﻿Zãbụ́rị̃.
100.
Ĩmi ꞌbá pírí ụ̃nọ́kụ́ drị̃ gá ꞌdĩ, ĩngo úngó Úpí nî! 
Ĩmi ị̃nzị̃ Úpí ꞌi ãyĩkõ sĩ! Ĩmi amụ́ ĩꞌdi drị̃lẹ́ gá úngó ãyĩkõ drị̂ kî trũ! 
Lẽ ĩmi ãꞌị̃ rá Úpí ĩꞌdi Ãdróŋá ꞌi! Ũꞌbã ãma nĩ ãzíla ãma ĩꞌdi ãni; ãma ꞌbá ĩꞌdidrị̂ kî, ĩꞌdi ãma tãmba nĩ. 
Ĩfi ĩꞌdidrị́ kẹ̃jị́ tị gâsĩ ãwãꞌdĩfô fẽŋá trũ ãzíla ĩꞌdidrị́ lị́cọ́ agâlé ĩꞌdi ịcụ́ŋá trũ Ĩfẽ ĩꞌdiní ãwãꞌdĩfô; ĩmi ịcụ́ ĩꞌdi rụ́, 
ãꞌdusĩku Úpí ĩꞌdi múké; lẽtáŋá ĩꞌdidrị̂ la adru jãꞌdâ, ãzíla ị́jọ́ sĩ ásị́ tị̃jó ĩꞌdi drị̃ gá rĩ la adru áꞌbị́ ãnzị pírí sĩ. 
