﻿HOSEA.
3.
Iehova ese ma e hereva henigu, eto, Ma baola, tau ta ese e eno henia bena ia ida e heuda hanai hahinena na ba ura henia, Iehova ese Israel taudia, dirava idaudia e haḡerediamu bona vine huahuadia kaukaudia manedia e ura henimu taudia, na e ura henidiamu heḡereḡerena. 
Taunabunai, lau ese silver sekeledia gwauta-ima bona bali homere ta mai kahana amo na hoia. 
Bena na hamaoroa, nato, Dina hoho adavagu ai baola, ariara karadia basio kara, idau tauna ta enai basiola; lau ese danu unu baina karamu toma. 
Badina be Israel taudia na dina hoho bae noho, asi edia pavapava eiava edia lohia, asi edia boubou ḡauna eiava edia au-tubua, asi edia dabua helaḡana eiava edia kaivakuku. 
Gabeamo, Israel taudia na bae lou, Iehova, edia Dirava, bona David, edia pavapava, bae tahudia; mai garidia ida Iehova mai ena hebogahisi ida bae lou henidia, dina gabedia ai. 
