﻿1 इतिहास.
2.
इस्राएलचे पुत्र: रऊबेन, शिमओन, लेवी, यहूदाह, इस्साखार व जबुलून, 
दान, योसेफ, बिन्यामीन, नफताली, गाद व आशेर. 
यहूदाहचे पुत्र: एर, ओनान व शेलाह. हे तिघे कनानी बथ-शूवा हिच्या पोटी त्यास झाले. (यहूदाहचा ज्येष्ठपुत्र एर हा याहवेहच्या दृष्टीने दुष्ट असल्यामुळे त्यास याहवेहनी जिवे मारले.) 
यहूदाहची सून तामारपासून त्याला पेरेस व जेरह हे पुत्र झाले; 
पेरेसाचे पुत्र: हेस्रोन व हामूल. 
जेरहाचे पुत्र: जिम्री, एथान, हेमान, कल्कोल व दारा; असे एकंदर पाच पुत्र होते. 
कर्मीचा पुत्र: आखार, ज्याने अविश्वासूपणे मूर्तीस समर्पित वस्तूंची चोरी करून आपल्या इस्राएली राष्ट्रास क्लेश दिला. 
एथानाचा पुत्र: अजर्‍याह. 
हेस्रोनास झालेले पुत्र: यरहमेल, राम व केलूबाइ. 
रामास अम्मीनादाब झाला, आणि अम्मीनादाबास यहूदाह वंशाचा सरदार नहशोन हा झाला. 
नहशोनाला सल्मा व सल्माला बवाज हा झाला; 
बवाजाला ओबेद झाला व ओबेदाला इशाय झाला. 
इशायाचे पुत्र: ज्येष्ठपुत्र एलियाब, दुसरा अबीनादाब, तिसरा शिमिआ, 
चवथा नथानेल, पाचवा रद्दाय, 
सहावा ओसेम, व सातवा दावीद हे होते. 
त्यांच्या बहिणी सरुवा व अबीगईल. जेरुइयाहचे अबीशाई, योआब व असाहेल असे तिघे पुत्र होते. 
अबीगईलला अमासा झाला, अमासाचा पिता इश्माएली येथेर होता. 
हेस्रोनचा पुत्र कालेबास त्याच्या पत्नी अजूबा (व यरियोथ) यांच्यापासून संतती झाली. अजुबाहचे पुत्र: येशेर, शोबाब व अर्दोन. 
अजुबाहच्या मृत्यूनंतर कालेबाने एफ्राथेशी विवाह केला. तिच्या पोटी त्यास हूर झाला. 
हूरास उरी झाला व उरीस बसालेल झाला. 
नंतर हेस्रोन साठ वर्षांचा असता त्याने गिलआदाचा पिता माखीरच्या कन्येशी विवाह केला व तिच्याशी केलेल्या प्रीतीसंबंधाने त्यास सगूब हा झाला. 
सगूबास याईर झाला, याईराने गिलआद प्रांतात तेवीस शहरांचे नियंत्रण केले. 
(पण गशूर व अराम यांनी हव्योथ याईर व केनाथ आणि त्यांच्या आसपासची गावे अशी एकंदर साठ नगरे हस्तगत केली.) 
हेस्रोन कालेब एफ्राथ येथे मृत्यू पावल्यावर त्याची पत्नी अबीयाहच्या पोटी त्याला तकोवाचा पिता अश्हूर हा झाला. 
हेस्रोनाचा ज्येष्ठपुत्र यरहमेल याचे पुत्र: ज्येष्ठपुत्र राम, बुना, ओरेन ओसेम व अहीयाह. 
यरहमेलाची अटाराह नावाची दुसरी एक पत्नी होती. ती ओनामची आई होती. 
यरहमेलाचा ज्येष्ठपुत्र रामचे पुत्र: मास, यामीन व एकर. 
ओनामाचे पुत्र: शम्मय व यादा. शम्मयाचे पुत्र: नादाब व अबीशूर. 
अबीशूराच्या पत्नीचे नाव अबीहाईल होते. तिच्या पोटी त्यास अहबान व मोलीद हे झाले. 
नादाबाचे पुत्र: सलेद व अप्पईम. सलेद हा पुत्रहीन मेला. 
अप्पईमचा पुत्र: इशी. इशीला शेशान हा झाला व शेशानाला अहलाय झाला. 
शम्मयाचा भाऊ यादायाचे पुत्र: येथेर व योनाथान. येथेर हा पुत्रहीन मेला. 
योनाथानचे पुत्र: पेलेथ व जाजा. 
शेशानास पुत्र नव्हते, मात्र कन्या होत्या. त्याचा यरहा नावाचा एक इजिप्त येथील सेवक होता. 
शेशानाने आपली कन्या, आपला सेवक यरहास दिली; तिच्या पोटी त्यास अत्ताय झाला. 
अत्तायास नाथान, नाथानास जाबाद, 
जाबादास एफलाल, एफलालास ओबेद, 
ओबेदास येहू, येहूस अजर्‍याह, 
अजर्‍याहास हेलेस, हेलेसाला एलीयासाह, 
एलीयासाहला सिस्माय, सिस्मायास शल्लूम, 
शल्लूमास यकम्याह, आणि यकम्याहास एलीशामा झाला. 
यरहमेलाचा भाऊ कालेबचे पुत्र: ज्येष्ठपुत्र मेशा जीफाचा पिता होता, मेशा जिफचा पिता होता आणि त्याचा पुत्र मारेशाह हा हेब्रोनचा पिता होता. 
हेब्रोनाचे पुत्र: कोरह, तप्पूआह, रेकेम व शमा. 
शमास रहम झाला. तो यर्कामाचा पिता होता. रेकेमास शम्मय हा झाला. 
शम्मयाचा पुत्र मावोन, माओन हा बेथ-सूराचा पिता होता. 
कालेबाची उपपत्नी एफाहला हारान, मोसा व गाजेज झाले. हारानास गाजेज झाला. 
यादायाचे पुत्र: रेगेम, योथाम, गेशान, पेलेट, एफाह व शाफ. 
कालेबाची उपपत्नी माकाहला शेबेर व तिर्‍हना हे झाले. 
याशिवाय तिला मदमन्नाहचा पिता शाफ, आणि मखबेना व गिबियाह यांचा पिता शेवा हे झाले; कालेबाची कन्या अक्साह होती. 
ही कालेबाची संतती होय. एफ्राथेचा ज्येष्ठपुत्र हूरचे पुत्र: शोबाल हा किर्याथ-यआरीमाचा पिता होता. 
सल्मा बेथलेहेमाचा पिता होता. हारेफ हा बेथ-गादेराचा पिता होता. 
किर्याथ-यआरीमाच्या पिता शोबालचे वंशज: हारोवेह व अर्धे मेनुहोथवासी. 
किर्याथ-यआरीम याची कुळे: इथ्री, पूथी, शुमाथी व मिश्राई. यांच्यापासून सोराथी व एष्टाबुली ही कुळे निघाली. 
सल्माचे वंशज: बेथलेहेम, नटोफाथी, अटरोथ-बेथ-योआब आणि अर्धे मानाहथी, सोरी, 
आणि याबेस येथे राहणारी सोफारी कुळे: तिराथी, शिमाथी व सुकाथी. रेखाब घराण्याचा मूळ पुरुष हम्मथच्या वंशातील ही केनी कुळे होती. 
