pavapavana ena ruma ai.
ISA 39:8 Bena Hesekia ese Isaia e hamaoroa, eto, Iehova ena hereva oi ese vada o gwauraia na hereva namona. Badina be ia na ini e helalo toma, eto, Lauegu dina lalodiai maino bona noho-namo baemia.
ISA 40:1 Emui Dirava na e tomu, Egu bese na tauna ba haloa, tauna ba haloa.
ISA 40:2 Ierusalem ba hereva manada henia; ba boi henia, ba hamaoroa, ena tuari vada e ore, bona ena kara havara vada eme hegwau tao, bona Iehova imana amo ena kara dika iboudiai davadia na vada e abi harua.
ISA 40:3 Gado ta e boimu, e tomu, Tano ḡaḡaena ai Iehova ena dala ba lailaia, bona tano kaukauna ai laolao dalana ba hamaoromaoroa, eda Dirava ena.
ISA 40:4 Koura iboudiai bae heabi isi, ororo badadia bona ororo maraḡidia iboudiai bae hataora; tano diho-dae bae hedaga maoro, bona gabu gudu-isidia bae hataora.
ISA 40:5 Iehova hairaina baine hedinarai, bona taunimanima iboudiai ese bae itaia, badina be Iehova uduna vada e hereva.
ISA 40:6 Gado ta e tomu, A boiboi! Bena lau nato, Dahaka baina boilaia? Hidio idoinai na rei na heto, bona ia hairaina idoinai na tano heraheradia na heheto.
ISA 40:7 Rei e kakoromu, herahera e maraimu, Iehova ese e hahodi henidiamu negana ai; momokani, taunimanima na rei mo.
ISA 40:8 Rei e kakoromu, herahera e maraimu; a eda Dirava ena hereva baine gini hanaihanai.
ISA 40:9 Sivarai namona Siona o gwaurai heniamu taumu e, ororo latana ta ai ba dara dae, Sivarai namona Ierusalem o gwaurai heniamu taumu e, gadomu ba habadaia mai goadamu ida; ba habadaia, basio gari. Iuda hanuadia ba hamaorodia, baoto, Emui Dirava ba itaia.
ISA 40:10 A itaia, Ḡaubada Iehova na mai siahuna ida e maimu, ia imana na e lohiamu; a itaia, dava na ienai, bona ahu na ia vairanai.
ISA 40:11 Ia ese ena seri baine ubua, mamoe ireḡudia tauna na heto; mamoe natudia na imana ai baine rosidia, bona kemena ai baine rosidia lao, bona e rogorogomu ḡaudia na metaira-metaira baine hakaudia.
ISA 40:12 Daika ese imana nuana ai davara vada e hahetohoa, bona imana kwakikwakina amo guba vada e hahetohoa? Daika ese tanobada ḡahuna na hahetoho ḡauna ai vada e udaia, bona ororo badadia na metau ihahetohona ḡauna ai vada e atoa, bona ororo maraḡidia metaudia vada e hahetoho?
ISA 40:13 Daika ese Iehova ena Lauma vada e duanai henia, eiava ena hahelao amo vada e hadibaia?
ISA 40:14 Ia ese daika e nanadaia, lalona ihadiarina totona? Daika ese hahemaoro ḡoevaḡoeva dalana e hadibaia? Daika ese aonega e hadibalaia, bona lalo-parara dalana e haheitalaia?
ISA 40:15 A itaia, tanobada besedia na ranu hetuturuna tamona na heto, hodu amo e hetuturu dobimu; idia na ḡahu, metau ihahetohona ḡauna ai, na heto. A itaia, motumotu na e abidia isimu, ḡahu dimura-dimurana na heto.
ISA 40:16 Lebanon audia na basie heḡereḡere, au rakuraku ai baela, bona ia boromakauna na basie heḡereḡere, ḡole-oho bouboudia ḡaudia ai baela.
ISA 40:17 Bese iboudiai na dia ḡau ta ia vairanai; ia ese e haerodiamu, idia na dia ḡau ta, bona asi anidia.
ISA 40:18 Dirava na daika ida ba haheḡereḡerea? Ia ida-idana be daika?
ISA 40:19 Kaivakuku na ima-idibaka tauna ese e hahetariamu, bona gold iḡaukaralaina tauna ese gold amo e ḡovaiamu, bena ena silver varodia e hahetaridiamu.
ISA 40:20 Ogoḡami tauna ese basine houka-houka auna e abia hidimu, ena herahia ḡauna ai e halaoamu; ia ese ima idibaka tauna ta e tahuamu, kaivakuku ta, basine marere diba ḡauna, baine haginia totona.
ISA 40:21 Umui na asi dibamui a? Asio kamonai a? Matamana negana amo asie hamaoromui a? Tanobada na ena gabu ai e haginia guna negana amo, lalomui asie parara a?
ISA 40:22 Tanobada kuborona daenai e helaimu, bona inoholaina taudia e nenediamu, ita-itadia kwadi na heto, Diravana, ia ese guba e idia roromu, seseahu na heto, e veria roromu, palai rumana na heto, baine noholaia totona;
ISA 40:23 ia ese lohia na e hamorudiamu, bona tanobada lohiadia e veridia dobimu.
ISA 40:24 E hadodiamu, bena e kobomu, bona ramudia e tubu matamamu; bena asi vanahana ia ese e hahodi henidiamu, bena e maraimu; bena lai gubana ese e odadia ohomu, rei kakoro na heto.
ISA 40:25 Helaḡa Diravana na e tomu, Daika ida ba haheḡereḡeregu, bena ia ida baina heḡereḡere?
ISA 40:26 Ba gaga dae, ba itaia, unu hisiu na daika ese e karadia? Ia ese edia orea na ta ta amo e halasidiamu, bona iboudiai ladadia e hatomu; ena goada herea-daena amo, bona ena siahu na bada dainai, ta se boiomu.
ISA 40:27 Iakob e, dahaka dainai o gwaumu, Israel e, dahaka dainai o herevamu, o tomu “Egu dala na Iehova ena amo eme hehuni, egu Dirava ese ahugu korikorina se laloamu”?
ISA 40:28 Asi dibamu a? To kamonai a? Iehova na noho-hanaiharlai Diravana; ia na tanobada dokodia ikaradia Diravana. Ia tauna se manorimu, se boeramu; ena diba na ta ese basine davaria diba.
ISA 40:29 Manori taudia na ia ese e hagoadadiamu, bona asi ena goada tauna enai goada e habadaiamu.
ISA 40:30 Uhau na taudia bae manori, bae boera; eregabe na edia goada bae ore bena bae keto.
ISA 40:31 A Iehova e nariamu taudia ese edia goada bae hamatamata, hanidia amo bae roho dae, ugava na heheto; idia na bae heau, taudia basie boera, bae raka, taudia basie manori.
ISA 41:1 Kone tanodia e, asi reḡereḡemui a hakala henigu; q2 bese idau-idau ese edia goada bae hamatamata; raka kahi mai, bena bae hereva; baita raka kahi hebou, hahemaoro totona.
ISA 41:2 Daika ese tau ta mairiveina kahana amo e hatorea isi? Una tau na ena dala idoinai e kwalimu louloumu. Ia ese basileia idau-idau na una tau vairanai e hadarerediamu, bena una tau ese hanua pavapavadia na aena amo e moidia taomu; ḡahu heḡereḡerena ai e halaodiamu, ena dare amo, rei kakoro lai ese e odaiamu heḡereḡerena ai e halaoamu, ena peva amo.
ISA 41:3 E hahavadiamu, bena e raka e laomu mai namona ida; ia ese do se rakalaidia daladia amo e laomu.
ISA 41:4 Ina na daika ese e havaraia bona e karaia, bona matamana negana amo uru ta ta vada e boiridia? Lau na Iehova; lau na gini-gunana, bona lau na gini-gabena ida; Lau na Ia.
ISA 41:5 Kone tanodia vada e itaia, bena e garimu; tanobada dokodia na e heude-heudemu; idia na vada e raka kahi mai.
ISA 41:6 Iboudiai ese ta ta dekena tauna dekena tauna e durudiamu, bona tadikakadia e hamaorodiamu, e tomu: A boga auka.
ISA 41:7 Ima idibaka tauna ese gold iḡaukaralaina tauna e hagoadaiamu, bona auri ihodo-palakana tauna ese haheato-kau aurina e hodoamutauna e hagoadaiamu; auri ihahekamo-kubouna e herevalaiamu, e tomu “Ena na namo”, bena idia ese ikoko amo e kokoamu, basine marere diba halaoreana.
ISA 41:8 A oi, Israel, egu hesiai tauna, Iakob, vada na abia hidi tauna, turagu Abraham garana;
ISA 41:9 oi, tanobada dokodia amo na abimu bona gunigunidia amo na boirimu taumu, na hamaoromu, nato: Oi na egu hesiai tauna, vada na abimu hidi, asina kahumu nege.
ISA 41:10 Basio gari, badina be lau na oi ida; kudoumu basine hetaha, badina be lau na oiemu Dirava; baina hagoadamu, baina durumu, imagu idibana mai kwalimuna ida amo baina imudamu tao.
ISA 41:11 A itaia, e badu henimumu taudia iboudiai na bae hemarai bona bae baia; e tuari henimumu taudia na bae boio bona bae mase ore.
ISA 41:12 E heai henimumu taudia na ba tahudia, to basio davaridia; e tuari henimumu taudia na bae boio vaitani.
ISA 41:13 Badina be lau Iehova, emu Dirava, ese oi imamu idibana na dogoa taomu; lau ese na hamaoromumu, na tomu: Basio gari, baina durumu.
ISA 41:14 Oi Iakob, biluga e, basio gari! Israel taumui e, basio gari! Iehova na e tomu “Baina durumui”. Ihamaurimui na Israel ena Helaḡa Diravana.
ISA 41:15 A itaia, lau ese uit ikwadilaina auna ai baina halaomui, matamatana, mai ganona bona mai isena; ororo badadia ba kwadidia, ba hapatapatadia, ororo maraḡidia na uit momoruna heḡereḡerena ai ba halaodia;
ISA 41:16 ba tapodia hidi, bena lai ese baine odadia oho, lai gubana ese baine odadia rohoroho. Bena Iehova ba moalelaia, Israel ena Helaḡa Diravana ba imodaia.
ISA 41:17 Ogoḡami taudia bona e dabumu taudia na ranu bae tahua, bena basie davaria, a gadodia bae kaukau ranu-mase dainai; una negana ai lau Iehova ese baina haere henidia, lau, Israel Diravana, ese basina rakatanidia.
ISA 41:18 Ororo nemuka-nemukadia ai sinavai baina ha-arudia, bona koura lalodiai ranu lohilohi gabudia baina kehodia; tano ḡaḡaena na gohu ai baina halaoa, bona tano kaukauna na ranu lohilohi gabuna ai baina halaoa.
ISA 41:19 Tano ḡaḡaena ai sida audia baina hado, bona kela bona keroro bona olive audia danu; tano kaukauna ai beroso bona tidara bona teasuru audia baina hadodia hebou.
ISA 41:20 Bena taunimanima ese bae itaia, bena bae diba, bae haeroa hebou bena lalodia bae parara, Iehova imana ese ina na vada e karaia, Israel ena Helaḡa Diravana ese vada e havaraia.
ISA 41:21 Iehova na e tomu, Emui ginikau herevadia a gwaurai hedinarai; Iakob ena pavapava na e tomu, Emui hereva ba hamomokanidia.
ISA 41:22 Ihamomokanina herevadia bae mailai, bona dahaka baine vara bae hadibalaida. Nega gunadia ḡaudia ba hamaorolai henimai, bena baia haerodia, bena baia diba dahaka dahaka na edia amo bae vara; eiava do bae vara ḡaudia ba hamaorolai henimai.
ISA 41:23 Kerukeru vanegai bae vara ḡaudia ba hadibalaimai, bena baia diba umui na didirava; kara namo eiava kara dika ba kara, bena baia gari, kudoumai bae hetaha.
ISA 41:24 A itaia, umui na dia ḡau ta, emui ḡaukara na asi anina, e abimui hidimu tauna na dika rohoroho.
ISA 41:25 Mirigini kahana amo tau ta na hatorea isi, bena vada ema, dina e daemu kahana amo, bena ia ese lau ladagu baine hahanea; ia ese lohia baine moimoilaidia, raro nadidia ihahekamo-taodia ḡauna e moimoilaiamu na heto, uro ikarana tauna ese raro e kuiamu na heto.
ISA 41:26 Daika ese matamana amo e gwauraia, baita diba helaoreana? Daika ese e gwaurai guna, baitato “Ia na maoro” helaoreana? Ta ese se herevalaia, ta ese se gwauraia hedinarai, ta ese emui hereva se kamonaidia.
ISA 41:27 Siona vada na gwaurai henia guna, q2 sivarai namo igwauraina tauna ta Ierusalem na heniamu.
ISA 41:28 A na roha heniamu negana ai tau ta asina itaiamu; idia bogaragidiai asi hahealo tauna ta na henanadaimu negana ai e haere henigumu.
ISA 41:29 A itaia, iboudiai na lalo-haguhi asi anidia, edia ḡaukara danu asi anidia, edia auri kaivakukudia na lai mo, asi anidia.
ISA 42:1 Egu hesiai tauna a itaia; lau ese na imudaiamu. Ia na egu abi-hidi tauna; lau laumagu ese e moalelaiamu. Lauma ese e roheamu; ia ese hahemaoro ḡoevaḡoeva na bese idau-idau baine halasi henidia.
ISA 42:2 Ia na basine lolo, gadona basine habadaia, eiava ariara ai ia erena basie kamonai;
ISA 42:3 siriho pou basine hakwaidua, bona gida basine habodoa; na hahemaoro ḡoevaḡoeva baine halasia mai momokanina ida.
ISA 42:4 Ena diari basine bodo; ia na basine helou kwaidu, ela bona hahemaoro ḡoevaḡoeva na tanobada ai baine haginia, bona kone tanodia ese iena taravatu bae laroa.
ISA 42:5 Dirava Iehova, guba e karaia bona e idia roro Diravana, tanobada e lahaia bona anina e havaramu Diravana, tanobada ai e nohomu taudia na laḡa e henidiamu bona lalonai e loamu taudia na lauma e henidiamu Diravana, ini e gwau tomamu:
ISA 42:6 Lau na Iehova; kara maoromaoro ai vada na boirimu, oi imamu vada na abia, vada na reḡumu; gwahamata toana ai vada na halaomu bese idau-idau ediai, bona diari ai vada na halaomu basileia idau-idau ediai,
ISA 42:7 mata-kepulu taudia matadia ihapapadia totona, bona iḡui taudia na hekou kunuka-kunuka rumana amo bona dibura ai e helaimu taudia na dibura rumana amo ba hakaudia lasi totona.
ISA 42:8 Lau na Iehova, ladagu bunai; hairaigu na ta asina heniamu, i'imodaigu na e koro kaivakukudia asina henidiamu.
ISA 42:9 A itaia, ḡau gunadia vada e vara, harihari ḡau matamatadia na gwaurai hedinaraimu; idia na do asie hedinarai negana ai na hamaorolaimuimu.
ISA 42:10 Ane matamatana avabia, Iehova ena; tanobada dokona amo ia ba imodaia. Davara baine guru, mai anina idoinai ida; kone tanodia danu, mai inoholaidia taudia ida.
ISA 42:11 Tano ḡaḡaena mai hanuana hidaosi ida, gadodia bae habada, Kedara ese e noholaidiamu hanuadia danu. Sela inoholaina taudia ese moale anedia bae abi, ororo doridia amo bae lolo.
ISA 42:12 Idia ese Iehova bae imodaia, ia iheatolaina herevadia na kone tanodia ai bae gwaurai henidia.
ISA 42:13 Iehova na e raka lasimu, goada-herea tauna na heto, tuari tauna na heto ena badu e hasiahuamu; e boi lolomu, e lolo badabadamu, ia inaina ihadikadia ai ena goada e hahedinaraiamu.
ISA 42:14 Nega daudau asi reḡereḡegu vada na noho; asina marere, na haheauka. Harihari baina tai lolo, e hekamonaimu hahinena na heto, baina laḡa dae laḡa dae, baina ḡanaḡana.
ISA 42:15 Ororo badadia bona maraḡidia baina havahudia, latadiai e varamu ḡaudia iboudiai baina hakakorodia; sinavai na motumotu ai baina halaodia, gohu na baina hakororodia.
ISA 42:16 Mata-kepulu taudia na baina hakaudia, asi dibadia dalana ai; do asie dibadia daladia lalodiai lau ese baina hakaudia. Dibura na diari ai baina halaoa idia vairadiai; gabu gudu-isidia na tano hedaga-maorodia ai baina halaodia. Baina kara ḡaudia bini, basina rakatanidia.
ISA 42:17 E koro kaivakukudia e abidadama henidiamu, bona e hahetaridia kaivakukudia e hamaorodiamu, e tomu “Umui na emai dirava”, taudia na baina haloudia, bona baina hahemaraidia vaitani.
ISA 42:18 Taia-kudima taumui, a kamonai! Mata-kepulu taumui, a gaga isi, ḡau ba ita totona!
ISA 42:19 Daika matana e kepulumu? Lauegu hesiai tauna mo. Daika taiana e kudimamu, egu gwaukau ilaohaina na siaiamutauna heḡereḡerena? Daika matana e kepulumu, egu helaḡa tauna heḡereḡerena? Daika mata e kepulumu, Iehova ena hesiai tauna heḡereḡerena?
ISA 42:20 Ḡau momo e itamu, to se matadia davarimu; taiana e kiraramu, to se kamonaimu.
ISA 42:21 Iehova na e moaleva, ena kara maoromaoro dainai, ena taravatu ihanamona bona i'imodaina helaoreana.
ISA 42:22 A ina na vada e henaodia bona e dadidia besena; iboudiai na rikiriki guridia ai e heabi, bona dibura rumadia ai vada e hehuni. Idia na damu ai vada ela, asi iharoho-mauridia; idia na dina ai vada ela, ta basineto “A kahudia nege”.
ISA 42:23 Umui bogaragimui ai daika ese ina hereva baine hakala henia? Daika baine hakala? Daika baine kamonai, baine gini dae negana dainai?
ISA 42:24 Daika ese Iakob na dadidadi taudia e henidia? Daika ese Israel na henao taudia e henidia? Iehova, vada ta kara dika henia Diravana, ese ani? Idia na ena dala irakalaidia asie ura, bona ena taravatu ikamonaina asie uralaia.
ISA 42:25 Taunabunai ia ese ena badu ḡaraḡarana na ia latanai e bubua, bona tuari siahuna danu; a e doua heḡeḡe, to lalona se parara; vada e araia, to se haeroa namonamo.
ISA 43:1 Iakob e, e havaramu Diravana, Israel e, e karamu Diravana, Iehova, harihari ini e gwau tomamu: Basio gari, badina be lau ese vada na hamaurimu; ladamu vada na hatoa, oi na lauegu.
ISA 43:2 Ranu lalodia amo ba hanai negana ai, lau na oi ida; sinavai lalodia amo ba hanai negana ai na basie habubunimu; lahi amo ba raka hanai negana ai, basio heara; lahi hururu-hururuna ese basine golemu oho.
ISA 43:3 Badina be lau na Iehova, emu Dirava, Israel ena Helaḡa Diravana, oi Ihamaurimu. Aigupto na henimu, oiemu mauri davana, Etiopia bona Seba na henimu, oi ibodohilaimu.
ISA 43:4 Badina be oi davamu na bada lau vairagu ai; na matauraimumu, na ura henimumu; taunimanima na henimu, oi davamu, bona bese na henimu, oiemu mauri ibodohilaina.
ISA 43:5 Basio gari, badina be lau na oi ida; oi garamu na laurabada kahana amo baina hakaudia mai, bona lahara kahana amo baina haboumui.
ISA 43:6 Mirigini kahana baina hamaoroa, bainato “A kahudia nege”, bona diho kahana baina hamaoroa, bainato “Asio rudia”; natugu mamaruanedia na dauha amo bona natugu hahinedia na tanobada dokona amo ba hakaudia mai;
ISA 43:7 lau ladagu e henemailaidia taudia iboudiai, ihahairaidia totona na havaradia, na karadia bona oromadia na henidia taudia.
ISA 43:8 Mai matadia to matadia e kepulumu taudia, mai taiadia to taiadia e kudimamu taudia, a hakaudia lasi.
ISA 43:9 Basileia iboudiai bae hegogo, bese idau-idau bae hebou. Idia bogaragidiai daika ese ina na baine gwauraia? Daika ese ḡau gunadia baine haheitalaida? Edia hereva ihamomokanidia taudia bae mailaidia, igwaurai-maorodia totona; bae kamonai, bena baeto “Hereva momokanina”.
ISA 43:10 Iehova na e tomu: Umui na egu hereva ihamomokanidia taumui; umui na egu hesiai, vada na abimui hidi, ba dibagu bona bavabiabiraigu totona, bona lalomui bae parara Lau na Ia. Asi dirava ta ese lau e gunalaigu, bona lau murigu ai danu dirava ta basine hedinarai.
ISA 43:11 Lau binai Iehova, asi ihamaurimui ta, lau mo sibogu.
ISA 43:12 Iehova na e tomu: Idau dirava ta lasi bogaragimui ai negana ai, na herevava, na hahemauriva, na gwaurai hedinaraiva; bona umui na egu hereva ihamomokanidia taumui.
ISA 43:13 Lau na Dirava; ina harihari amo ela Lau na Ia; ta ese lau imagu amo basine harohomui mauri diba. Lau na ḡaukaramu: daika ese egu ḡaukara ilao-ahuna mai dibana?
ISA 43:14 Ihamaurimui, Israel ena Helaḡa Diravana, Iehova, ini e gwau tomamu: Umui daimui ai haida na Babulono baina siaidia lao, bona auri iboudiai baina hakwaidudia; bena Kaldea taudia edia hone na taitai ai bainela.
ISA 43:15 Lau na Iehova, emui Helaḡa Diravana, Israel Ihavarana, emui Pavapava.
ISA 43:16 Iehova na unu e gwau tomamu; ia ese dala e lailaiamu davara lalonai, davara badadia lalodiai danu.
ISA 43:17 Ia ese kariota bona hosi e hakaudia lasimu, bona tuari oreana bona tuari taudia danu; idia na e hekuremu, basie tore isi diba; idia na e bodomu, gida e bodomu na heto.
ISA 43:18 Ḡau gunadia basio lalodia tao, nega gunadia basio haerodia.
ISA 43:19 A itaia, ḡau matamatana na karaiamu, harihari e hedinaraimu; asio itaiamu a? Lau ese dala ta tano ḡaḡaena ai baina karaia, bona sinavai baina kara, tano kaukauna ai.
ISA 43:20 Uda boromadia ese bae imodaigu, uda sisiadia bona kokokoko ese danu; badina be tano ḡaḡaena ai ranu na henimu, bona sinavai tano kaukauna ai danu, egu abi-hidi besena ranu baina henia totona.
ISA 43:21 Besena bunai vada na karaia egu, lau i'imodaigu herevadia bae gwaurai totona.
ISA 43:22 Ḡau tamona, Iakob e, oi ese so boi henigu; Israel e, egu ai vada o hesiku.
ISA 43:23 Emui mamoe na egu ai asio mailaidia, ḡole-oho ḡaudia ai baela totona; emui boubou ḡaudia amo asio imodaigu. Lau na boubou karadia amo asina hametaumui, bona muramura mai bonana dainai asina hahesikumui.
ISA 43:24 Egu kane asio hoi; emui boubou ḡaudia digaradia asio henigu davana. A emui kara dika amo vada o hametaugu, bona emui kara havara amo vada o hahesikugu.
ISA 43:25 Lau na emui kerere e abidia ohomu Diravana, lau sibogu daigu ai; emui kara dika na basina lalodia tao.
ISA 43:26 Ba hahelalogu une, baita hedorilai heheni; emui gini-kau gabuna ba gwauraia hedinarai, bae gwauraimui maoro totona.
ISA 43:27 Emui bese ihavarana tauna vada e kara dika, bona emui peroveta taudia ese e kara havara henigu.
ISA 43:28 Emui pavapava ese egu gabu helaḡana e hamiroa; taunabunai, Iakob na habuaia tari vaitani, bona Israel na ḡonaḡonalaia.
ISA 44:1 Iakob e, egu hesiai tauna, Israel e egu abi-hidi tauna, a kamonai!
ISA 44:2 Iehova, ikaramu Diravana, sinamu bogana ai e hadudumu bona do baine durumu Diravana, ini e gwau tomamu: Iakob e, egu hesiai tauna, Iesurunu e, egu abi-hidi tauna, asio gari.
ISA 44:3 Badina be lau ese ranu na tano haura-haurana latanai baina seia diho, bona sinavai na tano kaukauna latanai danu; egu Lauma na oi garamu latadiai baina seia, bona egu hahenamo na oi vevemu latadiai danu.
ISA 44:4 Idia na bae tubu, rei na heto, ranu gabudia ai e tubumu, eiava au na heto, e arumu sinavaidia badibadidiai e tubumu.
ISA 44:5 Ta baineto “Lau na Iehova ena”, ma ta be sibona Iakob ladana baine henemailai; ma ta ese imana ai baine torea “Iehova ena”, bona sibona ladana baine hehato Israel.
ISA 44:6 Iehova, Israel pavapavana, bona Ihamaurina, Iehova Sabaota, ini e gwau tomamu: Lau na gini-gunana bona gini-gabena; asi dirava ta, lau mo sibogu.
ISA 44:7 Daika na lau heḡereḡeregu? Ia ese baine gwauraia hedinarai; lau vairagu ai baine herevalaia bona baine hahedinaraia. Daidia ese do bae vara ḡaudia na nega gunadia amo e gwaurai? Idia ese do bae vara ḡaudia na ma bae gwaurai henida.
ISA 44:8 Asio gari, kudoumui basie hetaha; nega gunadia amo asina hamaoromui bona asina gwauraia hedinarai a? Bona umui na egu hereva ihamomokanidia taumui. Dirava idauna ta e nohomu a? Asi Nadi-ginina ta; ta asi dibagu.
ISA 44:9 Kaivakuku e karamu taudia na asi anidia, bona e moalelaimu ḡaudia ese asie hanamodiamu; ihamomokanidia taudia ese ḡau asie itamu bona asie dibamu, taunabunai bae hahemaraidia.
ISA 44:10 Daika ese dirava asi anina ta e karaiamu eiava laulau asi anina ta e hahetariamu?
ISA 44:11 A itaia, ia bamona iboudiai na bae hahemaraidia; bona ima idibaka taudia na taunimanima mo. Iboudiai na bae hebou, bae gini lasi; gari ese baine butudia tao, bona bae hemarai bou.
ISA 44:12 Auri iḡaukaralaina tauna ese gida mai lahidia latadiai e gaukaralaiamu; hodohodo auridia amo e hodoamu, bona imana goadana amo oromana e karaiamu; e hitoloamu, bena ena goada e oremu; ranu se inumu, bena tauna e manorimu.
ISA 44:13 Kamuta tauna ese ena hahetoho varona e veria roromu, bona puri amo toana e toremu; naunau auridia amo e nauamu, bona kuboro-hahetohona aurina amo e hahetohoa heḡeḡemu. Bena e koroamu, tau oromana ai, tau raho-namona heḡereḡerena ai, ruma ai baine hamiaia e tomu.
ISA 44:14 Ia ese sida audia e hagaridiamu; eiava budabuda eiava diharoha e abia hidimu, e nariamu ela bona baine kiriri, uda audia padadiai; sida auna ta danu e hadoamu, bena medu ese e hatubuamu.
ISA 44:15 Bena tau ta ese ena lahi auna ai e halaoamu; kahana e ha-araiamu sibona e heganamu, makahana e ha-araiamu, flaoa e gabulaiamu. Bena ena dirava ta e karaiamue toma henia dihomu; laulau ta e koroamu, vairanai e igo dihomu.
ISA 44:16 Kahana na lahi ai e araiamu; ma kahana latanai ana vamu e gabuamu; e gabuamu ḡauna e aniamu, bogana e kunumu. E heganamu danu, e tomu “Aha! Taugu na e siahumu, lahi vada name itaia.”
ISA 44:17 Bena au orena na dirava ta e karalaiamu, ena kaivakuku; bena vairanai e igo dihomu, e toma henia dihomu; e guriamu, e tomu “A hamaurigu, badina be oi na egu dirava”.
ISA 44:18 Idia na asi dibadia, lalodia na asie pararamu; badina be ia ese matadia vada e hakapudia, bena basie itaia diba, bona lalodia vada e haduhudia, bena lalodia na basie parara diba.
ISA 44:19 Ta ese lalona se hadaiamu, ta asi aonegana eiava asi lalo-pararana, bena e tomu: Kahana na lahi ai vada na araia; bona gida latadiai ilaoa bona vamu vada na gabudia, vada na aniani; matona, orena amo ḡau dika-hereana baina karaia a? Au kavakava vairanaibaina toma diho a?
ISA 44:20 Ia na kahu e animu; ena lalo-duhu ese vada ehakaua kerere. Asi ena dala sibona baine hahemauri, eiava baineto “Imagu idibana ai koikoi na dia mia a?”
ISA 44:21 Iakob e, ini ḡau ba lalodia tao; Israel e, ba lalodia tao, badina be oi na egu hesiai tauna. Lau ese vada na karamu; oi na egu hesiai tauna; Israel e, basina lalomu boio.
ISA 44:22 Emu kara kereredia vada na abidia oho, ori na heto, bona emu kara dikadia, ninoa na heto; a lou henigu, badina be lau ese vada na hamaurimu.
ISA 44:23 Guba e, ane avabia, badina be Iehova ese vada e haḡuḡurua; tanobada ena dobu gabudia e, a lolo! Ororo e, ane a lada isi; oi danu, uda e, mai aumu iboudiai. Badina be Iehova ese Iakob vada e hamauria, bona Israel lalonai bae imodaia.
ISA 44:24 Iehova, oi Ihamaurimu Diravana, sinamu bogana ai e hadudumu Diravana, ini e gwau tomamu: Lau binai Iehova; ḡau iboudiai na karadia; lau sibogu ese guba na idia roro; lau ese tanobada na idia roro; daika na lau ida?
ISA 44:25 Lau ese koikoi taudia edia toa na gwau tubumu, bona mari-abi taudia na hakavakavadiamu; aonega taudia na haloudiamu, bona edia aonega na kavakava ai na halaoamu.
ISA 44:26 Lau ese egu hesiai tauna ena hereva na hamomokaniamu, bona egu gwaukau taudia edia hahealo heḡereḡerena ai na karaiamu. Ierusalem na herevalaiamu, na tomu “Haida ese bae noholaia”; bona Iuda hanuadia na herevalaidiamu, na tomu “Do bae gini; vada e heḡiḡi rohoroho ḡaudia na lau ese baina haginidia lou”.
ISA 44:27 Gadobada na hamaoroamu, na tomu “A kororo; emu sinavai baina hakororodia”.
ISA 44:28 Lau ese Kurese na herevalaiamu, na tomu “Ia na egu mamoe ireḡudia tauna, bona ia ese egu lalo-hadai idoinai baine haḡuḡurua”; bona Ierusalem na herevalaiamu, na tomu “Baine gini”, bona Dubu Helaḡa na hamaoroamu, na tomu “Badimu baine heato”.
ISA 45:1 Iehova ena hereva, e horoa tauna Kurese enai; ia imana idibana vada na kahua tao, bese idau-idau na ia vairanai baina hadareredia bona pavapava baina hamanokadia totona, iduara na ia vairanai baina kehodia bona ikoukou na basie hekou helaoreana.
ISA 45:2 Lau na oi vairamu ai bainala, ororo baina hahedagadia maoro; auri labora-labora iduaradia baina hamakohidia rohoroho, pbona auri baina utudia parara.
ISA 45:3 Dibura gabudia kohudia baina henimu, bona gabu hehunidia ai e habou ḡaudia; bena ba diba lau Iehova, Israel Diravana, ese oi ladamu vada na hatoa.
ISA 45:4 Egu hesiai tauna Iakob, egu abi-hidi tauna Israel, dainai, oi ladamu na hatoamu; be asi dibamu lau, to ladamu ta na hahenemailaimu.
ISA 45:5 Lau binai Iehova, idauna ta na lasi; asi dirava ta, lau mo sibogu. Ena be asi dibamu lau, to lau ese na hagoadamumu;
ISA 45:6 bena dina-dae kahana amo bona dina-diho kahana amo, taunimanima na bae diba idauna ta na lasi; lau binai Iehova, idauna ta na lasi.
ISA 45:7 Diari na karaiamu, bona dibura na havaraiamu; namo na karaiamu, bona dika na havaraiamu; lau na Iehova, ini ḡau iboudiai na karamu.
ISA 45:8 Guba e, kara maoromaoro ba hadihoa; guba amo baine diho, medu na heto. Tanobada baine parara, hahemauri baine tubu dae totona; kara maoromaoro danu baine hatubua dae; lau Iehova ese vada na havaraia.
ISA 45:9 Ia ikarana Diravana e heai heniamu tauna, madi ihabaina; ia na uro ikarana tauna e heai heniamu urona na heto! o ese iḡaukaralaina tauna e gwau heniamu a? E tomu “Dahaka o karamu?” eiava “O karaiamu ḡauna na asi imana” a?
ISA 45:10 Tama ta e hamaoroamu, e tomu “Dahaka o havaraiamu?” eiava hahine ta e hamaoroamu, e tomu “Dahaka ḡau na bogamu ai?” tauna na madi ihabaina!
ISA 45:11 Iehova, Israel ena Helaḡa Diravana bona Ikarana Diravana, ini e gwau tomamu: nanadaigu natugu daidiai, eiava ba haḡanigu imagu ese e kara ḡaudia daidiai, a?
ISA 45:12 Lau ese tanobada na karaia, bona taunimanima na havaradia ia latanai; imagu ese guba e idia roro, bona ena orea iboudiai na haḡanidia.
ISA 45:13 Lau ese kara maoromaoro ai vada na hatorea isi, bona ena dala iboudiai baina hamaoromaorodia; ese egu hanua badana baine haginia, bona dauhai na hanohodia tao taudia baine ruhadia nege, dava dainai eiava hahenamo ihalouna dainai; Iehova Sabaota na unu e gwau tomamu.
ISA 45:14 Iehova na ini e gwau tomamu: Aigupto ena taḡa bona Etiopia ena hoihoi ḡaudia, bona Sabea taudia, taunimanima ḡaulatalatadia, oiemu ai bae hanai, oiemu taunimanima ai baela, oi murimu ai bae raka; gadeadia ida emu ai bae hanai, bona bae toma henimu diho. noi henimu, baeto: Dirava na oi mo ida, idauna ta na lasi; asi dirava ta, ia mo sibona.
ISA 45:15 Momokani, oi na o noho hehunimu Diravana; Israel Diravana, Hahemauri Diravana.
ISA 45:16 Idia iboudiai na bae hemarai bona bae baia; kaivakuku ikaradia taudia na mai lalo-heḡonudia ida e raka heboumu.
ISA 45:17 A Israel na Iehova ese vada e hamauria, vada e hamauria hanaihanai; oi na basio hemarai bona basio baia, ela bona hanaihanai.
ISA 45:18 Badina be Iehova, guba ikarana Diravana, ini e gwau tomamu. Ia na Dirava; ia ese tanobada e hadaia bona oromana e henia, bona e haginia tutuka-tutuka; ia ese se karaia ḡau asi oromana, a haida ese bae noholaia totona e karaia. Ia na e tomu: Lau na Iehova; idauna ta na lasi.
ISA 45:19 Lau asina hereva hehuni dibura tanona ai; Iakob garana asina hamaorodia, asinato “Gabu asi oromana ai ba tahugu”. Lau Iehova na hereva momokanimu; hereva maoromaorona na gwauraiamu.
ISA 45:20 Basileia kwabukwabumui e, a hegogo mai; ba raka kahi hebou. Edia au kaivakukudia e loalaidiamu taudia na asi aonegadia; ihamauridia asi dibana diravana na idia ese e ḡuria louloumu.
ISA 45:21 Emui gini-kau herevana ba gwauraia hedinarai; idia ese bae henegalaia hebou. Ina na daika ese nega gunana ai e gwauraia? Daika ese idau nega ai e gwauraia hedinarai? Lau Iehova, ani? Asi dirava idauna ta, lau mo sibogu; Kara Maoromaoro Diravana, Hahemauri Diravana, idauna ta na lasi.
ISA 45:22 Tanobada dokodia iboumui ai, lau ba haḡeregu, bena ba mauri; badina be lau na Dirava, idauna ta na lasi.
ISA 45:23 Lau sibogu daigu ai vada na gwau hamata; basine lou herevana na kara maoromaoro ai lau udugu amo vada e lasi, e tomu “Lau vairagu ai tui iboudiai bae hadai, bona mala iboudiai bae gwau hamata”.
ISA 45:24 Bae herevalaigu, baeto: Kara maoromaoro bona goada na Iehova mo enai; e badu heniamu taudia iboudiai na ia dekena baema, bena bae hemarai.
ISA 45:25 Israel garana iboudiai na Iehova bagunai bae kwalimu, bona ia bae imodaia.
ISA 46:1 Bel e igo dihomu, Nebo e toma dihomu; kaivakukudia na doniki bona boromakau dorudiai; hari o loalaidiamu ḡaudia na tau-boera donikidia edia maduna metaudia ai vada o halaodia.
ISA 46:2 Idia na e toma dihomu, e igo dihomu, maduna metauna irauana na asi dibadia, a idia sibodia e laomu, vada bae ḡuidia.
ISA 46:3 Iakob ena iduhu e, Israel ena iduhu taumui kwabukwabumui e, a kamonai henigu! O vara dinana amo lau ese vada na abimui loaloa, sinamui bogadia amo vada na rosimui eva-eva;
ISA 46:4 ela bona ba iahu ai, lau na Ia; ela bona huimui bae buruka, lau ese baina rosimui eva-eva. Vada na karamui, vada baina abimui loaloa, baina rosimui eva-eva, bona baina hamaurimui.
ISA 46:5 Daika ida ba lalolaigu hebou, bena ba haheḡereḡeremai? Daika ida ba haerolaigu hebou, bena baia heḡereḡere?
ISA 46:6 Gold na moda amo e vaiamu bona silver na metau-hahetoho ḡauna ai e hahetohoamu taudia ese gold iḡaukaralaina tauna ta e vatuamu, bena ia ese dirava ta e karalaiamu; bena idia na e goru dihomu, e tomu henia dihomu.
ISA 46:7 Idia ese e abia isimu, pagadia ai e atoamu, e huaia laomu, bena gabuna ai e haginiamu; a unuseni ai e miamu, ena gabu amo basine raka oho diba. Ta ese baine tai henia, to ia na basine haere, bona hekwakwanai amo basine harohoa mauri.
ISA 46:8 Ina ba laloa tao bona ba haeroa; kerere taumui e, ba helalolaia une,
ISA 46:9 nega gunadia ḡaudia ba lalodia tao; badina be lau na Dirava, idauna ta na lasi; lau na Dirava, asi idaigu.
ISA 46:10 Matamana negana ai dokona na gwauraia, bona nega gunadia ai do asie vara ḡaudia na gwaurai guna; nato “Egu hahealo baine mia, bona egu lalo-hadai idoinai baina haḡuḡurua”.
ISA 46:11 Kasiri aniani manuna ta mairiveina kahana amo na boiria, bona egu hahealo tauna danu, tano daudau amo. Vada na hereva, bona anina baina havaraia; vada na laloa hata, bona baina karaia.
ISA 46:12 Lalo-auka taumui e, a kamonai henigu; irauamui dalana na daudau.
ISA 46:13 Lau ese rauaraua na vasilaiamu; ia na dia daudau; egu hahemauri na basine halahe; hahemauri na Siona ai baina atoa, bona hairaigu na Israel baina henia.
ISA 47:1 Babulono hane-ulato rami-hebouna e, aoma, gahu ai ba helai. Kaldea natuna hahinena e, tano ai ba helai, asi emu lohia helai ḡauna. Badina be tau-anina manada-manada bona aniani inonoḡadia ianidia hahinena na basie gwauraimu lou.
ISA 47:2 Huro nadidia avabi, uit ba idi patapata; vairamu iḡovalaina dabuana ba kokia; emu hahedoki ba doki oho, aemu bae ḡaḡae, sinavai amo ba turu hanai.
ISA 47:3 Asi ramimu bae itamu, emu hemarai baine hedinarai. Dava baina abia, tau ta basina bogaia hisi.
ISA 47:4 Ihamaurida Diravana ladana na Iehova Sabaota; ia na Israel ena Helaga Diravana.
ISA 47:5 Kaldea natuna hahinena e, asi reḡereḡemu a helai, dibura lalonai baola; badina be basileia ilohiadia hahinena na basie gwauraimu lou.
ISA 47:6 Egu bese taudia na badu henidia, ahugu na hamiroa; oi imamu ai na atodia, oi ese so bogadia hisi; emu maduna o hametaua herea, iahu latadiai.
ISA 47:7 Oi oto “Baina lohia hanaihanai”, taunabunai ini gau so lalodia, bona dokodia so lalo tao.
ISA 47:8 Taunabunai, moale iura-henina hahinemu e, ina hereva ba kamonaia. O helai namonamomu, lalomu ai o tomamu “Lau binai, idauna ta na lasi; lau na basina vabu, bona natugu ta basine mase”.
ISA 47:9 A ini ḡau rua na emu ai bae kau, nega tamona ai, dina tamona ai: ena be emu mea karadia na momo, bona emu babalau karadia na siahu-herea, to natumu edia mase bona emu vabu ese bae hametaumu herea.
ISA 47:10 Emu kara havara ai o noho namonamova oto; oto “Ta ese se itagumu”; emu aonega bona emu lalo-parara ese e hakaumu kerere; bona lalomu ai oto “Lau binai, idauna ta na lasi”.
ISA 47:11 A dika na oi latamu ai baine kau, basio hamamaia ahu diba; ala-ala na latamu ai baine diho, basio hamamaia ahu diba; hahebua-tari ese baine lasimu tao taku, asi dibamu ḡauna.
ISA 47:12 Emu babalau karadia ba kara balaheni, bona emu mea karadia danu, kekenimu negana amo vada o goadalai ḡaudia, bena readia anidia bae vara, bena taunimanima na ba hagaridia.
ISA 47:13 Emu hahealo taudia na hutuma dainai lalomu na e hekwarahimu; vada bae gini tore, bena bae hamaurimu. Idia ese guba e hahetohoamu, bona hisiu e orodiamu, bona hua matamata negadia ai e gwaurai hatamu, dahaka na emu ai baine vara.
ISA 47:14 A itaia, idia na rei kakoro na heto, lahi ese e aradia oremu; idia na lahi hururu-hururudia amo sibodia irauadia asi dibadia. Ina na dia gida, bena bae hegana; eiava lahi, bena badibadinai bae helai.
ISA 47:15 Oi ida vada o hekwarahi hebou taudia, kekenimu negana amo oi ida vada o gaukara hebou taudia, oiemu ai na unu heheto. Idia na e loa eva-evamu, ta ta ena dala ena dala ai, a oi na asi ihamaurimu ta.
ISA 48:1 Iakob iduhuna e, ina na a kamonai! Umui na Israel ladana o henemailaiamu, bona Iuda ese e havaramui. Umui na Iehova ladana ai o gwau hamatamu, bona Israel Diravana o gwauraia hedinaraimu, a dia hereva momokani ai bona dia kara maoromaoro ai.
ISA 48:2 Badina be sibomui hanua helaḡana o henemailaiamu, bona Israel Diravana enai o taomu; ia ladana na Iehova Sabaota.
ISA 48:3 Ḡau gunadia na idau nega ai na gwaurai hedinarai; herevadia na udugu amo e lasi, na hahedinaraidia; na karadia taku, bena e vara.
ISA 48:4 Badina be lau dibagu oi lalomu na auka, bona aiomu na auri, bona bagumu na auri labora-laborana.
ISA 48:5 Nega gunana amo emu ai na gwauraidia hedinarai, do asie vara ai na herevalai henimu, oi na baoto “Egu kaivakuku ese e karadia, egu dirava laulauna, e koroa ḡauna bona e hahetaria ḡauna, ese e haganilaidia”, na garina.
ISA 48:6 Vada o kamonai; harihari ina idoinai ba itaia; basio gwauraia hedinarai a? Ina negana amo lau ese ḡau matamatadia baina hamaorolaimu, ḡau hehunidia, do asi dibamu ḡaudia.
ISA 48:7 Harihari vada na havaradia, dia idau nega ai; ema bona ina dina, sivaraidia na so kamonai, baoto “A itaia, vada na dibadia” na garina.
ISA 48:8 Nega ta so kamonai, nega ta so diba, nega gunadia amo taiamu se kirara. Badina be lau dibagu oi na kara dibaka herea taumu, bona emu vara dinana amo gwau-edeede tauna e gwauraimuva.
ISA 48:9 Lau ladagu dainai egu badu na halahelaiamu, lau i'imodaigu dainai emu ai na laoa ahumu, basina negemu daure helaoreana.
ISA 48:10 A itaia, vada na haḡoevamu, a dia silver heḡereḡerena, hisihisi amuna ai vada na tohomu.
ISA 48:11 Lau sibogu daigu ai na karaiamu, lau sibogu daigu ai, badina be lau ladagu na ede bae hamiroa toma? Lau hairaigu na ta basina henia.
ISA 48:12 Iakob e, a kamonai henigu! Israel, na boiria tauna, a kamonai henigu! Lau na Ia; lau na gini-gunana; lau na gini-gabena danu.
ISA 48:13 Lau imagu ese tanobada badina e atoa, bona imagu idibana ese guba e idia roro; lau na boi henidiamu negadia ai, idia na e gini tore heboumu.
ISA 48:14 Umui iboumui ai, a hegogo, ba kamonai! Idia bogaragidia ai daika ese ini ḡau vada e gwaurai? Iehova ese ia e lalokau heniamu; ia ese iena lalo-hadai na Babulono latanai baine karaia, bona ia imana ese Kaldea taudia baine hadikadia.
ISA 48:15 Lau, lau sibogu, vada na hereva, vada na boiria, vada na hakaua mai, bona ena dala ai ena namo baina habadaia.
ISA 48:16 A raka henigu kahi, ina na ba kamonai: Matamana negana amo asina hereva hehuni; kara e vara negana amo lau na unuseni ai. Harihari Ḡaubada Iehova ese vada e siaigu, bona ena Lauma danu.
ISA 48:17 Iehova, Ihamaurimu Diravana, Israel ena Helaḡa Diravana, ini e gwau tomamu: Lau binai Iehova, emu Dirava; emu namo ihabadana dalana na hadibalaimumu, emu raka dalana namona ai na hakaumumu.
ISA 48:18 Egu haheḡani boma kamonai henidia bema namo; bena emu maino na sinavai ida bema heḡereḡere, bona emu kara maoromaoro na davara hurehuredia ida bema heḡereḡere;
ISA 48:19 oi garamu bema vara kone mirina na heto, bona oi vevemu miri dimuradia heḡereḡeredia; idia ladadia na basiema boio, bona lau vairagu ai basiema helalo nege.
ISA 48:20 Babulono amo ba raka lasi, Kaldea ba heautania; ina na ba gwauraia mai moale hisi-daena ida, ba gwauraia hedinarai; ba siaia lao ela bona tanobada dokona, baoto “Iehova ese ena hesiai tauna Iakob vada e hamauria”.
ISA 48:21 Ia ese tano ḡaḡaena ai e hakaudia hanai negana ai, idia na asie ranu mase; nadi-gini amo ia ese ranu e ha-arua, nadi-gini e botaia parara, bena ranu na e aru lasi.
ISA 48:22 Iehova na e tomu: Kara dika taudia na asi edia maino.
ISA 49:1 Kone tanodia e, a kamonai henigu! Gabu daudau amo vada oma taumui e, a hakala! Iehova ese boga amo vada e boirigu; sinagu bogana ai na nohova ai, e boi henigu;
ISA 49:2 Udugu na dare mataka-matakana heḡereḡerena ai e halaoa; ia imana ikerukeruna ai e hunigu. Ia ese e karagu, diba kimore-kimorena ta; ena diba pauana ai e hunigu.
ISA 49:3 E hamaorogu, eto: Oi na egu hesiai tauna Israel; i'imodaigu na oiemu ai baine hedinarai.
ISA 49:4 A lau nato: Vada na hekwarahi kava, goadagu vada na ha-orea kava, asi anina; gau tamona igwaurai-maorogu na Iehova enai, bona egu hahenamo ihalouna na egu Dirava enai.
ISA 49:5 Harihari Iehova na e herevamu; ia ese sinagu bogana ai e karagu, ena hesiai tauna ai bainala. Iakob na ienai baina haloua bona Israel taudia na ienai baina haboudia mai totona; ina be Iehova vairanai lau na mai imatauraigu, bona egu Dirava na egu goada ai vada e hahelao.
ISA 49:6 Ia eto: Egu hesiai tauna ai baola, Iakob iduhudia ba hatoredia isi, a Israel kwabukwabudia ba haginidia lou, una na ḡau pipikina; ese basileia idau-idau edia diari ai baina halaomu, egu hahemauri na tanobada dokona ai baine kau helaoreana.
ISA 49:7 E dadaraia hereamu, bese idau-idau ese e lalo dika henia badamu tauna, lohia edia hesiai tauna, na Iehova, Israel Ihamaurina bona ena Helaḡa Diravana, ese ini e gwau henia tomamu: Pavapava ese bae itaia, bena bae tore isi; lohia ese bae itaia, bena bae goru goru diho; Iehova dainai, badina be ia na momokani; Israel ena Helaḡa Diravana dainai, badina be ia ese vada e abimu hidi.
ISA 49:8 Iehova ini e gwau tomamu: Madi-namo negarla ai vada na haere henimu, hahemauri dinana ai vada na durumu; vada na narimu, taunimanima taravadia iatudia toana ai vada na halaomu, o ba hanamoa lou, bona e haḡaḡaea tanona na taunimanima ba hari henidia totona.
ISA 49:9 Iḡui taudia ba hamaorodia, baoto “A raka lasi”; dibura ai e nohomu taudia ba hamaorodia, baoto “A hedinarai”. Idia na dala ai bae aniani, bona ororo nemuka-nemukadia iboudiai latadiai aniani bae davaria.
ISA 49:10 Idia na basie hitolo bona basie ranu mase, lai siahuna eiava dina ese basine hahisidia; badina be e bogadia hisimu Diravana ese baine hakaudia, ranu gabudia badibadidiai baine hakaudia.
ISA 49:11 Lau ese ororo iboudiai na dala ai baina halaodia, bona egu laolao daladia bae lailaidia.
ISA 49:12 A itaia, ini na dauha amo baema; a itaia, ini na mirigini kahana amo bona lahara kahana amo baema; bona ini na Suene tanona amo baema.
ISA 49:13 Guba e, moale anedia avabi! Tanobada e, a moale hisi dae! Ororo e, ane a lada isi! Badina be Iehova ese ena bese na taudia vada e halodia, bona ena hisi-ani taudia na baine bogadia hisi.
ISA 49:14 A Siona eto “Iehova ese vada e rakatanigu; egu Ḡaubada ese vada e lalogu boio”.
ISA 49:15 Be! Mararoto hahinena ta ese e ubuamu merona baine laloa boio a? Ia bogana amo e vara merona basine bogaia hisi a? Oibe, unu idia na bae helalo boio readia; a lau ese oi basina lalomu boio.
ISA 49:16 A itaia, imagu palapaladia ai oi toamu vada na torea; oi maḡumu na lau vairagu ai vada e hedinarai louloumu.
ISA 49:17 Oi ihaginimu taudia ese ihabua-tarimu taudia na e hereadiamu, bona e havahumu taudia na emu amo e raka lasimu.
ISA 49:18 A gaga isi, ba roharoha, ba itaia; iboudiai na e heboumu, e vasimu. Iehova na e tomu: Lau na maurimu heḡereḡerena, oi ese iboudiai bavabidia, emu herahera ḡaudia; ba heralaidia, headava matamata hahinena ese e heralaimu na heto.
ISA 49:19 Momokani, emu gabu ḡaḡaedia, emu deḡedeḡe-rahu gabudia, emu tano, e havahua ḡauna, momokani, oi na ba maraḡi, basio heḡereḡere emu taunimanima ese bae noholaimu; bona e hadonomu taudia na dauhai bae noho.
ISA 49:20 Natumu, emu lalo-hisihisi negana ai e vara memerodia na taiamu lalonai bae hereva, baeto: Gabu na maraḡi egu ai; baina noholaia gabuna ba lailaia.
ISA 49:21 Bena lalomu ba hadaia, baoto: Ini na daika ese e havaradia egu? Vada na lalo hisihisi bona na gabani, dauhai e hanohogu bona e negegu daure, a ini be daika ese e ubudia? A itaia, lau na noho edeava; ini na ede amo vada ema?
ISA 49:22 Ḡaubada Iehova na ini e gwau tomamu: A itaia, imagu baina duduia isi, basileia idau-idau ediai, bona bese idau-idau na egu toa baina hahedinarai henidia; bena natumu mamaruanedia na kopadia ai bae mailaidia, bona natumu kekenidia na paḡadia ai bae ududia.
ISA 49:23 Pavapava ese bae reḡumu, bona pavapava hahinedia ese bae ubumu; tano ai bae goru diho, bae toma henimu diho, aemu ḡahudia bae demari. Bena vada ba diba lau na Iehova; lau bae narigu taudia na ta ese basine hahemaraidia.
ISA 49:24 Damu na goada tauna ena amo bae abia oho diba a? Lohia mai daḡedaḡena ena iḡui taudia bae ruhadia nege diba a?
ISA 49:25 Momokani, Iehova na ini e gwau tomamu: Goada tauna ena iḡui taudia na bae abidia oho, bona lohia mai daḡedaḡena damuna na bae hamauridia; badina be e heai henimumu taudia na lau ese baina heai henidia, bona natumu baina hamauridia.
ISA 49:26 E hahisihisimu taudia na lalodia baina ha-uradia, bena sibodia hidiodia bae ani, bona sibodia raradia bae inu kekero, vine ranuna amo bema kekero na heto. Bena taunimanima iboudiai na bae diba, lau na Iehova, oi Ihamaurimu, oi idavalaimu Diravana, Iakob ena Goada Diravana.
ISA 50:1 Iehova ini e gwau tomamu: Sinamu ena hekoho revarevana, na hadihoa negana ai na henia ḡauna, be edeseni ai? Eiava e henigu torehai bena enai na hoimu tauna be daika? A itaia, emu kara havara daidiai na hoimu, bona emu kerere daidiai sinamu na hadihoa.
ISA 50:2 Badina be dahaka nama negana ai tau ta se noho? Badina be dahaka na boiboi negana ai tau ta se haere? Imagu e tunamu bena basine hamaurimu diba a? Eiava asi siahugu baina harohomu mauri a? A itaia, egu gwaugwau amo davara na hakororoamu, bona sinavai na tano kaukauna ai na halaoamu; edia gwarume na e bodagamu, ranu ai e dabumu dainai e masemu.
ISA 50:3 Guba na korema-korema ai na hadabualaiamu, bona puse dabuadia ai na ḡovalaiamu.
ISA 50:4 E hadibadia taudia maladia na Ḡaubada Iehova ese e henigu, tau-boera tauna na egu hereva amo baina hagoadaia diba helaoreana. Daba ta ta amo e haogumu, taiagu e hakiraradiamu, e hadibadia taudia heḡereḡeredia ai baina kamonai helaoreana.
ISA 50:5 Ḡaubada Iehova ese taiagu vada e hakiraradia, bena asina gwau edeede, asina raka muri.
ISA 50:6 Dorugu na hebota taudia na henidia, bona vahagu na auki-huidia ibutudia taudia na mede henidia; vairagu na hemarai bona hekanudi amo asina hunia.
ISA 50:7 Badina be Ḡaubada Iehova ese e durugumu, una dainai asina baia; una dainai vairagu vada na ha-aukaia nadi-vasiga na heto, bona dibagu ta ese basine hahemaraigu;
ISA 50:8 igwaurai-maorogu tauna na eme kahikahi. Daika ese baine heai henigu? Baita tore isi hebou. Lau inaigu be daika? Baine raka kahi mai.
ISA 50:9 A itaia, Ḡaubada Iehova ese e durugumu; daika ese kereregu baine gwaurai? A itaia, iboudiai na bae mouka-mouka, dabua na heto; pitopito ese bae anidia ore.
ISA 50:10 Umui bogaragimui ai daika ese Iehova garina e garimu, bona ena hesiai tauna erena e kamonaimu? Daika na dibura ai e rakamu, asi ena diari, to Iehova ladana e abidadama heniamu, bona ena Dirava enai e tabe kaumu?
ISA 50:11 A itaia, umui lahi o ha-araiamu bona lahi tutudia o ha-aramu taumui! Emui lahi diarina ai ba raka, bona lahi tutudia diaridia ai danu. Lau imagu amo bavabia ḡauna binai: oi na hisi-ani ai ba hekure.
ISA 51:1 Umui haheroho-mauri o ḡavaiamu taumui, Iehova o tahuamu taumui, a hakala henigu! Enai e utumui nadina ba itaia, bona enai e ḡeimui gurina danu.
ISA 51:2 Tamamui Abraham ba laloa, bona e havaramui hahinena Sara danu; badina be ia na asi besena negana ai na boiria, bena na hanamoa, besena na hahutumaia.
ISA 51:3 Badina be Iehova ese Siona baine hamarumarua, ena gabu ḡaḡaedia iboudiai baine hamarumarudia, ena tano ḡaḡaena na Eden heḡereḡerena ai baine halaoa, ena tano kaukauna na Iehova ena uma heḡereḡerena ai baine halaoa; moale bona lalo-namo na ia lalonai bae davaridia, bona hahenamo bona ane gadodia danu.
ISA 51:4 Egu bese taumui e, a kamonai henigu! Egu basileia taumui e, a hakala henigu! Badina be taravatu ta na lauegu amo baine lasi, bona egu hahemaoro ḡoevaḡoeva na bese idau-idau edia diari ai bainela.
ISA 51:5 Egu haheroho-mauri na e kahi mai haraḡamu, egu hahemauri na vada e raka lasi, bona lau imagu amo bese idau-idau baina lohiadia. Kone tanodia na e narigumu, bona imagu dainai e helaromu.
ISA 51:6 Ba gaga dae, guba ba itaia; ba igo diho, tanobada ba itaia; badina be guba baine puki, kwalahu na heto, bona tanobada baine mouka-mouka, dabua na heto, bona inoholaina taudia na bae mase, namo na heheto; a egu hahemauri baine hesiriu hanaihanai, bona egu haheroho-mauri na basine doko ela bona hanaihanai.
ISA 51:7 Kara maoromaoro mai dibamui taumui, egu taravatu na lalomui ai e miamu taumui, a kamonai henigu! Taunimanima edia gwaugwau garina basio gari, bona edia heihi-ihirai herevadia daidiai kudoumui basie hetaha.
ISA 51:8 Badina be pitopito ese bae anidia ore, dabua na heto, bona gaigai-gaigai ese bae anidia, mamoe huina na heto; a lauegu haheroho-mauri na baine hesiriu hanaihanai, bona egu hahemauri ela bona uru iboudiai.
ISA 51:9 Iehova imana e, a helada isi, a helada isi, goada ba rioa! A helada isi, nega gunadia ai heḡereḡerena, sene taudia edia uru ai heḡereḡerena. Oi ese Rahaba o utua sisi-sisi ani? Oi ese gadobada gaigaina badana o gwadaia ani?
ISA 51:10 Oi ese davara o hakororoa bona dobu gabudia ranudia danu ani? Oi ese davara ena dobu gabudia na vada o hamauridia taudia edia raka-hanai dalana ai o halaoa ani?
ISA 51:11 Iehova ese vada e davalaidia taudia na bae lou mai, Siona baema mai anedia ida; moale hanaihanai na tubuadia ai baine mia, moale bona lalo-namo bae abi, lalo-hisihisi bona ḡanaḡana bae boio.
ISA 51:12 Lau binai taumui ihalodia tauna. Oi na daika, taunimanima, e masemu ḡauna, o gari heniamu? Oi na daika, taunimanima natuna, e hekaramu rei na heto ḡauna, o gari heniamu?
ISA 51:13 Oi na daika, Iehova, oi ikaramu Diravana, vada o laloa boio? Ia ese guba e idia roro, bona tanobada badidia e atodia. Oi na daika, dina idoinai o gari louloumu, hahehisi tauna ese ena badu dainai e hahebua tari matamamu negana ai? Hahehisi tauna ena badu garag-ara na edeseni ai?
ISA 51:14 Ena maduna ese e ha-igoamu tauna bae ruhaia nege haraḡa; ia na basine mase, guri ai basine diho, bona ana aniani basine ore.
ISA 51:15 Badina be lau na Iehova, emu Dirava; lau ese davara na haraivaraivamu, bena hurehuredia e gurumu. (Ia ladana na Iehova Sabaota).
ISA 51:16 Egu hereva na oi udumu ai vada na atodia, bona imagu ikerukeruna ai vada na hunimu; guba vada na idia roro, bona tanobada badidia vada na atodia, bona Siona vada na hamaoroa, nato “Oi na egu bese”.
ISA 51:17 Ierusalem e, a helada isi, a helada isi, a tore isi! Iehova imana amo ena badu keherena vada o inua; raraga keherena nurina na vada o inu ore.
ISA 51:18 Ia natuna, vada e havaradia memerodia, iboudiai bogaragidiai ta ese ia basine hakaua; ia natuna, vada e ubudia memerodia, iboudiai bogaragidiai ta ese ia imana ai basine abia.
ISA 51:19 Ini ḡau rua na emu ai vada e vara: daika ese taumu baine haloa? Gaudia be hahevahu bona hahebua-tari, doe bona dare: daika ese taumu baine haloa?
ISA 51:20 Oi natumu mamaruanedia vada e mase rea, ariara ta ta iduaradia ai e hekuremu, uda diana huo lalonai na heto; Iehova ena badu ediai e honu honu daemu, emu Dirava ena gwaugwau ediai e honu honu daemu.
ISA 51:21 Taunabunai, vada e hahisihisimui taumui e, vada o kekero (a dia vine ranuna amo) taumui e, ina na ba kamonai!
ISA 51:22 Emui Ḡaubada Iehova, emui Dirava, ena bese ena gini-kau herevana e gwauraiamu Diravana, ini e gwau tomamu: A itaia, lau ese raraga keherena na oi imamu amo vada na abia oho. egu badu keherena na basio inua lou;
ISA 51:23 bena e hahisihisimuimu taudia imadia ai baina atoa. Idia ese vada e hamaoromui, eto “Ba goru diho, bena latamui amo baia raka hanai”; bena umui ese dorumui na tano heḡereḡerena ai o halaoa, bona ariara heḡereḡerena ai danu, idia ese bae rakamui hanai totona.
ISA 52:1 Siona e, a helada isi, a helada isi, goadamu ba rioa! Ierusalem e, hanua helaḡana e, emu dabua herea-daedia ba hahedokilai! Badina be asie peritomedia taudia bona asie haheḡoeva taudia na oi lalomu ai basie raka vareai lou.
ISA 52:2 Ierusalem e, vada e guimu hanuana e, ḡahumu a heruirui oho, ba tore isi! Siona hahinemu e, e ḡuimu hahinena e, gadea na aiomu amo ba kokia oho!
ISA 52:3 Badina be Iehova ini e gwau tomamu: Asi davamui e hoimui, ma asi davamui bae hamaurimui.
ISA 52:4 Badina be Ḡaubada Iehova ini e gwau tomamu: Gunaguna egu orea taudia na Aigupto ela, unuseni ai bae noho totona; bona Asuria taudia ese e hahisihisidia, asi badina.
ISA 52:5 Iehova na e tomu: Harihari dahaka name davaria iniseni ai? Badina be egu orea taudia na e abidia oho, asi badina. Iehova ma e tomu: Edia lohia na e tai lolomu, bona dina idoinai lau ladagu e dadaraiamu.
ISA 52:6 Taunabunai egu orea taudia ese lau ladagu bae dibaia. Taunabunai una dina ai idia na bae diba, e herevamu tauna na lau. Lau na iniseni ai.
ISA 52:7 Hari namodia e mailaimu tauna aena na daka namo ororo latadiai! Ia ese maino herevadia e gwauraidia hedinaraimu, bona kara namo haridia namodia e mailaimu; hahemauri herevadia e haperedia rohorohomu, bona Siona e hereva heniamu, e tomu “Emu Dirava e lohiamu”.
ISA 52:8 A kamonai, emu gima taudia ese gadodia e habadadiamu, moale anedia e abi heboumu; badina be Iehova ese Siona e lou heniamu ai, idia na matana matana amo e heita hehenimu.
ISA 52:9 Ierusalem ena gabu ḡaḡaedia e, ane ba lada isi! Badina be Iehova ese ena orea taudia na taudia vada e halodia; ia ese Ierusalem vada e hamauria.
ISA 52:10 Iehova ese ia imana helaḡana vada e toia roro, basileia iboudiai vairadiai; bona ta'nobada dokodia iboudiai ese eda Dirava ena hahemauri bae itaia.
ISA 52:11 A raka oho, a raka oho, ena amo a raka lasi; ḡau mirona ta basio daua toho. Iehova ena nau, kibo, kehere o huamu taumui, ia bogaragina amo a raka lasi, ba haheḡoeva.
ISA 52:12 Badina be basio raka lasi haraḡa, bona basio heau lao; badina be Iehova na vairamui ai bainela, bona Israel Diravana na murimui igimana bainela.
ISA 52:13 A itaia, egu hesiai tauna ena namo baine habadaia, bae imodaia, bae abia isi; ia na atai herea gabuna ai baine noho.
ISA 52:14 Hutuma ese ia e hoalaia; ia ita-itana na vada e hadikaia, dia taunimanima ita-itana na heto, bona oromana vada e hadikaia, dia taunimanima natudia oromadia na heheto.
ISA 52:15 Taunabunai ia ese basileia momo baine hahoadia; pavapava ese ududia bae hakapudia ia dainai; badina be ta ese se hamaorolaidia ḡaudia na bae ita, bona asie kamonai ḡaudia na bae diba.
ISA 53:1 Vada ta kamonai herevana na daika ese vada e abia dae? Iehova imana na daika enai vada e hedinarai?
ISA 53:2 Badina be ia vairanai e vara isi, au matamatana ta na heto, bona au ramuna ta tano kaukauna ai na heto. Ia na asi oromana bona asi hairaina, bena baitama raraia; bona asi raho-namona, bena baitama ura henia.
ISA 53:3 Taunimanima ese e dadaraia bona e rakatania, lalo-hisihisi tauna, hisi-ani na mai dibana; bena taunimanima ese vairadia na ena amo e huniamu tauna ta na heto e dadaraia, bona asita lalo namo henia.
ISA 53:4 Momokani, ia ese eda hisi-ani vada e huahaida, bona eda lalo-hisihisi danu; ḡau tamona, ta helalolaia ia na vada e alaia tauna, Dirava ese vada e rahua mase bona vada e hahisihisia tauna.
ISA 53:5 Ita eda kerere daidiai e haberoa, bona ita eda kara havara daidiai e hahisihisia; ia e dadabaia dainai ita ese maino tame abia, bona ia berona daidiai ita ta maurimu.
ISA 53:6 Ita iboudai vada ta raka boio raka boio, mamoe na heheto, ta ta ena ura dalana ena ura dalana ai vada ta raka oho; bona Iehova ese ita iboudai eda kara dika na ia latanai vada e ato kau.
ISA 53:7 E daḡedaḡe henia bona e hahisihisia, to ia ese uduna se haḡaia; mamoe natuna na ialana gabuna e hakaua laomu na heto, eiava mamoe na huina iutuna taudia vairadiai e mumu na heto, ia ese uduna se haḡaia.
ISA 53:8 Daḡedaḡe bona hahemaoro ai e abia oho, bena ena uru ai daika ese e laloa ia na mauri taudia edia tano amo vada e negea daure bona egu orea taudia edia kerere daidiai vada e alaia?
ISA 53:9 Ena be ia ese ala-ala karana ta se karaia, bona hereva koikoina ta se gwauraia, to ena mase ai idia ese kara dika taudia ida e guria, bona taḡa tauna ida danu.
ISA 53:10 Ḡau tamona, Iehova ena ura dainai e haberoa; ia ese e hagorerea. Dika iabi-ohona boubouna ai baine hahelao negana ai, ia ese garana do baine itadia, bona ena mauri dinadia baine hahohodia. Iehova ena ura anina baine tubu ia imana ai;
ISA 53:11 ena lalo-hekwarahi anina baine itaia, bena lalona baine heḡereḡere. Iena aonega dainai kara maoromaoro tauna, egu hesiai tauna, ese hutuma na kara maoromaoro taudia baine gwauraidia, bona edia kara havara baine huahaidia.
ISA 53:12 Taunabunai, taunimanima badadia ida ahuna baina hari henidia, bona goada taudia ida e dadi kohudia bae hari; badina be ia ese maurina e bubua nege mase enai, bona kerere taudia ida e duahia hebou; ḡau tamona, ia ese hutuma edia kara dika e huahaidia, bona kerere taudia daidiai e noinoi.
ISA 54:1 Gabani hahinemu e, asi natumu hahinemu e, ane avabia! Nega ta hekamonai hisina so abia hahinemu e, ane ba lada isi, ba lolo badabada! Badina be Iehova na e tomu: Hane vado natuna-bae hutuma, a vada e headava hahinena natuna na basie hoho.
ISA 54:2 Emu dabua kalagana ba habadaia, emu kalaga dabuadia ba veridia roro; basio halahe, emu kwanau ba halatadia, bona emu ikoko ba ha-aukadia.
ISA 54:3 Badina be umui na ba pere rohoroho, idiba kahana ai bona lauri kahana ai, bona oi garamu ese basileia idau-idau bae abidia, bona vada e vahu hanuadia bae noholaidia.
ISA 54:4 Basio gari, badina be oi na basio hemarai; basio baia, badina be haida ese basie hahemaraimu; badina be eregabemu negana hemaraina ba laloa boio, bona vabumu negana hemaraina basio laloa une.
ISA 54:5 Badina be Ikaramu Diravana na oi adavamu, ia ladana na Iehova Sabaota; Israel ena Helaḡa Diravana na oi Ihamaurimu, tanobada idoinai Diravana e gwauraiamu.
ISA 54:6 Badina be Iehova ese vada e boirimu, vada e hadihoa bena lalona e hisihisimu hahinena na heto, eregabena ai e hadihoa hahinena na heto. Emu Dirava vada e herevamu.
ISA 54:7 Nega sisina mo na rakatanimu, a mai hebogahisi-badagu ida baina haboumu.
ISA 54:8 Egu badu e hepurai dobi dainai nega sisina lau vairagu na emu amo na hunia; a mia-hanaihanai helalokauna amo baina bogamu hisi. Iehova, Ihamaurimu Diravana, vada e herevamu.
ISA 54:9 Badina be ina na Noa ena nega na heto lauegu ai: lau na gwau hamata, Noa ena ranu ese tanobada basie utua dae lou nato, una heḡereḡerena vada na gwau hamata, basina badu henimu, bona basina gwau henimu.
ISA 54:10 Badina be ororo badadia na readia dauha baela, bona ororo maraḡidia na readia bae heabi oho, a lauegu hebogahisi ese basine rakatanimu, bona egu maino gwauhamatana na basine heabi oho. Iehova, e bogamu hisimu Diravana, vada e herevamu.
ISA 54:11 O hisihisimu, o hegure-heguremu hanuana, taumu asi ihalona hanuana, a itaia, emu nadinadi na puku nadidia bogaradiai baina atodia, bona badimu na sapairo nadidia amo baina kara;
ISA 54:12 kogemu na kadakodo nadidia amo baina kara, bona ikoukoumu nadi hururu-hururudia amo, bona emu haba idoinai dava-bada nadidia amo.
ISA 54:13 Natumu mamaruanedia iboudiai na Iehova ese baine hadibadia; oibe, natumu mamaruanedia edia noho na baine namo herea.
ISA 54:14 Kara maoromaoro ai do baina haginimu, hahehisi karana amo dauhai ba noho, badina be basio gari, bona hahegari karana amo danu, badina be basine kahi henimu.
ISA 54:15 Ta ese heiri-heiri bema havaraia, unu na dia lauegu amo; baine heiri-heiri henimu tauna na oi daimu ai baine moru.
ISA 54:16 A itaia, lau ese auri iḡaukaralaina tauna vada na karaia; ia ese lahi e hahururuamu, bena tuari ḡauna e karaiamu, bae tuarilaia helaoreana. Lau ese ala-ala tauna danu vada na karaia, hahebua-tari totona;
ISA 54:17 tuari ḡauna ta oi ihadikamu totona e karaiamu na ena ḡaukara anina basine vara; bona hahemaoro ai bae habadelaimu herevadia iboudiai na oi ese ba laodia ahu. Ina na Iehova ena hesiai taudia ahudia, bona igwaurai-maorodia lauegu amo. Iehova vada e herevamu.
ISA 55:1 E! Ranu mase taudia iboudiai ese ranu bae mai henia, bona asi ena moni tauna na bainema, baine hoihoi, baine aniani. Aoma, vine ranuna bona rata ba hoi, asi monina bona asi davana.
ISA 55:2 Dahaka dainai emui moni o negeamu, basio ania ḡauna davana, bona emui hekwarahi danu, boga basine hakunu ḡauna davana? A kamonai henigu balaheni, ḡau namodia bavani, aniani gaihona ba moalelaia.
ISA 55:3 Taiamui a hakala, lau dekegu baoma; a kamonai, laumamui bae mauri helaoreana; bena lau na umui ida baita hegwauhamata heheni, baine mia hanaihanai gwauhamatana, egu hebogahisi korikori David enai.
ISA 55:4 A itaia, lau ese hereva ihamomokanina tauna ai na halaoa, bese idau-idau ediai, bona bese idau-idau igunalaidia tauna ai, bona edia lohia ai danu.
ISA 55:5 A itaia, do asi dibamu basileiadia ba boiridia, bona asie dibamuva basileiadia na dekemu bae heau mai, Iehova, emu Dirava bona Israel ena Helaḡa Diravana, dainai; badina be ia ese vada e hahairaimu.
ISA 55:6 Iehova a tahua, doini ba davaria diba negana ai; a boi henia, ia na doini kahikahi negana ai.
ISA 55:7 Kara dika tauna ese ena dala baine rakatania, bona kara gageva-gageva tauna ese ena lalo-hadai baine rakatanidia, Iehova baine lou henia, bena ia ese baine bogaia hisi, eda Dirava baine lou henia, bena ia ese ena dika idoinai baine gwaua tao.
ISA 55:8 Badina be Iehova na e tomu: Lauegu lalo-hadai na dia emui lalo-hadai, bona lauegu dala na dia emui dala.
ISA 55:9 Badina be guba na tanobada daenai heḡereḡerena, lauegu dala na emui dala daediai, bona lauegu lalo-hadai na emui lalo-hadai daediai.
ISA 55:10 Badina be medu bona medu-hetarina na guba amo e dihomu na heto, bena asie dae loumu, a tanobada e haparipariamu, bena uma anidia e tubumu bona e tuhutuhumu, bena hadohado tauna ese uhe e davariamu, bona baine aniani e tomu tauna ese aniani e animu,
ISA 55:11 heḡereḡerena ai, lau udugu amo e lasimu herevana na unu baine heto, ia na basine lou henigu kava, a egu ura baine haḡuḡurua, bona dainai na siaia ḡauna ena namo baine habadaia.
ISA 55:12 Badina be moale ai ba raka lasi, bona maino ai bae hakaumui lasi; umui vairamui ai ororo badadia bona maraḡidia ese ane bae lada isi, bona tano paka audia iboudiai ese imadia bae patapata.
ISA 55:13 Au ginigini gabuna ai beroso auna baine vara, bona ava ḡiniḡini gabuna ai keroro auna baine tubu; bena unu na Iehova ihelalolaina ḡaudia ai baela, bona mia-hanaihanai toana, basine henege daure diba ḡauna.
ISA 56:1 Iehova ini e gwau tomamu: Hahemaoro ba karaia ḡoevaḡoeva, kara maoromaorodia ba kara; badina be asi vanahana egu hahemauri bainema, bona egu haheroho-mauri baine hedinarai.
ISA 56:2 Unu e kara tomamu tauna na namo, bona taunimanima natuna, e badinaia tarika-tarikamu tauna, danu. Ia ese dina helaḡa e badinaiamu, se hadikaiamu; bona imana e nariamu, kara dika ta baine karaia na garina.
ISA 56:3 Idau tauna Iehova ena orea lalonai vada e vareai na basineto “Iehova ese ena orea amo do baine bibigu tabe”; bona e taravaia tauna basineto “A itaia, lau na au kaukauna”.
ISA 56:4 Badina be Iehova ini e gwau tomamu: E taravadia taudia hahidaosi ese egu dina helaḡadia e badinadiamu, bona lalogu ihanamolaina ḡaudia e abidia hidimu bona egu taravatu e badinaia tarika-tarikamu, taudia na
ISA 56:5 lau ese egu ruma ai bona egu haba lalodiai pupuna ta bona lada ta baina henidia, natu-adora memerodia bona kekenidia ihereadia ḡaudia; lada mia-hanaihanaina baina henidia, bena edia amo basine boio.
ISA 56:6 Idau bese taudia Iehova ena orea ai vada e vareai, ia bae toma henia diho helaoreana bona Iehova ladana bae lalokau henia bona isiaina bae lao heni totona taudia, dina helaḡa e badinaiamu, asie hadikaiamu, bona egu taravatu e badinaia tarika-tarikamu, taudia iboudiai na
ISA 56:7 lau ese egu ororo helaḡana ai baina hakaudia dae, bona egu ḡuriḡuri rumana ai baina hamoaledia; edia ḡole-oho bouboudia bona edia boubou ḡaudia idau-idau na egu ihaboulaina patana ai baina abidia dae; badina be egu dubu na bese loḡora iboudiai edia ḡuriḡuri rumana bae gwauraia.
ISA 56:8 Ḡaubada Iehova, Israel bogaragina amo e luludia oho taudia e haboudiamu Diravana, e tomu “Lau ese ma haida ienai baina haboudia, na haboudia guna taudia ida”.
ISA 56:9 Umui tano paka boromadia na baoma, amui bavani, umui uda-ahu boromadia danu.
ISA 56:10 Ena gima taudia matadia na kekepulu, iboudiai na asi aonegadia; idia na sisia asi gadodia na heheto, asi kwaru dibadia; e nihimu, e hekuremu, mahuta e ura henia lalo-dikamu.
ISA 56:11 Sisia na e gadodiamu, bogadia asie kunumu; mamoe ireḡudia taudia danu lalodia asie pararamu, iboudiai na sibodia edia dala ai e raka sirimu, iboudiai ta ta sibona ena namo sibona ena namo ihabadana e tahuamu, ta se dabumu.
ISA 56:12 Idia na e tomu: Aoma, vine ranuna baita abia, inuinu ḡauna goadana baita inua doroka-doroka; bena kerukeru na hari dina ida baine heḡereḡere, bada bona bada herea.
ISA 57:1 Kara maoromaoro tauna e masemu negana ai, ta ese se laloamu; Dirava e matauraiamu taudia na e heabi ohomu negana ai, ta lalona se pararamu. Badina be kara maoromaoro tauna na hahehisi ḡaudia amo e heabi ohomu,
ISA 57:2 bona maino ai e vareaimu; edia kara maoromaoro ai e rakamu taudia na edia mahuta patadia latadiai laḡadia e animu.
ISA 57:3 A umui, mea hahinena natuna mamaruanemui, heuda-hanai tauna bona ariara hahinena ese e havaramui taumui, ini a raka mai.
ISA 57:4 Daidia o hevasehalaidiamu? Daidia ihadikadia totona udumui o hahaḡa henidiamu, bona malamui o toi lasimu? Umui na dia kara kerere taudia natudia a? Umui na dia kara koikoi ese e havaradia taudia a?
ISA 57:5 Umui na oak imeadia ai o mata bodagamu, bona au mauridia iboudiai henudiai danu, ani? Umui ese natumui na koura ai o aladia masemu, bona nadi kohuadia ai danu, ani?
ISA 57:6 Oi ahumu na koura nadidia manada-manadadia bogaragidiai; momokani, idia na oi ahumu; inuinu boubou ḡauna vada o seia ediai, bona flaoa boubou ḡauna vada o mailaia. Lalogu na baine keru unu ḡau daidiai a?
ISA 57:7 Ororo badana bona ḡaulatalatana dorinai emu mahuta patana vada o atoa; unu o dara dae lao, emu boubou ḡauna ihahelaḡana totona.
ISA 57:8 Iduara bona iduara ihua-ihuana muridiai, emu toa ḡauna vada o haginia; badina be vada o rakatanigu, emu mahuta ḡauna vada o lailaia, vada o dae henia, lababana vada o habadaia; idia ida vada o gwau hamata, edia mahuta patana vada o ura henia, ḡaḡaedia ai vada o itadia.
ISA 57:9 Dehoro o abia kau, Molek dekena ola, emu muramura mai bonadia danu o hahohodia; emu gwaukau taudia na dauha o siaidia lao, oibe, o siaidia diho, mase taudia edia dirava ediai.
ISA 57:10 Emu dala na daudau dainai o hesiku, to asioto “Asi helarona”; emu goada o hamatamataia, taunabunai taumu se manori.
ISA 57:11 Daika o gari henia? Daika garina o gari bena o koikoi, bona so lalogu tao, so lalogu une? Nega daudau lau asina hereva, taunabunai lau garigu so gari, a?
ISA 57:12 Emu lalo-maoromaoro bona emu kara baina herevalaidia, to idia ese basie durumu.
ISA 57:13 Ba tai lolololo negana ai, emu kaivakuku iboudiai ese bema hamaurimu; a idia na lai ese baine odadia oho, hodahoda ta ese baine abidia oho dauhai. A egu ai baine roho mauri tauna ese tano baine ḡaunaia, bona egu ororo helaḡana baine abia, ia ahuna.
ISA 57:14 Baeto: A larebaia, a larebaia; dala avabia heḡaeḡae; helao-ahu ḡaudia iboudiai na egu orea taudia edia dala amo avabi oho.
ISA 57:15 Badina be Atai bona Herea-dae Diravana, e noho hanaihanaimu bona ladana na helaḡa Diravana, ini e gwau tomamu: Lau na atai bona helaḡa gabuna ai na nohomu, bona e helalo kerehaimu bona e lalo manaumu tauna ida danu, lalo-manau tauna laumana baina haloua bona e helalo kerehaimu tauna lalona baina haloua helaoreana.
ISA 57:16 Badina be basina heai hanaihanai, bona basina badu hanaihanai; badina be lauma na lauegu amo e lasimu, bona mauri laḡana na lau ese vada na havaraia.
ISA 57:17 Ena mata-ḡaniḡani ai e kara havara dainai na badu, na rahua mase, vairagu na hunia, na badu; a ia na e roha muri havara-havara, ia sibona lalona ena ura heḡereḡerena.
ISA 57:18 Ena kara vada na itadia, to baina hanamoa lou, baina hakaua bona tauhalo baina henia; e tailaiamu taudia ediai udu bibinadia anidia baina havaradia.
ISA 57:19 Iehova na e tomu: Maino, maino, gabu daudau taudia bona gabu kahikahi taudia ediai; bona lau ese baina hanamoa lou.
ISA 57:20 A kara dika taudia na davara hurehurena na heto, ia na basine laḡa ani diba, bona ena hurehure ese e hanurika-nurikaiamu bona e haduhuamu.
ISA 57:21 Egu Dirava na e tomu: Kara dika taudia ediai maino se miamu.
ISA 58:1 A boi lolo, udumu basio hakapua, gadomu ba habadaia, kibi na heto; egu orea taudia na edia kerere ba hadibalaidia, Iakob iduhuna taudia na edia dika ba hadibalaidia.
ISA 58:2 Ḡau tamona, idia na dina iboudiai e tahugumu, egu dala idibadia e moalelaiamu, kara maoromaoro e karamu bona edia Dirava ena taravatu se rakataniamu besena na heto; hahemaoro ḡoevaḡoevadia egu ai e noimu, bona Dirava iraka-kahi-henina e moalelaiamu.
ISA 58:3 E tomu: Dahaka dainai ai vada a anivaga, a oi ese so itaia? Dahaka dainai ai vada a hahemanau, a oi ese so dibaia? A itaia, emui anivaga dinana ai sibomui emui ura o tahuamu, bona emui ḡaukara taudia iboudiai o hahisihisidiamu.
ISA 58:4 A itaia, o anivagamu lalodiai o heaimu bona o heatumu mo, bona imamui kahu-kuborodia dikadia amo o hetutumu. Ina dina ai unu o anivaga tomamu dainai, gadomui na atai ai basie hekamonai:
ISA 58:5 Lau na abia hidimu anivagana binai a: tau ta sibona baine hahemanau, bona kwarana baine ha-igoa diho, hido helouna na heto, bona henunai puse dabuadia baine laha bona kahu baine ḡiḡi? Ina na anivaga dinana bona Iehova ese baine abia dae dinana ba gwauraia a?
ISA 58:6 Lasi, vada na abia hidi anivagana binai ani: kara dika iḡuidia ba ruhadia, bona maduna varodia danu; e hahisihisidiamu taudia na ba ruhadia nege, bona maduna iboudiai ba hakwaidudia?
ISA 58:7 Hitolo taudia ida amu aniani ba haria, bona ogoḡami taudia asi edia ruma na emu ruma ai ba hakaudia vareai, ani? Asi ena dabua tauna ba hadabualaia, bona varavaramu edia amo basio komu, ani?
ISA 58:8 Una negana ai emu diari baine hedinarai, daba e kiniamu na heto, bona ihanamo-loumu baine haraḡa; emu kara maoromaoro na vairamu ai bainela, bona Iehova hairaina na murimu igimana ai bainela.
ISA 58:9 Bena ba boiboi, bona Iehova baine haere; ba tai henia, bena ia baineto “Lau o ina”. Bogaragimui amo maduna boma abia oho, bona heduanai mataka-mataka bona hereva dikadia danu;
ISA 58:10 sibomui boma hebubu dua, hitolo taudia daidiai, bona hisi e animu taudia na edia ura ḡaudia ba henidia; bena emu diari na dibura ai baine hedinarai, bona emu vabura na dina tubua ai bainela.
ISA 58:11 Iehova ese baine hakaumu hanaihanai, bona ḡau namodia amo emu ura baine haḡuḡurua, bona turiamu baine ha-aukadia; bena e dairia louloumu umana heḡereḡerena ai baola, ranu-lohilohi gabuna, ranuna se kororomu ḡauna, na heto.
ISA 58:12 Emui hanua gunadia, vada e vahu ḡaudia, na bae hahegini lou, bona uru momo ba havaradia matama; bae gwauraimu “e ḡiḡi dobi gabuna ibanina tauna”, bona “taunimanima edia noho gabudia ihagini-loudia tauna”.
ISA 58:13 Dina Helaḡa ai aemui boma naridia, bona sibomui emui ura basioma kara egu dina helaḡana lalonai; bona Dina Helaḡa na moale dinana bona Iehova ena dina helaḡana na hemataurai dinana boma gwauraia; boma matauraia, sibomui emui dala ai basioma raka, sibomui emui ura basioma tahua, bona basioma hereva kava hereva kava;
ISA 58:14 bena Iehova ba moalelaia, bona lau ese tanobada ena gabu badadia ai baina hakaumui; senemui Iakob ahuna amo baina ubumui, badina be Iehova uduna vada e hereva.
ISA 59:1 A itaia, Iehova imana bema tuna, ia na basinema hahemauri diba, to se tunamu; eiava taiana bema kudima, ia na basinema kamonai diba, to se kudimamu.
ISA 59:2 A emui kara havara ese umui bona emui Dirava vada e hapararamui; bona emui kara dika ese ia vairana na emui ai vada e hunia; taunabunai ia na se kamonaimu.
ISA 59:3 Badina be imamui na rara ese vada e hamirodia, bona imamui kwakikwakidia danu kara havara ese; udumui bibinadia ese hereva koikoidia vada e gwaurai, bona malamui ese dika e hemudumalaia.
ISA 59:4 Asi tauna ta e hahebade maoromaoromu, asi tauna ta e hahemaoro momokanimu; idia na hereva asi anidia ai e taomu, bona e hereva koikoimu; kara koikoi e lalo hatamu, bona kara havara e havaramu.
ISA 59:5 Duba gatoidia e hapapadiamu, bona magera valavalana e karaiamu; gatoidia e animu taudia na e masemu, bona e moia taomu gatoina amo derekaka na e lasimu.
ISA 59:6 Valavaladia na basie heḡereḡere hahedoki ḡaudia; e karamu ḡaudia na taunimanima ese basie hahedokilai. Edia ḡaukara na kara havara, bona ala-ala karadia na imadia ai.
ISA 59:7 Aedia ese dika e heau heniamu, bona asi edia kerere taudia raradia na e hahebubudia haraḡaharaḡamu; edia lalo-hadai ai kara dika e lalolai hadaimu, hahevahu bona hahebua-tari na edia laolao daladia ai.
ISA 59:8 Maino dalana na asi dibadia, bona edia dala lalodiai hahemaoro ḡoevaḡoeva na lasi; idia ese edia dala vada e hagagevadia, bona unu dala lalodiai e rakamu taudia iboudiai na maino asi dibadia.
ISA 59:9 Taunabunai, ai emai ai hahemaoro ḡoevaḡoeva na dauhai, bona kara maoromaoro ese se lasimai taomu; diari a tahuamu, a dibura mo a itaiamu, diari paitapaitana a tahuamu, a vabura ai a rakamu.
ISA 59:10 Haba a darahuamu, mata-kepulu taudia na heheto, a hedarahumu, asi matadia taudia na heheto; dina tubua ai a hetutuhimu, adorahi mairumairuna ai na heto, goada korikori taudia bogaragidiai ai na mase taudia na heheto.
ISA 59:11 Ai iboumai ai na bea heḡereḡeredia a ḡoumu; a tai louloumu, pune na heheto. Hahemaoro ḡoevaḡoeva a tahuamu, to asi ḡauna; hahemauri a tahuamu, to ia na dauhai.
ISA 59:12 Badina be emai kerere na momo herea oi vairamu ai, bona emai kara dika ese e habadelaimaimu; emai kerere na emai ai mimia, bona emai kara havara dibamai.
ISA 59:13 A kereremu, Iehova a ḡoreamu, emai Dirava igavana amo a raka ohomu; hahehisi bona daḡedaḡe karadia a herevalaimu, hereva koikoidia a havaradiamu, bona lalomai amo a gwauraimu.
ISA 59:14 Hahemaoro ḡoevaḡoeva vada e lou, bona kara maoromaoro na dauhai e ginimu; badina be hereva momokani na hanua ariaradia ai vada e moru, bona hereva maoromaoro na basine raka vareai diba.
ISA 59:15 Hereva momokani na se miamu, bona dika e rakataniamu tauna na sibona damuḡa ai e hahelao. Iehova ese e itaia, bena baduna e badu, hahemaoro ḡoevaḡoeva na lasi dainai.
ISA 59:16 E itaia, asi tauna ta noho, e hoa, badina be asi helao-ahu tauna ta; bena sibona imana e kwalimu, bona ena kara maoromaoro ese e imudaia.
ISA 59:17 Kara maoromaoro na e dokia, kemena aurina, bona hahemauri na kwarana ai e atoa, ena kwara ḡauna; dika davana ihalouna e hahedokilaia, ena dabua, bona badu e hetarulaia, ena dabua badana.
ISA 59:18 Edia kara heḡereḡeredia ai ia ese davadia baine henidia, badu na e heai heniamu taudia ediai, bona dava ihalouna na e inai heniamu taudia ediai; bona kone tanodia ediai danu dava baine haloua.
ISA 59:19 Taunabunai, lahara kahana amo Iehova ladana bae gari henia, bona dina-dae kahana amo ia hairaina garina bae gari; badina be utu-utu heḡereḡerena ai bainema, Iehova ena lai ese e ha-utua daemu ḡauna.
ISA 59:20 Iehova na e tomu: Ia na Siona bainema, taunimanima ihamauridia totona, bona Iakob ena iduhu ai hahidaosi ese edia kerere bae rakatanidia taudia ediai danu.
ISA 59:21 Iehova na e tomu, Ina na egu gwauhamata idia ediai: lau laumagu oi latamu ai bona egu hereva oi udumu ai vada na ato ḡaudia ese udumu basie rakatania, bona natumu ududia bona garamu ududia basie rakatanidia, ina nega amo ela bona hanaihanai. Iehova na e herevamu.
ISA 60:1 A tore isi, a diari-diari, badina be emu diari vada e kau, bona Iehova hairaina na emu ai vada e tata dae roha,
ISA 60:2 Badina be dibura ese tanobada baine gorua ahu, dibura ḡabora ese tanobada besedia baine gorudia ahu; a Iehova na oiemu ai baine tata dae roha, bona ia hairaina na emu ai baine hedinarai.
ISA 60:3 Bese idau-idau ese diarimu bae mai henia, bona pavapava ese emu tata-dae-roha diarina ai baema.
ISA 60:4 Ba roharoha, ba itaia, idia na e heboumu, e vasimu; natumu mamaruanedia na dauha amo baema, bona natumu kekenidia na bae dagiradia.
ISA 60:5 Do ba itaia, bena vairamu baine hairai, bona lalomu baine haraḡa-haraḡa moale dainai; badina be davara anina loḡora na emu ai bae mailai, bona basileia idau-idau edia taḡa na emu ai bae kau.
ISA 60:6 Kamelo hutuma bada ese emu tano bae hahonua, Midian bona Efa edia kamelo natudia; bona Sieba ena iboudiai danu baema. Idia ese gold bona muramura mai bonana bae hua mai, Iehova ihanamona bae gwauraia hedinarai.
ISA 60:7 Kedara ena mamoe seridia iboudiai na emu ai bae haboudia, Nebaioto ena mamoe mamaruanedia ese oi isiaimu bae lao heni; egu ihaboulaina patana baema negana ai baina abidia dae, bona egu dubu herea-daena hairaina baina habadaia.
ISA 60:8 Ini be daidia, ori na heto e heaumu, eiava pune ese edia ruma gaba-maurudia e roho henimu na heto?
ISA 60:9 Badina be kone tanodia ese bae narigu, Tarasisi lagatoidia bae guna; natumu mamaruanedia na dauha amo bae mailaidia, mai edia silver bona edia gold ida danu, Iehova, emu Dirava, ladana dainai, Israel ena Helaḡa Diravana bagunai; badina be ia ese vada e hahairaimu.
ISA 60:10 Idau bese taudia ese maḡumu baine larebadia, edia pavapava ese isiaimu bae lao heni; badina be egu badu ai na rahumu mase, to egu lalo-namo ai vada na bogamu hisi.
ISA 60:11 Emu ikoukou bae hekeho hanaihanai, dina ai bona hanuaboi ai basie hekou; bena taunimanima ese basileia idau-idau edia taḡa na dekemu baemailai, bona iru ta ta ai edia pavapava bae hakaudia mai.
ISA 60:12 Badina be isiaimu basine lao heni besena eiava basileiana na baine mase; unu bese na bae hebua tari vaitani.
ISA 60:13 Lebanon hairaina na emu ai baine kau, beroso bona tidara bona teasuru audia, egu gabu helaḡana ihahairaina totona; bona aegu gabuna hairaina baina habadaia.
ISA 60:14 E hahisihisimuva taudia natudia na oi vairamu ai bae igo diho, bona e dadaraimuva taudia iboudiai na oi aemu badidiai bae toma diho; bae gwauraimu “Iehova ena Hanua, Israel ena Helaḡa Diravana ena Siona”.
ISA 60:15 Vada e rakatanimu bona e inai henimu, bona ta na lalomu amo se raka hanai; to lau ese lohia hairaina do baina henimu, emu ai baine mia hanaihanai, bona uru uru iboudiai moaledia ai baina halaomu.
ISA 60:16 Basileia idau-idau ratadia ba inu, pavapava ratadia ba topo; bona ba diba, lau Iehova na Ihamaurimu Diravana, oi Irauamu, Iakob ena Goada Diravana.
ISA 60:17 Auri labora-labora ibolona ai gold baina mailaia, bona auri ibolona ai silver; au ibolona ai auri labora-labora baina mailaia, bona nadi ibolodia ai auri. Maino na baina henimu, baine itamu tao, bona kara maoromaoro baina henimu, baine biagumu.
ISA 60:18 Ala-ala reḡedia basio kamonai lou emu tano ai, eiava hahevahu eiava hahebua-tari emu hetoa lalodiai; emu maḡu ladadia ba hato “Hahemauri”, bona emu ikoukou “Heimodai”.
ISA 60:19 Dina ese basine hadiarimu lou dina ai, eiava hua kiama-kiamana ese basine hadiarimu hanuaboi ai; a Iehova na emu mia-hanaihanai diarina ai bainela, bona emu Dirava na hairaimu ai bainela.
ISA 60:20 Emu dina na basine diho lou, bona emu hua diarina na basine maraḡi lao, badina be Iehova na emu mia-hanaihanai diarina ai bainela, bona emu tai dinadia bae ore.
ISA 60:21 Emu taunimanima iboudiai na bae kara maoromaoro, tano na bae ḡaunaia hanaihanai, na hadoa uhena, lau imagu ḡaukarana, lau bae imodaigu totona.
ISA 60:22 Gabe tauna na iduhu ta ai bainela, bona maragi-maragina na bese badana mai goadana ai bainela. Lau binai Iehova; negana korikorina ai lau ese baina havaraia haraḡa.
ISA 61:1 Ḡaubada Iehova ena Lauma ese e rohegumu, badina be Iehova ese vada e horogu, hisi e animu taudia dekediai hari namodia baina mailai totona. Ia ese vada e siaigu, dara-doko taudia taudia ihalodia bona iḡui taudia iruha-negedia bona dibura rumana ai e hekoumu taudia ikehodia baina gwaurai totona.
ISA 61:2 Vada e siaigu, Iehova ena hahenamo laḡanina bona dika idavalaina dinana, eda Dirava ena, baina gwaurai, bona taitai taudia iboudiai taudia baina halodia totona.
ISA 61:3 Vada e siaigu, Siona ai e taitaimu taudia iboudiai na herahera iturina baina henidia, kahu ibolona, bona moale dehorona, taitai ibolona, bona heimodai dabuana, lalo-manoka ibolona; bena kara maoromaoro audia bae gwauraidia, Iehova ese e hado ḡaudia, ia bae imodaia helaoreana.
ISA 61:4 Idia ese idau nega ai e heḡiḡi dobi rumadia na bae haginidia lou, bona e vahu guna gabudia na bae hamatamatadia; bona e heḡiḡi dobi hanuadia na bae hanamodia lou, uru momo lalodiai vada e vahu ḡaudia.
ISA 61:5 Idau taudia na bae gini, emui mamoe seridia bae ubudia, idau bese taudia na emui tano iruadia bona emui vine ireḡudia taudia ai baela;
ISA 61:6 a umui na Iehova ena hahelaḡa taudia bae gwauraimui, bae herevalaimui, eda Dirava isiaina ilao-henina taumui; basileia idau-idau edia taḡa ai bavaniani, bona edia kohu namodia iabidia ai ba heaḡi.
ISA 61:7 Emui hemarai ibolona na ahumui rua bavabi, bona idadaraimui ibolona na ahumui ba moalelai; taunabunai emui tano ai ahumui rua bavabi, bona moale hanaihanai na emui ai baine mia.
ISA 61:8 Badina be lau Iehova ese hahemaoro ḡoevaḡoeva na ura heniamu, bona dadidadi karadia bona kara dikadia na inai henimu; lau ese davadia baina henidia mai momokanigu ida, bona mia-hanaihanai gwauhamatana baina henidia.
ISA 61:9 Garadia haridia na basileia idau-idau bogaragidiai bae hedinarai, bona vevedia haridia danu bese idau-idau bogaragidiai; bae itadia taudia iboudiai ese bae herevalaidia, baeto, idia na Iehova ese vada e hanamodia taudia.
ISA 61:10 Lau ese Iehova baina moalelaia bada, lau laumagu-ese egu Dirava baine heaḡilaia; badina be ia ese hahemauri dabuadia ai vada e hadabualaigu, bona kara maoromaoro dabuana ai vada e hatarulaigu, headava matamata tauna ese herahera iturina amo sibona e heralaimu bona headava matamata hahinena ese herahera nadidia amo sibona e heralaimu na heheto.
ISA 61:11 Badina be tano ese tuhutuhu e havaradiamu bona uma ese ia lalonai e hado ḡaudia e hatubudiamu na heto, Ḡaubada Iehova ese kara maoromaoro bona heimodai na unu baine hatubudia toma, bese iboudiai variadiai.
ISA 62:1 Siona dainai lau udugu basina hakapua, bona Ierusalem dainai laḡagu basina ania, ela bona ia igwaurai-maorona baine lasi, diari na heto, bona ia ihamaurina, kede na heto.
ISA 62:2 Basileia idau-idau ese oi igwaurai-maoromu bae itaia, bona pavapava iboudiai ese oi hairaimu bae itaia; bona lada matamatana bae hahenemailaimu, Iehova uduna ese baine heni ladana.
ISA 62:3 Oi na kwara ihavavalaina ḡauna mai hairaina ai baola, Iehova imana ai, bona pavapava kwarana ihavavalaina ḡauna ai, emu Dirava imana ai.
ISA 62:4 Oi ladamu basie hatoa lou “Vada e rakatania”, bona emu tano basie gwauraia lou “Vada e vahu”; a oi ladamu bae hatoa “Na moalelaiamu”, bona emu tano bae gwauraia “Vada e headava”; badina be Iehova ese oi e moalelaimumu, bona emu tano na baine headava.
ISA 62:5 Badina be tauhau ese hane-ulato rami-hebouna e adavaiamu na heto, oi Ihaginimu Tauna ese baine adavamu; bona headava matamata tauna ese adavana e moalelaiamu heḡereḡerena, emu Dirava ese unu baine moalelaimu toma.
ISA 62:6 Ierusalem e, gima taudia vada na atodia heḡaeḡae, oiemu maḡu latadiai; dina idoinai bona hanuaboi idoinai idia na eredia basie kuma. Umui Iehova o hahelaloa une taumui, basio laḡa ani,
ISA 62:7 bona basio halaḡaia ani, ela bona ia ese Ierusalem baine haginia, auka, bona heimodai ḡauna ai baine halaoa tanobada ai.
ISA 62:8 Iehova ese imana idibana bona imana mai goadana daidiai vada e gwau hamata, eto: Lau ese emu uit na oi inaimu basina ubulaidia lou, bona idau taudia ese emu vine ranuna, o hekwarahilaia ḡauna, na basie inua,
ISA 62:9 a e gogoamu taudia ese bae ania, bena Iehova bae imodaia, bona e habouamu taudia ese bae inua, egu gabu helaḡana ikoudia ai.
ISA 62:10 A raka vareai, ikoukou amo a raka vareai, taunimanima edia dala a heḡaeḡaelaia; laolao dalana a haḡoevaia, a haḡoevaia, nadi na ba gogo oho; pepe a duduia isi bese idau-idau daediai!
ISA 62:11 A itaia, Iehova ese vada e gwauraia hedinarai ela bona tanobada dokona, eto, Siona hahinena ba hamaoroa, baoto: A itaia, ihamaurimu na e maimu; a itaia, ena dava na ia ida, bona ena ahu na ia vairanai.
ISA 62:12 Idia ladadia bae hato “Orea helaḡana, Iehova ese vada e rauadia taudia”; bona oi ladamu bae hatoa “E tahuamu, se rakataniamu, hanuana”.
ISA 63:1 Una na daika Edom amo e maimu? Daika mai dabuana kakakakana ida Bosra amo e maimu? Mai dabuana herea-daedia bona mai goada bada-hereana ida e rakamu tauna be daika? Tauna na lau, igwaurai-maorona na gwauraimu; mai siahugu ida baina hahemauri.
ISA 63:2 Dahaka dainai emu dabua na kakakaka, bona emu hahedoki na vine huahuadia e moimoilaimu tauna ena dabua heḡereḡeredia?
ISA 63:3 Sibogu vine huahuadia vada na moimoilai; asi tauna ta lau ida, bese idau-idau edia amo. Egu badu ai na moimoilaidia, egu badu ḡaraḡara ai na moidia tao; edia mauri raradia ese egu hahedoki vada e nevaridia, egu dabua iboudiai vada na hamirodia.
ISA 63:4 Badina be dika davana ikarana dinana na lalogu ai e miava, bona egu raua-raua laḡanina vada e kau.
ISA 63:5 Lau na roha lao, to asi idurugu ta; daragu e doko, to asi imudagu ta; taunabunai, sibogu imagu amo kwalimu na abia, bona egu badu ḡaraḡara ese e imudagu.
ISA 63:6 Egu badu ai bese idau-idau na moidia tari, egu badu ḡaraḡara amo na hakekerodia, bona edia mauri raradia na tano ai na hahebubudia.
ISA 63:7 Iehova ena hebogahisi baina herevalaia, bona Iehova i'imodaina danu, Iehova ese vada e henida ḡaudia iboudiai heḡereḡeredia, bona Israel besena ihanamodia karadia badadia danu, ia ese vada e henidia ena hebogahisi heḡereḡerena, ena lalokau bada-hereana heḡereḡerena.
ISA 63:8 Badina be ia eto “Momokani idia na lauegu bese, lau natugu, basie kara koikoi”; bena ia na Ihamauridia Diravana ai ela,
ISA 63:9 edia hisihisi iboudiai ia ese e hisihisilai, bona ia vairana amo ema aneruna ese e hamauridia; ena lalokau bona ena hebogahisi ai ia ese e rauadia, nega gunadia iboudiai lalodiai ia ese e abidia isi bona e dosidia.
ISA 63:10 A idia na e daḡedaḡe, bona iena Lauma helaḡana e hahisihisia; taunabunai, ia na e kerehai, adia inai tauna ai ela, ia sibona ese e tuari henidia.
ISA 63:11 Bena ia ese nega gunadia e helalolai une, ena hesiai tauna Mose negana. Ena mamoe serina ireḡuna tauna na davara lalona amo e hakaua dae Diravana be edeseni ai? Ena Lauma helaḡana idia bogaragidiai e atoa,
ISA 63:12 bona ia imana herea-daena ese Mose imana idibana e bamoava, bona vairadiai ranu e hapararadia, mia-hanaihanai ladana ta sibona baine abia totona,
ISA 63:13 bona dobu gabudia amo e hakaudia hanai, Diravana be edeseni ai? Hosi tano ḡaḡaena ai na heto, idia na asie hetutuhi;
ISA 63:14 boromakau koura ai e hekei dihomu na heheto, Iehova ena Lauma ese laḡadia e ha-ani. Taunabunai oi ese emu bese taudia o hakaudia, lada herea-daena sibomu bavabia totona.
ISA 63:15 Guba amo ba roha dobi, emu noho gabuna helaḡana bona herea-daena amo ba itaia. Goadamu bona siahumu be edeseni ai? Emu lalokau bona emu hebogahisi na lauegu amo vada o rua.
ISA 63:16 Badina be oi na ai Tamamai; ena be Abraham asi dibana ai, bona Israel ese besena ai se halaomaimu, to oi Iehova na ai Tamamai; oi ladamu na ai Irauamai, nega gunadia amo.
ISA 63:17 Iehova e, dahaka dainai emu dala ai o hakereremaimu, bona lalomai o ha-aukadiamu, bena asia gari henimumu? Emu hesiai taudia, oi dihimu besena, daidiai ba lou mai.
ISA 63:18 Nega taina emu bese helaḡana ese emu gabu helaḡana e noholaia; a inaimai ese vada e moia tari.
ISA 63:19 Ai na nega ta so lohiadia taudia heḡereḡeredia ai vada ala, oi ladamu asie henemailai taudia heḡereḡeredia ai.
ISA 64:1 Guba boma hapararaia, boma diho! Ororo bema heude-heude oi vairamu ai!
ISA 64:2 Lahi ese au rakodia e aradiamu, bena ranu e hadaidaiamu na heto, oi ese ladamu na inaimu ba hadibalaia, bona basileia idau-idau na oi vairamu ai bae heude-heude helaoreana.
ISA 64:3 Hahegari karadia, asia larova karadia, o kara negana ai, oi na o diho, bena ororo na oi vairamu ai e heude-heude.
ISA 64:4 Sene negana amo tau ta se kamonai, eiava taiana ai reḡe ta se vareai, bona mata ta ese dirava idauna ta se itaia, oi mo sibomu; oi na e narimumu taudia daidiai o ḡaukaramu Diravana.
ISA 64:5 Oi ese mai moalena ida e kara maoromaoromu tauna bona emu dala ai e lalomu taomu taudia o hedavari henidiamu. A itaia, oi na o badu, bona ai na a kara dika, emai kara dika ai vada a noho daudau; baia hahemauri diba a?
ISA 64:6 Ai iboumai ai na se haheḡoeva tauna na heto, bona emai kara maoromaorodia iboudiai na e hamiroa dabuana na heto. Ai iboumai ai a maraimu, au rauna ta na heto, bona emai kara havara ese e odamai ohomu, lai na heto.
ISA 64:7 Asi tauna ta ese oi ladamu e hahaneamu, eiava oi ikahu-taomu e gugulaiamu; badina be oi ese vairamu na ai emai amo vada o hunia, bona emai kara havara lalodiai vada o negemai.
ISA 64:8 Ḡau tamona, Iehova e, oi na ai Tamamai; ai na raro, oi na ikuimai Tauna; ai iboumai ai na oi imamu karakaradia.
ISA 64:9 Iehova e, basio badu ḡaraḡara, bona kara havara na basio lalo tao hanaihanai. A itaia bona ba haeroa, ai iboumai ai na oiemu bese taumai.
ISA 64:10 Oiemu hanua helaḡadia vada e ḡaḡae, Siona danu vada e ḡaḡae, Ierusalem vada e hahevahu.
ISA 64:11 Emai dubu helaḡana mai hairaina, senemai ese oi e imodaimuva gabuna, na bona a moalelaiva gabudia vada e vahu.
ISA 64:12 Iehova e, ini ḡau e varamu, a imamu do ba veria dua a? Asi reḡereḡemu ba noho, bona ba hahisihisimai badabada a?
ISA 65:1 Lau na heḡaeḡae, asie nanadailaigu taudia bae tahugu nato; na heḡaeḡae, asie tahugu taudia bae davarigu nato. Ladagu asie hahanea basileiana taudia na hereva henidia, nato “Lau o ina, lau o ina”.
ISA 65:2 Dagedage besena, dala dia namo ai e rakamu taudia, sibodia edia ura e ḡavadiamu taudia, na imagu na toi roro henidiamu, dina idoinai.
ISA 65:3 Idia ese ihabadugu karadia lau vairagu ai e kara louloumu; uma lalodiai boubou karadia e karamu, bona e tunu nadidia latadiai muramura mai bonadia e gabumu;
ISA 65:4 gara gabudia ai e helaimu, bona gabu hehunidia ai e noho ranimu. Idia ese boroma hidiodia e animu, bona ḡau dika-rohorohodia vasiahudia na edia uro ai.
ISA 65:5 Idia na e tomu “Dauhai ba noho, basio raka henigu kahi, badina be lau na helaḡa oiemu ai”. Ini na kwalahu, udu-baubaugu ai, dina idoinai e aramu lahina.
ISA 65:6 A itaia, lau vairagu ai ini e hetore toma: Iehova na e tomu, Udugu basina hakapua, a dava baina haloua, oibe, edia kara havara bona tamadia edia kara havara danu davadia na latadiai baina halou henidia; badina be muramura mai bonadia na ororo badadia ai vada e gabu, bona ororo maraḡidia ai vada e ḡonaḡonalaigu; una dainai edia kara gunadia davadia na latadiai baina hahetoho henidia.
ISA 65:8 Iehova ini e gwau tomamu: Vine ranuna na vine takona e abiamu, bena idia na e tomu “Basio hadikaia, badina be hahenamo na ia lalonai”; una heḡereḡerena ai lau danu baina karaia egu hesiai taudia daidiai, bena iboudiai basina habuadia tari.
ISA 65:9 Iakob garana na baina havaradia, bona Iuda ena amo egu ororo inoholaidia taudia na baina havaradia; egu abi-hidi taudia ese bae biagua, bona egu hesiai taudia na unuseni ai bae noho.
ISA 65:10 Saron na mamoe seridia edia rei gabuna ai bainela, bona Akoro Kourana na boromakau seridia edia hekure gabuna ai bainela, egu bese taudia, vada e tahugu taudia, edia.
ISA 65:11 A Iehova o rakataniamu bona egu ororo helaḡana o laloa boiomu taumui e, Mari patana o lailaiamu bona vine ranudia o bulodiamu, Bagu-haoro keheredia o hahonumu, taumui e,
ISA 65:12 lauegu bagu-haoro emui ai be dare, iboumui ai na ala-ala ai ba mase; badina be na boiboi negana ai asio haere, bona na hereva negana ai asio kamonai, a kara dika na lauegu ita-ita ai o karaia, bona lau asina moalelaia ḡauna o abia hidi.
ISA 65:13 Taunabunai Ḡaubada Iehova na ini e gwau tomamu: A itaia, egu hesiai taudia bae aniani, to umui na ba hitolo; a itaia, egu hesiai taudia na ranu bae inu, to umui na ba ranu mase; a itaia, egu hesiai taudia bae moale, to umui na bae hahemaraimui;
ISA 65:14 a itaia, egu hesiai taudia ese ane bae abi, edia lalo-namo dainai, to umui na emui lalo-hisihisi ai ba tai lolololo, bona emui lauma-daure ai ba ḡanaḡana.
ISA 65:15 Umui ladamui na heuduguirai herevadia ai baela, egu abi-hidi taudia ududia ai. Ḡaubada Iehova ese umui baine alamui mase, a ena hesiai taudia na lada idauna ta ai baine hahenemailaidia.
ISA 65:16 Una dainai tano ai sibona baine hahenamo tauna na hereva momokani Diravana ladana ai baine hahenamo, bona tano ai baine gwau hamata tauna na hereva momokani Diravana ladana ai baine gwau hamata; badina be hekwarahi gunadia na lalodia amo vada e boio, bona lau matagu amo vada e hehuni.
ISA 65:17 A itaia, guba matamatana bona tanobada matamatana na karadiamu, bona ḡau gunadia na basie lalodia tao bona basie lalodia une.
ISA 65:18 A ba lalo namo, ba moale hanaihanai, na karamu ḡaudia ba moalelai; badina be Ierusalem na karaiamu, moale ḡauna, bona ena taunimanima na karadiamu, moale taudia.
ISA 65:19 Lau ese Ierusalem baina moalelaia, bona egu bese taudia danu baina moalelaidia; ia lalonai taitai reḡedia na basie hekamonai lou, bona lalo-hisihisi ganaganadia danu.
ISA 65:20 Dina dia hoho e maurimu merona, eiava ena dina se haḡuḡurudiamu tau-burukana, na ia lalonai basie hedinarai lou; badina be mero na baine noho ela bona laḡani sinahu-ta, bona laḡani sinahu-ta basine hagugurudia tauna na kara dika tauna bae gwauraia.
ISA 65:21 Ruma bae haginidia bena bae noholai; vine imeadia bae hado, bena anidia bae ani.
ISA 65:22 Dia idia ese bae haginidia, bena idauna ta ese baine noholai, bona dia idia bae hadohado, bena idauna ta ese baine anianilai; badina be au ena mauri dinadia heḡereḡeredia, egu bese taudia edia mauri dinadia unu bae hoho toma; bona egu abi-hidi taudia ese imadia ḡaukaradia bae moalelai daudau.
ISA 65:23 Basie hekwarahi kava, bona natudia basie havaradia, dika ena; badina be idia na Iehova ena lalokau taudia natudia, bona idia natudia danu idia ida.
ISA 65:24 Do basie boiboi ai, lau baina haere; bona dounu e herevamu ai, lau baina kamonai.
ISA 65:25 Uda sisiana bona mamoe natuna na bae aniani hebou, leona ese rei baine ania, boromakau na heto; bona ḡahu na gaigai ana aniani ai bainela. Basie hahehisi bona basie hahebua-tari, egu ororo helaḡana idoinai latanai. Iehova na e herevamu.
ISA 66:1 Iehova ini e gwau tomamu: Guba na egu terono, bona tanobada na aegu ihadaidia ḡauna; ruma edehetomana ba haginia, egu, bona egu laḡa-ani gabuna be edena?
ISA 66:2 Ini ḡau iboudiai lau imagu ese vada e kara, una dainai ini ḡau iboudiai na lauegu. Iehova na e herevamu. A baina haḡerea tauna binai: e lalo-manaumu bona e helalo kerehaimu tauna, egu hereva magigina e magigimu tauna.
ISA 66:3 Boromakau maruanena e alaia masemu tauna na tau ta e alaia masemu tauna heḡereḡerena; mamoe natuna na boubou ḡauna ai e halaoamu tauna na sisia aiona e hakwaiduamu tauna heḡereḡerena; flaoa boubouna e hahelagaiamu tauna na boroma rarana e hahelaḡaiamu tauna heḡereḡerena; muramura mai bonana na helalo-tao herahiana ai e halaoamu tauna na kaivakuku e hanamoamu tauna heḡereḡerena. Unu iboudiai ese sibodia edia dala vada e abia hidi, bona lalodia ese edia kara dika-hereadia na e moalelaidiamu.
ISA 66:4 Lau ese danu hisi-ani baina abia hidi, edia, bona e gari henimu ḡaudia na latadiai baina havara; badina be na boiboiva ai, ta se haere, bona na herevava ai, idia na asie kamonai; a lauegu ita-ita ai e kara dika, bona lau ese asina moalelaia ḡauna e abia hidi.
ISA 66:5 Iehova ena hereva ba kamonai, umui ena hereva magigina o magigimu taumui! Tadikakamui, e inai henimuimu bona lau ladagu dainai e negemui daure taudia, vada e hereva, eto “Iehova aita imodaia, bena emui moale baia itaia”; a idia hari bae hahemaraidia.
ISA 66:6 A hakala, hanua badana amo heloḡo-heloḡo e daemu, bona gado ta dubu helaḡana amo! Ina na Iehova gadona, ia ese ana inai taudia davadia e henidiamu.
ISA 66:7 Do se hekamonai negana ai, hahine na e mara; hisihisi do se mamia negana ai, ia ese mero ta e havaraia.
ISA 66:8 Daika ese ḡau unuhetomana ta vada e kamonai? Daika ese ḡau unuhetomadia vada e ita? Tano ta be dina tamona ai baine vara a? Bese ta be asi vanahana ai bae havaraia? Badina be Siona na e hekamonaiva negana ai, maoromaoro natuna e havaradia.
ISA 66:9 Iehova na e tomu, Lau ese mara baina havaraia, bena anina basina hahedinaraia a? Emui Dirava na e tomu, Lau, anina ihahedinaraina Diravana, ese baine hahegabani a?
ISA 66:10 Ierusalem ida ba moale hebou, bona ia dainai ba moale danu, umui ia o ura heniamu taumui iboumui ai; moale ai ia ida ba moale hebou, umui ia taina o taimu taumui iboumui ai;
ISA 66:11 bena ia ratana ba topo, bona kemena ai ba doro; ia hairaina bada-hereana amo ba inu doroka-doroka, mai moalemui ida.
ISA 66:12 Badina be Iehova ini e gwau tomamu: A itaia, ena namo baina habadaia, sinavai na heto, bona basileia idau-idau edia taḡa baina henia badabada, abata na heto; ratana ba topoa, ia ese baine dagiramui, bona tuina ai baine haroho-harohomui.
ISA 66:13 Sinana ese tauna e haloamu merona na heto, lau ese umui taumui baina halodia; Ierusalem dainai tauhalo ba davaria.
ISA 66:14 Ba itaia, bena lalomui bae moale, bona turiamui bae tubu, rei matamata na heto; bena taunimanima na bae diba Iehova imana na ena hesiai taudia ida, bona ena badu na ana inai taudia latadiai.
ISA 66:15 A itaia, Iehova na lahi ai bainema, bona ena kariota na lai gubana na heto baema, ena badu ihagaragarana bona ena gwau-gwau ihahururuna totona.
ISA 66:16 Badina be Iehova na lahi amo baine hahemaoro, bona ena dare amo danu, taunimanima iboudiai latadiai; bona Iehova ese baine aladia mase taudia na bae hutuma.
ISA 66:17 Iehova na e tomu: Sibodia e hahelaḡamu bona e haheḡoevamu, uma lalodiai bae vareai totona, bena bogaragidiai e nohomu tauna ta murina amo baela, boroma hidiodia bona ḡau dika-rohorohodia bona bita baeani, taudia na bae ore bou.
ISA 66:18 Badina be edia ḡaukara bona edia lalo-hadai na dibagu, bona basileia idau-idau bona gado idau-idau taudia iboudiai igogodia na vasimu; bena idia na baema, lau hairaigu bae itaia,
ISA 66:19 bona toa ta idia bogaragidiai baina atoa. Bona kwabukwabudia idia edia amo do baina siaidia lao, basileia idau-idau ediai, Tarasisi bona Put bona Lud, peva-mare taudia, ediai, bona Tubal bona Iavan taudia ediai, bona kone tanodia gabu daudau ai, harigu do asie kamonai bona hairaigu do asie itaia, taudia ediai; bena idia ese lau hairaigu bae gwauraia hedinarai, basileia idau-idau bogaragidiai.
ISA 66:20 Bena idia ese tadikakamui iboudiai, basileia idau-idau iboudiai bogaragidia amo, bae mailaidia, boubou ḡauna ai baela, Iehova ena; hosi ai bona kariota ai bona ivitoto ai bona doniki ai bona kamelo ai bae mailaidia, egu ororo helaḡana Ierusalem baema, Israel taudia ese idia flaoa boubouna na nau ḡoevaḡoevana ai Iehova ena dubu lalonai e mailaiamu na heto. Iehova na e herevamu.
ISA 66:21 Iehova ma e tomu, Haida danu baina abidia, hahelaḡa taudia bona Levi taudia ai baina halaodia.
ISA 66:22 Iehova na a tomu: Badina be guba matamatana bona tanobada matamatana, lau ese baina kara ḡaudia, na lau vairagu ai bae mia heḡereḡerena ai, umui garamui bona umui ladamui na unu bae mia toma.
ISA 66:23 Hua matamatana ta ela bona hua matamatana ma ta, bona dina helaḡana ta ela bona dina helaḡana ma ta, taunimanima iboudiai na baema, lau vairagu ai bae toma diho. Iehova na e herevamu.
ISA 66:24 Bena bae raka lasi, e daḡedaḡe henigu taudia na masedia ai bae itadia; badina be edia uloulo basine mase bona edia lahi basine bodo, bena hedadarai ḡaudia ai baela, taunimanima iboudiai ediai.
JER 1:1 Ieremia, Hilkia natuna, hahelaḡa taudia Anatoto ai, Beniamina tanona ai, e nohova edia orea tauna ta, ena hereva.
JER 1:2 Iehova ena hereva na ia dekenai e kau, Iosia Amon, Iuda pavapavana, ena nega ai, ena lohia laḡanina ihagwauta-toina lalonai;
JER 1:3 ma e kau Iou, Iehoiakim Iosia, Iuda pavapavana, ena nega ai, ela bona Sedekia Iosia, Iuda pavapavana, ena lohia laḡanina ihagwauta-tana dokona, ela bona hua iha-imana ai Ierusalem taudia e ḡuidia.
JER 1:4 Iehova ena hereva na egu ai e kau, eto:
JER 1:5 Sinamu bogana ai do asina hadudumu negana ai na dibamu, bona do so vara negana ai na hahelagamu; bona na duanaimu, peroveta tauna ai baola, basileia idau-idau ediai.
JER 1:6 Bena lau nato, Ḡaubada Iehova e, a itagu, lau na asi dibagu ede baina hereva toma, badina be lau na tauhau mo.
JER 1:7 A Iehova ese e haere henigu, eto: Basioto “Lau na tauhau mo”; badina be dekediai baina siaimu taudia iboudiai ediai baola, bona baina haḡanilai henimu herevadia ba gwaurai.
JER 1:8 Idia garidia basio gari, badina be lau na oi ida, bena baina harohomu mauri. Iehova na e herevamu.
JER 1:9 Bena Iehova ese imana e toia roro, udugu e daua toho. Bena Iehova ese e hereva henigu, eto: A itaia, egu hereva na udumu ai vada na atodia,
JER 1:10 a itaia, hari dina ai vada na haginimu, bese idau-idau bona basileia idau-idau daediai, ba butu oho bona ba ḡiḡi dobi, ba hahebua tari bona ba hahedarere, ba hagini-hagini bona ba hadohado totona.
JER 1:11 Iehova ena hereva egu ai ma e kau, eto, Ieremia e, dahaka o itaiamu! Bena lau nato, Sakada auna rigina ta na itaiamu.
JER 1:12 Bena Iehova ese ma e hamaorogu, eto, O itaia balahenimu, badina be lau ese egu hereva na balaia henimu, anina baina karaia totona.
JER 1:13 Iehova ena hereva na nega iharuana ai egu ai e kau, eto, Dahaka o itaiamu? Bena lau nato, E daidaimu urona na itaiamu, bona lahi ihahemetaina na mirigini kahana ai.
JER 1:14 Bena Iehova ese e hamaorogu, eto, Mirigini kahana amo dika baine daidaia dobi, ina tano e noholaiamu taudia iboudiai latadiai.
JER 1:15 Badina be Iehova na e tomu, A itaia, mirigini kahana basileiadia besedia iboudiai na boiridiamu; bena idia na baema, ta ta ese ena terono ena terono bae haginidia, Ierusalem ikoukoudia raka-vareaidia ai, bona e haheḡeḡea daemu maḡudia iboudiai hevaira-henidia ai, bona Iuda hanuadia iboudiai hevaira-henidia ai.
JER 1:16 Bona egu hahemaoro herevadia na idia latadiai baina gwaurai, edia kara dika iboudiai ikaradia ai e rakatanigu dainai. Idia ese muramura mai bonadia vada e gabu, dirava idaudia ediai, bona idia sibodia imadia amo e kara ḡaudia vada e toma henidia diho.
JER 1:17 A oi na emu rami ba hekasilaia; ba tore isi, na haḡanilaimumu herevadia iboudiai ba hamaorolaidia. Kudoumu basine hetaha idia daidiai, lau ese idia vairadiai oi kudoumu baina hahetahaia na garina.
JER 1:18 A itaia, hari dina ai lau ese hanua aukana bona auri au-tubuana bona auri-laboralabora maḡudia heḡereḡeredia ai baina halaomu, tano idoinai ilodu-henina bona Iuda tanona pavapavadia bona lohiadia bona ena hahelaḡa taudia bona ena taunimanima iboudiai iloduhenidia totona.
JER 1:19 Idia ese bae tuari henimu; to basie hadareremu, badina be lau na oi ida, bena baina hamaurimu. Iehova na e herevamu.
JER 2:1 Iehova ena hereva na egu ai e kau, eto,
JER 2:2 Aola, Ierusalem taudia vairatuhutuhudia ai ba hereva, baoto, Iehova ini e gwau tomamu: Emu lalokau eregabemu negana ai bona emu uraheni emu headava matamata negana ai na lalo taomu; tano ḡaḡaena ai, ḡau ta asie hadoa tanona ai, oi ese lau murigu ai o rakava.
JER 2:3 Una negana ai Israel na helaḡa Iehova ena, ena taboro anidia roboadia. E ani taudia iboudiai e kerere, bena dika na latadiai e kau. Iehova na e herevamu.
JER 2:4 Iakob besena e, bona Israel besena iduhudia iboudiai, Iehova ena hereva a kamonai.
JER 2:5 Iehova ini e gwau tomamu: Senemui ese dahaka kerere egu ai e davaria, bena e rakatanigu, dauha ela? Idia ese ḡau asi namodia e ḡavadia, bena taunimanima asi namodia ai e hahelao.
JER 2:6 Idia asieto, Iehova be edeseni ai? Aigupto amo e hakauda lasi bona tano ḡaḡaena ai e hakauda, tano kaukauna, tano mai guridia, ranu-mase bona dibura-masemase tanona, ta ese se rakaia hanaimu bona ta ese se noholaiamu tanona, Diravana be edeseni ai?
JER 2:7 Lau ese aniani momo tanona lalonai na hakaumui vareai, ena au-huahua bona ena ḡau namodia ba moalelai totona. A umui o raka vareai negana ai egu lano o hamiroa, bona lau ahugu emui ai na ḡau dika-rohorohona ai o halaoa.
JER 2:8 Hahelaḡa taudia asieto, Iehova be edeseni ai? Taravatu e ḡaukaralaimu taudia na asi dibadia lau; lohia taudia na egu ai e kerereva; peroveta taudia na Baal ladana ai e perovetava, bona ḡau asi anidia e gavadiava.
JER 2:9 Taunabunai, Iehova na e tomu: Lau na doini na habadelaimuimu, bona garamui danu do baina habadelaidia.
JER 2:10 Badina be ba hanai, Kupro kone-tanodia ai ba itaia, eiava ba hesiai lao Kedara, ba tahua namonamo; ba itaia, kara inihetomana nega ta ai e vara eiava.
JER 2:11 Bese ta, ena be edia dirava na dia momomokakani, to bema bolodia a? A lauegu orea taudia ese hairaidia vada e boloa, ḡau asi anina vada e bololaia.
JER 2:12 Guba e, ina na ba dara-dokolaia, ba lalaḡalaia, lalomui bae ḡaḡae. Iehova na e herevamu.
JER 2:13 Badina be egu orea taudia ese dika rua vada e kara: lau, mauri ranuna helohilohina, vada e rakatanigu, bona sibodia edia ranu guridia vada e tara, e parara guridia, ranu na idia lalodiai basine mia.
JER 2:14 Israel na hesiai tauna a? Ia na hesiai iḡuidia ai e vara a? Matona, dahaka dainai damuga ai vada ela?
JER 2:15 Ieona ese vada e ḡou henia, vada e ḡou badabada. Ena tano vada e havahua; ena hanua vada e heḡiḡi dobi, asi inoholaidia ta.
JER 2:16 Ina danu, Memefisi bona Tapanese taudia ese oi kwaramu tubuana vada e hapararaia.
JER 2:17 Iehova, emu Dirava, ese dala ai e hakaumu negana ai o rakatania, una dainai ina na oi sibomu latamu ai vada o hadihoa, ani?
JER 2:18 Harihari Nilo sinavaina ranuna i'inuna totona Aigupto o laomu be dahaka namona ba davaria? Eiava Eufrate sinavaina ranuna i'inuna totona Asuna o laomu be dahaka namona ba davaria?
JER 2:19 Emu kara dika ese matamu baine hakania, bona emu raka-muri ese baine sisiba henimu. Ba diba bona ba itaia, Iehova, emu Dirava, irakatanina na ḡau dikana bona iditana. Ḡaubada Iehova Sabaota e tomu, Lau igari-henigu na oi lalomu ai se miamu.
JER 2:20 Badina be idau nega ai emu maduna o hakwaidua, bona emu iḡui o hamotu, oto “Hesiai karadia basina kara”. Oibe, ororo badadia iboudiai doridia ai, bona au mauridia iboudiai henudiai, oi o toma dihova, ariara hahinena na heto.
JER 2:21 Ḡau tamona lau ese na hadomu, abi-hidi vinena, vine korikorina uhena. Edeheto oi na vada o vara dika, uda vinena ai vada ola?
JER 2:22 Ena be muramura amo bona sopu momo amo ba hehuri, to emu kerere mirona na doini vairagu ai mia. Ḡaubada Iehova na e herevamu.
JER 2:23 Ba hereva diba a, baoto “Lau na asina miro, Baal muridiai asinala” a? Emu dala koura ai ba itaia; ba diba ede vada o kara toma. Oi na kamelo natuna e tau maurimu na heto,
JER 2:24 eiava uda donikina hahinena, tano ḡaḡaena ai e noho manadamu ḡauna, na heto; ena heḡaima ai lai e ha-iruamu, bona ena heḡahusi ai daika ese baine rua? Itahuna ai ta basine hekwarahi, ena nega ai idia ese bae davaria.
JER 2:25 Aemu ba nari, asi tamakamu basio raka; gadomu ba naria, basio ranu mase. A oi oto: Asi dalana, badina be dirava idaudia vada na ura henidia, bona idia baina ḡavadia.
JER 2:26 Henao tauna e davariamu negana ai e hemaraimu na heto, Israel taudia na unu bae hemarai toma, idia bona edia pavapava bona edia lohia, edia hahelaḡa taudia bona edia peroveta taudia danu.
JER 2:27 Badina be idia ese au ta e hereva heniamu, e tomu “Oi na tamagu”, bona nadi ta e hamaoroamu, e tomu “Oi ese o havaragu”. Badina be vada e gini muri henigu, asie vaira henigu; to edia hekwakwanai negana ai e tomamu “A tore isi ba hamaurimai”.
JER 2:28 A emu dirava sibomu o kara ḡaudia, be edeseni ai? Bema ihamaurimu mai dibadia emu hekwakwanai negana ai, idia hari bae tore isi; badina be, Iuda e, emu hanua na momo heḡereḡerena, emu dlrava danu unu e hoho tomamu.
JER 2:29 Iehova na e tomu: Dahaka dainai o maumauraigumu? Iboumui ai ese vada o daḡedaḡe henigu.
JER 2:30 Natumui vada na hahisidia na asi anina, idia na matadia asie kani; umui sibomui emui dare ese emui peroveta taudia vada e aladia, e gadoamu leonana na heto.
JER 2:31 Ina uru taumui e, Iehova ena hereva ba kamonai; Israel enai lau na tano ḡaḡaena eiava dibura-masemase tanona a? Benaini, dahaka dainai egu orea taudia na e tomu “Ai sibomai; ai na basia vasi lou” a?
JER 2:32 Hane-ulato ta ese ena herahera ḡaudia baine lalodia boio diba, a? Eiava headava matamata hahinena ese ena dabua basine laloa a? A lauegu orea taudia ese nega momo herea vada e lalogu boio.
JER 2:33 Nahuamu o tohoa namonamomu emu mata-bodaga karadia ai, taunabunai hahine dikadia danu emu dala vada o hadibalaidia.
JER 2:34 Bona emu dabua ai danu ogoḡami taudia, asi edia kerere taudia, raradia vada e miamu, a ruma idarena ai asio davaridia. Ini ḡau iboudiai na latamu ai,
JER 2:35 to o tomu “Lau na asi egu kerere; ena badu na egu amo vada eme heabi oho ani?” A itaia, lau ese baina hahemaoro henimu, oto “Asi egu kerere” dainai.
JER 2:36 O loa kava loa kavamu, emu dala o ha-idaua louloumu; Aigupto ese baine hahemaraimu, Asuria ese e hahemaraimu na heto.
JER 2:37 Ina danu, imamu na kwaramu ai heatona ai ba raka oho, badina be o abidadama henidiamu taudia na Iehova ese vada e dadaraidia, bona idia ese namomu basie habadaia.
JER 3:1 Iehova na e tomu: Tau ta ese adavana bema hadihoa, bena una hahine ese bema rakatania bona tau ta ma bema adavaia, adavana gunana ese ma bema lou henia a? Una tano basinema miro bada a? Oi na vada o mata bodaga tatau momo ediai; bena lau dekegu ai ba lou mai a?
JER 3:2 Ba gaga isi, ororo nemuka-nemukadia ba itadia! Edena gabu ai oi na tau ta ida asio eno bou? Dala isedia ai vada o helai, tatau vada o naridia, Arabia hahinena tano ḡaḡaena ai na heto. Emu mata-bodaga karadia amo tano vada o hamiroa.
JER 3:3 Taunabunai, batugu vada e helao ahu, bona hadohado negana ai medu se diho; ḡau tamona bagumu ita-itana na ariara hahinena baguna na heto, so uramu ba hemarai.
JER 3:4 Ina harihari vada o boi henigu, ani, oto, Tamagu e! Kekenigu ai o hetura henigu.
JER 3:5 Baine badu ela bona hanaihanai, bona lalona baine siahu ela bona dokona a? A itaia, vada o hereva vaitani, to vada o kara dika mai goadamu idoinai.
JER 3:6 King Iosia ena nega ai, Iehova ese e hereva henigu, eto, Una kara hebeatai besena, Israel, ena kara vada o itaia a? Ia na ororo badadia iboudiai e dara daeva, bona au mauridia iboudiai henudiai elava, urluseni ai lebulebu karadia e karava.
JER 3:7 Bena lau nato “Ina idoinai baine ha-orea murinai ia ese baine lou henigu”; a ia na se lou mai, tadikakana koikoina Iuda ese karana e itaia.
JER 3:8 Ia ese e itaia, una kara hebeatai besena Israel ena heuda-hanai karadia iboudiai daidiai lau ese na hadihoa bona hekoho revarevana na henia; ḡau tamona ia tadikakana koikoina Iuda na se gari, a ia danu ela, eha lebulebu.
JER 3:9 lenai lebulebu na ḡau pipikina dainai, ia ese tano e hamiroa, nadi bona au ediai e lebulebu.
JER 3:10 Ḡau tamona, ia tadikakana koikoina Iuda ese ina idoinai e itaia, to lau dekegu ai se lou mai mai lalona idoinai ida, a mai koikoina ida ema. Iehova na e herevamu.
JER 3:11 Bena Iehova ese e hereva henigu, eto, Kara hebeatai besena Israel ena kerere vada eme hedinarai na taina maraḡi, a koikoi besena Iuda ena kerere na bada.
JER 3:12 Aola, ina hereva na mirigini kahana ba gwaurai henia, baoto: Iehova na e tomu: Kara hebeatai besena Israel e, a lou! Iehova na e tomu: Mai badugu ida basina haḡeremu, badina be lau na mai hebogahisigu; lau na basina badu hanaihanai.
JER 3:13 Iehova na e tomu: Emu kerere a gwaurai hedinarai mo; Iehova, emu Dirava, o daḡedaḡe henia, bona idau taudia ida o eno bou au mauridia iboudiai henudiai, bona lau gadogu so kamonai henia, vada ba gwaurai hedinarai.
JER 3:14 Iehova na e tomu: Kara hebeatai memeromui e, a lou; badina be biagumui na lau. Lau ese baina abimui, hanua ta amo ta, bona iduhu ta amo rarua, bena Siona ai baina hakaumui dae.
JER 3:15 Lau ese iregumui taudia baina henimui, na lalo namo henidiamu taudia; bena idia ese aonega bona lalo-parara amo bae ubumui.
JER 3:16 Iehova na e tomu, Tano ai ba vara rohoroho bona ba hutuma negana baine kau ai, unu dinadia ai idia ese Iehova ena taravatu mauana basie herevalaia lou. Basie laloa une, basie laloa tao, basie henanadailaia, bona ta ma basine hekara lou.
JER 3:17 Una negana ai Ierusalem na bae gwauraia Iehova ena terono; bona bese iboudiai na ienai bae hebou Iehova vairanai, Ierusalem ai; bona sibodia edia lalo-hadai dikadia iḡavadia ai basie hetoahu.
JER 3:18 Unu dinadia ai Iuda besena na Israel besena ida bae tami hebou, bona mirigini tanona amo baema bou, senemui na henidia tanona na ma bae mai henia.
JER 3:19 Lau na laloa natugu bogaragidiai baina atomu, bona tano namona baina henimu, tano mai hairaina, basileia iboudiai edia e hereadiamu tanona. Bona na laloa danu oi ese boma gwauraigu “Tamagu”, bona lau igavagu amo basioma raka siri.
JER 3:20 Iehova na e tomu: Israel besena e! Momokani, kara hebeatai hahinena ese adavana e dihotaniamu na heto, oi ese vada o kara hebeatai henigu.
JER 3:21 Ororo nemuka-nemukadia ai gado ta e hekamonaimu, Israel garana edia taitai bona edia noinoi; badina be edia dala vada e hagagevaia, Iehova, edia Dirava, vada e laloa boio.
JER 3:22 Kara hebeatai memeromui, a lou mai; emui kara hebeatai amo baina hamaurimui. A itaia, ai na a vasimu, badina be oi na Iehova, emai Dirava.
JER 3:23 Momokani, ororo ese e koimaimu, bona lebulebu karadia ororo badadia ai ese e dibaḡanimaimu. Momokani, Israel ihamaurina be Iehova, emai Dirava, enai.
JER 3:24 A eregabemai negadia amo hari hemarai ḡauna ese tamamai edia hekwarahi anidia iboudiai vada e hadonodia: edia mamoe seridia bona edia boromakau seridia, natudia mamaruanedia bona natudia hahinedia danu.
JER 3:25 Emai hemarai ai baia hekure; emai hemarai ese baine ḡovamai ahu; badina be ai ese Iehova, emai Dirava, vada a kara dika henia, ai bona tamamai danu, eregabemai negadia amo ema bona ina dina; bona Iehova, emai Dirava, gadona asia kamonai henia.
JER 4:1 Iehova na e tomu: Israel e, oi na boma lou, lau dekegu ai ba lou mai. Emu ḡau dika-rohorohodia na vairagu amo boma abi oho, bona basioma daradara.
JER 4:2 Momokani ai bona hahemaoro ḡoevaḡoeva ai bona kara maoromaoro ai boma gwau hamata, boma toma “Iehova e maurimu heḡereḡerena”, bena basileia idau-idau na sibodia bae hahenamo ia dainai, bona ia bae imodaia.
JER 4:3 Badina be Iehova ese Iuda taudia bona Ierusalem inoholaina taudia na ini e hamaorodia tomamu: Emui vahu tanona ba ruaia, au ginigini gabudia ai basio hadohado.
JER 4:4 Iuda taumui bona Ierusalem inoholaina taumui e, sibomui ba haheperitome Iehova enai, peritome ai lalomui ba hahelaḡadia, egu badu ḡaraḡara na lahi na heto baine lasi na garina, bena baine ara, asi tauna ta ese baine habodoa, emui kara vada e dika dainai.
JER 4:5 Iuda ai ba gwauraia, bona Ierusalem ai ba gwauraia hedinarai, baoto: Tano heḡeḡemadai ai kibi ba hiriria; ba boi lolo, baoto “A hegogo, baitala, hanua mai maḡudia lalodiai”.
JER 4:6 Pepe ba duduia isi Siona enai, ba heau, mauri ba tahua, basio halahe. badina be hahedika na mirigini kahana amo na mailaimu, bona hahebua-tari badana danu.
JER 4:7 Leona na uda hedoma-hedomana vada e rakatania, basileia ihabua-taridia tauna vada e tore isi; ena gabu amo vada e raka lasi, emu tano ihavahuna totona; emu hanua na bae heḡiḡi dobi, asi inoholaidia bae mia.
JER 4:8 Ina dainai puse dabuadia ba rio, ba tai, ba tai lolololo; badina be Iehova ena badu ḡaraḡara na ita eda amo se heabi oho.
JER 4:9 Iehova na e tomu, Una dina ai hanua pavapavana bona hanua lohiadia edia boga-auka baine ore; hahelaḡa taudia bae gari dikadika bona peroveta taudia bae hoa bada.
JER 4:10 Bena lau nato, Ḡaubada Iehova e, oi na ina bese bona Ierusalem hanuana vada o koidia vaitani, ani, oto “Vada ba namo”; ḡau tamona, dare ese be aladiamu.
JER 4:11 Una negana ai ta ese ina bese bona Ierusalem hanuana baine hamaorodia, baineto, Lai siahuna na tano ḡaḡaena ororodia nemuka-nemukadia amo e maimu, egu bese natuna hahinena e toa heniamu, dia itapona eiava ihaḡoevana totona.
JER 4:12 A lai badana na daigu ai e maimu. Harihari lau ese hahemaoro ai na hereva henidiamu.
JER 4:13 A itaia, ia na duba na heheto e tubu e maimu, ena kariota na koe-hirihiri na heto; ena hosi na haraḡa herea, idia ese ugava e hereadiamu; madi ihabaida, vada ta dika vaitani.
JER 4:14 Ierusalem e, lalomu ena dika ba huri oho, ba mauri helaoreana; emu lalo-hadai dikadia na lalomu ai bae mia ela bona edena nega ai?
JER 4:15 Badina be gado ta Dan amo e herevamu, bona Efraim ororona amo hahedika e gvauraiamu.
JER 4:16 Bese idau-idau ba sisiba henidia, ia na e maimu; Ierusalem ba gwaurai henia, baoto: Hanua idaena taudia na tano daudau amo e maimu, Iuda hanuadia e hone henidiamu.
JER 4:17 Tano igimana taudia na heheto e ginia heḡeḡe, badina be ia ese vada e gwau edeede henigu. Iehova na e herevamu.
JER 4:18 Emu dala bona emu kara ese ina kara na latamu ai vada e hadihoa. Ina na oi irevamu, vada eme idita; oi lalomu korikorina ai vada e vareai.
JER 4:19 Lalogu e, lalogu e, hisihisi ese e gugubagumu! Kudougu e! Kudougu na e hetaha dikadikamu, udugu basina hakapua diba; badina be kibi reḡena na kamonaimu, bona tuari honena danu.
JER 4:20 Dika ta dika ta latanai e kaumu, ela bona tano idoinai vada e vahu. Asi vanahana egu kalaga e hegiḡi rohorohomu; asi vanahana egu seseahu e heabi ohomu.
JER 4:21 Pepe baina itaia ela bona edena nega ai? kibi reḡena baina kamonai ela bona edena nega ai?
JER 4:22 Badina be egu bese taudia na kakavakava, idia na asi dibadia lau; idia na lalo-duhu memerodia, asi edia lalo-parara. Kara dika ikaradia mai dibadia, a kara namo ikaradia na asi dibadia.
JER 4:23 Tanobada na itaia, vada e vahu bona asi anina; guba na itaia, ia na asi diarina.
JER 4:24 Ororo badadia na itadia, idia na e tabubu-tabubu, bona ororo maraḡidia e heude-heude.
JER 4:25 Na roha lao, tau ta asina itaia, bona atai manudia iboudiai vada e roho boio.
JER 4:26 Na roha lao, nomu tanona na itaia, vada e ḡaḡae, bona hanuana iboudiai vada e heḡiḡi dobi, Iehova vairanai, ena badu ḡaraḡara vairanai.
JER 4:27 Badina be Iehova ini e gwau tomamu: Tano idoinai baine hahevahura; to basina havahuraia vaitani.
JER 4:28 Ina dainai tanobada baine taitai, bona atai ai guba baine dubaduba; badina be lau vada na hereva bona lalogu vada na hadaia, basina helalo kerehai bona lalogu basina haloua.
JER 4:29 Hosi tauna bona peva tauna reḡedia dainai, hanua iboudiai taunimanimadia na e heau maurimu; uda hedoma-hedomadia ai e heau vareaimu, haga nadidia ai e dara daemu; hanua iboudiai e heautanidiamu, lalodiai tau ta se nohomu.
JER 4:30 Oi, vada e negemu daure hahinemu e, emu lalo-hadai be dahaka bena dabua kakakakana o hahedokilaiamu; bona gold heraheradia o heralaimu, bona matamu na umu amo o habadamu? Asi badina sibomu o hahairaimu; e ura henimuva taudia ese e dadaraimumu, idia ese emu mauri iabi-ohona dalana e tahuamu.
JER 4:31 Badina be taitai ta na kamonai, e hekamonaimu hahinena ena tai na heto, natuna roboana e havaraiamu hahinena ese hisi e animu na heto; Siona natuna hahinena ena tai, e laḡa dae laḡa daemu, bona imana e toi roromu, e tomu “Lau madi ihabaigu, roroma taudia vairadiai na mase reamu”.
JER 5:1 Ierusalem ariaradia ai ba heau lao ba heau mai, ba itaia bona ba haeroa. Ena ariara lalodiai ba ita hetahu-hetahu, tau ta ba davaria eiava lasi, e hahemaoro ḡoevaḡoevamu bona hereva momokanina e tahuamu tauna; unu amo ena dika bama gwau tao.
JER 5:2 Ena be e tomamu “Iehova e maurimu heḡereḡerena”, to e gwau hamata koikoimu.
JER 5:3 Iehova e, oi matamu ese kara momokanina e tahuamu, ani? Oi ese vada o harahudia mase, a lalodia asie hisihisi; oi ese vada o aladia ore, a mata-hakani asie ura. Idia ese vairadia e ha-aukadia, vairadia na nadi-aukadia na heheto, a idia na asie ura bae helalo kerehai.
JER 5:4 Bena lau nato: Ini na ogoḡami taudia mo, lalodia na asie pararamu; badina be Iehova ena dala na asi dibadia, edia Dirava ena taravatu danu asi dibadia.
JER 5:5 Lohia dekedia bainala, baina hereva henidia; badina be idia na Iehova ena dala dibadia, edia Dirava ena taravatu danu dibadia. A idia iboudiai ese danu maduna auna vada e hakwaidua, bona iḡuidia vada e hamotudia.
JER 5:6 Taunabunai, uda amo leona ta ese baine aladia mase; tano ḡaḡaena amo sisia daḡedaḡena ta ese baine habuadia tari. Taiga ta ese edia hanua e bani henidiamu, bae raka lasi taudia iboudiai na ia ese baine daredia patapata; badina be edia kara dika na momo, edia raka-muri na bada.
JER 5:7 Emu dika na ede baina gwaua tao toma? Oi natumu ese vada e rakatanigu, dirava koikoidia ladadia ai vada e gwau hamata. Bogadia na hakunuva negadia ai, idia na e heuda hanaiva, ariara hahinedia edia ruma ai e didi vareaiva.
JER 5:8 Idia na hosi mamaruanedia, bogadia e kunumu bona taudia e lokalokamu, ta ta dekena tauna dekena tauna adavadia e tubebe henidiamu.
JER 5:9 Iehova na e tomu: Unu ḡau daidiai davadia basina henidia a? Bese unuhetomana latanai dava basina atoa a?
JER 5:10 Ena vine imeana ba rakaia hanai, ba havahua, a basio havahuraia vaitani; ia rigina ba padadia oho, badina be idia na dia Iehova ena.
JER 5:11 Badina be Israel iduhuna bona Iuda iduhuna na egu ai vada e hebeatai vaitani. Iehova na e herevamu.
JER 5:12 Idia ese Iehova e herevalaia koikoi, eto: Ḡau ta basine karaia; dika ta ita eda ai basine kau, dare bona doe basita mamidia.
JER 5:13 Peroveta taudia na lai kavakava ai bae hahelao, hereva momokanina na dia idia ediai. Unu bae halou henidia toma.
JER 5:14 Taunabunai Dirava, Iehova Sabaota, na ini e gwau tomamu: Ina hereva vada e gwauraia dainai, a itaia, egu hereva na lahi ai baina halaodia oi udumu ai, bona ina bese na au rakuraku ai baina halaoa, bena lahi ese baine aradia ore.
JER 5:15 Israel besena e, a itaia, bese ta na dauha amo baina mailaia umui latamui ai. Iehova na e herevamu. Una bese na e hesiriu hanaihanaimu besena, ia na bese gunana; ia na gadona asi dibamu besena, bae hereva negadia ai lalomu basine parara.
JER 5:16 Edia diba pauana na gara hekehona na heto; idia iboudiai na goada-dikadika taudia.
JER 5:17 Emu taboro bae ha-orea, bona emu aniani ḡaudia danu; natumu mamaruanedia bona hahinedia bae ha-oredia, bona emu mamoe seridia bona emu boromakau seridia danu; emu vine bae haoredia, bona emu suke audia danu; emu hanua aukadia, o abidadama henidiamu hanuadia, na dare ai bae habuadia tari.
JER 5:18 Iehova na e tomamu: To unu dinadia ai lau ese basina ha-oremui vaitani.
JER 5:19 Bena emu bese taudia baeto “Badina be dahaka Iehova, eda Dirava, ese ini kara iboudiai rla eda ai vada e kara?” negana ai, oi ese ba hamaorodia, baoto “Umui ese vada o rakatanigu, bona emui tano lalonai dirava idaudia isiaidia vada o lao heni heḡereḡerena, umui ese danu idau tano, dia emui tano, lalonai idau taudia isiaidia do ba lao heni”.
JER 5:20 Iakob iduhuna ai ina hereva ba gwauraia, Iuda tanona ai ba gwauraia hedinarai, baoto:
JER 5:21 Asi lalomui bona asi daramui taumui e, a kamonai, mai matamui, to asio heitamu; mai taiamui, to asio kamonaimu.
JER 5:22 Iehova na e tomamu: Asio gari henigumu a? Lau vairagu ai asio heude-heudemu a? Lau ese kone na atoa, davara hetoana, davara ilao-ahuna, baine mia hanaihanai ḡauna, davara ese basine hanaia diba ḡauna. Ena be hurehure na e heabi isimu, to basie kwalimu diba; ena be kone ai e poumu, to basie hanaia diba.
JER 5:23 A ina bese taudia lalodia na a'auka, bona mai gwau-edeededia; idia na vada e raka siri, dauha vada ela.
JER 5:24 Lalodia ai idia na asie tomu: Iehova, eda Dirava, garina baita gari; ia ese medu e henidamu, negana korikori ai, lahara medudia bona guitau medudia; bona vada e duanaidia taboro puradia ai baela puradia na ia ese e badinadiamu, eda.
JER 5:25 Ini na emui kara havara ese emui amo vada e abi oho, bona emui kara dika ese namo na emui amo vada e laoa ahu.
JER 5:26 Badina be kara dika taudia na egu orea taudia bogaragidiai e nohomu; bona idia na e komumu, manu ibani-henidia taudh na heheto. Idia ese rikiriki e atoamu, taunimanima e abidiamu.
JER 5:27 Edia ruma na kara dibaka ai e honumu, bosea na manu ai e honumu na heto; taunabunai idia na vada e lohia, vada e taḡa,
JER 5:28 taudia vada e bada bona vada e raho namo. Edia kara dikadia na asie hamaragidiamu; asie hahemaoro ḡoevaḡoevamu; ihareha idurudia asie goadalaiamu, bona e dabumu taudia ahudia korikori asie gimadiamu.
JER 5:29 Iehova na e tomu: Ini ḡau daidiai matadia basina hakanidia a? Bese inihetomana latanai dava basina atoa a?
JER 5:30 Hoa bada bona gari bada ḡauna ta na tano ai vada e vara:
JER 5:31 peroveta taudia na e peroveta koikoimu, bona edia hahedua heḡereḡeredia ai hahelaḡa taudia na e lohiamu; bona egu orea taudia na e uramu unu baine heto, a nega dokona baine kau ai be ede ba kara toma?
JER 6:1 Beniamina taumui e, Ierusalem bogaragina amo a heau mauri! Tekoa ai kibi ba hiriria, Bete-hakerereme ai pepe ba duduia isi! Badina be hahedika na mirigini kahana amo e hedinarai e maimu, bona hahebua-tari badana danu.
JER 6:2 Hane namo, aboni-noho hahinena, baine alaia, Siona natuna hahinena baine alaia mase.
JER 6:3 Mamoe ireḡudia taudia mai edia seri ida na ia ivaira-henina baema, edia kalaga bae haginidia, bae ḡeḡea ahu, edia mamoe bae ubudia, ta ta ena gabu ena gabu ai.
JER 6:4 Tuari a haheḡaeḡaea, ia ihadikana; a tore isi, dina tubua ai baita daea. Madi ihabaida, ado e rahimu, dina na e kerekeremu.
JER 6:5 A tore isi, hanuaboi ai baita daea, ena lohia rumadia baita habuadia tari.
JER 6:6 Badina be Iehova Sabaota na ini e gwau tomamu: Ena au ba hagaridia, tano ba larebaia dae, Ierusalem hevaira-henina ai. Ina hanua na matana bae hakania; ia lalonai na hahehisi karadia mo.
JER 6:7 Ranu gurina ese ranuna e hamatamataia na heto, ia ese ena kara havara unu e hamatamata tomamu; daḡedaḡe bona hahebua-tari karadia reḡedia na ia lalonai e hekamonaimu, gorere bona bero na vairagu ai nega idoinai.
JER 6:8 Ierusalem e, nahuamu a tohoa, emu ai lalogu baine dika na garina, baina havahumu bona tano deḡedeḡena-rahu ai baina halaomu na garina.
JER 6:9 Iehova Sabaota na ini e gwau tomamu: vine huahuadia kwabudia e buruki oremu na heto, Israel kwabukwabudia ba burukidia ore; vine huahuadia igogodia tauna na heto, oi imamu ese rigina baine darahua lou.
JER 6:10 Daidia baina hereva henidia bona baina sisiba henidia, bae kamonai helaoreana? A itadia, taiadia na hehekou, idia na asi kamonai dibadia. A itadia, Iehova ena hereva na e ḡonaḡonalaiamu, asie moalelaiamu.
JER 6:11 Taunabunai lau na Iehova ena badu ai na honumu, ihalahelaina ai na hesikumu. Taunabunai ariara ai memero kekeni latadiai ba bubua diho, bona eregabe taudia edia hegogo latadiai danu; tau mai adavana ida bae abidia hebou, taunimanima badadia bona burukadia danu.
JER 6:12 Edia ruma na haida bae henidia, edia uma bona adavadia danu; badina be lau ese imagu baina toia roro, tano inoholaina taudia ihadikadia totona. Iehova na e herevamu.
JER 6:13 Maraḡina ela bona badana, iboudiai ese mata-ḡaniḡani karadia e gugulaimu; bona peroveta tauna ela bona hahelaḡa tauna, iboudiai e kara koikoimu.
JER 6:14 Egu orea taudia berodia vada e haḡoevadia lamai-lamai, eto “Maino, maino”, maino do lasi negana ai.
JER 6:15 Kara dika-rohorohona e karaia negana ai, idia na e hemarai a? Idia na asie hemarai, lasi ona lasi vaitani; hemarai mamina na asi dibadia. Taunabunai, e ketomu taudia bogaragidiai bae keto; matadia baina hakanidia negana ai idia na bae henege daure. Iehova na e herevamu.
JER 6:16 Iehova ini e gwau tomamu: Dala badidiai ba gini, ba roharoha; dala gunadia ba henanadailai; bena lao dalana namona ba davaria, ia lalonai ba raka, bona laumamui edia laḡa-ani ba davaria. A idia eto “Ai na ia lalonai basia raka”.
JER 6:17 Gima taudia na duanaidia, umui igimamui; nato “Kibi reḡena ba hakala henia”. A idia eto “Ai na basia hakala”.
JER 6:18 Bese idau-idau e, a kamonai! Hebou taumui e, ba diba dahaka na ediai baine vara.
JER 6:19 Tanobada e, a kamonai! A itaia! Lau ese dika na havaraiamu ina bese taudia latadiai, idia sibodia edia lalo-hadai huahuadia; badina be egu hereva na asie hakala henidia, bona egu taravatu na vada e dadaraia.
JER 6:20 Anina be dahaka egu muramura mai bonana na Sieba amo e mailaiamu, eiava kane namona tano daudauna amo? Emu ḡole-oho boubou ḡaudia na asina abidia daemu, bona emu boubou karadia na asina moalelaidiamu.
JER 6:21 Taunabunai, Iehova na ini e gwau tomamu: A itaia, hetutuhi ḡaudia na ina bese taudia vairadiai baina atodia, idia ihahetutuhidia. Tama bona natudia na bae hetutuhi hebou; ruma tauna mai turana ida bae mase hebou.
JER 6:22 Iehova ini e gwau tomamu: A itaia, bese ta na mirigini kahana amo e maimu; basileia badana ta na e tore isimu, tanobada kahadia daudau-hereadia ai.
JER 6:23 Idia ese peva bona io na imadia ai e abimu, idia na e daḡedaḡemu, bona asie hebogahisimu; reḡedia na davara guruna na heto. Siona natuna hahinemu e, idia na hosi ai e guimu, e heḡaeḡaemu, tau ta na tuari dainai e heḡaeḡaemu na heto, oi ihadikamu totona.
JER 6:24 Ita ese harina vada ta kamonai, a imada na asi goadadia; hisihisi bada-hereana ese e gugubadamu, hahine ta ena hekamonai hisina na heto.
JER 6:25 Basio raka lasi tano paka ai, bona dala ai basio raka, badina be inai tauna na mai darena ida e loamu, bona gari bada ese e ḡeḡeda ahumu.
JER 6:26 Egu bese natuna hahinemu e, puse dabuadia ba rio, kahu ai ba hekui-hekui; ba taitai, natuna vara-edeana e taitailaiamu na heto, herohe-ahu idita hereana; badina be hahebua-tari tauna ese baine hatakuda.
JER 6:27 Lau ese hidi-hidi tauna bona hahetoho tauna ai vada na halaomu egu orea taudia bogaragidiai, edia dala ba dibadia bona ba hididia totona.
JER 6:28 Idia iboudiai na e gwau ede-ede dikadikamu, hahebade koikoi herevadia e loalaidiamu; idia na auri bona auri labora-labora, iboudiai na e kara koikoimu.
JER 6:29 Lahi ihiririlaina ḡauna ese lahi e hahururuamu, e vevemu aurina na lahi ai e veve ohomu; haheḡoeva ḡaukarana e karaiamu na asi anina, badina be kara dika taudia na asie heabi ohomu.
JER 6:30 Silver momorudia bae gwauraidia, badina be Iehova ese vada e dadaraidia.
JER 7:1 Ina hereva na Iehova ena amo Ieremia enai e kau:
JER 7:2 Iehova ena dubu ikoukouna ai ba gini, unuseni ai hereva ba gwauraia, baoto, Iehova ena hereva ba kamonai, umui Iuda taumui, Iehova itomadiho-henina totona ini ikoukou lalodiai o raka vareaimu taumui iboumui ai.
JER 7:3 Iehova Sabaota, Israel Diravana, na ini e gwau tomamu: Emui dala bona emui kara ba hamaoromaorodia, bena ina gabu ai do baina hanohomui.
JER 7:4 Ini hedibagani herevadia basio abidadama herlidia: “Ina na Iehova ena dubu, Iehova ena dubu, Iehova ena dubu”.
JER 7:5 Badina be emui dala bona emui kara boma hamaoromaorodia vaitani, bona boma hahemaoro heheni mai maoromaoromui ida,
JER 7:6 idau tauna eiava ihareha eiava vabu basioma hahisihisidia, eiava asi ena kerere tauna rarana basioma hahebubua irla gabu ai, bona dirava idaudia igavadia ai sibomui basioma hahehisi,
JER 7:7 bena lau ese ina gabu ai do baina hanohomui, nega gunadia ai senemui na henidia vaitani tanona lalonai.
JER 7:8 A itaia, umui ese hedibaḡani herevadia o abidadama henidiamu na asi anina.
JER 7:9 Ba henao, ba roroma, ba heuda hanai, ba gwauhamata koikoi, muramura mai bonana ba gabua Baal enai, bona asio dibadia guna diravadia ba ḡavadia;
JER 7:10 bena baoma, lau vairagu ai ba gini, ina lau ladagu e henemailaia dubuna lalonai, baoto “Ai na vada a roho mauri”; bena unu kara dika-rohorohodia ma ba kara lou a?
JER 7:11 Ina lau ladagu e henemailaia dubuna na emui ita-ita ai dadidadi taudia edia kohua ai vada ela a? Iehova na e tomu, Lau sibogu ese vada na itaia.
JER 7:12 Egu gabu Silo ai, lau ladagu na hamialaia guna gabuna, baola; ba itaia, ede na karaia toma, egu bese Israel taudia edia kara dika daidiai.
JER 7:13 Iehova ma e tomu Harihari, unu ḡau iboudiai vada o karadia, bona igwau-henimui di asina hesiku lo asio kamonai, bona na boirimui to asio haere, dainai
JER 7:14 lau ese ina dubu, lau ladagu vada e henemailaia bona o abidadama heniamu dubuna, bona ina gabu, umui bona senemui na henimui gabuna, baina kara henidia, Silo na kara henia heḡereḡerena.
JER 7:15 Bona lau vairagu amo baina negemui daure, varavaramui, Efraim garana, iboudiai na negedia daure heḡereḡerena.
JER 7:16 Oi na ina bese taudia daidiai basio noinoi, eiava idia daidiai basio taitai eiava basio ḡuriḡuri eiava egu ai heraua basio tahua, badina be asina kamonai henimumu.
JER 7:17 Iuda hanuadia ai bona Ierusalem ariaradia ai e karamu karadia na so itamu a?
JER 7:18 Memero bona kekeni ese au rakuraku e haboumu, tamadia ese lahi e ha-aramu, bona hahine ese flaoa e kuiamu, guba pavapavana hahinena ena ataga bae gabu totona; bona inuinu bouboudia e bubudiamu, dirava idaudia ediai. Unu amo e habadugumu.
JER 7:19 Iehova na e tomu, Lau e haraivagumu eiava sibodia e haheraivamu bena hemarai na latadiai e kaumu a?
JER 7:20 Taunabunai Ḡaubada Iehova na ini e gwau tomamu: A itaia, egu badu, egu badu ḡaraḡara, na ina gabu latanai baina bubua dobi, taunimanima bona ubu-ubu ḡaudia, bona imea audia bona uma anidia danu, latadiai; ia na baine ara, basine bodo.
JER 7:21 Iehova Sabaota, Israel Diravana, na ini e gwau tomamu: Emui kara helaḡadia ba kara negadia ai, emui ḡole-oho boubou ḡaudia danu ba hahelaḡadia, bena vamudia bavani.
JER 7:22 Badina be Aigupto amo na hakaudia lasi dinana amo ema, lau ese senemui asina hereva henidia, bona asina haḡanidia idia ese ḡole-oho bouboudia bona kara helaḡadia bae kara.
JER 7:23 To ina haheḡani na henidia, nato, Lau gadogu ba kamonai, bena lau na emui Dirava ai bainala, bona umui na egu bese ai baola; bona na haḡanilaimuimu dalana idoinai lalonai ba raka, bena ba namo.
JER 7:24 A idia na asie kamonaiva, taiadia asie hakalava, to sibodia edia hahealo ai bona sibodia edia lalo-hadai dikadia bona aukadia lalodiai e rakava, e raka duava, asie raka vairava.
JER 7:25 Senemui na Aigupto tanona amo e raka lasi dinana amo ema bona ina dina, lau ese peroveta taudia, egu hesiai taudia, iboudiai na dina ta ta ai idia dekedia na siaidiava, asina hesiku;
JER 7:26 ḡau tamona, idia na asie kamonai heniguva bona taiadia asie hakalava, a aiodia e ha-aukadiava. Edia kara dika ese tamadia edia kara dika e hereadiava.
JER 7:27 Taunabunai, ini hereva iboudiai na ba hamaorolaidia, to basie kamonai henimu. Ba boi henidia, to basie haere henimu.
JER 7:28 Bena ba hamaorodia, baoto, Ina na Iehova, edia Dirava, gadona asie kamonai bona mata-hakani asie abia dae besena. Hereva momokani vada e boio vaitani, bona idia bibinadia amo vada e ore.
JER 7:29 Huimu ba utu nege, ororo nemuka-nemukadia ai ba rohe ahu; badina be Iehova ese e badu heniamu uruna na vada e dadaraia bona vada e rakatania.
JER 7:30 Iehova na e tomu: Badina be Iuda taudia na lau vairagu ai vada e kara dika; edia ḡau dika-rohorohodia na lau ladagu vada e henemailaia dubuna lalonai vada e atodia, unu amo vada e hamiroa.
JER 7:31 Tofete ai, Hinom natuna ena koura ai, idia ese atai gabuna helaḡana ta vada e hadaia, natudia mamaruanedia bona hahinedia na lahi ai bae haḡoledia oho helaoreana; lau ese unu asina haḡanidia toma, bona unu asina laloa toma.
JER 7:32 Taunabunai, Iehova na e tomu, negana vada be maimu “Tofete” bona “Hinom natuna ena koura” basie gwauraia, a ladana bae hatoa “Ala-ala Kourana”; mase taudia na Tofete ai bae guridia, badina be idau gabu ai na asi gabudia.
JER 7:33 Bena ina bese taudia tau-anidia na atai manudia bona uda boromadia ese bae anidia; ta ese basine luludia oho.
JER 7:34 Bena Iuda hanuadia bona Ierusalem ariaradia lalodiai lau ese kiri bona moale reḡedia baina hadokodia, bona headava matamata tauna bona hahinena gadodia danu; badina be tano na baine mia ḡaḡae.
JER 8:1 Iehova na e tomu, Una negana ai Iuda pavapavadia bona Iuda lohiadia turiadia, bona hahelaḡa taudia bona peroveta taudia turiadia, bona Ierusalem inoholaina taudia turiadia, garadia amo bae lasilai;
JER 8:2 bena bae atodia rohoroho, dina bona hua bona hisiu iboudiai, e ura henidiava bona isiaidia e lao heniva ḡaudia, e ḡavadiava bona e tahudiava bona e toma henidia dihova ḡaudia, vairadiai. Basie haboudia bona basie guridia; a tano kopina ai bae mia, boromakau tagena e atoa rohoroho na heto.
JER 8:3 Iehova Sabaota na e tomu, Ina kara dika oreana kwabukwabudia iboudiai ese mase bae ura henia bada, mauri bae ura henia maraḡi, vada na luludia lao gabudia iboudiai Ialodiai.
JER 8:4 Ba hamaorodia, baoto, Iehova ini e gwau tomamu: Taunimanima e ketomu negadia ai e tore isi loumu ani? Ta bema raka siri, bena ma bema lou, ani?
JER 8:5 Matona, dahaka dainai ina bese taudia vada e raka siri, vada e raka muri dabudabu? Koikoi e badinaia tarika-tarikamu, asie uramu bae kerehai.
JER 8:6 Vada na hakala, vada na kamonai, a idia na asie hereva maoromaoro; asi tauna ta na ena kara dika amo e helalo kerehaimu, e tomu “Dahaka vada na karaia?” Iboudiai na ta ta ena dala ena dala ai e laomu, hosi na tuari gabuna e heau lalo-dika heniamu na heto.
JER 8:7 Boḡe na atai ai e nohomu, bona ena nega dibana, bona pune bona aibisi bona noko na edia mai negadia na dibadia; a lauegu bese taudia na. Iehova ena taravatu asi dibadia.
JER 8:8 Edeheto o herevamu, o tomu “Ai na mai aonegamai bona Iehova ena taravatu na ai emai ai” a? A itaia, itorena taudia edia puri koikoina ese hereva koikoina ai vada e halaoa.
JER 8:9 Aonega taudia na bae hahemaraidia; daradia bae doko, bena vada bae abidia. A itaia, Iehova ena hereva vada e dadaraia, daka aonega na idia lalodiai?
JER 8:10 Taunabunai lau ese adavadia na haida baina henidia, bona edia uma na kwalimu taudia baina henidia; badina be maragina ela bona badana, iboudiai ese mata-ganigani karadia e gugulaimu; bona peroveta tauna ela bona hahelaḡa tauna, iboudiai e kara koikoimu.
JER 8:11 Egu orea taudia berodia vada e haḡoevadia lamai-lamai, eto “Maino, maino”, maino do lasi negana ai.
JER 8:12 Kara dika-rohorohona e karaia negana ai, idia na e hemarai a? Idia na asie hemarai, lasi ona lasi vaitani; hemarai mamina na asi dibadia. Taunabunai vada e keto taudia bogaragidiai bae keto; baina hadava henidia negana ai vada bae darere. Iehova na e hereva nu.
JER 8:13 Iehova na e tomu: Iburukidia na urava negana ai, vine audia na asi vinedia, bona suke audia na asi sukedia; rau danu vada e marai, bona na henidia ḡaudia na ediai vada e boio.
JER 8:14 Dahaka dainai ta helai kavamu? Aita hegogo, hanua mai maḡudia lalodiai baitala, unuseni ai baita mase; badina be Iehova, eda Dirava, vada e revada mase, e imoraia ranuna vada e henida, baita inua, badina be Iehova enai vada ta kara dika.
JER 8:15 Maino ta naria, a ḡau namona ta asinema; hahemauri negana ta naria, to, a itaia, hahegari mo e hedinarai.
JER 8:16 Edia hosi edia hakoko na Dan amo e kamonaimu; edia hosi mamaruanedia e tubebemu negadia ai na tano idoinai e tabubumu. Idia na e maimu, tano mai anina idoinai ida e ani oremu, hanua badana danu, mai inoholaina taudia ida.
JER 8:17 Badina be gaigai na bogaragimui ai na siaidia vasimu, duba, basie hamanadadia diba ḡaudia; bena idia ese bae korimui. Iehova na e herevamu.
JER 8:18 Egu lalo-hisihisi na asi ihamarumaruna, lalogu na e manoka-manokamu.
JER 8:19 A hakala, egu bese kekenina e taitaimu, tano ena lata bona ena lababa amo, e tomu, Iehova na Siona lalonai se nohomu a? Pavapavana na ia lalonai se nohomu a? Badina be dahaka vada e habadugu, e koro laulaudia bona idau taudia edia kaivakuku amo?
JER 8:20 Taboro negana vada e ore, lailai huana vada e kau, bona ta ese do se hamaurida;
JER 8:21 badina be egu bese kekenina berona dainai lalogu na e hisihisimu, na taitaimu, bena gari ese e butugu taomu.
JER 8:22 Gilead na asi ena dahudahu muramurana a? Asi gorere ihanamona tauna ta unuseni ai a? Matona, dahaka dainai egu bese kekenina ena gorere na se namomu.
JER 9:1 Kwaragu anina bema ranu mo, bena matagu amo iruru-mata bema aru; bena bama tai boi tai rani, egu bese kekenina ena mase taudia taidia bama tai.
JER 9:2 Bema mai egu taruha ta tano ḡaḡaena ai, bena egu bese taudia bama rakatanidia, edia amo bama raka oho! Badina be idia iboudiai na heuda-hanai taudia, kara dibaka oreana;
JER 9:3 maladia e marediamu peva na heto, koikoi karadia vada e goada tano lalonai, dia kara momokanidia; badina be dika ta amo e laomu ela bona ma dika ta, bona asi dibadia lau. Iehova na e herevamu.
JER 9:4 Ta ta ese dekena tauna dekena tauna nahuadia bae toho, bona tadikakana ta basie abidadama henia; badina be tadikakamui iboudiai ese bae laimui oho, bona dekemui taudia iboudiai na e loa eva-evamu, hesivarai totona.
JER 9:5 Ta ta ese dekena tauna dekena tauna e koidiamu, bona asi tauna ta ese hereva momokanina e gwauraiamu; maladia vada e hadibadia, bae hereva koikoi, kara havara e karamu, bona helalo-kerehai ai e hebala reamu.
JER 9:6 Hahehisi na hahehisi latanai e senuamu, bona koikoi na koikoi latanai; asie uramu bae dibagu. Iehova na e herevamu.
JER 9:7 Taunabunai Iehova Sabaota na ini e gwau tomamu: A itaia, baina haḡoevadia bona baina tohodia, badina be ede ma bama kara toma, egu bese taudia daidiai?
JER 9:8 Idia maladia na hahemase hakorena, e hereva koikoimu; ta ta uduna uduna amo maino e herevalaiamu, dekedia taudia ediai, a lalodiai ibani-henidia dalana e tahuamu.
JER 9:9 Iehova na e tomu, Matadia basina hakanidia ini kara daidiai, bona bese inihetomana davana basina henia, a?
JER 9:10 Ororo ba tailaidia, ba tai lolololo, tano ḡaḡaena ena rei gabudia daidiai ba rohe ahu; badina be vada e havahudia, ta ese se rakadia hanaimu, bona boromakau ḡoudia asie hekamonaimu; atai manudia bona boroma idau-idau vada e heau boio.
JER 9:11 Ierusalem baina ḡiḡia dobi, uda sisiadia edia kohua ai baina halaoa; Iuda hanuadia baina habuadia tari, asi inoholaina gabuna ai bainela.
JER 9:12 Daika ena aonega na bada, bena ina na dibana? Iehova uduna ese daika vada e hereva henia, bena ia ese baine gwauraia? Badina be dahaka tano vada e hebua tari bona vada e vahu, tano ḡaḡaena na heto, bena tau ta ese se rakaia hanaimu?
JER 9:13 Iehova na e tomu, Badina be egu taravatu, vairadiai na atoa ḡauna, vada e rakatania, bona lau gadogu asie kamonai bona asie rakalaia;
JER 9:14 a sibodia edia lalo-hadai vada e ḡavadia mai lalo-aukadia ida, bona Baal muridiai vada ela, tamadia ese e hadibadia heḡereḡerena.
JER 9:15 Taunabunai, Iehova Sabaota, Israel Diravana, na ini e gwau tomamu: A itaia, ina bese taudia na ava iditana amo baina ubudia, bona e imoraia ranuna baina henidia, bae inua.
JER 9:16 Baina hakarohodia rohoroho, bese idau-idau, idia bona tamadia danu asi dibadia besedia, bogaragidiai; bona dare na idia muridiai baina siaia ela bona baina ha-oredia.
JER 9:17 Iehova Sabaota na ini e gwau tomamu: A haeroa, tai-hevale hahinedia a boiridia; ima-idibaka hahinedia a boiridia baema.
JER 9:18 Idia na bae kara haraḡa, bae tailaidia, bena iruru-matada bae diho; matada kopidia amo ranu baine aru diho.
JER 9:19 Badina be taitai reḡena na Siona amo e maimu, e tomu, Madi, vada ta dika vaitani, vada ta hemarai vaitani; badina be eda tano vada ta rakatania, badina be eda ruma vada e gigidia dobi.
JER 9:20 Hahine e! Iehova ena hereva ba kamonai, ia uduna herevana na taiamui ai baine vareai; natumui kekenidia na rohe-ahu ba hadibadia, bona dekemui hahinedia na tai hahane ba hadibalaidia.
JER 9:21 Badina be mase na eda ruma gaba-maurudia ai vada e dae vareai, eda lohia rumadia ai vada e dae kau; memero bona kekeni na ruma ariaradia ai vada e hamasedia, bona eregabe taudia danu hanua ariaradia ai.
JER 9:22 A hereva, baoto, Iehova na ini e gwau tomamu: Mase taudia na bae heḡiḡi dobi, boromakau tagena tano paka ai na heto, eiava uit ikumidia uit iutuna tauna murinai na heto, ta ese basine haboudia.
JER 9:23 Iehova na ini e gwau tomamu: Aonega tauna ese ena aonega basine heaḡilaia; goada tauna ese ena goada basine heaḡilaia; taḡa tauna ese ena taḡa basine heaḡilaia.
JER 9:24 A heaḡi e wamu tauna ese ina na baine heaḡilaia: ia dibana lau bona egu ai lalona e pararamu; dibana lau na Iehova, hebogahisi karadia bona hahemaoro ḡoevaḡoeva bona kara maoromaorodia na karamu tanobada ai; badina be unu ḡau na moalelaidiamu. Iehova na e herevamu.
JER 9:25 Iehova na e tomu. A itaia, negana vada e maimu, vada e heperitome to asi anina peritomena taudia iboudiai na lau ese davadia baina henidia,
JER 9:26 Aigupto, Iuda, Edom, Amono besena, Moab, bona tano ḡaḡaena ai e nohomu bona bagudia huidia e merameramu taudia iboudiai. Badina be ini bese iboudiai na asie peritomedia, bona Israel taudia danu peritome ai lalodia asie hahelaḡadia.
JER 10:1 Israel besena e, Iehova ese e hereva henimu herevana na ba kamonai! Iehova na ini e gwau tomamu:
JER 10:2 Basileia idau-idau edia dala basio hahedibalai, bona guba toadia basio garilai, basileia idau-idau ese e garilaidiamu dainai;
JER 10:3 badina be bese idau-idau edia kara na kokoikoi. Uda auna ta e hagariamu, bena ima-idibaka tauna ese ira amo e haḡoevaiamu;
JER 10:4 taunimanima ese silver bona gold amo e ḡovaiamu, bona lavu bona ikoko amo e kokoa kaumu, ia basine marere-marere helaoreana.
JER 10:5 Edia kaivakuku na manu ihagaridia ḡaudia kiukamba umana ai na heheto; idia na asi hereva dibadia. Haida ese e huadia loaloamu, badina be asi raka dibadia. Garidia basio gari, badina be dika ikarana asi dibadia, bona namo ikarana danu asi dibadia.
JER 10:6 Iehova e, oi na asi idaimu; oi na bada, bona oi ladamu siahuna na bada.
JER 10:7 Bese idau-idau edia pavapava e! Daika ese basine gari henimu? Badina be oi ahumu korikori bunai. Badina be bese idau-idau edia aonega taudia iboudiai bogaradiai, bona edia basileia iboudiai lalodiai, oi na asi idaimu.
JER 10:8 Idia na lalo-duhu bona kavakava ḡaudia; kaivakuku edia hahediba na au ena mo.
JER 10:9 Silver, e botaia palakamu ḡauna, na Tarasisi amo e mailaiamu, bona gold na Ufasa amo. Ikaradia na ima-idibaka taudia edia ḡaukara, bona gold iḡaukaralaina taudia imadia ḡaukaradia; edia dabua na ḡahukaḡahuka bona mia-kaka, iboudiai na ima-idibaka taudia ese e karadia.
JER 10:10 A Iehova na Dirava korikorina; ia na mauri Diravana bona noho-hanaihanai Pavapavana. E badumu negadia ai tano e lagamu; ena badu henunai basileia idau-idau na asi haheauka dibadia.
JER 10:11 Taunabunai ini ba hamaorodia toma, baoto: Guba bona tanobada asie karadia diravadia na tanobada amo bona guba henuna auno bae boio.
JER 10:12 Ia ese ena siahu amo tanobada e karaia, bona ena aonega amo tanobada idoinai e haginia, bona ena lalo-parara amo guba e idia roro.
JER 10:13 Ia e herevamu negadia ai, ranu na e heguruamu guba ai; ia ese ninoa e hadaeamu, tanobada dokodia amo. Ia ese medu kevarudia e halasidiamu, bona lai na ena habou-habou rumadia amo e hakaudia lasimu.
JER 10:14 Taunaimanima iboudiai na kakavakava bona asi aonegadia, bona gold igaukaralaina taudia iboudiai na edia kaivakuku ese e hahemaraidiamu; badina be edia kaivakuku na koikoi ḡaudia, bona asi laḡadia.
JER 10:15 Idia na asi anidia, haero-kerere ese e havaradia; edia dava-abi negana ai bae mase.
JER 10:16 Iakob ahuna na dia unuheto; badina be ia ese ḡau iboudiai vada e karadia. Ia dihina na Israel besena; ia ladana na Iehova Sabaota.
JER 10:17 Emui kohu ikumidia na tano amo bavabi isi, umui e daia ahumu hanuana ai o nohomu taumui.
JER 10:18 Badina be Iehova na ini e gwau tomamu: A itaia, ina nega ai tano inoholaina taudra na davedia lasimu; hisihisi na idia latadiai baina mailaia, bae mamia helaoreana.
JER 10:19 Madi ihabaigu, egu hisihisi dainai; vada na bero dikadika. A lau nato, Momokani, ina na hisihisi ta; baina haheaukalaia.
JER 10:20 Egu dabua kalagana vada e ḡiḡia dobi, egu kalaga varodia iboudiai vada e motu; natugu ese vada e rakatanigu, idia na lasihidia. Asi tauna ta ese egu dabua kalagana baine veria roro lou, eiava egu seseahu dabuadia baine taudia dae.
JER 10:21 Badina be mamoe ireḡudia taudia na kakavakava, idia na Iehova enai asie henanadaimu; taunabunai edia namo asie habadaia, bona edia seri idoinai vada e karoho rohoroho.
JER 10:22 A hakala, hari ta! A itaia, e maimu! Heloḡo-heloḡo badana mirigini kahana amo e maimu, Iuda hanuadia ihabua-taridia, bona uda sisiadia edia komu gabudia ai ihalaodia.
JER 10:23 Iehova e, lau dibagu taunimanima ena dala na dia ia sibona lalona ai, bona taunimanima ena raka na ia sibona ese basine gwauraia hidi.
JER 10:24 Iehova e, egu kerere dodinai mo matagu ba hakania, dia emu badu ai, ba habuagu tari na garina.
JER 10:25 Emu badu na ba seia dobi, asie dibamumu basileiadia latadiai, bona oi ladamu asie hahaneamu besedia latadiai; badina be idia ese Iakob vada e hadonoa; vada e hadonoa, vada e ha-orea, bona ena noho gabuna vada e havahua.
JER 11:1 Ina hereva na Iehova ena amo ema, Ieremia enai:
JER 11:2 Ina taravatu herevadia ba kamonai, bona Iuda taudia bona Ierusalem inoholaina taudia ba hereva henidia.
JER 11:3 Ba hamaorodia, baoto, Iehova, Israel Diravana, na ini e gwau tomamu: Ina taravatu herevadia basine kamonai henidia tauna na bae uduguiraia.
JER 11:4 Taravatuna binai senemui na haḡanilaidia, Aigupto tanona, auri amuna, amo na hakaudia lasi negana ai, nato, Lau gadogu ba kamonai, bona na haḡanilaimuimu karadia iboudiai na ba. kara, unu amo umui na egu bese ai baola bona lau na emui Dirava ai bainala;
JER 11:5 bena senemui na gwaurai henidia gwauhamatana, nato rata bona badaranuna e arumu tanona baina henimui, na baina hamomokania, hari ina dina ai heḡereḡerena. Bena lau na haere, nato, Iehova e, unu baine heto.
JER 11:6 Bena Iehova ese e hamaorogu, eto, Ini hereva iboudiai na Iuda hanuadia ai bona Ierusalem ariaradia ai ba g vaurai hedinarai, baoto: Ina taravatu herevadia ba kamonai, bona karadia ba kara.
JER 11:7 Badina be senemui na sisiba henidia auka, Aigupto tanona amo na hakaudia lasi negana ai, na sisiba henidia loulou, asina hesiku, ema bona ina dina ai, nato, Lau gadogu ba kamonai.
JER 11:8 Ḡau tamona, asie kamonai henigu bona taiadia asie hakala, a iboudiai na edia lalo-hadai dikadia ai bona edia lalo-auka ai e raka. Taunabunai, ina taravatu herevadia iboudiai, na haḡanidia bae kara to asie kara ḡaudia, na idia latadiai na hadihodia.
JER 11:9 Iehova ese ma e hamaorogu, eto, Iuda taudia bona Ierusalem inoholaina taudia bogaragidiai haida na e gwau dagemu.
JER 11:10 Idia ese senedia, egu hereva ikamonaidia asie urava taudia, edia kara havara vada e lou heni, dirava idaudia muridiai vada ela, isiaidia bae lao heni totona. Israel besena bona Iuda besena taudia ese egu taravatu, senedia na henidia ḡauna, vada e tataia utu.
JER 11:11 Taunabunai, Iehova na ini e gwau tomamu: Lau ese dika na latadiai ba hadihoamu, basie roho mauri diba; ena be bae tai henigu, to basina kamonai.
JER 11:12 Bena Iuda hanuadia bona Ierusalem inoholaina taudia na baela, muramura mai bonadia e gabu henidiamu diravadia bae tai henidia, to edia hekwakwanai negana ai unu idia ese basie hamauridia diba.
JER 11:13 Badina be, Iuda e, emui dirava na emui hanua hohodia heḡereḡeredia; bona ihaboulaina patadia vada o hadai, sibomui ihahemaraimui, latadiai muramura mai bonadia Baal ba gabu henia totona, na Ierusalem ariaradia hohodia heḡereḡeredia.
JER 11:14 Taunabunai, ina bese taudia daidiai basio ḡuriḡuri; idia daidiai basio tai bona basio noinoi. Badina be edia hekwakwanai negana ai bae boi henigu, to lau na basina kamonai.
JER 11:15 Egu lalokau hahinena ese kara dikadia e karamu bena egu ruma ai e raka vareaimu na maoro eiava? Gwauhamata bona boubou ḡaudia hidiodia ese ihabua-tarimui baine laoa ahu diba a? Bena ba heaḡi diba a?
JER 11:16 Nega ta ai Iehova ese e gwauraimu “Olive auna maurina, huahuana e dobi badabadamu ḡauna”; a mai lai-gubana bada-hereana ida ia ese baine ha-araia, bena rigina bae ara ore.
JER 11:17 Iehova Sabaota, e hadomui Diravana, ese dika na latamui ai vada e gwauraia, badina be Israel besena bona Iuda besena vada e kara dika, bona vada e habadugu, muramura mai bonadia na Baal e gabu henia dainai.
JER 11:18 Iehova ese e hadibagu, bena na diba; bena edia kara dika o haheitalaigu.
JER 11:19 A lau na mamoe natuna manadana ta bae alaia mase gabuna e hakaua laomu na heto. Asi dibagu lau ihadikagu totona e henega bou, eto, Au mai huahuana ida baita habuadia tari, mauri taudia edia tano amo baita negea daure, ia ladana basie laloa tao helaoreana.
JER 11:20 A Iehova Sabaota e, oi ese o hahemaoro ḡoevaḡoevamu, oi ese taunimanima lalodia bona daradia o dibadiamu; emu dava-ihenina idia latadiai na bama itaia, badina be egu dala na oi imamu ai vada na atoa.
JER 11:21 Taunabunai, hari Anatoto taudia, egu mauri iabi-ohona e tahuamu, e tomu “Iehova ladana ai basio peroveta, ai imamai amo ba mase na garina”, taudia na Iehova ese ini e herevalaia tomamu.
JER 11:22 Taunabunai, Iehova Sabaota na e tomu, A itaia, davadia baina henidia; eregabe taudia na dare ai bae mase; natudia mamaruanedia bona hahinedia na hitolo ese baine hamasedia;
JER 11:23 idia ta basine mauri. Badina be dika na Anatoto taudia latadiai baina hadihoa, edia dika davana ihenina laḡanina ai.
JER 12:1 Iehova e, emu kara na maoromaoro, na tai henimumu negadia ai; ḡau tamona, egu ginikau gabuna herevadia na oi vairamu ai baina gwaurai. Badina be dahaka kara dika taudia edia dala na e namo e laomu? Dahaka dainai kara dibaka taudia edia namo na e bada e laomu?
JER 12:2 Oi ese o hadodiamu, bena ramudia na e hekaramu; idia na e tubumu, e huahuamu; ududia ai oi na kahikahi, a lalodia ai oi na dauhai.
JER 12:3 Iehova e, oi dibamu lau; o itagumu, bona lalogu emu ai o dibaiamu. Ba veridia lasi, bae aladia mamoedia na heheto; bavatodia tabe, ala-ala dinana ena.
JER 12:4 Tano baine taitai ela bona edena nega ai? Gabu iboudiai reidia bae marai ela bona edena nega ai? Tano inoholaina taudia edia kara dika daidiai, tano boromadia bona manudia na e mase oremu; badina be taunimanima na eto “Eda dala dokona basine itaia”.
JER 12:5 Bema taunimanima ida o heau helulumu negadia ai taumu vada e boera, hosi ida ede ba heau helulu toma? Bona bema tano namona ai o ketomu, ede ba kara toma Ioridane udana lalonai?
JER 12:6 Badina be tadikakamu bona tamamu ena iduhu taudia ese danu vada e kara dibaka henimumu; bona mai lolodia ida e hahavamu. Ena be bae hereva namo henimu, to edia hereva basio abi dae.
JER 12:7 Egu ruma vada na rakatania, ahugu vada na negea. Egu lalokau hahinena na inaina imadia ai vada na atoa.
JER 12:8 Lau ahugu egu ai na uda leonana na heto; vada e lolo henigu, una dainai na inai heniamu.
JER 12:9 Ahugu egu ai na bogibada na heto a? Vamu-ani manudia ese e daia ahumu a? Aola, uda boromadia iboudiai ba haboudia; ba hakaudia mai, bae ania ore.
JER 12:10 Mamoe ireḡudia taudia hutuma ese egu vine imeana vada e habuaia tari, egu inogo vada e moia tao; egu inoḡo namona na tano ḡaḡaena asi inoholaina ai vada e halaoa.
JER 12:11 Idia ese vada e havahua, vahuna ese e tai henigumu; tano idoinai vada e vahu, bona tau ta ese se laloamu.
JER 12:12 Tano-gaḡaena ororodia nemuka-nemukadia iboudiai latadiai, hahebua-tari taudia vada e kau; badina be Iehova ena dare na e ala-alamu, tano hetoana dokona ta amo ela bona hetoa kahana dokona, ta asine mainomu.
JER 12:13 Idia ese uit vada e hadoa, to au giniginidia vada e utu; vada e hekwarahi mase, to edia hekwarahi na asi anina. Edia taboro daidiai bae hemarai, Iehova ena badu ḡaraḡara dainai.
JER 12:14 Dekegu taudia dikadia, egu bese Israel ahuna, vada na henidia bae ḡaunaia tanona, e dadia tohomu taudia, iboudiai na Iehova ese ini e herevalaidia tomamu: A itaia, edia tano amo baina dabuidia lasi, bona idia bogaragidia amo Iuda iduhuna baina dabuia lasi.
JER 12:15 Bena vada na dabuia lasi murinai ma baina bogadia hisi bona baina loulaidia, ta ta ahuna ahuna bona ta ta ena tano ena tano ediai.
JER 12:16 Una negana ai ia ese egu bese taudia edia dala bema tahu goadagoada, bona lau ladagu ai bema gwau hamata, bema toma “Iehova na e maurimu heḡereḡerena”, guna egu bese taudia na Baal ladana igwau-hamatalaina e hadibadiava na heto; bena idia na egu bese taudia bogaragidiai baina haginidia.
JER 12:17 A bese ta basinema kamonai, bena lau ese baina dabuia lasi vaitani bona baina habuaia tari. Iehova na e herevamu.
JER 13:1 Iehova ese ini e hamaorogu toma: Aola, riorio dabuana aukana ta ba hoia, bena ba rioa, ranu ai basio urua diho.
JER 13:2 Taunabunai lau ese riorio dabuana ta na hoia, Iehova ena hereva heḡereḡerena, bena na rioa.
JER 13:3 Bena nega iharuana Iehova ena hereva na egu ai e kau, eto,
JER 13:4 Vada o hoia bona o rioamu dabuana avabia, ba tore isi, Eufrate sinavaina baola, unuseni ai nadi kohua-kohuana ta ai ba hunia.
JER 13:5 Taunabunai lau nala, Eufrate sinavaina badibadinai na hunia, Iehova ese e haganigu heḡereḡerena.
JER 13:6 Dina hoho muridiai Iehova ese ma e hamaorogu, eto, A tore isi, Eufrate sinavaina baola, vada na haḡanilaimu bena unuseni ai o hunia dabuana na unu amo ma bavabia lou.
JER 13:7 Bena Eufrate sinavaina nala, tano na ḡeia, hari riorio dabuana na na hunia gabuna amo ma na abia. A na itaia, una norio dabuana vada e mouka-mouka; ia na negenege ḡauna mo.
JER 13:8 Bena Iehova ena hereva na egu ai e kau, eto,
JER 13:9 Iehova ini e gwau tomamu: Lau ese Iuda ena heaḡi bona Ierusalem ena heaḡi-bada na ene baina hadikadia toma.
JER 13:10 Ina kara dika besena, egu hereva ikamonaidia asie uramu to sibodia edia lalo-hadai e ḡavadiamu mai lalo-aukadia ida, bona dirava idaudia muridia amo e laomu, isiaidia bae lao heni bona bae toma henidia diho totona, taudia na ina riorio dabuana, negenege ḡauna, heḡereḡerena ai baela.
JER 13:11 Badina be riorio ḡauna na tau ta koekoena ai e herio kunuka-kunuka na heto, lau ese Israel besena idoinai bona Iuda besena idoinai na koekoegu ai na riodia kunuka-kunuka, egu ai bese ta bona lada ta bona heimodai ta bona hairai ta ai bema lao; a idia na asie ura bae kamonai. Iehova na e herevamu.
JER 13:12 Ina hereva ba hamaorolaidia, baoto, Iehova, Israel Diravana, na ini e gwau tomamu: Hodu iboudiai na vine ranuna ai bae honu. Bena bae haere henimu, baeto “Ai na asi dibamai hodu iboudiai na vine ranuna ai bae honu a?”.
JER 13:13 Bena ba hamaorodia, baoto, Iehova ini e gwau tomamu: A itaia, lau ese ina tano inoholaina taudia iboudiai na baina hakekerodia vaitani - pavapava, David ena terono ai e helaimu taudia, bona hahelaḡa taudia, bona peroveta taudia, bona Ierusalem inoholaina taudia iboudiai.
JER 13:14 Bena baina huaridia, ta ta, tama bona natuna, tama bona natuna, bae hehuari heheni. Basina bogadia hisi, basina hamauridia, ihabua-taridia ai basina bogalaidia. Iehova na e herevamu.
JER 13:15 A kamonai, taiamui a hakala, basio hekokoroku; badina be Iehova vada e hereva.
JER 13:16 Iehova, emui Dirava, ba imodaia, ia ese tano do se hadiburaiamu negana ai, ororo do asie vabura-vabura bena aemui do asie hetutuhi negana ai, diari ba tahua a ia ese vabura ai baine halaoa bona dibura masemase baine havaraia negana do se kau ai, ia ba imodaia.
JER 13:17 A basioma kamonai, bena lalogu baine tai hehuni, emui hekokoroku dainai; baina tai dikadika, iruru-matagu bae diho, badina be Iehova ena mamoe serina na vada e abia mauri.
JER 13:18 Hanua pavapavana mai sinana ida ba hamaorodia, baoto: Henu ai ba helai; badina be emui havava ḡauna herea-daena na kwaramui amo vada eme heabi oho.
JER 13:19 Diho kahana hanuadia vada e hekou ahu, asi ikehodia tauna ta; Iuda taudia iboudiai na vada e laohaidia, gabu daudau ai vada e hanohodia; vada e laohaidia vaitani.
JER 13:20 Matamui a gaga isi, mirigini kahana amo e maimu taudia ba itadia. Mamoe serina, e henimu ḡauna, na edeseni ai? Emu mamoe serina herea-daena be edeseni ai?
JER 13:21 Emu ai vada o hamanadadia bona turamu ai vada o halaodia taudia na ikwaramu taudia ai bae halaodia negana ai, ede ba hereva toma? Hisihisi ese basine gugubamu, hahine ena hekamonai hisidia na heheto, a?
JER 13:22 Bena lalomu boma tahua, boma toma “Dahaka dainai ini ḡau na latagu ai vada e kau?”; emu kara dika bada-hereana dainai ramimu vada e abia isi, bena vada e hadikamu.
JER 13:23 Etiopia tauna ese kopina baine ha-idaua, eiava taiga ese kopina toutouna baine ha-idaudia, a? Bema unuheto, umui kara dikadia vada o manadailai taumui ese kara namodia ba kara diba.
JER 13:24 Lau ese baina hakarohomui rohoroho, lai tano ḡaḡaena amo ese uit momodia e oda ohomu na heto.
JER 13:25 Iehova na e tomu: Oi ahumu binai, vada na hahetoho henimu ḡauna; badina be vada o lalogu boio, bona hereva koikoidia vada o abidadama heni.
JER 13:26 Lau sibogu ese vairamu ramina baina abia isi, bona emu hemarai badina baine hedinarai.
JER 13:27 Emu kara dika-rohorohodia vada na itadia, emu heuda-hanai bona emu tubebe, bona emu lebulebu karadia ororo gabaedia ai. Ierusalem e, madi ihabaimu! Ela bona edena nega ai ba haheḡoeva?
JER 14:1 Ina doe herevana na Iehova ena amo Ieremia enai e kau, eto:
JER 14:2 Iuda na e taitaimu, ena ikoukou na e manokamu; ena taunimanima na tano ai e rohe ahumu, bona Ierusalem ena taitai na e daemu.
JER 14:3 Ena lohia ese edia hesiai taudia na e siaidia laomu, ranu bae utu totona; idia ese ranu gabudia e lao henidiamu, a ranu asie davariamu; edia hodu na asi anidia e loulaidiamu, e hemaraimu bona e baiamu, kwaradia e ḡovadia ahumu.
JER 14:4 Ruarua taudia daradia e dokomu, medu na tano ai se dihomu dainai; biru taudia na e hemaraimu, kwaradia e ḡovadia ahumu.
JER 14:5 Dia hahinena tano paka ai ese natuna, vara matamata ḡauna, na e rakataniamu, rei lasi dainai;
JER 14:6 uda donikidia na ororo nemuka-nemukadia ai e ginimu, e laḡa dae laḡa daemu, uda sisiadia na heheto, matadia na e valahu-valahumu, aniani avadia lasi dainai.
JER 14:7 Iehova e, ena be emai kara havara ese e habadelaimaimu, to oi ladamu bagunai ba ḡaukara; badina be emai raka-muri na momo, ai ese vada a kara dika henimu.
JER 14:8 Israel ena helaro e, ena hahemauri dika negadia ai, anina be dahaka tano ai ba noho idau tauna na heto, eiava laolao tauna dala amo e raka sirimu, ena mahuta gabuna e tahuamu, na heto?
JER 14:9 Anina be dahaka daradara tauna heḡereḡerena ai baola, eiava goada tauna hahemauri karadia asi dibana heḡereḡerena ai? Ḡau tamona, Iehova e, oi na ai bogaragimai ai, bona ai na oi ladamu vada e henemailaimai; basio rakatanimai.
JER 14:10 Iehova ese ina bese na ini e herevalaia tomamu: Unu loa-kava loa-kava daladia mo e ura henidia bona aedia na asie rudia dainai, Iehova ese se abidia daemu; harihari edia kara havara baine lalodia tao, bona edia kara dika davadia baine henidia.
JER 14:11 Iehova ese e hamaorogu, eto: Ina bese taudia edia noho-namo basio ḡuriḡurilaia.
JER 14:12 Ena be e anivagamu, to edia taitai basina kamonai; ena be gole-oho bouboudia bona flaoa bouboudia bae hahelaḡad-ia, to basina abidia dae; a dare amo bona doe amo bona dai-hanai goreredia amo baina aladia mase.
JER 14:13 Bena lau nato, Ḡaubada Iehova e, a itaia, peroveta taudia ese vada e hamaorodiamu, e tomu “Dare basio itaia bona doe basio mamia, a lau ese maino korikori baina henimui ina gabu ai”.
JER 14:14 Bena Iehova ese e hamaorogu, eto, Peroveta taudia ese hereva koikoidia e gwauraimu lau ladagu ai; lau ese asina siaidia, bona asina haḡanidia eiava asina hereva henidia. Idia ese mata-hanai koikoina bona bagu-haoro asi anina bona sibodia edia lalo-hadai koikoidia na e perovetalai henimuimu.
JER 14:15 Taunabunai, hari peroveta taudia, lau ladagu ai e perovetamu to asina siaidiamu taudia, e gwaumu “Dare bona doe na ina tano ai basie kau” taudia, na Iehova ese ini e herevalaidia tomamu: Unu peroveta taudia na dare bona doe ese baine ha-oredia;
JER 14:16 bona e peroveta henidiamu taudia na Ierusalem ariaradia ai bae negedia lasi, doe bona dare ese bae aladia mase, bena idia bona adavadia bona natudia mamaruanedia bona hahinedia iguridia tauna ta basine noho; badina be idia sibodia edia kara dika na idia latadiai ma baina bubu.
JER 14:17 Ina hereva ba hamaorolaidia, baoto: Iruru-matagu bae diho boi bae diho rani, idia na basie doko; badina be egu bese natuna hane-ulato rami-hebouna vada e haberoa dikadika, vada e rahua mase.
JER 14:18 Tano paka ai bama raka lasi, a itaia, dare ai vada e mase taudia mo; bona hanua ai bama raka vareai, a itaia, doe ese e havaradia goreredia mo. Badina be peroveta tauna bona hahelaḡa tauna ese edia ḡaukara na tano idoinai e karamu, to asi aonegadia.
JER 14:19 Iuda vada o dadaraia vaitani a? Oi laumamu ese Siona e inai heniamu a? Dahaka dainai vada o rahumai mamase, bena asi ihamaurimai dalana? Maino a tahua, a ḡau namona ta se vara; ihamaurimai dalana a tahua, a hahegari mo a davaria.
JER 14:20 Iehova e, emai kara dika a gwaurai hedinaraimu, bona tamamai edia kara havara danu; badina be vada a kara dika henimu.
JER 14:21 Oi ladamu bagunai basio dadaraimai, emu terono herea-daena basio hahemaraia; ba helalo tao, bona emu gwauhamata emai ai na basio tataia utu.
JER 14:22 Bese idau-idau edia dirava bogaragidiai ta ese medu ihadihona mai dibana a? Eiava guba sibona ese batugu baine hadihoa a? Iehova e, emai Dirava, oi benai ani? Emai helaro na oiemu ai, badina be oi ese ini ḡau iboudiai o karadiamu.
JER 15:1 Bena Iehova ese e hamaorogu, eto, Ena be Mose bona Samuel na vairagu ai bema gini, to lalogu basinema heḡereḡere ina bese taudia bama hageredia. Vairagu amo ba siaidia oho, ba kahudia nege!
JER 15:2 Bena bae nanadaimu, baeto “Ede baiala?”, negana ai, ba hamaorodia, baoto, Iehova na ini e gwau tomamu: Dai-hanai gorerena ena, dai-hanai gorerena ese baine abidia, bona dare ena, dare ese baine abidia; doe ena, doe ese baine abidia, bona abi-mauri ena, vada bae abidia mauri.
JER 15:3 Iehova ma e tomu: Lau ese hahebua-tari ḡaudia hani baina duanaidia, bae biagudia: dare, iala-masedia totona; sisia, idaredia totona; bona atai manudia bona uda boromadia, iani-oredia bona ihabua-taridia totona.
JER 15:4 Lau ese hahegari ḡauna ai baina halaodia, tanobada basileiadia iboudiai ediai, Manase Hesekia, Iuda pavapavana, ese Ierusalem ai e karaia ḡauna dainai.
JER 15:5 Ierusalem e, daika ese baine bogamu hisi? Daika ese oi taimu baine tai? Daika baine raka siri, oiemu noho dalana inanadailaina totona?
JER 15:6 Iehova na e tomu: Vada o dadaraigu, bona murimu kahana o lao henia louloumu; taunabunai, lau imagu vada na toia roro, oi ihadikamu totona, bona vada na habuamu tari; hebogahisi ai na hesikumu.
JER 15:7 Itapo amo vada na tapodia hidi, tano ikoukoudia ai; egu hahemase ese natudia na edia amo vada e abidia oho, egu bese taudia vada na habuadia tari; idia na edia dala amo asie raka siri.
JER 15:8 Edia vabu vada na hahutumadia, kone mirina na heto; dina tubua ai hahebua-tari tauna vada na siaia, eregabe taudia sinadia ihadikadia totona; hisihisi-bada bona gari-bada na latadiai vada na hadiho taku.
JER 15:9 Natuna hahitu e havaradia hahinena na tauna vada e manori, vada e mase rea; do dina ai iena dina vada e diho, vada e hahemaraia bona vada na dadaraia. Idia taudia oredia na dare baina henia, inaidia vairadiai. Iehova na e herevamu.
JER 15:10 Sinagu e, madi ihabaigu! O havaragu, heai bona hepapahuahu taugu, tano idoinai enai. Asina heni torehai bona asina abi torehai, to idia iboudiai ese e uduguiraigumu.
JER 15:11 Iehova e, bema asina noimu, idia ihanamodia totona, bona inai taudia daidiai asina noi henimu, hekwakwanai bona hisi-ani negadia lalodiai, unu bema vara toma.
JER 15:12 Auri, mirigini kahana aurina, bona auri labora-laborana, na ta ese baine hakwaidua diba, a?
JER 15:13 Emu taḡa bona emu kohu namodia na dadidadi ḡaudia ai baina halaodia, asi davadia, emu kara dika iboudiai daidiai, emu tano hetoadia iboudiai lalodiai.
JER 15:14 Oi inaimu edia hesiai tauna ai baina halaomu, asi dibamu tanona ai, badina be egu badu ese lahi ta vada e ha-araia, bena baine ara hanaihanai.
JER 15:15 Iehova e, oi dibamu; ba lalogu tao, ba vadivadigu; bona e hahisihisigumu taudia na davadia ba henidia, lau daigu ai. Emu haheauka ai basio abigu oho; ba diba, oi daimu ai hereva metaudia na huamu.
JER 15:16 Emu hereva na davaridia, bena na anidia, emu hereva ese e hamoalegu, lau lalogu ihamoalena ḡaudia ai ela; badina be Dirava, Iehova Sabaota e, lau be oi ladamu vada na henemailaia.
JER 15:17 E moale hebouva taudia bogaragidiai asina helai, bona asina moale. Sibogu na helai, badina be oi imamu na latagu ai; badina be oi ese badu ai o hahonugu.
JER 15:18 Dahaka dainai egu hisihisi na asi dokona, bona berogu na asi ihanamona, se uramu baine namo lou? Oi na sinavai-sinavai koikoina heḡereḡerena ai baola egu ai, e kororomu ranudia heḡereḡeredia ai a?
JER 15:19 Taunabunai Iehova ini e gvau tomamu: Boma lou mai, bama haginimu lou, bena vairagu ai boma gini. Bema hereva namo-hereadia ba gwaurai, dia hereva asi anidia, oi na lau udugu heḡereḡerena ai baola. Idia ese bae haḡeregu, a oi ese basio haḡeredia.
JER 15:20 Bena ina bese taudia ediai lau ese auri-laboralabora maguna aukana ai baina halaomu; idia ese bae tuari henimu, to basie hadareremu; badina be lau na oi ida, oi ihamaurimu bona irauamu totona. Iehova na e herevamu.
JER 15:21 Kara dika tauna imana amo baina rauamu, bona asi ena hebogahisi tauna imana amo baina hamaurimu.
JER 16:1 Iehova ena hereva na egu ai e kau, eto:
JER 16:2 Hahine ta basio adavaia, bona natumu mamaruanedia eiava hahinedia basio havaradia ina gabu ai.
JER 16:3 Badina be Iehova ese ina tano ai e varamu memerodia bona kekenidia, bona e abidia hahinedia bona e havaradia taudia na ini e herevalaidia tomamu:
JER 16:4 Idia na mase goreredia amo bae mase. Haida ese basie rohedia ahu bona basie guridia; idia na tano kopina ai bae mia, boromakau taḡena na heto. Dare bona doe ese bae hamasedia, bena tau-ani masedia na atai manudia bona uda boromadia adia aniani ai baela.
JER 16:5 Badina be Iehova na ini e gwau tomamu: Taitai rumana lalonai basio raka vareai, rohe-ahu totona basiola, basio tailaidia; badina be egu maino bona egu lalokau bona egu hebogahisi na ina bese taudia edia amo vada na abi oho. Iehova na e herevamu.
JER 16:6 Kikina-badana na ina tano ai bae mase; haida ese basie guridia; bona tau ta ese basine tailaidia, eiava basine tai hekakasi eiava kwarana basine naua, idia daidiai.
JER 16:7 Ta ese aniani basine dabaraia taitai tauna ana, mase dainai tauna baine haloa totona; bona ta ese tauhalo keherena basine henia, tamana eiava sinana daidiai baine inua totona.
JER 16:8 Aria rumana lalonai basio raka vareai, aria taudia ida basio helai hebou, idia ida basio aniani bona basio inuinu.
JER 16:9 Badina be Iehova Sabaota, Israel Diravana, na ini e gwau tomamu: A itaia, umui vairamui ai bona umui emui nega ai, kiri reḡedia bona moale reḡedia, headava matamata tauna gadona bona headava matamata hahinena gadona, na ina gabu ai baina hadokodia.
JER 16:10 Ini hereva iboudiai na ina bese taudia ba hamaorodia negana ai, idia ese bae hereva henimu, baeto, Dahaka dainai Iehova ese ina dika badana idoinai na ai latamai ai vada e gwauraia? Emai kara havara be dahaka? Emai kara dika, Iehova, emai Dirava, enai vada a karaia, be dahaka?
JER 16:11 Una negana ai oi ese ba haere henidia, baoto, Iehova na e tomu: Badina be tamamui ese vada e rakatanigu, dirava idaudia muridia amo vada ela, isiaidia vada e lao heni, bona vada e toma henidia diho; lau vada e rakatanigu bona egu taravatu asie badinaia,
JER 16:12 bona tamamui edia kara dika vada o hereadia; a itaia, iboumui ai emui ura dikadia auka-hereadia o badinadiamu, bona asio uramu lau ba kamonai henigu.
JER 16:13 Taunabunai, lau ese ina tano lalona amo baina tahomui lasi, umui asi dibamui bona tamamui asi dibadia tanona ai, unuseni ai dirava idaudia isiaidia ba lao heni, dina ai bona hanuaboi ai; badina be lau ese basina lalo namo henimui.
JER 16:14 Iehova na e tomu: Taunabunai ba itaia, dinadia na e maimu, taunimanima na basie hereva lou, basieto “Iehova; Israel taudia na Aigupto tanona amo e hakaudia lasi Diravana, e maurimu heḡereḡerena”,
JER 16:15 a baeto “Iehova, Israel taudia na mirigini kahana tanona amo bona e luludia lao tanodia iboudiai amo vada e loulaidia Diravana, e maurimu heḡereḡerena”. Badina be lau ese ma baina hakaudia lou, edia tano korikori, senedia na henidia tanona, lalonai.
JER 16:16 Iehova na e tomu: A itaia, haoda taudia hutuma na boiridiamu; idia ese bae aladia. Una murinai, labana taudia hutuma baina boiridia; bena ororo badadia bona maraḡidia iboudiai latadiai bae tahudia, bona kohuakohua lalodiai danu.
JER 16:17 Badina be lau matagu ese edia dala iboudiai e raraidiamu; egu ai idia na asie hehunimu, bona edia kara-havara na lau matagu amo asie helavahumu.
JER 16:18 Edia kara havara bona edia kara dika davadia baina henidia harua, badina be idia ese egu tano na edia kaivakuku dika-hereadia tau-anidia amo vada e hamiroa, bona lau ahugu tanona na edia ḡau dika-rohorohodia amo vada e hahonua.
JER 16:19 Iehova e, egu goada bona egu gabu-aukana, egu roho-mauri gabuna, hekwakwanai dinana ai; tanobada dokodia amo bese iboudiai bae vasi, baeto: Tamamai ahudia na koikoi mo, ḡau asi anidia bona asi namodia.
JER 16:20 Tau ta ese sibona ena dirava baine karadia diba a? Unuhetomadia na dia dirava.
JER 16:21 Taumabunai, a itaia, lau ese baina hadibadia, ina nega tamona egu siahu bona egu goada baina hadibalaidia, bona bae diba lau ladagu na Iehova.
JER 17:1 Iuda taudia edia kara dika na auri purina amo vada e torea; vasiga matana amo idia lalodia ai vada e gasia, bona edia ihaboulaina patadia doadia ai;
JER 17:2 bona natudia ese danu edia ihaboulaina patadia e lalodia taomu, bona edia au-tubua helaḡadia danu, au mauridia iboudiai badibadidiai, bona ororo doridia ai,
JER 17:3 bona tano paka ororodia ai. Emu taḡa bona emu kohu namodia iboudiai na haida baina henidia, edia dadidadi ḡaudia, emu kara dika davana emu tano idoinai lalonai.
JER 17:4 Imamu na ahumu, na henimu ḡauna, amo do bavabia oho, bena baina siaimu, asi dibamu tanona ai inaimu isiaidia ba lao heni; badina be egu badu ai lahi ta vada e ara, bona baine ara hanaihanai.
JER 17:5 Iehova ini e gwau tomamu: Taunimanima e abidadama henidiamu, bona hidio na ena goada badina ai e halaoamu, bona lalona na Iehova ena amo e raka ohomu, tauna na bae uduguiraia.
JER 17:6 Ia na au rabatarina tano kaukauna ai na heto; ḡau namona ta ia vairanai basine hedinarai. Tano ḡaḡaena haura-hauradia ai baine noho, laguta ai, tau ta ese se noholaiamu tanona ai.
JER 17:7 Iehova e abidadama heniamu tauna na namo; ena heabidadama na Iehova.
JER 17:8 Ia na ranu badinai e hadoamu auna na heto, ia ramuna na e hetoimu, sinavai badibadinai; siahu negana ai ia na se garimu, badina be ia rauna dounu e maurimu; laḡani dikana ai ia na se hekwarahimu, badina be huahuana ihavarana se hadokoamu.
JER 17:9 Taunimanima lalodia na koikoi herea bona dika rohoroho, daika ese baine dibadia?
JER 17:10 Lau Iehova ese taunimanima daradia na tahudiamu, bona lalodia na tohodiamu, taunimanima ta ta ena dala ena dala bona ena kara anina ena kara anina heḡereḡeredia baina henidia totona.
JER 17:11 Aba ese natuna, se hapapadia ḡaudia, na e haboudiamu na heto, taḡa e habouamu, a dia kara maoromaoro amo, tauna na unuheto; ena mauri bogaraginai idia ese bae rakatania, bona ena mauri dokona ai ia na kavakava tauna ai bainela.
JER 17:12 Matamana amo atai ai e atoa teronona helea-daena na eda gabu helaḡana.
JER 17:13 Iehova e! Israel ena helaro e! E rakatanimu taudia iboudiai na bae hahemaraidia; oiemu amo e raka murimu taudia ladadia na tanobada ai mo bae hetore, badina be Iehova, mauri ranuna lohilohina, vada e rakatania.
JER 17:14 Iehova e, ba hanamogu, bena do baina namo; ba hamaurigu, bena do baina mauri; badina be oi na egu heimodai Diravana.
JER 17:15 A itaia, idia ese e hereva henigumu, e tomu “Iehova ena hereva be edeseni ai? Bainema!”
JER 17:16 Lau ese asina noimu dika ba siaia, bona hahebua-tari dinana asina uralaia; oi danu dibamu; udugu bibinadia amo e lasi herevana na oi vairamu ai mo e lasi.
JER 17:17 Basio hagarigu; oi na egu roho-mauri gabuna, dika e kaumu dinana ai.
JER 17:18 E hahisihisigumu taudia na bae hahemaraidia, a lau na basie hahemaraigu; idia na kudoudia bae hetaha, a lau kudougu basine hetaha; dika dinana na latadiai ba hadihoa, ba habuadia tari vaitani.
JER 17:19 Iehova ese ini e hereva henigu toma, eto: Aola, Beniamina Ikoukouna, Iuda pavapavadia e raka vareaimu bona e raka lasimu ikoukouna, enai ba gini, bona Ierusalem ikoukoudia iboudiai ediai danu.
JER 17:20 Bena baoto: Iuda pavapavamui bona Iuda taumui iboumui ai bona Ierusalem inoholaina taumui iboumui ai, ini ikoukou amo o raka vareaimu taumui, Iehova ena hereva ba kamonai.
JER 17:21 Iehova ini e gwau tomamu: Emui mauri nahuadia ba toho, Dina Helaga ai maduna ta basio huaia, eiava ini Ierusalem ikoukoudia amo basio vareailaia,
JER 17:22 bona Dina Helaga ai maduna ta na emui ruma amo basio huaia lasi. A Dina Helaḡa na ba hahelaḡaia, lau ese senemui na haḡanilaidia heḡereḡerena.
JER 17:23 Ḡau tamona, idia na asie kamonai, taiadia asie hakala, a aiodia e ha-aukadia, basie kamonai bona hahediba herevadia basie abi dae dainai.
JER 17:24 Iehova na e tomu: Boma kamonai henigu, Dina Helaḡa ai maduna ta ina hanua ikoukoudia amo basioma vareailaia, a Dina Helaḡa na boma hahelaḡaia bona ia lalonai ḡaukara ta basioma karaia;
JER 17:25 bena pavapava haida, David ena terono ai e helaimu taudia, na ina hanua ikoukoudia amo bae heau vareai, kariota ai bona hosi latadiai, idia bona edia lohia taudia, Iuda taudia bona Ierusalem inoholaina taudia; bena ina hanua na bae noholaia hanaihanai.
JER 17:26 Bena taunimanima na Iuda hanuadia bona Ierusalem hegegemadaina hanuadia bona Beniamina tanona bona taora tanodia bona ororo tanodia bona diho kahana tanodia amo baema, ḡole-oho boubou ḡaudia bona boubou idau-idau ḡaudia bona naoa boubou ḡaudia bona muramura mai bonadia na bae mailai, bona hahenamo herahiadia danu bae mailai, Iehova ena dubu lalonai bae vareailai.
JER 17:27 A basioma kamonai henigu, Dina Helaḡa basioma hahelaḡaia, bona Dina Helaḡa ai maduna ta boma huaia, Ierusalem ikoukoudia ai boma vareailaia; bena lau ese lahi ta baina ha-ariaa ena ikoukou ai, bena una lahi ese Ierusalem ena lohia rumadia baine aradia ore; tau ta ese basine habodoa.
JER 18:1 Iehova ena hereva Ieremia enai e kau, eto:
JER 18:2 A tore isi, uro ikarana tauna ena ruma a diho henia lao, unuseni ai baina hereva henimu.
JER 18:3 Taunabunai, uro ikarana tauna ena ruma na diho henia lao, unuseni ai ena uro na igirogirona patana ai e ḡaukaralaiava.
JER 18:4 E karaiava urona na uro ikarana tauna imana ai e dika; bena ia ese e kuia lou, uro idauna ta e karaia, uro ikarana tauna ena lalo-hadai heḡereḡerena.
JER 18:5 Bena Iehova ena hereva na egu ai e kau, eto:
JER 18:6 Israel besena e, ina uro ikarana tauna vada e karaia heḡereḡerena ai lau ese basina kara henimu diba a? Iehova na e herevamu. Israel besena e, a itaia, raro na uro ikarana tauna imana ai na heto, umui na lau imagu ai.
JER 18:7 Bema nega ta ai lau ese bese ta eiava basileia ta baina herevalaia, bainato baina butua oho, baina hahegiḡia dobi, baina habuaia tari;
JER 18:8 bena una na herevalaia besena ese ena kara dika baine rakatania, lau na baina helalo kerehai, bona na haeroa karana, ia ihadikana karana, na basina kara henia.
JER 18:9 Bona bema nega ta ai lau ese bese ta eiava basileia ta baina herevalaia, bainato baina haginia bona baina hadaia,
JER 18:10 bena ia na lau vairagu ai baine kara dika bona lau gadogu basine kamonai, lau na baina helalo kerehai, bona na haeroa karana, ia ihanamona karana, na basina karaia.
JER 18:11 Taunabunai, harihari Iuda taudia bona Ierusalem inoholaina taudia na ba hamaorodia, baoto, Iehova ini e gwau tomamu: A itaia, lau ese umui ihadikalaimui karana ta na hegaegaelaiamu bona ihadikalaimui dalana ta na haeroa heḡaeḡaemu. Ibouboumui ai emui dala dikadia amo ba lou, bona emui dala bona emui kara ba haḡoevadia.
JER 18:12 A idia na e tomu, Una na asi anina; ai na sibomai emai lalo-hadai baia badinadia, bona ta ta emai lalo-hadai dikadia baia goadalai, mai lalo-aukamai ida.
JER 18:13 Taunabunai Iehova na ini e gwau tomamu: Bese idau-idau bogaragidiai ba henanadai, daika ese hereva inihetomana vada e kamonai? Hane-ulato rami-hebouna Israel ese ḡau dika-rohorohona ta vada e karaia.
JER 18:14 Lebanon snow-dia na Sirion hagadia amo e veve ohomu a? Ororo ranudia, sinavai keruma-kerumadia, e kororomu a?
JER 18:15 A lauegu bese taudia ese vada e lalogu boio; muramura mai bonadia na dirava koikoidia e gabu henidia. Idia na edia dala ai vada e hetutuhi, sene negana daladia; uda daladia ai vada e raka, dia laolao dalana ai.
JER 18:16 Edia tano na hahegari ḡauna ai vada e halaoa, bae si henia hanaihanai ḡauna; e rakaia hanaimu taudia iboudiai na gari ese e butudia taomu, bona kwaradia e taiko-taikomu.
JER 18:17 Laurabada na heto baina odadia rohoroho inaidia vairadiai, baina muri henidia, basina vaira henidia, edia hahedika dinana ai.
JER 18:18 Bena idia eto, Aoma, Ieremia ihadikana daladia baita haero, badina be taravatu na hahelaḡa tauna enai basine boio, bona hahealo herevadia na aonega tauna enai basie boio, bona hereva na peroveta tauna enai basine boio. Aoma, baita uduguiraia, bona ena hereva ta basita abia dae.
JER 18:19 Iehova e, a hakala henigu, egu noinoi a kamonai!
JER 18:20 Dika be namo davana a? Ḡau tamona guri ta vada e ḡeia, egu mauri iabi-ohona totona. Ba laloa tao, lau na oi vairamu ai na gini, idia ihanamodia herevadia baina gwaurai totona, bona emu badu na idia edia amo baina laoa ahu totona.
JER 18:21 Taunabunai, natudia na doe amo ba hahitolodia, dare ena siahu henunai bavatodia, adavadia na ba hagabanidia bona ba havabudia. Edia tatau na dai-hanai gorerena ese baine hamasedia, bona edia uhau na dare ese baine aladia mase tuari lalonai.
JER 18:22 Dadidadi taudia ba siaidia bena bae hahoadia negana ai, taitai na edia ruma amo baine hekamonai; badina be guri vada e ḡeia lau iabigu totona, bona idoa vada e atodia, lau aegu idoadia totona.
JER 18:23 Ḡau tamona, Iehova e, edia kara iboudiai oi dibamu, idia na e henega boumu, lau iala-masegu totona. Edia kara havara basio gwaua tao; edia kara dika na oi vairamu amo basio kokia oho. Oi vairamu ai bae darere; emu badu negana ai ba kara henidia.
JER 19:1 Iehova ini e gwau toma: Aola, uro ikarana tauna ena hoduhodu ta ba hoia, bena hanua taubadadia haida bona hahelaḡa taudia badadia haida na bavabidia;
JER 19:2 bena ba raka lasi, Hinom natuna ena koura baola, Ataga Ikoukouna raka-vareaina ai. Unuseni ai na hamaorolaimunu herevadia ba gwaurai hedinarai.
JER 19:3 Baoto: Iuda pavapavana hahidaosi bona Ierusalem inoholaina taumui e, Iehova ena hereva ba kamonai. Iehova Sabaota, Israel Diravana, na ini e gwau tomamu: A itaia, lau ese dika badana ta ina gabu latanai baina havaraia; bena bae kamonai taudia iboudiai na taiadia bae hemai-hemai.
JER 19:4 Badina be taunimanima ese vada e rakatanigu, ina gabu vada e hamiroa, ia lalonai muramura mai bonadia vada e gabu, dirava idaudia, idia bona tamadia bona Iuda pavapavadia iboudiai na asi dibadia diravadia, ediai; bona, badina be ina gabu na asi edia kerere taudia raradia ai e hahonua,
JER 19:5 bona Baal ena atai gabudia vada e larebadia, natudia mamaruanedia na lahi ai bae haḡoledia, Baal ena gole oho boubou ḡaudia ai bae halaodia, totona; a lau ese una kara asina haheḡanilaia eiava asina hahedualaia, bona asina laloa davari.
JER 19:6 Iehova na e tomu: Taunabunai, ba itaia, nega na e maimu ina gabu ladana basie hatoa “Tofete” eiava “Hinom natuna ena koura”, a bae hatoa “Ala-ala Kourana”.
JER 19:7 Ina gabu ai lau ese Iuda bona Ierusalem edia lalo-hata ḡaudia na asi anidia ḡaudia ai baina halaodia, bona edia taunimanima na inaidia edia dare amo bona edia mauri iabi-ohona dalana e tahuamu taudia imadia amo baina hamasedia. Bena lau ese tau-anidia masedia na atai manudia bona uda boromadia baina henidia, adia.
JER 19:8 Ina hanua na gari ihavarana ḡauna ai baina halaoa, taunimanima ese bae silaia ḡauna; e rakaia hanaimu taudia iboudiai na bae gari bona bae si dagu, enai e varamu karadia dika-hereadia daidiai.
JER 19:9 Bena inaidia bona edia mauri iabi-ohona dalana e tahuamu taudia ese bae koudia ahu bona bae hahisihisidia negana ai, lau ese natudia mamaruanedia bona hahinedia hidiodia baina ha-anidia, bona ta ta dekena tauna dekena tauna hidiodia bae ani danu.
JER 19:10 Bena oi ese hari hoduhodu ba hamakohia, oi ida baola taudia vairadiai.
JER 19:11 Bena ba hamaorodia, baoto, Iehova Sabaota na ini e gwau tomamu: Ina bese bona ina hanua na unu baina hamakohidia toma, uro ikarana tauna ena hoduhodu e hamakohiamu, asi ibanina, na heto. Mase taudia na Tofete ai bae guridia, badina be asi iguridia gabuna idauna ta.
JER 19:12 Iehova na e tomu: Lau ese ina gabu mai inoholaina taudia ida na unu baina karadia toma; ina hanua na Tofete heḡereḡerena ai baina halaoa.
JER 19:13 Bena Ierusalem taudia edia ruma bona Iuda pavapavana hahidaosi edia ruma, guhidia ai muramura mai bonadia e gabu, dina bona hua bona hisiu iboudiai ediai, bona inuinu bouboudia e bubu, dirava idaudia ediai, rumadia na bae hamirodia, gabu ladana Tofete heḡereḡerena.
JER 19:14 Bena Ieremia na Iehova ese e siaia lao unuseni ai baine peroveta totona gabuna, Tofete, amo vada ema, Iehova ena dubu maguna lalonai e gini; bena ia ese taunimanima iboudiai e hereva henidia, eto,
JER 19:15 Iehova Sabaota, Israel Diravana, na ini e gwau tomamu: A itaia, ina hanua badana latanai bona digina hanuadia iboudiai latadiai lau ese dika idoinai ia latanai vada na gwauraia na baina hadihoa; badina be idia ese aiodia vada e ha-aukadia, bona egu hereva ikamonaidia asie ura.
JER 20:1 Hahelaḡa tauna Pasahuru, Imere natuna, Iehova ena dubu itataona tauna badana, na e kamonai, Ieremia ese ini ḡau vada e perovetalai.
JER 20:2 Bena Pasahuru ese peroveta tauna Ieremia e dadabaia, bena hekahi-tao audia ai e atoa, Iehova ena dubu ikoukouna, ladana Beniamina Ikoukouna, atai ḡauna, enai.
JER 20:3 Daba rerena ai, Pasahuru ese Ieremia na hekahi-tao audia amo e kahua nege. Bena Ieremia ese e hamaoroa, eto, Iehova ese ladamu se hatoamu “Pasahuru”, a e hatoamu “Hahegari heḡegemadai”.
JER 20:4 Badina be Iehova ini e gwau tomamu: A itaia, lau ese oi sibomu ihagarimu bona oi turamu iboudiai ihagaridia ḡauna ai baina halaomu. Idia na inaidia edia dare matadia ai bae mase, oi vairamu ai. Bena lau ese Iuda taudia iboudiai na Babulono pavapavana imana ai baina atodia; ia ese baine ḡuidia, Babulono baine laohaidia, dare amo baine aladia mase.
JER 20:5 Ina danu, hanua badana ena taḡa idoinai, vada e habou ḡaudia bona e heaḡilaimu kohudia iboudiai, bona Iuda pavapavadia edia kohu namodia iboudiai, na inaidia imadia ai baina atodia; idia ese bae dadihaidia, bae dabaidia tao, bena Babulono bae laohaidia.
JER 20:6 Bona oi Pasahuru, bona emu ruma inoholaina taudia iboudiai, na bae ḡuimui, oi bona turamu iboudiai, ediai vada o peroveta koikoi taudia, Babulono do baola, unuseni ai ba mase, unuseni ai bae gurimui.
JER 20:7 Iehova e, oi ese vada o dibaḡanigu, bena vada o koigu; oi ese goada ai vada o hereagu, vada o kwalimu. Dina idoinai e kirikirilaigumu; iboudiai ese e ḡonaḡonalaigumu.
JER 20:8 Lau na herevamu negadia ai na ḡabamu, na lolomu, na tomu “Daḡedaḡe bona hahebuatari”. Badina be Iehova ena hereva na egu ai gwau-gwau bona hekirikirilai ḡauna ai e laomu, dina idoinai.
JER 20:9 Bama toma “Ia ladana basina hatoa eiava ia ladana ai basina hereva lou”, to lalogu na e kara lahi e aramu na heto, turiagu ai e miamu; ihaheaukalaina ai na hesikumu, asi haheauka dibagu.
JER 20:10 Badina be hutuma edia hemaunu na kamonaimu, hahegari ese e ḡeḡegu daemu. “A habadelaia; aita habadelaia”; na manada henidiamu taudia iboudiai na unu e hereva tomamu; e raraigu taomu, baina keto e tomamu. E tomu “Reana ta ese baine koia, bena baita hadarerea, bena davada baita abia ienai”.
JER 20:11 A Iehova na egu tuari tauna mai garina na heto, taunabunai ihahisihisigu taudia na bae hetutuhi; idia ese basie hadareregu. Idia na bae hemarai dikadika, badina be basie kwalimu; idadaraidia na baine hesiriu, bona basine boio ela bona hanaihanai.
JER 20:12 Iehova Sabaota e, oi ese kara maoromaorodia taudia o tohodiamu, taunimanima lalodia bona daradia o dibadiamu; emu dava-abi idia latadiai mani baina itaia, badina be egu ginikau gabuna na emu ai vada na atoa.
JER 20:13 Ane avabia, Iehova ena; Iehova ba imodaia! Badina be e dabu taudia na ia ese vada e hamauridia, kara dika taudia imadia amo.
JER 20:14 Na vara dinana na na uduguiraiamu; sinagu ese e havaragu dinana na ta ese basine hanamoa.
JER 20:15 Hereva na tamagu dekena e laohaia, eto “Natumu maruanena ta vada e vara”, bena unu amo e hamoalea bada, tauna na na uduguiraiamu.
JER 20:16 Una tau na Iehova ese e ḡiḡia dobi, se bogaia hisi, hanuana heḡereḡerena ai bainela; daba ai taitai ta baine kamonai, bona dina tubua ai dika harina ta.
JER 20:17 Badina be sinagu bogana ai se alagu mase; unu bema kara toma sinagu na egu gara ai bema lao, bona bogana bema bada hanaihanai.
JER 20:18 Dahaka dainai sinagu bogana amo na lasi, hekwarahi bona lalo-hisihisi na mamidia, bona egu mauri dinadia na hemarai ai na ha-orediamu?
JER 21:1 Ina na Iehova ena hereva, Ieremia enai e kau, King Sedekia ese Pasahuru Malkia bona hahelaḡa tauna Sefania Maaseia na ia dekena e siaidia lao negana ai. Idia eto,
JER 21:2 Iehova ba nanadaia ai daimai ai, badina be Nebukadresara, Babulono pavapavana, ese e tuari henimaimu; reana Iehova ese ena hoa karadia iboudiai heḡereḡeredia ai baine kara henimai, bona ai emai amo baine haloua.
JER 21:3 Bena Ieremia ese e haere henidia, eto,
JER 21:4 Sedekia na ini ba hamaoroa toma, baoto, Iehova, Israel Diravana, na ini e gwau tomamu: A itaia, tuari ḡaudia imamui ai mimia, Babulono pavapavana bona Kaldea taudia, emui hanua maguna murimurinai e gegemui ahumu taudia, o tuarilai henidiamu ḡaudia, na baina laodia ahu, bona inaimui na ina hanua bogaraginai baina haheboudia.
JER 21:5 Lau sibogu ese baina tuari henumui mai imagu hetoi-rorona bona imagu goadana ida, badu ai bona daḡedaḡe ai bona badu-garagara bada-hereana ai.
JER 21:6 Bona ina hanua inoholaina taudia baina harahudia mase, taunimanima bona ubu-ubu ḡaudia danu; dai-hanai gorerena badana ta ese baine hamasedia.
JER 21:7 Iehova ma e tomamu: Una murinai lau ese Sedekia, Iuda pavapavana, bona ena hesiai taudia, bona ina hanua taudia hahidaosi dai-hanai gorerena bona dare bona doe amo bae roho mauri taudia, na Nebukadresara, Babulono pavapavana, bona adia inai taudia, edia mauri iabi-ohona dalana e tahuamu taudia, imadia ai baina atodia. Ia ese dare matana amo baine aladia mase; basine bogadia hisi, basine kahudia nege, basine bogalaidia.
JER 21:8 Bena ina bese taudia danu ba hamaorodia, baoto, Iehova na ini e gwau tomamu: A itaia, lau ese mauri dalana bona mase dalana na vairamui ai vada na atodia.
JER 21:9 Ina hanua lalonai baine noho tauna na dare bona doe bona dai-hanai gorerena amo baine mase; a baine raka lasi, sibona hari Kaldea taudia, e gegemui ahumu taudia, imadia ai baine heato, tauna na baine mauri; ena mauri na kwalimu ahuna ai bainela.
JER 21:10 Iehova ma e tomamu: Badina be lau ese vairagu vada na ha-aukaia ina hanua enai, dika ihavarana totona, dia namo ihavarana; Babulono pavapavana imana ai baine heato, bena ia ese lahi amo baine doua.
JER 21:11 Iuda pavapavana ena iduhu taudia ba hamaorodia, baoto, David iduhuna e, Iehova ena hereva ba kamonai!
JER 21:12 Iehova ini e gwau tomamu: Hahemaoro karadia ḡoevaḡoevadia na daba ai ba kara, bona ena ḡau e henao tauna na ihahisihisina tauna imana amo ba hamauria; egu badu ḡaraḡara na lahi heḡereḡerena ai baine lasi na garina, bena baine ara, ta basine habodoa diba, emui kara dikadia daidiai.
JER 21:13 Koura inoholaina taumui e! Taora nadi-ginina e! A itaia, lau ese na inai henimuimu; Iehova na e herevamu. Umui na o tomamu: Daika ese baine tuari henimai? Daika ese emai noho gabudia lalodiai baine vareai?
JER 21:14 Iehova na e tomamu: Davamui baina henimui, emui kara anidia heḡereḡeredia; ena uda ai lahi ta baina ha-araia, bena ia heḡeḡe-madaina idoinai baine araia ore.
JER 22:1 Iehova ini e gwau tomamu: Ba diho lao, Iuda pavapavana ena ruma baola, unuseni ai ina hereva ba gwauraia,
JER 22:2 baoto, Iuda pavapavana e, David teronona ai o helaimu tauna, Iehova ena hereva ba kamonai, oi bona emu hesiai taudia bona emu bese taudia, ini ikoukou lalodiai e raka vareaimu taudia, danu.
JER 22:3 Iehova ini e gwau tomamu: Hahemaoro goevaḡoevadia bona kara maoromaorodia ba kara; bona ena ḡau vada e henao tauna na ihahisihisina tauna imana amo ba hamauria. Idau tauna bona ihareha bona vabu na basio kara dika henidia bona basio daḡedaḡe henidia, bona asi ena kerere tauna rarana basio hahebubua ina gabu ai.
JER 22:4 Badina be ina hereva boma kamonai momokani, bena ina ruma ikoukoudia lalodiai pavapava haida, David teronona ai e helaimu taudia, na kariota ai bona hosi ai ḡuidia ai bae vareai, idia bona edia hesiai taudia bona edia bese taudia danu.
JER 22:5 A ini hereva nahuadia basio toho, lau na sibogu ladagu ai na gwau hamatamu, ina ruma na baine mia ḡaḡae.
JER 22:6 Badina be Iehova ese Iuda pavapavana ena ruma na ini e herevalaia tomamu: Oi na Gilead na heto lauegu ai, eiava Lebanon dorina na heto; ḡau tamona, lau ese tano ḡaḡaena ai bona hanua asi inoholaina ai baina halaomu.
JER 22:7 Hahebua-tari taudia baina abidia heḡaeḡae, umui ihadikamui, ta ta mai edia tuari ḡaudia; bena idia ese emu sida audia ḡoeva-daedia bae hagaridia, lahi ai bae tahodia kau.
JER 22:8 Bese momo ese ina hanua badana bae rakaia hanai, bena ta ta ese dekena tauna dekena tauna bae nanadaidia, baeto, Dahaka dainai Iehova ese ina hanua bada-hereana na ini vada e kara henia toma?
JER 22:9 Bena idia na bae haere, baeto, Badina be idia ese Iehova, edia Dirava, ena taravatu e rakatania, dirava idaudia e toma henidia dihova bona isiaidia e lao heniva.
JER 22:10 Mase tauna basio tailaia bona basio lalo-hisihisilaia, a e raka ohomu tauna dainai ba tai badabada; badina be ia na nega ta ai basine lou mai, ena tano korikori basine itaia lou.
JER 22:11 Badina be Iehova ese Salumu, Iuda pavapavana Iosia natuna, tamana Iosia gabuna ai e lohiava bena ina gabu amo e raka oho tauna, na ini e herevalaia tomamu: Ia na nega ta basine lou mai iniseni ai,
JER 22:12 a heabi-mauri iḡuina ai vada e laohaia gabuna ai baine mase; ina tano na nega ta basine itaia lou.
JER 22:13 Kara gageva-gageva amo ena ruma e haginiamu bona ena atai daiutudia hahemaoro kererena amo danu, bona ia dekena tauna na ena hesiai tauna ai e halaoamu asi ahuna, bona ena ḡaukara davana se heniamu, tauna na madi, ihabaina!
JER 22:14 Ia na e tomu “Egu ruma badana auta baina haginia mai atai daiutudia badadia”; bena ia ese gaba-mauru haida e karamu, bona habana na sida reireidia amo e ḡovaiamu, bona muramura kakakaka-hereana amo e dahuamu.
JER 22:15 Sida audia iḡaukaralaidia ai o hereamu dainai, oi na o laloamu oi na pavapava ta a? Oi tamamu na e anianiva, e inuinuva, bona hahemaoro ḡoevaḡoevadia bona kara maoromaorodia e karava, ani? Bena ienai namo e varava.
JER 22:16 Ia ese oḡoḡami taudia bona e dabuva taudia edia gini-kau gabuna e hahemaorolaia, bena vada e namo. Iehova na e tomamu “Ina na dia lau idibalaigu dalana a?”
JER 22:17 A oi matamu ese ḡau ta se itaiamu, bona lalomu ese ḡau ta se laloamu, a o abi koikoi kohudia mo, bona asi ena kerere tauna rarana ihahebubuna mo, bona hahehisi bona daḡedaḡe karadia ikaradia mo.
JER 22:18 Taunabunai, Iehova ese Iehoiakim, Iuda pavapavana Iosia natuna, na ini e herevalaia tomamu: Basie tailaia, basieto “Tadikakagu o!” eiava “Taihugu o!” Basie rohea ahu, basieto “Lohia o!” eiava “Pavapava o!”
JER 22:19 Doniki igurina heḡereḡerena ai bae ḡuria; bae veria lao, Ierusalem ikoukouna murimuridiai bae negea lao.
JER 22:20 Lebanon ba dara dae, ba tai lolo, gadomu ba habadaia Basan ai; Abarimi amo ba tai, badina be e ura henimuva taudia iboudiai vada e mase ore.
JER 22:21 Emu noho namo ai na hereva henimu, a oi oto “Basina kamonai”; eregabemu negana amo emu kara na eneheto, lau gadogu so kamonai henia.
JER 22:22 Lai ese emu hereḡu taudia baine odadia oho, bona e ura henimumu taudia na bae heabi mauri; bena ba hemarai bona ba baia, emu kara dika iboudiai daidiai.
JER 22:23 Lebanon inoholaina taumu e, sida audia bogaragidiai o nohomu; hisihisi baine gugubamu negana ai, hahine ena hekamonai hisidia na heheto, emu ḡanaḡana na baine bada.
JER 22:24 Iehova na e tomu, Lau na maurimu heḡereḡerena, ena be Konia, Iuda pavapavana Iehoiakim natuna, na lau imagu kwakikwakina vagivagina, egu toa ḡauna, imagu idibana ai, to bama kokimu oho,
JER 22:25 emu mauri iabi-ohona dalana e tahuamu taudia, o gari henidiamu taudia, imadia ai bama atomu; oibe, Nebukadresara, Babulono pavapavana, bona Kaldea taudia, i nadia ai danu.
JER 22:26 Lau ese oi bona sinamu, e havaramu hahinena, na idau tano, lalonai so vara tanona, enai baina tahomu lao, unuseni ai vada ba mase.
JER 22:27 A ilou-henina bae ura dikadika tanona na basie lou henia.
JER 22:28 Ina tau Konia na e dadaraiamu ḡauna, wo makohina, ta ese se ura heniamu ḡauna, a? Dahaka dainai ia mai natuna ida vada e tahodia lao, asi dibadia tanona ai vada e negedia?
JER 22:29 Tano e, tano e, tano e, Iehova ena hereva ba kamonai!
JER 22:30 Iehova ini e gwau tomamu: Ina tau ladana ba torea “asi natuna”; ena mauri dinadia lalodiai namo basine abia. Badina be ia garana ta basine namo, David ena terono ai basine helai kau, bona Iuda ai basine lohia lou.
JER 23:1 Iehova na e tomu, Mamoe ireḡudia taudia, egu rei gabudia mamoedia e habuadia tarimu bona e hakarohodiamu taudia, madi, ihabaidia!
JER 23:2 Taunabunai, Iehova, Israel Diravana, ese egu bese e reḡuamu taudia na ini e herevalaidia tomamu: Egu seri vada o hakarohodia rohoroho, vada o luludia oho, asio regudia. Iehova na e tomu, A itaia, lau ese emui kara dika davadia do baina henimui.
JER 23:3 Bena egu seri mamoedia kwabukwabudia na na luludia lao tanodia iboudiai amo ma baina haboudia, edh magu ai ma baina hakaudia vareai; bena natudia bae havaradia, vada bae hutuma.
JER 23:4 Lau ese mamoe ireḡudia taudia na daediai baina atodia, bena idia ese bae regudia; bena basie gari lou bona kudoudia basie hetaha lou, bona ta basine boio. Iehova na e herevamu.
JER 23:5 Iehova na e tomu, A itaia, negana vada e maimu, lau ese kara maoromaoro Rigina ta baina haginia David ena; ia na baine pavapava, bona baine kara aonega; ia ese hahemaoro ḡoevaḡoeva bona kara maoromaoro na ina tano ai baine kara.
JER 23:6 lena nega ai Iuda na baine roho mawi, bona Israel na baine noho namonamo. ia ladana bae hatoa “Iehova na eda kara maoromaoro”.
JER 23:7 Iehova na e tomu, Taunabunai, negana vada e maimu, taunimanima na basie hereva lou, basieto “Iehova, Israel taudia na Aigupto tanona amo e hakaudia lasi Diravana, e maurimu heḡereḡerena”,
JER 23:8 a baeto “Iehova, Israel garana na mirigini kahana tanona bona e luludia lao tanodia iboudiai lalodia amo e hakaudia lou mai Diravana, e maurimu heḡereḡerena”. Bena idia na edia tano korikori ai bae noho.
JER 23:9 Peroveta taudia herevadia: Daragu vada e doko, turiagu iboudiai na e heude-heudemu; lau na kekero tauna na heto, vine ranuna ese vada e hakekeroa tauna na heto, Iehova dainai, bona ena hereva helagadia daidiai.
JER 23:10 Badina be tano na heuda-hanai taudia ai eme honu; heuduguirai dainai tano na e taimu, bona tano ḡaḡaena reidia vada e kakoro. Edia dala na dika, bona edia goada na dia maoro.
JER 23:11 Peroveta tauna bona hahelaḡa tauna, raruosi ese Dirava se matauraiamu; egu dubu ai danu edia kara dika vada na davaria. Iehova na e herevamu.
JER 23:12 Taunabunai, edia dala na ediai dala dedika-dedikadia dibwa ai heḡereḡeredia ai baela; lalodiai bae luludia vareai, bena bae keto; taunabunai lau ese dika na latadiai baina hadihoa, edia mata-hakani laḡanina lalonai. Iehova na e herevamu.
JER 23:13 Samaria ena peroveta taudia ediai mamina dika karana ta na itaia: idia na Baal ladana ai e perovetava, bona egu bese Israel e hakaua kerereva.
JER 23:14 A Ierusalem ena peroveta taudia ediai ḡau dika-rohorohona ta vada na itaia: idia na e heuda hanaimu, bona koikoi daladia ai e rakamu; kara dika taudia umadia na e ha-aukadiamu, taunabunai ta na ena kara dika amo se raka ohomu; iboudiai na egu ai vada e hekara Sodoma na heto, bona inoholaina taudia na Gomora na heto.
JER 23:15 Taunabunai, Iehova Sabaota ese peroveta taudia na ini e herevalaidia tomamu: A itaia, ava iditana baina ubulaidia, bona e imoraia ranuna baina ha-inulaidia; badina be Ierusalem ena peroveta taudia edia amo, Dirava idadaraina karadia na tano idoinai vada e piua lao.
JER 23:16 Iehova Sabaota na ini e gwau tomamu: Peroveta taudia edia hereva basio abi dae. Idia ese e peroveta henimuimu, helaro asi anidia ai e hahonumuimu; idia ese sibodia lalodia ai e mata hanaimu ḡaudia mo e gwauraimu, dia Iehova uduna herevadia.
JER 23:17 Idia ese Iehova ena hereva e dadaraiamu taudia na e hamaorodia louloumu, e tomu “Umui na do ba namo”; bona sibodia edia lalo-auka daladia ai e rakamu taudia na e hamaorodiamu, e tomu “Dika ta na latamui ai basine kau”.
JER 23:18 Badina be idia bogaragidia amo daika na Iehova ena henega ai vada e gini, ena hereva baine dibaia bona baine kamonaia totona? Eiava daika ese ena hereva vada e hakala henia bona vada e abia dae?
JER 23:19 A itaia, Iehova ena lai gubana! Badu vada e lasi, koe-hirihiri bada-hereana na heto, kara dika tauna kwarana ai baine kau.
JER 23:20 Iehova ena badu na basine lou, ela bona ia lalona ena ura iboudiai baine kara bona baine haguguru. Dina gabedia ai ba lalo-pararalaia ḡoevaḡoeva.
JER 23:21 Peroveta taudia na asina siaidia, to idia na e heau; lau ese asiua hereva henidia, to idia na e perovetava.
JER 23:22 A lauegu henega ai bema gini, idia ese egu bese taudia na egu hereva bema gwaurai henidia, bona edia dala dikana amo bema hakaudia oho, bona edia kara dikadia amo danu.
JER 23:23 Iehova na e tomu, Lau na gabu kahikahidia Diravana a dia gabu daudaudia Diravana a?
JER 23:24 Iehova na e tomu, Tau ta na gabu hehunidia ai baine komu diba bena basina itaia a? Iehova na e tomu, Lau ese guba bona tanobada asina hahonudiamu a?
JER 23:25 Peroveta taudia, hari lau ladagu ai e peroveta koikoimu taudia, edia hereva vada na kamonai; idia na e tomu “Vada na nihi, vada na nihi”.
JER 23:26 Hari e peroveta koikoimu bona sibodia lalodia ai e hekoimu taudia lalodia ai koikoi baine mia ela bona edena nega ai?
JER 23:27 Idia na e laloamu edia nihi, e hesivarailai hehenimu ḡaudia, daidiai lau ladagu ilalo-taona na egu bese taudia lalodia amo bae abia oho, tamadia ese Baal dainai lau ladagu e laloa boio heḡereḡerena.
JER 23:28 Peroveta tauna mai ena nihi ese ena nihi baine gwauraia, a egu hereva na enai e miamu tauna ese egu hereva baine gwauraia balaheni. Iehova na e tomu, Uit momona ena namo bona uit mai anina ena namo ede bae heḡereḡere toma?
JER 23:29 Iehova na e tomu, Lauegu hereva na dia lahi heḡereḡerena a? Ia na dia nadi e hamakohidia sisisisimu aurina heḡereḡerena a?
JER 23:30 Iehova na e tomu, Taunabunai, a itaia, lau ese peroveta taudia na inai henidiamu; idia ese egu hereva na bamodia edia amo e henaomu.
JER 23:31 Iehova na e tomu, A itaia, lau ese peroveta taudia na inai henidiamu; idia na ududia amo e herevamu, e tomu “Iehova na e herevamu”.
JER 23:32 Iehova na e tomu, Nihi koikoidia e perovetalaidiamu taudia na inai henidiamu, idia ese e gwauraidiamu, bona edia koikoi bona edia kavakava amo egu bese taudia e hakaudia kereremu, a lau ese asina siaidia bona asina haduadia. Taunabunai idia ese ina bese taudia edia namo sisina taina asie havaraia. Iehova na e herevamu.
JER 23:33 Ina bese taudia ta, eiava peroveta tauna ta, eiava hahelaḡa tauna ta, ese baine nanadaimu, baineto “Iehova ena maduna be dahaka?”, negana ai oi na ba haere henia, baoto “Iehova na e tomu, Maduna na umui, bona baina negemui daure”.
JER 23:34 Bona peroveta tauna eiava hahelaḡa tauna eiava bese taudia ta, “Iehova ena maduna” e herevalaiamu tauna, lau ese una tau mai ena ruma taudia ida na matadia baina hakanidia.
JER 23:35 Umui na ini ba hereva toma, ta ta dekena tauna dekena tauna ediai, bona ta ta tadikakana tadikakana ediai, baoto “Iehova ena haere be dahaka?” eiava “Iehova ena hereva be dahaka?”
JER 23:36 A “Iehova ena maduna”, basio herevalaia lou, badina be maduna be taunimanima iboudiai ta ta ena hereva ena hereva; bona umui ese Mauri Diravana, Iehova Sabaota, iseda Dirava, ena hereva o hagagevadiamu.
JER 23:37 Taunabunai, peroveta tauna ba nanadaia, baoto “Iehova ese ede e haere henimu toma?” eiava “Iehova na ede e hereva toma?”
JER 23:38 A boma toma “Iehova ena maduna”, Iehova na ini e gwau tomamu: Badina be ini hereva “Iehova ena maduna” vada o gwaurai, a lau ese hereva na emui ai na siaia vasi, nato, Basioto “Iehova ena maduna”,
JER 23:39 taunabunai, a itaia, momokani lau ese baina abimui isi bona vairagu amo baina negemui daure, umui, bona umui mai senemui ida na henimui hanuana danu.
JER 23:40 Bona lau ese gwau-tora bona hemarai na latamui ai baina hadiho hanaihanai, basie boio.
JER 24:1 Nebukadresara, Babulono pavapavana, ese lekonia, Iuda pavapavana Iehoiakim natuna, bona Iuda lohiadia bona ima karakara dibaka taudia bona awi igaukaralaidia taudia na Ierusalem ai e abidia bena gabu daudau ai, Babulono ai, e hanohodia murinai, Iehova ese ina mata-hanai ḡauna e haheitalaigu. Suke huahuadia bosea rua Iehova ena dubu vairanai heheato na itadia.
JER 24:2 Bosea ta lalonai suke na nanamo heherea, e mage guna ḡaudia na heheto; a bosea iharuana lalonai suke na didika rorohoroho, vada e dika bada-herea dainai basie heani diba.
JER 24:3 Bena Iehova ese e nanadaigu, eto, Ieremia e, dahaka o itaiamu? Lau nato, Suke huahuadia, namodia be nanamo heherea, a dikadia na didika rorohoroho, vada e dika bada-herea dainai basie heani diba.
JER 24:4 Bena Iehova ena hereva na egu ai e kau, eto,
JER 24:5 Iehova, Israel Diravana, na ini e gwau tomamu: Ini suke namodia heḡereḡeredia, lau ese Iuda tanona amo e heabi oho taudia, ina gabu amo na siaidia oho Kaldea taudia edia tano na siaidia lao taudia, baina gwauraidia, idia na nanamo.
JER 24:6 Lau ese baina haḡeredia, ihanamodia totona, bona baina hakaudia lou mai ina tano lalonai. Lau ese baina haginidia, basina ḡiḡidia dobi; baina hadodia, basina raḡadia.
JER 24:7 Lalodia na baina hapararadia, vada bae diba, lau na Iehova; bena idia na lauegu bese ai baela, bona lau na edia Dirava ai bainala; badina be idia ese bae lou henigu, mai lalodia idoidiai ida.
JER 24:8 A Iehova na ini e gwau tomamu: Hari suke dikadia, vada e dika herea dainai basie heani diba ḡaudia, heḡereḡeredia, Sedekia, Iuda pavapavana, bona ena lohia taudia bona Ierusalem taudia kwabukwabudia, ina tano ai e nohomu bona Aigupto tanona ai e nohomu taudia, na unu baina kara henidia toma.
JER 24:9 Lau ese hahegari ḡauna ai baina halaodia, tanobada basileiadia iboudiai ediai; idia na gvau-tora bona udu gwaurai-gwaurai bona hegonagonalai bona heuduguirai ḡaudia ai baela, baina luludia lao gabudia iboudiai lalodiai.
JER 24:10 Lau ese dare bona doe bona dai-hanai gorerena na latadiai baina siaidia, ela bona idia bona senedia na henidia tanoua lalona amo bae hebua tari vaitani.
JER 25:1 Iehoiakim, Iuda pavapavana Iosia natuna, ena lohia laḡanina ihahanina ai (una na Nebukadresara, Babulono pavapavana, ena lohia laḡanina gini-gunana), hereva na Ieremia enai e kau, Iuda taudia iboudiai daidiai;
JER 25:2 bena Ieremia, peroveta tauna, ese una hereva na Iuda taudia iboudhi bona Ierusalem inoholaina taudia iboudiai e hamaorolaidia, eto:
JER 25:3 Laḡani ruahui-toi lalodiai, Iosia Amon, Iuda pavapavana, ena lohia laḡanina ihagwautatoina amo ema bona ina dina, Iehova ena hereva na egu ai vada e kau, bona vada na hereva henimui havara-havara to umui na asio kamonai.
JER 25:4 Asio kamonai, bona taiamui asio hakala, ena be Iehova ese ena peroveta hesiai taudia iboudiai na dekemui e siaidia havara-havara,
JER 25:5 eto, Iboumui ai ba helalo kerehai, ta ta emui dala dikadia bona emui kara dikadia amo ba raka oho; bena Iehova ese umui bona senemui nega gunadia amo ela bona hanaihanai vada e henimui tanona ai do ba noho;
JER 25:6 bona dirava idaudia vairadiai basiola, isiaidia basio lao heni bona basio toma henidia diho, bona imamui ḡaukaradia amo basio habadugu; bena lau ese basina hadikamui.
JER 25:7 Ḡau tamona (Iehova na e tomu), umui ese asio kamonai henigu, imamui ḡaukaradia amo ba habadugu totona, sibomui ihadikalaimui.
JER 25:8 Taunabunai, Iehova Sabaota na ini e gwau tomamu: Egu hereva asio abidia dae dainai,
JER 25:9 a itaia, lau ese mirigini kahana besedia iboudiai baina boiridia (Iehova na e tomu), bona Nebukadresara, Babulono pavapavana, egu hesiai tauna, danu baina boiria; ina tano mai inoholaina taudia ida, bona ini heḡeḡemadai besedia iboudiai danu, ihadikadia totona baina mailaidia; bena baina habuadia tari vaitani, hahegari bona si-dagu bona gwau-tora hanaihanai ḡaudia ai baina halaodia.
JER 25:10 Ina danu, kiri bona moale reḡedia na idia edia amo baina abi oho, bona headava matamata tauna bona hahinena eredia danu, bona uit e idia patapata reḡedia bona lamepa diarina danu.
JER 25:11 Ina tano idoinai na e ḡiḡia dobi bona e havahua ḡauna ai bainela, bona ini bese ese Babulono pavapavana isiaina bae ho heni, laḡani hitu-ahui lalodiai.
JER 25:12 Bena laḡani hitu-ahui bae ore murinai, lau ese Babulono pavapavana bona una basileia, Kaldea tanona basileiana, na edia kara havara davana baina henidia, bona edia tano baina havahua ela bona hanaihanai. Iehova na e herevamu.
JER 25:13 Una tano latanai vada na gwaurai herevadia iboudiai na anidia baina havara, ia ihadikana; ina buka ai e hetore, Ieremia ese basileia iboudiai ihadikadia e gwaurai guna ḡaudia iboudiai.
JER 25:14 Badina be basileia momo bona pavapava badadia ese idia bae ḡuidia, edia hesiai taudia ai bae halaodia; bona lau ese baina hadava henidia, edia kara bona imadia ḡaukaradia heḡereḡeredia.
JER 25:15 Iehova, Israel Diravana, ese ini e hereva henigu toma, eto: Ina kehere, badu vine-ranuna keherena, na lau imagu amo avabia, bena dekedia baina siaimu lao basileiadia iboudiai na ba ha-inulaidia.
JER 25:16 Idia na bae inu, bena bae raraga bona bae kavadia, bogaragidiai na siaiamu darena dainai.
JER 25:17 Taunabunai, lau ese kehere na Iehova imana amo na abia, Iehova ese dekedia e siaigu lao basileiadia iboudiai na na ha-inulaidia;
JER 25:18 Ierusalem bona Iuda hanuadia, bona pavapavana bona lohiana iboudiai danu; idia na gabu ḡaḡaena bona e vahu gabuna ai bona si-dagu bona heuduguirai ḡauna ai baela, ina dina ai heḡereḡerena;
JER 25:19 Farao, Aigupto pavapavana, mai ena hesiai taudia bona ena lohia taudia bona ena orea taudia iboudiai ida danu;
JER 25:20 bona idau bese taudia idia bogaragidiai e nohomu danu; bona Usu tanona pavapavana iboudiai, bona Filistia taudia edia tano pavapavana iboudiai (Askelono, Gasa, Ekron bona Asdod kwabukwabudia) danu;
JER 25:21 bona Edom bona Moab bona Amono garana,
JER 25:22 bona Turo pavapavana iboudiai bona Sidono pavapavana iboudiai bona davara unukahana konena pavapavadia danu;
JER 25:23 bona Dedan, Tema, Busu, bona bagudia huidia e naudiamu taudia iboudiai,
JER 25:24 bona Arabia pavapavadia iboudiai bona e headava hanai besedia tano ḡaḡaena ai e nohomu edia pavapava iboudiai danu;
JER 25:25 bona Simiri, Elam, Media pavapavadia iboudiai,
JER 25:26 bona mirigini kahana pavapavadia iboudiai, gabu daudaudia bona kahikahidia, murina murina amo, bona tanobada basileiadia iboudiai tano kopina idoinai latanai danu. Idia muridiai, Babulono pavapavana ese baine inua.
JER 25:27 Bena ba hamaorodia, baoto, Iehova Sabaota, Israel Diravana, na ini e gwau tomamu: Ba inua, ba kekero, ba mumuta, ba keto, basio tore isi lou, bogaragimui ai na siaia vasimu darena dainai.
JER 25:28 Idia na basiema ura inuinu keherena na oi imamu amo bae abia, boma hamaorodia, boma toma, Iehova Sabaota na ini e gwau tomamu: Vada ba inua!
JER 25:29 Badina be lau ladagu e henemailaia hanuana lalonai dika ihavarana baina matamaia, bena dava iabina amo ba roho mauri a? Dava iabina amo basio roho mauri, badina be dare ta maina na gwauraiamu, tanobada inoholaina taudia iboudiai ihadikadia ḡauna. Iehova Sabaota na e herevamu.
JER 25:30 Taunabunai, idia latadiai ba peroveta, ini hereva iboudiai ba gwaurai, baoto: Iehova na atai amo baine ḡaba, ena noho gabuna helaḡana amo ia gadona baine habadaia. Baine ḡaba badabada, ena mamoe serina latanai; baine lolo, vine huahuadia e moimoilaimu taudia na heheto, tanobada inoholaina taudia iboudiai latadiai.
JER 25:31 Reḡe na baine reḡe dae ela bona tanobada dokodia, badina be Iehova na mai ena hahebade ta, basileia idau-idau latadiai; ia ese taunimanima iboudiai be hahemaoro henidiamu, bona kara dika taudia na dare amo baine aladia mase. Iehova na e herevamu.
JER 25:32 Iehova Sabaota iui e gwau tomamu: A itaia, kara dika na e laomu, basileia ta amo ela bona ma basileia ta; lai gubana badana ta e toa matamamu, tanobada daudaudia kahadia amo.
JER 25:33 Una dina ai, Iehova ese baine aladia mase taudia na tanobada dokona amo ela bona ma tanobada dokona bae hesiriu. Ta ese basine rohedia ahu, ta ese basine haboudia, ta ese basine guridia; idia na boromakau taḡena heḡereḡerena ai baela, tano kopina ai.
JER 25:34 Mamoe ireḡudia taudia, ba tai, ba tai lolololo! Mamoe seridia biagudia, kahu ai ba hekui-hekui! Badina be iala-masemui bona ihakarohomui dinadia vada e kau, bena ba keto, mamoe mamaruanedia namo-hereadia na heheto.
JER 25:35 Mamoe ireḡudia taudia edia komu gabuna ta basine mia, mamoe seridia biagudia edia roho-mauri gabuna ta danu basine mia.
JER 25:36 A hakala, mamoe ireḡudia taudia na e taimu, mamoe seridia biagudia na e tai lolomu; badina be Iehova ese edia rei gabudia e havahudiamu,
JER 25:37 bona edia magu, edia maino gabudia, vada e habuadia tari, Iehova ena badu ḡaraḡara dainai.
JER 25:38 Leona na heto ia na ena komu gabuna amo vada e raka lasi, badina be edia tano vada e vahu, e hahisihisidiamu tauna ena dare dainai, bona ena badu ḡaraḡara dainai.
JER 26:1 Iehoiakim, Iuda pavapavana Iosia natuna, e lohia matama negana ai, ina hereva na Iehova ena amo ema.
JER 26:2 Iehova na ini e gwau tomamu: Iehova ena dubu maguna ai ba gini, bona Iuda hanuadia iboudiai amo tomadiho totona Iehova ena dubu baema taudia na ba hereva henidia, na haganilaimumu herevadia iboudiai na ba hamaorolaidia; hereva ta basio hunia.
JER 26:3 Readia bae kamonai, bona iboudiai ese ta ta ena dala dikana ena dala dikana bae rakatani; bena unu amo lau baina helalo kerehai, bona ihadikadia karana, edia kara dikadia daidiai vada na laloa hata ḡauna, na basina karaia.
JER 26:4 Ba hamaorodia, baoto, Iehova ini e gwvau tomamu: Bema basio kamonai henigu, egu taravatu, vairamui ai vada na atoa ḡauna, lalonai basio raka,
JER 26:5 bona egu hesiai peroveta taudia, ena be asio hakala to dekemui na siaidia ḡava taudia, na basio hakala henidia;
JER 26:6 bena ina dubu na Silo heḡereḡerena ai baina halaoa, bona ina hanua na heuduguirai ḡauna ai baina halaoa, tanobada besedia iboudiai ediai.
JER 26:7 Hahelaḡa taudia bona peroveta taudia bona taunimanima iboudiai na e kamonai, Ieremia ese unu hereva e gwaurai, Iehova ena dubu lalonai.
JER 26:8 Iehova ese e haganilaia taunimanima iboudiai baine hamaorolaidia herevadia na Ieremia ese e gwaurai ore; bena hahelaḡa taudia bona peroveta taudia bona taunimanima iboudiai ese e dabaia tao, eto, Oi na ba mase.
JER 26:9 Ma eto, Badina be dahaka oi na Iehova ladana ai vada o peroveta, oto “Ina dubu na Silo heḡereḡerena ai bainela, bona ina hanua na baine vahu, asi inoholaina” a? Bena taunimanima iboudiai ese Ieremia e daia ahu, Iehova ena dubu ai.
JER 26:10 Iuda lohiadia ese ini ḡau e kamonai, bena pavapava ena ruma amo e dae lao, Iehova ena dubu ela; bena Iehova ena dubu Ikoukouna Matamatana raka-vareaina ai e helai diho.
JER 26:11 Bena hahelaḡa taudia bona peroveta taudia ese lohia taudia bona taunimanima iboudiai e hamaorodia, eto, Ina tau na baita revaia mase be namo, badina be ia ese ina hanua ihadikana vada e perovetalaia, umui sibomui taiamui ai vada o kamonai.
JER 26:12 Bena Ieremia ese lohia taudia bona taunimanima iboudiai na e hereva henidia, eto, Iehova ese e siaigu, vada o kamonai herevadia iboudiai na ina dubu bona ina hanua latadiai baina gwaurai guna.
JER 26:13 Taunabunai, emui dala bona emui kara ba hanamodia, bona Iehova, emui Dirava, gadona ba kamonaia, bena Iehova na baine helalo kerehai, kara dika na umui latamui ai vada e gwauraia na basine karaia.
JER 26:14 A lau be umui imamui ai; emui lalohadai namona bona maorona heḡereḡerena ai ba kara henigu.
JER 26:15 Ḡau tamona ba diba momokani, boma hamasegu, umui ese asi ena kerere tauna rarana na sibomui latamui ai bona ina hanua mai inoholaina taudia ida latadiai boma hadihoa; badina be momokani Iehova ese dekemui e siaigu, ini hereva na taiamui ai baina gwaurai halaoreana.
JER 26:16 Bena hanua lohiadia bona taunimanima iboudiai ese hahelaḡa taudia bona peroveta taudia na e hamaorodia, eto, Asi badina ina tau baita revaia mase, badina be ia ese Iehova, eda Dirava, ladana ai vada e hereva henida.
JER 26:17 Bena una tano tau-badadia haida na e tore isi, hebou taudia iboudiai e hereva henidia, eto,
JER 26:18 Mika, tau Moresete, na Hesekia, Iuda pavapavana, ena nega ai e perovetava; bena ia ese Iuda taudia iboudiai e hamaorodia, eto, Iehova Sabaota na ini e gwau tomamu: Siona na bae ruaia, biru gabuna na heto, bona Ierusalem baine heḡiḡi dobi, bona dubu ororona na ororo mai udana ta ai bainela.
JER 26:19 Hesekia, Iuda pavapavana, bona Iuda idoinai ese e alaia mase a? Ia ese Iehova garina e gari bona Iehova e noia baine lalo namo henia, ani? Bena Iehova na e helalo kerehai, dika idia latadiai vada e gwauraia na se havaraia, ani? A ita ese dika badana na ita siboda latadai baita hadihoamu.
JER 26:20 Ma lau ta danu Iehova ladana ai e perovetava, ladana na Uria Semaia, Kiriat-iearimi tauna. Ia ese peroveta herevadia na ina hanua bona ina tano latadiai e gwaurai; ena hereva na Ieremia ena heḡereḡeredia.
JER 26:21 Bena King Iehoiakim, mai ena tuari taudia bona ena lohia taudia iboudiai ida, na iena hereva e kamonai negana ai, hanua pavapavana ese ia iala-masena dalana e tahua. A Uria e kamonai, bena e gari, e heau mauri, Aigupto ela.
JER 26:22 Bena King Iehoiakim ese tatau haida na Aigupto e siaidia lao; taudia be Elnatan Akaboro bona haida ia ida.
JER 26:23 Bena idia ese Uria na Aigupto amo e hakaua mai, King Iehoiakim dekenai; bena ia ese dare amo e alaia mase, bena tau-anina na hanua taudia edia gara gabuna ai e negea.
JER 26:24 A Ahikama Safana imana ese Ieremia e rauaia, una dainai hanua audia imadia ai asie atoa, bena asie alaia mase.
JER 27:1 Sedekia, Iuda pavapavana Iosia natuna, e lohia matama negana ai, ina hereva na Iehova ena amo ema, Ieremia enai e kau.
JER 27:2 Iehova ese ini e hamaorogu toma, eto: Boromakau kopidia varodia bona boromakau madunadia ba kara, sibomu aiomu ai bavato.
JER 27:3 Hereva na ba siaia, Edom bona Moab pavapavadia, bona Amono taudia edia pavapava, bona Turo bona Sidono pavapavadia, dekediai; hari gwukau taudia, Ierusalem vada ema Sedekia, Iuda pavapavana, dekenai, imadia amo ba siaia lao.
JER 27:4 Ina gwaukau herevana ba henidia, biagudia edia, baoto, Iehova Sabaota, Israel Diravana, na ini e gwau tomamu: Biagumui na ini ba hamaorodia toma, baoto,
JER 27:5 Lau ese egu siahu badana amo bona imagu hetoi-rorona amo tanobada vada na karaia, bona tanobada taudia bona tanobada boromadia danu, bena na lalohadailai maoromu taudia na henidiamu.
JER 27:6 Harihari ini tano iboudiai na egu hesiai tauna Nebukadnesara, Babulono pavapavana, imana ai vada na atodia, bona tanobada boromadia danu vada na henia, idia ese ia isiaina bae lao heni.
JER 27:7 Bese iboudiai ese ia bona natuna bona tubuna isiaidia bae lao heni, ela bona iena tano korikori ena nega baine kau, bena bese momo bona pavapava badadia ese ia bae ḡuia, edia hesiai tauna ai bae halaoa.
JER 27:8 A bese ta eiava basileia ta ese hari Nebukadnesara, Babulono pavapavana, isiaina basinema lao heni, bona aiona na Babulono pavapavana ena maduna henunai basinema atoa, bena lau ese una bese davana baina henia, dare bona doe bona dai-hanai gorerena amo, ela bona hari pavapava imana amo baina ha-orea. Iehova na e herevamu.
JER 27:9 Una dainai, emui peroveta taudia eiava emui mari-abi taudia eiava emui nihi taudia eiava emui rohe taudia eiava emui mea taudia ese bema hamaoromui, bema toma “Babulono pavapavana isiaina basio lao heni”, umui ese basioma kamonai henidia.
JER 27:10 Badina be idia na emui ai e peroveta koikoimu, bena una dainai umui na emui tano amo ba heabi oho dauhai; lau ese baina lulumui lasi, bena ba mase.
JER 27:11 A edena bese ta ese aiona na Babulono pavapavana ena maduna henunai baine atoa, bona isiaina baine lao heni, lau ese ena tano korikori ai baina rakatania, bena bae birulaia bona bae noholaia. Iehova na e haevamu.
JER 27:12 Sedekia, Iuda pavapavana, danu unu na hereva henia toma, nato, Aiomui na Babulono pavapavana ena maduna henunai bavato, ia bona ena bese taudia isiaidia ba lao heni, bena ba mauri.
JER 27:13 Anina be dahaka oi bona emu bese taudia na dare bona doe bona dai-hanai gorerena amo ba mase, Iehova ese Babulono pavapavana isiaina basine lao heni besena vada e herevalaia heḡereḡerena, a?
JER 27:14 Hari peroveta taudia, e tomu “Babulono pavapavana isiaina basio lao heni” taudia, na edia hereva basio kamonai; badina be idia ese koikoi herevana e perovetalai henimuimu.
JER 27:15 Iehova na e tomu, Lau ese asina siaidia, ḡau tamona idia na lau ladagu ai e peroveta koikoimu, una dainai lau ese baina lulumui lasi, bena ba mase, umui bona e peroveta henimuimu taudia danu.
JER 27:16 Bena lau ese hahelaḡa taudia bona ina bese idoinai na hereva henidia, nato, Iehova ini e gwau tomamu: Emui peroveta taudia na e perovetamu, e tomu “A itaia, Iehova ena dubu kohudia na asi vanahana Babulono amo bae loulai”, to edia hereva basio kamonai, badina be idia ese koikoi herevana e perovetalai henimuimu.
JER 27:17 Basio kamonai henidia; Babulono pavapavana isiaina ba lao heni, bena ba mauri. Anina be dahaka ina hanua badana na baine vahu?
JER 27:18 Bema idia na peroveta taudia bona Iehova ena hereva bema idia dekediai, idia ese Iehova Sabaota bema noia, Iehova ena dubu ai bona Iuda pavapavana ena ruma ai bona Ierusalem ai doini mimia kohudia na Babulono basie laohai.
JER 27:19 Badina be Iehova Sabaota ese au-tubua bona nau bada-hereana bona rerue bona kohu orena ina hanua ai doini mimia ḡaudia,
JER 27:20 Nebukadnesara, Babulono pavapavana, ese Iekonia, Iuda pavapavana Iehoiakim natuna, bona Iuda bona Ierusalem lohiadia iboudiai, e abidia mauri, Ierusalem amo e laohaidia ela bona Babulono, negana ai se laohai ḡaudia, na ini e herevalaidia tomamu.
JER 27:21 Iehova Sabaota, Israel Diravana, ese Iehova ena dubu ai bona Iuda pavapavana ena ruma ai bona Ierusalem ai doini mimia kohudia na ini e herevalaidia tomamu:
JER 27:22 Babulono bae laohaidia, unuseni ai bae mia, ela bona iau ese baina helalolaidia; bena ma baina loulaidia, ina gabu ai ma baina atodia lou. Iehova na e herevamu.
JER 28:1 Una laḡani tamona ai, Sedekia, Iuda pavapavana, ena lohia negana matamana ai, laḡani ihahanina huana iha-imana ai, Hanania Asuru, peroveta tauna Gibeon amo, ese e hereva henigu, Iehova ena dubu ai, hahelaḡa taudia bona taunimanima iboudiai vairadiai, eto,
JER 28:2 Iehova Sabaota, Israel Diravana, na ini e gwau tomamu: Babulono pavapavana ese e atoa madunana vada na hakwaidua.
JER 28:3 Laḡani rua do basie ore ai, Iehova ena dubu kohudia iboudiai, Nebukadnesara, Babulono pavapavana, ese ina gabu amo e abi oho Babulono e laohai ḡaudia, na lau ese baina loulai ina gabu ai.
JER 28:4 Bona Iekonia, Iuda pavapavana Iehoiakim natuna, bona Iuda amo Babulono e laohaidia taudia iboudiai danu, lau ese baina hakaudia lou mai ina gabu ai, badina be Babulono pavapavana ese e atoa madunana na baina hakwaidua. Iehova na e herevamu.
JER 28:5 Bena peroveta tauna Ieremia ese peroveta tauna Hanania e hereva henia, hahelaḡa taudia bona Iehova ena dubu Ialonai e gini taudia iboudiai vairadiai.
JER 28:6 Peroveta tauna Ieremia eto, Amen! Iehova unu baine kara toma baine namo. Iehova ese oiemu peroveta herevadia baine hamomokanidia, Iehova ena dubu kohudia iboudiai bona abi-mauri taudia danu na Babulono amo baine loulaidia ema bona ina gabu, una na baine namo.
JER 28:7 Ḡau tamona, ina hereva oi vairamu ai bona taunimanima iboudiai vairadiai na gwauraiamu na ba kamonai.
JER 28:8 Peroveta taudia, ita raruosi e gunalaida taudia, ese nega gunadia amo tuari bona doe bona dai-hanai goreredia na tano momo bona basileia badadia latadiai e per vetalai.
JER 28:9 A maino e perovetalaiamu tauna be una peroveta tauna ena hereva anina baine vara negana ai vada bae diba Momokani, Iehova ese una peroveta tauna vada e siaia.
JER 28:10 Bena peroveta tauna Hanania ese maduna audia na peroveta tauna Ieremia aiona amo e abidia, bena e hakwaidudia.
JER 28:11 Bena Hanania na taunimanima iboudiai vairadiai e hereva, eto, Iehova ini e gwau tomamu: Laḡani rua do basie ore ai lau ese Nebukadnesara, Babulono pavapavana, ese e atodia madunadia na bese iboudiai aiodia amo unu baine hakwaidudia toma. Bena peroveta tauna Ieremia na ena ura dalana amo ela.
JER 28:12 Peroveta tauna Hanania ese maduna audia na peroveta tauna Ieremia aiona amo e hakwaidudia murinai, nega taina vada ela, bena Iehova ena hereva na Ieremia enai e kau, eto,
JER 28:13 Aola, Hanania ba hamaoroa, baoto, Iehova ini e gwau tomamu: Oi ese au madunadia vada o hakwaidudia, a lau ese auri madunadia baina kara, idia ibolodia.
JER 28:14 Badina be Iehova Sabaota, Israel Diravana, na ini e gwau tomamu: Lau ese ini bese iboudiai aiodia ai auri madunadia vada na atodia, Nebukadnesara, Babulono pavapavana, isiaina ilao-henina ḡaudia; bona idia ese ia isiaina bae lao heni, badina be lau ese tanobada boromadia danu vada na henia.
JER 28:15 Bena peroveta tauna Ieremia ese peroveta tauna Hanania e hamaoroa, eto, Hanania e, a kamonai! Iehova ese se siaimu; bona oi ese ina bese taudia lalodia e ha-uradia bena koikoi herevana vada e abidadama henia.
JER 28:16 Taunabunai, Iehova ini e gwau tomamu: A itaia, lau ese tanobada kopina amo baina abimu oho; hari ina laḡani lalonai vada ba mase, badina be Iehova igwau-edeede-henina herevadia vada o gwaurai.
JER 28:17 Una laḡani lalonai, hua ihahituna ai, peroveta tauna Hanarua na e mase.
JER 29:1 Peroveta launa Ieremia ena revareva, Ierusalem amo e siaia lao, Nebukadnesara ese Ierusalem amo Babulono e laohaidia unuseni ai e hanohodia taudia edia tau-badadia bona hahelaḡa taudia bona peroveta taudia bona taunimanima iboudiai edia, revarevana herevadia bini.
JER 29:2 Ina be King Iekonia mai sinana bona mai ena hesiai taudia ida, bona Iuda bona Ierusalem lohiadia, bona ima karakara dibaka bona auri iḡaukaralaina taudia, ese Ierusalem e rakatania murinai.
JER 29:3 Ina revareva na Elasa Safana bona Gemaria Hilkia, Iuda pavapavana Sedekia ese Babulono e siaidia lao Babulono pavapavana Nebukadnesara dekenai taudia, imadia ai e siaia lao. Ini e torea toma:
JER 29:4 Iehova Sabaota, Israel Diravana, ese Ierusalem amo vada e siaidla lao bena Babulono ai vada e hanohodia taudia na ini e hamaorodia tomamu:
JER 29:5 Ruma ba hagini, bena ba noholai; uma ba kara, bena anidia bavani.
JER 29:6 Hahine bavadavadia, natumui mamaruanedia bona hahinedia ba havaradia; hahine haida ma bavabidia, natumui mamaruanedia adavadia, bona natumui hahinedia na ba haheadavadia. Bena idia ese natudia mamaruanedia bona hahinedia ma bae havaradia eneseni ai; bena bae hutuma, basie gadoi.
JER 29:7 A vada na siaimui lao eneseni ai ba noho hanuana ena namo ba tahua, bona Iehova ba ḡuria ia dainai; badina be iena namo ai emui namo ba davaria.
JER 29:8 Badirla be Iehova Sabaota, Israel Diravana, na ini e gwau tomamu: Emui peroveta taudia bona emui bagu-haoro taudia bogaragimui ai e nohomu ese basie koimui, bona edia nihi sivaraidia basio kamonai;
JER 29:9 badina be idia ese e hereva koikoi henimuimu lau ladagu ai; lau ese asina siaidia. Iehova na e herevamu.
JER 29:10 Badina be Iehova ini e gwau tomamu: Laḡani hitu-ahui bae ha-ore Babulono enai, bena baina vadivadi henimui, bona egu gwauhamata na emui ai baina hamomokania, bona baina hakaumui lou mai ina gabu ai.
JER 29:11 Iehova na e tomu, Badina be egu lalo-hata ḡaudia emui ai na dibagu, ihanamomui ḡaudia, dia ihadikamui ḡaudia, nega vaira ḡaudia bona helaro ḡaudia.
JER 29:12 Bena ba hahanegu bona igurigu baoma; bena lau ese baina kamonai henimui.
JER 29:13 Ba tahugu, bena ba davarigu; mai lalomui idoidiai ba tahugu negana ai na
JER 29:14 ba davarigu. Iehova na e herevamu; ma e tomu, Emui taḡa ma baina henimui lou, bona bese iboudiai bogaragidia amo bona na lulumui lao gabudia iboudiai amo ma baina haboumui. Iehova ma e tomu, Ina gabu amo na siaimui oho dauhai, bona ina gabu ai ma baina hakaumui lou.
JER 29:15 Umui vada oto “Iehova ese peroveta taudia haida na Babulono ai vada e haginidia eda” dainai,
JER 29:16 hanua pavapavana, David ena terono ai e helaimu tauna, bona ina hanua e noholaiamu taudia iboudiai, umui varavaramui, abi-mauri ai gabu daudau asiela taudia, na Iehova ese ini e herevalaidia tomamu.
JER 29:17 Iehova Sabaota na ini e gwau tomamu: A itaia, lau ese dare bona doe bona dai-hanai gorerena na latadiai na siaimu; bona suke huahuadia dikadika, dika-rohoroho dainai basie heani diba ḡaudia, heḡereḡeredia ai baina halaodia.
JER 29:18 Dare, doe, dai-hanai goreredia amo baina ḡavadia loa, bona hahegari ḡauna ai baina halaodia, tanobada basileiadia iboudiai ediai; idia na ediai vada na luludia lao basileiadia bogaragidiai heuduguirai bona hahegari bona si-dagu bona gwau-tora ḡauna ai baela.
JER 29:19 Badina be (Iehova na e tomu) egu hereva na asie kamonaidia, egu hesiai peroveta taudia ududia amo na siaidia havara-havara herevadia na asio hakala henidia. Iehova na e herevamu.
JER 29:20 Umui Ierusalem amo na siaimui lao, Babulono ai, gabu daudau ai, na hanohomui taumui iboumui ai, Iehova ena hereva ba kamonai.
JER 29:21 Iehova Sabaota, Israel Diravana, ese Ahaba Kolaia bona Sedekia Maaseia, lau ladagu ai e peroveta henimui koikoimu taudia, na ini e herevalaidia tomamu: A itaia, Nebukadresara, Babulono pavapavana, imana ai baina atodia, bena ia ese umui vairamui ai baine aladia mase.
JER 29:22 Idia daidiai ina heuduguirai herevana na Iuda taudia Babulono ai e hanohodia iboudiai ese bae gwauraia loulou, baeto “Iehova ese Sedekia bona Ahaba, Babulono pavapavana ese lahi ai e gabudia taudia, heḡereḡeredia ai baine halaomui”.
JER 29:23 Badina be Israel ai vada e kara kava kara kava, bona dekedia taudia adavadia ida vada !l e heuda hanai, bona lau ladagu ai hereva koikoidia, lau ese asina haḡanilaidia herevadia, vada e gwaurai hedinaraimu. Iehova na e tomu, Lau be dibagu, bona na ita ḡaudia na herevalaimu.
JER 29:24 Semaia, tau Nehelama, na ini ba hamaoroa toma, baoto,
JER 29:25 Iehova Sabaota, Israel Diravana, na ini e gwau tomamu; Revareva na oi sibomu ladamu ai vada o siai lao, Ierusalem ai e nohomu taudia iboudhi ediai, bona Sefania Maaseia, hahelaḡa tauna, enai, bona hahelaḡa taudia iboudiai ediai, oto:
JER 29:26 Iehova ese hahelaḡa tauna ai vada e halaomu, hahelaḡa tauna Iehoiada gabuna ai, Iehova ena dubu ba biagua, bona kava taudia iboudiai unuseni ai e perovetamu na aedia bona aiodia hekahi-tao audia ai bavatodia.
JER 29:27 Be, dahaka dainai hari e peroveta henimumu tauna, Ieremia, tau Anatoto, so gwau henia?
JER 29:28 Badina be hereva na ai dekemal ai vada e siaia mai, Babulono ai, eto, Emui noho hedoa na baine daudau; ruma ba hagini, bena ba noholai; bona uma ba kara, bena anidia bavani.
JER 29:29 Hahelaḡa tauna Sefania ese una revareva na peroveta tauna Ieremia vairanai e duahia.
JER 29:30 Bena Iehova ena hereva na Ieremia enai e kau, eto:
JER 29:31 Hereva na dauhai e nohomu taudia iboudiai dekedia ba siaia lao, baoto, Iehova ese Semaia, tau Nehelama, ini e herevalaia tomamu: Badina be Semaia ese vada e peroveta henimui bona vada e dibaganimui, hereva koikoina ba badinaia totona, a lau ese ia asina siaia,
JER 29:32 una dainai Iehova na ini e gwau tomamu: A itaia, Semaia, tau Nehelama, mai garana ida, davadia baina henidia; ina bese bogaraginai ia garana ta basine mauri, bona egu bese taudia baina hanamolaidia karadia basine itaia; badina be Iehova igwau-edeede-henina vada e gwauraia. Iehova na e herevamu.
JER 30:1 Iehova ena amo Ieremia enai e kau herevana binai.
JER 30:2 Iehova, Israel Diravana, na ini e gwau tomamu: Vada na gwaurai henimu herevadia iboudiai na buka ta ai ba tore.
JER 30:3 Badina be (Iehova na e tomu) negana be maimu lau ese egu bese taudia edia noho baina hanamoa lou, Israel taudia bona Iuda taudia danu; bona baina hakaudia lou mai, senedia na henidia tanona lalonai; bena bae ḡaunaia. Iehova na e herevamu.
JER 30:4 Iehova ese Israel bona Iuda e herevalai herevadia bini.
JER 30:5 Iehova ini e gwau tomamu: Gari taku lolona vada a kamonai, gari bada lolona, a dia maino.
JER 30:6 Ba henanadai bena ba diba, tau ta baine rogorogo diba a? Matona, badina be dahaka tatau iboudiai na itadiamu, imadia na koekoedia ai heheato, e hekamonaimu hahinena na heto? bona dahaka dainai vaira iboudiai vada e lalabora?
JER 30:7 Madi, una dina na bada herea, ia heḡereḡerena ta na lasi; una na lalo-hisihisi negana, Iakob ena; ḡau tamona, ena amo do bae hamauria.
JER 30:8 Iehova Sabaota na e tomu: Una dina ai lau ese aiodia madunadia baina hakwaidu, bona iḡuidia auridia baina hamotu, bena idau taudia ese edia hesiai taudia ai basie halaodia lou.
JER 30:9 A idia ese edia Dirava Iehova bona edia pavapava David, idia daidiai baina hatorea isi lou tauna, na isiaidia bae lao heni.
JER 30:10 Iehova na e tomu: Egu hesiai tauna Iakob e, basio gari! Israel e, kudoumu basine hetaha! A itaia, dauha amo baina hamaurimu, bona garamu danu iḡui ai e nohomu tanodia amo baina hamauridia. Iakob baine lou, asi reḡereḡena baine laḡa ani, bona ta ese basine hagaria.
JER 30:11 Badina be lau na oi ida, baina hamaurimu totona; Iehova na e herevamu. Bese iboudiai baina ha-oredia vaitani, hari bogaragidiai na hakarohomui rohoroho besedia; a oi na basina ha-oremu vaitani. Dika davana korikorina baina henimu, momokani, matamu ihakanina basina reaia.
JER 30:12 Badina be Iehova ini e gwau tomamu: Emu hisihisi na asi ihanamona, bona beromu na dika herea.
JER 30:13 Ta ese emu ginikau gabuna basine durua, beromu na asi muramurana, asi ihamaurimu dalana ta.
JER 30:14 E lalokau henimuva taudia ese vada e lalomu boio; idia ese asie lalomumu; badina be inai tauna na heto vada na rahumu mase, inai tauna asi ena hebogahisi na heto davaniu vada na henimu; badina be emu kerere na bada, bona emu kara dika na hehedinararai horea-horea.
JER 30:15 Dahaka dainai beromu o tailaiamu? Emu hisihisi na asi ihanamona. Badina be emu kerere na bada, bona emu kara dika na hehedinararai horea-horea; una dainai ini vada na kara henimu toma.
JER 30:16 Taunabunai, e ha-oremumu taudia iboudiai na bae ha-oredia, bona inaimu iboudiai na iḡuidia ai bae laohaidia; e dadimumu taudia na bae dadihaidia, bona damudia ai bae halaomu taudia iboudiai na damu ai baina halaodia.
JER 30:17 Badina be baina hamaurimu lou, bona beromu baina hanamodia. Iehova na e herevamu. Badina be vada e gwauraimu “e lulua oho tauna”, “Siona, ta ese se laloamu hanuana”.
JER 30:18 Iehova ini e gwau tomamu: A itaia, Iakob ena kalaga baina hanamoa lou, bona ena noho gabudia baina bogadia hisi; hanua na ena tano latalatana ai bae haginia lou, bona pavapava rumana na ena gabu gunana ai baine gini.
JER 30:19 Idia lalodia amo hahenamo anedia bae dae, bona moale taudia gadodia danu. Lau ese baina hahutumadia, idia na basie gadoi; baina imodaidia, bena basie maraḡi.
JER 30:20 Natudia na bae noho, nega gunadia heḡereḡeredia, bona edia orea na lau vairagu ai bae haginia; bona bae hahisihisidia taudia iboudiai na matadia baina hakanidia.
JER 30:21 Idia ta ese baine lohiadia; idia bogaragidia amo ta ese baine biagudia. Lau ese baina harakaia kahi, bena baine raka henigu kahi; badina be daika na mai boga-aukana sibona baine raka henigu kahi. Iehova na e herevamu.
JER 30:22 Umui na lauegu bese ai baola, bona lau na emui Dirava ai bainala.
JER 30:23 A itaia, Iehova ena lai gubana! Badu vada e lasi, koe-hirihiri ta, kara dika tauna kwarana ai baine kau.
JER 30:24 Iehova ena badu garagarana na basine doko, ela bona ia ese ena lalo-hata ḡaudia iboudiai na baine kara bona baine haguḡuru. Ina ḡau do ba diba, dina gabedia ai.
JER 31:1 Iehova na e tomu: Una negana ai, lau na Israel iduhudia iboudiai edia Dirava ai bainala, bona idia na lauegu bese taudia ai baela.
JER 31:2 Iehova ini e gwau tomamu: Dare amo vada e roho mauri taudia ese harihari-bada na e davaria, tano ḡaḡaena ai. Israel ese laḡa-ani e tahua negana ai,
JER 31:3 Iehova na dauha amo ienai e hedinarai. Mia-hanaihanai urahenina amo vada na ura henimu; uda dainai egu heabidadama na emu ai vada e hahesiriua.
JER 31:4 Baina haginimu lou, bena vada ba gini, Israel, hane-ulato rami-hebouna, e! Tareko ba heralai lou, ba raka lasi; e moale heboumu taudia edia mavaru lalonai ba vareai.
JER 31:5 Vine imeadia ma ba hado lou, Samaria ororodia ai; biru taudia na bae hadohado, bena uma anidia bae ani.
JER 31:6 Badina be dinana baine kau, gima taudia na bae boiboi, Efraim ororodia ai, baeto “A tore isi, Siona ai baita dara dae, Iehova, eda Dirava, dekenai”.
JER 31:7 Badina be Iehova na ini e gwau tomamu: Ane avabi mai moalemui ida, Iakob dainai; ba lolo, bese loḡora ikwaradia tauna enai; ba haroro, ba heimodai, baoto “Iehova ese ena bese taudia Israel kwabukwabudia vada e hamauridia”.
JER 31:8 A itaia, mirigini kahana amo baina mailaidia, tanobada kaha-daudaudia amo baina haboudia; bogaragidiai na mata-kepulu bona ae-hedairike taudia, e rogorogomu hahinena bona e hekamonaimu hahinena danu e raka heboumu; orea badana bae lou mai iniseni ai.
JER 31:9 Mai taiadia ida baema, bena mai egu tauhalo ida baina hakaudia lou mai; sinavai-sinavai badibadidiai baina harakadia, dala maoromaorona ai, bena basie hetutuhi; badina be lau na Israel tamana, bona Efrai na natugu roboana.
JER 31:10 Bese idau-idau e, Iehova ena hereva ba kamonai; dauhai, kone tanodia ai, ba gwauraia hedinarai, baoto “Israel taudia e hakarohodia Diravana ese ma baine gogodia, bona mamoe ireḡudia tauna ese ena mamoe e regudiamu na heto, ia ese baine regudia”.
JER 31:11 Badina be Iehova ese Iakob vada e davalaia, bona ena goada e hereaia taudia imadia amo vada e hamauria.
JER 31:12 Idia na baema, Siona dorina ai ane bae abi badabada, bona vairadia bae diari-diari, Iehova ena hahenamo dainai, bona aniani, vine ranuna, dehoro daidiai, bona mamoe natudia bona boromakau natudia daidiai; edia mauri na e haparipariamu umana na heto, bona taudia basie manori lou.
JER 31:13 Bena ulato na mavaru ai bae moale, bona uhau bona iahu bae hisi dae. Lau ese edia taitai na moale ai baina halaoa; taudia baina halodia, bona moale baina henidia, lalo-hisihisi gabuna ibolona.
JER 31:14 Hahelaḡa taudia lalodia na ḡau namodia amo baina ubudia badabada, bona egu bese taudia bogadia na egu hahenamo ai bae kunu. Iehova na e herevamu.
JER 31:15 Iehova ini e gwau tomamu: Gado ta Rama ai e hekamonaimu, rohe-ahu bona tai ḡadegade bada. Rahela be natuna taidia e taimu, natuna daidiai tauhalo se uramu, badina be idia na lasihidia.
JER 31:16 Iehova ini e gwau tomamu: Ba haheauka, basio tai, bona iruru-matamu basie diho; badina be emu ḡaukara ahuna bavabia (Iehova na e herevamu), bona idia na inai taudia edia tano amo bae lou mai.
JER 31:17 Nega vairai emu helaro ḡaudia bavabi (Iehova na e herevamu), bona natumu na bae lou mai, edia tano korikori ai.
JER 31:18 Efraim ena ḡanaḡana vada na kamonai, eto “Matagu o hakania, bena matagu e kani, boromakau natuna, do asie hamanadaia ḡauna, na heto; ba hakaugu lou, baina namo lou helaoreana, badina be oi na Iehova, egu Dirava;
JER 31:19 badina be na raka oho murinai na helalo kerehai, e hadibadibagu murinai mamugu na pataia; na hemarai, na baia, badina be eregabegu hemaraina na huaia”.
JER 31:20 Efraim be na lalokau heniamu merona ani? Ia na natugu lalokau ani? Badina be ihadikana na gwauraiamu negadia iboudiai na doini na laloa taomu. Taunabunai lau lalogu ese e ura henia badamu; momokani lau ese baina bogaia hisi. Iehova na e herevamu.
JER 31:21 Dala toadia ba hagini emui, emui dala iduanaidia audia ba kara; laolao dalana ba haeroa namonamo, o rakalaiamu dalana ba haeroa. Israel e, hane-ulato rami-hebouna e, a lou; ini emui hanua ba lou heni.
JER 31:22 Kara hebeatai kekenimu e, ba daradara ela bona edena nega ai? Badina be Iehova ese kara matamaLana ta tanobada ai vada e havaraia: hahine ta ese tau ta e gimaiamu.
JER 31:23 Iehova Sabaota, Israel Diravana, na ini e gwau tomamu: Ma nega ta ini hereva na Iuda tanona ai bona ena hanua lalodiai bae gwaurai lou, edia noho ma baina hanamoa lou negana ai. Kara maoromaoro e nohomu gabuna e! Ororo helaḡana e! Iehova ese baine hanamomu.
JER 31:24 Bena Iuda bona ena hanua iboudiai na unuseni ai bae noho hebou, bona biru taudia bona edia seri ida e loaloamu taudia danu.
JER 31:25 Badina be lalona e manokamu tauna na lalona baina hagoadaia, bona lalodia e hisihisimu taudia iboudiai na lalodia baina hagoadadia lou.
JER 31:26 Bena na noga, na roharoha; egu mahuta mamina vada e namo egu ai.
JER 31:27 Iehova na e tomu: A itaia, negana vada e maimu lau ese taunimanima bona ubu-ubu ḡaudia na baina havaradia, Israel iduhuna ai bona Iuda iduhuna ai.
JER 31:28 Bena iragadia bona iḡiḡi-dobidia, ihadareredia, ihabua-taridia bona ihadikadia totona vada na itadia tao heḡereḡerena ai, lau ese ihaginidia bona ihadaidia totona vada na itadia tao. Iehova na e herevamu.
JER 31:29 Unu dinadia ai idia na basie hereva lou, basieto “Tama ese vine huahuadia kasiridia vada e ani, bona natudia isedia e urimu”.
JER 31:30 A ta ta na ena kara dika ena kara dika daidiai bae mase; vine huahuadia iditadia e animu taudia na sibodia isedia bae uri.
JER 31:31 Iehova na e tomu: A itaia, negana vada e maimu lau ese taravatu matamatana na Israel iduhuna bona Iuda iduhuna enai baina kara,
JER 31:32 dia senedia ediai na karaia taravatu na na heto, imadia na abidia Aigupto tanona amo baina hakaudia lasi totona negana ai na karaia taravatuna, bena, ena be lau na idia adavadia, to idia ese e tataia utu. (Iehova na e herevamu.)
JER 31:33 A ina na Israel iduhuna enai baina karaia taravatuna, unu dina muridiai. Iehova na e tomu: Egu taravatu na ediai baina atoa, bona lalodia ai baina torea; bena lau na edia Dirava ai bainala, bona idia na lauegu bese taudia ai baela.
JER 31:34 Una murinai asi tauna ta ese dekena tauna eiava tadikakana baine hadibaia, baineto “Iehova na ba dibaia”; badina be iboudiai ese bae dibagu, maragina amo ela bona badana (Iehova na e herevamu); badina be edia kara havara baina gwaua tao bona edia kara dika basina laloa tao lou.
JER 31:35 Iehova, dina e henimu, diari ihavarana, bona hua bona hisiu edia dala korikori e henidiamu, hanuaboi diarina ai baela, Diravana na ini e gwau tomamu. Ia ese davara e haginiamu ela bona hurehure na mai gurudia ida e poumu; ia ladana na Iehova Sabaota.
JER 31:36 Iehova na e tomu: Ini edia dala korikori na vairagu amo bema heabi oho, bena Israel vevena na basie noho bese ta lau vairagu ai, ela bona hanaihanai.
JER 31:37 Iehova ini e gwau tomamu: Guba atai ai bema hahetohoa diba, bona tano badidia henu ai bema tahudia diba, bena Israel vevena iboudiai bama negedia daure, edia kara iboudiai daidiai. Iehova na e herevamu.
JER 31:38 Iehova na e tomu: A itaia, nega na e maimu, hanua na bae haginia lou, Iehova ena, Hananele kohorona amo ela bona Daiguni Ikoukouna.
JER 31:39 Bena hahetoho varona na ma bae veria lao, maoromaoro bainela ela bona Gareb ororona, ma bae veria mageva ela bona Goa.
JER 31:40 Mase tau-anidia bona kahu kourana idoinai bona rei gabudia iboudiai ela bona Kidron dokadokana, ela bona Hosi Ikoukouna daigunina, mairiveina kahana ai, idoinai baine helaḡa Iehova ena. Ia na nega ta ai basine heraga eiava basine heḡiḡi dobi ela bona hanaihanai.
JER 32:1 Ina hereva na Iehova ena amo Ieremia enai e kau, Sedekia, Iuda pavapavana, ena lohia laḡanina ihagvautana ai. Una na Nebukadresara ena lohia laḡanina ihagwauta-taurahanina.
JER 32:2 Una negana ai Babulono pavapavana ena tuari oreana ese Ierusalem vada e daia heḡeḡe; bona peroveta tauna Ieremia na hegima taudia edia magu lalonai vada e hekou, Iuda pavapavana ena ruma ai.
JER 32:3 Badina be Sedekia, Iuda pavapavana, ese vada e koua ahu, eto, Badina be dahaka o perovetamu, o tomu, Iehova ini e gwau tomamu: A itaia, lau ese ina hanua na Babulono pavapavana imana ai na atoamu, ia ese baine abia;
JER 32:4 bona Sedekia, Iuda pavapavana, na Kaldea taudia imadia amo basine roho mauri diba, a ia na momokani Babulono pavapavana imana ai baine heato, ia ida hevaira-hehenidia ai bae hereva heheni bona bae heroha heheni.
JER 32:5 Bena ia ese Sedekia na Babulono baine laohaia, unuseni ai baine noho ela bona lau ese baina vadivadi henia; Iehova na e herevamu. Ena be Kaldea taudia ba tuari henidia to basio kwalimu.
JER 32:6 Ieremia eto, Iehova ena hereva na egu ai e kau, eto,
JER 32:7 A itaia, Hanamele, tamamu lahaina Salumu natuna, na baine vasi, baineto “Egu tano Anatoto ai, Beniamina tanona ai, ba hoia, badina be iabi-taona siahuna na oiemu ai”.
JER 32:8 Bena tadikakagu Hanamele na dekegu ema, hegima taudia edia magu ai, Iehova ena hereva heḡereḡerena ai, e hereva henigu, eto, Egu tano Anatoto ai, Beniamina tanona ai, ba hoia, badina be iabina mai siahuna tauna na oi; ba hoia emu. Bena na diba una na Iehova ena hereva.
JER 32:9 Bena una tano Anatoto ai na tadikakagu Hanamele ena amo na hoia, moni na hahetohoa, na henia, silver sekeledia gwauta-hitu.
JER 32:10 Ladagu na tano ibiaguna pepana ai na torea, na koua kunuka-kunuka, bena kara ihamomokanina taudia na abidia, bona moni na metau ihahetohona ḡauna ai na hahetohoa.
JER 32:11 Bena hari tano ibiaguna pepana, e koua kunuka-kunuka ḡauna, bona ia ida-idana pepana ta, e hulala ḡauna, na abidia;
JER 32:12 bena hari tano ibiaguna pepana na Baruku, Neria Mahaseia natuna, na henia, tadikakagu Hanamele vairanai, bona kara ihamomokanidia totona ladadia na una pepa ai e tore taudia vairadiai, bona Iuda taudia, hegima taudia edia maḡu ai e helaiva taudia, iboudiai vairadiai danu.
JER 32:13 Idia vairadiai Baruku na haḡania, nato,
JER 32:14 Iehova Sabaota, Israel Diravana, na ini e gwau tomamu: Ini tano ibiaguna pepadia, hari e koua kunuka-kunuka ḡauna, bona hari e hulala ḡauna danu, avabidia, hodu ta ai ba udadia, bae mia daudau helaoreana.
JER 32:15 Badina be Iehova Sabaota, Israel Diravana, na ini e gwau tomamu: Ruma bona tano bona vine imeadia ma bae hoi lou ina tano ai.
JER 32:16 Hari tano ibiaguna pepana na Baruku Neria na henia murinai, lau ese Iehova na ḡuria, nato,
JER 32:17 Ḡaubada Iehova e, oi ese guba bona tanobada na emu siahu badana bona imamu hetoi-rorona amo vada o kara. Ḡau ta na dia auka oiemu;
JER 32:18 oi na daha daha o bogadia hisimu, a tama edia kerere davadia na muridiai natudia o henidiamu. Dirava badana, Siahu Diravana e, oi ladamu na Iehova Sabaota;
JER 32:19 emu hahealo na bada, bona emu kara na mai siahudia; oi matamu e papamu, taunimanima edia kara iboudiai o itadiamu, ta ta ena dala ena dala bona ena kara anidia ena kara anidia heḡereḡeredia davadia o henidiamu.
JER 32:20 Oi ese toa bona hoa karadia na Aigupto tanona ai vada o hahedinarai, bona Israel ai bona taunimanima iboudiai bogaragidiai danu, ema bona ina dina; bona sibomu ladamu vada o hadaea ina dina ai.
JER 32:21 Oi ese emu bese Israel na Aigupto tanona amo o hakaudia lasi, mai toa bona hoa karadia, bona mai imamu goadana, mai imamu hetoi-rorona, bona mai hahegari badana ida.
JER 32:22 Ina tano danu vada o henidia, senedia o gwau henidia hamata ba henidia oto tanona, rata bona bada ranuna e arumu tanona;
JER 32:23 bena e raka vareai, e ḡaunaia. A idia na oi eremu asie kamonai, bona oiemu taravatu ai asie raka; o haganilaidia karadia iboudiai na ta asie karaia. Una dainai ina dika idoinai na idia latadiai vada o hadihoa.
JER 32:24 A itaia, tano vada e senua, hanua badana iabina totona, bena dare bona doe bona dai-hanai gorerena daidiai hanua na Kaldea taudia, e tuari heniamu taudia, imadia ai vada e atoa. O gwaurai herevadia anidia vada e vara, bena vada o itaia.
JER 32:25 A oi, Ḡaubada Iehova e, vada o hamaorogu, oto, Ena be hanua na Kaldea taudia imadia ai vada na atoa, to oi ese tano na moni amo ba hoia, kara ihamomokanina taudia danu bavabidia.
JER 32:26 Iehova ena hereva na Ieremia enai e kau, eto:
JER 32:27 A itaia, lau na Iehova, mauri ḡaudia iboudiai edia Dirava. Kara ta na auka herea, bena basina karaia diba a?
JER 32:28 Taunabunai Iehova ini e gwau tomamu: A itaia, lau ese ina hanua na Kaldea taudia imadia ai bona Nebukadresara, Babulono pavapavana, imana ai baina atoa, bena ia ese baine abia.
JER 32:29 Kaldea taudia, ina hanua e tuari heniamu taudia, na baema, ina hanua na bae daea, bae doua; guhidia ai muramura mai bonana na Baal e gabu henia bona inuinu bouboudia na dirava idaudia e bubu henidia bena unu amo e habadugu rumadia danu bae dou.
JER 32:30 Badina be Israel garana bona Iuda garana na kara dikadia mo vada e kara lau vairagu ai, merodia negadia amo, Israel garana imadia ḡaukaradia na lau ihabadugu karadia mo. Iehova na e herevamu.
JER 32:31 Ina hanua ese egu badu bona egu lalo-siahu vada e havaradia, e haginia dinana amo ema bona ina dina, una dainai lau ese vairagu amo baina abia oho,
JER 32:32 Israel garana bona Iuda garana edia kara dika iboudiai daidiai. Idia ese lau ihabadugu karadia e kara: edia pavapava bona edia lohia, edia hahelaḡa taudia bona edia peroveta taudia, Iuda taudia bona Ierusalem inoholaina taudia ese.
JER 32:33 Idia ese vada e gini muri henigu, asie vaira henigu. Ena be na hadibadia havara-havara to idia ese hahediba herevadia na asie hakala henidia.
JER 32:34 Edia ḡau dika-rohorohodia na e haginidia, lau ladagu e henemailaia dubuna lalonai, bae hamiroa totona.
JER 32:35 Baal ena atai gabudia helagadia e larebadia, Hinom natuna ena koura ai, natudia mamaruanedia bona hahinedia na boubou ḡaudia ai bae halaodia totona, Molek ena. A lau ese asina haḡanidia bona asina laloa idia ese una kara dika-rohorohona amo Iuda taudia bae hakaradia dika.
JER 32:36 Taunabunai, ina hanua, umui ese o herevalaiamu, o tomu “Dare bona doe bona dai-hanai gorerena amo Babulono pavapavana imana u vada e atoa”, hanuana na Iehova, Israel Diravana, ese ini e herevalaia tomamu:
JER 32:37 A itaia, egu badu bona egu lalo-siahu bona egu lalo-garagara bada-herea lalonai na luludia lao tanodia iboudiai amo ma baina haboudia lou; baina loulaidia ina gabu ai, bona baina hanohodia namonamo.
JER 32:38 Idia na lauegu bese ai baela bona lau na edia Dirava ai bainala.
JER 32:39 Lalo tamona bona dala tamona baina henidia, bena lau bae gari henigu hanaihanai, idia bona muridhi natudia danu ihanamodia.
JER 32:40 Lau ese egu gwauhamata baina henidia hanaihanai, bainato, idia ihanamodia karadia amo basina raka siri; bona lau garigu na lalodia ai baina atoa, egu amo basie raka siri helaoreana.
JER 32:41 Idia ihanamodia karadia baina moalelaidia, bona heabidadama ai ina tano ai baina hadaidia, mai lalogu idoinai bona mai laumagu idoinai ida.
JER 32:42 Badina be Iehova ini e gwau tomamu: Ina dika badana idoinai na ina bese taudia latadiai vada na hadihoa heḡereḡerena, lau ese danu na gwauhamatalai henidiamu kara-namodh iboudiai ma baina hadiho.
JER 32:43 Ina tano, umui ese o herevalaiamu, o tomu “Ia na vada e vahu, asi tauna bona asi ubu-ubu ḡauna; Kaldea taudia imadia ai vada e atoa”, tanona lalonai inogo vada ba hoi;
JER 32:44 Inoḡo na moni amo ba hoi, bona tano ibiagudia pepadia ai ladamui ba tore, bena ba koudia kunuka-kunuka, bona kara ihamomokanina taudh ese bae hamomokanidia, Beniamina tanona ai, bona Ierusalem hetabirana ai, bona Iuda hanuadia ai, bona ororo kahadia hanuadia bona taora hanuadia bona diho kahana hanuadia ai; badina be edia noho ma baina hanamoa lou. Iehova na e herevamu.
JER 33:1 Nega iharuana Iehova ena hereva na Ieremia enai e kau, ia na dounu hegima taudia edia maḡu ai e hekou ahu negana ai.
JER 33:2 Iehova, tanobada e karaia bona baine gini tutuka-tutuka totona oromana e henia Diravana (ia ladana na Iehova) ini e gwau tomamu:
JER 33:3 Ba boi henigu, bena baina haere henimu, bona ḡau badadia, hehuni ḡaudia, do asi dibamu ḡaudia, na baina hamaorolaimu.
JER 33:4 Badina be Iehova, Israel Diravana, ese ina hanua rumadia bona Iuda pavapavadia edia ruma, e larebadia tanodia bona dare ilao-ahudia totona e ḡiḡidia dobi rumadia, na ini e herevalaidia tomamu:
JER 33:5 Kaldea taudia na e aru e maimu, bae tuari henidia, bona egu badu bona egu lalo-siahu ai baina rahudh mase taudia tau-anidia masedia amo bae hahonudia; badina be lau ese vairagu na ina hanua amo vada na hunia, edia kara dikadia iboudiai daidiai.
JER 33:6 A itaia, lau ese goada bona tauhalo baina henia; baina hanamodia, bona noho-namo bona noho-maino na baina hahedinarai henidia badabada.
JER 33:7 Iuda bona Israel edia noho-namo ma baina henidia lou, bona baina haginidia lou, e gini gunava heḡereḡerena.
JER 33:8 E kara dika henigu dikana mirona idoinai amo baina haḡoevadia, bona edia kara dika bona edia gwau-edeede egu ai mirona idoinai na baina gwaua tao.
JER 33:9 Bena ina hanua na egu ai lada mai moalena, heimodai ḡauna bona hairai ḡauna ai bainela, tanobada besedia iboudiai vairadiai. Idia ese kara namo iboudiai, lau ese na kara henidiamu karadia, sivaraidia bae kamonai; idia na bae gari, taudia bae heude-heude, kara namo iboudiai bona noho-namo idoinai ina hanua baina karalai henia dainai.
JER 33:10 Iehova ini e gwau tomamu: Ina gabu, o herevalaiamu o tomu “Ia na vada e vahu, asi tauna ta eiava asi ubu-ubu ḡauna ta” gabuna ai, bona Iuda hanuadia ai bona Ierusalem ariaradia ai, idia danu vada e vahu, asi tauna ta eiava asi inoholaina ta eiava asi ubu-ubu ḡauna ta, unuseni ai
JER 33:11 kiri gadona bona moale gadona, headava matamata tauna gadona bona headava matamata hahinena gadona, bae kamonaidia lou; bona ane-abi taudia gadodia danu. Idia ese hahenamo boubouna ḡaudia na Iehova ena dubu ai bae mailaidia, baeto, Iehova Sabaota ba hanamoa, badina be Iehova na namo; badina be ena hebogahisi na e hesiriu hanaihanaimu. Badina be lau ese tano ena noho-namo gunana ma baina henia lou. Iehova na e herevamu.
JER 33:12 Iehova Sabaota ini e gwau tomamu: Ina gabu ḡaḡaena, asi tauna ta eiava asi ubu-ubu ḡauna ta gabuna, lalonai, bona hanuana iboudiai lalodiai, mamoe ireḡudia taudia, edia mamoe e halaḡa-anidiamu taudia, edia noho gabudia ma bae hekara lou.
JER 33:13 Ororo kahadia hanuadia ai bona taora hanuadia ai bona diho kahana hanuadia ai, bona Beniamina tanona ai bona Ierusalem hetabirana gabudia ai, bona Iuda hanuadia ai, mamoe seridia na iduahidia tauna imana henudia amo bae raka hanai. Iehova na e herevamu.
JER 33:14 Iehova na e tomu: A itaia, negana be maimu, lau ese Israel iduhuna bona Iuda iduhuna na henidia gwauhamatana baina hamomokania.
JER 33:15 Unu dinadia ai bona una nega ai, lau ese Rigi ta, kara maoromaoro ḡauna, na baina hatubua, David ena; bena ia ese hahemaoro ḡoevaḡoeva bona kara maoromaoro baine kara ina tano ai.
JER 33:16 Unu dinadia ai Iuda na baine mauri, bona Ierusalem baine noho namonamo. Bona ladana na ini bae hatoa toma: “Iehova na eda kara maoromaoro”.
JER 33:17 Badina be Iehova ini e gwau tomamu: David iduhuna amo nega ta ai Israel ena bese teronona ihelai-kauna taudia ta ai basine dabu,
JER 33:18 bona hahelaḡa taudia Levi oreana amo nega ta lau vairagu ai ḡole-oho bouboudia ihahelaḡadia bona flaoa bouboudia igabudia bona boubou karadia ikaradia taudia ta ai basie dabu, ela bona hanaihanai.
JER 33:19 Iehova ena hereva na Ieremia enai e kau, eto,
JER 33:20 Iehova ini e gwau tomamu: Egu haheḡani dina enai eiava hanuaboi enai boma utua diba, bena dina bona hanuaboi na edia nega korikoridia ai basiema hedinarai,
JER 33:21 bena egu gwauhamata egu hesiai tauna David enai danu ba utua diba, bena garana ta basine vara ena terono ihelai-kauna; bona egu gwauhamata hahelaḡa taudia Levi oreana amo, egu hesiai taudia, ediai danu ba utua diba.
JER 33:22 Guba hisiudia na asi iduahidia bona kone miridia na asi ihahetohodia na heto, egu hesiai tauna David garana bona hahelaḡa taudia Levi oreana amo garadia unu baina hahutumadia toma.
JER 33:23 Iehova ena hereva na Ieremia enai ma e kau, eto,
JER 33:24 Ini taunimanima edia hereva so kamonai, eto “Iehova ese e abidia hidi iduhudia ruaosi vada e dadaraidia”, a? Unuheto, idia ese egu bese taudia vada e dadaraidia, bena harihari idia na dia bese ta idia vairadiai.
JER 33:25 Iehova ini e gwau tomamu: Egu haheḡani dina bona hanuaboi ediai basinama haginia bona guba bona tanobada taravatudia danu,
JER 33:26 bena lau ese Iakob bona egu hesiai tauna David garadia baina dadaraidia, bona ia garana ta basina abia hidi, Abraham bona Isaak bona Iakob vevedia ilohiadia. Badina be edia noho-namo baina havara henidia lou, bona baina bogadia hisi.
JER 34:1 A Nebukadresara, Babulono pavapavana, bona ena tuari oreana idoinai, bona tanobada basileiadia iboudiai, iena siahu henunai e nohova oreadia, bona bese idau-idau iboudiai, ese Ierusalem mai ena hanua iboudiai ida e tuari henidiava negana ai, Iehova ena hereva ta na Ieremia enai e kau, eto,
JER 34:2 Iehova, Israel Diravana, na ini e gwau tomamu: Aola, Sedekia, Iuda pavapavana, ba hereva henia, baoto, Iehova ini e gwau tomamu: A itaia, ina hanua na Babulono pavapavana imana ai baina atoa; ia ese lahi amo baine doua.
JER 34:3 Oi na ia imana amo basio roho mauri; momokani, haida ese bae abimu mauri, bena ia imana ai bae atomu. Oi na Babulono pavapavana ida ba heroha heheni, ba hevaira heheni, bona ba hereva heheni; bena Babulono baola.
JER 34:4 Sedekia, Iuda pavapavana, e! Iehova ena hereva ba kamonai. Iehova ese ini e herevalaimu tomamu: Dare ai basio mase.
JER 34:5 Maino ai ba mase. Senemu, pavapava dagina ai e gunalaimu taudia, daidiai muramura mai bonadia e gabu heḡereḡerena ai, taunimanima ese muramura mai bonadia bae gabu oi daimu ai, bona oi daimu ai bae rohe ahu, baeto “Ḡauka e, ihabaimu!” Iehova na e tomu: Vada na hereva.
JER 34:6 Bena peroveta tauna Ieremia ese ini hereva iboudiai na Sedekia, Iuda pavapavana, e hamaorolaia, Ierusalem ai,
JER 34:7 Babulono pavapavana ena tuari oreana ese Ierusalem bona Iuda hanuadia oredia iboudiai, Lakisi bona Aseka, dounu e tuari henidiava negana ai. Badina be hanua mai maḡudia dounu Iuda ai e miava be unu ruaosi mo.
JER 34:8 King Sedekia ese Ierusalem taudia iboudiai taravadia e atu, hekahu-nege herevadia e gwaurai henidia, murinai Iehova ena hereva ta na Ieremia enai e kau.
JER 34:9 E gwaurai henidia herevana binai: idia iboudiai ese edia hesiai taudia, Heberu taudia vada e ḡuidia bona isiaidia ilao-henidia taudia ai vada e halaodia taudia, tatau bona hahine, bae ruhadia nege; bena tau ta ese tadikakana Iuda tauna ta basine ḡuia, ena hesiai tauna ai basine halaoa.
JER 34:10 Bena e kamonai, hanua lohiadia bona hanua taudia iboudiai ese taravatu vada e abia dae, iboudiai ese edia hesiai taudia, tatau eiava hahine, bae ruhadia nege, bena basie ḡuidia lou eto. Idia na e kamonai, e ruhadia nege.
JER 34:11 A gabeamo idia na e kerehai, edia hesiai taudia mamaruanedia bona hahinedia, vada e ruhadia nege taudia, na ma e abidia lou, e ḡuidia, hesiai taudia ai ma e halaodia.
JER 34:12 Bena Iehova ena hereva na Iehova ena amo Ieremia enai e kau, eto,
JER 34:13 Iehova, Israel Diravana, na ini e gwau tomamu: Senemui na Aigupto tanona amo bona iḡui rumana amo na hakaudia lasi negana ai lau ese taravadia na atu, nato
JER 34:14 “Laḡani tauratoi dokodia ai, iboumui ai ese tadikakamui Heberu taudia vada o hoidia bena laḡani tauratoi lalodiai isiaimui vada e lao heni taudia, vada ba ruhadia nege; isiaimui ilao-henina amo ba ruhadia nege”. A senemui ese asie kamonai henigu bona asie hakala henigu.
JER 34:15 Vanegai mo umui na o helalo kerehai, bena kara maoromaorona na lau vairagu ai vada o karaia, hekahu-nege o gwaurai hedinarai, ta ta dekena tauna dekena tauna ediai; bona lau vairagu ai o gwau hamata, lau ladagu e henemailaia dubuna lalonai.
JER 34:16 A ma o kerehai lou, lau ladagu o hamiroa; iboumui ai emui hesiai taudia mamaruanedia bona hahinedia, edia ura heḡereḡerena ai vada o ruhadia nege taudia, ma o abidia lou, o ḡuidia, hesiai taudia ai ma o halaodia.
JER 34:17 Taunabunai, Iehova ini e gwau tomamu: Asio kamonai henigu, hekahu-nege igwauraina ai, ta ta tadikakana tadikakana ediai, bona ta ta dekena tauna dekena tauna ediai; benaini, lau ese hekahu-nege na gwaurai henimuimu, dare bona dai-hanai gorerena bona doe na latamui ai na kahudia negemu, bona hahegari ḡauna ai baina halaomui tanobada basileiadia iboudiai ediai.
JER 34:18 Bona egu taravatu e tataia utu bona edia gwauhamata, lau vairagu ai e gwauraia ḡauna, asie badinaia taudia na boromakau natuna, idia ese e utua parara bona kahana kahana padadia amo e rakaia hanai ḡauna, heḡereḡerena ai baina halaoa:
JER 34:19 Iuda lohiadia, Ierusalem lohiadia, hesiai taudia, hahelaḡa taudia, bona hanua taudia, boromakau natuna kahana kahana padadia amo e raka hanai taudia iboudiai.
JER 34:20 Bena lau ese inaidia imadia ai bona edia mauri iabi-ohona dalana e tahuamu taudia imadia ai baina atodia. Tau-anidia masedia na atai manudia bona tanobada boromadia ese bae ani.
JER 34:21 Bona Sedekia, Iuda pavapavana, bona ena lohia taudia, na lau ese inaidia imadia ai, bona edia mauri iabi-ohona dalana e tahuamu taudia imadia ai, bona Babulono pavapavana ena tuari oreana, hari emui amo vada e raka oho oreana, imadia ai, baina atodia.
JER 34:22 Iehova na e tomu: A itaia, lau baina haheḡani, bena ma baina loulaidia mai, ina hanua ma baema; bena idia ese bae tuari henia, bae abia, lahi amo bae doua. Iuda hanuadia na baina havahudia, asi unoholaidia bae mia.
JER 35:1 Iehoiakim, Iuda pavapavana Iosia natuna, ena nega ai, Iehova ena hereva na Ieremia enai e kau, eto,
JER 35:2 Rekab taudia edia ruma baola, ba hereva henidia, bena ba hakaudia mai, Iehova ena dubu ai, daiutuna ta lalonai. Bena vine ranuna ba dudui henidia, bae inua totona.
JER 35:3 Taunabunai, Iaasania, Ieremia Habasinia natuna, mai tadikakana bona natuna iboudiai ida, bona Rekab iduhuna idoinai, na abidia.
JER 35:4 Na hakaudia mai, Iehova ena dubu ai, Hanana Igdalia, Dirava ena tau, natuna edia daiutu lalonai. Una daiutu na lohia taudia edia daiutu badibadinai, bona Ma-aseia Salumu, dubu raka-vareaina igimana tauna, ena daiutu daenai.
JER 35:5 Bena hodu haida, vine ranuna ai e honu ḡaudia, bona kehere haida na idia vairadiai na ato; bena na hereva henidia, nato, Vine ranuna ba inua.
JER 35:6 A idia na e haere, eto, Ai na vine ranuna basia inua, badina be ai senemai Ionadab Rekab ese e haḡanimai, eto, Vine ranuna basio unua, umui bona garamui danu, ela bona hanaihanai;
JER 35:7 ruma auta basio haginia; basio hadohado; vine imeana ta basio hadoa eiava basio abia emui; a emui mauri dinadia iboudiai kalaga ai ba noho, o noholaiamu tanona ai emui mauri dinadia bae hoho helaoreana.
JER 35:8 Ai ese senemai Ionadab Rekab gadona vada a badinaia, e haganilaimai karadia iboudiai lalodiai, emai mauri dinadia iboudiai vine ranuna asia inuamu, ai bona adavamai bona natumai mamaruanedia bona hahinedia danu;
JER 35:9 bona ruma danu asia haginidia, asia noholaidia. Asi emai vine imeadia, asi emai uma, asi emai uhe;
JER 35:10 a kalaga ai vada a noho, bona senemai Ionadab ese e haganilaimai karadia iboudiai vada a badinadia bona a karadia.
JER 35:11 A Nebukadresara, Babulono pavapavana, na tano idaena totona ema negana ai, ai ato “Aoma, Ierusalem aitala, Kaldea taudia bona Suria taudia edia tuari oreadia na garidia”. Taunabunai ai na Ierusalem ai a nohomu.
JER 35:12 Bena Iehova ena hereva na Ieremia enai e kau, eto,
JER 35:13 Iehova Sabaota, Israel Diravana, na ini e gwau tomamu: Aola, Iuda taudia bona Ierusalem inoholaina taudia ba hamaorodia, baoto, Iehova na e tomu: Hahediba herevadia basio abi dae bona egu hereva basio kamonai a?
JER 35:14 Haheḡani, Ionadab Rekab ese garana e henidia ḡauna, vine ranuna basie inua, na vada e badinaia; idia na asie inuamu ema bona ina dina, badina be senedia ena haheḡani vada e badinaia. Lau ese vada na hereva henimui havara-havara, a umui ese asio kamonai henigu.
JER 35:15 Lau ese egu peroveta hesiai taudia iboudiai vada na siaidia vasi, na siaidia havara-havara, nato, Iboumui ai emui dala dikadia amo ba raka siri, bona emui kara ba haḡoevadia, bona dirava idaudia muridia amo basiola, isiaidia basio lao heni; bena umui na henimui bona senemui na henidia tanona ai do ba noho. A taiamui asio hakala bona asio kamonai henigu.
JER 35:16 Ionadab Rekab garana ese senedia ena haheḡani vada e badinaia, a ina bese ese se kamonai henigu.
JER 35:17 Taunabunai, Ḡaubada Iehova Sabaota, Israel Diravana, na ini e gwau tomamu: A itaia, hahedika Iuda bona Ierusalem inoholaina taudia iboudiai latadiai vada na gwaurai ḡauna na ediai baina havaraia; badina be vada na hereva henidia to asie kamonai, vada na boi henidia to asie haere.
JER 35:18 A Rekab iduhuna taudia na Ieremia ese e hereva henidia, eto, Iehova Sabaota, Israel Diravana, na ini e gwau tomamu: Badina be senemui Ionadab ena haheḡani vada o badinaia, bona ena hahediba herevadia iboudiai vada o badinadia, bona e haganilaimui karadia iboudiai vada o kara,
JER 35:19 una dainai Iehova Sabaota, Israel Diravana, na ini e gwau tomamu: Ionadab Rekab iduhuna na nega ta ai lau vairagu ai iginina taudia ta ai basine dabu.
JER 36:1 Iehoiakim, Iuda pavapavana Iosia natuna ena lohia laḡanina ihahanina ai, ina hereva Iehova ena amo na Ieremia enai e kau, eto:
JER 36:2 Pepa ta avabia, Israel bona Iuda bona bese idau-idau iboudiai ihadikadia herevadia, vada na gwaurai henimu ḡaudia, na hereva henimu matama dinana amo, Iosia ena nega ai, ema bona ina dina, vada ba tore.
JER 36:3 Readia Iuda iduhuna taudia na ihadikadia karadia iboudiai vada na lalo hata baina kara henidia nato herevadia bae kamonai, bena una dainai iboudiai ese edia dala dikadia bae rakatani, bena lau ese edia kara havara bona edia kara dika baina gwau tao.
JER 36:4 Bena Ieremia ese Baruku Neria e boiria; bona Iehova ese vada e hamaorolaia herevadia iboudiai na Ieremia ese e gwaurai, bena Baruku ese pepa ta ai e tore.
JER 36:5 Bena Ieremia ese Baruku e haduaia, eto, Vada e g vaugu tao, Iehova ena dubu ilao-henina ai;
JER 36:6 una dainai oi hari baola, bena anivaga dinana ta ai Iehova ena hereva, lau ese vada na gwaurai bona oi ese pepa ai vada o tore ḡaudia, na Iehova ena dubu ai e heboumu taudia iboudiai vairadiai ba duahi. Iuda taudia, edia hanua amo vada e raka lasi taudia iboudiai, vairadiai danu ba duahi.
JER 36:7 Readia edia noinoi na Iehova enai baine kau, bena iboudiai ese edia dala dikadia bae rakatanidia, badina be badu bona lalo-siahu Iehova ese ina bese latanai vada e gwaurai na bada herea.
JER 36:8 Bena Baruku Neria ese peroveta tauna Ieremia ena hahedua idoinai heḡereḡerena ai e karaia, Iehova ena hereva na pepa amo e duahia, Iehova ena dubu ai.
JER 36:9 Iehoiakim, Iuda pavapavana Iosia natuna, ena lohia laḡanina iha-imana huana ihataurahani-tana ai, Ierusalem taudia iboudiai bona Iuda hanuadia amo Ierusalem vada ema taudia iboudiai ese anivaga e gwauraia Iehova vairanai.
JER 36:10 Bena taunimanima iboudiai vairadiai Baruku ese Ieremia ena hereva na pepa amo e duahia, Iehova ena dubu ai, toretore tauna Gemaria Safana ena daiutu lalonai. Una daiutu na alai maguna ai, Iehova ena dubu ikoukouna, ladana Ikoukou Matamatana, badibadinai.
JER 36:11 Mikaia Gemaria Safana natuna, ese Iehova ena hereva iboudiai, pepa amo e duahi ḡaudia, na e kamonai negana ai,
JER 36:12 ia na pavapava ena ruma e diho lao, toretore tauna ena daiutu ai e raka vareai. Lohia iboudiai unuseni ai e helaiva: toretore tauna Elisama, Semaia natuna Delaia, Akaboro natuna Elnatan, Safana natuna Gemaria, Hanania natuna Sedekia, bona lohia iboudiai.
JER 36:13 Bena Mikaia ese e kamonai herevadia iboudiai, Baruku ese taunimanima vairadiai pepa amo e duahi herevadia, na e hamaorolaidia.
JER 36:14 Bena lohia iboudiai ese lehudi (ia na Netania natuna, Netania na Selemia natuna, Selemia na Kusi natuna) e siaia lao, Baruku baine hamaoroa, baineto, Hari taunimanima vairadiai o duahia pepana na imamu ai bavabia, vada baoma. Taunabunai, Baruku Neria ese pepa na imana ai e abia, bena dekedia ela.
JER 36:15 Idia ese e hamaoroa, eto, A helai diho, ba duahia. Taunabunai, Baruku ese e duahi henidia.
JER 36:16 Unu hereva iboudiai e kamonai negana ai, idia na mai garidia ida e heroha heheni. Bena idia ese Baruku e hamaoroa, eto, Ini-hereva iboudiai na hanua pavapavana do baia hamaorolaia.
JER 36:17 Bena idia ese Baruku e nanadaia, eto, A hamaoromai, ini hereva iboudiai ede o tore toma? Ia ese e gwaurai bena o tore a?
JER 36:18 Bena Baruku ese e haere henidia, eto, Ia ese ini hereva iboudiai e gwaurai henigu, bena lau ese ink amo na tore, pepa ai.
JER 36:19 Bena hari lohia ese Baruku e hamaoroa, eto, Aola, a komu, oi bona Ieremia danu, bona tau ta basine diba umui na edeseni ai.
JER 36:20 Taunabunai, idia ese pepa na toretore tauna Elisama ena daiutu ai e atoa, bena hanua pavapavana ena maḡu lalonai e raka vareai, unu hereva iboudiai na hanua pavapavana e hamaorolaia.
JER 36:21 Bena hanua pavapavana ese Iehudi na pepa iabina totona e siaia lao; bena ia ese toretore tauna Elisama ena daiutu lalona amo.e abia. Bena Iehudi ese hanua parapavana bona hanua pavapavana badibadinai e giniva lohiadia e duahi henidia.
JER 36:22 Nega na hua ihataurahani-tana; hanua pavapavana na keru negana rumana ai e helaiva, bona lahi na rahurahu ai vada e ha-araia ia vairanai.
JER 36:23 Iehudi ese ere toi eiava hani e duahidia, bena hanua pavapavana ese kaia maragina amo e utudia oho, hari rahurahu ai e arava lahina lalonai e tahodia vareai. Unu mo e kara toma ela bona pepa Idoinai na una rahurahu ai e arava lahina ai e ara ore.
JER 36:24 Ḡau tamona, ini hereva iboudiai e kamonai vaitani murinai, hanua pavapavana eiava ena hesiai taudia ta se gari, eiava edia dabua asie dare.
JER 36:25 Ena be Elnatan bona Delaia bona Gemaria ese hanua pavapavana e hereva henia goadagoada, pepa na basine doua, to ia ese se kamonai henidia.
JER 36:26 Bena hanua pavapavana ese Ierahamele, hanua pavapavana natuna, bona Seraia, Asriel natuna, bona Selemia, Abdele natuna, na e haḡanidia, idia ese toretore tauna Baruku bona peroveta tauna leremia bae dabaidia tao. A Iehova ese e hunidia.
JER 36:27 Ieremia ese e gwaurai bena Baruku ese e tore herevadia pepana na hanua pavapavana ese e doua murinai, Iehova ena hereva ta Ieremia enai e kau, eto,
JER 36:28 Ma pepa ta bavabia, hereva gunadia, pepa gini-gunana, Iehoiakim, Iuda pavapavana, ese e doua ḡauna, ai e tore herevadia ma ba tore lou.
JER 36:29 Bona Iehoiakim, Iuda pavapavana, na ini ba herevalaia toma, baoto, Iehova ini e gwau tomamu: Ina pepa vada o doua, oto “Dahaka dainai ia lalonai vada o torea Babulono pavapavana na momokani bainema, ina tano baine habuaia tari bona taunimanima bona ubu-ubu ḡaudia na ia lalona amo baine negedia daure?”
JER 36:30 Taunabunai, Iehova ese Iehoiakim, Iuda pavapavana, na ini e herevalaia tomamu: Ia garana ta ese David ena terono ai basine helai kau; bona ia tau-anina masena na murimuri ai bae negea lasi, dina garaḡarana ai bona hanuaboi parakana ai baine mia.
JER 36:31 Lau ese ia bona natuna bona ena hesiai taudia na davadia baina henidia, edia kara havara daidiai. Idia latadiai, bona Ierusalem inoholaina taudia bona Iuda taudia latadiai, dika idoinai, idia latadiai vada na gwauraia ḡauna, na baina hadihoa; a idia na asie ura bae kamonai.
JER 36:32 Bena Ieremia ese pepa ta ma e abia, itorena tauna Baruku Neria e henia; bena Iehoiakim, Iuda pavapavana, ese lahi ai e doua pepana herevadia iboudiai na Ieremia ese ma e gwaurai bona Baruku ese ma e tore; bona hereva unuhetomadia momo na idia latadiai ma e tore kau.
JER 37:1 Sedekia Iosia, Nebukadresara, Babulono pavapavana, ese Iuda tanona pavapavana ai e halaoa tauna, na Iuda ai e lohiava, Konia Iehoiakim gabuna ai.
JER 37:2 A ia bona ena hesiai taudia bona tano taudia ese Iehova ena hereva, peroveta tauna Ieremia uduna amo e gwaurai ḡaudia, na asie kamonaidia.
JER 37:3 King Sedekia ese Iehukala Selemia bona hahelaḡa tauna Sefania Maaseia na peroveta tauna Ieremia dekena e siaidia lao, eto, Iehova, eda Dirava, na ai daimai ai ba ḡuria.
JER 37:4 Una negana ai Ieremia na dounu taunimanima bogaragidiai e raka vareaiva e raka lasiva; badina be dibura rumana ai do asie koua.
JER 37:5 Farao ena tuari oreana na Aigupto amo vada e raka lasi; bena Kaldea taudia, Ierusalem e daia heḡeḡe oreana, ese haridia e kamonai negana ai, idia na Ierusalem amo e raka oho.
JER 37:6 Bena Iehova ena hereva na peroveta tauna Ieremia dekenai e kau, eto,
JER 37:7 Iehova, Israel Diravana, na ini e gwau tomamu: Iuda pavapavana, dekegu ai e siaimu ba nanadaigu totona tauna, na ini ba hamaoroa toma, baoto, A itaia, Farao ena tuari oreana, oi idurumu totona ema ḡauna, na be lou laomu, edia tano korikori Aigupto ai.
JER 37:8 Bena Kaldea taudia ma bae lou mai, ina hanua bae tuari henia, bae abia, bena lahi amo bae doua.
JER 37:9 Iehova na ini e gwau tomamu: Sibomui basio hekoi, basioto “Kaldea taudia na momokani dauhai bae noho”; badina be idia na dauhai basie noho.
JER 37:10 Badina be, ena be Kaldea taudia, e tuari henimuimu taudia, edia tuari oreana idoinai boma hadarerea, bona mai berodia taudia sibodia bema noho, ta ta ena kalaga ena kalaga ai, to idia na ben a tore isi, bena ina hanua na lahi ai bema doua.
JER 37:11 Kaldea taudia edia tuari oreana na Ierusalem amo vada e raka oho, Farao ena tuari oreana e raka kahira negana ai.
JER 37:12 Bena Ieremia na Ierusalem ai e tore isi, Beniamina tanona bainela, unuseni ai ahuna do baine abia, taunimanima bogaragidiai.
JER 37:13 Ia na Beniamina Ikoukouna ai, bena hegima tauna ta, ladana Iria, Selemia Hanania natuna, ese peroveta tauna Ieremia e dabaia tao, eto, Oi na Kaldea taudia ediai bo hanaimu.
JER 37:14 Ieremia eto, Oi na o koikoimu; lau na Kaldea taudia ediai asina hanaimu. A Iria na se ura baine kamonai henia; bena ia ese Ieremia e dabaia tao, hanua lohiadia dekedia e laohaia.
JER 37:15 Hanua lohiadia ese Ieremia e badu henia lalo-dika; e dadabaia, bena toretore tauna Ionatan ena ruma ai e koua, badina be una ruma na dibura rumana ai vada e halaoa.
JER 37:16 Ieremia na dibura rumana ai e koua, bena dina hoho unuseni ai e nohova.
JER 37:17 Una murinai King Sedekia ese e boiria, bena e abia dae. Hanua pavapavana ese e nanadaia hehuni ena ruma ai, eto, Hereva ta na Iehova ena amo vada ema a?
JER 37:18 Ieremia eto, Oibe. Ma eto, Babulono pavapavana imana ai bae atomu. Ieremia ese danu King Sedekia e hamaoroa, eto, Oi eiava emu hesiai taudia eiava ina bese taudia na ede vada na hadikamui toma dainai dibura rumana ai vada o kougu?
JER 37:19 Emu peroveta taudia, e peroveta henimu eto “Babulono pavapavana basinema, oi bona ina tano basine tuari henimui” taudia na edeseni ai?
JER 37:20 Pavapava e, egu lohia, mani emu kara a kamonai: egu noinoi, mai hematauraigu ida na gwauraiamu ḡauna, na emu ai baine kau; bena toretore tauna Ionatan ena ruma basio siaigu lao lou, unuseni ai baina mase na garina.
JER 37:21 Taunabunai King Sedekia e hahedua, bena Ieremia na hegima taudia edia magu ai e koua; bena dina ta ta ai flaoa igabu ta ta e henia, flaoa igabuna taudia edia ariara amo, ela bona hanua flaoana idoinai vada e ore. Taunabunai Ieremia na hegima taudia edia maḡu ai e nohova.
JER 38:1 Ieremia ese taunimanima iboudiai e hamaorolaidia herevadia na Sefatia Matan, Gedalia Pasahuru, Iukala Selemia, bona Pasahuru Malkia na e kamonai. Ia eto,
JER 38:2 Iehova ini e gwau tomamu: Ina hanua ai baine noho tauna na dare eiava doe eiava dai-hanai gorerena amo baine mase; a Kaldea taudia dekedia baine raka lasi tauna na baine mauri; ena mauri na kwalimu ahuna ai bainela, bena baine mauri.
JER 38:3 Iehova ini e gwau tomamu: Momokani ina hanua na Babulono pavapavana imana ai bae atoa, bena baine abia.
JER 38:4 Bena hanua lohiadia ese hanua pavapavana e hamaoroa, eto, Ina tau bae alaia mase be namo, badina be ia ese tuari taudia doini hanua ai e nohomu na imadia e hamanokadiamu, bona taunimanima iboudiai imadia danu, unu hereva e hamaorolaidiamu dainai. Badina be ina tau ese taunimanima ihanamodia se tahuamu a ihadikadia mo.
JER 38:5 King Sedekia eto, A itaia, ia na umui imamui ai; badina be hanua pavapavana ese basine laomui ahu diba.
JER 38:6 Taunabunai, idia ese Ieremia e abia, Malkia, hanua pavapavana natuna, ena ranu gurina, hegima taudia edia magu ai, lalonai e tua dobi. Idia ese Ieremia na kwanau amo e tua dobi. Guri na asi ranuna, kopukopu mo; bena Ieremia na kopukopu ai e hepuni.
JER 38:7 Ebede-melek, tau Etiopia, hesiai tauna ta pavapava ena ruma ai, e kamonai idia ese Ieremia na guri lalonai vada e tua dobi. Hanua pavapavana na Beniamina Ikoukouna ai e helaiva,
JER 38:8 bena Ebede-melek na pavapava ena ruma amo ela, hanua pavapavana e hamaoroa, eto,
JER 38:9 Pavapava e, egu lohia, ini tatau na vada e kara dika, peroveta tauna Ieremia e kara henia karadia iboudiai lalodiai; idia ese ranu gurina lalonai vada e tua dobi, unuseni ai ia na baine hitolo mase, badina be flaoa taina dia mia hanua ai.
JER 38:10 Bena hanua pavapavana ese Ebede-melek, tau Etiopia, e hagania, eto, Ini amo tatau tatoi avabidia, oi ida baola, peroveta tauna Ieremia do se masemu ai na guri amo ba veria dae.
JER 38:11 Taunabunai, Ebede-melek ese unu tatau e abidia, bena pavapava ena ruma ela, habou-habou daiutuna ai maua ta lalona amo dabua seadia gunadia bona hahedoki, vada e dika ḡaudia, e abi; bena kwanau amo guri lalonai e tudia dobi, Ieremia enai.
JER 38:12 Bena Ebede-melek, tau Etiopia, ese Ieremia e hamaoroa, eto, Dabua seadia bona hahedoki na kadidihamu bona kwanau padadiai bavatodia. Ieremia na unu e kara toma.
JER 38:13 Bena idia ese Ieremia na kwanau amo e veria dae, guri amo e abia lasi. Bena Ieremia na hegima taudia edia magu ai e nohova.
JER 38:14 King Sedekia ese peroveta tauna Ieremia e boiria, Iehova ena dubu iraka-vareaina ihatoina ai e abia dae. Hanua pavapavana ese Ieremia e hamaoroa, eto, Aina nanadaimu, ḡau ta egu ai basio hunia.
JER 38:15 Ieremia ese Sedekia e haere henia, eto, Bama hamaoromu bena boma alagu mase ani? Bona bama hahealo henimu bena basioma kamonai henigu.
JER 38:16 Bena King Sedekia ese Ieremia e gwau henia hamata hehuni, eto, Iehova, laumada e karadia Diravana, na e maurimu heḡereḡerena, lau ese basina alamu mase eiava emu mauri iabi-ohona dalana e tahuamu taudia imadia ai basina atomu.
JER 38:17 Bena Ieremia ese Sedekia e hamaoroa, eto, Ḡaubada Iehova Sabaota, Israel Diravana, na ini e gwau tomamu: Babulono pavapavana ena lohia taudia ediai boma hahemanau, bena idia ese bae hamaurimu; ina hanua danu lahi amo basie doua, bona oi bona emu ruma taudia na ba mauri.
JER 38:18 A hari Babulono pavapavana ena lohia taudia ediai basioma hahemanau, bena ina hanua na Kaldea taudia imadia ai baine heato; bena idia ese lahi amo bae doua, bona oi na idia imadia amo basio roho mauri.
JER 38:19 King Sedekia ese Ieremia e hamaoroa, eto, Iuda taudia Kaldea taudia ediai vada e hanai na garidia na garimu, idia imadia ai bae atogu bena idia ese bae hadikagu na garina.
JER 38:20 Ieremia eto, Idia imadia ai basie atomu. Iehova gadona hari na hamaorolaimumu na ba badinaia, bena ba namo, emu mauri na basie abia oho.
JER 38:21 A hahemanau basioma ura, Iehova ese ina mata-hanai vada e henigu:
JER 38:22 A itaia, Iuda pavapavana ena ruma ai doini e nohomu hahinedia na e hakaudia lasimu, Babulono pavapavana ena lohia taudia dekediai; bena hahine na e tomu: Turamu, o abidadama henidia taudia, ese vada e koimu, bona vada e hadareremu; oi aemu na kopukopu ai vada e hepuni dainai, idia na emu amo e raka ohomu.
JER 38:23 Adavamu bona natumu iboudiai na Kaldea taudia dekedia bae hakaudia lasi; bona oi danu idia imadia amo basio roho mauri, a Babulono pavapavana ese baine dabaimu tao; bena ina hanua na lahi amo bae doua.
JER 38:24 Bena Sedekia ese Ieremia e hamaoroa, eto, Ini hereva na tau ta basio hadibalaia, bena basio mase.
JER 38:25 Hanua lohiadia bema kamonai lau na oi ida vada ta hereva-hereva, bena bae vasi, bae nanadaimu, baeto “A hamaoromai, hanua pavapavana ede o hamaoroa toma bona hanua pavapavana ese ede e hamaoromu toma; ḡau ta emai ai basio hunia, bena basia alamu mase”.
JER 38:26 Bena oi ese ba haere henidia, baoto “Hanua pavapavana na noia mai manaugu ida, ia ese Ionatan ena ruma basine siaigu lao lou, unuseni ai baina mase na garina”.
JER 38:27 Bena hanua lohiadia iboudiai na Ieremia dekena ela, e nanadaia; bena ia ese e haere henidia, hanua pavapavana ese vada e hagania heḡereḡerena. Taunabunai, idia ese ia ihereva-henina e hadokoa; badina be tau ta ese unu hereva asie kamonai.
JER 38:28 Bena Ieremia na hegima taudia edia maḡu ai e nohova, ela-bona Ierusalem e abia dinana.
JER 39:1 Sedekia, Iuda pavapavana, ena lohia laḡanina ihataurahani-tana huana ihagvautana lalonai, Nebukadresara, Babulono pavapavana, bona ena tuari oreana idoinai ese Ierusalem e daea bona e koua heḡeḡe;
JER 39:2 bena Sedekia ena lohia laḡanina ihagwauta-tana huana ihahanina dinana ihataurahani-tana ai, hanua maguna e gwadaia uru.
JER 39:3 Ierusalem e abla negana ai, Babulono pavapavana ena lohia taudia iboudiai ema, bogaragi ikoukouna ai e helai: Neregala-saresere, Samagara-nebo, Sarasekimi (ena dagi be Rabsarisi), Neregalasaresere (ena dagi be Rabmaga), bona Babulono pavapavana ena tuari lohiadia oredia iboudiai.
JER 39:4 Sedekia, Iuda pavapavana, bona tuari taudia iboudiai ese e itadia negana ai, idia na e heau; hanuaboi ai hanua e rakatania pavapava ena uma-uma bogaragina amo, bena magu ruaosi padadia ikoukouna amo e raka lasi, Araba dalana ai ela.
JER 39:5 A Kaldea tuari oreana ese e hahavadia; bena idia ese Sedekia e lasia tao Ieriko taoradia ai. E abia mauri, bena Nebukadresara, Babulono pavapavana, dekena e laohaia, Ribla ai, Hamat tanona ai; bena ia ese ena kerere ahuna e gwauraia.
JER 39:6 Bena Babulono pavapavana ese Sedekia natuna mamaruanedia na ia vairanai e aladia mase, Ribla ai; Babulono pavapavana ese danu Iuda lohiadia iboudiai e aladia mase.
JER 39:7 Bena ia ese Sedekia matana e hakepuludia, bona auri gadeadia ai e ḡuia, Babulono baine laohaia totona.
JER 39:8 Kaldea taudia ese pavapava ena ruma e doua, bona taunimanima edia ruma danu e dou, bona Ierusalem maguna e ḡiḡia dobi.
JER 39:9 Bena Nebusaradana, hegima oleana biaguna, ese taunimanima oredia dounu hanua ai nonoho na e laohaidia, Babulono ai e hanohodia, ienai e hanai taudia bona taunimanima oredia danu.
JER 39:10 Nebusaradana, hegima oreana biaguna, ese ogoḡami taudia haida, asi edia kohu taudia, na Iuda tanona ai e rakatanidia, bona una negana ai vine imeadia bona biru tanodia e henidia.
JER 39:11 Nebukadresara, Babulono pavapavana, na Nebusaradana, hegima oreana biaguna, ena amo e haheḡani, Ieremia dainai, eto,
JER 39:12 Avabia, ba naria namonamo, basio hadikaia, a ia ese baine hamaorolaimui heḡereḡerena ai ba kara henia.
JER 39:13 Taunabunai, Nebusaradana, hegima oreana biaguna, bona Nebusasabana, Rabsarisi tauna, bona Neregala-saresere, Rabmaga tauna, bona Babulono pavapavana ena tuari lohiadia badadia iboudiai na
JER 39:14 e hesiai, Ieremia na hegima taudia edia magu amo e abia. Idia ese Gedalia, Ahikama Safana natuna, imana ai e atoa, iena ruma baine laohaia totona. Taunabunai ia na taunimanima bogaragidiai e nohova.
JER 39:15 Ieremia na hegima taudia edia magu ai e hekouva negana ai, Iehova ena hereva na ienai e kau, eto,
JER 39:16 Aola, Ebede-melek, tau Etiopia, ba hamaoroa, baoto, Iehova Sabaota, Israel Diravana, na ini e gwau tomamu: A itaia, egu hereva baina hamomokanidia, ina hanua ihadikana ai, baina hadikaia, basina hanamoa. Una dina ai egu hereva anidia do bae vara oi vairamu ai.
JER 39:17 A Iehova na e tomu: Una dina ai lau ese baina hamaurimu, o gari henidiamu taudia imadia ai basio heato.
JER 39:18 Badina be momokani lau ese baina hamaurimu, dare ai basio mase; a emu mauri bavabia, kwalimu ahuna ai bainela, badina be lau vada o abidadama henigu. Iehova na e herevamu.
JER 40:1 Nebusaradana, hegima oreana biaguna, ese Ieremia na auri gadeadia ai e ḡuia, Ierusalem ai bona Iuda ai e abidia mauri Babulono baine laohaidia totona taudia ida; bena Rama ai ma e ruhaia nege. Una murinai, ina hereva Iehova ena amo na Ieremia enai e kau.
JER 40:2 Hari hegima oreana biaguna ese Ieremia e abia, e hereva henia, eto, Iehova, emu Dirava, ese ina dika vada e gwauraia ina gabu latanai;
JER 40:3 Iehova ese anina vada e havaraia, ena hereva heḡereḡerena ai vada e karaia. Badina be umui na vada o kerere Iehova enai, bona ia gadona asio kamonai, una dainai ina kara na latamui ai vada e kau.
JER 40:4 A harihari, auri gadeadia na imamu amo na kokidia ohomu, na ruhamu nege, ina dina ai. Boma laloa lau ida Babulono baitala be namo, baitama lao, bena lau ese bama narimu namonamo. A boma laloa lau ida Babulono baitala na dia namo, basitama lao. A itaia, tano idoinai na vairamu ai; edena gabu ilao-henina o haeroamu namo bona maoro na unu baola.
JER 40:5 Bema ba-noho, Gedalia, Ahikama Safana natuna, Babulono pavapavana ese vada e duanaia Iuda hanuadia ikwaradia tauna ai bainela tauna, dekena ba lou lao, bena ia ida ba noho, taunimanima bogaragidiai; eiava, edena gabu ilao-henina o haeroamu namo na unu baola. Taunabunai, hegima oreana biaguna ese dala lakwana e henia, bona harihari ḡauna ta danu, bena e kahua nege.
JER 40:6 Bena Ieremia na Gedalia Ahikama dekena ela, Mispa ai, bena ia ida e nohova, una tano ai dounu nohodia taudia bogaragidiai.
JER 40:7 Tano paka ai e nohova oreadia biagudia iboudiai bona edia orea taudia na e kamonai, Babulono pavapavana ese Gedalia Ahikama na tano ikwarana tauna ai vada e halaoa, bona tatau bona hahine mai natudia ida, una tano ogogami-herea taudia Babulono asie laohaidia, na iena hereḡu ai vada e atodia.
JER 40:8 Bena idia na Gedalia dekena ela, Mispa ai: Ismael Netania; Iohanan Karea; Seraia Tanahumete; Efai tau Netofa natuna mamaruanedia, bona Iesania, tau Maakata natuna maruanena; idia bona edia orea taudia danu.
JER 40:9 Bena Gedalia, Ahikama Safana natuna, ese idia bona edia orea taudia na e gwau henidia hamata, eto, Kaldea taudia isiaidia ilao-henina basio garilaia. Tano ai ba noho, Babulono pavapavana isiaina ba lao heni, bena vada ba namo.
JER 40:10 Lau na Mispa ai baina noho, bena umui daimui ai Kaldea amo dekedai baema taudia vairadiai baina gini. A umui ese vine ranuna bona au-huahua bona dehoro ba habou, emui tohe ai ba baladia heni; bona vada o abi hanuadia ai ba noho.
JER 40:11 Una heḡereḡerena ai, Iuda taudia iboudiai Moab ai bona Amono taudia bogaragidiai bona Edom ai bona tano haida ai e nohova na e kamonai, Babulono pavapavana ese kwabukwabudia vada e rakatanidia Iuda ai, bona Gedalia, Ahikama Safana natuna, vada e duanaia, idia ikwaradia tauna ai bainela;
JER 40:12 bena Iuda taudia iboudiai na vada e luludia lao gabudia iboudiai amo ma e lou mai, Iuda tanona ema, Gedalia dekenai, Mispa ai. Bena idia ese vine ranuna bona au-huahua momo herea e habou.
JER 40:13 Una negana ai lohanan Karea bona tano paka ai e nohova oreadia biagudia na Gedalia dekena ela, Mispa ai,
JER 40:14 e hereva henia, eto, Oi mai dibamu Baalisi, Amono pavapavana, ese Ismael Netania vada e siaia mai oi iala-masemu totona a? A Gedalia Ahikama ese edia hereva se abia dae.
JER 40:15 Bena Iohanan Karea ese Gedalia e hereva henia hehuni Mispa ai, eto, Mani ainala, Ismael Netania baina alaia mase, bena tau ta basine diba. Anina be dahaka ia ese oi baine alamu mase, bena Iuda taudia oi dekemu ai vada e hebou na bae heau karoho, bena Iuda kwabukwabudia bae mase ore?
JER 40:16 A Gedalia Ahikama ese Iohanan Karea e haere henia, eto, Una na basio karaia, badina be Ismael o herevalaia koikoimu.
JER 41:1 Hua ihahituna ai, Ismael, Netania Elisama natuna, pavapava iduhuna tauna bona hanua pavapavana ena heitatao tauna badana ta, na tatau gwauta ida Gedalia Ahikama dekena ema, Mispa ai. Bena Mispa ai e aniani hebouva lalonai,
JER 41:2 Ismael Netania bona hari tatau gwauta ia ida na e tore isi; bena idia ese Gedalia, Ahikama Safana natuna, Babulono pavapavana ese tano ikwarana tauna ai e halaoa tauna, na dare amo e tutua gwada, e alaia mase.
JER 41:3 Ismael ese Iuda taudia iboudiai Gedalia ida Mispa ai e nohova danu e aladia mase, bona Kaldea tuari taudia hahidaosi unuseni ai danu.
JER 41:4 Gedalia iroromana dinana murina dinana ai, tau ta ese sivaraina do se kamonai negana ai,
JER 41:5 tatau taurahani-ahui na Sekem bona Silo bona Samaria amo ema. Auki-huidia vada e abi, edia dabua vada e dare, bona kopidia vada e gasidia. Idia ese flaoa boubou ḡaudia bona muramura mai bonadia e mailaidia, Iehova ena dubu ai bae herahialai totona.
JER 41:6 Bena Ismael Netania na Mispa amo e raka lasi mai taina ida, idia ihedavari-henidia totona. Idia ida e hedavari negana ai, ia ese e hamaorodia, eto, Gedalia Ahikama dekenai ba raka vareai.
JER 41:7 Bena hanua lalonai e raka vareai negana ai, Ismael Netania mai bamona ida ese e aladia mase, bena ranu habou gurina ta ai e tahodia dobi.
JER 41:8 A tatau gwauta idia bogaragidia amo-ese Ismaele hamaoroa, eto, Basio alamai mase, badina be ai na mai emai uit bona bali bona dehoro bona bada-ranuna, uma ai a huni. Taunabunai, ia ese kara e hadokoa, idia mai bamodia ida se aladia mase.
JER 41:9 Hari ranu habou gurina, Ismael ese e aladia mase taudia tau-anidia na lalonai vada e tahodia dobi gurina, na guri badana, King Asa ese Baasa, Israel pavapavana, ena kwalimu ilao-ahuna totona e ḡeia ḡauna. Ismael Netania ese mase taudia tau-anidia amo e hahonua.
JER 41:10 Bena Ismael ese taunimanima oredia Mispa ai na e abidia mauri, hanua pavapavana natuna hahinedia bona Mispa ai e nohova taudia kwabukwabudia iboudiai, Nebusaradana, hegima oreana biaguna, ese Gedalia Ahikama ena heregu ai e atodia taudia iboudiai. Ismael Netania ese e abidia mauri, bena e tore isi, Amono taudia dekediai bae hanai eto.
JER 41:11 A Iohanan Karea bona orea biagudia iboudiai ia ida ese Ismael Netania ena kara dikadia iboudiai sivaraidia e kamorlai negana ai,
JER 41:12 idia ese edia orea taudia iboudiai e abidia, Ismael Netania ituari-henina ela; bena gohu badana Gibeon ai badibadinai e lasia tao.
JER 41:13 Bena Ismael ida ela taudia iboudiai ese Iohanan Karea bona orea biagudia iboudiai ia ida, e itadia negana ai na e moale.
JER 41:14 Taunabunai, Ismael ese e abidia mauri Mispa amo e laohaidia taudia iboudiai na e raka lou, Iohanan Karea dekena e lou lao.
JER 41:15 A Ismael Netania na Iohanan ena amo e roho mauri, tatau taurahani ida, bena Amono taudia dekedia ela.
JER 41:16 Bena Ismael Netania ese Gedalia Ahikama e alaia mase murinai Mispa amo abi-mauridia ai e laohaidia taudia oredia iboudiai na Iohanan Karea bona orea biagudia iboudiai ia ida ese e abidia: tuari taudia, hahine, memero kekeni, bona hesiai taudia, lohanan ese Gibeon amo e hakaudia lou taudia.
JER 41:17 Idia na ela, Gerutu Kimuhamu ai e noho, Betelehem kahana ai. Edia lalo-hadai be Aigupto baela eto,
JER 41:18 Kaldea taudia daidiai; badina be e gari henidia, badina be Gedalia Ahikama, Babulono pavapavana ese tano ikwarana tauna ai e halaoa tauna, na Ismael Netania ese vada e alaia mase.
JER 42:1 Tuari oreadia biagudia bona Iohanan Karea bona Asaria Hosaia, bona taunimanima iboudiai, asi dagidia bona mai dagi-badadia taudia, na e raka kahira,
JER 42:2 peroveta tauna Ieremia e hereva henia, eto, Emai noinoi bavabia dae; bona Iehova, emu Dirava, ba noia, ini kwabukwabumai daimai ai, badina be ai na orea badana taumai to, o itamaimu, gadoimai mo e rakatanimai.
JER 42:3 Iehova, emu Dirava, ese baia rakalaia dalana bona baia karaia karana na baine hadibalaimai.
JER 42:4 Peroveta tauna Ieremia ese e haere henidia, eto, Emui hereva vada na kamonai; a itaia, lau ese Iehova, emui Dirava, baina ḡuria, emui noinoi heḡereḡerena, bena Iehova na ede baine haere toma, una na baina hamaorolaimui; ḡau ta emui ai basina hunia.
JER 42:5 Bena idia ese Ieremia e hamaoroa, eto, Bema Iehova, emu Dirava, ese ai daimai ai baine henimu herevana idoinai heḡereḡerena ai basia karaia, Iehova ese baine habadelaimai mai maoromaorona bona mai momokanina ida.
JER 42:6 Bema hereva namona eiava hereva dikana, to ai ese Iehova, eda Dirava, dekena a siaimumu Diravana, gadona baia badinaia, Iehova, eda Dirava, gadona ibadinana ai baia namo helaoreana.
JER 42:7 Dina gwauta e ore ai Iehova ena hereva na Ieremia enai e kau.
JER 42:8 Bena ia ese Iohanan Karea bona tuari oreadia biagudia iboudiai, ia ida e nohova taudia, bona taunimanima iboudiai, asi dagidia bona mai dagibadadia taudia, na e boiridia, e hereva henidia,
JER 42:9 eto, Iehova, Israel Diravana, dekena o siaigu, daimui ai baina noia totona, Diravana, na ini e gwau tomamu:
JER 42:10 Ina tano ai boma noho, bena lau ese baina haginimui, basina gigimui dobi; baina hadomui, basina ragamui oho; badina be na hadikalaimui karana na helalo kerehailaiamu.
JER 42:11 Babulono pavapavana, o gari heniamu tauna, na garina basio gari. Iehova na e tomu, Basio gari henia, badina be lau na umui ida, baina hamaurimui bona ia imana amo baina harohomui mauri totona.
JER 42:12 Lau ese baina bogamui hisi; unu amo ia ese danu baine bogamui hisi, bona emui tano korikori ai baine hanohomui.
JER 42:13 A boma toma “Ina tano ai basia noho”; Iehova, emui Dirava, boma gwau edeede henia,
JER 42:14 boma toma “Lasi, Aigupto tanona baiala, unuseni ai tuari basia itaia, bona kibi reḡena basia kamonai, bona basia hitolo, bena unuseni ai baia noho”;
JER 42:15 Iuda kwabukwabumui e, Iehova ena hereva ba kamonai. Iehova Sabaota, Israel Diravana, na ini e gwau tomamu: Lalomui boma ha-auka Aigupto ai boma raka vareai bona unuseni ai boma noho,
JER 42:16 bena o garilaiamu darena ese unuseni ai, Aigupto tanona ai, baina lasimui tao, bona o garilaiamu doena ese baine gavamui havara-havara ela bona Aigupto; bena unuseni ai ba mase.
JER 42:17 Lalodia bae ha-auka Aigupto baela unuseni ai bae noho taudia iboudiai na dare eiava doe eiava dai-hanai gorerena amo bae mase; asi kwabukwabuna, asi tauna ta, na lau ese latadiai baina hadihoa dikana amo baine roho mauri.
JER 42:18 Badina be Iehova Sabaota, Israel Diravana, na ini e gwau tomamu: Egu badu bona egu badu-garagara na Ierusalem inoholaina taudia latadiai na bubu dobi heḡereḡerena ai, egu badu-garaḡara na umui latamui ai danu baina bubua dobi, Aigupto baola negana ai. Heihi-ihirai, hahegari, heuduguirai, hegonaḡonalai ḡaudia ai baola. Ina gabu na ma basio itaia lou.
JER 42:19 Iehova ese vada e hamaoromui, eto, Iuda kwabukwabumui e, Aigupto basiola. Ba diba momokani, hari ina dina ai vada na sisiba henimui,
JER 42:20 vada o raka siri davana na emui mauri. Badina be o siaigu, Iehova, emui Dirava, dekenai, oto “Iehova, eda Dirava, ba fiuria ai daimai ai, bena Iehova, eda Dirava, ede baine gwau toma na ba hamaoromai, bena baia karaia”.
JER 42:21 Bena hari dina ai vada na gwaurai henimui, to e siaigu baina hamaorolaimui ḡauna ta ai Iehova, emui Dirava, gadona asio badinaia.
JER 42:22 Taunabunai, ba diba momokani, ilao-henina bona inoholaina o uramu gabuna ai dare eiava doe eiava dai-hanai gorerena amo vada ba mase.
JER 43:1 Ieremia ese taunimanima iboudiai e hereva henidia vaitani, unu Iehova, edia Dirava, ena hereva iboudiai, Iehova, edia Dirava, ese vada e siailaia herevadia, e gwaurai ore murinai,
JER 43:2 Asaria Hosaia bona lohanan Karea bona asi edia hemataurai taudia iboudiai ese Ieremia na e hamaoroa, eto, Oi na o koikoimu. Iehova, eda Dirava, ese se siaimu, seto “Aigupto basiola, unuseni ai basio noho”,
JER 43:3 a Baruku Neria ese lalomu vada e hadikaia ai emai ai, Kaldea taudia imadia ai bavatomai totona, bena bae alamai mase, eiava Babulono bae laohaimai, unuseni ai bae hanohomai.
JER 43:4 Taunabunai, Iohanan Karea bona tuari oreadia biagudia iboudiai bona taunimanima iboudiai ese Iehova ena hereva, Iuda tanona inoholaina herevana, na asie badinaia.
JER 43:5 A Iohanan Karea bona tuari oreadia biagudia iboudiai ese Iuda taudia kwabukwabudia iboudiai, bese idau-idau iboudiai bogaragidiai e luludia lao bena ma e lou, Iuda tanona ai ma e nohova, taudia, na e abidia:
JER 43:6 tatau, hahine, memero, kekeni, hanua pavapavana natuna hahinedia, bona Nebusaradana, hegima oreana biaguna, ese Gedalia, Ahikama Safana natuna, dekenai e rakatanidia taudia iboudiai; bona peroveta tauna Ieremia bona Baruku Neria danu.
JER 43:7 Bena Aigupto tanona ai e kau; badina be Iehova gadona asie badinaia. Bena Tapanese ai e kau.
JER 43:8 Bena Iehova ena hereva na Ieremia enai e kau, Tapanese ai, eto:
JER 43:9 Nadi badadia haida imamu ai bavabi, Iuda taudia vairadiai raro-kaka ai ba hunidia, Farao ena ruma raka-vareaina ariarana ai, Tapanese ai.
JER 43:10 Bena ba hamaorodia, baoto, Iehova Sabaota, Israel Diravana, na ini e gwau tomamu: A itaia, lau na baina hesiai, Nebukadresara, Babulono pavapavana, egu hesiai tauna, baina abia; bena ia ese ena terono baine atoa, ini vada na hunidia nadidia latadiai, bona pavapava hahekerukeruna na idia daediai baine haginia.
JER 43:11 Ia na bainema, Aigupto tanona baine havahuraia, dai-hanai gorerena enai vada e revadia taudia na dai-hanai gorerena amo baine hamasedia, bona abi-mauri enai vada e revadia taudia na abi-mauri ai baine siaidia lao, bona dare enai vada e revadia taudia na dare amo baine aladia mase.
JER 43:12 Ia ese lahi ta baine ha-araia, Aigupto diravadia edia dubu ai; baine doudia bona abi-mauri ai baine laohaidia. Ia ese Aigupto tanona baine haḡoevaia, mamoe ireḡudia tauna ese ena dabua mai darurana e hagoevaiamu na heto. Bena unu amo ma baine raka oho mai mainona ida.
JER 43:13 Heliopolisi, Aigupto tanona hanuana ta, ena nadi-gini pupudia na baine hamakohidia; bona Aigupto diravadia edia dubu na lahi amo baine doudia.
JER 44:1 Ieremia enai e kau herevadia, Iuda taudia iboudiai Aigupto tanona ai e nohova herevadia, bini. Idia na Migdol ai bona Tapanese ai bona Memefisi ai bona Pataro tanona ai e nohova.
JER 44:2 Iehova Sabaota, Israel Diravana, na ini e gwau tomamu: Dika idoinai Ierusalem latanai bona Iuda hanuadia iboudiai latadiai vada na hadihoa na vada o itaia. A itaia, ina nega ai idia na vada e vahu, asi tauna ta idia lalodiai e nohomu,
JER 44:3 edia kara dikadia daidiai. Unu kara amo idia ese e habadugu; badina be idia na ela, muramura mai bonadia e gabu, bona dirava idaudia, idia asi dibadia, umui asi dibamui, bona senemui asi dibadia diravadia, isiaidia e lao heni.
JER 44:4 Ḡau tamona, egu peroveta hesiai taudia na siaidia havara-havara dekemui ai, nato, Mani ina kara dika-rohorohona, na inai heniamu ḡauna, na basio karaia.
JER 44:5 A idia na asie kamonai, taiadia asie kirara, edia kara dika asie rakatania, bona muramura mai bonadia igabudia dirava idaudia ediai na asie hadokoa.
JER 44:6 Taunabunai egu badu-garagara bona egu badu na bubudia dobi, Iuda hanuadia ai bona Ierusalem ariaradia ai e ara; bena vada e ḡaḡae bona vada e vahu, ina dina ai heḡereḡerena.
JER 44:7 Harihari Ḡaubada Iehova Sabaota, Israel Diravana, na ini e gwau tomamu: Dahaka dainai ina dika badana o karaiamu, umui sibomui ihadikamui, bena tau bona hahine, mero karukaruna bona meromero, na emui amo eme henege daure, Iuda bogaragina amo, bona kwabukwabumui ta basine noho.
JER 44:8 Badina be dahaka imamui ḡaukaradia amo o habadugumu? Dahaka dainai muramura mai bonadia o gabudiamu dirava idaudia edia, ina Aigupto tanona, vada o mai henia bona o noholaiamu tanona, lalonai; bena unu amo vada ba henege daure, heuduguirai bona hegonagonalai ḡauna ai ba hahelao, tanobada besedia iboudiai bogaragidiai.
JER 44:9 Senemui edia kara dika, Iuda pavapavadia mai adavadia ida edia kara dika, bona umui mai adavamui ida emui kara dika, Iuda tanona ai bona Ierusalem ariaradia ai e karava ḡaudia, vada o lalodia boio a?
JER 44:10 Ema bona ina dina idia na asie hahemanau, bona asie gari, bona egu taravatu bona egu hiahedua herevadia, umui bona senemui vairamui ai na ato ḡaudia, lalodiai asie raka.
JER 44:11 Taunabunai, Iehova Sabaota, Israel Diravana, na ini e gwau tomamu: A itaia, vairagu baina ha-aukaia emui ai, ihadikamui totona; Iuda idoinai baina negea daure.
JER 44:12 Iuda taudia kwabukwabudia, vairadia vada e ha-aukadia Aigupto tanona baema bona bae noholaia taudia, na baina abidia, iboudiai baina ha-oredia; Aigupto tanona ai bae hekida diho, dare bona doe amo bae mase ore; asi dagidia bona mai dagibadadia taudia na dare bona doe ese bae hamasedia; idia na heihi ihirai bona hahegari bona heuduguirai bona heḡonaḡonalai ḡaudia ai baela.
JER 44:13 Aigupto tanona ai e nohomu taudia na edia dika davana baina henidia, Ierusalem davana na henia heḡereḡerena, dare bona doe bona dai-hanai gorerena amo;
JER 44:14 taunabunai, Iuda taudia kwabukwabudia Aigupto tanona inoholaina totona; ema taudia, na ta basine heau mauri eiava basine roho mauri eiava Iuda tanona, harihari e uramu bae lou henia, na basine lou lao; badina be basie lou lao, a heau mauri taudia ta ta mo.
JER 44:15 Bena dibadia adavadia ese muramura mai bonadia na duava idaudia ediai vada e gabu taudia iboudiai, bona badibadidiai e giniva hahinedia iboudiai, hebou bada-hereana, Pataro ai, Aigupto tanona ai, e nohova taudia iboudiai, ese Ieremia e haere henia, eto,
JER 44:16 Hereva ta vada o hamaorolaimai Iehova ladana ai, to ai na basia kamonai henimu.
JER 44:17 A vada a gwaurai hamata karadia iboudiai baia kara, muramura mai bonana baia gabua guba pavapavana hahinena ena, bona inuinu bouboudia baia bubu nege ia ena, a karaia guna heḡereḡerena, ai bona senemai, bona emai pavapava bona emai lohia, Iuda hanuadia ai bona Ierusalem ariaradia ai. Badina be una negana ai, amai aniani na momo, bona namomai na e bada e laova, dika ta asia itaia.
JER 44:18 A guba pavapavana hahinena ena muramura mai bonana igabuna bona ena inuinu bouboudia ibubudia a hadokoa murinai, ai na ḡau iboudiai vada e dabu bona dare bona doe ese vada e haoremai.
JER 44:19 Hahine ma eto, Ai na muramura mai bonana a gabua, guba pavapavana hahinena ena, bona inuinu bouboudia a bubu nege ia ena, negana ai, adavamai asie gwau maoro bena ai ese ena ataga a kara latadiai na mai ia laulauna bona inuinu bouboudia a bubu nege ia ena danu a?
JER 44:20 Bena Ieremia ese taunimanima iboudiai, tatau bona hahine, unu e haere henia toma taudia iboudiai, na e hereva henidia, eto,
JER 44:21 Hari muramura mai bonadia, Iuda hanuadia ai bona Ierusalem ariaradia ai o gabu ḡaudia, umui bona senemui, emui pavapava bona emui lohia, bona tano taudia, Iehova ese se laloa tao a? Ia ese se helalolaia une a?
JER 44:22 Iehova ena haheauka emui kara havara bona emui kara dika-rohorohodia ediai vada e ore; taunabunai emui tano na vada e ḡagae bona vada e vahu, heuduguirai ḡauna ai vada ela, asi inoholaina tauna ta, ina dina ai e miamu heḡereḡerena.
JER 44:23 Muramura mai bonadia o gabu dainai, bona Iehova o kara dika henia bona Iehova gadona asio badinaia bona ena taravatu bona ena hahedua herevadia bona ena haheḡani lalodiai asio raka dainai, ina dika na latamui ai vada e kau, ina dina ai heḡereḡerena.
JER 44:24 Ieremia ese taunimanima iboudiai bona hahine iboudiai e hamaorodia, eto, Iuda taumui Aigupto tanona ai o nohomu iboumui ai, Iehova ena hereva ba kamonai.
JER 44:25 Iehova Sabaota, Israel Diravana, na ini e gwau tomamu: Umui bona adavamui ese udumui amo vada o gwauraia bona imamui amo vada o karadia, oto “Ai na momokani emai gwauhamata karadia baia kara, guba pavapavana hahinena ena muramura mai bonaula baia gabua bona inuinu bouboudia baia bubu nege”. Benaini, emui gwauhamata ba hamomokanidia bona karadia ba kara.
JER 44:26 Taunabunai, umui Iuda taumui Aigupto ai o nohomu iboumui ai, Iehova ena hereva ba kamonai. Iehova na e tomu: A itaia, lau ladagu herea-daena bagunai vada na gwau hamata auka, Aigupto tanona idoinai Iuda tauna ta ese uduna amo lau ladagu basine hahanea, basineto “Ḡaubada Iehova e maurimu heḡereḡerena”.
JER 44:27 A itaia, lau ese na itadia taomu, dika ihavarana dainai, dia namo ihavarana dainai. Iuda taudia iboudiai Aigupto tanona ai na dare bona doe ese bae ha-oredia, ela bona bae ore vaitani.
JER 44:28 Bena dare amo bae roho mauri taudia na Aigupto tanona amo bae lou lao, Iuda tanona baela, a gadoidia mo; bona Iuda taudia kwabukwabudia iboudiai, Aigupto tanona ema bena e noholaia taudia iboudiai, na bae diba daika ena hereva baine gini, lauegu eiava idia edia.
JER 44:29 Iehova na e tomu: Toana binai emui ai, emui dika davana baina henimui ina gabu ai, bena ba diba lauegu hereva na bae gini, umui ihadikamui totona.
JER 44:30 Iehova ini e gwau tomamu: A itaia, lau ese Farao Hofra, Aigupto pavapavana, na inaina imadia ai bona ena mauri iabi-ohona dalana e tahuamu taudia imadia ai baina atoa, Sedekia, Iuda pavapavana, na Nebukadresara, Babulono pavapavana, ana inai tauna bona ena mauri iabi-ohona dalana e tahuava tauna, imana ai na atoa heḡereḡerena.
JER 45:1 Iehoiakim, Iuda pavapavana Iosia natuna, ena lohia laḡanina ihahanina lalonai, Ieremia ese ini hereva e gwaurai, bena Baruku Neria ese buka ta ai e toredia. Una negana ai peroveta tauna Ieremia ese Baruku Neria ini e hereva henia toma, eto,
JER 45:2 Baruku e, Iehova, Israel Diravana, ese ini e hereva henimu tomamu:
JER 45:3 Oi oto “Madi ihabaigu, badina be Iehova ese egu hisihisi latanai lalo-hisihisi ma vada e atoa kau; vada na ḡanaḡana ema bona name hesiku, bona laḡa-ani taina asiname davaria”.
JER 45:4 Ini ba hereva henia toma, baoto, Iehova ini e gwau tomamu: A itaia, vada na haginia ḡauna na ḡiḡia dobimu, bona vada na hadoa ḡauna na ragaia ohomu: ḡauna be tano idoinai.
JER 45:5 A oi ese ḡau hereadia o tahudiamu sibomu emu a? Iehova na e tomu: Basio tahudia; badina be lau ese dika na havaraiamu, taunimanima iboudiai latadiai; a emu mauri baina herumu, kwalimu ahuna ai bainela, ba lao heni gabudia iboudiai lalodiai.
JER 46:1 Iehova ena hereva na peroveta tauna Ieremia enai e kau, bese idauidau daidiai.
JER 46:2 Aigupto herevana, Farao Neko, Aigupto pavapavana, ena tuari oreana dainai; Karakemisi ai e taruhava, Eufrate sulavaina isena ai, bena Nebukadresara, Babulono pavapavana, ese e hadarerea, Iehoiakim, Iuda pavapavana Iosia natuna, ena lohia laḡanina ihahanina lalonai.
JER 46:3 Keme aurina bona kesi avabi hata, tuari baola!
JER 46:4 Hosi kohudia a kwatu; hosi-gui taumui e, a gui! Ta ta ena gabu ena gabu ai ba gini, mai emui auri kwara ḡaudia ida; emui io ba hakimore-kimoredia, emui auri hahedokidia ba hedokilai!
JER 46:5 Iehova na e tomu, Dahaka dainai vada na itaia? Kudoudia vada e hetaha, vada e raka lou. Edia tuari taudia vada e darere, vada e heau haraga-haraga; asie roha murimu, gari na gabu iboudiai.
JER 46:6 Heau haraḡa taudia na asi heau mauri dibadia, tuari tauna na asi roho mauri dibana; mirigini kahana ai, Eufrate sinavaina badibadinai, vada e hetutuhi, vada e hekida diho.
JER 46:7 Ina be daika, Nilo sinavaina na heto e daemu, abatadia e lasimu sinavaidia na heheto?
JER 46:8 Aigupto na e daemu, Nilo sinavaina na heto, abatadia e lasimu sinavaidia na heheto. Ia eto, Aina tore isi, tanobada baina habubunia, hanua badadia baina habuadia tari, mai inoholaidia taudia ida.
JER 46:9 Hosi e, a heau vaira! Kariota e, a heau lalo-dika! Tuari taudia na bae raka lasi, Etiopia bona Put taudia, mai kesidia, Lud taudia, peva ai mai diudia.
JER 46:10 Una dina na Ḡaubada Iehova Sabaota ena dina, dika davana ihenina dinana, inaina davadia baine henidia totona. Dare ese baine anidia, bogana baine kunu, raradia baine inu lalo-dika. Badina be Ḡaubada Iehova Sabaota ese boubou karana e karaiamu, mirigini kahana tanona ai, Eufrate sinavaina badibadinai.
JER 46:11 Aigupto hane-ulato rami-hebouna e! Gilead baola, dahudahu muramurana bavabia. Muramura momo o gaukaralaidia kava, a asi ihanamomu dalana ta.
JER 46:12 Bese idau-idau ese emu hemarai sivaraina vada e kamonai, tanobada na emu tai ai vada eme honu. Badina be tuari tauna ta na tuari tauna ma ta ida e hetata heheni, bena raruosi e keto bou.
JER 46:13 Iehova ese peroveta tauna Ieremia e hereva henia, Nebukadresara, Babulono pavapavana, ese Aigupto tanona ituari-henina bainema herevana, eto:
JER 46:14 Aigupto ai ba herevalaia, Migdol ai ba gwauraia, Memefisi ai bona Tapanese ai ba gwauraia hedinarai; baoto “Ba gini hata, ba hegaegae, badina be dare ena ala-ala ese baine hahegegemu dae”.
JER 46:15 Dahaka dainai Apisi vada e heau? Dahaka dainai emu boromakau maruanena na se gini? Badina be Iehova ese e doria dobi dainai.
JER 46:16 Emu hutuma na e hetutuhi, e keto, e hereva heheni, eto “A tore isi, eda bese korikori bona eda vara tanona baita lou henidia, daḡedaḡe tauna ena dare dainai”.
JER 46:17 Farao, Aigupto pavapavana, ladana ba hatoa “Hereva momo tauna, nega e reaiamu tauna”.
JER 46:18 Pavapava badana, ladana Iehova Sabaota, na e tomu: Lau na maurimu heḡereḡerena, ta bainema, Taboro ororona ororo badadia bogaragidiai na heto, bona Karamele ororona, davara badibadinai, na heto.
JER 46:19 Aigupto inoholaina taumui e! Emui abikau kohudia ba habou hegaegae, dauhai bae laohaimui dainai. Badina be Memefisi baine vahu, hanua ahutuna ai bainela, asi inoholaina ta.
JER 46:20 Aigupto na boromakau hahinena matamatana mai hairaina, a kahuhu ta mirigini kahana amo na ia latanai vada e kau.
JER 46:21 Ena tuari taudia, e vatudia taudia, na boromakau natudia, ubu-ubu ḡaudia, na heheto, ia bogaraginai. Oibe, vada e kerehai, vada e heau hebou, asie gini, badina be edia hahehisi dinana na ediai vada e kau, edia dava-abi negana.
JER 46:22 Ia reḡena na gaigai e rau ohomu reḡena na heto, badina be ia inaina na mai goadadia ida e raka e maimu; idia na mai iradia ida ia ihadikana totona e mai nu, au e hagaridiamu taudia na heheto.
JER 46:23 Iehova na e tomu: Ena be ena uda na basie tuia hanai diba, to bae segaia; badina be idia na hutuma herea, kwadi edia hutuma e hereadiamu, ta basine duahidia diba.
JER 46:24 Aigupto hane-ulatona na bae hahemaraia, mirigini kahana amo baema besena imadia ai bae atoa.
JER 46:25 Iehova Sabaota, Israel Diravana, eto: A itaia, Amon, Tebe diravana, bona Farao, bona Aigupto tanona mai diravana bona pavapavana iboudiai ida, edia dika davadia baina henidia, Farao latanai bona ia e abidadama heniamu taudia latadiai.
JER 46:26 Edia mauri iabi-ohona dalana e tahuamu taudia imadia ai baina atodia, Nebukadresara, Babulono pavapavana, bona ena lohia taudia imadia ai. Gabeamo Aigupto na bae noholaia, nega gunadia ai heḡereḡerena. Iehova na e herevamu.
JER 46:27 Egu hesiai tauna Iakob e, basio gari! Israel e, kudoumu basine hetaha! A itaia, dauha amo baina hamaurimu, bona garamu danu iḡui ai e nohomu tanodia amo baina hamauridia. Iakob baine lou, asi reḡeregena baine laḡa ani, bona ta ese basine hagaria.
JER 46:28 Iehova na e tomu: Egu hesiai tauna Iakob e, basio gari! Badina be lau na oi ida. Bese iboudiai baina ha-oredia vaitani, hari dekedia na lulumu lao besedia; a oi na basina ha-oremu vaitani. Dika davana korikorina baina henimu; momokani, matamu ihakanina basina reaia.
JER 47:1 Farao ese Gasa do se habuaia tari negana ai, Iehova ena hereva na peroveta tauna Ieremia enai e kau, Filistia taudia daidiai.
JER 47:2 Iehova ini e gwau tomamu: A itaia, mirigini kahana amo ranu na e daemu, bena abata na baine lasi; tano na baine utua dae, bona latana ḡaudia iboudiai danu, hanua badana danu, mai inoholaina taudia ida. Taunimanima na bae lolo, tano inoholaina taudia iboudiai na bae tai lolololo.
JER 47:3 Ena hosi mamaruanedia aedia e pana dagumu reḡedia daidiai, ena kariota edia heau bona ava-keikeidia reḡedia daidiai, tama ese natudia asie roha kerehai henidiamu, imadia e manoka-manoka hereamu dainai;
JER 47:4 badina be hahebua-tari dinana na e maimu, Filistia taudia iboudiai ihabua-taridia; bona Turo bona Sidono ikahadia taudia oredia iboudiai na bae negedia daure. Badina be Iehova ese Filistia taudia e habuadia tarimu, Kaftoro konena taudia kwabukwabudia.
JER 47:5 Gasa kwarana e naua, Askelono vada e mase. Anakimi taumui kwabukwabumui e! Sibomui ba heiva ela bona edena nega ai?
JER 47:6 Iehova ena dare e! Edena nega ai asi regeregemu ba noho? Pauamu ai ba heuda, ba laḡa ani, basio marere-marere.
JER 47:7 Iehova ese e haduaiamu negana ai, asi reḡereḡena baine noho dalana be edena? Ia ese vada e duanaia, Askelono bona kone kahadia baine hadikadia.
JER 48:1 Moab herevana. Iehova Sabaota, Israel Diravana, na ini e gwau tomamu: Nebo madi ihabaina, badina be vada e havahua! Kiriataimi vada e hahemaraia, vada e abia; kohoro vada e hahemaraia, vada e ḡiḡia dobi;
JER 48:2 Moab harina namona vada e boio. Hesebon ai ia ihadikana e henegalaia, eto, “Aoma, basileia dagina amo baita negea daure”. Oi danu, Madmene, udumu bae koua, dare ese baine hahavamu.
JER 48:3 A hakala! Taitai Horonaimi amo: “Hahevahu bona hahebua-tari bada-herea!”
JER 48:4 Moab vada e habuaia tari; taitai na e hekamonaimu ela bona Soara.
JER 48:5 Badina be Luhiti e dae heniamu dalana ai, idia na mai taidia ida e dae laomu, bona Horonaimi e hekei heniamu dalana ai, hahebua-tari taitaina vada e kamonai.
JER 48:6 A heau, sibomui maurimui ba tahua! Tano ḡaḡaena ai ba noho, uda donikina na heto!
JER 48:7 Badina be, emui gabu aukadia bona emui kohu o abidadama henidia dainai, umui danu bae abimui. Kemoso danu bainela, dauhai bae hanohoa, mai ena hahelaḡa taudia bona ena lohia taudia ida.
JER 48:8 Hahebua-tari tauna na hanua iboudiai latadiai baine kau, hanua ta basine roho mauri. Koura na baine vahu, bona taora na baine hahebua tari, Iehova vada e hereva heḡereḡerena.
JER 48:9 Moab na hanina ba henia, badina be e uramu baine roho lao; ena hanua loḡora bae vahu, asi inoholaidia bae mia.
JER 48:10 Iehova ena ḡaukara na mai Iahedona ida e karaiamu tauna bae uduguiraia; ena dare na rara ihahebubuna amo e ruamu tauna na bae uduguiraia.
JER 48:11 Moab na merona negana amo vada e noho namonamo, vine ranuna asi nurinurina na heto; hodu ta amo hodu ta ai asie vedaia, bona dauhai asie hanohoa; taunabunai ia mamina na doini lalonai e miamu, bona bonana na se idaumu.
JER 48:12 Taunabunai Iehova na e tomu: A itaia, dinana be maimu lau ese ihaegena taudia na ia dekena baina siaidia lao; bena idia ese bae haegea, ena hodu anidia bae bubu ore, bona ena hodu bae hamakohidia.
JER 48:13 Bena Moab ese Kemoso hemaraina baine hemarai, Israel iduhuna ese Betele, edia heabidadama, hemaraina e hemaraiva heḡereḡerena.
JER 48:14 Dahaka dainai o tomu “Ai na haheauka taumai bona tuari taumai mai goadamai” a?
JER 48:15 Pavapava badana, ladana Iehova Sabaota, na e tomu: Moab mai ena hanu loḡora ida ihabua-taridia tauna vada e dae ema, bona ena eregabe taudia herea-daedia na mase ai vada e diho lao.
JER 48:16 Moab ena hahehisi vada eme kahikahi, bona ena hisi-ani e mai haraḡamu. q1
JER 48:17 Ia taina ba tai, o nohoa hegegemu taumui iboumui ai, bona ia ladana mai dibamui taumui iboumui ai, baoto “Dagi auna herea-daena, au mai hairaina, madi vada e kwaidu”.
JER 48:18 Dibon inoholaina taumu e! Hairaimu amo a diho, tano haura-haurana ai ba helai. Badina be Moab ihabua-tarina tauna vada ema, oi ihadikamu totona; emu gabu aukadia vada e habuadia tari.
JER 48:19 Aroere inoholaina taumu e! Dala isena ai ba gini, ba gima, heau tauna bona roho-mauri hahinena ba nanadaidia, baoto “Edeheto?”
JER 48:20 Moab vada e hahemaraia, badina be vada e makohi. A lolo, a tai! Aranon badibadinai ba gwauraia, baoto “Moab vada e vahu”.
JER 48:21 Hahemaoro na atai taorana ai vada e kau, Holon, Iahasaha Mefata,
JER 48:22 Dibon, Nebo, Bete-diblataimi,
JER 48:23 Kiriataimi, Bete-gamulu, Bete-meono,
JER 48:24 Kerioto, Bosra, bona Moab tanona hanuadia iboudiai, daudaudia bona kahikahidia, latadiai.
JER 48:25 Moab ena doa vada e utua oho, bona imana vada e kwaidu. Iehova na e herevamu.
JER 48:26 Ba hakekeroa; badina be ia na sibona e hahebada, Iehova e hamaraḡia. Taunabunai, Moab na sibona ena mumuta ai baine hekui-hekui; taunimanima ese bae kirihrilaia.
JER 48:27 Israel na so kirikirilaia a? Henao taudia bogaragidiai o davaria, bena o herevalaia negadia iboudiai kwaramu o haladoladoa a?
JER 48:28 Moab inoholaina taumui e! Hanua ba rakatanidia, haga nadina ai ba noho, koura dobudobu hagahagadia ai ena ruma e karaiamu punena na heto ba noho.
JER 48:29 Moab ena heaḡi sivaraina vada ta kamonai; ia na e heaḡi dikadikamu; ena heabi-isi, ena heaḡi, ena hekokoroku, na dibada, bona lalona ena hedadarai danu.
JER 48:30 Iehova na e tomu: Ena ere-daḡedage dibagu; ena hekokoroku herevadia na kokoikoi, ena kara danu kokoikoi.
JER 48:31 Taunabunai, Moab taina na taimu, Moab idoinai dainai na tai lolomu, Kuri-here taudia daidiai na taimu.
JER 48:32 Sibma vinena e! Oi na tailaimu badamu, lasere na tailaia maraḡimu. Oi rigimu ese davara e hanaia, ela bona lasere ai e kau; emu au huahuadia bona emu vine huahuadia na vada e habuadia tari.
JER 48:33 Moab tanona, huahua momo tanona, amo lalo-namo bona moale vada e abi oho. Lau ese vine ranuna vada na hadodoa, vine itaolaina gabuna ai; asi tauna ta ese e moimoilaiamu mai moale lolona ida, lolo na dia moale lolona.
JER 48:34 Hesebon bona Eleale e taimu; gadodia e daemu ela bona Iahasa, bona Soara amo ela bona Horonaimi bona Eglata-selisia. Badina be Nimirimi ranudia vada e kororo.
JER 48:35 Iehova na e tomu: Moab ai atai gabuna ai boubou karadia e karamu bona muramura mai bonana na ena dirava e gabu heniamu tauna na baina hadokoa.
JER 48:36 Taunabunai lalogu na e taimu ivilikou na heto, Moab dainai; bona lalogu na e taimu ivilikou na heto Kiri-here taudia daidiai; una dainai e habou kohudia na vada e ore.
JER 48:37 Badina be kwara iboudiai bae nau, bona auki iboudiai huidia bae abi; ima iboudiai bae hegasi, bona koekoe ai puse dabuadia bae herio.
JER 48:38 Moab rumadia iboudiai guhidia ai bona hanua ariaradia ai e herohe ahumu, badina be Moab vada na huaria, ta ese se balaia henimu hoduna na heto. Iehova na e herevamu.
JER 48:39 Madi, vada e makohi! Madi ihabaidia, e tai lolololomu! Moab madi, ena hemarai dainai vada e gini muri! Taunabunai Moab na e kirikirilaiamu bona e garilaiamu ḡauna ai vada e hahelao, e noho hetabiramu taudia ediai.
JER 48:40 Badina be Iehova ini e gwau tomamu: A itaia, ta baine roho haraḡa-haraḡa, ugava na heto, hanina baine toi roro, Moab ihadikana totona;
JER 48:41 hanua na bae abidia, bona gabu aukadia bae dadi. Una dina ai Moab ena tuari taudia lalodia na e hekamonaimu hahinena lalona heḡereḡerena ai baela.
JER 48:42 Moab na bae habuaia tari, basie gwauraia lou bese ta; badina be ia sibona e hahebada, Iehova e hamaraḡia.
JER 48:43 Moab inoholaina taumu e! Laḡaga bona hedai-dobi gurina bona idoa na vairamu ai. Iehova na e herevamu.
JER 48:44 Mai laḡagana ḡauna amo baine heau oho tauna na hedai-dobi gurina lalonai baine moru, bona guri lalona amo baine hekamo dae tauna na idoa ese baine idoaia. Badina be lau ese ini ḡau na Moab latanai baina hadihoa, edia dika davarta iabina laḡanina ai. Iehova na e herevamu.
JER 48:45 Hesebon ikerukeruna ai heau taudia na e ginimu, edia goada na vada e ore; badina be lahi na Hesebon amo vada e lasi, lahi hururu-hururuna Sihon ena ruma amo; Moab baguna vada e huaria, bona heloḡo-heloḡo taudia kwaradia tubuadia danu vada e huaridia.
JER 48:46 Moab e, madi ihabaimu! Kemoso ena orea taudia vada e baia; badina be natumu mamaruanedia vada e ḡuidia, bona natumu hahinedia na iḡuidia ai vada e laohaidia.
JER 48:47 Moab ena noho ma baina hanamoa lou, dina gabedia ai. Iehova na e herevamu. Hahemaoro Moab latanai herevadia bunu.
JER 49:1 Amono taudia herevadia. Iehova ini e gwau tomamu: Israel na asi natuna maruanena a? Ia na asi dihina a? Matona, badina be dahaka Milkom ese Gad vada e lahea oho, bona iena taunimanima ese hanuadia vada e noholaidia?
JER 49:2 Taunabunai, Iehova na e tomu: Negana be maimu, lau ese haida baina hagoadadia, bena bae hone, Raba, Amono taudia edia hanua, bae hare henia. Ia na senu ḡaḡaena ai bainela, bona ena hanua maraḡidia na lahi amo bae doudia; bena Israel e lahea oho taudia na Israel ese ma baine lahedia oho. Iehova na e herevamu.
JER 49:3 Hesebon e, ba tai, badina be Ai vada e havahua! Raba hahinemui e, a tai! Puse dabuadia ba rio, ba herohe ahu, ba tai hekakasi. Badina be Milkom na bae laohaia, tano idauna ai bae hanohoa, mai ena hahelaḡa taudia bona ena lohia taudia ida.
JER 49:4 Kara hebeatai kekenimu e! Emu taḡa o abidadama henia, oto “Daika na lau ihadikagu bainema?” O, badina be dahaka emu koura o heaḡilaidiamu?
JER 49:5 Ḡaubada Iehova Sabaota na e tomu: A itaia, laḡaḡa na latamui ai baina hadihoa, e ḡeḡemui dae taudia iboudiai edia amo; bae lulumui lasi, ta ta ena dala ena dala ai bae heau, bona ta ese heau taudia basine gogodia lou.
JER 49:6 Iehova na e tomu: A gabeamo Amono taudia edia noho-namo baina havaraia lou.
JER 49:7 Edom herevana. Iehova Sabaota ini e gwau tomamu: Aonega vada e ore Teman ai a? Lalo-parara taudia ediai hahealo vada e doko a? Edia aonega vada e boio a?
JER 49:8 Dedan inoholaina taumui e! A heau, a lou, dobu gabudia ai ba noho. Badina be Esau ena hisihisi na ia latanai baina hadihoa, bona ena dika davana iabina negana danu.
JER 49:9 Vine huahuadia ihaboudia taudia bema vasi, idia ese vine abitanidia bema rakatani ani? Henao taudia na hanuaboi ai bema mai, idia ese edia ura ḡaudia mo bema abi ani?
JER 49:10 A lau ese Esau ena vada na dadi ore, ena komu gabudia vada na hulalai; ia na asi ena komu dalana. Ia natuna vada e aladia ore, tadikakana bona dekena taudia danu; ia na vada e ore.
JER 49:11 Emu ihareha ba rakatanidia, lau ese baina hamauridia; emu vabu ese lau bae abidadama henigu.
JER 49:12 Badina be Iehova ini e gwau tomamu: Bema basiema inua taudia ese kehere bae inua, oi na dika davana basio abia a? Dika davana basio reaia, a vada ba inua.
JER 49:13 Iehova na e tomu: Badina be sibogu ladagu ai vada na gwau hamata, Bosra na hahegari bona hegonaḡonalai bona hahevahu bona heuduguirai ḡauna ai bainela; bona ena hanua iboudiai na bae vahu hanaihanai.
JER 49:14 Hari ta Iehova ena amo vada na kamonai, bona gwaukau tauna ta vada e siaia lao, bese idau-idau bogaragidiai, e tomu “A hegogo, ia ihadikana totona baoma, a tore isi, ba tuari”.
JER 49:15 Badina be lau ese bese idau-idau bogaragidiai baina hamaraḡimu, taunimanima ese bae dadaraimu.
JER 49:16 Emu hahegari karadia ese vada e koimu, bona lalomu ena heaḡi danu. Haga nadidia kohuadia ai o nohomu taumu, ororo dorina o gimaiamu taumu, ena be emu noho gabuna na atai ai o karaiamu, ugava ena heḡereḡerena, to unu amo baina verimu dobi. Iehova na e herevamu.
JER 49:17 Edom na hahegari ḡauna ai bainela; e rakaia hanaimu taudia iboudiai na bae gari bona bae si dagu, enai vada e kau dikadia iboudiai daidiai.
JER 49:18 Iehova na e tomu: Sodoma bona Gomora bona edia hetabira hanuadia e heḡiḡi dobi heḡereḡerena ai, tau ta ese basine noholaia; tau ta na ia lalonai basine taruha.
JER 49:19 A itaia, leona na Ioridane isena udana amo mamoe maḡuna aukana ihadikana totona e maimu heḡereḡerena ai, lau ese iena amo baina haheaudia karoho, bona egu abi-hidi tauna baina duanaia, ia ese baine biagua. Badina be daika na lau heḡereḡeregu? Daika ese baine boirigu? Mamoe ireḡudia tauna be daika lau vairagu ai baine gini diba?
JER 49:20 Taunabunai, Iehova ese Edom ihadikana dalana vada e haerolaia herevana na ba kamonai, bona Teman inoholaina taudia ihadikadia dalana e uralaiamu danu. Mamoe-mamoe na seri bogaragina amo bae dabuidia oho; edia seri mamoedia na bae gari taku, ediai baine vara ḡauna dainai.
JER 49:21 Edia moru reḡena dainai tanobada na baine heude-heude; edia tai reḡena na Davara Kakakakana isena ai bae kamonai.
JER 49:22 A itaia, ta baine roho isi, baine roho haraḡa-haraga, ugava na heto; hanina baine toi roro, Bosra ihadikana totona; bena Edom ena tuari taudia lalodia na e hekamonaimu hahinena lalona heḡereḡerena ai baela.
JER 49:23 Damasko herevana. Hamat bona Arapada vada e baia; badina be hari dikadia vada e kamonai. Gari ese e gugubadiamu; e hekwarahimu, davara na heto, asi vea dibana davarana na heto.
JER 49:24 Damasko vada e manoka-manoka, e raka muri, baine heau eto, lagaga ese e butua tao; hisi-ani bona lalo-hisihisi ese vada e gugubaia, e hekamonaimu hahinena na heto.
JER 49:25 Hanua mai harina, hanua mai moalena, madi ihabaina! Vada e rakatania.
JER 49:26 Taunabunai, ena eregabe taudia na ena ariara ai bae hekida diho, bona ena tuari taudia iboudiai na bae habuadia tari una dina ai. Iehova Sabaota na e herevamu.
JER 49:27 Damasko maḡuna ai lahi ta baina ha-araia, ia ese Damasko maguna ai lahi ta baina ha-araia, ia ese Ben-Hadad ena gabu aukadia baine aradia ore.
JER 49:28 Kedara bona Hasoro basileiadia, Nebukadresara, Babulono pavapavana, ese e hadareredia basileiadia, herevadia. Iehova ini e gwau tomamu: A tore isi, Kedara ihadikana baola; mairiveina kahana taudia ba habuadia tari.
JER 49:29 Edia dabua kalagadia bona edia mamoe seridia bae heabi oho, edia seseahu dabuadia bona edia kohu iboudiai danu; edia kamelo na edia amo bae hakaudia oho, bona taunimanima ese bae boi henidia, baeto “Kaha iboudiai hahegari mo”.
JER 49:30 Hasoro inoholaina taumui e! A heau, dauha baola, dobu gabudia ai ba noho. Iehova na e herevamu. Badina be Nebukadresara, Babulono pavapavana, ese oi ihadikamu dalana vada e haeroa, oi ihadikamu karana vada e uralaia.
JER 49:31 Iehova na e tomu: A tore isi! E laḡa-animu besena, e noho namonamomu besena, ihadikana totona baola; ia na asi ena ikoukou, bona asi ena auri, ia na sibona e noho edeamu.
JER 49:32 Iehova na e tomu: Edia kamelo na bae dadidia, edia boromakau seridia bae abidia oho. Bagudia huidia e abimu taudia na baina hakarohodia, kaha iboudiai baela; bona ihahisidia ḡaudia na kaha iboudiai amo baina mailaidia.
JER 49:33 Hasoro na uda sisiadia edia noho gabuna ai bainela, baine vahu hanaihanai; tau ta ese basine noholaia, tau ta ia lalonai basine taruha.
JER 49:34 Iehova ena hereva peroveta tauna Ieremia enai e kau Elam dainai, Sedekia, Iuda pavapavana, e lohia matama negana ai.
JER 49:35 Iehova Sabaota ini e gwau tomamu: A itaia, lau ese Elam ena peva, edia goada badina, baina hakwaidua;
JER 49:36 bona lai haniosi, guba kahana haniosi amo, na Elam latanai baina mailaidia, bona baina hakarohodia roho- roho, unu lai kahadia iboudiai baela; bona Elam amo bae luludia lasi taudia na bese iboudiai bogaragidiai bae kau.
JER 49:37 Iehova na e tomu, Lau ese Elam baina hagaria inaidia vairadiai, bona edia mauri iabi-ohona dalana e tahuamu taudia vairadiai danu; dika na idia latadiai baina hadihoa, bona egu badu ḡaraḡara danu. Dare baina siaia, baine ḡavadia, ela bona baina ha-oredia;
JER 49:38 egu terono baina haginia Elam ai, bona edia pavapava bona edia lohia baina habuadia tari. Iehova na e herevamu.
JER 49:39 Iehova na e tomu: A dina gabedia ai Elam ena noho-namo baina havaraia lou.
JER 50:1 Ina na Iehova ena hereva, peroveta tauna Ieremia uduna amo e gwauraia, Babulono latanai, Kaldea taudia edia tano latanai.
JER 50:2 Bese bogaragidiai ba gwauraia bona ba herevalaia hedinarai; pepe ta ba duduia isi, ba herevalaia hedinarai. Basio hunia, baoto: Babulono vada e abia, Bel vada e hahemaraia, Merodak vada e baia. Ena dirava laulaudia vada e hahemaraidia, ena kaivakuku vada e baia.
JER 50:3 Badina be mirigini kahana amo bese ta vada ema, ia ihadikana; una bese ese ena tano baine havahua, tau ta ese basine noholaia; taunimanima bona ubu-ubu ḡaudia na bae heau karoho.
JER 50:4 Iehova na e tomu, Unu dinadia ai bona una nega ai, Israel bona Iuda taudia bae hegogo, mai taidia ida baema, Iehova, edia Dirava, bae tahua.
JER 50:5 Siona dalana bae henanadailaia, bae vaira henia, baeto, Aoma, Iehova ida baita hegwauhamata heheni, baine hesiriu hanaihanai gwauhamatana, ta ese basine laloa boio ḡaina.
JER 50:6 Egu bese taudia na boio mamoedia; ireḡudia taudia ese vada hakaudia kerere, ororo ai vada e harakadia siri; ororo badana amo ela bona ororo maraḡina vada ela, edia maḡu vada e reaia.
JER 50:7 E davaridia taudia iboudiai ese e ha-oredia; inaidia eto, Ai na asi emai kerere, badina be idia ese Iehova, edia noho gabuna korikorina, Iehova, senedia edia helaro, vada e kara dika helua.
JER 50:8 Babulono bogaragina amo ba heau lao, Kaldea taudia edia tano ba rakatania, nani mamaruanedia na edia seri matana ai e rakamu na heto.
JER 50:9 Badina be lau ese bese badadia mirigini kahana amo na hatoredia isimu, Babulono ihadikana totona na hakaudia laomu. Idia ese bae tuari henia, bena unu amo ia na baine hahedarere. Edia hakore na tuari mai dibana tauna na heto, dia imana kavakava se lou maimu.
JER 50:10 Kaldea tanona bae dadihaia; enai bae dadidadi taudia iboudiai ese kohu bae abi doroka-doroka. Iehova na e herevamu.
JER 50:11 Lau ahugu idadina taumui e! Ena be ba moale, ena be ba heaḡi, ena be ba lebulebu boromakau hahinena matamatana rei gabuna ai na heto, eiava ba tubebe hosi mamaruanedia na heheto,
JER 50:12 to sinamui na bae hahemaraia vaitani, e havaramui hahinena sivaraina baine dika. A itaia, ia na bese gini-gabena ai bainela, bese idau-idau bogaragidiai; tano ḡaḡaena ai bainela, kaukauna bona deḡedeḡena rahu.
JER 50:13 Iehova ena badu dainai ta ese basine noholaia, ia na baine vahu vaitani; Babulono bae rakaia hanai taudia na bae hoa mai garidia ida, bona bae si dagu, ia berona iboudiai daidiai.
JER 50:14 Emui peva o maremu taumui iboumui ai, Babulono ba tuari henia, ba ginia heḡeḡe; ba tarakia, emui diba bae ore na basio laloa, badina be ia ese Iehova vada e kara dika henia.
JER 50:15 Ba loloa heḡeḡe, ia na vada e baia; ena gabu aukadia vada e makohi, ena maḡu vada eme heḡiḡi dobi. Badina be Iehova ena dava-heni binai: ena dika davana ba henia; ia e karava heḡereḡerena ai ba kara henia.
JER 50:16 Hadohado tauna na Babulono amo ba negea daure, bona taboro negana ai uit e utuamu tauna danu; hahehisi tauna ena dare dainai iboudiai ese edia bese korikori taudia bae lou henidia bona iboudiai na edia tano korikori bae heau lao.
JER 50:17 Israel na leona ese vada e luludia karoho mamoena ta. Guna Asuria pavapavana ese e ania, ma harihari, ina nega dokona ai, Nebukadresara, Babulono pavapavana, ese ia turiana e kwarurudia.
JER 50:18 Taunabunai, Iehova Sabaota, Israel Diravana, na ini e gwau tomamu: A itaia, Babulono pava- ! pavana bona ena tano na edia dika davadia ba henidiamu, Asuria pavapavana ena dika davana na henia heḡereḡerena.
JER 50:19 Israel na ena rei gabuna baina henia lou; ia na Karamele ai bona Basan ai baine aniani, bona Efraim ororodia ai bona Gilead ai bogana baine kunu.
JER 50:20 Iehova na e tomu: Unu dinadia ai bona una nega ai, kara havara bae tahua Israel ai, to asi ḡauna; bona kara dika bae tahua Iuda ai, to basie davaria; badina be kwabukwabudia, baina rakatanidia taudia, na edia dika baina gwau tao.
JER 50:21 Merataimi tanona ba tuari henia, bona Pekodo inoholaina taudia danu. Iehova na e tomu: Bavala-ala, ba habuadia tari vaitani, vada na haganilaimui karadia iboudiai na ba kara.
JER 50:22 Tuari reḡedia na tano ai e reḡemu, bona hahebua-tari badana danu.
JER 50:23 Tanobada idoinai ibotalaina lavuna, madi, vada e utua gari, vada e hamakohia. Babulono madi ihabaina! Ia na hahegari ḡauna ai vada ela, bese idau-idau bogaragidiai.
JER 50:24 Babulono e! Idoa na otoa, oi iabimu totona; bena na idoamu, to asi dibamu. E davarimu bona e abimu, badina be Iehova o tuari henia.
JER 50:25 Iehova ese ena tuari ḡaudia ihaboudia rumana vada e kehoa, ena badu tuari ḡaudia vada e abidia lasi; badina be Ḡaubada Iehova Sabaota na mai ena ḡaukara ta, Kaldea taudia edia tano ai baine karaia.
JER 50:26 Kaha iboudiai amo ba tuari henia; ena roge ba kehodia; ba hasenua, uit senudia na heheto, ba habuaia tari vaitani, ienai sisisisina taina basine mia.
JER 50:27 Ena boromakau mamaruanedia iboudiai na bavaladia mase, iala-masedia gabuna ai do bae diho. Madi, ihabaidia! Badina be edia dina vada e kau, edia dika davana iabina negana vada e kau.
JER 50:28 A hakala, idia na e heaumu, Babulono tanona amo e roho maurimu; Siona ai Iehova, eda Dirava, ena dava-heni, ena dubu idavalaina, na bae gwauraia hedinarai.
JER 50:29 Peva taudia a boiridia, peva e maremu taudia iboudiai, Babulono ihadikana totona. Ba taruhaia hegeḡe; tau ta basine roho mauri. Ena kara davadia ba henia, ena kara iboudiai heḡereḡeredia ai ba kara henia; badina be mai heagina ida Iehova, Israel ena Helaḡa Diravana, na vada e hare henia.
JER 50:30 Taunabunai, ena eregabe taudia na ena ariara ai bae hekida diho, bona ena tuari taudia iboudiai na bae habuadia tari una dina ai. Iehova na e herevamu.
JER 50:31 Ḡaubada Iehova Sabaota na e tomu: Heaḡi taumu e! A itaia, lau na oi inaimu; badina be emu dina vada e kau, emu dika davana baina henimu negana vada e gini dae.
JER 50:32 Heaḡi tauna na baine hetutuhi, baine hekida diho, asi tauna ta ese baine hatorea isi. Lau ese lahi ta baina ha-araia ena hanua iboudiai lalodiai; ia e ḡeḡea madaimu ḡaudia iboudiai na baine aradia ore.
JER 50:33 Iehova Sabaota ini e gwau tomamu: Israel taudia na e hahisidiamu, bona Iuda taudia danu idia ida; e abidia mauri taudia iboudiai ese vada e dogodia tao tarika-tarika, ikahu-riegedia asie uramu.
JER 50:34 Ihamauridia Diravana na mai goadana; ia ladana na Iehova Sabaota. Ia ese edia gini-kau gabuna baine herevalaia, bena tanobada na laḡani baine henia, a Babulono inoholaina taudia na hekwarahi baine henidia.
JER 50:35 Iehova na e tomu: Dare ta Kaldea taudia latadiai, bona Babulono inoholaina taudia latadiai, bona ena lohia bona ena aonega taudia latadiai baine kau.
JER 50:36 Dare ta bagu-haoro taudia latadiai baine kau, kavakava taudia ai bae hahelao helaoreana. Dare ta ena tuari taudia latadiai baine kau, baine habuadia tari helaoreana.
JER 50:37 Dare ta ena hosi bona ena kariota latadiai, bona bese idaudia edia tuari taudia iboudiai ia lalonai e nohomu na latadiai baine kau, hahine ai bae hahelao helaoreana. Dare ta ena taḡa idoinai latanai baine kau, bae dadihaia helaoreana.
JER 50:38 Medu na ena ranu gabudia ai basine diho, bena bae kororo. Badina be ia na dirava idau-idau laulaudia tanona, bona kaivakuku na e lalodia badamu.
JER 50:39 Taunabunai, uda boromadia bona uda sisiadia na Babulono ai bae noho hebou, bona kokokoko danu ia lalonai bae noho; tau ta ese basine noholaia ela bona hanaihanai, uru iboudiai lalodiai tau ta ese basine noho henia.
JER 50:40 Dirava ese Sodoma bona Gomora bona edia hetabira hanuadia na e habuadia tari negana heḡereḡerena ai, unuheto tau ta na unuseni ai basine noho, bona taunimanima natuna ta ese basine noho henia. Iehova na e herevamu.
JER 50:41 A itaia, bese ta mirigini kahana amo e maimu, basileia badana ta bona pavapava hutuma na tanobada dokodia amo e tore isimu.
JER 50:42 Idia ese peva bona io e abi kaumu; idia na mai daḡedagedia, asi hebogahisidia. Idia reḡedia na davara guruna na heto; idia na hosi ai e guimu; edia tuari ḡaudia na e abi kaumu, oi Babulono kekenimu, ihadikamu totona.
JER 50:43 Babulono pavapavana ese haridia e kamonai, bena imana e hedabarai; hisi ese e gugubaia, hahine ena hekamonai hisina na heto.
JER 50:44 A itaia, leona na mamoe maḡuna aukana ihadikana totona Ioridane udana amo e daemu na heto, lau ese iena amo baina haheaudia oho; bona baina abia hidi tauna na ia ikwarana tauna ai baina halaoa. Badina be daika na lau heḡereḡeregu? Daika ese baine boirigu? Edena mamoe ireḡudia tauna na lau vairagu ai baine gini diba?
JER 50:45 Taunabunai, Iehova ena lalo-hadai, Babulono ihadikana totona vada e haeroa, bona ena ura, Kaldea taudia edia tano ihadikana totona vada e laloa, na ba kamonai. Momokani, mamoe maraḡidia na edia mamoe serina amo bae dabuidia lao; momokani, edia magu mamoedia na bae gari taku, ediai vada e vara ḡauna dainai.
JER 50:46 Babulono iabina reḡena dainai tanobada baine heude-heude, bona ena taitai na bese iboudiai bogaragidiai bae kamonai.
JER 51:1 Iehova ini e gwau tomamu: A itaia, hahebua-tari tauna baina rohea, Babulono ihadikana totona, Kaldea inoholaina taudia ihadikadia totona;
JER 51:2 bona itapona taudia na Babulono baina siaidia lao, idia ese bae tapoa; bona kaha iboudiai amo bae tuari henia negana ai, idia ese ena tano anina bae ha-orea, hisihisi dinana ai.
JER 51:3 Peva tauna ese ena peva basine marea, ena tuari dabuana ai basine gini tore. Ena eregabe taudia basio bogadia hisi; ena tuari oreana idoinai ba habuaia tari.
JER 51:4 Kaldea taudia edia tano ai na masedia ai bae hekida diho, bona edia ariara ai danu bae hekida diho mai berodia ida.
JER 51:5 Badina be Israel bona Iuda edia Dirava, Iehova Sabaota, ese asine rakatanidia; a Kaldea taudia edia tano na kerere ai e honu honu daemu, Israel ena Helaḡa Diravana enai.
JER 51:6 Babulono bogaragina amo ba heau; iboumui ai maurimui ba tahua. Iena dika davana iabina ai basio hedai uru; badina be ina na Iehova ena dava-heni negana, ahuna binai ia ese e heniamu.
JER 51:7 Babulono na gold keherena ta Iehova imana ai, tanobada idoinai ihakekerona; bese idau-idau ese iena vine ranuna e inua, una dainai unu bese na e kavadia.
JER 51:8 Asi vanahana Babulono na vada e darere, vada e makohi; ia taina ba tai. Ena hisihisi muramurana ba laohaia, reana baine namo Iou.
JER 51:9 Ita ese Babulono na ena hisihisi amo baitama hamauria, to ena hisihisi amo se mauri, A rakatania, aitala, ta ta ena tano ena tano baita lou heni; badina be ihahemaoro-henina vada e dae guba ai, vada e heabi isi atai ai.
JER 51:10 Iehova ese igwaurai-maoroda vada e hahedinaraia; aoma, Iehova, eda Dirava, ena kara na Siona ai baita gwaurai hedinarai.
JER 51:11 Diba matadia a nau! Kesi avabi isi! Iehova ese Media pavapavadia vada e rohedia, badina be ena ura Babulono enai na baine habuaia tari e tomu; badina be una na Iehova ena dava-heni, ena dubu idavalaina.
JER 51:12 Pepe ta ba haginia Babulono maḡudia vairadiai, hegima oreana ba ha-aukaia; hegima taudia ba duanaidia, ibani-henina daladia ba hegaeḡaelai; badina be Babulono taudia e herevalaidia ḡaudia na Iehova ese vada e haero bona vada e kara.
JER 51:13 Umui, sinavai momo badibadidiai o nohomu taumui e! Taga taumui e, dokomui vada e kau, emu mauri varona vada e utua.
JER 51:14 Iehova Sabaota na ia sibona ladana ai vada e gwau hamata, eto: Momokani, taunimanima ai baina hahonumu, bae hoho, kwadi na heheto; bena kwalimu honena bae lololaia, oi latamu ai.
JER 51:15 Ia ese ena siahu amo tanobada e karaia bona ena aonega amo tanobada idoinai e haginia, bona ena lalo-parara amo guba e idia roro.
JER 51:16 Ia e herevamu negadia ai, ranu e heguruamu guba ai; ia ese ninoa e hadaeamu, tanobada dokodia amo. Ia ese medu kevarudia e halasidiamu, bona lai na ena habou-habou rumadia amo e hakaudia lasimu.
JER 51:17 Taunimanima iboudiai na kakavakava bona asi aonegadia, bona gold iḡaukaralaina taudia iboudiai na edia kaivakuku ese e hahemaraidiamu; badina be edia kaivakuku na koikoi ḡaudia, bona asi laḡadia.
JER 51:18 Idia na asi anidia, haero-kerere ese e havaradia; edia dava-abi negana ai bae mase.
JER 51:19 Iakob ahuna na dia unuheto; badina be ia ese ḡau iboudiai vada e karadia. Ia dihina na Israel besena; ia ladana na Iehova Sabaota.
JER 51:20 Oi na egu gahi bona egu tuari ḡauna; oiemu amo bese idau-idau baina huaridia, oiemu amo basileia idau-idau baina habuadia tari;
JER 51:21 oiemu amo hosi mai iḡuina tauna ida baina huaridia patapata, oiemu amo kariota bona kariota tauna baina huaridia patapata;
JER 51:22 oiemu amo tau bona hahine baina huaridia patapata, oiemu amo iahu bona eregabe baina huaridia patapata; oiemu amo tauhau bona hane-ulato baina huaridia patapata,
JER 51:23 oiemu amo mamoe ireḡudia tauna mai ena mamoe serina ida baina huaridia patapata; oiemu amo ruarua tauna mai ena boromakau mamaruanedia ida baina huaridia patapata, oiemu amo bese ikwaradia taudia bona tuari lohiadia baina huaridia patapata.
JER 51:24 Iehova na e tomu: Mata dogadoḡamu ai Babulono bona Kaldea inoholaina taudia edia dika davadia do baina henidia, kara dikadia Siona ai vada e kara iboudiai daidiai.
JER 51:25 Iehova na e tomu: Hahebua-tari ororona e! Tanobada idoinai o habuaia tarimu; lau ese na inai henimumu. Lau imagu baina toia roro, oi ihadikamu totona, bona haga nadidia amo baina keimu dobi, vada e heara ororona ai baina halaomu.
JER 51:26 Daiguni nadina ta eiava badi nadina ta na oiemu amo basie abia; a oi na ba vahu hanaihanai. Iehova na e herevamu.
JER 51:27 Pepe ba duduia isi tanobada ai, bese idau-idau bogaragidiai kibi ba hiriria; bese idau-idau ba hahegaegaedia, bae tuari henia totona, basileia idau-idau ba boiridia, ia ihadikana totona, Ararat bona Mini bona Asakena. tuari lohiana ba duanaia, ia ihadikana; hosi ba hakaudia lasi, kwadi na heheto.
JER 51:28 Bese idau-idau ba hahegaegaedia, bae tuari henia totona, Media pavapavadia, bona edia hekwara taudia mai ibolodia taudia ida, bona idia ese e lohiadia tanodia iboudiai.
JER 51:29 Tano na e heude-heudemu, hisihisi ai e hekoe-hekoemu, badina be Iehova ena ura Babulono enai vada e ginimu. Babulono tanona baine havahua, asi inoholaina tauna ta baine noho.
JER 51:30 Babulono ena tuari taudia ese tuari vada e hadokoa, edia gabu aukadia ai e nohomu; edia goada vada e ore, hahine ai ela; rumana vada e aramu, aurina vada e kwaidu.
JER 51:31 Heau tauna ta ese lava baine heaulaia, ma heau tauna ta baine davaria; bona gwaukau tauna ta ese lava baine laohaia, ma gwaukau tauna ta baine davaria; Babulono pavapavana na bae hamaoroa, ena hanua na kahadia iboudiai vada e abia;
JER 51:32 turu-hanai gabudia vada e abidia, gabu aukadia vada e doudia, tuari taudia na e gari lalo-dikamu.
JER 51:33 Badina be Iehova Sabaota, Israel Diravana, na ini e gwau tomamu: Babulono natuna hahinena na uit ikwadilaina gabuna na heto, e moia tao matama ḡauna; nega taina bainela, bena itaborona negana baine kau.
JER 51:34 Nebukadresara, Babulono pavapavana, ese vada e ha-oregu, vada e moigu tao; ia ese tohe asi anina heḡereḡerena ai vada e halaogu; ia ese vada e hadonogu, huala badana na heto; ia ese agu aniani ḡaudia namodia amo bogana vada e hakunua, vada e lorigu lasi.
JER 51:35 Siona inoholaina taudia na baeto: “Dagedage karadia lauegu ai bona varavaragu ediai e kara na Babulono latanai bae mia”. Ierusalem baineto: “Lau raragu na Kaldea inoholaina taudia latadiai”.
JER 51:36 Taunabunai, Iehova na e tomu; A itaia, emu gini-kau gabuna baina herevalaia, bona oi ihadikamu davana baina heni. Ena davara baina hakaukaua, bona ena ranu lohilohi gabudia baina hakororo;
JER 51:37 Babulono na e heḡiḡi dobi hanuana ai bainela, uda sisiadia edia noho gabuna, gari bona si-dagu ihavaradia ḡauna, asi inoholaina tauna ta.
JER 51:38 Idia na bae ḡou hebou, leona na heheto; bae gigi, leona natudia na heheto.
JER 51:39 Lalodia doini e garaḡaramu negana ai, aria ta baina heḡaeḡaelaia adia; baina hakekerodia ela bona bae mase rea, bae mahuta hanaihanai, basie noga. Iehova na e herevamu.
JER 51:40 Iala-masedia totona baina hakaudia hekei, mamoe natudia na heheto, mamoe mamaruanedia bona nani mamaruanedia na heheto.
JER 51:41 Babulono madi vada e abia, tanobada idoinai ese e imodaiamu ḡauna na vada e dadia. Babulono madi, gari ihavarana ḡauna ai vada ela, bese idau-idau bogaragidiai.
JER 51:42 Davara ese Babulono vada e ha-utua dae; ena hurehure badadia ese vada e habubunia.
JER 51:43 Ena hanua badadia na gari ihavarana ḡaudia ai vada ela, tano kaukauna, deḡedeḡena rahu tanona, tau ta ese se noholaiamu tanona, taunimanima natuna ta ese se rakaia hanaimu tanona.
JER 51:44 Lau ese Bel davana baina henia Babulono ai; vada e hadonoa ḡauna na uduna amo baina abia lasi. Bese idau-idau basie aru henia lou; Babulono maguna vada e heḡiḡi dobi.
JER 51:45 Egu bese taumui e, ia bogaragina amo a raka lasi! Iboumui ai ta ta ena mauri ena mauri daladia ba tahu, Iehova ena badu ḡaraḡara amo ba roho mauri.
JER 51:46 Laḡani ta ai hari ta e maimu, ma laḡani ta ai hari ta, bona daḡedaḡe karadia na tano ai e karamu, bona lohia ta lohia ta ida e heiri-heirimu, negadia ai na kudoumui basie hetaha bona basio gari, tano ai hari o kamonaimu dainai.
JER 51:47 Taunabunai, a itaia, negana na e maimu, lau ese Babulono ena dirava laulaudia davadia do baina heni; ena tano idoinai do bae hahemaraia, bona ena mase taudia iboudiai na ia bogaraginai bae hehda diho.
JER 51:48 Bena guba bona tanobada bona lalodia ḡaudia iboudiai ese baḡo anedia bae abi, Babulono latanai; badina be mirigini kahana amo hahebua-tari taudia na baema, ia ihadikana. Iehova na e herevamu.
JER 51:49 Babulono na baine moru, Israel ena mase taudia daidiai, tanobada idoinai ena mase taudia na Babulono dainai vada e hehda diho heḡereḡerena.
JER 51:50 Umui dare amo vada o roho mauri taumui e, aola, basio gini kava! Gabu daudau ai Iehova ba laloa tao, Ierusalem na ba laloa une, baoto:
JER 51:51 Ai na vada e hahemaraimai, badina be gwaugvvau herevadia vada a kamonai, bona e dadaraimai dainai a igo dihomu; badina be idau bese taudia na Iehova ena dubu ai, ena gabu helagadia lalodiai vada e vareai.
JER 51:52 Iehova na e tomu: Taunabunai, a itaia, negana be maimu, lau ese ena dirava laulaudia baina hahemaoro henidia, bona ena tano idoinai lalonai mai berodia taudia na bae ḡanaḡana.
JER 51:53 Ena be Babulono bema dae guba ai, ena be ena atai gabudia bema ha-aukadia, to hahebua-tari taudia lauegu amo na ia latanai bae kau. Iehova na e herevamu.
JER 51:54 A kamonai! Taitai ta Babulono amo; hahebua-tari badana reḡena Kaldea taudia edia tano amo.
JER 51:55 Badina be Iehova ese Babulono e havahuanu, ia gadona bada-hereana e tuiamu. Edia hurehure na e regemu, sinavai momo na heheto; gurudia na e bada e laomu;
JER 51:56 badina be hahebua-tari tauna na Babulono enai vada e kau, ena luari taudia vada e abidia, edia peva vada e hakwaidudia rohoroho; badina be Iehova na dava-heni Diravana, momokani ia ese dava baine heni.
JER 51:57 Ena lohia taudia bona ena aonega taudia baina hakekerodia, ena hekwara taudia, ena tuari lohiadia, bona ena tuari taudia danu; idia na bae mahuta hanaihanai, basie noga. Pavapava badana, ladana Iehova Sabaota, na e herevamu.
JER 51:58 Iehova Sabaota ini e gwau tomamu: Babulono maḡuna, lababa-bada ḡauna, na tano ai baine helaha tari; bona ikoukoudia, atai-herea ḡaudia, na lahi ai bae doudia. Bese idau-idau edia hekwarahi na asi anina; basileia idau-idau e ḡaukara lalo-dikamu, lahi mo ana.
JER 51:59 Ina na peroveta tauna Ieremia ena hereva, ia ese Seraia, Neria Mahaseia natuna, e haḡanilaia ḡauna, Sedekia, Iuda pavapavana, ida Babulono ela negana ai, hari Sedekia ena lohia laḡanina ihahanina lalonai. Seraia na kohu ireḡuna tauna.
JER 51:60 Ieremia ese dika idoinai Babulono latanai baine kau herevadia na buka ta ai e tore.
JER 51:61 Bena Ieremia ese Seraia e hamaoroa, eto, Babulono ai ba kau negana ai, mi hereva iboudiai do ba duahidia;
JER 51:62 ma baoto, Iehova e, oi na vada o hereva, ina gabu ba negea daure, bena ḡau ta ia lalonai basine noho, taunimanima ta eiava ubu-ubu ḡauna ta; ia na baine vahu hanaihanai.
JER 51:63 Bena ina buka ba duahia vaitani murinai, nadi ta ai ba mataia kau, bena Eufrate sinavaina lalonai ba negea dobi.
JER 51:64 Bena baoto, Babulono na unu baine mutu toma, basine keni lou, dika na ia latanai ba hadihoamu dainai. Ieremia ena hereva dokona binai.
JER 52:1 Sedekia e lohia matama negana ai, ena mauri laḡanidia na ruahui-ta; ena lohia laḡanidia Ierusalem ai na gwauta-ta. Sinana ladana na Hamutala, Ieremia, tau Libna, natuna.
JER 52:2 Ia na Iehova vairanai e kara havara, Iehoiakim ena kara iboudiai heḡereḡeredia ma e kara.
JER 52:3 Momokani, Iehova ena badu dainai Ierusalem bona Iuda edia dika na e bada e laova ela bona ia vairana amo e negedia daure. Bena Sedekia ese Babulono pavapavana e gwau edeede henia.
JER 52:4 Ena lohia laḡanina ihataurahani-tana ai, hua ihagwautana dinana ihagwautana lalonai, Nebukadresara, Babulono pavapavana, na ena tuari oreana idoinai ida Ierusalem ihadikana ema, e koua hegeḡe bona tano e larebaia heḡeḡe.
JER 52:5 Taunabunai, hanua e koua heḡeḡe ela bona King Sedekia ena lohia laḡanina ihagwauta-tana.
JER 52:6 Bena hua ihahanina dinana ihataurahani-tana ai, hanua lalonai doe vada e bada herea, bona tano idoinai taunimanima na asi adia.
JER 52:7 Una negana ai, hanua maguna e hamaurua. Ena be Kaldea taudia na hanua vada e koua heḡeḡe, to tuari taudia iboudiai na hanuaboi ai e heau, magu ruaosi padadia ikoukouna amo, hanua pavapavana ena uma-uma badibadinai; bena Araba kahana ela.
JER 52:8 A Kaldea taudia edia tuari oreana ese hanua pavapavana na e gavaia, ela bona Ieriko taorana ai Sedekia e lasia tao; bena ena tuari oreana idoinai na iena amo e karoho rohoroho.
JER 52:9 Bena idia ese hanua pavapavana e abia mauri, Babulono pavapavana dekena e laohaia, Ribla ai, Hamat tanona ai. Ia ese e revaia.
JER 52:10 Bena Sedekia natuna mamaruanedia na ia vairanai e aladia mase; bona Iuda lohiadia iboudiai danu Ribla ai e aladia mase.
JER 52:11 Ia ese danu Sedekia matana e hakepuludia, auri gadeadia amo e ḡuia. Bena Babulono pavapavana ese Babulono e laohaia, unuseni ai dibura rumana ai e koua ela bona ena mase dinana.
JER 52:12 Hua iha-imana dinana ihahituna ai (una na King Nebukadresara, Babulono pavapavana, ena lohia laḡanina ihagwauta-taurahani-tana ai), Nebusaradana, hegima oreana biaguna, Babulono pavapavana ena hesiai tauna ta, na Ierusalem ai e raka vareai.
JER 52:13 Bena ia ese Iehova ena dubu bona pavapava ena ruma bona Ierusalem rumadia iboudiai e doudia; ruma badadia iboudiai e doudia vaitani.
JER 52:14 Bena Kaldea tuari oreana taudia iboudiai, hegima oreana biaguna ida ema taudia, ese Ierusalem heḡeḡemadai maḡudia iboudiai e hahegigidia dobi.
JER 52:15 Bena ogoḡami dikadika taudia haida, bona hanua taudia kwabukwabudia dounu hanua ai e nohova, bona Babulono pavapavana enai e heau hanai taudia, bona ima karakara dibaka taudia oredia, na Nebusaradana, hegima oreana biaguna, ese e ḡuidia, bena dauha e laohaidia.
JER 52:16 A Nebusaradana, hegima oreana biaguna, ese ogoḡami dikadika taudia haida e rakatanidia, vine imeadia ireḡudia bona tano iruana taudia ai baela.
JER 52:17 Auri labora-labora au-tubuadia Iehova ena dubu ai, bona rerue bona auri labora-labora nauna badana Iehova ena dubu ai, na Kaldea taudia ese e hamakohidia, bena auri labora-laborana idoinai na e laohaia Babulono.
JER 52:18 Bona uro bona gaga bona lamepa ihaḡoevadia ḡaudia, bona nau, bona muramura mai bonadia urodia, bona auri labora-labora ḡaudia, kara helagadia ai e ḡaukaralaiva ḡaudia, na iboudiai e laohai;
JER 52:19 bona bia bona gida keberedia bona dihu bona uro, bona lamepa patadia, bona muramura mai bonadia urodia, bona udu-ahudia keheredia. Gold ḡaudia bona silver ḡaudia na hari hegima oreana biaguna ese e laohai.
JER 52:20 Hari au-tubua ruaosi, bona nau badana, bona boromakau mamaruanedia laulaudia gwauta-ruaosi, auri labora-labora amo e kara bona nau badana henunai e ato ḡaudia, bona rerue, hanua pavapavana Solomon ese e kara Iehova ena dubu ena, auri labora-labora idia lalodiai metauna na asi ihahetohona.
JER 52:21 Hari au-tubuadia ta ena lata na kiubit gwauta-taurahani; ena kuboro-heḡeḡe na kiubit gwauta-rua; kopina udunana na ima-kwakikwaki hani e haheboudia udunana heḡereḡerena; ia na auri kuborona lalona kohua.
JER 52:22 Ia latanai na kwarana ikorona, auri labora-labora ḡauna; hari kwarana ikorona ta ena lata na kiubit ima; bona reke-hetomana bona rimono huahuadia laulaudia, iboudiai na auri laboralabora amo e kara, na auri au-tubua kwarana ikorona ḡauna e gegelaia. Au-tubua iharuana danu unuheto, mai ena rimono huahuadia laulaudia.
JER 52:23 Rimono huahuadia laulaudia na taurahanita-ahui tauratoi ohena ohena ai; rimono huahuadia laulaudia reke-hetomana e geḡelaia iboudiai na sinahu-ta.
JER 52:24 Bena hari hegima oreana biaguna ese hahelaḡa tauna badana Seraia, bona hahelaḡa tauna iharuana Sefania, bona dubu iduarana inaridia taudia tatoiosi, e abidia.
JER 52:25 Hanua amo danu tuari oreana biaguna ta bona hanua pavapavana ena kaunsil taudia hahitu hanua lalonai e davaridia na e abidia; bona tuari biaguna ena toretore tauna, ena ḡaukara be tano taudia ihagaudia, bona tano taudia tauratoi-ahui hanua lalonai e davaridia danu,
JER 52:26 Nebusaradana, hegima oreana biaguna, ese e abidia, Babulono pavapavana dekena e laohaidia Ribla ai.
JER 52:27 Bena Babulono pavapavana ese e rahudia mamase, Ribla ai, Hamat tanona ai, e aladia mase. Taunabunai, Iuda taudia na e ḡuidia, edia tano amo e abidia oho, dauha e laohaidia.
JER 52:28 Nebukadresara ese iḡuidia ai e laohaidia taudia ihagaudia bini: laḡani ihahituna ai, Iuda taudia daha-toi ruahui-toi;
JER 52:29 Nebukadresara ena lohia laḡanina ihagwauta-taurahanina a ai, ia ese taunimanima sinahu-taurahani toi-ahui rua Ierusalem amo iḡuidia ai e laohaidia;
JER 52:30 bona Nebukadresara ena lohia laḡanina iharuahui-toina ai, Nebusaradana, hegima oreana biaguna, ese Iuda taudia sinahu-hitu hari-ahui ima na iḡuidia ai e laohaidia; e laohaidia taudia iboudiai na daha-hani sinahu-tauratoi.
JER 52:31 Iehoiakini, Iuda pavapavana, ena iḡui ai e nohova laḡanina ihatoiahuihituna ai, hua ihagwauta-ruana dinana iharuahui-imana ai, Evil-merodak, Babulono pavapavana, e lohia matama. Bena ena lohia laḡanina gini-gunana ai ia ese Iehoiakini, Iuda pavapavana, e hagagaia isi, dibura rumana amo e hakaua lasi;
JER 52:32 ia ese e hereva namo henia, bona helai ḡauna hereana e henia, pavapava iboudiai ia ida Babulono ai e nohova daediai.
JER 52:33 Taunabunai, Iehoiakini na ena dibura ruma dabuadia e doki oho. Una murinai ena mauri dinadia iboudiai lalodiai ia na hanua pavapavana ena pata ai e aniani hanaihanaiava;
JER 52:34 bona hanua pavapavana ese ahuna e henia, dina ta ta amo, ena mauri dinadia iboudiai lalodiai, ela bona ena mase dinana. mi dikadika taudia haida, bona hanua taudia kwabukwabudia dounu hanua ai e nohova, bona Babulono pavapavana enai e heau hanai taudia, bona ima karakara dibaka taudia o
LAM 1:1 Hanua badana madi ihabaina! Gunaguna taunimanima ai e honu honu dae; harihari ia na gabu degedegena rahu. Gunaguna ia na bada, bese idau-idau bogaragidiai; harihari ia na vabu heḡereḡerena ai vada ela. Gunaguna ia na pavapava natuna hahinena hanua idau-idau bogaragidiai; harihari ia na hesiai hahinena ai vada ela.
LAM 1:2 Hanuaboi ai e tai dikadikamu, irurumatana na vahana ai mimia; e ura heniamu taudia iboudiai bogaragidia amo ta ese tauna se haloamu; ia turana iboudiai ese vada e koia, inaina ai vada e hahelao.
LAM 1:3 Iuda na dauhai vada e hanohoa, e hisihisimu bona hesiai ḡaukaradia aukadia e karamu; bese idau-idau bogaragidiai e nohomu, a ena laḡa-ani gabuna ta se davariamu; e hahavaia taudia iboudiai ese vada e lasia tao, ena lalo-hisihisi negana ai.
LAM 1:4 Siona e lao heniamu daladia na mai hebogahisidia, badina be aria e gwauraimu negadia ai na ta se maimu; ena ikoukou iboudiai vada e vahu, ena helaḡa taudia e ganaḡanamu; ena ulato vada e dabuidia oho, ia na e hisihisi dikadikamu.
LAM 1:5 Ia inaina na ikwarana ai vada ela, ana inai taudia edia namo e bada e laomu; badina be Iehova ese vada e hahisia, ena kara kerere momo herea daidiai; ia natuna na dauha vada ela, inai taudia vairadiai vada e ḡuidia.
LAM 1:6 Siona kekenina na hairaina idoinai ese vada e rakatania; ena lohia na dia mamaruanedia na heheto, rei gabudia asie davarimu; e hahavadia taudia vairadiai e heau, to asi goadadia.
LAM 1:7 Ierusalem na e helalo unemu, ena hisihisi bona ena lalo-idita lalodiai; ena ḡau herea-daedia iboudiai nega gunadia ai e abiva na e lalolaidia unemu. Ena taunimanima na inaidia imadia ai e heato bona asi ikahana ta negana ai, inai tauna ese e ḡonaḡonalaia, ena keto e kirikirilaia.
LAM 1:8 Ierusalem na e kara dika badava, una dainai vada e miro dikadika; e imodaiava taudia ese e dadaraiamu, badina be ḡaḡaena ai vada e itaia; oibe, ia sibona e ḡanaganamu, e roha daudaumu.
LAM 1:9 Mirona na ramina ai, baine dika na se laloa; una dainai ena keto na bada herea, asi tauna ihalona tauna ta. Iehova e, egu hisihisi a itaia, badina be inai tauna vada e kwalimu.
LAM 1:10 Inai tauna ese vada e toi roro, ena ḡau herea-daedia iboudiai daediai; oibe, ia ese bese idau-idau vada e itadia, ena gabu helaḡana ai vada e raka vareai; unu na oi ese o gwaudia tao taudia, emu bese edia hebou lalonai basie vareai oto.
LAM 1:11 Ena taunimanima iboudiai ese adia e tahuamu, mai ḡanaḡanadia ida; edia kohu herea-daedia amo adia e hoimu, edia goada ihamatamatana totona. Iehova e, a gaga isi, a itaia, badina be vada e dadaraigumu.
LAM 1:12 O raka hanaimu taumui iboumui ai, ina na asio laloamu a? A gaga isi, a itaia, hisihisi ta na mia lauegu hisihisi heḡereḡerena eiava, lau latagu ai vada e kau hisina, Iehova ese ena badu ḡaraḡara dinana ai e hahisilaigu ḡauna.
LAM 1:13 Atai amo ia ese lahi e siaia dobi, lau turiagu lalodiai e hadihoa; huo e otoa, lau aegu iabidia, ia ese e halougu; mase-reagu ai e rakatanigu, taugu na e manorimu dina idoinai.
LAM 1:14 Egu kara kerere na maduna auna ai e halaoa, ia imana ese e gui bou; aiogu ai e ato kau, ia ese egu goada na e hamanokaia; lau ese asina laodia ahu diba taudia imadia ai Ḡaubada ese vada e atogu.
LAM 1:15 Ḡaubada ese egu goada-herea taudia iboudiai na bogaragigu ai e dadaraidia; hegogo ta e gwauraia, lau ihadikagu, egu eregabe taudia imoi-taodia; Iuda ena rami-hebou ulatona na Ḡaubada ese vada e moia tao, vine imoilaina gabuna ai bema moimoilaia na heto.
LAM 1:16 Ini ḡau daidiai na taitaimu, iruru-matagu na e dihomu; badina be tauhalo tauna na dauhai, egu haheauka ihamatamatana tauna na dauhai; natugu na vada e baia, badina be inai tauna na vada e kwalimu.
LAM 1:17 Siona ese imana e toi roromu, a asi tauna ta ese ia tauna e haloamu; Iehova ese ena haheḡani na Iakob latanai vada e gwauraia, ia dekena taudia na inaina ai baela eto; Ierusalem na ḡau miro-hereana ai vada ela idia bogaragidiai.
LAM 1:18 Iehova na maoromaoro, badina be vada na gwau edeede henia; a umui bese idau-idau taumui iboumui ai, a kamonai, bona egu hisihisi ba itaia; egu ulato bona egu uhau na mai iḡuidia ida vada e laohaidia.
LAM 1:19 E ura henigu taudia na boiridia, a idia ese e koigu; egu hahelaḡa taudia bona egu tau-badadia na hanua ai e mase ore, edia goada ihamatamatana anianina e tahuava negana ai.
LAM 1:20 Iehova e, a itaia, badina be na hisihisimu, laumagu na e dauremu; lalogu na e gugubaiamu, badina be vada na gwau edeede dikadika; ariara ai dare na e ala-alamu, ruma na variha rumana na heto.
LAM 1:21 Egu ḡanaḡana a kamonai, asi taugu ihalona tauna ta; inaigu iboudiai ese egu hekwakwanai sivaraina vada e kamonai, idia na e moalemu, oi ese vada o karaia dainai; vada o gwauraia dinana a halasia, idia na lau heḡereḡeregu ai baela.
LAM 1:22 Edia kara dika idoinai na oi vairamu ai baine hedinarai, bena ba kara henidia, lauegu kara kereredia iboudiai daidiai vada o kara henigu heḡereḡerena; badina be na ḡanaḡana momomu, bona lalogu na e manoka:manokamu.
LAM 2:1 Ḡaubada ese ena badu ai Siona kekenina na dagadaga henunai vada e atoa; Israel hairaina na guba amo vada e tahoa dobi tanobada ai; ena badu dinana ai na ia aena ihadaidia ḡauna se laloa tao.
LAM 2:2 Ḡaubada ese Iakob ena noho gabudia iboudiai vada e habuadia tari, se bogadia hisi; Iuda kekenina ena gabu aukadia na ena badu ai vada e gigidia dobi; basileia mai ikwarana taudia ida vada e haketodia tano ai, mai hemaradia ida.
LAM 2:3 Israel ena goada idoinai na ena badu ḡaraḡarana ai vada e utua dobi; ia imana idibana na edia amo e abia oho, inai taudia vairadiai; Iakob enai vada e ara, lahi hururu-hururuna na heto, heḡeḡemadai ḡaudia iboudiai vada e aradia ore.
LAM 2:4 Ena peva vada e marea, inai tauna na heto; imana vada e ha-aukaia, tuari tauna na heto; ta matarealaimu taudia na ia ese vada e aladia mase, Siona kekenina ena kalaga ai; ena badu ḡaraḡara vada e bubua dobi, lahi na heto.
LAM 2:5 Ḡaubada na inai tauna heḡereḡerena ai vada ela, ia ese Israel vada e habuaia tari; ena lohia rumadia iboudiai ia ese vada e habuadia tari, ena gabu aukadia vada e ḡiḡidia dobi; Iuda kekenina ena taitai bona ena rohe-ahu ia ese vada e habada.
LAM 2:6 Ia ese ena kalaga vada e rohoa, uma kalagana na heto, e gwaurai ariadia gabuna vada e ḡiḡia dobi; e gwauraia ariana bona dina helaḡana Iehova ese vada e hadokodia Siona ai; bona ena badu garagarana ai pavapava bona hahelaḡa tauna vada e dadaraidia.
LAM 2:7 Ḡaubada ese ena ihaboulaina patana vada e uduguiraia, bona ena gabu helaḡana vada e dadaraia; ena lohia rumadia maḡudia na inai tauna imana ai vada e atodia; Iehova ena dubu ai heloḡo-heloḡo e vara, e gwauraia ariana dinana ai na heto.
LAM 2:8 Iehova ese lalona vada e ha-aukaia, Siona kekenina ena magu baine ḡiḡia dobi; hahetoho varona amo vada e hahetohoa, imana na ihabua-tarina amo se veria dua; kohoro bona maḡu vada e hahisidia, idia na e manoka heboumu.
LAM 2:9 Ena ikoukou na tano ai vada e hepuni, ena auri vada e hadikadia, vada e hakwaidudia; ena pavapava bona-ena lohia na bese idau-idau bogaragidiai, taravatu na vada e ore, bona ena peroveta taudia ese mata-hanai ta se abiamu, Iehova ena amo.
LAM 2:10 Siona ena tau-badadia na tano ai e helaimu, asi reḡereḡedia; kahu na tubuadia ai vada e ḡiḡi kau, bona puse dabuadia vada e hahedokilai; Ierusalem ulatodia ese tano vada e igo henia.
LAM 2:11 Matagu na taitai ai vada e malaka-malaka, laumagu na e dauremu; Ialogu na hisihisi ese e gugubaiamu, egu bese ihabua-tarina dainai; badina be natudia karukarudia bona memero-memero na hanua ariarana lalodiai e manoridiamu.
LAM 2:12 Idia ese sinadia e tai henidiamu, e tomu “Aniani bona vine ranuna na edeseni ai?” Vada e bero taudia heḡereḡeredia ai e mase reamu, hanua ariarana lalodiai; sinadia kemedia ai edia mauri e oremu.
LAM 2:13 Ierusalem kekenimu e, ede baina gwauraimu toma bona dahaka ida baina haheḡereḡeremu? Siona rami-hebou ulatona e, dahaka ida baina haheḡereḡeremu, oi taumu ihalona totona? Badina be ihabua-tarimu na bada herea, davara na heto; daika ese baine hamaurimu lou?
LAM 2:14 Emu peroveta taudia ese oi daimu ai mata-hanai koikoidia bona kavakavadia vada e itadia; emu kara havara asie gwaurai hedinarai, ihanamo-loumu totona, a daimu ai peroveta herevadia koikoidia vada e itadia, unu amo vada e hakaumu kerere.
LAM 2:15 Dala ai e raka hanaimu taudia iboudiai ese imadia na e patapata henimumu; e si dagumu, kwaradia na Ierusalem kekenina e ladolado heniamu, e tomu, E gwauraia “hairai herea-daena” bona “tanobada idoinai ihamoalena” hanuana binai a?
LAM 2:16 Oi inaimu iboudiai ese e ihi-ihiraimumu; e si dagumu, gadigadidia e hahedaimu, e lolomu, e tomu: Vada ta habuaia tari; ta uralaia lalo-dikava dinana binai, harihari vada ta davaria, vada ta itaia.
LAM 2:17 Iehova ese e laloa hata karana vada e karaia, e gwau guna, bena vada e hamomokania; idau nega ai e gwauraia heḡereḡerena ai vada e hahegigia dobi, asi ena hebogahisi; inai tauna vada e hamoalea oi latamu ai, amu inai taudia edia siahu vada e habadaia.
LAM 2:18 Siona kekenimu e Ḡaubada ba tai lolo henia! Iruru-mata na bae aru abata na heto, dina ai bona hanuaboi ai; laḡamu basio ania, matamu danu basie laḡa ani.
LAM 2:19 A tore isi, hanuaboi ai ba tai lolo, hegima negadia ta ta imatamadia ai; lalomu anina ba bubua nege ranu na heto, Ḡaubada vairanai; imamu na ba dudui dae henia, natumu edia mauri daidiai; badina be idia na hitolo dainai e mase reamu, ariara iboudiai dokodia ai.
LAM 2:20 Iehova e, a hageremai, a itaia, daidia na unu vada o kara henidia toma? Hahine ese natudia bae anidia, e dosidia memerodia bae anidia, a? Hahelaḡa tauna bona peroveta tauna na Ḡaubada ena gabu helaḡana ai bae aladia mase a?
LAM 2:21 Ariara ḡahudia ai memero bona iahu e hekida boumu; egu ulato bona egu uhau na dare ai vada e mase; emu badu dinana ai vada o aladia, vada o aladia mase, so bogadia hisi.
LAM 2:22 E hagarigumu ḡaudia na kaha iboudiai amo o boiridia, e gwauraia ariana dinana ai na heto; Iehova ena badu dinana ai ta se heau, ta se mauri; na hadorodia bona na ubudia memerodia na agu inai tauna ese vada e habuadia tari.
LAM 3:1 Ena badu hekwadi-auna hisihisina lalonai, hisi vada na ani;
LAM 3:2 dibura ai vada e lulugu vareai, asi diarina gabuna ai;
LAM 3:3 momokani, ia imana na lau ihadikagu totona vada e abia isi loulou, dina idoinai.
LAM 3:4 Hidiogu bona kopigu vada e ha-oredia, bona turiagu vada e hakwaidudia;
LAM 3:5 vada e kougu ahu, vada e govagu ahu, lalo-idita ai bona lalo-hisihisi ai;
LAM 3:6 dibura ai vada e hanohogu, idau nega ai e mase taudia na heheto.
LAM 3:7 Vada e magugu heḡeḡe, asi egu roho-mauri dalana, auri metaudia ai vada e ḡuigu;
LAM 3:8 na boiboimu, na tai lolomu, ta ese baine kahagu totona, a ia ese egu ḡuriḡuri e laoa ahumu;
LAM 3:9 e utu nadidia amo egu dala vada e koudia, egu raka daladia vada e hagagevadia.
LAM 3:10 Egu ai ia na e banimu beana na heto, e komumu, leona na heto;
LAM 3:11 egu dala amo e hakaugu siri, e daregu patapata, vada e habaiagu;
LAM 3:12 ena peva e marea, baine tarakia ḡauna ai e halaogu.
LAM 3:13 Ena diba pauana dibadia amo, nadinadigu na e tarakidia;
LAM 3:14 bese iboudiai ese e kirikirilaigumu, edia ane ai e hevasehalaigumu dina idoinai;
LAM 3:15 lalogu na vada e ha-iditaia ḡuḡuru, ava iditana amo vada e hahonugu.
LAM 3:16 Isegu na nadinadi e hagaualaidia, kahu ai vada e hagorugu diho;
LAM 3:17 laumagu na maino ai e dabumu, moale vada na reaia;
LAM 3:18 taunabunai lau na tomamu: Hairaigu vada e boio bona egu helaro Iehova ena amo danu.
LAM 3:19 Egu hisihisi bona egu lalo-idita ba ialo tao, ava iditana bona muramura iditana danu;
LAM 3:20 laumagu ese e haeroa louloumu, bona lalogu ai e igo dihomu;
LAM 3:21 a ina na na laloa unemu, taunabunai na helaromu.
LAM 3:22 Iehova ena mia-hanaihanai lalokauna na se oremu ena hebogahisi karadia na asie dokomu;
LAM 3:23 daba iboudiai idia na mamatamata; emu heabidadama na bada herea.
LAM 3:24 Laumagu na e tomu: Iehova na lau ahugu; una dainai ia baina laroa.
LAM 3:25 E nariamu taudia na Iehova ese e hanamodiamu, bona e tahuamu taudia danu.
LAM 3:26 Iehova ena hahemauri baita naria, asi reḡereḡeda, una na namo;
LAM 3:27 tau ta ese eregabena ai maduna baine huaia, una danu namo.
LAM 3:28 Maduna na pagana ai vada e atoa negana ai, ia na sibona baine helai, asi reḡereḡena;
LAM 3:29 uduna na ḡahu ai baine atoa, reana helaro do baine vara;
LAM 3:30 vahana na hebota tauna baine mede henia, ḡonaḡona herevadia ai baine honu.
LAM 3:31 Badina be Ḡaubada ese basine negea daure ela bona hanaihanai;
LAM 3:32 ena be lalona baine hahisia, to baine bogaia hisi, ena hebogahisi bada-hereana heḡereḡerena;
LAM 3:33 badina be taunimanima natudia tau-anidia eiava lalodia ihahisihisidia na se uramu.
LAM 3:34 E ḡuidia taudia iboudiai tanobada ai bae moidia tao,
LAM 3:35 eiava tau ta igwaurai-maorona bae laoa ahu Dirava Herea-Mikamika vairanai,
LAM 3:36 eiava tau ta ena gini-kau dalana bae hagagevaia; una kara na Ḡaubada ese se abi daemu.
LAM 3:37 Daika na e haheḡani bena anina e vara, Ḡaubada na se gwau maoro negana ai?
LAM 3:38 Dirava Herea-Mikamika uduna amo namo bona dika na e maimu ani?
LAM 3:39 Mauri tauna baine maumau badina be dahaka? Ena dika davana iabina baine maumauraia anina be dahaka?
LAM 3:40 Eda dala baita tohodia bona baita tahudia, bena Iehova baita lou henia;
LAM 3:41 laloda bona imada baita abidia isi, guba ai e nohomu Diravana enai, baitato,
LAM 3:42 Ai na vada a kerere bona vada a gwau edeede, bena oi ese emai dika so gwau tao.
LAM 3:43 Badu vada o rioa, vada o hahavamai, vada o alamai mase, so bogamai hisi;
LAM 3:44 ori vada o rioa, ḡuriḡuri ta basine hanai helaoreana.
LAM 3:45 Oi ese kopikopi bona momoru ai vada o halaomai, bese idau-idau bogaragidiai.
LAM 3:46 Ai inaimai iboudiai ese e ḡonaḡonalaimaimu;
LAM 3:47 gari bada bona hekwakwanai na latamai ai vada e kau, hahevahu bona hahebua-tari danu;
LAM 3:48 iruru-matagu na e arumu sinavai na heto, egu bese kekenina ena mase dainai.
LAM 3:49 Iruru-matagu bae diho asi dokona, bona asi komadana,
LAM 3:50 ela bona Iehova na guba amo baine roha dobi, bena baine itagu;
LAM 3:51 matagu ese e hahisihisigu, egu hanua ulatodia iboudiai vada e dika dainai.
LAM 3:52 Asi badina e inai henigu taudia ese e tahugu, labana tauna ese manu e tahuamu na heto;
LAM 3:53 maurigu ai guri lalonai e tahogu dobi, bona nadi na latagu ai e taho kau;
LAM 3:54 ranu ai na mutu, nato “Vada name boio”.
LAM 3:55 Iehova e, oi ladamu na hahanea, guri dobudobu amo;
LAM 3:56 egu noinoi, nato “Hekaha na noiamu, taiamu na egu ai basio koua ahu” na oi ese vada o kamonai;
LAM 3:57 na boi henimu negana ai o raka kahira, oto “Basio gari”.
LAM 3:58 Ḡaubada e, oi ese egu ginikau gabuna vada o lailaia, oi ese egu mauri vada o rauaia.
LAM 3:59 Iehova e, oi ese vada o itaia, e kara dika henigu; ba hahemaoro henigu.
LAM 3:60 Oi ese edia dava-heni idoinai vada o itaia, lau ihadikagu karadia e lalo-hadailaimu ḡaudia iboudiai.
LAM 3:61 Iehova e, edia heḡonaḡonalai herevadia vada o kamonai, lau ihadikagu karadia e lalo-hadailaimu ḡaudia iboudiai;
LAM 3:62 e ala-ala henigumu taudia ududia bona edia lalo-hadai ese lau e hadikalaigumu dina idoinai.
LAM 3:63 Edia helai diho bona edia tore isi a itaia; edia ane ai e hevasehalaigu.
LAM 3:64 Iehova e, oi ese davadia ba henidia, idia imadia ḡaukaradia heḡereḡeredia;
LAM 3:65 oi ese lalodia ba haduhudia, emu heuduguirai na latadiai baine kau.
LAM 3:66 Iehova e, oi ese badu ai ba hahavadia, emu guba henuna amo ba habuadia tari.
LAM 4:1 Gold vada e hoḡohoḡo, gold ḡoeva-daena vada e idau; nadi helagadia vada eme heḡiḡi rohoroho, ariara iboudiai dokodia ai.
LAM 4:2 Siona natuna mamaruanedia herea-daedia, davildia na gold ḡoevaḡoevana metaudia heḡereḡeredia ai, madi, ihabaidia, raro urodia ida vada e haheḡereḡeredia, uro ikarana tauna imana ese e kara ḡaudia na heheto.
LAM 4:3 Uda sisiadia ese natudia e ubudi unu, rata na e henidiamu; a egu bese natuna hahinena vada e daḡedaḡe, uda kokokokodia na heheto.
LAM 4:4 Rata e topoamu merona malana na ranu mase dainai uduna atai maona ai e kape daemu; memero na aniani dainai e noinoimu, a ta ese adia se henidiamu.
LAM 4:5 Aniani manoka-manokadia e aniva taudia na ariara ai e masemu; dabua kakakakadia idokilaidia e manadava taudia na kahu e negeamu gabudia ai e hekuremu.
LAM 4:6 Badina be egu bese natuna hahinena ena kara dika davana ese Sodoma ena kara dika davana vada e hereaia; una hanua na e heḡiḡi dobi haraga-haraga, tau ta ese se daua toho negana ai.
LAM 4:7 Ena lohia taudia na ḡoḡoeva-ḡoḡoeva, snow ena ḡoevaḡoeva e hereaiamu; idia na kukuroka-kukuroka, rata ena kurokuro e hereaiamu; tau-anidia na kakakaka, ḡiriḡi ena kakakaka e hereaiamu; oromadia na mai hairaidia, sapairo nadidia na heheto.
LAM 4:8 Harihari idia vairadia na korema-korema, guma ena korema e hereaiamu; ariara ai bae itadia taudia basie diba idia na daidia; kopidia na e makuku turiadia ai, vada e kakoro au na heto.
LAM 4:9 Dare ai e mase taudia edia moale ese hitolo ai e mase taudia edia moale e hereaia; idia na e varoda-varodava, uma na asi anidia dainai e maseva.
LAM 4:10 Hebogahisi hahinedia imadia ese natudia adoradia vada e nadudia; adia vamu ai vada e halaodia, egu bese natuna hahinena ihabua-tarina ai.
LAM 4:11 Iehova ese ena badu e hasiahua, ena badu fiaraḡarana e bubua dobi; Siona ai lahi e ha-araia, hanua badidia e aradia ore.
LAM 4:12 Tanobada pavapavadia ese asie abia dae, tanobada taudia iboudiai ese danu, tuari tauna ta eiava inai tauna ta ese Ierusalem ikoukoudia lalodiai baine raka vareai diba.
LAM 4:13 Ina na ena peroveta taudia edia kara dika bona ena hahelaḡa taudia edia kara havara daidiai, idia ese kara maoromaoro taudia raradia e hahebubu ia bogaraginai.
LAM 4:14 Idia na mata-kepuludia ai ariara ai e loava, rara ese vada e hamirodia, bona tau ta ese edia dabua na basine dau toho diba.
LAM 4:15 Taunimanima ese e boi henidia, eto, A siri! Mai miromui! A siri! A siri! Basio hedau toho! Bena idia na heau bona loa-evaeva taudia ai ela; bese idau-idau bogaragidiai taunimanima eto: Ai dekemai ai basie noho lou.
LAM 4:16 Iehova sibona ese e hakarohodia rohoroho, ia ese basine haḡeredia lou; hahelaḡa taudia na asie matauraidia, bona hanua tau-badadia na asie lalo namo henidia.
LAM 4:17 Matamai e valahu-valahu, hekaha inarina ai, a gima kava hanaihanaiva dainai; emai hegima lalonai hahemauri asi dibana besena a nariava.
LAM 4:18 Taunimanima na ae-gedumai ai e raka dainai emai ariara ai asia raka diba; dokomai vada e kahikahi, emai mauri dinadia vada e duahi, badina be dokomai vada e kau.
LAM 4:19 E hahavamai taudia edia heau ese guba ugavadia edia roho e hereaia; ororo ai e hahavamai, tano ḡaḡaena ai e bani henimai.
LAM 4:20 Iehova ese e horoa tauna, emai mauri laḡana, na edia guri ai e abia; a ai ese vada a herevalaia, ato, Bese idau-idau bogaragidiai ia ikerukeruna ai baia noho.
LAM 4:21 Edom kekenimu e, Usu tanona ai o nohomu, ba moale, ba hisi dae! A oiemu ai danu kehere baine kau, ba kekero, emu dabua ba doki oho, ḡaḡaemu ai ba noho.
LAM 4:22 Siona kekenimu e, emu kara havara davana vada o abia ḡuḡuru, ma dauhai basine hanohomu; a Edom kekenimu e, emu kara havara davana baine henimu, emu kara dika baine hulalai.
LAM 5:1 Iehova e, emai ai vada e vara ḡaudia ba lalo tao; a haḡeremai, e hahemaraimaimu ḡaudia ba itadia.
LAM 5:2 Emai tano na idau taudia vada e henidia; emai ruma na idau bese taudia vada e henidia.
LAM 5:3 Ai na vada a ihareha, asi tamamai; sinamai na vabu heḡereḡeredia.
LAM 5:4 Emai inuinu ranuna na a hoimu; au a abimu na mai davadia.
LAM 5:5 Paḡamai mai madunadia ai a hekwarahimu; taumai e boeramu, Isie halaga-animaimu.
LAM 5:6 Imamai na Aigupto bona Asuria vada e toi roro henidia, amai na baine davana totona.
LAM 5:7 Tamamai e kara dika, bena vada e mase; bena ai ese edia kara havara a huamu.
LAM 5:8 Hesiai tauna ese e lohiamaimu, asi tauna ta ese idia imadia amo e hamaurimaimu.
LAM 5:9 Amai a tahumu mai garimai ida, tano ḡaḡaena ai dare ese baine alamai mase na garina.
LAM 5:10 Kopimai e siahumu, amu siahuna na heto, doe heḡaraḡarana dainai.
LAM 5:11 Siona ai hahine na e dadidiamu, bona rami-hebou ulatodia Iuda ai.
LAM 5:12 Hanua lohiadia na imadia amo e taudia daemu, hanua tau-badadia na asie matauraidiamu.
LAM 5:13 Eregabe taudia na e haḡaukaradiamu, flaoa iririlaina gabuna ai; memero na e raragamu, au metaudia e huadiamu dainai.
LAM 5:14 Iahu ese hanua ikoukouna vada e rakatania; eregabe taudia ese edia hatai-hatai ḡaudia na vada e atodia diho.
LAM 5:15 Moale vada e doko lalomai ai, bona emai mavaru na taitai ai vada e hahelao.
LAM 5:16 Havava ḡauna na kwaramai amo vada e moru; madi ihabaimai, vada a kara dika dainai.
LAM 5:17 Ina dainai Ialomai vada e manoka-manoka, ini ḡau daidiai matamai vada e valahu-valahu.
LAM 5:18 Siona ororona vada e vahu dainai; uda sisiadia na ia latanai e loamu.
LAM 5:19 A oi, Iehova e, o lohia hanaihanaimu; emu terono na e miamu, uru iboudiai lalodiai.
LAM 5:20 Badina be dahaka o lalomai boio hanaihanaimu; Dahaka dainai nega daudau vada o rakatanimai?
LAM 5:21 Iehova e, bavabimai dae lou, bena baia namo lou; emai dina ba hamatamatadia, nega gunadia heḡereḡeredia.
LAM 5:22 Eiava, vada o dadaraimai vaitani a? Vada o badu henimai vaitani a?
EZE 1:1 Laḡani ihatoi-ahuina ai, hua ihahanina dinana iha-imana ai, lau na dauhai e hanohodia taudia bogaragidiai, sinavai ladana Kebara isena ai. Bena guba e parara; bena Dirava na mata hanailaia.
EZE 1:2 Hua dinana iha-imana ai (una na King Iehoiakini dauhai ai e hanohoava laḡanina iha-imana lalonai),
EZE 1:3 Iehova ena hereva na hahelaḡa tauna Esekiel, Busi natuna, enai e kau, Kaldea taudia edia tano ai, Kehara sinavaina isena ai. Iehova imana na ia latanai mia una gabu ai.
EZE 1:4 Na roha lao, bena na itaia, lai gubana ta mirigini kahana amo ema, bona dagadaga ta, diari ese e hadiaria heḡeḡe, bona ia lalona amo lahi na e hururua lasi loulou, bona lahi bogaraginai ḡau ta, ita-itana auri labora-labora hururu-hururuna na heto.
EZE 1:5 Bena bogaragina amo mauri ḡaudia hani hetomadia e hedinarai. Ita-itadia na iniheto: oromadia na taunimanima na heheto,
EZE 1:6 a vairadia na hani hani amo, bona hanidia na hani hani amo.
EZE 1:7 Aedia na mamaoro-mamaoro; aedia palapaladia lalodia na boromakau natuna aena palapalana lalona na heto; bona e kimore-kimore, aun laboralabora na heto.
EZE 1:8 Hanidia henudiai, kahadia haniosi ai, imadia na mimia, taunimanima imadia na heheto. Hahaniosi vairadia bona anidia na iniheto:
EZE 1:9 hanidia na e hekapa hekapa heheni; hahaniosi na e raka vairava, asie hegirova.
EZE 1:10 Vairadia ita-itadia na iniheto: vaira kahadia ai ta ta vairadia na taunimanima vairadia, idibadia kahadia ai hahaniosi vairadia na leona vairadia, lauridia kahadia ai hahaniosi vairadia na boromakau mamaruanedia vairadia, bona muridia kahadia ai hahaniosi vairadia na ugava vairadia.
EZE 1:11 Vairadia na unuheto. Hanidia n; l atai ai e hetoi roro; hari mauri ḡaudia ta ta hanidia rua rua e hetoi roro, bena mauri ḡauna ta hanina na mauri ḡauna ma ta hanina ida e hekapa heheni; a hanidia rua rua ese tau-anidia e ḡovadia.
EZE 1:12 Idia na ta ta e lao vaira: lauma e urava baela gabudia, unu e laova, bona laodia ai asie hegiro.
EZE 1:13 Hari mauri ḡaudia bogaragidiai na ḡau ta, ita-itana na gida hururu-hururudia na heheto, eiava kede na heheto, mauri ḡaudia bogaragidiai e loa eva-evava. Lahi na mai hururu-hururuna, bona lahi lalona amo kevaru na e kevarua isi.
EZE 1:14 Bona hari mauri ḡaudia na e tata eva-eva, kevaru na heto.
EZE 1:15 Hari mauri ḡaudia na raraidia, bena ava-keikeina na tanobada ai na itaia, mauri ḡaudia ta ta ediai ta ta.
EZE 1:16 Unu ava-keikei ita-itadia bona ikaradia dalana na iniheto: ita-itadia na krusolito ena kiama-kiama na heto; haniosi oromadia na heheḡeḡereḡere, ikaradia dalana be e hekara ava-keikeina ta ava-keikeina ta lalonai na heto.
EZE 1:17 E hekei laova negana ai, ena be asie hegiro to kaha haniosi ilao-henidia mai dibadia.
EZE 1:18 Hari ava-keikei haniosi na mai isedia auridia kuborodia bona heto'o-tao auridia; bona isedia auridia kuborodia idoidiai na mata ai e honu.
EZE 1:19 Bena mauri ḡaudia e loava negadia ai hari ava-keikei na idia ida e loa hebouva; bona mauri ḡaudia na tano amo e daeva negadia ai hari ava-keikei danu e dae e laova.
EZE 1:20 Lauma e urava bainela gabudia na idia danu e lao heniva, bona hari ava-keikei na idia ida ela; badina be hari mauri ḡaudia laumadia na ava-keikei lalodiai.
EZE 1:21 Unu na e laova negadia ai, ini danu e laova; unu na e giniva negadia ai, ini danu e giniva; bona unu na tano amo e daeva negadia ai, hari ava-keikei na idia ida e daeva; badina be hari mauri ḡaudia laumadia na ava-keikei lalodiai.
EZE 1:22 Hari mauri ḡaudia kwaradia daediai ḡau ta, ita-itana na guba na heto, e hururu-hururu gabisi na heto; kwaradia daediai e heidi roro.
EZE 1:23 Hari guba henunai idia hahaniosi hanidia na e toi roro heheni; bona mauri ḡaudia ta ta na mai hanidia rua rua, tau-anidia igovalaidia ḡaudia.
EZE 1:24 E rohova negana ai, hanidia reḡedia na kamonai, sinavai momo reḡedia na heheto, eiava Siahu-idoinai Diravana ena guba-rahu reḡena na heto, eiava tuari oreana bada-hereana heloḡo-heloḡona na heto. E gini negadia ai, idia ese hanidia e hakapudia.
EZE 1:25 Bena kwaradia daediai e miava gubarta daena amo gado ta ema; idia e gini negadia ai na hanidia e hakapudia.
EZE 1:26 Hari kwaradia daediai e miava gubana daenai na ḡau ta, terono ta hetomana, ita-itana na sapairo na heto; bona hari terono hetomana ḡauna daenai na ḡau ta helaina ai na itaia, taunimanima oromana hetomana.
EZE 1:27 Bena ia koekoena hetomana ḡauna amo e dae e laova na itaia, e hekara auri labora-labora hururu-hururuna na heto, ita-itana na lahi hekou hegeḡena na heto; bona ia koekoena hetomana ḡauna amo e diho e laova na itaia, ita-itana na lahi na heto, bona diari badana ese e ḡeḡea dae.
EZE 1:28 Medu e dihomu dinana ai kevau na ori ai e hedinaraimu na heto, hari e haheḡeḡea dae diarina na unuheto. Iehova hairaina hetomana ita-itana na unuheto. Bena na itaia negana ai, lau na goru diho; bena gado ta na kamonai.
EZE 2:1 Bena ia ese e hamaorogu, eto, Taunimanima natuna e, a gini tore, bena baina hereva henimu.
EZE 2:2 Ia ese e hereva henigu negana ai, Lauma ese e rohegu bona e haginigu tore, bena ma na kamonai, e hereva henigu.
EZE 2:3 Ia ese e hamaorogu, eto, Taunimanima natuna e, Israel taudia dekedia na siaimumu, daḡedaḡe besena, lau e daḡedaḡe henigumu taudia, dekediai; idia bona tamadia ese vada e kara dika henigu ema bona hari ina dina ai.
EZE 2:4 Unu taunimanima danu asie matauraigumu, bona lalodia e ha-aukadiamu; dekedia na siaimumu, ba hamaorodia, baoto “Ḡaubada Iehova na ini e gwau tomamu”.
EZE 2:5 Bena bema kamonai eiava basiema kamonai (badina be idia na daḡedaḡe besena), to vada bae diba peroveta tauna ta na idia bogaragidiai vada ema.
EZE 2:6 Oi danu, taunimanima natuna e, idia garidia basio gari bona edia hereva basio garilaidia; ena be au ginigini bona ava ginigini na emu ai bona doadoa o helaidia taomu, to edia hereva garidia basio gari bona edia vaira-hua basio garilaia, badina be idia na daḡedaḡe besena.
EZE 2:7 Egu hereva ba hamaorolaidia, bena bae kamonai eiava kamonai basie ura; badina be idia na daḡedaḡe besena.
EZE 2:8 A taunimanima natuna e, na hamaorolaimumu herevana ba kamonai: oi na basio daḡedaḡe, una daḡedaḡe besena na heto; udumu a hagaia, aina henimu ḡauna bavania.
EZE 2:9 Bena na roha lao, ima ta na itaia, e hetoi roro henigu, bona lalonai na pepa mai revarevana helokuna ta.
EZE 2:10 Bena ia ese lau vairagu ai e hulalaia: pepa kahana kahana na mai revarevadia, unu kaha ruaosi ai herohe-ahu bona taitai bona lalo-hisihisi herevadia vada e hetore.
EZE 3:1 Bena ia ese e hamaorugu, eto, Taunimanima natuna e, na dudui henimu ḡauna na bavania; ina pepa helokuna bavania, bena baola, Israel taudia ba hereva henidia.
EZE 3:2 Taunabunai, lau ese udugu na hagaia; bena ia ese pepa na e henigu, baina ania.
EZE 3:3 E hamaorogu, eto, Taunimanima natuna e, ina na henimumu pepana bavania, bogamu ba hakunulaia. Bena na ania; udugu ai e gaiho, bada-ranuna na heto.
EZE 3:4 Bena ia ese e hamaorogu, eto, Taunimanima natuna e, Israel besena dekena baola, egu hereva na ba hamaorolaidia.
EZE 3:5 Badina be idau gado aukana ta taudia dekedia asina siaimumu, a Israel besena enai;
EZE 3:6 dia bese idau-idau momo, edia gado na i'idau bona a'auka besedia, ediai. Momokani, unuhetomadia ediai bama siaimu, idia ese bema kamonai henimu.
EZE 3:7 A Israel besena ese basine kamonai henimu, badina be idia na asie uramu lau bae kamonai henigu. Badina be Israel taudia iboudiai na vairadia e huamu bona lalodia e ha-aukamu.
EZE 3:8 A itaia, oi vairamu vada na ha-aukaia, idia edia vaira-auka davana; bona oi vairamu vada na hahuakaia, idia edia vaira-hua davana.
EZE 3:9 Vairamu vada na ha-aukaia, nadi-vasiga ena auka e hereaiamu nadina na heto; idia garidia basio gari bona edia vaira-hua basio garilaia, badina be idia na daḡedaḡe besena.
EZE 3:10 Ma e hamaorogu, eto, Taunimanima natuna e, na herevalai henimumu herevadia iboudiai na lalomu ai bavabi dae, bona taiamu amo ba hakala henidia.
EZE 3:11 Aola, dauhai e hanohodia taudia, emu bese taudia, dekediai, bena ba hamaorodia, baoto “Ḡaubada Iehova na ini e gwau tomamu”; bena bae kamonai eiava kamonai basie ura.
EZE 3:12 Bena Lauma ese e abigu isi; bona Iehova hairaina na gabuna amo e tore isi negana ai tano-laga badana reḡena na murigu kahana ai na kamonai;
EZE 3:13 una na mauri ḡaudia hanidia e hetomu heheni reḡedia bona idia badibadidiai e miava ava-keikeidia reḡedia, e hekara tano-laga reḡena na heto.
EZE 3:14 Lauma ese e abigu isi, dauha e laohaigu; laumagu siahuna iditana ai nala, badina be Iehova imana na auka, lau latagu ai.
EZE 3:15 Bena dauhai e hanohodia taudia dekediai na kau, Telabibi ai; idia na Kebara sinavaina isena ai e nohova. Bena unuseni ai na helai, idia bogaragidiai, laumagu na e daure ela bona dina hitu e ore.
EZE 3:16 Dina hitu e ore ai, Iehova ena hereva na egu ai e kau, eto,
EZE 3:17 Taunimanima natuna e, lau ese Israel besena igimana tauna ai vada na halaomu; lau udugu herevana ta ba kamonai negadia iboudiai na lau ladagu ai do ba sisiba henidia.
EZE 3:18 Kara dika tauna bama hamaoroa, bama toma “Oi na vada ba mase”, bena oi basioma sisiba henia, una kara dika tauna na ena dala dikana amo ihakau-sirina bona ena mauri irauana herevadia basioma sisibalai henia, una kara dika tauna na ena dika ai baine mase; a ia rarana davana na oi imamu amo baina gwauraia.
EZE 3:19 A kara dika tauna boma sisiba henia, bena ia na ena kara dika amo eiava ena dala dikana amo basine raka siri, ia na ena dika ai baine mase; a oi ese sibomu emu mauri do ba rauaia.
EZE 3:20 Ina danu, kara maoromaoro tauna ta na ena kara maoromaoIo amo bema raka siri, bena bema kara havara, bena lau ese hekwakwanai ḡauna ta ia vairanai bama atoa, ia na baine mase; oi ese to sisiba henia dainai ia na baine mase, ena kara dika bagunai, bona ena kara maoromaorodia, guna ia ese e kara ḡaudia, na basie lalodia tao; a ia rarana davana na oi imamu amo baina gwauraia.
EZE 3:21 Ḡau tamona, oi ese kara maoromaoro tauna boma sisiba henia basinema kara dika, bena basine kara dika, ia na do baine mauri, badina be sisiba herevana na e abia dae; bena oi ese sibomu emu mauri do ba rauaia.
EZE 3:22 Unuseni ai Iehova imana na lau latagu ai mia. Bena ia ese e hamaorogu, eto, A tore isi, ba raka lasi, taora baola; unuseni ai baina hereva henimu.
EZE 3:23 Taunabunai na tore isi, na raka lasi, taora nala; unuseni ai Iehova hairaina ginina ai na itaia, Kebara sinavaina isena ai na itaia hairaina heḡereḡerena. Bena na goru diho.
EZE 3:24 A Lauma ese e rohegu, bena ia ese e haginigu tore. Bena e hereva henigu, eto, Aola, sibomu emu ruma lalonai ba hekou ahu.
EZE 3:25 Taunimanima natuna e, a itaia, oi na varo amo bae ḡuimu, bena taunimanima dekediai basio raka lasi diba.
EZE 3:26 Bena lau ese malamu na udumu atai maona ai baina hakapea dae; taunabunai vada ba mu, bena basio gwau henidia diba; badina be idia na daḡedaḡe besena.
EZE 3:27 A baina hereva henimu negana ai, udumu do baina hahaḡaia, bena ba hereva henidia, baoto “Ḡaubada Iehova na ini e gwau tomamnu”. Kamonai e uramu tauna na baine kamonai; bona kamonai se uramu tauna na basine kamonai; badina be idia na daḡedaḡe besena.
EZE 4:1 Taunimanima natuna e, e tunua nadina ta bavabia, vairamu ai bavatoa diho; bena ia kopina ai Ierusalem hanuana laulauna ta ba torea:
EZE 4:2 ituari-henina ḡaudia bona ikoulaina maguna bona tano senudia bona taruha bona vaḡoma danu laulaudia ba tore.
EZE 4:3 Bena auri palaka-palakana ta bavabia, auri maḡuna ai bainela, oi bona hanua padamui ai; bena ba raraia tao, ikou-ahuna bona ituari-henina ba ha-aukaia. Ina na toa ta, Israel besena enai.
EZE 4:4 Bena ohemu laurina ai ba eno dere; bena lau ese Israel besena ena dika davana na oi latamu ai baina atoa; dina edehohodia ai ba eno dere na edia dika davadia latamu ai bae mia.
EZE 4:5 Badina be dina na gwaurai henimumu, dina sinahu-toi taurahanita-ahui, idia ese edia dika davadia bae abi laḡanidia heḡereḡeredia; nega unudaudauna na Israel besena ena dika davana latamu ai baine mia.
EZE 4:6 Unu dina ba haḡuḡurudia, bena nega iharuana ai ma ba eno dere, a ohemu idibana ai, bena Iuda iduhuna ena dika davana na latamu ai baine mia; dina hari-ahui na gwaurai henimumu, dina ta ta be laḡani ta a toadia.
EZE 4:7 Bena Ierusalem ikou-ahuna ba raraia tao, mai imamu ḡaḡaena Ia; bena hanua ihadikana ba perovetalaia.
EZE 4:8 A itaia, lau ese varo ai baina guimu, bena basio eno hegiro diba, ela bona emu hanua ikou-ahuna dinadia ba haguḡurudia.
EZE 4:9 Ina danu, oi ese uit, bali, bini, lentil, millet, bona rae na bavabidia, nau tamona ai ba udadia hebou, bena igabu ba kara. Bena ohemu ai ba eno dere dinadia hidaosi, dina sinahu-toi taurahanita-ahui lalodiai bavani.
EZE 4:10 Bavania anianina metauna ba hahetohoa, sekele ruahui dina ta lalonai; dina ta ai nega tamona mo bavaniani.
EZE 4:11 Ba inua ranuna danu ba hahetohoa, ranu hini ta ba karoaia, karoa tauratoi, bena karoa tamona ba inua; dina ta ai nega tamona mo ranu ba inu.
EZE 4:12 Bavania, bali atagana na heto, idia vairadiai ba gabua, taunimanima taḡedia kakorodia lahina latanai.
EZE 4:13 Bena Iehova na e tomu, Israel taudia adia aniani mirodia unu bae ani toma, ediai baina luludia lao besedia bogaragidiai.
EZE 4:14 Bena lau nato, Ḡaubada Iehova e, a itaia, lau na sibogu asina hahemiro; merogu negana amo ema bona hari ina nega sibona e mase kava ḡauna ta eiava uda boromadia ese e darea ḡauna ta asina ania, bona vamu bodagana taina na nega ta ai udugu ai se vareai.
EZE 4:15 Bena ia ese e hamaorogu, eto, A itaia, na gwau maoromu, amu ataga na taunimanima taḡena kakorona lahina latanai basio gabua, a boromakau taḡena kakorona lahina latanai ba gabua.
EZE 4:16 Ma e hamaorogu, eto, Taunimanima natuna e, a itaia, Ierusalem ai mauri anianina na baina abia oho; aniani metauna bae hahetohoa guna bena bae ania mai garidia ida; bona ranu na bae hahetohoa guna, bena bae inua mai kudou-hetahadia ida.
EZE 4:17 Unu baina kara toma, bena aniani ai bona ranu ai bae dabu, bae heroha heheni mai kudou-hetahadia ida, bona edia dika davadia daidiai taudia bae varoda.
EZE 5:1 Taunimanima natuna e, dare ganona ta bavabia, kwaramu inauna ḡauna ai ba halaoa, kwaramu ba naua bona aukimu huina bavabia; bena metau ihahetohona ḡauna bavabia, hui ba karoa, karoa toi.
EZE 5:2 Bena karoa toiosi amo karoa ta na lahi ai ba gabua, hanua bogaraginai, hanua idai-ahuna baine ore negana ai; ma karoa ta bavabia, dare amo ba tara utu-utu, hanua heḡeḡemadai ai; ma karoa ta na lai ai ba giḡia oda-oda; bena unu muridiai lau ese dare na pauana lalona amo baina veria lasi.
EZE 5:3 Bona unu amo danu hui haida bavabi, emu dabua gevena ai ba turidia.
EZE 5:4 Ma unu haida danu bavabi, lahi ai ba tahodia kau, ba gabudia; bena unu amo lahi ta baine lasi Israel besena idoinai enai.
EZE 5:5 Ḡaubada Iehova na ini e gwau tomamu: Ierusalem binai, bese idau-idau bogaragidiai vada na atoa, tano idau-idau ese e ḡeḡea daemu.
EZE 5:6 A ia ese bese idau-idau vada e hereadia egu hahedua herevadia iutudia ai, bona heḡeḡemadai tanodia vada e hereadia egu taravatu itata-utudia ai; egu hahedua herevadia vada e dadaraidia, bona egu taravatu daladia ai asie raka.
EZE 5:7 Taunabunai Ḡaubada Iehova na ini e gwau tomamu: Badina be umui ese e gegemui ahumu besedia na o hereadiamu, heloḡo ahuahu ai, bona egu taravatu daladia ai asio raka bona egu hahedua herevadia asio badinadia, a e gegemui ahumu besedia edia hahedua herevadia, vada o badinadia;
EZE 5:8 una dainai (Ḡaubada Iehova na ini e gwau tomamu) a itaia, lau ese na inai henimuimu, bona hahemaoro karadia baina kara umui bogaragimui ai, bese idau-idau vairadiai.
EZE 5:9 Bona emui kara dika-rohorohodia iboudiai daidiai lau ese nega gunana ta ai asina karaia bona nega gabena ta ai basina karaia lou karana ta baina kara henimui.
EZE 5:10 Taunabunai, umui bogaragimui ai tama ese natudia bae anidia, bona memero ese tamadia bae anidia; bona lau ese baina hahemaoro henimui, bona hahidaosi ba roho mauri na lai kahadia iboudiai baina gigimui rohoroho.
EZE 5:11 Ḡaubada Iehova na e tomu, Taunabunai na maurimu heḡereḡerena, umui ese egu gabu helaḡana na emui ḡau dika-hereadia bona emui kara dikarohorohodia amo vada o hamiroa dainai, momokani lau ese baina negemui daure; basina hageremui bona basina bogamui hisi.
EZE 5:12 Emui orea lalona amo kaha ta be dai-hanai gorerena amo bae mase bona doe amo bae ore bogaragimui ai; ma kaha ta na dare amo bae mase emui orea hegegemadai ai; ma kaha ihatoina na lau ese lai kahadia iboudiai baina ḡiḡidia rohoroho; bona idia muridiai dare na pauana amo baina veria lasi.
EZE 5:13 Unu amo egu badu baine ore; egu badu ḡaraḡarana amo baina kara henidia ela bona lalogu baine keru. Bena idia na bae diba lau Iehova na egu vageḡe ai vada na hereva, egu badu garagarana na latadiai baina ha-orea negana ai.
EZE 5:14 Ina danu: lau ese baina hadoemui, bona hesivarai ḡauna ai baina halaomui, e ḡeḡemui ahumu besedia bogaragidiai bona raka-hanai taudia iboudiai vairadiai.
EZE 5:15 Umui na hesivarai bona heḡonaḡonalai bona sisiba bona hahegari ḡauna ai baola, e ḡeḡemui ahumu besedia ediai, lau ese baina hahemaoro henimui mai badugu bona mai lalo-siahugu bona mai hedadaba aukadia ida negana ai. Lau Iehova vada na hereva.
EZE 5:16 Una negana ai egu doe dibadia amo baina tarakimui mamase, hahebua-tari dibadia, umui ihabua-tarimui totona baina kinodia; doe na baina habadaia loulou emui ai, emui mauri anianina na baina abia oho.
EZE 5:17 Lau ese doe bona uda boromadia baina siaidia vasi, umui ihadikamui totona; idia ese natumui na emui amo bae dadidia oho; dai-hanai gorerena bona rara ese bae daemui, bena dare na latamui ai baina siaia. Lau Iehova vada na hereva.
EZE 6:1 Iehova ena hereva na egu ai e kau, eto
EZE 6:2 Taunimanima natuna e, Israel ororodia ba raraidia tao, latadiai ba peroveta,
EZE 6:3 baoto, Israel ororodia e, Ḡaubada Iehova ena hereva a kamonai! Ḡaubada Iehova ese ororo badadia bona maraḡidia, koura dobudobudia bona koura-koura na ini e gwau henidia tomamu: A itaia, lau ese dare na latamui ai baina hadihoa, bona emui atai gabudia helaḡadia baina habuadia tari.
EZE 6:4 Emui ihaboulaina patadia bae vahu, emui muramura mai bonadia patadia bae heḡiḡi dobi, emui mase taudia na emui kaivakuku vairadiai baina tahodia dobi.
EZE 6:5 Israel taudia na masedia ai baina hahekidadia diho, edia kaivakuku vairadiai; bona turiamui baina ḡiḡidia rohoroho, emui ihaboulaina patadia hegegemadai ai.
EZE 6:6 Emui noho gabudia iboudiai lalodiai emui hanua bae vahu bona emui atai gabudia helaḡadia bae heḡiḡi dobi; emui ih-aboulaina paladia bae vahu bona bae heḡiḡi dobi; emui kaivakuku bae makohi bona bae hebua tari; emui muramura mai bonadia patadia bae heḡiḡi dobi bona emui ḡaukara anidia bae boio.
EZE 6:7 E aladiamu taudia na bogaragimui ai bae hekida diho; bena ba diba lau na Iehova.
EZE 6:8 A umui haida na maurimui ai baina rakatanimui. Dare amo bae roho mauri taudia haida na bese idau-idau bogaragidiai bae noho, bona tano idau-idau ai ba karoho rohoroho negana ai,
EZE 6:9 umui roho-mauri taumui hahidaosi ese lau ba lalogu tao, iguimui ai bae laohaimui besedia bogaragidiai. Bona mai lebulebudia ida vada e rakatanigu taudia na lalodia baina gugubadia, bona mai lebulebudia ida edia kaivakuku e gavadiamu taudia na matadia baina hakepuludia negana ai, idia na sibodia bae hedadarai, edia kara havara bona edia kara dika-rohorohodia iboudiai daidiai.
EZE 6:10 Bena idia na bae diba lau na Iehova; ini baina karadia toma nato negana ai na asina hereva kava.
EZE 6:11 Ḡaubada Iehova na ini e gwau tomamu: Imamui ba pata bona aemui ba pana dagu, baoto, Madi ihabaida! Israel besena ena kara dika-rohorohodia iboudiai daidiai; badina be dare bona doe bona dai-hanai gorerena amo bae mase.
EZE 6:12 Gabu daudau ai e nohomu tauna na dai-hanai gorerena amo baine mase; bona gabu kahikahina ai e nohomu tauna na dare amo baine mase; bona do noho maurina tauna na doe amo baine mase. Unuhetomana egu badu-ḡaraḡara baina ha-orea idia latadiai.
EZE 6:13 Bena edia mase taudia na edia kaivakuku bogaragidiai bae hekida diho, edia ihaboulaina patadia hegeḡemadai ai, bona ororo latalatadia iboudiai latadiai, bona ororo badadia iboudiai doridia ai, bona au mauridia iboudiai bona oak audia urumo-urumodia iboudiai henudiai, muramura mai bonadia edia kaivakuku e gabu henidia gabudia iboudiai lalodiai; una negana ai ba diba, lau na Iehova.
EZE 6:14 Lau ese imagu baina toia roro, idia ihadikadia totona, tano baina habuaia tari bona baina havahua, edia noho gabudia iboudiai lalodiai, tano ḡaḡaena amo ela bona Ribla. Bena bae diba lau na Iehova.
EZE 7:1 Iehova ena hereva na egu ai e kau, eto,
EZE 7:2 Taunimanima natuna e, Ḡaubada Iehova ese Israel tanona na ini e hamaorolaia tomamu: Dokona binai! Dokona vada e kau, tano daigunina haniosi latadiai.
EZE 7:3 Harihari dokona na oi latamu ai vada e kau, egu badu na oiemu ai baina hulalaia, bona emu kara heḡereḡeredia ai baina hahemaoro henimu, emu kara dika-rohorohodia iboudiai davadia do baina henimu.
EZE 7:4 Lau ese basina hageremu bona basina bogamu hisi; a emu kara davadia baina henimu, emu kara dika-rohorohodia na doini bogaragimu ai mimia negana ai. Bena ba diba, lau na Iehova.
EZE 7:5 Ḡaubada Iehova na ini e gwau tomamu: Dikadika ta murinai na dikadika ma ta! A itaia, ia na vada e maimu.
EZE 7:6 Dokona vada e kau, dokona korikori vada e kau; anina na emu ai vada hedinarai. A itaia, ia na e maimu!
EZE 7:7 Tano inoholaina taumu e, emu ai baine kau ḡauna vada e kau; negana vada eme kau; heloḡo-ahuahu dinana vada eme kahikahi, dia moale lolodia dinana ororo latadiai.
EZE 7:8 Asi vanahana egu badu ḡaraḡara na latamu ai baina bubua, egu badu na emu ai baina ha-orea, bona emu kara heḡereḡeredia ai baina hahemaoro henimu; bena emu kara dika-rohorohodia iboudiai davadia baina henimu.
EZE 7:9 Basina hageremu bona basina bogamu hisi; emu kara davadia baina henimu, emu kara dika-rohorohodia na doini bogaragimu ai mimia negana ai. Bena ba diba, lau na Iehova, herahu-mase Diravana.
EZE 7:10 A itaia, dinana binai! A itaia, ia na e maimu! Emu ai baine kau ḡauna na vada e kau; kara gageva-gageva vada e papa, hekokoroku vada e gara kau;
EZE 7:11 daḡedaḡe vada e tubu, kara dika vada e tubu kau. Idia ta basine noho; edia kohu-momo bona edia taḡa basie mia; bona idia bogaragidiai ta basine herea.
EZE 7:12 Negana vada e kau, dinana vada eme kahikahi. E hoihoimu tauna basine moale, bona kohu e hoihoilaimu tauna lalona basine hisihisi, badina be badu ḡaraḡara na edia-hotuhotu iboudiai latadiai.
EZE 7:13 Badina be kohu e hoihoilaimu tauna ese e hoilaia kohuna basine lou henia, edia mauri dinadia iboudiai. Badina be badu ḡaraḡara na edia hotuhotu iboudiai latadiai, bona basine heabi oho. Ena kara havara dainai tau ta ese sibona ena mauri basine rauaia diba.
EZE 7:14 Kibi vada e hiriria, ḡau iboudiai vada e hegaegaelai; a ta na tuari se laomu, badina be egu badu na edia hotuhotu iboudiai latadiai.
EZE 7:15 Murimuri ai na dare; laloma ai na dai-hanai gorerena bona doe. Tano paka ai e nohomu tauna na dare ai e masemu; hanua ai e nohomu tauna na doe bona dai-hanai gorerena ese e hamaseamu.
EZE 7:16 Haida bema roho mauri, idia na ororo ai bema noho, koura punedia na heheto; iboudiai na bae ḡanaḡana, ta ta ena kara havara ena kara havara daidiai.
EZE 7:17 Ima iboudiai na e mamanomu; tui iboudiai na e heroḡe-herogemu, ranu na heto.
EZE 7:18 Puse dabuadia e riomu, gari ese e hahonudiamu; iboudiai vairadia e hemaraimu, iboudiai kwaradia e naudiamu.
EZE 7:19 Edia silver na ariara ai e negeamu, bona edia gold na ḡau mirona na heto. Iehova ena badu-ḡaraḡara dinana ai, edia silver bona edia gold ese basie hamauridia diba; edia hitolo basie ha-orelai diba, bona bogadia basie hakunulai diba. Badina be una na ihahekwakwanailaidia ḡauna edia kara havara ai.
EZE 7:20 Edia herahera mai hairaidia e heagilai, bona edia kaivakuku dika-rohorohodia bona edia ḡau dika-hereadia na unu amo e karadia; taunabunai lau ese ḡau mirona ai baina halaoa idia ediai.
EZE 7:21 Lau ese idau taudia imadia ai baina atoa, idia damudia ai bainela, bona tanobada ena taunimanima dikadia baina henidia, idia dinadia ai bainela; bena idia ese bae hamiroa.
EZE 7:22 Bena idia edia amo baina mede daudau, egu gabu ḡoeva-daena na bae hamiroa totona; dadidadi taudia ese ia lalonai bae raka vareai, bae hamiroa,
EZE 7:23 bona bae havahua. Badina be tano na rara-hebubu kara dikadia ai e honumu, bona hanua na ala-ala ai e honumu.
EZE 7:24 Bese dika-hereadia baina mailaidia, edia ruma bae ḡaunaidia; edia goada, e heaḡilaiamu ḡauna, baina ha-orea; edia gabu helaḡadia bae hamirodia.
EZE 7:25 Lalo-hisihisi bada baine kau negana ai, idia ese maino bae tahua, to basie davaria.
EZE 7:26 Dikadika na dikadika latanai e kaumu; hari lahulahuna ta na hari lahulahuna ta murinai e maimu. Mata-hanai na peroveta tauna enai e tahuamu; a taratvatu na hahelaḡa tauna enai e boiomu, bona hahealo na hanua tau-badadia ediai e oremu.
EZE 7:27 Hanua pavapavana e taitaimu; hanua lohiana darana e dokomu; bona tano taudia imadia na e hedabarai, gari dainai. Idia edia kara heḡereḡerena ai baina kara henidia, bona idia edia hanemaoro herevadia heḡereḡeredia ai baina hahemaoro henidia; bena bae diba, lau na Iehova.
EZE 8:1 Laḡani ihatauratoina huana ihatauratoina dinana iha-imana lalonai, lau ese egu ruma ai na helaiva; bena Iuda tau-badadia na lau vairagu ai e helaiva ai na Ḡaubada Iehova ese imana na lau latagu ai e atoa kau.
EZE 8:2 Bena na roha isi, ḡau ta na itaia, ita-itana taunimanima na heto; ia koekoena hetomana ḡauna henunai na lahi, bona koekoena daenai na diari-diari hetomana, auri laboralabora hurwu-hururuna na heto.
EZE 8:3 Ima hetomana ḡauna ta e toia lasi, doboraḡigu ai e abigu; bena Lauma ese e abigu isi, tanobada bona guba padadiai, bena Dirava imata-hanailaina ai Ierusalem e laohaigu, ela bona laloma maguna ikoukouna raka-vareaina, mirigini kahana e vaira henia ḡauna; unuseni ai vaḡeḡe kaivakukuna, vaḡeḡe e havaraiamu ḡauna, ena gini gabuna e miava.
EZE 8:4 Na itaia danu, Israel Diravana hairaina na unuseni ai, taora ai mata-hanai ai na itaia heḡereḡerena.
EZE 8:5 Bena ia ese e hamaorogu, eto, Taunimanima natuna e, a gaga isi, mirigini kahana ba roha henia. Bena na gaga isi, mirigini kahana na roha henia, na itaia, ihaboulaina patana ikoukouna mirigini kahana ai, raka-vareaina ai, hari vaḡeḡe kaivakukuna na mia.
EZE 8:6 Bena ia ese ma e hamaorogu, eto, Taunimanima natuna e, idia na ede e kara tomamu o itaiamu a? Kara dika-rohoroho bada-hereadia, Israel besena ese egu gabu helaḡana amo bae lulugu oho helaoreana ai e karamu ḡaudia, o itadiamu a? A kara dikarohorohodia haida, ini kara e hereadiamu ḡaudia, na do ba itadia.
EZE 8:7 Bena ma e laohaigu, maḡu ikoukouna badibadinai, bena na gaga isi, mauru ta magu ai na itaia.
EZE 8:8 Bena ia ese e hamaorogu, eto, Taunimanima natuna e, maḡu ba hamaurua. Magu na hamaurua, bena iduara ta na itaia.
EZE 8:9 Bena ia ese e hamaorogu, eto, A raka vareai, kara dika-rohoroho badahereadia unuseni ai e karamu na ba itadia.
EZE 8:10 Bena na raka vareai, na roharoha; unuseni ai e raumu ḡaudia idau-idau bona boroma dika-rohoroho-lia bona Israel taudia edia kaivakuku iboudiai laulaudia na haba ai vada e tore.
EZE 8:11 Unu laulau vairadiai Israel tau-badadia hitu-ahui e gini, bona Iaasania Safana na bogaragidiai e gini. Idia ta ta mai edia gida keberedia imadia ai, bona muramura mai bonana, e gabua ḡauna, kwalahuna e daeva, ori na heto.
EZE 8:12 Bena ia ese e hamaorogu, eto, Taunimanima natuna e, Israel tau-badadia na dibura ai ede e kara tomamu, ta ta ena laulau daiutuna ena laulau daiutuna lalodiai, vada o itaia a? Badina be idia na e tomu “Iehova ese se itadamu; Iehova ese tano vada e rakatania”.
EZE 8:13 Ia ese ma e hamaorogu, eto, Kara dika-rohorohodia haida, ini kara e hereadiamu ḡaudia, idia ese e karamu na do ba itadia.
EZE 8:14 Bena ia ese Iehova ena dubu mirigini kahana ikoukouna raka-vareaina e laohaigu; unuseni ai hahine haida na itadia, e helaiva, Tamusu taina e taiva.
EZE 8:15 Bena ia ese e hamaorogu, eto, Taunimanima natuna e, ina na vada o itaia a? Kara dika-rohorohodia haida, ini kara e hereadiamu ḡaudia, na do ba itadia.
EZE 8:16 Bena ia ese Iehova ena dubu ena laloma maḡuna lalonai e laohaigu. Iehova ena dubu helaḡana vairanai, dehe toi-lasi rumana bona ihaboulaina patana padadiai, taunimanima ruahui-ima sisivana e gini; Iehova ena dubu helaḡana e muri henia bona mairiveina kahana e vaira henia, dina e toma henia dihova mairiveina italaina ai.
EZE 8:17 Bena ia ese e hamaorogu, eto Taunimanima natuna e, ina na vada o itaia a? Iuda besena taudia ese hari kara dika-rohorohodia iniseni ai e karamu na ḡau pipikina a, una dainai idia ese tano na daḡedaḡe amo e hahonuamu, bona e habadugu hereamu? A itaia, idia ese ududia mukurodia e kara.
EZE 8:18 Taunabunai, lau ese badu ḡaraḡara karadia baina kara; basina haḡeredia bona basina bogadia hisi; ena be taiagu ai bae tai mai gao badadia ida, to basina kamonai henidia.
EZE 9:1 Bena ia ese taiagu ai e lolo, mai gao badana ida, eto, Hanua ihabua-tarina taumui e, a raka kahira, ta ta mai emui ala-ala ḡaudia imamui ai.
EZE 9:2 Bena na itaia, tatau tauratoi na atai ikoukouna, mirigini kahana e vaira heniamu ḡauna, kahana amo ema, ta ta mai edia ala-ala ḡaudia imadia ai. Ma tau ta danu idia ida ema; ia na dabua aukana e hahedokilaia, toretore ḡaudia vainana danu e daharaia. Bena idia na e raka vareai, ihaboulaina patana, auri labora-labora ḡauna, badibadinai e gini.
EZE 9:3 Una negana ai Israel Diravana hairaina na kerubi daedia, vaia e miava gabuna, amo e dae, dubu raka-vareaina e lao henia; bena ia ese hari dabua aukana e hahedokilaia bona toretore ḡaudia vainana e daharaia tauna na e boi henia.
EZE 9:4 Iehova ese e hamaoroa, eto, Ierusalem hanuana ba rakaia hanai, kara dika-rohorohodia iboudiai, hanua lalonai e karamu, na e taitailaidiamu bona e ḡanaḡanalaidiamu taudia bagudia ai toa ba kara.
EZE 9:5 Bena na kamonai, ia ese unu haida e hamaorodia, eto, Ia murinai hanua ba rakaia hanai, bavala-ala; basio haḡeredia bona basio bogadia hisi;
EZE 9:6 iahu bavaladia mase, bona uhau, ulato, memero, kekeni, bona hahine danu; a baguna mai toana tauna ta basio daua toho. Egu gabu helaḡana amo ba matamaia. Taunabunai idia ese unu hanua tau-badadia dubu vairanai nohodia ediai e matamaia.
EZE 9:7 Bena ia ese ma e hamaorodia, eto, Dubu ba hamiroa, bona maḡudia na mase tau-anidia amo ba hahonudia. A raka lasi! Taunabunai, idia na e raka lasi, hanua na e daea.
EZE 9:8 Idia e daea negana ai, lau na sibogu na nohova, bena na goru diho, na tai, nato, Ḡaubada Iehova e, emu badu ḡaraḡara Ierusalem latanai iseina ai na Israel orena idoinai ba habuadia tari a?
EZE 9:9 Bena ia ese e hamaorogu, eto, Israel bona Iuda besedia edia kerere na bada herea; tano na rara ai e honumu, bona hanua na hahemaoro karadia gageva-gagevadia ai e honumu. Badina be idia na e tomu “Iehova ese tano vada e rakatania; Iehova na se heitamu”.
EZE 9:10 A lau be basina haḡeredia bona basina bogadia hisi, a edia kara heḡereḡeredia ai na tubuadia ai baina kara.
EZE 9:11 Bena hari dabua aukana e hahedokilaia bona toretore ḡaudia vainana e daharaia tauna ese hereva ma e loulaia, eto, O haḡanilaigu heḡereḡerena ai vada na karaia.
EZE 10:1 Bena na roha lao, na itaia, kerubi daediai, unu kerubi daedia gubana ai, ḡau ta e hedinarai, sapairo nadina na heto, oromana na terono ta hetomana.
EZE 10:2 Bena ia ese hari dabua aukana e hahedokilaia tauna e hamaoroa, eto, Hari e hegiro-hegiromu ava-keikeidia bogaragidiai baola, kerubi henudiai, imamu ruaosi na gida hururu-hururudia amo ba hahonudia, kerubi bogaragidiai; bena hanua latanai ba petadia rohoroho. Bena ia na lau vairagu ai e raka vareai.
EZE 10:3 Hari kerubi na dubu diho kahana ai e giniva, una tau e raka vareai negana ai; bona ori ta ese laloma maḡuna e hahonuava.
EZE 10:4 Bena Iehova hairaina na kerubi edia amo e dae lao, dubu raka-vareaina e lao henia; ori ese dubu e hahonua, bona Iehova hauaina diaridiarina ese maḡu e hahonua.
EZE 10:5 Kerubi hanidia hudia na murimuri maḡuna ai e kamonai; unu hu na Siahu-idoinai Diravana gadona, e herevamu negadia ai, na heto.
EZE 10:6 Bena ia ese hari dabua aukana e hahedokilaia tauna e hagania eto “Lahi na e hegiro-hegiromu ava-keikeidia padadia amo bavabia, kerubi bogaragidiai” negana ai, ia na ela, ava-keikei ta badibadinai e gini.
EZE 10:7 Bena kerubi ta ese imana e toia roro, hari kerubi bogaragidiai e arava lahina amo gida e abi, una dabua aukana e hahedokilaia tauna imana ai e ato; bena una tau ese e abi, e raka lasi.
EZE 10:8 Hari kerubi hanidia henudiai na ḡau ta, ita-itana na taunimanima imana hetomana.
EZE 10:9 Bena na roha lao, ava-keikei hani na itadia unu kerubi badibadidiai; ava-keikei ta ta kerubi ta ta badibadidiai. Hari ava-keikei ita-itadia na krusolito nadidia kiama-hamadia na heheto.
EZE 10:10 Haniosi ita-itadia na heḡereḡere; oromadia na tamona, ava-keikei ta ava-keikei ta lalonai na heto.
EZE 10:11 E hekei laova negana ai, ena be asie hegiro to kaha haniosi ilao-henidia mai dibadia, a edena kaha ai vaira ava-keikeina ese e vaira henia, murina kahana ḡaudia na ia murinai ela, bona laodia ai asie hegiro.
EZE 10:12 Isedia auridia kuborodia bona ito'o-tao auridia bona ava-keikei na mata ai e honu, kerubi hahaniosi ava-keikeidia bunu.
EZE 10:13 Na kamonai, unu ava-keikei na e gwauraidia “E hegiro-hegiromu ava-keikeidia”.
EZE 10:14 Idia ta ta vairadia na hani: vaira gini-gunana na kerubi vairana; vaira iharuana na tau vairana; vaira ihatoina na leona vairana, bona vaira ihahanina na ugava vairana.
EZE 10:15 Hari kerubi na e dae ela; idia na unu mauri ḡaudia, Kebara sinavaina isena ai na itadia ḡaudia.
EZE 10:16 Bena kerubi e laova negadia ai na hari ava-keikei danu idia badibadidiai e laova; bena kerubi ese hanidia e idi roro, tano amo bae roho isi totona, negadia ai, hari ava-keikei na idia badibadidia amo asie hekei oho.
EZE 10:17 Idia na e gini negadia ai, unu danu e gini; bona idia na e dae negadia ai, unu danu e dae; badina be unu mauri ḡaudia laumadia na idia lalodiai.
EZE 10:18 Bena Iehova hairaina na dubu raka-vareaina amo e raka lasi, kerubi daediai e miava.
EZE 10:19 Bena kerubi ese hanidia e idi roro bona raka lasidia ai tanobada amo e dae ela, lau vairagu ai; bona ava-keikeidia na idia badibadidiai. Bena idia na Iehova ena dubu mairiveina kahana ikoukouna iduarana enai e gini; bona Israel Diravana hairaina na idia daediai.
EZE 10:20 Unu mauri ḡaudia Israel Diravana henunai na itadia ḡaudia, Kebara sinavaina isena ai; bena na diba idia na kerubi.
EZE 10:21 Idia ta ta vairadia na hani hani amo, bona hanidia danu na hani hani amo, bona hanidia henudiai na ḡau haida, ita-itadia na taunimanima imadia hetomadia.
EZE 10:22 Vairadia ita-itadia na Kebara sinavaina isena ai na itadia ḡaudia vairadia ita-itadia heḡereḡeredia. Idia na ta ta e lao vaira.
EZE 11:1 Bena Lauma ese e haheabigu isi, Iehova ena dubu mairiveina kahana ikoukouna, mairiveina kahana e vaira henia ḡauna, e laohaigu. Hari ikoukou iduarana ai tatau ruahui-ima na itadia, bona idia bogaragidiai laasania Asuru bona Pelatia Benaia, bese lohiadia, na itadia.
EZE 11:2 Bena ia ese e hamaorogu, eto, Taunimanima natuna e, kara havara e lalo hatamu, bena hahealo herevadia dikadia ina hanua lalonai taunimanima e hamaorolaidiamu taudia bini.
EZE 11:3 Idia na e tomu, Ruma ihaginidia negana na do se kahikahi; ina hanua na vamu inadulaina urona, bona vamu na ita.
EZE 11:4 Taunabunai, idia latadiai ba peroveta; taunimanimanatuna e, ba peroveta.
EZE 11:5 Bena Iehova ena Lauma ese e rohegu; bena ia ese e hamaorogu, eto, A hereva, agowa, Iehova ini e gwau tomamu: Israel besena e, umui na ene o laloa tomamu; badina be lalo-hadai dahaka dahaka lalomui ai e varamu na dibagu.
EZE 11:6 Emui mase taudia vada o hahutumadia ina hanua ai, bona ariarana na vada e aladia taudia ai vada o hahonudia.
EZE 11:7 Taunabunai, Ḡaubada Iehova na ini e gwau tomamu: Emui mase taudia, hanua bogaraginai vada o atodia, idia na vamu, bona ina hanua na inadulaidia urona; a umui na bogaragina amo bae hakaumui lasi.
EZE 11:8 Ḡaubada Iehova na e tomu, Dare garina vada o gari; bena lau ese dare na latamui ai baine mailaia.
EZE 11:9 Ia bogaragina amo baina hakaumui lasi, bona idau taudia imadia ai baina atomui, bona hahemaoro karadia baina kara henimui.
EZE 11:10 Dare ese baine alamui, bona lau ese Israel tanona hetoana ai baina hahemaoro henimui; bena ba diba lau na Iehova.
EZE 11:11 Ina hanua na emui uro ai basinela, bona umui na vamu ai basiola ia lalonai. Israel tanona hetoana ai baina hahemaoro henimui,
EZE 11:12 bena ba diba lau na Iehova; badina be egu taravatu daladia ai asio raka, bona egu hahedua herevadia asio badinadia, a e ḡeḡemui dae besedia edia hahedua herevadia heḡereḡeredia ai vada o kara.
EZE 11:13 Bena lau na perovetava lalonai Pelatia Benaia e mase. Bena na goru diho, na lolo badabada, nato, Ḡaubada Iehova e, Israel kwabukwabudia ba ha-oredia vaitani a?
EZE 11:14 Iehova ena hereva na egu ai e kau, eto:
EZE 11:15 Taunimanima natuna e, tadikakamu, tadikakamu korikori, oi ida gabu daudau ai vada e hanohodia taudia, Israel besena idoinai, ena taunimanima iboudiai, na Ierusalem inoholaina taudia ese vada e herevalaidia, eto, Idia ese Iehova vada e rakatania, dauha vada ela; ina tano na ita vada e henida, baita ḡaunaia totona.
EZE 11:16 Taunabunai oi na baoto, Ḡaubada Iehova na ini e gwau tomamu: Ena be dauha na laohaidia, bese idau-idau bogaragidiai, ena be tano idau-idau lalodiai na hakarohodia rohoroho, to vada ela tanodia lalodiai lau na edia gabu helaḡana ina nega hekada hanai.
EZE 11:17 Taunabunai baoto, Ḡaubada Iehova na ini e gwau tomamu: Bese idau-idau bogaragidia, amo baina hahegogomui, bona tano idau-idau, lalodiai vada e hakarohomui tanodia, amo baina haheboumui, Israel tanona na baina henimui.
EZE 11:18 Bena unu baela negana ai, idia ese ḡau dika-hereadia iboudiai bona ena kara dika-rohorohodia iboudiai na iena amo bae abidia oho.
EZE 11:19 Bena lalodia na baina hatamonadia, bona lauma matamatana na idia lalodiai baina atoa; lalo-auka na idia lalodia amo baina abia oho, Ialo-manada baina henidia.
EZE 11:20 Bena egu taravatu daladia ai bae raka bona egu hahedua herevadia bae badinadia bona karadia bae kara, idia na lauegu bese taudia ai baela, bona lau na edia Dirava ai bainala.
EZE 11:21 A lalodia ese edia ḡau dika-hereadia bona edia kara dika-rohorohodia e ura henidiamu taudia be lau ese edia kara davadia na tubuadia ai baina haloudia. Ḡaubada Iehova na e herevamu.
EZE 11:22 Bena kerubi ese hanidia e idi roro, mai ava-keikeidia idia badibadidiai, bona Israel Diravana hairaina na idia daediai.
EZE 11:23 Bena Iehova hairaina na hanua bogaragina amo e dae, hanua mairiveina kahana ororona ai e miava.
EZE 11:24 Bena Lauma ese e haheabigu isi, bona Dirava ena Lauma mata-hanaina lalonai Kaldea e laohaigu, unuseni ai vada e hanohodia taudia dekediai. Bena hari mata-hanai, na itaia ḡauna, ese e rakatanigu.
EZE 11:25 Bena Iehova ese vada e haheitalaigu ḡaudia iboudiai na lau ese unuseni ai vada e hanohodia taudia na hamaorolaidia.
EZE 12:1 Iehova ena hereva na egu ai e kau, eto:
EZE 12:2 Taunimanima natuna e, oi ese gwau-edeede besena bogaraginai o nohomu. Idia na mai matadia, ḡau bema ita, to ḡau ta asie itaiamu, bona mai taiadia, hereva bema kamonai, to hereva ta asie kamonaimu;
EZE 12:3 badina be idia na gwauedeede besena. Taunabunai, taunimanima natuna e, dauhai bae hanohoa tauna ena laolao kohuna heḡereḡerena ai bavabia heḡaeḡae, bena dina ai dauhai bae hanohoa tauna heḡereḡerena ai ba raka lasi idia vairadiai; dauhai bae hanohoa launa na heto emu gabu amo baola, ela bona ma gabu ta, idia vairadiai. Ena be idia na gwau-edeede besena, to readia lalodia bae parara.
EZE 12:4 Dina ai emu laolao kohuna ba lasilaia idia vairadiai, dauhai bae hanohoa tauna ena laolao kohuna na heto, bona adorahi ai idia vairadiai ba raka lasi, dauhai bae hanohodia taudia na heheto.
EZE 12:5 Idia vairadiai ruma habana ba hamaurua, bona mauruna amo ba rau lasi.
EZE 12:6 Idia vairadiai laolao kohuna na bavabia isi paḡamu ai, bena dibura ai ba huaia lasi; vairamu ba ḡovaia, tano basio itaia helaoreana; badina be lau ese toa ta ai vada na halaomu, Israel besena enai.
EZE 12:7 Bena e haḡanigu heḡereḡerena ai na karaia. Dina ai egu laolao kohuna na lasilaia, dauhai bae hanohoa tauna ena kohu na heto; bona adorahi ai lau sibogu imagu amo ruma habana na hamaurua, dibura ai na rau lasi, egu laolao kohuna na paḡagu ai na huaia lao, idia vairadiai.
EZE 12:8 Daba ai Iehova ena hereva na egu ai e kau, eto:
EZE 12:9 Taunimanima natuna e, Israel besena, gwau-edeede besena, e nanadaimu, eto “Dahaka o karamu?”, ani?
EZE 12:10 Ba hamaorodia, baoto, Ḡaubada Iehova na ini e gwau tomamu: Ina hereva Inetauna na Ierusalem lohiana dainai, bona Israel besena taudia ia lalonai e nohomu iboudiai daidiai.
EZE 12:11 Ma baoto, Lau na toa ta emui ai; lau vada na karaia heḡereḡerena ai, unu bae kara henidia toma; idia na dauhai bae hanohodia mai iḡuidia ida.
EZE 12:12 Bena lohia tauna idia bogaragidiai ese ena laolao kohuna na pagana ai baine abia isi, dibura lalonai, bena baine huaia lao. Ia ese ruma habana baine hamaurua, bena mauruna amo baine rau lasi; ia ese vairana baine ḡovaia, ia matana amo tano basine itaia helaoreana.
EZE 12:13 Egu huo baina otoa ia iabina, bona egu idoa ai baina idoaia; Babulono, Kaldea tanona ai, baina laohaia; ḡau tamona, ia ese basine itaia, ia na unuseni ai baine mase.
EZE 12:14 Ia bamona iboudiai, iduruna taudia bona ena tuari taudia iboudiai, na lau ese baina hakarohodia, lai kahadia iboudiai baela; bona dare na iudalaina ḡauna amo baina veria lasi, idia muridia amo.
EZE 12:15 Bena bese idau-idau bogaragidiai baina luludia lao, bona tano idau-idau lalodiai baina hakarohodia negana ai, idia na bae diba, lau na Iehova.
EZE 12:16 A idia kwabukwabudia haida na dare bona dai-hanai gorerena bona doe amo baina harohodia mauri, bena bae lao heni besedia bogaragidiai edia kara dikarohorohodia iboudiai na bae gwaurai hedinarai, bona bae diba lau na Iehova.
EZE 12:17 Iehova ena hereva na egu ai ma e kau, eto:
EZE 12:18 Taunimanima natuna e, amu bavania mai kudou-hetahamu ida, bona ranu ba inua mai heudeheudemu bona mai garimu ida,
EZE 12:19 bona tano taudia na ba hamaorodia, baoto, Ḡaubada Iehova ese Ierusalem inoholaina taudia Israel tanona lalonai na ini e herevalaidia tomamu: Adia bae ani mai garidia ida, bona ranu bae inu mai kudou-hetahadia ida, badina be edia tano anina idoinai baine heabi oho vaitani, e noholaiamu taudia iboudiai edia daḡedaḡe dainai.
EZE 12:20 E noholaidiamu hanuadia na bae vahu, bona tano na tano ḡaḡaena ai baine hahelao; bena ba diba, lau na Iehova.
EZE 12:21 Bena Iehova ena hereva na egu ai e kau, eto:
EZE 12:22 Taunimanima natuna e, emui hereva lada-isina be dahaka? Israel tanona o herevalaiamu, o tomu “Nega na e daudaumu bona mata-hanai iboudiai anidia asie varamu”, ani?
EZE 12:23 Taunabunai ba hamaorodia, baoto, Ḡaubada Iehova na ini e gwau tomamu: Ina hereva lada-isina na baina hadokoa; basie gwauraia lou Israel ai. A ba hamaorodia, baoto, Nega na vada e kahikahi, mata-hanai iboudiai anidia ihaḡuḡurudia danu vada e kahikahi.
EZE 12:24 Badina be mata-hanai koikoidia bona bagu-haoro koikoidia na bae doko, Israel besena ai.
EZE 12:25 A lau Iehova ese baina gwauraia herevana vada baina gwauraia, bona karana baina karaia. Basine halahe, a oiemu nega ai, gwau-edeede besena e, hereva baina gwauraia bona karana baina karaia. Ḡaubada Iehova na e herevamu.
EZE 12:26 Iehova ena hereva na egu ai ma e kau, eto:
EZE 12:27 Taunimanima natuna e, a itaia, Israel besena taudia na e tomu “Ena mata-hanai na dina momo vairai ḡauna, bona ena peroveta herevadia na nega daudau bainela herevadia”.
EZE 12:28 Taunabunai ba hamaorodia, baoto, Ḡaubada Iehova na ini e gwau tomamu: Egu hereva iboudiai na ta basine halahe, a na gwauraiamu herevana anina do baine vara. Ḡaubada Iehova na e herevamu.
EZE 13:1 Iehova ena hereva na egu ai e kau, eto,
EZE 13:2 Taunimanima natuna e, Israel ena peroveta taudia latadiai ba peroveta; sibodia edia lalo-hadai e perovetalaimu taudia na ba peroveta henidia, baoto, Iehova ena hereva ba kamonai.
EZE 13:3 Ḡaubada Iehova na ini e gwau tomamu: Peroveta taudia kavakavadia, sibodia lalodia e badinamu a ḡau ta asie itaia taudia, madi ihabaidia!
EZE 13:4 Israel e, emu peroveta taudia na uda sisiadia na heheto, e heḡiḡi dobi rumadia ai e nohomu.
EZE 13:5 Magu vada e gwadadia mauru gabudia asio lao henidia, Israel besena maḡuna asio larebaia, Iehova ena dina ai tuari ai baine auka totona.
EZE 13:6 Vada e hereva koikoi bona vada e bagu haoro koikoi. Iehova ese se siaidia negadia al, idia na eto “Iehova ini e gwau tomamu”, bena idia banava eto ia ese edia hereva baine hamomokania.
EZE 13:7 Ena be lau asina hereva to umui oto “Iehova ini e gwau tomamu” negadia iboudiai na o mata hanai koikoi bona o bagu haoro koikoi ani?
EZE 13:8 Taunabunai, Ḡaubada Iehova na ini e gwau tomamu: Hereva asi anidia vada o gwaurai bona mata-hanai koikoidia vada o ita dainai, Ḡaubada Iehova na e tomu, A itaia, lau ese na inai henimuimu.
EZE 13:9 E mata hanai koikoimu bona e bagu haoro koikoimu peroveta taudia na lau imagu ese baine laodia ahu; egu orea taudia ida basie henega bou, bona Israel besena taudia ladadia itoredia ai idia ladadia basie hetore, bona Israel tanona ai basie raka vareai; bena umui na ba diba lau na Ḡaubada Iehova.
EZE 13:10 Oibe, badina be egu orea taudia vada e koidia, eto “Maino”, maino na lasi negadia ai; bona badina be taunimanima ese haba e haginiamu negadia ai, ini peroveta taudia ese ahu amo e dahuamu;
EZE 13:11 una dainai ahu amo haba e dahuamu taudia na ba hamaorodia, una haba na baine heḡiḡi dobi. Medu bada-herea baine diho, medu-hetari badadia bae moru, lai-gubana baine toa;
EZE 13:12 bena haba baine heḡiḡi dobi negana ai, haida ese bae nanadaimu, baeto “O dahulaia ahuna be edeseni ai?” ani?
EZE 13:13 Taunabunai Ḡaubada Iehova na ini e gwau tomamu: Lau ese egu badu ḡaraḡara ai lai-gubana baina hatoaia; bona egu badu ai medu bada-hereana baina hadihoa, bona medu-hetari badadia baina hamorudia, badu ḡaraḡara ai bae habuadia tari.
EZE 13:14 Umui ese ahu amo o dahua habana na lau ese baina ḡiḡia dobi tano ai, bena ia badina bae hedinarai. Baine heḡiḡi dobi negana ai, umui ese ia bogaraginai ba mase; bena ba diba lau na Iehova.
EZE 13:15 Egu badu ḡaraḡara na unu baina bubua ore toma, haba latanai, bona ahu amo e dahua taudia latadiai; bena baina hamaoromu, bainato, Haba na lasihia, ahu amo e dahua taudia danu lasihidia;
EZE 13:16 Israel ena peroveta taudia bunu, Ierusalem latanai e peroveta bona mata-hanai ai maino e itaia, maino na lasi negana ai. Ḡaubada Iehova na e herevamu.
EZE 13:17 Taunimanima natuna e, oi danu vairamu ba ha-aukaia emu bese taudia natudia hahinedia, sibodia edia lalo-hadai e perovetalaimu hahinedia, ediai. Idia latadiai ba peroveta,
EZE 13:18 baoto, Ḡaubada Iehova na ini e g vau tomamu: Taunimanima laumadia idoadia totona mea ganadia na ima ganaganadia iboudiai ai e turidia, bona heḡova-ahu mukodia, taunimanima kikina-badana kwaradia igovalaidia, e karamu, hahinedia madi ihabaidia! gu orea taudia laumadia ba idoadia bona ma haida danu laumadia ba hamauridia, umui sibomui emui namo ihabadana a?
EZE 13:19 Egu orea taudia bogaragidiai lau ladagu vada o hamiroa, bali taidia bona flaoa atagadia iabidia ai, basiema mase taudia na o aladia masemu, bona basiema mauri taudia na o hamauridiamu, emui koikoi amo; egu orea taudia, koikoi e abi daemu taudia, na o koidia.
EZE 13:20 Taunabunai, Ḡaubada Iehova na ini e gwau tomamu: A itaia, emui mea ganadia, taunimanima laumadia o idoalaidiamu ḡaudia, na na inai henidiamu; imamui amo baina daredia oho, bona o idoadiamu laumadia na baina kahudia nege, manu na heheto.
EZE 13:21 Emui heḡova ahu mukodia danu baina daredia oho, bona egu bese taudia na imamui amo baina rauadia, bena egu orea taudia na imamui ai basie noho, umui damumui ai basiela. Bena ba diba lau na Iehova.
EZE 13:22 Badina be emui koikoi amo kara maoromaoro tauna lalona vada o hamanokaia, ena be lau ese lalona asina hamanokaia; bona kara dika tauna lalona vada o hagoadaia, ena dala dikana amo basine raka siri, ena mauri basine rauaia;
EZE 13:23 taunabunai, ina murinai umui na basio mata hanai koikoi lou, bona bagu haoro karadia basio kara lou; egu orea taudia na umui imamui amo baina harohodia mauri. Bena vada ba diba lau na Iehova.
EZE 14:1 A Bena Israel tau-badadia haida na dekegu ema, lau vairagu ai e helai.
EZE 14:2 Bena Iehova ena hereva na egu ai e kau, eto,
EZE 14:3 Taunimanima natuna e, ini tatau ese edia kaivakuku na lalodia ai vada e abidia dae, bona edia kara havara na hekwakwanai ḡauna ai vada e halaoa vairadiai; bae nanadailaigu herevadia baina kamonaidia eiava lasi?
EZE 14:4 Taunabunai ba hereva henidia, baoto, Ḡaubada Iehova na ini e gwau tomamu: Israel besena tauna ta ese kaivakuku na lalona ai baine abidia dae, bona ena kara havara na hekwakwanai ḡauna ai baine halaoa vairanai, bena peroveta tauna dekena bainema, lau Iehova sibogu ese baina haere henia, ena kaivakuku na momo dainai;
EZE 14:5 unu amo Israel besena taudia, edia kaivakuku daidiai vada e rakatanigu taudia, na lalodia baina abidia lou.
EZE 14:6 Taunabunai Israel besena taudia ba hamaorodia, baoto, Ḡaubada Iehova na ini e gwau tomamu: A helalo kerehai, emui kaivakuku bona emui kara dika-rohorohodia iboudiai amo ba mede daudau.
EZE 14:7 Badina be Israel besena tauna ta, eiava idau tauna Israel ai e noho hedoamu ta, ese baine rakatanigu, ena kaivakuku na lalona ai baine abidia dae, bona ena kara havara na hekwakwanai ḡauna ai baine halaoa vairanai, bena peroveta tauna dekena bainema, peroveta tauna ese ia dainai baine nanadaigu totona, lau Iehova sibogu ese baina haere henia.
EZE 14:8 Lau ese vairagu baina ha-aukaia una tau enai; toa bona udu gwaurai-gwaurai herevana ai baina halaoa, bona egu bese taudia bogaragidia amo baina negea daure; bena umui na ba diba, lau na Iehova.
EZE 14:9 A peroveta tauna lalona bema hekwakwanai bena hereva ta bema gwauraia, anina be lau Iehova ese vada na koia; bena lau ese imagu baina toia roro ia ihadikana, bona egu bese Israel bogaragina amo baina habuaia tari.
EZE 14:10 Bena davadia bae hua; peroveta tauna davana bona henanadai tauna davana bae heḡereḡere;
EZE 14:11 unu amo Israel taudia na egu amo basie raka oho lou, bona edia kara havara iboudiai amo sibodia basie hahemiro lou, a egu bese ai baela, bona lau na edia Dirava ai bainala. Ḡaubada Iehova na e herevamu.
EZE 14:12 Iehova ena hereva na egu ai e kau, eto,
EZE 14:13 Taunimanima natuna e, tano ta ese ena hebeatai karadia amo baine kara dika henigu, bena lau ese imagu na ia ihadikana totona baina toia roro bona ena mauri anianina baina abia oho, bona doe na ia latanai baina siaia, bona taunimanima bona ubu-ubu ḡaudia ia lalonai baina hamasedia, negana ai,
EZE 14:14 ena be ini tatau tatoiosi, Noa bona Daniel bona Iobu, na ia lalonai bema noho, to edia kara maoromaoro amo idia sibodia mo edia mauri bema heraua. Ḡaubada Iehova na e herevamu.
EZE 14:15 Eiava uda boromadia na una tano ai bama harakadia hanai, bena idia ese bema havahua, ela bona tano ḡaḡaena ai bema hahelao, bena tau ta basinema rakaia hanai diba unu uda boromadia daidiai, negana ai,
EZE 14:16 ena be unu tatau tatoiosi na ia lalonai bema noho, to, lau na maurimu heḡereḡerena (Ḡaubada Iehova na e gwaumu), idia tatoiosi ese natudia mamaruanedia eiava hahinedia basiema hamauridia diba; idia tatoiosi sibodia mo edia mauri bema heraua, a tano na bema ḡaḡae.
EZE 14:17 Eiava dare na una tano latanai bama mailaia, bama toma “Dare na tano amo baine hanai”, bena taunimanima bona ubu-ubu ḡaudia ia lalonai bama hamasedia, negana ai,
EZE 14:18 ena be unu tatau tatoiosi na ia lalonai bema noho, to, lau na maurimu heḡereḡerena (Ḡaubada Iehova na e gwaumu), idia tatoiosi ese natudia mamaruanedia eiava hahinedia basiema hamauridia diba, a idia tatoiosi sibodia mo bema heraua.
EZE 14:19 Eiava dai-hanai gorerena na una tano latanai bama siaia, bona egu badu ḡaraḡara na ia latanai bama bubua, rara ihahebubuna ai, taunimanima bona ubu-ubu ḡaudia ihamasedia totona, negana ai,
EZE 14:20 ena be Noa bona Daniel bona Iobu na ia lalonai bema noho, to, lau na maurimu heḡereḡerena (Ḡaubada Iehova na e gwaumu), idia tatoiosi ese natudia mamaruanedia eiava hahinedia basiema hamauridia diba, a idia tatoiosi sibodia mo edia mauri bema heraua, edia kara maoromaoro daidiai.
EZE 14:21 Badina be Ḡaubada Iehova na ini e gwau tomamu: Matona, Ierusalem baina hahemaoro henia, egu hahehisi karadia haniosi, dare bona doe bona uda boromadia dikadia bona dai-hanai goreredia, na ia latanai baina siaidia taunimanima bona mauri ḡaudia ihamasedia totona, negana ai, ia na ede baine heto!
EZE 14:22 Ḡau tamona, ia lalonai haida na bema mauri, bena natudia mamaruanedia bona hahinedia bema hakaudia lasi, idia na dekemu ai bae raka lasi, bena edia dala bona edia kara ba ita negana ai taumu na baine lo, dika na Ierusalem latanai vada na mailaia dainai; oibe, kara iboudiai ia latanai vada na mailai daidiai.
EZE 14:23 Idia ese taumu bae haloa, edia dala bona edia kara ba ita negana ai; bona ba diba Ierusalem lalonai na kara karadia iboudiai na dia asi badina asina karadia. Ḡaubada Iehova na e herevamu.
EZE 15:1 Iehova ena hereva na egu ai e kau, eto,
EZE 15:2 Taunimanima natuna e, vine auna ese au haida ede e hereadia tomamu; vine rigina ese uda audia rigidia ede e hereadia tomamu?
EZE 15:3 Ḡau ta ikaralaina auna na iena amo e abiamu a? Iena amo ikoko ta e karaiamu bena una ikoko ai ḡau ta e taua daemu a?
EZE 15:4 A itaia, lahi auna ai e halaoamu; bena lahi ese duduna duduna e aradia oremu bona bogaragina na gida ai e laomu murinai ia na mai ena ḡaukara a?
EZE 15:5 A itaia, au tutuana miana ai na asi ena ḡaukara; matona lahi ese vada e araia bona gida ai vada ela negana ai ena ḡaukara be dahaka?
EZE 15:6 Taunabunai, Ḡaubada Iehova na ini e gwau tomamu: Uda audia bogaragidiai vine auna na lahi auna ai vada e halaoa heḡereḡerena ai, Ierusalem inoholaina taudia na unu baina kara henidia toma.
EZE 15:7 Lau ese vairagu na ediai baina ha-aukaia; ena be lahi amo bae roho mauri, to lahi ese do baine aradia ore; bena lau ese vairagu na ediai baina ha-aukaia negana ai na ba diba lau na Iehova.
EZE 15:8 Tano danu baina havahua, badina be e kara hebeatai. Ḡaubada Iehova na e herevamu.
EZE 16:1 Iehova ena hereva na egu ai ma e kau, eto,
EZE 16:2 Taunimanima natuna e, Ierusalem na ena kara dika-rohorohodia ba hedaraunelai henia,
EZE 16:3 baoto, Ḡaubada Iehova ese Ierusalem na ini e hamaoroa tomamu: Senemu bona emu vara na Kanaan taudia edia tano ai, tamamu na Amoro tauna, sinamu na Hiti hahinena.
EZE 16:4 Emu vara na iniheto: emu vara dinana ai hudomu varona asie utua, ranu ai asie hurimu, ba ḡoevaḡoeva totona, damena amo asie dahumu, dabua amo asie tarumu.
EZE 16:5 E itamu tauna ta ese se bogamu hisi, ini kara ta se kara henimu ena hebogahisi dainai; a tano paka ai e negemu; badina be o vara dinana ai e dadaraimu herea.
EZE 16:6 Bena na rakamu hanai negana ai na itamu, rara ai o hekure, bena rara ai hekuremu ai na hereva henimu, nato, Ba mauri,
EZE 16:7 tano paka avana na heto ba tubu. Bena o bada oho bada oho, taumu e lata, hane-ulato ai ola; ratamu e hekara, huimu e lata; ḡau tamona gagaemu ai o nohova, asi dabuamu.
EZE 16:8 Ma na rakamu hanai negana ai na itamu, oi na vada o ulato; bena egu dabua amo na tarumu, taumu na govalaia; oibe, maohenimu na karaia, bona oi ida ta hegwau hamata heheni, bena adavagu ai ola. Ḡaubada Iehova na e herevamu.
EZE 16:9 Bena ranu ai na hadigumu, raramu na huria oho, bona dehoro amo na dahumu.
EZE 16:10 Dabua mai heraheradia amo na hahedokilaimu, bona boromakau kopina tamakadia na aemu ai na kara. Dabua aukana ḡoeva-daena amo na hariolaimu, bona dabua manoka-manokana amo na hahedokilaimu.
EZE 16:11 Herahera ḡaudia amo na haheralaimu; vagivagi na imamu ai na ato, bona ageva na ha-inulaimu.
EZE 16:12 Gadei ta na udu-baubaumu ai na atoa, bona haida danu taiamu ai; bona havava ḡauna ta mai hairaina na kwaramu na havavalaia.
EZE 16:13 Gold bona silver amo unu na haheralaimu toma; emu dabua na dabua aukadia ḡoeva-daedia bona dabua manoka-manokadia bona dabua mai heraheradia; amu aniani na flaoa namo-hereana bona bada-ranuna bona dehoro. Hairaimu e bada e laova, ela bona oromamu na pavapava hahinena na heto.
EZE 16:14 Sivaraimu danu e hehari piu, bese idau-idau bogaragidiai, hairaimu na bada herea dainai; badina be hairaimu na ḡoeva-dae, lau ese na hahairaimu dainai. Ḡaubada Iehova na e herevamu.
EZE 16:15 A oi ese hairaimu o abidadama henia, bena ariara hahinena ai ola harimu badana dainai, raka-hanai taudia ida o lebulebu.
EZE 16:16 Emu dabua haida o abi, pata helaḡadia o haheralai, bena latadiai ariara karadia o kara; kara unuhetomana na nega gunadia ta ai se vara, bona nega gabedia ta ai basine vara Iou.
EZE 16:17 Emu herahera ḡaudia danu, lauegu gold bona silver amo e kara bona lau ese na henimu ḡaudia, na o abidia, tatau laulaudia o karalai, bena o lebulebulai.
EZE 16:18 Emu dabua mai heraheradia danu o abidia, unu ḡau o govalaidia, bona egu dehoro bona egu muramura mai bonana na vairadiai o atodia.
EZE 16:19 Egu flaoa igabudia danu, na henimu ḡauna, (badina be lau ese flaoa namo-hereana bona dehoro bona bada-ranuna amo na ubumu) na idia vairadiai o atodia, bonadia bae moalelai totona. Ḡaubada Iehova na e herevamu.
EZE 16:20 Bena natumu mamaruanedia bona hahinedia, o havaradia egu, na o abidia, boubou ḡaudia ai o halaodia, idia adia. Emu ariara karadia na ḡau pipikidia a?
EZE 16:21 Una dainai lau natugu o aladia mase, bona ḡole-oho boubou ḡaudia ai o halaodia, idia edia, a?
EZE 16:22 Emu kara dika-rohorohodia bona emu ariara karadia iboudiai lalodiai, maragimu negana, asi dabuamu ḡagaemu ai o nohova negana, rara ai o hekure, so laloa tao.
EZE 16:23 Bena emu kara dika iboudiai muridiai, (Ḡaubada Iehova na e tomu, Madi, ihabaimu!),
EZE 16:24 oi ese emu kalaga o haginidia bona emu pata helaḡadia o kara, ruma ariaradia iboudiai lalodiai.
EZE 16:25 Hanua ariarana iboudiai dokodia ai emu pata helaḡadia o haginidia; hairaimu vada o lebulebulaia, raka-hanai tataudia ediai sibomu o hehoihoilai, emu ariara karadia o habada.
EZE 16:26 Aigupto taudia, dekemu taudia mai edia mata-bodaga, ida danu vada o lebulebu, emu ariara karadia vada o habada, lau ihabadugu.
EZE 16:27 Taunabunai a itaia, lau imagu na toia roro oi ihadikamu, oi ahumu, e gwaurai henimu guna ḡauna, na hamaraḡia, oi inaimu Filistia hahinedia, mata-ganigani hahinedia, imadia ai na atomu; idia ese emu lebulebu karadia hemaraidia e hemaraiva.
EZE 16:28 Asuria taudia ida danu ariara karadia o kara, badina be emu mata-bodaga na bada herea; oibe, idia ida ariara karadia o kara, a lalomu do se heḡereḡere.
EZE 16:29 Emu ariara karadia o habada danu, Kaldea tanona ena hoihoi gabudia ai; a lalomu na dounu se heḡereḡere.
EZE 16:30 Ḡaubada Iehova na e tomu: Emu mata-bodaga na bada herea; una dainai ini kara iboudiai o kara, ariara hahinena se hemaraimu ena kara;
EZE 16:31 hanua ariaradia iboudiai dokodia ai emu kalaga o haginidia, bona ruma ariaradia iboudiai lalodiai emu pata helaḡadia o kara. Ḡau tamona oi na dia ariara hahinena heḡereḡerena, badina be henitaomu o dadaraiamu.
EZE 16:32 Oi na heuda-hanai hahinemu, idau taudia o abidia daemu adavamu gabuna ai.
EZE 16:33 Tatau ese ariara hahinedia iboudiai na harihari ḡaudia e henidiamu; a oi ese emu harihari gsudia na e ura henimuva taudia iboudiai o henidiava, henitaodia o henidiava, kaha idau-idau iboudiai amo emu ariara karadia ikaradia bae vasi totona.
EZE 16:34 Taunabunai, emu ariara karadia lalodiai oi na idau, dia hahine haida heḡereḡeredia. Ta se noimu ia ida ba eno bou; oi ese henitaona o henia, a haida ese henitaomu se henimu. Una dainai oi na idau.
EZE 16:35 Taunabunai, ariara hahinemu e, Iehova ena hereva ba kamonai.
EZE 16:36 Ḡaubada Iehova na ini e gwau tomamu: Badina be e ura henimu taudia ida emu ariara karadia o kara lalodiai, oi ihahemaraimu na e hehulala bona gagaemu ai na o hedinarai dainai, bona emu kaivakuku iboudiai daidiai, bona natumu, idia o henidia memerodia, raradia daidiai,
EZE 16:37 a itaia, e ura henimu taudia iboudiai, olebulebulaidia taudia, o ura henidia taudia bona o dadaraidia taudia iboudiai, na lau ese baina haboudia; oi ihadikamu totona kaha iboudiai amo baina haboudia, bena gagaemu ai baina haheitalaidia; taumu idoinai ḡaḡaena ai bae itaia.
EZE 16:38 Bena lau ese baina hahemaoro henimu, adavadia e dihotanidiamu bona rara e hahebubuamu hahinedia e hahemaoro henidiamu heḡereḡerena.
EZE 16:39 E ura henimu taudia imadia ai baina atomu; bena idia ese emu kalaga bae ḡiḡia dobi, bona emu pata helaḡadia bae hamakohidia, emu dabua bae dokidia oho, emu herahera nadidia namo-hereadia na bae abidia, gagaemu ai asi dabuamu bae rakatanimu.
EZE 16:40 Tuari oreana ta bae mailaia, oi ihadikamu; nadi amo bae hodomu, bona edia dare amo bae dapamu rohoroho.
EZE 16:41 Emu ruma bae doudia; hahemaoro karadia oi latamu ai bae kara, hahine momo vairadiai; emu ariara karadia ai baina hadokomu, bona henitao basio heni lou.
EZE 16:42 Unu amo egu badu ḡaraḡara baina haḡuḡurua latamu ai, bona egu vaḡeḡe ese baine rakatanimu; lalogu na baine keru, basina badu lou.
EZE 16:43 Badina be eregabemu negana so laloa taomu; to ini ḡau iboudiai amo vada o habadugu. Taunabunai, a itaia, emu kara davadia na tubuamu ai baina kara. Ḡaubada Iehova na e herevamu. Emu kara dika-rohorohodia iboudiai latadiai mata-bodaga karadia ma vada o ato kau, ani?
EZE 16:44 A itaia, hereva lada-isidia e gwauraimu taudia iboudiai ese ina hereva lada-isina ai bae herevalaimu, baeto “Sinana hetomana, natuna hahinena danu unuheto”.
EZE 16:45 Sinamu ese adavana bona natuna e dadaraidia, bona oi na ia natuna hahinena; tadikakamu ese adavadia bona natudia e dadaraidia, bona oi na idia tadikakadia. Sinamu na Hiti hahinena; tamamu na Amoro tauna.
EZE 16:46 Kakamu na Samaria; ia na natuna hahinedia ida e nohova, oi miriginimu kahana ai; bona tadimu na Sodoma; ia na natuna hahinedia ida e nohova, oi dihomu kahana ai.
EZE 16:47 Ḡau tamona, oi lalomu na se heḡereḡere idia edia dala ai ba raka, eiava idia edia kara dika-rohorohodia heḡereḡeredia ai ba kara; asi vanahana oiemu kara mirodia ese idia edia kara mirodia e hereadia, emu dala iboudiai lalodiai.
EZE 16:48 Ḡaubada Iehova na e tomu: Lau na maurimu heḡereḡerena, tadimu Sodoma bona natuna hahinena edia kara na oi bona natumu hahinedia edia kara ida asie heḡereḡere.
EZE 16:49 A itaia, tadimu Sodoma ena kerere binai: ia mai natuna ida e hekokorokuva, e aniani boga-kunuva, e noho namonamova mai tagadia ida; a ogoḡami taudia bona e dabuva taudia na asie durudia.
EZE 16:50 Idia na e hekokorokuva, kara dika-rohorohodia na lau vairagu ai e karava; taunabunai edia kara na itaia negana ai na na abidia oho.
EZE 16:51 Samaria ena kara dika na taina bada, a oiemu na bada herea; oiemu kara dika-rohorohodia ese idia edia vada e hereadia; oiemu kara dika-rohorohodia iboudiai daidiai tadikakamu ita-itadia na kara maoromaoro hahinedia ita-itadia na heheto.
EZE 16:52 Oi danu ihahemaraimu na ba huaia, badina be tadikakamu ihahemaorohenidia metauna vada o haragaia; badina be emu kara dika ai emu kara dika-rohorohodia ese idia edia e hereadia dainai, idia na taidia mamaoro, a oi na dika vaitani. Taunabunai, oi danu ba hemarai, ihahemaraimu ba huaia, badina be tadikakamu oromadia na kara maoromaoro hahinedia oromadia heḡereḡeredia ai vada o halaodia.
EZE 16:53 Edia noho-namo baina henidia lou, Sodoma mai natuna hahinedia ida edia noho-namo bona Samaria mai natuna hahinedia ida edia noho-namo, bona oiemu noho-namo baina henimu lou idia bogaragidiai;
EZE 16:54 bena ihahemaraimu ba huaia bona emu kara iboudiai daidiai ba hemarai, bena idia taudia ihalodia hahinemu ai baola.
EZE 16:55 A tadimu Sodoma bona natuna hahinedia ese edia noho dalana Kunana bae lou henia; bona kakamu Samaria bona natuna hahinedia ese edia noho dalana gunana bae lou henia; bona oi bona natumu hahinedia ese emui noho dalana gunana ba lou henia.
EZE 16:56 Emu hekokoroku dinana ai oi tadimu Sodoma na udu gwaurai-gwawai herevana oi udumu ai, ani,
EZE 16:57 emu kara dika do se hedinarai negana ai? Harihari oi na ia heḡereḡerena, duni-dae ḡauna ai vada ola Edom natuna hahinedia ediai, bona ia dekena hahinedia iboudiai ediai, bona Filistia taudia natudia hahinedia ediai, e ḡeḡemu daemu bona e dadaraimumu hahinedia iboudiai ediai.
EZE 16:58 Emu lebulebu bona emu kara dika-rohorohodia davadia metauna o huaiamu. Iehova na e herevamu.
EZE 16:59 Oibe, Ḡaubada Iehova na ini e gwau tomamu: Oiemu kara heḡereḡerena ai baina kara henimu. Oi ese hereva helaḡana vada o dadaraia, gwauhamata itata-utuna;
EZE 16:60 ḡau tamona, egu gwauhamata, eregabemu negana ai oi ida ta hegwau hamata heheni ḡauna, baina laloa toa, bona oi ida mia-hanaihanai gwauhamatana ta baita haginia tutuka-tutuka.
EZE 16:61 Bena emu kara ba lalodia tao, bona emu hane-guna bona emu hane-muritai baina abidia, natumu ai baina halaodia, negana ai vada ba hemarai, a dia eda gwauhamata dainai.
EZE 16:62 Eda gwauhamata baina haginia tutuka-tutuka, bena ba diba lau na Iehova;
EZE 16:63 ba laloa tao, bena ba baia, bona udumu basio kehoa lou, emu hemarai dainai, lau ese emu kara iboudiai baina lalodia nege negana ai. Ḡaubada Iehova na e herevamu.
EZE 17:1 Iehova ena hereva na egu ai e kau, eto:
EZE 17:2 Taunimanima natuna e, henanadai hepuina ba gwauraia, bona hereva heḡereḡerena ta na Israel besena ba gwaurai henia.
EZE 17:3 Baoto, Ḡaubada Iehova na ini e gwau tomamu: Ugava badana ta mai hanina badadia bona hape latadia, huina oromadia danu idau-idau, na Lebanon ema, sida auna ta dorina e bitua.
EZE 17:4 Ia ese dorina rigirigina e bitua kwaidu, hoihoi tanona e laohaia, hoihoi taudia edia hanua lalonai e hadoa.
EZE 17:5 Bena tano uhena e abia, tano namona ai e hadoa, ranu momo gabuna ai. E hadoa arabimi rigirigina na heto,
EZE 17:6 bena ia na e tubu, vine auna ai ela, e raga rohoroho; bena gavena na ia e tubu henia, a ramuna na ena gini gabuna ai e mia. Taunabunai, ia na vine auna ai ela, gavena e tubu bona rauna e urumo-urumo.
EZE 17:7 A ugava ma ta ema; hanina na babada, bona huina na momo. A itaia, hari vine ramuna ese ia e hata hema bona gavena danu e tubu henia, baine hapariparidia totona. Bena e hadoa tanona amo
EZE 17:8 ma e hadoa hanai, tano namona ai, ranu momo gabuna ai, gavena bae tubu bona hu huana bae dobi bona vine auna herea-daena ai bainela totona.
EZE 17:9 Baoto, Ḡaubada Iehova na ini e gwau tomamu; Baine tubu namonamo a? Ramuna basine raḡadia bona gavena basine utudia, rauna matamatadia iboudiai bae marai totona, a? Dia ima mai goadana mo, eiava taunimanima hutuma mo, bae heḡereḡere ramuna amo bae raḡaia, ani?
EZE 17:10 A itaia, bae hadoa hanai negana ai, baine tubu namonamo a? Laurabada baine toa henia negana ai, ia na basine marai a? E tubu gabuna ai baine marai ani?
EZE 17:11 Bena Iehova ena hereva na egu ai e kau, eto,
EZE 17:12 Harihari ene daḡedaḡe besena taudia ba hamaorodia, baoto: Ini ḡau anidia na asi dibamui a? Bena ba hamaorodia, baoto, A itaia, Babulono pavapavana na Ierusalem ela, hanua pavapavana bona lohiana verina Babulono e hakaudia mai.
EZE 17:13 Bena ia ese hanua pavapavana natuna maruanena ta e abia, ia taravana e atua, bona gwauhamata helaḡana henunai e hanohoa. (Tano lohiadia na ia ese vada e abidia oho,
EZE 17:14 basileia na baine manau, basine hekokoroku, bona iena taravatu ibadinana ai baine gini helaorearia.)
EZE 17:15 A ia ese e daḡedaḡe henia, gwaukau taudia na Aigupto e siaidia lao, idia ese hosi haida bona tuari oreana badana ta bae henia helaoreana. Baine kwalimu a? Kara unuhetomadia e karamu tauna na baine roho mauri diba a? Taravatu baine tataia utu, bena baine roho mauri diba a?
EZE 17:16 Ḡaubada Iehova na e tomu: Lau na maurimu heḡereḡerena, momokani hanua pavapavana ta ese tau ta na pavapava tauna ai e halaoa, bena una pavapava ai e halaoa tauna ese dagi na e henia tauna ena gwauhamata helaḡana e dadaraia, bona e atua taravatuna e tataia utu; benaini, una tau na dagina e henia pavapavana ena noho gabuna ai baine mase, oibe, Babulono ai baine mase.
EZE 17:17 Farao bona ena tuari oreana mai goadana bona ena orea badana idoinai ese basie durua tuari ai, hutuma iala-masedia totona tano bae larebaia bona hanua bae magua heḡeḡe negana ai.
EZE 17:18 Badina be gwauhamata helaḡana e dadaraia bona taravatu e tataia utu, bona imana e dudui heni to ini kara iboudiai e kara, dainai ia na basine roho mauri.
EZE 17:19 Taunabunai, Ḡaubada Iehova na ini e gwau tomamu: Lau na maurimu heḡereḡerena, momokani egu gwauhamata helaḡana, e dadaraia ḡauna, bona egu taravatu, e tataia utu ḡauna, davadia na ia tubuana ai baina kara.
EZE 17:20 Egu huo baina otoa, ia iabina, bona egu idoa ai baina idoaia; bena Babulono baina laohaia, unuseni ai baina hahemaoro henia, ena koikoi karadia egu ai e kara na baina hahemaorolai.
EZE 17:21 Ena abi-hidi tuari taudia na dare ai bae mase, bona roho-mauri taudia na lai kahadia iboudiai bae pere rohoroho; bena ba diba, lau Iehova vada na hereva.
EZE 17:22 Ḡaubada Iehova na ini e gwau tomamu: Lau sibogu ese sida auna dorina amo rigirigi ta baina abia, bena baina hadoa; dorina rigirigidia ediai manoka-manokana ta baina gadaia oho, bena lau sibogu ese baina hadoa, ororo bada-hereana bona lata-hereana dorina ai.
EZE 17:23 Israel ororona dorina ai baina hadoa, rigina bae tubu bona huahuana bae dobi bona sida auna herea-daena ai bainela totona; bena ia henunai mauri ḡaudia idau-idau bae noho; bona ia rigina ikerukerudia ai manu idau-idau ese edia ruma bae kara.
EZE 17:24 Bena tano paka audia iboudiai na bae diba lau Iehova ese au latana na hakwadogiamu bona au kwadogina na halataiamu, au maurina na hakakoroamu bona au masena na hatubuamu. Lau Iehova vada na hereva, bona karana baina karaia.
EZE 18:1 Iehova ena hereva egu ai ma e kau, eto:
EZE 18:2 Badina be dahaka ina hereva lada-isina o gwauraia louloumu, o tomu “Tama ese vine huahuadia kasiridia vada e ani, bona natudia isedia e urimu”?
EZE 18:3 Ḡaubada Iehova na e tomu: Lau na maurimu heḡereḡerena, ina hereva lada-isina na basio gwauraia lou Israel ai.
EZE 18:4 A itaia, lauma iboudiai na lauegu, tama laumana bona natuna laumana danu; kara dika tauna laumana na baine mase.
EZE 18:5 Tau ta ena kara bema maoromaoro, taravatu ibadinana ai bona kara maoromaoro ikaradia ai bema noho,
EZE 18:6 ororo ai basinema aniani eiava Israel besena kaivakukudia basinema gaga dae henidia; dekena tauna adavana basinema kara miro henia eiava hahine ta na ena rara-kara dinadia ai basinema raka kahi henia;
EZE 18:7 ta na basinema hahisia, a abitorehai tauna ena abitorehai toana bema henia lou; kohu basinema dadi; hitolo taudia bema ubudia bona asi dabuadia taudia bema hadabualaidia;
EZE 18:8 moni basinema heni torehai mai heatokauna eiava heatokau monidia haida basinema abi; imana na kara havara amo bema rua; taunimanima padadiai hahemaoro ḡoevaḡoevana bema karaia;
EZE 18:9 egu taravatu daladia ai bema raka bona egu hahedua herevadia bema badinadia ḡoevaḡoeva: una tau na kara maoromaoro tauna; momokani ia na do baine mauri. Ḡaubada Iehova na e herevamu.
EZE 18:10 Natuna maruanena ta bema havaraia, bena una mero na dadidadi bona rara ihahebubuna tauna ai bema hahelao,
EZE 18:11 bona ini ḡaukara iboudiai basiema kara, a ororo ai bema aniani, dekena tauna adavana bema kara miro henia,
EZE 18:12 ogoḡami taudia bona e dabumu taudia bema hahisidia, kohu bema dadi, abitorehai toana basinema heni lou, kaivakuku bema gaga dae henidia, kara dika-rohorohodia bema kara,
EZE 18:13 moni bema heni torehai mai heatokauna, bona heatokau monidia haida bema abi: una tau be baine mauri a? Ia na basine mauri. Ini ḡau dika-rohorohodia iboudiai vada e kara; momokani, ia na baine mase; ia rarana na ia sibona latanai.
EZE 18:14 A ina tau ese natuna maruanena ta bema havaraia; bena natuna ese tamana ena kara dika iboudiai bema itadia, bena bema gari, bona unu kara heḡereḡeredia ai basinema kara,
EZE 18:15 ororo ai basinema aniani, eiava Israel besena kaivakukudia basinema gaga dae henidia, dekena tauna adavana basinema kara miro henia,
EZE 18:16 tau ta basinema kara dika henia, abitorehai toana basinema abia, kohu basinema dadi, a hitolo taudia bema ubudia bona asi dabuadia taudia bema hadabualaidia,
EZE 18:17 imana na kara havara amo bema rua, abitorehai heatokauna eiava heatokau monidia haida basinema abi, egu hahedua herevadia bema badinadia bona egu taravatu daladia ai bema raka: una tau na tamana ena kara havara dainai basine mase; momokani ia na do baine mauri.
EZE 18:18 A tamana, badina be moni na gwaurai-lagau amo e abiva, bona tadikakana ena kohu e dadiva, bona ena bese taudia bogaragidiai kara dia nanamo e karava, ia na ena kara havara dainai do baine mase.
EZE 18:19 Ḡau tamona, umui na o tomu “Dahaka dainai natuna basine hisihisi tamana ena kara havara dainai?” Natuna na taravatu lalonai baine ḡaukara bona baine kara maoromaoro, bona egu taravatu iboudiai baine badinadia namonamo, negana ai, momokani ia na do baine mauri.
EZE 18:20 Kara dika tauna laumana na baine mase. Natuna basine hisihisi tamana ena kara havara dainai, bona tamana basine hisihisi natuna ena kara havara dainai; kara maoromaoro tauna ena kara maoromaoro na ia sibona latanai, bona kara dika tauna ena kara dika na ia sibona latanai.
EZE 18:21 A kara dika tauna na ena kara dika iboudiai amo bema raka oho, bona egu taravatu iboudiai bema badinadia, bona taravatu lalodiai bema ḡaukara bona bema kara maoromaoro, ia na momokani do baine mauri; ia na basine mase.
EZE 18:22 Kerere iboudiai, ia ese e kara ḡaudia, na ta basie laloa tao ia latanai; ena kara maoromaoro dainai ia na baine mauri.
EZE 18:23 Ḡaubada Iehova na e tomu: Edena na moalelaiamu, kara dika tauna baine mase, eiava ena dala baine rakatania bena baine mauri, a?
EZE 18:24 A kara maoromaoro tauna ese ena kara maoromaoro e rakataniamu bona kara havara e karaiamu, bona kara dika-rohorohodia e karamu, kara dika tauna heḡereḡerena, negana ai, ia na baine mauri, a? Ena kara maoromaorodia ta basie Laloa tao; ena koikoi karadia bona ena kara dika daidiai, ia na baine mase.
EZE 18:25 Ḡau tamona umui na o tomu “Ḡaubada ena dala na dia maoro”. Israel besena e, a kamonai! Egu dala na dia maoro a? Lasi, umui emui dala hari dia mamaoro ani?
EZE 18:26 Kara maoromaoro tauna ese ena kara maoromaoro baine rakatania bena baine kara havara negana ai, ia na una kara havara dainai baine mase; ena kara havara dainai do baine mase.
EZE 18:27 Ina danu, kara dika tauna ese ena kara dika baine rakatania bena taravatu lalonai baine ḡaukara bona baine kara maoromaoro, ia ese ena mauri baine rauaia.
EZE 18:28 E helalo bena ena kara kerere iboudiai amo e raka oho dainai, ia na momokani do baine mauri; ia na basine mase.
EZE 18:29 Ḡau tamona, Israel besena na e tomu “Ḡaubada ena dala na dia maoro”. Israel besena e, egu dala na dia maoro a? Lasi, umui emui dala hari dia mamaoro ani?
EZE 18:30 Ḡaubada Iehova na e tomu: Taunabunai, Israel besena e, lau ese baina hahemaoro henimui, ta ta ena dala ena dala heḡereḡeredia. Ba helalo kerehai, emui kerere iboudiai amo ba raka siri, kara havara ese baine hadikamui vaitani na garina.
EZE 18:31 Emui kerere iboudiai, lau o kara henigu karadia, na ba negedia daure, lalo matamatadia bona lauma matamatadia bavabi. Israel besena e, ba mase anina be dahaka?
EZE 18:32 Badina be lau ese ta ena mase asina moalelaiamu; taunabunai, ba helalo kerehai, bena ba mauri. Ḡaubada Iehova na e herevamu.
EZE 19:1 Israel lohiadia irohe-ahudia ba ladaia ist,
EZE 19:2 baoto: Sinamu na daka leona hahinena, leona bogaragidiai; leona natudia bogaragidiai e goru, natuna e ubudia.
EZE 19:3 Natuna ta e reḡua, ia na e bada oho bada oho, damuna iabina daladia vada e diba, taunimanima na e anidia.
EZE 19:4 Bese idau-idau ia dainai e ko, edia guri ai e abia, igau amo e hakaua lao, Aigupto tanona e laohaia.
EZE 19:5 Leona hahinena e diba vada e baia, bona ena helaro vada e boio negana ai, ia ese natuna ta ma e abia, e reḡua; bena ia na e bada oho bada oho.
EZE 19:6 Leona bogaragidiai e loa eva-eva; e bada oho bada oho, damuna iabina daladia vada e diba, taunimanima na e anidia.
EZE 19:7 Edia gabu aukadia na e habuadia tari, edia hanua na e havahudia; gari ese tano na e butua tao, bona lalonai e nohova taudia iboudiai danu, ena ḡou reḡena dainai.
EZE 19:8 Bena bese idau-idau ese ia iabina idoadia e oto hegeḡe; edia huo ai e abia, edia guri ai e abia.
EZE 19:9 Mai igauna ida maua ai e udaia, Babulono pavapavana dekena e laohaia, e koua ahu; bena ia gadona na basie kamonai lou, Israel ororodia ai.
EZE 19:10 Sinamu na vine auna na heto, vine imeana lalonai, ranu gabuna badibadinai vada e hadoa hanai; huahuana momo e dobi, rigina danu momo, badina be ranu momo dainai.
EZE 19:11 Ia badina auka-hereana na pavapava ena dagi auna ai ela; e tubu dae, rigi badadia bogaragidiai; ia sibona atai ai e noke tao, mai rigina momo ida.
EZE 19:12 A hari vine auna na badu ai e raḡaia oho, tano ai e tahoa dobi, lai mairiveina ese e hakakoroa, huahuana vada e huhu; ia badina aukana e kakoro, lahi ese e araia ore.
EZE 19:13 Harihari ia na tano ḡaḡaena ai vada e hehado hanai, tano kaukauna ai, ranu mase gabuna ai.
EZE 19:14 Lahi na ia badina amo vada e dae, rigi bona huahua vada e aradia ore, bena ia lalonai asi badi aukana ta mia, asi dagi auna ta, pavapava ena. Rohe-ahu bunai, e ladaia isi louloumu ḡauna.
EZE 20:1 Laḡani ihahituna huana iha-imana dinana ihagwautana ai, Israel tau-badadia haida na ema, Iehova enai bae henanadai totona; bena idia na lau vairagu ai e helai.
EZE 20:2 Bena Iehova ena hereva na egu ai e kau, eto:
EZE 20:3 Taunimanima natuna e, Israel tau-badadia ba hamaorodia, baoto, Ḡaubada Iehova na ini e gwau tomamu: Lau inanadaigu oma a? Ḡaubada Iehova na e tomu, Lau na maurimu heḡereḡerena, umui ese lau basio nanadaigu.
EZE 20:4 Oi ese ba hahemaoro henidia a? Taunimanima natuna e, oi ese ba hahemaoro henidia a? Benaini, senedia edia kara dika-rohorohodia ba hadibalaidia,
EZE 20:5 ba hamaorodia, baoto, Ḡaubada Iehova na ini e gwau tomamu: Israel na abia hidi dinana ai, Iakob vevena na gwau henidia hamata. Aigupto tanona ai na hahedinarai henidia, bena na gwau henidia hamata, nato, Lau na Iehova, emui Dirava.
EZE 20:6 Una dina ai na gwau henidia hamata, nato, Aigupto tanona amo baina hakaudia lasi, idia daidiai vada na lalo davari tanona ta, rata bona bada-ranuna e arumu tanona, tano herea-daena, tano iboudiai e hereadiamu ḡauna, lalonai baina hakaudia vareai.
EZE 20:7 Bena na hamaorodia, nato, Ibouboumui ai, ḡau dika-rohorohodia, matamui ese e moalelaimu ḡaudia, na ba negedia daure, Aigupto kaivakukudia ediai basio hahemiro. Lau na Iehova, emui Dirava.
EZE 20:8 A idia ese e daḡedaḡe henigu, asie kamonai henigu; ḡau dika-rohorohodia, matadia ese e moalelaiva ḡaudia, na dia iboudiai ese asie negedia daure, bona Aigupto kaivakukudia asie rakatanidia. Bena na laloa, nato, egu badu ḡaraḡara na latadiai baina bubua dobi bona egu badu na idia ihadikadia ai baina ha-orea, Aigupto tanona ai.
EZE 20:9 A lau ladagu bagunai na ḡaukarava, bogaragidiai e nohova bona vairadiai Aigupto tanona amo ihakau-lasidia ai na hahedinarai henidia besedia vairadiai lau ladagu na basine miro totona.
EZE 20:10 Taunabunai, lau ese Aigupto tanona amo na hakaudia lasi, bena tano ḡaḡaena ai na hakaudia vareai.
EZE 20:11 Egu taravatu na henidia, bona egu hahedua herevadia ibadinadia ai taunimanima bae mauri ḡaudia na na hamaorolaidia.
EZE 20:12 Ina danu, egu dina helaḡadia na henidia, toa ai baela, lau bona Idia padamai ai, idia na bae diba lau Iehova ese na hahelagadiamu helaoreana.
EZE 20:13 A Israel besena ese e daḡedaḡe henigu, tano ḡaḡaena ai; egu taravatu lalodiai asie raka, a egu hahedua herevadia, ibadinadia ai taunimanima bae mauri ḡaudia, na e dadaraidia, bona egu dina helaḡadia na e hamirodia herea. Bena na laloa, nato, egu badu ḡaraḡara na latadiai baina bubua dobi, tano ḡaḡaena ai, bona baina ha-orea vaitani.
EZE 20:14 A lau ladagu bagunai na ḡaukarava, vairadiai na hakaudia lasi besedia vairadiai lau ladagu basine miro helaoreana.
EZE 20:15 Ina danu, tano ḡaḡaena ai na gwau henidia hamata, baina henidia nato tanona, rata bona bada-ranuna e arumu tanona, tano herea-daena, tano iboudiai e hereadiamu ḡauna, lalonai basina hakaudia vareai;
EZE 20:16 badina be egu hahedua herevadia e dadaraidia, bona egu taravatu lalodiai asie raka, bona egu dina helaḡadia e hamirodia; badina be lalodia ese edia kaivakuku e lalo tao.
EZE 20:17 Ḡau tamona, matagu ese e bogadia hisi; asina habuadia tari eiava asina ha-oredia vaitani, tano ḡaḡaena ai.
EZE 20:18 Bena tano ḡaḡaena ai idia natudia na hamaorodia, nato, Tamamui edia taravatu lalodiai basio raka, eiava edia hahedua herevadia basio badinadia, eiava edia kaivakuku itomadiho-henidia ai sibomui basio hahemiro.
EZE 20:19 Lau Iehova na emui Dirava; lauegu taravatu lalodiai ba raka, bona egu hahedua herevadia ba badinadia namonamo;
EZE 20:20 bona egu dina helaḡadia ba matauraidia, bena toa ai baela, lau bona umui padadai, bona ba diba lau Iehova na emui Dirava.
EZE 20:21 A idia natudia ese e daḡedaḡe henigu; egu taravatu lalodiai asie raka, bona egu hahedua herevadia; ibadinadia ai taunimanima bae mauri ḡaudia, asie badinadia namonamo, egu dina helaḡadia danu e hamirodia. Bena na laloa nato, egu badu ḡaraḡara na latadiai baina bubua dobi, bona egu badu na idia ihadikadia ai baina ha-orea, tano ḡaḡaena ai.
EZE 20:22 A imagu na na rua, bona ladagu bagunai na ḡaukara, vairadiai na hakaudia lasi besedia vairadiai lau ladagu basine miro helaoreana.
EZE 20:23 Ina danu, tano ḡaḡaena ai na gwau henidia hamata, nato, bese idau-idau bogaragidiai baina hakarohodia bona tano idau-idau ai baina hakarohodia rohoroho;
EZE 20:24 badina be idia ese egu hahedua herevadia asie badinadia, bona egu taravatu e dadaraidia, bona egu dina helaḡadia e hamirodia, bona tamadia edia kaivakuku e haḡeredia.
EZE 20:25 Ina danu, taravatu dikadia bona hahedua herevadia, ibadinadia ai mauri basie davaria ḡaudia, na henidia;
EZE 20:26 bona sibodia edia herahia ḡaudia amo na hamirodia; badina be na koidia, natudia roboadia iboudiai na ḡole-oho boubou ḡaudia ai bae halaodia, baina hagaridia totona. Unu na kara toma, idia na bae diba lau na Iehova helaoreana.
EZE 20:27 Taunabunai, taunimanima natuna e, Israel besena taudia ba hereva henidia, baoto, Ḡaubada Iehova na ini e gwau tomamu: Ina kara ai danu senemui ese e uduguiraigu, e kara koikoi henigu dainai.
EZE 20:28 Badina be na gwau hamatalaia baina henidia nato tanona lalonai na hakaudia vareai negana ai, idia ese ororo latana ta eiava rauna urumona auna e itaia negadia iboudiai na edia boubou ḡaudia na unuseni ai e hahelaḡadia, bona edia herahia karadia amo danu e habadugu. Unuseni ai taunimanima lalodia ihanamodia bonadia e hadaedia, bona unuseni ai danu edia inuinu bouboudia ududia ahudia e bubu nege.
EZE 20:29 (Na hamaorodia, nato, Atai gabuna o lao heniamu be edena? Taunabunai, ia ladana e hatoamu Bama, ema bona ina dina.)
EZE 20:30 Taunabunai, Israel besena ba hamaoroa, baoto, Ḡaubada Iehova na ini e gwau tomamu: Senemui heḡereḡeredia ai ba hahemiro, bona edia ḡau dika-rohorohodia igavadia ai ba raka siri, a?
EZE 20:31 Emui herahia ḡaudia o henimu, bona natumui mamaruanedia na ḡole-oho boubou ḡaudia ai o halaodiamu, negadia ai na umui na sibomui o hahemiromu, emui kaivakuku iboudiai ida, ema bona ina dina. Israel besena e, ba nanadaigu a? Ḡaubada Iehova na e tomu: Lau na maurimu heḡereḡerena, umui na basio nanadaigu.
EZE 20:32 Emui lalo-hadai anina na nega ta ai basine vara; o laloamu, o tomu “Bese idau-idau, tano idau-idau besedia, heḡereḡeredia ai baia hahelao, au bona nadi baia toma henidia diho”.
EZE 20:33 Ḡaubada Iehova na e tomu: Lau na maurimu heḡereḡerena, momokani mai imagu goadana bona mai imagu itoi-rorona bona mai badu-hebubugu ida baina pavapavamui.
EZE 20:34 Bese idau-idau bogaragidia amo baina hakaumui lasit bona lalodiai vada o karoho rohoroho tanodia amo baina gogomui, mai imagu goadana bona mai imagu itoi-rorona bona mai badu-hebubugu ida.
EZE 20:35 Bena bese idau-idau edia tano ḡaḡaena ai baina hakaumui vareai; unuseni ai hevaira-hehenida ai baina hahemaoro henimui.
EZE 20:36 Aigupto tano-ḡaḡaena ai senemui na hahemaoro henidia heḡereḡerena ai umui danu baina hahemaoro henimui. Ḡaubada Iehova na e herevamu.
EZE 20:37 Itotohi henuna amo baina harakamui hanai, bona ta ta amo baina harakamui vareai.
EZE 20:38 Daḡedaḡe taudia bona egu taravatu e tata utumu taudia na umui bogaragimui amo baina negedia daure, e noholaiamu tanona amo baina hakaud a lasi, a Israel tanona lalonai basie raka vareai. Bena ba diba lau na Iehova.
EZE 20:39 A oi, Israel besena e, Ḡaubada Iehova na ini e gwau tomamu: Bema basio kamonai henigu, vada baola, ta ta ena kaivakuku ena kaivakuku isiaidia ba lao heni, harihati bona nega gabedia ai danu; a lau ladagu helaḡana na emui herahia ḡaudia eiava emui kaivakuku amo nega ta ai basio hamuoa lou.
EZE 20:40 Ḡaubada Iehova na e tomu: Badina be egu ororo helaḡana ai, Israel ororona dorina ai, unuseni ai Israel besena idoinai, ena taunimanima iboudiai, ese lau isiaigu bae lao heni una tano ai. Unuseni ai baina abidia dae; unuseni ai emui harihari ḡaudia bona emui herahia ḡaudia herea-daedia na emui ai baina gwaurai, bona emui boubou ḡaudia helaḡadia danu.
EZE 20:41 Bese idau-idau bogaragidia amo baina hakaumui lasi bona lalodiai o karoho rohoroho tanodia amo baina gogomui negana ai, lau ese baina abimui dae, bonana namo ḡauna na heto. Itelaḡagu na umui bogaragimui ai baina hahedinaraia, bese idau-idau vairadiai.
EZE 20:42 Bena Israel tanona, senemui na gwau henidia hamata baina henidia nato tanona, Ialonai baina hakaumui vareai negana ai, umui na ba diba lau na Iehova.
EZE 20:43 Unuseni ai emui dala bona sibomui o hahemirolai karadia iboudiai na ba lalodia une; bena sibomui ba hedadarai, emui kara dika iboudiai daidiai.
EZE 20:44 Bena lau ladagu bagunai baina kara henimui, dia emui dala dikadia eiava emui kara bodagadia heḡereḡeredia, negana ai umui ba diba lau na Iehova. Israel besena e, Ḡaubada Iehova na e herevamu.
EZE 20:45 Iehova ena hereva na egu ai e kau, eto,
EZE 20:46 Taunimanima natuna e, talaimu na diho kahana ba henia, diho kahana latanai ba haroro, bona diho kahana uda-tanona latanai ba peroveta.
EZE 20:47 Hari diho kahana udana ba hamaoroa, baoto, Iehova ena hereva ba kamonai. Ḡaubada Iehova na ini e gwau tomamu: A itaia, oi lalomu ai lahi ta baina ha-araia; bena una lahi ese au mauridia iboudiai bona au masedia iboudiai na baine aradia ore; ta ese lahi hururu-hururuna basine habodoa, bona vaira iboudiai, diho kahana amo ela bona mirigini kahana, na baine hodaridia.
EZE 20:48 Taunimanima iboudiai na bae diba lau Iehova ese na ha-araia; bena ta ese basine habodoa.
EZE 20:49 Bena lau nato, Ḡaubada Iehova e, idia ese e herevalaigumu, e tomu “Ia na sivarai heḡereḡeredia igwauraidia tauna ani?”
EZE 21:1 Iehova ena hereva na egu ai e kau, eto,
EZE 21:2 Taunimanima natuna e, talaimu na Ierusalem ba henia, bona gabu helaḡadia latadiai ba haroro. Israel tanona latanai ba peroveta;
EZE 21:3 Israel tanona ba hereva henia, baoto, Iehova ini e gwau tomamu: Lau ese oi na inai henimumu; egu dare na iudalaina pauana amo baina veria lasi, bena kara maoromaoro taudia bona kara dika taudia na oiemu amo baina utudia oho.
EZE 21:4 Badina be kara maoromaoro taudia bona kara dika taudia na oiemu amo baina utudia oho dainai, egu dare na iudalaina pauana amo baine lasi, taunimanima iboudiai, diho kahana amo ela bona mirigini kahana, ihadikadia totona.
EZE 21:5 Bena taunimanima iboudiai bae diba, lau Iehova ese egu dare na iudalaina pauana amo vada na veria lasi; ḡauna na basine hetoi vareai lou.
EZE 21:6 Taunabunai, taunimanima natuna e, ba ganaḡana, mai dara-dokomu bona mai lalo-hisihisimu iditana ida ba ḡanaḡana, idia vairadiai.
EZE 21:7 Bena idia ese bae hereva henimu, baeto “Dahaka dainai o ḡanaḡanamu?” negana ai, baoto “Ini hari daidiai. Baine kau negana ai, dara iboudiai bae doko, bona ima iboudiai bae manoka, lauma iboudiai bae daure, bona tui iboudiai bae manoka-manoka ranu na heto. A ilaia, ia na e maimu, bona karana na baine ḡuḡuru”. Ḡaubada Iehova na e herevamu.
EZE 21:8 Bena Iehova ena hereva na egu ai e kau, eto,
EZE 21:9 Taunimanima natuna e, a peroveta, baoto, Iehova ini e gwau tomamu: Baoto Dare ta, dare ta vada e segea, vada e hakimore-kimorea danu;
EZE 21:10 vada e segea, ala-ala totona, vada e hakimore-kimorea, kevaru na heto baine kevaru-kevaru totona. Eiava baita moale hebou a? Natugu e, hekwadi auna vada o dadaraia, bona au amo e kara ḡaudia iboudiai danu.
EZE 21:11 Taunabunai, dare na vada e heni lao, bae hakimore-kimorea, bona imadia ai bae abia kau totona; vada e segea bona vada e hakimore-kimorea, ala-ala tauna iunana ai bae atoa totona.
EZE 21:12 Taunimanima natuna e, a tai, a tai lolololo. Badina be ia na egu bese ihadikana bona Israel lohiadia iboudiai ihadikadia ḡauna; idia na egu bese taudia ida vada e heni, dare ena. Taunabunai, mamumu ba pata.
EZE 21:13 Badina be ia na dia hahetoho. Hekwadi auna boma dadaraia, ia ese dahaka bema havaraia diba? Ḡaubada Iehova na e herevamu.
EZE 21:14 Taunabunai, taunimanima natuna e, ba peroveta; imamu ba pata dagu, bena dare na baine dapadapa nega harua, oibe nega hatoi, taunimanima iala-masedia darena, ia na heala-ala badana darena, e ḡeḡedia ahumu ḡauna.
EZE 21:15 Bena daradia na bae doko bona hutuma na edia ikoukou iboudiai lalodiai bae hekida diho totona, lau ese dare kimore-kimorena vada na heni; ia na kevaru na heto e kevaru-kevarumu; vada e hakimore-kimorea, ala-ala totona.
EZE 21:16 Idibamu ai bona launmu ai ba lapalapa, emu dare isena e lapa henimu gabudia.
EZE 21:17 Lau ese danu imagu baina pata dagu, egu badu ḡaraḡarana baina ha- orea. Lau Iehova vada na hereva.
EZE 21:18 Bena Iehova ena hereva na egu ai ma e kau, eto,
EZE 21:19 Taunimanuna natuna e, Babulono pavapavana ena dare daladia rua toadia ba kara; ruaosi na tano tamona amo baema. Bona toa auna ba haginia, hanua dalana badi-tanona ai.
EZE 21:20 Dare ena mai dalana toana ba karaia; Raba, Amono taudia edia hanua, bona Iuda, bona Ierusalem, hanua mai maguna, baine mai henidia.
EZE 21:21 Badina be Babulono pavapavana na dala katakata ai e ginimu, dala ruaosi badi-tanodia baine bagu haoro totona; diba e rubediamu, ena dirava laulaudia e nanadaidiamu, ase ai toa e tahudiamu.
EZE 21:22 Ia imana idibana ai Ierusalem hanua e hedinaraimu, lolo-dagu ihavarana, hanua iduaradia igwadadia vaḡomadia iato-hatadia, tano ilarebana, bona hanua iḡegelaina kohorodia ihaginidia.
EZE 21:23 A idia ese mamina bae abia, bagu-haoro koikoina na heto; idia ese gwauhamata helaḡadia vada e gwaurai; a ia ese edia kerere e hahelalolaidia une, bae heabi mauri totona.
EZE 21:24 Taunabunai, Ḡaubada Iehova na ini e gwau tomamu: Badina be emui kerere ihelalolaidia na taunimanima lalodiai vada o havaraia, bona emui kara kerere vada o hulalalaidia, bena emui kara iboudiai lalodiai emui dika e hedinaraimu, bona badina be umui na sibomui o helalo unemu, una dainai emui kara dika lalodiai bae abimui.
EZE 21:25 Oi danu, Israel pavapavana, tau dikana, o hahemiro taumu, emu dina vada e kau, davamu bavabia vaitani negana vada e kau.
EZE 21:26 Ḡaubada Iehova na ini e gwau tomamu: Kwara dabuana ba ruhaia oho, kwara ivavalaina ḡauna ba kokia oho; harihari e miamu ḡaudia na basie mia; henu ai e miamu ḡauna na ba hadaea, atai ai e miamu ḡauna na ba hadihoa.
EZE 21:27 Baina havahua, baina havahua, baina havahua; sisina taina basine mia, ela bona ia biaguna korikorina bainema; bena ia baina henia.
EZE 21:28 Taunimanima natuna e, ba peroveta, baoto, Ḡaubada Iehova ese Amono taudia mai edia heḡonaḡonalai herevadia ida ini e herevalaidia tomamu. Baoto: Dare ta, dare ta vada e veria lasi, ala-ala totona. Vada e hakimorekimorea, baine hururu-hururu bona baine kevaru-kevaru.
EZE 21:29 Idia ese oi daimu ai e mata hanai koikoimu bona e bagu haoro koikoimu lalonai, una dare na kara dika taudia, e hahemiro taudia, aiodia ai baine heato; edia dina vada e kau, davadia bae abi vaitani.
EZE 21:30 Iudalaina pauana lalonai ba udaia lou. E havaramu gabuna ai, emu vara tanona korikorina ai, lau ese baina hahemaoro henimu.
EZE 21:31 Egu badu na latamu ai baina bubua dobi; egu badu-ḡaraḡara lahina amo baina pururumu; daḡedaḡe taudia, hahebua-tari mai dibadia taudia, imadia ai baina atomu.
EZE 21:32 Oi na lahi auna ai baina halaomu; oi raramu na tano bogaraginai baine mia; badina be lau Iehova vada na hereva.
EZE 22:1 Iehova ena hereva na egu ai ma e kau, eto,
EZE 22:2 Oi danu, taunimanima natuna, ba hahemaoro heni a? Ina hanua mai rarana ba hahemaoro henia a? Benaini, ena kara dika-rohorohodia iboudiai ba gwaurai henia.
EZE 22:3 Oi na baoto, Ḡaubada Iehova na ini e gwau tomamu: Hanuana binai, bogaraginai rara e hahebubuamu, ena nega baine kau helaoreana, bona kaivakuku e karamu, ia sibona ihamirolaina.
EZE 22:4 Oi na vada o kerere, vada o hahebubua rarana dainai; bona vada o miro, vada o kara kaivakukudia daidiai; emu nega vada o hakwadogia, vada e gwaurai henimu laḡanidia vada e ore. Taunabunai, hedunirai ḡauna ai vada na halaomu, bese idau-idau ediai, bona heḡonaḡonalai ḡauna, tano iboudiai ediai.
EZE 22:5 Harimu dika-rohoroho ḡauna, heloḡo-ahuahu hanuana, e noho hetabiramu taudia bona daudaudia ai e nohomu taudia ese bae ḡonaḡonalaimu.
EZE 22:6 A itaia, oi lalomu ai Israel lohiadia, ta ta ena siahu ena siahu heḡereḡeredia ai, lalodia na rara ihahebubuna vada e uralai bada.
EZE 22:7 Oi lalomu ai tama bona sina na e hahemataidiamu; oi bogaragimu ai noho hedoa tauna na gwaurai-lagau karadia amo e hahisiamu; oi lalomu ai ihareha bona vabu e kara dika henidiamu.
EZE 22:8 Egu ḡau helaḡadia vada o dadaraidia; egu dina helaḡadia vada o hamirodia.
EZE 22:9 Oi lalomu ai haida ese e hahebademu, rara ihahebubuna totona; oi lalomu ai haida ese ororo ai e ani rahimu; oi bogaragimu ai haida ese lebulebu karadia e karamu.
EZE 22:10 Oi lalomu ai haida ese tamadia edia geda e hamirodiamu; oi lalomu ai hahine na edia rara-kara dinadia ai e hahemaraidiamu.
EZE 22:11 Ta na dekena tauna adavana ida e heuda hanaimu; ma ta na rava-maragi hahinena ida e eno boumu; ma ta oi lalomu ai na ia taihuna korikorina ida e eno boumu.
EZE 22:12 Oi lalomu ai haida ese dava e abimu, rara ihahebubuna totona; heatokau monidia o abimu, bona gvaurai-lagau karadia ai dekemu taudia o dadihaidia; vada o lalogu boio. Ḡaubada Iehova na e herevamu.
EZE 22:13 Taunabunai, a itaia, lau ese imagu ruaosi na tutu hekapumu, moni vada o abi koikoi bona rara na bogaragimu ai vada e hebubu daidiai.
EZE 22:14 Baina kara henimu dinadia ai na emu haheauka baine hesiriu eiava imamu bae goada a? Lau Iehova vada na hereva, bona karana do baina karaia.
EZE 22:15 Baina hakarohomui, bese idau-idau bogaragidiai, bona tano idau-idau ai baina hakarohomui rohoroho; bona emu miro na bogaragimu amo baina ha-orea.
EZE 22:16 Bena oi daimu ai lau ladagu baine miro bese idau-idau vairadiai; bena ba diba lau na Iehova.
EZE 22:17 Bena Iehova ena hereva na egu ai e kau, eto:
EZE 22:18 Taunimanima natuna e, Israel besena na momo ai vada ela lauegu ai; iboudiai na silver bona auri labora-laborana bona auri hururu-hururuna bona auri bona auri metauna lahi lalonai na heheto. Momo ai vada ela.
EZE 22:19 Taunabunai, Ḡaubada Iehova na ini e gwau tomamu: Umui iboumui ai na momo ai vada o hahelao dainai, taunabunai, a itaia, lau ese Ierusalem bogaraginai baina haboumui.
EZE 22:20 Taunimanima ese silver bona auri labora-laborana bona auri bona auri metauna bona auri hururu-hururuna na lahi ai e haboumu, bena lahi e hahururuhururuamu idia ihavevedia totona, unuheto lau ese egu badu ai bona egu badu ḡaraḡara ai baina haboumui, lahi lalonai baina atomui vareai, baina havevemui.
EZE 22:21 Baina haboumui, egu badu ḡaraḡara lahina ai baina pururumui, bena ia bogaraginai ba veve oho.
EZE 22:22 Silver na lahi ai e haveveamu na heto, lau ese egu badu ai baina havevemui; bena ba diba lau Iehova ese egu badu na latamui ai vada na bubua dobi.
EZE 22:23 Bena Iehova ena hereva na egu ai e kau, eto,
EZE 22:24 Taunimanima natuna e, ba hamaoroa, baoto, Oi na asie haḡoevaia tanona, eiava latanai badu dinana ai medu se diho tanona.
EZE 22:25 Ia bogaraginai ena lohia verina na e goumu bona damuna e dareamu leonana na heto; idia ese taunimanima edia mauri vada e ha-oredia; kohu namo-hereadia bona dava bada ḡaudia vada e dadidia, hahine momo vada e havabudia ia bogaraginai.
EZE 22:26 Ena hahelaḡa taudia ese egu taravatu vada e tataia utu, bona egu ḡau helaḡadia vada e hamirodia; ḡau helaḡadia bona ḡau asi helaḡadia asie ha-idaudia, bona ḡau mirodia bona ḡau ḡoevaḡoevadia vada e hatamonadia; bona egu dina helaḡadia asie badinadia; unu amo idia ese lau ladagu vada e hamiroa.
EZE 22:27 Ena lohia verina ia bogaraginai na uda sisiadia na heheto; damudia e daremu, rara e hahebubuamu, bona taunimanima edia mauri e ha orediamu, unu amo kohu e ḡaunai.
EZE 22:28 Ena peroveta taudia danu ahu ai e hedahu, vada e mata hanai koikoi bona vada e bagu haoro koikoi idia daidiai; vada eto “Ḡaubada Iehova na ini e gwau tomamu”, a ḡau be Iehova se gwa.
EZE 22:29 Tano taudia ese dava vada e gwaurai lagau, bona dadidadi karadia vada e kara; ogoḡami tauna bona e dabumu tauna vada e hahisidia, bona noho-hedoa tauna enai dava vada e gwaurai lagau, ena ḡau na asi iabi-louna dalana.
EZE 22:30 Bena idia bogaragidiai tau ta na tahua, maḡu baine haginia, bena e mauru gabuna ai lau vairagu ai baine gini, tano igimana totona baina habuaia tari na garina; a tau ta asina davaria.
EZE 22:31 Taunabunai, egu badu na idia latadiai vada na bubua dobi; egu badu-ḡaraḡara lahina ai vada na ha-aradia; edia kara davana vada na haloua, idia kwaradia ai. Ḡaubada Iehova na e herevamu.
EZE 23:1 Iehova ena hereva na egu ai e kau, eto,
EZE 23:2 Taunimanima natuna e, hahine rarua e nohova, hahine tamona natuna.
EZE 23:3 Idia ese ariara karadia e karava, Aigupto ai; ulatodia ai ariara karadia e karava. Unuseni ai tatau haida ese kemedia e rosidia; bona ulato rami-heboudia ai ratadia e ḡiḡidia.
EZE 23:4 Hane guna ladana na Ohola; ia tadina ladana na Oholiba. Lau ese na adavadia; bena idia ese natudia mamaruanedia bona hahinedia e havaradia. Ladadia anidia na iniheto: Ohola na Samaria, bona Oholiba na Ierusalem.
EZE 23:5 Ohola na lau adavagu negana ai, ia ese ariara karadia e karava; e ura heniava taudia, Asuria taudia, na e mata dika henidiava.
EZE 23:6 Idia na tuari taudia, dabua kakakakadia e hahedokilaiva; idia na hekwara taudia bona tuari lohiadia; iboudiai na eregabe taudia namo-hereadia, hosi ai e guiva taudia.
EZE 23:7 Ia ese e kara lebulebu henidia; iboudiai na Asuria taudia ḡoeva-daedia; bona e mata dika henidia taudia iboudiai edia kaivakuku iboudiai ediai e hahemiro.
EZE 23:8 Ena ariara karadia, Aigupto ai e nohova dinadia amo vada e kara, na se hadokodia; badina be ulatona ai tatau na ia ida e eno bou, bona ulato rami-hebouna ai idia ese ratana e ḡiḡidia; bona e kara lebulebu henia.
EZE 23:9 Taunabunai, e ura heniava taudia, hari Asuria taudia, ia ese e mata dika henidia taudia, imadia ai na atoa.
EZE 23:10 Idia ese ena geda e hamiroa; ia natuna mamaruanedia bona hahinedia na e dabaidia tao, a ia be dare amo e alaia mase; hahemaoro na ia latanai vada e haḡuḡurua negana ai, ia na gwaurai-gwaurai herevana ai ela hahine bogaragidiai.
EZE 23:11 Ina kara na ia tadina Oholiba ese e itaia, ḡau tamona ia ese kakana e hereaia, ena mata dika ai bona ena ariara karadia ai; unu kara ai kakana na dika, a ia be dika herea.
EZE 23:12 Ia ese Asuria taudia e mata dika henidia; hekwara taudia bona tuari lohiadia, edia auri dabuadia e hahedokilaiva taudia, edia hosi ai e guiva taudia, iboudiai na eregabe taudia namo-hereadia.
EZE 23:13 Bena na itaia, vada e miro vaitani; idia raruosi na dala tamona ai vada e raka.
EZE 23:14 A ia ese ena ariara karadia ma e habada; ia ese tatau laulaudia haba ai e raraidia, Kaldea taudia laulaudia, muramura kakakakana amo vada e tore ḡaudia,
EZE 23:15 mai edia gaba ḡaudia koekoedia ai bona edia kwara dabuadia kwaradia ai, iboudiai ita-itadia na lohia taudia, Kaldea taudia, Babulono tanona ai e nohomu taudia, laulaudia.
EZE 23:16 E itadia negana ai na e mata dika henidia; bena gwaukau taudia na dekedia e siaidia lao Kaldea ai.
EZE 23:17 Bena Babulono taudia na ia dekena ela, ia ida e eno bou, ela bona edia lebulebu karadia amo e hamiroa. E hamiroa murinai, ia ese e rakatanidia mai hedadaraina ida.
EZE 23:18 Ena ariara karadia e kara hedinarai bona tau-anina e heaḡilaia negana ai na na rakatania mai hedadaraigu ida, kakana na rakatania heḡereḡerena.
EZE 23:19 To, ia ese ena ariara karadia e habada, hane-ulatona negana e laloa tao; una negana ai ia ese ariara karadia e karava Aigupto tanona ai;
EZE 23:20 unuseni ai ia e ura heniava taudia, taudia reḡedia na doniki reḡedia na heheto bona natudia na hosi natudia na heheto taudia, na ia ese e mata dika henidia.
EZE 23:21 Unuheto hane-ulato ai Aigupto taudia ese kememu e rosia bona ratamu e ḡiḡi negana ai lebulebu karadia o karava na oi ese o lalodia tao, mai lalo-hekisehekisemu ida.
EZE 23:22 Taunabunai, Oholiba e, Ḡaubada Iehova na ini e gwau tomamu: A itaia, e ura henimumu taudia, mai hedadaraimu ida o rakatanidia taudia, na baina hatoredia isi, kaha iboudiai amo baina haboudia, oi ihadikamu totona:
EZE 23:23 Babulono taudia bona Kaldea taudia iboudiai, Pekodo bona Soa bona Koa taudia, bona Asuria taudia iboudiai idia ida, iboudiai na eregabe taudia namo-hereadia bona hekwara taudia bona tuari biagudia, lohia taudia bona tuari taudia, iboudiai danu hosi gui taudia.
EZE 23:24 Idia na oi ihadikamu totona mirigini kahana amo baema, mai edia kariota bona edia rerue bona edia orea taudia hutuma ida. Idia ese bae koumu heḡeḡe, mai edia keme auridia bona edia kesi bona edia kwara ḡaudia, bona siahu baina henidia bae hanemaoro, bena edia hahemaoro herevadia amo bae hahemaoro henimu.
EZE 23:25 Bena egu badu na baina siai henimu, edia badu ḡaraḡara ai bae kara henimu totona. Idia ese udu-baubaumu bona taiamu bae utudia oho, bona emu roho-mauri taudia na dare ai bae mase. Idia ese natumu mamaruanedia bona hahinedia bae dabaidia tao, bona emu roho mauri taudia na lahi ese baine aradia ore.
EZE 23:26 Idia ese danu emu dabua bae hadokidia oho, bona emu herahera nadidia namo-hereadia bae abidia oho.
EZE 23:27 Unuhetomana lau ese emu lebulebu bona emu ariara karadia, Aigupto amo o mailai, na baina hadokodia; una dainai, Aigupto taudia na basio gaga dae henidia lou, bona basio lalodia tao lou.
EZE 23:28 Badina be Ḡaubada Iehova na ini e gwau tomamu: A itaia, lau ese o inai henidiamu taudia, mai hedadaraimu ida o rakatanidia taudia, imadia ai baina atomu;
EZE 23:29 bena daḡedaḡe ai bae kara henimu, emu hekwarahi anina idoinai bae abia oho, gagaemu ai bae rakatanimu, bena emu ariara karadia anidia korikori bae hedinarai. Emu lebulebu bona emu ariara karadia ese
EZE 23:30 ina kara na latamu ai vada e hadihoa, badina be bese idau-idau ida ariara karadia o kara, bona edia kaivakuku ediai o hahemiro.
EZE 23:31 Kakamu ena dala ai vada o raka; taunabunai iena kehere na oi imamu ai baina atoa.
EZE 23:32 Ḡaubada Iehova na ini e gwau tomamu: Kakamu ena kehere amo ba inu, ia na bada bona dobu; bae kirikirilaimu, bae ḡonaḡonalaimu, badina be anina na bada;
EZE 23:33 kekero bona lalo-hisihisi ese bae hahonumu. Kakamu Samaria ena kehere na gari-bada bona lauma-daure keherena;
EZE 23:34 ba inua, anina ba ha-orea; huimu ba tapusia bona kememu ba kakasia. Badina be Ḡaubada Iehova na e tomu, Lau vada na hereva.
EZE 23:35 Taunabunai, Ḡaubada Iehova na ini e gwau tomamu: Badina be vada o lalogu boio bona murimu ai vada o negegu, una dainai emu lebulebu bona emu ariara karadia davadia bavabi.
EZE 23:36 Iehova ese e hamaorogu, eto, Taunimanima natuna e, Ohola bona Oholiba ba hahemaoro henidia a? Benaini, edia kara dika-rohorohodia ba gwaurai henidia.
EZE 23:37 Badina be idia na vada e heuda hanai, bona rara na imadia ai; edia kaivakuku ida vada e heuda hanai; bona natudia mamaruanedia, lauegu amo e abidia memerodia, na boubou karana ai idia e henidia, adia.
EZE 23:38 Ina danu vada e kara henigu: dina tamona ai egu gabu helaḡana bona egu dina helaḡadia vada e hamirodia.
EZE 23:39 Badina be natudia e aladia mase, edia kaivakuku iboulaidia ḡaudia ai e halaodia, dinana lalonai idia ese egu gabu helaḡana lalonai e didi vareai, bae hamiroa totona. A itaia, egu dubu ai unu e kara toma.
EZE 23:40 Idia ese danu gwaukau tauna ta e siaia lao, dauha amo tatau haida baema; bena vada ema. Idia daidiai o digu, matamu o ouda, bona taumu o haheraia;
EZE 23:41 ege-diho patana namo-hereana ai o helai; ia vairanai pata ta o atoa, bona egu muramura mai bonana bona egu dehoro na pata latanai o atodia.
EZE 23:42 Hutuma edia moale reḡedia na taiana ai; bona gunika taudia na tano ḡaḡaena amo e hakaudia mai, kekero taudia; bena vaḡivaḡi na hahine imadia ai e atodia, bona havava ḡaudia mai hairaidia na kwaradia e havavalaidia.
EZE 23:43 Bena lau nato, Tatau na ia ida e eno boumu negadia ai, idia na asie heuda hanaimu a?
EZE 23:44 Badina be idia na ia dekenai vada e raka vareai, haida ese ariara hahinena dekenai e raka vareaimu na heto. Ohola bona Oholiba dekediai unu e raka vareai toma, bae kara lebulebu totona.
EZE 23:45 A ka a maoromaoro taudia ese bae hahemaoro henidia, heuda-hanai hahinedia bona rara ihahebubuna hahinedia davadia bae henidia; badina be idia na heudahanai hahinedia, bona rara na imadia ai.
EZE 23:46 Badina be Ḡaubada Iehova na ini e gwau tomamu: Tuari oreana ba hakaua mai, gari ihavarana ḡauna ai bona dadidadi ḡauna ai ba halaodia.
EZE 23:47 Bena hari tuari oreana taudia ese nadi amo bae hododia bona edia date amo bae aladia mase; natudia mamaruanedia bona hahinedia danu bae aladia mase, bona edia ruma bae doudia.
EZE 23:48 Unu amo lebulebu karadia na tano ai baina hadokodia, hahine ese nahuadia bae toho totona, bena lebulebu karadia basie kara, umui vada o kara heḡereḡeredia.
EZE 23:49 Bena emui lebulebu davana do bavabia, bona emui kara dika ai kaivakuku o toma henidia diho na davadia bavabi; bena vada ba diba lau na Ḡaubada Iehova.
EZE 24:1 Laḡani ihataurahani-tana huana ihagwautana dinana ihagwautana lalonai, Iehova ena hereva na egu ai e kau, eto,
EZE 24:2 Taunimanima natuna e, Ina dina, hari ina dina, ladana ba torea; Babulono pavapavana ese Ierusalem vada e koua heḡeḡe, hari ina dina ai.
EZE 24:3 Hereva heḡereḡerena na ina gwau-edeede besena ba gwaurai henia, baoto, Ḡaubada Iehova na ini e gwau tomamu: Uro ba laia kau, ba laia kau; ranu na ia lalonai ba seia danu.
EZE 24:4 Hidio taidia ba uda dobi, namodia, koekoe bona paḡa; turia namo-hereadia amo ba hahonua.
EZE 24:5 Mamoe ḡoeva-daena ta bavabia, lahi audia ba rakudia, hidio taidia ba nadudia, mai turiana ida ba nadua.
EZE 24:6 Taunabunai, Ḡaubada Iehova na ini e gwau tomamu: Hanua mai rarana madi ihabaina! Uro mai deḡideḡina, deḡideḡina do asie negea ḡauna, madi ihabaina! Hidio taidia taidia na ia lalona amo ba vai dae, namodia bona dikadia basio hididia.
EZE 24:7 Badina be rarana, vada e hebubu ḡauna, na dounu ia bogaraginai; nadi latanai e atoa, tano ai se bubua bena ḡahu ese se tahunia.
EZE 24:8 Egu badu ihavarana bona dava iabina totona, ia ese e hahebubua rarana na lau ese nadi latanai vada na atoa, basine hetahuni helaoreana.
EZE 24:9 Taunabunai, Ḡaubada Iehova na ini e gwau tomamu: Hanua mai rarana madi ihabaina! Lau ese danu senu baina habadaia.
EZE 24:10 Lahi audia momo ba raku, Iahi ba ha-araia, hidio ba nadua namonamo, vasiahu ba seia oho, turia ba haḡoledia oho.
EZE 24:11 Bena asi anina ai gida latadiai bavatoa kau, baine siahu totona, bena aurina labora-laborana na baine kiama-kiama; bena mirona na baine veve ia lalonai, bona deḡideḡina na baine ara ore.
EZE 24:12 Vada na hekwarahi kava; ia deḡideḡina udunanana lahi ai se oremu.
EZE 24:13 Deḡideḡina na oiemu lebulebu miro-hereana. Badina be bama haḡoevamu, to emu miro badana amo asio goeva; basio ḡoevaḡoeva lou ela bona egu badu na baina hagugurua latamu ai.
EZE 24:14 Lau Iehova vada na hereva; ina na baine vara, lau ese baina karaia; lau na basina helalo lou, basina hebogahisi, basina helalo kerehai. Emu dala bona emu kara heḡereḡeredia ai baina hahemaoro henimu. Ḡaubada Iehova na e herevamu.
EZE 24:15 Iehova ena hereva na egu ai ma e kau, eto,
EZE 24:16 Taunimanima natuna e, mata-kunumai tamona ai oi matamu ihamoalena baina abia oho, ḡau tamona lalomu basine hisihisi bona basio tai, bona iruru-matamu basie diho.
EZE 24:17 Ba hahodi, to basio ḡanaḡana; mase taina basio tai. Dabua na kwaramu ba kumilaia, bona tamaka na aemu ai ba kara; udumu basio ḡovaia, bona basio ani helaḡa.
EZE 24:18 Taunabunai, daba ai lau ese taunimanima na hereva henidia, bena adorahi ai adavagu na e mase. Bena daba rerena ai, e haḡanigu heḡereḡerena ai na kara.
EZE 24:19 Bena taunimanima ese e nanadaigu, eto, Ini ḡau anidia emai ai, bona ini o kara karadia anidia, basio hamaoromai a?
EZE 24:20 Bena na haere henidia, nato, Iehova ena hereva na egu ai e kau, eto,
EZE 24:21 Israel besena ba hamaoroa, baoto, Ḡaubada Iehova na ini e gwau tomamu: A itaia, egu gabu helaḡana baina hamiroa, emui siahu iheaḡilaina toana, matamui ese e moalelaiamu ḡauna, laumamui ese e uralaiamu ḡauna; bena natumui mamaruanedia bona hahinedia unuseni ai o rakatanidia na dare amo bae mase.
EZE 24:22 Bena-lauegu kara heḡereḡerena ai do ba kara; udumui basio ḡovadia bona basio ani helaḡa.
EZE 24:23 Kwaramui dabuadia na kwaramui ai bae mia, bona emui tamaka na aemui ai bae mia; lalomui basie hisihisi bona basio taitai, a emui kara havara ai ba varoda-varoda, bona ba heḡanaḡana heheni.
EZE 24:24 Unuhetomana, Esekiel na toa ta ai bainela emui ai, ia ese e kara karadia iboudiai heḡereḡeredia, umui ese ba kara. Ina na baine kau negana ai, ba diba lau na Ḡaubada Iehova.
EZE 24:25 iBona oi, taunimanima natuna e, edia gabu aukana, edia moale bona edia hairai, matadia ese e moalelaiamu bona lalodia ese e uralaiamu ḡauna, bona natudia mamaruanedia bona hahinedia danu, na edia amo baina abidia oho dinana ai,
EZE 24:26 una dina ai heau tauna ta na dekemu bainema, hari baine hamaorolaimu.
EZE 24:27 Una dina ai, udumu baine hekeho una heau tauna enai; vada ba hereva, basio mu lou. Unu amo oi na toa ta ai baola, idia ediai; bena bae diba lau na Iehova.
EZE 25:1 Iehova ena hereva na egu ai e kau, eto,
EZE 25:2 Taunimanima natuna e, talaimu na Amono taudia ba henidia, bona idia latadiai ba peroveta.
EZE 25:3 Amono taudia ba hamaorodia, baoto, Ḡaubada Iehova ena hereva ba kamonai. Ḡaubada Iehova na ini e gwau tomamu: Badina be umui oto “Aha” egu gabu helaḡana latanai, bona Israel tanona latanai, e havahua negana ai, bona Iuda besena latanai, dauhai e hanohoa negana ai;
EZE 25:4 una dainai lau ese mairiveina kahana taudia imadia ai na atomuimu, idia ese edia ai bae halaomui, bona bogaragimui ai bae taruha bona bae noho; idia ese emui au-huahua bae ani bona emui rata bae inu.
EZE 25:5 Raba na kamelo edia rei gabuna ai baina halaoa, bona Amono taudia edia hanua na mamoe seridia edia maḡu ai baina halaodia. Bena ba diba, lau na Iehova.
EZE 25:6 Badina be Ḡaubada Iehova na ini e gwau tomamu: Badina be imamui vada o tutu bona aemui vada o pana, bona emui badu lalonai Israel tanona ihadikana o moalelaia,
EZE 25:7 una dainai, a itaia, imagu na vada na toia roro, umui ihadikamui, bona bese idau-idau imadia ai baina atomui, edia ai bae halaomui; bena bese idau-idau edia amo baina negemui daure, bona tano idau-idau lalodia amo baina hamasemui, baina habuamui tari. Bena ba diba, lau na Iehova.
EZE 25:8 Ḡaubada Iehova na ini e gwau tomamu: Badina be Moab eto “A itaia, Iuda besena na bese idau-idau iboudiai heḡereḡeredia”,
EZE 25:9 una dainai lau ese Moab igimana na kaha ta amo baina abia oho, ena tano hetoana hanuadia amo baina abia oho; unu na tano hairaina, Bet-iesimoto, Baal-meono, Kiriataimi.
EZE 25:10 Una tano, Amono taudia ida, na mairiveina kahana taudia baina henidia, edia ai bae halaoa, bena bese idau-idau bogaragidiai ta ese basine laloa tao lou;
EZE 25:11 bona Moab na baina hahemaoro henia. Bena idia na bae diba lau na Iehova.
EZE 25:12 Ḡaubada Iehova na ini e gwau tomamu: Badina be Edom ese Iuda besena taudia edia daḡedaḡe e hadava henidia, bona e kerere dikadika idia ihadava-henidia ai,
EZE 25:13 una dainai Ḡaubada Iehova na ini e gwau tomamu: Lau ese imagu na baina toia roro, Edom ihadikana, taunimanima bona ubu-ubu ḡaudia na iena amo baina negedia daure. Baina havahua; bena Teman amo ela bona Dedan idia na dare ai bae mase.
EZE 25:14 Egu hahedava-heni na Edom latanai baina atoa kau, egu bese Israel taudia imadia ai; Edom ai bae ḡaukara, egu badu bona egu badu-ḡaraḡara heḡereḡeredia ai; bona egu hahedava-heni bae diba. Ḡaubada Iehova na e herevamu.
EZE 25:15 Ḡaubada Iehova na ini e gwau tomamu: Badina be Filistia taudia na e hahedava heni, bona edia badu ai hahedava-heni karadia e kara, miahanaihanai heinai-hehenina ai bae hahebua tari totona;
EZE 25:16 una dinai Ḡaubada Iehova na ini e gwau tomamu: A itaia, lau ese imagu na baina toia roro Filistia taudia ihadikadia, bona Kerete taudia baina negedia daure, bona kone kahana orena na baina habuaia tari.
EZE 25:17 Lau ese hahedava-heni badana baina karaia idia latadiai; mai badugu ida davadia baina henidia. Bena egu hahedava-heni na latadiai baina atoa negana ai, idia na bae diba lau na Iehova.
EZE 26:1 Laḡani ihagwauta-tana lalonai, hua dinana gini-gunana ai, Iehova ena hereva na egu ai e kau, eto,
EZE 26:2 Taunimanima natuna e, badina be Turo ese Ierusalem e herevalaia, eto “Aha, taunimanima edia ikoukou vada e makohi, egu ai vada e hekeho; ia vada e vahu dainai lau baina namo lou”;
EZE 26:3 una dainai Ḡaubada Iehova na ini e gwau tomamu: Turo e, a itaia, lau ese na inai henimumu. Bese momo baina mailaidia oi ihadikamu, davara ese hurehurena na e mailaidiamu na heto.
EZE 26:4 Idia ese Turo maḡudia bae ḡiḡidia dobi, bena kohorodia bae haheḡiḡidia tari, bena lau ese tanona baina tahia oho, nadina mo baine kikiri.
EZE 26:5 Ia na davara bogaraginai baine mia, reke itoredia gabuna ai bainela. Lau, Ḡaubada Iehova, vada na hereva. Bena ia na bese idau-idau damudia ai bainela;
EZE 26:6 bona ia natuna hahinedia tanobada ai na dare ese baine aladia mase. Bena bae diba lau na Iehova.
EZE 26:7 Badina be Ḡaubada Iehova na ini e gwau tomamu: A itaia, mirigini kahana amo Nebukadresara, Babulono pavapavana, pavapava edia pavapava, mai ena hosi bona ena kariota bona ena hosi-gui taudia bona ena tuari taudia hutuma herea ida, baina mailaidia, Turo latanai.
EZE 26:8 Ia ese natumu hahinedia tanobada ai na dare amo baine aladia mase. Ia ese maḡu ta amo baine koumu heḡeḡe, bona tano baine larebaia bona kesi momo bae duduidia isi oi ihadikamu.
EZE 26:9 Ena vaḡoma amo maḡumu baine hamakohidia, bona ena ira amo kohoromu baine hagaridia.
EZE 26:10 Ena hosi bae hutuma herea dainai, aedia kahudia ese bae govamu. Ia na ikoukoumu amo baine raka vareai, ta ese maḡuna e hamaurua hanuana ai bema raka vareai heḡereḡerena; una negana ai hosi-gui taudia bona rerue bona kariota reḡedia ese maḡumu bae haheude-heudedia.
EZE 26:11 Ena hosi aedia amo ia ese ariaramu iboudiai baine moimoilaidia; emu taunimanima iboudiai ia ese baine aladia mase, emu au-tubua auka-hereadia na tano ai bae moru.
EZE 26:12 Idia ese emui taḡa na bae dadidia oho, bona emui hoihoi kohudia na damudia ai bae halaodia; maḡumu bae gigi dobi, bona emui ruma namo-hereadia bae habuadia tari; emui nadi bona emui au bona emui uma tanodia na davara lalonai bae negedia dobi.
EZE 26:13 Emui ane reḡedia baina hadoko; emui gitara reḡedia na basie hekamonai lou.
EZE 26:14 Nadi kikiri ai baina halaomu; reke itoredia gabuna ai ba hahelao; nega ta ai basie haginimu lou; badina be lau Iehova vada na hereva. Ḡaubada Iehova na e herevamu.
EZE 26:15 Ḡaubada Iehova ese Turo na ini e hereva henia tomamu: Ba moru negana ai na bae bero taudia bae ganaḡana, bona ala-ala na baine bada bogaragimu ai; una negana ai kone tanodia na basie heude-heude a?
EZE 26:16 Bena davara lohiadia iboudiai na edia terono amo bae diho, edia hahedoki badadia bae atodia tabe bona edia hahedoki mai heraheradia bae dokidia oho. Mai heude-heudedia ida edia dabua bae hahedokilai; tano ai bae helai; nega idoinai bae heude-heude bona oi daimu ai bae gari.
EZE 26:17 Bena oi latamu ai bae rohe ahu, bae hamaoromu, baeto: Mai harimu hanuana e, davara ai vada o boio, madi, ihabaimu! Davara ai o auka herea, oi bona inoholaimu taudia danu; oi ese tanobada tanodia iboudiai o hagaridia dikadika.
EZE 26:18 Harihari, emu moru dinana ai, motumotu na e heude-heudemu; oibe, davara motumotudia na e garimu, oi vada o boio dainai.
EZE 26:19 Badina be Ḡaubada Iehova na ini e gwau tomamu: Hanua ahutuna ai baina halaomu, asie noholaidiamu hanuadia heḡereḡeredia, bona gadobada ai baina hamutumu bena ranu badadia ese bae habubunimu;
EZE 26:20 una negana ai baina dorimu dobi, Guri Badana ai e dihomu taudia ida, sene taudia dekediai; bona tanobada henuna gabuna ai baina hanohomu, idau nega ai e heḡiḡi dobi hanuadia bogaragidiai, Guri Badana ai e dihomu taudia ida. Taunabunai, ta ese basine noholaimu, bona mauri taudia edia tano ai basio mia.
EZE 26:21 Dala dika-rohorohona amo baina hadokomu, bena ba puki oho; ena be bae tahumu, to nega ta ai basie davarimu lou. Ḡaubada Iehova na e herevamu.
EZE 27:1 Iehova ena hereva na egu ai e kau, eto,
EZE 27:2 Taunimanima natuna e, harihari Turo latanai ba rohe ahu.
EZE 27:3 Turo, davara raka-lasi ai e miamu hanuana, kone tanodia momo taudia edia hoihoi gabuna, ba hereva henia, baoto, Ḡaubada Iehova na ini e gwau tomamu: Turo e, vada o hereva, oto “Hairaigu na ḡoeva-dae”.
EZE 27:4 Oi hetoamu na davara bogaragidiai, oi ikaramu taudia ese hairaimu e haḡuḡurua.
EZE 27:5 Aumu iboudiai na beroso audia, Seniri ororona amo e abidia. Sida auna ta Lebanon amo e abia, au-tubuamu ikaralaina.
EZE 27:6 Oak audia Basan amo na oi baramu e karalaidia. Oi reireimu na teasuru audia amo e karadia, Kupro kone-tanodia amo e abi ḡaudia; bena aivori amo e haheradia.
EZE 27:7 Dabua aukana mai heraherana na Aigupto amo e abia; unu amo oi laramu e karaia, bona pepemu danu. Dabua vaiuridia bona kakakakadia Elisa kone-tartodia amo na dina siahuna ilao-ahuna e karalaia.
EZE 27:8 Sidono taudia bona Aravada taudia na emu bara taudia; idibaka taudia Semere amo na oi lalomu ai, idia na emu tari taudia.
EZE 27:9 Gebala tau-badadia bona ena idibaka taudia na oi lalomu ai, idia ese reireimu e demadia. davara lagatoidia iboudiai na oi lalomu ai, bona lagatoi taudia danu emu hoihoi kohudia e hoihoilai.
EZE 27:10 Parasa bona Lud bona Put taudia na emu tuari taudia, emu tuari oreana lalonai; kesi bona auri kwara ḡauna na oi lalomu ai e taudia dae; idia edia amo hairaimu o abia.
EZE 27:11 Aravada bona Heleke taudia na maḡumu latadiai e gini heḡeḡe, bona Gamada taudia na kohoromu ai; idia ese oi maḡumu heḡege-madai ai edia kesi e taudia dae; oi hairaimu na vada e haḡuḡurua.
EZE 27:12 Tarasisi taudia na emui ai e hoihoiva, emui kohu idau-idau momo herea daidiai; silver bona auri bona auri haraga-haragana bona auri metauna na e henimui, emui hoihoi ḡaudia davadia.
EZE 27:13 Iavan bona Tubal bona Mesek taudia na emui ai e hoihoiva taunimanima bona auri labora-labora ḡaudia na e henimui, emui hoihoi ḡaudia davadia.
EZE 27:14 Bete-togarama taudia ese hosi bona tuari hosidia bona doniki na e henimui, emui hoihoi ḡaudia davadia.
EZE 27:15 Rodo taudia na emui ai e hoihoiva; kone tanodia momo lalodiai emui hoihoi gabudia e miava; idia ese elefant doadia bona eboni audia e matlai, emui ḡau davadia.
EZE 27:16 Edom na emui ai e hoihoiva, emui kohu momo herea daidiai; idia ese samarago nadidia bona dabua kakakakadia bona dabua mai heraheradia bona dabua aukadia namo-hereadia bona ramoto bona kadokodo nadidia e henimui, emui hoihoi ḡaudia davadia.
EZE 27:17 Iuda bona Israel tanona taudia na emui ai e hoihoiva; idia ese uit, olive, suke huahuadia matamatadia, bada-ranuna, dehoro bona muramura mai bonana e henimui, emui hoihoi ḡaudia davadia.
EZE 27:18 Damasko taudia na emui ai e hoihoiva, emui kohu momo herea bona emui taḡa bada-herea ḡau idau-idau ai daidiai; idia ese Helebono ena vine ranuna, bona mamoe huina kurokurona
EZE 27:19 bona vine ranuna Usala amo e henimui, emui hoihoi ḡaudia davadia; o hoihoilai ḡaudia haida na auri hururu-hururuna bona kida bona kane.
EZE 27:20 Dedan taudia na emui ai e hoihoiva, edia hoihoi ḡaudia na hosi dorudia dabuadia.
EZE 27:21 Arabia bona Kedara lohiadia Iboudiai edia hoihoi ḡaudia na o uralai bada: ḡaudia na mamoe natudia bona mamoe mamaruanedia bona nani; ini ḡau na emui ai e hoihoilaiva.
EZE 27:22 Sieba bona Raama edia hoihoi taudia na emui ai e hoihoiva; idia ese aniani mamidia ihanamolaidia muramuradia namo-hereadia idau-idau bona herahera nadidia idau-idau iboudiai bona gold e henimui, emui hoihoi ḡaudia davadia.
EZE 27:23 Haran bona Kane bona Eden bona Asuru bona Kilimada taudia na emui ai e hoihoiva.
EZE 27:24 Idia ese hahedoki namo-hereadia, bona dabua vaiuridia, bona dabua mai heraheradia, bona dabua gedadia, oromadia idau-idau ḡaudia, e loku ḡoevaḡoeva ḡaudia, na emui ai e hoihoilai.
EZE 27:25 Tarasisi lagatoidia na o vatudia, emui hoihoi ḡaudia bae loalai totona. Taunabunai oi na o honu honu daeva, madunamu e metauva, davara bogaragidiai;
EZE 27:26 emu bara taudia ese vada e baramu lao, gadobada ai; laurabada ese vada e hamutumu, davara bogaragidiai.
EZE 27:27 Emu taḡa, emu kohu, emu hoihoi ḡaudia, emu neseriki taudia bona emu tari taudia, emu demadema taudia, emu hoihoi taudia, bona emu tuari taudia iboudiai lalomu ai, mai emu orea idoinai, bogaragimu ai e nohomu oreana, ida, ibouboudiai na davara bogaragidiai e mutumu, ihabua-tarimu dinana ai.
EZE 27:28 Emu tari taudia edia tai e hekamonaimu negana ai, tano idoinai e heude-heudemu;
EZE 27:29 bona bara taudia iboudiai na edia lagatoi amo e dihomu. Neseriki taudia bona tari taudia iboudiai na kone ai e ginimu;
EZE 27:30 idia ese oi taimu e taimu, e tai dikadikamu; ḡahu na kwaradia ai e peta kaumu, bona kahu ai e hekui-hekuimu.
EZE 27:31 Oi daimu ai huidia e naudiamu, bona puse dabuadia e riodiamu; oi taimu e taimu, mai lalo-iditadia ida, mai lalo-hisihisi idita-hereadia ida.
EZE 27:32 Edia taitai ai e herohe-ahulaimumu; daimu ai e herohe ahumu, e tomu: Nega ta ai daika na e hebua tari davara bogaraginai, Turo na heto a?
EZE 27:33 Emu hoihoi kohudia na davara kahadia idau-idau amo ema negadiai na bese momo taudia lalodia o hamoaledia; emu kohu momo bona emu hoihoi ḡaudia amo tanobada pavapavadia o hataḡalaidia.
EZE 27:34 Harihari davara ese vada e hamutumu, dobu masemasedia ai; emu hoihoi kohudia bona emu neseriki taudia iboudiai na oi ida vada o mutu.
EZE 27:35 Kone tanodia taudia iboudiai na oi daimu ai kudoudia e hetahamu; edia pavapava na e gari dikadikamu, vairadia na e haroromu.
EZE 27:36 Bese idau-idau edia hoihoi taudia ese e nuku henimumu; mai garimu ida vada o baia, vada ba boio vaitani ela bona hanaihanai.
EZE 28:1 Iehova ena hereva na egu ai e kau, eto,
EZE 28:2 Taunimanima natuna e, Turo pavapavana ba hamaoroa, baoto, Ḡaubada Iehova na ini e gwau tomamu: Badina be lalomu na e hekokorokumu, oto “Lau na dirava ta, dirava edia helai gabudia ai na helaimu, davara bogaragidiai”; ḡau tamona, ena be oi na o tomu emu aonega na dirava ta ena aonega heḡereḡerena, to oi na taunimanima mo, dia dirava.
EZE 28:3 (Momokani, emu aonega ese Daniel ena aonega na e hereaiamu, ḡau hehunina ta na emu ai se hehunimu;
EZE 28:4 emu aonega bona emu lalo-parara dainai, oi ese emu taḡa vada o davaria; bona gold bona silver vada o haboudia, emu habou-habou rumadia lalodiai;
EZE 28:5 emu aonega bada hoihoi karadia ai dainai, oi ese emu taḡa vada o habadaia; bona lalomu na vada e hekokoroku, emu taḡa dainai.)
EZE 28:6 Una dainai, Ḡaubada Iehova na ini e gwau tomamu: Badina be o laloamu emu aonega na dirava ta ena aonega heḡereḡerena,
EZE 28:7 una dainai, a itaia, idau taudia na latamui ai baina mailaidia, mai garidia besedia; idia ese edia dare bae veridia lasi, emu aonega hairaina ihadikana, bena oi hairaimu bae hamiroa.
EZE 28:8 Idia ese guri ai bae dorimu dobi, e aladiamu taudia edia mase ai ba mase, davara bogaragidiai.
EZE 28:9 Ena be oi na taunimanima mo, dia dirava, e haberomumu taudia imadia ai, to bae alamu mase taudia vairadiai dounu baoto “Lau na dirava ta” a?
EZE 28:10 Asie peritomedia taudia edia mase ai ba mase, idau taudia imadia ai. Ḡaubada Iehova na e tomu, Lau vada na hereva.
EZE 28:11 Iehova ena hereva ma ta egu ai e kau, eto,
EZE 28:12 Taunimanima natuna e, Turo pavapavana latanai ba rohe ahu. Ba hereva henia, baoto, Ḡaubada Iehova na ini e gwau tomamu: Oi na o ḡoeva-dae vaitani, aonega ai o honumu, oi hairaimu na herea dae.
EZE 28:13 Oi na Eden, Dirava ena imea, lalonai o nohova; herahela nadidia idau-idau iboudiai ese e ḡovamu: sadio, topasio, iaspi, krusolito, berulio, onuku, sapairo, barekete, samarago; iseisedia na gold amo e kara, o koro ḡaudia danu na gold. Oi e karamu dinana lalonai idia na e kara hata.
EZE 28:14 Kerubi ta na horoa, oi igimamu kerubina ai bainela, oi na Dirava ena ororo helaḡana ai amu nadidia padapadadia amo o raka.
EZE 28:15 Oi na asi emu kerere, emu dala iboudiai lalodiai, e karamu dinana amo ela bona kara havara na lalomu ai e vara.
EZE 28:16 Emu hoihoi karadia momo herea lalodiai daḡedaḡe ese e hahonumu, bena o kara dika; una dainai Dirava ena ororo amo na negemu dobi, ḡau mirona na heto; bena hari hegima kerubina ese amu nadidia padapadadia amo e lulumu lasi.
EZE 28:17 Lalomu na e hekokorokuva, raho-namomu dainai; emu aonega o hamiroava, hairaimu dainai. Tano ai na tahomu dobi, hanua pavapavadia vairadiai na hahemaraimu, bae raraimu totona.
EZE 28:18 Emu kara havara momo herea, bona emu kara gageva-gageva, emu hoihoi ai o karava karadia, amo emu gabu helaḡadia o hamirodia; una dainai oi bogaragimu amo lahi na ha-araia, bena e golemu oho; kahu ai na halaomu tano ai, e raraimuva taudia iboudiai vairadiai.
EZE 28:19 Bese idau-idau bogaragidiai e dibamu taudia iboudiai na oi daimu ai e gari takumu; mai garimu ida vada o ore, vada ba ore vaitani.
EZE 28:20 Iehova ena hereva na egu ai e kau, eto,
EZE 28:21 Taunimanima natuna e, talaimu na Sidono ba henia, ia latanai ba peroveta,
EZE 28:22 baoto, Ḡaubada Iehova na ini e gwau tomamu: Sidono e, a itaia, lau ese na inai henimumu; oi bogaragimu ai hairaigu baina hahedinaraia. Bena ia lalonai hanemaoro karadia baina kara bona ia lalonai helaḡagu baina hahedinaraia negana ai, idia bae diba lau na Iehova.
EZE 28:23 Badina be dai-hanai gorerena na ia lalonai baina siaia, bona rara danu, ia ariarana lalodiai; bena bae aladia mase taudia na ia bogaraginai bae hekida bou, e haheḡeḡea daemu daredia amo; bena idia na bae diba lau na Iehova.
EZE 28:24 A Israel besena taudia na ava ḡiniḡinina ta eiava au ḡiniḡinina ta ese basine hahisidia, idia dekedia taudia, vada e dadaraidia taudia, iboudiai bogaragidiai. Bena idia bae diba lau na Ḡaubada Iehova.
EZE 28:25 Ḡaubada Iehova na ini e gwau tomamu: Israel besena taudia na bogaragidiai vada e karoho rohoroho besedia lalodia amo ma baina gogodia bona egu helaḡa idia lalodiai na bese idau-idau vairadiai baina hahedinaraia negana ai, idia na edia tano korikori, egu hesiai tauna Iakob na henia tanona, lalonai bae noho.
EZE 28:26 Una tano lalonai bae noho namonamo; ruma bae haginidia bona vine imeadia bae hado. Lau ese dekedia taudia, vada e dadaraidia taudia, iboudiai baina hahemaoro henidia negana ai, idia na bae noho namonamo. Bena idia bae diba lau na Iehova, edia Dirava.
EZE 29:1 Laḡani ihagwautana huana ihagwautana dinana ihagwauta-ruana lalonai, Iehova ena hereva na egu ai e kau, eto,
EZE 29:2 Taunimanima natuna e, Farao, Aigupto pavapavana, na vairamu ba hua henia, bona ia latanai bona Aigupto idoinai latanai ba peroveta,
EZE 29:3 baoto, Ḡaubada Iehova na ini e gwau tomamu A itaia, lau ese na inai henimumu, Aigupto pavapavana Farao e, huala badana, ena sinavai bogaragidiai e hekuremu, e tomu “egu Nilo Sinavaina na lauegu, lau ese na karaia”.
EZE 29:4 Lau ese hmai amo aukimu baina gaua, bona emu sinavai gwarumedia na kopimu ai baina hakamodia kau; bena emu sinavai bogaragidia amo baina verimu lasi, emu sinavai gwarumedia iboudiai, kopimu ai e hekamo kaumu ḡaudia, ida.
EZE 29:5 Bena tano ḡaḡaena ai baina negemui, oi bona emu sinavai gwarumedia iboudiai; tano paka ai ba moru, ta ese basine gogomui, basine gurimui. Tano boromadia bona atai manudia baina henidia, adia ai baola.
EZE 29:6 Bena Aigupto inoholaina taudia iboudiai na bae diba, lau na Iehova. Badina be oi na siriho itotohina, Israel enai;
EZE 29:7 imadia ai e dogomu tao negana ai o kwaidu, pagadia iboudiai e helada oho; bona emu ai e tabe kau negana ai o kwaidu, bena koekoedia iboudiai e herogi-herogi.
EZE 29:8 Una dainai Ḡaubada Iehova na ini e gwau tomamu: A itaia, dare na latamu ai baina mailaia, taunimanima bona ubu-ubu ḡauna na oiemu amo baina negedia daure;
EZE 29:9 bena Aigupto tanona na baine hebua tari bona baine vahu. Bena idia na bae diba, lau na Iehova. Badina be oi oto “Nilo sinavaina na lauegu, lau ese na karaia”,
EZE 29:10 una dainai, a itaia, lau ese na inai henimumu, bona emu sinavai na inai henidiamu, bona Aigupto tanona na baina havahua bona baina habuaia tari, Migdol amo ela bona Suene, ela bona Etiopia tano-hetoana.
EZE 29:11 Tau ta aena ese basine rakaia hanai bona boroma ta aena ese basine rakaia hanai: asi inoholaina ai baine mia laḡani hari-ahui lalodiai.
EZE 29:12 Lau ese Aigupto tanona baina habuaia tari, vada e hebua tari tanodia bogaragidiai; bona hanuana iboudiai bae hebua tari, laḡani hari-ahui lalodiai, e vahumu hanuadia bogaragidiai. Lau ese Aigupto taudia baina hakarohodia rohoroho, tano idau-idau lalodiai.
EZE 29:13 Badina be Ḡaubada Iehova na ini e gwau tomamu: Laḡani hari-ahui bae ore, bena Aigupto taudia na bogaragidiai vada e karoho besedia lalodia amo ma baina gogodia;
EZE 29:14 bena Aigupto ena noho namo baina havaraia lou, bona Pataro tanona, edia sene tanona, Ialonai ma baina hakaudia vareai lou; unuseni ai idia na basileia maragina ai baela.
EZE 29:15 Basileia iboudiai bogaragidiai ia na baine maraḡi herea; nega ta ai basileia idau-idau daediai basine heaḡi lou; baina hamaragidia herea dainai, idia ese nega ta ai basileia idau-idau na basie biagudia lou.
EZE 29:16 Bena Israel besena taudia ese basie abidadama henidia lou, bona edia hekaha iabina totona basie kara havara lou. Bena idia bae diba lau na Ḡaubada Iehova.
EZE 29:17 Laḡani iharuahui-hituna huana gini-gunana dinana ginigunana lalonai, Iehova ena hereva na egu ai e kau, eto,
EZE 29:18 Taunimanima natuna e, Nebukadresara, Babulono pavapavana, ese ena tuari oreana e siaia, Turo ituarihenina baine ha-aukaia totona; kwara iboudiai e haboha, bona paḡa iboudiai e hatoto; ḡau tamona ia bona ena tuari oreana ese ḡau ta Turo amo asie abia, ituari-henina ai e hekwarahiva davana.
EZE 29:19 Taunabunai, Ḡaubada Iehova na ini e gwau tomamu: A itaia, lau ese Aigupto tanona na Nebukadresara, Babulono pavapavana, baina henia; ia ese kohuna namodia baine laohai, baine dadihaia, ia damuḡana ai baine halaoa; unu amo ena tuari taudia davadia baine henidia.
EZE 29:20 Lau ese Aigupto tanona vada na henia, ena hekwarahi davana, badina be idia na lauegu ai e ḡaukara. Ḡaubada Iehova na e herevamu.
EZE 29:21 Una dina ai lau ese doa ta baina hatubua Israel besena ena, bona oi udumu bibinadia baina hapapa, idia bogaragidiai. Bena idia bae diba lau na Iehova.
EZE 30:1 Iehova ena hereva na egu ai e kau, eto,
EZE 30:2 Taunimanima natuna e, a peroveta, baoto, Ḡaubada Iehova ini e gwau tomamu: A tai lolololo, aoto “Dina madi ihabaina!”
EZE 30:3 Badina be una dina vada e kahikahimu, Iehova ena dina vada e kahikahimu; ia na ori momo dinana, bese idau-idau ihabua-taridia dinana.
EZE 30:4 Dare ta na Aigupto latanai baine kau, Ialo-hisihisi bada-herea na Etiopia ai baine vara, bae aladia mase taudia na Aigupto ai bae hekida diho, bona taḡana bae huaia lao, bona ena abdiholo bae heḡiḡi dobi, negana ai.
EZE 30:5 Etiopia bona Put bona Lud bona Arabia idoinai bona Libia taudia, bona idia ida e ḡaukara heboumu taudia, na idia ida dare ai bae mase.
EZE 30:6 Iehova na ini e gwau tomamu: Aigupto e duruamu taudia na bae hekida diho, bona ena hekokoroku taudia na bae moru; Migdol amo ela bona Suene idia na dare ai bae mase, ia lalonai, Ḡaubada Iehova na e herevamu.
EZE 30:7 Ia na baine vahu, vada e vahu tanodia bogaragidiai, ena hanua danu, vada e heḡiḡi dobi hanuadia bogaragidiai.
EZE 30:8 Bena Aigupto baina ha-araia bona iduruna taudia iboudiai bae darere negana ai, idia na bae diba lau na Iehova.
EZE 30:9 Una dina ai gwaukau taudia na mai heaudia ida lauegu amo baela, Etiopia taudia bae hahebolorudia; bena lalo-hisihisi bada-herea na latadiai bae kau, Aigupto ihabua-tarina dinana ai; badina be, a itaia, dinana be e maimu.
EZE 30:10 Ḡaubada Iehova na ini e gwau tomamu: Aigupto tagana baina ha-orea, Nebukadresara, Babulono pavapavana, imana amo.
EZE 30:11 Ia mai ena orea taudia, hahegari bada-herea oreana bese idau-idau bogaragidiai, tano ihabua-tarina totona baina havareaidia; bena edia dare bae veridia lasi, Aigupto ihadikana, tano na hirua amo bae hahonudia.
EZE 30:12 Lau ese Nilo sinavaina baina hakororoa, tano na baina hoia, kara dika taudia ediai; tano mai anina idoinai baina havahuradia, idau taudia imadia amo. Lau Iehova vada na hereva.
EZE 30:13 Ḡaubada Iehova na ini e gwau tomamu: Kaivakuku baina habuadia tari bona dirava laulaudia baina ha-oredia Memefisi ai; Aigupto tanona ai pavapava ta basine noho lou, unu amo gari baina havaraia Aigupto tanona ai.
EZE 30:14 Pataro na baina havahua, Soan na baina doua, bona hahemaoro karadia na Tebe latanai baina kara.
EZE 30:15 Pelusio, Aigupto ena gabu aukana, latanai egu badu ḡaraḡara na baina bubua dobi, bona Tebe ena hutuma baina negedia daure.
EZE 30:16 Aigupto baina doua, Pelusio na baine hisihisi bada herea; Tebe na bae hamaurua, maḡuna na bae heḡiḡi dobi.
EZE 30:17 Ono bona Pibesete edia eregabe taudia na dare ai bae mase, bona hahinedia na iḡuidia ai bae laohaidia.
EZE 30:18 Tehafenehe ai dina na baine dibura, Aigupto ena siahu unuseni ai baina hadarerea negana ai; ena siahu, e heaḡilaiamu ḡauna, na baine ore, ori ta ese baine ḡovaia ahu; bona natuna hahinedia na iḡuidia ai bae laohaidia.
EZE 30:19 Unuhetomana lau ese hahemaoro karadia baina kara Aigupto latanai, bena idia na bae diba lau na Iehova.
EZE 30:20 Laḡani ihagwauta-tana huana gini gunana dinana ihahituna ai, Iehova ena hereva na egu ai e kau, eto,
EZE 30:21 Taunimanima natuna e, Farao, Aigupto pavapavana, imana vada na hakwaidua; a itaia, ihanamona totona ikumi dabuana amo bema kumia, bena bema auka, dare iḡaukaralaina heḡereḡerena, a ta ese se kumia.
EZE 30:22 Taunabunai Ḡaubada Iehova na ini e gwau tomamu: A itaia, lau ese Farao, Aigupto pavapavana, na inai heniamu, ia imana ruaosi baina hakwaidudia, mai goadana ḡauna bona e kwaidu guna ḡauna; bena dare na imana amo baina hamorua.
EZE 30:23 Aigupto taudia baina hakarohodia bese idau-idau bogaragidiai, baina hakarohodia rohoroho tano idau-idau lalodiai.
EZE 30:24 Babulono pavapavana imana baina ha-aukadia, bona egu dare na ia imana ai baina atoa; a Farao imana na baina hakwaidudia, bena ia na ia vairanai baine ḡanaḡana, mase berona e davaria tauna na heto.
EZE 30:25 Babulono pavapavana imana baina hagoadadia, a Farao imana na bae hedabarai; bena idia na bae diba lau na Iehova. Egu dare na Babulono pavapavana imana ai baina atoa negana ai, ia ese Aigupto tanona baine dudui henia;
EZE 30:26 bena Aigupto taudia baina hakarohodia bese idau-idau bogaragidiai, baina hakarohodia rohoroho tano idau-idau lalodiai. Bena idia na bae diba lau na Iehova.
EZE 31:1 Laḡani ihagwauta-tana huana ihatoina dinana ginigunana ai, Iehova ena hereva na egu ai e kau, eto,
EZE 31:2 Taunimanima natuna e, Farao, Aigupto pavapavana, mai ena hutuma ida, ba hamaorodia, baoto: Emu herea-dae ai oi na daika heḡereḡerena?
EZE 31:3 A itaia, lau ese Lebanon sida-auna ta ida baina haheḡereḡeremu, mai rigina namo-hereadia bona mai ikerukeruna ida; ia na ḡaulatalata, dorina na ori lalodiai.
EZE 31:4 Ranu ese e ubua, ranu dobudia ese e halataia, e hadoa gabuna na sinavaina ese e ha-arua heḡeḡe, sinavai-sinavaidia na e ha-arudia lao, uda audia iboudiai ediai.
EZE 31:5 Taunabunai ia na e tubu daga dae, uda audia iboudiai e lahedia tao, rigina na e tubu badabada, e tubu latalata, ranu momo na tuhutuhuna ai e dae dainai.
EZE 31:6 Atai manudia iboudiai ese edia ruma na ia rigina ai e kara; ia rigina henudiai tano paka boromadia iboudiai ese natudia e havaradia; ia ikerukeruna ai bese badadia iboudiai na e nohova.
EZE 31:7 Vada e bada herea bona rigina na lalata dainai ia hairaina na herea; badina be ramuna na e diho e laova, ranu momo gabudia ai.
EZE 31:8 Dirava ena imea sida-audia ese asie hereaia, bona beroso audia rigidia ese ia rigina asie hereadia; tidara audia rigidia na ḡau pipikidia, ia rigina ida asie heḡereḡere. Dirava ena imea ai asi auna ta mai hairaina ia hairaina heḡereḡerena.
EZE 31:9 Lau ese rigina momo amo na hahairaia; Eden audia iboudiai, Dirava ena imea ai e varava ḡaudia, ese ia e vaḡeḡe henia.
EZE 31:10 Taunabunai, Ḡaubada Iehova na ini e gwau tomamu: Badina be ia na e tubu daga dae ela bona dorina na ori lalodiai, bona lalona ese ena lata e heaḡilaia,
EZE 31:11 una dainai lau ese bese idau-idau edia siahu-herea tauna imana ai baina atoa; ia ese ena kara dika davana baine henia. Lau ese vada na negea daure.
EZE 31:12 Idau taudia, hahegari herea besena, ese baine utua, bena baine rakatania. Ia rigina na ororo ai bona koura iboudiai lalodiai bae moru; rigina haida na kwaidudia ai bae mia, tano ena koupa iboudiai lalodiai; tanobada besedia iboudiai na ia ikerukeruna amo bae raka lasi, bae rakatania.
EZE 31:13 Hegigi-dobina ai, atai manudia iboudiai na ia latanai bae noho, bona tano paka boromadia danu ia rigina latadiai.
EZE 31:14 Ini kara anidia be sinavai isedia audia haida basie tubu daga dae ela bona doridia na ori lalodiai bona ranu e inumu audia haida edia lata na idia edia lata ida basie heḡereḡere helaoreana; badina be iboudiai na bae mase, taunimanima bogaragidiai baela, mase gabuna ai, guri ai e dihomu taudia ida.
EZE 31:15 Ḡaubada Iehova na ini e gwau tomamu: Mase gabuna ai baine diho negana ai, lau ese ranu dobudia baina haḡanidia, bae tailaia; bona sinavaina baina laodia ahu, ranu momo danu bae helao ahu. Lebanon na baina havaburaia, ia dainai, bona tano paka audia iboudiai na ia dainai bae marai.
EZE 31:16 Mase gabuna ai baina negea dobi, guri ai e dihomu taudia ida, negana ai, lau ese bese idau-idau baina haheude-heudedia, ena moru guruna amo; bona Eden audia iboudiai, Lebanon audia namo-hereadia, ena abi-hidi audia, ranu e inumu ḡaudia iboudiai, na tauhalo bae davaria, mase gabuna ai.
EZE 31:17 Idia danu ia ida mase gabuna ai bae diho, dare ai e mase taudia ida; oibe, bese idau-idau bogaragidiai ia ikerukeruna ai e nohova taudia na bae mase.
EZE 31:18 Taunabunai, Eden audia bogaragidiai oi na edena heḡereḡerena, hairai ai bona herea-dae ai? Eden audia ida mase gabuna ai do ba diho; asie peritomedia taudia ida, dare ai e mase taudia ida, do ba hekure. Ḡaubada Iehova na e tomu, Farao mai ena hutuma ida na unuheheto.
EZE 32:1 Laḡani ihagwauta-ruana huana ihagvauta-ruana dinana gini-gunana ai Iehova ena hereva na egu ai e kau, eto,
EZE 32:2 Taunimanima natuna e, Farao, Aigupto pavapavana, latanai ba rohe ahu, ba hereva henia, baoto: Oi na o laloamu oi na leona ta, bese idau-idau bogaragidiai, a oi na davara hualana na heto; emu sinavai lalodiai o sese dae roha, aemu amo ranu o halamiriamu, bona edia sinavai ranudia o haduhudiamu.
EZE 32:3 Ḡaubada Iehova na ini e gwau tomamu: Egu ole na latamui ai baina tahoa kau, bese idau-idau hutuma bada edia amo, bena egu ole ai bae verimu vareai kone ai.
EZE 32:4 Tano ai baina tahomu dobi, tano paka ai baina negemu; atai manudia iboudiai baina siaidia, latamu ai bae roho roho kau; tanobada idoinai ena uda boromadia bogadia na oiemu amo baina hakunudia.
EZE 32:5 Oi hidiomu na ororo ai baina hapetapetalaia, oi tau-animu amo koura baina hahonudia.
EZE 32:6 Oi raramu baina ha-arua, tano idoinai baine utua dae ela bona ororo, koupa na ba hahonudia.
EZE 32:7 Baina habuamu tari negana ai guba baina ḡovaia ahu, bona hisiuna baina hadiburadia; dina na ori amo baina ḡovaia ahu, bona hua na basine diari.
EZE 32:8 Guba diaridia iboudiai na oi daemu ai baina hadiburadia, bona emu tano baina havaburaia. Ḡaubada Iehova na e herevamu.
EZE 32:9 Bese idau-idau bogaragidiai, asi dibamu tanodia lalodiai, mai iguimu ida baina laohaimu negana ai, bese momo taudia kudoudia baina hahetahadia.
EZE 32:10 Bese momo baina hagaridia taku oi bagumu ai, bona edia pavapava bae heude-heude oi daimu ai, egu dare baina hahelado henidia negana ai; bae heude-heude loulou, ta ta ena mauri ena mauri bagudiai, emu moru dinana ai.
EZE 32:11 Badina be Ḡaubada Iehova na ini e gwau tomamu: Babulono pavapavana ena dare na oi latamu ai baine kau.
EZE 32:12 Emu orea taudia hutuma na goada taudia edia dare amo baina hamasedia, bese idau-idau bogaragidiai e gari henidia badamu taudia iboudiai bunu. Aigupto ena heaḡi bae ha-orea, ena orea taudia hutuma bae mase.
EZE 32:13 Ena ubu-ubu ḡaudia iboudiai baina habuadia tari, ranu gabudia momo badibadidiai; taunimanima aedia ese unu gabu basie moimoilaidia lou, ubu-ubu ḡaudia-aedia ese danu basie moidia tao.
EZE 32:14 Bena edia ranu gabudia baina hanegaridia, bona edia sinavai baina ha-arudia dehoro na heto, Ḡaubada Iehova na e helevamu.
EZE 32:15 Aigupto tanona baina havahua, bona tano anina idoinai baina abia oho, bona e noholaiamu taudia iboudiai baina rahudia mamase negana ai, idia bae diba lau na Iehova.
EZE 32:16 Unu bae rohe ahu toma; bese idau-idau hahinedia ese bae rohe ahu; Aigupto latanai bona ena taunimanima hutuma latadiai bae rohe ahu. Ḡaubada Iehova na e herevamu.
EZE 32:17 Laḡani ihagwauta-ruana huana gini-gunana dinana ihagwauta-imana ai, Iehova ena hereva na egu ai e kau, eto:
EZE 32:18 Taunimanima natuna e, Aigupto ena orea taudia hutuma taidia ba tai, bona ba siaidia diho, idia bona bese herea-daedia hahinedia danu, mase gabuna ai bae diho, guri ai vada e diho taudia dekediai.
EZE 32:19 Daika na hairai ai o hereaiamu? A diho lao, asie peritomedia taudia ida bae hahekuremu.
EZE 32:20 Idia na dare ese e aladia mase taudia bogaragidiai bae hekida diho, bona ena orea taudia hutuma iboudiai na ia ida bae hekure.
EZE 32:21 Lohia herea-daedia ese idia bona idurudia taudia na mase gabuna bogaragina amo bae herevalaidia, baeto “Asie peritomedia taudia na vada e diho, e hekuremu, asie marere-mareremu; dare ese vada e aladia mase”.
EZE 32:22 Asuria na unuseni ai, ena orea idoinai danu; edia gara ese e geḡea daemu, iboudiai na dare ai e mase taudia mo.
EZE 32:23 Edia gara na guri dobu-masemasena ai e miamu, bona ena orea ese ena gara e ḡeḡea daemu; iboudiai, gunaguna mauri taudia edia tano ai hahegari karadia e karava taudia, na dare ai vada e mase.
EZE 32:24 Elam na unuseni ai, bona ena orea taudia hutuma iboudiai ese iena gara e ḡeḡea daemu. Iboudiai na dare ai e mase; do se heperitome ai idia na mase gabuna ela. Gunaguna idia ese mauri taudia edia tano ai hahegari karadia e karava; harihari guri ai e dihomu taudia ida e hemarai heboumu.
EZE 32:25 Idia ese ena hekure gabuna vada e lailaia, e aladia mase taudia bogaragidiai, ia mai ena orea taudia hutuma iboudiai ida; edia gara ese e ḡeḡea daemu, iboudiai na do se heperitome taudia, dare ai e mase taudia mo. Badina be idia igari-henidia vada e hepiu rohoroho, mauri taudia edia tano ai; idia na guri ai e dihomu taudia ida e hemarai heboumu, e aladia mase taudia ida e atodiamu.
EZE 32:26 Mesek bona Tubal na unuseni ai, mai edia orea taudia hutuma ida; edia gara ese e ḡeḡedia daemu. Iboudiai na do se heperitome taudia, dare ai e mase taudia mo. Badina be idia ese mauri taudia edia tano ai hahegari e havaraia rohoroho.
EZE 32:27 Idia na sene edia goada-herea taudia ida asie hekure heboumu. Unu na mai edia tuari ḡaudia ida mase gabuna ai e diho, edia dare ai e haheKwinadia bona edia kesi na turiadia latadiai heheato; badina be goada-herea taudia edia hahegari na mauri taudia edia tano ai e miava.
EZE 32:28 Taunabunai ba makohi, dare ese e aladia mase taudia ida ba hekida diho, do se haheperitome taudia bogaragidiai.
EZE 32:29 Edom na unuseni ai, ena pavapava bona ena lohia iboudiai. Idia na goada dikadika, to dare ai e mase taudia ida vada e hahekuredia. Idia na se haheperitome taudia, guri ai e dihomu taudia, ida e hekuremu.
EZE 32:30 Mirigini kahana lohiadia iboudiai na unuseni ai, bona Sidono taudia iboudiai danu. Idia na e aladia mase taudia ida nda e hemarai heboumu, edia goada ese e havaraia hahegarina idoinai dainai. Idia na do se haheperitome ai e hekuremu, dare ai e mase taudia ida; idia na guri ai e dihomu taudia ida e hemarai heboumu.
EZE 32:31 Ḡaubada Iehova na e tomu: Farao ese baine itadia negana ai, ia na sibona tauhalo baine davaria, ena orea taudia hutuma daidiai; oibe, Farao mai ena tuari oreana idoinai, dare ai e mase taudia, daidiai.
EZE 32:32 Badina be ia ese hahegari e piua rohoroho, mauri taudia edia tano ai; una dainai ia na do se haheperitome taudia bogaragidiai bae hahekurea, dare ai e mase taudia, Farao mai ena orea taudia hutuma iboudiai, ida. Ḡaubada Iehova na e herevamu.
EZE 33:1 Iehova ena hereva na egu ai e kau, eto,
EZE 33:2 Taunimanima natuna e, emu bese taudia ba hamaorodia, baoto, Dare na tano ta latanai bama mailaia, bena una tano taudia ese tau ta idia bogaragidia amo bema abia hidi, edia gima tauna ai bema halaoa;
EZE 33:3 bena una tau ese dare na tano latanai e kaumu ai bema itaia negana ai, kibi bema hiriria, taunimanima ihadibadia:
EZE 33:4 una negana ai ta ese kibi reḡena bema kamonai to bema noho hedavauhe, bena dare na bema mai, ena maun bema abia oho; ia rarana na ia sibona kwarana ai baine mia.
EZE 33:5 Kibi reḡena e kamonai, to e noho hedavauhe; ia rarana na ia sibona latanai. A bema hedaraunelaia, bena ena mauri bema rauaia.
EZE 33:6 A gima tauna ese dare ena mai bema itaia, to kibi basinema hiriria, bena taunimanima na basiema diba, bena dare na bema mai, idia ta bema alaia; una tau na ena dika ai baine mase, a ia rarana davana na gima tauna enai baina gwauraia.
EZE 33:7 Taunabunai, taunimanima natuna e, lau ese Israel besena igimana tauna ai vada na halaomu; lau udugu herevana ta ba kamonai negadia iboudiai na lau ladagu ai do ba sisibalai henidia.
EZE 33:8 Kara dika tauna bama hamaoroa, bama toma “Kara dika taumu e, oi na vada ba mase,” bena oi ese basioma hereva henia, basioma sisiba henia, ena dala amo baine raka siri totona; bena una kara dika tauna na ena dika ai baine mase, a ia rarana davana na oiemu ai baina gwauraia.
EZE 33:9 A kara dika tauna boma sisiba henia, ena dala amo baine raka siri totona, bena ia na ena dala amo basinema raka oho, ia na ena dika ai baine mase, a oi na emu mauri do ba rauaia.
EZE 33:10 Taunimanima natuna e, oi ese Israel besena taudia ba hamaorodia, baoto, Umui vada oto “Emai kerere bona emai kara dika na latamai ai, bena unu daidiai taumai e varoda-varodamu; ede baia mauri toma?”
EZE 33:11 Ba hamaorodia, baoto, Ḡaubada Iehova na e herevamu, e tomu: Lau na maurimu heḡereḡerena, lau ese dika tauna ena mase asina moalelaiamu, a dika tauna na ena dala amo baine raka siri bena baine mauri, una na na moalelaiamu. A lou, emui dala dikadia amo a lou! Israel besena e, anina be dahaka ba mase?
EZE 33:12 Taunimanima natuna e, oi ese emu bese taudia ba hamaorodia, baoto, Kara maoromaoro tauna ena kara maoromaoro ese basine hamauria, baine kerere negana ai; bona kara dika tauna ena kara dika ese basine haketoa, ena kara dika amo baine raka siri negana ai. Kara maoromaoro tauna na ena kara maoromaoro dainai basine mauri, baine kara dika negana ai.
EZE 33:13 Ena be kara maoromaoro tauna na hamaoroamu ia na do baine mauri, to ena kara maoromaoro bema abidadama henia bena bema kara havara, bena ena kara maoromaorodia ta basine helalo tao, a ia na ena kara havara ai baine mase.
EZE 33:14 Ina danu, ena be kara dika tauna na hamaoroamu, na tomu “Oi na do ba mase”, to ena kara dika amo bema raka oho, taravatu henunai bema noho bona kara maoromaorodia bema kara;
EZE 33:15 bema kara dika tauna ese gwauhamata davana ma bema haloua bona vada e dadi ḡaudia bema heni lou, bona mauri haheganidia ai bema raka bona basinema kara havara, bena ia na do baine mauri; ia na basine mase.
EZE 33:16 Ena kara dikadia ta basine helalo tao, ia ihadikana; ia na taravatu henunai vada e kara maoromaoro, ia na do baine mauri.
EZE 33:17 Ḡau tamona, emu bese taudia na e tomu “Ḡaubada ena dala na dia maoro”; a ḡau be idia sibodia edia dala na dia maoro.
EZE 33:18 Kara maoromaoro tauna na ena kara maoromaoro amo baine raka oho, bena baine kara havara, ia na una kara dainai baine mase.
EZE 33:19 Bona kara dika tauna na ena kara dika amo baine raka oho bona taravatu henunai baine kara maoromaoro, ia na una kara dainai baine mauri.
EZE 33:20 Ḡau tamona umui na o tomu “Ḡaubada ena dala na dia maoro”. Israel besena taumui e, lau ese baina hahemaoro henimui, ta ta ena kara ena kara heḡereḡeredia ai.
EZE 33:21 Emai noho-hedoa laḡanina ihagwauta-ruana huana ihagwautana dinana iha-imana lalonai, Ierusalem amo e heau mauri tauna ta na dekegu ema, eto, Hanua na vada e darere.
EZE 33:22 Heau mauri tauna na do se gini dae ai, adorahi ai Iehova imana na latagu ai e kau; bena daba ai, hari tau na dekegu ai e kau negana ai, Iehova ese udugu vada e kehoa guna; taunabunai, udugu vada e hekeho, egu mu negana vada e ore.
EZE 33:23 Bena Iehova ena hereva na egu ai e kau, eto,
EZE 33:24 Taunimanima natuna e, gabu ḡaḡaedia e noholaimu taudia Israel tanona lalonai na e hereva louloumu, e tomu, Abraham na tau tamona, to ia ese tano e ḡaunaia; a ai na hutuma, matona, tano na bae henimai, vada baia ḡaunaia.
EZE 33:25 Taunabunai ba hamaorodia, baoto, Ḡaubada Iehova na ini e gwau tomamu: Hidio na mai rarana ida o aniamu, bona emui kaivakuku o gaga dae henidiamu, bona rara o hahebubuamu, matona, tano ba ḡaunaia a?
EZE 33:26 Dare amo o ala-alamu, kara dika-rohorohodia o karamu, bona umui iboumui ai na ta ta dekena tauna dekena tauna adavadia ida o heuda hanaimu; matona, tano ba ḡaunaia a?
EZE 33:27 Ini ba hamaorodia toma, baoto, Ḡaubada. Iehova na ini e gwau tomamu: Lau na maurimu heḡereḡerena, gabu ḡagaedia ai e nohomu taudia na dare ai do bae mase; bona tano paka ai e nohomu tauna na uda boromadia baina henidia, idia ese bae ania; bona gabu aukadia ai bona kohua lalodiai e nohomu taudia na dai-hanai gorerena ese baine hamasedia.
EZE 33:28 Tano na baina havahua, tano ḡaḡaena ai bainela; ena siahu, e heaḡilaiamu ḡauna, na baine ore; Israel ororodia bae ḡaḡae vaitani dainai ta ese basine rakadia hanai.
EZE 33:29 Bena edia kara dika-rohorohodia iboudiai daidiai lau ese tano na baina havahua, tano ḡaḡaena ai baina halaoa, negana ai idiu na bae diba, lau na Iehova.
EZE 33:30 A, taunimanima natuna e, oiemu bese taudia ese ruma habadia badibadidiai bona ruma iduaradia ai oi e hereva heboulaimumu, e hereva hehenimu, ta ta ese tadikakana tadikakana e hamaorodiamu, e tomu, Aoma, Iehova ena amo e maimu herevana be dahaka vada ba kamonai.
EZE 33:31 Idia na e vasimu, taunimanima na e hegogomu na heheto, bena oi vairamu ai e helaimu, lauegu orea na heto; bena oiemu hereva na e kamonaimu, to karana basie karaia; badina be ududia bibinadia amo lalokau herevadia momo e gwauraimu, to lalodia ai idia sibodia edia taḡa ihabadana daladia e haeromu.
EZE 33:32 A itaia, idia ediai oi na lalokau anedia e abimu tauna na heto, gadona na namo-herea, bona gitara e hataia ḡoevaḡoevamu; badina be emu hereva bae kamonai, to karana basie karaia.
EZE 33:33 Ina na bainema negana ai, (bona ia na momokani bainema), bena idia na bae diba peroveta tauna ta na bogaragidiai vada ema.
EZE 34:1 Iehova ena hereva na egu ai e kau, eto,
EZE 34:2 Taunimanima natuna e, Israel ireḡuna taudia latadiai ba peroveta. Ba peroveta, ireḡuna taudia ba hereva henidia, baoto, Ḡaubada Iehova na ini e gwau tomamu: Israel ireḡuna taumui e, sibomui o heubumu taumui! Mamoe ireḡudia taudia na mamoe basie ubudia a?
EZE 34:3 Umui ese digara o animu, bona mamoe huidia dabuadia o hahedokilaimu, bona ubu-ubu ḡaudia o aladiamu; a mamoe na asio ubudiamu.
EZE 34:4 Manoka taudia asio hagoadadia, gorere taudia asio hanamodia, ae-hedairike taudia aedia asio kumidia, e raka oho taudia asio hakaudia lou, e boio taudia asio tahudia, a mai siahumui bona mai dagedagemui ida vada o biagudia.
EZE 34:5 Taunabunai idia na e karoho rohoroho, badina be asi ireḡudia ta; bona uda boromadia iboudiai ediai e hahelao.
EZE 34:6 Egu mamoe na e karoho rohoroho, oIoro badadia gabaedia ai bona ororo maraḡidia doridia ai e loa eva-eva; egu mamoe na tanobada kopina idoinai latanai e karoho rohoroho, bona ta ese se tahudia davari.
EZE 34:7 Taunabunai, mamoe ireḡudia taumui e, Iehova ena hereva ba kamonai.
EZE 34:8 Ḡaubada Iehova na e tomu: Lau na maurimu heḡereḡerena, badina be egu mamoe na uda boromadia iboudiai adia ai vada e hahelao, asi ireḡudia dainai; bona badina be egu mamoe ireḡudia taudia ese egu mamoe asie tahudia, a mamoe ireḡudia taudia na sibodia e heubu, egu mamoe asie ubudia;
EZE 34:9 una dainai, mamoe ireḡudia taumui e, Iehova ena hereva ba kamonai.
EZE 34:10 Ḡaubada Iehova na ini e gwau tomamu: A itaia, lau ese mamoe ireḡudia taudia na inai henidiamu; egu mamoe na ediai baina gwaurai; mamoe iubudia ai baina hadokodia; mamoe ireḡudia taudia na sibodia basie heubu lou. Egu mamoe na ududia amo baina rauadia, adia aniani ai basie halaodia.
EZE 34:11 Badina be Ḡaubada Iehova na ini e gwau tomamu: A itaia, lau sibogu ese egu mamoe baina tahudia ela bona baina davaridia.
EZE 34:12 Mamoe ireḡudia tauna ese ena mamoe serina baine tahua davari, ena mamoe haida vada e karoho rohoroho negana ai, una heḡereḡerena ai lau ese egu mamoe baina tahudia davari; bona dagadaga bona dibura masemase dinana ai e karoho rohoroho gabudia iboudiai amo baina rauadia.
EZE 34:13 Bese idau-idau bogaragidia amo baina hakaudia lasi, bona tano idau-idau lalodia amo baina gogodia, edia tano korikori lalonai baina hakaudia vareai. Bena Israel ororodia ai baina ubudia, ranu-lohilohi gabudia badibadidiai, bona taunimanima ese tano ai e noholaimu gabudia iboudiai lalodiai danu.
EZE 34:14 Rei namona gabudia ai baina ubudia; Israel ororodia doridia ai rei bae ani; unuseni ai rei namona gabudia ai bae hekure, bona rei namo-hereana bae ania, Israel ororodia ai.
EZE 34:15 Ḡaubada Iehova na e tomu: Lau sibogu ese egu mamoe baina reḡudia bona baina hahekuredia.
EZE 34:16 Boio ḡaudia na baina tahudia davari, bona e raka eva-evamu ḡaudia baina hakaudia lou, bona ae-hedairike ḡaudia aedia baina kumidia; manoka ḡaudia baina hagoadadia, bona mai digaradia bona mai goadadia ḡaudia na baina gimadia, hahemaoro ḡoevaḡoeva ai baina ubudia.
EZE 34:17 Ḡaubada Iehova na e tomu: egu seri e, a itaia, lau na mamoe padadiai na hahemaoromu, bona mamoe mamaruanedia bona nani mamaruanedia padadiai.
EZE 34:18 Rei namona o aniamu na dia heḡereḡere, una dainai emui rei orena na aemui amo o moia taomu a? Ranu negari-negarina o inuamu na dia heḡereḡere, bena orena na aemui amo o haduhuamu a?
EZE 34:19 Lauegu mamoe ese aemui amo o moia tao reina bae ania bona aemui amo o haduhua ranuna bae inua a?
EZE 34:20 Taunabunai, Ḡaubada Iehova na ini e gwau henidia tomamu: A itaia, lau sibogu na mamoe mai digaradia bona mamoe varodadia padadiai baina hahemaoro.
EZE 34:21 Badina be ohemui bona paḡamui amo o hebibimu, bona manoka ḡaudia iboudiai na doamui amo o bibidia ohomu, ela bona o hakarohodia rohorohomu;
EZE 34:22 una dainai egu mamoe serina baina hamauria. Idia na damu ai basie hahelao lou; lau ese mamoe ta bona mamoe ta padadiai baina hahemaoro.
EZE 34:23 Lau ese mamoe ireḡudia tauna tamona, egu hesiai tauna David, na idia ireḡudia tauna ai baina halaoa; ia ese baine ubudia bona baine reḡudia.
EZE 34:24 A lau Iehova na edia Dirava ai bainala, bona egu hesiai tauna David ese baine lohiadia. Lau Iehova vada na hereva.
EZE 34:25 Lau idia ida baia herohemaino; uda boromadia na tano amo baina luludia lasi, bena tano ḡaḡaena ai bae noho namonamo bona uda ai bae mahuta.
EZE 34:26 Bena egu ororo badi-tanodia ai baina hanohodia; bona medu batugudia baina hadihodia, negadia korikoridia ai; idia na hahenamo medudia ai baela.
EZE 34:27 Huahua audia huahuadia na bae dobi, tano anidia na bae habada, bona tano taudia na edia tano ai bae noho namonamo, bena edia gadea baina hamotudia bona e ḡuidia taudia imadia amo baina hamauridia negana ai, idia bae diba lau na Iehova.
EZE 34:28 Idia na bese idau-idau damudia ai basie hahelao lou, bona uda boromadia ese basie anidia lou; idia bae noho namonamo, bona tau ta ese basine hagaridia.
EZE 34:29 Lau ese imea namodia baina henidia, bena basie hitolodia lou edia tano ai, bona bese idau-idau ese basie ḡonaḡonalaidia lou.
EZE 34:30 Bena idia na bae diba, lau Iehova, edia Dirava, na idia ida bona idia, Israel besena taudia, na lauegu orea taudia. Ḡaubada Iehova na e herevamu.
EZE 34:31 Umui na lauegu mamoe, egu rei mamoedia, bona lau na emui Dirava. Ḡaubada Iehova na e herevamu.
EZE 35:1 Iehova ena hereva na egu ai e kau, eto,
EZE 35:2 Taunimanima natuna e, vairamu ba huaia Seiri ororona enai; bena ia latanai ba peroveta,
EZE 35:3 baoto, Ḡaubada Iehova na ini e gwau tomamu: Seiri ororona e, a itaia, lau ese na inai henimumu. Lau imagu baina toia roro, oi ihadikamu totona; baina habuamu tari bona baina havahumu.
EZE 35:4 Emu hanua na baina habuadia tari; oi na gabu ḡaḡaena ai ba hahelao; bena ba diba lau na Iehova.
EZE 35:5 Badina be o daḡedaḡe hanaihanaiva, bona Israel taudia na dare ena siahu ai o atodia kauva, edia hisi-ani negana ai, edia dava-abi orena ai;
EZE 35:6 una dainai, (Ḡaubada Iehova na e gwaumu), lau na maurimu heḡereḡerena ai lau ese baina haheḡaeḡaemu rara ena, bona rara ese baine hahavamu; badina be rara vada o hahebubua, una dainai rara ese baine hahavamu.
EZE 35:7 Seiri ororona na baina havahua bona baina habuaia tari; bona lao mai taudia iboudiai na iena amo baina hadokodia dae.
EZE 35:8 Emu ororo iboudiai na e aladia mase taudia ai baina hahonudia; dare amo bae aladia mase taudia na emu ororo ai bona emu koura ai bona emu koura dobudobudia iboudiai lalodiai bae hekida diho.
EZE 35:9 Baina habuamu tari hanaihanai, bona emu hanua na haida ese basie noholaidia. Bena vada ba diba lau na Iehova.
EZE 35:10 Badina be oi oto “Ini bese ruaosi bona ini tano ruaosi na lau ese baina abidia, bena ai ese baia ḡaunaidia”, (gau tamona Iehova na unuseni ai);
EZE 35:11 una dainai (Ḡaubada Iehova na e gwaumu) lau na maurimu heḡereḡerena ai, oi ese o inai henidia dainai badu bona vaḡeḡe karadia o karalai henidia heḡereḡeredia ai lau ese baina kara henimu; bona bogaragimu ai baina hedinarai, baina hahemaoro henidia negana ai.
EZE 35:12 Bena ba diba, lau Iehova ese emu hereva, Israel ororodia o gonaḡonalaidia herevadia, iboudiai vada na kamonai; oto “Idia na vada e habuadia tari; vada e henimai, baia ha-oredia”.
EZE 35:13 Sibomu emu heaḡi vada o habadaia, lau ihadikagu herevadia vada o gwaurai; bona emu hereva vada o hahohodia, lau ihadikagu; lau vada na kamonai.
EZE 35:14 Ḡaubada Iehova na ini e gwau tomamu: Tanobada idoinai ihamoalena totona lau ese baina habuamu tari.
EZE 35:15 Israel ahuna latanai o moaleva, vada e hebua tari dainai, heḡereḡerena ai lau ese baina kara henimu; oi danu ba hebua tari, Seiri ororona bona Edom idoinai, oibe, idoinai. Bena idia bae diba lau na Iehova.
EZE 36:1 Taunimanima natuna e, Israel ororodia ba peroveta henidia, baoto, Israel ororodia e, Iehova ena hereva ba kamonai.
EZE 36:2 Ḡaubada Iehova na ini e gwau tomamu: Badina be inaimui ese e herevalaimui, eto ‘Aha”, bona “Ororo gunadia doridia vada a ḡaunaidia,”
EZE 36:3 una dainai ba peroveta, baoto, Ḡaubada Iehova na ini e gwau tomamu: Oibe, badina be idia ese e habuamui tari, bona kaha iboudiai amo e taomui tari, bena bese oredia ese e ḡaunaimui, bona taunimanima ese e herevalaimui bona e hesivarailaimui.
EZE 36:4 Taunabunai, Israel ororodia e, Ḡaubada Iehova ena hereva ba kamonai; ororo badadia bona maraḡidia, bona koura dobudobudia bona koura iboudiai, bona gabu gagaedia bona hanua ahutudia, bese oredia hegegemadai ai ese damudia ai vada e halaodia bona vada e kirikirilaidiamu ḡaudia na Ḡaubada Iehova ese ini e hereva henidia tomamu.
EZE 36:5 Taunabunai, Ḡaubada Iehova na ini e gwau tomamu: Egu vaḡeḡe bada lalonai lau ese bese oredia bona Edom idoinai danu na gwau dika henidiamu; idia ese egu tano e ḡaunaia mai moale badana bona mai hedadarai bada-hereana ida, bae abia bona lalonai bae dadidadi totona.
EZE 36:6 Taunabunai, Israel tanona ba perovetalaia, ororo badadia bona maraḡidia, bona koura dobudobudia bona koura iboudiai, ba hamaorodia, baoto, Ḡaubada Iehova na ini e gwau tomamu: A itaia, egu vaḡeḡe baduna ai na herevamu; badina be bese idau-idau edia hedunirai herevadia na umui latamui ai.
EZE 36:7 Taunabunai, Ḡaubada Iehova na ini e gwau tomamu: Lau na gwau hamatamu, na tomu, e gegemui dae besedia latadiai hedunirai herevadia na bae kau.
EZE 36:8 A umui, Israel ororodia e, emui au rigidia bae gara kau, bona emui au huahuadia bae dobi, egu bese Israel adia; badina be asi vanahana edia gabu korikori bae lou henia.
EZE 36:9 Badina be, a itaia, lau na umui ida; lau ese baina hageremui, bena bae ruamui bena uhemui bae hado.
EZE 36:10 Bena lau ese taunimanima baina hahutumadia latamui ai, Israel besena idoinai, oibe, idoinai; hanua bae noholaidia, bona e heḡiḡi dobi hanuadia ma bae haginidia lou.
EZE 36:11 Taunimanima bona ubu-ubu ḡaudia na baina hahohodia umui latamui ai; bae hutuma, bae vara rohoroho. Bae noholaimui taudia baina hahutumadia, nega gunadia heḡereḡeredia, bona baina hanamomui badabada. Bena vada ba diba lau na Iehova.
EZE 36:12 Oibe, baina gwau maoro, bena egu bese, Israel taudia, na latamui ai bae loaloa; bae ḡaunaimui, ahudia ai bae halaomui; bona natudia na mase ai basio abidia oho lou.
EZE 36:13 Ḡaubada Iehova na ini e gwau tomamu: Badina be taunimanima ese e gwau henimuimu, e tomu “Umui ese taunimanima o ha-orediamu bona emui bese taudia natudia na mase ai o abidia ohomu”,
EZE 36:14 una dainai umui ese taunimanina basio ha-oredia lou, bona emui bese taudia natudia na mase ai basio abidia oho lou. Ḡaubada Iehova na e herevamu.
EZE 36:15 Bena lau ese bese idau-idau baina gwaudia tubu, basie lodu henimui lou, bona taunimanima hemaraidia na basio hua lou, bona emui bese na basio hahekwakwanaia lou. Ḡaubada Iehova na e herevamu.
EZE 36:16 Iehova ena hereva na egu ai e kau, eto,
EZE 36:17 Taunimanima natuna e, Israel besena taudia na edia tano korikori ai e nohova negana ai, idia ese edia dala bona edia kara amo e hamiroa; edia kara lau vairagu ai na mimiro, hahine ta ena rara-kara mirona na heto.
EZE 36:18 Taunabunai egu badu na latadiai na bubua, idia ese rara na tano ai vada e hahebubua bona tano na kaivakuku amo e hamiroa davana.
EZE 36:19 Bese idau-idau bogaragidiai na hakarohodia, bena tano idau-idau lalodiai e karoho rohoroho; edia noho bona edia kara heḡereḡeredia ai na hahemaoro henidia.
EZE 36:20 A bese idau-idau ediai e kau, bena e kau gabudia iboudiai lalodiai idia ese lau ladagu helaḡana e hamiroa; badina be taunimanima ese e herevalaidia, eto, Ina na Iehova ena orea taudia, ḡau tamona iena tano amo e harakadia lasi.
EZE 36:21 A lau ladagu helaḡana, Israel taudia ese ediai e kau besedia bogaragididi e hamiroa ḡauna, na lau ese na helalolaia bada.
EZE 36:22 Taunabunai, Israel besena taudia ba hamaorodia, baoto, Ḡaubada Iehova na ini e gwau tomamu: Israel besena e, lau ba ḡaukaramu na dia umui daimui ai, to lau ladagu helaḡana, ediai o kau besedia bogaragidiai o hamiroa ḡauna, dainai.
EZE 36:23 Lau ladagu hereana ena helaḡa, bese idau-idau bogaragidiai vada e miro badina be umui ese vada o hamiroa ḡauna, na lau ese baina gwauraia maoro; bena umui emui amo egu helaḡa na idia vairadiai baina gwauraia maoro negana ai, bese idau-idau bae diba lau na Iehova. Ḡaubada Iehova na e herevamu.
EZE 36:24 Badina be bese idau-idau bogaragidia amo baina abimui, bona tano iboudiai lalodia amo baina gogomui, bena emui tano korikori ai baina hakamui vareai.
EZE 36:25 Lau ese ranu negarinegarina amo baina sisirimui, bena emui miro idoinai amo ba ḡoeva; bona emui kaivakuku iboudiai edia amo baina haḡoevamui.
EZE 36:26 Lalo matamatana baina henimui, bona lauma matamatana na lalomui ai baina atoa; Ialo-auka na umui lalomui amo baina abia oho, Ialo-manada baina henimui.
EZE 36:27 Egu lauma na lalomui ai baina atoa; egu taravatu lalodiai baina harakamui; bona egu hahemaoro herevadia ibadinadia ai baina hamanadamui.
EZE 36:28 Senemui na henidia tanona ai ba noho; egu bese ai baola, lau danu emui Dirava ai bainala.
EZE 36:29 Emui miro iboudiai amo baina haḡoevamui; bona uma ḡaudia baina haḡanidia, bae vara momo; basina hahitolomui.
EZE 36:30 Au huahuadia bona uma anianidia baina hahohodia; bena bese idau-idau bogaragidiai basio hemarai lou, hitolo dainai.
EZE 36:31 Bena emui dala dikadia bona emui kara dia nanamo ba lalodia tao, bena sibomui ba hedadarai, emui kara havara bona emui kara dika-rohorohodia daidiai.
EZE 36:32 Ḡaubada Iehova na e tomu, Baina ḡaukara, to dia umui daimui ai; una na ba diba. Israel besena taumui e, emui dala daidiai ba hemarai bona ba baia.
EZE 36:33 Ḡaubada Iehova na ini e gwau tomamu: Emui kara havara iboudiai amo baina haḡoevamui dinana ai, lau ese taunimanima na hanua lalodiai baina hanohodia, bona e heḡiḡi dobi hanuadia na bae haginidia lou.
EZE 36:34 E vahu tanona na bae biru henia, bena raka-hanai taudia iboudiai ese vahuna ai basie itaia lou.
EZE 36:35 Bena idia na baeto, Hari e vahu tanona na Ede imeana heḡereḡerena ai vada ela; bona e havahudia, e habuadia tari, e ḡiḡidia dobi hanuadia na haida ese e noholaidiamubona e maḡudiamu.
EZE 36:36 Bena doene e ḡeḡemui daemu besedia na bae diba lau Iehova ese e heḡiḡi dobi hanuadia vada na haginidia lou, bona e vahu tanodia ai vada na hadohado lou. Lau Iehova vada na hereva; bona karana do baina karaia.
EZE 36:37 Ḡaubada Iehova na ini e gwau tomamu: Israel besena taudia baina ha-uradia dainai, ina danu egu ai bae noia; edia taunimanima na baina hahutumadia, mamoe serina na heto.
EZE 36:38 Boubou mamoedia serina na heto, e gwaurai hata negadia ariadia ai Ierusalem ai e habouamu serina na heto, vada e vahu hanuadia na taunimanima seridia ai bae honu. Bena idia bae diba lau na Iehova.
EZE 37:1 Iehova imana na latagu ai, bena ia ese Iehova ena Lauma amo e abigu, e laohaigu, koura ta ai e atogu diho; una koura na turia ai e honu.
EZE 37:2 Bena bogaragidiai e hakaugu eva-eva; na itadia, idia na momo herea una koura ai, bona idia na kakakoro.
EZE 37:3 Bena ia ese e nanadaigu, eto, Taunimanima natuna e, ini turia na bae mauri diba a? Lau na haere, nato, Ḡaubada Iehova e, oi hari mai dibamu.
EZE 37:4 Ma e hereva henigu, eto, Ini turia na ba peroveta henidia, baoto, Turia kakorodia e, Iehova ena hereva ba kamonai.
EZE 37:5 Ḡaubada Iehova ese ini turia na ini e hereva henidiatomamu: A itaia, baina hahoho henimui, bena ba mauri.
EZE 37:6 Varovaro na latamui ai baina atodia, bona hidiomui baina hadudu, bona kopi amo baina govamui; bena baina hahoho henimui, bena ba mauri. Bena ba diba lau na Iehova.
EZE 37:7 Taunabunai, lau na peroveta, vada e haḡanigu heḡereḡerena; bena na perovetava lalonai hesede-hesede reḡena e reḡedagu; bena turia na e hahebou, turia ta ta ena gabu ena gabu ai e hemudu-hemudu kau.
EZE 37:8 Na itadia negana ai, idia na mai varovarodia, bona hidio ese e hadududia ahu, bona kopi ese e ḡovadia, a dounu asi laḡadia.
EZE 37:9 Bena ia ese e hamaorogu, eto, Taunimanima natuna e, laḡa ba peroveta henia, laḡa ba hamaoroa, baoto, Ḡaubada Iehova na ini e gwau tomamu: Laḡa e, lai haniosi kahadia amo baoma, ini vada e aladia mase taudia na ba hahoho henidia, bena bae mauri.
EZE 37:10 Taunabunai, lau na peroveta, e haḡanigu heḡereḡerena, bena laḡa na idia lalodiai e vareai; bena e mauri, e tore isi, hutuma bada herea.
EZE 37:11 Bena ia ese e hamaorogu, eto, Taunimanima natuna e, ini turia na Israel besena idoinai. A itaia, idia na e tomu, Turiamai vada e kakoro, emai helaro vada e boio; vada e negemai daure.
EZE 37:12 Taunabunai ba peroveta henidia, baoto, Ḡaubada Iehova na ini e gwau tomamu: Egu bese e, a itaia, emui guri baina kehodia, emui guri amo baina hatoremui isi, bena baina hakaumui lou, Israel tanona ai.
EZE 37:13 Egu bese e, emui guri baina kehodia bona emui guri amo baina hatoremui isi negana ai, vada ba diba lau na Iehova.
EZE 37:14 Bena egu Lauma na lalomui ai baina atoa, bena ba mauri; bena emui tano korikori ai ma baina hanohomui. Bena ba diba, lau Iehova vada na hereva bona karana vada na karaia. Iehova na e herevamu.
EZE 37:15 Iehova ena hereva na egu ai e kau, eto,
EZE 37:16 Taunimanima natuna e, au ta bavabia bona ia latanai ba torea: “Iuda, bona Israel taudia ia ida e heboumu, edia”. Bena au ma ta bavabia bona ia latanai ba torea: “Iosef (Efraim auna), bona Israel besena idoinai ia ida e heboumu, edia”.
EZE 37:17 Bena au ruaosi ba hahesiriudia, au tamona ai baela oi imamu ai.
EZE 37:18 Bena emu orea taudia ese bae nanadaimu, baeto “Ina kara anina basioma hamaorolaimai a?” negana ai
EZE 37:19 ba haere henidia, baoto, Ḡaubada Iehova na ini e gwau tomamu: A itaia, Iosef bona Israel iduhudia ia ida e heboumu edia au (Efraim imana ai e miamu ḡauna) aina abia, Iuda ena au ida baina hahesiriudia, au tamona ai baina halaodia lau imagu ai.
EZE 37:20 Hari latadiai revareva vada o tore audia na idia vairadiai ui imamu ai bae mia negana ai,
EZE 37:21 ba hereva henidia, baoto, Ḡaubada Iehova na ini e gwau tomamu: A itaia, lau ese Israel taudia na bogaragidiai vada ela besedia edia amo ma baina abidia, kaha iboudiai amo baina haboudia, edia tano korikori lalonai baina hakaudia vareai.
EZE 37:22 Bena bese tamona ai baina halaodia una tano ai, Israel ororodia ai; pavapava tamona ese iboudiai baine pavapavadia. Idia na bese rua ai basie hahelao lou, bona basileia rua ai basie haheparara lou.
EZE 37:23 Edia kaivakuku eiava edia ḡau dika-rohorohodia eiava edia kerere amo sibodia basie hahemiro lou; a edia raka muri ai e kara dika karadia iboudiai amo baina hamauridia bona baina haḡoevadia. Idia na lauegu bese ai baela, bona lau na edia Dirava ai bainala.
EZE 37:24 Egu hesiai tauna David ese baine pavapavadia; iboudiai na ireḡudia tauna tamona ese baine regudia. Egu hahemaoro herevadia na bae gavadia, bona egu taravatu na bae badinadia namonamo.
EZE 37:25 Senemui ese e noholaia tanona, egu hesiai tauna Iakob na henia tanona, lalonai bae noho; idia bona natudia bona garadia na unuseni ai bae noho, ela bona hanaihanai; bona egu hesiai tauna David ese baine pavapavadia hanaihanai.
EZE 37:26 Lau na idia ida baia herohemaino; emai herohemaino baine hesiriu hanaihanai. Lau ese baina hanamodia bona baina hahutumadia; egu gabu helaḡana na idia bogaragidiai baina atoa, unuseni ai baine mia hanaihanai.
EZE 37:27 Idia ida baina noho; edia Dirava ai bainala, egu bese ai baela.
EZE 37:28 Bena egu gabu helaḡana na idia bogaragidiai e miamu ma baine mia hanaihanai dainai, bese idau-idau na bae diba lau Iehova ese Israel na hahelagaiamu.
EZE 38:1 Iehova ena hereva na egu ai e kau, eto,
EZE 38:2 Taunimanima natuna e, Gog, Magog tanona tauna, Mesek bona Tubal lohiadia badana, ba vaira henia bona latanai ba peroveta,
EZE 38:3 baoto, Ḡaubada Iehova na ini e gwau tomamu: Gog e, Mesek bona Tubal lohiadia badana e, lau ese oi na inai henimumu;
EZE 38:4 baina haginimu kerehai, igau na aukimu ai baina ḡau, bena baina verimu lasi; bona emu tuari oreana idoinai danu, hosi bona hosi-gui taudia, iboudiai na mai edia tuari dabuadia, tau-anidia iḡovalai-ḡuḡurudia ḡaudia, orea bada-hereana, iboudiai na mai edia keme auridia bona kesi, bona mai edia dare imadia ai.
EZE 38:5 Parasa bona Kusu bona Put taudia na idia ida; iboudiai na mai edia kesi bona auri kwara-gaudia;
EZE 38:6 Gomere mai ena hutuma idoinai ida; Bete-togarama danu mirigini kahana gabu daudaudia amo, mai ena hutuma idoinai ida; bese momo na oi ida.
EZE 38:7 A hegaegae, bona ba heḡaeḡae noho, oi bona emu ai e heboumu oreadia badadia iboudiai, bona ba gimadia.
EZE 38:8 Dina hoho muridiai bae haheboumui; bena laḡani gabedia ai tuari ena hahedika amo vada e hanamoa lou tanona, bese loḡora bogaragidia amo taunimanima na Israel ororodia ai vada e haboudia tanona, vada e vahu loulou tanona, na umui ese do ba tuari henia. Ena taunimanima na bese idau-idau bogaragidia amo e hakaudia lasi, bona harihari idia iboudiai na e noho namonamomu.
EZE 38:9 A ba orea isi, baola, lai gubana na heto, dagadaga ese tano bema ḡovaia ahu na heto, oi bona emu hutuma idoinai bona bese momo oi ida.
EZE 38:10 Ḡaubada Iehova na ini e gwau tomamu: Una dina ai lalo-hadai haida na lalomu ai bae vara, bena kara dikana ta ba laloa hata,
EZE 38:11 baoto, Lau ese asi maḡudia hanuadia tanona baina tuari henia; unu asi reḡereḡedia e noho namonamomu, edia ruma na asi maḡudia, asi auridia, asi ikoukoudia, taudia na baina daedia;
EZE 38:12 edia kohu baina dadi, bona baina dadi ḡaudia na baina laohai; gunaguna e vahu a harihari taunimanima ese e noholaimu gabudia baina tuari henidia; bona bese idau-idau bogaragidia amo vada e hahebou edia boromakau bona edia kohu vada e habou taudia, tano bogaraginai e nohomu taudia, danu baina tuari henidia.
EZE 38:13 Sieba bona Dedan, bona Tarasisi ena hoihoi taudia bona hanuana iboudiai, ese bae nanadaimu, baeto, Oi na kohu idadidia totona vada oma a? Emu hutuma vada o haheboudia, ba dadi kohudia bae hua lao, silver bona gold bae huadia lao bona boromakau bona kohu bae laohaidia, ḡau momo herea bae dadi totona a?
EZE 38:14 Taunabunai, taunimanima natuna e, ba peroveta, Gog ba hamaoroa, baoto, Ḡaubada Iehova na ini e gwau tomamu: Una dina ai egu bese Israel e noho namonamomu negana ai, oi na ba tore isi,
EZE 38:15 emu gabu, mirigini kahana gabu daudaudia, amo baoma, oi bona bese momo oi ida, iboudiai na hosi ai bae gui, hutuma bada-herea, tuari oreana mai goadana.
EZE 38:16 Baoma, egu bese Israel taudia ba daedia, dagadaga ese tano e ḡovaia ahumu na heto. Dina gabedia ai, lau ese baina hakaumu mai, egu tano ituari-henina totona; bena oiemu amo, Gog e, egu helaḡa na bese idau-idau vairadiai baina hamomokania, unu amo idia ese bae dibagu.
EZE 38:17 Ḡaubada Iehova na ini e gwau tomamu: Nega gunadia ai egu hesiai taudia, Israel ena peroveta taudia, ududia amo na herevalaia tauna na oi a? Idia na laḡani gunadia lalodiai e perovetava oi baina mailaimu idia ituarihenidia totona.
EZE 38:18 Ḡaubada Iehova ma e tomu, A una dina ai, Gog ese Israel tanona ituari-henina bainema dinana ai, egu badu baine vara.
EZE 38:19 Badina be egu vaḡeḡe ai bona egu badu ḡaraḡara ai na gwaumu, Una dina ai Israel tanona baine heude-heude bada;
EZE 38:20 davara gwarumedia, atai manudia, uda boromadia, tano ai e raumu ḡaudia iboudiai, bona tanobada latanai e nohomu taudia iboudiai danu, bae heude-heude lau vairagu ai; ororo danu bae heḡiḡi dobi bona haga nadidia bae moru, bona maḡu iboudiai na tano ai bae heḡiḡi dobi.
EZE 38:21 Ḡaubada Iehova na e lomu, Hahegari karadia idau-idau iboudiai baina havaradia, Gog ihadikana; taunimanima iboudiai na tadikakadia ida bae heala-ala heheni, edia dare amu.
EZE 38:22 Dai-hanai gorerena bona rara ihahebubuna amo baina hahemaoro henia, bona medu bada-hereadia bona medu-hetaridia, lahi bona teio na ia bona ena hutuma bona baine bamoa besedia loḡora latadiai baina hadiho.
EZE 38:23 Unu amo egu herea-dae bona egu helaḡa baina hahedinaraidia, bona bese momo vairadiai sibogu baina hahedinarai. Bena idia bae diba lau na Iehova.
EZE 39:1 Taunimanima natuna e, Gog latanai ba peroveta, baoto, Ḡaubada Iehova na ini e gwau tomamu: Gog e, Mesek bona Tubal lohiadia badana, lau ese na inai henimumu;
EZE 39:2 lau ese baina haginimu kerehai bona baina lulumu lao, mirigini kahana gabu daudaudia amo baina mailaimu, baina hakaumu, Israel ororodia ituari-henidia ai;
EZE 39:3 bena emu peva na imamu laurina amo baina pataia oho, bona emu diba na imamu idibana amo baina hamorudia.
EZE 39:4 Bena Israel ororodia ba hekida diho, oi bona emu hutuma idoinai bona e bamomumu besedia; bena lau ese baina abimui, kasiri-ani manudia idau-idau bona uda bolomadia adia ai baina halaomui;
EZE 39:5 tano paka ai do ba hekida diho, badina be lau, Ḡaubada Iehova, vada na hereva.
EZE 39:6 Lau ese lahi baina siaia lao, Magog latanai, bona kone tanodia ai e noho namonamomu taudia latadiai; bena idia bae diba lau na Iehova.
EZE 39:7 Bena lau ladagu helaḡana baina hahedibalaia, egu bese Israel bogaraginai; baina gwaudia tao, lau ladagu helaḡana basie hamiroa lou; bena bese idau-idau na bae diba, lau na Iehova, Helaḡa Diravana Israel ai.
EZE 39:8 Ḡaubada Iehova na e tomu, A itaia, ia na e maimu, vada be kaumu. Lau ese vada na herevalaia dinana bunai.
EZE 39:9 Bena Israel hanuadia e noholaidiamu taudia na bae raka lasi, tuari ḡaudia na Iahi ai bae haboudia, bae doudia; kesi bona keme auridia, peva bona diba, kareva bona io. Lahi audia ai bae halaodia ela bona laḡani hitu bae ore;
EZE 39:10 taunabunai idia ese au na tano paka ai basie abi eiava uda ai basie utu, badina be edia lahi na unu tuari ḡaudia amo bae raku; edia ḡau e dadi taudia ediai ḡau ma bae dadi, bona edia kohu e abi oho taudia ediai kohu ma bae abi oho. Ḡaubada Iehova na e herevamu.
EZE 39:11 Una dina ai lau ese Gog na gara gabuna ta baina henia Israel ai, koura ta ladana na “Laolao taudia edia Koura”, Tadi Gohuna mairiveina kahana ai. Laolao taudia edia dala na baine helao ahu, badina be unuseni ai Gog bona ena hutuma idoinai na bae guridia; ladana bae hatoa Hamono-gog Kourana.
EZE 39:12 Hua hitu lalodiai Israel besena taudia ese bae guridia, tano ihaḡoevana totona.
EZE 39:13 Tano taudia iboudiai ese bae guridia; bena idia haridia bae namo, lau ese hairaigu baina hahedinaraia dinana ai. Ḡaubada Iehova na e herevamu.
EZE 39:14 Tatau haida bae gwauraidia hidi, idia ese tano bae rakaia hanai loulou bona tano kopina ai miadia taudia bae guridia totona; unu amo tano bae haḡoevaia. Hua hitu bae ore ai do bae hetahu.
EZE 39:15 Bena tano iraka-hanaina ai idia ta ese tau ta turiana baine davaria negana ai, ia ese toa ta baine holoa una turia badibadinai, ela bona mase iguridia taudia ese Hamono-gog Kourana ai bae ḡuria.
EZE 39:16 (Hanua ta ladana Hamona na unuseni ai danu.) Tano na unu bae haḡoevaia toma.
EZE 39:17 Taunimanima natuna e, Ḡaubada Iehova ese ini e hereva henimu tomamu: Manu idau-idau bona uda boromadia iboudiai na ba hereva henidia, baoto, Ba hegogo bena baoma; kaha iboudiai amo ba hebou, boubou ariana lau ese na hegaegaelaiamu amui na bavania, boubou ariana badana Israel ororodia ai; vamu bame ani bona rara bame inu.
EZE 39:18 Goada-herea taudia hidiodia bavani, bona tanobada lohiadia raradia ba inu; mamoe mamaruanedia bona mamoe natudia bona nani bona boromakau mamaruanedia danu, iboudiai na Basan ubu-ubu boromadia.
EZE 39:19 Digara bavania, ela bona bogamui bae kunuka-kunuka, bona rara ba inua, ela bona ba kekero, hari boubou ariana, amui na heḡaeḡaelaiamu ḡauna, lalonai.
EZE 39:20 Egu dabara ai, hosi bona hosi-gui taudia amo, goada-herea taudia bona tuari taudia idau-idau amo, bogamui do bae kunu. Ḡaubada Iehova na e herevamu.
EZE 39:21 Lau hairaigu na bese idau-idau bogaragidiai baina hahedinaraia; bena bese iboudiai ese egu hahemaoro karana bona imagu, latadiai na atoa ḡauna, bae itadia.
EZE 39:22 Israel besena na una dina amo bae diba, lau na Iehova, edia Dirava.
EZE 39:23 Bena bese idau-idau na bae diba, Israel besena na iḡui gabuna ai ela, edia kara havara dainai; badina be edia kara amo e koigu dikadika dainai lau ese vairagu na edia amo na hunia, bona adia inai taudia imadia ai na atodia, bena iboudiai na dare ai e mase.
EZE 39:24 Edia miro bona edia kerere heḡereḡeredia ai na kara henidia, bona vairagu na edia amo na hunia.
EZE 39:25 Taunabunai, Ḡaubada Iehova na ini e gwau tomaunu: Harihari Iakob ena noho-namo baina havaraia lou, bona Israel besena idoinai baina bogaia hisi; bona lau ladagu helaḡana vageḡena baina vageḡe.
EZE 39:26 Bena bese idauidau bogaragidia amo baina loulaidia, bona inaidia edia tano hidaosi amo baina haboudia, bona idia edia amo egu helaḡa na bese momo vairadiai baina hamomokania negana ai, idia ese edia hemarai bae laloa boio, bona edia kara koikoi, lau e koilaigu karadia, edia tano ai e noho namonamova bona haida ese asie hagaridiava negadia ai e karava karadia, danu bae lalo boio.
EZE 39:28 Bena idia bae diba, lau na Iehova, edia Dirava; badina be gabu daudau ai na hanohodia, bese idau-idau bogaragidiai, bena ma na gogodia lou, edia tano korikori ai. Lau ese idia ta na bese idau-idau bogaragidiai basina rakataia lou;
EZE 39:29 bona vairagu na edia amo basina hunia lou; egu Lauma ese Israel besena baine rohea. Ḡaubada Iehova na e herevamu.
EZE 40:1 Dauhai e hanohomai laḡanina iharuahui-imana matamana ai, hua dinana ihagwautana ai, hanua badana e hadarerea murinai laḡani gwauta-hani vada e lao bubuni ai, una dina lalonai Iehova imana na vada latagu ai;
EZE 40:2 bena Dirava ese e henigu mata-hanaidia ai Israel tanona e laohaigu, ororo badana ta dorina ai e haginigu diho, ḡau ta, ita-itana na hanua badana ta na heto, hevaira-hehenina ai.
EZE 40:3 Unuseni ai e haginigu diho negana ai, tau ta na itaia, ita-itana na auri labora-labora na heto, mai ena hahetoho varona bona ena hahetoho sirihona imana ai. Ia na ikoukou ai e gini.
EZE 40:4 Bena una tau ese e hereva henigu, eto, Taunimanima natuna e, lau ese baina haheitalaimu ḡaudia iboudiai na matamu amo ba itadia, bona taiamu amo ba kamonai bona lalomu amo ba haerodia, badina be ini ḡau baina haheitalaimu totona e mailaimu iniseni ai. Ba ita ḡaudia iboudiai na Israel besena taudia ba hamaorolaidia.
EZE 40:5 Bena na itaia, maḡu ta ese dubu tanona e ḡeḡea dae. Hari hahetoho sirihona una tau imana ai latana na kiubit badadia tauratoi. (Unu kiubit badadia ta anina be kiubit idoinai ta bona ima-palapala lababana ta). Bena ia ese maḡu udunana e hahetohoa, hahetoho sirihona auta heḡereḡerena; harana latana danu hahetoho sirihona auta heḡereḡerena.
EZE 40:6 Bena mairiveina kahana e vaira henia ikoukouna idae-lao-henina ai, vadavadana amo e dae; bena ikoukou raka-vareaina e hahetohoa, lababana na hahetoho sirihona auta heḡereḡerena.
EZE 40:7 Ohe daiutudia danu latadiai na hahetoho sirihona auta, bona lababadia danu hahetoho sirihona auta. Daiutu padadia na kiubit ima. Ikoukou raka-vareaina, ikoukou dehena laloma kahana ai, na hahetoho sirihona auta heḡereḡerena.
EZE 40:8 Bena ia ese ikoukou dehena e hahetohoa: ia na kiubit taurahani;
EZE 40:9 bona ena ihua-ihua danu, idia na kiubit rua. Hari ikoukou dehena na laloma kahana ai.
EZE 40:10 Mairiveina kahana ikoukouna ohena kahana kahana na daiutu toi toi amo; toiosi edia bada na heḡereḡere; bona ohe kahana kahana ihua-ihuadia edia bada danu heḡereḡere.
EZE 40:11 Bena ia ese ikoukou raka-lasina e hahetohoa, kiubit gwauta; bona ikoukou idoinai lababana, kiubit gwauta-toi.
EZE 40:12 Ohe kahana kahana daiutudia na mai seaseadia lababadia kiubit tamona, bona hari daiutu na kiubit tauratoi, ohe kahana kahana ai.
EZE 40:13 Bena ikoukou na e hahetohoa, ohena ta daiutuna durana iduarana amo ela bona ma ohena ta daiutuna durana iduarana, lababa idoinai na kiubit ruahui-ima, iduara amo ela bona iduara.
EZE 40:14 Dehe danu e hahetohoa, kiubit ruahui; maḡu ta ese ikoukou dehena e ḡeḡea dae.
EZE 40:15 Ikoukou vaira-kahana raka-vareaina ela bona ikoukou lalona kahana dehena na kiubit imahui.
EZE 40:16 Ikoukou heḡeḡemadai ai na gaba-mauru haida; ihua-ihua padadia na hahaga murimuri kahadia ai bona i'iora laloma kahadia at; bona dehe danu mai gaba-mauruna laloma kahana hegegemadai ai. Ihua-ihua ai be pamu audia laulaudia.
EZE 40:17 Bena ia ese murimuri kahana maḡuna lalonai e hakaugu vareai; unuseni ai daiutu haida bona nadi ariarana ta na itadia, maḡu e ḡegea dae; daiutu toi-ahui ese hari nadi ariarana e vaira henia.
EZE 40:18 Hari nadi ariarana na ikoukou badibadidiai ela; lababana na hari ikoukou lababadia heḡereḡeredia. Una nadi ariarana na henu ariarana.
EZE 40:19 Bena ia ese hari henu ikoukouna ena laloma kahana bona laloma maḡuna ena murimuri kahana padadia e hahetohoa; padadia na kiubit sinahu-ta. Bena ia na lau vairagu ai ela, mirigini kahana ala;
EZE 40:20 unuseni ai ikoukou ta ese mirigini kahana e vaira henia; una na murimuri kahana maḡuna ikoukouna. Ia ese latana bona lababana e hahetohodia.
EZE 40:21 Ena ohe daiutudia, toi kahana ai toi kahana ai, bona ena ihua-ihua bona ena dehe edia bada na ikoukou gini-gunana ena heḡereḡeredia; latana na kiubit imahui bona lababana na kiubit ruahui-ima.
EZE 40:22 Ena gaba-mauru, ena dehe bona ena pamu audia laulaudia edia bada na hari mairiveina kahana e vaira henia ikoukouna ena heḡereḡeredia. Vadavada moi-kaudia auhitu amo e dae henia; bona dehena na ena laloma kahana ai.
EZE 40:23 Hari mirigini kahana ikoukouna hevaira-hehenina ai na laloma maḡuna ikoukouna ta, mairiveina kahana ḡauna heḡereḡerena; bena ia ese padadia e hahetohoa, ikoukou ta ela bona ikoukou ta padadia na kiubit sinahu-ta.
EZE 40:24 Bena ia ese diho kahana ma e hakaugu lao; bena ikoukou ma ta na itaia diho kahana ai. Ena ihua-ihua bona ena dehe e hahetohodia; edia bada na unu haida edia heḡereḡeredia.
EZE 40:25 Gaba-mauru ese ia bona ia dehena e haheḡeḡedia dae, unu haida edia gaba-mauru heḡereḡeredia; ia latana na kiubit imahui bona lababana na kiubit ruahui-ima.
EZE 40:26 Vadavada moi-kaudia auhitu amo e dae henia, bona dehena na ena laloma kahana ai; ena ihua-ihua ai na pamu audia laulaudia, ta ohena ta ai, ma ta ohena ta ai.
EZE 40:27 Laloma maḡuna ena diho kahana na mai ikoukouna. Bena ia ese padadia e hahetohoa, ikoukou ta amo ela bona ikoukou ta, diho kahana ai; padadia na kiubit sinahu-ta.
EZE 40:28 Bena ia ese laloma maḡuna lalonai e hakaugu vareai, diho kahana ikoukouna amo. Bena ia ese diho kahana ikoukouna e hahetohoa; ena bada na unu haida edia heḡereḡeredia.
EZE 40:29 Ena ohe kahana kahana daiutudia, ena ihua-ihua bona ena dehe na unu haida heḡereḡeredia; gaba-mauru ese ia bona ia dehena e haheḡeḡedia dae; ia latana na kiubit imahui bona lababana na kiubit ruahui-ima.
EZE 40:30 Dehe haida ma e ḡegea dae, latadia na kiubit ruahui-ima bona lababadia na kiubit ima.
EZE 40:31 Dehena na murimuri kahana maḡuna e vaira henia; ena ihua-ihua ai na pamu audia laulaudia; vadavada moi-kaudia taurahani amo e dae henia.
EZE 40:32 Bena ia ese laloma kahana maḡuna ai e hakaugu vareai, mairiveina kahana ai. Ia ese ikoukou e hahetohoa; ena bada na unu haida edia heḡereḡeredia.
EZE 40:33 Ena ohe kahana kahana daiutudia, ena ihua-ihua bona ena dehe edia bada na unu haida edia heḡereḡeredia. Gaba-mauru ese e haheḡeḡea dae. Ia latana na kiubit imahui, bona lababana na kiubit ruahui-ima.
EZE 40:34 Ia dehena ese murimuri kahana maḡuna e vaira henia. Ena ihua-ihua ai na pamu audia laulaudia, ta ohena ta ai, ma ta ohena ta ai. Vadavada moi-kaudia taurahani amo e dae henia.
EZE 40:35 Bena ia ese ma e hakaugu lao, mirigini kahana ikoukouna ala. Bena e hahetohoa; ena bada na unu haida edia heḡereḡeredia.
EZE 40:36 Ena ohe kahana kahana daiutudia, ena ihua-ihua bona ena dehe edia bada na unu haida edia heḡereḡeredia. Gaba-mauru ese e haheḡeḡea dae. Ia latana na kiubit imahui, bona lababana na kiubit ruahui-ima.
EZE 40:37 Ia dehena ese murimuri kahana ikoukouna e vaira henia. Ena ihua-ihua ai na pamu audia laulaudia, ta ohena ta ai, ma ta ohena ta ai. Vadavada moi-kaudia taurahani amo e dae henia.
EZE 40:38 Daiutu ta iduarana na ikoukou dehena ai; unuseni ai ḡole-oho boubouna na bae huria.
EZE 40:39 Ikoukou dehena ai danu na pata rua, ohe kahana kahana ai; idia latadiai ḡole-oho bona kara dika bona kerere boubou ḡaudia bae aladia mase.
EZE 40:40 Dehe murimurina kahana ai, mirigini kahana ikoukouna raka-vareaina ai, na pata rua; hona ikoukou dehena kahanadanu pata rua.
EZE 40:41 Pata hani na laloma kahana ai bona pata hani na murimuri kahana ai, ikoukou raka-vareaina ai; pata taurahaniosi latadiai boubou ḡaudia na bae aladia mase.
EZE 40:42 E utu hata nadidia patadia hani danu mimia, ḡole-oho boubou ḡaudia patadia. Latadia na kiubit ta mai kahana, lababadia danu kiubit ta mai kahana, bona haradia latadia be kiubit tamona. Ḡole-oho bouboudia bona boubou haida ialalaidia ḡaudia na unu pata latadiai bae heato.
EZE 40:43 Igau haida danu, edia lata na ima-palapala ta lababana heḡereḡerena, na lalonai e hetau dae heḡeḡe. Unu pata latadiai na boubou ḡaudia hidiodia bae atodia.
EZE 40:44 Bena ia ese murimuri kahana amo e hakaugu vareai, laloma maḡuna lalonai; unuseni ai daiutu rua na itadia, laloma maḡuna lalonai. Ta be mirigini kahana ikoukouna badibadinai, diho kahana e vaira henia. Ma ta be diho kahana ikoukouna badibadinai, mirigini kahana e vaira henia.
EZE 40:45 Ia ese e hamaorogu, eto, Ina diho kahana e vaira heniamu daiutuna na hahelaḡa taudia, dubu e biaguamu taudia, edia;
EZE 40:46 bona mirigini kahana e vaira heniamu daiutuna na hahelaḡa taudia, ihaboulaina patana e biaguamu taudia, edia. Unu na Sadok garana; Levi garana iboudiai bogaragidiai amo idia sibodia ese Iehova bae raka henia kahi, isiaina ilao-henina totona.
EZE 40:47 Bena ia ese maḡu e hahetohoa: ena lata na kiubit sinahu-ta bona ena lababa na kiubit sinahu-ta; kahana haniosi na heḡereḡere. Ihaboulaina patana na dubu vairanai.
EZE 40:48 Bena ia ese e hakaugu lao, dubu dehena ala. Ia ese dehe ihua-ihuana e hahetohodia; idia na kiubit ima, ohe kahana kahana ai. Ikoukou lababana na kiubit gwauta-hani; bona ikoukou ohena habadia na kiubit toi, ohe kahana kahana ai.
EZE 40:49 Dehe ena lata na kiubit ruahui, bona ena lababa na kiubit gwauta-rua. Vadavada moi-kaudia gwauta amo e dae henia; bona ihua-ihua badibadidiai na au-tubua, ohe kahana kahana ai.
EZE 41:1 Bena ia ese dubu ai e hakaugu vareai; bena ihua-ihua e hahetohodia. Ohe kahana kahana ai ihua-ihua padadia na kiubit tauratoi.
EZE 41:2 Rakavareaina lababana na kiubit gwauta; bona raka-vareaina ohena habadia na kiubit ima, ohe kahana kahana ai. Dubu laloma kahana e hahetohoa; ena lata na kiubit hari-ahui bona ena lababa na kiubit ruahui.
EZE 41:3 Bena ia ese laloma daiutuna ai e raka vareai, raka-vareaina ihua-ihuana e hahetohodia, kiubit rua; bona raka-vareaina lababana, kiubit tauratoi; bona raka-vareaina ohena habadia, kiubit hitu.
EZE 41:4 Daiutu e hahetohoa, ena lata bona ena lababa na kiubit ruahui, dubu durana kahana ai. Ia ese e hamaorogu, eto, Ina na gabu helaḡa-hereana.
EZE 41:5 Bena ia ese dubu habana e hahetohoa, udunana na kiubit tauratoi. Ohena daiutudia lababadia na kiubit hani, idia ese dubu e haheḡeḡea dae.
EZE 41:6 Hari ohe daiutudia na ere toi, latana latana ai. Daiutu na toi-ahui toi-ahui amo, ere Ia ta ai. Dubu heḡeḡemadai ai to-tao ḡaudia e kara, dubu habana ai, bena daiutu lavadia na unu ḡau latadiai e heato kau, unu lava na dubu habana lalonai basie hetoi vareai helaoreana.
EZE 41:7 Hari ohe kahana kahanil daiutudia lababadia na e bada e laova, henu erena amo ela bona atai erena, to-tao ḡaudia na henu erena amo ela bona atai erena e bada e laova heḡereḡerena, dubu heḡeḡemadai ai. Dubu ohena ai vadavada ta e daeva, unu amo taunimanima na henu erena amo e dara daeva ela bona bogaragi erena, bona bogaragi erena amo e dara daeva ela bona atai erena.
EZE 41:8 Na itaia danu, dubu heḡeḡemadai ai na patapata ta. Hari ohe kahana kahana daiutudia badidia na e hahetohodia, idia na hahetoho sirihona idoi ta, kiubit badadia tauratoi heḡereḡerena.
EZE 41:9 Ohe kahana kahana daiutudia murimuridia kahadia habadia lababadia na kiubit ima; patapata mia-ḡaḡaena kahana lababana na kiubit ima. Hari dubu patapatana
EZE 41:10 bona maḡu daiutudia padadia na kiubit ruahui, dubu hegegemadai idoinai.
EZE 41:11 Hari ohe kahana kahana daiutudia iduaradia na patapata mia-ḡaḡaena kahana ai e hekeho, iduara ta na mirigini kahana e vaira henia, bona iduara ta na diho kahana e vaira henia. Una patapata mia-ḡaḡaena kahana lababana na kiubit ima, dubu heḡeḡemadai ai.
EZE 41:12 Lahara kahana ai dubu maḡuna e vaira henia rumana ena lababa nil kiubit hitu-ahui. Ruma habana udunana na kiubit ima, ruma heḡeḡemadai ai; bona ena lata na kiubit taurahanita-ahui.
EZE 41:13 Bena ia ese dubu e hahetohoa, ena lata na kiubit sinahu-ta; bona maḡu mai rumana ida edia lata na kiubit sinahu-ta;
EZE 41:14 bona dubu mai maḡuna ida, mairiveina kahana ai, labahadia na kiubit sinahu-ta.
EZE 41:15 Bena ia ese maḡu e vaira henia rumana, lahara kahana ai, mai ohe kahana kahana habadia ida, e hahetohodia, latadia na kiubit sinahu-ta. Dubu laloma kahana hona laloma daiutuna bona murimuri kahana dehena habadia
EZE 41:16 na mai iḡovalaidia reireidia, bona toiosi heḡeḡemadai ai na gaba-mauru; unu gaba-maurudia ioradia na au rotonadia amo e kara. Rakavareaina hevaira-hehenina habana heḡeḡemadai ai na mai iḡovalaina reireidia, ruma reireina amo ela bona gaba-mauru, (hari gaba-mauru na mai ikoulaidia ḡaudia),
EZE 41:17 ma ela bona iduara daena, ma ela bona laloma daiutuna, bona murimuri ai danu. Bona haba iboudiai heḡeḡemadai ai, laloma daiutuna ai bona dubu ai, na laulau e koro:
EZE 41:18 kerubi laulaudia bona pamu audia laulaudia; kerubi padadia amo na pamu audia ta ta. Kerubi ta ta vairadia na rua rua:
EZE 41:19 vaira ta, taunimanima vairana na heto, ese pamu auna ta e vaira henia ohena ta ai; bona vaira ta, leona natuna vairana na heto, ese pamu auna ta e vaira henia, ohena ma ta ai. Idia na dubu idoinai heḡeḡemadai ai e hekoro;
EZE 41:20 dubu reireina amo ela bona iduara daena, kerubi bona pamu audia laulaudia na haba ai e hekoro.
EZE 41:21 Dubu iduarana ihua-ihuadia na kaha haniosi heḡereḡere audia. Gabu helaḡana vairanai na ḡau ta,
EZE 41:22 ita-itana na pata helaḡana, au amo e karaia ḡauna; harana latana na kiubit toi, bona latana bona lababana na kiubit rua. Daigunina bona badina bona habahabana na au amo e kara. Ia ese e hamaorogu, eto, Ina na Iehova vairanai e miamu patana.
EZE 41:23 Dubu bona gabu helaḡana ruaosi iduaradia na kaha rua rua amo.
EZE 41:24 Iduara ta ta mai kahadia rua rua, bona kaha ruaosi e helokuva bona e hulalava, iduara ta ta ai.
EZE 41:25 Dubu iduaradia kopidia ai kerubi bona pamu audia laulaudia na e hekoro, haba ai e hekoro na heto. Bona murimuri ai dehe na mai guhina, au-reireidia amo e karaia.
EZE 41:26 Ohe kahana kahana ai, dehe ohena habadia ai, na gaba-mauru, ioradia na au rotonadia amo e kara ḡaudia; bona pamu audia laulaudia danu.
EZE 42:1 Bena ia ese e hakaugu lao, laloma maḡuna lalonai, mirigini kahana ai, ela bona dubu maḡuna bona mirigini kahana rumana e vaira henidia daiutudia.
EZE 42:2 Hari mirigini kahana rumana ena lata na kiubit sinahu-ta bona ena lalaba na kiubit imahui.
EZE 42:3 Laloma kahana maḡuna ena kiubit ruahui badibadidiai bona murimuri kahana maḡuna nadi-ariarana vairanai na dehe haida e hevaira heheniva, ere toiosi ai.
EZE 42:4 Daiutu vairadiai, raka-hanai gabuna ta ese laloma kahana e lao heniava, ena lababa na kiubit gwauta bona ena lata na kiubit sinahu-ta; daiutu iduaradia na mirigini kahana ai.
EZE 42:5 Atai daiutudia na taidia i'iora, badina be idia dehedia lababadia na taidia babada a henu bona bogaragi eredia dehedia lababadia na taidia mamaraḡi.
EZE 42:6 Badina be idia na ere toi ai bona asi edia au-tubua, murimuri kahana maḡuna ena au-tubua heḡereḡeredia, una dainai atai daiutudia na taidia mamaraḡi a henu bona bogaragi eredia daiutudia na taidia babada.
EZE 42:7 Murimuri ai na hehari maḡuna ta, ia bona hari daiutu padadia idoinai na heḡereḡere. Ia na murimuri kahana maḡuna e lao heniava, bona daiutu e vaira henidiava. Ena lata na kiubit imahui.
EZE 42:8 Badina be murimuri kahana maḡuna daiutudia edia lata na kiubit imahui, a dubu e vaira heniava daiutudia edia lata na kiubit sinahu-ta.
EZE 42:9 Ini daiutu henudiai na raka-vareai gabuna ta, mairiveina kahana ai, murimuri kahana maḡuna amo daiutu lalodiai e raka vareaiva gabuna ai.
EZE 42:10 Murimuri kahana maḡuna na unu amo e hematama. Diho kahana ai danu, maḡu bona ruma hegaga-henina ai na daiutu haida,
EZE 42:11 bona raka-hanai gabuna ta na idia vairadiai. Idia na mirigini kahana daiutudia heḡereḡeredia, edia lata bona edia lababa na unu idia ida heheḡereḡere; edia raka lasi gabudia bona ihaginidia daladia bona iduara danu na unu idia ida heheḡereḡere.
EZE 42:12 Hari diho kahana daiutudia henudiai na raka-vareai gabuna ta, mairiveina kahana ai, unuseni ai raka-hanai gabuna ai e raka vareaimu. Idia vairadiai be hehari maḡuna ta.
EZE 42:13 Bena ia ese e hamaorogu, eto, Mirigini bona diho kahadia daiutudia, maḡu hevaira-hehenina ai, na daiutu helagadia; hahelaḡa taudia ese Iehova bae raka henia kahi negadia ai, herahia anianidia helaḡa-hereadia na unuseni ai bae ani; unuseni ai herahia anianidia helaḡa-hereadia bae atodia - naoa boubouna, bona kara dika bona kerere iabi-ohodia bouboudia ḡaudia; badina be una gabu na helaḡa.
EZE 42:14 Hahelaḡa taudia na gabu helaḡana ai bae raka vareai negadia ai, idia na unu amo basie raka lasi murimuri kahana maḡuna ai ela bona kara helaḡadia ikaradia totona e hahedokilai dabuadia na unuseni ai bae dokidia oho bona bae atodia guna, badina be unu dabua na hehelaga. Idia ese dabua idaudia bae dokilaidia guna, bena hanua taudia edia gabu bae raka henia kahi.
EZE 42:15 Ia ese dubu maḡuna laloma kahana e hahetohoa vaitani, bena mairiveina kahana e vaira henia ikoukouna amo e hakaugu lasi, bena dubu maḡuna murimurina kahana e hahetohoa heḡeḡe.
EZE 42:16 Mairiveina kahana na hahetoho sirihona amo e hahetohoa; ia na kiubit sinahu-ima, hahetoho sirihona ai.
EZE 42:17 Bena kahana ma ela, mirigini kahana e hahetohoa, kiubit sinahu-ima hahetoho sirihona ai.
EZE 42:18 Ma kahana ela, diho kahana e hahetohoa, kiubit sinahu-ima hahetoho sirihona ai.
EZE 42:19 Ma kahana ela, lahara kahana e hahetohoa, kiubit sinahu-ima hahetoho sirihona ai.
EZE 42:20 Ia ese kaha haniosi e hahetohodia. Magu ta ese e ḡegea ahu, ena lata na kiubit sinahu-ima bona ena lababa na kiubit sinahu-ima; una maḡu ese tano helaḡana bona tano uhuḡaina e kaharuadiava.
EZE 43:1 Una murinai ia ese e hakaugu lao, mairiveina kahana e vaira henia ikoukouna ai.
EZE 43:2 Bena Israel Diravana hairaina na itaia, mairiveina kahana amo ema. Ena mai reḡena na sinavai momo reḡedia na heheto; bena ia hairaina ese tanobada na e hakiama-kiamaia.
EZE 43:3 Egu mata-hanai na hanua ihabua-tarina totona ema negana ai na mata hanailaia ḡauna bona Kebara sinavaina badibadinai na mata hanailaia ḡauna heḡereḡeredia. Bena tano ai na goru diho.
EZE 43:4 Bena Iehova hairaina na mairiveina kahana e vaira heniava ikoukouna amo dubu ai e vareai negana ai,
EZE 43:5 Lauma ese e abigu isi, laloma kahana maḡuna lalonai e laohaigu; bena na itaia, Iehova hairaina ese dubu vada e hahonua.
EZE 43:6 Una tau na badibadigu ai ginina ai, lau ese gado ta na kamonai, dubu lalona amo e hereva henigu;
EZE 43:7 e hamaorogu, eto, Taunimanima natuna e, Egu terono bona ae-palapalagu imoina gabuna binai; iniseni ai baina noho hanaihanai, Israel taudia bogaragidiai. Israel besena taudia ese lau ladagu helaḡana basie hamiroa lou, idia bona edia pavapava edia ariara karadia amo, eiava edia pavapava tau-anidia masedia amo,
EZE 43:8 eiava edia raka-vareaina na lauegu raka-vareaina bona edia iduara ihua-ihuadia na lauegu iduara ihua-ihuadia badibadidiai bae alodia, bena lau bona idia padamai ai na hehari maḡuna mo baine mia dainai. Edia kara dika-rohorohodia vada e kara dainai lau ladagu helaḡana vada e hamiroa, taunabunai lau ese egu badu garaḡarana ai vada na ha-oredia.
EZE 43:9 Harihari edia kaivakuku itomadihohenidia bona edia pavapava tau-anidia masedia na bae negedia daure, bena lau na idia bogaragidiai baina noho hanaihanai.
EZE 43:10 Taunimanima nahma e, dubu ita-itana bona ilalo-hatana na Israel besena taudia ba hamaorolaidia, edia kara havara hemaraidia bae hemarai helaoreana.
EZE 43:11 Bena edia kara iboudiai hemaraidia bema hemarai, bena dubu bona ihaero-hatana, raka-lasina bona raka-vareaina, bona oromana idoinai, ba haheitalaidia, bona ena hahedua herevadia bona ena taravatu iboudiai ba hadibalaidia; idia vairadiai ba torea, bena idia ese ena taravatu bona ena hahedua herevadia iboudiai na bae badinadia bona karadia bae kara.
EZE 43:12 Dubu taravatuna binai ororo dorina tanona hegeḡemadai idoinai baine helaḡa herea. A itaia, dubu taravatuna bunai.
EZE 43:13 Ihaboulaina patana ihahetohona, kiubit amo e hahetohoa, binai. (Ini kiubit na kiubit ta bona ima-palapala lababana ta). Ia badina hara-latana na kiubit ta, bona lababana na kiubit ta; ia na mai isena, ohena idoinai e ḡeḡea ahu ḡauna, isena lababana na ima-kwakikwaki daḡana ta heḡereḡerena. Ihaboulaina patana harana latana na ini baine heto:
EZE 43:14 badina, tano ai, amo ela bona henu digina, kiubit rua, bona lababana na kiubit tamona; bona digi maraḡina amo ela bona digi badana, kiubit hani, bona lababana na kiubit tamona.
EZE 43:15 Ihaboulaina patana rahurahuna na kiubit hani; bona ihaboulaina patana rahurahuna amo doa hani e hagini, edia lata na kiubit tamona.
EZE 43:16 Hari rahurahu ena lata bona ena lababa bae heḡereḡere, lalana kiubit gwauta-rua bona lababana danu kiubit gwauta-rua.
EZE 43:17 Digina danu ena lata bona ena lababa bae heḡereḡere, latana kiubit gwauta-hani bona lababana kiubit gwauta-hani; isena danu baine geḡea ahu, ia lababana na kiubit duduna. Bona ia badina heḡeḡemadai ai na kiubit tamona. Ihaboulaina patana vadavadana na mairiveina kahana baine vaira henia.
EZE 43:18 Bena ia ese e hamaorogu, eto, Taunimanima natuna e, Ḡaubada Iehova na ini e gwau tomamu: Hahedua herevadia, ihaboulaina patana ena, bini. Ḡole-oho bouboudia na latanai bae hahelaḡadia bona rara bae nevarilaia totona bae haginia dinana ai,
EZE 43:19 Levi hahelaḡa taudia, Sadok ena iduhu taudia, kara helaḡadia ikaradia totona e raka henigu kahimu taudia, na boromakau maruanena ta ba henidia, kara dika iabi-ohona boubou ḡauna ai bainela. Ḡaubada Iehova na e herevamu.
EZE 43:20 Bena rarana kuri ta bavabia, ihaboulaina patana ena doa haniosi ba dahulaidia, bona digi daigunina haniosi danu, bona isena heḡeḡemadai ai; unu amo ihaboulaina patana ba haḡoevaia bona kara dika na iena amo bavabia oho.
EZE 43:21 Bena una boromakau maruanena, kara dika iabi-ohona ḡauna, na bavabia, vada e gwauraia hidi gabuna ai ba haḡolea oho, dubu tanona ai, to helaḡa gabuna murimurinai.
EZE 43:22 Bena dina iharuana ai, nani maruanena asi bebeka-bebekana ta ba hahelaḡaia, kara dika iabi-ohona ḡauna ai bainela. Unu amo ihaboulaina patana ma ba haḡoevaia, boromakau maruanena amo o haḡoevaia heḡereḡerena.
EZE 43:23 Ba haḡoevaia ḡuḡuru, bena boromakau maruanena asi bebeka-bebekana ta bona seri mamoe maruanena asi bebeka-bebekana ta ba hahelaḡadia.
EZE 43:24 Iehova vairanai ba heni, bena hahelaḡa taudia ese damena na latadiai bae ḡiḡi, bena bae haḡoledia oho, Iehova ena.
EZE 43:25 Dina hitu lalodiai, dina ta ta ai nani maruanena ta ba heni, kara dika iabi-ohona ḡauna ai bainela; bona boromakau maruanena ta bona seri mamoe maruanena ta asi bebekabebekadia, danu ba heni.
EZE 43:26 Dina hitu lalodiai boubou karadia bae kara, dika na ihaboulaina patana amo iabi-ohona bona ihaḡoevana totona; unu amo ba hahelaḡaia.
EZE 43:27 Unu dina bae haḡuḡurudia, bona dina ihataurahanina amo hahelaḡa taudia ese emui ḡole-oho bouboudia bona emui maino bouboudia ḡaudia na bae hahelaḡadia, ihaboulaina patana latanai; bena lau ese baina abimui dae. Ḡaubada Iehova na e herevamu.
EZE 44:1 Bena ia ese e hakaugu lou lao, gabu helaḡana murimurina kahana ikoukouna ala, mairiveina kahana e vaira heniamu ḡauna. Ḡauna na vada e hekou.
EZE 44:2 Bena ia ese e hamaorogu, eto, Ina ikoukou na hekouna ai do baine mia; ta ese basine kehoa, bona ta na iena amo basine raka vareai; badina be Iehova, Israel Diravana, na iena amo vada e raka vareai, una dainai ia na hekouna ai do baine mia.
EZE 44:3 Hanua pavapavana sibona na ia lalonai baine helai, Iehova vairanai baine aniani totona. Ia na ikoukou dehena amo baine raka vareai, bona unu amo ma baine raka lasi.
EZE 44:4 Bena ia ese mirigini kahana ikoukouna amo e hakaugu lao, ela bona dubu vairanai a kau. Bena na roha lao, na itaia, Iehova hairaina ese Iehova ena dubu vada e hahonua; bena tano ai na goru diho.
EZE 44:5 Bena Iehova ese e hereva henigu, eto, Taunimanima natuna e, a laloa namonamo; baina hamaorolaimu ḡaudia iboudiai ba itadia bona herevadia ba kamonai, Iehova ena dubu herevadia, hahedua herevadia bona taravatuna iboudiai danu. Ba laloa namonamo danu, daika daika na dubu ai bae raka vareai diba, bona daika daika na gabu helaḡana lalonai basie raka vareai diba.
EZE 44:6 Bona gwau-edeede besena, Israel besena, na ba hamaorodia, baoto, Ḡaubada Iehova na ini e gwau tomamu: Israel besena e, emui kara dika-rohorohodia iboudiai ba hadoko.
EZE 44:7 Idau bese taudia, lalodia asie hahelaḡadia bona tauanidia asie peritomedia taudia, na egu gabu helaḡana lalonai o harakadia vareai, bona gabu o hamiroa, agu aniani, digara bona rara, na egu ai o hahelagadiamu negadia ai. Emui kara dika-rohorohodia iboudiai latadiai danu egu taravatu itata-utuna vada o atva kau.
EZE 44:8 Egu ḡau helaḡadia danu asio baladia heni, a idau bese taudia vada o duanaidia, egu ḡau bae baladia heni, egu gabu helaḡana lalonai.
EZE 44:9 Taunabunai, Ḡaubada Iehova na ini e gwau tomamu: Idau bese tauna ta, lalona se hahelaḡaia bona tau-anina asie peritomea tauna, idau bese taudia iboudiai Israel besena taudia padadiai e nohomu taudia ta, na egu gabu helaḡana lalonai basine raka vareai.
EZE 44:10 A Levi taudia ese edia dika davadia bae hua, egu amo idauhai e raka kerere dainai; idia ese lau e rakatanigu bona edia kaivakuku muridiai ela, Israel besena e raka kerere negana ai.
EZE 44:11 Idia ese egu gabu helaḡana ḡaukaradia bae kara, bona dubu ikoukoudia bae itadia tao, bona dubu ai kara helaḡadia bae kara. Idia ese ḡole-oho boubou ḡauna bona taunimanima edia boubou ḡaudia na bae aladia mase; taunimanima bae naridia bona isiaidia bae lao heni.
EZE 44:12 Badina be idia ese kara helaḡadia e kara, edia kaivakuku vairadiai, bona kara dika-rohorohodia amo Israel besena ihahekwakwanaina ḡauna ai ela; taunabunai Ḡaubada Iehova na e gwaumu: Lau na idia latadiai vada na gwau hamata, edia dika davadia do bae hua.
EZE 44:13 Idia ese basie raka henigu kahi, hahelaḡa karadia ai isiaigu basie lao heni; egu ḡau helaḡadia bona egu ḡau helaḡa-hereadia basie raka henidia kahi, a hemaraidia bae hemarai, kara dika-rohorohodia vada e kara daidiai.
EZE 44:14 Ḡau tan-ona lau ese baina duanaidia, dubu bae naria; bona toma-diho karadia iboudiai bona ḡaukara iboudiai ia lalonai e karamu na idia ese bae kara.
EZE 44:15 A Levi taudia haida, Sadok vevena, hahelaḡa dagina e abia bena egu gabu helaḡana e nariava, Israel besena taudia ese e rakatanigu negana ai, ese bae raka henigu lialu, bona isiaigu bae lao heni; idia na lau vairagu baema, digara bona rara bae hahelaḡadia egu. Ḡaubada Iehova na e herevamu.
EZE 44:16 Idia danu egu gabu helaḡana lalonai bae raka vareai, bona egu pata bae raka henia kahi, isiaigu bae lao heni bona egu hahedua bae badinadia totona.
EZE 44:17 Laloma maḡuna ikoukoudia lalodiai bae raka vareai negana ai, idia ese dabua auka hahedokidia bae dokilai; Inamoe huidia dabuadia basie hahedohlai, laloma maḡuna ikoukoudia ai bona maḡu lalonai kara helaḡadia bae kara negadia ai.
EZE 44:18 Kwaradia na dabua aukadia amo bae havavalaidia, bona koekoedia ai dabua auka piriboudia bae kara; varahu ihavarana ḡauna ta basie dokilaia.
EZE 44:19 Bena murimuri maḡuna ai taununanima dekediai bae raka lasi negana ai, idia ese unu dabua, kara helaḡadia e karalai ḡaudia, na bae doki oho, daiutu helaḡadia ai bae atodia, bena dabua idaudia bae dokilai, edia dabua amo unu taunimanima na helaḡa siahuna bae henidia hanai na garina.
EZE 44:20 Kwaradia basie naudia, bona huidia basie halata; kwaradia huidia bae utu kwadogi mo.
EZE 44:21 Hahelaḡa tauna ta ese vine ranuna basine inua, laloma maḡuna ai e raka vareaimu negana ai.
EZE 44:22 Idia ese vabu ta eiava e diho hahinena ta na basie adavaia, a rami-hebou ulatona ta, Israel besena amo, eiava hahelaḡa tauna ta vabuna.
EZE 44:23 Idia ese egu orea taudia na bae hadibadia, ḡau helaḡadia bona ḡau uhugaidia ede e idau tomamu; bona ḡau dia gogoeva bona ḡau ḡoevaḡoevadia edia idau ede bae diba toma.
EZE 44:24 Heai lalodiai idia na hahemaoro taudia ai baela; bona lauegu hahemaoro daladia amo bae hahemaoro. Egu taravatu bona egu hahedua herevadia bae badinadia, vada na gwauraidia ariadia iboudiai lalodiai; bona egu dina helaḡadia bae hahelaḡadia.
EZE 44:25 Mase tauna iraka-kahi-henina ai sibodia basie hahemiro; ḡau tamona tamadia eiava sinadia eiava natudia mamaruanedia eiava hahinedia, eiava tadikakadia eiava taihudia ulatodia daidiai sibodia bae hahemiro diba.
EZE 44:26 Ta baine hahemiro murinai, ia sibona ese dina hitu baine hagaudia, bena ia na baine ḡoeva.
EZE 44:27 A gabu helaḡana, laloma maḡuna ai, lalonai baine raka vareai, gabu helaḡana ai kara helaḡadia baine kara totona, una dina ai ia ese ena kara dika iabi-ohona boubouna ḡauna na baine hahelaḡaia. Ḡaubada Iehova na e herevamu.
EZE 44:28 Ahudia ta basie abia, badina be ahudia na lau; bona kohu ta Israel ai basio henidia, badina be edia kohu na lau.
EZE 44:29 Flaoa boubouna bona kara dika bona kerere iabi-ohodia bouboudia ḡaudia na bae ani; bona ḡau helaḡadia iboudiai Israel ai na idia edia.
EZE 44:30 Uma ḡaudia roboadia idau-idau iboudiai bona emui herahia ḡaudia idau-idau iboudiai, na hahelaḡa taudia ese bae abidia edia; bona emui igabu roboadia danu hahelaḡa taudia ba henidia, hahenamo na emui ruma latadiai baine mia helaoreana.
EZE 44:31 E mase kava ḡauna ta eiava ḡau ta ese e haberoa ḡauna ta, roho manuna eiava timo kopina ai e nohomu ḡauna, na hahelaḡa taudia ese basie ania.
EZE 45:1 Tano ba haria negana ai, tano kahana ba gwauraia hidi Iehova ena, kaha helaḡana ai bainela. Ena lata na kiubit gerebu rua daha ima bona ena lababa na kiubit gerebu rua; ia na baine helaḡa ela bona hetoana idoinai.
EZE 45:2 Ia lalonai gabu ta baine mia, dubu helaḡana gabuna, ena lata bona ena lababa bae heḡereḡere, kiubit sinahu-ima; bona hegeḡemadai ai tano taina baine mia ḡagae, ia lababana na kiubit imahui.
EZE 45:3 Hari kaha helaḡana lalonai, tano ta ba hahetohoa, ena lata na kiubit gerebu-rua daha-ima bona ena lababa na kiubit gerebu-ta; ia lalonai dubu helaḡana, helaḡa herea gabuna, na baine gini.
EZE 45:4 Una tano na tano helaḡana ai bainela; ia na hahelaḡa taudia, dubu helaḡana ai kara helaḡadia e karamu bona Iehova isiaina ilaohenina totona e raka henia kahimu taudia edia; edia ruma gabudia tanona, bona dubu helaḡana tanona helaḡana ai bainela.
EZE 45:5 Ma kaha ta, ena lata na kiubit gerebu-rua daha-ima bona ena lababa na kiubit gerebu-ta na Levi taudia, dubu lalonai kara helaḡadia e karamu taudia, edia; bae ḡaunaia, bae noholaidia hanuadia unuseni ai bae hadai.
EZE 45:6 Vada o gwauraia hidi, kaha helaḡana ai o halaoa, tanona badibadinai, hanua tanona ba duanaia, ena lababa na kiubit daha-ima bona ena lata na kiubit gerebu-rua daha-ima; ia na Israel besena idoinai ese baine ḡaunaia.
EZE 45:7 Bena kaha helaḡana ohena ohena tanodia bona hanua ena kaha ohena ohena tanodia, lahara kahana ai bona laurabada kahana ai, na hanua pavapavana ese baine ḡaunaia, ena lata na iduhu ta ahuna ena lata heḡereḡerena, lahara kahana hetoana ela bona laurabada kahana hetoana.
EZE 45:8 Una na ia ahuna korikorina Israel ai. Bena pavapava ai baina halaodia taudia ese egu orea taudia na basie hahisihisidia lou; a tano na Israel besena taudia bae henidia, edia iduhu ta ta ai.
EZE 45:9 Ḡaubada Iehova na ini e gwau tomamu: Israel pavapavadia e, vadaeni! Daḡedaḡe bona hahehisi karadia ba negedia; hahemaoro ḡoevaḡoeva bona kara maoromaoro ba kara; egu orea taudia ilulu-lasidia ba hadokoa. Ḡaubada Iehova na e herevamu.
EZE 45:10 Hahetoho ḡaudia momokanidia bavabi, bona efa momokanina bona bata momokanina danu.
EZE 45:11 Efa bona bata anidia bae heḡereḡere; bata gwauta na homere ta heḡereḡerena, bona efa gwauta na homere ta heḡereḡerena. Hahetoho ḡaudia iboudiai ibadidia na homere.
EZE 45:12 Sekele na gera ruahui heḡereḡeredia; sekele ima be sekele anidia korikoridia inta ba heni, bona sekele gwauta be sekele anidia korikoridia gwauta ba heni. Emui mina lalonai sekele bae imahui.
EZE 45:13 Boubou ḡaudia na ini ba heni toma: uit homere ta lalona amo efa ta ba karoaia, karoa tauratoi, bena karoa ta ba heni; bona bali homere ta lalona amo efa ta ba karoaia, karoa tauratoi, bena karoa ta ba heni;
EZE 45:14 bona dehoro ahuna na koro ta ta lalodia amo bata ta ba karoaia, karoa gwauta, bena karoa ta ba heni. (Hari koro lalonai na bata gwauta, homere heḡereḡerena).
EZE 45:15 Bona mamoe sinahu-rua sinahu-rua amo mamoe ta ta ba heni; Israel iduhudia iboudiai ese unu bae heni toma. Boubou ḡaudia bunu, flaoa bouboudia bona ḡole-oho bouboudia bona maino bouboudia, edia dika iabi-ohodia ḡaudia. Ḡaubada Iehova na e herevamu.
EZE 45:16 Tano taudia iboudiai ese ini boubou ḡaudia na Israel pavapavana bae henia.
EZE 45:17 Hanua pavapavana ena ḡaukara korikori be ḡole-oho bouboudia bona flaoa bouboudia bona inuinu bouboudia ḡaudia baine heni, aria negadia ai bona hua matamatadia negadia ai bona dina helaḡadia ai, Israel besena ena aria korikoridia iboudiai negadia ai. Ia ese kara dika bouboudia bona flaoa bouboudia bona ḡole-oho bouboudia bona maino bouboudia ḡaudia baine heni, Israel besena ena kara dika iabi-ohodia ḡaudia.
EZE 45:18 Ḡaubada Iehova na ini e gwau tomamu: Hua gini-gunana dinana gini-gunana ai, boromakau natuna maruanena asi bebeka-bebekana ta bavabia, bena gabu helaḡana ba haḡoevaia.
EZE 45:19 Hahelaḡa tauna ese kara dika iabi-ohona boubou ḡauna rarana kuri ta baine abia, dubu iduaradia ihua-ihuadia bona ihaboulaina patana isena daigunina haniosi bona laloma maḡuna ikoukouna audia baine dahulaidia.
EZE 45:20 Hua dinana ihahituna ai danu unu ba kara toma, kara-rea eiava mata-lahui dainai vada e kara dika tauna bagunai; unu amo dubu ba haḡoevaia.
EZE 45:21 Hua gini-gunana dinana ihag vauta-hanina ai, lagau-hanai ariana ba karaia; dina hitu lalodiai asie hatubua flaoana bae ania.
EZE 45:22 Una dina ai, hanua pavapavana ese boromakau natuna maruanena ta baine heni, dika iabi-ohona boubouna ḡauna, ia bona tano taudia iboudiai daidiai.
EZE 45:23 Bona aria dinadia hituosi lalodiai ia ese boromakau natudia mamaruanedia hitu bona mamoe mamaruanedia asi bebeka-bebekadia hitu baine heni, Iehova ena, unu dina ta ta ai, ḡole-oho boubou ḡaudia; bona nani maruanena ta, unu dina ta ta ai, dika iabi-ohona boubouna ḡaudia.
EZE 45:24 Ia ese danu flaoa boubouna baine heni, efa ta ta boromakau mamaruanedia ta ta edia, bona efa ta ta mamoe mamaruanedia ta ta edia, bona dehoro hini ta ta efa ta ta ida.
EZE 45:25 Hua ihahituna dinana ihagwauta-imana ai, bona aria dinadia hituosi lalodiai, ia ese unu heḡereḡeredia ma baine heni, dika iabi-ohona bouboudia bona ḡole-oho bouboudia bona naoa bouboudia ḡaudia, bona dehoro danu.
EZE 46:1 Ḡaubada Iehova na ini e gwau tomamu: Laloma maḡuna ikoukouna, mairiveina kahana e vaira heniamu ḡauna, na baine hekou, ḡaukara dinadia tauratoiosi lalodiai; a dina helaḡa ai bona hua matamatana dinana ai vada bae kehoa.
EZE 46:2 Hanua pavapavana na murimuri kahana amo baine raka vareai, ikoukou dehena ai; bena ikoukou auna badibadinai baine gini. Bena hahelaḡa taudia ese ena ḡole-oho boubouna bona ena maino bouboudia ḡaudia na bae hahelaḡadia; bena ia na ikoukou raka-vareaina ai baine toma diho. Bena ia na baine raka lasi, a ikoukou na basie koua ela bona dina baine diho.
EZE 46:3 Tano taudia na Iehova vairanai bae toma diho, una ikoukou raka-vareaina ai dina helaḡadia ai bona hua matamata dinadia ai.
EZE 46:4 Ḡole-oho boubouna, hanua pavapavana ese dina helaḡa ai Iehova baine henia ḡauna, na mamoe natudia asi bebeka-bebekadia tauratoi, bona mamoe maruanena asi bebekabebekana ta.
EZE 46:5 Flaoa boubouna mamoe maruanena ida baine heni ḡauna na efa ta, bona flaoa boubouna ḡaudia mamoe natudia ida na ena goada heḡereḡerena ai baine heni; flaoa efadia ta ta ida dehoro hini ta ta baine heni danu.
EZE 46:6 Hua matamata dinana ai, ia ese boromakau natuna maruanena asi bebeka-bebekana ta, bona mamoe natudia tauratoi bona mamoe maruanena ta, asi bebeka-bebekadia, na baine heni.
EZE 46:7 Ena ilaoa bouboudia na boromakau maruanena ida efa ta bona mamoe maruanena ida efa ta, bona mamoe natudia ida ena goada heḡereḡerena ai baine heni; flaoa efadia ta ta ida dehoro hini ta ta baine heni.
EZE 46:8 Hanua pavapavana baine raka vareai negana ai, ia na ikoukou dehena amo baine raka vareai, bona unu amo ma baine raka lasi.
EZE 46:9 E gwaurai ariadia daidiai tano taudia na Iehova vairanai baema negadia ai, mirigini kahana ikoukouna amo toma-diho totona baine raka vareai tauna na diho kahana ikoukouna amo baine raka lasi; bona diho kahana ikoukouna amo baine raka vareai tauna na mirigini kahana ikoukouna amo baine raka lasi; asi tauna ta ese e raka vareai ikoukouna amo ma baine raka lasi; a ta ta na bae raka vairai, bena bae raka lasi.
EZE 46:10 Bae raka vareai negana ai, hanua pavapavana na idia ida baine raka vareai; bona bae raka lasi negana ai, ia danu baine raka lasi.
EZE 46:11 Aria negadia ai bona e gwaurai negadia ai, flaoa boubouna boromakau natuna maruanena ida bae heni ḡauna na efa ta; bona mamoe maruanena ta ida danu efa ta; a mamoe natudia ida ihenina tauna ena goada heḡereḡerena ai baine heni. Eta ta ta ida dehoro hini ta ta bae heni.
EZE 46:12 tlanua pavapavana ese ena ura-kwalimu ai boubou ḡauna bema heni, ḡole-oho boubouna eiava maino bouboudia, ena ura-kwalimu ḡauna Iehova ena; bena baine heni negana ai mairiveina kahana e vaira heniamu ikoukouna na bae kehoa iena. Bena ia ese ena ḡole-oho boubouna eiava ena maino bouboudia ḡaudia baine heni, dina helaḡa ai heḡereḡerena. Bena ia na baine raka lasi; bena baine raka lasi murinai ikoukou na bae koua.
EZE 46:13 Dina ta ta amo ia ese mamoe natuna ta, laḡani tamona ḡauna asi bebeka-bebekana, baine heni, ḡole-oho boubouna ai bainela, Iehova ena; daba daba iboudiai ia ese baine heni.
EZE 46:14 Daba ta ta amo danu ia ese flaoa boubouna baine heni; efa ta baine karoaia, karoa tauratoi, bena karoa ta baine heni, bona dehoro hini ta baine karoaia, karoa toi, bena karoa ta baine heni, flaoa ikuilaina; una na flaoa boubouna ai bainela, Iehova ena. Ḡole-oho bouhouna, bae heni loulou ḡauna, haheḡanina bunai.
EZE 46:15 Taunabunai, mamoe natuna bona flaoa boubouna bona dehoro na daba daba iboudiai bae heni, ḡole-oho boubouna, bae heni loulou ḡauna, ai bainela.
EZE 46:16 Ḡaubada Iehova na ini e gwau tomamu: Bema hanua pavapavana ese harihari ḡauna na ia ahuna amo natuna haida baine henidia, unu natuna ese bae abia, bae ḡaunaia, ahudia korikoridia ai baela.
EZE 46:17 A bema ia ese harihari ḡauna na ia ahuna amo ena hesiai taudia ta baine henia, una tau ese baine abia, ela bona heruha-nege laḡanina; una negana ai hanua pavapavana ese baine abia lou. Ia natuna mo sibodia ese harihari ḡauna ta ia ahuna amo na bae dogoa tao diba.
EZE 46:18 Hanua pavapavana ese ena orea taudia ahudia taina basine abia diba, ahudia amo basine luludia lasi; ia ese natuna ahudia baine henidia, ia sibona ahuna amo, taunabunai egu orea taudia ta ena ḡau basine heabi oho.
EZE 46:19 Bena ia ese ikoukou badina iduarana amo e hakaugu hanai, ela bona hahelaḡa taudia edia daiutu helaḡadia mirigini kahana erena; bena una ere dokodokona ai, lahara kahana ai, gabu ta na itaia.
EZE 46:20 Bena ia ese e hamaorogu, eto, Gabuna binai hahelaḡa taudia ese kerere bona kara dika iabi-ohodia bouboudia ḡaudia na bae nadudia, bona flaoa bouboudia ḡaudia na bae gabudia; murimuri kahana maḡuna ai basie lasilaidia, taunimanima na helaḡa siahuna bae henidia hanai na garina.
EZE 46:21 Bena ia ese e hakaugu lasi, murimuri kahana maḡuna ala, bena e hakaugu lao, maḡu daigunina haniosi a lao heni; maḡu daigunina ta ta na mai maḡumaḡudia.
EZE 46:22 Maḡu daigunina haniosi na mai maḡumaḡudia, edia lata na kiubit hari-ahui bona edia lababa na kiubit toi-ahui; haniosi edia bada na heḡereḡere.
EZE 46:23 Laloma kahadia ai, hari maḡumaḡu haniosi hegegemadai ai, na nadi palakadia ere ta, bona unu ere henudiai na rahurahu.
EZE 46:24 Bena ia ese e hamaorogu, eto, Nanadu gabudia bini, kara helaḡadia dubu ai e karamu taudia ese taunimanima edia boubou ḡaudia na iniseni ai bae nadu.
EZE 47:1 Bena ia ese e hakaugu lou, dubu iduarana ai; bena na itaia, ranu na dubu raka-vareaina henuna amo e lasiva, mairiveina kahana ai, (badina be dubu na mairiveina kahana e vaira henia); bona dubu raka-vareaina diho kahana henuna amo danu ranu e lasiva, ihaboulaina patana diho kahana ai.
EZE 47:2 Bena ia ese mirigini kahana ikoukouna amo e hakaugu lasi, murimuri kahana ai e hakaugu heḡeḡe ela bona murimuri kahana ikoukouna, mairiveina kahana e vaira heniamu ḡauna; ranu na diho kahana amo e lasiva.
EZE 47:3 Mairiveina kahana ma ala; ia na mai ena hahetoho varona imana ai, bena kiubit daha-ta e hahetohodia, bena ranu amo e hakaugu hanai; aemai ganaganadia ai e raro.
EZE 47:4 Ma kiubit daha-ta e hahetohodia, bena ranu amo ma e hakaugu hanai; tuimai ai e raro. Ma kiubit daha-ta e hahetohodia, bena ranu amo ma e hakaugu hanai; koekoemai ai e raro.
EZE 47:5 Ma kiubit daha-ta e hahetohodia, bena ranu na vada sinavai ta; asi turu-hanai dibagu, badina be ranu vada e dae; vada e dobu, nahu heḡereḡerena, ta basinema turu hanai diba.
EZE 47:6 Bena ia ese e nanadaigu, eto, Taunimanima natuna e, ina na vada o itaia a? Bena e hakaugu riri lou, sinavai isena amo.
EZE 47:7 Lougu ai, au momo herea na itadia sinavai isena kahana kahana ai.
EZE 47:8 Bena ia ese e hamaorogu, eto, Ina ranu na mairiveina kahana e aru e laomu, Araba kourana ai e dihomu; bena gohu ai e aru lasimu negana ai, gohu na e negarimu.
EZE 47:9 Bena sinavai na e aru e laomu gabudia iboudiai, mauri ḡaudia na bae vara heḡiḡi oda-oda, bona gwarume danu seridia seridia. Badina be ina ranu na e aru e laomu, gohu baine hanegaria; taunabunai sinavai na e aru e laomu gabudia ai, ḡau iboudiai na bae mauri daehai daehai.
EZE 47:10 Haoda taudia na gohu badinai bae gini; En-gedi amo ela bona En-eglaimi edia reke bae tore; gwarumena bae idau-idau, Davara Badana gwarumedia heḡereḡeredia.
EZE 47:11 A gohugohuna bona laguta-lagutana na basie negari; bae mia, damena gabudia.
EZE 47:12 Sinavai isena kahana kahana ai huahua audia idau-idau iboudiai bae vara. Idia raudia basie marai, bona huahuadia basie hehuhu, a hua ta ta amo huahuadia bae dobi, badina be ihapariparidia ranudia na gabu helaḡana amo e aru e laomu. Huahuadia na aniani ḡaudia bona raudia na hahemauri ḡaudia ai baela.
EZE 47:13 Ḡaubada Iehova na ini e gwau tomamu: Tano hetoadia bini: tano na ba haria, Israel iduhudia gwauta-ruaosi ese ahudia bae abi, a Iosef na ahu rua baine abi.
EZE 47:14 Ba haria, ahu iboudiai bae heḡereḡere; na gwau hamata senemui baina henidia nato; ina tano na ahumui korikori ai bainela.
EZE 47:15 Tano hetoana binai: mirigini kahana ai, Davara Badana amo baine hematama, bena Hetelono amo bainela ela bona Hamat raka-vareaina, bena Sedad
EZE 47:16 bona Berota bona Sibiraimi amo (una Sibiraimi na Damasko bona Hamat hetoadia ai) ela bona Hasere-hatikono, Haurana hetoana ai.
EZE 47:17 Unu amo hetoa na davara amo bainela ela bona Hasara-enono, Damasko mirigini kahana hetoana ai. Hamat hetoana danu na ia miriginina kahana ai. Mirigini kahana hetoana bunai.
EZE 47:18 Laurabada kahana ai, hetoa na Hasara-enono amo baine hematama, Haurana bona Damasko padadia amo bainela; bena Ioridane sinavaina amo bainela, Gilead bona Israel tanodia padadia amo, ela bona laurabada kahana davarana, ela bona Tamara. Laurabada kahana hetoana bunai.
EZE 47:19 Diho kahana ai, hetoa na Tamara amo baine hematama, bainela ela bona Meribata-kade ranu gabudia, bena Aigupto Dokana amo bainela, ela bona Davara Badana. Diho kahana hetoana bunai.
EZE 47:20 Lahara kahana ai, hetoa na Davara Badana, ela bona Hamat rakavareaina hevaira-hehenina. Lahara kahana hetoana bunai.
EZE 47:21 Ina tano na unu ba haria toma, Israel iduhudia heḡereḡeredia.
EZE 47:22 Ahumui ba duanaidia, umul emui bona idau taudia, bogaragimui ai e nohomu bona natudia na bogaragimui ai vada e havaradia taudia. Idia na Israel memerodia korikoridia heḡereḡeredia ai baela umui emui ai; umui ida ahumui ba duanaidia Israel iduhudia bogaragidiai.
EZE 47:23 Edena iduhu ai idau tauna na e nohomu, unuseni ai ia ahuna ba henia. Ḡaubada Iehova na e herevamu.
EZE 48:1 Iduhu ladadia bini. Mirigini kahana hetoana na davara amo baine hematama, Hetelono amo bainela ela bona Hamat raka-vareaina, ela bona Hasara-enono (una na Damasko mirigini kahana hetoana, Hamat hevaira-hehenina ai), laurabada kahana amo ela bona lahara kahana: una na Dan ahuna, ahu ta.
EZE 48:2 Dan ena tano ohena ai, laurabada kahana ela bona lahara kahana, Asere ahuna, ahu ta.
EZE 48:3 Asere ena tano ohena ai, laurabada kahana ela bona lahara kahana, Napatali ahuna, ahu ta.
EZE 48:4 Napatali ena tano ohena ai, laurabada kahana ela bona lahara kahana, Manase ahuna, ahu ta.
EZE 48:5 Manase ena tano ohena ai, laurabada kahana ela bona lahara kahana, Efraim ahuna, ahu ta.
EZE 48:6 Efraim ena tano ohena ai, laurabada kahana ela bona lahara kahana, Ruben ahuna, ahu ta.
EZE 48:7 Ruben ena tano ohena ai, laurabada kahana ela bona lahara kahana, Iuda ahuna, ahu ta.
EZE 48:8 Iuda ena tano ohena ai, laurabada kahana ela bona lahara kahana, tano ta ba gwauraia hidi. Ena lababa na kiubit gerebu-rua daha-ima, ena lata na unu iduhu ahudia ta heḡereḡerena, laurabada kahana ela bona lahara kahana; ia bogaraginai na gabu helaḡana.
EZE 48:9 Iehova ena ba gwauraia hidi tanona ena lata na kiubit gerebu-rua daha-ima, bona ena lababa na kiubit gerebu-rua.
EZE 48:10 Tano helaḡana inogodia bini: hahelaḡa taudia edia inogo ena lata na kiubit gerebu-rua daha-ima murigini kahana ai, ena lababa na kiubit gerebu-ta lahara kahana ai bona kiubit gerebu-ta laurabada kahana ai, bona ena lata na kiubit gerebu-rua daha-ima diho kahana ai. Iehova en: gabu helaḡana na ia bogaraginai.
EZE 48:11 Una na vada e hahelaḡadia taudia, Sadok vevena, edia; idia ese egu hahedua e badinadiava, bona Israel taudia e raka siri negana ai idia na asie raka siri, hari Levi taudia e raka siri na heto.
EZE 48:12 Idia ahudia korikorina ai bainela, tano helaḡana lalonai, gabu helaḡa-hereana ai bainela, Levi taudia edia tano ohena ai.
EZE 48:13 Hahelaḡa taudia edia tano ohena ai, Levi taudia ese edia inogo bae abia; ena lata na kiubit gerebu-rua daha-ima bona ena lababa na kiubit gerebu-ta. Latana idoinai na kiubit gerebu-rua daha-ima, bona lababana idoinai na kiubit gerebu-rua.
EZE 48:14 Taina basie hoia, eiava basie hebodohilaia. Ina ahu namohereana tanona na haida basie henidia, badina be ia na helaḡa, Iehova ena.
EZE 48:15 Orena miana, ena lababa na kiubit daha-ima bona ena lata na kiubit gerebu-rua daha-ima, na hanua ena, ruma bona gabiruma tanodia. Ilanua badana na bogaraginai baine gini.
EZE 48:16 Ena bada be iniheto: mirigini kahana, kiubit daha-hani sinahu-ima; diho kahana, kiubit daha-hani sinahu-ima; laurabada kahana, kiubit daha-hani sinahu-ima, bona lahara kahana, kiubit daha-hani sinahu-ima.
EZE 48:17 Hanua ena gabiruma tanona danu baine mia: mirigini kahana ai, kiubit sinahu-rua imahui; diho kahana ai, kiubit sinahu-rua imahui; laurabada kahana ai, kiubit sinahu-rua imahui; bona lahara kahana ai, kiubit sinahu-rua imahui.
EZE 48:18 Orena miana ena lata tano helaḡana ohena ai na kiubit gerebu-ta laurabada kahana ai bona kiubit gerebu-ta lahara kahana ai, tano helaḡana ohena ai. Una tano huahuana na hanua ena ḡaukara taudia adia aniani.
EZE 48:19 Hanua ena ḡaukara taudia, Israel iduhudia iboudiai amo, ese bae biru henia.
EZE 48:20 Ba gwauraia hidi, tano idoinai ena lata bona ena lababa bae heḡereḡere, kiubit gerebu-rua daha-ima; una na tano helaḡana bona hanua tanona.
EZE 48:21 Tano orena, tano helaḡana bona hanua tanona ohena ohena ai, na hanua pavapavana ena. Tano helaḡana ena kiubit gerebu-rua daha-ima amo ela bona laurabada kahana hetoana, bona lahara kahana ai hari kiubit gerebu-rua daha-ima amo ela bona lahara kahana hetoana, na hanua pavapavana ena tano. Una tano bona iduhu ta ta ahudia padadia na basie maraḡi bona basie bada edia lata idoinai. Tano helaḡana bona dubu helaḡana ia bogaraginai danu,
EZE 48:22 bona Levi taudia edia tano bona hanua tanona, na hanua pavapavana ena tano bogaraginai bae mia. Hanua pavapavana ahuna na Iuda ena tano bona Beniamina ena tano padadiai baine mia.
EZE 48:23 Iduhu oredia na iniheto: laurabada kahana amo ela bona lahara kahana, Beniamina ahuna, ahu ta.
EZE 48:24 Beniamina ena tano ohena ai, laurabada kahana amo ela bona lahara kahana, Simeon ahuna, ahu ta.
EZE 48:25 Simeon ena tano ohena ai, laurabada kahana amo ela bona lahara kahana, Isakara ahuna, ahu ta.
EZE 48:26 Isakara ena tano ohena ai, laurabada kahana amo ela bona lahara kahana, Sebulun ahuna, ahu ta.
EZE 48:27 Sebulun ena tano ohena ai, laurabada kahana amo ela bona lahara kahana, Gad ahuna, ahu ta.
EZE 48:28 Gad ena tano ohena ai, diho kahana ai, hetoa na Tamara amo bainela, ela bona Meribatakade ranu gabudia bena Aigupto Dokana amo bainela, ela bona Davara Badana.
EZE 48:29 Tanona bunai ba haria, Israel iduhudia ahudia ba henidia; ahudia ta ta bunu. Ḡaubada Iehova na e herevamu. Hanua ikoukouna bona ladana
EZE 48:30 Hanua lalona amo bae raka lasi gabudia bini: Mirigini kahana ai (ena lata na kiubit daha-hani sinahu-ima),
EZE 48:31 ikoukou toi bae mia, Ruben ena ikoukou, Iuda ena ikoukou, bona Levi ena ikoukou. Hanua ikoukoudia na Israel iduhudia ladadia bae nemaidia.
EZE 48:32 Laurabada kahana ai (ia danu ena lata na kiubit daha-hani sinahu-ima), ikoukou toi bae mia, Iosef ena ikoukou, Beniamina ena ikoukou, bona Dan ena ikoukou.
EZE 48:33 Diho kahana ai (ia danu ena lata na kiubit daha-hani sinahu-ima), ikoukou toi bae mia, Simeon ena ikoukou, Isakara ena ikoukou, bona Sebulun ena ikoukou.
EZE 48:34 Lahara kahana ai (ia danu ena lata na kiubit daha-hani sinahu-ima) ikoukou toi bae mia, Gad ena ikoukou, Asere ena ikoukou, bona Napatali ena ikoukou.
EZE 48:35 Hanua na bae hahetohoa heḡeḡe na kiubit gerebu-ta daha-taurahani. Bona una negana amo hanua ladana bae hatoa “Iehova ena noho gabuna”.
DAN 1:1 Iehoiakim, Iuda pavapavana, ena lohia laḡanina ihatoina ai, Nebukadnesara, Babulono pavapavana, ese Ierusalem e lao henia, e daia heḡeḡe.
DAN 1:2 Bena Ḡaubada ese Iehoiakim, Iuda pavapavana, na ia imana ai e atoa, bona Dirava ena dubu kohudia haida danu. Bena ia ese unu dubu kohudia na Sinara tanona e laohaidia, ena dirava ena dubu ai, bena hari kohu na ena dirava ena habou-habou daiutuna ai e atodia.
DAN 1:3 Bena hanua pavapavana ese Aspenasa, ena hesiai tauna badana, e hagania, ia ese Israel taudia haida, hanua pavapavana bona hanua lohiadia edia iduhu bogaragidia amo, baine mailaidia,
DAN 1:4 uhau asi bebeka-bebekadia, raho-namo memerodia, aonega daladia iboudiai lalodiai vada e manada memerodia, lalo-parara bona kwara-haraga memerodia, heheḡereḡere hanua pavapavana ena ruma ai hesiai memerodia ai baela; bena Kaldea taudia edia toretore dalana bona edia gado bae hadibalaidia.
DAN 1:5 Hanua pavapavana ese adia e gwaurai, dina ta ta ahudia, pavapava ana aniani gaihodia, ia ese e ani gaudia, heḡereḡeredia; bona vine ranuna danu, ia e inua ḡauna heḡereḡerena. Laḡani toi lalodiai bae hadibadia, bena una negana baine ore ai, idia na hanua pavapavana vairanai bae hedinarai.
DAN 1:6 Unu uhau bogaragidiai na Daniel bona Hanania bona Misael bona Asaria, Iuda iduhuna memerodia.
DAN 1:7 Bena hari hesiai tauna badana ese ladadia ma e nemaidia; Daniel e nemaia Beletesasara; Hanania e nemaia Sadaraka; Misael e nemaia Mesaka; bona Asaria e nemaia Abedenego.
DAN 1:8 A Daniel ese lalona e hadaia, ia na hanua pavapavana ana aniani gaihodia eiava e inuava vine-ranuna amo basine hahemiro eto; taunabunai ia ese hesiai tauna badana e noia, baine gwau maoro, ia na sibona basine hahemiro.
DAN 1:9 Bena Dirava ese hesiai tauna badana lalona e ha-uraia, ia ese Daniel baine lalo namo henia bona baine bogaia hisi.
DAN 1:10 Bena hesiai tauna badana ese Daniel e hamaoroa, eto, Lau na garimu, egu lohia, hanua pavapavana, amu aniani bona inuinu ḡaudia e gwaurai hidi tauna, ese baine itamu, tau-animu se badamu, bamomu, oi ida sihi tamona memerodia, tau-anidia e badamu heḡereḡerena baine itaia na garina. Unu amo boma hahekwakwanaigu, hanua pavapavana ese kwaragu baine utua oho.
DAN 1:11 Bena Daniel ese hereḡu tauna, hesiai tauna badana ese Daniel bona I lanania bona Misael bona Asaria ireḡudia ai vada e halaoa tauna, na e hereva henia, eto:
DAN 1:12 Emu hesiai memerodia na ba dibamai toho, dina gwauta lalodiai; uma anianidia mo bona ranu mo bae henimai, baia ani bona baia inu
DAN 1:13 Bena ai oromamai bona hari uhau haida; hanua pavapavana ana aniani gaihodia e animu memerodia, oromadia ba itadia; bena ba itamai heḡereḡerena emu hesiai memerodia ba kara henimai.
DAN 1:14 Taunabunai, se edia hereva e abia dae, bena dina gwauta lalodiai e dibadia toho.
DAN 1:15 Dina gwauta e ore ai, ia ese e itadia, oromadia ai bona tau-anidia ai idia ese hari hanua pavapavana ana aniani gaihodia e aniva memerodia iboudiai na e hereadia.
DAN 1:16 Taunabunai hereḡu tauna ese adia aniani gaihodia bona aida vine ranuna na e abi oho, bena uma anianidia mo e henidia.
DAN 1:17 Hari uhau hahaniosi na Dirava ese lalo-parara bona revareva iduahidia bona itoredia bona aonega e henidia; Daniel na danu mata-hanai bona nihi iboudiai mai dibana.
DAN 1:18 Hanua pavapavana vada e haheḡani bae hakaudia vareai negana e ore, bena hesiai tauna badana ese e hakaudia vareai, Nebukadnesara vairanai.
DAN 1:19 Bena hanua pavapavana na idia ida e hereva-hereva, bena idia iboudiai bogaragidia amo ta se davaria, unu Daniel bona Hanania bona Misael bona Asaria heḡereḡeredia; taunabunai idia hahaniosi na hanua pavapavana vairanai do gigini.
DAN 1:20 Bena lalo-parara bona aonega daladia iboudiai lalodiai hanua pavapavana ese e nanadaidia, bena vada e dibadiaidia ese mea taudia bona babalau taudia iboudiai ena basileia idoinai lalonai na e hereadia nega hagwauta.
DAN 1:21 Bena Daniel na gabuna ai do noho, ela bona King Kurese ena lohia laḡanina gini gunana.
DAN 2:1 Nebukadnesara ena lohia laḡania iharuana ai, Nebukadnesara e nihi; bena lalona na e hekwarahiva bona se mahutava.
DAN 2:2 Bena hanua pavapavana na e hahedua, mea taudia bona babalau taudia bona rohe taudia bona Kaldeataudia na bae boiridia, hanua pavapavana ena nihi bae herevalai henia. Taunabunai, idia na e raka vareai, hanua pavapavana vairanai e gini.
DAN 2:3 Bena hanua pavapavana ese e hamaorodia, eto, Na nihi, bena laloguna e hekwarahimu, nihi baina dibaia na tomamu.
DAN 2:4 Bena Kaldea taudia ese hanua pavapavana e hamaoroa, eto, Pavapava e, ba mauri hanaihanai! Emu hesiai taudia na nihi ba hamaorolaimai, bena ai ese anina baia gwauria.
DAN 2:5 Bena hanua pavapavana ese Kaldea taudia e haere henidia, eto, Na hamaoromui momokanimu, nihi bona anina danu basio hamaorolaigu, vada bae daremui patapata bona emui ruma bae ḡiḡidia dobi.
DAN 2:6 A nihi bona anina vada ba hahedinarai, bena lauegu amo harihari ḡaudia bona dava namodia bona dagi badadia baina henimui. Taunabunai, nihi bona anina danu ba hadibalaigu.
DAN 2:7 Idia ese nega iharuana ma e haere, eto, Hanua pavapavana ese ena hesiai taudia na nihi baine hadibalaimai, bena ai ese anina baia gwauria.
DAN 2:8 Hanua pavapavana ma e haere, eto, Lau dibagu momokani umui na o halahemu, badina be vada o diba egu hereva na momokani,
DAN 2:9 nihi na basioma hadibalaigu davamui baine tamona mo. Vada o henega bou, hereva koikoidia bona dikadia lau vairagu ai ba gwaurai, ela bona nega ta. Taunabunai, nihi vada ba hamaorolaigu, bena baina diba umui na anina danu ba hamaorolaigu diba.
DAN 2:10 Bena Kaldea taudia ese hanua pavapavana e haere henia, eto, Asi tauna ta tanobada ai ese hanua pavapavana ena hahedua baine badinaia diba; badina be asi hanua pavapavana badana bona mai siahuna ta ese ḡau unuhetomana vada e tahua, mea tauna ta eiava babalau tauna ta eiava Kaldea tauna ta enai.
DAN 2:11 Hanua pavapavana ese e tahuamu ḡauna na auka herea; tau ta ese hanua pavapavima basine hamaorolaia diba, a dirava haida ese. A unu dirava na taunimanima dekediai asie nohomu.
DAN 2:12 Una hereva dainai hanua pavapavana na e badu, lalona na e ḡaraḡara herea, bena e haheḡani aonega taudia iboudiai Babulono ai na bae aladia ore.
DAN 2:13 Taunabunai, hahedua herevana e siaia lao, aonega taudia na bae aladia mase; bena Daniel mai bamona ida danu e tahudia, bae aladia mase totona.
DAN 2:14 Bena Daniel ese ena hereva nahuana e tohoa, bena mai lalo-pararana ida Ariok, hanua pavapavana ena hegima oreana biaguna, aonega taudia Babulono ai iala-masedia totona ela tauna, na e haere henia.
DAN 2:15 Ia ese Ariok, hanua pavapavana ena tuari lohiana, e nanadaia, eto, Badina be dahaka hanua pavapavana ena hahedua na auka herea? Bena Ariok ese una kara na Daniel e hamaorolaia.
DAN 2:16 Bena Daniel na e raka vareai, hanua pavapavana e noia, nega ta baine gwaurai henia, nihi anina na hanua pavapavana baine hamaorolaia helaoreana.
DAN 2:17 Bena Daniel na ena ruma ela, una kara na ia bamona lIanania bona Misael bona Asaria e hamaorolaidh,
DAN 2:18 bena e hamaorodia danu, guba Duavana ena hebogahisi bae tahua, una ḡau hehunina dainai, Daniel mai bamona ida na aonega taudia Babulono ai oredia ida basie mase bou helaoreana.
DAN 2:19 Bena una ḡau hehunina na Daniel enai e hedinarai, hanuaboi mata-hanaina lalonai. Bena Daniel ese guba Duavana e hanamoa.
DAN 2:20 Daniel eto, Dirava ladana bae hanamoa ela bona hanaihanai; aonega bona goada na ienai.
DAN 2:21 Ia ese nega bona nega hetoadia e ha-idaudiamu; ia ese hanua pavapavadia e abidia ohomu bona e haginidiamu; ia ese aonega taudia na aonega e henidiamu, bona lalo-parara taudia na lalo-parara e henidiamu.
DAN 2:22 Ia ese ḡau dobudia bona ḡau hehunidia e hahedinaraidiamu; dibura ai e miamu ḡaudia na ia dibana, diari na ienai e miamu.
DAN 2:23 Senegu edia Dirava e, lau na hanamomumu, na imodaimumu; badina be oi ese aonega bona goada vada o henigu, bona ai ese a noimu ḡauna na vada o hadibalaigu; badina be hanua pavapavana enai e vara karana na vada o hadibalaimai.
DAN 2:24 Taunabutlai Daniel na Ariok, hanua pavapavana ese aor!ega taudia Babulono ai iala-masedia e duanaia tauna, dekenai e raka vareai. Ela, e hereva henia, eto, Aonega taudia Babulono ai basio aladia mase; lau ba hakaugu vareai hanua pavapavana vairanai, bena lau ese hanua pavapavana ena nihi anina baina hamaorolaia.
DAN 2:25 Bena Ariok ese Daniel e hakaua vareai haraḡa, hanua pavapavana vairanai, e hamaoroa, eto, Iuda amo e mailaidia bena iniseni ai e hanohodia taudia bogaragidiai tau ta vada na davaria, ia ese nihi anina na hanua pavapavana baine hamaorolaimu diba.
DAN 2:26 Bena hanua pavapavana ese Daniel, ladana ta be Beletesasara, e nanadaia, eto, Egu nihi bona anina danu ba hamaorolaigu diba eiava?
DAN 2:27 Daniel ese hanua pavapavana e haere henia, eto, Aonega taudia eiava babalau taudia eiava mea taudia eiava hisiu toadia mai dibadia taudia ta ese hari ḡau hehunina, hanua pavapavana ese vada e nanadailaia ḡauna, na hanua pavapavana basine hamaorolaia diba.
DAN 2:28 A ḡau hehunidia e hahedinaraidiamu Diravana na guba ai; ia ese dina gabedia ai bae vara ḡaudia na oi King Nebukadnesara vada e haheitalaimu. Emu nihi, bona mata-hanai ḡaudia kwaramu ai e hedinarai, emu mahuta patana latanal o hekureva negana ai, ḡaudia bini.
DAN 2:29 Pavapava e, emu mahuta patana latanai o hekureva negana ai, lalo-hadai haida na emu ai e kau, nega gabedia ai bae vara ḡaudia o lalo hadailai; bona ḡau hehunidia e hahedinaraidiamu Diravana ese bae vara ḡaudia na e hadibalaimu.
DAN 2:30 A ina ḡau hehunina na egu ai vada e hahedinaraia, dia egu aonega ese mauri taudia iboudiai edia aonega na e hereadiamu dainai, to anina na hanua pavapavana baina hadibalaimu bona oi sibomu emu lalo-hadai ba dibadia helaoreana.
DAN 2:31 Pavapava e, kaivakuku badana ta o itaia. Una kaivakuku bada-hereana bona kiamakiama-hereana na oi vairamu ai e gini, ita-itana na mai garina.
DAN 2:32 Una kaivakuku kwarana na gold namo-hereana, kemena bona imana na silver, bogana bona koekoena na auri labora-labora,
DAN 2:33 bona aena na auri. Aena palapaladia na taidia auri bona taidia raro.
DAN 2:34 Bena o raraia negana ai, nadi ta vada e heutu oho, a d; a taunimanima imana ese; bena una nadi ese una kaivakuku aena palapaladia, auri bona raro gaudia, ai e tubu, e hamakohidia rohoroho.
DAN 2:35 Bena auri, raro, auri labora-labora, silver, gold, iboudiai na e makohi sisisisi, taboro negana ai uit e kwadiamu gabuna momorudia na heheto; bena lai ese e hodadia oho, sidia taidia asie davaridia diba. A hari kaivakuku ai e tubu nadina na ororo badana ai ela, tanobada idoinai e hahonua.
DAN 2:36 Nihi na bunai. Harihari ai ese ia anina na hanua pavapavana baia hamaorolaimu.
DAN 2:37 Pavapava e, oi na pavapava edia pavapava; guba Diravana ese basileia bona siahu bona goada bona hairai na oi vada e henimu;
DAN 2:38 bona taunimanima natudia bona uda boromadia bona atai manudia, edeseni ai edeseni ai e nohomu, na oi imamu ai vada e atodia bona iboudiai biagudia ai vada e halaomu: oi na hari kwara, gold ḡauna.
DAN 2:39 Oi murimu ai basileia ta ma baine gini, a dia oiemu heḡereḡerena; ma ia murinai ihatoina, auri labora-labora ḡauna; ia ese tanobada idoinai baine lohiaia.
DAN 2:40 Bena basileia ihahanina baine gini, mai goadana auri na heto; badina be auri ese ḡau iboudiai e hamakohidia sisisisimu bona e huaridia patapatamu; bena e hahemakohimu aurina na heto ia ese ini iboudiai baine hamakohidia bona baine taodia pata.
DAN 2:41 Ina danu, hari ae palapaladia bona ae kwakikwakidia o itadia, taidia na uro ikarana tauna ena raro bona taidia na auri, heḡereḡerena ai una basileia baine haheparara; a ia lalonai auri ena auka taina baine mia, hari auri o itaia, raro manoka-manokana ida e hebulo, na heto.
DAN 2:42 Bona hari ae kwakikwakidia taidia na auri bona taidia na raro manoka-manokana heḡereḡerena ai, una basileia kahana baine goada bona kahana baine makohi kava.
DAN 2:43 Bona auri o itaia, ia na raro manoka-manokana ida e hebulo, heḡereḡerena ai idia na bae headava hedoa-hedoa, a basie hahetamona, auri bona raro e hebulomu ai asie hahetamonamu na heto.
DAN 2:44 Unu pavapava edia nega ai guba Diravana ese basileia ta baine haginia, nega ta ai basie habuaia tari diba ḡauna; bena ena lohia siahuna na basine hanai bese idauna ta enai. Ia ese unu basileia iboudiai na baine hamakohidia sisisisi bona baine hadokodia, bena baine gini hanaihanai.
DAN 2:45 Nadi ta o itaia heḡereḡerena, ororo amo e heutu oho, a dia taunimanima imana ese; bena una nadi ese auri, auri labora-labora, raro, silver bona gold na e hamakohi sisisisi. Dirava badana ta ese nega gabena ai bae vara ḡaudia na hanua pavapavana vada e hadibalaimu. Nihi na momokani, bona anina na momokani.
DAN 2:46 Bena King Nebukadnesara na tano ai e goru diho, Daniel e toma henia diho, bena e hahegani, boubou ḡauna bona muramura mai bonana na bae hahelaḡaia iena.
DAN 2:47 Hanua pavapavana ese Daniel e hereva henia, eto, Momokani, emu Dirava na dirava edia Dirava bona pavapava edia Lohia, bona ḡau hehunidia ihahedinaraidia Diravana; badina be oi ese ina ḡau hehunina ihahedinaraina vada o diba.
DAN 2:48 Bena hanua pavapavana ese Daniel na dagi badadia bona herahia badadia ḡaudia momo herea e henia; bona Babulono tanona idoinai lohiana ai bona aonega taudia iboudiai Babulono ai biagudia ai e halaoa.
DAN 2:49 Bena Daniel ese hanua pavapavana e noia; bena ia ese Sadaraka bona Mesaka bona Abedenego e duanaidia, Babulono tanona bae biagua; a Daniel na hanua pavapavana ena ruma ai e nohova.
DAN 3:1 King Nebukadnesara ese gold kaivakukuna ta e karaia, latana na kiubit tauratoi-ahui bona lababana na kiubit tauratoi. Ia ese Dura taorana ai e haginia, Babulono tanona ai.
DAN 3:2 Bena King Nebukadnesara ese hereva e siaia lao, heitatao taudia, hanua lohiadia, basileia lohiadia, hahealo taudia, moni inaridia taudia, hahemaoro taudia badadia bona maraḡidia bona kaha ta ta ai mai dagidia taudia iboudiai na baema, hari King Nebukadnesara ese vada e haginia kaivakukuna ihahelaḡana totona.
DAN 3:3 Bena hari heitatao taudia, hanua lohiadia, basileia lohiadia, hahealo taudia, moni inaridia taudia, hahemaoro taudia badadia bona maraḡidia bona kaha ta ta ai mai dagidia taudia iboudiai na e hebou, King Nebukadnesara ese vada e haginia kaivakukuna ihahelaḡana totona, bena idia na King Nebukadnesara ese vada e haginia kaivakukuna vairanai e gini.
DAN 3:4 Bena gwau-lasi tauna na e hereva badabada, eto, Bese idau-idau bona basileia idau-idau bona gado idau-idau taumui e, Pavapava ese e haganimuimu,
DAN 3:5 kibi, ivilikou, gitara, eukaleli, hatai ḡauna badana, gaba bona rege ḡaudia idau-idau reḡedia ba kamonai negana ai, ba goru goru diho, hari gold kaivakukuna, King Nebukadnesara ese vada e haginia ḡauna, ba toma henia diho;
DAN 3:6 a daika basine goru diho bona basine toma diho, ia na maoromaoro bae abia, lahi ta, e hururu hereamu bona e siahu hereamu lahina, Ialonai bae tahoa vareai.
DAN 3:7 Taunabunai, taunimanima iboudiai ese kibi, ivilikou, gitara, eukaleli, hatai ḡauna badana, gaba bona rege ḡaudia idau-idau reḡedia e kamonai negadia ai, bese idau-idau bona basileia idau-idau bona gado idau-idau taudia iboudiai na e goru goru diho, hari gold kaivakukuna, King Nebukadnesara ese e haginia gauna, na e toma henia diho.
DAN 3:8 Taunabunai, una negana ai Kaldea taudia haida ema, edia lalo-dika ai Iuda taudia e habadelaidia.
DAN 3:9 Idia ese King Nebukadnesara e hamaoroa, eto, Pavapava e, ba mauri hanaihanai!
DAN 3:10 Pavapava e, oi na o hahegani, olo kibi, ivilikou, gitara, eukaleli, hatai ḡauna badana, gaba bona rege ḡaudia idau-idau reḡedia bae kamonai taudia iboudiai na bae goru goru diho, hari gold kaivakukuna bae toma henia diho;
DAN 3:11 a basine goru diho bona basine toma diho tauna na lahi ta, e hururu hereamu bona e siahu hereamu lahina, lalonai bae tahoa vareai.
DAN 3:12 luda taudia haida iniseni ai, oi ese vada o duanaidia, Babulono tanona bae biagua taudia: Sadaraka, Mesaka bona Abedenego. Pavapava e, unu tatau ese asie kamonai henimumu; oiemu dirava isiaidia asie lao henimu, bona gold kaivakukuna, oi ese o haginia ḡauna, asie toma henia dihomu.
DAN 3:13 Bena Nebukadnesara na e badu garaḡara, e hahedua, Sadaraka, Mesaka bona Abedenego bae mailaiadia. Bena unu tatau na e hakaudia vareai, hanua pavapavana vairanai.
DAN 3:14 Nebukadnesara ese e nanadaidia, eto, Sadaraka, Mesaka bona Abedenego e, momokani umui ese egu dirava isiaidia asio lao henimu bona gold kaivakukuna, vada na haginia ḡauna, asio toma henia dihomu a?
DAN 3:15 Benaini, lalomui bema heḡeregere, kibi, ivilikou, gitara, eukaleli, hatai ḡauna badana, gaba bona rege ḡaudia idau-idau reḡedia ba kamonai negana ai na ba goru diho, bona vada na karaia kaivakukuna ba toma henia diho, vada namo. A basioma toma diho, e hururu hereamu bona e siahu hereamu lahina lalonai maoromaoro baema tahomui vareai; bena edena dirava ese lau imagu amo baine hamaurimui?
DAN 3:16 Bena Sadaraka, Mesaka bona Abedenego ese hanua pavapavana e haere henia, eto, Nebukadnesara e, asi badina baia haere henimu.
DAN 3:17 Emai Dirava, isiaina a lao heniamu Diravana, na ihamaurimai bema ura, ia ese hari e hururu hereamu bona e siahu hereamu lahina amo bona oi pavapava taumu imamu amo do baine hamaurimai.
DAN 3:18 A basinema ura danu, pavapava e, vada ba diba, ai ese emu dirava isiaidia basia lao heni, bona hari gold kaivakukuna, oi ese vada o haginia ḡauna, na basia toma henia diho.
DAN 3:19 Bena Nebukadnesara na badu ai e honu honu dae, bona ia vairana na e ha-idaua Sadaraka, Mesaka bona Abedenego ediai. Ia e hahedua, eto lahi na nega hahitu ma bae hasiahua, dia vaevae e hasiahuava heḡereḡerena.
DAN 3:20 Bena ia ese ena tuari oreana taudia mai goadadia haida e haganidia, idia ese Sadaraka, Mesaka bona Abedenego na bae guidia, hari lahi, e hururu herea bona e siahu herea lahina, Ialonai bae tahodia vareai.
DAN 3:21 Bena unu tatau na mai dabuadia bona hahedokidia bona mai edia kwara ḡaudia bona mai dabua logoradia ida e guidia, e hururu herea bona e siahu herea lahina ai e tahodia vareai.
DAN 3:22 Bena hanua pavapavana ena hahedua na auka bona lahi na siahu herea dainai, lahi hururuna ese unu Sadaraka, Mesaka bona Abedenego e abidia lao taudia na e aradia mase.
DAN 3:23 Unu tatau tatoiosi, Sadaraka, Mesaka bona Abedenego na e hururu herea bona e siahu herea lahina lalonai eha tubu, mai iḡuidia ida.
DAN 3:24 Bena King Nebukadnesara e hoa dikadika; bena e tore isi haraḡa-haraḡa. Ia ese ena hahealo taudia e nanadaidia, eto, Tatau tatoi na mai iḡuidia ida lahi lalonai ta tahodia vareai ani? Idia ese hanua pavapavana e haere henia, eto, Pavapava e, momokani.
DAN 3:25 Ia na e haere, eto, A lau ese tatau hahani heruhadia ai na itadiamu, lahi bogaraginai e loaloamu, asi berodia; bona ihahanina oromana na dirava ta natuna na heto.
DAN 3:26 Bena Nebukadnesara ese hari e hururu herea bona e siahu herea lahina gabuna iduarana e raka henia kahi, eto, Sadaraka, Mesaka bona Abedenego, Herea Mikamika Diravana ena hesiai taudia, ini a raka lasi mai. Bena Sadaraka, Mesaka bona Abedenego na lahi amo e raka lasi.
DAN 3:27 Bena heitatao taudia, hanua lohiadia, basileia lohiadia bona hanua pavapavana ena hahealo taudia na e hegogo, e itaia, lahi na asi siahuna unu tatau tau-anidia ediai; kwaradia huidia na asie hedederai, edia dabua na asie dika, bona lahi varagana na lasi ediai.
DAN 3:28 Bena Nebukadnesara eto, Sadaraka, Mesaka bona Abedenego edia Dirava na aita hanamoa. Ia ese ena aneru ta e siaia, ena hesiai taudia, ia e abidadama henia bona hanua pavapavana ena haheḡani e dadaraia bona idau dirava ta isiaina asie lao heni bona asie toma henia diho a edia Dirava korikorina mo dainai tau-anidia e heni taudia, na e hamauridia.
DAN 3:29 Taunabunai, lau na haheganimu; bese ta eiava basileia ta eiava gado ta taudia ese Sadaraka, Mesaka bona Abedenego edia Dirava na bae uduguiraia, vada bae daredia patapata, bona edia ruma na bae ḡiḡidia dobi; badina be asi dirava ta na hahemauri mai dibana ina heḡereḡerena.
DAN 3:30 Bena hanua pavapavana ese Sadaraka, Mesaka bona Abedenego e hadaedia, Babulono tanona ai.
DAN 4:1 A King Nebukadnesara ena hereva, bese idau-idau bona basileia idau-idau bona gado idau-idau iboudiai, tanobada idoinai e noho heniamu taudia iboudiai ediai, binai. Maino baine bada emui ai!
DAN 4:2 Vada na laloa, namona be toa bona hoa karadia Herea Mikamika Diravana ese egu ai vada e kara mani aina hamaorolaimui.
DAN 4:3 Iena toa na daka bada! lena hoa karadia na daka siahu! lena basileia na e hesiriu hanaihanaimu, bona ena lohia siahuna na uru uru latadiai.
DAN 4:4 Lau Nebukadnesara na egu ruma ai na noho namonamova, egu pavapava rumana ai egu namo na habadaiava.
DAN 4:5 Nega ta na nihi, bena una nihi ese e hagarigu; egu mahuta patana latanai na hekureva negana ai, egu lalo-hadai bona mata-hanai ḡaudia kwaragu lalonai ese e hagarigu.
DAN 4:6 Taunabunai na hahedua, aonega taudia iboudiai Babulono ai na vairagu ai bae mailaidia, nihi anina bae hadibalaigu totona.
DAN 4:7 Bena mea taudia, babalau taudia, Kaldea taudia bona hisiu toadia mai dibadia taudia na e raka vareai; bena lau ese nihi na hamaorolaidia, a anina ihadibalaigu na asi dibadia.
DAN 4:8 Dokona ai Daniel e raka vareai; ia ladana ta na Belelesasara, egu dirava ladana e nemailaia, bona dirava helaḡadia ese e roheamu. Bena una nihi na hamaorolaia, nato,
DAN 4:9 Beletesasara e, oi na mea tauna badana, badina be lau dibagu dirava helaḡadia ese vada e rohemu, bona ḡau hehunina ta na dia hehuni oiemu ai. Na itaia nihina binai; oi ese anina do ba hamaorolaigu.
DAN 4:10 Egu mahuta patana latanai na hekureva negana ai, mata-hanai ḡaudia kwaragu lalonai bini: na roha lao, au ta na itaia, tanobada bogaraginai; ia na gaulatalata.
DAN 4:11 Au na e tubu, e lo e laova, dorina na guba ai e kau, bena tanobada idoinai dokona amo e itaiava.
DAN 4:12 Rauna na kasiri-kasiri, huahuana na momo herea, taunimanima iboudiai adia aniani ḡaudia. Uda boromadia na ia ikerukeruna ai e hekureva, bona atai manudia na ia rigina ai e nohova, mauri ḡaudia iboudiai na ia ese e ubudiava.
DAN 4:13 Egu mahuta patana latanai na hekureva negana ai, kwaragu ena mata-hanai lalonai na itaia, hegima tauna helaḡana ta na guba amo e diho.
DAN 4:14 E boi lolo, ini e gwau toma: Au ba hagaria, rigina ba lapadia oho, rauna ba padadia oho, huahuana ba ḡiḡidia rohoroho; uda boromadia na ia henuna amo bae heau lasi bona manu na rigina amo bae roho oho.
DAN 4:15 A au badina mai ramuna ida na tano ai ba rakatania, bona iḡeḡelaina aurina, auri bona auri-laboralabora amo e karaia ḡauna, amo ba ḡeḡea; bena rei matamata bogaraginai do baine mia. Guba hununa ese baine hapariparia; uda boromadia ida baine noho tanobada reina ai.
DAN 4:16 Ia lalona, taunimanima lalona, na baine idau, boroma lalona bae henia; bena laḡani hitu na ia latanai bae ha-ore.
DAN 4:17 Irevana na hegima taudia edia hahedua amo, bona ihahemaoro-henina na helaḡa taudia edia hereva amo, bena mauri taudia na bae diba, Herea Mikamika Diravana ese taunimanima edia basileia e lohiaiamu, bona e uramu baine henia tauna na e heniamu, bona uhugai herea tauna na hekwara tauna ai e halaoamu.
DAN 4:18 Una nihi na lau, King Nebukadnesara, ese na itaia. A oi, Beletesasara e, anina ba gwauraia hedinarai, badina be aonega taudia iboudiai egu basileia lalonai na anina ihamaorolaigu asi dibadia, a oi na mai dibamu, badina be dirava helaḡadia ese vada e rohemu.
DAN 4:19 Bena Daniel, ladana ta na Beletesasara, kudouna na e hetaha nega sisina ai; bona ena lalo-hadai ese e hagaria. Bena hanua pavapavana eto, Beletesasara e, nihi eiava anina ese basine hagarimu. Beletesasara na e haere, eto, Egu lohia e, bema nihi na e inai henimumu taudia latadiai bona anina na oi inaimu latadiai, una na bema namo.
DAN 4:20 Au o itaia, e tubu bona e lo e laova ela bona dorina na guba ai e kau bona tanobada idoinai dokona amo e itaiava ḡauna,
DAN 4:21 rauna na kasiri-kasiri bona huahuana na momo herea, taunimanima iboudiai adia aniani ḡaudia, bona ikerukeruna ai uda boromadia e hekureva bona rigina ai atai manudia e nohova ḡawla,
DAN 4:22 pavapava e, una na oi. Oi na vada o tubu bona vada o lo; vada o tubu badabada ela bona guba, bona emu siahu na e laomu ela bona tanobada dokodia.
DAN 4:23 Hanua pavapavana ese hegima tauna helaḡana e itaia, guba amo e diho, eto: Au ba hagaria, ba habuaia tari, a au badina mai ramuna ida na tano ai ba rakatania, bona igegelaina aurina, auri bona auri-laboralabora amo e karaia ḡauna, amo ba ḡeḡea, bena rei matamata lalonai baine mia; bena guba hununa ese baine hapariparia, uda boromadia ida baine noho, ela bona laḡani hitu na ia latanai bae ha-ore.
DAN 4:24 Pavapava e, anma binai: Herea Mikamika Diravana ena hahedua egu lohia bona egu pavapava latamu ai vada e kau;
DAN 4:25 e tomu taunimanima bogaragidia amo bae lulumu lasi, uda boromadia ida ba noho; rei do bavani, boromakau na heto, bona guba hununa ese baine hapariparimu; laḡani hitu na oi latamu ai bae ha-ore, ela bona ba diba Herea Mikamika Diravana ese taunimanima edia basileia e lohiaiamu, bona e uramu baine henia tauna na e heniamu.
DAN 4:26 Bona e hahegani, au badina mai ramuna ida baine mia heḡereḡerena ai, emu basileia baine mia oiemu, oi ba diba Guba Diravana e lohiamu negana amo.
DAN 4:27 Taunabunai, pavapava e, egu hahealo na boma abia dae; emu kara dika boma hadoko, kara maoromaorodia boma kara, bona emu kara havara danu boma hadoko; e hahisidiamu taudia boma bogadia hisi; bena reana emu noho-maino taina ma baine daudau.
DAN 4:28 Ina idoinai na King Nebukadnesara latanai e kau.
DAN 4:29 Hua gwauta-rua e ore, bena ia ese pavapava rumana Babulono ai guhina latanai e raka eva-evava.
DAN 4:30 Bena hanua pavapavana eto, Ina na Babulono badana, egu siahu hereana amo vada na haginia, lau pavapava egu noho gabuna bona lau pavapava hairaigu ihabadana ani?
DAN 4:31 Hanua pavapavana na dounu e herevava ai, gado ta na guba amo e diho, eto, King Nebukadnesara e, vada e hereva henimumu, e tomu “Basileia na emu amo vada eme heabi oho;
DAN 4:32 taunimanima bogaragidia amo bae lulumu lasi, uda boromadia ida ba noho; rei do bavani, boromakau na heto; laḡani hitu na oi latamu ai ba ha-ore, ela bona vada ba diba, Herea Mikamika Diravana ese taunimanima edia basileia e lohiaiamu, bona e uramu baine henia tauna na e heniamu”.
DAN 4:33 Bena asi vanahana una hereva anina e vara Nebukadnesara latanai. Taunimanima bogaragidia amo e lulua lasi, bena rei e aniva, boromakau na heto, bona tau-anina na guba hununa ese e haparipariava, ela bona huina e lata, ugava huina na heto, bona kahauna na manu kahaudia na heheto.
DAN 4:34 Unu dina dokodia ai, lau Nebukadnesara na gaga dae guba ai, bena daragu ma e vara lou, bona Herea Mikamika Diravana na hanamoa, e noho hanaihanaimu Diravana na imodaia bona na heatolaia. Badina be ia siahuna na mia hanaihanai siahuna, bona iena basileia na uru ta ela bona ma uru ta e hesiriumu;
DAN 4:35 tanobada inoholaina taudia iboudiai e nenediamu, dia ḡau ta na heto; ia na sibona ena ura e karamu guba oreana bogaraginai, bona tanobada inoholaina taudia bogaragidiai danu; ta ese ia imana basine laoa ahu diba, eiava basine nanadaia, basineto “Dahaka o karamu?”
DAN 4:36 Una negana ai danu daragu ma e vara lou; bona pavapava dagina bona hairaina ma e ahulaigu, egu basileia ihahairaina totona. Egu hahealo taudia bona egu lohia taudia ese e tahugu, bona egu basileia ai e haginigu, bena egu siahu na e bada e laova.
DAN 4:37 Harihari lau Nebukadnesara ese guba Pavapavana na imodaiamu, na heatolaiamu bona na matauraiamu; badina be iena kara iboudiai na mamaoro-mamaoro bona ena dala na gogoeva-goḡoeva; bona mai hekokorokudia ida e rakamu taudia ihahemaraidia na mai dibana.
DAN 5:1 King Belesasara ese aria badana ta e karaia, ena lohia taudia daha-ta adia; bena ia ese vine ranuna e inua, unu tatau daha-ta vairadiai.
DAN 5:2 Belesasara ese vine ranuna e demaia toho, bena ia na e haheḡani, tamana Nebukadnesara ese Ierusalem dubuna amo e abidia keheredia, gold bona silver gaudia, na bae mailaidia, bena hanua pavapavana bona ena lohia taudia bona adavana korikoridia bona e adavadia hahinedia danu ese vine ranuna na unu ḡau amo bae inu.
DAN 5:3 Bena haida ese hari gold bona silver keheredia, Ierusalem dubuna, Dirava ena dubu, amo e abi ḡaudia, na e mailaidia; bena hanua pavapavana bona ena lohia taudia bona adavana korikoridia bona e adavadia hahinedia ese vine ranuna na unu ḡau amo e inuinulai.
DAN 5:4 Idia ese vine ranuna vada e inu, bena gold, silver, auri labora-labora, auri, au bona nadi diravadia e imodaidia.
DAN 5:5 Asi vanahana tau ta imana kwakikwakidia e hedinarai, bena hanua pavapavana ena ruma habana ai e toretore, lamepa patana hevaira-hehenina ai, bena hanua pavapavana ese una ima na revareva e toreva ai e itaia.
DAN 5:6 Bena hanua pavapavana na e laboraia ḡuḡuru, bona ena lalo-hadai ese e halalagaia, e hebalarea utu-utu, tuina ruaosi e tabubu-tabubu.
DAN 5:7 Bena hanua pavapavana e boiboi badabada, babalau taudia bona Kaldea taudia bona hisiu toadia mai dibadia taudia bae hakaudia vareai. Bena hanua pavapavana ese aonega taudia Babulono ai e hereva henidia, eto, Ina revareva baine duahia bona anina baine hadibalaigu tauna na dabua kakakakana amo bae hadabualaia, bona gold agevana na aiona ai bae ha-inulaia, bona basileia lalonai lohia dagina ihatoina baine abia.
DAN 5:8 Bena hanua pavapavana ena aonega taudia iboudiai e raka vareai, a una revareva iduahina asi dibadia bona asie heḡereḡere anina na hanua pavapavana bae hadibalaia.
DAN 5:9 Bena King Belesasara e gari dikadika bona e laboraia ḡuḡuru. Ena lohia taudia danu e daradarava.
DAN 5:10 Hanua pavapavana bona ena lohia taudia edia hereva daidiai, hanua pavapavana hahinena na aria rumana ai e raka vareai. Bena hanua pavapavana hahinena eto, Pavapava e, ba mauri hanaihanai! Emu lalo-hadai ese basie halalaḡamu bona basine laboramu guguru.
DAN 5:11 Emu basileia lalonai dirava helaḡadia ese e roheamu tauna ta e nohomu. Tamamu ena nega ai, diari bona lalo-parara bona aonega, dirava edia aonega heḡereḡerena, na e davaridia; bena tamamu King Nebukadnesara ese mea taudia, babalau taudia, Kaldea taudia bona hisiu toadia mai dibadia taudia biagudia ai e halaoa;
DAN 5:12 badina be lauma namo-hereana bona aonega bona lalo-parara na Daniel (hanua pavapavana ese Beletesasara e nemaia tauna) enai e davaridia, nihi bona hereva hehunidia anidia ihahedinaraidia ai bona lalo-hekwarahi ihamaoromaorodia ai. Mani emu kara, Daniel ae boiria, bena ia ese anina baine hahedinaraia.
DAN 5:13 Bena haida ese Daniel na hanua pavapavana vairanai e hakaua vareai. Bena hanua pavapavana ese Daniel e hereva henia, eto, Oi na vanegai Daniel, noho-hedoa tauna, tamagu hanua pavapavana ese Iuda amo e mailaidia taudia ta.
DAN 5:14 Harimu vada na kamonai, dirava helaḡadia ese e rohemumu, bona diari bona lalo-parara bona aonega herea-daena na oi lalomu ai vada e davaria.
DAN 5:15 Benaini, aonega taudia bona babalau taudia na vairagu ai vada e hakaudia vareai, ina revareva bae duahia bona anina bae hadibalaigu totona, a ina kara anina ihahedinaraina na asi dibadia.
DAN 5:16 A vada na kamonai, oi ese ḡau anidia ihahedinaraidia bona lalo-hekwarahi ihamaoromaorodia na mai dibamu. Harihari ina revareva boma duahia diba bona anina boma hadibalaigu, bena dabua kakakakadia amo bae hadabualaimu, bona gold agevana na aiomu ai bae ha-inulaimu, bona basileia lalonai lohia dagina ihatoina bavabia.
DAN 5:17 Bena Daniel na hanua pavapavana vairanai e haere, eto, Emu herahia ḡaudia na emu ai bae mia, bona emu dava ḡaudia na tau ta ba henia; ḡau tamona lau ese revareva baina duahia, hanua pavapavana emu ai, bona anina danu baina hadibalaimu.
DAN 5:18 Pavapava e, Herea Mikamika Diravana ese tamamu Nebukadnesara na pavapava dagina, dagi badana, hairai bona lohia siahuna e henia;
DAN 5:19 bona vada e henia dagina badana dainai bese idau-idau bona basileia idau-idau bona gado idau-idau iboudiai na ia vairanai e heude-heudeva bona e gariva. Iala-masedia e urava taudia na e aladia maseva, bona ihamauridia e urava taudia na e hamauridiava; iabi-isidia e urava taudia na e abidia isiva, bona iato-dihodia e urava taudia na e atodia dihova.
DAN 5:20 A sibona e heabi isi bona lalona e ha-aukaia, bena hekokoroku karadia e karava; una negana ai pavapava teronona amo e hadihoa bona hairaina e abia oho,
DAN 5:21 taunimanima bogaragidia amo e lulua lasi, lalona na boroma lalona heḡereḡerena ai ela, uda donikidia ida e nohova; rei e aniva, boromakau na heto, bona tau-anina na guba hununa ese e haparipariava, ema bona ia vada e diba Herea Mikamika Diravana ese taunimanima edia basileia e lohiaiamu, bona e uramu baine henia tauna na e heniamu, baine lohiaia totona.
DAN 5:22 Oi danu, ia natuna Belesasara, ena be ina idoinai dibamu to so hahemanaumu;
DAN 5:23 a oi na sibomu vada o heabi isi, guba Lohiana vada o dadaraia; iena dubu keheredia na oi vairamu ai vada e vareailaidia, bona oi bona emu lohia taudia bona adavamu korikoridia bona vada o adavadia hahinedia ese unu ḡau lalodia amo vine ranuna vada o inu; silver, gold, auri labora-labora, auri, au bona nadi diravadia, asie itamu, asie kamonaimu, asie dibamu gaudia, vada o imodaidia, a laḡamu na imana ai bona emu dala iboudiai na ienai Diravana na so matauraia.
DAN 5:24 Bena ia vairana amo hari ima ta vada e siaia, bona ina revareva vada e torea.
DAN 5:25 E torea revarevana binai: MENE, MENE, TEKELE, PARASINI.
DAN 5:26 Anina binai: MENE, Dirava ese emu basileia dinadia vada e hagaudia bena vada e hadokoa;
DAN 5:27 TEKELE, metaumu vada e hahetohoa, so heḡereḡere;
DAN 5:28 PERE, emu basileia vada e haria, Mede bona Parasa taudia vada e henidia.
DAN 5:29 Bena Belesasara e haheḡani, bena Daniel na dabua kakakakadia amo e hadabualaia, bona gold agevana na aiona ai e ha-inulaia, bona e gwauraia hedinarai, ia na lohia dagina ihatoina baine abia basileia lalonai.
DAN 5:30 Una hanuaboi, Belesasara, Kaldea pavapavana, na e alaia mase.
DAN 5:31 Bena Darauese, tau Mede, ese basileia e abia; ena mauri lagarudia na tauratoi-ahui-rua sisivana.
DAN 6:1 Ena ura dainai, Darauese ese heitatao taudia sinahu-ta ruahui e duanaidia, basileia na bae biagua, basileia kahadia iboudiai;
DAN 6:2 bona idia daediai hekwara taudia tatoi e atodia, ta be Daniel. Hari heitatao taudia ese edia ḡaukara sivaraidia na hekwara taudia bae hamaorolaidia, hanua pavapavana ena ḡau ta basine boio helaoreana.
DAN 6:3 Bena hari Daniel ese hekwara taudia bona heitatao taudia iboudiai e hereadia, badina be lauma herea-daena ese e rohea; bena hanua pavapavana ese e laloa hata, basileia idoinai ikwarana ai baine halaoa eto.
DAN 6:4 Bena hari hekwara taudia bona heitatao taudia ese hahebade badina ta e tahua, basileia ḡaukarana dainai Daniel bae habadelaia eto; a hahebade badina ta eiava kerere ta asie davaria; badina be ia na e kara maoromaoro, bena kara rea ta eiava kerere ta ienai asie davaria.
DAN 6:5 Bena unu tatau eto, Ina Daniel ihabadelaina badina ta basita davaria, a reana ena Dirava ena taravatu dainai ta baita davaria.
DAN 6:6 Bena hari hekwara taudia bona heitatao taudia na e raka bou ela, hanua pavapavana dekenai, e hereva henia, eto, King Darauese e, ba mauri hanaihanai!
DAN 6:7 Basileia ena hekwara taudia, ena lohia, ena heitatao taudia, ena hahealo taudia bona ena hegunalai taudia iboudiai ese lalodia vada e hatamonadia, hanua pavapavana ese taravatu ta baine haginia bona baine ha-aukaia, baineto dina toi-ahui lalodiai taunimanima iboudiai ese oi pavapava taumu sibomu bae gurimu diba, a ta ese dirava ta eiava tau ta bema guria, vada bae abia, leona kohuana lalonai bae tahoa vareai.
DAN 6:8 Pavapava e, harihari taravatu ba haginia, bona iha-aukana pepana ai ladamu ba torea, bena basie ha-idaua diba, Mede bona Parasa taudia edia taravatu dalana heḡereḡerena ai basie hadokoa diba.
DAN 6:9 Taunabunai, King Darauese ese ladana e torea una taravatu pepana ai.
DAN 6:10 Daniel e diba pepa na e hetore, bena ena ruma ela. Ena ruma atai daiutuna na mai gaba-mauruna haida, Ierusalem italaina ai. Bena dina ta ta ai ia ese nega hatoi tuina e hadaiva, e ḡuriḡuriva bona ena Dirava e hanamo heniava, vaevae e karava heḡereḡerena.
DAN 6:11 Bena unu tatau na e raka bou ela, Daniel e davaria, ena Dirava vairanai e ḡuriḡuriva bona e noinoiva.
DAN 6:12 Bena idia ese hanua pavapavana e raka henia kahi, taravatu e herevalai henia, eto, Pavapava e, oi ese taravatu pepana o torea, ani, oto dina toi-ahui lalodiai taunimanima iboudiai ese oi pavapava taumu sibomu bae ḡurimu diba; a ta ese dirava ta eiava tau ta bema guria, vada bae abia, leona kohuana lalonai bae tahoa vareai. Hanua pavapavana e haere, eto, Hereva vada e auka midimidi, Mede bona Parasa taudia edia taravatu dalana heḡereḡerena ai basie hadokoa diba.
DAN 6:13 Bena idia na hanua pavapavana vairanai e haere, eto, Pavapava e vanegai Daniel, Iuda amo e mailaidia taudia ta, ese se kamonai henimumu, bona vada o torea taravatu pepana se badinaiamu, a dina ta ta amo nega hatoi e ḡuriḡurimu.
DAN 6:14 Unu hereva e kamonai negana ai, hanua pavapavana lalona vada e hisihisi herea, bona lalona e hadaia Daniel ede baine hamauria toma; ia na e hekwarahi ela bona dina e diho, Daniel Ihamaurina totona.
DAN 6:15 Bena unu tatau na hanua pavapavana dekena e raka bou ela, e hereva henia, eto, Pavapava e, ba diba, Mede bona Parasa taudia edia taravatu na iniheto: hanua pavapavana ese e haginiamu taravatuna na ta ese basine ha-idaua diba.
DAN 6:16 Bena hanua pavapavana e hahegani; bena haida ese Daniel e mailaia, leona edia kohua lalonai e tahoa vareai. Hanua pavapavana ese Daniel e hamaoroa, eto, Emu Dirava, o toma henia diho louloumu Diravana, ese baine hamaurimu.
DAN 6:17 Bena nadi ta e mailaia, kohua iduarana e koulaia; bena hanua pavapavana ese ia toana bona ena lohia taudia toadia na una nadi ai e kara, Daniel enai vada e kara ḡaudia na ta ese basine ha-idau helaoreana.
DAN 6:18 Bena hanua pavapavana na ena ruma ela, e anivaga rani, lalona ihakeruna ḡaudia haida ia dekena asie laohai, bona se mahuta.
DAN 6:19 Daba e kinia, bena hanua pavapavana e tore isi, leona edia kohua e lao henia haraḡa.
DAN 6:20 Daniel e atoa kohuana na e raka henia kahi, bena mai ganaganana ida e boi lolo, Daniel e boi henia, eto, Daniel e, Mauri Diravana ena hesiai tauna, emu Dirava, o toma henia diho louloumu Diravana, ese ihamaurimu mai dibana eiava?
DAN 6:21 Bena Daniel ese hanua pavapavana e haere henia, eto, Pavapava e, ba mauri hanaihanai.
DAN 6:22 Egu Dirava ese ena aneru ta e siaia mai, bena ia ese leona ududia e hakapudia, bena asie hadikagu; badina be ia vairanai lau na asi egu kerere, bona oi vairamu ai danu, pavapava e, lau na asina kara kerere.
DAN 6:23 Bena hanua pavapavana na e moale dikadika, bena e haheḡani, Daniel na kohua lalona amo bae abia lasi. Taunabunai Daniel na kohua lalona amo e abia lasi; bena bero ta ienai asie davaria, badina be h ese ena Dirava vada e abidadama henia.
DAN 6:24 Bena hanua pavapavana ma e haheḡani, bena unu Daniel e habadelaia taudia na e mailaidia, leona edia kohua lalonai e tahodia vareai, idia bona natudia bona adavadia danu. Bena dounu moru-dobidia ai, leona ese e daredia, turiadia iboudiai e hakwaidudia patapata.
DAN 6:25 Bena King Darauese ese revareva ta e torea, bese idau-idau bona basileia idau-idau bona gado idau-idau taudia iboudiai, tanobada idoinai latanai e nohomu taudia, ediai, eto: Maino na emui ai baine bada.
DAN 6:26 Na haheḡanimu, lau ese na lohiaiamu basileiana idoinai lalonai taunimanima na bae heude-heude bona bae gari, Daniel ena Dirava vairanai. Badina be ia na Mauri Diravana, e mauri hanaihanaimu; ena basileia na basie habuaia tari ela bona hanaihanai, ena siahu na baine hesiriu ela bona dokona.
DAN 6:27 Ia na e hahemaurimu bona e herauamu, toa bona hoa karadia ia ese e karamu, guba ai bona tanobada ai danu. Ia ese Daniel vada e hamauria, leona edia siahu amo.
DAN 6:28 Bena hari Daniel ena namo e badava, Darauese ena lohia negana ai, bona Kurese, tau Parasa, ena lohia negana ai.
DAN 7:1 Belesasara, Babulono pavapavana, ena lohia laḡanina gini-gunana ai, Daniel na e nihi, bona mata-hanai ḡaudia haida na kwarana lalonai e hedinarai, ena mahuta patana ai e hekureva negana ai. Bena ia ese nihi sivaraina e torea, bona anina e hahedinaraia.
DAN 7:2 Daniel eto, Hanuaboi ai na mata hanai bena na itaia, guba laina haniosi ese gadobada e hahurehurea.
DAN 7:3 Bena mauri ḡaudia badadia hani na davara lalona amo e dae, ita-itadia na idau-idau.
DAN 7:4 Gini-gunana na leona na heto, a mai hanina, ugava hanina na heheto. Bena na itaiava ai na hanina e butudia oho, bena tano ai e haginia tore, aena ruaosi ai e haginia, taunimanima na heto, bona taunimanima darana e henia.
DAN 7:5 Bena mauri ḡauna ta ma na itaia, iharuana, bea na heto. E haginia tore, gini-gunana ohena ai, bona uduna ai na rudu turiadia autoi, isena padadiai. Ta ese e hamaoroa, eto, A tore isi, vamu momo bavani.
DAN 7:6 Una murinai na roha lao, ta ma na itaia, taiga na heto, a manu hanidia hani na doruna ai; bona una mauri ḡauna na mai kwarana hani danu; bena lohia siahuna na e henia.
DAN 7:7 Una murinai, hanuaboi mata-hanaidia ai, mauri ḡauna ihahanina na itaia, mai garina bona mai kudou-hetahana; ia na goada dikadika danu. Isena na auri gaudia, bona bada herea; bena ia ese ḡau e aniva, e dare patapatava, bona momoruna na aena amo e moia patapatava. Ia na idau, dia e gunalaia ḡaudia heḡereḡeredia; ia doana na gwauta.
DAN 7:8 Doana na haerodia, bena na itaia, doa ma ta idia bogaragidiai e tubu, maraḡi-muaḡina; bena ia vairanai unu doa gunadia toi e heraga oho. Na itaia danu, una doa na mai matana, tau matana na heto; bona mai uduna, hereva badadia e gwaurai.
DAN 7:9 Na itaiava ai na terono haida na hehelai, bena ḡauka ta na e helai diho; ena dabua na kuroka-kuroka, snow na heto, bona kwarana huina na mamoe huina ḡoeva-daena na heto; ena terono na lahi hururu-hururudia, ava-keikeina na e aramu lahina.
DAN 7:10 Ia vairanai lahi e aru lasiva, sinavai na heto; daha daha ese ia isiaina e lao heniva, gerebu gerebu na ia vairanai e giniva, hahemaoro tauna na e hahemaorova, bona buka na e hekehova.
DAN 7:11 Bena hereva badadia, hari doa ese e gwaurai gaudia, daidiai na roha lao. Bena na roho laova ai, hari mauri ḡauna na e alaia mase, tau-anina na e habuaia tari, e heni, Iahi ese baine ḡolea oho.
DAN 7:12 Hari mauri ḡaudia oredia na edia lohia siahuna na e abia oho, a edia mauri na nega taina e hadaudaua ela bona nega ta.
DAN 7:13 Bena hanuaboi mata-hanaidia ai na itaia, ta na guba oridia ai ema, ia na taunimanima natuna na heto; ia na Gauka dekena ema, bena vairanai e hakaua lao.
DAN 7:14 Bena lohia siahuna e henia, bona hairai bona basileia danu, bese idau-idau bona basileia idau-idau bona gado idau- idau iboudiai ese ia isiaina bae lao heni helaoreana; iena lohia siahuna na mia-hanaihanai siahuna, basine puki oho ḡauna, bona ena basileia danu ta ese basine habuaia tari.
DAN 7:15 A lau Daniel na laumagu e daure, bona kwaragu mata-hanaidia ese e hagarigu.
DAN 7:16 Bena unuseni ai e giniva taudia ta na raka henia kahi, na nanadaia, ina idoinai anina korikori be dahaka. Taunabunai ia ese e hamaorogu, bona unu ḡau anidia e hadibalaigu, eto,
DAN 7:17 Ini mauri ḡaudia badadia haniosi na pavapava hahani, tanobada ai bae tore isi.
DAN 7:18 A Herea Mikamika Diravana ena helaḡa taudia ese basileia bae abia, basileia na bae ḡaunaia hanaihanai, oibe, ela bona hanaihanai.
DAN 7:19 Bena na ura baina diba, hari mauri ḡauna ihahanina herevana korikorina be dahaka. Ia na idau, dia oredia iboudiai heḡereḡeredia. Ia na mai gari-badana; isena na auri bona kahauna na auri labora-labora. Ia ese ḡau e aniva, e dare patapatava, bona momoruna na aena amo e moi patapatava.
DAN 7:20 Bona doa gwauta kwarana ai herevadia danu, bona una doa ta, e tubu bena ia vairanai doa toi e moru ḡauna, mai matana bona mai uduna bena hereva badadi e gwaurai bona ita-itana ese bamona ita-itadia na e hereadiava gauna, herevana.
DAN 7:21 Lau na roha laova ai, una doa ese helaḡa taudia e tuari henidia bona e hadareredia,
DAN 7:22 ela bona Ḡauka na ema, bena ia ese hahemaoro e karaia, Herea Mikamika Diravana ena helaḡa taudia maorodia e gwaurai; bena negana e gini dae helaḡa taudia ese basileia e abia.
DAN 7:23 Taunabunai ia eto, Mauri ḡauna ihahanina na iniheto: Basileia ihahanina na tanobada latanai baine vara; ia na baine idau, dia basileia iboudiai heḡereḡeredia; ia ese tanobada idoinai baine hadonoa, baine moia tao, baine hamakohia patapata.
DAN 7:24 Unu doa gwauta be pavapava gwauta, una basileia lalona amo bae tore isi; bona idia muridiai ma ta baine tore isi. Ia baine idau, dia unu gunadia heḡereḡeredia, ia ese pavapava tatoi baine hadareredia.
DAN 7:25 Ia ese Herea Mikamika Diravana baine gonagonalaia, bona Herea Mikamika Diravana ena helaḡa taudia edia goada baine ha-orea; ia ese nega bona taravatu iha-idaudia daladia baine lalo hata, bena ia imana ai bae heni, laḡani ta bona laḡani rua bona laḡani kahana ai.
DAN 7:26 A hahemaoro tauna ese hahemaoro baine karaia, bena iena lohia siahuna bae abia oho, bae ha-orea bona bae habuaia tari ela bona dokona.
DAN 7:27 Bena basileia bona lohia siahuna, bona guba idoinai henunai e miamu basileiadia siahudia danu na Herea Mikamika Diravana ena helaḡa taudia bae henidia; edia basileia na mia-hanaihanai basileiana ai bainela, bona orea mai siahudia iboudiai ese isiaidia bae lao heni bona bae kamonai henidia.
DAN 7:28 Hereva dokona binai. A lau Daniel egu lalo-hadai ese e hagarigu bona na labora ḡuḡuru; a ina hereva na lalogu ai na dogoa tao.
DAN 8:1 King Belesasara ena lohia laḡanina ihatoina lalonai, lau Daniel na mata hanai lou, nega gunana ai egu ai e kau ḡauna e hedinarai murinai.
DAN 8:2 Egu mata-hanai ai ḡau haida na itadia; na itadia negana ai lau na hanua badana Susa ai, Elam tanona ai; bena mata-hanaigu ai na itaia, lau na Ulai sinavaina isena ai.
DAN 8:3 Lau na roha isi, bena mamoe maruanena ta sinavai isena ai ginina ai na itaia. Ia doana na rua; ruaosi lalata, a ta ese ma ta e hereaia, bona lata-hereana na gabe ai e tubu ḡauna.
DAN 8:4 Bena na itaia, hari mamoe maruanena na mai daḡedaḡena ida e heau taiko-taiko, lahara kahana ai bona mirigini kahana ai bona diho kahana ai; mauri ḡauna ta se heḡereḡere ia vairanai baine gini, bona ta se heḡereḡere iena siahu amo baine heraua. Ia ese sibona ena ura e karava, bona sibona e heimodaiva.
DAN 8:5 Na haeroava ai, nani maruanena ta na itaia, lahara kahana amo ema, tanobada idoinai e hanaia, tano ai se moi kauva; ia na mai doana ta, hedinarai mataka-mataka ḡauna, matana ruaosi padadiai.
DAN 8:6 Ia na ema, hari mamoe maruanena mai doana rua, sinavai isena ai na itaia ḡauna, dekenai; bena mai badu ḡaraḡarana ida e heau henia.
DAN 8:7 Lau na itaia, ia ese hari mamoe maruanena e heau henia kahi, bena e badu henia lalo-dika, e nuaia, doana ruaosi e hakwaidudia. Hari mamoe maruanena na asi goadana ia vairanai baine gini; una ḡau ese e nuaia keto tano ai, bena e moia patapata; asi tauna ta ese una mamoe maruanena na ia siahuna amo baine hamauria diba.
DAN 8:8 Bena hari nani maruanena na sibona e heaḡi dikadika; a ena goada negana ai hari doana badana e kwaidu, bena ia gabuna ai doa hani, hedinarai mataka-mataka ḡaudia, e vara, guba laidia haniosi kahadia e tubu henidia.
DAN 8:9 Idia ta ena amo doa maragina ta e vara, bena e tubu badabada, diho kahana bona mairiveina kahana bona mai hairaina tanona e tubu henidia.
DAN 8:10 E tubu badabada ela bona guba oreana; bena hisiu haida na tano ai e tahodia dobi, bena e moidia patapata.
DAN 8:11 Sibona e heagi, guba oreana lohiana e dae henia; bena ḡole-oho boubouna, e heni louloumu ḡauna, na iena amo e abia oho, bona ena gabu helaḡana na e ḡiḡia dobi.
DAN 8:12 Bena orea na ia imana ai e heato, bona gole oho boubouna, e heni louloumu ḡauna, danu, kara havara dainai; hereva momokani na tano ai e henege dobi, bona hari doa e gaukarava bona ena namo e habadaiava.
DAN 8:13 Bena helaḡa tauna ta gadona na kamonai; bena helaḡa tauna ma ta ese e hereva guna tauna na e nanadaia, eto, Ini mata-hanai ḡaudia, ḡole-oho boubouna, e heni louloumu ḡauna, bona kara havara, gabu e havahuamu gauna, bona gabu helaḡana bona orea na ae-moimoilai ḡaudia ai e halaodiamu na bae hesiriu ela bona edena nega ai?
DAN 8:14 Bena ia ese e haere henia, eto, Ela bona adorahi daha-rua sinahu-toi bona daba daha-rua sinahu-toi; bena gabu helaḡana na bae hanamoa lou, oromana korikorina baine abia lou.
DAN 8:15 Lau Daniel ese una mata-hanai na itaia vaitani, bena anina na tahua; bena ta na lau vairagu ai e gini, ita-itana na taunimanima na heto.
DAN 8:16 Bena tau ta gadona na kamonai, Ulai sinavaina isena padadia amo e boiboi, eto, Gabriel e, ina tau na mata-hanai anina ba hadibalaia.
DAN 8:17 Taunabunai, ia ese egu gini gabuna e raka henia kahi; bena ia ema negana ai na gari, bena na goru diho. A ia ese e hamaorogu, eto, Taunimanima natuna e, ba diba, una mata-hanai na nega dokona e hahedinaIaiamu.
DAN 8:18 Ia dounu e herevava ai, lau na goru-dihogu ai na mahuta hedavauhe; a ia ese e daugu toho, bena e haginigu tore.
DAN 8:19 Ia eto, A itaia, baina hadibamu, badu negana dokona ai dahaka baine vara; badina be nega dokona vada e duanaia negana herevana binai.
DAN 8:20 Hari mamoe maruanena o itaia mai doana rua, unu na Media bona Parasa pavapavadia.
DAN 8:21 Hari nani maruanena na Helene tanona pavapavana; doa badana ia matana ruaosi padadiai na pavapava gini-gunana.
DAN 8:22 Doa ta e kwaidu, bena ia gabuna ai doa hani e tubu anina be basileia hani na iena bese amo bae vara, a iena siahu basie haheḡereḡerea.
DAN 8:23 Edia lohia negana dokona ai, kara havara taudia bae goada ḡuḡuru negana ai, pavapava ta, vaira-auka bona hereva hehunidia anidia mai dibana tauna, baine tore isi.
DAN 8:24 Ena siahu baine bada; ia ese hahebua-tari badana baine havaraia, ena ḡaukara ai baine kwalimu, goada tauna bona orea helaḡana taudia na baine habuadia tari.
DAN 8:25 Ena dibaka ai, kara koikoi anidia baine habadadia, ia unana henunai, bona lalona ai sibona baine heaḡi. Ia ese hutuma baine habuadia tari taku; lohia edia Lohia danu baine tuari henia, bena baine darere, a dia taunimanima ta imana amo.
DAN 8:26 Hari adorahi bona daba sivaraidia mata-hanaina na momokani; a una mata-hanai ba hunia, badina be una na dina hoho vairai herevana.
DAN 8:27 Bena lau Daniel taugu na e manori, dina haida na hekure noho, mai goreregu ida. Bena na tore isi, hanua pavapavana ena ḡaukara na karaia; a una mata-hanai dainai lalogu e hekwarahi; bona asina dibaia namonamo.
DAN 9:1 Darauese Ahasuero, tau Mede, ese Kaldea basileiana e pavapavaia laḡanina gini-gunana ai,
DAN 9:2 ena lohia laḡanina gini-gunana lalonai lau Daniel buka lalodia amo na diba laḡani hida baela ela bona Ierusalem ihavahuna baine guguru, Iehova ena hereva peroveta tauna Ieremia enai e kau heḡereḡerena; unu laḡanidia be hitu-ahui.
DAN 9:3 Bena Ḡaubada Dirava na haḡerea, ḡuriḡuri ai bona noinoi ai na tahua, mai anivagagu bona mai puse-dabuagu bona mai kahugu ida.
DAN 9:4 Iehova, egu Dirava, na guria, egu dika na gwaurai hedinarai, nato: Ḡaubada e, Dirava badana bona mai garina, oi ese emu gwauhamata bona emu hebogahisi o hahesiriudiamu, e ura henimumu bona emu haheḡani e badinadiamu taudia ediai.
DAN 9:5 Ai na vada a kara dika, vada a kara kerere, kara havara bona daḡedaḡe karadia vada a kara, emu haheḡani bona emu taravatu daladia amo vada a raka siri;
DAN 9:6 emu hesiai taudia, peroveta taudia, oi ladamu ai emai pavapava, emai lohia, senemai bona tano taudia iboudiai e hereva henidia taudia na asia kamonai henidia.
DAN 9:7 Ḡaubada e, kara maoromaoro na oiemu ai, a ai emai ai na hemarai, ina dina ai heḡereḡerena, Iuda taudia ediai, bona Ierusalem inoholaina taudia ediai, bona Israel idoinai enai, gabu kahikahi taudia bona gabu daudau taudia, vada o luludia lao tanodia iboudiai lalodiai; badina be idia ese oi ihadikamu karadia vada e kara.
DAN 9:8 Ḡaubada e, hemarai na ai emai ai, bona emai pavapava bona emai lohia bona senemai ediai, badina be ai ese vada a kara dika henimu.
DAN 9:9 Ḡaubada, emai Dirava, na mal hebogahisina bona mai dika igwau-taona; badina be ai ese vada a daḡedaḡe henia
DAN 9:10 bona Iehova, emai Dirava, gadona asia kamonai henia, ena taravatu, ena hesiai peroveta taudla eaia amo vairamai ai e atodia taravatudia, asia badinadia.
DAN 9:11 Israel idoinai ese emu taravatu vada e tataia utu; vada a raka siri, oi eremu ikamonaina asia ura. Heuduguirai bona gwauhamata helaḡana Dirava ena hesiai tauna Mose ena taravatu ai e hetore gaudia, na ai latamai ai vada eme hebubu dobi, badina be ai ese vada a kara dika henia.
DAN 9:12 Ia ese ena hereva vada e hamomokanidia. ai latamai ai bona ikwaramai taudia latadiai e gwaurai gaudia, hahehisi karana badana na ai latamai ai vada e mailaia; badina be guba idoinai henunai kara ta nega ta ai se karaia, Ierusalem vada e kara henia heḡereḡerena.
DAN 9:13 Mose ena taravatu ai e torea heḡereḡerena ai, ina hahehisi karana idoinai na ai latamai ai vada e kau, ḡau tamona Iehova, emai Dirava, asia noi henimu ba lalo namo henimai, emai kara havara amo ba mede kerehai bona emu hereva momokanidia nahuadia baia toho helaoreana.
DAN 9:14 Taunabunai Iehova ese hahehisi karana vada e haheḡaeḡaea bona latamai ai vada e mailaia; badina be Iehova, emai Dirava, na maoromaoro, vada e kara karadia iboudiai lalodiai, bona ai ese ia erena asia kamonaia.
DAN 9:15 Ḡaubada e, emai Dirava e, oi ese emu bese taudia na Aigupto tanona amo o hakaudia Lasi, mai imamu goadana ida, bona ladamu vada o habadaia, ina dina ai heḡereḡerena; a harihari ai ese vada a kara dika, vada a kara havara.
DAN 9:16 Ḡaubada e, emu kara maoromaorodia iboudiai heḡereḡeredia ai, emu badu bona emu lalo-dika na emu hanua Ierusalem, emu ororo helaḡana, amo baine siri; badina be emai kara dika bona senemai edia kara havara daidiai, Ierusalem bona oiemu bese na gwaurai-gwaurai herevana ai vada e hahelao, e ḡeḡemai dae taudia iboudiai bogaragidiai.
DAN 9:17 Taunabunai, emai Dirava e, emu hesiai tauna ena ḡuriḡuri bona ena noinoi ba hakala henidia, bona oi sibomu daimu ai, Ḡaubada e, oi vairamu ese emu gabu helaḡana, vada eme vahu gabuna, baine hadiaria.
DAN 9:18 Egu Dirava e, laiamu a hakala, a kamonai, matamu a hapapa, ḡaḡaemai ai ba itamai, bona oi ladamu e nemailaia hanuana ba itaia. Badina be emai noinoi na oi vairamu ai e daemu, dia ai emai kara maoromaoro daidiai, a oiemu hebogahisi badana dainai.
DAN 9:19 Ḡaubada e, a kamonai; Ḡaubada e, emai dika ba gwau tao; Ḡaubada e, ba lalomai, ba kara; egu Dirava e, basio halahe, oi sibomu daimu ai, badina be emu hanua bona emu bese na oi ladamu e hahenemailaia.
DAN 9:20 Egu hereva bona egu ḡuriḡuri lalodiai egu kara dika bona egu bese Israel edia kara dika na gwaurai hedinaraiva, bona Iehova, egu Dirava, na noinoi heniava, egu Dirava ena ororo helaḡana dainai;
DAN 9:21 bena, ḡuriḡuri dounu na gwauraiava ai, hari tau Gabriel, mata-hanai ai na itaia guna tauna, na dekegu e roho mai haraga, adorahi boubouna negana ai.
DAN 9:22 Ia na ema, e hereva henigu, eto, Daniel e, aonega bona lalo-parara batna henimu totona vada na hedinaraimu.
DAN 9:23 Emu noinoi matamana ai hereva ta e lasi, bena ihamaorolaimu totona vada nama, badina be oi na e lalokau henimu badamu; taunabunai, hereva ba haeroa, bona mata-hanai anina ba diba.
DAN 9:24 Laḡani hitu nega hahitu-ahui be vada e gwauraidia, emu bese bona emu hanua helaḡana latadiai, kerere iha-orena, kara dika ihadokona, kara havara irohodia, baine mia hanaihanai kara-maoromaorona imailaina, matahanai bona peroveta tauna ihamomokanina bona helaga-herea gabuna ihorona totodia.
DAN 9:25 Taunabunai ba diba, lalomu danu baine parara, Ierusalem ihanamo-louna bona ihaginina herevana baine hedinarai negana ela bona lohia ta, e horoa tauna, bainema na pura hitu. Bena pura tauratoi-ahui rua lalodiai bae haginia lou, mai ariarana bona mai iḡeḡe-ahuna koupana, a hekwakwanai momo negana ai.
DAN 9:26 Bena unu pura tauratoi-ahui rua muridiai, e horoa tauna na bae negea daure, ḡau ta ienai basine mia; bona bainen-a lohiana ena orea taudia ese hanua bona gabu helaḡana bae habuadia tari. Utu-utu ese baine ha-orea, bona tuari do baine hesiriu ela bona dokona. Hahevahu karadia vada e gwaurai hata.
DAN 9:27 Bena ia ese hutuma ida bae hegwau hamata heheni, gwauhamata aukana ta, ela bona pura ta baine ore. Pura kahana ai ia ese boubou bona herahia karadia baine hadokodia, bona ḡau dika-rohorohona hanina latadiai hahevahu tauna ta bainema, ela bona vada e gwauraia hata dokona negana na hahevahu tauna latanai baine hebubu dobi.
DAN 10:1 Kurese, Parasa pavapavana, ena lohia laḡanina ihatoina ai, hereva ta e hedinarai Daniel (ladana ta na Beletesasara) enai. Hereva na momokani, tuari badana herevana. Hereva anina vada e dibaia, bona matahanai anina danu.
DAN 10:2 Unu dinadia ai, lau, Daniel, Ialogu e hisihisiva pura toi lalodiai.
DAN 10:3 Aniani gaihodia asina ani, vamu eiava vine ranuna na udugu ai asie vareai, bona dehoro ai asina hedahu, ela bona unu pura ḡuḡurudia toi.
DAN 10:4 Hua gini-gunana dinana iharuahui-hanina ai, sinavai badana, ladana Tigris, isena ai na giniva negana ai,
DAN 10:5 lau na roha isi, tau ta na itaia, ena hahedoki na dabua aukana ḡaua bona ena gaba ḡauna na Ufasa gold-na.
DAN 10:6 Tau-anina na berulio nadina na heto; vairana ita-itana na kevaru; matana na kede hururu-hururudia na heheto, imana bona aena na auri labora-labora hmorena na heto, bona erena na hutuma eredia na heto.
DAN 10:7 Lau, Daniel, sibogu ese mata-hanai na itaia, badina be bamogu ese asie itaia, to gari ese e butudia tao, bena e heau, bae komu totona.
DAN 10:8 Taunabunai, hu na sibogu na noho, una mata-hanai badana na itaia, bena goadagu vada e ore; vairagu hairaina e idau herea, bona goadagu taina dia mia.
DAN 10:9 Bena erena na kamonai. Erena na kamonai negana ai, lau na goru parapara tano ai, na mahuta hedavauhe.
DAN 10:10 Bena ima ta ese e daugu toho, bena na hetao isi, tuigu ai bona imagu ai, mai heude-heudegu ida.
DAN 10:11 Ia ese e hereva henigu, eto, Daniel e, e lalokau henimu badamu taumu, na hamaorolaimumu herevadia nahuadia ba toho, ba gini tore, badina be ina harihari oi dekemu vada e siaigu mai. Ina hereva e hamaorolaigu lalonai, na gini tore mai heude-heudegu ida.
DAN 10:12 Bena ia ese ma e hamaorogu, eto, Daniel e, basio gari, badina be lalo-parara o tahua matama bona emu Dirava vairanai sibomu o hahemanau dinana amo, emu hereva na vada e kamonai, bena emu hereva daidiai vada nama.
DAN 10:13 Parasa basileia lohiana ese dina ruahui-ta e ginigu shu; bena Mikael, lohia badana ta, na ikahagu totona ema, taunabunai unuseni ai na rakatania, Parasa basileia lohiana ida.
DAN 10:14 Bena nama, dina gabedia ai dahaka dahaka baine vara emu bese taudia ediai baina hadibamu totona. Badina be mata-hanai na nega vaira ḡauna.
DAN 10:15 Ini hereva e hamaorolaigu negana ai, tano na igo henia, asi reḡereḡegu na noho.
DAN 10:16 Bena ta, ita-itana na taunimanima natudia ta na heto, ese bibinagu e daudia toho. Bena udugu na kehoa, na hereva. Vairagu ai e giniva tauna na hamaoroa, nato, Egu lohia e, na mata hanai dainai, hisihisi na egu ai vada e kau, bona egu goada vada e ore.
DAN 10:17 Egu lohia emu hesiai tauna na egu lohia ida ede baita hereva-hereva toma? Badina be harihari goadagu taina na dia mia, bona laḡagu taina danu dia mia.
DAN 10:18 Una murinai ta, ita-itana na taunimanima na heto, ese e daugu toho, e hagoadagu.
DAN 10:19 Ia eto, E lalokau henimu badamu taumu e, basio gari, maino na emu ai baine mia; ba goada, ba haheauka. E hereva henigu negana ai na goada, bena nato, Egu lohia e, a hereva, badina be vada ome hagoadagu.
DAN 10:20 Bena ia eto, Oi dibamu dahaka dainai dekemu vada nama a? A harihari baina lou lao, Parasa lohiana baina tuari henia; baina hadarerea, bena Helene lohiana bainema.
DAN 10:21 A baina hamaoromu, hereva momokanina bukana ai ede e hetore tomamu; asi tauna ta ohegu kahana ai e tuarimu, emu lohia Mikael mo sibona.
DAN 11:1 A lau be Darauese, tau Mede, ena lohia laḡanina gini-gunana ai na tore isi, baina hamomokania bona baina hagoadaia totona.
DAN 11:2 Harihari lau ese hereva momokanina baina hahedinarai henimu. A itaia, pavapava tatoi ma bae tore isi Parasa ai, bona ihahanina ena taḡa ese idia tatoiosi edia taḡa baine hereadia; bena ena taḡa dainai baine goada negana ai, ia ese taunimanima iboudiai lalodia baine ani, Helene basikiana bae hadikaia.
DAN 11:3 Bena pavapava mai siahuna ta baine tore isi; ia baine lohia mai siahu-badana ida, bona ena ura heḡereḡerena ai baine karaia.
DAN 11:4 Baine tore isi murinai, ena basileia baine heḡiḡi rohoroho bona baine hehari, guba laidia haniosi ediai; ia garana basie abia, bona ta ese basine lohiaia mai siahuna ida, iena lohia siahuna heḡereḡerena; badina be ena basileia baine heraḡa oho, idaudia haida ese bae abia, dia idia:
DAN 11:5 Bena diho kahana pavapavana baine goada, a iena lohia tauna ta ese goada ai baine hereaia, bena ena lohia siahuna na baine herea.
DAN 11:6 Laḡani haida baela, bena bae herohemaino; bena diho kahana pavapavana natuna hahinena na mirigini kahana pavapavana dekena bainela, maino ihavarana totona; a una hahine imana siahuna na basine mia, bona una tau mai natuna ida basie noho daudau; bena una hahine na baine heabi mauri, ia bona ena hesiai hahinedia bona natuna bona adavana.
DAN 11:7 Unu negadia ai, una hahine ramuna amo e tubu rigidia ta na una tau gabuna ai baine tore isi, bena ia ese tuari oreana baine tuari henia, mirigini kahana pavapavana ena ruma aukana ai baine dae kau, baine ala-ala henidia, bena baine kwalimu.
DAN 11:8 Edia dirava bona edia kaivakuku, e hahetaridia ḡaudia, bona edia sdver bona gold ḡaudia, ḡau namo-hereadia, danu baine abidia, Aigupto baine laohaidia; bena laḡani haida lalodiai ia ese mirigini kahana pavapavana basine tuari henia.
DAN 11:9 Bena hari mirigini kahana pavapavana na diho kahana pavapavana ena tano lalonai baine raka vareai, a ma baine lou, ena tano korikori bainela.
DAN 11:10 Bena ia natuna mamaruanedia bae tuari, tuari oreadia badadia momo bae haboudia, bena bae aru lao, bae utua dae, bae hanai, tuari ma bae laohaia ela bona ena ruma aukana.
DAN 11:11 Bena diho kahana pavapavana na mai baduna ida baine raka lasi, mirigini kahana pavapavana baine tuari henia; orea bada-hereana baine haboua, a una orea na ia imana ai baine heato.
DAN 11:12 Bena hari orea bada-hereana baine darere negana ai, ia lalona baine heagi, bena gerebu gerebu baine hadareredia, to basine kwalimu.
DAN 11:13 Badina be hari mirigini kahana pavapavana ese hutuma ma baine haboudia, ina hutuma ese e haboua guna oreana na baine hereaia; bena laḡani haida baela murinai ia na ma baine tore isi, mai ena tuari oreana badana bona ena kohu momo herea ida.
DAN 11:14 Unu negadia ai hutuma ese diho kahana pavapavana bae tuari henia, bona emu bese korikorina bogaragina amo daḡedaḡe taudia haida bae tore isi, mata-hanai anina ihavarana totona; to basie kwalimu.
DAN 11:15 Bena mirigini kahana pavapavana na bainema, tano baine larebaia heḡeḡe, bena hanua auka-hereana ta na baine abia. Bena diho kahana tuari oreadia na basie gini tutuka, oibe, ena tuari diba-herea taudia na basie gini tutuka, badina be edia goada basine heḡereḡere.
DAN 11:16 A baine tuari henia tauna ese sibona ena ura heḡereḡerena baine karaia; tau ta ia vairanai basine gini diba. Ia na tano herea-daena ai baine gini; idoinai na ia siahuna lalonai baine mia.
DAN 11:17 Ia vairana baine ha-aukaia, ena basileia goadana idoinai ida bainema, herohemaino herevadia baine mailai, bona karadia baine kara. Hahine herea-daena baine henia, basileia ihabua-tarina helaoreana; a anina basine vara bona basine durua.
DAN 11:18 Gabeamo ia talaina na kone tanodia baine henidia, bena momo herea baine abidia. A tuari lohiana ta ese ena hekokoroku baine laoa ahu; momokani, ma baine haloua ia latanai.
DAN 11:19 Bena talaina na ena tano korikori gabudia aukadia ma baine heni; a baine hetutuhi, baine hekida diho, bena ta ese basine davaria.
DAN 11:20 Bena tau ta baine tore isi, ia gabuna ai baine gini; una tau ese heaiva monina igwauraina tauna ta baine siaia lao, ena basileia kahadia herea-daedia iboudiai lalodiai; a dina hida hona baela, bena haida ese bae alaia, dia badu ai bona dia tuari ai.
DAN 11:21 Ia gabuna ai bonegita tauna ta e tore isi, pavapava dagina asie henia tauna; ia na baine gini lasi kava, boga-alaga herevadia amo basileia na baine abia.
DAN 11:22 Tuari oreadia na ia vairanai bae hedaro oho, bae karoho rohoroho, bona herohemaino lohiana danu.
DAN 11:23 Ia ida bae herohemaino negana amo, ia na baine kara koikoi; bena orea maragina ida baine goada.
DAN 11:24 Tano ena taḡa-herea gabudia ai baine hedinarai kava, bena tamana bona tubuna asie kara karadia baine kara, dadidadi bona henao kohudia bona ḡau idau-idau na bogaragidiai baine ḡiḡidia rohoroho. Gabu aukadia ihabua-taridia daladia baine lalo hata, a basine maivalo.
DAN 11:25 Bena tuari oreana badana amo ena siahu bona ena haheauka baine habadadia, diho kahana pavapavana ihadikana totona; bona diho kahana pavapavana danu tuari oreana bada-hereana bona goada-hereana amo baine tuari; a basine gini tutuka, badina be haida ese ia ihadikana totona bae henega bou.
DAN 11:26 Ena aniani gaiho-lia bae ani taudia ese danu bae hahekwakwanaia; ena tuari oreana baine hedaro oho, bona hutuma na ala-ala ai bae hekida diho.
DAN 11:27 A hari pavapava raruosi be kara dika bae uralai bada; pata tamona ai koikoi herevadia bae gwaurai, a anidia basie vara; badina be dokona be dohore, vada e gwauraia guna negana ai mo.
DAN 11:28 Bena ena tano korikori baine lou henia, mai taḡana ida; a lalona ese herohemaino helaḡana baine dadaraia. Ena ura baine karaia, bena ena tano korikori baine lou henia.
DAN 11:29 E gwauraia guna negana ai ia ma baine lou lao, diho kahana; a ina negana ai nega gunana heḡereḡerena ai basine vara lou.
DAN 11:30 Badina be Kitim lagatoidia na ia ihadikana totona bae mai henia; bena ia na baine gari, baine raka oho, mai baduna ida baine lou lao, herohemaino helaḡana ihadikana karadia baine kara. Baine lou lao, herohemaino helaḡana e rakataniamu taudia baine kamonai henidia.
DAN 11:31 lena tuari oreadia haida bae hedinarai, dubu bona ruma aukana bae hamirodia, bona ḡole-oho boubouna, e heni louloumu ḡauna, bae abia oho, bona ḡau dika-rohorohona, hahevahu ḡauna, bae haginia.
DAN 11:32 Herohemaino e hadikaiamu taudia na boga-alaga herevadia amo baine dibaganidia; a edia Dirava dibadia taudia na bae gini tutuka-tutuka, bona edia kara bae kara.
DAN 11:33 Aonega taudia hahidaosi taunimanima bogaragidiai e nohomu ese hutuma na bae hadibadibadia; ḡau tamona idia na dare bona lahi hururu-hururuna bona abi-mauri bona dadidadi amo bae dika, dina haida lalodiai.
DAN 11:34 Bae dika negana ai, idia ese hekaha taina bae davaria. Hutuma na ediai bae tao, mai edia boga-alaga herevadia ida;
DAN 11:35 aonega taudia haida bae hekida diho, ihanamodia bona ihaḡoevadia bona ihakurokurodia totona, ela bona nega dokona, badina be vada e gwauraia guna negana na do se kau.
DAN 11:36 Hanua pavapavana ese ena ura heḡereḡerena baine karaia; sibona baine heimodai, sibona baine heaḡi, dirava iboudiai daediai, bona hoa herevadia baine gwaurai, dirava edia Dirava latanai. Namona baine hesiriu, ela bona badu baine guguru; badina be vada e gwawaia hata karana do baine hekara.
DAN 11:37 Senena edia dirava eiava hahine e lalokau heniamu diravana na basine kamonai henidia; bona dirava idauna ta basine kamonai henia, badina be sibona baine heimodai, dirava iboudiai daediai.
DAN 11:38 Idia gabudia ai ia ese gabu aukadia diravana baine imodaia; senena asi dibadia diravana na goW bona silver, dava-bada nadidia bona davabada herahia gaudia, amo baine imodaia.
DAN 11:39 Gabu auka-hereadia baine hadareredia, dirava idauna ta ena hekaha dainai; bae abiabiraia taudia na ia ese baine imodaidia bada. Ia ese hut uma ilohiadia ai baine halaodia, bona dava bagunai tano baine haria.
DAN 11:40 Nega dokona ai, diho kahana pavapavana ese baine tuari henia; a mirigini kahana pavapavana ese baine heau henia, koe-hirihiri na heto, mai ena kariota bona ena hosi-gui taudia bona ena lagatoi momo ida; tano haida baine lao henidia, baine ha-utudia dae, ma baine hanai.
DAN 11:41 Tano herea-daena lalonai baine kau. Gerebu gerebu bae hekida diho, a ini na id imana amo bae roho mauri: Edom bona Moab bona Amono besena kahana badana.
DAN 11:42 Tano idau-idau ihadikadlia totona ia ese imana baine toia roro; Aigupto tanona danu basine roho mauri.
DAN 11:43 Aigupto ena dava-bada ḡaudia, gold bona silver ḡaudia bona ḡau namo-hereadia iboudiai, biagudia ai bainela; bena Libia bona Etiopia taudia ese ia bae ḡavaia.
DAN 11:44 A sivarai haida mairiveina kahana bona mirigini kahana amo baema, bae hagaria; bena ia na mai badu-ḡaraḡarana ida baine raka lasi, hutuma baine aladia ore bona baine habuadia tari helaoreana.
DAN 11:45 Ena kalaga herea-daedia na davara bona ororo helaḡana mai hairaina padadiai baine haginidia; ḡau tamona ena doko negana baine kau, una negana ai ta ese basine kahaia.
DAN 12:1 Una negana ai Mikael, emu bese ireḡuna lohiana badana, baine tore isi. Hekwakwanai negana ta baine vara; unuhetomana na nega glmadia ta ai se vara, basileia e hematama negana amo ema bona hari ela bona una nega baine kau. A una negana ai emu bese taudia na bae rauadia, buka ai ladadia vada e hetore taudia iboudiai.
DAN 12:2 Tano gahuna ai e mahutamu taudia hutuma na bae noga, haida mauri hanaihanai enai, ma haida hemarai bona hedadarai hanaihanai enai.
DAN 12:3 Bena aonega taudia na bae diari, guba kiama-kiamana na heto, bona hutuma kara maoromaoro dalana lalonai bae hakaudia vareai taudia na bae diari, hisiu na heheto, ela bona hanaihanai.
DAN 12:4 A oi, Daniel, hereva ba hunidia, bona buka ba koua kunuka-kunuka, ela bona dokona negana. Hutuma na bae heau lao heau mai, bona lalo-parara bae habadaia.
DAN 12:5 Bena lau, Daniel, na roha lao, tatau rarua ginidia ai na itadia, ta sinavai inikahana ai bona ta sinavai unukahana ai.
DAN 12:6 Bena dabua aukana e hahedokilaia bona sinavai ranudia daediai nohona tauna na nanadaia, nato, Nega ede daudauna bainela ela bona ini hoa karadia dokodia.
DAN 12:7 Bena dabua aukana e hahedokilaia bona sinavai ranudia daediai nohona tauna ese imana idibana bona laurina amo guba e dudui henia; bena na kamonai, ia na e noho hanaihanaimu Diravana ladana ai e gwau hamata, laḡani ta bona laḡani rua bona laḡani kahana baela, bena bese helaḡana ena siahu igigi-rohorohona baine ore negana ai, ini ḡau iboudiai anidia bae vara.
DAN 12:8 Hereva vada na kamonai, to lalogu se parara. Bena lau nato, Egu lohia e, ini ḡau amo dahaka baine vara?
DAN 12:9 Ia eto, Daniel e, emu dala ai a raka lao; badina be hereva vada hehehuni, vada e hekou kunuka-kunuka, ela bona dokona negana.
DAN 12:10 Hutuma na bae haheḡoeva, bae hahekurokuro, bae ḡoeva dae; a kara dika taudia do bae kara dika. Kara dika taudia ta lalona basine parara, a aonega taudia lalodia bae parara.
DAN 12:11 Bena ḡole-oho boubouna, e heni louloumu gauna, baine heabi oho, bona ḡau dika-rohorohona, e hahevahumu ḡauna, bae haginia, negana amo dina daha-ta sinahu-rua taurahanita-ahui do baela.
DAN 12:12 Baine henari noho ela bona dina daha-ta sinahu-toi toi-ahui ima bae ore tauna na namo.
DAN 12:13 A emu dala ai ba raka ela bona dokona, bena oi na do ba laḡa ani, bona doko dinadia ai na vada e gwaurai henimu gabuna ai do ba gini.
HOS 1:1 Ina na Iehova ena hereva, Hosea Be-eri enai e kau herevana, Iuda pavapavadia Usia bona Iotam bona Ahasa bona Hesekia bona Israel pavapavana Ieroboam Ioasa edia nega ai.
HOS 1:2 Iehova ese Hosea uduna amo e hereva matama negana ai, Iehova ese Hosea e hamaoroa, eto, Aola, ariara hahinena ta bavadavaia, bona ariara memerodia ba havaradia, badina be ina tano taudia e lebulebu hereamu, Iehova irakatanina ai.
HOS 1:3 Taunabunai ia na ela, Gomere, Diblaimi natuna hahinena, e abia; bena hahine na e rogorogo, natuna maruanena ta e abia.
HOS 1:4 Iehova ese e hamaoroa, eto, Ladana ba nemaia Iesrele; badina be asi vanahana lau ese Iehu iduhuna davana baina henia, Iesrele rarana dainai, bona Israel iduhuna basileiana baine ha-orea.
HOS 1:5 Una dina ai Israel ena peva baina hakwaidua, Iesrele kourana ai.
HOS 1:6 Hahine na e rogorogo lou, natuna kekenina ta e abia. Iehova ese Hosea e hamaoroa, eto, Ladana ba nemaia “Se bogaia hisimu”; badina be ina murinai lau ese Israel iduhuna taudia basina bogadia hisi, bona edia dika basina gwau tao, lasi ona lasi vaitani.
HOS 1:7 A Iuda iduhuna taudia baina bogadia hisi; lau Iehova, edia Dirava, sibogu ese baina hamauridia, dia peva eiava dare eiava tuari eiava hosi eiava hosi-gui taudia amo.
HOS 1:8 “Se bogaia hisimu” ese sinana ratana e rakatania murinai, hahine na ma e rogorogo lou, bena mero ta ma e abia.
HOS 1:9 Bena Iehova eto, Ladana ba nemaia “Dia lauegu bese”; badina be umui na dia lauegu bese bona lau na dia emui Dirava.
HOS 1:10 Ḡau tamona, Israel taudia na bae hutuma, kone mirina na heto, basie hahetohodia bona basie duahidia diba ḡauna. E hamaorodia “Umui na dia lauegu bese” gabuna ai, bae hamaorodia, baeto “Mauri Diravana natuna verina”.
HOS 1:11 Bena Iuda taudia bona Israel taudia na bae hahebou, ikwaradia tauna tamona bae gwauraia hidi. Bena tano amo bae dae lao, badina be Iesrele ena dina baine bada.
HOS 2:1 Tadikamamui ba hamaorodia, baoto “Egu bese”, bona taihumui ba hamaorodia, baoto “Hebogahisi vada e davaria”.
HOS 2:2 Sinamui ba noia, badina be ia na dia lau adavagu, bona lau na dia ia adavana; ba noia, ena ariara karadia na vairana amo baine atodia siri, bona ena heuda-hanai ratana padadia amo;
HOS 2:3 ena dabua iboudiai baina tapusi oho ena vara dinana ai e ga ae heḡereḡerena ai baina halaoa, tano ḡaḡaena bona tano kaukauna heḡereḡerena ai baina halaoa, bona ranu-mase amo baina alaia na garina.
HOS 2:4 Ia natuna danu basina bogadia hisi, badina be idia na ariara natudia.
HOS 2:5 Badina be sinadia ese ariara karadia vada e kara, e havaradia hahinena ese hemarai karadia vada e kara. Badina be ia eto: E ura henigumu taudia muridia amo bainala, idia ese aniani bona ranu e henigumu, egu mamoe huina bona egu varo aukana, egu dehoro bona egu inuinu ḡauna danu.
HOS 2:6 Taunabunai au ginigini amo baina maḡua ahu, ia ilao-ahuna maḡuna baina haginia, bena ena dala basine davaridia diba.
HOS 2:7 E ura heniamu taudia na baine gavadia, to basine lasidia tao; baine tahudia, to basine davaridia. Bena baineto: Lau na bainala, adavagu gunana baina lou henia, badina be una negana ai egu noho na namo, a harihari egu noho na dika.
HOS 2:8 Ia na asi dibana, uit bona vine ranuna bona dehoro na lau ese na henia; silver be lau ese na henia momomomo, bona gold danu, Baal e henia ḡauna.
HOS 2:9 Taunabunai, egu uit baina abia lou, ena nega ai, bona egu vine ranuna danu, ena hua ai; egu mamoe huina bona egu varo aukana, ia ihadabulaina ḡaudia, baina abidia oho.
HOS 2:10 Harihari lau ese baina hahemaraia, e ura heniamu taudia vairadiai; ta ese basine harohoa mauri, lau imagu nuana amo.
HOS 2:11 Ena moale idoinai baina hadokoa, ena aria, ena hua matamatadia bona ena dina helaḡadia, bona e gwaurai guna ariadia iboudiai danu.
HOS 2:12 Ena vine bona ena suke audia, e herevalaidia, eto “Lau davagu bini e ura henigumu taudia ese e henigu” ḡaudia na lau ese baina havahudia; uda ai baina halaodia, bena uda boromadia ese bae anidia.
HOS 2:13 Baal edia aria dinadia e badinadia dainai, lau ese baina hahisia; unu dinadia ai muramura mai bonana e gabu henidia, ena vaḡivaḡi bona ena herahera nadidia e heralai, e ura henia taudia muridia amo ela, a lau e lalogu boio. Iehova na e herevamu.
HOS 2:14 Taunabunai, a itaia, baina ha-uraia, tano ḡaḡaena ai baina hakaua lao, lalokau herevadia amo baina hereva henia.
HOS 2:15 Unuseni ai ena vine imeadia baina henia, bona Akoro Kourana na helaro iduarana ai baina halaoa. Unuseni ai danu ia na baine haere, ulatona negana ai heḡereḡerena, Aigupto tanona amo e raka lasi negana ai heḡereḡerena.
HOS 2:16 Iehova na e tomu, Una dina ai ba gwauraigu “Lau adavagu”, basio gwauraigu lou “Egu Baal”.
HOS 2:17 Badina be Baal ladadia na uduna amo baina abidia oho, ladadia basine hato lou.
HOS 2:18 Una dina ai baina haherohemui maino, umui bona uda boromadia bona atai manudia bona tano ai e raumu ḡaudia; bona peva, dare, tuari na tano ai baina hadokodia; bena mai mainomui ida ba hekure diba.
HOS 2:19 Maohenigu ai baina halaomui ela bona hanaihanai, oibe, maohenigu ai baina halaomui, kara maoromaoro ai bona hahemaoro ḡoevaḡoeva ai, lalokau ai bona hebogahisi ai.
HOS 2:20 Heabidadama ai maohenigu ai baina halaomui; bena Iehova vada ba dibaia.
HOS 2:21 Iehova na e tomu: Una dina ai guba baina haere henia, bena guba ese tanobada baine haere henia;
HOS 2:22 tanobada ese uit bona vine ranuna bona dehoro baine haere henidia, bena idia ese Iesrele bae haere henia;
HOS 2:23 tano ai ia baina hadoa lauegu. Bena “Se bogaia hisimu” na baina bogaia hisi; bona “Dia lauegu bese” baina hamaoroa, bainato “Oi na egu bese”, bona ia baineto “Oi na egu Dirava”.
HOS 3:1 Iehova ese ma e hereva henigu, eto, Ma baola, tau ta ese e eno henia bena ia ida e heuda hanai hahinena na ba ura henia, Iehova ese Israel taudia, dirava idaudia e haḡerediamu bona vine huahuadia kaukaudia manedia e ura henimu taudia, na e ura henidiamu heḡereḡerena.
HOS 3:2 Taunabunai, lau ese silver sekeledia gwauta-ima bona bali homere ta mai kahana amo na hoia.
HOS 3:3 Bena na hamaoroa, nato, Dina hoho adavagu ai baola, ariara karadia basio kara, idau tauna ta enai basiola; lau ese danu unu baina karamu toma.
HOS 3:4 Badina be Israel taudia na dina hoho bae noho, asi edia pavapava eiava edia lohia, asi edia boubou ḡauna eiava edia au-tubua, asi edia dabua helaḡana eiava edia kaivakuku.
HOS 3:5 Gabeamo, Israel taudia na bae lou, Iehova, edia Dirava, bona David, edia pavapava, bae tahudia; mai garidia ida Iehova mai ena hebogahisi ida bae lou henidia, dina gabedia ai.
HOS 4:1 Israel taumui e, Iehova ena hereva ba kamonai; badina be Iehova na mai ena hahebade, tano inoholaina taudia latadiai. Asi heabidadama bona asi hebogahisi ina tano ai, bona Dirava asi dibadia danu;
HOS 4:2 heuduguirai, koikoi, ala-ala, henao, heuda-hanai na mimia; ḡau ta asie laloamu; roroma murina murina.
HOS 4:3 Una dainai tano na e taitaimu, bona inoholaina taudia iboudiai na e manorimu, uda boromadia bona atai manudia danu; bona davara gwarumedia na e heabi ohomu.
HOS 4:4 Ta basine hepapahuahu, ta basine hahebade, badina be, hahelaḡa tauna e, egu hepapahuahu na oi ida.
HOS 4:5 Dina ai ba hetutuhi, hanuaboi ai peroveta tauna danu oi ida ba hetutuhi; bona lau ese sinamu baina alaia mase.
HOS 4:6 Asi edia lalo-parara dainai egu bese taudia vada e hebua tari, badina be oi ese lalo-parara vada o dadaraia dainai lau ese na dadaraimumu, egu hahelaḡa tauna daguna amo; bona emu Dirava ena taravatu vada o laloa boio dainai lau ese oi natumu baina lalodia boio.
HOS 4:7 Idia na e hutumava negana ai, idia ese lau e kara dika henigu bada danu; idia hairaidia na hemarai ai baina halaoa.
HOS 4:8 Egu bese taudia edia kara dika na edia aniani, edia kara havara na e ani mata ganiganimu.
HOS 4:9 Hahelaḡa tauna hanua taudia na heheḡereḡere; edia dala daidiai davadia baina henidia, edia kara daidiai ahudia baina henidia.
HOS 4:10 Idia na bae aniani, to bogadia basie kunu; ariara karadia bae kara, a besedia basie vara; badina be idia ese Iehova vada e rakatania, ariara karadia iabi-daedia totona.
HOS 4:11 Vine ranuna, ena be matamata, to ia ese lalo-parara e abia ohomu.
HOS 4:12 Egu bese taudia ese au amo e karaia ḡauna na e nanadaiamu, bona edia itotohi ese oru edia hereva e henidiamu. Badina be ariara karadia iura-henidia ese vada e hakaudia kerere; edia Dirava vada e rakatania, ariara karadia helaoreadia.
HOS 4:13 Ororo doridia ai boubou karadia e karamu, ororo komutadia ai boubou ḡaudia e hahelaḡadiamu, oak bona poplar bona terebinth audia henudiai, badina be unu au ikerukerudia na nanamo. Taunabunai, natumui hahinedia ese ariara karadia e karamu, bona ravamui hahinedia na e heuda hanaimu.
HOS 4:14 Natumui hahinedia ese ariara karadia e karamu eiava ravamui hahinedia na e heuda hanaimu negadia ai na matadia basina hakanidia; badina be tatau danu ariara hahinedia ida e raka sirimu, bona boubou ḡaudia e hahelaḡadiamu mai lebulebu karadia ida. Bese ta taudia bema asi edia lalo-parara, idia na bae dika vaitani.
HOS 4:15 Israel e, ena be ariara karadia o karamu, to Iuda na basioma hakererea. Gilgal ai basio raka vareai, Bet-avene ai basio dae kau; basio gwau hamata, basioto “Iehova na e maurimu heḡereḡerena”.
HOS 4:16 Boromakau hahinena e daḡedaḡemu na heto, Israel na e daḡedaḡemu. Harihari Iehova baine ubudia diba mamoe naluna rei gabuna badana lalonai na heto a?
HOS 4:17 Efraim na kaivakuku ediai e taomu; aine noho.
HOS 4:18 Idia na kekero oreana, ariara karadia e karamu; hemarai e ura henia badamu, hairaidia e ura henia maraḡimu.
HOS 4:19 Koe-hirihiri ese hanina lalonai vada e koedia, bena edia ihaboulaina patadia daidiai bae hemarai.
HOS 5:1 Hahelaḡa taumui e, ina hereva a kamonai! Israel iduhuna e, a hakala! Hanua pavapavana ena ruma taumui e, a kamonai! Badina be hahemaoro herevana na umui emui ai. Badina be umui na idoa Mispa ai, bona e otoa huona Taboro ororona ai.
HOS 5:2 Idia ese Sitim gurina vada e ḡeia dobu; a lau ese iboudiai matadia baina hakani.
HOS 5:3 Efraim na lau dibagu, bona Israel na egu amo se hehunimu. Efraim e, ariara karadia vada o kara dainai, Israel vada eme miro.
HOS 5:4 Edia kara ese e laodia ahumu dainai, edia Dirava basie lou henia diba; badina be lalodia ese ariara karadia e ura henimu, bona asi dibadia Iehova.
HOS 5:5 Israel ena hekokoroku ese e hahemaoro heniamu; Efraim na ena kerere ai baine hekwakwanai, Iuda danu idia iua bae hekwakwanai.
HOS 5:6 Mai edia mamoe bona edia nani seridia ida baela, Iehova itahuna totona, a basie davaria; ia na edia amo vada e raka oho.
HOS 5:7 Idia ese Iehova vada e koia; badina be idau hahinedia ediai natudia vada e havaradia. Hari hua matamatana ese baine habuadia, mai edia uma ida.
HOS 5:8 Gibea ai kibi ba hiriria, Rama ai danu ba hiriria; Bet-avene ai ba hone; Beniamina e, ba heude-heude!
HOS 5:9 Mata-hakani dinana ai Efraim baine hahevahu; Israel iduhudia bogaragidiai hereva momokanina na gwauraia hedinaraimu.
HOS 5:10 Iuda Iohiadia na tano hetoana e abia ohomu taudia heḡereḡeredia ai vada e hahelao; egu badu na latadiai baina seia dobi, ranu na heto.
HOS 5:11 Efraim na vada e daḡedaḡe henia, hahemaoro ai vada e taoa tari, badina be lalona e ha-aukaia, ḡau asi anidia baine ḡavadia.
HOS 5:12 Taunabunai lau na pitopito na heto Efraim enai, bona houkahouka na heto Iuda iduhuna enai.
HOS 5:13 Efraim sibona ese ena gorere e itaia bona Iuda sibona ese berona e itaia negana ai, Efraim na Asuria ela, hereva e siaia lao, hanua pavapavana badana enai; a ia ese basine hamaurimu diba, eiava beromu basine hanamoa diba.
HOS 5:14 Badina be lau na leona heḡereḡerena ai bainala Efraim enai, bona leona natuna heḡereḡerena ai Iuda iduhuna enai. Momokani, lau ese baina daredia, bena baina raka oho; baina heaulaidia oho, ta ese basine hamauridia.
HOS 5:15 Egu gabu baina lou henia, ela bona edia kerere bae gwaurai hedinarai, bona vairagu bae tahua; ela bona edia lalo-hisihisi ai bae tahugu, baeto,
HOS 6:1 Aoma, Iehova aita lou henia; badina be vada e dareda, baine hamaurida helaoreana; vada e botada, bena ia ese beroda baine kumidia.
HOS 6:2 Dina rua muridiai ia ese baine hamaurida; dina ihatoina ai ia ese baine hatoreda isi, ia vairanai baita mauri helaoreana.
HOS 6:3 Iehova baita dibaia, baguda baita hololai, ia baita dibaia helaoreana; ena raka vaira na momokani, daba na heto; ia na dekedai bainema sisimu na heheto, bona medu barokodia, tanobada e haparipariamu ḡaudia, na heheto.
HOS 6:4 Efraim e, ede baina karamu toma? Iuda e, ede baina kara henimu toma? Emui uraheni na daba orina na heto, eiava hunu, e puki haraḡamu ḡauna, na heto.
HOS 6:5 Taunabunai, peroveta taudia imadia amo vada na dapadia, udugu herevadia amo vada na aladia mase; egu hahemaoro na e lasimu, diari na heto.
HOS 6:6 Badina be hebogahisi na uramu, dia boubou karadia, Dirava idiba-ḡoevana, dia ḡole-oho bouboudia.
HOS 6:7 A Adam ai idia ese taravatu vada e tataia utu; unuseni ai idia ese vada e koigu.
HOS 6:8 Gilead na kara dika taudia edia hanua; vatagadia na mai raradia.
HOS 6:9 Dadidadi taudia ese tau ta e bani heniamu na heto, hahelaḡa taudia na e haheboumu; Sekem dalana ai idia ese taunimanima e roromadiamu, oibe, kara dika-hereadia e karamu.
HOS 6:10 Israel iduhuna ai ḡau dika-rohorohona ta vada na itaia, Efraim ena ariara karadia na unuseni ai; Israel vada e hahemiro.
HOS 6:11 Iuda e, oi danu, itaboromu negana vada e gwauraia guna. Egu bese taudia edia noho-namo bama havaraia lou nato negana ai,
HOS 7:1 Israel bama hamauria nato negana ai, Efraim ena kara havara e hedinaraiva, bona Samaria ena kara dika danu; badina be idia na e kara koikoimu; henao tauna ese ruma habana e dareamu bona dadidadi taudia na murimuri ai e dadidadimu.
HOS 7:2 To asie haeroamu lau ese edia kara dikadia iboudiai na lalodia taomu. Harihari edia kara ese e koudia heḡeḡemu; idia na lau vairagu ai.
HOS 7:3 Edia kara dika amo idia ese hanua pavapavana e hamoaleamu bona edia kara hedibaḡani amo hanua lohiadia danu e hamoalediamu.
HOS 7:4 Idia iboudiai na heuda-hanai taudia; idia na amu siahuna na heto; flaoa igabuna tauna ese lahi irakuna e hadokoamu, flaoa e kuiamu negana ela bona e tubumu negana.
HOS 7:5 Eda pavapava ena dina ai, hanua lohiadia na e kekero, vine ranuna siahuna dainai; ia ese ḡonaḡona taudia ida imana e toi roro.
HOS 7:6 Badina be amu na heto lalodia na edia lalo-hadai koikoidia amo e siahumu; hanuaboi idoinai edia badu na gida na heto, daba ai e hururumu, lahi hururu-hururuna na heto.
HOS 7:7 Iboudiai na e siahumu, amu na heto; idia ese edia lohia e ha-orediamu. Edia pavapava iboudiai vada e moru; idia ta ese se hahane henigumu.
HOS 7:8 Efraim na bese idau-idau taudia ida e heturamu, Efraim na se hurea hegiro atagana na heto.
HOS 7:9 Idau taudia ese ena goada e ha-oreamu, to asi dibana; huina vada e buruka, to asi dibana.
HOS 7:10 Israel ena heaḡi ese e habadelaiamu; ḡau tamona idia ese Iehova, edia Dirava, asie lou heniamu, ina idoinai vada e vara, to asie tahua.
HOS 7:11 Efraim na pune na heto, kavakava, bona asi darana; Aigupto e boi heniamu, Asuria e lao heniamu.
HOS 7:12 Laodia ai egu huo amo baina koudia, atai manudia na heheto baina hamorudia; matadia baina hakanidia, edia kara dika daidiai.
HOS 7:13 Idia madi! Badina be egu amo vada e raka oho, Madi ihabaidia! Badina be vada e daḡedaḡe henigu. Bama hamauridia, to idia ese koikoi herevadia na latagu ai e gwauraimu.
HOS 7:14 Idia ese lalodia amo asie tai henigumu, a edia mahuta ḡaudia latadiai e ḡanaḡanamu; uit bona vine-ranuna daidiai sibodia e heḡasimu, e daḡedaḡe henigumu.
HOS 7:15 Ena be lau ese na hadibadibadia bona imadia na ha-aukadia, to lau ihadikalaigu e lalo hatamu.
HOS 7:16 Idia ese Baal e haḡereamu; idia na koikoi pevana na heto. Edia lohia na dare ai bae mase, edia ere-daḡedaḡe dainai. Una dainai bae kirikirilaidia, Aigupto tanona ai.
HOS 8:1 Kibi a hiriria, badina be bogibada ta na Iehova ena dubu daenai, badina be egu gwauhamata asie badinaia, egu taravatu e tataia utu.
HOS 8:2 Idia ese e boi heigumu, e tomu, Egu Dirava e, ai Israel taumai dibamai oi.
HOS 8:3 Israel ese namo e dadaraiamu; inai taudia ese bae hahavaia.
HOS 8:4 Idia ese pavapava e hahelaḡadia, a dia lau daigu ai; lohia danu e haginidia, a lau be asi dibagu. Edia silver bona edia gold amo kaivakuku e karadia, idia sibodia ihabua-taridia.
HOS 8:5 Samaria e, emu boromakau natuna vada na dadaraiamu. Egu badu na e ḡaraḡaramu idia latadiai. Edena nega ai bae ḡoevaḡoeva, Israel lalonai?
HOS 8:6 Ima dibaka tauna ese e karaia; una na dia Dirava. Samaria ena boromakau natuna bae hamakohia rohoroho.
HOS 8:7 Badina be lai e havaraia, bena anina do bae abia, koe-hirihiri. Uit na vada e tubu, to asi adadia; anidia na basie dobi. Anidia bema dobi, idau taudia ese bema anidia ore.
HOS 8:8 Israel na vada e hadonoa, ina harihari idia na ḡau asi anina bese idau-idau bogaragidiai.
HOS 8:9 Badina be idia na Asuria vada e dae lao, uda donikina sibona e loa eva-evamu na heto; Efraim ese ariara hahinedia davadia vada e kara.
HOS 8:10 Ena be bese idau-idau bogaragidia amo idurudia taudia bae vatudia, to lau ese baina.butudia oho. Bena pavapava bona lohia ihahelaḡadia na bae hadokoa, ina nega sina ai.
HOS 8:11 Badina be Efraim ese ihaboulaina patadia vada e hahohodia, kara dika ikaradia totona; unu na kara dika ihaboulaina patadia ai vada ela, ia enai.
HOS 8:12 Ena be egu taravatu gerebu gerebu bama tore ia ena, to bema haerodia idau ḡau.
HOS 8:13 Boubou karadia e ura henidiamu, vamu e hahelagaiamu bona e aniamu, a Iehova ese se moalelaidiamu. Harihari ia ese edia kara havara baine laloa tao, bona edia kara dika davadia baine kara; idia na Aigupto bae lou lao.
HOS 8:14 Badina be Israel ese Ikarana Diravana vada e laloa boio, pavapava rumadia vada e haginidia, bona Iuda ese hanua mai maḡudia vada e hahohodia; a lau ese lahi baina siaia ena hanua latadiai, bena ena gabu aukadia baine aradia ore.
HOS 9:1 Israel e, basio moale, basio hisi dae, bese idau-idau taudia na heheto; badina be ariara karadia vada o kara, emu Dirava vada o rakatania. Ariara karana davana vada o ura henia, uit ikwadilaina gabudia iboudiai reireidia latadiai.
HOS 9:2 Uit ikwadilaina gabuna bona vine itaolaina gurina ese basie ubudia, bona vine-ranuna matamatana ai bae dabu.
HOS 9:3 Idia na Iehova ena tano ai basie noho; a Efraim taudia ese Aigupto tanona bae lou henia, bona idia ese aniani mai taravatudia bae ani Asuria ai.
HOS 9:4 Iehova uduna ahuna vine-ranuna basie bubua, bona edia boubou karadia amo basie hamoalea. Adia aniani na mase itailaina taudia adia heḡereḡerena ai bainela, bae ania taudia iboudiai na bae miro; badina be adia aniani na boga helaoreana mo, Iehova ena dubu ai basie vareailaia.
HOS 9:5 E gwauraia guna ariana dinana ai ede ba kara toma? Iehova ena aria dinana ai ede ba kara toma?
HOS 9:6 Badina be, a itaia, idia na Asuria e laomu; Aigupto ese baine haheboudia, Memefisi ese baine guridia. Ava hegarana ese edia silver ḡaudia herea-daedia bae habubunidia, au ginigini na edia kalaga ai bae vara.
HOS 9:7 Mata-hakani dinadia vada e kau, dava-abi dinadia vada e gini dae; Israel ese baine dibaia. Peroveta tauna na kavakava, bona lauma ese e roheamu tauna na kava, emu kara havara bada-herea bona emu daḡedaḡe bada-herea daidiai.
HOS 9:8 Peroveta tauna na Efraim, egu Dirava ena bese, igimana tauna, ḡau tamona, manu-tahu tauna ena idoa na ena dala iboudiai lalodiai, bona daḡedaḡe na ena Dirava ena dubu ai.
HOS 9:9 Idia na sibodia vada e hahemiro herea, Gibea dinadia heḡereḡeredia ai. Edia kara havara baine lalodia tao, edia kara dika davadia baine henidia.
HOS 9:10 Vine huahuadia tano ḡaḡaena ai na heheto, Israel unu na davaria toma. Suke au huahuana roboana, ena huahua laḡanina gini-gunana ai, senemui unu na itadia toma. A idia na Baal-peoro ela, sibodia e hahelaḡa Baal enai; bena vada e dika rohoroho, e ura henia ḡauna heḡereḡerena.
HOS 9:11 Efraim hairaina na baine roho oho, manu na heto; ta basine vara, ta basine rogorogo, ta basine haherogorogo.
HOS 9:12 Ena be natudia haida bae havaradia, to lau ese mase ai baina abidia oho, ela bona ta basine noho. Lau ese baina rakatanidia negana ai, idia na bae baia.
HOS 9:13 Efraim natuna vada na itadia, idia na damu ai baela; Efraim ese natuna baine hakaudia lasi, ala-ala enai.
HOS 9:14 Iehova e, ḡau ta ba henidia. Dahaka ba henidia? Mara-dika bogana bona rata asi anidia, unu na ba henidia.
HOS 9:15 Edia dika iboudiai na Gilgal ai, unuseni ai na inai henidia matama. Edia kara na dika rohoroho dainai, lau ese egu ruma amo baina luludia lasi; ina murinai basina ura henidia lou; edia lohia iboudiai na mai dagedagedia.
HOS 9:16 Efraim taudia na vada e rahudia mase, ramudia vada e marai, huahuadia basie dobi. Ena be natudia bae havaradia, to lau ese edia lalokau memerodia baina aladia mase.
HOS 9:17 Egu Dirava ese baine negedia daure, badina be idia ese asie kamonai henia; idia na bese idau-idau bogaragidiai bae loa kava loa kava.
HOS 10:1 Israel na rigi momo vinena, huahuana danu e dobimu. Huahuana e momo e laova negana ai ena ihaboulaina patadia ma e hahohodia; ena tano ena namo e bada e laova negana ai ena au-tubua danu ma e hanamodia.
HOS 10:2 Lalodia na mai koikoidia; harihari edia kerere davadia bae hua. Iehova ese edia ihaboulaina patadia baine ḡiḡidia dobi, bona edia au-tubua baine hagaridia.
HOS 10:3 Badina be harihari idia baeto: Ai na asi emai pavapava; badina be Iehova garina asia garimu, bona pavapava ta ese ede bema hanamomai toma?
HOS 10:4 Idia ese hereva asi anidia mo e gwuraimu, gwauhamata herevadia asi anidia amo e hegwau hamata hehenimu; taunabunai hahemaoro na e tubumu, hahemase avadia na uma dadairadia ai e tubumu na heto.
HOS 10:5 Samaria inoholaina taudia kudoudia e hetahamu, Bet-avene ena boromakau natuna dainai. Ena taunimanima ese bae taitailaia, ena hahelaḡa taudia, kaivakuku vairadiai hahelaḡa karadia e karamu taudia, na latanai bae tai heloḡo-heloḡo, vada e rakatania hairaina bae tailaia.
HOS 10:6 Oibe, ḡauna na Asuria bae huaia lao, heaiva ḡauna ai bainela, pavapava badana ena. Efraim na bae hahemaraia, bona Israel ese ena kaivakuku hemaraina baine hemarai.
HOS 10:7 Samaria pavapavana baine mase, au seana ranu kopina ai na heto.
HOS 10:8 Avene ena atai gabudia, Israel ena kara dika toadia, bae hebua tari. Edia ihaboulaina patadia latadiai au ginigini bona ava ḡiniḡini na bae tubu. Idia ese ororo bae hamaorodia, baeto “Ba ḡovamai ahu”, bona ororo komutadia bae noidia, baeto “Ba ḡorumai tao”.
HOS 10:9 Israel e, Gibea dinadia amo vada o kara dika; unuseni ai vada e kara dika loulou. Tuari ese Gibea ai basine lasidia tao a?
HOS 10:10 Gwau-edeede taudia baina vasi henidia, matadia ihakanidia totona; bona bese idauidau bae hahebou, idia ihadikadia totona; edia kara havara rua davadia bae abi negana ai.
HOS 10:11 Efraim na boromakau hahinena matamatana, e hamanadaia ḡauna; uit imoimoilaina e ura henia, bena aiona namona na bogaia hisi; a maduna auna na Efraim paḡana ai baina atoa kau, Iuda ese tano baine ruaia, bona Iakob ese sibona ena tano baine gaua.
HOS 10:12 Kara maoromaoro ba hadoa emui, hebogahisi huahuana ba utua, emui vahu tanona ba ruaia. Badina be ina na Iehova itahuna negana, ia bainema, hahemauri medu na heto latamui ai baine hadihoa helaoreana.
HOS 10:13 Kara havara vada o ruaia, hahemaoro gageva-gageva vada o utua, hereva koikoi huahuadia vada o ani. Badina be emui kariota vada o abidadama henidia, bona emui tuari taudia hutuma herea danu;
HOS 10:14 taunabunai tuari honedia na emui taunimanima bogaragidiai bae dae, bona emui kohoro iboudiai na bae hebua tari, tuari dinana ai Salamana ese Bet-arabele e habuaia tari na heto; una dina ai hahine mai natudia ida e huaridia patapata.
HOS 10:15 Israel taumui e, unu bae karamui toma, emui kara dika bada-herea dainai. Daba rere ai Israel pavapavana na baine henege daure vaitani.
HOS 11:1 Israel merona negana ai lau ese na lalokau henia, bona natugu na Aigupto amo na boiria lasi.
HOS 11:2 Egu boiboi na ediai na habadaia, to idia ese edia raka-muri e habadaia; Baal itomadiho-henidia asie hadokoa, bona muramura mai bonadia e gabu, kaivakuku vairadiai.
HOS 11:3 Ḡau tamona, lau ese Efraim taudia na raka na hadibalaidia, imagu ai na rosidia, to asie diba lau ese vada na hamauridia.
HOS 11:4 Hebogahisi varodia bona lalokau iḡuidia amo na hakaudia; lau na maduna aukidia amo e abia ohomu tauna heḡereḡerena ai nala; na igo diho henidia, na ubudia.
HOS 11:5 Idia ese Aigupto tanona bae lou henia, Asuria na edia pavapava ai bainela, badina be asie ura bae lou henigu.
HOS 11:6 Dare ese edia hanua baine ala-ala henidia, bona edia ikoukou auridia baine ha-oredia; idia danu baine ha-oredia edia kohoro ai.
HOS 11:7 Egu bese taudia ese lalodia e ha-aukamu, bae rakatanigu e tomu; una dainai maduna vada e hegwaurai edia, bona ta ese basine abia oho.
HOS 11:8 Efraim e, ede baina kahumu nege toma? Israel e, haida imadia ai ede baina atomu toma? Ad.na heḡereḡerena ai ede baina halaomu toma? Seboimi heḡereḡerena ai ede baina kara henimu toma? Lalogu ese UilU e dadaraimu; egu hebogahisi na e bada e laomu.
HOS 11:9 Egu badu ḡaraḡara basina halasia, Efraim basina habuaia tari lou. Badina be lau na Dirava, dia taunimanima; lau na Helaḡa Diravana umui bogaragimui ai, hahebua-tari totona basina vasi.
HOS 11:10 Idia ese Iehova na bae gavaia, ia na leona na heto baine gou; oibe, ia na baine gou, bena natuna na lahara kahana amo baema mai kudou-hetahadia ida;
HOS 11:11 mai kudou-hetahadia ida Aigupto amo baema, manu na heheto, Asuria tanona amo baema, pune na heheto; bena ma baina haloudia, edia noho gabudia korikori baela. Iehova na e herevamu.
HOS 11:12 Efraim ese koikoi amo vada e haheḡegegu dae bona Israel iduhuna ese danu hedibaḡani amo; a Iuda na Dirava ese doini e dibaiamu, ia na Helaḡa Diravana enai e taomu.
HOS 12:1 Efraim ese lai e reḡuamu, bona laurabada e gavaia loamu, dina idoinai. Idia ese koikoi bona daḡedaḡe e habadadiamu, Asuria ida e herohe mainomu, bona dehoro na Aigupto e laohaiamu.
HOS 12:2 Iehova na mai ena hahebade Iuda latanai, bona Iakob matana baine hakania, ena dala heḡereḡeredia, bona davana baine henia, ena kara heḡereḡeredia.
HOS 12:3 Sinana bogana ai ia ese kakana ae-geduna e dogoa tao, bona tau-badana ai ia na Dirava ida e hedaverai.
HOS 12:4 Aneru ida e hedaverai, bena e kwalimu; e taitai, ena lalo-namo e noinoilaia. Betele ai ia na Dirava ida e hedavari, unuseni ai Dirava na ia ida e hereva;
HOS 12:5 Iehova, tuari oreadia edia Dirava, ia ladana na Iehova.
HOS 12:6 Taunabunai, Dirava ena hekaha ai a lou, lalokau bona hahemaoro ḡoevaḡoeva ba dogodia tao, bona emu Dirava ba naria tarika-tarika.
HOS 12:7 Hoihoi tauna, metau ihahetohona ḡauna koikoina na imana ai tauna ese taunimanima ihahisihisidia e uramu.
HOS 12:8 Efraim eto “Momokani, to lau vada na taga, kohu momo vada na habou egu”. Ḡau tamona ena taḡa idoinai ese ena kerere basine rohoa.
HOS 12:9 Aigupto tanona amo lau na Iehova, emui Dirava; kalaga ai baina hanohomui lou, e gwaurai ariadia dinadia ai heḡereḡerena.
HOS 12:10 Peroveta taudia na hereva henidia; mata-hanai na hahohodia, bona peroveta taudia ududia amo sivarai heḡereḡeredia na heni.
HOS 12:11 Bema kara havara na Gilead ai mia, idia na momokani bae baia; bema Gilgal ai boromakau mamaruanedia e hahelagadiamu, edia ihaboulaina patadia na nadi senudia ai baela, uma dadairadia ai e habou nadi senudia na heheto.
HOS 12:12 (Iakob na Aram tanona e heau lao, unuseni ai Israel na hesiai karadia e karava, adavana idavalaina, adavana iabina totona mamoe e regudiava.)
HOS 12:13 Peroveta tauna imana amo Iehova ese Israel na Aigupto tanona amo e hakaua lasi; bona peroveta tauna imana amo ia ese e hamauria.
HOS 12:14 Efraim vada e daḡedaḡe dikadika, taunabunai ena Ḡaubada ese rara ihahebubuna gwauna na ia latanai baine hamiaia, bona ena maumau na ia latanai ma baine halou henia.
HOS 13:1 Efraim e hereva negadia ai, taunimanima na e heude-heude; Israel ai idia ese ia e imodaia, a Baal dainai e kerere, bena e mase.
HOS 13:2 Harihari idia ese edia kara dikadia e hahohodiamu, bona edia kaivakuku na e hahetaria aurina amo e karadiamu; kaivakuku na silver amo e karadiamu mai ima-idibakadia ida, iboudiai na ima-idibakadia taudia ese e karadiamu. Idia na e tomu “Ini na ba boudia”. Taunimanima ese boromakau natudia laulaudia e harahudiamu.
HOS 13:3 Taunabunai, idia na daba ninoana heḡereḡerena ai baela, eiava e puki haraḡamu hununa heḡereḡerena ai; uit ikwadilaina gabuna amo e heoda ohomu momona na heto, eiava kwalahu gaba-mauru amo e lasimu na heto.
HOS 13:4 Aigupto tanona amo lau na Iehova, emui Dirava. Dirava ta asi dibamui, lau mo; asi ihamaurimui ta, lau mo.
HOS 13:5 Tano ḡaḡaena ai na dibamui, medu se dihova tanona ai;
HOS 13:6 a e ani lava dae negana ai bogadia e kunu, bena e hekokorokuva; taunabunai e lalogu boio.
HOS 13:7 Una dainai lau ese baina kara henidia leona na heto; taiga na heto dala isena ai baina bani tao.
HOS 13:8 Bea, natuna vada e henaodia ḡauna, na heto, latadiai baina roho kau, kemedia baina daredia. Unuseni ai baina ha-oredia leona na heto, uda boromana ese bema daredia na heto.
HOS 13:9 Israel e, baina habuamu tari; daika ese baine durumu?
HOS 13:10 Harihari emu pavapava na edeseni ai, bona ede baine hamaurimu toma? Emu lohia iboudiai na edeseni ai, bona ede bae gimamu toma? Umui ese o herevalaidia, oto “Pavapava ta bona lohia haida ba henimai”, taudia na edeseni ai?
HOS 13:11 Egu badu ai pavapava haida vada na henimui, bona egu badu ḡaraḡara ai ma vada na abidia oho.
HOS 13:12 Efrai ena kara havara na vada e kumia, ena kara dika na vada e koua.
HOS 13:13 Sinana e hekamonaimu, to ia na kavakava merona, ena vara negana vada e kau to sinana bogana amo se lasimu.
HOS 13:14 Mase gabuna amo baina rauadia a? Mase amo baina hamauridia a? Mase e, emu hahehisi be edeseni ai? Mase gabuna e, emu hahebua-tari be edeseni ai? Hebogahisi na matagu amo vada eme hehuni.
HOS 13:15 Ena be tadikaka bogaragidiai bema bada oho bada oho, to laurabada, Iehova ena lai, bainema, tano ḡaḡaena amo baine toa; ela bona ranuna basine helohilohi, bona ena ranu gabuna baine kororo; ena habou-habou rumana lalona amo ḡau hereadia iboudiai baine ha-oredia.
HOS 13:16 Samaria ese ena kerere davana baine huaia, badina be ia ese ena Dirava vada e daḡedaḡe henia; idia na dare ai bae mase, natudia maraḡidia na bae huaridia patapata, bona edia rogorogo hahinedia na bae dapadia parara.
HOS 14:1 A Israel e, Iehova, emu Dirava, ba lou henia, badina be vada o hekwakwanai, emu kara havara daidiai.
HOS 14:2 Mai herevamui ida baola, Iehova ba lou henia; ba hamaoroa, baoto: Kara havara iboudiai bavabi oho; ḡau namona bavabia dae; bena bibinamai anidia baia henimu.
HOS 14:3 Asuria ese basine hamaurimai, hosi ai basia gui; bona imamai amo a kara ḡaudia basia hereva henidia lou, basiato “Emai Dirava”. Oiemu ai ihareha ese hebogahisi e davariamu.
HOS 14:4 Edia kara-hebeatai baina abi oho, egu ura-kwalimu ai baina lalokau henidia, badina be egu badu na edia amo vada e siri.
HOS 14:5 Lau na hunu heḡereḡerena ai bainala, Israel enai, ia na baine gara kau, sosana herahe-rana na heto; ramuna na tano ai bae diho, Lebanon audia na heheto;
HOS 14:6 ia tuhutuhuna bae idia roro; ia hairaina na olive hairaina heḡereḡerena ai baine hahelao, bona bonana na Lebanon bonana heḡereḡerena ai bainela.
HOS 14:7 Idia na bae lou mai, lau ikerukerugu ai bae noho; bae tubu, uma ḡaudia na heheto. Idia na bae huahua, vine auna na heto; bonadia bae dae, Lebanon vine-ranuna na heto.
HOS 14:8 Efraim e, lauegu ḡaukara kaivakuku ediai be dahaka? Lau ese na haere henimumu bona na gimamumu. Lau na beroso auna, rauna se hehuhumu ḡauna, na heto; huahuamu na lauegu amo e varamu.
HOS 14:9 Daika mai aonegana, ia ese ini ḡau baine lalo davari. Daika mai lalo-pararana, ia ese baine dibadia. Badina be Iehova ena dala na mamaoro-mamaoro; kara maoromaoro taudia na lalodiai e rakamu, a kara kerere taudia na lalodiai e hekwakwanaimu.
JOE 1:1 Iehova ena hereva Ioel Petuel enai e kau. Ini e gwau toma:
JOE 1:2 Iahu e, ina na a kamonai! Tano inoholaina taumui iboumui ai, taiamui a hakala! Umui emui nega ai eiava tamamui edia nega ai kara inihetomana vada e vara a?
JOE 1:3 Natumui ba hamaorolaidia, bena idia ese natudia ma bae hamaorolaidia, gabeai unu natudia ese uru ta ma bae hamaorolaidia.
JOE 1:4 Rau-ani kwadidia ese e rakatani ḡaudia na kwadi tabatabadia ese vada e ani; bona kwadi tabatabadia ese e rakatani ḡaudia na roho kwadidia ese vada e ani; bona roho kwadidia ese e rakatani ḡaudia na hahevahu kwadidia ese vada e ani.
JOE 1:5 Kekero taumui e, a noga, ba taitai; vine ranuna o inumu taumui, ba tai lolololo; vine ranuna gaihona dainai ba tai, badina be udumui amo vada eme heabi oho.
JOE 1:6 Badina be bese ta vada e tore isi, lauegu tano ihadikana totona, mai siahudia bona diaḡau; isedia na leona isedia na heheto, gadigadidia na leona hahinena gadigadina na heheto.
JOE 1:7 Egu vine audia vada e havahudia, egu suke audia vada e hakwaidudia; kopidia vada e vakadia oho, vada e negedia dobi; rigidia vada e hakurokurodia.
JOE 1:8 Ba taitai, hane-ulato rami-hebouna na heto; puse dabuana e rioamu, maohenina taina e taimu.
JOE 1:9 Flaoa boubouna bona inuinu boubouna ḡaudia na Iehova ena dubu amo vada eme heabi oho. Helaḡa taudia, Iehova ena hesiai taudia, na e taitaimu.
JOE 1:10 Biru gabudia vada e vahu, tano na e taimu; badina be uit vada e dika vaitani, vine ranuna e oremu, dehoro na e-dodomu.
JOE 1:11 Biru taumui e, daramui bae doko; vine ireḡudia taumui e, ba tai; uit bona bali daidiai, uma anidia vada e dika dainai.
JOE 1:12 Vine auna e maraimu, suke auna e kakoromu; rimono, pamu, apolo, bona imea audia iboudiai e maraimu; bona moale e oremu taunimanima natudia ediai.
JOE 1:13 Hahelaḡa taumui e, puse dabuadia ba rio, ba tai; ihaboulaina patadia ireḡudia taumui e, ba tai lolololo. Egu Dirava isiaina ilao-henina taumui e, a raka vareai, mai puse dabuamui, ba noho rani. Badina be flaoa boubouna bona inuinu boubouna ḡaudia na emui Dirava ena dubu amo vada e herumu.
JOE 1:14 Anivaga ta ba hahelagaia; hebou helaḡana ta ba boilaia. Hanua tau-badadia ba haboudia, bona tano inoholaina taudia iboudiai danu; Iehova, emui Dirava, ena dubu ai bae hahebou, Iehova bae tai henia.
JOE 1:15 Dina madi ihabaina! badina be Iehova ena dina vada eme kahikahi; hahebua-tari, Siahu-idoinai Diravana ena amo, unu e mai tomamu.
JOE 1:16 Aniani na ita vairada amo vada eme heabi oho ani? Moale bona lalo-namo na eda Dirava ena dubu amo vada eme heabi oho ani?
JOE 1:17 Uhe na tano baruadia henudiai e masemu; habou-habou rumadia vada e ḡaḡae; roge vada e dika, badina be uma na asi anidia.
JOE 1:18 Ubu-ubu ḡaudia na e ḡanaganamu, boromakau seridia na e daradaramu, badina be asi adia rei; mamoe seridia danu kudoudia e hetahamu.
JOE 1:19 Iehova e, lau oi na tai henimumu; badina be tano ḡaḡaena ena rei gabudia na lahi ese vada e aradia ore; bona tano paka audia iboudiai na lahi hururu-hururuna ese vada e aradia.
JOE 1:20 Uda boromadia ese danu oi e tai henimumu, badina be sinavai-sinavai vada e kororo, bona tano ḡaḡaena ena rei gabudia na lahi ese vada e aradia ore.
JOE 2:1 Siona ai kibi ba hiriria; egu ororo helaḡana ai ba hone! Tano inoholaina taudia bae heude-heude, badina be Iehova ena dina vada e maimu, vada eme kahira-kahira,
JOE 2:2 dibura bona gabola dinana, dagadaga bona dibura masemase dinana! Bese badana mai siahuna ida ororo ai e da'ania, dagadaga na heto; nega gunadia amo idia heḡereḡeredia haida asie hedinarai, bona idia muridiai danu heḡereḡeredia haida basie hedinarai, uru iboudiai lalodiai.
JOE 2:3 Idia vairadiai lahi na e heara oremu, bona muridiai lahi hururu-hururuna na e hearamu. Vairadiai tano ita-itana na Eden imeana na heto, a muridiai tano na e gagaemu, e vahu vaitanimu, ḡau ta idia imadia amo se roho maurimu.
JOE 2:4 Oromadia na hosi oromadia heḡereḡeredia, bona e heaumu, tuari hosidia na heheto.
JOE 2:5 Mai reḡedia, kariota reḡedia na heheto, ororo doridia ai e rohomu; lahi hururu-hururuna ese rei e araiamu na heto, tuari oreana mai goadana tuari totona e gini heḡaeḡaemu na heto.
JOE 2:6 Idia vairadiai taunimanima na hisihisi ese e gugubadiamu, vaira iboudiai e laboradia gugurumu.
JOE 2:7 Tuari taudia na heheto e heaumu, tuari taudia na heheto maḡu e dada daemu. Ta ta ena dala ena dala ai e rakamu, edia dala amo asie raka sirimu.
JOE 2:8 Asie raka hesede-hesedemu, ta ta ena dala ena dala ai e rakamu; tuari lalonai e tata vareaimu, ta ese se ginidia ahumu.
JOE 2:9 Hanua latanai e roho kaumu, hanua maḡuna e heau heniamu; ruma lalodiai e dada daemu, gaba mauru amo e rau vareaimu, henao tauna na heto.
JOE 2:10 Idia vairadiai tano e lagamu, bona guba e heude-heudemu. Dina bona hua e diburamu, hisiu na asie nakamu.
JOE 2:11 Iehova gadona e hadaeamu, ena tuari oreana vairanai, badina be ena tuari oreana na bada herea; ena hereva anina e havaraiamu tauna na mai siahuna. Badina be Iehova ena dina na dina badana mai garina; ia lalonai daika baine haheauka diba?
JOE 2:12 Iehova na e tomu: ina harihari lau dekegu ai a lou mai, mai lalomui idoidiai ida, bona mai anivagamui, mai taimui, mai ganaganamui ida;
JOE 2:13 Ialomui hari ba daredia, dia dabuamui. Iehova, emui Dirava, ba lou henia, badina be ia na mai ena harihari-bada bona mai ena hebogahisi. ia na badu ai e halahemu, bona ena lalokau na bada herea, bona kara dika amo e helalo kerehaimu.
JOE 2:14 Daika dibana, reana ia na baine helalo kerehai lou, bona hahenamo na ia murina kahana ai baine rakatania, flaoa boubouna bona inuinu boubou ḡaudia, Iehova, emui Dirava, ena.
JOE 2:15 Siona ai kibi ba hiriria, anivaga ta ba hahelaḡaia; hebou helaḡana ta ba boilaia,
JOE 2:16 taunimanima ba haboudia. Hebou taudia ba hahelagadia, hanua tau-badadia ba haboudia; memero kekeni ba gogodia, rata e inumu memerodia danu. Headava matamata tauna ese ena daiutu baine rakatania, headava matamata hahinena danu ena daiutu amo baine raka lasi.
JOE 2:17 Iduara dehena bona ihaboulaina patana padadiai hahelaḡa taudia, Iehova ena hesiai taudia, na bae tai, baeto: Iehova e, emu orea taudia ba bogadia hisi, dihimu basio hahemaraia, gwaurai-gwaurai herevana ai basio halaoa, bese idau-idau bogaragidiai. Dahaka dainai bese idau-idau bogaragidiai baeto “Edia Dirava be edeseni ai?”
JOE 2:18 Bena Iehova na e vageḡe, ena tano dainai, ia ese ena orea taudia e bogadia hisi.
JOE 2:19 Iehova na e haere, ena orea taudia e hamaorodia, eto: A itaia, uit bona vine ranuna bona dehoro na siaidia vasimu, bena bogamui do bae kunu; bona basina hahemaraimui lou, bese idau-idau bogaragidiai.
JOE 2:20 Mirigini kahana tauna na emui amo baina abia oho dauhai, tano kaukauna, tano deḡedeḡena-rahu ai baina lulua lao; ena vaira oreana na laurabada kahana davarana ai, bona ena muri oreana na lahara kahana davarana ai, baina luludia lao. Ia bonana dikana bona bodagana na baine dae, badina be ia ese kara badadia vada e kara.
JOE 2:21 Tano e, basio gari; ba moale, ba hisi dae; badina be Iehova ese kara badadia vada o kara.
JOE 2:22 Uda boromadia e, basio gari; badina be tano ḡaḡaena ena rei gabudia ai rei matamata e tubumu; au huahuadia e dobimu, suke auna bona vine auna anidia e vara badabadamu.
JOE 2:23 Siona natuna verina e, ba moale! Iehova, emui Dirava, ba moalelaia! Badina be ia ese medu gunadia vada e heni, umui ihamomokanimui totona; medu barokodia na latamui ai vada e hadiho, medu gunana bona medu gabena, nega gunadaia heḡereḡeredia.
JOE 2:24 Uit ikwadilaina gabudia ai na uit ai bae honu, vine ranuna bona dehoro na hodu amo bae hepurai dobi.
JOE 2:25 Kwadi tabatabadia, roho kwadidia, hahevahu kwadidia, rau-ani kwadidia, egu tuari oreana badana, bogaragimui ai na siaia vasi oreana, ese e ani ore laḡanidia na lau ese ma baina henimui lou.
JOE 2:26 Bavani lava dae, bogamui bae kunu, Iehova, emui Dirava, ladana ba imodaia; ia ese hoa karadia vada e karalai henimui. Egu orea taudia na nega ta ai ma basie hahemaraidia lou.
JOE 2:27 Ba diba, lau na Israel bogaraginai, lau, Iehova, na emui Dirava, idauna ta na lasi. Egu orea taudia na nega ta ai ma basie hahemaraidia lou.
JOE 2:28 Nega gabena ai ina na baine vara: lau laumagu baina seia dobi taunimanima iboudiai latadiai; bena natumui mamaruanedia bona hahinedia do bae peroveta; emui iahu bae nihi, bona emui eregabe bae mata hanai.
JOE 2:29 Unu dinadia ai hesiai taudia bona hesiai hahinedia latadiai danu laumagu do baina seia dobi.
JOE 2:30 Toa ḡaudia danu baina hahedinaraidia, guba ai bona tanobada ai, rara bona lahi bona kwalahu tubu-daena.
JOE 2:31 Dina do baine dibura, hua na rara ai bainela, Iehova ena dina badana mai garina ida do basine kau ai.
JOE 2:32 Bena Iehova ladana bae hahanea taudia iboudiai na bae mauri, badina be Siona ororona ai bona Ierusalem ai haida na bae roho mauri, Iehova ena hereva heḡereḡerena; bona unu roho-mauri taudia bogaragidiai Iehova ese e vavedia taudia danu bae noho.
JOE 3:1 A itaia, Iuda bona Ierusalem baina hanamodia lou negana ai, unu dinadia ai bona una negana ai
JOE 3:2 lau ese bese iboudiai baina haboudia, Iehosafat ena koura lalonai baina hakaudia diho. Unuseni ai lau ese baina hahemaoro henidia, egu bese taudia daidiai, bona dihigu Israel dainai; badina be idia na vada e karoho rohoroho bese idau-idau bogaragidiai, bona egu tano vada e haria;
JOE 3:3 mari vada e kara, egu bese taudia iabidia; mero ta vada e heni, ariara hahinena davana; bona kekeni ta vada e hoia, vine ranuna davana, bena una vine ranuna vada e inua.
JOE 3:4 Turo bona Sidono bona Filistia kahadia iboudiai, umui be dahaka lauegu ai? Egu kara ta davana egu ai o halouamu a? Bema dava ta o halouamu, lau ese emui kara davana na kwaramui ai ma baina haloua haraga-haraga.
JOE 3:5 Badina be umui ese egu silver bona egu gold vada o abi, bona egu kohu namo-hereadia na emui dubu lalodiai vada o huadia vareai.
JOE 3:6 Iuda bona Ierusalem taudia vada o hoidia, Helene taudia ediai; edia tano amo vada o abidia oho dauhai.
JOE 3:7 A harihari lau ese o ha hoidia gabudia lalodiai baina haraiva-raivadia, bona emui kara davana na kwaramui ai baina haloudia.
JOE 3:8 Natumui mamaruanedia bona hahinedia na lau ese baina hoidia Iuda garana imadia ai; bena idia ese Sabea taudia ediai ma bae ha hoidia, dauhai e nohomu besena taudia ediai; badula be Iehova vada e hereva.
JOE 3:9 Bese idau-idau bogaragidiai ini ba gwau toma: Tuari ba hegaegaelaia, goada taudia ba haraiva-raivadia. Tuari taudia iboudiai na bae raka kahi mai, bae dae baema.
JOE 3:10 Emui ruarua auridia na dare ba karalai, bona emui ilapa na io ba karalai; bena manoka tauna baineto “Lau na tuari taugu”.
JOE 3:11 Aoma haraga-haraga, heḡeḡe-madai besedia iboumui ai; unuseIli ai ba hahebou. Iehova e, emu tuari taudia ba hakaudia diho.
JOE 3:12 Bese idau-idau bae tore tore isi, bae dara dae, Iehosafat ena koura baema; badina be unuseni ai baina helai, heḡeḡe-madai besedia iboudiai baina hahemaoro henidia.
JOE 3:13 Ba lapa lapa, badina be uit iutuna negana vada e kau. A raka vareai, ba moi tao moi tao; badina be vine itaolaina gabuna vada eme honu. Uro anidia e hepurai dobimu, badina be edia dika na bada herea.
JOE 3:14 Hutuma, hutuma herea, lalo-davari kourana ai! Badina be Iehova ena dina vada eme kahira-kahira, lalo-davari kourana ai!
JOE 3:15 Dina bona hua na e diburamu, bona hisiu na asie nakamu.
JOE 3:16 Iehova na Siona amo e lolomu, Ierusalem amo e herevamu, bena guba bona tanobada e heude-heudemu. A Iehova na ena bese taudia edia roho-mauri gabuna, Israel taudia edia gabu aukana.
JOE 3:17 Taunabunai umui ba diba lau na Iehova, emui Dirava; Siona ai, egu ororo helaḡana ai, na nohomu. Ierusalem do baine helaga, bona idau taudia ese basie rakaia hanai lou.
JOE 3:18 Una dina ai vine ranuna gaihona na ororo amo baine hetuturu dobi, bona ororo komutadia ai rata baine aru, bona Iuda koupadia iboudiai lalodiai ranu baine aru; Iehova ena dubu amo ranu baine lohilohia, Sitim kourana baine haranua.
JOE 3:19 Aigupto baine vahu, bona Edom baine ḡaḡae vaitani, Iuda taudia na e daḡedaḡe henidia dainai; badina be asi edia kerere taudia raradia na edia tano ai e hahebubu.
JOE 3:20 A Iuda na bae noholaia hanaihanai, bona Ierusalem danu ela bona uru iboudiai.
JOE 3:21 Raradia davadia baina abi, bona kerere taudia na maorodia basina gwaurai; badina be Iehova na Siona ai e nohomu.
AMO 1:1 Amos, Tekoa mamoe ireḡudia taudia ta, ena hereva, Israel dainai e ita ḡaudia herevadia, Usia, Iuda pavapavana, bona Ieroboam loasa, Israel pavapavana, edia nega ai, laḡani rua dounu mimia ema bona tano-laga e kau negana ai.
AMO 1:2 Ia eto: Iehova na Siona amo e lolomu, Ierusalem amo e herevamu; mamoe ireḡudia taudia edia rei gabudia na e kakoromu, Karamele ororona dorina na e maraimu.
AMO 1:3 Iehova ini e gwau tomamu: Damasko ena kerere toi bona hani daidiai, lau ese ena dika davana ihenina basina gwaua tao; badina be idia ese Gilead vada e kwadia, uit na heto, edia kwadikwadi ḡaudia na auri ḡaudia.
AMO 1:4 Taunabunai lau ese lahi ta baina siaia Hasaele ena ruma latanai, una lahi ese Ben-hadad ena gabu aukadia baine aradia ore.
AMO 1:5 Damasko ena ikoukou auridia baina hakwaidudia, Avene Kourana inoholaina taudia na baina negedia daure, bona dagi auna e dogoa taomu tauna na Bet eden amo baina abia oho, bona Suria taudia na dauhai baina hanohodia, Kiri tanona ai. Iehova na e herevamu.
AMO 1:6 Iehova ini e gwau tomamu: Gasa ena kerere toi bona hani daidiai, lau ese ena dika davana ihenina basina gwaua tao; badina be idia ese bese ta taunimanimadia iboudiai na dauhai vada e hanohodia, Edom imana ai bae atodia helaoreana.
AMO 1:7 Taunabunai lau ese lahi ta baina siaia, Gasa maḡuna latanai, una lahi ese ena gabu aukadia baine aradia ore.
AMO 1:8 Asdod inoholaina taudia na baina negedia daure, bona dagi auna e dogoa taomu tauna na Askelono amo baina abia oho; imagu baina pala henia Ekron ihadikana, bona Filistia kwabukwabudia na bae mase ore. Ḡaubada Iehova na e herevamu.
AMO 1:9 Iehova ini e gwau tomamu: Turo ena kerere toi bona hani daidiai, lau ese ena dika davana ihenina basina gwaua tao; badina be idia ese bese ta taunimanimadia iboudiai na Edom imana ai e atodia, bona asie laloa tao, tadikaka vada e hegwauhamata heheni.
AMO 1:10 Taunabunai lau ese lahi ta baina siaia, Turo maḡuna latanai, una lahi ese ena gabu aukadia baine aradia ore.
AMO 1:11 Iehova ini e gwau tomamu: Edom ena kerere toi bona hani daidiai, lau ese ena dika davana ihenina basina gwaua tao; badina be ia ese tadina na dare amo e hahavaia, bona hebogahisi e negea vaitani; ena badu na e siahu loulou, ena badu ḡaraḡara na e dogoa tao hanaihanai.
AMO 1:12 Taunabunai lau ese lahi ta baina siaia, Teman latanai, una lahi ese Bosra ena gabu aukadia baine aradia ore.
AMO 1:13 Iehova ini e gwau tomamu: Amono taudia edia kerere toi bona hani daidiai, lau ese edia dika davana ihenina basina gwaua tao; badina be idia ese rogorogo hahinedia vada e dapadia parara Gilead ai, edia tano hetoana bae habadaia totona.
AMO 1:14 Taunabunai, lau ese lahi ta baina ha-araia Raba maḡuna ai, una lahi ese ena gabu aukadia baine aradia ore, mai lolona ida tuari dinana ai, mai lai gubana ida koe-hirihiri dinana ai;
AMO 1:15 edia pavapava na dauhai bae hanohoa, ia bona ena lohia taudia danu ia ida. Iehova na e herevamu.
AMO 2:1 Iehova ini e gwau tomamu: Moab ena kerere toi bona hani daidiai, lau ese ena dika davana ihenina basina gwaua tao; badina be ia ese Edom pavapavana turiana e gabudia, ahu ai e halaodia.
AMO 2:2 Taunabunai lau ese lahi ta baina siaia Moab latanai, una lahi ese Kerioto ena gabu aukadia baine aradia ore; bena Moab na heloḡo-heloḡo ai baine mase, lolo bona kibi reḡedia bogaragidiai.
AMO 2:3 Lau ese pavapava na ia bogaragina amo baina negea daure, bona ena lohia iboudiai na ia ida baina aladia mase. Iehova na e herevamu.
AMO 2:4 Iehova ini e gwau tomamu: Iuda ena kerere toi bona hani daidiai, lau ese ena dika davana ihenina basina gwaua tao; badina be idia ese Iehova ena taravatu vada e dadaraia, bona ena hahedua herevadia asie badinadia; a tamadia ese e rakalaidia daladia koikoidia ese idia vada e hakaudia kerere.
AMO 2:5 Taunabunai lau ese lahi ta baina siaia Iuda latanai, una lahi ese Ierusalem ena gabu aukadia baine aradia ore.
AMO 2:6 Iehova ini e gwau tomamu: Israel ena kerere toi bona hani daidiai, lau ese ena dika davana ihenina basina gwaua tao; badina be idia ese kara maoromaoro tauna e hoiamu, silver davana, bona e dabumu tauna e hoiamu, tamaka rua davadia.
AMO 2:7 Idia ese ogoḡami tauna kwarana na tano gahuna ai e moimoilaiamu, bona e hisihisimu tauna ena dala e laoa ahumu. Tau ta bona tamana ese hane-ulato tamona dekenai e raka vareaimu, unu amo lau ladagu helaḡana e hamiroamu.
AMO 2:8 Idia ese ihaboulaina patadia iboudiai badibadidiai e hekuremu, henitao dabuadia latadiai. Edia Dirava ena dubu ai vine ranuna e inuamu, hahemaoro ai haida edia amo e abia ḡauna.
AMO 2:9 Ḡau tamona, lau ese Amoro tauna na habuaia tari idia vairadiai; ena lata na sida audia edia lata heḡereḡeredia, bona ena goada na oak audia edia goada heḡereḡeredia. Ia huahuana na habuaia tari atai ai, bona ramuna danu henu ai.
AMO 2:10 Ina danu, lau ese Aigupto tanona amo na hakaumui lasi, laḡani hari-ahui lalodiai tano ḡaḡaena ai na hakaumui lao, Amoro tauna ena tano ba ḡaunaia totona.
AMO 2:11 Natumui haida na haginidia, peroveta taudia ai baela, bona emui eregabe taudia haida na abidia, Nasiri oreana taudia ai baela. Israel taumui e, una na momokani ani? Iehova na e herevamu.
AMO 2:12 A umui ese Nasiri oreana taudia na vine ranuna amo o ha-inudia, bona peroveta taudia na o haḡanidia, oto “Umui na basio peroveta”.
AMO 2:13 A itaia, lau ese emui gabu ai baina taomui tari, uit iḡuidia ai e honumu reruena e hetao tarimu na heto.
AMO 2:14 Ae-haraḡa tauna na basine heau diba, goada tauna ese ena goada basine dogoa tao, bona tuari tauna basine roho mauri.
AMO 2:15 Peva tauna basine gini, ae-haraga tauna na sibona basine hahemauri, bona hosi-gui tauna basine roho mauri.
AMO 2:16 Lalo-auka tauna tuari taudia bogaragidiai na ḡaḡaena ai baine heau una dina ai. Iehova na e herevamu.
AMO 3:1 Israel taumui e, ina hereva, Iehova ese umui latamui ai, Aigupto tanona amo na hakaua lasi besena idoinai latanai, vada e gwauraia herevana vada ba kamonai.
AMO 3:2 Tanobada besedia iboudiai bogaragidia amo umui sibomui vada na dibamui; taunabunai lau ese matamui baina hakani, emui kara havara iboudiai daidiai.
AMO 3:3 Tatau rarua basiema henega bou guna, idia bema raka hebou diba a?
AMO 3:4 Leona na asi damuna negana ai uda ai e ḡoumu a? Leona natuna ese ḡau ta se abiamu negana ai ena kohua lalonai e taimu a?
AMO 3:5 Idoa se miamu gabuna ai manu ta e heidoamu a? Ḡau ta se heidoa negana ai idoa na e hepiu isimu a?
AMO 3:6 Kibi na hanua ta ai e hiririamu negana ai taunimanima basie gari a? Iehova ese se hadikaiamu negana ai dika na hanua ta ai e kaumu a?
AMO 3:7 Momokani Ḡaubada Iehova ese kara ta se karaia hehunimu, a peroveta taudia, ena hesiai taudia, na e hadibalaidia gunamu.
AMO 3:8 Leona vada e ḡou, daika basine gari? Ḡaubada Iehova vada e hereva; daika basine peroveta?
AMO 3:9 Asuria ena gabu aukadia ba hamaorodia, bona Aigupto tanona ena gabu aukadia danu; baoto: Samaria ororodia latadiai ba hahebou, heloḡo-ahuahu badadia ia lalonai ba itadia, bona hahehisi karadia ia bogaraginai danu.
AMO 3:10 Iehova na e tomu: Kara maoromaoro ikaradia na asi dibadia; idia ese daḡedaḡe bona dadidadi karadia na edia gabu aukadia ai e heḡaeḡaelaidiamu.
AMO 3:11 Taunabunai Ḡaubada Iehova ini e gwau tomamu; mai tauna ta ese tano baine koua hegege, emui maḡu baine ḡiḡidia dobi, bona emui gabu aukadia kohudia baine dadi ore.
AMO 3:12 Iehova ini e gwau tomamu: Mamoe ireḡudia tauna ese leona uduna amo mamoe aena rua eiava taiana kahana baine rauadia na heto, Israel taudia Samaria ai e nohomu na unu bae rauadia toma, mai hekure patana daigunina ta eiava mahuta ḡauna kahana ta ida.
AMO 3:13 Ḡaubada Iehova, Iehova Sabaota, ini e gwau tomamu: A kamonai, bona Iakob iduhuna latanai hahebade herevadia ba gwaurai, baoto,
AMO 3:14 Israel na ena kara havara daidiai matana baina hakania dinana ai, lau ese Betele ena ihaboulaina patadia latadiai mata-hakani karadia baina kara; bena ihaboulaina patana doadia bae heutu oho, tano ai bae moru.
AMO 3:15 Keru negana rumana bona siahu negana rumana na baina huaridia, bona aivori rumadia na bae heḡiḡi dobi, bona ruma badadia na bae ore vaitani. Iehova na e herevamu.
AMO 4:1 Basan boromakau hahinedia e, ina hereva ba kamonai, Samaria ororona ai o nohomu hahinemui e; umui ese ogoḡami taudia na o hahisidiamu, bona e dabumu taudia na o taodia tarimu; adavamui o hamaorodiamu, o tomu “A mailaia, baia inua”.
AMO 4:2 Ḡaubada Iehova na ena helaḡa bagunai vada e gwau hamata, e tomu: Nega na emui ai baine kau, igau amo bae verimui oho, kimai amo bae abimui ore;
AMO 4:3 bena maḡu maurudia amo do ba rau lasi, ta ta vairana vairana amo baola; bae negemui daure Haramono ai. Iehova na e herevamu.
AMO 4:4 Betele baoma, ba kara kerere, Gilgal baoma, emui kerere ba hahohodia; daba iboudiai emui boubou ḡaudia ba mailaidia, dina toi toi amo emui ḡau karoadia ihagwautadia danu.
AMO 4:5 Israel taumui e, e hatubua flaoana ba hahelagaia, emui hahenamo bouboudia; ura-kwalimu herahiadia ba gwauraidia, ba gwauraidia hedinarai; badina be emui ura korikori bunai. Ḡaubada Iehova na e herevamu.
AMO 4:6 Ise ḡoevaḡoeva na henimui, emui hanua iboudiai lalodiai, doe danu na henimui, emui gabu iboudiai lalodiai; ḡau tamona umui na dekegu asio lou mai. Iehova na e herevamu.
AMO 4:7 Taboro negana na do hua toi vairai, lau ese medu na emui ai na rua. Medu na hanua ta latanai na hadihoa, bona ma hanua ta latanai asina hadihoa; uma ta na medu ese e hapariparia, ma uma ta na e kaukau, medu na ia latanai se diho dainai.
AMO 4:8 Bena hanua rua eiava toi taudia ese hanua ta e lao heniava, ranu bae inua totona, a gadodia asie doro; ḡau tamona umui na dekegu asio lou mai. Iehova na e herevamu.
AMO 4:9 Hogohogo bona valavala amo na hadikamui, emui uma bona emui vine imeadia na havahudia; emui suke audia bona emui olive audia na kwadi ese e ani ore; ḡau tamona umui na dekegu asio lou mai. Iehova na e herevamu.
AMO 4:10 Dai-hanai gorerena na bogaragimui ai na siaia vasi, Aigupto ai na karava na heto; emui eregabe taudia na dare amo na aladia mase, emui hosi na na abidia oho dauhai, bona emui taruha bodagana na udu-baubaumui ai na hadaea; ḡau tamona umui na dekegu asio lou mai. Iehova na e herevamu.
AMO 4:11 Lau ese umui haida na hadareremui, Dirava ese Sodoma bona Gomora e hadareredia na heto; umui na lahi tutuna lahi lalona amo e veria lasimu na heto; ḡau tamona umui na dekegu asio lou mai. Iehova na e herevamu.
AMO 4:12 Taunabunai, Israel e, ini baina karamui toma; bena ini baina karamui toma dainai, Israel e, ba heḡaeḡae, emui Dirava ida do ba hedavari.
AMO 4:13 A itaia, ororo e karadiamu bona lai e havaradiamu Diravana, ena lalo-hadai na taunimanima e hadibalaidiamu Diravana, daba e hadiburaiamu bona tanobada ena atai gabudia e moimoilaidiamu Diravana, Iehova, Iehova Sabaota, ia ladana bunai.
AMO 5:1 Israel besena e, egu rohe-ahu herevana oi latamu ai vada ba kamonai.
AMO 5:2 Israel hane-ulatona vada e moru, ia na basine tore isi lou; ena tano ai vada e rakatania, ta ese basine hatorea isi.
AMO 5:3 Badina be Ḡaubada Iehova ini e gwau tomamu: Hanua ta amo daha-ta e raka lasimu, a sinahu tamona bae mauri; ma hanua ta amo sinahu-ta e raka lasimu, a gwauta mo bae mauri, Israel besena enai.
AMO 5:4 Badina be Iehova ese Israel besena e hereva heniamu, ini e gwau tomamu: Lau ba tahugu, bena ba mauri.
AMO 5:5 Betele basio tahua, Gilgal ai basio raka vareai, Bere-sieba ai basio raka hanai; badina be Gilgal na dauhai bae hanohoa, bona Betele na baine baia.
AMO 5:6 Iehova ba tahua, bena ba mauri; ia na lahi na heto baine ara, Iosef ena ruma ai, baine ara ore, ta basine habodoa diba Betele ai, na garina;
AMO 5:7 umui, hahemaoro ḡoevaḡoeva na muramura iditana ai vada o halaoa bona kara maoromaoro tanobada ai vada o tilhoa dobi taumui!
AMO 5:8 Ia ese Kima bona Kesili e karadia, hanuaboi diburana na daba ai e halaoamu, bona dina na e hadiburaiamu, hanuaboi ai e halaoamu; ia ese davara ranudia e boiridiamu, bena tanobada kopina ai e bubudia dobimu; ia ladana na Iehova.
AMO 5:9 Ia ese goada taudia e aladia oremu, bona kohoro aukadia e habuadia tarimu.
AMO 5:10 Hahemaoro gabuna ai sisiba herevadia e gwauraimu tauna na idia ese e inai heniamu, bona hereva momokanidia e gwauraimu tauna na idia ese e inai henia badamu.
AMO 5:11 Taunabunai, badina be ogoḡami tauna vada o moia tao bona ena uit momo vada o dadia dainai, nadi rumadia vada o haginidia, to lalodiai basio noho, bona vine imeadia namodia vada o hado, to edia vine ranudia basio inu.
AMO 5:12 Badina be lau dibagu emui kerere na momo, bona emui kara dika na bada herea. Umui ese kara maoromaoro taudia o hahisidiamu, bona koikoi henitaona o abiamu, bona e dabumu tauna hanua ikoukouna ai na hahemaoro gabuna amo o lulua ohomu.
AMO 5:13 Taunabunai, nega inihetomana ai lalo-ihunu tauna na asi reḡereḡena baine noho, badina be nega dikana.
AMO 5:14 Namo ba tahua, dika basio tahua, ba mauri helaoreana; bena Dirava, Iehova Sabaota, ese baine bamomu, ema hereva heḡereḡerena.
AMO 5:15 Dika ba inai henia, namo ba ura henia, hahemaoro ḡoevaḡoeva na hanua ikoukouna ai ba haginia; bena reana Dirava, Iehova Sabaota, ese Iosef iduhuna taudia kwabukwabudia baine bogadia hisi.
AMO 5:16 Taunabunai Dirava, Iehova Sabaota, Ḡaubada, na ini e gvvau tomamu: Ariara iboudiai lalodiai bae tai lolololo, bona hanua ariaradia iboudiai lalodiai baeto “Inaio, inaio!” Biru taudia bae boiridia, bae taitai, bona herohe-ahu mai dibadia taudia bae boiridia, bae tai lolololo;
AMO 5:17 vine imeadia iboudiai lalodiai bae tai lolololo, badina be bogaragimui amo baina raka hanai. Iehova na e herevamu.
AMO 5:18 Iehova ena dina o hekise-hekise heniamu taumui, madi, ihabaimui! Dahaka dainai Iehova ena dina o laroamu? Una dina na dibura, dia diari;
AMO 5:19 tau ta ese leona bema heautania bena bea ta ida bema hedavari na heto; eiava ruma lalonai bema raka vareai, haba ai bema hetaotao, bena gaigai ese bema koria na heto.
AMO 5:20 Iehova ena dina na dibura, dia diari, ani? bona gabora asi diarina ani?
AMO 5:21 Emui aria na na inai henidiamu bona na dadaraidiamu; emui hebou helaḡadia asina moalelaidiamu.
AMO 5:22 Ena be emui ḡole-oho bouboudia bona emui flaoa bouboudia ḡaudia o harihari henigumu, to lau ese basina abidia dae; bona emui ubu-ubu ḡaudia, maino boubou ḡaudia ai o halaodiamu, na lau ese basina haḡeredia.
AMO 5:23 Emui ane reḡedia na egu ai bavabi oho, emui gitara reḡedia basina hakala henidia.
AMO 5:24 A hahemaoro ḡoevaḡoeva baine aru, abata na heto, bona kara maoromaoro, se kororomu sinavaina na heto.
AMO 5:25 Israel besena e, laḡani hari-ahui tano ḡaḡaena ai o nohova lalodiai boubou bona herahia ḡaudia na egu ai o mailaidia a?
AMO 5:26 Emui pavapava Sakutu, bona emui hisiu diravana Kaiwana, emui kaivakuku, imamui amo o kara gaudia, na do ba huadia;
AMO 5:27 taunabunai, lau ese baina laohaimui, Damasko unukahanai baina hanohomui. Dirava, ladana Iehova Sabaota, na e herevamu.
AMO 6:1 Siona ai e noho namonamomu bona Samaria ororona ai asi garidia e nohomu taudia, bese gini-gunana ena tatau hereadia, Israel taudia e lao henidiamu taudia, madi, ihabaidia!
AMO 6:2 Ba raka lao, Kalne baola, ba itaia; unu amo Hamat badana baola; bena ba hekei diho, Gata, Filistia taudia edia hanua, baola. Idia ese ini basileia e hereadiamu a? Eiava edia tano na bada, emui tano be maraḡi, a?
AMO 6:3 Umui dika dinana o atoa daudaumu bona daḡedaḡe ena vara badina o veria kahimu taumui, na nanadaimuimu.
AMO 6:4 Aivori patadia ai e hekuremu bona edia laḡa-ani patadia ai e eno deremu taudia, mamoe natudia seri amo bona boromakau natudia ubu-ubu gabuna amo e animu taudia, madi, ihabaidia!
AMO 6:5 Gitara e hataidiamu ai ane kavakavadia e abimu bona David na heto hatai-hatai ḡaudia idaudia e karamu taudia, madi, ihabaidia!
AMO 6:6 Vine ranuna na nau amo e inuamu, bona dehoro namo-hereadia amo taudia e dahudiamu, a Iosef ena dika asie lalo hisihisilaiamu taudia, madi, ihabaidia!
AMO 6:7 Taunabunai dauhai ihanohodia negana ai idia na bae laohaidia guna, bona e eno deremu taudia edia moale baine boio.
AMO 6:8 Ḡaubada Iehova na sibona ladana ai vada e gwau hamata; Dirava, Iehova Sabaota, na e herevamu e tomu: Iakob ena heaḡi na inai henia badamu, ena gabu aukadia danu na inai henidiamu; hanua na baina kahua nege, bona ia lalona ḡaudia iboudiai.
AMO 6:9 Tatau gwauta ruma tamona ai bema noho, idia na bae mase.
AMO 6:10 Bena mase tauna varavarana, tau-anina baine hagolea oho tauna, ese baine abia isi, turiana na ruma lalona amo murimuri ai baine laohai totona, bona ruma laloma kahana ai e nohomu tauna baine nanadaia, baineto “Tau ta doene noho eiava?”, bena una tau baine haere, baineto “Lasi”, negana ai, ia ma baineto “Eremu! Iehova ladana na basita hatoa”.
AMO 6:11 Badina be, a itaia, Iehova na e haheḡanimu, bena ruma badana na bae huaria patapata, bona ruma maraḡina na bae huaria sisisisi.
AMO 6:12 Hosi be haga nadidia ai e heaumu a? Davara na boromakau mamaruanedia amo e ruaiamu a? A umui ese hahemaoro ḡoevaḡoeva na mase muramurana ai vada o halaoa, bona kara maoromaoro huahuana na muramura iditana ai vada o halaoa.
AMO 6:13 Umui ese Lo-debara o moalelaiamu, o tomu “Sibomai emai goada ai Karanaimi vada a abia emai”, ani?
AMO 6:14 Dirava, Iehova Sabaota, na e tomu: Israel taumui e, a itaia, lau ese bese ta baina hatorea isi umui ihadikamui totona, bena bae hahisihisimui, Hamat raka-vareaina amo ela bona Araba dokana.
AMO 7:1 Bena Ḡaubada Iehova ese e haheitalaigu, ia ese kwadi e haboudia heḡaeḡaeva, rei matamatana e tubu louva negana ai; una na rei ena tubu iharuana, pavapava ena rei vada e utua murinai.
AMO 7:2 Unu kwadi ese tano reina vada e ania ore murinai, lau na hereva, nato: Ḡaubada Iehova e, lau na noimumu, ba heboga hisi. Iakob ede baine gini toma? Ia na maraḡi herea.
AMO 7:3 Bena Iehova ese e helalolaia kerehai; Iehova eto “Ina na basine hekara”.
AMO 7:4 Taunabunai Ḡaubada Iehova ese e haheitalaigu, na itaia, Ḡaubada Iehova ese hahemaoro e boilaia, lahi ḡauna; bena una lahi ese gadobada e hakaukauava bona tano e araiava.
AMO 7:5 Bena lau nato: Ḡaubada Iehova e, lau na noimumu, a doko. Iakob ede baine gini toma? Ia na maraḡi herea.
AMO 7:6 Bena Iehova ese e helalolaia kerehai; Ḡaubada Iehova eto “Ina danu basine hekara”.
AMO 7:7 Ma e haheitalaigu, na itaia, Ḡaubada na gini-maoro varona amo e haginia habana badibadinai e gini, mai gini-maoro varona ta imana ai.
AMO 7:8 Bena Iehova ese e hereva henigu, eto, Amos e, dahaka o itaiamu? Lau nato, Gini-maoro varona ta. Bena Ḡaubada eto: A itaia, gini-maoro varona ta egu bese Israel bogaragidiai na atoamu; nega ta ai basina lagaudia hanai lou.
AMO 7:9 Isaak ena atai gabudia bae ḡaḡae, Israel ena gabu helaḡadia bae vahu; bona Ieroboam ena iduhu na dare amo baina tuari henidia.
AMO 7:10 Bena Amasia, hahelaḡa tauna Betele ai, ese gwaukau e siaia, Ieroboam, Israel pavapavana, dekenai, eto, Amos ese oi ihadikamu dalana e karaia hatamu, Israel besena bogaraginai; tano taudia lalodia na asie heḡereḡere iena hereva iboudiai ihaheaukalaidia ai.
AMO 7:11 Badina be Amos na ini e gwau toma: Ieroboam na dare amo do baine mase, bona Israel taudia na edia tano amo bae abidia oho, dauhai bae hanohodia.
AMO 7:12 Bena Amasia ese Amos e hamaoroa, eto, Mata-hanai taumu e, aola, Iuda tanona ba heau lao, unuseni ai bavaniani bona ba peroveta;
AMO 7:13 a nega ta ai Betele ai basio peroveta lou, badina be ina na hanua pavapavana ena gabu helaḡana bona basileia ena dubu.
AMO 7:14 Bena Amos ese Amasia e haere henia, eto, Lau na dia peroveta tauna, bona dia peroveta tauna natuna. Lau na mamoe bona sukamore audia ireḡudia tauna;
AMO 7:15 bena Iehova ese manoe serina iḡavana amo e abigu. Bena Iehova ese e hamaorogu, eto, Aola, egu bese Israel ediai ba peroveta.
AMO 7:16 Taunabunai, Iehova ena hereva a kamonai. Oi na o tomu “Israel taudia latadiai basio peroveta bona Isaak iduhuna taudia latadiai basio haroro”.
AMO 7:17 Taunabunai Iehova ini e gwau tomamu: Adavamu na ariara hahinena ai bainela, hanua lalonai; natumu mamaruanedia bona hahinedia na dare ai bae mase, bona emu tano na haida ese bae heharilaia; oi na tano dia ḡoeva ai ba mase, bona Israel na momokani edia tano amo bae abidia oho, dauhai bae hanohodia.
AMO 8:1 Bena Ḡaubada Iehova ese ma e haheitalaigu, au huahua maḡedia bosea ta na itaia.
AMO 8:2 Bena ia eto, Amos e, dahaka o itaiamu? Bena lau nato, Au huahua maḡedia bosea ta. Bena Iehova ese e hereva henigu, eto: Egu bese Israel vada e maḡe, hahebua-tari enai; nega ta ai basina lagaudia hanai lou;
AMO 8:3 dubu anedia na taitai ai bae hahelao una dina ai. Ḡaubada Iehova na e herevamu. Mase tau-anidia bae hoho, gabu iboudiai murimuri ai bae tahodia lasi, asi reḡereḡedia.
AMO 8:4 Umui, e dabumu taudia o moidia taomu bona tano ena ogoḡami taudia o hamasediamu taumui, ina na a kamonai!
AMO 8:5 Umui na o hereva hehenimu, o tomu: Hua matamata ariana na edena nega ai baine ore, bena aniani ḡaudia baita hoihoilai? Bona dina helaḡa na edena nega ai baine ore, bena uit baita hoihoilaia? Bena efa baita hamaraḡia bona sekele baita habadaia, bona hahetoho ḡaudia koikoidia amo taunimanima baita dibaḡanidia;
AMO 8:6 ogoḡami taudia na silver amo baita hoidia, bona e dabumu taudia na tamaka rua rua amo danu; bona uit momona danu baita hoihoilaia.
AMO 8:7 Iakob ena heaḡi dainai Iehova vada e gwau hamata, eto: Momokani edia kara ta basina laloa boio.
AMO 8:8 Una dainai tano baine heude-heude, bona inoholaina taudia iboudiai bae tai, idoinai baine dae, Nilo sinavaina na heto, baine hegure-hegure, bena ma baiule diho, Nilo, Aigupto sinavaina, na heto, ani?
AMO 8:9 Ḡaubada Iehova na e tomu: Una dina ai dina tubua ai dina baina hadihoa, bona dina diarina ai tanobada baina hadiburaia.
AMO 8:10 Emui aria na taitai ai baina halaodia, bona emui ane iboudiai na rohe-ahu ai baina halaodia. Koekoe iboudiai na puse dabuadia baina hariolaidia, bona kwara iboudiai baina naudia. Vara-edea merona itailaina heḡereḡerena ai baina halaoa, bona dokona na dina iditana heḡereḡerena ai.
AMO 8:11 Ḡaubada Iehova na e tomu. A itaia, nega na e maimu, doe na tano latanai baina siaia. Dia aniani ai eiava ranu ai basie dabu, a Iehova ena hereva ikamonaidia ai hari.
AMO 8:12 Davara ta konena ela bona ma davara ta konena bae loa eva-eva, mirigini kahana amo ela bona laurabada danu; bae heau lao heau mai, Iehova ena hereva itahuna, to basie davaria.
AMO 8:13 Una dina ai hane-ulato rami-hebou namo-hereadia bona uhau na bae ranu mase, bae manori.
AMO 8:14 Asima, Samaria diravana, ladana ai e gwau hamatamu taudia e tomu “Dan e, emu dirava e maurimu heḡereḡerena”, bona “Bere-sieba dalana e maurimu heḡereḡerena”; idia na bae keto, bona nega ta ai basie tore isi lou.
AMO 9:1 Ḡaubada na itaia, ihaboulaina patana badibadinai e gini, e hereva, eto: Au-tubua kwaradia ikorodla ba botadia, ela bona badidia bae heude-heude; ba huaridia patapata, bena taunimanima iboudiai kwaradia ai bae heḡiḡi kau. Bena oredia na dare amo baina aladia mase, ta basine heau oho, ta basine roho mauri.
AMO 9:2 Ena be guri bae ḡei ela bona Mase Gabuna, to unu amo lau imagu ese baine abidia; ena be guba ai bae dara dae, to unu amo baina veridia dobi.
AMO 9:3 Ena be Karamele ororona dorina ai bae komu, to unuseni ai baina tahudia ela bona baina abidia; ena be davara ena dobu gabudia ai lau vairagu amo bae komu, to unuseni ai dagwala baina haganidia, bena baine koridia.
AMO 9:4 Ena be inaidia ese bae guidia, bena bae doridia lao, to unuseni ai dare baina hagania, bena baine aladia mase. Baina raraidia tao, dia ihanamodia to ihadikadia totona.
AMO 9:5 Ḡaubada, Iehova Sabaota, ese tanobada e daua tohomu, bena e veve ohomu, bona inoholaina taudia na e taitaimu; idoinai e daemu, Nilo sinavaina na heto, ma e dihomu, Nilo, Aigupto sinavaina, na heto.
AMO 9:6 Ia ese ena atai daiutudia e hadaidiamu guba ai, bona ena henu daiutudia tanobada ai; ia ese davara ranudia e boilaidiamu, bona tanobada kopina ai e bubudia dobimu; ia ladana na Iehova.
AMO 9:7 Iehova na e tomu: Israel taumui e, umui na dia Etiopia taudia heḡereḡeredia lauegu ai a? Israel taudia na Aigupto tanona amo asina hakaudia lasi a? Filistia taudia na Kaftoro amo bona Suria taudia na Kiri amo asina mailaidia a?
AMO 9:8 A itaia, Ḡaubada Iehova ese kara dika basileiana na e raraia taomu. Iehova na e tomu: tano kopina amo baina habuaia tari; ḡau tamona, Iakob ena iduhu basina habuaia tari vaitani.
AMO 9:9 A itaia, lau na baina haheḡani, Israel besena baina haruiruia, basileia iboudiai bogaragidiai, ruirui ḡauna amo bama ruiruia na heto, a nadinadi ta na tano ai basine moru.
AMO 9:10 Kara dika taudia egu bese bogaraginai iboudiai, e tomu “Dika ese basine lasida tao eiava basine hedavari henida” taudia, na dare ai bae mase.
AMO 9:11 Una dina ai David ena kalaga, e heḡiḡi dobi ḡauna, lau ese ma baina haginia lou; e mauru gabudia baina banidia, e heḡiḡi dobi gabudia baina haginidia, baina haginia lou, nega gunadia heḡereḡeredia ai!
AMO 9:12 Edom orena bae ḡaunaia helaoreana, bona lau ladagu e henemailai besedia iboudiai danu. Iehova, ini kara e karamu Diravana, na e herevamu.
AMO 9:13 Iehova na e tomu: A itaia, nega na e maimu, ruarua tauna ese uit iutuna tauna baine lasia tao, bona vine huahuadia imoimoilaidia tauna ese hadohado tauna baine lasia tao; ororo amo vine ranuna gaihona baine hetuturu, bona ororo komutadia amo baine aru.
AMO 9:14 Egu bese Israel taudia baina hanamodia lou, e heḡiḡi dobi hanuadia bae haginidia lou, bena bae noholaidia; vine imeadia bae hado, bena edia vine ranuna bae inua, uma bae kara, bena anidia bae ani.
AMO 9:15 Edia tano ai baina hanohodia, bona vada na henidia tanona amo idia na nega ta ai basie heabi oho lou. Iehova, emui Dirava, na e herevamu.
OBA 1:1 Obadia ena mata-hanai binai. Ḡaubada Iehova ese Edom na ini e herevalaia tomamu: Hari na Iehova ena amo vada a kamonai. bona gwaukau tauna na bese idau-idau bogaragidiai vada e siaia, eto: A tore isi, baita tuari henia.
OBA 1:2 A itaia, lau ese bese idau-idau bogaragidiai baina hamaraḡimu, idia ese bae dadaraimu vaitani.
OBA 1:3 Lalomu hekokorokuna ese vada e dibaḡanimu, hagahaga kohuadia ai o nohomu taumu; emu noho gabuna na atai ai, bona lalomu ai o tomu “Daika ese baine verigu dobi tano ai?”
OBA 1:4 Ena be atai ai o rohomu ugava na heto, ena be emu ruma na hisiu bogaragidiai e miamu. to unu amo baina verimu dobi. Iehova na e herevamu.
OBA 1:5 Henao taudia bema vasi, eiava dadidadi taudia hanuaboi ai bema kau, daka hahebua-tarina! To edia dabu heḡereḡerena mo bema henao ani? Vine huahuadia igogodia taudia bema vasi, to vine momorudia bema rakatani ani?
OBA 1:6 Esau madi vada e dadihaia, ena taḡa vada e dadia.
OBA 1:7 Idurumu taudia iboudiai ese vada e koimu, vada e lulumu lao ela bona tano hetoana; bamomu ese vada e hadareremu, turamu, o abidadama henidia taudia, ese vada e idoamu; tau ta ese basine lalo-pararalaia diba.
OBA 1:8 Iehova na e tomu: Una dina ai aonega taudia Edom lalona amo baina habuadia tari, bona lalo-parara na Esau ororona amo danu, ani?
OBA 1:9 Teman e, emu goada taudia kudoudia bae hetaha, Bena Esau ororona amo baema taudia iboudiai na bae aladia ore.
OBA 1:10 Tadimu Iakob o daḡedaḡe henia dainai, hemarai ese baine ḡovamu ahu, bona ba henege daure hanaihanai.
OBA 1:11 Oi o gini edea dinana ai, idau taudia ese ena taḡa e huaia lao bona idau gabu taudia ese ia iduarana ai e raka vareai bona Ierusalem iabilaina maridia e kara dinana ai, oi na idia heḡereḡeredia ta.
OBA 1:12 A tadimu ena dina, ena hisihisi dinana, basioma kirikirilaia; bona Iuda taudia na e hebua tari dinana basioma moalelaia; hahehisi dinana ai basioma hekokoroku.
OBA 1:13 Egu bese ena ikoukou ai basioma raka vareai, hahehisi na ienai e kau dinana ai; ia ihadikana basioma kirikirilaia, hahehisi na ienai e kau dinana ai; ena kohu basioma dadia, hahehisi na ienai e kau dinana ai.
OBA 1:14 Dala katakata ai basioma gini, ena heau taudia iala-masedia totona; ena roho-mauri taudia na inaidia imadia ai basioma atodia, hisihisi dinana ai.
OBA 1:15 Badina be Iehova ena dina vada eme kahikahi, bese idau-idau iboudiai latadiai. Vada o kara heḡereḡerena ai bae kara henimu; emu kara na oi sibomu kwaramu ai ma baine kau.
OBA 1:16 Badina be egu ororo helaḡana ai vada o inuinu heḡereḡerena ai e noho hetabiramu besedia iboudiai na bae inuinu; bae inuinu, bae raraga, bena basiema mauri heḡereḡerena ai baela.
OBA 1:17 A Siona ororona ai haida do bae roho mauri, bena ororo na baine helaga; bona Iakob ena iduhu taudia ese sibodia edia kohu bae abidia.
OBA 1:18 Iakob iduhuna na lahi ai bainela, bona Iosef iduhuna na lahi hururu-hururuna ai bainela, bona Esau iduhuna na rei kakoro ai bainela; bena bae aradia, bae aradia ore, Esau iduhuna lalona amo tau ta basine roho mauri; badina be Iehova vada e hereva.
OBA 1:19 Diho kahana taudia ese Esau ororona bae abia, bona Sefela taudia ese Filistia taudia edia tano bae abia; Efraim tanona bona Samaria tanona bae abidia, bona Beniamina ese Gilead baine abia.
OBA 1:20 Hala ai e hanohodia taudia hahidaosi Israel besena amo ese Foenikia bae abia ela bona Sarefata; bona Ierusalem amo e abidia oho, Sefarad ai e hanohodia, taudia ese diho kahana hanuadia bae abidia.
OBA 1:21 Hahemauri taudia na Siona ororona ai bae dara dae, Esau ororona ilohiana totona; bona basileia na Iehova ena basileia ai bainela.
JON 1:1 Iehova ena hereva na Iona Amitai enai e kau, eto,
JON 1:2 A tore isi, hanua badana ladana Nineve baola, ba gwau henia; badina be edia kara dika na lau vairagu ai vada eme hedinarai.
JON 1:3 A Iona e tore isi, Tarasisi baine heau lao, Iehova vairana amo baine heau oho eto. Ia na e diho, Iopa ai, Tarasisi bainela lagatoina ta e davaria; dava e heni, bena e gui, idia ida Tarasisi baela, Iehova ena amo baine heau oho eto.
JON 1:4 Bena Iehova ese lai gubana e hatoaia, davara latanai; hurehure vada e bada herea, lagatoi na mokona e heroḡi rohoroho.
JON 1:5 Bena lagatoi taudia na e gari, ta ta ena dirava ena dirava e hahanedia; bena e negenege, lagatoi ihaharaḡana totona. A Iona na vada e diho, lagatoi tuana ai, unuseni ai vada e hekure, vada e mahuta.
JON 1:6 Taunabunai lagatoi biaguna ema, e hamaoroa, eto, Mahuta taumu e, edeheto? A tore isi, emu dirava ba hahanea; reana una dirava ese baine laloda, bena basita mase.
JON 1:7 Bena idia na e hereva heheni, eto, Aoma, mari aita abi; bena baita diba daika bagunai ina dika na ita latadai vada e kau. Taunabunai idia ese mari e abi, bena mari ese Iona e duanaia.
JON 1:8 Bena idia ese e nanadaia, eto, A hamaoromai, daika bagunai ina dika na latadai vada e kau? Oiemu ḡaukara be dahaka? Ede amo oma? Emu tano be edena? Oi na edena bese tauna?
JON 1:9 Bena ia ese e haere henidia, eto, Lau na Heberu tauna; Iehova, guba Diravana, davara bona tano kaukauna e karadia Diravana garina na garimu.
JON 1:10 Bena unu tatau na e gari dikadika, e hamaoroa, eto, Ede vada o kara toma? Badina be unu tatau vada e diba ia na Iehova vairana amo vada e heau oho, badina be ia ese vada e hamaorodia.
JON 1:11 Bena idia ese ma e nanadaia, eto, Ede baia karamu toma bena davara baine gaima emai ai? Badina be hurehure vada e bada e laova.
JON 1:12 Ia ese e hamaorodia, eto, Bavabigu, davara ai ba tahogu dobi; bena davara baine gaima emui ai; badina be lau dibagu, ina guba badana na lau daigu ai emui ai vada e kau.
JON 1:13 Ḡau tamona, hari tatau na e bara hekwarahi, lagatoi na kone ai bae baraia diho totona; to asie heḡereḡere, badina be hurehure na vada e bada herea e laova idia vairadiai.
JON 1:14 Taunabunai, idia ese Iehova e tai henia, eto, Iehova, e, ai ese a noimumu, ina tau ena mauri bagunai basia mase, bona asi kererena tauna rarana na ai latamai ai basio atoa kau; badina be, Iehova e, emu ura heḡereḡerena ai vada o karaia.
JON 1:15 Taunabunai idia ese Iona e abia, davara ai e tahoa dobi; bena davara na vada e gaima.
JON 1:16 Bena unu tatau ese Iehova e gari henia lalo-dika; idia ese boubou karadia e kara, Iehova ena, bona e gwau hamata danu.
JON 1:17 Bena Iehova ese gwarume badana ta e saia, ia ese Iona baine hadonoa; bena Iona na dina toi boi toi una gwarume bogana ai e nohova.
JON 2:1 Bena Iona ese gwarume bogana amo Iehova, ena Dirava, e ḡuria,
JON 2:2 eto Egu dara-doko ai Iehova na hahanea, bena ia ese e haere henigu; Mase gabuna lalona amo na tai, bena oi ese lau gadogu o kamonai.
JON 2:3 Badina be dobu gabuna ai o tahogu dobi, davara bogaragidiai; utu-utu ese e ha-utugu dae, emu hurehure bona emu sinaia ese e habubunigu.
JON 2:4 Bena lau nato “Oi vairamu amo vada o negegu daure, emu dubu helaḡana ede baina itaia lou toma?”
JON 2:5 Davara ese e habubunigu, dobu gabuna ese e ḡeḡegu ahu, alaga ese kwaragu e ḡovaia ahu,
JON 2:6 ororo e badidia gabudia ai. Ikoukouna ese e kougu hanaihanaimu tanona na diho henia; a oi ese egu mauri na Guri amo o rauaia, Iehova e, egu Dirava.
JON 2:7 Laumagu e daure negana ai lau ese Iehova na laloa tao; egu ḡuriḡuri na e dae vasi, emu dubu helaḡana ai.
JON 2:8 Kaivakuku asi anidia e matauraidiamu taudia ese edia heabidadama ḡauna korikorina e rakataniamu.
JON 2:9 A lau ese oi baina boumu, mai egu hahenamo herevadia ida, egu gwauhamata baina hamomokanidia. Hahemauri na Iehova enai.
JON 2:10 Bena Iehova ese una gwarume e hereva henia; bena una gwarume ese Iona e kakaia lasi, tano kaukauna ai.
JON 3:1 Bena Iehova ena hereva na Iona enai ma e kau, nega iharuana, eto,
JON 3:2 A tore isi, hanua badana Nineve baola, lau ese baina henimu herevana ba gwaurai henia.
JON 3:3 Taunabunai, Iona e tore isi, Nineve ela, Iehova ena hereva heḡereḡerena. Hari Nineve na hauna bada-hereana, ena lababa na dina toi laolaona na heto.
JON 3:4 Iona ese hanua lalonai e raka vareai matama, dina ta laolaona heḡereḡerena ela. Bena e haroro, eto, Dina hari-ahui bae ore, bena Nineve baine heḡiḡi dobi.
JON 3:5 Bena Nineve taudia ese Dirava e abiabiraia; idia na e anivaga e gwauraia bona puse dabuadia e hahedokilai, badana ela bona maraḡina.
JON 3:6 Nineve pavapavana ese harina e kamonai, bena ia na ena terono amo e tore isi, ena hahedoki e dokia oho, puse dabuana e hahedokilaia, bena rahurahu ai e helai diho.
JON 3:7 Bena ena hahedua herevana e gwauraia hedinarai bona e siaia lao, Nineve tanona idoinai, eto, Hanua pavapavana bona ena lohia taudia edia haheḡani binai: Taunimanima eiava ubu-ubu ḡauna, boromakau serina eiava mamoe serina, ese ḡau ta basie ania; basie aniani bona ranu basie inu;
JON 3:8 a taunimanima bona ubu-ubu ḡauna ese puse dabuadia bae hahedokilai, bena bae tai lolo-lolo, Dirava bae tai henia; oibe, iboudiai ese edia kara dika amo bae raka oho bona imadia edia daḡedaḡe karadia amo danu.
JON 3:9 Daika dibana, reana Dirava na baine helalo kerehai, bona ena badu-ḡaraḡara amo baine raka oho, bena ita na basita mase.
JON 3:10 Dirava ese edia kara e itaia, edia dala dikana amo ede e raka oho toma; bena Dirava ese baine hadikalaidia eto karana amo e helalo kerehai; bena se karaia.
JON 4:1 Una kara ese Iona lalona se hamoalea; ia na e badu.
JON 4:2 Bena ia ese Iehova e ḡuria, eto, Iehova e, na noimumu, lau na dounu egu tano ai na nohova negana ai ini asina hereva toma a? Una dainai na ḡava, Tarasisi baina heau lao nato. Badina be lau vada na diba, oi na harihari-bada bona hebogahisi Diravana, badu ai o halahemu bona hebogahisi ai o honu honu daemu, bona kara dika amo o helalo kerehaimu.
JON 4:3 Taunabunai, Iehova e, lau na noimumu, egu mauri avabia oho, badina be baina mase be namo, baina mauri na dika.
JON 4:4 Bena Iehova eto, O badumu be namo a?
JON 4:5 Bena Iona na hanua amo e raka lasi, hanua mairiveina kahana ai e helai, unuseni ai ena kalaga auta e karaia. Bena ikerukeruna ai e helai, dahaka baine vara hanua badana enai baine itaia totona.
JON 4:6 Bena Dirava Iehova ese au ta e abia, e hatubua, ela bona Iona daenai e mia, kwarana ihakerukeruna bona ena hisihisi ilao-ahuna totona. Taunabunai, Iona na e moale bada, una au dainai.
JON 4:7 Kerukeru, daba e rere, bena Dirava ese bubu ta e siaia lao, bena una bubu ese au e budua; bena hari au e marai.
JON 4:8 Dina e dae, bena Dirava ese lai siahuna ta mairiveina kahana amo e siaia lao, bona dina ese Iona kwarana e raraia ela bona tauna e manori. Bena mase e noinoilaia, eto, Baina mase be namo; baina mauri na dika.
JON 4:9 A Dirava ese Iona e nanadaia, eto Au dainai o badamu be namo eiava? Ia eto, Na badamu be namo, baina badu ela bona mase danu namo.
JON 4:10 Bena Iehova eto, Hari au, oi so hekwarahilaia bona so hatubua ḡauna, hanuaboi ta ai e tubu ma hanuaboi ta ai e marai ḡauna, o bogaia hisimu.
JON 4:11 Matona, lau ese hanua badana Nineve, lalonai imadia idibadia be ededia bona lauridia be ededia asi dibadia taudia domaga-ta gerebu-rua bona boromakau momo herea danu e nohomu hanuana, basina bogaia hisi a?
MIC 1:1 Iehova ena hereva, Mika, tau Moresete, enai e kau, Iuda pavapavadia Iotam bona Ahasa bona Hesekia edia nega ai, Samaria bona Ierusalem herevadia.
MIC 1:2 Taunimanima iboumui ai, a kamonai; tanobada mai lalona ḡaudia iboudiai ida, a hakala; Ḡaubada Iehova ese baine habadelaimw, Ḡaubada ese ena dubu helaḡana amo.
MIC 1:3 Badina be, a itaia, Iehova na ena gabu amo e raka lasimu, ia na baine diho, tanobada ena atai gabudia baine moimoilaidia.
MIC 1:4 Ia henunai ororo bae veve, bona koura bae parara, wax lahi vairanai na heto, ranu haga amo e hebubu dobimu na heto.
MIC 1:5 Ina idoinai na Iakob ena kerere dainai, Israel besena ena kara dika dainai. Iakob ena kerere be dahaka? Ena kerere na Samaria ani? Bona Iuda besena ena kara dika be dahaka? Ena kara dika na Ierusalem ani?
MIC 1:6 Taunabunai, lau ese Samaria baina hasenua tano paka ai, vine imeadia ihadodia gabuna ai baina halaoa; ena nadi na koura ai baina bubudia dobi, ena badi nadidia baina hulalai.
MIC 1:7 Ena dirava laulaudia iboudiai bae huaridia patapata, ena ariara karadia davadia iboudiai na lahi ese baine goledia oho; ena kaivakuku iboudiai na lau ese baina habuadia tari; badina be lebulebu hahinena ahuna amo e haboudia, bena lebulebu hahinena ahuna ai ma baela.
MIC 1:8 Ina dainai baina rohe ahu, baina tai lolololo; egu dabua baina doki oho, gagaegu ai bainala; uda sisiadia na heheto baina tai lolololo, kokokoko na heheto baina tai badabada.
MIC 1:9 Badina be ia berona na basie hanamoa diba; Iuda ai vada e kau, egu bese taudia edia ikoukou ai vada e kau, Ierusalem ai vada e kau.
MIC 1:10 Gata al basio herevalaia, basio tai; Bete-le-afra ai ḡahu ai ba hekui-hekui.
MIC 1:11 Safiri taumui e, emui dala ai ba raka lao, ḡaḡaemui ai, mai hemaraimui ida. Saanan taudia na asie raka lasimu; Bet-esele ena taitai ese ena gini gabuna na emui amo baine abia oho.
MIC 1:12 Maroto taudia ese namo e nariamu, mai kudou-hetahadia ida; badina be dika na Iehova ena amo vada e diho, Ierusalem ikoukouna enai.
MIC 1:13 Lakisi taumui e, hosi na kariota ai ba guidia; umui na kara dika matamana Siona natuna kekenina enai, badina be umui lalomui ai Israel ena kerere e davaridia.
MIC 1:14 Taunabunai hahetoni herahiadia na Moresete-gata ba henia; Aksib rumadia na koikoi ḡaudia ai baela Israel pavapavadia ediai.
MIC 1:15 Maresa inoholaina taumui e, kwalimu tauna na ihadareremui totona ma baina mailaia; Israel hairaina na Adulama enai baine kau.
MIC 1:16 Kwaramui ba nau, huimui ba utu, emui lalokau memerodia daidiai; kwaramui ba nau, ugava kwaradia na heheto, badina be natumui na emui amo bae raka oho, gabu daudauna ai bae hanohodia.
MIC 2:1 Kara havara e lalo hatamu, bona kara dika daladia na edia mahuta patadia ai e haeromu taudia, madi ihabaidia! Daba e reremu ai, e karaiamu, badina be una na imodia lalodiai.
MIC 2:2 Biru tanodia e hekise-hekise henidiamu, bena e dadidiamu, ruma danu, bena e abidia ohomu; tau ta mai ena ruma ida, tau ta mai ahuna ida, e hahisihisidiamu.
MIC 2:3 Taunabunai Iehova ini e gwau tomamu: A itaia, ina iduhu ihadikana dalana na laloa hatamu, aiomui na ia metauna henuna amo basio abidia oho diba; bena basio raka mai hekokorokumui, badina be nega na baine dika.
MIC 2:4 Una dina ai ehona na latamui ai bae kurea lao kurea lao, edia rohe-ahu ai bae tai lolololo, baeto “Ai na vada a dika vaitani; ia ese egu bese ahuna e ha-idauamu, egu amo e abia ohomu. Ia ese emai biru tanodia na e guimai taudia e henidia hagau-hagaumu”.
MIC 2:5 Taunabunai, Iehova ena hebou taudia bogaragidiai, tau ta basine noho, tano hetoana na mari amo basine davaria.
MIC 2:6 Idia na e gwaugwaumu, “Basio haroro” e tomu; “gau unuhetomadia basio harorolai; ihahemaraida ḡaudia ese basie lasida tao”.
MIC 2:7 Iakob besena e, ini e gwau tomamu be namo eiava? Iehova ena Lauma se haheaukamu a? Ini na iena kara a? Egu hereva ese raka maoromaoro tauna na asie hanamoamu a?
MIC 2:8 A umui na o tore isimu, egu bese taudia o inai henidiamu; maino taudia, heabidadama ai e raka hanaimu bona tuari asie laloa hatamu taudia, edia dabua o dabuidia ohomu.
MIC 2:9 Egu bese hahinedia na edia ruma namodia amo o luludia lasimu; bona natudia maraḡidia edia amo lau hairaigu o abia oho vaitanimu.
MIC 2:10 A tore isi, baola; badina be ina na dia laḡa-ani gabuna ta; badina be hahemiro ese e habuaiamu, e habuaia tarimu.
MIC 2:11 Tau ta bema loaeva-eva, hereva asi anidia bona hereva koikoidia bema gwaurai, bema toma “Vine ranuna bona inuinu ḡaudia goadadia baina harorolai henimui”, ia na bema heḡereḡere ina bese enai, edia haroro tauna ai bema lao.
MIC 2:12 Iakob besena taumui e, momokani lau ese iboumui ai baina haboumui, Israel taudia kwabukwabudia danu baina haboudia. Baina gogodia, mamoe na edia maḡu ai e hegogomu na heheto, mamoe serina edia rei gabuna ai e nohomu na heto, taunimanima hulumana, mai heloḡo-heloḡodia ida.
MIC 2:13 Maḡu ihamauruna tauna na idia vairadiai bainela, bena bae tata uru, ikoukou amo bae hanai, unu amo bae didi lasi. Edia pavapava ese baine gunalaidia, Iehova na mata ai bainela.
MIC 3:1 Bena lau nato: Iakob besena ikwarana taumui e! Israel besena ilohiana taumui e! Hahemaoro ḡoevaḡoeva ikarana boma diba ani?
MIC 3:2 Umui ese namo o inai heniamu, bona dika o ura heniamu; umui ese egu bese taudia kopidia o kopadia ohomu, bona hidiodia na turiadia amo o vakadia ohomu;
MIC 3:3 umui ese egu bese taudia hidiodia o animu, bona kopidia o kopadia ohomu, bona turiadia o hakwaidudia rohorohomu, bona o utudia sisisisimu, vamu uro lalonai na heto, hidio tohe lalonai na heto.
MIC 3:4 Bena Iehova bae tai henia, a ia ese basine haere henidia; una negana ai vairana na edia amo baine hunia, badina be idia na vada e kara dika.
MIC 3:5 Peroveta taudia ese egu bese taudia na e hakaudia kereremu; adia e davariamu negana ai e boiboimu, e tomu “Maino”, a adia se henidiamu tauna na e tuari heniamu. Iehova ese unu e herevalaidia tomamu.
MIC 3:6 Taunabunai hanua baine boi emui ai, basio mata hanai, bona baine dibura emui ai, asi bagu-haoro ḡauna. Dina baine diho peroveta taudia latadiai, dina baine dibura idia daediai;
MIC 3:7 mata-hanai taudia na bae hahemaraidia, bagu-haoro taudia danu bae hahemaraidia; iboudiai ese ududia bae tao ahu, badina be asi haere ta Dirava ena amo.
MIC 3:8 A lau na siahu ai vada name honu, Iehova ena Lauma ese vada e rohegu, mai hahemaoro ḡoevaḡoevagu bona mai goadagu ida, Iakob ena kerere bona Israel ena kara dika ihahedinarai-henidia totona.
MIC 3:9 Iakob besena ikwarana taumui e! Israel besena ilohiana taumui e! Ina na ba kamonai. Umui ese hahemaoro ḡoevaḡoeva o inai heniamu, bona ahu korikoridia iboudiai o hakererediamu.
MIC 3:10 Umui ese Siona o haginiamu rara amo, bona Ierusalem kara dika amo.
MIC 3:11 Ikwarana taudia na hahemaoro e karaiamu, koikoi henitaona dainai; ena hahelaḡa taudia e hahedibamu, hevatu dainai; ena peroveta taudia e bagu haoromu, moni dainai; ḡau tamona, idia ese Iehova e abidadama heniamu, e tomu: Iehova na ita bogaragida ani? Dika ta na latadai basine kau.
MIC 3:12 Taunabunai, umui daimui ai Siona bae ruaia, biru tanona na heto; Ierusalem na vada e heḡiḡi dobi rumadia senudia ai bainela, bona dubu ororona na uda ese baine udaia ahu.
MIC 4:1 Dina gabedia ai Iehova ena dubu ororona na ororo atai-hereana ai baine hahelao, ororo daediai baine heabi isi. Taunimanima ese ia lalonai bae didi vareai,
MIC 4:2 bona bese momo baema, baeto: Aoma, Iehova ena ororo ai baita dara dae, Iakob ena Dirava ena dubu baita dae henia; ia ese ena dala baine hadibalaida bona iena dala ai baita raka helaoreana. Badina be Siona lalona amo taravatu baine lasi, bona Iehova ena hereva danu Ierusalem amo.
MIC 4:3 Ia ese taunimanima momo padadiai baine hahemaoro, bona dauhai e nohomu besedia mai goadadia daidiai baine gwau maoro; bena edia dare na ruarua isivadia bae karalaidia, bona edia io na ilapa bae karalaidia; bese ta ese dare basine abia isi, bese ta ituari-henina totona, bona tuari daladia basie tahudia;
MIC 4:4 a ta ta ena vine auna ena vine auna bona ena suke auna ena suke auna henudiai bae helai, bona tau ta ese basine hagaridia; badina be Iehova Sabaota na uduna amo vada e hereva.
MIC 4:5 Badina be bese iboudiai na e rakamu, ta ta ena dirava ladana ena dirava ladana ai; a ita ese Iehova, eda Dirava, ladana ai baita raka, ela bona hanaihanai.
MIC 4:6 Iehova na e tomu: Una dina ai lau ese ae-hedairike taudia baina haboudia, bona vada e luludia oho taudia ma baina gogodia, bona vada na hahisihisidia taudia danu.
MIC 4:7 Ae-hedairike taudia na bese kwabukwabuna ai baina halaodia, bona e negedia daure taudia na bese mai goadana ai baina halaodia; bena Iehova ese baine lohiadia Siona ororona ai, ina negana amo ela bona hanaihanai.
MIC 4:8 Oi, mamoe serina igimana kohorona, oi, Siona natuna kekenina ena ororo, oi dekemu ai siahu gunana ma baine kau, Ierusalem natuna kekenina ena basileia danu.
MIC 4:9 Dahaka dainai harihari o tai lolololomu? Oi na asi pavapavamu a? Emu hahealo tauna vada e mase, bena hisihisi ese e gugubamu hekamonai hahinena na heto a?
MIC 4:10 Siona natuna kekenina e, ba hehure-hehure, ba ḡanaḡana, hekamonai hahinena na heto; badina be hanua lalona amo ba raka lasi, tano paka ai ba noho, Babulono do baola. Unuseni ai do bae rauamu, unuseni ai Iehova ese oi inaimu imadia amo baine hamaurimu.
MIC 4:11 Harihari bese momo e heboumu, ituari-henimu totona; idia na e tomu “Bae hamiroa, bena matada ese Siona bae raraia tao”.
MIC 4:12 A idia na Iehova ena lalo-hadai asi dibadia, ena lalo-hata ḡaudia asi dibadia; asi dibadia ia ese vada e haboudia, uit ikumidia na uit ikwadilaina gabuna ai e haboumu na heto.
MIC 4:13 Siona natuna kekenina e, a tore isi, a kwadidia! Badina be doamu na auri ai baina halaoa, bona aemu na auri-laboralabora ai baina halaodia; bese momo ba botadia patapata, edia kohu na ba hahelagaia, Iehova ena, edia taḡa na ba hahelaḡaia, tanobada idoinai Lohiana ena.
MIC 5:1 Harihari vada e maḡumu ahu; vada e kouda heḡege; hebota auna amo Israel lohiana vahana e botaiamu.
MIC 5:2 Betelehem Efrata e, oi na maragi, Iuda iduhudia bogaragidiai, to oiemu amo tau ta baine tore isi egu, ia na Israel lohiana ai bainela; ena hematama na nega gunana amo, sene negadia amo.
MIC 5:3 Taunabunai, ia ese baine rakatanidia, ela bona hekamonai hahinena baine mara negana ai, benil tadikakana orena bae lou mai Israel taudia dekediai.
MIC 5:4 Bena ia na baine gini, ena mamoe serina baine ubua, Iehova goadana ai, Iehova, ena Dirava, ladana siahuna ai. Idia na mai mainodia ida bae noho, badina be ia na baine bada, ela bona tanobada dokodia.
MIC 5:5 Maino dalana binai, Asuria tauna na eda kaha ai bainema, bona eda tano baine moimoilaia negana ai: ita ese mamoe ireḡudia taudia hahitu baita haginidia, ia ilao-ahuna, bona hanua lohiadia taurahani danu.
MIC 5:6 Idia ese Asuria tanona bae lohiaia, dare amo; bona Nimrod ena tano danu, ala-ala darena amo. Idia ese Asuria tauna imana amo bae hamaurida, eda kaha bainema, eda tano baine moimoilaia, negana ai.
MIC 5:7 Bena Iakob taudia kwabukwabudia na bese momo bogaragidiai bae noho, hunu Iehova ena amo na heto, medu batugu rei latanai na heto; unu na asie halahemu, taunimanima daidiai, taunimanima natudia asie naridiamu.
MIC 5:8 Iakob taudia kwabukwabudia na basileia idau-idau bogaragidiai bae noho, bese momo bogaragidiai bae noho, leona uda boromadia bogaragidiai na heto, leona natuna mamoe seridia bogaragidiai na heto; e raka hanaimu negana ai, e moi tao moi taomu, e dare patapatamu, asi tauna ta baine hahemauri.
MIC 5:9 Imamui na bae heabi isi, amui inai taudia daediai, inaimui na bae henege daure.
MIC 5:10 Iehova na e tomu: Una dina ai emui hosi na baina aladia mase bogaragimui ai, bona emui kariota baina hamakohidia rohoroho.
MIC 5:11 Emui tano hanuadia baina habuadia tari, bona emui gabu aukadia iboudiai baina ḡiḡidia dobi;
MIC 5:12 mea ḡaudia na imamui ai baina hamakohidia, emui rohe taudia na bae ore;
MIC 5:13 emui kaivakuku baina utudia gari, bona emui au-tubua danu bogaragimui ai; bena imamui amo e kara ḡaudia na basio toma henidia diho lou;
MIC 5:14 emui au-tubua helaḡadia baina hagaridia bogaragimui ai, bona emui hanua baina habuadia tari.
MIC 5:15 Mai badugu ida bona mai badu-ḡaraḡaragu ida, lau ese dava baina kara, asi edia kamonai besedia latadiai.
MIC 6:1 Iehova ena hereva a kamonai: A tore isi, ororo vairadiai emui gini-kau gabuna ba herevalaia, ororo komutadia na gadomui bae kamonai.
MIC 6:2 Ororo e, Iehova ena gwau-gwau herevadia a kamonai, tanobada badidia, o mia hanaihanaimu gabudia, danu a kamonai; badina be Iehova ese ena bese taudia e gwau henidiamu, ia ese Israel baine heai henia.
MIC 6:3 Egu bese taumui e, ede vada na karamui toma? Ede vada na hahisihisimui toma? A haere henigu.
MIC 6:4 Badina be Aigupto tanona amo na hakaumui lasi, iḡui rumana amo na hamaurimui; Mose bona Aaron bona Miriama na umui vairamui ai na siaidia guna.
MIC 6:5 Egu bese taumui e, ba laloa, Balak, Moab pavapavana, ena lalo-hata be dahaka, bona Balaam Beoro ese ede e haere henia toma, bona Sitim ela bona Gilgal dahaka e vara; bena Iehova ena hahemauri karadia ba diba.
MIC 6:6 Dahaka baina mailai Iehova vairanai, atai Diravana baina toma henia diho totona? Ḡole-oho boubou ḡaudia ia vairanai baina mailaidia a? Boromakau natudia, laḡani tamona ḡaudia, a?
MIC 6:7 Iehova ese nani mamaruanedia daha daha baine moalelaidia a? Eiava dehoro sinavaidia gerebu gerebu a? Natugu roboana baina heni, egu kerere davana, a? tau-anigu amo e vara ḡauna baina heni, laumagu ena dika davana, a?
MIC 6:8 Taunimanima e, ia ese vada e hamaoromu, kara namona be dahaka, Iehova ena ura oiemu ai be dahaka. Ina mo: ba hahemaoro ḡoevaḡoeva, hebogahisi ba ura henia, bona emu Dirava ida ba raka hebou mai manaumu ida, ani?
MIC 6:9 Iehova gadona ese hanua e boi heniamu, (oi ladamu igarilaina na aonega namona), e tomu: Bese laumui boua hanua laumui e, a kamonai!
MIC 6:10 Kara dika kohudia, kara dika taudia edia ruma ai, bona hahetoho koikoi karadia, e uduguiraidiamu gaudia, baina lalodia boio diba a?
MIC 6:11 Mai ena hahetoho ḡauna dikana bona ena hahetoho auridia koikoidia modana tauna na maorona baina gwauraia a?
MIC 6:12 Emui taḡa taudia na daḡedaḡe ai e honumu; emui hanua taudia na e hereva koikoimu, maladia na mai koikoidia, ududia lalodiai.
MIC 6:13 Taunabunai lau ese vada na rahumui mase matama; vada na habuamui, emui kara dika daidiai.
MIC 6:14 Bavaniani, a bogamui basie kunu, tau-animui do bae hitolo; ḡau bavato tabe, to basio gogo, bona ba gogo ḡaudia na lau ese dare baina henia.
MIC 6:15 Ba hadohado, to basio ḡeiḡei; olive huahuadia ba moimoilai, to kopimui na dehorodia basio dahulai; vine huahuadia ba moimoilai, to vine ranuna basio inua.
MIC 6:16 Badina be Omri ena taravatu vada o badinadia, bona Ahaba iduhuna ena ḡaukara idoinai danu, bona edia hahealo ai vada o raka; una dainai baina habuamui tari, emui hanua taudia na bae si henidia, bona bese idau-idau ese bae ihi-ihiraimui.
MIC 7:1 Madi ihabaigu! Lau na huahuana vada e buruki ore auna eiava vinena vada e gogo ore imeana na heto; asi vine-takona ta mia, lau ese baina ania, asi suke-huahuana ta, egu hitolo ilao-ahuna.
MIC 7:2 Dirava imatauraina tauna vada e mase tanobada ai, asi kara-maoromaoro tauna ta noho, taunimanima bogaragidiai; iboudiai na e banimu, rara ihahebubuna totona, iboudiai ese huo e otomu, tadikakadia iabidia totona.
MIC 7:3 Imadia na e heḡaeḡaemu, kara dika ikarana, vada bae kara balaheni; hanua lohiana bona hahemaoro tauna ese henitao koikoi ḡauna e tahuamu, bona tau badana ese ena heḡahusi ḡaudia e gwauraimu; unu amo kara maoromaoro e moḡeamu.
MIC 7:4 Idia bogaragidiai tau namona na ava ḡiniḡini na heto, bona kara maoromaoro tauna na au ginigini na heto. Edia gima taudia edia dina, edia dava-abi dinana, vada e gini dae, harihari ihabuadia dinana be kaumu.
MIC 7:5 Dekemu tauna basio abidadama henia, turamu basio abiabiraia; udumu ba naria, dekemu ai e hekuremu hahinena enai;
MIC 7:6 badina be mero ese tamana e dadaraiamu, bona kekeni ese sinana e inai heniamu; rava-maraḡi hahinena ese rava-bada hahinena e daḡedaḡe heniamu, bona ruma taudia korikoridia ese ruma biaguna e inai heniamu.
MIC 7:7 A lau ese Iehova baina haḡerea, ihamaurigu Diravana baina naria; egu Dirava ese baine kamonai henigu.
MIC 7:8 Inaigu e, lau latagu ai basio moale; baina keto negana ai ma baina tore isi; dibura ai baina helai negana ai, Iehova na egu diari ai bainela.
MIC 7:9 Iehova ena badu henunai baina haheauka, badina be vada na kara dika henia; eIa bona ia ese egu gini-maoro gabuna baine herevalaia, bona hahemaoro baine karaia lau daigu ai. Ia ese diari ai baine hakaugu lasi, ena hahemauri do baina itaia.
MIC 7:10 Bena inaigu ese baine itaia, bona e hereva henigu, eto “Iehova, emu Dirava, na edeseni ai?”, hahinena na hemarai ese baine ḡovaia ahu. Matagu ese ena hemarai bae moalelaia; harihari vada bae moimoilaia, ariara kopukopudia na heheto.
MIC 7:11 Emui maḡu ihaginidia dinana! Una dina ai emui tano hetoadia bae bada.
MIC 7:12 Una dina ai taunimanima na dekemui baema, Asuria amo ela bona Aigupto, Aigupto amo ela bona Sinavai Badana, davara amo ela bona davara, ororo amo ela bona ororo.
MIC 7:13 A tanobada na baine vahu inoholaina taudia daidiai, edia kara huahuadia daidiai.
MIC 7:14 Emu bese taudia na emu itotohi amo ba reḡudia, idia na emu mamoe korikoridia; idia na uda ai e noho hedoamu, biru tanodia bogaragidiai. Basan ai bona Gilead ai bae heubu, nega gunadia heḡereḡeredia.
MIC 7:15 Aigupto tanona amo o raka lasi dinadia ai heḡereḡerena lau ese hoa ḡaudia baina haheitalaidia.
MIC 7:16 Bese idau-idau ese bae itaia, bena bae hemarai, edia goada idoinai hemaraina bae hemarai; ududia na imadia amo bae tao ahu, taiadia na bae kudima.
MIC 7:17 Ḡahu bae demaria, gaigai na heheto, tano ai e raumu ḡaudia na heheto; edia gabu aukadia amo bae raka lasi, mai heude-heudedia ida; Iehova, eda Dirava, bae haḡerea mai garidia ida, oi daimu ai bae gari.
MIC 7:18 Edena Dirava na oi heḡereḡeremu? Kara dika e gwau taomu, bona kerere e lalo negemu, dihina kwabukwabudia daidiai. Ia ese ena badu basine hahesiriua hanaihanai, badina be hebogahisi e moalelaiamu.
MIC 7:19 Ia ese ma baine bogada hisi, ia ese eda kara havara baine moidia tao, ia aena henudiai. Oi ese emai kara dika iboudiai na davara ena dobu gabudia ai ba negedia.
MIC 7:20 oi ese emu heabidadama na Iakob ba hahedinarai henia, bona emu hebogahisi na Abraham ba haheitalaia, senemai o gwau henidia hamata heḡereḡerena, nega gunadia amo.
NAH 1:1 Maduna metauna Nineve latanai; Nahumu, tau Elkoso, ena mata-hanai bukana.
NAH 1:2 Iehova na vaḡeḡe bona hadava Diravana, Iehova na dava e hadavamu mai baduna ida. Iehova ese ana inai taudia e hadava henidiamu; ia inaina e badu henidiamu.
NAH 1:3 Iehova ena badu na se vara haraḡamu, ena goada na herea; Iehova ese kerere taudia maorodia basine gwaurai, lasi ona lasi vaitani. lena dala na koe-hirihiri ai bona lai gubana ai, ori na ia aena ḡahuna.
NAH 1:4 Ia ese davara e gwau heniamu, e hakororoamu, sinavai iboudiai e hakororodiamu; Basan bona Karamele e geaka-geakamu, Lebanon burena e maraimu.
NAH 1:5 Ia vairanai ororo e heude-heudemu, bona ororo komutadia e vevemu; ia vairanai tano na e vahumu, tanobada mai inoholaina taudia iboudiai ida danu.
NAH 1:6 lena badu vairanai daika baine gini? Ena badu garaḡarana ai daika baine haheauka? Ena badu na e seia dobimu lahi na heto; haga nadidia ia ese e hapararadiamu.
NAH 1:7 Iehova na namo, ia na gabu aukana hekwakwanai dinana ai; enai e roho maurimu taudia na e dibadiamu.
NAH 1:8 A utu-utu badana amo ia ese ana inai taudia bame ha-uredia vaitani, bona inaina na baine hahavadia ela bona dibura lalonai.
NAH 1:9 Dahaka o lalo hatalaiamu, Iehova ihadikana? Ia ese inaina baine habuadia tari vaitani. Ia ese ia inaina basine hadava henidia nega harua.
NAH 1:10 Au giniginidia heromedia na heheto e aradia oremu, eiava rei kakoro na heto.
NAH 1:11 Iehova ihadikana dalana e lalo hatalaia bona kara dika e hahealolaia tauna ta oiemu amo se lasi a?
NAH 1:12 Iehova ini e gwau tomamu: Ena be idia na gogoada bona huhutuma, to bae henege daure bona bae puki oho. Ena be vada na hahisihisimu, to basina hahisihisimu lou.
NAH 1:13 Harihari iena madluna oi paḡamu ai na baina hakwaidua, bona iḡuimu varodia baina hamotudia.
NAH 1:14 Iehova ese oi vada e haḡanilaimu, e tomu: Ini amo oi ladamu basine hesiriu; emu dirava edia dubu lalona amo e koroa bona e hahelaria kaivakukudia baina negedia daure; oiemu guri baina ḡeia, badina be oi na dika rohoroho.
NAH 1:15 A itaia, hari namodia e mailaidiamu tauna, maino e harorolaiamu tauna, aena na ororo ai. Iuda e, emu aria ba kara, emu gwauhamata anidia ba kara, badina be kara dika tauna ese nega ta ai basine tuari henimu lou, ia na vada e henege daure vaitani.
NAH 2:1 Ihamakohimu tauna ese vada e tuari henimumu, maḡu ba gimadia, dala ba itaia tao; emu rami ba hekasilaia, goadamu idoinai ba heḡaeḡaelaia.
NAH 2:2 (Badina be Iehova ese Iakob siahuna e havaraia loumu, Israel siahuna heḡereḡerena; badina be dadidadi taudia ese vada e dadihaidia, bona rigidia na vada e hadihakia vaitani.)
NAH 2:3 Iena goada taudia edia kesi na kakakaka, ena tuari taudia ese dabua kakakakadia vada e hahedokilai. Kariota e haboudia hegaeḡaemu negana ai idia na e hwuru-hururumu, lahi na heto; hosi na e hare loamu.
NAH 2:4 Kariota na ariara ai e heau lalo-dikamu, hanua ariaradia ai e heau laomu e heau maimu; e kiama-kiamamu kede na heheto, e kinoa laomu kevaru na heto.
NAH 2:5 Tuari biagudia na e boiridiamu, laodia ai e hetutuhimu; maḡu e heau heniamu, vaḡoma vada e haheḡaeḡaea.
NAH 2:6 Sinavai ihadai-ahudia vada e kehodia, pavapava ena ruma ai kudoudia e hetahamu;
NAH 2:7 pavapava hahinena na ena dabua vada e hahedokidia oho, vada e laohaia, ena hesiai kekenidia na e rohe ahumu, e taimu pune na heheto, e tai hevalemu.
NAH 2:8 Nineve na ranuna e aru ohomu gohuna na heto; e boi lolomu, e tomu “A gini, a gini”, a ta se gini kerehaimu.
NAH 2:9 Silver ba dadia! Gold ba dadia! Kohu namodia na asi dokodia, ḡau herea-daedia na momo herea.
NAH 2:10 Hahevahu! Haheḡagae! Hahebua-tari! Kudou e hetahamu; tui e tabubu-tabubumu; koekoe iboudia e hisihisimu; vaira iboudiai e laboramu.
NAH 2:11 Leona ena guri na edeseni ai? leona natuna edia kohua na edeseni ai? leona ese damuna e vareailaia gabuna, natuna e noholaiamu bena ta ese se hamarerediamu gabuna, be edeseni ai?
NAH 2:12 Leona ese vamu e darea sisisisi, natuna adia, bona damuna gadona e koria, advana adia; ena kohua na damuna amo bona ena guri na vamu amo e hahonudia.
NAH 2:13 Iehova Sabaota na e tomu: A itaia, lau ese na tuari henimumu; emu kariota na baina doudia, kwalahu ai baela; dare ese emu leona natudia baine ha-oredia; oi damumu na tanobada amo baina negea daure, bona emu gwaukau taudia eredia na basie hekamonai lou.
NAH 3:1 Rara hebubu hanuana, madi ihabaina! Koikoi bona dadidadi ḡaudia ai e honu honu daemu; dadidadi karadia na asi dokodia.
NAH 3:2 Hekwadi varona bona ava-keikei reḡedia e daemu; hosi bona kariota e heau lalo-dikamu.
NAH 3:3 Hosi gui taudia e tata laomu, dare e hururu-hururumu, io e kiama-kiamamu; hutuma bada e masemu, mase tau-anidia na e hasenudiamu, mase tau-anidia na asi dokodia, ediai e hetutuhimu.
NAH 3:4 Ini na ariara hahinena ena ariara karadia momo-herea daidiai, mai hairaina bona mai ena mea dikadia, ena ariara karadia amo basileia idau-idau e dibaḡanidiamu, bona ena mea karadia amo bese ulau-idau e hahekwakwanaidiamu.
NAH 3:5 Iehova Sabaota na e tomu: A itaia, lau ese na inai henimumu, bona vairamu na ramimu amo baina ḡovaia ahu. Bese idau-idau baina haheitalaidia, oi na gagaemu mo, basileia idau-idau emu hemarai baina haheitalaidia.
NAH 3:6 Lau ese miro amo baina hodomu, baina dadaraimu, bona hamue ḡauna ai baina halaomu.
NAH 3:7 Bae itamu taudia iboudiai na bae lagagalaimu, baeto, Nineve vada e vahu; daika ese baine tailaia? Ia tauna ihalona taudia na edeseni ai baina tahudia?
NAH 3:8 Oi ese Tebe o hereaia a? Ia na Nilo sinavaina isena ai e daia, ranu ese e ḡeḡea ahuva, ia inaina ilao-ahudia ḡauna na davara, bona ena maḡu na ranu.
NAH 3:9 Etiopia na ena goada, bona Aigupto danu, asi hetoana; Put bona Libia taudia ese e kahaia.
NAH 3:10 Ḡau tamona, vada e abia oho, mai iḡuina ida e laohaia; ena memero maraḡidia na e huaridia patapata, ariara iboudiai doridia ai; ena taunimanima namodia, e matauraidia taudia, na mari amo e abidia, bona ena lohia badadia na auri gadeadia amo e ḡuidia.
NAH 3:11 Oi danu ba kekero, matamu bae madai-madai; roho-mauri gabuna do ba tahua, inaimu amo ba roho mauri totona.
NAH 3:12 Emu kohoro iboudiai na suke audia na heheto, huahuadia e dobi matama negana ai; bema haheude-heudedia, idia na ianidia taudia ududia ai bema moru.
NAH 3:13 A itaia, emu tuari oreadia na hahine na heheto, oi bogaragimu ai. Emu tano ikoukoudia na e hekeho vaitani, oi inaimu vairadiai; emu kahitao audia na lahi ese vada e aradia ore.
NAH 3:14 Ranu ba utua, ba hekou ahu negana ranuna, emu maḡu ba ha-aukadia; raro gabuna baola, raro ba kuia, raro mauana bavabia.
NAH 3:15 Unuseni ai lahi ese baine hamasemu, dare ese baine gwadamu mase, baine animu ore kwadi na heto. Ba hutuma, kwadi na heto; ba hutuma, rei kwadidla na heheto.
NAH 3:16 Emu hoihoi taudia o hahohodia, idia ese guba hisiudia e hereadia; kwadi ese hanina e toi roromu, e roho laomu.
NAH 3:17 Emu hanua lohiadia na rei kwadidia na heheto, emu toretore taudia na kwadi tabatabadia na heheto; era ai e helaimu, keru dinana ai, a dina e daemu negana ai e roho laomu, tau ta asi dibana idia na edeseni ai.
NAH 3:18 Asuria pavapavana e, emu mamoe ireḡudia taudia na e mahutamu, emu lohia taudia na e mahuta hedavauhemu, emu taunimanima na ororo ai e karoho rohorohomu, asi ihaheboudia tauna ta.
NAH 3:19 Emu hisihisi na asi ihanamona dalana, beromu na dika herea; oi harimu e kamonaimu taudia iboudiai ese imadia na e patapata henimumu. Badina be oiemu hahedika karadia asi dokodia be daika ese se mamia toho a?
HAB 1:1 Dirava ena hereva metauna, peroveta tauna Habakuku ese e matahanailaia.
HAB 1:2 Iehova e, baina boi henimu, ba durugu totona; bena basio kamonai ela bona edena nega ai? Eiava baina tai henimu, bainato “Daḡedaḡe”, bena basio hamaurigu a, ela bona edena nega ai?
HAB 1:3 Badina be dahaka kara kereredia o haheitalaigumu? Dahaka dainai hekwakwanai ḡaudia o hahedinarai henigumu? Hahebua-tari bona daḡedaḡe na vairagu ai, heatu bona heiri-heiri na e varamu.
HAB 1:4 Taunabunai, taravatu e manokamu, bona hahemaoro ḡoevaḡoeva na se hedinaraimu. Badina be kara dika taudia ese kara maoromaoro taudia na e ḡeḡedia daemu, bona hahemaoro ḡoevaḡoeva na e gageva-gagevamu.
HAB 1:5 Bese bogaragidiai ba roharoha, ba itaia; ba hoa, ba hoa dikadika. Badina be emui nega ai kara ta na karaiamu; ena be bama hamaorolaimui, to basioma kamonai.
HAB 1:6 Badina be, a itaia, Kaldea taudia na hatoredia isimu, una kara idita bona kara heau-heau besena. Idia ese tanobada lababana e rakaia hanaimu, noho gabudia dia idia edia na idia ese e dadimu.
HAB 1:7 Idia ese gari bona kudou-hetaha e havaradiamu, edia hahemaoro bona edia siahu na sibodia edia amo e varamu.
HAB 1:8 Edia hosi ese taiga e hereadiamu edia heau ai, bona tano-ḡaḡaena uda-sisiadia e hereadiamu edia daḡedaḡe ai; edia hosi-gui taudia na e heaumu mai heaḡidia ida. Oibe, edia hosi-gui taudia na dauha amo e maimu, ugava na heto e rohomu, ala-ala totona.
HAB 1:9 Iboudiai na kara daḡedaḡe totona e maimu; igari-henidia na vairadiai e laomu, e ḡuidiamu taudia na miri na heto.
HAB 1:10 Hanua pavapavadia na e ihi-ihiraidiamu, bona hanua lohiadia na e kirikirilaidiamu. Kohoro iboudiai e kirikirilaidiamu, badina be tano na e larebamu, bena-e abidiamu.
HAB 1:11 Lai na heto e heau hanaimu e laomu, kerere laudia, sibodia edia goada na edia dirava ai e halaoamu.
HAB 1:12 Iehova e, egu Dirava, egu Helaḡa Diravana, oi na o noho hanaihanaimu ani? Ai na basia mase. Iehova e, oi ese vada o gwauraidia, ai ihahemaoro-henimai taudia ai baela. Nadi-gini e, oi ese vada o haginidia, ai matamai ihakanidia totona.
HAB 1:13 Oi matamu na ḡoeva-dae dainai, kara dika basio itaia, bona kara kerere basio raraia diba. Dahaka dainai asi edia heabidadama taudia na o haḡerediamu? Badina be dahaka oi na asi regeregemu, kara dika tauna ese kara maoromaoro ai ia e hereaiamu tauna e hadonoamu negana ai?
HAB 1:14 Badina be oi ese taunimanima na o karadiamu, davara gwarumedia na heheto, eiava tano ai e raumu ḡaudia na heheto, asi biagudia.
HAB 1:15 Ia ese kimai ai e veridiamu, ena reke ai e veridia lasimu, ena ole ai e haboudiamu, bena e moalemu bona e heaḡimu.
HAB 1:16 Taunabunai ia ese ena reke e bouamu, bona muramura mai bonana na ena ole e gabu heniamu; badina be idia daidiai ia ese digara e animu, bena ana aniani na mai gaihona.
HAB 1:17 Matona, ia ese ena reke anina baine bubua loulou a? Bese idau-idau baine habuadia tari hanaihanai a?
HAB 2:1 Lau na baina gini, baina gima, kohoro ai baina gini, baina roha lao, baina itaia, ia ese ede baine hereva henigu toma, bona ede baina haere toma, egu maumau dainai.
HAB 2:2 Bena Iehova ese e haere henigu, eto: Mata-hanai herevana ba torea, nadi palakadia ai ba hahedinaraia, bena iduahina tauna na baine heau.
HAB 2:3 Badina be mata-hanai na doini ena nega e nariamu, dokona e heau heniamu, basine koikoi. Ena be boma toma ia na metaira-metaira, to do ba naria; momokani, ia na bainema, basine halahe.
HAB 2:4 A itaia, lalona na dia maoro tauna na baine moru, a kara maoromaoro tauna na ena heabidadama dainai baine mauri.
HAB 2:5 Ina danu, vine ranuna na mai ena hekoi, bona hekokoroku tauna na basine noho daudau. Ena mata-ganigani na mai lababana, Mase Gabuna na heto, mase na heto, ia na se honumu. Basileia iboudiai na e gogodiamu, ena; bona bese iboudiai na e haboudiamu, ia sibona ena.
HAB 2:6 Ini iboudiai ese ia bae ḡonaḡonalaia, ani; bae ihi-ihiraia mai kiridia ida, baeto: Ḡau e senumu, dia iena ḡau, tauna, madi ihabaina! Baine noho ela bona edena nega ai? Abitorehai toadia e gogodiamu tauna danu, madi ihabaina!
HAB 2:7 Emu ai e abi torehai taudia na basie tore isi taku a? Oi kudoumu ihahetahana taudia na basie noga a? Ena negana ai idia ese bae dadihaimu.
HAB 2:8 Badina be oi ese basileia momo vada o dadihaidia, una dainai bese kwabukwabudia iboudiai ese bae dadihaimu; taunimanima raradia bona kara daḡedaḡe daidiai, kara daḡedaḡe tano enai bona hanua mai inoholaidia taudia ediai.
HAB 2:9 Ena ruma na dala dikadia amo e hanamoamu tauna, madi ihabaina! Ena ruma na atai ai e atoamu, manu rumana na heto, dika na ienai basine kau helaoreana.
HAB 2:10 Emu ruma ihahemaraina dalana vada o laloa hata; bese momo vada o negedia daure, sibomu vada o hetao tore.
HAB 2:11 Badina be nadi na maḡu amo baine lolo, bona mukuro na ruma amo baine haere.
HAB 2:12 Rara amo hanua e haginiamu bona kara havara amo hanua badana e hadaiamu tauna, madi, ihabaina!
HAB 2:13 A itaia, ina na Iehova Sabaota ena amo, ani? Bese idau-idau e ḡaukaramu, lahi mo iabina, bona basileia idau-idau e hekwarahimu, asi davana.
HAB 2:14 Badina be tanobada na Iehova hairaina idiba-maorona amo baine honu, davara na ranu ai e honumu na heto.
HAB 2:15 Dekena taudia na ena badu keherena amo e ha-inudiamu ela bona e kekeromu, edia hemarai baine raraia helaoreana, tauna na madi, ihabaina!
HAB 2:16 Dia hairai amo to hedadarai amo do ba honu; ba inuinu, ba raraga. Iehova imana idibana ai e miamu keherena na emu ai baine kau, bona hemarai ese hairaimu baine habubunia.
HAB 2:17 Lebanon idagedaḡe henina ese baine habubunimu, uda ḡaudia ihabua-taridia ese baine hagarimu bada, taunimanima raradia bona kara daḡedaḡe daidiai, kara daḡedaḡe tano enai bona hanua mai inoholaidia taudia ediai.
HAB 2:18 Kaivakuku anina namona be dahaka, ikarana tauna ese vada e karaia negana ai? Ia na auri laulauna mo, koikoi ihahedibalaina ḡau. Badina be ima karakara tauna ese sibona e karaia ḡauna na e abidadama heniamu, asi hereva dibadia kaivakukudia e karadiamu negana ai.
HAB 2:19 Au ḡauna e haḡaniamu, e tomu “A noga”, eiava asi hereva dibana nadina e hamaoroamu, e tomu “A tore isi”, tauna na madi, ihabaina! Ina ḡau ese lalo-diari baine havaraia a? A itaia, gold bona silver ese e ḡovaiamu, bona ia na asi laḡana.
HAB 2:20 A Iehova na ena dubu helaḡa lalonai e nohomu; tanobada taudia iboudiai ia vairanai bae noho, asi reḡereḡedia.
HAB 3:1 Peroveta tauna Habakuku ena ḡuriḡuri anena; ane gadona ladana be Shigionoth.
HAB 3:2 Iehova e, oi harimu vada na kamonai; Iehova e, oiemu ḡaukara na garilaiamu. Laḡani bogaragidiai ba hamatamaia, laḡani bogaragidiai ba hahedinaraia; badu lalonai hebogahisi ba laloa tao.
HAB 3:3 Dirava na Teman amo ema, Helaḡa Diravana na Paran ororona amo ema. Ia hairaina ese guba e ḡovaia ahu, tanobada na ia i'imodaina ai vada e honu. (Selah)
HAB 3:4 Ia kiama-kiamana na diari na heto, diari mamadia na ia imana amo e lasi; unuseni ai ia ese ena siahu e ḡovaia ahu.
HAB 3:5 Ia vairanai dai-hanai gorerena ela, bona ia murina amo gorere metauna.
HAB 3:6 Ia e gini, tanobada e hahetohoa; ia e roha lao, basileia idau-idau e haheude-heudedia; bena mia-hanaihanai ororodia na e heḡiḡi rohoroho, ororo komutadia, asie idaumu gaudia, na e hevarure. Ena kara na nega gunadia amo e hesiriumu.
HAB 3:7 Kusana kalagadia na hisihisidia ai na itadia, Midian tanona ena dabua rumadia na e heude-heudeva.
HAB 3:8 Iehova e, emu hosi ai o gui negana ai, emu kwalimu kariotana ai o gui kau negana ai, sinavai na o badu henidia a? Emu badu na sinavai latadiai eiava davara latanai e kau a?
HAB 3:9 Emu peva na pauana o veria oho, emu diba na maora ai o adai; (Selah) tanobada na sinavai amo o hapararaia.
HAB 3:10 Ororo ese e itamu, bena e lagava, abata na e aru e laova; dobu gabuna na e herevava, imana e dudui isiva atai ai.
HAB 3:11 Dina bona hua na edia ḡabu ai e gini, asie marere, emu diba na heidodia ai e kimore-kimore dainai, emu io kimorena dainai.
HAB 3:12 Mai badumu ida tanobada o dagaia tao, emu badu ai bese idau-idau o moimoilaidia.
HAB 3:13 Emu bese ihamaurina totona o raka lasi, o horodia taudia ihamauridia totona. Kara dika tauna kwarana o moia patapata, mamuna amo ela bona aiona o haberoa. (Selah)
HAB 3:14 Ena tuari taudia kwaradia o tarakidia uru; idia na koe-hirihiri na heto igigi-rohorohogu totona ema, idia na e moaleva, ogoḡami taudia bae ha-oredia hehuni eto.
HAB 3:15 Emu hosi aedia amo davara o moimoilaia, abata badadia o moidia tao.
HAB 3:16 Lau na kamonaimu, bena taugu e heude-heudemu, rege bada dainai bibinagu e veverumu; turiagu na e manoka-manokamu, na raka mamanomu. Asi reḡereḡegu hekwakwanai dinana baina naria, eda tano bae tuari henia taudia latadiai baine kau dinana.
HAB 3:17 Ena be suke auna basine burea, bona vine audia huahuadia basie dobi, ena be olvie auna na asi huahuana, bona uma na asi anidia, ena be mamoe bae mase ore edia maḡu ai, bona boromakau rumana na asi boromakauna,
HAB 3:18 to lau ese Iehova baina moalelaia, ihamaurigu Diravana baina moalelaia.
HAB 3:19 Ḡaubada Iehova na egu goada; aegu na dia hahinena aena heḡereḡeredia ai e halaodiamu, egu atai gabudia ai e harakagumu. (Ane-abi taudia biagudia ena: mai gitara reḡedia ida bae abia.)
ZEP 1:1 Iehova ena hereva Sefania enai e kau, Iosia Amon, Iuda pavapavana, ena nega ai. Hari Sefania na Kusi natuna; Kusi na Gedalia natuna, Gedalia na Amaria natuna, Amaria na Hesekia natuna.
ZEP 1:2 Iehova na e tomu: Ḡau iboudiai baina darodia oho vaitani tanobada kopina amo.
ZEP 1:3 Taunimanima bona uda ḡaudia baina darodia oho, bona atai manudia bona davara gwarumedia danu. Iehova na e tomu: Kara dika taudia na baina tahodia dobi, taunimanima iboudiai baina negedia daure, tanobada kopina amo.
ZEP 1:4 Lau ese imagu baina toia roro, Iuda ihadikana totona, bona Ierusalem inoholaina taudia iboudiai ihadikadia totona. Ina gabu amo Baal oreana kwabukwabudia baina negedia daure, bona kaivakuku edia hahelaḡa taudia ladadia baina rohodia:
ZEP 1:5 ruma guhidia ai e igo dihomu guba hisiudia e toma henidia dihomu taudia, bona e igo dihomu Iehova ladana ai e gwau hamatamu a Milkom ladana ai danu e gwau hamatamu taudia,
ZEP 1:6 bona Iehova igavana amo vada e raka muri, Iehova asie tahuamu bona enai asie henanadaimu, taudia.
ZEP 1:7 Ḡaubada Iehova vairanai asi reḡereḡemui ba noho; badina be Iehova ena dina vada eme kahikahi. Iehova ese boubou ḡauna vada e hahegaegaea, bona e vavea taudia na vada e hahelaḡadia.
ZEP 1:8 Iehova ese ena boubou ḡauna baine hahelaḡaia dinana ai, lau ese heitatao taudia bona hanua pavapavana natuna mamaruanedia baina hadava henidia, bona idau bese dabuadia e hahedokilaimu taudia iboudiai danu.
ZEP 1:9 Una dina ai ruma raka-vareaina e rohoa hanaimu taudia iboudiai, bona biagudia edia ruma na daḡedaḡe bona koikoi karadia ai e hahonudiamu taudia iboudiai, baina hadava henidia.
ZEP 1:10 Iehova na e tomu: Una dina ai taitai na Gwarume Ikoukouna amo baine dae, bona tai lolololo na Hanua Matamatana amo, bona rege badana na ororo amo.
ZEP 1:11 Raro-kaka kourana inoholaina taumui e, a tai lolololo! Badina be hoihoi taudia iboudiai na lasihidia; silver e hahetohoamu taudia iboudiai vada eme henege daure.
ZEP 1:12 Una negana ai lau ese lamepa baina abi kau, Ierusalem ai baina hetahu; bena noho-herekwa taudia, lalodia ai e tomu “Iehova basine hahenamo bona basine hahedika” taudia, baina hadava henidia.
ZEP 1:13 Edia kohu na haida ese bae dadi oho, edia ruma na haida ese bae ḡiḡi dobi. Ena be ruma bae haginidia, to basie noholaidia; ena be vine imeadia bae hadodia, to anidia ranudia basie inu.
ZEP 1:14 Iehova ena dina badana vada eme kahikahi, e kahira-kahiramu, e mai haraḡamu; Iehova ena dina reḡena mamina na idita, una dina ai goada-herea tauna baine tai lolololo.
ZEP 1:15 Una dina na badu dinana, hisihisi bona lalo-hekwarahi dinana, hahevahu bona hahebua-tari dinana, dibura bona ḡabora dinana, dagadaga bona dibura masemase dinana,
ZEP 1:16 kibi reḡena bona hone dinana, hanua mai maḡudia bona kohoro ḡaulatalatadia ihadikadia dinana.
ZEP 1:17 Lau ese hisihisi baina mailaia taunimanima latadiai, bena bae raka, mata-kepulu taudia na heheto, badina be Iehova vada e kara dika henia. Raradia bae hebubu nege ḡahu na heto, bona hidiodia boromakau taḡena na heto.
ZEP 1:18 Edia silver eiava edia gold ese basie hamauridia diba, Iehova ena badu dinana ai. Ena badu ḡaraḡarana lahina ai, tanobada idoinai baine ara oho; badina be ia ese tanobada inoholaina taudia iboudiai baine ha-oredia taku, baine ha-oredia vaitani
ZEP 2:1 Asi hemarai dibana besena e! A hegogo, emui hebou ta bavabia,
ZEP 2:2 do basie odamui oho lai ese uit momona e odaia ohomu na heto bona Iehova ena badu ḡaraḡarana na latamui ai do basine diho negana ai, Iehova ena badu dinana na emui ai do basine kau negana ai.
ZEP 2:3 Umui tano taumui mai manaumui ida, ena haheḡani o badinadiamu taumui, Iehova ba tahua! Kara maoromaoro ba tahua, Ialo-manau ba tahua; bena reana ba hehuni diba, Iehova ena badu dinana ai.
ZEP 2:4 Badina be Gasa baine ḡaḡae, bona Askelono baine vahu; Asdod taudia na dina tubua ai bae luludia lasi, bona Ekron baine heraḡa oho.
ZEP 2:5 Kone taumui e, Kerete besena e, madi, ihabaimui! Kanaan e, Filistia tanona e, Iehova ena hereva na latamu ai; lau ese do baina habuamu tari, ela bona inoholaimu tauna ta basine noho.
ZEP 2:6 Oi danu, kone tanona e, rei gabudia ai do ba hahelao: mamoe ireḡudia taudia edia rei gabudia, bona mamoe seridia edia maḡu.
ZEP 2:7 Kone tanona na Iuda besena kwabukwabudia ese bae ḡaunaia, unuseni ai edia mamoe bae ubudia. Hanuaboi bae hekure, Askelono rumadia ai. Badina be Iehova, edia Dirava, ese baine lalodia, bona baine hanamodia lou.
ZEP 2:8 Moab taudia edia hegonaḡonalai bona Amono taudia edia heihi-ihirai vada na kamonai. Idia ese egu bese taudia vada e gonagonalaidia, bona edia tano iabi-ohona vada e herevalaia mai hekokorokudia ida.
ZEP 2:9 Iehova Sabaota, Israel Diravana, na e tomu: Taunabunai, lau na maurimu heḡereḡerena Moab na Sodoma heḡereḡerena ai bainela, bona Amono taudia na Gomora heḡereḡerena ai bae hahelao, ava ḡiniḡini bona laguta tanodia ai baela, bae vahu ela bona hanaihanai. Egu orea taudia kwabukwabudia ese bae dadihaidia; egu bese taudia kwabukwabudia ese bae ḡaunaidia.
ZEP 2:10 Ahudia unu bae heto, edia hekokoroku davana; badina be idia ese Iehova Sabaota ena orea taudia na e kirikirilaidiava bona latadiai e heaḡiva.
ZEP 2:11 Iehova ese baine daḡedaḡe henidia; oibe, ia ese tanobada diravadia iboudiai baine hahitolodia; bena bese idau-idau edia basileia iboudiai ese ia bae toma henia diho, ta ta ena gabu ena gabu ai.
ZEP 2:12 Etiopia taumui e, umui danu; egu dare ese baine alamui mamase.
ZEP 2:13 Bena ia ese imana na mirigini kahana baine toi roro henia, Asuria baine habuaia tari; Nineve danu baine havahua, gabu kaukauna ai baine halaoa, tano ḡaḡaena na heto.
ZEP 2:14 Nani seridia na ia bogaraginai bae hekure, bona uda boromadia idau-idau iboudiai danu; bogibada bona migu na ena au-tubua lalodiai bae noho; baimumu na ena gaba-mauru ai baine mu, bona mukou danu ena raka-vareaina ai; badina be ena sida audia igovalaidia bae hekoki oho.
ZEP 2:15 Hekokoroku hanuana binai, e nohova mai namona ida; sibona e tomava “Lau o ina, idauna ta na lasi”. Madi, vada e vahu vaitani, uda boromadia edia gabu ai vada e hahelao. E rakaia hanaimu taudia iboudiai ese e si heniamu bona imadia e kahu kuboro-kuboro heniamu.
ZEP 3:1 Gwau-edeede hanuana, vada e miro hanuana, daḡedaḡe hanuana, madi ihabaina!
ZEP 3:2 Gado ta se kamonaimu, sisiba ta se abia daemu, Iehova se abidadama heniamu, ena Dirava se raka henia kahimu.
ZEP 3:3 Ena heitatao taudia ia lalonai na e ḡoumu leonadia na heheto; ena hahemaoro taudia na tano-ḡaḡaena uda-sisiadia, ḡau ta basine mia rani.
ZEP 3:4 Ena peroveta taudia na e gwau edeedemu, idia na asi edia heabidadama; ena hahelaḡa taudia ese helaḡa ḡaudia e hamirodiamu, idia ese taravatu e daḡedaḡe heniamu.
ZEP 3:5 Ia lalonai Iehova na e kara maoromaoromu, kara kerere ta ia ese se karaiamu. Daba iboudiai ia ese ena hehamaoro ḡoevaḡoeva e hahedinaraiamu, daba matadia ta ta ai ia na se helalo reamu; a kara gageva-gageva tauna na asi hemarai dibana.
ZEP 3:6 Bese idau-idau vada na negedia daure, edia maḡu vada eme heḡiḡi dobi; edia ariara vada na havahudia, bena ta ese se raka-rakalaidiamu; edia hanua iboudiai vada e hahevahu, asi tauna ta lalodiai; ta ese se noholaidiamu.
ZEP 3:7 Lau nato “Momokani, ia ese baine gari henigu, sisiba baine abia dae; lau ese vada na hadibadibalaidia ḡaudia iboudiai na ia ese basine lalodia nege”; a idia na lalodia e ura dikadikamu lebulebu karadia mo bae kara e tomu.
ZEP 3:8 Iehova na e tomu: Taunabunai, lau ba narigu; lau baina tore isi, baina hereva hedinarai, dinana ba nana. badina be lalogu vada na hadaia, bese idau-idau baina gogodia, basileia idau-idau danu baina haboudia, egu badu na idia latadiai baina bubua dobi totona, egu badu ḡaraḡarana idoinai. Badina be egu vaḡeḡe baduna lahina ai tanobada idoinai baine heara oho.
ZEP 3:9 Oibe, una negana ai bese idau-idau gadodia baina ha-idaudia, gado ḡoeva-daena ai baina halaodia; bena idia iboudiai ese Iehova ladana bae hahanea, bona ia isiaina bae lao heni mai lalodia tamona ida.
ZEP 3:10 Etiopia sinavaidia unukahadia amo, ela bona gabu daudaudia mirigini kahana ai, idia ese herahia ḡaudia na lauegu bae mailai.
ZEP 3:11 Una dina ai ta ese basine hahemaraimu, o daḡedaḡe henigu karadia daidiai; badina be una negana ai emu hetataro taudia na bogaragimu amo baina abidia oho. Bena oi na basio hekokoroku lou, egu ororo helaḡana ai.
ZEP 3:12 Badina be bogaragimu ai bese ta baina hanohoa, lalo-manau bona lalo-manada besena. Idia ese edia roho-mauri gabuna bae tahua, Iehova ladana ai.
ZEP 3:13 Unu na Israel kwabukwabudia: kara dikana ta basie karaia, hereva koikoina ta basie gwauraia; bona ududia amo hereva koikoi basie lasi. Badina be idia na bae aniani, bae hekure nege, bona ta ese basine hagaridia.
ZEP 3:14 Siona kekenimu e, ane avabia badabada! Israel e, a lolo! Ierusalem kekenimu e, ba moale, ba heimodai, mai lalomu idoinai!
ZEP 3:15 Iehova ese ena hahemaoro herevadia na oi latamu amo vada e abia oho; ia ese oi inaimu vada e tahodia lasi. Iehova, Israel pavapavana, na bogaragimu ai; dika garina basio gari lou.
ZEP 3:16 Una dina ai Ierusalem bae hereva henia, baeto: Siona e, basio gari; imamu ba ha-aukadia, basio manoka.
ZEP 3:17 Iehova, emu Dirava, na bogaragimu ai, ia na tuari lohiana, kwalimu e henimu; ia ese baine moalelaimu mai moale-badana ida, ena lalokau ai ia ese baine hamatamatamu; ia ese baine heaḡilaimu mai ane lolona ida,
ZEP 3:18 aria dinana ai na heto. Hahedika na oiemu amo baina abia oho, una hahedika gwauna basio huaia helaoreana.
ZEP 3:19 A itaia, una negana ai e daḡedaḡe henimumu taudia iboudiai na lau ese davadia baina henidia. Ae-hedairike taudia na baina hamauridia, bona e hakarohodia taudia na ma baina haboudia; edia hemarai na heimodai ai bona hari namo ai baina halaoa, tanobada idoinai latanai.
ZEP 3:20 Una negana ai lau ese emui gabu korikori ai baina hakaumui vareai, emui noho ihanamo-louna na matamui amo ba itaia negana ai. Oibe, harimui baina habadaia, bona i'imodaimui danu, tanobada besedia iboudiai bogaragidiai, emui noho ma baina hanamoa lou negana ai. Iehova na unu e gwau tomamu.
HAG 1:1 King Darauese ena lohia laḡanina iharuana lalonai, hua ihatauratoina dinana gini-gunana ai, Iehova ena hereva na peroveta tauna Hagai ena amo e hedinarai, Serubabele Sealtiele, Iuda lohiana, bona Iosua Iehosadak, hahelaḡa tauna badana, ediai e kau, eto,
HAG 1:2 Iehova Sabaota na ini e gwau tomamu: Ini taunimanima na e tomu Iehova ena dubu ihagini-louna negana na do se kau.
HAG 1:3 Bena Iehova ena hereva na peroveta tauna Hagai ena amo e kau, eto,
HAG 1:4 Ina na emui ruma hairaidia lalodiai o nohomu negana a? A ina dubu be heḡiḡi-dobina ai mia.
HAG 1:5 Taunabunai Iehova Sabaota na ini e gwau tomamu: Dahaka dahaka emui ai vada e vara na ba haeroa.
HAG 1:6 Emui hadohado na bada, to emui taboro anina na maragi; o anianimu, to bogamui asie kunumu; ranu o inumu, to gadomui asie doromu; dabua o hahedokilaimu, to ta tauna se lomu. Moni ḡaukaradia e karamu tauna ese ena ḡaukara davana e abiamu, bena puse mai matumatuna lalonai e udaiamu.
HAG 1:7 Iehova Sabaota ini e gwau tomamu: Dahaka dahaka emui ai vada e vara na ba haeroa.
HAG 1:8 Ororo ai ba dara dae, au ba mailai, dubu ba haginia, baina moalelaia bona mai hairaigu ida baina hedinarai helaoreana. Iehova na e herevamu.
HAG 1:9 Ḡau momo o tahu, matogana, sisina mo o davaria; bena o mailaia negana ai lau ese na hiriria oho. Iehova Sabaota na e henanadaimu, e tomu, Dahaka dainai? Badina be egu dubu na e heḡiḡi dobimu, a umui ese ta ta ena ruma ena ruma o ḡaukaralaidiamu.
HAG 1:10 Una dainai guba daemui ai ese hunu vada e rua, bona tano ese anina vada e rua.
HAG 1:11 Lau ese doe vada na gwauraia, taora bona ororo latadiai, bona uit bona vine ranuna bona dehoro bona tano anidia iboudiai latadiai, bona taunimanima bona boromakau bona edia hekwarahi idoinai latadiai.
HAG 1:12 Bena Serubabele Sealtiele bona hahelaḡa tauna badana, Iosua Iehosadak, bona taunimanima kwabukwabudia iboudiai ese Iehova, edia Dirava, gadona bona peroveta tauna Hagai, Iehova, edia Dirava, ese e siaia tauna, ena hereva danue kamonai; bena taunimanima na Iehova vairanai e gari.
HAG 1:13 Bena Hagai, Iehova ena gwaukau tauna, ese Iehova ena gwaukau herevana na taunimanima e hamaorolaidia, eto, Iehova na e tomu: Lau na umui ida.
HAG 1:14 Bena Iehova ese Serubabele Sealtiele, Iuda lohiana, bona Iosua Iehosadak, hahelaḡa tauna badana, bona taunimanima kwabukwabudia iboudiai na lalodia e hasiahudia; bena idia na ela, Iehova Sabaota, edia Dirava, ena dubu e ḡaukaralaia,
HAG 1:15 hua ihatauratoina dinana iharuahui-hanina ai, King Darauese ena lohia laḡanina iharuana lalonai.
HAG 2:1 Hua ihahituna dinana iharuahui-tana ai, Iehova ena hereva na peroveta tauna Hagai enai e kau, eto:
HAG 2:2 Serubabele Sealtiele, Iuda lohiana, bona Iosua Iehosadak, hahelaḡa tauna badana, bona taunimanima kwabukwabudia iboudiai ba hereva henidia, baoto,
HAG 2:3 Daika daika doini nonoho umui bogaragimui ai ese ina dubu na ena hairai gunana ai e itaia? Harihari be ede o itaia tomamu? Umui vairamui ai ina na dia ḡau ta ani?
HAG 2:4 Iehova na e tomu, Ḡau tamona, Serubabele e, harihari a boga auka! Hahelaḡa tauna badana, Iosua lehosadak e, a boga auka! Iehova Sabaota na e tomu, A gaukara, badina be lau na umui ida,
HAG 2:5 Aigupto amo o raka lasi negana ai na henimui gwauhamatana heḡereḡerena. Egu Lauma na bogaragimui ai e nohomu; basio gari.
HAG 2:6 Badina be Iehova Sabaota ini e gwau tomamu: Asi vanahana guba bona tanobada bona davara bona tano kaukauna baina haheude-heudedia lou;
HAG 2:7 bona bese iboudiai baina haheude-heudedia, bena bese iboudiai edia taḡa na bae siaidia mai, bena ina dubu na baina hahairaia ḡuḡuru. Iehova Sabaota na e herevamu.
HAG 2:8 Iehova Sabaota na e tomu, Silver na lauegu, bona gold na lauegu.
HAG 2:9 Iehova Sabaota na e tomu, Ina dubu hairaina gabena ese hailaina gunana baine hereaia, bena ina gabu ena noho-namo baina habadaia. Iehova Sabaota na e herevamu.
HAG 2:10 Darauese ena lohia laḡanina iharuana lalonai, hua ihataurahani-tana dinana iharuahui-hanina ai Iehova ena hereva na peroveta tauna Hagai enai e kau, eto,
HAG 2:11 Iehova Sabaota ini e gwau tomamu: Hahelaḡa taudia ba nanadaidia, bena bae hereva maoro. Baoto,
HAG 2:12 Tau ta ese vamu helaḡana na ena dabua gevena ai baine abia kau, bena ena dabua na ilaoa eiava vasiahu eiava vine ranuna eiava dehoro eiava aniani ḡauna ta enai baine kau, una ḡau baine helaḡa a? Hahelaḡa taudia eto, Lasi.
HAG 2:13 Hagai ma eto, Tau ta bema miro, tau-ani masena ta e daua toho dainai, bena una tau ese unu aniani ḡaudia ta bema daua toho; una ḡau baine miro a? Hahelaḡa taudia eto, Baine miro.
HAG 2:14 Bena Hagai eto, Iehova na e tomu: Ina bese bona ina basileia na unuheto lau vairagu ai; bona imadia ḡaukaradia iboudiai danu unuheto; bona unuseni ai e henimu herahiana na mai mirona.
HAG 2:15 Mani emui kara ba haeroa, hari ina dina amo bainela dahaka baine vara. Iehova ena dubu ai nadi ta na nadi ta latanai do se heato kau negana ai,
HAG 2:16 emui noho na edeheto? Ta ese irau ruahui isenudia e lao henia negana ai, gwauta hona mo mimia; ta ese vine ranuna e haboua gabuna ela, hodu imahui baine utu eto, a ruahui hona mimia.
HAG 2:17 Iehova na e tomu, Umui na rahumui mase, bona emui ḡaukara anidia na hogohogo bona valavala bona medu-hetarina amo na hadikadia, ḡau tamona umui na asio lou henigu.
HAG 2:18 Ina dina, hua ihataurahani-tana dinana iharuahui-hanina, amo bainela, do ba haeroa. Iehova ena dubu badidia nadidia na gabudia ai e atodia ema bona hari danu ba haeroa.
HAG 2:19 Uhe na roge ai doini mimia eiava? Vine bona suke bona rimono bona olive audia na do asi huahuadia a? Hari ina dina amo bainela, lau ese baina hanamomui.
HAG 2:20 Iehova ena hereva na nega iharuana Hagai enai ma e kau, hua dinana iharuahui-hanina ai, eto,
HAG 2:21 Serubabele, Iuda lohiana, ba hereva henia, baoto: Lau ese guba bona tanobada ba haheude-heudeamu,
HAG 2:22 bona basileia teronodia danu ba tahodia dobimu; bese idau-idau basileiadia edia goada ba ha-oreamu, bona kariota mai taudia ida ba hahebubudiamu; hosi bona hosi-gui taudia na bae mase, ta ta bamona bamona edia dare ai.
HAG 2:23 Iehova Sabaota na e tomu: Serubabele e, egu hesiai tauna, Sealtiele natuna, una dina ai lau ese baina abimu. Iehova na e tomu, Lau ese ima-kwakikwaki vagivagina, toa ḡauna, heḡereḡerena ai baina halaomu, badina be vada na abimu hidi. Iehova Sabaota unu e gwau tomamu.
ZEC 1:1 Darauese ena lohia laḡanina iharuana lalonai, hua ihataurahanina ai, Iehova ena hereva na peroveta tauna Sekaria Berekia, Ido tubuna, dekenai e kau, eto,
ZEC 1:2 Iehova ese tamamui e badu henidia dikadika.
ZEC 1:3 Taunabunai ba hamaorodia, baoto, Iehova Sabaota ini e gwau tomamu: Lau dekegu ai ba lou mai, Iehova Sabaota e tomu, bena lau ese umui baina lou henimui. Iehova Sabaota unu e gwau tomamu:
ZEC 1:4 Tamamui heḡereḡeredia ai basiola. Peroveta gunadia ese idia e boi henidia, eto, Iehova Sabaota ini e gwau tomamu: Emui dala dikadia bona emui kara dikadia amo ba raka kerehai. Iehova na e tomu, To idia na asae kamonai, egu hereva asie abia dae.
ZEC 1:5 Tamamui na edeseni ai? Bona peroveta taudia danu, idia na e mauri hanaihanaimu a?
ZEC 1:6 A egu hereva bona egu taravatu, egu hesiai peroveta taudia na haḡanilaidia gaudia, ese tamamui e lasidia tao ani? Una dainai idia na e helalo kerehai, eto, Iehova Sabaota ese e laloa hata eda dala bona eda kara heḡereḡeredia ai baine kara henida; bena unu vada e kara henida toma.
ZEC 1:7 Darauese ena lohia laḡanina iharuana lalonai, hua ihagwauta-tana, ladana Sebata, dinana iharuahui-hanina ai, Iehova ena hereva na peroveta tauna Sekaria Berekia, Ido tubuna, enai e kau. Sekaria eto,
ZEC 1:8 Hanuaboi ai tau ta na itaia, hosi kakakakana ai e gui. Ia na koura ai e gini, keroro audia bogaragidiai; ia murinai na hosi haida, kakakakadia bona mai toutoudia bona kurokurodia.
ZEC 1:9 Bena lau nato, Egu lohia e, ini na dahaka? Bena lau ida a hereva-hereva aneruna ese e hamaorogu, eto, Baina haheitalaimu, unu na dahaka.
ZEC 1:10 Taunabunai keroro audia bogaragidiai e giniva tauna na e haere, eto, Ini be Iehova ese tanobada i'itataona totona e siaidia ḡaudia.
ZEC 1:11 Bena idia ese Iehova ena aneru, keroro audia bogaragidiai e giniva aneruna, e haere henia, eto, Tanobada vada a itaia tao; vada a itaia, tanobada idoinai e noho mainomu.
ZEC 1:12 Bena Iehova ena aneru eto, Iehova Sabaota e, Ierusalem bona Iuda hanuadia na laḡani hitu-ahui lalodiai vada o badu henidia; ma basio bogadia hisi ela bona edena nega ai?
ZEC 1:13 Bena Iehova ese lau ida a hereva-hereva aneruna na hahenamo bona hahealo herevadia e gwaurai henia.
ZEC 1:14 Taunabunai, lau ida a hereva-hereva aneruna ese e hamaorogu, eto, A boi lolo, baoto, Iehova Sabaota ini e gwau tomamu: Ierusalem bona Siona daidiai lalogu na e hekwarahi badamu.
ZEC 1:15 Bena lau ese e noho namonamomu besedia na badu henidia dikadikamu; badina be sisina mo na badu negana ai, idia ese dika ma e habadaia.
ZEC 1:16 Taunabunai Iehova na ini e gwau tomamu: Ierusalem vada name lou henia, mai hebogahisigu ida. Iehova Sabaota na e tomu, Egu dubu na ia lalonai bae haginia, bona hahetoho varona na Ierusalem daenai baine heveri roro.
ZEC 1:17 Ma ba boi lolo, baoto, Iehova Sabaota ini e gwau tomamu: Egu hanua badadia na noho-namo ai ma bae honu honu dae, bona Iehova ese Siona ma baine hahealo henia lou, bona Ierusalem ma baine abia hidi lou.
ZEC 1:18 Bena na gaga isi, doa hani na itadia.
ZEC 1:19 Bena lau ida a hereva-hereva aneruna na nanadaia, nato, mi be dahaka? Bena ia ese e haere henigu, eto, Ini na Iuda bona Israel bona Ierusalem vada e hakaroho rohoroho doadia.
ZEC 1:20 Bena Iehova ese auri iḡaukaralaina taudia hahani na e haheitalaigu.
ZEC 1:21 Bena lau nato, Ini na dahaka ikarana totona vada e maimu? Ia ese e haere, eto, Unu na Iuda e hakarohoa rohoroho doadia, bena tau ta se gaga isi; a ini na ihagaridia totona vada ema, hari Iuda tanona iḡiḡi-rohorohona totona doadia e abidia isi besedia na ini hahaniosi ese bae tahodia dobi.
ZEC 2:1 Bena na gaga isi, tau ta na itaia, mai ena hahetoho varona imana ai.
ZEC 2:2 Bena na nanadaia, nato, Ede bo laomu? Ia ese e haere henigu, eto, Ierusalem ihahetohona totona na laomu, baina itaia ena lababa na ede badana bona ena lata na ede badana.
ZEC 2:3 Bena lau ida a hereva-hereva aneruna na itaia, ia na e raka lasi, bona aneru ma ta e raka kahi mai, ia ihedavari-henina totona,
ZEC 2:4 e hamaoroa, eto, A heau, una eregabe tauna ba hamaoroa, baoto “Ierusalem bae noholaia, asi maḡudia hanuadia e noholaidiamu na heto, badina be taunimanima bona boromakau bae momo ia lalonai.
ZEC 2:5 Badina be lahi maḡuna heḡereḡerena ai bainala, heḡeḡemadai gabudia iboudiai, bona hairai ai bainala ia lalonai. Iehova na e herevamu.”
ZEC 2:6 Iehova na e tomu, He, he, mirigini kahana tanona ba heautania; badina be lau ese vada na hakarohomui rohoroho, guba laidia haniosi na heheto. Iehova na e herevamu.
ZEC 2:7 He, Babulono natuna hahinena ida o nohomu taumu, a roho mauri, Siona a heau lao.
ZEC 2:8 Badina be Iehova Sabaota ini e gwau toma, ia hairaina ese e dadimui besedia dekediai e siaigu murinai, badina be umui e daumui tohomu tauna ese ia matana nadinadina e daua tohomu;
ZEC 2:9 ia eto: A itaia, lau ese imagu baina davedavea idia daediai, bena edia hesiai taudia ese bae dadidia. Bena ba diba Iehova Sabaota ese vada e siaigu.
ZEC 2:10 Siona natuna hahinena e, ane avabia, a moale; badina be, a itaia, lau na vasimu, umui bogaragimui ai baina noho. Iehova na e herevamu.
ZEC 2:11 Una dina ai bese momo na Iehova enai bae tao, egu bese ai baela; bena lau ese umui bogaragimui ai baina noho, bona umui na ba diba Iehova Sabaota ese vada e siaigu vasi.
ZEC 2:12 Bena Iehova ese Iuda baine abia, ia ahuna ai baine halaoa, tano helaḡana lalonai; bona Ierusalem ma baine abia hidi lou.
ZEC 2:13 Taunimanima iboumui ai, asi reḡereḡemui ba noho, Iehova vairanai; badina be ia na vada e tore isi, ena noho gabuna helaḡana amo vada e raka lasi.
ZEC 3:1 Bena ia ese hahelaḡa tauna badana Iosua e haheitalaigu, Iehova ena aneru vairanai e gini, bona Satana na ia idibana kahana ai e gini, ihabadelaina totona.
ZEC 3:2 Bena Iehova ese Satana e hereva henia, eto, Satana e, Iehova ese aine lodu henimu! Iehova, Ierusalem e abia hidi Diravana, ese aine lodu henimu! Ina na dia lahi amo e veria lasi tutuna a?
ZEC 3:3 Hari Iosua na aneru vairanai e gini, mai hahedokina miroka-mirokadia ida.
ZEC 3:4 Bena hari aneru ese ia vairanai ginidia taudia na e hamaorodia, eto, Hari hahedoki miroka-mirokadia na iena amo ba hadokidia oho. Bena ia ese Iosua e hereva henia, eto, A itaia, emu kara havara na emu amo vada na abia oho, dabua mai hairaidia na do baina hahedokilaimu.
ZEC 3:5 Bena lau nato, Dabua ḡoevaḡoevana na kwarana bae ḡeḡelaia. Taunabunai idia ese dabua ḡoevaḡoevana na kwarana e ḡegelaia, bona hahedoki na e hahedokilaia; Iehova ena aneru na una gabu ai e gini.
ZEC 3:6 Bena Iehova ena aneru ese Iosua e sisiba henia, eto,
ZEC 3:7 Iehova Sabaota na ini e gwau tomamu: Egu dala ai boma raka bona egu hahedua boma badinaia, bena egu ruma do ba biagua bona egu maḡu do ba reḡudia; bona baina gwau maoro henimu, do ba raka vareai diba, iniseni ai ginidia taudia bogaragidiai.
ZEC 3:8 Hahelaḡa tauna badana Iosua e, harihari a kamonai, oi bona turamu hahidaosi vairamu ai helaidia, badina be idia na haridia nanamo taudia; a itaia, egu hesiai tauna, Rigi, baina mailaia.
ZEC 3:9 Badina be, a itaia, Iosua vairanai vada na atoa nadina tamona kahana hituosi ai lau ese revarevana baina ḡasia, bona dina tamona lalonai ina tano ena kerere baina abia oho. Iehova Sabaota na e herevamu.
ZEC 3:10 Iehova Sabaota ma e tomu, Una dina ai umui iboumui ai ese ta ta dekena tauna dekena tauna ba vavedia mai, emui vine audia bona emui suke audia henudiai.
ZEC 4:1 Bena lau ida a hereva-hereva aneruna ma ema, e haogu, mahuta tauna bema haoa na heto.
ZEC 4:2 Bena ia ese e nanadaigu, eto, Dahaka o itaiamu? Lau nato, Lamepa patana ta, gold ḡauna, na itaiamu, dorina ai na dihu ta, bona ia latanai lamepa hitu, bona dorina lamepadia ta ta na mai ududia hitu.
ZEC 4:3 Ia badibadinai na olive audia rua, ta dihu idibana kahana ai, ma ta laurina kahana ai.
ZEC 4:4 Bena lau ida a hereva-hereva aneruna na nanadaia, nato, Ḡauka e, ini na dahaka?
ZEC 4:5 Bena lau ida a hereva-hereva aneruna ese e haere henigu, eto, Oi na asi dibamu ini na dahaka a? Lau nato, Ḡauka e, lasi.
ZEC 4:6 Bena ia ese e hamaorogu, eto, Ina na Iehova ena hereva Serubabele enai. Iehova Sabaota na ini e gwau tomamu: Dia goada amo eiava dia siahu amo, a Laumagu amo.
ZEC 4:7 Ororo badana e, oi na dahaka? Serubabele vairanai oi na taora ai ba hahelao, bena ia ese atai nadina baine mailaia, bona taunimanima na bae lolo, baeto, Harihari-bada, harihari-bada ienai baine mia.
ZEC 4:8 Iehova ena hereva ma ta danu egu ai e kau, eto,
ZEC 4:9 Serubabele imana ese ina dubu badina vada e atoa, bona ia ese baine haḡuḡurua danu. Bena vada ba diba, Iehova Sabaota ese vada e siaigu mai dekemu ai.
ZEC 4:10 Badina be ḡau maraḡidia dinana vada e dadaraia tauna na baine moale, bona gini-maoro varona baine itaia Serubabele imana ai. Ini hituosi na Iehova matana, tanobada idoinai e neneamu.
ZEC 4:11 Bena na nanadaia, nato, Ini olive audia ruaosi, lamepa patana idibana kahana ai bona laurina kahana ai be dahaka?
ZEC 4:12 Nega iharuana ma na nanadaia, nato, Hari olive audia rigidia ruaosi, gold baubaudia, dehoro e seilaia ḡaudia, badibadidiai e miamu be dahaka?
ZEC 4:13 Ia ese e nanadaigu, eto, Oi asi dibamu ini na dahaka a? Lau nato, Ḡauka e, lasi.
ZEC 4:14 Bena ia eto, Ini na e horodia taudia raruosi tanobada idoinai Lohiana badibadinai e ginimu taudia.
ZEC 5:1 Bena na gaga isi lou, na roha lao, buka helokuna ta na itaia, e rohova.
ZEC 5:2 Ia ese e nanadaigu, eto, Dahaka o itaiamu a? Lau na haere, nato, Buka helokuna ta rohona ai na itaiamu; ena lata na kiubit ruahui bona ena lababa na hubit gwauta.
ZEC 5:3 Bena ia ese e hamaorogu, eto, Ina na heuduguirai ḡauna, tano idoinai daenai e laomu; badina be ina murinai henao taudia iboudiai na bae henege daure, ia lalonai e hedinaraimu heḡereḡerena bona ia murinai e gwau hamata koikoimu taudia iboudiai na bae henege daure, ia lalonai e hedinaraimu heḡereḡerena.
ZEC 5:4 Iehova Sabaota na e tomu: Lau ese baina siaia lao, henao tauna ena ruma lalonai baine vareai bona lau ladagu ai e gwau hamata koikoimu tauna ena ruma lalonai danu; bena ena ruma ai baine mia ela bona baine ha-olea, au bona nadi danu baine ha-oredia.
ZEC 5:5 Bena lau ida a hereva-hereva aneruna e raka kahi mai, e hereva henigu, eto, A gaga isi, e lasimu ḡauna na ba itaia.
ZEC 5:6 Bena lau nato, Una na dahaka? Ia eto, Una na tohe ta e laomu. Ma eto, Ina na edia kara havara, tano idoinai lalonai.
ZEC 5:7 Bena na itaia, auri-metauna ikaruhina na e heabi isi, bena tohe lalonai hahine ta e helaiva.
ZEC 5:8 Bena ia eto, Ina na Kara Dika. Bena ma e doria dobi tohe lalonai, bona auri-metauna ikaruhina amo e karuhia ahu.
ZEC 5:9 Bena na gaga dae, hahine rarua na itadia, e maiva. Lai ese hanidia e ha-evadia; hanidia na boḡe hanidia na heheto. Bena idia ese hari tohe e abia isi, tanobada bona guba padadiai.
ZEC 5:10 Bena lau ida a hereva-hereva aneruna na na nanadaia, nato, tlari tohe na ede e laohaiamu?
ZEC 5:11 Ia ese e hamaorogu, eto, Sinara tanona; unuseni ai dubuna bae haginia; baine gini vaitani bena tohe na ilahana latanai bae laia kau.
ZEC 6:1 Bena na gaga isi lou, kariota hani na itadia, ororo rua padadia amo e maiva. Hari ororo na auri-laboralabora ororodia.
ZEC 6:2 Kariota gini-gunana mai hosi kakakakadia; iharuana na mai hosi koremadia;
ZEC 6:3 ihatoina na mai hosi kurokurodia; bona kariota ihahanina na mai hosi mia-koremadia mai toutoudia.
ZEC 6:4 Bena lau ida a hereva-hereva aneruna na nanadaia, nato, Ḡauka e, ini be dahaka?
ZEC 6:5 Hari aneru ese e haere henigu, eto, Ini na tanobada idoinai Lohiana vairanai bae hedinarai guna, bena guba laina haniosi ediai baela.
ZEC 6:6 Kariota mai hosi koremadia na mirigini kahana tanona be lao heniamu; kurokurodia na lahara kahana be lao heniamu; bona mai toutoudia ḡaudia na diho kahana be lao heniamu.
ZEC 6:7 Hari hosi na e heau lasi negana ai, idia na e ḡava, baela, tanobada bae itaia tao eto. Bena ia eto, Aola, tanobada ba itaia tao. Taunabunai, idia na tanobada i'ita-taona ela.
ZEC 6:8 Bena ia ese e boi henigu, eto, A itaia, mirigini kahana vada e lao heniamu taudia ese Laumagu vada e halagaia ani, una mirigini kahana tanona ai.
ZEC 6:9 Iehova ena hereva na egu ai e kau, eto,
ZEC 6:10 Dauhai e hanohodia taudia bogaragidia amo, Heledai bona Tobia bona Iedaia bavabidia; idia na Babulono amo vada ema. Bena una dina tamona ai Iosia Sefania ena ruma baola.
ZEC 6:11 Idia ediai silver bona gold bavabi, havava ḡauna ta ba karaia, bena Iosua Iehosadak, hahelaḡa tauna badana, kwarana ba havavalaia.
ZEC 6:12 Bena ba hamaoroa, baoto, Iehova Sabaota na ini e gwau tomamu: Tau ladana Rigi a itaia; badina be ia na ena gabu ai baine tubu, bena ia ese Iehova ena dubu baine haginia.
ZEC 6:13 Ia ese Iehova ena dubu baine haginia, bena bae matauraia, pavapava na heto; bena ena terono ai baine helai, baine lohia. Ena terono badibadinai hahelaḡa tauna ta baine gini; bena raruosi lalodia bae tamona, mai mainodia ida.
ZEC 6:14 Bena hari havava ḡauna na Iehova ena dubu ai baine mia, Heledai, Tobia, Iedaia bona Iosia Sefania ihahelalo-unedia totona.
ZEC 6:15 Dauhai e nohomu taudia na baema, Iehova ena dubu ihaginina ai bae heduru; bena vada ba diba, Iehova Sabaota ese vada e siaigu dekemu ai. Bena Iehova, emui Dirava, gadona ba badinaia namonamo, ini ḡau do bae vara.
ZEC 7:1 King Darauese ena lohia laḡanina ihahanina ai, huana ihataurahani-tana, ladana Kisleve, dinana ihahanina lalonai, Iehova ena hereva na Sekaria enai e kau.
ZEC 7:2 Una negana ai Betele taudia ese Saresere bona Regeme-melek, mai edia orea taudia ida, e siaidia lao, Iehova bae noia, ena hahenamo na latadiai baine kau.
ZEC 7:3 Bona Iehova Sabaota ena dubu ai hahelaḡa taudia bona peroveta taudia na bae nanadaidia baeto, Hua iha-imana ai baina taitai bona baina anivaga, laḡani gunadia momo lalodiai vada na karaia heḡereḡerena eiava?
ZEC 7:4 Bena Iehova Sabaota ena hereva na egu ai e kau, eto,
ZEC 7:5 Tano taudia iboudiai bona hahelaḡa taudia danu ba hamaorodia, baoto: Ene laḡani hitu-ahuiosi lalodiai, hua iha-imana ai bona hua ihahituna ai o taitaiva bona o anivagava negadia ai na lau daigu ai o anivagava a?
ZEC 7:6 Bona o anianimu o inuinumu negadia ai, umui sibomui daimui ai o anianimu bona o inuinumu, ani?
ZEC 7:7 Ierusalem bona ena hetabira hanuadia na e noholaidiava mai namodia ida, bona diho kahana bona taora kahadia danue noholaidiava, negana ai ini hereva na Iehova ese peroveta taudia gunadia ududia amo e gwaurai, ani?
ZEC 7:8 Iehova ena hereva na Sekaria enai e kau, eto,
ZEC 7:9 Iehova Sabaota na ini e gwau tomamu: Ba hahemaoro ḡoevaḡoeva; ta ta tadikakana tadikakana bae kara namo henidia bona bae bogadia hisi.
ZEC 7:10 Vabu, ihareha, noho-hedoa tauna, ogoḡami tauna basio hahisidia; bona ta ese tadikakana ihadikana dalana ta basine lalo hatalaia.
ZEC 7:11 A idia na asie ura bae kamonai; bena e helai muri henia bona taiadia e kodobedia, basie kamonai helaoreana.
ZEC 7:12 Lalodia na e ha-aukadia masemase, Iehova Sabaota ena Lauma ese peroveta taudia gunadia edia amo e siaidia taravatudia bona herevadia bae kamonai na garina. Taunabunai badu ḡaraḡara bada-herea na Iehova Sabaota ena amo e kau.
ZEC 7:13 Iehova Sabaota na e tomu, Lau na boiboi bena idia asie kamonai heḡereḡerena ai idia e boiboi bena lau asina kamonai;
ZEC 7:14 bena koe-hirihiri amo na hakarohodia rohoroho, asi dibadia besedia iboudiai bogaragidiai. Taunabunai, e rakatania tanona na vada e vahu, asi lao mai tauna ta; tano namona vada e havahua vaitani.
ZEC 8:1 Bena Iehova Sabaota ena hereva na egu ai e kau, eto,
ZEC 8:2 Iehova Sabaota na ini e gwau tomamu: Siona dainai lalogu na e hekwarahimu, mai lalo-hekwarahigu badana ida bona mai badu-garagaragu ida.
ZEC 8:3 Iehova ini e gwau tomamu: Siona baina lou henia, Ierusalem bogaraginai baina noho; bena Ierusalem na bae gwauraia “Heabidadama Hanuana”, bona Iehova Sabaota ena ororo na bae gwauraia “Ororo Helaḡana”.
ZEC 8:4 Iehova Sabaota ini e gwau tomamu: Tatau burukadia bona hahine burukadia na Ierusalem hanuana ariaradia ai ma bae helai, ta ta mai edia itotohi, vada e buruka herea dainai.
ZEC 8:5 Bona una hanua ariaradia na memero bona kekeni ese bae hahonudia, ariara lalodiai bae gadara.
ZEC 8:6 Iehova Sabaota ini e gwau tomamu: Reana ina nega ai ina bese kwabukwabuna ese una kara na bema hoalaia dainai umui na o tomamu lau ese danu baina hoalaia a! Iehova Sabaota na e herevamu.
ZEC 8:7 Iehova Sabaota ma ini e gwau tomamu: A itaia, egu bese taudia baina hamauridia, laurabada kahana tanodia amo bona lahara kahana tanodia amo;
ZEC 8:8 bena baina hakaudia mai, Ierusalem bogaraginai baina hanohodia. Idia na lauegu bese ai baela, bona lau na edia Dirava ai bainala, heabidadama ai bona kara maoromaoro ai.
ZEC 8:9 Iehova Sabaota ini e gwau tomamu: Umui, ina negana ai ini hereva o hakala henimu, dubu helaḡana baine gini totona Iehova Sabaota ena dubu badina e atoa dinana amo peroveta taudia ududia amo e lasi herevadia o kamonaimu taumui e, imamui ba ha-aukadia.
ZEC 8:10 Badina be unu dina do asie kau ai, taunimanima ena ḡaukara na asi davana bona boromakau maruanena ena ḡaukara na asi davana, bona e raka lasi eiava e raka vareai tauna na asi ena dala ana inai tauna imana amo baine roho mauri; badina be lau ese taunimanima iboudiai na bamodia ida na haheinaidia heheni.
ZEC 8:11 A harihari lau ese ina bese kwabukwabuna basina kara henidia nega gunadia heḡereḡeredia. Iehova Sabaota na e herevamu.
ZEC 8:12 Badina be maino baine hehado; vine na baine huahua, bona tano anina baine vara, bona guba hununa baine diho; bona ini ḡau iboudiai na ina bese kwabukwabuna baina henidia, bae ḡaunaidia.
ZEC 8:13 Iuda taumui bona Israel taumui e, umui na bese idau-idau bogaragidiai heuduguirai gwaurai-gwaurai herevana ai vada ola heḡereḡerena ai, lau ese do baina hamaurimui, bena hahenamo taumui ai baola. Basio gari, a imamui ba ha-aukadia.
ZEC 8:14 Badina be Iehova Sabaota ini e gwau tomamu: Senemui ese e habadugu negana ai, lau na laloa hata baina kara dika henimui nato, bena asina helalo kerehai (Iehova Sabaota na e tomu),
ZEC 8:15 unuhetomana ini dinadia ai ma vada na laloa hata, Ierusalem bona Iuda iduhuna baina kara namo henidia. Basio gari.
ZEC 8:16 Ba kara ḡaudia bini: Ba hereva heheni mai momokanimui ida; emui hanua ikoukoudia ai hahemaoro karadia ba kara mai momokanimui bona mai mainomui ida;
ZEC 8:17 ba hahedika heheni daladia na lalomui ai basio lalo hata, bona gwauhamata koikoidia basio uralai; badina be unu ḡau iboudiai na na inai henidiamu. Iehova na e herevamu.
ZEC 8:18 Bena Iehova Sabaota ena hereva na egu ai e kau, eto,
ZEC 8:19 Iehova Sabaota ini e gwau tomamu: Hua ihahanina bona iha-imana bona ihahituna bona ihagwautana anivagadia na moale bona hisi-dae negadia ai baela, Iuda taudia bogaragidiai, bona hahemoale ariadia negadia ai baela danu; taunabunai hereva momokani bona maino ba ura henidia.
ZEC 8:20 Iehova Sabaota ini e gwau tomamu: Bese idau-idau taudia do baema, hanua momo inoholaidia taudia;
ZEC 8:21 bena hanua ta taudia ese ma hanua ta taudia dekedia baela, baeto “Ina harihari aitala, Iehova baita noia ia ese baine hahenamo henida, bona Iehova Sabaota baita tahua; lau be vada na laomu”.
ZEC 8:22 Bese momo bona basileia mai goadadia na baema, Ierusalem ai Iehova Sabaota bae tahua bona Iehova bae noia ia ese baine hahenamo henidia.
ZEC 8:23 Iehova Sabaota ini e gwau tomamu: Unu dinadia ai tatau gwauta, gado idau-idau iboudiai besedia amo, ese Iuda tauna ta ena dabua bae dogoa tao, baeto, Mani oi ida aitala, badina be ai na vada a kamonai, Dirava na dekedekemu ai.
ZEC 9:1 Maduna metauna herevana ta: Iehova ena hereva na Hadraka tanona latanai, bona Damasko latanai baine kau. Badina be Aram hanuadia na Iehova ena, Israel iduhudia iboudiai heḡereḡeredia;
ZEC 9:2 Hamat danu, ia hetabiranai, Turo bona Sidono, ena be edia aonega na herea, to idia danu Iehova ena.
ZEC 9:3 Turo ese ena maḡu aukana ta vada e haginia, silver vada e hasenua, ḡahu na heto, bona gold danu, ariara momorudia na heheto.
ZEC 9:4 To, a itaia, Ḡaubada ese ena ḡau iboudiai baine abidia oho, bona ena taḡa na davara ai baine negea; bena lahi ese hanua na baine araia ore.
ZEC 9:5 Askelono ese baine itaia, bena baine gari; Gasa danu, bena hisihisi ai baine hehure-hehure; Ekron danu, badina be ena helaro vada e baia; Pavapava na Gasa amo baine boio, Askelono na baine mia, asi inoholaina;
ZEC 9:6 vara-hanai taudia na Asdod ai bae noho; Filistia ena heaḡi baina hadokoa.
ZEC 9:7 Ana rara na uduna amo baina abia oho, bona ana ḡau dika-rohorohodia na isedia padadia amo danu. Ia danu orea kwabukwabuna ta ai bainela, eda Dirava ena; ia na Iuda iduhuna ta heḡereḡerena ai bainela, bona Ekron na Iebusu taudia heḡereḡeredia ai bainela.
ZEC 9:8 Bena egu ruma ai baina kone noho, baina gimaia, ta na basine raka lao raka mai helaoreana; hahehisi tauna ta ese basine hahebolodia uru lou, badina be harihari lau sibogu matagu amo na heitamu.
ZEC 9:9 Siona kekenimu e, a moale hisi dae! Ierusalem kekenimu e, a lolo badabada! A itaia, emu pavapava na e vasimu, mai siahuna bona mai kwalimuna ida; ia na manau; ia na doniki ai e guimu, doniki nat una latanai e gui kaumu.
ZEC 9:10 Kariota na Efraim amo baina negea daure, bona tuari hosina danu Ierusalem amo; tuari pevana danu baine henege daure. Ia ese bese idau-idau baine haherohedia maino; ena basileia na baine hesiriu, kone ta amo ela bona ma kone ta, bona Sinavai Badana amo ela bona tanobada dokodia.
ZEC 9:11 Oi danu, eda herohemaino rarana dainai, emu iḡui taudia na guri haura-haurana amo baina ruhadia nege.
ZEC 9:12 Dauhai nohomui ai o helaro hanaihanaimu taumui e, emui gabu aukana ba lou henia; hari dina ai na gwauraiamu, harua ma baina henimui lou.
ZEC 9:13 Badina be Iuda vada na marea, egu peva; Efraim na ia hakorena ai vada na halaoa. Siona e, oi natumu baina rubedia; Helene tanona e, oi natumu daediai baina rubedia; tuari tauna ena dare heḡereḡerena ai baina dapadapalaimu.
ZEC 9:14 Bena Iehova na idia daediai baine hedinarai, ena hakore bainela kevaru na heto; Ḡaubada Iehova ese kibi baine hiriria, diho kahana koe-hirihiridia ai baine raka lao.
ZEC 9:15 Iehova Sabaota ese baine gimadia, vilipopo taudia bae ha-oredia bona bae moimoilaidia; bena raradia bae inu, vine lanuna na heto; bae honu, kehere na helo; bae parika-parika, ihaboulaina patana daigunidia na heheto.
ZEC 9:16 Una dina ai Iehova, edia Dirava, ese baine hamauridia, badina be idia na ena bese verina; badina be kwara ivavalaina ḡauna iheralaina nadidia na heheto, idia na ena tano daenai bae kiama-kiama.
ZEC 9:17 Momokani. Daka namo! Daka hairai! Uit ese uhau baine hagoadadia, bona vine ranuna matamatana ese ulato baine hagoadadia.
ZEC 10:1 Medu na Iehova enai ba noia, medu gabena negana ai; Iehova, dagadaga e karadiamu bona batugu na taunimanima e henidiamu bona uma anidia na taunimanima iboudiai e henidiamu Diravana na ba noia.
ZEC 10:2 Badina be e koro laulaudia helaḡadia na e hereva kava hereva kavamu, bona mari-abi taudia ese ḡau koikoidia e itadiamu; nihi taudia ese nihi koikoidia e herevalaidiamu, bona tauhalo herevadia asi anidia e gwauraidiamu. Una dainai taunimanima na e loa eva-evamu, mamoe na heheto, idia na hisi e animu, asi ireḡudia tauna dainai.
ZEC 10:3 Egu badu na e ḡaraḡaramu, mamoe ireḡudia taudia latadiai; hegunalai taudia na matadia baina hakani. Badina be Iehova Sabaota ese ena seri, Iuda iduhuna, e reḡuamu; tuari ai ia ese ena heaḡi hosina heḡereḡerena ai baine halaodia.
ZEC 10:4 Idia bogaragidia amo daiguni nadina bainema; idia bogaragidia amo kalaga ikokona bainema; idia bogaragidia amo tuari pevana bainema; idia bogaragidia amo lohia iboudiai baema.
ZEC 10:5 Heboudia ai idia na tuari taudia mai goadadia heḡereḡeredia ai baela, inai taudia na ariara kopukopudia ai bae moimoilaidia; idia na bae tuari, badina be Iehova na idia dekedekediai, idia ese hosi ai e guimu taudia bae hadareredia.
ZEC 10:6 Iuda iduhuna baina hagoadaia, bona Iosef iduhuna baina hamauria. Baina loulaidia, badina be na bogadia hisimu, bena basinama dadaraidia heḡereḡerena ai baela; badina be lau na Iehova, edia Dirava, bona lau ese baina haere henidia.
ZEC 10:7 Bena Efraim na tuari tauna mai goadana heḡereḡerena ai bainela, bona lalodia na bae moale, vine ranuna bema inua na heto. Natudia ese bae itaia, bena bae moale, lalodia ese Iehova bae heaḡilaia.
ZEC 10:8 Baina kalodia, baina haboudia, badina be lau ese vada na hamauridia; bena bae hutuma, gunaguna heḡereḡerena.
ZEC 10:9 Ena be na hakarohodia rohoroho, bese idau-idau bogaragidiai, to tano daudaudia ai bae lalogu tao; bena idia bona natudia bae mauri, bona bae lou mai.
ZEC 10:10 Aigupto tanona amo baina hakaudia mai, bona Asuria amo baina haboudia, bena Gilead tanona ai bona Lebanon ai baina hakaudia vareai, ela bona asi nohonoho gabudia.
ZEC 10:11 Aigupto davarana bae hanaia, davara hurehuredia bae vea, bona Nilo sinavaina ena dobu gabudia iboudiai na bae kororo. Asuria ena hekokoroku bae hahemaraia, bona Aigupto ena dagi auna baine lasihi.
ZEC 10:12 Iehova ena goada ai baina hagoadadia, bena ia ladana bae imodaia. Iehova na e herevamu.
ZEC 11:1 Lebanon e, iduaramu a kehodia, bena lahi ese emu sida audia baine aradia ore!
ZEC 11:2 Beroso auna e, a tai! Badina be sida auna vada e gari; badina be au herea-daedia vada e dika vaitani. Basan oak audia e, a tai! Badina be uda audia hedoma-hedomadia vada e hagaridia.
ZEC 11:3 A hakala, mamoe ireḡudia taudia na e taimu! Badina be hairaidia vada e dika vaitani. A hakala, leona na e ḡoumu! Badina be Ioridane udana vada e hakorua.
ZEC 11:4 Iehova, egu Dirava, ini e gwau toma: Ialadia vada e gwaurai hata mamoedia iboudiai ireḡudia tauna ai baola.
ZEC 11:5 E hoidia taudia ese e aladia masemu, bona ta ese matadia se hakanidiamu; e hoihoilaidiamu taudia na e tomu “Iehova aita hanamoa, lau vada na taḡa”; bona ireḡudia taudia korikoridia ese asie bogadia hisimu.
ZEC 11:6 Iehova na e tomu: Badina be ina tano inoholaina taudia basina bogadia hisi lou. A itaia, lau ese taunimanima na ta ta ireguna tauna ireḡuna tauna imadia ai, bona ta ta ena pavapava ena pavapava imadia ai, baina atodia kau; bena idia ese tanobada bae hadarerea, bona lau ese tau ta na idia imadia amo basina harohodia mauri.
ZEC 11:7 Taunabunai, lau na mamoe ihoihoilaidia taudia daidiai ialadia vada e gwaurai hata mamoedia ireḡudia tauna ai nala. Bena itotohi rua na abidia: ta ladana na hatoa Harihari-bada, ma ta ladana na hatoa Hahetamona. Bena mamoe na reḡudia.
ZEC 11:8 Hua tamona lalonai lau ese mamoe ireḡudia taudia tatoiosi na aladia mase. A egu haheauka e ore, mamoe ediai, bona idia ese e inai henigu.
ZEC 11:9 Taunabunai lau nato, Lau ese basina regumui. Dahaka baine mase, vada baine mase; bona dahaka bae habuaia tari, vada bae habuaia tari; bena kwabukwabudia ese bae heani heheni.
ZEC 11:10 Bena egu itotohi ladana Harihari-bada na abia, na hakwaidua; unu amo egu gwauhamata, bese iboudiai na gwau hamalalai henidia ḡauna, na na utua.
ZEC 11:11 Taunabunai, una dina ai e heutu, bona mamoe e hoihoilaidia taudia ese e itagu tao, bena lalodia vada e parara una na Iehova ena hereva.
ZEC 11:12 Bena na hamaorodia, nato, Bema lalomui baeto maoro, egu ḡaukara davana boma henigu, a bema lasi, boma rua. Bena idia ese egu ḡaukara davana e hahetohoa, silver sekeledia toi-ahui.
ZEC 11:13 Bena Iehova ese e hamaorogu, eto, Moni mauana ai ba udaia dobi. (Una na dava herea-daena idia ese egu ḡaukara e davalaia ḡauna). Taunabunai, lau ese hari silver sekeledia toi-ahui na abidia, moni mauana ai na uda dobi, Iehova ena dubu ai.
ZEC 11:14 Bena egu itotohi iharuana, ladana Hahetamona, na hakwaidua, unu amo Iuda bona Israel edia hetadikaka na utua.
ZEC 11:15 Bena Iehova ese e hamaorogu, eto, Mamoe ireḡudia tauna asi namona ena ḡaukara ḡaudia ma bavabidia lou.
ZEC 11:16 Badina be, a itaia, lau ese mamoe ireḡudia tauna ta ina tano ai na haginiamu; ia ese be masemu taudia na se naridiamu, eiava raka-boioboio taudia na se tahudiamu, eiava mai berodia taudia na se hamauridiamu, eiava goada taudia na se ubudiamu, a ubu-ubu ḡaudia hidiodia e animu, aedia kahaudia danu e raḡadia ohomu.
ZEC 11:17 Egu mamoe ireḡudia tauna asi namona, madi ihabaina! Ia ese ena mamoe serina e rakataniamu. Dare ese ia imana baine dapaia, bona matana idibana danu baine taraia, una na baine namo. Imana do baine heveri, bona matana idibana baine kepulu vaitani, una na baine namo.
ZEC 12:1 Maduna metauna herevana Iehova ena amo, Israel dainai. Iehova, guba vada e idia roro bona tanobada vada e karaia bona taunimanima laumana na ia lalonai vada e havaraia Diravana, na ini e gwau tomamu:
ZEC 12:2 A itaia, lau ese Ierusalem na hahekekero keherena ai baina halaoa, hegegemadai besedia iboudiai ediai; Iuda ihadikana ḡauna ai bainela danu, Ierusalem bae koua heḡeḡe negana ai.
ZEC 12:3 Una dina ai lau ese Ierusalem na nadi metauna ta ai baina halaoa, bese iboudiai edia; bae abia isi taudia iboudiai na sibodia bae hahehisi herea. Bena tanobada basileiadia iboudiai na bae hahebou, ia ihadikana.
ZEC 12:4 Iehova na e tomu: Una dina ai, hosi iboudiai kudoudia baina hahetahadia, bona hosi-gui taudia iboudiai na baina hakavakavadia. A Iuda iduhuna taudia na matagu baina hapapa henidia, bese idau-idau taudia edia hosi iboudiai matadia baina hakepuludia negana ai.
ZEC 12:5 Bena Iuda iduhudia taudia na bae hereva heheni, baeto “Ierusalem inoholaina taudia ese goada e abiamu, Iehova Sabaota, edia Dirava, dainai”.
ZEC 12:6 Una dina ai, Iuda iduhudia na gida keberena au bogaragidiai na heto, eiava kede hururu-hururuna rei kakoro bogaraginai na heto; heḡeḡemadai besedia iboudiai, idiba kahana ai bona lauri kahana ai, na idia ese bae aradia ore, a Ierusalem na gabuna ai baine mia, mai inoholaina taudia ida.
ZEC 12:7 Iehova ese kwalimu na Iuda kalagadia baine henidia guna, David iduhuna hairaina bona Ierusalem inoholaina taudia hairaidia ese Iuda hairaina basie hereaia helaoreana.
ZEC 12:8 Una dina ai Iehova ese Ierusalem inoholaina taudia na kesi amo baine koudia heḡeḡe; una dainai manokamanoka-herea tauna idia bogaragidiai na una dina ai David ida bae heḡereḡere; bona David iduhuna na Dirava ida, Iehova ena aneru ida, bae heḡereḡere, idia ikwaradia ai.
ZEC 12:9 Una dina ai danu lau ese Ierusalem e tuari heniamu basileiadia iboudiai ihabua-taridia dalana baina tahua.
ZEC 12:10 Bena David iduhuna bona Ierusalem inoholaina taudia latadiai hebogahisi bona noinoi laumana baina seia dobi; taunabunai vada e gwadaia uru tauna bae raraia negana ai, idia na ia taina bae tai, ta ese natuna vara edeana bema tailaia na heto, bona bae tai ḡadeḡadelaia, ta ese natuna roboana bema taitailaia na heto.
ZEC 12:11 Una dina ai taitai na baine bada herea Ierusalem ai, Megido taorana ai, Hadadarimon taina e taiva na heto.
ZEC 12:12 Tano taudia na bae taitai, edia iduhu ta ta ai: David iduhuna tataudia na sibodia bona adavadia danu sibodia; Natan iduhuna tataudia na sibodia bona adavadia danu sibodia;
ZEC 12:13 Levi iduhuna tataudia na sibodia bona adavadia danu sibodia; Simei iduhuna tataudia na sibodia bona adavadia danu sibodia;
ZEC 12:14 bona iduhu oredia iboudiai tataudia na sibodia bona adavadia danu sibodia.
ZEC 13:1 Una dina ai ranu baine hahelohilohi dae David iduhuna bona Ierusalem inoholaina taudia edia, kara dikadia bona mirodia amo bae haheḡoeva totona.
ZEC 13:2 Iehova Sabaota na e tomu, Una dina ai danu kaivakuku ladadia na tano amo baina negedia daure; bena tau ta ese basine lalodia tao lou; bona peroveta taudia bona lauma mai mirona danu na tano amo baina abidia oho.
ZEC 13:3 Bema ta ma baine hedinarai, baineto ia na peroveta tauna, bena ia e havaraia tauna bona hahinena ese bae hamaoroa, baeto “Emu mauri na basine mia badina be hereva koikoidia na Iehova ladana ai o gwauraimu”; bena baine peroveta negana ai, e havaraia tauna bona hahinena ese bae gwadaia uru.
ZEC 13:4 Una dina ai peroveta taudia iboudiai na edia mata-hanai daidiai bae hemarai, bae peroveta negadia ai; idia na hahedoki huika-huikadia basie hahedokilai, taunimanima ikoidia totona.
ZEC 13:5 A idia baeto, Ai na dia peroveta taudia, ai na biru taudia; badina be ina tano na emai tano korikori, tauhaumai negana amo.
ZEC 13:6 Bena ta ese bema nanadaidia, bema toma “Ene dorumui berodia be dahaka?”, idia baeto “Ini bero na turamai edia ruma ai a davari”.
ZEC 13:7 Iehova Sabaota na e tomu: Dare e, a noga! Egu mamoe ireḡudia tauna ihadikana totona, badibadigu ai e ginimu tauna ihadikana totona. Mamoe ireḡudia tauna ba rahua mase, bena mamoe na bae karoho rohoroho, lau imagu baina toia roro, maraḡidia ihadikadia totona.
ZEC 13:8 Iehova na e tomu: Tano idoinai lalonai tatoi lalodia amo rarua bae negedia daure bena bae mase, bona tamona mo baine mauri.
ZEC 13:9 Bena unu ihatatoidia na lahi ai baina atodia, baina haḡoevadia, silver e hagoevaiamu na heto, baina tohodia, gold e tohoamu na heto. Idia ese lau ladagu bae hahanea, bena lau ese baina haere henidia. Bainato “Idia na lauegu bese”, bona idia baeto “Iehova na egu Dirava”.
ZEC 14:1 A itaia, Iehova ena dina na e maimu; una dina ai emui amo e dadi oho kohudia na bogaragimui ai ma bae heharilai.
ZEC 14:2 Badina be basileia iboudiai baina haboudia, Ierusalem bae tuari henia totona; bena hanua na bae abia, ruma kohudia na bae dadi, bona hahine na bae hadikadia; a taunimanima oredia na hanua amo basie henege daure.
ZEC 14:3 Bena Iehova baine raka lasi, unu basileia na baine tuari henidia, tuari dinana ai e tuarimu na heto.
ZEC 14:4 Una dina ai, ia aena na Olive ororona, Ierusalem vairanai, mairiveina kahana ai e miamu ḡauna, latanai bae hahedai; bona Olive ororona baine hepola parara, laurabada kahana amo ela bona lahara kahana; koura mai lababana ta baine hekara. Taunabunai Ororo kahana ta na mirigini kahana bainela, bona kahana ta na diho kahana bainela.
ZEC 14:5 Egu ororo kourana na baine hekou ahu; badina be ororo kourana ese ia ohena ai baine hetomu kau. Bena umui na ba heau oho, Usia, Iuda pavapavana, ena nega ai tano laḡa o heautania na heto. Bena Iehova, emui Dirava, bainema bona helaḡa taudia iboudiai danu ia ida.
ZEC 14:6 Una dina ai keru eiava paraka mavamavana basie vara.
ZEC 14:7 Bena diari na baine hesiriu hanaihanai (Iehova na mai dibana), dia dina bona dia hanuaboi; ena be dina baine diho to diari na baine mia.
ZEC 14:8 Una dina ai, mauri ranudia na Ierusalem lalona amo bae aru lasi, kahana na laurabada kahana davarana ai bae aru lasi, ma kahana na lahara kahana davarana ai; bae aru hanaihanai, siahu negana ai bona keru negana ai danu.
ZEC 14:9 Bena Iehova ese tanobada idoinai baine pavapavaia; una dina ai Iehova na baine tamona bona ia ladana danu baine tamona.
ZEC 14:10 Tano idoinai na taora ai baine hahelao, Geba amo ela bona Rimon, Ierusalem diho-kahana ai. A Ierusalem na atai ai baine mia, gabana korikorina ai, Beniamina Ikoukouna amo ela ikoukou gunana, ela bona Daiguni Ikoukouna, bona Hananele Kohorona ela bona pavapava ena vine itaolaidia gabudia.
ZEC 14:11 Bona haida ese bae noholaia, badina be hevadari basine mia; Ierusalem taudia na bae noho namonamo, asi garidia.
ZEC 14:12 Bena Ierusalem bae tuari henia besedia iboudiai na Iehova ese ina dai-hanai gorerena amo baine hahisidia: ginidia ai hidiodia bae pata, bona kwaradia ai matadia bae pata, bona ududia ai maladia bae pata.
ZEC 14:13 Una dina ai gari bada-hereana Iehova ena amo na idia latadiai baine kau, bena ta ta ese bamona bamona imadia bae abi, bona ta ta ese imadia bae abi isi, bamodia ihadikadia totona;
ZEC 14:14 Iuda ese danu Ierusalem baine tuari henia. Bena heḡeḡemadai besedia iboudiai edia taḡa na bae haboudia, gold bona silver bona dabua momo herea.
ZEC 14:15 Bena dai-hanai gorerena ta, hari gorere heḡereḡerena na hosi bona doniki badadia bona kamelo bona doniki maraḡidia, bona ubu-ubu ḡaudia dahaka dahaka unu taruha lalodiai bae mia, latadiai baine kau.
ZEC 14:16 Bena roho-mauri taudia iboudiai, unu Ierusalem vada e tuari henia besedia idau-idau iboudiai amo, na laḡani ta ta ai Ierusalem bae dara dae, Ḡaubada, Iehova Sabaota, itomadiho-henina bona kalaga ariana ibadinana totona.
ZEC 14:17 A tanobada iduhudia haida na Ḡaubada, Iehova Sabaota, itomadiho-henina totona Ierusalem basiema dara dae, medu na idia latadiai basie diho.
ZEC 14:18 Bona Aigupto taudia danu basiema dara dae, unuseni ai basiema hedinarai, bena Iehova ese kalaga ariana ibadinana totona asie dara daemu besedia e hahisilaidiamu gorerena na idia danu latadiai baine kau.
ZEC 14:19 Aigupto davana bona kalaga ariana ibadinana totona asie dara daemu besedia iboudiai davadia na unu bae abi toma.
ZEC 14:20 Una dina ai hosi aiodia gabagabadia ai ina revareva bae torea: “Helaḡa, Iehova ena”. Bona Iehova ena dubu ai bae mia urodia na ihaboulaina patana vairanai e miamu naudia heḡereḡeredia ai baela.
ZEC 14:21 Uro iboudiai Ierusalem ai bona Iuda ai na bae helaḡa, Iehova Sabaota enai; taunabunai edia boubou ḡaudia bae hahelaḡadia taudia iboudiai na baema diba, bae abidia, edia boubou ḡaudia hidiodia na idia lalodiai bae nadudia. Bona hoihoi tauna ta na Iehova Sabaota ena dubu ai basine noho lou una dina ai.
MAL 1:1 Maduna metauna herevana Iehova ena amo, Israel latanai, Malaki ese e gwauraia.
MAL 1:2 Iehova na e tomu, Lau ese vada na lalokau henimui. A umui o tomamu, Ede vada o lalokau henimai toma? Iehova ma e tomu, Esau na dia Iakob kakana a? Ḡau tamona Iakob vada na lalokau henia,
MAL 1:3 a Esau vada na inai henia. Ena ororo tanona vada na havahua, bona ia ahuna na tano-ḡaḡaena sisiadia vada na henidia.
MAL 1:4 Edom bema toma “Vada e taomai tari, to vada eme heḡiḡi dobi gabudia ma baia haginidia lou”, bena Iehova Sabaota bema toma “Readia bae haginidia, to lau ese ma baina ḡiḡidia dobi, ela bona vada bae gwauraidia kara-dika tanona bona Iehova ese e badu henia hanaihanaimu besena”.
MAL 1:5 Sibomui matamui amo ba itaia, bena baoto, Iehova na herea, Israel tanona murimurinai.
MAL 1:6 Mero ese tamana e matauraiamu, bona hesiai tauna ese biaguna e matauraiamu. Bena bema lau na tama, imatauraigu be edeseni ai? Eiava bema lau na biagu, igari-henigu be edeseni ai? Hahelaḡa taumui e, lau ladagu o dadaraiamu taumui e, lau, Iehova Sabaota, na hereva henimuimu. Umui na o tomu, Oi ladamu ede a dadaraia toma?
MAL 1:7 Iniheto: aniani ḡaudia mirodia na egu ihaboulaina patana ai vada o ato. Ma o tomu, Ede a h uniroa toma? Iniheto: umui na o laloa Iehova ena pata baine hedadarai diba.
MAL 1:8 Ubu-ubu ḡaudia mata-kepuludia na boubou ḡaudia ai o halaodiamu negadia ai, una na dia dika a? Eiava ae-hedairike ḡaudia eiava gorere ḡaudia na boubou ḡaudia ai o halaodiamu negadia ai, una na dia dika a? Unuhetomana ta na emui hanua lohiana boma henia, ia ese bema moalelaimui eiava bema lalo namo henimui a? Iehova Sabaota na e herevamu.
MAL 1:9 Harihari Dirava ba noia, ia ese baine lalo namo henida bona baine bogada hisi a? Matogana, herahia ḡaudia unuhetomadia imamui amo baine abi negana ai, ia ese umui ta baine lalo namo henia a? Iehova Sabaota na e herevamu.
MAL 1:10 Umui bogaragimui amo ta ese iduara bema koudia, bena lahi na egu ihaboulaina patana latanai basioma ha-araia kava, una na bema namo. Iehova Sabaota na e tomu, Lau ese asina moalelaimuimu, bona boubou ḡaudia na umui imamui amo basioa abi.
MAL 1:11 Badina be daba e reremu ela bona dina e dihomu ai, lau ladagu na herea, bese idau-idau bogaragidiai, bona gabu iboudiai lalodiai muramura mai bonadia e gabudiamu lau ladagu ai, bona boubou ḡaudia ḡoevaḡoevadia danu e henimu; badina be lau ladagu na herea, bese idau-idau bogaragidiai. Iehova Sabaota na e herevamu.
MAL 1:12 A umui na O tomu Iehova ena pata vada e hamiroa bena anianina bae dadaraia negana ai, umui ese una pata na o hamiroamu.
MAL 1:13 Iehova Sabaota na e tomu: Umui o tomamu “Ina daka hekwarahi”, bona o hamue henigumu. Dadidadi ḡauna eiava ae-hedairike ḡauna eiava gorere ḡauna o mailaiamu, emui boubou ḡauna ai ba halaoa o tomamu. Iehova na e tomu, Be, una na imamui amo baina abia a?
MAL 1:14 Koikoi tauna na mai ena mamoe maruanena ta ena mamoe serina ai, bena e gwau hamatalaiamu; to mai dikana ḡauna ta na e hahelaḡaiamu, Ḡaubada ena; ia na bae uduguiraia. Badina be lau na Pavapava badana, bona lau ladagu na e gari heniamu, bese idau-idau bogaragidiai. Iehova Sabaota na e herevamu.
MAL 2:1 Hahelaḡa taumui e, harihari ina haheḡani na umui latamui ai.
MAL 2:2 Iehova Sabaota ini e gwau tomamu: Basioma kamonai, bona lau ladagu i'imodaina basioma laloa bada, bena lau ese heuduguirai na latamui ai baina siaia, bona emui hahenamo herevadia na baina uduguiraidia; momokani, vada na uduguiraidia vaitani, badina be umui na asio laloa badamu.
MAL 2:3 A itaia, lau ese natumui baina gwau henidia, bona boromakau bona mamoe taḡedia na vairamui baina dahulaidia, hari emui boubou ḡaudia taḡedia; bena lau vairagu amo baina atomui lasi murimuri ai.
MAL 2:4 Iehova Sabaota na e tomu, Unu amo ba diba, ina haheḡani na lau ese vada na siaia vasi, egu gwauhamata Levi enai baine momokani helaoreana.
MAL 2:5 Egu gwauhamata ienai na mauri bona maino gwauhamatana, bena unu na na henia, baine gari helaoreana. Bena e gari henigu, bona ladagu e matauraia.
MAL 2:6 Hahediba herevadia momokanidia na ia uduna ai e miava, bona ia bibinana ai kerere ta se miava. Ia na lau ida a raka hebouva, maino ai bona kara maoromaoro ai, bona hutuma na ia ese kara havara amo e hakaudia siri.
MAL 2:7 A hahelaḡa tauna bibinana ese aonega baine gimaia, bona taunimanima ese hahediba herevadia na ia uduna amo bae tahua, una na namo; badina be ia na Iehova Sabaota ena gwaukau tauna.
MAL 2:8 Iehova Sabaota na e tomu, A umui na dala amo vada o raka siri, bona emu hahediba herevadia amo hutuma vada o hahekwakwanaidia; umui ese Levi ena gwauhamata vada o hadikaia.
MAL 2:9 Taunabunai, lau ese baina hahemaraimui bona baina ha-igomui diho, taunimanima iboudiai vairadiai, egu dala asio badinadia bona emui hahediba ai kaha ta enai o tao dainai.
MAL 2:10 Ita iboudai tamada na tamona, ani? Dirava tamona ese vada e karada, ani? Benaini, dahaka dainai ita na ta hekoi hehenimu, bena seneda edia gwauhamata ta hadikaiamu?
MAL 2:11 Iuda vada e koikoi; bona Israel ai bona Ierusalem ai kara dika-rohorohodia vada e kara; badina be Iuda ese Iehova ena gabu helaḡana, e lalokau heniamu gabuna, vada e hadikaia; bona dirava idauna natuna kekenina vada e adavaia.
MAL 2:12 Ini e kara tomamu tauna iduruna lotona bema hereva eiava bema haere eiava boubou ḡauna Iehova Sabaota enai bema mailaia tauna na Iehova ese Iakob ena kalaga amo baine negea daure, una be namo.
MAL 2:13 Ina danu o karaiamu. Iehova ena ihaboulaina patana na iruru-matamui amo o hada'ania ḡuḡurumu, mai taitaimui bona mai ḡanaḡanamui ida, badina be ia ese boubou ḡauna ihaḡerena vada e hadokoa, bona imamui amo asie abia daemu mai lalo-namona ida.
MAL 2:14 Umui na o henanadaimu, o tomu, Dahaka dainai se abia daemu? Badina korikori be Iehova na mai dibana oi bona adavamu na eregabemui ai o hegwau hamata heheni, a, ena be ia na oi bamomu bona adavamu, gwauhamata dainai, to ienai so tao.
MAL 2:15 Dirava tamona ese mauri laumana vada e karaia bona vada e hahesiriua ita eda, ani? Bona iena ura be dahaka? Ena ura be ita ese ia bae matauraia memerodia na baita havaradia. Taunabunai, sibomui ba henahua toho, bona ta ese eregabena ai e adavaia hahinena na basine rakatania.
MAL 2:16 Iehova, Israel Diravana, na e tomu, Badina be hahekoho na na inai heniamu, bona daḡedaḡe karadia ai dabuana e hamiroamu tauna danu na inai heniamu. Iehova Sabaota na e herevamu. Taunabunai, sibomui ba henahua toho, bona adavamui basio hadihodia.
MAL 2:17 Emui hereva amo Iehova vada o hahekwarahia ema bona vada e hesiku. Ḡau tamona, umui na o tomu, Ede a hahekwarahia toma? Iniheto: umui oto, Kara dika taudia iboudiai nanamo, Iehova vairanai, bona ia ese e moalelaidiamu. Eiava o henanadai, oto, Hahemaoro ḡoevaḡoeva Diravana be edeseni ai?
MAL 3:1 Iehova Sabaota na e tomu, A itaia, egu gwaukau tauna na siaiamu, vairagu dalana baine lailaia totona; bona Iehova, o tahuamu Diravana, ese ena dubu helaḡana baine mai henia taku.
MAL 3:2 A itaia, gwauhamata gwaukauna tauna, o moalelaiamu tauna, na e maimu. Iehova Sabaota na e herevamu. A ena mai dinana ai, daika baine haheauka diba? Bona baine hedinarai negana ai, daika baine gini diba? Badina be ia na gold ihaḡoevana tauna ena lahi bona dabua-huri tauna ena sopu na heto.
MAL 3:3 Ia na baine helai, silver ihamanada-manadana bona ihaḡoevaḡoevana tauna na heto; ia ese Levi vevena baine hagoevadia, bona baine hamanadadia, gold bona silver na heheto, ela bona idia ese boubou ḡaudia maorodia na Iehova bae henia.
MAL 3:4 Bena Iuda bona Ierusalem edia boubou ḡauna na Iehova ese baine moalelaia, dina gunadia ai bona laḡani gunadia ai heḡereḡeredia.
MAL 3:5 Iehova Sabaota na e tomu, Una negana ai lau na hahemaoro totona baina vasi. Lau ese babalau taudia, heuda-hanai taudia, gwauhamata koikoi taudia, ḡaukara taudia davadia ihenidia ai e koidiamu bona vabu bona ihareha e hahisidiamu taudia, bona noho-hedoa tauna e doria ohomu bona lau garigu asie garimu taudia na baina habadelaidia haraḡa.
MAL 3:6 Badina be lau Iehova na asina idaumu. Una dainai, Iakob garana e, umui na asio mase ore.
MAL 3:7 Senemui edia nega amo umui na egu taravatu vada o rakatanidia bona asio badinadia. Iehova Sabaota na e tomu, A lou henigu, bena lau ese baina lou henimui. A umui na o tomamu, Ede baia lou toma?
MAL 3:8 Be, taunimanima ese Dirava bae dadihaia a? Mato, umui ese o dadihaigumu. A umui o tomamu, Ede a dadihaimu tomamu? Iniheto: emui ḡau ikaroadia ai bona emui herahia ḡaudia ihenidia ai.
MAL 3:9 Heuduguirai na latamui ai vada e kau, badina be umui na mai besemui idoinai ida ese o dadihaigumu.
MAL 3:10 Iehova Sabaota na e tomu, Ḡau ikaroadia korikoridia ba mailaidia, roge ai bavatodia, aniani na rumagu ai baine mia helaoreana. Unu amo ba tohogu, guba gaba-maurudia baina kehodia emui, bona hahenamo na latamui ai baina seia dobi ela bona baine hepurai dobi, eiava.
MAL 3:11 Iehova Sabaota ini e gwau tomamu: Kwadi baina gwaua tao, emui tano anidia basine ha-oredia totona; bona imea ai emui vine na huahua ai basie dabu.
MAL 3:12 Bena bese iboudiai ese bae imodaimui; badina be moale tanona ai baola. Iehova Sabaota na e herevamu.
MAL 3:13 Iehova na e tomu, Emui hereva vada e auka, lau latagu ai, A umui o tomamu, Ede a hadikamu toma emai hereva ai?
MAL 3:14 Iniheto: vada oto, Dirava isiaina ilao-henula na asi anina; anina be dahaka ena hahedua baita badinaia eiava Iehova Sabaota vairanai baita raka, taitai taudia na heheto?
MAL 3:15 Ina negana amo, hekokoroku taudia na namodia baita gwaurai; kara dika taudia na e taḡamu; a dia una mo, Dirava e dibaganiamu negadia ai danu idia na e roho niaurimu.
MAL 3:16 Bena Iehova garina e gariva taudia na e hereva heheniva; Iehova ese e hakala henidia, bona edia hereva e kamonai, bena Iehova garina e gariva bona ia ladana e helalolaiava taudia ilalo-taodia bukana vada e torea ia vairanai.
MAL 3:17 Iehova Sabaota eto, Idia na lauegu taunimanima korikoridia, kara baina karaia dinana ai, bona baina hamauridia, tau ta ese natuna, ia isiaina e lao heniamu merona, e hamauriamu na heto.
MAL 3:18 Bena emui haero-haero ai kara namo taudia bona kara dika taudia ma ba hididia lou, Dirava isiaina e lao heniamu tauna bona isiaina se lao heniamu tauna danu ba hididia.
MAL 4:1 Iehova Sabaota na e tomu, Badina be, a itaia, dina na e maimu; e siahumu amu siahuna na heto. Una dina ai hekokoroku taudia iboudiai bona kara dika taudia iboudiai na rei kakoro heḡereḡerena ai baela; hari bainema dinana ese baine aradia ore, bena idia ediai ramu ta eiava rigi ta basine mia.
MAL 4:2 A umui, lau ladagu o gari heniamu taumui, emui ai kara maoromaoro dinana baine dae, mai hahemaurina ia hanina ai. Do ba raka lasi mai rohomui ida, boromakau natudia na edia aniani gabuna amo e roho lasimu na heto.
MAL 4:3 Bena lau ese karana baina karaia dinana ai, kara dika taudia na ba moimoilaidia, badina be idia na kahu ai baela, aemui palapaladia henudiai. Iehova Sabaota na e herevamu.
MAL 4:4 Egu hesiai tauna Mose ena taravatu ba badinaia, ena taravatu bona ena hahemaoro herevadia lau ese Horeb ai na haganilai heniava, Israel idoinai ese bae badina ḡaudia.
MAL 4:5 A itaia, Iehova ena dina badana mai garina ida do basinema negana ai, lau ese peroveta tauna Elia do baina siaia vasi.
MAL 4:6 Bena ia ese tama lalodia na baine haloudia natudia ediai, bona natu lalodia na baine haloudia tamadia ediai, lau baina vasi bena tano na heuduguirai amo baina habuaia tari na garina.
MAT 1:1 Iesu Keriso ena vara revarevana binai: ia na David natuna, Abraham natuna.
MAT 1:2 Abraham ese Isaak e havaraia; Isaak ese Iakob e havaraia; Iakob ese Iuda mai tadina ida e havaradia;
MAT 1:3 Iuda ese Perese bona Sera e havaradia, Tamara bogana ai; Perese ese Hesrom e havaraia; Hesrom ese Ram e havaraia;
MAT 1:4 Ram ese Aminadab e havaraia; Aminadab ese Nason e havaraia; Nason ese Salmon e havaraia;
MAT 1:5 Salmon ese Boa e havaraia, Rahaba bogana ai; Boa ese Obed e havaraia, Ruta bogana ai; Obed ese Iese e havaraia;
MAT 1:6 Iese ese David, hanua pavapavana, e havaraia. David ese Solomon e havaraia, Uria adavana bogana ai;
MAT 1:7 Solomon ese Rehoboam e havaraia; Rehoboam ese Abia e havaraia; Abia ese Asa e havaraia;
MAT 1:8 Asa ese Iehosafat e havaraia; Iehosafat ese Ioram e havaraia; Ioram ese Usia e havaraia;
MAT 1:9 Usia ese Iotam e havaraia; Iotam ese Ahasa e havaraia; Ahasa ese Hesekia e havaraia;
MAT 1:10 Hesekia ese Manase e havaraia; Manase ese Amon e havaraia; Amon ese Iosia e havaraia;
MAT 1:11 Iosia ese Iekonia mai tadina ida e havaradia, Babulono e laohaidia negana ai.
MAT 1:12 Babulono e laohaidia murinai, Iekonia ese Sealtiele e havaraia; Sealtiele ese Serubabele e havaraia;
MAT 1:13 Serubabele ese Abiud e havaraia; Abiud ese Eliakim e havaraia; Eliakim ese Asoro e havaraia;
MAT 1:14 Asoro ese Sadok e havaraia; Sadok ese Akim e havaraia; Akim ese Eliud e havaraia;
MAT 1:15 Eliud ese Eleasara e havaraia; Eleasara ese Matan e havaraia; Matan ese Iakob e havaraia;
MAT 1:16 Iakob ese Iosef, Maria adavana, e havaraia; Maria ena amo Iesu, e gwauraia Keriso, e vara.
MAT 1:17 Taunabunai uru iboudiai Abraham ena amo ema bona David be uru gwauta-hani; bona David ena amo ema bona Babulono e laohaidia negana be uru gwauta-hani; bona Babulono e laohaidia negana amo ema bona Keriso be uru gwauta-hani.
MAT 1:18 Iesu Keriso na ini e vara toma: ia sinana Maria na Iosef maohenina, to raruosi do asie geda bou, Lauma Helaga ese mero e henia.
MAT 1:19 Adavana Iosef na kara maoromaoro tauna, bona hahine ihahemaraina se ura, taunabunai baine hahekohoa hehuni-hehuni eto.
MAT 1:20 Lalona unu e hadaia tomava ai, Lohiabada ena aneru ta ese nihi ai e hahedinarai henia, eto, Iosef David e, adavamu Maria iabidaena garina basio gari, badina be Lauma Helaḡa ese mero vada e henia.
MAT 1:21 Ia ese mero do baine abia; ladana ba hatoa IESU; badina be ia ese cna bese taudia edia kara dikadia amo baine hamauridia.
MAT 1:22 Ini ḡau iboudiai e vara, Lohiabada ese peroveta tauna uduna amo e gwauraia herevana ihamomokanuna; eto,
MAT 1:23 A itaia, haneulato ta baine rogorogo, Natuna baine havaraia, mero ta; Ia ladana bae hatoa Emanuel. (Emanuel anina be: Dirava na ita dekedekedai).
MAT 1:24 Iosef na mahuta amo e noga, bena Lohiabada ena aneru ese e haduaia heḡereḡerena e karaia. Adavana e abia dae:
MAT 1:25 to ia ida asie geda bou, ela bona natuna e abia. Bena mero ladana e hatoa IESU.
MAT 2:1 Iesu na Betelehem Iudea ai e vara, King Herod ese Iudea e lohiaia negana ai, aonega taudia be dina dae kahana amo Ierusalem ai e lasi.
MAT 2:2 Idia na e henanadai, eto, Iuda taudia edia pavapava harihari eme vara be edeseni ai? Badina be ena hisiu mairiveina kahana ai a itaia, bona itomadiho-henina ama.
MAT 2:3 King Herod ese una hereva e kamonai negana ai, kudouna e hetaha; Ierusalem taudia iboudiai danu.
MAT 2:4 Bena ia ese hahelaḡa taudia iboudiai bona itorena taudia e haboudia, e nanadaidia, eto, Keriso be edeseni ai baine vara e tomamu?
MAT 2:5 Bena idia na e haere henia, eto, Betelehem Iudea ai; badina be peroveta tauna ini e torea toma:
MAT 2:6 Oi danu Betelehem e, Iuda tanona ai, Iuda lohiadia bogaragidiai oi na dia gabe tauna, Badina be hahekau tauna na oiemu amo bainema, Ia ese egu bese Israel baine reḡua.
MAT 2:7 Bena Herod ese aonega taudia e boiridia hehuni, hisiu ena hedinarai negana e nanadailaia ḡoevaḡoeva.
MAT 2:8 Bena e siaidia lao, Betelehem baela; eto, Aola, mero maraḡina ba ha tahua goadagoada, bona ba davaria negana ai bame hadibagu, bena lau danu baina vasi toma diho.
MAT 2:9 Idia na hanua pavapavana erena e kamonaia, bena vada ela. Hari hisiu, mairiveina kahana ai e itaia ḡauna, ese e gunalaidia, ela bona mero maraḡina ena noho gabuna daenai e mia.
MAT 2:10 Idia na hisiu e itaiava ai na e moale hisi dae.
MAT 2:11 Bena ruma ai e raka vareai, mero maraḡina sinana Maria ida e itadia, bena e goru goru diho, e toma henia diho. Bena edia kohu e hulala, herahia e henia, gold bona muramura mai bonana bona dahudahu muramurana.
MAT 2:12 Bena Dirava ese nihi ai e hamaorodia, eto, Herod dekena basio lou lao. Taunabunai idau dala amo edia hanua e lou henia.
MAT 2:13 Idia e lou murinai, Lohiabada ena aneru ese nihi ai Iosef ma e hahedinarai henia, eto, A tore isi, mero maraḡina sinana ida avabidia, Aigupto ba healulaidia lao, unuseni ai ba ha noho, ela bona lau mil b.lJnl hereva henimu lou; badina be Herod ese mero maraḡina e tahuamu, baine alaia mase e tomu.
MAT 2:14 Bena Iosef e noga, mero maraḡina sinana ida hanuaboi ai e abidia, Aigupto ela.
MAT 2:15 Unuseni ai eha noho ela bona Herod e mase, Lohiabada ese peroveta tauna uduna amo e gwauraia herevana ihamomokanina; eto, Aigupto amo natugu na boiria.
MAT 2:16 Una negana ai Herod na dibana aonega taudia ese vada e koia, bena e badu dikadika. Bena e hesiai, laḡanidia rua bona gabeai e vara memerodia iboudiai na Betelehem ai bona badina tanodia ai e aladia mase, aonega taudia e nanadailaidia negana heḡereḡerena.
MAT 2:17 Una negana ai Ieremia, peroveta tauna, ena hereva vada e momokani; eto,
MAT 2:18 Gado ta Rama ai e kamonai, Tai lolololo bona tai ḡadeḡade bada, Rahela be natuna taidia e taimu, Tauhalo e dadaraia, badina be idia na lasihidia.
MAT 2:19 Herod e mase murinai, Lohiabada ena aneru ese nihi ai Iosef ma e hahedinarai henia lou, Aigupto ai.
MAT 2:20 Eto, A tore isi, mero maraḡina sinana ida avabidia, Israel tanona baola, badina be mero maraḡina iala-masena e tahuava taudia na vada e mase.
MAT 2:21 Bena e tore isi, mero maraḡina bona sinana e abidia, Israel tanona ela.
MAT 2:22 To sivarai e kamonai Akelao ese Iudea e lohiaia, tamana Herod gabunai, bena unu lao garina e gariva. A nihi amo Dirava ese e hadibaia dainai e raka hanai, Galilea kahana ela,
MAT 2:23 hanua ta ai, ladana Nasaret, eha noho. Taunabunai peroveta taudia edia hereva vada e momokani; eto, Ia na Nasaret tauna bae gwauraia.
MAT 3:1 Unu dinadia ai Ioane Bapatiso e hedinaraiva, Iudea tano ḡaḡaena ai e harorova; eto,
MAT 3:2 A helalo kerehai, badina be guba basileiana vada eme kahira-kahira.
MAT 3:3 Badina be ia na peroveta tauna Isaia ese e herevalaia guna, eto, Gado ta tano ḡaḡaena ai e boi lolomu, e tomu, Lohiabada ena dala ba lailaia, Ena laolao dalana ba hamaoromaoroa.
MAT 3:4 Ioane ena dabua na kamelo huina, ena gaba ḡauna be boromakau kopina, ana aniani na kwadi bona bada ranuna.
MAT 3:5 Ierusalem bona Iudea taudia iboudiai, bona Ioridane kourana hanuadia idoidiai, ia dekena ela,
MAT 3:6 edia dika e gwaurai hedinaraiva. Bena ia ese Ioridane sinavaina ai e bapalisodiava.
MAT 3:7 A Farisea taudia bona Sadukea taudia diaḡau bapatiso totona ela e itadia, bena e gwau henidia, eto, Gaigai natudia e, daika ese e hamaoromui do baine vara baduna na ba heautania?
MAT 3:8 Helalo-kerehai anina ba hahedinaraia.
MAT 3:9 Bona lalomui ai basioto “Ai tamamai na Abraham,” badina be na hamaoromuimu, Dirava na mai siahuna ini nadi amo natuna bema havaradia Abraham ena.
MAT 3:10 Harihari ira na au badidiai e atoamu; taunabunai huahua namodia asie dobimu audia iboudiai na be utumu, lahi ai be taho kaumu.
MAT 3:11 Lau be ranu amo na bapatisomuimu, helalo-kerehai toana. A lau murigu ai be maimu tauna na ena siahu ese lauegu e hereaiamu; lau na dia namo ena tamaka baina abia loaloa. Ia ese Lauma Helaḡa bona lahi amo baine bapatisomui.
MAT 3:12 Ena itapo na imana ai; ena uit ikwadina gabuna baine tapoa ḡoevaḡoeva, ena uit na roge ai baine haboua, a momona be se bodomu lahina ai baine dou vaitani.
MAT 3:13 Una negana ai Iesu na Galilea amo Ioane dekena ela, Ioane ese baine bapatisoa dainai.
MAT 3:14 A Ioane ese e gwaua tao, eto, Lau dekegu oma a? Oi ese lau boma bapatisogu hari namo.
MAT 3:15 A Iesu ese e haere henia, eto, Mani boma karaia; badina be kara maoromaoro iboudiai baita haguḡuru hari namo. Bena ia ese Iesu ena ura e karaia.
MAT 3:16 Iesu e bapatisoa; bena ranu amo e dae kau negana ai na guba e parara, bena ia ese Dirava ena Lauma e itaia, pune na heto e diho, ia tubuana ai e kau.
MAT 3:17 Bona gado ta guba amo e boi dobi, eto, Lau Natugu binai, egu lalokau; lau ese ia na lalo namo heniamu.
MAT 4:1 Bena Lauma ese Iesu na tano ḡaḡaena e hakaua lao, Diabolo ese baine dibaḡania totona.
MAT 4:2 Dina hari-ahui, boi hari-ahui, e anivaga, bena e hitoloa mase
MAT 4:3 Bena hedibaḡani laumana na ia dekena ela, eto, Bema oi Dirava Natuna, ini nadi boma haḡanidia, bena aniani ḡaudia ai bema lao.
MAT 4:4 A Iesu na e haere, eto, Vada e torea, Dia aniani amo mo taunimanima basie mauri, a Dirava uduna amo e lasimu herevadia iboudiai amo danu.
MAT 4:5 Bena Diabolo ese hanua helaḡana e hakaua lao, Dubu Helaḡa kogena ai e haginia kau.
MAT 4:6 Bena eto, Bema oi Dirava Natuna, ini amo boma roho dobi; badina be vada e torea, Ia ese ena aneru baine haduadia, bena imadia ai bae abimu isi, aemu nadi ai ba tutuhia na garina.
MAT 4:7 Iesu ma e haere, eto, Vada e torea danu, Lohiabada emu Dirava na basio dibaḡania.
MAT 4:8 Bena Diabolo ese ororo bada-hereana ta dorina ai e hakaua dara, tanobada basileiadia idoidiai mai hairaidia ida e haheitalaia,
MAT 4:9 eto, Boma goru diho, boma toma henigu diho, bena ini iboudiai na oi bama henimu.
MAT 4:10 Iesu ma e haere henia, eto, Satana e, dauha aola; badina be vada e torea, Lohiabada emu Dirava na ba toma henia diho, ia mo sibona isiaina ba lao heni.
MAT 4:11 Bena Diabolo ese e rakatania. Aneru haida ia dekena ela, ia isiaina e lao heni.
MAT 4:12 Iesu na e kamonai Ioane dibura rumana ai vada e koua, bena e lou lao, Galilea ela.
MAT 4:13 Nasaret e rakatania, ela, Kaperanaum ai eha noho: una na gohu badina hanuana, Sebulun bona Napatali tanodia ai.
MAT 4:14 Unu amo Isaia, peroveta tauna, ena hereva vada e momokani; eto,
MAT 4:15 Sebulun tanona bona Napatali tanona, Gohu dalana, Ioridane sinavaina unukahana ai, Bese idau-idau edia Galilea bunai:
MAT 4:16 Dibura ai e nohova taudia na Diari badana vada e itaia; Bona dibura masemase lalonai e helaiva taudia latadiai Diari vada e tata dae roha.
MAT 4:17 Una nega amo, Iesu na e haroro matama, eto, A helalo kerehai, badina be guba basileiana vada eme kahira-kahira.
MAT 4:18 Ia na Galilea gohuna konena ai e rakava ai, tadikaka rarua, Simona, e nemaia Petro, mai tadina Andrea, e itadia, reke gohu ai e torea, badina be idia na haoda taudia.
MAT 4:19 Bena e hereva henidia, eto, Murigu ai a raka; lau ese taunimanima ihaoda-henidia taumui ai baina halaomui.
MAT 4:20 Bena idia ese edia reke e rakatani, ia murinai e raka.
MAT 4:21 Unu amo e raka laova ai, tadikaka rarua ma e itadia, Iakobo Sebedeo, tadina Ioane ida, edia vanagi ai tamadia Sebedeo ida edia reke e laumeva.
MAT 4:22 Bena e boiridia. Bena idia ese vanaḡi bona tamadia e rakatanidia, ia murinai e raka.
MAT 4:23 Iesu na Galilea idoinai eha laolao, edia dubu lalodiai e hahedibava, bona basileia sivaraina namona e harorolaiava. Bona taunimanima edia gorere bona edia hisihisi idau-idau amo e hamauridiava.
MAT 4:24 Taunabunai, ia harina Suria tanona idoinai e hapiua; bena edia gorere taudia iboudiai na ia dekena e laohaidia, hisi idau-idau, kava, tororo-tororo, pada. Bena ia ese e hamauridia.
MAT 4:25 Hutuma bada herea ia murinai e raka: Galilea amo, Hanua Gwauta amo, Ierusalem amo, Iudea amo, bona Ioridane sinavaina unukahana amo.
MAT 5:1 Iesu ese aru taudia e itadia, bena ororo ai e dara dae, e helai diho; bena ena hahediba na ia dekena ela.
MAT 5:2 Bena e hadibadia matama, eto,
MAT 5:3 Manau taudia be nanamo, badina be guba basileiana na idia edia.
MAT 5:4 Taitai taudia be nanamo, badina be taudia bae halodia.
MAT 5:5 Manada taudia be nanamo, badina be idia ese tanobada bae abia.
MAT 5:6 Kara maoromaoro hitolona e hitolomu bona ranu-masena e ranu masemu taudia be nanamo, badina be bogadia bae kunu.
MAT 5:7 Hebogahisi taudia be nanamo, badina be idia danu do bae bogadia hisi.
MAT 5:8 Lalodia ḡoḡoeva-ḡoḡoeva taudia be nanamo, badina be idia ese Dirava bae itaia.
MAT 5:9 Herohemaino taudia be nanamo, badina be idia na Dirava natuna bae gwauraidia.
MAT 5:10 Kara maoromaoro daidiai e daḡedaḡe henidia taudia be nanamo, badina be guba basileiana na idia edia.
MAT 5:11 Lau daigu ai umui bae uduguiraimui, bae daḡedaḡe henimui, bae gwau dika henimui koikoi, negadia ai na do ba namo.
MAT 5:12 Ba moale, ba moale hisi dae, badina be guba ai davamui baine bada; badina be e gunalaimui taudia, peroveta taudia, na unu e daḡedaḡe henidia tomava.
MAT 5:13 Umui na tanobada damenana. Damena na basinema tadika, dahaka ese bema hatadikaia? Asi ena namo, vada bae negea, taunimanima ese aedia ai bae moimoilaia.
MAT 5:14 Umui na tanobada diarina. Ororo dorina ai e hadaia hanuana na basine hehuni diba.
MAT 5:15 Lamepa bae haraia negana ai, maua henunai basie atoa, a lamepa gabuna korikori ai bae laia kau, ruma taudia iboudiai edia diari ai bainela.
MAT 5:16 Umui emui diari taunimanima vairadiai unu ba hahedinaraia toma, bena emui kara namodia bae ita bona Tamamui guba ai e nohomu na bae heatolaia.
MAT 5:17 Lalomui na basieto lau be taravatu bona peroveta herevadia iruhadia totona nama: dia iruhadia to ihaḡuḡurudia totona nama.
MAT 5:18 Badina be na hamaoromui momokanimul harihari ela guba bona tanobada bae puki, taravatu ena leta ta eiava ena koma ta basine boio, ela bona anina idoinai baine vara.
MAT 5:19 Taunabunai, tau ta ese taravatu maragi-maragina ta baine tataia utu, ia na guba basileiana lalonai gabe tauna bae gwauraia. A tau ta ese baine badinadia, bona baine hahedibalaidia, ia na guba basileiana lalonai guna tauna bae gwauraia.
MAT 5:20 Na hamaoromuimu, umui emui kara maoromaoro ese itorena taudia bona Farisea taudia edia basine hereaia, umui na guba basileiana lalonai basio raka vareai, lasi ona lasi vaitani.
MAT 5:21 Vada o kamonai, sene taudia e haduadia, eto, Basio ala-ala; bona ala-ala tauna do bae hahemaoro henia.
MAT 5:22 A lau ese na hamaoromuimu, tadikakana baine badu henia tauna na do bae hahemaoro henia; bona tadikakana baine ḡonaḡonalaia tauna na kaunsil taudia vairadiai bae laohaia; bona tadikakana na kava tauna baine gwauraia tauna na Gehena lahina ai bainela.
MAT 5:23 Taunabunai, emu boubou ḡauna pata helaḡana ai bavatoa negana ai na ba helalo une, tadikakamu enai mai emu kerere,
MAT 5:24 emu boubou ḡauna pata helaḡana vairanai ba rakatania, baola, tadikakamu ida ba herohemaino guna, gabeamo ba lou lao, emu boubou ḡauna pata helaḡana latanai bavatoa.
MAT 5:25 Oi inaimu ida ba herohemaino haraḡa, hahemaoro dalana ai doini o raka heboumu negana ai; inaimu ese hahemaoro tauna imana ai baine atomu na garina, hahemaoro tauna ese dibura rumana igimana tauna imana ai baine atomu na garina, dibura rumana igimana tauna ese dibura rumana lalonai baine koumu na garina.
MAT 5:26 Na hamaoromu momokanimu, unu amo basio raka lasi ela bona davana ba haḡuḡurua vaitani.
MAT 5:27 Vada o kamonai, sene taudia e haduadia, eto, Basio heuda hanai.
MAT 5:28 A lau ese na hamaoromuimu, tau ta ese hahine ta baine raraia ela bona baine ḡahusia, ia lalona ai vada e heuda hanai vaitani.
MAT 5:29 Matamu idibana ese baine hahekwakwanaimu, ba giboa lasi, ba negea daure; badina be taumu reḡena ta baine boio be namo, a taumu idoinai Gehena ai bae tahoa dobi na dika.
MAT 5:30 Eiava imamu idibana ese baine hahekwakwanaimu, ba utua oho, ba negea daure; badina be taumu reḡena ta baine boio be namo, a taumu idoinai Gehena ai bae tahoa dobi na dika.
MAT 5:31 E haduadia danu, eto, Adavana baine hadihoa tauna ese hekoho revarevana baine henia.
MAT 5:32 A lau ese na hamaoromuimu, tau ta adavana dia heuda-hanai hahinena to baine hadihoa, ia ese heuda-hanai hahinena ai baine halaoa; bona una hahine ma baine adavaia tauna na heuda-hanai tauna.
MAT 5:33 Vada o kamonai, sene taudia e haduadia, eto, Basio gwau hamata koikoi, a emu gwauhamataLohiabada enai ba hamomokani.
MAT 5:34 A lau ese na hamaoromuimu, basio gwau hamata, lasi ona lasi vaitani: dia guba ladana ai, badina be ia na Dirava ena terono;
MAT 5:35 dia tanobada ladana ai, badina be ia na aena edia moi-tao ḡauna; dia Ierusalem ladana ai, badina be ia na Pavapava hereana ena hanua.
MAT 5:36 Oi kwaramu danu basio gwau hamatalaia, badina be huimu tamona ihakurokurona eiava ihakoremana na asi dibamu.
MAT 5:37 Taunabunai emu hereva ba gwaurai: oibe, oibe, bona lasi, lasi. Ini e hereamu herevana na tau dikana ena amo.
MAT 5:38 Vada o kamonai, e haduadia, eto, Mata davana be mata; ise davana be ise.
MAT 5:39 A lau ese na hamaoromuimu, dika tauna basio gwaua tubu. Ia ese vahamu idibana baine pataia, laurina danu ba mede henia.
MAT 5:40 Tau ta ese baine hahemaoro henimu emu hahedoki iabina totona, emu rami danu ba henia.
MAT 5:41 Eiava tau ta ese baine haḡanimu maila ta ba raka, maila iharuana danu ia ida ba raka hebou.
MAT 5:42 Noinoi tauna na ba henia, bona emui ai baine abi torehai e tomu tauna na basio dadaraia.
MAT 5:43 Vada o kamonai, e haduadia, eto, Dekemu tauna ba lalokau henia; a inaimu ba inai henia.
MAT 5:44 A lau ese na hamaoromuimu, inaimui ba lalokau henidia, bona bae daḡedaḡe henimui taudia daidiai ba ḡuriḡuri.
MAT 5:45 Unu amo Tamamui guba ai e nohomu na natuna ai baola. Badina be ia ese ena dina na kara dika taudia bona kara namo taudia latadiai e hatataia dae rohamu, medu danu kara maoromaoro taudia bona kara kerere-kerere taudia latadiai e hadihoamu.
MAT 5:46 Badina be e lalokau henimuimu taudia mo ba lalokau henidia, davamui be dahaka bavabia? Tax gogo taudia na unu asie kara tomamu a?
MAT 5:47 Bona tadikakamui mo ba hanamodia, emui namo be dahaka? Idau bese taudia na unu asie kara tomamu a?
MAT 5:48 Taunabunai, umui na ba ḡoeva dae, Tamamui guba ai e nohomu na e ḡoeva daemu na heto.
MAT 6:1 Nahuamui ba toho, emui kara maoromaoro taunimanima vairadiai basio kara, bae ita helaoreana. Unu ba kara toma, umui na asi davamui Tamamui guba ai e nohomu ena amo.
MAT 6:2 Taunabunai, harihari ḡaudia ba heni negana ai na vairamu ai kibi basio hiriria, koikoi taudia ese dubu ai bona ariara ai e karamu na heto, taunimanima ese bae heatolaidia helaoreana. Na hamaoromui momokanimu, davadia vada e abi.
MAT 6:3 A harihari ḡaudia ba heni negana ai na imamu laurina ese idibana ena kara basine diba.
MAT 6:4 Taunabunai emu harihari baine hehuni, bona Tamamu na ḡau hehunidia e itamu, davana baine henimu.
MAT 6:5 Ba ḡuriḡuri negadia ai, koikoi taudia basio tohotohodia, badina be idia na e uramu dubu ai bona ariara daigunidia ai ginidia ai bae ḡuriḡuri, taunimanima ese bae itadia totona. Na hamaoromui momokanimu, davadia vada e abi.
MAT 6:6 A oi na ba ḡuriḡuri negana ai na emu daiutu lalonai ba raka vareai, iduarana ba koua ahu, Tamamu na gabu hehunina ai ba noinoi henia. Bena Tamamu na gabu hehunina e itaiamu, davana baine henimu.
MAT 6:7 Ba ḡuriḡuri negadia ai, basio gwau lou gwau lou, bese idau-idau taudia na heheto; badina be idia na e tomamu edia hereva momo daidiai baine kamonaidia.
MAT 6:8 Idia ida basio heḡereḡere, badina be Tamamui na dibana dahaka ḡau dahaka ḡau ai o dabumu, do asio noinoi heniamu negadia ai.
MAT 6:9 Taunabunai, ini ba ḡuriḡuri toma: Tamamai e, guba ai o nohomu, Oi ladamu baia hahelaḡaia;
MAT 6:10 Emu basileia bainema, Emu ura tanobada ai baia kara, Guba ai e karamu na heto.
MAT 6:11 Hari dina ai amai bame henimai;
MAT 6:12 Emai dika ba gwau tao, Ai ese e hadikamaimu taudia edia dika a gwau taomu na heto;
MAT 6:13 Hedibaḡani ai basio hakaumai vareai, A dika amo ba hamaurimai.
MAT 6:14 Badina be umui ese taunimanima edia dika ba gwau tao, Tamamui guba ai e nohomu ese emui dika baine gwau tao.
MAT 6:15 A umui ese taunimanima edia dika basio gwau tao, Tamamui ese emui dika basine gwau tao.
MAT 6:16 Bavanivaga negadia ai na basio vaira hua, koikoi taudia heḡereḡeredia; badina be vairadia e hadikamu, edia anivaga toadia na taunimanima ese bae ita e tomamu. Na hamaoromui momokanimu, davadia na vada e abi.
MAT 6:17 A oi na bavanivaga negadia ai na kwaramu ba horoa, vairamu danu ba huria;
MAT 6:18 bena taunimanima na basie diba o anivagamu, a Tamamu na gabu hehunina ai baine diba. Bena Tamamu na gabu hehunina e itaiamu, davana baine henimu.
MAT 6:19 Emui kohu na ina tanobada ai basio habou, iniseni ai pitopito bona hogohogo ese e ani oremu, iniseni ai danu henao taudia ese ruma e dareamu bona e henaomu.
MAT 6:20 A emui kohu na guba ai ba habou, unuseni ai pitopito bona hogohogo ese asie ani oremu, unuseni ai danu henao taudia ese ruma asie dareamu, asie henaomu.
MAT 6:21 Badina be emui kohu e miamu gabuna ai, lalomui danu unuseni mia.
MAT 6:22 Tau-anina ena lamepa na mata. Taunabenai, matamu baine namo, taumu anina idoinai baine diari.
MAT 6:23 A matamu baine dika, taumu anina idoinai baine dibura. Taunabenai, diari na oi lalomu ai baine dibura, hari dibura na daka bada!
MAT 6:24 Asi launa ta ese biagu rarua isiaidia baine lao heni diba. Badina be ta baine inai henia, ta be baine lalokau henia; eiava baine badinaia, ta be baine dadaraia. Dirava bona Taḡa isiaidia basio lao heni diba.
MAT 6:25 Una dainai na hamaoromuimu, lalomui na basie hekwarahi dahaka bavania, eiava dahaka ba inua, eiava dahaka ba hahedokilaia. Mauri ese aniani se hereaiamu a? Tau-anina ese dabua se hereaiamu a?
MAT 6:26 Atai manudia ba itadia: idia na asie hadohadomu, asie taboromu, roge ai asie haboumu; a Tamamui guba ai e nohomu ese e ubudiamu. Umui ese idia asio hereadiamu a?
MAT 6:27 Umui daika ena lalo-hekwarahi amo tauna anina sisina taina mo baine halataia diba?
MAT 6:28 Bona lalomui basie hekwarahi dabua daidiai. Tano heraheradia ba haero, ede e vara tomamu: asie ḡaukaramu, bona asie hatuhatumu;
MAT 6:29 a lau ese na hamaoromuimu, Solomon mai hairaina idoinai ena namo na idia ida asie heḡereḡere.
MAT 6:30 Benaini, tano avadia, harihari mimia, kerukeru lahi ai bae taho kau, to Dirava ese unu e hadabualai tomamu; be, ia ese umui danu basine hadabualaimui a? Abidadama maraḡi-maraḡi taumui!
MAT 6:31 Taunabunai, lalomui basie hekwarahi; basioto “Dahaka baia ania?” eiava “Dahaka baia inua?” eiava “Dahaka baia hahedokilaia?”
MAT 6:32 Bese idau-idau taudia ese unu ḡau iboudiai e tahumu. A Tamamui guba ai e nohomu na mai dibana, o dabumu ḡaudia iboudiai bunu.
MAT 6:33 A umui be iena basileia bona ena kara maoromaoro ba tahu guna, bena unu ḡau iboudiai danu ma baine henimui.
MAT 6:34 Lalomui basie hekwarahi kerukeru dainai; kerukeru na sibona baine henari. Dina ta ena dika vada davana iena.
MAT 7:1 Taunimanima basio hahemaoro henidia, bena idia ese danu basie hahemaoro henimui.
MAT 7:2 Badina be umui emui hahemaoro heḡereḡerena ai ma bae hahemaoro henimui; bona umui emui hahetoho heḡereḡerena ai ma bae hahetoho henimui.
MAT 7:3 Badina be dahaka au tahana tadikakamu matana ai o itaiamu, a au badana oi matamu ai mia na to laloamu?
MAT 7:4 Badina be dahaka tadikakamu o hamaoroamu, o tomu “Mani au tahana matamu amo baina abia lasi”, a au badana na matamu ai mia?
MAT 7:5 Koikoi taumu e, au badana matamu amo bavabia lasi guna, murinai au tahana tadikakamu matana ai ba itaia ḡoevaḡoeva, bena bavabia lasi.
MAT 7:6 Helaḡa ḡaudia na sisia basio henidia, bona emui aḡeva mai hairaidia na boroma vairadiai basio nege, aedia amo bae moi tao bena bae mede kerehai bae doamui na garina.
MAT 7:7 Ba noinoi, do baine henimui; ba tahua, do ba davaria; ba pidipidi, iduara baine hekeho emui.
MAT 7:8 Badina be noinoi taudia iboudiai na e abimu; itahuna tauna ese e davariamu; iduara na e hekehomu, pidipidi tauna ena.
MAT 7:9 Umui daika natuna aniani bema noia negana ai na nadi bema henia?
MAT 7:10 Eiava gwarume bema noia negana ai na gaigai bema henia?
MAT 7:11 Benaini, umui na dika taumui, ḡau namodia natumui o henidiamu, Tamamui guba ai e nohomu ese ḡau namodia na inoihenina taudia basine henidia a?
MAT 7:12 Taunabunai, ḡau iboudiai umui ba ura taunimanima ese bae kara henimui, umui ese unu ba kara henidia toma; badina be ta avatu bona peroveta herevadia anidia korikori bunai.
MAT 7:13 Ikoukou hekahi-hekahina amo ba raka vareai. Badina be mase gabuna e laomu dalana na ikoukou ḡamoḡa bada bona dala na lababana bada; bona hutuma na unu amo e raka vareaimu.
MAT 7:14 A mauri gabuna e laomu dalana na ikoukou hekahi-hekahina bona dala na rotona; e davariamu taudia na gagadoi.
MAT 7:15 Nahuamui ba toho, peroveta taudia koikoidia nd garina; e vasimu, oromadia na mamoe na heheto, to lalodia na uda sisiadia heḡereḡeredia.
MAT 7:16 Huahuadia amo ba dibadia. Vine be au ginigini amo ba buruki a? Eiava korukoru na ava ḡiniḡini amo bavabi a?
MAT 7:17 Benaini, au namodia iboudiai huahuadia be nanamo; a au dikadia na huahuadia danu didika.
MAT 7:18 Au namona ese huahua dikadia ihavaradia na asi dibana; au dikana danu huahua namodia ihavaradia na asi dibana.
MAT 7:19 Huahuadia dia nanamo audia iboudiai na bae utu, lahi ai bae taho kau.
MAT 7:20 Taunabunai, huahuadia amo ba dibadia.
MAT 7:21 Dia bae hereva henigu, baeto “Lohiabada e, Lohiabada e,” taudia iboudiai na guba basileiana lalonai basie raka vareai; a Tamagu guba ai e nohomu ena ura e karamu tauna mo.
MAT 7:22 Hutuma una dina ai bae hereva henigu, baeto, Lohiabada e, Lohiabada e, oi ladamu ai asia peroveta a? Oi ladamu ai lauma dikadia asia luludia a? Oi ladamu ai hoa karadia momo asia kara a?
MAT 7:23 Bena lau ese baina haere henidia, bainato, Asi dibagu umui; dauha aola, kara havara taumui e.
MAT 7:24 Taunabunai, egu hereva bini e kamonaimu bona karadia e karamu tauna na aonega tauna na heto, ia ese ena ruma na papapapa latanai e hadaia.
MAT 7:25 Bena medu e diho, utu-utu e utua dae, lai bada e toa, ruma na e hohoa. To una ruma se kohu, badina be ia na papapapa latanai e hadaia.
MAT 7:26 A egu hereva bini e kamonaimu to karadia se karamu tauna na kavakava tauna na heto, ena ruma na raria latanai e hadaia.
MAT 7:27 Bena medu e diho, utu-utu e utua dae, lai bada e toa, ruma na e hohoa; bena e kohu, e heḡiḡi rohoroho.
MAT 7:28 Iesu ese ena haroro e hadokoa; bena taunimanima ese ena hahediba herevadia e hoalai,
MAT 7:29 badina be e hadibadiava mai siahuna ida, dia itorena taudia heḡereḡeredia.
MAT 8:1 Ororo amo e hekei, bena hutuma bada na ia murinai e raka.
MAT 8:2 Bena lepra tauna ta ia dekena ela, e toma henia diho, eto, Lohiabada e, boma ura boma haḡoevagu.
MAT 8:3 Iesu imana e toia roro, enai e dau kau, eto, Lau na uramu: a ḡoeva. Bena lepra tauna vada e ḡoeva.
MAT 8:4 Iesu ese e hamaoroa, eto, Tau ta basio hamaoroa; aola, hahelaḡa tauna ese baine itamu, bona haheḡoeva ḡauna Mose ese e gwauraia heḡereḡerena na ba henia, taunimanima ihadibalaidia.
MAT 8:5 Iesu na Kaperanaum ai e lasi. Bena tuari lohiana ta ia dekena ela, e noia,
MAT 8:6 eto, Lohiabada e, egu hesiai merona na ruma ai e hekuremu; ia na e padaia, bona tauna eme hisihisi bada.
MAT 8:7 Iesu ese e hamaoroa, eto, Baina vasi, bena baina hamauria.
MAT 8:8 A tuari lohiana e haere, eto, Lohiabada e, lau na dia namo be egu ruma ai basio dae kau. Mani a hereva mo, bena egu hesiai merona na aine mauri.
MAT 8:9 Badina be lau danu haida henudiai, a tuari taudia na lau henugu ai. Ta baina hamaoroa, bainato “Aola”, bena bainela; ma ta baina hamaoroa, bainato “Aoma”, bena bainema; ma egu hesiai merona baina hamaoroa, bainato “Ina na a karaia”, bena baine karaia.
MAT 8:10 Iesu ese una hereva e kamonaia, bena e hoa dikadika; bena ia murinai e raka taudia e hamaorodia, eto, Na hamaoromui momokanimu, abidadama inihetomana Israel ai asina davaria, lasi ona lasi vaitani.
MAT 8:11 Na hamaoromuimu danu, hutuma na dina dae amo bona dina diho amo baema, Abraham bona Isaak bona Iakob ida bae ege diho, guba basileiana lalonai;
MAT 8:12 a basileia memerodia korikoridia na murimuri diburana ai bae doridia lasi, unuseni ai bae tai, gadigadidia bae hahedai.
MAT 8:13 Bena Iesu ese tuari lohiana e hamaoroa, eto, Aola, emu abidadama heḡereḡerena bavabia. Hesiai merona na una hora lalonai vada e mauri.
MAT 8:14 Iesu na Petro ena ruma ai e dae kau, unuseni ai Petro ravana hahinena e davaria, tauna e siahu, e hekure.
MAT 8:15 Imana ai e dau kau, bena tauna siahuna e doko; bena hahine na e tore isi, ia isiaina e lao henia.
MAT 8:16 Adorahi ai, hutuma, lauma dikadia ese e bolodia taudia, na ia dekena e hakaudia lao. Bena ena hereva amo ia ese hari lauma dikadia e luludia lasi; bona gorere idau-idau taudia iboudiai danu e hamauridia.
MAT 8:17 Unu amo Isaia, peroveta tauna, ese e gwauraia herevana vada e momokani; eto, Ia ese eda manoka-manoka e abi isi, bona eda gorere e huahaida.
MAT 8:18 Iesu ese aru taudia e itadia, e ginia heḡeḡe, bena e hahedua, gohu kahana ai bae hanai eto.
MAT 8:19 Bena itorena tauna ta e raka kahi lao, e hereva henia, eto, Hahediba taumu e, emu laolao iboudiai baina bamomu.
MAT 8:20 Iesu na e haere, eto, Uda sisiadia na mai edia kohua, bona atai manudia na mai edia ruma, a Taunimanima Natuna na asi ena hekwina gabuna.
MAT 8:21 Ena hahediba ta ese danu e hereva henia, eto, Lohiabada e, mani emu kara tamagu do baina ha ḡuria guna.
MAT 8:22 Iesu eto, Murigu ai a raka; mase taudia ese edia mase bae guridia.
MAT 8:23 Ia na vanaḡi auta ai e gui, bona ena hahediba ese e gavaia.
MAT 8:24 Gohu ai guba badana e kau, bena hurehure ese vanagi e habubunia, a ia na mahuta.
MAT 8:25 Bena idia ela, e haoa, eto, Lohiabada e, ame hamaurimai; ita aita mase.
MAT 8:26 Ia ese e gwau henidia, eto, Abidadama maraḡi-maraḡi taumui e, dahaka dainai o garimu? Bena e tore isi, lai bona hurehure e gwau tao; bena e gaima vaitani.
MAT 8:27 Bena idia na e hoa, eto, Ina lai bona hurehure na erena e kamonaimu tauna be daika?
MAT 8:28 Unukahai idia na Gadarene tanona ai eha kau, bena lauma dikadia ese e bolodia taudia rarua na ia ida e hedavari; idia na gara gabudia amo e lasi, bona e daḡedaḡe bada, taunabunai taunimanima na una dala amo basie raka hanai diba.
MAT 8:29 Idia raruosi na e lolo, eto, Dirava Natuna e, dahaka emai ai bo karamu? Emai nega be dounu, ihahisimai totona vada oma a?
MAT 8:30 Una gabu ai, a taina dauhai, boroma serina badana ta e nuanuava.
MAT 8:31 Bena lauma dikadia ese e noia, eto, Boma lulumai, boma siaimai boroma lalodiai.
MAT 8:32 Bena ia ese e hamaorodia, eto, Aola. Taunabunai, idia na e lasi, boroma lalodiai e vareai; bena seri idoinai na hagahaga amo e rourou hekei gohu ai, unuseni ai e maloa bou.
MAT 8:33 Boroma ireḡudia taudia na e heau, hanua ela, lauma dikadia ese e bolodia taudia sivaraidia idoinai e gwauraia hedinarai.
MAT 8:34 Taunabunai hanua taudia iboudiai e aru ela, Iesu ida e hedavari; e itaia, bena e noia, edia tano amo baine raka oho eto.
MAT 9:1 Ia na vanaḡi auta ai e gui, bena e heau hanai, ena hanua korikori ai eha kau.
MAT 9:2 Pada tauna ta geda ai hekurena ai ia dekena e huaia lao. Iesu ese edia heabidadama e itaia, bena pada tauna e hamaoroa, eto, Natugu e, ba goada, emu dika vada eme hegwau tao.
MAT 9:3 Bena itorena taudia haida lalodia e hadai, eto, Ina tau ese Dirava e hadikaiamu.
MAT 9:4 Iesu na edia lalo-hadai dibana, bena eto, Badina be dahaka lalomui o hadai kereremu?
MAT 9:5 Edena be haraga, nato “Emu dika vada eme hegwau tao”, eiava bama toma “A gini tore, ba raka”?
MAT 9:6 A umui ba diba Taunimanima Natuna na mai siahuna tanobada ai dika baine gwau tao, (ia ese pada tauna e hamaoroa, eto), A gini tore, emu geda a lokua, emu ruma baola.
MAT 9:7 Bena e gini tore, ena ruma ela.
MAT 9:8 Hutuma ese e itaia, bena e hoa, bona Dirava e heatolaia, ia ese siahu unuhetomadia taunimanima e henidia dainai.
MAT 9:9 Raka hanaina ai, Iesu ese tau ta tax gabuna ai helaina ai e itaia, ia ladana na Mataio. Bena e hereva henia, eto, Murigu ai a raka. Ia na e tore isi, ia murinai e raka.
MAT 9:10 Iesu na iena ruma ai e ege diho, bena tax gogo taudia bona kara dika taudia hutuma ela, Iesu mai ena hahediba ida e ege diho hebou.
MAT 9:11 Farisea taudia ese e itaia, bena ena hahediba e nanadaidia, eto, Emui hahediba tauna na dahaka dainai tax gogo taudia bona kara dika taudia ida e aniani heboumu?
MAT 9:12 Iesu e kamonai, bena e hamaorodia, eto, Goada taudia na muramura tauna basie tahua, a gorere taudia hari.
MAT 9:13 Aola, ina hereva anina ba haeroa: Lau na hebogahisi na uramu, dia boubou ḡauna. Badina be kara maoromaoro taudia iboiridia asinama, a kara dika taudia hari.
MAT 9:14 Bena Ioane ena hahediba na ia dekena ela, eto, Dahaka dainai ai bona Farisea taudia na a anivagamu, a oiemu hahediba na asie anivagamu?
MAT 9:15 Iesu ese e haere henidia, eto, Headava matamata tauna na turana dekediai be bae taitai a? A nega ta headava matamata tauna na edia amo baine heabi oho, una negana ai bae anivaga.
MAT 9:16 Dabua matamata seana dabua gunana basie banilaia. Unu bema kara toma, e banilaia seana na dabua gunana amo bema hedare oho, bona hedarena bema bada.
MAT 9:17 Vine ranuna matamatana kopi gunadia ai basie vedaia. Unu bema kara toma, vine ranuna matamatana ese kopi bema hapou, bena vine ranuna bona kopi bema dika bou. A vine ranuna matamata na kopi matamatadia ai bae vedaia, bena ruaosi bae namo.
MAT 9:18 Edia hereva-hereva lalonai, lohia ta e kau, bena e toma henia diho, eto, Natugu kekenina ina harihari vada e mase; mani aitala, enai ba dau kau, bena baine mauri.
MAT 9:19 Iesu na e tore isi, ia murinai e raka, mai ena hahediba ida.
MAT 9:20 Hahine ta, ena gorere na rara moru, laḡani gwauta-rua unu e gorere tomava, ia murinai e raka, ena dabua rimuna ai e dau kau.
MAT 9:21 Badina be ia lalona eto, Ena dabua ai mo bama dau kau be bama namo.
MAT 9:22 Iesu na e gini kerehai, e itaia, eto, Natugu e, ba goada, emu abidadama ese vada e hamaurimu. Taunabunai, una hora ela, hahine na vada e namo.
MAT 9:23 Iesu na hari lohia ena ruma ai e dae kau, bena ivilikou taudia bona taitai taudia e heloḡo-heloḡova e itadia.
MAT 9:24 Bena e hamaorodia, eto, A raka lasi; kekeni na se mase, ia na e mahutamu. To idia ese e kirikirilaia.
MAT 9:25 A ia ese hutuma e doridia lasi; bena e raka vareai, kekeni imana e abia, e hatorea isi.
MAT 9:26 Harina be una tano idoinai e piua.
MAT 9:27 Iesu na unu amo e raka laova ai, mata-kepulu taudia rarua na ia murinai e raka mai lolodia ida, eto, David natuna e, ame bogamai hisi.
MAT 9:28 Iesu na ruma ai e raka vareai, bena hari mata-kepulu taudia raruosi danu ma e dae kau. Bena ia ese e nanadaidia, eto, Lalomui e tomamu lau na mai siahugu ene baina karamui toma a? Idia eto, Lohiabada e, oibe.
MAT 9:29 Bena ia ese matadia e dau toho, eto, Emui abidadama heḡereḡerena ene na karamui tomamu.
MAT 9:30 Bena matadia vada e papa. Iesu ese e tamanudia goadagoada, eto, Ina kara tau ta basio hamaorolaia.
MAT 9:31 A idia na e raka lasi, harina una tano idoinai eha piua.
MAT 9:32 Idia raka lasidia ai, haida ese mu tauna mai lauma-dikana ida ia dekenai e hakaua vareai.
MAT 9:33 Ia ese lauma dikana e lulua lasi, bena mu tauna na e hereva. Aru taudia na e hoa, eto, Kara inihetomadia nega ta se hedinarai Israel ai.
MAT 9:34 A Farisea taudia eto, Lauma dikadia edia lohia siahuna ai ia ese lauma dikadia e luludia lasimu.
MAT 9:35 Iesu na hanua badadia ai bona hanua maraḡidia ai e loa eva-evava, edia dubu lalodiai e hahedibava, basileia sivaraina namona e harorolaiava, gorere taudia bona hisi-ani taudia iboudiai e hamauridiava.
MAT 9:36 Aru taudia e itadia e bogadia hisi, badina be taudia e boera, bona e karoho, mamoe asi ireḡudia na heheto.
MAT 9:37 Bena ia ese ena hahediba e hamaorodia, eto, Uit vada e lo ḡoevaḡoeva, to iutuna taudia na dia hoho.
MAT 9:38 Uma biaguna ba noia, ia ese iutuna taudia haida ma baine siaidia, ena uit bae utua.
MAT 10:1 Ia ese ena hahediba gwauta-raruosi e boiridia; bena siahu e henidia, lauma dikadia bae luludia lasi, bona gorere idau-idau bona hisi-ani idau-idau iboudiai bae hamauridia.
MAT 10:2 Aposetolo taudia gwauta-raruosi ladadia bini: ginigunana be Simona, e nemaia Petro, bona ia tadina Andrea; Iakobo Sebedeo, bona ia tadina Ioane;
MAT 10:3 Filipo bona Batolomeo; Toma bona tax gogo tauna Mataio; Iakobo Alfeo bona Tadeo;
MAT 10:4 Simona, Selote tauna bona Iuda Iskariote, ia na Iesu taona itorena tauna.
MAT 10:5 Gwauta-raruosi na Iesu ese e siaidia, bona e haḡanidia, eto, Bese idau-idau taudia edia dala ai basio raka, bona Samaria taudia edia hanua ta ai basio raka vareai;
MAT 10:6 a Israel besena ena dobi mamoedia dekedia baola.
MAT 10:7 Rakamui ai ba haroro, baoto “Guba basileiana vada eme kahira-kahira”.
MAT 10:8 Gorere taudia ba hamauridia, mase taudia ba hatoredia isi, lepra taudia ba haḡoevadia, lauma dikadia ba luludia lasi; vada o abi doa, vada ba heni doa.
MAT 10:9 Emui vaina lalodiai moni badadia eiava maraḡidia basio uda;
MAT 10:10 dala ai moda, hahedoki rua, tamaka, itotohi, basio abi kau; badina be ḡaukara tauna bema mai heinaruna, una bema namo.
MAT 10:11 Hanua maraḡina ta ai eiava hanua badana ta ai ba kau negana ai, gaiho namo tauna ta ba tahua, bena ia dekenai ba noho ela bona ba raka oho negana.
MAT 10:12 Ruma na ba raka vareai negana ai na ba hanamoa;
MAT 10:13 bena ruma na baine namo, emui maino ia latanai bavatoa kau, a basine namo, emui maino na bavabia lou.
MAT 10:14 A haida ese basie abimui dae, bona eremui basie kamonai, una ruma eiava una hauna ba rakatania negana ai na aemui palapaladia ḡahudia bavatuatu oho.
MAT 10:15 Na hamaoromui momokanimu, hahemaoro dinana ai Sodoma bona Gomora bae dika maraḡi, a una hanua na baine dika bada.
MAT 10:16 Lau ese na siaimuimu, mamoe uda sisiadia bogaragidiai na heheto; taunabunai, ba heaonega gaigai heḡereḡeredia, ba manada pune heḡereḡeredia.
MAT 10:17 A taunimanima nahuadia ba toho; badina be idia ese kaunsil vairadiai bae hakaumui, bona edia dubu lalodiai bae dadabamui.
MAT 10:18 Lohia bona pavapava vairadiai bae hakaumui, lau daigu ai, idia bona bese idau-idau taudia ihadibalaidia taumui ai baola.
MAT 10:19 Bae hahemaoro henimui negadia ai na lalomui basie hekwarahi, ba gwaurai herevadia daidiai, badina be una hora ai ba gwaurai herevadia na baine henimui.
MAT 10:20 Badina be igwauraina tauna na dia umui, a Tamamui Laumana na lalomui ai baine hereva.
MAT 10:21 Kakana ese tadina taona baine tore; tamana ese natuna taona baine tore; memero bae tore isi, tamadia sinadia bae aladia mase.
MAT 10:22 Lau ladagu dainai taunimanima iboudiai ese bae inai henimui; a baine haheauka ela bona dokona tauna do baine mauri.
MAT 10:23 Hanua ta ai bae daḡedaḡe henimui negana ai na idau hanuana ta ba heau lao; badina be na hamaoromui momokanimu, Israel hanuadia basio rakadia hanai ore ela bona Taunimanima Natuna baine gini dae.
MAT 10:24 Hahediba ese ihadibana tauna basine hereaia; hesiai tauna ese biaguna basine hereaia.
MAT 10:25 Hahediba na ihadibana tauna ida bae heḡeregere, eiava hesiai tauna na biaguna ida bae heḡereḡere, una na namo. Ruma biaguna ladana bae hatoa Beel-sebul, ena ruma taudia danu unu basie gwauraidia toma a?
MAT 10:26 Taunabunai, idia garidia basio gari; badina be e ḡova ahu ḡaudia iboudiai do bae hedinarai, bona hehuni ḡaudia iboudiai do bae dibadia.
MAT 10:27 Dibura lalonai na hamaorolaimuimu herevadia na diari ai ba gwaurai; bona taiamui ai ba kamonai herevadia na ruma guhidia amo ba harorolai dobi.
MAT 10:28 Tau-anina ialana mai dibadia to lauma ialana asi dibadia taudia na garidia basio gari; a lauma bona tau-anina Gehena ai baine aladia mase diba tauna hari garina ba gari.
MAT 10:29 Bisini rua be moni maraḡi-maraḡina tamona amo bae hoi, ani? A idia ta tano ai basine moru, Tamamui na basine ura negana ai.
MAT 10:30 A umui na kwaramui huidia iboudiai vada e duahi vaitani.
MAT 10:31 Basio gari; umui ese bisini diaḡau o hereadiamu.
MAT 10:32 Taunabunai, taunimanima vairadiai bae gwauraigu hedinarai taudia iboudiai na lau ese Tamagu guba ai e nohomu vairanai baina gwauraidia hedinarai;
MAT 10:33 a taunimanima vairadiai baine ḡoregu tauna na lau ese Tamagu guba ai e nohomu vairanai baina ḡorea.
MAT 10:34 Lalomui na basieto maino tanobada ai baina mailaia totona nama; dia maino asina mailaia, a dare hari.
MAT 10:35 Badina be lau nama tau ese tamana baine inai henia, bona kekeni ese sinana baine inai henia, bona eregabe hahinena ese ravana hahinena baine inai henia,
MAT 10:36 bona ruma taudia ese ruma biaguna bae inai henia helaoreana.
MAT 10:37 Tamana eiava sinana baine ura henia bada, lau baine ura henigu maraḡi, tauna na egu ai basine heḡereḡere; bona natuna maruanena eiava natuna kekenina baine ura henia bada, lau baine ura henigu maragi, tauna na egu ai basine heḡereḡere;
MAT 10:38 bona ena satauro basine abia isi, murigu ai basine raka, tauna na egu ai basine heḡereḡere.
MAT 10:39 Ena mauri e abia tarika-tarikamu tauna ese mauri baine reaia, a lau daigu ai ena mauri e reaiamu tauna ese mauri baine abia.
MAT 10:40 E abimui daemu tauna ese lau danu e abigu daemu; bona lau e abigu daemu tauna ese e siaigu Diravana danu e abia daemu.
MAT 10:41 Tau ta ese peroveta tauna ladana ai peroveta tauna e abia daemu, ia ese peroveta tauna davana baine abia. Bona tau ta ese kara maoromaoro tauna ladana ai kara maoromaoro tauna e abia daemu, ia ese kara maoromaoro tauna davana baine abia.
MAT 10:42 Bona tau ta ese ranu kerumana kebere tamona mo ini maraḡimaraḡidia ta baine henia, hahediba ladana ai, na hamaoromui momokanimu, ia na davana basine reaia.
MAT 11:1 Iesu ese ena hahediba gwauta-raruosi e haḡanidia vaitani, bena una gabu amo e raka oho, edia hanua lalodiai baine hahediba bona baine haroro totona.
MAT 11:2 Ioane ese dibura rumana ai Keriso ena kara haridia e kamonai, bena ena hahediba rarua ia dekena e siaidia.
MAT 11:3 Idia ese e nanadaia, eto, Be maimu tauna na oi, eiava idauna ta baita naria?
MAT 11:4 Bena Iesu ese e haere henidia, eto, Vada aola, ome kamonai ome ita karadia na Ioane ba hamaorolaia:
MAT 11:5 mata-kepulu taudia matadia e papamu, ae-hedairike taudia e raka namonamomu, lepra taudia e goevaḡoevamu, taia-kudima taudia e kamonaimu, mase taudia e tore isimu, bona sivarai namona na ogoḡami taudia e harorolai henidiamu.
MAT 11:6 Hekwakwanai badina egu ai basine davaria tauna hari namo.
MAT 11:7 Raruosi e raka oho ai, Iesu ese aru taudia e hereva henidia matama, Ioane herevana e gwauraia, eto, Umui na dahaka itana tano ḡaḡaena ola? Siriho lai ese e haevaia a?
MAT 11:8 A dahaka itana ola? Dabua manada-manadana e dokilaia tauna a? Dabua manada-manadadia e dokilaimu taudia na pavapava edia numa lalodiai e nohomu.
MAT 11:9 A dahaka itana ola? Peroveta tauna a? Oibe, na hamaoromuimu, peroveta taudia loḡora iboudiai ia ese e hereadiamu.
MAT 11:10 Ia bunai herevana e torelaia, eto, A itaia, lau ese egu gwaukau tauna Oi vairamu ai name siaia, Emu dala ilailaina.
MAT 11:11 Na hamaoromui momokanimu, hahine bogadia ai e vara taudia iboudiai na Ia ese Ioane se hereaiamu, a guba basileiana lalonai gabe tauna ese Ioane e hereaiamu.
MAT 11:12 Ioane Bapatiso negana ema bona harihari guba basileiana vada e dadia, bona dadidadi taudia ese vada e dabaia tao.
MAT 11:13 Badina be peroveta iboudiai bona taravatu e hahedibava ema bona Ioane.
MAT 11:14 Lalomui bema heḡereḡere, ina hereva boma abia dae: ina na Elia, maina e gwauraiava tauna.
MAT 11:15 Mai taiana tauna na baine hakala.
MAT 11:16 Ina uru taudia na daidia ida baina haheḡereḡeredia? Idia na memero-memero na heheto, hanua ariaradia ai hehelai, bamodia e boi henidiamu,
MAT 11:17 e tomu, “Ai be ivilikou a hatai, to umui na asio mavaru; Ai be a rohe ahu, to umui na asio taitai”.
MAT 11:18 Badina be Ioane Bapatiso ema, se anianiva, se inuinuva, a idia eto “Ia na mai lauma-dikana”.
MAT 11:19 A Taunimanima Natuna vada ema, e anianimu, e inuinumu, bena idia e tomu “Ina na ani-dae ani-dae bona vine ranuna e inua momomu tauna, tax gogo taudia bona kara dika taudia turadia”. A aonega ihamomokanina na natuna edia amo e hedinaraimu.
MAT 11:20 lma negana ai siahu karadia diaḡau hanua lalodiai e karava hanuadia na ia ese e gwau henidia, badina be idia na asie helalo kerehai.
MAT 11:21 Eto, Korasin e, ihabaimu! Betesaida e, ihabaimu! Badina be siahu karadia lalomui ai na karava na Turo bona Sidono Ialodiai bama kara, idia na idau nega ai benla helalo kerehai mai davahadia bona mai rahurahudia ida.
MAT 11:22 Na hamaoromuimu, hahemaoro dinana ai Turo bona Sidono bae dika maragi, a umui na ba dika bada.
MAT 11:23 Oi danu, Kaperanaum e! Oi na guba ai ba heabi dae a? Lasi, tanobada henunai bae dorimu dobi. Badina be siahukaradia oi lalomu ai na karava na Sodoma lalonai bama kara, ia na bema mia ema bona hari.
MAT 11:24 Na hamaoromumu, hahemaoro dinana ai Sodoma baine dika maraḡi, a oi na ba dika bada.
MAT 11:25 Una negana ai Iesu eto, Tamagu e, guba bona tanobada Lohiana, na hanamomumu, badina be ini ḡau na aonega taudia bona lalo-parara taudia edia amo vada o huni, a memero karukarudia ediai vada o hahedinarai.
MAT 11:26 Momokani, Tamagu e, badina be emu lalo-hadai namona benai.
MAT 11:27 Ḡau iboudiai na Tamagu ese vada e henigu; tau ta Tamada asi dibana, Natuna mo sibona, bona Natuna e uramu baine hahedinarai henia tauna.
MAT 11:28 Tau boera laumui bona maduna metau taumui iboumui ai, lau dekegu aoma, lau ese laḡa-ani baina henimui.
MAT 11:29 Egu maduna na paḡamui ai ba huaia, lau dekegu ai ba hahediba, badina be lau na manada bona lalo-manau taugu; bena laumamui do bae laḡa ani.
MAT 11:30 Badina be egu maduna na haraḡa, ihuana danu asi hekwarahina.
MAT 12:1 Una negana ai Iesu na Dina Helaḡa ai uit umana e rakaia hanai. Ena hahediba na e hitolodiava, bena uit huahuadia e burukiva, e aniva.
MAT 12:2 Farisea taudia ese e itadia, bena e hamaoroa, eto, O itaia, emu hahediba na hegwau-tao karana Dina Helaḡa ai e karaiamu.
MAT 12:3 Ia ese e haere henidia, eto, Nega ta asio duahia, a, David ena kara ta, e hitoloava negana ai, ia mai bamona ida?
MAT 12:4 Dirava ena ruma ai e dae kau, pata helaḡa malamalana e ania; a una malamala na helaḡa vaitani, ienai bona ia bamona ediai; hahelaḡa taudia sibodia bema ania.
MAT 12:5 Eiava taravatu ai asio duahia, a, Dina Helaḡa ai hahelaḡa taudia ese dina helaḡa taravatudia e tata utu, to asi edia kerere?
MAT 12:6 Na hamaoromuimu, iniseni ai ta ese Dubu Helaḡa e hereaiamu.
MAT 12:7 Ina hereva anina boma diba “Lau na hebogahisi na uramu, dia boubou ḡauna” umui na asi edia kerere taudia basioma habadelaidia.
MAT 12:8 Badina be Taunimanima Natuna na Dina Helaḡa biaguna.
MAT 12:9 Ia na unu amo e raka oho, bena edia dubu ai e dae kau.
MAT 12:10 Tau ta unuseni ai imana na heveri. Bena idia ese e nanadaia, eto, Dina Helaḡa ai gorere ihamaurina be maoro eiava? Edia ura be bae habadelaia.
MAT 12:11 Bena Iesu ese e haere henidia, eto, Umui daika ena mamoe bema tamona mo, bena Dina Helaḡa ai guri lalonai bema moru dobi, basioma abia basioma veria dae a?
MAT 12:12 Be, taunimanima ese mamoe asie hereadiamu a? Taunabunai, Dina Helaḡa ai kara namona ikarana be maoro.
MAT 12:13 Bena ia ese hari tau e haduaia, eto, Imamu a toia roro. E haroroa, vada e namo, imana kahana heḡereḡerena.
MAT 12:14 A Farisea taudia na e raka lasi, e henega bou, ia bae hadikaia dalana e tahua.
MAT 12:15 Iesu na mai dibana dainai, ia na dauha ela. Hutuma bada ese ia murinai e raka, bena ia ese iboudiai e hamauridia;
MAT 12:16 a e tamanudia, ia harina basie hapiua.
MAT 12:17 Unu amo Isaia, peroveta tauna, ena hereva vada e momokani, eto,
MAT 12:18 A itaia, egu hesiai tauna binai, vada na abia hidi, Egu lalokau, na lalo namo heniamu; Laumagu na ia latanai baina atoa kau, Ia ese hahemaoro bese iboudiai baine hamaorolaidia.
MAT 12:19 Ia na basine heai, basine lolo; Ariara ai ia erena basie kamonai.
MAT 12:20 Siriho pou basine hakwaidua, Gida busine habodoa, Ela bona hahemaoro na kwalimu ai baine halaoa.
MAT 12:21 Ia ladana bese iboudiai bae imodaia.
MAT 12:22 Una negana ai tau ta mai lauma-dikana ia dekena e laohaia; tauna na mata-kepulu bona mu danu. Iesu ese e hamauria, bena e hereva bona ḡau e ita danu.
MAT 12:23 Bena aru taudia iboudiai e hoa, eto, Ina na David natuna readia?
MAT 12:24 Farisea taudia e kamonai, bena idia eto, Ina tau be dia sibona, a Beel-sebul, lauma dikadia edia lohia, dainai lauma dikadia e luludia lasimu.
MAT 12:25 Iesu na edia lalo-hadai dibana, bena ia eto, Basileia ta sibona bema haheparara, ia na bema dika; bona hanua ta eiava iduhu ta sibona bema haheparara, ia na basinema gini diba.
MAT 12:26 Bona Satana ese Satana bema lulua lasi, ia na bema parara, bena ena basileia ede bema gini toma?
MAT 12:27 Lau be Beel-sebul siahuna ai lauma dikadia na luludia lasimu o tomamu, matona umui natumui be daika siahuna ai e luludia lasimu? Benaini, idia ese bae hahemaoro henimui.
MAT 12:28 A, bema lau ese Dirava Laumana dainai lauma dikadia na luludia lasimu, Dirava ena basileia na emui ai vada eme kau.
MAT 12:29 Tau ta ese goada tauna ena ruma ede baine raka vareai toma, ena kohu ede baine dadihai toma? Ia na goada tauna baine ḡuia guna, bena ena ruma kohuna baine dadi.
MAT 12:30 Egu ai se taomu tauna ese e laogu ahumu; bona lau ida asia gogomu tauna ese e ḡiḡi rohorohomu.
MAT 12:31 Taunabunai na hamaoromuimu, taunimanima edia kara dika bona edia ere dika iboudiai bae hegwau tao; a Lauma e ere dika heniamu tauna na ena dika basine hegwau tao.
MAT 12:32 Taunimanima Natuna baine ere dika henia tauna na ena dika baine hegwau tao; a Lauma Helaḡa baine ere dika henia tauna ena dika basine hegwau tao, hari ina mauri ai bona mauri gabena ai danu.
MAT 12:33 Au bona huahua ba hanamodia, eiava au mai huahuana ida ba hadikadia; badina be huahuana amo au bae dibaia.
MAT 12:34 Gaigai natudia e, mai dikamui ida o nohomu be hereva namodia ede ba gwaurai toma? Lalona e honu honu daemu ḡaudia amo uduna e herevamu.
MAT 12:35 Tau namona ese ḡau namodia lalona ai e haboumu amo ḡau namodia e vaimu; tau dikana ese ḡau dikadia lalona ai e haboumu amo ḡau dikadia e vaimu.
MAT 12:36 Na hamaoromuimu, hereva-kava iboudiai taunimanima ese bae gwaurai na hahemaoro dinana ai bae davalai.
MAT 12:37 Badina be emu hereva ese bae hanamomu, bona emu hereva ese bae hadikamu.
MAT 12:38 Bena itorena taudia bona Farisea taudia haida ese e hamaoroa, eto, Hahediba taumu e, ai na a uramu toa ta oiemu amo baia itaia.
MAT 12:39 Ia ese e haere henidia, eto, Uru dikana mai heuda-hanaina ida toa e tahuamu, a toa ta ediai basine hedinarai, Iona, peroveta tauna, toana mo vadaeni,
MAT 12:40 Badina be Iona na heto, dina toi boi toi lakara-donodono bogana ai e nohova, unuhetomana Taunimanima Natuna danu dina toi boi toi tano lalonai baine noho.
MAT 12:41 Hahemaoro negana ai, Nineve taudia ina uru taudia ida bae gini hebou, bae dunidia dae, badina be Iona ena haroro dainai e helalo kerehai; a iniseni ai ta ese lona e hereaiamu.
MAT 12:42 Hahemaoro negana ai danu diho kahana pavapavana hahinena ina uru taudia ida bae gini hebou, baine dunidia dae, badina be ia na tanobada dokona amo Solomon ena aonega ikamonaina ema; a iniseni ai ta ese Solomon e hereaiamu.
MAT 12:43 Lauma dikana ta na tau ta ena amo e raka lasi, bena gabu kaukaudia e raka hanai, baine laḡa ani eto, to laḡa-ani gabuna ta se davaria.
MAT 12:44 Bena eto, Na rakatania rumana ma baina lou henia. E lou lao, e davaria, e mia kava, asi inoholaina, vada e ḡoevaḡoeva.
MAT 12:45 Bena ia ese lauma dika-hereadia hahitu ma e hakaudia lao, iboudiai e raka vareai, lalona ai e noho. Taunabunai, una tau be matamana ai ena dika na taina maraḡi, a dokona ai ena dika na bada herea.
MAT 12:46 Ia dounu aru taudia e hereva henidiava ai, sinana bona tadina murimuri ai e gini, bae hereva henia eto.
MAT 12:47 Bena ta ese e hamaoroa, eto, E, sinamu bona tadimu ounu murimuri ai gigini, oi bae hereva henimu e tomu.
MAT 12:48 A Iesu ese e hamaoroa tauna na e haere henia, eto, Sinagu bona tadigu be daidia?
MAT 12:49 Bena ena hahediba e duanaidia, eto, Sinagu bona tadigu bini;
MAT 12:50 badina be Tamagu guba ai e nohomu na ena ura bae kara taudia, idia hari tadigu bona taihugu bona sinagu.
MAT 13:1 Una dina ai, Iesu na ruma amo e diho, kone ai e helai;
MAT 13:2 bena hutuma bada ia dekenai e hebou. Bena ia ese vanaḡi auta ai e gui, gohu ai e dae, e helai diho, a aru taudia be kone ai e gini.
MAT 13:3 Ia ese sivarai heḡereḡeredia diaḡau e herevalai henidia, eto, A hakala: uhe ihadona tauna ta ese uit igiḡi-rohorohona totona uma ai e vareai.
MAT 13:4 Bena e giḡi rohorohova ai na haida dala isena ai e moru, bena manu e roho ema, e ani ore.
MAT 13:5 Haida be papapapa ai e moru, tano severana ai, bena e tubu haraga, badina be tano na dia uduna;
MAT 13:6 a dina e dae, bena vada e marai, e kakoro, asi ramudia dainai.
MAT 13:7 Ma haida be ava ḡiniḡini ai e moru, bena ḡiniḡini e tubu bada, e habubuni.
MAT 13:8 A haida be tano namona ai e moru, e dobi, haida sinahu-ta, haida tauratoi-ahui, haida toi-ahui.
MAT 13:9 Mai taiana tauna na baine hakala.
MAT 13:10 Ena hahediba na ia dekena ela, e nanadaia, eto, Badina be dahaka sivarai heḡereḡeredia o herevalai henidiamu?
MAT 13:11 Bena ia ese e haere henidia, eto, Guba basileiana herevadia na umui emui ai hehedinararai, to idia ediai be lasi.
MAT 13:12 Badina be mai ena ḡau tauna ena ma bae henia, ḡau momo baine abi; a asi ena ḡau tauna ena amo miana ḡauna do bae abia oho.
MAT 13:13 Badina binai sivarai heḡereḡeredia na herevalai henidiamu, bena bae roharoha, to basie ila; bae hakala, to basie kamonai bona lalodia basie parara.
MAT 13:14 Idia ediai Isaia ena peroveta herevana vada eme momokani; eto, Kamonai be ba kamonai, to lalomui basie parara; Ita be ba ita, to basio diba.
MAT 13:15 Badina be ina bese taudia lalodia na duduhu, Taiadia na kukudima, Matadia vada e hakapu; Matadia amo bae ita na garina, Taiadia amo bae kamonai na garina, Lalodia bae parara na garina, Bae helalo kerehai bona baina hamauridia na garina.
MAT 13:16 A umui na matamui vada nanamo, badina be o itamu; taiamui danu nanamo, badina be o kamonaimu.
MAT 13:17 Badina be na hamaoromui momokanimu, peroveta taudia bona kara maoromaoro taudia hutuma e urava o itamu ḡaudia bema ita, to asie itava, bona o kamonaimu herevadia bema kamonai, to asie kamonaiva.
MAT 13:18 Taunabunai, uit iḡiḡi-rohorohona tauna sivaraina heḡereḡerena anina ba kamonai.
MAT 13:19 Tau ta ese basileia herevana e kamonaimu, to lalona se pararamu, bena dika laumana e maimu, una tau lalona ai e hadoa ḡauna na e dadihaiamu. Dala isena ai e moru ḡauna bunai.
MAT 13:20 Papapapa ai e moru ḡauna na tau ta ese hereva e kamonaimu bona e abia dae haraḡaharaḡamu mai moalena ida;
MAT 13:21 a ia na asi ramuna, se miamu, bena hereva dainai hisihisi eiava daḡedaḡe e varamu ai vada e hekwakwanaimu.
MAT 13:22 Ma ava ḡiniḡini ai e moru ḡauna na lau ta ese hereva e kamonaimu, a tanobada ena lalo-haguhi bona kohu igahusina ese hereva e habubuniamu, taunabunai ia na asi huahuana.
MAT 13:23 A lano namona ai e moru ḡauna na tau ta ese hereva e kamonaimu, bona lalona e pararamu; unuhetomadia na huahuadia e dobimu, ta sinahu-ta, ta tauratoi-ahui, ma ta toi-ahui.
MAT 13:24 Sivarai heḡereḡerena ta ma e hamaorodia, eto, Guba basileiana na biru tauna ta na heto, ena uma ai uit nadinadidia namodia e ḡiḡi rohoroho.
MAT 13:25 A taunimanima mahutadia ai, inai tauna ema, ava nadinadidia dikadia na uit padadia ai e ḡiḡi rohoroho, bena e raka oho.
MAT 13:26 Bena uit na e kobo bona huahuana e dobi negana ai na ava dikadia danu e hedinarai.
MAT 13:27 Bena uma biaguna ena hesiai memerodia ia dekena ela, eto, Biagumai e, nadinadi namodia emu uma ai o hado ani? O hari ava dikadia be ede amo?
MAT 13:28 Ia na e haere, eto, mai tauna ta ena ḡaukara binai. Ena memero ese e nanadaia, eto, O uramu baia ha rau eiava?
MAT 13:29 Ia eto, Lasi, ava dikadia iraudia ai uit danu ba butu hebou na garina.
MAT 13:30 Do bae mia, bae vara hebou, ela bona uit iutuna negana. Bena lau ese iutuna taudia baina hamaorodia, bainato, Ava dikadia ba habou guna, ba ḡui, lahi ḡauna, a uit na egu roge ai ba habou.
MAT 13:31 Sivarai heḡereḡerena ta Ina e hamaorodia, eto. Guba basileiana na sinapi nadinadina na heto, tau ta ese e abia, ena uma ai e hadoa.
MAT 13:32 Au nadinadidia loḡora iboudiai ia mo sibona maraḡi-maraḡi herea; a e tubumu negana ai, aniani avadia iboudiai e tubutanimu, au ai e laomu, bena atai manudia na ia rigina ai e roho kaumu, laḡadia e animu.
MAT 13:33 Sivarai heḡereḡerena ta ma e hamaorodia, eto, Guba basileiana na hatubu muramurana na heto, hahine ta ese e abia, flaoa nau autoi ida e buloa, ela bona idoinai e tubu.
MAT 13:34 Iesu ese unu sivarai heḡereḡeredia iboudiai aru taudia e hadibalaidia. Sivarai heḡereḡeredia mo e hadibalaidia,
MAT 13:35 peroveta tauna ena hereva ihamomokanina; eto, Udugu ese sivarai heḡereḡeredia baine gwaurai; Tanobada matamana amo e hehuni ḡaudia baina gwaurai hedinarai.
MAT 13:36 Ia ese aru taudia e siaidia karoho, bena ruma ai e dae kau. Bena ena hahediba ia dekena ela, eto, Ava dikadia uma lalonai sivaraina heḡereḡerena anina mani a hadibamai.
MAT 13:37 Ia na e haere, eto, Uit nadinadidia namodia iḡiḡi-rohorohodia tauna be Taunimanima Natuna.
MAT 13:38 Uma na tanobada. Nadinadi namodia be basileia memerodia. Ava dikadia na dika laumana natuna.
MAT 13:39 Inai tauna e ḡiḡi rohoroho na Diabolo. Uit iutuna negana be tanobada dokona. Iutuna taudia be aneru.
MAT 13:40 Taunabunai, ava dikadia e habou, lahi ai e dou, e ara ore heḡereḡerena tanobada dokona ai danu unu baine heto.
MAT 13:41 Taunimanima Natuna ese ena aneru do baine siaidia, bena hekwakwanai ḡaudia iboudiai bona kara-havara taudia ena basileia amo bae gogodia oho,
MAT 13:42 amu lahina ai bae tahodia kau, unuseni ai bae tai, gadigadidia bae hahedai.
MAT 13:43 Una negana ai kara maoromaoro taudia na Tamadia ena basileia lalonai bae hururu-hururu, dina na heto. Mai taiana tauna na baine hakala.
MAT 13:44 Ma guba basileiana na kohu namona tano ai e hehuni na heto. Tau ta ese e davaria, bena e tahunia, ela, mai moalena ida ena ḡau iboudiai eha hoi, una tano e hoia.
MAT 13:45 Ma guba basileiana na hoihoi tauna ta na heto, aḡeva mai hairaidia namodia e tahuva.
MAT 13:46 Aḡeva mai hairaina herea-daena ta e davaria, bena ela, ena ḡau iboudiai eha hoi, una aḡeva mai hairaina e hoia.
MAT 13:47 Ma guba basileiana na ole na heto, davara ai e torea, gwarume idauidau diaḡau e toa.
MAT 13:48 E honu, bena kone ai e haroroa vareai, gwarume namodia dagwai ai e habou, a gwarume dikadia e nege.
MAT 13:49 Tanobada dokona ai unu baine heto: aneru ese kara dika taudia bona kara maoromaoro taudia bae hididia;
MAT 13:50 kara dika taudia na amu lahina ai bae tahodia kau, unuseni ai bae tai, gadigadidia bae hahedai.
MAT 13:51 Iesu ese e nanadaidia, eto, Ini hereva iboudiai na lalomui vada e parara a? Idia eto, Oibe.
MAT 13:52 Bena ia ese e hamaorodia, eto, Benaini, itorena tauna ta ese guba basileiana hahedibana ai bainela, ia na ruma biaguna ta na heto, kohu matamatadia bona gunadia ena taḡa amo e vaimu.
MAT 13:53 Iesu ese ini sivarai heḡereḡeredia e gwaurai vaitani, bena una gabu amo e raka oho.
MAT 13:54 Ena hanua korikori ai e lasi, edia dubu ai e hadibadia. Bena idia na e hoa, eto, Ina tau ese ena aonega bona ena siahu karadia na ede amo e abi?
MAT 13:55 Ina na dia kamuta tauna natuna a? Sinana ladana dia Maria a? Tadina be dia lakobo bona Iosef bona Simona bona Iuda a?
MAT 13:56 Taihuna danu ita padadai dia nonoho a? Matona, ini ḡau iboudiai na ede amo e abi?
MAT 13:57 Bena lalodia na e hekwakwanai ia dainai. A Iesu ese e hamaorodia, eto, Peroveta tauna na bae matauraia, a ena hanua korikori ai bona ena ruma ai mo basie matauraia.
MAT 13:58 Unuseni ai ia ese siahu karadia gagadoi mo e kara, asi edia heabidadama dainai.
MAT 14:1 Una negana ai Herod Ḡaubada ese Iesu harina e kamonai.
MAT 14:2 Bena ia ese ena hesiai taudia e hamaorodia, eto, Ina na Ioane Bapatiso; ia na mase amo vada e tore isi, una dainai siahu karadia e karamu.
MAT 14:3 Badina be Herod ese Ioane vada e dabaia tao, e guia, dibura rumana ai e koua, Herodia, ia kakana Filipo adavana, dainai.
MAT 14:4 Badina be Ioane ese e hamaoroa, eto, O tahahaia na o kereremu.
MAT 14:5 Ia na e urava loane baine alaia, to hutuma garidia e gariva, badina be idia lalodia eto ia na peroveta tauna.
MAT 14:6 A Herod ena vara dinana ilalolaina ariana e karaia, bena Herodia natuna haneulatona na vairadiai e mavaru, Herod e hamoalea.
MAT 14:7 Badina bunai ia na mai hereva metauna ida e gwau hamata, baine noia ḡauna baine henia eto.
MAT 14:8 Sinana ese vada e haduaia guna dainai, ia na eto, Ioane Bapatiso kwarana dihu ai iniseni ai ame henigu.
MAT 14:9 Ḡaubada lalona vada e hisihisi, to, ena gwauhamata dainai bona ena vadivadi daidiai, e gvau isi bae henia.
MAT 14:10 la na e hesiai, Ioane kwarana dibura rumana ai e utua oho.
MAT 14:11 Kwara na dihu ai e udaia, e laohaia, haneulato e henia; bena ia ese sinana dekena e laohaia.
MAT 14:12 Bena ena hahediba ela, tauna eha guria; ma ela Iesu e hamaoroa.
MAT 14:13 Iesu na vada e kamonai; bena vanaḡi ai una gabu e heautania, gabu ḡagaena ela. A aru taudia na e kamonai, bena tano amo e ḡavaia.
MAT 14:14 Dihona ai, ia ese hutuma bada e itadia, bena e bogadia hisi, edia gorere taudia e hamauridia.
MAT 14:15 Adorahi ai, ena hahediba na ia dekena ela, eto, Ina na gabu gagaena, bona dina be dihomu; aru taudia boma siaidia, hanua maraḡidia ai adia bema ha hoi.
MAT 14:16 A Iesu ese e hamaorodia, eto, Asi badina baela; umui hari adia ba henidia.
MAT 14:17 A idia ese e haere henia, eto, Ada aniani ḡaudia be ima hona, bona gwarume-gwarume rua.
MAT 14:18 Ia eto, Ini a mailai.
MAT 14:19 Bena aru taudia e haduadia, masia ai bae helai helai diho. Bena aniani gaudia imaosi bona gwarume ruaosi e abi, guba ai e gaga dae, e hanamoa; bena aniani e baki sisi, hahediba e henidia; bena idia ese aru taudia e henidia.
MAT 14:20 Iboudiai e aniani, bogadia e kunu; bena aniani bahudia e habou, bosea gwauta-rua e hahonu.
MAT 14:21 E aniani tataudia be daha ima sisivana, a hahine mai natudia na asie duahidia.
MAT 14:22 Bena Iesu ese ena hahediba e haduadia, vanagi ai bae gui, bae guna, gohu kahana bae heau hanai; a ia ese aru taudia do baine siaidia karoho.
MAT 14:23 E siaidia karoho, bena sibona ororo ta ai e dara dae, eha ḡuriḡuri. Hanua e boi, ia be sibona unuseni ai.
MAT 14:24 Hari vanaḡi na gohu bogaraginai, bona hurehure ese e hahegure-hegurea, badina be lai na vaira amo.
MAT 14:25 Bena kokoroku e tai, Iesu na dekedia ela, gohu kopina ai e raka.
MAT 14:26 Hahediba ese gohu kopina ai rakana ai e itaia, bena kudoudia e hetaha, eto, Una na laulau ta. Bena gari dainai e lolo.
MAT 14:27 Bena Iesu ese e hereva henidia, eto, A boga auka; ina na lau, asio gari.
MAT 14:28 Petro ese e haere henia, eto, Lohiabada e, bema oi be boma haduagu, gohu kopina amo bama vasi.
MAT 14:29 Ia eto, Aoma. Petro na vanagi amo e diho, gohu kopina ai e raka matama, Iesu dekena bainela eto.
MAT 14:30 To lai e itaia, bena vada e gari, e maloa matama, bena e lolo, eto, Lohiabada e, ame hamaurigu.
MAT 14:31 Bena Iesu ese imana e toia roro, e veria isi, eto, Abidadama maraḡi-maragi taumu e, dahaka o daradaramu?
MAT 14:32 Raruosi vanagi ai e gui, bena lai e doko.
MAT 14:33 Vanaḡi taudia na ia vairanai e toma diho, eto, Momokani, oi na Dirava Natuna.
MAT 14:34 Idia na e heau hanai, Genesaret konena ai e toa.
MAT 14:35 Una gabu taudia vada dibadia ia, bena e hesiai, una tano idoinai e hadibadia; bena gorere taudia iboudiai ia dekena e hakaudia lao,
MAT 14:36 e noia, ena dabua rimuna ai mo bae dau kau. Bena e dau kau taudia iboudiai vada e namo.
MAT 15:1 Farisea taudia bona itorena taudia haida Ierusalem amo Iesu dekena ela, eto,
MAT 15:2 Badina be dahaka emu hahediba ese sene edia taravatu e tata utumu, imadia asie hurimu e anianimu?
MAT 15:3 Ia ese e haere henidia eto, Badina be dahaka umui ese Dirava ena haheḡani o tataia utumu, senemui edia taravatu daidiai?
MAT 15:4 Badina be Dirava vada e haheḡani, eto, Tamamu sinamu ba matauraidia, bona, Tama sina iuduguiraidia tauna na bavalaia mase.
MAT 15:5 A umui na o tomu, Tau ta ese tamana eiava sinana baine hamaoroa, baineto “Bama hanamolaimu kohudia na hehelaḡa”,
MAT 15:6 ia ese tamana eiava sinana basine matauraia.
MAT 15:7 Koikoi taumui e, momokani Isaia ese umui e gwauraimui, eto,
MAT 15:8 Ina bese ese bibinadia ai e imodaigumu, A lalodia be dauha veravai.
MAT 15:9 E toma henigu diho kavamu, A edia hahediba herevadia na taunimanima edia taravatu mo.
MAT 15:10 Bena ia ese aru taudia ia dekena e boiridia lou, eto, Mani a kamonai, ba diba:
MAT 15:11 murimuri amo e domua daemu ḡaudia ese tau lalona basie hadikaia, a lalona amo e lasimu ḡaudia ese bae hadikaia.
MAT 15:12 Bena ena hahediba na ia dekena ela, eto, Dibamu Farisea taudia ese emu hereva e kamonai bena lalodia e hekwakwanaimu a?
MAT 15:13 A ia na e haere, eto, Au iboudiai Tamagu guba ai e nohomu ese se hado na do bae raḡa.
MAT 15:14 Herevadia! Idia na mata-kepulu taudia, ma mata-kepulu taudia e hakaudiamu. Matakepulu tauna ese mata-kepulu tauna baine hakaua, raruosi dadaira ai bae moru.
MAT 15:15 Petro ese e hereva henia, eto, Hari hereva heḡereḡerena anina bame hadibamai.
MAT 15:16 Ia eto, Umui danu lalomui asie pararamu a?
MAT 15:17 Asi dibamui uduna amo e domua daemu ḡauna na bogana ai mo e vareaimu, bona inegena gabuna amo e lasimu.
MAT 15:18 A uduna amo e lasimu ḡaudia na lalona amo e daemu, unu na taunimanima e hadikadiamu.
MAT 15:19 Badina be tau lalona amo e daemu ḡaudia bini: lalo-hadai dikadia; ala-ala; heuda-hanai; mata-bodaga; henao; hahebade koikoi; Dirava iuduguiraina.
MAT 15:20 Ini na taunimanima ihadikalaidia; a imadia asie hurimu e anianimu na taunimanima se hadikadiamu.
MAT 15:21 Iesu ese una gabu e rakatania, Turo bona Sidono kahadia ela.
MAT 15:22 Bena una gabu hahinena ta, Kanaan besena hahinena, e raka lasi, e lolo, eto, Lohiabada e, David natuna e, ame bogagu hisi, natugu kekenina na lauma dikana ese a boloa dikadikamu.
MAT 15:23 A ia ese se haere henia. Bena ena hahediba ese e noia, eto, Mani a lulua, badina be ita muridai e lolomu.
MAT 15:24 Ia na e haere, eto, E siaigu, Israel besena ena dobi mamoedia mo ediai.
MAT 15:25 Bena hari hahine ese e toma henia diho, eto, Lohiabada e, ame kahagu.
MAT 15:26 Ia na e haere, eto, Dia namo memero adia bae abia, sisia bae taho henidia.
MAT 15:27 Hahine ma eto, Lohiabada e, momokani; to sisia-sisia ese biagudia edia pata amo e morumu momorudia na e animu.
MAT 15:28 Bena Iesu ese e haere henia, eto, Hahine e, emu abidadama na bada, emu ura na bavabia. Una negana ai ia natuna kekenina vada e mauri.
MAT 15:29 Iesu ese una gabu e rakatania, Galilea gohuna konena ai e lasi. Bena ororo ta ai e dara dae, e helai diho.
MAT 15:30 Hutuma bada e aru ela ia dekena: ae-hedairike taudia, mata-kepulu taudia, mu laudia, ima-doko taudia, bona gorere idau-idau taudia diagau, e hakaudia lao, Iesu aena badinai e atodia. Bena ia ese e hamauridia.
MAT 15:31 Taunabunai, aru taudia na e hoa, badina be e itadia: mu taudia e herevava, ima-doko taudia e goadava, ae-hedairike taudia e rakava, mata-kepulu taudia e roharohava. Bena Israel edia Dirava vada e heatolaia.
MAT 15:32 Una negana ai Iesu ese ena hahediba e boiridia, eto, Aru taudia na bogadia hisimu, badina be idia na dina toi dekegu ai, bona asi adia. Asina uramu mai hitolodia ida baina siaidia, dala ai bae manori na garina.
MAT 15:33 Ena hahediba eto, Be, tano ḡaḡaena ai ini hutuma adia ede baita abia toma?
MAT 15:34 Bena Iesu ese e nanadaidia, eto, Amui aniani ḡaudia na hida? Idia eto, Hitu, bona gwarume-gwarume ta ta danu.
MAT 15:35 Bena ia ese aru taudia e haduadia, tano ai bae helai helai diho.
MAT 15:36 Bena aniani ḡaudia hituosi bona gwarume-gwarume danu e abi, e hanamoa; bena e baki sisi, ena hahediba e henidia; bona ena hahediba ese aru taudia e henidia.
MAT 15:37 Iboudiai e aniani, bogadia e kunu; bena bahu bosea hitu e gogo.
MAT 15:38 E aniani tataudia na daha hani, a hahine mai natudia ida asie duahidia.
MAT 15:39 Bena aru taudia e siaidia karoho, vanaḡi auta ai ma e gui, e heau, Magadan tanona ela.
MAT 16:1 Farisea taudia bona Sadukea taudia e noia hedibaḡani, toa ta guba amo baine hahedinarai henidia eto.
MAT 16:2 Bena ia ese e haere henidia, eto, Adorahi ai o tomu “Kerukeru baine vala namo, badina be guba vada eme kakaia”;
MAT 16:3 ma daba ai o tomu “Hari dina ai lai baine toa bada, badina be guba vada eme kakaia bona eme herome ahu”. Be, guba toadia na dibamui, a hari ina nega toana na asi dibamui a?
MAT 16:4 Uru dikana mai heudahanaina ese toa e tahuamu, a toa ta basie abia, Iona peroveta tauna toana mo vadaeni. Bena ia ese a rakatanidia, e raka oho.
MAT 16:5 Ena hahediba ese gohu unukahana e hanai negana ai, malamala e hedavauhetani.
MAT 16:6 Bena Iesu ese e hamaorodia, eto, Matamui bae papa, Farisea taudia bona Sadukea taudia edia hatubu muramurana nahuana ba tohoa.
MAT 16:7 Idia na sibodia e hereva heheni, eto, Badina be malamala asita abi kau.
MAT 16:8 Iesu dibana, bena e hamaorodia, eto, Abidadama maraḡi-maraḡi taumui e, badina be dahaka sibomui o hereva hehenimu, malamala asio abi kau dainai?
MAT 16:9 Lalomui na do asie parara a? Daha ima adia aniani ḡaudia imaosi bona bosea hida o hahonu asio lalo taomu a?
MAT 16:10 Bona daha hani adia aniani ḡaudia hitu bona bosea hida o hahonu danu asio lalo taomu a?
MAT 16:11 Edeheto lalomui na asie parara lau na dia aniani asina herevalai henimui, a Farisea taudia bona Sadukea taudia edia hatubu ḡauna na nahuana ba tohoa nato?
MAT 16:12 Bena lalodia e parara, ia ese dia ihatubuna muramurana se herevalaia, to Farisea taudia bona Sadukea taudia edia hahediba herevadia hari.
MAT 16:13 Iesu na Kaisarea Filipi tanona ai e lasi; bena ia ese ena hahediba e nanadaidia, eto, Taunimanima be dahaka e tomamu, Taunimanima Natuna be daika?
MAT 16:14 Idia eto, O haida be Ioane Bapatiso e tomamu, a haida be Elia, ma haida be Ieremia eiava peroveta tauna ta.
MAT 16:15 Ma e nanadaidia, eto, A umui be dahaka o tomamu, lau be daika?
MAT 16:16 Simona Petro na e haere, eto, Oi na Keriso, Mauri Diravana Natuna.
MAT 16:17 Bena Iesu ese e hereva henia, elo, Simona, Iona natuna, oi na namo, badina be taunimanima ese asie hadibamu, a Tamagu guba ai e nohomu ese.
MAT 16:18 Na hamaoromumu, oi na Petro; ina papapapa latanai egu ekalesia baina hadaia, bona Mase Hanuana ikoukoudia ese basie hadarerea.
MAT 16:19 Guba basileiana kidia baina henimu: bena tanobada ai ba ḡui ḡaudia na guba ai bae heḡui, bona tanobada ai ba ruha ḡaudia na guba ai bae heruha.
MAT 16:20 Bena ia ese ena hahediba e tamanudia, taunimanima na basie hadibadia ia na Keriso.
MAT 16:21 Una negana amo Iesu ese ena hahediba e hadibadia matama, ia na Ierusalem bainela, bena hanua tau-badadia bona hahelaḡa taudia bona itorena taudia ese hisihisi momo do bae hahisilaia bona bae alaia mase; a dina ihatoina ai ia na do baine tore isi lou.
MAT 16:22 Bena Petro ese e hakaua siri, e sisiba henia matama, eto, Lohiabada e, dia unuheto; unu basie karamu toma.
MAT 16:23 Bena Iesu na e mede kerehai, Petro e gwau henia, eto, Satana e, murigu kahana aola: o hahekwakwanaigumu; badina be emu lalo-hadai na dia Dirava ena, to taunimanima edia.
MAT 16:24 Bena Iesu ese ena hahediba e hamaorodia, eto, Tau ta bema ura lau murigu ai bema raka, ia na sibona bema hedadarai, ena satauro bema huaia, lau murigu ai bema raka.
MAT 16:25 Badina be sibona ena mauri e kahua tarikatarikamu tauna ese ena mauri baine reaia; a ena mauri lau daigu ai e reaiamu tauna ese ena mauri baine abia.
MAT 16:26 Tau ta ese tanobada idoinai baine abia to ena mauri baine reaia, namona be dahaka ia enai? Eiava tau ta ena mauri davana be dahaka baine henia?
MAT 16:27 Badina be Taunimanima Natuna na Tamana hairaina ai do bainema, ena aneru loḡora ida, taunimanima ta ta ena kara ena kara heḡereḡeredia davadia do baine henidia.
MAT 16:28 Na hamaoromui momokanimu, haida ini gigini na do basie mase ela bona Taunimanima Natuna bae itaia, mai basileiana ida bainema.
MAT 17:1 Dina tauratoi vada ela, Iesu ese Petro bona Iakobo bona tadina Ioane e abidia hidi, ororo badana ta ai e hakaudia dara.
MAT 17:2 Bena idia vairadiai ia vairana e idau, e hururu-hururu dina na heto, ena dabua danu e kuroka-kuroka diari na heto.
MAT 17:3 Bena Mose bona Elia na idia vairadiai e hedinarai, Iesu ida e hereva-hereva.
MAT 17:4 Bena Petro ese Iesu e hereva henia, eto, Lohiabada e, ita iniseni ai ta nohomu be namo herea: boma ura, kalaga autoi bama kara, auta oiemu, auta Mose ena, auta Elia ena.
MAT 17:5 Ia dounu e herevava ai; ori kiama-kiamana ta ese e ḡovadia ahu, bona ere ta ori lalona amo ema, eto, Natugu binai, egu lalokau; lau ia na lalo namo heniamu: ia erena ba kamonai.
MAT 17:6 Hahediba na e kamonai bena e goru goru diho, e gari dikadika dainai.
MAT 17:7 A Iesu na dekedia ela, e daudia toho, eto, A tore tore isi; asio gari.
MAT 17:8 Bena idia na e gaga isi, to ta asie itaia, Iesu sibona.
MAT 17:9 Ororo amo e hekeiva ai, Iesu ese e tamanudia, eto, O ita ḡaudia na tau ta basio hamaoroa ela bona Taunimanima Natuna na mase amo baine tore isi lou.
MAT 17:10 Bena ena hahediba ese e nanadaia, eto, Badina be dahaka itorena taudia e tomamu Elia do bainema guna.
MAT 17:11 Ia na e haere, eto, Momokani, Elia na e mai gunamu, ḡau iboudiai ihamatamatadia.
MAT 17:12 A na hamaoromuimu, Elia na vada ema, to idia na asi dibadia ia, bena edia ura karadia na ienai vada e kara vaitani. Taunimanima Natuna danu unu bae hahisia toma.
MAT 17:13 Bena ena hahediba lalodia e parara, ia ese Ioane Bapatiso herevana e gwauraia.
MAT 17:14 Aru taudia dekediai e kau, bena tau ta dekena ela, tuina e hadai, eto,
MAT 17:15 Lohiabada e, natugu ame bogaia hisi; badina be ia na kava, bona ena gorere e badamu; nega momo Iahi ai e pau kaumu, bona nega momo lahi ai e pau kaumu, bona nega momo ranu ai e morumu.
MAT 17:16 Emu hahediba dekedia na mailaia, to idia na ihanamona asi dibadia.
MAT 17:17 Iesu na e haere, eto, Taia-kudima bona gwau-edeede uruna o! Lau na dekemui ai baina noho ela bona edena nega ai? Baina haheauka henimui ela bona edena nega ai? Dekegu a mailaia.
MAT 17:18 Iesu ese lauma dikana e gwau henia, bena lauma dikana e raka lasi; una negana ai mero vada e namo.
MAT 17:19 Gabeamo hahediba na Iesu dekena ela, e nanadaia hehuni, eto, Badina be dahaka ai ese ilulu-ohona na asia heḡereḡere?
MAT 17:20 Ia eto, Emui abidadama maraḡi-maraḡi dainai. Na hamaoromui momokanimu, emui abidadama bema sinapi nadinadina mo na heto, ina ororo boma haduaia, boma toma “Ini amo unu baola”, bena bema lao; kara iboudiai danu boma kara diba.
MAT 17:21 Ḡau tamona, ḡau inihetomadia ilulu-ohodia na dala ta lasi, ḡuriḡuri bona anivaga mo.
MAT 17:22 Idia na Galilea ai e nohova ai, Iesu ese e hamaorodia, eto, Taunimanima Natuna na taunimanima ediai taona bae torea,
MAT 17:23 bae alaia mase; dina ihatoina ai do baine tore isi lou. Bena lalodia na e hisihisi bada.
MAT 17:24 Idia na Kaperanaum ai e lasi, bena Dubu Helaḡa monina igogona tauna Petro dekena ela, e nanadaia, eto, Emui hahediba tauna dubu monina e henimu eiava lasi?
MAT 17:25 Bena Petro e haere, eto, E henimu. Ruma ai eha dae kau, bena Iesu ese Petro e nanadaia, eto, Simona e, oi be dahaka o tomamu a? Tanobada pavapavadia ese tax monina natudia edia amo bae abia eiava idau taudia edia amo a?
MAT 17:26 Petro eto, Idau taudia edia amo. Iesu ma eto, Benaini, natudia vada bae noho kava.
MAT 17:27 Ḡau tamona, lalodia baita hahekwakwanaidia na garina, gohu aola, kimai ta ba tahoa dobi, bena baine rere dae guna gwarumena ba veria isi. Bena uduna ba marea haga, lalonai silver monina ta ba davaria. Bavabia, bena ba henidia ita raruosi ahuda.
MAT 18:1 Una negana ai hahediba na Iesu dekena ela, eto, Daika na guba basileiana lalonai baine herea?
MAT 18:2 Bena Iesu ese mero-mero ta e boiria, bogaragidiai e haginia,
MAT 18:3 eto, Na hamaoromui momokanimu, basio helalo kerehai bona memero-memero ai basio hahelao, umui na guba basileiana Ialonai basio raka vareai.
MAT 18:4 Taunabunai, ina mero-mero heḡereḡerena baine hahemanau launa na guba basileiana lalonai baine herea;
MAT 18:5 bona mero-mero inihetomana ta lau ladagu ai baine abia dae tauna ese lau danu baine abigu dae.
MAT 18:6 To ini e abiabiraigumu memero-memerodia ta baine hahekwakwanaia tauna na huro badana ta aiona ai bema mataia bona davara ai bema ha negea dobi bema dono mase hari namo.
MAT 18:7 Tanobada madi ihabaina, hekwakwanai ḡaudia daidiai! Badina be hekwakwanai do bae vara, to hekwakwanai ihavarana tauna madi hari ihabaina!
MAT 18:8 Imamu eiava aemu ta ese baine hahekwakwanaimu na ba utua oho, ba negea daure; namo mai imamu dokona eiava aemu dokona Mauri ai ba vareai, dia namo imamu ruaosi eiava aemu ruaosi ida basine bodo hanaihanai lahina ai bae tahomu dobi.
MAT 18:9 Eiava matamu ta ese baine hahekwakwanaimu, ba giboa lasi, ba negea daure; namo mai matamu tamona Mauri ai ba vareai, dia namo matamu ruaosi ida Gehena lahina ai bae tahomu dobi.
MAT 18:10 Nahuamui ba toho, ini memero-memero ta ba dadaraia na garina; badina be na hamaoromuimu, guba ai idia anerudia ese Tamagu guba ai e nohomu vairana e itaiamu nega idoinai.
MAT 18:11 Badina be Taunimanima Natuna na boio taudia ihamauridia totodia ema.
MAT 18:12 Umui na dahaka o tomamu? Tau ta ena mamoe bema sinahu-ta, a tamona bema dobi, ia na taurahani-ta-ahui taurahani-ta basinema rakatanidia, e dobi ḡauna ororo ai basinema ha tahua a?
MAT 18:13 Baine davaria, na hamaoromui momokanimu, baine moalelaia bada; a taurahani-ta-ahui taurahani-ta asie dobi ḡaudia baine moalelaidia maraḡi.
MAT 18:14 Unuhetomana, Tamamui guba ai e nohomu na se uramu ini memero-memero ta baine mase.
MAT 18:15 Tadikakamu bema kara dika henimu, baola, ba sisiba henia, raruosi sibomui; bena eremu bema kamonai, ia lalona boma hamaoromaoroa.
MAT 18:16 A eremu basinema kamonai, tau ta eiava tatau rarua ida baola, bena dibadia taudia rarua eiava tatoi ududia amo hereva iboudiai bae hamomokani.
MAT 18:17 A raruosi eiava tatoiosi eremui basinema kamonai, ekalesia hebouna ba hamaorolaia. Ekalesia hebouna danu erena basinema kamonai, oiemu ai idau bese tauna eiava tax gogo tauna heḡereḡerena ai ba halaoa.
MAT 18:18 Na hamaoromui momokanimu, tanobada ai ba ḡui ḡaudia iboudiai guba ai danu bae hegui, bona tanobada ai ba ruha ḡaudia iboudiai guba ai danu bae heruha.
MAT 18:19 Na hamaoromui momokanimu, tanobada ai umui rarua lalomui ba hatamonadia bena mai lalomui tamona ba noinoi hebou, Tamagu guba ai e nohomu ese unu baine kara henimui toma.
MAT 18:20 Badina be rarua eiava tatoi lau ladagu ai e heboumu gabuna ai, lau danu idia dekedekediai.
MAT 18:21 Bena Petro na ia dekena ela, eto, Lohiabada e, tadikakagu ese baine hadikagu bona ena dika baina gwau tao ela bona nega hida? Hitu eiava?
MAT 18:22 Iesu eto, Na hamaoromumu, dia nega hahitu hona, a nega hitu-ahui hitu.
MAT 18:23 Taunabunai, guba basileiana na hanua pavapavana ta na heto, ena hesiai taudia edia abi-torehai e henanadailai.
MAT 18:24 Ena henanadai matamana ai, tau ta e hakaua vareai, ena abi-torehai na moni bada herea momokani.
MAT 18:25 Bena imana e tuna dainai biaguna ese e hahedua, ia bona adavana bona natuna bae hoidia, ena abi-torehai davana.
MAT 18:26 Bena una hesiai tauna na biaguna vairanai e goru diho, e noia lalo-dika, eto, Ḡauka e, nega taina ba henigu, bena davalla idoinai do baina henimu.
MAT 18:27 Bena biaguna ese e bogaia hisi, e ruhaia nege, ena abi-torehai danu e gwaua tao.
MAT 18:28 A una hesiai tauna e raka lasi, ia bamona hesiai tauna ta e davaria, ienai dollar gwauta e abi torehai. Bena e dabaia tao, gadona e gigia, eto, Egu ai o abi torehai monina na davana a henigu.
MAT 18:29 Bena bamona na ia vairanai e goru diho, e noia, eto, Nega taina ba henigu, bena davana idoinai do baina henimu.
MAT 18:30 To ia na se ura, bena dibura rumana ai e doria vareai, unuseni ai baine noho ela bona ena abi-torehai davana baine haḡuḡurua eto.
MAT 18:31 Bena idia ida hesiai e lao heni hebouva taudia na una kara e itaia negana ai, idia lalodia e hisihisi bad, a bena biagudia dekena ela, sivarai idoinai e hamaorolaia.
MAT 18:32 Bena biaguna ese e boiria, eto, Oi na hesiai taumu dikana, o noigu dainai emu abi-torehai idoinai na gwaua tao;
MAT 18:33 dia maoro, a, oi bamomu boma bogaia hisi, lau ese oi na bogamu hisi heḡereḡerena?
MAT 18:34 Biaguna na e badu dikadika, bena bae hahisia taudia e henidia, ela bona ena abi-torehai davana baine haḡuḡurua.
MAT 18:35 Benaini, Tamagu guba ai e nohomu na unu baine karamui toma, umui ta ta lalomui ai tadikakamui edia dika basio gwau tao negadia ai.
MAT 19:1 Unu hereva e hadoko murinai, Iesu ese Galilea e rakatania, Iudea kahana ela, Ioridane sinavaina unukahana ai.
MAT 19:2 Hutuma bada ese ia e gavaia, bena ia ese edia gorere e hamauridia unuseni ai.
MAT 19:3 Bena Farisea taudia haida ia dekena ela, e nanadaia hedibaḡani, eto, Tau ta, mai badina baine ura adavana baine hadihoa, baine hadihoa diba eiava?
MAT 19:4 Bena ia ese e haere henidia, eto, Be, asio duahia a, matamana negana ai e karadia Diravana ese maruane bona hahine e karadia,
MAT 19:5 bena eto, Badina bunai, tau be tamana sinana baine rakatanidia, adavana enai baine tao, bena raruosi vada tamona na heto.
MAT 19:6 Taunabunai, idia na dia rarua, anidia vada tamona. Dirava ese vada e hahekapudia taudia na taunimanima ese basie hapararadia.
MAT 19:7 Idia ma eto, O badina be dahaka Mose e haheḡani, eto “Hekoho revarevana baine torea, hahine baine henia, bena baine hadihoa”?
MAT 19:8 Ia eto, Emui lalo-duhu dainai Mose ese e haduamui, adavamui ba hadihodia; a matamana negana ai na dia unuheto.
MAT 19:9 A lau ese na hamaoromuimu, adavana se heuda hanai to baine hadihoa bona hahine ta ma baine adavaia tauna na heuda-hanai tauna.
MAT 19:10 Ena hahediba ese e hereva henia, eto, Headava dalana bema unuheto, taunimanima basiema headava hari namo.
MAT 19:11 Ia eto, Taunimanima iboudiai ina hereva basie abia dae diba, to e henidia taudia mo sibodia.
MAT 19:12 Badina be haida na sinadia bogadia amo e vara vada helaḡa; a haida be taunimanima ese e hahelaḡadia; a haida be guba basileiana dainai sibodia e hahelaḡa. Ina hereva iabi-daena mai dibana tauna ese baine abia dae.
MAT 19:13 Haida ese natudia ia dekena e laohaidia, imana tubuadia ai baine ato kau bona baine ḡuriḡuri eto; to hahediba ese e gwaudia tubu.
MAT 19:14 A Iesu eto, Ene memero-memero na dekegu aema, asio luludia; badina be enehetomadia na guba basileiana taudia.
MAT 19:15 Bena ia imana idia tubuadia ai e ato kau. Bena una gabu amo e raka oho.
MAT 19:16 Tau ta ia dekena ela, eto, Hahediba taumu e, dahaka ḡau namona baina karaia, mauri hanaihanai iabina totona?
MAT 19:17 Iesu na e haere, eto, Dahaka ḡau namona o nanadailaigumu? Tamona mo vada e namo. Mauri iabina urana boma ura, taravatu boma badina.
MAT 19:18 Ia eto, Edena? Iesu elo, Ḡaudia bini: Basio aIa-ala; Basio heuda hanai; Basio henao; Basio hahebade koikoi;
MAT 19:19 Tamamu sinamu ba matauraidia; bona, Dekemu tauna ba lalokau henia, sibomu o helalokaumu heḡereḡerena.
MAT 19:20 Eregabe tauna eto, Ene iboudiai vada na badina namonamo, ma dahaka ai doini na dabumu?
MAT 19:21 Iesu na e haere, eto, Boma ura boma ḡoeva dae, emu kohu boma ha hoi, ogoḡami taudia boma harihari henidia, guba kohuna boma abia; bena murigu ai boma raka.
MAT 19:22 A eregabe tauna ese una hereva e kamonai, bena mai lalo-hisihisina e raka oho, badina be ia na taḡa tauna.
MAT 19:23 Bena Iesu ese ena hahediba e hereva henidia, eto, Na hamaoromui momokanimu, taḡa tauna na guba basileiana iduarana ai baine heloge.
MAT 19:24 Ma na hamaoromuimu, kamelo na kobi matuna ai e vareaimu be haraḡa, a taḡa tauna na Dirava ena basileia lalonai baine vareai na mai hekwarahina.
MAT 19:25 Ena hahediba ese una hereva e kamonai negana ai, e hoa dikadika, bena eto, Be, daika mauri baine davaria?
MAT 19:26 Iesu ese e raraidia, bena eto, Taunimanima ese basie karaia diba, a Dirava hari ḡau iboudiai ikaradia dibana.
MAT 19:27 Bena Petro ese e hereva henia, eto, Ai na ḡau iboudiai vada a rakatani, oi vada a ḡavamu; ai na dahaka baia abi?
MAT 19:28 Iesu ese e hamaorodia, eto, Na hamaoromui momokanumu, umui o ḡavagumu taumui ese ḡau ihamatamatadia negana ai, Taunimanima Natuna ena terono diaridiarina ai baine helai kau negana ai, terono gwauta-rua ai ba helai, Israel iduhudia gwautaruaosi ba hahemaoro henidia.
MAT 19:29 Ruma, eiava tadikakana, eiava taihuna, eiava tamana, eiava sinana, eiava adavana, eiava natuna, eiava tano, lau daigu ai vada e rakatanidia tauna ese sinahu sinahu be abimu, bona mauri hanaihanai danu do baine abia.
MAT 19:30 A guna taudia hutuma do bae gabe, bona gabe taudia do bae guna.
MAT 20:1 Badina be guba basileiana na ruma biaguna ta na heto, daba matana ai e raka lasi, ḡaukara taudia e tahudia, ena vine imeana ai bae ha ḡaukara eto.
MAT 20:2 Bena idia ida e henega bou, e gwau henidia hamata, davadia na dina ta silver monina ta baine henidia eto. Bena ena vine imeana vada e siaidia lao.
MAT 20:3 Adoata ma e raka lasi, haida na ma hoihoi gabuna ai e gini kava gini kavava e itadia.
MAT 20:4 Bena e hamaorodia, eto, Umui danu egu vine imeana aola, a ha ḡaukara, bena davamui baina kara. Bena idia danu vada ela.
MAT 20:5 Dina tubua kahana bona dina ḡelona kahana ma e raka lasi lou, haida danu ma e davaridia, e siaidia.
MAT 20:6 Adorahi kahana ai ma e raka lasi lou hilida ma c gini kava gini kavava ai e davaridia. Bena e nanadaidia, eto, Badina be dahaka iniseni ai o gini kava gini kavamu ema bona dina vada be dihomu?
MAT 20:7 Idia e haere, eto, Badina be tau ta ese asine boirimai? Bena e hamaorodia, eto, Umui danu egu vine imeana aola.
MAT 20:8 Dina e diho, imea biaguna ese ena heitatao tauna e hamaoroa, eto, Ḡaukara taudia na a boiridia, davadia ba heni, gabe taudia ba henidia guna, a guna taudia be gabe amo.
MAT 20:9 Bena adorahi e siaidia taudia e dae guna, bena silver monidia ta ta e abi.
MAT 20:10 Ela guna taudia e dae, bena idia banava idia davadia be baine habada eto, to idia danu silver monidia ta ta e abi.
MAT 20:11 E abi negana ai, idia ese imea biaguna e maumauraia,
MAT 20:12 eto, Gabe taudia bini hora tamo-tamona mo e gaukara, a ai be dina hekwarahina bona siahuna ese vada e alamai taumai na idia ida vada o haheḡereḡeremai.
MAT 20:13 A ia ese idia ta e haere henia, eto, Henamo e, lau na oi asina hadikamu. Ita raruosi ta henega tato silver monina ta bavabia ani?
MAT 20:14 Oiemu na avabia, vada aola. Na uramu ina gabe tauna baina henia oi na henimu heḡereḡerena.
MAT 20:15 Be, sibogu egu ḡau sibogu egu ura heḡereḡerena basina karalaia a? Lau na mai egu harihari-bada dainai oi o vaḡeḡemu a?
MAT 20:16 Taunabunai, gabe taudia na bae guna, a guna taudia do bae gabe.
MAT 20:17 Iesu na Ierusalem dalana a laova ai, ia ese gwauta-rarua e hakaudia siri, e hamaorodia, eto,
MAT 20:18 Ita na Ierusalem ta ha dara daemu bena Taunimanima Natuna na hahelaḡa taudia bona itorena taudia ediai taona bae torea, bena bae revaia,
MAT 20:19 idau bese taudia bae henidia; idia ese bae ḡonaḡonalaia, bae kanudia, bae hasatauroa, a dina ihatoina ai ia na do baine tore isi lou.
MAT 20:20 Bena Sebedeo natuna mai sinadia ida ia dekena ela; hahine ese e toma henia diho, ḡau ta e noia.
MAT 20:21 Bena ia ese e nanadaia, eto, Dahaka o uramu? Ia eto, Mani ba hereva, natugu raruosi bini ta idibamu ai ta laurimu ai bae helai, emu basileia lalonai.
MAT 20:22 A Iesu e haere, eto, O noiamu ḡauna na asi dibamui. Lau baina inua keherena na umui danu inuna mai dibamui a? Raruosi eto, Dibamai.
MAT 20:23 Ia ma eto, Egu kehere na do ba inua; to idibagu ai laurigu ai bae helai taudia igwauraidia na dia lau; Tamagu ese e seudiamu taudia na do baine henidia.
MAT 20:24 Gwautaosi na e kamonai, bena idia ese tadikaka raruosi e badu henidia.
MAT 20:25 A Iesu ese e boiridia, bena eto, Dibamui bese idaudia edia lohia ese e halohiadiamu, bona edia herea taudia ese e haḡanidiamu.
MAT 20:26 A umui na unu asio laloa toma; ta baine lohia e tomamu, ia na isiaimui baine lao heni;
MAT 20:27 bona ta baine herea e tomamu, ia na iboumui ai emui hesiai tauna ai bainela:
MAT 20:28 Taunimanima Natuna ema na heto, dia haida ese ia isiaina bae lao heni totona, a ia hari idia isiaidia baine lao heni, bona ena mauri baine henia, hutuma baine hamauridia helaoreana.
MAT 20:29 Idia na Ieriko e rakatania negana ai, hutuma bada ese ia e ḡavaia.
MAT 20:30 Mata-kepulu taudia rarua dala isena ai e helaiva, bena Iesu e raka hanaiva harina e kamonai, e boi dagu, eto, Lohiabada e, David natuna e, ame bogamai hisi.
MAT 20:31 Hutuma ese e gwau henidia, basie hereva eto; a idia na e boi lou boi lou, eto, Lohiabada e, David natuna e, ame bogamai hisi.
MAT 20:32 Iesu vada e gini, e boiridia, eto, Dahaka o uramu emui ai baina kara?
MAT 20:33 Idia elo, Matamai boma hapapa.
MAT 20:34 Bena Iesu ese e bogadia hisi, matadia e dau toho; matadia vada e papa, bena Iesu murinai e raka.
MAT 21:1 Idia na e raka ela, Ierusalem vada e kahira-kahira, Betefage ai e kau, Olive ororona badinai. Bena Iesu ese ena hahediba rarua e siaidia guna,
MAT 21:2 e hamaorodia, eto, Vairada hanuana aola, doniki ta hematakauna ai, mai natuna ida, ba davaridia; ba ruhadia, bena ba hakaudia mai.
MAT 21:3 A ta ese baine hereva henimui, baoto “Lohiabada ese e ura henidiamu”, bena baine siaidia.
MAT 21:4 Ina na vada e vara, peroveta tauna ena hereva ihamomokanina, eto,
MAT 21:5 Siona natuna kekenina a hamaoroa, A itaia, emu Ḡaubada na e maimu, Manada tauna, doniki doruna ai e helaimu, Doniki natuna doruna ai.
MAT 21:6 Raruosi vada ela, Iesu ese e haduadia heḡereḡerena e kara;
MAT 21:7 doniki mai natuna ida e hakaudia lao, edia dabua dorudia ai e laha; bena Iesu e helai kau.
MAT 21:8 Bena hutuma bada ese edia dabua dala ai e laha, ma haida ese au rigidia e utu, dala ai e laha.
MAT 21:9 Bena hutuma, mata taudia bona gabe taudia, e hisi dae, eto, Hosana, David natuna ena! Lohiabada ladana ai e maimu tauna aita hanamoa. Atai doriva-dorivana ai Hosana!
MAT 21:10 Ia na Ierusalem ai e kau, bena hanua taudia iboudiai e herou-herou, eto, Ina be daika?
MAT 21:11 Aru taudia e haere, eto, Ina na Iesu, peroveta tauna, Nasaret Galilea amo vada e maimu.
MAT 21:12 Iesu Dubu Helaga ai e raka vareai, bena unuseni ai e hoihoiva taudia iboudiai e luludia lasi, moni e senisi taudia edia pata bona pune e hoi taudia edia helai ḡaudia e uhe hebubu.
MAT 21:13 E gwau henidia, eto, Vada e torea, Egu ruma na ḡuriḡuri rumana bae gwauraia; to umui ese dadidadi taudia edia kohua ai ome halaoa.
MAT 21:14 Bena mata-kepulu taudia bona ae-hedairike taudia Dubu Helaḡa ela ia dekenai, bena ia ese e hamauridia.
MAT 21:15 Hahelaḡa taudia bona itorena taudia ese ena hoa karadia e ita, bona memero danu eredia e kamonai, Dubu Helaḡa lalonai e hisi dae, eto “Hosana, David Natuna ena”; bena idia na e badu diliadika,
MAT 21:16 e nanadaia, eto, Edia hereva o kamonaimu a? Iesu eto, Oibe; umui nega ta revareva asio duahia, a? Natudia karukarudia, rata e inumu memerodia, ududia amo heimodai vada o haḡuḡurua.
MAT 21:17 Bena ia ese e rakatanidia, hanua badana amo e raka lasi, Betania ai eha mahuta.
MAT 21:18 Daba ai, ia ese hanua badana ma e lou henia mai hitolona ida.
MAT 21:19 Ia ese suke ta dala isena ai e itaia, bena e lao henia, to huahuana se davaria, rauna mo. Bena ia ese e gwau henia, eto, Oi huahuamu basine dobi, harihari ela bona hanaihanai. Asi vanahana suke na vada e marai vaitani.
MAT 21:20 Ena hahediba ese e itaia, e hoa dikadika, elo, Asi vanahalla suke vada eme marai vaitani.
MAT 21:21 Iesu eto, Na hamaoromui momokanimu, bema mai emui abidadama, bona basioma daradara, hari suke enai e vara heḡeregerena mo basioma karaia, a ina ororo danu boma haḡania, boma toma “Ba heraḡa; davara ai ba henege dobi”; bena unu bema hekara toma.
MAT 21:22 Ḡau iboudiai ḡuriḡuri ai ba noinoi, mai emui abi-dadama ida, vada bavabi.
MAT 21:23 Ia na Dubu Helaḡa ai ma e raka vareai; bena hahelaga taudia bona hanua tau-badadia ia dekena ela, e hahedibava negana ai, e nanadaia, eto, Edena siahu ai ini ḡau o karamu, bona daika ese ina siahu e henimu a?
MAT 21:24 Iesu ese e haere henidia, eto, Lau danu umui aina nanadaimui: ba haere henigu, bena lau danu ini ḡau na karalaimu siahuna na baina hamaorolaimui.
MAT 21:25 Ioane ena bapatiso be ede amo? Guba amo eiava taunimanima edia amo? Idia ese e hereva heheni, eto, Baitato “Guba amo”, ia baineto “Matona, asio kamonai heniava”;
MAT 21:26 a baitato “Taunimanima edia amo”, aru taudia garidia baita gari, badina be idia iboudiai lalodia e tomamu Ioane na peroveta tauna.
MAT 21:27 Taunabunai, idia ese Iesu e haere henia, eto, Asi dibamai. Bena ia eto, Lau danu ini ḡau na karalaimu siahuna na basina hamaorolaimui.
MAT 21:28 Dahaka o tomamu? Tau ta mai natuna rarua; bena tau guna dekena ela, eto, Natugu, mani aola, hari dina ai egu vine imeana ai ba ha ḡaukara.
MAT 21:29 Ia na e haere, eto, Ḡauka e, ainala. To sela.
MAT 21:30 Tau muritai danu dekena ela, unu e hamaoroa toma. Ia na e haere, eto, Basinala. To gabeamo e helalo, bena ela.
MAT 21:31 Idia raruosi, daika ese tamana ena ura e karaia? Idia eto, Tau muritai ese. Bena Iesu ese e hamaorodia, eto, Na hamaolomui momokanimu, tax gogo taudia bona mata-bodaga hahinedia ese e gunalaimuimu, Dirava ena basileia dalana ai.
MAT 21:32 Badina be Ioane na kara maoromaoro dalana ai dekemui ema, to asio kamonai heniava. A tax gogo taudia bona mata-bodaga hahinedia ese e kamonai heniava; bona umui, ena be edia kamonai o itaiava, to asio helalo kerehaiva, asio kamonai heniava.
MAT 21:33 Sivarai heḡereḡerena ma ta mani a kamonai. Ruma biaguna ta ese vine imeana e hadoa, maḡuna e ahu, vine imoilaina gurina e ḡeia, hegima koholona e haginia. Bena imea ireḡuna taudia e habadinalaidia; bena hanua daudau vada ela.
MAT 21:34 Huahua negana vada e kahira-kahira, ia ese ena hesiai taudia na imea ireḡuna taudia dekedia e siaidia lao, vine anidia iabidia totona.
MAT 21:35 A imea ireḡuna taudia ese ena hesiai taudia e dabaidia tao, ta e dadabaia, ma ta e alaia mase, ma ta nadi amo e hodoa.
MAT 21:36 Ma idau hesiai taudia diaḡau ia ese e siaidia lao, bena kara heḡereḡeredia idia ese e kara henidia.
MAT 21:37 Gabeamo ia ese natuna idia dekedia e siaia lao, eto, Natugu na bae matauraia.
MAT 21:38 A imea ireḡuna taudia ese e itaia, bena e hereva heheni, eto, Dihina binai; baitama alaia mase, bena imea na vada baita abia iseda.
MAT 21:39 Bena e dabaia tao, imea murimurinai e veria lasi, e alaia mase.
MAT 21:40 Matona, imea biaguna bainema negana ai na unu imea ireḡuna taudia ede baine karadia toma?
MAT 21:41 Idia e haere, eto, Imea ireḡuna taudia dikadia baine aladia ore, imea na ireḡuna taudia idaudia haida baine henidia, bena idia ese huahua negadia ai vine anidia ia dekena bae laohai.
MAT 21:42 Iesu ma eto, Ina revareva asio duahia, a? Kuma ilarebana taudia ese e dadaraia nadina na Daiguni nadina ai vada ela; Ina na Lohiabada ena kara, Ta itaiamu, ta hoamu.
MAT 21:43 Badina bunai na hamaoromuimu, Dirava ena basileia na emui amo do baine abia oho, bona huahuana baine havara besena baine henia.
MAT 21:44 Una nadi latanai baine moru tauna na baine makohi; a una nadi ese baine kurea tao tauna na baine pata rohoroho, ḡahu na heto.
MAT 21:45 Hahelaḡa taudia bona Farisea taudia ese ena sivarai heḡereḡeredia e kamonai, bena dibadia ia ese idia e herevalaidia.
MAT 21:46 Bena idabai-taona e ura, to aru taudia garidia e gariva, badina be lalodia na e tomava ia na peroveta tauna.
MAT 22:1 Iesu ese sivarai heḡereḡeredia ai ma e hereva henidia lou, eto,
MAT 22:2 Guba basileiana na hanua pavapavana ta na heto, natuna ena headava ariana e karaia.
MAT 22:3 Bena ena hesiai taudia e siaidia, e vavedia taudia iboiridia; to asie ura, bena asiema.
MAT 22:4 Bena ena hesiai taudia haida ma e siaidia, eto, Na vavedia taudia ba hamaorodia, aniani vada na lai heḡaeḡae; egu boromakau bona egu ubu-ubu ḡaudia vada na aladia; ḡau iboudiai vada eme heḡaeḡae; headava ariana vada aema.
MAT 22:5 To idia na e gwau edeede, ta ena uma ela, ma ta eha hoihoi.
MAT 22:6 Oredia na hesiai taudia e dabaidia tao, e ḡonaḡonalaidia, bena e aladia mase.
MAT 22:7 Hanua pavapavana e kamonai, bena e badu dika-dika, ena tuari oreadia e siaidia lao, unu ala-ala taudia e aladia ore bona edia hanua danu e doua.
MAT 22:8 Bena ia ese ena hesiai taudia e hamaorodia, eto, Headava ariana vada e lai vaitani, to na vavedia taudia na dia nanamo.
MAT 22:9 Taunabunai, dala katakata aola, ba davaridia taudia iboudiai ba hamaorodia, headava ariana ianina baema.
MAT 22:10 Bena ena hesiai taudia na dala katakata ela, e davaridia taudia iboudiai, dikadia bona namodia, e haboudia, bena e hakaudia lao, aria gabuna vada e hahonua lao.
MAT 22:11 Bena hanua pavapavana ese vadivadi itadia e raka vareai, bona asi ena headava dabuana tauna ta unuseni ai e itaia.
MAT 22:12 Bena e nanadaia, eto, Henamo e, ede o raka vareai toma iniseni ai, asi emu headava dabuana? A una tau na se hereva.
MAT 22:13 Bena hanua pavapavana ese ena hesiai taudia e hamaorodia, eto, Aena bona imana ba gui, bona murimuri diburana ai ba doria lasi; unuseni ai bae tai, gadigadidia bae hahedai.
MAT 22:14 Badina be hutuma e boiridiamu, to gagadoi mo e abidia hidimu.
MAT 22:15 Bena Farisea taudia na e henega bou, ena hereva amo ede bae idoaia toma.
MAT 22:16 Bena edia hahediba, Herod ena orea taudia ida, ia dekena e siaidia ela; eto, Hahediba taumu e, dibamai oi na momokani, Dirava ena dala o hahedibalaiamu mai momokanimu ida, bona tau ta garina to garimu, badina be taunimanuna oromadia to lalomu.
MAT 22:17 Taunabunai, mani ba hamaoromai, ede o laloa tomamu? Kaisara ena tax monina ihenina maoro eiava lasi?
MAT 22:18 A Iesu na edia dika dibana, bena eto, Koikoi taumui e, dahaka dainai o dibaganigumu?
MAT 22:19 Tax monina ame haheitalaigu. Bena silver monina ta e henia.
MAT 22:20 Bena ia ese e nanadaidia, eto, Ina na daika laulauna bona daika ladana? Idia eto, Kaisara.
MAT 22:21 Bena ia ese e hamaorodia, eto, Kaisara ena, Kaisara ba henia; Dirava ena, Dirava ba henia.
MAT 22:22 Idia ese ena hereva e kamonai, e hoa; bena e rakatania, dauha ela.
MAT 22:23 Una dinana ai, Sadukea taudia haida ia dekena ela: una orea taudia e tomava mase na basie tore isi lou. Bena idia ese e nanadaia, eto,
MAT 22:24 Hahediba taumu e, Mose eto, Tau ta bema mase asi natuna, vabu na ihana ese bema adavaia, natuna bema havaraia mase tauna ena.
MAT 22:25 Taunabunai, tadikaka na hahitu, tau guna e headava, bena e mase; asi natuna dainai, tadina ese hari vabu ma e adavaia.
MAT 22:26 Ma ihatatoina ela bona ihahahituna unu mo e kara toma.
MAT 22:27 Dokona ai hahine danu e mase.
MAT 22:28 O, tore-isi-lou negana ai, hari hahine be vada daika adavana? Badina be hahituosi ese e adavaia.
MAT 22:29 Iesu ese e haere henidia, eto, Umui na o helalo kerere-kereremu, badina be Buka Helaḡa na asi dibamui, bona Dirava ena siahu danu asi dibamui.
MAT 22:30 Badina be tore-isi-lou negana ai basie headava: idia na Dirava ena aneru guba ai na heheto.
MAT 22:31 A mase amo bae tore isi lou herevana Dirava ese e herevalai henimui na asio duahia, a? Ia eto,
MAT 22:32 Lau na Abraham ena Dirava, Isaak ena Dirava, Iakob ena Dirava. Ia na dia mase taudia edia Dirava, a mauri taudia edia.
MAT 22:33 Aru taudia na e kamonai, bena ena hahediba herevadia e hoalai.
MAT 22:34 Farisea taudia na e kamonai ia ese Sadukea taudia vada e hatuidia, bena idia na ia inanadaina totona e hebou.
MAT 22:35 Idia ta be taravatu tauna, bena ia ese Iesu e nanadaia hedibaḡani, eto,
MAT 22:36 Hahediba taumu e, taravatu ai haheḡani hereana be edena?
MAT 22:37 Iesu ese e haere henia, eto, Lohiabada emu Dirava ba lalokau henia mai lalomu idoinai, mai laumamu idoinai, mai daramu idoinai.
MAT 22:38 Ina na haheḡani gini-gunana bona hereana.
MAT 22:39 Iharuana binai, ia heḡeregerena, Dekemu tauna ba lalokau henia, sibomu o helalokaumu heḡereḡerena.
MAT 22:40 Ini haheḡani ruaosi na taravatu iboudiai bona peroveta herevadia idoidiai anidia e habou.
MAT 22:41 Farisea taudia ma e hebou, bena Iesu ese e nanadaidia,
MAT 22:42 eto, Umui ese Keriso be ede o laloa tomamu? Ia na daika natuna o tomu? Idia eto, David natuna.
MAT 22:43 Ia ma eto, Edeheto David be Lauma ese e rohea, bena eto,
MAT 22:44 Lohiabada ese egu lohia e hamaoroa, eto, Lau idibagu kahana ai ba helai, Ela bona inaimu iboudiai na oi aemu ihadaidia ḡaudia ai baina halaodia?
MAT 22:45 O David sibona ese ‘lohiabada” e gwauraia be edeheto ia na ia natuna a?
MAT 22:46 Idia iboudiai ta ese asine haere henia diba; taunabunai, una negana amo ia inanadaina vada e gariva.
MAT 23:1 Iesu ese aru taudia bona ena hahediba e hereva henidia,
MAT 23:2 eto, Itorena taudia bona Farisea taudia na Mose ena helai ḡauna ai vada e helaimu;
MAT 23:3 taunabunai, bae haduamui ḡaudia na ba badina bona ba kara. A edia kara basio tohotoho; badina be e herevamu, to asie karamu.
MAT 23:4 Badina be idia ese maduna metaudia e ḡuimu, taunimanima paḡadia ai e ato kaumu, to imadia kwaki-kwakidia ta ai asie dau kaumu.
MAT 23:5 Edia kara iboudiai e karamu taunimanima ese bae itadia, helaoreana. Bagudia ḡaudia helaḡadia e habadamu; edia dabua rimudia danu e halatamu;
MAT 23:6 e uramu anibou ai gabu hereadia ai bae ege diho, bona dubu ai helai ḡaudia hereadia ai bae helai;
MAT 23:7 e uramu danu hoihoi gabudia ai taunimanima ese bae hanamodia, “hahediba taudia” bae gwauraidia.
MAT 23:8 A umui be “hahediba taumui” basie gwauraimui, badina be emui hahediba tauna na tamona mo, Keriso binai; bona iboumui ai na tadikaka.
MAT 23:9 Bona tanobada ai tau ta “tamamui” basio gwauraia, badina be Tamamui na tamona mo, ia na guba ai e nohomu.
MAT 23:10 Bona “hahekau taumui” basie gwauraimui, badina be emui hahekau tauna na tamona mo, Keriso binai.
MAT 23:11 Umui bogaragimui ai ta baine ura baine herea, ia ese isiaimui baine lao heni.
MAT 23:12 Sibona e heimodai tauna na do bae hamanaua; a sibona e hahenlanau tauna na do bae imodaia.
MAT 23:13 Itorena taumui bona Farisea taumui, koikoi taumui, madi ihabaimui! Badina be guba basileiana na taunimanima vairadiai o koua ahumu; umui na asio raka vareaimu, bona bae raka vareai e tomu taudia na o laodia ahumu.
MAT 23:14 Itorena taumui bona Farisea taumui, koikoi taumui, madi ihabaimui! Badina be vabu edia ruma o ha-ogoḡamidiamu, bena emui ḡuriḡuri o hadaudaumu, taunimanima ikoilaidia. Una dainai, davamui na bae metau.
MAT 23:15 Itorena taumui bona Farisea taumui, koikoi taumui, madi ihabaimui! Badina be davara bona tanobada e haheḡeḡe nladai, helalo-kerehai tauna tamona iabina; o abiamu, bena Gehena natuna ai o halaoamu, ia ese emui dika e hereaia haruamu.
MAT 23:16 Hahekau taumui matamui kekepulu, madi ihabaimui! O tomu “Dubu Helaḡa ladana ai baine gwau hamata tauna na ena gwau-hamata na asi anina, a Dubu Helaḡa gold-na ladana ai baine gwau hamata tauna ese ena gwauhamata do baine badinaia”.
MAT 23:17 Kava bona mata-kepulu taumui e, edena bada, gold eiava gokl e hahelaḡaiamu Dubuna?
MAT 23:18 Ma o tomu “Pata helaḡana ladana ai baine gwau hamata tauna ena gwau-hamata na asi anina, a helaḡa ḡauna pata latanai mia ladana ai baine gwau hamata tauna ese ena gwau-hamata do baine badinaia”.
MAT 23:19 Mata-kepulu taumui e, edena bada, helaḡa ḡauna eiava helaḡa ḡauna e hahelaḡaiamu patana?
MAT 23:20 Benaini, pala helaḡana ladana ai e gwau hamalamu tauna ese pata helaḡana bona pata latanai miadia ḡaudia iboudiai ladadia ai e gwau hamatamu.
MAT 23:21 Bona Dubu Helaḡa ladana ai e gwau hamatamu tauna ese Dubu Helaḡa bona inoholaina Diravana ladadia ai e gwau hamatamu.
MAT 23:22 Bona guba ladana ai e gwau hamatamu tauna ese Dirava ena terono bona latanai e helaimu Diravana ladadia ai e gwau hamatamu.
MAT 23:23 Itorena taumui bona Farisea taumui, koikoi taumui, madi ihabaimui! Badina be aniani avadia maraḡi-maraḡidia iboudiai karoadia o hagwautamu, karoa ta boubou ḡauna ai o halaoamu; to taravatu ena hereva badadia, hahemaoro bona hebogahisi bona heabidadama, o reamu: ini boma badina bona unu danu basioma rea bema namo.
MAT 23:24 Hahekau taumui matamui kekepulu! Nuru amo dimairi o negeamu, to kamelo na o hadonoamu.
MAT 23:25 Itorena taumui bona Farisea taumui, madi ihabaimui! Badina be umui ese kehere bona nau muridia kahadia o huri ḡoevaḡoevamu, to lalodia kahadia na dadidadi bona lebulebu eme honu honu dae.
MAT 23:26 Farisea taumui matamui kekepulu! Kehere lalona kahana ba haḡoevaia guna, bena murina kahana danu baine ḡoeva.
MAT 23:27 Itorena taumui bona Farisea taumui, madi ihabaimui! Badina be umui na e hakurokurodia midavadia na heheto, muridiai ita-itadia be nanamo, to lalodiai mase turiadia bona miro idoinai vada e honumu.
MAT 23:28 Unuhetomana umui danu taunimanima ese e itamuimu kara maoromaoro taudia na heheto, to lalomui na koikoi bona kerere vada eme honu honu dae.
MAT 23:29 Itorena taumui bona Farisea taumui, madi ihabaimui! Badina be peroveta taudia edia gara o larebamu, bona kara maoromaoro taudia pupudia hairaidia o karamu;
MAT 23:30 o tomu “Senemai edia nega ai baiama mauri, peroveta taudia ialadia ai basiama durudia”.
MAT 23:31 Taunabunai, sibomui o hegwauraimu, umui na peroveta e aladia taudia natudia.
MAT 23:32 Senemui edia dika ba haḡuḡuru.
MAT 23:33 Gaigai e! Hekori gaigaidia natudia! Gehena hahemaorona amo ede ba roho mauri toma?
MAT 23:34 ma dainai, lau ese peroveta taudia bona aonega taudia bona itorena taudia na siaidia vasimu. Bena haida na bavaladia mase, oibe, ba hasataurodia; ma haida dubu lalodiai ba dadabadia, bona hanua ela hanua ba luludia.
MAT 23:35 Taunabunai, kara maoromaoro taudia raradia idounai tanobada ai e hebubu gwauna na umui latamui ai: Abel, kara maoromaoro tauna, rarana ema bona Sekaria Barakia rarana, ia na ruma helaḡana bona pata helaḡana padadiai o alaia mase.
MAT 23:36 Na hamaoromui momokanimu, ini ḡau iboudiai na ina uru latanai bae heato kau.
MAT 23:37 Ierusalem e! Ierusalem e! Peroveta taudia o aladia masemu, bona dekemu e siaidia vasimu taudia na nadi amo o hododiamu. Nega hida natumu bama haboudia, kokoroku hahinena ese natuna ia hanina ai e gorudia taomu na heto, to asio ura!
MAT 23:38 Inai, emui ruma na baine vahu.
MAT 23:39 Badina be na hamaoromuimu, basio itagu lou ela bona baoto “Lohiabada ladana ai e maimu tauna aita hanamoa”
MAT 24:1 Iesu na Duhu Helaḡa amo e raka lasi, bena ena hahediba ia dekena ela, Dubu Helaḡa rumadia e duanai.
MAT 24:2 Iesu ese e hereva henidia, eto, Ini ḡau o itamu a? Na hamaoromui momokanimu, nadi ta nadi ta latanai basine mia, iboudiai bae heḡiḡi dobi.
MAT 24:3 Ia na Olive ororona ai e helai, bena ena hahediba ia dekena ela, e hereva henia hehuni, eto, Mani a hamaoromai, hari ḡau be edena nega ai bae vara? Oi ba lou mai, bona tanobada dokona danu, toadia be dahaka?
MAT 24:4 Iesu ese e haere henidia, eto, Nahuamui ba toho, ta ese baine koimui na garina.
MAT 24:5 Badina be hutuma lau ladagu ai baema, baeto “Lau binai Keriso”, bena dia gagadoi do bae koidia.
MAT 24:6 To umui ese tuari haridia bona tuari uatana lavadia ba kamonai, lalomui basie daradara. Ini do bae vara guna, a dokona be do vairai.
MAT 24:7 Badina be bese ta bese ta ida bae heala-ala heheni, bona basileia ta basileia Ia ida bae tuari. Gabu idau-idau ai doe bona dai-hanai goreredia bae vara, tano danu bae laḡa.
MAT 24:8 To una na hisi matamana mo.
MAT 24:9 Una negana ai taomui bae tore, bae hadikamui, bae alamui mase. Lau ladagu dainai bese iboudiai ese bae inai henimui. Bena diaḡau lalodia do bae hekwakwanai,
MAT 24:10 bena bae hetao-tore heheni bona bae heinai heheni.
MAT 24:11 Peroveta taudia koikoidia diaḡau danu bae tore isi, hutuma bae koidia.
MAT 24:12 Kara havara danu baine vara rohoroho, bena diaḡau edia lalokau do baine keruma.
MAT 24:13 A baine haheauka ela bona dokona tauna na do baine mauri.
MAT 24:14 Basileia sivaraina namona na tanobada idoinai bae harorolaia, bese iboudiai ihadibalaidia; bena dokona vada baine kau.
MAT 24:15 Taunabunai, umui ese ḡau dika-rohorohona, hekohutani badina, Daniel peroveta tauna ese e herevalaia ḡauna, ba itaia, basinema gini gabuna ai do baine gini, (iduahina tauna na lalona baine parara):
MAT 24:16 Iudea ai bae noho taudia na ororo bae heau lao;
MAT 24:17 bona ruma guhina ai baine helai tauna na ruma lalonai basine raka vareai, ena kohu basine abi;
MAT 24:18 bona uma ai baine ḡaukara tauna danu ena dabua iabina basine lou lao.
MAT 24:19 Una negana ai rogorogo hahinedia bona mararoto hahinedia madi ihabaidia.
MAT 24:20 Ba guriḡuri, keru negana ai eiava Dina Helaḡa ai na basio heau.
MAT 24:21 Badina be unu dinadia ai hisi bada-herea bae vara, Dirava ese tanobada e karaia negana amo hisi unuhetomadia asie vara ema bona harihari, gabeai danu unuhetomana ta basine vara lou.
MAT 24:22 Unu dinadia na basinema hagadoi, taunimanima ta basinema mauri diba; to e abidia hidi taudia daidiai unu dinadia do baine hagadoi.
MAT 24:23 Una negana ai ta baineto “A itaia, Keriso binai” eiava “Keriso bunai”, umui na basio kamonai.
MAT 24:24 Badina be Keriso koikoidia bona peroveta taudia kuikoidia bae lore isi, toa bona hoa ḡaudia bae hahcdinarai, e abidia hidi taudia ihahekwakwanaidia.
MAT 24:25 Ba laloa tao: vada na hamaoromui gunamu.
MAT 24:26 Taunabunai, bae hamaoromui, baeto “A itaia, ia na tano ḡaḡaena ai”, to basiola; eiava “A itaia, ia na daiutu lalonai”, to basio kamonai.
MAT 24:27 Badina be kevaru na heto dina dae kahana amo e kevarua isimu ela bona dina diho kahana ai e hedinaraimu, Taunimanima Natuna bainema danu unu baine heto.
MAT 24:28 Badina be mase tau-anidia e miamu gabuna ai galo bae hebou.
MAT 24:29 Una dikadika baine ore murinai dina do baine dibura, hua danu basine tara, hisiu guba amo bae moru, bona guba siahudia bae heude-heude.
MAT 24:30 Bena Taunimanima Natuna toana guba ai baine hedinarai; una negana ai tanobada besedia iboudiai bae tai; badina be Taunimanima Natuna bae itaia, ori latanai bainema, mai siahu-badana bona mai hairaina ida.
MAT 24:31 Bena ia ese ena aneru baine siaidia, kibi reḡena badana ida, e abidia hidi taudia lai haniosi gabudia amo, bona tanobada dokona ela bona guba dokona amo, bae gogodia.
MAT 24:32 Hodava ena amo ina hereva heḡereḡerena ba diba: tuhutuhuna e kobo daemu, rauna e papamu, vada dibamui lahara vada eme kahira-kahira.
MAT 24:33 Taunabinai, umui danu ini ḡau bae vara ba itadia, vada ba diba ia na vada eme kahira-kahira, iduara badibadinai.
MAT 24:34 Na hamaoromui momokanimu, ina uru basine ore ela bona ini ḡau iboudiai bae vara vaitani.
MAT 24:35 Guba bona tanobada bae puki, a lauegu hereva na basine puki.
MAT 24:36 Una dina, una hora, ta asi dibana, guba anerudia danu asi dibadia, Natuna danu asi dibana, a Tamana sibona mai dibana.
MAT 24:37 Noa negana na heto, Taunimanima Natuna ena mai negana ai unu baine heto.
MAT 24:38 Badina be una negana ai utu-utu badana do se utua dae, idia na e anianiva, e inuinuva, e headavava, ema bona Noa lagatoi ai e ḡui kau dinana;
MAT 24:39 matadia asie kani ema bona utu-utu badana e utua dae, bena iboudiai eha dono mamase. Taunimanima Natuna ena mai danu unu baine heto.
MAT 24:40 Una negana ai rarua uma ai bae noho, ta baine heabi oho, ta baine noho.
MAT 24:41 Hahine rarua uit igwadana nadina bae giroa, ta baine heabi oho, ta baine noho.
MAT 24:42 Taunabunai ba gima, badina be emui Lohiabada bainema negana na asi dibamui.
MAT 24:43 Ina na ba diba: ruma biaguna na bema diba guna edena hora ai henao tauna bema mai, ia na bema gima, bena ena ruma basinema darea.
MAT 24:44 Taunabunai, umui danu ba hegaegae, badina be asi dibamui horana ai Taunimanima Natuna bainema.
MAT 24:45 Hesiai tauna mai ena kamonai bona mai ena kara maoromaoro, biaguna ese e abia hidi, ena ruma baine reḡua bona aniani negadia ai memero adia malamala baine henidia, tauna be daika?
MAT 24:46 Biaguna bainema negana ai baine davaria, unu e kara tomamu, tauna na namo,
MAT 24:47 na hamaoromui momokanimu, ena kohu idoinai ireḡuna tauna ai baine halaoa.
MAT 24:48 A hesiai tauna dikana lalona baine hadaia, baineto “Biagugu vada e halahemu”;
MAT 24:49 bena ia ese bamona baine dadabadia, kekero taudia ida baine ani havara, baine inu havara.
MAT 24:50 Una hesiai tauna na se laloa dinana ai biaguna baine gini dae;
MAT 24:51 bena baine dapaia parara, koikoi taudia bogaragidiai gabuna baine henia, unuseni ai bae tai, gadigadidia bae hahedai.
MAT 25:1 Una negana ai guba basileiana na ulato gwauta na heheto, edia lamepa e abi kau, headava matamata tauna ida bae hedavari eto.
MAT 25:2 Laima na mai aonegadia, a laima na kakavakava.
MAT 25:3 Badina be kavakavadia ese edia lamepa e abi kau, to diaranu asie abia kau;
MAT 25:4 a aonega ulatodia ese edia lamepa e abi kau bona diaranu danu kavabu ai e abia kau.
MAT 25:5 Headava matamata tauna e halahe dainai, mahuta ese matadia e gara, bena iboudiai e mahuta.
MAT 25:6 Malokihi ai ta e lolo, eto, Headava matamata tauna vada e maimu: a raka lasi, ia ida ba hedavari.
MAT 25:7 Bena hari ulato iboudiai e tata isi, edia lamepa e haḡoeva.
MAT 25:8 Ulato kavakavadia ese aonega ulatodia e hereva ulatodia, eto, Emui diaranu taina a henimai, badina be emai lamepa vada be bodomu.
MAT 25:9 A aonega ulatodia e haere, eto, Lasi; ai bona umui na basine davana garina. Namona binai, hoihoi taudia dekedia baola, sibomui emui ba ha hoi.
MAT 25:10 Hoihoi totona e raka laova ai, headava matamata tauna ema, bena e noho heḡaeḡae ulatodia na ia ida headava ariana ai e raka vareai. Bena iduara e koua ahu.
MAT 25:11 Gabeamo ulato oredia na ema, eto, Ḡauka e, ḡauka e, emai iduara ame kehoa.
MAT 25:12 A ia na e haere, eto, Na hamaoromui momokanimu, lau na asi dibagu umui.
MAT 25:13 Taunabunai, ba gima: badina be dina bona hora na asi dibamui.
MAT 25:14 Iniheto: tau ta gabu daudau bainela eto, bena ena hesiai taudia e boiridia, ena kohu na imadia ai e rakatani.
MAT 25:15 Bena ia ese ta talent ima e henia, ma ta talent rua, ma ta talent tamona, ta ta ena diba ena diba heḡereḡeredia. Bena eha laolao.
MAT 25:16 Bena talent ima e abi tauna na vada ela, eha hoihoilai, talent ima ma e abilai.
MAT 25:17 Unuhetomana danu talent rua tauna ese talent rua ma e abilai.
MAT 25:18 A talent tamona e abia tauna na vada ela, tano eha geia, biaguna ena moni e ḡuria.
MAT 25:19 Nega vada e daudau, bena unu hesiai taudia biagudia vada e lou mai, bona ena kohu herevadia e nanadailaidia.
MAT 25:20 Bena talent ima e abi tauna na vada ema, talent idaudia ima ma e mailai, eto, Ḡauka e, talent ima o henigu; a ita, talent idaudia ima ma na davari.
MAT 25:21 Biaguna e haere, eto, Namo herea! Oi na hesiai taumu namona, kara maoromaoro taumu. Ḡau dia hoho o reḡu namonamova, Ḡau momo biagudia ai do baina halaomu. Biagumu ida baita moale hebou.
MAT 25:22 Bena talent rua e abi tauna danu ma ema, eto, Ḡauka e, talent rua o henigu; a ita, ini talent idaudia rua ma na davari.
MAT 25:23 Biaguna e haere, eto, Namo herea! Oi na hcsiai taumu namona, kara maoromaoro taumu. Ḡau dia hoho o reḡu namonamova, ḡau momo biagudia ai do baina halaomu. Biagumu ida baita moale hebou.
MAT 25:24 Talent tamona e abia tauna vada ema, eto, Ḡauka e, vada name diba oi na gwau-tora taumu; to hado ḡaudia na o utumu, bona to ḡiḡi rohoroho ḡaudia na o haboumu.
MAT 25:25 Taunabunai na gari, nala, emu talent tano ai na ḡuria: a itaia, vada emu avabia.
MAT 25:26 Biaguna e haere, eto, Oi na hesiai taumu dikana, lahedo taumu. Vada dibamu asina hado ḡaudia na utumu bona asina ḡiḡi rohoroho ḡaudia na haboumu;
MAT 25:27 matona, egu moni na bank taudia dekedia boma laohaia, bena bama lou mai, bama abia lou mai atokauna ida.
MAT 25:28 Benaini, ena talent avabia oho, talent gwauta tauna na ba henia.
MAT 25:29 Badina be mai ena ḡau tauna na ḡau momo baine abi, to asi ena ḡau tauna na ienai miana ḡauna do bae abia oho.
MAT 25:30 Bona hesiai tauna dikana be murimuri diburana ai ba doria lasi; unuseni ai bae tai, gadigadidia bae hahedai.
MAT 25:31 Taunimanima Natuna na hairaina ai do bainema, ena aneru helaḡadia ida, ena terono herea-daena latanai baine helai.
MAT 25:32 Bena bese iboudiai ia vairanai bae haheboudia; bona ia ese baine hapararadia, mamoe ireḡudia tauna ese mamoe bona nani e hapararadiamu na heto;
MAT 25:33 mamoe na idibana kahana ai nani na laurina kahana ai baine hididia.
MAT 25:34 Bena Ḡaubada ese idibana kahana taudia baine hamaorodia, baineto, Aoma, Tamagu ese e hanamomuimu taumui e, basileia na avabia, tanobada e karaia negana ai vada e seua umui emui.
MAT 25:35 Badina be e hitologuva, o ubuguva; ranu e maseguva, ranu o heniguva, lau na idau taugu, o abigu dae;
MAT 25:36 asi egu dabua, o hadabualaigu; e goreregu, o igogu ita; dibura rumana ai na nohova, dekegu o raka vareaiva.
MAT 25:37 Bena kara maoromaoro taudia ese bae haere henia, baeto, Lohiabada e, edena nega ai a itamu, o hitolova, a ubumu? Eiava o ranu maseva, ranu a henimu?
MAT 25:38 Edena nega ai a itamu, oi na idau taumu, a abimu dae; eiava asi emu dabua, a hadabualaimu?
MAT 25:39 Edena nega ai a itamu, o gorereva eiava dibura rumana ai o nohova, a igomu ita?
MAT 25:40 Bena Ḡaubada ese baine haere henidia, baineto, Na hamaoromui momokanimu, tadikakagu maraḡi-maraḡidia bini, maraḡi-maraḡi-hereana unu o karaia toma heḡereḡerena, lau danu unu o karagu toma.
MAT 25:41 Bena laurina kahana taudia baine hamaorodia, baineto, Dika taumui, egu amo ba raka oho, basine bodo lahina lalonai baola, vada e ara hegaegae, Satana mai ena aneru ida edia.
MAT 25:42 Badina be e hitologuva, asio ubugu; ranu e maseguva, ranu asio henigu;
MAT 25:43 lau na idau taugu, asio abigu dae; asi egu dabua, asio hadabualaigu; e gorereguva, dibura rumana ai na nohova, asio igogu ita.
MAT 25:44 Bena idia danu bae haere henia, baeto, Lohiabada e, edena nega ai a Itamu, o hitolova, eiava o ranu maseva, eiava idau taumu, eiava asi emu dabua, eiava o gorereva, eiava dibura rumana ai o nohova, bena isiaimu asia lao heniva?
MAT 25:45 Bena ia ese baine haere henidia, baineto, Nahamaoromui momokanimu, maraḡi-maraḡidia bini, maraḡi-maraḡi-hereana unu asio karaia toma heḡereḡerena lau danu unu asio karagu toma.
MAT 25:46 Taunabunai, idia na dava dika hanaihanai gabuna baela; a kara maoromaoro taudia na mauri hanaihanai gabuna baela.
MAT 26:1 Iesu na unu hereva iboudiai e hadoko, bena ia ese ena hahediba e hamaorodia, eto;
MAT 26:2 Dibamui vainana-negai Lagau-hanai Ariana bae karaia; una negana ai Taunimanima Natuna taona bae torea, bae hasatauroa.
MAT 26:3 Bena hahelaḡa taudia bona itorena taudia bona hanua tau-badadia ese hahelaḡa tauna badana, ladana na Kaiafa, ena ruma ai e hebou;
MAT 26:4 e henega, dibaka karadia amo Iesu bae dabaia tao bae alaia mase eto.
MAT 26:5 To idia eto, Dia aria dinadia ai, aru taudia bae heloḡo-heloḡo na garina.
MAT 26:6 Iesu na Betania ai, Simona, lepra tauna, ena ruma ai.
MAT 26:7 Bena hahine ta ia dekena ela, nadi kavabuna ta e abia kau, lalonai na dehoro namohereana, davana bada ḡauna; bena Iesu ege-dihona ai hahine ese dehoro e horolaia.
MAT 26:8 Ena hahediba ese e itaia, bena e badu, eto, Dahaka dainai ina dehoro e negea kavamu?
MAT 26:9 Bema hoia, moni diaḡau bema abi, bena ogoḡami taudia bema henidia.
MAT 26:10 Iesu na dibana, bena e hamaorodia, eto, Dahaka dainai o turiariki heniamu? Kara namona egu ai vada e karaia.
MAT 26:11 Ogoḡami taudia be nega idoidiai dekemui ai nonoho, bena ba ura negadia ai vada ba hanamodia. A lau be nega idoidiai dekemui ai basina noho.
MAT 26:12 Ina dehoro amo taugu vada eme dahua heḡaeḡae, igurigu totona.
MAT 26:13 Na hamaoromui momokanimu, ina sivarai namona bae harorolaia gabudia iboudiai, tanobada heḡegemadai, hari eme karaia karana bae gwauraia, ia ihelalolaina.
MAT 26:14 Bena gwauta-rarua tauna ta, ladana na Iuda Iskariote, hahelaḡa taudia dekedia ela,
MAT 26:15 eto, Taona bama torea, dahaka boma henigu? Bena idia ese silver monidia toi-ahui e henia.
MAT 26:16 Una negana ela ia ese taona itorena negana namona e tahuava.
MAT 26:17 Asie hatubua flaoana Ariana dinana gini-gunana, hahediba na Iesu dekena ela, e nanadaia, eto, Edeseni ai Lagau-hanai baia karaia heḡaeḡae, bena bavania?
MAT 26:18 Bena ia na e haere, eto, Hanua aola, tau ta dekenai, ba hamaoroa, baoto, Hahediba tauna na e tomu “Egu nega vada eme kahikahi, egu hahediba ida Lagau-hanai na emu ruma ai baia ania”.
MAT 26:19 Bena hahediba na Iesu ese e haduadia heḡereḡerena vada e karaia, Lagau-hanai Ariana vada e karaia heḡaeḡae.
MAT 26:20 Adorahi ai, ia na ena hahediba gwauta-raruosi ida e ege diho.
MAT 26:21 Bena e anianiva negana ai ia eto, Na hamaoromui momokanimu, umui ta ese taogu baine torea.
MAT 26:22 Idia na lalodia e hisihisi, bena ta ta ese e nanadaia, eto, Lohiabada e, ina lau a?
MAT 26:23 Ia e haere, eto, Lau ida nau tamona ai a dau dobimu tauna ese lau taogu baine torea.
MAT 26:24 Taunimanima Natuna vada be laomu, e torelaia heḡereḡerena; a Taunimanima Natuna taona itorena tauna madi ihabaina! Una tau basinema vara hari namo!
MAT 26:25 Bena luda, tao-tore tauna, ese e nanadaia, eto, Hahediba taumu, ina lau a? Iesu eto, O ena vada o gwaumu.
MAT 26:26 Idia na e anianiva lalonai, Iesu ese flaoa atagana ta e abia, e hanamoa, bena e bitua, ena hahediba e henidia, eto, Avabia, avania, lau taugu binai.
MAT 26:27 Ma kehere ta e abia, e hanamoa, e henidia, eto, Iboumui ai a inua;
MAT 26:28 badina be ina na lau raragu, herohemaino rarana, hutuma daidiai baine hebubu, dika igwautaona.
MAT 26:29 Na hamaoromuimu, vine ranuna do basina inua lou, ela bona dinana baine kau lau umui ida matamatana baita inua, Dirava ena basileia lalonai.
MAT 26:30 Idia na ane e abia vaitani, bena e didi lasi, Olive ororona ela.
MAT 26:31 Bena Iesu ese e hamaorodia, eto, Iboumui ai lau daigu ai ba hekwakwanai, badina be ini e torea toma, Mamoe ireḡudia tauna baina gwadaia, Bena mamoe vada bae karoho.
MAT 26:32 A lau baina tore isi lou, bena baina gunalaimui Galilea ai.
MAT 26:33 Petro ese e haere henia, eto, Ena be taunimanima iboudiai oi daimu ai bae hekwakwanai, to lau be lasi.
MAT 26:34 Bena Iesu ese e hamaoroa, eto, Na hamaoromu momo-kanimu, hari ina hanuaboi, kokoroku do basine tai, oiese hatoi ba ḡoregu.
MAT 26:35 A Petro eto, Ena be oi ida baita mase hebou, tolau oi basina ḡoremu. Ena hahediba iboudiai danu unu mo e gwau toma.
MAT 26:36 Iesu na idia ida gabu ta ai e lasi, ladana Getesemane. Bena ia ese ena hahediba e hamaorodia, eto, Iniseni ai ba helai; lau do baina ha ḡuriḡuri.
MAT 26:37 Bena ia ese Petro bona Sebedeo natuna raruosi e hakaudia siri. Bena laumana e daure, darana e doko.
MAT 26:38 Bena e hamaorodia, eto, Lau na lalogu eme hisihisi bada, mokona name mase; iniseni ai ba noho, baita gima.
MAT 26:39 Taina ma e raka lao, bena tano ai e goru parapara, e ḡuriḡuri, eto, Tamagu e, bema mai dalana ina kehere na egu amo boma abia oho; to dia lauegu ura, oiemu ura hari.
MAT 26:40 Ena hahediba dekedia e lou lao, mahutadia ai e davaridia. Bena ia ese Petro e gwau henia, eto, Be, asi goadamui hora tamona mo lau ida baitama gima a?
MAT 26:41 Ba gima, ba guriḡuri, hedibaḡani ai ba vareai na garina. Lauma na e uramu, a tau-anina na eme manoka.
MAT 26:42 Nega iharuana e raka lao, eha ḡuriguri, eto, Tamagu e, ina kehere iabi-ohona readia asi dalana dahaka, ela bona baina inua; emu ura baine ḡuḡuru.
MAT 26:43 Ma e lou lao dekedia, mahutadia ai ma e davaridia, badina be matadia e mahutava.
MAT 26:44 E rakatanidia, e lou ela, nega ihatoina ma eha ḡuriḡuri, ena ḡuriḡuri herevadia gunadia ma e gwaurai Iou.
MAT 26:45 Ma e lou lao, ena hahediba dekediai, e hamaorodia, eto, Madi, vada a mahuta, lagamui avani. Vadaeni, negana vada eme kahira-kahira, Taunimanima Natuna na dika taudia imadia ai be atoamu.
MAT 26:46 Be, o tore, aitala; taogu itorena tauna vada e maimu.
MAT 26:47 Ia dounu e herevava ai, Iuda, gwauta-rarua tauna ta, e gini dae, hutuma bada ida, mai edia dare bona mai edia kareva: hahelaḡa taudia bona hanua tau-badadia ese e siaidia taudia bunu.
MAT 26:48 Tao-tore tauna es toa ta e henidia guna, eto, Baina harahua tauna ḡaunabunai: ba dabaia tao.
MAT 26:49 Taunabunai, ia na Iesu dekena e raka kahi lao, eto, Hahediba taumu e, ba mauri! Bena e harahua.
MAT 26:50 Iesu ese e hereva henia, eto, Henamo e, ikarana totona oma karana vada a karaia. Bena idia ese Iesu imadia ai e daua kou, e dabaia tao.
MAT 26:51 Iesu ena orea tauna ta ese imana e dau tari, ena dare e veria lasi, hahelaḡa tauna badana ena hesiai tauna ta e taraia, taiana e dapaia oho.
MAT 26:52 Bena Iesu ese e gwau henia eto, Emu dare na gabuna ai ba toia vareai lou; badina be dare e abi taudia iboudiai na dare amo do bae mase.
MAT 26:53 Emu lalo hadai be lau asi siahugu a, Tamagu bama noia bena ia ese aneru oreadia gwauta-rua, ma haida danu, bema siaidia, lau idurugu?
MAT 26:54 To unu bema heto, revareva helaḡa na ede bema momokani toma, vada e torea ini baine hekara toma?
MAT 26:55 Una negana ai Iesu ese hutuma e gwau henidia, eto, Umui na mai daremui bona mai karevamui ida lau idabai-taogu oma, dadidadi tauna idabai-taona boma mai na heto. Dina iboudiai lau na dekedekemui ai na helaiva bona na hahedibava, Dubu Helaḡa lalonai, to asio dabaigu tao.
MAT 26:56 A ini ḡau iboudiai vada e vara, peroveta taudia ese e tore herevadia ihamomokanilaidia. Bena ena hahediba iboudiai ese e heautania.
MAT 26:57 Bena Iesu e dabaia tao taudia ese hahelaḡa tauna badana Kaiafa dekena e dabuia lao, unuseni ai itorena taudia bona hanua tau-badadia vada e hebou.
MAT 26:58 Petro ese e ḡavaia, to mai padana, ela bona hahelaḡa tauna badana ena ruma maḡuna lalonai e raka vareai, hesiai taudia ida e helai hebou, una kara dokona be dahaka baine ita eto.
MAT 26:59 Bena hahelaḡa taudia bona kaunsil taudia iboudiai ese hahebade koikoi taudia e tahudia malaka-malaka, ialana badina bae davaria eto.
MAT 26:60 Hahebade koikoi taudia diaḡau e tore isi, to ialana badina ta asie davaria; ela bona koikoi taudia rarua ma e tore isi, eto,
MAT 26:61 Ina tau e hereva, eto “Lau na mai siahugu Dirava ena Dubu Helaḡa baina rohoa, bena dina toi lalodiai ma baina hadaia lou”.
MAT 26:62 Bena hahelaḡa tauna badana e tore isi, e nanadaia, eto, Oi to herevamu a? Ini edia hahebade herevadia be dahaka?
MAT 26:63 A Iesu na asi reḡereḡena. Bena hahelaḡa tauna badana ese ma e hereva henia, eto, Mauri Diravana ladana ai na haḡanimumu: a hamaoromai, oi na Keriso, Dirava Natuna, eiava?
MAT 26:64 Iesu ese e haere henia, eto, O ena vada o gwaumu. Ina danu ma aina hamaorolaimui: Taunimanima Natuna do ba itaia, Siahu imana idibana ai baine helai, bona guba oridia ai bainema.
MAT 26:65 Bena hahelaḡa tauna badana ese sibona ena dabua e darea, eto, Dirava ihadikana herevana vada e gwauraiamu, ma dahaka hahebadena ta tahuamu a? Dirava ihadikana herevana vada eme gwauraia ome kamonai.
MAT 26:66 Dahaka o tomamu? Idia e haere, eto, Baine mase hari namo.
MAT 26:67 Bena idia ese ia vaira huahuana e kanudia, e tutua, e pataia ahu, bena eto,
MAT 26:68 Keriso e, a hamaoromai, daika ese e tutumumu?
MAT 26:69 Petro na murimuri ai, maḡu lalonai e helaiva, bena hesiai hahinena ta dekena ela, eto, Ina oi danu Iesu, Galilea tauna, o bamoava ani?
MAT 26:70 To ia na iboudiai vairadiai e heḡore, eto, Emu hereva na lalogu seme parara.
MAT 26:71 Ia na e raka oho, ela ikoukou badibadinai. Ma hahine ta ese e itaia, bena dekedekena taudia e hamaorodia, eto, Ina tau danu Iesu, Nasaret tauna, e bamoava.
MAT 26:72 Bena ia e ere dika, e heḡore lou, eto, Una tau na asi dibagu.
MAT 26:73 Asi vanahana una gabu ai e gini taudia na Petro dekena ela, eto, Momokani, oi na idia ta, badina be gadomu ese e hahedinaraimumu.
MAT 26:74 Bena sibona vada e heuduguirai, e ere dika, eto, Una tau lau asi dibagu. Bena kokoroku vada e tai.
MAT 26:75 Bena Petro ese Iesu e gwauraia herevana vada e helalolaia une, eto “Kokoroku do basine tai, oi ese hatoi ba ḡoregu”. Bena e raka lasi, e tai dikadika.
MAT 27:1 Daba e rere, hahelaḡa taudia iboudiai bona hanua tau-badadia e henega bou, Iesu ialana totona;
MAT 27:2 bena e ḡuia, e hakaua lao, Pilato, gavana tauna, e henia.
MAT 27:3 Iuda, tao-tore tauna, ese Iesu e itaia, ia ese vada e revaia; bena e helalo, hari silver monidia toi-ahui-osi e loulai, hahelaḡa taudia bona hanua tau-badadia e henidia lou,
MAT 27:4 eto, Vada na kara dika, badina be asi ena kerere tauna taona vada na torea. Idia eto, Ai ese a? Oi sibomu.
MAT 27:5 Ia ese silver monidia Dubu Helaḡa lalonai e taho vareai, bena e raka oho, ela, sibona eha hemata.
MAT 27:6 Bena hahelaḡa taudia ese hari silver monidia e abi, eto, Dia namo boubou mauana ai baita uda, badina be ina na rara davana.
MAT 27:7 E henegalaia, bena uro ikarana tauna ena tano e hoilaia, idau bese taudia iguridia gabuna ai vada e halaoa.
MAT 27:8 Una dainai, una tano ladana e hatoa “Rara Tanona” ema bona hari.
MAT 27:9 Unu amo Ieremia, peroveta tauna, ena hereva vada e momokani, eto, Silver monidia toi-ahui na abi, Israel taudia ese davana e gwauraia tauna davana,
MAT 27:10 uro ikarana tauna ena tano na hoilaia, Lohiabada ese e haduagu heḡereḡerena.
MAT 27:11 Iesu na gavana vairanai e gini: bena gavana ese e nanadaia, eto, Oi na Iuda taudia edia pavapava eiava? Iesu eto, O ena vada o gwaumu.
MAT 27:12 Bena hahelaḡa taudia bona hanua tau-badadia ese ma e habadelaia, to ia na se haere.
MAT 27:13 Bena Pilato eto, Hahebade herevadia momo e habadelaimumu na to kamonaimu a?
MAT 27:14 To Iesu na se haere, hereva ta se gwauraia. Taunabunai gavana na e hoa.
MAT 27:15 Una aria negana ai, gavana na vaia ena kara dibura rumana ai e nohomu tauna ta, hutuma ese bae gwauraia tauna, baine ruhaia nege.
MAT 27:16 Una negana ai, tau ta dibura rumana ai e nohova, ladana na Baraba; una tau harina na bada.
MAT 27:17 Taunabunai, idia na e hebou vaitani negana ai, Pilato ese e nanadaidia, eto, Daika o ura heniamu baina ruhaia nege, Baraba eiava Iesu, e nemaia Keriso.
MAT 27:18 Badina be Pilato dibana idia na vaḡeḡe dainai taona e torea.
MAT 27:19 Pilato na hahemaoro gabuna ai, ena helai ḡauna latanai helaina ai, adavana ese ena gwaukau e siaia lao dekena ai, eto, Una kara maoromaoro tauna enai ḡau ta basio karaia, badina be hari dina ai vada na nihi, egu nihi ai hisi badana ese e hadikagu ia dainai.
MAT 27:20 A hahelaḡa taudia bona hanua tau-badadia ese aru taudia lalodia e ani, Baraba iruhana bona Iesu iala-masena bae gwaurai.
MAT 27:21 Bena gavana ese ma e nanadaidia, eto, Idia raruosi daika baina ruhaia umui emui? ldia eto, Baraba.
MAT 27:22 Bena Pilato ma e nanadaidia, eto, O Iesu, Keriso e nemaia, na ede baina tomaia? Idia iboudiai e haere bou, eto, Ba hasatauroa.
MAT 27:23 Pilato eto, Be, ena dika be dahaka? A idia na e lolo lalo-dika, eto, Ba hasatauroa.
MAT 27:24 Taunabunai Pilato lalona e parara, ena hereva na basine goada, bona edia heloḡo-heloḡo eha badava; bena ia ese ranu e abia, aru taudia vairadiai imana e huri, eto, Ina kara maoromaoro tauna rarana na dia lau latagu ai; umui sibomui.
MAT 27:25 Idia iboudiai e haere, eto, Ia rarana be ai latamai ai bona natumai latadiai.
MAT 27:26 Bena ia ese Baraba e ruhaia nege, a Iesu e dadabaia, bena e henidia, bae hasatauroa.
MAT 27:27 Bena gavana ena tuari taudia ese Iesu e hakaua lao, edia gima rumana lalonai, bena edia orea taudia iboudiai e gogodia ia dekenai.
MAT 27:28 Idia ese ena dabua e kokia oho, dabua kakakakana e hakaralaia;
MAT 27:29 bona havava ḡauna ḡiniḡini a e hatua, ia kwarana ai e atoa kau; siriho auta danu imana idibana ai e hakahulaia. Bena tuidia e hadai, e toma henia diho koikoi, eto, Iuda pavapavana e! Ba mauri!
MAT 27:30 Bena e kanudia, bona hari siriho e abihaia, kwarana e botalaia.
MAT 27:31 E ḡonaḡonalaia vaitani, bena dabua kakakana e kokia oho, ena dabua korikorina ma e hakaralaia. Bena e hakaua lao, bae hasatauroa.
MAT 27:32 E raka lasiva ai, Kurene tauna ta e davaria, ladana na Simona, bena e haduaia, Iesu ena satauro baine huaia.
MAT 27:33 Gabu ta ai e lasi, ladana na Golgota; anina be “kwara koukouna tanona”.
MAT 27:34 Unuseni ai vine ranuna muramura ida e buloa na e henia, baine inua; to e demaia toho, inuna se ura.
MAT 27:35 Bena e hasatauroa; bona mari amo ena dabua e hari.
MAT 27:36 Bena e helai diho, e gima.
MAT 27:37 Ia kwarana daenai idia ese hahebade herevana e kapaia, ini e torea toma: INA NA IESU, IUDA PAVAPAVANA.
MAT 27:38 Ia ida nega tamona dadidadi taudia rarua e hasataurodia, ta idibana kahana ai, ta laurina kahana ai.
MAT 27:39 E raka hanai taudia ese e hereva dika henia, kwaradia e taiko-taiko,
MAT 27:40 eto, I! Dubu Helaḡa ba rohoa ma dina toi ai ba larebaia lou taumu, sibomu ba hahemauri. Oi Dirava Natuna o tomamu, satauro amo boma dada dobi.
MAT 27:41 Hahelaḡa taudia bona itorena taudia bona hanua tau-badadia ese danu e ḡonaḡonalaia, eto,
MAT 27:42 Ia na idau taudia e hamauridiava, matona sibona se hahemauri. Ia na Israel pavapavana, harihari satauro amo aine dada dobi, bena baita abidadama henia.
MAT 27:43 Ia ese Dirava e abidadama heniava; Dirava ese bena lalokau henia, bema hamauria: badina be ia eto “Lau na Dirava Natuna”.
MAT 27:44 Dadidadi taudia raruosi danu, ia ida e hasataurodia taudia, ese unu e ḡonaḡonalaia toma.
MAT 27:45 Dina tubua amo dibura ese tanobada idoinai e gorua ahu, ela bona dina e ḡelo.
MAT 27:46 Bena dina ḡelona sisivana Iesu e lolo, eto, Eloi, eloi lama sabaktani; anina be Egu Dirava e, egu Dirava e, dahaka lau ome rakatanigu.
MAT 27:47 Unuseni ai e gini taudia haida na e kamonai, bena eto, Ia na Elia e boiriamu.
MAT 27:48 Bena ta e heau lao, puta ta eha abia, vine ranuna iditana ai e urua diho, siriho ai e gwadaia kau, bena e duduia dae, baine topoa eto.
MAT 27:49 A haida be eto, Mani do: aita itaia, Elia bainema baine hamauria eiava.
MAT 27:50 A Iesu ma e lolo dagu, bena e mase.
MAT 27:51 Una negana ai Dubu Helaḡa seseahuna e hedare parara, atai amo ema bona henu. Tano danu e laga, papapapa e parara;
MAT 27:52 bona mase garadia e hekeho, helaḡa taudia hutuma na e tore isi.
MAT 27:53 Bena ena tore-isi-lou murinai idia na gara amo e raka lasi, hanua helaḡana ela, unuseni ai hutuma ese e itadia.
MAT 27:54 Tuari biaguna mai bamona ida, Iesu e gimaia taudia, ese tano-laga bona e vara ḡaudia e ita, bena e gari bada, eto, Momokani, ina na Dirava Natuna.
MAT 27:55 Herarai hahinedia diaḡau danu dauhai e gini; Galilea amo Iesu murinai e rakava bona isiaina e lao heniva hahinedia bunu.
MAT 27:56 Haida bini: Maria, hane Magdala; bona Maria, Iakobo bona Iosef sinadia; bona Sebedeo natuna sinadia.
MAT 27:57 Adorahi ai, taḡa tauna ta, ladama Iosef, Arimatea amo e kau; ia danu Iesu ena hahediba ta.
MAT 27:58 Ia na Pilato dekena ela, e noia, Iesu tau-anina baine abia eto, bena Pilato na e hahedua bae henia.
MAT 27:59 Taunabunai, Iosef ese tau-anina e abia dobi, dabua ḡoevaḡoevana ai e kumia,
MAT 27:60 nadi hagana ai e ḡeia kohuana matamatana ta, ia sibona ena, lalonai e atoa; nadi badana amo kohua iduarana e kurea ahu, bena e raka oho.
MAT 27:61 A hahine rarua, Maria, hane Magdala, bona Maria ta, be kohua vairanai e helaiva.
MAT 27:62 Daba ai, haheḡoeva dinana murina dinana ai, hahelaḡa taudia bona Farisea taudia Pilato vairanai e hebou,
MAT 27:63 eto, Ḡaubada e, ai na ame helalo une, una koikoi tauna be maurina ai e hereva, eto “Dina toi bae ore, bena lau ma baina tore isi lou”.
MAT 27:64 Taunabunai, mani ba hahedua, gara bae gimaia namonamo ela bona dina ihatoina; ena hahediba baela, tau-anina bae henaoa, bena taunimanina bae koidia, baeto “Ia na mase amo vada e tore isi lou”, na garina. Unu bema heto, koikoi gabena ese koikoi gunana bema hereaia.
MAT 27:65 Pilato eto, Be, umui na mai emui hegima taudia; vada aola, gara ba ha koua, emui goada heḡereḡerena.
MAT 27:66 Bena idia na ela, gara eha koua kunuka-kunuka, toa ta nadi ai e atoa, bena kito taudia e habadinalaidia.
MAT 28:1 Dina Helaḡa e ore murinai, daba matana ai, pura dinana gini-gunana ai, Maria, hane Magdala, Maria ta ida, gara itana ela.
MAT 28:2 Una negana ai tano vada e laga bada; badina be Lohiabada ena aneru na guba amo e diho, nadi e kurea oho, bena latanai e halai kau.
MAT 28:3 Ia vairana e diari-diari, kevaru na heto; ena dabua danu kuroka-kuroka, snow na heto.
MAT 28:4 Ia garina e gari dainai hegima taudia na e heude-heude, mase taudia heḡereḡeredia ai ela.
MAT 28:5 A aneru ese hahine e hereva henidia, eto, Asio gari; dibagu umui na Iesu, e hasatauroa tauna, o tahuamu.
MAT 28:6 Ia na dia iniseni ai; vada e tore isi, e hamaoromui heḡereḡerena. Vada aoma; e atoa gabuna mani a itaia.
MAT 28:7 Bena baola haraḡa-haraḡa, ena hahediba ba hamaorodia, ia na mase amo vada e tore isi, bona baine gunalaimui Galilea ai; inuseni ai ba itaia.
MAT 28:8 Bena raruosi ese gara e rakatania haraḡa-haraḡa, mai garidia bona mai moaledia ida, ena hahediba ihadibadia totona e heau ela.
MAT 28:9 A dala ai Iesu na idia ida e hedavari, e hereva henidia, eto, Ba mauri! Bena raruosi e raka kahira, aena ai e rosia tao, e toma henia diho.
MAT 28:10 Bena Iesu eto, Asio gari; vadi aola, varavaragu ba hamaorodia, idia na Galilea baela, unuseni ai bae itagu.
MAT 28:11 Raruosi na e laova ai, hegima taudia haida danu hanua ela, e vara ḡaudia iboudiai na hahelaḡa taudia e hamaorolaidia.
MAT 28:12 Bena idia na hanua tau-badadia ida e henega bou, hegima taudia moni diaḡau e henidia,
MAT 28:13 eto, Baoto “Ena hahediba na hanuaboi ema, mahutamai ai eme henaoa”.
MAT 28:14 A ina sivarai gavana ese baine kamonaia, ai ese lalona baia hamarumarua, bena basine hadikamui.
MAT 28:15 Taunabunai, idia ese moni e abia, bena e hadibadibadia heḡereḡerena e hereva. Ina sivarai be Iuda taudia ese vada e hapiua ema bona harihari danu.
MAT 28:16 Hahediba gwauta-taosi na Galilea ela, Iesu ese e gwauraia guna ororona ai.
MAT 28:17 Unuseni ai e itaia, bena e toma henia diho. To haida na e daradarava.
MAT 28:18 Bena Iesu e raka kahira, e hereva henidia, eto, Siahu idoinai guba ai bona tanobada ai vada eme henigu.
MAT 28:19 Taunabunai baola, bese iboudiai hahediba ai ba halaodia, bona Tamana, Natuna, Lauma Helaḡa ladana ai ba ha bapatisodia.
MAT 28:20 Ba hadibadia danu, na henimui haheḡanidia iboudiai bae badina. Bona ba helalo tao danu, lau na daba daba iboudiai umui ida ta nohomu ela bona tanobada dokona.
MAR 1:1 Iesu Keriso na Dirava Natuna, ena sivarai namo matamana binai.
MAR 1:2 Isaia, peroveta tauna, ena buka ai e torea heḡereḡerena, eto, A itaia, lau ese egu gwaukau tauna oi vairamu ai name siaia, Emu dala ilailaina.
MAR 1:3 Gado ta tano ḡaḡaena ai e boi lolomu, e tomu, Lohiabada ena dala ba lailaia, Ena laolao dalana ba hamaoromaoroa.
MAR 1:4 Bena Ioane Bapatiso tano ḡaḡaena ai vada e hedinarai, bapatiso e harorolaiava, helalo-kerehai taudia edia dika igwautaodia toana.
MAR 1:5 Iudea taudia bona Ierusalem taudia iboudiai ia dekena e laova, edia dika e gwaurai hedinaraiva, bena ia ese loridane sinavaina ai e bapatisodiava.
MAR 1:6 Ioane ena dabua na kamelo huina, ena gaba ḡauna na boromakau kopina, ana aniani be kwadi bona bada ranuna.
MAR 1:7 E haroro, eto, Tau ta lau murigu ai be maimu, ena siahu ese lauegu e hereaiamu; lau na dia namo ena tamaka varona iruhana baina igo diho.
MAR 1:8 Lau ese ranu amo na bapatisomuimu, a ia ese Lauma Helaḡa arno baine bapatisomui.
MAR 1:9 Unu dinadia ai Iesu na Nasaret, Galilea hanuana ta, amo ela, bena loane ese Ioridane sinavaina ai e bapatisoa.
MAR 1:10 Bena ranu amo e dae kau negana ai, ia ese guba e itaia, e parara, bona Lauma e diho, pune na heto, ia tubuana ai e kau.
MAR 1:11 Bona gado ta guba amo e boi dobi, eto, “Oi na lau Natugu, egu lalokau; lau ese oi na lalo namo henimumu”.
MAR 1:12 Una negana ai Lauma ese tano ḡaḡaena e siaia lao.
MAR 1:13 Dina hari-ahuitano ḡaḡaena ai e nohova, Satana ese e dibaḡaniava. Ia na hekori boromadia ida e nohova, to aneru ese ia isiaina e lao heniva.
MAR 1:14 Ioane dibura rumana ai e koua murinai Iesu na Galilea ela, Dirava ena sivarai namo e harorolaiava,
MAR 1:15 eto, Negana vada eme gini dae, Dirava ena basileia eme kahira-kahira; ba helalo kerehai, bona sivarai namo nalalomui ai bavabia dae.
MAR 1:16 la na Galilea gohu konena ai e rakava ai, Simona, tadina Andrea ida, e itadia, idia na reke gohu ai e tore, badina be idia na haoda taudia.
MAR 1:17 Bena Iesu ese e boiridia, eto, Murigu ai a raka; lau ese taunimanima ihaoda-henidiataumui ai baina halaomui.
MAR 1:18 Bena idia ese edia reke e rakatani, ia murinai e raka.
MAR 1:19 Asie raka daudau, ia ese lakobo Sebedeo, tadina Ioane ida, e itadia, vanaḡi ai edia reke e laumeva.
MAR 1:20 la ese e boiridia, bena idia ese tamadia Sebedeo, ena ḡaukara memerodia ida, vanaḡi ai e rakatanidia, ia murinai ma e raka.
MAR 1:21 Idia na Kaperanaum ai e kau; bena Dina Helaḡa ai ia na dubu ai e hahediba.
MAR 1:22 Bena idia ese ena hahediba herevadia e hoalai, badina be ena hereva na mai siahuna, dia itorena taudia edia hereva heḡereḡeredia.
MAR 1:23 Una dubu ai tau ta na lauma dikana ese e boloa tauna,
MAR 1:24 bena e boi lolo, eto, E Iesu Nasaret taumu e, dahaka emai ai o karamu? Oi ialamai totona oma a? Lau dibagu oi na Dirava ena Helaḡa Tauna.
MAR 1:25 Bena Iesu ese e gwau henia, eto, Eremu, iena amo a raka lasi.
MAR 1:26 Bena hari lauma dikana ese una tau e hatororo-tororoa, bena mai ḡabana ida e lasi.
MAR 1:27 Iboudiai e hoa dikadika, e hereva heheni, eto, Ina dahaka? Hahediba matamatana binai! Ia ese lauma dikadia e haḡanidiamu mai siahuna ida, bona idia ese ia erena e kamonaimu.
MAR 1:28 Bena asi vanahana ia harina e piua Galilea kahana idoinai.
MAR 1:29 Dubu amo e didi dobi, bena Simona bona Andrea edia ruma ai e dae kau, lakobo bona Ioane ida danu.
MAR 1:30 Simona ravana hahinena e gorerea, tauna e siahu; bena idia ese Iesu e hamaoroa.
MAR 1:31 Bena ia ela, imana e abia, e hahelaia tore; bena ena gorere e doko, e tore isi, idia isiaidia e lao heni.
MAR 1:32 Dina kerekerena ai, idia ese gorere taudia iboudiai, bona lauma dikadia ese e bolodia taudia, na ia dekena e laohaidia.
MAR 1:33 Bona hanua taudia iboudiai na ena iduara ai e hebou.
MAR 1:34 Bena gorere idau-idau taudia hutuma ia esee hamauridia, bona lauma dikadia e luludia lasi; a lauma dikadia na e gwaudia tao, basie hereva, badina be idia dibadia ia.
MAR 1:35 Daba kahana ai, daba do se kinia, vada e tore isi, gabu ḡaḡaena ela, eha ḡuriḡuri.
MAR 1:36 Bena Simona mai bamona ida ese e ḡavaia,
MAR 1:37 e davaria, e hamaoroa, eto, Taunimanima iboudiai na oi e tahumumu.
MAR 1:38 Ia eto, Aitala hanua kahikahidia, unuseni ai danu baina haroro, badina be egu mai badina bunai.
MAR 1:39 Bena ia ela, Galilea kahana hanuadia iboudiai edia dubu ai e haroro, bona lauma dikadia e luludia lasi.
MAR 1:40 Lepra tauna ta ia dekena ela, tuina e hadaia, e noia, eto, Boma ura, boma haḡoevagu.
MAR 1:41 Bena lesu ese e bogaia hisi, imana e toia roro, e daua toho; bena eto, Na uramu, vada a ḡoeva.
MAR 1:42 Bena ena lepra e doko, vada e ḡoeva vaitani.
MAR 1:43 Bena e siaia, to e sisiba henia guna,
MAR 1:44 eto, Ina kara na tau ta basio hamaorolaia; aola, hahelaḡa tauna ese baine itamu, bona haheḡoeva ḡauna, Mose ese e gwauraia heḡeregerena, ba henia, taunimanima ihadibalaidia.
MAR 1:45 To ia na ela, una kara harina vada eha piua rohoroho; taunabunai Iesu na hanua ta ai asine raka vareai diba, a tano ḡaḡaena ai a nohova, unuseni ai taunimanima ese idau gabu idau gabu amo ia e lao heniava.
MAR 2:1 Dina haida vada ela ia na Kaperanaum e lou lao, bena harina e piua ia na ruma ai.
MAR 2:2 Taunabunai hutuma e aru ela bona ruma lalonai gabu ta lasi, bona iduara badina danu asi gabuna. Bena ia ese e haroro henidia.
MAR 2:3 Tatau hahani ese pada tauna ta na ia dekena e huaia lao;
MAR 2:4 a hutuma daidiai asi edia dala Iesu dekena bae kahilaia lao. Taunabunai, ia e gini gabuna daenai idia ese guhi e ḡiua oho, bena pada tauna mai gedana ida e tua dobi vairanai.
MAR 2:5 Iesu ese edia abidadama e itaia, bena ia ese pada tauna e hamaoroa, eto, Natugu e, emu dika vada eme hegwau tao.
MAR 2:6 A itorena taudia haida unuseni ai hehelai, lalodia ini e hadai tomava,
MAR 2:7 eto, Badina be dahaka ina tau unu e hereva tomamu? Ia ese Dirava se matauraiamu. Daika ese dika baine gwau tao? Dirava mo sibona.
MAR 2:8 Iesu dibana idia na unu e helalo tomava, bena e nanadaidia, eto, Badina be dahaka lalomui ene o hadai tomamu?
MAR 2:9 Edena be haraḡa: pada tauna na hamaoroa, nato “Emu dika vada eme hegwau tao”, eiava bama toma “A gini tore, emu geda a lokua, a raka”?
MAR 2:10 A baina hadibamui Taunimanima Natuna na mai siahuna dika baine gwau tao ina tanobada ai, (ia ese pada tauna e hamaoroa, eto),
MAR 2:11 A gini tore, emu geda a lokua, emu ruma vada aola.
MAR 2:12 Bena ia na e gini tore, ena geda e lokua, idia vairadiai e raka lasi. Taunabunai iboudiai e hoa, Dirava e imodaia, eto, Inihetomana hata do asita itaia.
MAR 2:13 Ia na kone ai ma e lasi; hutuma ia ida e hebou, bena ia ese e hadibadia.
MAR 2:14 Raka hanaina ai, ia ese Levi Alfeo tax gabuna helaina ai e itaia, bena e boiria, eto, Murigu ai a raka. Bena ia e tore isi, ia murinai e raka.
MAR 2:15 Ena ruma ai aniani gabuna ai e ege diho, bona tax gogo taudia, kara dika taudia diaḡau danu, Iesu mai ena hahediba ida e ege diho; badina be hutuma na ia murinai e rakava.
MAR 2:16 Taunabunai, itorena taudia, Farisea edia orea amo, e itaia, ia na kara dika taudia bona tax gogo taudia ida e aniani hebouva, bena idia ese ena hahediba e nanadaidia, eto, Ia na dahaka dainai tax gogo bona kara dika taudia ida e aniani heboumu?
MAR 2:17 Iesu e kamonai, bena e hamaorodia, eto, Goada taudia ese muramura tauna basie tahua, a gorere taudia hari; lau danu nama, dia kara maoromaoro taudia iboiridia totona, a kara dika taudia hari.
MAR 2:18 Ioane ena hahediba bona Farisea edia hahediba edia anivaga ta ai haida ese Iesu e nanadaia, eto, Dahaka dainai Ioane ena hahediba bona Farisea edia hahediba e anivagamu, a oiemu hahediba na asie anivagamu?
MAR 2:19 Iesu e haere, eto, Headava matamata tauna na turana dekediai be bae anivaga a? Lasi, headava matamata tauna na dekediai noho, idia na basie anivaga.
MAR 2:20 A negalla baine gini dae, headava matamata tauna na edia amo baine heabi oho, una negana ai bae anivaga.
MAR 2:21 Dabua matamata seana dabua gunana basie banilaia. Unu bema kara toma, e banilaia seana na dabua gunana amo bema hedare oho, bona hedarena bema bada
MAR 2:22 Vine ranuna matamata na kopi gunadia ai basie vedaia. Unu bema kara toma, vine ranuna matamatana ese kopi gunadia bema hapou, bena vine ranuna bona kopi bema dika hebou.
MAR 2:23 Dina Helaḡa ta ai, ia na uit umana ta e raka hanaiva ai, ena hahediba na rakadia ai uit e burukiva.
MAR 2:24 Farisea taudia ese e nanadaia, eto, Idia na dahaka dainai hegwau-tao karana Dina Helaḡa ai e karaiamu?
MAR 2:25 Ia a haere, eto, Nega ta asio duahia, a, David ena kara ta, e hitoloa negana ai, ia mai bamona ida?
MAR 2:26 Dirava ena ruma ai e dae kau, Abiata hahelaḡa tauna badana negana ai, bena pata helaḡana amo malamala e abia, e ania, bona bamona e henidia; a una malamala na e helaḡa vaitani, hahelaḡa taudia mo adia.
MAR 2:27 Ma eto Dina Helaḡa e karaia taunimanima edia, dia taunimanima Dina Helaḡa ena.
MAR 2:28 Taunabunai, Taunimanima Natuna na Dina Helaḡa biaguna.
MAR 3:1 Dubu ai ma e dae kau, irna heveri tauna ta na unuseni ai.
MAR 3:2 Bena idia ese e itaia tao, Dina Helaḡa ai baine harnauria eiava, bena bae habadelaia eto.
MAR 3:3 A ia na ima heveri tauna e hamaoroa, eto, Ini a raka mai.
MAR 3:4 Bena e nanadaidia, eto, Edena namo, Dina Helaḡa ai baita hahenamo eiava baita hahedika? Baita hahemauri eiava baita heala? A idia na asie hereva.
MAR 3:5 Taunabunai, mai baduna ida e haḡeredia, bona mai lalohisihisina ida, edia lalo-duhu dainai. Bena una tau e haduaia, eto, Imamu a toia roro.E haroroa, bena imana vada e namo.
MAR 3:6 Bena Farisea taudia e raka lasi, Herod ena orea taudia ida e henega hebou, ia ialana dalana e tahuava. Gorere taudia ma e hamauridia
MAR 3:7 Iesu ena hahediba ida kone ela, bena hutuma Galilea amo ia murinai e raka; bona hutuma bada danu Iudea arno,
MAR 3:8 bona Ierusalem amo, bona Idumea amo, bona loridane sinavaina unukahana amo, bona Turo Sidono kahadia amo ema; badina be ia harina e kamonai.
MAR 3:9 Bena ia ese ena hahediba e hamaorodia, vanaḡi auta bae abia heḡaeḡae, hutuma ese bae biria na garina.
MAR 3:10 Badina be ia ese gorere taudia hutuma vada e hamauridia dainai gorere taudia iboudiai e aru ela, ienai bae dau kau eto.
MAR 3:11 Bena lauma dikadia ese ia e itaiava ai na vairanai e goru diho, e lolo, eto, Oi na Dirava Natuna.
MAR 3:12 A ia ese e tamanudia, basie hahedinaraia.
MAR 3:13 Una murinai ia na ororo e dara dae, e ura henidia taudia na e boiridia; bena idia na ia dekena ela.
MAR 3:14 Bena ia ese gwauta-rarua e abidia hidi, iabae bamoa, bona baine siaidia bae haroro,
MAR 3:15 bona siahu baine henidia, lauma dikadia bae luludia oho.
MAR 3:16 Simona e nemaia Petro;
MAR 3:17 Iakobo Sebedeo, tadina Ioane ida, e nemaidia Boanere (anina be “guba e rahurahuamu natuna”);
MAR 3:18 bona Andrea; bona Filipo; bona Batolomeo; bona Mataio; bona Toma; bona Iakobo Alfeo; bona Tadeo; bona Simona, Selote tauna;
MAR 3:19 bona Iuda Iskariote, ia na taona itorena tauna.
MAR 3:20 Ia na ruma ai ma e dae kau; a, hutuma ma e hebou lou dainai, idia na asi edia dala bae aniani.
MAR 3:21 Varavarana ese ia harina e kamonai, bena idabai-taona ela, eto, Ia na vada e kavaia.
MAR 3:22 Itorena taudia Ierusalem amo ema, eto “Ia na mai Beel-sebul” bona “Lauma dikadia biagudia siahuna ai ia ese lauma dikadia e luludia ohomu”.
MAR 3:23 Bena ia ese e boiridia, hereva heḡereḡerena ta e henidia, eto, Satana ese Satana ede baine lulua oho toma?
MAR 3:24 Basileia ta bema parara, una basileia basinema gini diba;
MAR 3:25 bona iduhu ta bema parara, una iduhu basinema gini diba;
MAR 3:26 bona Satana na sibona bema hetuari heni, bema parara; ia na basinema gini, a bema ore.
MAR 3:27 Tau ta ese goada tauna ena ruma ai basine dae kau diba, ena kohu basine dadi diba, ela bona goada tauna do baine ḡuia guna, ma murinai ena ruma kohuna baine dadi.
MAR 3:28 Na hamaoromui momokanimu, na tomu, taunimanima natudia edia kara dika iboudiai bae hegwau tao, bona edia hereva dikadia iboudiai danu;
MAR 3:29 a tau ta ese Lauma Helaḡa dikana baine gwauraia, iena dika na basine hegwau tao, a do baine mia hanaihanai.
MAR 3:30 Badina be idia na e tomava “Ia na mai lauma-dikana”.
MAR 3:31 Gabeamo ia tadina bona sinana ia dekena ela, murimuri ai e gini, bena ta na ia iboirina e siaia.
MAR 3:32 Hutuma ese ia e helaia heḡeḡe, bena idia ese e hamaoroa, eto, Sinamu bona tadimu na unu murimuri ai gigini, oi e tahumumu.
MAR 3:33 Ia na e haere, eto, Sinagu bona tadigu be daidia?
MAR 3:34 Bena e helaia heḡeḡe taudia na e haḡeredia, eto, Sinagu bona tadigu buni:
MAR 3:35 Diravra ena ura e karamu taudia, idia hari tadigu, bona taihugu, bona sinagu.
MAR 4:1 Ia ese kone ai ma e hadibadia lou. Bena hutuma uada na ia dekenai e hebou; taunabunai ia na vanaḡi auta ai e gui gohu ai, bena vanaḡi latanai e helai diho, a taunimanima iboudiai be kone ai nonoho.
MAR 4:2 Ia ese sivarai heḡereḡeredia amo e hadibadia, bona ena hahediba herevadia ai e hamaorodia, eto,
MAR 4:3 A hakala: uhe ihadona tauna ta ese uit iḡiḡirohorohona totona e vareai.
MAR 4:4 Bena e ḡiḡi rohorohova ai na haida dala isena ai e moru, bena manu ese e ani ore.
MAR 4:5 Haida be papapapa ai e moru, tano severana ai; bena e tubu haraḡa, badina be tano na dia uduna.
MAR 4:6 Bena dina e dae, vada e marai bona e kakoro, asi ramudia dainai.
MAR 4:7 Ma haida be ava giniḡini ai e moru, bena ḡiniḡini e tubu badabada, e habubunidia; taunabunai, unu danu asi anidia.
MAR 4:8 A haida be tano namona ai e moru, bena e tubu ḡoevaḡoeva, e dobi, haida toi-ahui, ma haida tauratoi-ahui, ma haida sinahu-ta.
MAR 4:9 Ia eto, Mai taiana tauna na baine hakala.
MAR 4:10 Sibona e nohova ai, e badinaiava taudia bona gwauta-rarua taudiaese una sivarai heḡereḡerena e nanadailaia.
MAR 4:11 Ia ese e haere henidia, eto, Dirava ena basileia herevadia hehunidia na emui ai hehedinararai, a unu murimuri taudia na sivarai heḡereḡeredia amo na hadibadiamu.
MAR 4:12 Taunabunai, E roharohamu, to asie itamu; E hakalamu, to asie kamonaimu: Bae helalo kerehai bona edia dika bae hegwau tao na garina.
MAR 4:13 Ma eto, Ina sivarai heḡereḡerena anina asi dibamui a? Matona sivarai heḡereḡeredia haida ma ede ba diba toma?
MAR 4:14 E ḡiḡi rohoroho tauna ese hereva e ḡiḡia rohoroho.
MAR 4:15 Dala isena ai e moru ḡaudia be taunimanima hereva e kamonaimu ai, Satana na e maimu, hari hereva lalodia ai e hehado na ia ese e abia ohomu.
MAR 4:16 Papapapa ai e moru ḡaudia be taunimanima hereva e kamonaimu ai e moalemu;
MAR 4:17 a idia na asi ramudia, e mia kavamu, bena hereva dainai hisihisi eiava daḡedaḡe e varamu ai, idia na e hekwakwanaimu.
MAR 4:18 Ma ava ḡiniḡini ai e moru ḡaudia be taunimanima hereva e kamonaimu,
MAR 4:19 a tanobada ena lalo-haguhi bona kohu igahusina bona hedibaḡani idau-idau ese hereva e habubuniamu, taunabunai ia na asi huahuana.
MAR 4:20 A tano namona ai e moru ḡaudia be taunimanima hereva e kamonairnu, bena lalodia ai e abia daemu, taunabunai huahuana e dobimu, ta toi-ahui, ta tauratoi-ahui, ma ta sinahu-ta.
MAR 4:21 Ia ese ma e hereva henidia, eto, Lamepa bae mailaia, tohe amo bae karuhia ahu, eiava pata henunai bae laia vareai a? Lasi, lamepa patana ai bae laia kau, ani?
MAR 4:22 Hehuni ḡaudia iboudiai do bae hedinarai; lalo-tao ḡaudia iboudiai do bae gwaurai.
MAR 4:23 Mai taiana tauna na baine hakala.
MAR 4:24 Ma eto, Ba kamonai herevadia na nahuadia ba toho; ba heni hahetohona amo do bae henirnui, ma taidia ma bae ato kau.
MAR 4:25 Badina be mai ena ḡau tauna ena ma bae henia, a asi ena ḡau tauna ena amo miana ḡauna do bae abia oho.
MAR 4:26 Ia eto, Dirava ena basileia na tau ta na heto, uit uhedia na uma ai ella ḡiḡi rohorollo.
MAR 4:27 Bena hanuaboi ai e mahuta, dina ai e noga, a unu uhe na sibodia tuhutuhudia e tubu, ta na edia tubu dalana asi dibana.
MAR 4:28 Tano sibona anina e havaraiamu, tuhutuhuna na guna, murinai na peka, gabeai anina peka lalonai.
MAR 4:29 A anina baine lo, vada baine utua, badina be taboro negana bunai.
MAR 4:30 Ma eto, Dirava ena basileia na dahaka ai baita haheḡereḡerea? Sivarai heḡereḡerena edehetomana ai baita hahedinaraia?
MAR 4:31 Ia na sinapi nadinadina ta na heto, tano ai e hadoamu negana ai tanobada uhedia iboudiai ia mo sibona maraḡi-maraḡi herea.
MAR 4:32 To e hadoamu, bena e tubumu, ela bonaaniani avadia iboudiai e tubutanimu, rigina danu e badamu, bona atai manudia ese ikerukeruna ai laḡadia e animu.
MAR 4:33 Sivarai heḡereḡeredia unuhetomadia diaḡau amo ia ese e hadibadiava, edia kamonai heḡereḡerena.
MAR 4:34 Sivarai heḡereḡeredia amo e hadibadiava; a ena hahediba mo sibodia ediai hereva iboudiai anidia e hahedinaraiva.
MAR 4:35 Una dina kerekerena ai, ia ese ena hahediba e hamaorodia, eto, Gohu unukahana aita heau hanai.
MAR 4:36 Bena ia ese hutuma e rakatanidia, idia ida vanaḡi ai e gui. Vanaḡi haida ese e bamodia.
MAR 4:37 A lai gubana ta ediai e kau, bona hurehure vanaḡi ai e roho uda, bena mokona e mutu.
MAR 4:38 A ia na vanaḡi gabenana ikurena ai e hekwina, e mahuta. Bena e haoa, eto, Hahediba taumu e, be maloadamu to laloamu a?
MAR 4:39 Bena ia e tore isi, lai e gwaua tao, bona hurehure e gwau heni, eto, A gaima! Bena lai e doko, e gaima.
MAR 4:40 Bena e gwau henidia, eto, Dahaka dainai o garimu? Edeheto asi emui abidadama?
MAR 4:41 A idia na e gari dikadika, e hereva heheni, eto, Ina lai bona hurehure ese erena e kamonaimu tauna be daika?
MAR 5:1 Idia na gohu unukahana ai, Gerasa taudia edia tano ai, eha kau.
MAR 5:2 Bena vanaḡi amo dihona ai lauma dikadia ese e boloa tauna ta midava amo ia dekenai e lasi.
MAR 5:3 Ena noho gabuna korikori be midava; tau ta ia iḡuina asi dibana, auri gadeana danu dia heḡereḡere.
MAR 5:4 Badina be nega momo auri bona gadea amo e ḡuiava, to gadea bona auri e hamotuva; ta asi goadana ia baine hamanadaia.
MAR 5:5 Hanuaboi ai, dina ai, ia na midava ai bona ororo ai e lolova, bona nadi amo sibona e heivava.
MAR 5:6 Ia ese Iesu dauhai e itaia, bena e heau, e toma henia diho,
MAR 5:7 e lolo mai gao badana ida, eto, Iesu e, Dirava Herea Mikamika Natuna e, egu ai dahaka bo karamu? Dirava ladana ai na hamaoromumu, basio hahisigu.
MAR 5:8 Badina be Iesu ese vada e hereva henia, eto, Lauma dika e, ena tau ena amo a raka lasi.
MAR 5:9 Bena Iesu ese e nanadaia, eto, Oi ladamu be daika? Ia na e haere, eto, Ladagu na Tuari Oreana; badina be ai na hutuma.
MAR 5:10 Bena e noia goadagoada, una tano amo basine luludia lasi.
MAR 5:11 Una ororo ḡabana ai, boroma seri badana ta e nuanuava.
MAR 5:12 Bena idia ese e noia, eto, Ba siaimai, boroma lalodiai baia vareai.
MAR 5:13 Bena e siaidia. Taunabunai, lauma dikadia na e lasi, boroma lalodiai e vareai; bena seri idoinai hagahaga amo e rourou hekei gohu ai, iboudiai na daha-rua sisivana; bena gohu ai e maloa bou.
MAR 5:14 A ireḡudia taudia na e heau, hanua lalonai bona uma gabudia ai harina e piua. Bena taunimanima e aru ela, e vara ḡauna bae itaia eto.
MAR 5:15 Bena Iesu enai e kau, hari lauma dikadia ese e boloa tauna e itaia, e helai mai dabuana bona mai darana; bena idia na e gari.
MAR 5:16 A kara e itaia taudia ese kava tauna sivaraina bona boroma sivaraidia e hamaorolaidia;
MAR 5:17 bena idia ese Iesu e noia, edia tano amo baine raka oho eto.
MAR 5:18 Ia na vanaḡi ai e guiva ai, lauma dikadia ese e rakatania tauna ese ia e noia, baine bamoa eto.
MAR 5:19 To e gwaua tao, eto, Emu ruma taudia ba lou henidia, Dirava ena kara bona ena hebogahisi emu ai ba hamaorolaidia.
MAR 5:20 Bena ia na ela, Hanua Gwauta tanona idoinai Iesu ena kara ienai e harorolai; taunabunai taunimanima iboudiai e hoa.
MAR 5:21 Iesu vanaḡi ai ma e gui, e heau hanai, gohu kahana ai ma eha kau, bena hutuma bada ia dekenai ma e hebou kone ai.
MAR 5:22 Dubu biaguna ta, ladana lairo, ela, Iesu e itaia, bena aena badinai e goru diho,
MAR 5:23 e noia goadagoada, eto, Natugu kekenina vada be masemu: mani aitala, enai ba dau kau, bena baine mauri.
MAR 5:24 Raruosi ela, bena hutuma bada ese ia murinai e raka, e rakaia biribiri.
MAR 5:25 Hahine ta, ena gorere na rara moru, laḡani gwauta-rua unu e goreretomava:
MAR 5:26 muramura taudia ese e hahisihisiava bona idume ai ena kohu vada e ore, a ia na se namova, ena gorere na e bada e laova.
MAR 5:27 Ia ese Iesu sivaraina e kamonai, bena hutuma bogaragidiai ia murinai e raka, ena dabua ai e dau kau.
MAR 5:28 Badina be ia eto, Ena dabua ai mo bama dau kau bena bama mauri.
MAR 5:29 Bena ena rara moru vada e doko, bona tauna ai mamina e abia ena gorere vada e namo.
MAR 5:30 A Iesu be dibana hahemauri siahuna na iena amo vada e lasi, bena hutuma bogaragidiai e gini kerehai, e henanadai, eto, Daika ese e daugu toho?
MAR 5:31 Ena hahediba e haere, eto, Hutuma e raka hesedehesedemu o itadiamu, matona o henanadaimu, o tomu “Daika ese e daugu toho?”
MAR 5:32 A ia na e roharoha, enai e dau kau tauna e tahua.
MAR 5:33 Hahine na enai e vara karana dibana, bena mai garina bona mai heudeheudena ida ia vairanai e goru diho, ena kara e hamaorolaia.
MAR 5:34 Iesu ese e hamaoroa, eto, Natugu e, emu abidadama ese e hamaurimu; mai mainomu ida aola, emu gorere vada eme doko vaitani.
MAR 5:35 Ia dounu e herevava ai, dubu biaguna ena ruma amo hereva ta e mailaia, eto, Natumu vada eha mase; dahaka dainai hahediba tauna doini o haturiaiamu?
MAR 5:36 A Iesu ese una hereva e dadaraia, bona dubu biaguna e hereva henia, eto, Asio gari, bavabidadama henigu.
MAR 5:37 Bena ia ese e gwaudia tao, basie bamoa, a Petro bona lakobo bona Ioane, Iakobo tadina, idia tatoiosi mo.
MAR 5:38 Dubu biaguna ena ruma ai e kau, taunimanima e itadia, e helogoheloḡova, e tai lolova.
MAR 5:39 Bena ruma lalonai e raka vareai, e hamaorodia, eto, Dahaka dainai o heloḡoheloḡomu bona o taitaimu? Kekeni na se mase, ia na mahuta.
MAR 5:40 Idia ese e kirikirilaia. A ia ese e doridia lasi, bena kekeni tamana bona sinana bona ia mai barnona tatoiosi ida kekeni ena hekure gabuna ai e raka vareai.
MAR 5:41 Bena ia ese kekeni imana e abia, e hereva henia, eto, Talita kumi, (anina be “Kekeni e, na haḡanimumu, a tore isi”).
MAR 5:42 Bena kekeni na maoromaoro e tore isi, e raka eva-eva. Ia laḡanina na gwauta-rua. Iboudiai e hoa dikadika.
MAR 5:43 Bena ia ese etamanudia, sivarai basie piua eto. Bona e hamaorodia, kekeni ana bae henia.
MAR 6:1 Unu amo e tore isi, ena hahediba ida ena hanua korikori ela.
MAR 6:2 Dina Helaḡa ai ia ese dubu ai ma e hadibadia matama; bena e kamonai taudia iboudiai e hoa, eto, Ina tau na ini ḡau ede amo e abi? Ena aonega danu daika ese e henia? Bona ini siahu karadia ia imana amo e karamu na edeheto?
MAR 6:3 Ia na dia kamuta tauna natuna a? Ia na dia Maria natuna, lakobo bona losef bona Iuda bona Simona kakadia a? Ia taihuna danu padadai dia nonoho a? Bena lalodia na e hekwakwanai ia dainai.
MAR 6:4 Bena Iesu eto, Peroveta tauna na bae matauraia, a ena hanua korikori ai bona varavarana bogaragidiai bona ena ruma ai mo basie matauraia.
MAR 6:5 Unuseni ai kara siahudia ikaradia na asi dibana; gorere taudia ta ta mo e daudia toho, e hamauridia.
MAR 6:6 Ia na e hoa bada, badina be idia na asi edia abidadama. Gabeamo ia ese hanua maraḡidia ai e loaloava, e hahedibava.
MAR 6:7 Bena ia ese gwauta-rarua taudia e boiridia, rarua rarua arno e siaidia; bona siahu e henidia, lauma dikadia bae luludia lasi.
MAR 6:8 Bona e tamanudia, laolao kohudia haida basie abi kau: itotohi mo bae abi, a moda bona aniani bona moni vainana basie abi kau;
MAR 6:9 tamaka bae abi, a hahedoki rua basie hahedoki eto.
MAR 6:10 E hamaorodia, eto, Ba dae kau rumana ba noho henia, ela bona una hanua ba rakatania.
MAR 6:11 A gabu ta ai basie abimui dae bona eremui basie kamonai, ba rakatania negana ai na aemui ḡahudia bavatu-atuoho, idia ihahebadelaidia.
MAR 6:12 Bena idia na vada ela, e harorova, taunimanima ihahelalokerehaidia;
MAR 6:13 Bona lauma dikadia diaḡau e luludia lasi; gorere taudia hutuma danu dehoro e dahulaidia, e hamauridia.
MAR 6:14 Herod Ḡaubada ese ini hereva e kamonai, badina be Iesu ladana e perea rohorohova. Haida eto, Ioane Bapatiso mase amo vada e tore isi, taunabunai ini siahu karadia e karamu.
MAR 6:15 Ma haida eto, Ina na Elia. Ma haida eto, Ina na peroveta tauna ta, peroveta gunadia heḡereḡeredia.
MAR 6:16 A Herod na e kamonai, bena ia eto, Hari Ioane, kwarana na utua oho tauna, na mase amo vada e tore isi reana.
MAR 6:17 Badina be Herod na vada e hesiai, Ioane e dabaia tao, dibura rumana ai e koua, e tahahaia hahinena Herodia, ia kakana Filipo adavana, dainai.
MAR 6:18 Badina be Ioane ese Herod vada e hamaoroa, eto, Oi ese kakamu adavana o tahahaia na o kereremu.
MAR 6:19 Taunabunai, Herodia ese e badu heniava, ia ialana urana e urava; to asi ena dala.
MAR 6:20 Badina be Herod ese Ioane magigina e magigiva, dibana ia na kara maoromaoro bona helaḡa tauna, una dainai ia ese e naria namonamova. Bona erena e kamonaiva negadia ai na lalona e hekwarahiva, to e kamonai henia loulouva mai moalena ida.
MAR 6:21 Herod ena vara dinana ilalolaina ariana badana ta e karaia; hanua lohiadia bona tuari biagudia bona Galilea tau-badadia e vavedia.
MAR 6:22 Herodianatuna haneulatona ese idia vairadiai e mavaru; bena Herod mai ena vadivadi iboudiai e moale bada, bona Ḡaubada ese haneulato e hamaoroa, eto, Emu ura ḡauna ba gwauraia be baina henimu.
MAR 6:23 Mai gwauhamata hereva metauna ida e hereva henia, eto, Emu ura ḡauna, ena be egu basileia kahana, to baina henimu.
MAR 6:24 Bena haneulato na e raka lasi, sinana e nanadaia, eto, Dahaka baina gwauraia? Ia na e haere, eto, Ioane Bapatiso kwarana.
MAR 6:25 Bena haneulato na e heau vareai, Ḡaubada e hamaoroa, eto, Lau na uramu Ioane Bapatiso kwarana harihari a henigu dihu ai.
MAR 6:26 Bena Ḡaubada lalona e hisihisi, to ena gwauhamata dainai, bona ena vadivadi hehelai daidiai, ena hereva ihalouna na asi dalana.
MAR 6:27 Taunabunai, Ḡaubada ese ena tuari tauna ta e siaia, e haḡania, kwara na baine mailaia. Bena ia na ela, Ioane kwarana dibura rumana ai e utua oho.
MAR 6:28 Kwarana na dihu ai e udaia, e laohaia, haneulato e henia; bena haneulato ese sinana e henia.
MAR 6:29 Ena hahediba e kamonai, bena idia na ela, tau-anina eha abia, vada eha ḡuria.
MAR 6:30 Aposetolo taudia na Iesu dekenai ma e hebou lou, edia kara iboudiai bona edia hahediba herevadia idoidiai e hamaoroa.
MAR 6:31 Bena ia ese e hamaorodia, eto, Gabu ḡaḡaena ta aitala, laḡada baita ani. Badina be hutuma ini e laova unu e maiva, taunabunai asi edia nega bae aniani.
MAR 6:32 Bena vanaḡi ai e gui, e heau hehuni, gabu ḡaḡaena ta ela.
MAR 6:33 A haida ese e laova ai e itadia, bena hutuma na hanua iboudiai amo tano ai e heau bou heau bou ela, una gabu eha guna henia.
MAR 6:34 Dihona ai Iesu ese hutuma bada e itadia, bona e bogadia hisi, e kara mamoe asi ireḡudia na heheto. Bena e hadibadia.
MAR 6:35 Adorahi ai, ena hahediba ia dekena ela, eto, Ina na gabu ḡaḡaena, bona dina be dihomu;
MAR 6:36 boma siaidia, uma gabudia ai bona hanua lalodiai adia bema ha hoi.
MAR 6:37 A ia ese e haere henidia, eto, Umui ese adia ba henidia. Idia eto, Be, ai na dollar ruahui davana anianidia na baia ha hoi baia henidia a?
MAR 6:38 Ia eto, Emui aniani ḡaudia be hida? Aola, a itaia. Eha itaia, bena e hamaoroa, eto, Ima, bona gwarume rua.
MAR 6:39 Ia ese e haduadia, taunimanima iboudiai na masia ai bae helai helai diho.
MAR 6:40 Taunabunai, idia na sinahu sinahu amo bona imahui imahui amo e helai ere-ere.
MAR 6:41 Bena ia ese aniani ḡaudia imaosi bona gwarume ruaosi a abi, guba ai e gaga dae, e hanamoa; bena aniani e baki sisi, ena hahediba e henidia, bae heni hagauhagau; gwarume ruaosi danu unu e kara toma.
MAR 6:42 Iboudiai e aniani, bogadia e kunu.
MAR 6:43 Bena aniani bona gwarume bahudia e habou, bosea gwauta-rua e hahonu.
MAR 6:44 Aniani e ani taudia na daha-ima reana.
MAR 6:45 Unu amo ia ese ena hahediba e haduadia, vanaḡi ai bae gui, bae guna, Betesaida baela. A ia be aru taudia baine siaidia karoho eto.
MAR 6:46 E hatonidia, bena ororo ai e dara dae, ḡuriḡuri totona.
MAR 6:47 Mairumairu ai, vanaḡi na gohu bogaraginai, a ia sibona tano ai.
MAR 6:48 Ia ese e itadia, lai vairadia amo ema, e baraia hekwarahiva. Bena kokoroku e tai, ia ese e lao henidia, gohu kopina amo e raka ela, e kara vanaḡi baine rakaia hanai na heto.
MAR 6:49 Bena idia ese gohu kopina ai rakana ai e itaia, idia banava laulau ta eto, bena e lolo dagu;
MAR 6:50 badina be iboudiai ese e itaia, bona kudoudia e hetaha. A ia ese e hereva henidia, eto, A boga auka, ina na lau, asio gari.
MAR 6:51 Vanaḡi ai e dae, bena lai e doko. Idia na laumadia e daure,
MAR 6:52 badina be una anibou anina do asie laloa davari, lalodia na duduhu dainai.
MAR 6:53 Idia na e heau hanai, Genesaret konena ai e toa.
MAR 6:54 Bena dihodia ai taunimanima vada dibadia Iesu.
MAR 6:55 Bena idia ese una tano idoinai goreredia na e huadia lao, Iesu ena noho gabuna e laohaidia.
MAR 6:56 Bona e loa henidia gabudia iboudiai, hanua maraḡidia ai bona hanua badadia ai bona uma gabudia ai, idia ese gorere taudia ariara ai bona dala ai e atodia; bena e noia, ena dabua isena ai mo bema dau kau. Bena e dau kau taudia na vada e namo.
MAR 7:1 Farisea taudia bona itorena taudia haida Ierusalem amo ela, ia dekenai e hebou.
MAR 7:2 Bena ena hahediba haida e itadia, imadia asie huri, mai mirodia ida e anianiva.
MAR 7:3 Hari Farisea taudia bona Iuda taudia iboudiai edia kara be imadia basiema huri ḡoevaḡoeva basiema anialli, sene edia taravatu dainai;
MAR 7:4 bona hoihoi gabuna amo e maiva, e hoi ḡaudia basiema huri na basiema ani: bona taravalu momo e badina: nau bona uro bona hodu ihuridia taravatudia.
MAR 7:5 Taunabunai, Farisea taudia bona itorena taudia ese e nanadaia, eto, Badina be dahaka emu hahediba ese sene edia taravatu asie badinamu, imadia asie hurimu vada e anianimu?
MAR 7:6 Ia na e haere, eto, Koikoi taumui e, momokani Isaia ese umui e gwauraimui, ini e torea toma, Ina bese ese bibinadia ai e imodaigumu, A lalodia be dauha veravai.
MAR 7:7 E toma henigu diho kavamu. A edia hahediba herevadia na taunimanima edia taravatu mo.
MAR 7:8 Badina be umui ese Dirava ena haheḡani o dadaraiamu, a taunimanima edia taravatu o baduna tarika-tarikamu.
MAR 7:9 Ma eto, Momokani, umui ese Dirava ena haheḡani o lalo negemu, senemui edia taravatu ilalo-taodia helaoreana.
MAR 7:10 Badina be Mose eto, Tamamu sinamu ba matauraidia, bona, Tama sina iuduguiraidia tauna na bavalaia mase.
MAR 7:11 To umui o tomamu, Tau ta ese tamana eiava sinana baine hamaoroa, baineto, “Ina egu kohu ese bema hanamomu, to vada Kobana” (anina be “Dirava ena helaḡa ḡauna’),
MAR 7:12 una tau ese tamana sinana basine harihari henidia o tomu.
MAR 7:13 Unu amo umui ese senemui herevadia amo Dirava ena hereva o utuamu. Bona kara unuhetomadia diaḡau o karamu.
MAR 7:14 Bena ia ese aru taudia e boiridia lou, eto, Iboumui ai mani a kamonai, ba diba:
MAR 7:15 murimuri amo e domu daemu ḡaudia na tau lalona basine hadikaia, a lalona amo e lasimu ḡaudia ese bae hadikaia.
MAR 7:16 Mai taiana tauna na baine hakala.
MAR 7:17 Ia ese hutuma e rakatanidia, ruma ai e raka vareai; bena ena hahediba ese una hereva heḡereḡerena e nanadailaia.
MAR 7:18 Bena ia ese e haere henidia, eto, Umui danu lalomui asie pararamu a? Asi dibamui murimuri amo e domua daemu ḡauna na dia hahedika ḡauna a?
MAR 7:19 Badina be lalona ai se vareaimu, a bogana ai mo e vareaimu, bena inegena gabuna e laomu. Ina hereva e gwauraia, aniani ḡaudia iboudiai ḡoevadia e gwaurai.
MAR 7:20 Ma eto, Lalona amo e daemu ḡaudia hari, taunimanima e hadikadiamu.
MAR 7:21 Badina be tau lalona amo bona darana amo lalo-hadai dikadia, matabodaga,
MAR 7:22 henao, ala-ala, heuda-hanai, heḡahusi, kara dikadia, koikoi, lebulebu, mata-dika, hahebade koikoi, hekokoroku bona kara kava e daemu:
MAR 7:23 ini dika iboudiai na tau lalona amo e daemu, bona e hadikaiamu.
MAR 7:24 Unu amo e tore isi, Turo bona Sidono kahadia ela. Ruma ta ai e dae, ena ura be tau ta basine diba; to asi ena komu dalana.
MAR 7:25 A hahine ta natuna kekenina na lauma dikana ese e boloa, bena ia harina e kamonai ai na maoromaoro ela, aena badinai e goru diho.
MAR 7:26 Ia na hane Helene, Suro-fenise hahinena; bena e noia, lauma dikana na hari kekeni ena amo iaese baine lulua oho.
MAR 7:27 A ia ese e hereva henia, eto, Ruma memerodia bogadia bae kunu guna; badina be dia maoro memero adia bae abia, sisia bae taho henidia.
MAR 7:28 Hahine na e haere, eto, Lohiabada e, momokani; to sisia-sisia be pata henunai memero adia aniani momorudia e animu.
MAR 7:29 Bena ia ese hahine ma e hereva henia, eto, Emu hereva dainai vada aola: lauma dikana na natumu ena amo vada e lasi.
MAR 7:30 Bena hahine na ena ruma ela, kekeni na mahuta patana ai hekurena ai e davaria, a lauma dikana vada e lasi.
MAR 7:31 Bena Turo tanona e rakatania, Sidono bona Hanua Gwauta tanodia e rakadia hanai, Galilea gohuna amo e lasi.
MAR 7:32 Bena haida ese taia-kudimabona lanalana tauna ta ia dekena e hakaua lao, e noia, imana na ia tubuana ai baine ato kau.
MAR 7:33 Iesu ese hutuma lalona arno e hakaua siri, kwaki-kwakina taiana ai e toi vareai, bona kanudina malana e dahulaia.
MAR 7:34 Bena guba ai e roha dae, e ḡanaḡana, eto, Efata (anina be “A kirara”).
MAR 7:35 Bena taiana e kirara, malana e maoro, e hereva ḡoevaḡoeva.
MAR 7:36 Ia ese e tamanudia, tau ta basie hadibaia, to ena hetamanu na asie kamonai, a harina e piua rohoroho.
MAR 7:37 Idia na e hoa dikadika, eto, Ia ese ḡau iboudiai e kara ḡoevagoevamu; taia-kudima taudia e hakamonaidiamu, bona mu taudia e haherevadiamu.
MAR 8:1 Unu dinadia ai hutuma bada na Iesu dekenai ma e hebou lou, bona asi adia, bena ia ese ena hahediba e boiridia, e hamaorodia, eto,
MAR 8:2 Aru taudia na name bogadia hisi, badina be idia na dina toi dekegu ai bona asi adia.
MAR 8:3 Mai hitolodia ida edia ruma ai bama siaidia na dala ai bema manori; haida na gabu daudau amo vada ema.
MAR 8:4 Ena hahediba e haere, eto, Be, tano ḡaḡaena ai ini hutuma adia ede baita abia toma?
MAR 8:5 Bena e nanadaidia, eto, Amui aniani ḡaudia na hida? Idia eto, Hitu.
MAR 8:6 Bena ia ese hutuma na e hamaorodia, tano ai bae helai helai diho. Bena aniani ḡaudia hituosi e abi, e hanamoa; bena aniani e baki sisi, ena hahediba e henidia, bae dabaraia; bena idia ese hutuma vairadiai e atoa.
MAR 8:7 Mai adia gwarume-gwarume ta ta danu, bena e hanamoa, ma e henidia, bae dabaraia.
MAR 8:8 Idia na e aniani, bogadia e kunu, bona bahu bosea hitu e gogo.
MAR 8:9 Idia na daha-hani sisivana. Bena e siaidia karoho.
MAR 8:10 Bena ena hahediba ida vanaḡi ai ma e gui, Dalmanuta tanona ela.
MAR 8:11 Farisea taudia e lasi, ia ida e hepapahuahu matama, e dibaḡania, guba amo toa ta e tahua.
MAR 8:12 Bena e hahodi mai lalo-hisihisina ida, eto, Badina be dahaka ina uru ese toa e tahuamu? Na hamaoromui momokanimu, toa ta ina uru basina henidia.
MAR 8:13 Bena e rakatanidia, e gui lou, e heau hanai gohu kahana ai.
MAR 8:14 Hahediba ese flaoa e lalo boio, tamona mo vanaḡi ai e abia kau.
MAR 8:15 Bena e tamanudia, eto, Matamui bae papa, Farisea taudia bona Herod ena orea taudia edia hatubu ḡauna na garina nahuamui ba toho.
MAR 8:16 Idia na sibodia e hereva heheni, eto, Badina asi ada.
MAR 8:17 Iesu na dibana, bena e gwau henidia, eto, Dahaka o hereva hehenilaimu asi amui dainai? Doini asi dibamui a? Lalomui na do asie pararamu a? Lalomui na doini duduhu a?
MAR 8:18 Mai matamui, to asio itamu a? Mai taiamui, to asio kamonaimu a?
MAR 8:19 Asio helalo unemu a? Aniani ḡaudia imaosi na baki sisi, daha-imaosiiubulaidia, bahudia na bosea hida o hahonu? Idia eto, Gwauta-rua.
MAR 8:20 Bonahituosi na baki sisi, daha-haniosi iubulaidia, bahudia na bosea hida o hahonu? Idia eto, Hitu.
MAR 8:21 Bena ia ma eto, Mato: lalomui na doini asie pararamu a?
MAR 8:22 Betesaida ai e kau. Bena haida ese mata-kepulu tauna ta ia dekenae hakaua lao, e noia, enai baine dau kau.
MAR 8:23 Bena ia ese mata-kepulu taunaimana e abia, hanua murimurinai e hakaua lasi; bena matana e kanudidia, imana tauna ai e dau kau. Bena e nanadaia, eto, Ḡau o itamu a?
MAR 8:24 Ia na e roharoha, eto, Taunimanima na itadiamu, au na heheto, to e loamu.
MAR 8:25 Imana na matana ai ma e dau kau lou; bena ma e roharoha, vada e namo, ḡau iboudiai e ita ḡoevaḡoeva.
MAR 8:26 Bena ena ruma e siaia lao, eto, Hanua lalona amo basiola.
MAR 8:27 Iesu mai ena hahediba ida Kaisarea Filipi hanuadia ela, bona dala ai ia ese ena hahediba e nanadaidia, eto, Taunimanima be dahaka e tomamu, lau be daika?
MAR 8:28 Idia na e haere, eto, O haida be Ioane Bapatiso e tomamu, a haida be Elia, ma haida peroveta tauna ta.
MAR 8:29 Ma e nanadaidia, eto, A umui be dahaka o tomamu, lau be daika? Petro ese e haere henia, eto, Oi na Keriso.
MAR 8:30 Bena ia ese e tamanudia, ia herevana na tau ta basie hamaoroa.
MAR 8:31 Bena e hadibadia matama, Taunimanima Natuna na hisihisi diaḡau do baine ani, hanua tau-badadia bona hahelaḡa taudia bona itorena taudiaese do bae dadaraia bona bae alaia mase; a dina toi baela ia na baine tore isi lou.
MAR 8:32 Ina hereva e gwauraia hedinarai. Bena Petro ese e hakaua siri, e gwau henia matama.
MAR 8:33 A ia na e gini kerehai, ena hahediba e haḡeredia; bena ia ese Petro e gwau henia, eto, Satana e, murigu kahana aola, badina be emu lalo-hadai na dia Dirava ena, a taunimanima edia.
MAR 8:34 Ia ese aru taudia e boiridia, bona ena hahediba danu, bena e hamaorodia, eto, Tau ta iḡavagu uraula baine ura, ia na sibona baine hedadarai, ena satauro baine abia isi, lau murigu ai baine raka.
MAR 8:35 Badina be ena mauri e dogoa taomu tauna cse mauri baine reaia; a lau daigu ai bona sivarai namo dainai ena mauri baine negea tauna ese mauri baine abia.
MAR 8:36 Tau ta tanobada idoinai baine abia, to ena mauri baine reaia, dahaka namona ia enai?
MAR 8:37 Bona tau ta dahaka baine heni ena mauri davana?
MAR 8:38 Taunimanima ta ese lau daigu ai eiava egu hereva daidiai baine hemarai, ina heuda-hanai bona kara-dika uruna vairadiai, Taunimanima Natuna ese ia dainai baine hemarai, aneru helaḡadia ida Tamana hairaina ai baunema negana ai.
MAR 9:1 Ma e hamaorodia, eto, Na hamaoromui momokanimu, haida o ini gigini na basie mase, ela bona Dirava ena basileia mai siahuna ida baine kau bae itaia.
MAR 9:2 Dina tauratoi vada ela, Iesu ese Petro bona Iakobo bona Ioane e abidia hidi, ororo badana ta ai e hakaudia dara. Bena idia vairadiai ia vairana e idau;
MAR 9:3 bona ena dabua e hururuhururu kuroka-kuroka, tanobada ai dabuai hurina tauna ese unu basinema hakurokuroa toma.
MAR 9:4 Bena Elia bona Mose idia vairadiai e hedinarai, Iesu ida e hereva-hereva.
MAR 9:5 Bena Petro ese Iesu e hereva henia, eto, Hahediba taumu e, ita iniseni ai ta nohomu be namo herea; mani kalaga autoi aia kara, auta oiemu, auta Mose ena, auta Elia ena.
MAR 9:6 Badina be ede baine hereva toma asi dibana, gari ese e butudia tao dainai.
MAR 9:7 Bena ori ta ese e ḡovadia ahu, bona ere ta ori lalona amo ema, eto, Ina na Natugu, egu lalokau, ia erena ba kamonai.
MAR 9:8 Idia na e roharoha, to tau ta asie itaia, Iesu mo idia ida.
MAR 9:9 Ororo amo e hekeiva ai ia ese e tamanudia, e ita ḡaudia na tau ta basie hamaorolaia, ela bona Taunimanima Natuna na mase arno baine tore isi lou.
MAR 9:10 Idia ese ina hereva e lalo-hadailaiava; bena e henanadai heheni, ina mase tore-isi lou herevana be dahaka?
MAR 9:11 Bena idia ese e nanadaia, eto, Badina be dahaka itorena taudia e tomamu Elia na do bainema guna?
MAR 9:12 Ia na e haere, eto, Momokani, Elia na vada ema guna, ḡau iboudiai ihamatamatadia: a Taunimanima Natuna herevana na ede e torea toma, hisihisi diaḡau baine ani, bona bae dadaraia?
MAR 9:13 A na hamaoromuimu, Elia na vada ema, bona edia ura karadia ienai vada e kara vaitani, e tore guna herevadia heḡereḡeredia.
MAR 9:14 Ena hahediba ediai e kau ai, e itadia, hutuma ese e ginidia heḡeḡe, bona itorena taudia idia ida e hepapahuahu.
MAR 9:15 Bena aru taudia ese ia e itaia, e hoa, bena dckena e heau kau, e hanamoa.
MAR 9:16 Iesu ese e nanadaidia, eto, Idia ida dahaka o herevalaiamu?
MAR 9:17 Bena hutuma bogaragidia amo tau ta e haere, eto, Hahediba taumu e, lau natugu na oi dekemu na mailaia, badina be mu laumana ese e boloamu:
MAR 9:18 e butua taomu gabuna ai e hekwadiraimu, uduna e gwara-gwaramu, gadigadina e halledaimu; bona tauna e varodamu. Lau ese emu hahediba na noidia, lauma na bae lulua lasi, to idia na asi dibadia.
MAR 9:19 Bena Iesu ese e gwau henidia, eto, Asi emui heabidadama uruna, lau na dekemui ai baina noho ela bona edena nega ai? Baina haheauka henimui ela bona edena nega ai? A mailaia.
MAR 9:20 Ia dekena e laohaia; bena lauma ese Iesu e itaia, bena mero e hatororo-tororoa, tano ai e hekwadirai, e heḡuduḡudu, uduna e gwara-gwara.
MAR 9:21 Iesu ese tamana e nanadaia, eto, Edena nega ai e matamaia? Ia eto, Maraḡina negana ai;
MAR 9:22 bona nega momo lahi ai e tahoa kauva, ranu ai e tahoa dobiva, aine hamasea e tomava. Bema iḡaukaralaina mai dibamu, mani boma bogamai hisi, boma kahamai.
MAR 9:23 Iesu eto, Bema iḡaukaralaina mai dibagu o tomu. Abidadama tauna na ḡau iboudiai ikaradia dibana.
MAR 9:24 Bena mero tamana e lolo, eto, Lau be vada na abidadama; egu abidadama maraḡi-maraḡi ame kahaia.
MAR 9:25 Iesu ese aru taudia e itadia, idia na be heau hegogomu, bena ia ese una lauma dikana e gwau henia, eto, Mu bona taia-kudima laumana, na haḡanimumu, iena amo a raka lasi, bona ia lalonai basio vareai lou.
MAR 9:26 Bena mero na e lolo, e helapuroro, bena vada e lasi. A mero na mase tauna na heto, taunabunai hutuma banava vada e mase vaitani eto.
MAR 9:27 A Iesu ese ia imana e abia, e veria tore, bena vada e gini.
MAR 9:28 Ruma ai e raka vareai negana ai na ena hahediba cse e nanadaia, eto, Badina be dahaka ai ese ilulu-ohona asi dibamai?
MAR 9:29 Ia eto, Inihetomanana ilulu-ohona dalana ta lasi, ḡuriḡuri mo sibona.
MAR 9:30 Una gabu e toretania, Galilea tanona amo e raka hanai. Ena ura be ta basine diba;
MAR 9:31 Badina be ena hahediba e hadibadiava, eto, Taunimanima Natuna na taunimanima ediai taona bae torea, bae alaia mase, a dina toi baela ia na baine tore isi lou.
MAR 9:32 A idia na lalodia asie parara, bona inanadaina danu e gari.
MAR 9:33 Bena Kaperanaum ai e kau. Ruma lalonai ia ese e nanadaidia, eto, Umui hari dala ai be dahaka o hepapahuahulaia?
MAR 9:34 Idia na asie haere, badina be dala ai sibodia vada e hepapahuahu, daika na herea.
MAR 9:35 Bena ia na e helai diho, gwauta-raruosi e boiridia, e hereva henidia, eto, Baineguna e tomamu tauna na gabe tauna ai bainela, iboudiai isiaidia baine lao heni.
MAR 9:36 Bena ia ese mero-mero ta e abia, bogaragidiai e haginia, e rosia, eto,
MAR 9:37 Lau ladagu ai mero-mero inihetomana ta e abia daemu tauna ese lau danu e abigu daemu, bona lau e abigu daemu tauna ese dia lau mo to lau e siaigu Diravana danu e abia daemu.
MAR 9:38 Ioane ese e hamaoroa, eto, Hahediba taumu e, ai na tau ta a itaia, oi ladamu ai lauma dikadia e luludia; bena a gwaua tao, badina be ia na dia ita bamoda.
MAR 9:39 Iesu eto, Basioma gwaua tao; lau ladagu ai kara siahuna e karaiamu tauna na lau ihadikagu asi dibana.
MAR 9:40 Se laoda ahumu tauna ese e kahadamu.
MAR 9:41 Na hamaoromui momokanimu, ta ese ranu kuri ta baine henimui, umui na Keriso ena dainai, ia na davana ai basine dabu.
MAR 9:42 A ini e abiabiraigumu memero-memerodia ta baine hahekwakwanaia taunana huro badana ta aiona ai bema mataia, davara ai bema negea dobi, bema namo.
MAR 9:43 Imamu ese baine hahekwakwanaimu, ba utua oho: namo mai imamu dokona mauri ai ba vareai, dika mai imamu rua Gehena, lahi se bodomu gabuna, baola.
MAR 9:44 Unuseni ai edia uloulo basine mase, bona lahi na basine bodo.
MAR 9:45 Aemu ese baine hahekwakwanaimu, ba utua oho: namo mai aemu dokona mauri ai ba vareai, dika mai aemu rua Gehena ai bae tahomu dobi.
MAR 9:46 Unuseni ai edia uloulo basine mase, bona lahi na basine bodo.
MAR 9:47 Matamu ese baine hahekwakwanaimu, ba giboa lasi: namo Dirava ena basileia lalonai ba raka vareai mai matamu tamona, dika mai matamu rua Gehena ai bae tahomu dobi.
MAR 9:48 Unuseni ai edia uloulo basine mase, bona lahi na basine bodo.
MAR 9:49 Taunimanima iboudiai na lahi amo bae haḡoevadia.
MAR 9:50 Damena na ḡau namona; a damena basinema tadika-tadika, ede bae hatadikaia toma? Damena lalomui ai bavabia, bona ba noho hebou mai mainomui ida.
MAR 10:1 Ia na unu amo e tore isi, Iudea tano hetoana ela, loridane sinavaina nukahana ai. Hutuma ia dekenai ma e hebou lou, bena vaia ena kara ma e hadibadia.
MAR 10:2 Farisea taudia haida ia dekena ela, e nanadaia hedibaḡani, eto, Tau ta adavana baine hadihoa diba eiava?
MAR 10:3 Ia eto, O Mose ena taravatu be dahaka?
MAR 10:4 Idia eto, Mose egwa “Tau ta hekoho revarevana baine torea, hahine baine henia, bena baine hadihoa”.
MAR 10:5 Iesu ese e haere henidia, eto, Emui lalo-duhu dainai ia ese una taravatu e henimm;
MAR 10:6 a tanobada e havaraiamatama amo Dirava ese maruane bona hahine e karadia.
MAR 10:7 Badina bunai tau ese tamana sinana baine rakatanidia, adavana mo enai baune tao,
MAR 10:8 bena raruosi vada bae tamona na heto. Taunabunai, idia na dia rarua, tau-anidiana vada e tamona.
MAR 10:9 Dirava ese vada e hahekapudia taudia na taunimanima ese basie hapararadia.
MAR 10:10 Ruma lalonai, ena hahediba ese una hereva ma e nanadailaia lou.
MAR 10:11 Bena ia ese e hamaorodia, eto, Adavana baine hadihoa bena hahine ta ma baine adavaia tauna hari heuda-hanai tauna;
MAR 10:12 bona adavana bainedihotania bena tau ta baine adavaia hahinena danu heuda-hanai hahinena.
MAR 10:13 Haida ese natudia ia dekena e laohaidia, ediai baine dau kau eto, to hahediba ese e gwaudia tubu.
MAR 10:14 A Iesu ese e itadia, bena e badu, eto, Ene memero-memero na dekegu aema, asio luludia, badina be enehetomadiana Dirava ena basileia taudia.
MAR 10:15 Na hamaoromui momokanimu, ta ese Dirava ena basileia basine abia mero-mero na heto, ia na unuseni ai basine rakavareai.
MAR 10:16 Bena e rosidia, imana tubuadia ai e dau kau, e hanamodia.
MAR 10:17 Dala amo e laova ai, tau ta e heau ela, ia vairana ai tuina e hadaia, e nanadaia, eto, Hahediba taumu namona e, ede baina kara toma mauri hanaihanai iabina totona?
MAR 10:18 Iesu eto, Dahaka lau namogu o gwauraimu? Ta dia namo, Dirava mo sibona.
MAR 10:19 Taravatu be dibamu: Basio ala-ala; Basio heuda hanai; Basio henao; Basio hahebade koikoi; Basio kara koikoi; Tamamu sinamu ba matauraidia.
MAR 10:20 Ia eto, Hahediba taumu e, ene iboudiai vada na badinadia, maragigu negana amo.
MAR 10:21 Iesu ese e raraia, e ura henia, bena eto, O dabumu ḡauna tamona binai: emu kohu ba ha hoi, ogoḡami taudia ba harihari henidia, guba kohudia hari bavabi. Bena murigu ai bame raka.
MAR 10:22 A ia na una hereva dainai vairana e huaia, e raka oho mai lalo-hisihisina ida, badina be ia nataḡa tauna.
MAR 10:23 Iesu e roharoha, bena ena hahediba e hamaorodia, eto, Taga taudia na Dirava ena basileia lalonai bae vareai, to bae heloge.
MAR 10:24 Idia ese ena hereva e hoalaia; bena Iesu ese ma e hamaorodia lou, eto, Natugu e, kohu e abidadama henimu taudia na Dirava ena basileia lalonai bae vareai, to bae heloge.
MAR 10:25 Kamelo na kobi matuna ai e vareaimu be haraḡa, a taḡa tauna na Dirava ena basileia lalonai baine vareai na mai hekwarahina.
MAR 10:26 Idia na e hoa dikadika, e hereva heheni, eto, Be! Daika mauri baine davaria?
MAR 10:27 Iesu ese e raraidia, eto, Taunimanima ese basie karaia diba, a Dirava hari mai dibana, badina be Dirava na ḡau iboudiai ikaradia dibana.
MAR 10:28 Bena Petro ese e hereva henia matama, eto, Benaini, ai na ḡau iboudiai vada a rakatani, oi vada a gavamu.
MAR 10:29 Iesu eto, Na hamaoromui momokanimu, ta ese ruma eiava tadikakana eiava taihuna eiava sinana eiava tamana eiava natuna eiava tano lau daigu ai bona sivarai namo dainai vada e rakatanidia,
MAR 10:30 ia hari ina nega ai sinahu sinahu be abimu, ruma, tadikakana, taihuna, sinana, natuna, tano, bona hisihisi danu; bona bainema negana ai mauri hanaihanai baine abia.
MAR 10:31 A guna taudia hutuma do bae gabe, bona gabe taudia do bae guna.
MAR 10:32 Idia na Ierusalem dalana ai e laova ai, Iesu matai e raka; idia na ia murinai e raka, e hoa bona e gari. Bena ia ese gwauta-raruosi e boiridiasiri, ienai bae vara ḡaudia iboudiai e hamaorolaidia.
MAR 10:33 Eto, Ita na Ierusalem ta dara daemu, Taunimanima Natuna na hahelaḡa taudia bona ilorena taudia ediai taona bae torea, bena bae revaia, idau bese taudia bac henidia.
MAR 10:34 ldia ese bae gonaḡonalaia, bae kanudia, bae dadabaia, bae alaia mase; a dina toi baela ia na baine tore isi lou.
MAR 10:35 Sebedeo natulla, lakobo bona Ioane, raruosi ia dekena e raka kahi lao, eto, Hahediba taumu e, ai raruosi a uramu baia noimu ḡauna ba henimai.
MAR 10:36 Ia eto, O uramu emui ai dahaka baina kara?
MAR 10:37 Idia eto, Oi hairaimu bavabia negana ai, ai raruosi ta idibamu ai ta laurimu ai baiama helai.
MAR 10:38 A Iesu e haere, eto, O noiamu ḡauna na asi dibamui. Lau baina inua keherena umui danu ba inua a? Bona lau bae bapatisolaigu bapatisona umui danu bae bapatisolaimui a?
MAR 10:39 Idia eto, Oibe. Bena Iesu ese e hamaorodia, eto, Momokani, lau baina inua keherena umui danu ba inua, bona lau bae bapatisolaigu bapatisona umui danu bae bapatisolaimui.
MAR 10:40 To idibagu ai laurigu ai bae helai taudia igwauraidia na dia lau, a unu gabu na e seudia taudia mo edia.
MAR 10:41 Gwautaosi e kamonai, bena idia ese lakobo bona Ioane e badu henidia.
MAR 10:42 A Iesu ese e boiridia, eto, Dibamui, bese idau-idau edia lohia ese e halohiadiamu, bona edia herea taudia ese e haḡanidiamu.
MAR 10:43 To umui na unu asio laloa toma Ta baine lohia e tomamu, ia na isiaimui baine lao heni;
MAR 10:44 bona ta baine herea e tomamu, ia na iboumui ai emui hesiai tauna ai bainela.
MAR 10:45 Badina be Taunimanima Natuna ema, dia haida ese ia isiaina bae lao henia totona, a ia hari idia isiaidia baine lao heni, bona ena mauri baine henia, hutuma ihamauridia.
MAR 10:46 Idia na leriko ai e kau. Bena ena hahediba bona taunimanima hutuma ia ida leriko e rakatania negana ai, Batimeo, mata-kepulu tauna, Timeo natuna, dala isena ai e helaiva, e noi hegameva.
MAR 10:47 Ia ese Iesu, Nasaret tauna, ladana e kamonaia, bena e boi dagu, eto, Iesu e, David natuna e, ame bogagu hisi.
MAR 10:48 Hutuma ese e gwau henia, basine hereva eto; to ia na e boi lou boi lou, eto, David natuna e, ame bogagu hisi.
MAR 10:49 Iesu vada e gini, eto, A boiria. Bena idia ese mata-kepulu tauna e hamaoroa, eto, Asiogari, a tore isi, ia ese e boirimumu.
MAR 10:50 Bena ena hahedoki e dokia oho, e tore isi, Iesu dekena ela.
MAR 10:51 Iesu ese e nanadaia, eto, Dahaka emu ai baina kara? Mata-kepulu tauna e haere, eto, Hahediba taumu e, mataguboma hapapa.
MAR 10:52 Bena Iesu eto, Vada aola: emu abidadama ese vada e hamaurimu. Bena matana vada e papa, Iesu murinai e raka.
MAR 11:1 Idia na e raka ela bona Ierusalem vada e kahira-kahira, Betefage bona Betania ai e kau, Olive ororona ai. Bena Iesu ese ena hahediba rarua e siaidia guna,
MAR 11:2 e hamaorodia, eto, Vairada hanuana aola, bena ba raka vareai gabuna ai doniki natuna ta hemata-kauna ai ba itaia, latanai tau ta do se helai kau. Ba ruhaia, bena ba mailaia.
MAR 11:3 A ta ese baine nanadaimui, baineto “Umui na dahaka o karamu?” umui baoto “Lohiabada ese e ura heniamu, bena ma baine siaia lou haraḡa.”
MAR 11:4 Bena raruosi vada ela, doniki natuna e davaria, ruma ta vairanai e mataia, bena vada e ruhaia.
MAR 11:5 Unuseni ginidia taudia haida ese e nanadaidia, eto, Umui na dahaka dainai ena doniki natuna o ruhaiamu?
MAR 11:6 Bena Iesu ena hereva e hamaorolaidia. Bena vada e kahua nege.
MAR 11:7 Idia ese doniki natuna na Iesu dekena e laohaia, bona edia dabua doruna ai e laha; bena Iesu e helai kau.
MAR 11:8 Bena hutuma ese edia dabua dala ai e laha, bona haida be reta imea ai e utu, dala ai e laha.
MAR 11:9 Bena mata taudia bona gabe taudia e hisi dae, eto, Hosana! Lohiabada ladana ai e maimu tauna aita hanamoa.
MAR 11:10 Seneda David ena basileia vada e maimu aita hanamoa. Atai doriva-dorivana ai hosana.
MAR 11:11 Ia na Ierusalem ai e kau, bena Dubu Helaḡa lalonai e raka vareai, ḡau iboudiai e ita hagau-hagau. Adorahi ai, ia na gwauta-rarua ida e raka lasi, Betania e lou lao.
MAR 11:12 Daba ai Betania amo ma e lou, mai hitolona ida.
MAR 11:13 Bena ia ese suke auna ta mai rauna daudauna ai e itaia, bena huahuana iabina e lao henia, to asi huahuana, rauna mo; badina be suke edia huahua negana na do vairai.
MAR 11:14 Bena Iesu ese e gwau henia, eto, Oi huahuamu na tau ta ese basine ania, harihari ela hanaihanai. Una hereva na ena hahediba ese e kamonai.
MAR 11:15 Idia na Ierusalem ai e kau, bena ia na Dubu Helaḡa ai e raka vareai, hoihoi taudia e luludia lasi, bona moni e senisi taudia edia pata bona pune c hoi taudia edia helai ḡaudia e uhe hebubu,
MAR 11:16 bona kohu lato taudia e gwaudia tao.
MAR 11:17 E gwau henidia, eto, Ini se torea toma, a? Egu ruma na bese loḡora iboudiai edia ḡuriḡuri rumana bae gwauraia; to umui ese dadidadi taudia edia kohua ai vada o halaoa.
MAR 11:18 Hahelaḡa taudia bona itorena taudia ese harina e kamonai, bena ia ialana dalana e tahua; badina be ia garina e gariva, taunimanima iboudiai ese ena hahediba herevadia e hoalaiva dainai.
MAR 11:19 Adorahi iboudiai ia ese hanua badana e rakataniava.
MAR 11:20 Daba ai, raka hanaidia ai, hari suke e itaia, vada e marai vaitani.
MAR 11:21 Petro ese e helalolaia une, eto, Hahediba taumu e, mani a itaia, o gwau henia sukena na vada eme marai vaitani.
MAR 11:22 Iesu eto, Dirava bavabidadama henia.
MAR 11:23 Na hamaoromui momokanimu, ta ese ina ororo baine haḡania, baineto “Ba heraḡa, davara ai ba henege dobi”, bona lalona basine daradara, lalona idoinai baineto e gwauraia ḡauna na do baine hekara, ia ese e gwauraia ḡauna do baine abia.
MAR 11:24 Taunabunai na hamaoromuimu, o uramu ḡaudia iboudiai ḡuriḡuri ai ba noi, lalomui idoidiai baeto bavabi, be vada bavabi.
MAR 11:25 Ḡuriḡuri ai ba gini negadia ai na e hadikamui taudia edia dika ba gvau tao, bena Tamamui guba ai e nohomu ese umui emui dika danu baine gwau tao.
MAR 11:26 A umui ese edia dika basio gvau tao, Tamamui guba ai e nohomu danu emui dika basine gwau tao.
MAR 11:27 Idia na Ierusalem ai ma e kau. Bena ia na Dubu Helaḡa lalonai rakana ai, hahelaḡa taudia bona itorena taudia bona hanua tau-badadia ia dekenaela,
MAR 11:28 e nanadaia, eto, Edena siahu ai ini ḡau o karamu, bona daika ese ina siahu e henimu?
MAR 11:29 Iesu e haere, eto, Lau ese danu umui aina nanadaimui: ba haere henigu, bena lau danu ini ḡau na karalaimu siahuna baina hamaorolaimui.
MAR 11:30 Ioane ena bapatiso na guba amo eiava taunimanima edia amo? Mani aogwa.
MAR 11:31 Idia na sibodia e hereva heheni, eto, Ita baitato “Guba amo”, ia baineto “Matona asio kamonai heniava”.
MAR 11:32 Baitato “Taunimanima edia amo”: to idia na aru taudia garidia e gariva, badina be iboudiai e tomava Ioane na peroveta tauna korikori.
MAR 11:33 Taunabunai idia ese Iesu e haere henia, eto, Asi dibamai. Bena Iesu ese e haere henidia, eto, Lau danu ini ḡau na karalaimu siahuna na basina hamaorolaimui.
MAR 12:1 Ia ese sivarai heḡereḡeredia e gwaurai matama, eto, Tau ta vine imeana e hadoa, maḡuna e ahu, vine imoilaidia gurina e ḡeia, hegima kohorona e haginia. Bena imea ireḡuna taudia e habadinalaidia; bena hanua daudau ela.
MAR 12:2 Huahua negana ai, ia ese ena hesiai tauna ta e siaia lao, imea ireḡuna taudia dekediai vine anidia baine abi.
MAR 12:3 To idia ese e dabaia tao, e dadabaia, ima kavakavana e haloua.
MAR 12:4 Bena hesiai tauna ma ta e siaia, to ia na kwarana e haberoa, bona e hahemaraia.
MAR 12:5 Ta ma e siaia, to e alaia mase. Hutuma ma e siaidia, bena haida e dadabadia, ma haida e aladia mase.
MAR 12:6 Tamona mo noho, ia natu-adorana, ena lalokau; dokona ai ia na dekedia e siaia lao, eto, Natugu binai idia ese bae matauraia.
MAR 12:7 To imea ireḡuna taudia e hereva heheni, eto, Dihina binai, baitama alaia mase, bena imea na vada iseda.
MAR 12:8 Bena e dabaia tao, e alaia mase, imea murimurina ai e kurea hanai.
MAR 12:9 Imea biaguna be ede baine kara toma? Ia na do bainema, ireḡuna taudia baine aladia ore, imea na idaudia haida baine henidia.
MAR 12:10 Ina revareva asio duahia, a? Ilarebana taudia ese e dadaraia nadina na Daiguni nadina ai vada ela;
MAR 12:11 Ina na Lohiabada ena kara, Ta itaiamu, ta hoamu.
MAR 12:12 Idia ese idabai-taona urana e urava, to taunimanima garidia e gariva; badina be idia dibadia una sivarai matana na idia ediai. Bena idia ese e rakatania, vada ela.
MAR 12:13 Idia ese Farisea taudia bona Herod ena orea taudia haida ia dekena e siaidia lao, ena hereva amo bae idoaia totona.
MAR 12:14 Bena dekena ela, e nanadaia, eto, Hahediba taumu e, ai dibamai oi na maoromaoro, bona taunimanima garidia so garimu; badina be taunimanima oromadia so lalomu, a Dirava ena dala o hahedibalaia ḡoevaḡoevamu. Edena be maoro: Kaisara ena tar monina ihenina namo eiava?
MAR 12:15 Baia henia, eiava basia henia? A ia be edia koikoi dibana, taunabunai ia e haere, eto, Dahaka dainai o dibaḡanigumu? Silver monina ta a mailaia, aina itaia.
MAR 12:16 Ta e mailaia: bena ia ese e nanadaidia, eto, Ina na daika laulauna bona daika ladana? Idia eto, Kaisara.
MAR 12:17 Iesu eto, Kaisara ena, Kaisara ba henia; Dirava ena, Dirava ba henia. Bena idia na e hoa dikadika.
MAR 12:18 Una murinai Sadukea taudia haida ia dekena ela; una orea e tomava mase na basie tore isi lou. Bena idia ese e nanadaia, eto,
MAR 12:19 Hahediba taumu e, Mose ese emai taravatu e henimai, eto, Tau ta bema mase bona vabuna bema noho asi natuna, vabu na ihana ese bema adavaia, natuna
MAR 12:20 Taunabunai, ruma ta taudia na hahitu: tau guna e headava, to asi natuna vada e mase.
MAR 12:21 Bena ihararuana ese vabu e adavaia, to ia danu asi natuna vada e mase. Ihatatoina danu unuheto.
MAR 12:22 Oredia iboudiai ela bona ihahituna danu e adavaia, to iboudiai asi natudia vada e mase. Gabeamo hahine danu vada e mase.
MAR 12:23 Tore-isi-lou negana ai una hahine na daika adavana? Badina be hahituosi ese e adavaia.
MAR 12:24 Iesu e haere, eto, Emui kerere binai: Buka Helaḡa asi dibamui, bona Dirava ena siahu danu asi dibamui.
MAR 12:25 Badina be mase amo bae tore isi lou taudia na basie headava: idia na guba anerudia na heheto.
MAR 12:26 A mase amo e tore isi lou herevana na Mose ena buka ai, au ginigini sivaraina lalonai, asio duahia a? Dirava ese e hereva henia, eto, Lau na Abraham ena Dirava, Isaak ena Dirava, Iakob ena Dirava.
MAR 12:27 Benaini, ia na dia mase taudia edia Dirava, to mauri taudia edia. Umui na o kerere dikadikamu.
MAR 12:28 Itorena tauna ta ema, edia hepapahuahu e kamonai, bena dibana Iesu vada e haere henidia maoromaoro; taunabunai ia ese e nanadaia, eto, Haheḡani herevadia be edena na herea?
MAR 12:29 Iesu e haere, eto, Gini-gunana binai: Israel e, a kamonai; Lohiabada iseda Dirava be Lohiabada tamona;
MAR 12:30 taunabunai Lohiabada emu Dirava ba lalokau henia mai lalomu idoinai, mai laumamu idoinai, mai daramu idoinai, mai goadamu idoinai.
MAR 12:31 Iharuana binai: Dekemu tauna ba lalokau henia, sibomu o helalokaumu heḡereḡerena. Ini haheḡani ruaosi na heherea.
MAR 12:32 Itorena tauna ma e hereva henia, eto, Hahediba taumu e, momokani o hereva maoromu, Dirava na tamona mo, idauna na lasi;
MAR 12:33 bena tau ta ese baine lalokau henia mai lalona idoinai, mai darana idoinai, mai goadana idoinai, bona dekena tauna baine lalokau henia sibona e helalokaumu heḡereḡerena, bada hereana bunai, helaḡa karadia iboudiai e hereadiamu.
MAR 12:34 Iesu dibana ia na vada e haere mai lalo-pararana ida, bena e hamaoroa, eto, Oi bona Dirava ena basileia padamui na dia daudau. Una murinai taunimanima iboudiai na ia inanadaina garina e gariva.
MAR 12:35 lesu na Dubu Helaḡa lalonai e hahediba, eto, Itorena taudia be ede e gwau tomamu, Keriso na David natuna e tomu?
MAR 12:36 Ḡau tamona, David be Lauma Helaḡa ese e rohea, bena eto, Lohiabada ese egu Lohia e hamaoroa, eto, Lau idibagu kahana ai ba helai, Ela bona inaimu iboudiai na oi aemu ihadaidia ḡaudia ai baina halaodia.
MAR 12:37 0 David sibona ese “lohiabada” e gwauraia be edeheto ia na ia natuna? Aru taudia na ia erena e kamonai mai moaledia ida.
MAR 12:38 Ma e hahediba lou, eto, Itorena taudia nahuadia ba toho, idia na e uramu dabua latadia bae rio, bae loaloa, hoihoi gabudia ai taunimanima ese bae hanamodia,
MAR 12:39 bona dubu ai bona anibou ai gabu hereadia ai bae helai.
MAR 12:40 A idia ese vabu edia ruma e ha-ogoḡamidia, bona edia ḡuriḡuri e hadaudau, taunimanima ikoilaidia. Idia na dava metaudia do bae abi.
MAR 12:41 Iesu ese boubou mauana vairanai e helai, e raka vareai taudia e itadia, edia moni maua lalonai e uda dobi. Haida danu taḡa taudia, moni badadia e uda dobi.
MAR 12:42 A vabu ogoḡamina ta ena moni maraḡi-maraḡidia rua e udadobi, ruaosi na cent tamona mo heḡereḡerena.
MAR 12:43 Bena ia ese ena hahediba e boiridia, e hamaorodia, eto, Na hamaoromui momokanimu, una vabu e udaia dobi ḡauna na bada, a idia iboudiai e uda dobi ḡaudia na mamaraḡi.
MAR 12:44 Badina be idia ese edia taḡa amo sina taina e udaia dobi; a ia na ena ogoḡami amo ena ḡau idoinai, ena mauri helaoreana, e udaia dobi.
MAR 13:1 Ia na Dubu Helaḡa amo e raka lasi ai, ena hahediba ta ese e hereva henia, eto, Hahediba taumu e, ini nadi oromadia bona ini ruma hairaidia mani a ita.
MAR 13:2 A Iesu ese ia e haere henia, eto, Ini ruma badadia o itamu a? Nadi ta nadi ta latanai basine mia; iboudiai bae heḡiḡi dobi.
MAR 13:3 Ia na Olive ororona ai, Dubu Helaḡa hegaga hehenina ai, e helai. Bena Petro bona Iakobo bona Ioane bona Andrea ese e nanadaia hehuni, eto,
MAR 13:4 Mani a hamaoromai, hari ḡau be edena nega ai bae vara? Bona bae vara negana toana be dahaka?
MAR 13:5 Iesu ese e haere henidia, eto, Umui na nahuamui ba toho, ta ese baine koimui na garina.
MAR 13:6 Badina be hutuma lau ladagu ai baema, bena baeto “Tauna bina lau”; bena dia gagadoi do bae koidia.
MAR 13:7 To umui ese tuari haridia bona tuari iratana lavadia ba kamonai, lalomui basie daradara. Ini ḡau bae vara guna, a dokona be do vairai.
MAR 13:8 Badina be bese ta bese ta ida bae heala-ala heheni, bona basileia ta basileia ta ida bae tuari. Gabu idau-idau ai tano bae laga: doe danu bae vara: to ununa hisi matamana mo.
MAR 13:9 Sibomui ba henari. Badina be idia ese kaunsil vairadiai bae hakaumui, bona dubu lalodiai bae dadabamui. Lau daigu ai gavana bona pavapava vairadiai do ba gini, idia ediai egu hereva ihamomokanilaidia taumui ai baola.
MAR 13:10 A sivarai namo na bese loḡora iboudiai bae harorolai henidia guna.
MAR 13:11 Hahemaoro taudia vairadiai bae hakaumui negadia ai na basio lalo haguhi guna, a negana baine gini dae ai do baine henimui herevadia na ba gwaurai; badina be igwauraina tauna na dia umui, a Lauma Helaḡa.
MAR 13:12 Kakana ese tadina taona baine torea; tamana ese natuna taona baine torea; memero ese tamadia bae heai henidia, bae aladia mase.
MAR 13:13 Lau ladagu dainai taunimanima iboudiai ese bae heiri-heiri heninlui; a bainehaheauka ela bona dokona tauna na do baine mauri.
MAR 13:14 Umui ese ḡau dika-rohorohona, hekohutani badina, ba intaia, basinemagini gabuna ai do baine gini, (iduahina tauna na lalona baine parara), Iudea ai bae noho taudia na ororo bae heau lao;
MAR 13:15 bona ruma guhina ai baine helai tauna na ruma lalonai basine raka vareai, ena kohu basine abi:
MAR 13:16 bona uma ai baine ḡaukara tauna danu ena dabua iabina basine lou lao.
MAR 13:17 Una negana ai, rogorogo hahinedia bona mararoto hahinedia madi ihabaidia.
MAR 13:18 Ba ḡuriḡuri, keru negana ai na basio heau.
MAR 13:19 Badina be unu dinadia ai hisi bada herea bae vara, Dirava ese tanobada e karaia negana amo hisi unuhetomadia asie vara ema bona harihari, gabeai danu unuhetomana ta basine vara lou.
MAR 13:20 Unu dinadia na Lohiabada ese basinema hagadoi, taunimanima ta basinema mauri diba, to e abidia hidi taudia daidiai ia ese vada e hagadoi
MAR 13:21 Unu dinadia ai ta baineto “A itaia, Keriso binai!” eiava “Keriso bunai!”, umui na basio kamonai.
MAR 13:22 Badina be Keriso koikoidia bae hedinarai, toa bona hoa ḡaudia bae hahedinarai danu, e abidia hidi taudia ihahekwakwanaidia.
MAR 13:23 To umui na ba henari, badina be bae vara ḡaudia iboudiai vada na hamaorolaimui gunamu.
MAR 13:24 Unu dikadika bae ore murinai, dina do baine dibura, hua danu basine tara,
MAR 13:25 bona hisiu na guba amo bae moru; guba siahudia danu bae heude-heude.
MAR 13:26 Una negana ai idia ese Taunimanima Natuna bae itaia, ori latanai bainema, mai siahu-badana bona mai hairaina ida.
MAR 13:27 Bena ia ese ena anerubaine siaidia lao, lai haniosi gabudia amo, bona tanobada dokona ela bona guba dokona amo, e abidia hidi taudia na bae gogodia.
MAR 13:28 Hodava ena amo ina hereva heḡereḡerena ba diba: tuhutuhuna e kobo daemu, rauna e papamu, vada dibamui lahara vada eme kahira-kahira.
MAR 13:29 Taunabunai, umui danu ini ḡau bae vara ba itadia, vada ba diba ia na vada eme kahira-kahira, iduara badibadinai.
MAR 13:30 Na hamaoromui momokanimu, ina uru basine ore ela bona ḡau iboudiai do bae vara vaitani.
MAR 13:31 Guba bona tanobada bae puki, a lauegu hereva na basine puki.
MAR 13:32 Una dina, una hora, ta asi dibana, guba anerudia na asi dibadia, Natuna danu asi dibana, a Tamana sibona mai dibana.
MAR 13:33 Umui na nahuamui ba toho: ba gima, ba ḡuriguri, badina be nega na asi dibamui.
MAR 13:34 Tau ta heḡereḡerena, eha laolao, ena ruma e rakatania, ena hesiai taudia siahu e henidia, ta ta ena ḡaukara ena ḡaukara bae kara, iduara igimana tauna danu e haḡania, baine gima.
MAR 13:35 Taunabunai, umui danu ba gima, badina be ruma biaguna baine lou mai negana na asi dibamui: adorahi ai, eiava malokihi ai, eiava kokoroku baine tai ai, eiava daba ai;
MAR 13:36 baine mai helada, mahutamui ai baine davarimui na garina.
MAR 13:37 Umui na hamaorolaimuimu herevana na taunimanima iboudiai danu na hamaorolaidiamu, na tomu: ba gima.
MAR 14:1 Vainana-negai aria ta bae karaia, Lagau-hanai bona Asie-hatubuaflaoana Ariana. Bena hahelaḡa taudia bona itorena taudia ese dibaka karadia e lalodia, ia bae alaia mase eto.
MAR 14:2 A idia eto, Dia aria dinadia ai, aru taudia bae heloḡo-heloḡo na garina.
MAR 14:3 Ia na Betania ai, Simona, lepra tauna, ena ruma ai, aniani gabuna ai e ege diho. Bena hahine ta ela, nadi kavabuna ta e abia kau, lalonai dehoro namo-hereana, davana bada ḡauna; bena e kohia, dehoro na e horolaia.
MAR 14:4 Ia dekena taudia haida e badu, eto, Dahaka dainai ina dehoro e negea kavamu?
MAR 14:5 Bema hoia, davana na dollar toi-ahui bema hanaia reana; monina bema abia, ogoḡami taudia bema henidia. Idia ese hahine e maumauraia.
MAR 14:6 A Iesu eto, Herevana! Dahaka dainai o turia riki heniamu? Kara namona egu ai vada eme karaia.
MAR 14:7 Be, ogoḡami taudia na nega idoidiai dekemui ai, bena ba ura negadia ai vada ba hanamodia. A lau be dia nega idoidiai dekemui ai.
MAR 14:8 Ena diba heḡereḡerena ai vada e kara henigu; do asie gurigu, ia na ema guna, taugu e dahua heḡaeḡae.
MAR 14:9 Na hamaoromui momokanimu, sivarai namo bae harorolaia gabudia iboudiai, tanobada heḡeḡemadai, hari eme karaia karana bae gwauraia, ia ihelalolaina.
MAR 14:10 Iuda Iskariote, gwauta-rarua tauna ta, hahelaḡa taudia dekedia ela, lesutaona itorena totona.
MAR 14:11 Idia na e kamonai, e moale dikadika, bena e gwau hamata, moni bae henia eto, Taunabunai ia ese taona itorena dalana e tahua.
MAR 14:12 Asie-hatubua flaoana Ariana dina gini-gunana, Lagau-hanai mamoedia ialadia dinana ai, ena hahediba ese e nanadaia, eto, Ai na edeseni ai Lagauhanai baia karaia heḡaeḡae, bena bavania?
MAR 14:13 Bena ia ese ena hahediba rarua e siaidia, eto, Hanua badana ai ba raka vareai, tau ta hodu baine ehea ba itaia, bena murina amo ba raka.
MAR 14:14 Baine dae kau rumana ai na ruma biaguna ba hereva henia, baoto “Hahediba tauna e tomu vadivadi daiutuna be edena, egu hahediba ida Lagau-hanai baia ania?”
MAR 14:15 Bena ia ese atai daiutuna badana ta baine haheitalaimui, vada e iravaia vaitani. Unuseni ai ba heḡaeḡae.
MAR 14:16 Bena ena hahediba ela, hanua lalonai e raka vareai, ia ese e gwaurai guna ḡaudia iboudiai e davari. Bena Lagau-hanai e dabaraia.
MAR 14:17 Adorahi ai, ia na gwauta-raruosi ida e hebou.
MAR 14:18 Bena idia na aniani gabuna ai e ege diho ai, Iesu ese e hamaorodia, eto, Na hamaoromui momokanimu, umui lau ida ta aniani heboumu taumui ta ese lau taogu baine torea.
MAR 14:19 Idia na e lagaga bou: bena ta ta ese e nanadaia, eto, Ina lau a? Ina lau a?
MAR 14:20 Ia e haere, eto, Gwauta-raruosi taumui ta, lau ida nau tamona ai a dau dobimu.
MAR 14:21 Taunimanima Natuna na momokani bainela, e torelaia guna heḡereḡerena. A Taunimanima Natuna taona itorena tauna madi ihabaina; vada basinema vara hari namo.
MAR 14:22 Idia na e anianiva lalonai, Iesu ese ilaoa atagana ta e abia, e hanarnoa, bena e bitua, e henidia, eto, Avabia, lau taugu binai.
MAR 14:23 Ma kehere ta e abia, e hanamoa, e henidia, eto,
MAR 14:24 Lau raragu binai, herohemaino rarana, hutuma daidiai baine hebubu.
MAR 14:25 Na hamaoromui momokanimu, lau ese vine ranuna basina inua lou, ela bona matamatana baina inua, Dirava ena basileia lalonai.
MAR 14:26 Idia ese ane e abia vaitani, bena e raka lasi, Olive ororona ela.
MAR 14:27 Bena Iesu ese e hamaorodia, eto, Iboumui ai lau daigu ai ba hekwakwanai, badina be ini e torea toma, Mamoe ireḡudia tauna baina gwadaia, Bena mamoe vada bae karoho.
MAR 14:28 A lau na baina tore isi lou, bena baina gunalaimui Galilea ai.
MAR 14:29 Petro eto, Taunimanima iboudiai bae hekwakwanai, a lau be lasi.
MAR 14:30 Bena Iesu ese e hamaoroa, eto, Na hamaoromu momokanimu, hari ina hanuaboi, kokoroku do basine tai harua, oi ese hatoi ba ḡoregu.
MAR 14:31 A ia na e gwau heaḡi, eto, Ena be oi ida baita mase hebou, to lau oi basina ḡoremu. Iboudiai danu unu mo e gwau toma.
MAR 14:32 Idia na gabu ta ai e lasi, ladana Getesemane. Bena ia ese ena hahediba e hamaorodia, eto, Iniseni ai ba helai, lau do baina ha ḡuriḡuri.
MAR 14:33 Bena ia ese Petro bona Iakobo bona Ioane e hakaudia siri; bena laumana e daure, darana e doko.
MAR 14:34 Bena e hamaorodia, eto, Lau na laumagu eme hisihisi bada, mokona name mase; iniseni ai ba noho, ba gima.
MAR 14:35 Taina ma e raka lao, bena lano ai e goru parapara, e ḡuriḡuri, bema mai dalana ena nega taina bema daudau;
MAR 14:36 eto, Aba e, Tamagu e, oi na ḡau iboudiai ikaradia dibamu; ina kehere na egu amo boma abia oho, to dia lauegu ura, oiemu ura hari.
MAR 14:37 Bena e lou lao, mallutadia ai e davaridia. Ia ese Petro e gwau henia, eto, Simona e, o mahutamu a? Hora tamona do basioma gima a?
MAR 14:38 Ba gima, ba ḡuriḡuri, hedibaḡani ai ba vareai na garina. Lauma na e uramu, a tau-anina eme manoka.
MAR 14:39 Ma e raka oho, eha ḡuriḡuri, ena ḡuriḡuri herevadia gunadia ma e gwaurai lou.
MAR 14:40 Ma e lou lao, mahutadia ai ma e davaridia, badina be matadia e mahutava. Ia ihaere-henina na asi dibadia.
MAR 14:41 Ihatoina ma e lou lao, bena e hamaorodia, eto, Madi, vada a mahuta, laḡamui avani. Vadaeni, negana vada eme kau. A itaia, Taunimanima Natuna na dika taudia imadia ai vada e atoa.
MAR 14:42 O tore, aitala; taogu itorena tauna vada e maimu.
MAR 14:43 Ena hereva do se doko, Iuda, gwauta-rarua taUna ta, e gini dae, hutuma bada ida, mai edia dare bona mai edia kareva, hahelaḡa taudia bona itorena taudia bona hanua tau-badadia ese e siaidia taudia bunu.
MAR 14:44 Taotore tauna ese toa ta e henidia guna, eto, Baina harahua tauna ḡaunabunai, ba dabaia tao, ba hakaua balaheni.
MAR 14:45 Taunabunai, ia na e gini dae, maoromaoro Iesu dekena ela, eto, Hahediba taumu e! Bena e harahua.
MAR 14:46 Bena idia ese imadia ai e daua kou, e dabaia tao.
MAR 14:47 A ia dekenai e gini taudia ta ese ena dare e veria lasi, hahelaḡa tauna badana ena hesiai tauna e taraia, taiana e dapaia oho.
MAR 14:48 Iesu ese e hereva henidia, eto, Umui na mai daremui bona mai karevamui ida lau idabai-taogu oma, dadidadi tauna idabai-taona boma mai na heto.
MAR 14:49 Dina iboudiai lau be dekedekemuiai, Dubu Helaḡa lalonai na hahedibava, to asio dabaigu tao. A ina na e tore guna herevadia ihamomokanilaidia.
MAR 14:50 Bena iboudiai ese ia e heautania.
MAR 14:51 A tauhau ta ese e ḡavaia: ia na rami mo e rioa; bena idia ese ia danu ma e dabaia tao,
MAR 14:52 to ena rami imadia ai e rakatania, ia ḡaḡaena mo e heau.
MAR 14:53 Idia ese Iesu e hakaua lao, hahelaḡa tauna badana dekena: bena hahelaḡa taudia bona hanua tau-badadia bona itorena taudia iboudiai naia ida e hebou.
MAR 14:54 Petro ese Iesu e ḡavaia, to mai padana, ela bona hahelaḡa tauna badana ena ruma maḡuna lalonai, bena hesiai taudia ida e helai hebou, lahi ai e hegana.
MAR 14:55 Bena hahelaḡa taudia bona kaunsil taudia iboudiai ese Iesu ihamasena badina e tahua, to asie davaria.
MAR 14:56 Badina be hutuma ese e habadelaia koikoi, to edia hahebade na asie heḡereḡere.
MAR 14:57 Ma haida e tore isi, edia hahebade koikoi herevadia e gwaurai, eto,
MAR 14:58 Ai na iena hereva a kamonai, eto “Ina imadia amo e karaia dubuna baina rohoa, bena dina toi lalodiai ima ai asie karaiamu ḡauna auta ma baina karaia”.
MAR 14:59 A edia hahebade herevadia na asie heḡereḡere.
MAR 14:60 Bena hahelaḡa tauna badana na bogaragidiai e tore isi, Iesu e nanadaia, eto, Oi to haeremu a? Ini edia hahebade herevadia be dahaka?
MAR 14:61 Ia na asi reḡereḡena, se haere henidia. Bena hahelaḡa tauna badana ese ma e nanadaia lou, eto, Oi Keriso, e hanamoamu Diravana Natuna, eiava?
MAR 14:62 Iesu e haere, eto, Lau binai: bona umui ese Taunimanima Natuna do ba itaia, Siahu imana idibana ai baine helai, bona guba oridia ai bainema.
MAR 14:63 Bena hahelaḡa tauna badana ese sibona ena dabua e darea, e lolo, eto, Dahaka hahebadena ta tahuamu a?
MAR 14:64 Dirava ihadikana herevana vada ome kamonai. Dahaka o tomamu? Idia iboudiai e revaia, eto, Aine mase.
MAR 14:65 Bena haida ese e kanudia, ma haida ese matana e kou ahu bona e tutua, eto, Daika ese? Edia hesiai taudia ese danu imadia amo e pataia.
MAR 14:66 Petro be tano ai, maḡu lalonai: bena hahelaḡa tauna badana ena hesiai hahinena ta ela,
MAR 14:67 Petro lahi ai e heganava ai e itaia; bena e raraia, eto, Oi danu Iesu, Nasaret tauna, o bamoava.
MAR 14:68 To ia na e heḡore, eto, Lau na asi dibagu; emu hereva na lalogu seme parara.
MAR 14:69 Hari hahine ese ma e itaia lou, bena dekedekena taudia e hamaorodia, eto, O ta be ena ia.
MAR 14:70 Ia na ma e heḡore lou. Asi vanahana, Petro badibadinai e gini taudia ese ma e habadea, eto, Oi danu idia ta, badina be oi danu tau Galilea.
MAR 14:71 Bena ia na e ere dika, e gwau tora, eto, Umui o gwauraiamu tauna na lau asi dibagu.
MAR 14:72 Bena kokoroku ma e tai lou. Bena Petro ese Iesu ena hereva e helalolaia une, eto “Kokoroku do basine tai harua, oi hatoi ba ḡoregu”. Bena e tai dikadika.
MAR 15:1 Daba vaburana ai, hahelaḡa taudia ese hanua tau-badadia bona itorena taudia ida e henega, bena idia, kaunsil taudia iboudiai ida, Iesu e ḡuia, e hakaua lao, Pilato e henia.
MAR 15:2 Bena Pilato ese e nanadaia, eto, Oi na Iuda taudia edia pavapava a? Iesu eto, O ena vada o gwaumu.
MAR 15:3 Bena hahelaḡa taudia ese hereva diaḡau e habadelaia.
MAR 15:4 Pilato ese ma e nanadaia lou, eto, Oi na to haeremu a? Oi dibamu hereva idau-idau amo e habadelaimumu.
MAR 15:5 To Iesu se haere; taunabunai Pilato e hoa.
MAR 15:6 Pilato vaia ena kara una aria negana ai, dibura rumana ai e nohova tauna ta, idia ese bae gwauraia tauna, baine ruhaia nege.
MAR 15:7 Una negana ai tau ta dibura rumana ai e nohova, ladana na Baraba; ia na haida ida e heatu, bena una heatu lalonai haida e aladia mase.
MAR 15:8 Bena aru taudia ese Pilato e noia, vaia ena kara ma baine karaia.
MAR 15:9 Pilato ese e nanadaidia, eto, O uramu Iuda taumui emui pavapava baina ruhaia nege a?
MAR 15:10 Badina be ia dibana hahelaḡa taudia ese e vaḡeḡe hellia dainai taona e torea.
MAR 15:11 A hahelaḡa taudia ese aru taudia lalodia e ani, eto, Aogwa “Lasi, Baraba hari ba ruhaia nege”.
MAR 15:12 Bena Pilato ese ma e nanadaidia, eto, O, ina Iuda taumui emui pavapava o tomamu na ede baina tomaia?
MAR 15:13 Idia na e lolo, eto, Ba hasatauroa.
MAR 15:14 Pilato eto, Be, ena dika be dahaka? A idia ma e lolo lalo-dika, eto, Ba hasatauroa.
MAR 15:15 Taunabunai, Pilato na aru taudia ihamarumarudia urana e urava dainai, ia ese Baraba e ruhaia nege, a Iesu na e dadabaia, bena e henidia, bae hasatauroa.
MAR 15:16 Tuari taudia ese e hakaua lao, edia gima rumana ikoukouna ai, bena edia orea taudia iboudiai e gogodia.
MAR 15:17 Dabua kakakakana e hakaralaia, bena havava ḡauna ginigini a e hatua, ia kwarana ai e atoa kau.
MAR 15:18 Bena e hanamoa matama, eto, Iuda pavapavana e! Ba mauri!
MAR 15:19 Bena siriho amo kwarana e botaia, e kanudia; bona tuidia e hadai, e toma henia diho koikoi.
MAR 15:20 E ḡonaḡonalaia vaitani, bena dabua kakakakana e kokia oho, ena dabua korikorina ma e hakaralaia, e hakaua lasi, bae hasatauroa.
MAR 15:21 Kurene tauna ta, ladana Simona, Alesana bona Rufo tamadia, gunika amo e lasi; bena idia ese e haduaia, Iesu ena satauro baine huaia.
MAR 15:22 Bena e hakaua lao, gabu ta ladana Golgota; anina be “kwara koukouna tanona”.
MAR 15:23 Idia ese vine ranuna hisi ihamaraḡina muramurana ida e bulo hebou, e henia, to se inua.
MAR 15:24 Bena e hasatauroa; bona ena dabua e hari, mari ai ta ta ahudia e abi.
MAR 15:25 Dina e taolara sisivana e hasatauroa.
MAR 15:26 Hahebade herevana ia daellai ini e torea toma: IUDA TAUDIA EDIA PAVAPAVA.
MAR 15:27 Ia ida nega tamona dadidadi taudia rarua e hasataurodia, ta idibana kahana ai, ma ta laurina kahana ai.
MAR 15:28 Unu amo gunaguna e torea herevana vada e momokani, eto, Kara havara-havara taudia ida e duahia hebou.
MAR 15:29 E raka hanai taudia ese e hereva dika henia, kwaradia e taiko-taiko, eto, I! Dubu Helaḡa ba rohoa ma dina toi ai ba larebaia lou oto taumu,
MAR 15:30 satauro amo a dada dobi, sibomu ba hahemauri.
MAR 15:31 Hahelaḡa taudia bona itorena taudia ese danu ma e ḡonaḡonalaia, e hereva heheni, eto, Ia ese idau taudia e hamauridiava, matona sibona se hahemauri.
MAR 15:32 Hari Keriso, Israel pavapavana, mani satauro amo aine dada dobi; baita itaia, bena baita abidadama henia. Ia ida e hasataurodia hebou taudia raruosi danu ia e ḡonaḡonalaia.
MAR 15:33 Dina tubua ela bona dina ḡelona tanobada na dibura ese e goru ahu.
MAR 15:34 Dina ḡelona ai Iesu e lolo, eto, Eloi, eloi, lama sabaktani; anina be Egu Dirava e, egu Dirava e, dahaka dainai vada o rakatanigu.
MAR 15:35 Badibadinai e gini taudia haida e kamonai, eto, Ia na Elia e boiriamu.
MAR 15:36 Bena tau ta e heau, puta ta vine ranuna iditana ai e urua diho, siriho ai e gwadaia kau, bena e duduia dae, baine topoa eiava. Eto, Mani do: aita itaia, Elia bainema baine abia dobi eiava.
MAR 15:37 A Iesu ma e lolo dagu, bena vada e mase.
MAR 15:38 Una negana ai Dubu Helaḡa seseahuna e hedare parara, atai amo ema bona henu.
MAR 15:39 Tuari biaguna ta badibadinai e gini, e itaia unu e mase toma, bena eto, Momokani, ina na Dirava Natuna.
MAR 15:40 Herarai hahinedia haida danu dauhai e gini. Haida bini: Maria, hane Magdala; bona Maria, Iakobo maraḡina bona Iosef sinadia; bona Salome.
MAR 15:41 Idia iboudiai Galilea ai ia murinai e rakava bona isiaina e lao heniva. Bona ia ida Ierusalem e dara dae hahinedia haida danu.
MAR 15:42 Adorahi ai, badina be haheḡoeva dinana bunai, kerukeru be Dina Helaḡa,
MAR 15:43 Iosef, Arimatea tauna, kaunsil tauna ta mai harina namona bona Dirava ena basileia e nariava tauna, na Pilato dekena ela, e noia goadagoada, Iesu tau-anina baine abia eto.
MAR 15:44 Pilato e hoa dikadika, badina be Iesu vada e mase haraḡa; bena tuari biaguna e boiria, Iesu ena mase negana e nanadailaia.
MAR 15:45 Tuari biaguna ese e hamaoroa ḡoeva, bena tau-anina Iosef e henia.
MAR 15:46 Iosef ese dabua aukana e hoia; bena Iesu e abia dobi, dabua ai e kumia, nadi hagana ai e ḡeia kohuana lalonai e atoa vareai; bena nadi badana amo iduara e kurea ahu.
MAR 15:47 Maria, hane Magdala, bona Maria, Iosef sinana, raruosi ese e atoa gabuna e itaia kau.
MAR 16:1 Dina Helaḡa e ore ai, Maria, hane Magdala, bona Maria, Iakobo sinana, bona Salome, tatoiosi muramura mai bonadia e hoi, ia idahulaina.
MAR 16:2 Pura dinana gini-gunana ai, daba galuma-galumana ai, idia na gara ela.
MAR 16:3 Sibodia e hereva heheni, eto, Daika ese gara ikoulaina nadina baine kurea oho?
MAR 16:4 Bena e roha isi, nadi na dauhai heatona ai e itaia. Una nadi na bada herea.
MAR 16:5 Idia na gara lalonai e raka vareai, bena eregabe ta e itaia, idiba kahana ai e helai, ena dabua na kurokuro bona ḡaulatalata. Hahine na vada e gari.
MAR 16:6 A ia ese a hamaorodia, eto, Asio gari: umui na Iesu, Nasaret tauna, e hasatauroa tauna, o tahuamu. Ia na vada e tore isi: ia na dia iniseni ai. E atoa gabuna mani a itaia.
MAR 16:7 Vada aola, ena hahediba bona Petro ba hamaorodia, baoto “Ia ese baine gunalaimui Galilea ai; unuseni ai ba itaia, e hamaoromui heḡereḡerena”.
MAR 16:8 Bena idia na e raka lasi, gara e heautania, badina be taudia e heude-heude bona laumadia e daure. Bena hereva na tau ta asie hamaoroa, badina be e gari.
MAR 16:9 Pura dinana gini-gunana ai, daba matana ai, Iesu e tore isi; bena Maria, hane Magdala, enai e hedinarai guna. Una na lauma dikadia hahitu ena amo e halasidia hahinena.
MAR 16:10 Ia na vada ela, Iesu bamona edia kudouhetaha bona edia taitai lalonai e hamaorodia.
MAR 16:11 Idia na e kamonai, vada e mauri bona Maria ese vada e itaia, to ena hereva asie abia dae.
MAR 16:12 Gabeamo idia rarua gunika ela, bena idia vairadiai e hedinarai, to oromana na e idau.
MAR 16:13 Bena raruosi ela, bamodia e hamaorodia, to edia hereva asie abia dae.
MAR 16:14 Ma nega ta gwauta-taosi anianidia ai ediai e hedinarai; bena e gwau henidia, edia gwau-edeede bona edia lalo-duhu daidiai; badina be ena tore-isi ai e itaia taudia asie kamonai henidia.
MAR 16:15 E hamaorodia, eto, Baola, tanobada idoinai sivarai namo taunimanima iboudiai vairadiai ba harorolaia.
MAR 16:16 Baine kamonai, bona ba bapatisoa tauna na do baine mauri; a basine kamonai tauna na do bae revaia.
MAR 16:17 Bae kamonai taudia na ini toa bae kara: lauma dikadia lau ladagu ai bae luludia lasi; gado matamatadia ai bae hereva;
MAR 16:18 gaigai dikadia bae abi isi; mase muramurana bae inua to basie mase; imadia na gorere taudia latadiai bae dau kau, bena bae mauri.
MAR 16:19 Lohiabada Iesu ese e hereva hellidia vaitani, bena guba ai vada e heabi dae, Dirava idibana kahana ai e helai diho.
MAR 16:20 A idia na vada ela, tanobada heḡege-madai e harorova; Lohiabada danu idia ida e gaukara hebouva, bona hoa karadia amo edia hereva e hamomokaniva.
LUK 1:1 Lohia taumu Teofilo e: hutuma ese ta abi dae herevadia vada e tore,
LUK 1:2 matadia amo e ita bona matamana amo e harorolai taudia ese e henidava heḡereḡerena;
LUK 1:3 taunabunai lau danu hereva iboudiai vada na tahu ḡoevaḡoeva, matamana amo, bena na tomamu namona binai, lau ma baina tore lou oiemu.
LUK 1:4 Vada ba diba, e hadibamuiva herevadia be momomo-kakani.
LUK 1:5 Herod ese Iudea e lohiaiava negana ai, hahelaḡa tauna ta e nohova, ladana na Sakaria, Abia ena orea tauna. Adavana be Aaron ena iduhu hahinena, ladana na Elisabeta.
LUK 1:6 Idia raruosi na kara maoromaoro taudia Dirava vairanai, Lohiabada ena taravatu bona ena haheḡani iboudiai e badinava, asi toutoudia.
LUK 1:7 A raruosi na asi natudia, Elisabeta e gabani dainai, bona raruosi vada e buruka.
LUK 1:8 Sakaria ese hahelaḡa karadia e karava Dirava vairanai, ena orea taudia edia nega ai.
LUK 1:9 Bena edia kara heḡereḡerena ai ia vada e abia hidi, gabu helaḡana lalonai muramura mai bonana baine gabua; taunabunai ia na e raka vareai muramura igabuna totona,
LUK 1:10 a taunimanima iboudiai na murimuri ai e noho, e ḡuriḡuri.
LUK 1:11 Una negana ai, ia ese Lohiabada ena aneru ta e itaia, muramura mai bonana patana idibana kahana ai e gini.
LUK 1:12 Sakaria ese e itaia, bena kudouna e hetaha, bona gari ese e butua tao.
LUK 1:13 A aneru ese e hereva henia, eto, Sakaria, asio gari, badina be emu ḡuriḡuri vada e kamonai, adavamu Elisabeta ese natumu ta do baine abia, ladana ba hatoa IOANE.
LUK 1:14 Ba moale, ba moale hisi dae, hutuma danu ia baine vara dainai bae moale.
LUK 1:15 Badina be Lohiabada vairanai ia na baine herea; ia ese vine ranuna bona kekero muramuradia basine inu, bona dounu sinana bogana ai na Lauma Helaga ese baine rohea.
LUK 1:16 Ia ese Israel memerodia hutuma baine hakerehaidia, Lohiabada, edia Dirava, bae lou henia;
LUK 1:17 bona Lohiabada vairanai baine raka, Elia ena kara bona ena siahu heḡereḡerena. Tamadia lalodia natudia laloda ida baine hatamonadia; gwau-edeede taudia aonega baine henidia, kara maoromaoro taudia ai baela; bona bese ta baine abia heḡaeḡae, Lohiabada ena.
LUK 1:18 Sakaria ese hari aneru e hamaoroa, eto, Ina na ede baina diba toma? Lau na iahu; adavagu danu vada e buruka.
LUK 1:19 Aneru e helada hato, eto, Lau na Gabriel, Dirava vairanai na gini; ihereva-henimu bona ina harina namona ihamaorolaimu totona e siaigu.
LUK 1:20 Benaini, vada ba mu, basio hereva diba, ela bona ina hereva anina baine vara dinana, badina be egu hereva na tome abia dae; to, ena nega korikori ai do baine momokani.
LUK 1:21 Taunimanima ese Sakaria e naria mase, bena e hoa, badina be gabu helaḡana ai e halahe.
LUK 1:22 Bena e raka lasi ai na asi hereva dibana. Bena lalodia e parara, ia na gabu helaḡana ai vada e mata hanai. Bena ia ese toa amo e hadibadia, vada e mu.
LUK 1:23 Ena ḡaukara dinadia e haḡuḡuru, bena ena ruma korikori ela.
LUK 1:24 Gabeamo, ia adavana Elisabeta vada e rogorogo, bena hua ima e noho hehuni;
LUK 1:25 eto, Lohiabada ese ini vada e karagu toma, ena ura negana vada eme haḡeregu, egu hemarai taunimanima vairadiai vada eme abia oho.
LUK 1:26 Hua ihatauratoina, Dirava ese aneru ladana Gabriel e siaia, Galilea hanuana ta ladana Nasaret ela.
LUK 1:27 Haneulato ta be unuseni ai, ia na David ena iduhu tauna ta, ladana losef, maohenina; haneulato ladana be Maria.
LUK 1:28 Aneru na ia dekenai e raka vareai, eto, Ba mauri, e lalokau henimumu hahinemu! Lohiabada ese baine bamomu.
LUK 1:29 Una hereva dainai ia na kudouna e hetaha, bona lalona e haguhi, una hahenamo anina be dahaka.
LUK 1:30 A aneru ese e hamaoroa, eto, Maria e, asio gari, badina be Dirava ena harihari ome abia.
LUK 1:31 Oi na do ba rogorogo, mero ta bavabia, ladana ba hatoa IESU.
LUK 1:32 Ia na baine herea dae, Herea Mikamika Natuna bae gwauraia; Lohiabada Dirava ese tamana David ena terono na baine henia;
LUK 1:33 Iakob ena iduhu baine halohiaia hanaihanai; ena basileia na basine doko.
LUK 1:34 Maria ese aneru e hamaoroa, eto, Lau na tau asi dibagu, ina be ede baine vara toma?
LUK 1:35 Bena aneru na e haere, eto, Lauma Helaḡa na latamu ai baine diho, bona Herea Mikamika ena siahu ese baine hakerukerumu; bena oiemu amo baine vara merona helaḡana na Dirava Natuna bae gwauraia.
LUK 1:36 Ba diba danu, oi varavaramu Elisabeta na burukana ai vada e rogorogo; gabani e gwauraia, to ena hua ihatauratoina binai.
LUK 1:37 Badina be Dirava na ḡau iboudiai ikaradia mai dibana.
LUK 1:38 Maria eto, Lau na Lohiabada ena hesiai hahinegu; emu hereva heḡereḡerena ai egu ai baine vara. Bena aneru na iena amo e raka oho.
LUK 1:39 Unu dinadia ai Maria e tore isi, e raka haraḡa Iuda ororodia hanuana ta ela,
LUK 1:40 Sakaria ena ruma ai e dae Elisabeta e hanamoa.
LUK 1:41 Elisabeta ese Maria ena hahenamo herevana e kamonai negana ai na natuna na bogana ai vada e marere; bona Elisabeta na Lauma Helaḡa ese a rohea.
LUK 1:42 Bena e hereva badabada, eto, Hahine iboudiai bogaragidiai oi mo sibomu namo herea, bona bogamu anina danu namo herea.
LUK 1:43 Egu namo be dahaka bena egu Lohiabada sinana dekegu vada ema?
LUK 1:44 Badina be emu hahenamo mamina na taiagu ai e vareai negana ai na natugu na bogagu ai e marere, moale dainai.
LUK 1:45 Abidadama hahinemu, vada o namo; badina be Lohiabada ena amo o kamonai herevadia do bae momokani.
LUK 1:46 Bena Maria eto, Lau lalogu ese Lohiabada eme imodaia,
LUK 1:47 Bona laumagu ese danu ihamaurigu Diravana eme moalelaia;
LUK 1:48 Badina be ia ese ena hesiai hahinena ogoḡamina e haḡerea, Taunabunai ini amo uru iboudiai ese bae hanamogu;
LUK 1:49 Badina be Siahu Diravana ese hoa karadia egu ai eme havara; Ia Iadana na Helaḡa.
LUK 1:50 Ena hebogahisi na uru uru idoidiai Ia garina e garimu taudia latadiai.
LUK 1:51 Ia imana ese ena goada vada e hahedinaraia: Lalodia e hekokoroku taudia ia ese e hakarohodia,
LUK 1:52 Bona Iohia na edia helai ḡaudia amo ia ese vada e dolidia dobi, A ogoḡami taudia ia ese vada e abidia isi;
LUK 1:53 Hitolo taudia ia ese ḡau namodia amo bogadia vada e hakunu, A taḡa taudia ia ese ima kavakavadia e haloudia.
LUK 1:54 Ena hesiai besena Israel ia ese vada e kahaia, Ena hebogahisi vada e helalolaia une,
LUK 1:55 Seneda e gwau henidia hamata heḡereḡerena, Abraham mai garana ida do baine bogadia hisi hanaihanai eto.
LUK 1:56 Bena Maria na Elisabeta ida e nohova hua toi, gabeamo ena ruma e lou henia.
LUK 1:57 Elisabeta ena mara neganla e gini dae, mero ta vada e abia.
LUK 1:58 Bena dekena taudia bona varavarana ese Lohiabada ena harihari-bada ienai vada e vara harina e kamonai, idia na ia ida e moale hebou.
LUK 1:59 Dina ihataurahanina ai, idia na mero iperitomena totona e hebou, bena ladana bae hatoa Sakaria, tamana baine nemaia eto.
LUK 1:60 To sinana e haere, eto, Lasi, ia ladana na Ioane.
LUK 1:61 Idia eto, Be, una na emu iduhu tauna ta ladana a?
LUK 1:62 Bena idia ese tamana matadia ai e kunumaia, mero ladana ede bae hatoa toma.
LUK 1:63 Ia ese toretore ḡauna ta e gwauraia, bena ini e torea toma: ia ladana be Ioane.
LUK 1:64 Una negana ai uduna e haḡaia, malana danu e maoro, bena e hereva, Dirava e imodaia.
LUK 1:65 Taunabunai, dekedia taudia iboudiai na gari ese e butudia tao; bona unu kara haridia na Iudea ororodia hanuadia iboudiai lalodiai vada e piua.
LUK 1:66 Bena e kamonai taudia iboudiai e lalo tao; eto, Ina mero na ede baine heto? Badina be Lohiabada imana na ia latanai.
LUK 1:67 Lauma Helaḡa ese mero tamana Sakaria e rohea, bena e haroro, eto,
LUK 1:68 Lohiabada, Israel ena Dirava, aita hanamoa, Badina be ia ese ena bese taudia vada e vadivadidia bona vada e hamauridia.
LUK 1:69 Hahemauri badina ia ese vada e havaraia ita eda, Ena hesiai tauna David ena iduhu amo,
LUK 1:70 Ena peroveta taudia helaḡadia ududia amo e gwaurai herevadia na heto, Tanobada matamana amo ema hari;
LUK 1:71 Inaida bona e badu henidamu taudia imadia amo Ia ese baine hamaurida.
LUK 1:72 Tubuda tamada e bogadia hisi; Ena gwauhamata helaḡana e laloa tao;
LUK 1:73 Ita seneda Abraham e gwau henia hamata,
LUK 1:74 Ita inaida amo baine hamaurida eto, Bena isiaina baita lao henia, asi eda gari,
LUK 1:75 Mai helaḡada bona mai maoromaoroda ida ia vairanai baita raka, Eda mauri dinadia iboudiai.
LUK 1:76 Natugu e, oi danu Herea Mikamika ena peroveta tauna bae gwauraimu, Badina be oi na Lohiabada vairanai do ba raka, Ena dala ba lailaia.
LUK 1:77 Mauri dalana oi ese ena bese ba hadibalaidia, Edia dika igwau-taodia,
LUK 1:78 Iseda Dirava ena hebogahisi dainai, Daba e rotoa na heto, atai amo bainema, baine igoda ita;
LUK 1:79 Dibura ai bona mase laulauna ai e nohomu taudia baine hadiaridia, Bona ita aeda maino dalana ai baine hakaudia.
LUK 1:80 Bena hari mero na e bada oho bada oho, bona lalona e goada; bona tano ḡaḡaena ai e nohova ema bona Israel ediai e hedinarai dinana.
LUK 2:1 Unu dinadia ai Kaisara Augusto ese ena haheḡani herevana ta e siaia lao, tanobada taudia iboudiai ladadia bae tore:
LUK 2:2 lada itoredia gini-gunana binai, Kurenio ese Suria e lohiaia negana ai.
LUK 2:3 Taunabunai, taunimanima iboudiai ese ladadia itoredia totona ena hanua ena hanua e lou heni.
LUK 2:4 Iosef danu Nasaret, Galilea kahana hanuana ta, amo ela, David ena hanua ladana Betelehem, Iudea kahana ai, e lasi, badina be ia na David ena iduhu tauna;
LUK 2:5 unuseni ai ladana baine torea. Ia maohenina danu, Maria, ia ida ela; ia na vada e rogorogo.
LUK 2:6 Bena raruosi unuseni ai e nohova ai na ena mara dinana e kau.
LUK 2:7 Ia na e mara, mero roboana e abia, dabua amo e tarua, bena boromakau edia aniani patana ai e kurea, badina be henitao rumana lalonai asi gabuna.
LUK 2:8 Mamoe ireḡudia taudia haida vahu ai e nohova, hanuaboi ai edia seri e gimadiava.
LUK 2:9 Bena Lohiabada ena aneru ta ela, dekedekediai e gini, bona Lohiabada diaridiarina ese e hadiaridia heḡeḡe; bena gari bada ese e butudia tao.
LUK 2:10 To aneru ese e hamaorodia, eto, Asio gari; hereva namona lau ese vada na mailaia, taunimanima iboudiai ihamoaledia.
LUK 2:11 Badina be ina harihari, David ena hanua ai, emui Hahemauri Tauna vada e vara, Keriso Lohiabada bunai.
LUK 2:12 Toana binai: mero karukaruna ba ha davaria, boromakau edia ruma patana ai hekure, dabua ai e tarua.
LUK 2:13 Bena guba anerudia hutuma bada hari aneru ida e hedinarai taku, Dirava e hanamoa, eto,
LUK 2:14 Atai doriva-dorivana ai Dirava bae imodaia, Bona tanobada ai na maino, ena lalo-namo taudia ese bae abia.
LUK 2:15 Aneru loḡora ese e rakatanidia, guba e lou henia, muridiai mamoe ireḡudia taudia e hereva heheni, eto, Ita na Betelehem aitala, Lohiabada ese vada e hadibada ḡauna baita itaia.
LUK 2:16 Bena e raka haraḡa, ela, Maria bona Iosef e davaridia, bona mero karukaruna, boromakau edia aniani patana ai hekure.
LUK 2:17 Mero e itaia, bena e kamonai herevana e gwauraia hedinarai.
LUK 2:18 Bena e kamonai taudia iboudiai ese mamoe ireḡudia taudia edia hereva e hoalaia.
LUK 2:19 A Maria na unu hereva iboudiai e haero bona e lalo tao.
LUK 2:20 Bena mamoe ireḡudia taudia e lou, Dirava e heatolaia, e imodaia, badina be e kamonai bona e ita ḡaudia na vada e hadibadia heḡereḡerena.
LUK 2:21 Dina ihataurahanina ai, mero iperitomena negana ai, idia ese ladana e hatoa IESU, sinana do se rurua negana ai aneru ese e hatoa ladana.
LUK 2:22 Idia ihaḡoevadia dinadia, Mose ena taravatu heḡereḡerena, e ore, bena idia ese Ierusalem e laohaia, Lohiabada vairanai bae hahedinaraia totona;
LUK 2:23 Lohiabada ena taravatu ai e torea heḡereḡerena, eto, Roboa mamaruanedia iboudiai na hehelaḡa, Lohiabada ena.
LUK 2:24 Bona boubou ḡauna bae henia eto, Lohiabada ena taravatu heḡereḡerena, kerea rua eiava pune natuna rua.
LUK 2:25 Tau ta Ierusalem ai, ladana na Simeon; ia na kara maoromaoro tauna bona Dirava garina e gariva tauna; ia ese Israel edia tauhalo tauna e nariava, bona Lauma Helaḡa ese e rohea.
LUK 2:26 Lauma Helaḡa ese danu e hamaoroa, ia na basine mase ela bona Lohiabada ena Keriso do baine itaia.
LUK 2:27 Lauma ese Dubu Helaḡa lalonai e hakaua vareai, bena mero maraḡina Iesu na tamana sinana ese e rakalaia vareai, taravatu karana ibadinana totona.
LUK 2:28 Bena ia ese e abia, e rosia, Dirava e hanamoa, eto,
LUK 2:29 Lohiabada e, emu hesiai tauna harihari ome kahugu nege, Mai mainogu ida bainala, emu gwau-hamata heḡereḡerena;
LUK 2:30 Badina be matagu ese emu Hahemauri vada eme itaia,
LUK 2:31 Oi ese vada o seua taunimanima iboudiai vairadiai.
LUK 2:32 Diari na binai, bese idauidau ihadiarilaidia. Bona oiemu bese Israel iheatolaidia.
LUK 2:33 Mero tamana sinana ese unu hereva e kamonai, e hoa.
LUK 2:34 Bena Simeon ese raruosi e hanamodia; bona sinana Maria e hamaoroa, eto, Ina mero na Israel taudia hutuma ihaketodia bona ihatore-isidia ai bainela; bona ia na toa ta taunimanima ese bae gwaua heiri.
LUK 2:35 Hutuma edia lalo-hadai hehunidia bae hedinarai; a oi lalomu dare ese baine daia uru.
LUK 2:36 Peroveta hahinena ta danu, ladana na Ana, Fanuel natuna, Asere ena iduhu hahinena: ia na hane badana, e headava, laḡani hitu adavana ida e noho bou,
LUK 2:37 murinai laḡani taurahaniahui hani vabuna ai e nohova. Ia ese Dubu Helaḡa se rakataniava, Dirava e toma henia dihova, e ḡuriḡuriva, e anivagava.
LUK 2:38 Una hora ai ia danu e kau, bena Dirava e hanamoa, bona Israel ihamaurina e nariava taudia Ierusalem ai mero herevana e hamaorolaidia.
LUK 2:39 Lohiabada ena taravatu karadia iboudiai raruosi ese e haḡuḡuru vaitani, bena Galilea e lou henia, edia hanua korikori Nasaret ela.
LUK 2:40 Bena mero na e bada, mai goadana bona mai aonegana ida, bona Dirava ena hariharibada na ia latanai.
LUK 2:41 Laḡani iboudiai tamana bona sinana Ierusalem e laova, Lagau-hanai Ariana negadia.
LUK 2:42 Bena Iesu laḡanina ihagwauta-ruana ai, tatoiosi na una Aria ikarana totona Ierusalem ma e dara dae.
LUK 2:43 Aria dinadia e ore, bena idia vada e lou, to Iesu na Ierusalem ai e noho. Tamana sinana na asi dibadia;
LUK 2:44 idia banava ia na laolao taudia bogaragidiai eto. Bena dina ta e raka, murinai varavaradia bona turadia dekediai e tahua.
LUK 2:45 Asie davaria, taunabunai Ierusalem e lou henia, ma e tahua.
LUK 2:46 Dina ihatoina ai, idia ese Dubu Helaḡa lalonai e davaria, hahediba taudia bogaragidiai e helai, edia hereva e kamonai bona e nanadaidia danu;
LUK 2:47 erena e kamonai taudia iboudiai na ena lalo-parara bona ena haere e hoalai.
LUK 2:48 Raruosi e itaia, e hoa, bena sinana ese e hereva henia, eto, Natugu e, dahaka dainai ini o karamai toma? Lau tamamu ida vada a tahumu lai tahumu taimu.
LUK 2:49 A ia eto, Dahaka dainai o tahugu? Asi dibamui Tamagu ena ruma be egu noho rumana?
LUK 2:50 Ena hereva e kamonai, to lalodia asie parara.
LUK 2:51 Ia na idia ida Nasaret ela, bona e kamonai henidia; a sinana ese ini hereva iboudiai e lalo tao.
LUK 2:52 Bena Iesu e bada-oho bada oho mai aonegana ida; Dirava bona taunimanima ese e ura heniava.
LUK 3:1 Tiberio Kaisara ena lohia laḡanina ihagwauta-imana ai, Pontio Pilato be Iudea edia gavana, bona Herod be Galilea lohiana, bona tadina Filipo be Iturea bona Trakonito lohiadia, bona Lusania be Abilene lohiana,
LUK 3:2 bona Ana bona Kaiafa be hahelaḡa taudia badadia, una negana ai Dirava ese Ioane Sakaria e hereva henia, tano ḡaḡaena ai.
LUK 3:3 Bena Ioane ese Ioridane sinavaina badina tanona idoinai e loa heniava, helalo bapatisona, dika igwau-taona, e harorolaiava.
LUK 3:4 Isaia, peroveta tauna, ena buka ai e torea na heto; eto, Gado ta tano ḡaḡaena ai e boi lolomu, e tomu, Lohiabada ena dala ba lailaia,
LUK 3:5 Koura iboudiai bae hahonu, Ororo badadia bona ororo maraḡidia iboudiai bae hataora Gabu gageva-gagevadia bae hamaoromaoro, Rigika-rigikadia danu bae hamanada;
LUK 3:6 Bena taunimanima iboudiai ese Dirava ena Hahemauri bae itaia.
LUK 3:7 Hutuma ia dekena ela, baine bapatisodia totona; bena ia ese e gwau henidia, eto, Gaigai natudia e, daika ese e hamaoromui do baine vara baduna ba heautania?
LUK 3:8 Helalo anina ba hahedinaraia. Bona basioto “Ai tamamai na Abraham”; badina be na hamaoromuimu, Dirava na mai siahuna ini nadi amo natuna bema havaradia Abraham ena.
LUK 3:9 Harihari ira na au badidiai e atoamu; taunabunai huahua namodia asie dobimu audia iboudiai na be utumu, lahi ai he taho kaumu.
LUK 3:10 Aru taudia ese e nanadaia, eto, Ede baia kara toma?
LUK 3:11 Ia ese e haere henidia, eto, Mai ena hahedoki rua tauna na ta dabu tauna baine henia; mai ana tauna danu unu baine kara toma.
LUK 3:12 Tax gogo taudia danu bapatiso iabina totona ela, eto, Hahediba taumu e, ai na ede baia kara toma?
LUK 3:13 Ia e haere, eto, Taravatu e gwauraimu ḡauna mo bavabia, basio habadaia.
LUK 3:14 Tuari taudia danu e nanadaia, eto, Ai danu ede baia kara toma? Ia eto, Taunimanima basio daḡedaḡe henidia bona basio habadelaidia koikoi, bona davamui korikori mo bavabi mai lalo-namomui ida.
LUK 3:15 Taunimanima na e daradarava bona e haeroava, Ioane na Keriso eiava.
LUK 3:16 Bena ia ese iboudiai e hereva henidia, eto, Lau na ranu amo na bapatisomuimu, a ta be maimu, iena siahu ese lauegu e hereaiamu, lau na dia namo ena tamaka varona baina ruhaia; ia ese Lauma Helaḡa bona lahi amo baine bapatisomui.
LUK 3:17 Ena itapo na imana ai: ena uit ikwadina gabuna baine tapoa ḡoevaḡoeva, uit na ena roge ai baine haboua, a momona be basine bodo lahina ai baine doua vaitani.
LUK 3:18 Iena hereva bunu: ma sisiba herevadia diaḡau ia ese taunimanima e harorolai henidia.
LUK 3:19 Ia ese Herod Ḡaubada danu e sisiba henia, Herodia, ia kakana Filipo adavana, dainai, bona ena kara havara daidiai.
LUK 3:20 A Herod ese unu dika iboudiai latadiai ta ma e atoa kau: ia ese Ioane na dibura rumana ai e koua.
LUK 3:21 Taunimanima iboudiai e bapatisodia negana ai, Iesu danu e bapatisoa. Bena e ḡuriḡuriva ai guba vada e parara,
LUK 3:22 bona Lauma Helaḡa e diho, pune na heto, ia tubuana ai e kau. Bona gado ta guba amo e boi dobi, eto, “Oi na lau Natugu, egu lalokau; lau oi na lalo namo henimumu”.
LUK 3:23 Una negana ai Iesu ena vara laḡanidia na toi-ahui sisivana. Taunimanima e tomava ia na Iosef natuna. Besedia bini: Heli,
LUK 3:24 Matat, Levi, Melki, Ianai, Iosef,
LUK 3:25 Matatia, Amos, Nahumu, Esli, Nagai,
LUK 3:26 Maat, Matatia, Semein, Iosek, Ioda,
LUK 3:27 Ioanan, Resa, Serubabele, Sealtiele, Neri,
LUK 3:28 Melki, Adi, Kosam, Elmadam, Ere,
LUK 3:29 Iosua, Eliesere, Iorim, Matat, Levi,
LUK 3:30 Simeon, Iuda, Iosef, Ionam, Eliakim,
LUK 3:31 Melea, Mena, Matata, Natan, David,
LUK 3:32 Iese, Obed, Boa, Salmon, Nason,
LUK 3:33 Aminadab, Admin, Areni, Hesron, Perese, Iuda,
LUK 3:34 Iakob, Isaak, Abraham, Tera, Nahoro,
LUK 3:35 Serug, Reu, Peleg, Ebere, Sela,
LUK 3:36 Kenan, Afasad, Sem, Noa, Lamek,
LUK 3:37 Metusela Enok, Iared, Mahalalel, Kenan,
LUK 3:38 Enos, Set, Adam, Dirava.
LUK 4:1 Iesu Ioridane sinavaina amo e lou ai, Lauma Helaḡa ese e rohea. Bena Lauma ese tano ḡaḡaena e hakaua lao;
LUK 4:2 unuseni ai dina hari-ahui Diabolo ese e dibaḡaniava. Unu dinadia iboudiai ia na se anianiva, dokona ai e hitoloa.
LUK 4:3 Bena Diabolo ese e hereva henia, eto, Bema oi na Dirava Natuna, ina nadi boma haḡania, aniani ḡauna ai bema lao.
LUK 4:4 A Iesu e haere, eto, Vada e torea, Dia aniani ai mo taunimanima basie mauri.
LUK 4:5 Bena ia ese Iesu e hakaua dae, tanobada basileiadia idoidiai matakunumai tamona lalonai e haheitalaia.
LUK 4:6 Diabolo eto, Lau na ini siahudia bona hairaidia iboudiai baina henimu, badina be lau mo e henigu, bona na ura heniamu tauna do baina henia;
LUK 4:7 taunabinai, boma toma henigu diho, idoinai boma abia oiemu.
LUK 4:8 Iesu e haere, eto, Vada e torea, Lohiabada emu Dirava ba toma henia diho; ia mo sibona isiaina ba lao heni.
LUK 4:9 Bena Ierusalem e hakaua lao, Dubu Helaḡa kogena ai e haginia kau, eto, Bema oi na Dirava Natuna, ini amo boma roho dobi;
LUK 4:10 badina be vada e torea, Ia ese ena aneru baine haduadia, bae gimamu;
LUK 4:11 bona, Imadia ai bae abimu isi, aemu nadi ai ba tutuhia na garina.
LUK 4:12 Iesu e haere, eto, Vada e torea danu, Lohiabada, emu Dirava, basio dibaḡania.
LUK 4:13 Diabolo ena hedibaḡani iboudiai e ha-ore, bena e rakatania ela bona nega ta.
LUK 4:14 Iesu na Lauma ena siahu ai Galilea e lou lao, bena ia harina una tano idoinai hegeḡe-madai e piua.
LUK 4:15 Edia dubu lalodiai e hahedibava, bona iboudiai ese e imodaia.
LUK 4:16 Bena ia na Nasaret, e bada oho bada oho gabuna, ela; bona vaia ena kara Dina Helaḡa ai ia na dubu ai e raka vareai. Bena buka iduahina totona e tore isi.
LUK 4:17 Idia ese Isaia, peroveta tauna, ena buka e henia; bena e kehoa, ini e torea toma gabuna amo e duahia, eto,
LUK 4:18 Lohiabada ena Lauma ese eme rohegu, Badina be vada e hahelaḡagu, sivarai namo ogoḡami taudia baina harorolai henidia; Bona vada e siaigu, e ḡuidia taudia iruhadia Bona mata-kepulu taudia matadia ihapapadia baina gwaurai; Bona e haberodia taudia baina hamauridia;
LUK 4:19 Bona Lohiabada ena lalo-namo laḡanina baina harorolaia.
LUK 4:20 Bena ia ese buka e lokua, inarina tauna e henia lou, bena vada e helai diho. Iboudiai dubu lalonai ese ia e raraia tao.
LUK 4:21 Ia na e haroro matama, eto, Ina vada o kamonai herevana na hari ina dina ai vada eme momokani.
LUK 4:22 Bena iboudiai ese e imodaia, hereva namodia uduna amo e lasi dainai; bona e hoa, eto, Ina na dia Iosef natuna a?
LUK 4:23 Bena ia ese e hamaorodia, eto, Ina hereva heḡereḡerena ba gwaurai henigu dahaka: baoto “Muramura taumu e, sibomu ba hahemauri; Kaperanaum ai o karava karadia haridia ame kamonai be iniseni ai danu emu hanua korikori ai ba kara”.
LUK 4:24 Ia ma eto, Na hamaoromui momokanimu, peroveta tauna na ena hanua korikori ai basie abia dae.
LUK 4:25 Na hamaoromuimu danu, Elia negana ai vabu hutuma Israel ai e nohova; una negana ai laḡani toi hua tauratoi medu se dihova, tanobada idoinai doe e badava.
LUK 4:26 A Elia na idia ta dekena se siaia lao; Sarefata, Sidono kahana hanuana, vabuna ta dekena e siaia lao.
LUK 4:27 Bona Elisaia, peroveta tauna, negana ai lepra taudia hutuma Israel ai e nohova, a ta se haḡoevaia, Naaman, Suria tauna, mo sibona.
LUK 4:28 Dubu ai e hebou taudia iboudiai unu hereva e kamonai, e badu dikadika;
LUK 4:29 e tore isi, hanua amo e doria lasi, edia hanua e daia ororona e dabuia lao, hagana amo bae tahoa dobi eto.
LUK 4:30 To ia na bogaragidia amo e raka oho.
LUK 4:31 Ia na Kaperanaum, Galilea hanuana ta, ai e lasi, bena Dina Helaḡa ai e hahedibava.
LUK 4:32 Idia na ena hahediba herevadia e hoalaiva, badina be e herevava mai siahuna ida.
LUK 4:33 Dubu lalonai tau ta lauma dikana ese vada e boloa; ia na e lolo badabada, eto,
LUK 4:34 E Iesu Nasaret taumu e, dahaka emai ai o karamu? Oi ialamai totona oma a? Lau dibagu oi, Dirava ena Helaḡa Tauna.
LUK 4:35 Bena Iesu ese e gwau henia, eto, Eremu; iena amo a raka lasi. Bena lauma dikana ese tano e kwadilaia idia bogaragidiai, bena iena amo e lasi. Hari tau na asi berona.
LUK 4:36 Bena iboudiai e hoa, e hereva heheni, eto, Ini na dahaka hereva? Ia na mai siahuna bona mai goadana ida lauma dikadia e haḡanidiamu, bona e raka lasimu.
LUK 4:37 Una tano idoinai heḡeḡe-madai ia harina eha piua.
LUK 4:38 Dubu amo e didi dobi, bena Simona ena ruma ai e dae kau. Simona ravana hahinena e gorerea, tauna e siahu, bena idia ese Iesu e hamaoroa.
LUK 4:39 Ia na hahine dekenai e gini, gorere e gwau henia, bena gorere e doko, hahine na e tore isi, idia isiaidia e lao heni.
LUK 4:40 Dina kerekerena ai, idia ese gorere idau-idau taudia iboudiai ia dekena e laohaidia. Bena ia umana idia ta ta latadiai e dau kau, e hamauridia.
LUK 4:41 Lauma dikadia danu taunimanima hutuma edia amo e halasidia; bena lauma dikadia e lolo, eto, Oi na Dirava Natuna. To ia ese e gwau henidia, bona e tamanudia, basie hereva, badina be idia dibadia ia na Keriso.
LUK 4:42 Daba e rere, ia na e tore isi, gabu ḡaḡaena ela; a hutuma ese eha tahua; e davaria, bena e rua, basine rakatanidia eto.
LUK 4:43 A ia ese e hereva henidia, eto, Lau ese Dirava ena basileia hanua idaudia ai baina harorolaia: e siaigu badina bunai.
LUK 4:44 Bena Iudea dubudia lalodiai e harorova.
LUK 5:1 Dina ta ia na Cenesaret gohuna konena ai e gini, hutuma danu e gini hesede-hesede, Dirava ena hereva ikamonaina.
LUK 5:2 Ia na vanaḡi aurua e itadia, kone badinai e hetu; vanaḡi taudia na kone ai edia ole e kwadava.
LUK 5:3 Bena ia na Simona ena vanaḡi ai e ḡui; bena e hamaoroa, taina bae doaia dae lao. Bena vanaḡi ai e helai diho, hutuma e hadibadia.
LUK 5:4 Ena hereva e hadoko, bena ia ese Simona e hamaoroa, eto, Dobuna aitala, emui ole ba torea, gwarume bavala.
LUK 5:5 A Simona e haere, eto, Biagugu e, ai na vada ame hekwarahi rani, vada a bone, to emu hereva dainai ole na baina torea.
LUK 5:6 Bena e torea, gwarume diaḡau e kou, edia ole mokona e hedare.
LUK 5:7 Bena e hekalo, bamodia vanaḡi auta ai idurudia baema. Idia ema, bena vanaḡi ruaosi e honu, mokona e mutu.
LUK 5:8 Simona Petro ese una kara e itaia, bena Iesu tuina badinai e igo diho, eto, Lohiabada e, egu amo ba raka oho, badina be lau na dika taugu.
LUK 5:9 Badina be ia mai bamona iboudiai ida e hoa dikadika, unu gwarume e ala dainai.
LUK 5:10 Simona ida e haoda hebouva taudia danu, Iakobo bona loane, Sebedeo natuna, e hoa. Bena Iesu ese Simona e hamaoroa, eto, Basio gari; ini amo ba haoda, taunimanima bavabidia.
LUK 5:11 Vanaḡi auruaosi na kone badinai e tudia, bena ḡau iboudiai e rakatani, ia murinai e raka.
LUK 5:12 Ia na hanua ta lalonai, bena tau ta, kopina idoinai lepra mo, ese Iesu e itaia; bena vairanai e goru diho, e noia eto, Lohiabada e, boma ura, boma haḡoevagu.
LUK 5:13 Iesu ese imana e toia roro, e daua toho, eto, Na uramu, vada a ḡoeva. Bena lepra tauna vada e ḡoeva.
LUK 5:14 Bena e taravaia, tau ta basine hamaoroa. Ma eto, Aola, hahelaḡa tauna baine itamu, bona haheḡoeva ḡauna, Mose ese e gwauraia heḡereḡerena, ba henia, taunimanima ihadibalaidia.
LUK 5:15 To ia ese harina e piua rohoroho; bena hutuma bada e hebou, iena hereva ikamonaidia bona edia gorere ihanamodia totona.
LUK 5:16 A ia na e raka oho, tano ḡaḡaena ai eha ḡuriḡuri.
LUK 5:17 Dina ta ai, ia na e hahedibava; bona Farisea taudia bona taravatu ihadibalaidia taudia, Galilea hanuadia iboudiai amo bona Iudea amo bona Ierusalem amo, ia dekenai e helai. Bena ia ese Lohiabada siahuna ai gorere taudia e hamauridia.
LUK 5:18 Bena haida ese pada tauna geda ai hekurena ai e huaia lao, ivareailaina dalana e tahua, Iesu vairanai bae atoa eto.
LUK 5:19 A hutuma daidiai ivareailaina dalana ta asie davaria, bena pada tauna mai gedana ida e daelaia, guhi matuna amo e tua dobi Iesu vairanai, hutuma bogaragidiai.
LUK 5:20 Ia ese edia abidadama e itaia, bena eto, Tau e, emu dika vada eme hegwau tao.
LUK 5:21 Itorena taudia bona Farisea taudia e hereva heheni, eto, Ina Dirava e hadikaiamu tauna be daika? Daika dika igwau-taodia mai dibana? Dirava mo sibona.
LUK 5:22 A Iesu na edia lalo-hadai dibana, bena eto, Badina be dahaka lalomui ene o hadai tomamu?
LUK 5:23 Edena be haraga, nato “Emu dika vada eme hegwau tao”, eiava bama toma “A tore isi, a raka”?
LUK 5:24 A baina hadibamui Taunimanima Natuna na mai siahuna dika baine gwau tao tanobada ai, (ia ese pada tauna e hamaoroa, eto) Na haḡanimumu, a tore isi, emu geda a lokua, emu ruma aola.
LUK 5:25 Bena ia na idia vairadiai e tore isi, ena geda e lokua, ena ruma vada ela, Dirava e imodaia.
LUK 5:26 Bena iboudiai e hoa, Dirava e heatolaia mai garidia ida, eto, Hoa karadia hari dina ai tame ita.
LUK 5:27 Ia na e raka lasi, bena tax gogo tauna ta, ladana Levi, tax rumana ai helaina ai e itaia; bena e boiria, eto, Murigu ai ame raka.
LUK 5:28 Bena ena ḡau iboudiai e rakatani, ia murinai e raka.
LUK 5:29 Bena Levi ese Iesu irogonina anianina ena ruma ai e dabaraia; tax gogo taudia hutuma mai bamodia ida idia ida e ege diho.
LUK 5:30 Bena Farisea taudia bona itorena taudia ese e maumauraidia, ena hahediba e nanadaidia, eto, Dahaka dainai tax gogo taudia bona kara dika taudia ida o aniani heboumu?
LUK 5:31 Iesu ese e haere henidia, eto, Goada taudia na muramura tauna basie tahua, a gorere taudia hari;
LUK 5:32 lau danu dia kara maoromaoro taudia iboiridia asinama, a kara dika taudia bae helalo kerehai totona nama.
LUK 5:33 Idia ma eto, Badina be dahaka Ioane ena hahediba e anivaga louloumu, bona e ḡuriḡuri louloumu, bona Farisea taudia edia hahediba danu, a oiemu hahediba e anianimu bona e inuinumu.
LUK 5:34 Bena ia ese e haere henidia, eto, Headava matamata tauna na turana dekediai e nohomu ai na ba haduadia bae anivaga, bae kamonai eiava?
LUK 5:35 A negana baine gini dae, headava matamata tauna na edia amo baine heabi oho, una negana ai bae anivaga.
LUK 5:36 Ina hereva heḡereḡerena danu e henidia, eto, Tau ta ese dabua matamatana seana basine darea, dabua gunana ibanilaina; unu bema kara toma, matamatana bema hedare, bona matamatana seana gunana ida basiema heḡereḡere.
LUK 5:37 Bona tau ta ese vine ranuna matamata na kopi gunadia ai basine vedaia; unu bema kara toma, vine ranuna matamata ese kopi bema hapou, bena vine ranuna bema hebubu nege bona kopi danu bema dika.
LUK 5:38 A vine ranuna matamata na kopi matamatadia ai bae vedaia, bena ruaosi bae namo.
LUK 5:39 A vine ranuna gunana e inuamu tauna ese matamatana basine ura henia; badina be ia baineto “Gunana be namo herea”.
LUK 6:1 Dina Helaḡa ta ai, ia na uit umana ta e rakaia hanai, bena ena hahediba ese uit e buruki, imadia ai e roi, e ani rakarakava.
LUK 6:2 A Farisea taudia haida ese e nanadaidia, eto, Umui na dahaka dainai hegwau-tao karana Dina Helaḡa ai o karaiamu?
LUK 6:3 Iesu ese e haere henuida, eto, David sivaraina asio duatua a, ia mai bamona ida e hitolodiava negana ai ede e kara toma?
LUK 6:4 Ia na Dirava ena ruma ai e dae kau, malamala helaḡana e abi, e ani, bona bamona e henidia; a una malamala na helaḡa vaitani, hahelaḡa taudia mo adia.
LUK 6:5 Ma e hamaoro-lia, eto, Taunimanima Natuna na Dina Helaḡa biaguna.
LUK 6:6 Dina Helaḡa ma ta ai, ia na dubu ai e dae kau, unuseni ai tau ta imana idibana e heveri.
LUK 6:7 Bena itorena taudia bona Farisea taudia ese e hasinadoa, Dina Helaḡa ai baine hamauria eiava, bena bae habadelaia eto.
LUK 6:8 Ia na edia lalo-hadai dibana, bena ima-heveri tauna e hamaoroa, eto, A tore isi, bogaragidiai a gini. Bena e gini tore.
LUK 6:9 Iesu ese e nanadaidia, eto, Na nanadaimuimu, edena namo, Dina Helaḡa ai baita hahenamo e iava baita hahedika? Baita hahemauri eiava baita heala?
LUK 6:10 E itadia nenenene, bena hari tau e haduaia, eto, Imamu a toia roro. E haroroa, bena imana vada e namo, laurina heḡereḡerena.
LUK 6:11 A idia na e badu dikadika, e henega bou, Iesu ede bae karaia toma.
LUK 6:12 Una negana ai, ia na ororo e dara dae, ḡuriḡuri totona; hanuaboi ia ese Dirava e ḡuria rani.
LUK 6:13 Daba ai ia ese ena hahediba e boiridia, gwautararua e abidia hidi, e gwauraidia “aposetolo”. Ladadia bini:
LUK 6:14 Simona, e nemaia Petro, mai tadina Andrea ida; Iakobo bona Ioane; Filipo bona Batolomeo;
LUK 6:15 Mataio bona Toma; Iakobo Alfeo bona Simona, Selote tauna;
LUK 6:16 Iuda Iakobo; bona Iuda Iskariote, ia na tao-tore tauna.
LUK 6:17 Idia ida e hekei diho, taora ai e gini, mai ena hahediba hutuma ida, bona taunimanima logora, Iudea amo bona Ierusalem amo bona Turo mai Sidono hetoadia amo, ena hereva ikamonaidia bona edia gorere ihamauridia totona e aru ela.
LUK 6:18 Bona ia ese lauma dikadia e bolodia taudia danu e hamauridia.
LUK 6:19 Bena aru taudia iboudiai idau-tohona urana e urava, badina be siahu na iena amo e lasi, iboudiai e hamauridia.
LUK 6:20 Bena ia ese ena hahediba e haḡeredia, eto, Ogoḡami taumui be nanamo, badina be Dirava ena basileia na umui emui.
LUK 6:21 Harihari e hitolomuimu taumui be nanamo, badina be bogamui do bae kunu. Harihari o taimu taumui be nanamo, badina be umui na do ba kiri.
LUK 6:22 Taunimanima ese bae inai henimui, bae dadaraimui, bae uduguiraimui, ladamui bae hadikadia, Taunimanima Natuna bagunai, negadia ai na ba namo.
LUK 6:23 Una dina ai ba moale, ba hisi dae; davamui guba ai baine bada; badina be senedia ese peroveta taudia unu e karadia toma.
LUK 6:24 A taḡa taumui madi ihabaimui, badina be ihanamomui na vada o abia vaitani.
LUK 6:25 Bogamui e kunumu taumui madi ihabaimui, badina be umui na do ba hitolo. Harihari o kirimu taumui madi ihabaimui, badina be daramui do bae doko, ba tai.
LUK 6:26 Taunimanima iboudiai bae hanamomui negadia ai, madi habaimui; badina be senedia ese peroveta taudia koikoidia unu e hanamodia toma.
LUK 6:27 O hakala henigumu taumui, na hamaoromuimu, inaimui ba lalokau henidia, bona e hadikamuimu taudia na ba kara namo henidia;
LUK 6:28 e uduguiraimuimu taudia na ba hanamodia, bona e daḡedaḡe henimuimu taudia na edia ba ḡuriḡuri.
LUK 6:29 Tau ta ese vahamu kahana baine pataia, kahana danu ba mede henia. Bona tau ta ese emu hahedoki baine dadihaia, emu rami danu basio rua.
LUK 6:30 E noimumu taudia na ba henidia, bona emu ḡau e dadihaimu tauna ena amo iabi-louna basio gwauraia.
LUK 6:31 Umui na o uramu taunimanima ese bae kara henimui karana na umui ese unu mo ba kara henidia toma.
LUK 6:32 E lalokau henimuimu taudia mo boma lalokau henidia, emui namo be dahaka? Kara dika taudia ese e lalokau henidiamu taudia na e lalokau henidiamu.
LUK 6:33 Bona e hanamomuimu taudia mo boma hanamodia, emui namo be dahaka? Kara dika taudia danu unu e kara tomamu.
LUK 6:34 Bona davana bae haloua taudia mo boma henidia torehai, emui namo be dahaka? Kara dika taudia danu bamodia e henidia torehaimu, dava iabina halaoreana.
LUK 6:35 To umui ese inaimui ba lalokau henidia, bona ba kahadia, bona ba henidia torehai, bona dava basio tahua; bena davamui baine bada, Herea Mikamika natuna ai baola. Badina be ia ese asie hanamoamu taudia bona kara havara taudia na e hanamodiamu.
LUK 6:36 Hebogahisi karadia mo ba kara, Tamamui na heto, ia na mai ena hebogahisi.
LUK 6:37 Basio hahemaoro, bena basie hahemaoro henimui; dika davana basio gwauraia, bena emui dika davadia basie gwaurai; dika ba gwau tao, bena emui dika bae gwau tao.
LUK 6:38 Ba heni lao, bena bae henimui; hahetoho ḡauna bae hahonua, bae taoa kunu, bae pataia kunu, ela bona baine hepurai dobi, bena emui ai bae seia. Badina be o heni laomu hahetohona heḡereḡerena ma bae henimui.
LUK 6:39 Ia ese hereva heḡereḡerena ta e henidia, eto, Mata-kepulu tauna ta ese mata-kepulu tauna ma ta baine hakaua diba eiava? Raruosi dadaira ai basie moru a?
LUK 6:40 Hahediba ese e hadibaia tauna basine hereaia; ia na e hadibaia tauna ida bae heḡereḡere baine namo herea.
LUK 6:41 Badina be dahaka au tahana tadikakamu matana ai o itaiamu, a au badana oi matamu ai mia na to laloamu?
LUK 6:42 Badina be dahaka tadikakamu o hamaoroamu, o tomu “Henamo e, mani au tahana matamu amo baina abia lasi”, a au badana oi matamu ai to itaiamu. Koikoi taumu e, au badana matamu amo bavabia lasi guna, murinai au tahana tadikakamu nlatana ai ba itaia ḡoevaḡoeva, bena bavabia lasi.
LUK 6:43 Au namona ai huahua dikana basine dobi, bona au dikana ai huahua namona basine dobi,
LUK 6:44 badina be au ta ta huahuadia ese toadia e hahedinaraimu. Au ḡiniḡini amo suke asie burukimu; ava ḡiniḡini amo vine asie abimu.
LUK 6:45 Tau namona ese lalona ai e habou namodia amo ḡau namona e vaiamu; tau dikana ese lalona ai e habou dikadia amo ḡau dikana e vaiamu. Badina be lalona e honumu ḡaudia amo uduna e herevamu.
LUK 6:46 Umui na dahaka o gwauraigumu, o tomu “Lohiabada e, Lohiabada e”, to egu hereva asio abi daemu?
LUK 6:47 Dekegu bainema, egu hereva baine kamonai, bona karana baine karaia, tauna toana baina hahedinaraia.
LUK 6:48 Ia na tau ta na heto, ena ruma baine karaia eto, bena gurina e ḡeia dobu, papapapa latanai ruma na e hadaia. Bena utu-utu e kau, abata ese ruma na e toia, to se marere, badina be papapapa latanai e hadaia.
LUK 6:49 A e kamonaimu to karana se karaiamu tauna na tau ta na heto, ena ruma tano kopina ai e hadaia, asi gurina, bena abata ese una ruma e toia negana ai na e kohu, e heḡiḡi rohoroho.
LUK 7:1 Ena hereva iboudiai taunimanima vairadiai e gwaurai vaitani, bena Kaperanaum ai e raka vareai.
LUK 7:2 Tuari biaguna ta ese ena hesiai merona e lalokau henia. Mero na e gorere dikadika, mokona e mase.
LUK 7:3 Hari tau ese Iesu harina e kamonai, bena Iuda tau-badadia haida e siaidia lao, bae noia, hari hesiai merona na baine hamauria.
LUK 7:4 Bena idia na Iesu dekena ela, e noia lalo-dika, eto, Ia na tau namona, ini boma karaia toma bema namo;
LUK 7:5 badina be ia ese ita beseda e ura henidamu, bona emai dubu ia sibona ese davana e karaia.
LUK 7:6 Taunabunai, Iesu na idia ida ela. A ruma na e raka henia kahi negana ai na hari tuari biaguna ese turana haida ma e siaidia, Iesu vairana ela, eto, Lohiabada e, asio hekwarahi; lau na dia namo egu ruma ai ba dae kau,
LUK 7:7 una dainai baina vasi danu dia heḡereḡere nato. A mani a hereva mo, bena egu hesiai merona na aine mauri.
LUK 7:8 Badina be lau danu haida henudiai, bona tuari taudiana lau henugu ai: ta baina hamaoroa “Aola”, bena bainela; ma ta haina hamaoroa “Aoma”, bena bainema; ma egu hesiai merona baina hamaoroa “Ina na a karaia”, bena baine karaia.
LUK 7:9 Iesu ese una hereva e kamonai, e hoa dikadika, e gini kerehai, ia murinai e raka taudia hutuma e hamaorodia, eto, Na hamaoromuimu, abidadama inihetomana Israel ai asina davaria, lasi ona lasi vaitani.
LUK 7:10 Bena tuari biaguna ese e siaidia taudia na e lou ruma ai, gorere merona e davaria, vada e mauri.
LUK 7:11 Daba ai, Iesu na hanua ta ela, ladana na Nain; ena hahediba bona taunimanima hutuma danu ia ida ela.
LUK 7:12 Hanua ikoukouna e raka kahi laova ai, haida ese mase taunal ta e huaia lasi, vabu ta natuna vara-edeana. Hanua taudia hutuma ese hari vabu e bamoa.
LUK 7:13 Lohiabada ese e itaia, bena e bogaia hisi, e hereva henia, eto, Asio tai.
LUK 7:14 Bena e raka kahi lao, mase patana ai e dau kau; bena e huaia taudia na e gini. Bena e hereva, eto, Tauhau e, na haḡanimumu, a tore isi.
LUK 7:15 Bena mase tauna e helai tore, e hereva; bena Iesu ese sinana e henia.
LUK 7:16 Gari ese iboudiai e butudia tao, bena Dirava e imodaia, eto, Peroveta tauna badana ta bogaragidai vada eme hedinarai. Ma eto, Dirava ese ena bese taudia vada eme igoda ita.
LUK 7:17 Bena una kara sivaraina na Iudea idoinai bona badina tanodia idoidiai eha piua rohoroho.
LUK 7:18 Ioane ena hahediba ese ini hereva iboudiai ia e hamaorolaia.
LUK 7:19 Bena Ioane ese ena hahediha rarua e boiridia, e siaidia, Lohiabada bae nanadaia, baeto “Be maimu tauna na oi, eiava idauna ta baita naria?”
LUK 7:20 Raruosi na ia dekenai e kau, eto, Ai na Ioane Bapatiso ese e siaimai, e tomu “Be maimu tauna na oi, eiava idauna ta baita naria?”
LUK 7:21 Una negana ai Iesu ese hutuma e hamauridiava: gorere taudia, hisi-ani taudia, lauma dikadia ese e bolodia taudia. Bona mata-kepulu taudia hutuma danu matadia e hapapa.
LUK 7:22 Bena ia ese hari raruosi e haere henidia, eto, Vada aola, ome ita ome kamonai karadia Ioane ba hamaorolaia: matakepulu taudia matadia e papamu: ae-hedairike taudia e raka namonamomu, lepra taudia e ḡoevaḡoevamu, taia-kudima taudia e kamonaimu, mase taudia e tore isimu, bona ogoḡami taudia sivarai namo e kamonaiamu.
LUK 7:23 Hekwakwanai badina egu ai basine davaria tauna hari namo.
LUK 7:24 Ioane ena hesiai taudia e raka oho, bena Iesu ese aru taudia e hereva henidia matama, Ioane herevana e gwauraia, eto, Umui na dahaka itana tano ḡaḡaena ola? Siriho lai ese e haevaia a?
LUK 7:25 A dahaka itana ola? Dabua manada-manadana e dokilaia tauna a? Dabua mai hairaidia e dokilaimu bona aniani namodia e animu taudia na pavapava edia ruma ai e nohomu.
LUK 7:26 A dahaka itana ola? Peroveta tauna a? Oibe, na hamaoromuimu, peroveta taudia loḡora iboudiai ia ese e hereadiamu.
LUK 7:27 Ia bunai herevana e torelaia, eto, A itaia, lau ese egu gwaukau tauna oi vairamu ai name siaia, Emu dala ilailaina.
LUK 7:28 Na hamaoromuimu, hahine bogadia ai e vara taudia iboudiai na ta ese Ioane se hereaiamu; a Dirava ena basileia lalonai gabe tauna ese Ioane e hereaiamu.
LUK 7:29 Taunimanima iboudiai bona tax gogo taudia danu una hereva e kamonai ai, idia ese Dirava e imodaia, badina be Ioane ese e bapatisodia.
LUK 7:30 A Farisea taudia bona taravatu taudia ese ena bapatiso e dadaraia; unu amo Dirava ena lalo-iladai e lao ahu.
LUK 7:31 Iesu ma eto, Ina uru taudia be dahaka ida baina haheḡereḡeredia?
LUK 7:32 Idia na edeheto? Idia na memero-memero na heheto, hanua ariarana ai hehelai, bamodia e boi henidiamu, e tomu, Ai be ivilikou a hatai, to umui asio mavaru; Ai be a rohe ahu, to umui asio taitai.
LUK 7:33 Badina be Ioane Bapatiso ema, se anianiva, vine ranuna se inuva, bena umui oto “Ia na mai lauma-dikana”.
LUK 7:34 A Taunimanima Natuna ema, e anianimu, e inuinumu, bena umui o tomu “Ina na ani-dae ani-dae tauna bona vine ranuna e inua momomu tauna, tax gogo taudia bona kara dika taudia turadia”.
LUK 7:35 A aonega ihamomokanina na natuna edia amo e hedinaraimu.
LUK 7:36 Farisea tauna ta ese Iesu e vavea, bae aniani hebou eto. Bena ia ese hari Farisea tauna ena ruma ai e raka vareai, aniani gabuna ai e ege diho.
LUK 7:37 Una hanua hahinena ta, ariara hahinena, dibana Iesu na Farisea tauna ena ruma ai e ege diho, bena nadi kavabuna ta e abia kau, lalonai na dehoro namo-hereana.
LUK 7:38 Ela, Iesu murinai e gini, aena badibadidiai e tai, bona iruru-matana amo aena e haparipari, bena huina amo e dahu kaukau. Bena aena e harahu, bona dehoro amo e dairi.
LUK 7:39 Farisea tauna, hari e vavea tauna, ese una kara e itaia, bena lalona e hadaia, eto, Ina tau bema peroveta tauna, ia na bema diba ina ienai e dau kau hahinena na ariara hahinena.
LUK 7:40 Bena Iesu ese e hereva henia, eto, Simona e, lau na mai egu hereva taina. Ia eto, Hahediba taumu e, mani a hereva.
LUK 7:41 Iesu eto, Tau ta mai ena ima doa taudia rarua: ta ena abitorehai na dollar imahui, ma ta ena be dollar ima.
LUK 7:42 Asi edia ḡau, edia abi-torehai davadia ihaloudia; bena ia ese raruosi edia abi-torehai e gwau tao. Idia raruosi daika ese baine lalokau henia bada?
LUK 7:43 Simona e haere, eto, Reana ena abi-torehai badana e gwaua tao tauna. Iesu eto, Oibe, momokani.
LUK 7:44 Ia ese hari hahine e haḡerea, bena Simona e gwau henia, eto, Ina hahine o itaiamu a? Lau na emu ruma ai name dae kau, aegu ihurilaina ranuna so mailaia; a ia ese iruru-matana amo aegu eme haparipari bona huina amo eme dahu kaukau.
LUK 7:45 Oi ese so harahugu; a ia ese dae-kaugu ai ema hari aegu eme harahu.
LUK 7:46 Oi ese kwaragu so horoa; a ia ese aegu dehoro amo eme dairi.
LUK 7:47 Taunabunai, na hamaoromumu, ena dika, ena be babada, to vada eme hegwautao, badina be ena lalokau na bada. A ena dika maraḡina mo e hegwau tao tauna na ena lalokau danu maraḡi.
LUK 7:48 Bena ia ese hari hahine e hamaoroa, eto, Emu dika vada eme hegwau tao.
LUK 7:49 Ia ida e ege diho hebou, taudia na e henanadai heheni, eto, Ina na daika, dika e gwau taomu?
LUK 7:50 A ia ese hahine ma e hamaoroa, eto, Emu abidadama ese vada e hamaurimu; mai mainomu ida aola.
LUK 8:1 Una murinai ia ese hanua badadia bona hanua maraḡidia iboudiai lalodiai e haroro loaloa, Dirava ena basileia sivaraina namona e harorolaia. Gwauta raruosi ese e bamoa,
LUK 8:2 bona hahine haida danu, lauma dikadlia edia amo e halasidia hahinedia, bona edia gorere amo e hamauridia hahinedia. Ta be Maria, hane Magdala: iena amo lauma dikadia hahitu e halasidia.
LUK 8:3 Ma ta be Ioana, Kusa, Herod ena kohu ireḡuna tauna, adavana. Ta danu Susana. Ma hutuma danu, edia ḡau ia e ubulaia.
LUK 8:4 Taunimanima hutuma e aru ela, hanua iboudiai amo ia dekenai e hebou. Bena ia ese sivarai heḡereḡerena ta e gwauraia, eto,
LUK 8:5 Uhe ihadona tauna ta na uit iḡiḡi-rohorohona totona e vareai. Bena e giḡi rohorohova ai haida dala isena ai e moru, bena taunimanima ese e moi tao bona manu ese e ani ore.
LUK 8:6 Haida be papapapa ai e moru, e tubu, to e marai, badina be tano na dia keruma.
LUK 8:7 Ma haida be ava ḡiniḡini ai e moru, bena ḡiniḡini ida e tubu hebou, a ḡiniḡini ese e habubuni.
LUK 8:8 A haida be tano namona ai e moru, bena e tubu ḡoevaḡoeva, e dobi, anidia na sinahu sinahu. Unu e gwau toma, bena e hereva badabada, eto, Mai taiana tauna na baine hakala.
LUK 8:9 Bena ena hahediba ese e nanadaia, eto, Hari sivarai heḡereḡerena anina be dahaka?
LUK 8:10 Ia eto, Umui be lalo-parara vada e henimui, Dirava ena basileia herevadia hehunidia ba diba; a hahidaosi na sivarai heḡereḡeredia amo na hadibadiamu; taunabunai bae roharoha, to basie itaia, bae hakala, to basie kamonai.
LUK 8:11 Sivarai heḡereḡerena anina binai: uit nadinadidia na Dirava ena hereva.
LUK 8:12 Dala isena ai e moru nadinadidia be taunimanima ese hereva e kamonaimu, to Diabolo na e maimu, lalodia amo hereva na e abia ohomu, bae abia dae bona bae mauri na garina.
LUK 8:13 Papapapa ai e moru ḡaudia na taunimanima ese hereva e kamonaimu bona e abia daemu mai moaledia ida, to asi ramudia; taunabunai e abia daemu to asi vanahana hedibaḡani ese e butudia taomu, bena e hekwakwanaimu.
LUK 8:14 Ava ḡiniḡini ai e moru ḡaudia be taunimanima ese hereva e kamonaimu, to dala ai e laomu ai na tanobada ena lalo-haguhi bona ena taḡa bona ena moale ese e habubunidiamu, taunabunai idia na asi huahuadia.
LUK 8:15 A tano namona ai e moru ḡaudia be taunimanima ese hereva e kamonaimu mai lalodia maoromaorodia bona ḡoevaḡoevadia ida, bona e laloa tao tarika-tarikamu; asie hesikumu ela bona huahuadia e dobimu.
LUK 8:16 Asi tauna ta ese lamepa baine ha-araia bena tohe amo baine karuhia ahu, eiava pata henunai baine laia vareai. Ia ese lamepa patana ai baine laia kau, bena bae raka vareai taudia iboudiai ese diarina bae itaia.
LUK 8:17 Hehuni ḡaudia iboudiai do bae hedinarai, bona e moi tao herevadia iboudiai bae hahedibalai bona bae gwaurai hedinarai.
LUK 8:18 Taunabunai, emui kamonai nahuana ba tohoa; badina be mai ena ḡau tauna ma bae henia, a asi ena ḡau tauna be ia banava eto vada e abia ḡauna na iena amo do bae abia oho.
LUK 8:19 Ia sinana bona tadina na ia dekena ela, to hutuma daidiai asi edia dala dekena bae raka kahi lao.
LUK 8:20 Taunabunai haida ese e hamaoroa, eto, Sinamu bona tadimu na murimuri ai gigini, e uramu bae itamu.
LUK 8:21 Bena ia ese e haere henidia, eto, Sinagu bona tadigu bini: Dirava ena hereva e kamonaimu bona karana e karamu taudia.
LUK 8:22 Dina ta, ia na ena hahediba ida vanaḡi ta ai e gui, bena ia ese e hamaorodia, eto, Gohu unukahana baita heau hanai. Bena lara e kidaia.
LUK 8:23 Heaudia ai, ia na e mahuta. Bena guba ta gohu ai e kau, hurehure vanaḡi ai e roho uda, bena mokona e mutu.
LUK 8:24 Bena idia na ia dekena ela, e haoa, eto, Biagumai, Biagumai, ita aita mase a? Bena ia e tore isi, lai bona hurehure e gwau tao; bena e doko, vada e gaima.
LUK 8:25 Ia ese e gwau henidia, eto, Emui abidadama be edeseni ai? To idia na e gari bona e hoa, bona e hereva heheni, eto, Ina lai bona hurehure e haḡanimu bena erena e kamonaimu tauna be daika?
LUK 8:26 Idia ese Gerasa tanona ai eha kau, Galilea hegaga hehenina ai.
LUK 8:27 Dihona ai tau ta hanua amo ia ida e hedavari; una tau na mai lauma-dikana, bona nega daudau kopi kavakavana e loava, bona ruma ai se nohova, midava ai mo e nohova.
LUK 8:28 Ia ese Iesu e itaia, bena e boi lolo, e goru diho, e hereva badabada, eto, Iesu e, Dirava Herea Mikamika Natuna e, egu ai dahaka o karamu? Na noimumu, basio hahisigu.
LUK 8:29 Badina be Iesu ese hari lauma dikana vada e haduaia, una tau ena amo baine raka lasi. Nega momo, e boloava negadia ai, gadea bona auri amo e guiava, to iḡuina gadeadia e hamotuva, bena lauma dikana ese tano ḡaḡaena ai e doria laova.
LUK 8:30 Bena Iesu ese e nanadaia, eto, Oi ladamu be daika? Ia eto, Tuari Oreana; badina be lauma dikadia hoho ese e boloava.
LUK 8:31 Bena e noia, dobu gabuna basie siaidia.
LUK 8:32 Una ororo gabana ai boroma serina badana ta e nuanuava, bena lauma dikadia ese e noia, bae bolodia. Bena ia ese e siaidia.
LUK 8:33 Bena lauma dikadia na hari tau ena amo e lasi, unu boroma e bolodia; bena seri idoinai e heau hekei gohu ai, e dono mamase.
LUK 8:34 A ireḡudia taudia ese una kara e itaia, bena e heau, hanua lalonai bona uma gabudia ai harina eha piua.
LUK 8:35 Bena taunimanima e aru ela, e vara ḡauna bae itaia eto. Bena Iesu enai e kau, lauma dikadia e lasitania tauna e itaia, Iesu aena badinai e helai, mai dabuana bona mai darana. Bena idia na e gari.
LUK 8:36 A kara e itaia taudia ese kava tauna e hamauria dalana e hamaorolaidia.
LUK 8:37 Bena Gerasa tanona taudia iboudiai ese e noia, edia amo baine raka oho eto; badina be gari ese e butudia tao. Bena ia na vanaḡi ai ma e gui, e lou.
LUK 8:38 Bena hari lauma dikadia e lasitania tauna ese e noia, baine bamoa eto. A Iesu ese e haloua,
LUK 8:39 eto, Emu ruma ba lou henia, Dirava ese e kara henimu karadia iboudiai ba harorolai. Taunabunai, ia na e lou ela, ena hanua idoinai Iesu ena kara ienai e harorolai.
LUK 8:40 Iesu e lou negana ai na hutuma ese e abia dae mai moaledia ida, badina be idoudiai ese e nariava.
LUK 8:41 Bena tau ta, ladana Iairo, dubu biaguna ta, ela, Iesu aena badinai e goru diho, e noia, ena ruma baela eto.
LUK 8:42 Badina be ia natuna kekenina, vara-edeana, laḡanina be gwauta-rua, masena vada e kahirakahira. Bena e laova ai, aru taudia ese e rakaia biribiriva.
LUK 8:43 Hahine ta, ena gorere na rara moru, laḡani gwauta-rua unu e gorere tomava, bona ena kohu idoinai idume ai vada e ore, to ta ese se hamauria:
LUK 8:44 ia na Iesu murina amo ela, ena dabua rimuna ai e dau kau; bena ena rara moru vada e doko.
LUK 8:45 Iesu eto, Daika ese e daugu toho? Iboudiai e heḡore. Bena Petro mai bamona ida e hereva henia, eto, Biagumai e, aru taudia ese e rakamu biribirimu, e rakamu hesede-hesedemu.
LUK 8:46 A Iesu eto, Ta ese e daugu toho; badina be dibagu siahu na egu amo vada e lasi.
LUK 8:47 Hahine na e itaia basine hunia diba, bena mai garina ida ela, ia vairanai e goru diho, dahaka dainai e daua toho bona ede e mauri toma sivaraina e gwauraia hedinarai, taunumanima iboudiai vairadiai.
LUK 8:48 Bena Iesu ese e hamaoroa, eto, Natugu e, emu abidadama ese vada e hamaurimu; mai mainomu ida aola.
LUK 8:49 Ia dounu e herevava ai, ta dubu biaguna ena ruma amo ema, eto, Natumu vada eha mase; hahediba tauna basio haturiaia.
LUK 8:50 A Iesu e kamonai, bena ia ese Iairo e hamaoroa, eto, Asio gari, bavabidadama henigu, bena ia na do baine mauri.
LUK 8:51 Ruma ai e kau, bena ia ese taunimanima e gwaudia tao, basie raka vareai; Petro bona Iakobo bona Ioane mo, kekeni tamana sinana ida.
LUK 8:52 Iboudiai e taitaiva, kekeni taina e taiva. To ia eto, Asio tai: ia na se mase, e mahutamu.
LUK 8:53 Idia ese e kirikirilaia; dibadia kekeni na vada e mase vaitani.
LUK 8:54 Bena ia ese kekeni imana e abia, e boi henia, eto, Kekeni e, a tore isi.
LUK 8:55 Bena laumana e lou, kekeni na vada e tore isi. Bena Iesu ese e haduadia, ana bae henia.
LUK 8:56 Tamana sinana e hoa dikadika; a ia ese e tamanudia, tau ta basie hamaoroa eto.
LUK 9:1 Ia ese gwauta-rarua taudia siahu e henidia, lauma dikadia ilulo-ohodia bona gorere taudia ihamauridia siahuna.
LUK 9:2 Bena e siaidia, Dirava ena basileia bae harorolaia, bona gorere taudia bae hamauridia.
LUK 9:3 Bona e tamanudia, eto, Laolao kohudia basio abi kau: itotohi, vaina, malamala, moni. Bona hahedoki danu rua basio abi kau.
LUK 9:4 Ba dae kau rumana ai ba na ho ela bona ba raka oho negana.
LUK 9:5 A basie abimui dae taudia na edia hanua ba rakatania negana ai aemui ḡahudia bavatuatu oho, idia ihahebadelaidia.
LUK 9:6 Taunabunai, idia na e raka lao, hanua hanua lalodiai sivarai namo e harorolaia, bona gorere taudia e hamauridia.
LUK 9:7 Herod Ḡaubada ese Iesu ena kara haridia e kamonai, bena kudouna e hetaha, badina he haida eto Ioane na mase amo vada e tore isi lou.
LUK 9:8 Ma haida eto Elia vada e hedinarai. Ma haida eto peroveta tauna gunana ta vada e tore isi lou.
LUK 9:9 A Herod eto, Ioane be kwarana na utua oho, a ina harina na kamonaiamu tauna be daika? Bena e urava baine itaia.
LUK 9:10 Aposetolo taudia na e lou, edia kara iboudiai Iesu e hamaorolaia. Bena ia ese e hakaudia siri, gabu ḡaḡaena ta, Betesaida kahana ai, unu e hakaudia lao.
LUK 9:11 A hutuma dibadia bena e ḡavaia; bena ia ese e abidia dae, Dirava ena basileia herevadia e harorolai henidia, bona gorere taudia e hamauridia.
LUK 9:12 Dina ḡelona ai, gwauta-raruosi ia dekena ela, eto, Aru taudia na boma siaidia, hanua lalodiai bona uma gabudia ai adia bema tahu, bona bema mahuta; badina be ita na tano ḡaḡaena ai.
LUK 9:13 A ia ese e hamaorodia, eto, Umui ese adia ba henidia. Idia eto, Ada aniani ḡaudia na ima hona, bona gwarume rua. Eiava, aniani baia ha hoi ini hutuma adia?
LUK 9:14 Badina be taunimanima na daha-ima readia. Bena ia ese ena hahediba e hamaorodia, eto, Ba haduadia, imahui imahui amo bae helai helai diho.
LUK 9:15 Unu e kara toma, bena iboudiai e helai helai diho.
LUK 9:16 Bena ia ese aniani ḡaudia imaosi bona gwarume ruaosi e abi, guba ai e gaga dae, e hanamoa; bena e baki sisi, hahediba e henidia, bae heni hagau-hagau.
LUK 9:17 Iboudiai e aniani, bogadia e kunu. Bena aniani bahudia e habou, bosea gwauta-rua e hahonu.
LUK 9:18 Nega ta ia sibona e ḡuriḡuri; ena hahediba danu ia ida e nohova. Bena ia ese e nanadaidia, eto, Taunimanima be dahaka e tomamu, lau be daika?
LUK 9:19 Idia e haere, eto, Ioane Bapatiso e tomu; a haida e tomu Elia, ma haida e tomu peroveta tauna gunana ta vada e tore isi lou.
LUK 9:20 Ia ese ma e nanadaidia, eto, A umui be dahaka o tomamu, lau be daika? Petro ese e haere henia, eto, Dirava ena Keriso.
LUK 9:21 Bena ia ese e taravadia, eto, Tau ta basio hamaoroa.
LUK 9:22 Ia ma eto, Taunimanima Natuna na hisihisi diaḡau do baine ani, hanua tau-badadia bona hahelaḡa taudia bona itorena taudia ese bae dadaraia, bona bae alaia mase; to dina ihatoina ai ma baine tore isi lou.
LUK 9:23 Ia ese iboudiai e hereva henidia, eto, Tau ta iḡavagu urana baine ura, ia na sihona baine hedadarai, dina iboudiai ena satauro baine abia isi, lau murigu ai baine raka.
LUK 9:24 Badina be ena mauri e dogoa taomu tauna ese ena mauri baine reaia; a lau daigu ai ena mauri baine negea tauna ese ena mauri baine abia.
LUK 9:25 Tau ta ese tanobada idoinai baine abia, a sibona ena mauri baine hadikaia eiava baine reaia, iena namo be dahaka?
LUK 9:26 Tau ta na lau daigu ai eiava egu hereva daidiai baine hemarai, Taunimanima Natuna na ia dainai baine hemarai, ia hairaina ai bona Tamana hairaina ai bona aneru helaḡadia hairaidia ai bainema negana ai.
LUK 9:27 Na hamaoromui momokanimu, haida o ini gigini na basie mase ela bona Dirava ena basileia bae itaia.
LUK 9:28 Ini hereva e ore murinai, dina taurahani vada ela, ia ese Petro bona Ioane bona lakobo e abidia hidi, ororo ai e hakaudia dara ḡuriḡuri totona.
LUK 9:29 E ḡuriḡuriva ai, ia vairana vada e idau, bona ena dabua e hururu-hururu kuroka-kuroka.
LUK 9:30 Bena tatau rarua ia ida e hereva-hereva, Mose bona Elia;
LUK 9:31 mai hairaidia ida e hedinarai, ia Ierusalem ai baine mase herevana e gwauraia.
LUK 9:32 Petro mai bamona ida be mamahuta; bena idia e noga, ia hairaina e itaia, bona ia ida e gini bou taudia raruosi e itadia.
LUK 9:33 Raruosi e raka oho matama, bena Petro ese Iesu e hereva henia, eto, Biagumai e, namo herea ita iniseni ai aita noho; mani kalaga autoi aia kara, auta oiemu, auta Mose ena, auta Elia ena. E hereva kava: ede baine hereva toma na asi dibana.
LUK 9:34 Ia dounu e herevava ai, ori ta ese e gorudia ahu; bena idia na ori lalonai e vareai, e gari dikadika.
LUK 9:35 Bena ere ta ori lalona amo ema, eto, Ina na Natugu, na abia hidi tauna; ia erena ba kamonai.
LUK 9:36 Ere e doko ai, Iesu sibona e itaia. A unu e ita ḡaudia na asie herevalai, bona tau ta danu asie hamaorolaia.
LUK 9:37 Daba ai, idia na ororo amo e hekeiva ai, hutuma bada ida e hedavarai.
LUK 9:38 Bena hutuma bogaragidia amo tau ta e boiboi, eto, Hahediba taumu e, na noimumu, natugu mani ame itaia; ia na natugu vara-edeana.
LUK 9:39 Nega haida lauma dikana ese e butua taomu, bena e lolo dagumu; bona e hatororo-tororoamu, bena uduna e gwara-gwaramu; se rakataniamu ela bona kopina e bero momomu.
LUK 9:40 Lau ese emu hahediba na noidia, lauma dikana na bae lulua lasi, to asi dibadia.
LUK 9:41 Iesu e haere, eto, Asi emui abidadama uruna! Gwau-edeede uruna! Lau na dekemui ai baina noho ela bona edena nega ai? Baina haheauka henimui ela bona edena nega ai? Natumu a mailaia.
LUK 9:42 E raka kahira negana ai lauma dikana ese tano e kwadilaia, e hatororo-tororoa. Iesu ese lauma dikana e gwau henia bona mero e hamauria, bena tamana e henia lou.
LUK 9:43 Iboudiai ese Dirava ena siahu e hoalaia una nega ai. Idia iboudiai dounu Iesu ena kara e hoalai, ia ese ena hahediba e hamaorodia, eto,
LUK 9:44 Ini hereva taiamui ai bae vareai na ba lalo tao: Taunimanima Natuna na taunimanima ediai taona bae torea.
LUK 9:45 A una hereva na lalodia asie parara, edia amo e hehunii, anina asie davaria; bona ioa inanadailaina garina e gari.
LUK 9:46 ldia sibodia e hepapahuahu, daika baine herea.
LUK 9:47 A Iesu na edia lalo-hadai dibana, bena mero-mero ta e boiria dekenai.
LUK 9:48 Bena e hamaorodia, eto, Lau ladagu ai ina meromero eabia daemu tauna ese lau danu e abigu daemu; bona lau e abigu daemu tauna ese e siaigu Diravana danu e abia daemu. Badina be umui bogaragimui ai maraḡi-herea tauna na bada.
LUK 9:49 Ioane ese e hamaoroa, eto, Biagumai e, ai na tau ta a itaia, oi ladamu ai lauma dikadia e luludia lasi, bena a gwaua tao, badina be ia na dia ita bamoda.
LUK 9:50 Iesu eto, Basioma gwaua tao, badina be se laomui ahumu tauna ese e kahamuimu.
LUK 9:51 Ia iabi-isina dinana vada e kahira-kahira negana ai, ia ese Ierusalem e raka henia mai haheaukana ida.
LUK 9:52 Bena ena gwaukau taudia vada e siaidia guna. Idia na Samaria hanuana ta ai e kau, ena gabu bae heḡaeḡaelaia eto;
LUK 9:53 to Ierusalem e raka henia dainai idia ese asie abia dae.
LUK 9:54 Ena hahediba, Iakobo bona loane, una kara e itaia, bena eto, Lohiabada e, o uramu lahi guba amo baia gwauraia, baine diho, baine habuadia a?
LUK 9:55 A ia e gini kerehai, raruosi e gwau henidia;
LUK 9:56 bena hanua idauna ta ela.
LUK 9:57 Idia dala amo e laova ai, tau ta ese e hereva henia, eto, Lau na emu laolao iboudiai lalodiai baina bamomu.
LUK 9:58 A Iesu eto, Uda sisiadia na mai edia kohua atai manudia na mai edia ruma, a Taunimanima Natuna na asi ena hekwina gabuna.
LUK 9:59 Ma ta danu ia ese e hamaoroa, eto, Murigu ai a raka. A ia eto, Lohiabada e, mani emu hara tan gu do baina ha ḡuria guna.
LUK 9:60 A Iesu eto, Mase taudia ese edia mase sibodia bae guridia; a oi hari aola, Dirava ena basileia ba harorolaia.
LUK 9:61 Ma ta eto, Lohiabada e, lau ese oi baina ḡavamu, a mani egu ruma taudia do aina hatonidia lao guna.
LUK 9:62 A Iesu eto, Tau ta ese ruarua isivana imana ai baine abia, ma baine roha kerehai, ia ese Dirava ena basileia basine abia diba.
LUK 10:1 Una murinai Lohiabada ese tatau hitu-ahui e abidia hidi, rarua rarua amo e siaidia guna, baela, ia be idia muridia amo bainela; iena lao hanuadia bona gabudia iboudiai idia ese bae lao heni guna.
LUK 10:2 E hamaorodia, eto, Uit na vada e lo ḡoevaḡoeva, to iutuna taudia na dia hoho; taunabunai uma biaguna ba noia, ia ese iutuna taudia haida ma baine siaidia, ena uit bae utua.
LUK 10:3 Vada aola, lau ese na siaumuimu, mamoe natudia uda sisiadia bogaragidiai na heheto.
LUK 10:4 Moni vainana bona dabua modana bona tamaka ibolodia na basio abi kau. Dala ai danu tau ta basio hereva henia.
LUK 10:5 Ba dae kau rumana ai ba hereva, baoto “Maino ina ruma ai baine mia”.
LUK 10:6 Unuseni ai maino tauna ta bema noho, emui maino na ia latanai bema mia; a bema lasi, boma abia lou.
LUK 10:7 Una ruma tamona ai ba noho, amui bae henimui ḡaudia na bavani bona ba inu; badina be ḡaukara tauna na mai heinaruna be namo. Idau ruma idau ruma na basiola.
LUK 10:8 Ba kau ai bae abimui dae hanuana ai, amui bae dabaraia na bavania.
LUK 10:9 Edia gorere taudia ba hamauridia, bona ba hadibadia, baoto “Dirava ena basileia na emui ai vada be kaumu”.
LUK 10:10 A ba kau ai basie abimui dae hanuana ariarana amo mai gwaumui ida baola, baoto.
LUK 10:11 “Emui hanua ḡahuna aemai ai e hekamo kaumu na a dahu dahu ohomu, umui ihabadelaimui ḡauna ai bainela: ḡau tamona umui ba diba, Dirava ena basileia na vada be kaumu”.
LUK 10:12 Na hamaoromuimu, hahemaoro dinana ai Sodoma na baine namo, a una hanua be baine dika.
LUK 10:13 Korasin bona Betesaida, madi ihabaimui! Badina be siahu karadia lalomui ai na karava na Turo bona Sidono lalodiai bama kara, idia na idau nega ai vada bema helalo kerehai, mai davahadia bona mai kahudia ida bema helai.
LUK 10:14 Hahemaoro dinana ai, Turo bona Sidono bae dika maraḡi, a umui na ba dika bada.
LUK 10:15 Oi danu Kaperanaum e, oi na guba ai ba heabi dae a? Lasi, tanobada henunai bae dorimu dobi.
LUK 10:16 Umui e kamonai henimuimu tauna ese lau e kamonai henigumu; bona umui e dadaraimuimu tauna ese lau e dadaraigumu; bona lau e dadaraigumu tauna ese lau e siaigu Diravana danu e dadaraiamu.
LUK 10:17 Hitu-ahui-osi e lou, mai moaledia ida, eto, Lohiabada e, lauma dikadia ese ai eremai e kamonai, oi ladamu dainai.
LUK 10:18 Bena ia ese e hamaorodia, elo, Lau ese Satana na itaia, kevaru na heto, guba amo e moru.
LUK 10:19 Lau eto siahu na henimuimu, gaigai bona doadoa ba moi tao, bona inai tauna ena siahu idoinai danu ba moia tao; bona ḡau ta ese basine hadikamui.
LUK 10:20 Ḡau tamona, lauma dikadia ese e kamonai henimuimu na basio moaleIaia; a ina hari ba moalelaia: ladamui na guba ai vada e tore.
LUK 10:21 Una negana ai Iesu na Lauma Helaḡa bagunai e hisi dae, eto, Tamagu e, guba bona tanobada Lohiana, na hanamomumu, badina be ini ḡau aonega taudia bona lalo-parara taudia edia amo vada o huni, a memero karukarudia ediai vada o hahedinarai. Momokani, Tamagu e, badina be emu lalo-hadai namona benai.
LUK 10:22 Ḡau iboudiai na Tamagu ese vada e henigu: tau na Natuna asi dibana, Tamana mo sibona; bona tau ta Tamana asi dibana, Natuna mo sibona, bona Natuna e uramu baine hahedinarai henia tauna.
LUK 10:23 Bena e roha kerehai, ena hahediba mo sibodia e hereva henidia, eto, Ini ḡau o itamu taumui matamui na vada nanamo;
LUK 10:24 badina be peroveta taudia bona hanua pavapavadia hutuma e urava umui o itamu ḡaudia bema ita, to asie itava, bona umui o kamonaimu herevadia bema kamonai, to asie kamonaiva.
LUK 10:25 Bena taravatu tauna ta e tore isi, ia e dibaḡania, eto, Hahediba taumu e, ede baina kara toma mauri hanaihanai iabina?
LUK 10:26 Iesu eto, Taravatu bukana lalonai ede e torea toma? Ede o duahia toma?
LUK 10:27 Ia e haere, eto, Lohiabada emu Dirava ba lalokau henia mai lalomu idoinai, mai laumamu idoinai, mai goadamu idoinai, mai daramu idoinai; bona, Dekemu tauna ba lalokau henia, sibomu o helalokaumu heḡereḡerena.
LUK 10:28 Iesu eto, Emu haere na maoro; unu ba kara toma be ba mauri.
LUK 10:29 A ia be sibona e hekikwo, bena ma e henanadai, eto, Lau dekegu tauna be daika?
LUK 10:30 Iesu ma e haere, eto, Tau ta Ierusalem amo Ieriko e laova ai na dadidadi taudia haida ese e davaria; bena ena dabua e dadihai, e dadabaia, mokona e mase, bena e rakatania.
LUK 10:31 Hahelaḡa tauna ta ena laolao una dala amo ela; hari tau e itaia, to e rakaia hanai.
LUK 10:32 Levi oreana tauna ta danu unuheto, una gabu ai e kau, e itaia, to ma e rakaia hanai.
LUK 10:33 A Samaria tauna ta ena laolao ai ienai e kau, e itaia; bena e bogaia hisi,
LUK 10:34 dekena ela, dehoro bona vine ranuna amo berona e dairi, e kumi; bena ena doniki ai e hahelaia kau, henitao rumana e laohaia, unuseni ai e reḡua.
LUK 10:35 Daba ai e tore isi, silver monidia rua e vai, ruma biaguna e henia, eto, Ba naria namonamo, a imaluu ienai baine doa, baina lou mai negana ai davadia baina henimu.
LUK 10:36 Oi dahaka o tomamu? Idia tatoiosi daika be hari dadidadi taudia ese e haberoa tauna dekena tauna aita gwauraia?
LUK 10:37 Ia eto, E bogaia hisi tauna. Bena Iesu eto, Aola, oi danu unu ma ba ha kara toma.
LUK 10:38 Edia laolao ai hanua ta ai e kau, unuseni ai hahine ta, ladana Mareta, ese e abia dae ena ruma ai.
LUK 10:39 Ia na mai tadina, ladana Maria; bena hari Maria ela, Lohiabada aena badinai e helai, ena hereva e kamonai.
LUK 10:40 A Mareta na vadivadi iabi-daedia karadia e hekwarahilaiva; bena ia na Iesu dekena ela, eto, Lohiabada e, oi so laloamu, tadigu ese vada e rakatanigu bena sibogu na hekwarahimu a? Mani a hamaoroa, baine durugu.
LUK 10:41 A Iesu ese e haere henia, eto, Mareta e, Mareta e, ḡau momo daidiai lalomu e daradaramu bona e hekwarahimu;
LUK 10:42 to ḡau tamona mo herea. Maria ese ahu namona vada e abia hidi, bona iena amo basine heabi oho.
LUK 11:1 Ia na gabu ta ai e ḡuriḡuriva, bena ena ḡuriḡuri e hadokoa ai ena hahediba ta ese e noia, eto, Lohiabada e, ḡuriḡuri a hadibamai, Ioane ese ena hahediba e hadibadiava na heto.
LUK 11:2 Bena ia ese e hamaorodia, eto, Ba ḡuriḡuri negadia ai na baoto, Tamamai e, Oi ladamu baia hahelaḡaia; Emu basileia bainema;
LUK 11:3 Dina ta ta amo amai bame henimai;
LUK 11:4 Emai dika ba gwau tao; badina be ai ese danu e hadikamaimu taudia edia dika a gwau taomu; Bona hedibaḡani ai basio hakaumai vareai.
LUK 11:5 Ia ese ma e hereva henidia, eto, Umui ta malokihi bema lao, turana bema ha noia, bema toma “Turagu e, aniani ḡaudia toi ame henigu torehai;
LUK 11:6 badina be turagu ta ena laolao vada ema, to dekegu ai iubulaina ḡauna ta lasi”.
LUK 11:7 A ia na laloma amo bema haere, bema toma “Asio haraivagu; iduara vada na koua, bona lau na natugu ida hehekure; lau na basina tore isimu, basina henimumu”.
LUK 11:8 Na hamaoromuimu, ena be hetura dainai basine tore isi, basine henia, to ena noinoi loulou dainai ia na baine tore isi, bena ena ura ḡaudia iboudiai baine henia.
LUK 11:9 Lau na hamaoromuimu: ba noinoi, do baine henimui: ba tahu, do ba davari; ba pidipidi, iduara baine hekeho emui.
LUK 11:10 Badina be noinoi taudia iboudiai ese e abimu; itahuna tauna ese e davariamu; iduara na e hekehomu pidipidi tauna ena.
LUK 11:11 Umui daika natuna aniani bema noi negana ai nadi bema henia? Eiava gwarume bema noi negana ai gaigai bema henia?
LUK 11:12 Eiava gatoi bema noi negana ai doadoa bema henia?
LUK 11:13 Benaini, umui na dika taumui, ḡau namodia natumui ihenidia be mai dibamui, a Tamamui guba ai e nohomu na Lauma Helaḡa inoina taudia basine henidia a?
LUK 11:14 Ia ese mu laumana ta e lulua lasi, bena hari mu tauna vada e hereva. Bena aru taudia na e hoa.
LUK 11:15 A haida eto, Beel-sebul, lauma dikadia biagudia, siahuna ai ia ese lauma dikadia e luludia lasimu.
LUK 11:16 Ma haida ese e dibaḡania, toa ta guba amo baine henidia eto.
LUK 11:17 To ia na eddia lalo-hadai dibana, bena e hereva henidia, eto, Basileia ta bema haheparara, ia na bema dika; bona iduhu ta bema haheparara, ia na bema heḡiḡi rohoroho;
LUK 11:18 bona Satana sibona bema haheparara, ena basileia na ede bema gini toma?
LUK 11:19 Lau na Beel-sebul siahuna ai lauma dikadia na luludia lasimu o tomamu, matona umui natumui be daika siahuna ai e luludia lasimu? Taunabunai, idia ese bae hahemaoro henimui.
LUK 11:20 A, bema lau ese Dirava imana dainai lauma dikadia na luludia lasimu, Dirava ena basileia na emui ai vada eme kau.
LUK 11:21 Goada tauna imana mai karevana ida ena ruma baine gimaia negana ai, ena kohu do baine mia.
LUK 11:22 A nega ta, goada-herea tauna ta bainema, baine tuari henia; bena baine hadarerea, imana ḡaudia, e abidadama heniva ḡaudia, na baine dadihai; bena ena kohu idoidiai baine hari rohoroho.
LUK 11:23 Egu ai se taomu tauna ese e laogu ahumu; bona lau ida asia gogomu tauna ese e ḡiḡi rohorohomu.
LUK 11:24 Lauma dikana ta tau ta ena amo e raka lasi; bena gabu kaukaudia e raka hanai, laḡana baine ania eto, to laḡa-ani gabuna ta se davaria. Bena eto, Na rakatania rumana hari ma baina lou henia.
LUK 11:25 E lou lao, e davaria, vada a ḡoevaḡoeva.
LUK 11:26 Bena ia ese lauma dika-hereadia hahitu ma e hakaudia lao, iboudiai e raka vareai, e noho henia. Taunabunai, una tau be matamana ai ena dika na taina maraḡi, a dokona ai ena dika na bada herea.
LUK 11:27 Una hereva e gwauraiava ai, hahine ta hutuma bogaragidia amo e hereva henia, e gwau badabada, eto, Oi e havaralaimu bogana bona e ubulaimu ratadia na nanamo.
LUK 11:28 A Iesu eto, Dirava ena hereva e kamonaimu bona e badinamu taudia hari nanamo heherea.
LUK 11:29 Hutuma ia dekena e aru ela, bena ia ese e hereva henidia, eto, Ina na uru dikana, toa e tahuamu, a toa ta ediai basine hedinarai, lona, peroveta tauna, mo vadaeni.
LUK 11:30 Badina be Iona na toa ai ela, Nineve taudia ediai; una heḡereḡerena Taununanima Natuna na toa ai bainela, ina uru ediai.
LUK 11:31 Hahemaoro negana ai, diho kahana pavapavana hahinena na ina uru taudia ida bae gini hebou, baine dunidia dae; badina be ia na tanobada dokona amo Solomon ena aonega herevadia ikamonaidia ema, a iniseni ai ta ese Solomon ehereaiamu.
LUK 11:32 Hahemaoro negana ai danu Nineve taudia na ina uru taudia ida bae gini hebou, bae dunidia dae; badina be Iona ena haroro dainai e helalo kerehai, a iniseni ai ta ese Iona e hereaiamu.
LUK 11:33 Tau ta ese lamepa baine haraia negana ai na ruma henuhenunai basine atoa eiava tohe amo basine karuhia ahu, a lamepa patana ai baine laia kau, bena bae raka vareai taudia ese diarina bae itaia.
LUK 11:34 Tau-anina ena lamepa na mata; taunabunai matamu baine namo, taumu anina idoinai baine diari. A matamu baine dika, taumu anina idoinai baine dibura.
LUK 11:35 Taunabunai, nahuamui ba toho, diari lalomu ai e miamu na baine dibura na garina.
LUK 11:36 Badina be taumu idoinai baine diari, dibura sina taina basine mia, ia na baine diari ḡuḡuru, lamepa e hururu-hururumu, oi e hadiarilaimumu, heḡereḡerena.
LUK 11:37 Ia e hereva vaitani, bena Farisea tauna ta ese e vavea, ia ida bae aniani hebou. Bena ena ruma ai e dae kau, aniani gabuna ai e ege diho.
LUK 11:38 A Farisea tauna ese e itaia, bena e hoa, badina be ia na se digu guna.
LUK 11:39 Bena Lohiabada ese e hereva henia, eto, Umui Farisea taumui ese kehere bona nau muridia kahadia mo o huri ḡoevaḡoevamu, to lalomui ai be dadidadi bona kara havara eme honu honu dae.
LUK 11:40 Kava taumui e, murina kahana e karaia tauna ese lalona kahana se karaia a?
LUK 11:41 A ogoḡami taudia ba harihari henidia, bena ḡau iboudiai emui ai bae ḡoeva.
LUK 11:42 Farisea taumui e, madi ihabaimui! Badina be aniani avadia maraḡimaraḡidia iboudiai karoadia o hagwautamu, karoa ta herahia ḡauna ai o halaoamu, to hahemaoro bona Dirava iura-henina o reamu: ini boma badina bona unu danu basioma rea bema namo.
LUK 11:43 Farisea taumui e, madi ihabaimui! Badina be o uramu dubu ai helai ḡaudia hereadia ai ba helai, o uramu danu ariara ai taunimanima ese bae hanamomui.
LUK 11:44 Madi ihabaimui: umui na midava gunadia na heheto, taunimanima na latadiai e loamu, to asi dibadia midava.
LUK 11:45 Taravatu tauna ta ese e haere henia, eto, Hahediba taumu e, oi ene o gwau tomamu be ai danu o gwau henimaimu?
LUK 11:46 Iesu eto, Umui danu, taravatu taumui, madi ihabaimui! Badina be umui ese maduna metaudia taunimanima paḡadia ai o ato kaumu, to imamui kwaki-kwakidia ta unu maduna ai asio dau kaumu.
LUK 11:47 Madi ihabaimui: badina be senemui ese peroveta taudia e aladia mase, a umui ese edia gara o larebamu.
LUK 11:48 Taunabunai, umui ese senemui edia kara o gwaurai hedinaraimu bona o hamomokanimu; badina be idia ese e aladia mase, a umui ese edia gara o larebamu.
LUK 11:49 Una dainai Dirava ena Aonega vada e hereva, eto, Lau ese peroveta taudia bona aposetolo taudia baina siaidia lao: bena haida bae aladia mase, ma haida bae daḡedaḡe henidia.
LUK 11:50 Taunabunai peroveta taudia iboudiai raradia vada e hebubu, tanobada matamana amo, gwauna na ina uru taudia latadiai.
LUK 11:51 Oibe, na hamaoromuimu, Abel rarana ema bona Sakaria rarana, ia na pata helaḡana bona ruma helaḡana padadiai e alaia mase, idoinai gwauna na ina uru taudia latadiai.
LUK 11:52 Taravatu taumui, madi ihabaimui! Badina be aonega kina vada o abia oho; umui na asio raka vareai, bona bae raka vareai eto taudia na umui ese o laodia ahu.
LUK 11:53 Ia na ruma amo e diho, bena itorena taudia bona Farisea taudia ese e gwaua heiri, bona e dibaḡania toho, hereva idauidau momo baine gwaurai e tomava,
LUK 11:54 bena ena hereva ta amo bae idoaia, bae habadelaia.
LUK 12:1 Una negana ai taunimanima hutuma bada e hebou, e hemoi tao hemoi tao. Bena ia ese ena hahediba e hereva henidia, eto, Nahuamui ba toho Farisea taudia edia hatubu ḡauna na garina, koikoi ḡauna bunai.
LUK 12:2 E ḡova ahu ḡaudia iboudiai do bae hedinarai, bona hehuni ḡaudia iboudiai do bae dibadia.
LUK 12:3 Taunabunai, dibura lalonai o gwaurai herevadia na diari ai bae kamonai; bona daiutu lalodiai o hemaunulai herevadia na ruma guhidia amo bae harorolai.
LUK 12:4 Turagu verina e, na hamaoromuimu, tau-anina ialana mai dibadia murinai ḡau ta ikarana asi dibadia taudia na garidia basio gari.
LUK 12:5 A baina hamaoromui daika garina ba gari; baine alamui mase murinai mai siahuna Gehena lalonai baine tahomui dobi tauna, ia hari garina ba gari.
LUK 12:6 Bisini ima davadia na cent rua mo, ani? A Dirava ese idia ta se laloa herekwamu.
LUK 12:7 Umui kwaramui huidia iboudiai vada e duahi vaitani. Taunabunai, basio gari; umui ese bisini diaḡau o hereadiamu.
LUK 12:8 Na hamaoromuimu, taunimanima vairadiai bae gwauraigu hedinarai taudia iboudiai na Taunimanima Natuna ese Dirava ena aneru vairadiai baine gwauraidia hedinarai;
LUK 12:9 a taunimanima vairadiai baine ḡoregu tauna na lau ese Dirava ena aneru vairadiai baina ḡorea.
LUK 12:10 Taunimanima Natuna bae ere dika henia taudia iboudiai edia dika bae hegwau tao; a Lauma Helaḡa baine ere dika henia tauna ena dika basine hegwau tao.
LUK 12:11 Dubu biagudia bona hanua lohiadia bona siahu taudia vairadiai bae hakaumui lao negadia ai na lalomui basie hekwarahi, ede ba haere toma eiava ede ba hereva toma;
LUK 12:12 badina be una hora ai ba gwaurai herevadia na Lauma Helaḡa ese baine hadibamui.
LUK 12:13 Aru taudia bogaragidiai tau ta ese e noia, eto, Hahediba taumu e, mani emu kara kakagu ba hereva henia, ba hamaoroa, tamamai ena kohu amo lau ahugu baine henigu.
LUK 12:14 A Iesu ese e haere henia, eto, Tau e, daika e gwaumu lau be hahemaoro taugu eiava emui kohu iharina tau.
LUK 12:15 Bena ia ese e hamaorodia, eto, Nahuamui-ba toho, kohu iura-henina ena lalo-ani garina. Badina be taunimanima na edia kohu momo ese basie hamauridia.
LUK 12:16 Bena ia ese sivarai heḡereḡerena ta e henidia, eto, Taḡa tauna ta ena uma anidia na diaḡau.
LUK 12:17 Bena lalona e hadaia, eto, Lau na ede baina kara toma? Badina be egu uma anidia ihaboudia na asi gaabuna.
LUK 12:18 Ma eto, Ini hari baina kara toma: egu roge hari baina roho, badadia haida baina hagini; bena egu uma anidia bona egu ḡau iboudiai unuseni ai baina habou;
LUK 12:19 bena laumagu baina hamaoroa, bainato “Laumagu e, emu kohu na diaḡau, laḡani momo davadia; ba laḡa ani, bavaniani, ba inuinu, ba moale”.
LUK 12:20 A Dirava ese e hereva henia, eto, Kava taumu, hari hanuaboi laumamu na emu amo baina abia oho; bena hari o haboumu kohudia na daika ese baine abi?
LUK 12:21 Ena kohu e haboumu to asi ena taḡa Dirava enai tauna na unu mo heto.
LUK 12:22 Ia ese ena hahediba ma e hamaorodia, eto, Badina bunai na hamaoromuimu, lalomui na basie hekwarahi emui mauri dainai, dahaka bavani; eiava taumui daidiai, dahaka ba hahedokilai.
LUK 12:23 Mauri ese aniani e hereaiamu; bona tau-anina ese danu dabua e hereaiamu.
LUK 12:24 Galo ba haerodia: asie hadohadomu, asie taboromu, asi edia taḡa, asi edia roge; a Dirava ese e ubudiamu. Umui ese manu asio hereadiamu a?
LUK 12:25 Umui daika ena lalo-hekwarahi amo tauna anina sisina taina mo baine halataia diba?
LUK 12:26 Benaini, ina ḡau pipikina ikarana asi dibamui, haida ma o lalo hadailaimu anina be dahaka?
LUK 12:27 Herahera ba haero, ede e vara tomamu: asie ḡaukaramu, asie hatuhatumu; a lau na hamaoromuimu, Solomon mai hairaina idoinai ena namo idia ta ida asie heḡereḡere.
LUK 12:28 Benaini, tano avadia, harihari mimia, kerukeru lahi ai bae taho kau, to Dirava ese unu e hadabualai tomamu; be, ia ese umui danu basine hadabualaimui a? Abidadama maraḡi-maraḡi taumui!
LUK 12:29 Taunabunai, aniani ḡaudia basio tahu, bona lalomui basie daradara.
LUK 12:30 Badina be unu ḡau be tanobada besedia iboudiai ese e tahumu; bona Tamamui na mai dibana o dabumu ḡaudia bunu.
LUK 12:31 A iena basileia ba tahua; bena unu ḡau iboudiai danu ma baine henimui.
LUK 12:32 Seri maraḡi e, basio gari; badina be Tamamui na basileia ihenimui moalena e moalemu.
LUK 12:33 Emui kohu ba ha hoi, ba hariharilai; basine moukamouka vainana bavabia. Guba kohuna, basine ore ḡauna, bavabia; unuseni ai henao tauna se raka vareaimu, bona pitopito danu se ani oremu.
LUK 12:34 Badina be emui kohu e miamu gabuna ai lalomui danu unuseni ai.
LUK 12:35 Emui rami ba hekasilai; emui kede ba sinai.
LUK 12:36 Biagudia e nariamu memerodia heḡereḡeredia ba noho: ia na headava ariana amo baine lou mai, baine pidipidi, bena iduara bae kehoa haraḡa-haraḡa.
LUK 12:37 Biagudia bainema negana ai gimadia ai baine davaridia memerodia na bae namo; na hamaoromui momokanimu, ia ese ena rami baine hekasilaia, aniani gabuna ai baine hahelaidia, bena isiaidia baine lao heni.
LUK 12:38 Malokihi ai eiava daba kahana ai bainema, unu baine davaridia toma memerodia na bae namo.
LUK 12:39 Ina na ba diba: ruma biaguna na henao tauna ena mai negana bema diba guna, ia na bema gima, bena eua ruma basinema darea.
LUK 12:40 Umui danu ba noho heḡaeḡae, badina be asi dibamui horana ai Taunimanima Natuna do bainema.
LUK 12:41 Petro ese e nanadaia, eto, Lohiabada e, hari hereva heḡereḡerena be ai mo o henimaimu, eiava taunimanima iboudiai danu?
LUK 12:42 Lohiabada eto, Kohu ireḡuna tauna mai ena kamonai bona mai ena kara maoromaoro, biaguna ese e abia hidi, ena ruma baine reḡua, bona aniani negadia ai memero adia baine henidia, tauna be daika?
LUK 12:43 Biaguna bainema negana ai baine davaria unu e kara tomamu tauna na namo;
LUK 12:44 na hamaoromui momokanimu, ena kohu idoinai ireḡuna tauna ai baine halaoa.
LUK 12:45 A una kohu ireḡuna tauna lalona bema hadaia, bema toma “Biagugu vada e halahemu”, bena hesiai taudia bona hahinedia bema dadabadia, bema ani havara, bema inu havara, bona bema kekero:
LUK 12:46 una tau ese se laloa dinana ai bona se heḡaeḡae horana ai biaguna na baine gini dae, bena baine dapaia parara, gwau-edeede taudia ida ahuna baine henia.
LUK 12:47 Hesiai tauna ta biaguna ena ura dibana, to se heḡaeḡae bena ena ura se karaia, una tau na bae kwadia momo.
LUK 12:48 A asi dibana tauna, ena be ena kara davana korikori be hedadaba, to basie kwadia momo. Ḡau hoho e henia tauna enai ḡau hoho bae tahu; bona kohu momo ireḡudia ai e halaoa tauna enai kohu momo bae gwaurai.
LUK 12:49 Lau na lahi tanobada ai baina tahoa kau totona nama; ua uramu bema hururu.
LUK 12:50 Lau na mai egu bapatiso, do bae bapatisolaigu; lau na ura lalo-dikamu baine ḡuḡuru.
LUK 12:51 Umui o tomamu lau na maino tanobada ai ihavarana totona nama a? Na hamaoromuimu, lasi; ihapararana totona nama.
LUK 12:52 Badina be hari ina negana amo ruma tamona taudia laima bae haheparara, tatoi ese rarua bae inai henidia, bona rarua ese tatoi ma bae inai henidia.
LUK 12:53 Bae hemaka, tama bona mero, mero bona tama, sina bona kekeni, kekeni bona sina, rava bada hahinena bona rava maraḡi hahinena, rava maraḡi hahinena bona rava bada hahinena.
LUK 12:54 Ia ese aru taudia e hamaorodia, eto, Umui na lahara kahana ai duba o itaiamu, o tomu “Medu baine diho”; bena vada e dihomu.
LUK 12:55 Eiava diho e toamu, o tomu “Dina baine ḡaraḡara”; bena e ḡaraḡaramu.
LUK 12:56 Koikoi taumui, umui na guba bona tanobada toadia mai dibamui; matona, hari ina nega toana be asi dibamui a?
LUK 12:57 Badina be dahaka sibomui hahemaoro momokanidia asio karamu?
LUK 12:58 Oi inaimu ida hahemaoro tauna dekena baola negana ai dala ai ba hamarumarua, ia ese hahemaoro tauna enai bame verimu vareai na garina, hahemaoro tauna ese dibura rumana igimana tauna imana ai baine atomu na garina, dibura rumana igimana tauna ese dibura rumana lalonai baine koumu na garina.
LUK 12:59 Lau na hamaoromumu, unu amo basio raka lasi ela bona davana ba haḡuḡurua vaitani.
LUK 13:1 Una negana ai haida ese Galilea taudia haida sivaraidia Iesu e hamaorolaia, Pilato ese idia raradia na edia boubou ḡaudia raradia ida e bulo hebou.
LUK 13:2 Bena Iesu ese e haere henidia, eto, Umui na o tomamu unu Galilea taudia hahidaosi edia dika na Galilea taudia oredia edia dika e hereaia, taunabunai unu e mase toma a?
LUK 13:3 Na hamaoromuimu, lasi; to umui na basio helalo kerehai, iboumui ai unu ba mase toma.
LUK 13:4 Eiava, Siloam kohorona ese e kohudia tao bona e hamasedia taudia gwautataurahaniosi; umui na o tomamu edia dika na Ierusalem taudia oredia edia dika e hereaia a?
LUK 13:5 Na hamaoromuimu, lasi; to umui na basio helalo kerehai, iboumui ai unu ba mase toma.
LUK 13:6 Ina sivarai heḡereḡerena e henidia, eto, Tau ta ena vine imeana lalonai suke auna ta e hadoa; gabeai huahuana itahuna ela, to se davaria.
LUK 13:7 Bena ia ese imea ireḡuna tauna e hamaoroa, eto, Laḡani ihatoina binai ina suke huahuana name tahua, to asina davaria; ba utua, ia na tano e lahea taomu.
LUK 13:8 A ia e haere, eto, Biagugu e, hari ina laḡani tamona mo do baine mia; tano na baina ruaia, baina haseriseria;
LUK 13:9 bena huahuana baine dobi be baine namo, a bema lasi boma utua.
LUK 13:10 Dina Helaḡa ta ai, ia ese dubu lalonai e hahediba.
LUK 13:11 Unuseni ai hahine ta lauma dikana ese vada e boloa, laḡani gwauta-taurahani, bona doruna vada e laoho, asi gini tore dibana.
LUK 13:12 Iesu ese e itaia, bena e hamaoroa, eto, Hahine e, emu doru laoho vada eme maoro.
LUK 13:13 Imana danu ia latanai e dau kau; bena doruna e maoro. Bena hari hahine ese Dirava e imodaia.
LUK 13:14 A dubu biaguna e badu, Iesu Dina Helaḡa ai e hahemauri dainai; bena ia ese aru taudia e gwau henidia, eto, Dina tauratoi mimia, taunimanima edia ḡaukara dinadia: unu dinadia ai hahemauri totona baoma, a Dina Helaḡa ai basioma.
LUK 13:15 A Lohiabada ese e haere henia, eto, Koikoi taumui e, Dina Helaḡa ai emui boromakau eiava emui doniki asio ruhaiamu, ranu ihenina asio hakaua laomu a?
LUK 13:16 A ina hahine, Abraham besena hahinena, laḡani gwauta-taurahani Satana ese e guia, be Dina Helaḡa ai basina ruhaia a?
LUK 13:17 Unu e gwau toma, bena e inai heniava taudia vada e hemarai. A aru taudia ese ena kara herea-daedia e moalelai.
LUK 13:18 Bena ia eto, Dirava ena basileia na edeheto? Dahaka ai baina haheḡereḡerea?
LUK 13:19 Ia na sinapi nadinadina ta na heto, tau ta ese e abia, ena uma ai e hadoa. Bena e tubu, au badana ai ela, bona atai manudia na rigina ai e roho kau.
LUK 13:20 Ma eto, Dirava ena basileia na dahaka ai baina haheḡereḡerea?
LUK 13:21 Ia na halubu muramurana na heto, hahine ta ese e abia, flaoa nau autoi ida e buloa, ela bona idoinai vada e tubu.
LUK 13:22 Ia na Ierusalem dalana ai e laova ai na hanua badadia bona maraḡidia lalodiai e hahedibava.
LUK 13:23 Bena tau ta ese e hereva henia, eto, Lohiabada e, gagadoi mo bae mauri eiava? Ia e haere, eto,
LUK 13:24 Ba raka balaheni, ikoukou hekahi-hekahina amo ba raka vareai. Badina be na hamaoromuimu, hutuma bae raka vareai toho, to dala na basie davaria.
LUK 13:25 Ruma biaguna baine tore isi, iduara baine koua; gabeamo umui na murimuri ai ba gini, iduara ai ba pidipidi, baoto “Lohiabada e, mani a kehoa”. To ia na baine haere henimui, baineto “Umui be ede amo lau asi dibagu”.
LUK 13:26 Bena umui ma baoto “Ai na oi vairamu ai a anianiva, a inuinuva, bona emai ariara ai o hahedibava”.
LUK 13:27 To ia baineto “Na hamaoromuimu, ede amo oma lau asi dibagu; kara havara taumui, iboumui ai dauha aola”.
LUK 13:28 Bena Abraham bona Isaak bona Iakob bona peroveta taudia iboudiai ba itadia, Dirava ena basileia lalonai; to umui na murimuri ai bae dorimui lasi; una negana ai ba tai, gadigadimui ba hahedai.
LUK 13:29 Bena dina dae amo bona dina diho amo, mirigini kahana amo bona diho kahana amo, idia na baema, Dirava ena basileia lalonai bae ege diho.
LUK 13:30 A gabe taudia haida do bae guna, bona guna taudia haida do bae gabe.
LUK 13:31 Una negana ai Farisea taudia haida ia dekena ela, e hamaoroa, eto, Dauha aola, badina be Herod ese e tahumumu, baine alamu mase e tomu.
LUK 13:32 Bena ia ese e haere henidia, eto, Aola, una uda sisiana ba hamaoroa, lau na harihari bona kerukeru lauma dikadia baina luludia lasi, bona gorere taudia baina hamnauridia, a dina ihatoina ai egu ḡaukara baina haḡuḡurua.
LUK 13:33 A harihari, kerukeru, vanegai, egu laolao bainala; badina be peroveta tauna na idau gabu ai basine mase, Ierusalem ai mo.
LUK 13:34 Ierusalem e, Ierusalem e, oi ese peroveta taudia o aladiamu, bona e siaidia vasimu taudia nadi amo o hododiamu. Nega momo natumu bama haboudia, kokoroku hahinena ese natuna e gorudia ahumu na heto, to umui na asio uramu.
LUK 13:35 Benaini, emui ruma eme mia kava. Na hamaoromuimu, umui na basio itagu lou, ela bona negana baine gini dae ai umui baoto “Lohiabada ladana ai e maimu tauna aita hanamoa”.
LUK 14:1 Dina Helaḡa ta ai, ia ese Farisea biagudia ta ena ruma ai e dae kau, bae aniani. Bena idia ese e itaia tao.
LUK 14:2 Rara dika ese e daea tauna ta ia vairanai e helai;
LUK 14:3 bena Iesu ese taravatu taudia bona Farisea taudia e nanadaidia, eto, Gorere taudia Dina Helaḡa ai baita hamauridia na mai taravatuna eiava?
LUK 14:4 A idia na asie hereva. Bena ia ese hari gorere tauna e abia, e hamauria, bena e siaia.
LUK 14:5 Bena e hamaorodia, eto, Umui daika ena doniki eiava ena boromakau guri ai bema moru dobi, ia ese Dina Helaḡa ai basinema veria dae a?
LUK 14:6 Idia ese ia asie haere henia diba.
LUK 14:7 Ia ese vadivadi taudia e itadia, helai gabudia hereadia e abi hidi, bena sivarai heḡereḡerena ta e henidia, eto,
LUK 14:8 Tau ta ese baine vavemui, headava ariana baola, gabu hereadia ai basio ege diho, aria biaguna ese herea tauna ta bema vavea na garina;
LUK 14:9 bena bema vasi hamaoromu, bema toma “A siri, ena na ina tau ena gabu”. Una negana ai oi na mai hemaraimu ida henu gabuna ai boma ege diho.
LUK 14:10 A baine vavemu ai na henu gabuna ai ba ege diho, bena e vavemu tauna baine vasi hamaoromu, baineto “Turagu e, oi na atai ai ba dae”. Bena bae ege diho taudia iboudiai ese bae imodaimu.
LUK 14:11 Badina be sibona e heimodai tauna na baine baia, a sibona e hahemanau tauna na bae imodaia.
LUK 14:12 Bena Iesu ese ia e vavea tauna e hamaoroa, eto, Dina tubua anianina eiava adorahi anianina ba dabaraia negana ai, turamu eiava tadikakamu eiava varavaramu eiava taḡa taudia dekemu ai nonoho na basio vavedia, kerukeru vanegai bae hadavaia, oi ma bae vavemu, na garina.
LUK 14:13 To aniani ba dabaraia negana ai, ogoḡami taudia bona anina-doko taudia bona aehedairike taudia bona mata-kepulu taudia ba vavedia;
LUK 14:14 unu amo vada ba namo, badina be idia na asi edia kohu bena basie hadavaia, bena kara maoromaoro tore-isina ai davamu bavabia.
LUK 14:15 Ia ida e aniani hebou tauna ta ese una hereva e kamonai, bena e hamaoroa, eto, Dirava ena basileia anibouna ai baine ege diho tauna na baine namo.
LUK 14:16 A Iesu eto, Tau ta ese aria badana e karaia, bena taunimanima hutuma e vavedia.
LUK 14:17 Aniani idabarana negana ai, ia ese ena hesiai tauna ta e siaia, e vavedia taudia baine hamaorodia, baineto “Vada aoma, ḡau iboudiai vada e lai heḡaeḡae”.
LUK 14:18 To idia iboudiai e gwau edeede. Ta eto “Lau na tano ta vada na hoia, be itana ba laomu; mani emu kara biagumu ba hamaoroa”.
LUK 14:19 Ma ta eto “Lau be boromakau gwauta vada na hoidia, be itohodia ba laomu; mani emu kara biagumu ba hamaoroa”.
LUK 14:20 Ma ta eto “Lau na harihari name headava, una dainai lau na basina vasi diba”.
LUK 14:21 Hesiai tauna e lou ela, unu hereva na biaguna e hamaorolaia lao. Biaguna na e badu dikadika; bena ena hesiai tauna e haduaia, eto, Aola haraḡa, hanua ariaradia ai bona dala ai ogoḡami taudia bona anina-doko taudia bona mata-kepulu taudia bona ae-hedairike taudia ba hakaudia mai.
LUK 14:22 Hesiai tauna ma ema, eto, Ḡaubada e, hari o hahedua heḡereḡerena ai vada na karaia, to ruma na do asie helaia davana.
LUK 14:23 Bena biaguna ese hesiai tauna ma e haduaia, eto, Baola, uma daladia ai bona ara badidiai haida ma ba haboudia, egu ruma baeme helaia davana.
LUK 14:24 Badina be lau na hamaoromuimu, na vavedia tauna ta ese egu anibou sisina taina basine ania.
LUK 14:25 Hutuma ia ida e loava; bena e gini kerehai, e hamaorodia, eto,
LUK 14:26 Ta dekegu bema mai, to tamana, sinana, adavana, natuna, tadikakana, bona ena mauri danu, basinema lalodia nege, ia na dia lauegu hahediba.
LUK 14:27 Bona ena satauro basinema huaia lau murigu ai basinema raka tauna na dia lauegu hahediba.
LUK 14:28 Umui daika kohoro baine larebaia e tomamu, basine helai diho guna, davana do basine laloa, basine haeroa guna baine haḡuḡurua diba eiava?
LUK 14:29 Ia na badina bema matamaia, a kohoro basinema ha-orea, bena bema itaia taudia iboudiai ese bema kirikirilaia,
LUK 14:30 bema toma “Ina tau ese kohoro ilarebana e matamaia, to asi goadana, seme ha-orea” na garina.
LUK 14:31 Eiava, edena hanua pavapavana, idau hanuana pavapavana baine tuari henia e tomamu, basine helai diho guna, basine haeroa, iena tuari taudia gerebu tamona bae heḡereḡere e maimu tauna ena tuari taudia gerebu rua bae hadareredia diba eiava?
LUK 14:32 Bema lasi, padadia dounu daudauna ai, ia ese ena hesiai taudia maino igwauraina baine siaidia lao.
LUK 14:33 Taunabunai, umui ese emui ḡau iboudiai basioma rakatani, umui na dia lauegu hahediba.
LUK 14:34 Damena na ḡau namona; a damena basinema tadika, dahaka ese bema hatadikaia.
LUK 14:35 Ia na dia tano iubulaina, dia seriseri ḡauna; vada negenege ḡauna mo. Mai taiana tauna na baine hakala.
LUK 15:1 Tax gogo taudia bona kara dika taudia iboudiai na iena hereva ikamonaina totona e raka kahi lao.
LUK 15:2 A Farisea taudia bona itorena taudia e maumau, eto, Ina tau ese dika taudia e abidia daemu bona idia ida e aniani heboumu.
LUK 15:3 Bena ia ese ina sivarai heḡereḡerena e henidia, eto,
LUK 15:4 Umui daika ena mamoe bema sinahu-ta, a tamona bema dobi, ia na taurahani-ta-ahui taurahani-ta tano ḡaḡaena ai basinema rakatanidia, e dobi mamoena basinema ha tahua ela bona bema davaria?
LUK 15:5 Baine davaria negana ai, ia na paḡana ai baine huaia baribara mai moalena ida.
LUK 15:6 Baine lasi, ena ruma ai baine kau, bena turana bona dekena taudia baine gogodia, baineto “Aita moale hebou, badina be egu mamoe, e dobi ḡauna, vada na davaria”.
LUK 15:7 Na hamaoromuimu, dika tauna ta e helalo kerehaimu dainai guba ai moale baine bada; a kara maoromaoro taudia taurahani-ta-ahui laurahani-ta asie helalo kerehaimu daidiai guba ai moale baine maraḡi.
LUK 15:8 Edena hahine, ena moni bema gwauta a tamona bema boio, ia na lamepa basinema haraia, ruma basinema daroa, basinema tahua ḡoevaḡoeva ela bona bema davaria a?
LUK 15:9 Baine davaria negana ai, ia ese turana bona dekena hahinedia baine gogodia, baineto “Aita moale hebou, badina be egu moni, e boio ḡauna, vada na davaria”.
LUK 15:10 Na hamaoromuimu, dika tauna ta e helalo kerehaimu dainai Dirava ena aneru unu bae moak toma.
LUK 15:11 Ma eto, Tau ta na mai natuna rarua.
LUK 15:12 Tau muritai ese tamana e hereva henia, eto, Tamagu e, iseda kohu mani a hari, lau ahugu na a henigu. Bena ena kohu idoinai raruosi e hari henidia.
LUK 15:13 Dina dia hoho vada ela, tau muritai ese ena kohu idoinai e haboua, bena eha laolao, tano daudauna ela, unuseni ai ena kohu eha lebulebulai.
LUK 15:14 Ena kohu e ore negana ai, una tano ai doe bada e vara; ia vada e ogoḡami.
LUK 15:15 Bena ia na ela, una tano tauna ta dekenai e ḡaukara; una tau ese e siaia, iena tano ai boroma baine reḡudia.
LUK 15:16 Bena boroma adia aniani ianina e urava, bogana aine kunu helaoleana; badina be tau ta ese ana se heniava.
LUK 15:17 Bena lalona e parara, eto, Tamagu na mai ena hesiai taudia hutuma, mai davadia, bona adia bahu momo mimia; a lau be vada eme hitologu mase.
LUK 15:18 Aina tore isi, tamagu dekena bainala, bainalo “Tamagu e, lau na Guba Biaguna vairanai bona oi vairamu ai vada na kara havara;
LUK 15:19 lau na dia heḡereḡere oi natumu ba gwauraigu; emu hesiai laugu ai ba halaogu, mai davagu”.
LUK 15:20 Bena e tore isi, tamana dekena ela. Ia na dala amo e laova, ruma e raka henia e laova ai, dauhai tamana ese e mataia davari, bena e bogaia hisi, e heau lao, aiona ai e hahegagiu dae, e harahua.
LUK 15:21 A natuna ese e hamaoroa, eto, Tamagu e, lau na Guba Biaguna vairanai bona oi vairamu ai vada na kara havara; lau na dia heḡereḡere oi natumu ba gwauraigu.
LUK 15:22 A tamana ese ena hesiai taudia e hamaorodia, eto, Dabua namo-hereana ta a mailaia, a hadokilaia; imana kwaki-kwakina ḡauna bona tamaka danu a mailai;
LUK 15:23 boromakau natuna, heubu ḡauna, a mailaia, bavalaia; baita aniani, baita moale hebou.
LUK 15:24 Badina be ina natugu e mase, to vada eme mauri; e boio, to vada name davaria. Bena idia na e moale hebou.
LUK 15:25 A tau guna na uma ai; bena ruma iraka-henina ai ivilikou bona mavaru reḡedia e kamonai.
LUK 15:26 Bena hesiai tauna ta e boiria, una reḡe badina e nanadailaia.
LUK 15:27 Ia eto, Tadimu vada ema, bena tamamu ese boromakau natuna, heubu ḡauna, vada e alaia; badina be natuna be mai maurina bona mai namona ida vada e davaria.
LUK 15:28 To ia na e badu, ruma ai se raka vareai. Bena tamana e raka lasi, e hamarumarua toho.
LUK 15:29 To ia ese tamana e haere henia, eto, Lau na laḡani diaḡau oi isiaimu vada na lao heni, bona emu haheḡani ta asina tataia utu; a nega ta nani natuna ta to henigu, nega ta lau turagu ida ini asia moale toma.
LUK 15:30 A ina natumu ese ariara hahinedia dekediai emu kohu vada e ha-ore lao, bena vada e lou mai, oi ese boromakau natuna, heubu ḡauna, vada o alaia ia ana.
LUK 15:31 A tamana eto, Natugu e, oi be lau dekegu ai noho, dekegu ḡaudia iboudiai oi mo emu.
LUK 15:32 A namo baita moale, baita hisi dae; badina be ina tadimu e mase, to vada eme mauri, e boio, to vada tame davaria.
LUK 16:1 Ia ese ena hahediba ma e hereva henidia, eto, Taḡa tauna ta be mai ena kohu ireguna tauna; bena haida ese e habadelaia, eto, Emu kohu ia ese e piupiulaimu.
LUK 16:2 Bena ia ese e boiria, eto, Emu kara be dahaka name kamonai? Emu hereḡu karadia herevadia ba hamaorogu, badina be vada ba doko.
LUK 16:3 Bena hari kohu ireguna tauna lalona e hadaia, eto, Lau na ede baina heto? Biagugu ese dagigu be abia ohomu. Tano iruana na asi goadagu; noi-hegame be name hemarai.
LUK 16:4 A dala ta dibagu, bena dagigu baine abia oho negana ai, idia ese edia ruma ai bae abigu dae.
LUK 16:5 Bena biaguna enai e abi torehai taudia e boiridia, ta e nanadaia, eto, Emu abi-torehai be hida?
LUK 16:6 Ia eto, Dehoro tohe sinahu-ta. Bena e hamaoroa, eto, Emu abitorehai pepana binai avabia, a helai diho, imahui a tore.
LUK 16:7 Ma ta e nanadaia, eto, Emu abi-torehai be hida? Ia eto, Uit puse sinahu-ta. Bena e hamaoroa, eto, Emu abi-torehai pepana binai avabia, taurahani-ahui a tore.
LUK 16:8 Bena lohiabada ese kohu ireḡuna tauna mai koikoina e hanamoa, badina be ena kara e karaia mai lalo-pararana ida. Badina be tanobada taudia edia lalo-parara ese diari taudia edia lalo-parara e hereaiamu.
LUK 16:9 Na hamaoromuimu, kohu dikadia amo taunimanima lalodia bavani, idia ida ba hetura heheni, bena ba dabu negana ai na basie ore rumadia ai bae abimui dae.
LUK 16:10 Ḡau maraḡina e karaia maoromu tauna ese ḡau badadia baine kara maoro; a ḡau maraḡina e karaia kereremu tauna ese ḡau badadia baine kara kerere.
LUK 16:11 Kohu dikadia basio reḡu namonamo, daika ese kohu namodia baine henimu?
LUK 16:12 Bona taunimanima idaudia edia kohu basio reḡu namonamo, daika ese umui emui kohu baine henimui.
LUK 16:13 Hesiai tauna ta biaguna rarua isiaidia basine lao heni diba. Badina be ta baine inai henia, ta be baine lalokau henia; eiava ta baine badinaia, ta be baine dadaraia. Dirava bona Taḡa isiaidia basio lao heni diba.
LUK 16:14 Farisea taudia ese una hereva e kamonai negana ai e kirikirilaia, badina be idia na moni e laloa bada.
LUK 16:15 Bena ia ese e gwau henidia, eto, Umui na taunimanima vairadiai o heimodai hehenimu, to Dirava be lalomui dibana; badina be taunimanima ese e imodaimu ḡaudia na Dirava ese e dadaraimu.
LUK 16:16 Taravatu bona peroveta taudia edia hereva e miava ema bona Ioane ena nega. Una negana amo Dirava ena basileia e harorolaiamu, bona taunimanima iboudiai e didi vareaimu.
LUK 16:17 Guba bona tanobada bae boio na mai dalana, a taravatu ena toutou ta baine boio na asi dalana.
LUK 16:18 Adavana e hadihoamu bona hahine ta e adavaiamu tauna na heuda-hanai tauna; bona e hadihoa hahinena e adavaiamu tauna danu heuda-hanai tauna.
LUK 16:19 Taḡa tauna ta e nohova, dabua kakakakadia bona aukadia e hahedokilaiva, bona dina iboudiai e moaleva bona aniani namodia mo e aniva.
LUK 16:20 Ena ruma iduarana ai noi-hegame tauna ta, ladana Lasaro, e hekureva tauna be toto ese e dudua heḡeḡe.
LUK 16:21 Ena ura be taḡa tauna ana aniani momorudia baine ani. Sisia danu ela, ia totona e demariva.
LUK 16:22 Noi-hegame tauna vada e mase, bena aneru ese e abia, Abraham kemena e laohaia. Taḡa tauna danu vada e mase, bena e ḡuria.
LUK 16:23 Mase gabuna ai hisi e aniva ai, matana e roha dae, daudauna ai Abraham e itaia, Lasaro danu ia kemena ai.
LUK 16:24 Bena e boiboi, eto, Abraham e, tamagu e, a bogagu hisi: mani Lasaro a siaia, imana kwaki-kwakina ranu ai aine urua diho, malagu mo aineme haḡavea; badina be lau na ina lahi hururu-hururuna ai hisi na animu.
LUK 16:25 Abraham eto, Natugu e, a laloa, oi o mauriva dinadia ai ḡau namodia o abiva, bona Lasaro na ḡau dikadia e abiva; harihari ia na tauhalo e abiamu, a oi bena hisi o animu.
LUK 16:26 Ina danu: ita padadai koupa badana ta mia, bena ini amo ta ena basine vasimu, bona ene amo ta ini basine maimu.
LUK 16:27 Bena ia eto, Tamagu e, na noimumu, ia na ba siaia, tamagu ena ruma bainela;
LUK 16:28 badina be tadikakagu na laima. Ia ese baine hadibadia, ina hisi-ani gabuna baema na garina.
LUK 16:29 A Abraham eto, Mose bona peroveta taudia na dekediai, idia hari bae kamonai henidia.
LUK 16:30 Ia eto, Lasi, Abraham, tamagu e, mase amo ta dekedia bema lao hari bema helalo.
LUK 16:31 A Abraham eto, Idia na Mose bona peroveta taudia basiema kamonai henidia, mase amo ta bema tore isi danu basiema kamonai henia.
LUK 17:1 Iesu ese ena hahediba e hamaorodia, eto, Hekwakwanai ḡaudia na do bae vara, to ihavaradia tauna madi ihabaina.
LUK 17:2 Namo huro badana ta aiona ai bema mataia, davara ai bema negea dobi; dika ini maraḡimaraḡidia tamona bema hahekwakwanaia.
LUK 17:3 Nahuamui ba toho: tadikakamu baine hadikamu, ba sisiba henia, bena baine helalo kerehai negana ai na ena dika ba gwaua tao.
LUK 17:4 Dina tamona ai nega hahitu baine hadikamu, bena nega hahitu baine lou henimu, baineto “Vada name helalo”, ena dika vada ba gwau tao.
LUK 17:5 Aposetolo taudia ese Lohiabada e noia, eto, Emai abidadama ame habadaia.
LUK 17:6 Lohiabada ese e haere henidia, eto, Emui abidadama bema sinapi nadinadina na heto, umui ese ina budoa boma haḡania, boma toma “Ba heraḡa, davara ai ba hehado”, bena bema kamonai henimui.
LUK 17:7 A umui daika ena hesiai tauna tano iruana eiava mamoe ireḡudia amo baine lasi negana ai baine hamaoroa, baineto “Ame ege diho haraḡa, bavaniani”?
LUK 17:8 Lasi, ia na baineto “Agu a nadu, emu rami ba rioa, isiaigu ba lao heni ela bona baina aniani vaitani baina inuinu vaitani, murinai oi ma bavaniani bona ba inuinu” ani?
LUK 17:9 Ia ese hesiai tauna e hanamoaunu, e hahedua karadia e kara dainai, a?
LUK 17:10 Benaini, umui danu, e haduamui karadia iboudiai ba kara, bena baoto “Ai na hesiai taumai dia nanamo, badina be e haduamai karadia mo vada a karamu”.
LUK 17:11 Ia na Ierusalem e lao heniava negana ai, Samaria bona Galilea tanodia amo e raka hanai.
LUK 17:12 Hanua maraḡina ta ai e lasi, bena lepra taudia gwauta ia ida e hedavari, to dauhai e gini,
LUK 17:13 Iesu e boi henia eto, Iesu, biagumai e, ame bogamai hisi.
LUK 17:14 Ia ese e raraidia, bena e hereva henidia, eto, Hahelaḡa taudia dekedia hari aola, bae itamui. Bena vada ela. Dala amo e laova ai kopidia vada e ḡoeva.
LUK 17:15 Bena tamona mo kopina e itaia vada e ḡoeva, e lou ela, mai moale badana ida Dirava e imodaia,
LUK 17:16 bona Iesu aena badinai e goru diho, e hanamoa. A ia na Samaria tauna.
LUK 17:17 Bena Iesu eto, Gwautaosi asie ḡoeva a? Taurahani-ta be edeseni ai?
LUK 17:18 Haida asie lou, Dirava asie imodaia, ina idau bese tauna mo sibona a?
LUK 17:19 Bena ia ese e hamaoroa, eto, A tore isi, vada aola; emu abidadama ese vada e hamaurimu.
LUK 17:20 Farisea taudia ese e nanadaia, eto, Dirava ena basileia na edena nega ai bainema? Ia ese e haere henidia, eto, Dirava ena basileia na basinema ena gini-dae ta nariamu ḡauna na heto.
LUK 17:21 Bona ta basineto “Ḡau na o ina” eiava “Ḡau na o una”; badina na Dirava ena basileia na lalomui ai.
LUK 17:22 Bena ia ese ena hahediba e hamaorodia, eto, Nega ta baine gini dae, umui na ba ura Taunimanima Natuna ena dina tamona mo ba itaia, to basio itaia.
LUK 17:23 Haida na baeto “Tauna o ina” eiava “Tauna o una”: to umui na basiola, muridiai basio raka.
LUK 17:24 Badina be kevaru guba kahana ai e kevaru isimu e laomu bona guba kahana na heto, Taunimanima Natuna ena dina lalonai unu baine heto.
LUK 17:25 A ia na hisi diaḡau do baine ani guna, bona ina uru taudia ese bae dadaraia.
LUK 17:26 Noa ena nega ai na heto, Taunimanima Natuna ena nega ai unu baine heto.
LUK 17:27 Idia na e anianiva, e inuinuva, e headavava, ema bona Noa lagatoi ai e ḡui dinana; bena utu-utu ese e utudia dae, e dono mamase.
LUK 17:28 Lot ena nega ai danu unu mo heto. E anianiva, e inuinuva, e hoihoiva, e hadohadova, ruma e karava.
LUK 17:29 A Lot na Sodoma amo e raka lasi dinana ai lahi bona nadi siahudia guba amo e moru, iboudiai e habuadia tari.
LUK 17:30 Taunimanima Natuna baine hedinarai dinana ai danu unu baine heto.
LUK 17:31 Una dina ai, tau ta bema guhi ai, ia na ruma lalonai basinema raka vareai, ena kohu basinema abi kau; bona tau ta bema uma ai, ia na hanua basinema lou henia.
LUK 17:32 Lot adavana ba laloa.
LUK 17:33 Ena mauri e abia tarikatarikamu tauna ese mauri baine reaia; a ena mauri e reaiamu tauna ese mauri baine abia.
LUK 17:34 Na hamaoromuimu, una hanuaboi ai tatau rarua geda tamona ai bae hekure; ta baine heabi oho, ta be baine noho.
LUK 17:35 Hahine rarua uit iririlaina nadina bae giroa; ta baine heabi oho, ta be baine noho.
LUK 17:36 Tatau rarua uma ai bae ḡaukara; ta baine heabi oho, ta be baine noho.
LUK 17:37 Idia ese e nanadaia, eto, Lohiabada e, edeseni ai? Ia eto, Mase ḡauna e miamu gabuna ai galo bae hebou.
LUK 18:1 Ia ese sivarai heḡereḡerena ta e henidia, nega iboudiai bae ḡuriḡuri, basie hesiku, helaoreana.
LUK 18:2 Eto, Hanua ta ai hahemaoro tauna ta e nohova: ia na Dirava garina se gariva, bona taunimanima se matauraidiava.
LUK 18:3 Una hanua vabuna ta hari hahemaoro tauna dekena ela, bena eto, E inai henigumu tauna davana ba henia.
LUK 18:4 Dina haida ia na se kamonai; gabeamo sibona lalona e hadaia, eto, Lau na Dirava garina asina garimu bona taunimanima asina matauraidiamu,
LUK 18:5 ḡau tamona ina vabu ese e haturiagumu dainai ena hahemaoro na baina karaia, baine loulou henigu baine hahekwarahigu na garina.
LUK 18:6 Lohiabada eto, Una hahemaoro tauna dikana ena hereva ba haeroa.
LUK 18:7 Benaini, Dirava ese e abidia hidi taudia, e tai henia boi tai henia rani taudia, inaidia davadia basine henidia a? Ena be e kara e halahemu na helu,
LUK 18:8 to, na hamaoromuimu, davadia do baine henidia haraḡa. Ḡau tamona, Taunimanima Natuna bainema negana ai abidadama tanobada ai baine davaria eiava?
LUK 18:9 Idia sibodia edia kara maoromaoro e abiabirai bona idau taudia e dadaraidia taudia na ina sivarai heḡereḡerena e henidia.
LUK 18:10 Tatau rarua Dubu Helaḡa ai e raka vareai, ḡuriḡuri totona; ta be Farisea tauna, ma ta taona gogo tauna.
LUK 18:11 Farisea tauna e gini edea, e guriḡuri, eto, Dirava e, lau ese na hanamomumu, badina be lau na dia haida heḡereḡeredia, dadidadi taudia, kara gageva-gageva taudia, heuda-hanai taudia; oibe, lau na dia ina tax gogo tauna bamona.
LUK 18:12 Lau na pura ta lalonai harua na anivagamu; na davaridia kohudia idoidiai karoadia na ha-gwautamu, karoa ta herahia ḡauna ai na halaoamu.
LUK 18:13 A tax gogo tauna na dauhai e gini, matana e igo diho, kemena e pataia, eto, Dirava e, lau na dika taugu, ame bogagu hisi.
LUK 18:14 Lau na hamaoromuimu, una tau na ena ruma e lou henia mai lalo ḡoevana ida; a hari Farisea tauna be lasi. Badina be sibona e heimodai tauna na baine baia, a sibona e hahemanau tauna na bae imodaia.
LUK 18:15 Haida ese natudia karukarudia ia dekena e laohaidia, ediai baine dau kau eto; to hahediba ese e itadia, bena e gwaudia tubu.
LUK 18:16 A Iesu ese e boiridia, eto, Memero-memero na dekegu aema, asio luludia; badina be enehetomadia na Dirava ena basileia taudia.
LUK 18:17 Na hamaoromui momokanimu, ta ese Dirava ena basileia basine abia mero-mero na heto, ia na basine raka vareai unuseni ai.
LUK 18:18 Lohia ta ese e nanadaia, eto, Hahediba taumu namona e, lau na mauri hanaihanai iabina be ede baina kara toma?
LUK 18:19 Iesu eto, Dahaka dainai namogu o gwauraigumu? Ta dia namo, Dirava mo sibona.
LUK 18:20 Taravatu vada dibamu: Basio heuda hanai; Basio ala-ala; Basio henao; Basio hahebade koikoi; Tamamu sinamu ba matauraidia.
LUK 18:21 Ia eto, Ene iboudiai vada na badinadia, maraḡigu negana amo.
LUK 18:22 Iesu una hereva e kamonai, bena e hamaoroa, eto, Oi na ḡau tamona mo o dabumu: emu kohu iboudiai ba ha hoi, ogoḡami taudia ba harihari henidia, guba kohuna bavabia; bena baoma, murigu ai bame raka.
LUK 18:23 Ia ese una hereva e kamonai, bena lalona e hisihisi bada, badina be ia na taḡa tauna.
LUK 18:24 Iesu ese e raraia, eto, Taḡa taudia na Dirava ena basileia iduarana ai bae heloge.
LUK 18:25 Kamelo na kobi matuna ai e vareaimu be haraḡa, a taḡa tauna na Dirava ena basileia lalonai baine vareai mai hekwarahina ida.
LUK 18:26 E kamonai taudia eto, Be, daika mauri baine davaria?
LUK 18:27 A ia eto, Taunimanima ese ikaradia asi dibadia ḡaudia na Dirava ese baine karadia diba.
LUK 18:28 Petro eto, Ai na emai ḡau iboudiai vada a rakatani, oi vada a ḡavamu.
LUK 18:29 Ia ese e hamaorodia, eto, Na hamaoromui momokanimu, ta ese ruma eiava adavana eiava tadikakana eiava tamana eiava sinana eiava natuna Dirava ena basileia dainai vada e rakatani,
LUK 18:30 ia na ina negana ai ḡau momo be abimu, bona nega gabena ai danu mauri hanaihanai baine abia.
LUK 18:31 Ia ese gwauta-raruosi e hakaudia siri, e hamaorodia, eto, Ita na Ierusalem ta dara daemu, unuseni ai peroveta taudia ese Taunimanima Natuna sivaraina e tore guna herevadia na iboudiai anidia do bae vara.
LUK 18:32 Badina be ia na idau bese taudia ediai taona do bae torea; bae ḡonaḡonalaia; bae ihi-ihiraia; bae kanudia;
LUK 18:33 bae dadabaia; bae alaia mase; a dina ihatoina ai ma baine tore isi lou.
LUK 18:34 Ina idoinai na asi dibadia. Hereva e kamonai, to lalodia na asie parara; ia ese e gwaurai herevadia anidia na asie davari.
LUK 18:35 Ia na Ieriko e raka henia kahi. Mata-kepulu tauna ta dala isena ai helaina ai e noi hegameva;
LUK 18:36 hutuma dala amo e laova reḡedia e kamonai, bena e henanadai, reḡe anina be dahaka?
LUK 18:37 Idia ese e hamaoroa, eto, Iesu, Nasaret tauna, e raka hanaimu.
LUK 18:38 Bena ia na e boiboi, eto, Iesu, David natuna e, ame bogagu hisi.
LUK 18:39 Vairai e raka taudia ese e gwau henia, basine hereva eto; to ia na e boi lalo-dika, eto, David natuna e, ame bogagu hisi.
LUK 18:40 Bena Iesu vada e gini, eto, A hakaua mai. E raka kahi lao, bena Iesu ese e nanadaia, eto,
LUK 18:41 Dahaka emu ai baina kara? Ia eto, Lohiabada e, matagu boma hapapa.
LUK 18:42 Iesu eto, Matamu be papamu; emu abidadama ese vada e hamaurimu.
LUK 18:43 Matana vada e papa, bena Iesu murinai e raka, Dirava e imodaia. Una kara e itaia taudia iboudiai ese Dirava e hanamoa.
LUK 19:1 Iesu na Ieriko amo e raka hanaiva lalonai,
LUK 19:2 tau ta ladana Sakaio, tax gogo taudia biagudia ta, ia danu taḡa tauna,
LUK 19:3 e ura dikadika Iesu baine itaia; to hutuma daidiai se itaia, badina tau kwadogi.
LUK 19:4 Bena e heau guna ela, budoa ta ai eha dae, Iesu raka-hanaina ai baine itaia eto.
LUK 19:5 Iesu na una gabu ai e kau, e roha dae, e itaia, bena e hamaoroa, eto, Sakaio e, a diho haraḡa, badina be hari dina emu ruma ai baina noho.
LUK 19:6 Bena e diho haraḡa-haraḡa, ena ruma ai e abia dae mai moalena ida.
LUK 19:7 E itaia taudia iboudiai ese e maumauraia, eto, Ia ese dika tauna e vadivadi heniamuu.
LUK 19:8 A Sakaio e gini tore, Lohiabada e hereva henia, eto, Lohiabada e, a itaia, egu kohu kahana na ogoḡami taudia aina henidia, bona ena kohu vada na abia kava tauna na nega hani baina henia lou.
LUK 19:9 Iesu eto, Harihari hahemauri na ina ruma ai vada eme kau; badina be ia danu Abraham natuna.
LUK 19:10 Badina be Taunimanima Natuna na boio taudia itahudia bona ihamauridia totona ema.
LUK 19:11 Bena e kamonaiva taudia na Iesu ese sivarai heḡereḡerena ta ma e hamaorodia; badina be Ierusalem vada e kahira-kahira, bona idia banava eto Dirava ena basileia una negana ai baine hedinarai.
LUK 19:12 Ia eto, Lohia ta hanua daudauna ela, pavapava dagina baine abia bena ma baine lou mai eto.
LUK 19:13 Una dainai ena hesiai taudia gwauta e boiridia guna, gold monidia ladadia mina ta ta amo e henidia, eto, Ba hoihoilai ela bona lau baina lou mai.
LUK 19:14 To ena hanua taudia ese e lalo dika heniava; bena hesiai haida ia murina amo e siaidia, baeto “Ai na asia uramu emai pavapava ai bainela”.
LUK 19:15 Pavapava dagina e abia, bena e lou, moni e henidia taudia e boiridia, edia hoihoi ai e davari ḡaudia baine diba eto.
LUK 19:16 Ginigunana ema, eto, Ḡaubada e, emu mina ta amo mina gwauta vada na davari.
LUK 19:17 Ia ese e hanamoa, eto, Namo herea; oi na hesiai taumu namona; ḡau maraḡina o balaia heni namonamo dainai, hanua gwauta lohiadia ai baola.
LUK 19:18 Ihararuana danu ema, eto, Ḡaubada e, emu mina ta amo mina ima vada na davari.
LUK 19:19 Bena ia eto, Hanua ima lohiadia ai baola.
LUK 19:20 Ta ma ema, eto, Ḡaubada e, emu mina tamona binai; dabua ai na kumia, na balaia heni;
LUK 19:21 badina be oi garimu na gariva, oi na gwautora taumu, to atoa diho ḡauna o abia isimu, to hadoa ḡauna o utuamu.
LUK 19:22 A ia eto, Oi na hesiai taumu dikana; sibomu emu hereva amo baina hahemaoro henimu. Oi na dibamu lau na gwau-tora taugu, asina atoa diho ḡauna na abia isimu bona asina hadoa ḡauna na utuamu.
LUK 19:23 Matogana: edeheto egu moni na bank taudia dekedia to laohaia; bena bama lou mai, bama abia lou mai ato-kauna ida?
LUK 19:24 Bena dekenai e gini taudia e haduadia, eto, Enai mina na avabihaia, mina gwauta tauna ba henia.
LUK 19:25 Idia eto, Ḡaubada e, ia na mai ena mina gwauta.
LUK 19:26 Ia ma eto, Lau na hamaoromuimu, mai ena ḡau tauna na ḡau momo bae henia; to asi ena ḡau tauna enai sina miana ḡauna do bae abihaia.
LUK 19:27 A lau inaigu, asie urava baina lohiadia taudia, a mailaidia, vairagu ai bavaladia mase.
LUK 19:28 Una hereva muridiai Iesu ese e gunalaidia, Ierusalem ai eha dara dae.
LUK 19:29 Ia na e raka lao, ela bona Betefage bona Betania, Olive ororona hanuadia, vada e kahira-kahira. Bena ena hahediba rarua e siaidia guna,
LUK 19:30 eto, Vairada hanuana aola, bena ba raka vareai gabuna ai doniki natuna ta hemata-kauna ai ba itaia, latanai tau ta do se helai kau; ba ruhaia, ba mailaia.
LUK 19:31 A ta ese baine nanadaimui, baineto “Dahaka dainai ena doniki natuna o ruhaiamu?” umui baoto “Lohiabada ese e ura heniamu”.
LUK 19:32 E siaidia taudia na vada ela, e hamaorodia heḡereḡerena ai vada e davaria.
LUK 19:33 ldia ese doniki natuna e ruhaiava ai, doniki biaguna ese e nanadaidia, eto, Dahaka dainai doniki natuna o ruhaiamu?
LUK 19:34 Idia eto, Lohiabada ese e ura heniamu.
LUK 19:35 Idia ese doniki natuna na Iesu dekena e hakaua lao, bona edia dabua na doruna ai e laha; bena Iesu e helai kau.
LUK 19:36 Laona ai, idia ese edia dabua na dala ai e laha.
LUK 19:37 Hanua vada e kahikahi, Olive ororona e hekei, bena hahediba hutuma bada e moale hisi dae, Dirava e imodaia, e itava karadia siahudia iboudiai daidiai.
LUK 19:38 Idia eto, Hanua Pavapavana, Lohiabada ladana ai e maimu, aita hanamoa; Maino guba ai baine bada, Bona heimodai guba doriva-dorivana ai.
LUK 19:39 Bena Farisea taudia haida ese hutuma bogaragidia amo ia e hamaoroa, eto, Hahediba taumu e, emu hahediba na a gwau henidia.
LUK 19:40 A ia ese e haere henidia, eto, Lau na hamaoromuimu, idia na bema asi reḡereḡedia, ini nadi bema lolo.
LUK 19:41 Ia na e raka kahira, hanua e itaia, bena e tai henia,
LUK 19:42 eto, Madi, hari dina ai emu maino badina boma diba boma namo; to matamui amo vada e hehuni.
LUK 19:43 Badina be negana do baine gini dae, oi inaimu ese tano bae larebaia, bae koumu heḡeḡe, asi emu raka lasi dalana.
LUK 19:44 Bena tano ai bae kohumu tao, natumu danu bae kohudia tao, bona nadi ta nadi ta latanai basine mia; badina be ivadivadi-henimu negana na asi dibamui.
LUK 19:45 Bena Dubu Helaḡa ai e raka vareai, hoihoi taudia e luludia lasi.
LUK 19:46 E gwau henidia, eto, Vada e torea, Egu ruma na ḡuriḡuri rumana; to umui ese dadidadi taudia edia kohua ai ome halaoa.
LUK 19:47 Dina iboudiai Dubu Helaḡa lalonai e hahedibava. Hahelaḡa taudia bona itorena taudia bona hanua tau-badadia ese ia ialana dalana e tahuava,
LUK 19:48 to dala ta asie davaria, badina be taunimanima iboudiai na ia ikamonaina e urava.
LUK 20:1 Dina ta, ia na Dubu Helaḡa lalonai e hahedibava bona sivarai namo e harorolaiava; bena hahelaḡa taudia bona itorena taudia bona hanua tau-badadia dekena ela,
LUK 20:2 e nanadaia, eto, Edena siahu ai ini ḡau o karamu?
LUK 20:3 Ia e haere, eto, Lau danu hereva ta aina nanadailaimui: a hamaorogu,
LUK 20:4 Ioane ena bapatiso be guba amo eiava taunimanima edia amo;
LUK 20:5 Idia na sibodia e hereva heheni, eto, Ita baitato “Guba amo”, ia baineto “Matona asio kamonai heniava”.
LUK 20:6 A baitato “Taunimanima edia amo”, taunimanima iboudiai ese nadi amo bae hododa; badina be idia na e tomamu Ioane na peroveta tauna.
LUK 20:7 Taunabunai idia ese e haere henia, eto, Ia na ede amo ai asi dibamai.
LUK 20:8 Bena Iesu eto, Lau danu ini ḡau na karalaimu siahuna na basina hamaorolaimui.
LUK 20:9 Bena ia ese taunimanima e hereva henidia matama, ina sivarai heḡereḡerena e hamaorolaidia, eto, Tau ta, ese vine imeana e hadoa, bena imea ireḡuna taudia e habadinalaidia. Bena idau hanua ela, nega daudau unuseni ai eha noho.
LUK 20:10 Huahua negana ai, ia ese ena hesiai tauna ta e siaia lao, imea ireḡuna taudia dekediai vine anidia baine abi. To imea ireḡuna taudia ese e dadabaia, ima kavakavana e haloua.
LUK 20:11 Bena hesiai tauna ma ta e siaia, to idia ese e dadabaia, e hahemaraia, ma Ima kavakavana e haloua.
LUK 20:12 Ihatatoina danu e siaia, to ia na e haberoa, bona murimuri ai e tahoa lasi.
LUK 20:13 Bena imea biaguna eto, Lau na ede baina kara toma? Lau natugu, egu lalokau, hari baina siaia, bae itaia, reana bae matauraia.
LUK 20:14 To imea ireḡuna taudia ese e itaia, e hereva heheni, eto, Dihina binai; baitama alaia mase, bena imea na baita abia iseda;
LUK 20:15 Bena imea murimurinai e veria lasi e alaia mase. Imea biaguna be ede baine karadia toma?
LUK 20:16 Ia na do bainema, imea ireḡuna taudia baine aladia ore, imea na idaudia haida baine henidia. E kamonai taudia eto, Ia! Lasi! Dia unuheto!
LUK 20:17 A ia ese e raraidia, eto, Buka ai e torea herevana anina be dahaka? Ruma ikarana taudia ese e dadaraia nadina na Daiguna nadina ai vada ela.
LUK 20:18 Una nadi latanai baine moru tauna na baine makohi; a una nadi ese baine kurea tao tauna baine pata rohoroho, ḡahu na heto.
LUK 20:19 Una hora ai itorena taudia bona hahelaḡa taudia ese idabai-taona e ura, to aru taudia garidia e gariva; badina be idia dibadia una sivarai heḡereḡerena matana be idia ediai.
LUK 20:20 Bena e itaia tao, bona dibaka taudia e siaidia, bae nanadaia kara maoromaoro taudia na heheto, ena hereva amo bae idoaia, bena gavana imana ai bona siahuna ai bae henia eto.
LUK 20:21 Idia ese e nanadaia, eto, Hahediba taumu e, ai dibamai emu hereva bona emu hahediba na mamaoromamaoro, bona taunimanima oromadia to lalomu, a Dirava ena dala o hahedibalaia ḡoevaḡoevamu.
LUK 20:22 Kaisara ena tax monina baita henia na maoro eiava?
LUK 20:23 A ia be edia koikoi dibana, bena e haere, eto,
LUK 20:24 Silver monina ta ba haheitalaigu. Daika laulauna bona daika ladana bini? Idia eto, Kaisara.
LUK 20:25 Bena ia eto, Kaisara ena, Kaisara ba henia; Dirava ena, Dirava ba henia.
LUK 20:26 Bena aru taudia vairadiai ena hereva amo asie idoaia; ena haere e hoalaia, asi edia hereva ta.
LUK 20:27 Una murinai Sadukea taudia haida ia dekena ela: una orea e tomava mase na basie tore isi lou. Bena e nanadaia, eto,
LUK 20:28 Hahediba taumu e, Mose ese emai taravatu e henimai, eto, Tau ta baine mase bona vabuna baine noho asi natuna, vabu na ihana ese baine adavaia, natuna baine havaraia mase tauna ena.
LUK 20:29 Benaini, tadikaka hahitu e nohova, tau guna ese hahine ta e adavaia, to asi natuna vada e mase.
LUK 20:30 Ihararuana bona ihatatoina ese una hahine e adavaia,
LUK 20:31 ela bona hahituosi ese vada e abia. To iboudiai e mase, asi natudia.
LUK 20:32 Gabeamo hahine danu vada e mase.
LUK 20:33 Tore-isi-lou negana ai, una hahine na daika adavana? Badina be hahituosi ese e adavaia.
LUK 20:34 Iesu e haere, eto, Ina tanobada taudia ese hahine e abidiamu, bona e headavamu.
LUK 20:35 A do bainema basileiana ai kara maoromaoro taudia na bae tore isi lou, bena basie headava,
LUK 20:36 bona basie mase lou; idia na aneru ida bae heḡereḡere bona Dirava natuna ai baela, badina be idia na toreisi-lou taudia.
LUK 20:37 A mase amo e tore isi lou herevana na Mose ese au ḡiniḡini sivaraina lalonai vada e hamaoroda, Lohiabada vada e gwauraia: Abramham ena Dirava, Iakob ena Dirava.
LUK 20:38 Banaini, ia na dia mase taudia edia Dirava, to mauri taudia edia; badina be taunimanima iboudiai na ia dainai e maurimu.
LUK 20:39 Itorena taudia haida eto, Hahediba taumu e, hereva maorona benai.
LUK 20:40 Bena unu amo asie nanadaia lou; vada e gari.
LUK 20:41 A ia ese e nanadaidia, eto, Badina be dahaka taunimanima e tomamu Keriso na David natuna a?
LUK 20:42 David na Salamo lalonai eto, Lohiabada ese egu Lohia e hamaoroa, eto, Lau idibagu kallana ai ba helai,
LUK 20:43 Ela bona inaimu iboudiai na Oi aemu ihadaidia ḡaudia ai baina halaodia.
LUK 20:44 O David sibona ese “lohiabada” e gwauraia be edeheto ia na ia natuna?
LUK 20:45 Bena taunimallima iboudiai vairadiai ia ese ena hahediba e hamaorodia, eto,
LUK 20:46 Itorena taudia nahuadia ba toho: idia na e uramu dabua latadia bae rio, bae loaloa, hoihoi gabudia ai taunimanima ese bae hanamodia, bona dubu ai bona anibou ai gabu hereadia ai bae helai.
LUK 20:47 A idia ese vabu edia ruma e ha-ogoḡamidiamu; bena edia ḡuriḡuri e hadaudaumu, taunimanima ikoilaidia. Idia na dava metauna do bae abia.
LUK 21:1 Ia e roha isi, taḡa taudia e itadia, edia boubou monidia na maua lalonai e uda dobi.
LUK 21:2 Ma vabu ogoḡamina ta e itaia, ena moni maraḡi-maraḡidia rua e uda dobi.
LUK 21:3 Bena ia eto, Na hamaoromui momokanimu, ina vabu ogoḡamina e uda dobi ḡaudia ese idia iboudiai edia e hereadiamu.
LUK 21:4 Badina be idia ese edia taḡa amo sidia taidia mo boubou mauana ai eme uda dobi; to ia ese ena ogoḡami amo ena ḡau idoinai, ena mauri gauna, eme udaia dobi.
LUK 21:5 Haida ese dubu Helaḡa e herevalaia, ihaheralaina nadidia nanlodia bona herahia ḡaudia helaḡadia herevadia e kara. A ia eto,
LUK 21:6 Hari o itamu ḡaudia iboudiai nega gabena ai bae heḡiḡi dobi, nadi ta nadi ta latanai basine mia.
LUK 21:7 Bena idia ese e nanadaia, eto, Hahediba taumu e, edena nega ai ene ḡau bae vara? Bona bae vara negana toana be dahaka?
LUK 21:8 Ia eto, Nahuamui ba toho, bae koimui na garina. Badina be hutuma lau ladagu ai baema, baeto “Tauna bina lau” bona “Negana vada eme kahirakahira”; to idia muridia amo basiola.
LUK 21:9 A tuari bona heloḡo-heloḡo haridia ba kamonai, basio gari, badina be ini ḡau do bae vara guna, a dokona be dounu vairai.
LUK 21:10 Ma eto, Bese ta bese ta ida bae heala-ala heheni, bona basileia ta basileia ta ida bae tuari.
LUK 21:11 Gabu idau-idau ai tano baine laga; doe bona dai-hanai goreredia bae vara; hahegari ḡaudia bona guba toadia badadia bae hedinarai.
LUK 21:12 A unu ḡau do basie vara, idia ese umui bae dabaimui tao, bae hahisimui, dubu ai bona dibura rumadia ai bae dorimui vareai; pavapava bona gavana vairadiai bae hakaumui lao, lau ladagu dainai.
LUK 21:13 A unu ḡau na umui ihamomokanilaimui ḡaudia ai baela.
LUK 21:14 Lalomui ba hadai, emui haere herevadia na basio haero guna;
LUK 21:15 badina be lau ese hereva bona aonega baina henimui, bena inaimui iboudiai ese igwau-tubumui bona ilao-ahumui basie goada.
LUK 21:16 A tamamui, sinamui, tadikakamui, varavaramui, turamui ese taomui bae tore, umui haida danu bae alamui mase;
LUK 21:17 taunimanima iboudiai bae inai henimui lau daigu ai.
LUK 21:18 To kwaramui huidia tamona basine dika.
LUK 21:19 Emui haheauka dainai laumamui do bae mauri.
LUK 21:20 Tuari oreadia ese Ierusalem bae koua heḡeḡe ba itaia, vada ba diba ia dokona vada eme kahira-kahira.
LUK 21:21 Una negana ai Iudea ai bae noho taudia na ororo bae heau lao, bona hanua lalonai bae noho taudia na bae heau lasi, bona gunika ai bae noho taudia na hanua ai basie raka vareai.
LUK 21:22 Badina be dava kara negana bunai; e tore guna herevadia iboudiai ihamomokanidia dinana bunai.
LUK 21:23 Una negana ai rogorogo hahinedia bona mararoto hahinedia madi ihabaidia! Badina be hisi badadia ina tano ai bae vara, bona badu ina bese taudia latadiai baine kau.
LUK 21:24 Haida be dare matadia ai bae mase; haida be bae abidia mauri, idau hanua idau hanua bae laohaidia. Idau bese taudia ese Ierusalem bae moia tao, ela bona unu idau bese edia nega baine ore.
LUK 21:25 Dina, hua, hisiu ai toa bae vara; bona tanobada besedia na hisi-ani bona kudou-hetaha ese bae butudia tao. Davara reḡedia bona hurehuredia danu bae bada.
LUK 21:26 Taunimanima kudoudia bae hetaha, daradia bae doko, bae vara ḡaudia garidia bae gari dainai. Badina be guba siahudia bae mareremarere.
LUK 21:27 Bena idia ese Taunimanima Natuna bae itaia, ori latanai bainema, mai siahu-badana bona mai hairaina ida.
LUK 21:28 A ini ḡau bae vara matama negana ai na ba gaga isi, badina be ihamaurimui vada baine kahikahi.
LUK 21:29 Ia ese hereva heḡereḡerena ta e henidia, eto, Hodava bona au iboudiai ba itadia.
LUK 21:30 Tuhutuhudia e kobo daemu o itamu, vada dibamui lahara vada eme kahira-kahira.
LUK 21:31 Taunabunai, umui danu ini ḡau bae vara ba itaia, vada ba diba Dirava ena basileia vada eme kahira-kahira.
LUK 21:32 Na hamaoromui momokanimu, ina uru do basine ore, ini ḡau iboudiai do bae vara vaitani.
LUK 21:33 Guba bona tanobada bae puki, a lauegu hereva na basine puki.
LUK 21:34 Nahuamui ba toho, aniani momo bona kekero muramuradia bona tanobada ena lalo-haguhi ḡaudia ese lalomui bae hametaudia na garina; bena una dina ese baine hahoamui, idoa na heto.
LUK 21:35 Badina be una dina na tanobada inoholaina taudia iboudiai ediai baine kau.
LUK 21:36 Taunabunai, ba gima, nega idoinai ba ḡuriḡuri, bena unu dika amo ba roho mauri, Taunimanima Natuna vairanai do ba gini.
LUK 21:37 Una negana ai Iesu ena kara be dina ai Dubu Helaḡa ai e hahedibava, a hanuaboi iboudiai e raka lasi, Olive ororona ai eha nohova.
LUK 21:38 Daba matadia ai taunimanima iboudiai Dubu Helaḡa ai e hebouva, iena hereva ikamonaidia totona.
LUK 22:1 Asie-hatubua-flaoana ariana, ladana Lagau-hanai, vada e kahira-kahira.
LUK 22:2 Bena hahelaḡa taudia bona itorena taudia ese ia ialana dalana e tahua, badina be idia na aru taudia garidia e gari.
LUK 22:3 Una negana ai Satana ese Iuda Iskariote, gwauta-rarua tauna, e boloa;
LUK 22:4 bena ia na vada ela, hahelaḡa taudia bona Dubu Helaḡa biagudia ida e henega, Iesu ede baine henidia toma.
LUK 22:5 Idia na vada e moale, e gwau henia hamata, moni bae henia eto.
LUK 22:6 Ia eto, Namo. Bena nega e naria, aru taudia lasihidia ai ia ese Iesu baine henidia.
LUK 22:7 Asie-hatubua-flaoana Ariana dinana, Lagau-hanai mamoedia ialadia dinana, e kau.
LUK 22:8 Bena Iesu ese Petro bona Ioane e siaidia, eto, Aola, Lagauhanai ba karaia heḡaeḡae, bena baita ania.
LUK 22:9 Raruosi eto, Edeseni ai baia karaia heḡaeḡae?
LUK 22:10 Bena ia ese e hamaorodia, eto, Hanua badana ai ba raka vareai, tau ta hodu baine ehea ba itaia, bena ia baine dae kau rumana ai ba dae kau.
LUK 22:11 Bena una ruma biaguna ba hereva henia, baoto “Hahediba tauna e tomu, vadivadi daiutuna be edena, egu hahediba ida Lagau-hanai baia ania?”
LUK 22:12 Bena ia ese atai daiutuna badana ta baine haheitalaimui, vada e iravaia vaitani. Unuseni ai ba heḡaeḡae.
LUK 22:13 Bena raruosi ela, ia ese e gwaurai guna ḡaudia e davari; bena Lagauhanai e dabaraia.
LUK 22:14 Negana vada e gini dae ai, ia na ena aposetolo taudia ida e ege diho.
LUK 22:15 Bena ia ese e hereva henidia, eto, Vada na ura bada hari ina Lagauhanai baitama ania hebou guna, murinai hisi bama ani.
LUK 22:16 Badina be na hamaoromuimu, lau na Lagau-hanai basina ania lou ela bona anina korikori baine hedinarai Dirava ena basileia lalonai.
LUK 22:17 Bena kehere ta e abia, e hanamoa, eto, Ina na avabia, iboumui ai ba inua.
LUK 22:18 Badina be na hamaoromuimu, lau na vine ranuna basina inua lou ela bona Dirava ena basileia baine kau.
LUK 22:19 Bena flaoa atagana ta e abia, e hanamoa, e bitua, e henidia, eto, Lau taugu binai, umui daimui ai vada e heni; ini ba kara toma, lau ilalolaigu.
LUK 22:20 E aniani vaitani, bena ia ese kehere ma e abia, eto, Ina kehere na herohemaino matamatana lau raragu ai, umui daimui ai baine hebubu.
LUK 22:21 Taogu itorena tauna imana na pata latanai, ina lau ohegu ai.
LUK 22:22 Momokani, Taunimanima Natuna vada be laomu, e gwaurai guna heḡereḡerena, a taona itorena tauna madi ihabaina.
LUK 22:23 Bena sibodia e henanadai heheni, idia daika unu baine kara toma.
LUK 22:24 Ma sibodia e hapapahuahu heheni, idia daika vada e herea.
LUK 22:25 Bena ia ese e hamaorodia, eto, Bese idau-idau edia pavapava ese e lohiadiamu; bona hanua idau-idau taudia ese edia lohia e heatolaidiamu.
LUK 22:26 To umui na dia unuheto: umui bogaragimui ai tau guna na tau muritai ai bainela, bona hahekau tauna danu hesiai tauna ai bainela.
LUK 22:27 Hereana be daika: aniani gabuna ai e ege dihomu tauna, eiava hesiai tauna? Aniani gabuna ai e ege dihomu tauna ani? Lau be umui bogaragimui ai hesiai taugu na heto.
LUK 22:28 A umui be e dibaḡaniguva negadia ai dekegu ai o noho tarikatarikava taumui;
LUK 22:29 taunabunai, Tamagu ena basileia ta lauegu vada e gwauraia heḡereḡerena, lau danu basileia ta umui emui na gwauraiamu;
LUK 22:30 bena egu basileia lalonai egu pata ai bavaniani bona ba inuinu, bona terono ai ba helai kau, bena Israel iduhudia gwauta-ruaosi ba hahemaoro henidia.
LUK 22:31 Simona e, Simona e, na hamaoromuimu, Satana ese umui iboumui ai vada e gwauraimui, baine tapomui hidi uit na heto.
LUK 22:32 A lau ese emu vada na ḡuriḡuri, emu abidadama basine darere. Bena lalomu baine lou negana ai ma tadikakamu ba hagoadadia.
LUK 22:33 Ia eto, Lohiabada e, lau baina bamomu ela bona dibura rumana, ela bona mase.
LUK 22:34 A Iesu eto, Petro e, na hamaoromumu, kokoroku do basine tai, oi ese hatoi ba ḡoregu, baoto “Lau na asi dibagu ia”.
LUK 22:35 Ma eto, Lau ese na siaimuiva negana ai, asi emui vaina, asi emui moda, asi emui tamaka, o raka, umui na ḡau ta ai o dabu a? Idia eto, Lasi.
LUK 22:36 Ia eto, A harihari ta mai ena vaina, baine abia kau; ta mai ena moda danu unuheto; ta asi ena dare, ena dabua amo dare baine hoia.
LUK 22:37 Badina be na hamaoromuimu, ina e torea herevana anina be lauegu ai baine vara; eto, Ia na kara havara-havara taudia ida vada e duahidia hebou. Momokani, una hereva be lauegu ai baine ḡuḡuru.
LUK 22:38 Idia eto, Lohiabada e, dare aurua o ini. Ia eto, Vada heḡereḡere.
LUK 22:39 Bena e raka lasi, vaia ena kara Olive ororona ela; ena hahediba danu ia murinai e raka.
LUK 22:40 Una gabu ai e kau, bena ia ese e hamaorodia, eto, Ba ḡuriḡuri, hedibaḡani ese baine butumui tao na garina.
LUK 22:41 Bena ia sibona e raka siri, nadi ta bema tahoa sisivana; bena e hetuitui, e ḡuriḡuri,
LUK 22:42 eto, Tamagu e, lalomu bema heḡereḡere ina kehere na egu amo boma abia oho; to dia lauegu ura, oiemu ura hari.
LUK 22:43 Bena aneru ta guba amo ienai e kau, ihagoadana totona;
LUK 22:44 a hisihisi bada ese ia lalona e gugubaia, bena e ḡuriḡuri goadagoada ela bona varahuna tano ai e moru, rara komutudia na heto.
LUK 22:45 Ḡuriḡuri amo e tore isi, hahediba dekedia e lou ela, mahutadia ai e davaridia, daradia e doko dainai.
LUK 22:46 Bena ia ese e gwau henidia, eto, Dahaka dainai o mahutamu? A tore isi, a ḡuriḡuri, hedibaḡani ese baine butumui tao na garina.
LUK 22:47 Ena hereva lalonai, hutuma vada e gini dae; luda, gwauta-rarua tauna ta, ese e gunalaidia, bena Iesu iharahuna totona e raka kahi lao.
LUK 22:48 A Iesu eto, Iuda e, Taunimanima Natuna haherahu amo ba revaia a?
LUK 22:49 Ia dekenai e gini taudia ese e itaia dahaka baine vara, bena e nanadaia, eto, Lohiabada e, dare amo baia dapa-dapa a?
LUK 22:50 Bena idia ta ese hahelaḡa tauna badana ena hesiai tauna taiana idibana e dapaia oho.
LUK 22:51 A Iesu eto, Mani do. Bena taiana e daua toho, vada e namo.
LUK 22:52 Bena Iesu ese ia idabai-taona ela taudia, hahelaḡa taudia bona Dubu Helaḡa biagudia bona hanua tau-badadia, e hereva henidia, eto, Umui na e kara dadidadi tauna ta idabai-taona oma na heto, mai daremui bona mai karevamui, a?
LUK 22:53 Dina iboudiai Dubu Helaḡa lalonai ta gini hebouva; matona, asio dabaigu tao. To ina na vada emui nega; dibura ena siahu negana.
LUK 22:54 Bena idia ese e dabaia tao, hahelaḡa tauna badana ena ruma ai e hakaua vareai. Petro danu ia murinai e raka, to mai padana.
LUK 22:55 Haida ese maḡu lalonai lahi e haraia, bena e helai heḡeḡe; Petro danu idia dekedekediai e helai.
LUK 22:56 Bena hesiai hahinena ta ese lahi diarina ai e itaia; bena e raraia, eto, Ena tau na ia bamona ta.
LUK 22:57 To ia na e heḡore, eto, Hahine e, lau na asi dibagu ia.
LUK 22:58 Asi vanahana ta ese ma e itaia, eto, Oi danu idia bamodia ta. A Petro eto, E tau, lau na lasi.
LUK 22:59 Hora ta sisivana vada ela, ta ma e hereva goadagoada, eto, Momokani, ina tau na ia bamona ta, badina be ia danu Galilea tauna.
LUK 22:60 A Petro eto, E tau, emu hereva na lalogu seme parara. Bena herevana ai kokoroku e tai.
LUK 22:61 Bena Lohiabada ese Petro e roha henia kerehai, e raraia. Una negan; ai Petro ese Lohiabada ena hereva e helalolaia une, eto “Kokoroku do basine tai, oi ese hatoi ba ḡoregu”.
LUK 22:62 Bena Petro vada e raka lasi, e tai dikadika.
LUK 22:63 Iesu e dogoa tao taudia ese e ḡonaḡonalaia, bona e dadabaia.
LUK 22:64 Matana danu dabua amo e kou, e pataia, e nanadaia, eto, E patamu tauna a gwauraia, daika ese?
LUK 22:65 Bona hereva dikadia diaḡau e gwaurai henia.
LUK 22:66 Daba matana ai, hanua tau-badadia e hebou, hahelaḡa taudia bona itorena taudia ida, bena kaunsil vairadiai e hakaua lao. Eto,
LUK 22:67 A hamaoromai, oi na Keriso eiava? Ia eto, Bama hamaoromui, to basioma kamonai;
LUK 22:68 bona bama nanadaimui, to basioma haere.
LUK 22:69 A harihari ela, Taunimanima Natuna na Dirava siahuna idibana kahana ai baine helai.
LUK 22:70 Bena iboudiai eto, Be, oi Dirava Natuna a? Ia eto, O ena vada o gwaumu.
LUK 22:71 Idia eto, Dahaka dainai hahebade herevadia ta tahumu? O ina sibona uduna ai e herevalaimu ta kamonaimu.
LUK 23:1 Bena hebou taudia iboudiai e tore isi, Pilato dekena e hakaua lao.
LUK 23:2 E habadelaia matama, eto, Ina tau a davaria, emai bese taudia lalodia e ani, Kaisara ena tax monina ihenina e gwaua tao, bona sibona e hegwauraimu e tomu ia na Keriso, pavapava ta.
LUK 23:3 Bena Pilato ese e nanadaia, eto, Oi na Iuda taudia edia pavapava a? Iesu e haere, eto, O ena vada o gwaumu.
LUK 23:4 Pilato ese hahelaḡa taudia bona aru taudia e hamaorodia, eto, Kerere ta asina davaria ina tau enai.
LUK 23:5 To idia na e hereva goadagoada, eto, Ia na ena hahediba herevadia ai Iudea idoinai vada e haheloḡo-heloḡoa, Galilea amo e matamaia ema bona ina hanua.
LUK 23:6 Pilato ese una hereva e kamonai, bena e henanadai, eto, Ina Galilea tauna a?
LUK 23:7 Bena ia dibana ia na Herod ena kaha tauna dainai, ia ese Herod dekena e siaia lao, badina be una negana ai ia na Ierusalem ai.
LUK 23:8 Herod ese Iesu e itaia, bena e moale bada; badina be nega daudau Iesu harina e kamonaiva, bena e urava bema itaia bona Iesu ese toa ta bema karaia bena bema itaia e tomava.
LUK 23:9 Bena hereva diaḡau e nanadailaia, to Iesu na se haere.
LUK 23:10 Hahelaḡa taudia bona itorena taudia unuseni ai e gini, e habadelaia goadagoada.
LUK 23:11 Bena Herod bona ena tuari taudia ese ia e kirikirilaia, e ḡonagonalaia, dabua namo-hereana ta e hadokilaia, bena Pilato dekena e siaia lou lao.
LUK 23:12 Una dina ai Pilato bona Herod vada e herohemaino; badina be gunaguna idia raruosi e heinai heheniva.
LUK 23:13 Bena Pilato ese hahelaga taudia bona hanua lohiadia bona hanua taudia e boiridia,
LUK 23:14 e hamaorodia, eto, Ina tau o mailaia, oto ia ese hanua e haheloḡoamu; a lau ese umui vairamui ai o habadelaia herevadia vada name tahu, to ena kerere ta asiname davaria.
LUK 23:15 Herod danu unuheto; una dainai ia ese ma e siaia lou ita dekedai. Benaini, ia ese mase karana ta se karaia;
LUK 23:16 namo, aina dadabaia, ma baina ruhaia nege.
LUK 23:17 Badina be vaia ena kara una aria negana ai dibura rumana ai noho tauna ta baine ruhaia nege.
LUK 23:18 Bena iboudiai e lolo bou, eto, Ina tau na herevana. Baraba hari ba henimai.
LUK 23:19 Una na heatu bona ala-ala hanua lalonai e havaraia dainai dibura rumana ai e koua tauna.
LUK 23:20 Pilato ma e hereva henidia lou, Iesu baine ruhaia nege eto;
LUK 23:21 to idia ma e lolo, eto, Ba hasatauroa, ba hasatauroa.
LUK 23:22 Nega ihatoina ma e hereva henidia, eto, Ina tau ena dika be dahaka? Lau na mase badina ta ienai asina davaria. Vada baina dadabaia, bena baina ruhaia nege.
LUK 23:23 To idia na e lolo lalo-dika, eto, Ba hasatauroa. Bena idia eredia vada e kwalimu.
LUK 23:24 Bena Pilato ese edia ura heḡereḡerena e karaia:
LUK 23:25 hari heatu bona ala-ala dainai dibura rumana ai e nohova tauna e ruhaia nege, edia noinoi heḡereḡerena; a Iesu na e henidia, edia ura bae karaia.
LUK 23:26 Idia ese Iesu e hakaua lasi, bena Simona, Kurene tauna ta, gunika amo lasina ai e dabaia tao, satauro na ia paḡana ai e atoa kau, Iesu murina amo baine huaia.
LUK 23:27 Taunimanima hutuma na ia murinai e raka, bona hahine haida rakadia ai e tai hetutu.
LUK 23:28 Bena Iesu e gini kerehai, e hereva henidia, eto, Ierusalem hahinemui e, lau taigu asio tai, a sibomui hari ba hetai heheni, bona natumui taidia hari ba tai.
LUK 23:29 Badina be negana be maimu baeto “Gabani hahinedia bona ratadia asie topo hahinedia hari nanamo”.
LUK 23:30 Una negana ai ororo badadia bae hereva henidia, baeto “A kuremai tao”; bona ororo maraḡidia bae hamaorodia, baeto “A gorumai tao”.
LUK 23:31 Badina be au maurina ini e karaia tomamu, matona kakorona na ede bae tomaia?
LUK 23:32 Kara dika taudia rarua danu ia ida e hakaudia lasi, bae hasataurodia hebou.
LUK 23:33 Gabu ta ai e kau, ladana na Kwara Koukouna; unuseni ai e hasatauroa. Hari kara dika taudia danu, ta idibana kahana ai, ta laurina kahana ai, e hasataurodia.
LUK 23:34 Bena Iesu e ḡuriḡuri, eto, Tamagu e, ina e karaiamu karana na asi dibadia, davadia na basio henidia. Bena ena dabua e hari, mari ai ta ta ahudia e abi.
LUK 23:35 Hanua taudia na e gini, e herarai. Bona hanua lohiadia ese e kirikirilaia, eto, Ia na idau taudia e hamauridiava; bema Dirava ena Keriso, ena abi-hidi tauna, ia na sibona bema hahemauri.
LUK 23:36 Tuari taudia ese e ḡonagonalaia, e raka kahira, vine ranuna iditana e duduia dae, eto,
LUK 23:37 Oi na Iuda taudia edia pavapava o tomu, matona sibomu ba hahemauri.
LUK 23:38 Revareva ta danu e torea, ia daenai e kapaia, eto: IUDA TAUDIA EDIA PAVAPAVA.
LUK 23:39 Bena ia ida e hasataurodia hebou taudia ta ese e ḡonaḡonalaia, eto, Oi na dia Keriso a? Sibomu a hahemauri; ai danu a hamaurimai.
LUK 23:40 A bamona ese e gwau henia, eto, Dirava garina to garimu a? Oi danu bo masemu, ia heḡereḡerena.
LUK 23:41 Ḡau tamona, ita raruosi baita mase eda kara dika davana, a ina tau na asi ena kerere.
LUK 23:42 Bena ia eto, Iesu e, emu basileia bavabia negana ai, ba lalogu.
LUK 23:43 Iesu eto, Na hamaoromu momokanimu, hari dina ai ita raruosi Paradiso ai baita kau.
LUK 23:44 Una na dina tubua: bena unu amo ela dina ḡelona una tano idoinai vada e dibura;
LUK 23:45 dina e ḡovaia ahu, bona Dubu Helaḡa seseahuna na bogaragina amo e hedare parara.
LUK 23:46 Bena Iesu e boi lolo, eto, Tamagu e, laumagu na oi imamu ai na atoamu. Unu e gwau toma, bena vada e mase.
LUK 23:47 Tuari biaguna ese una kara e itaia, bena ia ese Dirava e imodaia, eto, Ina tau na kara maoromaoro tauna.
LUK 23:48 A herarai taudia hutuma ese unu e vara ḡaudia e ita, bena kemedia e pata, bona hanua e lou henia.
LUK 23:49 Ia bamona bona Galilea amo e ḡavaia hahinedia na dauhai ginidia ai e herarai.
LUK 23:50 Kaunsil tauna ta, ladana Iosef, tau namona bona kara maoromaoro tauna, e nohova.
LUK 23:51 Ia na kaunsil edia henega ai bona edia kara ai se vareai. Ia na Iudea hanuana ta, ladana Arimatea, tauna; ia danu Dirava ena basileia e nariava.
LUK 23:52 Bena ia na ela, Pilato dekenai, Iesu tau-anina e noia.
LUK 23:53 Bena e abia dobi, dabua aukana ai e kumia, nadi hagana ai e ḡeia kohuana lalonai e atoa. Una kohua na matamatana; lalonai tau ta do asie ḡuria.
LUK 23:54 Haheḡoeva dinana bunai: Dina Helaḡa vada e kahikahi.
LUK 23:55 Bena Galilea amo e ḡavaia hahinedia na idia muridia amo ela, kohua e itaia, bona tau-anina unuseni ai e ḡuria danu e itaia kau.
LUK 23:56 Bena e lou lao, muramura mai bonadia bona dahudahu muramuradia e abi heḡaeḡae. A Dina Helaḡa ai laḡadia e ani, taravatu dainai.
LUK 24:1 Pura dinana gini-gunana ai, idia na daba galuma-galumana ai gara ela, muramura mai bonadia, e abi heḡaeḡae gaudia, na e laohai.
LUK 24:2 A gara ikoulaina nadina vada e hekure oho, dauhai heatona ai e davaria.
LUK 24:3 Bena kohua lalonai e raka vareai, a Lohiabada Iesu tau-anina asie davaria.
LUK 24:4 Una dainai e daradara. Bena tatau rarua dekediai e gini, mai dabua hururu-hururudia ida.
LUK 24:5 Hahine e gari, tano ai e goru diho. A raruosi ese e hereva henidia, eto, Dahaka dainai mauri tauna mase gabuna ai o tahuamu?
LUK 24:6 Ia na dia iniseni ai: vada e tore isi. Galilea ai e nohova negana ai e hamaoromui herevana na ba laloa;
LUK 24:7 eto “Taunimanima Natuna na dika taudia ediai taona bae torea, bae hasatauroa, a dina ihatoina ai ia na do baine tore isi lou”.
LUK 24:8 Bena idia ese ena hereva e helalolaia une.
LUK 24:9 Bena kohua e rakatania, e lou ela, unu ḡau iboudiai gwauta-taosi mai bamodia ida e hamaorodia.
LUK 24:10 Hahinedia bini: Maria, hane Magdala; bona Ioana; bona Maria, Iakobo sinana; bona bamodia haida. Idia ese hari kara aposetolo taudia e hamaorolaidia.
LUK 24:11 To edia hereva mamina na gori na heto, bena asie abia dae.
LUK 24:12 A Petro e tore isi, e heau lao, gara lalonai eha igoa, dabua mo e ita; bena ena ruma e lou henia, e vara ḡaudia e hoalai.
LUK 24:13 Una dina ai, idia rarua na hanua maraḡina ta, ladana Emausa, ela: Ierusalem bona una hanua padadia na maila hitu sisivana.
LUK 24:14 Dala ai idia na hari e vara ḡaudia e herevalai heheniva,
LUK 24:15 bena edia hereva-hereva lalonai Iesu na dekedia e raka kahi lao, e bamodia.
LUK 24:16 A matadia asie papa; asi dibadia ia.
LUK 24:17 Ia eto, Umui na dahaka dala ai o herevalai hehenimu? Bena raruosi e gini, vairadia e hua.
LUK 24:18 Bena idia ta, ladana na Kleopa, ese e haere henia, elo, Oi na Ierusalem ai o noho edeamu, una dainai hari e vara ḡaudia na asi dibamu a?
LUK 24:19 Ia eto, Dahaka ḡau? Idia eto, Iesu, Nasaret tauna, sivaraina. Ia na peroveta tauna, Dirava vairanai bona taunimanima iboudiai vairadiai, ena kara bona ena hereva danu mai siahudia.
LUK 24:20 A hahelaḡa taudia bona hanua Iohiadia ese e revaia mase, e hasatauroa.
LUK 24:21 A ai banava ato ia na Israel edia hahemauri tauma. Dina toi vada ela unu ḡau e vara;
LUK 24:22 harihari emai hahine haida ese vada e hahoamai. Idia na daba matana ai gara ela,
LUK 24:23 to tau-anula asie davaria; bena e lou ema, e tomu aneru haida e itadia, bona unu aneru ese e hamaorodia ia na vada e mauri lou eto.
LUK 24:24 Bena bamomai haida danu ma gara ela, hahine edia hereva heḡereḡerena ai e davaria, to ia be asie itaia.
LUK 24:25 Bena ia ese e gwau henidia, eto, Kavakava taumui, laloduhu taumui, peroveta taudia edia hereva asio abi daemu.
LUK 24:26 Dia maoro a, Keriso hisi unu baine ani tonla bona hairaina baine abia?
LUK 24:27 Bena Mose bona peroveta taudia edia buka ai ia sivaraina e tore herevadia iboudiai anidia ia ese e hadibalaidia.
LUK 24:28 E lao henia hanuana vada e kahira-kahira, bena ia na baine raka hanai eto.
LUK 24:29 To raruosi ese e rua, eto, Mani baita noho, badina be ado vada eme rahi, dina vada be dihomu. Bena ia na idia ida ruma ai e dae kau.
LUK 24:30 Tatoiosi aniani gabuna ai e ege diho, bena ia ese flaoa atagana ta e abia, e hanamoa, e bitua, raruosi e henidia.
LUK 24:31 Bena matadia e papa; dibadia ia. Bena vairadia amo vada e puki oho.
LUK 24:32 Bena raruosi e hereva heheni, eto, Dala ai e hereva henida, bona Buka Helaḡa anina e hadibalaida negana ai, laloda e siahu ani?
LUK 24:33 Bena idia e tore isi, lerusalem e lou henia, gwauta-taosi mai bamodia ida heboudia ai e davaridia.
LUK 24:34 Idia ese raruosi e hamaorodia, eto, Momokani, Lohiabada vada e tore isi, bona Simona enai vada e hedinarai.
LUK 24:35 Bena raruosi ese dala ai e vara ḡaudia na e hamaorolaidia, bona flaoa atagana ibituna ai lalodia e parara herevana danu.
LUK 24:36 Edia hereva lalonai, Iesu bogaragidiai e gini, bena eto, Maino emui ai baine mia.
LUK 24:37 Idia na kudoudia e hetaha, bona gari ese e butudia tao; banava eto laulau ta.
LUK 24:38 To ia eto, Dahaka dainai kudoumui e hetahamu? Dahaka dainai o daradaramu?
LUK 24:39 Imagu bona aegu ame ita: lau binai. Ame daugu toho, vada ba diba; badina be laulau na asi hidiona bona asi turiana, hari lau o itagumu heḡereḡerena.
LUK 24:40 Unu e gwau toma, bena imana bona aena e haheitalaidia.
LUK 24:41 To edia moale bona edia hoa daidiai idia na dounu e daradara. Bena ia ese e nanadaidia, eto, Amui taina mia eiava?
LUK 24:42 Idia ese gwarume taina, vada e gabua ḡauna, e henia;
LUK 24:43 bena ia ese e abia, idia vairadiai e ania.
LUK 24:44 Ia ese e hereva henidia, eto, Ta noho hebouva negadia ai na na hamaoromuiva, Mose bona peroveta taudia edia buka ai bona salamo ai lau sivaraigu e tore herevadia iboudiai vada bae momokani.
LUK 24:45 Bena ia ese Buka Helaḡa anina e hadibalaidia, ela bona lalodia e parara.
LUK 24:46 Ma e hamaorodia, eto, mi vada e torea toma, Keriso hisi unu baine ania toma, bona dina ihatoina ai mase amo baine tore isi lou;
LUK 24:47 bena ia ladana helalo-kerehai bona dika igwau-taodia bae harorolai rohoroho, lerusalem ai bae matamaia ela bona tanobada besedia iboudiai bae harorolai henidia.
LUK 24:48 Umui na ini ḡau ihamomokanidia taumui.
LUK 24:49 A lau ese Tamagu e gwauraia hamata ḡauna baina siaia, latamui ai baine kau; taunabunai, umui na Ierusalem ai ba noho ela bona atai amo baine diho siahuna na do bavabia.
LUK 24:50 Bena ia ese e hakaudia lasi, ela bona Betania vada e kahikahi. Bena imana e dudui isi, e hanamodia.
LUK 24:51 Ena hahenamo lalonai, ia na idia edia amo e heabi oho, e heabi dae guba ai.
LUK 24:52 Idia ese e toma henia diho; bena mai moaledia ida Ierusalem e lou henia.
LUK 24:53 Bena Dubu Helaḡa e loulou henia, nega iboudiai Dirava e imodaia.
JOH 1:1 Matamana negana ai Hereva vada e nohova; una Hereva na Dirava ida e nohova; una Hereva na Dirava.
JOH 1:2 Ia na matamana negana ai Dirava ida e nohova.
JOH 1:3 Ḡau iboudiai iena amo e vara: e vara ḡaudia ta ia murinai se vara, lasi vaitani.
JOH 1:4 Mauri be ia lalonai: una mauri na taunimanima edia diari.
JOH 1:5 Diari be dibura lalonai e hedinaraimu; bona dibura ese se habodoamu.
JOH 1:6 Tau ta e vara, Dirava ese e siaia, ladana be Ioane.
JOH 1:7 Ia na hereva momokani igwauraina bona diari ihahedinaraina totona ema, taunimanima iboudiai ia dainai bae kamonai.
JOH 1:8 Ia na dia una diari; to diari iharorolaina totona ema.
JOH 1:9 Diari korikori, taunimanima iboudiai ihadiarilaidia diarina, una negana ai tanobada e mai heniava.
JOH 1:10 Ia na tanobada ai e nohova, tanobada danu iena amo e vara; to tanobada na asi dibana ia.
JOH 1:11 Iena tanobada ema; to iena taunimanima ese asie abia dae.
JOH 1:12 A haida ese e abia dae bona ia ladana e abiabiraia, bena ia ese siahu vada e henidia, Dirava natuna ai baela.
JOH 1:13 Idia na dia tau-anina ena ura amo asie vara, dia tau ta ena ura amo asie vara, a Dirava ena ura amo e vara.
JOH 1:14 Hereva na taunimanima tau-anina ai ema, ai bogaragimai e taruhava. Ia hairaina danu a itaiava, natuna vara-edeana tamana ese e henia, hariharibada bona hereva momokani ai e honu honu dae.
JOH 1:15 Ia herevana Ioane ese e gwauraia, e lolo, eto, Lau vada na herevalaia tauna binai, nato “Lau murigu ai be maimu tauna ese baine gunalaigu, badina be ia na vada e nohova, a lau be do asina vara”.
JOH 1:16 Ena honuhonu-dae amo ita iboudai tame abi, harihari ma hariharibada.
JOH 1:17 Badina be Mose ese taravatu e henida; a harihari-bada bona hereva momokani na Iesu Keriso ese vada e mailai.
JOH 1:18 Matamana negana ema bona harihari tau ta ese Dirava se itaia; Natuna vara-edeana, Tamana kemena ai e nohomu, ia ese vada e gwauraia hedinarai.
JOH 1:19 Ioane ena hereva binai. Iuda taudia ese hahelaḡa taudia bona Levi oreana taudia haida Ierusalem amo e siaidia, bae nanadaia, baeto “Oi na daika?”
JOH 1:20 Bena ia na e gwau hedinarai, se heḡore, eto, Lau na dia Keriso.
JOH 1:21 Ma e nanadaia, eto, Benaini, oi Elia a? Ia eto, Lau na dia ia. Ma eto, Oi na peroveta tauna a? Ia e haere, eto, Lasi.
JOH 1:22 Bena idia ese e nanadaia lou, eto, Oi be daika? Emu haere na e siaimai taudia baia hamaorolaidia lao. Sibomu harimu be ede o piua tomamu?
JOH 1:23 Bena ia sibona e hehari piu, eto, Lau na Gado ta tano ḡaḡaena ai e boi lolomu, e tomamu, Lohiabada ena dala ba lailaia; Isaia, peroveta tauna, ese vada e gwauraia guna.
JOH 1:24 Hari e siaidia taudia na Farisea taudia.
JOH 1:25 Bena idia ese ma e nanadaia lou, eto, O matona, oi ese taunimanima o bapatisodiamu, a oi be dia Keriso, dia Elia, dia peroveta tauna o tomamu?
JOH 1:26 Ioane e haere, eto, Lau na ranu amo na hahebapatisomu; a umui bogaragimui ai asi dibamui tauna ta vada e ginimu:
JOH 1:27 ia na lau murigu ai be maimu, bona lau na dia namo ena tamaka varona baina ruhaia.
JOH 1:28 Ini ḡau na Betania, Ioridane unukahana ai, e vara. Ioane na unuseni ai e hahebapatisova.
JOH 1:29 Daba ai ia ese Iesu e itaia, ia dekena e maiva, bena eto, Dirava ena Mamoe Natuna a itaia; ia na tanobada ena dika iabi-ohona tauna.
JOH 1:30 Vanegai na gwauraiava tauna binai. Lau nato “Lau murigu ai be maimu tauna ese baine gunalaigu, badina be ia na e guna, lau na gabe amo”.
JOH 1:31 Lau na asi dibagu ia; to Israel ai baine hedinarai helaoreana lau nama, ranu ai na hahebapatisomu.
JOH 1:32 Ioane ma e hereva hedinarai, eto, Lauma vada na itaia guba amo e diho, pune na heto, ia tubuana ai e kau.
JOH 1:33 Lau na asi dibagu ia; to e siaigu ranu amo baina hahebapatiso Diravana ese e hamaorogu, eto “Tauna na oi ese ba itaia, Lauma baine diho tubuana ai baine kau tauna, ia na Lauma Helaḡa amo baine hahebapatiso”.
JOH 1:34 Lau ese vada na itaia, bona vada na gwauraia hedinaraimu: ia na Dirava Natuna.
JOH 1:35 Daba ai Ioane mai ena hahediba rarua ida ginidia ai
JOH 1:36 Iesu e raka hanaiva ai e itaia; bena Ioane eto, Dirava ena Mamoe Natuna a itaia.
JOH 1:37 Hahediba raruosi iena hereva e kamonai, bena idia ese Iesu e ḡavaia.
JOH 1:38 Iesu e gini kerehai, e gavaia taudia raruosi e itadia, bena e nanadaidia, eto, Dahaka o tahuamu? Idia e haere, eto, Rabi e, oi be edeseni ai o nohomu? (“Rabi” anina be “hahediba tauna”).
JOH 1:39 Ia eto, Aoma, ba itaia. Bena idia ela, ena noho gabuna eha itaia, bena una dina ai ia dekenai e noho. Negana be adorahi kahanai.
JOH 1:40 Ioane ena hereva e kamonai bena Iesu e ḡavaia tauna ta be Andrea; ia na Simona Petro tadina.
JOH 1:41 Ia ese kakana korikori Simona maoromaoro e ha davaria, bena e hamaoroa, eto, Ai na Mesia vada ame davaria. (“Mesia” anina be “Keriso”).
JOH 1:42 Bena Iesu dekena e hakaua lao. Iesu ese e raraia, bena eto, Oi na Simona, Iona natuna: Kefa na ba nemaia. (“Keta” bona “Petro” anidia tamona, “Papapapa”).
JOH 1:43 Daba ai, Iesu e ura Galilea bainela eto, bena Filipo e davaria, e hereva henia, eto, Murigu ai a raka.
JOH 1:44 Filipo na Betesaida tauna, Andrea bona Petro edia hanuua tauna.
JOH 1:45 Filipo ese Natanael e ha davaria, bena e hamaoroa, eto, Mose ena taravatu ai bona peroveta taudia edia buka ai harina e piuava tauna vada ame davaria: ia na Iesu, Nasaret tauna, Iosef natuna.
JOH 1:46 Natanael eto, Nasaret amo ḡau namona ta bainema a? Filipo eto, Aoma, a itaia.
JOH 1:47 Iesu ese Natanael e itaia, ia na ia dekena ema, bena e herevalaia, eto, Israel tauna korikorina ta a itaia; ia na asi ena koikoi.
JOH 1:48 Natanael ese e hereva henia, eto, Ede o dibagu toma? Iesu ese e haere henia, eto, Filipo ese do se boirimu, suke auna henunai o nohova ai, na itamu.
JOH 1:49 Natanael e haere, eto, Rabi e, oi na Dirava Natuna, oi na Israel Pavapavana.
JOH 1:50 Iesu ma e hereva henia, eto, Na hamaoromu nato “Suke auna henunai na itamu” dainai o abiabiraigumu a? Ini ḡau e hereamu ḡaudia do ba ita.
JOH 1:51 Ma e hamaoroa, eto, Momokani vaitani na hamaoromuimu, guba do ba itaia, baine parara, bona Dirava ena aneru ba itadia, bae dae, bae diho, Taunimanima Natuna latanai.
JOH 2:1 Dina ihatoina ai headava anibouna ta e karaia, Kana, Galilea hanuana ta, ai. Iesu sinana danu unuseni ai.
JOH 2:2 Bona Iesu mai ena hahediba ida danu e vavedia, una anibou ela.
JOH 2:3 Vine ranuna e ore, bena sinana ese Iesu e hamaoroa, eto, Idia na asi adia vine ranuna.
JOH 2:4 A Iesu ese e haere henia, eto, Hahine e, dahaka dainai lau o hamaorogumu? Egu nega na dohore.
JOH 2:5 Bena sinana ese hesiai taudia e hamaorodia, eto, Baine hamaoromui ḡauna na ba karaia.
JOH 2:6 Unuseni ai nadi hodudia autauratoi hehelai, Iuda taudia edia haheḡoeva karadia daidiai; ta ta anidia na gallon ruahui ruahui sisivana.
JOH 2:7 Iesu ese hesiai taudia e haduadia; eto, Hodu na ranu amo a hahonu. Bena e hahonu dae roha.
JOH 2:8 Ma e haduadia, eto, Harihari ba sei, bona ba laohai anibou biaguna dekena. Bena idia ese e laohai.
JOH 2:9 Anibou biaguna ese vine ranuna ai e halaoa ranuna e inua toho; a ia na asi dibana ede amo ema, ranu iseina memerodia sibodia mo mai dibadia. Bena anibou biaguna ese headava matamata tauna e boiria, e hereva henia, eto,
JOH 2:10 Taunimanima iboudiai vine ranuna namo-hereana e nuia diho gunamu, bena ia ese e hakekerodiamu murinai vine ranuna mia-namona e nuia dihomu. To oi ese vine ranuna namo-hereana vada o dogoa tao ema bona harihari.
JOH 2:11 Iesu ena toa ginigunana na ini e hahedinaraia toma, Kana, Galilea kahana, ai e karaia; unu amo ia hairaina e hahedinaraia, bona ena hahediba ese e abidadama henia.
JOH 2:12 Una murinai ia mai sinala ida, bona tadina bona ena hahediba ida, e diho ela Kaperanaum ai, unuseni ai dina dia hoho e nohova.
JOH 2:13 Iuda taudia edia Laḡau-hanai Ariana vairadiai e hure negana ai Iesu na Ierusalem ai eha dara dae.
JOH 2:14 Dubu Helaḡa ai boromakau bona mamoe bona pune ihoidia taudia e davaridia, bona moni e senisi taudia danu helaidia ai e davaridia.
JOH 2:15 Bena hekwadi kwanauna e hatua, iboudiai Dubu Helaḡa amo e luludia lasi, mamoe bona boromakau danu. Moni e senisi taudia danu edia moni ia ese e bubu nege, bona edia pata e uhe hebubu.
JOH 2:16 Bena pune ihoidia taudia e gwau henidia, eto, Ene na avabi oho; Tamagu ena ruma na hoihoi rumana ai basio halaoa.
JOH 2:17 Bena ena hahediba vada e helalo une, Buka Helaḡa ai ini e torea toma, eto, Emu ruma iura-henina ese baine hamasegu.
JOH 2:18 Bena Iuda taudia ese e nanadaia, eto, Oi ini o kara tomamu anina be dahaka? Emu siahu toana ba henimai.
JOH 2:19 Iesu ese e haere henidia, eto, Ina Dubu Helaḡa ba rohoa, bena lau ese dina toi lalodiai baina haginia lou.
JOH 2:20 Iuda taudia eto, Ina Dubu Helaḡa na laḡani hari-ahui tauratoi lalodiai e haginia bona e ha-orea, bena oi ese dina toi lalodiai ma ba haginia lou o tomu a?
JOH 2:21 A ia ese tau anina Dubu Helaḡa ida e haheḡereḡerea.
JOH 2:22 Taunabunai, ia na mase amo e tore isi lou negana ai ena hahediba ese una hereva e helalolaia une, ia na unu e gwau toma. Bena idia ese Buka Helaḡa bona iena hahediba herevadia danu vada e abi dae.
JOH 2:23 Iesu Lagau-hanai Ariana dinadia ai Ierusalem ai e nohova negana ai hutuma ese e abiabiraia, e karava toadia e ita daidiai.
JOH 2:24 A Iesu ese idia se abidadama henidia, badina be ia taunimanina iboudiai mai dibana.
JOH 2:25 Bona ta ese taunimanima ta herevana bema hamaorolaia na asi badina, badina be taunimanima lalodia vada e diba vaitani.
JOH 3:1 Farisea tauna ta ladana be Nikodemo; ia na Iuda taudia edia lohia ta.
JOH 3:2 Hanuaboi ta ai Iesu dekena ela, e hereva henia, eto, Rabi e, ai dibamai oi na hahediba tauna, Dirava ena amo vada oma; badina be o karamu toadia na Dirava ese basinema bamoa tauna ese basinema kara diba.
JOH 3:3 Iesu ese e haere henia, eto, Momokani vaitani na hamaoromumu, taunimanima na basine vara lou, ia na Dirava ena basileia basine itaia diba.
JOH 3:4 Bena Nikodemo ese e nanadaia, eto, Taunimanima na tau-badana negana ai ede baine vara lou toma? Sinana bogana ai ma baine vareai lou, ma baine vara lou a?
JOH 3:5 Iesu e haere, eto, Momokani vaitani na hamaoromumu, taunimanima na ranu amo bona Lauma ena amo basinema vara, ia na Dirava ena basileia lalonai basinema raka vareai diba.
JOH 3:6 Tau-anina ena amo e varamu ḡauna be tau-anina; Lauma ena amo e varamu ḡauna be lauma.
JOH 3:7 Egu hereva basio hoalaia, nato “Ba vara lou”.
JOH 3:8 Lai be ena ura gabuna amo e toamu, bona reḡena o kamonaimu, to asi dibamu ede amo e maimu bona ede e laomu. Lauma ena amo e varamu taudia iboudiai danu unuheheto.
JOH 3:9 Nikodemo ma eto, Ini ḡau be ede bae vara toma?
JOH 3:10 Iesu ma e haere, eto, Oi na Israel taudia edia hahediba tauna, to ini ḡau na asi dibamu a?
JOH 3:11 Momokani vaitani na hamaoromumu, ai na dibamai ḡaudia a herevalaimu, bona a ita ḡaudia a gwauraimu, to emai hereva na asio abi daemu.
JOH 3:12 Lau ese tanobada ḡaudia na herevalai henimumu to asio abi daemu, o guba ḡaudia baina herevalai henimu be ede bavabi dae toma?
JOH 3:13 Tau ta guba ai se dae kau, guba amo e diho tauna mo sibona: Taunimanima Natuna bunai, iena noho gabuna na guba ai.
JOH 3:14 Mose ese gaigai tano ḡaḡaena ai e piua isi heḡereḡerena, Taunimanima Natuna danu unu bae piua isi toma;
JOH 3:15 bena bae abidadama henia taudia iboudiai ese mauri hanaihanai bae abia.
JOH 3:16 Badina be Dirava ese tanobada ini e lalokau henia tomamu: Natuna vara-edeana vada eme heni, bae abidadama henia taudia iboudiai basie mase, a mauri hanaihanai bae abia.
JOH 3:17 Badina be Dirava ese Natuna tanobada e siaia mai na dia tanobada ihahemaoro-henina totona, to tanobada hari ia bagunai do baine mauri.
JOH 3:18 E abidadama heniamu tauna na se hahemaoro heniamu, to se abidadama heniamu tauna na vada e hahemaoro henia vaitani, badina be ia ese Dirava Natuna vara-edeana ladana na se abidadama heniamu dainai.
JOH 3:19 Hahemaoro badina binai: diari na tanobada ai vada eme vara, a taunimanima ese dibura e ura henia badamu, diari e ura henia maraḡimu; badina be edia kara na didika.
JOH 3:20 Badina be kara dika taudia iboudiai ese diari e inai heniamu, diari asie lao heniamu, edia kara bae hedinarai na garina.
JOH 3:21 A kara momokani ibadinana tauna ese diari e lao heniamu, bena Dirava lalonai e karamu karadia na bae hedinarai.
JOH 3:22 Unu ḡau muridiai, Iesu mai ena hahediba ida Iudea tanona ela; unuseni ai ia na idia ida e nohova bona e bapatisova.
JOH 3:23 Ioane danu Aenon ai, Salim kahana ai, e bapatisova, badina be ranu na bada unuseni ai. Taunimanima na unu e laova, bena e bapatisodiava.
JOH 3:24 Una na Ioane dibura rumana ai do asie koua ahu negana ai.
JOH 3:25 Una negana ai hepapahuahu e vara, Ioane ena hahediba na Iuda tauna ta ida haheḡoeva karadia e hepapahuahulai.
JOH 3:26 Bena idia na Ioane dekena ela, eto, Rabi e, Ioridane sinavaina unukahana ai oi ida o nohova bona oi ese o herevalaia tauna na vada e hahebapatisomu, bona taunimanima loḡora ia dekena e laomu.
JOH 3:27 Ioane e haere, eto, Guba amo basinema henia tauna na ḡau ta basinema abia diba.
JOH 3:28 Umui danu dibamui lau nato “Lau na dia Keriso, a ia igunalaina vada e siaigu”.
JOH 3:29 Hahine matamatana e abiamu tauna, headava matamata tauna bunai. A headava matamata tauna turana danu e ginimu, erena e kamonaimu, bona headava matamata tauna gadona e moalelaiamu. Taunabunai, lauegu moale vada eme ḡuḡuru.
JOH 3:30 Ia be baine bada; lau be baina maraḡi.
JOH 3:31 Atai amo ema tauna na ḡau iboudiai daediai; tano amo ema tauna na tano tauna, bona tano herevadia e gwauraimu. Guba amo ema tauna na ḡau iboudiai daediai;
JOH 3:32 ia ese e ita bona e kamonai ḡaudia na e gwaurai hedinaraimu, a tau ta ese ena hereva se abi daemu.
JOH 3:33 A ena hereva e abi daemu tauna ese Dirava e gwauraiamu, Dirava na momokani.
JOH 3:34 Badina be Dirava ese e siaia tauna ese Dirava ena hereva e gvauraimu; bona Dirava ese Lauma e henimu neganai dia taidia taidia se henimu.
JOH 3:35 Tamana ese Natuna e lalokau heniamu, bona ḡau idoidiai ia imana ai vada e ato.
JOH 3:36 Natuna e abidadama heniamu tauna ese mauri hanaihanai baine abia; Natuna e gwau edeede heniamu tauna ese mauri basine itaia, a Dirava ena badu na ia latanai e miamu.
JOH 4:1 Lohiabada vada e diba Farisea taudia vada e kamonai Iesu ese hutuma e abidia, ena hahediba ai e halaodia bona e bapatisodia, a Ioane be gadoidia mo e abidia.
JOH 4:2 (Ḡau tamona Iesu ese se bapatisodia, lo ena hahediba hari.)
JOH 4:3 Taunabunai, ia ese Iudea e rakatania, Galilea e lou lao.
JOH 4:4 Ena dala be Samaria tanona amo e raka hanai.
JOH 4:5 Bena Samaria hanuana ta ai e lasi, ladana na Sukara; una hanua na Iakob ese natuna Iosef e henia tanona badibadinai.
JOH 4:6 Iakob ena ranu gurina be unuseni ai. Iesu na tauna e heboera, laolao dainai, bena dina tubua ai ranu gurina badibadinai e helai diho.
JOH 4:7 Samaria hahinena ta ranu utu ela; bena Iesu ese e noia, eto, Ranu kuri ta ame henigu.
JOH 4:8 Badina be ena hahediba na hanua vada ela, aniani bae hoia totona.
JOH 4:9 Hari hane Samaria ese e haere henia, eto, Badina be dahaka oi na Iuda taumu, lau be Samaria hahinegu, ma egu ai ranu o gwauraiamu? Ia unu e gwau toma badina be Iuda taudia bona Samaria taudia asie hetura heheniva.
JOH 4:10 Bena Iesu ese e haere henia, eto, Dirava ena harihari ḡauna boma diba, bona boma diba danu ranu kuri ta emu ai e noiamu tauna be daika, oi ese ia boma noia, bena ia ese mauri ranuna bema henimu.
JOH 4:11 Hahine na eto, Ḡauka e, asi emu tu-dobi ḡauna, guri danu dobu; hari mauri ranuna be ede amo bo abiamu?
JOH 4:12 Oi ese senemai Iakob o hercaiamu a? Ia ese ina ranu gurina e henimai; ia ese e inuava, natuna verina bona ena boromakau seridia danu e inuva.
JOH 4:13 Iesu ese Ina e haere henia, eto, Ina ranu bae inua taudia iboudiai na bae ranu mase lou;
JOH 4:14 a lau ese baina henia ranuna baine inua tauna na basine ranu mase ela bona hanaihanai.
JOH 4:15 Hari hahine ese e noia, eto, Ḡauka, e, ena ranu ame henigu, bena basina ranu mase lou, bona ranu utu danu ini basinama.
JOH 4:16 Bena Iesu ese e hamaoroa, eto, Aola, adavamu a ha boiria, raruosi baoma.
JOH 4:17 Hahine eto, Lau na asi adavagu.
JOH 4:18 Iesu eto, Vada o hereva maoromu, o tomamu “Lau na asi adavagu”; badina be adavamu laima vada o abidia, bona harihari o abiamu tauna na dia oi adavamu. Emu hereva na momokani.
JOH 4:19 Hari hahine eto, Ḡauka e, lalogu vada eme parara oi na peroveta tauna.
JOH 4:20 Tubumai tamamai na ina ororo ai e toma dihova, a umui Iuda taumui na o tomamu toma-diho gabuna korikori be Ierusalem ai mo.
JOH 4:21 Iesu eto, Egu hereva avabia dae: nega ta be maimu ina ororo ai bona Ierusalem ai danu Tamada basio toma henia diho.
JOH 4:22 Umui Samaria taumui ese o toma henia dihomu Diravana na asi dibamui; ai be a toma henia dihomu Diravana na dibamai. Badina be hahemauri na Iuda taumai emai amo.
JOH 4:23 A nega ta be maimu, harihari vada be kaumu, toma-diho taudia korikori ese Tamada bae toma henia diho lauma ai bona momokani ai, badina be Tamada ese unu bae toma henia diho toma taudia na e tahudiamu.
JOH 4:24 Dirava na Lauma; bona bae toma henia diho taudia ese lauma ai bona momokani ai bae toma henia diho.
JOH 4:25 Hahine na eto, Lau na dibagu Mesia, Keriso e gwauraiamu, do bainema; bona bainema negana ai ia ese ḡau iboudiai baine gwaurai hedinarai.
JOH 4:26 Iesu ese e hamaoroa, eto, Tauna bina lau, vada na hereva henimumu.
JOH 4:27 Una negana ai ena hahediba vada e lou, ia dekenai e kau, bena e hoa, badina be ia na hahine ta ida e hereva-herevamu. A ta ese se nanadaia “Dahaka o tahuamu?” eiava “Dahaka dainai ia ida o hereva-herevamu?”
JOH 4:28 Bena una hahule ese ena hodu e rakatania, hanua ela. Ia ese hanua taudia e hamaorodia, eto,
JOH 4:29 Aoma, tau ta a itaia, egu kara iboudiai ia ese e hamaorolaigu. Dahaka o tomamu, ia na Keriso eiava?
JOH 4:30 Bena idia na hanua amo e aru lasi, ia dekena ela.
JOH 4:31 Una negana ai ena hahediba ese e hamaoroa, eto, Rabi e, avaniani.
JOH 4:32 A ia ese e hamaorodia, eto, Lau na mai agu, umui asi dibamui gauna.
JOH 4:33 Bena ena hahediba na sibodia e henanadai heheni, eto, Ta ese ana aniani vada e mailaia eiava?
JOH 4:34 A Iesu ese e hamaorodia, eto, Agu aniani binai: e siaigu Diravana ena ura baina karaia, iena ḡaukara baina haḡuḡurua.
JOH 4:35 Umui na mai emui hereva ta, ani, o tomamu “Hua hani baela bena uit iutuna negana baine gini dae”. A na hamaoromuimu, a gaga isi, uma ba ita, anidia vada e lo, iutuna negana heḡereḡerena.
JOH 4:36 lutuna tauna ese davana e abiamu, bena uma anina e habouamu, mauri hanaihanai ḡauna; taunabunai, ihadona tauna bona iutuna tauna bae moale hebou.
JOH 4:37 Badina be vaia e gwauraiamu herevana be momokani: ihadona tauna be idau, iutuna tauna danu idau.
JOH 4:38 Lau ese na siaimui, asio hekwarahilaia ḡauna na ba utua; haida be vada e hekwarahi, umui ese edia hekwarahi anina vada ome abia.
JOH 4:39 Samaria taudia hutuma una hanua lalonai ese Iesu e abiabiraia, una hahine ena hereva dainai: hahine na eto “Egu kara iboudiai ia ese e hamaorolaigu”.
JOH 4:40 Taunabunai, hari Samaria taudia na ia dekena ela, e noia, dekediai baine noho; bena dina rua unuseni ai e noho.
JOH 4:41 Bena ena hereva daidiai hutuma ese e abiabiraia.
JOH 4:42 Bena idia ese una hahine e hamaoroa, eto, Ai na dia harihari oiemu hereva dainai asia abiabiraiamu, a badina be ai sibomai vada ame kamonai bona ame diba ina na momokani tanobada ihamauruina tauna.
JOH 4:43 Unu dina rua e ore, bena ia na e tore isi, Galilea ela.
JOH 4:44 Iesu vada e hereva, eto, Peroveta tauna na ena hanua korikori taudia ese basie matauraia.
JOH 4:45 A Galilea ai e lasi negana ai na Galilea taudia ese e abia dae, Ierusalem ai aria negana ai e kara ḡaudia iboudiai matadia amo vada e ita dainai; badina be idia danu una aria ela.
JOH 4:46 Galilea hanuana ta, ladana Kana, ai e lasi: una na vanegai ranu vine ranuna ai e halaoa gabuna. Lohia ta Kaperanaum ai natuna vada e gorerea;
JOH 4:47 ia e kamonai Iesu na Iudea amo vada ema, Galilea ai vada e kau, bena Iesu dekena ela, e noia, bainela, natuna baine hamauria; badina be mero na e mase rea mase reava.
JOH 4:48 Iesu eto, Umui na toa bona hoa karadia basio ita, umui na basio kamonai.
JOH 4:49 Hari lohia eto, Lohiabada e, mani aitala, natugu vada be masemu.
JOH 4:50 Bena Iesu ese e hamaoroa, eto, Aola, natumu vada eha mauri. Una tau ese Iesu ena hereva e abia dae, vada ela.
JOH 4:51 Dala amo e laova ai, ena hesiai taudia vada ema, ia ida e hedavari; bena eto, Mero na vada eha mauri.
JOH 4:52 Bena ia ese e nanadaidia, edena hora ai tauna e dai namo. Tatau eto, Varani dina tubua kahana ai gorere siahuna e doko.
JOH 4:53 Bena tamana na e helalo une, ia ese Iesu e hereva henia horana bunai, bena Iesu ese e hamaoroa, eto “Natumu vada eha mauri”. Bena ia bona ena ruma taudia iboudiai ese vada e abidadama henia.
JOH 4:54 Toa iharuana binai Iesu ese e karaia, Iudea e rakatania Galilea ela negana ai.
JOH 5:1 Unu ḡau muridiai Iuda taudia ese edia aria ta e karaia, bena Iesu na Ierusalem eha dara dare.
JOH 5:2 Ierusalem ai digu gohuna ta be mamoe ikoukouna badinai; Heberu gadodia ai ladana be Betesata. Hakerukeru rumadia auima unuseni ai.
JOH 5:3 Vaevae unuseni ai gorere taudia hutuma e hekureva, matakepulu, ae-hedairiki, ima-heveri ae-heveri taudia; idia ese ranu ilohina e nariava.
JOH 5:4 Badina be aneru ta vaia e diho loulouva, una gohu e haraivaiava; bena ranu iharaivana murinai e turu dae guna tauna ena gorere vada e namova. Gorere idauidau unu e namo tomava.
JOH 5:5 Siko ese e karaia tauna ta unuseni ai, ena gorere laḡanidia be toi-ahui taurahani.
JOH 5:6 Bena Iesu ese hekurena ai e itaia, bona dibana nega daudau unu vada e hekure tomava; bena e nanadaia, eto, Oi mauri o uramu a?
JOH 5:7 Gorere tauna ese e haere henia, eto, Lohiabada e, ranu e halohilohiamu negadia ai, lau na asi iato-dobigu; gohu na raka heniamu ai ta e gunamu.
JOH 5:8 Iesu ese e haduaia, eto, A tore isi, emu geda a lokua, a raka.
JOH 5:9 Bena tauna e goada haraḡa-haraḡa, e tore isi, ena geda e lokua, e raka matama. Una dina be Dina Helaḡa.
JOH 5:10 Taunabunai, Iuda taudia ese hari e hamauria tauna e gwau henia, eto, Ina na Dina Helaḡa; emu geda o abia loaloamu na mai taravatuna.
JOH 5:11 Ia e haere, eto, E hamaurigu tauna ese e haduagu, eto “Emu geda a lokua, a raka”.
JOH 5:12 Bena idia ese e nanadaia, eto, Daika ese e hamaoromu, eto “Emu geda a lokua, a raka”?
JOH 5:13 A e hamauria tauna na asi dibana daika ese e hamauria; badina be Iesu vada e raka oho, bona taunimanima hutuma una gabu ai e hebouva.
JOH 5:14 Gabeamo Iesu ese una tau e davaria Dubu Helaḡa lalonai, bena e sisiba henia, eto, E, oi na vada ome mauri; basio kara dika lou, dika bada-hereana ta ese baine butumu tao na garina.
JOH 5:15 Bena hari tau na ela, Iuda taudia e hamaorodia, e hamauria tauna na Iesu.
JOH 5:16 Una dainai Iuda taudia ese Iesu e daḡedaḡe henia, badina be ia na Dina Helaḡa ai unu e kara toma.
JOH 5:17 Iesu ese e haere henidia, eto, Tamagu na e ḡaukaramu ema bona hari; lau danu na ḡaukaramu.
JOH 5:18 Una hereva dainai Iuda taudia ese iala-masena urana e urava, badina be Dina Helaḡa e hadikaia; bona dia una mo, ia danu ma e tomava Dirava be ia Tamana korikori, ia bona Dirava na heheḡereḡere.
JOH 5:19 Taunabunai, Iesu ese e haere henidia, eto, Momokani vaitani na hamaoromuimu, Natuna na sibona ḡau ta ikarana asi dibana, a Tamana ena kara baine ita karadia mo baine kara. Tamana e karamu ḡaudia idoidiai Natuna danu baine kara.
JOH 5:20 Badina be Tamana ese Natuna e lalokau heniamu, bona ena kara iboudiai e hahedinarai heniamu: bona ini e hereamu karadia danu baine hahedinarai henia, ba hoa helaoreana.
JOH 5:21 Badina be Tamana ese mase taudia e hatoredia isunu bona e hamauridiamu heḡereḡerena Natuna ese danu taunimanima vada e hamauridiamu, ena ura heḡereḡerena ai.
JOH 5:22 Tamana ese tau ta se hahemaoro heniamu; a hahemaoro siahuna idoinai Natuna vada e henia:
JOH 5:23 taunabunai taunimanima iboudiai ese Natuna bae matauraia, Tamana e matauraiamu heḡereḡerena. Natuna se matauraiamu tauna ese Tamana, Natuna e siaia Diravana, danu se matauraiamu.
JOH 5:24 Momokani vaitani na hamaoromuimu, egu hereva e kamonaimu, bona e siaigu Diravana e abidadama heniamu, tauna ese mauri hanaihanai vada eme abia: ia na hahemaoro ai basine vareai, badina be mase vada e rakatania, mauri ai vada e kau.
JOH 5:25 Momokani vaitani na hamaoromuimu, nega ta vada be maimu, harihari be kaumu, mase taudia ese Dirava Natuna gadona bae kamonaia, bena bae kamonai taudia vada bae mauri.
JOH 5:26 Badina be Tamana lalonai mauri e miamu heḡereḡerena Natuna danu unu e henia tomamu, ia lalonai danu mauri baine mia.
JOH 5:27 Bona siahu danu vada e henia, baine hahemaoro, badina be ia na Taunimanima Natuna.
JOH 5:28 Ina na basio hoalaia. Badina be nega ta be maimu, gara ai e nohomu taudia iboudiai ese ia gadona bae kamonaia;
JOH 5:29 bena bae raka lasi: kara namo taudia ese mauri tore-isina bae abia, a kara dika taudia ese hahemaoro tore-isina bae abia.
JOH 5:30 Lau na sibogu ḡau ta ikarana asi dibagu. Na kamonaimu heḡereḡerena hahemaoro na karamu; bona egu hahemaoro na maoromaoro, badina be sibogu egu ura asina karamu, a e siaigu Diravana ena ura mo na karamu.
JOH 5:31 Sibogu bama hegwaurai, egu hegwaurai na basinema momokani.
JOH 5:32 E gwauraigumu tauna be idau, bona dibagu e gwauraigumu herevadia na momomo-kakani.
JOH 5:33 Umui na Ioane dekena o hesiai laova, bona ia ese hereva momokani vada e gwauraia.
JOH 5:34 A lau igwauraigu herevana korikorina na dia taunimanuna edia amo; ḡau tamona, ini hereva name gwaurai umui ihamaunmui.
JOH 5:35 Ioane na e arava bona e hururu-hururuva lamepa na heto, bona umui nega sisina ena diari ai o moaleva.
JOH 5:36 A lau e gwauraigumu herevana ese Ioane ena e hereaiamu; badina be Tamagu ese e henigu baina haguguru ḡaukaradia, harihari na karamu ḡaukaradia, ese e gwauraigumu, Tamagu ese e siaigu.
JOH 5:37 Tamagu ese vada e siaigu, bona ia ese vada e gwauraigu. Ia gadona nega ta asio kamonaia bona vairana danu nega ta asio itaia, lasi vaitani.
JOH 5:38 Ena hereva danu lalomui ai se miamu, badina be ia ese e siaia tauna umui ese asio abia daemu.
JOH 5:39 Umui ese Buka Helaḡa ai o tahumu, badina be umui na o tomamu idia lalodiai mauri hanaihanai ba davaria. Benaini, idia ese lau e gwauraigumu;
JOH 5:40 to umui na asio uramu dekegu baoma mauri iabina totona.
JOH 5:41 Heimodai na taunimanima edia amo asina abiamu.
JOH 5:42 A lau mai dibagu umui lalomui ai Dirava iura-henina na dia mia.
JOH 5:43 Lau be Tamagu ladana ai nama, to asio abigu daemu; a ta be sibona ladana ai bema mai, umui ese boma abia dae.
JOH 5:44 Ede bavabigu dae toma? O heimodai hehenimu, a Dirava korikori ena amo e maimu heimodaina asio tahuamu.
JOH 5:45 Lalomui ai basioto lau ese Tamagu vairanai baina habadelaimui; lasi, ihabadelainlui tauna na Mose, o abidadama heniamu tauna.
JOH 5:46 Badina be umui ese Mose bonla abia dae, lau danu boma abigu dae; badina be ia ese lau sivaraigu e torea.
JOH 5:47 A iena revareva basio abi dae be lauegu hereva ede bavabi dae toma?
JOH 6:1 Unu ḡau muridai Iesu e raka oho, Galilea gohuna (Tiberia gohuna bunai) unukahana ela.
JOH 6:2 Bena aru taudia hutuma ia murina amo ela, badina be gorere ihamaurilaidia karadia e kara loulouva toadia e itava daidiai.
JOH 6:3 Iesu na ororo ai eha dara dae, unuseni ai ena hahediba ida e helai diho.
JOH 6:4 Iuda taudia edia Lagau-hanai Ariana na vairadiai e hure.
JOH 6:5 Iesu na e roha isi, hutuma bada ia dekena e maiva e itadia; bena ia ese Filipo e hereva henia, eto, Ita be edeseni ai aniani ḡaudia baita ha hoi, idia iubulaidia?
JOH 6:6 (Unu e gwau toma, Filipo baine dibaia eto; badina be ia na mai dibana dahaka baine karaia.)
JOH 6:7 Filipo ese e haere henia, eto, Dollar ruahui ai aniani ḡaudia baita ha hoi, to basie davana, sisisisidia mo bae ani.
JOH 6:8 Ena hahediba ta, ladana Andrea, Simona Petro tadina, ese e hereva henia, eto,
JOH 6:9 Mero-mero ta iniseni ai, ia na mai ana bali gabugabudia ima bona gwarume-gwarume rua; to unu na ede bae hekara toma, taunimanima na hutuma herea.
JOH 6:10 Bena Iesu eto, Taunimanima ba haduadia, bae helai helai diho. Una gabu na rei gabuna. bena taunimanima iboudiai e helai helai diho. Tatau iboudiai na dahaima readia.
JOH 6:11 Bena Iesu ese hari aniani ḡaudia e abi, e hanamoa, bena e ege diho taudia e henidia hagau-hagau; gwarume-gwarume danu unu e henidia toma, edia ura heḡereḡeredia.
JOH 6:12 Bogadia e kunu, bena ia ese ena hahediba e haduadia, eto, Aniani bahudia na ba habou, sisina taina basine boio.
JOH 6:13 Taunabunai idia ese bahu vada e habou, bosea gwauta-rua e hahonu, unu bali gabugabudia imaosi taunimanima ese e ani paru oredia e rakalani bahudia bunu.
JOH 6:14 Taunimanima ese una toa ia ese e karaia vada e itaia, bena eto, Momokani, tanobada bainema perovetana binai.
JOH 6:15 A Iesu dibana idia na baema, bae dabaia tao, edia hanua pavapavana ai bae halaoa eto; una dainai ia na sibona ororo ai ma eha dara dae lou.
JOH 6:16 Adorahi ai, ena hahediba vada e hekei kone ai.
JOH 6:17 Bena vanaḡi auta ai e gui, gohu amo bae heau hanai, Kaperanaum baela eto. Hanua e boi, a Iesu na do sela dekedia.
JOH 6:18 Bena guba ta ese e lasidia tao dainai, gohu vada e hurehure.
JOH 6:19 Maila toi eiava hani e bara, bena idia ese Iesu e itaia, gohu kopina amo vanaḡi e raka heniava; bena e gari.
JOH 6:20 To Iesu eto, Ina na lau; asio gari.
JOH 6:21 Bena idia lalodia e namo, vanaḡi ai e udaia; bena maoromaoro e lao heniava gabunai eha kau.
JOH 6:22 Daba ai hutuma na gohu unukahana ai gigini, dibadia vanaḡi ta lasi, hari hahediba ese e laohaia ḡauna mo; bona dibadia Iesu na ena hahediba ida asie gui, a hahediba mo sibodia vada ela.
JOH 6:23 A vanaḡi haida na Tiberia amo e heau hanai, hari Lohiabada ese Dirava e hanamoa bona aniani e henidia gabuna badina amo e toa.
JOH 6:24 Taunabunai, aru taudia vada e diba Iesu ena hahediba ida na lasihidia, bena hari vanaḡi auhidaosi ai ma e gui, Kaperanaum ela, Iesu eha tahua.
JOH 6:25 Idia ese gohu kahana ai e davaria, bena e nanadaia, eto, Rabi e, edena nega ai oma?
JOH 6:26 Iesu ese e haere henidia; eto, Momokani vaitani na hamaoromuimu, umui ese lau o tahugumu, dia toa o ita dainai, to aniani ḡaudia o ani bogamui e kunu dainai.
JOH 6:27 Basio ḡaukara e oremu anianina iabina, a baine mia ela bona mauri hanaihanai anianina iabina ba ḡaukara. Una na Taunimanima Natuna ese baine henimui; badina be Tamana Dirava ese toa ta ienai vada e karaia.
JOH 6:28 Bena idia ese e nanadaia, eto, Ai ese ede baia kara toma, Dirava ena ḡaukara ikarana?
JOH 6:29 Iesu ese e haere henidia, eto, Dirava ena ḡaukara binai: e siaia tauna na ba kamonai henia.
JOH 6:30 Idia ese ma e nanadaia, eto, Toana be dahaka ba karaia, baia itaia, hena baia kamonai henimu? Oi dahaka bo karamu?
JOH 6:31 Ai senemai ese mana e aniava tano ḡaḡaena ai, buka ai e torea heḡereḡerena, eto, Adia aniani na ia ese guba amo e henidia dobiva.
JOH 6:32 Iesu ese e haere henidia, eto, Momokani vaitani na hamaoromuimu, dia Mose ese aniani na guba amo se henimui dobiva; a Tamagu ese aniani guba amo vada e henimui dobimu, aniani korikorina binai.
JOH 6:33 Badina be Dirava ena aniani na guba amo vada eme diho, bona mauri na tanobada e heniamu.
JOH 6:34 Bena idia ese e noia, eto, Lohiabada e, ina aniani na dina iboudiai ba henimai.
JOH 6:35 Iesu eto, Mauri anianina lau binai: dekegu bainema tauna na basine hitolo, bona baine abidadama henigu tauna na basine ranu mase, lasi ona lasi vaitani.
JOH 6:36 A na hamaoromui, ani, vada o itagumu to asio abigu daemu.
JOH 6:37 Tamagu ese e henigumu taudia iboudiai na dekegu baema; bona dekegu bainema tauna na basina lulua oho, lasi ona lasi vaitani.
JOH 6:38 Badina be guba amo vada name diho, dia lauegu ura ikarana, to e siaigu Diravana ena ura ikarana.
JOH 6:39 Bona e siaigu Diravana ena ura binai: ibouboudiai ia ese vada e henigu na ta basina reaia, a baina hatoredia isi dina gabena ai.
JOH 6:40 Badina be Tamagu ena ura binai: Natuna bae raraia tao bona bae abidadama henia taudia iboudiai ese mauri hanaihanai bae abia, bona lau ese dina gabena ai baina haloredia isi.
JOH 6:41 Bena Iuda taudia ese ia e maumauraia, badina be ia eto “Lau na guba amo eme diho anianina”.
JOH 6:42 Idia eto, Ina na dia Iesu Iosef a? Tamana sinana asi dibada a? Edeheto ia na e tomamu “Lau na guba amo vada name diho”?
JOH 6:43 Iesu ese e haere henidia, eto, Ene na asio maumau toma.
JOH 6:44 Tamagu, e siaigu Diravana, ese baine veria mai tauna mo sibona lau dekegu bainema diba; bena lau ese baina hatorea isi dina gabena ai.
JOH 6:45 Peroveta bukana ai ini e torea toma, eto, Idia iboudiai na Dirava ese baine hadibadia. Tamagu e kamonai heniamu bona ena hahediba herevadia e abi daemu taudia iboudiai lau dekegu e maimu.
JOH 6:46 To tau ta ese Tamada se itaia; Dirava ena amo vada ema launa sibona ese vada e itaia.
JOH 6:47 Momokani vaitani na hamaoromuimu, kamonai tauna ese mauri hanaihanai eme abia.
JOH 6:48 Mauri anianina lau binai.
JOH 6:49 Tamamui ese mana e aniava tano ḡaḡaena ai, to vada e mase.
JOH 6:50 Guba amo e dihomu anianina binai, ta ese baine ania, ia na basine mase.
JOH 6:51 Lau na mauri anianina, guba amo name diho; ta ese ina aniani baine ania, ia na do baine mauri hanaihanai. Lau ese baina henia anianina na lau hidiogu, tanobada ese mauri baine abilaia.
JOH 6:52 Bena Iuda taudia na e hepapahuahu, eto, Ina tau ese hidiona ede baine henida toma, bena baita ania?
JOH 6:53 Iesu ma e haere, eto, Momokani vaitani na hamaoromuimu, Taunimanima Natuna hidiona basio ania bona rarana danu basio inua, mauri na lalomui ai basine mia.
JOH 6:54 A lau hidiogu baine ania bona raragu baine inua tauna ese mauri hanaihanai baine abia, bona dina gabena ai lau ese baina hatorea isi.
JOH 6:55 Badina be lau hidiogu na aniani momokanina, bona lau raragu na inuinu ḡauna momokanina.
JOH 6:56 Hidiogu baine ania bona raragu baine inua tauna na lau lalogu ai baine noho, lau danu ia lalonai baina noho.
JOH 6:57 Tamada e maurimu, ia ese vada e siaigu bona Tamada dainai na maurimu na heto, baine anigu tauna danu lau daigu ai do baine mauri.
JOH 6:58 Guba amo eme diho anianina binai; dia senemui ese e aniava ḡauna heḡereḡerena, e aniava, to vada e mase. Ina aniani baine ania tauna na do baine mauri hanaihanai.
JOH 6:59 Ini hereva na dubu ai e gwaurai, Kaperanaum ai e hahedibava negana ai.
JOH 6:60 Ena hahediba hutuma e kamonai, bena eto, Una na hereva metauna; daika ese baine abia dae diba?
JOH 6:61 Iesu na lalona vada e parara, ena hahediba na una hereva e maumauraia, bena e hereva henidia, eto, Ina hereva ese eme hahekwakwanaimui a?
JOH 6:62 O Taunimanima Natuna boma itaia, bema dae kau, e noholaia guna gabuna bema lou henia, ede bema heto?
JOH 6:63 Lauma ese mauri e havaraiamu; tau-anina na asi ena hahenamo. Lau ese na hamaorolaimui herevadia na lauma bona mauri;
JOH 6:64 to umui haida na asio abi daemu. Badina be matamana negana amo Iesu na dibana asie abidadama henia taudia be daidia, bona taona baine torea tauna be daika.
JOH 6:65 Ma eto, Taunabunai vada na hamaoromui, Tamagu basine duanaia tauna na lau dekegu basinema diba.
JOH 6:66 Una negana ai ena hahediba hutuma ese e rakatania, bona ia ida asie raka hebou lou.
JOH 6:67 Bena Iesu ese gwauta-raruosi e nanadaidia, eto, Umui danu ba raka oho a?
JOH 6:68 Simona Petro ese e haere henia, eto, Lohiabada e, ai be daika dekena baiala? Mauri hanaihanai herevadia na oiemu ai.
JOH 6:69 Ai na vada ame kamonai bona ame diba, oi na Dirava ena Helaḡa Tauna.
JOH 6:70 Iesu eto, Lau na umui gwauta-raruosi na abimui hidi ani? Ḡau tamona, umui ta vada eme diabolo.
JOH 6:71 Ia ese Iuda Simona, Iskariote tauna, e gwauraia, badina be una tau ese Iesu taona do baine torea; ia danu gwauta-rarua tauna ta.
JOH 7:1 Unu ḡau muridiai Iesu na Galilea ai eha loa. Ia na se ura Iudea ai baine Ioa, badina be Iuda taudia ese ia iala-masena dalana e tahuava.
JOH 7:2 Iuda taudia edia Kalaga Ariana be vairadiai e hure.
JOH 7:3 Bena Iesu tadina ese e hereva henia, eto, Ina gabu ba rakatania, Iudea baola, bena o karamu ḡaudia na emu hahediba ese bae ita;
JOH 7:4 badina be sibona ihahedinaraina urana e uramu tauna ese ḡau ta basine karaia hehuni. Ene ḡau o karamu daidiai sibomu tanobada ba hahedinarai henia.
JOH 7:5 Badina be ia tadina ese danu asie abiabiraia.
JOH 7:6 Bena Iesu ese e haere henidia, eto, Lauegu nega na dohore; a umui emui ai nega iboudiai na heḡereḡere.
JOH 7:7 Tanobada na asine inai henimui diba, a lau hari e inai henigumu; badina be lau ese na hahemaoro heniamu, ena kara na didika dainai.
JOH 7:8 Umui hari ba ha dara dae, ina aria baola; a lau be basina dara dae, badina be egu nega na do se kau.
JOH 7:9 Ia ese unu e hereva henidia toma, bena Galilea ai do e nohova.
JOH 7:10 Tadina mo eha dara dae, aria ela. Gabeai ia danu ma eha dara dae hehuni.
JOH 7:11 Bena una aria lalonai Iuda taudia ese e tahua, eto, Ia be edeseni a?
JOH 7:12 Aru taudia ese e hepapahuahulaia bada. Haida eto, Ia na tau namona. Ma haida eto, Lasi, ia ese taunimanima e hakaudia kereremu.
JOH 7:13 A ta ese se herevalaia hedinarai, Iuda taudia garidia e gariva dainai.
JOH 7:14 Aria dinadia haida vada e ore, a haida be do mimia, Iesu Dubu Helaḡa ai e dae kau, e hahediba matama.
JOH 7:15 Bena Iuda taudia e hoa, eto, Ina tau be hahediba herevadia ede e diba toma? Ia be hahediba gabuna ta sela.
JOH 7:16 Iesu ese e haere henidia, eto, Egu hahediba herevadia na dia lauegu, to e siaigu Diravana ena.
JOH 7:17 Tau ta ese Dirava ena ura karana ikarana baine ura, ia ese egu hahediba herevadia baine dibadia, Dirava ena amo ema, eiava sibogu egu amo.
JOH 7:18 Sibona ena ura herevadia e gwauraimu tauna na sibona ihanamona dalana e tahuamu, a e siaigu Diravana ihanamona dalana e tahuamu tauna be momokani tauna, ia lalona ai kara gageva-gageva na lasi.
JOH 7:19 Mose ese taravatu se henimui a? Matona, umui be tal-avatu asio badinamu. Dahaika dainai lau ialagu dalana o tahuamu.
JOH 7:20 Aru taudia na e haere, eto, Oi na e kavamu a? Daika e uramu baine alamu?
JOH 7:21 Iesu eto, Lau na kara tamona mo na karaia, bena iboumui ai o hoa.
JOH 7:22 A laloa. Mose ese peritome taravatuna vada e henimui; ḡau tamona dia Mose ese una kara se matamaia, a seneda gunadia hari. Taunabunai, umui ese Dina Helaḡa ai memero o peritomediamu.
JOH 7:23 Dina Helaḡa ai mero ta ba peritomea, Mose ena taravatu ba tataia utu na garina, o edeheto lau be ma o badu henigumu, Dina Helaḡa ai tau ta na hamauria dainai.
JOH 7:24 Ḡau oromadia amo basio hahemaoro, a ba hahemaoro ḡoevaḡoeva.
JOH 7:25 Bena Ierusalem taudia haida eto, Bae alaia e tomu tauna binai eiava!
JOH 7:26 A ia be iniseni ai e haroromu bona hereva ta asie gwaurai heniamu. Hanua lohiadia lalodia vada eme parara ia na Keriso dahaka?
JOH 7:27 Ḡau tamona, ina tau be ede amo ema ita na dibada, a Keriso bainema negana ai tau ta basine diba ia na ede amo.
JOH 7:28 Bena Iesu na Dubu Helaḡa ai ma e hahediba, e lolo, eto, Umui na dibamui lau, ede amo nama danu dibamui; a sibogu egu ura dainai asinama. A e siaigu Diravana na momokani; umui na asi dibamui ia,
JOH 7:29 a lau be dibagu ia, badina be iena amo nama, bona ia ese e siaigu.
JOH 7:30 Bena idia ese bae dabaia tao eto, to ta tauna ai se dau kau, badina be ena nega do se kau.
JOH 7:31 A aru taudia hutuma ese e abiabiraia. Idia eto, Keriso bainema negana ai, ia ese toa ikaradia ai ina tau baine hereaia a?
JOH 7:32 Farisea taudia e kamonai, aru taudia ese Iesu unu e herevalaia toma gwauna, hahelaḡa taudia bona Farisea taudia ese edia hesiai taudia e siaidia, ia bae dabaia tao.
JOH 7:33 Bena Iesu eto, Nega sisina lau na dekemui ai do baina noho, bena e siaigu Diravana dekena bainala.
JOH 7:34 Bena ba tahugu, to basio davarigu; baina ha noho gabuna danu umui na basiola diba.
JOH 7:35 Bena Iuda taudia sibodia e henanadai heheni, eto, Ia na ede be laomu, bena ita ese basita davaria e tomu? Iuda taudia Helene taudia bogaragidiai vada e karoho taudia dekedia bainela, Helene taudia baine hadibadia, eiava?
JOH 7:36 Ina be dahaka hereva ia ese e gwauraiamu, e tomu “Ba tahugu, to basio davarigu” bona “Baina ha noho gabuna danu umui na basiola diba”
JOH 7:37 Aria dokona dinana be dina badana. Una dina ai Iesu e gini tore, e lolo, eto, Ranu-mase tauna na dekegu ainema, ranu baine inua.
JOH 7:38 Buka Helaḡa ai e torea heḡereḡerena, Lau baine abiabiraigu tauna lalona amo mauri ranuna baine aru lasi, sinavai na heto.
JOH 7:39 Ia ese Lauma unu e herevalaia toma, e abiabiraia taudia ese bae abia eto. Badina be Lauma na do se heni, Iesu ese hairaina do se abia dainai.
JOH 7:40 Aru taudia haida ese ini hereva e kamonai, bena eto, Peroveta tauna binai.
JOH 7:41 Ma haida eto, Ina na Keriso. Ma haida eto, Keriso na Galilea amo bainema a?
JOH 7:42 Buka ai e torea, ani, Keriso na David garana amo baine vara, Betelehem, David ena hanua, lalonai.
JOH 7:43 Taunabunai, aru taudia na e haheparara ia dainai.
JOH 7:44 Haida ese bae dabaia tao eto, to ta na tauna ai se dau kau.
JOH 7:45 Hesiai taudia na e lou lao, bena hahelaḡa taudia bona Farisea taudia ese e nanadaidia, eto, Badina be dahaka asio hakaua mai?
JOH 7:46 Hesiai taudia e haere, eto, Matamana negana amo tau ta se herevava ina tau e herevamu heḡereḡerena.
JOH 7:47 Farisea taudia eto, A, umui danu vada e koimui a?
JOH 7:48 Readia hanua lohiadia ta eiava Farisea taudia ta ese vada e abiabiraia a?
JOH 7:49 Ini aru taudia na taravatu asi dibadia; idia na vada eme baia.
JOH 7:50 Bena Nikodemo ese e hereva henidia; ia na hanuaboi ai Iesu dekena ela tauna, ia danu edia orea tauna ta.
JOH 7:51 Eto, Eda taravatu ese tau ta baine hahemaoro henia negana ai na ena hereva basine kamonai guna, bona ena kara danu basine diba guna a?
JOH 7:52 Bena idia ese e gwau henia, eto, Oi danu Galilea taumu a? Ba tahua bona ba diba, peroveta tauna ta Galilea ai do se vara.
JOH 7:53 Bena taunimanima iboudiai e karoho, ta ta ena ruma ena ruma vada ela.
JOH 8:1 To Iesu na Olive ororona ela.
JOH 8:2 A daba matana ai ia ese Dubu Helaḡa e lou henia, bena taunimanima iboudai ia dekenai e hebou. Ia na e helai diho, e hadibadia.
JOH 8:3 Bena itorena taudia bona Farisea taudia ese hahine ta ia dekena e hakaua lao, una hahine na heuda-hanaina ai e davaria. Idia ese bogaragidiai e haginia,
JOH 8:4 bena Iesu e nanadaia, eto, Hahediba taumu e, ina hahine na heuda-hanaina ai vada a davaria.
JOH 8:5 Mose ese taravatu ai vada e haḡanida, unu bae kara toma hahinedia na nadi ai baita hododia mase. A oi na dahaka o tomamu?
JOH 8:6 Idia na unu e hereva toma na ia e dibaḡania, hahebade badina ta e tahua. A Iesu na e igo diho, imana kwakikwakina amo e toretore tano ai.
JOH 8:7 Idia ese e nanadaia loulou ela bona e tore isi, e hamaorodia, eto, Umui daika asi ena kara dika, ia ese nadi ta aine abia, ina hahine baine hodoa guna.
JOH 8:8 Bena ma e igo diho, tano ai ma e toretore.
JOH 8:9 Idia ese ena hereva e kamonai ai, sibodia edia kara dika e helalolai, bena ta ta amo e raka lasi, vara guna amo e matamaia ela bona tau muritai. Bena Iesu sibona mo e noho, una hahine ida.
JOH 8:10 Iesu ma e tore isi, hahine na e nanadaia, eto, Hahine e, hari e habadelaimu taudia be edeseni ai? Ta se hadikamu a?
JOH 8:11 Hahine na eto, Lohiabada e, asi tauna. Bena Iesu eto, Lau ese danu asina hahemaoro henimumu. Aola; basio kara dika lou.
JOH 8:12 Bena Iesu ese e haroro henidia lou, eto, Lau na tanobada diarina. Murigu ai baine raka tauna na dibura lalonai basine loa, a mauri diarina do baine abia.
JOH 8:13 Farisea taudia ese e gwau henia, eto, Oi na sibomu o hegwauraimu; emu hegwaurai na dia momokani.
JOH 8:14 Iesu ese e haere henidia, eto, Ena be sibogu na hegwauraimu, to egu hegwaurai na momokani; badina be dibagu ede amo nama, bona ede bainala danu dibagu; a ede amo nama bona ede bainala umui na asi dibamui.
JOH 8:15 Umui na taunimanima edia hahemaoro dalana ai o hahemaoromu; lau ese ta asina hahemaoro heniamu.
JOH 8:16 A bama hahemaoro negana ai egu hahemaoro bema momokani; badina be lau na dia sibogu, a Tamagu, e siaigu tauna, ese e bamogumu.
JOH 8:17 Emui taravatu ai ini e torea toma: taunimanima rarua hereva tamona bae gwauraia hebou, una na vada momokani.
JOH 8:18 Benaini, lau na sibogu na hegwauraimu, bona Tamagu, e siaigu Diravana, ese e gwauraigumu.
JOH 8:19 Bena idia ese e nanadaia, eto, Tamamu be edeseni ai? Iesu ese e haere henidia, eto, Umui na asi dibamui lau, Tamagu danu asi dibamui; boma diba lau, Tamagu danu boma diba.
JOH 8:20 Unu hereva be Iesu ese moni ihabouna gabuna ai e gwaurai, Dubu Helaḡa lalonai e hahedibava negana ai. Bona tau ta ese se dabaia tao, badina be ena nega na do se kau.
JOH 8:21 Iesu ese ma e hereva henidia, eto, Lau na dauha bainala. Umui ese ba tahugu, to emui kara dika ai vada ba mase. Bainala gabuna umui na basiola diba.
JOH 8:22 Bena Iuda taudia e henanadai heheni, eto, Ina ia sibona baine heala a? Una dainai e tomu “Bainala gabuna umui na basiola diba”, eiava?
JOH 8:23 Ia ma eto, Umui na henu amo, lau na atai amo; umui na tanobada taumui, a lau be dia tanobada taugu.
JOH 8:24 Taunabunai na hamaoromui, nato “Emui kara dika ai vada ba mase”. Badina be umui na basio abiabiraigu, emui kara dika ai vada ba mase.
JOH 8:25 Bena idia ese e nanadaia, eto, Oi na daika? Iesu eto, Na hereva henimuimu anina be dahaka?
JOH 8:26 Herevamui diaḡau do baina gwaurai, bona baina hahemaoro henimui danu. Ḡau tamona, e siaigu Diravana na momokani, bona iena amo na abi herevadia na tanobada na hamaorolaiamu.
JOH 8:27 Idia na lalodia asie parara ia ese Tamana e herevalaia.
JOH 8:28 Bena Iesu ma eto, Umui ese Taunimanima Natuna ba piua isi negana ai vada ba diba, lau na Ia. Kara ta danu sibogu asina karaiamu, a Tamagu ese e hadibagumu heḡereḡerena ai na herevamu.
JOH 8:29 E siaigu Diravana ese e bamogumu, ia ese se rakatanigu, sibogu asina nohomu; badina be iena ura karadia nega idoidiai na karamu.
JOH 8:30 Ini hereva e gwaurai negana ai hutuma ese e abiabiraia.
JOH 8:31 Iuda taudia haida ese Iesu e abiabiraia. Ia ese idia e hamaorodia, eto, Umui ese egu hereva ba badinadia, bena egu hahediba korikori ai baola.
JOH 8:32 Hereva momokani danu ba diba; bona hereva momokani ese baine ruhamui nege.
JOH 8:33 Idia na e haere, eto, Ai na Abraham garana; ai na tau ta isiaina asia lao heni, lasi ona lasi vaitani. Dahaka dainai oi na o tomu “Ba heruha nege”?
JOH 8:34 Iesu ese e haere henidia, eto, Momokani vaitani na hamaoromuimu, kara dika taudia na dika ese e guidiamu, bena idia ese dika isiaina e lao henimu.
JOH 8:35 Hesiai tauna be ruma ai se noho hanaihanaimu; a ruma tauna natuna hari ruma ai e noho hanaihanaimu.
JOH 8:36 Taunabunai, Natuna ese baine ruhamui nege, umui na ba heruha nege momokani.
JOH 8:37 Lau mai dibagu umui na Abraham garana; ḡau tamona umui na o uramu bavalagu, badina be egu hereva asio abi daemu.
JOH 8:38 Lau ese Tamagu enai na itava ḡaudia na gwaulaimu; umui ese tamamui enai o kamonaiva ḡaudia o karamu.
JOH 8:39 Idia ese e haere henia, eto, Ai tamamai be Abraham. Iesu eto, Umui na Abraham natuna o tomu be Abraham ena kara boma kara.
JOH 8:40 A harihari o uramu bavalagu, hereva momokani Dirava enai na kamonaiva bona na gwaurai henimuimu taugu. Abraham na unu se kara toma.
JOH 8:41 Umui ese tamamui ena kara o karamu. Idia eto Ai na dia ariara natudia; ai Tamamai be tamona, Dirava bunai.
JOH 8:42 Iesu n a eto, Tamamui bema Dirava, umui ese lau boma lalokau henigu; badina be Dirava ena amo nama, iniseni ai na nohomu. Lau na sibogu asinama; ia ese e siaigu.
JOH 8:43 Edeheto na herevamu negadia ai na lalomui asie pararamu? Badina be egu hereva iabi:daedia na asi dibamui.
JOH 8:44 Umui na tamamui Diabolo ena amo oma, bona o uramu tamamui ena heḡahusi karadia ba kara. Ia na matamana amo ala-ala tauna, bona hereva momokani se badinaiamu; badina be ia lalona ai hereva momokani na lasi. Ia na hereva koikoidia e gwauraimu, ena kara korikorina bunai; badina be ia na koikoi tauna, bona koikoi idoidiai tamadia.
JOH 8:45 Umui ese asio kamonai henigumu, badina lau ese hereva momokani na gwauraimu.
JOH 8:46 Umui daika kara dika egu ai vada e davaria? Hereva momokani na gwauraimu: edeheto asio kamonai henigumu?
JOH 8:47 Dirava ena amo ema tauna ese Dirava ena hereva e kamonaimu. Umui na asio kamonaimu, badina be Dirava ena amo asioma.
JOH 8:48 Bena Iuda taudia ese e gwau henia, eto, Emai hereva na dia maoro a, ato oi na Samaria tauna bona lauma dika ese e bolomu?
JOH 8:49 Iesu e haere, eto, Lauma dika ese se bologumu. Lau ese Tamagu na matauraiamu; umui ese lau asio matauraigumu.
JOH 8:50 Lau ese hairaigu asina tahuamu; ta ese e tahuamu bona hahemaoro e karamu.
JOH 8:51 Momokani vaitani na hamaoromuimu lauegu hereva baine badinaia tauna na basine mase diba, ela bona hanaihanai.
JOH 8:52 Iuda taudia eto, Harihari vada ame diba momokani lauma dika ese vada e bolomu. Abraham vada e mase; peroveta taudia danu vada e Inase; a oi na o tomu “Lauegu hereva baine badinaia tauna na basine mase diba ela bona hanaihanai”.
JOH 8:53 Tamada Abraham o hereaiamu a? Ia na vada e mase; peroveta taudia danu vada e mase. Oi daika?
JOH 8:54 Iesu e haere, eto, Sibogu bama heimodai, bama heimodai kava, a Tamagu ese e imo-daigumu; umui o tomamu ia na umui emui Dirava.
JOH 8:55 Umui na asi dibamui ia; lau be mai dibagu. Lau bama toma “Asi dibagu ia”, bama koikoi, umui heḡereḡeremui. Lau na mai dibagu, bona ena hereva danu na badinaiamu.
JOH 8:56 Tamamui Abraham na e'ura dikadikava lauegu nega baine itaia; bena e itaia mai Inoalena ida.
JOH 8:57 Iuda taudia eto, Oi laḡanimu be do dia imahui; oi na Abraham o itaia a?
JOH 8:58 Iesu e haere henidia, eto, Momokani vaitani na hamaoromuimu, Abraham do se vara, lau be vada na nohova.
JOH 8:59 Bena idia ese nadi e abi isi, bae hodoa eto. A Iesu na e komu, bena Dubu Helaḡa amo e raka lasi.
JOH 9:1 Raka hanaina ai, Iesu ese tau ta e itaia; matana ruaosi kepuludia ai e vara.
JOH 9:2 Bena ena hahediba ese e nanadaia, eto, Rabi e, daika ena kara dika dainai ina tau matana kepuludia ai e vara, ia eiava tamana sinana?
JOH 9:3 Iesu eto, Lasi, dia iena kara dika dainai, bona dia tamana sinana edia kara dika daidiai, to Dirava ena siahu iena amo baine hedinarai helaoreana.
JOH 9:4 Lau e siaigu Diravana ena kara dina ai baita kara; hanua baine boi, ta basine ḡaukara diba.
JOH 9:5 Tanobada ai na nohomu negana ai lau na tanobada diarina.
JOH 9:6 Unu hereva e gwaurai doko, bena tano ai e kanudi, kanudina ai kopukopu e manea, bena mata-kepulu tauna matana ruaosi e dahulai.
JOH 9:7 Bena e hamaoroa, eto, Aola, Siloam gohuna ai ba ha huri. (“Siloam” anina be “siaia”). Taunabunai ia na ela, eha huri, bena e lou ema, matana vada e papa.
JOH 9:8 Bena dekena taudia bona vaevae e noi hegameva ai e itaiava taudia e henanadai, eto, Ina na vanegai e helaiva, e noi hegameva, tauna eiava?
JOH 9:9 Haida eto, Ḡauna bunai. Ma haida eto, Lasi, ina na ia ida-idana. Ia sibona eto, Lau binai.
JOH 9:10 Bena idia ese e nanadaia, eto, Matamu ede e papa toma?
JOH 9:11 Ia e haere, eto, Tau ta, ladana Iesu, ese kopukopu e manea, matagu ruaosi e dahulai, bena e hamaorogu, eto “Aola, Siloam ai ba ha huri”. Nala, na ha huri, bena matagu vada e papa.
JOH 9:12 Bena idia ese ma e nanadaia, eto, Ia be edeseni ai? Ia eto, Asi dibagu.
JOH 9:13 Idia ese hari matana e papa tauna na Farisea taudia dekedia e hakaua lao.
JOH 9:14 Iesu ese kopukopu e manea bona una tau matana e hapapa dinana be Dina Helaḡa.
JOH 9:15 Taunabunai, Farisea taudia ese e nanadaia, matana ede e papa toma. Ia eto, Ia ese matagu ruaosi kopukopu amo e dahu, na ha huri, bena matagu vada e papa.
JOH 9:16 Bena Farisea taudia haida eto, Una tau na Dirava ena amo sema, badina be Dina Helaḡa se badinaiamu. A haida eto, Kara dika tauna ese toa unuhetomadia ede bema kara toma? Unu amo edia hegogo vada e haheparara.
JOH 9:17 Bena idia ese mata-kepulu tauna ma e nanadaia lou, eto, Oi matanlu luaosi na ina tau ese e hapapa. Oi be ede o gwauraia tomamu? Mani a hereva. Ia e haere, eto, Ia na peroveta tauna.
JOH 9:18 Iuda taudia ese hari tau matana vada e kepulu guna gabeai e papa helevana asie abia dae, ela bona idia ese ia tamana bona sinana e boiridia.
JOH 9:19 Bena e nanadaidia, eto, Ina umui natumui a? Matana ruaosi kepuludia ai e vara o tomu a? O harihari matana be ede e papa toma?
JOH 9:20 Bena tamana sunana eto, Ai na dibamai ai natumai binai, matana kepuludia ai e vara;
JOH 9:21 to harihari matana ede e papa toma ai na asi dibamai, matana e hapapa tauna danu asi dibamai. Ia ba nanadaia; ia na bada, sibona baine hereva.
JOH 9:22 Hari tamana bona sinana unu e gwau toma badina be Iuda taudia garidia e gariva. Badina be Iuda taudia na vada e henega bou, tau ta Iesu bema gwauraia Keriso, ia na dubu amo bae doria lasi eto.
JOH 9:23 Una dainai tamana sinana eto “Ia na bada, ba nanadaia”.
JOH 9:24 Bena idia ese mata-kepulu tauna e boiria lou, eto, Dirava ba heatolaia; ai na vada dibamai una tau na kara dika tauna.
JOH 9:25 Ia e haere, eto, Ia na kara dika tauna eiava lasi lau asi dibagu; ḡau tamona mo dibagu, vanegai matagu ruaosi e kepulu, harihari eme papa.
JOH 9:26 Bena idia ese ma e nanadaia lou, eto, Ia ese oiemu ai dahaka e karaia? Matamu be ede e hapapa toma?
JOH 9:27 Ia e haere, eto, Be: vada na hamaoromui vaitani, to asio kamonai henigumu. Dahaka dainai unlui na o uramu ma ba-kamonai lou'  Umui danu iena hahediba ai baola o tomamu a?
JOH 9:28 Bena idia ese e gwau dika henia, eto, Oi hari iena hahediba; ai be Mose ena hahediba.
JOH 9:29 Ai na dibamai Dirava ese Mose e hereva henia; a una tau be ede amo ema asi dibamai.
JOH 9:30 Matana e papa tauna eto, la, lau na name hoa, badina be umui na asi dibamui ia na ede amo ema, a ia ese lau matagu e hapapa.
JOH 9:31 Dibada Dirava ese kara dika taudia eredia se kamonaimu, a e matauraiamu bona ena ura karadia e karamu tauna hari erena e kamonaimu.
JOH 9:32 Tanobada matamana amo ta ese matana ruaosi kepuludia ai e vara tauna ta matana e hapapa sivaraina asita kamonai.
JOH 9:33 Hari tau be Dirava ena amo basinema mai, ia ese ḡau ta basinema karaia diba.
JOH 9:34 Idia ese e gwau henia, eto, Oi na kara dika ai o vara; matona ai o hadibamaimu a? Bena idia ese dubu amo e doria lasi.
JOH 9:35 Iesu na e kamonai idia ese vada e doria lasi, bena e davaria, e nanadaia, eto, Dirava Natuna o abiabiraiamu a?
JOH 9:36 Ia na e haere, eto, Lohiabada e, ia be daika? A hamaorogu, bena baina abiabiraia.
JOH 9:37 Iesu eto, Vada o itaia; ia na ina harihari e hereva henimumu.
JOH 9:38 Bena ia eto, Lohiabada e, vada name kamonai. Bena ia ese e toma henia diho.
JOH 9:39 Bena Iesu eto, Hahemaoro totona ina tanobada nama; taunabunai mata-kepulu taudia na matadia bae papa, bona mata-papa taudia na matadia bae kepulu.
JOH 9:40 Farisea taudia haida na ia dekenai e nohova; bena idia ese una hereva e kamonai. Bena idia ese e nanadaia, eto, Ai danu matamai kekepulu a?
JOH 9:41 Iesu ese e haere henidia, eto, Matamui bema kepulu, asi emui kerere boma noho; to umui na o tomu “Ai na mata-papa taumai”, taunabunai emui kerere na mia.
JOH 10:1 Momokani vaitani na hamaoromuimu, mamoe maḡuna ikoukouna amo se raka vareaimu, a maḡu gabana amo e daga hanaimu tauna na henao bona dadidadi tauna.
JOH 10:2 A ikoukou amo e raka vareaimu tauna na mamoe ireḡudia tauna.
JOH 10:3 Ikoukou igimana tauna ese ikoukou e kehoamu una tau ena; bena mamoe ese ia gadona e kamonaimu. Ia ese ena mamoe korikori ladadia e hatomu, bena e hakaudia lasimu.
JOH 10:4 Ena mamoe korikori iboudiai e hakaudia lasimu, vairadiai e rakamu; bena ia gadona dibadia dainai idia ia murina amo e rakamu.
JOH 10:5 A idau tauna murinai basie raka, lasi vaitani; bae heautania; badina be idau taudia gadodia na asi dibadia.
JOH 10:6 Ina hereva heḡereḡerena na Iesu ese e herevalai henidia, to lalodia na asie parara.
JOH 10:7 Iesu ese ma e hereva henidia lou, eto, Momokani vaitani na hamaoromuimu, lau na mamoe ikoukouna.
JOH 10:8 Ema guna taudia iboudiai na henao bona dadidadi taudia, bena mamoe ese eredia asie kamonaiva.
JOH 10:9 Lau binai ikoukou. Lauegu amo baine raka vareai tauna na do baine mauri; ia na baine raka vareai, baine raka lasi, aniani baine davaria.
JOH 10:10 Henao tauna na henao, ala-ala, hahebua-tari totodia e maimu. Lau vada nama mauri bae abia, bae abia badabada, helaoreana.
JOH 10:11 Lau na mamoe ireḡudia tauna namona. Mamoe ireḡudia tauna namona ese ena mauri e atoa dihomu mamoe daidiai.
JOH 10:12 Hesiai tauna mai davana na dia mamoe ireḡudia tauna, bona dia mamoe biagudia: uda sisiana e maimu negana ai, ia ese e itaiamu bena ena mamoe e heautanidiamu, bena uda sisiana ese e dabaidia taomu bona e hakarohodiamu.
JOH 10:13 E heaumu badina be ia na hesiai tauna mai davana, mamoe se lalodiamu.
JOH 10:14 Lau na mamoe ireḡudia tauna namona. Egu mamoe vada dibagu; egu mamoe danu dibadia lau;
JOH 10:15 Tamagu dibana lau bona lau dibagu ia heḡereḡerena. Egu mauri danu na atoa dihomu, mamoe daidiai.
JOH 10:16 Lau na mai egu mamoe idaudia haida danu; idia na do dia ina maḡu lalonai. Idia danu do baina hakaudia mai, bena gadogu bae kamonai; bena seri baine tamona, ireḡudia tauna danu baine tamona.
JOH 10:17 Ina dainai Tamagu ese e lalokau henigumu, badina be egu mauri na atoa dihomu, baina abia lou helaoreana.
JOH 10:18 Ta ese egu mauri se abia ohomu; lau sibogu na atoa dihomu. Lau na mai siahugu baina atoa diho, bona mai siahugu baina abia lou. Haheḡani na binai Tamagu ena amo na abia.
JOH 10:19 Unu hereva daidiai Iuda taudia ma e haheparara lou.
JOH 10:20 Hutuma eto, Ia na lauma dikana ese e boloamu, e kavaiamu. Dahaka dainai o hakala heniamu?
JOH 10:21 Ma haida eto, Unu hereva na dia lauma dikana ese e boloamu tauna ena hereva. Lauma dikana ese mata-kepulu taudia matadia ihapapadia mai dibana a?
JOH 10:22 Dubu Ihahelaḡana Ariana negana vada e kau Ierusalem ai. Keru negana bunai.
JOH 10:23 Iesu na Dubu Helaḡa ai e raka, Solomon ena dehe ai;
JOH 10:24 bena Iuda taudia ese e ginia hegeḡe, e nanadaia, eto, Ba hadaradaramai ela bona edena nega ai? Oi na Keriso eiava lasi? A hamaoromai momokani.
JOH 10:25 Iesu ese e haere henidia, eto, Vada na hamaoromui, to asio kamonaimu. Tamagu ladana ai na karamu karadia ese e hahedinaraigumu;
JOH 10:26 to umui ese asio abiabiraigumu, badina be umui na dia lauegu mamoe.
JOH 10:27 Egu mamoe ese lau gadogu e kamonaimu; lau ese vada na dibadia, bona idia ese lau murigu ai e rakamu.
JOH 10:28 Mauri hanaihanai danu na henidiamu; idia na basie mase, lasi ona lasi vaitani; bona tau ta lau imagu amo basine dadidia.
JOH 10:29 Tamagu ese e henigu ḡauna ese ḡau iboudiai e hereadiamu; tau ta danu asi goadana ḡau ta Tamagu imana amo baine dadihaia.
JOH 10:30 Lau bona Tamagu na tamona.
JOH 10:31 Bena Iuda taudia ese nadi ma e abi isi, bae hodoa eto.
JOH 10:32 Iesu eto, Kara namo diaḡau na Tamada ena amo vada na hahedinarai henimui; edena kara dainai ba hodogu?
JOH 10:33 Iuda taudia eto, Kara namona ta dainai basia hodomu, a Dirava ihadikana dainai, badina be oi na taunimanima mo, sibomu Dirava ai o hahelaomu.
JOH 10:34 Iesu eto, Emui taravatu ai ini se torea toma, a: Lau nato, umui na dirava?
JOH 10:35 O Dirava ena hereva ediai e kau taudia na dirava e gwauraidia, (Buka Helaḡa na asi itata-utuna, ani),
JOH 10:36 edeheto Dirava ese e hahelaḡaia bona tanobada ai e siaia tauna na o gwau heniamu, o tomamu “Oi ese Dirava o hadikaiamu”, badina be lau nato “Lau na Dirava Natuna”, a?
JOH 10:37 Tamagu ena kara basinama kara, umui ese basioma abiabiraigu.
JOH 10:38 A baina kara negana ai na, ena be lau basio abiabiraigu, to egu kara bavabiabirai, bena lalomui bae parara bona ba diba Tamagu na lalogu ai, lau danu Tamagu lalonai.
JOH 10:39 Bena idia ese ma e dabaia tao toho lou, to idia imadia amo e hevai dae e raka oho.
JOH 10:40 Bena Ioridane unukahana e lou ela, gunaguna Ioane e hahebapatisova gabuna ai eha noho.
JOH 10:41 Hutuma na ia dekena ela; eto, Ioane ese toa ta se karaia, to ina tau herevana idoinai e gwaurai vada eme momokani.
JOH 10:42 Bena hutuma ese unuseni ai vada e abiabiraia.
JOH 11:1 Betania tauna ta, ladana Lasaro, e gorerea; Maria, kakana Mareta ida, edia hanua bunai.
JOH 11:2 Una Maria be muramura mai bonalla ai Luhiabada e dairia bena huina amo aena e dahu kaukau hahinena. Ia taihuna Lasaro e gorerea.
JOH 11:3 Hahine raruosi ese Iesu boi-kauna e kara, eto, Lohiabada e, emu lalokau tauna e gorereamu.
JOH 11:4 A Iesu e kamonai, bena eto, Una gorere na dia mase ḡauna, to Dirava iheatolaina: iena amo Dirava Natuna bae imodaia.
JOH 11:5 Iesu ese Mareta mai tadina Maria ida, bona Lasaro danu, e lalokau henidia.
JOH 11:6 A ena gorere sivaraina e kamonai, bena dina rua una gabu ai e noho;
JOH 11:7 gabeamo ia ese eha hahediba e hamaorodia eto, Iudea aita lou henia.
JOH 11:8 Idia eto, Rabi e, vanegai mo Iuda taudia ese nadi amo e hodomu toho, harihari una gabu ma ba lou henia o tomu a?
JOH 11:9 Iesu e haere, eto, Dina ta ena hora na dia gwauta-rua a? Dina ai e loaloamu tauna na se hekwakwanaimu, badina be ia ese ina tanobada diarina e itaiamu.
JOH 11:10 A hanuaboi ai e loaloamu tauna na e hekwakwanaimu, badina be ia lalonai diari na lasi.
JOH 11:11 Unu e gwau toma, bena e hamaorodia, eto, Turada Lasaro na e mahutamu; a lau ainala, baina ha haoa.
JOH 11:12 Hahediba eto, Lohiabada e, baine mahuta, bena ma baine goada.
JOH 11:13 Iesu ese ena mase e gwauraia, to idia banava eto ia na laḡa-ani mahutana e herevalaia.
JOH 11:14 Taunabunai Iesu ese e hamaorodia ḡoevaḡoeva, eto, Lasaro na vada e mase;
JOH 11:15 bona umui daimui ai na moalemu lau na dia unuseni ai; unu amo umui ese do bavabidadama henigu. Vada aitala dekena.
JOH 11:16 Bena Toma, e nemaia Hekapa, ese hahediba oredia e hamaorodia, eto, Ita danu aitala, ia ida baita mase hebou.
JOH 11:17 Iesu e kau, bena e kamonai Lasaro tau-anina na dina hani gara ai vada e mia.
JOH 11:18 Betania bona Ierusalem padadia na dia daudau, maila rua sisivana;
JOH 11:19 taunabunai Iuda taudia hutuma na Mareta bona Maria dekedia ela, taudia ihalodia, taihudia e mase dainai.
JOH 11:20 Mareta na Iesu e maiva herevana e kamonai, bena ia na ela Iesu ida bae hedavari; a Maria na ruma ai e noho.
JOH 11:21 Bena Mareta ese Iesu e hereva henia, eto, Lohiabada e, oi na iniseni ai boma noho, taihugu na basinema mase;
JOH 11:22 to vada dibagu ina harihari Dirava enai ba noia ḡauna na Dirava ese baine henimu.
JOH 11:23 Iesu eto, Taihumu na baine tore isi lou.
JOH 11:24 Mareta eto, Dibagu dina gabena ai, tore-isi-lou dinana ai, ia na do baine tore isi lou.
JOH 11:25 Iesu eto, Tore-isi-lou be lau; mauri danu lau; lau e abiabiraigumu tauna, ena be baine mase, to do baine mauri.
JOH 11:26 E maurimu bona e abiabiraigumu taudia iboudiai na basie mase, lasi ona lasi vaitani. Ina hereva na o abia daemu a?
JOH 11:27 Hahine na e haere, eto, Lohiabada e, oibe; vada name kamonai lava dae, oi na Keriso, Dirava Natuna, e gwauraia gunava tanobada ai bainema tauna.
JOH 11:28 Ia na unu e gwau toma, bena ela, tadina Maria e boiria hehuni, eto, Hahediba tauna vada ema; ia ese oi e boirimumu.
JOH 11:29 Maria ese una hereva e kamonai, bena e tore isi haraḡa-haraḡa, ia dekena ela.
JOH 11:30 Una negana ai Iesu na hanua lalonai do se raka vareai, a Mareta ida e hedavari gabuna ai e nohova.
JOH 11:31 Taunabunai, Iuda taudia, Maria ida ruma lalonai e nohova e hamarumaruava taudia, ese Maria e itaia, e tore isi haraḡa-haraḡa, e raka lasi; bena idia ese e ḡavaia, badina be idia banava eto ia na gara bainela, mase tauna taina baine tai.
JOH 11:32 A Maria na Iesu e nohova gabuna ai e kau, e itaia, bena aena badinai e goru diho, eto, Lohiabada e, oi na iniseni ai boma noho, taihugu na basinema mase.
JOH 11:33 Maria bona hari Iuda taudia ia ida e raka hebouva na e taiva; bena Iesu ese e itadia, ia lalona e hisihisi bada, darana e doko.
JOH 11:34 Bena e henanadai, eto, Edeseni ai o atoa? Idia e haere, eto, Lohiabada e, aoma, a itala.
JOH 11:35 Iesu vada e tai.
JOH 11:36 Bena Iuda taudia eto, A itaia, ia ese e lalokau henia bada.
JOH 11:37 A haida eto, Ina mata-kepulu matana e hapapa tauna na ina tau ena mase ilao-ahuna asi dibana a?
JOH 11:38 Iesu lalona ma e hisihisi lou; bena ia na gara ela. Una gara na kohua; iduarana ai nadi ta vada e kurea ahu.
JOH 11:39 Bena Iesu eto, Nadi a kurea oho. A Mareta, mase tauna taihuna, eto, Lohiabada e, ia na vada eme bodaga, badina be dina hani vada e mase.
JOH 11:40 Iesu ese e haere henia, eto, Lau na hamaoromu, ani, ba heabidadama, bena Dirava hairaina do ba itaia.
JOH 11:41 Bena idia ese nadi e kurea oho. Bena Iesu e gaga dae, e ḡuriḡuri, eto, Tamagu e, na hanamomumu, badina be oi ese vada o hakala henigu.
JOH 11:42 Lau na dibagu oi na nega idoidiai o hakala henigumu; ḡau tamona, ini hutuma e ginigu heḡeḡemu daidiai unu na gwau toma, bae abia dae oi ese o siaigu helaoreana.
JOH 11:43 Unu e ḡuriḡuri toma, bena e lolo badabada, eto, Lasaro e, a raka lasi.
JOH 11:44 Bena mase tauna na e raka lasi, aena imana e hirilai dabuadia bona vairana e kumilaia mukon; l na do mimia. Iesu eto A ruhaia, a kahua nege.
JOH 11:45 Bena Iuda taudia hutuma, hari Maria dekena ela bona Iesu ena kara e itaia taudia, ese Iesu e abiabiraia.
JOH 11:46 A haida na Farisea taudia dekedia ela, Iesu ena kara e hamaaorolaidia.
JOH 11:47 Una dainai, hahelaḡa taudia bona Farisea taudia na kaunsil taudia e boiridia hebou, eto, Ede baita kara toma, badina be una tau ese toa diaḡau e karamu?
JOH 11:48 Ita na basita ruamu, taunimanima iboudiai ese bae abiabiraia; bena Roma taudia baema, eda Dubu Helaḡa bona eda bese bae abi oho.
JOH 11:49 Bena idia ta, ladana na Kaiafa, una laḡani ai ia na hahelaḡa tauna badana, ese e gwau henidia, eto, Umui na ḡau ta asi dibamui;
JOH 11:50 asio helalomu, tau ta baine mase hanua taudia daidiai, ihanamomui ḡauna bunai, a eda bese idoinai baine hebua tari na dika.
JOH 11:51 Ia na unu e gwau toma, dia sibona ena ura ai, to badina be una laḡani ai ia na hahelaḡa tauna badana, taunabunai e gwauraia guna Iesu na ena bese dainai baine mase.
JOH 11:52 Bona dia una bese mo dainai, to Dirava natuna loḡora vada e hakarohodia rohoroho be bae gogodia, orea tamona ai baine halaodia helaoreana.
JOH 11:53 Bena una dinana amo idia ese Iesu iala-masena dalana e tahuava.
JOH 11:54 Una dainai Iesu na Iuda taudia bogaragidiai se loa hedinarai louva, a una gabu e rakatania, tano ḡaḡaena badina tanona ela, hanua ta, ladana Efraim, ai e nohova, ena hahediba ida.
JOH 11:55 Iuda taudia edia Lagau-hanai Ariana na vairadiai e hure; bena una tano taudia hutuma Ierusalem ai e dara dae, aria dainai bae haheḡoeva guna eto.
JOH 11:56 Bena idia ese Iesu e tahua, bona Dubu Helaḡa lalonai ginidia ai e henanadai heheni, eto, Umui na dahaka o tomamu? Ia na ina aria ai bainema eiava lasi?
JOH 11:57 Hahelaḡa taudia bona Farisea taudia danu vada e hahedua, ta ese Iesu ena noho gabuna bema dibaia, ia ese bema hamaorodia, bena idia ese Iesu bema dabaia tao.
JOH 12:1 Dina tauratoi dounu mimia ela bona Lagau-hanai Ariana bae karaia; bena Iesu na Betania ela, Lasaro, vanegai Iesu ese mase amo e hatorea isi tauna, ena hanua bunai.
JOH 12:2 Adorahi ai, ia irogonina anibouna e dabaraia; Mareta ese isiaidia e lao heniva, bena Lasaro bona taunimanima haida na Iesu ida e ege diho.
JOH 12:3 Bena Maria ese dehoro mai bonana e abia, davana bada ḡauna, metauna na pound ta hegereḡerena, bena ela, Iesu aena ruaosi e dairilai, bena huina amo ma e dahu kaukau. Ruma na una dehoro bonana namona ese e hahonua.
JOH 12:4 Iuda Iskariote, ena hahediba tauna ta, Iesu taona baine torea tauna, eto,
JOH 12:5 Dahaka dainai ina dehoro se hoia? Dollar toiahui bema abilai, ogoḡami taudia bema harihari henidia.
JOH 12:6 Ia unu e gwau toma na dia ogoḡami taudia e bogadia hisiva dainai a badina be ia na henao tauna; ia be moni mauana e nariava, bona e udava monidia na e vai henaova.
JOH 12:7 A Iesu eto, Herevana! Vada e abia heḡaeḡaemu, lau igurigu dinana ḡauna.
JOH 12:8 Ogoḡami taudia na nega idoidiai dekemui ai nonoho, a lau be dia nega idoidiai dekemui ai basina noho.
JOH 12:9 Iuda taudia hutuma e kamonai Iesu na Betania ai, bena una gabu ela, dia Iesu mo dainai, to Lasaro, Iesu ese mase amo e hatorea isi tauna, itana totona.
JOH 12:10 Taunabunai hahelaḡa taudia e henega bou, Lasaro danu bae alaia eto;
JOH 12:11 badina be ia dainai Iuda taudia hutuma na e raka ohova, Iesu e abiabiraiava.
JOH 12:12 Daba ai, aria dainai e hegogo taudia hutuma bada vada e kamonai Iesu na Ierusalem ai baine dara dae.
JOH 12:13 Bena reta e abi, ia vairana ela, e lolo, eto, Hosana! Lohiabada ladana ai e maimu tauna aita hanamoa; Ia na Israel Pavapavana.
JOH 12:14 Bena Iesu ese doniki natuna ta e davaria, latanai e helai kau; buka ai e torea heḡereḡerena eto,
JOH 12:15 Siona natuna kekenina e, asio gari. A itaia, emu Ḡaubada na e maimu, Doniki natuna doruna ai e helaimu.
JOH 12:16 Ena hahediba na unu hereva anidia asi dibadia una negana ai; a Iesu hairaina e abia negana ai idia vada e helalo une, eto, Herevadia bunu vada e tore, idia danu unu e karaia toma.
JOH 12:17 Taunimanima hutuma na ia ida e nohova, ia ese Lasaro gara amo e boiria lasi bona mase amo e hatorea isi negana ai; bena idia ese harina e piua.
JOH 12:18 Una dainai hutuma bada ia vairana ela; badina be idia na vada e kamonai ia ese una toa e karaia.
JOH 12:19 Bena Farisea taudia na e hereva heheni, eto, O itaiamu, umui na o dareremu; tanobada idoinai be ia enai vada e taomu.
JOH 12:20 Aria negana ai toma-diho totona e dara dae taudia haida na Helene taudia.
JOH 12:21 Idia na Filipo, Betesaida Galilea tauna, dekena ela, e hamaoroa, eto, Ḡauka e, ai na a uramu Iesu baia itaia.
JOH 12:22 Filipo na ela, Andrea e hamaoroa, bena Andrea Filipo ida ela, Iesu e hamaoroa.
JOH 12:23 Bena Iesu ese e haere henidia, eto, Negana vada eme gini dae, Taunimanima Natuna ese hairaina vada baine abia.
JOH 12:24 Momokani vaitani na hamaoromuimu, uit nadinadina na tano ai basine moru, basine mase, ia na sibona baine mia kava; a baine mase, anina badana baine dobi.
JOH 12:25 Ena mauri e ura heniamu tauna ese mauri baine reaia; a ena mauri ina tanobada ai e inai heniamu tauna ese mauri baine abia tao ela bona hanaihanai.
JOH 12:26 Tau ta baine ura lau isiaigu baine lao henia, ia ese baine ḡavagu; bena lau baina noho gabuna ai na egu hesiai tauna danu baine noho. Bema tau ta ese lau isiaigu baine lao henia, Tamagu ese do baine hanamoa.
JOH 12:27 Harihari kudougu eme hetaha. Dahaka aina gwauraia? Bainato “Tamagu e, ina hora amo ame hamaurigu”? Lasi; badina binai hari ina hora ai vada name kau.
JOH 12:28 Tamagu e, ladamu a heatolaia. Bena gado ta guba amo ema, eto, Vada name heatolaia; ma baina heatolaia.
JOH 12:29 Bena hutuma unuseni ai gigini vada e kamonai; bena eto, Guba eme rahua. Ma haida eto, Aneru ta ese e hereva henia.
JOH 12:30 Iesu ese ma e hereva henidia, eto, Una gado na dia lau daigu ai, a umui daimui ai ema.
JOH 12:31 Harihari ina tanobada na e hahemaoro heniamu; harihari ina tanobada lohiana bae lulua lasi.
JOH 12:32 Lau na tanobada ai bae piugu isi; unu amo taunimanima iboudiai lau dekegu ai baina veridia.
JOH 12:33 Ia na unu e gwau toma, ena mase dalana e hahedinaraia.
JOH 12:34 Bena aru taudia ese e haere henia, eto, Ai na taravatu amo vada a kamonai, Keriso na do baine noho hanaihanai. Badina be dahaka oi na o tomu Taunimanima Natuna bae piua isi? Ina Taunimanima Natuna be daika?
JOH 12:35 Iesu eto, Nega sisina diari na doene mia dekemui ai. Ba raka balaheni, diari o abiamu negana ai, dibura ese baine butumui tao na garina. Dibura lalonai e rakamu tauna na e lao heniamu gabuna asi dibana.
JOH 12:36 Diari o abiamu negana ai, diari bavabiabiraia, diari memeromui ai ba hahelao helaoreana. Iesu na unu e hereva toma, bena e raka oho, e noho hehuni.
JOH 12:37 Ena be ia ese toa diaḡau vairadiai e karava, to idia ese asie abiabiraiava.
JOH 12:38 Taunabunai, Isaia, peroveta tauna, ena hereva vada e momokani; eto, Lohiabada e, daika ese emai hereva eme abia dae? Bona Lohiabada imana danu daika enai eme hedinarai?
JOH 12:39 Una dainai idia ese asie abiabiraia; badina be Isaia ma eto,
JOH 12:40 Ia ese matadia vada e hakepulu, Lalodia danu vada e haduhu; Matadia amo bae ita na garina, Bona lalodia amo bae diba na garina. Bena bae helalo kerehai bona baina hamauridia na garina.
JOH 12:41 Isaia na unu e gwau toma, badina be ia ese ia hairaina e itaia, bena e herevalaia.
JOH 12:42 Hanua lohiadia hutuma ese e abiabiraia, to asie gwauraia hedinarai, Farisea taudia daidiai; dubu amo bae doridia lasi na garina.
JOH 12:43 Badina be taunimanima edia heimodai e ura henia bada, Dirava ena heimodiai e ura henia maraḡi.
JOH 12:44 Iesu e lolo, eto, Lau e abiabiraigumu tauna ese dia lau mo, a e siaigu Diravana danu e abiabiraiamu.
JOH 12:45 Bona lau e itagumu tauna ese e siaigu Diravana danu e itaiamu.
JOH 12:46 Lau na tanobada vada nama, diari na heto; taunabunai e abiabiraigumu taudia iboudiai na dibura lalonai basie noho.
JOH 12:47 Tau ta ese egu hereva baine kamonai to basine abia dae, lau ese basina hahemaoro henia; badina be lau na dia tanobada ihahemaoro-henina a tanobada ihamaurina totona nama.
JOH 12:48 E dadaraigumu bona egu hereva se abi daemu tauna na mai ena hahemaoro; na gwaurai herevadia ese bae hahemaoro henia dina gabena ai.
JOH 12:49 Badina dia lau sibogu ese egu hereva asina gwaurai, a Tamagu, e siaigu Diravana, ese e haḡanigu dahaka hereva dahaka hereva baina gwaurai, bona ede baina gwaurai toma.
JOH 12:50 Lau dibagu danu, ena haheḡani na mauri hanaihanai. Taunabunai, egu hereva na Tamagu ese e haduagu heḡereḡerena vada na gwauraimu.
JOH 13:1 Lagau-hanai Ariana dinana vada eme kahikahi; bena Iesu dibana ina tanobada baine rakatania Tamana dekena bainela negana vada eme kau. Ina tanobada ai e lalokau henidiava taudia danu e lalokau henidia ela bona dokona.
JOH 13:2 Aniani negana ai, Diabolo ese Iuda Iskariote, Simona natuna, lalona vada e ania vaitani, Iesu taona do baine torea;
JOH 13:3 Iesu danu dibana Tamana ese ḡau idoidiai ia imana ai vada e henia, dibana danu Dirava ena amo vada ema bona Dirava dekena ma bainela.
JOH 13:4 Bena ia na aniani gabuna amo e tore isi, ena hahedoki e dokia oho, taoele ta e abia, e rioa,
JOH 13:5 nau auta ai ranu e seia, bena ena hahediba aedia e huri matama, bona taoele e rioa ḡauna amo aedia e dahu kaukau.
JOH 13:6 Simona Petro dekenai e kau; bena ia ese Iesu e hamaoroa, eto, Lohiabada e, oi na lau aegu ba huri a?
JOH 13:7 Iesu ese e haere henia, eto, Egu kara binai harihari lalomu se pararamu, a gabeamo lalomu do baine parara.
JOH 13:8 Petro eto, Aegu na basio huri, lasi vaitani. Iesu ese ma e haere henia, eto, Basinama hurimu, oi na asi ahumu dekegu ai.
JOH 13:9 Simona Pelro elo, Lohiabada e, dia aegu mo, imagu bona kwaragu danu.
JOH 13:10 Iesu eto, Vada e digu tauna na aena mo baine huri na heḡereḡere; tauna idoinai eme ḡoeva. Umui danu ḡoḡoeva; to dia iboumui ai.
JOH 13:11 Badina be ia na taona baine torea tauna vada dibana; una dainai ia eto “Dia iboumui ai ḡoḡoeva”.
JOH 13:12 Idia aedia e huri vaitani, bena ena hahedoki ma e dokia, e ege diho lou. Bena ia ese e nanadaidia, eto, Vada na karamui karana anina be dibamui a?
JOH 13:13 Umui ese o gwauraigumu “Hahediba tauna” bona “Lohiabada”. Una be o hereva maoromu, badina be unuheto.
JOH 13:14 Benaini, lau binai emui Lohiabada bona emui hahediba tauna, to aemui name huri, unlui danu aemui do ba hehuri heheni baine namo.
JOH 13:15 Badina be toa ta vada na henimui, lau ese na karamui karana na umui danu ba kara.
JOH 13:16 Momokani vaitani na hamaoromuimu, ḡaukara merona ese biaguna se hereaiamu, bona hesiai tauna ese e siaia tauna se hereaiamu.
JOH 13:17 Ina na boma diba bona boma kara, boma namo.
JOH 13:18 Iboumui ai asina gwauraimuimu; na abidia hidi taudia na dibagu. A Buka Helaḡa ai e torea herevana na do baine momokani; eto, Lau ida a aniani heboumu tauna ese aena geduna amo e lahagu.
JOH 13:19 Harihari ela, do se vara ḡauna na hamaoromui gunamu, bena baine vara negana ai na ba diba, e gwauraia guna tauna na lau.
JOH 13:20 Momokani vaitani na hamaoromuimu, egu hesiai tauna e abia daemu tauna ese lau e abigu daemu, bona lau e abigu daemu tauna ese e siaigu Diravana danu e abia daemu.
JOH 13:21 Iesu unu e gwau toma, bena lalona e hekwarahi, eto, Momokani vaitani na hamaoromuimu, umui ta ese taogu do baine torea.
JOH 13:22 Hahediba na e heroha heheni, e daradara bada, ia ese daika e gwauraiamu.
JOH 13:23 Ena hahediba ta na Iesu kemena ai e ege diho; ia na Iesu ena lalokau tauna.
JOH 13:24 Simona Petro na e hekunumai henia, baine henanadai, e gwauraiamu tauna be daika.
JOH 13:25 Bena ia na e mede kerehai, Iesu kemena ai e tabe kau, eto, Lohiabada e, tauna be daika?
JOH 13:26 Iesu eto, Aina dau dobi, aniani taina baina henia be ia. Bena aniani taina e abia, vasiahu ai e dau dobi, Iuda Iskariote, Simona natuna, e henia.
JOH 13:27 Iuda ese e abia, bena Satana ese e boloa. Bena Iesu ese e hamaoroa, eto, Ba karaia ḡauna na ba karaia haraḡa.
JOH 13:28 Aniani ai e ege diho taudia na asi dibadia ia na dahaka dainai unu e hereva toma;
JOH 13:29 haida banava eto Iuda ese moni mauana e nariava dainai Iesu ese vada e hamaoroa, aria negana ai bae ani ḡaudia na baine ha hoi, eiava ogoḡami taudia baine harihari henidia.
JOH 13:30 Taunabunai, Iuda ese aniani e abia, bena e tore isi, e raka lasi. Hanua vada e boi.
JOH 13:31 Iuda e raka lasi murinai, Iesu eto, Harihari Taunimanima Natuna eme heatolaia, Dirava danu vada eme heatolaia ia dainai.
JOH 13:32 Dirava na bae heatolaia ia dainai, bona Dirava ese ia baine heatolaia, ina harihari aine heatolaia.
JOH 13:33 Natugu e, egu halokau, nega dia daudau lau umui ida ta nohomu. Umui ese do ba tahugu, a Iuda taudia na hamaorodia heḡereḡerena nato “Bainala gabuna na basiola diba”, umui danu unu na hamaoromui tomamu.
JOH 13:34 Haheḡani matamatana name henimui: ba helalokau heheni. Lau ese na lalokau henimuimu heḡereḡerena umui danu ba helalokau heheni.
JOH 13:35 Unu amo taunimanima iboudiai bae diba umui na lauegu hahediba: ba helalokau heheni dainai.
JOH 13:36 Simona Petro ese e nanadaia, eto, Lohiabada e, ede baola? Iesu eto, Bainala gabuna na harihari murigu amo basiola, e gabeamo vada baola.
JOH 13:37 Petro ese ma e nanadaia, eto, Badina be dahaka ina harihari basina ḡavamu diba? Egu mauri na oi daimu ai baina atoa diho.
JOH 13:38 Iesu eto, Emu mauri na lau daigu ai bavatoa diho a? Momokani vaitani na hamaoromumu, kokoroku na do basine tai, oi ese hatoi ba ḡoregu.
JOH 14:1 Kudoumui basie basie hetaha; Dirava bavabidadama henia, lau danu bavabidadama henigu.
JOH 14:2 Tamagu ena ruma ai noho gabudia na momo herea; bema lasi neganai danu bama hamaoromui. Badina be lau na ba laomu, gabu ta baina abia heḡaeḡae umui emui.
JOH 14:3 Benaini, bainala, gabu ta baina abia heḡaeḡae umui emui, bena ma baina lou mai, dekegu ai baina abimui dae; bena lau baina noho gabuna ai umui danu unuseni ai ba noho.
JOH 14:4 Bainala gabuna dalana danu dibamui.
JOH 14:5 Toma elo, Lohiabada e, baola gabuna na asi dibamai; dala be ede baia diba toma?
JOH 14:6 Iesu e haere, eto, Dala na lau, hereva momokani na lau, mauri danu lau. Tamada dekena baela taudia iboudiai edia dala na lau.
JOH 14:7 Boma diba lau, Tamagu danu boma diba. Harihari ela, vada dibamui, bona vada o itaia danu.
JOH 14:8 Filipo ese e noia, eto, Emai ura tamona binai, Tamada ba haheitalaimai.
JOH 14:9 Iesu eto, Filipo e, lau be nega daudau umui ida tame noho; asi dibamui lau a? Vada eme itagu tauna ese Tamagu danu vada eme itaia. Matona, oi na o tomu “Tamada ba haheitalaimai”.
JOH 14:10 So abia daemu lau na Tamagu lalonai, Tamagu danu lau lalogu ai, a? Na herevalai henimuimu herevadia na dia sibogu asina gwauraimu; Tamagu lalogu ai e nohomu ese ena ḡaukara e karamu.
JOH 14:11 Egu hereva bavabia dae: lau na Tamagu lalonai, Tamagu danu lau lalogu ai. A bema lasi, ḡaukara daidiai bavabiabiraigu.
JOH 14:12 Momokani vaitani na hamaoromuimu, e abiabiraigumu tauna ese na karamu karadia do baine kara, bona ini kara e hereadiamu karadia danu baine kara, badina be lau na Tamagu dekena ba laomu.
JOH 14:13 Ladagu ai ba noi ḡaudia iboudiai do baina kara, bena Tamagu bae heatolaia, Natuna dainai.
JOH 14:14 Ḡau ta lau ladagu ai ba noia, vada baina karaia.
JOH 14:15 Boma lalokau henigu, egu haheḡani boma badina.
JOH 14:16 Bena lau ese Tamada baina noia, ia ese Hekaha Tauna ta ma baine henimui, dekemui ai baine noho hanaihanai,
JOH 14:17 Hereva Momokani Laumana bunai. Tanobada na ia iabi-daena asi dibana, badina be se itaiamu bona asi dibana ia. A umui be dibamui, badina be ia na umui dekemui ai e nohomu, bona lalomui ai do baine noho.
JOH 14:18 Lau na basina rakatanimui ihareha na heheto; lau na dekemui bainama.
JOH 14:19 Asi vanahana tanobada ese basine itagu lou, to umui ese ba itagu; lau na maurimu dainai umui danu do ba mauri.
JOH 14:20 Una negana ai umui na do ba diba, lau na Tamagu lalonai, umui danu lau lalogu ai, lau danu umui lalomui ai.
JOH 14:21 Egu haheḡani e abi daemu bona e badinamu tauna, ia bunai e lalokau henigumu. E lalokau henigumu tauna na Tamagu ese baine lalokau henia, lau danu baina lalokau henia, bona ienai do baina hedinarai.
JOH 14:22 Iuda (dia Iuda Iskariote) ese e nanadaia, eto, Lohiabada e, badina be dahaka ai emai ai ba hedinarai, a tanobada enai basio hedinarai?
JOH 14:23 Iesu e haere, eto, E lalokau henigumu tauna ese egu hereva baine badina; bena Tamagu ese baine lalokau henia, bona ai raruosi na ia dekena baiala, dekenai baia noho.
JOH 14:24 A lau se lalokau henigumu tauna ese egu hereva se badinamu. O kamonai herevadia na dia lauegu, a Tamagu, e siaigu Diravana, ena.
JOH 14:25 Doini dekemui ai na nohomu ai, ini hereva na gwauraimu;
JOH 14:26 a Hekaha Tauna, Lauma Helaḡa bunai, Tamada ese lau ladagu ai baine siaia. Ia ese ḡau idoidiai baine hadibalaimui; hereva iboudiai danu na herevalai henimui na ia ese baine hahelalolaimui une.
JOH 14:27 Maino emui ai na rakataniamu; egu maino name henimui. Dia tanobada ese e henimu heḡereḡerena lau ese asina henimuimu. Kudoumui basie hetaha, laumamui basie daure.
JOH 14:28 Egu hereva vada o kamonai, nato “Dauha bainala, ma dekemui bainama”. Boma lalokau henigu, Tamagu dekena ba laomu herevana na boma moalelaia, badina be Tamagu ese e hereagumu.
JOH 14:29 Kara na do se vara negana ai vada na hamaoromui guna, bena baine vara negana ai bavabia dae.
JOH 14:30 Harihari ela, hereva momo basina herevalai henimuimu, badina be tanobada lohiana vada e maimu. Lauegu ai ia na asi siahuna.
JOH 14:31 A tanobada na baine diba lau ese Tamagu na lalokau heniamu, bona Tamagu ese e haduagu heḡereḡerena na ḡaukaramu. A tore isi. Aitala.
JOH 15:1 Lau na vine korikori: Tamagu na imea ireḡuna tauna.
JOH 15:2 Asi huahuadia rigidia iboudiai lau lalogu ai ia ese e abi ohomu. Mai huahuadia rigidia iboudiai na ia ese e haḡoevamu, huahuadia ihahohodia.
JOH 15:3 Umui na ḡogoeva, na herevalai henimui herevadia daidiai.
JOH 15:4 Lau lalogu ai ba noho; lau danu umui lalomui ai baina noho. Rigi na sibona basine huahua, a vine gabana baine badinaia bena baine huahua; una heḡereḡerena ai umui ese basio badinagu, basio huahua.
JOH 15:5 Vine be lau: rigi be umui. E badinagumu bona na badinaiamu tauna na huahuana diaḡau e dobimu; badina be basioma badinagu umui ese ḡau ta basioma karaia diba.
JOH 15:6 Tau ta ese basine badinagu, vada bae negea daure, rigi na heto, bena buine marai; rigi unuhetomadia na bae habou, lahi ai bae taho kau, bae ara oho.
JOH 15:7 Ba badinagu, bona egu hereva na lalomui ai bae mia, bena emui ura ba noilai, bona ene baine karamui toma.
JOH 15:8 Tamagu iheatolaina binai, huahuamui momo bae dobi; unu amo egu hahediba ai baola.
JOH 15:9 Tamagu ese e lalokau henigumu heḡereḡerena, lau ese danu umui na lalokau henimuimu. Egu lalokau ai ba noho hanaihanai.
JOH 15:10 Umui ese egu haheḡani ba badina, bena egu lalokau ai ba noho; lau heḡereḡeregu, Tamagu ena haheḡani na badinamu, bena ena lalokau ai na nohomu.
JOH 15:11 Ini na hereva henimui tomamu, egu moale na lalomui ai baine mia bena emui moale baine ḡuḡuru helaoreana.
JOH 15:12 Egu haheḡani binai: ba helalokau heheni, lau ese na lalokau henimuimu heḡereḡerena.
JOH 15:13 Lalokau herea-daena binai ta ese ena mauri baine atoa diho, turana daidiai.
JOH 15:14 Egu haheḡani ba badina, unu amo lau turagu ai baola.
JOH 15:15 Harihari ela, hesiai taumui basina gwauraimui; badina be hesiai tauna na biaguna ena kara asi dibana. A turagu baina gwauraimui; badina be Tamagu ena amo na kamonai herevadia iboudiai vada na hamaorolaimui.
JOH 15:16 Umui ese lau asio abigu hidi; lau ese umui na abimui hidi, bona emui ḡaukara name henimui: baola, huahuamui bae dobi, bae mia hanaihanai. Bena lau ladagu ai Tamada ba noia ḡaudia iboudiai na ia ese baine henimui.
JOH 15:17 Egu haheḡani binai: ba helalokau heheni.
JOH 15:18 Tanobada ese baine inai henimui; vada dibamui ia ese lau e inai henigu guna.
JOH 15:19 Bema umui na tanobada taumui, tanobada ese umui bema ura henimui. To umui na dia tanobada ena; lau ese tanobada ena amo na abimui hidi; una dainai tanobada ese e inai henimuimu.
JOH 15:20 Vada na hamaorolaimui herevana ba laloa tao: hesiai tauna ese biaguna se hereaiamu. Idia ese lau e daḡedaḡe henigumu; umui danu bae daḡedaḡe henimui. Lauegu hereva bema badina, umui emui hereva danu bema badina.
JOH 15:21 To unu ḡau idoidiai do bae kara henimui lau ladagu dainai, badina be lau e siaigu Diravana na asi dibadia.
JOH 15:22 Lau basinama mai bona basinama hereva henidia, idia na basiema kerere; a harihari edia kerere na mia, bona asi edia hekikwo dalana.
JOH 15:23 E inai henigumu tauna ese Tamagu danu e inai heniamu.
JOH 15:24 Tau ta ese nega ta do se kara toadia idia bogaragidiai basinama kara, idia na basiema kerere; a momokani idia ese lau mai Tamagu ida vada e itamai, bona vada e inai henimai.
JOH 15:25 Unu amo edia taravatu ai e torea herevana vada eme momokani, eto, Idia ese vada e inai henigu asi badina.
JOH 15:26 Hekaha Tauna na Tamada ena amo dekemui baina siaia mai; Hereva Momokani Laumana bunai, Tamada ena amo e lasimu. Ia bainema negana ai ia ese lau do baine gwauraigu.
JOH 15:27 Umui ese danu do ba gwauraigu, badina be matamana negana ema bona hari umui na lau dekegu ai vada o nohomu.
JOH 16:1 Ini hereva na gwaurai henimuimu, ba hekwakwanai na garina.
JOH 16:2 Dubu amo bae dorimui lasi; oibe, negana vada be maimu, baine alamui mase tauna na lalona ai baineto ia na Dirava isiaina e lao heniamu.
JOH 16:3 Unu bae kara toma badina be Tamagu na asi dibadia, bona asi dibadia lau.
JOH 16:4 Ini hereva name gwaurai henimui badina be anidia bae vara negadia ai ba helalo une, lau ese vada na hamaoromui. Nega gunadia ai ini ḡau asina hamaorolaimui, badina be una negana ai lau na umui ida ta nohova.
JOH 16:5 Harihari vada ba laomu, e siaigu Diravana dekena; a umui ta ese asio nanadaigu, asioto “Ede baola?”
JOH 16:6 A ini hereva vada na gwaurai henimui dainai daramui vada e dokomu.
JOH 16:7 Hereva momokani na gwaurai henimuimu: ihanamomui totona baina rakatanimui; badina be basinama rakatanimui, Hekaha Tauna na dekemui basinema mai; a bainala, bena baina siaia dekemui ai.
JOH 16:8 Tanobada taudia ese kara dika bona kara maoromaoro bona Dirava ena hahemaoro e lalodia kereremu. Hekaha Tauna bainema negana ai, ia ese edia lalo-hadai kereredia baine hahedinarai henidia.
JOH 16:9 Kara dika e lalo hadailaia kereremu, badina be asie abiabiraigu.
JOH 16:10 Kara maoromaoro e lalo hadailaia kereremu, badina be Tamagu dekena ba laomu, bena basie itagu lou.
JOH 16:11 Hahemaoro e lalo hadailaia kereremu, badina be ina tanobada lohiana na vada e hahemaoro henia vaitani.
JOH 16:12 Egu hereva diaḡau mimia, bama herevalai henimui, to umui na ina harihari basioma abi dae diba.
JOH 16:13 A Hereva Momokani Laumana do bainema, bena ia ese hereva momokani idoidiai lalodiai baine hakaumui; badina be ia sibona ena lalohadai basine gwaurai, a baine kamonai herevadia iboudiai baine gwaurai; gabeai bae vara ḡaudia danu baine hamaorolaimui guna.
JOH 16:14 Ia ese lau baine heatolaigu, badina be lauegu amo baine abi ḡaudia baine hamaorolaimui.
JOH 16:15 Tamagu ena ḡau idoidiai na lauegu: una dainai na tomamu, ia ese lauegu amo baine abi ḡaudia na baine hamaorolaimui.
JOH 16:16 Asi vanahana na basio itagu; ma asi vanahana ma ba itagu.
JOH 16:17 Ena hahediba haida sibodia e henanadai heheni, eto, Ina na dahaka ia ese e hamaorodamu, e tomamu, “Asi vanahana na basio itagu, ma asi vanahana ma ba itagu” bona “Badina be Tamagu dekena bainala”?
JOH 16:18 Ma e henanadai heheni loulou, eto, Ina “asi vanahana” e gwauraiamu anina be dahaka? Ena hereva na laloda seme parara.
JOH 16:19 Iesu dibana idia na ia inanadaina urana e urava, bena eto, Egu hereva anina o henanadailai hehenimu, nato “Asi vanahana basio itagu, ma asi vanahana ma ba itagu”, a?
JOH 16:20 Momokani vaitani na hamaoromuimu, umui na do ba tai, ba tai hetutu, to tanobada na do baine moale. Umui na daramui bae doko, to emui dara-doko na moale ai bainela.
JOH 16:21 Hahine ta be hekamonai ai darana e dokomu, badina be ena nega vada eme gini dae; a natuna e abiamu, bena ena hisihisi na se laloamu, taunimanima matamatana ta tanobada ai vada e vara moalena dainai.
JOH 16:22 Umui danu, ina harihari daramui vada eme doko; a lau ese do baina itamui lou, bena lalomui na bae moale, tau ta ese emui moale basine abia oho diba.
JOH 16:23 Una dina ai ḡau ta egu ai basio gwauraia. Momokani vaitani na hamaoromuimu, ḡau ta ba noia, Tamada na lau ladagu ai do baine henimui.
JOH 16:24 Ema bona harihari ḡau ta lau ladagu ai do asio noia. Ba noinoi, vada bavabi; bena emui moale baine ḡuḡuru.
JOH 16:25 Ini na hereva heḡereḡeredia ai vada na herevalai henimui, to negana vada e maimu, hereva heḡereḡeredia ai basina herevalai henimui lou, a hereva hedinaraidia ai Tamada sivaraina baina hamaorolaimui.
JOH 16:26 Una dina ai lau ladagu ai do ba noinoi. Lau asina tomamu Tamada baina noia umui daimui ai;
JOH 16:27 badina be Tamada ese e ura henimuimu, umui ese lau o ura henigumu dainai, bona o abia daemu lau na Tamada ena amo nama dainai.
JOH 16:28 Lau na Tamada ena amo ina tanobada nama; ma tanobada ba rakataniamu, Tamada dekena bainala.
JOH 16:29 Ena hahediba eto, Ina harihari o hereva hedinaraimu, hereva heḡereḡeredia so gwauraimu.
JOH 16:30 Harihari lalomai vada eme parara, oi na ḡau iboudiai dibamu; asi badina danu tau ta ese baine nanadaimu. Ini amo vada ame abia dae oi na Dirava ena amo oma.
JOH 16:31 Iesu eto, Harihari vada ome abiabiraigu a?
JOH 16:32 A kamonai: negana be maimu, oibe, vada eme gini dae, umui iboumui ai do ba karoho, ba rakatanigu, ta ta ena gabu ena gabu baola. Bena lau baina noho edea; ḡau tamona sibogu basina noho, badina be Tamagu na dekegu ai noho.
JOH 16:33 Ini ḡau vada na hamaorolaimui, lalogu ai maino bavabia helaoreana. Tanobada ai umui na hisi bavani; to, ba haheauka, badina be lau ese tanobada vada name hadarerea.
JOH 17:1 Iesu unu e gwau toma, bena guba ai e gaga dae, e ḡuriḡuri, eto, Tamagu e, horana binai: Natumu ba heatolaia, bena Natumu ese oi baine heatolaimu.
JOH 17:2 Badina be oi ese siahu vada o henia, ia ese taunimanima iboudiai baine lohiadia, bona o henia taudia iboudiai na ia ese mauri hanaihanai do baine henidia.
JOH 17:3 Mauri hanaihanai binai: idia ese oi Dirava Korikori tamona bae dibamu, bona Iesu Keriso danu, oi ese o siaia tauna.
JOH 17:4 Lau ese tanobada ai vada na heatolaimu, vada o henigu ḡaukaradia danu vada na kara ḡuḡuru.
JOH 17:5 Tamagu e, harihari oi vairamu amo ba heatolaigu, tanobada do se vara negana ai oi vairamu ai na abia hairaina.
JOH 17:6 Tanobada ai o henigu taudia na oi ladamu vada na hadibalaidia. Guna idia na oiemu; bena oi ese lau o henigu; idia ese danu emu hereva vada e badinaia.
JOH 17:7 Harihari idia na dibadia, vada o henigu ḡaudia idoidiai na oiemu amo ema.
JOH 17:8 Badina be o henigu herevadia vada na henidia; bena idia ese e abi dae, bona e diba momokani lau na oiemu amo nama, e kamonai lava dae danu oi ese o siaigu.
JOH 17:9 Idia daidiai na nounumu; dia tanobada dainai asina noimumu. O henigu taudia daidiai na nounumu, badina be idia na oiemu.
JOH 17:10 Egu ḡau idoidiai be oiemu, oiemu danu lauegu, bona idia edia amo lau hairaigu vada na abia.
JOH 17:11 Harihari lau na tanobada ai basina noho; idia na tanobada ai bae noho, a lau be oi dekemu baina vasi. Tamagu helaḡa e, vada o henigu taudia na ladamu ai ba dogodia tao; bena idia na bae tamona, ita raruosi na tamona heḡereḡerena.
JOH 17:12 Idia ida a nohova ai, o henigu ladana ai, oi ladamu bunai, na dogodia taova; na gimadiava, idia ta se mase, e baia tauna mo sibona, buka herevana ihamomokanina.
JOH 17:13 Harihari ba vasimu. Taunabunai ini hereva tanobada ai na gwauraimu, egu moale na egu hahediba lalodia ai bae abia dae ḡuḡuru helaoreana.
JOH 17:14 Emu hereva vada na henidia; bona tanobada ese vada e inai henidia, badina be idia na dia tanobada nea, lau heḡereḡeregu, lau na dia tanobada ena.
JOH 17:15 Asina noimumu tanobada amo bavabidia oho, a na noimumu Tau Dikana ena amo ba hamauridia.
JOH 17:16 Idia na dia tanobada ena, lau heḡereḡeregu, lau danu dia tanobada ena.
JOH 17:17 Hereva momokani ai ba hahelaḡadia: emu hereva na hereva momokani.
JOH 17:18 Vada o siaigu tanobada ai heḡereḡerena ai, lau ese danu vada na siaidia tanobada ai.
JOH 17:19 Bona idia daidiai sibogu name helaḡa, idia danu hereva momokani ese baine hahelaḡadia helaoreana.
JOH 17:20 Dia idia mo sibodia daidiai na noimumu, a edia hereva amo bae abiabiraigu taudia danu daidiai na noimumu.
JOH 17:21 Tamagu e, iboudiai na bae tamona; oi na lau lalogu ai bona lau na oi lalomu ai heḡereḡerena, idia danu ita laloda ai bae noho. Unu amo tanobada ese baine abia dae oi ese o siaigu.
JOH 17:22 Vada o henigu hairaina danu idia vada na henidia; taunabunai, idia na bae tamona, ita raruosi ta tamonamu heḡereḡerena.
JOH 17:23 Lau na idia lalodia ai, oi danu lau lalogu ai; taunabunai idia na bae hatamona ḡuḡuru. Bena tanobada na baine diba, oi ese vada o siaigu, bona oi ese o ura henidiamu, lau o ura henigumu heḡereḡerena.
JOH 17:24 Tamagu e, lau na uramu lau baina noho gabuna ai o henigu taudia danu bae noho, bena vada o henigu hairaina na bae itaia; badina be tanobada do so karaia negana ai oi ese o ura heniguva.
JOH 17:25 Tamagu e, kara maoromaoro Diravana, tanobada na asi dibana oi, a lau be mai dibagu. Ini danu vada eme diba oi ese vada o siaigu.
JOH 17:26 Oi ladamu danu vada na hadibalaidia, bona ma baina hadibalaidia; bena o ura henilaigumu ura-henina na idia lalodia ai baine mia, bona lau danu idia lalodia ai baina noho.
JOH 18:1 Iesu na unu e gwau toma, bena ena hahediba ida e raka lasi, Kidron kourana e hanaia. Unuseni ai imeana ta ai e raka vareai.
JOH 18:2 Iuda, tao-tore tauna, una gabu danu dibana; badina be nega momo Iesu mai ena hahediba ida una gabu e lao heniava.
JOH 18:3 Taunabunai, Iuda ese tuari taudia, bona hahelaga taudia bona Farisea taudia edia hesiai taudia, e abidia, bena unu ela, kede bona lamepa bona tuari ḡaudia danu e abi kau.
JOH 18:4 Iesu na ienai bae vara ḡaudia iboudiai dibana; taunabunai ia na vairadia ela, eto, Daika o tahuamu?
JOH 18:5 Idia e haere, eto, Iesu, tau Nasaret. Iesu eto, Lau o ina. Iuda danu, tao-tore tauna, idia ida e gini hebou ai
JOH 18:6 Iesu unu e hereva toma; bena idia na e raka muri, tano ai e keto.
JOH 18:7 Ia ese ma e nanadaidia lou, eto, Daika o tahuamu? Idia ma eto, Iesu, tau Nasaret.
JOH 18:8 Iesu ma e haere, eto, Vada na hamaoromui, lau o ina. O tahuamu tauna lau binai; mani ini egu hahediba hari baela.
JOH 18:9 Unu e gwau toma ena hereva ihamomokanina, eto “Vada o henigu taudia ta asina reaia.”
JOH 18:10 Simona Petro na mai ena dare, bena e veria lasi, hahelaḡa tauna badana ena hesiai tauna e dapaia, taiana idibana e dapaia oho. Una hesiai tauna ladana be Malako.
JOH 18:11 Bena Iesu ese Petro e gwau henia, eto, Dare na iudalaina ḡauna ai ba udaia. Kehere na Tamagu ese vada eme henigu na basina inua a?
JOH 18:12 Bena tuari taudia mai biagudia ida bona Iuda taudia edia hesiai taudia ese Iesu e dabaia tao, e ḡuia.
JOH 18:13 Bena Ana dekena e hakaua lao guna, badina be ia na Kaiafa ravana: Kaiafa na hahelaḡa tauna badana una laḡani ai.
JOH 18:14 Una Kaiafa ese danu Iuda taudia vada e hamaorodia guna, eto “Tau ta baine mase hanua taudia daidiai, ihanamomui ḡauna bunai”.
JOH 18:15 Simona Petro ese Iesu e ḡavaia, hahediba ta danu ia ida. Una hahediba na hahelaḡa tauna badana turana, bena ia na Iesu ida hahelaḡa tauna badana ena ruma maḡuna lalonai e raka vareai.
JOH 18:16 A Petro be murimuri ai gini. Bena hari hahediba, hahelaḡa tauna badana ida e hetura tauna, e raka lasi, ikoukou igimana kekenina e hereva henia, bena Petro e hakaua vareai.
JOH 18:17 Bena ikoukou igimana kekenina ese Petro e nanadaia, eto, Oi na una tau ena hahediba ta ani? Ia e haere, eto, Lau na lasi.
JOH 18:18 Ḡaukara taudia bona hesiai taudia na e kerudia dainai lahi e haraia, badinai e gini, e heganava. Petro danu idia ida e gini hebou, e heganava.
JOH 18:19 Bena hahelaḡa tauna badana ese Iesu e nanadaia, ena hahediba bona ena hahediba herevadia e nanadailaiava.
JOH 18:20 Iesu ese e haere henia, eto, Taunimanima iboudiai na hereva henidia hedinaraiva. Vaia dubu lalodiai bona Dubu Helaḡa ai na hahedibava, Iuda taudia iboudiai e hebouva gabudiai. Asina hereva hehuni.
JOH 18:21 Dahaka dainai o nanadaigumu? Egu hereva e kamonaiva taudia na ba nanadaidia: idia na dibadia ede na hahediba tomava.
JOH 18:22 Unu e haere toma, bena hesiai tauna ta ese e pataia, eto, Hahelaga tauna badana unu o haere henia tomamu a?
JOH 18:23 Iesu na e haere, eto, Bama hereva kerere, egu kerere na boma gwauraia hedinarai; a bama hereva maoro, dahaka dainai o patagu?
JOH 18:24 Bena Ana ese mai iḡuina ida e siaia lao, Kaiata, hahelaḡa tauna badana, dekena.
JOH 18:25 Simona Petro na dounu lahi badinai e giniva, e heganava. Bena idia ese e nanadaia, eto, Oi na iena hahediba ta ani? Ia ma e heḡore, eto, Lau na lasi.
JOH 18:26 A hahelaḡa tauna badana ena hesiai tauna ta be Petro ese taiana e dapaia oho tauna varavarana. Ia eto, Ia ida imea lalonai asina itamu a?
JOH 18:27 Petro ma e heḡore lou. Bena kokoroku vada e tai.
JOH 18:28 Idia ese Kaiafa ena amo ma e hakaua lao, gavana ena ruma e laohaia. Daba vada e rere. Iuda taudia na gavana ena ruma ralonai asie raka vareai, badina be idia na hehelaḡa, Lagau-hanai Ariana bae ania dainai.
JOH 18:29 Taunabunai, Pilato na e raka lasi dekediai; bena eto, Dahaka dainai ina tau o habadelaiamu?
JOH 18:30 Idia ese e haere henia, eto, Bema asi ena kara dika, ai ese basiama mailaia.
JOH 18:31 Bena Pilato ese ma e hamaorodia, eto, Umui sibomui avabia, ba hahemaoro henia emui taravatu heḡereḡerena. Iuda taudia eto, Ai na asi siahumai tau ta baia alaia mase.
JOH 18:32 Unu amo Iesu ena hereva vada e momokani ede baine mase toma na e gwauraia hedinarai.
JOH 18:33 Bena Pilato na ruma ai ma e raka vareai lou, Iesu e boiria, e nanadaia, eto, Oi na Iuda taudia edia pavapava a?
JOH 18:34 Iesu e haere, eto, Sibomu ene o gwau tomamu, eiava haida ese unu e herevalaigu toma?
JOH 18:35 Pilato eto, Be! Lau na Iuda taugu a? Emu bese taudia bona hahelaḡa taudia ese dekegu e hakaumu mai. Dahaka o kara?
JOH 18:36 Iesu ma e haere, eto, Egu hasileia na dia ina tanobada ḡauna. Egu basileia bema ina tanobada ḡauna, egu hesiai taudia na bema tuari, Iuda taudia imadia amo bema hamaurigu. Ḡau tamona, egu basileia na dia iniseni ai.
JOH 18:37 Pilato eto, Benaini, oi na hanua ta ena pavapava a? Iesu e haere, eto, Oi na o herevamu, lau na hanua ta ena pavapava. Badina binai na vara, ina tanobada vada nama, hereva momokani igwaurai-hedinaraina totona. Hereva momokani ibadinana taudia iboudiai ese lau eregu e kamonaimu.
JOH 18:38 Pilato eto, Hereva momokani be dahaka'? Unu e gwau toma, bena ma e raka lasi lou, Iuda taudia e hamaorodia, eto, Kerere ta ienai asina davaria.
JOH 18:39 To vaia eda kara, Lagau-hanai Ariana negana ai tau ta name ruhaia nege. O uramu Iuda taumui emui pavapava aina ruhaia nege a?
JOH 18:40 Bena idia na e lolo, eto, Lasi, dia ina tau; Baraba hari. Una Baraba be dadidadi tauna.
JOH 19:1 Bena Pilato ese Iesu e abia, e siaia lao, tuari taudia ese e dadabaia.
JOH 19:2 Bena idia ese havava ḡauna ḡiniḡini a e hatua, ia kwarana ai e atoa kau; bona dabua kakakakana e hakaralaia.
JOH 19:3 Bena e raka henia kahi, eto, Iuda taudia edia pavapava e, ba mauri! Bena imadia amo e pataia.
JOH 19:4 Bena Pilato ma e raka lasi, eto, A itaia, vairamui ai name hakaua lasi; ba diba, ena kerere ta asiname davaria.
JOH 19:5 Bena Iesu na e raka lasi; havava ḡauna ḡiniḡini a e hatua be kwarana ai, dabua kakakakana danu tauna ai. Bena Pilato eto, Tau na a itaia.
JOH 19:6 Hahelaḡa taudia bona edia hesiai taudia ese e itaia, bena e lolo, eto, Ba hasatauroa, ba hasatauroa! Pilato eto, Umui sibomui avabia, ba hasatauroa; badina be lau ese ena kerere ta asiname davaria.
JOH 19:7 Iuda taudia ese e haere henia, eto, Ai na mai emai taravatu; bena emai taravatu dainai ia na baine mase hari namo, badina be ia na sibona e hegwaurai, e tomamu ia na Dirava Natuna.
JOH 19:8 Pilato na una hereva e kamonai negana ai na e gari dikadika;
JOH 19:9 gavana ena ruma ai ma e raka vareai lou, Iesu e nanadaia, eto, Ede amo oma? A Iesu na se haere.
JOH 19:10 Bena Pilato eto, So hereva henigumu a? Asi dibamu lau na mai siahugu baina ruhamu nege bona mai siahugu baina hasatauromu a?
JOH 19:11 Iesu eto, Atai amo siahu basinema henimu, asi emu siahu boma noho; badina bunai, taogu e torea tauna ena dika ese oiemu e hereaiamu.
JOH 19:12 Unu amo Pilato ese ia iruha-negena dalana e tahua tohova. A Iuda taudia na e lolo, eto, Ena tau bo ruhaia negemu, oi na dia Kaisara turana. Bema tau ta e gwaumu ia sibona na hanua ta pavapavana, ia ese Kaisara e inai heniamu.
JOH 19:13 Pilato ese una hereva e kamonai, bena ia ese Iesu ma e hakaua lasi. Bena ia na hahemaoro gabuna ai e helai diho: una gabu ladana be “Nadi dehena”; Heberu gadodia ai ladana be “Gabata”.
JOH 19:14 Una na Lagau-hanai Ariana e abia heḡaeḡae dinana; negana be dina tubua. Pilato ese Iuda taudia e hereva henidia, eto, A itaia, emui pavapava binai.
JOH 19:15 Bena idia na e lolo, eto, Avabia oho! Avabia oho! Ba hasatauroa! Pilato ese e nanadaidia, eto, Emui pavapava baina hasatauroa a? Hahelaḡa taudia na eto, Asi emai pavapava ta, Kaisara mo sibona.
JOH 19:16 Bena Iesu vada e henidia, bae hasatauroa. Bena idia ese e abia, e hakaua lao.
JOH 19:17 Iesu ese ena satauro e huaia lao, ḡabu ta ela, ladana na “Kwara koukouna gabuna”; Heberu gadodia ai ladana na “Kwara koukouna gabuna”, Heberu gadodia ai ladana na “Golgota”.
JOH 19:18 Unuseni ai idia ese e hasatauroa; bona tatau rarua danu, ta kahana ai ma ta kahana ai, Iesu na ihuadia ai.
JOH 19:19 Bena Pilato ese revareva e torea, satauro dorina ai e kapaia kau. E torea revarevana binai: IESU, TAU NASARET; IUDA TAUDIA EDIA PAVAPAVA.
JOH 19:20 Iuda taudia hutuma ex una revareva e duahia, badina be Iesu e hasatauroa gabuna bona hanua badana padadia na dia daudau; bona una revareva na Heberu gadodia ai bona Roma gadodia ai bona Helene gadodia ai e torea.
JOH 19:21 Bena Iuda taudia edia hahelaḡa taudia badadia ese Pilato e hamaoroa, eto, Basio torea “Iuda taudia edia pavapava”; ini hari ba torea toma, “Ia eto, Lau na Iuda taudia edia pavapava”.
JOH 19:22 Pilato eto, Na torea ḡauna be vada na torea vaitani.
JOH 19:23 Bena tuari taudia, hari Iesu e hasatauroa taudia, ese ena dabua e abi, e dare siri hani, bena hahaniosi ta ta ese ahudia e abi. A ena hahedoki na se turia ḡauna, idoinai vada e hatua.
JOH 19:24 Taunabunai, sibodia e hereva heheni, eto, Basita darea, a mari hari baita karaia, bena baita diba daika ese baine abia. Unu amo Buka Helaḡa ai e torea herevana vada e momokalli; eto, Idia ese egu dabua e hari, Egu hahedoki na mari amo e abia. Hari tuari taudia na unu e kara toma.
JOH 19:25 Satauro badibadinai Iesu sinana bona sinana lahaina bona Maria, Klopa adavana, bona Maria, hane Magdala, gigini.
JOH 19:26 Bena Iesu ese sinana bona e lalokau henia hahedibana na unuseni ginidia ai e itadia. Bena sinana e hereva henia, eto, Hahine e, a itaia, natumu benai.
JOH 19:27 Hahediba danu e hereva henia, eto, A itaia, sinamu benai. Una negana ela, una hahediba ese ena ruma ai e abia dae.
JOH 19:28 Una murinai, Iesu na vada dibana ḡau iboudiai vada e haḡuḡuru, bena Buka Helaḡa herevana ihamomokanilaina e hereva, eto, Ranu vada eme masegu.
JOH 19:29 Hodu auta unuseni ai, vine ranuna iditana ai e honu. Bena puta na una vine ranuna iditana lalonai e urua utu, au ai e hiria kau, bena e duduia dae uduna ai.
JOH 19:30 Iesu ese vine ranuna iditana e abia, bena eto, Vada e ore. Bena kwarana e gelo diho, laumana e heni dae.
JOH 19:31 Una dina be Lagau-hanai Ariana iabi-heḡaeḡaena dinana, bena Dina Helaḡa ai mase taudia na satauro ai bae mia na garina, badina be una Dina Helaḡa tamona na helaḡa bada, Iuda taudia ese Pilato e noia, e hasataurodia taudia aedia bae hakwaidudia bona bae abidia oho.
JOH 19:32 Taunabunai, tuari taudia na ela, tau gunana aena e hakwaidu, ma iharuana aena danu, hari Iesu ida e hasataurodia hebou taudia.
JOH 19:33 Bena Iesu ma e lao henia, to e itaia vada e mase vaitani, taunabunai ia aena asie hakwaidu.
JOH 19:34 A tuari tauna ta ese Iesu ohena e toḡea, bena rara bona ranu e lohilohi dobi.
JOH 19:35 E itaia tauna ese vada eme gwauraia hedinarai, bona ena hereva na momokani. Ia na dibana ena hereva na momokani; una dainai vada bavabia dae.
JOH 19:36 Badina be una kara e vara, buka herevana ihamomokanilaina, eto, Turiana ta asie hakwaidua.
JOH 19:37 Ma ta danu, eto, Idia ese bae toḡea tauna na bae raraia.
JOH 19:38 Unu ḡau muridiai, Iosef, Arimatea tauna, Iesu enai e hahediba hehuni Iuda taudia garidia tauna ta, ese Pilato e noia, Iesu tauna baine abia oho. Pilato e gwau maoro; bena Iosef ela, tauna e abia oho.
JOH 19:39 Nikodemo danu, gunaguna hanuaboi ai Iesu dekena ela tauna, muro bona aloe muramuradia e hebulo na e abi kau, metaudia na pound sinahu-ta sisivana.
JOH 19:40 Bena idia raruosi ese Iesu tauna e abia, dabua aukana mai muramura ida e kumilaia, Iuda taudia edia mase iguridia karadia heḡereḡeredia.
JOH 19:41 Iesu e hasatauroa gabuna ai be imea ta, bona una imea lalonai na gara matamatana ta, lalonai mase tauna ta do asie atoa.
JOH 19:42 Taunabunai, idia ese Iesu unuseni ai e atoa, badina be una dina na Lagau-hanai Ariana iabiheḡaeḡaena dinana, bona una gara na kahira-kahira.
JOH 20:1 Pura dinana gini-gunana ai, Maria, hane Magdala, na daba vaburana ai gara ela; bena nadi e itaia, gara amo vada e heabi oho.
JOH 20:2 Bena e heau lou ela, Simona Petro bona Iesu ese e lalokau henia hahedibana dekedia ela, eto, Idia ese Lohiabada na gara amo vada e abia oho, edeseni ai vada e atoa na asi dibamai.
JOH 20:3 Taunabunai Petro bona hari hahediba ta e raka lasi, gara e heau lao.
JOH 20:4 Raruosi e heau hekapu, bena hari hahediba ta ese Petro e heautania; ia ese gara eha guna henia.
JOH 20:5 Bena ia na e igo vareai, dabua aukadia e ita, tano ai e heato; a gara lalonai se raka vareai.
JOH 20:6 Simona Petro ese e ḡavaia, ela gara lalonai e raka vareai. Bena ia ese dabua aukadia e ita, tano ia e heato;
JOH 20:7 bona taoele danu, Iesu kwarana e kumilaia ḡauna, na dabua aukadia ida asie heato hebou, a idau gabu ai e heloku.
JOH 20:8 Bena gara eha guna henia hahedibana na e raka vareai, e ita bona e abi dae.
JOH 20:9 Badina be idia na buka herevana do asie diba, ia na mase amo baine tore isi lou.
JOH 20:10 Bena hari hahediba na edia ruma e lou heni.
JOH 20:11 Maria na gara murimurinai mai taina ida e giniva. E taiva ai, e igo vareai, gara lalonai e itaia.
JOH 20:12 Bena ia ese aneru rarua mai dabua kurokurodia ida e itadia, Iesu tauna e atoa gabuna ai; ta be aena gabuna ai, ma ta be kwarana gabuna ai, e helaiva.
JOH 20:13 Idia ese e hereva henia, eto, Hahine e, dahaka dainai o taimu? Ia ese e haere henidia, eto, Egu Lohiabada vada e abia obo, bona e atoa gabuna na asi dibagu.
JOH 20:14 Unu e gwau toma, bena e roha kerehai, Iesu na ginina ai e itaia, to asi dibana una be Iesu.
JOH 20:15 Iesu ese e nanadaia, eto, Hahine e, dahaka dainai o taimu? Daika o tahuamu? Maria banava eto ia na imea ireḡuna tauna ta, bena eto, Ḡauka e, bema oi ese ia tauna vada o laohaia idau gabu, a hamaorogu, bena bainala, baina ha abia.
JOH 20:16 Iesu eto, Maria e! Maria na e gini kerehai, eto, Rabouni! (Una hereva anina be “hahediba taumu”).
JOH 20:17 Iesu ese e tamanua, eto, Taugu ai do basio dau kau; badina be Tamada dekena do asina dae kau. A varavaragu hari dekedia aola, ba hamaorodia, do aina dae kau Tamagu bona Tamamui, egu Dirava bona emui Dirava, dekena ai.
JOH 20:18 Bena Maria, hane Magdala, na ela, hahediba e hamaorodia, eto, Lohiabada na itaia. Bena Iesu ese e herevalai henia herevadia na e hamaorodia.
JOH 20:19 Una pura dina gini-gunana hanuaboina ai, hahediba ese edia ruma iduarana vada e koua ahu, Iuda taudia garidia. Bena Iesu na ela, idia bogaragidiai e gini, eto, Maino avabia.
JOH 20:20 Unu e gwau toma, bena imana ruaosi bona ohena danu e haheitalaidia. Taunabunai hahediba e moale, Lohiabada e itaia dainai.
JOH 20:21 Iesu ese ma e hereva henidia, eto, Maino avabia. Tamada ese e siaigu heḡereḡerena ai, lau ese danu umui baina siaimui.
JOH 20:22 Unu e gwau toma, bena e hahoho henidia, eto, Lauma Helaḡa avabia.
JOH 20:23 Edia dika ba gwau tao taudia iboudiai na edia dika bae hegwau tao; a edia dika basio gwau tao taudia iboudiai na edia dika do bae mia.
JOH 20:24 Toma, gwauta-rarua taudia ta, e nemaia Hekapa, idia ida asie hebou, Iesu dekedia ela hanuaboina ai.
JOH 20:25 Taunabunai, hahediba oredia ese e hamaoroa, eto, Ai ese Lohiabada vada ame itaia. A Toma eto, Bema ikoko kiparadia ia imana ai basina itamu, imagu kwaki-kwakina na ikoko gabudia ai basina atoa kaumu, bona imagu na ia ohena ai basina toia vareaimu neganai, lau ese basina abia daemu.
JOH 20:26 Dina taurahani e ore, bena ena hahediba na ruma lalonai ma e hebou lou, Toma danu idia ida. Ena be iduara e koua ahu, to Iesu na ela, bogaragidiai ma e gini, eto, Maino avabia.
JOH 20:27 Bena ia ese Toma e hereva henia, eto, Imamu kwaki-kwakina na a toia mai, lau imagu ba daua toho; bona imamu danu ohegu ai ba toia vareai. Bena basio daradara; bavabiabiraigu.
JOH 20:28 Toma ese e haere henia eto, Egu Lohiabada! Egu Dirava!
JOH 20:29 Iesu eto, Vada ome itagu dainai o abiabiraigumu. Ena be asie itagu to e abiabiraigumu taudia be nanamo.
JOH 20:30 Toa diaḡau Iesu ese ma e kara, ena hahediba vairadiai; a idia na ina buka lalonai asie tore ḡuḡuru.
JOH 20:31 A ini hidaosi mo vada e tore, umui ese bavabia dae Iesu na Keriso, Dirava Natuna totona; bena bavabiabiraia, mauri bavabia ia ladana ai.
JOH 21:1 Unu ḡau muridiai, Iesu na ena hahediba ediai ma e hedinarai lou, Tiberia gohuna ai. Ini e hedinarai toma.
JOH 21:2 Simona Petro, Toma, e nemaia Hekapa, Natanael, Galilea tauna Kana amo, Sebedeo natuna raruosi, bona hahediba rarua danu, hahituosi e noho hebouva.
JOH 21:3 Simona Petro ese e hamaorodia, eto, Aina ha haoda. Idia eto, Ai danu oi ida aitala. Bena idia na ela, vanaḡi auta ai eha gui, to una hanuaboi e bone.
JOH 21:4 Daba rerena ai Iesu na kone ai e gini, a hahediba na asi dibadia una be Iesu.
JOH 21:5 Bena Iesu ese e nanadaidia, eto, Natugu e, mai amui eiava? Idia e haere, eto, Lasi.
JOH 21:6 Bena ia ese e hamaorodia, eto, Reke na enoeno kahana ai ba torea, gwarume bavabi. Taunabunai idia ese e torea, bena bae veria eto, to asi goadadia, gwarume diaḡau daidiai.
JOH 21:7 Bena Iesu ena lalokau hahedibana ese Petro e hamaoroa, eto, Lohiabada bunai. Simona Petro ese una hereva e kamonai ai, ena dabua e tarua, badina be vada e dokia oho; bena gohu ai e pau dobi.
JOH 21:8 Bena hahediba oredia na vanaḡi maraḡina ai e diho, hari reke danu, gwarume ai e honu ḡauna, e veria diho. Badina be kone na dia daudau, roha imahui sisivana.
JOH 21:9 Idia na kone ai e toa, bena lahi mai gidana unuseni ai e itaia, latanai gwarume haida heheato, bona flaoa atagadia haida danu.
JOH 21:10 Iesu ese e hamaorodia, eto, Harihari o abi gwarumedia haida ma a mailai.
JOH 21:11 Taunabunai Simona Petro na vanaḡi ai e ḡui kau, bena reke kone ai e haroroa vareai, gwarume badadia ai e honu, iboudiai sinahu-ta imahui toi. Ena be gwarume na momo herea, to reke na se hedare.
JOH 21:12 Iesu ese e boiridia, eto, Aoma, ame aniani. Bena hahediba na lalodia asie heḡereḡere bae nanadaia, baeto, Oi na daika? Idia dibadia Lohiabada bunai.
JOH 21:13 Bena Iesu ese flaoa atagadia e abidia, e henidia, bona gwarume danu.
JOH 21:14 Unu be nega ihatoina Iesu na ena hahediba ediai e hedinarai, e tore isi lou murinai.
JOH 21:15 Idia na e aniani vaitani, bena Iesu ese Simona Petro e nanadaia, eto, Simona Iona e, idia ese e lalokau henigu maraḡimu, oi ese o lalokau henigu badamu a? Ia e haere, eto, Oibe, Lohiabada e, dibamu na ura henimumu. Iesu eto, Egu mamoe-mamoe ba ubudia.
JOH 21:16 Ma e nanadaia lou, eto, Simona Iona e, o lalokau henigumu a? Ia e haere, eto, Oibe, Lohiabada e, oi dibamu na ura henimumu. Iesu eto, Egu mamoe ba reḡudia.
JOH 21:17 Iesu ese nega ihatoina ma e nanadaia, eto, Simona Iona e, o ura henigumu a? Petro lalona na e hisihisi, badina be nega ihatoina e nanadaia, eto “O ura henigumu a?” Taunabunai, ia na e haere, eto, Lohiabada e, oi na ḡau iboudiai dibamu; vada dibamu na ura henimumu. Iesu eto, Egu mamoe ba ubudia.
JOH 21:18 Momokani vaitani na hamaoromumu, tauhaumu negana ai oi ese emu rami o rioava bona emu ura gabudia ai o ha loava; a ba buruka negana ai imamu na ba toia roro, bena ese rami baine hariolaimu, bena basio ura henia gabuna baine laohaunu.
JOH 21:19 Una hereva amo ia ese edena mase ai Dirava baine heatolaia e hahedinaraia. Unu e hereva toma, bena ma eto, Murigu ai a raka.
JOH 21:20 A Petro e gini kerehai, Iesu ena lalokau hahedibana e itaia, e ḡavadia: anibou ai Iesu kemena ai e tabe kau, e nanadaia, eto “Lohiabada e, taomu itorena tauna be daika?” hahedibana bunai.
JOH 21:21 Taunabunai, Petro ese e itaia, bena Iesu e nanadaia, eto, Lohiabada e, una tau na ede baine heto?
JOH 21:22 Iesu ese e haere henia, eto, Baina ura ia na baine noho ela bona lau baina lou mai, una be dahaka oiemu ai? A oi hari murigu ai ame raka.
JOH 21:23 Ina hereva na Iesu ena orea taudia bogaragidiai e piua, una hahediba na basine mase eto. A Iesu na seto “Ia na basine mase”; to eto “Baina ura ia na baine noho ela bona lau baina lou mai, una be dahaka oiemu ai?”
JOH 21:24 Ena hahediba binai, ini ḡau e gwaurai hedinaraimu bona e toremu; bona ita dibada ena hereva na momokani.
JOH 21:25 Kara diaḡau danu Iesu ese e kara. lboudiai na bema tore, lau na tomamu tanobada na basinema heḡereḡere unu buka ihaboudia.
ACT 1:1 Teofilo e, egu buka gunana lalonai Iesu ena kara sivaraidia bona ena hahediba herevadia na tore hedinarai, matamana amo,
ACT 1:2 ema bona e heabi isi dinana ai e abidia hidi hahedibadia e haḡanidia.
ACT 1:3 Hisi e ani murinai, ia na maurina ai ediai e hedinarai, mai toa momokanidia diaḡau ida; dina hari-ahui lalodiai idia ese e itaia loulouva, bona ia ese Dirava ena basileia e herevalai henidiava.
ACT 1:4 Bena idia ida e noho bou ai e taravadia, eto, Ierusalem basio rakatania, a Tamada ese e gwauraia hamata ḡauna, udugu amo o kamonai ḡauna, do ba naria;
ACT 1:5 badina be Ioane na ranu amo e bapatisova, a dina dia hoho bae lao bubuni, bena Lauma Helaḡa bapatisona bavabia.
ACT 1:6 E hebou, bena idia ese e nanadaia, eto, Lohiabada e, basileia vada ina nega ai Israel ba henia lou eiava?
ACT 1:7 Ia eto, Tamada sibona ena siahu ai vada e hagaudia dinadia bona negadia umui na basio diba;
ACT 1:8 a Lauma Helaḡa ese baine rohemui, bena siahu bavabia, bona lau igwaurai-hedinaraigu taumui ai baola, Ierusalem ai bona Iudea idoinai bona Samaria kahana idoinai, ela bona tanobada heḡeḡe-madai.
ACT 1:9 Unu e gwau toma, bena idia ese e raraia tao, ela bona vairadiai e heabi isi. Bena ori ta ese e ḡovaia ahu, vada asie itaia lou.
ACT 1:10 Idia na guba ai e gaga dae, ena heabi-isi e raraia; bena tatau rarua mai dabua kurokurodia ida idia dekediai e gini.
ACT 1:11 Bena eto, Galilea taumui e, dahaka dainai o ginimu, guba ai o gaga daemu? Hari Iesu na emui amo vada eme heabi isi, guba e laomu, a do ma baine lou mai, ina harihari eme dae heḡereḡerena.
ACT 1:12 Bena idia na Ierusalem e lou henia, Olive ororona amo: unu gabu ruaosi padadia na Dina Helaḡa laolaona sisivana.
ACT 1:13 Hanua lalonai e raka vareai, atai daiutuna ta ai e dae kau, vaia edia hebou rumana bunai. Ladadia bini: Petro, Ioane; Iakobo; Andrea; Filipo: Toma; Balolomeo; Mataio; Iakobo Alfeo; Simona, Selote tauna; bona Iuda Iakobo.
ACT 1:14 Idia iboudiai na ḡuriḡuri totona e hebou, mai lalodia tamona ida; hahine haida danu idia ida e hebou, bona Maria, Iesu sinana, bona Iesu tadina danu.
ACT 1:15 Una negana ai Petro na hebou taudia vairadiai e gini tore, (taudia na sinahu-ta ruahui sisivana), eto,
ACT 1:16 Varavaragu e, revareva vada eme momokani, Lauma Helaḡa ese David uduna amo e gwauraia herevana, Iuda sivaraina; ia hari Iesu idabaitaona taudia e hakaudia lao.
ACT 1:17 Ia na emai orea tauna ta, bona emai ḡaukara ai danu ia na mai ahuna.
ACT 1:18 Ena kara dika davana amo tano ta e hoia, bona e moru hedagwa, nuana e pou, bona bogarauna e heḡiḡi lasi.
ACT 1:19 Ierusalem taudia iboudiai na sivaraina e kamonai, bena una tano ladana na edia gado ai e hatoa Akeledama (anina be “Rara Tanona”).
ACT 1:20 Badina be Salamo bukana ai vada e torea, eto, Ena ruma baine ḡaḡae, Ta ese basine noho henia. bona Ena dagi danu ta ese baine abia.
ACT 1:21 Una dainai, Lohiabada Iesu ida a vareai a lasi negadia iboudiai e bamomai tauna ta,
ACT 1:22 Lohiabada Iesu ese Ioane enai bapatiso e abia ema bona ena heabi-isi ai e rakatanimai negana ai e bamomai tauna, baita abia hidi, Iesu ena tore-isi-lou igwaurai-hedinaraina ai ma baine bamomai.
ACT 1:23 Taunabunai, idia ese tatau rarua e abidia, Iosef, e nemaia Barasaba, ladana ta danu Iusto, bona Matia.
ACT 1:24 Bena e ḡuriḡuri, eto, Lohiabada e, taunimanima iboudiai lalodia dibamu, ini raruosi na edena bavabia,
ACT 1:25 hesiai ahuna bona aposetolo dagina baine abia; badina be Iuda ese ena kara dika dainai vada e morutania, bena ena gabu korikori vada ela.
ACT 1:26 Bena mari e karaia, Matia e duanaia; bena aposetolo gwauta-taosi ida e duahidia bou.
ACT 2:1 Pentekoste dinana ai idia iboudiai gabu tamona ai e hebou.
ACT 2:2 Bena guba amo reḡe ta e reḡe dagu, lai badana huna na heto, e helai bou rumana e hahonua.
ACT 2:3 Bona lahi maladia na heheto e heita, idia ta ta tubuadia ai e hururu.
ACT 2:4 Bena Lauma Helaḡa ese e hahonudia, bona idau gado idau gado ai e hereva, Lauma ese e henidia heḡereḡerena.
ACT 2:5 Una negana ai Iuda taudia Ierusalem ai e nohova, Dirava garina e gariva taudia, tanobada tanodia loḡora amo ema.
ACT 2:6 Una rege e kamonai ai, hutuma e hebou, bena laumadia e daure, badina be ta ta ena gado ena gado e kamonai.
ACT 2:7 Iboudiai e daradara bona e hoa, eto, Ini e herevamu taudia na dia Galilea taudia a?
ACT 2:8 O edeheto ita iboudai ta ta ena gado ena gado korikori ai edia hereva ta kamonaimu?
ACT 2:9 Patia amo, Media amo, Elam amo, Mesopotamia amo, Iudea amo, Kapadokia amo, Ponto amo, Asia amo,
ACT 2:10 Frugia amo, Pamfulia amo, Aigupto amo, bona Kurene amo (una na Afrika kahana ta). Haida be vadivadi taudia Roma amo; haida be Iuda taumai; haida be Iuda ai e halaodia taudia;
ACT 2:11 haida danu Krete taudia bona Arabia taudia. Tatau bini Dirava ena hoa ḡaudia e herevalai henidamu, eda gado korikori ai.
ACT 2:12 Iboudiai e hoa, bona e daradara, e hereva heheni, eto, Ina na dahaka?
ACT 2:13 A haida ese e kirikuilaidia, eto, Idia na vine ranuna matamatana e inua, e kekeromu.
ACT 2:14 A Petro na gwauta-taosi ida e gini tore, erena e habadaia, e haroro henidia, eto, Iudea taumui bona Ierusalem ai o nohomu taumui e, ina na ba haeroa, bona egu hereva ba kamonai.
ACT 2:15 Ini na dia kekekero, umui o laloamu heḡereḡerena, badina be ina na doini daba.
ACT 2:16 A ina na Ioel, peroveta tauna, ese e gwauraia guna herevana; eto,
ACT 2:17 Dirava eto, Tanobada dokona dinadia ai Lau laumagu baina seia dobi, taunimanima iboudiai latadiai; Bena natumui mamaruanedia bona hahinedia do bae peroveta, Bona emui eregabe bae mata hanai, Bona emui iahu bae nihi.
ACT 2:18 Oibe, unu dinadia ai egu hesiai taudia bona hahinedia latadiai Laumagu do baina seia dobi, bena bae peroveta.
ACT 2:19 Bena hoa ḡaudia na guba ai baina hahedinarai, Bona toa ḡaudia tanobada ai; Rara bona lahi bona kwalahu.
ACT 2:20 Dina do baine dibura, Hua na rara ai bainela, Lohiabada ena dina badana bona herea-daena baine kahira-kahira negana ai.
ACT 2:21 A Lohiabada ladana bae hatoa taudia na bae mauri.
ACT 2:22 Israel taumui e, ina hereva ba kamonai: Iesu, tau Nasaret, Dirava ese dekemui e siaia vasi, bona siahu karadia bona hoa karadia bona toa na bogaragimui ai e hahedinarai, Dirava ese ia imana amo e karava; umui danu dibamui.
ACT 2:23 Ia hari, Dirava ena lalo-hadai bona ena diba ese e henimui tauna, umui ese murimuri taudia imadia amo vada o hasatauroa.
ACT 2:24 A Dirava ese e hatorea isi lou, mase ena iḡui e ruha; badina be mase na ia idogo-taona asi dibana.
ACT 2:25 David danu ia herevana e gwauraia; eto, Lohiabada na nega idoinai vairagu ai na itaia, Badina be ia na idibagu kahana ai, Basina marere helaoreana.
ACT 2:26 Taunabunai lalogu eme hisi dae, Malagu eme moale bada, Hidiogu na helaro ai baine taruha;
ACT 2:27 Badina be laumagu na mase taudia edia gabu ai basio rakatania, Bona emu Helaḡa Tauna na basine pata.
ACT 2:28 Mauri daladia vada o hadibagu; Oi vairamu itana ai egu moale baine ḡuḡuru.
ACT 2:29 Varavaragu e, seneda David herevana na hamaoromui momokanimu: ia na e mase, e guria, bona gara na doini mia ita dekeda ai.
ACT 2:30 To ia be peroveta tauna; dibana danu Dirava vada e gwau henia hamata, ia besena ta ese ena terono ai baine helai kau eto.
ACT 2:31 Una dainai e diba guna herevana e gwauraia, Keriso ena tore-isi-lou herevana, ia na mase taudia edia gabu ai basine noho, bona tau-anina basine pata.
ACT 2:32 Hari Iesu na Dirava ese e hatorea isi; ai iboumai ai danu dibamai.
ACT 2:33 Bona Dirava ese imana idibana amo e abia isi; bena ia ese Tamana e gwauraia hamata Laumana Helaḡana vada e abia, bona vada e seia dobi; umui ese harihari o itaiamu bona o kamomaiamu.
ACT 2:34 Badina be David na guba ai se dae kau, a ia hari eto, Lohiabada ese egu Lohia e hamaoroa, eto, Lau idibagu kahana ai ba helai,
ACT 2:35 Ela bona oi inaimu na Aemu ihadaidia ḡauna ai baina halaodia.
ACT 2:36 Taunabunai, Israel besedia iboudiai na bae diba vaitani, hari Iesu, umui ese o hasatauroa tauna, Dirava ese Lohiabada bona Keriso ai vada e halaoa.
ACT 2:37 Ini hereva daidiai, idia kudoudia e hetaha. Bena idia ese Petro aposetolo orena ida e nanadaidia, eto, Varavaragu e, ede baia kara toma?
ACT 2:38 Petro ese e haere henidia, eto, Ba helalo kerehai: iboumui ai bapatiso bavabia, Iesu Keriso ladana ai, emui dika igwau-taona toana; bena Lauma Helaḡa hariharina do bavabia.
ACT 2:39 Badina be gwau-hamata be umui emui ai, bona natumui ediai, bona dauhai nohodia taudia ediai, oibe, Lohiabada eda Dirava ese baine boiridia taudia iboudiai ediai.
ACT 2:40 Hereva diaḡau amo ma e sisiba henidia; bona e haduadia, eto, Ina uru gageva-gagevana amo ba roho mauri.
ACT 2:41 Bena erena e abia dae taudia na bapatiso e abia; una dina tamona ai taunimanima daha toi sisivana na edia orea ai e vareai.
ACT 2:42 Bena idia na aposetolo edia hahediba heboudia ai e noho taritariva; aniani danu e bitu hebouva, bona e ḡuriḡuri hebouva danu.
ACT 2:43 Gari ese iboudiai e butudia tao; bona hoa karadia bona toa diaḡau aposetolo ese e kara.
ACT 2:44 Bena abidadama taudia e noho hebou, bona ḡau iboudiai e abi hebou.
ACT 2:45 Edia kohu bona edia tano danu eha hoi, davadia e hari hagau-hagau, ta ta ena dabu ena dabu heḡereḡeredia.
ACT 2:46 Dina iboudiai mai lalodia tamona e hebou, Dubu Helaḡa lalonai; bona edia ruma ai e aniani hebou mai moaledia ida bona mai lalodia tamona ida,
ACT 2:47 Dirava e imodaia danu. Taunimanima ese e lalo namo henida; bona Lohiabada ese e hamauridia taudia na dina iboudiai dekedia ai e haboudia.
ACT 3:1 Nega ta, dina ḡelona ḡuriḡurina negana, Petro Ioane ida Dubu Helaḡa ai e dae kau.
ACT 3:2 Unuseni ai tau ta, ae hedairikena ai e vara, dina iboudiai e huaia laova, Dubu Helaḡa iduarana ladana “Herea-dae” badinai e hahelaiava, bena Dubu Helaḡa ai e daeva taudia ediai e noi hegameva.
ACT 3:3 Ia ese Petro bona Ioane e itadia, Dubu Helaḡa ai e dae kau negana ai, bena ediai ma e noinoi.
ACT 3:4 A Petro Ioane ida ese e raraia tao, eto, Ba raraimai.l
ACT 3:5 Ia ese una hereva e kamonai, Ia banava eto idia ese ḡau ta bae henia.
ACT 3:6 A Petro eto, Silver bona gold na asi-egu, a dekegu ai e miamu ḡauna hari na henimumu: Iesu Keriso, tau Nasaret, ladana ai a raka.
ACT 3:7 Imana idibana amo e veria tore, bena aena bona aena komukomuna vada e hedai kunu.
ACT 3:8 Bena e roho isi, e gini tore, e raka matama. Bena idia ida Dubu Helaḡa lalonai e raka vareai, e raka roho isi roho isi, Dirava e heatolaia.
ACT 3:9 Hutuma ese e itaia, e raka bona Dirava e heatolaia;
ACT 3:10 bona dibadia ia na vaia Dubu Helaḡa iduarana ladana “Herea-dae” badibadinai e helaiva bona e noi hegameva tauna; bena e hoa dikadika bona e daradara bada, ienai e vara ḡauna dainai.
ACT 3:11 Aena vada e namo tauna ese Petro bona Ioane e dogodia taova ai, taunimanima hutuma ese e heau henidia hebou, dehe ta ai, ladana na “Solomon ena dehe”. Laumadia na e daure.
ACT 3:12 Petro ese e itadia, bena hutuma e hereva henidia, eto, Israel taumui e, dahaka dainai ina ḡau o hoalaiamu? Bona badina be dahaka o raraimai taomu? O laloamu ai na sibomai emai siahu eiava emai namo daidiai ina tau a hamauria a?
ACT 3:13 Abraham bona Isaak bona Iakob edia Dirava, bona tamada edia Dirava, ese ia Natuna Iesu e heatolaia, to umui ese Pilato o henia, bona Pilato urana e urava baine kahua nege negana ai na umui ese o dadaraia.
ACT 3:14 Helaḡa bona Kara Maoromaoro Tauna umui ese o dadaraia, a ala-ala tauna be o noia baine hamauria oto.
ACT 3:15 Mauri Biaguna be umui ese o alaia mase, to Dirava ese mase amo ma e hatorea isi; ini ai be dibamai taumai.
ACT 3:16 Bena ina ia ladana e abidadama henia tauna, o itaiamu bona umui dibamui tauna, ia ladana ese vada e hagoadaia; oibe, ia iabidadamahenina ese ina tau vada e hamauria umui iboumui ai vairamui ai.
ACT 3:17 Varavaragu e, dibagu umui na mai emui lohia ida unu o kara toma na lalomui asie parara dainai.
ACT 3:18 A Dirava ese peroveta taudia iboudiai ududia amo Keriso na hisi baine ani herevadia e gwaurai; unu hereva vada e hamomokani vaitani.
ACT 3:19 Taunabunai ba helalo lou, ba helalo kerehai; bena emui dika bae hcabi oho, bona hahemauri negadia na Lohiabada ena amo baema.
ACT 3:20 Bona ia ese Keriso ma baine siaia, gunaguna vada e gwauraia hidi emui; Iesu bunai.
ACT 3:21 A guba ai baine heabi dae guna, ela bona ḡau iboudiai ihamataunatadia negadia, Dirava ese nega gunadia amo enaperoveta taudia helaḡadia ududia ai vada e gwauraia heḡereḡerena.
ACT 3:22 Mose ese seneda e hamaorodia, eto, Lohiabada emui Dirava ese peroveta tauna ta do baine haginia umui emui, varavaramui edia amo, lau bamogu. Ia ese baine gwaurai henimui herevadia iboudiai na ba kamonai.
ACT 3:23 Bona una peroveta tauna basie kamonai henia taudia iboudiai na taununanima padadia amo bae mase ore.
ACT 3:24 Oibe; bona peroveta taudia iboudiai danu, Samuel ena amo ema bona hari, ini dina vada e gwauraiva.
ACT 3:25 Umui na peroveta taudia natudia; bona Dirava ese umui senemui e gwau henidia hamata, Abraham e hamaorolaia, eto, Oi garamu edia amo tanobada besedia iboudiai do bae namo.
ACT 3:26 Dirava ese Natuna vada e haginia, bena e siaia guna emui ai, ihanamomui bona emui dika amo ihaloumui totona.
ACT 4:1 A Petro bona Ioane ese hanua taudia e hereva henidiava ai, hahelaḡa taudia bona Dubu Helaḡa biaguna bona Sadukea taudia na raruosi dekedia ela,
ACT 4:2 e badu henidia; badina be raruosi ese taunimanima e hadibadia, bona mase taudia edia tore-isi-lou, Iesu e tore isi lou bagunai, e harorolaia.
ACT 4:3 Bena idia ese e dabaidia tao, dibura rumana ai e koudia ahu, unuseni ai bae noho rani, badina be ado vada e rahi.
ACT 4:4 A edia hereva e kamonai bona e abi dae taudia iboudiai be daha ima sisivana.
ACT 4:5 Daba ai, hanua lohiadia bona hanua tau-badadia bona itorena taudia na Ierusalem ai vada e hebou.
ACT 4:6 Ana, hahelaḡa tauna badana, bona Kaiafa, bona loane, bona Alesana, bona hahelaḡa tauna badana ena iduhu taudia iboudiai danu unuseni ai.
ACT 4:7 Bena raruosi na bogaragidiai e haginidia, e nanadaidia, eto, Edena siahu ai bona daika ladana ai ina ḡau o karaia?
ACT 4:8 Una negana ai Petro na Lauma Helaḡa ese e rohea, bena ia ese e haere henidia, eto, Hanua lohiamui bona heitatao taumui e,
ACT 4:9 harihari o nanadaimaimu ina ae-hedairike tauna ai ese a kara namo henia na ede e namo toma?
ACT 4:10 Vada ba diba, Israel taudia iboudiai danu bae diba, Iesu Keriso, tau Nasaret, umui ese o hasatauroa a Dirava ese mase amo e hatorea isi tauna, ia ladana dainai ina tau na umui vairamui ai eme gini mai goadana ida.
ACT 4:11 Ia be Ruma ikarana taumui ese o dadaraia nadina na Daiguni nadina ai vada ela.
ACT 4:12 Hahemauri be idau tauna ta lalonai dia mia; badina be ihamaurida ladana idauna ta guba henunai se henida, lasi vaitani.
ACT 4:13 Idia ese Petro bona Ioane e itadia, asi edia gari; dibadia danu idia na hahediba gabuna ta asiela bona asi aonegadia taudia; bena e hoa, bona lalodia e parara idia na Iesu bamona.
ACT 4:14 Bena idia raruosi bona e hamauria tauna tatoiosi gini-boudia ai e itadia, bena asi edia dala ma bae hereva henidia.
ACT 4:15 Taunabunai e haduadia, eto una hebou amo bae raka oho. Bena e raka lasi muridiai sibodia e henanadai heheni, eto,
ACT 4:16 Idia raruosi ede baita karadia tomamu a? Badina be unu Ierusalem ai nohodia taudia iboudiai bae diba idia raruosi ese hoa karana ta vada e karaia, bona ita ese basita ḡorea diba.
ACT 4:17 A taunimanima ese bae piua badabada na garina, raruosi baita hagaridia, bona baita taravadia, una lada na tau ta ma basie herevalai henia lou.
ACT 4:18 Bena e boiridia, e tamanudia, Iesu ladana ai basie haroro bona basie hahediba, lasi vaitani.
ACT 4:19 A Petro Ioane ida e haere, eto, Mani ba laloa, umui baia kamonai henimui, Dirava basia kamonai henia, una na Dirava vairanai maoro eiava lasi?
ACT 4:20 Badina be a itava bona a kamonaiva ḡaudia na basia herevalai na dia heḡereḡere.
ACT 4:21 Ma e hagaridia lou, bena e kahudia nege. Ihadikadia dalana ta asie davaria, badina be taunimanima iboudiai ese Dirava e heatolaia, hari hoa karana dainai.
ACT 4:22 Badina be una hoa karana ese e hamauria tauna ena vara laḡanidia na hari-ahui mai dikoana.
ACT 4:23 E kahudia nege murinai, raruosi na turadia dekedia ela, hahelaḡa taudia bona hanua tau-badadia edia hereva iboudiai e hamaorolaidia.
ACT 4:24 Idia na e kamonai, bena lalodia e hatamonaia, Dirava e guria, eto, Ḡaubada e, guba, tanobada, davara, bona lalodiai e miamu ḡaudia iboudiai, ikaradia na Oi.
ACT 4:25 Oi danu Lauma Helaḡa ena amo ai senemai David uduna ai o hereva, eto, Bese idau-idau dahaka baduna e badumu, Bona dahaka dainai taunimanima ese ḡau asi anidia e lalo hadailai?
ACT 4:26 Hanua pavapavadia e gini tore, Bona hanua lohiadia e hebou, Lohiabada ena Keriso ida ilao-ahudia.
ACT 4:27 Momokani, ina hanua lalonai idia na e hebou, emui hesiai tauna helaḡana Iesu, oi ese o horoa tauna, ihadikana totona. Pontio Pilato bona idau bese taudia bona Israel besena taudia e hebou,
ACT 4:28 oi imamu ese e torea guna, oiemu aonega ese e haeroa guna, karana e karaia.
ACT 4:29 Taunabenai, Lohiabada e, edia hahegari herevadia ame kamonai; emu hesiai taumai goada bame henimai, emu hereva baia gwaurai mai goadamai ida.
ACT 4:30 Imamu danu ba toia roro, gorere taudia ba hamauridia, toa bona hoa karadia ba kara, Iesu, emu hesiai tauna helaḡana, ladana ai.
ACT 4:31 E ḡuriḡuri vaitani, bena edia hebou rumana vada e heude-heude. Lauma Helaḡa ese iboudiai e rohedia, bena idia ese Dirava ena hereva e harorolaia mai goadadia ida.
ACT 4:32 Kamonai taudia iboudiai mai lalodia tamona bona mai daradia tamona ida e nohova; ta ena kohu sibona ena se gwauraiava, a edia ḡau iboudiai e abi bouva.
ACT 4:33 Aposetolo taudia ese danu Lohiabada Iesu ena tore-isi-lou e harorolaiava mai siahudia ida. Dirava ena harihari-bada danu idia iboudiai latadiai e miava.
ACT 4:34 Idia dekediai tau ta se dabu. Badina be mai edia tano eiava edia ruma taudia iboudiai ese edia ḡau eha hoi, davadia e laohai,
ACT 4:35 aposetolo vairadiai e ato diho. Bena iboudiai e henidia hagau-hagau, ta ta ena dabu ena dabu heḡereḡeredia.
ACT 4:36 Tau ta, ladana na Iosef, aposelolo ese ladana e hatoa Banaba (anina be “Tauhalo Tauna”), ia na Levi iduhuna tauna, Kupro ai e vara:
ACT 4:37 ena tano vada e hoia, bena davana e laohaia, aposetolo vairadiai e atoa diho.
ACT 5:1 A tau ta, ladana be Anania, adavana Sapira ida, edia tano ta e hoia;
ACT 5:2 to una tano davana kahana e moia tao. Adavana danu dibana. Kahana mo e laohaia, aposetolo vairadiai e atoa diho.
ACT 5:3 Bena Petro ese e gwau henia, eto, Anania e, edeheto Satana ese e bolomu, bena Lauma Helaḡa o koia, tano davana kahana o moia tao?
ACT 5:4 Do asio hoia negana ai, tano na oiemu ani? Bona o hoia negana ai, davana na oiemu ani? Hari ina kara be ede o lalo hadailaia toma? Oi ese taunimanima some koidia; a Dirava ome koia.
ACT 5:5 Anania ese una hereva e kamonai, bena e hekida diho, e mase vailani. Bena harina e kamonai taudia iboudiai e gari dikadika.
ACT 5:6 Bena eregabe e tore isi, tau-anina dabua ai e hiria, e huaia lasi, e ḡuria.
ACT 5:7 Hora toi sisivana vada ela, hahine ma e raka vareai; to hari adavana enai e vara ḡauna asi dibana.
ACT 5:8 Bena Petro ese e nanadaia, eto, A hamaorogu, umui raruosi ese tano o hoia davana gaunabinai a? Ia e haere, eto, Oibe, davana ḡaunabenai.
ACT 5:9 Bena Petro ese e gwau henia, eto, Umui raluosi dahaka dainai lalomui o hatanlonaia, Lohiabada ena Lauma ba dibaḡania oto? Adavamu igurina memerodia o itadiamu, iduara ai gigini; oi danu ma bae huamu lasi.
ACT 5:10 Bena ia Petro ae-badinai ma e hekida diho, vada e mase.
ACT 5:11 Una negana ai ekelesia idoinai bona harina e kamonai taudia iboudiai na gari bada ese e butudia tao.
ACT 5:12 Toa bona hoa karadia diaḡau aposetolo ese hanua taudia vairadiai e karava; iboudiai danu mai lalodia tamona ida Solomon ena dehe ai eha hebouva.
ACT 5:13 A taunimanima oredia na e gariva, una dainai dekediai asie hebouva. Ḡau tamona, hanua taudia ese e imodaidiava;
ACT 5:14 bona Lohiabada e abidadama henia taudia hutuma bada, tatau bona hahine, na edia orea ai e hebouva.
ACT 5:15 Gorere taudia danu e huadia lasiva, edia geda ai ariara ai e kurediava, Petro baine raka hanai negana ai ia laulauna ese haida baine hakerukerudia helaoreana.
ACT 5:16 Ierusalem badina hanuadia taudia hutuma bada danu e hebouva, gorere taudia bona lauma dikadia ese e bolodia taudia danu e laohaidia, bena idia ese ibouboudiai e hamauridia.
ACT 5:17 Bena hahelaḡa tauna badana mai bamona ida (Sadukea taudia edia orea bunai) e vaḡeḡe bada,
ACT 5:18 aposetolo taudia e dabaidia tao, dibura rumana ai e koudia.
ACT 5:19 A hanuaboi ai Lohiabada ena aneru ta ese dibura rumana iduarana e keho, e hakaudia lasi, eto,
ACT 5:20 Vada aola, Dubu Helaḡa ai ba gini, ina mauri herevana idoinai hanua taudia ba herevalai henidia.
ACT 5:21 Una hahedua e kamonai, bena daba matana ai idia na Dubu Helaḡa ai e dae kau, e hahediba matama. A hahelaḡa tauna badana mai bamona ida ela, kaunsil taudia bona Israel tau-badadia iboudiai e haboudia; bena ena hesiai taudia dibura rumana e siaidia lao, aposetolo taudia bae hakaudia mai eto.
ACT 5:22 Hari hesiai taudia na ela, to dibura rumana ai asie davaridia. Bena e lou ela, eto,
ACT 5:23 A gini dae negana ai, dibura rumana vada e hekou kunuka-kunuka, hegima taudia danu iduara badibadidiai gigini; to iduara e keho negana ai, ruma lalona na asi tauna.
ACT 5:24 Dubu Helaḡa biaguna bona hahelaḡa taudia ese una hereva e kamonai, bena e daradara bada, asi dibadia unu kara anidia be dahaka.
ACT 5:25 Bena tau ta dekediai e kau, e hamaorodia, eto, Dibura rumana ai o koudia taudia na Dubu Helaḡa ai gigini, hanua taudia e hadibadiamu.
ACT 5:26 Bena Dubu Helaḡa biaguna ena hesiai taudia ida ela, aposetolo e hakaudia; to asie daḡedaḡe henidia, hanua taudia ese nadi amo bae hododia na garina.
ACT 5:27 E hakaudia vareai, kaunsil taudia vairadiai e haginidia. Bena hahelaḡa tauna badana ese e nanadaidia, eto,
ACT 5:28 Ai ese a haduamui, ato “Una tau ladana ai basio hahediba”. A harihari emui hahediba herevadia ese Ierusalem vada eme hahonua; bona o habadelaimaimu, una tau ena mase dainai.
ACT 5:29 Bena Petro, aposetolo oredia ida, e haere, eto, Dirava ikamonai-henina be namo; taunimanima ikamonai-henidia be dika.
ACT 5:30 Hari Iesu, umui ese satauro ai o taua dae, o alaia mase, tauna na tamada edia Dirava ese vada e hatorea isi lou.
ACT 5:31 Bona Dirava ese danu vada e abia dae ia imana idibana ai, Lohiabada bona Hahemauri Tauna ai vada e halaoa, Israel taudia baine hahelalodia kerehai bona edia dika baine gwau tao.
ACT 5:32 Ai na ini ḡau a gwauraimu, Lauma Helaḡa danu e gwauraimu: Laumana bunai Dirava ese ia ikamonai-henina taudia vada e henidia.
ACT 5:33 Unu hereva e kamonai ai, e badu dikadika, aposetolo bae aladia mase eto.
ACT 5:34 A Farisea tauna ta, ladana be Gamaliel, e tore isi; ia be taravatu ihahedibalaina tauna; taunimanima iboudiai ese ia e matauraiava. Ia e hahedua, aposetolo na bae raka lasi, nega taina murimuri ai do bae noho.
ACT 5:35 Bena ia eto, Israel taumui e, nahuamui ba toho ini tatau ede ba karadia toma.
ACT 5:36 Idau nega ai Teuda na e gini tore, eto ia na herea tauna, bena taunimanima sinahu-tlani sisivana ienai e tao; to e alaia mase, bona ena orea taudia e hakarohodia bona e ha-oredia.
ACT 5:37 Ia murinai luda, tau Galilea, be taunimanima ladadia itoredia negana ai e gini tore, bona taunimanima haida ienai e tao; to ia danu e alaia mase, bona ena orea taudia danu e hakarohodia.
ACT 5:38 Taunabunai na hamaoromuimu, ini lalau asio dogodia tao. Ba kahudia nege. Badina be ini hereva bona ini kara bema taunimanima edia amo, anidia na basiema vara;
ACT 5:39 to, bema Dirava ena amo, umui na basioma ha-oredia diba. Nahuamui ba toho, Dirava ba tuari henia na garina.
ACT 5:40 Idia ese ia e kamonai henia. Bena aposetolo e boiridia, e dadabadia; bona tarava e atu henidia, Iesu ladana ai basie hahediba lou eto. Bena e kahudia nege.
ACT 5:41 Taunabunai, aposetolo ese kaunsil e rakatania mai moaledia ida, badina be Iesu ladana bagunai hisi e ani.
ACT 5:42 Bena dina iboudiai, Dubu Helaḡa ai bona ruma lalodiai, taunimanima e hadibadia, bona Iesu Keriso sivaraina namona iharorolaina asie hadokoa.
ACT 6:1 Unu dinadia ai, Iesu ibadinana taudia e hahutumava, bena Helene gado ai e herevava taudia ese Heberu gado ai e herevava taudia na e maumauraidia matama, badina be edia hahine vadodia na dina iboudiai aniani iharina ai e dabu loulouva.
ACT 6:2 Bena aposetolo ese Iesu ibadinana taudia hutuma e haboudia, eto, Ai ese Dirava ena hereva iharorolaina baia hadokoa aniani iharina totona na dia namo.
ACT 6:3 Taunabunai, varavaramai e, umui na taumui hahitu avabidia hidi, haridia namodia taudia, Lauma bona aonega ai e honumu taudia; bena ina ḡaukara baia henidia.
ACT 6:4 A ai ese nega idoinai ḡuriḡuri bona haroro baia goadalai.
ACT 6:5 Ina hereva na iboudiai ese e abia dae, bena haida e gwauraidia hidi: Stefano, abidadama bada bona Lauma Helaḡa ese e rohea tauna; bona Filipo; bona Prokoro; bona Nikanoro; bona Timona; bona Pamena; bona Nikolao, ia na tau Antioka, Iuda tauna ai e halaoa.
ACT 6:6 Unu hahituosi na idia ese aposetolo vairadiai e haginidia. Bena aposetolo na e ḡuriḡuri guna, bena imadia latadiai e ato kau.
ACT 6:7 Bena Dirava ena hereva e piua rohorohova, bona Iesu ibadinana taudia Ierusalem ai e hahutumadiava; bona hahelaḡa taudia hutuma ese danu e abiabiraia.
ACT 6:8 Stefano na harihari-bada ai bona siahu ai e honu, bena ia ese hoa karadia bona toa badadia taunimanima vairadiai e karava.
ACT 6:9 Bena e ruhadia nege oreana edia dubu taudia haida, bona Kurene bona Alesandrea bona Kilikia bona Asia taudia haida, ese Stefano ida e hepapahuahu.
ACT 6:10 To idia na asi siahudia bae gwaua tubu, badina be ena hereva na aonega ai bona Lauma ai e hahonua.
ACT 6:11 Una dainai idia ese haida lalodia e ani, baeto “Ai na ena hereva dikadia a kamonai, Mose bona Dirava e hadikalaidia”.
ACT 6:12 Unu amo idia ese hanua taudia bona heitatao taudia bona itorena taudia e haherou-heroudia; bena ia dekena e heau lao, vada e dabaia tao, kaunsil taudia vairadiai e laohaia.
ACT 6:13 Bena idia ese hahebade koikoi taudia e haginidia tore. Idia eto, Ina tau ese ina gabu helaḡana bona taravatu ihadikalaidia herevadia na se hadokomu.
ACT 6:14 Ai ese danu ena hereva a kamonai, eto “Iesu, tau Nasaret, ese ina gabu baine rohoa, bona Mose ese e henida karadia danu baine ha-idau”.
ACT 6:15 Bena kaunsil gabuna ai e helaiva taudia iboudiai ese e raraia tao, vairana e itaia, aneru ta vairana na heto.
ACT 7:1 Hahelaḡa tauna badana eto, Edia hereva na momokani a?
ACT 7:2 Stefano e haere, eto, Varavaragu bona tamagu loḡora e, egu hereva a kamonai. Hairai Diravana ese seneda Abraham enai e hedinarai Mesopotamia ai, Haran ai do se nohova negana ai;
ACT 7:3 eto, Emu tano bona varavaramu ba rakatanidia, baina hadibamu tanona baola.
ACT 7:4 Bena ia ese Kaldea taudia edia tano e rakatania, Haran ai eha noho. Bena tamana e mase murinai Dirava ese unu amo ma e hakaua, ema bona harihari o noho heniamu tanona ai eme lasi.
ACT 7:5 A tano sisina taina se henia; oibe, aena ihadaina gabuna taina asine henia. Ḡau tamona, e gwau henia hamata do baine henia, bona ia murinai garana danu baine henidia. Una negana ai Abraham na asi natuna.
ACT 7:6 Dirava ese ma e hamaoroa eto, garana loḡora idau tano ai bae ha noho, bena una tano taudia ese isiaidia ilao-henidia taudia ai bae halaodia, bona bae hahisidia laḡani sinahu-hani.
ACT 7:7 Dirava ma eto, Hesiai taudia ai baine halaodia besena na lau ese baina hahemaoro henia; gabeamo idia na bae raka lasi, iniseni ai bae toma henigu diho.
ACT 7:8 Peritome taravatuna danu e henia. Taunabunai, Abraham ese Isaak e havaraia, bona dina ihataurahanina ai e peritomea. Isaak ese danu Iakob e havaraia; bona Iakob ese eda iduhu ikwaradia taudia gwauta-raruosi e havaradia.
ACT 7:9 Hari iduhu ikwaradia taudia ese Iosef e vaḡeḡe henia, Aigupto taudia ediai e hoia. A Dirava ese e bamoa,
ACT 7:10 bona ena hisihisi iboudiai amo e hamauria; hahenamo bona aonega danu e henia, Farao, Aigupto pavapavana, vairanai; bena Farao ese siahu e henia, Aigupto tanona bona iena ruma taudia baine lohiadia.
ACT 7:11 A doe be Aigupto idoinai bona Kanaan ai e vara, hisi ani bada danu; bena seneda e hitolodia maseva.
ACT 7:12 Iakob e kamaonai Aigupto na mai uitina, bena ia ese seneda e siaidia lao, nega gini-gunana.
ACT 7:13 Nega iharuana ai Iosef sibona ese kakana e hahedinarai henidia; bona Iosef besena haridia Farao danu e kamonai.
ACT 7:14 Bena Iosef ese gwau-kau e siaia, tamana Iakob bona varavarana iboudiai danu e vavedia, taunimanima hitu-ahui laima.
ACT 7:15 Bena Iakob na Aigupto ela; unuseni ai e mase; bona seneda danu unuseni ai e mase.
ACT 7:16 Bena Sekem e huadia lao, gara lalonai e atodia; una gara na Abraham ese Hamoro natuna edia amo silver monidia ai e hoia.
ACT 7:17 Dirava ena gwauhamata Abraham enai ihamomokanina negana e kahirakahira ai, taunimanima Aigupto ai vada e vara rohorohova bona e hutumava;
ACT 7:18 ema bona pavapava idauna ta Aigupto vada e lohiaia; ia na asi dibana Iosef.
ACT 7:19 Ia ese seneda e dibaḡanidia bona e hahisidia; bona e haduadia, natudia karukarudia bae negedia, bena bae mase.
ACT 7:20 Una negana ai Mose vara, raho-namo merona bena hua toi tamana ena ruma ai e ubua.
ACT 7:21 Bena e negea; to Farao natuna kekenina ese e abia, natuna ai e haloa.
ACT 7:22 Taunabunai, Aigupto taudia edia aonega idoinai na Mose e hadibmaia; bena ena hereva bona ena ḡaukara na mai siahudia.
ACT 7:23 Ena laḡani e hari-ahui negana ai lalona vada e hadaia, varavarana Israel taudia baine igodia ita eto.
ACT 7:24 Tau ta e itaia, Aigupto tauna ese e hadikaia, bena e durua, Aigupto tauna e alaia mase.
ACT 7:25 Ia banava eto varavarana lalodia bae parara, Dirava ese ia imana amo baine hamauridia, to asi dibadia.
ACT 7:26 Kerukeru tatau rarua e heatuva ai dekediai e kau, bena ia ese e hamarumarudia toho, eto “Tatau e, umui raruosi na varavara; dahaka dainai o hahedika hehenimu?”
ACT 7:27 A varavarana e hadikaiava tauna ese e doria oho, eto “Oi be daika ese emai lohia bona emai hahemaoro tauna ai vada e halaomu”?
ACT 7:28 O uramu bavalagu a, varani Aigupto tauna o alaia na heto?”
ACT 7:29 Mose ese una hereva e kamonai, bena e heau ela, Midian tanona ai eha noho, unuseni ai natuna mamaruanedia rarua e havaradia.
ACT 7:30 Laḡani hari-ahui e ore, bena aneru ta ese tano ḡaḡaena ai, ororo ladana Sinai ai, e hahedinarai henia, au ḡiniḡini e arava hururuna lalonai.
ACT 7:31 Mose ese e itaia, bena e hoa. Itana totona e raka kahiva ai Lohiabada gadona ese e hereva henia, eto,
ACT 7:32 Lau na tubumu tamamu edia Dirava; Abraham bona Isaak bona Iakob edia Dirava. Mose na e heude-heudle, au iraraitaona vada e gari.
ACT 7:33 bena Lohiabada ese e hamaoloa, eto, Emu tamaka a daki oho, badina be o ginimu gabuna na tano helaḡana.
ACT 7:34 Momokani, egu taunimanima Aigupto ai edia hisihisi vada na itaia, edia ḡanaḡana danu vada na kamonai, bena ihamauridia totona vada na diho nama. Harihari baina siaimu, Aigupto baola.
ACT 7:35 Hari Mose na idia ese e ihi-ihiraia, eto “Daika ese emai lohia bona emai hahemaoro tauna ai vada e halaomu?”: Mose na bunai Dirava ese e siaia, edia lohia bona edia hahemaoro tauna ai vada e halaoa; bona au ginigini lalonai e itaia aneruna ese e durua.
ACT 7:36 Una tau ese e hakaudia lasi, hoa karadia bona toa danu e karava Aigupto ai bona Davara Kakakakana ai bona tano ḡaḡaena ai, laḡani hariahui lalodiai.
ACT 7:37 Una Mose ese danu Israel taudia e hamaorodia, eto, Dirava ese peroveta tauna ta do baine haginia umui emui ai, varavaramui edia amo, lau bamogu.
ACT 7:38 Una tau danu tano ḡaḡaena ai hegogo lalonai, bona Sinai ororona dorina ai ia ida e hereva-hereva aneruna ida, bona ita seneda ida, e nohova. Ia ese mauri herevadia e abi, ita ma baine henida helaoreana.
ACT 7:39 A seneda na ia ikamonai-henina asie urava; e dadaraia, bona lalodia ai Aigupto ma e ura henia louva.
ACT 7:40 Bona idia ese Aaron e hereva henia, eto “Dirava haida a karadia ita eda, ita vairadai bae raka; badina be asi dibada hari Mose, Aigupto amo e hakauda lasi tauna, na ede eha heto”.
ACT 7:41 Una negana ai idia ese boromakau natuna laulauna ta e karaia, bena boubou ḡauna danu una kaivakuku vairanai e atoa; imadia ai e kara ḡaudia na e moalelaiva.
ACT 7:42 Bena Dirava na edia amo e raka oho, sibodia guba ḡaudia bae toma heni diho, peroveta taudia edia buka ai e torea heḡereḡerena eto, Israel taumui e, laḡani hari-ahui tano ḡaḡaena ai o alava boromakaudia bona boubou ḡaudia na vairagu ai o ato a?
ACT 7:43 Lasi, Molok ena dabua dubuna, bona dirava ta ladana Refan ena hisiu, o loalaiva, laulaudia bunu o karava, ba toma henidia diho helaoreana. Babulon unukahana do baina laohaimui.
ACT 7:44 Dabua dubuna, taravatu ihahedinaraina ḡauna, na seneda ese tano ḡaḡaena ai e abia; e karaia Dirava ese Mose e haduaia bona Mose ese oromana e itaia heḡereḡerena.
ACT 7:45 Bona seneda haida, gabeai e vara taudia, ese ma e abia, Iosua negana ai e huaia mai, idau bese taudia edia tano iabina negana ai; unu idau bese taudia na Dirava ese seneda vairadia amo e luludia ohova, ema bona David negana.
ACT 7:46 David ese Dirava ena hahenamo e abia, bona e noinoi, Iakob ena Dirava ena dubu baine karaia eto.
ACT 7:47 To ena dubu ihaginina be Solomon.
ACT 7:48 Ḡau tamona, Herea Mikamika na taunimanima imadia ese e karava rumadia ai se nohomu; peroveta tauna ena hereva heḡereḡerena eto,
ACT 7:49 Lohiabada na e tomu, Guba be egu helai gabuna, Tanobada be aegu ihadaidia ḡauna, Ruma edehetomana ba karaia lauegu? Egu laḡa-ani gabuna be edena?
ACT 7:50 Ini ḡau iboudiai na imagu amo asina kara a?
ACT 7:51 Aio auka taumui e, lalomui bona taiamui e kara asie peritomedia taudia na heheto, umui ese nega idoinai Lauma Helaḡa o laoa ahumu. Tamamui edia kara na umui ese danu doini o badinamu.
ACT 7:52 Peroveta tauna be daika umui senemui ese asie daḡedaḡe henia? Kara Maoromaoro Tauna maina e gwauraia gunava taudia na idia ese e aladia mase; harihari umui ese ia taona vada o torea, bona vada o alaia mase.
ACT 7:53 Umui na aneru ese e heni taravatuna vada o abia, to asio badinaia.
ACT 7:54 Idia ese unu hereva e kamonai ai, e badu dikadika, gadigadidia danu e haheḡiri henia.
ACT 7:55 A Stefano na Lauma Helaḡa ese e rohea; bena guba ai e gaga dae, Dirava hairaina e itaia, bona Iesu danu, Dirava idibana kahana ai gini.
ACT 7:56 Bena ia eto, Guba na itaiamu, e hekehomu, Taunimanima Natuna danu na itaiamu, Dirava idibana kahana ai gini.
ACT 7:57 Bena idia na e lolo badabada, bona taiadia e kodobe. Bena dekena e heau lao, e abia,
ACT 7:58 hanua murimurinai e veria lasi, nadi amo e hodoa. Herarai taudia ese edia dabua na eregabe tauna ta, ladana Saulo, aena badibadinai e ato.
ACT 7:59 E hodoa negana ai Stefano e ḡuriḡuri, eto, Lohiabada Iesu e, lau laumagu na avabia dae.
ACT 7:60 Bena e hetuitui, e lolo, eto, Lohiabada e, ina kara dika na davana-basio henidia. Unu e hereva toma, bena e mahuta.
ACT 8:1 Saulo ese Stefano iala-masena na e hanamoa. Una negana ai daḡedaḡe bada e vara, ekalesia oreana Ierusalem lalonai e daḡedaḡe henia, bona ekalesia taudia iboudiai e hakarohodia rohoroho, Iudea bona Samaria tanodia idoidiai; aposetolo mo sibodia e nohova.
ACT 8:2 Dirava garina e gariva taudia haida ese Stefano e guria, bona taina e tai.
ACT 8:3 A Saulo ese ekalesia oreana e hadikaia rohoroho, ruma iboudiai lalodiai e raka vareai, tatau bona hahine e dabuidia lasi, dibura rumadia ai e koudia.
ACT 8:4 E hakarohodia taudia na gabu idau-idau ela, sivarai namo e harorolaia.
ACT 8:5 Filipo e diho ela, Samaria hanuana ta ai e lasi; bena ia ese hanua taudia na Keriso e harorolai henidia.
ACT 8:6 Hutuma ese Filipo e hakala henia, mai lalodia tamona; bona toa e kara danu e ita.
ACT 8:7 Badina be lauma dikadia ese e bolodia taudia edia amo lauma dikadia e lasi mai lolodia ida; pada taudia bona ae-hedairike taudia hutuma danu ia ese e hamauridia.
ACT 8:8 Bena una hanua lalonai moale bada e vara.
ACT 8:9 A tau ta ladana be Simona; gunaguna una hanua lalonai babalau karadia e karava, hanua taudia e hahoadiava, e tomava ia sibona herea-mikamika tauna.
ACT 8:10 Taunimanima iboudiai kikina badana ese e kamonai heniava; bona e tomava, Ina tau na Dirava ena Siahu Badana.
ACT 8:11 Una dainai e kamonai heniava, badina be nega daudau ia ese ena babalau karadia e hahoalaidiava.
ACT 8:12 A Filipo ese Dirava ena basileia sivaraina namona bona Iesu Keriso ladana e harorolai matama, bena idia ese e abiabiraia. Bena ia ese e bapatisodia, tatau bona hahine.
ACT 8:13 Simona, babalau tauna, ese danu e abiabiraia; bena vada e bapatisoa; murinai Filipo vada e bamoa, iena toa bona hoa karadia e ita, bona e hoalai.
ACT 8:14 Aposetolo Ierusalem ai na Samaria taudia ese Dirava ena hereva e abia dae harina e kamonai; bena Petro bona Ioane e siaidia, Samaria baela.
ACT 8:15 Raruosi e diho ela, bena e guriḡuri, Samaria taudia ese Lauma Helaḡa bae abia;
ACT 8:16 badina be una negana ai Lauma Helaḡa idia ta latanai do se diho, bapatiso mo vada e henidia Lohiabada Iesu ladana ai.
ACT 8:17 Bena raruosi ese imadia na idia latadiai e ato kau; bena Lauma Helaḡa e abia.
ACT 8:18 Hari Simona ese aposetolo e itadia, imadia e ato kau, Lauma Helaḡa e heni; bena ia ese moni e dudui henidia, eto,
ACT 8:19 Ina siahu ame henigu, bena latanai imagu baina ato kau tauna danu Lauma Helaḡa do baine abia.
ACT 8:20 Bena Petro eto, Emu moni na oi ida ba dika hebou, badina be lalomu e tomu Dirava ena harihari ḡauna na moni amo ba hoia diba.
ACT 8:21 Ina ḡaukara ai oi na asi ahumu, badina be lalomu na dia maoro Dirava vairanai.
ACT 8:22 Emu dika amo ba helalo kerehai, bona Lohiabada ba noia, bena reana emu lalo-hadai kererena baine gwaua tao.
ACT 8:23 Badina be vada na itamu, oi na auduna idita bona kara dika iḡuina ai noho.
ACT 8:24 Bena Simona, babalau tauna, e haere, eto, Lohiabada na daigu ai ba noia, hari ome gwaurai ḡaudia ta egu ai basine kau.
ACT 8:25 Taunabunai, idia raruosi ese Lohiabada ena hereva e gwaurai hedinarai bona e harorolai vaitani; bena Ierusalem e lou henia negana ai idia ese Samaria hanua maraḡidia momo lalodiai sivarai namo e harorolaia e laova.
ACT 8:26 Lohiabada ena aneru ta es Filipo e haduaia, eto, A tore isi, diho kahana aola, ela bona Ierusalem amo Gasa e laomu dalana, tano ḡaḡaena dalana.
ACT 8:27 Bena e tore isi, vada ela. Afrika tauna ta, eunuko tauna bona dagi badana tauna, Etiopia pavapavana hahinena ena kohu ireḡuna tauna, Ierusalem ela, toma-diho totona.
ACT 8:28 Ena hanua ilou-henina ai, ena kariota ai helaina ai Isaia peroveta tauna ena buka e duahiava.
ACT 8:29 Bena Lauma ese Filipo e haduaia, eto, Aola, una kariota ai ba gui.
ACT 8:30 Bena Filipo e heau lao, e kamonai, Isaia peroveta tauna ena buka e duahiava. Bena eto, O duahiamu ḡauna anina mai dibamu a?
ACT 8:31 Ia e haere, eto, Be, ede baina diba toma? Lau na asi ihakaugu. Bena ia es Filipo e noia, baine gui, dekenai baine helai.
ACT 8:32 E duahia karoana lalonai ini e torea toma: Mamoe na heto e hakaua lao, e alaia mase; Bena mamoe natuna huina iabina tauna vairanai e mumu na heto ia na asi reḡereḡena;
ACT 8:33 E hahemanau dainai hahemaoro danu ena amo e abia oho. Ena uru daika es baine gwauraia? Badina be ena mauri na tanobada amo vada e abia oho.
ACT 8:34 Eunuko tauna es Filipo e nanadaia, eto, Mani emu kara a hamaorogu: peroveta tauna ese daika unu e herevalaia toma? Ia sibona eiava idau tauna e herevalaia a?
ACT 8:35 Bena Filipo es una karoa amo e haroro henia matama, Iesu sivaraina namona e hadibalaia.
ACT 8:36 Raruosi dala amo ela bona ranu gabuna ta ai e kau. Bena eunuko tauna eto, A itaia, ranu binai. Dahaka es ibapatisogu e laoa ahumu?
ACT 8:37 Filipo eto, Boma kamonai mai lalomu idoinai, ibapatisomu hari namo. Bena ia na e haere, eto, Name kamonai lava dae Iesu Keriso be Dirava Natuna.
ACT 8:38 Bena e hamaoroa, kariota baine haginia. Bena raruosi ranu ai e diho; Filipo ese eunuko tauna vada e bapatisoa.
ACT 8:39 Raruosi ua ranu amo e dae kau ai Lohiabada Laumana ese Filipo vada e abia olio; eunuko tauna ese se itaia lou, a dala amo e laova mai moalena ida.
ACT 8:40 A Filipo na Asoto ai eha kau. Bena ena laolao ai e raka vareaiva hanuadia iboudiai lalodiai sivarai namo e harololaiava, ela bona Kaisarea ai eha kau.
ACT 9:1 Saulo ena ḡosi idoinai Lohiabada ibadinana taudia ihagaridia bona ialadia. Bena ela, hahelaḡa tauna badana dekenai,
ACT 9:2 e noia, revareva baine henia, Damasko dubudia edia; bena Iesu ibadinana taudia haida unuseni ai bema ha davaridia, tatau eiava hahine, bema ḡuidia, bena mai iḡuidia ida bema loulaidia Ierusalem ai.
ACT 9:3 Bena laona ai vada ela bona Damasko e kahira-kahira, diari ta guba amo e tara dagu, e ḡeḡea ahu.
ACT 9:4 Bena ia na tano ai e hekida diho, gado ta e kamonai, eto, Saulo e, Saulo e, dahaka dainai o daḡedaḡe henigumu?
ACT 9:5 Ia e haere, eto, Lohiabada e, oi na daika? Ia eto, Lau na Iesu, o daḡedaḡe henigumu.
ACT 9:6 A tore isi, hanua ai ba raka vareai; bena baina hamaoromui ede ba kara toma.
ACT 9:7 E bamoa taudia iboudiai e gini, asi regeregedia; badina be gado ta e kamonai, to tau ta asie itaia.
ACT 9:8 Bena Saulo na tano amo e tore isi, matana e noga, a ḡau ta se itaia. Bena idia ese imana ai e abi, Damasko e hakaua lao.
ACT 9:9 Bena unuseni ai boi toi e noho, matana asie papava, aniani se aniva, ranu se inuva.
ACT 9:10 Iesu ibadinana tauna ta Damasko ai, ladana na Anania. Mata hanai ai Lohiabada ese e hereva henia, eto, Anania e! Ia e haere, eto, Lohiabada e, lau o ina.
ACT 9:11 Bena Lohiabada ese e haduaia, eto, A tore isi, ariara ladana “Maoro” aola, Iuda ena ruma lalonai Taso tauna ta ladana na Saulo ba ha tahua; badina be ia na e ḡuriḡurimu.
ACT 9:12 Ia be mata hanaina ai tau ta ladana Anania vada e itaia, e raka vareai, imana ia latanai e ato kau, matana baine hapapa helaoreana.
ACT 9:13 Anania e haere, eto, Lohiabada e, una tau harina vada na kamonai, taunimanima hutuma ese e piua, emu helaḡa taudia Ierusalem ai vada e hadikadia bada.
ACT 9:14 Iniseni ai danu, hahelaḡa taudia ese siahu vada e henia, e hahanemumu taudia iboudiai baine ḡuidia.
ACT 9:15 Bena Lohiabada eto, Vada aola; badina be lau ese vada name abia hidi, bese idau-idau taudia bona hanua pavapavadia bona Israel taudia vairadiai lau ladagu baine gwauraia.
ACT 9:16 Badina be do baina hadibaia, ia ese lau ladagu dainai hisi diaḡau do baine ani.
ACT 9:17 Bena Anania ela, ruma lalonai eha raka vareai, imana ruaosi Saulo latanai e ato kau, eto, Tadigu Saulo e, Lohiabada Iesu, dala ai emu ai e hedinarai tauna, ese e siaigu, malamu bae papa bona Lauma Helaḡa bavabia totona.
ACT 9:18 Bena ḡau haida, una-una na heheto, matana amo e moru, bona matana e papa. Bena e tore isi, bapatiso e abia.
ACT 9:19 Bena e aniani, tauna e goada lou. Dina haida Damasko ai e nohova, Iesu ibadinana taudia dekediai.
ACT 9:20 Asi vanahana, dubu lalodiai Iesu e harorolaiava, e tomava ia na Dirava Natuna.
ACT 9:21 E kamonai taudia iboudiai vada e hoa; eto, Ina na Iesu ladana ihatona taudia Ierusalem ai e hadikadiava tauna ani? Bona iniseni ai danu ma baine guidia, hahelaḡa taudia dekedia baine laohaidia, totona ema ani?
ACT 9:22 A Saulo na ena siahu e bada e laova, bona Iesu e harorolaiava, ia na momokani Keriso. Una negana ai Iuda taudia Damasko ai e nohova na asi edia haere dalana.
ACT 9:23 Nega taina vada e daudau; bena Iuda taudia e henega, Saulo ialamasena dalana e herevalaia.
ACT 9:24 To Saulo be edia henega dibana. Idia na hanua ikoukoudia iboudiai e bani heni boiva e bani heni raniva, ia ialamasena totona.
ACT 9:25 To Iesu ibadinana taudia ese hanuaboi ai e abia, bosea ai e udaia, maḡu gaba-matuna amo e tua dobi.
ACT 9:26 Ia na Ierusalem ai e gini dae, Iesu ibadinana taudia ida bae hebou eto; to iboudiai ese e gari heniava, lalodia asie parara ia ese danu Iesu vada e abiabiraia.
ACT 9:27 To Banaba ese e durua, aposetolo dekedia e hakaua lao; e hamaorodia, eto, Ia ese dala ai Lohiabada e itaia, bona Lohiabada ese e hereva henia, bena Damasko ai ia ese Iesu ladana e halorolaia goadagoada.
ACT 9:28 Bena Saulo na idia ida e nohova Ierusalem ai; e raka vareaiva, e raka lasiva, bona Lohiabada ladana ai e haroro goadagoadava.
ACT 9:29 Bona Helene gado ai e herevava taudia ida e hereva-herevava bona e hapapahuahuva; a idia ese ia iala-masena dalana e tahuava.
ACT 9:30 Varavara e diba; bena idia ese e hakaua lasi, Kaisarea ela; unua amo Taso e siaia lao.
ACT 9:31 Una negana ai Iudea tanona idoinai, bona Galilea bona Samaria ai danu, ekalesia oreadia ese maino vada e abia, bona e goada e laova; Lohiabada garina e gariva bona Lauma Helaḡa ese taudia e halodia, e hahutumadiava danu.
ACT 9:32 Petro na hanua hanua e rakadia hanai ela bona Luda ai e kau, helaḡa taudia dekediai e nohova.
ACT 9:33 Unuseni ai pada tauna ta e davaria, ladana Aenea; ia na laḡani taurahani vada e hekureva.
ACT 9:34 Bena Petro ese e hereva henia, eto, Aenea e, Iesu Keriso ese e hamaurimumu; emu geda a lokua. Bena vada e tore isi.
ACT 9:35 Luda bona Saron taudia iboudiai ese e itaia; bena Lohiabada e haḡerea.
ACT 9:36 Iopa ai Iesu ibadinana hahinena ta e nohova, ladana na Tabita (ladana ihaheḡereḡerena Helene gado ai be “Doreka”). Ia ese kara namodia bona hebogahisi karadia e goadalaiva dina idoidiai.
ACT 9:37 A una negana ai ia na e gorerea, bona e mase. Idia ese tauna e huria, bena atai daiutuna ta ai e atoa.
ACT 9:38 Luda bona lopa padadia na dia daudau; taunabunai Iesu ibadinana taudia e kamonai Petro na Luda ai noho, idia ese tatau rarua e siaidia ia dekenai, bae noia, baeto “Ai dekemai aoma, basio halahe”.
ACT 9:39 Petro na e tore isi, idia ida ela. E gini dae, bena idia ese atai daiutuna ai e hakaua dae. Hahine vadodia iboudiai na unuseni ai mai taidia ida gigini. Bena hahedoki bona hetaru dabuadia iboudiai Doreka ese maurina ai e turiva na e haheitalaia.
ACT 9:40 Bena Petro ese iboudiai e doridia lasi. Bena e hetuitui, e ḡuriḡuri. Bena ia ese mase hahinena e haḡerea, eto, Tabita e, a tore isi. Bena matana e noga, Petro e itaia, e helai tore.
ACT 9:41 Bena Petro ese imana ai e abi, e haginia tore. Bena helaḡa taudia bona vado hahinedia e boiridia, mai maurina ida e henidia.
ACT 9:42 Una kara harina na Iopa idoinai e piua, bena hutuma ese Lohiabada e abiabiraia.
ACT 9:43 Petro na nega taina daudau Iopa ai e nohova, boromakau kopidia iseudia tauna ta, ladana Simona, dekena ai.
ACT 10:1 Tau ta ladana na Korenelio, Kaisarea ai e nohova, Italia taudia edia tuari oreana biaguna.
ACT 10:2 Ia na Dirava ibadinana tauna; ena ruma taudia iboudiai ida Dirava garina e gariva. Ia danu ogoḡami taudia e harihari henidia badabadava; bona nega iboudiai Dirava e ḡuriava.
ACT 10:3 Dina gelona ta ai vada e mata hanai, Dirava ena aneru ta e itaia, ienai e kau, ladana e hatoa, eto, Korenelio e!
ACT 10:4 Bena ia ese aneru e raraia tao mai garina ida, eto, Lohiabada e, dahaka? Aneru ma eto, Emu ḡuriḡuri bona emu harihari ḡaudia danu Dirava vairanai vada e dae, bona ia ese e lalo taomu.
ACT 10:5 Harihari memero haida lopa ba siaidia lao, Simona, ladana ta be Petro, bae ha vavea.
ACT 10:6 Ia na Simona, boromakau kopidia iseudia tauna, dekena ai e nohomu; ena ruma na kone ai.
ACT 10:7 E hereva henia aneruna ese e rakatania; bena ia ese ena hesiai memerodia rarua e boiridia, bona tuari tauna ta danu, Dirava ibadinana bona nega idoinai Korenelio isiaina e lao heniva tauna.
ACT 10:8 Hereva idoidiai ia ese e hamaorolaidia, bena e siaidia, lopa ela.
ACT 10:9 Kerukeru, idia na dounu dala ai, hanua vada e kahikahi. Dina tubua ai, Petro be ruma guhina ai e dae kau, ḡuriḡuri totona.
ACT 10:10 Bena e hitoloa; baine aniani eto. To idia e nanaduva ai, ia vada e mata hanai;
ACT 10:11 guba e itaia, e parara, bona ḡau ta, dabua bada-hereana na heto, daigunina hani vada e tua dobi;
ACT 10:12 Ialonai be mauri ḡaudia loḡora iboudiai, e rakamu gaudia, e raumu ḡaudia, bona atai ai e rohomu manudia, iboudiai e uda.
ACT 10:13 Bena ere ta ienai e kau; eto, Petro e, a tore isi, avaladia, bavani.
ACT 10:14 Petro e haere, eto, Lohiabada e, lasi vaitani; ḡau dikadia bona mai helaḡadia na asina animu ema bona hari.
ACT 10:15 Ere ma e kau, eto, Dirava ese vada e haḡoevadia ḡaudia na basioto didika.
ACT 10:16 Hatoi unu e kara toma, bena ḡauna na guba ai e abia dae lou.
ACT 10:17 Petro ese mata hanaina ai e itaia ḡauna anina e daradaralaiava ai, Korenelio ena hesiai taudia e kau, Simona ena ruma e tahua, ema bona iduara ai e gini.
ACT 10:18 E boiboi, eto, Simona, e nemaia Petro, na iniseni ai e nohomu eiava?
ACT 10:19 Petro na mata hanaina ai e itaia ḡauna dounu e laloava ai, Lauma ese e hamaoroa, eto, Tatau tatoi e tahumumu;
ACT 10:20 a tore isi, a diho, idia ida baola, basio daradara; badina be lau ese vada na siaidia.
ACT 10:21 Bena Petro vada e diho, tatau tatoiosi dekediai; bena eto, O tahuamu tauna na lau; dahaka dainai umui oma?
ACT 10:22 Idia e haere, eto, Korenelio, tuari oreana ta biaguna, kara maoromaoro bona Dirava garina e garimu tauna, bona harina danu namo Iuda taudia bogaragidiai tauna, aneru helaḡana ese Dirava ena hahedua e henia, eto, baine vavemu, ena ruma baola, emu hereva baine kamonai.
ACT 10:23 Bena Petro ese e abidia dae, ruma ai e mahuta. Daba ai e tore isi, idia ida e raka, bona ia bamona haida lopa amo ia ida ela.
ACT 10:24 Kerukeru idia na Kaisarea ai e kau. Korenelio ese e naridiava, bena ia ese varavarana bona turana e vavedia, bae hebou.
ACT 10:25 Petro e dae kau; bena Korenelio na ia ida e hedavari, aena badinai e goru diho, e toma henia diho.
ACT 10:26 Petro ese e veria tore, eto, A gini tore; lau danu taunimanima mo.
ACT 10:27 Bena e raka vareai, ia ida e hereva-hereva, bona e hebou taudia hutuma e davaridia.
ACT 10:28 Bena ia ese e hereva henidia, eto, Dibamui Iuda tauna na idau bese tauna ida bae noho hebou eiava baine igoa ita na mai taravatuna. To Dirava ese vada e hadibagu tau ta basina gwauraia dika eiava helaḡa.
ACT 10:29 Badina bunai o vavegu negana ai na nama, asina gwau edeede. Taunabunai na henanadaimu, dahaka dainai o vavegu?
ACT 10:30 Korenelio e haere, eto, Dina hani vada ela, lau na egu ruma ai na ḡuriguri, dina ḡelona ai. Bena tau ta dabuana na hururu-hururu vairagu ai e gini,
ACT 10:31 eto “Korenelio e, Dirava ese emu ḡuriḡuri vada e kamonai, bona emu harihari karadia danu e lalo taomu;
ACT 10:32 taunabunai gwaukau lopa ba siaia lao, Simona, e nemaia Petro, ba vavea; ia na Simona, boromakau kopidia iseudia tauna ena ruma ai e nohomu, kone ai”.
ACT 10:33 Bena gwaukau dekemu na siaia vasi haraḡa-haraḡa; vada oma dainai na hanamomumu. Ai iboumai ai iniseni ai Dirava vairanai vada ame hebou, Lohiabada ese vada e haḡanilaimu herevadia baia kamonai a tomu.
ACT 10:34 Bena Petro vada e hereva matama, eto, Vada name diba momokani Dirava ese taunimanima oromadia se lalomu,
ACT 10:35 a bese iboudiai lalodiai ia garina e garimu bona kara maoromaoro e karamu tauna na ia ese e lalo namo heniamu.
ACT 10:36 Ena hereva vada dibamui: herevana ia ese e siaia Israel taudia dekedia ai, maino sivaraina namona Iesu Keriso, taunimanima iboudiai edia Lohiabada, bagunai e gwauraia.
ACT 10:37 Dibamui danu una hereva na Galilea ai e gwauraia matama, Ioane ese e harorolaiava bapatisona murinai, ema bona Iudea kahana idoinai e gwauraia.
ACT 10:38 Hereva na Iesu, tau Nasaret, herevana: Dirava ese Lauma Helaḡa bona siahu e horolaia; bena ia na eha loava, kara namodia e karava, Diabolo ese e hadikadiava taudia iboudiai e hamauridiava; badina be Dirava ese e bamoava.
ACT 10:39 Ḡau idoidiai ia ese Iuda tanona ai bona Ierusalem ai e karava, ai danu dibamai. Idia ese au dorina ai e taua dae, e alaia mase.
ACT 10:40 Dina ihatoina ai Dirava ese e hatorea isi bona e hahedinaraia;
ACT 10:41 dia taunimanima iboudiai vairadiai, to Dirava ese e abimai hidi guna, baia gwauraia hedinarai helaoreana, taumai vairamai ai. Taumai bini, e tore isi lou murinai ia ida a anianiva, a inuinuva.
ACT 10:42 Ia ese danu e haduamai, taunimanima vairadiai baia harorolaia bona baia gwauraia hedinarai, Dirava ese vada e abia hidi, mauri taudia bona mase taudia ihahemaorohenidia tauna ai vada e halaoa.
ACT 10:43 Peroveta taudia iboudiai ese danu vada e gwauraia hedinaraiva, e tomava bae abidadama henia taudia iboudiai edia kara dika bae hegwau tao, ia ladana dainai.
ACT 10:44 Petro na dounu e herevava ai, Lauma Helaḡa ese hereva e kamonai taudia iboudiai latadiai e diho.
ACT 10:45 Bena Iuda taudia, Iesu e badinaia bona Petro e bamoa taudia, na e hoa, badina be Lauma Helaḡa na idau bese taudia latadiai vada e seia dobi.
ACT 10:46 Badina be e kamonai, idia na gado idau-idau ai e hereva, bona Dirava e imodaia. Bena Petro eto,
ACT 10:47 Daika ese ranu baine gwaua tao, ini Lauma Helaḡa vada e abia, ita ta abia heḡereḡerena, taudia na baine rudia, bapatiso basie abia?
ACT 10:48 Bena ia na e hahedua, Iesu Keriso ladana ai bae bapatisodia. Bena idia ese e noia, dina haida idia dekediai baine noho.
ACT 11:1 Aposetolo bona varavara Iudea ai e kamonai idau bese taudia ese Dirava ena hereva e abia daeva.
ACT 11:2 Taunabunai, Petro na Ierusalem ai e dara dae negana ai na peritome ibadinana taudia ese e hepapahuahu henia,
ACT 11:3 eto, Asie peritomedia taudia dekedia ola, idia ida o ani bou.
ACT 11:4 Bena Petro ese sivarai idoinai e hamaorolaidia, matamana amo ela bona dokona.
ACT 11:5 Ia eto, Iopa ai na nohova, bena egu ḡuriḡuri negana ai na mata hanai ai ḡau ta na itaia, dabua bada-hereana na heto, guba amo e diho, daigunina haniosi amo e tua dobi lau dekegu ai.
ACT 11:6 Na raraia tao, mauri ḡaudia idau-idau, e rakamu ḡaudia, e raumu ḡaudia, bona e rohomu manudia, lalonai e uda na ita.
ACT 11:7 Bena ere ta na kamonai, e hereva henigu, eto “Petro e, a tore isi, avaladia, bavani”.
ACT 11:8 Bena na haere, nato “Lohiabada e, lasi vaitani, ḡau dikadia bona mai helaḡadia na asina animu ema bona hari”.
ACT 11:9 A ere na nega iharuana guba amo ema, eto “Dirava ese vada e haḡoevadia ḡaudia na basioto didika”.
ACT 11:10 Hatoi unu e kara toma, bena unu ḡau idoidiai guba ai ma e veri dae lou.
ACT 11:11 Una negana ai tatau tatoi vada e gini dae, ai a noho heniava rumana ai; Kaisarea amo tau ta ese dekegu e siaidia mai.
ACT 11:12 Bena Lauma ese e haduagu, lau na idia ida baiala, basina daradara. Varavarada tauratoiosi bini lau e bamogu, ala, hari tau ena ruma ai a raka vareai.
ACT 11:13 Bena ia ese e hamaoromai eto ia ese anelu ta e itaia, ena ruma lalonai e gini, bena eto “Gwaukau Iopa ba siaia lao, Simona, a nemaia Petro, bae ha vavea;
ACT 11:14 ia ese hereva momokanidia baine gwaurai, oi bona emu rwna taudia ihamaurilaimui”.
ACT 11:15 Egu heleva na matamaia, bena Lauma Helaḡa na idia latadiai vada e diho, gunaguna ita latadai e diho heḡereḡerena.
ACT 11:16 Bena Lohiabada ena hereva na helalolaia une, eto “Ioane ese ranu e bapatisolaimui, a lau ese Lauma Helaḡa do baina bapatisolaimui”.
ACT 11:17 Taunabunai, Dirava ese ena harihari ḡauna vada e henidia, ita ese Lohiabada ta abidadama henia negana ai e henida heḡereḡerena lau be daika Dirava baina laoa ahu?
ACT 11:18 Idia ese unu hereva e kamonai, vada asi reḡereḡedia e noho. Bena Dirava e imodaia, eto, Benaini, idau bese taudia danu Dirava ese vada e hahelalodia kerehai, mauri baine henidia helaoreana.
ACT 11:19 Stefano ena mase negana daḡedaḡena ese e hakarohodia taudia na Foenikia bona Kupro bona Antioka vada ela, Iuda taudia mo sivarai namo e harorolai henidia.
ACT 11:20 A idia haida be Kupro bona Kurene taudia; bena Antioka ai e kau negana ai idia ese Helene taudia danu e hereva henidia, Lohiabada Iesu Keriso sivaraina namona e harorolai henidia.
ACT 11:21 Lohiabada imana be Idia latadiai; bena hutuma bada ese edia hereva e abi dae, bona Lohiabada e haḡerea.
ACT 11:22 Ekalesia oreana Ierusalem ai ese haridia e kamonai, bena Banaba e siaia, Antioka bainela.
ACT 11:23 Banaba e gini dae Antioka ai, Dirava ena harihari-bada e itaia, bena e moale bada, bona iboudiai e sisiba henidia, Lohiabada na bae badinaia mai lalodia idoidiai ida.
ACT 11:24 Badina be ia na tau namona, Lauma Helaḡa ai bona abidadama ai e honuhonu dae. Una negana ai Lohiabada ibadinana taudia vada e hutuma e laova.
ACT 11:25 Bena Banaba e tore isi, Taso ela, Saulo itahuna;
ACT 11:26 e davaria, bena Antioka e hakaua lao. Unuseni ai idia raruosi na laḡani ta ekalesia ida e hebouva, bona hutuma e hadibadiava. Una negana ai Iesu ibadinana taudia e nemaidia “Christian”; una hereva na Antioka ai e vara.
ACT 11:27 Una negana ai peroveta taudia haida Ierusalem amo ela Antioka.
ACT 11:28 Ta ladana be Agabo. Lauma ese e hadibaia dainai ia ese doe badana harina e piua guna, tanobada idoinai baine vara eto. Doe na Klaudio negana ai e vara.
ACT 11:29 Taunabunai, Iesu ibadinana taudia iboudiai e lalo hadai, eto idia ta ta ena kohu ena kohu e abi heḡereḡeredia, edia harihari ḡauna bae siaia lao, varavara Iudea ai e nohova edia.
ACT 11:30 Unu e kara toma, bena Banaba bona Saulo e siailaidia, ekalesia oreana itataona taudia bae henidia.
ACT 12:1 Una negana ai King Herod ese ekalesia taudia haida e dabaidia tao, baine hadikadia eto.
ACT 12:2 Iakobo, Ioane kakana, na ia ese dare amo e alaia mase.
ACT 12:3 Bena ia ese Iuda taudia e itadia, idia ese una kara e moalelaia; bena Petro danu ma e dabaia tao. Una na Flaoa-asie-hatubua Ariana dinadia ai.
ACT 12:4 E dabaia tao, dibura rumana ai e koua; bona tuari taudia gwauta-tauratoi e gwauraidia hidi, hahani hahani amo bae gimaia. Ena lalo-hadai be Lagau-hanai Ariana murinai hanua taudia vairadiai baine hakaua lasi eto.
ACT 12:5 Taunabunai, Petro be dibura rumana ai e gimaiava; a ekalesia taudia ese Dirava e noia goadagoada Petro ena.
ACT 12:6 Herod ese baine hakaua lasi eto; bena una hanuaboi ai Petro na tuari taudia rarua ihuadiai e mahutava, mai iḡuina gadeadia danu rua. Hegima taudia danu dibura rumana iduarana vairanai e gima.
ACT 12:7 Bena Lohiabada ena aneru ta badibadinai e gini, diari ese danu daiutu e hadiaria. Aneru ese Petro ohena e pataia, e haoa, eto, A tore isi haraḡa-haraḡa. Bena gadea na imana ruaosi amo e moru.
ACT 12:8 Hari aneru ese ma e haduaia, eto, Emu rami a rioa, emu tamaka a ḡui. Bena unu e kara toma. Aneru ma eto, Emu dabua a hetarulaia, murigu ai ba raka.
ACT 12:9 Petro e raka lasi, hari aneru e ḡavaia; to e daradara, hari aneru ena kara na momokani eiava; ia banava e mata hanai eto.
ACT 12:10 Hegima taudia gini-gunana bona iharuana raruosi ese vada e rakadia hanai, bena auri ikoukouna amo e lasi, hanua ilasi-henina ikoukouna. Hari ikoukou na sibona idia vairadiai vada e hekeho hata, bona raruosi e raka lasi, ariara ta amo e raka hanai. Bena hari aneru ese e rakatania.
ACT 12:11 Bena Petro lalona e parara, eto, Harihari name diba momokani, Lohiabada ese ena aneru vada e siaia, Herod imana amo bona Iuda taudia e larova karadia iboudiai amo vada eme hamaurigu.
ACT 12:12 Lalona e hadaia, bena Maria ena ruma ela: una Maria na Ioane Mareko sinana. Unuseni ai taunimanima hutuma e hebouva, e ḡuriḡuriva.
ACT 12:13 Bena Petro na iduara ai vada e pidipidi. Bena kekeni ta, ladana Roda, na ikehona ela;
ACT 12:14 a Petro gadona dibana, bena ena moale bada dainai iduara se kehoa, to e heau vareai, e hamaorodia, Petro na iduara murinai gini.
ACT 12:15 Idia ese ia e gwau henia, eto, Oi na e kavamu a? A ia na e hereva goadagoada, eto, Lasi, na gwau momokanimu. Idia eto, Una na readia ia laulauna.
ACT 12:16 A Petro na e pidipidi loulou, ela bona idia ese iduara e kehoa, e itaia, vada e hoa bou.
ACT 12:17 Bena ia ese imana amo e taodia ahu, asi reḡerḡedia bae noho; bena Lohiabada ese dibura rumana amo e hakaua lasi sivaraina e hamaorolaidia. Bena ma eto, Iakobo bona varavarada na ba hamaorodia. Bena e rakatanidia, idau gabu ela.
ACT 12:18 Daba e rere, heloḡo-heloḡo dia maraḡi tuari taudia bogaragidiai e vara, Petro na ede ela heloḡo-heloḡona.
ACT 12:19 Herod ese e tahua, to se davaria. Bena hegima taudia e nanadaidia murinai e gwau isi, bae hakaudia lasi, bae aladia mase. Bena Iudea e rakatania, e diho, Kaisarea ela, unuseni ai eha noho.
ACT 12:20 Herod ese Turo mai Sidono taudia e badu henidia dikadika; una dainai idia iboudiai lalodia e hatamonaia, bena dekena ela. Idia ese Ḡaubada ena mahuta daiutuna ita-taona tauna, ladana Blasto, e hamarumarua guna; murinai herohemaino e gwauraia, badina be Ḡaubada ena tano amo edia tano taudia ese aniani e abiva.
ACT 12:21 Bena e gwauraia hidi dinana ai, Herod ese pavapava dabuadia e doki, hahemaoro teronona ai e helai kau, e haroro henidia matama.
ACT 12:22 Bena hanua taudia e lolo, eto, Ena na dirava ta gadona, dia taunimanima gadona.
ACT 12:23 Una negana ai Lohiabada ena aneru ta ese e huaria, badina be ia ese Dirava se heatolaia. Bena gaigai-gaigai ese tau-anina e ania, vada e mase vaitani.
ACT 12:24 A Dirava ena hereva vada e tubu badabada.
ACT 12:25 Bena Banaba bona Saulo ese edia ḡaukara e ha-orea, bena Ierusalem e rakatania, e lou ela; Ioane Mareko danu e hakaua lao, idia ida vada ela.
ACT 13:1 Ekalesia oreana Antioka lalonai be mai edia peroveta bona hahediba taudia haida. Ladadia bini: Banaba; Simeon Nigera; Lukio, tau Kurene; Manaen (ia na Herod Ḡaubada ida e ubua hebou tauna); bona Saulo.
ACT 13:2 Idia ese Lohiabada e toma henia dihova bona e anivagava negana ai, Lauma Helaḡa ese e haduadia, eto, Banaba Saulo ida a hahelaḡadia lauegu, badina be ḡaukara ta ikarana vada na abidia hidi.
ACT 13:3 Taunabunai, idia na e anivaga bona e ḡuriḡuri, bena imadia na raruosi latadiai e ato kau, bena e kahudia nege.
ACT 13:4 Lauma Helaḡa ese unu e siaidia toma dainai raruosi ela bona kone amo e lasi, Seleukia ai, unua amo Kupro e heau lao.
ACT 13:5 Salami ai eha heau kau, unuseni ai Dirava ena hereva Iuda taudia edia dubu lalodiai vada e harorolaia matama. Ioane danu idia raruosi e durudia.
ACT 13:6 Idia ese una motumotu e rakaia hanai ela bona Pafo. Unuseni ai babalau bona peroveta koikoi tauna ta e davaria, Iuda tauna, ladana na Bariesu;
ACT 13:7 ia na gavana launa, Seregio Paulo, dekenai e nohova. Una gavana be lalo-parara tauna: ia ese Banaba bona Saulo e boiridia, e ura henidia, Dirava ena hereva bae hamaorolaia.
ACT 13:8 A hari babalau tauna, Eluma (ia ladana ihaheḡereḡerena bunai), ese raruosi e gwaudia tubu; ena ura be gavana ese edia hereva basine abi dae.
ACT 13:9 A Saulo (ia ladana ta danu Paulo) na Lauma Helaḡa ese e rohea, bena ia ese Eluma e raraia tao, eto,
ACT 13:10 Oi na koikoi bona dika idoinai ese e hahonumumu, diabolo natuna, kara maoromaoro iboudiai o inai henimumu; Lohiabada ena dala maoromaorodia ihagagevadia basio hadokoa a?
ACT 13:11 A kamonai: Lohiabada ese imana na oi latamu ai be atoamu ina harihari; bena matamu bae kepulu, dina basio itaia ela bona nega ta. Una negana ai ḡahu bona dibura ese e hakepulua; benal e loa eva-eva, taunimanima e noidia, ia imana ai bae abi, bae hakaua.
ACT 13:12 E vara ḡauna na gavana ese e itaia, bena Lohiabada ena hahediba herevadia e abi dae bona e hoalai.
ACT 13:13 Paulo mai bamona ida ese Pafo e heautania, Peregaai e diho: una na Pamfulia tanona ai. Unuseni ai Ioane ese e rakatanidia, Ierusalem e lou henia.
ACT 13:14 A raruosi na Perega amo e vareai, gunika kahana ela bona Antioka ai e kau. Una Antioka na Pisidia tanona ai. Dina Helaḡa ai idia na dubu ai e raka vareai, e helai diho.
ACT 13:15 Taravatu bona peroveta bukadia e duahi murinai, dubu biagudia ese gwaukau na raruosi dekedia e siaia lao, eto, Varavaramai e, bema mai emui hahealo herevadia taunimanima edia, mani a gwaurai.
ACT 13:16 Bena Paulo na e tore isi, imana ai e taodia ahu, eto, Israel taumui bona Dirava garina o garimu taumui e, a kamonai.
ACT 13:17 Ina bese Israel ena Dirava ese seneda e abidia hidi, bona eda bese taudia na Aigupto tanona ai e nohova negana ai vada e hahutumadia, bona ia imana ese e hakaudia lasi.
ACT 13:18 Laḡani hari-ahui sisivana tano ḡaḡaena ai e haheauka henidia.
ACT 13:19 Kanaan tanona besena hitu e habuadia tari; bena tano na Israel taudia e henidia, edia tano korikori ai e halaoa. Unuseni ai laḡani sinahu-hani imahui sisivana e nohova.
ACT 13:20 Unu ḡau muridiai hahemaoro taudia e henidiava, ema bona Samuel peroveta tauna negana.
ACT 13:21 Gabeamo idia na e noinoi, pavapava ta bae abia eto; bena Dirava ese Saulo Kisa, Beniamina ena iduhu tauna, e henidia, laḡani hari-ahui ia ese e pavapavadia.
ACT 13:22 Saulo e abia oho murinai, Dirava ese David ma e haginia, edia pavapava ai e halaoa; e herevalaia hedinarai, eto, David Iese vada name davaria, egu lalokau tauna, egu ura karadia iboudiai do baine kara.
ACT 13:23 Ia garana amo Dirava ese Israel edia Hahemauri Tauna Iesu e havaraia, ena gwauhamata heḡereḡerena.
ACT 13:24 Ia na do sema negana ai Ioane ese helalo bapatisona Israel taudia iboudiai vairadiai vada e harorolaia.
ACT 13:25 A Ioane ena ḡaukara dokona ai eto “Umui na dahaka o tomamu, lau be daika? Lau na dia ia: tau ta murigu ai be maimu; lau na dia namo ena tamaka varona baina ruhaia”.
ACT 13:26 Varavaragu e, Abraham garana loḡora e, bona Dirava garina o garimu taumui e, ina hahemauri herevana na ita dekeda vada e siaia mai.
ACT 13:27 Badina be Ierusalem taudia bona lohiadia na asi dibadia ia; bona peroveta taudia edia hereva Dina Helaḡa iboudiai e duahi to lalodia asie parara; una dainai e revaia mase, bona unu amo peroveta taudia edia hereva e hamomokani.
ACT 13:28 Ena be ihamasena badina ta asie davaria, to idia ese Pilato e noia, baine alaia mase.
ACT 13:29 Ia herevana iboudiai, vada e tore guna herevadia, na idia ese e hamomokani; bena au dorina amo e abia dobi, gara lalonai e atoa.
ACT 13:30 A Dirava ese mase amo ma e hatorea isi.
ACT 13:31 Ia ida Galilea amo Ierusalem ela taudia ese dina diaḡau lalodiai e itaia loulou; bena harihari idia ese taunimanima vairadiai e gwauraia hedinaraaimu.
ACT 13:32 Taunabunai, seneda e henidia gwauhamatana sivaraina namona binai ai ese a harorolai henimuimu:
ACT 13:33 gwauhamatana bunai Dirava ese Iesu ihatore-isina ai vada e hamomokania, natuda ediai. Salamo iharuana lalonai e torea na heto; eto, Oi na lau Natugu, Hari dina ai vada na abimu.
ACT 13:34 Mase amo vada e hatorea isi bona basine pata lou herevana na ini e gwauraia toma: David na henia gwauhamatadia helaḡadia bona momokanidia do baina henimui.
ACT 13:35 Bona salamo ta lalonai ma eto: Emu Helaḡa Tauna basio kahua nege, basine pata.
ACT 13:36 Badina be David ese ena uru ai Dirava isiaina e lao heniva, Dirava ena ura heḡereḡerena ai, bena vada e mase, senena loḡora ida vada eha hebou; tau-anina be e pata.
ACT 13:37 A Dirava ese e hatorea isi tauna na pata asi dibana.
ACT 13:38 Taunabunai, varavaragu e, ia bagunai dika igwau-taodia a harorolai henimuimu.
ACT 13:39 Ia bagunai danu kamonai taudia iboudiai edia dika loḡora amo eme heruha; ena be Mose ena taravatu ai basio heruha diba, to ia bagunai do ba heruha.
ACT 13:40 Taunabunai, nahuamui ba toho, peroveta taudia ese e gwaurai ḡaudia na umui emui ai bae momokani na garina; eto,
ACT 13:41 Heihi-ihirai taumui e, a itaia, ba hoa, ba mase ore; Badina be kara ta emui mauri dinadia ai na karaia, Kara na, ena be ta ese bema hamaoromui, to basioma abia dae.
ACT 13:42 Paulo bona Banaba e raka lasi ai taunimanima ese e noidia, eto, Dina Helaḡa vairai unu hereva ma bae gwaurai lou idia vairadiai.
ACT 13:43 Hebou e karoho, bena Iuda taudia hutuma, bona Dirava garina e gariva taudia Iuda taudia ai vada e halaodia haida danu, ese Paulo bona Banaba e bamodia. Raruosi ese e hereva henidia bona e halodia, eto Dirava ena harihari-bada bae badinaia tarika-tarika.
ACT 13:44 Dina Helaḡa iharuana ai, hanua taudia hutuma bada Dirava ena hereva ikamonaina totona vada e hebou.
ACT 13:45 A Iuda taudia ese aru taudia e itadia, bena raruosi e vaḡeḡe henidia, Paulo ena hereva e gwau tubu mai ere dikadia ida.
ACT 13:46 Bena Paulo bona Banaba e hereva goadagoada, eto, Dirava ena hereva a harorolai henimui guna na mai badina; to o dadaraiamu, bona sibomui o hahemaoromu, mauri hanaihanai basio abia o tomu. Benaini, idau bese taudia baia haḡeredia;
ACT 13:47 badina be Lohiabada ese vada e haduada, eto, Lau ese vada na atomui, idau bese taudia edia diari ai baola; Bona hahemauri ai baola, ela bona tanobada dokodia idoidiai.
ACT 13:48 Idau bese taudia ese una hereva e kamonai mai moaledia ida, bona Dirava ena hereva e imodaia. Bena e abidia hidi mauri hanaihanai bae abia audia iboudiai ese e abiabiraia.
ACT 13:49 Lohiabada ena hereva na una tano idoinai vada eha piua rohoroho.
ACT 13:50 A Iuda taudia ese lohia hahinedia haida, Dirava garina e gariva hahinedia, bona hanua tau-badadia, lalodia e ani, Paulo bona Banaba bae daḡedaḡe henidia eto. Bena edia tano amo e luludia lasi.
ACT 13:51 Bena raruosi ese aedia palapaladia ḡahudia e davedave oho, idia ihabadelaidia karana; bena Ikonio ela.
ACT 13:52 Iesu ibadinana taudia na e moale badava, bona Lauma Helaḡa ese e rohediava.
ACT 14:1 Ikonio ai Paulo bona Banaba na Iuda taudia edia dubu ai e dae kau, e haroro; bena Iuda taudia bona Helene taudia hutuma ese sivarai namo e abia dae.
ACT 14:2 To Iuda taudia haida ese asie abia dae, bena idia ese idau bese taudia lalodia e ani, kamonai taudia bae daḡedaḡe henidia.
ACT 14:3 Raruosi na nega taina daudau unuseni ai e noho. E haroro goadagoadava Lohiabada bagunai; bona Lohiabada ese ena harihari-bada herevana na ini e hamomokania tomava, siahu na raruosi e henidia, bena idia ese toa bona hoa karadia e karava.
ACT 14:4 Bena hanua taudia na e hahepararava; haida na Iuda audia ediai e taova, a haida be aposetolo ediai e taova.
ACT 14:5 Bena idau bese taudia bona Iuda taudia haida edia hanua lohiadia ida e henega hebou, raruosi bae taodia tari, nadi amo bae hododia eto.
ACT 14:6 To raruosi vada e diba, bena e heau, Lukaonia tanona ela, Lustera bona Derebe hanuadia ai bona una tano idoinai
ACT 14:7 sivarai namo e harorolaia.
ACT 14:8 Lustera ai ae-hedairike tauna ta e helaiva; ia na boga amo e vara isi asi raka dibana.
ACT 14:9 Ia ese Paulo ena haroro e kamonai; bena Paulo ese e raraia tao, dibana danu ena abidadama ese baine hamauria diba, bena e hereva badabada, eto,
ACT 14:10 A tore isi, a gini maoromaoro. Bena ia na e roho isi, e raka.
ACT 14:11 Aru taudia na Paulo ena kara e itaia, bena Lukaonia gadodiai e lolo, eto, Dirava be taunimanima heida-idadiai vada eme diho ita dekedai.
ACT 14:12 Bena edia dirava ladadia e nemaidia: Banaba e nemaia Deo, bona Paulo e nemaia Hereme, badina be ia na hereva herea tauna.
ACT 14:13 Deo ena dubu be hanua vairanai; bena ena hahelaḡa taudia hanua ikoukoudia ela, boromakau mamaruanedia bona herahera ḡaudia e laohai, aru taudia ida bae boubou eto.
ACT 14:14 Aposetolo raruosi, Paulo bona Banaba, e kamonai, bena edia dabua e dare, e heau lasi ela, hutuma bogaragidiai e lolo, eto,
ACT 14:15 Henamo e, dahaka dainai ini o kara tomamu? Ai danu taunimanima mo; daramai danu umui daraunui heḡereḡeredia. Ai na sivarai namo dekemui a mailai, umui ese mi ḡau asi anidia ba rakatani bona Mauri Diravana ba haḡerea helaoreana. Ia ese guba bona tanobada bona davara bona lalodiai e miamu ḡaudia idoidiai e kara.
ACT 14:16 Uru gunadia edia nega ai bese idau-idau iboudiai e kahudia nege, sibodia edia ura daladia ai bae raka;
ACT 14:17 ḡau tamona, sibona ihahedinaraina toadia mo se nege, a hahenamo karadia e karamu, medu guba amo bona madinamo negadia e henimuimu, bogamui e hakunudiamu, bona lalomui e hamoalediamu.
ACT 14:18 Raruosi na unu e hereva toma, aru taudia bae rudia eto; to aru taudia ese boubou ḡaudia na raruosi vairadiai mokona e ato.
ACT 14:19 A Iuda taudia haida na Antioka maraḡina bona Ikonio amo ema, aru taudia lalodia e ani; bena idia ese Paulo na nadi amo e hodoa, hanua amo e veria lasi, banava eto vada e mase.
ACT 14:20 A Iesu ibadinana taudia ese e ginia heḡeḡe, bena ia na e tore isi, hanua e lou henia. Daba ai, ia na Banaba ida Derebe ela.
ACT 14:21 Raruosi ese Derebe ai sivarai namo e harorolaia, bona Iesu ibadinana taudia hutuma e abidia. Bena Lustera bona Ikonio bona Antioka maraḡina e lou heni,
ACT 14:22 Iesu ibadinana taudia lalodia e hagoadadia, e halodia, Iesu bae abiabiraia tarika-tarika; bona e hamaorodia, eto, Hisihisi momo lalodia amo Dirava ena basileia ai do baita raka vareai.
ACT 14:23 Bona una negana ai ekalesia oreadia iboudiai lalodiai heitatao taudia vada e abidia hidi, ḡuriḡuridia ai bona anivagadia ai e hahelaḡadia, e abiabiraia Lohiabadana ena.
ACT 14:24 Raruosi na Pisidia tanona amo e raka hanai, Pamfulia tanona amo e lasi.
ACT 14:25 Perega hanuana ai Lohiabada ena hereva e harorolaia; bena kone ai e lasi Atalia hanuana ai.
ACT 14:26 Unu amo lagatoi auta ai e gui, Antioka badana ela; hari vada e ha-orea ḡaukarana dainai Dirava ena harihari-bada lalonai e hahelaḡadia guna gabuna ai e kau.
ACT 14:27 E gini dae, bena ekalesia taudia e haboudia, Diraya ida e kara bouva ḡaudia idoidiai sivaraidia, bona Iesu iabiabiraina iduarana idau bese taudia ediai e kehoa herevadia, e gwaurai.
ACT 14:28 Bena raruosi na nega taina daudau unuseni ai e noho, Iesu ibadinana taudia dekediai.
ACT 15:1 Taunimanima haida na Iudea amo e diho ela, varavara e hadibadia, eto, Basie peritomemui, Mose ena taravatu heḡereḡerena umui ese hahemauri basio abia diba.
ACT 15:2 Paulo bona Banaba idia ida vada e heai bona e hapapahuahu badabada dainai, idia na e hahedua, Paulo bona Banaba, varavara haida ida, Ierusalem baela, aposetolo bona heitatao taudia dekedia, una hereva bae nanadailaidia.
ACT 15:3 Ekalesia taudia ese edia dala matamana ai e bamodia. Bena Foenikia bona Samaria tanodia e rakadia hanai, bese idau-idau taudia ese e helalo kerehai sivaraina e gwauraia; bena varavara iboudiai e moale bada.
ACT 15:4 Idia na Ierusalem ai e gini dae ai, ekalesia taudia bona aposetolo taudia bona heitatao taudia ese e abidia dae; bena idia ese Dirava ida e kara bouva ḡaudia idoidiai e hamaorolaidia.
ACT 15:5 A Farisea oreana amo Iesu vada e abiabiraia taudia haida na e tore isi, eto, Maorona binai, idau bese taudia danu bae peritomedia, bona bae haduadia danu Mose ena taravatu bae badinaia.
ACT 15:6 Bena aposetolo bona ekalesia ita-taona taudia e hebou, una hereva e haeroa.
ACT 15:7 Bena e hepapahuahu nega daudau, murinai Petro e tore isi, eto, Varavaragu e, dibamui Dirava ese umui bogaragimui amo e abigu hidi, lau udugu amo bese idau-idau taudia ese sivarai namo bae kamonai bona bae abia dae.
ACT 15:8 Bona taunimanima lalodia mai dibana Diravana ese idia ediai e hedinarai, bona Lauma Helaḡa e henidia, ita e henida heḡereḡerena;
ACT 15:9 ita bona idia se ha-idauda. Badina be edia abidadama ese lalodia vada e haḡoevadia.
ACT 15:10 Benaini, badina be dahaka Dirava o dibaiamu taumui ese Iesu ibadinana taudia paḡadia ai maduna metauna o atoa kaumu, seneda bona ita danu ihuana asita heḡereḡere madunana?
ACT 15:11 Ita ta abia daemu Iesu Keriso ena harihari-bada dainai baita mauri; idia danu unuheto.
ACT 15:12 Hebou taudia iboudiai asi reḡereḡedia. Bena Banaba bona Paulo edia hereva mo e hakala henia; Dirava ese bese idau-idau taudia bogaragidiai toa bona hoa karadia idia imadia amo e karava sivaraidia raruosi ese e gwaurai.
ACT 15:13 Edia hereva e hadokoa, bena Iakobo na e sisiba, eto, Varavaragu e, a kamonai henigu.
ACT 15:14 Simona ese vada e hamaoroda, Dirava ese gunaguna bese idau-idau e haḡeredia, edia amo bese ta baine abia hidi, ia ladana baine nemailaia.
ACT 15:15 Una na peroveta taudia edia hereva ida eme heḡereḡere; e torea, eto,
ACT 15:16 Unu ḡau muridiai lau do baina lou mai, David ena dabua rumana vada e kohu, ma baina haginia lou, Vada e heḡiḡi rohoroho, ma baina hadaia lou, Bona baina haginia vaitani.
ACT 15:17 Bena taunimanima gabedia ese Lohiabada bae tahua; Oibe, bese idau-idau lau ladagu vada e nemailaidia na bae tahua.
ACT 15:18 Lohiabada na unu e gwau tomamu: Ia ese ini ḡau vada e gwaurai hedinaraiva tanobada matamana amo ema harihari.
ACT 15:19 Taunabunai, lau na tomamu bese idau-idau taudia ese Dirava e haḡereamu be ita ese basita haraivadia.
ACT 15:20 A baita tore henidia, baita haduadia, kaivakuku ihaboulaidia ḡaudia na basie ani, bona basie heuda-hanai, bona aiodia e gigi ḡaudia hidiodia bona rara na basie ani.
ACT 15:21 Badina be sene negadia ema bona harihari Mose na mai ena haroro taudia hanua iboudiai lalodiai, bona Dina Helaḡa iboudiai ena taravatu na dubu lalodiai e duahiamu.
ACT 15:22 Bena aposetolo bona heitatao taudia, ekalesia taudia iboudiai ida, lalodia e hadai, edia orea amo haida bae abidia hidi, Paulo bona Banaba ida baela Antioka. Taudia be ini; luda, e nemaia Barasaba, bona Sila; idia raruosi na varavara ikwaradia taudia.
ACT 15:23 Ina revareva idia ese e laohaia: Aposetolo taumai bona ekalesia ita-taodia taumai a tomamu bese idauidau taumui, Antioka ai bona Suria ai bona Kilikia ai o nohomu, iboumui ai ba namo ba mauri.
ACT 15:24 Ai na vada ame kamonai, haida emai amo vada e vasi, edia hereva amo vada e haraivamui bona e hadaradaramui; to ai ese unu asia haduadia toma.
ACT 15:25 Taunabunai, ai iboumai ai emai lalo-hadai tamona binai, tatau haida baia abidia hidi, baia siaidia, emai lalokau taudia Banaba bona Paulo ida bae vasi.
ACT 15:26 Taudia raruosi bene edia mauri vada e nege daure, eda Lohiabada Iesu Keriso ladana dainai.
ACT 15:27 Badina bunai Iuda bona Sila vada a siaidiamu, ini hereva heḡereḡeredia mo ududia amo ma bae gwaurai.
ACT 15:28 Badina be Lauma Helaḡa bona ai a tomamu ula na baine namo: maduna metaudia na paḡamui ai basia ato kau; a ini mai badidia ḡaudia mo baia ato kau,
ACT 15:29 kaivakuku ihaboulaidia ḡaudia bona rara bona aiodia e gigi ḡaudia hidiodia na basio ani, bona basio heuda-hanai. Unu ḡau idoidiai na basio abi dae, vada ba namo. Ba mahuta.
ACT 15:30 Taunabunai, e siaidia taudia na Antioka ela, kamonai taudia unuseni ai e haboudia, bena revareva e henidia.
ACT 15:31 Idia ese e duahia, bona unu hahealo herevadia e moalelai.
ACT 15:32 Iuda bona Sila na peroveta taudia; taunabunai raruosi ese hereva diaḡau amo e hadibalaidia bona e hagoadalaidia.
ACT 15:33 Idia na unuseni ai dina hoho e noho; bena varavara ese e tudia, mai mainodia ida ela, e siaidia taudia dekedia.
ACT 15:34 A Sila na ena ura dainai dounu e halaheva.
ACT 15:35 Paulo Banaba ida be Antioka lalonai e nohova, e hahedibava, bona Lohiabada ena hereva e harorolaiava, hutuma ida.
ACT 15:36 Dina haida vada ela, bena Paulo ese Banaba e hereva henia, eto, Aitala, Lohiabada ena hereva ta harorolai henidia hanuadia iboudiai baita lou henidia, varavarada baita ha itadia, ede e hetomu.
ACT 15:37 Bena Banaba e urava Ioane Mareko na idia ida ma baela.
ACT 15:38 A Paulo ena lalo-hadai be ia bae laohaia na dia namo, badina be Pamfulia ai e rakatanidia, edia ḡaukara ai se bamodia.
ACT 15:39 Una gwauna raruosi e heai, bena e haheparara. Banaba ese Mareko e abia, lagatoi auta ai e gui, Kupro ela.
ACT 15:40 A Paulo ese Sila e abia hidi. Varavara ese Dirava ena harihari-bada ai e hahelaḡadia; bena e tore isi,
ACT 15:41 Suria bona Kilikia tanodia e rakadia hanai, ekalesia oreadia e hagoadadia.
ACT 16:1 Ia na Derebe bona Lustera ai e lasi: Lustera ai Iesu ibadinana tauna ta e nohova, ladana na Timoteo: sinana he Iuda hahinena, sivarai namo vada e abiabiraia, a tamana be Helene tauna.
ACT 16:2 Varavara Lustera bona Ikonio taudia ese e gwauraiava tau namona.
ACT 16:3 Paulo ese e ura henia, ia ida baela; bena e abia, e peritomea, Iuda taudia unu gabu ai e nohova daidiai; badina be iboudiai dibadia tamana na tau Helene.
ACT 16:4 Hanua hanua e rakadia hanai ai, aposetolo bona Ierusalem ekalesiana ita-taona taudia edia haheḡani e henidia, bae badina helaoreana.
ACT 16:5 Taunabunai, ekalesia oreadia iboudiai edia abidadama e goada e laova, bona dina iboudiai ekalesia taudia na e hutuma e laova.
ACT 16:6 Bena Paulo mai bamona ida Frugia bona Galatia tanodia e rakadia hanai; badina be Lauma Helaḡa ese vada e gwaudia ahu, Asia tanona ai sivarai namo basie harorolaia eto.
ACT 16:7 Idia na Musia hetoana ai e kau, Bitunia baela eto; to Iesu ena Lauma ese e rudia.
ACT 16:8 Taunabunai, Musia murimurina amo e raka hanai, kone ai e lasi, Troa hanuana ai.
ACT 16:9 Hanuaboina ai Paulo vada e nihi. Ena nihi ai Makedonia tauna ta e itaia, ia vairanai e gini, e noia, eto, Makedonia aoma, ame kahamai.
ACT 16:10 Una mata-hanai dainai, ai ese Makedonia ai baia heau hanai dalana a tahua haraḡa-haraḡa, ato sivarai namo baia henidia helaoreana Dirava ese vada e boirimai.
ACT 16:11 Taunabunai, Troa ai lara a kidaia isi, bena a heau maoromaoro, Samotrake ala. Daba ai ma a heau, Neapoli ai a ha kau.
ACT 16:12 Unu amo Filipi ala: una na Makedonia hanuana bada-hereana; Roma tuari oreana ta ese e noholaiava danu.
ACT 16:13 Dina Helaḡa ai hanua ikoukouna amo a raka lasi, sinavai isena ala; badina be vada a diba ḡuriḡuri gabuna be unuseni ai. A helai diho, unuseni ai e hebouva hahinedia a hereva henidia.
ACT 16:14 Hahine ta unuseni ai ladana Ludia, dabua kakakakadia e hoiva hahinena; ena hanua be Tuatira. Ia ese Dirava e toma henia dihova. Emai hereva e kamonai, bona Lohiabada ese lalona e hapararia, bena ia ese Paulo e hakala henia.
ACT 16:15 Ia mai ena ruma taudia ida bapatiso e abia; bena ia ese e noimai, eto, Lalomui bema toma lau na Lohiabada iabiabiraina hahinegu, egu ruma baitama lao, unuseni ai boma noho. Ia ese lalomai e ani, bena vada ala.
ACT 16:16 Nega ta ḡuriḡuri gabuna a laova ai, babalau laumana ese e boloava kekenina ta be vairamai ema. Una kekeni biaguna ese kohu momo iena babalau karadia amo e abiva.
ACT 16:17 Ia na Paulo murinai e raka, e lolo, eto, Ini raruosi na Herea Mikamika Diravana ena hesiai taudia, hahemauri dalana e hamaorolaimuimu.
ACT 16:18 Dina hoho unu mo e kara toma. Bena Paulo lalona e hesiku, e gini kerehai, hari lauma e gwau henia, eto, Iesu Keriso ladana ai na haduamumu, ena amo a raka lasi. Bena una hora lalonai e raka lasi.
ACT 16:19 A biaguna ese e itaia, edia kohu iabilaidia karana vada e doko; bena idia ese Paulo bona Sila e dabaidia tao, hoihoi gabuna e dabuidia lao, hanua lohiadia vairadiai.
ACT 16:20 Hahemaoro taudia vairadiai e hakaudia lao, eto, Ini raruosi na Iuda taudia, eda hanua e haturiaiamu,
ACT 16:21 bona kara haida, iabi-daedia bona ibadinadia na mai taravatuna ita Roma tauda edai, karadia danu e gwaurai hedinaraimu.
ACT 16:22 Aru taudia ese danu e ḡonaḡonalaidia. Bena hahemaoro taudia e hahedua, edia dabua bae dare oho, au amo bae dadabadia.
ACT 16:23 E dadabadia dikadika, bena dibura rumana igimana tauna e haduaia, baine gimadia namonamo.
ACT 16:24 Unu e haduaia toma dainai, ia ese raruosi laloma daiutuna ta ai e koudia, aedia danu au matudia ai e kapu tao kunuka-kunuka.
ACT 16:25 Malokihi ai, Paulo bona Sila e guriguriva bona Dirava ihanamolaina anedia e abiva; dibura taudia ese danu e hakala henidiava.
ACT 16:26 Bena tano e laḡa dagu, dibura rumana e heude-heude, iduara iboudiai sibodia e hekeho, bona edia iḡui iboudiai e heruha.
ACT 16:27 Dibura rumana igimana tauna na mahuta amo e noga, iduara e ita, iboudiai hehekeho; bena ia ese ena dare e veria lasi, sibona baine heala mase eto, badina be ia banava dibura taudia vada e heau lasi eto.
ACT 16:28 A Paulo na e lolo badabada, eto, Sibomu asio heala, badina be ai iboumai ai iniseni ai.
ACT 16:29 Dibura rumana igimana tauna e boiboi, kede bae mailai; bena e heau vareai, Paulo bona Sila vairadiai e goru diho mai heude-heudena ida.
ACT 16:30 Bena ia ese e hakaudia lasi, eto, Lohiamui e, ede baina kara toma bena mauri baina abia?
ACT 16:31 Raruosi e haere, eto, Lohiabada Iesu bavabiabiraia, bena ba mauri, oi bona emu ruma taudia.
ACT 16:32 Bena raruosi ese Lohiabada ena hereva na ia bona ena ruma taudia iboudiai e hamaorolaidia.
ACT 16:33 Bena hanuaboi lalonai ia ese raruosi e laohaidia, berodia e dairi; bena ia bona ena ruma taudia iboudiai bapatiso vada e abia.
ACT 16:34 Bena ena ruma ai e hakaudia dae, adia e dabaraia, e aniani. Bena ia mai ena ruma taudia ida e moale bada, Dirava e abidadama henia dainai.
ACT 16:35 Daba ai, hahemaoro taudia ese edia hesiai taudia e siaidia, eto, Ene tatau ba ruhadia nege.
ACT 16:36 Dibura rumana igimana tauna ese PauIo e hamaoroa, eto, Hahemaoro taudia edia gwaukau e siaia, baina ruhamui nege e tomu. Taunabunai, a raka lasi, mai mainomui ida aola.
ACT 16:37 A Paulo eto, Ai na Roma ena basileia taumai, asie hahemaoro henimai guna, a taunimanima vairadiai vada e dadabamai kava bona dibura rumana ai e koumai, bena harihari vada bae kahumai nege hehuni a? Lasi vaitani. Idia sibodia baema, bae hakaumai lasi.
ACT 16:38 Bena hesiai taudia ela, unu hereva na hahemaoro taudia e hamaorolaidia. Idia na e kamonai raruosi na Roma ena basileia taudia, bena e gari.
ACT 16:39 Bena ela, raruosi e hamarumarudia; bena e hakaudia lasi, e noidia danu una hanua na bae rakatania eto.
ACT 16:40 Raruosi na dibura rumana amo e raka lasi, Ludia ena ruma ela. Unuseni ai idia na varavara ida e hedavari, bona hahealo herevadia amo e hagoadadia. Bena Filipi e rakatania.
ACT 17:1 Idia raruosi ese Amfipoli bona Apolonia e rakadia hanai, Tesalonika ai e lasi. Iuda taudia edia dubu ta be unuseni ai.
ACT 17:2 Paulo na dubu ai e dae kau, vaia ena kara heḡereḡerena bena Dina Helaḡa toi ai Buka Helaḡa na idia ida e hereva-herevalai.
ACT 17:3 E hadibalaidia ḡoevaḡoeva, Keriso ena hisi-ani bona ena tore-isi-lou na mai badidia. Bona e hamaorodia, eto, Ina Iesu na harorolai henimuimu, ia na Keriso.
ACT 17:4 Idia haida be e kamonai, bena Paulo bona Sila ida e hebouva; bona Helene taudia Dirava garina e gariva hutuma bona lohia hahinedia dia gadoi danu idia ida e hebouva.
ACT 17:5 Una dainai Iuda taudia oredia vada e vaḡ=ege, bena hoihoi gabuna ai e noho kavava taudia dikadia haida e abidia, bona hanua taudia hutuma e haboudia, heloḡo-heloḡo badana e havaraia. Bena Iason ena ruma e darea, Paulo bona Sila e tahudia, hanua taudia vairadiai bae veridia lasi eto.
ACT 17:6 A asie davaridia; bena idia ese Iason, varavara haida ida, e dabuidia dobi, hahemaoro taudia vairadiai e veridia lao, e lolo, eto, Tanobada idoinai vada e uhea hebubumu taudia iniseni ai danu vada eme gini dae,
ACT 17:7 bona Iason ese vada e abidia dae ena ruma ai. Idia ese Kaisara ena taravatu e tata utumu, pavapava ta ma e gwauraiamu, ladana Iesu.
ACT 17:8 Aru taudia bona hahemaoro taudia ese una hereva e kamonai negana ai na kudoudia e hetaha.
ACT 17:9 Idia ese Iason mai bamona ida tarava e atu henidia, bena e ruhadia nege.
ACT 17:10 Varavara ese Paulo bona Sila na hanuaboi ai e siaidia haraḡa-haraḡa ela Berea. Raruosi e kau, bena Iuda taudia edia dubu ai ma e dae kau.
ACT 17:11 Ini na taiḡa-namo taudia, dia Tesalonika taudia heḡereḡeredia; badina be idia cse hereva e hakala henia mai lalo-haragadia ida, bona dina iboudiai Buka Helaḡa lalodiai e hetahu, ini ḡau na momokani eiava lasi.
ACT 17:12 Taunabunai, hutuma ese edia hereva e abi dae, bona Helene lohiadia danu, tatau bona hahine, dia gadoi.
ACT 17:13 A Iuda taudia Tesalonika ai harina e kamonai Paulo ese Dirava ena hereva na Berea ai e harorolaiava, bena unu ela, hanua taudia lalodia e haraivadia bona e hagaridia.
ACT 17:14 Bena varavara ese Paulo e siaia lasi haraḡa kone ai; a Sila bona Timoteo be unuseni ai e noho.
ACT 17:15 A Paulo inarina taudia ese e hakaua lao, Atena ai e rakatania, bona ena hahedua e loulaia, Sila bona Timoteo edia, raruosi na ia dekena baela haraḡa eto.
ACT 17:16 Paulo ese Atena ai raruosi e naridiava negana ai lalona e hekwarahiva, badina be una hanua na e itaia, kaivakuku ai e honuhonu dae.
ACT 17:17 Taunabunai ia na dubu ai Iuda taudia bona Dirava e toma henia diho taudia ida e herevaherevava, bona hoihoi gabuna ai danu, daba daba idoidiai unuseni ai e davaridia taudia ida.
ACT 17:18 Bona Epikuro ena orea bona Stoa oreana taudia haida Paulo ida e hepapahuahuva. Haida eto, Ina hereva kava tauna be dahaka e gwauraiamu? Haida ma eto, Ia na dirava idaudia e gwauraidiamu dahaka. Idia na unu e gwau toma badina be ia ese Iesu bona ena tore-isi-lou sivaraina namona e harorolaiava.
ACT 17:19 Bena idia ese Areo Ororona e hakaua lao; bena eto, Emu hahediba matamatana na anina mani boma hadibalaimai,
ACT 17:20 badina be emu hereva mamidia na idau a tomamu, taunabunai a uramu anidia korikori baia diba.
ACT 17:21 Badina be Atena taudia iboudiai bona idau hanua taudia unuseni ai e nohova danu edia kara tamona be dina iboudiai hereva matamatadia e gwauraiva bona e kamonaiva.
ACT 17:22 Bena Paulo na Areo Ororona bogaraginai e gini, e haroro, eto, Atena taumui e, name itamui umui ese emui dirava o matauraidia hereamu.
ACT 17:23 Badina be na raka hanaiva ai, o toma heni dihomu ḡaudia na itava negana ai boubou patana ta na davaria, latanai revareva ini e torea toma: ASI DIBADA DIRAVANA ENA. Taunabunai, asi dibamui Diravana o toma henia dihomu na lau ese aina hadibalaimui.
ACT 17:24 Tanobada bona lalonai e miamu ḡaudia idoidiai ikaradia Diravana ese guba bona tanobada na e lohiadiamu; ia na taunimanima imadia ai e karava dubudia lalodiai se nohomu.
ACT 17:25 Taunimanima imadia ese danu ia isiaina asie lao henimu, ḡau ta bema dabu na heto; badina be ia ese mauri bona laḡa bona ḡau idoidiai danu taunimanima iboudiai e henidiamu.
ACT 17:26 Rara tamona ai ia ese taunimanima besedia iboudiai vada e karadia, tanobada kopina idoinai bae noho henia, edia nega bona edia tano hetoadia vada e gwaurai,
ACT 17:27 Dirava bae tahua totona; bena bae darahua bonal bae davaria readia. Ḡau tamona, ia bona ita ta ta padada na dia daudau;
ACT 17:28 badina be ia lalonai ta maurimul, bona ta marere-mareremu, bona ta nohomu, emui ane isisibadia taudia haida ese vada e gwauraia heḡereḡerena, eto, Badina be ita danu ia natuna.
ACT 17:29 Benaini, ita na ia natuna; taunabunai dia maoro laloda ai baitato Dirava na gold eiava silver eiava nadi, kwara-herea bona aonega taudia ese e korova ḡaudia, na heto.
ACT 17:30 Dirava ese unu mata-lahui negadia na se lalo taomu; a harihari ia ese taunimanima iboudiai gabu idoidiai e haduadiamu, bae helalo kerehai.
ACT 17:31 Badina be ia ese dina ta vada e gwauraia hidi, una dina ai ena abi-hidi tauna ese tanobada idoinai baine hahemaoro henia mai maoromaorona ida; bona ihamomokanina toana taunimanima iboudiai vada e henidia, toana binai, mase amo e hatorea isi.
ACT 17:32 Mase ihatore-isi-louna herevana e kamonai negana ai haida ese e kirikirilaia. Ma haida eto, Ina hereva na emu ai ma baia kamonai lou.
ACT 17:33 Bena Paulo ese e rakatanidia.
ACT 17:34 A haida na ienai e taova, bona ena hereva e abi dae: ta be Dionusio, Areo Ororona tauna ta; bona hahine ta ladana be Damari; bena ma haida danu idia ida.
ACT 18:1 Unu ḡau muridiai, ia ese Atena e rakatania, Korinto ela.
ACT 18:2 Unuseni ai ia ese Iuda tauna ta e davaria, Ponto besena tauna, ladana na Akula; ia na vanegai mo adavana Priskila ida Italia amo ema, Klaudio ena hahedua, eto Iuda taudia iboudiai Roma bae rakatania, una dainai. Bena Paulo na idia raruosi dekedia ela;
ACT 18:3 bena, ia bona idia edia moni idavarina ḡaukarana be tamona dainai, ia na idia ida e nohova bona e ḡaukara hebouva. Edia ḡaukara na dabua rumadia ituridia.
ACT 18:4 A Dina Helaḡa iboudiai ia na dubu ai e harorova, bona Iuda taudia bona Helene taudia lalodia e ani tohova.
ACT 18:5 Sila bona Timoteo na Makedonia amo e kau. Una negaula ai Paulo e haroro goadagoadava, Iuda taudia e hadibadia ḡoevaḡoeva, Iesu na Keriso.
ACT 18:6 A idia ese e gwaua tubu mai ere dikadia ida, bena ia ese ena dabua e odaraia, eto, Raramui na sibomui kwaramui ai baine mia; dia lauegu kerere; harihari ela, lau na idau bese taudia dekedia bainala.
ACT 18:7 Bena ia ese una gabu e rakatania, ela, tau ta ladana Titio lusto ena ruma ai e nohova una tau ese Dirava e toma henia dihova; iena ruma danu dubu ida e gini hetabira.
ACT 18:8 Krispo, dubu biaguna, ese danu Lohiabada e abiabiraia, ena ruma taudia iboudiai ida. Korinto taudia hutuma danu Paulo ena haroro e kamonaia, e abia dae, bona bapatiso e abia.
ACT 18:9 Bena Lohiabada ese hanuaboi ai Paulo na nihi ai e hereva henia, eto, Asio gari, ba hereva, udumu basio daia kapu;
ACT 18:10 badina be lau na oi dekemu ai na nohomu; tau ta ese basine guru henimu, basine hadikamu, badina be lauegu taunimanima na hutuma ina hanua lalonai.
ACT 18:11 Taunabunai Paulo na laḡani ta hua tauratoi unuseni ai e noho, Dirava ena hereva e hadibalaidiava.
ACT 18:12 Galio be Akaia tanona e lohiaia matama negana ai, Iuda taudia ese Paulo e daḡedaḡe henia mai lalodia tamona, bena hahemaoro gabuna e hakaua lao;
ACT 18:13 eto, Ina tau ese taunimanima lalodia e animu, taravaiu e tataia utumu dalalla amo Dirava bae toma henia diho e tomu.
ACT 18:14 Paulo baine hereva eto; to Galio ese Iuda taudia e hamarodia, eto, Iuda taumui e, kara dika ta eiava kerere badana ta ai boma habadelaia, bama kamonai henimui bema namo.
ACT 18:15 To ene hereva bona lada bona emui taravatu henana-laidia na sibomui ba tahu; lau ese ene ḡau basina hahemaorolai.
ACT 18:16 Bena ia ese hahemaoro gabuna amo e luludia lasi.
ACT 18:17 Bena idia iboudiai ese dubu biaguna, Sostene, e dabaia tao, hahemaoro gabuna vairanai e dadabaia. A Galio na una kara se haerolaia.
ACT 18:18 Paulo na dina hoho dounu e nohova, bena ia ese varavara loḡora e hatonidia, lagatoi ai e gui, Suria bainela. Priskila bona Akula ese e bamoa. Kenkrea ai huina vada e utua, badina be mai ena gwauhamata.
ACT 18:19 Tatoiosi Efeso ai e heau kau; unuseni ai ia ese raruosi e rakatanidia. Ia sibona dubu ai e dae kau, Iuda taudia ida e hereva-hereva.
ACT 18:20 Bena idia ese e noia, baine noho taritari; to ia ese edia noinoi se abia dae.
ACT 18:21 E hatonidia, eto, Dirava baine ura, ma baina lou mai dekemui ai. Bena Efeso e heautania.
ACT 18:22 Kaisarea ai e diho, bena Ierusalem ai eha dara dae, ekalesia oreana e hahenamo henia. Bena Antioka ela.
ACT 18:23 Nega taina unuseni ai e noho, bena ma eha laolao, Galatia bona Frugia tanodia ela, ekalesia oreadia e igodia ita, Iesu ibadinana taudia iboudiai e hagoadadia.
ACT 18:24 Una negana ai Iuda tauna ta, ladana Apolo, na Efeso ela. Ia na Alesandria tauna, mai aonegana, Buka Helaḡa dibana herea tauna.
ACT 18:25 Ina tau na ta ese Lohiabada ena dala vada e hadibalaia; bena ia ese Iesu sivaraina e gwauraia mai siahuna ida, bona e hahedibalaia ḡoevaḡoeva. Ḡau tamona, bapatiso na Ioale ena bapatiso mo dibana.
ACT 18:26 Ia na dubu lalonai e haroro matama mai haheaukana ida. Unuseni ai Priskila bona Akula ese hereva e kamonai, bena edia ruma e hakaua lao; bena raruosi ese Dirava ena dala e hadibalaia maoromaoro.
ACT 18:27 Ena ura be baine heau hanai, Akaia bainela; taunabunai varavara ese Iesu ibadinana taudia unuseni ai e tore henidia, e noidia bae abia dae. Ia na unuseni ai e kau, bena Dirava ena harihari-bada dainai vada e kamonai taudia na ia ese e durudia badava.
ACT 18:28 Badina be ia ese taunimanima vairadiai Iuda tauddia e gwaudia tubu vaitani, Buka Helaḡa amo vada e hahedinaraia, Iesu na Keriso.
ACT 19:1 Apolo na Korinto ai e nohova negana ai, Paulo gunika kahana amo e lasi, Efeso ai e kau; Iesu ibadinana taudia haida unuseni ai ma e davaridia.
ACT 19:2 Bena ia ese e nanadaidia, eto, Iesu o abiabiraia negana ai Lauma Helaḡa danu o abia a? Idia e haere, eto, Lasi, Lauma Helaḡa herevana na do asia kamonai.
ACT 19:3 Ma e nanadaidia lou, eto, Dahaka bapatisona o abia? Idia eto, Ioane ena bapatiso.
ACT 19:4 Paulo eto, Ioane ese helalo-kerehai bapatisona mo taunimanima e henidia; bona e hamaorodia danu ia murina amo bainema tauna na bae abiabiraia, Iesu bunai.
ACT 19:5 Una hereva e kamonai, bena Lohiabada Iesu ladana ai bapatiso ma e abia.
ACT 19:6 Bena Paulo ese imana na idia latadiai e ato kau negana ai, Lauma Helaḡa na idia latadiai vada e diho. Bena idia na gado idau-idau ai e hereva, bona e peroveta danu.
ACT 19:7 Taudia iboudiai gwauta-rarua sisivana.
ACT 19:8 Paulo na dubu ai e dae kau loulouva, hua toi davana e haroro loulouva mai haheaukana ida, Dirava ena basileia herevadia e hahedibalaiva, taunimanima lalodia e aniva.
ACT 19:9 A haida ese lalodia e ha-aukadia, e gwau edeede, bona dala matamatana e ḡonaḡonalaia hutuma vairadiai. Taunabunai Paulo ese e rakatanidia, Iesu ibadinana taudia danu e hakaudia oho; bena dina iboudiai Turano ena hahediba rumana ai e hahedibava.
ACT 19:10 Laḡani rua unu e kara tomava; taunabunai Asia tanona ai e nohova taudia, Iuda taudia bona Helene taudia, iboudiai ese Lohiabada ena hereva e kamonaiva.
ACT 19:11 Siahu karadia hereadia danu Dirava ese Paulo imana amo e karava;
ACT 19:12 taunabunai muko bona rami Paulo tauna ena amo e laohai, gorere taudia dekediai, bena edia gorere vada e doko bona lauma dikadia ese e rakatanidia.
ACT 19:13 A Iuda taudia haida, vaia lauma dikadia ilulu-ohodia karadia e loalaiva taudia, ese Iesu ladana e hatoa matama, lauma dikadia ese e bolodia taudia latadiai, eto, Paulo ese e harorolaia tauna Iesu ladana ai a haḡanimuimu.
ACT 19:14 Skeva, Iuda tauna bona hahelaḡa tauna ta, natuna mamaruanedia hahituosi unu e kara tomava.
ACT 19:15 Bena lauma dikana ese e haere henidia, eto, Iesu na mai dibagu, Paulo danu dibagu, a umui be daidia?
ACT 19:16 Bena hari lauma dikana ese e boloa tauna na idia latadiai e roho kau, e hadareredia bona e dadabadia, ela bona idia na una ruma amo e heau lasi, asi dabuadia bona mai berodia ida.
ACT 19:17 Iuda taudia bona Helene taudia Efeso ai e nohova ese harina e kamonai, bena gari ese iboudiai e butudia tao. Iboudiai ese danu Lohiabada Iesu ladana e imodaia.
ACT 19:18 Bona kamonai taudia hutuma danu ema, edia kara e gwaurai hedinarai;
ACT 19:19 bona babalau taudia dia gagadoi edia buka e habou, taunimanima iboudiai vairadiai e gabu. Buka davadia e hagau, davadia silver monidia gerebu ima.
ACT 19:20 Taunabunai, Lohiabada ena hereva vada e vara rohorohova bona e kwalimuva.
ACT 19:21 Una murinai Paulo lalona e hadaia, Makedonia bona Akaia tanodia amo baine raka hanai, bena Ierusalem bainela. Eto, Unu bainala guna, gabeamo Roma baina ha itaia.
ACT 19:22 Bena ia ese iduruna taudia rarua, Timoteo bona Erasto, Makedonia e siaidia lao; a ia sibona Asia kahana ai e nohova.
ACT 19:23 Una neg ma ai heloḡo-heloḡo dia maraḡi e vara, Iesu ena dala dainai.
ACT 19:24 Badina binai: tau ta ladana be Demetrio, silver igaukaralaina tau, dirava hahinena ladana Diana ena silver dubudubudia e karava; unu amo ena ḡaukara oreana taudia ese moni diaḡau e abiva.
ACT 19:25 Ia ese idia bona ḡaukara heḡereḡeredia e karava taudia e haboudia, eto, Tatau e, dibamui ina ḡaukara amo eda moni ta abimu;
ACT 19:26 bona o itaiamu bona o kamonaimu danu, ina tau Paulo ese taunimanima hutuma bada lalodia e animu, bona e hakaudia sirimu, dia Efeso ai mo, a Asia tanona idoinai; danu, e tomamu taunimanima imadia ese e kara diravadia na dia dirava korikori.
ACT 19:27 Ina na ita e hadikadamu. Eda moni idavarina ḡaukarana taunimanima ese bae dadaraia. Bona dia una mo: dirava hahinena, Diana, ena dubu danu bae dadaraia; oibe, Asia idoinai bona tanobada taudia ibouboudiai e toma henia dihomu diravana dagina herea-daena baine heabi oho.
ACT 19:28 Idia ese una hereva e kamonai negana ai e badu dikadika, e lolo loulou, eto, Efeso diravana, Diana, na herea mikamika.
ACT 19:29 Hanua idoinai heloḡo-heloḡo vada e bada. Bena idia iboudiai e heau ela herarai rumana, mai lalodia tamona; Makedonia taudia rarua danu, Gaio bona Aristako, Paulo ena laolao ai e bamoava taudia, vada e dabaidia tao, e dabuidia lao.
ACT 19:30 Bena Paulo ena ura be baine raka vareai hanua taudia dekediai, to Iesu ibadinana taudia ese e rua.
ACT 19:31 Asia lohiadia haida be Paulo turana; idia ese danu gwaukau e siaia, e noia, herarai rumana ai basine raka vareai eto.
ACT 19:32 Haida ese hereva ta e lololaiava, ma haida hereva ta; bena hebou na e heloḡo ahuahuva dainai hutuma na hebou badina asi dibadia.
ACT 19:33 Bena haida na lalodia eto hebou badina be Alesana, badina be Iuda taudia ese taunimanima vairadiai e doria laova. Taunabunai, Alesana ese imana ai e taodia ahu, taunimanima baine haere henidia eto.
ACT 19:34 To idia ese e itaia, ia na Iuda tauna, bena iboudiai hereva tamona e lololaia loulouva ela bona hora rua sisivana; eto, Efeso diravana, Diana, na herea mikamika.
ACT 19:35 Bena hanua ena toretore tauna ese hutuma e hatuidia, eto, Efeso taumui e, daika tanobada ai asi dibana Efeso na Diana badana ena dubu igimana, bona Deo ena amo e moru ḡauna danu igimana.
ACT 19:36 Ini hereva be asi igwau-tubudia, taunabunai ba noho namonamo, basio kara havarahavara, una be namo.
ACT 19:37 Badina be ini o hakaudia mai taudia na dia dubu ai asie dadidadi; eda dirava hahinena danu asie hadikaia.
ACT 19:38 Taunabunai, Demetrio mai ena ḡaukara taudia ida lalodia baeto tau ta ese vada e hadikadia, hahemaoro rumadia vada eme hekeho, gavana danu noho: benaini, bae hahebade heheni.
ACT 19:39 A bema idau hereva ta mia, hebou korikori ai bae herevalaia.
ACT 19:40 A hari dina ena heloḡo-heloḡo dainai bae habadelaida be baita kerere; badina be ina heloḡo-heloḡo na asi anina, bona ina hebou badina na basita gwauraia diba.
ACT 19:41 Ia e hereva vaitani, bena e haḡanidia bae karoho.
ACT 20:1 Helogo-helogo e doko murinai, Paulo ese Iesu ibadinana taudia e haboudia, e hahealo henidia, e hatonidia; bena e rakatanidia, Makedonia ela.
ACT 20:2 Unu gabu e rakadia hanai, hereva hoho ai e hahealo henidia; bena Akaia ela,
ACT 20:3 hua toi unuseni ai e nohova. Lagatoi ai baine ḡui Suria bainela eto, to Iuda taudia ese ihadikana karana e henegalaia dainai ia ese lalona e hadaia Makedonia amo baine lou.
ACT 20:4 E bamoa ela bona Asia taudia bini: Sopatera Puro, tau Berea; Aristako bona Sekundo, Tesalonika taudia; Gaio, tau Derebe; Tukiko bona Trofimo, Asia taudia.
ACT 20:5 Idia ese e gunalaimai, Troa ai e narimai.
ACT 20:6 A ai na Flaoa-asie-hatubua Ariana dinadia e ore murinai Filipi a heautania, daba ima Troa ai a heau kau, idia dekediai a kau. Dina hitu unuseni ai a nohova.
ACT 20:7 Pura dinana gini-gunana anibou ianina a hebou negana ai, Paulo ese e haroro henidia, badina be daba ai baine heau eto. Ena haroro e hadaudaua ela bona malokihi.
ACT 20:8 Atai daiutuna ai a hebou; una daiutu ai lamepa na momo.
ACT 20:9 Eregabe tauna ta, ladana Eutuko, gaba-matuna ai e helaiva; bena mahuta ese e hametaua matama, Paulo ese ena haroro e hadaudaua dainai. E mahuta hedavauhe, bena ruma atai kahana amo e moru dobi; e abia isi negana ai ia na vada e mase.
ACT 20:10 A Paulo na e diho, latanai e goru, e rosia; eto, Asio heloḡo-heloḡo, ia na doini e maurimu.
ACT 20:11 Ma e dae kau, flaoa alagana e bakia, e aniani; bena idia ida e hereva-hereva ela bona daba e rere. Bena e raka oho.
ACT 20:12 A hebou taudia ese eregabe tauna e hakaua Iao mai maurina ida; edia lalo-namo na dia maraḡi.
ACT 20:13 Ai na vada a ḡui guna, lara a kidaia, Aso ai baia heau kau, unuseni ai Paulo baine ḡui kau eto; badina be ia na unu e hahedua toma. A ia na tano amo bainela eto.
ACT 20:14 Taunabunai ai na ia ida Aso ai a hedavari, e ḡui kau, bena Mitulene ai a heau kau.
ACT 20:15 Unu amo ma a heau lao, bena kerukeru Kioso daenai a hetu, vanegai Samo ai a heau kau, vainanegai Mileto ai a heau kau.
ACT 20:16 Badina be Paulo lalona eto Efeso baine heaua hanai be namo, nega daudau Asia ai baine halahe na garina. Badina be ia na e ḡava, bema mai dalana Pentekoste dinana ai Ierusalem ai baine noho eto.
ACT 20:17 Bena Mileto amo ia ese gwaukau Efeso e siaia lao, ekalesia oreana ita-taona taudia ia dekena baela.
ACT 20:18 Bena idia na dekenai e kau negana ai, ia ese e hereva henidia, eto, Asia tanona ai aegu na hadaia guna dinana ema harihari, ede na noho tomava umui bogaragimui ai vada dibamui.
ACT 20:19 Lohiabada isiaina na lao heniava mai manaugu ida; iruru-matagu e dihova bona hisihisi ese e butugu taova, Iuda taudia edia henega dikadia daidiai.
ACT 20:20 Ihanamolaimui herevadia iboudiai na hamaorolai henimuiva, ta asina hunia; bona na hadibamuiva taunimanima vairadiai bona emui ruma ai danu.
ACT 20:21 Iuda taudia bona Helene taudia danu na haroro henidiava, Dirava enai bae helalo kerehai, bona eda Lohiabada Iesu Keriso bae abidadama henia.
ACT 20:22 Harihari Ierusalem bainala, Lauma ese vada e ḡuigu dainai, a dahaka ese unuseni ai baine butugu tao na asi dibagu;
ACT 20:23 ḡau tamona, hanua hanua lalodiai Lauma Helaḡa ese vada e hamaorogu, iḡui bona hisihisi momo vairagu ai eme hure.
ACT 20:24 A egu mauli na herevana, asina lalokau heniamu: egu heau baina ha-orea, hesiai ilaohenina Lohiabada Iesu ese vada e henigu, Dirava ena harihari-bada sivaraina namona baina gwauraia hedinarai, vada baina haḡuḡurua.
ACT 20:25 Harihari lau na dibagu, emui ai na loaloa bona Basileia na harorolai henimui taumui iboumui ai ese vairagu basio itaia lou.
ACT 20:26 Badina binai na hamaoromuimu, lau na taunimanima iboudiai raradia amo name ḡoeva.
ACT 20:27 Badina be Dirava ena ura idoinai vada na hamaorolaimui; sina taina asina moia tao.
ACT 20:28 Sibomui nahuamui ba toho, mamoe serina nahuana danu; serina bunai Lauma Helaḡa ese ita-taona taumui ai vada e halaomui, Dirava ena ekalesia ia rarana e davalaia ḡauna, ba ubua helaoreana.
ACT 20:29 Dibagu lau baina raka oho murinai uda sisiadia karakaradia be. bogaragimui ai do bae raka vareai, seri na bae hadikaia;
ACT 20:30 bona umui sibomui emui amo tatau haida do bae gini tore, hereva gageva-gagevadia bae gwaurai, kamonai taudia bae hakaudia kerere.
ACT 20:31 Taunabunai, ba gima, ina danu ha laloa tao laḡani toi vaitani umui ta ta isisiba-henimui asina hadokoa; na sisiba henimui boiva na sisiba henimui raniva mai irurumatagu ida.
ACT 20:32 Harihari Dirava imana ai bona ena harihari-bada herevana ai na atomui taomu; ia na mai goadana baine haginunui maoro, bona ahumui baine heni ena helaḡa taudia iboudiai bogaragidiai.
ACT 20:33 Tau ta ena silver eiava ena gold eiava ena dabua asina hekisehekise heniava.
ACT 20:34 Umui dibamui, egu dabu ḡaudia, bona bamogu edia, na ini imagu ruaosi ḡaukaradia amo na abiva.
ACT 20:35 Ḡau iboudiai lalodiai dala namona na hahedinarai henimui; ba gaukara, lau bamogu, manoka-manoka taudia ba kahadia; bona Lohiabada Iesu ena hereva ba laloa tao, eto “Ḡau ihenina be namo bada, ḡau iabina be namo maraḡi”.
ACT 20:36 Unu e gwau toma, bena tuina e hadai, idia iboudiai ida e ḡuriḡuri.
ACT 20:37 Idia iboudiai na e tai dikadika, aiona ai e hagagiu dae, e harahua.
ACT 20:38 Lalodia e hisihisi bada ena hereva dainai, ia vairana basie itaia lou eto. Bena dala ai e bamoa ela lagatoi.
ACT 21:1 Taunabunai, ai ese a hatonidia mai lalo-metaumai ida, bena lara a kidaia, a heau maoromaoro, Koso ai a heau kau; kerukeru Rodo ai a heau kau; unu amo a heau ala Patara.
ACT 21:2 Unuseni ai Foenikia bainela lagatoina ta a davaria, bena a ḡui kau, a heau.
ACT 21:3 Kupro a itaia, bena laurina kahana ai a heautania, Suria ai a heau kau, Turo ai a diho; badina be lagatoi kohuna unuseni ai bae vaia eto.
ACT 21:4 Iesu ibadinana taudia a davaridia, bena unuseni ai boi hitu a nohova; Lauma ena amo idia ese Paulo e hamaoroa loulou, Ierusalem basinela.
ACT 21:5 Unu dinadia e ore, bena emai laolao ala; idia iboudiai mai adavadia mai natudia ida dala ai e bamomai ela bona hanua a rakatania. Kone ai a hetuitui, a ḡuriḡuri,
ACT 21:6 bena a hatonidia, lagatoi ai a ḡui kau. Idia ese edia ruma e lou heni.
ACT 21:7 Turo amo a heau, Tolemaia ai a heau kau: emai heau dokona bunai. Unuseni ai varavara a hahenamo henidia, dina tamona idia ida a noho.
ACT 21:8 Daba ai, Tolemaia a rakatania, Kaisarea ala, Filipo, sivarai namo iharorolaina tauna, ena ruma ai a dae kau; ia na hahituosi taudia ta. Bena ia ida a nohova.
ACT 21:9 Ia na mai natuna ulatodia hahani; hahaniosi ese e perovetava.
ACT 21:10 Dina hoho unuseni ai nohomai ai, peroveta tauna ta, ladana Agabo, Iudea amo e diho ema,
ACT 21:11 dekemai ai e gini dae. Bena ia ese Paulo ena dabua e abia, sibona aena bona imana e ḡuilai, eto, Lauma Helaḡa be ini e gwau tomamu: ina dabua biaguna na Iuda taudia ese Ierusalem ai ini bae ḡuia toma, bena idau bese taudia bae henidia.
ACT 21:12 Una hereva a kamonai negana ai na ai bona una gabu taudia danu a noia loulou, Ierusalem basine ha dara dae.
ACT 21:13 Bena Paulo e haere, eto, Ini o tai tomamu bona lalogu ini o hamanokaia tomamu anina be dahaka? Lau be vada name heḡaeḡae, bae ḡuigu; oibe, dia una mo, baina mase danu Ierusalem ai, Lohiabada Iesu ladana bagunai.
ACT 21:14 Bena lalona ianina ai asia heḡereḡere dainai emai noinoi a hadokoa, ato, Lohiabada ena ura mo baine karaia.
ACT 21:15 Unu dina muridiai, emai laolao ḡaudia a abi heḡaeḡae, bena Ierusalem ai a ha dara dae.
ACT 21:16 Iesu ibadinana taudia haida Kaisarea amo e bamomai; Nason, tau Kupro, danu a hakaua lao; ia na Iesu ibadinana tauna gunana ta, ena ruma ai baine abimai dae eto.
ACT 21:17 Ierusalem ai a kau negana ai na varavara ese e abimai dae mai moaledia ida.
ACT 21:18 Kerukeru, Paulo na ai ida ala, Iakobo dekenai a raka vareai; ekalesia oreana ita-taona taudia iboudiai danu e hebou.
ACT 21:19 Paulo ese e hahenamo henidia, bena Dirava ese bese idau-idau taudia bogaragidiai iena hesiai amo e karava kal-adia iboudiai sivaraidia e gwaurai.
ACT 21:20 Idia na e kamonai, bena Dirava e heatolaia. Bena idia ese ia e hereva henia, eto, Varavalamai e, oi dibamu Iuda taudia daha daha ese Iesu vada e badinaiamu; iboudiai danu taravatu e badinaia tarika-tarikamu.
ACT 21:21 Idia na vada e kamonai, oi ese Iuda taudia bese idau-idau bogaragidiai e nohomu na o hadibadiamu, Mose bae rakatania, bona natudia basie peritomedia, bona sene karadia basie kara.
ACT 21:22 Taunabenai, ede ba kara toma? Momokani, idia na bae kamonai oi vada oma.
ACT 21:23 Una dainai, ina kara aia hamaorolaimu na ba karaia. Tatau hahani bini hehelaḡa, edia gwauhamata dainai.
ACT 21:24 Oi ese ba bamodia, idia ida ba hallego(:va, bae laohai kohudia danu ba davanalai, bena huidia bae utu. Unu am-taunimanima iboudiai bae diba oi harimu e kamonaiva na asi anina; bae diba danu o kara maoromaoromu, bona taravatu o badinaiamu.
ACT 21:25 A bese idau-idau taudia na emai lalo-hadai vada a tore henidia, ato, Kaivakuku ihahoulaidia ḡaudia bona rara bona aiodia e gigi ḡaudia hidiodia na basie ani, bona basieheuda-hanai.
ACT 21:26 Taunabunai, Paulo ese hari tatau e bamodia; kerukeru, idia ida e hahegoeva, bona Dubu Helaḡa lalonai e raka vareai, haheḡoeva dinadia bae ore bona boubou ḡaudia idia ta ta daidiai baine ato dinana e gwauraia hedinarai.
ACT 21:27 Haheḡoeva dinadia hituosi kahira-kahira e ore ai na Iuda taudia haida Asia amo ese Paulo e itaia, Dubu Helaḡa lalonai, bena idia ese aru taudia lalodia e ani. Bena e dabaia tao,
ACT 21:28 e lolo, eto, Israel taumui e, a kahamai. Ina tau ese taunimanima iboudiai gabu idoidiai e hadibadiamu, ita beseda bona taravatu bona ina gabu bae inai henidia; ina danu, ia ese Helene taudia na Dubu Helaḡa lalonai vada e hakaudia vareai, ina gabu helaḡana vada e hadikaia.
ACT 21:29 Badina be idia ese Trofimo, tau Efeso, hanua lalonai Paulo ida e itadia guna, bena banava eto Paulo ese Dubu Helaḡa lalonai vada e hakaua vareai.
ACT 21:30 Hanua idoinai e haraivaia; bena hanua taudia e aru ela, Paulo e dabaia tao, Dubu Helaḡa amo e veria lasi, bena iduara iboudiai e kou.
ACT 21:31 Idia ese bae alaia mase eto. To Ierusalem idoinai e heloḡo-heloḡova harina na tuari biaguna badana e kamonai;
ACT 21:32 bena ia ese tuari taudia mai biagudia ida e hakaudia haraḡa-haraḡa, dekedia e heau diho. Aru taudia ese tuari biaguna badana mai ena orea taudia ida e itadia, bena Paulo idadabana e hadokoa.
ACT 21:33 Bena tuari biaguna badana e raka kahira, e abia, ena orea taudia e haduadia gadea rua amo bae ḡuia. Bena e henanadai, ia be daika bona ena kara be dahaka.
ACT 21:34 A hutuma bogaragidia amo haida hereva ta ma haida hereva ta e lololai; bena heloḡo-heloḡo dainai ia na hereva maorona idavarina asi dibana. Taunabunai e hahedua, Paulo na tuari kohorona lalonai bae hakaua vareai.
ACT 21:35 Vadavada ai e kau ai, tuari taudia ese e huaia dae, badina be aru taudia na mai edia daḡedaḡe.
ACT 21:36 Badina be hanua taudia ibouboudiai ese e ḡavaia, e lolo, eto, Aine mase.
ACT 21:37 Kohoro lalonai bae hakaua vareai eto; bena Paulo ese tuan biaguna badana e noia, eto, Mani bama hereva henimu. Tuari biaguna badana eto, Helene gadodia mai dibamu a?
ACT 21:38 Oi na dia hari Aigupto tauna, gunaguna ala-ala e havaraia bona ala-ala taudia daha hani tano ḡaḡaena e hakaudia lao, a?
ACT 21:39 Paulo eto, Lau na Iuda taugu; egu hanua na Taso, Kilikia tanona ai, harina dia maraḡi hanuana. Na noimumu, mani emu kara, taunimanima aina hereva henidia.
ACT 21:40 E gwau maoro; bena Paulo na vadavada ai e gini, imana ai taunimanima e taodia ahu. Idia na asi reḡereḡedia; bena ia ese Heberu gadodia ai e hereva henidia, eto,
ACT 22:1 Tadikakagu bona tamagu logora e, sivaraigu aina hamaorolaimui mani a kamonai.
ACT 22:2 Idia ese e kamonai ia na Heberu gadodia ai e hereva henidia, bena asi reḡereḡedia e hakala henia.
ACT 22:3 Bena ia ma eto, Lau na Iuda taugu, Kilikia tanona ai na vara, Taso hanuana ai; to ina hanua lalonai na bada oho bada oho. Gamaliel ese e hadibaguva negana ai, ia ese seneda edia taravatu kaladia metaudia e hadibalaiguva. Bena Dirava ena ḡaukara na goadalaiava, harihari umui ese o goadalaiamu heḡereḡerena.
ACT 22:4 Ina dala matamatana danu na daḡedaḡe heniava, tatau bona hahine na ḡuidiava, dibura rumadia ai na koudiava, bae mase na tomava.
ACT 22:5 Una na hahelaḡa tauna badana bona hanua tau-badadia bae hamomokania diba. Idia ese revareva e henigu, varavarada Damasko ai edia; bena nala, unuseni ai e nohova taudia ma baina ḡuidia, Ierusalem baina hakaudia mai, matadia ihakanidia totona.
ACT 22:6 To na laova ai, Damasko e kahira-kahira, dina tubua sisivana diari badana ta guba amo e tara dagu, e ḡeḡegu ahu.
ACT 22:7 Tano ai na hekida diho, bena gado ta na kamonai, eto “Saulo e, Saulo e, dahaka dainai o daḡedaḡe henigumu?”
ACT 22:8 Bena na haere, nato “Lohiabada e, oi na daika?” Ia e helada hato, eto “Lau na Iesu, tau Nasaret, o daḡedaḡe henigumu”.
ACT 22:9 Bamogu danu diari e itaia, to e hereva henigu gadona na asie kamonai.
ACT 22:10 Bena na henanadai, nato “Lohiabada e, ede baina kara toma?”, Lohiabada e haere, eto “A tore isi, Damasko ai ba raka vareai, unuseni ai ta ese baine hamaoromu ede ba kara toma”.
ACT 22:11 Una diari badana ese matagu e paia, ḡau ta asina itaia; bena bamogu ese imagu ai e abi, e hakaugu lao bona Damasko ai.
ACT 22:12 Unuseni ai tau ta na dekegu ema, ladana na Anania; ia be Dirava garina e gariva bona taravatu e badinaiava tauna; Iuda taudia danu iboudiai unuseni ai e nohova ese ia e imodaiava.
ACT 22:13 Ia na badibadigu ai e gini, eto “Tadigu Saulo e, matamu bae papa”. Una negana ai matagu vada e papa, na itaia.
ACT 22:14 Bena ia eto “Seneda edia Dirava ese vada e abimu hidi, ena ura vada ba diba, Kara Maoromaoro Tauna do ba itaia bona uduna herevadia danu ba kamonai.
ACT 22:15 Badina be iena amo vada o ita bona o kamonai ḡaudia na do ba gwaurai hedinarai, iena taunimanima iboudiai vairadiai.
ACT 22:16 Dahaka o halahemu? A tore isi; bapatiso avabia, emu dika ihuri-ohodia; bona ia ladana ba hahanea”.
ACT 22:17 Bena Ierusalem na lou henia, Dubu Helaḡa lalonai na ḡuriḡuriva ai na mata hanai,
ACT 22:18 Iesu na itaia. E hereva henigu, eto “A kara haraḡa, Ierusalem a rakatania haraḡa-haraḡa; badina be sivaraigu na bo gwauraimu basie abi daemu”.
ACT 22:19 Lau na haere, nato “Lohiabada e, idia dibadia, lau ese oi ibadinamu taudia na dubu iboudiai amo na abidia, dibura rumadia ai na koudia, na dadabadia danu.
ACT 22:20 Igwauraimu tauna Stefano danu rarana e hahebubua negana ai lau danu idia dekediai gini, ia iala-masena taudia edia kara na hanamoa, bona edia dabua na nari”.
ACT 22:21 A Iesu ese e hereva henigu, eto “Vada aola; bainda be gabu daudau bdina siaimu lao, bese idau-idau dekedia baola”.
ACT 22:22 Idia ese e hakala henia ela bona ia na unu e gwau toma, bena e lolo, eto, Ina tau na tanobada amo baine heabi oho; baine mauri na dia namo.
ACT 22:23 E lolova ai edia dabua danu e taho nege, bona ḡahu e taho dae taho dae.
ACT 22:24 Una dainai tuari biaguna badana ese ena orea taudia e haduadia, Paulo na kohoro lalonai bae hakaua vareai, unuseni ai bae dadabaia, bona bae nanadaia, unu e lolo henia tomava anina be dahaka.
ACT 22:25 Idia ese boromakau kopina varodia amo e mataia, bena ia ese tuari biaguna, ia badibadinai e gini tauna, e nanadaia, eto, Roma tauna na do basie hahemaoro henia a vada bae dadabaia guna na maoro a?
ACT 22:26 Tuari biaguna una hereva e kamonai, bena ela, tuari biaguna badana e hamaoroa, eto, Ede bo kara tomamu? Badina be hari tau na Roma tauna.
ACT 22:27 Bena tuari biaguna badana na Paulo dekena ela, eto, A hamaorogu, oi na Roma taumu a? Ia eto, Oibe.
ACT 22:28 Tuari biaguna badana eto, Una dagi be moni badana amo na hoia. Paulo eto, A lau be una dagi ai na vara.
ACT 22:29 Bena bae dadabaia eto taudia ese e rakatania haraḡa-haraḡa; tuari biaguna badana danu kudouna e hetaha, badina be ia dibana Roma tauna vada e ḡuia kava.
ACT 22:30 Kerukeru, tuari biaguna badana e urava Iuda taudia ese Paulo e habadelaia badina baine diba. Una dainai ia ese e ruhaia, bena hahelaḡa taudia bona kaunsil taudia iboudiai e haduadia, bae hebou eto. Bena ia ese Paulo e hakaua diho, idia vairadiai e haginia.
ACT 23:1 Bena Paulo ese kaunsil taudia e raraidia tao; bena eto, Varavaragu e, lau na mai lalo-ḡoevaḡoevagu ida vada na nohova Dirava vairanai, ema bona harihari.
ACT 23:2 Bena hahelaḡa tauna badana, Anania, ese badibadinai e gini taudia e haduadia, uduna bae huaria.
ACT 23:3 Bena Paulo ese e gwau henia, eto, Dirava ese oi do baine huarimu; oi na e hakurokuroa habana na heto. Oi na taravatu ai ba hahemaoro henigu totona o helaimu ani? Matona, taravatu o tataia utumu, o haduadiamu bae huarigu.
ACT 23:4 Badibadinai e gini taudia eto, Dirava ena hahelaḡa tauna badana o ḡonaḡonalaiamu a?
ACT 23:5 Paulo e haere, eto, Varavaragu e, asi dibagu ia na hahelaḡa tauna badana; a dibagu vada e torea, Emu bese lohiana na basio ere dika henia.
ACT 23:6 Paulo ese kaunsil taudia e itadia, haida be Sadukea taudia, ma haida be Farisea taudia; bena bogaragidiai e lolo, eto, Varavaragu e, lau na Farisea taugu, bona Farisea tauna natuna. Mase taudia edia tore-isi-lou name laroa dainai o hahemaoro henigumu a?
ACT 23:7 Ia na unu e gwau toma; bena Farisea taudia bona Sadukea taudia e hepapahuahu, edia hebou e haheparara;
ACT 23:8 badina be Sadukea taudia e tomamu tore-isi-lou na lasi, aneru lasi, lauma danu lasi, a Farisea taudia ese iboudiai e gwauraidiamu.
ACT 23:9 Bena heloḡoheloḡo vada e badava; itorena taudia haida Farisea oreana amo e gini tore, e hereva goada-goada, eto, ina tau enai kara dika ta asiame davaria; lauma ta eiava aneru ta ese vada e hereva henia dahaka.
ACT 23:10 Hepapahuahu na e habadaia; bena tuari biaguna badana e gari, idia ese Paulo bae darea na garina. Taunabunai, ia ese ena orea taudia e haduadia, bae diho, bogaragidia amo bae hakaua oho, kohoro lalonai ma bae hakaua vareai.
ACT 23:11 Hanuaboi ai Lohiabada na Paulo badibadinai e gini, eto, Ba goada balaheni, badina be Ierusalem ai vada o gwauraigu heḡereḡerena ai Roma ai danu ma ba gwauraigu.
ACT 23:12 Daba ai, Iuda taudia haida e henega, e gwau hamata mai hereva metaudia ida, basie aniani bona ranu basie inua ela bona Paulo bae alaia mase.
ACT 23:13 Unu e gwau hamata toma taudia na hari-ahui mai dikoana.
ACT 23:14 Idia na hahelaḡa taudia bona hanua tau-badadia dekedia ela, eto, Ai na vada ame gwau hamata mai hereva metaudia ida, basia aniani ela bona Paulo baia alaia mase.
ACT 23:15 Taunabinai, umui na kaunsil taudia ida tuari biaguna ba noia, ia ese Paulo ma baine hakaua diho dekemui ai, boma ura ia herevana boma tahua ḡoevaḡoeva na heto. A ai na baia heḡaeḡae noho, bena dekemui ai do basine raka kahi mai, vada baia alaia mase.
ACT 23:16 A Paulo vavana ese edia bani-tao herevana e kamonai, bena tuari taudia edia kohoro ai e raka vareai, Paulo e hamaorolaia.
ACT 23:17 Bena Paulo ese tuari biaguna maraḡina ta e boiria, eto, Ina tauhau na tuari biaguna badana dekena a hakaua lao, badina be ia na hereva ta baine hamaorolaia e tomu.
ACT 23:18 Taunabunai, ia ese e hakaua lao, tuari biaguna badana dekena, eto, Hari mai iḡuina tauna, Paulo, ese e boirigu, e noigu, ina tauhau na oi dekemu baina hakaua mai eto, badina be ia na hereva ta aine hamaorolaimu e tomu.
ACT 23:19 Bena tuari biaguna badana ese ia imana e abia, e hakaua siri, e nanadaia hehuni; eto, Dahaka ba hamaorogu o tomu?
ACT 23:20 Ia na e haere, eto, Iuda taudia vada e henega bou, bae noimu, kerukeru Paulo ba hakaua diho, kaunsil taudia dekediai, bae nanadaia ḡoevaḡoeva totona.
ACT 23:21 To basio kamonai henidia, badina tatau hari-ahui mai dikoana na Paulo e bani heniamu, bona vada e gwau hamata, eto aniani basie ani bona ranu basie inu ela bona bae alaia mase. Idia na harihari e heḡaeḡae nohomu, badina be lalodia e tomamu oi ese edia noinoi bavabia dae.
ACT 23:22 Taunabunai, tuari biaguna badana ese tauhau na e tua, e tamanua, eto, Tau ta basio hamaoroa oi ese unu ḡau vada o hadibalaigu.
ACT 23:23 Bena ia ese tuari biagudia rarua e boiridia, eto, Tuari taudia sinahu-rua bona hosi ai e guimu taudia hitu-ahui bona io taudia sinahu-rua ba haboudia heḡaeḡae, hari hanuaboi hora taurahani-ta Kaisarea baela.
ACT 23:24 Hosi ta danu ba henidia, Paulo ena gui ḡauna. Bena Gavana Feliki dekena ba laohaia mai maurina ida.
ACT 23:25 Revareva danu e torea, ini e torea toma:
ACT 23:26 Lau Klaudio Lusia ese oi Feliki, gavana taumu namo-hereana, na hahenamo henimumu.
ACT 23:27 Ina tau be Iuda taudia ese e dabaia tao, bae alaia mase eto; bena lau na tuari oreana ida ala, a hamauria, badina be na diba ia na Roma tauna.
ACT 23:28 kau na ura e habadelaiava badina baina diba, taunabunai na hakaua diho edia hegogo badana lalonai.
ACT 23:29 Unuseni ai na davaria idia ese edia taravatu herevadia ai e habadelaiava, a ihamasena eiava iḡuina badina ta asie gwauraia.
ACT 23:30 A vada eme hamaorogu, haida na bae bani tao bena bae alaia mase; taunabunai na siaia vasi haraḡa-haraḡa dekemu ai; bona ihabadelaina taudia danu vada na haduadia bae vasi, oi vairamu ai bae habadelaia.
ACT 23:31 Taunabunai, e haduadia heḡereḡerena ai, tuari taudia ese Paulo e abia, hanuaboi ai Antipatri e hakaua lao.
ACT 23:32 Kerukeru, idia na edia kohoro e lou lao; a hosi ai e ḡui taudia be Paulo ida ela.
ACT 23:33 Kaisarea ai e lasi; bena hari revareva na gavana e henia, Paulo danu e hakaua vareai ia vairanai.
ACT 23:34 Feliki ese hari revareva e duahia vaitani, bena e henanadai, eto, Ia be edena gabu tauna? Vada e kamonai ia na Kilikia kahana tauna.
ACT 23:35 Bena eto, E habadelaimumu taudia do baema, bena vairadiai emu hereva idoinai baina kamonai. Bena e haduadia, Herod ena hahemaoro rumana ai do bae gimaia.
ACT 24:1 A Dina ima e ore ai, Anania, hahelaḡa tauna badana, e gini dae, hanua tau-badadia haida ida, bona haroro mai dibana tauna ta, ladana Teretulo. Bena idia ese gavana e hereva henia, Paulo e habadelaia.
ACT 24:2 Taunabunai Paulo e boiria. Bena Teretulo ese e habadelaia matama; eto, Namo-herea taumu Feliki e, oi daimu ai maino ai a nohomu; bona emu aonega dainai ina bese ena dala vada eme maoromaoro;
ACT 24:3 taunabunai ai ese nega idoidiai bona gabu iboudiai emu hereva a abi daemu bona a hanamomumu.
ACT 24:4 A baina haturiamu na garina na noimumu, mani ame bogamai hisi, emai hereva kwadogina na ba kamonai.
ACT 24:5 Badina binai: ai ese ina tau a davaria, ia na dika ihavarana tauna, Iuda taudia iboudiai tanobada kahadia idoidiai ia ese e haheloḡo-heloḡodiamu; ia danu Nasaret oreana ihakauna tauna ta.
ACT 24:6 Ia ese Dubu Helaḡa e hadikaia toho, to ai ese a dabaia tao, baia hahemaoro henia emai taravatu heḡereḡerena ato.
ACT 24:7 A Lusia, tuari biaguna badana, ema, imamai amo e abia oho mai daḡedaḡena ida;
ACT 24:8 bona e habadelaia taudia e haganidia, oi dekemu baema. Mani oi ese ba nanadaia, bena hari kara idoidiai a habadelaiamu herevadia sibomu ba diba.
ACT 24:9 Bena Iuda taudia ese ena hereva e durua, eto, Unu hereva iboudiai na momomo-kakani.
ACT 24:10 Gavana ese Paulo e lodu henia; bena Paulo ese haere. Eto, Lau dibagu oi ese laḡani hoho ina bese vada o hahemaoro henia, una dainai sibogu herevagu aina gwaurai mai moalegu ida.
ACT 24:11 Badina boma tahua boma diba, dina gwauta-rua vada ela, lau na toma-diho tolona Ierusalem ai na lla dara dae.
ACT 24:12 Dubu Helaḡa ai lau tau ta ida hepapahuahumai ai asie davarigu; bona dubu maraḡidia ai eiava hanua ariaradia ai heloḡo-heloḡo ta asina havaraia.
ACT 24:13 Idia danu harihari e habadelaigumu herevadia na oi vairamu ai basie hamomokani diba.
ACT 24:14 A ina na na gwauraia hedinaraimu: idia ese kererena e gwauraiamu dalana ai lau ese senemai edia Dirava na toma henia dihomu; ḡau tamona, ḡau iboudiai taravatu ai bona peroveta bukadia ai e tore na na abi daemu danu.
ACT 24:15 Mai egu helaro danu Dirava enai, ini hahebade taudia heḡereḡeredia. Emai helaro binai: mase taudia do bae tore isi lou, kara maoromaoro taudia bona asi edia kara maoromaoro taudia danu.
ACT 24:16 Ina danu na goadalaiamu, lalogu na basine kerere helaoreana. Dirava vairanai bona taunimanima vairadiai.
ACT 24:17 Laḡani haida vada e lao bubuni; bena nala, harihari ḡaudia bona boubou ḡaudia egu hanua baina laohai nato.
ACT 24:18 Unu na kara toma, bena na haheḡoeva negana ai na Dubu Helaḡa ai e davarigu; aru taudia na lasi, heloḡo-heloḡo danu lasi.
ACT 24:19 A Iuda taudia haida Asia amo be unuseni ai; idia na egu kara dika ta bema diba, oi vairamu ai bema mai, bema habadelaigu, una na bema maoro.
ACT 24:20 Eiava ini vada ema taudia ese bema hamaorogu, egu kara dika be edena, kaunsil taudia vairadiai na gini negana ai e davaria.
ACT 24:21 A ina hereva tamona idia bogaragidiai ginigu ai na gwauraia badabada, nato “Mase taudia edia tore-isi-lou herevana dainai hari dina ai o hahemaoro henigumu”.
ACT 24:22 Hari “dala” herevana vada e diba maoromaoro dainai, Feliki ese idia e gwaudia tubu, eto, Lusia, tuari biaguna badana, bainema negana ai na emui hereva baina tahua namonamo.
ACT 24:23 Bena tuari biaguna e haduaia, Paulo baine gimaia, to basine koua kunuka-kunuka; turana haida ese danu bae igoa ita, basine gwaudia tao.
ACT 24:24 Dina Haida muridiai, Feliki na adavana Drusila, Iuda hahinena, ida ema; bena Paulo e boiria, Keriso Iesu iabiabiraina herevana na iena amo e kamonai.
ACT 24:25 A Paulo ese kara maoromaoro bona boga auka bona bainema hahemaorona danu e herevalai; bena Feliki e gari bada, eto, Harihari aola; nega baine namo ma baina boirimu lou.
ACT 24:26 Ia danu mai ena helaro, Paulo ese moni baine henia, ia iruhana davana; una dainai ia ese e boiria loulouva, ia ida e hereva-herevava.
ACT 24:27 A laḡani rua vada e lao bubuni, bena Porokio Festo ese Feliki e boloa. Bena Feliki na Iuda taudia lalodia ihanamodia urana e urava dainai, ia ese Paulo na iḡuina ai e rakatania.
ACT 25:1 Festo na baine lohiaia tanona ai e diho, dina toi e nohova, bena Kaisarea amo Ierusalem eha dara dae.
ACT 25:2 Bena hahelaḡa taudia bona Iuda ikwaradia taudia ese Paulo herevana e hadibalaia;
ACT 25:3 bena e noia, ia ihadikana ai baine durudia, hesiai taudia baine siaidia lao, Ierusalem bae hakaua mai. Badina be idia ese dala ai bae bani henia, bae alaia mase eto.
ACT 25:4 A Festo e haere, eto, Paulo bae gimaia Kaisarea ai, asi vanahana lau danu unu bainala.
ACT 25:5 Ma eto, Umui bogaragimui amo mai siahudia taudia na lau ida baiala, bena hari tau bema mai ena kerere, idia ese bae habadelaia.
ACT 25:6 Ia na idia dekediai e nohova dina taurahani eiava gwauta dahaka, bena Kaisarea ela. Kerukeru, ia na hahemaoro gabuna ai e helai; bena e gwau isi, Paulo bae hakaua vareai.
ACT 25:7 Ia e gini dae, bena Ierusalem amo e diho taudia ese e ginia heḡeḡe, hereva metaudia momo e habadelaia, to asie hamomokani diba.
ACT 25:8 Bena Paulo e haere, eto, Iuda taudia edia taravatu asina tataia utu, Dubu Helaḡa asina hadikaia, bona Kaisara enai asina kerere.
ACT 25:9 To Festo e urava Iuda taudia lalodia baine hamoaledia dainai, ia ese Paulo e hamaoroa, eto, O uramu Ierusalem ba ha dara dae, unuseni ai baina hahemaoro henimu ini hereva daidiai a?
ACT 25:10 Paulo eto, Lau na Kaisara ena hahemaoro gabuna vairanai na ginimu; ia ese baine hahemaoro henigu. Lau be Iuda taudia asina hadikadia; oi danu dibamu.
ACT 25:11 Bama kerere, eiava mase karana ta bama karaia, vada bama mase, basinama gwau edeede. A edia hahebade bema asi anina, tau ta ese idia imadia ai basinema atogu kau diba. Kaisara ladana name hatoa; ia vairanai baina hahemaoro.
ACT 25:12 Unu amo Festo kaunsil taudia ida vada e hereva-hereva; bena ia ese Paulo e haere henia, eto, Kaisara ladana ome hatoa; Kaisara dekena do baola.
ACT 25:13 Dina haida vada ela, bena King Agripa mai Berenike ida Festo ihanamona totona Kaisarea ela.
ACT 25:14 Idia na dina hoho unuseni ai e nohova, bena Festo ese Paulo herevana na gaubada e hamaorolaia, eto, Tau ta be iniseni ai, Feliki ese dibura rumana ai e rakatania.
ACT 25:15 Lau Ierusalem nala negana ai hahelaḡa taudia bona hanua tau-badadia ese ia herevana e hamaorolaigu, bona e noigu danu baina hahemaoro henia.
ACT 25:16 Bena na haere henidia, nato, Roma taumai na unu asia kara tomamu; e habadeamu tauna na ihabadelaina taudia ida do asie hegaga heheni bona do se haere henidia negima ai asia hahemaoro heniamu.
ACT 25:17 Taunabunai, idia na iniseni ai e hebou negana ai, lau na asina halahe, a kerukeru hahemaoro gabuna ai na helai, na gwau isi, hari tau bae hakaua mai.
ACT 25:18 A ihabadelaina taudia e gini tore negana ai, lau banava kara dikadia bae habadelaia nato, to asie gwaurai;
ACT 25:19 edia toma-diho karadia mo e herevalai. Bona tau ta, ladana Iesu, herevana danu, ia na vada e mase, a Paulo ese e herevalaia goadagoadava, eto vada eme mauri.
ACT 25:20 Bena ini hereva itahudia dalana na daradaralaia dainai, na nanadaia, Ierusalem bainela, unuseni ai baine hahemaoro, eiava.
ACT 25:21 A Paulo ese e noigu, eto ihahemaoro-henina baine mia ela bona Augusto ese baine karaia; taunabunai na hahedua, bae gimaia ela bona Kaisara dekena baina siaia lao.
ACT 25:22 Bena Agripa ese Festo e hamaoroa, eto, Lau danu na uramu hari tau ena hereva baina kamonai. Festo eto, Kerukeru do ba kamonai.
ACT 25:23 Kerukeru Agripa bona Berenike na mai hairaidia ida ela, hahemaoro rumana ai e raka vareai, tuari biagudia bona hanua tau-badadia ida. Bena Festo e gwau isi, Paulo bae hakaua vareai.
ACT 25:24 Bena Festo eto, King Agripa e, bona dekemai ai vada ome hebou taumui iboumui ai, ina tau o itaiamu, Iuda taudia iboudiai Ierusalem ai bona iniseni ai danu e noigu, e lolo, baine mauri na dia namo eto.
ACT 25:25 To mase karana ta ienai asina davaria. Bena ia ese Augusto ladana vada e hatoa, ia vairanai baine hahemaoro e tomu; taunabunai na tomamu baina siaia lao.
ACT 25:26 A ia herevana biagugu baina tore henia na asina diba ḡoeva; taunabunai vada name hakaua mai umui vairamui ai, bona oi vairamu ai danu, King Agripa e; baita nanadaia ḡoeva-ḡoeva, bena ia herevana ta baina davaria, baina torea.
ACT 25:27 Badina be lau na tomamu dia maoro mai iḡuina tauna baina siaia lao, a ihabadelaina herevadia na basina tore hedinarai.
ACT 26:1 Bena Agripa ese Paulo e hamaoroa, eto, Mani sibomu a hereva. Bena Paulo ese imana ai e taodia ahu, e haere matama, eto,
ACT 26:2 King Agripa e, na moalemu badina be Iuda taudia ese e habadelaigumu ḡaudia iboudiai na oi vairamu ai hari dina ai aina haerelai.
ACT 26:3 Badina be Iuda taumai emai kara bona emai hepapahuahu iboudiai vada o diba bada, taunabenai na noimumu mani emu kara a haheauka, egu hereva ba kamonai.
ACT 26:4 Egu kara, tauhaugu negana ema harihari, egu bese taudia bogaragidiai bona Ierusalem ai danu, Iuda taudia iboudiai vada dibadia.
ACT 26:5 Matamana amo idia na dibadia lau, bona bema ura bema gwauraigu lau na Farisea taugu, toma-diho oreana bunai ena kara metaudia idoidiai na badinava.
ACT 26:6 Harihari ina hahemaoro gabuna ai name gini, badina be Dirava ena gwauhamata na laroamu, senemai e henidia gwauhamatana.
ACT 26:7 Iduhu gwautaruaosi ese una gwau-hamata ihamomokanina e laroamu dainai idia ese Dirava e toma henia diho boi toma henia diho ranimu mai goadadia ida. Ḡaubada e, una helaro dainai Iuda taudia ese e habadelaigumu.
ACT 26:8 Badina be dahaka umui na o tomamu Dirava ese mase taudia e hatoredia isi herevana na basita abia dae diba?
ACT 26:9 Lau danu lalogu na hadaia, nato Iesu tau Nasaret ladana ihadikana karadia momo bama kara bema namo.
ACT 26:10 Unu na kara toma Ierusalem ai. Hahelaḡa taudia ese siahu e henigu, bena helaḡa taudia hutuma be dibura rumadia ai na koudia; bona e revadia mase negadia ai, lau danu nato bae mase.
ACT 26:11 Dubu iboudiai lalodiai danu lau ese na dadabadia loulou; na hahisidia, bae ere dika totona. Na badu henidia dikadika dainai, na ḡavadia ela bona hanua idaudia ai ma na daḡedaḡe henidia.
ACT 26:12 Taunabunai, Ḡaubada e, una ḡaukara dainai Damasko dalana ai na raka lao. Siahu bona hahedua na hahelaḡa taudia ese vada e henigu.
ACT 26:13 Bena dala ai, dina tubua negana ai, diari ta guba amo e tara dagu na itaia, dina hururu-hururuna e hereaia, lau mai bamogu ida e ḡeḡemai ahu.
ACT 26:14 Ai iboumai ai tano ai a hekida diho; bena lau mo gado ta na kamonai, Heberu gadodiai e hereva henigu, eto “Saulo e, Saulo e, dahaka dainai o daḡedaḡe henigumu? Ikodo e lahamu bena o hisihisimu”.
ACT 26:15 Lau nato “Lohiabada e, oi na daika?” Ia eto “Lau na Iesu, o daḡedaḡe henigumu.
ACT 26:16 A tore isi, badina be emu ai vada name hedinarai badina binai: egu hesiai tauna ai baina halaomu, vada o ita ḡaudia bona do baina hahedinarai henimu ḡaudia danu ba gwaurai hedinarai.
ACT 26:17 Heberu taudia bona idau bese taudia imadia amo baina hamaurimu. Idia dekedia baina siaimu lao,
ACT 26:18 matadia bae papa; bena dibura bae rakatania, diari bae haḡerea. Bona Satana ena siahu bae rakatania, Dirava bae haḡerea; unu amo edia dika bae hegwau tao, bona ahudia do bae abi, lau iabiabiraigu ese vada e hahelaḡadia taudia bogaragidiai”.
ACT 26:19 Taunabunai, King Agripa e, guba amo e hahedinarai henigu ḡauna na asina gwau edeede henia;
ACT 26:20 a Damasko taudia na haroro henidia guna, gabeamo Ierusalem taudia bona Iudea kahana taudia iboudiai bona bese idau-idau taudia danu na haroro henidia, bae helalo kerehai, bona Dirava bae haḡerea, bona helalo karadia danu bae kara.
ACT 26:21 Badina binai Iuda taudia ese Dubu Helaḡa lalonai e dabaigu tao, bae alagu mase eto.
ACT 26:22 A hekaha be Dirava ena amo vada na davaria, una negana ema bona harihari; vada na gini tutuka-tutuka, kikina badana vada na haroro henidia. A idau ḡau asina gwauraia, peroveta taudia bona Mose ese e gwaurai guna ḡaudia mo na gwaurai.
ACT 26:23 Ḡaudia bini: Keriso na baine hisihisi guna, bena mase amo baine tore isi lou, bena diari ese Heberu taudia bona bese idauidau taudia baine hadiarilaidia.
ACT 26:24 Ia na unu e haere toma, bena Festo e lolo, eto, Paulo e, oi na o kavamu; emu aonega badana ese lalomu vada e hakavaia.
ACT 26:25 A Paulo na e haere, eto, Namo-herea taumu Festo e, lau na dia kava; momokani bona lalo-parara herevadia na gwauraimu.
ACT 26:26 Badina be Ḡaubada danu ini mai goadagu ida na gwaurai heniamu ḡaudia na dibana. Vada name diba ini ḡau ta ienai se hehunimu, badina be ina ḡau na dia daiguni ai asie karaia.
ACT 26:27 King Agripa e, peroveta taudia edia hereva o abi daemu a? Vada dibagu o abi daemu.
ACT 26:28 Bena Agripa ese Paulo e hamaoroa, eto, Lalogu o aniamu, mokona Keriso ibadinana tauna ai o halaogumu.
ACT 26:29 Paulo eto, Dirava vairanai egu ura binai: dia mokona lalomu basinama ania to bama ania momokani; bona dia oi mo, to hari dina ai e hakala henigumu taudia iboudiai; lau ihaḡoigu ai boma lao, a dia iḡui ai.
ACT 26:30 Bena hari Ḡaubada bona Gavana bona Berenike, bona idia ida e helaiva taudia iboudiai, e tore isi,
ACT 26:31 e raka lasi, e hereva heheni, eto, Ina tau be mase karana ta eiava iḡuina karana ta se karaia.
ACT 26:32 Agripa danu Festo e hamaoroa, eto, Kaisara ladana basinema hatoa, baitama ruhaia nege.
ACT 27:1 Lalodia e hadai, ai na lagatoi ai baia gui, Italia baiala; bena Paulo bona e ḡuidia taudia haida danu tuari biaguna e henia. Ia ladana be lulio; Augusto ena orea tauna ta.
ACT 27:2 Ai na Adramutio lagatoina ta ai a ḡui kau, Asia konena hanuadia baine heau henidia ḡauna. Makedonia tauna ta, Tesalonika amo, ladana na Aristako, ese e bamomai.
ACT 27:3 Kerukeru Sidono ai a heau kau. Unuseni ai Iulio ese Paulo e kara namo henia, e kahua nege, turana dekedia bainela bona dekediai baine laḡa ani.
ACT 27:4 Una gabu a heautania, Kupro enoenona kahana ai a hanai, badina be lai na vairamai amo ema.
ACT 27:5 Kilikia bona Pamfulia daedia amo a heau hanai, bena Mura ai, Lukia tanona ai, a heau kau.
ACT 27:6 Unuseni ai tuari biaguna ese Alesandria lagatoina ta e davaria, Italia bainela; una dainai e haguimai hanai una lagatoi ai.
ACT 27:7 Dina hoho a heau metaira-metaira ela bona Kenido daenai a heau kau mai hekwarahimai ida. Unuseni ai lai ese e laomai ahu; bena Krete enoenona kahana ai a heau, Salmone idukana daenai.
ACT 27:8 Bena badibadina amo a heau, mai hekwarahimai ida, ela bona gabu ta ai a heau kau, ladana be Ao Namodia; una gabu bona Lasea hanuana padadia na dia daudau.
ACT 27:9 Nega daudau vada e lao bubuni, bona una nega heauna be mai garina, badina be Anivaga negana vada e ore; taunabunai Paulo ese e sisiba henidia,
ACT 27:10 eto, Tatau e, vada name diba eda laolao na do baine dika, ḡau momo bae boio, bona dia kohu mo a lagatoi danu; ita danu baita mase dahaka.
ACT 27:11 A tuari biaguna ese lagatoi itarina tauna bona lagatoi biaguna e kamonai henidia, Paulo ena hereva se abia dae.
ACT 27:12 Una hetu gabuna na dia namo lahara negana ai; taunabunai hutuma na e tomava baia dobitania, Foenikia ai baia heau kau toho, unuseni ai baia noho lahara negana ai. Una Foenikia na Krete aona ta, mai matuna, ta be lasirai matuna, a ta be laurabada matuna.
ACT 27:13 Lahu diho e toa, bena idia banava eto nega namona vada e davaria; taunabunai idia ese dogo e veria, bena Krete badibadina amo a heau.
ACT 27:14 Asi vanahana guba bada-hereana miriguni kahana amo e kau,
ACT 27:15 lagatoi e hohoa. Baia heau dae baia heau diho ato, to se heḡereḡere, bena a haḡoḡoa.
ACT 27:16 Bena motumotu maraḡina ta, ladana Kauda, metaina ai a heau kau, unuseni ai dingi ihamaurina ai a hekwarahi.
ACT 27:17 Idia ese dingi e veria dae; bena pae-tao kwanauna e abia, lagatoi gabenana ai kwanau e mataia, bena e veria tao. Lagatoi boe ai baine hure kau garina idia ese lara e veria dobi; bena a hagogoa.
ACT 27:18 Hari guba sinaiana ese lagatoi e hahegure-hegurea dikadika dainai, daba e rere ai kohu nege e matamaia.
ACT 27:19 Dina ihatoina ai, lagatoi ḡaudia danu ma e nege dobi.
ACT 27:20 Dina hoho, dina bona hisiu asie hedinaraiva, guba danu se dokova, e odamaiva; bena baiama mauri helarona e heabi oho vai tani.
ACT 27:21 Idia na nega daudau asie anianiva, bena Paul ) na bogaragidiai e gini tore, eto, Tatau e, boma kamonai henigu, Krete basitama dobitania, bena ina hahedika bona kohu iha-oredia na emui ai basiema vara.
ACT 27:22 A harihari na hamaoromuimu, na tomu, ba goada balahelli; badina be umui ta ena mauri basine boio, lagatoi mo sibona baine boio.
ACT 27:23 Badina be lau na Dirava ena tau, ia isiaina na lao henimu; b-na boi hanuaboi iena aneru ta na badibadigu ai e gini,
ACT 27:24 eto “Paulo e, basio gari, Kaisara vairanai do ba gini; bona taunimanima iboudiai oi ida o laolaomu edia mauri na Dirava ese vada e henimumu”.
ACT 27:25 Taunabunai, tatau e, ba goada balaheni; badina be Dirava na abidadama heniamu, na tomamu ḡau idoidiai bae vara, vada e hamaorogu heḡereḡerena.
ACT 27:26 A motumotu ta ai do baita hure kau.
ACT 27:27 Boi gwauta-hani vaitani Adria gadobadana ai a hure eva-eva. Bena ihagwauta-hanina ai, malokihi ai, lagatoi memerodia eto tano ta vada e kahira-kahira.
ACT 27:28 Idia ese davara ena dobu e hahetohoa, roha ruahui e abia; asi vanahana ma e hahetohoa lou, roha gwauta-ima e abia.
ACT 27:29 Bena lagatoi na nadi ai baine tata kau garina ai, idia ese dogo auhani lagatoi gabenana amo e nege dobi; bena daba e naria mai kudou-hetahadia ida.
ACT 27:30 Lagatoi memerodia ese lagatoi bae pautania eto; bena dingi davara ai e tua dobi, e kara hedibaḡani, lagatoi idamana ai dogo haida inege-dobidia laona urana na heto.
ACT 27:31 Bena Paulo ese tuari biaguna mai ena orea taudia ida e hamaorodia, eto, Idia na lagatoi ai basie noho, umui na basio mauri diba.
ACT 27:32 Bena tuari taudia ese dingi kwanaudia e rahu utu; bena dingi na davara ai vada e moru.
ACT 27:33 Daba e kinia, bena Paulo ese iboudiai e noidia, aniani taina bae ania. Ia eto, Dina ihagwauta-hanina binai umui na o vagamu, aniani taidia asio animu;
ACT 27:34 taunabunai, na noimuimu, aniani taidia mani avani, mauri helaoreana; badina be kwaramui huidia autamona basine boio, lasi vaitani.
ACT 27:35 Unu e gwau toma, bena aniani e abia, Dirava e hanamoa idia iboudiai vairadiai; bena e baki sisi, e ani.
ACT 27:36 Bena iboudiai lalodia vada e namo, e aniani danu.
ACT 27:37 Lagatoi ai a nohova taumai iboumai ai na sinahu-rua hitu-ahui tauratoi.
ACT 27:38 E aniani vaitani, bena lagatoi ihaharaḡana totona uit na davara ai vada e nege dobi.
ACT 27:39 Daba e rere ai, idia na tano toana asi dibadia; a tabero ta hari e itaia, mai konena, bena lalodia e hadai, eto bema mai dalana lagatoi na una kone ai bae hatataia kau lao eto.
ACT 27:40 Taunabunai, idia ese dogo kwanaudia e rahu utu, dogo na davara ai e rakatanidia; tari iḡuidia kwanaudia e ruha, bona idama larana na lai hoho-hohona ai e kidaia; bena lagatoi e taria diho.
ACT 27:41 A aru e toibolo gabuna ta ai e heau kau, bena lagatoi na moemoe ai e hatataia kau. Lagatoi idamana e tataia kunukakunuka; a gabenana be hurehure ese vada e hamakohia matama.
ACT 27:42 Tuari taudia edia lalo-hadai be mai iḡuidia taudia bae aladia mase eto, haida bae nahu vareai kone ai bena vada bae heau na garina.
ACT 27:43 A tuari biaguna ena ura be Paulo baine hamauria, taunabunai ia ese e gwaudia tao. A nahu mai dibadia taudia be e haduadia, bae pau dobi guna, tano ai bae nahu vareai;
ACT 27:44 muridiai taunimanima oredia bae diho, haida reirei latadiai ma haida lagatoi ḡaudia latadiai. Unu e kara toma, bena iboudiai tano ai e kau mai mauridia ida.
ACT 28:1 Ai na vada a roho mauri, bena a diba una motumotu ladana na Melita.
ACT 28:2 Motumotu taudia ese heabi-dae karana dia maraḡi e hanamolaimai; idia ese lahi e haraia bona e abimai dae, badina be medu bona keru ese e alamaiva.
ACT 28:3 Paulo ese au haida e gogo, lahi ai e ato kau ai, gaigai ta siahu amo e vero lasi, imana ai e hetau dae.
ACT 28:4 Motumotu taudia ese hari gaigai na imana ai e itaia, bena e hereva heheni, eto, Momokani, ina tau na ala-ala tauna; ena be gadobada amo vada e roho mauri, to Kara Maoromaoro na se uramu baine mauri.
ACT 28:5 A ia ese gaigai e davea dobi lahi lalonai, dika se davaria.
ACT 28:6 Idia ese e itaia tao, tauna baine gudu eiava baine hekida diho, baine mase taku readia. A nega daudau e itaia tao, ienai dika ta se vara; bena lalodia e ha-idau, eto ia na dirava ta readia.
ACT 28:7 Una gabu amo padana dia daudau be motumotu lohiabadana ta, ladana Publio, ena tano. Ia ese e abimai dae, dina toi ena vadivadi ai e halaomai, mai gaiho-namona ida.
ACT 28:8 Hari Publio tamana na e hekure; ia na mai ena gorere, tauna e siahu bona rara e kukuva. A Paulo ese e igoa ita, e ḡuriḡuri, bena imana na ia latanai e ato kau, e hamauria.
ACT 28:9 Gabeai gorere taudia haida una motumotu ai ma ema, bena ia ese e hamauridia.
ACT 28:10 Bena idia ese e hanamomai badabada, bona a ḡui kau negana ai lakwamai na lagatoi ai e uda.
ACT 28:11 Hua loi vada ela, bena Alesandria lagatoina ta ai a ḡui kau: una lagatoi toana be Hekapa Memerodia. Ia be lahara negana ai una motumotu ai e nohova.
ACT 28:12 Surakuse ai a heau kau, dina toi unuseni ai a noho.
ACT 28:13 Unu amo badibadina amo a heau, Regio ai a heau kau, dina ta unuseni ai, bena diho e toa, dina iharuana ai Puteoli ai a heau kau.
ACT 28:14 Unuseni ai varavara haida ida a hedavari; bena idia ese e dogomai tao, dina hitu idia ida a noho. Unu amo ai na a raka lao, Roma ai a kau.
ACT 28:15 Varavara unuseni ai ese harimai e kamonai, bena vada ema, hanua maraḡidia ai, ladadia Apio Foro bona Taverono Toi, ai ida a hedavari. Paulo ese e itadia, bena Dirava e hanamoa; bona lalona vada e goada.
ACT 28:16 Roma ai a kau, bena idia ese Paulo e kahua nege, sibona baine noho, a tuari tauna ta ese baine gimaia.
ACT 28:17 Dina toi vada ela, ia ese Iuda ikwaradia taudia e boiridia, ia ida bae hedavari. Idia na e hebou, bena ia ese e hereva henidia, eto, Varavaragu e, ena be taunimanima asina hadikadia bona seneda edia kara danu asina hadika, to Ierusalem ai e ḡuigu, Roma taudia imadia ai e atogu kau.
ACT 28:18 Idia ese e nanadaigu, bena e urava bae ruhagu nege, badina be mase badina ta egu ai asie davaria.
ACT 28:19 A Iuda taudia e gwau-gwau; taunabunai lau ese Kaisara ladana na hatoa, ia vairanai baina gini nato; ḡau tamona, lau na asi egu hahebade ta, egu bese taudia basina habadelaidia.
ACT 28:20 Badina binai na boirimui; baina itamui bona baina hereva henimui nato; badina be Israel ena helaro dainai ini e ḡuigu toma.
ACT 28:21 Idia ese e haere henia, eto, Oi herevamu revarevadia Iudea amo asia davari; varavaramai ta danu sema, emu kara dika eiava sivaraimu dikana ta se gwauraia.
ACT 28:22 A ai na a uramu oiemu lalo-hadai baia kamonai, badina be dibamai ina orea na gabu idoidiai e gwaua tubu.
ACT 28:23 Taunabunai, idia ese dina ta e gwauraia hidi; bena una dina ai hutuma bada na ena ruma ai e hebou. Bena daba ai ela bona adorahi ai ia ese Dirava ena basileia e harorolaia, bona Iesu herevana Mose ena taravatu bona peroveta taudia edia buka amo e gwauraia hedinarai.
ACT 28:24 Bena haida ese ena hereva e abia dae, a haida ese e dadaraia;
ACT 28:25 lalodia na dia tamona. Bena e karoho. A karohodia ai Paulo ese ina hereva tamona ma e hamaorolaidia, eto, Hereva momokani na Lauma Helaḡa ese Isaia, peroveta tauna, ena amo seneda e gwaurai henidia,
ACT 28:26 eto, Aola, ina bese taudia dekedia, baoto, Kamonai be ba kamonai, to lalomui basie parara, Ita be ba ita to basio diba;
ACT 28:27 Badina be ina bese taudia lalodia na duduhu, Taiadia na kukudima, Matadia vada e hakapu; Matadia amo bae ita na garina, Taiadia amo bae kamonai na garina, Lalodia bae parara na garina, Bae helalo kerehai, bena baina hamauridia, na garina.
ACT 28:28 Taunabunai, do ba diba, Dirava ena haahemauri na bese idau-idau taudia dekedia vada e siaia lao; idia na do bae kamonai.
ACT 28:29 Ia na unu e gwau toma, bena Iuda taudia na dauha ela, ena hereva e helalolai-badava.
ACT 28:30 Laḡani rua ia sibona davana e heni rumana ai e nohova, ia dekena ela taudia iboudiai e abidia dae,
ACT 28:31 Dirava ena basileia herevana e harorolai henidiava, bona Lohiabada Iesu Keriso sivaraina e hadibalaidiava, mai goadana ida. Bona tau ta ese se gwaua tubu.
ROM 1:1 Lau Paulo, Iesu Keriso ena hesiai taugu, e boirigu ena aposetolo tauna ai bainala, bona e hahelagagu Dirava ena sivarai namo baina harorolaia.
ROM 1:2 Sivarai namo bunai ia ese ena peroveta taudia ududia amo e gwauraia hamata, Buka Helaḡa lalonai:
ROM 1:3 ia Natuna herevana, tau-anina ai David garana amo e vara,
ROM 1:4 a Lauma Helaḡa ese mase amo e hatorea isi negana ai e gwauraia hedinarai mai siahuna ida, ia na Dirava Natuna; eda Lohiabada Iesu Keriso bunai.
ROM 1:5 lena amo harihari-bada, bona aposetolo dagina, ai ese vada a abi, bena ia ladana dainai bese iboudiai baia hahelalodia kerehai, abidadama korikori bae abia;
ROM 1:6 bona umui danu, Iesu Keriso ese e boirimuimu taumui.
ROM 1:7 Dirava ese e ura henimuimu taumui Roma ai o nohomu, helaḡa taumui e gwauraimuimu, ba namo; Tamada Dirava bona Lohiabada Iesu Keriso edia anlo harihari-bada bona maino bavabi.
ROM 1:8 Egu hereva gini-gunana binai: egu Dirava na hanamoamu Iesu Keriso ladana ai, umui iboumui ai daimui ai; badina be emui abidadama harina e piuamu ina tanobada heḡege-madai lalonai.
ROM 1:9 Natuna ena sivarai namo isiaina laumagu ai na laohenimu Diravana na mai dibana, lauegu ḡuriḡuri na asi dokona umui daimui ai,
ROM 1:10 bona egu ḡuriḡuri ai na noinoi louloumu, Dirava baine ura nega ta baina vasi itamui.
ROM 1:11 Badina be na ura lalo-dikamu baina itamui, bona Lauma ena harihari ḡauna baina henimui, bena ba gini tutuka-tutuka.
ROM 1:12 Bona na tomanm umui bona lau eda heabidadama dainai baita hahealo heheni.
ROM 1:13 Varavaragu e, lau na uramu ba diba, nega hoho baina vasi nato, to e laogu ahumu ema bona harihari; egu ura be huahuamui baina davaria, bese idau-idau ediai vada na abi heḡereḡerena.
ROM 1:14 Lau na Helene taudia bona bese idau-idau taudia, aonega taudia bona kavakava taudia, ediai na abi torehai,
ROM 1:15 taunabunai lau na uramu umui Roma ai o nohomu taumui vairamui ai sivarai namo do baina harorolaia.
ROM 1:16 Badina be sivarai namo asina hemarailaiamu; ia na Dirava ena siahu, abidadama taudia e hamaurilaidiamu, guna Iuda taudia, gabe amo Helene taudia.
ROM 1:17 Badina be ia lalonai Dirava ena kara maoromaoro eme hedinarai, abidadama ihabadana totona; buka ai e torea na heto, eto, Kara maoromaoro tauna na ena abidadama dainai baine mauri.
ROM 1:18 Dirava ena badu guba amo e hedinaraimu, taunimanima edia kara gageva-gagevadia bona Dirava asie matauraiamu karadia latadiai: idia ese edia kara gagevadia daidiai hereva momokani e tao tarimu.
ROM 1:19 Dirava herevana dibadia, badina be Dirava ese lalodia ai vada e hahedinaraia;
ROM 1:20 tanobada matamana amo e hehuni ḡaudia, ena siahu bona ena kara, vada eme hedinarai, e kara ḡaudia ese vada e hahedinaraimu. Taunabunai, idia na asi edia hahekora herevadia.
ROM 1:21 Badina be Dirava na dibadia, to edia Dirava ai asie halaoa, asie heatolaia, bona asie hanamoa; edia lalo-hadai vada e kavakava, bona lalo-duhu ese lalodia vada e hadiburadia.
ROM 1:22 Sibodia e tomava mai aonegadia, a ḡau be kavakava taudia ai ela;
ROM 1:23 noho hanaihanai Diravana hairaina e rakataniava, taunimanima laulaudia, bona manu, boroma, bona e raumu ḡaudia laulaudia, e toma henidia dihova.
ROM 1:24 Taunabunai, Dirava ese e kahudia nege, edia heḡahusi bodagadia bae ḡava, bena sibodia bae hahedika.
ROM 1:25 Badina be Dirava ena hereva momokani na idia ese koikoi ḡauna ai e boloava, e kara ḡaudia e toma heni dihova, bona isiaidia e lao heniva, a ikaradia Diravana na e dadaraiava. Hahenamo be iena ela bona hanaihanai. Amen.
ROM 1:26 Una dainai Dirava ese vada e kahudia nege, heḡahusi bodagadia bae badina; edia hahine ese hahine karana korikorina vada e ha-idaua, sibodia e heḡahusi hehenimu;
ROM 1:27 tatau danu, hahine vada e rakatanidia, sibodia e heḡahusi hehenimu; bena edia kara havara davana na tau-anidia ai e abiamu.
ROM 1:28 Idia ese Dirava ilalo-hadailaina asie urava, taunabunai Dirava ese vada e kahudia nege, edia lalo-hadai kavakavadia bae ḡava bona kara dikadia bae kara;
ROM 1:29 ema bona dika iboudiai ese vada e hahonudia: kara gagevagageva, kara dika, mata ḡaniḡani, vaḡeḡe, hebore, roroma, hepapahuahu, dibaka, daḡedaḡe.
ROM 1:30 Idia na hesivarai taudia, ere dika taudia, Dirava ese e dadaraidiamu taudia, ere daḡedaḡe taudia, hekokoroku taudia, heaḡi taudia, dika ihavarana taudia, tamadia sinadia e dadaraidiamu taudia,
ROM 1:31 asi aonegadia taudia, gwauhamata itata-utuna taudia, asi edia heuraheni taudia, asi edia hebogahisi taudia.
ROM 1:32 Ena be dibadia Dirava e gwau hamata, eto, “Unu bae kara toma taudia bae mase”, to idia ese e karamu, bona e karamu taudia danu e imodaidiamu.
ROM 2:1 Benaini, oi haida o hahemaoro henidiamu taumu, oi na asi emu hahekora herevadia; emu hahemaoro na sibomu o hahedikalaimu, badina be oi hahemaoro taumu na unu o kara tomamu.
ROM 2:2 Dibada danu, unu e kara tomamu taudia na Dirava ese davadia baine henidia mai maoromaorona ida.
ROM 2:3 Bena unu e kara tomamu taudia o hahemaoro henidiamu, ma sibomu danu unu o kara tomamu; o lalomu o tomamu Dirava ena hahemaoro amo ba roho mauri a?
ROM 2:4 Eiava, ena harihari-bada, ena haheauka bona ena hebogahisi o dadaraimu, matona asi dibamu Dirava ena harihari-bada ese e hakaumumu helalo dalana ai a?
ROM 2:5 Emu lalo-duhu dainai badu latamu ai o habouamu; bena Dirava ena hahemaoro dinana ai una badu anina baine hedinarai.
ROM 2:6 Ia ese taunimanima iboudiai edia kara heḡereḡerena davadia do baine henidia hagau-hagau:
ROM 2:7 kara namodia e kara tarika-tarikamu bona hairai bona hahenamo bona basine pata maurina danu e tahumu taudia na mauri hanaihanai bae abia;
ROM 2:8 a e heiri-heirimu bona hereva momokani e dadaraiamu bona kara gageva-gageva e badinamu taudia na badu bona hisihisi bae abi.
ROM 2:9 Kara dika taudia ese lalo-hisihisi bona kudou-hetaha bae davari, guna Iuda taudia, gabe amo Helene taudia;
ROM 2:10 a kara namo taudia ese hairai bona hemataurai bona maino bae davari, guna Iuda taudia, gabe amo Helene taudia.
ROM 2:11 Badina be Dirava ese taunimanima iboudiai e itadiamu, heḡereḡere mo.
ROM 2:12 Taravatu murimurinai e kara dika taudia na taravatu murimurinai davadia bae abi, a taravatu lalonai e kara dika taudia na taravatu lalonai bae hahemaoro henidia.
ROM 2:13 Dirava vairanai bae maoromaoro taudia na dia taravatu e kamonaimu taudia, to taravatu e badinamu taudia hari.
ROM 2:14 Bese idau-idau taudia na taravatu asi dibadia, to lalodia ai taravatu e badinamu; taravatu be asi dibadia, to sibodia edia taravatu e haginimu.
ROM 2:15 Idia ese lalodia ai e torea tal-avatuna karadia e hahedinaraimu, bena lalodia ese taravatu e hamomokanimu; bona lalodia ese e hahemaoro henidiamu, bena e habadelaidiamu, eiava maorodia e gwauraimu.
ROM 2:16 Egu sivarai namo hegereḡerena, dinana baine kau ai Dirava ese taunimanima edia hehuni karadia baine hahemloro henidia, Iesu Keriso bagunai.
ROM 2:17 Taunabinai oi, Iuda taumu o tomamu, taravatu o abidadama heniamu taumu, Dirava o heatolaiamu
ROM 2:18 bona ena ura mai dibamu taumu, herea-dae ḡaudia toadia dibamu bona taravatu vada o diba vaitani o tomamu taumu:
ROM 2:19 oi na mata-kepulu taudia o hakaudiamu, bona dibura ai e nohomu taudia edia diari ai o laomu,
ROM 2:20 bona kavakava taudia o sisiba henidiamu, bona memero o hadibadiamu; badina be aonega bona hereva momokani oromadia na taravatu lalonai o davarimu.
ROM 2:21 Matona, bamomu o hadibadiamu, to sibomu to hahedibamu a? O haroromu, o tomamu taunimanima basie henao, a ḡau be oi o heuda hanaimu a?
ROM 2:22 O tomamu taunimanima basie heuda hanai, a ḡau be oi o heuda hanaimu a? Kaivakuku o ihi-ihiraidiamu, a ḡau be dubu ḡaudia o henaomu a?
ROM 2:23 Taravatu o heagilaiamu, a ḡau be taravatu itata-utuna ai Dirava o hadikaiamu a?
ROM 2:24 Benaini, buka ai ini e torea toma, ani: Dirava ladana na bese idau-idau bogaragidiai e ihiihiraiamu umui daimui ai.
ROM 2:25 Momokani, taravatu ba badinaia negana ai peritome ese baine hanamomu; a taravatu ba tataia utu negana ai emu peritome na asi anina.
ROM 2:26 A asie peritomea tauna na taravatu baine badinaia, ia na e peritomea tauna heḡereḡerena ai bainela ani?
ROM 2:27 Bona, asie peritomea to taravatu e badinaiamu tauna ese oi, taravatu ai o vara bona peritome o abia to taravatu o tataia utumu taumu, na baine hahemaoro henimu ani?
ROM 2:28 Badina be Iuda oromana na dia Iuda korikori, bona peritome oromana na dia peritome korikori;
ROM 2:29 a Iuda korikori na lalona ḡauna, bona peritome korikori na lalona ḡauna, dia tau-anina ai to lauma ai. Tau unuhetomana na taunimanima readia basie heatolaia, to Dirava ese baine heatolaia.
ROM 3:1 Tau Iuda ena namo be dahaka? Peritome ena namo be dahaka?
ROM 3:2 Diaḡau. Gini-gunana binai: Dirava ese ena hereva Iuda taudia dekediai e atova.
ROM 3:3 Haida be asie kamonai readia. Matona, edia kamonai na lasi dainai Dirava ena momokani danu lasi a?
ROM 3:4 Dia unuheto. Dirava be momokani, a taunimanima iboudiai na e koikoimu; buka ai e torea heḡereḡerena eto, Oi emu hereva iboudiai bae momokani, Bena bae hahemaoro henimu negana ai ba kwalimu.
ROM 3:5 A iseda kara dika ese Dirava ena kara maoromaoro baine hahedinaraia negana ai, ede baita gwau toma? Dirava ese baine badu henida, ia na baine kerere a? Lau ese taunimanima edia hereva kava mo na gwauraiamu.
ROM 3:6 Lasi, dia unuheto. Unu bema heto, Dirava ese tanobada ede bema hahemaoro henia toma?
ROM 3:7 Badina be lauegu koikoi ese Dirava ena momokani bona ena hairai bema habada, dahaka dainai egu kara dika davana bema henigu?
ROM 3:8 Ai na asiato “Dika baita kara, namo ihavarana helaoreana”. Haida ese e habadelaimai koikoimu, e tomamu ai na unu a gwau toma; edia koikoi davana bae abia hari namo.
ROM 3:9 O edeheto? Ai Iuda taumai be heherea a? Lasi ona lasi vaitani. Badina be Iuda taudia bona Helene taudia vada e habadelaidia, hahebade tamona: iboudiai na mai edia kara dika.
ROM 3:10 Buka Helaḡa ai e torea heḡereḡerena eto, Ta dia maoro, lasi ona lasi vaitani;
ROM 3:11 Lalo-parara tauna ta lasi, Dirava itahuna tauna ta lasi;
ROM 3:12 Iboudiai vada e raka oho, vada e dika bou; Kara namo tauna ta danu lasi vaitani.
ROM 3:13 Gadodia na gara e hekehomu na heto, Maladia ese koikoi mo e gwauraimu, Bibinadia na hekori gaigaidia ese mase muramurana e loalaimu na heheto,
ROM 3:14 Ududia na heuduguirai bona ere daḡedaḡe ai e honumu.
ROM 3:15 Aedia e heaumu, rara ihahebubuna totona;
ROM 3:16 Hahebua-tari bona hisihisi na edia dala ai mimia,
ROM 3:17 Bona maino dalana na asi dibadia.
ROM 3:18 Dirava garina asie garimu, lasi vaitani.
ROM 3:19 Dibada taravatu ese e gwauraimu herevadia iboudiai ese taravatu henunai e nohomu taudia e gwaurai henidiamu, taunabunai udu ihoudiai bae hekou, bena tanobada idoinai na Dirava ese baine hahemaoro henia.
ROM 3:20 Taunabunai, tau ta basine maoro taravatu ibadinana dainai; badina be taravatu ena amo taunimanima na kara dika mai dibadia.
ROM 3:21 Harihari Dirava ena kara maoromaoro vada eme hedinarai, dia taravatu amo, a taravatu bona peroveta bukadia ese vada e hamomokania dalana amo;
ROM 3:22 Dirava ena kara maoromaoro na Iesu Keriso e abidadama heniamu taudia iboudiai ese bae davaria. Ta dia idau;
ROM 3:23 badina be iboudiai vada e kara dika, bona iboudiai ese Dirava hairaina vada e reaia;
ROM 3:24 to ena harihari-bada dainai maorodia e gwauraimu, Keriso Iesu ena hahemauri bagunai.
ROM 3:25 Ia na Dirava ese e abia hidi, herohemaino ḡauna ai e halaoa, rarana bae abidadama henia taudia edia. Unu amo ena kara maoromaoro vada eme hedinarai, badina be kara dika gunadia vada eme hegwau tao, Dirava ena haheauka dainai.
ROM 3:26 Oibe, ena kara maoromaoro na ina negana ai vada eme hedinarai: sibona vada eme maoromaoro, bona Iesu e abidadama heniamu tauna maorona e gwauraiamu.
ROM 3:27 Bena heaḡi na edeseni? Vada eme hegwau tao. Edena taravatu bona edena kara ese e gwaua tao? Lasi. Abidadama ese e gwaua taomu.
ROM 3:28 Taunabunai ita ta tomamu tau ta maorona e gwauraiamu be dia taravatu ibadinana dainai, a abidadama dainai.
ROM 3:29 Dirava na Iuda taudia mo edia Dirava a? Ia na dia bese idau-idau edia Dirava a? Lasi, ia na bese idauidau edia Dirava danu.
ROM 3:30 Benaini, Dirava na tamona; e peritomedia taudia na ia ese abidadama dainai maorodia baine gwaurai, bona asie peritomedia taudia danu abidadama dainai maorodia baine gwaurai.
ROM 3:31 O, abidadama dainai taravatu ta negeamu a? Lasi ona lasi vaitani. Ita ese taravatu ta haginia tutuka-tutukamu.
ROM 4:1 Seneda Abraham na ede baita herevalaia toma? Ia ese dahaka ḡau e davaria?
ROM 4:2 Abraham na ena kara daidiai maorona bema gwauraia, ia na mai badina bema heaḡi; to dia Dirava vairanai basinema heaḡi.
ROM 4:3 Buka Helaḡa na dahaka e tomamu? Abraham ese Dirava e abidadama henia dainai maorona e gwauraia.
ROM 4:4 Ḡaukara tauna ese ahuna e abiamu, dia harihari ḡauna, a davana korikori.
ROM 4:5 A se ḡaukaramu to kara dika taudia na kara maoromaoro taudia ai e halaodiamu Diravana e abidadama heniamu tauna, ia be ena abidadama dainai maorona e gwauraiamu.
ROM 4:6 Dirava ese ena kara se laloamu to maorona e gwauraiamu tauna na David ese danu vada e hanamoa,
ROM 4:7 eto, Edia kara rea e gwau taomu bona edia dika e herome ahumu taudia na nanamo;
ROM 4:8 Lohiabada ese dikana se gwauraiamu tauna hari namo.
ROM 4:9 ma hahenamo na peritome taudia mo sibodia ese bae abia a? Eiava asie peritomedia taudia danu? Ita ta tomamu “Abraham ese Dirava e abidadama henia dainai maorona e gwauraia”.
ROM 4:10 Edena nega ai? E peritomea murinai, eiava do se peritomea negana ai? Dia peritome lalonai, a do se peritomea negana ai, ani?
ROM 4:11 Do se peritomea negana ai ena abidadama na maoromaoro; gabeamo e peritomea, ena abidadama maoromaorona toana. Taunabunai, ia na asie peritomedia to mai edia abidadama taudia tamadia: maorodia e gwauraimu.
ROM 4:12 Bona e peritomedia to peritome asie abidadama heniamu, edia abidadama na seneda Abraham ena abidadama, do se peritomea negana ai, e tohotohoamu taudia: ia na idia tamadia danu.
ROM 4:13 Gwauhamata na Abraham e henia, ia garana ida tanobada idounai bae abia; taravatu dainai se henia, to ena abidadama amo e varava karamaoromaorodia daidiai e henia.
ROM 4:14 Badina be taravatu ibadinana taudia na dihi ai bema halaodia, abidadama taudia edia abidadama bema asi anina, gwauhamata danu asi anina.
ROM 4:15 Taravatu ese badu e havaraiamu; badina be taravatu bema lasi, itata-utuna danu bema lasi.
ROM 4:16 Benaini, abidadama dainai e abiamu, harihari ḡauna na heto; dia taravatu ibadinana taudia mo, a Abraham ena abidadama e tohotohoamu taudia iboudiai danu. Ia na ita iboudai tamada;
ROM 4:17 buka ai e torea heḡereḡerena eto, Bese loḡora tamadia ai baina halaomu. Mase taudia e hamauridiamu bona do asie vara ḡaudia e havaradiamu Diravana na Abraham ese e abidadama henia.
ROM 4:18 Ena helaro na e kara asi badina na heto, to abidadama dainai e helarova; taunabunai ia na bese loḡora tamadia ai ela, gwauhamata herevana heḡereḡerena eto, Garamu na unu bae hoho toma.
ROM 4:19 Ena abidadama na se manokava. Ena be tau-anina e haeroava mase tauna na heto (laḡanina na sinahu-ta sisivana) bona Sara danu mase hahinena na heto,
ROM 4:20 to Dirava ena gwauhamata e laloa taova, bona e abidadama henia tutuka-tutukava, bona e heatolaiava;
ROM 4:21 badina be dibana ena gwauhamata baine hamomokania.
ROM 4:22 Una dainai maorona e gwauraia.
ROM 4:23 Dia ia mo sibona herevana unu se torea toma;
ROM 4:24 a ita danu, Iesu, eda Lohiabada, mase amo e hatorea isi Diravana ta abidadama heniamu tauda, maoroda e gwaurai.
ROM 4:25 Ia taona e torea, iseda kara dika daidiai; ma mase amo e tore isi, maoroda baine gwaurai helaoreana.
ROM 5:1 Taunabunai, iseda abidadama dainai ita maoroda vada e gwaurai, bena Dirava ena maino tame abia, Iesu Keriso iseda Lohiabada bagunai.
ROM 5:2 Ia bagunai danu ita ese ta noholaiamu hariharina vada tame davaria, eda abidadama dainai; Dirava hairaina danu ta laroamu mai moaleda ida.
ROM 5:3 Dia una mo: a dikadika negadia ai ta moalemu; badina be dibada hisihisi ese haheauka e havaraiamu,
ROM 5:4 bona haheauka ese manada e havaraiamu, bona manada ese helaro e havaraiamu.
ROM 5:5 Helaro danu basine doko; badina be Lauma Helaḡa vada tame abia, bena ia ese Dirava ena uraheni na laloda ai vada eme vedaia.
ROM 5:6 Badina be nega korikori ai, ita ta manokava negana ai, Keriso e mase, Dirava e ihi-ihiraiava taudia daidiai.
ROM 5:7 Kara maoromaoro tauna dainai daika baine mase? Readia ta ta mo unu bae kara toma.
ROM 5:8 A Dirava ese ena uraheni ini e hahedinaraia toma; ita na dounu kara dikadia ta karava negadia ai Keriso na ita daidai e mase.
ROM 5:9 Iesu rarana dainai ita na maoroda e gwauraimu, taunabunai ia ese Dirava ena badu amo baine hamaurida.
ROM 5:10 Gunaguna, ta inai heniava negana ai, Dirava ida ta herohemaino ia Natuna bagunai; harihari, vada ta herohemaino vaitani negana ai, mauri baita abia iena mauri bagunai.
ROM 5:11 A dia una mo: Dirava ta moalelaiamu iseda Lohiabada Iesu Keriso dainai; badina be ia bagunai herohemaino vada tame abia.
ROM 5:12 Taunabunai, tau ta dainai dika tanobada ai e vareai, bona dika ese mase e vareailaia; bena mase ese taunimanima iboudiai e butudia tao, badina be iboudiai na mai edia kara dika.
ROM 5:13 Badina be kara dika vada e vara guna tanobada ai, taravatu be gabeamo; asi taravatu negana ai kara dika asie hahemaoro heniava.
ROM 5:14 Mase vada e kwalimuva, Adam negana ema bona Mose negana ai; ena be haida ese Adam ena kara dika asie tohotohoa, to e mase. Adam ese bainema tauna e hahedinaraia guna.
ROM 5:15 A kara dika na idau, harihari-bada danu idau. Badina be tau ta ena kara dika dainai hutuma e mase; a harihari, Dirava ena harihari-bada dainai, bona ena harihari-bada ese e havaraia herahiana, Iesu Keriso, dainai, hutuma eme mauri.
ROM 5:16 Tau tamona ena kara dika be idau, harihari-bada be idau; badina be tau tamona dainai hahemaoro ese hahedika e gwauraia, a harihari-bada ese kara dika taudia hutuma maorodia eme gwaurai.
ROM 5:17 Tau tamona ena kara dika dainai mase vada e kwalimu; unuhetomana, harihari-bada bona kara maoromaoro e abimu taudia na bae kwalimu bona bae mauri, tau tamona, Iesu Keriso, dainai.
ROM 5:18 Bona tau tamona ena kara dika dainai hahemaoro ese iboudiai e hadikadia; unuhetomana, tau tamona ena kara maoromaoro dainai taunimanima iboudiai maorodia e gwauraunu, vada bae mauri.
ROM 5:19 Bona tau tamona ena gwau-edeede daimai hutuma na dika taudia ai e halaodiava; unuhetomana, tau tamona ena kamonai dainai hutuma na kara maoromaoro taudia ai e halaodiamu.
ROM 5:20 Taravatu e gini, bena hekwakwanai vada e vara badabada. A kara dika e badamu gabudia ai, harihari-bada na e honuhonu daemu.
ROM 5:21 Kara dika e kwalimuva, mase e havaraiava; unuhetomana kara maoromaoro dainai harihari-bada e kwalimumu, mauri hanaihanai e havaraiamu, Iesu Keriso iseda Lohiabada bagunai.
ROM 6:1 O edeheto: kara dikadia ma baita kara loulou, harihari-bada ihabadana helaoreana a?
ROM 6:2 Lasi vaitani. Ita ese kara dika na vada ta masetania, be ede baita lou henia toma?
ROM 6:3 Asi dibamui a, Keriso Iesu ladana ai e bapatisoda tauda na ena mase ai vada e bapatisoda?
ROM 6:4 Taunabunai, bapatiso ai ita na ia ida ta mase bona ia ida e gurida; bena Keriso na mase amo Tamana hairaina ai e tore isi lou heḡereḡerena ita danu mauri matamatana lalonai baita raka.
ROM 6:5 Badina be ia ida tama mase bou, ia ida danu tama tore isi lou.
ROM 6:6 Dibada ita tauda gunadia na ia ida satauro ai e mase, kara dika iha-orena; taunabunai, ita na kara dika isiaina basita lao heni lou.
ROM 6:7 Mase tauna na kara dika ena amo vada e roho mauri.
ROM 6:8 Benaini, ita na Keriso ida tama mase hebou, dibada ia ida danu tama mauri hebou.
ROM 6:9 Bona dibada Keriso na mase amo vada e tore isi dainai ia na basine mase lou; mase na asi siahuna ienai.
ROM 6:10 Badina be e mase negana ai, ia na kara dika enai e mase vaitani, a e maurimu be Dirava enai e maurimu.
ROM 6:11 Unuhetomana, umui danu sibomui unu na ba helalolai: kara dika enai vada o mase, Dirava enai vada o mauri, Keriso Iesu iseda Lohiabada bagunai.
ROM 6:12 Kara dika ese tau-animui basine lohiadia; ena hekise-hekise basio kamonai henia.
ROM 6:13 Bona taumui reḡedia na kara dika basio henia, isiaina basie lao heni; a taumui na Dirava ba henia, mase amo e roho mauri taudia na heheto, bona taumui reḡedia danu ia ba henia, kara maoromaoro ikarana ḡaudia ai baela.
ROM 6:14 Kara dika ese basine lohiamui, badina be taravatu henunai asio nohomu, a harihari-bada henunai o nohomu.
ROM 6:15 Edeheto? Taravatu henunai asita nohomu a harihari-bada henunai ta nohomu dainai baita kara dika a? Lasi ona lasi vaitani.
ROM 6:16 Asi dibamui a, erena o kamonaimu tauna ena hesiai ai baola, o kamonai heniamu dainai? Kara dika isiaina ba lao heni, mase bavabia; eiava kamonai korikori isiaina ba lao heni, kara maoromaoro bavabia.
ROM 6:17 Dirava baita hanamoa, badina be gunaguna umui na kara dika isiaina o lao heniva, a harihari a hadibamuiva herevana vada o kamonai henia mai daramui ida.
ROM 6:18 Kara dika amo e ruhamui nege; kara maoromaoro enai vada e ḡuimui kau.
ROM 6:19 Taunimanima edia hereva kava heḡereḡeredia ai na gwauraimu, tau-animui edia manokamanoka dainai. Badina be gunaguna taumui reḡedia ese kara dika bona lebulebu isiaidia e lao heniva heḡereḡerena, harihari taumui reḡedia ba heni, kara maoromaoro isiaina ilao-henina ai bae helaḡa.
ROM 6:20 Kara dika isiaina o lao heniva negana ai, umui na kara maoromaoro enai o heruha negeva.
ROM 6:21 Ḡau tamona, harihari o hemarailaimu karadia o karava negana ai anidia be dahaka emui ai? Unu ḡau dokodia na mase.
ROM 6:22 A harihari, kara dika amo vada o heruha nege, Dirava ena hesiai ai vada ola, anina emui ai be vada o helaḡa, bona dokona be mauri hanaihanai.
ROM 6:23 Badina be kara dika davana be mase; a Dirava ena harihari ḡauna na mauri hanaihanai, Keriso Iesu iseda Lohiabada bagunai.
ROM 7:1 Varavaragu e, taravatu mai dibamui taumui, na tore henimuimu. Asi dibamui taravatu ese taunimanima e lohiadiamu edia mauri dunadia iboudiai a?
ROM 7:2 Taravatu dainai hahine ta adavana enai baine tao ena mauri dinadia idoidiai; a adavana baine mase, ia na asi taravatuna.
ROM 7:3 Taunabunai, adavana maurina ai tau ta ma bema abia, ia na heuda-hanai hahinena; a adavana baine mase, ia na asi taravatuna, tau ta ma baine adavaia, una na dia heuda-hanai.
ROM 7:4 Unuhetomana, varavaragu e, umui danu Keriso tau-anina bagunai taravatu enai vada o mase; bena mase amo e tore isi tauna ese baine abimui, huahuada Dirava enai bae dobi helaoreana.
ROM 7:5 Badina be ita ese tau-anina ta badinaiava negana ai, kara dika ena laloani taravatu ena amo e varava bona tauda reḡedia lalodiai e vareaiva, bena huahuada mase enai e dobiva.
ROM 7:6 A harihari taravatu ese vada e kahuda nege, e dogoda taova ḡauna enai vada ta mase na heto; taunabunai harihari eda hesiai ilao-henina na lauma dainai, dia nega gunadia ai e tore herevadia daidiai.
ROM 7:7 Bena dahaka baitato? Taravatu na dika a? Lasi vaitani. Taravatu basinema hadibagu, lalogu basinema parara kara dika be dahaka. Bona taravatu basinema haduagu “Basio hekise-hekise”, lalogu na basinema parara hekise-hekise be dahaka.
ROM 7:8 A taravatu ena hahedua dainai dika ese hekisehekise idau-idau lalogu ai e havara; badina be taravatu bema lasi, dika bema mase.
ROM 7:9 Gunaguna lau na taravatu murimurinai na mauriva; a haheḡani egu ai e kau, bena kara dika e vara lou, a lau na na mase.
ROM 7:10 Taravatu na mauri ḡauna e tomamu, a lauegu ai ia na mase ḡauna ai ela;
ROM 7:11 badina be dika ese haheḡani amo e koigu bona e alagu mase.
ROM 7:12 Taunabunai, taravatu na helaḡa, haheḡani danu helaḡa bona maoromaoro bona namo.
ROM 7:13 Matogana, ḡau namona na mase ḡauna ai egu ai e laomu a? Lasi vaitani. A kara dika ena dika baine hedinarai totona, ḡau namona na mase ḡauna ai egu ai e halaoa; bena haheḡani ena amo kara dika toana baine hedinarai, ia na dika vaitani.
ROM 7:14 Dibada taravatu be lauma ena; a lau be tau-anina ena, kara dika ese vada e hoigu, ena hesiai ai vada e halaogu.
ROM 7:15 Lau na karamu karadia na asi dibagu: badina be na ura henimu karadia na asina karamu, bona na inai henimu karadia na karamu.
ROM 7:16 A asina ura heniamu karana na karaiamu negana ai, lau ese taravatu na maorona na gwauraiamu.
ROM 7:17 Ḡau tamopna, kiarana na dia lau, a dika lalogu ai e nohomu hari.
ROM 7:18 Lau dibagu lau na asi egu namo tau-anigu ai, badina be lalogu ese kara namo e ura henimu, to ikarana asina heḡereḡere.
ROM 7:19 Na ura heniamu karana namona na asina karaiamu, a asina ura heniamu karana dikana be na karaiamu.
ROM 7:20 Taunabunai, asina ura heniamu karana na karaiamu, to ikarana na dia lau, a dika lalogu ai e nohomu hari.
ROM 7:21 Taunabunai, taravatu ta vada na lalo davari: kara namo baina karaia na tomu, to dika na egu ai e miamu.
ROM 7:22 Badina be lalogu ese Dirava ena taravatu e moalelaiamu;
ROM 7:23 a tau-anigu ai taravatu idauna na itaiamu, ia be lalogu ena taravatu e tuari heniamu, bena e ḡuigumu, kara dika taravatuna ena, tau-anigu ai e nohomu ḡauna bunai.
ROM 7:24 Lau madi, ihabaigu! Daika ese ina tau-anigu masena amo baine hamaurigu?
ROM 7:25 Dirava na imodaiamu, Iesu Keriso bagunai. Benaini, lalogu ese Dirava ena taravatu e badinaiamu; a tau-anigu ese kara dika taravatuna e badinaiamu.
ROM 8:1 Harihari Keriso Iesu e badinaiamu taudia na dikadia basie gwaurai.
ROM 8:2 Badina be Keriso Iesu bagunai Mauri Laumana ese kara dika taravatuna bona mase taravatuna edia amo vada e ruhagu nege.
ROM 8:3 Tau-anina ena manoka dainai taravatu na asi siahuna, taunabunai Dirava ese Natu-adorana e siaia, dika tau-anina e abia, dika kwarana ai ela, tau-anina ai dika e hadarerea.
ROM 8:4 Taunabunai, ita, tau-anina ena kara asita karamu a lauma ena kara ta karamu tauda, edai taravatu ena kara maoromaoro baine ḡuḡuru.
ROM 8:5 Badina be tau-anina ena kara e karamu taudia ese tau-anina ena ḡau mo e lalomu, a lauma ena kara e karamu taudia ese lauma ena ḡau mo e lalomu.
ROM 8:6 Tauanina ilalona be mase; a lauma ilalona be mauri bona maino.
ROM 8:7 Tau-anina ilalona ese Dirava e inai heniamu, badina be Dirava ena taravatu se badinaiamu bona ibadinana asi dibana.
ROM 8:8 Tau-anina ilalona ai e nohomu taudia na Dirava ihamoalena asi dibadia.
ROM 8:9 Dirava ena Lauma lalomui ai bema noho, umui na tau-anina ilalona ai basioma noho, a lauma ilalona ai boma noho. A Keriso ena Lauma se abiamu tauna na dia Keriso ena.
ROM 8:10 Keriso bema lalomui ai, tau-anina bema mase, kara dika dainai, a lauma bema mauri, kara maoromaoro dainai.
ROM 8:11 Iesu mase amo e hatorea isi Laumana na lalomui ai bema noho, Keriso Iesu mase amo e hatorea isi Diravana ese umui taumui bema hamauridia, ena Lauma lalomui ai bema noho dainai.
ROM 8:12 Taunabunai, varavaragu e, asi eda ima-doa tau-anina enai, bona tau-anina ena ura basita kara.
ROM 8:13 Badina be tau-anina ena ura ba kara, vada ba mase; a lauma ena amo tau-anina ena kara ba hamase, ba mauri.
ROM 8:14 Badina be Dirava ena Lauma ese e hakaudiamu taudia iboudiai na Dirava natuna.
ROM 8:15 Umui be hesiai laumana mai garina ida asio abia lou, a heabi-dae laumana vada o abia; taunabunai ta boiboimu, ta tomu “Aba e, Tamamai e!”
ROM 8:16 Lauma ese ita laumada ida e gwau boumu, e gwauraidamu, ita na Dirava natuna.
ROM 8:17 Ita na ia natuna, taunabunai ita na ia dihina danu. Ita na Dirava dihina, Keriso ida, taunabunai ia ida baita hisihisi hebou, bena ia ida hairaida baita abi hebou.
ROM 8:18 Lau na tomamu ina nega hisihisina na ḡau pipikina, gabeamo isedai baine hedinarai hairaina baine bada herea.
ROM 8:19 Badina be e kara ḡaudia iboudiai edia helaro be Dirava natuna bae hedinarai; una mo e nariamu.
ROM 8:20 E kara ḡaudia iboudiai na mase henunai e atodia, dia sibodia edia ura dainai, a e atodia tauna ena ura dainai;
ROM 8:21 ena helaro be e kara ḡaudia na mase ena iḡui amo bae heruha nege, bona Dirava natuna edia ura-kwalimu herea-daena bae abia.
ROM 8:22 Taunabunai, e kara ḡaudia iboudiai na e ḡanaḡana boumu, e hisihisi boumu, hekamonai hisina na heto, ema bona harihari;
ROM 8:23 bona dia idia mo: ita danu, Lauma natuna roboadia, laloda ai ta ḡanaḡanamu, baine abida dae bona tau-anida baine hamauridia negana ta nariamu.
ROM 8:24 Ihamaurida ḡauna be helaro. Ta laroamu ḡauna baitama itaia, una na dia helaro: daika ese e itaiamu ḡauna baine laroa?
ROM 8:25 A helaro be asita itaiamu ḡauna baita naria mai haheaukada ida.
ROM 8:26 Unuhetomana danu Lauma ese eda manoka-manoka ai e kahadamu; badina be ita na ḡuriḡuri maoromaorodia asi dibada, a Lauma ese ita daidai e ḡuriḡurimu mai ḡanaḡana badana ida.
ROM 8:27 Bona taunimanima lalodia e tahudiamu Diravana na Lauma ena ura dibana, badina be Lauma ese helaḡa taudia daidiai e noinoimu, Dirava ena ura heḡereḡerena.
ROM 8:28 Ita dibada ḡau iboudiai e ḡaukara boumu, Dirava e ura heniamu bona Dirava ese e abidia hidi taudia ihanamodia.
ROM 8:29 Ia e dibadia guna taudia e gwauraidia hidi, Natuna oromana bae abia, ia tadina ai baela, ia na tau roboana ai bainela.
ROM 8:30 E gvauraidia hidi taudia ia ese e boiridia; e boiridia taudia ia ese maorodia e gwaurai; maorodia e gwaurai taudia ia ese e hanamodia.
ROM 8:31 Ini ḡau ede baita herevalai toma? Dirava ese bema beiada, daika ese bema tuari henida?
ROM 8:32 Ia ese Natuna vara-edeana se rua, a ita iboudai daidai e kahua nege; benaini, ḡau iboudiai ia ida basine henida a?
ROM 8:33 Daika ese Dirava ena abihidi taudia baine habadelaidia? Bona Dirava ese maorodia e gwauraimu taudia daika ese dikadia baine gwaurai?
ROM 8:34 Keriso Iesu e mase, ma e tore isi lou; ia na Dirava idibana kahana ai e nohomu, ita daidai e noinoimu.
ROM 8:35 Daika ese Keriso ena uraheni amo baine bibida oho? Nega dikadika ese a? Eiava lalo-hisihisi ese a? Eiava daḡedaḡe ese? Eiava doe ese? Eiava ogoḡami ese? Eiava mase ese? Eiava dare ese?
ROM 8:36 Buka ai a torea heḡeregerena, eto, Ai na oi daimu ai dina iboudiai e alamaimu, E duahimaimu, bae aladia mamoedia na heheto.
ROM 8:37 A ini ḡau iboudiai lalodiai ta kwalimu vaitani, e lalokau henidamu tauna bagunai.
ROM 8:38 Badina be lau vada na diba vaitani, ḡau ta asi goadana, mase eiava mauri, eiava aneru, eiava lohia hereadia, eiava siahu ḡaudia, eiava harihari e miamu ḡaudia, eiava gabeai bae vara gaudia,
ROM 8:39 eiava atai ḡaudia, eiava dobu ḡaudia, eiava e kara ḡaudia, ta ese Dirava ena uraheni, Keriso Iesu eda Lohiabada ese vada e hahedinaraia ḡauna, amo basine bibida oho diba.
ROM 9:1 Lau na Keriso ladana ai na hereva momokanimu, asina koikoimu, Lauma Helaḡa danu dibana; lalogu na e tomamu
ROM 9:2 egu lalo-hisihisi na bada herea, daragu danu e dokomu dina iboudiai;
ROM 9:3 lau na uramu dikagu bema gwauraia, Keriso ena amo bema bibigu oho, tadikakagu bona egu bese taudia daidiai.
ROM 9:4 Idia na Israel taudia: abi-hidi bona hairai bona hero-hemaino bona taravatu bona toma-diho bona gwauhamata na idia mo edia.
ROM 9:5 Tubu tama danu idia mo edia. Idia bogaragidiai Keriso na tau-anina ai e vara: ia mo sibona herea dae, Dirava ese vada e hanamoa hanaihanai. Amen.
ROM 9:6 Basitato Dirava ena hereva na asi anina. Basitato Israel ena amo e vara taudia iboudiai na Israel korikori.
ROM 9:7 Basitato Abraham ena amo e vara taudia iboudiai na ia natuna. A buka e tomamu, Isaak ena amo oi garamu do bae vara.
ROM 9:8 Anina binai: tau-anina amo e vara memerodia na dia Dirava natuna, a e gwauraidia hamata memerodia mo ia garana ai baine halaodia.
ROM 9:9 Badina be gwauhamata na binai: Laḡani vairai, nega inihetomana ai, lau na bainama, bena Sara ese mero ta baine abia.
ROM 9:10 Dia una mo. Rebeka danu, seneda Isaak adavana, e rogorogo,
ROM 9:11 hekapa memerodia e abi. Do asie vara negana ai, kara namo bona kara dika asie kara negana ai, Dirava ena ura e gini; dia kara ikarana dainai, a e boiboi Diravana ena heabi-hidi dainai.
ROM 9:12 Bena ia ese Rebeka e hamaoroa, eto, Tau roboana ese tau muritai isiaina baine lao heni;
ROM 9:13 e torea heḡereḡerena, eto, Iakob na lalokau heniamu; Esau na inai heniamu.
ROM 9:14 Dahaka baitato? Dirava mai ena kara rea a? Lasi vaitani.
ROM 9:15 Ia ese Mose e hamaoroa, eto, Na bogalaidia taudia na baina bogalaidia; na bogadia hisi taudia na baina bogadia hisi.
ROM 9:16 Taunabunai, tau ta ena ura na herevana, tau ta ena heau na herevana; Dirava ena hebogahisi mo mai badina.
ROM 9:17 Badina be buka ai Farao e hamaoroa, eto, Ina mo dainai na haginimu, egu siahu ba hahedinaraia, bona tanobada idoinai lau ladagu harina bae ha piua.
ROM 9:18 Taunabunai, ena ura heḡereḡerena haida e bogadia hisi, ma haida lalodia e ha-aukadia.
ROM 9:19 Readia ba hereva henigu, baoto “Be, dahaka dainai e gwaugwaumu? Daika ese ena ura e laoa ahu?”
ROM 9:20 E tau e, oi be daika, Dirava ena hereva o gwau tubumu? E karaia ḡauna ese ikarana tauna baine nanadaia, baineto “Dahaka dainai ini o karagu toma”, a?
ROM 9:21 Uro ikarana tauna asi siahuna a, raro taba tamona ai uro namona bona uro dikana baine kara?
ROM 9:22 Readia Dirava ena ura be ena badu bona ena siahu baine hahedinarai, bena ia ese badu ḡaudia e haheauka henidia ela bona e hebua tari.
ROM 9:23 A hairai badana baine hahedinaraia, hebogahisi ḡaudia ediai: ḡaudia be ia ese e abi heḡaeḡae, hairai baine henidia eto.
ROM 9:24 Gaudia be ita, e boiridia tauda, dia Iuda laumai mo, a bese idau-idau taumui danu.
ROM 9:25 Hosea ese e torea hegereḡerena, eto, Idia na dia egu bese korikori, to baina gwauraidia “egu bese”; Dia egu lalokau korikori, to baina gwauraidia “egu lalokau”;
ROM 9:26 E gwau henidia, eto “Umui na dia lauegu bese taumui”, gabuna ai, Mauri Diravana natuna bae gwauraidia.
ROM 9:27 Isaia ese danu Israel e hahanea, eto, Ena be Israel garana bae hutuma, kone mirina na heto, to kwabu-kwabudia mo bae mauri;
ROM 9:28 badina be Lohiabada ese ena hereva tanobada ai baine haḡuḡurua haraḡa mai goadana ida.
ROM 9:29 Isaia ma eto, Iehova Sabaota ese beseda kwabu-kwabudia basinema hanohodia, ita na Sodoma bona Gomora heḡereḡeredia baitama puki.
ROM 9:30 Bena dahaka baitato? Bese idau-idau taudia na kara maoromaoro asie tahua, to e davaria, abidadama dainai.
ROM 9:31 A Israel taudia na kara maoromaoro taravatuna e tahua, to asie davaria.
ROM 9:32 Dahaka dainai? Badina be asi edia abidadama; taravatu karana mo e karaia. Idia na hekwakwanai nadina ai e hekwakwanai;
ROM 9:33 buka ai e torea heḡereḡerena eto, A itaia: Siona lalonai hetutuhi bona hekwakwanai nadina na atoamu. Mai ena abidadama tauna na basine hekwakwanlai.
ROM 10:1 Varavaragu e, lalogu ena ura, bona egu noinoi Dirava enai danu, be Israel taudia do bae mauri.
ROM 10:2 Lau dibagu idia ese Dirava e ura heniamu; ḡau tamona, lalodia asie pararamu.
ROM 10:3 Badina be Dirava ena kara maoromaoro asi dibadia; sibo-lia edia kara maoromaoro e goadalaiamu, a Dirava ena kara maoromaoro asie badinaiamu.
ROM 10:4 Badina be taravatu ihaḡuḡuruna be Keriso: bae abidadama henia taudia iboudiai maorodia bae gwaurai, ia bagunai.
ROM 10:5 Mose ese taravatu ena kara maoromaoro e helevalaia, eto, E karanm taudia na unu Ḡau daidiai do bae mauri.
ROM 10:6 A heabidadama ena kara maoromaoro ini e gwau tomamu: “Lalomui ai basioto, Daika guba ai baine dae, Keriso baine hakaua diho
ROM 10:7 eiava, Daika gabu dobuna ai baine diho, Keriso mase taudia bogaragidia amo baine hakaua dae?”
ROM 10:8 Ma e tomu “Hereva na dekemu ai, udumu ai, lalomu ai”. Heabidadama herevana binai ai ese a harorolaiamu:
ROM 10:9 udumu ai Iesu Lohiabadana ba gwaurai, bona lalomu ai bavabia dae Dirava ese mase amo e hatorea isi; bena ba mauri.
ROM 10:10 Badina be lalo ena heabidadama amo kara maoromaoro e varamu, bona udu ena hegwaurai amo mauri e varamu.
ROM 10:11 Badina be buka ai e tomamu, Ia bae abiabiraia taudia iboudiai na basie hekwakwanai.
ROM 10:12 Iuda tauna na dia idau; Helene tauna na dia idau. Badina be iboudiai edia Lohiabada na tamona; bona e hahaneamu taudia iboudiai e harihari henidiamu;
ROM 10:13 bona Lohiabada ladana e hahaneamu taudia iboudiai na bae mauri.
ROM 10:14 A asie abiabiraia taudia na ede bae hahanea toma? Bona harina asie kamonai taudia na ede bae abiabiraia toma? Bona haroro tauna bema lasi, harina na ede bae kamonai toma?
ROM 10:15 Bona haida ese basie siaidia, haroro taudia na ede bae haroro toma? Buka ai e torea heḡereḡerena eto, Ḡau namodia haridia moaledia e mailaimu taudia aedia daka namo!
ROM 10:16 A haida na sivarai namo asie kamonai henia. Isaia eto, Lohiabada e, daika ese emai hereva vada e abi dae?
ROM 10:17 Taunabunai, heabidadama badina be kamonai, bona kamonai badina be Keriso ena hereva.
ROM 10:18 A lau na tomamu idia na asie kamonai a? Lasi, e kamonai. Eredia na tanobada heḡeḡe-madai eha piua, Bona edia hereva na tanobada dokodia ela.
ROM 10:19 Ma na tomamu: Israel asi dibadia a? Be! Gunaguna Mose eto, Asi besedia taudia ediai emu vaḡeḡe baina havaraia, Bona lalo-duhu besena enai emu badu baina havaraia.
ROM 10:20 Bona Isaia e hereva goadagoada, eto, Asie tahugu taudia ese e davarigu, Bona asie nanadailaigu taudia ediai na hedinarai.
ROM 10:21 A ia ese Israel e herevalaia, eto, Dina idoinai gwau-edeede bona gwautubu besena na imagu na pala henia.
ROM 11:1 Ma na tomamu: Dirava ese ena bese taudia vada e negedia a? Lasi vaitani. Lau danu tau Israel, Abraham garana, Beniamina ena iduhu taugu.
ROM 11:2 Ena bese, e dibadia guna taudia, na Dirava ese se negedia. Buka Helaḡa ai Elia e herevalaia herevana asi dibamui a? Ia ese Israel taudia e habadelaidia Dirava vairanai, eto,
ROM 11:3 Lohiabada e, emu peroveta taudia vada e aladia mase, emu pata helaḡadia vada e ḡiḡi rohoroho; lau mo sibogu name noho, bona lau danu e tahugumu, bae alagu mase e tomu.
ROM 11:4 A Dirava ese ede e haere henia toma? Ia eto, Lauegu taunimanima na daha hitu, Baal asie toma henia dihomu.
ROM 11:5 Benaini, harihari danu taunimanima kwabu-kwabudia mo nonoho, harihari-bada ese vada e abidia hidi.
ROM 11:6 A bema harihari-bada ese vada e abidia hidi, kara na herevana, bema lasi, harihari-bada bema asi anina.
ROM 11:7 Bena edeheto? Israel ese e tahua ḡauna na do asie davaria; a abi-hidi taudia ese vada e davaria. Oredia be lalodia e ha-auka,
ROM 11:8 Buka Helaḡa ai e torea heḡereḡerena eto, Dirava ese lalodia e hamahuta: mai matadia, to asie ita; mai taiadia, to asie kamonai, ema bona harihari.
ROM 11:9 Bona David eto, Edia pata na idoa bona rikiriki, Hekwakwanai ḡauna bona ahudia.
ROM 11:10 Matadia ba hakapu, bena basie ita: Dorudia ba halaoho hanaihanai.
ROM 11:11 Ma na tomamu: idia na e hekwakwanai bena vada e keto vaitani a? Lasi vaitani. A edia keto dainai bese idau-idau ese mauri vada e davaria; bena edia vaḡeḡe vada e vara.
ROM 11:12 Ḡau tamona, idia edia keto dainai tanobada bema taḡa, bona idia edia dabu dainai bese idau-idau bema boga kunu, o edia honuhonu-dae amo dahaka namona bema vara?
ROM 11:13 Idau bese taumui, na hereva henimuimu: badina be lau na aposetolo taugu bese idau-idau emui ai; egu dagi danu na heaḡilaiamu.
ROM 11:14 Unu amo, readia, vaḡeḡe baina havaraia varavaragu lalodia ai; bena haida ese mauri bae davaria.
ROM 11:15 Badina be inegedia ese herohemaino bema havaraia tanobada ai, iabi-loudia ese dahaka bema havaraia? Mase amo mauri baine vara.
ROM 11:16 Mane roboana bema helaḡa, taba idoinai bema helaḡa; bona ramu bema helaga, rigi danu bema helaḡa.
ROM 11:17 A rigi haida bema dabai kwaidu, bena oi, vara-kava olivena, gabudia ai bema hirimu kau, olive ramuna bona todena amo goada boma abia.
ROM 11:18 Matona, rigi korikori bogaragidiai basio heaḡi. Ba laloa, dia oi daimu ai ramu se maurimu, a ramu dainai oi o maurimu.
ROM 11:19 Readia baoto “Rigi e dabai kwaidu lau bae hirigu kau helaoreana”.
ROM 11:20 Benaini, asi edia abidadama dainai e dabai kwaidu, a oi hari emu abidadama dainai o ginimu. Asio hekokoroku: ba gari.
ROM 11:21 Badina be Dirava ese rigi korikori se bogadia hisi, bona oi danu basine bogamu hisi.
ROM 11:22 Dirava ena hebogahisi bona ena lalo-auka ba haero: e keto taudia ediai lalona e aukamu; a oi na e bogamu hisi, ena hebogahisi o badinaiamu negana ai. A basio badinaia, ia na baine utumu oho.
ROM 11:23 A idia be edia hedadarai bae rakatania, bae hehiri kau lou; badina be Dirava na mai siahuna baine hiridia kau lou.
ROM 11:24 Benaini, oi na vara-kava olivena ena amo e utumu oho, uma olivena enai e hirimu kau, idia be rigi korikori, edia olive korikorina ai basie hiri kau a? Vada bae hiri kau.
ROM 11:25 Varavaragu e, lau na uramu ina hereva hehunina ba diba, sibomui emui aonega ba heaḡilaia na garina. Israel taudia haida lalodia do bae duhu, ela bona bese idau-idau taudia bae didi vareai guna.
ROM 11:26 Bena Israel taudia iboudiai do bae mauri; buka ai e torea heḡereḡerena, eto, Siona ena hahemauri tauna ta baine vara; Ia ese Dirava idadaraina karadia Iakob ena amo baine atodia tabe;
ROM 11:27 Egu gwauhamata binai, edia; Edia dika baina abi oho negana ai.
ROM 11:28 Umui daimui ai idia ese sivarai namo e inai heniamu; a Dirava ese senedia e abidia hidi dainai e ura henidiamu.
ROM 11:29 Badina be Dirava ena harihari-bada bona ena abi-hidi na se idaumu.
ROM 11:30 Gunaguna umui ese Dirava o gwau edeede heniava; harihari hebogahisi vada o davaria, idia edia gwau-edeede dainai.
ROM 11:31 Unuhetomana, idia na harihari e gwau edeedemu, a hebogahisi do bae davaria, umui emui hebogahisi dainai.
ROM 11:32 Badina be Dirava ese ita iboudai gwau-edeede ai vada e kouda ahu, baine bogada hisi helaoreana.
ROM 11:33 Dirava ena aonega bona ena lalo-arara na daka dobu! Ena hahemaoro na daika ese baine tahua diba? Ena dala na daika ese baine davaria diba?
ROM 11:34 Daika na Lohiabada lalona dibana? Daika ese ena kara baine herevalai henia?
ROM 11:35 Daika enai e abi torehai, bena davana baine henia?
ROM 11:36 Badina be ḡau iboudiai ihavaradia ia mo; bona ḡau iboudiai badidia bona dokodia ia mo. Ia mo baita imodaia hanaihanai. Amen.
ROM 12:1 Taunabunai, varavaragu e, Dirava ena hebogahisi dainai na noimuimu, tau-animui idoidiai ia ba henia, boubou ḡaudia mauridia bona helaḡadia ai baela, Dirava ese baine moalelai: emui hesiai karana korikorina bunai.
ROM 12:2 Ina tanobada oromana na basio tohotohoa; a lalomui ba hamatamata, bae idau vaitani, bena Dirava ena ura, mai namona bona mai hairaina bona mai hereadaena ida, vada ba diba.
ROM 12:3 E henigu hariharina dainai umui ta ta na haduamuimu, basio hekokoroku, a lalomui bae manau, Dirava ese heabidadama ahuna ta ta e henimui hagauhagau heḡereḡerena.
ROM 12:4 Ita heḡereḡereda, tau ta reḡena na momo, a edia ḡaukara na idau-idau;
ROM 12:5 unuhetomana, ita na hoho, a tau-anina tamona Keriso enai, reḡe idau-idau ta ḡaukara heboumu.
ROM 12:6 Harihari-bada ese herahia ḡaudia vada e henida: bema peroveta, baita peroveta eda kamonai heḡereḡerena;
ROM 12:7 bema hesiai lao-heni, hesiai baita lao heni; hahediba tauna baine hahediba;
ROM 12:8 haroro tauna baine haroro; ihenina tauna baine henia mai moalena ida; ireḡuna tauna baine hereḡu mai goadana ida; hebogahisi tauna baine hebogahisi mai lalo-namona ida.
ROM 12:9 Emui uraheni baine momokani. Dika ba lalo nege; namo enai ba tao.
ROM 12:10 Ta ta ba heura heheni, varavara na heheto; ba hemataurai heheni danu.
ROM 12:11 Ḡaukara lalonai basio lahedo. Lauma na lalomui ai baine hururu. Lohiabada isiaina ba lao heni.
ROM 12:12 Helaro ai ba moale. Dika negadia ai ba haheauka. Guriḡuri ba goadalaia nega idoidiai.
ROM 12:13 Helaḡa taudia edia dabu ai ba kahadia. Heabi-dae karadia ba kara.
ROM 12:14 E daḡedaḡe henimuimu taudia ba hanamodia; basio uduguiraidia.
ROM 12:15 E moalemu taudia ida ba moale; e taitaimu taudia ida ba tai.
ROM 12:16 Iboumui ai lalomui bae tamona. Herea ḡaudia basio lalodia, a manau taudia ida ba noho hebou. Sibomui emui aonega basio heaḡilaia.
ROM 12:17 Tau ta basio kara dika henia, iena dika davana; a taunimanima iboudiai vairadiai kara namo mo ba kara.
ROM 12:18 Bema mai dalana, taunimanima iboudiai ida ba noho mai mainomui ida.
ROM 12:19 Egu lalokau taumui e, dika basio hadavaia; badu baine mia. Badina be vada e torea, Lohiabada eto “Dava be lau imagu ai, lau ese baina karaia”.
ROM 12:20 Taunabunai, inaimu bema hitolo, ana boma henia; bema ranu mase, ranu boma henia; unu ba kara toma, e kara lahi gidadia kwarana tubuana ai ba giḡi kau na heto.
ROM 12:21 Dika ese basine hadarelemui, a emui kara namo amo dika ba hadarerea.
ROM 13:1 Taunimanima iboudiai ese lohia bae matauraidia. Badina be siahu idoinai na Dirava ena amo e maimu; bona lohia iboudiai Dirava ese vada e haginidia.
ROM 13:2 Taunabunai, lohia e laoa ahumu tauna ese Dirava ena haheḡani e gwaua tubumu; bona e gwaua tubumu taudia ese davadia do bae abi.
ROM 13:3 Badina be kara namo tauna na lohia garina se garimu, a kara dika tauna hari. Oi o uramu lohia garina basio gari a? Kara namo ba kara, bena ia ese haine hanamomu;
ROM 13:4 ia na Dirava ena hesiai tauna, taunabunai baine hanamomu. A kara dika boma kara be ia garina boma gari; badina be ia ese dare se abia kavamu. Ia na Dirava ena hesiai tauna; kara dika tauna davana baine henia.
ROM 13:5 Taunabunai, ba matauraia: dia badu garina, a helalo dainai.
ROM 13:6 Una dainai umui ese tax monidia o henidiamu; badina be idia na Dirava ena hesiai taudia, nega idoinai ina ḡaukara e karaiamu.
ROM 13:7 Iboudiai na ena ḡau ena ḡau ba henidia: tax gogo tauna tax ba henia; heni-tao inarina tauna heni-tao ba henia; garina e garimu tauna ba gari henia; e matauraiamu tauna ba matauria.
ROM 13:8 Tau ta enai basio ima doa. Ba heura heheni; badina be bamona e ura heniamu tauna ese taravatu idoinai vada e badinaiamu.
ROM 13:9 “Basio heuda hanai” bona “basio ala ala” bona “basio henao” bona “basio hekisehekise” bona taravatu oredia iboudiai na ina haheḡani tamona lalonai vada e hebou: “Dekemu tauna ba lalokau henia, sibomu o helalokaumu na heto”.
ROM 13:10 Lalokau ese dekemu tauna se hadikaiamu; taunabunai lalokau na taravatu ihaḡuḡuruna.
ROM 13:11 Nega be dibamui: mahuta amo ba noga horana vada be kaumu. Badina be ta kamonai matama negana ai eda hahemauri na dauhai, a harihari ia na vada kahikahi.
ROM 13:12 Hanuaboi vada e ore, daba vada eme kahikahi; taunabunai dibura karadia baita nege, diari baita abia, eda kesi ai baita halaoa.
ROM 13:13 Eda kara nahuadia baita toho; eda raka na dina ai ta rakamu. Basita lebulebu; basita kekero; basita heuda hanai; basita mata dika; basita heai; basita vaḡeḡe.
ROM 13:14 Lohiabada Iesu Keriso ba hadokilaia, bona tau-animui edia ura dikadia basio abi dae.
ROM 14:1 Ena abidadama e manoka-manokamu tauna na bavabia dae, to basio hepapahuahu.
ROM 14:2 Ta be mai ena abidadama, bena ḡau iboudiai e animu; ma ta lalona e manokamu, bena uma ḡaudia mo e animu.
ROM 14:3 E animu tauna ese se animu tauna basine dadaraia; bona se animu tauna ese e animu tauna basine hahemaoro henia: badina be Dirava ese vada e abia dae.
ROM 14:4 Oi be daika, tau ta ena hesiai tauna o hahemaoro heniamu? Biaguna vairanai baine gini, eiava baine keto. Ia na baine gini, badina be Lohiabada na mai siahuna baine haginia.
ROM 14:5 Tau ta e tomamu dina ta be herea; ma tau ta e tomamu dina iboudiai be heḡereḡere. Ta ta ese lalodia bae hadai ḡoevaḡoeva.
ROM 14:6 Dina e laloamu tauna na Lohiabada enai e laloamu. E anianimu tauna na Lohiabada enai e anianimu, badina be ia ese Dirava e hanamoamu; bona se anianimu tauna na Lohiabada enai se anianimu, bona ia ese danu Dirava e hanamoamu.
ROM 14:7 Asi tauna ta sibona enai e maurimu, bona asi tauna ta sibona enai e masemu.
ROM 14:8 Ta maurimu be Lohiabada enai ta maurimu; bona baita mase, Lohiabada enai baita mase. Taunabunai, ta maurimu eiava baita mase, ita na Lohiabada ena.
ROM 14:9 Ina dainai Keriso e mase bona e mauri lou, mase taudia bona mauri taudia biagudia ai bainela totona.
ROM 14:10 A oi, dahaka dainai varavaramu o hahemaoro heniamu? Dahaka dainai o dadaraiamu? Badina be ita iboudai Dirava ena hahemaoro gabuna vairanai baita gini.
ROM 14:11 Buka ai e torea heḡereḡerena eto, Lohiabada eto “Egu mauri dainai tui iboudiai lau vairagu ai bae hadai, bona mala iboudiai ese Dirava bae imodaia”.
ROM 14:12 Taunabunai, ita iboudai ta ta ena kara ena kara Dirava vairanai baita hahedinarai.
ROM 14:13 Taunabunai, basita hahemaoro heheni, a laloda ini baita hadai toma: varavarada ena dala ai hekwakwanai ḡauna eiava idoa basita atoa.
ROM 14:14 Lohiabada Iesu ese vada e hamaorogu dainai lau na dibagu ḡau ta dikana basina gwauraia. A ta ese ḡau ta dikana baine gwauraia, una ḡau na dika ienai.
ROM 14:15 Bena amu aniani ḡauna dainai varavaramu lalona e hekwakwanaimu, oi na uraheni dalana ai to rakamu. Keriso ese ia dainai e mase; oi ese amu aniani dainai basio hamasea.
ROM 14:16 Oi ese namona o laloamu ḡauna dikana basie gwauraia.
ROM 14:17 Badina be Dirava ena basileia na dia aniani ḡauna eiava inuinu ḡauna; a kara maoromaoro bona maino bona moale, Lauma Helaḡa bagunai.
ROM 14:18 Badina be ini ḡau amo Keriso isiaina e lao henimu tauna na Dirava ese e lalo namo heniamu, bona taunimanima ese e hanamoamu.
ROM 14:19 Benaini, maino daladia baita tahu, bona baita hahegoada heheni.
ROM 14:20 Dirava ena ḡaukara basio hadikaia, aniani ḡauna dainai. Momokani, ḡau iboudiai na goḡoeva-gogoeva; to mai daradarana baine aniani tauna ana aniani na dika ienai.
ROM 14:21 Vamu basita ania, vine ranuna basita inua, bona varavarada ihahekwakwanaina karana ta basita karaia, unu hari namo.
ROM 14:22 Oi na mai emu abidadama, ani? Dirava bavabidadama henia. Sibona dikana se gwauraiamu ena kara dainai, una tau na namo.
ROM 14:23 A daradara tauna baine aniani, sibona baine hahedika, badina be asi ena abidadama; bona abidadama ese se havara ḡaudia iboudiai na didika.
ROM 15:1 Ita goada tauda na manoka taudia edia manoka baita huahai, dia ita siboda eda moale basita tahua.
ROM 15:2 Iboudai ta ta dekeda taudia baita hamoaledia, edia namo bona edia goada ihavaradia.
ROM 15:3 Badina be Keriso danu sibona se hahemoale; Buka Helaḡa ai e torea heḡereḡerena, eto, Gwaugwau herevadia oi e gwau henilaimu na lau latagu ai vada eme kau.
ROM 15:4 E tore guna ḡaudia na ita ihadibalaida totona e tore, bena Buka Helaḡa ese haheauka bona tauhalo bae havara, ela bona helaro baita davaria.
ROM 15:5 Bena haheauka bona tauhalo Diravana ese lalomui baine hatamonadia, Keriso Iesu bagunai;
ROM 15:6 bena mai lalomui tamona bona mai eremui tamona ida Dirava, iseda Lohiabada Iesu Keriso Tamana, ba imodaia.
ROM 15:7 Taunabunai ba heabi-dae heheni, Keriso ese umui e abimui dae heḡereḡerena, Dirava iheatolaina.
ROM 15:8 Na tomu Keriso na Israel edia hesiai tauna ai e halaoa, Dirava ena hereva momokani dainai, seneda e gwau henidia hamata herevadia ihamomokanidia;
ROM 15:9 bona bese idau-idau ese danu Dirava bae imodaia, ena hebogahisi dainai; buka ai e torea heḡereḡerena eto, Ina dainai bese idau-idau bogaragidiai baina imodaimu; Oi ladamu na egu ane ai baina hanamoa.
ROM 15:10 Ma eto, Idau bese taumui e, ia besena ida ba moale hebou.
ROM 15:11 Ma eto, Bese idau-idau taumui iboumui ai, Lohiabada ba imodaia; Taunimanima iboumui ai, ia ba hanamoa.
ROM 15:12 Ma Isaia eto, Iese ramuna amo ta baine gara kau, Bese idau-idau lohiadia ai bainela; Bese idau-idau taudia ese ia bae abidadama henia.
ROM 15:13 Helaro Diravana ese emui abidadama dainai moale bona maino idoinai baine hahonulaimui, Lauma Helaḡa siahuna amo baine habadaia.
ROM 15:14 Varavaragu e, lau dibagu umui na kara namo ai o honumu, diari ai o honuhonu daemu, hesisiba heheni na mai dibamui.
ROM 15:15 Taunabunai, mai goadagu ida na tore henimuimu, ihahelalolaimui totona, Dirava ese e henigu hariharina dainai.
ROM 15:16 Lau be Keriso Iesu ena hesiai taugu, bese idau-idau ediai; Dirava ena sivarai namo na harorolaiamu, bena Lauma Helaḡa ena hahelaḡa dainai bese idau-idau na boubou ḡaudia namodia ai baela.
ROM 15:17 Dirava ena ḡaukara na karaiamu bona na heaḡilaiamu, Iesu Keriso bagunai.
ROM 15:18 Keriso ena ḡaukara idaudia haida basina herevalai; a lau daigu ai bese idau-idau taudia vada e kamonai, bona edia kamonai amo hereva bona kara vada e vara, una mo na herevalaiamu.
ROM 15:19 Toa bona hoa karadia danu vada eme hedinarai, Dirava ena Lauma ena siahu dainai; taunabunai Ierusalem amo ela bona Iluriko, Keriso ena sivarai namo vada na harorolaia ḡuḡuru.
ROM 15:20 Egu lalo-hadai tamona binai: sivarai namo baina harorolaia, Keriso ladana do asie hatoamu gabudia ai. Asina uramu ta ena du latadiai egu ruma baina haginia.
ROM 15:21 Buka ai e torea heḡereḡerena eto, Asie hadibalaidia taudia na bae ita, Bona sivaraina asie kamonai taudia na bae diba.
ROM 15:22 Una dainai vada name helao ahu, asina vasi itamui ema bona hari.
ROM 15:23 A harihari lau na asi egu ḡaukara inikaha ai; bona laḡani hoho vada na ura bada baina vasi.
ROM 15:24 Taunabunai, Spania baina lao henia negana ai baina vasi; badina be na uramu egu laolao ai baina itamui, umui ida baita noho nega taina, bena dala ai ba hakaugu.
ROM 15:25 A ina harihari lau na Ierusalem ba laomu, helaḡa taudia ikahadia totona.
ROM 15:26 Badina be Makedonia bona Akaia taudia ese edia harihari ḡaudia vada e habou ogoḡami taudia Ierusalem ekalesiana ai edia.
ROM 15:27 Idia na unu e kara toma mai moaledia ida; e haeroa, idia na ima-doa taudia na heheto. Badina be lauma ḡaudia vada e abi; bena tau-ani ḡaudia ma bae heni lao eto.
ROM 15:28 Ina ḡaukara baina karaia vaitani, ina huahua baina henidia vaitani, bena baina vasi itamui, ma Spania bainala.
ROM 15:29 Lau dibagu danu, baina vasi negana ai Keriso ena hahenamo idoinai baina vasilaia.
ROM 15:30 Varavaragu e, na noimuimu, iseda Lohiabada Iesu Keriso bagunai bona Lauma ena uraheni bagunai, Dirava ba ḡuria goadagoada lau daigu ai, sibogu daigu ai na ḡuriḡurimu heḡereḡerena;
ROM 15:31 gwau-edeede taudia Iudea ai imadia amo baine hamaurigu, bona egu ḡaukara Ierusalem ai helaḡa taudia ese bae abia dae mai lalo-namodia ida.
ROM 15:32 Bena Dirava ena ura heḡereḡerena ai, lau baina vasi mai moalegu ida, bena baita hahealo heheni.
ROM 15:33 Maino Diravana ese aine bamomui. Amen.
ROM 16:1 Ita taihuda Foibe e vasimu; ia na Kenkrea diakono hahinena ta.
ROM 16:2 Lohiabada bagunai bavabia dae, ani, helaḡa taudia o abidia daemu na heto; bona ena ḡaukara ai ba durua. Badina be ia ese hutuma vada e durudia; bona lau danu eme durugu.
ROM 16:3 Priskila bona Akula, Keriso Iesu bagunai lau ida a ḡaukara hebouva taudia, ba hanamodia.
ROM 16:4 Idia na lau daigu ai mokona e mase. Lau ese na hanamodiamu; a dia lau mo, bese idau-idau edia ekalesia oreadia iboudiai danu.
ROM 16:5 Bona edia ruma ai e heboumu oreana danu ba hanamodia. Na lalokau heniamu tauna, Epaineto, danu ba hanamoa; ia na anina roboana Keriso ena, Asia ai.
ROM 16:6 Maria danu ba hanamoa; ia na umui daimui ai vada e hekwarahi bada.
ROM 16:7 Varavaragu Androniko bona Iunia danu ba hanamodia; idia be lau ida dibura rumana ai e koumai bou. Haridia na bada aposetolo taudia bogaragidiai. Idia danu Keriso ena orea lalonai e vareai guna, lau be gabe ai.
ROM 16:8 Amplia, Lohiabada bagunai na lalokau heniamu tauna,
ROM 16:9 bona Urebano, lau ida a ḡaukara hebouva tauna, bona Staku, egu lalokau tauna,
ROM 16:10 bona Apele, Keriso enai e gini tutukatutukamu tauna, iboudiai ba hanamodia. Aristobulo ena ruma taudia ba hanamodia.
ROM 16:11 Varavaragu Herodion ba hanamoa. Narakiso ena ruma taudia ba hanamodia; idia na Lohiabada ena orea taudia.
ROM 16:12 Trufena bona Trufosa ba hanamodia; idia na Lohiabada ena orea hahinedia; Peresi, lalokau hahinena, ba hanamoa; ia na Lohiabada ena ḡaukara vada e heckwarahilaia.
ROM 16:13 Rufo, Lohiabada ese e abia hidi tauna, ba hanamoa; ia sinana danu, natuna ai e halaogu hahinena, ba hanamoa.
ROM 16:14 Asunukrito bona Flegon bona Hereme bona Patroba bona Herema, mai bamodia ida, ba hanamodia.
ROM 16:15 Filologo, bona Iulia, bona Nerea, mai taihuna ida, bona Olumupa, bona helaḡa taudia iboudiai idia ida e nohomu, ba hanamodia.
ROM 16:16 Ba hahenamo heheni; ba haherahu heheni. Keriso ena ekalesia oreadia iboudiai ese e hanamomuimu.
ROM 16:17 Varavaragu e, heai taudia bona hekwakwanai ihavaradia taudia nahuada ba toho. Hahediba herevadia vada a henimui na idia ese e tata utumu; edia amo ba raka ohu.
ROM 16:18 Taunimanima unuhetomadia na Keriso iseda Lohiabada isiaina asie lao henimu, a bogadia mo e lalomu; bona idia ese danu hereva manau bona ere namo amo asi dibadia taudia na e koidiamu.
ROM 16:19 A umui emui haheauka harina na taunimanima iboudiai ese vada e kamonai; taunabunai, lau na umui daimui ai na moalemu. To lau na uramu umui na ḡau namodia ai ba aunega, ḡau dikadia ai ba kavakava.
ROM 16:20 Asi vanahana Maino Diravana ese Satana baine moia patapata umui aemui henudiai. Iseda Lohiabada Iesu ena harihari-bada ese baine bamomui.
ROM 16:21 Timoteo, lau ida a ḡaukara heboumu tauna, bona varavaragu Luka bona Iason bona Sosipatro, hahaniosi ese e hanamomuimu.
ROM 16:22 Lau Teretio ese imagu amo ina revareva name torea: Lohiabada ladana ai na hanamomuimu.
ROM 16:23 Gaio, lauegu badiholo tauna bona ekalesia taudia iboudiai edia badiholo tauna, ese e hanamomuimu. Erasto, hanua monina inarina tauna, bona Koato, ekalesia tauna ta, ese danu e hanamomuimu.
ROM 16:24 Eda Lohiabada Iesu Keriso ena harihari-bada na iboumui ai emui ai baine mia. Amen.
ROM 16:25 Dirava aita hanamua, ia na mai goadana baine haginimui tutuka-tutuka, egu sivarai namo bona Iesu Keriso ena haroro herevadia heḡereḡeredia. Hereva hehunidia ihahedinaraidia heḡereḡerena danu, nega gunadia amo e hehuni,
ROM 16:26 a harihari vada eme hedinarai; noho hanaihanai Diravana ena hahegani dainai, peroveeta taudia edia buka ese bese loḡora ibuudiai vada e hadibalaidia, edia abidadama ihavarana.
ROM 16:27 Aonega Diravana tamona aita imodaia, Iesu Keriso bagunai; ia hairaina baine mia hanaihanai. Amen.
1CO 1:1 Lau Paulo, Dirava ena ura dainai vada e boirigu, Keriso Iesu ena aposetolo taugu ai vada e halaogu, varavarada Sostene ida,
1CO 1:2 raruosi Dirava ena ekalesia Korinto ai o nohomu taumui a hahenamo henimuimu. Keriso Iesu lalonai vada e hahelaḡamui, helaḡa taumui vada e gwauraimui. Umui, bona Iesu Keriso, edia Lohiabada bona eda Lohiabada, ladana e hahaneamu taudia iboudiai,
1CO 1:3 harihari-bada bona maino bavabi, ita Tamada Dirava ena amo bona Lohiabada Iesu Keriso ena amo.
1CO 1:4 Nega idoinai Dirava na hanamoamu umui daimui ai, badina be Dirava ena harihari-bada na Keriso Iesu lalonai vada e henimui.
1CO 1:5 Taunabunai, ḡau iboudiai ia lalonai vada e hataḡalaimui, hereva ai bona lalo-parara ai danu,
1CO 1:6 Keriso idibana umui lalomui ai vada e hamomokania heḡereḡerena.
1CO 1:7 Taunabunai umui na harihari ḡauna ta ai asio dabumu, hari iseda Lohiabada Iesu Keriso ihahedinaraina o nariamu negana ai.
1CO 1:8 Ia ese baine haginimui tutuka-tutuka ela bona dokona; bena Lohiabada Iesu Keriso ena mai dinana ai ta ese basine habadelaimui.
1CO 1:9 Dirava na momokani; bona ia ese vada e boirimui, ia Natuna Iesu Keriso ida ba hetura.
1CO 1:10 Varavaragu e, eda Lohiabada Iesu Keriso ladana ai na noimuimu, iboumui ai hereva tamona ba gwauraia; heiri-heiri na bogaragimui ai basie vara, a lalo tamona ai bona lalo-hadai danu tamona ai ba hedaro boubou.
1CO 1:11 Badina be, varavaragu e, Kloe varavarana ese sivaraimui vada e hamaorolaigu, e tomu umui na o noho heai-heaimu.
1CO 1:12 Readia umui ta ta o tomamu “Lau na Paulo ena”, “Lau na Apolo ena”, “Lau na Kefa ena”, “Lau na Keriso ena”.
1CO 1:13 Be, Keriso na vada e haheparara a? Paulo e hasatauroa umui daimui ai a? Eiava Paulo ladana ai e bapatisomui a?
1CO 1:14 Lau ese Dirava na hanamoamu, badina be umui ta asina bapatisoa, Krispo bona Gaio mo;
1CO 1:15 ta bema toma lau na sibogu ladagu ai na bapatisomui na garina.
1CO 1:16 Stefana ena ruma taudia danu na bapatisodia; asina diba ḡoeva ta danu na bapatisoa eiava.
1CO 1:17 Badina be Keriso ese e siaigu dia taunimanima ibapatisodia totona, a sivarai namo iharorolaina; bona dia aonega herevadia amo basina haroro, Keriso ena satauro na asi siahuna baine mia na garina.
1CO 1:18 Badina be satauro herevana na kavakava, mase dalana ai e rakamu taudia ediai; a mauri dalana ai ta rakamu tauda edai ia na Dirava ena siahu.
1CO 1:19 Buka Helaḡa ai e torea heḡereḡerena, eto, Aonega taudia edia aonega baina ha-orea, lalo-parara taudia edia lalo-parara danu baina dadaraia.
1CO 1:20 Aonega tauna be edeseni ai? Itorena tauna be edeseni ai? Ina tanobada ai hereva e hedavelaimu tauna be edeseni ai? Dirava ese tanobada ena aonega na kavakava ḡauna ai vada e halaoa, ani?
1CO 1:21 Badina be Dirava ena aonega binai: tanobada na aonega amo Dirava se dibava negana ai iena ura vada e hedinarai, haroro kavakavana amo e abidadama heniamu taudia na do bae mauri.
1CO 1:22 Taunabunai, Iuda taudia ese toa e noiamu, Helene taudia ese danu aonega e tahuamu;
1CO 1:23 to ai ese Keriso vada e hasatauroa na a harorolaiamu. Una na hekwakwanai ḡauna Iuda taudia ediai, bona kavakava ḡauna Helene taudia ediai;
1CO 1:24 to e boiridia taudia, Iuda bona Helene danu, ediai Dirava ena siahu bona ena aonega.
1CO 1:25 Badina be Dirava ena kavakava ese taunimanima edia aonega e hereaiamu; bona Dirava ena manoka-manoka ese taunimanuma edia goada e hereaiamu.
1CO 1:26 Varavaragu e, Dirava ese e boirimui na ba laloa; dia hoho mai emui aonega, tau-anina aonegana; bona dia hoho mai emui siahu, tanobada siahuna; bona lohia danu dia hoho.
1CO 1:27 A tanobada ena kavakava ḡaudia Dirava ese vada e abi hidi, aonega taudia ihahemaraidia; bona tanobada ena manokamanoka ḡaudia danu Dirava ese vada e abi hidi, goada ḡaudia ihahemaraidia;
1CO 1:28 bona tanobada ena ḡau pipikidia bona ena hedadarai ḡaudia bona lasihidia ḡaudia danu Dirava ese vada e abi hidi, ia ese miadia ḡaudia baine ha-oredia totona.
1CO 1:29 Taunabunai, tau ta Dirava vairanai basine heaḡi.
1CO 1:30 Dirava na Keriso Iesu lalonai vada e hamaurimui; bona Keriso Iesu ena amo aonega bona kara maoromaoro bona hahelaḡa bona hahemauri vada eme henida;
1CO 1:31 Buka Helaḡa ai e torea heḡereḡerena, eto, Heaḡi tauna ese Lohiabada baine heaḡilaia.
1CO 2:1 Varavaragu e, lau na vasi bona Dirava ihahedinaraina herevadia na harorolai henimuiva negana ai, hereva namo-hereadia eiava aonega hereana asina vasilai.
1CO 2:2 Badina be lalogu na hadaia, umui dekemui ai ḡau ta basina diba, Iesu Keriso mai ena satauro ida mo vadaeni.
1CO 2:3 Lau na manoka-manoka ai bona gari ai bona heude-heude badana ai umui bogaragimui ai na nohova;
1CO 2:4 bona egu hereva bona egu haroro na dia aonega herevadia eiava lalo-ani herevadia, to Lauma ena siahu na hahedinaraia,
1CO 2:5 emui abidadama na dia taunimanima edia aonega ai basine gini to Dirava ena siahu ai baine gini helaoreana.
1CO 2:6 Aonega herevadia a gwauraimu, tatau badadia bogaragidiai, ḡau tamona dia ina tanobada aonegana bona dia ina tanobada lohiadia edia aonega; idia na e lao bubunimu.
1CO 2:7 A ai ese Dirava ena aonega hehunina a gwauraiamu; aonega hehunina bunai Dirava ese e lalo-hadailaia guna, tanobada do se karaia negana ai, ita ihanamoda.
1CO 2:8 Aonegana bunai ina tanobada lohiadia ta asi dibana; badina be idia bema diba, Hairai Lohiana basiema hasatauroa.
1CO 2:9 Buka Helaḡa ai e torea heḡerḡerena, eto, Mata ta se ita bona taia ta se kamonai ḡaudia, Tau ta lalona ese se lalo-hadailai ḡaudia, Dirava ese vada e abi hegaeḡae, E lalokau heniamu taudia edia.
1CO 2:10 A Dirava ese ia Laumana ena amo ini ḡau vada e hahedinarai henida; badina be Lauma ese ḡau iboudiai e tahumu; oibe, Dirava ena dobu ḡaudia e tahumu.
1CO 2:11 Badina be taunimanima edia ḡau be taunimanima laumana mo mai dibana, ani? Unuhetomana, Dirava ena ḡau be ta asi dibana, Dirava Laumana sibona mai dibana.
1CO 2:12 Ita ese tanobada laumana asita abia, a Dirava ena amo e maimu laumana tame abia, Dirava ese e henida dudu kaumu ḡaudia baita diba helaoreana.
1CO 2:13 Una na a gwauraimu, dia taunimanima edia aonega herevadia amo, a Lauma ese e hadibalaimu herevadia amo; taunabunai, lauma ḡaudia na Lauma ese e hahedibalaimu.
1CO 2:14 Tau-anina iabidadama-henina tauna ese Dirava Laumana ḡaudia se abi daemu, badina be idia na kakavakava ienai; lalona se pararamu, badina be lalo-parara na Lauma ena amo.
1CO 2:15 A lauma iabidadama-henina tauna ese ḡau iboudiai e dibamu, a tau ta ese ia se dibaiamu.
1CO 2:16 Badina be daika ese Lohiabada darana dibana, bena baine hadibaia? Ḡau tamona, ita ese Keriso darana vada ta abia.
1CO 3:1 Varavaragu e, lau na asina hereva henimuiva lauma iabidadama-henina taudia hegereḡeredia, a tau-anina iabidadama-henina taudia heḡereḡeredia ai na hereva henimuiva, e kara memero karukarudia Iesu Keriso lalonai na heheto.
1CO 3:2 Rata na ubulaimuiva, dia aniani aukadia, badina be do asio goadava; harihari danu asio goadamu.
1CO 3:3 Badina be umui na doene tauanina o abidadama heniamu; vaḡeḡe bona heai umui bogaragimui ai doene e miamu. Benaini, umui na tau-anina iabidadama-henina taumui ani? Umui na taunimanima heḡereḡeredia o rakamu ani?
1CO 3:4 Badina be ta e tomu “Lau na Paulo ena”, ma ta e tomu “Lau na Apolo ena”; benaini, umui na tau-anina iabidadama-henina taumui, ani?
1CO 3:5 Apolo be daika? Paulo be daika? Hesiai taudia mo, sivarai namo e henimui, Lohiabada ese idia e henidia heḡereḡerena.
1CO 3:6 Lau ese na hadoa; Apolo ese e dairia; a Dirava ese anina e havaraia.
1CO 3:7 Benaini, ihadona tauna bona idairina tauna be herevadia; Dirava sibona ese anina e havaraiamu.
1CO 3:8 Ihadona tauna bona idairina tauna be heḡereḡere; to ta ta davadia bae abi, edia hekwarahi heḡereḡeredia.
1CO 3:9 Badina be ai na Dirava ida a ḡaukara heboumu; umui na Dirava ena uma bona Dirava ena ruma.
1CO 3:10 Dirava ese e henigu hariharina heḡereḡerena ruma iseuna dibana tauna na heto, ruma badina vada na atoa; a idau tauna ta ese ia daenai ruma ta ma e hadaiamu. A ta ta nahuadia bae toho, ede bae hadaia toma;
1CO 3:11 badina be ruma badina idauna na tau ta ese basine atoa diba, vada e atoa kau ḡauna mo, Iesu Keriso bunai.
1CO 3:12 Una ruma badina latanai tau ta ese gold eiava silver eiava nadi nan namo-hereadia eiava au eiava kurukuru eiava biri baine hadai;
1CO 3:13 ḡau tamona, taunimanima ta ta edia ḡaukara bae hedinarai. Badina be Keriso ena dina ese baine hahedinarai; oibe, lahi ese baine hahedinarai. Bena taunimanima ta ta edia ḡaukara be edeheto, lahi ese baine diba.
1CO 3:14 Tau ta ese e hadaia ḡauna na baine gini, una tau ese davana do baine abia.
1CO 3:15 A tau ta ese e hadaia ḡauna na lahi ese baine araia, una tau do baine dabu; to ia na lahi lalona amo do baine roho mauri.
1CO 3:16 Asi dibamui a, umui na Dirava ena ruma helaḡana; Dirava Laumana danu umui lalomui ai e nohomu?
1CO 3:17 Tau ta ese Dirava ena ruma helaḡana baine hadikaia, Dirava ese ia do baine hadikaia. Badina be Dirava ena ruma na helaḡa; bona una ruma na umui.
1CO 3:18 Tau ta sibona basine hekoi. Tau ta umui bogaragimui ai lalona baineto ia na ina tanobada aonegana vada e davaria, ia na kavakava tauna ai do bainela, bena aonega korikori baine abia.
1CO 3:19 Badina be ina tanobada aonegana na kavakava, Dirava vairanai. Buka Helaḡa ai vada e torea, eto, Ia ese aonega taudia e idoadia, edia dibaka karadia ai.
1CO 3:20 Ma e torea, eto, Lohiabada na aonega taudia edia lalo-hadai dibana, idia na asi anidia.
1CO 3:21 Taunabunai, ta ese taunimanima basine heaḡilaidia. Badina be ḡau iboudiai na umui emui:
1CO 3:22 Paulo eiava Apolo eiava Kefa eiava tanobada eiava mauri eiava mase eiava harihari e miamu ḡaudia eiava do bae vara ḡaudia. Ibouboudiai na umui emui;
1CO 3:23 umui danu Keriso ena; Keriso danu Dirava ena.
1CO 4:1 Taunimanima ese ini bae lalolmai toma: ai na Keriso ena hesiai taumai bona Dirava ena hereva hehuni iregudia taumai.
1CO 4:2 Matona, ireḡudia taudia namodia be kara momokani taudia.
1CO 4:3 Lauegu lalo-hadai binai: umui ese ba hahemaoro henigu, eiava taunimanima haida ese, una na ḡau pipikina mo. Lau danu sibogu asina hahemaoro heni,
1CO 4:4 badina be egu kerere ta asina lalo davari. To una dainai maoromaorogu basie gwaurai; ihahemaoro-henigu tauna na Lohiabada.
1CO 4:5 Taunabunai, ḡau ta basio hahemaoro henia, negana be dounu; ela bona Lohiabada bainema. Ia ese dibura ai e hehunimu ḡaudia na diari ai baine veri lasi; taunimanima edia lalo-hadai danu baine hahedinarai. Bena taunimanima ta ta Dirava ese baine hanamodia.
1CO 4:6 Varavaragu e, umui daimui ai ini ḡau vada na gwaurai, lau bona Apolo latamai ai; bena ai emai amo vada ba diba, Buka Helaḡa ai e tore herevadia ba badinadia, ta bavabia dae una ta ba dadaraia na garina.
1CO 4:7 Be, daika ese oi mo e ha-idaumu? Bona dahaka ḡau oi dekemu ai, a tau ta ese se henimu? A bema ta ese e henimu, dahaka dainai o heaḡilaiamu, ta basinema henimu na heto?
1CO 4:8 Umui na ina harihari vada o boga kunumu; umui na ina harihari taḡa taumui; umui na lohia o tomamu, a ai be lasi. Boma lohia momokani bema namo, bena ai be umui ida baitama lohia hebou.
1CO 4:9 Badina be lau na tomamu Dirava ese ai aposetolo taumai na gabe taumai ai vada e halaomai, vada e revamai mase; badina be tanobada bona aneru bona taunimanima bae raraia hebou ḡauna ai vada e halaomai.
1CO 4:10 Ai na kakavakava Keriso dainai, a umui na Keriso lalonai o aonegamu. Ai na mamanoka-mamanoka, a umui na gogoada. Umui na e heatolaimuimu, a ai na e ihi-ihiraimaimu.
1CO 4:11 Dina iboudiai ema bona harihari e hitolomaimu, a ranu masemu, asi emai dabua, e tutumaimu, asi emai noho gabuna.
1CO 4:12 A hekwarahimu, imamai amo a ḡaukaramu. E uduguiraimaimu, to a hanamodiamu; e daḡedaḡe henimaimu, to a haheaukamu;
1CO 4:13 ladamai e hadikamu, to a hamarumarudiamu. Tanobada taḡena ai bona ḡau iboudiai momodia ai vada e halaomaimu ema bona harihari.
1CO 4:14 Ini hereva asina toremu umui ihahemaraimui totona; a natugu, egu lalokau, bama sisiba henidia heḡereḡerena ai umui na sisiba henimuimu.
1CO 4:15 Ena be ihadibamui taudia Keriso ai bema gerebu ta, to tamamui basiema hoho; badina be Keriso Iesu bagunai lau ese sivarai namo ai na havaramui.
1CO 4:16 Taunabunai lau na noimuimu, lau ba haḡoigu.
1CO 4:17 Badina bunai Timoteo vada na siaia vasi dekemui ai; ia na egu lalokau merona mai momokanina ida, Lohiabada alonai. Ia ese egu ḡaukara Keriso Iesu lalonai baine hahelalolaimui, gabu idoidiai ekalesia iboudiai na hadibalaidia heḡereḡerena.
1CO 4:18 Haida na vada e hekokorokumu, badina be idia banava lau na basina vasimu e tomu.
1CO 4:19 A Lohiabada baine ura, lau na asi vanahana baina vasi; bena hekokoroku taudia baina dibadia; edia hereva basina diba, edia siahu mo baina diba.
1CO 4:20 Badina be Dirava ena basileia na dia hereva ai, to siahuna ai e miamu.
1CO 4:21 Dahaka o uramu? Kwadi-kwadi auna baina vasilaia, eiava lalokau bona manilu ai baina vasi.
1CO 5:1 Sivarai vada e piua, umui bogaragimui ai lebulebu karana ta mia; kara unuhetomana bese idau-idau taudia na asi dibadia. Karana binai: tau ta tamana adavana ida e heuda hanai.
1CO 5:2 A umui be o hekokorokumu, asio taimu, asio tomu unu e kara toma tauna na bogaragimui amo bema heabi oho bema namo.
1CO 5:3 Benaini, ena be taugu na idau gabu ai to laumagu na dekemui ai; taunabunai, lau ese una kara e karaia tauna vada na hahemaoro henia vaitani, dekemui ai bama noho na heto.
1CO 5:4 Lohiabada Iesu Keriso ladana ai na haḡanimuimu: lau laumagu ida ba hebou Lohiabada Iesu Keriso siahuna ai,
1CO 5:5 bena una kara e karaia tauna na Satana ba henia, Iauanina ihamasena totona; bena laumana do baine mauri Lohiabada ena mai dinana ai.
1CO 5:6 Emui hekokoroku na dia namo. Asi dibamui a, hatubu ḡauna sisina ese taba idoinai e hatubuamu?
1CO 5:7 Hatubu ḡauna gunana ba negea, taba matamatana ai baola, se hatubua ḡauna. Badina be Keriso vada e alaia mase, iseda Lagau-hanai mamoena ai ela.
1CO 5:8 Taunabunai, aria baita karaia, dia hatubu ḡauna gunana ai, bona dia lalo-hadai dikadia bona kara dikadia edia hatubu ḡauna ai, a se hatubua anianina ai: una na lalo ḡoeva bona hereva momokani.
1CO 5:9 Egu revareva ta lalonai na tore henimui, nato heuda-hanai taudia basio bamodia.
1CO 5:10 To asinato nega idoinai ina tanobada ena heuda-hanai taudia, eiava mata-ḡaniḡani taudia, eiava dadidadi taudia, eiava kaivakuku itomadiho-henidia taudia, ida basio hebou; unu asina gwau toma. Boma ura unu boma kara toma, dala tamona be tanobada boma rakatania vaitani.
1CO 5:11 A harihari na tore henimuimu, na tomu, ita varavarada ta bema heudahanai tauna, eiava mata-ḡaniḡani tauna, eiava kaivakuku itomadiho-henina tauna, eiava ere dika tauna, eiava kekero muramurana inuna tauna, eiava dadidadi tauna, umui na ia ida basio hetura bona ia ida basio aniani hebou.
1CO 5:12 Badina be murimuri tauna baina hahemaoro henia na dia lauegu ḡaukara; a umui emui ḡaukara be ekalesia lalonai e nohomu taudia na ba hahemaoro henidia, ani?
1CO 5:13 Dirava ese murimuri taudia e hahemaoro henidiamu. Umui hari kara dika tauna murimuri ai bavatoa lasi.
1CO 6:1 Edeheto umui ta ese bamona baine habadelaia e tomu, bena kara kerere taudia vairadiai e hahemaoro heniamu, dia helaḡa taudia vairadiai se hahemaoro heniamu?
1CO 6:2 Asi dibamui a, helaḡa taudia ese tanobada bae hahemaoro henia? Matona, asio heḡereḡere ḡau pipikidia ba hahemaorolai.
1CO 6:3 Asi dibamui a, ita ese aneru do baita hahemaoro henidia? Ina mauri ena ḡau basita hahemaorolai a?
1CO 6:4 Benaini, ina mauri ena ḡau o hahemaorolaimu negadia ai, edeheto ekalesia lalonai asi haridia taudia vairadiai o hahemaoro hehenimu?
1CO 6:5 Ini na gwau tomamu, umui ihahemaraimui. Be! Bogaragimui ai aonega tauna ta lasi a, varavarana baine hahemaoro henidia diba?
1CO 6:6 A ekalesia tauna ese bamona e habadelaiamu bona e hahemaoro heniamu, asi edia abidadama taudia vairadia ai.
1CO 6:7 Taunabunai, umui o hahemaoro hehenimu na vada o kerere vaitani. E hadikamui negadia ai na hisi basio ani a? Emui kohu e abi havaramu negadia ai na basio haheauka a?
1CO 6:8 A umui ese bamomui ma o hadikadiamu, bona edia kohu ma o abi havaramu.
1CO 6:9 Asi dibamui a, kara dika taudia na asi ahudia Dirava ena basileia lalonai? Basio hekoi. Lebulebu taudia, bona kaivakuku itomadiho-henidia taudia, bona heuda-hanai taudia, bona hahine ai e laomu taudia, bona sibodia e hahedika hehenimu taudia,
1CO 6:10 bona henao taudia, bona mata ganigani taudia, bona muramura ese e hakekerodiamu taudia, bona ere dika taudia, bona dadidadi taudia, ini iboudiai na asi ahudia, Dirava ena basileia lalonai.
1CO 6:11 Umui haida danu gunaguna unuheto; to vada e hurimui, vada e hahelaḡamui, bena maoromui vada e gwaurai, Lohiabada Iesu Keriso ladana ai bona iseda Dirava Laumana ai.
1CO 6:12 Kara iboudiai na asi taravatudia lauegu ai; to dia kara iboudiai na nanamo. Kara iboudiai na asi taravatudia lauegu ai; to ta ese basine biagugu.
1CO 6:13 Aniani ḡaudia na boga ena, bona boga na aniani ḡaudia edia; to Dirava ese ruaosi baine ha-ore. Tau-anina na dia lebulebu ena, a Lohiabada ena; Lohiabada danu tau-anina ena.
1CO 6:14 Dirava ese Lohiabada vada e hatorea isi, bona ita danu baine hatoreda isi, ia sibona ena siahu amo.
1CO 6:15 Asi dibamui a, tau-animui na Keriso reḡena? Bena Keriso reḡena baina abi, ariara hahinena reḡena ai baina halao a? Lasi ona lasi vaitani.
1CO 6:16 Asi dibamui a, ariara hahinena ida e heboumu tauna na ia ida tau-anina tamona? Badina be vada e torea, Raruosi na tau-anina tamona ai baela.
1CO 6:17 A Lohiabada ida e heboumu tauna na ia ida lauma tamona.
1CO 6:18 Heuda-hanai ba heautania. Kara dika iboudiai taunimanima ese e karamu na tau-anina murimurinai; to e heuda hanaimu tauna ese sibona tau-anina e kara dika heniamu.
1CO 6:19 Asi dibamui a, tau-animui na Lauma Helaḡa ena ruma; ia na lalomui ai, Dirava ese vada e henimui? Umui na dia sibomui emui;
1CO 6:20 badina be vada e hoimui, mai davamui. Taunabunai, tau-animui ai Dirava ba imodaia.
1CO 7:1 Vada o tore henigu herevadia davadia bini. Tatau basiema headava bema namo;
1CO 7:2 to lebulebu garina tatau ese adavadia ta ta bae abidia, hahine ese danu adavadia korikori mo bae abidia.
1CO 7:3 Tau ese adavana ena headava karana baine henia; hahine danu adavana ena headava karana baine henia.
1CO 7:4 Hahine ese sibona tau-anina se biaguamu, a tau ese e biaguamu; tau danu sibona tau-anina se biaguamu, a hahine ese e biaguamu.
1CO 7:5 Boma hedadarai heheni, ḡuriḡuri igoadalaina totona, negana basinema daudau; bena boma eno bou lou, emui haheauka basinema heḡereḡere bena Satana ese bema dibaḡanimui na garina.
1CO 7:6 Ina na egu hahealo; dia haheḡani.
1CO 7:7 Lau na uramu taunimanima iboudiai ese lau bae haḡoigu; to ta ta mai edia harihari ḡaudia Dirava ena amo, ta be iniheto, ma ta be unuheto.
1CO 7:8 Asie headava taudia bona vabu na hamaorodiamu, na tomu bae noho lau heḡereḡeregu, una baine namo.
1CO 7:9 To basiema haheauka, bema headava; badina be bae headava na namo, mata-dika ena lahi ai bae ara na dika.
1CO 7:10 A headava hahinedia na haganidiamu, hahine ese tau basine dihotania. Ina na dia lauegu haheḡani, to Lohiabada ena.
1CO 7:11 A bema dihotania, ia na vadona ai bema noho, eiava adavana enai ma bema daro dae lou. Tau ese danu adavana basine hadihoa.
1CO 7:12 A taunimanima oredia ediai lauegu hereva (dia Lohiabada ena) binai: varavarada ta bema mai adavana, dia ekalesia hahinena, bona una hahine bema ura ia ida do bemaa noho; basinema hadihoa.
1CO 7:13 Bona hahine ta danu bema mai adavana, dia ekalesia tauna, bona una tau bema ura ia ida do bema noho; basinema dihotania.
1CO 7:14 Badina be ekalesia hahinena ese adavana murimuri tauna na e hahelaḡaiamu; bona ekalesia tauna ese adavana murimuri hahinena na e hahelaḡaiamu. Bema lasi, natumui basiema helaḡa; ḡau tamona, idia na harihari hehelaḡa.
1CO 7:15 A murimuri tauna eiava hahinena baine raka oho, basio rua; bena una headava ese tadikakada eiava taihuda basine ḡuia. Dirava ese vada e boirimui, maino ai ba noho.
1CO 7:16 Hahine e, ede o diba tomamu adavamu ba hamauria eiava? Tau e, ede o diba tomamu adavamu ba hamauria eiava?
1CO 7:17 Lohiabada ese taunimanima ta Ia vada e harihari henidia heḡereḡerena, bona Dirava ese taunimanima ta ta vada e boiridia heḡereḡerena, unu bae raka toma. Ekalesia oreadia iboudiai lalodiai unu na haḡanidia tomamu.
1CO 7:18 E peritomea tauna vada e boiria a? Ena peritome basine ḡorea. Asie peritomea tauna vada e boiria a? Basie peritomea.
1CO 7:19 E peritomea bona asie peritomea be asi anina; Dirava ena haheḡani ibadinadia mo mai anina.
1CO 7:20 Ta ta e boiridia negadia ai e nohova heḡereḡerena ai do bae noho.
1CO 7:21 E boirimu negana ai oi na hesiai taumu a? Lalomu basine hekwarahi. A iruha-negemu dalana ba davaria, vada bavabia dae; una be namo herea.
1CO 7:22 Badina be hesiai tauna Lohiabada lalonai vada e boiria, Lohiabada ese vada e ruhaia nege; a e heruha nege tauna vada e boiria, ia na Lohiabada ena hesiai tauna.
1CO 7:23 Vada e hoimui, mai davamui: taunimanima edia hesiai taudia ai basiola.
1CO 7:24 Taunimanima ta ta e boiridia negadia ai e nohova heḡereḡerena do bae noho, Dirava ida.
1CO 7:25 Uhau bona ulato ediai lau na asi egu haheḡani Lohiabada ena amo; to lau sibogu, Lohiabada ese vada e bogagu hisi dainai bavabidadama henigu diba taugu, egu lalohadai aina henimui.
1CO 7:26 Lau na tomamu hari ini nega dikadia daidiai, taunimanima na harihari e nohomu heḡereḡeredia ai mo do bae noho, una be namo.
1CO 7:27 Mai adavamu a? Basio hadihoa. Asi adavamu a? Ta basio tahua.
1CO 7:28 Boma headava, ena na dia kara dikana; bona haneulato bema headava, una danu dia kara dika. Ḡau tamona, unu bae kara toma taudia na hisi do bae ani. A na uramu basinia hametaumui.
1CO 7:29 A varavaragu e, ini na gwau tomamu: nega na kwadogi. Harihari ela, mai adavadia tataudia na bae noho asi adavadia na heto baine namo;
1CO 7:30 bona taitai taudia na bae noho asie taimu na heto; bona moale taudia na bae noho asie moalemu na heto; bona hoihoi taudia na bae noho asi edia kohu na heto;
1CO 7:31 bona tanobada ena ḡau namodia e abimu taudia na basie abi badabada, badina be tanobada oromana vada e lao bubunimu.
1CO 7:32 Lau na uramu lalomui na basie hekwarahi. Se headava tauna ese Lohiabada ena ḡau e lalo haguhilaimu, Lohiabada ede baine hamoalea toma.
1CO 7:33 A headava tauna ese tanobada ḡaudia e lalo haguhilaimu, adavana ede baine hamoalea toma;
1CO 7:34 taunabunai lalona be rua. Se headava hahinena eiava hane-ulato na Lohiabada ena ḡau e lalo haguhilaimu; bena tau-anina ai bona laumana ai baine helaḡa. A headava hahinena ese tanobada ḡaudia e lalo haguhilaimu, adavana ede baine hamoalea toma.
1CO 7:35 Unu na gwau tomamu na emui namo ihavarana, dia idoa vairamui ai asina atoamu; a na uramu hemataurai karadia ba kara, bona Lohiabada isiaina ba lao heni, asi daradaramui.
1CO 7:36 Tau ta na lalona ai bema diba ia ese maohenina asine kara maoromaoro henia, a hegahusi dainai ena ura ienai vada e abia, bena ena ura heḡereḡerena ai baine karaia, vada bae headava; una na asi kererena.
1CO 7:37 A ta ese sibona lalona bema hadaia basine headava e tomamu, bona lalona bema ha-aukaia bona bema hadaia momokani ede baine kara toma, bena basine headava be namo.
1CO 7:38 Taunabunai, maohenina baine adavaia tauna baine kara namo, a basine adavaia tauna baine kara namo herea.
1CO 7:39 Hahine ese adavana baine badinaia ela bona ena mauri dokona. A tau na baine mase, hahine na baine heruha nege, baine ura henia tauna na baine adavaia; to Lohiabada lalonai mo baine adavaia.
1CO 7:40 A lau na tomamu vadona ai baine noho, ena lalo-namo baine herea; lau na tomamu danu Dirava Laumana na lalogu ai.
1CO 8:1 Kaivakuku ihaboulaidia vamudia herevadia bini: ita dibada iboudai mai eda lalo-parara; to lalo-parara ese hekokoroku e havaraiamu, a lalokau ese goada e havaraiamu.
1CO 8:2 Tau ta lalona baineto mai ena aonega, ia na aonega korikori do asi dibana;
1CO 8:3 a tau ta ese Dirava baine lalokau henia, Dirava ese ia baine dibaia.
1CO 8:4 Taunabunai, kaivakuku ihaboulaidia vamudia herevadia bini: ita dibada kaivakuku iboudiai tanobada ai na asi anidia; Dirava danu tamona mo.
1CO 8:5 Ena be “dirava” e gwauraidiamu ḡaudia na guba ai bona tanobada ai nonoho, dirava hutuma bona lohia hutuma,
1CO 8:6 to ita na mai eda Dirava tamona, ia na Tamada; ḡau iboudiai na iena amo e varamu, ita danu iena. Ita na mai eda Lohiabada tamona danu, Iesu Keriso bunai, ia dainai ḡau iboudiai e varamu, ita danu ia dainai vada ta vara.
1CO 8:7 Ḡau tamona, taunimanima iboudiai lalodia unu asie parara tomamu. Haida be kaivakuku karadia vada e manadalai ema bona harihari; una dainai lalodia ai e abia daemu e aniamu vamuna na helaḡa ḡauna, bena lalodia e manoka-manokamu dainai e hekwakwanaimu.
1CO 8:8 A aniani basine hanamoda Dirava vairanai; basita ania, basita dika; baita ania, basita namo.
1CO 8:9 To nahuamui ba toho, ina emui siahu na manoka taudia ihahekwakwanaidia ḡauna ai bainela na garina.
1CO 8:10 Badina be tau ta ese oi lalo-parara taumu baine itamu, kaivakuku ena dubu ai o ege dihomu, ia lalo-manoka tauna baineto ia danu kaivakuku ihaboulaina vamuna baine ania ani?
1CO 8:11 Bena lalo-manoka tauna, ena be oi varavaramu, ia dainai Keriso vada e mase, to oiemu lalo-parara dainai ia baine mase.
1CO 8:12 Taunabunai, varavarada o kara dika henidiamu, bona edia lalo-manoka o habadaiamu, unu amo Keriso danu o hadikaiamu.
1CO 8:13 Benaini, vamu ese varavaragu baine hahekwakwanaia, lau ese vamu basina ania ela bona hanaihanai, varavaragu baina hahekwakwanaia na garina.
1CO 9:1 Lau na ura-kwalimu taugu ani? Lau na aposetolo taugu ani? Eda Lohiabada Iesu na itaia ani? Umui na lauegu ḡaukara anina Lohiabada lalonai ani?
1CO 9:2 Idau taudia ediai readia lau na dia aposetolo tauna, a umui emui ai lau be aposetolo tauna momokani; badina be egu aposetolo dagina toana Lohiabada lalonai be umui.
1CO 9:3 E nanadaigumu taudia na ini na haere henidia tomamu;
1CO 9:4 asi siahumai baia aniani bona baia inuinu a?
1CO 9:5 Asi siahumai ekalesia hahinedia edia amo adavamai baia abidia, bena baia hakaudia eva-eva, aposetolo oredia bona Lohiabada tadina bona Kefa heḡereḡeredia a?
1CO 9:6 Lau Banaba ida asi siahumai imamai ḡaukaradia baia ato diho a?
1CO 9:7 Daika baine ha tuari, bena ena tuari dokona ai sibona davana baine kara? Daika vine baine hado, bena ena hadohado anina basine ani? Daika ese mamoe baine naridia, bena rata na basine inua?
1CO 9:8 Lau na herevamu kavakava tauna na heto a? Taravatu unu se gwau tomamu a?
1CO 9:9 Badina be Mose ena taravatu ai vada e torea, eto, Uit e moimoilaiamu boromakauna na uduna basio ḡuia. O, Dirava ese boromakau e lalodiamu,
1CO 9:10 eiava ita daidai unu e gwau tomamu, a? Readia ita daidai vada e torea: badina be ruarua tauna na baine ruarua mai helarona ida, bona uit e kwadiamu tauna danu ahuna iabina baine laroa.
1CO 9:11 Ai ese lauma ḡaudia baiama hado umui emui, tanobada ḡaudia emui ai baiama abi na ḡau metauna a?
1CO 9:12 Haida ese bema biagumui, ai ese basiama biagumui badabada a? To asia biagumui. Ḡau idoidiai a haheaukalai, Keriso ena sivarai namo baia laoa ahu na garina.
1CO 9:13 Asi dibamui a, hahelaḡa ḡaukaradia e karamu taudia ese Dubu Helaḡa ḡaudia e animu; bona boubou patana e nariamu taudia ese boubou patana amo ahudia e abimu?
1CO 9:14 Unuhetomana, Lohiabada na vada e hahedua, sivarai namo e harorolaiamu taudia na sivarai namo amo adia bae abi.
1CO 9:15 A lau ese ḡau ta asina abia. Ini hereva asina tore umui ese unu ba karagu toma helaoreana. Bama mase bema namo; tau ta ese egu heaḡi badina bema abia oho bema dika.
1CO 9:16 Ḡau tamona, sivarai namo na harorolaiamu be asina heaḡilaiamu, badina be vada e haduagu unu baina kara toma: sivarai namo basinama harorolaia madi ihabaigu.
1CO 9:17 Badina be sibogu egu ura dainai bama karaia, ahugu bama abia; to dia sibogu egu ura dainai, hahedua dainai na karaia.
1CO 9:18 Benaini, ahugu be dahaka? Ahugu binai: sivarai namo iharorolaina ai hari sivarai namo baina heni asi davana; egu siahu sivarai namo lalonai basina ḡaukaralaia kava.
1CO 9:19 Ena be lau na ura kwalimu taugu taunimanima iboudiai vairadiai, to iboudiai edia hesiai tauna ai nala, hutuma baina veridia mauri helaoreana.
1CO 9:20 Iuda taudia ediai Iuda tauna ai nala, Iuda taudia baina veridia mauri totona. Ena be lau na dia taravatu henunai, to taravatu henunai e nohomu taudia ediai taravatu henuna tauna ai nala, taravatu henunai e nohomu taudia baina veridia mauri totona.
1CO 9:21 Ena be lau ese Dirava ena taravatu asina tataia utu a Keriso ena taravatu na badinaia, to, asi taravatudia taudia ediai asi taravatuna tauna ai nala, asi taravatudia taudia baina veridia mauri totona.
1CO 9:22 Lalo-manoka taudia ediai lalo-manoka tauna ai nala, lalo-manoka taudia baina veridia mauri totona. Taunimanima idau-idau iboudiai edia ḡau idau-idau iboudiai nala, dala idau-idau iboudiai amo haida baina veridia mauri totona.
1CO 9:23 Ḡau iboudiai na sivarai namo dainai na karamu, ia lalonai ahugu baina abia helaoreana.
1CO 9:24 Dibamui, ani, heau-helulu ai heau taudia iboudiai e heaumu, a tau tamona ese davana e abiamu. Unu ba heau toma, bena davamui bavabia.
1CO 9:25 Gadara-helulu taudia na e boga aukamu, kwara iḡeḡena e maraimu ḡauna iabina totona. Ita danu ta boga aukamu, kwara iḡeḡena baine mia hanaihanai ḡauna iabina.
1CO 9:26 Unu na heau tomamu; asina daradaramu. Unu na tuari tomamu; dia hodahoda asina tutuamu,
1CO 9:27 to sibogu tau-anigu na tutuamu, na ḡuiamu; haida baina haroro henidia to sibogu mauri baina reaia na garina.
1CO 10:1 Varavaragu e, na uramu ba diba, seneda iboudiai na ori henunai e nohova, bena unu amo ma iboudiai davara lalona amo e raka raka hanai.
1CO 10:2 Iboudiai Mose enai bapatiso e abia, ori bona davara amo.
1CO 10:3 Iboudiai danu lauma anianina tamona e aniava,
1CO 10:4 bona iboudiai lauma ranuna tamona e inuava; badina be e ḡavadia nadina ranuna tamona e inua loulouva, nadina be Keriso.
1CO 10:5 To Dirava ese idia hutuma bada se lalo namo henidia dainai, tano ḡaḡaena ai eha mase.
1CO 10:6 Unu ḡau na toa, ita eda; kara dikadia basita ura heni, idia ese e ura heni na heto.
1CO 10:7 Kaivakuku danu basio toma henidia diho, idia haida heḡereḡeredia; Buka Helaḡa ai e torea heḡereḡerena eto, Taunimanima na e ege diho, e aniani, e inuinu; bena e tore isi, e mavaru.
1CO 10:8 Ita na basita lebulebu, idia haida e lebulebu na heto, bena dina tamona ai gerebu-rua daha-toi vada e mase.
1CO 10:9 Lohiabada danu basita dibagania, idia haida ese e dibaḡania na heto, bena gaigai ese e koridia mamase.
1CO 10:10 Bona basio maumau, idia haida e maumau na heto, bena ala-ala aneruna ese e aladia mamase.
1CO 10:11 Unu ḡau be idia ediai e vara, toa ai baela totona; sivaraidia danu vada e tore henida, ina tanobada dokona tauda isisibalai-henida.
1CO 10:12 Taunabunai, lalona e tomamu e gini tutuka-tutukamu tauna ese nahuana baine tohoa, baine keto na garina.
1CO 10:13 Vada e butumui laomu hedibaganidia na taunimanima iboudiai ese e haheaukalai hedibaḡanidia heḡereḡeredia. Bona Dirava na momokani; ia ese baine narimui, emui goada e hereaiamu hedibaḡanina ta ese baine butumui tao na garina; hedihaḡani negana ai ia ese emui roho mauri dalana baine henimui, bena ba haheaukalaqia diba.
1CO 10:14 Taunabunai, egu lalokau e, kaivakuku itomadiho-henidia na ba heautani.
1CO 10:15 Lalo-parara taumui na hereva henimuimu; egu hereva ba haeroa.
1CO 10:16 Hahenamo keherena ta hanamoamu na hetura, Keriso rarana ai, ani? Ataga ta bakiamu na hetura, Keriso tau-anina ai, ani?
1CO 10:17 Badina be ataga be tamona, ita danu ena be hutuma to tau-ani tamona, taunabunai ita iboudai ataga tamona ta ania heboumu.
1CO 10:18 Israel ena kara ba itaia: boubou vamudia e animu taudia na boubou patana ai asie heturamu a?
1CO 10:19 Bena dahaka bainato? Kaivakuku ihaboulaina ḡauna na mai anina a? Bona kaivakuku danu mai anina a?
1CO 10:20 Lasi. Bese idau-idau ese e hahelaḡa ḡaudia na e aladiamu lauma dikadia ihaboulaidia, dia Dirava ena ihaboulaina. Asina uramu lauma dikadia ida ba hetura.
1CO 10:21 Lohiabada ena kehere bona lauma dikadia edia kehere ruaosi basio inu diba; Lohiabada ena pata anianina bona lauma dikadia edia pata anianidia ruaosi hasio ani diba.
1CO 10:22 Lohiabada ena vaḡege baita havaraia, a? Be, eda goada ese iena e hereaiamu a?
1CO 10:23 Ḡau iboudiai na asi taravatudia ita edai; to basitato ḡau iboudiai na nanamo. Ḡau iboudiai na asi taravatudia ita edai; to dia ḡau iboudiai ese basie hagoadada.
1CO 10:24 Ta sibona ena namo basine tahua, a dekena tauna ena namo danu baine tahua.
1CO 10:25 Hoihoi gabuna ai e hoimu vamudia iboudiai na bavani, basio henanadailai, lalomui bae hekwakwanai na garina.
1CO 10:26 Badina be tanobada mai anidia iboudiai ida Lohiabada ena.
1CO 10:27 Murimuri tauna ese baine boirimui, bena ba ura baola, vada baola, vairamui ai bae dabara ḡaudia iboudiai bavani, basio henanadailai, lalomui bae hekwakwanai na garina.
1CO 10:28 A tau ta ese baine hamaoromui, baineto “Inana na boubou vamuna”, basio ania, ia dainai bona lalo-hekwakwanai garina;
1CO 10:29 dia oi lalomu asina gwauraiamu, to ia lalona. Be! Dahaka dainai lauegu ura-kwalimu na idau tauna lalona ese baine laoa ahu?
1CO 10:30 Dirava bama hanamoa, bena bama aniani. Dahaka dainai mai ihanamona ida na ania ḡauna dainai baine gwau henigu?
1CO 10:31 Benaini, bavaniani eiava ba inuinu eiava dahaka dahaka ba kara, ḡau iboudiai ba kara Dirava iheatolaina ai.
1CO 10:32 Iuda taudia bona Helene taudia, bona Dirava ena ekalesia taudia danu, basio hahekwakwanaidia;
1CO 10:33 lau heḡereḡeregu, taunimanima iboudiai ḡau idoidiai na hamoalelaidia tohomu, sibogu egu namo asina tahuamu, a taunimanima loḡora edia namo na tahuamu, ihamauridia helaoreana.
1CO 11:1 Lau ba haḡoigu, lau ese Keriso na haḡoiamu heḡereḡerena.
1CO 11:2 Lau na hanamomuimu badina be ḡau iboudiai o lalolaigu, hahediba herevadia na abi bena na henimui ḡaudia o badinamu.
1CO 11:3 To na uramu ba diba, tatau iboudiai kwaradia na Keriso; hahine kwarana na tau; Keriso kwarana be Dirava.
1CO 11:4 Tau e ḡuriḡurimu eiava e perovetamu negadia ai kwarana e kumiamu, una na kwarana e hadikaiamu.
1CO 11:5 A hahine e guriḡurimu eiava e perovetamu negadia ai kwarana se kumiamu, ia danu kwarana e hadikaiamu; ia na kwarana e nauamu hahinena heḡereḡerena.
1CO 11:6 Badina be hahine ta ese kwarana basine kumia, ia huina do bae utua; a huina iutuna eiava kwarana inauna bema mai hemaraina, hahine ese kwarana bema kumia.
1CO 11:7 A tau ese kwarana baine mukoa na dia namo, badina be ia na Dirava ihaḡoina tauna bona Dirava hairaina. A hahine be tau hairaina.
1CO 11:8 Badina be tau na hahine ena amo se vara, a hahine hari, tau ena amo e vara;
1CO 11:9 bona tau na se karaia hahine ena, a hahine hari e karaia tau ena.
1CO 11:10 Una dainai hahine ena siahu toana kwarana ai baine mia, aneru daidiai.
1CO 11:11 Ḡau tamona, hahine na dia sibona, a tau ida, bona tau na dia sibona, a hahine ida, Lohiabada lalonai.
1CO 11:12 Badina be hahine na tau dainai vada e vara, a tau be hahine ena amo e varamu. A ḡau iboudiai na Dirava dainai e varamu.
1CO 11:13 Sibomui ba haeroa. Hahine be kwarana asi ikumilaina Dirava baine ḡuria namo eiava?
1CO 11:14 Lalomui asie pararamu a, tau huina baine lata na hemarai ḡauna ienai,
1CO 11:15 a hahine huina baine lata na hairai ḡauna ienai? Badina be huina latana amo kwarana baine kumia.
1CO 11:16 A ta ese ina hereva baine gwaua tubu, egu haere binai: ai na kara idauna ta asi dibamai, bona Dirava ena ekalesia oreadia danu asi dibadia.
1CO 11:17 Egu hahedua binai na henimuimu, asina hanamomuimu; badina be emui hebou amo namo ta se varamu, a dika mo e varamu.
1CO 11:18 Hereva gini-gunana binai: lau na name kamonai emui ekalesia heboudia lalodiai heiri-heiri e varamu bogaragimui ai. Una sivarai kahana na abia daemu.
1CO 11:19 Badina be lalo-hadai idau-idau bogaragimui ai bae vara; bena mai edia lalo-hadai namodia taudia emui at bae hedinarai.
1CO 11:20 Emui hebou negadia ai, Lohiabada ena anibou asio ania momokanimu.
1CO 11:21 Badina be tau ana tau ana o animu, una dainai haida e hitolomu, ma haida e kekeromu.
1CO 11:22 Be! Asi emui ruma a? Unuseni ai boma aniani bona boma inuinu. Dirava ena ekalesia i'ihi-ihiraina bona ogoḡami taudia ihahemaraidia o uramu a? Ede baina hereva henimui toma a? Baina hanamomui a? Lasi vaitani.
1CO 11:23 Badina be Lohiabada ena amo na abia bena umui na hamaorolaimui dalana binai: taona e torea hanuaboina ai, Lohiabada Iesu ese naoa atagana ta e abia;
1CO 11:24 e hanamoa, bena e bitua, eto “Lau taugu binai, umui daimui ai baine makohi; ini ba kara toma, lau ba lalogu”.
1CO 11:25 Unuhetomana danu, e aniani vaitani murinai ia ese kehere e abia, bena ma eto “Ina kehere na herohemaino matamatana, lau raragu ai; ba inua negadia ai ini ba kara toma, lau ba lalogu”.
1CO 11:26 Taunabunai, ina flaoa atagana bavania bona ina kehere ba inua negadia iboudiai na umui ese Lohiabada ena mase ba hahedinaraia, ela bona ia do bainema.
1CO 11:27 Benaini, tau ta ese ina flaoa atagana baine ania bona ina kehere baine inua kerere, ia ese Lohiabada tau-anina bona rarana baine hadika.
1CO 11:28 Tau ta lalona baine tahua guna; bena ataga baine ania bona kehere baine inua.
1CO 11:29 Badina be e ania kavamu bona e inua kavamu, se laloamu una na Lohiabada tau-anina, tauna ese ia sibona ihahemaoro-henina e aniamu bona e inuamu.
1CO 11:30 Badina bunai hutuma umui bogaragimui ai e manoka-manokamu bona e gorerediamu, haida danu e masemu.
1CO 11:31 A ita siboda laloda baitama tahu, hahemaoro na edai basinema kau.
1CO 11:32 Ḡau tamona Lohiabada ese e hahemaoro henidamu, matada ihakanidia, ita bona tanobada baita dika bou na garina.
1CO 11:33 Taunabunai, varavaragu e, anibou dainai ba hebou negadia ai, ba henari heheni.
1CO 11:34 Ta ben-a hitolo, ia na ena ruma ai bema aniani, hahemaoro ai ba dika bou na garina. Hereva oredia do bae mia ela bona baina vasi, bena baina hamaoromaoro.
1CO 12:1 Varavaragu e, lau na uramu lauma ena herahia ba diba.
1CO 12:2 Badina be umui dibamui, dibura ai o nohova negana ai, e hakaumui negadia iboudiai kaivakuku, asie herevamu diravadia, ediai e hakaumui oho.
1CO 12:3 Badina bunai na hadibamuimu, Dirava Laumana ai e herevamu tauna ese Iesu basine uduguiraia diba; bona tau ta basineto “Iesu na Lohiabada”, Lauma Helaḡa ai e herevamu tauna mo sibona.
1CO 12:4 Herahia be idau-idau, a Lauma be tamona.
1CO 12:5 Hesiai daladia na idau-idau, a Lohiabada be tamona.
1CO 12:6 Ḡaukara danu idau-idau, a Dirava be tamona; ia ese ḡau idoidiai taunimanima iboudiai lalodiai e karamu.
1CO 12:7 A Lauma ese taunimanuma vada e hahedinarai henidia hagau-hagau, namo ihavarana totona.
1CO 12:8 Badina be Lauma tamona ena amo, ta aonega igwauraina e heniamu, ma ta lalo-parara igwauraina e heniamu,
1CO 12:9 ma ta abidadama e heniamu, ma ta gorere ihanamolaidia siahuna e heniamu,
1CO 12:10 ma ta hoa karadia ikaralaidia siahuna e heniamu, ma ta peroveta siahuna e heniamu, ma ta lauma idibadia e heniamu, ma ta gado idaudia e heniamu, ma ta gado anidia ihahedinaraidia e heniamu.
1CO 12:11 Unu ḡau iboudiai Lauma tamona ese taunimanima e henidia hagau-hagaumu, ena ura heḡereḡerena.
1CO 12:12 Badina be tau-anina be tamona, to reḡena na momo; bona rege, ena be momo, to iboudiai tau-anina tamona reḡena. Keriso danu unuheto.
1CO 12:13 Badina be ita iboudai Lauma tamona lalonai e bapatisoda, tau-anina tamona ai e halaoda, Iuda tauda eiava Helene tauda, hesiai tauda eiava urakwalimu tauda; ita iboudai danu Lauma tamona e ha-inulaida.
1CO 12:14 Badina be tau-anina na dia reḡe tamona, a reḡe diaḡau.
1CO 12:15 Ae-palapala bema toma “Lau na dia ima-palapala dainai lau na dia tau-anina ena”; una dainai ia na dia tau-anina ena a?
1CO 12:16 Bona taia bema toma “Lau na dia mata dainai lau na dia tau-anina ena”; una dainai ia na dia tau-anina ena a?
1CO 12:17 Tauanina idoinai bema mata mo, kamonai vada edena? Eiava idoinai bema kamonai mo, bonabona vada edena?
1CO 12:18 A Dirava ese reḡe ta ta tau-anina lalonai vada e ato, ena ura heḡereḡerena.
1CO 12:19 Iboudiai bema reḡe tamona, tau-anina be vada edena?
1CO 12:20 A reḡe be idau-idau; tau-anina na tamona.
1CO 12:21 Benaini, mata ese ima-palapala na basine hereva henia, basineto “Asi emu ḡaukara egu ai”, kwara danu aepalapaladia basine hereva henidia, basineto “Asi emui ḡaukara egu ai”,
1CO 12:22 Lasi; manoka-manoka ta gwauraimu reḡedia na mai edia ḡaukara badahereadia;
1CO 12:23 bona imatauraidia mamaraḡi ta tomamu reḡedia na ta matauraidia badamu; bona asi hairaidia reḡedia ta hanamo badamu;
1CO 12:24 a tau-anida reḡedia mai hairaidia na ḡau ta ai asie dabumu. Dirava ese reḡe iboudiai vada eme habou, tau-anina tamona ai baela; e dabu reḡena danu hemataurai bada vada eme henia,
1CO 12:25 tau-anina ai reḡe iboudiai bae hedaro boubou bona bae henari heheni helaoreana.
1CO 12:26 Bena reḡe ta baine hisihisi, reḡe iboudiai na ia ida bae hisihisi hebou; eiava reḡe ta bae hanamoa, reḡe iboudiai na ia ida bae moale hebou.
1CO 12:27 Benaini, umui na Keriso tau-anina; umui ta ta be ia reḡena.
1CO 12:28 Dirava ese haida ekalesia lalonai vada e atodia: gini-gunadia be aposetolo; iharuadia be peroveta taudia; ihatoidia be hahediba taudia; idia muridiai hoa karadia ikaradia taudia; ma idia muridiai gorere ihamauridia mai dibadia taudia bona hekaha taudia bona hahekau taudia bona gado idau-idau taudia.
1CO 12:29 Iboudiai be aposetolo a? Iboudiai na peroveta taudia a? Iboudiai na hahediba taudia a? Iboudiai na hoa karadia e karamu a?
1CO 12:30 Iboudiai na gorere ihamauridia mai dibadia a? Iboudiai na gado idaudia ai e herevamu a? Iboudiai na gado anidia e hahedinaraimu a?
1CO 12:31 Herahia hereadia ba hekisehekise heni. A dala herea-daena be harihari aina hahedinarai henimui.
1CO 13:1 Taunimanima gadodia ai bona aneru gadodia ai bama hereva, to asi egu lalokau, lau na auri e botaiamu eiava gaba e touamu na heto.
1CO 13:2 Peroveta siahuna bama abia, bona hehuni ḡaudia bona aonega ḡaudia iboudiai bama diba, bona egu abidadama amo ororo bama raga oho, to asi egu lalokau, lau na ḡau asi anina na heto.
1CO 13:3 Egu kohu idoinai ogoḡami taudia bama ubulaidia, bona tau-anigu bama heni, lahi ai bema ara ore, to asi egu lalokau, unu ese basie hanamogu.
1CO 13:4 Lalokau na e haheauka taritarimu; lalokau na mai ena heabi-dae; asi ena hebore; se heaḡimu; se hekokorokumu;
1CO 13:5 se kara havaramu; sibona ena ḡau se tahun u; se badll haraḡamu; ihadikal; lina karadia se lalo taomu;
1CO 13:6 kara gageva-gageva se moalelaimu, a hereva momokani e moalelaimu;
1CO 13:7 ḡaukara iboudiai e goadalaimu; ḡau iboudiai e abi daemu; iboudiai e laromu, dika iboudiai e haheauka henimu.
1CO 13:8 Lalokau na se dokomu. Peroveta herevadia hari bae ore; gado idaudia bae doko; aonega danu baine boio.
1CO 13:9 Badina be sisidia mo dibada, taidia taidia mo ta perovetamu;
1CO 13:10 a ḡoeva-daena bainema negana ai, sidia taidia ta diba ḡaudia na bae bubuni.
1CO 13:11 Merogu negana ai na herevava mero na heto, lalogu e urava mero na heto, egu lalo-hadai be mero ena lalo-hadai. A taugu e lo negana ai, mero ena kara vada na nege.
1CO 13:12 Badina be harihari hevarivari ai ta ita valahu-valahumu, a una negana ai baita ita heida-ida. Harihari sisina mo dibagu, a una negana ai do baina diba ḡoevaḡoeva, vada e dibagumu heḡereḡerena.
1CO 13:13 Taunabunai, ini ḡau toiosi mo mimia: abidadama, bona helaro, bona lalokau. A herea-daena be lalokau mo.
1CO 14:1 A Lalokau na ba ḡavaia goadagoada, lauma herahiadia danu ba tahu, ba peroveta helaoreana.
1CO 14:2 Badina be gado idaudia ai e herevamu tauna na dia taunimanima se hereva henidiamu, a Dirava hari, badina be taunimanima ta na ena hereva anina asi dibana; ia ese lauma ai hereva hehunidia e gwauraimu.
1CO 14:3 A e perovetamu tauna ese hahealo bona hahegoada bona tauhalo na taunimanima e herevalai henidiamu.
1CO 14:4 Gado idaudia ai e herevamu tauna na sibona lalona e hapararaiamu, a e perovetamu tauna ese ekalesia taudia lalodia e hapararadiamu.
1CO 14:5 Lau na uramu umui iboumui ai gado idaudia ai ba hereva, to na ura badamu ba peroveta. E perovetamu tauna ese gado idaudia ai e herevamu tauna e hereaiamu, ena gado idaudia anidia ekalesia taudia lalodia ihapararadia totona se haheḡeregere negadia ai.
1CO 14:6 Varavaragu e, harihari umui dekemui bama vasi gado idaudia ai bama hereva, a gado anidia eiava lalo-diari eiava peroveta eiava hahediba herevadia basinama gwaurai, ede bama hanamomui toma?
1CO 14:7 Heḡereḡerena binai: ḡau haida be dia mamauri to mai reḡedia; ivilikou bona gitara reḡedia basiema idau-idau, dahaka e hiririmu bona dahaka e hataimu ede baitama diba toma?
1CO 14:8 Ina danu, tuari kibina basiema hiriria ḡoevaḡoeva, daika ese ena tuari ḡaudia bema heḡaeḡaelai?
1CO 14:9 Unuhetomana umui danu, emui hereva anidia basie hedinarai, daika ese mamidia baine abi? E kara hodahoda ba hereva henia na heto.
1CO 14:10 Readia gado idau-ldau be diaḡau tanobada ai, a iboudiai be mai anidia.
1CO 14:11 To, gado anina basinama diba, e herevamu tauna vairanai lau na idau taugu na heto, ia danu lau vairagu ai idau tauna na heto.
1CO 14:12 Taunabunai, lauma herahiadia o hekise-hekise henimu dainai, ekalesia ilareba-daena daladia ba tahu goadagoada.
1CO 14:13 Badina bunai, gado idaudia ai e herevamu tauna na baine noinoi, gado anidia danu baine haheḡereḡere diba.
1CO 14:14 Badina be gado idaudia ai baina ḡuriḡuri be laumagu mo e ḡuriḡurimu to lalogu na se pararamu.
1CO 14:15 Matona: laumagu ai baina ḡuriḡuri, ma lalogu ai danu baina ḡuriḡuri; laumagu ai ane baina abi, ma lalogu ai danu ane baina abi; una be namo.
1CO 14:16 Bema lasi, lauma ai mo Dirava ba hanamoa negana ai, lalona se pararamu tauna ese “amen” ede baine gwauraia toma? Badina be emu hereva anina na asi dibana.
1CO 14:17 Oi ese Dirava ihanamona herevana o gwauraia ḡoevaḡoevamu, to bamomu lalona se pararamu.
1CO 14:18 Dirava na hanamoamu, lau na umui iboumui ai name hereamui, gado idaudia igwauraidia ai.
1CO 14:19 A ekalesia hebouna ai hereva ima baina gwaurai mai daragu ida, haida baina hadibalaidia, una be namo; a hereva gerebu gado idaudia ai baina gwaurai, una be dika.
1CO 14:20 Varavaragu e, daramui ai basio garuḡaru. Lalo-dika ai ba ḡaruḡaru, a daramui na taudia e lo taudia daradia heḡereḡeredia ai baela.
1CO 14:21 Taravatu ai vada e torea: Lohiabada na e tomu “Idau gado idau gado taudia edia amo bona bese idau-idau taudia bibinadia amo lau ese ina bese taudia baina hereva henidia; to basie kamonai henigu”.
1CO 14:22 Taunabunai, gado idaudia na toa, dia kamonai taudia edia, to asi edia kamonai taudia edia. A peroveta herevadia na dia asi edia kamonai taudia edia, to kamonai taudia edia.
1CO 14:23 Benaini, ekalesia idoinai gabu tamona ai bae hebou, bona hebou taudia iboudiai gado idaudia ai bae hereva; bena asi dibadia taudia eiava asi edia kamonai taudia bae raka vareai, bena baeto “Umui na readia e kavamui”.
1CO 14:24 A iboudiai bae peroveta, bena asi ena kamonai tauna eiava asi dibana tauna baine raka vareai negana ai iboudiai ese bae sisiba henia, bae hahemaoro henia,
1CO 14:25 bona ena lalo-hadai hehunidia do bae hahedinarai; bena baine goru diho, Dirava baine toma henia diho, baineto “Momokani, Dirava na umui bogaragimui ai”.
1CO 14:26 Bena edeheto, varavaragu e? Ba hebou negadia ai, umui ta ta mai emui ane, mai emui hahediba, mai emui hereva hehuni ihahedinaraidia, mai emui gado idaudia, mai emui gado idauna anina ihahegeregerena. Ḡau idoidiai ba kara taunimanima lalodia ihapararalaidia.
1CO 14:27 Gado idaudia ai bae hereva, rarua eiava tatoi mo bae hereva hedava, bena ta ese anidia baine haheḡereḡere.
1CO 14:28 A bema asi gado ihaheḡereḡerena tauna, gado idauna ai e herevamu tauna na ekalesia hebouna ai basine hereva; a ia lalona ai sibona baine hereva, bona Dirava baine hereva henia.
1CO 14:29 Peroveta taudia danu rarua eiava tatoi bae hereva, bena bamodia ese edia hereva bae haero.
1CO 14:30 A helai tauna ta lalona ai hereva hehunina ta baine hedinarai e herevamu tauna na ena hereva baine hadokoa.
1CO 14:31 Iboumui ai ba peroveta diba, to ta ta ba peroveta hedava, bena hebou taudia iboudiai na aonega bona hahegoada bae davari.
1CO 14:32 Peroveta laumadia ese peroveta taudia e kamonai henidiamu;
1CO 14:33 badina be Dirava na dia heiri-heiri Diravana, a maino Diravana. Helaḡa taudia edia ekalesia heboudia iboudiai lalodiai heḡereḡerena,
1CO 14:34 emui hahine na hebou lalodiai bae mu noho; bae hereva na taravatu. Bae hemataurai noho, taravatu ese e gwauraiamu heḡereḡerena.
1CO 14:35 Bae ura ḡau ta bae diba, ruma ai adavadia bae nanadaidia; badina be hahine na hebou lalonai baine hereva na mai hemaraina.
1CO 14:36 Be, Dirava ena hereva na umui emui amo ema, eiava umui mo emui ai vada e kau, a?
1CO 14:37 Tau ta lalona baineto ia na peroveta tauna, eiava Lauma ese vada e roheamu, ia ese na tore henimuimu herevadia baine abi dae, baine diba Dirava ena haheḡani bini.
1CO 14:38 A bema ta basine diba, bena basio abia dae.
1CO 14:39 Taunabunai, varavaragu e, peroveta siahuna ba hekise-hekise henia, bona gado itlaudia ig vauraidia basio gwau tao.
1CO 14:40 Ḡau idoidiai ba kara namonamo, ba kara ḡoevaḡoeva.
1CO 15:1 Varavaragu e, sivarai namo na harorolai henimuiva, o abi daeva, bona lalonai o gini tutuka-tutukamu, ma na hadibalaimuimu.
1CO 15:2 Unu amo danu mauri vada o abia; ḡau tamona sivarai namo na harorolai henimuiva boma laloa tao, basioma abia dae kava.
1CO 15:3 Badina be na davaria herevana na henimui gunava: Keriso na eda kara dika daidiai e mase, Buka Helaḡa ai e torea heḡereḡerena;
1CO 15:4 vada e ḡuria danu; dina ihatoina ai e hatorea isi, Buka Helaḡa ai e torea heḡereḡerena;
1CO 15:5 Kefa enai e hedinarai, bona gwautararuosi ediai danu;
1CO 15:6 gabeamo nega tamona ai varavarada sinahu-ima mai dikoana ediai e hedinarai. Idia hutuma vada e nohomu ema harihari; a haida na vada e mahuta.
1CO 15:7 Muridiai Iakobo enai e hedinarai; bona aposetolo iboudiai ediai danu.
1CO 15:8 Ibouboudiai muridiai, e vara dika merona ta na heto, lau ese vada na itaia.
1CO 15:9 Badina be aposetolo iboudiai ese lau e hereagumu; lau na dia namo aposetolo bae gwauraigu, badina be Dirava ena ekalesia oreana na daḡedaḡe heniava.
1CO 15:10 To Dirava ena harihari-bada dainai lau ini name heto; bona e henigu hariharina danu se henigu kava, badina be ḡaukara lalonai idia iboudiai vada na hereadia; a dia lau mo, to Dirava ena harihari-bada lau ida.
1CO 15:11 Taunabunai, lau na haroro, eiava idia e haroro, herevana be tamona mo, a harorolaiamu bona o abia daemu ḡauna mo.
1CO 15:12 A bema Keriso na mase amo e hatorea isi a harorolaiamu, edeheto umui haida na o tomamu mase taudia na basie tore isi lou?
1CO 15:13 Mase taudia na basiema tore isi lou, Keriso danu basinema hatorea isi;
1CO 15:14 bona Keriso basinema hatorea isi, emai haroro bema asi anina, umui emui abidadama danu bema asi anina.
1CO 15:15 Oibe, ai danu Dirava idiba-koikoina taumai bema gwauraimai, badina be Dirava ese Keriso e hatorea isi sivaraina a harorolaia; a ḡau be mase taudia basinema hatoredia isi negana ai Keriso danu basinema hatorea isi.
1CO 15:16 Momokani; mase taudia basinema hatoredia isi, Keriso danu basinema hatorea isi.
1CO 15:17 Bena Keriso na basinema hatorea isi, umui danu boma abidadama kava, bena emui kara dikadia lalodiai doene boma noho;
1CO 15:18 bona Keriso lalonai vada e mahutamu tauda na bema baia.
1CO 15:19 Eda helaro Keriso lalonai bema ina mauri mo, taunimanima iboudiai bogaragidiai ita mo madi ihabaida.
1CO 15:20 Momokani, Keriso na mase amo vada e tore isi, mahuta taudia edia tore-isi-lou roboana.
1CO 15:21 Badina be taunimanima ena amo mase vada e vara; ma taunimanima ena amo mase taudia ihatore-isidia vada e vara.
1CO 15:22 Badina be taunimanima iboudiai Adam bagunai vada e mase na heto, Keriso bagunai iboudiai do bae mauri.
1CO 15:23 A ta ta ena nega ena nega ai mauri bae abia; guna Keriso, tore-isi-lou roboana; murinai, iena lou mai negana ai, Keriso ibadinana taudia.
1CO 15:24 Bena dokona baine kau: una negana ai ia ese basileia na Tamana Dirava baine henia; una negana ai danu gaubada iboudiai bona lohia iboudiai bona siahu taudia iboudiai na ia ese baine haoredia.
1CO 15:25 Badina be ia na do baine lohia, ela bona ana inai iboudiai na ia aena henudiai do baine atodia.
1CO 15:26 Ana inai gini-gabena be mase: ia danu baine ha-orea.
1CO 15:27 Badina be ia ese ḡau iboudiai aena henudiai vada e ato. A hereva e tomu “ḡau iboudiai ia henunai vada e ato”, dibada anina be dia ḡau iboudiai, badina be ia henunai vada e atodia Diravana na unu se heato toma.
1CO 15:28 A ḡau iboudiai ia henunai bae heato vaitani negana ai, Natuna danu ḡau iboudiai ia henunai vada e atodia Diravana henunai bainela; taunabunai Dirava baine herea, baine herea dae.
1CO 15:29 Unu basinema heto, mase daidiai vada e bapatisodia taudia na ede bema heto? Mase taudia basiema tore isi lou, badina be dahaka idia daidiai e bapatisodiamu?
1CO 15:30 Bona badina be dahaka lau na nega idoidiai hahedika bogaragidiai na nohomu?
1CO 15:31 Varavaragu e, Keriso Iesu eda Lohiabada lalonai na heaḡilaimuimu dainai, na hamaoromui momokanimu, lau na daba daba iboudiai na masemu.
1CO 15:32 Taunimanima edia kara heḡereḡerena Efeso ai uda boromadia ida na heatu, namona be dahaka egu ai? Mase taudia basiema tore isi lou, baitama aniani baitama inuinu hari namo, badina be kerukeru vada baita mase.
1CO 15:33 Basio hekoi: kara dika taudia edia hebamo ese kara namo taudia e hahekwakwanaidiamu.
1CO 15:34 Kara namo enai ba noga; basio kara dika; badina be haida na Dirava asi dibadia. Unu na gwau tomamu, umui ihahemaraimui totona.
1CO 15:35 A tau ta baineto “Mase taudia na ede bae tore isi toma? Tau-anidia edehetomadia ma bae torelai?”
1CO 15:36 Kava taumu e, o hadoamu ḡauna na basinema mase guna, ia na basinema mauri.
1CO 15:37 O hadoamu ḡauna na dia gabeai baine vara anina, to uhe mo, readia uit uhena eiava idau uhe ta.
1CO 15:38 A Dirava ese anina e heniamu, ena ura heḡereḡerena uhe ta ta anidia korikori e henidiamu.
1CO 15:39 Hidio danu iboudiai na dia heḡereḡere: ta be taunimanina hidiodia; ma ta be boroma hidiodia; ma ta be manu hidiodia; ma ta be gwarume hidiodia.
1CO 15:40 Guba tau-anidia bona tanobada tau-anidia danu mimia; a guba ḡaudia hairaidia be ta, tanobada ḡaudia hairaidia be ma idau.
1CO 15:41 Dina hairaina be ta, hua hairaina be ma ta, hisiu hairaidia danu idau; bona hisiu ta ta hairaidia be idau-idau.
1CO 15:42 Mase taudia edia tore-isi-lou na unuheto. Mase ai e hadoamu; mauri hanaihanai ai e hatorea isimu.
1CO 15:43 Hemarai ai e hadoamu; hairai ai e hatorea isimu. Manoka-manoka ai e hadoamu; goada ai e hatorea isimu.
1CO 15:44 E hadoamu, tau-anina; e hatorea isimu, lauma-anina ai. Badina be tau-anina e miamu, bona lauma-anina danu e miamu.
1CO 15:45 Buka Helaḡa ai ini e torea toma: Tau gini gunana Adam na lauma maurina ai e halaoa. A Adam gini-gabena be hahemauri laumana ai vada e halaoa.
1CO 15:46 Lauma-anina na se guna; tau-anina e gunava, gabe amo lauma-anina.
1CO 15:47 Tau gini-gunana na tano amo ema, ḡahu ai e karaia; tau iharuana na guba amo ema.
1CO 15:48 Tanobada taudia be tano amo ema tauna heḡereḡerena; guba taudia be guba amo ema tauna heḡereḡerena.
1CO 15:49 Tano amo ema tauna oromana vada ta abia na heto, guba amo ema tauna oromana do baita abia.
1CO 15:50 To, varavaragu e, lau na tomamu hidio bona rara ese Dirava ena basileia basie abia diba; mase tauna ese danu se masemu ḡauna ahuna basine abia diba.
1CO 15:51 A kamonai; hereva hehuni aina hamaorolaimui. Ita iboudai basita mahuta; to iboudai do baine ha-idauda;
1CO 15:52 asi kaimana, mata-hekunumai tamona ai, kibi gabena bae hiriria negana ai. Badina be kibi do bae hiriria, bena mase taudia baine hatoredia isi, basie mase lou; bona ita na do baine ha-idauda.
1CO 15:53 Badina be ina baine pata ḡauna ese basine pata ḡauna haine hadokilaia, bona ina baine mase ḡauna ese basine mase ḡauna baine hadokilaia.
1CO 15:54 Taunabunai, baine pata ḡauna na basine pata ḡauna baine hadokilaia bona baine mase ḡauna na basine mase ḡauna baine hadokilaia negana ai, e torea herevana baine momokani, eto, Kwalimu ese mase vada e hadonoa.
1CO 15:55 Mase e, emu kwalimu be edeseni ai? Mase e, emu hekori be edeseni ai?
1CO 15:56 Mase ena hekori na kara dika; bona kara dika ena siahu na taravatu.
1CO 15:57 A Dirava aita hanamoa: ia ese vada e hakwalimuda, eda Lohiabada Iesu Keriso bagunai.
1CO 15:58 Taunabunai, varavaragu e, egu lalokau, ba gini tutuka-tutuka, basio marere. Lohiabada ena ḡaukara lalonai ba goada balaheni nega idoinai; badina be dibamui emui hekwarahi Lohiabada lalonai na asio hekwarahilaia kavamu.
1CO 16:1 Boubou, helaḡa taudia idurulaidia, na ekalesia Galatia ai na haḡanilaidia heḡereḡerena umui danu ba karaia.
1CO 16:2 Pura dinana gini-gunana umui ta ta ese taidia taidia bavato tabe, emui ḡaukara anidia vada e tubu heḡereḡerena; bena baina vasi negana ai boubou ḡaukarana be baine mia.
1CO 16:3 Bena dekemui ai baina kau negana ai, ba gwauraidia hidi taudia na revareva ba henidia, baina siaidia, emui herahia ḡaudia Ierusalem bae laohai.
1CO 16:4 A boma ura, lau danu idia ida bama lao.
1CO 16:5 Makedonia baina rakaia hanai, bena baina vasi. Badina be egu lalohadai be Makedonia do baina rakaia hanai guna,
1CO 16:6 bena dekemui ai baina noho taritari, reana ela bona keru negana baine doko. Bena una negana ai umui ese ba durugu egu laolao idoinai.
1CO 16:7 Badina be asina uramu harihari rakagu ai baina itamui, to Lohiabada baine ura, lau na dekemui ai baina noho taritari na tomamu.
1CO 16:8 A Efeso ai baina noho ela bona Pentekoste negana;
1CO 16:9 badina be iduara badana vada eme hekeho, egu ḡaukara baine ḡoeva, to inaida na hutuma.
1CO 16:10 Timoteo baine vasi negana ai, nahuamui ba toho, bavabia dae, dekemui ai baine noho; badina be ia ese Lohiabada ena ḡaukara e karaiamu, lau hegereḡeregu.
1CO 16:11 Taunabunai, tau ta ese basine dadaraia; a maino ai ba durua, dekegu bainema. Badina be ia, mai varavarada haida ida, na naridiamu.
1CO 16:12 A varavarada Apolo vada na noia goadagoada, varavarada haida ida bae vasi nato; to ia na se ura, harihari basine vasi e tomu, a nega namona baine davaria bena baine vasi.
1CO 16:13 Ba gima. Abidadama ai ba gini tutuka-tutuka. Ba haheauka. Ba goada.
1CO 16:14 Emui ḡaukara idoidiai na lalokau ai ba kara.
1CO 16:15 Varavaragu e, na hahealo henimuimu, Stefana mai ena ruma taudia na dibamui, idia na helalo-kerehai taudia gini-gunadia Akaia ai; idia danu sibodia e hegwaurai, helaḡa taudia isiaidia bae lao heni.
1CO 16:16 Taunabunai, unuhetomadia, bona ai ida a ḡaukara heboumu bona a hekwarahi heboumu taudia iboudiai, ba kamonai henidia.
1CO 16:17 Lau na moalemu badina be Stefana bona Forotunato bonaAkaiko vada e gini dae dainai; badina be umui na dia iniseni ai, to idia daidiai egu ai e heḡereḡere.
1CO 16:18 Badina be idia ese lau lalogu vada e hamauria, bona umui lalomui danu. Unu e kara tomamu taudia na bavabidia dae.
1CO 16:19 Ekalesia oreadia Asia ai ese e hanamomuimu. Akula bona Priskila, ekalesia oreana edia ruma ai e heboumu taudia ida, ese e hanamomui badabadamu Lohiabada ladana ai.
1CO 16:20 Varavara iboudiai ese e hanamomuimu. Ba hahenamo heheni, mai haherahu helaḡana ida.
1CO 16:21 Lau Paulo egu hahenamo herevana binai, imagu ai name torea.
1CO 16:22 Tau ta ese Lohiabada basinema ura henia, bema uduguiraia. Emai Lohiabada e, aoma!
1CO 16:23 Lohiabada Iesu Keriso ena harihari-bada emui ai baine mia.
1CO 16:24 Egu lalokau be umui iboumui ai emui ai, Keriso Iesu lalonai. Amen.
2CO 1:1 Lau Paulo, Keriso Iesu ena aposetolo taugu Dirava ena ura dainai, varavarada Timoteo ida, Dirava ena ekalesia taumui Korinto ai, bona helaḡa taumui iboumui ai Akaia tanona idoinai, a tore henimuimu:
2CO 1:2 Tamada Dirava ena amo, bona Lohiabada Iesu Keriso ena amo, harihari-bada bona maino bavabi.
2CO 1:3 Dirava aita imodaia; ia na iseda Lohiabada Iesu Keriso Tamana, Tama hebogahisina, tauhalo Diravana.
2CO 1:4 Emai hisihisi iboudiai lalodiai ia ese taumai e halodiamu, taunabunai ai ese hisi e animu taudia na taudia ihalodia dibamai; Dirava ena tauhalo e henimaimu ai ese ma a henidiamu.
2CO 1:5 Badina be Keriso e ani hisidia emai ai e badamu heḡereḡerena tauhalo danu emai ai e badamu, Keriso dainai.
2CO 1:6 Taunabunai, hisi baiama ani, una na taumui ihalodia bona ihamaurimui totodia; a tauhalo baiama abia, una danu taumui ihalodia totona, ai a animu hisidia umui danu o animu mai haheaukamui ida tauhalona.
2CO 1:7 Ai a abidadama henimuimu danu; dibamai ai ida hisihisi ahuna o abiamu, ma ai ida tauhalo ahuna bavabia.
2CO 1:8 Varavaramai e, a uramu Asia ai a aniva hisidia ba diba: e gugubamai maseva, emai goada e oreva, banava baia mase ato.
2CO 1:9 A sibomai lalomai ai ato baia mase, taunabunai sibomai asia heabidadama, a mase taudia e hatoredia isimu Diravana a abidadama heniava.
2CO 1:10 Ia ese mase badana amo e hamaurimaiva bona e hamaurimaimu; a abidadama heniamu danu ia ese do baine hamaurimai.
2CO 1:11 Umui danu ba kahamai emui ḡuriḡuri ai; bena ḡuriḡuri momo amo baia davaria hariharina dainai hutuma ese Dirava bae hanamoa.
2CO 1:12 Emai heaḡi badina binai, lalomai ese e hamomokaniamu: emai kara tanobada ai bona umui emui ai a karamu na mai helaḡadia bona mai momokanidia ida; dia tanobada aonegana amo a Dirava ena harihari-bada amo.
2CO 1:13 Badina be ai ese hereva hehunidia asia tore henimuimu, a ba duahidia diba bona anidia ba lalo-davari herevadia mo. Egu helaro be harihari do asio dibadia ḡoevaḡoeva ḡaudia na anidia ba diba vaitani. Bena umui ese ba heaḡilaimai, ai ese baia heaḡilaimui heḡereḡerena ai, eda Lohiabada Iesu ena dina ai.
2CO 1:15 Una na dibagu dainai, egu lalo-hadai gunana be dekemui ai baina vasi nato, harihari-bada iharuana ma baina henimui totona;
2CO 1:16 bena umui emui amo Makedonia bainala, ma Makedonia amo baina lou dekemui ai; bena umui ese Iudea bainala dalana ba lailaia nato.
2CO 1:17 Lalogu unu na hadaia toma daradara tauna na heto a? Eiava egu lalo-hadai be tanobada tauna ena lalo-hadai na heto, nega ta be “oibe” ma una nega tamona ai be “Lasi” danu a?
2CO 1:18 Dirava be momokani bena emai hereva na dia “oibe” bona “lasi”.
2CO 1:19 Badina be lau bona Siluano bona Timoteo ese Iesu Keriso, Dirava Natuna, a harorolai henimuiva na dia “oibe” bona “lasi”, to “oibe” mo.
2CO 1:20 Badina be ia lalonai Dirava ena gwauhamata iboudiai na “oibe”; una dainai ia lalonai Dirava i'imodaina na “amen” amo ta hamomokaniamu.
2CO 1:21 Ai bona umui na Keriso enai e haginida tutuka-tutukamu bona vada e horoda tauna na Dirava.
2CO 1:22 Ia toana danu ita latadai vada e atoa, bona ena Lauma toana ita lalodai vada e henida, toana bunai.
2CO 1:23 Dirava hari lalogu dibana, lau na Korinto asina vasi badina korikori be na bogamui hisi dainai.
2CO 1:24 Ai ese emui abidadama asia biaguamu, to ai na emui moale ikahana taumai; badina be abidadama dainai o ginimu.
2CO 2:1 Lalogu na hadaia nato basina vasi lou, lalo-hisihisi baine vara na garina.
2CO 2:2 Badina be lau ese bama hahisimui, daika ese bema hamoalegu? Umui, na hahisimuimu taumui mo.
2CO 2:3 Bena egu revareva ta na torea, baina vasi negana ai ihamoalegu taudia ese bae hahisigu na garina. Na abidadama henimuimu, lauegu moale ai umui danu ba moale.
2CO 2:4 Badina be na tore henimui negana ai na lalogu e hisihisiva bona e metauva; mai taigu ida na tore henimui, dia ihahisimui totona, to egu uraheni badana emui ai ba diba totona.
2CO 2:5 A hisihisi e havaraia tauna ese dia lau mo se hahisigu, a umui danu taina (herevana basina ha-aukaia) e hahisimui.
2CO 2:6 Una tau ena dika davana umui hutuma ese vada o gwauraia vada e heḡereḡere;
2CO 2:7 harihari ena dika ba gwau tao bona tauna ba haloa, dara-doko ese baine gugubaia mase na garina.
2CO 2:8 Taunabunai na noimuimu, emui iura-henina lalonai bavabia lou.
2CO 2:9 Una dainai na tore henimui: toamui baina diba, hereva iboudiai o badina eiava lasi.
2CO 2:10 Umui ese tau ta ena dika ba gwau tao, lau danu ena dika baina gwau tao. Badina be tau ta ena dika bama gwau tao una na umui daimui ai bona Keriso vairanai bama gwau tao,
2CO 2:11 Satana ese bema hadarereda garina; badina be iena dibaka karadia na dibada.
2CO 2:12 Lau be Troa nala, Keriso ena sivalai namo iharorolaina, bena Lohiabada ese iduara ta e kehoa egu;
2CO 2:13 to asina noho namonamova, badina be tadigu Tito asina davaria. Taunabunai na hatonidia, Makedonia nala.
2CO 2:14 A Dirava aita hanamoa, ia ese Keriso ena kwalimu ai nega idoinai e hakaumaimu, bona ia sivaraina bonana namona na gabu iboudiai ai emai amo e hahedinaraiamu.
2CO 2:15 Badina be, ai na Keriso bonana namona Dirava vairanai, e hamauridiamu taudia ediai bona bae mase taudia ediai;
2CO 2:16 ini idia ediai mase bonana, mase ihavarana, a unu idia ediai mauri bonana, mauri ihavarana. Ini ḡaukara ai daika baine heḡereḡere?
2CO 2:17 Ḡau tamona, ai na dia haida na heheto, Dirava ena hereva asia hoihoilaiamu, to mai momokanimai ida Dirava ese Keriso lalonai e henimaimu heḡereḡerena Dirava vairanai a herevamu.
2CO 3:1 Sibomai a hahenamo loumu o tomu a? Eiava, ai na haida heḡereḡeredia, hahenamo revarevadia emui ai eiava emui amo baia abi a?
2CO 3:2 Emai revareva na umui, lalomai ai e torea, taunimanima iboudiai dibadia bona e duahiamu.
2CO 3:3 Eme hedinarai vaitani umui na Keriso ena revareva, ai ese a reḡuamu; dia ink amo se torea, a Mauri Diravana ena Lauma amo e torea; dia nadi ai se torea, a taunimanima lalodia ai e torea.
2CO 3:4 Ai ese Dirava unu a abidadama henia tomamu, Keriso bagunai.
2CO 3:5 Ai na asi aonegamai ḡau ta sibomai baia laloa ḡoeva: aonegamai na Dirava ena amo.
2CO 3:6 Ia ese e ha-aonegamai, herohemaino matamatana isiaina ilaohenina taumai ai e halaomai; dia buka ai ta duahiamu ḡauna a Lauma ese e hadibildamu ḡauna. Badina be buka ḡauna be hahemase ḡauna, a Lauma ḡauna be hahemauri ḡauna.
2CO 3:7 Hahemase isiaina ilao-henina herevadia nadi ai e tore na mai hururuhururuna ida ema; bena Israel taudia Mose vairana asie raraia diba, hururuhururuna dainai. Ḡau tamona, una hururu-hururu se mia daudau.
2CO 3:8 Benaini, Lauma isiaina ilao-henina hururu-hururuna ese ia basine hereaia a?
2CO 3:9 Badina be taunimanima iḡuidia bema mai hururu-hururuna, taunimanima iruhanegedia hururu-hururuna vada herea.
2CO 3:10 Momokani, gunaguna e hururuhururuva ḡauna harihari se hururu-hururumu, badina be ina hururu-hururu matamatana vada herea.
2CO 3:11 Bena se vanaha ḡauna bema mai hururu-hururuna, e miamu ḡauna hururu-hururuna vada herea.
2CO 3:12 Taunabunai, unu a helaro tomamu dainai a hereva goadamu;
2CO 3:13 dia Mose na heto, vairana muko ai e koua, Israel taudia ese se miamu ḡauna basie raraia tao helaoreana.
2CO 3:14 A lalodia e duhuva; una dainai taravatu gunana e duahiamu negadia ai una muko na dounu mia ema bona harihari; Keriso mo lalonai i vada eme heabi oho.
2CO 3:15 Oibe, Mose ena buka e duahiamu negadia ai muko ese lalodia e koumu ema bona harihari;
2CO 3:16 a lohiabada bae haḡerea negana ai hari muko baine heabi oho.
2CO 3:17 Lohiabada na Lauma; bona Lohiabada Laumana e nohomu gabudia ai ura kwalimu danu e nohomu.
2CO 3:18 Ita iboudai vairada asi mukodia na heto Lohiabada hururu-hururuna ta hahedinaraiamu; hevarivari na heto; bena e haidaudamu, ia heida-ida ai, hairai ta amo ela bona ma hairai la, Lohiabada Laumana dainai.
2CO 4:1 Iena hebogahisi dainai ina hesiai ḡaukarana vada a abia; taunabunai ai na asia hesikumu.
2CO 4:2 Ai na hemarai karadia hehunidia vada a nege; dibaka karadia asia loalaimu; Dirava ena hereva asia hagagevaiamu. A hereva momokanidia a gwaurai hedinaraimu Dirava vairanai; unu amo taunimanima lalodia a hanamodiamu emai ai.
2CO 4:3 Emai sivarai namo bema hehuni, ia na mase e lao heniamu taudia mo ediai bema hehuni.
2CO 4:4 Ina tanobada diravana ese asi edia abidadama taudia lalodia vada e hadiburadia, Keriso namona, Dirava ihagoina tauna, ena sivarai namo diarina ediai baine tata dae roha na garina.
2CO 4:5 Badina be emai haroro badina na dia ai sibomai, to Keriso Iesu, ia na Lohiabada, bona ai, umui isiaimui ilao-henina taumai Iesu dainai.
2CO 4:6 Badina be Dirava eto “Dibura amo diari baine tara”; Diravana bunai ai lalomai ai e taramu, Dirava hairaina Iesu Keriso vairana ai baia itaia helaoreana.
2CO 4:7 A ina kohu namona na e kara hodu lalodiai a abiamu na heto; taunabunai siahu herea-daena na Dirava ena amo bainema, dia ai emai amo.
2CO 4:8 Ini amo unu amo hahedika e aru maimu, to asia dareremu; a daradaramu, to daramai asie dokomu;
2CO 4:9 e daḡedaḡe henimaimu, to bamomai asie rakatanimaimu; e haketomaimu, to asia masemu.
2CO 4:10 Nega idoinai tau-animai ai Iesu ena mase a loalaiamu, Iesu ena mauri danu tau-animai ai baine hedinarai helaoreana.
2CO 4:11 Badina be dina idoidiai, ai mauri taumai taomai e tore Iesu dainai, Iesu ena mauri ai hidiomai ai baine hedinarai helaoreana.
2CO 4:12 Benaini, ai lalomai ai mase e gaukaramu, a umui lalomui ai mauri e ḡaukaramu.
2CO 4:13 Emai kamonai be e torea herevana heḡereḡerena, eto, Lau na kamonai, bena na hereva; ai danu a kamonaimu, bena a herevamu.
2CO 4:14 Ai dibamai Lohiabada Iesu e hatorea isi Diravana ese ai danu Iesu ida baine hatoremai isi, bena ai bona umui ia vairanai baita gini.
2CO 4:15 Badina be ini ḡau iboudiai na umui daimui ai; hutuma ese harihari-bada bae abia bena Dirava bae imodaia badabada helaoreana.
2CO 4:16 Taunabunai, ai na asia hesikumu. Tau-animai e manokamu, a daba daba idoinai lalomai e hamatamatamu.
2CO 4:17 Badina be emai hisihisi taina, asi metauna bona asi vanahana ḡauna, ese emai namo bada-hereana ta e havaraiamu, mai metauna bona mia-hanaihanai ḡauna.
2CO 4:18 A itamu ḡaudia na asia raraidi mu, to mata-tuna ḡaudia a raraidiamu; badina be a itamu ḡaudia na mai negadia, to mata-tuna ḡaudia na bae mia hanaihanai.
2CO 5:1 Dibamai emai kalaga binai tanobada ai baine heroho, guba ai ruma ta Dirava ena amo baia abia, dia ima karakara ḡauna to mia-hanaihanai ḡauna.
2CO 5:2 Momokani, iniseni ai a ḡanaḡanamu, a ura badamu emai guba rumana baia hadokilaia;
2CO 5:3 bena baia hadokilaia negana ai basie davarimai kopi kavakava.
2CO 5:4 Ina kalaga ai a nohomu taumai emai maduna daidiai a ḡanaḡanamu; asia uramu baia dokia oho, to a uramu matamatana baia dokilaia; bena mauri ese mase baine hadonoa.
2CO 5:5 E karamai heḡaeḡae tauna na Dirava, bena ihamomokanina Laumana vada e henimai.
2CO 5:6 Benaini, ai na lalomai e goadamu nega idoidiai. Dibamai tau-animai ai a nohomu negana ai, ai na dia Lohiabada enai;
2CO 5:7 badina be abidadama dainai a rakamu, dia ita-itana dainai.
2CO 5:8 Lalomai e goadamu, a uramu tauanina ena amo baia raka oho, Lohiabada enai baia noho.
2CO 5:9 Taunabunai, emai lalo-hadai tamona binai: iniseni ai eiava unuseni ai ia mo baia hamoalea.
2CO 5:10 Badina be ita iboudai Keriso ena hahemaoro gabuna ai baita gini, bena tau-anida ai ta karamu karadia davadia baita abi, namo eiava dika.
2CO 5:11 Taunabunai, Lohiabada garina dibamai dainai, ai ese taunimanima lalodia a animu. Dirava vairanai lalomai e hedinaraimu; lau na uramu umui lalomui ai danu lalomai bae hedinarai.
2CO 5:12 Sibomai asia hahenamo loumu; to heaḡi badina a henimuimu, ai daimai ai ba heaḡi; bena taunimanima lalodia asie heagilaimu a oromadia mo e heaḡilaimu taudia ba haere henidia diba.
2CO 5:13 Ai baiama kava, una na Dirava dainai; a baiama aonega, una na umui daimui ai.
2CO 5:14 Badina be Keriso ena uraheni ese e haduamaimu: a tomamu, ta ese iboudiai daidiai e mase, taunabunai iboudiai vada e mase;
2CO 5:15 bona iboudiai daidiai e mase, taunabunai e maurimu taudia na sibodia ediai basie mauri, to idia daidiai e mase ma e tore isi lou tauna enai bae mauri.
2CO 5:16 Taunabunai, ina murinai tau ta na oromana mo amo basia haeroa; ena be gunaguna Keriso na oromana amo a haeroa, to harihari unu asia haeroa toma.
2CO 5:17 Taunabunai, tau ta bema Keriso lalonai, ia na e kara tau matamatana na heto; ḡau gunadia vada e lao bubuni, ḡau iboudiai vada matamata.
2CO 5:18 Ḡau iboudiai danu Dirava ena amo; ia ese Keriso bagunai ia ida vada e haheroheda maino; bona herohemaino isiaina ilao-henina taumai ai vada e halaomai.
2CO 5:19 Herevana binai: Dirava be Keriso lalonai, tanobada taudia ia ida e haheroheda maino, eda kara dika asine lalo tao. Herohemaino herevana binai ai e henimai.
2CO 5:20 Taunabunai, ai na Keriso ena gwaukau taumai: Dirava ese ai udumai amo e noimuimu, Keriso bagunai Dirava ida ba herohemaino.
2CO 5:21 Ia na kara dika asi dibana, to tau dikana ai e halaoa ita daidai, ita na ia bagunai Dirava ena maoromaoro ai baitala helaoreana.
2CO 6:1 Ai danu, ia ida a ḡaukara heboumu taumai, a noimuimu, Dirava ena harihari-bada basio abia kava.
2CO 6:2 Badina be ia na e tomu, Nega namona ai na kamonai henimu, Hahemauri dinana ai na kahamu. Benaini, nega namona binai, hahemauri dinana binai.
2CO 6:3 Tau ta asia hahekwakwanaia, emai hesiai ilao-henina baine dika na garina.
2CO 6:4 A emai kara iboudiai daidiai taunimanima bae diba, ai na Dirava ena hesiai taumai: haheauka dainai, hisihisi daidiai, ogoḡami dainai, lalohisihisi daidiai,
2CO 6:5 hekwadi daidiai, dibura rumana nohona dainai, heloḡoheloḡo daidiai, hekwarahi dainai, hegima daidiai, hitolo dainai,
2CO 6:6 laloḡoevaḡoeva dainai, aonega dainai, lalo-manada dainai, hebogahisi dainai, Lauma Helaḡa dainai, lalokau korikori dainai,
2CO 6:7 hereva momokani dainai, Dirava ena siahu dainai, kara maoromaoro ena tuari ḡaudia imamai idibadia ai bona lauridia ai daidiai.
2CO 6:8 E heatolaimai bona e hahemaraimai. Namomai e gwaurai bona dikamai e gwaurai. Koikoimai e gwaurai, ḡau tamona ai na momokani.
2CO 6:9 Asi harimai eto, ḡau tamona mai harimai. Mase taumai eto, ḡau tamona a maurimu. E dadabamai, to asie alamai mase.
2CO 6:10 Daramai e doko, to nega idoidiai a moalemu. Ogoḡami taumai, to hutuma a hataḡadiamu. Asi emai ḡau ta, to ḡau iboudiai na ai emai.
2CO 6:11 Korinto taumui e, hereva momo a hamaorolaimui; lalomai anidia eme hedinarai emui ai.
2CO 6:12 Emai lalokau emui ai na dia maraḡi; a emui hari eme maraḡi.
2CO 6:13 Na hereva henimuimu, natugu na heheto; na tomu davana ba henimai, emui lalokau na ba habadaia emai ai.
2CO 6:14 Asie kamonaimu taudia ida basio hebamo. Badina be kara maoromaoro bona kara havara ede bae hetura toma? Eiava diari bona dibura ede bae hebou toma?
2CO 6:15 Keriso bona Beliara ede bae herohemaino toma? Kamonai tauna ahuna be dahaka, asi ena kamonai tauna enai?
2CO 6:16 Dirava ena dubu bona kaivakuku ede bae hatamonadia toma? Badina be ita na Mauri Diravana ena dubu; Dirava ena hereva heḡereḡerena eto, Lau na bogaragidiai baina noho bona baina loa eva-eva; Lau na edia Dirava ai bainala, bona idia be egu bese ai baina halaodia.
2CO 6:17 Lohiabada ma eto, Edia amo ba raka oho, dauhai ba noho; Miro ḡauna enai basio dau kau, bena baina abimui dae;
2CO 6:18 Lau na Tamamui ai bainala, bona umui be natugu mamaruanemui bona hahinemui ai baina halaomui. Lohiabada siahu-hereadaena unu e gwau toma.
2CO 7:1 Taunabunai, egu lalokau e, ini gwauhamata herevadia tame abi dainai, tau-anina bona lauma ihadikadia karadia iboudiai baita huri oho, helaḡa karadia baita haḡuḡuru, Dirava imatauraina ai.
2CO 7:2 Bavabimai dae: tau ta asia hadikaia, ta asia ha-ogoḡamia, ta ena kohu asia abia koikoi.
2CO 7:3 Bona asina gwau henimuimu: vada na hereva guna heḡereḡerena, a lalokau henimuimu; umui ida baita mase hebou, baita mauri hebou.
2CO 7:4 Lau na abidadama henimuimu, na heaḡilaimuimu. Emai hisihisi iboudiai lalodiai taugu eme lo, bona na moale badamu.
2CO 7:5 Makedonia ai a kau negana ai, tau-animai asie laḡa ani, hekwarahi ese e ḡeḡemai dae; murimai ai be heatu, Ialomai ai be gari.
2CO 7:6 A dara-doko ihakeruna Diravana ese Tito ena gini-dae amo lalomai e hakerudia;
2CO 7:7 dia ena gini-dae mo dainai, a umui ese o abia dae sivaraina dainai danu. Badina be emui uraheni bona emui taitai bona emui helalo egu ai na e hamaoromai, bena na moale bada.
2CO 7:8 Egu revareva dainai lalomui e hisihisiva, bena na daradarava. To harihari asina daradaramu, badina be dibagu una revareva ese nega sina mo lalomui e hahisiva.
2CO 7:9 Harihari na moalemu, dia lalomui e hisihisiva dainai, to emui lalo-hisihisi ese helalo-kerehai e havaraia dainai. Badina be emui lalo-hisihisi na Dirava ena amo, taunabunai dika ta emai amo asio davaria.
2CO 7:10 Badina be Dirava ena amo lalo-hisihisina ese helalokerehai e havaraiamu, bona helalo-kerehai ese hahemauri e havaraiamu; basita daradaralaia. A tanobada ena amo lalo-hisihisina ese mase e havaraiamu.
2CO 7:11 Mani ba laloa: ina Dirava ena amo lalo-hisihisina dainai nahuamui o toho ani? lalomui o hamaoromaoro ani? lalomui e hekwarahi ani? o gari ani? o helaro ani? o haheauka ani? dika davana o heni ani? Kara iboudiai lalodiai kerere vada o hamaoromaoro.
2CO 7:12 Una dainai na tore henimui, dia kerere e havaraia tauna dainai, eiava e hadikaia tauna dainai, to emui lalokau korikori emai ai Dirava vairanai baine hedinarai totona.
2CO 7:13 Unu amo taumai e lo; bona a moale danu, Tito ena moale dainai, badina be umui ese ia tauna o haloa.
2CO 7:14 Ia vairana na heaḡilaimuiva, bena asio hahemaraigu: a herevalai henimui herevadia vada momokani, bona Tito vairanai a heaḡilaimui herevadia danu vada momokani.
2CO 7:15 Tito ese umui e ura henimui lalo-dikamu, badina be iboumui ai emui kamonai karadia ia ese e lalo unemu; mai garimui bona mai hematauraimui ida o abia dae danu e laloa unemu.
2CO 7:16 Lau na moalemu badina be na abidadama henimui momokanimu.
2CO 8:1 Varavaragu e, Dirava ena harihari-bada, ekalesia oreadia Makedonia ai e harihari henidia, aia hadibalaimui.
2CO 8:2 Ena be edia hisihisi na bada, to edia moale na bada herea; ena be edia ogoḡami na bada, to edia heduru na bada herea.
2CO 8:3 Na gwauraia hedinaraimu, idia na edia goada heḡereḡerena e heni, ma edia goada e hereaia danu;
2CO 8:4 bona e noimai lalo-dika, edia harihari ḡaudia baia abi, helaḡa taudia idurulaidia, eto.
2CO 8:5 Dia ai emai helaro mo asie haheḡereḡerea. A, guna idia sibodia lalodia Lohiabada e henia, bona ai e henimai, Dirava ena ura heḡereḡerena.
2CO 8:6 Una dainai Tito a noia, ina herahia ḡaukarana ia ese e matamaia, bena ia ese emui ai do baine haḡuḡurua ato.
2CO 8:7 Benaini, ḡau iboudiai emui ai na babada: abidadama, bona hereva, bona lalo-parara, bona haheauka, bona iura-henimai; ina herahia karana danu emui ai baine bada.
2CO 8:8 Asina haḡanimuimu; to idia haida edia haheauka amo umui emui uraheni na dibaiamu, ia na momokani eiava lasi.
2CO 8:9 Badina be iseda Lohiabada Iesu Keriso ena harihari-bada vada dibamui: ia na taḡa tauna, to umui daimui ai ogoḡami tauna ai ela, ena ogoḡami amo umui baine hataḡamui totona.
2CO 8:10 Egu lalo-hadai binai: ba karaia baine namo. Badina be laḡani muridai vada o haeroa bona o matamaia;
2CO 8:11 bena harihari ba haḡuḡurua. Ihaerona ai o haraḡa heḡereḡerena, ihaḡuḡuruna ai danu ba haraḡa.
2CO 8:12 Badina be tau ta lalona baine haraḡa, iabi-daena be enai e miamu ḡauna heḡereḡerena, dia e dabumu ḡauna heḡereḡerena.
2CO 8:13 Lau asina tomamu haida ese laḡadia bae ani, a umui be ba hekwarahi mase.
2CO 8:14 Lasi, iboumui ai ba heḡereḡere. Harihari umui na mai emui ḡau, a idia be e ogoḡamimu; taunabunai, ba kahadia. Kerukeru vanegai umui ba ogoḡami, bena idia ese bae kahamui; bena vada ba heḡereḡere.
2CO 8:15 Buka ai e torea heḡereḡerena, eto, Mana momo e gogo tauna ana bahu se mia, A e gogo gadoi tauna ana be vada e davana.
2CO 8:16 Dirava baita hanamoa badina be ia ese Tito lalona ai umui iura-henimui vada e havaraia;
2CO 8:17 bena emai hahealo e abia dae, bona sibona ena ura dainai danu vada e vasi.
2CO 8:18 Varavarada ta danu ia ida vada a siaia vasi; ia na mai harina namo, sivarai namo ihapiuna ai, ekalesia oreadia iboudiai lalodiai.
2CO 8:19 Dia una mo, a ekalesia oreadia ese vada e abia hidi, ina herahia ḡaukarana iloalaina ai baine bamomai, Lohiabada iheatolaina bona ai lalomai ihaharagadia totona.
2CO 8:20 Badina be emai gari tamona be tau ta ese baine habadelaimai, ina herahia badana a ḡaukaralaiamu dainai;
2CO 8:21 bona emai ura tamona be baia ḡaukara maoromaoro, Dirava vairanai bona taunimanima vairadiai.
2CO 8:22 Ma varavarada ta idia ida vada a siaia vasi; ena goada be nega momo vada a dibaia loulou, a harihari e goada hereamu, umui e abidadama henimuimu dainai.
2CO 8:23 Haida ese Tito henanadaina bema henanadai, ia na lau bamogu, raruosi a ḡaukara heboumu umui daimui ai. Eiava hari varavarada henanadaidia bema henanadai, idia na ekalesia oreadia edia hesiai ilao-henina taudia, Keriso iheatolaina.
2CO 8:24 Taunabunai, emui lalokau toana bona ai ese a heaḡilaimuimu badina ba hahedinarai, ekalesia oreadia vairadiai.
2CO 9:1 Badina be emui lalo-haraḡa na dibagu bona Makedonia taudia vairadiai na heaḡilaimui.
2CO 9:2 nato “Akaia na laḡani gunana ai e heḡaeḡae”. Bena emui goada ese idia e hagoadadia.
2CO 9:3 A varavarada vada na siaidia vasi, a heaḡilaimui kava na garina, bena umui ba heḡaeḡae, na herevalaimui heḡereḡerena ai.
2CO 9:4 Bena Makedonia taudia haida ese bema bamogu, baiama vasi davarimui, a do asio hegaegae, bena emai heaḡi kava dainai baiama hemarai, umui danu boma hemarai.
2CO 9:5 Taunabunai na laloa varavarada aina noidia hari namo, idia bae vasi guna, o gwauraia hamata ḡauna bae haboua heḡaeḡae; bena ia na herahia ḡauna korikori ai bainela, dia ai ese emui ai baiama dadihaia ḡauna na heto.
2CO 9:6 Ba laloa: baine hado gadoi tauna ese baine ḡei gadoi; baine hado hoho tauna ese baine ḡei hoho.
2CO 9:7 Ta ta ena lalo-hadai ena lalo-hadai ai bae heni; basie heni maumau, bona dia hahedua dainai basie heni. Badina be mai moalena ida e henimu tauna Dirava ese e lalokau heniamu.
2CO 9:8 Dirava na mai siahuna herahia ḡaudia iboudiai emui ai baine habada; taunabunai, nega idoidiai ḡau bavabi hoho, bona emui kara namodia iboudiai ba habada.
2CO 9:9 Buka ai e torea heḡereḡerena, eto, E ḡiḡi rohoroho, ogoḡami taudia e henidia; Ena kara maoromaoro bae mia hanaihanai.
2CO 9:10 Uhe bona aniani e henimu Dirava ese uhe baine henimui bona baine hatubu; emui kara maoromaoro huahuadia danu baine hahoho.
2CO 9:11 Ia ese baine harihari henimui, bena umui danu ba harihari; bena ai daimai ai Dirava ihanamolaina baine bada.
2CO 9:12 Badina be ina herahia ena heduru ese helaḡa taudia edia dabu ḡaudia e henidia ḡuḡurumu; bona Dirava ihanamona danu e habadaiamu.
2CO 9:13 Umui ese Dirava ba hanamoa, badina be ina heduru karana ese e hamomokanimuimu, umui na Iesu Keriso ena sivarai namo iabi-daena taumui korikori; e hanamoamu danu, emui harihari-bada idia ediai bona taunimanima iboudiai ediai daidiai.
2CO 9:14 Idia ese e lalokau henimuimu, bona Dirava e noiamu daimui ai, badina be Dirava ena harihari-bada na umui emui ai.
2CO 9:15 Dirava aita imodaia, ena harihari-bada herea-daena, igwauraina asi dibadia ḡauna, dainai.
2CO 10:1 Lau Paulo, Keriso ena manau bona ena manada daidiai, na noimuimu. Lau binai, dekemui ai na nohova mai manaugu ida, a dauhai na nohomu ai na gwau henimuimu.
2CO 10:2 Lau na noimuimu, dekemui ai baina noho negadia ai gwaugwau badina ta basine hedinarai. Ḡau tamona, lau na tomamu haida, e gwauraimaimu tau-anina ena dala ai a rakamu e tomu taudia, baina gwau henidia dikadika.
2CO 10:3 Ena be tau-anina ena dala ai a rakamu, to emai tuari na dia tau-anina tuarina.
2CO 10:4 Badina be emai tuari ḡaudia na dia tau-anina ena, a Dirava ena amo e maimu siahuna, kohoro irohodia.
2CO 10:5 Hepapahuahu bona Dirava idibana e laoa ahumu ḡaudia iboudiai a haketodiamu; bona lalo-hadai iboudiai a ḡuidiamu, Keriso ikamonaihenina ai;
2CO 10:6 bona umui ba kamonai ḡuḡuru negana ai, gwau-edeede iboudiai davadia baia heni.
2CO 10:7 Hedinarai ḡaudia ba itadia. Tau ta baineto ia na Keriso ena, ia na baine haeroa lou, ai danu Keriso ena, ia heḡereḡerena.
2CO 10:8 Lau na emai siahu, Lohiabada ese e henimai dia ikure-dobimui totona a ilarebamui helaoreana, bainama heaḡilaia, lau na basinama hemarai.
2CO 10:9 Basioto egu revareva na ihagarimui totona na tore henimuimu.
2CO 10:10 Badina be haida e tomu “Ena revareva na mai metaudia bona mai siahudia, to tau-anina na manoka-manoka bona uduna herevadia danu asi mamidia”.
2CO 10:11 Unu e laloa tomamu tauna baine haeroa, dauha amo emai hereva e vasimu heḡereḡerena dekemui ai emai kara unu baia kara toma.
2CO 10:12 Ai na asia tomamu ai na sibodia e hahenamomu taudia heḡereḡeredia. Idia na sibodia e hahetohomu, bona sibodia e haheḡereḡeremu: madi, asi edia aonega.
2CO 10:13 Ai na basia heaḡi kava, a Dirava ese e henimai hahetohona ai baia heaḡi: hahetohona benai emui ai vada e kau.
2CO 10:14 Emai siahu asia halataiamu, hetoana asia hanaiamu, umui iabi-vareaimui; badina be Keriso ena sivarai namo a vasilaia.
2CO 10:15 Haida edia ḡaukara, ai emai hetoa murimurinai, asia heaḡilaiamu; to ai na a helaromu emui kamonai do baine tubu badabada, bena umui emui amo emai hetoa do baine daudau.
2CO 10:16 Bena unukahamui tanodia ai sivarai namo do baia harorolaia; a idauna ta ena ḡaukara basia heaḡilaia.
2CO 10:17 A ta baine heaḡi, ia ese Lohiabada baine heaḡilaia.
2CO 10:18 Badina be sibona e hahenamomu tauna na namona basine gvauraia, a Lohiabada ese e hanamoamu tauna hari.
2CO 11:1 Lau na uramu egu kavakava sina ba haheaukalaia. Mani emui kara ba haheauka henigu.
2CO 11:2 Badina be Dirava ena vaḡeḡe heḡereḡerena ai daimui na vaḡeḡemu; e kara Keriso enai maohenimui vada na kara, haneulato rami-hebouna na heto.
2CO 11:3 To lau na garimu, gaigai ese Heva e koia heḡereḡerena ai, helalo idau-idau ese bae koimui, bena emui lalokau momokanina bona ḡoeva-daena Keriso enai na ba rakatania.
2CO 11:4 Ta ese Iesu idauna bema harorolaia, dia ai ese a harorolaiava heḡereḡerena eiava Lauma idauna boma abia dae, dia o abia dae guna laumana heḡereḡerena eiava sivarai namo idauna boma kamonai, dia o kamonai guna ḡauna heḡereḡerena o abi dae haraḡamu ani?
2CO 11:5 Lau na tomamu, ene aposetolo hereadia na ḡau ta ai asie hereagumu.
2CO 11:6 Ena be hereva igwauraidia ai lau na dia heḡereḡere, to lalogu ena diari na dia unuheto: ḡau iboudiai emui ai vada a hahedinaraiva.
2CO 11:7 Sibogu na hahemanau, umui bae imodaimui totona; Dirava sivaraina namona na harorolai henimuiva asi davagu. Na kerere a?
2CO 11:8 Ekalesia oreadia idaudia edia kohu na henao na heto, davagu ai na halao, umui isiaimui ilao-henina totona.
2CO 11:9 Dekemui ai na nohova negana ai nega haida na dabuva, to umui asina hahekwarahimuiva; badina varavarada, Makedonia amo ema taudia, ese egu gabu ḡaudia e heniguva. Ḡau ta ai asina hahekwarahimuiva, bona basina hahekwarahimui.
2CO 11:10 Keriso ena hereva momokani lalogu ai e miamu dainai, tau ta ese ina egu heaḡi badina na egu amo basine abia oho, Akaia kahana idoinai.
2CO 11:11 Badina be dahaka? Asina Ialokau henimuimu a! Dirava dibana na lalokau henimuimu.
2CO 11:12 A na karamu karadia do baina kara; bena edia dala e tahuamu bae heaḡi, baeto ḡaukara ai idia na ai heḡereḡeremai, taudia na dala ta basie davaria.
2CO 11:13 Badina be idia na aposetolo koikoidia, ḡaukara koikoi taudia, sibodia Keriso ena aposetolo ai e hahelao.
2CO 11:14 Unu na basita hoalaidia. Badina be Satana sibona diari aneruna ai e hahelao;
2CO 11:15 unuhetomana ena hesiai taudia ese kara maoromaoro taudia ai e hahelaomu; a dokodia ai be edia kara ihaheḡereḡeredia bae abi.
2CO 11:16 Na gwau loumu, ta basineto lau na kavakava. A unu boma laloa toma, boma haheauka henigu, kavakava tauna boma haheauka henia na heto; bena taina bama heaḡi.
2CO 11:17 Hari na hamaorolaimuimu herevadia na dia Lohiabada ena amo, to sibogu na hereva kavamu, na heaḡi kavamu.
2CO 11:18 Hutuma ese tau-anina ḡaudia e heaḡilaimu; benaini, lau danu unu baina kara toma.
2CO 11:19 Badina be umui, aonega taumui, na kavakava taudia ihaheaukahenidia mai dibamui.
2CO 11:20 Hesiai ai e ḡuimuimu tauna o haheauka heniamu; amui e ani oremu tauna o haheauka heniamu; e hahekwarahimuimu tauna o haheauka heniamu; e dadaraimuimu tauna o haheauka heniamu; vairamui e huaridiamu tauna o haheauka heniamu.
2CO 11:21 Ai na a hemaraimu, badina ai na mamanoka-mamanoka. A ta baine heaḡi, lau danu baina heaḡi. Na hereva kavamu, ani?
2CO 11:22 Idia na Heberu taudia a? Lau danu. ldia na Israel besena a? Lau danu. Idia na Abraham garana a? Lau danu.
2CO 11:23 Idia na Keriso ena hesiai taudia a? Lau ese na hereadiamu. Na hereva kavamu, ani? Na hekwarahi bada; dibura rumadia ai e kougu loulou; e dadabagu dikadikava; nega hoho masegu danu e kahira-kahirava.
2CO 11:24 Nega ima Iuda taudia ese hekwadi toi-ahui taurahani-ta amo e kwadigu.
2CO 11:25 Nega toi au amo e dadabagu. Nega ta nadi amo e hodogu. Nega toi na ḡui kau lagatoidia e hure kau; hanuaboi ta dina ta gadobada ai na hure.
2CO 11:26 Egu laolao na momo: sinavai ai na hekwarahi; dadidadi taudia imadia ai na hekwarahi; egu bese taudia imadia ai na hekwarahi; idau bese taudia imadia ai na hekwarahi; hanua lalodiai na hekwarahi; tano ḡaḡaedia ai na hekwarahi; gadobada ai na hekwarahi, varavara koikoi imadia ai na hekwarahi.
2CO 11:27 Na hekwarahimu; taugu e boeramu; na noga rani louloumu; e hitologumu, na ranu masemu, asi agu; keru ese e hamasegumu; dabua ai na dabumu.
2CO 11:28 Dia ini tau-anina ḡaudia mo; to lalogu danu dina iboudiai e hekwarahimu, ekalesia oreadia ireḡudia ai.
2CO 11:29 Daika e manokamu, bena lau asina manokamu? Daika e hekwakwanaimu, bena lau lalogu se siahumu?
2CO 11:30 Lau bama heaḡi, bena egu manoka-manoka baina heaḡilaia.
2CO 11:31 Dirava, eda Lohiabada Iesu Keriso Tamana, bae imodaia hanaihanai Diravana, ia hari dibana lau na asina koikoimu.
2CO 11:32 Damasko ai, Areta Ḡaubada ena gavana tauna ese Damasko hanuana e gimaia, lau idabai-taogu totuna.
2CO 11:33 To bosea lalonai e udagu, maḡu gaba-mauruna amo e tugu dobi; bena na heau mauri, ia imana lalona amo.
2CO 12:1 Heaḡi na dia namo, to ma baina heaḡi: mata-hanai bona Lohiabada ihahedinaraina herevadia baina gwaurai.
2CO 12:2 Keriso lalonai tau Ia dibagu, laḡani gwauta-hani muridai e heabi isi guba ihatoina ai; a tau-anina lalonai eiava tau-anina murimurinai e heabi isi na asi dibagu, Dirava hari dibana.
2CO 12:3 Una tau be dibagu, a tau-anina lalonai eiava tau-anina murimurinai e heabi isi na asi dibagu, Dirava dibana; to dibagu ia na Paradiso ai e heabi isi,
2CO 12:4 hehuni herevadia e kamonai, taunimanima basie gwaurai diba herevadia.
2CO 12:5 Una tau hari baina heaḡilaia, a sibogu basina heaḡi. Eiava, sibogu egu manoka-manoka mo baina heaḡilaia.
2CO 12:6 Heaḡi bama ura, to basinama heaḡi kava; hereva momokani bama gwaurai hari. A asina heaḡimu, tau ta ese baine lalogu, lau na herea, dia egu ai e itamu bona e kamonaimu heḡereḡerena, na garina.
2CO 12:7 E hahedinarai henigu ḡaudia babada heherea daidiai, ḡiniḡini ta, amo e gwadagu, baina hekokoroku garina; una na Satana ena hesiai tauna na heto, itutulaigu ḡauna ai ela, baina hekokoroku herea na garina.
2CO 12:8 Una ḡau dainai nega hatoi Lohiabada na noia, baine abia oho.
2CO 12:9 To ia ese e hamaorogu eto “Egu harihari-bada na oiemu ai baine davana, badina be manoka-manoka ai lauegu siahu na herea”. Taunabunai egu manoka baina heaḡilaia mai moalegu ida, bena Keriso ena siahu egu ai baine kau.
2CO 12:10 Una dainai, manoka-manoka bona badu herevadia bona ogoḡami bona daḡedaḡe karadia bona hahehisi ḡaudia be Keriso dainai na moalelaimu; badina be na manokamu negadia ai na goadamu.
2CO 12:11 Vada na heaḡi kava, to umui emui kerere; umui ese boma hanamogu bema namo. Badina be ene aposetolo hereadia ese lau asie hereagumu; ḡau tamona, lau na dia ḡau ta.
2CO 12:12 Momokani, aposetolo toadia na umui bogaragimui ai na karava mai haheaukagu ida: toa bona hoa karadia bona siahu karadia.
2CO 12:13 Edena ḡau ekalesia oreadia idaudia ese e abia a umuiasio abia a? Ina tamona mo: asina hahekwarahimui. Mani ina egu dika tamona ba laloa nege.
2CO 12:14 Nega ihatoina binai vada name heḡaeḡae, baina vasi na tomu; bona basina hahekwarahimui. Lau na dia emui kohu asina tahuamu, a umui hari na tahumuimu; badina be memero ese kohu basie habou tamadia sinadia edia, a tamadia sinadia ese kohu bae habou natudia edia.
2CO 12:15 Lau na mai moalegu ida egu kohu baina ha-ore bona tau-anigu danu baina ha-orea, umui laumamui daidiai. Lau ese na ura henimui badamu dainai umui ese o ura henigu maraḡimu a!
2CO 12:16 Benaini, asina hahekwarahimui. A readia dibaka karana ta amo na koimui o tomu, bena na abimui.
2CO 12:17 Be; dekemui na siaidia vasi taudia edia amo na koimui a?
2CO 12:18 Tito na noia; bena varavarada ta ia ida na siaidia vasi. Be; Tito ese e koimui a? Ai raruosi na lauma tamona ena kara asia karamu a? Dala tamona ai asia rakamu a?
2CO 12:19 Reana umui na nega daudau vada o laloa ai na emai kara a hekoramu. Ai na Dirava vairanai a herevamu, Keriso lalonai. Egu lalokau e, ḡau iboudiai a karamu umui ihagoadamui.
2CO 12:20 Lau na na garimu, baina vasi negana ai baina davarimui, umui na dia lauegu ura heḡereḡerena; umui danu lau ba davarigu, dia umui emui ura heḡereḡerena; bena heai, vaḡeḡe, badu, ani-gunita, hahebade, maumau, hekokoroku, heloḡo-heloḡo, bae vara.
2CO 12:21 Na garimu danu, baina vasi negana ai egu Dirava ese baine hahemaraigu umui bogaragimui ai; bona kara dika taudia hutuma taidia baina tai, badina be edia mata-bodaga, edia heuda-hanai, edia lebulebu karadia amo, asie helalo kerehaimu daidiai.
2CO 13:1 Nega ihatoina binai baina vasi. Rarua eiava tatoi edia hereva daidiai hereva iboudiai bae hamomokani.
2CO 13:2 O kerere guna taumui bona harihari o kereremu taumui, nega gunana ai na sisiba henimui bona harihari dauha amo ma na tore henimuimu: nega iharuana na vasi heḡereḡerena, baina vasi negana ai basina bogamui hisi.
2CO 13:3 Toana bunai umui o tahuamu ḡauna, Keriso lauegu amo e herevamu toana. Ia na emui ai se manokamu, a lalomui ai e siahumu.
2CO 13:4 Badina be ia na manoka-manoka ai e hasatauroa, to Dirava ena siahu dainai vada e maurimu. Ai danu mamanoka ia lalonai, to eda hebamo lalonai ai na Dirava ena siahu amo ia ida baia mauri.
2CO 13:5 Sibomui ba hetahu bona sibomui ba hediba, umui na abidadama taumui eiava lasi. Lalomui asie pararamu Iesu Keriso na lalomui ai a? Bema lasi, umui na dia heḡereḡere.
2CO 13:6 Lau na uramu umui ba diba, ai na heḡereḡere.
2CO 13:7 Dirava a noiamu, umui na basio kara dika; dia ai maoromai bae gwaurai, a, ena be ai kereremai bae gwaurai to umui ba kara maoromaoro, helaoreana.
2CO 13:8 Badina be hereva momokani igwau-tubuna na asi dibamai; ikahana mo dibamai.
2CO 13:9 Badina be ai a manokamu umui o goadamu negadia ai a moalemu; emai noinoi tamona binai, umui ba namo ḡuḡuru.
2CO 13:10 Taunabunai, lau na dauha amo na tore henimuimu; bena baina vasi negana ai Lohiabada ese vada e henigu siahuna, una na taunimanima ihaginidia dia ihaketodia ḡauna, na basina ḡaukaralaia daḡedaḡe.
2CO 13:11 Varavaragu e, na hahetonimuimu; ba namo ḡuḡuru, egu hereva ba kamonai; lalomui bae tamona; maino ai ba noho. Bena uraheni bona maino Diravana ese baine bamomui.
2CO 13:12 Haherahu helaḡana amo ba hahenamo heheni.
2CO 13:13 Helaḡa taudia iboudiai ese e hahenamo henimuimu.
2CO 13:14 Lohiabada Iesu Keriso ena harihari-bada bona Dirava ena uraheni bona Lauma Helaḡa ena hetura ese iboumui ai bae bamomui.
GAL 1:1 Lau Paulo, aposetolo taugu, (dagi na dia taunimanima edia amo eiava tau ta dainai asina abia, to Keriso dainai, bona Tamada, Iesu mase amo e hatorea isi Diravana, dainai na abia),
GAL 1:2 bona e bamogu taudia iboudiai, Galatia ekalesia oreadia taumui a tore henimuimu, atomu,
GAL 1:3 harihari-bada bona maino Tamada Dirava ena amo bona eda Lohiabada Iesu Keriso ena amo avabi.
GAL 1:4 Ia ese sibona e heni, eda kara dika daidiai, ina tanobada ena dika amo baine hamaurida helaoreana, Tamada Dirava ena ura heḡereḡerena.
GAL 1:5 Ia baita imodaia hanaihanai. Amen.
GAL 1:6 Lau na hoamu, badina be umui ese Keriso ena harihari-bada lalonai na boirimui taugu vada o rakatanigu haraga, sivarai idauna o lao heniamu.
GAL 1:7 Ḡau tamona dia sivarai idauna, a haida ese e haturiamuimu, bona e uramu danu Keriso ena sivarai namo bae hagagevaia.
GAL 1:8 A ai ese, eiava guba aneruna ese, sivarai idauna baiama harorolaia, dia a harorolaia gunava ḡauna heḡereḡerena ai baiama baia.
GAL 1:9 Hata vada na gwauraia, harihari ma na gwauraia loumu, Ḡau ta ese sivarai idauna baine harorolai henimui, dia o abia dae gunava heḡereḡerena, ia na baine baia.
GAL 1:10 Lau ese taunimanima ihamoaledia na tahuamu eiava Dirava ihamoalena na tahuamu a? Taunimanima lalodia ihanamodia na tahuamu a? Lau ese taunimanima bama hamoaledia, Keriso isiaina basinama lao heni.
GAL 1:11 Varavaragu e, na hamaoromuimu, sivarai namo na harorolaiamu na dia taunimanima edia.
GAL 1:12 Taunimanima edia amo asina abia; idia ese asie hadibagu; a Iesu Keriso ese lalogu ai e hahedinaraia.
GAL 1:13 Gunaguna na karava karadia sivaraidia vada o kamonai, Iuda taudia edia orea ai na nohova ai na Durava ena ekalesia oreana na daḡedaḡe heniava, na hadikaiava.
GAL 1:14 Iuda taudia edia ḡuriḡuri karadia ai egu uru taudia bona egu bese taudia na hereadiava; sene karadia na goadalai dikadikava.
GAL 1:15 A sinagu bogana amo e hahelagagu bona ena harihari-bada ai e boirigu Diravana ese ena ura negana ai
GAL 1:16 ia Natuna lau lalogu ai e hahedinaraia, idau bese taudia bogaragidiai ia baina harorolaia helaoreana: una negana ai lau na tau ta ida asia henega.
GAL 1:17 Bona aposetolo-gunadia Ierusalem ai danu dekedia asinala, a Arabia nala, bena Damasko na lou henia.
GAL 1:18 Laḡani toi e ore, bena Petro itana Ierusalem nala, boi gwauta-ima ia ida a nohova.
GAL 1:19 Aposetolo idaudia haida asina itadia, lakobo, Lohiabada tadina, mo sibona.
GAL 1:20 Dirava hari dibana ini na tore henimuimu herevadia na dia koikoi.
GAL 1:21 Unu amo Suna bona Kilikia kahadia nala.
GAL 1:22 A Keriso ena ekalesia taudia Iudea ai na vairagu asi dibadia,
GAL 1:23 harigu mo e kamonai, eto “Gunaguna e daḡedaḡe henidava tauna ese sivarai namo e harorolaiamu; eda abidadama baine ha-orea e tomava, a harihari e harorolaiamu”.
GAL 1:24 Bena lau daigu ai idia ese Dirava e hanamoa.
GAL 2:1 Laḡani gwauta-hani e ore murinai Ierusalem nala; Banaba bona Tito ese e bamogu.
GAL 2:2 Lalogu ai e hedinarai herevana dainai nala. Haridia namodia taudia ida sibomai a hebouva, bena lau ese sivarai namo bese idau-idau taudia bogaragidiai na harorolaiamu herevana na hamaorolaidia, egu ḡaukara na karaiava bona na karaiamu bema asi anina na garina.
GAL 2:3 Bamogu ta, Tito, na Helene tauna, to iperitomena asie haḡanilaia.
GAL 2:4 Varavara koikoidia haida e vareai hehuni, emai ura-kwalimu Keriso Iesu ena amo bae hasinadoa, bena bae ḡuimai lou eto.
GAL 2:5 To ai na asia manoka, bona hora ta ai asia kamonai henidia, lasi ona lasi vaitani; sivarai namo ena hereva momokani dekemui ai bae mia helaoreana.
GAL 2:6 A haridia namodia taudia (edia dagi na herevana, asina laloamu; Dirava ese taunimanima toadia se lalomu) ḡau matamatana ta asie henigu.
GAL 2:7 A sivarai namo Petro e henia, e peritomedia taudia baine harorolai henidia, heḡereḡerena sivarai namo lau e henigu, asie peritomedia taudia baina harorolai henidia.
GAL 2:8 Badina be Petro na peritome taudia edia aposetolo ai e halaoa Tauna ese lau danu bese idau-idau taudia edia aposetolo ai e halaogu.
GAL 2:9 Taunabunai, Iakobo bona Petro bona Ioane (idia be ekalesia duna e gwauraidiava taudia) vada dibadia harihari-bada lau danu vada e henigu. Bena idia ese lau bona Banaba imamai e abi, hetura toana; ai raruosi bese idau-idau taudia dekedia baiala eto, a idia be peritome taudia dekedia baela;
GAL 2:10 ḡau tamona, ogoḡami taudia baia lalodia eto. Karana bina vada na goadalaiamu.
GAL 2:11 A Pelro na Antioka ela negana ai, lau ese na gwau henia, badina be ia na e kerere.
GAL 2:12 Badina be haida Iakobo ena amo do asiela negana ai, ia na idau bese taudia ida e aniani hebouva; a idia ela negana ai, ia e raka muri, idau bese taudia edia amo e raka oho, peritome taudia garidia.
GAL 2:13 Iuda taudia oredia danu ia ida unu e koikoi tomava; bona Banaba danu edia koikoi ese e hahekwakwanaia.
GAL 2:14 A lau ese na itadia, idia na asie raka maoromaoro, bona sivarai namo ena hereva asie badinaia, bena Petro na gwau henia, idia iboudiai vairadiai, nato “Oi na tau luda, a idau bese taudia heḡereḡeredia o nohomu, dia Iuda taudia heḡereḡeredia; matona, idau bese taudia o haḡanidiamu, Iuda taudia heḡereḡeredia bae noho o tomu”.
GAL 2:15 Ai be Iuda taumai korikori, dia kara dika taudia idau bese amo;
GAL 2:16 a ai dibamai tau ta taravatu ibadinana dainai maorona basie gwauraia, a Iesu Keriso ikamonai-henina mo dainai. Taunabunai, ita ese Keriso Iesu ta kamonai henia, bena maoroda bae gwaurai, Keriso ikamonai-henina dainai, dia taravatu ibadinana dainai; badina be taravatu ibadinana dainai tau ta maorona basie gwauraia.
GAL 2:17 A ita na Keriso dainai maoroda igwauraidia ta tahuamu negana ai ta kara dikamu, unu amo Keriso na kara dika ikahalaina tauna ai e laomu a? Lasi ona lasi vaitani.
GAL 2:18 Badina be na kurea dobi ḡauna bama haginia lou, lau na kara havara taugu ai bama lao.
GAL 2:19 Badina be taravatu dainai vada na mase taravatu enai, Dirava enai baina mauri helaoreana.
GAL 2:20 Lau na Keriso ida vada e hasataurogu; ḡau tamona, na maurimu, a dia lau, to Keriso hari lau lalogu ai e maurimu. Bona egu mauri, tau-anigu ai na maurimu, na Dirava Natuna na abidadama heniamu dainai na maurimu. Ia ese e ura henigu bona sibona e heni, lau daigu ai.
GAL 2:21 Dirava ena harihari-bada na asina dadaraiamu; badina be kara maoromaoro na taravatu amo bema vara, Keriso ena mase bema asi anina.
GAL 3:1 Galatia taumui e, kavakava taumui, daika ese ena mea amo e koimuimu? Umui vairamui ai vada eme hedinarai: Iesu Keriso e hasatauroa
GAL 3:2 Ina mo ba hamaorolaigu: taravatu ibadinana dainai eiava sivarai namo iabi-daena dainai Lauma o abia?
GAL 3:3 Umui na kakava a? Lauma enai o matamaia, a tau-anina enai o haḡuḡuruamu a?
GAL 3:4 Hisi diaḡau o aniva na asi anidia a? Reana mai anina.
GAL 3:5 Lauma e henimuimu bona bogaragimui ai hoa karadia e karamu Diravana ese taravatu ibadinana dainai eiava sivarai namo iabi-daena dainai e karamu a?
GAL 3:6 Abraham heḡereḡerena: ia ese Dirava e abidadama henia, bena maorona e gwauraia.
GAL 3:7 Benaini, vada na diba, kamonai taudia na Abraham natuna ai baela.
GAL 3:8 Buka Helaḡa danu vada e gwauraia guna, Dirava ese bese idau-idau taudia kamonai dainai maorodia baine gwaurai; bena sivarai namo Abraham e henia guna, eto, Tanobada besedia iboudiai na oi daimu ai bae namo.
GAL 3:9 Taunabunai, kamonai taudia na Abraham, kamonai tauna, ida bae namo bou.
GAL 3:10 Taravatu ibadinana e abidadama heniamu taudia iboudiai na heuduguirai henunai e nohomu, badina be ini e torea toma: Taravatu bukana ai e tore herevadia iboudiai basie badina taudia na bae uduguiraidia.
GAL 3:11 Bona tau ta taravatu dainai maorona basie gwauraia Dirava vairanai; ina na eme hedinarai, badina be kamonai dainai kara maoromaoro tauna baine mauri.
GAL 3:12 Bona taravatu na kamonai amo se varamu, a ikarana tauna hari ena kara dainai baine mauri.
GAL 3:13 Taravatu ena hahedika amo Keriso ese vada e hamaurida; ia be dika tauna ai ela, ita iboloda. Badina be Buka Helaḡa ai vada e torea, eto, Au ai e taudia dae taudia iboudiai vada e dika.
GAL 3:14 Taunabunai, Abraham e hanamolaia hahenamona na bese idau-idau taudia ese Keriso Iesu dainai do bae davaria; bona ita ese kamonai dainai e gwauraia hamata Laumana baita abia.
GAL 3:15 Varavaragu e, taunimanima edia kara na gwauraimu: tau ta baine gwauhamata, bena ena gwauhamata baine hamomokania; basine taoa tari, bona basine ha-idaua.
GAL 3:16 Benaini, gwauhamata na Abraham mai garana ida edia. Asineto “Garamu loḡora ida”. Hutuma se gwauraidia; a tamona mo e gwauraia, eto “Garamu idat”. Una na Keriso.
GAL 3:17 Egu lalo-hadai binai: Dirava ena gwauhamata gunana na laḡani sinahu-hani toi-ahui muridiai e vara taravatuna ese se taoa tari, asi anina ḡauna ai se halaoa.
GAL 3:18 Ahu iabina bema taravatu dainai, gwauhamata bema herevana; a Dirava ese gwauhamata amo Abraham e henia.
GAL 3:19 Benaini, taravatu be dahaka? Kara havara dainai e haginia, baine mia ela bona e gwauraia hamata garana baine vara; aneru ese e gwauraia, herohemaino tauna ese e mailaia.
GAL 3:20 Herohemaino na dia kaha tamona basine herohemaino; a Dirava be tamona.
GAL 3:21 O, taravatu ese Dirava ena gwauhamata e laoa ahumu a? Lasi vaitani. Badina be taravatu bema mai siahuna mauri ihavarana, kara maoromaoro na taravatu amo bema vara.
GAL 3:22 A Buka Helaḡa ese taunimanima iboudiai kara dika ai vada e koudia, Iesu Keriso iabiabiraina gwauhamatana na kamonai taudia ese bae abia helaoreana?
GAL 3:23 A Iesu iabiabiraina do sema negana ai, taravatu ese e dogoda tao, e kouda ahu, ema bona do baine hedinarai abidadamana e kau.
GAL 3:24 Taunabunai, taravatu na hereḡu tauna na heto, ema bona Keriso eme kau, kamonai dainai maoroda bae gwaurai helaoreana.
GAL 3:25 A harihari kamonai vada eme kau, taunabunai ita na dia tau ta ena hereḡu ai.
GAL 3:26 Badina be umui iboumui ai be Dirava natuna, Keriso Iesu o abiabiraiamu dainai.
GAL 3:27 Badina be Keriso ladana ai e bapatisomui taumui iboumui ai ese Keriso vada o hahedokilaia.
GAL 3:28 Badina be umui na dia Iuda taumui, dia Helene taumui, dia hesiai taumui, dia ura-kwalimu taumui, dia mamaruane, dia hahine; a ibouboumui ai tamona mo, Keriso Iesu lalonai.
GAL 3:29 Umui Keriso ena dainai, umui danu Abraham garana bona gwauhamata dihina.
GAL 4:1 Lau na tomamu tau ta dihina, ena be ia na ḡau iboudiai biagudia, to merona negana ai ia be hesiai merona na heto;
GAL 4:2 ia na hahediba taudia bona heregu taudia henudiai, ela bona tamana ese e gwauraia guna negana baine kau.
GAL 4:3 Ita danu unuheto: maraḡida negadia ai tanobada ena ḡaruḡaru herevadia ese hesiai iḡuidia ai e dogoda taova;
GAL 4:4 a nega vada e ḡuḡuru, Dirava ese ia Natuna e siaia, hahine bogana ai e vara, taravatu henunai danu e vara,
GAL 4:5 taravatu henunai e nohomu taudia baine hamauridia bona ita na ia natuna ai baitala totona.
GAL 4:6 Bona umui na ia natuna dainai, Dirava ese Natuna ena Lauma ita laloda ai vada eme siaia; bena e lolomu, e tomu, “Aba e, Tamamai e”.
GAL 4:7 Taunabunai, Dirava dainai oi na dia hesiai tauna, to natuna; bona dia natuna mo, to dihina danu.
GAL 4:8 Gunaguna, Dirava asi dibamui negana ai, umui ese dirava koikoidia isiaidia o lao heniva.
GAL 4:9 A harihari umui na Dirava dibamui, Dirava danu dibana umui. Matona, tanobada ena ḡaruḡaru herevadia mamoka-manokadia bona kavakavadia ma o lou henidiamu, bae dogomui tao luo o tomu a?
GAL 4:10 Dina bona hua bona aria negadia bona laḡani o badinamu.
GAL 4:11 Lau na umui daimui ai na garimu, vada na hekwarahilaimui kava na garina.
GAL 4:12 Varavaragu e, na nolmuimu, umui lau ida baita heḡereḡere, badina be lau na umui ida vada na heḡereḡere. Umui ese asio hadikagu.
GAL 4:13 Dibamui lau na nega gunana ai gorere dainai sivarai namo na harorolai henimui.
GAL 4:14 Ḡau tamona asio dadaraigu bona asio ihi-ihiraigu egu gorere daimai: o abigu dae, Dirava ena aneru na heto, eiava Keriso Iesu na heto.
GAL 4:15 Emui hahenamo be edeseni ai? Lau dibagu una negana ai, bema mai dalana, umui ese matamui boma vai lasi, boma henigu.
GAL 4:16 Be, hereva momokani na hamaoromuimu dainai, inaimui ai vada nala a?
GAL 4:17 Idia ese e ura henimuimu, to lalodia na dia mamaoro; e uramu ai emai amo bae laimui oho, bena umui ese idia ba ura henidia.
GAL 4:18 Kara namo iura-henina dainai ba ura henigu na nega idoidiai namo, dia dekemui ai na nohomu negadia ai mo.
GAL 4:19 Natugu e, hisi na animu, hekamonai hisidia na heto, ela bona Keriso na lalomui ai baine vara.
GAL 4:20 Harihari umui dekemui ai bama noho, ere idauna ai bama hereva, bema namo; badina be lalogu na e hekwarahimu umui daimui ai.
GAL 4:21 Umui taravatu henunai ba noho o tomu taumui, ba hamaorogu, taravatu asio kamonai heniamu a?
GAL 4:22 Buka Helaḡa ai ini e torea loma: Abraham natuna na rarua; ta be hesiai hahinena natuna, a ta be ura-kwalimu hahinena natuna.
GAL 4:23 Hesiai hahinena natuna na tau-anina ena kara ai e vara, a ura-kwalimu hahinena natuna na gwau-hamata dainai e vara.
GAL 4:24 Una na hereva heḡereḡerena: unu hahine raruosi na herohemaino ruaosi heḡereḡeredia. Ta be Sinai ororona amo ema, hesiai memerodia e havaradia: una na Hagara.
GAL 4:25 Hari Hagara be Sinai ororona ladana ta, Arabia tanona ai: ia na ina harihari e miamu Ierusalemana heḡereḡerena; mai natuna ida hesiai iḡuidia ai e nohomu.
GAL 4:26 A atai ai e miamu Ierusalemana na urakwalimu hanuana; ita sinada bunai.
GAL 4:27 Vada e torea, Gabami hahinemu e, ba moale; Hekamonai hisidia asi dibamu hahinemu e, ba hisi dae; Badina be vado hahinena natuna na hutuma, A e headava hahinena natunal na dia hoho.
GAL 4:28 Varavaragu e, umui na gwauhamata memeromui, Isaak heḡereḡerena.
GAL 4:29 A unu dinadia ai heḡereḡerena tau-anina ena kara ai e vara merona ese Lauma ena amo e vara merona e daḡedaḡe heniava, harihari danu unu mo heto.
GAL 4:30 Buka Helaḡa ai ede e torea toma? Hesiai hahinena mai natuna ida ba luludia oho; Badina be hesiai hahinena natuna na dihi ai basinela, Ura-kwalimu hahinena natuna ida ahuna basine abia.
GAL 4:31 Benaini, varavaragu e, ita na dia hesiai hahinena natuna; ita be urakwalimu hahinena natuna.
GAL 5:1 Keriso ese vada e ruhada nege, ura-kwalimu tauda ai baitala: ba gini tutuka-tutuka, bae ḡuimui lou na garina.
GAL 5:2 Ba Ialoa: lau Paulo ese na hamaoromuimu, na tomu, peritome boma abia, ahumui bema lasi Keriso enai.
GAL 5:3 Momokani, na hamaoromui loumu, na tomu, peritome bae abia taudia ese taravatu karadia iboudiai bae badina.
GAL 5:4 Taravatu ibadinana dainai maoromui bae gwaurai o tomu taumui na asi ahumui Keriso enai; Dirava ena harihari-bada vada o morutania.
GAL 5:5 A ai ese kara maoromaoro helarona a nariamu, Lauma ikamonai-henina dainai.
GAL 5:6 Badina be Iesu Keriso enai peritome bona asi peritome ruaosi na asi anidia, a abidadama mo, uraheni ai e ḡaukaramu.
GAL 5:7 Umui na gunaguna o heau namonamova. Daika ese e laomui ahu, bena hereva momokani asio badinaia a?
GAL 5:8 Lalo-ani herevadia na dia e boirimui tauna ena amo se vasi.
GAL 5:9 Hatubu muramurana sina taina ese taba idoinai e hatubuamu.
GAL 5:10 Lau na Lohiabada ladana ai na abidadama henimuimu, lalomui basio hadai idau; a e haraivamuimu tauna ese gwauna do baine huaia.
GAL 5:11 Varavaragu e, peritome doini bama harorolaia, doini e daḡedaḡe henigumu badina be dahaka? Unu bema heto, satauro ena hekwakwanai bema lasi.
GAL 5:12 Lau na uramu e haraivamuimu taudia na sibodia bema heutu oho.
GAL 5:13 Varavaragu e, vada e boirimui, ura-kwalimu taudia ai baola. Ḡau tamona, emui ura-kwalimu na tau-aninlui ihamoaledia ḡauna ai basio halaoa; a lalokau dainai ta ta isiaimui ba helao heheni.
GAL 5:14 Badina be taravatu idoinai na hereva tamona ai e haboua. Herevana binai: Dekemu tauna ba lalokau henia, sibomu o helalokaumu heḡereḡerena.
GAL 5:15 A ba hekori heheni bona ba heani heheni nahuamui ba loho, sibomui ba haheore na garina.
GAL 5:16 A lau na tomamu, Lauma ena dala ai ba raka, bena tau-anina ena ura basio karaia.
GAL 5:17 Tau-anina ese laumal baine laoa ahu e tomamu, bonalauma ese tau-anina baine laoa ahu e tomamu; badina be ruaosi e heinai hehenimu. Una dainai emui ura karadia asio karamu.
GAL 5:18 A lauma ese baine hakaumui negana ai, umui na dia taravatu henunai.
GAL 5:19 Tau-anina ena kara na hehedinararai. Gaudia bini: heuda-hanai, kara mirodia, mata-bodaga,
GAL 5:20 kaivakuku itomadiho-henidia, babalau, heai, heatu, mama, badu, gogosi, heiri-heiri, hahediba koikoi herevadia,
GAL 5:21 heḡahusi, kekero, lebulebu; bona kara unuhetomadia iboudiai. Na hamaoromuiva, bona harihari ma na hamaoromui loumu, unu e kara tomamu taudia ese Dirava ena basileia basie abia.
GAL 5:22 A Lauma huahuana binai: lalokau, moale, maino, haheauka, hebogahisi, kara maoromaoro, hereva ibadinana,
GAL 5:23 manau boga-auka; kara unuhetomadia na asi taravatudia.
GAL 5:24 Keriso Iesu ena orea taudia ese tau-anidia, mai edia hekise-hekise bona edia ura dikadia ida, vada e hasataurodia.
GAL 5:25 Lauma dainai ta maurimu; taunabunai, Lauma dainai baita raka.
GAL 5:26 Basita hekokoroku; basita heai heheni; basita heḡahusi heheni.
GAL 6:1 Varavaragu e, tau ta kerere ese baine butua tao, umui lauma ikamonaina taumui ese ba hakaua lou, mai manaumui ida. Nahuamu danu ba tohoa, hedibaḡani ese oi danu baine butumu tao na garina.
GAL 6:2 Umui ta ta emui maduna ba hehua heheni; unu amo Keriso ena haheḡani ba badinaia.
GAL 6:3 Badina be ta sibona baineto “Lau na namo”, a ḡau be dia namo, sibona e hekoimu.
GAL 6:4 Ta ta ena ḡaukara ena ḡaukara bae diba, a bamona ena basine diba, unu amo sibona ena ḡaukara baine heaḡilaia.
GAL 6:5 Badina be ta ta ena maduna ena maduna bae hua.
GAL 6:6 E hadibadia taudia ese edia ḡau namodia ai hahediba tauna bae ahulaia.
GAL 6:7 Basio laloa kerere: Dirava na basita koia diba. Taunimanima e hadomu ḡaudia heḡereḡeredia mo bae abi.
GAL 6:8 Tau-anina ena e hadoamu tauna ese tau-anina ena mase baine abia. Lauma ena e hadoamu tauna ese Lauma ena mauri hanaihanai baine abia.
GAL 6:9 Kara namo ikarana basita hesikulaia; badina be bema ita basita manoka, bena nega namona ai huahuada baita abi.
GAL 6:10 Taunabunai, dala baita davaria negadia ai, taunimanima iboudiai baita kara namo henidia; a ekalesia taudia na baita hanamodia herea.
GAL 6:11 Mani egu revareva ba itaia, vada na torea badabada.
GAL 6:12 Ina tanobadl ena hahenamo bae abia urana e uramu taudia ese e haḡanimuimu, peritome bavabia e tomu, badina korikori be Keriso ena satauro dainai taunimanima ese bae daḡedaḡe henidia na garina.
GAL 6:13 Idia ese peritome e abiamu, ḡau tamona taravatu asie badinaiamu; to e uramu umui hari peritome bavabia, taumui bae heaḡilai helaoreana.
GAL 6:14 A lau ese ḡau ta basina heaḡilaia, eda Lohiabada Iesu Keriso ena satauro mo sibona; ia bagunai tanobada vada e hasatauroa egu ai, bona lau vada e hasataurogu tanobada enai.
GAL 6:15 Badina be peritome bona asi peritome na asi anidia; a vara matamata hari.
GAL 6:16 Ini e raka tomamu taudia latadiai bona Dirava ena Israel latanai maino bona hebogahisi bae mia.
GAL 6:17 Ina murinai, tau ta ese basine hamareregu, badina be biagugu Iesu ena kipara na kopigu ai e miamu.
GAL 6:18 Varavaragu e, eda Lohiabada Iesu Keriso ena harihari-bada lalomui ai baine mia. Amen.
EPH 1:1 Lau Paulo, Keriso Iesu ena aposetolo taugu, Dirava ena ura dainai, helaḡa taumui Efeso ai, Keriso Iesu o abidadama heniamu taumui, na tore henimuimu:
EPH 1:2 harihari-bada bona maino, Tamada Dirava ena amo bona Lohiabada Iesu Keriso ena amo, bavabi.
EPH 1:3 Dirava, eda Lohiabada Iesu Keriso Tamana, aita hanamoa: ia ese Keriso lalonai Lauma ena hahenamo iboudiai guba ai e miamu ḡaudia na vada e hanamolaida.
EPH 1:4 Tanobada do se karaia negana ai, Dirava ese Keriso lalonai e abida hidi, ia vairanai helaḡa tauda ai bona asi bebeka-bebekada tauda ai baitala helaoreana. Ena lalokau dainai
EPH 1:5 ia ese lalona e hadaia guna, ia natuna ai baine halaoda Iesu Keriso dainai. Ina na ena ura namona heḡereḡerena.
EPH 1:6 Ena harihari-bada ḡoeva-daena, ina na ena lalokau tauna ai vada e hataḡalaida hariharina, dainai baita imodaia.
EPH 1:7 Ia lalonai hahemauri vada ta abiamu, ia rarana dainai, bona eda dika vada eme hegwau tao. Ina na ena harihari-bada ḡoeva-daena
EPH 1:8 vada e habada iseda ai.
EPH 1:9 Badina be ena aonega ai bona ena lalo-parara ai, Dirava ese ena lalohadai hehunidia vada e hadibada, ena ura namona Keriso lalonai e rataia heḡereḡerena,
EPH 1:10 negadia bae ḡuḡuru ai na ḡau iboudiai, guba ḡaudia bona tanobada ḡaudia, Keriso ai baine haboudia helaoreana.
EPH 1:11 Badina be Dirava ese ḡau iboudiai na ena lalohadai heḡereḡerena e karamu. Bona matamana negana ai Dirava ese e gwauraimai hidi, ena ura ihaḡuḡuruna.
EPH 1:12 Taunabunai ai Keriso a laroa gunava taumai ese ia hairaina baia heatolaia.
EPH 1:13 Ia lalonai danu umui ese hereva momokanina, emui hahemauri sivaraina namona, o abia dae. Umui ese danu Keriso o abidadama henia bona Dirava ese ia toana e tlenimui, Lauma Helaḡa, e gwaurai hamata Laumana, bunai.
EPH 1:14 Toana bunai, ita ese ahuda baita abia Dirava ena gwauhamata hegereḡerena, bona ia ese ena taunimanima baine hamauridia. Ia hairaina baita heatolaia hebou.
EPH 1:15 Badina bunai, Lohiabada Iesu Keriso o abidadama heniamu bona helaḡa taudia iboudiai o lalokau henidiamu sivaraina na kamonai dainai,
EPH 1:16 egu Dirava ihanamona na asi dokona daimui ai. Bona daimui ai na ḡuriḡurimu,
EPH 1:17 eda Lohiabada Iesu Keriso ena Dirava, Tamada herea-daena, ese aonega bona lalo-parara laumana baine henimui, bena ienai ba manada.
EPH 1:18 Lalomui matadia danu baine hapapa, bena ena boiboi helarona bona ahuna herea-daena, davana bada ḡauna helaḡa taudia edia, vada ba diba.
EPH 1:19 Iena siahu badana bona ena goada hereadaena ita kamonai tauda edai danu ba diba.
EPH 1:20 Siahuna bunai Keriso enai e hedinarai: ia ese mase amo e hatorea isi, guba ai vada e abia dae, ia idibana kahana ai e hahelaia.
EPH 1:21 Keriso na ḡaubada iboudiai daediai, gavana iboudiai daediai, siahu taudia iboudiai daediai, lohia iboudiai daediai; ia ladaula danu lada iboudiai, ina mauri ai bona mauri gabena ai, e hereadiamu.
EPH 1:22 Dirava ese ḡau iboudiai ia aena palapaladia henudiai e ato, bona ḡau iboudiai ikwaradia ai vada e halaoa, ekalesia lalonai.
EPH 1:23 Ekalesia na Keriso tau-anina; ḡau iboudiai e haḡuḡurumu Tauna ihaḡuḡuruna.
EPH 2:1 Umui ese kara havara bona kara dika lalodiai o maseva;
EPH 2:2 gunaguna ina tanobada ena kara o karava, guba padana siahuna lohiana o badinaiava, laumana bunai gwau-edeede memerodia lalodia ai e ḡaukaramu.
EPH 2:3 Ai iboumai ai danu, gunaguna idia ida a nohova, tau-anina ena ura a karava; tau-animai edia ura bona lalomai edia ura a badinava, bena ahumai korikorina na badu, taunimanima oredia heḡereḡeredia.
EPH 2:4 A hebogahisi-bada Diravana ese, e ura henimai lalo-dika dainai,
EPH 2:5 kara havara ai a mase taumai na Keriso ida e hamaurimai. Umui danu harihari-bada ese e hamaurimuimu.
EPH 2:6 Ia ida vada e hatoreda isi, ia ida danu guba ai vada e hahelaida, Keriso Iesu lalonai.
EPH 2:7 Vairada negadia ai danu ena harihari-bada bona ena gado namo ita edai baine hedinarai, Keriso Iesu lalonai.
EPH 2:8 Badina be harihari-bada ese vada e hamaurimui, abidadama dainai; dia sibomui ese, a Dirava ena harihari-bada ese;
EPH 2:9 bona dia ḡaukara daidiai, tau ta baine heaḡi na garina.
EPH 2:10 Badina be ita na ia imana ai e karada tauda, Keriso Iesu lalonai vada e havarada, ḡaukara namodia ikaradia totona: ḡaukara namodia bunu Dirava ese vada e heḡaeḡaelai, ita ese baita kara.
EPH 2:11 Taunabunai, ba helalo: umui na gunaguna idau bese taumui; peritome taudia na tau-anidia vada e ivadia dainai “asi peritome taumui” e gwauraimuiva.
EPH 2:12 Una negana ai umui bona Keriso na mai padamui; umui bona Israel besena danu mai padamui; herohemaino gwauhamatadia na asi dibamui; asi emui helaro bona asi emui Dirava tanobada ai.
EPH 2:13 A gunaguna dauhai o nohova taumui na harihari Keriso Iesu lalonai vada o kahikahimu; Keriso rarana ese vada e harakamui kahi.
EPH 2:14 Badina be ia na eda maino; ia ese bese ruaosi vada e hatamonada; e hapararada maḡuna vada e raḡaia.
EPH 2:15 Ia tau-anina ai ia ese taravatu ena hahedua iboudiai vada e ha-ore, beseda ruaosi amo matamatana ta baine havaraia, bona maillo baine haginia,
EPH 2:16 bona ena satauro dainai ruaosi Dirava enai baine hatamonada, helaoreana. Eda heinai-heheni ia ese satauro dorina ai e ha-orea.
EPH 2:17 Benaini, ia ema, maino e harorolaia, umui dauhai o nohomu taumui emui, bona gabu kahikahidia ai e nohomu taudia edia.
EPH 2:18 Ia dainai umui bona ai na Tamada dekenai baita raka vareai diba, Lauma tamona lalonai.
EPH 2:19 Taunabunai, umui na harihari dia idau bese taumui, dia noho-hedoahedoa taumui; umui na helaḡa taudia ida hanua tamona taumui; umui na Dirava ena ruma taumui.
EPH 2:20 Aposetolo taudia bona peroveta taudia latadiai vada e hadaimui, ruma na heto; ruma daigunina nadina na Iesu Keriso sibona.
EPH 2:21 Ia latanai ruma idoinai e larebaia daemu, dubu helaḡana ai bainela, Lohiabada lalonai.
EPH 2:22 Ia latanai danu umui e larebamui heboumu, Dirava ena ruma ai baola, Lauma lalonai.
EPH 3:1 Badina bunai lau Paulo na Keriso Iesu ese e ḡuigu, idau bese taumui daimui ai.
EPH 3:2 Reana vada o kamonai, ena harihari-bada dainai Dirava ese ḡaukara e henigu, umui daimui ai;
EPH 3:3 hereva hehunina, vada na torea kwadoḡi ḡauna, ia ese e hahedinarai henigu.
EPH 3:4 Iduahina ai do ba diba, lau na Keriso sivaraina hehunina na mai dibagu.
EPH 3:5 Uru gunadia ediai se hedinarai; a harihari ena aposetolo taudia helaḡadia bona peroveta taudia na Lauma ese vada e hahedinarai henidia.
EPH 3:6 Herevana binai: idau bese taudia bona Iuda taudia na ahudia be tamona, bona tau-anidia be tamona; gwauhamata tamona danu e abia heboumu Iesu Keriso lalonai, sivarai namo dainai.
EPH 3:7 Dirava ena harihari-bada dainai ena siahu ese egu ai vada e ḡaukara, sivarai namo isiaina ilaohenina taugu ai vada e halaogu.
EPH 3:8 Helaḡa taudia iboudiai lau mo sibogu maraḡi-maraḡi herea; to ia esevada e harihari henigu, bese idau-idau vairadiai Keriso ena taḡa, iduahina ta asi dibana taḡana, baina harorolaia,
EPH 3:9 bona ḡau iboudiai ikaradia Diravana ese sene negadia ema harihari vada e hunia herevana anina baina hahedinaraia taunimanima iboudiai ediai.
EPH 3:10 Harihari, ekalesia ena amo, lohia hereadia bona siahu taudia, guba ai e nohomu, ese Dirava ena aonega idau-idau bae diba,
EPH 3:11 nega hanaihanai e lalo-hadailaia heḡereḡerena ai, Keriso Iesu eda Lohiabada lalonai e hamomokania.
EPH 3:12 Ia lalonai ita na mai boga-aukada bona mai goadada baita raka henia kahi, ta abidadama heniamu dainai.
EPH 3:13 Taunabunai na noimuimu, daramui basie doko umui bagumui ai na hisihisimu; lauegu hisihisi na umui ihahairaimui ḡauna.
EPH 3:14 Una dainai lau na Tamada vairanai na hetuituimu.
EPH 3:15 Bese iboudiai guba ai bona tanobada ai be ia nemaina.
EPH 3:16 Na noiamu, ia hairaina taḡadia amo ia Laumana ese siahu baine henimui, bena lalomui idoidiai do bae goada,
EPH 3:17 bona emui abidadama dainai Keriso na umui lalomui ai baine noho. Bena lalokau ai ba gini tutuka-tutuka bona ba badinaia tarika-tarika dainai, ba goada momokani;
EPH 3:18 bena helaḡa taudia iboudiai ida Keriso ena lalokau lababana bona rohana bona harana-latana bona dobuna
EPH 3:19 vadaba diba, bona basita diba ḡuḡuru lalokauna, Keriso ena, danu. Unu amo Dirava ena honuhonu-dae ese baine hahonumui.
EPH 3:20 Ita laloda ai mai siahuna ida e ḡaukaramu Diravana do baine ḡaukara, ela bona eda noinoi bona eda lalo-hadai idoidiai baine hereadia;
EPH 3:21 ia hairaina be ekalesia lalonai bona Keriso Iesu lalonai baine mia, ela bona uru iboudiai ela hanaihanai. Amen.
EPH 4:1 Badina bunai lau, Lohiabada ese e ḡuigu taugu, na hahealo henimuimu: ba raka, e boirimui rakana heḡereḡerena.
EPH 4:2 Lalomui bae manau, bae manada, bae haheauka. Lalokau ai ba haheauka heheni.
EPH 4:3 Lauma ena lalo-tamona ba kahua tao, maino ena iḡui ai.
EPH 4:4 Tau-anina be tamona; Lauma danu tamona; e boirimui negadia ai boiboi helarona na tamona;
EPH 4:5 Lohiabada na tamona; abidadama na tamona; bapatiso na tamona.
EPH 4:6 Dirava danu tamona, ia na taunimanima iboudiai Tamadia; ia ese iboudiai e hereadiamu, iboudiai e rohediamu, iboudiai lalodiai e nohomu.
EPH 4:7 Ita ta ta harihari-bada vada eme henida, Keriso ese ena herahia e hahetohoamu hegereḡerena.
EPH 4:8 Una dainai ini e torea toma: Ia e dae atai ai, Ena abi-mauri taudia mai iḡuidia ida e hakaudia lao; Ena herahia na taunimanima e henidia.
EPH 4:9 Ina hereva “la e dae” anina be dahaka? Anina binai: e diho guna ela bona tanobada henuna kahana, ani?
EPH 4:10 E diho tauna danu e dae, guba doriva-dorivana ela, ḡau iboudiai baine hahonu helaoreana.
EPH 4:11 Ena herahia be haida e heni, aposetolo taudia ai baela; ma haida e heni, peroveta taudia ai baela; ma haida sivarai namo iharorolaina; ma haida hereḡu taudia bona hahediba taudia ai baela.
EPH 4:12 Ini e kara toma, ia ese Dirava ena helaḡa taudia iboudiai baine reḡudia, bena idia ese Keriso isiaina bae lao heni, bena Keriso tau-anina bae larebaia dae;
EPH 4:13 ela bona ita iboudai eda abidadama baine tamona bona eda diba danu baine tamona, Dirava Natuna; ela bona tauda bae lo, Keriso tauna e lo hahetohona heḡereḡerena.
EPH 4:14 Bena memero karukarudia heḡereḡeredia basita noho; hahediba herevadia lai na heto basie hureda dae hureda diho; taunimanima edia kara gagevagagevadia bona koikoidia basiehakauda kerere.
EPH 4:15 A hereva momokani na lalokau ai baita gwaurai; bena unu kara ai baita bada oho bada oho, ela bona Keriso enai baita kau; ia na eda orea ikwarana.
EPH 4:16 Ia enai garugaru iboudiai e ḡaukara heboumu, bena tau-anina idoinai vada e hesiriu kaumu bona e hekamo boumu, bona rege ta ta ena ḡaukara ena ḡaukara e karamu; unu amo tau-anina e bada oho bada ohomu, bona lalokau ai e tubumu.
EPH 4:17 Taunabunai, Lohiabada lalonai na halomuimu, na tomu, harihari ela basio raka dibura taudia heḡereḡeredia; idia na edia lalo-hadai kavakavadia ai e rakamu
EPH 4:18 Lalodia na didibura; Dirava ena mauri ai idia na asi ahudia, edia mata-lahui bona edia lalo-duhu daidiai.
EPH 4:19 Mami namodia asie abimu; a lebulebu daladia ai e rakamu, bona mata-dika karadia e ura heni lalodikamu.
EPH 4:20 A Keriso enai vada o diba dalana na dia unuheto.
EPH 4:21 Ia gadona vada o kamonai, ia lalonai vada o hahediba, hereva momokanina Iesu ena amo vada o abia.
EPH 4:22 Bena tau gunana mai ena kara ida ba doki oho; ia na dika, badina be koikoi e ura heniamu.
EPH 4:23 Daramui ba hamatamata,
EPH 4:24 tau matamatana ba hahedokilaia, Dirava heida-idana, kara maoromaoro ai bona hereva momokani helaḡana ai vada e karaia.
EPH 4:25 Taunabunai, hereva koikoidia ba nege daure, dekemui taudia ida hereva momokani mo ba gwaurai; badina be ita bona idia na tau-anina tamona regedia.
EPH 4:26 Ba badu, to basio kara dika; dina do basine diho ai emu badu baine doko.
EPH 4:27 Lalomui iduaradia basio keho diabolo ena.
EPH 4:28 Henao tauna na basine henao lou; ḡaukara namona ta imana amo baine karaia, bena e dabumu tauna na baine durua diba.
EPH 4:29 Hereva mirodia udumui amo basie lasi; hereva namodia ba gwaurai, taunimanima lalodia ba hapararalai, bena bae kamonai taudia ese harihari-bada bae abia.
EPH 4:30 Dirava ena Lauma Helaḡa basio turia riki henia; ia ese vada e abumui hidi, ia toana emui ai baine mia ela bona hahemauri dinana.
EPH 4:31 Heiri-heiri, daḡedaḡe, badu, heloḡo-heloḡo, hereva mirodia, hahebade, iboudiai ba nege daure.
EPH 4:32 Ba hekaha heheni; ba hebogahisi heheni; emui dika ba hegwau tao heheni, Dirava ese Keriso lalonai emui dika vada e gwau tao na heto.
EPH 5:1 Taunabunai, umui, Dirava natuna, ena lalokau, Dirava ba haḡoia.
EPH 5:2 Lalokau ai ba raka, Keriso ese e lalokau henida heḡereḡerena; ia sibona e heni, ita daidai, herahia ḡauna bona boubou ḡauna mai bonana namona, Dirava ena.
EPH 5:3 Heuda-hanai bona mata-dika bona mata-ḡaniḡani na bogaragimui ai basio herevalai; helaḡa taudia edia dala bunai.
EPH 5:4 Lebulebu, kavakava, hevaseha herevadia danu dia nanamo; a hahenamo herevadia hari namo.
EPH 5:5 Dibamui, auli, heuda-hanai tauna bona mata-dika tauna bona mata-ḡaniḡani tauna na asi ahudia, Keriso bona Dirava edia basileia lalonai; idia be kaivakuku itomadiho-henidia taudia na heheto.
EPH 5:6 Tau ta ese hereva kavakavadia basine koilaimui; badina be unu ḡau daidiai Dirava ena badu na gwau-edeede taudia latadiai e kaumu.
EPH 5:7 Badina bunai, idia ida basio hetura.
EPH 5:8 Badina be gunaguna umui na didibura, a harihari umui vada ome diari, Lohiabada lalonai: ba raka, diari memerodia heḡereḡeredia.
EPH 5:9 Badina be diari huahuadia na lalohadai namodia ai bona kara maoromaorodia ai bona hereva momokanidia ai e hedinaraimu.
EPH 5:10 Lohiabada ihamoalena karana na ba tahua.
EPH 5:11 Dibura karadia asi huahuadia na basio hetura henidia, a ba hahedinaraidia;
EPH 5:12 badina be edia kara hehunidia igwaurai-hedinaraidia na mai hemaraina.
EPH 5:13 A e hahedinaraidia ḡaudia iboudiai na diari ese e hahedinaraimu; badina be e hahedinaraimu ḡaudia iboudiai na didiari.
EPH 5:14 Badina bunai hereva na e tomu, Mahuta taumu e, a noga; Mase taudia bogaragidia amo ba tore isi; Keriso ese diari baine henimu.
EPH 5:15 Taunabunai, emui raka nahuana ba tohoa; aonega taudia heḡereḡeredia ai ba raka, dia kavakava taudia na heheto.
EPH 5:16 E henimui negana ba ḡaukaralaia namonamo, badina be ina na nega dikana.
EPH 5:17 Benaini, basio kavakava; Lohiabada ena ura ba diba ḡoeva.
EPH 5:18 Vine ranuna basio inua momo, kekero garina; a Lauma ese baine hahonumui.
EPH 5:19 Ba hereva heheni, salamo ai bona ane ai bona lauma anedia ai. Ane bavabi, bona Lohiabada ba hanamoa lalomui ai.
EPH 5:20 Nega idoinai Tamada Dirava ba hanamoa, ḡau iboudiai daidiai, eda Lohiabada Iesu Keriso ladana ai.
EPH 5:21 Ba hemataurai heheni, Keriso o matauraiamu heḡereḡerena.
EPH 5:22 Hahine e, adavamui ba kamonai henidia, Lohiabada boma kamonai henia heḡereḡerena.
EPH 5:23 Badina be tau na adavana kwarana, Keriso na ekalesia kwarana na heto; ekalesia na ia tau-anina, ia danu ekalesia ihamaurina.
EPH 5:24 A ekalesia ese Keriso e kamonai heniamu heḡereḡerena, hahine ese ḡau iboudiai lalodiai adavadia unu bae kamonai henidia toma.
EPH 5:25 Tatau e, adavamui ba lalokau henidia, Keriso ese ekalesia e lalokau henia na heto. Ia dainai sibona e heni,
EPH 5:26 ena hereva amo ranu ai e huria, baine hahelaḡaia,
EPH 5:27 ma baine abia iena; ekalesia mai hairaina, asi toutouna, asi makukuna, asi berona; baine helaḡa asi bebeka-bebekana helaoreana.
EPH 5:28 Unuhetomana tatau ese adavadia bae lalokau henidia, sibodia tau-anidia e lalokau henimu heḡereḡerena. Adavana e lalokau heniamu tauna ese sibona e helalokaumu.
EPH 5:29 Badina be tau ta ese sibona tau-anina se inai heniamu, to e ubuamu bona e dosiamu, Keriso ese ekalesia e ubuamu bona e dosiamu heḡereḡerena.
EPH 5:30 Badina be ita na ia tau-anina regena.
EPH 5:31 “Badina binai tau ese tamana sinana baine rakatanidia, adavana mo enai baine tao, bena raruosi vada tau-anina tamona na heto.”
EPH 5:32 Ina hereva hehunina anina na bada; to lau ese Keriso bona ekalesia na gwauraidiamu.
EPH 5:33 Benaini, umui tatau ta ta adavamui ba lalokau henidia, sibomui o helalokaumu heḡereḡerena. Hahine danu adavana baine matauraia.
EPH 6:1 Memero kekeni e, tamamui sinamui ba kamonai henidia, Lohiabada lalonai, badina be ena na maoro.
EPH 6:2 “Tamamu sinamu ba matauraidia,” (ina na haheḡani mai gwauhamatana gini-gunana),
EPH 6:3 “bena ba namo, ba mauri daudau tanobada ai.”
EPH 6:4 Tama e, natumui basio habadudia, a Lohiabada ena hahediba herevadia bona ena sisiba herevadia ba ubulaidia.
EPH 6:5 Hesiai memeromui e, biagumui tanobada ai ba kamonai henidia mai heude-heudemui ida bona mai lalomui tamona ida, Keriso boma kamonai henia heḡereḡerena.
EPH 6:6 Isiaidia ba lao heni, dia vairadiai mo, taunimanima ihamoaledia e uramu taudia na heheto, a Keriso ena hesiai taudia ese Dirava ena ura e karamu mai lalodia ida na heto.
EPH 6:7 Emui hesiai ilao-henina ba karaia mai lalo-manaumui ida, Lohiabada enai boma karaia na heto.
EPH 6:8 Umui dibamui ita ta ta baita kara namo negadia ai na davada baita abi, Lohiabada ena amo; iḡui tauna eiava ura-kwalimu tauna, dava tamona.
EPH 6:9 Biagu e, kara heḡereḡeredia ba kara henidia; ihagarilaidia herevadia na ba hadoko. Umui dibamui umui bona idia Biagumui be tamona guba ai; ia ese taunimanima toadia se lalomu.
EPH 6:10 Hereva dokona binai: Lohiabada siahuna ai ba siahu, bona goadana ai ba goada.
EPH 6:11 Dirava ena tuari dabuadia iboudiai ba hahedokilai; bena ba goada, diabolo ena kara dibaka ba laoa ahu.
EPH 6:12 Badina be ita eda tuari na dia taunimanima ida, a ḡaubada hereadia bona siahu taudia bona tanobada diburana lohiadia bona lauma dikadia guba gabudia ai ida ta tuarimu.
EPH 6:13 Una dainai Dirava ena tuari dabuadia iboudiai ba hahedokilai, bena dika dinana ai ba laodia ahu diba; ḡau iboudiai ba kara ḡuḡuru, bena ba gini.
EPH 6:14 Benaini, ba gini: koekoemui ai hereva momokani ba ḡeḡea; kememui ai kara maoromaoro ba hadabualai;
EPH 6:15 aemui palapaladia sivarai namo mainona iseuna ba kumilai.
EPH 6:16 Nega idoinai abidadama kesina bavabia kau, unu amo Tau Dikana ena diba lahidia ba habodo diba.
EPH 6:17 Hahemauri bavabia, emui kwara ḡauna; bona Lauma ena dare, Dirava ena hereva bunai.
EPH 6:18 Ḡuriḡuri bona noinoi iboudiai Lauma lalonai ba gwaurai, nega idoinai. Ba gima malaka-malaka; helaḡa taudia daidiai ba noinoi,
EPH 6:19 lau daigu ai danu ba noinoi, baina haroro negadia ai sivarai namo ena hereva hehunidia baina hahedinarai ḡoevaḡoeva.
EPH 6:20 Badina bunai lau na hesiai taugu mai iḡuigu ida na nohomu. Lau daigu ai ba noinoi, baina hereva goadagoada, vada e haduagu heḡereḡerena.
PHI 1:1 Paulo bona Timoteo, ai Iesu Keriso ena hesiai taumai, ese umui Keriso Iesu ena helaḡa taumui iboumui ai Filipi ai o nohomu, bona heitatao taumui bona diakono taumui, a tore henimuimu:
PHI 1:2 harihari-bada bona maino, Tamada Dirava ena amo bona Lohiabada Iesu Keriso ena amo, bavabi.
PHI 1:3 Na lalomuimu negadia iboudiai egu Dirava na hanamoamu;
PHI 1:4 bona umui daimui ai na noinoimu negadia iboudiai, na ḡuriḡurimu mai moalegu ida;
PHI 1:5 badina be lalomui ai o matamaia dinana ema bona hari, sivarai namo ḡaukarana ai o kahagu dainai.
PHI 1:6 Badina be dibagu kara namo lalomui ai e matamaia Diravana ese baine haḡuḡurua, ela bona Iesu Keriso ena dina.
PHI 1:7 Umui iboumui ai ini na lalomui tomamu na maoro, badina be lalogu ai na lalomui taomu; dibura rumana ai na nohomu ai bona sivarai namo na gwauraiamu ma na hamomokaniamu ai, umui bona lau harihari-bada tame abia hebou.
PHI 1:8 Dirava hari dibana, Keriso Iesu ena hebogahisi ai umui iboumui ai na ura henimui lalo-dikamu.
PHI 1:9 Egu noinoi binai: emui uraheni baine vara badabada mai diarina bona mai aonegana ida;
PHI 1:10 bena ḡau namodia toadia ba diba, bona ba noho mai ḡoevamui, asi bebeka-bebekamui, ela bona Keriso ena dina.
PHI 1:11 Kara maoromaoro huahuadia ai ba honu; idia na Iesu Keriso ena amo e maimu, Dirava iheatolaina bona ihanamona totona.
PHI 1:12 Varavaragu e, na uramu ba diba, egu ai e vara ḡaudia na sivarai namo ihapere-rohorohona ḡaudia ai vada ela.
PHI 1:13 Ḡaubada ena hegima oreana idoinai bona taunimanima iboudiai gabu idau-idau ai danu dibadia lau na Keriso dainai dibura rumana ai na nohomu;
PHI 1:14 bona varavaragu na gwauraidiamu taudia na lau iḡuigu dainai lalodia eme goada Lohiabada lalonai, bena Dirava ena hereva e gwauraiamu mai goadadia ida, asie garimu.
PHI 1:15 Momokani, haida ese Keriso na vaḡeḡe ai bona heai ai e harorolaiamu; a haida be lalo-namo ai e harorolaiamu.
PHI 1:16 Ini idia na uraheni dainai e haroromu; dibadia lau na sivarai namo ihamomokanina dainai na ginimu.
PHI 1:17 Unu idia na heiri-heiri dainai e haroromu, dia lalodia amo; dibura rumana ai na nohomu ai egu hisihisi bae habadaia e tomamu.
PHI 1:18 Herevana! Dibaka ai eiava momokani ai Keriso e harorolaiamu; una dainai na moalemu.
PHI 1:19 Oibe, bona baina moale. Badina be lau dibagu ini amo hahemauri baina abia, emui noinoi daidiai, bona Iesu Keriso ena Lauma ena hekaha dainai.
PHI 1:20 Egu ura bada bona egu helaro bini: ḡau ta ai basina hemarai, a nega idoidiai heḡereḡeredia harihari danu baina goada mo; bona maurigu ai eiava masegu ai lau taugu ese Iesu baine imodaia.
PHI 1:21 Badina be lauegu ai mauri be Keriso, a mase amo ḡau namo-hereana baina davaria.
PHI 1:22 A taugu ai bama mauri noho, egu ḡaukara anina bama itaia; una dainai asi dibagu edena baina abia hidi.
PHI 1:23 Egu ura na rua; na daradaramu. Na ura badamu Keriso dekena bainala; una bema namo herea.
PHI 1:24 To umui daimui ai taugu ai baina noho baine namo.
PHI 1:25 Una na dibagu; bena na laloamu do baina noho, umui ida baita noho hebou, emui abidadama bona emui moale ihabadana.
PHI 1:26 Taunabunai, Keriso Iesu lalonai emui heaḡi baine bada, badina be lau na umui dekemui ai dainai.
PHI 1:27 Ḡau tamona, Keriso ena sivarai namo ihaheḡereḡerena karadia mo ba kara; bena baina vasi itamui eiava dauhai mo harimui baina kamonai, lau baina diba umui na lalo tamona ai o gini tutuka-tutukamu, bona ura tamona ai sivarai namo ikamonai-henina o goadalaiamu.
PHI 1:28 E inai henimuimu taudia na garidia basio gari; una na idia edia mase toana, a umui emui ai Dirava ena hahemauri toana.
PHI 1:29 Vada e henimui hariharina binai: dia Keriso iabiabiraina mo, a hisi ianina danu ia dainai.
PHI 1:30 Emui tuari be o itaguva na goadalaiava bona o kamonaimu doini na goadalaiamu tuarina.
PHI 2:1 Taunabunai, Keriso ena lalo-hakeru bema mia, uraheni ena tauhalo bema mia, Lauma ena hetura-heheni bema mia, hebogahisi bona hekaha bema mia,
PHI 2:2 umui ese egu moale boma haḡuḡurua, lalomui boma hatamona, emui ura heni boma hatamona, emui lalo-hadai boma hatamona.
PHI 2:3 Ḡau ta basio karaia heiri-heiri dainai eiava hekokoroku dainai; a ta ta sibomui ba hahemanau, bamomui ba imodaidia.
PHI 2:4 Bona ta ta ena namo ena namo basio tahu, a bamomui edia namo ba tahu.
PHI 2:5 Keriso Iesu lalonai e miava darana umui lalomui ai danu baine mia.
PHI 2:6 Ia hari, ena be Dirava anitarana e abia, ena be ia Dirava ida vada e heḡereḡere, to se haeroa una na baine Dogoa tao ḡauna.
PHI 2:7 Ia ese sibona e hekaruhia hebubu, hesiai merona anitarana e abia, taunimanima oromana ai e vara,
PHI 2:8 ita-itana na taunimanima na heto. Bena sibona e hahemanau, Dirava e kamonai henia ela bona mase, oibe, satauro ena mase.
PHI 2:9 Una dainai Dirava ese e imodaia, lada ta e henia, lada iboudiai e hereadia ladana;
PHI 2:10 bena Iesu ladana dainai guba ḡaudia bona tanobada ḡaudia bona tanobada henuna ḡaudia iboudiai tuidia bae hadai;
PHI 2:11 bona mala iboudiai ese Keriso na “Lohiabada” bae gwauraia, Tamada Dirava iheatolaina.
PHI 2:12 Egu lalokau taumui e, nega idoidiai lau vairagu ai o kamonai henigu; harihari, lau murigu ai, emui kamonai ba habadaia, mai garimui bona mai heude-heudemui ida ihamaurimui ba tahua.
PHI 2:13 Badina be Dirava ese ena ura namodia iura-henidia bona ikaradia na lalomui ai e havaramu.
PHI 2:14 Ḡau iboudiai asi emui maumau asi emui hepapahuahu ba kara;
PHI 2:15 unu amo Dirava natuna ai baola, asi toutoumui, asi bebeka-bebekamui, bona asi emui kerere, uru gageva-gagevana mai gwau-edeedena bogaraginai. Idia padadiai ba hedinarai, tanobada ena diari na heto.
PHI 2:16 Mauri herevana ba hahedinaraia, bena Keriso ena dina ai lau na do baina moale, bainato “Asina heau kava, asina hekwarahi kava”.
PHI 2:17 Ena be lau raragu baine hebubu, emui abidadama karadia ihahelaḡadia, to baina moale, bona baita moale hebou;
PHI 2:18 umui danu ba moale bona baita moale hebou.
PHI 2:19 Lohiabada Iesu lalonai na laloamu asi vanahana Timoteo baina siaia vasi, bena harimui baina kamonai, lalogu baine keru.
PHI 2:20 Badina be dekegu ai ta lasi ia heḡereḡerena; ta lasi umui baine reḡumui ia baine reḡumui heḡereḡerena.
PHI 2:21 Badina be iboudiai na sibodia edia ḡau e tahumu, a Iesu Keriso ena ḡau asie tahumu.
PHI 2:22 A ia toana be dibamui: mero ese tamana isiaina e lao henimu na heto, ia ese lau isiaigu vada e lao heni, sivarai namo dainai.
PHI 2:23 Taunabunai egu helaro be asi vanahana ia baina siaia vasi, lau ede baina heto baina diba negana ai.
PHI 2:24 A Lohiabada na abidadama heniamu, nega basine daudau lau danu baina vasi.
PHI 2:25 Lau na tomamu tadigu Epafrodito, ḡaukara ai bona tuari ai e bamogumu tauna, o siaia egu dabu ai baine kahagu tauna, ma aina siaia vasi.
PHI 2:26 Badina be e lalomui badamu, bona lalona e hekwarahimu, ena gorere harina o kamonai dainai.
PHI 2:27 Momokani e gorerea, mokona e mase, to Dirava ese e bogaia hisi, bona dia ia mo a lau danu e bogagu hisi, egu lalo-hisihisi baine bada herea na garina.
PHI 2:28 Una dainai aina siaia vasi na tomamu. Ba itaia lou, bena ba moale; lau danu egu daradara baine maraḡi.
PHI 2:29 Benaini, Lohiabada lalonai bavabia dae mai moalemui ida; bona kara unuhetomadia e karamu na taudia danu iboudiai ba matauraidia.
PHI 2:30 Badina be Keriso ena ḡaukara dainai mokona e mase; ena mauri e dadaraia, emui hebogahisi egu ai baine haḡuḡurua totona.
PHI 3:1 Benaini, varavaragu e, Lohiabada lalonai ba moale. Hereva tamona na torea louloumu, asina hesikumu; badina be ia ese umui baine hamaurimui.
PHI 3:2 Sisia nahuadia ba toho; dika ikarana taudia nahuadia ba toho; heiva kava taudia nahuadia ba toho.
PHI 3:3 Badina be peritome korikori be ita: ita, lauma ai Dirava ta toma henia dihomu, bona Keriso Iesu ta heaḡilaiamu, bona tau-anina asita abidadama heniamu, tauda.
PHI 3:4 Lau ese tau-anina bama abidadama henia diba; ena be tau ta ese tau-anina bema abidadama henia, to lau ese bama hereaia.
PHI 3:5 Na vara, dina ihataurahanina ai e peritomegu. Lau na Israel besena taugu, Beniamina ena iduhu taugu. Senegu danu Heberu taudia. Taravatu ibadinana ai lau be Farisea taugu.
PHI 3:6 Egu goada na hahedinaraiava, ekalesia oreana na daḡedaḡe heniava. Taravatu ena kara maoromaoro ibadinana ai lau na asi bebeka-bebekagu.
PHI 3:7 A gunaguna e hanamolaigu ḡaudia iboudiai harihari Keriso dainai dikadia na gwauraimu.
PHI 3:8 Oibe, ḡau iboudiai na dadaraimu, a ḡau herea-daena, Keriso egu Lohiabada baina dibaia ḡoevaḡoeva, na helaorealaiamu; ia dainai ḡau iboudiai vada na haboiodia, negenege ḡaudia ai vada na halaodia, Keriso baina abia tarika-tarika helaoreana.
PHI 3:9 Bena ia lalonai bae davarigu, dia taravatu ai na kara maoromaoro dainai, to Keriso ibadinana ai na kara maoromaoro dainai; Dirava ese eda abidadama dainai e henidamu kara maoromaorona bunai.
PHI 3:10 Bena ia bona ena toreisi-lou siahuna baina diba; bona ia e ani hisidia lau danu baina ani, ena mase dalana ai danu baina mase.
PHI 3:11 Unu amo mase amo toreisi-louna baina ḡavaia.
PHI 3:12 Lau asina tomamu vada na abia, eiava vada na ḡoeva dae. Doini na ḡavaiamu, baina abia na tomamu, Keriso Iesu ese lau e abigu na heto.
PHI 3:13 Varavaragu e, asina tomamu vada na abia; a kara tamona na goadalaiamu, murigu ḡaudia name lalo boio, vairagu ḡaudia na ḡavamu;
PHI 3:14 dokona na heau heniamu, davana baina abia na tomamu; una dava be Keriso Iesu lalonai Dirava ese e boirida dae.
PHI 3:15 Benaini, mai darada tauda iboudai unu baita kara toma; a umui haida lalomui bema idau, Dirava ese lalomui baine hadiaridia.
PHI 3:16 Ḡau tamona, vada ta davari ḡaudia heḡereḡeredia ai baita raka.
PHI 3:17 Varavaragu e, lau ba ḡavagu hebou, bona ai e haḡoimaimu taudia na ba haerodia.
PHI 3:18 Badina be vada na hamaoromui gunava, bona mai taigu ida na hamaoromui loumu, haida na e raka kereremu, Keriso ena satauro e inai heniamu.
PHI 3:19 Dokodia na mase; edia dirava na bogadia; edia heaḡi na edia hemarai karadia; edia helalo na tanobada ḡaudia.
PHI 3:20 A ita eda hanua konkori na guba ai; eda helaro be Ihamaurida Tauna, Lohiabada Iesu Keriso, unu amo bainema.
PHI 3:21 Ia ese ini tau-anida manokadia baine hamatamata, ia tau-anina ḡoeva-daena heida-idana ai baine halao; badina be ia siahuna vada e heḡereḡere ḡau iboudiai baine hamanada.
PHI 4:1 Taunabinai, varavaragu e, egu lalokau taumui, na ura henimuimu taumui, egu moale badina, egu dagi toana: lalokau e, Lohiabada lalonai ba gini tutuka-tutuka.
PHI 4:2 Euodia bona Sunutuke na noidiamu, lalodia bae tamona Lohiabada lalonai.
PHI 4:3 Oi danu, o kahagumu taumu e, ene hahine ba kahadia, badina be idia na lau ida a ḡaukara hebouva, sivarai namo ena; Klemento bona lau ida a ḡaukara hebouva taudia oredia danu. Idia ladadia na mauri bukana ai vada e tore.
PHI 4:4 Nega idoidiai Lohiabada lalonai ba moale. Ma na gwau loumu: ba moale.
PHI 4:5 Emui lalo-manau na taunimanima iboudiai bae diba. Lohiabada vada eme kahikahi.
PHI 4:6 Ḡau ta basio lalo haguhilaia; a ḡau iboudiai ḡuriḡuri ai, noinoi ai, heimodai ai, emui ura na Dirava ba hamaorolaia.
PHI 4:7 Bena Dirava ena maino, eda diba idoinai e hereaiamu mainona, ese lalomui bona daramui baine gima, Keriso Iesu lalonai.
PHI 4:8 Varavaragu e, orena binai: momokani ḡaudia iboudiai, hemataurai ḡaudia iboudiai, maoromaoro ḡaudia iboudiai, ḡoevaḡoeva ḡaudia iboudiai, lalokau ḡaudia iboudiai, haridia namodia ḡaudia iboudiai, ba haero. Ena namo taina mia ḡauna, eiava ena heimodai taina mia ḡauna, ba haeroa.
PHI 4:9 O davariva ḡaudia, o abi daeva ḡaudia, egu ai o kamonaiva o itava ḡaudia, unu mo ba kara; bena Maino Diravana ese baine bamomui.
PHI 4:10 Lohiabada lalonai na moale badamu, vada o lalolaigu loumu dainai. Dibagu o lalolaigu gunava, to asi emui dala ta.
PHI 4:11 Egu ogoḡami na asina herevalaiamu; badina be vada na manada, egu ai e miamu ḡaudia baina moalelai.
PHI 4:12 Ogoḡami dibagu; taḡa danu dibagu. Ḡabu iboudiai, ḡau iboudiai, bogakunu bona hitolo, taḡa bona ogoḡami, vada na manadalai.
PHI 4:13 Goada e henigumu Diravana dainai lau na ḡau iboudiai ikaradia ai na goadamu.
PHI 4:14 Ḡau tamona, egu hisihisi lalonai o kahagumu be namo.
PHI 4:15 Filipi taumui e, umui dibamui, sivarai namo iloalaina na matamaia negana ai, Makedonia na rakatania murinai, ekalesia oreana ta ese ikahalaigu ḡaudia ihenidia bona iabidia herevadia se gwaurai, umui mo sibomui.
PHI 4:16 Badina be Tesalonika ai na nohova ai, umui ese egu ogoḡami ikahalaina ḡaudia o siai loulouva.
PHI 4:17 Dia herahia ḡauna asina tahuamu, a huahua hari na tahumu, ihanamolaimui ḡaudia ai baela huahuadia.
PHI 4:18 Lau na vada na abi vaitani; egu ḡau na momo. Badina be Epafrodito ese emui amo e mailai ḡaudia vada na abi; bonadia nanamo ḡaudia, boubou ḡaudia, Dirava ese e abi daemu mai moalena ida.
PHI 4:19 Egu Dirava ese o dabumu ḡaudia baine henimui ḡuḡuru, ena kohu herea-daedia, Keriso Iesu lalonai baine henimui.
PHI 4:20 Tamada Dirava baita imodaia hanaihanai. Amen.
PHI 4:21 Keriso Iesu ena helaḡa taudia iboudiai ba hahenamo henidia. Varavarada dekegu ai e nohomu ese e hahenamo henimumu.
PHI 4:22 Helaḡa taudia iniseni ai, haida danu Kaisara ena ruma ai e nohomu, iboudiai ese e hahenamo henimuimu.
PHI 4:23 Lohiabada Iesu Keriso ena harihari-bada na laumamui ai baine mia.
COL 1:1 Lau Paulo, Iesu Keriso ena aposetolo taugu, Dirava ena ura dainai, bona varavarada Timoteo,
COL 1:2 ai raruosi ese umui helaḡa taumui Kolose ai, Keriso iabidadama-henina taumui, a tore henimuimu: harihari-bada bona maino Tamada Dirava ena amo bavabi.
COL 1:3 Dirava, iseda Lohiabada Iesu Keriso Tamana, a hanamoamu, umui daimui ai a noiamu negadia iboudiai;
COL 1:4 badina be ai na vada a kamonai Keriso Iesu o abidadama heniamu, bona helaḡa taudia iboudiai o ura henidiamu.
COL 1:5 Badina be emui helaro na guba ai, sivarai namo ena hereva momokani ai o kamonai guna helarona.
COL 1:6 Ina na umui emui ai vada e kau, tanobada idoinai vada eha kau heḡereḡerena: bona tanobada idoinai huahuana e dobimu, umui bogaragimui ai e dobimu heḡereḡerena; dia ina harihari mo, to Dirava ena harihari-bada sivaraina o kamonai bona o diba momokani dinana amo.
COL 1:7 Ai bamomai, emai lalokau Epafra, ese e hadibamui; ia na Keriso ena hesiai tauna korikori emui ai.
COL 1:8 Ia ese danu emui uraheni, Lauma lalonai, vada e hamaorolaimai.
COL 1:9 Una dainai, ai a kamonai dinana amo ema bona harihari, ḡuriḡuri asia hadokoa umui daimui ai; a noinoimu, iena ura ba diba vaitani mai aonegamui idoinai, laumamui danu bae diari;
COL 1:10 bena Lohiabada imatauraina ai ba raka, kara iboudiai ia ba hamoalea, kara namodia iboudiai anidia ba havara, bona emui diba Dirava enai baine tubu.
COL 1:11 Ai a noinoimu danu, siahu idoinai ese baine hagoadamui, ia siahuna herea-daena heḡereḡerena; bena ba haheauka bona ba boga auka mai moalemui ida.
COL 1:12 Ita Tamada baita imodaia. ia ese vada e haḡoevada, diari ai helaḡa taudia ida ahuda baita abia;
COL 1:13 ia danu dibura siahuna amo vada e hamaurida, ia Natuna, ena lalokau, ena basileia lalonai vada e abida vareai;
COL 1:14 ia lalonai ita na mai eda hahemauri bona mai eda dika igwau-taodia.
COL 1:15 Ia na asita itaiamu Diravana heida-idana, e vara ḡaudia iboudiai roboadia.
COL 1:16 Badina be ḡau iboudiai guba ai bona tanobada ai ia ese e kara, ta itamu ḡaudia bona asita itamu ḡaudia, guba pavapavadia, lohia badadia, ḡaubada hereadia, siahu taudia: iboudiai ia ese e karadia, iena ḡau.
COL 1:17 Ia e noho guna, a ḡau iboudiai be gabeamo, bona ḡau iboudiai ia lalonai e hekamo boumu.
COL 1:18 Ia na ekalesia kwarana; ekalesia na ia tau-anina. Ia na mase amo toreisi-lou roboana, taunabunai ḡau iboudiai lalodiai ia na herea.
COL 1:19 Badina be Diravana ena ura dainai, ena honuhonu-dae na ienai e miava;
COL 1:20 bona iena amo ḡau iboudiai, tanobada ḡaudia bona guba ḡaudia, ienai baine hadarodia dae, ia idia ida bae herohemaino, iena satauro rarana dainai.
COL 1:21 Umui danu, gunaguna ia bona umui na mai padamui; lalomui ai o inai heniava emui kara dika daidiai.
COL 1:22 A harihari ia ese ienai vada eme hadaromui dae, ia tau-anina ena mase dainai; bena ia vairanai baine haginimui mai helaḡamui ida, asi bebeka-bebekamui, asi emui kara havara.
COL 1:23 Ḡau tamona, kamonai ai ba noho, ba badinaia tarika-tarika, ba gini tutukatutuka; sivarai namo ena helaro amo basie daromui daudau. Sivarai namo bunai vada o kamonai; sivarai namo bunai taunimanima iboudiai guba henunai vada e harorolai henidia; sivarai namo bunai lau Paulo na hesiai tauna ai vada eme halaogu.
COL 1:24 Harihari egu hisihisi umui daimui ai na moalelaimu; bona Keriso ena hisihisi orena lau taugu ai na haḡuḡuruamu, ekalesia, ia tau-anina, dainai.
COL 1:25 Ena hesiai taugu ai nala, bena Dirava ese dagi e henigu umui emui ai, Dirava ena hereva baina harorolaia ḡuḡuru helaoreana.
COL 1:26 Ena hereva hehunina na sene eregunadia bona uru iboudiai edia amo e hunia, ema harihari; a harihari ena helaḡa taudia ediai vada e hahedinaraia,
COL 1:27 bena idia ediai, Dirava ena ura dainai, ina hereva hehunina hairaina herea-daena na bese idau-idau taudia bogaragidiai baine hedinarai. Herevana binai: Keriso na umui lalomui ai, emui hairai helarona.
COL 1:28 Ai ese ia a harorolaiamu; taunimanima iboudiai a sisiba henidiamu, launimanima iboudiai a hadibadiamu, aonega iboudiai lalodiai; taunimanima iboudiai danu baia haginidia, bae namo ḡuḡuru Keriso lalonai.
COL 1:29 Una totona na hekwarahimu bona na goada tohomu; iena ḡaukara heḡereḡerena lau lalogu ai e ḡaukaramu, mai siahuna ida.
COL 2:1 Badina be na uramu ba diba, lau na hekwarahi hereamu umui daimui ai, bona Laodikea taudia daidiai, bona vairagu do asie itaia taudia iboudiai daidiai.
COL 2:2 Na uramu lalodia bae hagoadadia, bona lalokau ai bae hedaro boubou; na uramu danu lalo-parara idoinai ese baine hataḡadia, ela bona Dirava ena hereva hehunina, Keriso bunai, bae diba.
COL 2:3 Ia lalonai aonega bona lalo-parara kohudia iboudiai na vada e hehunimu.
COL 2:4 Ini na gwau tomamu, tau ta ese lalo-ani herevadia baine koilaimui na garina.
COL 2:5 Ena be tau-anigu na dia dekemui ai, to laumagu na dekemui ai; bena na moalemu, badina be emui hereḡu namona na itaiamu, bona Keriso o abidadama henia tarika-tarikamu danu na itaiamu.
COL 2:6 Taunabunai, Keriso Iesu vada o abia lava dae heḡereḡerena, ienai ba raka.
COL 2:7 Ia lalonai ba haheholo kau; ia latanai ba hahedai kau; ia iabiabiraina ai ba hahegoada, vada e hadibamui heḡereḡerena; ia ihanamona ai ba herea dae.
COL 2:8 Nahuamui ba toho, tau ta ese ena dadidadi damuna ai baine halaomui na garina, taunimanima edia aonega kavakavadia eiava edia lalo-hadai koikoidia eiava sene taudia edia toma-diho karadia ai baine koimui na garina; Keriso ena dala na dia unu-heto.
COL 2:9 Badina be Dirava ena mauri ḡoeva-daena na Keriso tau-anina ai vada e noho.
COL 2:10 Ia lalonai umui vada o namo ḡuḡuru. Ia na lohia hereadia bona siahu taudia iboudiai kwaradia.
COL 2:11 Ia lalonai peritome vada o abia, dia taunimanima imadia amo, a tau dikana idokiohona ḡauna, Keriso ena amo.
COL 2:12 Emui bapatiso ai ia ida e gurimui hebou bona ia ida o tore isi hebou, Dirava o abidadama heniamu, ia siahuna ese Keriso e hatorea isi lou, dainai.
COL 2:13 Umui na asie peritomemui taumui, emui kara dika ai o maseva; to Dirava ese ia ida vada e hamaurimui, bona iseda kara dika iboudiai vada e gwau tao.
COL 2:14 E laoda ahu herevadia taravatu ai e hetore na ia ese vada e roho, vada e abi oho, ena satauro ai vada e koko kau.
COL 2:15 Lohia hereadia bona siahu taudia ia ese vada e haketodia, taunimanima vairadiai vada e hahemaraidia, ia murina amo vada e hakaudia.
COL 2:16 Taunabunai, tau ta ese basine hahemaoro henimui aniani dainai, eiava inuinu dainai, eiava aria daidiai, eiava hua matamatadia daidiai, eiava dina helaḡadia daidiai.
COL 2:17 Unu na gabeai bae vara ḡaudia laulaudia mo, a anina korikori be Keriso ena.
COL 2:18 Ena mata-hanai e heaḡilaiamu bona lalonai e hahemanau koikoimu bona aneru e toma henidia dihomu tauna ese basine hahemaoro henimui. Ia na tau-anina ena lalo-hadai kavakavadia e heagilaimu, a una na asi anina.
COL 2:19 Ia danu Keriso, ia na Kwara, enai se kahua taomu. Keriso ena amo tau-anina idoinai ese goada e abiamu, bena garugaru bona varovaro ese e hatamonaiamu, bena e bada oho bada ohomu, Dirava ena heubu dainai.
COL 2:20 Benaini, Keriso ida tanobada laumadia edia lohia badadia edia amo vada o roho mauri, a dahaka dainai ene taravatu o badinamu, emui mauri na tanobada ai na heto, a?
COL 2:21 O tomu “Basio dogoa tao” bona “Basio mamia toho” bona “Basio daua toho”;
COL 2:22 a ene ḡau iboudiai na iabidia ai bae ore; idia na taunimanima edia hahedua bona edia hahediba herevadia mo.
COL 2:23 Tomadiho momo ai, bona hahemanau ai, bona tau-ani ihadikadia ai, oromadia na aonega herevadia, to idia na asi anidia, badina be taunimanima ena ura dikadia asie hadareremu.
COL 3:1 Taunabunai, Keriso ida vada o tore isi dainai, atai ḡaudia ba haero; gabuna bunai Keriso na Dirava idibana kahana ai e helaimu.
COL 3:2 Atai ḡaudia ba haero; tanobada ḡaudia basio haero.
COL 3:3 Badina be vada o mase; emui mauri na Keriso ida Dirava lalonai vada e hehunimu.
COL 3:4 Keriso, eda mauri badina, baine hedinarai negana ai, umui danu ia ida hairai ai ba hedinarai.
COL 3:5 Taunabunai, tau-animui edia ura dikadia ba hamase: heuda-hanai, kara dika, mata-dika, lalo-heḡani, mata-ḡaniḡani. Ena na kaivakuku itomadiho-henina na heto.
COL 3:6 Ene ḡau daidiai Dirava ena badu e kaumu, gwau-edeede taudia latadiai.
COL 3:7 Gunaguna umui danu ene dala ai o rakava, idia bogaragidiai o nohova negana ai.
COL 3:8 A harihari ini ḡau iboudiai ba nege: badu, daḡedaḡe, lalo-dika, ere-dika, udumui herevadia dikadia.
COL 3:9 Basio hekoi heheni. Badina be tau gunana mai ena dika vada o dokia oho,
COL 3:10 tau matamatana vada o hahedokilaia; ia na aonega ai e hamatamataia, ikarana Diravana heida-idana.
COL 3:11 Tau matamatana lalonai asi Helene tauna, asi Iuda tauna, e peritomea tauna na lasi, bona se peritomea tauna danu lasi, idau tauna ta lasi, asi Skute tauna, asi hesiai tauna, bona asi ura-kwalimu tauna, a Keriso mo sibona, taunimanima bona ḡau iboudiai lalodiai.
COL 3:12 Dirava ena abi-hidi taumui, ena helaḡa taumui, ena lalokau taumui e, ini na ba hahedokilai: hebogahisi, gado namo, manau, manada, haheauka.
COL 3:13 Ba haheauka heheni. Ta ese bamona baine habadelaia negana ai, emui dika ba hegwau tao heheni; Lohiabada ese emui dika vada e gwau tao; umui danu unu ba kara toma.
COL 3:14 A unu ḡau iboudiai latadiai, lalokau ba hahedokilaia; ia na ihatamonada ḡauna herea-daena.
COL 3:15 Keriso ena maino danu lalomui baine biagudia; e boirimui, tau-anina tamona ai e haboumui, badina bunai. Dirava ba hanamoa.
COL 3:16 Keriso ena hereva be lalomui ai bae mia, nega idoinai bae hataḡamui. Salamo ai, ane ai, lauma anedia ai, ba hahediba heheni bona ba hahealo heheni. Dirava ihanamolaina anedia bavabi mai lalomui ida.
COL 3:17 Emui hereva ai bona emui ḡaukara ai, ḡau iboudiai Lohiabada Iesu ladana ai ba kara; bona Dirava ba hanamoa ia bagunai.
COL 3:18 Hahine e, adavamui ba kamonai henidia; una na maoro, Lohiabada lalonai.
COL 3:19 Tatau e, adavamui ba lalokau henidia, basio lalo dika henidia.
COL 3:20 Memero kekeni e, ḡau iboudiai lalodiai tamamui sinamui eredia ba kamonai, bena Lohiabada ese baine lalo namo henimui.
COL 3:21 Tama e, natumui basio turia riki henidia, lalodia bae hesiku na garina.
COL 3:22 Hesiai memeromui e, ḡau iboudiai lalodiai biagumui ina tanobada ai ba kamonai henidia, dia vairadiai mo, taunimanima ihamoaledia karana, a mai lalomui idoidiai, Lohiabada imatauraina karana.
COL 3:23 Emui kara iboudiai na ba kara balaheni, Lohiabada vairanai, dia taunimanima mo vairadiai;
COL 3:24 ba diba, ahumui na Lohiabada ena amo bavabi, badina be umui na Lohiabada Keriso ena hesiai taumui.
COL 3:25 A kara dika tauna ese ena kara dika davana do baine abia; eda Lohiabada na taunimanima toadia se lalomu.
COL 4:1 Biagu e, kara maoromaoro ai bona kara namo ai emui hesiai memerodia ba kara henidia; ba diba, umui danu mai Biagumui guba ai.
COL 4:2 Ba ḡuriḡuri goada, basio hadokoa; ba ḡuriḡuri dudukau, Dirava ba hanamoa.
COL 4:3 Dirava ba noia emai ai, ia ese iduara ta baine kehoa emai, Keriso herevana hehunina baia harorolaia. Ina iḡui ai na nohomu badina bunai.
COL 4:4 Taunabunai do baina gwauraia hedinarai; e henigu ḡaukarana binai.
COL 4:5 Murimuri taudia vairadiai ba raka mai aonegamui ida; nega emui ai mia na ba ḡaukaralaia namonamo.
COL 4:6 Nega idoinai ba hereva mai gadonamomui ida; emui hereva na damena ai ba damenaia. Bena taunimanima ta ta ba haere henidia mai dibamui ida.
COL 4:7 Sivaraigu idoinai Tukiko ese baine hamaorolaimui. Ia na varavaragu, egu lalokau; ia danu hesiai tauna namona ta, ai raruosi ese Lohiabada isiaina a lao heni heboumu.
COL 4:8 Na siaia vasimu badina binai: ai sivaraimai baine hamaorolaimui, bena lalomui baine hakeru.
COL 4:9 Onesimo danu ia ida na siaidia vasimu; ia danu varavarada namona ta, ai emai lalokau bona umui bamomui. Idia ese iniseni ai e varamu karadia iboudiai bae hadibalaimui.
COL 4:10 Aristako, lau bamogu dibura rumana ai, bona Banaba tadina Mareko, raruosi ese e hahenamo henimuimu. Mareko dainai hahedua vada o abia: bema vasi, boma abia dae.
COL 4:11 Iesu, ladana ta be Iusto, ese danu e hahenamo henimuimu. Peritome taudia na idia tatoiosi mo sibodia lau ida a ḡaukara heboumu, Dirava ena basileia iharorolaina ai; idia ese danu lalogu vada eme hakerua.
COL 4:12 Bamomui Epafra, Keriso Iesu ena hesiai tauna, ese e hahenamo henimuimu. Nega idoinai umui daimui ai e ḡuriḡurimu, e noinoimu, ba gini tutuka-tutuka, ba namo ḡuḡuru, bona Dirava ena ura ba diba ḡoeva.
COL 4:13 Na hamaoromui momokanimu, ia na e hekwarahi bada, umui daimui ai, bona Laodikea taudia daidiai, bona Hieropoli taudia daidiai.
COL 4:14 Egu lalokau Luka, muramura tauna, bona Dema, raruosi ese e hahenamo henimuimu.
COL 4:15 Varavarada Laodikea ai ba hanamodia. Numufa, bona ekalesia oreana iena ruma ai e heboumu, danu ba hanamodia.
COL 4:16 Ina revareva na bogaragimui ai ba duahia murinai Laodikea hebouna ai danu bae duahia. Bona Laodikea taudia edia revareva na umui danu ba duahia.
COL 4:17 Akipo ba hamaoroa, ia ese hesiai ḡaukarana, Lohiabada enai e abia, na nahuana baine tohoa, karana baine karaia ḡuḡuru.
COL 4:18 Ina hahenamo na lau Paulo imagu amo na toreamu. Ba laloa tao, lau na iḡui ai na nohomu. Harihari-bada na dekemui ai baine mia.
1TH 1:1 Ai taloiosi, Paulo bona Siluano bona Timoteo, ese Tamada Dirava bona Lohiabada Iesu Keriso edia ekalesia oreana Tesalonika ai a tore henimuimu: harihari-bada bona maimo bavabi.
1TH 1:2 Ai na nega iboudiai Dirava a hanamoamu umui daimui ai, bona emai ḡuriḡuri ai umui ladamui a hato louloumu.
1TH 1:3 Emui kamonai karadia, bona emui uraheni ḡaukaradia, bona emui helaro Lohiabada Iesu Keriso enai e aukamu, ini ḡau nega idoidiai Tamada Dirava vairanai, a lalo taomu.
1TH 1:4 Dibamai danu, varavaramai e, Dirava ese umui, ena lalokau taumui, vada e abimui hidi.
1TH 1:5 Badina be emai sivarai namo emui ai e kau, dia hereva ai mo, a siahu ai bona Lauma Helaḡa ai, bena emui ai e momokani vaitani; bona emai kara daimui ai vairamui ai e hedinarai be dibamui.
1TH 1:6 Bena ai o haḡoimai, Lohiabada danu o haḡoia, hereva o abia daeva mai hisihisimui ida, to mai moalemui ida danu, Lauma Helaḡa moalena.
1TH 1:7 Bena kamonai taudia iboudiai Makedonia ai bona Akaia ai edia ihaḡoina ḡauna ai ola.
1TH 1:8 Badina be umui emui amo Lohiabada ena hereva vada e piua rohoroho, Makedonia ai bona Akaia ai; bona dia una mo, a gabu iboudiai emui abidadama Dirava enai vada e diba. Taunabunai, ai baia hereva na asi badina.
1TH 1:9 Badina be idia sibodia harida e hapiuamu, ede o abimai dae toma, bona kaivakuku ede o rakatanidia toma, bona Dirava Mauri, Dirava Momokani, ede o haḡerea toma, isiaina ede o lao heni tomamu,
1TH 1:10 bona ia Natuna guba amo ede o naria tomamu: Iesu bunai, ia na mase amo e tore isi, bainema baduna amo e hamauridamu.
1TH 2:1 Varavaramai e, dibamui a vasi negana ai na emai heigo-ita na mai anina.
1TH 2:2 Dibamui a hisihisi gunava, Filipi ai e daḡedaḡe henimaiva; a Dirava ladana ai a haheauka, daḡedaḡe bogaraginai Dirava ena sivarai namo a hadibalaimuiva, asia gariva.
1TH 2:3 Badina be emai hahealo herevadia na dia lalo-hadai kerere amo, dia lalo-hadai mirodia amo, dia koikoi amo, asie vara;
1TH 2:4 a Dirava ese vada e abimai hidi bona sivarai namo vada e henimai heḡereḡerena mo a gwauraiamu; dia taunimanima ihamoaledia, a laloda e dibamu Diravana ihamoalena.
1TH 2:5 Umui dibamui ai na nega ta asia gwaumui lalo-aniva; bona Dirava dibana ai na kohu asia ḡaima hehuniva.
1TH 2:6 Ena be ai na Keriso ena aposetolo dainai baiama hametaumui diba, to nega ta heimodai asia tahuava, umui emui ai eiava haida ediai.
1TH 2:7 Ai na bogaragimui ai a manauva, natuna e ubudia hahinena na heto.
1TH 2:8 Unu a ura henimui tomava dainai, lalomai e urava dia Dirava ena sivarai namo mo baiama henimui, a laumamai danu; badina be a lalokau henimuiva.
1TH 2:9 Varavaramai e, emai hekwarahi bona emai hisihisi o lalo taomu ani? Dina hanuaboi a ḡaukarava, baia hahekwarahimui na garina; bena Dirava ena sivarai namo a harorolai henimuiva.
1TH 2:10 Umui dibamui, Dirava danu dibana, umui kamonai taumui bogaragimui ai a nohova mai helaḡamai bona mai maoromaoromai ida, asi bebeka-bebekamai.
1TH 2:11 Tama ese natuna e kara henidiamu heḡereḡerena, a hahealo henimuiva, taumui a halova, a haḡanimuiva,
1TH 2:12 Dirava ena ura heḡereḡerena ai ba raka helaoreana. Ia ese vada e boirimui, ena basileia bona hairaina baine henimui.
1TH 2:13 Una dainai ai ese Dirava ihanamona asia hadokoamu, badina be emai ai o kamonai herevana na o abia dae, dia taunimanima mo emai hereva, a Dirava ena hereva. Una be momokani, bona una hereva be umui kamonai taumui lalomui ai e ḡaukaramu.
1TH 2:14 Varavaramai e, Dirava ena ekalesia oreadia Iudea ai ida vada o heḡereḡere, Keriso Iesu lalonai; badina be Iuda taudia ese idia e hahisidia heḡereḡerena umui emui bese taudia ese vada e hahisimui.
1TH 2:15 Idia ese Lohiabada Iesu e alaia, edia peroveta taudia danu e aladia, bona ai e lulumai. Idia ese Dirava e habaduamu, bona taunimanima e inai henidiamu;
1TH 2:16 ai danu e gwaumai taomu, idau bese taudia mauri herevadia basia harorolai henidia e tomamu. Edia kara dika e haḡuḡurumu; Dirava ena badu na latadiai vada e kau, baine habuadia tari.
1TH 2:17 Varavaramai e, ina nega sisina ai vairamui asia itamu; tau-anida na mai padadia, to laumada na asi padadia; taunabunai ai na a ura lalo-dika vairamui baiama ita lou ato.
1TH 2:18 Bena baia vasi ato; momokani, lau Paulo dala na tahu loulouva baina vasi nato. To Satana ese e laomai ahu.
1TH 2:19 Badina be eda Lohiabada Iesu baine lou mai negana ai emai helaro, emai moale, emai heaḡi toana, ia vairanai be dahaka? Umui, ani!
1TH 2:20 Emai heaḡi bona emai moale badidia na umui.
1TH 3:1 Emai haheauka e ore, bena ato ai raruosi mo Atena ai baia noho,
1TH 3:2 a tadimai Timoteo, Dirava ena hesiai tauna Keriso ena sivarai namo lalonai, a siaia vasi, emui abidadama ai lalomui baine hagoadadia bona taumui baine halodia totona,
1TH 3:3 ini hisihisi lalodiai ta basine marere-marere helaoreana. Badina be dibamui hisi-ani e ahulaida;
1TH 3:4 ta noho hebouva negana ai a hamaoromui heḡaeḡaeva hisi bae vara; benaini, vada e vara, ani!
1TH 3:5 Badina binai, egu haheauka e ore negana ai na siaia vasi, emui abidadama sivaraina baina diba, hedibaḡani tauna ese bema dibaḡanimui bena emai hekwarahi anina bema boio na garina.
1TH 3:6 A harihari Timoteo na emui amo vada e lou mai, emui abidadama bona emui lalokau haridia vada e mailai; e tomu, umui ese nega idoinai o lalomaimu mai moalemui ida, bona o uramu ha itamai, ai a uramu baia itamui heḡereḡerena.
1TH 3:7 Varavaramai e, emui abidadama dainai taumai vada eme lo, emai hisihisi bona emai daradoko lalodiai.
1TH 3:8 Umui Lohiabada enai bo gini tutuka-tutukamu dainai ai baia maurimu.
1TH 3:9 Dirava ede baia hanamoa toma, emai Dirava vairanai umui a moalelaimuimu moalena idoinai dainai?
1TH 3:10 Dina bona hanuaboi a ḡuriḡuri goadagoadamu, vairamui do baia ita a tomu, bena abidadama ai o dabumu ḡaudia baia henimui ḡuḡuru.
1TH 3:11 Benaini, Tamada Dirava bona eda Lohiabada Iesu ese do bae hakaumai vasi.
1TH 3:12 Lohiabada ese emui heura-heheni baine havaraia bona baine habadaia; bona baine durumui, taunimanima iboudiai ba lalokau henidia, ai ese umui a lalokau henimuimu heḡereḡerena;
1TH 3:13 bona lalomui baine hagoadadia, bena eda Lohiabada Iesu Keriso mai ena helaḡa taudia loḡora ida baema negana ai, Tamada Dirava vairanai ba helaḡa, asi bebeka-bebekamui.
1TH 4:1 Varavaramai e, orena binai: Lohiabada Iesu ladana ai a noimuimu, bona a haḡanimuimu, emui raka dalana bona Dirava ihamoalena dalana, emai ai o abia, ba goadalaia.
1TH 4:2 Badina be haheḡani, Lohiabada Iesu ena amo a abi a henimui, na dibamui.
1TH 4:3 Badina be Dirava ena ura binai: ba helaḡa, mata-bodaga kaladia basio kara;
1TH 4:4 bona iboumui ai ba diba, ta ta adavamui bavabidia mai helaḡamui bona mai hematauraimui ida,
1TH 4:5 dia mata-dika ena ura bodagadia daidiai basio abidia, Dirava asi dibadia besedia na heheto.
1TH 4:6 Bona ta ese varavarana basine koia bona basine hurea hanai; badina be ini kara iboudiai davadia ihenina tauna na Lohiabada, ai ese a hamaoromui gunava bona vada a gwauraia hedinaraiva heḡereḡerena.
1TH 4:7 Badina be Dirava ese vada e boirida, dia mata-dika enai, to helaḡa enai.
1TH 4:8 Taunabunai, e dadaraiamu tauna ese dia taunimanima se dadaraidiamu, a ena Lauma Helaḡa e henimuimu Diravana e dadaraiamu.
1TH 4:9 Varavara iura-henidia herevadia na basina tore henimui, badina be Dirava ese vada e hadibamui umui ta ta ba heura heheni.
1TH 4:10 Momokani, umui ese varavara iboudiai Makedonia ai o lalokau henidiamu; to, varavaramai e, a noimuimu, una kara ba habadaia.
1TH 4:11 Mai manaumui ida ba noho, sibomui emui ḡaukara ba kara, imamui amo ba ḡaukara, a haḡanimuiva heḡereḡerena.
1TH 4:12 Unu amo murimuri taudia vairadiai ba raka bena idia ese bae matauraimui, bona ḡau ta ai basio dabu.
1TH 4:13 Varavaramai e, a uramu umui na basio daradara mase taudia daidiai; bona daramui basie doko, asi edia helaro taudia na heheto.
1TH 4:14 Ta abia daemu herevana binai: Iesu e mase, ma e tore isi lou. Benaini, Iesu enai e masemu taudia na Dirava ese ia ida baine hakaudia vareai mauri ai.
1TH 4:15 Badina be Lohiabada ena hereva a henimuimu, a tomu, Lohiabada ena mai dinana ai tanobada ai ta nohomu tauda ese mase taudia basita laidia oho.
1TH 4:16 Badina be Lohiabada na guba amo mai lolona ida baine diho; bona aneru badana danu mai gadona ida bona mai kibi be Dirava ena. Bena Iesu enai e mase taudia na hae tore isi guna;
1TH 4:17 gabeamo, doini tanobada ai ta maurimmu tauda baine abida isi, ori latadiai Lohiabada ida baita hedavari, guba padanai. Bena Lohiabada ida baita noho hebou hanaihanai.
1TH 4:18 Benaini, ini hereva daidiai ba hahegoada heheni.
1TH 5:1 Varavaramai e, nega bona laḡani herevadia na basia torelai henimui;
1TH 5:2 badina be umui dibamui Lohiabada ena dina na bainema, henao tauna hanuaboi ai e maimu na heto.
1TH 5:3 Idia baeto “Maino” bona “Namo” negana ai, hebuatari ese baine lasidia tao, hekamonai ese rogorogo hahinena e lasia taomu na heto; bena basie roho mauri diba.
1TH 5:4 To, varavaramai e, umui na dia dibura taumui; una dina ese basine lasimui tao, henao tauna na heto.
1TH 5:5 Umui iboumui ai diari memeromui, dina memeromui: ita na dia hanuaboi ena, dia dibura ena.
1TH 5:6 Benaini, basita mahuta, haida e mahutamu na heto; a matada baita hapapa nega iboudiai, baita haheauka.
1TH 5:7 Mahuta taudia be hanuaboi ai e mahutamu, bona kekero taudia be hanuaboi ai e kekeromu.
1TH 5:8 A ita, dina tauda, baita haheauka; kemeda ai kamonai bona lalokau baita hadabualai, bona hahemauri helarona na kwarada ḡauna ai baita halaoa.
1TH 5:9 Badina be Dirava ena ura ita edai na dia badu; ena ura be hahemauri baita abia, eda Lohiabada Iesu Keriso bagunai
1TH 5:10 Ia na ita daidai e mase, bena nogada ai eiava mahutada ai ia ida baita noho hebou.
1TH 5:11 Taunabunai, ba hahealo heheni, ba hahegoada heheni, ina harihari o karamu heḡereḡerena.
1TH 5:12 Varavaramai e, a noimuimu, bogaragimui ai e ḡaukaramu bona Lohiabada ladana ai e reḡumuimu bona e sisiba henimuimu taudia na ba hakala henidia.
1TH 5:13 Bona edia ḡaukara dainai emui lalokau ai bavabidia dae. Ba hedaro boubou.
1TH 5:14 Varavaramai e, a haḡanimuimu: noho kava taudia ba sisiba henidia, lalo-hesiku taudia ba hagoadadia, manoka taudia ba imudadia, taunimanima iboudiai ba haheauka henidia.
1TH 5:15 Ta ese dika na dika basine davalaia. Namo ba gavaia, bamomui edia bona taunimanima iboudiai edia.
1TH 5:16 Nega idoinai ba moale.
1TH 5:17 Ḡuriguri basio hadokoa.
1TH 5:18 Ḡau iboudiai daidiai Dirava ba hanamoa; badina be una na Dirava ena ura emui, Keriso Iesu bagunai.
1TH 5:19 Lauma na basio habodoa.
1TH 5:20 Peroveta herevadia basio dadarai.
1TH 5:21 Ḡau iboudiai ba diba toho: ḡau namona ba kahua tarika-tarika;
1TH 5:22 ḡau dikana ena amo ba raka oho.
1TH 5:23 Maino Diravilla ese idoimui ai baine hahelaḡamui ḡuḡuru. Lalomui bona laumamui bona taumui ia ese baine dogodia tao, asi bebeka-bebekamui ba noho, ela bona eda Lohiabada Iesu Keriso bainema
1TH 5:24 E boirimuimu Tauna na momokani; ia ese baine karaia.
1TH 5:25 Varavaramai e, ai daimai ai ba ḡuriḡuri.
1TH 5:26 Varavara iboudiai na haherahu helaḡana amo ba hanamodia.
1TH 5:27 Lohiabada ladana ai na haḡanimuimu, ina revareva na varavara iboudiai vairadiai ba duahia.
1TH 5:28 Eda Lohiabada Iesu Keriso ena harihari-bada na emui ai baine mia.
2TH 1:1 Ai tatoiosi, Paulo bona Siluano bona Timoteo, ese Tamada Dirava bona Lohiabada Iesu Keriso edia ekalesia oreana Tesalonika ai a tore henimuimu:
2TH 1:2 harihari-bada bona maino Tamada Dirava ena amo bona Lohiabada Iesu Keriso ena amo bavabi.
2TH 1:3 Varavaramai e, ai na nega idoidiai Dirava a hanamoamu umui daimui ai. Una na maoro, badina be emui abidadama e badamu, bona emui heura-heheni danu bada.
2TH 1:4 Taunabunai, ai ese Dirava ena ekalesia oreadia vairadiai a heaḡilaimuimu, badina be e butumui taomu daḡedaḡedia bona hisihisidia lalodiai emui haheauka bona emui abidadama o hahedinaraimu.
2TH 1:5 Ina na Dirava ena hanemaoro namona toana: ena basileia, bagunai o hisihisimu basileiana, lalonai do ba heḡereḡere.
2TH 1:6 Badina be Dirava ena kara maoromaoro binai, e hahisihisimui taudia davadia hisihisi baine henidia.
2TH 1:7 A umui ai ida hisi ta animu tauda laḡada baita ani, Lohiabada Iesu mai ena aneru siahudia ida guba amo baema negana ai, Iahi hururu-hururuna ai bainema.
2TH 1:8 Dirava asi dibadia taudia bona Lohiabada Iesu ena sivarai namo asie abia daemu taudia davadia do baine henidia.
2TH 1:9 Davadia binai: Lohiabada vairana amo bona ena siahu hairaina amo mase hanaihanai bae abia,
2TH 1:10 ena helaḡa taudia ida heimodai iabma bainema negana ai. Una dina ai abidadama taudia iboudiai bae hoa, badina be emai haroro o abia dae.
2TH 1:11 Taunabunai, nega idoidiai a ḡuriḡurimu umui daimui ai, Dirava ese baine haeromui ena boiboi ikamonaina ba heḡereḡere, bona ena siahu amo emui ura namodia iboudiai bona emui kamonai karadia baine haḡuḡuru
2TH 1:12 Bena eda Lohiabada Iesu ladana bae imodaia umui daimui ai, bona umui bae imodaimui ia dainai, iseda Dirava bona Lohiabada Iesu Keriso edia harihari-bada heḡereḡerena.
2TH 2:1 Varavaramai e, ai a noimuimu, eda Lohiabada Iesu Keriso ma bainema bena ia ida baita hebou dainai
2TH 2:2 lalomui na basie haraḡa-haraḡa; bona, ena be lauma ta eiava hereva ta eiava revareva ta, ai emai na heto, baineto “Lohiabada ena dina vada be gini daemu”, to kudoumui na basie hetaha.
2TH 2:3 Ta ese ḡau ta ai basine koimui; badina be una dina na basine gini dae ela bona raka-muri baine vara, bona dika tauna, hahemase natuna, baine hedinarai guna.
2TH 2:4 Ia ese dirava ai e halaodiamu bona e toma heni dihomu ḡaudia iboudiai e inai henidiamu, bona e hereadiamu e tomu; Dirava ena helai gabuna helaḡana ai e helaimu, sibona Dirava ai e hahelaomu.
2TH 2:5 Asio helalo unemu a, ta noho hebouva negadia ai ini ḡau na hamaorolaimuiva?
2TH 2:6 Harihari ia iruna tauna dibamui; baine rua ela bona ena nega korikori ai baine hedinarai.
2TH 2:7 Badina be dika na e ḡaukara hehunimu; basine hedinarai ela bona iruna tauna baine heabi oho.
2TH 2:8 Una negana ai hari dika tauna baine hedinarai; bena Lohiabada ese baine hahoho henia, baine alaia mase; ia maina diaridiarina ese baine ha-orea.
2TH 2:9 Hari dika tauna na Satana ena siahu ai bainema, mai siahu koikoidia, mai toa koikoidia mai hoa karadia koikoidia ida.
2TH 2:10 Bona ia ese ena kara gagevagagevadia amo mase dalana ai e rakamu taudia baine koidia; badina be hereva momokani iura-henina ese bema hamauridia, to asie ura henia.
2TH 2:11 Badina binai Dirava ese lalodia baine haduhu, hereva koikoi bae abia dae helaoreana.
2TH 2:12 Bena hereva momokani asie abia dae a kara dika e moalelai taudia na baine hahemaoro henidia.
2TH 2:13 Varavaramai e, Lohiabada ena lalokau taumui e, ai ese nega idoidiai Dirava a hanamoamu umui daimui ai. Badina be Dirava ese matamana amo e abimui hidi, Lauma ena hahelaḡa bona hereva momokani iabi-daena daidiai mauri bavabia.
2TH 2:14 Una dainai emai sivarai namo amo e boirimui, iseda Lohiabada Iesu Keriso hairaina bavabia helaoreana.
2TH 2:15 Taunabunai, varavaramai e, ba gini tutuka-tutuka; udumai amo eiava emai revareva ai a hadibamui herevadia na ba kahu tao tarika-tarika.
2TH 2:16 Eda Lohiabada Iesu Keriso bona Tamada Dirava, e lalokau henidamu bona ena harihari-bada ai mia-hanaihanai tauhalona bona helaro-namona vada e henida Diravana, ese
2TH 2:17 lalomui bae hakeru, bona kara namodia bona hereva namodia iboudiai lalodiai bae hagoadamui.
2TH 3:1 Varavaramai e, orena binai: ai daimai ai ba ḡuriḡuri, bena Lohiabada ena hereva na baine pere rohoroho, bena hutuma ese bae imodaia, umui ese o imodaiamu heḡereḡerena;
2TH 3:2 bona ura kerere bona ura dika taudia imadia amo baine hamaurimai. Badina be haida mo mai edia abidadama.
2TH 3:3 A Lohiabada na vada momokani; bena ia ese baine haginimui tutuka-tutuka, dika amo baine hamaurimui.
2TH 3:4 Ai ese Lohiabada lalonai a abidadama henimuimu, a halḡanimui karadia o karamu bona ba kara.
2TH 3:5 Lohiabada ese lalomui baine hakaudia, Dirava ena uraheni ai bona Keriso ena haheauka ai.
2TH 3:6 Varavaramai e, Lohiabada Iesu Keriso ladana ai a haḡanimuimu, e raka havara-havaramu taudia bona emai hahediba herevadia asie badinamu taudia edia amo ba raka oho.
2TH 3:7 Umui dibamui ai ba haḡoimai hari namo; badina be ai na padamui ai asia kara havara-havarava,
2TH 3:8 bona tau ta ana aniani asia ani kavava; dina hanuaboi a ḡaukarava, a hekwarahiva, umui baia hametaumui na garina.
2TH 3:9 Unu a kara tomava, badina he dia asi emai siahudainai, a umui ese ba haḡoimai helaoreana.
2TH 3:10 Dekemui ai a nohova negana ai danu ina haheḡani a henimui, ato “Ta basine ḡaukara, ia na basine aniani”.
2TH 3:11 Haida haridia ame kamonai, bogaragimui ai e raka havara-havaramu, asie ḡaukaramu; unu na gado-dae gado-dae taudia.
2TH 3:12 Unu e kara tomamu taudia na Lohiabada Iesu Keriso ladana ai a haḡanidiamu bona a sisiba henidiamu, bae ḡaukara manaumanau, sibodia adia malamala bae ani.
2TH 3:13 Varavaramai e, kara namo ikarana ai basio hesiku.
2TH 3:14 Tau ta ese ina revareva ai a tore herevadia basine abi dae, ia toana ba itaia, bona bavatoa tabe, bena kopina baine hemarai.
2TH 3:15 To basio inai henia; ba sisiba henia, tadimui na heto.
2TH 3:16 Bena Maino Lohiana ese ena maino baine henimui, nega idoidiai bona gabu iboudiai. Lohiabada ese iboumui ai baine bamomui.
2TH 3:17 Ina hahenamo herevana na lau, Paulo, sibogu imagu amo na toreamu. Egu revareva iboudiai toadia na ini na tore tomamu.
2TH 3:18 Iseda Lohiabada Iesu Keriso ena harihari-bada na iboumui ai emui ai baine mia.
1TI 1:1 Lau Paulo, Keriso Iesu ena aposetolo taugu, Ihamaurida Diravana bona Keriso Iesu eda Helaro edia haheḡani daidiai,
1TI 1:2 natugu korikori Iesu ibadinana ai, Timoteo, na tore henimumu: harihari-bada bona hebogahisi bona maino, Tamada Dirava ena amo bona Keriso Iesu eda Lohiabada ena amo, bavabi.
1TI 1:3 Makedonia nala negana ai, na noimu Efeso ai ba noho taritari nato, haida ba sisiba henidia, hahediba herevadia idaudia basie gwaurai
1TI 1:4 bona gori bona uru ihagaudia basie lalo-hadailai, helaoreana. Badina be unu na hepapahuahu e havaramu, a Dirava ena gaukara, una na abidadama amo e varamu, na asie duruamu.
1TI 1:5 Egu hahedua anina korikori be lalokau, lalo-ḡoevaḡoeva amo bona lalo hadai maoromaorodia amo bona abidadama korikori amo e varamu.
1TI 1:6 Haida ese unu amo vada e raka siri, edia dala vada e reaia, hereva kavakavadia e gwauraimu,
1TI 1:7 sibodia taravatu ihadibalaidia taudia ai baela e tomu. Ḡau tamona, edia hereva anidia bona e gwaurai goadagoadamu ḡaudia na asi dibadia.
1TI 1:8 Taravatu be namo, tau ta ese baine ḡaukaralaia maoromaoro negana ai.
1TI 1:9 A baita diba, taravatu vada e haginia, dia kara maoromaoro tauna ena, a kara-havara taudia edia bona gwau-edeede taudia edia, Dirava garina asie garimu taudia edia bona kara dika taudia edia, tamadia sinadia e aladiamu taudia edia bona roroma taudia edia,
1TI 1:10 heuda-hanai taudia edia bona mata-bodaga taudia edia, taunimanima e henaodiamu taudia edia bona koikoi taudia edia, gwau-hamata koikoi taudia edia bona hahediba herevadi momokanidia e inai henimu taudia edia.
1TI 1:11 Unu hahediba herevadia momokanidia be Herea-dae bona Hairai Diravana ena sivarai namo; bona ia ese ena sivarai namo ireḡuna tauna ai vada e halaogu.
1TI 1:12 Siahu e henigu tauna, eda Lohiabada Keriso Iesu, na hanamoamu, badina be e haerogu vada na momokani, bona e abigu hidi ena hesiai taugu.
1TI 1:13 Ena be gunaguna na ere dikava, na daḡedaḡe heniava, ladana na hadikaiava, to e bogagu hisi; badina be mata-lahui ai na karava, asi egu kamonai dainai
1TI 1:14 Bona eda Lohiabada ena harihari-bada vada e bada herea egu ai, abidadama bona lalokau na davaria Keriso Iesu lalonai.
1TI 1:15 Ina hereva na momokani, iabi-daena danu namo: Keriso Iesu na kara dika taudia ihamauridia totona tanobada ema. A dika hereana be lau.
1TI 1:16 Badina binai e bogagu hisi: Iesu Keriso ese haheauka idoinai lauegu ai baine hahedinaraia guna, gabeamo bae abidadama henia ela bona mauri hanaihanai bae abia taudia ese lau bae haḡoigu.
1TI 1:17 Uru iboudiai edia Pavapava, mase asi dibana, asi ita-itana, sibona mo Dirava, aita matauraia bona aita imodaia, harihari ela bona hanaihanai. Amen.
1TI 1:18 Natugu Timoteo e, ina hahegani na henimumu e gwauraimu gunava herevadia heḡereḡeredia; unu amo tuari namona ba tuarilaia,
1TI 1:19 abidadama bona lalo-hadai namodia ba kahu tao tarika-tarika. Haida ese vada e kahu nege, e kara edia abidadama vada eha tata kohi na heto.
1TI 1:20 Ta be Humenaio, ma ta Alesana; raruosi be Satana vada na henia, bae mata kani, Dirava ladana basie hadikaia lou.
1TI 2:1 Taunabunai, egu hahealo gini-gunana binai: noinoi bona ḡuriḡuri be Dirava igamena bona ihanamolaina ba kara, taunimanima daidiai,
1TI 2:2 bona hanua pavapavadia bona lohiadia danu daidiai. Unu amo Dirava ibadinana bona imatauraina lalodiai baita noho namonamo mai mainoda ida.
1TI 2:3 Una be namo, Ihamaurida Diravana ihamoalena;
1TI 2:4 badina be ia na e uramu taunimanima iboudiai bae mauri bona hereva momokani bae diba.
1TI 2:5 Badina be Dirava na tamona; bona herohemaino tauna danu tamona, Dirava bona taunimanima padadiai, tauna be Keriso Iesu.
1TI 2:6 Ia sibona ena mauri e heni, taunimanima iboudiai idavalaidia, ihamomokanina na nega korikori ai e hedinarai.
1TI 2:7 Una dainai haroro tauna bona aposetolo tauna e gwauraigu; na hereva momokanimu, asina koikoimu. Bona idau bese taudia edia hahediba tauna ai e halaogu, kamonai ai bona hereva momokani ai baina hadibadia.
1TI 2:8 Taunabunai, lau na uramu gabu iboudiai tatau bae ḡuriḡuri, ima helaḡadia bae dudui isi; basie badu bona basie hepapahuahu.
1TI 2:9 Hahine danu dava maraḡi dabuadia bae hahedokilai, mai manaudia bona mai hematauraidia ida. Huidia basie pani, goldeiava aḡeva mai hairaidia basie heralai, dava bada dabuadia danu basie doki.
1TI 2:10 A kara namo mo bae heralai: una na maoro, Dirava imatauraina e gwaurai hamatamu hahinedia ediai.
1TI 2:11 Hahine na lalo-parara baine tahua, asi reḡereḡena, mai lalo-manauna ida.
1TI 2:12 Hahine na na gwaua tubumu, basine hahediba, bona tau basine gunalaia; ia na asi reḡereḡena baine noho.
1TI 2:13 Badina be Adam e karaia guna, Heva be gabeai.
1TI 2:14 Adam danu se koia; hahine hari e koia, bena kara havara ese e butua tao.
1TI 2:15 A natuna iabina ai mauri baine davaria, kamonai bona lalokau bona kara helaḡa baine badina mai lalo-pararana ida negana ai.
1TI 3:1 Ina hereva na momokani: tau ta ese heitatao dagina baine tahua, ia na dagi namona baine ura henia.
1TI 3:2 Taunabunai, heitatao tauna na basie habadelaia diba baine namo; ia danu hahine tamona adavana, boga-auka tauna, aonega tauna, kara manada tauna, heabi-dae tauna, hahediba mai dibana tauna.
1TI 3:3 Vine ranuna basine inu momo; basine heatu; baine ḡaukara mai manauna ida; basine heai; moni basine mata ḡaniḡani heni.
1TI 3:4 Iena ruma baine reḡua namonamo, natuna danu baine reḡudia, bae kamonai henia bona bae matauraia;
1TI 3:5 badina be tau ta ese ena ruma korikori taudia basinema reḡudia diba, Dirava ena ekalesia oreana ede bema reḡua toma?
1TI 3:6 Ekalesia tauna matamatana ese ina dagi do basine abia, baine hekokoroku bena diabolo ena hedibaḡani ese baine butua tao na garina.
1TI 3:7 Ia harina baine namo murimuri taudia ediai, haida ese bae habadelaia bena diabolo ena idoa ai baine keto na garina.
1TI 3:8 Diakono danu unu bae heto: bae matau; basie udu mauri; vine ranuna basie inu momo; moni basie mata ḡaniḡani heni;
1TI 3:9 Iesu ibadinana herevadia bae badina mai lalodia ḡoevadia ida.
1TI 3:10 Bae dibadia guna; bena ta basinema habadelaidia, diakono karana bema kara.
1TI 3:11 Adavadia danu bae matau, basie ere dika, bae boga auka, ḡau iboudiai bae heabidadama.
1TI 3:12 Diakono na basie hodara; natudia bona edia ruma taudia bae reḡudia namonamo.
1TI 3:13 Badina be diakono ḡaukarana e karaia namonamomu taudia na taunimanima ese bae matauraidia, bona Keriso Iesu ikamonaina ai bae goada balaheni.
1TI 3:14 Ini hereva na tore henimumu; ḡau tamona na helaromu baina vasi haraḡa na tomu.
1TI 3:15 A bama halahe, ini amo boma diba taunimanima na ede bae kara toma Dirava ena orea lalonai; Mauri Diravana ena ekalesia bunai, hereva momokani duna bona badina.
1TI 3:16 Momokani, eda Dirava ibadinana herevana hehunina na bada: Tau anina ai e hedinarai; Lauma ese maorona e gwauraia; Aneru ese e itaia; Bese idau-idau bogaradiai e harorolaia; Tanobada ai e kamonai henia; Hairai ai e abia dae.
1TI 4:1 Lauma ese vada e gwauraia hedinarai, nega gabedia ai haida ese Iesu ibadinana bae rakatania, dibaka laumadia bae kamonai henidia, bona lauma dikadia edia hahediba herevadia bae abi dae.
1TI 4:2 Hari hahediba koikoidia na dibaka taudia haida edia amo. Idia be e kara lalodia na auri siahuna amo e gabu na heto.
1TI 4:3 Idia ese taunimanima e gwaudia taomu, basie headava e tomu, bona aniani haida basie ani. A unu aniani na Dirava ese e kara ḡaudia; kamonai taudia bona hereva momokani dibadia taudia ese Dirava bae hanamoa guna ḡuriḡuri ai, bena bae ani.
1TI 4:4 Badina be Dirava ese e kara ḡaudia iboudiai nanamo, bona asi taravatudia danu; taunimanima ese Dirava bae hanamoa, bena bae abi.
1TI 4:5 Badina be Dirava ena hereva bona taunimanima edia ḡuriḡuri ese eme hahelaḡadia.
1TI 4:6 Ini hereva oi ese varavarada ba hadibalaidia; bena Keriso Iesu ena hesiai tauna namona ai baola, Iesu ibadinana bona hahediba herevadia namodia, vada o badina guna ḡaudia, ese do bae ubumu.
1TI 4:7 A taunimanima mo edia gori kavakavadia ba dadarai; Dirava ibadinana mo ba goadalaia.
1TI 4:8 Badina be tau-anina ihagoadana na taina namo, a Dirava ibadinana ese ḡau iboudiai e hanamodiamu; ia hari mai gwauhamatana, ina mauri ena bona mauri gabena ena.
1TI 4:9 Ina na hereva momokani; baita abia dae hari namo.
1TI 4:10 Badina bunai ta hekwarahimu bona ta hisihisimu, badina be Mauri Diravana ta abidadama heniamu. Ia na taunimanima iboudiai ihamauridia, to kamonai taudia ediai anina na bada.
1TI 4:11 Ini hereva ba hahedualai, ba hahedibalai.
1TI 4:12 Ta basine dadaraimu oi na eregabe mo dainai. A hereva ai, kara ai, lalokau ai, abidadama ai, lalo-ḡoevaḡoeva ai, kamonai taudia edia ihaḡoina tauna ai baola.
1TI 4:13 Buka Helaḡa iduahina, haroro, hahediba, ba goadalai ela bona lau baina vasi.
1TI 4:14 E henimu herahiana iḡaukaralaina ai basio manoka; peroveta edia hereva heḡereḡeredia ai e henimu, heitatao taudia ese imadia na oi tubuamu ai e ato kau negana ai.
1TI 4:15 Ini ḡau ba manadalai, lalomu idoinai ba henidia, bena emu goada na taunimanima iboudiai vairadiai baine hedinarai.
1TI 4:16 Sibomu nahuamu ba tohoa, bona emu hahediba herevadia nahuadia ba toho; ba badina tarika-tarika. Unu ba kara toma, bena sibomu ba hahemauri, bona bae kamonai henimu taudia danu ba hamauridia.
1TI 5:1 Tau badana ta basio gwau henia; ba hahealo henia tamamu na heto. Eregabe taudia ba hereva henidia tadikakamu na heheto.
1TI 5:2 Hahine badadia ba herwa henidia sinamu na heto. Eregabe hahinedia ba hereva henidia taihumu na heheto, mai lalomu ḡoevaḡoevana ida.
1TI 5:3 Vabu ba matauraidia, bema vabu korikori.
1TI 5:4 To vabu ta bema mai natuna eiava mai tubuna, idia na bae diba, Dirava ibadinana na edia ruma korikori ai bae haḡuḡurua guna, natudia ese tamadia sinadia bae ubudia; badina una be kara namona Dirava vairanai.
1TI 5:5 A vabu korikori, asi varavarana, ese Dirava e abidadama heniamu, e noinoi hanaihanaimu, e ḡuriḡuri boimu e ḡuriḡuri ranimu.
1TI 5:6 A tau-anina ena moale e tahuamu vabuna, ena be e maurimu, to vada e mase.
1TI 5:7 Unu ba hahedua toma, bena asi bebeka-bebekadia bae noho.
1TI 5:8 Varavarana se naridiamu bona ena ruma taudia se ubudiamu tauna ese Iesu ibadinana e ḡoreamu; ena dika ese murimuri tauna ena dika e hereaiamu.
1TI 5:9 Vabu ladana basio torea ela bona ena vara laḡanidia tauratoi-ahui bae ore. Tau tamona e adavaia hahinena,
1TI 5:10 ena kara namo daidiai e imodaiamu hahinena, natuna e ubudiava hahinena, laolao taudia e abidia daeva hahinena, helaḡa taudia aedia e huriva hahinena, hisihisi taudia e durudiava bona kara namodia iboudial e goadalaiva hahinena, ia hari ladana ba torea.
1TI 5:11 A vabu eregabedia ladadia basio tore; badina be edia ura dikadia daidiai Keriso bae dadaraia, bae headava lou.
1TI 5:12 Bena hahemaoro bae abia, badina be edia gwauhamata gunana vada e negea.
1TI 5:13 Bona lahedo karadia e manadalaimu, idau ruma idau ruma e dae kau dae kaumu; dia lahedo mo, a udu mauri danu, e gado kau gado kaumu, e ere dikamu.
1TI 5:14 Taunabunai, lau na uramu vabu eregabedia na bae headava, natudia bae havaradia, edia ruma taudia bae regudia; bena e inai henidamu tauna na basine habadelaida diba.
1TI 5:15 Badina be haida vada e raka oho vaitani, Satana vada e ḡavaia.
1TI 5:16 Iesu ibadinana hahinena ta varavarana haida bema vabu, ia ese bema naridia, ekalesia oreana basinema hametaua. Unu amo ekalesia ese vabu korikori baine naridia diba.
1TI 5:17 Heitatao taudia ese taunimanima e hakaudia namonamomu na ba matauraidia, bona heitatao taudia haroro bona hahediba e goadalaimu na ba matauraidia bada.
1TI 5:18 Badina be Buka Helaḡa na e gwaumu: Boromakau ese uit e moimoilaiamu negana ai na uduna basio ḡuia. Ma e gwaumu: Ḡaukara tauna ese davana baine abia, una na baine namo.
1TI 5:19 Haida ese heitatao tauna bae habadelaia, edia hahebade basio abia dae, ela bona dibadia taudia rarua eiava tatoi ese bae gwauraia hedinarai.
1TI 5:20 Kara dika e manadalai taudia ba gwau henidia, taunimanima iboudiai vairadiai, bena oredia vada bae gari.
1TI 5:21 Dirava bona Keriso Iesu bona e gwauraidia hidi anerudia vairadiai na haḡanimumu, ini hahedua herevadia na ba badina; lalomu basio hadaia kava, bona emu hahemaoro basio hagagevaia.
1TI 5:22 Imamu na tau ta tubuana ai basio ato kau haraḡa; haida edia kara dikadia basio durudia; sibomu nahuamu ba tohoa, ba ḡoevaḡoeva.
1TI 5:23 Ranu kavakava basio inua, a vine ranuna kuri ta ta mo ba inu, bogamu ihanamona, badina be o gorere louloumu.
1TI 5:24 Taunimanima haida edia dika vada eme hedinarai, e kara e gunalaidiamu na heto, ela bona hahemaoro gabuna; a haida edia dika e kara e ḡavadiamu na heto.
1TI 5:25 Unuhetomana danu kara namodia haida vada e hedinaraimu, a asie hedinaraimu ḡaudia na basie hehuni daudau.
1TI 6:1 Maduna henunai hesiai taudia iboudiai na lalodia bae hadai maoro, biagudia bae matauraidia, Dirava ladana bona iseda hahediba herevadia bae hadika na garina.
1TI 6:2 Haida biagudia be Iesu ibadinana taudia; to imatauraidia basie hamaraḡia idia na varavara dainai. A isiaidia bae lao heni mai goadadia ida, badina be edia kara namo ese e hanamodiamu taudia na Iesu ibadinana taudia bona edia lalokau. Unu ba hadibadia toma bona unu ba hagoadadia toma.
1TI 6:3 A baine hahediba kerere, eda Lohiabada Iesu Keriso ena hereva maoromaorodia bona Dirava ibadinana herevadia heḡereḡeredia basine gwaurai,
1TI 6:4 tauna na hekokoroku tauna. Ia na ḡau ta asi dibana; henanadai bona hepapahuahu mo e ura heni kavamu. To unu amo e varamu ḡaudia bini: vaḡege, heai, ere-dika, lalo-hadai dikadia,
1TI 6:5 bona lalodia e kereremu bena hereva momokani vada e rakatanimu taudia edia hepapahuahu asi anidia. Idia banava e tomu Dirava ibadinana na kohu idavarina dala.
1TI 6:6 Momokani, Dirava ibadinana mai lalo-uamona be kohu badana ta.
1TI 6:7 Badina be ḡau ta tanobada ai asita mailaia, ḡau ta danu basita laohaia.
1TI 6:8 Taunabunai, malamala bona hahedoki baita davari, unu hari laloda ese bae moalelai na namo.
1TI 6:9 A taḡa e ura heniamu taudia na hedibaḡani ese e butudia taomu, bona ura kavakavadia bona ura dikadia, idoa na heheto, ese e abidiamu. Taunimanima ihabua-taridia ḡaudia bunu, mase hanaihanai ai e hadonodia masemu.
1TI 6:10 Badina be moni iura-henina na dika idoinai ramuna; bona e ura henia bada taudia haida ese Iesu ibadinana vada e rakatania, bona hisihisi momo amo sibodia vada e hedai uru.
1TI 6:11 A oi, Dirava ena hesiai taumu e, unu ḡau iboudiai ba heautani; kara maoromaoro, Dirava ibadinana, kamonai, lalokau, haheauka, lalo-manau, ba ḡava.
1TI 6:12 Kamonai ena tuari namona ba tuarilaia. Mauri hanaihanai iabina totona vada e boirimu, bona mauri hanaihanai harina namona vada o gwauraia hedinarai, dibadia taudia hutuma vairadiai; benaini, vada bavabia tao.
1TI 6:13 Ḡau iboudiai edia mauri e henidiamu Diravana vairanai, bona Keriso Iesu, hereva namona Pontio Pilato vairanai e gwauraia Tauna, vairanai, na haduamumu:
1TI 6:14 ina haheḡani ba badinaia, asi toutouna bona asi ihabadelaina, ela bona eda Lohiabada Iesu Keriso baine hedinarai.
1TI 6:15 Nega namona ai Ḡaubada namo-hereana ese baine hahedinaraia; ia mo sibona Ḡaubada; pavapava edia Pavapava; lohia edia Lohia;
1TI 6:16 ia sibona e noho hanaihanaimu, asi iraka-kahikahina diarina ai e nohomu; ta ese asine itaia, bona ta ese basine itaia diba. Hemataurai bona siahu ienai bae mia hanaihanai. Amen.
1TI 6:17 Taḡa taudia ina tanobada ai ba haduadia, basie hekokoroku, asie mia daudaumu kohudia na basie laro, a Mauri Diravana mo bae laroa. Ia ese ihamoaleda ḡaudia iboudiai e henida dudukaumu.
1TI 6:18 Ba haduadia danu, kara namodia bae kara, edia taḡa ḡaudia bunu. Edia kohu bae hariharilai, heabi-dae taudia ai baela.
1TI 6:19 Unu amo edia badi namona bae abia heḡaeḡae, vairada dinadia ena, bena mauri korikori bae abia tao.
1TI 6:20 Timoteo e, vada e henimu ḡauna ba gimaia; hereva dikadia bona kavakava herevadia bona aonega koikoidia hepapahuahudia amo ba raka oho.
1TI 6:21 Unu na haida ese vada e abi dae, bena Iesu ibadinana vada e reaia. Harihari-bada emu ai baine mia.
2TI 1:1 Lau Paulo, Keriso Iesu ena aposetolo taugu, Dirava ena ura dainai, Keriso Iesu lalonai mauri gwauhamatana e miamu heḡereḡerena
2TI 1:2 natugu Timoteo, egu lalokau, na tore henimumu: harihari-bada bona hebogahisi bona maino, Tamada Dirava ena amo, bona Keriso Iesu eda Lohiabada ena amo bavabi.
2TI 1:3 Dirava na hanamoamu; senegu ese isiaina e lao heniva heḡereḡerena ai, lau ese danu na lao heniamu mai lalogu ḡoevaḡoevana ida. Hanuaboi ai, dina ai, egu ḡuriḡuri ai na hanamoamu bona oi ilalomu asina hadokoamu.
2TI 1:4 Emu tai na helalo unelaiamu, bona na ura badamu baina itamu, baina moale bada helaoreana.
2TI 1:5 Emu kamonai korikori danu na helalo unelaiamu; una kamonai na gunaguna tubumu hahinena Loi bona sinamu Eunike lalodia ai e miava; lau na tomamu harihari oi lalomu ai e miamu danu.
2TI 1:6 Una dainai na halomumu, Dirava ena herahia ḡauna be imagu tubuamu ai na ato kau negana ai o abia, herahiana ba hahururu-hururua.
2TI 1:7 Badina be Dirava ese gari laumana se henida, a siahu bona lalokau bona boga-auka laumana e henida.
2TI 1:8 Taunabunai, eda Lohiabada igwauraina ai basio hemarai, bona lau e ḡuigu hemaraina basio hemarai. Dika iboudiai lalodiai ba haheauka, sivarai namo dainai, Dirava ese goada baine henimu heḡereḡerena.
2TI 1:9 Ia ese vada e hamaurida, bona boiboi helaḡana amo vada e boirida, dia ila eda kara heḡereḡeredia, a ia sibona ena lalo-hadai bona ena harihari-bada heḡereḡeredia. Una harihari-bada be Keriso Iesu lalonai e henida, seneda do asie vara negana ai,
2TI 1:10 a harihari vada eme hahedinaraia, Keriso Iesu, iseda Hahemauri Tauna, ihahedinaraina ai. Ia ese mase vada e ha-orea; ia ese sivarai namo amo ina mauri bona mauri hanaihanai vada e hadiaridia.
2TI 1:11 Una sivarai namo iharorolaina bona iloalaina bona ihahedibalaina tauna ai vada e halaogu.
2TI 1:12 Una dainai lau ini na hisihisi tomamu; to asina hemaraimu. Badina be egu abidadama vada dibagu, bona lalogu na hadaiamu, na tomu ia na mai goadana egu ai vada e atoa ḡauna baine gimaia diba, ela bona una dina baine kau.
2TI 1:13 Hereva momokanidia lauegu amo o kamonaiva ba badinadia tarikatarika, Keriso Iesu iabi-daena ai bona irua-henina ai.
2TI 1:14 E henimu ḡauna namona ba gimaia, Lauma Helaga, ita laloda e noho henimu Laumana, dainai.
2TI 1:15 Dibamu Asia ai e nohomu taudia iboudiai na egu amo e raka oho, Fugelo bona Heremogene danu.
2TI 1:16 Onesiforo mai ena ruma taudia ida Lohiabada ese baine bogadia hisi; badina be nega momo ia ese lalogu vada e hamatamataia, bona egu gadea hemaraina se hemarai;
2TI 1:17 a Roma ai e kau negana ai e tahugu goadagoada ema bona e davarigu.
2TI 1:18 Lohiabada ena hebogahisi do baine davaria, una dina ai. Isiaigu ede e lao heni tomava Efeso ai vada dibamu.
2TI 2:1 Taunabunai, natugu e, Keriso Iesu ena harihari-bada lalonai ba goada.
2TI 2:2 Dibadia taudia hutuma vairadiai vada na hamaorolaimu herevadia na kamonai taudia ba hamaorolaidia; bena idia ese haida ma bae hadibadia.
2TI 2:3 Hisihisi lalodiai ba haheauka, Keriso Iesu ena tuari tauna namona na heto.
2TI 2:4 Tuari tauna ese ina mauri ḡaudia basine haturialai; unu amo tuari oreana lalonai e abia vareai tauna baine hamoalea.
2TI 2:5 Tau ta danu gadara gabuna ai baine goada helulu, a gadara taravatuna basine badinaia, ia ese kwalimu toana basine abia.
2TI 2:6 Biru tauna ena hekwarahi davana be uma anina baine abi guna.
2TI 2:7 Egu hereva anidia ba haero; badina be Lohiabada ese ḡau iboudiai lalodiai aonega baine henimu.
2TI 2:8 Iesu Keriso ba laloa tao: ia na David garana; ia danu mase amo e tore isi. Egu sivarai namo bunai;
2TI 2:9 bona ia dainai hisi na animu egu iḡui ai, kara dika tauna na heto; ḡau tamona, Dirava ena hereva asie ḡuia.
2TI 2:10 Badina binai hisihisi iboudiai na haheaukalaimu, vada e abidia hidi taudia daidiai, Keriso Iesu ena hahemauri bona mia-hanaihanai hairaina bae abi helaoreana.
2TI 2:11 Ina hereva be momokani: ia ida tama mase, ia ida danu tama mauri;
2TI 2:12 baita haheauka, ia ida lohia ai baitala; a baita ḡorea, ia ese baine ḡoreda.
2TI 2:13 Ena be ita ese basita badinaia, to ia ese ita baine badinada, nega iboudiai; badina be sibona basine heḡore.
2TI 2:14 Ini ḡau na ba hahelalolaidia; bona Lohiabada vairanai danu ma ba sisiba henidia, hereva idau-idau basie hepapahuahulaidia, badina be una na asi anina, bona unu amo ikamonaina taudia lalodia bae hadai kerere.
2TI 2:15 Ba goada; Dirava vairanai namomu baine hedinarai, ḡaukara taumu asi emu hemarai, hereva momokani igwaurai-ḡoevana taumu ai baola.
2TI 2:16 A hereva dikadia bona kavakava herevadia amo ba raka oho, badina be idia ese dika bae habadaia.
2TI 2:17 Hereva unuhetomadia na e kara toto dikana e ara moru ara morumu na heto. Humenaio bona Fileto na unuheto;
2TI 2:18 raruosi ese hereva momokani vada e reaia, e tomu tore-isi-lou vada e ore vaitani, bena haida edia kamonai vada e uhea hebubu.
2TI 2:19 Ḡau tamona, Dirava ena badi aukana vada e ginimu; toana bini, Lohiabada na ena taunimanima iboudiai vada dibana, bona, Lohiabada ladana e hatoamu taudia iboudiai ese kara dika bae heautania.
2TI 2:20 Ruma badana lalonai kebere na dia gold bona silver ḡaudia mo, a au bona raro keberedia danu mimia; unu be e matauraimu, a ini be asie matauraimu.
2TI 2:21 Tau ta na hari ḡau dikadia amo sibona baine haheḡoeva, ia na e matauraiamu keberena ai bainela, baine helaḡa, biaguna isiaina ilaohenina baine heḡereḡere, ḡaukara namodia iboudiai ikaradia ai baine heḡereḡere.
2TI 2:22 Uhau edia lebulebu karadia ba heautani. Ini na ba ḡava: kara maoromaoro, abidadama, lalokau, maino. Lalodia ḡoevadia ai Lohiabada ladana e hahaneamu taudia ida ba hebamo heheni.
2TI 2:23 Henanadai kavakavadia bona mata-lahuidia ihedorilaidia ba dadarai; dibamu idia ese heai e havaramu.
2TI 2:24 Lohiabada ena hesiai tauna na basine heai, a taunimanima iboudiai baine gado namo henidia, baine hahediba ḡoevaḡoeva, baine haheauka.
2TI 2:25 E gwaua tubumu taudia baine sisiba henidia mai manauna ida; readia Dirava ese baine hahelalodia kerehai, bena hereva momokani bae diba.
2TI 2:26 Bena, ena be diabolo ese vada e abidia mauri ena ura ikarana, to bae noga, ena idoa amo bae roho mauri.
2TI 3:1 Ina danu ba diba, dina gabedia ai nega dikadia do bae vara.
2TI 3:2 Badina be taunimanima na sibodia bae heura heni; moni bae mata ḡaniḡani henia; bae heaḡi; bae hekokoroku; bae ere dika; tamadia sinadia bae gwau edeede henidia; basie hahenamo; basie helaḡa;
2TI 3:3 lalokau basie diba; bae tudaga; bae habade koikoi; bae lebulebu; bae daḡedaḡe; kara namo basie ura heni;
2TI 3:4 bae tao tore; bae kara kava; bae hereva kava; lebulebu karadia bae ura heni bada, Dirava bae ura henia maraḡi;
2TI 3:5 Dirava ibadinana na koukouna mo bae abia, a anina bae dadaraia. Ini iboudiai edia amo ba raka oho.
2TI 3:6 Idia haida na ruma lalodiai e rau vareaimu, hahine kavakavadia e ḡuidiamu; unu hahine na edia kara dika ese e hametaudiamu, bona edia ura dikadia ese e hakaudia kereremu,
2TI 3:7 nega idoinai e hahediba tohomu, a hereva momokani asie diba kaumu.
2TI 3:8 Iane bona lambre ese Mose e laoa ahu na heto, idia ese hereva momokani e laoa ahumu; lalodia eme dika bona edia kamonai na koikoi.
2TI 3:9 A basie raka daudau, badina be edia kavakava na taunimanima iboudiai vairadiai baine hedinarai, unu raruosi heḡereḡeredia.
2TI 3:10 A oi ese egu hahediba herevadia vada o diba vaitani; egu kara, egu ura, egu abidadama, egu hebogahisi, egu lalokau, egu haheauka, vada dibamu.
2TI 3:11 Dibamu danu daḡedaḡe bona hisihisi ese e butugu tao, Antioka ai bona Ikonio ai bona Lustra ai. Daḡedaḡe idau-idau na hisihisilaiva; to idoidiai lalodia amo Lohiabada ese e harologu mauri.
2TI 3:12 Oibe, Keriso Iesu lalonai Dirava ibadinana bae ura taudia iboudiai na daḡedaḡe do bae hisihisilai.
2TI 3:13 Bona kara dika taudia bona koikoi taudia ese edia kara dika bona edia koikoi bae habada; idia ese haida bae koidia bona haida ese idia bae koidia.
2TI 3:14 A oi ese vada o diba bona vada o abi dae herevadia na ba kahu tarikatarika; daidia ese e hadibalaimu vada dibamu.
2TI 3:15 Maraḡimu negana ema, revareva helaḡadia vada o manadalai; idia ese bae ha-aonegamu ela bona hahemauri ba davaria, Keriso Iesu ikamonai-henina lalonai.
2TI 3:16 Revareva helaḡadia iboudiai na Dirava ena heuda-roha dainai e tore; idia na mai siahudia taunimanima ihadibadia, bona ihahelalo-kerehaidia, bona isisiba-henidia, bona kara maoromaoro ai ihakaulaidia.
2TI 3:17 Unu amo Dirava ena tau baine ḡoeva dae, bona kara namo iboudiai ikaradia ai baine kwalimu.
2TI 4:1 Dirava vairanai na haduamumu, bona Keriso Iesu vairanai danu; ia ese mauri taudia bona mase taudia be hahemaoro henidiamu. Ena mai bona ena basileia daidiai danu na haduamumu:
2TI 4:2 hereva iharorolaina ai ba goada balaheni, nega namodia ai bona nega dikadia ai; taunimanima ba hahelalodia kerehai, ba sisiba henidia, ba halodia, ba hadibadia mai haheaukamu ida.
2TI 4:3 Badina be negana do baine gini dae, hahediba herevadia maoromaorodia basie abi dae; edia ura kavakavadia daidiai haroro taudia hutuma bae abidia; taiadia do bae hemaihemai.
2TI 4:4 Taiadia ese hereva momokani enai bae kudima, a gori bae hakala henidia.
2TI 4:5 A oi na ḡau iboudiai lalodiai ba boga auka, hisihisi ba haheaukalai, sivarai namo iharorolaina tauna ena kara ba karaia, emu hesiai karana ba haḡuḡurua.
2TI 4:6 Badina be lau raragu na ina harihari be hebubumu; egu raka-oho negana vada be kaumu.
2TI 4:7 Tuari namona vada na tuarilaia; egu heau-helulu vada e ore; kamonai karana vada na haḡuḡurua.
2TI 4:8 Harihari egu kara maoromaoro ena kwara-havava ḡauna vada e heḡaeḡae; una dina ai Lohiabada ese baine henigu; badina be ia na Hahemaoro Tauna, mai ena kara maoromaoro. Bona dia lau mo, to ena mai e laroamu taudia iboudiai danu baine henidia.
2TI 4:9 Ba goada. Dekegu baoma haraḡa.
2TI 4:10 Badina be Dema ese vada eme rakatanigu, ina tanobada eme ura henia dainai, Tesalonika vada ela. Kreske be Galatia vada ela. Tito be Dalamatia vada ela.
2TI 4:11 Luka mo sibona dekegu ai. Mareko bavabia, raruosi baoma, badina be ia na egu ḡaukara ai baine heduru diba.
2TI 4:12 Tukiko vada na siaia, Efeso ela.
2TI 4:13 Egu hetaru Troa ai na rakatania, Kapo dekenai, o maimu negana ai bavabia kau; buka danu; a hereana be kopi, toretore ḡaudia.
2TI 4:14 Alesana, auri labora-labora iḡaukaralaina tauna, ese eme hadikagu herea; Lohiabada ese ena kara davana do baine henia.
2TI 4:15 Nahuana ba tohoa, badina be eda hahediba herevadia vada e gwau lubu hereamu.
2TI 4:16 Egu kota gini-gunana ai, ta ese se kahagu; iboudiai ese e rakatanigu. Madi, hahebade latadiai basine kau baine namo.
2TI 4:17 A Lohiabada ese e kahagu bona e hagoadagu, lau daigu ai sivarai namo baine hedinarai ḡoevaḡoeva bona bese iboudiai bae kamonaia helaoreana. Leona ududia amo vada e hamaurigu.
2TI 4:18 Lohiabada ese dika iboudiai amo baine harohogu mauri, guba ai. Heimodai baita henia hanaihanai. Amen.
2TI 4:19 Priska bona Akula bona Onesitoro ena ruma taudia ba hahenamo henidia.
2TI 4:20 Erasto na dounu Korinto ai e nohomu; a Trofimo na Mileto ai na rakatania, mai ena gorere.
2TI 4:21 A kara haraḡa, keru negana do basine kau ai baoma. Eubulo bona Pude bona Lino bona Klaudia bona varavarada iboudiai ese e hahenamo henimumu.
2TI 4:22 Lohiabada ese laumamu baine bamoa. Harihari-bada emu ai baine mia.
TIT 1:1 Lau Paulo, Dirava ena hesiai tauna bona Iesu Keriso ena aposetolo, Dirava ena abi-hidi taudia edia abidadama idurulaina bona Dirava ibadinana herevadia momokanidia ihadibalaidia totodia e siaigu,
TIT 1:2 mauri hanaihanai bae laroa helaoreana. Seneda do asie vara negana ai, koikoi asi dibana Diravana ese una mauri hanaihanai e gwauraia hamata,
TIT 1:3 ema bona ena nega korikori ai ena gwauhamata anina vada e hahedinaraia, ihamaurida Diravana ena hahedua dainai na harorolaiamu sivaraina namona lalonai.
TIT 1:4 Tito, natugu korikori eda abidadama tamona lalonai, na tore henimumu: harihari-bada bona maino, Tamada Dirava ena amo bona Keriso Iesu eda Hahemauri Tauna ena amo, bavabi.
TIT 1:5 Krete ai na rakatanimu badina binai: do asie maoro ḡaudia na ba hamaoromaoro, bona heitatao taudia danu hanua hanua lalodiai ba gwauraidia hidi, egu hahedua heḡereḡerena.
TIT 1:6 Asi edia kara dika taudia, adavadia tamodia taudia, natudia be Iesu ibadinana memerodia, asi edia lebulebu bona asi edia gwau-edeede, bavabidia hidi.
TIT 1:7 Badina be heitatao tauna na basie habadelaia diba baine namo; ia na Dirava ena hesiai tauna. Ia na basine daḡedaḡe; basine badu haraḡa; kekero muramuradia basine inu momo; basine heatu; moni basine mata ḡaniḡani henia.
TIT 1:8 A idau taudia baine abidia dae; kara namo baine ura henia; sibona baine hegwahi baine kara maoromaoro; baine helaḡa; baine boga auka.
TIT 1:9 Hereva momokani baine abi tarika-tarika, vada e hadibalaia heḡereḡerena; unu amo baine heḡereḡere, hahediba herevadia maoromaorodia amo taunimanima lalodia baine hagoadadia bona hereva momokani e laoahumu taudia baine nanaudia.
TIT 1:10 Hutuma na e gwau edeedemu, e hereva kava hereva kavamu, taunimanina e koidiamu. Peritome taudia na una kara ai e hereamu.
TIT 1:11 Ba gwaudia tubu, ududia bae hakapu; badina be iduhu haida vada e hahekwakwanaidia, hahediba herevadia koikoidia vada e hadibalaidia, moni idavarina totona.
TIT 1:12 Idia sibodia edia peroveta tauna ta ini e gwau toma: Krete taudia na nega idoinai koikoi taudia, uda boromadia dikadia na heheto, boga mase taudia.
TIT 1:13 Una hereva na momokani. Taunabunai ba gwau henidia goadagoada, sivarai namo bae abia dae maoromaoro;
TIT 1:14 a Iuda taudia edia gori bona hereva momokani vada e rakatania taudia edia haheḡani basie abi dae.
TIT 1:15 Ḡau iboudiai be ḡoḡoeva-ḡoḡoeva, lalo-ḡoevaḡoeva taudia ediai. A lalo-miro taudia ediai bona asi edia kamonai taudia ediai ḡau ta dia ḡoeva; idia daradia bona lalodia na mimiro.
TIT 1:16 Idia na Dirava dibadia e tomamu, a ḡau be edia kara ese e ḡoreamu; idia na lalomase taudia, gwau-edeede taudia, kara namodia iboudiai lalodiai idia na asi goadadia.
TIT 2:1 A oi na hahediba herevadia maoromaorodia ba hahedibalai.
TIT 2:2 Tatau badadia ba hadibadia, bae boga auka, bae matau, Ialodia bae hadai maoromaoro, kamonai ai bona lalokau ai bona haheauka ai bae gini tutukatutuka.
TIT 2:3 Hahine badadia danu ba hadibadia, bae noho helaḡa taudia heḡereḡeredia, basie hahebade koikoi, vine ranuna basie inu momo, kara namo bae hahedibalai.
TIT 2:4 Bena idia edia amo eregabe hahinedia ese adavadia bona natudia bae lalokau henidia;
TIT 2:5 lalodia bae hadai maoromaoro; basie mata dika; ruma ai bae ḡaukara; bae hebogahisi; adavadia eredia bae kamonai. Unuhetomana ta ese Dirava ena hereva basine hadikaia.
TIT 2:6 Eregabe taudia danu ba haduadia, bae boga auka.
TIT 2:7 Bona oi sibomu kara namodia ba hahedinarai, bae haḡoimu helaoreana. Emu hahediba herevadia bae maoromaoro; bona bae matau.
TIT 2:8 Bena emu hereva bae maoromaoro dainai ta ese basine habadelaimu diba; bona heiri-heiri tauna baine hemarai, badina be dikada basine gwaurai diba.
TIT 2:9 Hesiai taudia na biagudia bae kamonai henidia, ḡau iboudiai lalodiai bae hamoaledia. Basie heiri-heiri henidia;
TIT 2:10 edia ḡau basie henao; kamonai karadia bae hahedinarai. Unu amo ḡau iboudiai lalodiai Ihamaurida Diravana ena hahediba herevadia anidia bae hahedinarai.
TIT 2:11 Badina be Dirava ena harihari-bada vada eme hedinarai, taunimanima iboudiai ihamauridia;
TIT 2:12 bona vada e hadibadamu, e tomu Dirava idadaraina karadia bona tanobada ena lebulebu karadia baita rakatani, ina tanobada ai baita noho migomigo, baita kara maoromaoro, Dirava baita badinaia.
TIT 2:13 Helaro namona baita naria: Dirava badana bona Ihamaurida Tauna Iesu Keriso hairaidia ihahedinaraidia bunai.
TIT 2:14 Ia na sibona vada e heni, ita daidai, kara dika iboudiai edia amo baine ruhada nege, orea ta baine haḡoevaia sibona ena, kara namo baine goadalai oreana.
TIT 2:15 Ini ḡau ba herevalai; taunimanima ba haduadia bona ba sisiba henidia mai siahumu ida. Tau ta ese basine dadaraimu.
TIT 3:1 Ba hahelalodia une, hahemaoro taudia bona siahu taudia bae kamonai henidia, bona edia haheḡani bae badina. Bae noho haḡaeḡae, kara namo iboudiai ikaradia.
TIT 3:2 Tau ta dikana basie gwauraia; basie heai; bae manau; taunimanima iboudiai bae kara namo henidia.
TIT 3:3 Badina be ita danu gunaguna mai eda kavakava bona mai eda gwau-edeede bona e hakauda kerere; ura dikadia bona moale idau-idau ta badinava; lalo-dika ai bona vaḡeḡe ai ta nohova; haida ese ita e inai henida, bona ita ese idia ta inai henidia.
TIT 3:4 A Ihamaurida Diravana ena gado-namo bona ena uraheni taunimanima edai e hedinarai negana ai,
TIT 3:5 ia ese e hamaurida, dia ita eda kara maoromaoro daidiai, to iena hebogahisi dainai, vara lou ena hehuri ai bona Lauma Helaḡa ena hahematamata ai.
TIT 3:6 Una hahemauri na ia ese latadai vada e seia dobi, Ihamaurida Tauna Iesu Keriso bagunai.
TIT 3:7 Taunabunai, iena harihari-bada ese maoroda baine gwaurai, bona ia dihina ai baine halaoda, mauri hanaihanai helarona heḡereḡerena.
TIT 3:8 Una na hereva momokani; bena na uramu unu hereva ba gwaurai goadagoada, bena Dirava vada e abidadama heniamu taudia na nahuadia bae toho, kara namodia bae badina. Ini ḡau be nanamo bona mai anidia, taunimanima ediai.
TIT 3:9 A henanadai kavakavadia iherevalaidia, bona uru ihagaudia, bona heai, bona taravatu hepapahuahudia, amo ba gini siri; badina be idia na asi anidia bona kavakava.
TIT 3:10 Heiri-heiri tauna be nega gini-gunana bona nega iharuana ba sisiba henia, murinai ba dadaraia.
TIT 3:11 Dibamu una tau na mai ena kerere bona mai ena dika; ia sibona ese ena dika vada e hahedinaraiamu.
TIT 3:12 Aretema eiava Tukiko baina siaia vasi negana ai, dekegu baoma haraḡa Nikapoli ai; badina be keru negana ai unuseni ai baina noho na tomamu.
TIT 3:13 Sena, taravatu tauna, bona Apolo, na edia laolao dalana ba lailaia, ḡau ta ai basie dabu.
TIT 3:14 Varavarada danu ḡaukara namodia bae manadalai, dabu taudia bae hanamodia, asi huahuadia bae noho na garina.
TIT 3:15 Bamogu iboudiai iniseni ai ese e hahenamo henimumu. Iesu ibadinana ai e lalokau henimaimu taudia ba hahenamo henidia. Harihari-bada be umui iboumui ai emui ai baine mia.
PHM 1:1 Lau Paulo, Keriso Iesu dainai abi-mauri tauna, varavarada Timoteo ida, raruosi ese emai lalokau Filemona, ai ida ta ḡaukara heboumu taumu, a tore henimumu.
PHM 1:2 Oi bona taihumai Apia, bona bamomai Arekipo, ia ida a tuari heboumu, bona ekalesia oreana emu ruma ai e heboumu, a tore henimuimu, a tomu:
PHM 1:3 Harihari-bada bona maino, Tamada Dirava ena amo bona Lohiabada Iesu Keriso ena amo, bavabi.
PHM 1:4 Na ḡuriḡurimu negadia iboudiai oi na lalomumu, bona Dirava na hanamoamu;
PHM 1:5 badina be na kamonaimu oi ese Lohiabada Iesu o lalokau heniamu bona o abidadama heniamu, helaḡa taudia danu o lalokau henidiamu bona o abidadama henidiamu.
PHM 1:6 Taunabunai egu ḡuriḡuri be oiemu abidadama huahuana baine dobi idia ediai, Keriso lalonai ita edai e miamu ḡaudia namodia iboudiai bae diba.
PHM 1:7 Una dainai, tadigu e, name moale bada bona taugu danu eme lo, emu lalokau dainai, badina be helaḡa taudia lalodia vada o hakeru.
PHM 1:8 Taunabunai, Keriso ladana ai bama haḡanimu diba, ede boma kara toma,
PHM 1:9 to lalokau dainai asina haḡanimumu, na noimumu hari. Oibe, lau Paulo, tau badana bona Keriso Iesu ena abi mauri tauna,
PHM 1:10 na nounumu natugu Onesimo, iḡui ai na nohomu ai tamana ai na hahelao merona, dainai.
PHM 1:11 Gunaguna ena hesiai ilao-henina na dika oiemu ai, a harihari ena hesiai ilao-henina na namo, oiemu ai bona lauegu ai.
PHM 1:12 Na siaia loumu, be vasimu, bona lalogu idoinai danu ia ida.
PHM 1:13 Bena egu ura be bama dogoa tao, sivarai namo ena iḡui ai isiaigu bema lao heni, oi ibolomu.
PHM 1:14 To asina uramu kara ta baina karaia, oi do so gwau maoro negana ai; egu ura be emu kara namo na dia lauegu hahedua dainai a oiemu ura dainai bema vara.
PHM 1:15 Badina bunai, readia, una nega sina oiemu amo e heabi oho, bavabia hanaihanai helaoreana:
PHM 1:16 dia hesiai tauna, a hesiai e hereaiamu tauna, varavara bona lalokau, lauegu bona oiemu, tau-anina ai bona Lohiabada lalonai.
PHM 1:17 Lau be oi turamu o tomamu; benaini, ia bavabia dae, lau boma abigu dae heḡereḡerena.
PHM 1:18 A ia ese e hadikamu eiava emu ai e abi torehai readia: benaini, ena abi-torehai egu ai ba gwauraia.
PHM 1:19 Lau Paulo sibogu imagu ai na toreamu: davana idoinai do baina henimu. Asina tomu oi ese laumamu egu ai o abia doa;
PHM 1:20 ḡau tamona, tadigu e, mani ba hamoalegu Lohiabada lalonai, lalogu ba hakerua Keriso lalonai.
PHM 1:21 Lalogu na e tomamu ba kamonai henigu dainai na tore henimumu; dibagu na gwauraimu karadia ba hereadia.
PHM 1:22 Vadivadi daiutuna ta bavabia heḡaeḡae lauegu; badina be name helaro emu ḡuriḡuri daidiai egu vasi dalana baine helailai.
PHM 1:23 Bamogu Epafra, Keriso Iesu dainai lau ida iḡui ai a nohomu, ese e hahenamo henimumu.
PHM 1:24 Mareko bona Aristako bona Dema bona Luka, lau ida a ḡaukara heboumu, ese danu e hahenamo henimumu.
PHM 1:25 Lohiabada Iesu Keriso ena harihari-bada laumamu ai baine mia.
HEB 1:1 Hereva taidia taidia amo, idau dala idau dala ai, Dirava, ese idau nega ai peroveta taudia ududia amo seneda e hereva henidiava;
HEB 1:2 a ini dina dokodia ai ia Natuna ena amo ita vada e hereva henida. Natuna bunai ḡau iboudiai vada e henia, ia ahuna; iena amo danu tanobada idoinai vada e kara.
HEB 1:3 Ia bunai Dirava hairaina diari-diarina bona anitarana ihaheḡereḡerena; ia bunai ḡau iboudiai e abi isimu, ena siahu herevadia amo; ia sibona ese eda kara dika e haḡoeva vaitani, bena Herea Mikamika idibana kahana ai vada e helai, guba ai.
HEB 1:4 Ia ese aneru vada e hereadia, vada e henia ladana ese idia ladadia e hereadiamu heḡereḡerena.
HEB 1:5 Edena nega ai Dirava ese aneru ta e hereva henia, eto, Oi na lau natugu; Hari dina ai vada na abimu. Eiava Lau na ia tamana ai bainala; Ia danu lau natugu ai bainela.
HEB 1:6 Ma Natuna roboana tanobada ai e mailaia negana ai, ia eto, Dirava ena aneru iboudiai ese ia bae toma henia diho.
HEB 1:7 Aneru e gwauraidiamu, e tomu, Ena aneru na lai ai e halaodiamu; Ena hesiai taudia be lahi hururu-hururudia ai e halaodiamu.
HEB 1:8 A Natuna e gwauraiamu, e tomu, Dirava e, emu terono e mia hanaihanaimu; Emu basileia auna na kara maoromaoro toana.
HEB 1:9 Kara maoromaoro vada o ura henia, Kara havara-havara vada o inai henia; Una dainai Dirava, emu Dirava, ese moale dehorona vada e horolaimu bada, Bamomu vada e horolaidia maraḡi.
HEB 1:10 Ina danu, Lohiabada e, matamana negana ai tanobada badidia o kara, Guba danu oi imamu ese e kara;
HEB 1:11 Idia na bae puki, a oi na o noho hanaihanaimu; Idia iboudiai bae mouka-mouka, dabua na heto;
HEB 1:12 Hetaru dabuana na heto oi ese ba loku, vada bae idau; A oi na so idaumu, emu mauri laḡanidia danu basie ore,
HEB 1:13 A edena nega ai ia ese aneru ta e hereva henia, eto, Idibagu kahana ai ba helai, Ela bona oi inaimu loḡora Oi aemu ihadaidia ḡaudia ai baina halaodia.
HEB 1:14 Ḡau tamona, idia iboudiai na hesiai laumadia, ani? Mauri bae abia taudia isiaidia ilaohenidia totona e siaidiamu.
HEB 2:1 Una dainai, ta kamonai herevadia nahuadia baita toho, nega ta baita huretani garina.
HEB 2:2 Badina be aneru ese e gwaurai herevadia bema momokani, bona kara havara iboudiai bona gwau-edeede iboudiai bema mai davadia korikoridia,
HEB 2:3 ita na ede baitama roho mauri toma, hahemauri unu-badana baitama dadaraia negana ai? Hahemauri bunai Lohiabada ese e gwauraia guna; bena iena amo e kamonai taudia ese vada e hamomokania ita eda.
HEB 2:4 Bona Dirava danu vada e hahedinaraia, toa ai, hoa karadia ai, siahu karadia idau-idau ai, bona Lauma Helaḡa ena herahia ai, ena ura heḡereḡerena.
HEB 2:5 Badina be mauri gabena, ai ese a herevalaiamu, na dia aneru se henidia bae biagua.
HEB 2:6 Buka itorena tauna ta vada e hereva, eto, Taunimanima be dahaka oi ese ia o laloamu? Taunimanima natuna be daika oi ese ia o dosiamu?
HEB 2:7 Oi ese o karaia, aneru ese sisina mo ia e hereaiamu; Hairai mai hemataurai ida oi ese kwarana o havavalaia. Oi imamu ai o kara ḡaudia iboudiai vada o henia, baine biagudia;
HEB 2:8 Ḡau iboudiai ia aena henunai vada o atodia, ia ese baine biagudia. Badina be ḡau idoidiai taunimanima henunai e atodia negana ai, ḡau ta se rakatania idauhai. To harihari ta itaiamu, ḡau idoidiai na dia ia henunai.
HEB 2:9 A nega sisina mo aneru ese e hereaia tauna, Iesu, harihari ta itaiamu, mase hisihisina dainai hairai mai hemataurai ida kwarana vada e havavalaia; Dirava ena harihari-bada ai mase mamina e abia, taunimanima iboudiai daidiai.
HEB 2:10 Ina na diaḡau namona, ena, bona ena amo, ḡau iboudiai e havaramu Diravana na, ia natuna loḡora hairai ai bema hakaudia vareai totona ese, edia Hahemauri Tauna na hisihisi amo bema hahereaia dae.
HEB 2:11 Badina be hahelaḡa tauna bona e hahelaḡadia taudia na iduhu tamona; una dainai ia na asi ena hemarai ia tadina baine gwauraidia.
HEB 2:12 Eto, Oi ladamu baina gwauraia, tadigu vairadiai; Hebou lalonai baina hanamomu egu ane ai.
HEB 2:13 Ma eto, Baina abidadama henia. Ma eto, Lau o ina, Bona natugu, Dirava ese vada e henigu, bini.
HEB 2:14 Benaini, natuna be mai hidiodia bona mai raradia dainai ia ese danu tau-anina e abia idia heḡereḡeredia; mase amo ia ese mase biaguna, una na diabolo, baine hadarerea,
HEB 2:15 bona edia mauri dinadia iboudiai mase garina ese e ḡuidiamu taudia baine ruhadia nege helaoreana.
HEB 2:16 Momokani, ia na dia aneru se kahadia, a Abrahamgarana hari.
HEB 2:17 Una dainai ia na ḡau iboudiai lalodiai tadina ida e heḡereḡere, hahelaḡa tauna badana ai bainela, mai ena hebogahisi bona mai ena kara maoromaoro Dirava ena ḡaukara lalonai, taunimanima edia dika iabi-ohona.
HEB 2:18 Ia na hedibaḡani e mamiamu taudia idurudia mai dibana, badina be ia sibona ese hisihisi bona hedibaḡani mamidia e abi dainai.
HEB 3:1 Taunabunai, varavaragu helaḡamui e, umui danu Dirava ena boiboi ai e lalomui kau taumui, Iesu ba haeroa. Eda kamonai ai, ia na Dirava ese e siaia, eda hahelaḡa tauna badana.
HEB 3:2 E siaia Diravana na ia ese e kamonai henia, Mose ese Dirava ena bese lalonai e kamonai henia heḡereḡerena.
HEB 3:3 A ia ese hairai badana vada e abia, Mose ese hairai maraḡina e abia. Una danu namo; heḡereḡerena be ruma ikarana tauna e matauraia badamu, a e karaia rumana e matauraia maraḡimu.
HEB 3:4 Badina be ruma iboudiai na mai ikaradia taudia, a ḡau iboudiai ikaradia be Dirava.
HEB 3:5 Mose ese Dirava ena bese idoinai lalonai hesiai ḡaukarana e karaia ḡoevaḡoeva mai kamonaina ida, do bae gwaurai ḡaudia ihahedinaraidia.
HEB 3:6 A Keriso ese Dirava ena bese e biagua mai kamonaina ida, badina be ia na natuna dainai. lta na iena bese, eda haheauka bona eda helaro moaledia ta badinamu dainai.
HEB 3:7 Badina bunai Lauma Helaḡa na e tomu, Hari dina ai gadona boma kamonai,
HEB 3:8 Lalomui basio ha-auka, Dirava o dadaraia negana ai na heto, Hedibagani dinana ai tano ḡaḡaena ai na heto;
HEB 3:9 Una negana ai senemui ese e tohoguva, Bona laḡani hari-ahui lalodiai egu kara e itava.
HEB 3:10 Badina bunai, una uru na badu heniava, Nato “Vaevae laJodia e kereremu, Egu dala danu asi dibadia.”
HEB 3:11 Bena egu badu ai na gwau hamata, Nato “Egu laḡa-ani ai basie raka vareai”.
HEB 3:12 Varavaragu e, nahuamui ba toho, ta ese lalona baine hadaia kerere, asi ena kamonai, bena Mauri Diravana baine rakatania na garina.
HEB 3:13 A daba daba idoidiai ba hahealo heheni, doini “Hari dina” ta gwauraiamu negana ai, kara dika ena koikoi ese lalomui baine ha-auka na garina.
HEB 3:14 Badina be ita na Keriso bamona, una dainai eda heabidadama baita badinaia tarikatarika, matamana amo ela bona dokona.
HEB 3:15 Vada e hereva heḡereḡerena eto, Hari dina ai gadona boma kamonai Lalomui basio ha-auka, Dirava o dadaraia negana ai na heto.
HEB 3:16 Daidia gadona e kamonai, to ena badu e havaraia? Mose ese Aigupto amo e hakaudia lasi taudia iboudiai, ani?
HEB 3:17 Bona laḡani hari-ahui e badu henidiava taudia be daidia? Kara dika taudia, tano ḡaḡaena ai e mase ore, ani.
HEB 3:18 Ma daidia ia ese e gwau henidia hamata, ena laḡa-ani ai basie raka vareai eto? Cwau-edeede taudia, ani?
HEB 3:19 Taunabunai vada tame diba, asi edia kamonai dainai asie raka vareai.
HEB 4:1 Ena gwauhamata na doini mia, ena laḡa-ani ai baita raka vareai eto; to eda gari na umui haida bae itamu o ḡava tuna.
HEB 4:2 Badina be sivarai namo vada e harorolai henida, idia heḡereḡeredia; to e kamonai herevadia ese asie hanamodia, badina be e kamonai taudia ese asie abi dae.
HEB 4:3 Badina be ita kamonai tauda na ena laḡa-ani ai ta raka vareaimu; ena hereva heḡereḡerena, eto, Egu badu ai na gwau hamata, Nato “Egu laḡa-ani ai basie raka vareai”. Ḡau tamona, iena ḡaukara be tanobada ikarana negana ai e kara ḡuḡuru.
HEB 4:4 Badina be buka ta ai dina ihahituna e herevalaia, eto, Dirava na dina ihahituna ai ena ḡaukara iboudiai amo e laḡa ani.
HEB 4:5 Ma ina gabu ai eto, Egu laḡaani ai basie raka vareai.
HEB 4:6 Benaini, haida do bae raka vareai; to sivarai namo e harorolai henidia guna taudia na edia gwau-edeede dainai asie raka vareai.
HEB 4:7 Una dainai ia ese dina ta ma e abia hidi, “Hari dina” e gwauraia; bena nega daudau vada e lao bubuni David ese ena hereva ma e gwauraia loumu, e tomu, Hari dina ai gadona boma kamonai, Lalomui na basio ha-auka.
HEB 4:8 Badina be Iosua ese laḡa-ani bema henidia, Dirava ese nega daudau murinai dina ta ma basinema herevalaia.
HEB 4:9 Taunabunai, dina helaḡa ena laḡa-ani na doini mia, Dirava ena orea taudia edia.
HEB 4:10 Badina be ena laḡa-ani ai e raka vareaimu tauna ese ena ḡaukara amo e laḡa animu, Dirava ese iena ḡaukara amo e laga aniva na helo.
HEB 4:11 Una dainai, una laḡa-ani ai baita raka vareai toho mai goadada ida, tau ta ese gwau-deede taudia baine haḡoidia bena baine keto na garina.
HEB 4:12 Badina na Dirava ena hereva na e maurimu, bona mai siahuna; ia ganona ese isena rua mai ganodia darena e hereaiamu. E hegwadamu ela bona dara bona Iauma e hapararadiamu, bona garugaru bona turia haradia danu e hapararadiamu. Eda lalo-hadai bona eda ura ia na dibana herea.
HEB 4:13 Mauri ḡauna ta ia vairana amo basine hehuni diba; ḡau iboudiai na ia, e hahemaoro henidamu Diravana, vairanai hehedinararai.
HEB 4:14 Ita na mai eda hahelaḡa tauna badana, guba ai vada e raka hanai; ia na Iesu, Dirava Natuna. Taunabunai, ia iabi-daena baita kahua tao.
HEB 4:15 Badina be eda hahelaḡa tauna badana na dia eda manoka-manoka mamina iabina asi dibana tauna. Ḡau iboudiai ese ia e dibaḡaniava, ita e dibaḡanidamu heḡereḡerena; to ia na asi ena kara dika.
HEB 4:16 Benaini, hebogahisi teronona baita raka henia kahi, asi eda gari; bena baine bogada hisi, bona harihari-bada, eda dabu negadia ai baine kahada hariharina, baita abia.
HEB 5:1 Hahelaḡa taudia badadia iboudiai na taunimanima bogaragidia amo e abidia hidimu, taunimanima daidiai Dirava bae boua, herahia ḡaudia bona boubou ḡaudia bae hahelaḡa, dika iabi-ohodia.
HEB 5:2 Hahelaḡa tauna badana ese lalo-duhu taudia bona kerere taudia e bogadia hisimu, badina be ia danu manoka-manoka ese e butua taomu;
HEB 5:3 una dainai, ia ese boubou ḡaudia baine hahelaḡa, dia taunimanima mo edia kerere daidiai, a ia sib-ona ena kerere daidiai danu.
HEB 5:4 Bona tau ta ese ina dagi namona sibona se abiamu; a Dirava ese e boiriamu, Aaron e boiria heḡereḡerena.
HEB 5:5 Unuhetomana danu, Keriso na sibona se heimodai, hahelaḡa tauna badana dagina se abia, to dagi e henia Diravana eto, Oi na lau Natugu; Hari dina ai vada na havaramu.
HEB 5:6 Ia danu ma e hereva, eto, Oi na hahelaḡa tauna, o noho hanaihanaimu; Melkisedek ena orea taumu.
HEB 5:7 Ia tanobada ai e nohova dinadia ai, Iesu ese mase amo baine hamauria diba Diravana na e ḡuriava bona e noiava, mai taina bona mai irurumatana ida; bena Dirava garina e gariva dainai ena noinoi ḡauna e abia.
HEB 5:8 Ena be ia na Dirava Natuna to hisihisi ese Dirava ikamonai-henina e hadibaiava,
HEB 5:9 ela bona e namo ḡuḡuru; bena ia ikamonai-henina taudia iboudiai edia mauri hanaihanai ihavarana tauna ai ela.
HEB 5:10 Badina be Dirava ese e gwauraia, hahelaḡa tauna badana, Melkisedek ena orea ai.
HEB 5:11 Emai hereva momo mimia, ia herevana; ḡau tamona anidia igwauraidia na metau, badina be umui taiamui vada e kudima.
HEB 5:12 Nega vada eme gini dae, umui na hahediba taumui ai boma lao, to doini o dabumu; ta ese Dirava ena hereva badidia bema hadibalaimui lou bema namo. Umui na doini rata inu memerodia na heheto; aniani korikori ianidia na asi goadamui.
HEB 5:13 Rata inu merona na kara maoromaoro herevana asi dibana, badina be ia na karukaru.
HEB 5:14 A aniani korikori be taudia vada e lo taudia adia; idia na lalodia vada eme manada, namo bona dika toadia na mai dibadia.
HEB 6:1 Badina bunai, Keriso ena hereva badidia baita rakatani, huahuadia baita ḡava. Badidia bini basita hagini loulou: kara asi anidia ihelalolai-kerehaidia; Dirava ibadinana;
HEB 6:2 bapatiso herevadia; ima tubua ai ato kau herevadia; mase ihatore-isidia herevadia; mia hanaihanai hahemaorona herevadia.
HEB 6:3 Dirava baine ura, ini na bae mia.
HEB 6:4 Gunaguna lalodia e diariva, bona guba hariharina e mamia tohova, bona Lauma Helaḡa enai ahudia e abiva,
HEB 6:5 bona Dirava ena hereva namona bona mauri gabena siahuna e mami tohova,
HEB 6:6 taudia na bema keto, idia na basiema helalo kerehai lou diba; badina be idia sibodia ese Dirava Natuna vada e hasatauroa lou bona taunimanima vairadiai vada e hahemaraia.
HEB 6:7 Badina be e diho louloumu medudia e inumu, bona aniani ḡaudia namodia e havaramu uma taudia edia, tanona ese Dirava ena hahenamo e abiamu.
HEB 6:8 A au ginigini bona ava ḡiniḡini e havaramu tanona ese hedadarai bona heuduguirai e abimu; dokona ai lahi ese baine ara ore.
HEB 6:9 A lalokau e, ena be ini a hereva tomamu, to lalomai e tomamu hahemauri badina ḡaudia namodia na lalomui ai vada mimia.
HEB 6:10 Badina be Dirava na asi ena kara gageva-gageva; emui ḡaukara bona emui lalokau ia ladana dainai vada o hahedinarai, helaḡa taudia o durudiava bona o durudiamu, ia ese basine lato boio.
HEB 6:11 A ai na a ura badamu umui iboumui ai ene ba goada toma, ela bona dokona ai emui helaro ba hagugurua.
HEB 6:12 Basio hesiku; a edia abidadama bona edia habeauka daidiai ahudia vada e abi taudia do ba haḡoidia.
HEB 6:13 Badina be Dirava ese Abraham e gwau hamata henia negana ai, ta ese ia se hereaia dainai ia sibona ladana ai e gwau hamata,
HEB 6:14 eto, Momokani baina hanamomu, garamu danu baina hahutumadia.
HEB 6:15 Bena Abraham e haheauka taritariva ela bona gwauhamata anina e davaria.
HEB 6:16 Badina be taunimanima ese herea tauna ladana ai e gwau hamatamu; bena hereva ihamomokanilaina gwauhamatana ese edia hepapahuahu idoinai e hadokoamu.
HEB 6:17 Unuhetomana, Dirava na e urava gwauhamata dihina taudia bae diba ḡoevaḡoeva iena Ialo-hadai basine idau; una negana ai ia ese hereva helaḡana amo e gwau hamata henidia.
HEB 6:18 Unu ḡau ruaosi na basie idau, bona unu ḡau ruaosi ai danu Dirava ese basine koida diba. Taunabunai ita na hahedika vada ta heautania, bona goada vada davaria, ita ese vairadai enle hure helarona baita kahua tao.
HEB 6:19 Una helaro na laumada dogona na heto, se idaumu bona se mareremu, seseahu unukahanai e vareaimu;
HEB 6:20 unuseni ai e gunalaida tauna, Iesu, vada e raka vareai guna ita daidai, hahelaḡa tauna badana Melkisedek ena orea ai vada e hahelao, ela bona hanaihanai.
HEB 7:1 Hari Melkisedek na Salem pavapavana bona Herea Mikamika Diravana ena hahelaḡa tauna. Ia na Abraham ida e hedavari, Abraham ese hanua pavapavadia iala-masedia amo e lou negana ai, bena e hanamoa.
HEB 7:2 Abraham ese danu kohu e karoa, karoa gwauta, bena karoa ta ia e henia. Ia ladana gunana anina be Kara Maoromaoro Lohiana. Ma ladana ta Salema Pavapavana, anina be Maino Lohiana.
HEB 7:3 Ia na asi tamana, asi sinana, asi iduhuna, asi ena vara dinana, asi ena mauri dokona; a Dirava Natuna ihaḡoina ai vada e halaoa, hahelaḡa tauna, e noho hanaihanaimu.
HEB 7:4 Una tau ba haeroa, ede e herea tomava. Seneda Abraham ese tuari ai e abi kohudia e karoadia, karoa ihagwautana e henia.
HEB 7:5 Momokani, Levi natuna haida ese danu hahelaḡa dagina e abia, bena mai siahudia ida taunimanima edia kohu e karoadia, karoa ihagwautadia bae abi, taravatu heḡereḡerena. Ena be varavaradia, Abraham besena taudia, to e abi.
HEB 7:6 A ia, ena be dia idia edia iduhu tauna, to Abraham ena kohu karoana ihagwautana e abia, bona Dirava ese e gwau hamata henia tauna na ia ese e hahenamo henia.
HEB 7:7 A dibada vaitani, dagi maraḡina tauna na dagi badana tauna ese e hahenamo heniamu.
HEB 7:8 Harihari, bae mase taudia ese kohu e karoadiamu, karoa ihagwautadia e abimu; a una negana ai, sivaraina e piuamu doini e maurimu e tomamu tauna ese e abiva.
HEB 7:9 Bona e kara Levi, karoa ihagwautadia iabidia tauna, ese danu ena kohu karoana ihagwautana e henia na heto, Abraham dainai;
HEB 7:10 badina be ia na tamana tau-anina ai, Melkisedek na tamana ida e hedavari negana ai.
HEB 7:11 Eda bese taudia ese Levi iduhuna hahelaḡa taudia edia amo taravatu e abia; ḡau tamona hahenamo ḡoeva-daena na idia edia amo bema vara, hahelaḡa tauna idauna ta, dia Aaron ena iduhu tauna a Melkisedek ena orea tauna, bema gini anina be dahaka?
HEB 7:12 Badina be hahelaḡa taudia bae idau, taravatu danu baine idau.
HEB 7:13 Badina be ini e herevalaia tomamu tauna na ena iduhu na idau; bona iena iduhu tauna ta ese pata helaḡana gaukaradia do se kara.
HEB 7:14 Badina be tame diba eda Lohiabada be Iuda iduhuna amo e vara, a Mose ese hahelaḡa taudia haida una iduhu ai se gwauraidia.
HEB 7:15 Ina na tame diba ḡoevaḡoeva, badina be hahelaḡa tauna idauna ta vada e vara, Melkisedek ihaḡoina;
HEB 7:16 ena dagi danu vada e henia, dia tau-anina taravatuna ibadinana totona, a mauri hanaihanai siahuna ai.
HEB 7:17 Badina be ini e gwauraia tomamu: Oi na hahelaḡa tauna, o noho hanaihanaimu, Melkisedek ena orea taumu.
HEB 7:18 Benaini, taravatu gunana vada eme heabi oho, badina be ia na manokamanoka bona asi anina,
HEB 7:19 bona ḡau ta se haḡuḡurua. A helaro matamatana bona namo-hereana ese ia gabuna vada eme abia: unu amo Dirava ta raka henia kahimu.
HEB 7:20 Bona ina na mai gwauhamata helaḡana.
HEB 7:21 Idia na hahelaḡa taudia ai e halaodiava na asi edia gwauhamata, a ia na mai gwauhamatana ida hahelaḡa tauna ai e halaoa. E gwau hamata Diravana ese e hereva henia, eto, Lohiabada na vada e gwau hamata vaitani, Lalona danu basine ha-idaua; E tomu “Oi na hahelaḡa tauna, O noho hanaihanaimu”.
HEB 7:22 Taunabunai, Iesu na herohemaino matamatana ihamomokanina.
HEB 7:23 Ina danu: unu hahelaḡa taudia na hutuma, badina be mase ese e butudia taova, edia dagi ai basie noho hanaihanai;
HEB 7:24 a ina hahelaḡa tauna na e noho hanaihanaimu, asi ibolona.
HEB 7:25 Badina bunai ia na mai goadana, ia bagunai Diravana e raka henia kahimu taudia baine hamauridia ḡuḡuru, badina be e noho hanaihanaimu, bona ita daidai e noinoi hanaihanaimu.
HEB 7:26 Hahelaḡa tauna badana unuhetomana vada e namo ita eda: helaḡa tauna, asi ena dika, asi bebeka-bebekana, asi ahuna kara dika taudia ediai, guba doriva-dorivana ai vada e dae.
HEB 7:27 Ia na dia unu hahelaḡa taudia badadia na heheto: idia ese daba iboudiai boubou ḡaudia e hahelaḡadiava, guna idia sibodia edia dika irohodia, gabe amo hanua taudia edia dika irohodia. A ia ese nega tamona boubou ḡauna e hahelaḡaia vaitani, ia sibona boubou ḡauna ai e hahelao negana ai.
HEB 7:28 Badina be taravatu ese manoka-manoka taudia na hahelaḡa taudia ai e halaodiava; a gwauhamata herevana, taravatu e gabelaia ḡauna, ese Natuna na hahelaḡa tauna badana ai vada e halaoa. Ia eme ḡoeva dae ela bona hanaihanai.
HEB 8:1 Ai ese vada ame gwaurai herevadia anidia bini: ita na mai eda hahelaḡa tauna badana, Herea Mikamika Diravana ena terono idibana kahana ai vada e helaimu, guba ai.
HEB 8:2 Ia na helaḡa ḡaudia bona ḡuriḡuri kalagana korikori ireḡudia tauna: una kalaga na taunimanima ese asie taruhaia, a Lohiabada ese e taruhaia.
HEB 8:3 Hahelaḡa taudia badadia iboudiai vada e duanaidia, herahia ḡaudia bona boubou ḡaudia bae boudia; taunabunai, ina hahelaḡa tauna badana danu mai ena herahia ḡauna.
HEB 8:4 Tanobada ai bema noho, ia na hahelaḡa tauna ai basinema lao; badina be hahelaḡa taudia haida nonoho, idia ese boubou ḡaudia e hahelaḡamu, taravatu heḡereḡerena.
HEB 8:5 Idia edia ḡaukara na guba ai e karamu ḡaukarana ihaheḡereḡerena bona laulauna mo. Dirava ese Mose e tamanua na heto, ḡuriḡuri kalagana baine karaia negana ai; eto, Nahuamu ba tohoa, ḡau iboudiai ba kara, ororo ai na haheitalaimu ḡaudia oromadia heḡereḡedia.
HEB 8:6 A harihari Keriso ese hereḡu dagina hereana vada e abia, dagi gunadia e hereadiamu; ina na iena herohemaino ese taravatu gunana e hereaiamu heḡereḡerena, badina be gwauhamata hereadia latadiai e hadaia dainai.
HEB 8:7 Badina be taravatu gunana bema asi kererena, iharuana bema asi badina.
HEB 8:8 A Dirava ese kereredia e gwaurai, eto, Lohiabada na e gwaumu, dina vada be maimu, Taravatu matamatana do baina karaia, Israel besena ida Bona Iuda besena ida;
HEB 8:9 Dia senedia ida na karaia taravatuna heḡereḡerena, Imadia na abi dinana ai, Aigupto tanona amo baina hakaudia lasi nato; Badina be egu taravatu asie badinaiava, Taunabunai na dadaraidiava; Lohiabada na unu e gwau tomamu.
HEB 8:10 Lohiabada ma e gwaumu: unu dina muridiai, Ina tarava baina atua, Israel besena ida; Egu haheḡani na lalodia ai baina ato, Kudoudia ai baina tore; Edia Dirava ai bainala, Idia danu besegu ai baela.
HEB 8:11 Basie hahediba heheni danu, basieto “Lohiabada ba dibaia”, Badina be kikina-badana iboudiai ese lau bae dibagu.
HEB 8:12 Badina be edia kara dikadia lalodiai baina bogadia hisi, Bona edia kara havara basina lalo tao.
HEB 8:13 Taravatu matamatana iherevalaina ai, ia ese gunana na vada e ore ḡauna ai e halaoa. Bona siahuna e ore ḡauna, ḡau gunana, vada be pukimu.
HEB 9:1 Taravatu gunana na mai ena toma-diho haheḡanidia bona mai ena dubu tanobada ai.
HEB 9:2 Badina be ḡuriḡuri kalagana e karaia, murimuri daiutuna ai be lamepa iato-kauna ḡau bona pata bona Dirava vairanai e atoa flaoana; una na gabu helaḡana e gwauraia.
HEB 9:3 Seseahu iharuana lalonai be Helaḡa Herea daiutuna ta e gwauraia hidi.
HEB 9:4 Ia lalonai pata helaḡana ta gold ai e karaia, muramura mai bonana patana bunai; bona taravatu mauana ta danu gold ai e havavaia heḡeḡe; bona maua lalonai be gold kibona auta, anina be mana; bona Aaron ena itotohi, e gara kau ḡauna; bona taravatu nadidia danu una maua lalonai.
HEB 9:5 Maua daenai hairai kerubidia ese hebogahisi teronona e hakerukeruava. To unu ḡau harihari basia herevalai hagau-hagau diba.
HEB 9:6 Unu ḡau be unu e seu toma; bena hahelaḡa taudia na murimuri daiutuna lalonai e raka vareai loulou, boubou ḡaudia e hahelaḡadia.
HEB 9:7 A laloma daiutuna be hahelaḡa tauna badana mo sibona laḡani ta lalonai nega tamona e raka vareai, rara e vareailaia, e hahelaḡaia, ia sibona dainai, bona bese taudia edia kara kerere-kerere daidiai.
HEB 9:8 Ini amo Lauma Helaḡa ese e hadibadiamu: Helaḡa Herea gabuna iraka-vareaina dalana do se hekeho, murimuri daiutuna dounu gini negana ai.
HEB 9:9 Una na hereva heḡereḡerena, ina nega ena. Herahia ḡaudia bona boubou ḡaudia vada e hahelagamu, ḡau tamona idia na asi siahudia toma-diho tauna lalona ihaḡoevana.
HEB 9:10 Badina be edia siahu badidia be ini mo; aniani gaudia, inuinu ḡaudia, digu karadia haida, tau-anina taravatudia; e hagini, taunimanima ese bae badina ela bona hahematamata negana.
HEB 9:11 A Keriso ema, vada e vara ḡaudia namodia edia hahelaḡa tauna badana. Bena ḡuriḡuri kalagana bada-hereana bona namo-hereana amo e raka hanai, dia taunimamima imadia e karaia ḡauna bona dia ina tanobada gauna.
HEB 9:12 E raka hanai, Helaḡa Herea gabuna ai e raka vareai vaitani, nega tamona mo; dia nani bona boromakau natudia raradia a ia sibona rarana e vareailaia, hahemauri hanaihanai e havaraia.
HEB 9:13 Badina be nani raradia bona boromakau maruanedia raradia bona boromakau natudia lahi ese e ḡole oho kahudia amo na dika taudia bema ḡiḡidia tao, bena tau-anidia bema ḡoevaḡoeva;
HEB 9:14 o Keriso rarana, Noho-hanaihanai Laumana dainai sibona Dirava e henia tauna rarana, asi bebeka-bebekana tauna rarana, siahuna basinema herea a, umui lalomui mase karadia amo bema haḡoeva, bona Mauri Diravana ena hesiai taudia ai bema halaomui ani?
HEB 9:15 Taunabunai, ia na taravatu matamatana ena herohemaino tauna; taravatu gunana vada e tataia utu taudia na mase ta ai e hamauridiamu, bona e boiridia taudia na mia-hanaihanai ahudia e henidiamu, ena gwauhamata heḡereḡerena.
HEB 9:16 Badina be tau ta dihina ese ahudia basie abi ela bona una tau baine mase momokani;
HEB 9:17 ena kohu iharidia herevadia na mai siahudia ena mase dainai, a ena mauri negana ai idia na asi siahudia.
HEB 9:18 Unuhetomana, taravatu gunana danu rara ese e hamomokania.
HEB 9:19 Badina be Mose ese taravatu ena haheḡani iboudiai na bese taudia iboudiai e herevalai henidiava; bena boromakau natudia raradia bona nani raradia bona ranu e abi, mamoe huina kakakakana bona husopo danu e abi, bena buka bona bese taudia iboudiai e nevarilaidia,
HEB 9:20 eto “Ina na Dirava ese vada e haḡanilaimui taravatuna rarana”.
HEB 9:21 Unuhetomana danu ia ese ḡuriḡuri kalagana bona helaḡa ḡaudia iboudiai rara ai e nevaridia.
HEB 9:22 Oibe; taravatu henuna ḡaudia momo herea rara ese e haḡoevadiamu; bona rara basinema hebubu, dika igwau-taodia bema lasi.
HEB 9:23 Benaini, guba ḡaudia ihaheḡereḡeredia ḡaudia na ini helaḡa karadia amo e haḡoeva, a guba ḡaudia korikori na boubou namodia amo bae haḡoeva.
HEB 9:24 Badina be Keriso vada e raka vareai dubuna na dia taunimanima imadia amo e karaia ḡauna dubu korikorina ihaheḡereḡerena, a guba ai vada e raka vareai, Dirava vairanai e hedinaraimu ita daidai.
HEB 9:25 Bona ia na se raka vareai sibona boubou ḡauna ai bainela loulou, hahelaḡa tauna badana na heto, ia ese laḡani ta ta amo Helaḡa Herea gabuna lalonai e raka vareai, rara e vareailaia, to dia ia rarana.
HEB 9:26 Unu bema heto, Keriso na nega diaḡau bema hisihisi, tanobada matamana ema bona harihari. A ia be nega tamona, ina nega dokona ai, vada eme hedinarai, sibona boubou ḡauna ai vada ela, dika iabiohona.
HEB 9:27 Taunimanima edia mase na tamona, murinai hahemaoro bae abia;
HEB 9:28 unuhetomana Keriso danu nega tamona boubou ḡauna ai vada e halaoa, hutuma edia kara dika ihuadia. Ma baine hedinarai lou, dia kara dika ihamaoromaorona totona, a mai helarodia ida e nariamu taudia ihamauridia.
HEB 10:1 Taravatu na ḡau namodia bae vara laulaudia mo, dia ḡau korikoridia. Idia ese hari boubou ḡaudia laḡani laḡani e hahelaḡamu. To taravatu na asi goadana ia ese e raka kahi maimu taudia baine hanamodia ḡuḡuru.
HEB 10:2 Bema mai goadana, boubou ḡaudia ihahelaḡadia na bema doko, ani? Badina be toma-diho taudia bema ḡoeva vaitani, idia na kara dika basiema lalo lou.
HEB 10:3 A unu boubou lalodiai idia ese laḡani ta ta amo edia kara dika e helalolai loulou.
HEB 10:4 Badina be boromakau mamaruanedia raradia bona nani raradia ese kara dika basie abi oho diba.
HEB 10:5 Taunabunai, Keriso na tanobada ema, eto, Helaḡa karadia bona boubou ḡaudia so uramu, A tau-anina ta vada o abia heḡaeḡae lauegu;
HEB 10:6 Lahi ese e gole oho ḡaudia bona kara dika iabi-ohodia ḡaudia so moalelaimu.
HEB 10:7 Bena nato “Lau o ina, Taravatu bukana ai e torelaigu heḡereḡerena Dirava e, emu ura ikarana totona nama”.
HEB 10:8 Ena hereva gini-gunana eto, Helaḡa karadia bona boubou ḡaudia bona lahi ese e ḡole oho ḡaudia bona kara dika iabi-ohodia ḡaudia so uramu bona so moalelaimu. Ḡau tamona idia ese taravatu heḡereḡerena ai vada e hahelaḡamu.
HEB 10:9 Ma eto, Lau o ina, emu ura ikarana nama. Gini-gunana e abia ohomu, iharuana baine haginia helaoreana.
HEB 10:10 Una ura ese vada e hahelaḡada, Iesu Keriso tau-anina nega tamona mo boubou ḡauna ai vada e halaoa dainai.
HEB 10:11 Hahelaḡa taudia iboudiai dina ta ta amo e ginimu, helaḡa karadia e karamu, boubou ḡaudia tamodia e hahelaḡa louloumu. Ḡau tamona, unu helaḡa ḡaudia ese kara dika basie abi oho diba.
HEB 10:12 A Keriso ese boubou ḡauna tamona vada e hahelaḡaia, kara dika iabi-ohodia; bena Dirava idibana kahana ai vada e helai diho.
HEB 10:13 Una negana ema vada e henarimu, ela bona ia inaina na aena ihadaidia ḡaudia ai baine halaodia.
HEB 10:14 Badina be boubou ḡauna tamona amo ia ese e hahelaḡadiamu taudia na vada e haḡoevadia ḡuḡuru ela hanaihanai.
HEB 10:15 Lauma Helaḡa danu vada e hadibalaida; badina be ia eto,
HEB 10:16 Lohiabada na e gwaumu: Unu dina muridiai, Ina tarava idia ida baina atua; Egu haheḡani na kudoudia ai baina ato, Lalodia ai baina tore.
HEB 10:17 Ma eto, Edia kara dika bona edia kara havara basina lalo tao.
HEB 10:18 A unu kara bae gwaudia tao, kara dika iabi-ohodia ḡaudia bae hahelaḡa na asi badina.
HEB 10:19 Taunabunai, varavaragu e, asi eda daradara Helaḡa Herea gabuna lalonai baita raka vareai, Iesu rarana dainai.
HEB 10:20 Ia ese dala matamatana, mauri dalana, vada e kehoa ita eda; seseahu e hanaiamu, ia tau-anina bunai.
HEB 10:21 Ita na mai eda hahelaḡa tauna badana, Dirava ena ruma ita-taona.
HEB 10:22 Taunabunai, baita raka kahira mai laloda momokanidia ida bona mai kamonai lava-daena ida. Laloda na vada eme nevari; lalo-hadai dikadia vada eme heabi oho, tau-anida danu ranu negari-negari ai vada eme hehuri ḡoevaḡoeva.
HEB 10:23 Eda helaro herevadia baita kahu tarika-tarika, basita raivaraiva, badina be e gwaurai hamata tauna ena gwauhamata na momokani.
HEB 10:24 Baita helalolai heheni, bena baita hahealo heheni, Ialokau bona kara namodia baita havara.
HEB 10:25 Eda hegogo karadia danu basita nege, haida ese e nege heḡereḡerena, a baita hahealo heheni; oibe, ina kara baita habadaia, badina be, o itaiamu, dina badana eme kahikahi.
HEB 10:26 Badina be hereva momokani vada ta diba vaitani murinai ma baita kara havara, boubou ḡauna ta dia mia eda kara dika iabi-ohodia;
HEB 10:27 a hahemaoro inarina mo mia, mai gari-badana ida, bona lahi danu mia, Dirava inaina baine aradia ore.
HEB 10:28 Tau ta ese Mose ena taravatu e tataia utumu, bena dibadia taudia rarua eiava tatoi ese e gwauraia hedinaraimu, una tau na baine mase, basie bogaia hisi.
HEB 10:29 Ede o laloa tomamu? Dirava Natuna vada e moia tao; bona herohemaino rarana, e hahelaḡaia ḡauna, na asi ena helaḡa ḡauna ai vada e halaoa; bona Harihari-bada Laumana vada e taoa tari tauna, na davana ede baine bada toma?
HEB 10:30 Badina be ita dibada daika eto “Dava ikarana be lau; lau ese dava baina heni”. Ma eto “Lohiabada ese ena bese taudia baine hahemaoro henidia”.
HEB 10:31 Mauri Diravana imana ese baine butuda tao na mai garina.
HEB 10:32 Nega gunadia ba helalolai: Ialomui e diariva murinai hisihisi momo ese e butumui taova, a o haheaukava.
HEB 10:33 Nega haida e lodu henimui bona e daḡedaḡe henimui; ma nega haida unu e karadia toma taudia na o bamodia.
HEB 10:34 Badina be e ḡuidia taudia o bogadia hisi, bona emui kohu e dadi negadia ai edia kara o abi dae mai moalemui ida; badina be dibamui emui kohu namo-hereana na mia hanaihanai.
HEB 10:35 Taunabunai, emui boga auka basio negea; ia davana baine bada.
HEB 10:36 Badina be emui haheauka badina binai: Dirava ena ura ba karaia ḡuḡuru, bena gwauhamata anina do bavabia.
HEB 10:37 Badina be asi vanahana Bainema tauna do bainema, basine halahe;
HEB 10:38 A kara maoromaoro tauna na ena kamonai dainai do baine mauri; To baine raka kerehai tauna na laumagu ese basine moalelaia.
HEB 10:39 A ita na dia raka-kerehai tauda, dia boio tauda; ita na kamonai tauda, laumada na do bae mauri.
HEB 11:1 Abidadama na ta laromu ḡaudia ihamomokanidia; bona abidadama dainai, asita daradaramu asita itadia ḡaudia ediai.
HEB 11:2 Badina be edia abidadama daulai Dirava ese sene taudia e hanamodiava.
HEB 11:3 Abidadama dainai ita dibada Dirava ena hereva ese tanobada e karaia, bena ta itamu ḡaudia be asita itamu ḡaudia amo vada e vara.
HEB 11:4 Abidadama dainai, Abel ese boubou ḡauna namona e hahelaḡaia, Kain ena e hereaia; bena Dirava ese ena herahia ḡauna e abia dae bona kara maoromaoro tauna e gwauraia. E mase, to ena abidadama dainai ia na doini e herevamu.
HEB 11:5 Abidadama dainai, Enok na tanobada amo e heabi oho, mase asi dibana; asie davaria, badina be Dirava ese e abia oho. A do se heabi oho negana ai vada e gwauraia, Dirava ihamoalena tauna.
HEB 11:6 A asi ena abidadama tauna na Dirava ihamoalena asi dibana. Badina be Dirava iraka-heni-kahina e uramu tauna ese baine abia dae guna Dirava na e maurimu, bona ia e tahuamu taudia davadia namodia baine henidia.
HEB 11:7 Abidadama dainai Noa ese do se ita ḡaudia Dirava ese e sisibalai henia guna, bena Noa ese Dirava e kamonai henia, lagatoi auta e karaia. ena ruma taudia ihamauridia helaoreana. Unu amo ia ese tanobada e hahemaoro henia, bona abidadama amo e varamu kara maoromaorona na ia ahuna korikori ai e halaoa.
HEB 11:8 Abidadama dainai, Abraham ese boiboi e hakala henia, e boiria ena hanua baine rakatania, gabu ta bainela, baine abia ia ahuna, negana ai. Bena e raka lasi; ede bainela na asi dibana.
HEB 11:9 Abidadama dainai gwauhamata tanona ai e noho hedoa-hedoava, Isaak bona Iakob ida kalaga ai e nohova; idia raruosi danu ia ida gwauhamata dihina taudia.
HEB 11:10 Badina be baine gini tutuka-tutuka hanuana na ia ese e tahuava: iseuna bona ikarana na Dirava.
HEB 11:11 Abidadama dainai Sara, ena be hane badana, to goada e davaria baine rogorogo; badina be e gwau henia hamata Diravana na ia ese e abidadama henia.
HEB 11:12 Taunabunai tau ta, mase tauna na heto, ena amo bese badana vada e vara; una bese taudia na guba hisiudia heḡereḡeredia eiava kone rariana na heto, diaḡau duahi-duahi.
HEB 11:13 Idia iboudiai abidadama ai e mase; gwauhamata anina asie abia, a dauha amo e itaia bona e abia dae; sibodia danu e hegwaurai, idia na idau taudia bona noho-hedoahedoa taudia ina tanobada ai.
HEB 11:14 Unu e hereva tomamu taudia na edia hereva anina eme hedinarai: idia ese edia tano korikori e tahuamu.
HEB 11:15 Badina be e rakatania tanona bema laloa, reana edia lou dalana bema davaria.
HEB 11:16 To idia ese tano namo-hereana e hekisehekise heniamu; ia na guba ai. Taunabunai, Dirava na se hemaraimu edia Dirava bae gwauraia; badina be hanua ta ia ese vada e abia heḡaeḡae idia edia.
HEB 11:17 Abidadama dainai, hedibaḡani negana ai, Abraham ese Isaak e abia, boubou ḡauna ai e halaoa. Oibe, hari gwauhamata e abia daeva tauna ese natuna vara-edeana na boubou ḡauna ai baine halaoa eto.
HEB 11:18 Merona bunai vada e herevalaia, eto, Isaak ena amo oi garamu do bae vara.
HEB 11:19 Badina be ia na e haeroa, Dirava na mai siahuna mase amo baine hatorea isi eto. Bena e abia lou, mase amo bema abia lou na heto.
HEB 11:20 Abidadama dainai Isaak ese Iakob bona Esau e hanamodia, gabeai bae vara ḡaudia e gwaurai.
HEB 11:21 Abidadama dainai, Iakob ena mase vada e kahira-kahira, bena ia ese Iosef natuna raruosi e hanamodia; e loma diho danu, ena itotohi kwarana ai e goru kau.
HEB 11:22 Abidadama dainai Iosef danu, ena mauri dokona ai, Israel besena edia raka lasi e gwauraia guna, bona ia turiana e hahedualai.
HEB 11:23 Abidadama dainai, Mose e vara negana ai na tamana sinana ese hua toi e huniava, badina be e itaiava ia na raho-namo merona; hanua pavapavana ena haheḡani danu garina asie gariva.
HEB 11:24 Abidadama dainai Mose, tauna e lo ai, Farao natuna hahinena dihina bae gwauraia na e dadaraia;
HEB 11:25 ia na Dirava ena bese taudia ida bae dika bou e ura bada, kara dika moaledia, asie mia daudau ḡaudia, e ura maraḡi.
HEB 11:26 Ia na e haeroa, Keriso dainai bae lodu henia na ḡau badana, Aigupto taudia edia taḡa e hereaia eto; badina be davana mo e haḡerea.
HEB 11:27 Abidadama dainai, ia ese Aigupto e rakatania, hanua pavapavana ena badu garina se gariva; badina be ia na e haheauka, asita itaiamu Diravana vada e itaia na heto.
HEB 11:28 Abidadama dainai ia ese Lagau Hanai karana e badinaia, rara danu e nevari, ala-ala aneruna ese memero roboadia basine aladia mase helaoreana.
HEB 11:29 Abidadama dainai, eda bese taudia ese Davara Kakakakana e rakaia hanai, tano kaukauna ai bema raka na heto; a Aigupto taudia na unu bae kara toma eto negana ai e dono mamase.
HEB 11:30 Abidadama dainai, Ieriko maḡuna na dina hitu e rakaia heḡeḡe, bena e keto.
HEB 11:31 Abidadama dainai, Rahaba, mata-bodaga hahinena, na gwau-edeede taudia ida se mase, hasinadoa taudia maino ai e abidia dae dainai.
HEB 11:32 Ma dahaka aina gwauraia? Badina be asi egu nega Gideon bona Barak bona Samson bona Iefeta bona David bona Samuel bona peroveta taudia baina herevalaidia.
HEB 11:33 Idia ese abidadama dainai tanobada basileiadia e hadarerediava; kara maoromaoro e karava; gwauhamata e abiva; leona ududia e kouva;
HEB 11:34 Iahi siahuna e habodoava; dare matana amo e roho mauriva; manoka-manoka e negeava, goada e abiava; tuari ai e kwalimuva, inai taudia edia tuari oreadia e hahavadia.
HEB 11:35 Hahine ese danu edia mase taudia e davaridia lou, e tore isi lou dainai. Haida na e dadabadia maseva; a mauri e dadaraia, tore-isi-lou namo-hereana bae abia helaoreana.
HEB 11:36 Ma haida e ḡonaḡonalaidiava, e kwadidiava, e ḡuidiava, dibura rumadia ai e koudiava.
HEB 11:37 Nadi ai e hododia maseva, e iridia utuva, dare ai e aladia maseva. Mamoe kopidia bona nani kopidia e riova, e loava; e ogoḡamiva; e hisihisiva; taunimanima ese e hadikadiava.
HEB 11:38 Tanobada na asi ena namo, idia na latanai bae noho. Tano ḡaḡaedia ai bona ororo ai e loava; kohua ai bona guri ai e nohova.
HEB 11:39 Ini iboudiai, ena be edia abidadama ese vada e hamomokanidia, to gwauhamata anidia asie abiva;
HEB 11:40 badina be Dirava ese ḡau namo-hereana vada e seua, idia sibodia ese basie abia, a idia ita ida ese baita abia hebou, baine hanamoda ḡuḡuru.
HEB 12:1 Taunabunai, herarai taudia hutuma bada ese e ḡeḡeda ahumu dainai, e hametaudamu ḡaudia idoidiai bona e kahuda taomu karadia dikadia baita ato tabe, bena heau-helulu vairadai e hure na baita heau mai haheaukada ida.
HEB 12:2 Iesu baita raraia tao; ia ese eda abidadama e havaraiamu bona e haḡuḡuruamu; ia danu vairanai e hure moalena dainai satauro e haheaukalaia, hemaraina se laloa, bena Dirava ena terono idibana kahana ai vada e helaimu.
HEB 12:3 Kara dika taudia ese e inai henia, a ia ese e haheauka henidia. Una na ba haeroa, lalomui bae hesiku na garina, laumamui bae manori na garina.
HEB 12:4 Umui na kara dika ilao-ahuna o goada-laiamu; to do asio laoa ahu ela bona raramui e hebubu.
HEB 12:5 Hahealo herevadia vada o lalo boio a, tamana ese natuna e sisiba henidiamu na heto e sisiba henimuimu, e tomu, Natugu e, Lohiabada ena mata hakani basio dadaraia E sisiba henimumu negadia ai danu lalomu basine manoka.
HEB 12:6 Badina be Lohiabada ese e ura heniamu tauna matana e hakanimu, Bona natuna ai e halaodiamu taudia iboudiai e dadabadiamu.
HEB 12:7 Benaini, mata hakani ai ba haheauka; Dirava ese e karamui natu-adora heḡereḡeredia. Badina be edena mero na tamana ese matana se hakaniamu?
HEB 12:8 Natu iboudiai matadia e hakanimu: bema oi na lasi, oi na ariara merona, dia natu-adora.
HEB 12:9 Ina danu: tamada ina tanobada ai ese matada e hakanimu, bena ta matauraidiamu; matona, laumada Tamadia na basita matauraia a, bena baita mauri?
HEB 12:10 Badina be idia ese dina dia hoho ai matadia e hakaniva, edia ura heḡereḡerena; a ia ese matada e hakanimu ita ihanamoda, ia ida baita helaḡa hebou helaoreana.
HEB 12:11 Ina harihari mata hakani na asi ena moale bona mai ena hisihisi; a gabeamo vada e hamanadadia taudia ediai huahuana do baine dobi, kara maoromaoro ena maino.
HEB 12:12 Taunabunai, imamui eme heveri ba toi roro, bona aemui eme pada ba hahedai.
HEB 12:13 Aemui edia dala maoromaorodia ba kara, bena ae-hedairike na basine heride, a baine namo.
HEB 12:14 Maino ba ḡavaia, taunimanima iboudiai ida; kara helaḡa danu, badina be basine abia tauna na Lohiabada basine itaia.
HEB 12:15 Nahuamui ba toho, ta ese Dirava ena harihari-bada baine reaia na garina; eiava ramu iditana ta baine kobo na garina, bena baine haturiamui, bona hutuma baine hadikadia;
HEB 12:16 eiava bogaragimui ai tau ta baine heuda hanai na garina; eiava Dirava basine matauraia, Esau heḡereḡerena, ia ese Dirava se matauraia a ena roboa ahuna na nau tamona e hoilaia.
HEB 12:17 Badina be umui na dibamui, ia na gabeai hahenamo iabina e urava, to vada e dadaraia; ena be mai iruru-matana ida helalo-kerehai dalana e tahua, to se davaria.
HEB 12:18 Umui vada o raka henia kahi gabuna na dia ba daua toho ḡauna, dia lahi hururu-hururuna, dia dibura bona dagadaga bona lahi badana,
HEB 12:19 dia kibi reḡena bona gado. Una gado erena e kamonai taudia e noinoi, basine hereva henidia lou eto,
HEB 12:20 badina be asi edia haheauka una hahedua bae badinaia, eto, Mauri ḡauna ta ororo ai baine kau, nadi ai ba hodoa mase.
HEB 12:21 Bona ita-itana na mai garina dainai Mose eto, Name gari, name heudeheude.
HEB 12:22 A umui vada o raka henia kahi gabuna be Siona ororona, Mauri Diravana ena hanua, guba Ierusalemana; aneru diaḡau duahi-duahi e heboumu gabuna;
HEB 12:23 hegogo badana, natu roboadia, ladadia guba ai e hetore taudia edia ekalesia e moale heboumu gabuna, taunimanima iboudiai edia Hahemaoro Diravana dekenai, kara maoromaoro ai vada e ḡoeva-dae taudia laumadia dekediai;
HEB 12:24 bona Iesu dekenai, ia na taravatu matamatana ena herohemaino tauna; bona vada e nevarilaia rarana enai, ena hahenamo ese Abel rarana ena e hereaiamu.
HEB 12:25 Nahuamui ba toho, e hereva henimuimu tauna ba dadaraia na garina. Badina be tanobada ai e sisiba henidia tauna e dadaraia taudia na asi edia roho mauri dalana; benaini, ita na guba amo e sisiba henidamu tauna baita dadaraia, ede baita roho mauri tonma?
HEB 12:26 Una negana ai ia gadona ese tanobada e haheude-heudea; a harihari eme gwau hamata, e tomu, Nega gabena ai dia tanobada mo to guba danu baina haheude-heudea.
HEB 12:27 Una hereva “nega gabena” anina binai: haine haheude-heude ḡaudia baine abi oho, e kara ḡaudia bunu; a basie heude-heude ḡaudia na do bae mia.
HEB 12:28 Taunabunai, se heude-heudemu basaeiana na tame abia dainai, Dirava baita hanamoa, bona baita toma henia diho mai hematauraida ida bona mai garida ida, ia ihamoalena.
HEB 12:29 Badina be ita eda Dirava na lahi ḡaraka-ḡaraka.
HEB 13:1 Heura-heheni na bogaragimui ai baine hesiriu.
HEB 13:2 Idau taudia iabi-daedia basio lalo boio; badina be una kara dainai haida ese aneru vada e abidia dae, a asi dibadia unu be aneru.
HEB 13:3 Dibura rumadia ai e hekoumu taudia ba lalodia, umui danu idia idla bema koumui hebou na heto. E hahisidiamu taudia danu ba lalodia, badina be umui danu mai tau-animui.
HEB 13:4 Taunimanima iboudiai es headava bae matauraia, mahuta gedana basie hadikaia; badina be Dirava ese herahe-dadi taudia bona heudahanai taudia do baine hahemaoro henidia.
HEB 13:5 Lalomui ai moni basio hekisehekise henia, a dekemui ai mimia ḡaudia na bavabi, asi karikarimui; badina be Dirava eto, Lau na basina negemu bona basina rakatanimu, lasi ona lasi vaitani.
HEB 13:6 Taunabunai, mai goadada ida baitato, Lohiabada be egu hekaha, Lau na hasina gari; Taunimanima ese ede bae hadikagu toma?
HEB 13:7 Ihakaumui taudia, Dirava ena hereva vada e hadibalaimui taudia, na ba lalodia; edia kara anina ba haeroa, bena edia abidadama ba haḡoia.
HEB 13:8 Iesu Keriso na varani bona harihari dia idau, bona basine idau ela bona hanaihanai.
HEB 13:9 Hahediba herevadia idau-idau basie hakaumui kerere; badina be ina na namo, Dirava ena harihari-bada ese laloda baine ba-auka, dia aniani ḡaudia ese; unu ḡau ese e badinava taudia asie hanamodiava.
HEB 13:10 Ita na mai eda pata helaḡana, a ḡuriḡuri kalagana ena hahelaḡa taudia na unu amo basie aniani diba.
HEB 13:11 Badina be mauri ḡaudia raradia na hahelaḡa tauna badana ese Helaḡa Herea gabuna ai e vareailaia, kara dika iabi-ohodia, a tau-anidia na taruha murimurinai e ḡole oho.
HEB 13:12 Unuhetomana Iesu danu ikoukou murimurinai e mase, ia sibona rarana amo bese taudia baine hahelaḡadia helaoreana.
HEB 13:13 Taunabunai, ita na ia dekena baitala, taruha murimurinai, ia hemaraina danu baita huaia.
HEB 13:14 Badina be iniseni ai ita na asi eda mia-hanaihanai hanuana, a mia-hanaihanai hanuana, gabeai baine hedinarai ḡauna, ta tahuamu.
HEB 13:15 Taunabunai, ia dainai daba daba idoidiai Dirava iheatolaina na eda boubou ḡauna ai baita haloa; ududa bibinadia ese ia ladana bae imodaia.
HEB 13:16 Kara namo bona kohu iharina na basio rea, badina be Dirava ese helaḡa karadia enehetomadia e moalelaimu.
HEB 13:17 Ihakaumui taudia ba kamonai henidia bona ba matauraidia. Badina be idia ese umui laumamui e gimadiamu, edia kara anidia bae gwaurai hedinarai taudia na heheto. Unu bae kara toma mai moaledia ida baine namo; a mai ḡanaḡanana ida bae karaia negana ai na emui ai anina taina basine vara.
HEB 13:18 Ba ḡuriḡuri ai emai; badina be ai a tomamu lalomai be ḡoḡoeva-ḡoḡoeva, bona a uramu ḡau idoidiai baia kara maoromaoro.
HEB 13:19 Lau na noinoi henimuimu, unu ba kara toma, bena ma baina vasi haraḡa-haraḡa.
HEB 13:20 Maino Diravana, mamoe ireḡudia tauna badana, Iesu Keriso, miahanaihanai herohemainona rarana dainai mase amo e hatorea isi lou Diravana, ese
HEB 13:21 ḡau namodia idoidiai baine hanamolaimui ḡuḡuru; bena umui ese iena ura ba kara, bona ia ese e moalelaimu ḡaudia na umui lalomui ai baine havara, Iesu Keriso dainai. Ia baita imodaia hanaihanai. Amen.
HEB 13:22 Varavaragu e, lau na noimuimu, egu hahealo herevadia bavabi dae, badina be hereva dia hoho vada name tore henimui.
HEB 13:23 Ba diba, varavarada Timoteo vada e ruhaia nege. Ia bema mai haraḡa, raruosi baiama vasi itamui.
HEB 13:24 Ihakaumui taudia iboudiai bona helaḡa taudia iboudiai ba hanamodia. Italia taudia ese e hanamomuimu.
HEB 13:25 Harihari-bada be iboumui ai emui ai baine mia. Amen.
JAM 1:1 Lau Iakobo, Dirava ena hesiai tauna bona Iesu Keriso ena danu, veve gwauta-rarua taumui, idau tano idau tano ai o noho hedoa-hedoamu, na hahenamo henimuimu.
JAM 1:2 Varavaragu e, hedibaḡani ese bae butumui tao negadia ai na lalomui baeto ene na moale mo.
JAM 1:3 Dibamui, emui abidadama itohona ese haheauka e havaraiamu.
JAM 1:4 A haheauka ese ena ḡaukara baine haḡuḡurua baine namo, bena ba ḡoeva dae bona ba namo ḡuḡuru, ḡau ta ai basio dabu.
JAM 1:5 Umui ta aonega ai bema dabu, ia ese taunimanima iboudiai e henidia dudu kaumu bona se gwaugwaumu Diravana na baine noia, bena do baine henia.
JAM 1:6 To abidadama ai baine noinoi, basine daradara; badina be daradara tauna na davara hurehurena na heto, lai ese e hohoamu bona e haginiamu.
JAM 1:7 Una tau basine laloa ḡau ta Lohiabada ena amo baine abia;
JAM 1:8 badina be lalo rua tauna na ena kara iboudiai asie gini tutuka-tutukamu.
JAM 1:9 Ekalesia tauna ogoḡamina baine moale, Dirava ese baine abia isi negana ai.
JAM 1:10 Bona taḡa tauna danu baine moale, Dirava ese baine hamorua negana ai; badina be rei huahuana na heto ia na baine lao bubuni.
JAM 1:11 Badina be dina e tata dae rohamu, e ḡaraḡaramu, rei e hamaraiamu; bena huahuana e hehuhumu, bona ita-itana namona e oremu. Taḡa tauna danu unu baine lao bubuni toma.
JAM 1:12 Hedibaḡani ai e haheaukamu tauna be namo, badina be baine kwalimu negana ai ia ese mauri ena kwara-havava ḡauna baine abia, Dirava ese vada e gwauraia hamata ḡauna, ia bae ura henia taudia ese bae abia e tomamu.
JAM 1:13 Hedibaḡani ai ta basineto “Dirava ese e dibaḡanigumu”; badina be dika na Dirava idibaḡanina asi dibana, bona Dirava ese danu tau ta se dibaḡaniamu.
JAM 1:14 A taunimanima ta sibona ena ura dikadia ese lalona e aniamu bona e koiamu.
JAM 1:15 Bena ura dikadia na e rogorogomu, kara dikadia e havaramu, bona kara dikadia na e lomu, mase e abiamu.
JAM 1:16 Varavaragu e, egu lalokau, sibomui basio hekoi;
JAM 1:17 harihari ḡaudia namodia iboudiai bona herahia ḡaudia ḡoeva-daedia iboudiai na atai amo e maimu, diari idoidiai ihavaradia Diravana ena amo e dihomu; iena diari na se idaumu bona se kerekeremu.
JAM 1:18 Sibona ena ura dainai ia ese ena hereva momokani amo e havarada, e havaradia ḡaudia anidia roboadia na heheto.
JAM 1:19 Varavaragu e, egu lalokau, ina na dibamui. A ta ta hereva ikamonaina ai baine haraḡa, hereva igwauraina ai baine halahe, badu ai danu baine halahe.
JAM 1:20 Badina be taunimanima edia badu ese Dirava ena kara maoromaoro se havaraiamu.
JAM 1:21 Taunabunai, miro idoinai bona lalohadai dikadia lalomui ai e tubumu ba nege daure; bona lalonlui ai vada e hadoa herevana, laumamui baine hamauridia diba ḡauna, bavaabia dae, mai manaumui ida.
JAM 1:22 Hereva ibadinana taumui ai baola; bema hereva ikamonaina taumui mo, una be sibomui o hekoimu.
JAM 1:23 Badina be tau ta hereva baine kamonai to basine badinaia, ia na hevarivari ai sibona vairana heida-idana e itaiamu tauna na heto;
JAM 1:24 e itaiamu, bena e raka ohomu, asi kaimana e helalo boiomu ia be edeheto.
JAM 1:25 A tau ta taravatu ḡoeva-daena, ura kwalimu taravatuna, baine itaia tao bona henunai baine noho, basine kamonai mo a karana danu baine karaia, una tau be hahenamo baine abia ena ḡaukara ai.
JAM 1:26 Tau ta lalona ai baineto ia na Dirava ibadinana tauna, to malana se dogoa taomu a sibona lalona e hekoimu, una tau ena Dirava ibadinana na asi anina.
JAM 1:27 Dirava ibadinana ḡoevaḡoevana bona asi bebeka-bebekana Tamada Dirava vairanai be iniheto: ihareha bona vabu baita igodia ita edia hisihisi ai, bona siboda baita hegima, tanobada mirona ese basine hamiroda.
JAM 2:1 Varavaragu e, eda Lohiabada Iesu Keriso, hairai Lohiana, o abiabiraiamu; benaini, taunimanima oromadia basio lalo.
JAM 2:2 Badina be tau ta emui dubu ai bema dae kau, imana kwakikwakidia vaḡivagidia na gold bona ena dabua danu hereadae, ma ogoḡami tauna ta danu ena dabua dikana ida bema dae kau,
JAM 2:3 bena dabua namodia e karamu tauna boma abia dae, boma toma “Mani ina gabu namona ai a helai”, a ogoḡami tauna boma hamaoroa, boma toma “Oi na unuseni ai a gini” eiava “Aegu badibadinai a helai”,
JAM 2:4 umui ese taunimanima basioma ha-idaudia a? Basioma hahemaoro kerere a?
JAM 2:5 Varavaragu e, egu lalokau, a kamonai. Dirava ese tanobada ai e ogoḡamimu taudia vada e abidia hidimu ani? Edia taḡa na edia abidadama; bona ahudia na vada e gwauraia hamata basileiana, e ura heniamu taudia na baine henidia e tomamu, ani?
JAM 2:6 To umui ese ogoḡami tauna vada o hahemaraia. Taḡa taudia ese e daḡedaḡe henimuimu ani? Hahemaoro gabudia ai e dabuimui vareaimu ani?
JAM 2:7 Lada namona vada e nemailaimui na idia ese e ere dika heniamu ani?
JAM 2:8 Benaini, haheḡani herea-daena ba badinaia, buka ai e torea heḡereḡerena, eto “Dekemu tauna ba lalokau henia, sibomu o helalokaumu heḡereḡerena”. Unu ba kara toma, vada ba namo.
JAM 2:9 A taunimanima oromadia ba lalo, vada ba kara dika, taravatu enai ba kerere.
JAM 2:10 Badina be taravatu idoinai e badinaiamu a kara tamona ai e hekwakwanaimu tauna ese taravatu idoinai e tataia utumu.
JAM 2:11 Badina be “Basio heuda hanai” eto tauna na ma e hereva, eto “Basio ala-ala”. Benaini, oi na basioma heuda hanai, a tau ta boma alaia, oi na taravatu boma tataia utu.
JAM 2:12 Ba hereva bona ba kara, ura kwalimu taravatuna ese baine hahemaoro henidia taudia na heheto.
JAM 2:13 Badina be asi ena hebogahisi tauna enai hahemaoro na asi ena hebogahisi. A hebogahisi ese hahemaoro e hereaiamu.
JAM 2:14 Varavaragu e, tau ta baineto ia be kamonai tauna, to asi ena kara, anina be dahaka? Kamonai ese baine hamauria diba a?
JAM 2:15 Tadikaka-ta ta eiava taihuda ta bema asi ena dabua, eiava bema hitoloa mase;
JAM 2:16 bena umui ta ese boma hamaoroa, boma toma “Mai mainomu ida aola, ba hegana, ba boga kunu”, a tau-anidia ai e dabumu ḡaudia na basioma henidia, anina be dahaka?
JAM 2:17 Unuhetomana, kamonai asi ena kara vada e mase, badina be sibona.
JAM 2:18 A tau ta baineto “Oi na mai emu kamonai, a lau be mai egu kara”. Emu kamonai asi karana ba hamaorolaigu, a lau be egu kamonai na egu kara amo baine haheitalaimu.
JAM 2:19 Oi na o abi daemu Dirava korikori be tamona. Una na namo. To lauma dikadia danu unu e abi dae tomamu, bona deradia e talamu.
JAM 2:20 Asi lalomu taumu e, asi dibamu kamonai asi ena kara na asi anina a?
JAM 2:21 Tamada Abraham ese natuna Isaak pata helaḡana ai e atoa kau negana ai, maorona e gwauraia ani, ena kara daidiai.
JAM 2:22 O itaiamu: ena kamonai bona ena kara e ḡaukara hebouva; bena ena kara ese ena kamonai e haḡuḡuruava, ani?
JAM 2:23 Bena buka ai e torea herevana vada e momokani; eto, Abraham ese Dirava e abiabiraia, bena kara maoromaoro tauna e gwauraiava. Bena e gwauraia, Dirava turana.
JAM 2:24 Benaini, kara daidiai taunimanima be maorodia bae gwauraidia, dia kamonai mo dainai.
JAM 2:25 Unuhetomana danu, Rahaba, ariara hahinena, na ena kara daidiai maorona e gwauraia ani; badina be ia ese hasinadoa taudia e abidia dae, bona idau dala amo e siaidia lao.
JAM 2:26 Badina be tau-anina asi laumana be vada e mase; unuhetomana kamonai asi ena kara be vada e mase.
JAM 3:1 Varavaragu e, umui hutuma hahediba ai basiola, badina be ai hahediba taumai ihahemaoro-henimai baine auka.
JAM 3:2 Badina be ita iboudai ta hekwakwanai louloumu; tau ta ena hereva ai se hekwakwanaimu, ia na ḡoeva-dae tauna, tau-anina ireḡuna na mai dibana.
JAM 3:3 Hosi ududia ai idogotaodia auridia ta atomu, bae kamonai henida helaoreana; bena taudia idoidiai ta hatatadia kerehaimu.
JAM 3:4 Lagatoi danu ba ita, idia na babada, bona lai badadia ese e odamu, to tari maraḡi-maraḡina ese e tarimu, tari tauna ena ura gabuna baela.
JAM 3:5 Unuhetomana, mala be ḡau maragina, to e heaḡi badamu. Lahi danu ba haeroa, ia na maraḡi to uda badana e araiamu.
JAM 3:6 Benaini, mala be lahi. Ia na kara dika idoinai e haboumu, tauda reḡedia bogaragidiai, bena tau-anida idoidiai e hadikamu. Ia na mauri idoinai iaralaina; ena lahi danu Gehena amo e abiamu.
JAM 3:7 Badina be mauri ḡaudia iboudiai, e rakamu ḡaudia bona e rohomu ḡaudia bona e raumu ḡaudia bona davara gaudia, taunimanima na ihamanadadia mai dibadia, bona vada e hamanadadia.
JAM 3:8 A mala ihamanadana na tau ta asi dibana; e raivaraivamu mai dikana ida, mase muramurana amo e honumu.
JAM 3:9 Iena amo Lohiabada, ita Tamada, ta hanamoamu; iena amo danu Dirava heida-idaua ai e karadiamu taudia ta uduguiraidiamu.
JAM 3:10 Udu tamona amo hahenamo bona heuduguirai e lasimu. Varavaragu e, una na dia namo.
JAM 3:11 Guri tamona amo ranu gaihona bona ranu iditana e lohi lohi daemu a?
JAM 3:12 Varavaragu e, suke auna ai olive huahuadia bae dobi a? Eiava vine auna ai suke huahuadia bae dobi a? Tadi danu ranu gaihona se havaraiamu.
JAM 3:13 Daika na bogaragimui ai e aonegamu bona lalona e pararamu? Ia ese ena mauri namona na ena kara ai baine hahedinaraia, aonega korikori manauna ai.
JAM 3:14 A vaḡeḡe dikadia bona heiri-heiri na lalomui ai bema mia, basioma heaḡi bona hereva momokani basioma hagagevaia.
JAM 3:15 Una na dia atai amo e maimu aonegana, a tanobada ḡauna, tau-anina ena, lauma dikadia edia.
JAM 3:16 Badina be vaḡeḡe bona heiri-heiri e miamu gabuna ai, heloḡo-heloḡo bona kara dika idoinai e miamu.
JAM 3:17 A atai amo e maimu aonegana toana gini-gunana be ḡoevaḡoeva, murinai maino, gado-namo, lalomanada. Ia na hebogahisi bona huahua namodia amo e honumu. Ia na asi ena daradara bona asi ena dibaka.
JAM 3:18 Kara maoromaoro anina be maino ai e hadoamu, herohemaino taudia ediai.
JAM 4:1 Tuari bona heatu bogaragimui ai be ede amo e varamu? Ini amo e varamu: emui ura dikadia na taumui reḡedia ai e tuarimu, ani?
JAM 4:2 O ura lalo-dikamu, to asio abimu, bena o ala-alamu. O hekise-hekisemu, to asio davarimu, bena o heatumu bona o tuarimu. Asio abimu, badina be asio noinoimu.
JAM 4:3 Eiava o noinoimu, to asio abimu, badina be o noinoi kereremu; emui lalo-hadai be bavabi ḡaudia na emui ura dikadia ai ba petapetalai.
JAM 4:4 Heuda-hanai taumui e! Heuda-hanai hahinemui e! Asi dibamui tanobada iura-henina na Dirava i'inai-henina a? Taunabunai, tanobada e hetura heniamu tauna na Dirava inaina.
JAM 4:5 Eiava lalomui ai o tomamu revareva helaḡana na e gwau kavamu a? E tomamu, Laloda ai e hanohoa laumana ese e ura henida lalo-dikamu.
JAM 4:6 A ia ese ena harihari-bada e heni louloumu. Una dainai ma e tomamu, Dirava ese hekokoroku taudia e laodia ahumu, a manau taudia na e harihari henidiamu.
JAM 4:7 Taunabunai, Dirava isiaina ba lao heni. Diabolo ba ginia ahu, bena ia ese baine heautanimui.
JAM 4:8 Dirava ba raka henia kahi, bena ia ese danu baine raka henimui kahi. Kara dika taumui e, imamui ba huri. Lalo rua taumui e, lalomui ba haḡoevadia.
JAM 4:9 Ba dara doko, ba lalo hisihisi, ba taitai. Emui kiri na lalo-hisihisi ai bainela; emui moale na dara-doko ai bainela.
JAM 4:10 Lohiabada vairanai ba hahemanau, bena ia ese baine abimui dae.
JAM 4:11 Varavaragu e, basio ere dika heheni. Tau ta ese varavarana e ere dika heniamu eiava e hahemaoro heniamu, ia ese taravatu danu e ere dika heniamu bona e hahemaoro heniamu. A oi ese taravatu ba hahemaoro henia, oi na dia taravatu ibadinana tauna, a hahemaaro tauna.
JAM 4:12 Tarava iatuna tauna bona hahemaoro tauna be tamona mo: ia na mai siahuna baine hahemauri bona baine hahemase. A oi be daika, dekemu tauna na o hahemaoro heniamu?
JAM 4:13 Umui haida o gwaumu “Hari dina eiava kerukeru una hanua baitala, unuseni ai laḡani ta baita noho, baita hoihoi, eda moni baita habou”.
JAM 4:14 A asi dibamui kerukeru dahaka baine vara. Badina be emui mauri be dahaka? Ranu varahuna mo, nega sisina mo e hedinaraimu, ma e boiomu.
JAM 4:15 Matona, boma toma “Lohiabada baine ura, ita na baita mauri, ini unu baita kara toma”.
JAM 4:16 A harihari emui hekokoroku o heaḡi-laiamu; heaḡi unuhetomana idoinai be dika.
JAM 4:17 Taunabunai, kara namo ikarana mai dibana to se karaiamu tauna na kara dika tauna.
JAM 5:1 Taḡa taumui e, a taitai, a tai lolo-lolo, dara-doko emui ai be kaumu dainai.
JAM 5:2 Emui kohu na vada e houka-houkamu, bona emui dabua na pitopito ese vada e animu.
JAM 5:3 Emui gold bona emui silver vada e hogohogomu; edia hogohogo ese baine hahemaoro henimui, hidiomui baine ani, lahi na heto. Emui kohu vada o haboumu, dina gabedia ḡaudia.
JAM 5:4 A kamonai: emui uma anidia e utu taudia davadia o abihaidia na e lolomu; bona iutudia taudia edia taitai na Iehova Sabaota taiana ai vada e vareai.
JAM 5:5 Umui na tanobada ai o mauri nohomu mai namomui ida, bona o kara lebulebumu; bona bogamui vada e kunumu ala-ala dinana ai.
JAM 5:6 Kara maoromaoro tauna vada o revaia, bena vada o alaia mase; ia ese se laomui ahu.
JAM 5:7 Taunabunai, varavaragu e, ba haheauka, ela bona Lohiabada na baine gini dae. A laloa: biru tauna ese ena biru anina e nariamu mai haheaukana ida, ela hona medu gunana bona medu gabena bae hapariparia.
JAM 5:8 Umui danu ba haheauka; lalomui na bae goada balaheni, badina be Lohiabada maina be kahira-kahira.
JAM 5:9 Varavaragu e, basio hemaumau heheni, hahemaoro tauna ese baine hahemaoro henimui na garina; a itaia, ia na iduara vairanai vada e ginimu.
JAM 5:10 Varavaragu e, peroveta taudia, Lohiabada ladana ai e herevava taudia, edia hisi-ani bona edia haheauka ba haḡoidia.
JAM 5:11 Ta tomamu haheauka taudia na nanamo, ani? Iobu ena haheauka harina vada o kamonai, bona Lohiabada ena kara vada o itaia, ena hegbogahisi bona ena hariharibada vada e bada herea.
JAM 5:12 A varavaragu e, herea-daena binai: hereva metaudia amo basio gwau hamata; guba eiava tanobada eiava idau ḡau ta ladana ai basio gwau hamata; guba eoiaba tanpobada eioava idau ḡau ta ladana ai basio gwau hamata. A emui “oibe” baine oibe, bona emui “lasi” baine lasi, baine hahemaoro henimui na garina.
JAM 5:13 Bogaragimui ai ta hisi e animu a? Baine ḡuriḡuri. Ta e moalemu a? Ane baine abi.
JAM 5:14 Bogaragimui ai ta e gorereamu a? Ekalesia ita-taona taudia baine boiridia, bena idia ese ia dainai bae ḡuriguri, bona dehoro bae horolaia, Lohiabada ladana ai.
JAM 5:15 Bena abidadama ḡuriḡurina dainai gorere tauna do baine mauri; Lohiabada ese baine hatorea isi, bona ena kara dika baine gwau tao.
JAM 5:16 Taunabunai, emui kara dika ba hahedinarai heheni, bona ta ta bamomui daidiai ba ḡuriḡuri; bena ba mauri. Kara maoromaoro tauna ena ḡuriḡuri ese anina e havaraiamu mai siahuna Ida.
JAM 5:17 Elia na taunimanima mo, ila bamoda; to ia na e ḡuriḡuri goadagoadava medu basine diho, bena medu na tanobada latanai se dihova, laḡani toi hua tauratoi lalodiai.
JAM 5:18 Ma e ḡuriḡuri louva, bena medu na guba amo e dihova, bona tano ese anina e havaraiava.
JAM 5:19 Varavaragu e, ta umui bogaragimui ai hereva momokani dalana amo baine raka siri, bena ta ese baine haloua,
JAM 5:20 ba diba ḡoevaḡoeva, kara dika tauna ena dala kererekererena amo baine haloua tauna ese laumana na mase amo baine harohoa mauri bona kara dika momo danu baine tahuni.
1PE 1:1 Lau Petro, Iesu Keriso ena aposetolo taugu, ese e abimui hidi taumui, Ponto ai bona Galatia ai bona Kapadokia ai bona Asia ai bona Bitunia ai o noho hedoa-hedoamu, na tore henimuimu.
1PE 1:2 Ita Tamada Dirava ese e abimui hidi guna, bena Lauma Helaḡa ese e hahelaḡamui, Iesu Keriso ba kamonai henia bena ia rarana ese baine nevarimui helaoreana. Hariharibada bona maino emui ai bae bada.
1PE 1:3 Dirava, iseda Lohiabada Iesu Keriso Tamana, aita imodaia. Iena hebogahisi na bada herea dainai, ia ese vada e havarada lou, mauri helarona ai, Iesu Keriso mase amo e tore isi lou dainai.
1PE 1:4 Ahumui do bavabia, baine mia hanaihanai, asi bebeka-bebekana, basine marai, guba ai vada e atoa heḡaeḡae umui emui.
1PE 1:5 Abidadama dainai Dirava ena siahu ese e gimamuimu, ela bona vada e seua hahemaurina, nega gabena ai baine hedinarai ḡauna, bavabia.
1PE 1:6 Una dainai, ena be ina nega sina ai hedibaḡani momodaidiai daramui e dokomu, to ba moale.
1PE 1:7 Emui abidadama e tohoamu, gold lahi ai e tohoamu na heto. Ena namo ese gold ena namo e hereaiamu; ia na ihanamolaimui bona iheatolaimui bona imatauraimui ḡauna ai bainela, Iesu Keriso baine hedinarai dinana ai.
1PE 1:8 Ena be nega ta asio itaia, to o ura heniamu; ena be asio itaiamu, to o abidadama heniamu bona o moalelaiamu; emui moale na asi igwauraina dalana, o moale hisi daemu.
1PE 1:9 Emui abidadama huahuana do bavabia, laumamui ihamauridia benai.
1PE 1:10 Peroveta taudia, Dirava ena harihari-bada emui ai baine kau e gwauraia guna taudia, ese hari hahemauri e henanadailaia bona e tahua malaka-malaka.
1PE 1:11 Keriso ena lauma lalodia ai e nohova; Keriso baine ani hisidia bona murinai baine abi hairaidia e hadibalaidiava; bena idia ese negana bona toana e tahuva.
1PE 1:12 E hadibadia danu, unu ḡau e ḡaukaralaidia na dia idia edia, to umui emui; bona harihari sivarai namo e harorolai henimui taudia ese vada e gwaurai, Lauma Helaḡa guba amo vada e siaia diho dainai. Unu ḡau aneru ese itana urana e uramu e tomamu.
1PE 1:13 Lalomui ba haḡoeva, ba haheauka. Iesu Keriso baine hedinarai negana ai emui ai baine kau hariharina ba laroa mai lalomui idoidiai.
1PE 1:14 Kamonai memeromui ai baola. O diburava negadia ai o ḡahusiva ḡaudia na basio haḡoidia;
1PE 1:15 a e boirimui Tauna vada e helaḡa heḡereḡerena, umui danu ba helaḡa, emui kara idoidiai lalodiai.
1PE 1:16 Badina be vada e torea, Umui na ba helaḡa, badina be lau name helaḡa.
1PE 1:17 Taunimanima e hahemaoro henidiamu negadia ai na oromadia se lalomu, a ta ta ena ḡaukara ena ḡaukara daidiai e hahemaoro henidiamu, Diravana o hahaneamu, Tamamui o gwauraiamu; benaini, ina emui noho-hedoa negana ai ba noho mai garimui ida.
1PE 1:18 Bona ba diba, senemui edia kara asi anidia amo e hamaurimui davana na dia baine pata ḡauna ta, dia silver, dia gold,
1PE 1:19 a rara herea-daena, mamoe natuna asi bebeka-bebekana bona asi toutouna rarana na heto, Keriso rarana benai.
1PE 1:20 Tanobada do se havaraia negana ai e abia heḡaeḡae, a ini dina gabedia ai vada eme hedinarai, umui daimui ai.
1PE 1:21 Ia bagunai Dirava o abidadama heniamu; Dirava ese mase amo e hatorea isi bona hairaina e henia; taunabunai emui abidadama bona emui helaro na Dirava enai mimia.
1PE 1:22 Hereva momokani vada o kamonai dainai laumamui vada o haḡoevadia bona varavarada o lalokau henidia momokanimu; benaini, ba heura heheni mai lalomui idoidiai.
1PE 1:23 Vada o vara matamata, dia baine pata ḡauna ena amo, a Mauri bona Noho-hanaihanai Diravana ena hereva dainai.
1PE 1:24 Badina be Taunimanima iboudiai na rei na heto, Idia hairaidia na rei huahuadia na heheto; Rei e maraimu, bona huahuana e hehuhumu,
1PE 1:25 A Lohiabada ena hereva do baine hesiriu hanaihanai. Sivarai namo vada e harorolai henimui herevana benai.
1PE 2:1 Taunabunai, lalo-hadai dikadia iboudiai bona koikoi iboudiai bona dibaka karadia bona ere dikadia iboudiai ba nege daure.
1PE 2:2 Lauma ena rata ḡoevaḡoevana ba ura henia, memero karukarudia na heheto; unu amo ba bada oho bada oho, ela bona hahemauri bavabia.
1PE 2:3 Badina be Lohiabada ena harihari-bada vada o mamia toho.
1PE 2:4 Ia dekena aoma; ia na nadi maurina, taunimanima ese e dadaraia, a Dirava ese vada e abia hidi, davana bada nadina ai vada e hataoa.
1PE 2:5 Umui danu bae larebamui dae, mauri nadidia na heheto, lauma ena dubu ai baola, hahelaḡa taumui ai baola, lauma ena boubou ḡaudia ba hahelaḡa, Iesu Keriso dainai Dirava ese baine abi dae ḡaudia.
1PE 2:6 Badina be buka ai ini e torea toma, A itaia, daiguni nadina namo-hereana vada na abia hidi, Siona ai vada na atoa. Baine abidadama henia tauna na basine hemarai.
1PE 2:7 Taunabunai, o abiabiraiamu taumui emui ai ia na herea dae; a gwau-edeede taudia ediai, Ruma ilarebana taudia ese e dadaraia nadina na Daiguni nadina ai vada ela;
1PE 2:8 bona Hekwakwanai nadina, hetutuhi papapapana. Edia gwau-edeede dainai hereva ai e hekwakwanaimu; ahudia korikori bunai.
1PE 2:9 A umui na e abia hidi besena, hahelaḡa taudia herea-daedia, hanua helaḡana, Dirava ena orea. E abimui hidi, dibura amo e boirimui bona ena diari herea-daena ai e hakaumui lasi tauna ena kara namodia ba gwaurai hedinarai helaoreana.
1PE 2:10 Gunaguna umui na asi besemui, a harihari umui na Dirava ena bese. Gunaguna ta ese se bogamui hisi, a harihari hebogahisi vada o davaria.
1PE 2:11 Egu lalokau taumui e, na noimuimu, umui na noho-hedoa taumui bona laolao taumui na heheto dainai, tau-anina ena heḡahusi karadia basio kara; idia ese lauma e tuari heniamu.
1PE 2:12 A bese idau-idau taudia vairadiai emui kara bae ḡoeva; bena, ena be bae habadelaimui, kara dika taumui bae gwauraimui, to emui kara namo do bae ita dainai idia ese Dirava bae imodaia, iena vadivadi dinana ai.
1PE 2:13 Taunimanima edia taravatu iboudiai ba badina, Lohiabada dainai. Hanua pavapavana ba kamonai henia, badina be ia na herea.
1PE 2:14 Bona gavana taudia, ia ese kara dika taudia ihadikadia bona kara namo taudia ihanamodia totona e siaidia, ba kamonai henidia.
1PE 2:15 Badina be Dirava ena ura be emui kara namo amo kavakava taudia edia hereva kava ba tuidia.
1PE 2:16 Umui na ura kwalimu taumui, to emui ura kwalimu na kara dika dalana ikehona ḡauna ai basio halaoa; Dirava isiaina ba lao heni.
1PE 2:17 Taunimanima iboudiai ba matauraidia. Iseda orea taudia ba lalokau henidia. Dirava garina ba gari. Hanua pavapavana ba matauraia.
1PE 2:18 Hesiai taumui e, biagumui ba kamonai henidia bona ba matauraidia; dia kara namo bona gado namo taudia mo, a daḡedaḡe taudia danu.
1PE 2:19 Badina be ina na mai hahenamona: asi ena kerere tauna ese Dirava ibadinana dainai hisi baine ani.
1PE 2:20 Umui na ba kara dika, bena bae dadabamui negana ai ba haheauka, namona be dahaka? A ba kara namo, bena hisi bavani negana ai ba haheauka, una na mai hahenamona Dirava ena amo.
1PE 2:21 Una dainai e boirimui. Badina be Keriso umui daimui ai e hisihisiva, emui raka dalana e henimui, ia aena gabudia ai ba raka helaoreana.
1PE 2:22 Ia ese kara dikana ta se karaia, bona ia uduna amo hereva koikoina ta se lasi.
1PE 2:23 E ere dika henia, to se hedava. Hisi e ani, to se daḡedaḡe. A Hahemaoro Diravana maoromaorona e abidadama henia.
1PE 2:24 Ia tau-anina ai eda dika e hua, au dorina ai, kara dika enai baita mase bona kara maoromaoro enai baita mauri helaoreana. Ia berona ese vada e hamaurida.
1PE 2:25 Badina be umui na o dobiva, mamoe na heheto; a harihari, laumamui ireḡudia bona ita-taodia Tauna vada o lou henia.
1PE 3:1 Hahine e, umui danu adavamui ba kamonai henidia, bena idia haida, ena be hereva asie abia daemu, to umui emui kara daidiai do bae helalo kerehai,
1PE 3:2 emui igo-diho bona hemataurai karadia bae ita negadia ai.
1PE 3:3 Heramui namodia na dia kopimui heradia, dia hui ipanina, eiava gold heraheradia, eiava dabua namo-hereadia idokilaidia;
1PE 3:4 a lalomui heraheradia, basie pata ḡaudia, lalo-manau asi daḡedaḡena: una na kohu herea-daena Dirava vairanai.
1PE 3:5 Sene hahinedia helaḡadia, Dirava e abidadama heniava hahinedia, unu e hera tomava, bona adavadia e kamonai henidiava.
1PE 3:6 Sara na heto, Abraham e kamonai heniava, “lohia” e gwauraiava. Umui na ia natuna, o kara maoromaoromu bona ḡau ta garina asio garinlu negadia ai.
1PE 3:7 Tatau e, umui danu, adavamui ida o noho heboumu dalana ba haeroa. Hahine ba matauraidia, badina be idia edia goada bona umui emui goada na dia heheḡereḡere, to mauri hariharina na idia mai ahudia, umui mai ahumui; unu ba noho toma, bena emui ḡuriḡuri na asi ilao-ahuna.
1PE 3:8 Hereva orena binai: iboumui ai lalomui bae tamona; ba hekaha heheni, ba heura heheni, tadikaka na heheto. Ba hebogahisi heheni; ba manau.
1PE 3:9 Kara dika bona ere dika basio hadava, a e hadikamuimu taudia ba hanamodia. Badina be una totona vada e boirimui, bona una dainai baine hanamomui.
1PE 3:10 Badina be Mauri e uramu Bona dina namodia itadia e uramu tauna ese Malana baine naria, basine ere dika, Uduna bibinadia danu koikoi herevadia basie gwaurai;
1PE 3:11 Dika baine rakatania, kara namo baine kara; Maino baine tahua, baine ḡavaia.
1PE 3:12 Badina be Lohiabada ese kara maoromaoro taudia e haḡerediamu, Edia noinoi danu e kamonaimu; A kara dika taudia na Lohiabada ese e laodia ahumu.
1PE 3:13 Kara namo ba lalokau henia, bena daika ese baine hadikamui?
1PE 3:14 A bema hisi bavani, kara maoromaoro dainai, ba namo. Edia hahegari herevadia na garidia basio gari; kudoumui danu basie hetaha.
1PE 3:15 A Keriso na lalomui ai ba hahelaḡaia, emui Lohiabada. Ba heḡaegae, emui helaro badina bae nanadailaimui taudia na ba haere henidia, to, ba haere mai manaumui bona mai hematauraimui ida.
1PE 3:16 Lalomui bae ḡoevaḡoeva; bena bae maumauraimui, dikamui bae gwaurai, taudia na emui kara namo Keriso lalonai o karamu ese do bae hahemaraidia.
1PE 3:17 Badina be Dirava baine ura emui kara namo daidiai ba hisihisi, una na namo; a dia namo emui kara dika daidiai ba hisihisi.
1PE 3:18 Badina be Keriso nega tamona mo e mase, dika iabio-hodia; kara maoromaoro tauna ese kara gageva-gageva tauda e hebodohilaida, baine hakauda lou Dirava enai helaoreana. Tau-anina e alaia, a laumana e hamauria;
1PE 3:19 bena ia na ela, e koudia laumadia e haroro henidia.
1PE 3:20 Idia na gunaguna e gwau ede-edeva, Noa lagatoi e karaia negana ai, bena Dirava ese e naridiava mai haheaukana ida; a una lagatoi ai taunimanima dia hoho, taurahani hona, ranu amo e hamauridia.
1PE 3:21 Una heḡereḡerena be bapatiso, harihari umui eme hamaurimui, dia tau-anina mirona ihuri-ohona, a lalomui ihaḡoevadia Dirava vairanai, Iesu Keriso mase amo e tore isi lou dainai.
1PE 3:22 Ia na guba ai vada e vareai, Dirava idibana kahana ai e helaimu; aneru bona lohia bona siahu taudia iboudiai na ia henunai e nohomu.
1PE 4:1 Keriso na tau-anina ai e hisihisiva dainai, umui ese emui lalo-hadai na iena ida ba haheḡereḡere, lalomui iha-aukadia; badina be tau-anina e hisihisimu tauna ese kara dika e rakatania.
1PE 4:2 Taunabunai, emui mauri orena tau-animui ai, taunimanima edia heḡahusi ḡaudia basio badina, a Dirava ena ura hari ba badinaia.
1PE 4:3 Badina be gunaguna umui na bese idauidau taudia heḡereḡeredia ai o nohova, mata-dika bona heḡahusi karadia o karava, vine ranuna o inu momova, o lebulebuva, o kekerova, kaivakuku dikadia o toma heni dihova.
1PE 4:4 Harihari idia na e hoamu, badina be umui na asio bamodiamu, idia ida asio lebulebu heboumu; taunabunai dikamui e gwauraimu.
1PE 4:5 A idia na mauri taudia bona mase taudia e hahemaoro henidiamu Diravana vairanai do bae gini.
1PE 4:6 Badina bunai sivarai namo na mase taudia e harorolai henidia, bena, ena be tau-anidia e hahemaoro henidia, taunimanima iboudiai heḡereḡeredia, to laumadia na do bae mauri, Dirava maurina ai.
1PE 4:7 Ḡau iboudiai dokodia vada be kaumu; ba boga auka, ba gima, ba ḡuriḡuri.
1PE 4:8 A herea-daena binai: ba heura heheni mai lalomui idoidiai, badina be uraheni ese kara dika momo e tahunimu.
1PE 4:9 Ba heabi dae heheni, basio maumau.
1PE 4:10 E ahulaimui ḡaudia na ba hariharilai, Dirava ena harihari-bada ireḡuna taudia ai baola.
1PE 4:11 Ta baine haroro, ia na Dirava ena hereva baine gwaurai. Ma ta baine hekaha, ia na Dirava ese e heniamu goadana amo baine hekaha. Unu amo ḡau iboudiai lalodiai Dirava ba imodaia Iesu Keriso bagunai: hairai bona siahu na iena, ela bona hanaihanai. Amen.
1PE 4:12 Egu lalokau taumui e, hisihisi lahi na heto emui ai e kaumu na basio daradaralaia, basioto ḡau idauna ta emui ai e varamu: lasi, ena na itoholaimui ḡauna mo.
1PE 4:13 A Keriso ida o hisihisi heboumu dainai ba moale; gabeai ia hairaina baine hedinarai negana ai ba moale hisi dae.
1PE 4:14 Keriso ladana dainai bae gwau dika henimui, do ba namo; badina be Dirava ena Lauma, hairai Laumana, na emui ai baine kau.
1PE 4:15 Dia namo umui ta baine hisihisi ala-ala dainai, eiava henao dainai, eiava kara dika dainai, eiava hesivarai dainai;
1PE 4:16 a ta ese Keriso ibadinana dainai baine hisihisi, ia na basine hemarai, a Dirava baine imodaia.
1PE 4:17 Badina be hahemaoro negana vada eme kau, Dirava ena orea ai aine hematama; a ita baine guna henida, Dirava ena sivarai namo e dadaraiamu taudia na ede bae heto?
1PE 4:18 Bona kara maoromaoro tauna na mauri iabina baine hekwarahi, Dirava se badinaiamu tauna eiava kara dika tauna na ede baine gini toma?
1PE 4:19 Taunabunai, Dirava ena ura dainai hisi e animu taudia ese kara namodia mo bae kara, bona laumadia na e karadia Diravana imana nuanai bae atodia.
1PE 5:1 Umui hahidaosi ekalesia ita-taona taumui aina hahealo henimui. Lau danu heitatao taugu. Keriso e hisihisiva lau danu na itaia, bona baine hedinarai hairaina ai lau danu mai ahugu.
1PE 5:2 Dirava ena mamoe serina ba reḡudia. Ba itadia tao, Dirava ena ura heḡereḡerena; dia gwaugwau amo, a lalodia iha-uradia amo; dia kohu idavarina totona, a lalomui e uramu dainai;
1PE 5:3 dia lohia taumui ai baola totona, a mamoe serina bae haḡoimui totona.
1PE 5:4 Bena mamoe ireḡudia Tauna badana baine hedinarai negana ai, kwara-havava ḡauna mai hairaina, se maraimu ḡauna, do bavabia.
1PE 5:5 Eregabe taumui e, umui ese heitatao taudia ba kamonai henidia. Iboumui ai, lalo-manau ba hahedokilaia; badina be Dirava ese hekokoroku taudia e laodia ahumu, a manau taudia e harihari henidiamu.
1PE 5:6 Taunabunai, Dirava imana siahuna henunai ba hahemanau, bena negana baine gini dae ia ese do baine abimui isi.
1PE 5:7 Emui lalo-haguhi na ia enai ba tahoa kau, badina be ia ese e lalomuimu.
1PE 5:8 Ba boga auka, ba gima; inaimui diabolo na e loamu mai ḡouna ida, leona na heto, baine anidia ore taudia na e tahudiamu.
1PE 5:9 Ba laoa ahu, abidadama ai ba gini tutuka-tutuka; ba diba, o animu hmisidia heḡereḡeredia varavaramui tanobada heḡeḡe-madai ai danu e animu.
1PE 5:10 Umui na nega sina mo ba hisihisi; bena harihari-bada idoinai Diravana, Keriso dainai ena mia-hanaihanai hairaina iabina vada e boirimui Diravana, ese baine hanamomui ḡuḡuru, baine haginimui tutukatutuka, baine hakwalimumui.
1PE 5:11 Siahu na ia ena, ela bona hanaihanai. Amen.
1PE 5:12 Ina revareva sina na Siluano imana amo vada na torea heau heau. Lau na tomamu ia na varavara korikori. Na haduamuimu, Dirava ena harihari-bada korikorina binai; ia lalonai ba gini tutuka-tutuka.
1PE 5:13 Ekalesia oreana Babulono ai, umui bamomui e abidia hidi taudia, ese e hahenamo henimuimu. Natugu Mareko ese danu e hahenamo henimuimu.
1PE 5:14 Lalokau haherahuna amo ba hahenamo heheni. Keriso lalonai o nohomu taumui iboumui ai, maino emui ai baine mia.
2PE 1:1 Lau, Simona Petro, Iesu Keriso isiaina ilao-henina bona ena aposetolo taugu, umui ai ida eda abidadama tamona iseda Dirava bona Hahemauri Tauna Iesu Keriso ena kara maoromaoro enai e miamu taumui na tore henimuimu:
2PE 1:2 harihari-bada bona maino emui ai bae bada, emui laloparara danu Dirava enai bona eda Lohiabada Iesu Keriso enai baine bada.
2PE 1:3 Dirava ena siahu ese eda mauri bona ia ibadinana ḡaudia iboudiai vada e henida, hairaina bona ḡoeva-daena amo vada e boirida Tauna tame diba dainai.
2PE 1:4 Unu amo ena gwauhamata badadia bona hereadia vada e henida; unu gwauhamata ese tanobada ena heḡahusi bodagadia amo bae harohomui mauri, bena Dirava lalona korikorina bavabia.
2PE 1:5 Badina bunai, ba goada balaheni. Emui kamonai enai, kara namo bavatoa kau; kara namo enai lalo-parara bavatoa kau;
2PE 1:6 lalo-parara enai haheauka bavaloa kau; haheauka enai boga-auka bavatoa kau; boga-auka enai Dirava ibadinana bavatoa kau;
2PE 1:7 Dirava ibadinana enai tadikakamui irua-henidia bavatoa kau; bona tadikakamui iura-henidia enai lalokau bavatoa kau.
2PE 1:8 Badina be bema ini ḡau lalomui ai bae mia bona bae bada, umui na lahedo taumui bona asi damumui taumui ai basiola, Lohiabada Iesu Keriso mai dibamui dainai.
2PE 1:9 A ini ḡau ai e dabumu tauna, ia na matakepulu tauna; matana e tunamu dainai e helalo boiomu ena kara dika gunadia vada e huri oho vaitani.
2PE 1:10 Taunabunai, varavaragu e, ba goada balaheni, e boirimui bona e abimui hidi vada ba hamomokania, badina be unu ba kara toma negana ai umui na basio keto.
2PE 1:11 Bona unu amo emui dala baine lailai ḡoevaḡoeva, eda Lohiabada bona eda Hahemauri Tauna Iesu Keriso ena mia-hanaihanai basileiana lalonai ba raka vareai.
2PE 1:12 Badina bunai lau na tomamu ini hereva baina hamaorolaimui loulou. Ena be mai dibamui bona hereva momokani ai o gini tutuka-tutukamu,
2PE 1:13 to lau na tomamu, ina taruha doini na noho heniamu ai, baina haomui bona ini ḡau baina hahelalolaimui une.
2PE 1:14 Badina be lau dibagu egu taruha iraḡana negana vada eme kahira-kahira; iseda Lohiabada Iesu Keriso unu vada e hadibagu toma.
2PE 1:15 A baina goada toho, bena egu mase murinai ini ḡau ba helalolai une, nega iboudiai.
2PE 1:16 Badina be eda Lohiabada Iesu Keriso ena siahu bona ena mai herevadia a hamaorolaimuiva negadia ai, ai na dia gori herevadia asia sivaraiva, a ia hairaina na matamai amo a itaia.
2PE 1:17 Badina be Tamada Dirava ena amo hemataurai bona hairai e abi negana ai, ere ta Diari-diari Herea-daena lalona amo e kamonai, eto, “Ina na Natugu, egu lalokau; lau ia na lalo namo heniamu”.
2PE 1:18 Ina ere ai ese a kamonai, ia ida ororo helaḡana ai a nohova negana ai.
2PE 1:19 Unu amo peroveta herevadia vada e momokani vaitani, ai emai ai. Umui danu ba badinadia baine namo; idia na lamepa gabu diburana ai e diarimu na heto, ela bona daba baine rere, bona hisiu bada na lalomui ai baine dae.
2PE 1:20 A ina na ba diba guna: ta ese sibona ena lalo-hadai heḡereḡerena ai peroveta bukadia anidia basine gwaurai.
2PE 1:21 Badina be peroveta herevadia na taunimanima edia ura kava amo asie vara, a Lauma Helaḡa ese Dirava ena helaḡa taudia e haduadia heḡereḡerena e herevava.
2PE 2:1 Peroveta taudia koikoidia na taunimanima bogaragidiai e nohova; bona umui bogaragimui ai danu hahediba koikoi taudia do bae gini tore. Idia na hahediba herevadia koikoidia bae hadibalai hehuni, bona Biagudia, e hoidia Tauna, bae ḡorea. Bae mase haraga, sibodia edia hahedika ai.
2PE 2:2 A hutuma ese edia dala dikadia ai bae ḡavadia; idia daidiai hereva momokani dalana na dikana bae gwauraia.
2PE 2:3 Edia mata-ḡaniḡani dainai, koikoi herevadia amo lalomui bae ani, ela bona bae abimui; a ihahemaorohenidia na se halahemu, bona ihamasedia na se mahutamu.
2PE 2:4 Dirava ese e kara havara anerudia na se bogadia hisi, a dibura masemase gabuna ai e tahodia dobi, unuseni ai e ḡuidia ela bona hahemaoro negana.
2PE 2:5 Bona bese gunana danu se bogaia hisi; Noa mo, kara maoromaoro iharorolaina tauna, mai bamona hahituosi ida, e hamauridia, a ia garina asie gariva taudia be utu-utu ese e habuadia.
2PE 2:6 Sodoma bona Gomora danu e habuadia tari, kahu ai e halaodia, gabeai ia garina basie gari taudia matadia ihakanidia;
2PE 2:7 a Lot mo, kara maoromaoro tauna, e hamauria. Una Lot be lalona e hesiku, kara dika taudia edia lebulebu karadia daidiai;
2PE 2:8 ia na kara maoromaoro tauna, a idia padadiai e nohova dinadia iboudiai edia kara havara e itava e kamonaiva dainai ia lalona e hisihisiva.
2PE 2:9 Benaini, Lohiabada ese ia ibadinana taudia hedibaḡani amo baine hamauridia diba, a kara dika taudia baine ḡuidia diba ela bona hahemaoro dinana.
2PE 2:10 Dika hereadia bini: tauanina ena ura bodagadia e ḡava taudia, bona gwau-maoro taudia e dadaraidia taudia. E hekokorokumu, sibodia edia ura e karamu, atai taudia i'ihiihiraidia asie garimu;
2PE 2:11 a aneru, ena be edia goada bona edia siahu na herea, to unu atai taudia asie habadelaidia Lohiabada vairanai.
2PE 2:12 Ini na boroma na heheto, asi daradia; unu e vara toma, ma unu bae dika toma. Asi dibadia ḡaudia e ḡonaḡonalaimu; edia dika lalonai bae mase vaitani,
2PE 2:13 edia kara dika davadia do bae abi. Lebulebu karadia dina ai e moalelaimu; idia na toutou eiava bero na heto; umui ida o aniani heboumu negadia ai danu e aniani lalo-dikamu.
2PE 2:14 Matadia e bodagamu; kara dika ai asie hesikumu; lalo-manoka taudia e idoadiamu; mata-ḡaniḡani karadia ai vada e manada. Uru dikana!
2PE 2:15 Idia na dala maoromaorona vada e rakatania, vada e raka kerere, Balaam, Beoro natuna, ena dala vada e rakalaia. Ia na kara dika davana iabina urana e urava tauna;
2PE 2:16 a ena kerere dainai e sisiba henia, doniki, hereva asi dibana ḡauna, ese taunimanima gadodia ai una peroveta tauna e hereva henia, ena kara kava e gwaua tubu.
2PE 2:17 Idia na ranu guridia kororodia na heheto, eiava ḡahu lai ese e hodaia isi na heto; dibura masemase gabuna vada e seua, idia edia.
2PE 2:18 E hereva kavamu; e heaḡi kavamu; kara kerere-kerere taudia bogaragidia amo e roho maurimu taudia e idoadiamu tau-anina ena heḡahusi bona ena mata-dika amo.
2PE 2:19 Ura kwalimu bae henidia e tomamu, to idia sibodia na mase ena iḡui taudia; badina be darere tauna na kwalimu tauna ena hesiai ai bainela.
2PE 2:20 Badina be eda Lohiabada bona eda Hahemauri Tauna Iesu Keriso dibadia murinai tanobada ena miro ḡaudia amo vada e roho mauri taudia na unu miro ḡaudia ese ma bae idoadia lou bona bae hadareredia, madi, edia dika gunana na maraḡi, edia dika gabena na baine bada.
2PE 2:21 Idia na dala maoromaorona basiema diba bema namo; a dibadia bena e henidia haheḡanina helaḡana amo e raka oho na dika.
2PE 2:22 Hereva heḡereḡerena na idia ediai vada eme momokani, eto, Sisia be ena mumuta e lou heniamu; bona boroma be bae huria to kopukopu ai baine hekui-hekui lou.
2PE 3:1 Egu lalokau taumui e, revareva iharuana binai na tore henimuimu. Ruaosi badidia be lalomui ihaodia, mai lalomui ḡoevaḡoevadia ida ba helalo une.
2PE 3:2 Peroveta taudia ese idau nega ai e gwauraiva herevadia, bona Lohiabada eda Hahemauri Tauna ena haheḡani, ena aposetolo ese vada e henimui ḡaudia, ba helalolai.
2PE 3:3 Ina na ba diba guna: nega dokona ai ḡonaḡona taudia baema, sibodia edia heḡahusi daladia ai bae raka,
2PE 3:4 baeto “Ena lou mai gwauhamatana na edeheto? Badina be tubuda tamada e mahutava negadia ema harihari, ḡau iboudiai vada eme hesiriu, tanobada e karaia negana heḡereḡerena”.
2PE 3:5 Unu e laloa tomamu badina be ina na vada e laloa boio: gunaguna guba e miava, bena Dirava ena hereva dainai tanobada na gadobada lalona amo e dae bona gadobada bogaraginai e miava.
2PE 3:6 A una tanobada na gadobada ese e habubunia, bena vada e ore.
2PE 3:7 A ina harihari e miamu gubana bona tanobadana na iena hereva ese e seudiamu, lahi ese baine ha-ore, hahemaoro bona Dirava asie badinaiamu taudia ihabuadia dinana ai.
2PE 3:8 Egu lalokau taumui e, ina hereva tamona basio laloa boio, Lohiabada enai dina tamona na laḡani daha na heto, bona laḡani daha na dina tamona na heto.
2PE 3:9 Lohiabada na ena gwauhamata ihamomokanina ai se halahemu, haida e laloamu na heto; to, e haheauka henimuimu, badina be ia na se uramu ta baine mase; e uramu iboumui ai ba helalo kerehai.
2PE 3:10 A Lohiabada ena dina baine kau, henao tauna na heto; una dina ai guba baine puki mai rege-badana ida, ḡau iboudiai na siahu badana ese baine havevedia, tanobada danu, mai anina idoinai ida, lahi ese baine araia ore.
2PE 3:11 Benaini, ini ḡau iboudiai unu bema ore toma, umui ede boma kara toma? Emui kara iboudiai bema helaḡa; Dirava boma badinaia.
2PE 3:12 Dirava ena dina ena mai ba nari bona ba kahaia; una dina ai lahi ese guba baine araia ore, bona siahu-badana ese ḡau iboudiai baine havevedia.
2PE 3:13 Ita na guba matamatana bona tanobada matamatana, ena gwauhamata heḡereḡerena, ta narimu; kara maoromaoro taudia ese bae noholaia.
2PE 3:14 Taunabunai, egu lalokau taumui e, ini ḡau o narimu dainai ba goada balaheni, hedaro-bouboumui ai baine davarimui, asi toutoumui bona asi kereremui ia vairanai.
2PE 3:15 Lohiabada ena haheauka ba haeroa, una na hahemauri ḡauna; varavara-dosida Paulo ese e henia aonegana amo e tore henimui heḡereḡerena.
2PE 3:16 Ena revareva iboudiai lalodiai ini ḡau na unu e torelai toma. E tore herevadia haida anidia idavaridia na auka, bena mala-lahui bona daradara tauna ese e hagagevamu, revareva helaḡadia haida e hagagevamu heḡereḡerena sibodia ihadikadia ḡaudia ai e halaomu.
2PE 3:17 Egu lalokau taumui e, vada o diba guna, taunabunai nahuamui ba toho, kara havara taudia edia kerere ese baine hakaumui siri na garina, emui gini tutuka-tutuka amo ba keto na garina.
2PE 3:18 A eda Lohiabada bona eda Hahemauri Tauna Iesu Keriso ena harihari-bada bona ena lalo-diari ai ba tubu daga dae. Hairai na iena, harihari ela hanaihanai. Amen.
1JO 1:1 Matamana amo e mia ḡauna, taiamai amo a kamonai, matamai amo a itaia, a raraia tao, imamai amo a daua toho ḡauna, mauri herevana, a hamaorolaimuimu.
1JO 1:2 Una mauri vada e hedinarai; ai ese a itaia bona a gwauraia hedinaraimu, mauri hanaihanai, Tamada enai e miamu bona ai emai ai e hedinarai, a hamaorolaimuimu.
1JO 1:3 Ai ese a itaia bona a kamonai ḡauna na a hamaorolaimuimu, umui ai ida orea tamona ai baitala helaoreana; ai danu Tamada bona ia Natuna Iesu Keriso ida orea tamona ai vada ala.
1JO 1:4 Ini a tore henimui tomamu na eda moale baine ḡuḡuru totona.
1JO 1:5 Iena amo a kamonai bena umui a hamaorolaimuimu herevana binai: Dirava na diari, bona dibura sisina taina ienai dia mia.
1JO 1:6 Ita baitato ita na iena orea tauda, a dibura lalonai baita loa, be baita koikoi, hereva momokani basita badinaia.
1JO 1:7 A diari lalonai baita raka, ia heḡereḡerena ita na orea tamona tauda, bona ia Natuna Iesu rarana ese eda dika iboudiai baine huri oho.
1JO 1:8 Ita baitato ita na asi eda kara dika, be siboda baita hekoi, bona hereva momokani na ita laloda ai basine mia.
1JO 1:9 A eda kara dika baita gwaurai hedinarai, ia na maoromaoro bona momokani, edia kara dika iboudiai baine gwau tao, bona eda kara gageva-gageva baine huri oho.
1JO 1:10 Ḡau tamona, ita baitato asi eda kara dika, ita ese koikoi tauna ai baita halaoa, bona iena hereva na ita laloda ai basine mia.
1JO 2:1 Natugu e, ini name tore henimui toma na basio kara dika totona; a ta bema kara dika, ita na mai ikahada tauna Tamada vairanai, Iesu Keriso, kara maoromaoro tauna, bunai.
1JO 2:2 Ia na iseda dika kwarana ai ela, bona dia ita mo eda, a tanobada besedia-idoidiai edia.
1JO 2:3 Ena haheḡani baita badina; unu amo baita diba momokani ita dibada ia.
1JO 2:4 Ta baineto “Lau na dibagu ia”, a ena haheḡani basine badina, ia na koikoi tauna, hereva momokani na ia lalona ai se miamu.
1JO 2:5 A ena hereva e badinaiamu tauna lalona ai Dirava ena uraheni vada eme ḡuḡuru.
1JO 2:6 Ia lalonai e nohomu e tomamu tauna ese iena raka heḡereḡerena ai do baine raka.
1JO 2:7 Egu lalokau taumui e, lau na haheḡani matamatana ta asina tore henimuimu, a haheḡani gunana, matamana ai vada o abia ḡauna. Ina haheḡani gunana be vada o kamonai herevana.
1JO 2:8 Ḡau tamona, haheḡani matamatana na tore henimuimu, ienai bona umui emui ai vada e momokani; badina be dibura vada e lao bubunimu, bona diari korikori vada e taramu.
1JO 2:9 Ta e tomamu ia na diari lalonai, a tadikakana e badu heniamu, ia na doini dibura ai e nohomu.
1JO 2:10 Tadikakana e ura heniamu tauna na diari ai e nohomu; ienai hekwakwanai badina ta dia mia.
1JO 2:11 A tadikakana e badu heniamu tauna na dibura ai e nohomu bona dibura ai e rakamu, e lao heniamu gabuna na asi dibana, badina be dibura ese matana vada e hakepulu.
1JO 2:12 Natugu e, na tore henimuimu, badina be emui kara dika na ia ladana dainai vada eme gwau tao.
1JO 2:13 Sihi guna taumui e, na tore henimuimu, badina be matamana amo e nohomu Tauna na dibamui. Eregabe taumui e, na tore henimuimu, badina be dika tauna vada o hadarerea. Memero e, na tore henimuimu, badina be Tamada na dibamui.
1JO 2:14 Sihi guna taumui e, na tore henimuimu, badina be matamana amo e nohomu Tauna na dibamui. Eregabe taumui e, na tore henimuimu, badina be umui na mai goadamui, bona Dirava ena hereva na lalomui ai e miamu, bona dika tauna vada o hadarerea.
1JO 2:15 Tanobada na basio ura henia, bona tanobada ḡaudia danu basio ura heni. Tanobada e ura heniamu tauna lalonai ai Tamada iura-henina na se miamu.
1JO 2:16 Badina be tanobada ḡaudia iboudiai, tau-anina ena heḡahusi, mata-dika, mauri ena heaḡi kava, iri na dia Tamada ena amo, a tanobada ena amo e maimu.
1JO 2:17 Tanobada na baine lao bubuni, mai ena heḡahusi ida, a Ddirava ena ura e karaiamu tauna na baine noho hanaihanai.
1JO 2:18 Natugu e, hora dokona binai. Vada o kamonai, Keriso Inaina be maimu. A Keriso inaina hutuma vada ema; taunabunai ita dibada ina na hora dokona.
1JO 2:19 Idia na iseda amo e raka oho, a idia na dia ita bamoda; badina be bema ita bamoda, idia na dekedai bema noho. A e raka oho, baine hedinarai idia iboudiai na dia ita bamoda helaoreana.
1JO 2:20 A umui na Helaḡa Tauna ese vada e horomui, bena ḡau iboudiai vada dibamui.
1JO 2:21 Lau na tore henimuimu, dia hereva momokani asi dibamui dainai, a badina be dibamui, bona dibamui danu koikoi na hereva momokani enai se taomu.
1JO 2:22 Koikoi tauna be daika? Iesu na dia Keriso e tomamu tauna, ani. Keriso inaina binai: Tamana bona Natuna e ḡorediamu tauna.
1JO 2:23 Natuna e ḡoreamu tauna na asi ahuna Tamana enai; a Natuna e abiabiraiamu tauna na mai ahuna Tamana enai.
1JO 2:24 Matamana ai o kamonai herevana na lalomui ai baine mia. Bema matamana ai o kamonai herevana na lalomui ai baine mia, umui danu Natuna lalonai bona Tamana lalonai ba noho.
1JO 2:25 E gwaurai henida hamata ḡauna bunai, mauri hanaihanai.
1JO 2:26 Ini vada na tore henimui tomamu, bae hakaumui kerere taudia daidiai.
1JO 2:27 A ia ese e horolaimui siahuna na doene lalomui ai e miamu; taunabunai ta ese baine hadibamui na herevana. A e horolaimui siahuna ese ḡau iboudiai e hadibalaimuimu, bona ena hahediba na momokani, dia koikoi; taunabunai, e hadibalaimui heḡereḡerena ia lalonai ba noho.
1JO 2:28 Taunabunai, natugu e, ia lalonai ba noho, bena ia bainema negana ai laloda basie daradara, bona ia vairanai basita hemarai.
1JO 2:29 Dibamui ia na maoromaoro, taunabunai dibamui danu kara maoromaoro taudia iboudiai na iena amo vada e vara.
1JO 3:1 Mani a laloa, Tamada ese iura-henina bada herea vada e henida, Dirava natuna e gwauraidamu. Momokani, ita na ia natuna. Una dainai tanobada na asi dibana ita, badina be asi dibana ia.
1JO 3:2 Egu lalokau taumui e, harihari ita na Dirava natuna, a gabe amo ede baita heto do se hedinarai. Ina mo dibada, ia bainema negana ai, ita na ia ida-idana baitala, badina be ia anitarana korikori baita itaia.
1JO 3:3 Ini e laroa tomamu taudia iboudiai ese sibodia e haheḡoevamu, ia eme ḡoevaḡoeva heḡereḡerena.
1JO 3:4 Kara dika tauna ese taravatu e tata utumu, badina be kara dika na taravatu itata-utuna ḡau.
1JO 3:5 A umui dibamui, ia na kara dika iabi-ohodia totona ema; ia lalonai dika ta se miamu.
1JO 3:6 Ia lalonai e nohomu tauna ese kara dika se karamu; kara dika e karamu tauna ese ia se itaia, bona asi dibana ia.
1JO 3:7 Natugu e, ta ese basine koimui. Kara maoromaoro e karamu tauna na maoromaoro; Dirava heḡereḡerena ia danu maoromaoro.
1JO 3:8 A kara dika e karamu tauna na diabolo ena, badina be matamana negana amo diabolo na e kara dika. Dirava Natuna e hedinarai badina binai: diabolo ena kara dika baine ha-ore.
1JO 3:9 Dirava ena amo e vara tauna ese kara dika se karamu, badina be Dirava ena mauri na ia lalonai e miamu; taunabunai, ia na dika ikarana asi dibana, badina be Dirava ena amo e vara.
1JO 3:10 Unu amo Dirava natuna bona diabolo natuna bae hedinarai. Kara maoromaoro se karamu tauna bona tadikakana se lalokau heniamu tauna na dia Dirava ena.
1JO 3:11 Badina be matamana amo o kamonai herevana binai: baita heura heheni.
1JO 3:12 Kain ida basio heḡereḡere; ia be dika tauna natuna, bena ia ese tadina e alaia mase. Dahaka dainai e alaia? Badina be iena kara na dika, a tadina ena kara na maoromaoro.
1JO 3:13 Varavaragu e, tanobada ese e inai henimuimu na basio hoalaia.
1JO 3:14 Ita dibada, mase amo mauri enai vada ta hanai, tadikakada ta lalokau henidiamu dainai. Tadikakana se lalokau heniamu tauna na dounu mase lalonai e nohomu.
1JO 3:15 Bona tadikakana e badu heniamu tauna na ala-ala tauna; dibamui mauri hanaihanai na ala-ala tauna lalonai se miamu.
1JO 3:16 Ini amo lalokau vada ta diba: ia ese ita daidai ena mauri e atoa diho. Una dainai ita ese tadikakada daidiai eda mauri baita atoa diho hari namo.
1JO 3:17 Tau ta bema mai ena kohu, bena tadikakana bema itaia mai ena ogoḡami, a basinema bogaia hisi, Dirava iura-henina na ia lalona ai ede bema mia toma?
1JO 3:18 Natugu e, eda lalokau na dia hereva amo, dia mala amo, a kara ai bona momokani ai baita hahedinaraia.
1JO 3:19 Unu amo baita diba ita na momokani, bona ia vairanai laloda baita hagoadadia.
1JO 3:20 Badina be laloda ese bae habadelaida reana; a Dirava ese ita laloda e hereadiamu, bona ia na ḡau iboudiai dibana.
1JO 3:21 Egu lalokau taumui e, laloda ese basie habadelaida negana ai, ita na Dirava baita raka henia kahi, asi eda gari.
1JO 3:22 Bena baita noia ḡaudia iboudiai ia ese baine henida; badina be iena haheḡani ta badinamu bona ia ihamoalena karadia ta karamu dainai.
1JO 3:23 Ena haheḡani binai: ia Natuna Iesu Keriso ladana baita abiabiraia, bona baita heura heheni, ia ese e haḡanida heḡereḡerena.
1JO 3:24 Ena haheḡani e hadinamu tauna na Dirava lalonai e nohomu, Dirava danu ia lalona ai e nohomu. Bena vada e henida Laumana dainai ita dibada ia na laloda ai e nohomu.
1JO 4:1 Egu lalokau taumui e, lauma iboudiai basio kamonai henidia, a lauma ba dibadia guna, idia na Dirava ena amo eiava. Badina be peroveta koikoi taudia hutuma na tanobada ai vada e hedinarai.
1JO 4:2 Dirava ena Lauma ini ba diba toma: lauma iboudiai ese Iesu Keriso e gwauraiamu, ia na tauanina ai ema, idia na Dirava ena;
1JO 4:3 a Iesu asie gwauraiamu laumadia iboudiai na dia Dirava ena. Keriso Inaina laumana binai; vada o kamonai, ia na bainema; bona ia na harihari tanobada ai e nohomu.
1JO 4:4 Natugu e, umui na Dirava ena, bena vada o hadareredia; badina be lalomui ai e nohomu laumana ese tanobada ai e nohomu laumana e hereaiamu.
1JO 4:5 Idia na tanobada ena; taunabunai tanobada herevadia e gwauraimu, bona tanobada ese e kamonai henidiamu.
1JO 4:6 Ai na Dirava ena; Dirava mai dibana tauna ese e kamonai henimaimu, a Dirava asi dibana tauna ese se kamonai henimaimu. Hereva momokani laumana bona kerere laumana unu ta dibadia tomamu.
1JO 4:7 Egu lalokau taumui e, baita heura heheni. Badina be lalokau na Dirava ena amo, bona mai ena lalokau tauna na Dirava ena amo e vara, bona ia dibana Dirava.
1JO 4:8 A asi ena lalokau tauna na asi dibana Dirava, badina be Dirava na lalokau.
1JO 4:9 Dirava ena lalokau na ini e hahedinarai henida toma: Dirava ese ia Natuna vara-edeana tanobada ai e siaia, ia bagunai baita mauri helaoreana.
1JO 4:10 Lalokau anina binai: dia ita ese Dirava ta ura henia, to ia ese ita e ura henida, bona ia Natuna e siaia, iseda dika kwarana ai ela.
1JO 4:11 Egu lalokau taumui e, Dirava ese unu e ura henida toma dainai, ita danu baita heura heheni ani?
1JO 4:12 Taunimanima ta ese Dirava asine itaia; a ta heura hehenimu negadia ai, Dirava na ita laloda ai noho, bona ena lalokau na ita laloda ai eme ḡuḡuru.
1JO 4:13 Ini ta diba tomamu ita na ia lalonai ta nohomu bona ia danu ita laloda ai e nohomu: ia ese ena Lauma vada e henida.
1JO 4:14 Ai danu vada a itaia, bona dibamai, Tamada ese Natuna tanobada e siaia mai, tanobada ihamaurina totona.
1JO 4:15 Iesu na Dirava Natuna e gwauraiamu tauna na Dirava be ia lalona ai e nohomu, ia danu Dirava lalonai e nohomu.
1JO 4:16 Dirava ese e ura henidamu vada dibada, bona ta abia daemu. Dirava na lalokau. Lalokau ai e nohomu tauna na Dirava lalonai e nohomu; Dirava danu ia lalona ai e nohomu.
1JO 4:17 Eda lalokau ihaḡuḡuruna binai: hahemaoro dinana ai ita na basita gari, badina be ina tanobada ai ita na ia ida heḡereḡere.
1JO 4:18 Lalokau ai gari sisina taina dia mia; lalokau momokani ese gari e lulua ohomu. Badina be gari na mai ena hisihisi; taunabunai gari tauna na lalokau ai do se ḡuḡuru.
1JO 4:19 Ita na mai eda lalokau, badina be ia ese e lalokau henida guna.
1JO 4:20 Ta baineto “Lau ese Dirava na ura heniamu”, a tadikakana e inai heniamu, ia na koikoi tauna. Badina be tadikakana, e itaiamu tauna, na basinema ura henia, se itaiamu Diravana ede bema ura henia toma?
1JO 4:21 lena amo ta abiamu haheḡanina binai: Dirava e ura heniamu tauna ese tadikakana danu baine ura henia.
1JO 5:1 Iesu e abia daemu, ia na Keriso e tomu, tauna na Dirava ena amo e vara; bona tamana e ura heniamu tauna ese natuna danu e ura heniamu.
1JO 5:2 Ini ta diba tomamu ita ese Dirava natuna ta ura henidiamu: Dirava ta ura heniamu bona ena haheḡani ta badinamu.
1JO 5:3 Badina be Dirava iurahenina anina binai: ena haheḡani baita badina. Ena haheḡani danu dia memetau.
1JO 5:4 Badina be Dirava ena amo e vara tauna ese tanobada e hadarereamu; bona tanobada ihadarerena ḡauna na iseda abidadama.
1JO 5:5 Tanobada e hadarereamu tauna be daika? Iesu e abia daemu, Dirava Natuna e gwauraiamu, tauna.
1JO 5:6 Ranu bona rara amo ema tauna binai, Iesu Keriso; dia ranu amo mo, a ranu bona rara amo.
1JO 5:7 Lauma ese e hahedinaraiamu, badina be Lauma na momokani.
1JO 5:8 Ihahedinaraina be toi: Lauma bona ranu bona rara; toiosi edia hereva be tamona.
1JO 5:9 Ita ese taunimanima edia hereva ta abi daemu, a Dirava ena hereva na herea-dae; badina be Dirava ena hereva be Natuna igwaurai-hedinaraina herevana.
1JO 5:10 Una hereva be Dirava Natuna e abiabiraiamu tauna lalona ai e miamu; a Dirava se abiabiraiamu tauna ese Dirava na koikoi ai e halaoamu, badina be Dirava ena hereva, Natuna igwaurai-hedinaraina herevana, ia ese e dadaraiamu.
1JO 5:11 Herevana binai: Dirava ese mauri hanaihanai vada e henida, bona una mauri na ia Natuna lalonai.
1JO 5:12 Natuna e abia daemu tauna ese mauri e abiamu, a Dirava Natuna se abia daemu tauna ese mauri se abiamu.
1JO 5:13 Umui Dirava Natuna o abiabiraiamu taumui na tore henimuimu, vada ba diba, umui na mauri hanaihanai vada o abia.
1JO 5:14 Ia ta abidadama heniamu dainai, dibada ḡau ta iena ura heḡereḡerena ai baita noia, ia ese baine hakala henida.
1JO 5:15 Bona dibada eda noinoi iboudiai e kamonaimu dainai, ita dibada danu ta noiamu ḡaudia baita abi.
1JO 5:16 Tau ta ese tadikakana baine itaia, kara dikana e karaiamu, to dia mase karana, bena baine noinoi ia ena; bena Dirava ese mauri baine henia, e kara dikamu to mase karana asie karaiamu taudia edia. A kara dikana ta be mase karana; asina tomamu una kara dainai baine noinoi.
1JO 5:17 Kara gageva-gagevadia iboudiai na didika; a kara dika haida na dia mase karadia.
1JO 5:18 Dibada Dirava ena amo e vara taudia iboudiai na asie kara dikamu, badina be Dirava Natuna ese e gimadiamu, bena dika tauna ese se abidiamu.
1JO 5:19 Dibada danu ita na Dirava ena amo ta vara, a tanobada idoinai na dika tauna imana ai.
1JO 5:20 Ma dibada danu Dirava Natuna vada ema, laloda vada e hapararadia, Dirava Korikori baita diba helaoreana. Ita na ia lalonai, bona ia Natuna Iesu Keriso lalonai, ta nohomu. Ia bunai Dirava Korikori; ia bunai Mauri Hanaihanai.
1JO 5:21 Natugu e, nahuamui ba toho dirava koikoidia na garidia.
2JO 1:1 Lau heitatao taugu ese e abimu hidi hahinemu mai natumu ida na tore henimuimu. Lau na hereva momokani ai na lalokau henimuimu; bona dia lau mo, a hereva momokani dibadia taudia iboudiai danu,
2JO 1:2 hereva momokani laloda ai e miamu bona dekedai do baine mia hanaihanai dainai.
2JO 1:3 Hariharibada bona hebogahisl bona maino dekedai bae mia, Tamada Dirava ena amo bona Tamada Natuna, Iesu Keriso, ena amo, hereva momokani ai bona lalokau ai.
2JO 1:4 Lau na moale bada, badina be natumu haida na davaridia, hereva momokani dalana ai e rakamu, Tamada ese e henida haheḡanina heḡereḡerena.
2JO 1:5 Hane lohia e, na noimumu, baita heura heheni; dia haheḡani matamatana ta asina tore henimumu, a matamana amo ta abia ḡauna.
2JO 1:6 Lalokau binai: iena haheḡani dalana ai baita raka. Una haheḡani na matamana amo o kamonai, ba badinaia totona e henimui.
2JO 1:7 Badina be koikoi taudia hutuma na tanobada ai e loamu, Iesu Keriso tau-anina ai ema na asie gwauraiamu; idia na koikoi taudia, Keriso inaina.
2JO 1:8 Nahuamui ba toho, o tahumu ḡaudia ba rea na garina; davamui do bavabi ḡuḡuru.
2JO 1:9 E raka hanaimu, Keriso ena hahediba herevadia se badinamu, tauna na Dirava enai se taomu; a hahediba herevadia e badinamu tauna na Tamada enai e taomu, bona Natuna danu enai e taomu.
2JO 1:10 A ta baine vasi, ini hahediba herevadia basine vasilai, tauna na basio abia dae emu ruma ai, bona basio hanamoa.
2JO 1:11 Badina be baine hanamoa tauna ese ena kara dika baine durua.
2JO 1:12 Hereva hoho aina tore henimui na tomu, to pepa bona ink amo basina tore. A lau na uramu baina vasi itamui, bena baita hereva heheni, eda moale danu baine ḡuḡuru.
2JO 1:13 Tadimu, e abia hidi hahinena, natuna ese e hahenamo henimumu.
3JO 1:1 Lau heitatao taugu ese egu lalokau Gaio na tore henimumu. Hereva momokani ai na lalokau henimumu.
3JO 1:2 Egu lalokau taumu e, na ura lalo-dikamu oi na ḡau iboudiai lalodiai ba namo, bona tau-animu danu baine namo, laumamu e namomu heḡereḡerena.
3JO 1:3 Varavarada haida ema, e hamaorogu oi na kara momokani taumu eto, bena na moale bada, hereva momokani dalana ai o rakamu dainai.
3JO 1:4 Moale bada-herea egu ai badina binai: natugu haridia na kamonaimu, idia be hereva momokani dalana ai e rakamu.
3JO 1:5 Egu lalokau taumu e, varavarada bona laolao taudia o abidia dae na heabidadama ḡaukarana namona.
3JO 1:6 Idia ese ekalesia oreana vairadiai oiemu heabi-dae karadia vada e gwaurai hedinarai. Edia laolao ai ba kahadia baine namo herea, Dirava ibadinana karana.
3JO 1:7 Badina be ia ladana dainai e raka lasi, bese idau-idau taudia edia amo ḡau ta asie abia.
3JO 1:8 Taunabunai, ita ese baita abidia dae baine namo; unu amo hereva momokani ikahalaina tauda ai baitala.
3JO 1:9 Ekalesia oreana na tore henidia, a Diotrefe, sibona e heimodaimu tauna, ese e dadaraimaimu.
3JO 1:10 Una dainai, baina vasi negana ai, ena kara baina lalo tao. Ia ese hereva dikadia amo e maumauraimaimu; a dia una mo, varavarada danu se abidia daemu, bona iabi-daedia e uramu taudia ia ese e gwaudia tubumu bona ekalesia oreana amo e atodia tabemu.
3JO 1:11 Egu lalokau taumu e, dika basio haḡoia, a namo hari. Kara namo e karamu tauna na Dirava ena; a kara dika e karamu tauna ese Dirava se itaia.
3JO 1:12 Demetrio be harina namo tauna, taunimanima iboudiai bona hereva momokani ese namona e gwauraiamu. Ai danu unu a gwauraia tomamu, bona umui dibamui ai emai hereva na momokani.
3JO 1:13 Hereva hoho aina tore henimu na tomu, to ink bona pen amo basina tore.
3JO 1:14 Asi vanahana baina vasi itamu na tomamu, bona baita hereva heheni.
3JO 1:15 Maino emu ai baine mia. Turamu iniseni ai e hahenamo henimumu. Turagu eneseni ai ta ta ladadia ba hato, ladagu ai ba hahenamo henidia.
JUD 1:1 Lau luda, Iesu Keriso ena hesiai taugu, Iakobo tadina, e abimui hidi taumui, Tamada Dirava ese e lalokau henimuimu bona Iesu Keriso ese e gimamuimu taumui, na tore henimuimu:
JUD 1:2 hebogahisi bona maino bona lalokau emui ai bae bada.
JUD 1:3 Egu lalokau taumui e, iseda hahemauri herevana baina tore henimui nato, to, kara ta dainai na tore henimuimu. Na haduamuimu, ta abia daemu herevana, helaḡa taudia e heni-dia vaitani herevana, ba gimaia goadagoada.
JUD 1:4 Badina be haida ese dekemui ai vada e rau vareai hehuni, idau nega ai davadia e gwaurai guna taudia, Dirava asie badinaiamu taudia; idia ese iena harihari-bada na lebulebu ḡauna ai e halaoamu, bona biaguda tamona, Lohiabada Iesu Keriso, e ḡoreamu.
JUD 1:5 Lau na uramu gunaguna o dibava ḡaudia baina hahelalolaimui une. Lohiabada ese bese ta Aigupto tanona amo e hamauridia, a gabeamo asie kamonai henia taudia na e habuadia.
JUD 1:6 Aneru haida danu, edia dagi korikori asie laloa tao, bona edia gabu korikori e rakatania; bena ia ese dibura gabuna ai e atodia, mia-hanaihanai gadeadia ai e ḡuidia, unuseni ai bae noho ela bona dina badana hahemaorona negana.
JUD 1:7 Sodoma bona Gomora bona dekedia hanuadia danu unuheto: heuda-hanai bona kara bodagadia e karava mai lalodia idoidiai, davadia na mia-hanaihanai lahina ai e abi, ita matada ihakanidia.
JUD 1:8 Ini nihi taudia ese danu tau-anidia unu e hadikadia tomamu, siahu taudia e dadaraidiamu, bona hairai anerudia e ḡonaḡonalaidiamu.
JUD 1:9 A Mikael, aneru ikwaradia, diabolo ida e hepapahuahu, Mose tau-anina e hepapahuahulaia, negana ai na se ere dika henia, a e hereva henia, eto “Lohiabada ese baine gwau henimu”.
JUD 1:10 A ini na herevalaidiamu taudia ese asi dibadia ḡaudia e ḡonaḡonalaimu, bona boroma edia diba heḡereḡeredia dibadia ḡaudia na sibodia ihadikadia ḡaudia ai e halao.
JUD 1:11 Madi, ihabaidia! Kain ena dala ai vada e raka. Balaam ena kerere vada e heau henia, kohu iabina totona. Kora ena gwau-hemuri ai do bae mase.
JUD 1:12 Idia na umui ida o anibou negadia ai, emui anibou e hadikamu, e anianimu, bogadia e hakunumu, asie garimu. Idia na dagadaga asi medudia, lai ese e odadia lao odadia maimu, na heheto. Idia na au na heheto, raudia e hehuhumu, huahuadia na lasi, vada e mase vaitani, mai ramudia ida e ragadiamu.
JUD 1:13 Idia na davara hurehuredia na heheto, edia hemarai e hedinaraimu gwaragwara na heheto. Idia na e morumu hisiudia na heheto, mia-hanaihanai diburana ai bae bodo.
JUD 1:14 Adam ena amo uru ihahituna tauna, Enok, ese idia e gwauraidia guna, eto “A itaia, Lohiabada vada ema, mai ena helaḡa taudia gerebu gerebu ida;
JUD 1:15 taunimanima iboudiai baine hahemaoro henidia, bona Dirava asie badinaiamu taudia baine dunidia dae, Dirava idadaraina karadia e kara daidiai bona Dirava ihadikalaina herevadia aukadia e gwaurai daidiai”.
JUD 1:16 Idia na ḡonaḡona bona maumau taudia; edia heḡahusi karadia mo e karamu. Ududia amo heaḡi herevadia e lasimu; taḡa taudia danu e imodaidiamu, kohu iabina totona.
JUD 1:17 Egu lalokau taumui e, iseda Lohiabada Iesu Keriso ena aposetolo taudia ese e hamaorolaimuiva herevadia na ba lalo tao.
JUD 1:18 Idia ese e hamaoromui, eto  “Nega dokona ai ḡonaḡona taudia bae hedinarai, sibodia edia heḡahusi karadia bae kara”.
JUD 1:19 Heiri-heiri ihavaradia taudia bunu, tau-anidia e lalomu taudia, Lauma na asie abia.
JUD 1:20 A umui, egu lalokau taumui e, emui abidadama helaḡana latanai emui mauri ba hadaia. Lauma Helaḡa ai ba ḡuriḡuri.
JUD 1:21 Dirava ena lalokau ai ba noho. Lohiabada Iesu Keriso ena hebogahisi ba laroa; ia ese mauri hanaihanai dalana ai baine hakaumui.
JUD 1:22 Daradara taudia ba bogadia hisi.
JUD 1:23 Haida lahi lalona amo ba veridia oho, ba hamauridia. Ma haida ba bogadia hisi, to mai garimui ida; tau-anina ese e hamiroamu dabuana na ba inai henia.
JUD 1:24 Mai siahuna ida baine gimamui bena basio keto Diravana, asi bebekabebekamui ia hairaina vairanai baine atomui mai moalemui ida Diravana,
JUD 1:25 Dirava tamona, eda Lohiabada Iesu Keriso bagunai e hamauridamu Diravana: hairai bona dagi bona goada bona siahu baine abi, harihari ela bona hanaihanai. Amen.
REV 1:1 Iesu Keriso ihahedinaraina herevana Dirava ese e henia, asi vanahana bae vara ḡaudia na ena hesiai taudia baine hamaorolaidia; bena ena aneru e siaia, ena hesiai tauna Ioane e haheitalaia.
REV 1:2 Bena ia ese Dirava ena hereva bona Iesu Keriso ena hereva bona e ita ḡaudia iboudiai e gwaurai hedinarai.
REV 1:3 Ini peroveta herevadia baine duahi tauna baine namo, bona bae kamonai taudia danu bae namo, bona ina buka ai e tore herevadia bae badina taudia bae namo; badina be ini ḡau iboudiai be varamu negana vada eme kahikahi.
REV 1:4 Lau Ioane, ekalesia oreadia hituosi Asia ai na tore henimuimu: hariharibada bona maino bavabi, e nohomu, e nohova bona baine noho Diravana ena amo, bona ena terono vairanai e ginimu laumadia hahituosi edia amo,
REV 1:5 bona Iesu Keriso ena amo: ia na gwau maoro tauna namona, bona toreisi-lou roboana mase amo, bona tanobada pavapavadia biagudia. Eura henidamu bena eda kara na rarana amo e huri oho Tauna,
REV 1:6 basileia ta ai e habouda bona Tamana Dirava ena hahelaḡa tauda ai e halaoda Tauna, enai hairai bona siahu bae mia ela bona hanaihanai. Amen.
REV 1:7 A itaia, ia na ori amo be maimu; mataa iboudiai ese bae itaia; e gwadaia taudia danu bae itaia; tanobada besedia iboudiai ese ia dainai bae tai. Momokani. Amen.
REV 1:8 Lohiabada Dirava na e tomu “Lau na Matamana bona Dokona”. Ia na e nohomu, e nohova bona do baine noho, Siahu-idoinai Diravana.
REV 1:9 Lau kakamui Ioane, umui bamomui hisi-ani ai bona basileia ai bona haheauka ai, Iesu bagunai, motumotu ta, ladana Patamo, ai na nohova, Dirava ena hereva bona Iesu ena hereva e gwaurai hedinaraiva daidiai.
REV 1:10 Bena Lohiabada ena dina ai Lauma ese e rohegu, bena murigu ai gado badana ta, kibi reḡena na heto, na kamonai;
REV 1:11 eto, Ini ome ita ḡaudia na buka ai ba tore, ekalesia oreadia hituosi dekedia ba siaia lao; ekalesiadia bini: Efeso, Semurana, Peregamo, Tuatira, Sadi, Filadelfia, Laodikea.
REV 1:12 Bena na gini kerehai, e hereva henigu tauna baina itaia nato. Bena gold lamepadia auhitu na ita;
REV 1:13 lamepa bogaragidiai ta e gini, e kara taunimanima natuna na heto, ena dabua na lata, ela bona aena, kemena na gold torana e ḡeḡea.
REV 1:14 Kwarana bona huina na kuroka-kuroka, mamoe huina na heto, eiava snow na heto. Matana na lahi na heto.
REV 1:15 Aena na auri labora-labora e kimore-kimore na heto, lahi ai e havevea negana ai. Gadona na sinavai momo reḡedia na heto.
REV 1:16 Imana idibana ai hisiu hitu e abi. Dare ta, kahana kahana mai ganodia ḡauna, uduna amo e lasi. Vairana na dina e tara na heto.
REV 1:17 Ia na itaia, bena aena badinai na goru diho, e kara na mase na heto. A ia ese imana idibana taugu ai e dau kau, eto, Asio gari; lau na gini-gunana bona gini-gabena;
REV 1:18 mauri tauna lau; na mase, to na maurimu; baina mauri hanaihanai. Mase kina bona mase taudia edia gabu kina na imagu ai.
REV 1:19 Benaini, ome ita ḡaudia ba tore: e miamu ḡaudia bona do bae vara ḡaudia bini.
REV 1:20 Hisiu hituosi imagu idibana ai o itamu bona gold lamepadia auhituosi anidia bini: hisiu hituosi na ekalesia oreadia hituosi edia aneru, bona gold lamepadia auhituosi na ekalesia oreadia hituosi.
REV 2:1 Ekalesia oreana Efeso ai ena aneru ini ba tore henia toma: Hisiu hituosi imana idibana ai e dogo taomu bona gold lamepadia auhituosi bogaradidiai e loamu tauna ena hereva bini.
REV 2:2 Lau na emu ḡaukara, emu hekwarahi bona emu haheauka na dibagu. Kara dika taudia o dadaraidiamu. Sibodia aposetolo e hegwauraimu taudia, a dia aposetolo korikori, oi ese o dibadia, bena dibamu idia na koikoi taudia.
REV 2:3 Dibagu oi na o haheaukamu, lau ladagu dainai o goadamu, lalomu na se hesikumu.
REV 2:4 To ina na na lodulai henimumu: emu lalokau gunana vada o negea.
REV 2:5 Vada o morutania gabuna ba laloa; ba helalo kerehai; emu kara gunadia ma ba kara. Bema lasi, lau na baina vasi, emu lamepa na gabuna amo baina abia oho, oi basio helalo kerehai negana ai.
REV 2:6 A emu namo sina binai: Nikolaita taudia edia kara o inai henimu, lau ese danu na inai henimu heḡereḡerena.
REV 2:7 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mauri auna, Dirava ena imea ai e varamu ḡauna huahuana baina henia, baine ania.
REV 2:8 Ekalesia oreana Semurana ai ena aneru ini ba tore henia toma: Ginigunana bona gini-gabena, e mase ma e mauri lou, tauna ena hereva bini.
REV 2:9 Emu hisihisi bona emu ogoḡami na dibagu. Ḡau tamona, oi na taḡa taumu. Sibodia Iuda taudia ai e hahelaomu edia ere dika danu dibagu; idia na dia Iuda taudia a Satana ena orea taudia.
REV 2:10 Bavabi hisidia na garidia basio gari. Diabolo ese umui haida dibura rumana ai baine koumui, baine dibaḡanimui; bena dina gwauta ba hisihisi. Ba gini tutuka-tutuka ela bona mase, bena mauri ena kwara havava ḡauna baina henimu.
REV 2:11 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mase iharuana ese basine hadikaia.
REV 2:12 Ekalesia oreana Peregamo ai ena aneru ini ba tore henia toma: Dare kahana kahana mai ganodia e abia tauna ena hereva bini.
REV 2:13 Emu noho gabuna na dibagu; Satana ena terono na eneseni ai. To oi ese lau ladagu o laloa taomu, bona o abidadama henigumu, egu hereva e gwaurai hedinaraiva mai momokanina tauna, Antipa, bogaragimui ai e alaia mase negana ai danu oi ese so ḡoregu; ena na Satana ena noho gabuna.
REV 2:14 A ḡau ta ta na lodulai henimumu. Badina be bogara-gimui ai haida ese Balaam ena hahediba herevadia e badinamu; una tau ese Balak e hadibaia, bena hekwakwanai ḡauna ta Israel taudia edia dala ai e atoa, bena idia ese kaivakuku iboulaidia vamudia e aniva, bona e heuda hanaiva.
REV 2:15 Bona haida danu dekemui ai ese Nikolaita taudia edia hahediba herevadia e abi dae.
REV 2:16 A helalo kerehai. Bema lasi, baina vasi haraḡa, udugu darena amo baina tuari henidia.
REV 2:17 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mana, e hunia ḡauna, baina henia, baine ania; bona nadi kurokurona ta baina henia, una nadi ai lada matamatana ta e hetore, ta asi dibana herevana, iabina tauna sibona mai dibana.
REV 2:18 Ekalesia oreana Tuatira ai ena aneru ini ba tore henia toma: Dirava Natuna, matana na lahi hururu-hururuna na heto, aena na auri laboralabora e kimore-kimore na heto, ena hereva bini.
REV 2:19 Emu kara, emu lalokau emu abidadama, emu heduru bona emu haheauka na dibagu. Emu kara gabedia ese danu emu kara gunadia e hereamu.
REV 2:20 To ina na na lodulai henimumu: hari hahine, ladana Iesabel, asio gwaua tubumu. Ia na sibona peroveta hahinena ai e hahelaomu, egu hesiai taudia e hadibadia kereremu bona e hakaudia kereremu, bena e heuda hanaimu bona kaivakuku iboulaidia vamudia e animu.
REV 2:21 Lau na ena nega vada na henia, baine helalo; a ena lebulebu karadia irakatanidia se uramu.
REV 2:22 A itaia, lau na gorere patana ai baina tahoa kau, bona ia ida e heuda hanaimu taudia basie helalo kerehai negana ai idia danu baina hahisihisidia bada.
REV 2:23 Ia natuna danu baina aladia mase. Bena ekalesia oreadia iboudiai na bae diba, lau na taunimanima edia lalo-hadai hehunidia na tahumu; bona umui danu ta ta davamui baina henimui, ena kara ena kara heḡereḡeredia.
REV 2:24 A umui hahidaosi Tuatira ai unu hahediba herevadia asio abi dae bona Satana ena dobu ḡaudia asi dibamui taumui, maduna idauna ta paḡamui ai basina atoa kau.
REV 2:25 Ḡau tamona, vada o abia ḡauna ba kahua tao tarika-tarika ela bona lau baina vasi.
REV 2:26 Kwalimu tauna, egu kara baine badina ela bona dokona tauna, na siahu baina henia. Ia ese tanobada besedia baine lohiadia,
REV 2:27 auri itotohina amo baine reḡudia. Uro e huari kohikohimu na heto ia ese baine huaridia. Lau danu siahu unuhetomana Tamagu ena amo vada na abia.
REV 2:28 Bona hisiu bada danu baina henia.
REV 2:29 Mai taiana tauna ese Lauma ena hereva ekalesia oreadia ediai baine kamonai.
REV 3:1 Ekalesia oreana Sadi ai ena aneru ini ba tore henia toma: Dirava ena lauma hituosi bona hisiu hituosi e abimu tauna ena hereva bini. Emu kara na dibagu, e herevalaimumu o maurimu e tomamu, to vada o mase.
REV 3:2 Ba noga. Mia ḡaudia, be masemu ḡaudia, ba reḡu namonamo; badina be emu kara maoromaorona ta Dirava vairanai asina davaria.
REV 3:3 O abi dae bona o kamonai ḡaudia na ba lalo tao bona ba badina; ba helalo kerehai danu. Bema basio gima, lau na henao tauna na heto baina vasi; egu vasi horana na basio diba.
REV 3:4 A eneseni ai, Sadi ai, ta ta ese edia dabua asie hamiro; idia na dabua kurokurodia bae hadokilai, lau ida baia raka hebou, badina be idia na nanamo.
REV 3:5 Kwalimu tauna ese dabua kurokurona baine hadokilaia; ia ladana danu mauri bukana amo basina rohoa, a Tamagu vairanai bona ena aneru vairadiai ia ladana baina gwauraia.
REV 3:6 Mai taiana tauna ese Lauma ena hereva ekalesia oreadia ediai baine kamonai.
REV 3:7 Ekalesia oreana Filadelfia ai ena aneru ini ba tore henia toma: Helaḡa bona hereva momokani tauna, David ena ki e abiamu tauna, e kehoamu bena ta basine koua, e kouamu bena ta basine kehoa, tauna ena hereva bini.
REV 3:8 Emu kara na dibagu. A itaia, iduara ta vairamu ai vada na kehoa, tau ta basine koua diba. Dibagu danu emu goada na dia bada, to egu hereva vada o badinaia bona ladagu so ḡorea.
REV 3:9 A itaia, sibodia Iuda taudia ai e hahelaomu, unu na e koikoimu, idia na Satana ena orea taudia, dia Iuda taudia; baina tuidia, oi aemu badinai bae goru diho, bae diba lau ese na lalokau henimumu.
REV 3:10 Egu haheauka herevana vada o badinaia dainai, tanobada idoinai baina dibaia bona tanobada taudia baina dibadia negana ai na oi baina hamaurimu.
REV 3:11 Lau na ba vasimu, vada o abia ḡauna ba dogoa tao tarika-tarika, bena tau ta ese havava ḡauna na kwaramu amo basine dadia.
REV 3:12 Kwalimu tauna na egu Dirava ena dubu duna ai baina halaoa, unu amo ia na basine raka lasi lou. Bona egu Dirava ladana na ienai baina torea; egu Dirava ena hanua ladana danu, Ierusalem matamatana guba amo, egu Dirava ena amo, e dihomu, ienai baina torea; bona lau ladagu matamatana ienai baina torea.
REV 3:13 Mai taiana tauna ese Lauma ena hereva ekalesia oreadia ediai baine kamonai.
REV 3:14 Ekalesia oreana Laodikea ai ena aneru ini ba tore henia toma: Hereva momokani tauna, dibana tauna mai maoromaorona bona mai momokanina ida, Dirava ese e kara ḡaudia roboana, ena hereva bini.
REV 3:15 Emu kara na dibagu; oi na dia keru, dia siahu. Bona keru eiava boma siahu bema namo.
REV 3:16 Taunabunai, oi na maivalo dainai, dia siahu bona dia keru, lau na udugu amo baina lorimu lasi.
REV 3:17 Badina be oi na o tomamu “Lau na taḡa taugu, mai egu kohu momo; ḡau ta ai asina dabumu”. Madi, asi dibamu oi na dika rohoroho, ihareha, ogoḡami, mata-kepulu, asi ramimu.
REV 3:18 Lau ese na haduamumu, egu ai gold ba hoia, lahi ese vada e haḡoevaia ḡauna; bena taḡa taumu ai baola. Dabua kurokurona danu ba hoia, ba dokilaia; bena hasio hemarai asi ramimu dainai. Mata muramurana danu ba hoia, matamu ba dahulai; bena ḡau ba ita.
REV 3:19 Na ura henidiamu taudia na sisiba henidiamu bona na dadabadiamu; taunabunai, lalomu ba hasiahua, ba helalo kerehai.
REV 3:20 A itaia, lau na iduara badinai na ginimu, na pidipidimu; eregu baine kamonai bona iduara baine kehoa tauna enai baina raka vareai, ia ida baia aniani hebou.
REV 3:21 Kwalimu tauna na baina abia dae, lau ida egu terono ai baia helai hebou; lau heḡereḡeregu, na kwalimu, bena Tamagu ida ena terono ai a helai hebou.
REV 3:22 Mai taiana tauna ese Lauma ena hereva ekalesia oreadia ediai baine kamonai.
REV 4:1 Ini ḡau muridiai na roha lao, guba ai iduara ta e hekeho na itaia, bona ere, na kamonai guna ḡauna, kibi reḡena na heto, ese e hereval henigu, eto, A dae aoma, gabeai bae vara ḡaudia baina haheitalaimu.
REV 4:2 Lauma ese e rohegu, bena guba ai terono ta na itaia, bona ta latanai e helai kau.
REV 4:3 E helai kau tauna ita-itana na iaspi bona sadio nadidia na heheto; bona kevau ese terono e ḡeḡea dae, ita-itana na samarago nadina na heto.
REV 4:4 Terono ruahui-hani ese terono badana e laia heḡeḡe, bona heitatao taudia ruahuihani unu terono latadiai e helai; kwaradia na mai havava ḡaudia, gold ḡaudia.
REV 4:5 Terono amo kevaru bona ere bona guba-rahu e lasi; bona terono vairanai lamepa auhitu e ara mai hururu-hururudia, Dirava ena lauma hahituosi bunu.
REV 4:6 Bona terono vairanai danu davara, hevarivari na heto, e mia. Bona terono lalonai bona heḡeḡenai mauri ḡaudia hani mimia, vairadia kahadia ai bona muridia kahadia ai matadia na momo.
REV 4:7 Mauri ḡauna gini-gunana na leona na heto; iharuana na boromakau natuna na heto; ihatoina vairana na taunimanima vairana na heto; ihahanina na ugava e rohomu na heto.
REV 4:8 ldia haniosi hanidia na tauratoi tauratoi amo. Murimuridia ai bona lalodia ai matadia na momo. Idia na dina hanuaboi laḡadia asie animu; e herevamu, e tomu, Helaḡa, Helaḡa, Helaḡa; Lohiabada na Siahu Idoinai Diravana; E nohova, e nohomu, bona baine noho.
REV 4:9 Bena hari mauri ḡaudia ese Mauri Hanaihanai Diravana terono ai e helaimu na e imodaiamu bona e heatolaiamu bona e hanamoamu negadia ai,
REV 4:10 heitatao taudia ruahui-haniosi ese terono ai e helaimu Diravana vairanai e goru dihomu, Mauri Hanaihanai Diravana e toma henia dihomu, edia havava ḡaudia na terono vairanai e nege dobimu, e tomu,
REV 4:11 Emai Lohiabdda, emai Dirava e, Namona binai: Hairai bona hemataurai bona siahu bavabi. Badina be oi ese ḡau iboudiai o havara, E; mu ura dainai o karadia bona e miamu.
REV 5:1 Bena na itaia, terono ai e helai Tauna imana idibana ai be buka ta, lalonai bona murimuri kahana ai danu revareva e hetore; buka na e hekou kunuka-kunuka, ikouna toadia na hitu.
REV 5:2 Bena aneru goadana ta na itaia, e hereva badabada, eto, Daika na heḡereḡere ina buka baine kehoa, bona ikouna toadia baine hamotu?
REV 5:3 A guba ai bona tanobada ai bona tanobada henunai ta asi goadana buka baine kehoa bona lalona baine itaia.
REV 5:4 Bena na tai dikadika, badina be ta asi goadana buka bame kehoa bona lalona baine itaia.
REV 5:5 Bena heitatao tauna ta ese e hereva henigu, eto, Asiotai; Iuda iduhuna ena leona, David ramuna, vada e kwalimu; ia ese buka baine kehoa bona ikouna toadia hituosi baine hamotu.
REV 5:6 Bena terono bona mauri ḡaudia haniosi padadia ai, heitatao taudia bogaragidiai, Mamoe Natuna ginina ai na itaia, e kara vada e alaia mase na heto. Doana na hitu, matana danu hilu, Dirava ena lauma hituosi, tanobada heḡeḡe-madai e siaidia lao ḡaudia, bunu.
REV 5:7 Ia na ema, terono ai e helai Tauna imana idibana amo buka e abia.
REV 5:8 Buka e abia; bena mauri ḡaudia haniosi bona heitatao taudia ruahui-haniosi na Mamoe Natuna vairanai e goru diho. Idia ta ta mai edia gitara bona mai edia gold urodia: unu uro be e gabumu bena bonadia e daemu muramuradia ai e honuhonu dae, helaḡa taudia edia ḡuriḡuri bunu.
REV 5:9 Bena ane matamatana e abia, eto, Oi na heḡereḡere buka bavabia, Bona ikouna toadia ba hamotu; Badina be e alamu mase, Raramu na taunimanima o hoilaidia, Dirava ena, Iduhu iboudiai, gado iboudiai, hanua iboudiai, bese iboudiai amo;
REV 5:10 Pavapava bona hahelaḡa taudia ai o halaodia, Eda Dirava vairanai; Bena tanobada ai bae lohia.
REV 5:11 Bena na roha lao, bona aneru hutuma gadodia na kamonai, idia ese terono bona mauri ḡaudia haniosi bona heitatao taudia e ginidia hegeḡe, daha daha, gerebu gerebu.
REV 5:12 Idia na e lolo badabada, eto “Mamoe Natuna e alaia mase, ia hari namo; siahu bona taḡa bona aonega bona goada bona hemataurai bona hairai bona hahenamo baine abi”.
REV 5:13 Bena e kara ḡaudia iboudiai, guba ai bona tanobada ai bona tanobada henunai bona davara ai, bona lalodia ḡaudia iboudiai, eredia na kamonai, eto “Terono ai e helaimu Diravana bona Mamoe Natuna na hahenamo bona hemataurai bona hairai bona siahu bae abi, harihari ela bona hanaihanai”.
REV 5:14 Bena mauri ḡaudia haniosi eto “Amen”. Bona heitatao taudia e goru diho, e toma henia diho.
REV 6:1 Bena Mamoe Natuna na itaia, ia ese ikouna toana ta e hamotua, bena mauri ḡauna ta erena na kamonai, e kara guba e rahua na heto, eto “Aoma”.
REV 6:2 Bena hosi kurokurona ta na itaia; e ḡui kau tauna na mai ena peva. Kwarana ivavalaina ḡauna e henia, bena mai siahuna ida ela, baine kwalimu totona.
REV 6:3 Ikouna toana iharuana e hamotua, bena mauri ḡauna iharuana erena na kamonai, eto “Aoma”.
REV 6:4 Bena hosi kakakakana ta e lasi; e ḡui kau tauna na siahu e henia, maino tanobada amo baine abia oho, taunimanima bae heala-ala heheni helaoreana. Bena dare badana e henia.
REV 6:5 Ikouna toana ihatoina e hamolua, bena mauri ḡauna ihatoina erena na kamonai, eto “Aoma”. Bena hosi korema-koremana ta na itaia; e ḡui kau tauna na metau ihahetohona ḡauna e abia kau imana ai.
REV 6:6 Bena ere ta mauri ḡaudia haniosi bogaragidia amo na kamonai, eto “Uit irau ta davana na silver monina ta, bona bali irau toi davadia na silver monina ta; bona nahuamu ba tohoa, dehoro bona vine ranuna ba hadika na garina”.
REV 6:7 Ikouna toana ihahanina e hamotua, bena mauri ḡauna ihahanina erena na kamonai, eto “Aoma”.
REV 6:8 Bena hosi mia kurona ta na itaia; e ḡui kau tauna ladana na Mase, bona Mase Lohiana na ia murina amo ema. Siahu na raruosi e henidia, tanobada ena inogo haniosi ai inogo ta bae biagua, dare bona doe bona dai-hanai goreredia bona tanobada ena hekori boromadia amo taunimanima bae aladia mase.
REV 6:9 Ikouna toana iha-imana e hamotua, bena pata helaḡana henunai Dirava ena hereva dainai bona ena hereva igwauraina dainai e aladia mase taudia laumadia na itadia.
REV 6:10 Idia na e lolo badabada, eto “Biagumai e, Helaḡa bona Momokani, edena nega ai tanobada taudia ba hahemaoro henidia, davadia ba henidia, ai raramai dainai”.
REV 6:11 Bena dabua kurokurodia ta ta e henidia, bona e haduadia, nega taina laḡadia do bae ani, ela bona bamodia bona tadihakadia hahidaosi iala-masedia, idia e aladia mase heḡereḡerena do baine ḡuḡuru.
REV 6:12 Ikouna toana ihatauratoina e hamotua, bena na roha lao, tano e laḡa bada, dina danu e dibura, dabua koremana na heto, bona hua na rara na heto.
REV 6:13 Bona hisiu na guba amo e moru, lai gubana ese suke huahuadia kasiridia e hahehuhumu na heto.
REV 6:14 Guba danu e puki, kopi mai revarevana e lokuamu na heto; ororo bona motumotu iboudiai danu gabudia amo e heraḡa oho.
REV 6:15 Bena tanobada pavapavadia bona lohiadia, bona tuari biagudia, bona taḡa taudia, bona goada taudia, bona hesiai taudia, bona ura kwalimu taudia, iboudiai na kohua lalodiai bona ororo nadi-hagadia henudiai e komu;
REV 6:16 bena ororo bona hagahaga e noidia, eto, Ame karuhimai tao, terono ai e helaimu Diravana vairana amo bona Mamoe Natuna ena badu amo ba hunimai;
REV 6:17 badina be edia badu dinana badana vada e gini dae. Daika baine gini diba?
REV 7:1 Bena aneru hahani na itadia, tanobada daigunidia haniosi ai e gini, tanobada ena lai haniosi e lao ahu, lai ta basine toa tanobada ai eiava davara ai, eiava au ta basine toa henia.
REV 7:2 Ma aneru ta na itaia, mairiveina kahana amo e dae kau, ikouna toana, Mauri Diravana ena, e abia kau. Bena hari mai siahudia tanobada bona davara bae hadika anerudia hahaniosi ia ese e lolo henidia,
REV 7:3 eto, Tanobada bona davara bona au basio hadika, ela bona eda Dirava ena hesiai taudia bagudia ai ia toana baita karaia.
REV 7:4 Bena toadia e kara taudia e hagaudia na kamonai: Israel besena edia iduhu iboudiai amo domaga-ta gerebu-hani daha-hani toadia e kara:
REV 7:5 Iuda iduhuna amo gerebu-ta daha-rua, Ruben iduhuna amo gerebu-ta daha-rua, Gad iduhuna amo gerebu-ta daha-rua,
REV 7:6 Asere iduhuna amo gerebu-ta daha-rua, Napatali iduhuna amo gerebu-ta daha-rua, Manase iduhuna amo gerebu-ta daha-rua,
REV 7:7 Simeon iduhuna amo gerebu-ta daha-rua, Levi iduhuna amo gerebu-ta daha-rua, Isakara iduhuna amo gerebu-ta daha-rua,
REV 7:8 Sebulun iduhuna amo gerebu-ta daha-rua, Iosef iduhuna amo gerebu-ta daha-rua, Beniamina iduhuna amo gerebu-ta daha-rua.
REV 7:9 Ini ḡau muridiai na roha lao, hutuma bada-herea na itadia, asi iduahidia, bese idau-idau bona iduhu idau-idau bona hanua idau-idau bona gado idau-idau amo, ibouboudiai na terono vairanai bona Mamoe Natuna vairanai e gini, edia dabua na kukuro-kukuro, bona imadia na mai retadia.
REV 7:10 Idia na e lolo badabada, eto “Hahemauri na iseda Dirava, terono ai e helaimu Diravana, bona Mamoe Natuna, ediai”.
REV 7:11 Bena terono bona heitatao taudia bona mauri ḡaudia haniosi e ginidia heḡeḡe anerudia iboudiai ese terono vairanai e goru diho, Dirava e toma henia diho,
REV 7:12 eto “Amen, hahenamo bona hairai bona aonega bona heimodai bona hemataurai bona siahu bona goada na eda Dirava ese haine abi, harihari ela bona hanaihanai; Amen”.
REV 7:13 Bena heitatao tauna ta ese e nanadaigu, elo, Ini dabua kurokurodia e hadokilai taudia be daidia? Bona ede amo ema?
REV 7:14 Bena na haere, nato, Ḡauka e, oi dibamu. Ma e hamaorogu, eto, Ini na hisihisi badana amo vada ema, edia dabua na Mamoe Natuna rarana ai e huri, e hakurokuro.
REV 7:15 Una dainai idia na Dirava ena terono vairanai gigini, bona ena Dubu Helaḡa lalonai ia isiaina e lao heni boimu e lao heni ranimu. Bona terono ai e helaimu Diravana ese edia taruha ai bainela.
REV 7:16 Idia na basie hitolo lou, basie ranu mase lou; dina eiava siahu ta ese basine raradia.
REV 7:17 Badina be Mamoe Natuna ese baine reḡudia; e lohilohimu ranudia mauridia badidiai baine hakaudia; bona Dirava ese iruru-matadia iboudiai na matadia amo baine dahu oho.
REV 8:1 Bena ikouna toana ihahituna e hamotua negana ai, asi reḡena ta guba ai, hora kahana sisivana.
REV 8:2 Bena Dirava vairanai e ginimu anerudia hahituosi na itadia, kibi auhitu vada e henidia.
REV 8:3 Bena aneru ta ma ema, pata helaḡana badibadinai e gini. Imana ai gold urona ta, lalonai muramura mai bonana e gabua ḡauna, e abia. Bena muramura mai bonana momo ehenia, helaḡa taudia edia ḡuriḡuri ida baine bulo, gold patana helaḡana ai, terono vairanai.
REV 8:4 Bena muramura mai bonana kwalahuna, hela=a taudia edia ḡuriḡuri ida, aneru imana amo e dae, Dirava vairanai.
REV 8:5 Bena aneru ese gold urona e abia, pata helaḡana lahina amo e hahonua; bena tanobada ai e tahoa kau. Bena ere bona guba-rahu bona kevaru bona tano-laga e vara.
REV 8:6 Bena aneru hahituosi e heḡaegae, edia kibi bae hiriri.
REV 8:7 Aneru gini-gunana ese ena kibi e hiriria, bena medu-hetari bona lahi rara ida e hebulo na tanobada ai e diho. Bena tanobada inogodia toiosi ai inogo ta e ara ore, bona au toi toi amo ta ta e ara ore, bona rei idoinai e ara ore.
REV 8:8 Aneru iharuana ese ena kibi e hiriria, bena e kara ororo badana mai lahina ta davara ai e tahoa dobi na heto. Bena davara kahadia toiosi ai kaha ta rara ai ela,
REV 8:9 bona davara gwarumedia toi toi amo ta ta e mase, bona lagatoi toi toi amo ta ta e mutu.
REV 8:10 Aneru ihatoina ese ena kibi e hiriria, bena hisiu badana ta guba amo e moru dobi, e hururu-hururu kede na heto, sinavai toi toi amo ta ta latadiai e moru, bona lohilohi ranudia toi toi amo ta ta latadiai e moru.
REV 8:11 Una hisiu ladana na “Idita”. Bena ranu gabudia toi toi amo ta ta e idita. Bena taunimanima hutuma e mase ranu daidiai, badina be vada e idita.
REV 8:12 Aneru ihahanina ese ena kibi e hiriria, bena dina kahadia toiosi ai kaha ta e botaia, bena e dibura; bona hua kahadia toiosi ai kaha ta e botaia, bena e dibura; bona hisiu toi toi amo ta ta e botadia bena e dibura. Una dainai, dina kahadia toiosi ai kaha ta se diari, bona hanuaboi kahadia toiosi ai kaha ta se diari.
REV 8:13 Bena ugava ta na itaia, guba padana ai e roho, bona erena na kamonai. E lolo badabada, eto, Tanobada taudia iboudiai madi O, madi O, madi O, aneru tatoiosi edia kibi, do asie hiriri ḡaudia, reḡedia daidiai.
REV 9:1 Aneru iha-imana ese ena kibi e hiriria, bena hisiu ta na itaia, guba amo e moru tanobada ai; bena e dobu masemase gurina kina e henia.
REV 9:2 Guri dobu masemase e kehoa, bena guri amo kwalahu e dae, amu badana kwalahuna na heto. Bena dina bona guba padana e vabura, guri kwalahuna vaburana.
REV 9:3 Bena kwalahu amo kwadi e lasi tanobada ai; bona siahu e henidia, tanohada doadoadia siahudia na heto.
REV 9:4 To e haganidia, tanobada reina bona tano ai e tubumu ḡaudia bona au basie hadika, a Dirava toana na bagudia ai asie abia taudia mo.
REV 9:5 E haduadia danu, basie aladia mase, a hua ima bae hahisidia; una hisihisi na doadoa ena hekori hisina na heto.
REV 9:6 Unu dinadia ai, taunimanima ese mase bae tahua, to basie davaria; bae ura lalo-dika bae mase, to mase ese baine heautanidia.
REV 9:7 Hari kwadi ita-itadia na tuari hosidia na heheto; kwaradia na e kara gold havava ḡaudia na heheto; vairadia na taunimanima na heheto;
REV 9:8 huidia na hahine huidia na heheto; isedia na leona isedia na heheto;
REV 9:9 kemedia na mai ḡaudia, auri na heto. Idia hanidiareḡedia na kariota reḡedia na heheto, hosi momo ese e verimu ḡaudia, tuari ai e heau vareaimu negadia ai.
REV 9:10 Iudia na doadoa iudia na heheto, mat duridia; bona edia siahu, taunimanima hua ima bae hahisidia, na iudia ai mia.
REV 9:11 Idia na mai edia pavapava, guri dobu-hereana aneruna bunai; ia ladana Heberu gadodia ai be Abadon, a Helene gadodia ai ladana na Apoluon.
REV 9:12 Dika ta vada e ore; rua be do mimia.
REV 9:13 Aneru ihatauratoina ese ena kibi e hiriria, bena gado ta na kamonai, Dirava vairanai e mia patana helagana, gold ḡauna, doana haniosi edia amo.
REV 9:14 Una gado ese aneru mai kibina ihatauratoina e hamaoroa, eto, Aneru hahaniosi, sinavai badana, ladana Eufrate, badibadinai vada e ḡuidia, ba ruhadia nege.
REV 9:15 Bena unu aneru hahaniosi e ruhadia: anerudia bunu vada e abidia heḡaeḡae, una hora, una dina, una hua, una laḡani, edia; taunimanima tatoi tatoi amo ta ta bae aladia mase.
REV 9:16 Tuari taudia mai hosidia ihagaudia na kamonai: idia na milion sinahu-rua.
REV 9:17 Bena egu mata-hanai ai unu hosi ini na itadia toma: e ḡui kau taudia na mai kemedia auridia, ita-itadia na lahi bona huakina bona teio na heheto; a hosi kwatadia na leona kwaradia na heheto, bona ududia amo lahi bona kwalahu bona teio e lasi.
REV 9:18 Ini hahedika toiosi daidiai taunimanima tatoi tatoi amo ta ta e mase; hari lahi bona kwalahu bona teio, ududia amo e lasi gaudia, ese e aladia mase.
REV 9:19 Badina be edia siahu na ududia ai bona iudia ai; iudia na gaigai na heheto, mai kwaradia, bena unu amo idia ese taunimanima e hahisidia.
REV 9:20 Ḡau tamona, tanobada taudia oredia, ini hisihisi ese asie hamasedia taudia, na imadia ḡaukaradia asie helalolai kerehai; lauma dikadia itomadiho-henidia asie hadokoa; gold bona silver bona auri labora-labora bona nadi bona au e karalai kaivakukudia, asie ita asie kamonai asie raka ḡaudia, itomadiho-henidia danu asie rakatania.
REV 9:21 Edia ala-ala bona edia babalau bona edia heuda-hanai bona edia henao danu asie helalolai kerehai.
REV 10:1 Bena aneru goadana ta na itaia, guha amo e diho, ena hahedoki na ori, kwarana daenai na kevau; vairana na e kara dina na heto, bona aena na lahi hururu-hururudia na heheto.
REV 10:2 Imana ai na buka maraḡina ta hekehona ai e abia. Aena idibana na davara ai e hadaia laurina be tanobada ai.
REV 10:3 E lolo badabada, leona e ḡoumu na heto; bena guba e rahua hahitu
REV 10:4 E rahua vaitani, bena eredia baina tore nato, to gado ta guba amo na kamonai, eto, Guba hahitu e rahua eredia ba kou, basio tore.
REV 10:5 Bena davara ai bona tanobada ai e gini aneruna na itaia, ia ese imana idibana e duduia dae guba ai,
REV 10:6 Noho-hanaihanai Diravana, guba mai anina idoinai bona tanobada mai anina idoinai bona davara mai anina idoinaie kara Diravana, ladana ai e gwau hamata, eto, Nega na basine halahe;
REV 10:7 aneru ihahituna ese ena kibi baine hiriria matama negana ai Dirava ena hereva hehunina baine momokani, peroveta taudia, iena hesiai taudia, e hamaorolaidia heḡereḡerena.
REV 10:8 Bena guba amo na kamonai gadona ma e hereva henigu, eto “Aola, davara ai bona tanobada ai e ginimu aneruna imana ai e miamu bukabukana bavabia”.
REV 10:9 Bena hari aneru dekena nala, nato “Buka maraḡina a henigu”. Bena ia eto “Avabia, avania ore; bogamu ai baine idita, a udumu ai baine gaiho, bada ranuna na heto”.
REV 10:10 Bena hari buka maraḡina na aneru imana amo na abia, na ania ore; bena udugu ai e gaiho, bada ranuna na heto, to na ania ore murinai bogagu na e idita.
REV 10:11 Bena e hamaorogu, ewto “Taunimanima idau-idau, bese idau-idau, gado idau-idau, pavapava idau-idau, hutuma ba haroro henidia”.
REV 11:1 Bena siriho ta, itotohi na heto, e henigu, eto, A tore isi, Dirava ena Dubu Helaḡa bona pata helaḡana ba hahetoho, bona lalonai e toma dihomu taudia ba hagaudia.
REV 11:2 A Dubu Helaḡa maḡuna na basio hahetohoa, badina be bese idau-idau taudia vada e henidia, idia na hua hari-ahui rua hanua helaḡana bae moimoilaia.
REV 11:3 A egu hereva igwauraina taudia raruosi na siahu baina henidia, puse dabuadia bae dokilai, bena dina; daha-ta sinahu-rua tauratoi-ahui bae haroro.
REV 11:4 Ini na olive audia aurua bona lamepa aurua, tanobada Lohiana vairanai e ginimu.
REV 11:5 Ta ihadikadia urana bema ura, ududia amo lahi bema lasi, inaidia bunu bema aradia ore: taunabunai ta ihadikadia urana baine ura, ia na unu baine mase toma.
REV 11:6 Idia na mai siahudia guba bae koua, bena edia haroro dinadia lalodiai medu basine diho. Mai siahudia danu ranu na rara ai bae halaoa; bena bae ura negadia ai hisihisi idau-idau bae havara tanobada ai.
REV 11:7 Edia haroro bae haḡuḡuru, bena mauri ḡauna mai daḡedaḡena, guri dobu-hereana amo e daemu ḡauna, ese baine tuari henidia, haine hadareredia, baine aladia mase.
REV 11:8 Bena tau-anidia masedia na hanua badana ariarana ai bae mia, Hehuni herevadia heḡereḡerena ai ladana e gwauraia “Sodoma” na “Aigupto”; raruosi edia lohiabada na e hasatauroa hanuana,
REV 11:9 Bena dina toi mai dina kahana taunimanima idau-idau, iduhu idau-idau, gado idau-idau, bese idau-idau, taudia ese tau-anidia masedia bae itadia, a iguridia bae lao ahu.
REV 11:10 Bona tanobada taudia na edia mase dainai bae moale, bae his dae, bona harihari ḡaudia bae hegidu heheni; badina be unu peroveta taudioa raruosi ese tanobada taudia e hahisidiava.
REV 11:11 A dina toi mai dina kahana e ore, bena mauri laḡana Dirava ena amo na raruosi lalodiai e vareai, bena e gini tore. Bena gari bada ese e itadia taudia e butudia tao.
REV 11:12 Bena gado ta guba amo e kamonai, e hereva badabada, e boiridia, eto “Ini aoma”. Bena raruosi na ori ta lalonai guba ai e dae, inaidia vairadiai.
REV 11:13 Una hora lalonai tano-laga badana ta e vara, bena hanua kahadia gwautosi amo kaha ta e kohu; bona tano-laga dainai taunimanima daha hitu e mase. Taunimanima oredia na e gari dikadika, Guba Diravana e heatolaia.
REV 11:14 Dika iharuana vada e ore; to ba itaia, ihatoina danu ma vada ba maimu.
REV 11:15 Aneru ihahituna ese ena kibi e hiriria. Bena gado badadia guba ai e hereva, eto “Tanobada basileiadia na eda Lohiabada bona ena Keriso edia basileia ai vada ela. Ia na baine lohia hanaihanai”.
REV 11:16 Bena heitatao taudia ruahui-haniosi, Dirava vairanai terono ai e helaimu taudia, ese e goru diho, Dirava e toma henia diho, eto,
REV 11:17 Lohiabada e, siahu idoidiai Diravana; o nohomu, o nohova. Ai ese a hanamomumu; Badina be emu siahu badana vada o abia isi, Emu basileia o halohiaiamu.
REV 11:18 Bese idau-idau taudia e badu, A oiemu badu vada eme kau; Mase taudia edia nega danu vada eme kau, ba hahemaoro henidia; Emu hesiai taudia, peroveta bona helaḡa taudia, edia nega danu vada eme kau, Bona oi ladamu e matauraiamu taudia kikina badana edia danu. Iboudiai davadia namodia ba henidia; Bona tanobada ihadikana taudia ba hadikadia negana danu vada eme kau.
REV 11:19 Bena Dirava ena Dubu Helaḡa guba ai na e kehoa, bona ena taravatu mauna Dubu Helaḡa lalonai na e hedinarai. Bena kevaru bona ere bona guba-rahu bona tano-laga bona medu-hetari e vara badabada.
REV 12:1 Bena hoa ḡauna badana ta guba ai e hedinarai: hahine ta, ena dabua na dina, bona hua na aena henudiai, bona hisiu gwauta-rua kwarana ai e ḡeḡea.
REV 12:2 E rogorogo, bena hekamonai hisina dainai e tai lolo.
REV 12:3 Bena hoa ḡauna ma ta guba ai e hedinarai: huala badana kakakakana ta, kwarana na hitu, doana na gwauta, ena havava ḡaudia danu na hitu, kwarana ta ta ai.
REV 12:4 Iuna ese guba hisiudia e daro dobi tanobada ai; hisiu toi toi amo ta ta e daro dobi. Bena hari huala na baine mara hahinena vairanai e gini, bine abia merona na ia ese baine ania eto.
REV 12:5 Hahine na e mara, mero e abia; ia ese bese loḡora iboudiai auri itotohina amo bainereḡudia. To mero na e kitoa dae Dirava vairana bona ena terono vairanai.
REV 12:6 Bena hahine na tano ḡaḡaena e heau lao, Dirava ese e heḡaeḡaelaia gabuna ai e noho; unuseni ai dina daha-ta sinahu-rua tauratoi-ahui bae ubua.
REV 12:7 Bena guba ai tuari e vara, Mikael mai ena aneru ida ese huala e tuari henia. Huala mai ena aneru ida e tuari,
REV 12:8 to e darere, bena edia gabu asie davaria lou guba ai.
REV 12:9 Bena hari huala badana, idau negai gaigaina, ma ladana ta Satana, tanobada idoinai e koiamu ḡauna, na e doria lasi bona e tahoa dobi tanobada ai; bona ena aneru danu ia ida e tahodia dobi.
REV 12:10 Bena na kamonai, gado badana ta guba ai e hereva, eto, Harihari iseda Dirava ena hahemauri bona ena goada bona ena basileia, bona iena Keriso ena siahu, vada eme gini dae; badina be Dirava vairanai varavarada e habadelaidia boi e habadelaidia rani tauna na vada e tahoa dobi.
REV 12:11 Idia ese Mamoe Natuna rarana dainai bona e gwaurai hedinarai herevadia daidiai vada e hadarerea; edia mauri asie lalokau henia, ela bona mase.
REV 12:12 Guba e! Guba ai o nohomu taumui e! Idia daidiai ba moale. Tanobada bona davara, madi ihabaimui! Badina be diabolo vada e vasi, e badu dikadikamu, badina be ia dibana ena nega eme kwadogi.
REV 12:13 Bena huala ese e itaia, tanobada ai vada e tahoa dobi, bena ia ese mero e abia hahinena na e daḡedaḡe henia.
REV 12:14 A ugava badana hanina ruaosi hari hahine e henia, bena ia ese huala e rohotania, tano ḡaḡaena e roho lao, ena gabu korikori ela, laḡani ta bona laḡani rua bona laḡani kahana e ubua gabuna.
REV 12:15 Bena huala ese hahine murina amo ela, uduna amo ranu e loria lasi, sinavai na heto, aru ese baine arua isi eto.
REV 12:16 A tanobada ese hahine e durua, e kara uduna e haḡaia na heto, huala ese e loria lasi sinavaina ma e hadonoa.
REV 12:17 Bena huala ese hahine e badu henia, ela, hahine natuna oredia eha tuari henidia, Dirava ena haheḡani herevadia bona Iesu ena hahediba herevadia e badinamu taudia bunu. Bena kone ai e gini.
REV 13:1 Daḡedaḡe ḡauna ta na itaia, davara amo e dae, doana na gwauta, kwarana na hitu, doana doridia ai be havava ḡaudia gwauta, bona kwarana ta ta ai Dirava ihadikana herevadia e tore.
REV 13:2 Hari daḡedaḡe ḡauna na itaia, ita-itana na taiga na heto, a aena na bea aena na heto, bona uduna na leona uduna na heto. Bena hari huala ese ena goada bona ena terono bona ena siahu na una ḡau e henia.
REV 13:3 Bena kwarana ta na itaia, e kara vada e haberoa dikadika, mase berona na heto, to berona vada e namo.
REV 13:4 Bena tanobada taudia ese huala e toma henia diho, badina be ia siahuna na hari daḡedaḡe ḡauna vada e henia; bona idia ese una daḡedaḡe ḡauna danu e toma henia diho, eto, Daika be ina ḡau idaina? Daika mai goadana baine tuari henia?
REV 13:5 Udu ta danu una daḡedaḡe ḡauna e henia, bena ia ese Dirava ihadikana herevadia e gwaurai lalo-dika. Bolla siahu danu e henia, hua hari-ahui rua baine lohia.
REV 13:6 Bena ia uduna e haḡaia, Dirava e ere dika henia, bona Dirava ladana bona ena dubu bona guba ai e nohomu taudia na e hadikadia ena hereva ai.
REV 13:7 Siahu danu e henia, helaḡa taudia baine tuari henidia, baine hadareredia, bona iduhu iboudiai boll; l taunimanima iboudiai bona gado iboudiai bon; l bese iboudiai baine lohiadia.
REV 13:8 Bena Mamoe Natuna, e alaia mase gaun; l, ena mauri bukana ai ladadia na tanobada matamana amo asie tore taudia ibouhoudiai ese una ḡau bae toma henia diho.
REV 13:9 Mai taiana tauna na baine kamonai.
REV 13:10 Daika baine heabi mauri, vada bae abia mauri, bona daika baine heala mase, vada bae alaia mase, dare amo. Helaḡa taudia na bae haheauka hona bae heabidadama.
REV 13:11 Bena daḡedaḡe ḡauna ma ta na itaia, tano lalona amo e dae, doana na rua, man-oe natuna ta na heto, a erella na huala erena na heto.
REV 13:12 Bena ia ese daḡedaḡe ḡauna gini-gunana ena siahu idoinai e ḡaukaralaia, ia vairanai, bona tanobada mai inoholaina taudia iboudiai e haduadia, daḡedaḡe ḡauna gini-gunana, hari ena mase berona e namo ḡauna, bae toma henia diho eto.
REV 13:13 Hoa karadia badadia danu e kara: ta be lahi guba amo e hadihoa taunimanima vairadiai.
REV 13:14 Bena unu hoa karadia daḡedaḡe ḡauna vairanai e kara siahudia amo ia ese tanobada taudia e koidia, e haduadia, una daḡedaḡe gaulla, mai dare berona to e mauri ḡauna, laulauna bae karaia eto.
REV 13:15 Bena ia na mai siahuna, una daḡedaḡe ḡauna Iaulauna baine hamauria, bena laulau na baine hereva. Mai siahuna danu una laulau ese basie toma henia diho taudia baine aladia mase.
REV 13:16 Bena taunimanima iboudiai kikina badana, taḡa taudia bona ogoḡami taudia, ura kwalimu taudia bona e ḡuidia taudia, na toa ta e henidia, imadia idibadia ai eiava bagudia ai e kara.
REV 13:17 Taunabunai ta basine hoihoi diba, hari toa, daḡedaḡe ḡauna ladana eiava numerana, e abia tauna mo sibona.
REV 13:18 Aonegana binai: lalona e pararamu tauna ese hari daḡedaḡe ḡauna numerana baine hagaua, badina be ia na tau ta numerana. Numerana binai: 666.
REV 14:1 Bona Mamoe Natuna na itaia, Siona ororona ai e gini; bona ia ida taunimanima domaga-ta gerebu-hani daha-hani, ia bona Tamana Iadadia baḡudia ai e torea taudia.
REV 14:2 Ma gado ta na kamonai, guba amo ema, sinavai momo reḡedia na heto bona guba e rahua dagumu na heto. Una gado danu e kara gitara taudia edia gitara e hataimu na heto;
REV 14:3 idia na ane matamatana e abia, terono bona mauri ḡaudia haniosi bona heitatao taudia vairadiai. Una ane na tau ta basine davaria diba, hari taunimanima domaga-ta gerebu-hani daha-hani, tanobada amo e hoidia taudia, sibodia.
REV 14:4 Idia be hahine ida asie eno bou taudia; vada e helaga. Idia ese Mamoe Natuna murinai e rakamu, ena loa iboudiai. Taunimanima padadia amo e hoidia, Dirava bona Mamoe Natuna anina roboana ai baela, taudia bunu.
REV 14:5 Koikoi herevana ta idia ududia amo se lasi; idia na asi bebeka-bebekadia.
REV 14:6 Bena aneru ta na itaia, guba padanai e roho, mia-hanaihanai sivaraina namona na tanobada ai e nohomu taudia ediai e laohai, bese iboudiai, iduhu iboudiai, gado iboudiai, tano iboudiai e harorolai henidia.
REV 14:7 E hereva badabada, eto, Dirava garina ba gari, ia mo ba imodaia, badina be ena hahemaoro negana vada be gini daemu; guba bona tanobada bona davara bona ranu e lohilohimu gabudia e kara Diravana ba toma henia diho.
REV 14:8 Ma aneru ta, iharuana, ia murina amo e roho, eto, Babulono badana, hanua iboudiai na ena heuda-hanai baduna vine-ranuna e ha-inulaidia hanuana, vada e kohu, vada e kohu.
REV 14:9 Ma aneru ta, ihatoina, idia muridia amo e roho, e lolo, eto, Ta ese daḡedaḡe ḡauna mai laulauna ida baine toma henia diho, bona ia toana baguna ai eiava imana ai baine abia,
REV 14:10 ia ese Dirava ena badu vine-ranuna, ena badu keherena lalonai vada e seia, ranu kavakava ida asie buloa ḡauna, baine inua; lahi bona teio amo bae hahisia danu, aneru helaḡadia bona Mamoe Natuna vairadiai.
REV 14:11 E animu hisidia kwalahuna e dae hanaihanaimu, bona dina hanuaboi laḡadia asie animu; daḡedaḡe ḡauna mai laulauna ida e toma henia dihomu bona ladana toana e abiamu taudia ahudia bunu.
REV 14:12 Helaḡa taudia, Dirava ena haheḡani e badinamu bona Iesu e abidadama heniamu taudia, do bae haheauka.
REV 14:13 Bena gado ta na kamonai, guba amo ema, eto, Ini ba torea toma “Lohiabada enai e masemu taudia be nanamo”. Ma Lauma eto “Oibe, edia ḡaukara amo bae laḡa ani, badina be edia kara ese e ḡavadiamu”.
REV 14:14 Bena na roha lao, ori kurokurona ta na itaia, bona ori latanai ta e helai, ita-itana taunimanima natuna ta na heto; kwarana ai na gold havava ḡauna, bona imana ai ilapa ta mai ganona.
REV 14:15 Bena aneru ta Dubu Helaḡa amo e raka lasi, ori latanai e helai tauna e lolo henia, eto, Emu ilapa aine ḡaukara; a lapalapa; badina be uit iutuna negana vada eme kau, tanobada uitina vada e lo vaitani.
REV 14:16 Bena ori latanai e helai tauna ese ena ilapa e ḡaukaralaia, tanobada uitina e lapaia vaitani.
REV 14:17 Bena aneru ma ta guba dubuna amo e raka lasi, ia danu imana ai na ilapa ta mai ganona.
REV 14:18 Ma aneru ta pata helaḡana amo e raka lasi; una aneru na mai siahuna lahi enai. Bena ia ese hari imana mai ilapana aneruna e lolo henia, eto, Emu ilapa aine ḡaukara; tanobada ena vine takodia ba utu, badina be vine huahuadia vada e maḡe.
REV 14:19 Bena hari aneru ese ena ilapa e ḡaukaralaia tanobada ai, tanobada ena vine huahuadia e utu oho; bona moimoi gabuna badana, Dirava ena badu bunai, lalonai e taho uda.
REV 14:20 Hari moimoi gabuna na hanua mulimurinai; bena e moia. Bena rara na moimoi gabuna amo e lasi, e aru ela bona maila sinahu-rua; ena dobu danu tano ela bona hosi uduna heḡereḡerena.
REV 15:1 Bena hoa ḡauna badana ma ta guba ai na itaia: aneru hitu ese hahehisi ḡaudia oredia hituosi e abi, Dirava ena badu ihaḡuḡuruna ḡaudia bunu.
REV 15:2 Bona davara ta na itaia, hevarivari na heto, to mai lahina. Bona da edaḡe ḡauna bona laulaunaa mai ladana mai numerana ida vada e hadareredia taudia danu na itadia, idia na una davara hevarivari na heto isena ai e gini, Dirava ena gitara imadia ai e abi.
REV 15:3 Bena Dirava ena hesiai tauna, Mose, ena ane e abia, bona Mamoe Natuna ena ane danu. Eto, Lohiabada Dirava e, siahu idoinai Diravana, Emu ḡaukara daka bada, hoa karadia. Uru iboudiai edia Pavapava e, Emu kara na mamaoro-mamaoro bona momomo-kakani.
REV 15:4 Lohiabada e, daika oi garimu basine gari? Daika oi ladamu basine imodaia? Badina be oi mo sibomu helaḡa. Bese iboudiai baema, bae toma henimu diho, Badina be emu hahemaoro karadia vada ema hedinarai.
REV 15:5 Bena na itaia, igwaurai-hedinaraina kalagana helaḡana e kehoa guba ai.
REV 15:6 Bena aneru hituosi, hahehisi ḡaudia hituosi e abi anerudia, na kalaga helaḡana amo e raka lasi; dabua aukadia ḡoevaḡoevadia bona kuroka-kurokadia e hadokilai, kemedia toradia na gold.
REV 15:7 Bena mauri ḡaudia haniosi edia amo ta ese aneru hituosi gold kibodia auhitu e henidia: unu kibo na Noho-hanaihanai Diravana ena badu amo e honuhonu dae.
REV 15:8 Bena Dirava hairaina bona siahuna kwalahudia ese una dubu e hahonua; bona tau ta dubu lalonai basine raka vareai diba ela bona hahituosi ese edia hahehisi ḡaudia hituosi bae ore.
REV 16:1 Bena ere badana ta Dubu Helaḡa lalona amo na kamonai, aneru hahituosi e hamaorodia, eto, Aola, Dirava ena badu ai e honumu kibodia auhituosi na tanobada ai ba bubu dobi.
REV 16:2 Aneru gini-gunana ela, ena kibo tanobada ai e bubua. Bena daḡedaḡe ḡauna toana e abia bona laulauna e toma henia diho taudia ediai toto badadia mai hisidia eha dudu.
REV 16:3 Aneru iharuana ena kibo davara ai e bubua; bena mase tauna rarana heḡereḡerena ai ela, bena davara lalonai e noho ḡaudia iboudiai vada e mase.
REV 16:4 Aneru ihatoina ena kibo na sinavai ai bona ranu lohilohi gabudia ai e bubua; bena rara ai ela.
REV 16:5 Bena ranu ilohiadia aneruna erena na kamonai, eto, Helaḡa Diravamu e, o nohova, o nohomu; Ini o hahemaoro henidia tomamu na maoromaoro,
REV 16:6 Badina be helaḡa taudia bona peroveta taudia raradia e bubu. Bena rara o henidiamu, bae inua, Edia kara ihaheḡereḡerena.
REV 16:7 Bena ere ma ta pata helaḡana amo na kamonai, eto, Lohiabada Dirava e siahu idoinai Diravana, momokani! Emu hahemaoro na momokani bona maoromaoro.
REV 16:8 Aneru ihahanina ena kibo na dina latanai e bubua; bena e hasiahua taunimanima baine aradia, lahi na heto.
REV 16:9 Bena siahu badana ese taunimanima e aradia; bena idia ese hari hahehisi e biagudia Diravana ladana e uduguiraia; asie helalo kerehai bona asie heatolaia.
REV 16:10 Aneru iha-imana ena kibo na daḡedaḡe ḡauna ena terono latanai e bubua; bena ena basileia e hadiburaia, bena taunimanima maladia e kori, hisihisi dainai.
REV 16:11 Bena Guba Diravana e uduguiraia, edia hisihisi bona edia toto daidiai; asie helalo kerehai, bona edia kara dika asie rakatani.
REV 16:12 Aneru ihatauratoina ena kibo na sinavai badana, ladana Eufrate. lalonai e bubua, bena ranuna vada e kororo, mairiveina kahana hanuadia pavapavadia edia dala e lailaia.
REV 16:13 Bena na ita, lauma dikadia tatoi, parapara na heheto, huala uduna amo bona daḡedaḡe ḡauna uduna amo bona peroveta koikoi tauna uduna amo e lasi.
REV 16:14 Idia na lauma dika-hereadia, hoa karadia e karamu, bona tanobada idoinai hanua hanua pavapavadia e lao henidiamu, eha gogodiamu, siahu idoinai Diravana ena dina badana tuarina dainai.
REV 16:15 (A itaia, henao tauna na heto ba vasimu. Hegima tauna, ena dahua e abi heḡaeḡaemu, asi ramina baine loa bena ena hemarai baine hedinarai na garina tauna, ia hari namo.)
REV 16:16 Bena lauma dikadia ese e gogodia gabu ta ai, ladana Heberu gadodiai ai be Aramagedono.
REV 16:17 Aneru ihahituna ena kibo na guba padanai e bubua; bena guba dubuna teronona amo ere badana ta e lasi, eto “Vada e ore”.
REV 16:18 Bena kevaru bona ere bona guba-rahu e vara; bona tano e laḡa bada, taunimanima tanobada ai e noho matama negana ai ema bona harihari tano na unu se laḡa toma.
REV 16:19 Bena hanua badana e parara, karoa toi, bona bese idau-idau edia hanua loḡora e heḡiḡi dobi; bona Dirava ese Babulono badana e laloa, ena badu ḡaraḡarana keherenae henia, ena badu vine-ranuna baine inua ore.
REV 16:20 Motumotu iboudiai e heau boio; ororo nallasihidia.
REV 16:21 Medu-hetari badadia, edia metau na pound sinahu ta mai dikooana, na guba amo e moru taunimanima latadiai. Bena taunimanima ese Dirava e uduguiraia, medu-hetari dainai, badina be ena hahehisi na bada herea.
REV 17:1 Bena hari kiho auhituosl e abi kau anerudia ta dekegu ema, e hereva henigu, eto, Aoma, ariara hahinena badana, ranu momlo latadiai e helaimu hahinena, ihahemaoro-henina baina haheitalaimu.
REV 17:2 Hanua hanua pavapavadia na ia ida vada e heuda hanai, bona tanobada ai e nohomu taudia ese ena heuda-hanai vine-ranuna vada e inua kekero.
REV 17:3 Bena ia ese Lauma ai e laohaigu, tano ḡaḡaena ala; unuseni ai hahine ta na itaia, mauri ḡauna kakakakana ta latanai e helai kau. Una mauri ḡauna na Dirava ihadikana herevadia amo e honu; ia kwarana na hitu, bona doana na gwauta.
REV 17:4 Hahine na dabua kakakakadia bona mia-kakadia e hadokilai, gold bona nadi hururu-hururudia bona aḡeva mai hairaidia e heralai. Ia imana ai na gold keberena ta, ḡau dika-rohorohodia bona ena heudahanai amo e honu.
REV 17:5 Ia baguna ai lada ta e torea, anina e hehuni ḡauna, ini e torea toma: “Babulono badana, ariara hahinedia bona tanobada ena kara mirodia idoidiai sinadia”.
REV 17:6 Hahine na na itaia, helaḡa taudia bona Iesu dainai e aladia mase taudia raradia e inu kekero. Na itaia negana ai na hoa dikadika.
REV 17:7 Bena hari aneru ese ma e hereva henigu, eto, Oi dahaka o hoamu? Ina hahine sivaraina hehunina, bona hari mauri ḡauna, latanai e helai kaumu ḡauna, kwarana hitu doana gwauta ḡauna, sivaraina hehunina, aina hamaorolaimu.
REV 17:8 Hari mauri ḡauna o itaia be e nohova, to harihari ia na lasihia. A asi vanahana ia na guri dobu-masemasena amo do baine dae, mase gabuna bainela. Bena tanobada ai e nohomu a tanobada matamana ai ladadia na mauri bukana lalonai se tore taudia ese hari mauri ḡauna, e nohova, ma lasihia, ma bainema ḡauna, bae itaia. bona bae hoa.
REV 17:9 Aonega tauna na lalona baine parara. Hari kwara hituosi na ororo hitu; hahine na latadiai e helaimu.
REV 17:10 Idia na pavapava hahitu danu: laima vada e keto, ta be e nohomu, a ta be do sema; bainema negama ai baine noho taina.
REV 17:11 A hari mauri ḡauna, e nohova a vada lasihia ḡauna, ia na ihataura-hanina; ḡau tamona hituosi ediai ia danu ta, bona ia danu mase gabuna bainela.
REV 17:12 A doa gwauta o ita ḡaudia na pavapava gwauta, to edia basileia do asie abi. A hari mauri ḡauna ida pavapava siahuna do bae abia, hora tamona.
REV 17:13 Iboudiai lalodia na tamona, edia goada bona edia siahu hari mauri ḡauna bae henia e tomamu.
REV 17:14 Idia ese Mamoe Natuna bae tuari henia, to Mamoe Natuna na do baine kwalimu; badina be ia na lohia edia Lohia, bona pavapava edia Pavapava, bona e bamoamu taudia na ia ese e boiridia bona e abidia hidi, bona idia ese ia e abidadama heniamu.
REV 17:15 Ma e hamaorogu, eto, o itil ranudia, ariara hahinena ese e helai heni ranudia, na tano idau-idau taudia, orea idau-idau, bese idau-idau, gado idau-idau.
REV 17:16 Bona mauri ḡauna doana gwautaosi o ita ḡaudia ese ariara hahinena bae inai henia; bae havahuraia, kopi kavakava bainela, bena hidiona bae ania, lahi ai bae ḡolea oho.
REV 17:17 Badina be Dirava ese e ha-uradia, ena lalo-hadai bae haḡuḡurua; bena lalodia bae tamona, edia basileia na mauri ḡauna bae henia ela bona Dirava ena hereva baine ḡuḡuru.
REV 17:18 Bona hari o itaia hahinena na hanua badana, hanua hanua pavapavadia e lohiadiamu hanuana.
REV 18:1 Ini ḡau muridiai, aneru ma ta na itaia, guba amo e diho, mai siahu badana ida. Ia hairaina ese tanobada e hadiaria.
REV 18:2 Bena e lolo badabada, eto, Babulono badana vada e kohu, vada e kohu! Lauma dikadia edia noho gabuna ai vada ela; Lauma dika-hereadia edia kohua ai vada ela; Manu dikadia bona manu daḡedaḡedia edia ruma ai vada ela.
REV 18:3 Badina be bese iboudiai ese ena heuda-hanai baduna vine-ranuna vada e inua; Bona hanua hanua pavapavadia na ia ida vada e heuda hanai; Bona hanua hanua edia hoihoi taudia ese ena lebulebu taḡadia amo edia taḡa vada e habada.
REV 18:4 Ma ere ta guba amo na kamonai, eto, Egu orea taumui e, iena amo ba raka lasi, Ia ida ba kara dika hebou na garina, Ia ida ba hisihisi hebou na garina.
REV 18:5 Badina be ena dika vada e senua ela bona guba ai, Bona Dirava ese ena kara havara e lalo taomu.
REV 18:6 Haida e henidia heḡereḡerena ba henia, Ena kara davadia ba henia harua. Haida adia inuinu ḡauna e buloa keherena ai ia ana ba buloa harua.
REV 18:7 Sibona e heimodaiva bona e lebulebuva heḡereḡerena hisihisi bona tai ba henia, Badina be lalona e hadaia, eto “Lau na pavapava na heto na helaimu, lau na dia vabu, Tai badina egu ai basine kau”.
REV 18:8 Taunabunai ena hisihisi idau-idau dina tamona ai bae kau, Mase bona taitai bona doe; Lahi ese baine araia vaitani. Badina be Lohiabada, e hahemaoro heniamu Diravana, na mai siahuna.
REV 18:9 Bena hanua hanua pavapavadia, ia ida e heuda hanaiva bona e lebulebu hebouva taudia, ese ia idouna kwalahuna bae itaia negana ai na ia taina bae tai, bae tai lolololo.
REV 18:10 Ena hisihisi garina bae gari dainai, dauhai bae gini, baeto, Madi o, madi o, Babulono o! Hanua bada hereana, goada hanuana! Hora tamona ai vada eme hahemaoro henimu vaitani.
REV 18:11 Bona hanua hanua edia hoihoi taudia danu ia taina bae tai, bae tai dikadika; badina he edia hoihoi kohudia na tau ta ese basine hoi lou:
REV 18:12 gold bona silver; nadi hururu-hururudia bona aḡeva mai hairaidia; dabua aukadia bona dahua mia-kakadia; silk dabuadia bona dahua kakakakadia; boto audia bona elefant doadia amo e kara ḡaudia; au namodia bona auri labora-labora amo e kara ḡaudia; aauri bona nadi amo e kara ḡaudia,
REV 18:13 muramura idauidau danu, kinamomo bona amomo bona tumiamata bona muro bona libano; vine ranuna danu, bona dehoro; flaoa bona uit; boromakau bona mamoe; hosi bonal kariota; tauunimanima tau-anidia bona laumadia.
REV 18:14 Laumamu ese e ura heni ḡaudioa ese vada e rakatanimu. Digara ḡaudia bona diari ḡaudia ese vada e heautanimu, Basio davaridia lou.
REV 18:15 Unu ḡau e hoiva, edia taḡa e davariva, taudia na ena hisihisi garina bae gari, dauhai bae gini, bae tai dikadika, bae tai lulololo, baeto,
REV 18:16 Madi o, madi o, hanua badana! Dabua aukadia bona mia-kakadia bona kakakakadia o hadokilaiva, Gold bona nadi hururu-hururudia bona aḡeva mai hairaidia o heralaiva:
REV 18:17 Hora tamona ai emu taḡa vada eme ore vaitani. Bona lagatoi biagudia, mai edia memero ida, bona hiri taudia, bona davara ḡaukaradia idau-idau e kara taudia, dauha amo e itaia;
REV 18:18 bena idouna kwalahuna e itaia negana ai e lolo, eto. Hanua badana idaina be edena?
REV 18:19 Bena tano ḡahuna na kwaradia ai e taho kau, e tai, e tai lolololo, eto, Hanua badana madi o, madi o! Ena taḡa ese laḡatoi taudia e hataḡadia! Hora tamona ai vada eme vahu.
REV 18:20 Guba e, ena va hu ba moalelaia; Helaḡa taumui bona aposetolo taumui bona peroveta taumui, ba moale; Badina be umui daimui ai Dirava ese davana vada eme henia.
REV 18:21 Bena aneru goadana ta ese nadi-huro badana ta e abia isi, davara ai e tahoa dobi, eto, Babulono, hanua badana, unu bae tahoa dobi toma, Bena basine hedinarai lou.
REV 18:22 Gitara e hataimu bona ane e lada isimu taudia, Ivilikou e hataimu bona kibi e hiririmu taudia, Oi lalomu ai basie kamonaidia lou; Ḡaukara namodioa mai dibadia taudia Oi lalomu ai basie noho lou; Uit ibidina nadina reḡena na OLi lalomu ai basie kamonai lou;
REV 18:23 Lamepa diarina na Oi lalomu ai basine hururu lou; Headava matamata tauna bona hahinena Oi lalomu ai eredia basie kamonai lou. Badina be emu hoihoi taudia na tanobada lohiadia ai ela, Emu babalau karadia ese bese iboudiai e koidia.
REV 18:24 Peroveta taudia raradia, Bona Helaḡa taudia raradia, Bona tanobada ai e aladia mase taudia iboudiai raradia, Ia lalonai e davari.
REV 19:1 Bena hutuma bada guba ai eredia na kamonai, eto, Aleluia! Hahemauri bona hairai bona siahu na iseda Dirava enai mimia.
REV 19:2 Badina be ena hahemaaoro na momomo-kakani bona mamaoro-mamaoro. Ia ese ariara hahinena badana vada e hahemaoro henia, Ena heuda-hanai amo tanobada e hadikaia hahinena bunai; Dirava ena hesiai taudia raradia davana danu vada e henia.
REV 19:3 Ma eto, Aleluia! Hanua badana kwalahuna e dae hallaihanaimu.
REV 19:4 Bena heitatao taudia ruahui-haniosi bona maurio ḡaudia haniosi e goru diho, terono ai e helaimu Diravana e toma henia diho, eto, “Amen! Aleluia!”
REV 19:5 Bona ena hesiai taumui e, Dirava ena hesiai taumui e, Ia garina o garimu taumui e, Kikina badana, eda Dirava ba hanamoa.
REV 19:6 Bena ere ta na kamonai, hutuma bada eredia na heheto, sinavai momo reḡedia na heheto, guba-rahu reḡedia na heheto. Eto, Aleluia! Lohiabada eda Dirava, siahu idoinai Diravana, ia mo Lohia.
REV 19:7 Aita moale, aita hisi dae, ia mo aita heatolaia. Badina be Mamoe Natuna ena headava negana vada eme gini dae, Bona adavana vada e heḡaeḡae vaitani,
REV 19:8 Dabua aukadia vada e hadokilai, ḡoevaḡoevadia bona kuroka-kurokadia. Hari dabua aukadia na helaḡa taudia edia kara maoromaoro.
REV 19:9 Bena aneru ese e hamaorogu, eto, A torea: “Mamoe Natuna ena headava anibouna e vavedia taudia be nanamo”. Ma eto “Ini na Dirava ena hereva momokani”.
REV 19:10 Bena aena badinai na goru diho, baina toma henia diho nato, to e gwaugu tao, eto, Ene asio kara toma; lau danu hesiai taugu, oi bamomu bona varavaramu, Iesu ena hereva e badinamu taudia, bamodia danu. Dirava ba toma henia diho; badina be Iesu ena hereva na peroveta laumana.
REV 19:11 Bena guba na itaia, e parara, bona hosi kurokurona ta e hedinarai, latanai e gui tauna ladana na “Abidadama” bona “Momokani”; ia na kara maoromaoro ai e hahemaoromu bona e tuarimu.
REV 19:12 Matana na e kara lahi hururu-hururuna na heto. Kwarana ai na havava ḡaudia momo, latadiai lada ta e torea; a e torea herevana ta asi dibana, ia mo sibona.
REV 19:13 Rara ai e urua diho dabuana hadokilaia. Ia ladana e hatoa “Dirava ena Hereva”.
REV 19:14 Guba ena tuari oreadia na ia murinai ela: hosi kurokurodia ai e gui; dabua aukadia, ḡoevaḡoevadia bona kuroka-kurokadia, e hadokilai.
REV 19:15 Uduna amo amo dare mai ganona e lasi, bese idau-idau idapalaidia. Auri itotohina amo baine reḡudia; bona siahu idoinai Diravana ena badu-ḡaraḡara vinena gabuna ai baine moidia tao.
REV 19:16 Ena dabua ai bona mamuna ai lada ta e torea: “Pavapava edia Pavapava; lohia edia Lohia”.
REV 19:17 Bena aneru ta na itaia, dina ai e gini, e lolo badabada, guba padanai e rohomu manudia e boi henidia, eto, Aoma, Dirava ena anibou badana ai ame hegogo,
REV 19:18 pavapava hidiodia, bona tuari biagudia hidiodia, bona goada taudia hidiodia, bona hosi hidiodia, bona hosi ai e guimu taudia hidiodia, bona taunimanima iboudiai, ura kwalimu taudia bona e ḡuidia taudia, kikina badana hidiodia, bavani.
REV 19:19 Bena daḡedaḡe ḡauna bona hanua hanua pavapavadia mai edia tuari oreadia ida na itadia, e hegogo, hari hosi ai e gui tauna mai ena orea ida bae tuari henidia totona.
REV 19:20 Bena daḡedaḡe ḡauna e abia mauri, bona peroveta koikoina, hoa karadia daḡedaḡe ḡauna vairanai e kara dainai daḡedaḡe ḡauna toana e abia bona laulauna e toma henia diho taudia e koidia tauna, danu e abia mauri. Idia raruosi na mauridia ai lahi gohuna, teio e aramu gabuna, lalonai e tahodia dobi.
REV 19:21 A oredia na hosi ai e gui tauna uduna amo e lasi darena ese e aladia mase, bena manu iboudiai ese hidiodi e ani, bogadia e kunu.
REV 20:1 Bena aneru ta guba amo e diho, guri dobu-masemasena kina na imana ai, bona auri gadeana badana ta danu.
REV 20:2 Ia ese hari huala, idau negai gaigaina, ladana ta hatoamu “Diabolo” bona “Satana”, e dabaia tao, e ḡuia, laḡani daha ta iḡui ai baine noho.
REV 20:3 Guri dobu-masemasena lalonai e tahoa dobi, bena guri e koua bona ikouna toana e karaia. Taunabunai, bese idau-idau basine haraiva-raivadia diba ela bona laḡani daha ta bae ore. Una murinai ma bae ruhaia nege, nega taina mo.
REV 20:4 Bena terono haida na ita, bona e helai kau taudia danu na itadia; hahemaoro siahuna na idia imadia ai vada e atoa. Bena Iesu ena hereva bona Dirava ena hereva e gwaurai hedinarai dainai kwaradia e utu oho taudia, bona daḡedaḡe ḡauna mai laulauna ida asie toma henidia diho bona toana bagudia ai eiava imadia ai asie abia taudia, laumadia na itadia. Idia na e mauri lou, Keriso ida eha lohia ela bona laḡani daha ta.
REV 20:5 A mase taudia oredia asie mauri lou ela bona laḡani daha ta e ore. Tore-isi-lou gini gunana binai.
REV 20:6 Ina tore-isi-lou gini gunana lalonai ahuna e abiamu tauna be namo bona helaḡa; mase iharuana na asi siahuna una tau enai. Unuhetomadia na Dirava ena hahelaḡa taudia bona Keriso ena hahelaḡa taudia ai baela, bona ia ida bae ha lohia ela bona laḡani daha ta.
REV 20:7 A unu laḡani daha ta bae ore; bena Satana na ena iḡui amo bae ruhaia nege.
REV 20:8 Bena ia na baine lasi, tanobada daigunina haniosi ai e nohomu besedia, ladadia Gog bona Magog, tuari totona baine gogodia; ihagaudia na kone mirina na heto.
REV 20:9 Bena tanobada lababana e rakaia hanai, helaḡa taudia edia taruha bona Dirava ese e lalokau heniamu hanuana e daidia heḡeḡe; a lahi na guba amo e diho, e habuadia tari.
REV 20:10 Bena Diabolo, e koidia tauna, na lahi bona teio gohuna lalonai e tahoa dobi, daḡedaḡe ḡauna bona peroveta koikoina e tahodia dobi guna gabuna: unuseni ai bae hisihisi boi bae hisihisi rani, ela bona hanaihanai.
REV 20:11 Bena terono kurokurona badana ta na itaia, bona e helai kau Diravana danu. Bena tanobada bona guba na ia vairana amo e heau puki, to edia gabu ta asie davaria.
REV 20:12 Bena mase taudia kikina badana na itadia, terono vairanai gigini; bona buka vada e hekeho. Bena buka ta ma e kehoa, mauri bukana; bona mase taudia na e hahemaoro henidia, edia kara buka ai e tore heḡereḡeredia.
REV 20:13 Bona davara ai e mase taudia na davara ese e henidia dae, bona Mase bona Mase Gabuna danu lalodiai e hekou taudia e henidia dae. Bena idia danu edia kara heḡereḡeredia e hahemaoro henidia.
REV 20:14 Bena Mase bona Mase Gabuna na lahi gohuna lalonai e tahodia dobi. Ina na mase iharuana, lahi gohuna.
REV 20:15 Bena tau ta bema asi ladana mauri bukana, ia na lahi gohuna ai bema tahoa dobi.
REV 21:1 Bena guba matamatana bona tanobada matamatana na ita; badina be guba gunana bona tanobada gunana vada e puki, davara danu lasihia.
REV 21:2 Bona hanua helaḡana, Ierusalem matamatana, na itaia, guba amo e diho, Dirava ena amo, be headavamu ulatona na heto, e haheraia adavana ena.
REV 21:3 Bena ere ta na kamonai, terono amo ema, e hereva badabada, eto, Dirava ena noho gabuna na taunimanima dekedekediai; ia na bogaragidiai baine noho. Idia na iena bese ai baela; ia ese baine hamodia, edia Dirava.
REV 21:4 Ia ese iruru-matadia iboudiai matadia amo baine dahu oho. Mase bona dara-doko bona taitai bona hisihisi bae ore; badina be ḡau gunadia vada e puki.
REV 21:5 Bena terono ai e helaimu Diravana eto, A itaia, lau na ḡau iboudiai na hamatamatamu. Ma eto, A torea; badina be ini hereva na mamaoro-mamaoro bona momomo-kakani.
REV 21:6 Ma e hamaorogu, eto, Vadaeni; lau na gini-gunana bona gini-gabena, matamana bona dokona. Ranu mase tauna na e lohilohi daemu mauri-ranuna baine henia, asi davana.
REV 21:7 Kwalimu tauna ahuna binai: lau na ena Dirava ai bainala, ia na natugu ai bainela.
REV 21:8 A gari taudia, asie kamonai taudia, kara bodaḡa taudia, ala-ala taudia, babalau taudia, kaivakuku e toma henidia diho taudia, koikoi taudia, iboudiai ahudia na lahi bona teio gohuna: mase iharuana bunai.
REV 21:9 Bena aneru hituosi, hari kibo hituosi lalodiai hahehisi gabedia hituosi e abi anerudia, ta ema, e hereva henigu, eto, Aoma, headava matamata hahinena, Mamoe Natuna adavana, baina haheitalaimu.
REV 21:10 Bena lauma ai e laohaigu, ororo badana ta dorina ai. Bena hanua helaḡana, Ierusalem, haheitalaigu, guba amo e diho, Dirava ena amo.
REV 21:11 Ia hairaina na Dirava hairaina; bona diarina na nadi hururu-hururuna, davana bada ḡauna, na heto, iaspi nadina na heto, e negari-negari.
REV 21:12 Ia na mai maḡuna: maḡuna danu lababana na bada bona harana na lata. Ikoukouna na gwauta-rua. Ikoukou badidiai na aneru gwauta-rarua, bona ikoukou daediai Israel iduhudia gwauta-ruaosi ladadia e tore.
REV 21:13 Laurabada kahana ai ikoukou toi, mirigini kahana ai toi, diho kahana ai toi, bona lahara kahana ai danu toi.
REV 21:14 Bona maḡu badina nadidia na gwauta-rua, ohedia ai Mamoe Natuna ena aposetolo taudia gwauta-raruosi ladadia e tore.
REV 21:15 Bena hari e hereva henigu aneruna imana ai na hahetoho ḡauna ta, gold amo e karaiaa ḡauna, hanua bonaa ikoukou bona maaḡu ihahetohodia.
REV 21:16 Hanua na e hadaia kaha haniosi heḡereḡere; roha-maorona bona lababana vada heḡereḡere. Bena ena hahetoho ḡauna amo hanua e hahetohoa, maila daha-ta sinahu-ima roha-maorona bona lababana bona harana-latana vada heḡereḡere.
REV 21:17 Maḡuna danu e hahetohoa, roha hari-ahui taurahani, taunimanima bona aneru edia hahetoho amo.
REV 21:18 Maḡu be iaspi nadina amo e larebaia, a hanua na gold herea-daena, to e negari-negari.
REV 21:19 Hanua maḡuna badina nadidia na nadi hururu-hururudia e haheralaidia. Gini-gunana na iaspi nadina, iharuana na sapairo, ihatoina na kalakedo, ihahanina na samarago,
REV 21:20 ihaimana na sadonu, ihatauratoina na sadio, ihahituna na krusolito, ihataurahanina na berulio, ihataaurahani-tana na topasio, ihagwaautana na krusoiparaso, ihagwaautatana na huakinto, ihagwauta-ruana na ametuso.
REV 21:21 Ikoukou gwauta-ruaosi na ageva mai hairaidia gwauta-rua; ikoukou ta aḡeva mai hairaina ta. A hanua ariarana na gold, to e negari-negari.
REV 21:22 Hanua lalonai dubu ta asina itaia, badina be Lohiabada, siahu idoinai Diravana, bona Mamoe Natuna, na una hanua dubuna.
REV 21:23 Dina bona hua danu na lasi, una hanua asie raraia; badina be Dirava hairaina ese e hadiaria, bona ena lamepa na Mamoe Natuna.
REV 21:24 Bese idau-idau ese ena diari ai bae raka, bona hanua pavapavadia ese hairaidia bae rakalai vareai.
REV 21:25 Dina ai hanua ikoukouna basie kou; bona hanuaboi na lasi unuseni ai.
REV 21:26 Bese idau-idau ese hairaidia bona hematauraidia bae rakalai vareai.
REV 21:27 Hahedika ḡauna ta eiava lebulebu tauna eiava koikoi tauna unuseni ai basine raka vareai, a Mamoe Natuna ena mauri bukana ai ladadia e tore taudia mo.
REV 22:1 Bena aneru ese mauri ranuna sinavaina negari-negarina e haheitalaigu: ia na Dirava bona Mamoe Natuna edia terono amo e lasi,
REV 22:2 hanua ariarana bogaragina amo e arua parara. Sinavai kahana kahana mauri auna e gini; huahuana na idau-idau, gwauta rua, hua ta ta mai huahuadia; bona au rauna ese bese idau-idau e hamauridiamu.
REV 22:3 Heuduguirai basine mia; a Dirava bona Mamoe Natuna edia terono na unuseni ai. Ena hesiai taudia danu bae toma henia diho;
REV 22:4 bona vairana bae itaia; bona ladana na bagudia ai baine hetore.
REV 22:5 Hanua na basine boi lou, bona lamepa bona dina diaridia na herevadia, badina be Lohiabada Dirava ese baine hadiaridia; bona bae lohia hanihanai.
REV 22:6 Aneru ese e hereva henigu, eto, Ini hereva na mamaoro-mamaoro bona momomo-kakani. Lohiabada, peroveta taudia laumadia edia Dirava, ese ena aneru vada e siaia, asi vanahana bae vara ḡaudia na ena hesiai taudia baine haheitalaidia.
REV 22:7 Ba heita: lau na ba vasimu. Ina buka e gwaurai gunamu herevadia e badinamu tauna na namo.
REV 22:8 Lau Ioane ini ḡau na ita bona na kamonai. Na ita bona na kamonai vaitani, bena ini ḡau e haheitalaigu aneruna aena badinai na goru diho, baina toma henia diho nato.
REV 22:9 Bena e gwaugu tao, eto, Ene basio kara toma; lau na hesiai taugu, oi bamomu, bona varavaramu peroveta taudia bamodia, bona ina buka herevadia e badinamu taudia bamodia. Dirava hari ba toma henia diho.
REV 22:10 Ma e hamaorogu, eto, Ina buka ena peroveta herevadia na basio kou ahu, badina be negana vada eme kahikahi.
REV 22:11 Kara dika tauna do baine kara dika; lebulebu tauna do baine lebulebu; kara maoromaoro tauna do baine kara maoromaoro; helaḡa tauna do baine helaḡa.
REV 22:12 Ba heita: lau na ba vasimu. Dava na imagu ai; taunimanima iboudiai edia kara heḡereḡeredia davadia baina henidia.
REV 22:13 Lau na Alefa bona Omega, gini-gunana bona gini-gabena, matamana bona dokona.
REV 22:14 Edia dabua e huri taudia be nanamo, badina be idia ese mauri auna bae lao henia diba, bona iduara amo hanua lalonai bae raka vareai diba.
REV 22:15 A murimuri ai be sisia bona babalau taudia bona heuda-hanai taudia, bona ala-ala taudia, bona kaivakuku e toma henidia dihomu taudia, bona koikoi herevadia igwauraidia e moalelaimu taudia.
REV 22:16 Lau Iesu ese egu aneru vada na siaia vasi, ekalesia oreadia herevadia vada e vasilai. Lau na David ramuna bona tuhutuhuna. Lau na hisiu bada, mai diarigu.
REV 22:17 Lauma bona headava matamata hahinena e tomamu “Aoma”. E kamonaimu tauna danu baineto “Aoma”. Ranu mase tauna na bainema. Bona ranu e uramu tauna ese mauri ranuna baine inua, asi davana.
REV 22:18 Ina buka ena peroveta herevadia e kamonaimu taudia iboudiai na sisiba henidiamu: tau ta ese ini hereva latadiai hereva ta baine atoa kau, Dirava ese ina buka lalonai e tore hisihisidia na ia latanai baine ato kau;
REV 22:19 bona ta ese hereva ta ina peroveta bukana amo baine abia oho, Dirava ese ia ahuna mauri auna enai bona hanua helaḡana lalonai, ina buka ai haridia e tore ahudia, na iena amo baine abi oho.
REV 22:20 Ini ḡau e gwaurai hedinaraimu Tauna e tomamu “Oibe, ba vasimu”. Amen: Lohiabada Iesu e, aoma.
REV 22:21 Lohiabada Iesu Keriso ena harihari-bada na helaḡa taumui iboumui ai emui ai baine mia. Amen.
