LUK 1:1 Ŋic bocjaha jaŋe ŋondeŋ-nâŋecko wiac fârine fuawec irec binaŋ birickerâ qâreŋkembiŋ.
LUK 1:2 Jaŋe binaŋ i mitiŋiczi bapa fuŋfuŋ juhuc wiac fuŋgâtânehec hone manac eku banârembiŋ irec sâcko qâreŋkembiŋ.
LUK 1:3 Eme noni iŋuc jaha fuŋnaonecteaŋ wiac fua warewec irec aimuŋ mu ikisiŋ ehuc manaku mana-fârerâ Teofilo ŋicbomboŋ-nane gore ninic qâninic qâreŋkekopac.
LUK 1:4 Eme i wosehuc šiŋuc mana tarazemec: Dâŋ binaŋ egarekicne i fârine jâmbâŋ.
LUK 1:5 Herodezi Judia mâreŋte ŋicwofuŋ juwec, dameŋ ira taha bapa moc juwec šâŋene Zakaria, e Abia ere gie birionec. Ŋonâŋ-ticne Elisabete e Aroŋte tucne tofane.
LUK 1:6 Jahe Anuture maio bahac fâsâc juhuc sâcmutâc dâŋticne aiakic jaha reŋke-fârehuc jupic.
LUK 1:7 Eme Elisabete hufiŋ juwecte jahe ɋâric tâmiric juku ŋic ŋokac qizec epic.
LUK 1:8 Eme Zakaria juwec ŋic biri i jaŋe taha ufuŋko bâzi ririke gie baniŋte dameŋ-jeŋic maickeme
LUK 1:9 fisirâ gie-jeŋic ru sâc ehuc Zakaria hosâc bâzi rikeocte mucnepie taha ufuŋ maŋnao rašiwec.
LUK 1:10 Raširâ hosâc bâzi rikehame ŋic ŋokac omane jaŋe sapamaŋko Wofuŋ numecnehec jumbiŋ.
LUK 1:11 Ehame Wofuŋte aŋelozi fuarâ hosâc bâzi ririke alata ŋifecnao fâreopec domawec.
LUK 1:12 Domame Zakariazi honerâ fâfârerâ hemâtâckewec.
LUK 1:13 Iŋuc eme aŋelozi šiŋuc âzâcnewec: “Zakaria, go mi hâwicguoc, Wofuŋzi nunumuge manawecte ŋonâŋge Elisabete motec kiweckerâ roocmu, ere šâŋe Johane muzemec.
LUK 1:14 Go šeri ehuc bubiaŋ manacmu, â ŋic bocjahazi fufua-ticnere aŋac-jopaocmu.
LUK 1:15 E Wofuŋte maio kâcɋene erâ juocmu; â waiŋ me opâ momori irec sowa juocmu. Erâ e neŋgoc bumaŋko fohame Tiri Mârozi maŋticne bâfuseocmu.
LUK 1:16 Eme Israe ŋic boc jaha bârisiec-jopame Wofuŋ Anutu-jeŋic maickeniŋmu.
LUK 1:17 Elia maŋšoɋac â tâpiri focnewec sâc focneha Wofuŋte biŋedâŋ mumuŋic erâ juocmu. Ehuc kâcɋene jaŋere maŋ bârisieme ɋiene jaŋerao iticneocmu, â râŋgeŋne jaŋe ejareme tiŋne jaŋere mamana birire hazec râeniŋmu. Eme ŋic jaŋe mâmâc sâko Wofuŋte šawierâ juniŋmu.”
LUK 1:18 Aŋelozi iŋuc mume manarâ Zakariazi dâŋ šiŋuc bârisiecnewec: “No â ŋonâŋ-nane nâhe ŋic ŋokac qizec, irec dâŋge wemocko manape fârine eocmu?”
LUK 1:19 Mume aŋelozi šiŋuc âzâcnewec: “Manakic, šâŋe-nane Gabirie, no Anuture maio domaekopac. Eki sorecnume waharâ biŋedâŋ biaŋ gazakopac.
LUK 1:20 Irec manac, dâŋnane mi mana šakiekomec irec okacne nâŋguŋ erâ dâŋ tâmiric juhaŋtec dâŋ gazakopac fârinehec eocmu. Dâŋ mukopac i racne mi eocmu.”
LUK 1:21 Zakaria e ufuŋko boc jume ŋic ŋokac woŋec-ticne ŋeku manafecne manambiŋ.
LUK 1:22 Iŋuc ehapie šâhec jaŋerao waharâ dâŋ jazaocte eipiewec. Eipieme jaŋe šiŋuc manambiŋ: E taha ufuŋko wiac šâŋe furu moc honejec. Eme eki mezi sâsâc sawa ejarewec, dâŋ ine wemocko jazazac.
LUK 1:23 Iŋuczi iŋuc juhame gie bapa dameŋ-ticne tarame haeo risie rawec.
LUK 1:24 Eme šâhecko ŋonâŋ-ticne motec kiweckewec. Erâ mosa 5 soŋke soŋke juwec. Ehuc šiŋuc muwec:
LUK 1:25 “Wofuŋ e dameŋ bawec i maickeme ehâmo-narerâ mimi bâsuec enarewec.”
LUK 1:26 Mosa 6 tarame Wofuŋzi aŋelo Gabirie soreme Galilaia mâreŋko Nazarete haeo rawec.
LUK 1:27 Ira naru ŋokac moc juwec šâŋene Maria, e ŋic moc Dawidire oso gitecne, šâŋene Josefe, ere biŋe mukicne.
LUK 1:28 Eme aŋelo e Mariarao fuarâ muwec, “Wofuŋte joroc biaŋ, go šeri ec, Wofuŋzi gohec jukac.”
LUK 1:29 Aŋelozi dâŋ iŋuc mume maname quŋkeme maŋnezi šiŋuc manasuwec: Weniŋucte mu šeri enarekac?
LUK 1:30 Eme aŋelozi šiŋuc âzâcnewec: “Maria go mi hâwicguoc, Anutuzi honecgume biaŋkekac.
LUK 1:31 Manakic, go motec kiweckerâ rocmu, ere šâŋe Jesu muzemec.
LUK 1:32 E kâcɋene jâmbâŋ jume Fekicne sâko ere Ŋokâ mucneniŋmu, â Wofuŋ Anutuzi apa-ticne Dawidi ere ŋeŋetacko râeocmu.
LUK 1:33 Eme Jakobore ɋâricfâc guriŋne bajarehuc jume ŋicwofuŋ juju-ticne forašihuc juocmu sanaŋ.”
LUK 1:34 Mume Mariazi šiŋuc âzâcnewec: “No ŋic tâmiric jukopacko dâŋ mukic i weniŋuc erâ sanaŋkeocmu?”
LUK 1:35 Mume aŋelozi dâŋ šiŋuc bâtikiecnewec: “Tiri Mârozi faigao wahaocmu â Fekicne sâko ere tâpirizi neŋgoc ŋesiŋ ŋegareocmu. Eme irec motec rocmu e tiri mucnezo, Anuture Ŋokâ hâcne.
LUK 1:36 Erâ moc gazape manac: Âgoge Elisabete e ŋokac qizeczi motec kiweckerâ juhame mosa 6 ekac, e hufiŋ ŋokac mucneeŋgopieŋzi iŋuc ekac hâcne.
LUK 1:37 Anutu e wiac moc ezomurâ mi eipieekac.”
LUK 1:38 Mume Mariazi šiŋuc âzâcnewec: “No Wofuŋte kiŋaŋ naru, irec dâŋ mukic iŋuc hâcne enarezejec.” Iŋuc mume aŋelozi beherâ rawec.
LUK 1:39 Maria e jume mi šoraha biac šawierâ Judaia tiki mâreŋko hae moc ŋewec ira rawec.
LUK 1:40 Ra fisirâ Zakariare ficko ferâ Elisabete mu šeri ecnewec.
LUK 1:41 Mu šeri ecneme manahame izia bumaŋnao motec e kiwaewec. Eme Tiri Mârozi Elisabete ere maŋko hurâ fuseme
LUK 1:42 dâŋ bafehuc šiŋuc âzâcnewec: “Ŋokac âgo-nâŋec gore manape sâc moc eme mumbiaŋgukopac â bumaŋgao fuajec fokac e wâc iŋuc jaha mumbiaŋkekopac.
LUK 1:43 Go Wofuŋ-nanere neŋgoczi wemo biaŋ-nanere norao warekomec?
LUK 1:44 Mu šeri enaretec hazec-naneo hume bumaŋ-naneo moteczi kiwaekac.
LUK 1:45 Go Wofuŋte biŋedâŋ gazakicne irec fârine fuaocmu manapaŋkemeŋte gore manape šerine ekac.”
LUK 1:46 Eme Mariazi kecšiŋuc muwec: “No maŋ qâqâtâc-nanezi Wofuŋ muafeckekopac,
LUK 1:47 â maŋnanezi Anutu bâbâpiaŋ-nane šeri ecnekopac.
LUK 1:48 E kiŋaŋ naru-ticne waha qaqane no bafecnukacte ŋic gurune gurune nore manapie šerine eocmu.
LUK 1:49 E bapafârezi norao mâsi sâko bakac hâcne. Ʒâŋe biŋe-ticne tiri jaha fokac.
LUK 1:50 Araŋ bacneeŋgopieŋ jaŋe maŋuruc-ticnere erâ mimiŋzi ɋâric ehâmo-jareekac.
LUK 1:51 E tâpiri-ticnere fuŋne bâfuahuc maŋfefe jueŋgopieŋ jaŋe bâtâtiec-jopaekac.
LUK 1:52 E ŋicbomboŋ sâko jaŋe popoonec tuŋjopame wahahapie hujukicne jaŋe bafec-joparâ toŋko râec-jopakac.
LUK 1:53 E roroc hapetac jaŋe wiac bâmâckehuc jare gumec ekac, â mafa sâkohec behec-jopame qarâ suriŋne juŋgopieŋ.
LUK 1:54 Erâ Israe kiŋaŋ ŋicfâc-ticne maŋuru-ticnere roroŋ fâre-nârekac.
LUK 1:55 Mimiŋnefâc-nâŋec, Abraham â ɋâricfâcne, jurahuc juniŋmu, jaŋe dâŋ jazawec irec fârine fuakac.”
LUK 1:56 Eme Maria e mosa jahec â moc Elisabetehec juku hae-ticnao risie rawec.
LUK 1:57 Elisabete e dameŋ-ticne maickeme motec rowec.
LUK 1:58 Eme haefâc-ticne â mame sâkofâc-ticne jaŋe Wofuŋzi maŋuruc-ticnere fuŋne erao bataniŋkewecte manarâ ehec mâmâc bubiaŋ manambiŋ.
LUK 1:59 Izi šoaŋ gie bapa 8 tarame jaŋe tumaŋnerâ motec sahacnao Wofuŋte ma barâ mamac-ticne Zakaria ere wase bazo mumbiŋ.
LUK 1:60 Eme neŋgoc-ticnezi qatara-jarerâ muwec, “Aricne, šâŋene Johane muzo.”
LUK 1:61 Mume šiŋuc âzâcnembiŋ: “Hâc, mame sâkofâcge jaŋerao šâŋe wase iŋucne moc mi fokac.”
LUK 1:62 Qaqatarac erâ Zakaria e motecte šâŋe muocte ecnepie
LUK 1:63 tafere ejareme râcnepie fainao šiŋuc qâreŋkewec: “Ʒâŋe-ticne Johane.” Iŋuc qâreŋkeme jaŋe manapie moc eha
LUK 1:64 izia nameŋne risieme dâŋ dâŋ ehuc Anutu muteŋkewec.
LUK 1:65 Eme hae rârec rârec ŋic jurambiŋ jaŋe dâŋ binaŋ i manapie hâhâwicne ewec. Eme Judaia tiki mâreŋko binaŋ miczi mic nazaŋ gazaŋ efârembiŋ.
LUK 1:66 Eme manambiŋ jaŋe dâŋ i maŋke juhuc šiŋuc mumbiŋ: “Motec iŋucnezi sokarâ weniŋuc eocmu?” Eme Wofuŋzi dopecke sapec ecneha juwec.
LUK 1:67 Eme mamac-ticne Zakaria e Tiri Mârozi maŋne fusucmame findaŋdâŋ kecšiŋuc muwec:
LUK 1:68 “Israe ŋic nâŋâc Wofuŋ-nâŋec Anutu muteŋkenaŋ. Eki hâcne ŋicfâc-ticne iqic-nâporâ kitâc-nâpokac.
LUK 1:69 Ehuc kiŋaŋŋic-ticne Dawidi ere ɋâricfâc nâŋâcnao bâbâpiaŋte wâtuŋ moc âkendâŋnekac.
LUK 1:70 Mârâc jaha porofetefâc-ticne ejareme findaŋdâŋ mujumbieŋ sâc iŋuc hâcne fuakac.
LUK 1:71 Eki kisâ enârehuc qaisoc-nâpoeŋgopieŋ jaŋeraonec hâcne batarac-nâpoocmu.
LUK 1:72 Mimiŋnefâc-nâŋec jaŋehec tiri šâšâfic sanaŋ ewecte manasuc-jopahuc maŋuruc-ticnere iŋuc enâreocmu.
LUK 1:73 Apa-nâŋec Abraham mupaŋkecnewecte
LUK 1:74 râsifâc-nâŋec jaŋeraonec batarac-nâpoocmu hâcne. Iŋuc enâreme âke mâteŋ-nâpoha
LUK 1:75 maŋfuru â bahac fâsâc juhuc kiŋaŋ qacnehuc juku hâmonšepeneŋ.
LUK 1:76 Erâ motec go hâcne Femicne sâko ere porofete erâ jucmu. ehuc Wofuŋte biŋe muhuc hata bâšâwecnecmu.
LUK 1:77 Erâ ŋicfâc-ticne bâbâpiaŋte dâŋ jaza qazuc etecne mana šakiepie sâqocne-jeŋic tâmireocmu.
LUK 1:78 Anutu-nâŋec e maŋuruc-ticne kâcɋene sâko fokacte mume faickonec furic râehuc
LUK 1:79 dapâcko â hâmoc uupicko ŋeŋene nâŋâc bataniŋ-nâpokac. Ehame wamare hata fuame honehuc sâcne âtenaŋmu.”
LUK 1:80 Eme motec e sahaczi â maŋzi soka sanaŋ ewec. Erâ mâreŋ tuhuo juhame gie dameŋ-ticne maickeme Israe ŋic janerao fua tâcnewec.
LUK 2:1 Dameŋ ira Roma ŋicwofuŋ sâko Augusto ere micdâŋ kecšiŋuc fuawec: ŋic mâreŋ sâc wose qâreŋ ejarezo.
LUK 2:2 Gie iŋucne mârâc mi bakicne, i Qirinio e Siria mâreŋko kia sâko juhame furune fuŋkekicne.
LUK 2:3 Eme ŋic mâmâc sasawa wose qâreŋ ejareniŋte haefuŋ-jeŋic sâc rafârembiŋ.
LUK 2:4 Rahapie Josefe e Dawidire ɋâric Galilaia mâreŋko Nasarete haeo juweczi iŋuc jaha Judaia mâreŋko Dawidire haefuŋ Betelehem ira rawec.
LUK 2:5 Ehuc ŋokac biŋe-ticne Maria ehec mâmâc qâreŋ-jofaniŋte kiwechec jowame rapic.
LUK 2:6 Fisirâ juhapire Maria motec roro dameŋ-ticne maickewec.
LUK 2:7 Eme mârâc motec-ticne rorâ qoruczi foŋkerâ bulimakao otoo râeme hurâ fowec. Ŋic jaŋe tomafic fusucmambiŋte ŋeŋe fofo basarâ bulimakao ficko ferâ ŋepic hâcne.
LUK 2:8 Eme hae mâreŋ ijaha ŋic tucne jaŋe ŋafe ira kecɋaŋ gieo lama jaŋere soŋaŋ ŋembiŋ.
LUK 2:9 Ŋehapie Wofuŋte aŋelo moczi jaŋerao fuame Wofuŋte oŋararaczi batamaec-jopame mâretec hâwic-jopawec.
LUK 2:10 Eme aŋelozi šiŋuc jazawec: “Ŋoŋe mi hâwic-ŋopaoc, manaŋgopieŋ, no aŋac šeridâŋ bajukopac, irec fârine ŋic mâmâc sasawa fua-ŋareocmu.
LUK 2:11 Miŋecgac Bâbâpiaŋ rune Wofuŋ Kristo hâcne, Dawidire haefuŋko fua-ŋarekac.
LUK 2:12 Eme mutâcne-ŋarepe mananiŋ: Ŋoŋe motec geune jâmbâŋ qoruczi foŋkekicne bulimakao otoo foha ra bâfuaniŋmu.”
LUK 2:13 Dâŋ iŋuc muhame izia sambâŋ momori gurune fufusuc jaha ututuŋ aŋelo âgo-jeŋictao tumaŋnerâ šiŋuc muhuc Anutu muteŋkembiŋ:
LUK 2:14 “Ʒeri mumuteŋ Anutu faic sambâŋko, mâreŋko ŋic âgo jauŋ ejarekac jaŋerao wama fuakac.”
LUK 2:15 Aŋelo jaŋe sambâŋko risie fepie soŋaŋŋic jaŋe šiŋuc muhuc nazaŋ gazaŋ embiŋ: “Nâŋâc Betelehem haeo ferâ Wofuŋzi dâŋ nâzâkac irec fârine honenaŋ.”
LUK 2:16 Iŋuc murâ bâruŋ jaha ferâ Maria â Josefe bâfuac-jofarâ motec geune bulimakao otoo fohame honembiŋ.
LUK 2:17 Honerâ motecte dâŋ biŋe manambiŋ i mufuambiŋ.
LUK 2:18 Eme soŋaŋ jaŋere mickonec binaŋ manambiŋ jaŋe warecke-fârembiŋ.
LUK 2:19 Maria eki ine dâŋ i maŋkerâ manatâc qâtâc ehuc juwec.
LUK 2:20 Eme soŋaŋ jaŋe risierâ wiac hone manac embiŋ sâc manasurâ Anutu daŋge mumuteŋ ecnembiŋ.
LUK 2:21 Jesu motec fuarâ fohame šoaŋ gie bapa 8 eme motec sahacnao Wofuŋte ma bahuc šâŋene Jesu mumbiŋ. Ʒâŋe i motec e mi fuahame aŋelozi qanaŋ mufuawec.
LUK 2:22 Eme Mosere sâcmutâc dâŋ fowec, i reŋkehuc Mariazi bâtâcko juku sahac herâ Josefehec motec Jerusalem haeo baferâ Wofuŋte biŋe qapic.
LUK 2:23 Wofuŋte sâcmutâc dâŋ kecšiŋuc fowec i hâcne sâsehuc epic: “Mârâc motec fuapie i Wofuŋte biŋe qafârezo.”
LUK 2:24 Erâ Wofuŋte sâcmutâc dâŋko hapâ jajahec me buni jajahec bâzi ririkere mukicne i wâc barâ rapic.
LUK 2:25 Jerusalem haeo ŋic moc juwec šâŋene Simeoŋ. E tiŋne â mitihec juhuc Israe ŋic jaŋerao bâbâmiriŋ fuaocte woŋec juwec. Ehame Tiri Mârozi maŋticnao ŋeŋe juju ehuc
LUK 2:26 dâŋ šiŋuc mufuacnewec: “Go mi hâmohaŋtecne Wofuŋ Kristo fuame honecmu.”
LUK 2:27 Ŋic e Mârozi ecneme taha ufuŋko fewec. Eme Maria â Josefe jahe sâcmutâc dâŋ reŋkehuc Jesu motec ijaha bafepire
LUK 2:28 Simeoŋzi motec hâporâ šiŋuc muhuc Anutu muafeckewec:
LUK 2:29 “O Wofuŋ sâko, šine hâcne šâŋe fâri-nanezi goraonec bâbâpiaŋ honekopacte
LUK 2:30 go kiŋaŋŋicge no micdâŋgere sâcko râecnutec bumâteŋ fuaha rakopac.
LUK 2:31 Go bâbâpiaŋ i mâreŋ sâc ŋicne ŋicne jaŋe honeniŋte bâfuakomec.
LUK 2:32 Izi qâpuc jaŋere maŋ âke tamaekac â Israe ŋicfâcge jaŋere šâŋe biŋe bafaharekac.”
LUK 2:33 Motecte dâŋ iŋuc mume neŋgoc mamac jahecne manapire bipinehec ewec.
LUK 2:34 Eme Simeoŋzi jambuŋ-jopahuc motec neŋgoc-ticne Maria šiŋuc âzâcnewec: “Manakic, motec kecši erao Israe ŋic fâuckeniŋte mukicne, gâcne jaŋe erao hetakirerâ rândiŋke qa eniŋmu â gâcne jaŋe erao hesiŋnerâ fahareniŋmu, erâ aka-jeŋic râekicnere ro waha âte boc ecneniŋmu.
LUK 2:35 Erâ gahacne wâc šikare busâqoc hâtânezi buheric bâfua-garezokac. Waic iŋucne fuame ŋic bocjaha maŋjeŋicte fuŋne taniŋkeocmu.”
LUK 2:36 Eme miti ŋokac moc juwec šâŋene Hana. E Fanuere otâ, Ase ere tucne tofane. Naru-ticnao ŋic barâ ehec juhame jara 7 eme hâmome
LUK 2:37 hozec erâ jufeku jara 84 bazurâ ŋokac qizec jâmbâŋ ewec. Ŋokac eki hâcne taha ufuŋko hati jurâ ju ehuc Anuture erâ sowa â nunumu gie bajujec.
LUK 2:38 Eme eki hâcne dameŋ ijaha taha ufuŋko fisirâ Anutu mumbiaŋkewec, â Jerusalem rune jaŋere fifirue dameŋte woŋec jumbiŋ, jaŋe Jesu motecte biŋedâŋ jazawec.
LUK 2:39 Maria â Josefe jahe Wofuŋte sâcmutâc dâŋ mukicne i efârerâ Galilaia mâreŋko Nazarete haeo risie rapic.
LUK 2:40 Ira juhapire motec e Anutuzi hone jauŋ ecneha soka sanaŋ ehuc mamana sâkohec ewec.
LUK 2:41 Maria â Josefe jahe jara sâc aakic hombaŋte Jerusalem haeo fejupirec.
LUK 2:42 Ehame Jesu motec jara-ticne 12 bazume hombaŋte fefe dameŋ-jeŋic maickeme jowapire mâmâc fembiŋ.
LUK 2:43 Ferâ juhapie hombaŋ tarame Maria â Josefe jahe Jesu motec hetarapire Jerusalem haeo juhame buc risiepic.
LUK 2:44 Risiehuc guru sâko jaŋehec biac bâniejec murâ hatao âgo wiacfâc-jekic jaŋerao basa rahuc juhapire ŋafewec.
LUK 2:45 Jaŋerao basa-bipierâ hae fureme mocwâc Jerusalem haeo risierâ ira basapic.
LUK 2:46 Basahapire gie bapa jahec â moc eme taha ufuŋko bâfuapic. Ira miti qaqazu jaŋere ŋondeŋko ŋehuc dâŋjeŋic manahuc fuŋnere mu wioc ejarewec.
LUK 2:47 Eme ŋembiŋ jaŋe mâmâc sasawa mamana-ticnere â dâŋticnere wareckembiŋ.
LUK 2:48 Eme jaŋere ŋondeŋko hâcne ŋehame bâfuarâ wodâtâŋnepic. Ehuc neŋgocnezi šiŋuc âzâcnewec: “ŋokâ-mae, go wemocte iŋuc enâctekomec? Manakic, mamacgehec nâhe huacbuc ehuc basacguhuc jukoperec.”
LUK 2:49 Mume šiŋuc jasawec: “Weniŋuc erâ basacnuhuc jukopirec? No Mamac-nanere gieo jupemurâ munarekicne, i mi manakopirec me?”
LUK 2:50 Iŋuc mume jahe dâŋ i manapire quŋkewec.
LUK 2:51 Eme neŋgoc mamac jahec-ticne jahehec Nazarete haeo risierâ ira sâsec-jofahuc juwec. Neŋgoc-ticne eki ine dâŋticne manawec sâc mana maŋ erâ juwec.
LUK 2:52 Eme Jesu e maŋzi â sahaczi mâmâc soka sanaŋ ehuc juwec. Ehame Anutu mecne â ŋic mecne jaŋe hone ririŋkehuc jumbiŋ.
LUK 3:1 Tiberio e jara 15 Roma ŋicwofuŋ jurakuhame Johanezi gie-ticne fuŋkewec. Dameŋ ira Pontio Pilatozi Judaia mâreŋko kia juwec â Herode eki Galilaia mâreŋko mâreŋ soŋaŋ juwec â ɋâticne Filipo e Ituraia â Trakoniti irec ŋicwofuŋ juwec, â Lisania e Abilene mâreŋko ŋicwofuŋ juwec.
LUK 3:2 Á taha bapa sâko jajahec jupic, Hanasi â Kaifa. Ŋic izi hâcne ŋicwofuŋ â taha bapa jurambiŋ dameŋ ira Zakariare ŋokâ Johane mâreŋ burocnao juhame Anutuzi giedâŋ mucnewec.
LUK 3:3 Giedâŋ mucneme Jordaŋ šiŋuc ocninuc jufârehuc ŋic maŋjenic bârisierâ Miti Opâ ruapie sâqocne-jeŋic tâmireocte jazawec.
LUK 3:4 Porofete Jesajazi irec findaŋdâŋ kecšiŋuc qâreŋkewec fokac: “Mareŋ tuhuo wiwira moc fuakac: Wofuŋte hata bâšâweniŋ, hata-ticne hepie wâneŋkeoc;
LUK 3:5 wâcne wâcne hemase-fârezo, tikine facne hezu hewâneŋ ezo; hehesicne hetiŋnezo â bahacne hefâsâezo.
LUK 3:6 Eme mâreŋŋic šeŋgoma Anuture bâbâpiaŋ honeniŋmu. “
LUK 3:7 Eme ŋic guru sâko Johanerao ra Miti Opâre mupie šiŋuc jazawec: “Homare ɋâric, ŋoŋe sâqocnere okacne fisizo ekac i wisecneniŋte mozi ŋazawec?
LUK 3:8 Ŋoŋe maŋŋeŋic bârisiehuc irec sâcko fârine bâfuaniŋ me¡ Erâ maŋŋeŋiczi šiŋuc mi muniŋ: Nâŋe Abrahamte ɋâricfâc. No ŋazape mananiŋ: Anutu e muzo murâ sâcne mume qânâ šizi Abrahamte ɋâricfâc fuaniŋmu.
LUK 3:9 Râric biac jâcfuŋko râekicne. Irec jâc moc fâri tâmiric domame qafararâ šocko rikezo.”
LUK 3:10 Iŋuc muhuc jazame ŋic jaŋe wiocnerâ mumbiŋ: “Wemo enšepeneŋ?”
LUK 3:11 Mupie jazawec: “Ŋic moc e ŋaqi jajahec bajurâ âgone ŋaqi tâmiric honerâ moc râcnezejec. Á nânâre iŋuc jaha enšepieŋ.”
LUK 3:12 Eme takesi roro jaŋe iŋuc jaha Miti Opâre fisirâ indiŋkerâ mumbiŋ: “Qaqazu, nâŋe weniŋuc enšepeneŋ?”
LUK 3:13 Mupie jazawec: “Ŋoŋe mumutâc qâsuahuc ŋic moneŋ mi jowac ronšepieŋ.”
LUK 3:14 Á momori jaŋe iŋuc jaha fisirâ mumbiŋ: “Eme nâŋe wenac enaŋmu?” Mupie jazawec: “Ŋoŋe ŋic jopa qâšâic me qoqoric kosa mi ejarenšepieŋ. Mosare wiac roeŋgopieŋ irec manapie tarazejec.”
LUK 3:15 Eme ŋic jaŋe Johanere buâkec ejareme mana kikiwehuc šiŋuc mumbiŋ: “E Kristo ine hâcne mecne.”
LUK 3:16 Iŋuc mupie mâmâc sasawa dâŋ šiŋuc jazawec: “No opâ rua-ŋarekopac. Râpefuŋ-naneo warehuc jukac, e ine tâpiri sâc moc focnekac. E sâko no iŋucnezi mafahe decnepe mi sâckeocmu. Eki hâcne Tiri Mâro â šoc rua-ŋareocmu.
LUK 3:17 E oofaŋ-ticnehec warerâ nânâfic-ticne emasaŋkeocmu, ehuc nânâ fârine wosâerâ ficko râeme ŋeocmu â jawa rasa wiac ofaŋne behec eme šocsanaŋko šaocmu.”
LUK 3:18 Johanezi uŋdâŋ i â gâcne muhuc ŋic Biŋebiaŋ jazawec.
LUK 3:19 Jaŋe jazahuc ŋicwofuŋ Herode e iŋuc jaha mumu hehec ecnewec. E ɋaticnere ŋonâŋ, šâŋene Herodia, jâoc rowec â sindaŋ gâcne wâc ewec.
LUK 3:20 Eme irec fainao qizecne sâko ehuc Johane kâpâcwâru ficko râewec.
LUK 3:21 Ŋic bocjaha Johanerao fisirâ Miti Opâ ruahapie Jesu e iŋuc jaha rârâ ruawec. Ruarâ numuhame sambâŋ aŋkeme
LUK 3:22 Tiri Mârozi sahac fârihec erâ hapâ hawario ere faio wahawec. Ehame sambâŋkonec dâŋ šiŋuc wahawec: “Joroc Ŋokâ biaŋ-nane, go hone aŋac agareekopac.”
LUK 3:23 Jesu e jara-ticne 30 qâririŋ bazurâ gie-ticne fuŋkewec. Eme ŋic jaŋe ere manapie Josefere ŋokâ ewec. Josefe e Elire ɋâric,
LUK 3:24 e Matatare ɋâric, e Lewire ɋâric, Lewi e Melikire ɋâric, e Janaire ɋâric, e Josefere ɋâric,
LUK 3:25 e Matatiare ɋâric, e Amosire ɋâric, e Nahumte ɋâric, e Esilire ɋâric, e Nagaire ɋâric,
LUK 3:26 e Maatare ɋâric, e Matatiare ɋâric, e Semeiŋte ɋâric, e Josecte ɋâric, e Jodare ɋâric,
LUK 3:27 e Johanaŋte ɋâric, e Resare ɋâric, e Serubabere ɋâric, e Sealitiere ɋâric, e Nerire ɋâric,
LUK 3:28 e Melikire ɋâric, e Adire ɋâric, e Kosamte ɋâric, e Elimadamte ɋâric, e Erere ɋâric,
LUK 3:29 e Jesure ɋâric, e Eliešere ɋâric, e Jorimte ɋâric, e Matatare ɋâric, e Lewire ɋâric,
LUK 3:30 e Simeoŋte ɋâric, e Judare ɋâric, e Josefere ɋâric, e Jonamte ɋâric, e Eliakimte ɋâric,
LUK 3:31 e Meleare ɋâric, e Menare ɋâric, e Matatare ɋâric, e Nataŋte ɋâric, e Dawidire ɋâric,
LUK 3:32 e Isaire ɋâric, e Obedere ɋâric, e Boasire ɋâric, e Salare ɋâric, e Nasoŋte ɋâric,
LUK 3:33 e Aminadare ɋâric, e Adamiŋte ɋâric, e Aranire ɋâric, e Hezoroŋte ɋâric, e Peresere ɋâric, e Judare ɋâric,
LUK 3:34 e Jakobore ɋâric, e Isakare ɋâric, e Abrahamte ɋâric, e Tarare ɋâric, e Nahore ɋâric,
LUK 3:35 e Serugure ɋâric, e Ragaure ɋâric, e Pelegere ɋâric, e Ebere ɋâric, e Selare ɋâric,
LUK 3:36 e Kenaŋte ɋâric, e Arapakisare ɋâric, e Semte ɋâric, e Noare ɋâric, e Lamecte ɋâric,
LUK 3:37 e Metuselare ɋâric, e Enokore ɋâric, e Jaredere ɋâric, e Mahalalere ɋâric, e Kenaŋte ɋâric,
LUK 3:38 e Enosire ɋâric, e Setere ɋâric, e Adamte ɋâric, e Anuturaonec.
LUK 4:1 Jesu e Tiri Mârozi maŋne fusucmarâ ecneme Jordaŋ opâ beherâ mâreŋ tuhuo rawec.
LUK 4:2 Ira ŋafe šoaŋ 40 ju fofo ehuc juhame Sataŋzi esâickehuc juwec. Eme dameŋ ira nânâ tâmiric sasawa juku nânâre hâmowec.
LUK 4:3 Ehame Sataŋzi šiŋuc âzâcnewec: “Go Anuture Ŋokâ jukomecko mutec qânâ šizi nânâ eoc me!”
LUK 4:4 Mume Jesuzi šiŋuc âzâcnewec: “Aricne, dâŋqâreŋ kecšiŋuc fokac: ŋiczi nânâre sawa mi juhâmoocmu.”
LUK 4:5 Eme Sataŋzi tiki šoricne mocko jowa ferâ mâreŋte faio ŋicne ŋicne ŋicwofuŋfâc-jeŋichec jurambiŋ i beraŋnea jâutu-fârewec.
LUK 4:6 Ehuc šiŋuc âzâcnewec: “Tâpiri â šâŋe biŋe fojare rakac keci go gare-fârepemu. I nore meo râekicnere e me e râcnezo murâ sâcne râcnepemu.
LUK 4:7 Irec go maŋfuŋ-naneo fodaperâ numu-naretec gore efâreocmu.”
LUK 4:8 Mume Jesuzi dâŋ šiŋuc bâtikiecnewec: “Dâŋqâreŋ kecšiŋuc fokac: `Wofuŋ Anutuge dieŋzi herâ numucnezo â e mocjaha kiŋaŋ qacnezo. Ž ”
LUK 4:9 Eme Sataŋzi Jesu Jerusalem haeo taha ufuŋ bupu faio râerâ šiŋuc âzâcnewec: “Go Anuture Ŋokâ jukomecko širec tara huc.
LUK 4:10 Dâŋqâreŋ moc šiŋuc hâcne fokac: `E aŋelofâcne mejeŋicko râecgume ŋezicguniŋmu',
LUK 4:11 â moc šiŋuc `Jaŋe mefaio bahucgupie qânâzi kikege mi heocmu. Ž ”
LUK 4:12 Eme Jesuzi šiŋuc âzâcnewec: “Wofuŋ Anutu penaroŋ ecnehuc mi esâickezo.”
LUK 4:13 Sataŋ e iŋuczi iŋuc eku esâicke tararâ beherâ dameŋ mocte woŋec juwec.
LUK 4:14 Jesu e Mârozi neŋgoc ŋesiŋ ŋecnehame Galilaia mâreŋko risiewec. Risieme biŋe-ticne hae sâc rafârewec.
LUK 4:15 Eme ira mitificne ficne miti jazame muac baafec ecne-fârembiŋ.
LUK 4:16 Juraku sosoka hae-ticne Nazarete ira iŋuc jaha fisirâ sabata hombaŋko mitificko fewec. E hombaŋ sâc iŋuc ejujec. Ferâ miti wose-jareocte fahareme
LUK 4:17 porofete Jesaja ere papia râcnembiŋ. Râcnepie qaratierâ dâŋ šiŋuc fowec i bâfuawec:
LUK 4:18 Wofuŋte Mârozi norao waharâ rua-narehuc gie šiŋuc munarewec: ŋic hujukicne Biŋebiaŋ jazazo, kâpâcwâru bacjopakicne firuec-jopazo, šâŋe tiŋtuŋ šâŋe fifi bacjopazo, keke suec suec ejarekicne hefârec-jopazo,
LUK 4:19 â Wofuŋte dameŋ biaŋ maickekac irec biŋedâŋ muzo.”
LUK 4:20 Dâŋ iŋuc woserâ papia bazurâ kiŋaŋŋic râcnerâ waha ŋewec. Ŋehame ŋic mitificko ŋembiŋ jaŋe mâmâc sasawa erao šâŋe fifârembiŋ.
LUK 4:21 Eme dâŋ šiŋuc fuŋkerâ jazawec: “Mitidâŋ wosepe manaŋgopieŋ i miŋecgac fârine fuakac.”
LUK 4:22 Mume jaŋe qâtâc herâ dâŋticne manapie aŋac šizine eme wareckerâ mumbiŋ: “Hâc, e Josefere ŋokâ i!”
LUK 4:23 Eme eki šiŋuc jazawec: “ŋoŋe nore dâŋ suŋsuŋne qahuc šiŋuc mecne mueŋgopieŋ: Dokta go fuŋnege bataniŋkec, Kafanaum haeo gie batec biŋene manaeŋgopeneŋ, ijaha šira mame sâko haegao batec honenaŋ me!”
LUK 4:24 Iŋuc murâ muwec: “No jâmbomac ŋazape: Porofete moc e jahacne haefuŋko âgo sâcne mi ecneeŋgopieŋ.
LUK 4:25 Erâ jâmbomac ŋazape: Elia juhame šoaŋ sâko jara jahec â moc â mosa 6 qakume roroc fuarâ mâreŋ sâckerâ fowec. Eme dameŋ ira Israe mâreŋko hozec bocjaha juipiehapie
LUK 4:26 Anutuzi Elia Zarefati haeo Sidoŋ mâreŋko qâpuc hozec moc juwec erao soreme rawec.
LUK 4:27 Erâ porofete Elisa juwec dameŋ ira Israe mâreŋko wic sanaŋheczi bocjaha jumbiŋ. Eme jaŋeraonec moczi mi fâsâehame Naemaŋ Siria mâreŋkonec e mocjahazi fâsâewec.”
LUK 4:28 Iŋuc muhuc jazame mitificko ŋembiŋ jaŋe dâŋ i mana gâpârerâ
LUK 4:29 faharerâ hae râpeo tuŋke hurâ hae-jeŋic ŋewec tiki irec tapinao jowa ferâ hârâc mecko bararâ ira behepie huocte muhapie
LUK 4:30 eki ŋondeŋ-jeŋicko fosiroŋnerâ rawec.
LUK 4:31 Eme raku Galilaia mâreŋko hae moc šâŋene Kafanaum ira fisirâ sabata hombaŋko miti jaza qazuc ewec.
LUK 4:32 Eme e runezi miti muŋɋârâŋkehuc mume jaŋe manapie bu ââkecnehec ewec.
LUK 4:33 Eme mitificko ŋic demoŋ repicnehec moc ŋewec. E Jesu honerâ kâcɋene owackehuc muwec:
LUK 4:34 “Jei, Jesu Nazarete rune, go nâŋere jujuo wemocte warekomec? Go sipiric-nâpocmurâ warekomec me? No šâŋitacgukopac, go Anuture Tiriŋic.”
LUK 4:35 Iŋuc mume Jesuzi dâŋ mucnerâ muwec, “Go niniŋkerâ ŋickonec wefu rac.” Mume demoŋzi ŋic âtetuŋkeme ŋicŋondeŋko hurâ qaha wefu rawec. Ehuc ŋic e ine qa qâpuriŋ mi ecnewec.
LUK 4:36 Eme jaŋe bipic-jeŋic tarame nazaŋ gazaŋ erâ mumbiŋ: “Hâc, dâŋ keci weniŋucne? E tâpiri sâkoheczi demoŋ dâŋ jazame wefurâ wiseeŋgopieŋ!”
LUK 4:37 Eme biŋe-ticne hae rârec rârec rafârewec.
LUK 4:38 Jesu e mitifickonec waharâ Simoŋte ficko fewec. Ira Simoŋ safeŋ-ticne huc šocnehec bame fowec. Eme ere erâ Jesu âzâcnembiŋ.
LUK 4:39 Eme eki fowecko raširâ erao daperâ huc dâŋ mucneme behewec. Eme ŋokac e biac faherâ nânâ rike gumec ejarewec.
LUK 4:40 Ʒoaŋ ŋetarame ŋic jaŋe âgofâc-jeŋic huc šâichec Jesurao bacjopa warepie qizec-jeŋicko meticne râerâ huc šâic bâniniŋke-jarewec.
LUK 4:41 Erâ demoŋ jâpe-jareme ŋicmaŋkonec wefurâ owa kâcɋene ehuc šiŋuc mumbiŋ: “Go Anuture Ŋokâ.” Jaŋe fuŋne-ticne šiŋuc manambiŋ, e Kristo. Eme i mujaŋgeŋkenšipiŋte mu hezuc ejarewec.
LUK 4:42 Hae fureme fickonec waharâ mâreŋ râricne mocko ra juwec. Eme ŋic jaŋe basaku bâfuarâ jaŋehec juocte sakarezo mupie
LUK 4:43 šiŋuc jazawec: “No hae sâc ŋic Anuture uucmaŋ irec Biŋebiaŋ jazazepac, no gie irec hâcne sorecnukicne.”
LUK 4:44 Iŋuc murâ Judaŋic jaŋere mitific ŋerawec sâc jufârehuc miti jaza rahuc jujujec.
LUK 5:1 Ʒoaŋ mocte Jesuzi Genesarete riqic moŋgeŋnao juhame ŋic Anuture dâŋ mananiŋte fisirâ qazu orâŋ mâretec ecnembiŋ.
LUK 5:2 Ehame moŋgeŋko woke jajahec ŋepic, rune jaŋe ine wokeonec waharâ wasaŋ-jeŋic šurehuc domambiŋ.
LUK 5:3 Eme Jesuzi woke i hâcne honerâ moc Simoŋte biŋe ira ferâ mume piticne âke sueme rame miti jaza qazuc ehuc ŋewec.
LUK 5:4 Jaza qazuc efârerâ Simoŋ šiŋuc âzâcnewec: “Riqic šâšâŋiŋko rarâ wasaŋ behepie qowi jowaoc.”
LUK 5:5 Mume Simoŋzi šiŋuc âzâcnewec: “Qaqazu, nâŋe ŋafe šora wasaŋ behe-bipiehuc qowi moc mi rombeneŋ, gore micte ine sifu mocwâc behepemu.”
LUK 5:6 Eme wasaŋ behepie qowi bocjaha jâmbâŋ jowame wasaŋ tâcnezo ewec.
LUK 5:7 Eme fâre-bipierâ âgofâc-jeŋic woke mocko jumbiŋ jaŋe meoric qajarepie ware bafic-jopambiŋ. Ehuc qowi ropie woke jajahec huku fusucmame ŋeutuckezo epic.
LUK 5:8 Eme Simoŋ Petorozi i honerâ Jesure maŋfuŋko fodaperâ muwec: “Wofuŋ, no ŋic sâqocnere behecnu rac.”
LUK 5:9 Qowi guru sâko honerâ e jahacne â ŋic gâcne mâmâc manapie hâhâwicne eme iŋuc hâcne muwec.
LUK 5:10 Erâ e jahacne sawa mâcne, âgo jahec-ticne Jakobo â Johane, Ʒebedaiore ŋokâ, jahe iŋuc jaha ejactewec. Eme Jesuzi Simoŋ šiŋuc âzâcnewec: “Go mi hâwicguoc, go qowi rorozi ŋic roro erâ jucmu.”
LUK 5:11 Iŋuc mume jaŋe woke moŋgeŋko fârepie feme wiac sasawa beherâ Jesu bâjâpembiŋ.
LUK 5:12 Jesu e juku hae mocko fisirâ juhame ŋic moc wicsanaŋzi sahacne banšaŋne-fârewec, eki Jesu honerâ ware maŋfuŋnao šâŋe maine mâreŋko hetutuckerâ šiŋuc muhuc wâsickewec: “Wofuŋ, go bâsomiecnuzo murâ sâcne bâsomiecnucmu.”
LUK 5:13 Mume Jesuzi meticne sicnerâ sahacne bâuahuc muwec: “Mana-garekopacte fâsâec.” Mume izia sahac-ticne fâsâe-fârewec.
LUK 5:14 Eme Jesuzi dâŋ šiŋuc âzâcnewec: “Go irec dâŋ binaŋ ŋic mi jazahuc mâc rarâ sahacge taha bapa jâututec honezejec, ehuc fâsâekomecte Mosere micdâŋte bâzi riketec fuŋne mana taranšepieŋ.”
LUK 5:15 Eme ŋic fâsâewec irec biŋe hae sâc rafâreme ŋic jaŋe manarâ mitire mecne â hucte mecne qiŋ qururuŋko Jesurao fisihuc domambiŋ.
LUK 5:16 Fisihuc boc ecnepie mâreŋ herâricne mocko ra juhuc nunumu gie bawec.
LUK 5:17 Ʒoaŋ mocko Jesuzi ŋic miti jazahuc juwec. Eme Galilaia mâreŋkonec â Judaia mâreŋkonec â Jerusalem haeonec farisaio â sâcmutâc qaqazu jaŋe fisirâ ŋic jaŋere ŋondeŋko mâmâc ŋembiŋ. Ŋehapie Wofuŋte tâpirizi Jesu neŋgoc ŋesiŋ ŋecnehame ŋic bâpiaŋ-jopawec.
LUK 5:18 Ehame mi ŋic šeke puriŋ moc kanšeo reŋke warenšepieŋ i¡ Erâ ficko baferâ Jesure maŋfuŋko râeniŋte ŋic jaŋerao hetakirembiŋ.
LUK 5:19 Iŋuc erâ fic bupuo baferâ bâropierâ ŋic kanšehec âke suepie ŋicŋondeŋko Jesure maio wahawec.
LUK 5:20 Iŋuc epie Jesuzi mamanasiŋ-jeŋicte fuŋne hone manac erâ ŋic šeke puriŋ šiŋuc âzâcnewec: “Ŋicmae, sâqocne mutâmire-garekicne.”
LUK 5:21 Mume miti qaqazu â farisaio jaŋe dâŋ i manarâ maŋjeŋiczi šiŋuc manasumbiŋ: “Hâc, e wemo-ticnere Anutu âkehockekac, sâqocne bâbâtâmire i Anutuzi buc eekac.”
LUK 5:22 Iŋuc manasupie Jesuzi maŋjeŋicko dâŋ i mana tararâ šiŋuc jazawec: “Maŋŋeŋiczi wemocte dâŋ iŋucne manasuŋgopieŋ?
LUK 5:23 Gie wenimo izi afecne? Ŋic šeke puriŋ šiŋuc âzâcnezo: `Sâqocnege bâtâmire-garekicneƷ me šiŋuc âzâcnezo: `Fahare rac'?
LUK 5:24 Ŋic Fâri Wâtuŋne e mâreŋko sâqocne bâtâmireocte tâpiri focnekac irec fuŋne hone tarariŋ.” Iŋuc murâ ŋic šeke puriŋ šiŋuc âzâcnewec: “No gazape faharerâ fofoge rorâ haegao rac.”
LUK 5:25 Mume izia šâŋe mai-jeŋicko faharerâ fofo-ticne rorâ haeo rahuc Anutu muteŋkewec.
LUK 5:26 Eme ŋic jaŋe i honerâ manapie hâhâwicne eme warecke sâqorerâ Anutu mucne bacnehuc mumbiŋ: “Miŋecgac wiac šâŋe furu fuame honeŋgopeneŋ.”
LUK 5:27 Eme Jesuzi fickonec waharâ hata rawec. Rarâ takesi roro ŋic moc šâŋene Lewi e moneŋfic-ticnao ŋehame honerâ šiŋuc âzâcnewec: “Ware bâjâpecnuc.”
LUK 5:28 Mume Lewi e wiac-ticne sasawa râpeckehuc fahare Jesu bâjâpewec.
LUK 5:29 Erâ Jesure bâzi rikerâ takesi roro â ŋic gâcne hefârec-jopame fisirâ mâmâc nâmbiŋ.
LUK 5:30 Eme farisaio â miti qaqazu âgofâc-jeŋic jaŋe irec manapie sâqoreme Jesure motecfâc šiŋuc jazambiŋ: “Ŋoŋe wemocte takesi roro ŋic â sâqocne bapa Jaŋehec tiwa bâzi nâŋgopieŋ?
LUK 5:31 Mupie Jesuzi manarâ šiŋuc jazawec: Ɋiɋicne jaŋe doktare mi mueŋgopieŋ, huchec jaŋe ine mueŋgopieŋ.
LUK 5:32 Ŋic tiŋne mâcne, sâqocne bapa hefârec-jopape maŋjeŋic bârisieniŋte wahapo.”
LUK 5:33 Jesuzi iŋuc mume jaŋe dâŋ šiŋuc âzâcnembiŋ: “Johanere motecfâc jaŋe gâbâ jaha nânâ sowa juhuc nunumu gie baeŋgopieŋ â fârisaio jaŋerezi iŋuc jaha eeŋgopieŋ, â go gahacne jaŋe ine nânâ opâ kosa nâeŋgopieŋ.”
LUK 5:34 Mupie Jesuzi šiŋuc jazawec: “Ŋicwofuŋ e kikefuŋfâc-ticne jaŋehec juhame ŋoŋe sâcne ejarepie sowa juniŋmu me?
LUK 5:35 Juku ŋicwofuŋ jowac ropie basahuc dameŋ ira sowa juniŋmu.”
LUK 5:36 Iŋuc murâ dâŋ herâricne moc šiŋuc jazawec: “Mozi ŋaqi ɋâricnaonec qoruc susuc moc bâtâcnerâ ŋaqi raŋɋanao ɋâtâocmu? Moc e iŋuc erâ muzac ŋaqi ɋâricne maŋgâŋ sipirickezac â qoruc susuc ɋâricnezi ŋaqi raŋɋanao sâctiri jaha ezac.
LUK 5:37 Erâ wâc waiŋ opâ ɋâricne šopo raŋɋanao mi qoŋgiŋkepie huekac. Iŋuc eniŋmuo wiaŋ ɋâricnezi šopo raŋɋane âtefâuckeme waiŋ mecne šopo mecne mâmâc sipirickenicmu.
LUK 5:38 Irec hâcne waiŋ ɋâricnezi šopo ɋâricnao hume sâckeocmu.
LUK 5:39 Á moc e waiŋ raŋɋane nâku maŋne eweczi waiŋ ɋâricne šiŋuc muhuc qikiŋneocmu: Raŋɋane nâpe aŋacne ekac.”
LUK 6:1 Sabata hombaŋ mocko Jesu â motecfâc-ticne jaŋe padi gie ŋondeŋko rambiŋ. Rahuc motec jaŋe fârine moc moc bâtâcnerâ mezi šâmurâ nâmbiŋ.
LUK 6:2 Iŋuc epie farisaio jaŋe honerâ mumbiŋ: “ŋoŋe wemocte sabata hombaŋko wiac mi eene eŋgopieŋ?”
LUK 6:3 Mupie Jesuzi šiŋuc jazawec: “Dawidi â ŋicfâcne nânâre hâmohuc wiac embiŋ, i ŋoŋe wose manac mi eeŋgopieŋ me?
LUK 6:4 Dawidi e Anuture ufuŋko ferâ poroŋ Anuture biŋe râekicne i rorâ nâhuc ŋicfâcne jareme mâmâc nâmbiŋ. Poroŋ i ŋic omane bâtâc bajarekicne, bâzi ririke ŋic micbuc-jeŋic. Eme i sifu nâmbiŋ.”
LUK 6:5 Iŋuc murâ muwec: “Ŋic Fâri Wâtuŋne e sabata hombaŋ irec rune jukac wâc.”
LUK 6:6 Eme sabata hombaŋ mocko mitificko ferâ miti jaza qazuc ewec. Ehame ira ŋic moc ŋewec, e me fârene ɋaŋakicne.
LUK 6:7 Eme miti qaqazu â farisaio jaŋe hombaŋko ŋic bâpiaŋkeme honerâ dâŋko râeniŋte ruc bahuc ŋembiŋ.
LUK 6:8 Eme Jesuzi maŋjeŋicko hone tararâ ŋic mene ɋaŋakicne e šiŋuc âzâcnewec: “Go fahare mai domac.” Mume fahare domawec.
LUK 6:9 Ehame Jesuzi šiŋuc jazawec: “No wio-ŋarepe muniŋ: Sabata hombaŋko wiac biaŋne me wiac sâqocne ezo, ŋic bâpiaŋ-jopazo me sipiric-jopazo?”
LUK 6:10 Iŋuc murâ risic forisic honec-joparâ ŋic šiŋuc âzâcnewec: “Mege fâretiŋnec.” Eme ŋic e iŋuc eme meticne sanaŋkewec.
LUK 6:11 Eme jaŋe i hone manac erâ aariczi maŋjeŋic fusucmame Jesu iŋuc me iŋuc ecneniŋte muc manac embiŋ.
LUK 6:12 Dameŋ ira Jesuzi tikio numuocte fewec. Ferâ ŋafe šora Anutu numucnehec juhame hae furewec.
LUK 6:13 Hae fureme kikefuŋfâc-ticne hefârec-joparâ jaŋeraonec 12 bâwosâec-joparâ motec bacjopawec, ehuc šâŋe sâko-jeŋic aposolo muwec.
LUK 6:14 Ʒâŋe bucbuc-jeŋic ine šiŋuc: Simoŋ, šâŋe-ticne moc Petoro â ɋaticne Anderea, erâ Jakobo â Johane, erâ Filipo â Batolomaio,
LUK 6:15 erâ Mataio â Toma, erâ Jakobo Alifaiore ŋokâ â Simoŋ Ʒelote,
LUK 6:16 erâ Juda Jakobore ŋokâ â Juda Karioto haeonec, e juku Jesu doc bawec.
LUK 6:17 Eme rocjopame tikionec waharâ wâneŋko fisirâ juhapie kikefuŋfâc-ticne bocjaha â ŋic guru sâko erao tumaŋnembiŋ. Jaŋe Judaia mâreŋkonec â Jerusalem haeonec â Tiro Sidoŋ hâwec moŋgeŋkonec fisipie miti jazawec â huchec ɋiɋicne bacjopawec.
LUK 6:18 Erâ demoŋzi areŋ ejarewec jaŋe wâc bâpiaŋ-jopawec.
LUK 6:19 Eme bâuapie tâpiri-ticne jaŋerao fotâcneme ɋiɋic qambiŋte bâuaniŋte kime iriac mâretec ecnembiŋ.
LUK 6:20 Eme Jesuzi motecfâc-ticne jaŋerao šâŋe fihuc šiŋuc muwec: “Hapetac jueŋgopieŋ ŋoŋere manape šerine ekac, ŋoŋe hâcne Anuture uucmaŋ biŋe qaŋarekicne.
LUK 6:21 Dameŋ šiŋuczia nâ hâmoc ehuc jueŋgopieŋ ŋoŋere manape šerine ekac, ŋoŋe hâcne juku nâ gapec enšoŋgopieŋ. Dameŋ ši ki busâqoc ehuc jueŋgopieŋ ŋoŋere manape šerine ekac, ŋoŋe hâcne juku bubiaŋ bâfuanšoŋgopieŋ.
LUK 6:22 Ŋic jaŋe Ŋic Fâri Wâtuŋne ere erâ qaisoc-ŋoparâ jâpe bâsuec eŋarerâ musâqorec-ŋoparâ šâŋe-ŋeŋic musoriŋkeniŋmu, ŋoŋe manariŋ-ŋopakopac.
LUK 6:23 Wiac iŋucne fuame dameŋ ira šeri bari enšepieŋ. Manaŋgopieŋ, sambâŋko furine afecne mi foŋarekac. Mimiŋnefâc-jeŋic jaŋe porofete sâc ijaha ejare jumbieŋ.
LUK 6:24 “Moneŋ mafa sâkohec, jei, ŋoŋe juku wemo wiaczi bâmiriŋ-ŋopazokac?
LUK 6:25 Dameŋ šiŋuczia nânâ qowi mâririhec jueŋgopieŋ, jei, ŋoŋe juku nânâ basanšoŋgopieŋ. Dameŋ šiŋuczia gâgâwi faio jueŋgopieŋ, jei, ŋoŋe juku ki busâqoc bâfuanšoŋgopieŋ.
LUK 6:26 Muteŋ bâteŋ eŋareeŋgopieŋ, jei, ŋoŋe juku weniŋuc enšoŋgopieŋ? Mimiŋnefâc-jeŋic jaŋe porofete burecne iŋuc jaha muteŋ bâteŋ ejare jumbieŋ.
LUK 6:27 “Dâŋnane manahuc juŋgopieŋ ŋoŋe ŋazape: Ŋoŋe râsifâc-ŋeŋic âgo jauŋ ejarenšepieŋ, qaisoc-ŋopaeŋgopieŋ jaŋe jauŋ bacjopanšepieŋ,
LUK 6:28 sâwec-ŋopaeŋgopieŋ jaŋe jambuŋ-jopanšepieŋ, musâqorec-ŋopaeŋgopieŋ jaŋere erâ numunšepieŋ.
LUK 6:29 Moczi maucge ŋicfecne qame ŋifecne wâc sicnecnezemec â moczi ŋaqige faine gowac rome e maŋne mâmâc qikiŋnecnezemec.
LUK 6:30 Á moczi wiac mocte numu-gareme râcnezemec â moczi wiac moc gowac rome bârisie-gareocte mi fotariezemec.
LUK 6:31 Ŋoŋe ŋic jaŋe wiac eŋareniŋte manasueŋgopieŋ, sâc ijaha wâc jaŋe ejarenšepieŋ.
LUK 6:32 Ŋoŋe maŋjauŋ eŋareeŋgopieŋ jaŋe sawa maŋjauŋ ejareniŋmu, ine wemocko tofane fome juku bazu-ŋarezo? Miti tâmiriczi âgofâc-jeŋic maŋjauŋ ejareeŋgopieŋ wâc.
LUK 6:33 Á âgo eŋareeŋgopieŋ jaŋe sawa âgo ejareniŋmu, ine wemocko tofane fome juku bazu-ŋarezo? I miti tâmiriczi eeŋgopieŋ wâc.
LUK 6:34 Okacne bârisie-ŋareniŋmu jaŋe sawa wiac ejarepie wemocko tofane fome juku bazu-ŋarezo? Miti tâmiriczi âgofâc-jeŋic šiŋuc muhuc wiac ejareeŋgopieŋ wâc: Juku sâc ijaha bârisie-nârenšepieŋ.
LUK 6:35 “Aricne, iŋuc mi ezo, ŋoŋe râsifâc-ŋeŋic âgo jauŋ ejarenšepieŋ. Okacne mi mecne bazu-ŋareniŋmu jaŋe sifu ehâmo-jarehuc wiac qikiŋne-jarenšepieŋ. Iŋuc erâ juku furine ŋemâcne ronšoŋgopieŋ, erâ femicne sâko ere naru motecfâc erâ juniŋmu. Eki hâcne ŋic qâomane â râŋgeŋne jaŋe sifu bâmec bajareekac.
LUK 6:36 Mamac-ŋeŋiczi buuruc juekacte ŋoŋe iŋuc jaha buuruc junšepieŋ.
LUK 6:37 Ŋoŋe ŋic okacne dâŋ mi mutara-jarenšepieŋ, eme Anutuzi ŋoŋe iŋuc jaha okacne dâŋ mi mutara-ŋareocmu. Ŋoŋe ŋic kiŋko mi râec-jopanšepieŋ, eme Anutuzi ŋoŋe iŋuc jaha kiŋko mi râec-ŋopaocmu. Ŋoŋe tofa-ŋeŋic ŋic qikiŋne-jarepie Anutuzi tofa-ticne ŋoŋe iŋuc jaha qikiŋne-ŋareocmu.
LUK 6:38 Ŋoŋe ŋic bâmec bajarepie Anutuzi ŋoŋe iŋuc jaha bâmec baŋareocmu. Ehuc irec sâc jâuruhuc siric-ŋoparâ bašihuc guru fufusuc heŋareocmu. Ŋoŋe sâc bajuhuc ŋic wiac ejareniŋmu, sâc ijaha Anutuzi bajuhuc ŋoŋe eŋareocmu.”
LUK 6:39 Iŋuc murâ dâŋ suŋsuŋne moc šiŋuc šuhuckerâ jazawec: “Tiŋtuŋ jajaheczi jojowac erâ mi qâsorierâ mâmâc jaha hârâcko hunicmu me?
LUK 6:40 Moteczi qaqazu-ticne sisiricke i mi fokac, motec e wiac mana-hâmorâ qaqazu-ticnere sâc eme taraocmu.
LUK 6:41 Go wemocte âgogere šâŋeo gâc i honehuc go gahacne šâŋeo jâcdâkâ fokac ine mi hone tarakomec?
LUK 6:42 Jâcdâkâ go gahacne šâŋeo foipiehame go weniŋuc âgoge šiŋuc âzâcnetec sâckeocmu: `Âgo, manahaŋ, šâŋegao gâc fokac rogarepe. Ž Burecŋic, gahacne šâŋeo jâcdâkâ fokac i qanaŋ rorâ ie âgogere šâŋeo gâc rotec sâckeocmu.
LUK 6:43 “Jâc biaŋnao wemocko fârine sâqocne fuaocmu, me jâc sâqocnao wemocko fârine biaŋne fuaocmu?
LUK 6:44 Jâcte fuŋne fârinezi bataniŋkeekac. Safeo suc fârine fuame rozo me? Me šaqeŋko saŋ fârine fuame rozo me?
LUK 6:45 Ŋic biaŋnezi maŋrowaŋ-ticne biaŋnaonec wiac biaŋne utuocmu, ŋic sâqocnezi maŋrowaŋ-ticne sâqocnaonec wiac sâqocne utuocmu. Maŋko wiac fusucmarâ foekac, ijaha micko wefuekac.
LUK 6:46 “Wemocte mâc micbipiczi Wofuŋ-nâŋec, Wofuŋ-nâŋec i sawa munarehuc dâŋ ŋazaekopac i mi reŋkeeŋgopieŋ?
LUK 6:47 Moc e nohec juhuc dâŋnane manarâ reŋkeocmu, e mohec sâc hepe mana taraniŋ?
LUK 6:48 E ŋic moc ficsanaŋ bawec ere sâc. Ŋic eki hâcne baocte wâtuŋ šoricne wiseme hume keteŋkeme qiŋ herâ domawec. Erâ fic bâzickeme ŋeha hoemaŋ maickeme mâŋâŋ tâpirihec qarâ fic i sanaŋne bakicnere bâpiewec.
LUK 6:49 Á moczi dâŋnane manarâ qataraocmu e ŋic moc fic dodocne bawec ere sâc. Ŋic eki hâcne fic baocte wâtuŋ mâc burec burec wiseme hume fic iriŋ biriŋ bawec. Ehame hoemaŋ maickeme mâŋâŋ tâpirihec warerâ fic âke tuŋkeme rândiŋkerâ qarâ qanšaŋnewec.”
LUK 7:1 Jesu e ŋic mitidâŋ i jazaku jaza-fârerâ Kafanaum haeo rawec.
LUK 7:2 Ira momori soŋaŋ moc ere kiŋaŋ motec hâmozo ehuc fowec. Bomboŋ e motec ere maname biaŋkewec.
LUK 7:3 Irec Jesure biŋe manarâ Judaŋic micne bapa Jesu hefârepie motec huc bâniniŋkecneocte jazawec.
LUK 7:4 Eme jaŋe Jesurao fisirâ šiŋuc muhuc âzâcnembiŋ: “Momori soŋaŋ e jume biaŋkeekacte dâŋticne manazemec.
LUK 7:5 E maŋticne Judaŋic nâŋerea domaekac. Erâ mitific-nâŋec fuaocte ekizia moneŋ râeme sâckeme fua-nârewec.”
LUK 7:6 Iŋuc muhuc âzâcnepie manarâ jaŋehec rawec. Rarâ ficticne bâqiŋkezo ehame momori soŋaŋzi âgofâcne Jesurao sorec-jopahuc dâŋ šiŋuc râeme rawec: “Wofuŋ, go ira domac, no iŋucne mac wemocte iqicnucmu.
LUK 7:7 No nahacne manape mi sâckeme gorao fâzo quŋkepac hâcne. Irec go ira juhuc mâc miczi mutec kiŋaŋ motec-nane ɋiɋic qazejec.
LUK 7:8 No ŋic fekicne jaŋere kiŋaŋ qaqa, eme nore wahamicne momorifâc-nane juŋgopieŋ. Eme jaŋeraonec moc `racƷ âzâcnepe raocmu, moc `warecƷ âzâcnepe wareocmu, â kiŋaŋ motec-nane `gie i bacƷ mupe baocmu.”
LUK 7:9 Eme Jesu e dâŋ i manarâ momori soŋaŋ seckecnerâ ŋicguru bâjâpembiŋ jaŋerao fotikierâ šiŋuc jazawec: “No ŋazape mananiŋ, Israe ŋic ŋoŋerao mamanasiŋ sâc iŋucne mi bâfuaekopac.” Iŋuc mume momori soŋaŋ âgofâcne jaŋe risierâ ficko ferâ kiŋaŋ motec ɋiɋic qame honembiŋ.
LUK 7:11 Juku Jesuzi hae moc šâŋene Naiŋ ira rame motecfâcne â ŋic guru sâko bâjâpembiŋ.
LUK 7:12 Eme hae mendâŋko fisihame qâŋɋâŋ moc reŋke wahambiŋ. Hozec moc ŋokâ-ticne mocjaha e hâmowec, e hâcne duckeniŋte haeonec ŋic ŋokac waha-fârembiŋ.
LUK 7:13 Eme Wofuŋzi hozec honerâ bune sâqoreme muwec, “Mi kioc.”
LUK 7:14 Iŋuc murâ ra katapa bâuame badomahapie šiŋuc muwec: “Motec, no gazakopac, faharec.
LUK 7:15 Iŋuc âzâcneme hâmocnezi faharerâ dâŋ dâŋ ewec. Eme Jesuzi neŋgoc-ticnehec juocte râcnewec.
LUK 7:16 Eme ŋic jaŋe i honerâ hâwic-jopame Anutu muteŋkerâ šiŋuc mumbiŋ: “Porofete kâcɋene ŋondeŋ-nâŋecko fuawec jukac.” Á gâcnezi mumbiŋ: “Anutu e ŋicfâc-ticne jâmbomac iqic-nâpokac.” Eme irec biŋe Judaia mâreŋko â mâreŋ ŋifec â ŋifec mâmâc qâfâuckerâ rawec.
LUK 7:18 Johane kâpâcwâru ficko ŋehuc juhame motecfâc-ticne jaŋe wiac fuawec irec dâŋ binaŋ ecnembiŋ.
LUK 7:19 Eme dâŋ i manarâ motec jajahec hefârec-jofarâ Wofuŋ šiŋuc muhuc wiocnenicte sorec-jofawec: “Ware-nâreocte mukicne go hâcne me? Me mocte woŋec junšepeneŋ?”
LUK 7:20 Sorec-jofame motec jahe Jesurao fisirâ mupic: “Johane Miti Opâ fufuŋkezi kecšiŋuc muhuc sorec-nâfokac: Mesia ware-nâreocte mukicne go hâcne me? Me mocte woŋec junšepeneŋ?”
LUK 7:21 Jesu e aua dameŋ ira ŋic huc šâic bâniniŋke-jarewec â demoŋ jâpe-jarewec â šâŋe tiŋtuŋ šâŋe fifi bacjopawec.
LUK 7:22 Ehame ŋic jahe fisirâ wiocnepire šiŋuc jasawec: “Ŋohe rarâ wiac hone manac ekopirec irec dâŋ binaŋ Johane ecnehuc šiŋuc âzâcnenic: Tiŋtuŋzi šâŋe fitâcneŋgopieŋ, puriŋzi hata juŋgopieŋ, wicsanaŋheczi fâsâeŋgopieŋ, qepoŋzi dâŋ mamana eŋgopieŋ, hâmokicnezi ɋârerâ fahareŋgopieŋ, â waha qaqanezi Biŋebiaŋ manaŋgopieŋ.
LUK 7:23 Eme moc e mana gâpârehuc qiqikiŋ mi enareocmu ere manape šerine ekac.”
LUK 7:24 Eme Johanere motec jahec jahe risierâ rahapire Jesu e ŋic jumbiŋ jaŋe Johanere šiŋuc jazawec: “Ŋoŋe mâreŋ tuhuo wemo honeniŋte rambiŋ? Saparac moc mâŋâŋzi batac bawarec eme honeniŋte rambiŋ me?
LUK 7:25 Me ŋic moc ŋaqi-ticne eri qaraweŋnehec honezo rambiŋ? Manaŋgopieŋ, ŋic ŋaqi eri qaraweŋnehec rojueŋgopieŋ jaŋe ŋicwofuŋ ficko wiac âmbâŋ nâhuc foeŋgopieŋ.
LUK 7:26 Me porofete moc honeniŋte rambiŋ? No ŋazape mananiŋ, ŋic honembiŋ e porofete gâcne jaŋere sâc mâcne, e sâc moc.
LUK 7:27 Ere hâcne dâŋqâreŋ moc kecšiŋuc fokac: `Manakic, no biŋe mumu ŋicnane sorepe fâ maigao fuaocmu, erâ hatage bâšâwehuc bânie-gareocmu.'
LUK 7:28 No jâmbomac ŋazape, ŋokackonec fuakicne gâcne sasawa jaŋeraonec moczi Johane mi qâhuckekac. Á Anuture uucmaŋ fua tâcneme maŋnao wahakicne juocmuzi sifu e qâhuckeocmu.”
LUK 7:29 Ŋic sasawa erâ takesi roro mâmâc jaŋe dâŋ manarâ Johanere Miti Opâ ruambiŋko Anuture dâŋ dopeckepie fâri fideteŋ ewec.
LUK 7:30 Farisaio â sâcmutâc mamana saric jaŋe ine Johanere Miti Opâ qikiŋnehuc Anuture dâŋ râpeckepie jaŋerao fârimâc ewec.
LUK 7:31 “Ŋicguru ši weni jaŋehec sâc hecjopape? Jaŋe weni jaŋe iŋucne?
LUK 7:32 Jaŋe naru motec iŋucne. Naru motec jaŋe haeo šoŋao ŋehuc dâŋ šiŋuc mutâc muwarec eeŋgopieŋ: `Gae hepene wemocte mi woŋgopieŋ'” `Ki makuc hepene wemocte mi kioŋgopieŋ! Ž
LUK 7:33 Johane Miti Opâ fufuŋke e gie-ticne fuŋkerâ nânâ qowi mi nâhuc sowa jume honerâ mumbiŋ: `E demoŋzi ecnekac. Ž
LUK 7:34 Ŋic Fâri Wâtuŋne eki waharâ nânâ qowi nâme honerâ muŋgopieŋ, `Kec e ŋic nâ âmbâŋne, takesi roro â sâqocne bapa Jaŋere âgo. Ž
LUK 7:35 Anuture mamana biri ine qâjâpecfâcne jaŋe fuŋne-ticne hewirickepie fâri fideteŋ ewec.”
LUK 7:36 Farisaio moczi Jesu nânâre hefâreme ficticnao ferâ nânâ teboo ŋewec.
LUK 7:37 Eme hae irec ŋokac sâqocne moczi Jesu e farisaiore ficko feme biŋe manarâ opâ âsu biaŋ moc kiruŋhec baferâ
LUK 7:38 râpefuŋnao domahuc kiome šâŋeuc-ticnezi kikene ruacneme qizec susuc-ticnezi bâkereŋkewec. Erâ kike-ticne muduckerâ opâ âsu ruacnewec.
LUK 7:39 Ŋokac iŋuc eme farisaio Jesu hefârewec eki honerâ maŋnezi šiŋuc muwec: “Ŋokac šizi wiac ecnekac e sâqocne, Jesu e porofete jurâ muzac fuŋne-ticne mana tarazac.”
LUK 7:40 Eme Jesuzi šiŋuc âzâcnewec: “Simoŋ, no dâŋ moc gazape manac.” Âzâcneme muwec, “Qaqazu, mutec manape.”
LUK 7:41 Eme Jesuzi šiŋuc muwec: “Moneŋŋic moczi ŋic jajahec moneŋ jaba jactewec, moc 500 kina râcnewec â moc 50 kina.
LUK 7:42 Eme okacne bazucnenicte moneŋ basapire tofa-ticne qikiŋne-jactewec. Eme jaheraonec mozi moneŋŋicte bubiaŋ fekicne bajuocmu, go more mukomec?”
LUK 7:43 Wiocneme Simoŋ šiŋuc muwec: “Moneŋ bocjaha qikiŋnecnewec ere mukopac.” Mume Jesuzi šiŋuc âzâcnewec: “Go sâcne mukomec.”
LUK 7:44 Iŋuc murâ ŋokacto forisierâ Simoŋ šiŋuc âzâcnewec: “Ŋokac kecši honekomec? No ficgao wefupe go kike šušure opâ mi râe-naremec, ŋokac eki ine kike-nane šâŋeuc-ticnezi ruacnerâ qizec susucnezi bâkereŋkekac.
LUK 7:45 Goki mi muducnumec, ŋokac eki ine kike-nane šoɋac erâ muduckekac.
LUK 7:46 Goki qizec-nane wokemaŋ opâzi mi ruacnemec, ŋokac eki ine kike-nane opâ âsu biaŋzi ruacnekac.
LUK 7:47 Irec gazakopac, ŋokac e maŋjauŋ bocjaha enarekacte fuŋne-ticne šiŋuc manac: E sâqocne bocjaha bâtâmirecnekicne. Moc e sâqocne afecne bâtâmirecnekicnezi maŋjauŋ afecne eocmu.”
LUK 7:48 Iŋuc murâ ŋokac šiŋuc âzâcnewec: “Sâqocnege bâtâmire-garekicne hâcne.”
LUK 7:49 Iŋuc mume ŋic nânâ mâmâc nâhuc ŋembiŋ jaŋe maŋjeŋiczi šiŋuc mumbiŋ: “E mo ŋic mo, irec sâqocne bâtâmirekac?”
LUK 7:50 Eme Jesuzi ŋokac šiŋuc âzâcnewec: “Mamanasiŋgere biaŋkekomec, buge âke mâteŋkeha ra juzemec.”
LUK 8:1 Dameŋ irec faicnao Jesuzi hae sâko hae pitic mâmâc fota fotâcne juhuc ŋic miti jaza qazuc erâ Anuture uucmaŋte Biŋebiaŋ jaza jujec. Eme bâjâpehuc jumbiŋ ine šiŋuc: Motecfâcne 12,
LUK 8:2 erâ ŋokac tucne, mârâcko demoŋ â huchec juhapie jâpe bâniniŋ ejarewec. Jaŋeraonec moc Maria Madala haeonec, e demoŋ 7 jâpecnewec.
LUK 8:3 Erâ moc šâŋene Johana, Herodere soŋaŋ Kuza ere ŋonâŋ, erâ Susana erâ ŋokac gâcne. Jaŋe moneŋ mafa fojarewecte e â motecfâcne bâmec bajare jumbieŋ.
LUK 8:4 Haene haene irec ŋic Jesurao qaja fuserâ tumaŋnepie honec-joparâ kesaic dâŋ moc šiŋuc jazawec:
LUK 8:5 “Ŋic moczi wiac hândâŋne tieocte gieo rawec. Tiehame hândâŋne gâcnezi hatao waha heme ŋic jaŋe âtenšaŋnembiŋ. Eme sawa wipezi fisirâ nâfârewec.
LUK 8:6 Hândâŋne gâcne qânâ siecko hewec. Eme izi hahaŋkekicnere âkešurâ bâpâŋ wefurâ hâmowec.
LUK 8:7 Hândâŋne gâcnezi hofâ qinšiŋ ŋondeŋko hewec. Eme âkešurâ wefume hofâ qinšiŋzi iŋuc jaha wefurâ hehâmowec.
LUK 8:8 Á hândâŋne gâcnezi ine mâreŋ guecko herâ fârine bocjaha fuawec, jâcne gâcne irec hândâŋne 100, 100 iŋuc fuawec.” Dâŋ i mutararâ hahaŋne bahuc muwec: “Moc e hazecheczi dâŋ keczi manazejec.”
LUK 8:9 Eme motecfâcne jaŋe kesaic dâŋ irec fuŋnere wiocnepie jazawec:
LUK 8:10 “Anuture uucmaŋko rarašire dâŋ soŋne i ŋoŋe mananiŋte mukicne, gâcne jaŋe ine kesaic dâŋ mananšepieŋ. Ehuc šâŋe fiipiehuc wiac mi hone taranšepieŋ â hazeczi dâŋ mana-bipiehuc fuŋne mi mana taranšepieŋ.
LUK 8:11 Kesaic dâŋ mupac irec fuŋne ine šiŋuc: Anuture dâŋzi hândâŋ ekac.
LUK 8:12 Hândâŋne hatao hewec sâc iŋucne juniŋmu jaŋe miti manapie maŋjeŋicko huhame izia, mana šakierâ juju bâfuanšipiŋte Sataŋzi fisi ro bawiseekac.
LUK 8:13 Hândâŋne qânâ siecko hewec sâc iŋucne juniŋmu, jaŋe miti manarâ izia aŋac-jopaocmu. Eme maŋjeŋicko gâtâ mi bakicnere dameŋ bembeŋne mac bajuhapie eesâic fuame miti râpeckeeŋgopieŋ.
LUK 8:14 Hândâŋne hofâ qinšiŋko hewec sâc iŋucne juniŋmu, jaŋe miti mamana i mananiŋmu, erâ sahackopec wiac irec mamaŋ gugutuŋ jupie moneŋ mafa mâriri irec aŋaczi miti hehâmome fârimâc eekac.
LUK 8:15 Hândâŋne mâreŋ guecko hewec sâc iŋucne juniŋmu, jaŋe miti manarâ maŋjeŋic emasaŋkerâ aimuŋ bajueŋgopieŋ, ehuc ɋic wânšâŋ erâ fârine bâfuaeŋgopieŋ.
LUK 8:16 “Mo ŋiczi lambe qazerâ kušizi hetutuckeocmu, me ŋeŋe rurumaŋko heme ŋeocmu? I aricne, lambe i ŋeŋe-ticnao hepene ŋehuc fic maŋne âke tamaeme ŋic jaŋe sâcne honehuc feniŋmu.
LUK 8:17 Wiac soŋsoŋ fokac i foku mi foocmu, i bataniŋkezo, â wiac hemackekicne fokac i foku mi foocmu, i qaratiezo, eme fuŋne jaŋgeŋkeocmu.
LUK 8:18 Moc e wiac râcnekicne bajume kiqecnecnezo, â moc e wiac râcnekicne burec burec bajume jâoc rofârezo. Irec ŋoŋe miti hazec uruc jaha manapaŋkenšepieŋ”
LUK 8:19 Dameŋ mocko ŋic guru sâko Jesu orâŋkerâ domahapie neŋgoc ɋafâc-ticne warerâ ŋic jaŋerao quŋkerâ taic domambiŋ.
LUK 8:20 Iŋuc epie ŋic moczi honec-joparâ Jesu šiŋuc âzâcnewec: “Neŋgoc ɋafâcge honecguniŋte juwic hae šoŋao domaŋgopieŋ.”
LUK 8:21 Mume Jesuzi ŋic šiŋuc jazawec: “Anuture dâŋ manarâ reŋkeeŋgopieŋ kecšizi neŋgoc ɋafâc-nane eŋgopieŋ.”
LUK 8:22 Ʒoaŋ mocko Jesu â motecfâcne wokeo fembiŋ. Wokeo ferâ šiŋuc jazawec: “Nâŋâc riqic fotâcnerâ ocniŋuc rašinaŋ.” Mume manapie rambiŋ.
LUK 8:23 Rahuc Jesu guŋte ecneme waha fowec. Fohame mâŋâŋ hâhâwicne qame riqic sâqoreme sirizi wokemaŋko hume riqicko huzo embiŋ.
LUK 8:24 Eme Jesu wiwickerâ šiŋuc âzâcnembiŋ: Qaqazu qaqazu, nâŋe riqicko huzo eŋgopeneŋ. Mupie fahare mâŋâŋ â siri dâŋ mujacteme niniŋkepire benoŋ bawec.
LUK 8:25 Eme šiŋuc jazawec: “Ŋoŋe mamanasiŋ-ŋeŋic weni.” Motec jaŋe ine wiac i honerâ tuc ŋeŋe farac erâ mumbiŋ: “Opo, e mo ŋic mo, irec mâŋâŋ â siri dâŋ jasame reŋkekopirec.”
LUK 8:26 Eme raku riqic fotâcnerâ Galilaia mâreŋ ŋifecnao Gerasene ŋic jaŋerao fisimbiŋ.
LUK 8:27 Ira fisirâ tiŋko feme haeonec ŋic moc warewec. Ŋic ere maŋko demoŋ bocjaha jupie dameŋ šora ŋaqi mi rojuwec â ficko mi fojujec. E mâc šâŋeruŋ gieo sasawa qac qâsoric juwec.
LUK 8:28 Eme Jesu honerâ owackerâ mâreŋko rândiŋke qa erâ dâŋ hahaŋne bahuc šiŋuc muwec: “Jesu, go Anutu femicne sâkore Ŋokâzi wemocte norao warekomec? Go šâic gie mi mac narezemec.”
LUK 8:29 Jesuzi “demoŋ go ŋickonec wefu rac” mume iŋuc hâcne âzâcnewec. Demoŋ e dameŋ šora ŋic maŋne bâpuriŋkeme momori eme ŋic jaŋe me kikene qarâ soŋaŋ-ticne jumbiŋ. Eme demoŋzi ecneme repa hetâc qâtâcnerâ tuhuo wiserâ rajujec.
LUK 8:30 Eme Jesuzi wiocnerâ muwec: “Ʒâŋege mo?” Wiocneme muwec: “No šâŋe-nane Gurusâko.” Demoŋ bocjahazi ŋicmaŋko jumbiŋ irec.
LUK 8:31 Eme jaŋe Jesuzi hârâcko sorec-jopame hunšipiŋte mu wâwâsic ecnembiŋ.
LUK 8:32 Eme mâreŋ ira bec guru sâko qondaŋ gieo jumbiŋ. Irec demoŋ jaŋe mana-jareme becmaŋko huniŋte âzâcnembiŋ.
LUK 8:33 Eme mana-jareme ŋickonec wefurâ becmaŋko humbiŋ. Iŋuc epie bec jaŋe heâŋkonec suackerâ ra duŋ riqic ŋewec ira hurâ hâmo-fârembiŋ.
LUK 8:34 Eme soŋaŋ jaŋe i honerâ gasacke rarâ ŋic hae gie sâc jurambiŋ dâŋ binaŋ ejarembiŋ.
LUK 8:35 Jazapie jaŋe ŋic demoŋ guru jâpecnekicne e honeniŋte fisi-fârembiŋ. Jesurao fisirâ honembiŋ: Ŋic demoŋ guruhec juweczi ŋaqihec â mamanahec Jesure maŋfuŋko ŋewec. Honerâ su bipic tatara ejareme domambiŋ.
LUK 8:36 Domahapie wiac hone manac embiŋ jaŋe ŋic demoŋhec juweczi biaŋkewec irec dâŋ binaŋ ejarembiŋ.
LUK 8:37 Eme Gerasene mâreŋ irec ŋic jaŋe boc hâwic-jopame Jesu e mâreŋ-jeŋic beherâ raocte âzâcnembiŋ. Âzâcnepie risieocte wokeo feme
LUK 8:38 ŋic demoŋ jâpecnekicne eki bâjâpeocte numucnewec. Numucneme Jesuzi šiŋuc muhuc qataracnewec:
LUK 8:39 “Go wiacfâcge jaŋehec juhuc Anutuzi gorao mâsi sâko bakac irec biŋe ŋic jazazemec.” Mume ŋic e risierâ Jesuzi bâpiaŋkewec irec biŋe haefâc-ticne jaza-fârewec.
LUK 8:40 Ŋic jaŋe Jesure woŋec juhapie fisime honerâ ofac hecnembiŋ.
LUK 8:41 Ehame mitific soŋaŋ moc, šâŋene Jairo, e warerâ Jesure maŋfuŋko fodaperâ mu wâsic ecnewec.
LUK 8:42 Otâ-ticne mocjaha jara-ticne 12 eha hâmozo ehuc fowecte Jesu hefârewec. Eme Jesuzi manarâ rahame ŋic jaŋe rošâc bâšâŋiŋ ecnembiŋ.
LUK 8:43 Eme ŋondeŋ-jeŋicko ŋokac moc juwec, e soc rohuc juhame jara 12 ewec. Eme dokta jaŋe bafickeniŋte bâipieku behembiŋ.
LUK 8:44 Eme ŋokac eki hâcne Jesure râpefuŋko rarâ ŋaqi-ticne bâuawec. Bâuame izia socticne šickewec.
LUK 8:45 Eme Jesuzi wiorâ muwec: “Mozi bâuacnukac?” Mume ŋic jaŋe micke-fârepie Petorozi šiŋuc muwec: “Qaqazu, ŋic jaŋe rošâc bâšâŋiŋ egarehuc heuacguŋgopieŋ.”
LUK 8:46 Mume Jesuzi šiŋuc muwec: “Aricne, moczi bâuacnuhame tâpiri-nane rame manapac.”
LUK 8:47 Eme ŋokac e fuŋne-nane taniŋkekac murâ ɋarac ɋarac qahuc Jesure maŋfuŋko fodaperâ hucticnere dâŋ â bâuarâ izia ɋiɋic qawec irec dâŋ mâmâc mufuame mana-fârembiŋ.
LUK 8:48 Eme Jesuzi šiŋuc âzâcnewec: “Otâ-mae, mamanasiŋgere biaŋgukac, buge âke mâteŋkeha rac.”
LUK 8:49 Iŋuc muhuc domahame mitific soŋaŋte fickonec dâŋ šiŋuc warewec: “Otâge hâmokac, irec qaqazu maŋgâŋ mi ecnetec warezejec.”
LUK 8:50 Eme dâŋ i Jesuzi manarâ soŋaŋ šiŋuc âzâcnewec: “Mi hâwicguoc, manasiŋnutec otâge biaŋkeocmu.”
LUK 8:51 Iŋuc murâ ficko fisirâ gâcne hecke-jareme domahapie Petoro, Johane, Jakobo â naru neŋgoc mamac jahecne jaŋe sawa rocjopame rašimbiŋ.
LUK 8:52 Eme ŋic ŋokac ki mamakuc ehuc domahapie šiŋuc jazawec: “Mi kioniŋ, naru e mi hâmojec, e mâc guŋ fokac.”
LUK 8:53 Eme jaŋe hâmo-jâmbâŋkewec i mana sanaŋkehuc gâwiecnembiŋ.
LUK 8:54 Eme Jesuzi naru menao rorâ wiracnerâ muwec: “Naru, go faharec.”
LUK 8:55 Mume izia maŋ qâqâtâc-ticne risieme faharewec. Fahareme nânâ râcnepie nâocte jazawec.
LUK 8:56 Eme neŋgoc mamacne jahe manapire hâhâwicne jâmbâŋ ewec. Eme Jesuzi irec biŋe ŋic mi jazaniŋte mu hezuc ejarewec.
LUK 9:1 Jesu e aposolo 12 hefârec-jopame fisipie ŋic demoŋ jâpe-jareniŋte â huc bâniniŋke-jareniŋte tâpiri qikiŋne-jarewec.
LUK 9:2 Erâ ŋic Anuture uucmaŋ irec dâŋ jazahuc huchec ɋiɋicne bacjopaniŋte sorec-joparâ
LUK 9:3 dâŋ šiŋuc mutâcne-jarewec: “Ŋoŋe hatao gunu me he me nânâ me moneŋ me ŋaqi jajahec mi bajunšepieŋ.
LUK 9:4 Hae mocko fisirâ fic feniŋmu ijaha ŋeŋe juju eku waha ranšepieŋ.
LUK 9:5 Erâ mocko fisipie qikiŋ-ŋopapie hae i râpeckerâ gâc wândoc kike-ŋeŋickonec âteickepie wahame jaŋe fuŋne-jeŋic mananšepieŋ.”
LUK 9:6 Iŋuc muhuc jazame jaŋe šawierâ rambiŋ. Ehuc haene haene jufârehuc ŋic miti jazambiŋ â huc šâic bâniniŋke-jarembiŋ.
LUK 9:7 Ŋicwofuŋ Herode e Jesuzi wiac ewec bawec, irec biŋe maname quŋkewec. I ŋic jaŋe kecšiŋuc mumbiŋte ewec: “Johane e hâmockonec ɋârewec juhuc wiac i bakac.”
LUK 9:8 Gâcnezi ine mumbiŋ, “Eliazi mocwâc fuawec jukac.” Á gâcnezi ine mumbiŋ, “Porofete mimiŋne moczi ɋârewec jukac.”
LUK 9:9 Mupie manarâ Herodezi šiŋuc muwec: “Johane e noni mupe upene hetâcnembiŋ. Ehame mozi iŋuc eme biŋene manaekopac?” Iŋuc murâ Jesu honeocte boc ecnewec.
LUK 9:10 Eme aposolo jaŋe juku risierâ gie bambiŋ irec dâŋ binaŋ Jesu ecnembiŋ. Dâŋ binaŋ ecnepie Jesuzi rocjopame Besaida hae mâreŋko buc juniŋte rambiŋ.
LUK 9:11 Rapie ŋic jaŋe honec-joparâ bâjâpec-jopambiŋ. Erâ Jesurao fisipie âgo ejareme jumbiŋ. Juhapie Anuture uucmaŋ irec dâŋ jazawec, â huc šâichec ɋiɋicne bacjopawec.
LUK 9:12 Iŋuc ehuc juhame šoaŋ ŋetarazo eme motecfâcne jaŋe erao rarâ šiŋuc âzâcnembiŋ: “Ʒira tuhuo juŋgopeneŋte go ŋic râec-jopatec hae ŋerakac ira rarâ fic â nânâ bâfuanšepieŋ.”
LUK 9:13 Mupie šiŋuc jazawec: “Ŋaŋac moc nânâ gumec-jopaniŋ me!” Eme jaŋe šiŋuc âzâcnembiŋ: “Poroŋ memoc â opâ qowi jajahec iŋuc mac fonârekac. Irec weniŋuc enaŋ? Haeo rarâ ŋic guru sâko ši jaŋere nânâ sâcne furine banaŋmu me?”
LUK 9:14 Ŋic 5 tauseŋ jumbiŋte motec jaŋe iŋuc mumbiŋ. Mupie šiŋuc jazawec: “Ŋic ejarepie birine birine 50 qâzuckerâ ŋeranšepieŋ.”
LUK 9:15 Mume jaŋe ejarepie iŋuc epie
LUK 9:16 poroŋ memoc â opâ qowi jajahec rorâ sambâŋko fime fehame jambuŋkewec. Jambuŋkerâ poroŋ bazurâ motec jareme jaŋe bârâwiŋnerâ ŋic jarembiŋ.
LUK 9:17 Eme jaŋe mâmâc sasawa nâ gapec efârembiŋ. Eme tiwâne ŋerawec, i ropie hurâ sasac 12 fusewec.
LUK 9:18 Juku Jesu e motecfâc-ticne jaŋehec buc juhuc nunumu gie bawec. Eku wio-jarerâ muwec: “Ŋic jaŋe nore mo mueŋgopieŋ?”
LUK 9:19 Wio-jareme šiŋuc âzâcnembiŋ: “Gâcne jaŋe Johane Miti Opâ fufuŋke mugareeŋgopieŋ, gâcne jaŋe Elia mugareeŋgopieŋ, â gâcne jaŋe porofete mimiŋne moczi ɋârewec jukac, iŋuc mugareeŋgopieŋ.”
LUK 9:20 Mupie jaŋacne indiŋ-joparâ muwec, “Á ŋoŋe ine nore mo mueŋgopieŋ?” Eme Petorozi šiŋuc muwec: “Go Anuturaonec Kristo jâmbâŋ.”
LUK 9:21 Mume ŋic moc mi mufua-jareniŋte mic muac sanaŋne ejarewec.
LUK 9:22 Erâ šiŋuc šuhuckerâ Jazawec: “Ŋic Fâri Wâtuŋnezi Juku šâic serereŋ bocjaha manaocmu. Soŋaŋ â taha bapa micne â miti qaqazu jaŋe e kiarao qikiŋnepie qame hâmorâ šoaŋ jahec â moc eha fahareocmu.”
LUK 9:23 Jesu e ŋic mâmâc sâko-jeŋic šiŋuc jazawec: “Ŋic moczi no bâjâpecnuzo murâ maŋ sahac-ticnere dâŋ râpeckerâ maripoŋ-ticne šoaŋne šoaŋne hâporâ bâjâpecnuzejec.
LUK 9:24 Moc e juju-ticne sakareme sifuckecneocmu â moc e nore erâ qikiŋneme fuacneocmu.
LUK 9:25 Moc e mâreŋte wiac sasawa hure-fâreku kinduŋ bânduŋ bajuhame juju-ticne kihâmome sipirickeme wemo wiac fârine focneocmu?
LUK 9:26 Moc e no nahacnere me miti-nanere maname mimi gaŋgaŋnehec eocmu, ine Ŋic Fâri Wâtuŋnezi Juku Mamac-ticne â tiri aŋelo jaŋere huririzi uucne erao riŋkehame sambâŋ tatamac-ticnehec fisirâ ŋic iŋucnere iŋuc Jaha maname mimi gaŋgaŋnehec eocmu.
LUK 9:27 No ine jâmbomac ŋazape mananiŋ: Domaŋgopieŋ ši jaŋeraonec gâcne hâmoc mi bâfuahapie Anuture Wofuŋ qâreŋ fua taniŋkeme honenšoŋgopieŋ.”
LUK 9:28 Jesu e dâŋ i murâ juhame šoaŋ gie bapa 8 tarame numuocte Petoro â Johane â Jakobo rocjopame tikio fembiŋ.
LUK 9:29 Ferâ numuhame šâŋe mai-ticne hawarine fuŋmoc ewec. Ehame ŋaqi-ticne tamaerâ ɋaɋac taeŋne jâmbâŋ ewec.
LUK 9:30 Eme mi ŋic jajahec fuarâ ehec dâŋ muc manac enšepieŋ i¡ Ŋic šâŋe-jekic Mose â Elia.
LUK 9:31 Jahe sambâŋ tatamac-jekichec fisirâ Jesu Jerusalem haeo mâreŋko juju-ticne jutararâ raocmu irec dâŋ mumbiŋ.
LUK 9:32 Muhapie Petoro â âgo jahec-ticne jaŋe guŋ te mâretec ejare-bipieme šâŋe fitâcnerâ Jesu huriri qâreŋ-ticnehec â ŋic jahec ehec domapire honec-jopambiŋ.
LUK 9:33 Eme jahe razo epire Petorozi Jezu šiŋuc âzâcnewec: “Qaqazu, sowine šira juŋgopeneŋ. Irec manatec boze jahec â moc banaŋ, gore moc, Mosere moc â Eliare moc.” E dâŋ mi mana tarahuc iŋuc muwec.
LUK 9:34 Muhame karorac moczi waharâ sâoc-jopawec. Sâoc-joparâ foŋjopame motec jaŋe me kike fâfâc ehuc domambiŋ.
LUK 9:35 Eme karorac maŋko dâŋ šiŋuc fuawec: “Keci joroc Ŋokâ-nane, ŋoŋe dâŋticne mananšepieŋ.”
LUK 9:36 Eme dâŋ mana manahuc šâŋe firâ Jesu buc domame honembiŋ. Eme motec jaŋe wiac honembiŋ i dameŋ ira ŋic mi jajaza mâc maŋkerâ jumbiŋ.
LUK 9:37 Hae fureme tikionec wahapie ŋic guru sâkozi ehec bâbâfuac embiŋ.
LUK 9:38 Eme izia ŋic jaŋere ŋondeŋkonec moczi šiŋuc muhuc Jesu wâsickewec: “Qaqazu, go dâŋnane manarâ ŋokâ-nane bafickec, e mocjaha mae.
LUK 9:39 Manakic, demoŋ moczi hâpome ɋeŋfâfâc jaha owackeekac. Erâ ro fârec ecneme mic tâferu-ticne wefuekac. Eme demoŋzi motec jâpec mi bebehe ba âkejac ecneku mâretec bâdockeekac.
LUK 9:40 Eme motecfâcge jaŋe jâpecneniŋte numu-jarepe eipiembieŋ.”
LUK 9:41 Mume Jesuzi šiŋuc muwec: “O ŋicguru mamanasiŋ tâmiric â maŋsanaŋ, no ŋoŋehec hati jurâ ju ehuc âsi qataŋ eŋarepemu me? Ŋokâge bawarec.”
LUK 9:42 Eme motec Jesurao barahame demoŋzi fâreme mi kikene miŋgeŋkewec. Eme Jesuzi demoŋ dâŋ mucneme wiseme motec biaŋkeme mamac-ticne râcnewec.
LUK 9:43 Eme ŋic jaŋe Anutu tâpiri sâko-ticnere fuŋne honerâ warecke sâqorembiŋ. Eme ŋic jaŋe Jesuzi wiac ewec bawec irec wareckehuc juhapie Jesuzi motecfâcne bucko šiŋuc jazawec:
LUK 9:44 “Dâŋ ši ŋazape manapaŋkeniŋ, Ŋic Fâri Wâtuŋne e ŋic jaŋere meo feocte dameŋ bembeŋkezo ekac.”
LUK 9:45 Iŋuc muhuc jazame motec jaŋe dâŋ i manapie qeŋ bipinehec eme fuŋne kâuc bambiŋ. Erâ wiocneniŋte hâwic-jopame behembiŋ.
LUK 9:46 Motec jaŋe nâŋâcnaonec mozi micne sâko jukac muhuc hehefaric embiŋ.
LUK 9:47 Iŋuc epie Jesuzi maŋjeŋicte fuŋne manarâ motec piticne moc rorâ maŋfuŋnao râerâ
LUK 9:48 šiŋuc jazawec: “Moczi motec piticne kecšiŋucne moc nore erâ mamac rau ecneocmu, e no mamac rau enareocmu. Á no mamac rau enareocmuzi sorecnuwec e mâmâc mamac rau ecneocmu. Erâ ŋoŋeraonec moczi wahakicne jâmbâŋ juocmu, ere fekicne muzo.”
LUK 9:49 Eme Johanezi šiŋuc âzâcnewec: “Qaqazu, nâŋe ŋic moc gore šâŋe muhuc demoŋ jâpec-jopame honembeneŋ, erâ e nâŋerao šuhuckerâ go mi bâjâpecguekacte qataracnembeneŋ.”
LUK 9:50 Mume Jesuzi šiŋuc âzâcnewec: “Mi qataracnezo. Gie-ŋeŋic mi hetâtiecmuzi âgo babafic-ŋeŋic eocmu.”
LUK 9:51 Jesu e sambâŋko risiocte dameŋ bembeŋkezo ehame Jerusalem haeo raocte mupaŋkewec.
LUK 9:52 Mupaŋkerâ kiŋaŋ sorec-jopame bâniembiŋ. Bânierâ raku Samaria ŋic jaŋere hae mocko fisirâ Jesure biŋe fic moc bâfuaniŋte jazambiŋ.
LUK 9:53 Eme Jesu e Jerusalem haeo raocmu, iŋuc manarâ fic sakarembiŋ.
LUK 9:54 Fic sakarepie motec jahec-ticne Jakobo â Johane jahe i manarâ Jesu wiocnerâ mupic: “Wofuŋ, go manatec mupere sambâŋkonec šoc waharâ šacjopazejec me?”
LUK 9:55 Mupire forisierâ qatara-jactewec.
LUK 9:56 Eme hae mocko rambiŋ.
LUK 9:57 Rahapie ŋic moczi bâfuac-joparâ Jesu šiŋuc âzâcnewec: “Go ira me ira razo mutecne bâjâpecgupemu.”
LUK 9:58 Mume Jesuzi šiŋuc âzâcnewec: “Qowi jaŋe hawec-jeŋichec, â sawa wipe jaŋe sareŋ-jeŋichec, Ŋic Fâri Wâtuŋne e ine fofo roŋgâŋ basaekac.”
LUK 9:59 Eme Jesuzi ŋic moc bâfuarâ šiŋuc âzâcnewec: “Go ware bâjâpecnuc.” Mume ŋic e šiŋuc âzâcnewec: “Wofuŋ, manatec qanaŋ rarâ mamac-nane duckezepac.”
LUK 9:60 Eme Jesuzi šiŋuc âzâcnewec: “Behec-jopatec qâŋɋâŋzia qâŋɋâŋfâc-jeŋic buc ducjopanšepieŋ. Go ine rarâ Anuture uucmaŋ irec dâŋ muromackezemec.”
LUK 9:61 Ŋic moczi ine Jesu šiŋuc âzâcnewec: “Wofuŋ, no bâjâpecguzore enarekac. Erâ manatec qanaŋ risierâ wiacfâc-nane mâzoc-joparâ warezepac.”
LUK 9:62 Mume Jesuzi šiŋuc âzâcnewec: “Moc e woke guriŋne bahuc rârâpe fiocmu, iŋucnezi Anuture uucmaŋko gie bapare sâc mi eocmu.”
LUK 10:1 Juku Jesuzi motec 70 bâwosâec-joparâ giedâŋ mujarewec. Ehuc e jahac haene haene raocte muwec ira jajahec jajahec bânierâ raniŋte sorec-jopawec.
LUK 10:2 Ehuc jaza muwec: “Qa roro giezi kâcɋene, gie bapa ŋic ine afecne. Irec ŋoŋe gie rune numucnepie gie bapa ŋic bâfuac-jopame gie-ticnao ranšepieŋ.
LUK 10:3 Ŋoŋe rahuc šiŋuc mananšepieŋ: Lama kâte qâto jaŋere ŋondeŋko mi sosorec-jopane i ŋoŋe sorec-ŋopakopac.
LUK 10:4 Eme ŋoŋe moneŋ kânoŋ me he me kikehuhu mi amecke ranšepieŋ. Erâ hatao ŋic bâfuac-joparâ dâŋ mi bacjopanšepieŋ.
LUK 10:5 Fic mocko fezo ehuc rune šiŋuc jazanšepieŋ: `Fic kecšira wama fozejec. Ž
LUK 10:6 Eme fic ira ŋic moc wamare biŋe jume wamadâŋ-ŋeŋicte fârinezi erao fotâcnerâ foocmu. Arictac eme wamadâŋ-ŋeŋicte fârine ŋoŋerao mocwâc risieocmu.
LUK 10:7 Fic feniŋmu ijaha ŋeŋe juju ehuc nânâ gumec-ŋopapie nânšepieŋ. Gie bapa ŋic wiac furimâc jare gumec ezo. Ŋoŋe ficbiri mi junšepieŋ.
LUK 10:8 Hae mocko fisipie hezu hewâneŋ eŋarehuc nânâ gumec-ŋopapie nânšepieŋ.
LUK 10:9 Erâ ŋic huchec ɋiɋicne bacjoparâ hae rune šiŋuc jazanšepieŋ: `Anuture uucmaŋzi maic-ŋopakac. Ž
LUK 10:10 Hae mocko fisipie qikiŋ-ŋopapie hae šoŋao domahuc šiŋuc jazanšepieŋ:
LUK 10:11 `Gâc wândoc-ŋeŋic kike-nâŋecko bohotakac, i âteickepene waha foŋarezejec. Erâ ine šiŋuc mananiŋ: Anuture uucmaŋzi maic-ŋopame bâsuembieŋ. Ž
LUK 10:12 No ŋazape mananiŋ: Okac dameŋko Sodom haeonec katucne bawahahuc ejarezo â hae iŋucne jaŋe bafehuc ejarezo.
LUK 10:13 “Jei Koraziŋ rune, jei Besaida rune, ŋoŋerao mâsi hâhâwicne fuawec, iŋucne Tiro Sidoŋ haeo fuame muzac jaŋe mârâc jaha ki busâqoc ehuc maŋjeŋic bârisienšapiŋ.
LUK 10:14 Irec juku okac dameŋko Tiro Sidoŋ haeonec katucne bawahahuc ejarezo â ŋoŋe ine katucne bafehuc eŋarezo.
LUK 10:15 Erâ Kafanaum rune, go sambâŋko bafecguo me? Aricne, go hârâcko tuŋguzo.
LUK 10:16 Ŋoŋere dâŋ manaocmuzi nore dâŋ manaocmu. Á ŋoŋe qikiŋ-ŋopaocmuzi no qikiŋnuocmu. No qikiŋnuocmuzi ine sorecnuwec e qikiŋneocmu.”
LUK 10:17 Motec 70 jaŋe juku risierâ šeri ehuc Jesu dâŋ binaŋ šiŋuc ecnembiŋ: “Wofuŋ, gore šâŋe muhuc demoŋ jâpe-jarepene micnâŋec reŋke-jâmbâŋkeŋgopieŋ i!”
LUK 10:18 Mupie šiŋuc jazawec: “Sataŋ e sambâŋkonec bâbâric iŋucne waha qame honepo.
LUK 10:19 Manaŋgopieŋ, ŋoŋe homa â omeqaqa â râsire wiac šârâ hâriŋ irec faio âtepie mi sipiric-ŋopaocte tâpiri râe-ŋarepo.
LUK 10:20 Eme ŋoŋe ine demoŋzi micŋeŋic reŋkeŋgopieŋ irec mi šeri enšepieŋ, šâŋe-ŋeŋic sambâŋko qâreŋkekicne fokac irec šeri enšepieŋ.”
LUK 10:21 Eme dameŋ ijaha Tiri Mârozi Jesu bufahac qacneme šeridâŋ kecšiŋuc muwec: “Mamac, sambâŋ â mâreŋ rune, go mamana-jeŋicte manapie kâcɋene eekac ŋic i jaŋe mitidâŋge hesoŋke-jareekic, â maŋjeŋicte manapie gegecne eekac jaŋe ine mufua-jareekic, eme no irec muteŋgukopac. Go iŋuc fua biaŋ raocte mupaŋkemeŋ hâcne ine.
LUK 10:22 Wiac sasawa i Mamac-nanezi râe-nare-fârewec Eme ŋic moczi Ŋokâ mi šâŋitaekac, Mamaczi buc šâŋitaekac. Erâ Mamac iŋuc jaha ŋic moczi mi šaŋitaekac, ŋokâzi buc šâŋitaekac. Erâ Ŋokâzi ŋic moc Mamacte fuŋne mufuacneme e wâc šâŋitaocmu.”
LUK 10:23 Iŋuc murâ motecfâcne jaŋacne šiŋuc jazawe: “Ŋoŋe wiac šâŋe furu honehuc jueŋgopieŋ irec šeri enšepieŋ.
LUK 10:24 No ŋazape mananiŋ: Porofete â ŋicwofuŋ bocjaha jaŋe ŋoŋe wiac hone manac eeŋgopieŋ i hone manac eniŋte ejare-bipiehame sifu mi hone manac embiŋ.”
LUK 10:25 Sâcmutâc mamana ŋic moczi Jesu šiŋuc muhuc esâickewec: “Qaqazu, no weniŋuc erâ juju sanaŋte biŋe epemu?”
LUK 10:26 Mume Jesuzi okacne šiŋuc wiocnewec: “Sâcmutâc dâŋ weniŋuc fome woseekic?”
LUK 10:27 Wiocneme eki muwec: “Go maŋge â qâqâtâcge â tâpirige â mamanasuge i Wofuŋ Anutuge furu jaha qikiŋnecnetec fozejec, erâ go gahacne egareekac, sâc ijaha âgogere egarezejec, dâŋ iŋuc fokâc.”
LUK 10:28 Mume Jesuzi šiŋuc âzâcnewec: “Go dâŋ sâcne mukomec, i reŋkerâ juju sanaŋte biŋe ecmu.”
LUK 10:29 Eme ŋic e no maŋsioc tâmiric hawari ezepac muhuc harierâ Jesu šiŋuc wiocnewec: “Eme more manape âgo-nane ezejec?”
LUK 10:30 Mume Jesuzi binaŋ moc šiŋuc bacnewec: “Ŋic moczi Jerusalem haeonec Jeriko haeo rahuc râsi jaŋere somâmaŋko huwec. Eme jaŋe qarâ ŋaqi â mafa wiac-ticne jâoc rofârerâ behepie hâmozo ehuc fowec.
LUK 10:31 Fohame taha bapa moczi hata ijaha rarâ hone takirerâ jâuruwec.
LUK 10:32 Eki rahame taha ufuŋte kiŋaŋŋic moczi ijaha ra fisirâ hone takirerâ jâuruwec.
LUK 10:33 Ehame Samaria mâreŋkonec ŋic furune moczi hata raku ŋic bâfuawec.
LUK 10:34 Erâ honerâ bune sâqoreme maŋfuŋnao rarâ wicticne wokemaŋ â waiŋ opâzi šure foŋ ewec. Erâ becâsic-ticnao râeme feme haeo bararâ tomaficko râerâ jauŋ bawec.
LUK 10:35 Hae fureme raocte tomafic rune 20 toea râcnehuc šiŋuc muwec: `Go ŋic kecši jauŋ bahuc juzemec, eme moneŋ garekopac mi sâckeme juku risierâ mocwâc šuhucke-garepemu. Ž ”
LUK 10:36 Jesu iŋuc murâ muwec: “Ŋic jahec â moc jaŋeraonec wenimo irec manatec ŋic qakicne ere âgo ewec?”
LUK 10:37 Wiocneme šiŋuc muwec: “Jauŋ bawec eki.” Eme Jesuzi šiŋuc âzâcnewec: “Go rarâ iŋuc hâcne ezemec.”
LUK 10:38 Jesu â motecfâcne jaŋe raku hae mocko fisipie ŋokac moc šâŋene Mata eki Jesu ficticnao hefârerâ hezu hewâneŋ ecnewec.
LUK 10:39 Eme qoticne moc juwec šâŋene Maria, eki Wofuŋte maŋfuŋko waha ŋehuc miti-ticne manawec.
LUK 10:40 Mata e šegoc giezi niŋgiŋkeme šanšaŋ bumbuŋ domahuc nânâ rike bâmoc ewec. Eku Jesurao rarâ muwec: “Wofuŋ, qonanezi behecnume kiŋaŋ no nahackoaŋ qape honetec mi sâqorekac me? Go âzâcnetec baficnuoc me!”
LUK 10:41 Mume Jesuzi kecšiŋuc âzâcnewec: “Mata, Mata, go wiac bocjahare mana mezac erâ šocne šâicne ehuc domakic.
LUK 10:42 Manakic, wiac afecnezi sâckeocmu, â mocjaha fokac i tâmiric ine sâcne mi jujune. Maria fâri biaŋ hâcne ruckeocte wosâejec, i mi jâoc rozo.”
LUK 11:1 Jesu e mocko ra numuwec. Numuku numu-fâreme motecfâcne jaŋeraonec moczi muwec: “Wofuŋ, Johanezi motecfâcne nunumu qazu-jarewec, iŋuc jaha goki moc qazu-nârec.”
LUK 11:2 Mume Jesuzi šiŋuc jazawec: “Ŋoŋe numuzo murâ kecšiŋuc numunšepieŋ: Mamac gore šâŋe tiri fozejec. Ware maŋ sâc mâreŋ sâc Wofuŋ enârec.
LUK 11:3 Ʒoaŋ gie bapa sâc nânâ-nâŋec nârezemec.
LUK 11:4 Kiŋtofa-nâŋec behenârec, nâŋe iŋuc jaha ŋic jaŋere kiŋtofa beheŋgopeneŋ. Eesâicko mi râec-nâpozemec.”
LUK 11:5 I mutararâ moc šiŋuc šuhuckewec: “Ŋoŋeraonec moczi ŋafe šâšâŋiŋko rarâ âgo-ticne wiwickerâ šiŋuc âzâcneocmu: `Âgo-nane, go nânâ jahec â moc mac narec,
LUK 11:6 âgo-nane moczi hata juku norao ware fisime nânâ gumezore basakopac. Ž
LUK 11:7 Iŋuc mume fic runezi ficmaŋkoa fohuc muocmu, `Go guŋ wiwic wemocte enârekic, ficmotâc kine bakicne â naru motec guŋ fofâreŋgopieŋ, irec wemocko faharerâ garepemu. Ž ”
LUK 11:8 Jesu e iŋuc murâ muwec, “No mupe mananiŋ, fic rune e ââgore mi manacneocmuo ine mic šoɋac-ticnere sifu faharerâ wiac mukac râcneocmu.
LUK 11:9 Irec noni iŋuc jaha ŋifecne ŋazape mananiŋ: Numuku wiac roniŋmu, basaku fârine bâfuaniŋmu, motâcko heikepie aŋke-ŋareocmu.
LUK 11:10 Numuekaczi wiac roekac, basaekaczi fârine bâfuaekac, motâcko heickeekac e rocnezo.
LUK 11:11 Me ŋoŋeraonec mo ŋiczi ŋokâ-ticne qowire mucneme irec okacne ɋâsu râcneocmu,
LUK 11:12 me qâqâc hândâŋte mucneme omeqaqa râcneocmu?
LUK 11:13 Eme ŋoŋe ŋic hehesicne iŋucnezi naru motecfâc-ŋeŋic nânâ mafa biaŋne jare gumec eeŋgopieŋko Mamac-ŋeŋic sambâŋko e sâc moc juekaczi Tiri Mârore numucnepie sâcne mi ŋareocmu me?”
LUK 11:14 Ŋic moc demoŋzi ecneme nâŋguŋ ewec. Eme Jesuzi ŋic e demoŋ jâpecneme mocwâc dâŋ dâŋ ewec. Iŋuc eme ŋic jaŋe honerâ wareckembiŋ.
LUK 11:15 Eme gâcnezi ere šiŋuc mumbiŋ: “Demoŋ jaŋere ŋicbomboŋ Beezebulu eki neŋgoc ŋesiŋ ŋecnehame demoŋ jâpe-jareekac.”
LUK 11:16 Gâcne jaŋe ine hesuahuc mumbiŋ: “Go mutec sambâŋko fuŋne qaqa mâsi fuame honenaŋ.”
LUK 11:17 Eme eki maŋjeŋicko mana tararâ jazawec: “Mâreŋ moc ira šika kosa fuame hae sâc rârâsi efârepie tuhu fuaocmu.
LUK 11:18 Sataŋzia fâuckerâ Sataŋ jâpeme gie-ticne weniŋuc sanaŋkerâ foocmu? Ŋoŋe nore šiŋuc muŋgopieŋ: Beezebuluzi neŋgoc ŋecnehame demoŋ jâpe-jareekac, irec mukopac.
LUK 11:19 Eme no Beezebulu ere neŋgoc ŋesiŋko demoŋ jâpe-jareekopacko, ŋaŋacne motecfâc jaŋe more ŋesiŋko demoŋ jâpe-jareeŋgopieŋ? Jaŋe hâcne qoqoric-ŋeŋicte fuŋne bataniŋkeniŋmu.
LUK 11:20 Noni ine Anuture tâpirizi demoŋ jâpe-jareekopacko Anuture Wofuŋ qâreŋ ŋoŋerao fuakac hâcne.
LUK 11:21 Ŋic momorizi sându maro-ticnehec fic hae-ticne soŋaŋkeme wiac-ticne furu foocmu.
LUK 11:22 Ehame tâpiri sâkoheczi fisi hâporâ sându maro mamanac-ticne jâoc rorâ boreŋ mafa-ticne kâdoc qaocmu.
LUK 11:23 Moc e âgo mi enareocmuzi râsi enareocmu, â moc e gie-nane hone maiŋ mi eocmuzi hetâtieocmu.
LUK 11:24 “Demoŋzi ŋickonec wefurâ ra tuhuo miti qatarac juhuc ŋeŋe hae-ticne basaocmu. Basaku muocmu: `Ficnane beherâ warepo ijaha mocwâc risiepe. Ž
LUK 11:25 Murâ risierâ honeocmu: Ʒure emasaŋ erâ bâpiaŋkekicne.
LUK 11:26 Iŋuc fome honerâ ra demoŋ âgofâc-ticne 7, e jahacne sâc mâcne, repipicne jâmbâŋ rocjopame ware fic ijaha ŋeŋe juju eniŋmu. Eme ŋic e mârâc sâqocne juweczi šâhec sâqore-jâmbâŋkeocmu.”
LUK 11:27 Dâŋ iŋuc muhuc juhame ŋic ŋondeŋkonec ŋokac moczi wiwic jaha wiracnehuc muwec, “Rocgurâ moŋ gumec guwec ere manape šerine ekac.” Eme Jesuzi manarâ šiŋuc muwec: “I mukomec noni ine Anuture dâŋ manarâ bajuengopieŋ jaŋere hâcne manape šerine ekac.”
LUK 11:29 Ŋic bocjaha erao qaja fusepie fuŋkera dâŋ šiŋuc jazawec: “Ŋicguru hehesicne šizi fuŋne qaqa mâsire fotarieeŋgopieŋ. Erâ ŋoŋe mâsi moc mâcne, Jonarao mâsi fuawec i sawa fuame honeniŋmu.
LUK 11:30 Jonarao wiac fuawec izi Niniwe haeonec ŋic fuŋne qaqa mâsi ejarewec, iŋuc jaha Ŋic Fâri Wâtuŋne erao wiac fuaocmu izi ŋicguru ši ŋoŋe fuŋne qaqa mâsi eŋareocmu.
LUK 11:31 Juwic mâreŋkonec ŋokac wofuŋ eki mumu tara dameŋko ŋicguru ši ŋoŋehec faharerâ fuŋne-ŋeŋic ritume katucne roniŋmu. Erâ i mâc mâcne, ŋokac e Salomoraonec mamana fârine roocte mâreŋ qaŋeŋnaonec warewec” eme mananiŋ, ši fuakac e Salomore sâc sirickekac.
LUK 11:32 Erâ Niniwe haeonec ŋic jaŋe iŋuc jaha mumu tara dameŋko ŋicguru ši ŋoŋehec faharerâ fuŋne-ŋeŋic ritupie katucne roniŋmu. Erâ i mâc mâcne, Niniwe haeonec jaŋe Jonazi uŋ jazame manarâ maŋjeŋic bârisiembiŋ, â ši domakac e Jona sirickekac.
LUK 11:33 “Ŋoŋe lambe qazerâ mi soŋkeeŋgopieŋ, me kušizi mi hetutuckeeŋgopieŋ, aricne, lambe ŋeŋe-ticnao hepie fic âke tamaeme ŋic ŋoŋe honehuc feeŋgopieŋ.
LUK 11:34 Sahacgere lambe ine šâŋege. šâŋege biaŋne fohuc sahacge batamaecneocmu, šâŋege sâqoreme sahacgezi tiŋtuŋ qaocmu.
LUK 11:35 Eme maŋgao tatamac fokac izi dapâc ezacte aimuŋ soŋaŋkehuc juzemec.
LUK 11:36 Eme maŋ sahacge dapâc tâmiric tatamachec efâreocmuo furu jaha tamaeocmu, lambezi batamaecguekac irec sâc.”
LUK 11:37 Dâŋ i mutararâ juhame farisaio ŋic moczi Jesu nânâre ficticnao hefârewec. Hefâreme ficticnao ferâ izia nânâ teboo waha ŋewec.
LUK 11:38 I me sahac-ticne qanaŋ mi šurehuc iŋuc ewecte farisaiozi maname mi sâckewec.
LUK 11:39 Eme irec Wofuŋzi šiŋuc âzâcnewec: “Oi, farisaio ŋoŋe, oto râqâc-ŋeŋic šure ɋaɋackeeŋgopieŋ, maŋŋeŋicko ine nânâ mafare sasec â bâbâsifuczi fusucmakicne.
LUK 11:40 O ŋic mutucne ŋoŋe, wiac sasawa irec sahacne bâfuaweczi maŋne mi bâfuawec me?
LUK 11:41 Irec ŋoŋe maŋkonec bâmec gie bâfuanšepieŋ, eme ŋoŋerao wiac sasawa wâwânâŋ tâmiric efâreocmu.
LUK 11:42 Oi farisaio, ŋoŋe hâwic-ŋopazac me, ŋoŋe wiac racne, romboc, wifu, qase â iŋucne gâcne i tucne Wofuŋte biŋe qahuc râeeŋgopieŋ, ehuc ŋifecne wiac fârine, mitio mubâtiŋ â Anutu sâsâse ine mi eeŋgopieŋ. Moc reŋkehuc moc reŋkezo.
LUK 11:43 Oi farisaio ŋoŋe, mitificko ŋicbomboŋ ŋeŋeoa micne ŋeniŋte mueŋgopieŋ â hatao ŋic ŋokac omanezi bâfuac-ŋoparâ mu šeri eŋareniŋte irec maŋŋeŋic domaekac.
LUK 11:44 Oi ŋoŋe šâŋeruŋ rârâŋnekicne iŋucne, ira ŋic Jaŋe mi manahuc fainao rac warec eeŋgopieŋ.”
LUK 11:45 Jesu e iŋuc mume sâcmutâc mamana ŋic moczi manarâ micnao rorâ šiŋuc muwec: “Qaqazu, go dâŋ iŋuc mutec sâcmutâc mamana nâŋerao wâc qacnekac.”
LUK 11:46 Mume Jesuzi okacne kecšiŋuc bâtikiecnewec: “Jei, sâcmutâc mamana ŋoŋe wâc hâwic-ŋopazac, ŋoŋe tagi bâmâckerâ ŋic fai-jeŋicko râehuc ŋaŋcne metariŋ jueŋgopieŋ.
LUK 11:47 Jei, mimiŋnefâc-ŋeŋic jaŋe porofete jopa sipiric embiŋ i jaŋere šâŋeruŋ ericke emasaŋ eeŋgopieŋ.
LUK 11:48 Iŋuc ehuc mimiŋnefâc-ŋeŋic qâtec-joparâ šika-jeŋicte manapie biaŋkeekac Jaŋe jopa sipiric embiŋ â ŋoŋe ine šâŋeruŋ-jeŋicko ma âkendâŋne-jareeŋgopieŋ.
LUK 11:49 Irec hâcne Anuture mamana birio dâŋ moc šiŋuc fuawec: `No ŋoŋerao porofete â aposolo sorec-jopape fisipie gâcne jopa sipiric â jopa jâpec eniŋmu.
LUK 11:50 Eme irec mârâc jaha ŋic fufua dameŋko fuŋkerâ porofete jopahuc socjeŋic sipiricke warekicne irec kiŋ i ŋoŋerao batarazo.
LUK 11:51 Ʒika i mârâc jaha Aberao fuŋkerâ sueme sue qawefuku Ʒekaria e taha ufuŋko alata fuŋko qahuc qatarakicne. No jâmbomac mupe mananiŋ, šika irec kiŋ i ŋic guru ši ŋoŋerao. batarazo.
LUK 11:52 Jei sâcmutâc mamana, ŋoŋe miti mamana tarare ki ŋic jowac rombiŋ. Ŋaŋac motâcko mi rašimbiŋ, â ŋic ŋokac rašizo mumbiŋ i jaŋe aka hejarembiŋ.”
LUK 11:53 Dâŋ iŋuc murâ rahame miti qaqazu â farisaio jaŋe fuŋkerâ jume ju ecnehuc mu esâic ecnembiŋ.
LUK 11:54 Ehuc micnaonec dâŋ moc wahame manapie bahacnehec eme qorickeniŋte ruc sanaŋ barâ jumbiŋ.
LUK 12:1 Ehame ŋic jaŋe erao fisi sâqorehuc keketeŋ domahuc kikeo ââtec embiŋ. Iŋuc ehuc domahapie fuŋkerâ motecfâc-ticne qanaŋ dâŋ šiŋuc jazawec: “Ŋoŋe farisaio hâmu goreŋ-jeŋicte bâec bacnehuc paŋsawa junšepieŋ. No maŋsioc-jeŋicte mukopac.
LUK 12:2 Wiac hemackekicne fokac i foku mi foocmu, i qaratiezo, â wiac soŋsoŋ fokac i foku mi foocmu, i bataniŋkezo.
LUK 12:3 Ŋoŋe dapâcko dâŋ kamierâ mueŋgopieŋ i juku šoaŋ ɋaɋacko ŋeratieocmu, â ficmaŋko ɋawe faio mueŋgopieŋ i juku šae sâkoo fuaocmu.
LUK 12:4 “Âgofâc-nane, no šiŋuc ŋazape: Sahac-ŋeŋic sawa qarâ irec fainao wiac eŋareniŋte tâpiri basaniŋmu jaŋere mi hâwic-ŋopazejec.
LUK 12:5 Á mocte hâwic-ŋopazejec, irec ŋazape mananiŋ: Hârâcko qa sâroc eŋareocte tâpiri focnekac, ere jâmbomac hâwic-ŋopaocte mukopac.
LUK 12:6 Sawa hehetâc wipe i wiac omane, i furine mi bazo. Eme Anutu e jaŋeraonec mocjaha mac qâoma mi ecneekac.
LUK 12:7 Á ŋic ŋoŋerao ine qizec susuc-ŋeŋicte šare i wâc mana-fâreekac. Irec hâwicmâc junšepieŋ, ŋoŋe sawa hehetâc wipe mâcne, ŋoŋe ŋic.
LUK 12:8 “Erâ moc ŋazape mananiŋ: Moc e ŋic jaŋere maio muɋaɋacnuocmu e ŋic Fâri Wâtuŋnezi iŋuc jaha Anuture aŋelofâc jaŋere maio muɋaɋackeocmu.
LUK 12:9 Á moc e ŋic jaŋere maio mic bacnuocmu, e Ŋic Fâri Wâtuŋnezi iŋuc jaha Anuture aŋelofâc jaŋere maio mic baocmu.
LUK 12:10 “Moc e Ŋic Fâri Wâtuŋne musoriŋkeocmu, e sâqocne i bâtâmirecnezo, â moc e Tiri Mâro musoriŋkeocmu, e sâqocne i mi bâtâmirecnezo.
LUK 12:11 Juku mitific-jeŋicko me kia jaŋerao bacŋopa rapie dâŋ ŋifecne weniŋuc munaŋmu muhuc mana mezac mi enšepieŋ.
LUK 12:12 Dameŋ ira dâŋ muniŋmu i Tiri Mârozi mufua-ŋareocmu.”
LUK 12:13 Eme ŋic ŋondeŋkonec ŋic moczi Jesu šiŋuc âzâcnewec: “Qaqazu, hahac-nanezi mamacte merâfâc buc bajuekac, irec go âzâcnetec bârâwiŋnerâ tucne no narezejec.”
LUK 12:14 Mume Jesuzi šiŋuc âzâcnewec: “Mozi no soŋaŋ me kia râecnuwecte norao mukic?”
LUK 12:15 Iŋuc murâ dâŋ moc šiŋuc šuhuckewec: “Ŋoŋe buchâro junšipiŋte bâec bahuc maŋŋeŋic soŋaŋkenšepieŋ.”
LUK 12:16 Iŋuc murâ dâŋ herâricne moc šiŋuc jazawec: “Ŋicbomboŋ moc e kise mâriri sâko fuacnewec.
LUK 12:17 Eme maŋticnezi šiŋuc muwec: `Wenac epemu? Kise fârine sâko fic wena guruckepe? Ž
LUK 12:18 Iŋuc murâ muwec: `Miŋecne manakopac, no kisefic heropierâ ɋâricne bâsokarâ barâ kise mâriri-nane hepe ŋeocmu.
LUK 12:19 Erâ maŋnanezi šiŋuc mupemu: No mâriri sâko fonarekacte ŋemac qamanahuc dameŋ šora aŋacnuha nâhuc juzepac. Ž
LUK 12:20 Iŋuc mume Anutuzi šiŋuc âzâcnewec: `Mutuc go, ŋafe ši jaha jujuge gowac rozo. Eme wiac râe qâzuc emeŋ i more eocmu? Ž
LUK 12:21 Moc e Anuturaonec maŋ mâriri mi focneha e jahacne biŋe nânâ mafa hure hemârec eocmu, e sâc ijaha fuacneocmu.”
LUK 12:22 Erâ motecfâcne šiŋuc jazawec: “Irec hâcne ŋazakopac, ŋoŋe juju-ŋeŋicte mana mezac ehuc šiŋuc mi munšepieŋ: `Wemo wiac ba nâc enaŋmu? Ž Me sahac-ŋeŋicte mu heŋɋâŋ ehuc šiŋuc mi munšepieŋ: `Wemo wiac rojunaŋmu? Ž
LUK 12:23 Nânâzi fârine mâcne, juju-ŋeŋiczi fârine, â ŋaqi qoruczi fârine mâcne, sahac-ŋeŋiczi fârine.
LUK 12:24 Ŋoŋe kâec kâec honecjopaniŋ, jaŋe he sarac mi eeŋgopieŋ â nâ rowaŋ â nâ ukic mi eeŋgopieŋ. Eme Anutuzi sifu nânâ bâfua-jareekac. Ŋoŋe ine wipe mâcne, ŋone ŋic.
LUK 12:25 Me tâpiri-ŋeŋic moc fokacko mu waišoc ehuc juju dameŋ-ŋeŋic sâcne moc bâšoraniŋmu me?
LUK 12:26 Ŋoŋe wiac piticne iŋucnere eipierâ wemocte wiac gâcne sâkore mana mezac boc eeŋgopieŋ?
LUK 12:27 Ŋoŋe firindoac honeniŋ, e ŋaqi qoruc-ticnere gie mi baekac, erâ mupe mananiŋ, Salomo e eri qaraweŋ-ticneheczi hawari biaŋ iŋucne mi rojuwec.
LUK 12:28 Eme kâteo âri wiac dodocne, miŋecgac iŋucne fuaekac, â tomâcko iŋucne mârâŋkeekac, i Anutuzi sifu mume hawari biaŋ fuaekac, ehuc ŋoŋere ŋaqi qoruc mi bâfuaocmu muŋgopieŋ, mamanasiŋ gogoroŋ ŋoŋe¡
LUK 12:29 Irec ŋoŋe maŋbahac-ŋopame šiŋuc boc mi munšepieŋ: `Wemo wiac ba nâc enaŋmu? Ž
LUK 12:30 I qâpuc mâreŋ sâc jaŋe maŋ mamanasu-jeŋic ira duckepie foekac. Ŋoŋe wiac i tâmiric sâcne mi juniŋmu, i Mamac-ŋeŋiczi manakac.
LUK 12:31 Ŋoŋe ine ere uucmaŋ fua tâcneocte maŋŋeŋic râepie domazejec, eme fainao wiac jabane i wâc fua-ŋareocmu.
LUK 12:32 Guru pitic ŋoŋe hâwicmâc junšepieŋ, Mamac-ŋeŋic e uucmaŋ izi ɋoroc-ŋopaocte maname sâckewec.
LUK 12:33 Ŋoŋe wiac foŋarekac i hapetac qikiŋne-jarenšepieŋ, erâ moneŋ kânoŋ sucketâc tâmiric bâfuanšepieŋ, erâ sambâŋko boreŋ šeŋaŋ fofo hati hurenšepieŋ. Ira ŋiczi fiuc mi roŋareniŋmu â wâfuzi mi sipiricke-ŋareocmu.
LUK 12:34 Ʒeŋaŋ-ŋeŋic foocmu ijaha maŋŋeŋic foocmu.
LUK 12:35 “Ŋoŋe kambaŋ-ŋeŋic qarâ lambe-ŋeŋic qazepie šazejec.
LUK 12:36 Ehuc kiŋaŋ motec jaŋe ŋicwofuŋ-jeŋiczi mâreŋ šorickonec risierâ motâcko heickeme biac rocneniŋte woŋec juniŋmu jaŋe iŋucne enšepieŋ.
LUK 12:37 Ŋicwofuŋ e risierâ kiŋaŋ motec maŋɋâri juhapie bâfuac-joparâ jaŋere maname biaŋkeocmu. No jâmbomac ŋazape: E gie qoruc-ticne jomarâ nânâ teboo râec-joparâ nânâ gumec-jopaocte kiŋaŋ qajareocmu.
LUK 12:38 Me ŋafe šâšâŋiŋko me ŋafe furec hehec-jekicko risierâ maŋɋâri juhapie bâfuac-jopaocmu ine biaŋke-jâmbâŋkeocmu.
LUK 12:39 Ŋoŋe fuŋne šiŋuc mananiŋ, hae moc irec ŋic jaŋe râsi ŋafe ira fisiniŋmu, dameŋ iŋuc manarâ maŋɋâri jaha juhuc hae-jeŋic soŋaŋkeniŋmu.
LUK 12:40 Eme Ŋic Fâri Wâtuŋne e iŋuc jaha mi manasuniŋmu dameŋ ira fisiocmure šawierâ junšepieŋ.”
LUK 12:41 Jesu e dâŋ iŋuc mume Petorozi wiocnerâ muwec: “Wofuŋ go kesaic dâŋ ši bucnâŋecte me mâmâc sâko-nâŋecte mukomec?”
LUK 12:42 Wiome Wofuŋzi dâŋ moc šiŋuc šuhuckerâ muwec: “Ŋicbomboŋ moczi kiŋaŋ qaqafâc-ticne jaŋere soŋaŋ moc râehuc šiŋuc âzâcneocmu: `No ra juhape go soŋaŋ-jopahuc dameŋkoa nânâ qowi sâcjeŋic jarehuc juzemec. Ž Eme e weniŋuc jume soŋaŋ maŋhec â micrereŋhec mucnezo?
LUK 12:43 Soŋaŋ e gie mucnekicne i aijakic jaha bahuc juhame bomboŋ-ticnezi fisiocmu, soŋaŋ iŋucnere manape šerine ekac.
LUK 12:44 No jâmbomac mupe mananiŋ: E ŋic i soŋaŋ kâcɋene râehuc wiac-ticne mâmâc sasawa soŋaŋkeocte mucneocmu.
LUK 12:45 Me ŋic e soŋaŋ sâqocne juhuctecne maŋnezi šiŋuc muocmu: `Bomboŋ-nane e jâpec mâcne, juku jaha risiezokac. Ž Iŋuc muhuc kiŋaŋ qaqa qa imac ejareocmu, â qâoma erâ wiac kosa ehuc juocmu.
LUK 12:46 Ehuc ŋicbomboŋ-ticne risieocmu dameŋ irec mi mamanasu nâme nikec juocmu, ine ŋicbomboŋ e ututuŋ fisirâ hetâc qâtâcnerâ miti bâbâsifuc ŋic jaŋere jujuo râeocmu.
LUK 12:47 Kiŋaŋ motec moc e bomboŋ-ticnere micdâŋ mana-hâmo-bipiehuc qaqatara bâfuaocmu, e šika ŋemâcne kiocmu,
LUK 12:48 â moc e bomboŋ-ticnere micdâŋ kâuc bahuc qaqatara bâfuaocmu, e šika afecne kiocmu. Moc e wiac ŋemâcne râcne tahac ecnekicnezi fârine ŋemâcne jaha bâfuame sâckeocmu. Á moc e gie kâcɋene mucnekicnezi ɋicwânšâŋ kâcɋene jaha bâfuame sâckeocmu.
LUK 12:49 No mâreŋko šoc ruqepe šaocte wahapo. Erâ i biac bâruŋ-keocte bunane âeckeekac.
LUK 12:50 No opâ moc ruapemurâ munarekicne, eme i epe taraocte maŋnanezi šošoc fificne afecne mi enareekac.
LUK 12:51 Ŋoŋe nore šiŋuc mi munšepieŋ: `E wama bâfuaocte wahawec. Ž Aricne, no fâfâuc bâfuazore wahapo.
LUK 12:52 Irec šiŋuczia fuŋkerâ kecšiŋuc fua raocmu: Fic moc irec ŋic 5 jaŋe fâuckerâ hehewic eniŋmu, ŋifec 2 â ŋifec 3.
LUK 12:53 Erâ mame ŋokâ jahe fâuckerâ hehewic enicmu â neŋgoc otâ jahe fâuckerâ hehewic enicmu â jojoŋaozi fâuckerâ hehewic enicmu.”
LUK 12:54 Iŋuc murâ ŋic ŋokac mâmâc sâko-jeŋic šiŋuc jazawe: “ŋoŋe mâreŋ âke gâpâreme honerâ izia mueŋgopieŋ, `Hoe warekac. Ž Muhapie iŋuc eekac.
LUK 12:55 Mâreŋ emasaŋkeme honerâ mueŋgopieŋ, `Ʒoaŋ qaocmu. Ž Muhapie iŋuc eekac.
LUK 12:56 Burecŋic, ŋoŋe karorac qânikiŋ irec fuŋne manaeŋgopieŋ, â dameŋ širec fuŋne ine wemocte mi mana taraeŋgopieŋ?
LUK 12:57 Ŋoŋe weniŋucte hata tiŋne â hehesicne hone šâŋitac mi eeŋgopieŋ?
LUK 12:58 Go kisâgehec dâŋŋekic kiarao baranicmu. Eme hatao rahuc qizec qacnetec dâŋŋekic mufâsâezepirec. Iŋuc mi etec kisâgezi kiarao mume eki manarâ momori-ticne ecneme kâpâcwâru ficko râecguocmu.
LUK 12:59 No jâmbomac gazape: Go ira ŋeku mâc mi wefucmu, âgogere tofa bazutec tara-jâmbâŋkeme jaha wefucmu.”
LUK 13:1 Dameŋ ijaha ŋic gâcne fisirâ juhuc Jesu dâŋ binaŋ šiŋuc ecnembiŋ: “Pilatozi mume momorifâcne jaŋe Galilaia mâreŋkonec ŋic â bâzi ririkere lama bulimakaofâc-jeŋic mâmâc joparâ socjeŋic bâsifuckembiŋ.”
LUK 13:2 Dâŋ binaŋ iŋuc ecnepie šiŋuc jazawec: “Ŋoŋe wiac ŋemâcne i ejarekicnere šiŋuc moc mupie: `Kiŋjeŋic Galilaia ŋic gâcne jaŋere kiŋ sirickewec. Ž
LUK 13:3 Iŋuc mâcne, gâcne ŋoŋere kiŋ fokac jaha, irec maŋŋeŋic mi bârisieniŋmuo iŋuc jaha sipiricke-fâreniŋmu.
LUK 13:4 Me Jerusalemnec ŋic 18 Siloam hârâczi ŋemac-jopawec jaŋere wâc šiŋuc mi munšepieŋ: `Kiŋjeŋic Jerusalem haeonec ŋic gâcne jaŋere kiŋ sirickewec. Ž
LUK 13:5 Iŋuc mâcne, gâcne ŋoŋere kiŋ fokac jaha, irec maŋŋeŋic mi bârisieniŋmuo iŋuc jaha sipiricke-fâreniŋmu.”
LUK 13:6 Dâŋ i mutararâ Jesuzi kesaic dâŋ moc kecšiŋuc muwec: “Ŋic moczi jufu-ticnao hâmeŋ moc sarame sokawec. Eme rune e fârine wasaocte ra basa jujec.
LUK 13:7 Eku jufu soŋaŋ-ticne âzâcnerâ muwec: `No jâc kecširec fârine basahuc juhape jara jahec â moc ekac. Jâc e maŋgâŋ wemocte boc domaocmu, qafaratec qaoc. Ž
LUK 13:8 Mume soŋaŋzi šiŋuc âzâcnewec: `Bomboŋ, go behehaŋ jara ši domaoc, ehame noni fuŋne kinoŋzi herâ jawa sânšâŋ hepe
LUK 13:9 dameŋ mocte fârine fuaocmu me aricne i honezeperec. Aricne eme šâhec mutec hefarazo. Ž ”
LUK 13:10 Jesu e sabata hombaŋ mocte mitificko ferâ miti jazawec.
LUK 13:11 Eme mitific ira ŋokac moc ŋewec, e demoŋ moczi ecneme jara 18 ruruhuc jaha ŋeŋe juju ewec, ehuc wemocko moc fâretiŋnezac.
LUK 13:12 Eme Jesuzi ŋokac e honerâ hefârerâ muwec: “Ŋokac go fâretiŋnecmurâ mukopac.”
LUK 13:13 Iŋuc murâ meticne qizecnao râeha izia fâretiŋnerâ Anutu muteŋkewec.
LUK 13:14 Jesu e ŋokac i sabata hombaŋko bâpiaŋkewecte mitific soŋaŋzi maname sâqoreme ŋic ŋokac jaza muwec: “Gie bapa 6 fokac ira warepie bâpiaŋ-ŋopazejec, hombaŋko ine misac.”
LUK 13:15 Mume Jesuzi dâŋ šiŋuc bâtikiecnewec: “Oi burecŋic ŋoŋe, hombaŋko doŋgi bulimakaofâc-ŋeŋic mi fickonec firuec-joparâ opâo bacjopa raeŋgopieŋ me?
LUK 13:16 Ŋokac kecši e Abrahamte ɋâric, eme Sataŋzi niŋgiŋkeme jara 18 sâko ŋehuc juwec. Eme noni hombaŋko firuepe mi sâckekac me?”
LUK 13:17 Iŋuc mume kisâ ecnembiŋzi mimiembiŋ. Á ŋic ŋokac guru sâkozi ine mâsi biaŋ-ticnere šeri embiŋ.
LUK 13:18 Jesu e dâŋ moc kecšiŋuc šuhuckerâ muwec: “Anuture uucmaŋ e wemo wiac iŋucne, wemohec sâc hepe?
LUK 13:19 E nemuja hândâŋ iŋucne. Ŋic moczi i jufu-ticnao râeme âkešurâ jâc ewec. Eme sawa wipe jaŋe fisirâ tieŋnao herâ ŋeeŋgopieŋ.”
LUK 13:20 Eme moc šuhuckerâ muwec: “Anuture uucmaŋ i wemohec sâc hepe?
LUK 13:21 E hâmu goreŋne iŋucne. Ŋokac moczi hâmu goreŋne nânâhec bâsifuckeme aŋac-ticnezi nânâ isiricke-fârewec.”
LUK 13:22 Jesu e Jerusalem haeo raocte hae sâko hae pitic rahuc miti jaza qazuc ewec.
LUK 13:23 Ehame ŋic moczi wiocnerâ muwec: “Wofuŋ, ŋic afecnezi mecne sambâŋko feniŋmu, me weniŋuc?” Eme Jesuzi šiŋuc âzâcnewec:
LUK 13:24 “Motâc fâŋfâŋnao rašiniŋte sama qamariehuc rašinšepieŋ. No ŋazape mananiŋ: Ŋic bocjahazi rarašire muniŋmu, murâ sifu mi rašiniŋmu.
LUK 13:25 Fic rune e motâc herâ ki bame ŋoŋe fisirâ râpenao domahuc heickerâ šiŋuc muniŋmu: `Wofuŋ, motâc ronârec. Ž Mupie šiŋuc ŋazaocmu: `No ŋoŋere kâuc bakopac, ŋoŋe wenirec? Ž
LUK 13:26 Wio-ŋareme okacne šiŋuc âzâcneniŋmu: `Nâŋe gohec juhuc nânâ opâ nâmbeŋ â hae-nâŋecko miti mutec manambeŋ. Ž
LUK 13:27 Mupie šiŋuc ŋazaocmu: `Ŋazakopac i, ŋoŋe wenirec, no mi manac-ŋopakopac, sâqocne bapa ŋoŋe behecnu-fâreniŋ. Ž
LUK 13:28 Eme Abraham, Isaka, Jakobo â porofete sasawa Anuture uucmaŋko juhapie honec-jopaniŋmu. Á ŋaŋacne ine qikiŋ-ŋopakicnere râpenao mic kikiaric kihuc ki oowa ehuc juniŋmu.
LUK 13:29 Ehame mâreŋ ŋifec â ŋifec, faic â juwic, irec ŋic fisirâ Anuture uucmaŋko raširâ tiwâ nâ šeri eniŋmu.
LUK 13:30 Manaŋgopieŋ, šâhecne jaŋeraonec gâcnezi bâbâni eniŋmu, â bâbâni jaŋeraonec gâcnezi šâhecne eniŋmu.”
LUK 13:31 Dameŋ ijaha farisaio ŋic tucne fisirâ šiŋuc muhuc âzâcnembiŋ: “Herodezi guocte mukac irec mâreŋ ši beherâ biac rac.”
LUK 13:32 Mupie šiŋuc jazawec: “Ŋoŋe risie rarâ qâqâto e nore šiŋuc âzâcneniŋ: `Manakic, no miŋecgac â tomâcko ŋic demoŋ jâpe-jarepemu â ɋiɋicne bacjopapemu, fureme batarapemu.
LUK 13:33 Miŋecgac â tomâc fureme hata rahuc juzepac. Porofete moc e Jerusalem haeo mi fisihame qaqane mi fokac. Ž ”
LUK 13:34 Iŋuc murâ muwec, “O Jerusalem rune, go hâcne porofete šikazi jopahuc mitiŋic gorao sorec-jopakicne qânâzi hehâmoc-jopaekic. Qâqâczi motecfâcne qânusuc-joparâ fakecnezi ɋoroc-jopaekac, iŋuc jaha noni kikefuŋfâcge wemo afecne maŋfuŋ-naneo qânusuc-jopazo mupe qikiŋne warehuc jumbiŋ.
LUK 13:35 Irec fic hae-ŋeŋic behepe tuhune fuazokac. Mupe mananiŋ: Ŋoŋe mocwâc mi hohonecnu juraku šiŋuc muhuc honecnunšoŋgopieŋ: `Wofuŋte micte warekac e mumbiaŋkenaŋ. Ž ”
LUK 14:1 Sabata hombaŋ mocko farisaio jaŋere micne bapa moczi Jesu nânâre hefâreme ficticnao fewec. Eme ŋic gâcnezi ijaha mâmâc ŋehuc dâŋticnere ruc bambiŋ.
LUK 14:2 Ehame ŋic moc sisiwiŋ sâko ecneweczi mi ferâ ijaha domazejec i.
LUK 14:3 Eme Jesuzi honerâ sâcmutâc mamana â farisaio wio-jarerâ muwec: “Ŋoŋe muniŋ, sabata hombaŋko ŋicko bâbâpiaŋ gie bapane fokac me mâcne?”
LUK 14:4 Mume niniŋkerâ ŋembiŋ. Iŋuc epie menezi ŋic bâuahuc bâpiaŋkerâ soreme rawec.
LUK 14:5 Eme ficko ŋembiŋ jaŋe šiŋuc jazawec: “Motec me bulimakao-ŋeŋic moc hombaŋko nombâŋko hume behepie ŋeocmu, me hombaŋkoa sifu fârepie wefuocmu?”
LUK 14:6 Indiŋ-jopame dâŋ ŋifecne âzâcneniŋte basarâ behembiŋ.
LUK 14:7 Eme ŋic gâcne nânâre mâmâc hefârec-jopakicne jaŋe ŋeŋe mai jaha maŋjeŋicte erâ biac ŋepie honec-joparâ sâc hehuc dâŋ šiŋuc jazawec:
LUK 14:8 “Go ŋic moczi tiwâ bâzire hefârecgume maŋgere ŋeŋe mai jaha mi ŋezemec. Iŋuc ehaŋtecne hefârec-jopakicne gâcne jaŋeraonec gore femicne moczi fisime
LUK 14:9 tiwâ runezi go šiŋuc gazaocmu: `I ere ŋeŋe, go rârierâ ŋec. Ž Gazame ŋeŋe rârâpe ŋehuc gâgâmârâcmu.
LUK 14:10 Mâcne, moczi hefârecgume go ŋeŋe rârâpe ŋezemec. Ŋehaŋtecne tiwâ runezi honecgurâ šiŋuc gazaocmu: `Âgo, go ferâ ŋeŋe mai jaha ŋec. Ž Iŋuc gazame ŋic gâcne jaŋere maio bubiaŋ manacmu.
LUK 14:11 Moc e e jahacne maŋte feme bawahazo, â moc e e jahacne maŋte wahame bafezo.”
LUK 14:12 Iŋuc murâ ŋic hefârewec e šiŋuc âzâcnewec: “Go tiwâ bâzi rikerâ âgo bagofâcge me seŋ sâme hahac ɋafâcge me haefâcge fekicne mi hefârec-jopazemec. Jaŋe tiwâ bâzire hefârec-jopatec go iŋuc jaha hefârecgurâ tofa bazu-garepie taraocmu.
LUK 14:13 Iŋuc mâcne, tiwâ bâzi rikerâ waha qaqane â kike demba, šeke puriŋ â tiŋtuŋ, iŋucne hefârec-jopazemec.
LUK 14:14 Eme šiŋucte manariŋguzo: Tofa i mâc fome juku mitiŋic fafahare dameŋ-jeŋicko Anutuzi bazu-gareocmu.”
LUK 14:15 Mume nânâ nâhuc ŋembiŋ jaŋeraonec moczi dâŋ i manarâ šiŋuc muwec: “Anuture uucmaŋko nânâ nâocmu ŋic iŋucnere manape šerine ekac.”
LUK 14:16 Mume Jesuzi binaŋ moc šiŋuc bawec: “Ŋic moczi tiwâ bâzi sâko qame fisime ŋic bocjaha hefârec-jopawec.
LUK 14:17 Erâ wiac bâmocke-fârerâ ŋic šâfo ejarekicne jaŋerao kiŋaŋ motec-ticne soreme rarâ šiŋuc jazawec: `Wiac rike bâmoc efârekicnere wareniŋ. Ž
LUK 14:18 Jazame jaŋe wiac kosao ɋetickehuc qikiŋne-fârembiŋ. Ehuc moc e muwec, `No mâreŋ moc furine bapo izi fârecnukacte honezo rakopac, go irec ŋicbomboŋge âzâcnetec maname mi sâqorezejec. Ž
LUK 14:19 Á moc e muwec, `No bulimakao 10 furine bac-jopapo i ra amec-jopa warepemu, go irec ŋicbomboŋge âzâcnetec maname mi sâqorezejec. Ž
LUK 14:20 Á moc e muwec, `No ŋokac ropore wemocko fâpemu. Ž
LUK 14:21 Iŋuc mupie kiŋaŋ moteczi risierâ bomboŋ-ticne dâŋ binaŋ ecneme maname gâpârewec. Erâ kiŋaŋ motec-ticne šiŋuc muhuc âzâcne sorec ewec: `Go bâruŋ jaha bozene bozene jufârehuc ŋic roroc qaŋqaŋne â kike demba, šeke puriŋ â tiŋtuŋ rocjopatec warenšepieŋ. Ž
LUK 14:22 Eme kiŋaŋ motec e iŋuc erâ bomboŋ-ticne šiŋuc âzâcnewec: `Bomboŋ, go dâŋ mumec i epac, erâ fic ine fâfâoc fokac. Ž
LUK 14:23 Âzâcneme bomboŋzi šiŋuc muwec: `Irec go mocwâc rarâ haesoŋko ŋic juraŋgopieŋ fotarie-jaretec ware-jâmbâŋkerâ ficnane fusucmanšepieŋ.
LUK 14:24 Erâ ŋazape mananiŋ: Ŋic bâbâni hefârec-jopakicne jaŋe mâc jâmbâŋ ŋenšepieŋ. Ž ”
LUK 14:25 Eme ŋic guru sâko jâmbâŋ Jesu bâjâpepie fotikierâ šiŋuc jazawec:
LUK 14:26 “Moc e nohec juzo murâ neŋgoc mamac, ŋokac motec, hahac ɋa seŋ baŋec jaŋe mi qaisoc-jopaocmu, e motec jâmbâŋ-nane sâcne mi erâ juocmu.
LUK 14:27 Moc e jahacne maripoŋ mi hâpora bâjâpecnuocmu, e motec jâmbâŋ-nane sâcne mi erâ juocmu.
LUK 14:28 “Ŋoŋeraonec moczi wapafic sâko baocte qanaŋ furinere manarâ moneŋ-ticne wose biric erâ eene me mi eene irec fuŋne bataniŋkeocmu.
LUK 14:29 Me iŋuc mi ehuc onšoŋ jaha ficticne wiseme hume šaeckerâ moneŋ basarâ beheocmuo ine ŋic jaŋe hone manac erâ mu gâgâwi ecnehuc
LUK 14:30 šiŋuc muniŋmu: `Ŋic keci fazic erâ ficsâko wiseme hume eipierâ beheme ŋekac. Ž
LUK 14:31 Ŋicwofuŋ moczi ŋicwofuŋ âgo-ticne qaocte onšoŋ jaha râsi mi raocmu. E qanaŋ šiŋuc muocmu: `Nâŋe ši afecne juŋgopeneŋzi ocni bocjaha juŋgopieŋ jaŋe sâcne jopanaŋmu me mâcne? Ž
LUK 14:32 Iŋuc murâ e jahacne momorifâc jaŋere maname afeckeme rasi-ticne hae-ticnao juhame biac sahac taha-ticne râecnehuc muocmu, `Wama fuame junac. Ž
LUK 14:33 Eme ŋoŋeraonec moc e iŋuc jaha wiac-ticne sasawa mi qikiŋne-fârerâ weniŋuc motec-nane erâ juocmu.
LUK 14:34 “Hâwec i wiac aŋacne. Á nonocne eme ine weniŋuc ecnepene hâtâne-ticne mocwâc fuaocmu, i aricne i¡
LUK 14:35 Izi iŋuc me iŋuc eene mi fokac, i mâc hoŋkepene raocmu. Moc e hazec-ticneheczi dâŋ kecši manazejec.”
LUK 15:1 Takesi roro â sâqocne bapa Jesurao miti-ticne mananiŋte mâretec fisi jumbieŋ.
LUK 15:2 Epie farisaio â miti qaqazu jaŋe irec manapie sâqoreme Jesure šiŋuc mumbiŋ: “Ŋic e sâqocne bapa rocjoparâ iqic-joparâ jaŋehec nânâ nâekac.”
LUK 15:3 Eme irec Jesuzi dâŋ suŋsuŋne moc šiŋuc jazawec:
LUK 15:4 “Ŋoŋeraonec moc e lama 100 jucneniŋmu. Eme mocsâkoazi qâsorieme beheocmu me? Aricne, e gâcne sâko 99 tuhuo behec-joparâ qâsoriekicne basaocmu.
LUK 15:5 Basaku bâfuarâ bubiaŋ manahuc âsickerâ
LUK 15:6 haeo fisirâ âgofâcne wira-jarerâ muocmu: `Lama-nane qâsoriekicne bâfuakopacte šeri enaŋ. Ž
LUK 15:7 No ŋazape mananiŋ, ŋic tiŋne 99 maŋ bâbârisiere mi mumu-jarene jaŋere erâ sambâŋko šeri aafecne fuaha sâqocne bapa mocjaha maczi maŋne bârisieme ere erâ sambâŋko šeri fekicne fuaocmu.
LUK 15:8 “Ŋokac moczi siliwa moneŋ 10 bajuocmu. Bajuhame mocjaha wahame beheocmu me? Aricne, e waha qazerâ fic ofaŋne qâzuc ehuc basaocmu.
LUK 15:9 Basaku bâfuarâ ŋokac âgofâcne wira-jarerâ šiŋuc jazaocmu: `Moneŋ-nane sifuckejec i bâfuakopacte šeri enaŋ. Ž
LUK 15:10 Mupe mananiŋ, Anuture aŋelofâc jaŋe iŋuc jaha sâqocne bapa mocjahazi mac maŋne bârisieme bubiaŋ manaeŋgopieŋ.”
LUK 15:11 Jesuzi binaŋ moc šiŋuc bawec: “Ŋic moc ŋokâ jahec-ticne jajahec jupic.
LUK 15:12 Juku šâhec ŋokâzi mamac-ticne šiŋuc âzâcnewec: `Mamac, go moneŋ mafa nore biŋe qakicne i narec. Ž Mume moneŋ mafa bâtâc barâ jactewec.
LUK 15:13 Eme šâhec ŋokâ e gie bapa afecne jurâ mafa wiac-ticne bâmockerâ ame susuckerâ rawec. Erâ ocna sasec gie bahuc nânâ qowire nâ areŋ ehuc moneŋ mafa-ticne ititiŋke-fârewec.
LUK 15:14 Ititiŋke-fârerâ juhame mâreŋ ira roroc sâko fuawec. Eme motec e kitac qatac eku
LUK 15:15 mâreŋ rune moc erao ra qohotame eki mume susubecfâc-ticne soŋaŋ-jopawec.
LUK 15:16 Ehuc bec jaŋere nânâ nâocte ecnewec i wâc sakarecnembiŋ.
LUK 15:17 Iŋuc juku maŋnezi mumu hehec ecneme šiŋuc muwec: `Mamac-nanere kiŋaŋ qaqa wemo afecne juŋgopieŋ, eme jaŋe nânâ nâqiŋ qâqiŋ ehuc juhapie no ŋokâ-ticnezi šira rorocte sipirickezo ekopac.
LUK 15:18 Irec no hae-naneo rarâ mamac-nanerao fisirâ šiŋuc muhuc âzâcnezepac: Mamac, no sâqocne bape kiŋnanezi sambâŋko â gorao ŋemâckekac.
LUK 15:19 Irec wemocko ŋokâge mocwâc munarepie jupemu, go mâc kiŋaŋ motecge bacnutec juzepac. Ž
LUK 15:20 Iŋuc murâ šawierâ mamac-ticnerao rawec. Raku hae upeo fisihame mamac-ticnezi biac honerâ bune sâqoreme gasacke ra hâpo mumuduc ecnewec.
LUK 15:21 Eme motec e šiŋuc âzâcnewec: `Mamac, no sâqocne bape kiŋnanezi sambâŋko â gorao ŋemâckekac, irec wemocko ŋokâge mocwâc munarepie jupemu. Ž
LUK 15:22 Iŋuc mume mamac-ticnezi kiŋaŋ motec jazarâ muwec: `Ŋoŋe picpac jaha ŋaqi biaŋne jâmbâŋ moc baware hecnepie huoc, â megâŋ menao hecnepie feoc, â kikehuhu mâmâc râcneniŋ.
LUK 15:23 Erâ bulimakao motecne biuc sâko i hezu rikec epie nâhuc šeri enšepeneŋ.
LUK 15:24 Ŋokâ-nane e hâmoweczi mocwâc ɋârekac, erâ e qâsorieweczi mocwâc fuakac. Ž Iŋuc mume šeri embiŋ.
LUK 15:25 “Ehame mârâc ŋokâ e gieo juweczi risierâ hae râpeo domahuc gae â šeri mic šonšoŋ manarâ
LUK 15:26 kiŋaŋ motec moc ecneme fisime mu wioc ecnerâ muwec: `Wiac i wemocte? Ž
LUK 15:27 Eme eki muwec: `Ɋage ware fisikac. Eme sahac furu fisikacte mamac-ŋekiczi mume bulimakao motecne biuc sâko i qa rikec eŋgopeneŋ. Ž
LUK 15:28 Iŋuc âzâcneme mârâc ŋokâ e kimbeŋ qarâ haeo feocte qikiŋnewec. Eme mamac-ticnezi manarâ hae upeo hurâ mu bâmiriŋ ecnewec.
LUK 15:29 Ecneme mi mamana šiŋuc muwec: `Manakic, no jara wemo afecne kiŋaŋ qagarehuc juhuc dâŋge moc mi qatara-gareekopac. Eme go noniŋ motecne mac moc mi qikiŋne-naretec âgofâc-nane jaŋehec nâ šeri embeŋ.
LUK 15:30 Á šâhec ŋokâge e gore moneŋ mafa sasec gie bahuc sipiricke-fârewec, e iŋucnezi fisime mutec bulimakao motecne biuc sâko i hezu rikec ecneŋgopieŋ. Ž
LUK 15:31 Mume mamacnezi šiŋuc âzâcnewec: `Ŋokâ-mae, go dameŋ sâc nohec juwareekiczi wiac mi basaekic, wiac sasawa wirec-nâhec fokac.
LUK 15:32 Á ɋage e hâmoweczi mocwâc ɋârekac, erâ e qâsorieweczi mocwâc fuakac, irec šeri bubiaŋ epene sâckekac. Ž ”
LUK 16:1 Jesuzi motecfâc-ticne binaŋ moc šiŋuc bajarewec: “Ŋicbomboŋ sâko moc ere moneŋ mafa soŋaŋ moc juwec. Eme juku ere šiŋuc mupie manawec: `Soŋaŋ e mafa ro bâsifuc eekac. Ž
LUK 16:2 Iŋuc manarâ hefârerâ âzâcnewec: `No gore dâŋ weniŋuc mupie manapac? Go iŋucnezi soŋaŋ mocwâc mi jucmurâ mukopacte papiage bawaretec moneŋ mafare fuŋne bataniŋkezo. Ž
LUK 16:3 Mume soŋaŋ e maŋnezi šiŋuc muwec: `Ʒi bomboŋ-nanezi soŋaŋ gie nowac rome wenac epemu? Gie he sarac ezore takicnukac, qafec qawahac juzore mimiekopac.
LUK 16:4 Miŋecne manakopac, bomboŋ-nanezi jâpecnume ŋic âgofâc-nane hezu hefâroc enarepie ficjeŋicko ŋeŋe epemurâ wiac ejarezepac. Ž
LUK 16:5 Iŋuc murâ bomboŋ-ticnere tofa bajumbiŋ i jaŋe buc buc hefârec-jopawec. Ehuc moc wiocnerâ muwec, `Bomboŋ-nanere tofa gorao wezimuc fokac? Ž
LUK 16:6 Eme eki muwec, `Qowitiŋ 100. Ž Mume šiŋuc âzâcnewec: `Ajoc, papia ši rorâ 50 qâreŋkec. Ž
LUK 16:7 Iŋuc murâ moc wiocnewec, `Bomboŋ-nanere tofa gorao wezimuc fokac? Ž Eme eki muwec, `Padi târu 100. Ž Mume šiŋuc âzâcnewec: `Ajoc, papia ši rorâ 80 qâreŋkec. Ž
LUK 16:8 Iŋuc eme bomboŋ e manarâ soŋaŋ bâkiri bapa maŋfânâŋ-ticnere muteŋkewec. Miti tâmiric jaŋe âgofâc-jeŋic jaŋehec wiac eniŋte maŋfânâŋ-jeŋic kâcɋene fokac, mitihec ŋoŋe sâc iŋucne mi foŋarekac.
LUK 16:9 Irec mupe mananiŋ, ŋoŋe iŋuc jaha moneŋ mafa jawane ŋic qikiŋne-jarepie jaŋe âgo bacŋoparâ juku i babaju dameŋne tarame juju sanaŋ ficjeŋicko hefârec-ŋopapie junšepieŋ.
LUK 16:10 “Moc e wiac omane metâo sâcne soŋaŋkeocmu, eki wiac fârine iŋuc jaha metâo sâcne soŋaŋkeocmu. Á moc e wiac omane bâsifuckeocmu, eki wiac fârine iŋuc jaha bâsifuckeocmu.
LUK 16:11 Ŋoŋe moneŋ mafa jawane metâo sâcne mi bajupie wiac fârine mozi ŋareocmu?
LUK 16:12 Á wiac jaba ŋarekicne i sâcne mi bajupie ŋaŋacne biŋe i mozi ŋareocmu?
LUK 16:13 Motec mocjahazi jajahec jahere kiŋaŋ sâcne mi qaocmu. E moc âgo ecnehuc moc hone takireocmu, â moctao qohotahuc moc râpeckeocmu. Ŋoŋe iŋuc jaha Anuture gie mecne â moneŋ mafa qâqâhâc sâko irec gie mecne sâckoa sâcne mi bacjofaniŋmu.”
LUK 16:14 Jesu e dâŋ i mume farisaio jaŋe moneŋ mafare sasec embiŋzi manarâ dâŋticne surembiŋ.
LUK 16:15 Epie šiŋuc jazawec” “Ŋoŋe hâcne ŋic jaŋere maio tiŋne hawari juniŋte šoɋac eeŋgopieŋ. Anutuzi ine maŋŋeŋicte fuŋne manaekac. Ŋic jaŋe wiac honepie tiŋne hawari eekac, i Anutuzi honeme mamakâcne eekac.
LUK 16:16 Sâcmutâc dâŋqâhâc â porofete dâŋ irec hata fowareku Johanerao mickewec. Irec faicnao ine Anuture uucmaŋ irec Biŋebiaŋ haŋ barakac. Eme ɋicwânšâŋ eeŋgopieŋzi rašieŋgopieŋ.
LUK 16:17 Sambâŋ â mâreŋ jahe sirowezo murâ sirowenicmu, â sâcmutâc dâŋ irec huŋgaŋne mac moc mâc foku arictac eene ine mi fokac.
LUK 16:18 Ŋic moc e ŋonâŋ-ticne beherâ moc roocmu, e šušuhuc-jekic bâtâcnehuc kiŋsâko hureocmu. Á moc e ŋokac behekicne i roocmu, e iŋuc jaha šuhuc bâtâcte kiŋ hureocmu.
LUK 16:19 “Ŋicbomboŋ moc juwec e ŋaqi erinehec furi sâko sasawa rojuwec, erâ šoaŋne šoaŋne tiwa šepec nâ šeri ehuc juwec.
LUK 16:20 Ehame ŋic hapetac moc juwec, šâŋene Lazaro. E sahacne wic sasawa. Eme eki ŋicbomboŋte fic rurumaŋko fojujec.
LUK 16:21 Ehame ŋicbomboŋte fickonec nâkitâc wahame i nâocte aŋac focne jujec. Fohame qâto jaŋe fisirâ wicticne apurumbiŋ.
LUK 16:22 Eme juku hapetaczi hâmome aŋelo jaŋe jowa ferâ Abrahamte qicfuŋko râepie juwec Eme šâhec ŋicbomboŋ e wâc hâmome duckembiŋ.
LUK 16:23 Eme e hârâcko hurâ šâic fâro sâko manahuc fime feme Abrahamte qicfuŋko Lazaro honewec.
LUK 16:24 Honerâ wirahuc muwec: `Abraham mamac-nane, nore buge sâqoreme Lazaro soretec mebotâŋne sawa opâo âke uruckerâ ware nameŋ-naneo bame mâteŋkezejec. No šira šocbâruŋko šâic serereŋ sâqocne manahuc jukopac. Ž
LUK 16:25 Mume Abrahamzi muwec: `Ŋokâ-nane manakic, go mâreŋko aŋac faio jumeŋ i tarawec. Á Lazaro busâqoc faio juwec i iŋuc jaha tarawec. Eme irec e bubiaŋhec juekac â go ine šâichec juekic.
LUK 16:26 Erâ wâc ŋondeŋ-nâŋecko hârâc sâko domakac, irec šireczi ŋoŋerao wemocko hufâzo â ŋoŋeraoneczi šira wemocko wefuzo. Ž
LUK 16:27 Eme ŋicbomboŋzi muwec, `Mamac-nane, moc mupe mana-narec”
LUK 16:28 ocna nore haeo ɋafâc-nane memoc juŋgopieŋ, jaŋe šâic haeo šira warenšipiŋte Lazaro soretec ra uŋdâŋ hazec qâuŋ jazazejec. Ž
LUK 16:29 Mume Abrahamzi muwec, `Aricne, Mose â porofete jaŋere micdâŋ fokac i mananšepieŋ. Ž
LUK 16:30 Eme muwec, `Mamac-nane Abraham, iŋuc mâcne, hâmokicne moczi ra jazame maŋjeŋic sâcne bârisieniŋmu. Ž
LUK 16:31 Eme muwec, `Jaŋe Mose â porofete jaŋere dâŋ qikiŋneeŋgopieŋko hâmokicne moczi ra jazame iŋuc jaha qikiŋneniŋmu. Ž ”
LUK 17:1 Jesuzi motecfâcne dâŋ moc šiŋuc jazawec: “Sâqocnere suru jâiŋ fufua i fuaocmu. weniŋuc mâc foocmu. Á ŋic moc sâqocnere suru jâiŋ bâfuaocmu, jei, e ine wemo ecnezo¡
LUK 17:2 E ŋic hujukicne suru jâiŋ ejarezacte buse sâko upenao qonaŋkecnerâ hâwecko sârockepie hume muzac, izi wiac aafecne fuacnekac ezac.
LUK 17:3 Ŋoŋe soŋaŋ babac ehuc junšepieŋ. Âgoge moczi bahac bâfua-gareme tutuc qacnezemec. Tutuc qacnetec manarâ busâqoc bâfuame kiŋticne behecnezemec.
LUK 17:4 Erâ šoaŋ mocjahao bahac arecne 7 bâfua-gararâ arec 7 gorao fisirâ muocmu, `Âgo, iŋuc egarepacte bunane sâqorekac,Ʒ eme go irec sâc jaha wâc kiŋticne behecnehuc juzemec.”
LUK 17:5 Aposolo jaŋe Wofuŋ šiŋuc muhuc numucnembiŋ: “Go mamanasiŋ-nâŋec basawe-nârezemec.”
LUK 17:6 Mupie Wofuŋzi šiŋuc jazawec: “Mamanasiŋ fârine piicne mac, šocšu hândâŋ iŋucne mac foŋareme muzac, ine nemuja jâc kecocni, ŋeunuckerâ tararâ hâwecko huŋ domaocte âzâcnepie eki micŋeŋic reŋkerâ iŋuc ezac.
LUK 17:7 “Ŋoŋeraonec moc e kiŋaŋ motec-ticne gie baku me bulimakao soŋaŋ juku owâ ririŋte fisime šiŋuc sâcne âzâcneocmu me? `Go ficko wefu ŋehaŋte nânâ rike bâmoc egarepe. Ž
LUK 17:8 Aricne, e šiŋuc âzâcneocmu: `Ajoc, kambaŋ ɋaɋacne qarâ ŋafere nânâ rike ŋec enaretec nahape šâhec go gahacne rike nâc ezemec. Ž
LUK 17:9 Eme kiŋaŋ motec e gie mucnekicne i sawa bame bomboŋ-ticnezi mâc maname taraocmu, â muteŋ bâteŋ ine wemocko ecneocmu.
LUK 17:10 Eme ŋoŋere fuŋne ijaha fokac. ŋoŋe wiac muŋarekicne i efârerâ šiŋuc munšepieŋ: `Nâŋe kiŋaŋ motec ba bititicne, wiac munârekicne i Sawa mac epârâckeŋgopeneŋ. Ž ”
LUK 17:11 Jesu e Jerusalem haeo raocte Galilaia mâreŋ fotâcnerâ Samaria mâreŋ qaŋeŋnao fisiwec.
LUK 17:12 Fisirâ hae mocko fehame ŋic wicsanaŋ-jeŋichec 10 jaŋe honerâ taic domahuc
LUK 17:13 wira wâwâsic ecnehuc mumbiŋ: “O Qaqazu Jesu, go nâŋere mac buge sâqoreoc.”
LUK 17:14 Eme honec-joparâ šiŋuc jazawec: “Ŋoŋe rarâ sahac-ŋeŋic taha bapa jowatunšepieŋ.” Mume jaŋe raha rahapie sahac-jeŋic fâsâewec.
LUK 17:15 Eme jaŋeraonec mocsâkoazi sahacne fâsâeme honerâ risiewec. Risierâ hahaŋne bahuc Anutu muteŋkehuc
LUK 17:16 Jesure kikefuŋko fodaperâ daŋge âzâcnewec. Eme ŋic e Samaria mâreŋkonec
LUK 17:17 Eme Jesuzi šiŋuc muwec: “Ŋic 10 fâsâembieŋ, gâcne sâko 9 jaŋe weni?
LUK 17:18 Jaŋe risierâ Anutu daŋge âzâcneniŋte mi muhuc mâc qâoma erâ rahapie ŋic qâpuc keczi e mocjahazi warekac me?”
LUK 17:19 Iŋuc murâ ŋic e šiŋuc âzâcnewec: “Mamanasiŋgere biaŋkekomec, irec fahare rac.”
LUK 17:20 Farisaio jaŋe Jesu wiocnerâ mumbiŋ: “Anuture uucmaŋ wezimucko fua tâcneocmu?” Eme jazawec: “Anuture uucmaŋ tâtâc mi fuaocmu,
LUK 17:21 irec wemocko honerâ šiŋuc muzo: `O šira fuakac, o ocna fuakac. Ž Manaŋgopieŋ, Anuture uucmaŋ i ŋondeŋ-ŋeŋicko fuawec fokac.”
LUK 17:22 Erâ motecfâcne šiŋuc jazawec: “Juku dameŋ moc maickeocmu ira ŋic Fâri Wâtuŋne e šoaŋ mocjaha tâtâcko fuame honeniŋte eŋare-bipieha sifu mi honeniŋmu.
LUK 17:23 Dameŋ ira kecšiŋuc ŋazaniŋmu: `O šira nâŋerao fuakac, o ocna jaŋerao fuakac. Ž Mupie mi ranšepieŋ â manapie jâmbomac mi ezejec.
LUK 17:24 Bâbâric e sambâŋ ŋifec bâricneme ŋifec qâninipe-fâreekac, irec sâc ŋic Fâri Wâtuŋne ere fifisi fuazokac.
LUK 17:25 Qanaŋ ine ŋicguru ši jaŋe Ŋic Fâri Wâtuŋne râpeckepie šâic gie sâko baocte mucnekicne.
LUK 17:26 Noa juwec dameŋ ira ŋic jaŋe wiac embiŋ ijaha Ŋic Fâri Wâtuŋne ere fifisi dameŋ maickeha enšoŋgopieŋ.
LUK 17:27 Jaŋe nânâ qowi nâmbiŋ, huc šocšu nâmbiŋ, ŋokac nareŋ gareŋ embiŋ. Qâoma iŋuc hâcne ehuc juhapie Noa wokeo feme rumi sâkozi fisirâ šeŋgoma bârârâŋ-jopawec.
LUK 17:28 Á Loti juwec dameŋ ira iŋuc jaha embiŋ. Jaŋe nânâ qowi huc šocšu i nâmbiŋ, wiac nareŋ gareŋ i embiŋ, gie hesac qasarac i embiŋ, fic gie bapa i bambiŋ.
LUK 17:29 Iŋuc ehuc juhapie Loti e Sodom hae râpeckeme sambâŋkonec kâmbâc â šoc wahame ŋic šeŋgoma sipirickembiŋ.
LUK 17:30 Ŋic Fâri Wâtuŋne e juku fua taniŋkezokac dameŋ ira ŋic jaŋe sâc ijaha eniŋmu.
LUK 17:31 Eme ira moc e hae šoŋao juocmuzi ficmaŋ-ticnao mi risie ferâ mafa-ticne rozejec, â moc e gieo juocmuzi haeo mi risiezejec.
LUK 17:32 Ŋoŋe Loti ŋonâŋ-ticnere manasunšepieŋ.
LUK 17:33 Moc e juju-ticne ŋezickezo mume sifuckecneocmu, â moc e juju-ticne qikiŋneme e fuacneocmu.
LUK 17:34 No mupe mananiŋ, ŋafe ira ŋic jajahec fofo wirec fohapire moc rohuc moc qikiŋnezo.
LUK 17:35 Ŋokac jajahec nânâ sufiehuc ŋehapire moc rohuc moc qikiŋnezo. [
LUK 17:36 Ŋic jajahec gieo domahapire moc rohuc moc qikiŋnezo.]”
LUK 17:37 Jesu e dâŋ i mufâreme motec jaŋe wiocnerâ mumbiŋ: “Wofuŋ, i wena fuazokac?” Eme muwec, “Âsu gâreczi keŋwipe fârecjopame fisirâ tumaŋneeŋgopieŋ.”
LUK 18:1 Eme motecfâcne jaŋe mi rokawehuc šoaŋ gie bapa sâc numecnehuc juniŋte irec Jesuzi binaŋ moc kecšiŋuc bajarewec:
LUK 18:2 “Hae mocko kia moc juwec, eki Anutu mecne â ŋic mecne araŋ mi bajarewec.
LUK 18:3 Eme hae ijaha ŋokac hozec moc juwec, eki kia erao hâcne hati rarâ šiŋuc âzâcne jujec: `Go kisâ-nanere ŋezicnuc. Ž
LUK 18:4 Eme kia e hozecte dâŋ dameŋ šora mana takirehuc juwec. Juku maŋnezi šiŋuc muwec: `No Anutu mecne â ŋic mecne araŋ mi bajareekopac i jâmbomac,
LUK 18:5 erâ hozec e micneneŋ sâqocne enarehuc juekacte sifu bafickezepac, juku fisirâ nuzackohec. Ž ”
LUK 18:6 Wofuŋ e binaŋ i bafârerâ muwec, “Kia râŋgeŋnezi dâŋ muwec i manaŋgopieŋ me?
LUK 18:7 Eme Anuture weniŋuc mueŋgopieŋ, e fuŋfuŋfâc-ticne ŋafe furec wâsickehuc jaha jupie šika ŋondeŋkonec mi batarac-jopaocmu me? Muŋgopieŋ, mana takirehuc juocmu me?
LUK 18:8 Aricne, e jume mi šoraha batarac-jopaocmu. Ŋic Fâri Wâtuŋne e juku mocwâc fisirâ mâreŋko mamanasiŋ bâfuaocmu me?”
LUK 18:9 Ŋic gâcne jaŋacne manapie tiŋne eha âgofâc-jeŋic mana wahac-jopambiŋ jaŋere qâqiŋdâŋ moc šiŋuc muwec:
LUK 18:10 “Ŋic jajahec taha ufuŋko ferâ numupic. Moc e farisaio â moc e takesi roro.
LUK 18:11 Farisaio e hâŋ domahuc e jahacnere šiŋuc manasuhuc numuwec: `O Anutu, ŋic gâcne jaŋe šika qaeŋgopieŋ, fiuc serereŋ eeŋgopieŋ, sasec mamakâc eeŋgopieŋ. No jaŋe iŋucne mâcne, me takesi roro kecocni e iŋucne wâc mâcne. Eme no irec hâcne daŋge gazakopac.
LUK 18:12 No Sonda sâc irec gie bapa jajahec sowa juekopac â moneŋ mafa hurerâ teŋkonec wâŋte sâc mitire biŋe qaekopac. Ž
LUK 18:13 Takesi roro eki ine tuturuŋko domahuc fime feocte mimierâ menezi amecne bofackehuc šiŋuc numuwec: `O Anutu, ŋic sâqocne no mi mac behecnuzemec. Ž
LUK 18:14 Manaŋgopieŋ, takesi roro e Anutuzi kiŋticne behecne-fâreme ficticnao risiewec, farisaio e ine focnewec. Moc e jahacne maŋte feme Anutuzi bawahaocmu, â moc e jahacne maŋte wahame Anutuzi bafeocmu.”
LUK 18:15 Eme ŋic ŋokac jaŋe ɋiefâc-jeŋic Jesurao amec-jopa rarâ mezi bâuac-jopaocte mupie motec jaŋe hâhâwic hejarembiŋ.
LUK 18:16 Jesuzi ine hefârec-jopahuc muwec: “ŋoŋe behehapie naru motec norao wareniŋ, mi hecke-jareniŋ. Iŋucne jaŋe hâcne Anuture uucmaŋ biŋe qajarekicne.
LUK 18:17 No jâmbomac ŋazape: Moc e ɋie jaŋere sâc ehuc Anuture uucmaŋ mi biŋeckeocmu, e maŋnao mi rašiocmu.”
LUK 18:18 Eme soŋaŋ moczi Jesu wiocnerâ muwec: “Qaqazu biaŋ, no weniŋuc erâ juju sanaŋte biŋe epemu?”
LUK 18:19 Jesuzi muwec, “Biaŋne wemocte munarekomec? Biaŋne rune Anutu mocjaha.
LUK 18:20 Erâ go sâcmutâc dâŋ manaekic, kecšiŋuc: Ŋowe ŋonâŋ ŋohe bebehec mi ezepirec, go šika mi qazemec, go fiuc mi rozemec, go micko âkec mi ezemec, go neŋgoc mamac jahecge sâsec-jofazemec.”
LUK 18:21 Mume soŋaŋzi šiŋuc muwec: “I ɋieo fuŋkerâ reŋke warehuc juekopac.”
LUK 18:22 Mume Jesuzi manarâ šiŋuc âzâcnewec: “Mocjaha fokac, i ezemec, go rarâ moneŋ mafage ŋic hapetac qikiŋne-jarezemec, eme sambâŋko boreŋ šeŋaŋ fua-gareocmu. Erâ ware bâjâpecnuzemec.”
LUK 18:23 Eme ŋic e moneŋ mafa ɋâfoŋne focnewecte dâŋ i manarâ bune boc sâqorewec.
LUK 18:24 Iŋuc eme Jesuzi honerâ muwec, “Moneŋ mafa mâririheczi Anuture uucmaŋko rašiniŋte ququŋkenehec boc eekac.
LUK 18:25 Kamelizi buŋic hawecnao raraši i wiac afecne, â moneŋ mafa mâririheczi Anuture uucmaŋko raraši i wiac ŋemâcne.”
LUK 18:26 Mume manahuc domambiŋ ŋic i jaŋe mumbiŋ, “Hâc, eme mozi sambâŋko feocmu?”
LUK 18:27 Eme Jesuzi jazawec, “Wiac ŋiczi eniŋte quŋkeeŋgopieŋ i Anutuzi hatane bâfuaocte mi quŋkeekac.”
LUK 18:28 Eme Petorozi šiŋuc âzâcnewec: “Manakic, nâŋe wiac-nâŋec sasawa râpecke-fârerâ go bâjâpecgumbeŋ.”
LUK 18:29 Mume Jesuzi šiŋuc jazawec: “No jâmbomac ŋazape: Moc e hae-ticne me ŋokac motecfâcne, me hahac ɋa seŋ baŋecfâcne, me neŋgoc mamac jahecne Anuture uucmaŋte erâ behec-jopaocmu,
LUK 18:30 e irec okacne šira mâreŋko wiac fekicne tahackezo, â juku sambâŋko juju sanaŋ tahackezo.”
LUK 18:31 Jesu e motecfâcne hefârec-joparâ šiŋuc jazawec: “Manaŋgopieŋ, nâŋâc Jerusalem haeo feŋgopeneŋ. Eme porofete jaŋe Ŋic Fâri Wâtuŋne ere findaŋdâŋ qâreŋkembiŋ i sanaŋke-fâreocmu.
LUK 18:32 E ŋic qâpuc jaŋere meo feme jaŋe mu ruruc ecnerâ qa imac ecnehuc tâfeckeniŋmu,
LUK 18:33 erâ becsahac biriŋneheczi qa qâšâic ecnerâ qahâmoniŋmu. Eme šoaŋ jahec â moc eha hâmockonec ɋârerâ fahareocmu.”
LUK 18:34 Iŋuc mume jaŋe kâuc bambiŋ. Dâŋ i manapie quŋkeme fuŋne mananiŋte mana ririfirembiŋ.
LUK 18:35 Jesu e raku Jeriko hae bâqiŋkewec. Ehame hatamecko ŋic tiŋtuŋ moc nânâ moneŋte numuhuc ŋewec.
LUK 18:36 Eme ŋic guru sâko hata ira rapie kike fânâŋ-jeŋic manarâ fuŋnere wiojareme
LUK 18:37 mumbiŋ, “Jesu Nazarete haeonec warekac.”
LUK 18:38 Mupie manarâ hahaŋne bahuc wirarâ muwec, “Jesu go Dawidire ɋâriczi nore mac buge sâqoreoc me!”
LUK 18:39 Iŋuc eme ŋic bâniembiŋ jaŋe niniŋkerâ ŋeocte dâŋ mucnembiŋ. Eme eki dâŋjeŋic mana takirehuc fotarierâ wirawec, “Go Dawidire ɋâriczi nore mac buge sâqoreoc.”
LUK 18:40 Eme Jesuzi manarâ hatao domahuc muwec, “Ŋoŋe norao bawareniŋ.” Mume tiŋtuŋzi erao fisime wiocnerâ muwec,
LUK 18:41 “No wemo egarepemurâ mukic? `à Eme tiŋtuŋzi muwec, “Wofuŋ, no šâŋe fifihec epere enarekac.”
LUK 18:42 Mume Jesuzi šiŋuc âzâcnewec: “šâŋege fitâcneoc, mamanasiŋgere biaŋgukac.”
LUK 18:43 Muha izia šâŋe fifihec ewec. Erâ Jesu bâjâpehuc Anutu muteŋkewec. Á ŋic wiac i homembiŋzi iŋuc jaha Anutu muteŋkembiŋ.
LUK 19:1 Jesu e Jeriko haeo fisirâ fotâcnezo ewec.
LUK 19:2 Eme hae ira ŋic moc juwec, šâŋene Zakaio, e takesi roro jaŋere micne, erâ moneŋ mafa sâko-ticnehec juwec.
LUK 19:3 Eme ŋic eki Jesu hawari-ticne honeocte ecnewec. Erâ e ŋic bembeŋnere ŋicŋondeŋko domahuc tiŋtiŋne-bipiewec.
LUK 19:4 Iŋuc erâ gagasac jaha ŋic jowaru-fârerâ ra nemuja hahaŋko ferâ ŋehuc šiŋuc muwec: “Jesu šira ware rame honepe.”
LUK 19:5 Eme Jesu e ira fisirâ fime feme honerâ šiŋuc âzâcnewec: “Zakaio go picpac wahac, no miŋecgac ficgao iqicgupemu.”
LUK 19:6 Mume izia picpac jaha waharâ bubiaŋ manahuc ficticnao jowame fepic.
LUK 19:7 Eme ŋic sasawa jaŋe i honerâ mana sâqorerâ mumbiŋ, “E wemocte ŋic sâqocnere ficko fejec fokac.”
LUK 19:8 Zakaio eki ine Jesure maŋfuŋko rarâ muwec: “Manakic, Wofuŋ, moneŋ mafa-nane sâckoa bâtâc barâ tucne ŋic hapetac jarepemu, â ŋic gâcne moneŋ sâc jâuruhuc jowac ropo ine ropo sâc i fohame baferâ okacne bazu-jarepemu.”
LUK 19:9 Eme Jesuzi muwec: “Ŋic kecši Abrahamte ɋâric jaha, irec ere ficko miŋecgac miti fuame biaŋkekac.
LUK 19:10 Ŋic Fâri Wâtuŋne e ŋic sâqorekicne rocjoparâ bâpiaŋ-jopazore wahawec hâcne.”
LUK 19:11 Jesu e Jerusalem hae bâqiŋkeme ŋic dâŋticne manambiŋzi mumbiŋ, “Ʒi Anuture uucmaŋ fua taniŋkeocte dameŋne maickekac.”
LUK 19:12 Eme irec Jesuzi dâŋ suŋsuŋne moc šiŋuc jazawec: “Ŋicbomboŋ moczi, ŋicwofuŋ sâkorao ra mupe mâreŋ soŋaŋ âkendâŋnume risiezepac, muhuc mâreŋ wiwicko rawec.
LUK 19:13 Raocte kiŋaŋ motecfâcne 10 hefârec-joparâ moneŋfoŋ mocjaha mocjaha muhuc jarewec: `Ŋoŋe moneŋ ši kime kiŋ qahuc basawehuc juhapie risiezepac. Ž
LUK 19:14 Rahame ŋicfâcne ere takic-jopawecte ŋic kiŋaŋ sorec-jopapie šâhec rarâ ŋicwofuŋ sâko šiŋuc âzâcnembiŋ: `E mâreŋ soŋaŋ-nâŋec mi juocte muŋgopeneŋ. Ž
LUK 19:15 Eme ŋicwofuŋ sâko e sifu mâreŋ soŋaŋ âkendâŋneme risiewec. Risierâ kiŋaŋ motec moneŋ jarewec jaŋe šiŋuc muhuc hefârec-jopawec: `Moneŋ ŋarepo i giene bahuc hotâckekupie wezimuc fuawec? Ž
LUK 19:16 Hefârec-jopame kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 10 kime fuawec. Ž
LUK 19:17 Mume šiŋuc âzâcnewec: `Sowine kiŋaŋ motec biaŋne, go wiac omanere gie aimuŋ bameŋte noni hae 10 jaŋere soŋaŋ râecgupe juzemec. Ž
LUK 19:18 Iŋuc mume kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 5 kime fuawec. Ž
LUK 19:19 Mume šiŋuc âzâcnewec: `Sâcne, go hae 5 jaŋere soŋaŋ juzemec. Ž
LUK 19:20 Eme kiŋaŋ motec moczi fisirâ muwec, `Moneŋfoŋge ši, no qoruczi foŋkerâ aimuŋ râepe fowec.
LUK 19:21 Go ŋic gereŋ gereŋne, go gahac wiac mi hurehuc gâcnezi bâfuapie rozo muekic, â go gahac gie he sarac mi ehuc gâcnezi bapie fârine fuame nâzo muekic. Eme no irec araŋ bagarehuc moneŋge aimuŋ bajupo. Ž
LUK 19:22 Mume bomboŋzi šiŋuc âzâcnewec: `Kiŋaŋ motec sâqocne go, gahac dâŋ mumec ijaha bâtikie-garekopac” no ŋic gereŋ gereŋne, no nahac wiac mi hurehuc gâcnezi bâfuapie rozo muekopac, â no nahac gie mi he sarac ehuc gâcnezi bapie fârine fuame nâzo muekopac.
LUK 19:23 Go fuŋne-nane iŋuc manahuc moneŋ-nane moneŋŋic jaŋerao râetec jaŋe kime kiŋ qakupie sawehame risierâ rozapo. Ž
LUK 19:24 Iŋuc murâ ŋic domambiŋ jaŋe šiŋuc jazawec: `Ŋoŋe moneŋfoŋ-ticne jâoc rorâ 10 bajukac e râceniŋ. Ž
LUK 19:25 Eme jaŋe mumbiŋ, `Hâc, bomboŋ, e 10 bajukac i! Ž
LUK 19:26 Eme muwec, `No ŋazape mananiŋ, moc e wiac râcnekicne bajume kiqecnecnezo, â moc e wiac râcnekicne mi bajume jâoc rozo, eme mâc juzejec.
LUK 19:27 Râsifâc-nane ŋicwofuŋ-jeŋic mi jupere muŋgopieŋ, ine bacjopa warerâ honehape jopa mizieniŋ. Ž ”
LUK 19:28 Jesu e dâŋ i mufârerâ Jerusalem haeo fisiocte rawec.
LUK 19:29 Raku Oliwa tikio ferâ Betefage â Betania hae bâqiŋ-jofawec. Ehuc motecfâcne jaŋeraonec jajahec šiŋuc muhuc sorec-jofawec:
LUK 19:30 “Hae rajecko ŋekac ira ranic. Rarâ doŋgi motecne niŋgiŋko domakac i bâfuanicmu. Motecne i ŋiczi fainao mi ŋekicne furune. Eme i bâfuarâ firuerâ bareniŋ.
LUK 19:31 Firuepire ŋic moczi `wemocte rokopirec? Ž mume šiŋuc muhuc âzâcnenic: `Wofuŋzi irec mukac. Ž ”
LUK 19:32 Mume motec jahe rarâ muwec sâc bâfuapic.
LUK 19:33 Eme doŋgi firuepire rune jaŋe mumbiŋ, “Ŋohe wemocte goroŋkekopirec?”
LUK 19:34 Jahe mupic, “Wofuŋzi irec mume rokoperec.”
LUK 19:35 Iŋuc murâ Jesurao bararâ fainao ŋaqi-jeŋic râerâ Jesu sâsepie fewec.
LUK 19:36 Ferâ rame ŋaqi-jeŋic hatao rumacke rambiŋ.
LUK 19:37 Eme Oliwa tiki heâŋnao huhuctecne kikefuŋ gurufâc-ticne jaŋe mâsi-ticne fuŋne fuŋne honembiŋ irec manasurâ šeri ehuc Anutu mucne bacnembiŋ.
LUK 19:38 Ehuc fânâŋkehuc šiŋuc mumbiŋ: “Ŋicwofuŋ-nâŋec Wofuŋte micte warekac e mumbiaŋkenaŋ, faic sambâŋko wama bumâteŋ fokâc â hae faic micne ira šeri mumuteŋ fokac.”
LUK 19:39 Iŋuc muhuc fânâŋkepie farisaio moc moc ŋicŋondeŋko jumbiŋ jaŋe šiŋuc âzâcnembiŋ: “Qaqazu, qâjâpecfâcge qatara-jaretec beheniŋ.”
LUK 19:40 Mupie jazawec, “No ŋazape mananiŋ, jaŋe niniŋkeniŋmuo qânâzi owackeniŋmu.”
LUK 19:41 Eme rarâ Jesu e Jerusalem hae mai jaha ŋeme hone-fârerâ bune herickeme kiohuc muwec:
LUK 19:42 “Go akio juhâmocmurâ irec hatane dameŋ šiŋuczia hone taranšaŋ me¡ Go ine šâŋege hâpokicnere wiac mi šâŋitaekic.
LUK 19:43 Juku dameŋ moc maicgume râsi jaŋe fisirâ somâcgurâ ŋebâzicgupie nanamaŋ bititi erâ bâŋeŋkecmu.
LUK 19:44 Erâ fic šoŋ hae šoŋ egarehuc motecfâcge qâmiziec-jopapie raŋe siaeŋ foraniŋmu. Eme haege ŋetâ qâtâtieme sesucne fuarâ foocmu. Anutuzi maicguha râpeckemeŋ, irec wiac i fua-gareocmu.”
LUK 19:45 Dâŋ i mutararâ ra taha ufuŋko fewec. Ferâ wiac nareŋ gareŋ ehuc domambiŋ jaŋe šiŋuc muhuc jâpec-jopawec:
LUK 19:46 “Fic kecširec dâŋ šiŋuc mukic ne: Ficnane i nunumu fic ŋezejec, ŋoŋe ine epie fiuc sindaŋ jaŋere qânâuŋ-tinac ekac.”
LUK 19:47 Eme šoaŋne šoaŋne taha ufuŋko miti jaza qazuc ehuc juwec. Ehame taha bapa micne â miti qaqazu â micne bapa sasawa jaŋe ine qapie arictac eocte dâŋne mumbiŋ.
LUK 19:48 Erâ ŋic omane mâmâc sasawa miti-ticne manarâ erea boc ejarewecte quŋkembiŋ.
LUK 20:1 Ʒoaŋ gie bapa mocko Jesuzi taha ufuŋko ŋic miti jaza qazuc ehuc juhame taha bapa micne â miti qaqazu â soŋaŋ jaŋe erao rarâ
LUK 20:2 šiŋuc âzâcnembiŋ: Go nâzâc, šira wiac eekic, i more micte eekic? Mozi iŋuc ecmurâ mugareme eekomec?”
LUK 20:3 Mupie jazawec, “No iŋuc jaha dâŋ moc wio-ŋarepe nazaniŋ,
LUK 20:4 Johanere Miti Opâ gie i wenirec fuawec, sambâŋkonec me qickonec? Ž
LUK 20:5 Iŋuc jazame jaŋe jaŋackoaŋ šiŋuc muhuc nazaŋ gazaŋ embiŋ: “Nâŋâc `sambâŋkonec fuawec, iŋuc mupene muocmu, `Hâc, eme wemocte dâŋticne mi mana šakiembiŋ? Ž
LUK 20:6 Me `ŋickonec fuawec', iŋuc mupene ŋic sasawa jaŋe manarâ qânâzi hehâmoc-nâponiŋmu. Jaŋe Johanere manapie porofete fârine ekac i!”
LUK 20:7 Irec Jesu šiŋuc âzâcnembiŋ: “Hece, nâŋe Miti Opâ-ticnere fuŋne mi manaŋgopeneŋ.”
LUK 20:8 Mupie Jesuzi šiŋuc jazawec: “Wiac murâ sâcne, eme noni iŋuc jaha, more micte šira wiac eekopac, okacne wâc mi ŋazapemu.”
LUK 20:9 Jesu e ŋic dâŋ herâricne moc šiŋuc jazawec: “Ŋic moczi waiŋ gie sarawec. Sara-fârerâ soŋaŋ râec-joparâ mâreŋ wiwicko rarâ ira dameŋ šoricne juwec.
LUK 20:10 Juku fârine fufua dameŋ maickeme kiŋaŋ motec moc fârine tucne roocte soreme ra fisime soŋaŋ jaŋe qa imac ecnerâ jâpepie metariŋ risiewec.
LUK 20:11 Risieme runezi harierâ kiŋaŋ motec moc soreme rame iŋuc jaha wiac gâgâpâcne ecnerâ jâpepie metariŋ jaha risiewec.
LUK 20:12 Eme runezi harierâ kiŋaŋ motec moc soreme jaŋerao fisime šâpâ qarâ tuŋkembiŋ.
LUK 20:13 Iŋuc epie waiŋ gie runezi manarâ muwec: `Ʒi wenac epe? Joroc ŋokâ-nane sorepe rame araŋ bacneniŋmu mecne. Ž
LUK 20:14 Eme soŋaŋ jaŋe ine ŋokâ-ticne honerâ nazaŋ gazaŋ erâ mumbiŋ, `Eki hâcne juku gie ši rauckeocmu, murâ qapene gie ši nâŋâcne ezejec. Ž
LUK 20:15 Iŋuc murâ kâteo tuŋke tuŋke rarâ qâhâmombiŋ. Eme gie rune e soŋaŋ weniŋuc ejareocmu?
LUK 20:16 Manaŋgopieŋ, e warerâ soŋaŋ iŋucne jopa qâhâmoc ejarerâ gie-ticnao soŋaŋ furune râec-jopaocmu.” Eme jaŋe manarâ mumbiŋ, “Aricne, iŋuc mi ejâmbâŋkezo.”
LUK 20:17 Mupie Jesuzi hone dendeŋ-jopahuc muwec: “Miti dâŋɋâreŋ moc kecšiŋuc fokac i fuŋne weniŋucte? `Ficbapa ŋic jaŋe wâtuŋ surehuc behembiŋ, wâtuŋ izi mi jâmâ wâtuŋ ezejec i!'
LUK 20:18 Ŋic moczi jâmâ wâtuŋ ira herâ sahac-ticne imackeocmu, â wâtuŋzi ŋic mocte faio waha qaocmu ine qâgâreckeocmu.”
LUK 20:19 Iŋuc mume miti qaqazu â taha bapa micne jaŋe šoaŋ ijaha kâpâcwâru baniŋte mumbiŋ. Jesu e dâŋ suŋsuŋne jaŋere muwec, i mana tararâ iŋuc ecnezo murâ ŋic jaŋere hâwic-jopame behembiŋ.
LUK 20:20 Eme jaŋe Jesure ruc bahuc doc bapa ŋic erao sorec-jopapie rambiŋ. Eme ŋic izi hâcne miti hawari juhuc Jesu dâŋzi bitiŋ bacnepie kime kiarao râeniŋte
LUK 20:21 mu esâic ecnehuc mumbiŋ: “Qaqazu, nâŋe gore fuŋne manaŋgopeneŋ, go dâŋ sâcne nâza qazuc eekic, erâ fekicne fosâoc-jopahuc dâŋ mi muhasickeekic, ehuc Anuture hata jâmbomacko mutiŋne-nâreekic.
LUK 20:22 Irec mutec mananaŋ, Roma ŋicwofuŋ takesi moneŋ râcnepene sâckeekac me mâcne?”
LUK 20:23 Mupie eeatuc-jeŋicte fuŋne mana tararâ muwec,
LUK 20:24 “Ŋoŋe siliwa moneŋ moc bâfuarâ nowatupie honepe, ira more hawari â qâreŋ fokac?” Eme jaŋe mumbiŋ, “Roma ŋicwofuŋte.”
LUK 20:25 Eme jazarâ muwec: “Murâ ŋicwofuŋte biŋe i ŋicwofuŋ râcnenšepieŋ, â Anuture biŋe i Anutu râcnenšepieŋ,”
LUK 20:26 Iŋuc mume jaŋe dâŋticne batackerâ wemocko ŋic jaŋere maio qorickenšapiŋ. Irec mâc wareckerâ dâŋjeŋic fâsâewec.
LUK 20:27 Jaŋe rahapie sadukaio ŋic gâcne Jesurao fisimbiŋ. Ŋic i jaŋe, hâmockonec fafahare mi fokac, iŋuc muhuc jumbiŋ.
LUK 20:28 Jaŋe hâcne fisirâ Jesu dâŋ šiŋuc muhuc âzâcnembiŋ: “Qaqazu, Mose e dâŋ kecšiŋuc mutâcnewec, `ŋic moczi ŋokac rorâ ɋâric-ticne mi fuahame hâmome ɋanezi hozec-ticne rorâ hahac-ticnere biŋe ɋâric bâfuazejec. Ž
LUK 20:29 Eme hahac ɋa 7 jumbiŋ, ehuc mârâc hahac-jeŋic ŋokac rorâ ɋâric tâmiric jurâ hâmowec.
LUK 20:30 Hâmome ɋanezi hozec-ticne rorâ iŋuc jaha hâmowec.
LUK 20:31 Hâmome ɋaticne moczi hozec i jaha rowec. Iŋuczi iŋuc hahac ɋa 7 jaŋe ŋokac i jaha rorâ ɋâric tâmiric hâmo-fârembiŋ.
LUK 20:32 Eme šâhecko hozec-jeŋic iŋuc jaha wâc hâmowec.
LUK 20:33 Eme ŋic 7 jaŋe mâmâc sasawa ŋokac ijaha rombiŋte juku fafahare dameŋko more ŋonâŋ ezokac?”
LUK 20:34 Mupie Jesuzi šiŋuc jazawec: “Dameŋ šiŋuczia šira mâreŋko ŋic ŋokac roroc eeŋgopieŋ.
LUK 20:35 Juku dameŋ sâkoo Anutuzi mana-jareme sâckeha juju sanaŋte ɋârerâ faharenšoŋgopieŋ, ŋic ŋokac i jaŋe ine roroc mocwâc mi enšoŋgopieŋ.
LUK 20:36 Wemocte? Jaŋe hâmockonec faharerâ Anuture naru motecfâc ehuc aŋelo jaŋe iŋucne hâmo hetiric mi ehuc furu jaha junšoŋgopieŋ.
LUK 20:37 Hâmokicnezi ɋârerâ faharenšoŋgopieŋ, i Mosezi wâc šocbâruŋ jâc dutunao fuawec irec binaŋko mufuawec. E Wofuŋte šiŋuc qâreŋkewec: `E Abraham â Isaka â Jakobo jaŋere Anutu. Ž
LUK 20:38 Ine hâcne, e hâmokicne jaŋere Anutu mâcne, e ɋâricne juju jaŋere Anutu, eki maname mâmâc sasawa jujune eŋgopeneŋ ekac hâcne.”
LUK 20:39 Jesu e iŋuc muhuc jazame miti qaqazu gâcnezi mumbiŋ, “Qaqazu, go dâŋ mutecne biaŋkekac.”
LUK 20:40 Eme mocwâc mu esâic ecneniŋte manapie ŋemâckeme behembiŋ.
LUK 20:41 Eme Jesuzi šiŋuc muhuc esâic-jopawec: “Kristo e Dawidire ɋâric mueŋgopieŋ i weniŋucte?
LUK 20:42 Dawidi e jahac miti mânec ɋâreŋkehuc kecšiŋuc muwec: `Wofuŋ e nore Wofuŋ šiŋuc âzâcnewec: Go ware fâre-naneo ŋehaŋte
LUK 20:43 no râsifâcge kikefuŋgao guruc-jopape kikegere ââtesiŋ enšepieŋ. Ž
LUK 20:44 Dawidi e Wofuŋ-nane mucnewec izi weniŋuc erâ ɋâric-ticne ekac?”
LUK 20:45 Eme motecfâc-ticne ŋic maioa dâŋ decšiŋuc jazawec:
LUK 20:46 “Ŋoŋe miti qaqazu jaŋere juju mi junšepieŋ. Jaŋe ŋaqi šora rojuhuc hatao ŋic bâfuac-jopapie mu šeri ejareniŋte maŋjeŋic domaekac. Ehuc mitificko â tutumaŋ ficko ŋicbomboŋ ŋeŋeoa micne ŋeniŋte mueŋgopieŋ.
LUK 20:47 Iŋucnezi hozec jaŋere fic wiac kâŋgâc jowac roeŋgopieŋ, erâ nunumu šorazi hehesicjeŋic hefackeeŋgopieŋ. Ŋic i jaŋe juku okacne hâhâwicne ronšoŋgopieŋ.
LUK 21:1 Jesu e qâhâŋnerâ fime rame mafaŋiczi taha katapao moneŋ-jeŋic râepie hume honewec.
LUK 21:2 Ehame hozec moczi fisirâ toea jajahec sawa râeme huwec.
LUK 21:3 Iŋuc eme Jesuzi honerâ jazawec, “No jâmbomac ŋazape: Hozec hapetac kecizi râekac i gâcne sasawa jaŋere sâc jâurukac.
LUK 21:4 Gâcne jaŋe neŋgocne sâko fojarehame tucne sawa mac râembieŋ. Á hozec e hapetaczi ine focnejec sâc râe-fârerâ mâc jâmbâŋ jukac.”
LUK 21:5 Tucne jaŋe taha ufuŋ qânâ erineheczi â taha geroŋzi bapie kiseŋ qâseŋ kirâ fowec i honehuc mu warec epie Jesuzi jazawec,
LUK 21:6 “Fic honeriŋ qâriŋ ecneŋgopieŋ i boc mi ŋeocmu. Dameŋ moc maickeme râsi jaŋe heropiepie ŋetâ qâtâtieme sesucne fuarâ fozokac.”
LUK 21:7 Eme jaŋe mumbiŋ: “Qaqazu, mukic i wezimucko fuazokac â irec dameŋ bembeŋkeme sowi weniŋucne fuazokac?”
LUK 21:8 Eme Jesuzi dâŋ šiŋuc jazawec: “Maŋ bâsifuc eŋarenšipiŋte sawaŋ-ŋeŋic qahuc junšepieŋ. Ŋic bocjaha fuarâ nore šâŋe jaba bajuhuc muniŋmu: `No Kristo. Ž Á gâcnezi muniŋmu: `Dameŋ biac maickekac'. Eme ŋoŋe ŋic iŋucne jaŋere bâjâpecne mi junšepieŋ.
LUK 21:9 Erâ šika biŋe â râsi fânâŋ manarâ jajaŋ bibisac mi enšepieŋ. Wiac iŋucne hâcne qanaŋ fuaocte mukicne, erâ fuame sifu dameŋ biac mi taraocmu.”
LUK 21:10 Iŋuc murâ muwec: “Mâreŋne mâreŋne ŋic guru sâko guru pitic jaŋe rârâsi efârerâ ra qa ware qa ehuc qaqac ranšoŋgopieŋ.
LUK 21:11 Erâ homeŋ kâcɋene sâko samarierâ bazokac, erâ roroc â huc mimicne ra fua ware fua ezokac. Erâ sambâŋko sowi â wiac hâhâwicne fuazokac.
LUK 21:12 Wiac i mi fuahame jaŋe qanaŋ rocŋopaniŋmu â ŋopa jâpec eŋareniŋmu. Erâ wâc dâŋficko â kâpâcwâru ficko râec-ŋopaniŋmu â ŋicwofuŋ â kia jaŋerao bacŋopa raniŋmu, i ŋoŋe nore šâŋe bajuŋgopieŋte iŋuc eŋareniŋmu.
LUK 21:13 Eme ira fuŋne mumutaniŋ gie maic-ŋopaocmu.
LUK 21:14 Eme jaŋere maio domahuc dâŋ weniŋuc mupene sâckeocmu muhuc mana wosâc mi enšepieŋ.
LUK 21:15 No nahac mic â mamana baafecke-ŋarepe dâŋ mupie kisâfâc-ŋeŋic jaŋe dâŋŋeŋic bawaharâ qatara-ŋareniŋte eipieniŋmu.
LUK 21:16 Erâ omanezi sawa wiac mi eŋareniŋmu, neŋgoc mamac, hahac ɋa, seŋ sâme, âgo bago jaŋe wâc doc bacŋopaniŋmu. Eme ŋoŋeraonec gâcnezi šika kirâ hâmoniŋmu.
LUK 21:17 Eme ŋic mâmâc sasawa jaŋe šâŋe biŋe-nanere erâ ŋoŋere manapie aaricnehec eocmu.
LUK 21:18 Wiac iŋucne eŋarehapie noni ŋezic-ŋopape qizec susuc-ŋeŋic moc mi sifuckeocmu.
LUK 21:19 Dodocke tâmiric juraku juju-ŋeŋic bâfuaniŋmu.
LUK 21:20 Momori jaŋe fisirâ Jerusalem hae somâckepie honerâ munšepieŋ, Miti hae qizec-nâŋec tuhu eocte dameŋne maickekac à
LUK 21:21 Eme Judaia mâreŋko juniŋmuzi tiki mâreŋko wiserâ ranšepieŋ, â miti hae qizecko juniŋmuzi iŋuc jaha biac waha wise ranšepieŋ.
LUK 21:22 Dameŋ ira hâcne okacne babazu fuaocmu. ehuc mitio dâŋ mukicne i fideteŋ efâreocmu.
LUK 21:23 Jei, ŋokac kiwecheczi â susuonecheczi dameŋ ira weniŋuc enšoŋgopieŋ? Ŋicguru ši jaŋerao kiŋ babatara fuame bâŋeŋkerâ weaŋsicne nâniŋmu.
LUK 21:24 Eme râsi jaŋe ŋic gâcne šika mimicnezi jopa miziehuc gâcne mâreŋ sâc amec-jopa rapie kiŋaŋ qaqafâc-jeŋic erâ juniŋmu. Erâ qâpuc jaŋe Jerusalem haeo ima gie bahuc juhapie mâreŋ sâc ŋic qâpuc dameŋ-jeŋic hesackeocmu.
LUK 21:25 “Eme šâhecko šoaŋ mosa bâpiŋko wiac šâŋe furu fuazokac, â mâreŋko hâwec sirizi â temboŋzi fânâŋ sâko eme hazec furu-ŋeŋic fuazokac.
LUK 21:26 Erâ wâc sambâŋ qiriŋ qame tâpirine ŋeŋgoroŋkezokac. Eme ŋic jaŋe wiac fua taraocte woŋec juhuc hobu-jeŋic taŋtaŋ âeckehame nokafe tataeŋ erâ domanšoŋgopieŋ.
LUK 21:27 Ehame Ŋic Fâri Wâtuŋnezi karorac faio domahuc ɋuŋɋasaŋ bâric bâric-ticnehec fisime hone šâirenšoŋgopieŋ.
LUK 21:28 Wiac iŋucne hâcne fuame honerâ qâhâŋnerâ fie ruruckehuc šiŋuc munšepieŋ: `Roroc-nâpo dameŋ maickekac hâcne. Ž ”
LUK 21:29 Iŋuc murâ dâŋ suŋsuŋne moc šiŋuc šuhuckewec: “Ŋoŋe jâmiŋ â jâc gâcne gâcne honehuc fuŋne mananšepieŋ.
LUK 21:30 Jaŋe gitec herâ fiepie honerâ mueŋgopieŋ: `Ʒoaŋ dameŋ maickezo ekac. Ž
LUK 21:31 Eme wiac mukopac i fuame honerâ munšepieŋ: `Anuture uucmaŋ fua tâcnezo ekac. Ž
LUK 21:32 No jâmbomac ŋazape: ŋicguru ši jaŋe mi sirowehapie wiac mukicne i deŋke-fâreocmu.
LUK 21:33 Sambâŋ â mâreŋ jahe sirowezokopirec, â nore dâŋ ine mi sirowe-jâmbâŋkezokac.
LUK 21:34 “Ŋoŋe nâ areŋ ehuc wiac omanere kirâ utuckerâ juhapie maŋŋeŋic bâzickeme dameŋ sâkozi bitiŋko kiki tinac ututuŋ jâmbâŋ kicŋopazacte sawaŋ-ŋeŋic qahuc junšepieŋ.
LUK 21:35 Dameŋ sâko e mâreŋ sâc ŋic ŋoŋe sâcŋopa-fârerâ acmâc jaha fuaocmu.
LUK 21:36 Irec ŋoŋe maŋguŋ tâmiric erâ hati numuhuc juhapie wiac fuaocte mukicne izi riric-ŋopame Ŋic Fâri Wâtuŋne e fisime ere maio qiŋ herâ domanšepieŋ.”
LUK 21:37 Jesu e šoaŋko ŋic taha ufuŋko miti jaza qazuc ehuc juwec. Ehame hae owâeme hae beherâ Oliwa tikio ferâ ira fojujec.
LUK 21:38 Eme hae fure pârâckeme ŋic ŋokac sasawa jaŋe miti mume mananiŋte biac taha ufuŋko tumaŋne jumbieŋ.
LUK 22:1 Goreŋ sowa juhuc aakic hombaŋ ŋeŋe irec dameŋ bembeŋkewec.
LUK 22:2 Ehame taha bapa micne â miti qaqazu jaŋe ŋic araŋ bajarembiŋte Jesu weniŋuc ecnepene arictac ezejec muhuc hata basahuc jumbiŋ.
LUK 22:3 Iŋuc ehuc juhapie Sataŋzi Jesure motec moc šâŋene Juda Karioto haeonec ere maŋko hume
LUK 22:4 taha bapa micne â ufuŋte polismaŋ micne jaŋerao rarâ Jesu doc bame roniŋte dâŋ mumocke-jarewec.
LUK 22:5 Eme jaŋe manarâ bujeŋic biaŋkeme furine moneŋ râcneniŋte mujomirembiŋ.
LUK 22:6 Mupie dâŋjeŋic reŋkehuc ŋic jaŋe hone manac mi ehapie soŋsoŋko doc bame roniŋte hone qatarac ehuc juwec.
LUK 22:7 Ehame goreŋ sowa juhuc aakic lama hezuniŋte hombaŋ maickeme
LUK 22:8 Jesuzi Petoro â Johane šiŋuc muhuc sorec-jofawec: “Ŋohe rarâ aakic lama hezu rikec ehapire fâpene nânšepeŋeŋ.”
LUK 22:9 Mume jahe šiŋuc muhuc wiocnepic: “Fic wena hezu rikec ezeperec?”
LUK 22:10 Eme šiŋuc jasawec: “Mananic, ŋohe haeo ferâ ŋic moc opâ râqâchec bâfuarâ bâjâperâ, ficko feme fenic.
LUK 22:11 Ferâ fic rune šiŋuc âzâcneniŋ: `Qaqazuzi gore šiŋuc mukac, fic maŋne wena motecfâc-nane jaŋehec aakic lama nanaŋmu? Ž
LUK 22:12 Iŋuc âzâcnepire fic maŋne kâcɋene moc ŋeŋe fofo wiac rumacke emasaŋ ekicne ŋofatume ira aakic lama rike bâmoc ezepirec.”
LUK 22:13 Eme jahe rarâ wiac muwec sâc bâfuarâ aakic lama rike bâmoc epic.
LUK 22:14 Eme nâzo dameŋ maickeme motecfâcne gâcne rocjopame fisirâ nâmbiŋ.
LUK 22:15 Ehuc šiŋuc jazawec: “Ʒâic dameŋ-nanezi bâmbeŋnuhame aakic lama ši ŋoŋehec nâpemurâ boc enarejec.
LUK 22:16 No mupe mananiŋ: No aakic lama mocwâc mi nânâ juhape Anuture uucmaŋko fâri fideteŋ eocmu.”
LUK 22:17 Iŋuc murâ waiŋ râqâc rorâ daŋge murâ šiŋuc jazawec: “Ŋoŋe rorâ nâ nareŋ gareŋ eniŋ.
LUK 22:18 No ŋazape, waiŋ opâ mocwâc mi nânâ juhape Anuture uucmaŋ fua tâcnezokac.”
LUK 22:19 Dâŋ i murâ poroŋ rorâ daŋge murâ bazurâ šiŋuc muhuc jarewec: “Kecši fâri-nane, [i ŋoŋere erâ qikiŋnekicne. Nore manasuhuc iŋuc nânšepieŋ.”
LUK 22:20 Nânâ nâpie waiŋ râqâc rorâ iŋuc jaha jarehuc muwec: “Râqâc kecšira šâšâfic ɋâricnere socnane ŋekac. I ŋoŋere erâ qikiŋnekicne.Ý
LUK 22:21 Erâ manaŋgopieŋ, doc bacnuocmu eki nohec tebo šira wiac mâmâc ro nâc ehuc ŋekoperec.
LUK 22:22 Ŋic Fâri Wâtuŋne e hata mušâwecnekicne ijaha raocmu. Á doc baocmu e ine, jei okacne mo iŋucne roocmu.”
LUK 22:23 Iŋuc mume motec jaŋe guru-jeŋickonec mozi i eocmu muhuc wiwioc embiŋ.
LUK 22:24 Eku wâc motec jaŋe nâŋâcnaonec mozi femicne-nâŋec jukac muhuc hehefaric embiŋ.
LUK 22:25 Epie Jesuzi šiŋuc jazawec: “Mâreŋ ŋicwofuŋ jaŋe ŋiczi kiŋaŋ qajareeŋgopieŋ â fekicne sâko jaŋe omanezi mumbiaŋ-jopaeŋgopieŋ.
LUK 22:26 Ŋoŋerao ine iŋuc mi fuazejec. Ŋoŋerao kâcɋenezi piticnere sâc juzejec, â micnezi kiŋaŋ qaqare sâcko juzejec.
LUK 22:27 Me ŋoŋe muniŋ, wenimo izi fekicne? Nânâ mâc ŋehuc nâocmu eki fekicne, me rike bâmoc eocmu eki fekicne? Mâc ŋehuc nâocmuzi fekicne, i manaeŋgopieŋ. Noni ine ŋoŋere ŋondeŋko kiŋaŋ qaqa iŋucne erâ juekopac.
LUK 22:28 Ŋoŋe hâcne šârâ hâriŋ maŋko jupe jujufâc-nane jueŋgopieŋ.
LUK 22:29 Eme Mamac-nanezi guriŋ bapa gie munarewec iŋuc jaha noni ŋoŋe muŋarekopac,
LUK 22:30 ŋoŋe nore uucmaŋko tiwâ nâ šeri eniŋte â ŋicwofuŋ ŋeŋeo ŋehuc Israe ŋicguru 12 jaŋere dâŋ mutaraniŋte.
LUK 22:31 “Simoŋ, Simoŋ, padi saja bapie wosâeekac iŋuc jaha Sataŋzi ŋoŋe ere meo fepie saja bacŋopaocte mujec.
LUK 22:32 Eme noni ine mamanasiŋge omaezacte gore erâ numupac. Irec go miti hatao mocwâc risierâ qomâfâcge keteŋ-jopazemec.”
LUK 22:33 Mume Petorozi šiŋuc âzâcnewec: “Wofuŋ, go kâpâcwâruo me hâmocko fâtec fâpemu.”
LUK 22:34 Eme Jesuzi muwec, “Petoro, no gazape manac, qâqâczi miŋecgac ŋafeo mi dâŋehame goki jahec â moc micnucmu.”
LUK 22:35 Iŋuc murâ muwec, “Noni moneŋ tâmiric â he tâmiric â kikehuhu tâmiric sorec-ŋopape ra basac qasac moc embiŋ me?” Eme jaŋe mumbiŋ, “Iŋuc aricne jâmbâŋ.”
LUK 22:36 Mupie šiŋuc šuhuckewec: “Á dameŋ šiŋuczia ine moc e moneŋ focnekacko ro bajuzejec, â moc e hemotec focnekacko rupe juzejec, â moc e šika basahuc ŋaqi qikiŋneme moc kitâcnecnezejec.
LUK 22:37 No mupe mananiŋ, findaŋdâŋ moc šiŋuc qâreŋkekicne: `E šika qaqa jaŋere guruo râembiŋ', dâŋ i norao fârinehuc eocmu. Erâ nore dâŋ mukicne i mâmâc sasawa sanaŋke-fâreocte dameŋ maickekac hâcne.”
LUK 22:38 Mume motec jaŋe šiŋuc âzâcnembiŋ: “Wofuŋ honec, ši šika jajahec fokopirec.” Eme muwec: “Sâcne.”
LUK 22:39 Eme ŋeku Jesu e ŋafe sâc ejujec iŋuc erâ hae beherâ Oliwa tikio feme motec jaŋe bâjâpembiŋ.
LUK 22:40 Eme jujujecko fisirâ motecfâcne šiŋuc jazawec: “ŋoŋe eesâicko dockenšipiŋte numuniŋ.”
LUK 22:41 Iŋuc murâ qânâ wickepene raekac irec sâc rarâ dieŋzi herâ šiŋuc muhuc numuwec:
LUK 22:42 “Mamac, go manatec sâckeme mutec šâic guru šizi nowaruoc. Erâ nore dâŋ mâcne, gore dâŋ sanaŋkezejec.” [
LUK 22:43 Iŋuc muhame sambâŋkonec aŋelo moczi waharâ basanaŋkewec.
LUK 22:44 Eme maŋzi šâic hâhâwicne ecneha fotariehuc numuwec. Ehame fofoŋac-ticne soc šâmbâŋ iŋucne tâcnehuc mâreŋko wahawec.Ý
LUK 22:45 Numuku faharerâ motecfâcne jaŋerao rarâ honec-jopawec: Jaŋe busâqoczi bâdoc-jopame betaŋkerâ guŋ fombiŋ.
LUK 22:46 Fohapie jazarâ muwec: “Ŋoŋe wemocte guŋ foŋgopieŋ? Eesâicko dockenšipiŋte faharerâ numuniŋ me!”
LUK 22:47 Iŋuc muhuc domahame mi râsi guru ututuŋ fisinšepieŋ i¡ Eme motec jaŋere âgo moc šâŋene Juda, eki micne bajarehuc Jesurao rarâ muduckewec.
LUK 22:48 Muduckeme Jesuzi šiŋuc âzâcnewec: “Juda, go wemocte Ŋic Fâri Wâtuŋne e muduckehuc doc bakomec?”
LUK 22:49 Eme Jesure kikefuŋfâc jaŋe wiac fuazo eme honerâ mumbiŋ, “Wofuŋ, šikazi jopanaŋ me?”
LUK 22:50 Iŋuc murâ jaŋeraonec moczi taha bapa sâkore kiŋaŋ motec šikazi qaocte hazecne fâreopec i qatarawec.
LUK 22:51 Eme Jesuzi i honerâ muwec: “Ŋoŋe beheniŋ.” Iŋuc muhuc ŋic hazec-ticne bâuahuc bâsomiewec.
LUK 22:52 Erâ taha bapa micne â ufuŋte polismaî micne â soŋaŋ e roniŋte fisimbiŋ jaŋe šiŋuc jazawec: “Ŋoŋe nore manapie šika qaqa eme šika qaruc-ŋeŋichec fisirâ rocnuŋgopieŋ me?
LUK 22:53 No šoaŋne šoaŋne taha ufuŋko ŋoŋehec juekopac, ehame ŋoŋe ira mi rocnumbieŋ. Ʒi ine ŋoŋere dameŋ maickekac â dapâcte tâpiri fua tâcnekac.”
LUK 22:54 Eme jaŋe Jesu rorâ bararâ taha bapa sâkore ficko bafembiŋ. Ehame Petoro e fisi fâresuc ehuc šâhec rawec.
LUK 22:55 Eme momori jaŋe sacmaŋko raširâ šoc ruqerâ ruahuc ŋehapie Petoro e iŋuc jaha raširâ ŋondeŋ-jeŋicko ŋewec.
LUK 22:56 Ŋehame kiŋaŋ naru moczi fisirâ hone dedeŋnehuc muwec, “Ŋic keci ehec juekac wâc.”
LUK 22:57 Eme Petorozi mic bahuc muwec, “Ŋokac, no e mi honeekopac.”
LUK 22:58 Iŋuc murâ ŋeme mi šorahame ŋic moczi honerâ muwec, “Go hâcne jaŋere guruonec.” Eme Petorozi muwec, “ŋic go, no aricne.”
LUK 22:59 Eme šâhec ŋic moczi fisirâ musanaŋkehuc muwec: “Á ŋic kecši jâmbomac ehec juekac, e Galilaia ŋic jaha.”
LUK 22:60 Mume Petorozi muwec, “Ŋic go dâŋ mutec kâuc bakopac.” Muhame izia qâqâczi dâŋewec.
LUK 22:61 Eme Wofuŋzi forisierâ Petororao šâŋe fime Petoro e Wofuŋzi dâŋ šiŋuc âzâcnewec i manasuwec: “Qâqâczi mi dâŋehame go jahec â moc mic bacnucmu.”
LUK 22:62 Dâŋ i manasurâ bune herickeme ra kio sâqorewec.
LUK 22:63 Jesu soŋaŋkehuc domambiŋ ŋic i jaŋe mu šerec ecnehuc
LUK 22:64 šâŋe maine bâsoŋkerâ qahuc mumbiŋ, “Go porofete jukomeczi ŋic gukac ere šâŋe muc.”
LUK 22:65 Erâ âke sisic wiac gâcne mâmâc ecnembiŋ.
LUK 22:66 Ehapie hae fureme micne guru, taha bapa micne â miti qaqazu hâcne, jaŋe sasawa tumaŋne-fârerâ mupie Jesu guru-jeŋicko bafepie dâŋ šiŋuc âzâcnembiŋ:
LUK 22:67 “Go Kristo jukomecko mufua-nârec.” Mupie šiŋuc jazawec: “No ŋazape mi mananiŋmu,
LUK 22:68 me indiŋ-ŋopape ŋifecne sâcne wâc mi nazaniŋmu.
LUK 22:69 Ʒi ine ŋic Fâri Wâtuŋne e Anutu tâpiri rune fârenao ŋeocmurâ dameŋne maickekac.”
LUK 22:70 Mume manarâ mâmâc sasawa šiŋuc âzâcnembiŋ: “Eme go Anuture Ŋokâ ine hâcne?” Eme muwec, “Ine hâcne.”
LUK 22:71 Mume mumbiŋ: “Wemocte dâŋgie mocwâc banaŋmu, ši e jahacne mickonec wahame manaŋgopeneŋ.”
LUK 23:1 Eme jaŋe ŋeku mâmâc sasawa faharerâ Jesu Pilatorao barambiŋ.
LUK 23:2 Erao domahuc kecšiŋuc muhuc qorickembiŋ: “Ŋic kecširec fuŋne šiŋuc fokac, e ŋic mâmâc sasawa ɋâiŋ-jopaekac, ehuc Roma ŋicwofuŋte takesi moneŋ mi râeniŋte muac-jopaekac, erâ wâc e jahacnere šiŋuc muekac: No Kristo ŋicwofuŋ.
LUK 23:3 Eme Pilatozi wiocnerâ muwec: “Go Judaŋic jaŋere ŋicwofuŋ me?” Eme Jesuzi muwec: “Ine hâcne mukomec.”
LUK 23:4 Mume Pilatozi taha bapa micne â ŋic guru sâko mâmâc jazarâ muwec, “No ŋic širec kiŋ basakopac.”
LUK 23:5 Eme jaŋe fotarierâ mujâmbâŋkehuc mumbiŋ: “E jâmbomac ŋic qafeŋ-jopame dâŋticnezi mâreŋ-nâŋecko haŋ bafâreekac. E Galilaia mâreŋkonecteaŋ fuŋkerâ ewareku šira Judaia mâreŋko ijaha eekac.”
LUK 23:6 Iŋuc mupie Pilatozi wio-jarerâ muwec, “Ŋic e Galilaia mâreŋkonec me?”
LUK 23:7 Eme “ine hâcne” mupie Jesu e Herodere gie gaŋkonec, iŋuc manarâ mume Heroderao barambiŋ. Herode e dameŋ ira Jerusalem haeo juwec.
LUK 23:8 Herode e Jesu honerâ bune biaŋkewec. E Jesure biŋe gâbâ manahuc honeocte boc ecne jujec. Erâ wâc mâsi moc bame honeocte aŋac focnewec.
LUK 23:9 Eme Jesu dâŋ fuŋne fuŋne wiocneme okacne moc mi bâtikiecnewec.
LUK 23:10 Ehame taha bapa micne â miti qaqazu jaŋe qoricke sanaŋkehuc domambiŋ.
LUK 23:11 Eme Herode â momorifâcne jaŋe Jesu sâckehuc šoraŋ ecnembiŋ. Ehuc Herodezi mume Jesu ŋicbomboŋ ŋaqi moc hecnepie hume Pilatorao mocwâc bârisiembiŋ.
LUK 23:12 Eme šoaŋ gie bapa ira Pilato â Herode jahe ââgo epic, mârâc jaha ine kikisâ ehuc jupic.
LUK 23:13 Pilato e taha bapa micne â ŋic fekicne â ŋic omane jaŋe mâmâc hefârec-jopame fisimbiŋ.
LUK 23:14 Eme šiŋuc jazawec: “Ŋoŋe šiŋuc muhuc ŋic kecši norao barâ warembieŋ: `E ŋic qafeŋ-jopaekac. Ž Eme noni ŋoŋere maio fuŋne-ticne bataniŋkepe fâri tâmiric ejec.
LUK 23:15 Herodezi iŋuc jaha erâ mume mocwâc bârisierâ bawareŋgopieŋ. Manaŋgopieŋ, kiŋticnezi hâmocte sâc mi bâfuakac,
LUK 23:16 irec mupe momori jaŋe kâcbiŋzi qapie firuepemu.” [
LUK 23:17 Kia e hombaŋ dameŋko ŋic moc firue-jare jujec hâcne.Ý
LUK 23:18 Jaŋe ine micne mic sâc owackerâ mumbiŋ, “E arictac eoc, Baraba ine firue-nârec.”
LUK 23:19 Baraba eki ine ŋic gâcne jaŋehec šika qahuc ŋic moc qâhâmome kâpâcwâru ficko râembiŋ.
LUK 23:20 Eme Pilato e harierâ jazawec, “No Jesu firuepemu i!”
LUK 23:21 Mume jaŋe hahaŋne bahuc mumbiŋ, “Maripoŋko hâmooc, maripoŋko hâmooc!”
LUK 23:22 Eme Pilatozi qatara-jarehame jahec â moc eme jazawec, “Wemo sâqocne bawecte? No manape kiŋticne hâmocte sâc mi ekacte mupe kâcbiŋ sawa kirâ juzejec.”
LUK 23:23 Eme jaŋe fota qatarierâ micne mic šereŋ musereckerâ owackehuc mumbiŋ, “Maripoŋko hâmooc.” Murâ qâsifu sâko qarâ fetone fehuc kiare dâŋ bawahambiŋ.
LUK 23:24 Eme Pilatozi dâŋ mumbiŋ irec fârine fuaocte mutarawec.
LUK 23:25 Ehuc dâŋjeŋic reŋkerâ qaqafeŋte â šikare kâpâcwâruo râekicne ŋic e firue-jarewec â Jesu ine qikiŋne-jarewec.
LUK 23:26 Jaŋe Jesu baraku hatao ŋic moc bâfuambiŋ, šâŋene Simoŋ, Kirene hae mâreŋkonec. E gieonec wareme rorâ Jesure maripoŋ ɋawenao râepie hâporâ Jesure râpefuŋko rawec.
LUK 23:27 Erâ ŋic ŋokac guru sâkozi bâjâpembiŋ Ehuc ŋokac jaŋe kio wâwâsic â mu mamakuc ecnembiŋ.
LUK 23:28 Epie Jesuzi fotikierâ šiŋuc jazawec: “Jerusalemnec ŋokac bureŋ, ŋoŋe nore mi kioniŋ. Ŋoŋe â naru motecfâc-ŋeŋic ŋaŋacne kioniŋ.
LUK 23:29 Manaŋgopieŋ, juku dameŋ moc maickeme šiŋuc munšoŋgopieŋ: `Oi, ŋokac hufiŋne â me sawane jaŋe iŋucne junšapeŋ me! Ž
LUK 23:30 Eme dameŋ ira tiki jaŋere šiŋuc muniŋmu: `Ŋoŋe herickerâ waha ŋefac-nâponiŋ', â hârâc jaŋere muniŋmu, `Ŋoŋe fâuckerâ bârârâŋ-nâponiŋ'.
LUK 23:31 Wiac šiŋucne jâc ɋâricne ecneŋgopieŋko hâmocne weniŋuc ecnezo?”
LUK 23:32 Eme sâqocne bapa jajahec ehec mâmâc jopaniŋte bacjopa rambiŋ.
LUK 23:33 Eme raku mâreŋ moc šâŋene Utusiec ira fisirâ Jesu maripoŋko qambiŋ, â sâqocne bapa moc ŋifec â moc ŋifec mâmâc jofambiŋ.
LUK 23:34 Eme Jesuzi numuhuc muwec, “Mamac, jaŋe wiac eŋgopieŋ i fuŋne kâuc baŋgopieŋte kiŋjeŋic behec.” Momori jaŋe ine ŋaqi-ticnere jaŋaczia ɋâsâi qapie âke fuac-jopame sâc rauckembiŋ.
LUK 23:35 Ŋic ine wemo afecne ijaha domahuc wiac hone-fârembiŋ. Ehuc ŋic fekicne jaŋe sâke itic ecnehuc mumbiŋ, “Gâcne bafic-jopaweczi e jahacne sahac bafickeoc me¡ E Kristo Anuture joroc jukacko iŋuc eoc me!”
LUK 23:36 Momori jaŋe iŋuc jaha mu ruruc ecnembiŋ, ehuc waiŋ opâ šašacne sicnecnehuc mumbiŋ:
LUK 23:37 Go Judaŋic jaŋere ŋicwofuŋ jukomecko sahacge ŋezickec me!”
LUK 23:38 Eme Jesure qizec botâŋko dâŋqâreŋ šiŋuc râembiŋ: “Ʒi Judaŋic jaŋere ŋicwofuŋ.”
LUK 23:39 Eme sâqocne bapa moczi maripoŋko domahuc bafic-joparâ sâke kiki ecnerâ muwec, “Go iŋucnezi Kristo me? Murâ gahacne sahac batararâ nâhe mâmâc batarac-nâfoc.”
LUK 23:40 Iŋuc mume âgonezi dâŋ mucnehuc muwec, “Go šikare biŋe mâmâc ekicnezi Anuture mi hâwicguha iŋuc mukomec?
LUK 23:41 Nâhâc kiŋnâhecte sâcko wiac sâcne enâctekicne, ŋic kecšizi ine sindaŋ moc mi ewec.”
LUK 23:42 Iŋuc murâ muwec, “Jesu, go Wofuŋ tâpirigehec juku fisirâ nore manasuzemec.”
LUK 23:43 Mume Jesuzi šiŋuc âzâcnewec: “No jâmbomac gazape, miŋecgac jaha nohec Paradisio jucmu.”
LUK 23:44 Eme 12 kiloë ehame šoaŋ gâpâreme dapâc fuarâ mâreŋ sâckerâ fohame 3 kiloë ewec.
LUK 23:45 Ehame taha ufuŋko qoruc ââketâc sâko šâšâŋiŋ jaha hâŋ fâucke waharâ qatarawec.
LUK 23:46 Eme Jesu e wiwic jaha wirahuc muwec, “Mamac, megao maŋ qâqâtâc-nane râekopac.” Iŋuc murâ hâmowec.
LUK 23:47 Eme momori soŋaŋzi wiac i hone manac efârerâ Anutu mumbiaŋkehuc muwec, “Ŋic kecši e jâmbomac bahacmâc.”
LUK 23:48 Erâ ŋic gâcne sâko wiac hone aŋac eniŋte fisimbiŋ jaŋe wiac i sasawa hone manac erâ maŋjeŋiczi tutuc qajarehame risiembiŋ.
LUK 23:49 Jesu e jahacne wiacfâc â Galilaia mâreŋkonec ŋokac bâjâperâ warembiŋ jaŋe ine taicko domahuc wiac hone manac embiŋ.
LUK 23:50 Ŋic moc juwec, šâŋene Josefe” hae-ticne Judaia mâreŋko ŋewec, šâŋene Arimataia. Ŋic e micne sâko jumbiŋ jaŋere guruonec, erâ e ŋic wamane â tiŋne.
LUK 23:51 Âgofâcne jaŋe Jesu dâŋ qacnehuc šikao râepie maname mi sâckewec, erâ e Anuture uucmaŋ fua tâcneocte woŋec juwec hâcne.
LUK 23:52 Ŋic eki hâcne Pilatorao rarâ Jesu qâŋɋâŋ-ticnere âzâcnewec.
LUK 23:53 Eme manacneme ra maripoŋkonec batararâ qoruc qaŋqaŋzi râpâckerâ bararâ qânâ hâŋko hawec šâŋeruŋte biŋe gufukicne ira Jesure qâŋɋâŋ râewec. Hawec i furu fowec, ira mârâc jaha qâŋɋâŋ moc mi râekicne.
LUK 23:54 I šašawie dameŋte owâ gieo fuawec, sabata hombaŋ maickezo eha.
LUK 23:55 Ŋokac tucne Jesuhec Galilaia mâreŋkonec warembiŋ jaŋe Josefe bâjâpehuc honehapie Jesure qâŋɋâŋ šâŋeruŋko râewec.
LUK 23:56 Eme wiac hone-fârerâ haeo risierâ wokemaŋ âsu biaŋ â kâŋâ wiac bâmockembiŋ. Erâ sabata hombaŋko sâcmutâc dâŋ reŋkehuc ŋemanambiŋ.
LUK 24:1 Sonda uupicte hae fure pârâckezo ehame ŋokac jaŋe wiac âsu biaŋ bâmockembiŋ i šâŋeruŋko amecke rambiŋ.
LUK 24:2 Ra fisirâ honembiŋ: Qânâ sâko e rârieme hawec aaŋ fowec.
LUK 24:3 Eme šâŋeruŋ maŋko raširâ Wofuŋ Jesu qâŋɋâŋ-ticne basambiŋ.
LUK 24:4 Basarâ weaŋkerâ domahapie ŋic jajahec ŋaqi-jekic bâric bâricnekicne mi maŋfuŋ-jeŋicko fuarâ domazepirec i¡
LUK 24:5 Eme ŋokac jaŋe hâwic-jopame dunduŋ domahapie ŋic jahe šiŋuc jazapic: “ŋoŋe wemocte ɋârine jukac e hâmokicne jaŋerao basaŋgopieŋ?
LUK 24:6 E šira mi fokac, e ɋârerâ faharejec, Galilaia mâreŋko juhuc dâŋ kecšiŋuc ŋazawec i manasuniŋ:
LUK 24:7 `Mamac-nanezi ŋic Fâri Wâtuŋne e sâqocne bapa jaŋere meo râeme qapie hâmorâ šoaŋ jahec â moc eha ɋârerâ fahareocmu. Ž ”
LUK 24:8 Iŋuc mupire ŋokaŋ jaŋe dâŋ i manasuhuc
LUK 24:9 šâŋeruŋkonec risierâ haeo fisirâ motecfâcne 11 â ŋic ŋokac gâcne dâŋ binaŋ ejarembiŋ.
LUK 24:10 Ŋokac šâŋe-jeŋic Maria Madala haeonec â Johana â Maria Jakobore neŋgoc erâ âgofâc-jeŋic gâcne mâmâc jumbiŋ. Izi hâcne aposolo biŋedâŋ jazambiŋ.
LUK 24:11 Jazapie dâŋjeŋic manapie pacgoroŋ dâŋ eme mi mana šakiembiŋ.
LUK 24:12 Á Petoro e ine fahare šâŋeruŋko gasacke rarâ okarierâ fime rašime qoruc râpâ sawa honewec. Erâ wiac fuawec i mana warec ehuc haeo risie rawec.
LUK 24:13 Eme šoaŋ ijaha Jesure kikefuŋfâc jaŋeraonec ŋic jajahec Emausi haeo ranicte rapic. Hae i šoricko mi ŋewec, Judaŋic jaŋe qâqâtâc bembeŋkeme Jerusalem haeonec rârâ šoaŋ otewezo ehame fisi jumbieŋ.
LUK 24:14 Eme ŋic jahe hatao rahuc wiac fuawec irec muc manac epic.
LUK 24:15 Mu gufuc ehuc muc manac rahapire Jesu e jahac rarâ bâfuac-jofame mâmâc rambiŋ.
LUK 24:16 Eme šâŋe-jekic bâsâockekicnere mi hone tarapic.
LUK 24:17 Iŋuc ehapire wio-jacterâ muwec: “Ŋohe wemo wiacte nazaŋ gazaŋ ehuc jukopirec?” Mume jahe šâŋe mai-jekic sorondoŋ eha domapic.
LUK 24:18 Ehuc jaheraonec moc šâŋene Keleopa eki muwec, “Jerusalem haeo ŋic hombaŋte fisimbiŋ jaŋe dâŋ biŋe sâko hazec sâc mana-fârehapie go mocjahazi weniŋuc erâ hazec furu jukomec.”
LUK 24:19 Eme eki wio-jacterâ muwec, “Wemo wiac?” Mume jahe mupic, “Wiac Jesu Nazarete haeonec ere binaŋ. E porofete sâko juhuc Anuture maio â ŋicmaio wiac tâpiri jaha mu bac ehuc juwec.
LUK 24:20 Ehame taha bapa micne â fekicnefâc-nâŋec jaŋe hâmoocte mutaracnehuc kiarao râepie mume maripoŋko qambiŋ.
LUK 24:21 Nâŋe ine ere mamanac juhuc šiŋuc mumbeŋ: `Eki hâcne Israe ŋic nâŋâc niŋgiŋkonec firuec-nâpozejec. Ž Eme qapie hâmome juhapene biac šoaŋ gie bapa jahec â moc ekac.
LUK 24:22 Ehame miŋecgac nâŋeraonec ŋokac gâcne bu qâqânduc dâŋ nâzâmbieŋ. Jaŋe furicte šâŋeruŋko rarâ
LUK 24:23 qâŋɋâŋ-ticne basarâ risierâ šiŋuc mumbieŋ: `Aŋelo jajahec fua-nârehuc, Jesu ɋârerâ faharejec, iŋuc nâzâkopirec. Ž
LUK 24:24 Eme dâŋ i manarâ nâŋeraonec ŋic âgofâc-nâŋec tucnezi rarâ ŋokac mumbieŋ sâc bâfuambieŋ â e jahacne ine mi honembieŋ.”
LUK 24:25 Dâŋ iŋuc muhuc âzâcnepire eki muwec: “Porofete jaŋe dâŋ mu qâreŋ embiŋ i ŋoŋe wemocte mutuc â maŋ mâmâcne juhuc mi mana šakieeŋgopieŋ?
LUK 24:26 Kristo e wemocko hâmoc šâic tâmiric juku sambâŋ tatamac-ticnao rašizac?”
LUK 24:27 Iŋuc murâ Mose â porofete dâŋ erao iticnehuc qâreŋkembiŋ, irec fuŋne ritu-jacte-fârewec.
LUK 24:28 Eme raku Emausi hae bâqiŋkembiŋ. Ehuc eki hae fotâcnerâ raocte eme
LUK 24:29 jahe sakarehuc mupic, “Ʒoaŋ biac rifireha hae ŋafezo ekacte go nâhehec juc.” Eme jahehec juocte mana-jacteme ficko mâmâc fembiŋ.
LUK 24:30 Eme nânâ nâniŋte waha ŋerâ poroŋ rorâ jambuŋkehuc bazurâ jactewec.
LUK 24:31 Ehame šâŋe-jekic raruŋkeme hone tarapic. Hone tarapire izia sipuac ewec.
LUK 24:32 Eme jahe nazaŋ gazaŋ erâ kecšiŋuc mupic: “Hatao dâŋ nâsâhuc mitire fuŋne ritu-nâcteme bunâhec bâruŋkejec hâcne ine.”
LUK 24:33 Iŋuc murâ izia faharerâ Jerusalem haeo risie rapic. Ra fisirâ e jahacne motec 11 â âgofâc-jeŋic gâcne tumaŋnerâ ŋehapie bâfuac-jopapire
LUK 24:34 jaŋe biac šiŋuc jasambiŋ: “Wofuŋ e jâmbomac faharerâ Simoŋ fuacnejec.”
LUK 24:35 Eme jahe iŋuc jaha Wofuŋzi hatao bâfuac-jofarâ ficko poroŋ bazume šâŋitapic, irec dâŋ binaŋ ejarepic.
LUK 24:36 Motec jaŋe irec dâŋ binaŋ ehuc ŋehapie Jesu e jahac ŋondeŋ-jeŋicko fuarâ domawec.
LUK 24:37 Eme jaŋe honerâ fâfârerâ hâwic-jopame mumbiŋ, “Bawezi fuakac.”
LUK 24:38 Eme eki šiŋuc jazawec: “Ŋoŋe wemocte fâfârerâ maŋjahec eŋgopieŋ?
LUK 24:39 ši no nahac jâmbâŋ jukopac, ŋoŋe me kike-nane honeniŋ, ehuc ware bâuacnurâ hone-hâmocnuniŋ, no sahac biuc-nanehec, bawe jaŋe ijeŋichec aricne.”
LUK 24:40 Dâŋ iŋuc jazarâ, mejahecne â kike jahecne jowatuwec.
LUK 24:41 Eme jaŋe bujeŋic biaŋkeme dâŋticne mi mamana mâc wareckehuc ŋepie wio-jarerâ muwec:
LUK 24:42 “Nânâ-ŋeŋic moc fokac me?” Eme jaŋe opâ qowi šegoc šakicne moc râcnerâ
LUK 24:43 honehapie ro nâc ewec.
LUK 24:44 Erâ šiŋuc jazawec: “No ŋoŋehec juhuc kecšiŋuc ŋaza jupac: `Mosere sâcmutâc dâŋqâhâcko â porofete jaŋere papiao â miti mânecko nore findaŋdâŋ qâreŋkekicne, i fârinehec efâreocmu. Ž ”
LUK 24:45 Eme miti papiao dâŋqâreŋ fokac irec fuŋne ritu-jarekume maŋjeŋic uŋtowec.
LUK 24:46 Ehuc jazawec, “Kristore šiŋuc qâreŋkekicne: `E šâic manaku hâmorâ šoaŋ jahec â moc eha hâmockonec ɋârerâ fahareocmu. Ž
LUK 24:47 Á šâŋe biŋe-ticne ŋic mâreŋ sâc jaŋerao rame maŋ bâbârisie â sâqocne mumutâmire fua raocte mukicne. Gie i Jerusalem haeo fuŋkerâ barazo.
LUK 24:48 Wiac irec mumutaniŋ ŋic ŋoŋe hâcne.
LUK 24:49 Erâ manaŋgopieŋ, Mamac-nanezi wiac biŋe qaŋarewec i sorepe waha-ŋareocmu. Irec ŋoŋe hae ši mi behehuc mâc woŋec juhapie faic irec tâpiri heŋarepe huzejec.”
LUK 24:50 Eme haeonec jowac-jopa rarâ Betania hae mendâŋko fisirâ meticne sicnehuc jambuŋ-jopawec.
LUK 24:51 Jambuŋ-jopahuc behec-joparâ fewec.
LUK 24:52 Eme jaŋe bubiaŋ kâcɋene manahuc Jerusalem haeo risiembiŋ.
LUK 24:53 Risierâ taha ufuŋko hati jurâ ju ehuc Anutu muteŋkembiŋ.
JOH 1:1 Micdâŋ e fuŋnao fuŋkerâ juwarehuc juwec. Erâ Micdâŋ e juju-ticne Anuturao foha juhuc juwec. Erâ Micdâŋ e Anutu jaha wâc juwec.
JOH 1:2 E hâcne fuŋnao Anutuhec jurâ juwarewec.
JOH 1:3 Erâ Micdâŋ e Anuture me wâc ehuc wiac sasawa bâfua-fârewec, â wiac fuawec i e tâmiric moc mi fuawec.
JOH 1:4 Erâ juju irec rune erâ juwec. Á juju-ticnezi ŋic tamae-jarewec.
JOH 1:5 Eme tatamaczi dapâcko tamaeme dapâczi guriŋkeocte eipiewec.
JOH 1:6 Ŋic moc fuarâ juwec šâŋene Johane.
JOH 1:7 Eki tatamacte biŋedâŋ mufuame ŋic mâmâc sasawa jaŋe tatamac rune manasiŋkeniŋte Anutuzi sorewec.
JOH 1:8 Johane e jahacne tatamac rune mi juwec, e mâc tatamac runere biŋe muwec.
JOH 1:9 Tatamac rune ŋic mâreŋ sâc batamaec-jopaekac, eki hâcne dameŋ ira mâreŋko fuarâ juwec.
JOH 1:10 E mâreŋko fufua i fuawec, erâ i sawa mâcne, mâreŋ i ekizia wâc bâfuawec, eme waharâ fuame mâreŋkonec ŋic jaŋe e sifu mi šâŋitambiŋ.
JOH 1:11 E jahacne me hofao fisihame gurufâc-ticne jaŋe âgo mi ecnembiŋ.
JOH 1:12 Á âgo ecnembiŋ jaŋe ine Anuture naru motecfâc eniŋte hata bâfua-jarewec, i šâŋe-ticne mana maŋ eeŋgopieŋ jaŋe hâcne iŋuc ejareekac.
JOH 1:13 Jaŋe soc biucte hatao mi fuambiŋ, erâ ŋic mumupaŋte wâc mâcne, jaŋe Anuturaonec fuambiŋ.
JOH 1:14 Eme Micdâŋ e sahac biuchec fuarâ ŋondeŋ-nâŋecko ŋeŋe juju ewec. Eme nâŋe Wofuŋ qâreŋ-ticne honepene Mamacte ŋokâ jâmbâŋ mocjaha ere Wofuŋ qâreŋ ewec hâcne. E aki anonoc kadahe â dâŋ fâri qizecne bawahawec.
JOH 1:15 Fuŋne-ticne ine Johanezi mutaniŋkerâ hahaŋne bahuc kecšiŋuc muwec: “No ere hâcne ŋazapo, šâhec warekac e bâbâni juwec, eki no mi fuahape juwarehuc juwec hâcne.”
JOH 1:16 Nâŋe sasawa ere rowaŋkonec miti kadahe rorâ ro ehuc jumbeŋ.
JOH 1:17 Mose e sâcmutâc dâŋ nârewec, â Jesu Kristo eki ine aki anonoc â dâŋ fâri qizecne tahac-nâpowec.
JOH 1:18 Anutu e ŋic moczi moc mi honewec, Ŋokâ jâmbâŋ mocjaha, Mamacte bufuŋko juekaczi ine biŋe-ticne bawaharâ mufua-nârewec.
JOH 1:19 Jerusalem haeonec Judaŋic jaŋe taha bapa â taha ufuŋte kiŋaŋŋic sorec-jopapie Johanerao rarâ, go mo ŋic mo, muhuc wiocnepie fuŋne-ticne jazawec.
JOH 1:20 E fuŋne-ticne mi hesoŋkehuc mutaniŋkerâ kecšiŋuc jazawec: “No Kristo aricne.”
JOH 1:21 Mume jaŋe harierâ wiocnembiŋ, “Eme go mo, go Elia me?” Eme muwec, “No e aricne.” Eme mumbiŋ, “Go porofete-nâŋec me?” Mupie muwec, “Aricne.”
JOH 1:22 Eme jaŋe mumbiŋ: “Wiac go mo? Sorec-nâpopie warembeneŋ, ra weniŋuc jazanaŋmu? Go gahacnere weniŋuc muekic?”
JOH 1:23 Eme jazarâ muwec: “Porofete Jesajazi mu qâreŋ ewec, i norao sanaŋkekac. No biŋe mumu ŋic, mâreŋ tuhuo juhuc kecšiŋuc muekopac: `Wofuŋte hata bâšâweniŋ!”
JOH 1:24 Ŋic Johanerao fisimbiŋ i jaŋe farisaio jaŋere guruonec.
JOH 1:25 Irec mocwâc indiŋkerâ mumbiŋ: “Go Kristo aricne, â Elia aricne, â porofete aricne, eme wemocte ŋic Miti Opâ rua-jareekic?”
JOH 1:26 Mupie Johanezi šiŋuc jazawec: “Noni ŋic opâ sawa rua-jareekopac, â ŋondeŋ-ŋeŋicko moc fuawec jukac, ŋoŋe e mi hone taraeŋgopieŋ,
JOH 1:27 eki hâcne râpefuŋ-naneo warehuc jukac, e sâko no iŋucne maczi mafahe decnepe mi sâckeocmu.”
JOH 1:28 Wiac i Betania haeo Jordaŋ ocniŋucnao fuawec. Ira hâcne Johanezi juhuc ŋic Miti Opâ rua-jarewec.
JOH 1:29 Hae fureme Jesuzi Johanerao rame taicko honerâ ŋic šiŋuc jazawec: “Honeniŋ, kecocni Anuture lama, eki mâreŋ sâc ŋic sâqocne-jeŋic fainao feme âsickekac.
JOH 1:30 Ere hâcne kecšiŋuc ŋazapo: `šâhec warekac, e bâbâni juwec, eki no mi fuahape juwarewec. Ž
JOH 1:31 No nahac mârâc e mi hone tarapo. Israe ŋic ŋoŋe biŋe-ticne ŋazape mananiŋte hâcne fisirâ Miti Opâ fuŋkepo.”
JOH 1:32 Johane e iŋuc murâ muwec: “No Mârozi hapâ hawario sambâŋkonec waharâ fai-ticnao herâ ŋeme honepo.
JOH 1:33 No nahac mârâc mi hone tarahape Miti Opâre munareweczi šiŋuc nazawec: `Mâro waharâ fai-ticnao herâ ŋeme honecmu eki ŋic Tiri Mâro rua-jareocmu. Ž
JOH 1:34 No i hâcne honepore fuŋne-ticne kecšiŋuc mupo: `Eki hâcne Anuture Ŋokâ. Ž ”
JOH 1:35 Hae fureme Johane erâ motecfâcne jaŋeraonec jajahec mâreŋ ijaha domambiŋ.
JOH 1:36 Domahapie Jesu e ijaha fotâcneme honerâ motec jasarâ muwec: “Honenic, Anuture lama kecocni.”
JOH 1:37 Mume jahe dâŋ i manarâ Jesure râpefuŋko rapic.
JOH 1:38 Rapire Jesuzi forisierâ honec-jofarâ muwec” “Ŋohe wemocte warekopirec?” Eme jahe mupic: “Rabi (nâŋâcne dâŋko: Qaqazu), go fic wena jukomec?”
JOH 1:39 Eme šiŋuc jasawec: “Ware honenic.” Mume jahe bâjâperâ fic honerâ šoaŋ gie bapa ira juweckoa jupic. I šoaŋ otewezo eha iŋuc epic.
JOH 1:40 Johanere dâŋ manarâ Jesu bâjâpepic moc šâŋene Anderea, Simoŋ Petoro ɋaticne.
JOH 1:41 Eme eki biac hahac-ticne Simoŋ bâfuarâ šiŋuc âzâcnewec: “Nâhe Mesia (Kristo hâcne(c) bâfuakoperec.”
JOH 1:42 Iŋuc murâ Jesurao jowame rapic. Eme Jesuzi honerâ muwec: “Go Simoŋ, Johanere ŋokâ, gore šâŋe Kefa mukopac” (nâŋâcne dâŋko: Haroŋaŋ).
JOH 1:43 Hae fureme Jesu e Galilaia mâreŋko raocte šawierâ Filipo bâfuarâ âzâcnewec, “Go bâjâpecnuc.”
JOH 1:44 Filipo e Besaida haeonec, Anderea â Petoro jahe hae irecteaŋ.
JOH 1:45 Eme Filipozi Natanae bâfuarâ šiŋuc âzâcnewec: “Mose e sâcmutâc dâŋqâhâcko findaŋdâŋ-ticne qâreŋkewec, â porofete jaŋe wâc qâreŋkembiŋ, ŋic e hâcne bâfuaŋgopeneŋ, Jesu, Josefere ŋokâ, Nazarete haeonec.”
JOH 1:46 Eme Natanaezi dâŋ šiŋuc bâtikiecnewec: “Nazarete haeonec wemo wiac bipinehec fuaocmu?” Mume Filipozi šiŋuc âzâcnewec: “Murâ ware honec.”
JOH 1:47 Eme Natanaezi Jesurao ra fisime honerâ muwec, “Honeniŋ, ŋic kecizi Israe ŋic fârine, maŋticnao sioc moc mi fokac.”
JOH 1:48 Iŋuc mume Natanaezi wiocnerâ muwec: “Go wena jupe honecnumeŋ?” Eme Jesuzi muwec, “Filipozi mi hefârecguhame nemuja fuŋko ŋetec honecgupac.”
JOH 1:49 Mume Natanaezi šiŋuc âzâcnewec: “Qaqazu, go jâmbomac Anuture ŋokâ, Israe ŋic nâŋere ŋicwofuŋ.”
JOH 1:50 Eme Jesuzi muwec: “Nemuja fuŋko ŋemec i mufua-garepe manasiŋnukomec, manakic, hone manac ekomec ši susucne sawa, fâri ombâŋne miŋecnea hone manac erahuc jucmu.”
JOH 1:51 Iŋuc murâ muwec, “No jâmbomac jâmbâŋ ŋazape: Ŋoŋe sambâŋ aŋkeme Anuture aŋelofâc jaŋe Ŋic Fâri Wâtuŋne erao fec wahac epie honec-jopaniŋmu.”
JOH 2:1 Gie bapa jajahec tarame Kana haeo Galilaia mâreŋko ŋic ŋokac jajahec muturec-jofaniŋte irec tiwâ bâzi qapie fisiwec.
JOH 2:2 Ehuc Jesu neŋgoc-ticne erâ e jahacne â motecfâc-ticne mâmâc hefârec-jopapie fisimbiŋ.
JOH 2:3 Eme tumaŋnerâ bâzihec waiŋ nâpie šickeme Jesu neŋgoc-ticnezi e âzâcnerâ muwec: “Waiŋ-jeŋic omaekac.”
JOH 2:4 Mume Jesuzi šiŋuc âzâcnewec: “Ŋokac, i nâhâcne wiac me? Dameŋ-nane miŋecnea maickeocmu.”
JOH 2:5 Eme neŋgoc-ticnezi kiŋaŋ qaqa šiŋuc jazawec: “Wiac mocte ŋazame enšepieŋ.”
JOH 2:6 Eme fic ira opâ pake 6 ŋewec. Judaŋic jaŋe me sahac-jeŋic gâbâ šure jumbieŋte fic sâc opâ pake iŋuc ŋerawec. Pake i piticne mâcne, kâcɋene sâko.
JOH 2:7 Eme Jesuzi kiŋaŋ qaqa šiŋuc jazawec: “Ŋoŋe opâ fiarâ pakeo qapie huoc.” Eme jaŋe iŋuc erâ opâ qapie hurâ pake micnao qafârewec.
JOH 2:8 Iŋuc epie šiŋuc jazawec: “Ŋoŋe tucne fiarâ nânâ soŋaŋtao baraniŋ.”
JOH 2:9 Eme jaŋe fiarâ barahapie opâzi waiŋ eme nânâ soŋaŋzi nâhonerâ kâuc bawec. Kiŋaŋ motec opâ fiarâ pakeo qapie huwec jaŋe sawazi waiŋte fuŋne mana tarambiŋ. Eme nânâ soŋaŋzi ŋic ŋokac bawec, e hefârerâ
JOH 2:10 šiŋuc âzâcnewec: “Qanaŋ waiŋ aŋacne gumec-jopapene nâkupie maŋjeŋic bibiriwazo eme šâhec waiŋ oomane gumec-jopaeŋgopeneŋ, hata-nâŋec iŋuc fokac. Go ine qac qâtikic ehuc aŋacne hefacketec ŋeku šâhec fuakac.”
JOH 2:11 Jesu e Kana haeo Galilaia mâreŋko ira hâcne mâsi bapa gie-ticne fuŋkehuc Wofuŋ qâreŋ-ticnere foŋ bararuŋkewec. Eme motecfâcne jaŋe honerâ e manasiŋkembiŋ.
JOH 2:12 Eme Jesu e Kana haeonec Kafanaum haeo rame neŋgoc ɋafâc-ticne â motecfâc-ticne mâmâc bâjâperâ rafârembiŋ. Eme ira boc mi jumbiŋ.
JOH 2:13 Judaŋic aakic hombaŋ-jeŋic bembeŋkewecte Jesuzi Jerusalem haeo rafewec.
JOH 2:14 Eme taha ufuŋ šuhucnao lama bulimakao â hapâ wiac badomahuc nareŋ gareŋ embiŋ, ehuc irec moneŋ teboo wose biric embiŋ.
JOH 2:15 Iŋuc epie Jesuzi honec-joparâ repa mizeme šika eme ŋic mecne lama bulimakao mecne jâpec-jopame wisepie moneŋ tie-jarerâ irec tebo herândiŋkewec.
JOH 2:16 Erâ hapâ badomambiŋ jaŋe šiŋuc jazawec: “Ŋoŋe Mamac-nanere ficko wiac kosa mi epie situâc fic ezejec.”
JOH 2:17 Jesu e iŋuc eme motecfâcne jaŋe miti papiao dâŋqâreŋ kecšiŋuc fokac irec manasumbiŋ: “Gore ficte erâ bunane šoc šarâ šâfitacnukac.”
JOH 2:18 Eme Judaŋic jaŋe wiocnerâ mumbiŋ: “Go iŋuc ekomeczi wemo mâsi moc bahuc fuŋnege bataniŋke-nârecmu?”
JOH 2:19 Eme micjeŋicko rorâ šiŋuc jazawec: “Ŋoŋe taha ufuŋ kecši heropiepie noni šoaŋ jahec â moc eha mocwâc bâzickepemu.”
JOH 2:20 Iŋuc muhuc jazame mumbiŋ, “Kâcɋenefâc-nâŋec jaŋe taha ufuŋ ši jara 46 baku bâzickembiŋ, eme goki šoaŋ jahec â moc sawa ira bâzickezo mukomec me?”
JOH 2:21 Jesu eki ine sahac-ticnere ufuŋko ɋetickehuc muwec.
JOH 2:22 Juku hâmockonec ɋârerâ fahareme motecfâcne jaŋe dâŋ i manasumbiŋ. Ehuc ufuŋte muwec, â miti papiao ere dâŋ gâcne mukicne, irec mâmâc manapie fârine eha mana šakiembiŋ.
JOH 2:23 Jesu e aakic hombaŋko Jerusalem haeo juhuc fuŋne qaqa mâsi bame ŋic bocjahazi honerâ šâŋe-ticne mana sakac embiŋ.
JOH 2:24 Jesu e jahac ine ŋic hone tarac-jopa-fârewecte jaŋerao mi fohorewec.
JOH 2:25 E ŋic mocte fuŋne manaocte gâcne mu indiŋ mi ejarewec, e jahaczia ŋic maŋjeŋic hone šâŋitac ejare-fârewec.
JOH 3:1 Farisaio ŋic jaŋere âgo moc juwec šâŋene Nikodemo. E Judaŋic jaŋere micne sâko wâc juwec.
JOH 3:2 Ŋic eki hâcne Jesu ŋafeo iqickerâ šiŋuc âzâcnewec: “Qaqazu, nâŋe fuŋnege manaeŋgopeneŋ, go qaqazu fârinezi Anuturaonec wahameŋ, go mâsi baekic i ŋic moczi Anutu tâmiric juhuc bapane mi ekac.”
JOH 3:3 Mume Jesuzi šiŋuc âzâcnewec: “No jâmbomac jâmbâŋ gazape: Moc e harierâ fufua ɋâricne mi fuaocmuzi Anuture uucmaŋ sâcne mi bâfuaocmu.”
JOH 3:4 Eme Nikodemozi muwec, “Hâc, moc e kâcɋeŋkekicnezi fufua ɋâricne weniŋuc fuaocmu, wemocko neŋgoc bumaŋko mocwâc hume hâsine roocmu?”
JOH 3:5 Mume Jesuzi šiŋuc âzâcnewec: “No jâmbomac jâmbâŋ gazape: Moc e Opâ â Mârore kiwecko ɋâricne mi fuakicnezi Anuture uucmaŋko sâcne mi rašiocmu.
JOH 3:6 Ŋickiwecko fuakicnezi ŋic hawari jaha, Mârore kiwecko fuakicnezi Mârore hawari jaha.
JOH 3:7 Ŋoŋe fufua ɋâricne fuaniŋte mupe go manatec mi quŋkeoc.
JOH 3:8 Mâŋâŋ e kosa qaekac, eme go fânâŋ-ticne i manaekic, â fuŋne wenirec fuŋkerâ wareekac, â wena rataraekac, ine mi manaekic. Eme moc e Mârore kiwecko fuakicne, e fuŋne-ticne iŋucnea fokac.”
JOH 3:9 Mume Nikodemozi dâŋ šiŋuc bâtikiecnewec: “I weniŋuc erâ iŋuc ezo?”
JOH 3:10 Mume Jesuzi šiŋuc âzâcnewec: “Go Israe ŋic jaŋere qaqazuzi irec kâuc bakomec me?
JOH 3:11 No jâmbomac jâmbâŋ gazape: Nâŋe wiac hone manac eeŋgopeneŋ ijaha ŋaza mutâc eeŋgopeneŋ, eme ŋoŋe ine dâŋnâŋec qikiŋneeŋgopieŋ.
JOH 3:12 Wiac mâreŋko fufuane irec mac ŋazape sifu mi mana šakieeŋgopieŋ, eme wiac sambâŋko fufuane irec ŋazape wemo-ŋeŋiczi mana šakieniŋmu?
JOH 3:13 Ŋic moczi sambâŋko moc mi fewec, Ŋic Fâri Wâtuŋne, sambâŋkonec wahawec, e mocjahazi sambâŋko wâc juekac.
JOH 3:14 “Mose e mârâc jaha mâreŋ sawao homa bâfeŋnewec, iŋuc jaha Ŋic Fâri Wâtuŋne e bâfeŋnezo mukicne.
JOH 3:15 Eme e manasiŋkeniŋmu jaŋe juju sanaŋ bâfuaniŋmu.
JOH 3:16 Anutu e ŋic ŋoŋere mo iŋucne ecnewecte Ŋokâ jâmbâŋ-ticne mocjaha e râe qikiŋ ecnewec. Eme e manasiŋkeniŋmu jaŋe moc mi sipirickehuc ju ju sanaŋ bâfuaniŋmu.
JOH 3:17 Ŋokâ e ŋic jaŋere kiŋ bataraocte mâcne, ŋic bâpiaŋ-jopaocte Anutuzi soreme wahawec.
JOH 3:18 Moc e Ŋokâ manasiŋkekaczi okacnere biŋe mi ekac. Á moc e Ŋokâ mi manasiŋkekaczi ine biac okacnere biŋe ekac. Wemocte? E Anuture ŋokâ jâmbâŋ mocjaha ere šâŋe mana maŋ mi ekac irec.
JOH 3:19 Okacnere fuŋne šiŋuc fokac: Tatamaczi ŋic maic-jopame jaŋe tatamac bâsuerâ dapâcte wosâembiŋ, juju bapa-jeŋic sâqocnere iŋuc hâcne embiŋ.
JOH 3:20 Moc e sindaŋ eocmuzi tatamac râpeckeocmu, juju bapa-ticnere fuŋne jaŋgeŋkezacte wemocko tatamacko fua taniŋ eocmu.
JOH 3:21 Moc e dâŋ fâri qizecne reŋkeocmuzi ine tatamac maickeocmu, eme eebapa-ticne Anuture micdâŋte sâcko ekicne irec fuŋne taniŋkeocmu.”
JOH 3:22 Eme juku Jesu e motecfâcne rocjopame Jerusalem hae beherâ Judaia qaŋeŋnaopec ra jumbiŋ. Ira jaŋehec juhuc ŋic opâ rua-jarewec.
JOH 3:23 Johane e mâreŋ moc šâŋene Ainoŋ, Salim haeopec juhuc iŋuc jaha Miti Opâ gie bawec, ira opâ bocjaha fowecte ŋic jaŋe fisipie rua-jarewec.
JOH 3:24 Johane e dameŋ ira kâpâcwâru ficko mi ŋekicne.
JOH 3:25 Eme Judaŋic moczi Johane motecfâc-ticne jaŋehec opâ ruruare mu qaqatarac embiŋ.
JOH 3:26 Eme motec jaŋe Johanerao rarâ šiŋuc âzâcnembiŋ: “Qaqazu, go Jordaŋ ocniŋucnao juhaŋtecne ŋic moc bâfuacgume fuŋne-ticne mujaŋgeŋkerâ nâzâmeŋ, eki dameŋ šiŋuczia ŋic opâ rua-jareme erao rafâreŋgopieŋ.”
JOH 3:27 Mupie Johanezi šiŋuc jazawec: “Ŋic moc e sambâŋ runezi wiac râcne tahac mi ehame e jahac wemocko kâŋgâc roocmu.
JOH 3:28 No kecšiŋuc muhuc ŋazapo i wemocko mickeniŋmu, `No Kristo aricne, no biŋe mumu-ticne sawa. Ž
JOH 3:29 Ŋokac biŋe mucnekicne eki hâcne ŋokac rune. Eme ŋokac bahuc šeri kâcɋene šeri eme âgo-ticnezi manarâ bafickehuc bubiaŋ sâko bâfuaocmu wâc. Bubiaŋ i hâcne manapemurâ dameŋne maickekac ši.
JOH 3:30 Eki fua fehame noni pitiwazepac.
JOH 3:31 Faicnec wahaweczi qâhuc-nâpo-fârekac. Moc e mâreŋkonec fuakicnezi mâreŋte biŋe ekac â mâreŋkopec dâŋ muekac. Á sambâŋkonec wahaweczi ine qâhuc-nâpo-fârekac.
JOH 3:32 Eki wiac hone manac ewec irec dâŋ biŋe muekac. Mume ine ŋic jaŋe dâŋticne qikiŋneeŋgopieŋ.
JOH 3:33 Á dâŋticne mana maŋ ekac e Anutu mume sasanaŋ jukac dâŋ i dopeckekac.
JOH 3:34 Anutuzi ŋic sorewec eki Anuture dâŋ jaha muekac. Ŋic iŋucne e Anutuzi Mâro sâc tâmiric qikiŋnecneekac.
JOH 3:35 Mamac e Ŋokâ hone ririŋkehuc ere meo wiac sasawa râe-fârewec.
JOH 3:36 Moc e Ŋokâ manasiŋkeocmu e juju sanaŋ šiŋuczia fuacnekac, â moc e Ŋokâre dâŋ bâsuehuc juocmuzi juju sanaŋ mi bâfuaocmu. Iŋucnere faio Anuture kimbeŋ feweczi foocmu.”
JOH 4:1 Farisaio jaŋe Jesure šiŋuc manambiŋ: “Eki motec rocjoparâ opâ rua-jareekac, i Johanere gurufâc jowaruŋgopieŋ.”
JOH 4:2 Dâŋ i mâc mumbiŋ, Jesu e jahac ŋic opâ mi rua-jarewec, motec jaŋe mume rua-jarembiŋ.
JOH 4:3 Eme Wofuŋzi dâŋ iŋucne manarâ Judaia mâreŋ beherâ Galilaia mâreŋko risie rawec.
JOH 4:4 Rahuc Samaria mâreŋ fotâcnewec.
JOH 4:5 Fotâcnehuc Samariare hae moc šâŋene Sika ira fisiwec. Hae i Jakobozi ŋokâ-ticne Josefe mâreŋ qikiŋnecnewec irec mendâŋko ŋewec.
JOH 4:6 Eme ijaha Jakobore opâ nombâŋ fowec wâc. Eme Jesu e ira guŋpiticko fisirâ betaŋkerâ nombâŋmecko waha ŋemanawec.
JOH 4:7 Ŋehame Samaria ŋokac moczi opâ fiaocte fisiwec. Fisime Jesuzi šiŋuc âzâcnewec: “Go opâ moc gumecnuc.”
JOH 4:8 Motecfâcne jaŋe nânâ furine baniŋte haeo fehapie Jesu buc ŋehuc ŋokac opâre âzâcnewec.
JOH 4:9 Âzâcneme ŋokac e muwec, “Go Judaŋiczi weniŋuc erâ Samaria ŋokac norao opâre mukic?” Judaŋic â Samaria ŋic jaŋe bâtâcko jujumbieŋte ŋokac e iŋuc muwec.
JOH 4:10 Eme Jesuzi šiŋuc âzâcnewec: “Go Anutu jauŋ-ticnere fuŋne â opâre gazakopac nore fuŋne mâmâc kâuc bakic. Mana tararâ muzac numu-naretec opâ fifisine garezapo.”
JOH 4:11 Mume ŋokaczi šiŋuc âzâcnewec: “Bomboŋ, opâ nombâŋ i šoricne, erâ go opâ fifiage aricnere opâ fifisine wenirec fiacmu?
JOH 4:12 Mimiŋne-nâŋec Jakobo e opâ nombâŋ ši rowec. Erâ e jahacne â ŋokâfâcne â lama bulimakaofâc-ticne jaŋe opâ ši jaha nâhuc jumbiŋ. Goki Jakobore sâc i jâuruhuc opâ moc bâfuacmu?”
JOH 4:13 Iŋuc mume Jesuzi šiŋuc âzâcnewec: “Opâ ši gapecne tâmiric, irec i hati nârâ nâ ehuc juzo,
JOH 4:14 â nore opâ ine gapecnehec, moc e i nâocmu, e opâre mocwâc mi hâmohuc mâc jurašihuc juocmu. Noni opâ i ŋic moc râcnepe maŋticnao opâ šâŋe bâfuacneme juju sanaŋte šâkâŋko rahuc domaocmu.”
JOH 4:15 Mume ŋokaczi šiŋuc muwec: “Bomboŋ, go opâ i naretec nârâ opâre mocwâc mi hâmozepac, ehuc šira gâbâ ware fiahuc domaekopac i behezepac.”
JOH 4:16 Iŋuc mume Jesuzi šiŋuc âzâcnewec: “Ra ŋowege jowatec warenic.”
JOH 4:17 Eme ŋokaczi muwec, “No ŋowe-nane aricne.” Mume Jesuzi muwec, “Go ŋowege aricne, i sâcne mukomec”
JOH 4:18 go ŋic memoc ba behec ejaremeŋ, â šiŋuczia bakomec e gore ŋowe aricne, irec go dâŋ jâmbomac mukomec.”
JOH 4:19 Mume ŋokaczi šiŋuc âzâcnewec: “ŋicbomboŋ-nane, no miŋecne manakopac, go porofete.
JOH 4:20 Irec mutec manape: Kâcɋenefâc-nâŋec jaŋe tiki kecšira Anutu mai ecne jumbieŋ, â Judaŋic ŋoŋe ine Jerusalem haeoa Anutu mai ecnezo, iŋuc mueŋgopieŋ.”
JOH 4:21 Eme Jesuzi šiŋuc muwec: “Ŋokac, no gazape manac: Dameŋ moc bembeŋkekac, i maickeme ŋoŋe Mamac mai ecneniŋmu i tiki kecšira mâcne â Jerusalem haeo wâc mi eniŋmu.
JOH 4:22 Ŋoŋe kâuc bahuc mai ecneeŋgopieŋ, nâŋe ine mana tarahuc mai ecneeŋgopeneŋ. Bâbâpiaŋ i Judaŋic nâŋeraonec.
JOH 4:23 Dameŋ moc maickeocmu erâ ši biac maickekac hâcne, ira kikefuŋfâc-ticne fârine jaŋe maŋzi â dâŋ fâri qizecnere sâcko Mamac mai ecneniŋmu. Mamac e ŋic iŋucne jaŋere ecneekac.
JOH 4:24 Anutu e Mâro fuŋgâtâne, irec e mai ecneeŋgopieŋ ŋoŋe Mâro â dâŋ fâri qizec jahere ŋesiŋko mai ecnenšepieŋ.”
JOH 4:25 Mume ŋokaczi šiŋuc âzâcnewec: “No manakopac, Mesia fuaocte mukicne, šâŋene moc Kristo, eki fuarâ wiac sasawa mu bataniŋ enâreocmu.”
JOH 4:26 Eme Jesuzi âzâcnewec: “Dâŋ gazakopac, no hâcne ši.”
JOH 4:27 Iŋuc muhame motecfâcne fisimbiŋ. Fisirâ ŋokachec muc manac ewec irec wareckembiŋ. Erâ wemo wiacte dâŋ âzâcnekomec, me weniŋucte âzâcnekomec, iŋuc muhuc wiocneniŋte manapie quŋkeme behembiŋ.
JOH 4:28 Eme ŋokac e opâ râqâc-ticne beherâ haeo gasacke rarâ ŋic šiŋuc jazawec:
JOH 4:29 “Ŋoŋe warerâ ŋic moc honeniŋ, eki epo bapo irec dâŋ mutaniŋke-nare-fârekac. E Kristo wiac moc?”
JOH 4:30 Eme haeonec waharâ Jesurao fisi-fârembiŋ.
JOH 4:31 Eme motec jaŋe šiŋuc âzâcnembiŋ: “Qaqazu, nânâ nâc.”
JOH 4:32 Mupie jazawec, “Nânâ fuŋmoc fonarekac, i ŋoŋe mi manaŋgopieŋ.”
JOH 4:33 Iŋuc mume motec jaŋackoaŋ nazaŋ gazaŋ erâ mumbiŋ: “Moczi moc nânâ bafisirâ râcnembieŋ me?”
JOH 4:34 Mupie muwec, “Sorecnuwec ere mic reŋkehuc gie-ticne baku babatara izi nânâ-nane ekac.
JOH 4:35 Ŋaŋac šiŋuc mueŋgopieŋ: `Mosa 4 tarame nânâ fârine fuaocmu. Ž Á noni ine ŋazape mananiŋ: Ŋoŋe qâhâŋnerâ šâŋe fihuc gie honeniŋ, nânâ fârine fufua dameŋ šine hâcne maickekac.
JOH 4:36 Ro qânusuc gie baocmuzi furine roocmu, â fârinezi ju ju sanaŋte biŋe eocmu. Eme he sarac ewec â fârine rome fewec jahe mâmâc babafic erâ šeri enicmu.
JOH 4:37 Ehame dâŋ kecši sanaŋkeocmu: `Moczi he sarac eekac, â moczi fârine rome feekac. Ž
JOH 4:38 Noni ŋoŋe he sarac mi embiŋko fârine ropie feocte sorec-ŋopakopac. Gie i gâcnezi bapie fuawec eme ŋoŋe mâc rauckeŋgopieŋ.”
JOH 4:39 Eme Samaria ŋokac e haefâc-ticne šiŋuc jazawec: “Wiac epo bapo i mutaniŋke-nare-fârejec.” Eme dâŋ irec bocjahazi Jesu manasiŋkembiŋ.
JOH 4:40 Irec Jesurao fisirâ jaŋehec juocte hefârembiŋ. Eme Jesuzi mana-jarerâ šoaŋ gie bapa jajahec jaŋere haeo juwec.
JOH 4:41 Eme miti jazame bocjaha jâmbâŋzi mana šakiembiŋ.
JOH 4:42 Ehuc ŋokac šiŋuc âzâcnembiŋ: “Qanaŋ gore dâŋ binaŋte erâ manasiŋkembeneŋ, ši ine nâŋe nâŋâc micticnaonec dâŋ manarâ šiŋuc manapaŋkeŋgopeneŋ: Eki jâmbomac mâreŋ sâc ŋic nâŋâcne Bâbâpiaŋ.”
JOH 4:43 Eme Jesu e jaŋehec gie bapa jajahec jurâ Galilaia mâreŋko rawec.
JOH 4:44 Jesu e jahac qanaŋ šiŋuc mufuawec: “Porofete moc e jahacne hae mâreŋko jume sâcne mi sâseniŋmu.”
JOH 4:45 Eme Galilaia mâreŋko rafisime Galilaia ŋic jaŋe âgo ecnembiŋ. Ine jaŋe juwicnao mâmâc Jerusalem haeo rarâ aakic hombaŋko gie bame honembiŋte iŋuc ecnembiŋ.
JOH 4:46 Eme Kana haeo Galilaia mâreŋko mârâc mume opâzi waiŋ ewec ira hâcne mocwâc risiewec. Eme Kafanaum haeo kia moc juwec, e ŋokâ-ticne hucsâko bame fowec.
JOH 4:47 Eme Jesu e Judaia mâreŋkonec risierâ Galilaia mâreŋko mocwâc ware fisikac, iŋuc mupie manarâ kia e Kana haeo Jesurao rarâ ŋokâ-ticne hâmozo ehuc fowec irec jowame ranicte numucnewec.
JOH 4:48 Eme Jesuzi šiŋuc âzâcnewec: “Ŋoŋe mâsi â wiac šâŋe furu-ŋeŋic sawa honerâ dâŋnane mana šakieeŋgopieŋ.”
JOH 4:49 Eme ŋiczi muwec: “Wofuŋ, ŋokâ-nane hâmozacte biac fâzemec.”
JOH 4:50 Mume Jesuzi šiŋuc âzâcnewec: “Go mâc rac, ŋokâge ɋiɋic qakac.” Eme ŋic e Jesure dâŋ mana šakiehuc risie rawec.
JOH 4:51 Ehame motec jaŋe kiŋaŋ warerâ šiŋuc âzâcnembiŋ: “Ŋokâge ɋiɋic qajec jukac.”
JOH 4:52 Mupie ɋiɋic qawec dameŋ irec mu indiŋ ejareme mumbiŋ: “Jacne šoaŋ šâšâŋiŋ ŋehame ira hucticne âke niniŋkejec.”
JOH 4:53 Iŋuc mupie ŋiczi fuŋne kecšiŋuc manawec: Dameŋ ira hâcne Wofuŋzi sorecnuhuc mujec, “Ŋokâge ɋiɋic qakac.” Eme e jahacne â garikiŋfâc-ticne Jesu manasiŋke-fârembiŋ.
JOH 4:54 Jesu e Judaia mâreŋkonec Galilaia mâreŋko risierâ fuŋne qaqa mâsi i bame jajahec ewec.
JOH 5:1 Juku Judaŋic jaŋere hombaŋ sâko moc maickeme Jesu e Jerusalem haeo rafewec.
JOH 5:2 Eme Jerusalem haeo Lama Motâcko riqic moc ŋewec šâŋene Betesida Ere mecnao fic memoc ŋerawec.
JOH 5:3 Fic ira ŋic huchec â tiŋtuŋ â šeke puriŋ â soc kekereŋhec bocjaha fombiŋ, [ehuc opâ qiriŋ qaocte woŋeckembiŋ”
JOH 5:4 Wofuŋte aŋelo moczi dameŋ ocŋondeŋ sâc riqicko waharâ opâ qâuawec” qâuahame moczi bâbâni opâo huwec e huc ecnewec i niniŋkecneme ɋiɋic qawec.Ý
JOH 5:5 Eme moc fowec e puriŋ ecnehuc juhame jara 38 ewec.
JOH 5:6 Eme Jesuzi ŋic e honerâ dameŋ šora fohuc jukac, iŋuc manarâ wiocnerâ muwec: “Go ɋiɋic qacmurâ egarekac me?”
JOH 5:7 Eme puriŋzi muwec, “Bomboŋ, mo ŋic mo junarekaczi opâ qiriŋ qaha riqicko râecnuzac? Á no nahac huzo mupe ine moczi biac âkehocnurâ huekac.”
JOH 5:8 Mume Jesuzi šiŋuc âzâcnewec: “Go faharerâ fofoge rorâ rac.”
JOH 5:9 Mume izia sahac-ticne biaŋkeme faharerâ fofo-ticne ameckerâ rawec. Ʒoaŋ ira ine sabata hombaŋ ŋembiŋ.
JOH 5:10 Irec Judaŋic jaŋe ŋic ɋiɋic qawec e šiŋuc âzâcnembiŋ: “Miŋecgac hombaŋko fofoge hâpokomec i mi eene.”
JOH 5:11 Mupie šiŋuc jazawec: “Bâpiaŋnukaczi šiŋuc naza sorec ekac: `Fofoge rorâ rac. Ž ”
JOH 5:12 Mume wiocnerâ mumbiŋ, “Fofoge rorâ rac gazajec ŋic e šâŋene mo?”
JOH 5:13 Mupie ŋic biaŋkeweczi kâuc bawec. Jesu e ŋicguru ira domambiŋ jaŋere ŋondeŋko kamierâ rawec.
JOH 5:14 Izi šâhec Jesuzi ŋic e taha ufuŋko bâfuarâ uŋ šiŋuc âzâcnewec: “Go sahacge biaŋkejec, eme wiac ŋemâc bâmâcne jâmbâŋ fua-garezacte sâqocne mocwâc mi bazemec.”
JOH 5:15 Eme ŋic e Jesu hone tararâ ra Judaŋic šiŋuc jazawec: “Ŋic bâpiaŋnukac šâŋene Jesu.”
JOH 5:16 Jesu e sabata hombaŋko gie iŋucne bawecte Judaŋic jaŋe râsi ecnembiŋ.
JOH 5:17 Epie Jesuzi šiŋuc jazawec: “Mamac-nane e gie šušuhuc jaha baekac, eme noni iŋuc jaha wâc eekopac.”
JOH 5:18 Eme Jesu e sabata hombaŋ hesifuckewec â Anuture Mamac-nane muhuc Anuture sâcko šuhuckewec, Judaŋic jaŋe wiac jajahec irec erâ mana gâpârerâ qaniŋte mumbiŋ.
JOH 5:19 Eme Jesuzi dâŋ šiŋuc jazawec: “No jâmbomac jâmbâŋ ŋazape mananiŋ, Ŋokâzi maŋticnere sâcne gie mi baekac, Mamaczi bame sâc honehuc baekac. Eki baekac ijaha Ŋokâzi baekac.
JOH 5:20 Mamac e Ŋokâ honebâckeekacte gie baekac sâc jâutu-fâreekac, erâ gie ši honeŋgopieŋ sawa mâcne, fekicne sâko jâutume ŋoŋe honerâ wareckeniŋmu.
JOH 5:21 Mamac e hâmokicne wiwic-joparâ bâɋârec-jopaekac, iŋuc jaha Ŋokâzi e me e bâɋârezo murâ bâɋâreocmu.
JOH 5:22 Erâ Mamac e ŋic okacnere dâŋ mi mutara-jareekac, gie i Ŋokâre meo râewec.
JOH 5:23 Eme ŋic jaŋe Mamac sâseeŋgopieŋ iŋuc jaha Ŋokâ sâsenšepieŋ. Moc e Ŋokâ mi sâseocmuzi, Ŋokâ sorewec, Mamac hâcne, e iŋuc jaha mi sâseocmu.
JOH 5:24 No jâmbomac jâmbâŋ ŋazape mananiŋ: Moczi nore dâŋ mana maŋ ehuc, sorecnuwec e manasiŋkeocmu, ŋic e šiŋuczia juju sanaŋhec ekac. E okacnere biŋe mi ee hâmoc râpeckerâ jujuo rašiwec jukac hâcne.
JOH 5:25 No jâmbomac jâmbâŋ ŋazape mananiŋ: Dameŋ moc maickeocmu, erâ ši biac maickekac hâcne, ira hâmokicnezi Anutu Ŋokâ-ticne ere dâŋ manarâ ɋârerâ juniŋmu.
JOH 5:26 Mamac e jujure fuŋqizecne, eme Ŋokâ e iŋuc jaha jujure fuŋqizecne eocte qikiŋnecnewec
JOH 5:27 Erâ e Ŋic Fâri Wâtuŋne jukacte ŋic,okacnere dâŋ mutara-jareocte mucnewec.
JOH 5:28 Dâŋ irec manapie mi quŋkezejec. Dameŋ moc bakicne fokac i maickeme šâŋeruŋko foeŋgopieŋ jaŋe ere dâŋ wiwira manarâ wefunšoŋgopieŋ.
JOH 5:29 Ehuc juju biaŋne jumbiŋzi juju sanaŋte faharenšoŋgopieŋ, â juju sâqocne jumbiŋzi kiŋte okacne roniŋte faharenšoŋgopieŋ.
JOH 5:30 No nahacne maŋte gie i bapane mi fokac, Mamac-nanere micsâcko sawa okacnere dâŋ mutara-jareekopac. Iŋuc ehuc okacnere gie bape sâckoa eocmu. I no nahacne dâŋ mâcne, sorecnuwec ere dâŋ šaeckeekopac.
JOH 5:31 “No nahac fuŋne-nane mutaniŋkepe fârimâc eocmu.
JOH 5:32 Fuŋne-nane i moczi mutaniŋkeocmu, erâ no manakopac, fuŋne-nane mutaniŋkeme fârine eocmu.
JOH 5:33 Ŋoŋe Johane mu indiŋ ecnepie dâŋ fâri qizecne mutaniŋkewec.
JOH 5:34 Erâ ŋiczi fuŋne-nane mutaniŋkeniŋte ine mi muekopac, ŋoŋe fuŋne-nane manarâ jujure hata âteniŋte irec mâc ŋaŋacnere muekopac.
JOH 5:35 Johane e jâmbomac lambe sâko erâ tamae-ŋarewec. Ehame ŋoŋe mâc šâziriŋne nacbembeŋ hone aŋac ehuc jumbiŋ sawa.
JOH 5:36 “Á nore fuŋne mutaniŋkeekac, e Johane iŋucne mâcne, e sâc moc. Mamac gie munarewec, gie irec fârine bâfuape ine Mamaczi sorecnume wahapo irec fuŋne taniŋkeekac.
JOH 5:37 Mamac sorecnuwec eki hâcne fuŋne-nane mutaniŋkewec. Ŋoŋe ine e jahacne mickonec dâŋ mi manambiŋ â hawarine wâc mi honembiŋ.
JOH 5:38 Erâ ŋoŋe dâŋticne maŋŋeŋicko sâcne mi râepie fohuc juekac. Ŋic sorewec ere dâŋ qikiŋnehuc wemocko iŋuc eniŋmu.
JOH 5:39 Ŋoŋe miti papiao kecšiŋuc muhuc wose gufuc eeŋgopieŋ: Juju sanaŋ ira hâcne soŋkekicne. Erâ izi hâcne nore fuŋne mufuaekac.
JOH 5:40 Eme ŋoŋe norao juhuc juju sanaŋhec ee i sifu qikiŋneeŋgopieŋ.
JOH 5:41 “No ŋiczi sahac mumuteŋ wiac enareniŋte irec mi muekopac.
JOH 5:42 Ŋoŋere fuŋne ine jâmbomac manaekopac, maŋŋeŋic Anuturea mi domaekac.
JOH 5:43 No Mamac-nanere micte ŋoŋerao wahapo, eme ŋoŋe sifu âgo mi enareeŋgopieŋ. Juku ŋic moc e e jahacne maŋte fisime ine âgo ecneniŋmu.
JOH 5:44 Ŋoŋe ŋaŋaczia mumuteŋ eec ehuc Anutu qâqâhâc sâko ere mumuteŋte mi eŋareekaczi wemocko mamanasiŋhec eniŋmu?
JOH 5:45 Ŋoŋe nore šiŋuc mi munšepieŋ: Eki Mamactao dâŋnâŋec mugâpâre-nâreocmu. Iŋuc mâcne, ŋoŋe ŋic moctao roweckeeŋgopieŋ, Mose hâcne, eki mugâpâre-ŋareocmu.
JOH 5:46 Mose e dâŋ qâreŋkewec i nore qâreŋkewec. Eme ŋoŋe ere dâŋ mana šakierâ muzac nore mâmâc mana šakienšapiŋ.
JOH 5:47 Mosere dâŋqâreŋ qikiŋnehuc nore dâŋ wemocko mana šakieniŋmu?”
JOH 6:1 Jesu e dâŋ i mufârerâ Galilaia riqic, Tiberia riqic hâcne, fotâcnerâ ocniŋucnao rašiwec.
JOH 6:2 Rašime ŋic ŋokac bocjahazi huc šâichec ɋiɋicne bacjopame honembiŋte bâjâpembiŋ.
JOH 6:3 Eme Jesuzi motecfâcne rocjopame tikio ferâ ŋembiŋ.
JOH 6:4 Dameŋ ira Judaŋic aakic hombaŋ-jeŋic bembeŋkewec.
JOH 6:5 Eme Jesuzi šâŋe firâ ŋic guru sâko fisipie honec-joparâ Filipo wiocnerâ muwec, “Poroŋ wenirec furine barâ i sâko gumec-jopapene sâcjopaocmu?”
JOH 6:6 E wiac eocte manasume foha mâc esâickewec.
JOH 6:7 Eme Filipozi šiŋuc muwec: “20 kinazi poroŋ furine barâ gumec-jopapene mâc hesâsâc-jopaocmu.”
JOH 6:8 Mume motecfâcne jaŋeraonec moc, Anderea, Simoŋ Petorore ɋa, eki šiŋuc muwec:
JOH 6:9 “Ʒira motec moc jukac eki poroŋ memoc â opâ qowi jajahec bajukac, erâ ŋic guru sâko jâmbâŋte keci mac izi wemo ezo?”
JOH 6:10 Eme Jesuzi muwec, “Ŋoŋe ŋic ejarepie qâzuckerâ waha ŋeniŋ.” Eme mâreŋ ira kecɋaŋ fowec i toma âterâ ŋic 5 tauseŋ qâririŋ iŋuczi waha ŋerambiŋ.
JOH 6:11 Eme Jesuzi poroŋ rorâ daŋge murâ ŋic ŋerambiŋ jaŋe bâtâc bajarewec â qowi iŋuc jaha mupie sâc jarewec.
JOH 6:12 Nârâ gapec-jopame Jesuzi motecfâcne šiŋuc jazawec: “Tiwâne forâ sipirickezacte nuseniŋ.”
JOH 6:13 Eme jaŋe poroŋ memoc irec tiwâne nusepie sasac 12 hurâ fusewec.
JOH 6:14 Eme ŋic jaŋe fuŋne qaqa mâsi i hone manac erâ mumbiŋ, “Porofete sâko mâreŋko fuaocte mukicne, šine hâcne jâmbâŋ.”
JOH 6:15 Eme jaŋe Jesu orâŋkerâ mezi rorâ ŋicwofuŋ-jeŋic âkendâŋnezo ehapie hone tarac-joparâ behec-joparâ e jahackoaŋ tikio fewec.
JOH 6:16 Hae owâeme motecfâcne jaŋe riqicmecko humbiŋ.
JOH 6:17 Hurâ Kafanaum haeo risie raniŋte wokeo fembiŋ. Erâ hae dapâc eme Jesu juhame buc rambiŋ.
JOH 6:18 Ehuc mâŋâŋ sanaŋne domame siri kâcɋene qame rambiŋ.
JOH 6:19 Jaŋe kilometa 4 me 5 irec sâc rakuhapie Jesuzi riqic faio âte âte rarâ woke bâqiŋkeme honerâ fâfârembiŋ.
JOH 6:20 Iŋuc epie wira-jarerâ muwec: “Nâhâc fâkopac, mi hâwic-ŋopaoc.”
JOH 6:21 Eme wokeo ropie feocte ehapie izia woke mâreŋ razo mumbiŋko fisiwec.
JOH 6:22 Ŋic guru sâko jaŋe riqic ocniŋucnao fohapie hae furewec. Hae fureme šiŋuc mumbiŋ: “Jacne ŋafeo woke mocsâkoa ŋeme honembeneŋ, ira motecfâcne Jesu beherâ buc ferâ rambieŋ.”
JOH 6:23 Iŋuc manahuc ŋehapie Tiberia haeonec woke gâcne Wofuŋzi daŋge murâ poroŋ gumec-jopawecko ware fisimbiŋ.
JOH 6:24 Eme ŋic jaŋe Jesu e jahacne â motecfâcne basac-joparâ wokeo ferâ Kafanaum haeo risie rarâ ira basambiŋ.
JOH 6:25 Riqic šiŋucnao basaku bâfuarâ mumbiŋ, “Qaqazu, go wezimucne waremec?”
JOH 6:26 Wiocnepie šiŋuc jazawec: “No jâmbomac jâmbâŋ mupe mananiŋ, ŋoŋe fuŋne qaqa mâsi bape honeeŋgopieŋ irec mâcne, nânâ gumec-ŋopape nâ gapec embieŋ, irec basacnuŋgopieŋ.
JOH 6:27 Ŋoŋe gie banšepieŋ, erâ nânâ sisirowenere mâcne, juju sanaŋte nânâ irec giene banšepieŋ. Ŋic Fâri Wâtuŋne eki, Anutu Mamaczi kamac sarahuc âkendâŋnewecte, juju sanaŋte nânâ i sâcne ŋareocmu.”
JOH 6:28 Mume dâŋ šiŋuc bâtikiecnembiŋ: “Nâŋe weniŋuc erâ Anuture gie banaŋmu?”
JOH 6:29 Eme šiŋuc jazawec: “Ŋic sorewec e manasiŋkezo, izi Anuture gie biŋe-ŋeŋic ekac.”
JOH 6:30 Mume dâŋ šiŋuc âzâcnembiŋ: “Mo fuŋne qaqa mâsi mo batec honerâ manasiŋgunaŋmu? Mo gie mo bacmu?
JOH 6:31 Mimiŋnefâc-nâŋec jaŋe mâreŋ sawao mana nâjumbieŋ. Eme irec dâŋqâreŋ šiŋuc fokac: `Sambâŋkonec nânâ jareme nâjumbieŋ. Ž ”
JOH 6:32 Eme Jesuzi šiŋuc jazawec: “Jâmbomac jâmbâŋ mupe mananiŋ: Mose e sambâŋkonec nânâ mi bâfua-ŋarewec, Mamac-nanezi sambâŋkonec nânâ fârine ŋareekac hâcne.
JOH 6:33 Nânâ sambâŋkonec waharâ mâreŋŋic juju bâfua-ŋareekac izi Anuturaonec nânâ fârine ekac.”
JOH 6:34 Mume šiŋuc âzâcnembiŋ: “Wofuŋ, go nânâ mukic i dameŋ sâc nârezemec.”
JOH 6:35 Eme šiŋuc jazawec: “Jujure nânâ no hâcne. Moc e norao qohotaocmu e nânâre moc mi hâmoocmu, â moc e no manasiŋnuocmu e opâre moc mi hâmoocmu.
JOH 6:36 No ine ŋazape, ŋoŋe no honecnu-bipiehuc sifu mi manasiŋnueŋgopieŋ.
JOH 6:37 Mamaczi nareekac i jaŋe norao fisi-fâreniŋmu, â norao fisiocmu e mi bâsuepemu.
JOH 6:38 Sambâŋkonec wahapo i no nahacne micdâŋ dopeckepemurâ mâcne, sorecnuwec ere micdâŋ dopeckepemurâ wahapo.
JOH 6:39 Mamac-nanezi norao râec-jopaekac ŋic i jaŋe sipirickenšipiŋte hone qâzuc ejareku dameŋ sâkoo furu jaha wiwic-jopape faharenšoŋgopieŋ” sorecnuwec ere micdâŋ iŋuc hâcne fokac.
JOH 6:40 Ŋokâ hone dendeŋnehuc manasiŋkeniŋmu sâc juju sanaŋ rauckeniŋmu” Mamac-nanere micdâŋ iŋuc hâcne fokac. Eme noni dameŋ sâkoo bâɋârec-jopazokopac.”
JOH 6:41 Jesu e “sambâŋkonec nânâ no hâcne” iŋuc muwecte Judaŋic jaŋe mana sâqorecnehuc dâŋembiŋ.
JOH 6:42 Ehuc šiŋuc mumbiŋ: “Wiac Jesu e Josefere ŋokâ, neŋgoc mamac jahec-ticne i nâŋe honec-jofaeŋgopeneŋ. Eme wemocte šiŋuc mukac: `No sambâŋkonec wahapo'?”
JOH 6:43 Mupie Jesuzi šiŋuc jazarâ muwec: “Ŋoŋe boc mi manapie sâqorezejec.
JOH 6:44 Ŋic moc e jahacne maŋte norao fifisi i mi fokac, Mamac sorecnuwec eki fâreme fifisine ine fokac. Eme noni ŋic iŋucne e dameŋ sâkoo bâɋârezokopac.
JOH 6:45 Porofete jaŋere dâŋqâreŋ šiŋuc fokac: `Anutu e jahac ŋic sasawa miti jaza qazuc eocmu. Ž Irec moc e Mamaczi miti âzâcne qazuc eme manaocmu e norao fisiocmu.
JOH 6:46 Ŋic moczi moc Mamac honewec i mi fokac, Anuturaonec wahawec e mocjahazi Mamac honewec.
JOH 6:47 No jâmbomac jâmbâŋ ŋazape mananiŋ: Moc e no manasiŋnuocmuzi juju sanaŋhec eocmu.
JOH 6:48 Jujure nânâ no hâcne.
JOH 6:49 Mimiŋnefâc-ŋeŋic jaŋe mâreŋ sawao mana nâipiehuc hâmo-fârembiŋ.
JOH 6:50 Á sambâŋkonec nânâ nârâ mi hâhâmo ine norao fokac ši.
JOH 6:51 Jujure nânâ sambâŋkonec wahakicne no nahacne hâcne. Irec moc e noraonec nânâ nârâ jurašihuc juocmu sanaŋ. Biuc-nanezi nânâ ekac, i ŋiczi juju bâfuaniŋte ŋarepemu.”
JOH 6:52 Eme Judaŋic jaŋaczia mu qaqatarac erâ mumbiŋ, “E weniŋuc erâ biuc-ticne nâreme nanaŋmurâ mukac?”
JOH 6:53 Epie Jesuzi šiŋuc jazawec: “No jâmbomac jâmbâŋ ŋazakopac, ŋoŋe Ŋic Fâri Wâtuŋne ere biuc â soc mi nâniŋmuo maŋŋeŋicko juju mi fuaocmu.
JOH 6:54 Moc e nore biuc â soc nâocmuzi juju sanaŋhec eocmu, eme noni dameŋ sâkoo bâɋârezokopac.
JOH 6:55 Nore biuc izi nânâ fârine, â nore soc izi opâ fârine.
JOH 6:56 Nore biuc â soc nâocmuzi no maŋnuocmu â noni e maŋkepemu.
JOH 6:57 Mamac e juju runezi sorecnume wahapore Mamacte erâ juekopac, eme no nâcnuocmuzi iŋuc jaha nore erâ juocmu.
JOH 6:58 Sambâŋkonec nânâ irec fuŋne iŋuc fokac. I mimiŋnefâc-ŋeŋic nâmbiŋ iŋucne mâcne. Jaŋe nâipiehuc hâmombiŋ. Á nore nânâ ši nâocmu e ine jurašihuc juocmu sanaŋ.”
JOH 6:59 Jesu e Kafanaum haeo mitificko juhuc dâŋ i jaza qazuc ewec.
JOH 6:60 Kikefuŋfâc-ticne jaŋeraonec bocjahazi dâŋ i manarâ mumbiŋ, “Dâŋ kecši manapene ququŋkenehec ekac, i mozi manaocmu?”
JOH 6:61 Eme mu takic embiŋ i Jesu e maŋticnezi manarâ šiŋuc jazawec: “Dâŋ i manapie sâqorekac me?
JOH 6:62 Eme Ŋic Fâri Wâtuŋnezi mârâc juweckoa risie feme manapie weniŋuc eocmu?
JOH 6:63 Sahacte biuczi juju bâbâfua i mi fokac, juju bâbâfua i Mârore gie. No dâŋ ŋazaekopac i Mârohec â jujuhec.
JOH 6:64 Eme ŋoŋeraonec tucnezi ine mana maŋ mi eeŋgopieŋ.” Jesu e miti-ticne qikiŋneniŋmu jaŋe mârâcko mana tarac-jopawec, â doc baocmu e mâmâc mana tarawec, irec dâŋ iŋuc jazawec.
JOH 6:65 Erâ dâŋ moc šiŋuc šuhuckerâ muwec: “No irec hâcne kecšiŋuc ŋazapac: Moc e Mamaczi mi baafeckeha norao fisirâ jujune mi fokac.”
JOH 6:66 Eme dameŋ ira kikefuŋfâc-ticne jaŋeraonec bocjahazi jume jujure takic-jopame râpeckembiŋ.
JOH 6:67 Eme Jesuzi motec fuŋfuŋfâc-ticne 12 indiŋ-joparâ muwec, “Ŋoŋe iŋuc jaha râpecnuzo muŋgopieŋ me?”
JOH 6:68 Mume Simoŋ Petorozi šiŋuc âzâcnewec: “Wofuŋ, go behecgurâ moc morao ranaŋmu? Go mocjahazi juju sanaŋte dâŋ bajuekic.
JOH 6:69 Nâŋe go manasiŋguhuc šiŋuc mana-gareeŋgopeneŋ: Go Anuture Tiriŋic hâcne.”
JOH 6:70 Eme Jesuzi šiŋuc jazawec: “No motec ŋoŋe 12 rowosâec-ŋopapo. Eme wemocte ŋoŋeraonec moczi Sataŋ ekac?”
JOH 6:71 E Juda Simoŋte ŋokâ Karioto haeonec ere manasuhuc iŋuc muwec. E motec 12 jaŋere guruoneczi hâcne juku šâhecko Jesu doc bawec.
JOH 7:1 Jerusalem haeonec Judaŋic jaŋe Jesu qaniŋte dâŋ qacnepie Judaia mâreŋ-jeŋic qikiŋnerâ Galilaia mâreŋko sawa rac warec ehuc juwec.
JOH 7:2 Ehuc juhame Judaŋic rehac boze hombaŋ-jeŋic bembeŋkewec.
JOH 7:3 Ehame ɋafâc-ticne šiŋuc âzâcnembiŋ: “Go šawierâ Judaia mâreŋko rarâ, šira mâsi wiac baekic i ocna batec kikefuŋfâcge jaŋe honenšepieŋ.
JOH 7:4 Mozi fua tâcnezo murâ soŋsoŋ juhuc gie baocmu? Go gie iŋucne bazo muekicte ra ŋicguruo fua taniŋkerâ batec honeniŋ me!”
JOH 7:5 Ɋafâc-ticne jaŋe e mi manasiŋkehuc iŋuc mumbiŋ.
JOH 7:6 Mupie Jesuzi šiŋuc jazawec: “Ŋoŋe dameŋ kosao wiac ezo murâ sâcne eniŋmu, no ine dameŋ-nane mi maickekac.
JOH 7:7 Ŋic jaŋe ŋoŋe wemocko qaisoc-ŋopaniŋmu, no ine juju bapa-jeŋic sâqocne i mutaniŋkepe qaisocnueŋgopieŋ.
JOH 7:8 Ŋoŋe hombaŋko raniŋ, no ine dameŋ-nane mi maickekacte šiŋuczia mi rapemu.”
JOH 7:9 Iŋuc murâ Galilaia mâreŋkoa juwec.
JOH 7:10 Eme jaŋe bânierâ rahapie e šâhecko buc kamierâ rawec.
JOH 7:11 Eme hombaŋ maickeme Judaŋic micne jaŋe basarâ wiwioc erâ mumbiŋ, “E wena jukac?”
JOH 7:12 Á ŋic omane sâko jaŋe ere dâŋ bocjaha mufembiŋ. Ehuc gâcnezi mumbiŋ, “E ŋic biaŋne,” â gâcnezi qatararâ mumbiŋ, “Aricne, e ŋic maŋ bâsifuc ejareekac.”
JOH 7:13 Erâ Judaŋic micne jaŋere hâwic-jopame dâŋ tâtâcko mi mumbiŋ.
JOH 7:14 Eme hombaŋ šâšâŋiŋko Jesu e taha ufuŋko ferâ miti jaza qazuc ewec.
JOH 7:15 Miti mume Judaŋic micne jaŋe wareckerâ šiŋuc mumbiŋ: “E nâŋâcne mamana ficko mi juweczi weniŋuc erâ mitire fuŋne manaekac?”
JOH 7:16 Mupie Jesuzi šiŋuc jazawec: “No mitire fuŋne qazu-ŋareekopac i no nahacne mâcne, i sorecnuwec ere.
JOH 7:17 Eme mitire fuŋne kecši i Anuturaonec me no nahacnaonec, i Anutu micne reŋkehuc mana tarazo.
JOH 7:18 Moc e jahacnaonec manasurâ muocmu, e sahac mumuteŋte hata âteocmu, â moc e gie runere mumuteŋ fuaocte gie baocmu, ere ine sahac fefe tâmiric siocmâc jukac muzo.
JOH 7:19 Mose e sâcmutâc dâŋ mufua-ŋarewec. Á ŋoŋeraonec moczi moc mi reŋkeekac. Eme ŋoŋe wemo wiacte nuzo muŋgopieŋ?”
JOH 7:20 Mume ŋic omane sâko jaŋe mumbiŋ, “Go demoŋzi maŋge bâsifuckekac. Mozi guzo mukac?”
JOH 7:21 Eme Jesuzi jazawec, “No mâsi mocjaha bapo irec erâ mu warec boc eeŋgopieŋ.
JOH 7:22 Mupe mananiŋ: Mosezi motecfâc-ŋeŋic sahac-jeŋicko ma baniŋte muŋarewec. Erâ i Mosezi mi fuŋkewec, mimiŋne jaŋe fuŋkembiŋ. Eme gie i bapane maickeme sabata hombaŋko wâc baeŋgopieŋ.
JOH 7:23 Ine hâcne Mosere sâcmutâc dâŋ huckepie fârimâc ezacte hombaŋko motecfâc-ŋeŋic sahac tofa-jeŋicko gie i baeŋgopieŋ, â no ine ŋicpuriŋ sahac-ticne furu jaha hombaŋko bâpiaŋkepo, irec wemocte mana gâpâre-nareŋgopieŋ?
JOH 7:24 Ŋoŋe dâŋ onšoŋ jaha sahacne mi muniŋ, mana wosâehuc dâŋ fârine munšapiŋ me!”
JOH 7:25 Eme Jerusalem hae rune jaŋe šiŋuc mumbiŋ: “Ŋic qazo mueŋgopieŋ ine hâcne ši.
JOH 7:26 Hâc, e weniŋuc erâ dâŋ tâtâcko mume micnefâc-nâŋec jaŋe mi qataracneŋgopieŋ? Me jaŋe fuŋne-ticne mana tarahuc manacnepie Kristo ekac mecne?
JOH 7:27 Erâ iŋuc wâc mâcne mecne. E fufua-ticnere fuŋne manaŋgopeneŋ. Kristo wareocmu ine ere fuŋne kâuc bafârenaŋmu.”
JOH 7:28 Jesu e taha ufuŋko miti qazu-jarehuc domahame iŋuc mupie hahaŋne bahuc muwec, “Oi ŋoŋe, mana taracnurâ fufua-nanere fuŋne manaeŋgopieŋ, ŋoŋe hâcne. Wahapo i no nahacne maŋte mi wahapo, jâmbomac rune moc jukac eki sorecnume wahapo. Ŋoŋe e kâuc baŋgopieŋ.
JOH 7:29 No ine e jahacne bufuŋkonec sorecnume wahapore e mana tarakopac.”
JOH 7:30 Iŋuc mume kâpâcwâru baniŋte mumbiŋ. Erâ dameŋ-ticne mi maickewecte mejeŋic mâckeme behembiŋ.
JOH 7:31 Ehame ŋic omane jaŋeraonec bocjahazi fuŋkerâ Jesu manasiŋkembiŋ. Ehuc šiŋuc mumbiŋ: “Kristo fisiocmu, e ŋic šizi mâsi baekac i sirickehuc baocmu me? Aricne, e bafâreekac.”
JOH 7:32 Ŋic jaŋe dâŋ iŋucne kamierâ mupie farisaio jaŋe manarâ taha bapa micne jaŋehec nazaŋ gazaŋ erâ momori jaŋe Jesu kâpâcwâru baniŋte sorec-jopapie rambiŋ.
JOH 7:33 Eme Jesuzi ŋic šiŋuc jazawec: “No dameŋ bembeŋne sawa ŋoŋehec jurâ sorecnuwec erao risiepemu.
JOH 7:34 Eme ŋoŋe no basacnu-bipiehuc mi bâfuacnuniŋmu. Ra jupemu ira wemocko fâniŋmu.”
JOH 7:35 Iŋuc mume Judaŋic jaŋe šiŋuc muhuc nazaŋ gazaŋ embiŋ: “E wena rame basa-bipienaŋte mukac? Judaŋic âgofâc-nâŋec Grië mâreŋko juraŋgopieŋ jaŋerao raocte mukac, ehuc Grië miti jazaocte manasuhuc mukac?
JOH 7:36 Basacnu-bipiehuc mi bâfuacnuniŋmu, â rapemu ira sâcne mi fâniŋmu, dâŋ iŋucne weniŋucte mukac?”
JOH 7:37 Judaŋic jaŋe hombaŋ botâŋne ŋetaraniŋte tutumaŋ sâko ehuc ŋehapie Jesuzi faharerâ domahuc dâŋ wiwic jaha šiŋuc muwec: “Moc e opâre hâmokacko norao warerâ nâzejec.
JOH 7:38 Á moc e manasiŋnuhuc juocmu ere bumaŋkonec opâ sâro fifisine wahahuc domaocmu. Miti papiao dâŋ iŋuc hâcne qâreŋkekicne.”
JOH 7:39 Jesu manasiŋkembiŋ jaŋe Mâro biŋe qajarehuc iŋuc muwec. Jesu e dameŋ ira sambâŋ eri tatamac-ticnere maŋnao mi risie fewecte Mâro mi wahawec.
JOH 7:40 Ŋic jaŋe dâŋ i manarâ Jesure šiŋuc mumbiŋ: “E jâmbomac porofete sâko-nâŋec.”
JOH 7:41 Á gâcnezi mumbiŋ, “E Kristo jâmbâŋ.” Mupie tucnezi qatararâ mumbiŋ, “Wiac Kristo e wemocko Galilaia mâreŋkonec fuaocmu.
JOH 7:42 Tiri Papiao dâŋ šiŋuc mukicne: Kristo e Dawidire haefuŋ Betelehem ira oso gitecfâc-ticne jaŋere ŋondeŋkonec fuaocmu.”
JOH 7:43 Ŋic jaŋe Jesure iŋuc muhuc fâuckembiŋ.
JOH 7:44 Eme gâcnezi kâpâcwâru baniŋte murâ mejeŋic mâckeme behembiŋ.
JOH 7:45 Eme momori jaŋe taha bapa micne â farisaio jaŋerao risiepie wio-jarerâ mumbiŋ: “Ŋoŋe wemocte mi rorâ bawareŋgopieŋ?”
JOH 7:46 Wiopie momori jaŋe mumbiŋ, “E dâŋ muekac, iŋucne ŋic gâcnezi.mumune mi fokac.”
JOH 7:47 Mupie farisaio ŋic jaŋe šiŋuc jazambiŋ: “Me, ŋoŋe iŋuc jaha maŋ bâsifuc eŋarejec?
JOH 7:48 Soŋaŋ kâcɋene â farisaio ŋic nâŋeraonec moczi erao moc qohotakac me?
JOH 7:49 I aricne i, ŋic omane guru, sâcmutâc dâŋ mi mamana jaŋe sawa, hârâcte biŋe jaŋe hâcne.”
JOH 7:50 Eme âgo-jeŋic moc Nikodemo, mârâc Jesu iqickewec, eki ine šiŋuc jazawec:
JOH 7:51 “Ŋoŋe muniŋ, ŋic moc fuŋne-ticne mi manahuc â kiŋticne mi honehuc okacnere dâŋ mâc mumutarane, iŋuc ezore sâcmutâc papia-nâŋecko moc qâreŋkekicne fokac me?”
JOH 7:52 Eme âgofâcne jaŋe šiŋuc mumbiŋ: “Eme go iŋuc jaha Galilaia mâreŋkonec me? Wose gufuc eku šiŋuc manacmu: Galilaia mâreŋkonec porofete fufuane mi fokac.” [
JOH 7:53 Eme jaŋe râwiŋnerâ ficjeŋic sâc rafârembiŋ.
JOH 8:1 Jesu e Oliwa tikio fewec.
JOH 8:2 Hae fureme irecnec risierâ taha ufuŋko feme ŋic jaŋe erao mâretec tumaŋnembiŋ. Eme ira ŋehuc miti jaza qazuc ewec.
JOH 8:3 Ehame miti qaqazu â farisaio ŋic jaŋe ŋokac moc boe sau ehuc juhame bâfuakicne e Jesurao bararâ
JOH 8:4 mumbiŋ, “Qaqazu, ŋokac kecši boe sau ehuc juhame bâfuakicne.
JOH 8:5 Eme Mose e ŋokac iŋucne qânâzi hehâmoc-jopazore sâcmutâc dâŋko munârewec. Gahac ine weniŋuc mukic?”
JOH 8:6 I mâc esâickepie dâŋ iŋuc me iŋuc mume dâŋko râeniŋte fecnehuc mumbiŋ. Mupie Jesu e daperâ mâreŋko mezi qâreŋkewec.
JOH 8:7 Qâreŋkehame wiocnerâ wiocne epie qâhâŋnerâ šiŋuc jazawec: “Ŋoŋeraonec moc bahac tâmiric juekaczi fuŋkerâ qânâzi heme henšepieŋ.”
JOH 8:8 Iŋuc murâ mocwâc daperâ mâreŋko qâreŋkewec.
JOH 8:9 Ehame jaŋe dâŋticne manarâ micnezi bânieme moc moc raku rafârembiŋ. Eme ŋokac e Jesure maŋfuŋko buc domame,
JOH 8:10 Jesuzi qâhâŋnerâ wiocnerâ muwec: “Ŋokac, jaŋe wena? Moczi moc okacnere dâŋ mi mugarejec me?”
JOH 8:11 Eme ŋokazi muwec, “Wofuŋ, aricne.” Mume muwec, “Eme noni iŋuc jaha okacnere dâŋ mi mugarepemu. Go mâc ra juhuc sâqocne mocwâc mi bazemec.”]
JOH 8:12 Eme Jesuzi ŋic dâŋ moc šiŋuc šuhuckerâ jazawec: “No mâreŋ sâc ŋic ŋoŋere šoctamac. Eme moc e no bâjâpecnuocmuzi dapâcko mi rahuc juocmu. E jujure tatamac focnehame juocmu.”
JOH 8:13 Iŋuc mume farisaio ŋic jaŋe šiŋuc âzâcnembiŋ: “Ʒi go gahac fuŋnege mutaniŋkekomec, i manapene fârine mi ekac.”
JOH 8:14 Mupie Jesuzi šiŋuc jazawec: “No nahac fuŋne-nane mutaniŋkepe irec fârimâc mi eekac. No wenirec warepo â wena rapemu irec fuŋne manahuc dâŋ muekopac. Ŋoŋe ine irec â irec mâmâc kâuc baeŋgopieŋ.
JOH 8:15 Ŋoŋe fuŋne riritu gie baeŋgopieŋ i sasahac eekac. No ine fuŋne riritu gie mi baekopac.
JOH 8:16 Me fuŋne riritu gie bapemuo ine fârinehec eocmu. No fuŋne riritu gie buc bapane mi fokac. Mamac sorecnuwec eki baficnume bapane fokac.
JOH 8:17 Eme sâcmutâc dâŋŋeŋicko kecšiŋuc fokac: `Ŋic jajaheczi mocte fuŋne ritupire fârine muzo. Ž
JOH 8:18 Eme no fuŋne-nane mutaniŋkehape Mamac sorecnuwec eki iŋuc jaha mutaniŋkeekac.”
JOH 8:19 Dâŋ iŋuc jazame wiocnerâ mumbiŋ, “Mamacge wena?” Eme šiŋuc jazawec: “Ŋoŋe no mi mana taracnuhuc Mamac-nane iŋuc jaha mi mana taraeŋgopieŋ, no mana taracnurâ muzac, Mamac-nane iŋuc jaha mana taranšapiŋ.”
JOH 8:20 Jesu e ufuŋko taha katapa ŋewec maŋne ira miti jaza qazuc ehuc dâŋ i muwec. Eme dameŋ-ticne mi maickewecte wemocko afeckerâ kâpâcwâru banšapiŋ.
JOH 8:21 Eme Jesu e harierâ šiŋuc jazawec: “No behec-ŋopa rape ŋoŋe basacnurâ sâqocne-ŋeŋichec juku hâmoniŋmu. No ra jupemu ira wemocko fâniŋmu.”
JOH 8:22 Iŋuc mume Judaŋic jaŋe mumbiŋ, `à `No ra jupemu ira wemocko fâniŋmu', iŋuc wemocte mukac? Sahac-ticne qarâ hâmoocte mukac me weniŋuc?”
JOH 8:23 Eme Jesuzi šiŋuc jazawec: “Ŋoŋe juwickonec, no faickonec, ŋoŋe mâreŋkonec, no mâreŋkonec mâcne.
JOH 8:24 No irec hâcne ŋazakopac: ŋoŋe sâqocne-ŋeŋichec juku hâmoniŋmu. No jukopac ši fuŋne-nane ŋazaekopac i mi mana šakieniŋmuo, sâqocne-ŋeŋic foŋarehame hâmoniŋmu hâcne.”
JOH 8:25 Mume wiocnerâ mumbiŋ, “Eme go mo?” Mupie Jesuzi jazawec, “Ŋazaekopac i jâmbâŋ hâcne.
JOH 8:26 No ŋoŋere bahac â kiŋdâŋ bocjaha bajuekopac. Sorecnuwec eki dâŋ fârine muekac, eme noni micticnaonec manapo ijaha šira mâreŋko mufuaekopac.”
JOH 8:27 Mamac-ticnere iŋuc jazame jaŋe mi mana tarambiŋ.
JOH 8:28 Irec Jesuzi šuhuckerâ šiŋuc jazawec: “Ŋoŋe Ŋic Fâri Wâtuŋne bâfeŋnerâ fuŋne-ticne mana taraniŋmu. Erâ no nahacne maŋte wiac mi eekopac, Mamaczi qazu-narewec dâŋ ijaha muekopac, i wâc mana taraniŋmu.
JOH 8:29 Sorecnuwec e nohec juekac. No dameŋ sâc wiac epe bape maname biaŋkeekacte no mi behecnuekac.”
JOH 8:30 Dâŋ iŋuc mume ŋic bocjahazi manasiŋkembiŋ.
JOH 8:31 Eme e manasiŋkembiŋ Judaŋic jaŋe hâcne šiŋuc jazawec: “Ŋoŋe nore dâŋko juhuc ine motec fuŋfuŋfâc-nane eniŋmu.
JOH 8:32 Eme nore dâŋ fâri qizecne mana tarapie izi batarac-ŋopame niŋgiŋ tâmiric sâcne erâ juniŋmu.”
JOH 8:33 Mume dâŋ šiŋuc bâtikiecnembiŋ: “Nâŋe Abrahamte ɋâricfâc, mozi mo kiŋaŋ qaqafâc-ticne bacnâporâ niŋgiŋ-nâpowecte go šiŋuc mukomec: `Niŋgiŋ tâmiric eniŋmu'?”
JOH 8:34 Eme Jesuzi šiŋuc jazawec: “No jâmbomac jâmbâŋ ŋazakopac, moc e sâqocne baocmuzi sâqocnere kiŋaŋ qaqa eocmu.
JOH 8:35 Kiŋaŋ qaqazi bomboŋ-ticnere fic haeoa hati mi jurâ ju eocmu, ŋokâzi ine mamac-ticnere fic haeo hati jurašihuc juocmu.
JOH 8:36 Irec Ŋokâ eki firuec-ŋopame ŋoŋe jâmbomac niŋgiŋ tâmiric juniŋmu.
JOH 8:37 “Ŋoŋe Abrahamte ɋâricfâc, i noni manakopac. Eme ŋoŋe ine dâŋnanezi ŋoŋerao hesowariekacte qâhâmocnuzo muŋgopieŋ.
JOH 8:38 No Mamac-nanerao wiac honehuc jupo irec hâcne muekopac, â ŋoŋe ine ŋaŋacne mamactaonec wiac manambiŋ i eeŋgopieŋ.”
JOH 8:39 Mume šiŋuc âzâcnembiŋ: “Nâŋe mamac-nâŋec Abraham.” Eme Jesuzi šiŋuc jazawec: “Ŋoŋe Abrahamte ɋâricfâc jurâ muzac e hawari enšapiŋ.
JOH 8:40 Anuturao dâŋ fâri qizecne manapo i ŋazaekopac, ehame ŋoŋe nuzo muŋgopieŋ. Wiac iŋucne Abrahamzi mi ewec.
JOH 8:41 Ŋoŋe ine ŋaŋacne maŋte hata âteeŋgopieŋ.” Eme jaŋe mumbiŋ, “Nâŋe fiuckonec mi fuambeŋ, Anutu e Mamac-nâŋec mocjaha.”
JOH 8:42 Mupie Jesuzi šiŋuc jazawec: “Mamac-ŋeŋic Anutu eme muzac, no âgo enarenšapiŋ. No Anuturaonec hâcne wahapo, no nahacne. maŋte mi wahapo, eki sorecnume wahapo.
JOH 8:43 Weniŋuc erâ jupie dâŋnanezi maŋŋeŋicko mi huekac? No dâŋ mupe ŋoŋe hazec afec mi manaeŋgopieŋ irec hâcne.
JOH 8:44 Ŋoŋe mamac-ŋeŋic Sataŋ, eme ere qafeŋko wiac eeŋgopieŋ. E mârâc jaha ŋic sisipiric juweczi juwareekac. E dâŋ fâri qizecne râpeckewecte maŋticnao jâmbomac dâŋ moc mi fokac. E bureczi nânâ opâ-ticne ewec. E burecŋic â burecte mamac.
JOH 8:45 No ine dâŋ fâri qizecne ŋazaekopacte dâŋnane qikiŋneeŋgopieŋ.
JOH 8:46 Ŋoŋeraonec moczi sâcne nore bahac moc muocmu? Eme no sâc iŋucnezi dâŋ fâri qizecne ŋazape wemocte mi mana šakieeŋgopieŋ?
JOH 8:47 Moc e Anuture biŋe juocmuzi dâŋticne manaocmu. Ŋoŋe Anuture biŋe mi jueŋgopieŋte dâŋticne qikiŋneeŋgopieŋ.”
JOH 8:48 Mume Judaŋic jaŋe dâŋ šiŋuc bâtikiecnembiŋ: “Wiac wemo mueŋgopeneŋ, go Samaria ŋic, go demoŋzi egareekac.”
JOH 8:49 Eme Jesuzi šiŋuc jazawec: “No demoŋzi mi enareekac, no Mamac-nane sâseekopac, ŋoŋe ine no ba jawa enareeŋgopieŋ.
JOH 8:50 No šâŋe biŋe-nanere manabâc erâ mi ŋazakopac. šâŋe biŋe-nane hewirickerâ irec dâŋne mumu ine mocte gie.
JOH 8:51 No jâmbomac jâmbâŋ ŋazape mananiŋ: Moc e nore dâŋ bajuocmuzi hâmoc moc mi maicke-jâmbâŋkeocmu.”
JOH 8:52 Iŋuc mume Judaŋic jaŋe kecšiŋuc mumbiŋ: “Demoŋzi egareekac, i jâmbomac. Abraham hâmowec, â porofete jaŋe iŋuc jaha hâmombiŋ, ehame go šiŋuc mukic: `Moc e nore dâŋ bajuocmuzi hâmoc moc mi maickeocmu. Ž
JOH 8:53 Mamac-nâŋec Abraham e sâkozi hâmowec, eme go ere sâc jâuruzo mukomec? Á porofete jaŋe iŋuc jaha wâc hâmombiŋ. Go wemocte sahacge boc bafekomec?”
JOH 8:54 Mupie Jesuzi šiŋuc jazawec: “No nahac sahac-nane bafepe mi sâckeocmu. Mamac-nane jukac, e Anutu-nâŋec mucneeŋgopieŋ, eki ine muafecnuekac.
JOH 8:55 Ŋoŋe e mi mana taraeŋgopieŋ, no ine mana taraekopac. Irec no weniŋuc mi mana tarakopac mupemu. I mupe burec eme ŋoŋere sâc ezapo. Aricne, no mana tarahuc dâŋticne bajuekopac.
JOH 8:56 Mamac-ŋeŋic Abraham e nore šâfo maickeme honeocte aŋac sâko bajuwec. Erâ juku maickeme honerâ šeri ewec.”
JOH 8:57 Iŋuc mume Judaŋic jaŋe mumbiŋ, “Go jarage 50 mi bazumeŋzi Abraham honemeŋ me?”
JOH 8:58 Mupie Jesuzi jazawec: “No jâmbomac jâmbâŋ ŋazape: No Abraham mi fuarâ juhame jupozi jukopac.”
JOH 8:59 Iŋuc mume qânâ rorâ hezo epie e fosiroŋnerâ taha ufuŋkonec wahawec.
JOH 9:1 Jesu e hata rahuc ŋic moc neŋgoc bumaŋkonec tiŋtuŋ fuakicne e bâfuawec.
JOH 9:2 Eme motecfâcne jaŋe wiocnerâ mumbiŋ, “Qaqazu, more kiŋte tiŋtuŋ fuawec, e jahacne me neŋgoc mamac jahere?”
JOH 9:3 Mupie Jesuzi šiŋuc jazawec: “Irec aricne, e jahacne kiŋte me neŋgoc mamac jahere kiŋte mâcne, Anutu tâpiri-ticnere fuŋne erao taniŋkeocte iŋuc fuawec.
JOH 9:4 Nâŋâc sorecnuwec ere gie šoaŋkoa bahuc junšepeneŋ, ŋafe fuame gie bapane arictac eocmu.
JOH 9:5 No mâreŋko jupemu sâc šoctamac-nanezi âke tamae-ŋareocmu.”
JOH 9:6 Iŋuc murâ mâreŋko tâfeckerâ afe jârickerâ ŋic tiŋtuŋ šâŋene ruacnerâ
JOH 9:7 šiŋuc muhuc sorewec: “Go rarâ Siloam riqicko wânâŋge šurec.” (Siloam i nâŋâcne dâŋko sorekicne.(c) Eme ŋic e rarâ sahac-ticne šurehuc šâŋe fitâcnewec.
JOH 9:8 Iŋuc erâ risieme âgofâc-ticne jaŋe, â nânâre numu-jarehuc juwec ŋic i jaŋe mâmâc honerâ wiwioc erâ mumbiŋ: “Nânâre numu-nârehuc ŋeŋerâ juekac e hâcne me?”
JOH 9:9 Eme tucnezi mumbiŋ, “Ine hâcne.” Á tucnezi mumbiŋ, “Aricne, e tinac moc.” Iŋuc mupie e jahac muwec, “No hâcne ši `à
JOH 9:10 Eme wiocnerâ mumbiŋ, “Weniŋuc erâ šâŋe fitâcnekomec?”
JOH 9:11 Eme jazawec, “Ŋic moc šâŋene Jesu eki afe jârickerâ šâŋe-nane ruacnerâ šiŋuc nazajec: `Go Siloam riqicko rarâ sahacge šurec. Ž Eme no rarâ sahac-nane šurerâ šâŋe fifi epac.”
JOH 9:12 Iŋuc mume wiocnerâ mumbiŋ, “Ŋic e wena jukac?” Eme muwec, “No mi manakopac.”
JOH 9:13 Eme ŋic tiŋtuŋ ecnewec e farisaio jaŋerao jowa rambiŋ.
JOH 9:14 Eme Jesuzi afe jârickerâ šâŋene bâtâcnewec i sabata hombaŋko ewec.
JOH 9:15 Eme farisaio ŋic jaŋe iŋuc jaha wiocnerâ mumbiŋ, “Go weniŋuc erâ šâŋe fifi emec?” Mupie šiŋuc jazawec: “E šâŋe-nane afe ruacneme no ra sahac-nane šurerâ šâŋe fifi epac.”
JOH 9:16 Eme farisaio jaŋeraonec gâcnezi mumbiŋ, “Ŋic e Anuturaonec aricne, e hombaŋ-nâŋec qâsuakac.” Gâcnezi ine mumbiŋ, “E hehesic juhuc muzac mâsi iŋucne wemocko bazac.” Iŋuc muhuc qaqatarac embiŋ.
JOH 9:17 Ehuc ŋic tiŋtuŋ ecnewec e indiŋkerâ mumbiŋ, “Ʒâŋege bâtâcnejec, gahac ere weniŋuc mukic?” Eme muwec, “E porofete.”
JOH 9:18 Eme Judaŋic jaŋe ŋic e jâmbomac šâŋe tiŋtuŋ juku šâŋe fifi ejec, iŋuc muhuc maŋjahec erâ neŋgoc mamac jahec-ticne hefârec-jofarâ
JOH 9:19 wio-jacterâ mumbiŋ: “Ŋokâ-ŋekic tiŋtuŋ fuawec mukopirec šine hâcne? E weniŋuc erâ šâŋe fifi ejec?”
JOH 9:20 Eme neŋgoc mamac jahecne šiŋuc mupic: “E ŋokâ-nâhec, i manakoperec, â tiŋtuŋ fuawec, i wâc manakoperec.
JOH 9:21 Erâ weniŋuc erâ šâŋe fifi ejec, me mozi šâŋene bâtâcnejec, ine mi manakoperec. Wiac e soka-fârekicne, irec e jahacne wiocnepie fuŋne-ticne ŋazaoc.”
JOH 9:22 I Judaŋic jaŋere hâwic-jofame iŋuc mupic. Jaŋe dâŋ šiŋuc mujomirembiŋ: “Moc e Jesure Kristo mume miti sakarecnenšepeneŋ.”
JOH 9:23 Irec hâcne neŋgoc mamac jahec-ticne hâwic-jofame šiŋuc mupic: “E soka tarakicnere e jahacne wiocneniŋ.”
JOH 9:24 Eme ŋic šâŋe tiŋtuŋ ecnewec e mocwâc hefârerâ šiŋuc âzâcnembiŋ: “Go Anutu muteŋkehuc dâŋenšaŋ, nâŋe ŋic ere fuŋne manaŋgopeneŋ, e hehesicne.”
JOH 9:25 Mupie šiŋuc jazawec: “E ŋic hehesicne me mâcne, i mi manakopac. Á tiŋtuŋ jupozi šâŋe fifi epac, ine mana-jâmbâŋkekopac.”
JOH 9:26 Mume harierâ wiocnembiŋ, “Weniŋuc egarejec, weniŋuc erâ šâŋege bâtâcnejec?”
JOH 9:27 Mupie šiŋuc jazawec: “No ŋazapac i, ŋoŋe ine mi manambieŋ” wemocte hâsine ŋazape mananiŋte muŋgopieŋ? ŋoŋe motecfâcne ezo muŋgopieŋ me?”
JOH 9:28 Iŋuc mume haneckerâ mumbiŋ, “Go hâcne motec-ticne, nâŋe ine Mosere motecfâc.
JOH 9:29 Mose e Anutuzi dâŋ âzâcnewec, i manaŋgopeneŋ, â ŋic e irec me irec fuarâ warewec ine mi manaŋgopeneŋ.”
JOH 9:30 Mupie ŋiczi dâŋ šiŋuc bâtikie-jarewec: “Ʒâŋe-nane bâtâcnejec ere fufuare kâuc bapie warec-ŋopakopac.
JOH 9:31 Nâŋâc kecšiŋuc manaeŋgopeneŋ: Anutu e ŋic hehesicne mi bafic-jopaekac, moc e araŋ bacnehuc micne reŋkeme bafickeocmu.
JOH 9:32 Á ŋic moczi tiŋtuŋ fuakicne moc šâŋe fifi bawec, biŋe iŋucne mâreŋ fufuaonecteaŋ moc mi mana wefukicne.
JOH 9:33 Irec ŋic e Anuturaonec mi waharâ muzac, gie iŋucne wemocko bazac.”
JOH 9:34 Mume šiŋuc âzâcnembiŋ: “Sâqoc qaqocne fuakicne go iŋucnezi miti qazu-nârekomec me?” Iŋuc murâ tuŋkembiŋ.
JOH 9:35 Tuŋkepie Jesuzi manawec. Erâ bâfuarâ wiocnerâ muwec, “Go Ŋic Fâri Wâtuŋne e manasiŋkekomec?”
JOH 9:36 Eme ŋiczi muwec, “Wofuŋ go mukomec e mo? Nowatutec hone tararâ manasiŋkepe.”
JOH 9:37 Mume Jesuzi šiŋuc âzâcnewec: “Á go honemec, dâŋ gazakopac no hâcne ine.”
JOH 9:38 Eme ŋiczi muwec, “Wofuŋ, no manasiŋgukopac”, iŋuc murâ kikefuŋnao fodapewec.
JOH 9:39 Eme Jesuzi muwec, “No ŋic fuŋne-ŋeŋic bajaŋgeŋkepemurâ mâreŋko wahapo. Eme irec tiŋtuŋzi šâŋe fifi enšepieŋ â šâŋe fifizi tiŋtuŋ enšepieŋ.”
JOH 9:40 Iŋuc mume farisaio ŋic mâmâc domambiŋ jaŋe manarâ mumbiŋ, “Á nâŋe tiŋtuŋ me?”
JOH 9:41 Mupie Jesuzi jazawec “Ŋoŋe tiŋtuŋ jurâ muzac kiŋ tâmiric enšapiŋ. Ŋaŋac mueŋgopieŋ, `Nâŋe šâŋe fifi', irec kiŋ foŋareocmu.”
JOH 10:1 Jesuzi dâŋ šiŋuc muwec: “No jâmbomac jâmbâŋ ŋazape mananiŋ, moc e lama jaŋere sapao feocte motâcko mi rašihuc mocko sac huckerâ huocmu, ere fiuc roro â soroŋ qaqa muzo.
JOH 10:2 Moc e motâcko raširâ feocmu, ere ine lama soŋaŋ-jeŋic muzo.
JOH 10:3 E fisime motâc soŋaŋzi honerâ motâc rocneocmu â lama jaŋe dâŋ hawari-ticne mananiŋmu. Eme lamafâc-ticne jaŋere šâŋe wirahuc sapaonec jowac-jopa wahaocmu.
JOH 10:4 E jahacne biŋefâc jowac-jopa-fâreme waharâ, dâŋ hawari-ticne manaeŋgopieŋte bâjâpeniŋmu.
JOH 10:5 Ŋic furune moc e ine mi bâjâpeniŋmu, e dâŋ hawari-ticne kâuc bahuc hâhâwic bacnerâ wiseniŋmu.”
JOH 10:6 Jesu e dâŋ suŋsuŋne iŋuc mume jaŋe weniŋucte iŋuc mukac muhuc kâuc bambiŋ.
JOH 10:7 Eme Jesu e harierâ jazawec, “Jâmbomac jâmbâŋ ŋazape mananiŋ, lama jaŋerao fefe irec motâc no.
JOH 10:8 No mi fuahape fuambiŋ jaŋe ine fiuc roro â soroŋ qaqa. Irec lama jaŋe dâŋjeŋic mi manambiŋ.
JOH 10:9 Motâc no hâcne. Moc e fotâcnurâ rašiocmu, e mi sipirickeocmu. E rašic wefuc ehuc nânâ mâriri bâfuaocmu.
JOH 10:10 Fiuc roro e lama qa sipiric erâ fiuc bawiseocte sawa fisiekac. No ine lama jaŋe juhâc qâhâmoniŋte nânâ bâfuape ɋaŋɋaŋ ɋâriaŋ fojareocte fisipo.
JOH 10:11 “No soŋaŋ biaŋne. Soŋaŋ biaŋnezi lama jaŋere erâ juju-ticne qikiŋneocmu.
JOH 10:12 Soŋaŋ jabane, lama ru jeŋic mi juekaczi ine kâte qâto fisime honerâ lama behec-joparâ wiseocmu. Ehame kâte qâtozi lama ki bâtâtiec ejareocmu.
JOH 10:13 E soŋaŋ jabanere lama jaŋere manabâc mi eocmu.
JOH 10:14 No ine soŋaŋ biaŋne juekopac, eme Mamac â no hohonec mamanac eekoperec,
JOH 10:15 irec sâcko no â gurufâc-nane hohonec mamanac eeŋgopeneŋ. Irec no lama jaŋere erâ juju-nane qikiŋnepemu.
JOH 10:16 No lamafâc-nane guru moc juŋgopieŋ, jaŋe sapa širecnec mâcne, eme no jaŋe wâc mâmâc amec-jopa warepe dâŋnane mananiŋmu. Eme lamazi guru mocjaha â soŋaŋzi wâc mocjaha iŋuc fuaocmu.
JOH 10:17 No juju-nane qikiŋnerâ mocwâc ropemu, irec Mamaczi nore ecneekac.
JOH 10:18 Juju-nane moczi mi nowac roocmu, i no nahacne maŋte qikiŋnepemu. No juju-nane qikiŋnepemurâ â ropemurâ irec tâpiri mâmâc fonarekac. Iŋuc epemurâ Mamac-nanezi munarewec.”
JOH 10:19 Jesu e dâŋ iŋuc mume Judaŋic jaŋe manarâ mocwâc mu qaqatarac embiŋ.
JOH 10:20 Ehuc bocjahazi šiŋuc mumbiŋ: “E demoŋzi ecneme maŋne sifuckekac, dâŋ mume wemocte manahuc juŋgopieŋ.”
JOH 10:21 Gâcnezi ine šiŋuc mumbiŋ: “Demoŋheczi dâŋ iŋucne mi muocmu, me demoŋ moczi ŋic tiŋtuŋ jaŋere šâŋe sâcne bâtâcneocmu me?”
JOH 10:22 Judaŋic taha ufuŋ jambuŋkembiŋ irec jara hombaŋ i mâmâteŋ dameŋko maickeme
JOH 10:23 Jesu e taha ufuŋ irec maŋne moc šâŋene Salomo ira rac warec ehuc juhame
JOH 10:24 Judaŋic jaŋe orâŋkerâ šiŋuc muhuc âzâcnembiŋ: “Go wemocte fuŋnege hesoŋketec maŋjahec boc eeŋgopeneŋ? Go Kristo jukomecko mutaniŋkerâ nâzâc me!”
JOH 10:25 Eme Jesuzi šiŋuc jazawec: “No ŋazape mi mana šakieeŋgopieŋ. Mamac-nanere micte gie baekopac izi mutaniŋnuekac.
JOH 10:26 Á ŋoŋe ine lamafâc-nane mi erâ juŋgopieŋte dâŋnane mi mana šakiee ŋgopieŋ.
JOH 10:27 Lamafâc-nane erâ juŋgopieŋ jaŋe dâŋnane manaengopieŋ. Eme noni mana tarac-jopahape bâjâpecnueŋgopieŋ.
JOH 10:28 Eme juju sanaŋ bâfua-jarepe sisipiric tâmiric jurašihuc juniŋmu. Jaŋe nore meonec moczi babatarac-jopane mi fokac.
JOH 10:29 Mamac-nanezi norao ŋec-jopawec e ŋic â wiac sasawa qâhuc-jopa-fârekac. Eme jaŋe moczi Mamac-nanere meonec sâcne mi batarac-jopaocmu.
JOH 10:30 No â Mamac nâhe mocjaha.”
JOH 10:31 Iŋuc mume Judaŋic jaŋe qânâ ameckerâ hezo embiŋ.
JOH 10:32 Iŋuc epie Jesuzi šiŋuc jazawec: “Gie biaŋne fuŋne fuŋne Mamacte ŋesiŋko bape honembieŋ, eme ŋoŋe wenimo irec qânâzi hecnuzo eŋgopieŋ?”
JOH 10:33 Eme Judaŋic jaŋe micnao rorâ šiŋuc âzâcnembiŋ: “Gie biaŋne baekic irec mâcne, go ŋic jaha juekiczi Anutu âkehockehuc gahacnere Anutu muekic, irec qânâzi hecguzo muŋgopeneŋ.”
JOH 10:34 Iŋuc mupie Jesuzi šiŋuc jazawec: “Sâcmutâc dâŋŋeŋicko šiŋuc mukicne: `Noni mupo, ŋoŋe nemu'.
JOH 10:35 Eme mitire dâŋqâreŋ i âke sipuhuc moc mumune mi fokac. Erâ Anuture dâŋ fua-jare jujec iŋucne mac jaŋe nemu mujarewec.
JOH 10:36 Ehame ši ine no Mamaczi mutiricnurâ sorecnume wahapozi `no Anuture ŊokâƷ iŋuc mupe ŋoŋe wemocte muŋgopieŋ, `Go Anutu âkehockekic'?
JOH 10:37 Gie baekopac i honepie Mamac-nanere sâc mi eekacko dâŋnane qikiŋnepie sâckeocmu.
JOH 10:38 Me honepie Mamac-nanere sâc eekacko ine dâŋnanere mâcne, gie bapa-nanere erâ šâŋitacnunšepieŋ, ehuc Mamaczi no maŋnuekac â noni Mamac maŋkeekopac irec fuŋne mana taranšepieŋ.”
JOH 10:39 Iŋuc mume kâpâcwâru bazo ehuc bârucnepie rawec.
JOH 10:40 Eme Jesu e Jordaŋ opâ ocniŋucnao Johanezi mârâc fuŋkerâ ŋic opâ rua-jare jujecko ra juwec.
JOH 10:41 Ira juhame ŋic bocjahazi erao fisirâ dâŋ šiŋuc mumbiŋ: “Johane e mâsi bapa i mi bawec, â ŋic kecširec dâŋ muwec ine fideteŋ efârekac.”
JOH 10:42 Eme mâreŋ ira bocjahazi Jesu manasiŋkembiŋ.
JOH 11:1 Betania haeo ŋic moc juwec šâŋene Lazaro, e huc bame fowec. Maria â Mata jahe hahac qozi hae irecteaŋ.
JOH 11:2 Maria eki hâcne Wofuŋ opâ âsu biaŋ ruacnerâ qizec susuc-ticnezi kikene bâkereŋkewec. Ɋaticne Lazaro hâcne huc fowec.
JOH 11:3 Eme jahe hahac qozi Jesurao dâŋ kecšiŋuc muhuc râepire rawec: “Wofuŋ go manac, âgoge huc fokac.”
JOH 11:4 Eme Jesuzi biŋe manarâ šiŋuc muwec: “Huc irec fârine hâmoc fuaocte mâcne, Anuture mumuteŋ fuaocte mukicne. Anutu ŋokâ-ticne ere sambâŋ qâreŋ fua taniŋkeocte hâcne.”
JOH 11:5 Mata â qoticne â Lazaro jaŋere Jesuzi ecnewec.
JOH 11:6 Eme hucte biŋe manarâ juweckoa gie bapa jajahec mocwâc juwec.
JOH 11:7 Iŋuc jurâ motecfâcne šiŋuc jazawec: “Warepie Judaia mâreŋko risie ranaŋ.”
JOH 11:8 Mume motecfâcne jaŋe šiŋuc âzâcnembiŋ: “Qaqazu, Judaŋic jaŋe juc bânic moc ira qânâzi hecguzo mumbiŋ, eme ši wemocte jaŋerao mocwâc risiezo mukic?”
JOH 11:9 Mupie Jesuzi šiŋuc jazawec: “Gie bapa dameŋ aua 12 fokac i¡ Moc e šoaŋko hata rahame wiac moczi he âkec mi ecneocmu, e tatamacko wiac sâcne honeocmu.
JOH 11:10 Moc e ŋafeo tatamac basahuc hata rahame ine he âkec ecneocmu.”
JOH 11:11 Iŋuc murâ dâŋ moc šiŋuc šuhuckewec: “Âgo-nâŋec Lazaro guŋ fokac, eme no rarâ wiwickepemu.”
JOH 11:12 Eme motec jaŋe šiŋuc mumbiŋ: “Wofuŋ, guŋ fohuc biaŋkeocmu.”
JOH 11:13 Jesu e hâmocte dâŋ suŋsuŋne mume jaŋe guŋ jâmbâŋte mukac muhuc mi mana-hâmombiŋ.
JOH 11:14 Irec Jesuzi muɋaɋackerâ jazawec, “Lazaro hâmojec.
JOH 11:15 No ira mi ra juhape hâmojecte ŋoŋere erâ bunane biaŋkekac, ŋoŋe mamanasiŋ fârihec eniŋte wiac i fuajec. ši ine erao ranaŋ.”
JOH 11:16 Eme Toma, šâŋene moc Didimo, eki motec âgofâcne šiŋuc jazawec: “Nâŋâc mâmâc rarâ ehec hâmonšepeneŋ.”
JOH 11:17 Lazaro šâŋeruŋko fohame šoaŋ gie bapa jahec â jahec ehame Jesu ra fisiwec.
JOH 11:18 Betania hae i Jerusalem hae irec rašimicne bembeŋko ŋewecte
JOH 11:19 irecnec Judaŋic bocjahazi Mata â Maria ɋajekic hâmowecte soŋgâŋ fâsâc honec-jofazo rambiŋ.
JOH 11:20 Eme Mata e Jesu fisikac mupie manarâ Maria ficko ŋehame ra hatao bâfuawec.
JOH 11:21 Bâfuarâ šiŋuc âzâcnewec: “Wofuŋ, go šira jutec muzac ɋanane mi hâmozac.
JOH 11:22 Erâ šiŋuczia gore wâc manakopac, wiac irec me irec Anutu numucnetec mana-gareocmu.”
JOH 11:23 Eme Jesuzi šiŋuc âzâcnewec: “Ɋage ɋârerâ fahareocmu.”
JOH 11:24 Mume Matazi šiŋuc muwec: “Juku dameŋ sâkoo ɋârerâ fahareocmu i manakopac.”
JOH 11:25 Eme Jesuzi šiŋuc âzâcnewec: “Ɋâɋâre â juju rune no, irec moc e no manasiŋnuocmuzi hâmo-bipierâ juocmu,
JOH 11:26 â moc e ɋâricne juhuc manasiŋnuocmuzi hâhâmo tâmiric jurašihuc juocmu sanaŋ. Go dâŋ i mana šakiekomec?”
JOH 11:27 Eme Matazi muwec: “Go Kristo Anuture Ŋokâzi mâreŋko wahaocte mukicne hâcne, i maŋnanezi mana šakiekopac.”
JOH 11:28 Dâŋ iŋuc murâ qoticne Maria wiracnerâ saŋucko šiŋuc âzâcnewec: “Qaqazu warejec gore mukac.”
JOH 11:29 Eme Mariazi manarâ izia faharerâ Jesurao rawec.
JOH 11:30 Jesu e hae upeo Mata dâŋ âzâcneweckoa domawec.
JOH 11:31 Eme Maria e biac faharerâ rame Judaŋic soŋgâŋte ficticnao ŋembiŋ jaŋe šâŋeruŋko kioocte rakac muhuc bâjâpembiŋ.
JOH 11:32 Eme Maria e hae upeo hurâ Jesu honerâ kikefuŋnao fodaperâ šiŋuc âzâcnewec: “Wofuŋ, go šira jutec muzac ɋanane mi hâmozac.”
JOH 11:33 Iŋuc murâ kiome Judaŋic bâjâpembiŋ jaŋe e bafickerâ mâmâc kiombiŋ. Kiopie Jesuzi honec-joparâ mana hâtâwehuc gâgâmârâwec.
JOH 11:34 Iŋuc erâ wio-jarewec, “Wena duckembieŋ?” Eme jaŋe mumbiŋ, “Wofuŋ ware honec.”
JOH 11:35 Eme Jesu šâŋene ruruame šâŋeucne wahawec.
JOH 11:36 Eme Judaŋic jaŋe honerâ mumbiŋ, “Honeniŋ, maŋne ere mo iŋucne domawec.”
JOH 11:37 Á gâcnezi mumbiŋ, “Tiŋtuŋ moc šâŋene bâtâcneweczi ŋic kecši sâcne mi bâpiaŋkeme ɋiɋic qazac me?”
JOH 11:38 Eme Jesuzi bune mocwâc hâhâtâwehame šâŋeruŋko ra fisiwec. Qâŋɋâŋ e qânâ hawecko fowec, motâcne qânâ kâcɋenezi âke bâzickekicne.
JOH 11:39 Irec Jesuzi šiŋuc muwec: “Qânâ bârârieniŋ.” Mume hâmocnere hahac Mata eki muwec: “Wofuŋ, šoaŋ gie bapa jahec â jahec fowecte âsu fikac.”
JOH 11:40 Mume Jesuzi šiŋuc âzâcnewec: “Dâŋ gazape mi manamec, go manasiŋnutec Anutu tâpiri-ticnere qâreŋ fuame honecmu.”
JOH 11:41 Eme qânâ bârâriepie Jesuzi faic fime fehame šiŋuc numuwec: “Mamac, go nunumu-nane manamecte daŋge gazakopac.
JOH 11:42 Go nunumu-nane dameŋ sâc manaekic i manakopac. No mâc ŋic ši doma raŋgopieŋ jaŋe goki sorecnutec wahapo i maŋjeŋiczi mana šakieniŋte dâŋ iŋuc gazakopac.”
JOH 11:43 Iŋuc murâ hahaŋne bahuc wirawec, “Lazaro go wahac.”
JOH 11:44 Mume hâmokicnezi wahawec. Me kikene qoruczi qâfisekicne â šâŋe maine qoruczi foŋkekicne, irec Jesuzi šiŋuc jazawec: “Qoruc goroŋkepie raoc.”
JOH 11:45 Judaŋic Mariarao fisimbiŋ jaŋeraonec bocjahazi Jesu wiac eme honerâ e manasiŋkembiŋ.
JOH 11:46 Gâcnezi ine farisaio ŋic jaŋerao rarâ Jesuzi wiac ewec irec dâŋ binaŋ ejarembiŋ.
JOH 11:47 Eme taha bapa micne â farisaio ŋic jaŋe dâŋ i manarâ micne bapa hefârec-joparâ šiŋuc mumbiŋ: “Ŋic e mâsi bocjaha bakacte wenac enaŋ?
JOH 11:48 Nâŋâc qâoma ecnehuc juhapene ŋic jaŋe erao qohota-fârepie Romaŋic jaŋe râsi enârerâ mâreŋ â ŋic nâwoc rofâreniŋmu.”
JOH 11:49 Eme jaŋere âgo moc, šâŋene Kaifa, jara dameŋ ira taha bapa sâko juwec, eki šiŋuc muwec: “Ŋoŋe maŋ mamanasu tâmiric juŋgopieŋ,
JOH 11:50 erâ šiŋuc wâc mi manaŋgopieŋ: Ŋicguru nâŋâc sipiricke-fârenšipeŋte mocjahazi âkehoc-nâpohuc hâmome izi ŋoŋe wâc bafic-ŋopaocmu.”
JOH 11:51 Dâŋ i maŋticnere mi muwec, e jara dameŋ ira taha bapa sâko juwecte fiŋdaŋdâŋ muwec. Jesu e jâmbomac ŋic jaŋere erâ hâmoocte mucnekicne,
JOH 11:52 erâ Judaŋic jaŋere sawa mâcne, Anuture naru motecfâc mâreŋ sâc juraŋgopieŋ jaŋe mâmâc bâtumaŋ-jopame suru mocjaha erâ juniŋte iŋuc mucnekicne.
JOH 11:53 Eme micne bapa jaŋe šoaŋ gie bapa ira hâcne Jesu qaniŋte dâŋgie fuŋkembiŋ.
JOH 11:54 Irec Jesu e Judaŋic jaŋerao mocwâc mi fua tâcnerâ juwec, e mâreŋ burocne irec mecqaŋeŋao hae moc ŋewec, Eferaim, ira motecfâcne rocjopame ra jumbiŋ.
JOH 11:55 Eme Judaŋic aakic hombaŋ-jeŋic bembeŋkehame hae pitickonec ŋic bocjahazi bahac wâwânâŋ gie-jeŋic baniŋte biac bânierâ Jerusalem haeo rambiŋ
JOH 11:56 Eme taha ufuŋko Jesu basarâ šiŋuc muhuc nazaŋ gazaŋ embiŋ: “Ŋoŋe weniŋuc muŋgopieŋ, e hombaŋte wareocmu me mâcne?”
JOH 11:57 Taha bapa micne â farisaio ŋic jaŋe ine mumupaŋ dâŋ šiŋuc mumbiŋ: “Moc e ŋeŋe juju-ticne honerâ ware mufua-nâreme kâpâcwâru banšepeneŋ.”
JOH 12:1 Aakic hombaŋ juwicnao šoaŋ gie bapa 6 fohame Jesuzi Betania haeo ra fisiwec. E hae ira hâcne Lazaro hâmockonec bâɋârewec.
JOH 12:2 Eme Jesu tiwâ bâzi rikecnepie Matazi râe bâmoc ejareme Lazarohec mâmâc ŋehuc nâmbiŋ.
JOH 12:3 Ŋehapie Mariazi kiruŋ moc opâ âsu biaŋ furi sâko jâmbâŋ i rorâ Jesu kikene ruacnerâ qizec susuc-ticnezi bâkereŋkewec. Eme fic âsu biaŋ fifârewec.
JOH 12:4 Eme motec jaŋere âgo moc Juda Karioto haeonec docbapa ŋic, eki šiŋuc muwec:
JOH 12:5 “Opâ âsu izi 30 kina kitâcneme ŋic hapetac jarepene sâckezac me!”
JOH 12:6 E dâŋ i hapetac jaŋere manasuhuc mi muwec, e moneŋ kânoŋ wirec-jeŋic bajuhuc moneŋ hume ro soŋsoŋ ejujec, irec muwec.
JOH 12:7 Eme Jesuzi muwec, “Ŋoŋe ŋokac dâŋ mi mucneniŋ, e opâ âsu i sahac-nane ruacneme hâmope ducnuniŋte irec biŋe hâcne bajuwec.
JOH 12:8 Ŋic hapetac dameŋ sâc ŋoŋerao juhuc juniŋmu, no ine ŋoŋerao boc mi jupemu.”
JOH 12:9 Eme Judaŋic bocjaha jaŋe hae ira jume manarâ ijaha fisimbiŋ. Erâ Jesure sawa mâcne, Lazaro hâmockonec bâɋârewec e mâmâc honeniŋte fisimbiŋ.
JOH 12:10 Eme irec taha bapa micne jaŋe Lazaro mâmâc qaniŋte dâŋgie bambiŋ.
JOH 12:11 Judaŋic bocjahazi ere erâ rarâ Jesurao qohotambiŋte iŋuc embiŋ.
JOH 12:12 Hae fureme ŋic guru sâko hombaŋte biac Jerusalem haeo fisimbiŋ jaŋe dâŋ biŋe šiŋuc manambiŋ: “Jesu warehuc jukac.”
JOH 12:13 Dâŋ i manarâ šariŋ bazu amec erâ hatao bâfuaniŋte rambiŋ. Erâ bâfuarâ ofac hecnehuc šiŋuc mumbiŋ: “Ohec, Wofuŋte micte ware-nârekac e mumbiaŋkenaŋ, Israe ŋicwofuŋ ohec!”
JOH 12:14 Jesu e doŋgi motecne bâfuacnepie fainao ŋehuc rawec. I findaŋdâŋ kecšiŋuc fokac irec sâcko ewec:
JOH 12:15 “Zioŋte otâ, go mi hâwicguoc; manakic, ŋicwofuŋgezi fakac, doŋgi motecnere âsio fakac.”
JOH 12:16 Dâŋ i motecfâc-ticne jaŋe mârâc mi mana-hâmombiŋ. Juku Jesu sambâŋ tatamac-ticnao risie feme dâŋ irec manasurâ šiŋuc mana tarambiŋ: I ere qâreŋkekicnere sâc ijaha ecnembiŋ.
JOH 12:17 Jesu e Lazaro wiracneme šâŋeruŋkonec wahame honembiŋ ŋic guru sâko i jaŋe gâcne dâŋ binaŋ ejarembiŋ.
JOH 12:18 Eme mâsi irec biŋe manambiŋte bocjahazi hatao ra bâfuambiŋ hâcne.
JOH 12:19 Eme farisaio ŋic jaŋe jaŋackoaŋ šiŋuc muhuc muc manac embiŋ: “Manaŋgopieŋ. ŋoŋe dâŋgie bâipiehapie ŋic mâmâc sasawa erao qohota-fâreŋgopieŋ ine!”
JOH 12:20 Judaŋic hombaŋte Jerusalem haeo fisimbiŋ jaŋere ŋondeŋko Grikŋic qâpuc moc moc mâmâc juhuc Anutu mai ecnembiŋ.
JOH 12:21 Eme jaŋe Filipo Besaida haeonec Galilaia mâreŋkonec erao rarâ šiŋuc âzâcnembiŋ: “Ŋicbomboŋ, nâŋe Jesu honezo muŋgopeneŋ.”
JOH 12:22 Mupie Filipozi Anderea âzâcneme mâmâc Jesurao rarâ dâŋ i âzâcnepic.
JOH 12:23 Âzâcnepire šiŋuc muwec: “Ŋic Fâri Wâtuŋne huriri qâreŋ-ticne fua tâcneocte šâfo maickekac hâcne.
JOH 12:24 Jâmbomac jâmbâŋ ŋazape mananiŋ, jacgoŋ hândâŋ e mâreŋko mi hurâ mâc foku foocmu, mâreŋte nânâ eme ine fârine bocjaha fuaocmu.
JOH 12:25 Moc e juju-ticne âgo ecneme sifuckecneocmu, moc e mâreŋko juhuc juju-ticne râsi ecneme juju sanaŋte biŋe focneocmu.
JOH 12:26 Moc e nore kiŋaŋ qaqa ezo murâ bâjâpecnuzejec, eme no jupemuoa kiŋaŋ qaqa-nanezi juocmu. Moc e no kiŋaŋ qanareocmu, e Mamac-nanezi erickeocmu.
JOH 12:27 Ʒi maŋnane fâfârerâ ɋarac ɋarac qakac. Ehame weniŋuc mupemu? `Mamac go dameŋ maicnukac i bâsuecƷ iŋuc mupe? Misac, iŋuc aricne, dameŋ i hâcne maicnuocte mukicne.
JOH 12:28 Irec Mamac go mutec šâŋe biŋegere huriri qâreŋ fua tâcnezejec.” Mume sambâŋkonec dâŋ šiŋuc wahawec: “I huriri qâreŋ-ticne fuawec erâ huriri qâreŋ jaha fua raocmu.”
JOH 12:29 Eme ŋicguru domambiŋ jaŋe manarâ mumbiŋ, “Ɋuŋ hejec.” Á gâcnezi mumbiŋ, “Aŋelo moczi dâŋ âzâcnejec.”
JOH 12:30 Mupie Jesuzi micjeŋicko rorâ šiŋuc jazawec: “Dâŋ i nahacnere mâcne ŋoŋere erâ fuajec.
JOH 12:31 Ʒi mâreŋko ââke râwiŋ dameŋ maickekacte mâreŋ širec ŋicbomboŋ e hetuŋkezo.
JOH 12:32 Mâreŋkonec bâfeŋnupie mâreŋ sâc ŋic fârec-jopape norao fisiniŋmu.”
JOH 12:33 I hâmoc weniŋucne hâmoocmu irec dâŋ suŋsuŋne iŋuc muwec.
JOH 12:34 Mume ŋicguru domambiŋ jaŋe šiŋuc âzâcnembiŋ: “Nâŋe mitio dâŋ kecšiŋuc manaeŋgopeneŋ: Kristo e mi hâmohuc jurašihuc juocmu. Eme goki wemocte šiŋuc mukic: `Ŋic Fâri Wâtuŋne e bâfeŋneniŋmu'? Ŋic Fâri Wâtuŋne e mo?”
JOH 12:35 Eme Jesuzi dâŋ šiŋuc bâtikie-jarewec: “Ʒoctamac e ŋondeŋ-ŋeŋicko dameŋ bembeŋne mac tamaeocmu. Irec dapâczi foŋŋopazacte šoctamac foŋarehame e maickerâ junšepieŋ. Moc e dapâcko rahuc hata mi hone taraocmu.
JOH 12:36 Irec šoctamac foŋarehame maŋzi sakarehuc kikefuŋfâc-ticne enšepieŋ.” Jesu e dâŋ iŋuc murâ ra soŋsoŋko juwec.
JOH 12:37 Jesu e mâsi fuŋne fuŋne šâŋe fai-jeŋicko bame hone-bipiehuc sifu erao mi roweckembiŋ.
JOH 12:38 I porofete Jesajare dâŋ sanaŋkeocte iŋuc embiŋ. E dâŋ šiŋuc qâreŋkewec: “Wofuŋ, biŋedâŋge mupene mozi mana šakieekac? Á Wofuŋte me i morao fua taniŋkeekac?”
JOH 12:39 Erâ Jesure dâŋ mi mana šakiembiŋ i Jesajare dâŋqâreŋ moc fokacte embiŋ ine kecšiŋuc:
JOH 12:40 “E šâŋe-jeŋic tiŋtuŋ barâ maŋjeŋic bâzickewec, jaŋe šâŋezi wiac hone taranšipiŋte, â maŋzi wiac mana taranšipiŋte, ehuc maŋjeŋic bârisiepie bâpiaŋ-jopazipore.”
JOH 12:41 Jesaja dâŋ muwec, i Jesu sambâŋ tatamac-ticne honerâ muwec.
JOH 12:42 Eme micne bapa jaŋeraonec gâcne jaŋe Jesu manasiŋkembiŋ wâc. Erâ mufuapie farisaio jaŋe miti sakare-jarenšipiŋte hâwic-jopame hesoŋkembiŋ.
JOH 12:43 Jaŋe šâŋe biŋe-jeŋic ŋic jaŋerao waha qaqane ezacte manapie ŋemâckewec, â Anuturao waha qaqane ezacte manapie afeckewec.
JOH 12:44 Jesu e hahaŋne bahuc dâŋ šiŋuc muwec: “Moc e no manasiŋnuocmu, e no sawa mâcne, sorecnuwec e mâmâc manasiŋkeocmu.
JOH 12:45 Á moc e no honecnuocmuzi sorecnuwec e mâmâc honeocmu.
JOH 12:46 No šoc tatamaczi mâreŋko wahapo, eme moc e no manasiŋnuocmuzi dapâckonec wefuocmu.
JOH 12:47 Moc e dâŋnane manarâ beheme okacne mi râcnepemu, no ŋic okacne jarepemurâ mâcne, bâpiaŋ-jopapemurâ wahapo.
JOH 12:48 Moc e no qikiŋnuhuc dâŋnane beheocmu, e mumutara fuacneocmu, dâŋ muekopac izi juku dameŋ sâkoo mumutara ecneocmu.
JOH 12:49 No dâŋ i no nahacne maŋte mi muekopac, Mamac sorecnuwec e jahac dâŋ mufuapemurâ sâcmutâc enarewec.
JOH 12:50 Erâ no manakopac, micdâŋ-ticnezi juju sanaŋ bâfuaekac. Dâŋ muekopac i Mamaczi mutâcne-narewec sâc muekopac.”
JOH 13:1 Aakic hombaŋ maickehame Jesuzi e jahacnere šiŋuc manawec: No mâreŋ beherâ Mamactao risie fepemurâ dameŋ bembeŋkekac. Iŋuc manarâ mâreŋko wiacfâc-ticne maŋjauŋ ejarewec, i ejare tarahuc hâmoocte muwec.
JOH 13:2 Eme ŋafere nânâ nâniŋte tumaŋnehapie wiac kecšiŋuc fuawec: Simoŋ ŋokâ-ticne Juda, Karioto haeonec, e Jesu doc baocte Sataŋzi maŋticnao qafeŋ râewec.
JOH 13:3 Á Jesu e šiŋuc manawec: Mamac e wiac sasawa furu qârârie-narekac, eme no Anuturaonec wahapozi mocwâc Anuturao risie fepemu.
JOH 13:4 Fuŋne iŋuc manahuc nânâ nâhuc ŋembiŋkonec faharerâ ŋaqi šora faine i hetararâ gie qoruc jomawec.
JOH 13:5 Erâ opâ râqâcko qame hume fuŋkerâ motecfâcne kike šure-jarewec. Ehuc gie qoruczi bâkereŋke-jarewec.
JOH 13:6 Ejare raku Simoŋ Petororao fisime šiŋuc âzâcnewec: “Go Wofuŋzi kike-nane šurezo mukic me?”
JOH 13:7 Mume Jesuzi šiŋuc âzâcnewec: “Wiac ekopac irec fuŋne šiŋuczia mi manakomec, juku šâhecko manacmu.”
JOH 13:8 Eme Petorozi šiŋuc muwec: “Aricne, go kike-nane mi šure-jâmbâŋkecmu.” Mume Jesuzi šiŋuc âzâcnewec: “Noni mi šurecgupe nohec maŋ šušuhuc mi jucmu.”
JOH 13:9 Eme Petorozi šiŋuc muwec: “Wofuŋ, murâ kike-nane sawa mâcne, me qizec-nane mâmâc šurec.”
JOH 13:10 Mume Jesuzi šiŋuc âzâcnewec: “Moc e opâ ruarâ šâhec kike-ticne sawa šureme sahacne ɋaɋacne fofâreocmu, eme ŋoŋe iŋuc jaha ɋaɋackembiŋ, erâ ɋaɋacnea mi jufâreŋgopieŋ.”
JOH 13:11 E doc bapa-ticne mana tarahuc šiŋuc jazawec: “Ŋoŋe ɋaɋacnea mi jufâreŋgopieŋ.”
JOH 13:12 Kike-jeŋic šure-fârerâ ŋaqi šora-ticne mocwâc heme hume waha ŋehuc šiŋuc jazawec: “No wiac eŋarepac irec fuŋne manaŋgopieŋ me?
JOH 13:13 Ŋoŋe Qaqazu â Wofuŋ munareeŋgopieŋ, erâ iŋeŋic jukopacte sâcne munareeŋgopieŋ.
JOH 13:14 Eme no Wofuŋ â Qaqazu-ŋeŋiczi kike-ŋeŋic šure-ŋarepacte ŋaŋaczia iŋuc jaha kike šušurec erahuc jupie sâckezejec.
JOH 13:15 Mâsi eŋarepac izi juju bapare ma qâreŋ-ŋeŋic eme i honehuc, eŋarepac irec sâc ehuc junšepieŋ.
JOH 13:16 No jâmbomac jâmbâŋ mupe mananiŋ: Kiŋaŋ moteczi bomboŋ-ticnere sâc sirickerâ jujune i mi fokac, â sorekicnezi sorewec ere sâc sirickerâ jujune i wâc mi fokac.
JOH 13:17 Eme dâŋ i manapaŋkerâ irec sâcko jupie no ŋoŋere manape šerine eocmu.
JOH 13:18 No dâŋ mupe mâmâc sasawa mi rocŋopakac. No wenimoi rowosâec-ŋopapo i manakopac. Dâŋqâreŋ moc kecšiŋuc fokac, i sanaŋkeocmu hâcne: Nânâ bâfâuc ecneekopac eki wâc bunaneo bakac.
JOH 13:19 Wiac i mi fuahame qanaŋ ŋazakopac, eme šâhec fuame, e Wofuŋzi qanaŋ manahuc muwec, nore iŋuc munšepieŋ.
JOH 13:20 No jâmbomac jâmbâŋ ŋazape, moc e gie muŋarekicne ŋoŋe hezu hewâneŋ eŋareocmuzi gie rune no hezu hewâneŋ enareocmu, â moc e no enareocmuzi sorecnuwec e hezu hewâneŋ ecneocmu.”
JOH 13:21 Jesu e dâŋ iŋuc murâ bu šašamaŋne fâuckezo eme mutaniŋkerâ šiŋuc jazawec: “No jâmbomac jâmbâŋ mupe mananiŋ, ŋoŋeraonec moczi no doc bacnuocmu.”
JOH 13:22 Iŋuc mume motec jaŋe hohonec efârerâ, i more mukac, muhuc kâuc bambiŋ.
JOH 13:23 Eme motec moc Jesure maŋfuŋko ŋewec, e bufuŋ jâmbâŋ-ticne,
JOH 13:24 e hâcne Simoŋ Petorozi mezi sâsâc ecnerâ muwec, “Wiocnetec gazaoc, more mukac?”
JOH 13:25 Eme motec eki hâcne qizec-ticne Jesure amecko fohorerâ muwec, “Wofuŋ go more mukic?”
JOH 13:26 Eme Jesuzi muwec, “Poroŋ sicko âke uruckerâ râcnepe nâocmu ere hâcne mukopac.” Iŋuc murâ poroŋ sicko âke uruckerâ Simoŋ ŋokâ-ticne Juda, Karioto haeonec, e râcneme nâwec.
JOH 13:27 Nâme Sataŋzi maŋne sakioŋkewec. Eme Jesuzi šiŋuc âzâcnewec: “Wiac ezo mukomec, i biac jaha ezemec.”
JOH 13:28 Dâŋ iŋuc âzâcneme gâcne mâmâc ŋembiŋzi mi mana-hâmombiŋ.
JOH 13:29 Ehuc tucnezi šiŋuc mumbiŋ: “Juda e moneŋ kânoŋ wirec-nâŋec bajukacte hombaŋte wiac moc furine baocte sorekac, me ŋic hapetac moneŋ jareocte mukac.”
JOH 13:30 Eme Juda e poroŋ nârâ izia ŋafe fuaha rawec.
JOH 13:31 Juda rame Jesuzi motec gâcne šiŋuc jazawec: “Ʒi Ŋic Fâri Wâtuŋne e huriri qâreŋ-ticne fuakac, eme ere erâ Anuture huriri qâreŋ mâmâc fuakac.
JOH 13:32 Ŋic Fâri Wâtuŋnezi Anuture huriri qâreŋ bâfuawecte Anutu e jahac Ŋic Fâri Wâtuŋne ere huriri qâreŋ iŋuc jaha bâfuaocmu, dameŋ mi šorahame biac bâfuaocmu.
JOH 13:33 Motecfâc-nane, no dameŋ bembeŋne mac moc ŋoŋehec jupemu. Eme šâhec basacnuniŋmu. Eme Judaŋic jazapo ijaha ŋoŋe ŋazape: No rapemu ijaha sâcne mi fâniŋmu.
JOH 13:34 Eme ši sâcmutâc dâŋ ɋâricne ŋazape: Maŋjauŋ eec enšepieŋ, noni maŋjauŋ eŋare warehuc jupo iŋuc jaha ŋaŋackoaŋ maŋjauŋ eec enšepieŋ.
JOH 13:35 Maŋjauŋ eec epie ŋic jaŋe honec-ŋopapie motecfâc-nane juŋgopieŋ ezejec.”
JOH 13:36 Eme Simoŋ Petorozi wiocnerâ muwec, “Wofuŋ, go wena racmu?” Eme Jesuzi muwec, “No rapemu ijaha šiŋuczia sâcne mi fâcmu, juku šâhec ine fâzemec.”
JOH 13:37 Eme Petorozi šiŋuc muwec: “Wofuŋ, no wemocte šiŋuczia sâcne mi fâpemu? No gore erâ juju-nane sâcne qikiŋnepemu.”
JOH 13:38 Mume Jesuzi šiŋuc âzâcnewec: “Go nore erâ jujuge qikiŋnezo mukomec me? No jâmbomac jâmbâŋ gazape: Qâqâczi mi dâŋehame goki jahec â moc mic bacnucmu.
JOH 14:1 “Ŋoŋe fâfârerâ maŋŋeŋic mi gâckezejec. Anutu manasiŋkehuc no mâmâc manasiŋnunšepieŋ.
JOH 14:2 Mamac-nanere hae qizecko fic bocjaha ŋerakac. Iŋuc mi fome muzac, ŋeŋe hewâneŋke-ŋarezo rapemu, i moc ŋazazapo me?
JOH 14:3 Eme ra ŋeŋe hewâneŋke-ŋarerâ mocwâc risie warerâ jowac-ŋopape rarâ no jupemuoa junšepieŋ.
JOH 14:4 Rapemu hata i honeeŋgopieŋ.”
JOH 14:5 Mume Tomazi šiŋuc âzâcnewec: “Go wena racmu, i nâŋe mi manaŋgopeneŋ, irec wemocko hata honenaŋmu.”
JOH 14:6 Eme Jesuzi šiŋuc âzâcnewec: “Hata â dâŋ fâri qizec â juju irec rune no. No nowarurâ Mamactao fifisi i mi fokac.
JOH 14:7 Ŋoŋe juwicnao no šâŋitacnurâ muzac Mamac-nane iŋuc jaha šâŋitanšapiŋ. Ʒi ine Mamac-nane šâŋitarâ mana taraŋgopieŋ.”
JOH 14:8 Iŋuc mume Filipozi šiŋuc muwec: “Go Mamac nâwotutec honerâ manapene taraocmu.”
JOH 14:9 Eme Jesuzi muwec: “Filipo, no dameŋ šora ŋoŋehec juhape go mi hone tarac-nukomec? Moc e no honecnuekaczi Mamac honeekac. Eme go wemocte šiŋuc mukomec: `Go Mamac nâwotutec honenaŋ'?
JOH 14:10 Mamaczi no maŋnuekac â noni Mamac maŋkeekopac i mi mana šakiekic me? Dâŋ ŋazaekopac i nahacne maŋte mi ŋazaekopac, Mamaczi nore maŋko juhuc gie-ticne baekac.
JOH 14:11 Mamaczi no maŋnuekac â noni Mamac maŋkeekopac, dâŋ i manapie fârine ezejec. Me miczi mupe mi sâcŋopakacko wiac bapa-nanere erâ dâŋ i mana šakieniŋ.
JOH 14:12 “No jâmbomac jâmbâŋ mupe mananiŋ: No manasiŋnuocmuzi gie baekopac ijaha baocmu. Erâ i sawa mâcne, sâcnane jâuruhuc baocmu. No Mamactao fepemure iŋuc hâcne fuaocmu.
JOH 14:13 Eme ŋoŋe nore šâŋe bajuhuc numupie sâc mana-ŋarehuc epemu. I Mamacte mumuteŋ Ŋokâre erâ fuaocte iŋuc epemu.
JOH 14:14 Ʒâŋe-nane bajuhuc numu-narepie mana-ŋarehuc epemu.
JOH 14:15 Maŋŋeŋic nore qikiŋneeŋgopieŋko micnane reŋkeniŋmu.
JOH 14:16 Eme noni Mamac numucnepe neŋgoc ŋesiŋ-ŋeŋic moc soreme waharâ ŋoŋehec juhuc juocmu sanaŋ.
JOH 14:17 Dâŋ fâri qizecnere Mâro hâcne. I miti tâmiriczi rorone mi fokac. Jaŋe e mi hone taraeŋgopieŋ â e mi mana taraeŋgopieŋ. E ŋoŋehec juekaczi maŋŋeŋicko hurâ juocmu, irec ŋoŋe e kâuc mi baeŋgopieŋ.
JOH 14:18 No behec-ŋopape bekâ mâsiŋ erâ mi juniŋmu. No ŋoŋerao risie warepemu.
JOH 14:19 Dameŋ bembeŋne mac moc fokac, i tarame miti tâmiriczi mocwâc mi honecnuniŋmu. Ŋoŋe ine honecnuniŋmu. No juju sanaŋ jukopac, irec ŋoŋe iŋuc jaha ɋâricne juraniŋmu.
JOH 14:20 Dameŋ ira, Mamaczi no maŋnuekac â noni ŋoŋe maŋŋopaekopac, â ŋoŋe no maŋnueŋgopieŋ i mana taraniŋmu.
JOH 14:21 “Moc e micdâŋ-nane bajuhuc sâseocmu, eki maŋjauŋ enareocmu. Eme moc e no maŋjauŋ enareme Mamac-nanezi e iŋuc jaha maŋjauŋ ecneocmu, â no nahac wâc maŋjauŋ ecnehuc fuŋne-nane mutaniŋkecnepemu.”
JOH 14:22 Iŋuc mume Juda Karioto haeonec ere wasezi wiocnerâ muwec: “Wofuŋ, go weniŋuc erâ fuŋnege nâŋerao sawa bataniŋkehuc ŋic gâcne sâko jaŋe hesoŋke-jarezo mukic?”
JOH 14:23 Mume Jesuzi dâŋ šiŋuc bâtikiecnewec: “Moc e maŋjauŋ enareocmuzi dâŋnane mana rereŋ eocmu. Eme Mamac-nanezi e iŋuc jaha maŋjauŋ ecneocmu. Eme nâhe mâmâc erao fisirâ ŋeŋe juju enacmu.
JOH 14:24 Moc e maŋjauŋ mi enareocmuzi dâŋnane wemocko mana rereŋ eocmu. Erâ dâŋ ŋazaekopac i no nahacnaonec mâcne, i Mamac sorecnuwec eraonec.
JOH 14:25 “No nahac ŋoŋehec juhuc dâŋ iŋucne ŋaza qazuc eekopac.
JOH 14:26 Eme neŋgoc ŋesiŋ Tiri Mâro hâcne e Mamaczi nore micte soreme waharâ dâŋ sasawa ŋaza qazuc eŋareocmu, â noni ŋazaekopac i heɋâre-ŋare-fâreocmu.
JOH 14:27 No merâfâc-nane wama ŋarekopac, ŋic wama mâcne, no nahacne wama jâmbâŋ ŋarekopac. Irec maŋŋeŋic mi fâfârerâ gâckezejec.
JOH 14:28 No kecšiŋuc ŋazape manambieŋ: `No rarâ juku ŋoŋerao mocwâc risiepemu. Ž Ŋoŋe maŋŋeŋic nore qikiŋnerâ muzac, ine Mamactao fepemu i manarâ bubiaŋ bâfuanšapiŋ. Mamac e nore femicne jukacte manasuhuc iŋuc enšapiŋ.
JOH 14:29 Ʒi fârine mi fuaha qanaŋ ŋazakopac, irec fuame honerâ mamanasiŋ-ŋeŋic sanaŋkezejec.
JOH 14:30 No ši dâŋ bocjaha mi šuhuckerâ ŋazapemu. Mâreŋ širec ŋicbomboŋ wareocte šawiekac, warerâ norao hetakireocmu.
JOH 14:31 Eme Mamac maŋjauŋ ecnehuc gie munarewec baekopac i miti tâmiriczi hone taraniŋte faharepie ranaŋ.
JOH 15:1 “No waiŋjâc fuŋqizecne jâmbâŋ, â Mamac-nanezi waiŋ gie rune.
JOH 15:2 Tieŋne moc norao foipiehuc fârinehec mi eme qâtâcne behec eocmu, â tieŋne moc fârinehec fome gie bacneme soka biaŋ eocte soŋaŋkeocmu.
JOH 15:3 Ŋoŋe ine miti ŋazape manahuc biac ɋaɋackembiŋ juŋgopieŋ hâcne.
JOH 15:4 Eme ŋoŋe no maŋnupie noni ŋoŋe iŋuc jaha maŋŋopapemu. Waiŋ tieŋnezi jâcnehec šušuhuc mi fohuc e jahackoaŋ sawa fârinehec mi eocmu. Eme ŋoŋe iŋuc jaha no mi maŋnuhuc wemocko fârinehec eniŋmu.
JOH 15:5 Waiŋjâc fuŋqizecne no, tieŋ taeŋne ŋoŋe. Moc e no maŋnuhame noni e maŋkepemu, eme iŋucnezi fârine sâkohec eocmu. Ŋoŋe no tâmiric juhuc wiac eene i mi fokac.
JOH 15:6 Moc e no mi maŋnume e behezo, eme waiŋ tieŋne behepie ɋaŋame qâzuckerâ behepie šocko šaekac, sâc ijaha ecnezo.
JOH 15:7 Ŋoŋe no maŋnuhuc dâŋnane maŋkeniŋmu, eme wiac irec me irec numupie fua-ŋareocmu.
JOH 15:8 Ŋoŋe fârine sâkohec ehuc motec jâmbâŋfâc-nane erâ jupie Mamac-nanere mumuteŋ fuaocmu.
JOH 15:9 “Mamaczi no maŋjauŋ enareekac, iŋuc jaha noni ŋoŋe maŋjauŋ eŋareekopac. Eme ŋoŋe nore maŋjauŋkoa junšepieŋ.
JOH 15:10 Micdâŋ-nane reŋkehuc ine nore maŋjauŋko juniŋmu, no iŋuc jaha Mamac-nanere micdâŋ reŋkehuc ere maŋjauŋko juekopac.
JOH 15:11 Nore bubiaŋzi ŋoŋerao fotâcneme ŋoŋerezi fufusuc foocte dâŋ ši ŋaza-fârekopac. Erâ ŋoŋerao fohuc fua sawec ezejec.
JOH 15:12 Micdâŋ-nane kecšiŋuc ŋazakopac: Noni maŋjauŋ eŋareekopac, iŋuc jaha ŋaŋaczia maŋjauŋ eec enšepieŋ.
JOH 15:13 Moc e âgofâcne jaŋere riŋ rohuc juju-ticne qaisockeocmu, irec maŋjauŋ fekicne sâko muzo.
JOH 15:14 Gie muŋareekopac i bapie honec-ŋopape âgofâc-nane eniŋmu.
JOH 15:15 No dameŋ ši kiŋaŋ qaqa mocwâc mi muŋarekopac, mana-ŋarepe âgofâc-nane eŋgopieŋ. Kiŋaŋ qaqazi bomboŋ-ticnere maŋko dâŋ foekac i mi manaekac. Noni ine Mamac-naneraonec dâŋ manapo sâc mufuarâ ŋaza-fârepore honec-ŋopape âgofâc-nane eŋgopieŋ.
JOH 15:16 ŋoŋe no mi rowosâecnumbiŋ, noni ŋoŋe rowosâec-ŋopapo, erâ ra juhuc fârine bâfuaniŋte muŋarepo. Eme fârine bâfuapie fofonehec ezejec. Iŋuc erâ nore šâŋe bajuhuc Mamac numucnepie sâc ŋareocmu.
JOH 15:17 Maŋjauŋ eec enšepieŋ, micdâŋ ine hâcne ŋazakopac.
JOH 15:18 “Miti tâmiriczi qaisoc-ŋopapie šiŋuc munšepieŋ: `Wofuŋ e mârâcko iŋuc hâcne fuŋkerâ qaisockembiŋ. Ž
JOH 15:19 Miti tâmiric jaŋere guruo rašipie muzac âgo eŋarenšapiŋ. No ine jaŋere guruonec rowosâec-ŋopape eebapa-jeŋic râpeckembiŋte qaisoc-ŋopaeŋgopieŋ.
JOH 15:20 No dâŋ moc kecšiŋuc ŋazapo irec manasunšepieŋ: Kiŋaŋ qaqazi bomboŋ-ticnere sâc sirickerâ jujune mi fokac. Jaŋe no râsi enarembiŋko ŋoŋe râsi jaha eŋareniŋmu, jaŋe nore dâŋ mana maŋ embiŋko ŋoŋere dâŋ iŋuc jaha mana maŋ eniŋmu.
JOH 15:21 Sorecnuwec e mi šâŋitaeŋgopieŋte nore erâ iŋuc hâcne eŋareniŋmu.
JOH 15:22 No jaŋerao mi waharâ fuŋne mi jazape muzac kiŋ tâmiric junšapiŋ. ši ine kiŋjeŋic wemocko murârâŋneniŋmu.
JOH 15:23 Moc e no qaisocnuekaczi Mamac-nane iŋuc jaha qaisockeekac.
JOH 15:24 No ŋondeŋ-ŋeŋicko mâsi sâko, ŋiczi mi bapane, i mi bazapo muzac kiŋ tâmiric junšapiŋ. ši ine bape hone-fâre-bipiehuc no qaisocnuhuc Mamac-nane iŋuc jaha qaisockeeŋgopieŋ.
JOH 15:25 Iŋuc epie mitio dâŋ moc kecšiŋuc fokac, i sanaŋkekac hâcne: `Jaŋe oma jâmbâŋ qaisocnumbiŋ. Ž
JOH 15:26 Neŋgoc ŋesiŋ, dâŋ fâri qizecnere Mâro hâcne, Mamactao jukac, e sorepe Mamactaonec waharâ fuŋne-nane mutaniŋkeocmu.
JOH 15:27 Erâ ŋoŋe gie fuŋkepoonec nohec juwarembiŋte iŋuc jaha fuŋne-nane mutaniŋkenšepieŋ.
JOH 16:1 “Juku wiac eŋarepie manapie ririsi ezacte dâŋ i qanaŋ ŋazakopac.
JOH 16:2 Jaŋe mitific sakare-ŋareniŋmu. Erâ wâc dameŋ moc maickeocmu, ira Anuture gie baŋgopeneŋ muhuc qâhâmoc-ŋopaniŋmu.
JOH 16:3 Jaŋe Mamac mecne no mecne mi šâŋitac-nâfoeŋgopieŋte iŋuc eniŋmu.
JOH 16:4 No dâŋ qanaŋ ŋazakopac, i sanaŋkeme munšepieŋ: Eki mârâc jaha nâzâwec hâcne. Dâŋ i dameŋ-nane šoricne fohame mârâc biac mi ŋazapo.
JOH 16:5 “Ʒi ine sorecnuwec erao fezo ehape ŋoŋeraonec moczi moc šiŋuc mi wio-narekac: `Go wena racmu? Ž
JOH 16:6 Dâŋ iŋucne ŋazakopacte mâc busâqoczi maŋŋeŋic fusucmakac.
JOH 16:7 No dâŋ jâmbomac mupe mananiŋ: Risie fepemu i ŋoŋerao fârine fuaocte fepemu. Mi fezapo muzac, neŋgoc ŋesiŋzi mi wahazac. Ferâ ine sorepe wahaocmu.
JOH 16:8 Waharâ ŋic fuŋne bataniŋke-jareme šiŋuc mananiŋmu: Kiŋ fokac â tiŋke biaŋ fokac â okacne dâŋ mumutara fokac.
JOH 16:9 Kiŋte fuŋne šiŋucko mananiŋmu: Jaŋe no mi manasiŋnueŋgopieŋ.
JOH 16:10 Tiŋke biaŋte fuŋne šiŋucko mananiŋmu: No Mamactao risie fepe mocwâc mi honecnuniŋmu.
JOH 16:11 Okacne dâŋ mumutara irec fuŋne šiŋucko mananiŋmu: Mâreŋ širec ŋicbomboŋ okacne dâŋ biac mutaracnekicne.
JOH 16:12 “Dâŋ ŋaŋazane bocjaha fokac, erâ dameŋ šiŋuczia ŋazape wemocko amecke-fâreniŋmu.
JOH 16:13 Dâŋ fâri qizecnere Mâro eki ine waharâ dâŋ fâri qizecnere šâkâŋko bâutuc-ŋopaocmu. E jahacne maŋte dâŋ mi ŋazaocmu, mutâcnecnekicne sâc ŋazaocmu, erâ juku wiac fuaocmu i wâc mufua-ŋareocmu.
JOH 16:14 Dâŋ i no nahacne rowaŋkonec rorâ mujaŋgeŋke-ŋareme nore huriri qâreŋ fuaocmu.
JOH 16:15 Mamactao wiac fokac Irec rune no. Irec hâcne mupac, `Nore rowaŋkonec rorâ mujaŋgeŋke-ŋareocmu.'
JOH 16:16 “Dameŋ bembeŋne fokac, i tarame rape basacnuniŋmu. Erâ irec faicnao dameŋ bembeŋne jaha wâc fokac, i tarame warepe honecnuniŋmu.”
JOH 16:17 Iŋuc mume motec jaŋe nazaŋ gazaŋ erâ šiŋuc mumbiŋ: “Weniŋucte dâŋ kecšiŋuc mukac? `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne jaha wâc fokac, i tarame warepe honecnuniŋmu. Ž Á moc šiŋuc mukac: `Mamactao fepemu. Ž ”
JOH 16:18 Iŋuc murâ harierâ mumbiŋ: `à `Dameŋ bembeŋne fokac,Ʒ iŋuc wemocte mukac, nâŋe kâuc baŋgopeneŋ.”
JOH 16:19 Wiocnezo epie Jesuzi hone tarac-joparâ šiŋuc jazawec: “Dâŋ kecšiŋuc ŋazapacte muc manac eŋgopieŋ, `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne fokac, i tarame warepe honecnuniŋmu. Ž
JOH 16:20 No jâmbomac jâmbâŋ ŋazape: Ŋoŋe ki mamakuc ehapie miti tâmiriczi šeri eniŋmu. Ŋoŋe busâqocko juniŋmu, ehame busâqoc-ŋeŋiczi ŋerisieme bubiaŋ fuaocmu.
JOH 16:21 Ŋokac moc e motec roocte dameŋne maickeme šâic manaocmu. Izi motec rome šâic omaeme, ɋâric fuajec irec bubiaŋ manaocmu.
JOH 16:22 Eme ŋoŋe iŋuc jaha dameŋ šiŋuczia bušâichec juniŋmu. Juhapie mocwâc risierâ honec-ŋopape bubiaŋ bâfuaniŋmu. Eme bubiaŋ i moczi mi qâsua-ŋareocmu.
JOH 16:23 Eme dameŋ ira wiac mocte mi kâuc barâ wio-nareniŋmu. No jâmbomac jâmbâŋ ŋazape: Ŋoŋe Mamac wiac mocte numucnepie šâŋe-nanere erâ ŋareocmu.
JOH 16:24 Juwarembiŋ ira nore šâŋe bajuhuc mi numu jumbieŋ. ši ine numurâ ropie bubiaŋ-ŋeŋiczi fua sawec erâ fufuse fozejec.
JOH 16:25 “Dâŋ ŋaza warehuc jupo i suŋsuŋne qahuc ŋazapo. Juku dameŋ moc maickeocmu ira ine dâŋ suŋsuŋne mi muhuc, Mamacte fuŋne mâc mutaniŋkerâ ŋazapemu.
JOH 16:26 Dameŋ ira šâŋe-nane bajuhuc numupie noni ŋoŋe bâsâoc-ŋopahuc Mamac ââzâcne i mi epemu.
JOH 16:27 No Mamactaonec wahapo, dâŋ i mana šakiehuc maŋjauŋ enareeŋgopieŋte Mamac e jahac wâc iŋuc jaha maŋjauŋ eŋareekac.
JOH 16:28 No Mamac beherâ mâreŋko wahapo, eme ši mâreŋ beherâ Mamactao mocwâc fekopac.”
JOH 16:29 Iŋuc mume motec jaŋe šiŋuc âzâcnembiŋ: “Ʒi dâŋ suŋsuŋne mi muhuc mâc mutaniŋkerâ nâzâkomec hâcne.
JOH 16:30 Irec gore šiŋuc manaŋgopeneŋ: Ŋic jaŋe mu wioc mi egarehapie go gahaczia wiac sasawa mana-fâreekic, go Anuturaonec wahameŋ i mana šakieeŋgopeneŋ.”
JOH 16:31 Mupie Jesuzi šiŋuc jazawec: “Ŋoŋe miŋecne mana šakieŋgopieŋ me?
JOH 16:32 Dameŋ moc fokac, i biac maickeme no behecnurâ siŋsaŋ qarâ ficŋeŋic sâc rafâreniŋmu. Erâ behecnupie buc mi jupemu, Mamaczi nohec jukacte buc jâmbâŋ mi jupemu.
JOH 16:33 Nore wamazi ŋoŋerao foocte dâŋ iŋucne ŋazakopac. Ŋoŋe mâreŋko šârâ hâriŋ faio jueŋgopieŋ, eme noni mâreŋte micne momori fozukopacte ŋoŋe hâbi-ŋeŋichec junšepieŋ.”
JOH 17:1 Jesu e dâŋ i mutararâ sambâŋko fime feha šiŋuc muhuc numuwec: “Mamac, dameŋ maickekac. Go Ŋokâgere huriri qâreŋ bâfuatec Ŋokâzi iŋuc jaha gore huriri qâreŋ bâfuazejec.
JOH 17:2 Go e mâreŋ sâc ŋic jaŋere rusâko râemeŋ, ehuc ŋic erao ŋec-jopameŋ sâc jaŋe juju sanaŋ bâfua-jareocte mucnemeŋ.
JOH 17:3 Juju sanaŋte fuŋne ine šiŋuc fokac: Go Anutu fârine mocjaha â soremeŋ, Jesu Kristo hâcne, ŋic jaŋe iŋuc mana tarac-nâfopie juju sanaŋ fua-jareocmu.
JOH 17:4 Gie munaremeŋ i baku batarape mâreŋko huriri qâreŋge fuakac.
JOH 17:5 O Mamac, mâreŋ mi fuahame gohec sambâŋ tatamac-nanehec jupo, ijaha ši mocwâc bârisie-naretec rojuzepac.
JOH 17:6 “Guru sâkoonec ŋic nore bâwosâec-jopameŋ jaŋe biŋedâŋge mujaŋgeŋke-jarepo. I gore biŋe juhapie nore qikiŋ-jopameŋ, eme jaŋe gore dâŋ ropie maŋjeŋic ewec.
JOH 17:7 Wiac fonarekac i goraonec sasawa, jaŋe i mana taraŋgopieŋ.
JOH 17:8 Go dâŋ naremeŋ i jarepe ro sakarec embiŋ. Ehuc goraonec wahapo i manapaŋkembiŋ, â go gahac gie munaremeŋ i mana šakiembiŋ.
JOH 17:9 “No jaŋere erâ numu-garekopac. Miti tâmiric jaŋere erâ mi numu-garekopac, naremeŋ jaŋere sawa erâ numu-garekopac, jaŋe gore biŋe hâcne.
JOH 17:10 Nore biŋezi gore biŋe â gore biŋezi nore biŋe. Eme maŋjeŋicko huriri qâreŋ-nane fuawec fokac.
JOH 17:11 No mâreŋko juju-nane tarakac, jaŋe ine mâreŋko šuhuckerâ juhapie no gorao fâzo ekopac. Tiri Mamac, biŋedâŋge naretec jazapo, eme go hemiriŋ-jopatec dâŋ irec maŋnao junšepieŋ. Eme nâhâc maŋ mocjaha juekoperec, iŋuc jaha jaŋe maŋ mocjaha junšepieŋ.
JOH 17:12 Jaŋehec jupo sâc biŋedâŋge naremeŋ izi hemiriŋ-jopape irec maŋnao jumbiŋ. Ehuc soŋaŋ-jopape moc mi sifuckembiŋ. Dâŋqâreŋ sanaŋkeocte hârâcte biŋe mocjahazi sipirickewec.
JOH 17:13 Ʒi gorao fâzo ehuc šira mâreŋko dâŋ iŋuc gazape nore bubiaŋzi jaŋerao fotâcnerâ ɋârâŋkeme bajunšepieŋ.
JOH 17:14 No dâŋge jarepe bajupie mâreŋte biŋe jaŋe qaisoc-jopaeŋgopieŋ. No nahac mâreŋte biŋe mi juekopac, iŋuc jaha jaŋe mâreŋte biŋe mi jueŋgopieŋte iŋuc hâcne ejareeŋgopieŋ.
JOH 17:15 Go mâreŋkonec rocjopacmurâ mâcne, sâqocnere ŋezic-jopacmurâ gazakopac.
JOH 17:16 No gâtâ-nane mâreŋko mi bawec, iŋuc jaha jaŋe gâtâ-jeŋic mâreŋko mi bawec.
JOH 17:17 Gore dâŋ fâri qizecnezi maŋjeŋic furu batec fozejec. Gore mitizi dâŋ fâri qizecne hâcne.
JOH 17:18 Goki no mâreŋko gie munaremeŋ, iŋuc jaha noni jaŋe mâreŋko gie mujarepo.
JOH 17:19 Jaŋe dâŋ fâri qizecnezi maŋjeŋic furu bame juniŋte no nahac wâc jaŋere erâ maŋsahac-nane bâtirirâ râekopac.
JOH 17:20 “Erâ no jaŋere sawa mi numu-garekopac, miti jazapie manasiŋnuniŋmu jaŋere mâmâc numu-garekopac.
JOH 17:21 Jaŋe maŋwirec erâ juniŋte gazakopac. Mamac, go no maŋnuekic â noni go maŋguekopac, iŋuc jaha jaŋe nâhâc maŋnâfonšepieŋ. Iŋuc epie miti tâmiric jaŋe gahac sorecnutec wahapo i manapaŋkenšepieŋ.
JOH 17:22 Nâhâc maŋ mocjaha juekoperec, iŋuc jaha jaŋe maŋ mocjaha erâ junšepieŋ. Iŋuc juniŋte hâcne huriri qâreŋ naremeŋ ijaha jarepo.
JOH 17:23 No maŋjopahape go maŋnutec jaŋe maŋzi šâšâfic ehuc hâcbuc erâ junšepieŋ. Iŋuc jupie miti tâmiriczi goki sorecnutec wahapo i mana šakienšepieŋ, â no maŋzi šâficnuhuc jaŋe mâmâc šâfic-jopaekic, i wâc manapaŋkenšepieŋ.
JOH 17:24 Mamac, naremeŋ ŋic i jaŋe no jupemuoa juniŋte mukopac. Eme mâreŋ hobeteŋne mi fuahame maŋjauŋ enarehuc sambâŋ tatamac tahacnumeŋ, i hâcne nohec juhuc hone aŋac enšepieŋ.
JOH 17:25 Mamac, tiŋne rune, ŋic jaŋe mi mana taracgumbiŋ, noni ine mana taracguekopac, erâ kikefuŋfâc-nane jaŋe gahac sorecnutec wahapo i manapaŋkeeŋgopieŋ.
JOH 17:26 No biŋedâŋge mutaniŋke-jarepo erâ mutaniŋke-jarehuc jupemu. Eme maŋjauŋ no enaremeŋ ijaha jaŋerao fome maŋjopahuc jupemu.”
JOH 18:1 Jesu e nunumu dâŋ i muku mufârerâ motecfâcne rocjopame haeonec hurâ Kidoroŋ opâ herâ, mâreŋ mocko jufu gie fowec, ira rambiŋ.
JOH 18:2 Jesu â motecfâcne ira gâbâ tumaŋne jumbieŋte Juda docbapa ŋic e jufu i honewec wâc.
JOH 18:3 Eme ira hâcne juhapie Judazi kiaraonec momori erâ taha bapa micne â farisaio ŋic jaŋeraonec motec rocjopame waha lambe â šika barâ rambiŋ.
JOH 18:4 Eme Jesu e wiac ecneniŋmu i mana-fârehuc jufu tofanao ra bâfuac-joparâ wio-jarewec: “Ŋoŋe mo basaŋgopieŋ?”
JOH 18:5 Eme jaŋe mumbiŋ, “Jesu Nazarete rune.” Mupie muwec, “No hâcne ši.” Ehame Juda docbapa ŋic e ŋondeŋ-jeŋicko domawec.
JOH 18:6 Eme “no hâcne ši” Jesuzi iŋuc jazame jaŋe rârâpe rahuc rândiŋke qambiŋ.
JOH 18:7 Iŋuc epie hâsine wio-jarerâ muwec: “ŋoŋe mo basaŋgopieŋ?” Eme mumbiŋ, “Jesu Nazarete rune.”
JOH 18:8 Mupie Jesuzi šiŋuc jazawec: “No ŋazapac i, no hâcne ši. No basacnuŋgopieŋko keci jaŋe behec-jopaniŋ.”
JOH 18:9 Iŋuc eme dâŋ kecšiŋuc muwec i sanaŋkewec: “Naremeŋ jaŋe soŋaŋ-jopape moc mi sifuckembiŋ.”
JOH 18:10 Eme Simoŋ Petoro e sâqe bajuwec i becsahackonec unuckerâ taha bapa sâko kiŋaŋ motec-ticne hazecne fâreopec i qatarawec. Motec šâŋene Maiko.
JOH 18:11 Iŋuc eme Jesuzi Petoro šiŋuc âzâcnewec: “Sâqege becsahacko râec huoc. Me šâic guru Mamac-nanezi râe-narekac, i qikiŋnepemurâ mukic?”
JOH 18:12 Eme soŋaŋ-jeŋiczi mume momori â Judaŋic motecfâc-jeŋic jaŋe Jesu rorâ mene qarâ
JOH 18:13 Hanasire ficko barambiŋ. Eme dameŋ ira Judaŋic taha bapa sâko-jeŋic juwec, šâŋene Kaifa, eki Hanasire otâ bawec.
JOH 18:14 Kaifa eki hâcne Judaŋic šiŋuc jazawec: “Ŋicguru nâŋâc sipiricke-fârenšipeŋte mocjahazi âkehoc-nâporâ hâmome tarazejec.”
JOH 18:15 Simoŋ Petoro â motec âgo-ticne moc jahe Jesu barahapie šâhec rapic. Eme âgo-ticne e ine taha bapa sâkozi hone jujecte Jesu bâjâperâ ficmaŋko mâmâc rašimbiŋ.
JOH 18:16 Petoro eki ine sacrâpeo domawec. Eme âgo-ticnezi taha bapa sâkore ficko jujujecte hurâ sacmotâc soŋaŋ naru e âzâcneme Petoro motâc rocneme sacmaŋko rašiwec.
JOH 18:17 Eme motâc soŋaŋ naru eki Petoro honerâ šiŋuc âzâcnewec: “Ŋic kecocnirec motecfâc jaŋere guruonec go moc ine hâcne.” Eme eki muwec, “No aricne.”
JOH 18:18 Eme kiŋaŋ motec â momori jaŋe mâmâteŋte šoc ruqerâ ruahuc domahapie Petoro e ŋondeŋ-jeŋicko rarâ iŋuc jaha šoc ruawec.
JOH 18:19 Eme taha bapa sâkozi Jesu motec rocjopawec â miti muwec, irec mu indiŋ ecnewec.
JOH 18:20 Ecneme Jesuzi dâŋ kecšiŋuc bâtikiecnewec: “No dâŋ hofao tâtâc muekopac, Judaŋic mitificko â taha ufuŋko tumaŋnehapie dâŋ jaza qazuc eekopac, soŋsoŋ mi muekopac.
JOH 18:21 Irec wemocte no wio-narekic? Dâŋ jazape manaeŋgopieŋ jaŋe ejaretec muekopac sâc gazapie manac.”
JOH 18:22 Iŋuc mume kiŋaŋ motec doma rambiŋ jaŋeraonec moczi Jesu maucnao qahuc muwec, “Go taha bapa sâko dâŋ iŋucne wemocte âzâcnekomec?”
JOH 18:23 Eme Jesuzi dâŋ šiŋuc muwec: “Dâŋ hehesic mukopacko fuŋne mutec manape, â tiŋne mukopacko wemocte nukomec?”
JOH 18:24 Eme Hanasizi mume Jesu mene qarâ taha bapa sâko Kaifa erao barambiŋ.
JOH 18:25 Eme Simoŋ Petoro e ine šoc ruahuc domahame wiocnerâ mumbiŋ, “Motecfâc-ticne jaŋere guruonec go moc ine hâcne mecne?” Eme mic barâ muwec, “No aricne.”
JOH 18:26 Mume taha bapa sâkore kiŋaŋ motec moc, Petorozi hazecne qatarawec ere qomâ, eki šiŋuc muwec: “Á go jufuo ehec mâmâc jupie honecgupac.”
JOH 18:27 Eme Petoro e mic bame izia qâqâczi dâŋewec.
JOH 18:28 Hae fureme Jesu Kaifare fickonec bawaharâ kiarao barambiŋ. Judaŋic jaŋe ine wâwânâŋ erâ aakic hombaŋko bâtâcko junšipiŋte kiare ficko mi fembiŋ.
JOH 18:29 Ehuc hae šoŋao domapie Pilatozi šaeo waharâ wio-jarerâ muwec: “Ŋic keci wemo kiŋte bawareŋgopieŋ?”
JOH 18:30 Eme jaŋe mumbiŋ, “E sâqocne bapa mi juzac muzac gorao mi bawarenšapeŋ.”
JOH 18:31 Mupie Pilatozi šiŋuc jazawec: “Ŋaŋacne sâcmutâc dâŋ sâcko dâŋticne mutaracneniŋ me.” Eme Judaŋic jaŋe mumbiŋ, “Nâŋe ŋic hâmocko rârâec-jopare aka henârekicne.”
JOH 18:32 Judaŋic jaŋe iŋuc epie Jesu e jahac hâmoc-ticnere dâŋ muwec, hata i âke fuawec.
JOH 18:33 Eme Pilatozi ficmaŋko ferâ Jesu hefârerâ muwec: “Go jâmbomac Judaŋic jaŋere ŋicwofuŋ me?”
JOH 18:34 Eme Jesuzi muwec, “Dâŋ i gahacne maŋte mukic me gâcnezi micgao râepie mukic?”
JOH 18:35 Mume Pilatozi muwec, “Wiac no Judaŋic me? Go gahacne ŋicfâc â taha bapa micne jaŋe norao râecguŋgopieŋ. Go wemo emeŋ?”
JOH 18:36 Eme Jesuzi šiŋuc muwec: “No mâreŋ ŋicwofuŋ aricne, mâreŋ ŋicwofuŋ juzapo muzac momorifâc-nane jaŋe šikazi ŋezicnuhapie Judaŋic jaŋe wemocko rocnunšapiŋ. No ine mâreŋ ŋicwofuŋ aricne.”
JOH 18:37 Eme Pilatozi muwec: “Eme go ŋicwofuŋ fuŋmoc?” Mume Jesuzi muwec, “Ine hâcne mukomec, no ŋicwofuŋ fuŋmoc. No dâŋ fâri qizecne mutaniŋkepemurâ mâreŋko waharâ fuapo. Eme moc e dâŋ fâri qizecne jauŋkeocmuzi dâŋnane âgo ecneocmu.”
JOH 18:38 Eme Pilatozi šiŋuc muwec: “Dâŋ fâri qizecne i wemo wiac moc?” Iŋuc murâ šaeo mocwâc hurâ Judaŋic šiŋuc jazawec: “No ŋic kecširec kiŋ basakopac.
JOH 18:39 Hata-ŋeŋic moc fokac. Ŋoŋe aakic hombaŋko mupie no kâpâcwâru ŋic moc akicke-ŋareekopac. Eme ši manapie sâckeme Judaŋic ŋicwofuŋ-ŋeŋic akickepe juŋarezejec.”
JOH 18:40 Eme jaŋe harierâ owackehuc mumbiŋ: “Aricne, e mâcne, Baraba akicke-nârec.” Baraba e ine šikaŋic.
JOH 19:1 Eme Pilatozi mume momori jaŋe Jesu becsahac biriŋneheczi qambiŋ.
JOH 19:2 Qarâ muc šârâneheczi hendiŋ ba akic erâ qizecnao hecnepie huwec â ŋaqi bâbâroŋ mâmâc hecnepie huwec.
JOH 19:3 Iŋuc erâ maŋfuŋnao birickerâ domahuc fânâŋkecnehuc mumbiŋ: “Ohec, Judaŋic jaŋere ŋicwofuŋ.” Muhuc mainao qambiŋ.
JOH 19:4 Eme Pilatozi Judaŋic jaŋerao mocwâc hurâ muwec, “Honeniŋ, no ŋoŋerao jowa wahakopac, no kiŋticne basakopacte ŋaŋac fuŋne-ticne honeniŋ.”
JOH 19:5 Eme Jesu e muchendiŋ â ŋaqi bâbâroŋ, wiac iŋucnehec waha domame Pilatozi jowaturâ muwec: “Ŋic mac ši honeniŋ.”
JOH 19:6 Eme taha bapa micne â ŋicfâc-jeŋic jaŋe honerâ dâŋ ɋeŋɋeŋnehec ehuc mumbiŋ: “Maripoŋko feoc, feoc.” Mupie Pilatozi micjeŋicko rorâ muwec: “No kiŋticne basakopacte ŋoŋe ŋaŋac rorâ maripoŋko qaniŋ.”
JOH 19:7 Eme Judaŋic jaŋe šiŋuc mumbiŋ: “E jahacnere no Anuture Ŋokâ muekac, eme ŋic iŋucne jaŋe hâmoniŋte sâcmutâc dâŋnâŋec fokacte hâmozejec.”
JOH 19:8 Eme Pilato e dâŋ i manarâ mâretec hâwickewec.
JOH 19:9 Eme Jesu mocwâc ficmaŋko jowa ferâ indiŋkerâ muwec: “Go wenirec fuameŋ?” Mume Jesuzi micnao mi rowec.
JOH 19:10 Iŋuc eme Pilatozi šiŋuc âzâcnewec: “Go dâŋ mi nazakomec me? Noni mupe jucmu me mupe maripoŋko hâmocmu irec tâpiri râe-narekicne, i mi manakic me?”
JOH 19:11 Eme Jesuzi šiŋuc âzâcnewec: “Mâc muzac go nore dâŋ wemocko munšaŋ, nore dâŋ mumure faicnec tâpiri qikiŋne-ŋarekicnere mukomec hâcne. Irec gorao râecnukac ŋic ere kiŋzi gore jâurukac.”
JOH 19:12 Dâŋ i manarâ Pilatozi Jesu akickezo mume Judaŋic jaŋe owa ruruckerâ mumbiŋ: “Go ŋic e akickerâ Sisare ª âgo mocwâc mi jucmu. Moc e jahacnere ŋicwofuŋ muhuc Sisa âkehockeocmu.”
JOH 19:13 Pilatozi dâŋ i manarâ mume Jesu jowa wahapie dâŋ mumutara ŋeŋe-ticnao waha ŋewec. Ŋeŋe i qânâ šaeo râekicne, eme šae irec šâŋe Judaŋic jaŋe Gabata mujumbieŋ.
JOH 19:14 Eme Judaŋic jaŋe hae fureme aakic hombaŋ ŋeniŋte teuŋko rašimbiŋ. Ehame qâqâtâc bembeŋkeha Pilato e ŋeŋe-ticnao ŋehuc Judaŋic šiŋuc jazawec: “Honeniŋ, ŋicwofuŋ-ŋeŋic ši.”
JOH 19:15 Mume jaŋe owa ruruckerâ mumbiŋ: “E arictac eoc, e arictac eoc, maripoŋko feoc.” Eme Pilatozi muwec: “Hâc, eme ŋicwofuŋ-ŋeŋic mupe maripoŋko hâmoocte muŋgopieŋ me?” Mume taha bapa micne jaŋe dâŋ šiŋuc bâtikiecnembiŋ: “Nâŋe ŋicwofuŋ-nâŋec moc aricne, Sisa mocjahazi junarekac.”
JOH 19:16 Eme Pilatozi mana urue-jarerâ Jesu maripoŋko hâmoocte qikiŋne-jarewec.
JOH 19:17 Eme momori jaŋe Jesu rorâ maripoŋ râcnepie hâpome mâreŋ moc šâŋene Utusiec, Judadâŋko Goligata, ira barambiŋ.
JOH 19:18 Bararâ maripoŋko qambiŋ. Erâ sâqocne bapa jajahec mâmâc jofarâ moc ŋifec, moc ŋifec, â Jesu šâšâŋiŋko, iŋuc biric-jopambiŋ.
JOH 19:19 Eme Pilatozi mume Jesure qizec botâŋko maripoŋko qâreŋ kecšiŋuc râembiŋ: “Jesu Nazarete haeonec Judaŋic jaŋere ŋicwofuŋ.”
JOH 19:20 Jesu qambiŋ mâreŋ i hae bembeŋko fowecte Judaŋic bocjahazi ira rac warec ehuc qâreŋ i wosembiŋ. Eme qâreŋ i Judadâŋko â Romadâŋko â Grikdâŋko râekicne.
JOH 19:21 Eme Judaŋic jaŋere taha bapa micne jaŋe Pilato šiŋuc âzâcnembiŋ: “Go Judaŋic jaŋere ŋicwofuŋ iŋuc mi qâreŋkec E jahacne muwec, no Judaŋic jaŋere ŋicwofuŋ, iŋuc qâreŋkec.”
JOH 19:22 Eme Pilatozi muwec: “Qâreŋkepac izia fooc.”
JOH 19:23 Eme momori jaŋe Jesu maripoŋko qarâ ŋaqi-ticne faine bâtâcnepie jahec â jahec eme ru sâc embiŋ. Á ŋaqi-ticne maŋne hâfâ iŋucne oorâŋ fukicnere
JOH 19:24 šiŋuc mumbiŋ: “I bâtâcnepene sâqoreocmu, irec ɋâsâi qapene rune âke fuaoc.” Iŋuc epie miti papiao dâŋ moc kecšiŋuc qâreŋkekicne i sanaŋkewec: “Jaŋe ŋaqi-nane faine bâtâc bambiŋ, â maŋnere ine ɋâsâi qambiŋ.”
JOH 19:25 Momori jaŋe iŋuc hâcne embiŋ. Jesure maripoŋ fuŋko ine šiŋuc domambiŋ: Neŋgoc-ticne â neŋgoc-ticnere qo, erâ Maria Kelopa ere ŋonâŋ, â Maria Madala haeonec.
JOH 19:26 Eme Jesu e neŋgoc-ticne â motec bufuŋ-ticne domapire honec-jofarâ neŋgoc-ticne šiŋuc âzâcnewec: “Ŋokac, motecge keci hâcne.”
JOH 19:27 Iŋuc murâ motec-ticne šiŋuc âzâcnewec: “Neŋgocge keci hâcne.” Eme dameŋ ira Jesure neŋgoc jowame motec jahacne ficko ferâ ŋec juc ewec.
JOH 19:28 Eme Jesu e gie-ticne tarame manarâ, miti papiao findaŋdâŋ moc fokac i deŋkeocte, šiŋuc muwec: “No opâre enarekac.”
JOH 19:29 Eme râqâc moc maŋnao waiŋ opâ šašacne ŋewec, ira hâwec sâmbiŋ âke uruckerâ qeŋqeŋko âke kindeŋnerâ micnao iticnepie nâwec.
JOH 19:30 Waiŋ opâ nârâ wirahuc muwec: “Batarakopac.” Iŋuc mume qizecne forârieme mâro-ticne wefuwec.
JOH 19:31 Eme Judaŋic jaŋe teuŋko rašimbiŋte šiŋuc mumbiŋ: “Tomâcko sabata hombaŋ sâkoo ŋic jopakicne jaŋere qâŋɋâŋ maripoŋko mi domazejec.” Iŋuc murâ Pilato âzâcnepie momori jaŋe ŋic siec-jeŋic qazurâ qâŋɋâŋ-jeŋic bataraniŋte Judaŋic mana-jarewec.
JOH 19:32 Eme momori jaŋe sâqocne bapa Jesuhec jofakicne mocte siec qazurâ ra mocte siec qazumbiŋ.
JOH 19:33 Iŋuc erâ Jesurao fisirâ honembiŋ: E biac hâmowec. Honerâ siecne mi qaqazu
JOH 19:34 momori moczi tambaraŋne sânduzi âke mârâŋkeme soc â opâ wahawec.
JOH 19:35 Wiac i šâŋe fâri-ticnezi honewec eki mutaniŋkeme jâmbomac ekac. E manakac, dâŋ i fârine. Irec ŋoŋe mana šakienšepieŋ.
JOH 19:36 Miti papiao findaŋdâŋ moc kecšiŋuc fokac i sanaŋkeocte wiac i fuawec: “Ŋoŋe siecne mi qazunšepieŋ.”
JOH 19:37 Erâ wâc miti papiao dâŋ moc kecšiŋuc fokac: “Jaŋe âke mârâŋkembiŋ erao šâŋe finšepieŋ.”
JOH 19:38 Josefe Arimataia haeonec e Jesure motec juwec, erâ Judaŋic jaŋere hâwickeme fufua mi juwec, soŋsoŋ juwec. Eki hâcne Pilatorao rarâ Jesu qâŋɋâŋ-ticne bataraocte mufuacnewec. Eme Pilatozi manacneme ra batarawec.
JOH 19:39 Ehame Nikodemo, ŋafeo Jesu iqickewec, eki wokemaŋ âsu biaŋ â kâŋâ bocjaha amecke rarâ Josefe bafickeme
JOH 19:40 Jesure qâŋɋâŋ ruacnerâ qoruc qaŋqaŋzi râpâckepic. Judaŋic jaŋe qâŋɋâŋfâc-jeŋic iŋuc hâcne ejare jumbieŋ.
JOH 19:41 Eme Jesu qambiŋ mâreŋ irec ŋifecnao Jufu gie moc fowec, ira hawec moc šâŋeruŋte biŋe gufukicne fowec. Ira ŋic moc mi ducjopakicne, furu fowec.
JOH 19:42 Eme Judaŋic hombaŋte teuŋko rašimbiŋte bembeŋko ira hâcne Jesure qâŋɋâŋ râepic.
JOH 20:1 Eme Sonda hae mi fure taniŋkeha Maria Madala haeoneczi šâŋeruŋko rawec. Ra fisirâ honewec: Qânâ e šâŋeruŋkonec bârâriekicne.
JOH 20:2 Iŋuc honerâ gasacke rarâ Simoŋ Petoro â Jesu motec bufuŋ-ticne jasarâ muwec: “Wofuŋ qâŋɋâŋ-ticne bawisembieŋ, eme wena râembieŋ i nâŋe kâuc baŋgopeneŋ.”
JOH 20:3 Iŋuc mume Petoro â motec âgo-ticne jahe šâŋeruŋko rapic.
JOH 20:4 Hatao gagasac jaha rahuc âgonezi Petoro âte tariŋkerâ biac ra fisiwec.
JOH 20:5 Ra fisirâ hawecmaŋko mi rašihuc mâc okarierâ fime rašime qoruc râpâ sawa fome honewec.
JOH 20:6 Ehame Petoro e šâhec fisirâ maŋnao raširâ qoruc râpâ honewec
JOH 20:7 â qizec-ticnere foŋ moc buc bazukicne fome honewec.
JOH 20:8 Iŋuc eme motec âgo-ticne bâbâni šâŋeruŋko fisiwec eki raširâ iŋuc jaha hone-fârerâ manapaŋkewec.
JOH 20:9 Juwicnao ine jahe Jesuzi hâmockonec ɋârerâ fahareocte miti papiao findaŋdâŋ fowec i mi mana tarapic.
JOH 20:10 Eme jahe haeo mocwâc risie rapic.
JOH 20:11 Eme Maria eki šâŋeruŋ sahacnao domahuc kiowec” kiohuc ra motâcko okarierâ šâŋeruŋko fime rašime
JOH 20:12 aŋelo jajahec ŋaqi qaŋqaŋhec Jesure qâŋɋâŋ fofotacnao ŋepire honec-jofawec, moc e qizecne fowecko â moc e kikene fowecko ŋewec.
JOH 20:13 Eme jahe mupic: “Ŋokac, go wemocte kiokomec?” Eme eki muwec: “Wofuŋ-nanere qâŋɋâŋ mocko bawisepie basakopac.”
JOH 20:14 Iŋuc murâ forisierâ Jesu jahacne honewec. Honerâ Jesu hawarine mi hone tarawec.
JOH 20:15 Eme Jesuzi wiocnerâ muwec: “Ŋokac, go wemocte kiokomec? Mo basakic?” Eme eki jufu runezi domakac muhuc šiŋuc âzâcnewec: “Ŋicbomboŋ-nane, goki qâŋɋâŋ mocko bara râemecko mutec manarâ ra rozepac.”
JOH 20:16 Eme Jesuzi muwec, “Maria.” Mume e forisierâ Judadâŋko “Rabuni” muwec, nâŋâcne dâŋko qaqazu.
JOH 20:17 Eme Jesuzi šiŋuc âzâcnewec: “Bâua basanaŋ mi enarec. No Mamactao miŋecnea fepemu i¡ Go rarâ qomâfâc-nane šiŋuc jazac: Nore Mamaczi ŋoŋere Mamac, â nore Anutuzi ŋoŋere Anutu, eme erao hâcne fepemu.”
JOH 20:18 Eme Maria Madala haeoneczi risie rarâ motecfâcne šiŋuc jazawec: “No Wofuŋ honepe dâŋ iŋuc nazajec.”
JOH 20:19 Eme Sonda hae ŋafeme motec jaŋe Judaŋic jaŋere hâwic-jopame tumaŋnerâ ficmotâc ki bafârerâ ŋembiŋ. Ŋehapie Jesu e ŋondeŋ-jeŋicko fuarâ domahuc jazawec: “Wama ŋoŋerao fozejec.”
JOH 20:20 Iŋuc murâ mejahecne â tambaraŋne jowatuwec. Eme motec jaŋe Wofuŋ honerâ bujeŋic biaŋkewec.
JOH 20:21 Eme harierâ jazawec: “Wama ŋoŋerao fozejec. Mamaczi no sorecnuwec iŋuc jaha noni ŋoŋe sorec-ŋopakopac.”
JOH 20:22 Iŋuc murâ ficnec-joparâ muwec: “Tiri Mâro ro maŋ eniŋ,
JOH 20:23 ŋoŋe ŋic sâqocne-jeŋic mutâmirepie tâmire-jareocmu, mi mutâmirepie fojareocmu.”
JOH 20:24 Motec âgo-jeŋic moc šâŋene Toma, šâŋene moc Didimo, eki mocko juhame Jesuzi fua-jarewec.
JOH 20:25 Eme motec âgofâcne jaŋe biŋedâŋ šiŋuc âzâcnembiŋ: “Nâŋe Wofuŋ honembeneŋ.” Iŋuc mupie muwec: “No nahac šâŋe jâmbâŋ-nanezi menao biriŋ râfu honerâ menanezi râfu bahonerâ tambaraŋne bâuarâ dâŋŋeŋic manape fârine eocmu.”
JOH 20:26 Sonda mocwâc fuame motec jaŋe Tomahec mâmâc ficko qâzuckerâ motâc ki bafârerâ ŋembiŋ. ŋehapie Jesu e ŋondeŋ-jeŋicko mocwâc fuarâ domahuc jazawec: “Wama ŋoŋerao fozejec.”
JOH 20:27 Iŋuc murâ Toma âzâcnewec: “Go memotecgezi menane bahonec â mege sicnerâ tambaraŋ-naneo râec, erâ maŋjahec mocwâc mi ehuc manasiŋnuzemec.”
JOH 20:28 Eme Tomazi muwec: “Go Wofuŋ-nane â Anutu-nane.”
JOH 20:29 Mume Jesuzi šiŋuc âzâcnewec: “Go honecnukomecte manasiŋnukomec, mi honecnuhuc manasiŋnueŋgopieŋ jaŋere manape šerine ekac.”
JOH 20:30 Mâsi gâcne bocjaha Jesuzi motecfâcne jaŋere šâŋe faio bawec, i papia šira mi qâreŋke-fârekicne.
JOH 20:31 Qâreŋkekicne mac kecši ine šiŋucte qâreŋkekicne: Ŋoŋe wose manac erâ Jesu e Kristo, Anuture ŋokâ, dâŋ i mana šakienšepieŋ, erâ e jahacne manasiŋkehuc šâŋe biŋe-ticnere erâ juju sanaŋhec enšepieŋ.
JOH 21:1 Juku motec jaŋe Tiberia riqicko juhapie fua-jarewec. Kecšiŋuc ehapie fua-jarewec:
JOH 21:2 Jumbiŋ ine Simoŋ Petoro, Toma, šâŋene moc Didimo, Natanae e Galilaia mâreŋko Kana hae ŋewec irecnec, erâ Ʒebedaio ŋokâ jahec-ticne â motecfâcne jaŋeraonec jajahec mocwâc, ŋic iŋuczi jumbiŋ.
JOH 21:3 Ehuc Simoŋ Petorozi šiŋuc jazawec: “No qowi rozo rakopac.” Mume mumbiŋ, “Nâŋe gohec mâmâc ranaŋ.” Iŋuc murâ wokeo ferâ rambiŋ. Ra juhuc ŋafe ira qowi mi rombiŋ.
JOH 21:4 Eme riqicko juhapie hae fufurecte Jesuzi moŋgeŋko domawec. Domame Jesu hawarine mi hone tarambiŋ.
JOH 21:5 Eme Jesuzi wio-jarerâ muwec, “Motec, qowi-ŋeŋic moc fokac me?” Eme jaŋe mumbiŋ: “Aricne.”
JOH 21:6 Mupie šiŋuc jazawec: “Woke fâreopec wasaŋ behepie qowi jowaocmu.” Mume wasaŋ behepie qowi mâretec jâmbâŋ jowa susuckeme fâre-bipiembiŋ.
JOH 21:7 Eme Jesu motec bufuŋ-ticnezi Petoro šiŋuc âzâcnewec: “I Wofuŋ ine hâcne.” Mume Wofuŋ šâŋe manarâ Simoŋ Petoro e kambaŋ sawa qajuwecte ŋaqi-ticne faine heme hume riqicko rucnewec.
JOH 21:8 Jaŋe moŋgeŋ heririŋ (100 meta irec sâc(c) jumbiŋte motec gâcne jaŋe woke foickehuc wasaŋ qowihec fâre fâre rambiŋ.
JOH 21:9 Eme moŋgeŋko ferâ tiŋko wiac šiŋuc honembiŋ: Ʒoc uucko opâ qowi â nânâ šegoc šahuc fowec.
JOH 21:10 Ra fisipie Jesuzi šiŋuc jazawec: “Qowi rombieŋ i tucne bareniŋ.”
JOH 21:11 Mume Simoŋ Petorozi wokeo ferâ wasaŋ tiŋko fâreme fewec. Maŋnao qowi kâcɋene 153 fowec, eme sifu mi tâcnewec.
JOH 21:12 Eme Jesuzi šiŋuc jazawec: “Ware furic nânâ nâniŋ.” Mume motec jaŋe wemocko šiŋuc wionšapiŋ: “Go mo?” Jaŋe Wofuŋ ine hâcne i mana-fârembiŋ.
JOH 21:13 Eme Jesuzi warerâ nânâ qowi bâtâc bahuc jarewec.
JOH 21:14 I Jesu e hâmockonec faharerâ motecfâcne fua-jareme jahec â moc ewec.
JOH 21:15 Furic nânâ nâpie Jesuzi Simoŋ Petoro šiŋuc muhuc wiocnewec: “Simoŋ Johanere ŋokâ, âgofâcge jaŋe no maŋzi šâficnueŋgopieŋ, go jowarurâ sâc moc šâficnuekic me?” Eme Petorozi muwec, “Wofuŋ, no gore enarekac i manakomec.” Eme Jesuzi muwec: “Go lamafâc-mae soŋaŋ-jopazemec.
JOH 21:16 Iŋuc murâ mocwâc wiocnewec: “Simoŋ Johanere ŋokâ, go jâmbomac šâficnuekic?” Eme Petorozi muwec: “Wofuŋ, no gore enarekac i manakomec.” Mume Jesuzi muwec: “Go lamafâc-nane jaŋere soŋaŋ juzemec.”
JOH 21:17 Iŋuc murâ harierâ wiocnewec: “Simoŋ Johanere ŋokâ, go jâmbomac nore egarekac me?” Ʒâšâficte wiocneme jahec â moc eme Petoro e bune sâqoreme muwec: “Wofuŋ, go wiac sasawa mana-fâreekic, no gore enarekac i wâc manakomec.” Mume Jesuzi muwec: “Go lamafâc-nane soŋaŋ-jopazemec.
JOH 21:18 Jâmbomac jâmbâŋ gazape: Go ŋicmotec juhuc becsahacge jomarâ hata ira me ira razo egareme rajumec. Izi juku ŋicqizec erâ mege bâfeŋnetec ŋic moczi becsahac joma-garerâ mi razo mucmu ira bacgu raocmu.”
JOH 21:19 Jesu e iŋuc muhuc Petoro hâmoc-ticnere dâŋ suŋsuŋne âzâcnewec. Hâmoc-ticne fuŋmoczi Anutu muteŋkeocte manasuhuc muwec hâcne. Dâŋ iŋuc murâ šiŋuc âzâcnewec: “Ware bâjâpecnuc.”
JOH 21:20 Eme Petoro e fotikierâ Jesu motec bufuŋ-ticnezi râpefuŋnao rame honewec. Motec e aakic lama nâmbiŋko qizec-ticne Jesure amecko fohorerâ wiocnerâ muwec: “Wofuŋ, mozi doc bacguocmu?”
JOH 21:21 Eme motec hâcne šâhec rame Petorozi honerâ Jesu wiocnerâ muwec: “Wofuŋ, motec kecšizi ine weniŋuc eocmu?”
JOH 21:22 Wiocneme Jesuzi šiŋuc âzâcnewec: “E juhame no risiepemurâ manacnepe fokacko ere dâŋ wemocte mukomec? Go mâc bâjâpecnuc.”
JOH 21:23 Eme miti mamana gâcne jaŋe šâhec Johanere šiŋuc musifuckembiŋ: “Motec e mi hâmoocmu.” Jesu e ine ere šiŋuc mi muwec: “E mi hâmoocmu.” Dâŋ šiŋuc sawa âzâcnewec: “E juhame no risiepemurâ manacnepe fokacko ere dâŋ wemocte mukomec.”
JOH 21:24 Motec eki hâcne wiac ši hone mana tarac eku mutaniŋkehuc papia ši qâreŋkewec. Eme nâŋe ere manaeŋgopeneŋ, dâŋticne fârine jâmbâŋ.
JOH 21:25 Eme Jesuzi wiac gâcne gâcne ewec bawec, i wemocko papiao qâreŋke-fârezo. I papiao fofâreme muzac, no manape ŋiczi wowose tarane mi ezac.
ACT 1:1 O Teofilo, no mârâc dâŋ qâreŋke-garepo, ine Jesuzi gie bawec â miti muwec irec dâŋ binaŋ sasawa egarepo.
ACT 1:2 E gie-ticne fuŋkerâ baraku dameŋ-ticne maickeme Tiri Mârozi ecneme aposolo rowosâec-jopawec jaŋe micrâfâ-ticne jaza tararâ sambâŋko fewec, irec binaŋ hâcne qâreŋke-fârepo.
ACT 1:3 E šâic manaku hâmorâ mocwâc ɋârerâ Jaŋe hâcne šoaŋ gie bapa 40 fua soŋ ejarehuc fuŋne-ticne bajaŋgeŋkeme hone manac embiŋ, â Anuture uucmaŋ irec dâŋ jaza mutâc ewec.
ACT 1:4 Erâ jaŋehec ŋec domac ehuc dâŋ šiŋuc jazawec: “Ŋoŋe Jerusalem hae jâpec mi behenšepieŋ, Mamacte biŋedâŋ ŋazape manambiŋ, i fârinehec eocte ira woŋec junšepieŋ.
ACT 1:5 Johane e opâ rua-ŋarewec, ši ine dameŋ mi šorahame Tiri Mâro rua-ŋarezo.”
ACT 1:6 Iŋuc mume, tumaŋnerâ jumbiŋ jaŋe šiŋuc muhuc wiocnembiŋ: “Wofuŋ, go dameŋ ira hâcne Israe ŋic qâzuc-nâpotec mocwâc nâŋe nâŋâcne ŋicwofuŋhec erâ junaŋmu me?”
ACT 1:7 Mupie šiŋuc jazawec: “Mamac e tâpiri-ticnere erâ dameŋ šoric qândâŋ bawec fokac i ŋoŋe mamanane mi ekac.
ACT 1:8 Mocjaha Tiri Mârozi ŋoŋerao waharâ tâpiri bâfua-ŋareme biŋe mumufâc-nane eniŋmu. Ehuc Jerusalem haeo bâtâcnerâ miti-nane Judaia â Samaria mâreŋko murâ murakupie mâreŋ qaŋeŋne sâcke-fâreocmu.”
ACT 1:9 Dâŋ iŋuc murâ šâŋe fai-jeŋicko afeckerâ fewec. Fehame karoraczi bâsoŋkeme basambiŋ.
ACT 1:10 Eme sambâŋko fehame firâ râqârehuc domahapie ŋic jajahec ŋaqi qaŋqaŋhec mi jaŋerao fuarâ domazepirec i¡
ACT 1:11 Erâ šiŋuc jazapic: “Galilaia mâreŋkonec ŋicbureŋ, ŋoŋe wemocte sambâŋko fihuc jaha domaŋgopieŋ? Jesu ŋoŋe honehapie behec-ŋoparâ sambâŋko fekac, eki hâcne juku iŋuc jaha wahazokac.”
ACT 1:12 Eme aposolo jaŋe Oliwa tikionec risie waharâ rašimicnao Jerusalem hae ŋewec ira rašimbiŋ. Sawane i sabata hombaŋko hata rarane irec sâc.
ACT 1:13 Raširâ haeo ferâ ŋeŋe juju ehuc jumbiŋ fic ira fembiŋ. Jumbiŋ ine šiŋuc: Petoro â Johane, Jakobo â Anderea, Filipo â Toma, Batolomaio â Mataio, Jakobo Alifaiore ŋokâ, Simoŋ Ʒelote, erâ Juda Jakobore ŋokâ.
ACT 1:14 Ŋic i jaŋe hâcne maŋ mocjaha erâ nunumu gie šušuhuc jaha bahuc jumbiŋ. Iŋuc ehapie Jesure neŋgoc Maria â ŋokac gâcne â Jesu ɋafâc-ticne jaŋe mâmâc bafic-jopambiŋ.
ACT 1:15 Dameŋ ira Jesure qâjâpecfâc šare-jeŋic 120 qâririŋ iŋuczi tumaŋnerâ ŋehapie Petoro e ŋondeŋ-jeŋicko faharerâ dâŋ šiŋuc jazawec:
ACT 1:16 “Âgo bureŋ, Juda râsi jowac-jopame Jesu rombiŋ ere dâŋ Tiri Mârozi Dawidi mic ba afec ecneme mu qâreŋ ewec i wemocko mâc fozac.
ACT 1:17 Juda e nâŋâcnaonec hâcne, â miti gie i e mâmâc mucnekicne.
ACT 1:18 Eme ŋic eki šika furizi mâreŋ kitâcnecnewec ira ra qizeczi qârisic hurâ bune qâfâuckeme hone waha-fârewec.
ACT 1:19 Eme biŋe i Jerusalem haeoneczi mana-fârerâ mâreŋ irec šâŋe Akedama mumbiŋ, nâŋâcne dâŋko Ʒikamâreŋ.
ACT 1:20 Miti mânecko šiŋuc hâcne qâreŋkekicne fokac: `Hae-ticne tuhu fuazejec, â ficticnao ŋic moc mi juzejec.' Erâ moc šiŋuc: `Mafa-ticne i furunezi rauckezejec.'
ACT 1:21 Eme Jesu ŋondeŋ-nâŋecko jume ju ecnepene ŋic gâcnezi qâsuec-nâpombiŋ,
ACT 1:22 ehuc Johanezi Jesu Miti Opâ ruacneme gie-ticne fuŋkewec dameŋ ira erao šuhuckerâ bâjâpehuc juhapene sambâŋko fewec, ŋic iŋucne moczi fuarâ bafic-nâpome, Jesu hâmockonec faharewec irec biŋe mupene haŋ bazejec.”
ACT 1:23 Petorozi iŋuc jazame ŋic jajahec bâfuac-jofambiŋ. Moc šâŋene Josefe, Basaba mucne jumbieŋ, šâŋene moc Jusito, erâ âgone Matia,
ACT 1:24 Bâfuac-jofarâ šiŋuc muhuc numumbiŋ: “O Wofuŋ maŋ hohone, go ŋicjahec ši jaheraonec wenimoi bâwosâekomec i nâwotutec mucnepene
ACT 1:25 Juda miti â aposolo gie-ticne hetararâ e jahacne hatao rawec ere jujutacko juzejec.”
ACT 1:26 Iŋuc numurâ miti ɋâsâi qapie Matia âke fuame aposolo 11 jaŋerao šuhuckewec.
ACT 2:1 Pentekoso dameŋ maickeha jaŋe mâmâc sasawa fic mocjahao qâzuckerâ ŋefârembiŋ.
ACT 2:2 Ŋehapie sambâŋkonec fânâŋ moc mâŋâŋ hâhâwicne ere fânâŋ tinac ɋeŋfâfâc jaha fânâŋke wahawec. Waharâ fic ŋembiŋ ira raširâ fusucmawec.
ACT 2:3 Ehame jaŋerao wiac moc hawarine šocnameŋ tinac fuarâ domahuc ŋeratierâ ŋic ŋokac qizec-jeŋic sâc biricke rawec.
ACT 2:4 Eme Tiri Mârozi maŋjeŋicko hurâ fusucmame dâŋmarac fuŋne fuŋne dâŋembiŋ, Mârozi ru sâc bâfua-jareme dâŋe rambiŋ.
ACT 2:5 Eme dameŋ ira Jerusalem haeo mâreŋ sâc irecnec Judaŋic mitine jumbiŋ.
ACT 2:6 Eme jaŋe fânâŋ sâko i manarâ mâretec fisirâ tumaŋnehuc bipic tatara embiŋ. Ehuc aposolo jaŋe dâŋjeŋic sâc dâŋepie
ACT 2:7 manarâ maŋjeŋic goroŋkeme wareckerâ mumbiŋ, “Ŋic dâŋeŋgopieŋ ši jaŋe Galilaia ŋic sasawa,
ACT 2:8 jaŋe weniŋuc erâ dâŋnâŋec sâc dâŋepie manapene dâŋrune marac efârekac?
ACT 2:9 Nâŋâc ši Pataŋic â Medeŋic â Elamŋic, erâ Mesopotamia mâreŋkonec â Judaia mâreŋkonec â Kapadokia mâreŋkonec â Ponto mâreŋkonec â Asia mâreŋkonec
ACT 2:10 â Frigia mâreŋkonec â Pamfilia mâreŋkonec â Aigita mâreŋkonec â Africa mâreŋkonec Kirene hae rârec rârec irecnec, nâŋâc Romaŋic
ACT 2:11 â Judaŋic mafa â hae fâri erâ Kretaŋic â Arabia ŋic. Nâŋâc iŋuczi juhuc dâŋnâŋec sâc Anutu mâsi sâko-ticnere biŋedâŋ mupie manaŋgopeneŋ.”
ACT 2:12 Ŋic jaŋe iŋuc murâ maŋjeŋic goroŋkeme kâuc barâ nazaŋ gazaŋ erâ mumbiŋ, “I wemo mâsi mo?”
ACT 2:13 Gâcnezi ine aposolo mufec muriŋ ejarehuc mumbiŋ, “Jaŋe waiŋ opâ gapecmâc nâmbieŋte maŋjeŋic bibiriwakac.”
ACT 2:14 Eme Petoro e âgofâcne 11 jaŋehec domahuc dâŋ hahaŋne barâ šiŋuc jazawec “Judaŋic â Jerusalem haeo juŋgopieŋ sasawa, no dâŋ ŋazape hazec-ŋeŋic râerâ mananiŋ.
ACT 2:15 Ŋoŋe ŋic kecši jaŋere muŋgopieŋ `Waiŋ opâ nâku maŋjeŋic bibiriwakac. Ž Iŋuc aricne. Hae miŋecne furekacte wemocko waiŋ opâ nanšapeŋ.
ACT 2:16 Porofete Joelezi findaŋdâŋ kecšiŋuc qâreŋkewec i sanaŋkekac hâcne:
ACT 2:17 Anutuzi mukac: Juku mâreŋ dameŋne bembeŋkeha, no Mâro-nane ŋic šeŋgoma sâcke-jarepemu; eme otâ ŋokâfâc-ŋeŋic findaŋdâŋ muniŋmu, socɋârifâc-ŋeŋic wiac šâŋe furu honeniŋmu, â ŋic ŋokac qizecfâc-ŋeŋic guŋ fârine mananiŋmu.
ACT 2:18 Erâ kiŋaŋ qaqa ŋic ŋokacfâc-nane dameŋ ira Mâro-nane sâcke-jarepe findaŋdâŋ muniŋmu.
ACT 2:19 Erâ mupe faic sambâŋko šâŋe furu wiac fuaocmu, â juwic mâreŋko fuŋne qaqa mâsi fuaocmu, soc â šoc â hosâc rombâŋ.
ACT 2:20 Ʒoaŋ šâŋene hâpoocmu, â mosa šâŋene socsoc eocmu, ehame Wofuŋte dameŋ maickeocmu, dameŋ biaŋ sâko hâcne.
ACT 2:21 Eme ira Wofuŋte šâŋe riwaseckeniŋmu, jaŋe sisipirickonec batarac-jopazo.'
ACT 2:22 “Israe ŋicbureŋ no ŋazape mananiŋ: Jesu Nazarete haeonec e Anutuzi neŋgoc ŋesiŋ ŋecnehame ŋondeŋ-ŋeŋicko tâpiri sâko-ticnezi mâsi â wiac šâŋe furu bahuc, Anuturaonec wahawec, irec fuŋne-ticne bataniŋkeme honembiŋ.
ACT 2:23 E hâcne Anutuzi mârâc jaha maname fowecte hata mutaracnewec irec sâcko ŋoŋe wiac ecnehuc doc barâ ŋic qâpuc jaŋerao râepie maripoŋko qapie hâmowec.
ACT 2:24 E hâcne hâmoczi gozi kime Anutuzi gozi bacneme ɋârerâ faharewec. Hâmoczi e wemocko sakarezac.
ACT 2:25 Dawidizi ere hâcne kecšiŋuc muwec: `No Wofuŋ hone dendeŋnehuc mi beheekopac, e fâre-naneo domahame biric boroc mi epemu.
ACT 2:26 Irec bunane biaŋkeme nameŋzi mu šeri ekopac, erâ sahac-nanezi wâc sâcne ŋec foc eocmu. Go mi qaisocnutec hâmoc haeo šâziŋkepemu, â Tiriŋicge mi behetec gârecke šaŋ eocmu.
ACT 2:28 Go jujure hata nowatumeŋ, maigao šeri bubiaŋ guru dindiŋ bâfua-narecmu.'
ACT 2:29 “Âgo bureŋ, no mimiŋne-nâŋec Dawidi ere acmâc ŋazape, e hâmome duckembiŋ, eme šâŋeruŋ-ticne hone manac ehuc jueŋgopeneŋ.
ACT 2:30 E porofete juweczi šiŋuc manawec: Anutu e ɋâricfâc-nane jaŋeraonec moc âkendâŋneme nore ŋicwofuŋ ŋeŋetacko ŋeocte mupaŋke-narewec.
ACT 2:31 I manahuc juwicnao Kristo fafahare-ticnere hâcne muwec, `E hâmoc mi qikiŋnecneocmu â sahac-ticne gârecke šaŋ mi eocmu. Ž
ACT 2:32 Eme Jesu e hâcne Anutuzi baɋâreme fahareme nâŋe šâŋe fâri-nâŋeczi hone-fârembeŋ.
ACT 2:33 Eme Anutu mefârenao risie feme Tiri Mâro biŋe qanâre-kicne e hâcne Mamaczi qikiŋnecneme soreme wahame fuŋne-ticne hone manac eŋgopieŋ šine hâcne.
ACT 2:34 Dawidi e jahacne sambâŋko mi fewec, mâc dâŋ kecšiŋuc ine muwec: `Wofuŋzi nore Wofuŋ âzâcnewec: Ware fâre-naneo ŋehaŋtec,
ACT 2:35 râsifâcge guruc-jopape kikegere ââtesiŋ enšepieŋ.'
ACT 2:36 Irec Israe ŋic mâmâc sasawa šiŋuc mana sanaŋkenšepieŋ: Ŋoŋe Jesu maripoŋko qambiŋ, e Anutuzi Wofuŋ â Kristo âkendâŋne-nârewec jukac.”
ACT 2:37 Petorozi dâŋ iŋuc jazame maŋjeŋic henšaŋneme e jahacne â aposolo gâcne šiŋuc mu wioc ejarembiŋ: “Ŋic âgofâc, nâŋe weniŋuc epene sâckeocmu?”
ACT 2:38 Mupie Petorozi šiŋuc jazawec: “Ŋoŋe maŋŋeŋic bârisierâ Jesu Kristo šâŋene biŋeckehuc Miti Opâ ruapie sâqocne-ŋeŋic tâmirezejec, eme Anutuzi Tiri Mâro tahacke-ŋareocmu wâc.
ACT 2:39 Ŋaŋacne â ɋâricfâc-ŋeŋic â šoricko juraŋgopieŋ, Wofuŋ Anutu-nâŋeczi hefârec-ŋopaocmu sâc, ŋoŋe hâcne Tiri Mâro biŋe qaŋare-fârekicne.”
ACT 2:40 Petoro e iŋuc murâ dâŋ gâcne šuhuckerâ uŋ sawaŋ ejarehuc šiŋuc jazawec: “Ŋoŋe ŋic bâbâsifucne jaŋere guruonec wiserâ wefupie rocŋopazo.”
ACT 2:41 Eme šoaŋ gie bapa ira ŋic 3 tauseŋ jaŋe Petorore mitidâŋ mana šakiepie Miti Opâ rua-jarepie Jesure kikefuŋfâc jaŋerao šuhuckembiŋ.
ACT 2:42 Eme aposolo jaŋe miti jaza qazuc epie mananiŋte henširiŋnehuc jumbiŋ, ehuc maŋzi roroc bâmbândeŋ erâ tiwâre â nunumure gâbâ tumaŋne jumbieŋ.
ACT 2:43 Eme ŋic ŋokac šeŋgoma hâwic sahac efârembiŋ â aposolo jaŋe mâsi fuŋne fuŋne bahuc jumbiŋ.
ACT 2:44 Opâ ruac jaŋe maŋzi šâšâfic erâ wiac sasawa-jeŋic wirec bajumbiŋ.
ACT 2:45 Á gâcne jaŋe ine jufu mafa wiac-jeŋic qikiŋnepie moneŋ kitâcneme âgofâc-jeŋic waha qaqane wiac basambiŋ sâc bâtâc bajarembiŋ.
ACT 2:46 Jaŋe šoaŋ gie bapa sâc taha ufuŋko maŋ mocjaha erâ tumaŋne jumbieŋ â tiwâ i ficjeŋic sâc nâjumbieŋ. Ehuc nânâ-jeŋic bubiaŋko bâtâc tâmiric nâhuc jumbiŋ.
ACT 2:47 Erâ Anutu mumbiaŋkehuc jumbiŋ. Iŋuc epie ŋic gâcnezi hone šiziwec-jopambiŋ. Eme Wofuŋ e šoaŋne šoaŋne ŋic mitizi bâpiaŋ-jopahame guru-jeŋicko ro šuhuc ejarewec.
ACT 3:1 Ʒoaŋ mocko Petoro â Johane jahe owâ gieo nunumu dameŋ maickeme taha ufuŋko fepic.
ACT 3:2 Ehame ŋic moc neŋgoc bumaŋkonec puriŋ fuakicne e reŋke warembiŋ. Ŋic e âgofâcne jaŋe šoaŋne šoaŋne taha ufuŋte Motâcbiaŋko râepie ŋehuc ŋic ufuŋko fec wahac embiŋ jaŋe bâmec wiacte numu-jare jujec.
ACT 3:3 Eme Petoro â Johane jahe taha ufuŋko fezo ehapire honec-jofarâ iŋuc jaha numu-jactewec.
ACT 3:4 Numu-jacteme jahe e hone dendeŋnepic, ehuc Petorozi šiŋuc âzâcnewec: “Go nâhe honec-nâfoc.”
ACT 3:5 Mume ŋicpuriŋzi wiac moc narezo mukopirec muhuc nâckâbâc jaha honec-jofawec.
ACT 3:6 Iŋuc ehame Petorozi šiŋuc âzâcnewec: “Moneŋ boreŋ wiac no mi fonarekac, wiac mocjaha fonarekac ine garepe roc, Jesu Kristo Nazarete haeonec ere micte gazape fahare hata juc.”
ACT 3:7 Iŋuc murâ mefârenao rohuc bafaharewec. Ecneme izia kike bibiric-ticne urueme fu herâ fahare domawec,
ACT 3:8 erâ jahehec mâmâc taha ufuŋko fembiŋ, erâ hata juju-ticnere kiwac qawac ehuc Anutu muteŋkewec.
ACT 3:9 Eme ŋic sasawa jaŋe hata jume â Anutu muteŋkeme honembiŋ.
ACT 3:10 Ehuc šâŋitarâ mumbiŋ, “Taha ufuŋte Motâcbiaŋko bâmec wiacte numu-nârehuc ŋeekac ine hâcne.” Erâ biaŋkewec irec hone fâfârerâ mâretec seckembiŋ.
ACT 3:11 Eme Petoro â Johane jaherao qohotame ŋic mâmâc sasawa taha ufuŋ maŋne moc šâŋene Salomo ira jaherao tumaŋne-fârehuc me kirâ domambiŋ.
ACT 3:12 Iŋuc epie Petorozi honec-joparâ ŋic dâŋ šiŋuc jazawec: “Israe ŋicbureŋ, ŋoŋe wemocte ŋic širec hone warec boc enâctehuc domaŋgopieŋ? Wiac nâhe nâhâcne mitire me tâpirire e hata juju-ticne bâfuacnekoperec me?
ACT 3:13 Aricne, Abraham â Isaka â Jakobo jaŋere Anutu, mimiŋnefâc-nâŋec jaŋere Anutu, eki hâcne kiŋaŋŋic-ticne Jesu ere Wofuŋ qâreŋ ŋic kecširec faio bâfuame honeŋgopieŋ. Ŋoŋe ine e qaisockerâ qâpuc jaŋerao râembiŋ. Ehame Pilatozi firuezo mume ŋoŋe qikiŋnembiŋ.
ACT 3:14 Ine hâcne Maŋɋaɋac â Tiŋne rune e qikiŋnehuc šika qaqaŋic akicke-ŋareocte mu bâuruec ecnembiŋ.
ACT 3:15 Ehuc jujure Micne bapa qambiŋ. Qapie Anutuzi bâɋâreme hâmockonec fahareme šâŋe fâri-nâŋeczi qame honembeŋ.
ACT 3:16 Eme hone manac ecneeŋgopieŋ ŋic kecši e Jesu šâŋe-ticne manasiŋkepene šâŋe-ticnere tâpirizi bâpiaŋkeme sahac ɋiɋic eme hone-fâreŋgopieŋ.
ACT 3:17 Erâ qomâfâc-nane, no manakopac, ŋoŋe â micne bapafâc-ŋeŋic ŋoŋe kâuc bahuc iŋuc embiŋ.
ACT 3:18 Iŋuc epie Anutu e Kristo šâic manaku hâmoocte irec dâŋ porofete sasawa jaŋere micko râeme mu qâreŋ embiŋ i hâcne sanaŋkewec.
ACT 3:19 Irec ŋoŋe maŋŋeŋic bârisierâ juju raŋɋa-ŋeŋic râpeckepie kiŋŋeŋic tâmirezejec. Eme Wofuŋte maio nanaŋ šurec šurec juju irec dameŋ maicke-ŋarezejec.
ACT 3:20 Erâ wâc Kristo-ŋeŋic bašawie-ŋarewec, Jesu hâcne, sore-ŋarezejec.
ACT 3:21 Ʒi ine Jesu e sambâŋzi foŋkeme jukuhame wiac sasawa Anutuzi mârâc jaha jâmbâŋ porofetefâc-ticne micjeŋicko râeme mumbiŋ i fâri fideteŋ eocte dameŋne maickeocmu.
ACT 3:22 Mose e dâŋ kecšiŋuc muwec: `Wofuŋ Anutu e qomâfâc-ŋeŋic jaŋere ŋondeŋkonec porofete moc no iŋucne bâfua-ŋareme dâŋ ŋazame sâc mananšepieŋ.
ACT 3:23 Eme moc e dâŋticne qikiŋneme e qarâ qârârâŋnenšepieŋ. Ž
ACT 3:24 Erâ porofete gâcne Samue jume juwarembiŋ jaŋe iŋuc jaha dameŋ širec dâŋ mu qâreŋ efârembiŋ.
ACT 3:25 Porofete jumbiŋ jaŋere ɋâricfâc ŋoŋe, erâ Anutuzi mimiŋnefâc-ŋeŋic jaŋehec šâšâfic ewec, šâšâfic irec rune ŋoŋe jaha wâc. Ʒâšâfic i Abraham šiŋuc âzâcnehuc bâfuawec: No ɋâricfâcge jambuŋ-jopape jambuŋ izi mâreŋne mâreŋne ŋic sâcjopa-fârezejec. Ž
ACT 3:26 Ŋoŋere hâcne Anutuzi qanaŋ manasurâ Ŋokâ-ticne soreme waha fuawec, i ŋoŋe sasawa sindaŋ hata-ŋeŋickonec bârisiec-ŋopahuc jambuŋ-ŋopaocte iŋuc hâcne ewec.”
ACT 4:1 Petoro â Johane jahe ŋic dâŋ iŋuc jazahuc domahapire taha bapa â ufuŋte polismaî micne â sadukaio ŋic jaŋe mâmâc jaherao fisimbiŋ.
ACT 4:2 Jahe ŋic miti jazahuc, Jesu e hâmockonec ɋârewec, biŋedâŋ i muiŋnepire manapie sâqoreme
ACT 4:3 rocjofarâ hae biac owâewecte kâpâcwâru ficko râec-jofapie fohapire hae furewec.
ACT 4:4 Eme Petorozi miti mume manambiŋ jaŋeraonec bocjahazi i mana šakierâ Jesure kikefuŋfâc jaŋerao šuhuckepie ŋic sasawa šare-jeŋic 5 tauseŋ ewec.
ACT 4:5 Hae fureme micne bapa â soŋaŋ â miti qaqazu jaŋe Jerusalem haeo
ACT 4:6 taha bapa sâko Hanasi â Kaifa â Johane â Alesande â kikefuŋfâc-jeŋic jaŋehec tumaŋnembiŋ.
ACT 4:7 Erâ mupie aposolo jahe tutumaŋ-jeŋicko bacjofa fembiŋ. Eme mai-jeŋicko domapire esâic-jofarâ mumbiŋ, “Mozi mamac eŋactehuc mu qafeŋ eŋacteme mâsi i bapirec?”
ACT 4:8 Eme Petoro e Tiri Mârozi maŋnao fusucmame dâŋ šiŋuc jazawec: “Micne bapa â soŋaŋfâc-nâŋec, mupe mananiŋ:
ACT 4:9 Nâhe ŋicpuriŋ jauŋkeperec, irec ŋoŋe, mozi neŋgoc ŋesiŋ eŋacteha ŋic bâpiaŋkepirec, muhuc miŋecgac mu gufuc enâcteŋgopieŋko
ACT 4:10 mutaniŋkepe ŋoŋe â Israe ŋic mâmâc sasawa mananiŋ: Jesu Kristo Nazarete haeonec, ŋoŋe maripoŋko qapie hâmome Anutuzi hâmockonec bâɋâreme faharewec jukac, ere tâpirire ŋic keci sahac ɋiɋic ejec mai-ŋeŋicko domakac hâcne.
ACT 4:11 Ficbapa ŋic ŋoŋe Jesu e wâtuŋ sâqocne muhuc behepie izi hâcne jâmâ wâtuŋ sâko ewec domakac.
ACT 4:12 Bâbâpiaŋ i ŋic moctao moc mi fokac, â ŋic mocte šâŋe riwaseckehuc bibiaŋkene i wâc mâreŋko mi fokac.”
ACT 4:13 Eme Petoro â Johane jahe ŋic omane, mamana ficko mi jukicnezi hâhâwic tâmiric micafec jaha dâŋ mupire manarâ wareckembiŋ. Erâ jahe Jesuhec jupic i hone tarac-jofambiŋ,
ACT 4:14 â ŋic sahac ɋiɋic eweczi jaherao domame e wâc honehuc irec dâŋ bâtikie-jacteniŋte basambiŋ.
ACT 4:15 Basarâ ejactepie hae šoŋao hurâ domahapire jaŋackoaŋ šiŋuc muhuc nazaŋ gazaŋ embiŋ:
ACT 4:16 “Nâŋâc ŋic jahe weniŋuc ejactenaŋ? Jahe mâsi bapire fua tâcneme Jerusalem haeoneczi biŋene biac mana-fârembieŋ, irec wemocko hemackezo?
ACT 4:17 Eme dâŋ i hae sâc haŋ bame mana-fârenšipiŋte mu hâhâwic ejactepene ŋic hâcne šâŋe biŋe-ticne mocwâc mi jaza-jâmbâŋkezepirec.”
ACT 4:18 Iŋuc murâ hefârec-jofarâ šiŋuc jasambiŋ: “Ŋohe Jesure šâŋe ŋic mocwâc mi jaza qazuc ejâmbâŋkezepirec.”
ACT 4:19 Mupie Petoro â Johane jahe dâŋ šiŋuc bâtikie-jarepic: “Ŋoŋe ŋaŋac mana honeniŋ, ŋoŋere dâŋ reŋkehuc Anuture dâŋ qiqikiŋ, irec Anutuzi maname sâckeocmu me?
ACT 4:20 Wiac hone manac ehuc jumbeŋ i sâcne mi hesoŋkerâ junaŋmu.”
ACT 4:21 Iŋuc mupire jaŋe mu hâhâwic dâŋ mocwâc jasahuc râec-jofapie rapic. Haeŋic ŋokac omane jaŋe mâsi i hone manac erâ Anutu mucne bacnembiŋte jaŋerao quŋkehuc aposolo jahe wiac mi ejactembiŋ.
ACT 4:22 Ŋic sahac ɋiɋic bakicne e puriŋ fohuc juha jara 40 ewec i mana-fârembiŋ hâcne.
ACT 4:23 Petoro â Johane jahe ŋic tutumaŋkonec waharâ âgo wiacfâc-jekic jaŋerao rarâ taha bapa micne â soŋaŋ jaŋe dâŋ jasambiŋ irec mu binaŋ ehuc jaza-fârepic.
ACT 4:24 Eme jaŋe i manarâ maŋjeŋic qâzuckerâ Anuturao sâsepie fehame šiŋuc mumbiŋ: “Wofuŋ sâko Wofuŋ, go sambâŋ â mâreŋ â hâwec i wiac fuŋne fuŋne-jeŋichec râemeŋzi
ACT 4:25 Tiri Mâro ecnetec eki mimiŋne-nâŋec Dawidi, kiŋaŋŋicge hâcne, micne baafeckeme dâŋ šiŋuc muwec: `Oapuc jaŋe wemocte ju fâfânâŋ eeŋgopieŋ, â ŋicne ŋicne dâŋ racne birickeeŋgopieŋ?
ACT 4:26 Wofuŋ â Kristo-ticne râsi ejacteniŋte mâreŋ sâc ŋicwofuŋ jaŋe meo roroc eeŋgopieŋ, â ŋicbomboŋ jaŋe ââte sanaŋ eeŋgopieŋ.'
ACT 4:27 “Hae kecšira ine jâmbomac tiri Ŋokâge Jesu, Kristo âkendâŋnemeŋ, e râsi ecneniŋte Herode â Pilato jahe ŋic qâpuc jaŋehec â Israe ŋic jaŋehec dâŋ ŋiŋihec embiŋ.
ACT 4:28 Erâ gahacne mezi â miczi mu bâmoc emeŋ irec sâcmac embiŋ.
ACT 4:29 Eme Wofuŋ, ši ine mu hâhâwic dâŋjeŋic hone manac ehuc kiŋaŋŋicfâcge hâbi hejaretec mitige hâhâwicmâc munšepieŋ.
ACT 4:30 Ehapie mege sicnetec sahac ɋiɋic â mâsi fuŋne fuŋne tiri kiŋaŋŋicge Jesu ere erâ fua razejec.”
ACT 4:31 Iŋuc numupie fic, tumaŋnerâ ŋembiŋ, qiriŋ qiriŋ qawec. Ehame Tiri Mârozi maŋjeŋicko fusucmame Anuture dâŋ micafec jaha ŋic jazambiŋ.
ACT 4:32 Opâ ruac guru jaŋe maŋ mocjaha ehuc šâšâfic erâ jumbiŋ. Ehuc wiac fojarewec irec nore gore mi muhuc qâqâhâc mocjaha fojarewec.
ACT 4:33 Eme aposolo jaŋe Wofuŋ Jesu hâmockonec faharewec irec biŋedâŋ tâpiri jaha muhuc jumbiŋ. Eme aki anonoc sâkozi sâcjopa-fârerâ fowec.
ACT 4:34 Erâ ŋondeŋ-jeŋicko moczi tac qararacne mi juwec. Jufu gie â mafa wiac-jeŋichec jumbiŋ jaŋe i qikiŋnepie moneŋ kitâcne-jareme
ACT 4:35 aposolo jaŋerao râembiŋ. Eme jaŋe ŋic wiac basapie sâc bârâwiŋnerâ jare jumbieŋ.
ACT 4:36 Eme ŋic moc juwec šâŋene Josefe, aposolo jaŋe šâŋene moc Banaba mumbiŋ, nâŋâcne dâŋko Bâmiriŋmotec, e Lewire ɋâric, Kipiro nucko fuawec.
ACT 4:37 Ŋic eki jufu-ticne qikiŋneme moneŋ fuame aposolo jaŋerao furu jaha râe-fârewec.
ACT 5:1 Eme ŋic moc juwec šâŋene Anania, e ŋonâŋ-ticne Safira ehec muc manac ehuc hae mâreŋ-ticne qikiŋneme moneŋ fua-jacteme
ACT 5:2 mamanac erâ tucne hefackepire fojactewec â tucne sawa ŋiczi aposolo jaŋerao râewec.
ACT 5:3 Râeme Petorozi šiŋuc âzâcnewec: “Anania, go wemocte Sataŋzi maŋge bâsifuckeme Tiri Mâro eatuckehuc hae mâreŋgere furi tucne hefackekomec?
ACT 5:4 Hae mâreŋge fogarezo murâ fogarezac, me qikiŋnerâ furine moneŋ rorâ izi iŋuc me iŋuc ezo murâ enšaŋ. Go weniŋuc erâ maŋgezi surucgume iŋuc emec? Go ŋic nâŋe mâcne, go Anutu eatuckekomec.”
ACT 5:5 Iŋuc mume Anania e dâŋ mana manahuc rândiŋke qarâ hâmowec. Eme hone manac embiŋ jaŋe hâhâwic sâko fua-jarewec.
ACT 5:6 Eme ŋicmotec domambiŋ jaŋe qâŋɋâŋ-ticne qoruczi râpâckerâ bara duckembiŋ.
ACT 5:7 Eme aua 3 tarame ŋonâŋ-ticne biŋe mi mamana, mâc fokac muhuc fisiwec.
ACT 5:8 Fisime Petorozi šiŋuc wiocnewec: “Hae mâreŋte furine ine mac hâcne warejec?” Eme eki muwec, “Ine mac sawa hâcne.”
ACT 5:9 Mume Petorozi šiŋuc âzâcnewec: Ŋohe wemocte Wofuŋte Mâro eatuckenicte mamanac epirec? Manakic, ŋowege duckembieŋ motâc râpeo domaŋgopieŋ, jaŋe go iŋuc jaha bacgu ra ducguniŋmu.”
ACT 5:10 Iŋuc mume izia kikefuŋnao rândiŋke qarâ hâmowec. Eme ŋicmotec jaŋe ficmaŋko ferâ qâŋɋâŋ-ticne honerâ bara ŋowe-ticne duckembiŋko ijaha duckembiŋ.
ACT 5:11 Eme opâ ruac guru â ŋic gâcne biŋe-jekic manambiŋ jaŋerao hâhâwic sâko fuawec.
ACT 5:12 Aposolo jaŋe mâsi fuŋne fuŋne bocjaha ŋic jaŋerao bambiŋ. Eme Jesure kikefuŋ jaŋe taha ufuŋ maŋne moc šâŋene Salomo ira maŋ mocjaha erâ tumaŋne jumbieŋ.
ACT 5:13 Tumaŋnehapie ŋic gâcnezi araŋ bajarehuc enšaŋauc kosa mi ejare jumbieŋ. Jaŋe opâ ruac jaŋere manapie bipinehec ewec.
ACT 5:14 Erâ ŋic â ŋokac gurune gurune miti mana šakiehuc Wofuŋtao šuhucke jumbieŋ.
ACT 5:15 Erâ wâc âgofâc-jeŋic huc šâichec hatao fofo â kanše faio kecšiŋuc muhuc râec-jopambiŋ: Petorozi rac warec eme nâkumuc-ticnezi foninipec-jopazejec.
ACT 5:16 Erâ Jerusalem hae rârec rârec ŋic jurambiŋ jaŋe orâŋ bârâŋ fisihuc jumbiŋ. Ehuc huchec â demoŋhecfâc-jeŋic mâmâc amec-jopa fisipie biaŋke-fârembiŋ.
ACT 5:17 Eme wiac iŋucne fuame taha bapa sâko e â qaŋeŋfâc-ticne, sadukaio ŋic hâcne, jaŋe maŋzi ruc bahuc
ACT 5:18 aposolo mana sâqore-jarerâ rocjoparâ kâpâcwâru fic sâkoo râec-jopambiŋ.
ACT 5:19 Eme ira fohapie ŋafeo Wofuŋte aŋelozi motâc rojarerâ jowac-jopa hurâ šiŋuc jazawec:
ACT 5:20 “Ŋoŋe taha ufuŋko ferâ ŋic sasawa juju hata kecširec biŋedâŋ jazahuc domanšepieŋ.”
ACT 5:21 Iŋuc jazame jaŋe manarâ furicte taha ufuŋko ferâ miti mumbiŋ. Ehame taha bapa sâko e â qaŋeŋfâcne jaŋe qâturerâ ŋic fekicne â Israe ŋic micne guru-jeŋic hefârec-jopapie furu fisimbiŋ. Erâ polismaî jaŋe kâpâcwâru ficko ra aposolo rocjopapie fisiniŋte mumbiŋ.
ACT 5:22 Eme polismaî jaŋe ra kâpâcwâru ficko basac-joparâ risierâ mumbiŋ,
ACT 5:23 “Nâŋe ra fisirâ motâc kine sanaŋne bakicne honembeneŋ, erâ soŋaŋ jaŋe motâcko domambieŋ wâc. Erâ motâc rorâ ferâ ŋic ine basac-jopambeneŋ.”
ACT 5:24 Dâŋ i mupie ufuŋte polismaî micne â taha bapa micne jaŋe manapie quŋkewec.
ACT 5:25 Ehapie ŋic moczi fisirâ muwec, “Manaŋgopieŋ, kâpâcwâru ficko râec-jopambieŋ jaŋe ufuŋko ŋic miti jazahuc domaŋgopieŋ.”
ACT 5:26 Mume polismaî micne eki soŋaŋfâcne rocjopame ra aposolo urucko jowac-jopa warembiŋ. Ŋic jaŋe qânâzi hecjopanšipiŋte hâwic-jopame wânšâŋnehec šame kirac mi ejarembiŋ.
ACT 5:27 Eme micne bapa tutumaŋko râec-jopapie domahapie taha bapa sâkozi dâŋ šiŋuc jazawec:
ACT 5:28 “Nâŋe ŋic hâcne šâŋe biŋe-ticne mi mupie haŋ baocte mic muac mi eŋarembeŋ me? Eme ŋoŋe sifu dâŋ i Jerusalem haeo mocwâc muiŋneŋgopieŋ, ehuc ŋic hâcne ere kiŋ nâŋere faio râezo muŋgopieŋ.”
ACT 5:29 Mume Petoro â aposolo gâcne jaŋe dâŋ šiŋuc bâtikiecnembiŋ: “Ŋicdâŋ reŋkehuc Anuture dâŋ qiqikiŋ i mi fokac.
ACT 5:30 Ŋoŋe Jesu maripoŋko qarâ qâhâmopie mimiŋnefâc-nâŋec jaŋere Anutuzi bâɋâreme faharewec.
ACT 5:31 Fahareme Anutuzi e jahacne mefâreo râerâ micne sâko â bâbâpiaŋ-nâŋec âkendâŋnewec. Eme ši Israe ŋic ŋoŋe maŋŋeŋic bârisiepie sâqocne-ŋeŋic šureocte muekac.
ACT 5:32 Eme irec biŋe hâcne Tiri Mâro â nâŋe mueŋgopeneŋ. Tiri Mâro e Anutuzi micrereŋfâc-ticne jareekac.”
ACT 5:33 Dâŋ iŋuc jazame bujeŋic henšaŋneme mana hâtâwerâ aposolo jopaniŋte mumbiŋ.
ACT 5:34 Eme tutumaŋ-jeŋicko farisaio ŋic moc ŋewec, šâŋene Gamalie, e sâcmutâc dâŋ qaqazu-jeŋic fekicne. Eki hâcne mume aposolo jaŋe hae šoŋao hurâ juhapie
ACT 5:35 micne bapa âgofâcne šiŋuc jazawec: “Israe ŋicbureŋ, ŋoŋe ŋic i wiac mana wosâehuc ejarenšepieŋ.
ACT 5:36 Mârâc ŋic moc šâŋene Teuda eki, no ŋicbomboŋ micne-ŋeŋic, iŋuc mume ŋic 400 erao qohotambiŋ. Eme e jahacne šika kime ŋicfâc-ticne tâtiepie gie-jeŋic omatac fuawec.
ACT 5:37 Erâ šâhec Galilaia mâreŋko ŋic moc šâŋene Juda, e wose qâreŋ enârembiŋ dameŋ ira ŋic gâcne qafeŋ-jopame bâjâpembiŋ. Eme e jahacne qahuc ŋicfâc-ticne jopa qâtâtiec ejarembiŋ.
ACT 5:38 Irec ši dâŋ ŋazape mananiŋ: ŋoŋe ŋic ši behec-jopapie juniŋ. Jaŋe dâŋ â gie i maŋjeŋicte mu bac eeŋgopieŋko sifuckerâ arictac eocmu.
ACT 5:39 Me Anutuzi neŋgoc ŋesiŋ ejarehame mu bac eeŋgopieŋko bâipiec-jopaniŋmu. Ŋoŋe gie-jeŋic ima bahuc Anutu e jahacne râsi ecnenšipiŋkohec.”
ACT 5:40 Iŋuc jazame jaŋe manapie sâckeme aposolo ejarepie tutumaŋko fepie kâcbiŋzi jopambiŋ. Joparâ ŋic Jesure šâŋe biŋe mi jazaniŋte muac-joparâ sorec-jopambiŋ.
ACT 5:41 Sorec-jopapie Wofuŋ e jaŋere maname sâckeha šâŋe-ticnere erâ šika kimbiŋte bubiaŋ manahuc ŋic tutumaŋkonec waharâ rambiŋ.
ACT 5:42 Erâ šoaŋne šoaŋne taha ufuŋko â ŋicficko Jesu Kristo ere Biŋebiaŋ jaza qazuc erâ mi behembiŋ.
ACT 6:1 Dameŋ ira opâ ruac guru sâko embiŋte nânâ bârâwiŋne-jarehuc Grië opâ ruac jaŋere hozec bâtiric-jopapie Juda opâ ruac jaŋere manapie mi sâckeme dâŋ bâfuambiŋ.
ACT 6:2 Iŋuc epie aposolo 12 jaŋe opâ ruac hetumaŋ-jopa-fârerâ šiŋuc jazambiŋ: “Nâŋe sahackopec gie i dopeckehuc Anuture dâŋ mumu irec gie behepene wahame mi sâckeocmu.
ACT 6:3 Irec ŋic âgofâc, ŋoŋe ŋic 7 ŋaŋacne ŋondeŋko Mâro â mamanahec jupie honec-jopapie sâckeme rowosâec-jopanšepieŋ. Eme nâŋe gie i mujarepene banšepieŋ.
ACT 6:4 Nâŋe ine nunumu â miti mumu irec gie paŋšâic jaha banšepeneŋ.”
ACT 6:5 Dâŋ iŋuc mupie opâ ruac jaŋe manapie sâcke-fârewec. Ehuc ŋic šiŋuc bâwosâec-jopambiŋ: Stefano, e maŋnao mamanasiŋ â Tiri Mâro fufusuc fowec, erâ Filipo â Porokoro â Nikano â Timoŋ â Pamena â Nikolao, e Antiokia haeonec ŋic qâpuczi Judaŋic jaŋerao šuhuckewec.
ACT 6:6 Eme ŋic i hâcne jaŋe aposolo jaŋere maŋfuŋko birickerâ domapie mejeŋic qizec-jeŋicko râehuc numu jambuŋ ejarembiŋ.
ACT 6:7 Eme Anuture dâŋzi haŋ bahuc fome Jesure kikefuŋ jaŋerao denaŋne denaŋne šuhuckeme šuhuc erambiŋ. Erâ taha bapa jaŋeraonec wâc bocjahazi miti mana rereŋ embiŋ.
ACT 6:8 Stefano e miti â tâpiri bocjaha focnewecte ŋic jaŋerao mâsi fuŋne fuŋne bawec.
ACT 6:9 Eme Hotâonec mujarembiŋ ŋic i jaŋere mitificko tumaŋne jumbieŋ, jaŋeraonec ŋic gâcne â Kirene ŋic â Alesandria ŋic â Kilikia ŋic â Asia ŋic, iŋuczi qâturerâ Stefano mu qatarac ecnembiŋ.
ACT 6:10 Eme e dâŋ mana utuckehuc Mârohec mume jaŋere dâŋzi firorieme eipiecnembiŋ.
ACT 6:11 Eipierâ ŋic qafeŋ-jopapie jaŋe Stefanore šiŋuc mumbiŋ: “Ŋic e Mose â Anutu musoriŋ-jofame manambeŋ.”
ACT 6:12 Iŋuc ehuc ŋic omane â soŋaŋ â miti qaqazu mu âke ɋâfoŋ ejarembiŋ. Erâ Stefano somâckerâ hâporâ micne guru tutumaŋko barambiŋ.
ACT 6:13 Ehuc dâŋ qanaŋ bâmockerâ âgofâc-jeŋic jarepie bajumbiŋ jaŋe ejarepie Stefanore burec ehuc šiŋuc mumbiŋ: “Ŋic e tiri ufuŋ â sâcmutâc dâŋnâŋec surehuc juekac.
ACT 6:14 Nâŋe kecšiŋuc mume manambeŋ: `Jesu Nazarete haeonec eki hâcne ufuŋ ši ima qahuc sâcmutâc dâŋ Mosezi mufua-nârewec i hetâtieocmu. Ž ”
ACT 6:15 Eme tutumaŋko ŋembiŋ ŋic i jaŋe Stefanorao firâ râqârehuc šâŋe maine honepie aŋelo hawari tinac ewec.
ACT 7:1 Eme taha bapa sâkozi Stefano wiocnerâ muwec, “Dâŋ muŋgopieŋ i jâmbomac me?”
ACT 7:2 Mume Stefano šiŋuc muwec: “Kâcɋenefâc-nane â âgofâc-nane, dâŋ mupe mananiŋ: Mimiŋne-nâŋec Abraham e Haraŋ haeo mi rahuc Mesopotamia mâreŋko juhame Tatamac Anutuzi fuacnerâ šiŋuc âzâcnewec:
ACT 7:3 `Go mâreŋ qizecge â mame sâkofâcge behec-joparâ noni mâreŋ moc gowatupe ira ra juzemec. Ž
ACT 7:4 Eme e dâŋ i manarâ Kaldea mâreŋ-ticne beherâ Haraŋ haeo ra juwec. Ira juhame mamac-ticne hâmome Anutuzi mâreŋ ŋoŋe rauckerâ juŋgopieŋko šira hâcne jowa warewec.
ACT 7:5 Jowa warerâ mâreŋ mi qikiŋnecneme rauckewec, aricne, moc mi râcne huŋgaŋke-jâmbâŋkewec. E â ɋâricfâc-ticne šâhec rauckeniŋte biŋe sawa qacnewec. I ɋâric tâmiric juha sifu iŋuc mucnewec.
ACT 7:6 Ehuc Anutuzi dâŋ moc šiŋuc muwec: `Ɋâricfâcge jaŋe jara 400 mâreŋ furune mocko jaba juhuc kiŋaŋ qaqa erâ sisi hâhâŋ faio junšoŋgopieŋ. Ž
ACT 7:7 Erâ dâŋ moc šiŋuc šuhuckerâ muwec: `Kiŋaŋ qaqafâc-jeŋic bacjopaniŋmu ŋic i okacne jarepe ɋâricfâcge ŋec-jopapie mâreŋ kecšira warerâ no kiŋaŋ qanarehuc junšoŋgopieŋ. Ž
ACT 7:8 Eme Abraham e ɋâricfâc-ticne ere biŋe qacjopahuc sahac-jeŋicko ma baocte mucnewecte ŋokâ-ticne Isaka fuarâ fohame šoaŋ gie bapa 8 eme iŋuc hâcne ecnewec. Eme Isakazi Jakobo bâfuawec, â Jakobozi mimiŋnefâc-nâŋec 12 bâfuac-jopawec.
ACT 7:9 “Eme mimiŋnefâc-nâŋec jaŋe ɋajeŋic Josefe iiŋguuŋ ecneku moneŋte qikiŋnepie Aigita mâreŋko barambiŋ. Ira ra juhame Anutuzi ehec juhuc
ACT 7:10 šârâ hâriŋ faionec batararâ jauŋ â miti tahackecneme Aigita ŋicwofuŋ Farao eki hone biaŋkerâ e jahacne fic hae â Aigita ŋicfâc-ticne mâmâc soŋaŋ-jopahuc juocte ŋicbomboŋ sâko âkendâŋnewec.
ACT 7:11 Âkendâŋneme juhame roroc fuarâ Aigita â Kanaaŋ mâreŋko qarâ suriŋkerâ fome hae mâreŋ hâŋkewec. Eme mimiŋnefâc-nâŋec jaŋe nânâre hâmohuc jumbiŋ.
ACT 7:12 Eku Jakobo e, Aigita mâreŋko nânâ fokac, iŋuc mupie manarâ ŋokâfâcne sorec-jopame ira rambiŋ.
ACT 7:13 Eme harierâ mocwâc rapie Josefezi hahacfâc-ticne fuŋne-ticne mutaniŋke-jareme Faraozi fufua-ticnere fuŋne wâc manawec.
ACT 7:14 Eme Josefezi mume mamac-ticne Jakobo â wiacfâc-ticne sasawa, ŋic ŋokac 75, amec-jopa rambiŋ.
ACT 7:15 Eme Jakobo e Aigita mâreŋko rarâ juku hâmowec â ŋokâfâc-ticne mimiŋnefâc-nâŋec jaŋe iŋuc jaha hâmo-fârembiŋ.
ACT 7:16 Hâmopie qâŋɋâŋfâc-jeŋic Sikemko bacjopa warerâ, Abrahamzi Sikem haeo Hamorore ɋâricfâc jaŋeraonec mâreŋ moc šâŋeruŋte biŋe moneŋzi furine bawec, ira ducjopambiŋ.
ACT 7:17 “Eme Anutuzi Abraham dâŋbiŋe qacnewec i sanaŋkeocte dameŋ bembeŋkezo ehame jaŋe Aigita mâreŋko mâretec sawe mâririackembiŋ.
ACT 7:18 Iŋuc ehuc juhapie Aigita ŋicwofuŋ furune moc fuawec eki Josefe kâuc bawec.
ACT 7:19 Eme ŋicwofuŋ eki hâcne mimiŋnefâc-nâŋec doc bacjopahuc sipiric-jopawec. Ehuc mume ɋâricfâc-jeŋic behec-jopapie hâmocko rafârembiŋ.
ACT 7:20 Dameŋ ira hâcne Mose fuawec. Motec e Anutuzi honeme biaŋne jâmbâŋ ewec. Eme mamac-ticnere ficko soŋsoŋ barâ juhapie mosa jahec â moc ewec.
ACT 7:21 Eku behepie Farao otâ-ticnezi bâfuarâ motec bawec.
ACT 7:22 Eme Farao ŋicfâc-ticne jaŋe Aigita ŋic jaŋere mamana sasawa qazucnepie mana sanaŋkerâ wiac mume bame bipinehec ewec.
ACT 7:23 “Juku jara-ticne 40 bazurâ Israe ŋic âgofâc-ticne hone manac ejareocte maŋne afeckeme rawec.
ACT 7:24 Rarâ Aigita ŋic moczi Israe ŋic moc qame honerâ âgo-ticne ŋezickehuc Aigita ŋic hâmocne qawec.
ACT 7:25 Ehuc muwec, no âgofâc-nane Faraore meonec batarac-jopapemurâ Anutuzi gie bakac i mana taraniŋmu. Eme jaŋe ine mi mana tarambiŋ.
ACT 7:26 Eme hae fureme mocwâc rarâ Israe ŋic jajahec qaqac ehapire bâfuac-jofarâ mu bârâwiŋ ejactehuc šiŋuc jasawec: `Ŋic jahec, ŋohe ââgozi wemocte rârâsi ekopirec? Ž
ACT 7:27 Mume ŋic šika fuŋkerâ âgone qaweczi dâŋ šiŋuc bâtikiecnewec: `Go nâhere kia me soŋaŋ mozi râecguwec?
ACT 7:28 Jacne Aigita ŋic qamec iŋuc jaha no nuzo mukic me? Ž
ACT 7:29 Eme Mose e dâŋ i manarâ izia wiserâ ra Midiaŋ mâreŋko ŋic furune jaŋere ŋondeŋko juwec. Erâ ŋokac bame ŋokâ jajahec fuacnepic.
ACT 7:30 Eme jara 40 mocwâc juku ra mâreŋ burocnao Sinai tikifuŋko juhame aŋelo moczi jâc dutunao šocbâruŋ maŋko fuacnewec.
ACT 7:31 Eme Mose e wemo wiaczi weniŋuc ekac muhuc hone-hâmoocte rame Wofuŋte dâŋ šiŋuc fuawec:
ACT 7:32 `No mimiŋnefâcge jaŋere Anutu, Abraham â Isaka â Jakobo jaŋere Anutu hâcne. Eme Mose e ɋarac ɋarac qahuc dunduŋ dadape domawec.
ACT 7:33 Domame Wofuŋzi šiŋuc âzâcnewec: `Mâreŋ âtekomec i tiri mâreŋ, irec kikehuhuge heunuckec.
ACT 7:34 Ŋicfâc-nane Aigita mâreŋko fific guguriŋ ejarepie kio wâwâsic epie mana wefukupe tarakac. Eme ši batarac-jopapemurâ wahakopac hâcne. Irec go Aigita mâreŋko sorecgupe razemec.'
ACT 7:35 “Ŋic jaŋe Mose qikiŋnehuc šiŋuc âzâcnembiŋ: `Go mozi kia me soŋaŋ-nâŋec râecguwec? Ž Eme Anutuzi ŋic e hâcne micne bapa â babatara-jeŋic eocte muhuc aŋelo-ticne ecneme šocbâruŋ maŋko fuacnerâ gie i mucnewec.
ACT 7:36 Ehuc soreme ra jowac-jopa warewec. Iŋuc ehuc Aigita mâreŋko â Hâwec Bâbâroŋko â mâreŋ tuhuo mâsi fuŋne fuŋne bahuc juhame jara 40 ewec.
ACT 7:37 Erâ Mose ekizia wâc Israe ŋic šiŋuc jazawec: `Anutu e âgofâc-ŋeŋic jaŋere ŋondeŋkonec porofete moc no iŋucne bâfua-ŋareocmu. Ž
ACT 7:38 Iŋuc muwec. Erâ ekizia wâc mâreŋ burocnao mimiŋnefâc-nâŋec hombaŋ tutumaŋ-jeŋicko juhuc Sinai tikio aŋelo mickonec fofo sanaŋ dâŋ manarâ jazawec.
ACT 7:39 Mimiŋnefâc-nâŋec jaŋe ine dâŋticne beherâ e jahacne bâsuerâ Aigita mâreŋko risieniŋte maŋjeŋic domame
ACT 7:40 Aroŋ šiŋuc âzâcnembiŋ: `Go ɋâŋ qâqâtâc moc banâretec izi bânie-nâreme risienšepeneŋ. Mose Aigita mâreŋkonec jowac-nâpo warewec e sifucke wiac moc ewec mecne. Ž
ACT 7:41 Iŋuc murâ bulimakao qâqâtâc barâ bâzi rikecnehuc, mejeŋiczi bambiŋ wiac i mu šeri ecnembiŋ.
ACT 7:42 I epie Anutuzi behec-jopame maŋjeŋic sifuckeme mosa bâpiŋ jaŋerao siŋkembiŋ. Eme irec hâcne porofete jaŋere papiao dâŋ šiŋuc fokac: `Israe rune ŋoŋe jara 40 mâreŋ burocnao juhuc qowi bâzi me bâzi gâcne moc rike-narembiŋ me?
ACT 7:43 Ŋoŋe Molokore qoruc boze reŋke jumbieŋ â nemu Refaŋ ere bâpiŋ hawari bajumbiŋ. Wiac i hâcne numucneniŋte ba akic embiŋ. Irec no Babe ocniŋucnao râec-ŋopapemu.'
ACT 7:44 “Mimiŋnefâc-nâŋec jaŋe mâreŋ tuhuo miti qoruc boze ŋejarewec i Anutuzi Mose hawarine jâutuhuc mutâcnecnewec sâc bakicne.
ACT 7:45 Eme boze i hâcne mimiŋnefâc-nâŋec jaŋe tuczi tuc bawareku Josuazi micne bajareme šira qâpuc jaŋere mâreŋko bafisimbiŋ. Bafisipie Anutuzi ŋic qâpuc jopa jâpec ejareme mimiŋnefâc-nâŋec jaŋe mâreŋ rauckerâ miti boze-jeŋic ijaha wâc bapie ŋejarehame Dawidi fuawec.
ACT 7:46 Erâ Dawidi e Jakobore Anutu ere jauŋzi erao fome manahuc ufuŋ bacneocte âzâcnewec.
ACT 7:47 Erâ e jahac mâcne, Salomozi Wofuŋ ufuŋ bacnewec.
ACT 7:48 Femicne sâko e ine ufuŋ ŋicmezi bakicne ira ŋeŋe juju mi eekac. Porofete micko dâŋ šiŋuc hâcne fuakac:
ACT 7:49 `Sambâŋzi ŋeŋe-nane â mâreŋzi kike ââtesiŋ-nane. Wofuŋzi mukac, fic weniŋucne moc banarepie sâckeocmu. me ŋeŋe fofo weniŋucne moc bâfua-narepie sâcnuocmu?
ACT 7:50 No menanezi wiac sasawa i mi bâfua-fârepo me?'
ACT 7:51 “Râŋgeŋ qaŋqaŋne ŋoŋe, maŋ hazec-ŋeŋic mi uŋtokicne, mimiŋnefâc-ŋeŋic ejumbieŋ iŋuc jaha ŋoŋe ehuc Tiri Mâro jâpe hetapaic ecnehuc jueŋgopieŋ.
ACT 7:52 Mimiŋnefâc-ŋeŋic jaŋe mo porofete mo akickembiŋ me? Aricne, tiŋne rune fuaocte findaŋdâŋ mumbiŋ ŋic i jaŋe wâc mâmâc jopambiŋ. Juku e jahacne doc bahuc qaqa, ine ŋoŋe hâcne embiŋ.
ACT 7:53 Sâcmutâc daŋŋeŋic aŋelo miczi mukicne i ŋoŋe sifu qâsuambiŋ.”
ACT 7:54 Stefanozi dâŋ iŋuc jazame bujeŋic šâšâficne qame aaric sâko manambiŋ.
ACT 7:55 Stefano ine Tiri Mârozi maŋnao fusucmame sambâŋko fime feme Anuture tatamacko Jesu Anutu mefârenao domame honehuc muwec,
ACT 7:56 “Manaŋgopieŋ, no sambâŋ aŋkeme Ŋic Fâri Wâtuŋne Anutu mefârenao domame honekopac `à
ACT 7:57 Iŋuc mume dâŋ ojowa sâko hâsockecnehuc hazecjeŋic bâbâzickerâ izia mâmâc sâko ɋuruŋ herâ hâpo rârierâ tuŋke tuŋke raku
ACT 7:58 hae râpeo fisirâ qânâzi,hembiŋ. Ehuc soŋaŋ jaŋe ŋaqi-jeŋic šoricne hetararâ ŋicmotec moc šâŋene Saulo ere kikefuŋko guruckembiŋ.
ACT 7:59 Erâ Stefano qânâzi hepie nunumu dâŋ kecšiŋuc muwec: “O Wofuŋ Jesu, go maŋ qâqâtâc-nane roc.”
ACT 7:60 Iŋuc murâ dieŋzi herâ mocwâc wiwic jaha muwec, “Wofuŋ go kiŋ kecši behe-jarezemec.” Iŋuc murâ hâmowec. Qapie hâmome Saulozi maname sâckewec.
ACT 8:1 Eme dameŋ ijaha Jerusalem haeonec opâ ruac kikefuŋ râsi sâko fuŋke-jarembiŋ. Ejarepie wiserâ râwiŋ qâwiŋ erâ Judaia â Samaria mâreŋko rafârembiŋ. Aposolo jaŋe sawa getâc-jopapie jumbiŋ.
ACT 8:2 Eme ŋic mitine gâcne jaŋe Stefano duckerâ kio mamakuc ecnembiŋ.
ACT 8:3 Saulo eki ine opâ ruac ima bacjoparâ ficne ficne ferâ ro fârec ejarehuc kâpâcwâru ficko râec-jopahuc domawec.
ACT 8:4 Opâ ruac bâtâtiec-jopakicne jaŋe ine hae sâc juhuc ŋic miti jaza rambiŋ.
ACT 8:5 Eku Filipozi Samaria ŋic jaŋere hae qizecko fisirâ Kristore biŋedâŋ jazawec.
ACT 8:6 Jazame ŋic guru sâko jaŋe dâŋticnere ejareme mana aŋac embiŋ. Ehuc mâsi fuŋne fuŋne bame honembiŋ.
ACT 8:7 E demoŋ bocjaha jâpe-jareme ŋicmaŋkonec wefurâ owackehuc wisembiŋ. Erâ wâc šeke puriŋ â kike demba bocjaha sahac ɋiɋic bacjopawec.
ACT 8:8 Eme irec hae ira šeri kâcɋene fuawec.
ACT 8:9 Eme hae ijaha qaŋgec bapa moc juwec, šâŋene Simoŋ. E jahacnere no ŋic fekicne muhuc qaŋgec gie bame Samaria ŋicguru jaŋe honepie bipinehec ewec.
ACT 8:10 Ehuc fekicne wahakicne jaŋe ere manapie fefene eme šiŋuc mujumbieŋ: “Ŋic kecšizi Anuture tâpiri, Sokawec Sâko mucnekicne, irec hozine hâcne.”
ACT 8:11 Eme qaŋgec-ticnezi maŋ bâsifuc ejarewecte dameŋ šora erao qohotahuc jumbiŋ.
ACT 8:12 Juhapie Filipozi Anuture uucmaŋte Biŋebiaŋ â Jesu Kristore dâŋ binaŋ Jazame mana šakierâ ŋic â ŋokac mâmâc Miti Opâ ruambiŋ.
ACT 8:13 Iŋuc epie Simoŋ e iŋuc jaha miti mana šakierâ opâ ruarâ Filipore maŋfuŋko juwec, ehuc mâsi fuŋne fuŋne bame hone warec mâretec ehuc juwec.
ACT 8:14 Eme Samaria ŋicguru jaŋe Anuture dâŋ ro maŋ epie irec biŋe Jerusalem haeo aposolo jaŋerao rame manambiŋ. Ehuc Petoro â Johane sorec-jofapie rapic.
ACT 8:15 Ra fisirâ jaŋe Tiri Mârohec eniŋte Wofuŋ numucnepic.
ACT 8:16 Juwicnao Tiri Mârozi jaŋerao mi wahawec, jaŋe mâc Jesure šâŋeo šuhuckehuc Miti Opâ sawa ruambiŋ.
ACT 8:17 Eme aposolo jahe mejekic qizec-jeŋicko râepire jaŋe Tiri Mârohec embiŋ.
ACT 8:18 Aposolo jahe ŋic jaŋere qizec faio mejekic râepire Tiri Mârohec epie Simoŋzi honerâ jaherao moneŋ amecke fisirâ
ACT 8:19 šiŋuc jasawec: “Ŋohe tâpiri i no iŋuc jaha narepire ŋic mocte qizecko menane râepe Tiri Mârohec ezejec.”
ACT 8:20 Mume Petorozi šiŋuc âzâcnewec: “Go Anuture jauŋ moneŋzi furine bazo mukomecte moneŋgezi gohec mâmâc sisipiricko razac me¡
ACT 8:21 Anutuzi maŋsiocge honekacte tâpiri šizi moc mi hehuŋgaŋguhame mâc jâmbâŋ jucmu.
ACT 8:22 Go bâbâsifucge qikiŋnehuc maŋge bârisierâ Wofuŋ numucnetec maŋgao andac sâko bâtâmire-garezejec.
ACT 8:23 Go sâqocne hâtânezi hariŋguekac hâcne.”
ACT 8:24 Eme Simoŋzi šiŋuc muwec: “Ŋohe ŋahac nore erâ Wofuŋ numucnepire akicnuha wiac mukopirec i mi fua-narezejec.”
ACT 8:25 Eme aposolo jahe ŋic ŋokac Wofuŋte dâŋ jaza sanaŋkerâ Jerusalem haeo risiepic. Risiehuc Samaria hae bocjaha Biŋebiaŋ jaza jaza rapic.
ACT 8:26 Wofuŋte aŋelo moczi Filipo šiŋuc muhuc âzâcnewec: “Go šawierâ juwickopec, Jerusalem haeonec Gaza haeo hueŋgopieŋ hata ira razemec.” Hata i mâreŋ tuhuo fokac.
ACT 8:27 Iŋuc muhuc âzâcneme Filipozi šawierâ rawec. Eme Etiopia mâreŋko ŋokac wofuŋ juwec, šâŋene Kandake, ere ŋicbomboŋ â moneŋ mafa soŋaŋ sâko eki Jerusalem haeo Anutu mai ecneocte rafeweckonec
ACT 8:28 risieocte keretacko rahuc porofete Jesaja ere dâŋqâreŋ wosewec.
ACT 8:29 Iŋuc ehame Mârozi Filipo šiŋuc âzâcnewec: “Ajoc, go ra keretac kecocni bâfuac.”
ACT 8:30 Mume Filipozi ra bâfuarâ ŋic e porofete Jesaja ere dâŋqâreŋ wosehame manarâ wiocnewec, “Dâŋ wosekomec irec fuŋne manakic me?”
ACT 8:31 Eme eki muwec, “Moczi mi nazahame nahackoaŋ wemocko sâcne manapemu?” Iŋuc murâ Filipo âzâcneme keretacko ferâ qâteme ŋepic.
ACT 8:32 Dâŋqâreŋ wosewec ine kecšiŋuc: “Lama moc qa hezuc eniŋte baraeŋgopieŋ, me kanšaŋ bâbâtâc ŋic erao fâsâerâ foekac, iŋuc hâcne micticne moc mi aŋkewec.
ACT 8:33 Bâpitiwambiŋko kiŋ babatara i erao tarawec. Á mâreŋko juju-ticne qâriuŋkewecte qaŋeŋfâcne mozi wose manac ejare-fâreocmu?”
ACT 8:34 Eme ŋicbomboŋ e Filipo šiŋuc muhuc wiocnewec: “Go mutec manape, porofete e more iŋuc mukac, e jahacnere me ŋic mocte?
ACT 8:35 Eme Filipo e porofetere dâŋko iticnehuc Jesure Biŋebiaŋ âzâcnewec.
ACT 8:36 Iŋuc ehuc raku opâo fisipic. Eme ŋicbomboŋzi muwec, “Honec, opâ fokac ši” Miti Opâre mupe sâcne rua-narecmu me?” [
ACT 8:37 Eme Filipozi muwec, “Dâŋ gazapac i maŋ hâcbuc mana šakiekomecko sâcne eene.” Eme dâŋ šiŋuc bâtikiecnewec: “Jesu Kristo e Anuture Ŋokâ i mana šakiekopac.”Ý
ACT 8:38 Iŋuc murâ keretac bâniniŋkerâ Filipo â ŋicbomboŋ opâo hupic. Hurâ Filipozi ruacnewec.
ACT 8:39 Eme opâonec wefupire Wofuŋte Mârozi Filipo jowa rame ŋicbomboŋzi mocwâc mi honehuc bubiaŋko hata-ticnao rawec.
ACT 8:40 Filipo eki ine Asidode haeo fisime honembiŋ. Erâ irecnec fuŋkerâ haene haene miti jaza raku Kaisarea hae bâfuawec.
ACT 9:1 Saulo e Wofuŋte kikefuŋ râsi ejarehuc ima bacjopaocte maŋšoc-ticne gâmâc gâfâŋ wefuhuc domawec. Ehuc ra taha bapa sâkorao mume
ACT 9:2 Damasko haeo Judaŋic jumbiŋ jaŋere papia qâreŋkerâ râcnewec. Râcneme rorâ ocna hata ɋârio moc jupie bâfuac-joparâ ŋic mecne ŋokac mecne mejeŋic qarâ Jerusalem haeo bacjopa wareocte rawec.
ACT 9:3 Izi raku Damasko hae bâqiŋkezo ehame sambâŋkonec šoc tatamaczi uŋ herâ waha âeckewec.
ACT 9:4 Âeckeme mâreŋko rândiŋke qarâ fohuc dâŋ moc šiŋuc manawec: “Saulo, Saulo, go wemocte nu jâpec enarehuc juekic?”
ACT 9:5 Mume Saulozi wiohuc muwec, “Wofuŋ go mo?” Eme muwec, “Nu jâpec enarehuc juekic Jesu no hâcne.
ACT 9:6 Go faharerâ haeo ratec ira wiac ecmurâ dâŋne gazaniŋmu.”
ACT 9:7 Eme ŋic ehec jumbiŋ jaŋe dâŋwe tâmiric mâc fâsâerâ domambiŋ, jaŋe dâŋ sawa manambiŋ, â ŋic ine moc mi honembiŋ.
ACT 9:8 Eme Saulo e faharerâ šâŋe fiocte fi qeruruc ewec. Iŋuc eme ŋicfâcne jaŋe menao rorâ Damasko haeo barambiŋ.
ACT 9:9 Eme ira šoaŋ gie bapa jahec â moc tiŋtuŋ jaha fohuc nânâ opâ mi nâwec.
ACT 9:10 Damasko haeo Jesure qâjâpec moc juwec, šâŋene Anania, e Wofuŋzi maŋko fuac ecnehuc wiracnewec, “Anania.” Eme muwec, “Wofuŋ no ši.”
ACT 9:11 Mume Wofuŋzi šuhuckerâ šiŋuc muwec: “Go hata šâŋene Dândâŋne mueŋgopieŋ ira rarâ Judare ficko ferâ ŋic moc šâŋene Saulo, Taso haeonec, e bâfuazemec. Manakic, e numu-narehuc fokac.
ACT 9:12 Erâ maŋticnezi wiac šiŋuc honejec: Ŋic moc šâŋene Anania erao fisirâ šâŋe fifihec eocte mene qizecnao râejec.”
ACT 9:13 Wofuŋ e dâŋ iŋuc muhuc âzâcneme Ananiazi šiŋuc muwec: “Wofuŋ, ŋic ere mâretec mupie manaekopac, e fuŋfuŋfâcge Jerusalem haeo ba imac wemo afecne ejareekac.
ACT 9:14 Erâ šira iŋuc jaha šâŋege riwaseckeeŋgopeneŋ nâŋe repac-nâporâ bacnâpo raocte taha bapa micne jaŋe mucnembiŋ.”
ACT 9:15 Mume Wofuŋzi šiŋuc âzâcnewec: “Go sifu rac, ŋic e mefâro-nane, eki hâcne šâŋe biŋe-nane ŋic qâpuc â ŋicwofuŋ â Israe guru jaŋerao barahuc juzejec.
ACT 9:16 Iŋuc ehame no šâŋe biŋe-nanere erâ šârâ hâriŋ faio juocte qazucnepemu.”
ACT 9:17 Eme Anania e rarâ fic mukicne ira ferâ Saulore qizecko meticne râehuc muwec, “Saulo qomâ-nane, Wofuŋ Jesu hatao fua-garewec, eki hâcne sorecnume warekopac, go šâŋe fifi ehuc Tiri Mârohec ecmurâ mukac.”
ACT 9:18 Iŋuc muhuc âzâcneme izia šâŋenaonec wiac gagara tinac wahame šâŋe fifi erâ faharerâ mume Miti Opâ ruacnewec.
ACT 9:19 Ehame nânâ nârâ sanaŋkewec. Saulo e Jesure kikefuŋ Damasko haeo jumbiŋ jaŋehec piticne jurâ
ACT 9:20 izia biac Judaŋic jaŋere mitificko ferâ Jesure biŋe muropiehuc kecšiŋuc jazawec: “Jesu e Anuture Ŋokâ.”
ACT 9:21 Iŋuc jazame manarâ quŋkecnehuc šiŋuc mumbiŋ: “Jerusalem haeo šâŋe i hâcne riwaseckepie ima bacjopaku šira iŋuc jaha repac-joparâ taha bapa micne jaŋerao bacjopa raocte warewec, izi weniŋuc erâ hec hetikic ekac?”
ACT 9:22 Eme Saulo e samandiŋkerâ, Jesu e Kristo jâmbâŋ, irec dâŋfuŋne muritu-hâmohuc Damasko haeo Judaŋic jumbiŋ jazame manapie guguru ewec.
ACT 9:23 Iŋuc eku Judaŋic jaŋe Saulo qaniŋte mumockembiŋ.
ACT 9:24 Mumockepie Saulozi biŋe manarâ juhame jaŋe qaniŋte haesac motâcko ŋafe furec soŋsoŋ domambiŋ.
ACT 9:25 Iŋuc epie Jesure qâjâpecfâc jaŋe ŋafeo sasacko ŋiherâ sacrâpeo âke suepie hurâ wisewec.
ACT 9:26 Eme raku Jerusalem haeo fisirâ Jesure kikefuŋ jaŋerao šuhuckeocte mume araŋ bacnembiŋ. Ehuc e Jesure motec ewec i manapie Jâmbomac mi ewec.
ACT 9:27 Eme Banabazi âgo ecnehuc aposolo jaŋerao jowa rarâ, Wofuŋzi Saulo hatao fuacnerâ dâŋ âzâcneme Damasko haeo Jesure biŋe mutaniŋkewec, irec dâŋ binaŋ ejarewec.
ACT 9:28 Eme jaŋehec Jerusalem haeo ŋeŋe juju ewec.
ACT 9:29 Ehuc Wofuŋte šâŋeo âtesiŋnehuc ŋic miti acmeruŋ tâmiric jazawec. Eme Judaŋiczi Grikdâŋ mumu jaŋehec wâc mitire muc manac ehuc dâŋ bâbârisiec embiŋ. Eme ŋic i jaŋe hâcne qazo mupie
ACT 9:30 âgofâcne jaŋe manarâ Kaisarea haeo jowa hurâ ŋepie raku Taso haeo fisiwec.
ACT 9:31 Eme opâ ruac kikefuŋ Judaia â Galilaia â Samaria mâreŋko jurambiŋ jaŋerao wama fuawec. Wamao juhuc hehešakiec erâ qaboc-jeŋic qapie hume Wofuŋte maio rumehuc jumbiŋ. Ehuc Tiri Mârozi neŋgoc ŋesiŋ ŋejarehame miti soka ŋedâmârec eme guru-jeŋic ɋâriŋ qawec.
ACT 9:32 Petoro e hata juku Jesure fuŋfuŋfâc Lida haeo jumbiŋ jaŋerao wâc fisiwec.
ACT 9:33 Erâ ira ŋic moc honewec, šâŋene Ainea, e puriŋ erâ fohuc juha jara 8 ewec.
ACT 9:34 Eme Petorozi šiŋuc âzâcnewec: “Ainea, Jesu Kristozi ɋiɋicne bacgukacte faharerâ fofoge gahac bâpiaŋkec.” Mume izia faharewec.
ACT 9:35 Iŋuc eme Lida â Saroŋ heaoneczi honerâ maŋjeŋic bârisierâ Wofuŋte kikefuŋ embiŋ.
ACT 9:36 Jope haeo opâ ruac naru ŋokac moc juwec, šâŋene Tabita, Kâtedâŋko Sâec. E gâcne ehâmo-jarehuc bâmec bocjaha bajarehuc juwec.
ACT 9:37 Eme Petoro mâreŋ ira juhame Tabita e huc fuacneme hâmowec. Hâmome qâŋɋâŋ-ticne šurerâ ficmaŋne mocko baferâ râembiŋ.
ACT 9:38 Lida i Jope hae bembeŋko ŋewecte opâ ruac jaŋe Petorore biŋe manarâ ŋic jajahec erao sorec-jofapie rarâ šiŋuc âzâcnepic: “Go jowacgupere nâŋere haeo biac ranaŋ.”
ACT 9:39 Eme Petoro e manarâ šawieme jahehec rambiŋ. Ra fisime qâŋɋâŋ fowecko jowa fembiŋ. Feme ŋokac hozec sasawa jaŋe e orâŋkerâ ki busâqoc ehuc Tabita ɋâricne juhuc ŋaqi ɋâtâ-jarewec i jâutu-fârembiŋ.
ACT 9:40 Eme Petorozi ejareme hufârepie dieŋzi herâ numuwec. Numu tararâ qâŋɋâŋ maickeme šiŋuc âzâcnewec: “Tabita go faharec.” Mume šâŋe fitâcnehuc Petoro honerâ fahare ŋewec.
ACT 9:41 Ŋehame Petorozi menao rohuc âzâcneme fahare domawec. Eme opâ ruac â hozec wira-jareme fepie Tabita ɋâricne bârisie-jarewec.
ACT 9:42 Eme irec biŋe Jope haeo haŋ bame bocjahazi Wofuŋtao qohotambiŋ.
ACT 9:43 Eme Petoro e ŋic moc šâŋene Simoŋ, becsahac bapa, ere ficko dameŋ šošoricne ŋeŋe juju ewec.
ACT 10:1 Kaisarea haeo ŋic moc juwec, šâŋene Konelio, e Italia mâreŋkonec momori jaŋere soŋaŋ juwec.
ACT 10:2 Erâ e jahacne â wiacfâc-ticne jaŋe Anutu araŋ bacnehuc rumerâ jujumbieŋ. Ehuc ŋic ŋokac bâmec bocjaha bajarewec, erâ Anuturao gâbâ numu jujec.
ACT 10:3 Konelio e iŋuc ekume šoaŋ mocko owâ gieo Anuture aŋelo moczi maŋko fuac ecneme honeha šâŋene wiracnehuc muwec: “Konelio.”
ACT 10:4 Wiracneme hone dendeŋnehuc fâfârerâ muwec, “Wofuŋ, wemo wiacte?” Eme eki muwec, “Nunumu â bâmecge Anuturao hefâme mana biaŋkewec.
ACT 10:5 Irec go Jope haeo kiŋaŋ sorec-jopatec ra ŋic moc šâŋene Simoŋ, šâŋe-ticne moc Petoro, jowa warenšepieŋ,
ACT 10:6 e wase-ticne Simoŋ, becsahac bapa, ere ficko ŋeŋe juju ekac” fic i hâwecmecko ŋekac.”
ACT 10:7 Aŋelo e dâŋ i âzâcnerâ rame kiŋaŋ motec jajahec â momorifâc-ticne jaŋeraonec mitine moc hefârec-joparâ
ACT 10:8 dâŋ binaŋ jaza-fârerâ Jope haeo sorec-jopame rambiŋ.
ACT 10:9 Ŋic jaŋe raku hatao fombiŋ. Hae fureme mocwâc raku hae bâmbeŋkezo ehapie šoaŋ šâšâŋiŋko Petorozi numuocte fic maŋne mocko fewec.
ACT 10:10 Numuku nânâre hâmorâ mume rike bâmoc ecnehapie Wofuŋzi maŋko fuac ecneme wiac šiŋuc honewec:
ACT 10:11 Sambâŋ aŋkeme wiac moc racsâko tinac tofane 4 ira basanaŋkehuc mâreŋko âkesuepie wahawec.
ACT 10:12 Maŋnao qowi â homa wiac â wipe fuŋne fuŋne fowec.
ACT 10:13 Ehame dâŋ moc šiŋuc fuawec: “Ajoc Petoro, hezu nâc ec.”
ACT 10:14 Eme Petorozi muwec, “Wofuŋ, misac, no wiac hecke-nârekicne â mamakâcne moc mi nâekopac.”
ACT 10:15 Mume dâŋ harierâ šiŋuc fuawec: “Anutuzi mušurekac i goki mi surec.”
ACT 10:16 Wiac i fuame jahec â moc eme izia racnehec fârepie sambâŋko risie fewec.
ACT 10:17 Eme Petoro e wiac šâŋe furu honewec irec maŋ kukumbuc ecnehame Konelio ŋicfâc-ticne jaŋe haeo fisirâ Simoŋ ficticnere wio wio raku bâfuarâ motâcko domahuc
ACT 10:18 wiracne basac ehuc mumbiŋ, “Simoŋ, šâŋene moc Petoro, e fic šira jukac me?”
ACT 10:19 Eme Petoro e wiac šâŋe furu-ticnere manatâc qâtâc ehuc jaha juhame Mârozi šiŋuc âzâcnewec: “Manakic, ŋic jahec â moc fisirâ go basacguŋgopieŋ,
ACT 10:20 irec go hurâ jaŋehec racmurâ maŋ bahac mi ezemec, ŋic i noni mupe warembieŋ.”
ACT 10:21 Eme Petorozi jaŋerao hurâ muwec, “Basacnuŋgopieŋ no hâcne ši, wemo wiacte wareŋgopieŋ?”
ACT 10:22 Mume ŋic jaŋe šiŋuc âzâcnembiŋ: “Momori soŋaŋ Konelio, e Anutu araŋ bacnehuc tiŋne juekac, â Judaŋic jaŋe ere manapie sâckeekac, e hâcne tiri aŋelo moczi fuacnerâ go ficticnao hefârecgurâ micgaonec dâŋ manaocte âzâcnewec.”
ACT 10:23 Iŋuc mupie Petorozi hezu hewâneŋ ejarewec. Fohapie hae fureme e â Jope haeonec opâ ruac gâcne mâmâc ŋic jaŋehec rambiŋ.
ACT 10:24 Jaŋe hatao ŋafe moc forâ raku Kaisarea haeo fisimbiŋ. Konelio e wiacfâcne â âgo qomâfâc-ticne hetumaŋ-jopame woŋec juhapie fisimbiŋ.
ACT 10:25 Fisirâ Petorozi ficko fezo ehame Koneliozi ware maŋfuŋnao fodaperâ muac baafec ecnewec.
ACT 10:26 Ecneme Petorozi ro bafaharehuc šiŋuc âzâcnewec: “Faharec, no ŋic jaha wâc.”
ACT 10:27 Eme muc manac ehuc ficmaŋko ferâ ŋic tumaŋnerâ ŋepie honec-joparâ šiŋuc jazawec:
ACT 10:28 “Ŋoŋe Judaŋic nâŋere fuŋne manaŋgopieŋ, nâŋe ŋic furune ŋoŋehec ââgo â iiqic mi enaŋte aka henârekicne. No ine ŋoŋe wâwânâŋhec â hone suŋgiŋne mi muŋarepemurâ Anutuzi fuŋne naza nowatuc ewec.
ACT 10:29 Irec hâcne hefârecnupie warepemurâ mi quŋkepo. Eme ši hefârecnumbiŋ irec mupie manape.”
ACT 10:30 Iŋuc mume Koneliozi šiŋuc âzâcnewec: “No wiac šâŋe furu honerâ juwarehape miŋecgac šoaŋ gie bapa jahec â jahec ekac irec dâŋ binaŋ egarepe. No owâ gieo numuhape ŋic moc ŋaqi-ticne tatamacnehec norao fuarâ
ACT 10:31 šiŋuc nazawec: Konelio, Anutuzi nunumuge manarâ bâmecgere mana biaŋkewec.
ACT 10:32 Irec go Jope haeo ŋic sorec-jopatec Simoŋ, šâŋe-ticne moc Petoro, jowa warenšepieŋ. Eki wase-ticne Simoŋ, becsahac bapa, ere ficko ŋeŋe juju ekac” ficticne hâwecmecko ŋekac.
ACT 10:33 Eme no irec hâcne ŋic sorec-jopape gorao fâmbiŋ. Eme go dâŋnane manarâ warekicte bunane biaŋkekac. Eme ši Wofuŋzi dâŋ gazawec i mutec mananaŋte Anuture maio tumaŋnerâ ŋefâreŋgopeneŋ hâcne.”
ACT 10:34 Eme Petoro e micafec erâ šiŋuc jazawec: “Anutu e ŋic nâŋâcne sahac-nâŋeckopec maname feriŋ wahariŋ mi eekac i mana-jâmbâŋkekopac ši.
ACT 10:35 Ŋic gurune gurune jaŋeraonec gâcnezi e araŋ bacnehuc aimuŋ jupie jaŋere maname mitio rorocjopane eekac.
ACT 10:36 Anutu e Israe ŋic nâŋerao dâŋ fârine bâfuawec, irec biŋe ŋoŋe manaeŋgopieŋ” e Jesu Kristo, ŋic sasawa nâŋâcne Wofuŋ hâcne, soreme wamadâŋ biaŋ nâzâ-fârewec.
ACT 10:37 Erâ Judaia mâreŋko wiac fuawec, irec biŋe wâc šiŋuc manaeŋgopieŋ: Johane e ŋic Miti Opâre dâŋ jazahame gie qanaŋ Galilaia mâreŋkonec domarâ rawec”
ACT 10:38 Jesu Nazarete haeonec e ine Anutuzi tâpiri â Tiri Mâro tahackecneme mâreŋ rârecke rac warec ehuc ŋic jauŋ bacjopawec â Sataŋzi bâumbeŋ-jopawec jaŋe bâpiaŋ-jopa-fârewec. Anutuzi dopeckehame gie i hâcne bawec.
ACT 10:39 Eme Judaŋic nâŋere mâreŋko â Jerusalem haeo wiac muwec bawec i nâŋe hone manac efârembeŋ. Ehame juku maripoŋko qapie hâmowec.
ACT 10:40 Hâmorâ fohame šoaŋ jahec â moc eme Anutuzi bâɋârewec. Bâɋârerâ râeme fua sipuac ewec.
ACT 10:41 Erâ ŋic kosa jaŋerao mâcne, ŋic biŋe mumufâc-ticne, Anutuzi mârâc rowosâec-nâpowec, nâŋerao sawa fuawec. Nâŋe hâcne hâmockonec fahareme ehec nâ gugumec â mumac qamanac embeŋ.
ACT 10:42 Erâ Anutuzi e ŋic ɋâricne â hâmokicne mumutara-nâŋec âkendâŋnewec, irec biŋedâŋ ŋic guru sâc mutaniŋkerâ jazanaŋte munârewec.
ACT 10:43 Eme e manasiŋkeniŋmu jaŋe šâŋe biŋe-ticnere erâ sâqocne tâmire-jareocmu, i porofete jaŋe mufua-fârembiŋ.”
ACT 10:44 Petoro e dâŋ iŋuc muhuc domahame, manahuc ŋembiŋ jaŋerao Tiri Mâro wahawec.
ACT 10:45 Eme Judaŋiczi opâ ruac, Petorohec rambiŋ, jaŋe Anutuzi ŋic qâpuc Tiri Mâro tahacke-jareme bipic tatara ejarewec.
ACT 10:46 Ŋic qâpuc jaŋe dâŋmarac furune dâŋehuc Anutu musokapie manambiŋ hâcne. Eme Petorozi šiŋuc muwec:
ACT 10:47 “Nâŋâc Tiri Mârohec embeŋ, ŋic kecši jaŋe iŋuc jaha fua-jareme Miti Opâ wemocko sakare-jarezo.”
ACT 10:48 Iŋuc murâ mume ŋicfâcne jaŋe Jesu Kristo ere šâŋeo šuhuc-jopahuc opâ rua-jarembiŋ. Eme jaŋe Miti Opâ ruarâ Petoro sakarepie šoaŋ gie bapa gâcne jaŋehec ŋeŋe juju ewec.
ACT 11:1 Aposolo gâcne â opâ ruac Judaia mâreŋko jumbiŋ, jaŋe qâpuczi wâc Anuture dâŋ ro maŋ embiŋ irec biŋe manambiŋ.
ACT 11:2 Irec Petorozi Jerusalem haeo risie feme Judaŋiczi opâ ruac jaŋe manacnepie mi sâckeme
ACT 11:3 šiŋuc âzâcnembiŋ: “Go wemocte Mosere ma tâmiric iqic-joparâ jaŋere meonec wiac nâmeŋ?”
ACT 11:4 Eme Petorozi wiac fuawec i fuŋnaonecteaŋ qâwirickerâ šiŋuc jazawec:
ACT 11:5 “No Jope haeo numuhuc juhape Wofuŋzi maŋko fuac enareme wiac kecšiŋuc honepo: Wiac moc racsâko tinac tofane 4 ira basanaŋkehuc sambâŋkonec âkesuepie wahaku maŋfuŋ-naneo fisiwec.
ACT 11:6 Wahame findendeŋnehuc hone qârâwiŋ ejarehuc honepo: Maŋnao qowi kosa, micmâŋ â micnehec, erâ homa wiac â sawa wipe fowec.
ACT 11:7 Ehame norao dâŋ wiwira kecšiŋuc fuawec: `Ajoc Petoro, go hezu nâc ec. Ž
ACT 11:8 Eme noni mupo, `Wofuŋ, misac, no wiac hecke-nârekicne â mamakâcne moc mi nâekopac. Ž
ACT 11:9 Iŋuc mupe sambâŋkonec dâŋ harierâ šiŋuc fuawec: `Anutuzi wiac mušurekac i goki mi surec. Ž
ACT 11:10 Wiac iŋuc fuame jahec â moc eme racticnehec fârepie sambâŋko risie fewec.
ACT 11:11 Eme manaŋgopieŋ, wiac i arictac ehame izia Kaisarea haeonec ŋic jahec â moc nore kiŋaŋ fârâ fic jumbeŋ ira fisimbiŋ.
ACT 11:12 Fisipie Mârozi šiŋuc nazawec: `Go jaŋehec racmurâ maŋbahac mi ec. Ž Eme rape opâ ruac ŋic 6 kecši jaŋe bâjâpecnumbiŋ. Ra fisirâ momori soŋaŋte ficko fepene
ACT 11:13 dâŋ binaŋ kecšiŋuc enârewec: `Nore ficko aŋelozi wefu fua-narerâ šiŋuc nazawec: Go Jope haeo kiŋaŋ sorec-jopatec Simoŋ, šâŋene moc Petoro, jowa warepie
ACT 11:14 dâŋ mume go â wiacfâcge ŋoŋe manarâ biaŋke-fârenšepieŋ. Ž
ACT 11:15 Eme no miti jazahape mârâc nâŋâcnao Tiri Mâro wahawec iŋuc jaha jaŋerao wahawec.
ACT 11:16 Eme no i honerâ Wofuŋzi dâŋ kecšiŋuc muwec i manasupo: `Johanezi opâ rua-ŋarewec, ŋoŋe ine Tiri Mâro rua-ŋarezo. Ž
ACT 11:17 Eme nâŋâc Wofuŋ Jesu Kristo manasiŋkehapene wiac tahacke-nârewec, ijaha jaŋe tahacke-jareme no iŋucnezi wemocko Anutu qataracnezapo.”
ACT 11:18 Iŋuc muhuc jazame jaŋe manarâ maŋjeŋic fâre wahame Anutu muteŋkehuc šiŋuc mumbiŋ: “Opo, Anutu e ŋic qâpuc maŋjeŋic bârisierâ juju sanaŋte biŋe eniŋte wâc mujarekac hâcne.”
ACT 11:19 Stefano qarâ opâ ruac gâcne jopa bâtâtiec ejarepie haha rârâwiŋ qarâ tucnezi Foinike â Kipiro nucko â Antiokia haeo rambiŋ. Ra juhuc miti i Judaŋic sawa jazambiŋ.
ACT 11:20 Eme ŋondeŋ-jeŋicko Kipiro nuckonec â Kirene mâreŋkonec opâ ruac ŋic jumbiŋ, jaŋe Antiokia haeo fisirâ Grikŋic jaŋehec iŋuc jaha muc manac ehuc Wofuŋ Jesure Biŋebiaŋ jazambiŋ.
ACT 11:21 Eme Wofuŋzi tâpiri sicne-jarehame jazapie ŋic guru sâko jaŋe manarâ maŋjeŋic bârisierâ Wofuŋte biŋe embiŋ.
ACT 11:22 Eme irec dâŋ Jerusalem kikefuŋ jaŋerao rame manarâ Banaba sorepie Antiokia haeo rawec.
ACT 11:23 Ra fisirâ Anutu uruc jauŋ-ticne honerâ bubiaŋ manarâ maŋjeŋiczi Wofuŋtao herâŋke sanaŋkeniŋte faŋ qajarewec.
ACT 11:24 Banaba e ŋic biaŋne, maŋnao Tiri Mâro â mamanasiŋ fusewec. Eme hae ira ŋic wemo afecnezi Wofuŋtao šuhuckembiŋ.
ACT 11:25 Eme Banaba e Saulo bâfuaocte Taso haeo rawec.
ACT 11:26 Ra bâfuarâ jowame Antiokia haeo warepic. Erâ opâ ruac guruo jara moc juhuc ŋic bocjaha miti jaza qazuc epic. Antiokia hae ira hâcne ŋiczi Jesure kikefuŋ jaŋere šâŋe Kristoŋic mufuambiŋ.
ACT 11:27 Dameŋ ira porofete ŋic Jerusalem haeonec Antiokia haeo rambiŋ.
ACT 11:28 Ehuc jaŋeraonec moc, šâŋene Agabo, e Mârozi ecneme mâreŋ sâc roroc sâko fuaocte irec findaŋdâŋ muwec. Eme roroc i ŋicwofuŋ sâko Klaudio juhame fuawec.
ACT 11:29 Eme opâ ruac jaŋe dâŋ i manarâ moneŋ fojarewec sâc bâturerâ Judaia mâreŋko âgofâc-jeŋic jaŋerao râepie raocte mupaŋkembiŋ.
ACT 11:30 Erâ moneŋ bâfuambiŋ i Banaba â Saulo jactepie bara opâ ruac soŋaŋ micnefâc-jeŋic jarepic.
ACT 12:1 Dameŋ ira ŋicwofuŋ Herode e kikefuŋte ŋic ŋokac gâcne jopa sipiric ejareocte kâpâcwâru ficko râec-jopawec.
ACT 12:2 Ehuc Johane hahac-ticne Jakobo mume šikazi qâhâmombiŋ.
ACT 12:3 Iŋuc eme Judaŋic jaŋe aŋac-jopame honec-joparâ Petoro iŋuc jaha mume goreŋ sowa hombaŋ maickeme kâpâcwâru bambiŋ.
ACT 12:4 Aakic hombaŋ tarame Judaŋic jowaturâ qaocte manasurâ mume kâpâcwâru ficko râerâ momori 16 jaŋe soŋaŋkembiŋ.
ACT 12:5 Eme Petoro e kâpâcwâru ficko fohame kikefuŋ jaŋeraonec nunumu šušuhuc jaha Anuturao fehuc domawec.
ACT 12:6 Eme Herode e hae fureme ŋic jowatuocte šâfo maickewec ŋafe ira momori jajahec jahe Petoro kâpâcwâru jajaheczi bândeŋnerâ bafopic, â momori gâcne motâc râpeo soŋaŋ domambiŋ wâc.
ACT 12:7 Ehame ficmaŋko mi Wofuŋte aŋelo moczi ututuŋ fuarâ domame fic tamae-fârezejec i¡ Eme aŋelozi Petoro gâjoŋnao qâuahuc wiwickerâ muwec: “Picpac faharec.” Mume izia Petorore meonec kâpâcwâru ŋeŋgoroŋkerâ wahawec.
ACT 12:8 Eme aŋelozi âzâcnewec, “Umbikage jomarâ kikehuhuge hetec huoc.” Iŋuc eme aŋelozi mocwâc âzâcnewec, “Ŋaqige šoricne hetec hume bâjâpecnuc.”
ACT 12:9 Eme bâjâpehuc aŋelozi wiac ecnewec i maname fârine mâcne, guŋko ecnekicne tinac ewec.
ACT 12:10 Eme jahe motâc mocko momori domahapie jowaru raši, motâc mocko iŋuc jaha domahapie jowaru raši, eku hae šoŋaopec kimotâc sâko maickepire e jahac aŋkeme hupic. Hurâ hatao rahuc aŋelo e sipuac ewec.
ACT 12:11 Eme Petoro e maŋne uŋtome šiŋuc muwec: “Ʒi mana-jâmbâŋkekopac, Wofuŋ e aŋelo-ticne soreme Herodere niŋgiŋkonec â Judaŋic jaŋere aarickonec bataracnukac.”
ACT 12:12 Iŋuc mana tarahuc rarâ Johane Marekore neŋgoc, šâŋene Maria, ere ficko fisiwec. Ira bocjahazi tumaŋnerâ numuhuc ŋembiŋ.
ACT 12:13 Eme Petorozi šae motâcko heickeme kiŋaŋ naru moc, šâŋene Rode, e mozi heickekac muhuc waharâ
ACT 12:14 Petoro dâŋ hawari-ticne manarâ motâc mi roro mâc šeri ehuc ficmaŋko ferâ, Petoro warejec domakac muhuc jazawec.
ACT 12:15 Jazame jaŋe manarâ mumbiŋ, “Go maŋge sifuckekac.” Eki ine qizec qahuc muwec, “E jâmbâŋ domakac.” Eme jaŋe mumbiŋ, “I aŋelo-ticnezi mecne.”
ACT 12:16 Eme Petoro e heickehuc jaha domame motâc rorâ e jahacne honerâ maŋjeŋic omaewec.
ACT 12:17 Eme dâŋemâc juniŋte me bazuc ejarerâ Wofuŋzi kâpâcwâru fickonec firuerâ bawahawec irec dâŋ binaŋ ejare-fârerâ muwec, “Ŋoŋe dâŋbiŋe ši Jakobo â âgo gâcne jazaniŋ.” Iŋuc muhuc fâre fâsâerâ mocko rawec.
ACT 12:18 Hae fureme momori jaŋe Petoro basarâ wemo wiaczi weniŋuc ecnejec muhuc mumutucne embiŋ.
ACT 12:19 Eme Herodezi bâfuaniŋte mume basa-bipiepie mu indiŋ ejarerâ momori jaŋe soŋaŋ i qâhâmoc-jopaniŋte mutâcne-jarewec. Erâ Judaia mâreŋ beherâ Kaisarea haeo hurâ juwec.
ACT 12:20 Herode e dameŋ ira Tiro â Sidoŋ haeonec râsi ejarewec. Eme hae irec rune jaŋe qâturehuc fisirâ dâŋ mufâsâeniŋte ŋicwofuŋte ŋicbomboŋ, šâŋene Bilasto, mu bâmunaŋ ecnepie bafic-jopawec. Jaŋe wiac nareŋ gareŋ-jeŋic tâcnewecte i mocwâc šuhuckeniŋte iŋuc embiŋ.
ACT 12:21 Eme Herode e dâŋ bârisie-jareocte šâfo bajarewec i maickeme eri-ticne barâ ŋicwofuŋ ŋeŋe-ticnao waha ŋehuc mu âkeriŋ dâŋ jazawec.
ACT 12:22 Jazame ŋic mâmâc sasawa fânâŋkecnehuc šiŋuc mumbiŋ: “Dâŋ i ŋicdâŋ mâcne, i nemure dâŋ.”
ACT 12:23 Eme mi qatara-jarehuc Anutu âkehockewecte Wofuŋte aŋelozi ɋeŋnea qawec. Eme umbeŋzi nanšaŋneme hâmowec.
ACT 12:24 Anuture dâŋzi ine qazu qâiŋ erâ haŋ barawec.
ACT 12:25 Eme Banaba â Saulo jahe Jerusalem haeo wiac mujactekicne sâc efârerâ Antiokia haeo risienicte Johane Mareko jowapire mâmâc rambiŋ.
ACT 13:1 Antiokia kikefuŋ maŋnao porofete â qaqazu šiŋuc jumbiŋ: Banaba, â Simoŋ, šâŋe-ticne moc Nige, â Lukio Kirene haeonec, â Manaeŋ, e ŋicwofuŋ Herode ehec mâmâc qâqârândiŋ juhuc sokapic, erâ Saulo.
ACT 13:2 Eme šoaŋ mocko sowa juhuc gae mitire tumaŋnehapie Tiri Mârozi dâŋ šiŋuc muwec: “Banaba â Saulo gie mujactepo i banicte bašawiec-jofaniŋ.”
ACT 13:3 Mume sowa jurâ mejeŋic qizec-jekicko râehuc numu jambuŋ ejacterâ miti kiŋaŋ râec-jofapie rapic.
ACT 13:4 Tiri Mârozi iŋuc ehuc sorec-jofame jahe raku Seleukia haeo fisipic. Ira fisirâ wokeo ferâ raku Kipiro nucko fisirâ
ACT 13:5 irec hae qizec Salami ira rarâ Judaŋic jaŋere mitificko ferâ Anuture dâŋ jazapic. Erâ Johane ª e jahehec mâmâc juhuc bafic-jofawec.
ACT 13:6 Eme nuc fotâcne-fârerâ Pafo haeo fisimbiŋ. Ira fisirâ Judaŋic moc qaŋgec bapa â porofete burecne juwec, šâŋene Barajesu, e bâfuambiŋ.
ACT 13:7 Ŋic e kia moc Seregio Paulo ere 390 juwec. Kia e maŋfânâŋ-ticneheczi Anuture dâŋ manaocte ecneme Banaba â Saulo hefârec-jofawec.
ACT 13:8 Hefârec-jofame qaŋgec bapa Elima (šâŋe i qaŋgec bapare mujumbieŋ hâcne(c) eki kia miti sakarecnehuc hecke-jactewec.
ACT 13:9 Eme Saulo, šâŋene Paulo wâc mumbiŋ, e Tiri Mârozi maŋ ba afec ecneme Elima šiŋuc âzâcnewec:
ACT 13:10 “Sataŋte ŋic go, tiŋke biaŋte râsi sanaŋ, maŋge eeatuc â sindaŋzi fusucmakicne, go Wofuŋte hata dândâŋ imackeekic i wezimucko behecmu?
ACT 13:11 Irec ši Wofuŋ tâpiri-ticnere fuŋne honezemec” go tiŋtuŋ erâ dameŋ ŋondeŋ moc tatamac hohone tâmiric juzemec.” Mume izia šâŋene dapâc eme tiŋtuŋ qahuc mezi bajaŋ qajaŋ erâ menao roniŋte muwec.
ACT 13:12 Wiac i fuame kiazi honerâ Wofuŋte mitire maname bipinehec eme mana šakiewec.
ACT 13:13 Paulo â ŋicfâcne jaŋe Pafo hae beherâ wokeo mocwâc ferâ raku Pamfilia mâreŋko Perege haeo fisimbiŋ. Ira Johanezi behec-joparâ Jerusalem haeo risiewec.
ACT 13:14 Eme jaŋe Perege haeonec raku Pisidia mâreŋko Antiokia hae wasene ira fisimbiŋ. Ira juhapie sabata hombaŋ maickeme Judaŋic jaŋere mitificko ferâ ŋembiŋ.
ACT 13:15 Eme soŋaŋ jaŋe sâcmutâc dâŋqâhâcte â porofete jaŋere dâŋqâreŋ gâcne wose tararâ šiŋuc jazambiŋ: “Âgo bureŋ, dâŋmiti moc maŋkeŋgopieŋko mupie mananaŋ.”
ACT 13:16 Eme Paulozi faharerâ niniŋkeniŋte mezi bâuruŋ-joparâ šiŋuc jazawec: “Israe ŋicbureŋ ŋoŋe, â gâcne Anutu araŋ bacneeŋgopieŋ, mâmâc ŋazape mananiŋ:
ACT 13:17 Israe ŋic nâŋâcne Anutu eki mimi apafâc-nâŋec rowosâec-joparâ Aigita mâreŋko juhapie basawec-jopawec. Erâ tâpiri sanaŋ-ticnezi irecnec jowac-jopa warerâ
ACT 13:18 mâreŋ burocnao gume qataŋ ejarehuc juhame jara 40 ewec.
ACT 13:19 Erâ Kanaaŋ mâreŋko ŋicguru 7 bâsirowec-joparâ mume apafâc-nâŋec jaŋe mâreŋ i bâtâc barâ ru sâc erâ jumbiŋ. Ehame jara 450 tarawec.
ACT 13:20 Eme Kanaaŋ mâreŋko juhapie mumutiŋ ŋic bâfua-jareme jurakupie porofete Samue fuawec.
ACT 13:21 Eme ŋicwofuŋte mupie Anutuzi Benjamiŋte ɋâricfâc jaŋeraonec Kisi ŋokâ-ticne Saulo âkendâŋne-jareme jara 40 micne bajarehuc juwec.
ACT 13:22 Eme e bârârierâ Dawidi ŋicwofuŋ-jeŋic âkendâŋnewec. Erâ ere dâŋ šiŋuc muwec: `No Isaire ŋokâ Dawidi ere maŋnane sâckeme hone wosâepo, eki hâcne mupe rereŋ-nane juocmu. Ž
ACT 13:23 Eme Dawidi ɋâricfâc-ticne jaŋeraonec Israe ŋic nâŋâcne bâbâpiaŋ moc fuaocte biŋedâŋ mukicne i fârinehec eocte Anutuzi mume Jesu hâcne fuawec.
ACT 13:24 Erâ ŋicŋondeŋko fua tâcneocte qanaŋ Johanezi Israe ŋic sasawa maŋjeŋic bârisierâ Miti Opâ ruaniŋte jazawec.
ACT 13:25 Erâ Johane e hata mucnekicne i âte tarahuc ŋic šiŋuc jazawec: `E muhuc munareeŋgopieŋ ŋic e no aricne. E jahacne šâhec warehuc jukac” e sâko no iŋucnezi mafahe-ticne decnepe mi sâckeocmu.'
ACT 13:26 “Qomâfâc-nane Abrahamte ɋâricfâc ŋoŋe, erâ gâcne Anutu araŋ bacneeŋgopieŋ, mupe mananiŋ: Bâbâpiaŋ irec dâŋ i nâŋâcnao râekicne.
ACT 13:27 Jerusalem ŋic fekicne wahakicne jaŋe Jesu mi šâŋitahuc šikao feocte mutaracnembiŋ. Jaŋe iŋuc epie porofete jaŋere findaŋdâŋ sabata hombaŋ sâc wose manac eeŋgopeneŋ i deŋkewec.
ACT 13:28 Jaŋe Jesure kiŋ basa-bipiehuc sifu Pilato qizec qacnepie qâhâmowec.
ACT 13:29 Eme mitio mukicne sâc etaracnerâ maripoŋkonec batararâ šâŋeruŋ hawecko râembiŋ.
ACT 13:30 Eme Anutuzi hâmockonec bâɋâreme faharewec.
ACT 13:31 Erâ ehec Galilaia mâreŋkonec Jerusalem haeo mâmâc rambiŋ jaŋe šoaŋ gie bapa bocjaha fua-jarewec. Fua-jareme honembiŋ jaŋe ine biŋe mumufâc-ticne embiŋ Juŋgopieŋ.
ACT 13:32 Eme mimiŋnefâc-nâŋec wiac biŋe qajarekicne
ACT 13:33 i Anutuzi Jesu bâɋâreme ɋâricfâc-jeŋic nâŋâcnao fârinehec ewec, eme irec bubiaŋ dâŋ ŋazaeŋgopeneŋ. Irec hâcne Miti Mânec namba 2 ira dâŋ šiŋuc qâreŋkekicne fokac: `Go hâcne Ŋokâ-nane, no miŋecgac bâfuacgukopac.'
ACT 13:34 Jesu bâɋâreme faharewec e šâhec hâhâmo i mocwâc mi bâfuaocmu, irec Anutuzi dâŋ kecšiŋuc muwec: `No Dawidi biŋe qacnepo irec fârine fofo sanaŋ i hâcne tahacke-ŋarepemu.'
ACT 13:35 Erâ Miti Mânec mocko dâŋ šiŋuc fokac: `Go Tiriŋicge mi behetec gârecke šaŋ eocmu. Ž
ACT 13:36 Dawidire manaeŋgopeneŋ, e Anutuzi gie mucnewec i ŋicfâc-ticne jaŋerao batararâ hâmowec. Hâmome mimi apafâc-ticne jaŋerao râepie gârecke šaŋ ewec.
ACT 13:37 Á Anutuzi bâɋârewec e ine gârecke šaŋticne tâmiric.
ACT 13:38 “Qomâfâc-nane, ŋazape mananiŋ. Sâqocne bâbâtâmire i ŋic eki hâcne bâfuawecte irec dâŋzi maic-ŋopakac.
ACT 13:39 Mosere sâcmutâc dâŋzi kiŋŋeŋic guriŋkeocte eipiewec, Jesurao siŋkepie ine sâcne bârârie-ŋareocmu.
ACT 13:40 Porofete jaŋerao dâŋ šiŋuc fokac i ŋoŋerao sanaŋkezacte uŋ ŋazakopac:
ACT 13:41 `Oi, miti qiqikiŋ, ŋoŋe wareckerâ omaenšepieŋ; no ŋoŋerao gie fuŋmoc bapemu; biŋene manarâ manapie mi bapane eocmu. Ž ”
ACT 13:42 Eme Paulo â Banaba jahe mitifickonec wahapire ŋic jaŋe sabata hombaŋ mocko dâŋ irecteaŋ jazanicte mumbiŋ.
ACT 13:43 Eme tutumaŋkonec waharâ Judaŋic bocjaha â qâpuc Judaŋic jaŋere bâjâpecne gâcne jaŋe mâmâc Paulo â Banaba bâjâpec-jofahapie Anuture jauŋko aimuŋ juniŋte mu sawaŋ ejarepic.
ACT 13:44 Eme sabata hombaŋ-jeŋic mocwâc maickeme hae irec ŋic Anuture dâŋ mananiŋte mâretec fisimbiŋ.
ACT 13:45 Fisipie Judaŋic jaŋe honec-joparâ mana sâqore-jarerâ Paulo dâŋticne mu surec ehuc bawahambiŋ.
ACT 13:46 Iŋuc epie Paulo â Banaba jahe mai qanšaŋ dâŋ šiŋuc muhuc jazapic: “Judaŋic ŋoŋe Anuture dâŋ qanaŋ ŋaŋazare mukicne. Ʒi ine ŋaŋac qikiŋnehuc juju sanaŋte biŋe eniŋte mi muŋgopieŋte behec-ŋoparâ qâpuc jaŋerao ranacmu.
ACT 13:47 Wofuŋ e irec hâcne kecšiŋuc munârewec: `Noni go ŋic qâpuc jaŋere šoctamac râecgupore bâbâpiaŋ-jeŋic juraku mâreŋ qaŋeŋnao jutarazemec. Ž ”
ACT 13:48 Iŋuc mupire qâpuc jaŋe manarâ bujeŋic biaŋkeme Wofuŋte dâŋ muac baafec ecnembiŋ. Eme juju sanaŋte biŋe eniŋte mana wosâc ejarekicne sâc jaŋe miti mana šakiembiŋ.
ACT 13:49 Eme mâreŋ ira Wofuŋte dâŋzi haŋ barawec.
ACT 13:50 Hae irec ŋic fekicne jaŋere ŋonâŋfâc gâcne Judaŋic jaŋere bâjâpecne jumbiŋ, jaŋe Judaŋiczi qafeŋ-jopahuc hae soŋaŋ mâmâc maŋ bâiŋ ejarembiŋ. Eme babafic erâ Paulo â Banaba râsi ejactehuc hae mâreŋ-jeŋic sakare-jacterâ jâpec-jofapie rapic.
ACT 13:51 Rahuc kike-jekickonec gâc wândoc-jeŋic âteickepire wahahame suŋgiŋ-jopahuc Ikonioŋ haeo rapic.
ACT 13:52 Rahapire miti mamana jaŋere maŋko šeri bubiaŋ â Tiri Mâro fua babaraŋ fuawec.
ACT 14:1 Eme Ikonioŋ haeo fisirâ iŋuc jaha Judaŋic jaŋere mitificko ferâ miti mupire fârio qawec. Ehame Judaŋic â Grikŋic bocjahazi Jesure kikefuŋ embiŋ.
ACT 14:2 Judaŋic gâcne jaŋe ine miti qikiŋnehuc hae irec ŋic suruc-jopapie Kristoŋic aaric mana-jarembiŋ.
ACT 14:3 Eme jahe sifu mosa dameŋ gâcne hae ira juhuctecne Wofuŋtao roweckerâ miti-ticne hâwicmâc muhuc jupic. Ehapire Wofuŋzi akicdâŋ-ticnere fuŋne bataniŋkehuc neŋgoc ŋesiŋ ŋejactehame mâsi fuŋne fuŋne bapic.
ACT 14:4 Eme hae irec ŋic jaŋe fâuckehuc tucne Judaŋic jaŋerao qohotambiŋ â tucne jaŋe aposolo jaherao qohotambiŋ.
ACT 14:5 Izi šâhecko ŋic qâpuc â Judaŋic gâcne jaŋe aposolo qânâzi he imac ejacteniŋte roroc epie
ACT 14:6 manarâ wiserâ Likaonia mâreŋko rapic. Erâ ira Listera â Derebe â hae gâcnao
ACT 14:7 Biŋebiaŋ murahuc jupic.
ACT 14:8 Eme Listera haeo ira ŋic moc ŋewec, e kike jahec-ticne ɋaŋakicne. E neŋgoc bumaŋko iŋucne fuarâ hata juju tâmiric mâc ŋejujec.
ACT 14:9 Eme Paulozi miti mume manahuc ŋehame erao findendeŋnerâ fuŋne-ticne šiŋuc manawec: Ŋic e bibiaŋte mamanasiŋ sâcne focnekac.
ACT 14:10 Iŋuc manarâ dâŋ hahaŋne bahuc šiŋuc âzâcnewec: “Go kikegezi âterâ fahare hâŋ domac.” Mume ŋic e furutuc herâ fahare rac warec ewec.
ACT 14:11 Eme ŋic guru sâko jaŋe Paulozi mâsi bawec i honerâ micne micširiŋ Likaonia dâŋjeŋicko šiŋuc mumbiŋ: “Nemu jaŋe ŋicsahachec erâ ŋondeŋ-nâŋecko fuambiŋ juŋgopieŋ.”
ACT 14:12 Ehuc Banaba e nemu moc šâŋene Dia ere wase bambiŋ, â Paulo e dâŋ bâtâcnerâ mujujecte nemu moc šâŋene Hermes ere wase bambiŋ.
ACT 14:13 Eme nemu Dia ere taha bapa eki mume bulimakao â reso eri wiac hae upeo nemure ufuŋ ŋewecko amecke hurâ ŋicjahec jahere bâzi rikezo embiŋ.
ACT 14:14 Eme aposolo jahec Banaba â Paulo jahe i manarâ fâfâre sâqorehuc hemâtâc-jofame ŋic bâfâuc bâfâuc-jopa
ACT 14:15 rarâ šiŋuc mupic: “Oi, ŋicbureŋ, ŋoŋe wemo eŋgopieŋ¡ Nâhe ŋic jaha wâc, ŋoŋere sâc. Ŋoŋe nemu burec burec râpec-joparâ Wofuŋ jujune maickeniŋte Biŋebiaŋ-ticne muekoperec hâcne. Eki sambâŋ â mâreŋ â hâwec wiac fuŋne fuŋne-jeŋichec bâfua-fârewec.
ACT 14:16 Erâ juwefukicne dameŋ ira ŋic qâpuc mana-jarehame maŋjeŋicte juju hata fuŋne fuŋne bâfuarâ jujumbieŋ.
ACT 14:17 Erâ qâoma mi eŋarewec, fuŋne-ticne mananiŋte âgo jauŋ eŋarehuc mume hoe šoaŋ sâckoa eme mâriri fuame nâ šeri ejumbieŋ.”
ACT 14:18 Ŋicjahec jahe dâŋ iŋuc muhuc mu bâmâteŋ ejarehuc qatara-jarekupire bâzi ririke-jacte i behembiŋ.
ACT 14:19 Eme ira juhapire Antiokia haeonec â Ikonioŋ haeonec Judaŋic fisirâ ŋic mu bâdoc ejarepie babafic erâ Paulo qânâzi hembiŋ. Erâ hâmokac muhuc hae râpeo fâre rambiŋ.
ACT 14:20 Eme ira fohame opâ ruac jaŋe fisirâ orâŋke âte sâoc ecnehapie ɋârerâ fahare haeo fewec.
ACT 14:21 Erâ hae fureme Banabahec Derebe haeo rapic. Rarâ ira Biŋebiaŋ mupire ŋic bocjahazi mana šakiepie Jesure kikefuŋ bacjopapic. Iŋuc erâ hata rapicko ijaha mocwâc risiehuc Listera â Ikonioŋ â Antiokia haeo ª fisi fisi warepic.
ACT 14:22 Hae sâc fisihuc Jesure kikefuŋ jaŋe mamanasiŋ hešakierâ juniŋte mu basanaŋ ejare warehuc šiŋuc jazapic: “Nâŋâc šârâ hâriŋ faio juhuc Anuture uucmaŋko rašinaŋte mušâwe-nârekicne.”
ACT 14:23 Erâ wâc kikefuŋ gurune gurune soŋaŋ bâwosâe-jarerâ sowa juhuc numu jambuŋ ejarehuc, manasiŋkembiŋ Wofuŋ erao hâcne râec-jopapic.
ACT 14:24 Eme Pisidia mâreŋ fotâcnerâ raku Pamfilia mâreŋko fisipic.
ACT 14:25 Ira fisirâ Perege haeo miti jazarâ Atalia haeo hupic.
ACT 14:26 Ira hurâ wokeo ferâ raku Antiokia haeo fisipic. Hae ira hâcne opâ ruac jaŋe Wofuŋte jauŋko râec-jofahuc gie mujactepie fuŋkerâ barapic.
ACT 14:27 Izi ware fisirâ kikefuŋ hetumaŋ-joparâ, Anutuzi neŋgoc ŋesiŋ ŋejactehame gie bapic, â qâpuc motâc rojareme mamanasiŋhec embiŋ, irec dâŋ binaŋ ejare-fârepic.
ACT 14:28 Erâ dameŋ šošoricnea Jesure gurufâc jaŋere ŋondeŋko jupic.
ACT 15:1 Judaia mâreŋkonec opâ ruac gâcne Antiokia haeo rarâ kikefuŋte ŋic šiŋuc jazambiŋ: “Ŋoŋe Mosere dâŋ sâcko sahac-ŋeŋicko ma mi bahuc Wofuŋte biŋe sâcne mi eniŋmu.”
ACT 15:2 Iŋuc muhuc Paulo â Banaba jahehec mufec muwahac ehuc qaqatarac sâko embiŋ. Eku šiŋuc mumockembiŋ: “Paulo â Banaba erâ opâ ruac jaŋeraonec ŋic tucne jaŋe dâŋ i aposolo â mitire micne Jerusalem haeo juŋgopieŋ jaŋerao baranšepieŋ.”
ACT 15:3 Iŋuc murâ kikefuŋzi sorec-jopahuc mâzoc-jopapie rambiŋ. Rahuc Foinike â Samaria mâreŋ fotâcnehuctecne opâ ruac šiŋuc jaza rambiŋ: “Qâpuc bocjahazi mitio rašiŋgopieŋ.” Jazapie manarâ jaŋerao bubiaŋ kâcɋene fuawec.
ACT 15:4 Eme raku Jerusalem haeo fisipie opâ ruac kikefuŋ â aposolo â mitire micne jaŋe mu šeri ejarehapie, Anutuzi neŋgoc ŋesiŋ ŋejarehame miti gie bapie fârinehec ewec, irec dâŋ binaŋ ejarembiŋ.
ACT 15:5 Dâŋ binaŋ etara-jarepie opâ ruac gâcne farisaio jaŋere guruoneczi šiŋuc mumbiŋ: “Ŋic qâpuc sahac-jeŋicko ma bazo â Mosere sâcmutâc dâŋ reŋkeniŋte mu hezuc ejarezo. I tâmiric mitio rocjopapie mi sâckeocmu.”
ACT 15:6 Eme aposolo â mitire micne jaŋe dâŋ i muniŋte buc tumaŋnembiŋ.
ACT 15:7 Tumaŋnerâ dâŋ hec hetikic eku Petorozi faharerâ šiŋuc jazawec: “Qomâfâc-nane, ŋic qâpuc Biŋebiaŋ bâtâcnerâ jajaza ine Anutuzi mârâcko âgo-ŋeŋic no bâwosâecnume jazape manarâ Jesure kikefuŋ embiŋ i ŋoŋe manaŋgopieŋ.
ACT 15:8 Eme Anutu e maŋ hohonezi Judaŋic nâŋâc Tiri Mâro nârewec iŋuc jaha ŋic qâpuc jarehuc fuŋne nâwotuwec.
ACT 15:9 Jaŋe e manasiŋkepie maŋjeŋic šure bâpiaŋ ejarehuc nâŋâc enârewec sâc ijaha jaŋe ejarewec.
ACT 15:10 Irec ŋoŋe wemocte Anuture sâc jâuruhuc tagi ŋemâcne sâko, kâcɋenefâc-nâŋec â nâŋâc deipiembeŋ ijaha qâpuckonec opâ ruac jaŋere faio râezo muŋgopieŋ?
ACT 15:11 Iŋuc misac, nâŋâc šiŋuc manaeŋgopeneŋ, bibiaŋke i Judaŋic â qâpuc mâmâc Wofuŋ Jesu aki anonoc-ticnere erâ biaŋkeeŋgopeneŋ.”
ACT 15:12 Eme tumaŋnekicne sasawa jaŋe mâc fâsâerâ ŋefârembiŋ. Ŋehapie Paulo â Banaba jahe Anutuzi gieŋic jucnehapire qâpuc jaŋerao mâsi fuŋne fuŋne bawec irec mu binaŋ ehuc jazapic.
ACT 15:13 Jazaku jaza-fârepire Jakobozi dâŋ šiŋuc jazawec: “Âgo bureŋ, dâŋ mupe mananiŋ.
ACT 15:14 Anutu e qâpuc guruonec ŋic rocjopame biŋefâc-ticne eniŋte hata bâfuawec, irec dâŋ binaŋ Simoŋzi mume manambeneŋ.
ACT 15:15 Eme ere dâŋzi findaŋdâŋko iticnekac. Porofete jaŋere dâŋqâreŋ moc kecšiŋuc hâcne fokac:
ACT 15:16 `Noni juku risierânec Dawidire boze šaŋkekicne heɋârepemu â sesucne qâšurerâ šumururuckepemu.
ACT 15:17 Eme ŋic šanšaŋne Wofuŋ wira basac ecnenšepieŋ, â ŋic qâpuc biŋefâc-nane erâ iŋuc jaha enšepieŋ.
ACT 15:18 Wofuŋ e dâŋ iŋucne mufua wefuhuc juweczi mukac hâcne.'
ACT 15:19 Irec no mana wosâerâ šiŋuc mukopac: Qâpuc guruoneczi Anutu maickeŋgopieŋ jaŋe tagi sâko mi râe-jarenšepeneŋ.
ACT 15:20 Jaŋe nemuɋâŋte wiac mamakâcne â sasec boe sau â qowi bituakicne â qowisoc, wiac i bâec baniŋte mupaŋkerâ papia qâreŋke-jarenšepeneŋ.
ACT 15:21 I šiŋucte enšepeneŋ: Mosere dâŋ i mimiŋzi ɋâric mârâc jaha fuŋkerâ hae sâc wose warehuc jukicne, â šiŋuczia wâc iŋuc jaha sabata hombaŋ sâc mitificne ficne wose manac eeŋgopeneŋ.
ACT 15:22 Eme aposolo â micne jaŋe kikefuŋte ŋic sasawa jazapie manapie sâckeme jaŋeraonec ŋic jajahec bâwosâec-jofambiŋ. Moc šâŋene Juda, šâŋe-ticne moc Basaba, erâ Sila, mitire micne bapa jahe hâcne bâwosâec-jofarâ Paulo â Banaba jahehec mâmâc Antiokia haeo raniŋte sorec-jopambiŋ.
ACT 15:23 Ehuc papia moc šiŋuc muhuc qâreŋkerâ Jarepie barambiŋ: Qomâfâc-ŋeŋic aposolo â mitire micne nâŋe qomâfâc-nâŋec qâpuc guruonec Antiokia haeo â Siria â Kilikia mâreŋko juŋgopieŋ ŋoŋe mu šeri eŋarehuc papia ši râe-ŋareŋgopeneŋ.
ACT 15:24 Nâŋe mi manahapene širec ŋic gâcne ŋoŋerao fârâ dâŋ ŋazahuc maŋ bâsifuc eŋarepie ŋoŋerao dâŋ fâfâuc fuawec.
ACT 15:25 Eme nâŋe i manarâ tumaŋne-fârehuc ŋic jajahec bâwosâec-jofarâ qomâ jahec-nâŋec Banaba â Paulo jahehec sorec-jopapene fâŋgopieŋ.
ACT 15:26 Ŋic jahe hâcne Wofuŋ-nâŋec Jesu Kristo ere erâ juju-jekic qikiŋnepic.
ACT 15:27 Eme ŋic bâwosâec-jofambeneŋ Juda â Sila, jahe fârâ dâŋ i miczi wâc ŋazapire mananšepieŋ.
ACT 15:28 Tiri Mâro â nâŋe tagi gâcne moc mi šuhuckehuc wiac kecšiŋuc sawa ine râe-ŋarenaŋte mumockembeneŋ:
ACT 15:29 Ŋoŋe nemuɋâŋte taha bâzi â qowisoc â qowi bituakicne â sasec boe sau i râpecke sanaŋkenšepieŋ. Biaŋne junšepieŋ.'
ACT 15:30 Eme kikefuŋ jaŋe ŋic i hâcne jaza mâzoc ejarepie rambiŋ. Raku Antiokia haeo fisirâ opâ ruac guru hetumaŋ-joparâ papia jarembiŋ.
ACT 15:31 Jarepie wose manac erâ âgodâŋ qâreŋke-jarembiŋ irec bujeŋic biaŋkewec.
ACT 15:32 Eme Juda â Sila jahe porofete jupiczi dâŋ bocjaha muhuc mu âkeriŋ ejarerâ mitio dopec-jopapic.
ACT 15:33 Eme jaŋehec juju dameŋ i tarame neŋgocfâc-jekic jaŋerao risienicte bubiaŋko râe mâzoc ejactembiŋ. [
ACT 15:34 Sila e ine jaŋerao juocte muwec.]
ACT 15:35 Paulo â Banaba jahe Antiokia haeo šuhuckerâ jupic. Ehuc mitiŋic gâcne jaŋehec babafic erâ Wofuŋte dâŋ ŋic Jaza qazuc embiŋ.
ACT 15:36 Juku Paulozi Banaba šiŋuc âzâcnewec: “Nâhâc miti kiŋaŋ rahuc Wofuŋte dâŋ mupere hae sâc âgofâc-nâhec fuambiŋ jaŋe weniŋuc juŋgopieŋ i ra hone manac ejarezeperec.
ACT 15:37 Iŋuc mume Banaba e Johane Mareko mâmâc raniŋte muwec.
ACT 15:38 Eme Mareko e mârâcko jahehec raku Pamfilia mâreŋko gie furunao fisirâ behec-jofarâ risiewecte Paulozi ehec raniŋte maname mi sâckewec.
ACT 15:39 Ehuc Banabahec mu qaqatarac sanaŋne eku râwiŋnepic. Râwiŋnehuc Banabazi Mareko jowame ra wokeo ferâ Kipiro nucko rapic.
ACT 15:40 Paulo e ine Sila rowosâeme opâ ruac jaŋe Wofuŋte jauŋko ŋec-jofahuc mâzoc-jofapie rapic.
ACT 15:41 Rahuc Siria â Kilikia mâreŋ fotâcnehuc Jesure kikefuŋ mu basanaŋ ejarepic.
ACT 16:1 Paulo â Sila jahe raku Derebe â Listera haeo fisipic. Eme Listera haeo ira Jesure qâjâpec moc juwec šâŋene Timoteo. E neŋgoc-ticne Juda ŋokac opâ ruac â mamac-ticne Grikŋic.
ACT 16:2 Listera â Ikonioŋ haeonec miti mamana jaŋe Timoteore fuŋne muafeckehuc Paulo âzâcnembiŋ.
ACT 16:3 Âzâcnepie Paulo e jume ju eocte âzâcnewec. Eme mâreŋ ira Judaŋic jurambiŋ jaŋe motecte mamac e Grikŋic i mana-fârembiŋ. Irec Paulozi jaŋere erâ sahacnao Mosere ma bawec.
ACT 16:4 Eme hae sâc rahuc, aposolo â micne Jerusalem haeo mumupaŋ mumbiŋ, i reŋkeniŋte opâ ruac jaza rapic.
ACT 16:5 Iŋuc ehuc gie bapire Jesure kikefuŋ jaŋere mamanasiŋ ɋârâŋkewec â šoaŋ sâc qâpuczi jaŋerao ra heacmârec ekupie bocjaha embiŋ.
ACT 16:6 Eme Asia mâreŋko miti murazo mupie Tiri Mârozi hecke-jareme Frigia â Galatia mâreŋ fotâcnehuc rambiŋ.
ACT 16:7 Raku Misia mâreŋ qaŋeŋnao fisirâ ŋifec bâŋorierâ Bitinia mâreŋko razo mupie Jesure Mârozi iŋuc jaha mi mana-jarewec.
ACT 16:8 Irec jaŋe Misia mâreŋ qacnerâ raku hâwecmecko Troa haeo fisimbiŋ.
ACT 16:9 Ira fisirâ ŋafeo Paulo e maŋnezi ŋerisieme wiac kecšiŋuc honewec: Makedonia ŋic moczi erao fuarâ domahuc mu wâsic ecnehuc šiŋuc âzâcnewec: “Go Makedonia mâreŋko fârâ bafic-nâpozemec.”
ACT 16:10 Paulo e wiac i honeme šiŋuc mumbeŋ: “Anutu e Makedonia mâreŋko ra Biŋebiaŋ jazanaŋte munârekac hâcne.” Iŋuc murâ izia ranaŋte šawiembeŋ.
ACT 16:11 Ʒawierâ wokeo ferâ Troa hae beherâ fofotâc raku Samotrake nucko fisimbeŋ. Hae fureme irecnec raku Neapoli haeo fisimbeŋ.
ACT 16:12 Ira wokeonec waharâ raku Filipi haeo fisimbeŋ. I Makedonia mâreŋ irec hae sâko moc, Romaŋic jaŋe hae rune erâ jumbiŋ. Hae ira šoaŋ gâcnao jukupene
ACT 16:13 sabata hombaŋ maickeme hae upeo opâ moc fowec ira šiŋuc muhuc humbeŋ: “Judaŋic numueŋgopieŋ irec toma opâo moc fokacko hurâ honenaŋ.” Iŋuc muhuc hurâ ŋokac tumaŋnerâ juhapie bâfuac-joparâ waha ŋehuc miti jazambeŋ.
ACT 16:14 Eme jaŋere guruo ŋokac moczi Anutu araŋ bacnehuc juwec, šâŋene Lidia, e qoruc situâc rune, Tiatira haeonec. Ŋokac e hâcne Wofuŋzi maŋne bâuŋtome Paulole dâŋ hazec hâric manawec.
ACT 16:15 Erâ e jahacne â wiacfâc-ticne Miti Opâ ruarâ šiŋuc nâzâwec: “Ŋoŋe honecnupie Wofuŋte biŋe ekopacko nore ficko wefurâ ŋeŋe juju enšepieŋ.” Iŋuc muhuc hotâ-nâreme fembeŋ.
ACT 16:16 Dameŋ mocko nunumure tomao huhapene kiŋaŋ naru moczi bâfuac-nâpowec. Naru e faŋfaŋ demoŋ-ticnehec juhuc ŋic jaŋere fuŋne mufua jujec, ehuc rufâc-ticne moneŋ mafa bocjaha hure-jare jujec.
ACT 16:17 Eme eki hâcne bâfuac-nâporâ Paulo â nâŋe bâjâpec-nâpohuc dâŋ wiwira kecšiŋuc ewec: “Ŋic kecšizi Anutu femicne sâko ere kiŋaŋ qaqa juhuc biaŋkeniŋte hata mušâwe-ŋareeŋgopieŋ.”
ACT 16:18 Dâŋ wiwira i sasawa šoaŋne šoaŋne enarekume Paulo e irec takickeme forisierâ demoŋ šiŋuc âzâcnewec: “No Jesu Kristo ere micte gazape ŋokacte maŋkonec wefu rac.” Iŋuc mume izia wefurâ rawec.
ACT 16:19 Eme naru rufâc-ticne jaŋe moneŋ mafa fufua-jeŋic arictac eme manarâ Paulo â Sila rocjofarâ
ACT 16:20 hae šâšâŋiŋko kia jaŋerao fârec-jofa rarâ qoric-jofahuc šiŋuc mumbiŋ: “Jahe Judaŋiczi hae-nâŋecko warerâ maŋbâiŋ enârekopirec,
ACT 16:21 ehuc mâsi qâreŋ furune, Romaŋiczi mi eene â mi babajune, i hâcne bâfuakopirec.”
ACT 16:22 Eme ŋic guru sâko domambiŋ jaŋe aaric mana-jactehuc râsi šâŋe honec-jofapie kiazi ŋaqi-jekic heuc qâunuckerâ mume kâcbiŋzi jofambiŋ.
ACT 16:23 Kâcbiŋzi mâretec qâtâc bâtâc-jofarâ kâpâcwâru ficko râec-jofarâ soŋaŋ e motâc basanaŋkerâ aimuŋ soŋaŋ-jofaocte âzâcnembiŋ.
ACT 16:24 Âzâcnepie kâpâcwâru fic maŋne šâšâŋiŋko râec-jofarâ kike-jekic jâc fifitacko ŋeme kindeŋneme fopic.
ACT 16:25 Ŋafe šâšâŋiŋko Paulo â Sila jahe Anutu gae nunumu ecnehuc muteŋkepic. Epire kâpâcwâru ŋic gâcnezi micfânâŋ-jekic manambiŋ.
ACT 16:26 Ehame homeŋ sâko ututuŋ bame kâpâcwâru fic sâpene qiriŋ qame motâc aŋke-fârewec â ŋic sasawa kâpâcwâru-jeŋic ŋeŋgoroŋkewec.
ACT 16:27 Eme kâpâcwâru ficsoŋaŋzi guŋkonec mana ɋâɋârerâ faharerâ motâc aaŋ doma-fâreme honerâ, kâpâcwâru ŋic wise-fârembieŋ muhuc sâqe-ticne becsahackonec unuckerâ sahac-ticne âeckezo ewec.
ACT 16:28 Iŋuc ezo eme Paulozi owackerâ muwec, “Sahacge mi sipirickec, nâŋe furu jaha ŋeŋgopeneŋ.”
ACT 16:29 Eme soŋaŋ e lambere mume wiacfâcne jaŋe râcnepie ficmaŋko ferâ ɋarac ɋarac qahuc Paulo â Sila jahere kikefuŋko fodapewec.
ACT 16:30 Erâ ficmaŋkonec jowacjofa waharâ wio-jacterâ muwec, “Ŋicbomboŋ jahec-nane, no weniŋuc erâ biaŋkepemu?”
ACT 16:31 Eme jahe šiŋuc âzâcnepic: “Wofuŋ Jesu Kristo manasiŋkehuc go â wiacfâcge biaŋkeniŋmu.”
ACT 16:32 Iŋuc murâ e â wiacfâcne Wofuŋte dâŋ jazapic.
ACT 16:33 Jazapire soŋaŋzi ŋafeoa hefârec-jofarâ kâcbiŋ micrâfâcne šure-jactewec. Erâ mume e jahacne â wiacfâcne Miti Opâ rua-jarepic.
ACT 16:34 Eme e jahacne ficmaŋko râec-jofarâ mume nânâ rike bâmoc ejactembiŋ. Eme e â wiacfâcne Anuture biŋe embiŋte bujeŋic biaŋkewec.
ACT 16:35 Hae fureme kia jaŋe polismaî šiŋuc muhuc jaza sorec embiŋ: “Ŋic jahec firuec-jofazo.”
ACT 16:36 Eme soŋaŋzi manarâ Paulo šiŋuc âzâcnewec: “No sorec-ŋofape ranicte kia jaŋe dâŋ râepie warekac, irec ŋohe waha rarâ wamao juzepirec.”
ACT 16:37 Mume Paulozi šiŋuc âzâcnewec: “Jaŋe Romaŋic guruonec fuakicne nâhe dâŋficko mi râec-nâfohuc ŋichofao qâtâc bâtâc-nâforâ kâpâcwâru ficko râec-nâfombieŋ. Eme ši wemocte kamicnea sorec-nâfoŋgopieŋ? Iŋuc aricne, jaŋac ware jowac-nâfopie razeperec.”
ACT 16:38 Paulo e dâŋ iŋuc mume polismaî jaŋe risie rarâ kia jazapie jaŋe ŋic jahec Romaŋic guruo fuakicne biŋe i manarâ fâfârembiŋ.
ACT 16:39 Fâfârerâ ŋic jaherao warerâ mu bâmiriŋ ejacterâ kâpâcwâru fickonec jowac-jofa waharâ hae-jeŋic beherâ ranicte jasambiŋ.
ACT 16:40 Eme jahe kâpâcwâru fickonec waharâ Lidia ere ficko rarâ Jesure kikefuŋ honec-joparâ mu sawaŋ ejarerâ rapic.
ACT 17:1 Eme Paulo â Sila jahe Amfipoli â Apolonia hae fotâc-jofarâ Tesalonike haeo fisipic. Ira Judaŋic jaŋere mitific moc ŋewec.
ACT 17:2 Eme Paulo e ejujec iŋuc erâ sabata hombaŋ jahec â moc mitific-jeŋicko ferâ jaŋehec mitire muc manac ewec. Ehuc miti dâŋqâreŋ gâcne irec fuŋne jaza mutâc ehuc šiŋuc muwec:
ACT 17:3 “Kristo e hâmorâ fahareocte mitio mukicne hâcne. Eme Jesure šâŋe biŋe ŋazaekopac e Kristo jâmbâŋ hâcne.”
ACT 17:4 Eme tucne jaŋe dâŋ i mana šakierâ Paulo â Sila jaherao qohotambiŋ. Erâ Grikŋic Anutu araŋ bacnehuc jumbiŋzi bocjaha jaŋerao wâc šuhuckembiŋ, erâ ŋokac fekicne afecne mâcne.
ACT 17:5 Eme ŋic bocjahazi miti manapie Judaŋic jaŋe mana sâqorerâ ŋic otec ɋeticne â râŋgeŋne henusuc-joparâ mu ojowa sâko erâ Jasoŋte ficko Paulo â Sila ŋepicko tumaŋne-fârembiŋ. Tumaŋne-fârerâ ŋicjahec hâcne rocjofarâ ŋichofao râec-jofazo mumbiŋ.
ACT 17:6 Erâ basac-jofarâ Jasoŋ â miti mamana gâcne rocjoparâ hae soŋaŋ jaŋerao fârec-jopa rambiŋ. Ehuc šiŋuc muhuc owac owacke rambiŋ: “Mâreŋne mâreŋne maŋbâiŋ ejareeŋgopieŋ ŋic izi hâcne nâŋerao wâc fisipie
ACT 17:7 Jasoŋzi hezu hewâneŋ ejarekac. Jaŋe Roma ŋicwofuŋte dâŋ qâsuahuc ŋicwofuŋ furune moc Jesu ere biŋe mupie haŋ baekac.”
ACT 17:8 Dâŋ iŋuc muhuc haeŋic â soŋaŋ mu qafeŋ ejarembiŋ.
ACT 17:9 Eme soŋaŋ jaŋe Jasoŋ â âgofâcne ejarepie sahac taha-jeŋic qikiŋne-jarepie râec-jopapie rambiŋ.
ACT 17:10 Eme miti mamana jaŋe Paulo â Sila ŋafeoa ejactepie Berea haeo rapic. Ira fisirâ Judaŋic jaŋere mitificko ferâ miti mupic.
ACT 17:11 Eme hae irec Judaŋic jaŋe urucne, Tesalonike haeonec jaŋe iŋucne mâcne, irec miti maŋafec jaha manambiŋ. Erâ dâŋjekic jâmbomac me burec muhuc šoaŋne šoaŋne gufu koparic ehuc miti papia wose manac embiŋ.
ACT 17:12 Eme jaŋeraonec bocjahazi Jesure kikefuŋ embiŋ, erâ Grikŋic â ŋokac fekicne gâcne sâkozi jaŋerao šuhuckembiŋ wâc.
ACT 17:13 Paulozi Anuture dâŋ Berea haeo muromackeme biŋe Tesalonike haeo rame irec Judaŋiczi manambiŋ. Manarâ Berea haeo warerâ hae rune mu heinšaŋ ejarehuc maŋjeŋic bâiŋnembiŋ.
ACT 17:14 Iŋuc epie miti mamana jaŋe Paulo ecnepie hae i beherâ raku hâwecko fisiwec. Sila â Timoteo jahe ine ijaha jupic.
ACT 17:15 Eme ŋic jaŋe Paulo jowa raku Ateŋ haeo râepie šiŋuc jazawec: “Ŋoŋe risierâ mupie Sila â Timoteo jahe biac warezepirec.” Eme ŋic jaŋe risiembiŋ.
ACT 17:16 Eme Paulo e Ateŋ haeo jahere woŋec juhuc ɋâŋ qâqâtâc mâretec ŋerame honerâ maŋne šoc šawec.
ACT 17:17 Erâ Judaŋic jaŋere mitificko ferâ Judaŋic jaŋacne â Grikŋic gâcne Judaŋic jaŋere qâjâpecne jumbiŋ jaŋehec mâmâc mitire muc manac embiŋ. Erâ wâc šoaŋne šoaŋne hae šoŋao ŋic bâfuac-joparâ iŋuc jaha miti jazawec.
ACT 17:18 Eme hae ira mamana ŋic jumbiŋ, šâŋe-jeŋic Epikue ŋic â Stoike ŋic. Eme ŋic jaŋe hâcne Paulohec dâŋ mu bâtikic eec embiŋ. Ehuc gâcnezi Paulore šiŋuc mumbiŋ: “Ŋic keci mâc pacgoroŋ enârekac.” Á tucnezi šiŋuc mumbiŋ: “E nemu furunere biŋe mukac tinac i.” Paulo e Jesure biŋe â hâmockonec fafahare irec dâŋ mume Jaŋe iŋuc mumbiŋ.
ACT 17:19 Iŋuc murâ mâreŋ facne moc šâŋene Areo ira jowa ferâ mumbiŋ: “Go dâŋ furune mukomec i weniŋucte mukic,
ACT 17:20 dâŋ i hazec furu-nâŋec, irec fuŋnehec mutec mananaŋ.”
ACT 17:21 Ateŋ haeonec ŋic, mafa â hae fâri, jaŋe dâŋ biŋe furune manarâ dâŋ ijaha qame qoŋgiŋ ehuc mu binaŋ mâretec ejumbieŋ.
ACT 17:22 Eme Paulo e Areo dâŋtomao ra domahuc ŋic šiŋuc jazawec: “Ateŋ haeonec ŋicbureŋ, no fuŋne-ŋeŋic šiŋuc honekopac, ŋoŋe nemu bocjaha jaŋere araŋ baeŋgopieŋ.
ACT 17:23 No hae-ŋeŋicko rac warec ehuc nemuɋâŋfâc-ŋeŋic honec-jopaku alata mocko qâreŋ šiŋuc fome wosepac: `Kecši nemu furune mocte biŋe. Ž Eme nemu furune, mi manahuc kiŋaŋ qacneeŋgopieŋ, Anutu hâcne, ere fuŋne ŋazape mananiŋ.
ACT 17:24 Anutu e mâreŋ bâfuarâ fainao wiac sasawa râe-fârewec, eki hâcne sambâŋ â mâreŋ irec rune.
ACT 17:25 E ufuŋ ŋicmezi bakicne ira ŋeŋe juju mi eekac, erâ wâc wiac moc basame ŋiczi gie bacnehuc wiac bâbâfuacne mi fokac. I aricne, ekizia ŋic nâŋâc juju â mâro â wiac sasawa nâre-fâreekac.
ACT 17:26 Erâ ŋic ukicne mocjaha bâfuarâ mume eraonec mâreŋ sâc ŋic gurune gurune fua rambeŋ. Erâ fuarâ juranaŋte dameŋ â gaŋ rukec i ekizia munârewec.
ACT 17:27 Erâ i maŋnâŋeczi basac qasac eraku Anutu e jahacne bâfuanaŋte manasuhuc iŋuc ewec. E šoricko mâcne, ŋondeŋ-nâŋecko ŋic sâcnâporâ juekac.
ACT 17:28 `Nâŋâc ere jujumaŋko juhuc wiac ebac eeŋgopeneŋ.' Ŋoŋere mamana ŋic gâcnezi wâc šiŋuc mumbiŋ: `Nâŋâc Anuturaonec fuakicne.'
ACT 17:29 Eme ŋic jaŋe maŋjeŋicte erâ goì me siliwa me qânâzi ɋâŋ qâqâtâc ba eric eeŋgopieŋ, ine Anuturaonec fuakicne nâŋâc Anuture manapene irec sâc mi ezejec.
ACT 17:30 Qâpuc juwefuhapie hone akic eŋare warehuc juwec, irec dameŋ tarawec. ši ine mâreŋ sâc ŋic mâmâc sasawa maŋjeŋic bârisieniŋte mujarekac.
ACT 17:31 E dameŋ bawec fokac, ira mâreŋne mâreŋne ŋic fuŋne-nâŋec bataniŋkerâ okacne sâckoa nâreocmu. Erâ ŋic moc e gie i hâcne baocte âkendâŋnewec, erâ mâreŋŋic sasawa e manapaŋkenaŋte hâmockonec bâɋârewec jukac.”
ACT 17:32 Paulo e hâmockonec fafahare irec dâŋ mume gâcnezi mu surec embiŋ, â gâcnezi mumbiŋ, “Dâŋ i dameŋ mocte wâc mutec mananšepeneŋ.”
ACT 17:33 Iŋuc epie Paulozi behec-joparâ rawec.
ACT 17:34 Ŋic gâcnezi ine Paulorao qohotahuc Jesure biŋe embiŋ. Jaŋeraonec mumutara ŋic sâko moc šâŋene Dionisio, erâ ŋokac moc šâŋene Damari, erâ gâcne.
ACT 18:1 Eme Paulo e Ateŋ hae beherâ Korinti haeo rawec.
ACT 18:2 Ira Judaŋic moc bâfuawec, šâŋene Aqila, e Pontu mâreŋko fuawec. Erâ ŋonâŋ-ticne Prisila ehec Italia mâreŋko juhapire ŋicwofuŋ sâko Klaudiozi Judaŋic Roma hae sakare-jarehuc jâpec-jopawec. Eme jahe hae i beherâ ɋâricne Korinti haeo rapic. Eme Paulozi jahe iqic-jofawec.
ACT 18:3 Paulo e selific bapa, â Aqila e gie ijaha bawecte ficticnao ŋeŋe juju ehuc bafickeme mâmâc bapic.
ACT 18:4 Erâ Paulo e sabata hombaŋ sâc Judaŋic jaŋere mitificko ferâ Judaŋic â Grikŋic miti jazahuc mu bâŋgoroŋ ejarewec.
ACT 18:5 Eme Sila â Timoteo jahe Makedonia mâreŋkonec warepire Paulozi miti gie paŋšâic bawec, ehuc Jesu e Kristo jâmbâŋ irec fuŋne Judaŋic ritu ɋaɋacke-jarewec.
ACT 18:6 Iŋuc ejareme jaŋe dâŋticne bâsuehuc mu supaic ecnepie ŋaqi-ticne itiriŋkeme gâc wândoc wahame šiŋuc jazawec: “Sipirickeniŋmu irec kiŋ nore mâcne, ŋaŋacne eocmu. Irec ši râpec-ŋoparâ qâpuc jaŋerao sawa gie bapemu.”
ACT 18:7 Iŋuc murâ ŋic moc šâŋene Titio Justo, e Grikŋiczi Judaŋic jaŋere qâjâpecne juwec, ere ficko ferâ ŋeŋe juju ewec. Ficticne Judaŋic jaŋere mitific heririŋ ŋewec.
ACT 18:8 Eme mitificte soŋaŋ šâŋene Krispo e â wiacfâcne jaŋe miti manarâ Jesure kikefuŋ embiŋ. Eme Korinti ŋic jaŋeraonec wâc bocjahazi miti manambiŋ i mana šakierâ Miti Opâ ruambiŋ.
ACT 18:9 Eme ŋafe mocko Wofuŋzi Paulo maŋko fuac ecnehuc šiŋuc âzâcnewec: “Go hâhâwic qamaserâ miti murâ mi behezemec, muhuc jaha juzemec.
ACT 18:10 No sabecguhape ŋic jaŋe wiac kosa mi egareniŋmu. Hae šira nore ŋicfâc guru sâko juŋgopieŋ.”
ACT 18:11 Iŋuc muhuc âzâcneme Paulo e hae irec ŋic Anuture dâŋ jaza qazuc ehuc juhame mosa 18 wahawec.
ACT 18:12 Eme Galioŋ e Akaia mâreŋko kia sâko erâ juhame Judaŋic jaŋe šâšâfic erâ Paulo râsi ecnehuc kiarao barambiŋ.
ACT 18:13 Bararâ šiŋuc muhuc qorickembiŋ: “Ŋic kecši e sâcmutâc dâŋnâŋec qâsuarâ hata furune moc âtehuc Anutu sâseniŋte ŋic qafeŋ-jopaekac.”
ACT 18:14 Eme Paulo e dâŋ ŋifecne muzo ehame Galioŋzi Judaŋic šiŋuc jazawec: “O Judaŋic, ŋic e kiŋbahac wiac ŋemâcne bâfuame muzac dâŋŋeŋic manazapo.
ACT 18:15 Ŋoŋe ine ŋaŋacne mu qaqazuc dâŋ â ŋicšâŋe wiac â sâcmutâc dâŋ irec dâŋgie râcneŋgopieŋte ŋaŋac mutaranšepieŋ, i nore gie mâcne.”
ACT 18:16 Iŋuc murâ jâpec-jopame wahambiŋ.
ACT 18:17 Eme jaŋe šeŋgoma mitificte soŋaŋ Sostene hâporâ kiare maio qa imac ecnembiŋ. Eme kiazi hone qâoma ejarewec.
ACT 18:18 Paulo e Korinti haeo jufehuc juku opâ ruac mâzoc-joparâ Siria mâreŋko raocte wokeo fewec. Erâ Prisila â Aqila jahe ehec mâmâc rambiŋ. Wokeo fezo ehuc Keŋkereai haeo qizec-ticne rowec. I juwicnao Anuturao mumupaŋ-ticne râerâ qizec mi roro mâc juhame mumupaŋ dameŋ-ticne tarawecte iŋuc ewec.
ACT 18:19 Eme irecnec wokeo raku Efeso haeo fisirâ râwiŋnembiŋ. Eme Paulozi Judaŋic jaŋere mitificko ferâ jaŋehec mitire mu bâtikic embiŋ.
ACT 18:20 Erâ jaŋehec juocte Judaŋic jaŋe sakarezo mupie qatara-jarehuc šiŋuc jazawec:
ACT 18:21 “No Anutuzi maname ŋoŋerao mocwâc risiepemu.” Iŋuc murâ jaŋehec mâmâzoc erâ Efeso haeo wokeo mocwâc ferâ raku
ACT 18:22 Kaisarea haeo fisiwec. Ira fisirâ feraku opâ ruac kikefuŋ jaŋehec âgo sahac hâroŋ eec embiŋ. Erâ Antiokia haeo risiewec.
ACT 18:23 Paulo e Antiokia haeo piticne jurâ miti kiŋaŋ mocwâc rawec. Ehuc Galatia â Frigia mâreŋ fotâc-jofahuc Jesure kikefuŋ sasawa mu âkesiŋ ejare rawec.
ACT 18:24 Ehame Efeso haeo Judaŋic moc fisiwec, šâŋene Apolo. E Alesandria haeo fuawec, ŋic e mamana sâkohec, miti papia woseku mana tara-fârewec.
ACT 18:25 Erâ Wofuŋte miti hata qazucnepie i mâmâc manawec. Miti Opâ i Johanere Miti Opâ sawa manaweczi sifu Jesure binaŋ šocmâsâc bâruŋhec ninic jaha ŋic jaza qazuc ewec.
ACT 18:26 E Judaŋic jaŋere mitificko fuŋkerâ miti acmeruŋ tâmiric munširiŋnehuc muwec. Ira miti mume Prisila â Aqila jahe manarâ âgo jauŋ ecnerâ Anuture miti gâcne âzâcne mutâc epic.
ACT 18:27 Eme Akaia mâreŋko razo mume mitiŋic jaŋe ocnirec opâ ruac jaŋere papia kecšiŋuc qâreŋkembiŋ: “Ŋic e ŋoŋerao fâme âgo ecnenšepieŋ.” Papia iŋuc qâreŋkerâ râcnepie rawec. Eme raku Korinti haeo fisirâ opâ ruac miti giere mâretec bafic-jopawec.
ACT 18:28 Ehuc miti papia irec dâŋqâreŋ hewirickerâ Jesu e Kristo jâmbâŋ irec fuŋne hofao mu rituc ehuc Judaŋic jaŋere dâŋ bawahawec.
ACT 19:1 Apolo e Korinti haeo juhame Paulozi tiki mâreŋ fotâcne raku Efeso haeo fisirâ miti mamana gâcne bâfuac-joparâ
ACT 19:2 wio-jarehuc muwec, “Ŋoŋe miti manahuc Tiri Mârohec embiŋ me mâcne?” Eme jaŋe mumbiŋ, “Aricne, Tiri Mâro jukac biŋene moc mi manambeŋ.”
ACT 19:3 Iŋuc mupie mocwâc wio-jarewec, “Eme ŋoŋe more šâŋe biŋeo Miti Opâ ruambiŋ?” Mume šiŋuc âzâcnembiŋ: “Nâŋe Johanere Miti Opâ ruambeŋ.”
ACT 19:4 Mupie Paulozi šiŋuc jazawec: “Johane eki ŋic jaŋe maŋjeŋic bârisieniŋte opâ rua-jarehuc šiŋuc jazawec: `Râpefuŋ-naneo warehuc jukac e manasiŋkenšepieŋ. Ž Dâŋ i Jesure muwec.”
ACT 19:5 Ŋic jaŋe dâŋ i manarâ Wofuŋ Jesu ere šâŋeo šuhuckehuc Miti Opâ ruambiŋ.
ACT 19:6 Opâ ruapie Paulozi qizec-jeŋicko meticne râeme Tiri Mâro jaŋerao wahame miti marac furuo muhuc findaŋdâŋ mumbiŋ.
ACT 19:7 Ŋic iŋuc embiŋ šare-jeŋic 12 qâririŋ.
ACT 19:8 Eme Paulo e Judaŋic jaŋere mitificko gâbâ fehuc miti memeŋgaru tâmiric mosa jahec â moc jazahuc juwec, erâ Anuture uucmaŋte jaŋehec mu bâtikic ehuc mu baafec ejarewec.
ACT 19:9 Eme ŋic gâcne jaŋe maŋsanaŋ erâ Jesure miti râpeckehuc ŋic tutumaŋko musoriŋkepie Paulozi behec-jopawec. Erâ mitire ejarewec jaŋe qâzuc-joparâ šoaŋne šoaŋne ŋic moc šâŋene Tirano ere mamana ficko miti jaza qazuc ehuc juwec.
ACT 19:10 Jara jajahec iŋuc ehuc juhame rârec rârec Judaŋic â Grikŋic Jurambiŋ jaŋe mâmâc sasawa Wofuŋte dâŋ mana-fârembiŋ.
ACT 19:11 Erâ Anutuzi Paulo neŋgoc ŋesiŋ ŋecnehame mâsi šâŋe furu-jeŋic bocjaha bawec.
ACT 19:12 Eme irec ŋic Jaŋe Paulozi gie qoruc â kereŋ bapa qoruc rojuwec i rorâ huchec jaŋerao barapie bâuarâ ɋiɋic qambiŋ â demoŋ maŋjeŋickonec wisembiŋ.
ACT 19:13 Ehame Judaŋic riuc bapa gâcne mâreŋ râreckehuc domambiŋ jaŋe penaroŋ erâ Wofuŋ Jesure šâŋezi riuc ripa-jeŋic eocte manasuhuc ŋic demoŋhec šiŋuc jazambiŋ: “Jesu šâŋe biŋe-ticne Paulozi muekac ere micte wisezemec.”
ACT 19:14 Taha bapa sâko moc šâŋene Sikeua ere ŋokâfâc 7 jaŋe iŋuc hâcne embiŋ.
ACT 19:15 Iŋuc ehuc mupie demoŋzi dâŋ šiŋuc bâtikie-Jarewec: “Jesu manakopac â Paulo wâc manakopac, â ŋoŋe ine wenirec?”
ACT 19:16 Iŋuc mume ŋic demoŋheczi momori wânšâŋ erâ motec sasawa Jopa tuŋtuŋ ejarehuc ŋaqi-jeŋic bâsuc qâsuckeme biuctac â soc rurua fahare fickonec waha wisembiŋ.
ACT 19:17 Eme wiac irec biŋe Efeso haeo Judaŋic â Grikŋic mana-fârerâ hâbi-jeŋic goroŋkewec. Ehuc Wofuŋ Jesu muteŋ bâteŋ ecnembiŋ.
ACT 19:18 Eme miti mamana bocjahazi fisirâ qâpucko wiac ejumbieŋ i buafec jaha mufua-fârembiŋ.
ACT 19:19 Á mârâc qaŋgecte gie bajumbieŋ jaŋe qaŋgec papia amecke-fârerâ hofao šocko rikembiŋ. Eme papia irec furine qâhâckepie siliwa moneŋ 50 tauseŋ qâririŋ ewec.
ACT 19:20 Ŋic jaŋe iŋuc epie Wofuŋte dâŋzi ɋiɋicne jaha fua tâcnerâ ŋedâ qâdâmârewec.
ACT 19:21 Paulo e gie iŋuc baku bafârerâ Makedonia â Akaia mâreŋ fotâc-jofârâ Jerusalem haeo raocte muwec. Ehuc šiŋuc muwec: “No Jerusalem haeo fisirâ mocwâc ware raku Roma haeo fisizepac.”
ACT 19:22 Eme raocte babafic jahec -ticne Timoteo â Erasto sorec-jofame Makedonia mâreŋko bânierâ rapic. E jahacne ine Asia mâreŋkoa mocwâc piticne šuhuckerâ juwec.
ACT 19:23 Eme dameŋ ira Efeso haeo mitire erâ hâpo ojowa sâko fuawec.
ACT 19:24 Siliwazi eri wiac bapa ŋic moc juwec, šâŋene Demetrio. Ŋic eki Atemis nemu ufuŋ-ticnere hawari piic piic siliwazi bame feme ŋic jaŋe furine bapie e â gieŋic âgofâcne moneŋ bocjaha fua-jare jujec.
ACT 19:25 Eme Demetrio e gieŋic âgofâcne hetumaŋ-joparâ šiŋuc jazawec: “Ŋicbureŋ, ŋoŋe gie-nâŋec izi hâcne moneŋ mafa bâfua-nâreekac i manaŋgopieŋ.
ACT 19:26 Eme ŋic moc warewec jukac, Paulo hâcne, ŋoŋe ere fuŋne hone manac eeŋgopieŋ, e Efeso haeonec â Asia mâreŋ gâcnaonec ŋic wemo afecne maŋ bâsifuc ejarehuc šiŋuc jazaekac: `Ŋicmezi bakicne nemuɋâŋ i wiac fâri tâmiric. Ž
ACT 19:27 E iŋuc eme gie-nâŋec šâŋemâc eocmu sawa mâcne, nemu sâko-nâŋec Atemis ere ufuŋ i qoroc heocmu, erâ Atemis e jahacne šâŋe biŋe wâc rârâŋneocmu. Eme Asia mâreŋkonec â mâreŋ gâcnaonec ŋic mâmâc sasawa araŋ bacneeŋgopieŋ iŋucnere šâŋe biŋe weniŋuc omaeocmu?”
ACT 19:28 Demetriozi dâŋ iŋuc jazame manarâ maŋjeŋic aaric fusucmame owackehuc šiŋuc mumbiŋ: “Efeso haeonec Atemis e fekicne sâko!”
ACT 19:29 Dâŋ oowac sâko epie haeŋic mâmâc sasawa maŋjeŋic iŋneme kike saoŋ qajareme fisi qâture-fârerâ tutumaŋ toma-jeŋicko rafârembiŋ, ehuc Makedonia ŋic jajahec Paulo bâjâpepic, šâŋe-jekic Gaio â Aristako, jahe rocjofarâ fârec-jofa rambiŋ.
ACT 19:30 Eme Paulozi manarâ ŋic tutumaŋko razo mume opâ ruac jaŋe sakarembiŋ.
ACT 19:31 Erâ wâc ŋic fekicne gâcne Paulore âgofâc jumbiŋ jaŋe ŋic tutumaŋko mi raocte mumuac dâŋ erao râepie rawec.
ACT 19:32 Eme tutumaŋ tomao ira ŋic jaŋe dâŋ ojowa fetone fepie dâŋ sifuc gafuckewec, ehame gâcne sâkozi wemo wiacte eŋgopieŋ muhuc kâuc bambiŋ.
ACT 19:33 Ŋic jaŋe iŋuc ehuc domahapie Judaŋic jaŋe âgo-jeŋic moc, šâŋene Alesande, e ŋicguru šâšâŋiŋko domahame mu âke suec ecnepie dâŋšaeo ferâ dâŋ mu bâšâziŋ eocte ŋic me bazuc ejarewec.
ACT 19:34 Eme ŋic jaŋe e Judaŋic iŋuc hone tararâ micjeŋic sâc dameŋ šora owa ruruckehuc šiŋuc muhuc domambiŋ: “Efeso haeonec Atemis e fekicne sâko!”
ACT 19:35 Ekuhapie qâreŋŋic eki dâŋjeŋic bâniniŋkeku bâmâteŋ-joparâ šiŋuc jazawec: “Efeso ŋicbureŋ, hae širec ŋiczi Atemis sâko-nâŋecte ufuŋ â sambâŋkonec ɋâŋticne wahawec irec soŋaŋ rau jueŋgopeneŋ, i mâreŋ wenirecnec moczi kâuc baocmu?
ACT 19:36 I aricne, irec ŋoŋe maŋŋeŋic fâre wahame wiac kosa mi enšepieŋ.
ACT 19:37 Ŋic qoric-jopaŋgopieŋ jaŋe nemu-nâŋecte ufuŋkonec wiac moc ro soŋsoŋ me Atemis mu surec eecne i me embiŋ.
ACT 19:38 Me Demetrio â gieŋic âgofâcne jaŋe ŋic mocte manapie sâqorekacko dâŋbahac mumu šâfo maickeme kia juŋgopieŋ jaŋerao munšepieŋ.
ACT 19:39 Me ŋaŋacne dâŋ moc fokacko micne bapa tutumaŋko baranšepieŋ.
ACT 19:40 Ŋoŋe miŋecgac bâbâiŋ epie maŋgâŋko šika fuazo ejec, irec dâŋ ŋicwofuŋ sâkozi manarâ hefârec-nâpome iŋuc me iŋuc âzâcnepene maname tatarane mi fokac.” Qâreŋŋic eki dâŋ iŋuc murâ jazame râwiŋnembiŋ.
ACT 20:1 Dâŋ ojowa sâko arictac eme Paulozi opâ ruac hefârec-joparâ jaza mâzoc erâ Makedonia mâreŋko rawec.
ACT 20:2 Mâreŋ i fotâcnehuc opâ ruac jurambiŋ jaŋe mu keteŋ bocjaha ejare rawec. Raku Grië mâreŋko fisiwec.
ACT 20:3 Ira mosa jahec â moc juku hâwecko hurâ wokeo ferâ Siria mâreŋko razo mume Judaŋic jaŋe somâ râecnepie manarâ Makedonia mâreŋko rawec.
ACT 20:4 Eme ŋic šiŋuczi hatao bâjâpembiŋ: Berea haeonec Sopate, e Pirore ŋokâ, Tesalonike haeonec Aristako â Sekundo, Derebenec Gaio, erâ Timoteo, â Asia masunaonec Tikiko â Trofimo.
ACT 20:5 Ŋic izi bânierâ Troa haeo woŋec-nâŋec jumbiŋ.
ACT 20:6 Nâŋe ine goreŋ sowa hombaŋ tarame Filipi haeo wokeo ferâ šoaŋ 5 raku Troa haeo fisimbeŋ. Ira fisirâ šoaŋ gie bapa 7 jumbeŋ.
ACT 20:7 Eme nâŋe Sondao Ŋafe Tiwâ nanaŋte tumaŋnembeŋ. Ehuc Paulo e hae fureme raocte murâ miti muhuc juhame ŋafe šâŋiŋke-jâmbâŋkewec.
ACT 20:8 Fic maŋne ŋembeŋ ira lambe bocjaha šawec.
ACT 20:9 Ehame motec moc šâŋene Eutiko, e Paulozi miti mume šorame qâqâtâc kataŋko ŋeku guŋ qâmâckewec. Erâ guŋko qâqâtâc kataŋkonec hurâ mâreŋko qarâ fohame bafaharepie hâmocne ewec. Fic maŋne jahec â moc hâŋ bafehuc âke tâcne fekicne irecnec hâcne hurâ qawec.
ACT 20:10 Eme Paulozi hurâ motec fofackerâ hâporâ ŋic šiŋuc jazawec: “Ŋoŋe ki ojowa mi eniŋ, e mâro-ticne fuakac.”
ACT 20:11 Iŋuc murâ ficmaŋko ferâ ŋafe Tiwâ gumec-joparâ nânâ piticne nâwec. Nânâ nârâ jaŋehec mitire muc manac ehuc juhapie hae furewec. Hae fureme behec-joparâ rawec.
ACT 20:12 Ŋic jaŋe ine motec ɋâreme ficticnao jowa rarâ bujeŋic boc urue biaŋ ewec.
ACT 20:13 Gâcne nâŋe Paulozi mume wokeo ferâ Aso haeo rambeŋ. E jahacne ine tiŋko fâwec.
ACT 20:14 Eme Aso haeo fârâ bâfuac-nâporâ wokeo hefârâ qâsuec-nâpome mâmâc rambeŋ. Raku Mitilene haeo rašimbeŋ.
ACT 20:15 Irecnec raku hae fureme Ʒintacko Kio nucko fisirâ jâurumbeŋ. Izi raku Mituoc Samo nucko fisimbeŋ. Eme irecnec raku Sekiqanâcko Milete haeo fisimbeŋ.
ACT 20:16 Paulo e Mâro hombaŋko Jerusalem haeo ra fisiocte muwec. Irec Efeso haeo wokeonec waharâ Asia masunao juhame dameŋ qâtirizacte fofotâc raku Milete haeo fisiwec.
ACT 20:17 Ira fisirâ kiŋaŋ sorec-jopame Efeso haeo rarâ mitire micne bapa jowac-jopapie warembiŋ.
ACT 20:18 Fisipie Paulozi dâŋ šiŋuc jazawec: “No Asia mâreŋko fisirâ izia ŋoŋerao gie-nane fuŋkerâ wiac ehuc jupo, i fuŋnaonecteaŋ mana wareeŋgopieŋ.
ACT 20:19 No hone suŋgiŋnezi ki busâqochec Wofuŋte kiŋaŋ qahuc jupo, ehuc Judaŋic jaŋe keke suec suec enarehapie râsi faio jupo.
ACT 20:20 Erâ dâŋ ŋoŋe ŋaŋazane moc mi bâtiripe fowec, ŋoŋe biaŋkeniŋte mitidâŋ bocjaha hofao â ficne ficne ŋaza qazuc ehuc jupo.
ACT 20:21 Ehuc Judaŋic â Grikŋic Anutu maickerâ Wofuŋ-nâŋec Jesu Kristo manasiŋkeniŋte maŋqaqa eŋarehuc jupo.
ACT 20:22 Eme ši Mârozi maŋnane niŋgiŋko fâreme Jerusalem haeo rakopac. Erâ ocna ra fisipe wiac weniŋucne moc fua-nareocmu i mi mana-hâmokopac.
ACT 20:23 Mâc kâpâcwâru â bušâic ocna woŋec-nane fokac, i hae sâc fisi fisi jupe Tiri Mârozi mufua-nareekac.
ACT 20:24 No ine juju-nanere manape furi sâko mi ekac, mâc hata mušâwe-narekicne i buafec jaha âte tarapemurâ enarekac, â Anutu aki anonoc-ticnere Biŋebiaŋ muiŋnepemurâ Wofuŋ Jesuzi munarewec, gie i baku bâjomirepemurâ maŋnane domakac.
ACT 20:25 Erâ ši moc mupe mananiŋ, no uucmaŋte biŋedâŋ ŋazahuc ŋondeŋ-ŋeŋicko ŋeŋe juju epe honecnueŋgopieŋ izi šâhec šâŋe mai-nane mocwâc mi honeniŋmu.
ACT 20:26 No Anutuzi mitire dâŋ šaeckewec i furu jaha ŋaza-fârepo, moc mi hetarape fowec”
ACT 20:27 irec miŋecgac hazec qâuŋ ŋazape mananiŋ, moc e sipirickeme kiŋticne norao mi foocmu.
ACT 20:28 “Ŋoŋe ŋaŋac soŋaŋ babac ehuc lama gurufâc-ŋeŋic iŋuc jaha sâcne soŋaŋ-jopanšepieŋ. Tiri Mârozi jaŋere micne bapa mucŋopawecte ŋoŋe Wofuŋte kikefuŋfâc, e jahacne soczi kitâc-jopawec, jaŋe hone maiŋ ejarehapie aimuŋ junšepieŋ.
ACT 20:29 No manakopac, no behec-ŋopape kâte qâto mimicne ŋoŋerao fisirâ lama mi akic-jopaniŋmu,
ACT 20:30 erâ wâc ŋaŋacne ŋondeŋko ŋic fuarâ miti bâsifuckerâ opâ ruaczi jaŋacne eniŋte hume gegetâc ejareniŋmu.
ACT 20:31 Irec ŋoŋe rucgereŋ-ŋeŋic junšepieŋ, erâ jara jahec â moc ŋafe furec ki busâqochec uŋsawaŋ buc buc ŋaŋaza i moc mi behepe wahawec, ŋoŋe irec manasuhuc junšepieŋ.
ACT 20:32 Eme ši Anuturao râec-ŋopahuc uruc jauŋ dâŋticnao guruc-ŋopakopac” e tâpiri runezi hofâ ɋâcgie sâcne eŋareocmu, erâ juku maŋfuru bacjopakicne sasawa jaŋehec sambâŋte huhure i tahac-ŋopame rauckenšepieŋ.
ACT 20:33 No moneŋ mafare mubâre mi eŋarepo,
ACT 20:34 no nahacne â ŋicfâc-nane nâŋere wiac piticne mejahec-nane šizi hotâckepe fua-narewec, i manaŋgopieŋ.
ACT 20:35 No wiac fuŋne fuŋne qaŋeŋke-ŋarepo, ehuc gie ɋicwânšâŋ bahuc gegec dodocne jaŋe bâmec bajarezo irec hatane wâc âtehuc ŋowatupo. Eme ŋoŋe ijaha âtehuc Wofuŋ Jesuzi dâŋ kecšiŋuc muwec i manasunšepieŋ: `Bâmec ro nâc eere bubiaŋzi mâcne, bâmec babajare irec bubiaŋzi fârine jâmbâŋ eekac. Ž ”
ACT 20:36 Paulo e dâŋ iŋuc mutararâ dieŋzi herâ jaŋehec numuwec.
ACT 20:37 Numume kio ŋâŋâtâc boc ehuc hâpo mumuduc ecnembiŋ.
ACT 20:38 E dâŋ kecšiŋuc jazawec: “Ŋoŋe šâŋe mai-nane mocwâc mi honeniŋmu”, irec boc mana hâhâtâwembiŋ. Eme wokeo râembiŋ.
ACT 21:1 Eme nâŋe jaŋe hetarac-joparâ fâretiŋ jaha raku Ko nucko fisimbeŋ. Hae fureme Rodo nucko raširâ raku Patara haeo fisimbeŋ.
ACT 21:2 Ira woke moc Foinike mâreŋko raocte šawiehame bâfuarâ ira ferâ rambeŋ.
ACT 21:3 Raku Kipiro nuc honerâ qanaopec ŋehame mâc jâurumbeŋ. Erâ Siria mâreŋkopec raku Tiro haeo fisimbeŋ. Ira wokezi mafa hesie-fârehame
ACT 21:4 nâŋe haeo ferâ mitiŋic bâfuac-joparâ jaŋehec šoaŋ 7 jumbeŋ. Eme Mârozi ejareme jaŋe Paulo Jerusalem haeo mi raocte mu hezuc ecnembiŋ.
ACT 21:5 Ira juhapene rara dameŋ maickeme ŋic ŋokac naru motec mâmâc sasawa moŋgeŋko jowac-nâpopie humbeŋ. Erâ moŋgeŋko dieŋzi herâ numumbeŋ.
ACT 21:6 Numurâ mâmâzoc erâ wokeo fehapene jaŋe haeo risiembiŋ.
ACT 21:7 Eme Tiro haeonec raku Tolemai haeo fisipene wokeo rara i tarawec. Eme ira mitiŋic iqic-joparâ ŋafe mocjaha jaŋehec fombeŋ.
ACT 21:8 Hae fureme raku Kaisarea haeo fisirâ Filipo bâfuambeŋ. Filipo e babafic 7 râec-jopakicne jaŋere guruonec. Ere ficko hâcne fembeŋ.
ACT 21:9 E otâfâcne 4 šeŋoŋ jumbiŋ jaŋe findaŋdâŋ mujumbieŋ.
ACT 21:10 Eme ira šuhuckerâ juhapene Judaia mâreŋkonec porofete moc šâŋene Agabo e nâŋerao fâ fisiwec.
ACT 21:11 Fisirâ Paulo umbika-ticne rorâ izi jahacne me kike qarâ muwec, “Tiri Mâro e kecšiŋuc mukac: `Umbika rune e Jerusalem haeo ra fisime Judaŋic jaŋe šiŋuc hâcne ecnerâ qâpuc jaŋere meo râeniŋmu. Ž ”
ACT 21:12 Dâŋ iŋuc mume nâŋe mecne â hae fâri mecne Paulo Jerusalem haeo mi feocte bâmâckehuc âzâcnembeŋ.
ACT 21:13 Âzâcnepene šiŋuc muwec: “Wemocte boc kiohuc bu heheric enareŋgopieŋ? No Jerusalem haeo kâpâcwâruo fepere sawa mâcne, Wofuŋ Jesure erâ hâmopere wâc šawiekopac.”
ACT 21:14 Dâŋ âzâcnepene mi maname beherâ šiŋuc mumbeŋ: `Wofuŋte dâŋ sanaŋkezejec.”
ACT 21:15 Ʒoaŋ gie bapa gâcne tarame Jerusalem haeo fenaŋte šawiembeŋ.
ACT 21:16 Eme Kaisarea haeonec mitiŋic gâcne jaŋe jowac-nâporâ ŋic moc šâŋene Ŋasoŋ, e mitiŋic raŋɋane Kipiro nucko fuawec, ere ficko hâcne râec-nâpombiŋ.
ACT 21:17 Eme raku Jerusalem haeo fisipene irecnec mitiŋic jaŋe 390 jauŋ enârembiŋ.
ACT 21:18 Eme hae fureme Paulozi Jakobore ficko jowac-nâpome fembeŋ. Ferâ juhapene mitire micne bapa gâcne fisi-fârembiŋ.
ACT 21:19 Fisipie Paulozi mejeŋicko barâ, Anutuzi neŋgoc ŋesiŋ ŋecnehame qâpuc jaŋerao miti gie bame fârine fuawec, irec dâŋ binaŋ ninic jaha ejarewec.
ACT 21:20 Paulozi dâŋ binaŋ ejare tarame Anutu muteŋkerâ Paulo šiŋuc âzâcnembiŋ: “Manakic, qomâ-nâŋec Paulo, Judaŋic tauseŋ guru wemo afecnezi Jesure kikefuŋ embiŋ juŋgopieŋ. Eme jaŋe mâmâc sasawa sâcmutâc dâŋ šoɋac erâ dopeckeeŋgopieŋ.
ACT 21:21 Ehame gore dâŋ šiŋuc wareme manaeŋgopieŋ: `Judaŋic qâpuc jaŋere ŋondeŋko juraŋgopieŋ jaŋe Mosere dâŋ qikiŋneniŋte jazaekac, ehuc ɋiefâc-jeŋic jaŋere sahacko ma mi bajareniŋte muac-jopaekac, â Judaŋic juju hata-nâŋec beheniŋte qafeŋ-jopaekac. Ž
ACT 21:22 Hae širec ŋic jaŋe gore iŋuc manaeŋgopieŋte weniŋuc ezo? Go Jerusalem haeo waremec irec biŋe mana-fâreniŋmu.
ACT 21:23 Irec nâŋe dâŋ moc gazapene ezemec. Nâŋerao ŋic 4 juŋgopieŋ, jaŋe Anuturao mumupaŋ-jeŋic râembiŋte qizec-jeŋic mi bâbâtâc mâc jueŋgopieŋ.
ACT 21:24 Eme nâŋe jaŋerao šuhucgupene jaŋere sâcko wiac ehuc tiwâ bâzi furine bajaretec rikerâ qizec-jeŋic bâtâcnenšepieŋ. Go iŋuc etecne honecgurâ gore šiŋuc mananiŋmu: Dâŋticne wareme manambeŋ i fârimâc, e sâcmutâc dâŋ reŋkehuc juekac wâc.
ACT 21:25 Á qâpuckonec opâ ruac jaŋe nemuɋâŋte taha bâzi, qowisoc, qowi bituakicne â sasec boe sau irec sawa bâec baniŋte mupaŋke-jarembeŋ.”
ACT 21:26 Eme Paulo e dâŋjeŋic manarâ ŋic 4 jaŋerao šuhuckeme hae fureme sahac ŋaqi wiac-jeŋic šure emasaŋ erâ taha ufuŋko fembiŋ. Ferâ Paulozi mumupaŋ dameŋ tatarare â bâzi ririkere dâŋ taha bapa jaŋe jazawec.
ACT 21:27 Ʒoaŋ gie bapa 7 wiac ehuc juniŋte mumbiŋ i tarazo eha Paulozi taha ufuŋko ferâ juhame Asia mâreŋkonec Judaŋic jaŋe e honerâ ŋic mâmâc sasawa maŋjeŋic bâiŋnembiŋ.
ACT 21:28 Ehuc Paulo rorâ kuku qajarehuc mumbiŋ, “Oe, Israe ŋicbureŋ, ware bafic-nâponiŋ¡ Ŋic šizi mâreŋ sâc jurahuc Judaŋic nâŋâc râsi enârehuc sâcmutâc dâŋnâŋec â ufuŋ-nâŋec ši mu qâsuac ehuc juekac. Erâ wâc ufuŋ-nâŋecko Grikŋic jowac-jopame wefuhuc furufic ši gâc hecneŋgopieŋ.”
ACT 21:29 Paulo e Efeso haeonec ŋic Trofimo ehec haeo rac warec eme honerâ mana sifuckehuc mumbiŋ, taha ufuŋko jowa wefujec.
ACT 21:30 Paulo e iŋuc ecnepie haeŋic mâmâc sasawa kike saoŋ qajareme ɋuruŋ herâ qâture-fârembiŋ. Ehuc ŋic gâcnezi Paulo rorâ ufuŋkonec fâre wahambiŋ. Fâre wahapie izia motâc hembiŋ.
ACT 21:31 Ŋic jaŋe Paulo rorâ qâhâmozo ehapie biŋe Roma momori jaŋere soŋaŋ sâkorao rame šiŋuc manawec: “Jerusalem ŋic jaŋe mâmâc sasawa râsi roroc eŋgopieŋ.”
ACT 21:32 Dâŋ iŋuc manarâ izia momori fekicne wahakicne rocjopame ɋuruŋ ɋuruŋ rambiŋ. Eme ŋic jaŋe Paulo qahuc juhapie soŋaŋ sâko â momorifâc-ticne fisipie honec-joparâ behembiŋ.
ACT 21:33 Eme momori soŋaŋ sâkozi fisirâ Paulo jowac rorâ mume kâpâcwâru jajaheczi bândeŋnembiŋ. Erâ Paulo šâŋe-ticnere â wemo wiac ewec irec iindiŋ gie bawec.
ACT 21:34 Eme ŋic jaŋe owage owa-nane epie qâsifuo dâŋ fuŋne sâcne mi mana-hâmohuc mume momori jaŋe Paulo ficjeŋicko barambiŋ.
ACT 21:35 Eme Paulo e ririo fezo eme ŋic jaŋe orâŋkerâ bâbâzickepie momori jaŋe Paulo hâporâ reŋke fembiŋ.
ACT 21:36 Ŋic guru sâko jaŋe bâjâpec-jopahuc owac owacke rahuc šiŋuc mumbiŋ: “Ŋic e arictac eoc!”
ACT 21:37 Eme Paulo ficmaŋko bafezo ehapie momori soŋaŋ sâko wiocnerâ muwec, “Manatec dâŋ moc gazape?” Mume soŋaŋzi muwec, “Go Grikdâŋ manaekic?
ACT 21:38 Mârâcko Aigita ŋic moczi šika bâfuaocte râsi 4 tauseŋ rocjopame mâreŋ tuhuo rambiŋ, go ŋic e me moc?”
ACT 21:39 Wiocneme Paulozi šiŋuc âzâcnewec: “No Judaŋic, erâ Kilikia mâreŋko Taso hae sâko ŋekac irec rune. Go mana-naretec ŋic dâŋ piticne jazape.”
ACT 21:40 Eme manacneme Paulo e riri botâŋko domahuc ŋic me bazuc ejareme dâŋemâc efârepie Judaŋic jaŋacne dâŋkoa kecšiŋuc jazawec:
ACT 22:1 “Âgofâc-nane â kâcɋenefâc-nane, no nahacne fuŋne ŋazape mananiŋ.”
ACT 22:2 Paulo e iŋuc muhuc Judaŋic jaŋacne dâŋko dâŋeme manarâ qiriŋ niniŋ jâmbâŋ efârembiŋ.
ACT 22:3 Eme šuhuckerâ jazawec: “No Judaŋic, Kilikia mâreŋko Taso haeo fuapo. Erâ hae šira mamana ficko juku sokapo. Qaqazu Gamalie ere maŋfuŋko juhape miti qazu-nareme kâcɋenefâc-nâŋec jaŋere dâŋ aimuŋ anonocke-fârepo. Ehuc ŋoŋe miŋecgac eeŋgopieŋ noni iŋuc jaha Anuture erâ hume kikiŋ faio juhuc sasanaŋ epo.
ACT 22:4 Ehuc miti ɋâricne ši omaeocte no râsi ecnehuc ŋic mecne ŋokac mecne mâmâc jaha niŋgiŋ-joparâ kâpâcwâru ficko râec-jopahuc jupo.
ACT 22:5 Taha bapa sâko â micne bapa guru jaŋe nore fuŋne manaeŋgopieŋ. Jaŋe hâcne âgofâc-nâŋec Damasko haeo jueŋgopieŋ jaŋere papia qâreŋkerâ narepie kecšiŋuc muhuc barapo: No ocna ŋic ŋokac iŋucne bâfuac-joparâ niŋgiŋ-joparâ Jerusalem haeo bacjopa warepe okacne jarenšepieŋ.
ACT 22:6 Iŋuc muhuc hata raku šoaŋ šâšâŋiŋko Damasko hae bâqiŋkehape sambâŋkonec šoc tatamac sâkozi uŋ herâ waha âkecnuwec.
ACT 22:7 Âkecnuhuc herândiŋnume mâreŋko fohuc dâŋ wiwira kecšiŋuc manapo: `Saulo, Saulo, go wemocte nu jâpec enarehuc jukomec? Ž
ACT 22:8 Eme noni mupo, `Wofuŋ go mo? Ž Mupe šiŋuc nazawec: `Nu jâpec enareekic Jesu Nazarete haeonec no hâcne. Ž
ACT 22:9 Ŋic nohec jumbiŋ jaŋe šoc tatamac sawa honembiŋ, dâŋ nazawec ine mi manambiŋ.
ACT 22:10 Eme no wiohuc mupo, `Wofuŋ, no wemo epemurâ munarekomec? Ž Mupe Wofuŋzi šiŋuc nazawec: `Go faharerâ Damasko haeo ratec wiac ecmurâ mugarekicne i gazaniŋmu. Ž
ACT 22:11 Eme šoc tatamaczi šâŋe-nane âke hâpowecte fipe dapâc eme ŋicfâc-nane jaŋe menaneo rorâ Damasko haeo bacnu rambiŋ.
ACT 22:12 “Hae ira ŋic moc juwec šâŋene Anania, e sâcmutâc dâŋ aimuŋ bâninipehuc jume Judaŋic hae ijaha jumbiŋ jaŋe šeŋgoma ere manapie biaŋkewec.
ACT 22:13 Ŋic izi hâcne norao fâ fisirâ šiŋuc nazawec: `Qomâ-nane Saulo, go šâŋe fitâcnec. Ž Mume izia fitâcnerâ e honepo.
ACT 22:14 Eme dâŋ šiŋuc nazawec: `Mimiŋnefâc-nâŋec jaŋere Anutu eki fuŋne-ticne gaza gowatuc eme tiŋne rune honehuc micticnaonec dâŋ manacmurâ rowosâecguwec.
ACT 22:15 Eme go wiac hone manac emeŋ irec biŋe mâreŋ sâc ŋic jaza razemec.
ACT 22:16 Eme ši weniŋuc mâc jutec šoraocmu? Go faharerâ Jesure šâŋe riwasecketec Miti Opâ rua-garepe sâqocnege tâmirezejec.'
ACT 22:17 “Eme no Jerusalem haeo risierâ taha ufuŋko ferâ numupe maŋnane ŋerisieme Jesu honepo.
ACT 22:18 Honepe šiŋuc nazawec: `Hae širec ŋic jaŋe gore mickonec dâŋnane manarâ qikiŋneniŋmu, irec go picpac Jerusalem-konec wiserâ rac. Ž
ACT 22:19 Mume no dâŋ šiŋuc bâtikiecnepo: `Wofuŋ, no ŋicfâcge kâpâcwâru bacjoparâ mitificne ficne bacjopa ferâ kâcbiŋzi jopahuc jupo,
ACT 22:20 erâ biŋe mumuge Stefano qaniŋte ŋaqi-jeŋic guruckepie soŋaŋke-jarehape qapie manape sâckewec, i hae širec ŋic mana-fâreŋgopieŋte gore biŋe sâcne jazapemu. Ž
ACT 22:21 Iŋuc mupe Wofuŋzi šiŋuc nazawec: `Go šawietec no mâreŋ wiwicko qâpuc jaŋerao sorecgupe razemec. Ž ”
ACT 22:22 Ŋic jaŋe hazec-jeŋic râehapie Paulozi dâŋ gâcne jazawec. Izi miŋecne dâŋ iŋuc mume ɋeŋɋeŋnea owa ruruckerâ mumbiŋ, “Ŋic iŋucnezi arictac eoc, jume mamakâcne ekac.”
ACT 22:23 Iŋuc owackehuc ŋaqi-jeŋic šoricne hetararâ rufe tiepie feme
ACT 22:24 soŋaŋ sâkozi mume momori jaŋe Paulo ficjeŋicko bafembiŋ. Erâ ŋic jaŋe wemo wiacte boc owackecnembieŋ irec fuŋne mufuame manazore kâcbiŋzi qaniŋte mujarewec.
ACT 22:25 Eme jaŋe kâcbiŋzi qaniŋte fâretiŋkerâ becsahaczi bândeŋnezo epie Paulozi micne-jeŋic šiŋuc muhuc wiocnewec: “Ŋoŋe Romaŋic fârine dâŋticne mi mutarahuc kâcbiŋzi qapie sâckeocmu me?”
ACT 22:26 Iŋuc mume micne-jeŋiczi soŋaŋ sâkorao rarâ âzâcnerâ muwec, “Weniŋuc ezo? Ŋic e Romaŋic fârine.”
ACT 22:27 Mume soŋaŋ sâkozi Paulorao rarâ wiocnerâ muwec, “Go muc, go jâmbomac Romaŋic fârine?” Eme Paulozi muwec, “I jâmbomac.”
ACT 22:28 Mume soŋaŋ sâkozi šiŋuc muwec: “No ŋic jabanezi moneŋ bocjaha rope kitâcnume Romaŋic jâmbâŋ epo.” Eme Paulozi muwec, “No ine fufua-nane Romaŋic fuapo.”
ACT 22:29 Eme izia Paulo wiac ecnezo mumbiŋ i behembiŋ. Momori soŋaŋ e ine, Paulo e Romaŋic, iŋuc manarâ, no wemocte ŋic iŋucne kâpâcwâru bapac muhuc fâfârewec.
ACT 22:30 Hae fureme momori soŋaŋ sâko e Judaŋic jaŋe Paulo wemo wiacte mana sâqorecnembiŋ irec fuŋne jâmbâŋ manaocte taha bapa micne â micne guru furu jaha ejareme tumaŋnembiŋ. Ehame Paulo jowa hurâ tutumaŋ-jeŋicko râewec.
ACT 23:1 Paulo e micne bapa hone dendeŋ-jopahuc dâŋ šiŋuc jazawec: “Ŋic âgofâc-nane, no sâcmutâc dâŋ qaqatarare maŋnanezi mumu hehec moc mi enareha Anuture maio juwefuhuc jupozi jukopac.”
ACT 23:2 Iŋuc mume taha bapa sâko Anania eki ŋic Paulore maŋfuŋko domambiŋ jaŋe šiŋuc jazawec: “Ŋoŋe masunao qaniŋ.”
ACT 23:3 Mume Paulozi šiŋuc âzâcnewec: “Maŋge tâŋzi qakicne go Anutuzi guocmu. Go sâcmutâc dâŋte sâcko norao mumutiŋ gie bazo mukiczi wemocte sâcmutâc dâŋ qâsuahuc nuniŋte jazakic?”
ACT 23:4 Iŋuc mume ŋic doma rambiŋ jaŋe šiŋuc âzâcnembiŋ: “Go Anuture taha bapa sâko wemocte musoriŋkekic?”
ACT 23:5 Mupie Paulozi šiŋuc muwec: “Âgo bureŋ, e taha bapa sâko jukac i mi manahuc dâŋepac. Mitio dâŋ kecšiŋuc qâreŋkekicne: `Go micne bapa mi musâqorec-jopazemec. Ž No dâŋ i manaekopac.”
ACT 23:6 Eme micne guru ŋic tucne sadukaio â tucne farisaio ŋic jumbiŋ, Paulozi i manahuc dâŋ baferâ šiŋuc jazawec: “Ŋicbureŋ, no farisaio ŋic â apa ŋosafâc-nane jaŋe farisaio ŋic jaha jumbiŋ. Hâmockonec fafahare fokac dâŋ i dopeckeekopacte dâŋko râecnuŋgopieŋ.”
ACT 23:7 Dâŋ iŋuc mume farisaio ŋic â sadukaio ŋic jaŋe qaqatarac epie micne bapa jaŋerao fâfâuc fuawec.
ACT 23:8 Sadukaio ŋic jaŋe hâmockonec fafahare â aŋelo â sawa qâqâtâc, wiac iŋucne micke-fâreeŋgopieŋ. Farisaio ŋic jaŋe ine irec fârine mueŋgopieŋ.
ACT 23:9 Eme irec tutumaŋ-jeŋicko ojowa sâko bambiŋ. Eku farisaio ŋic jaŋere guruonec miti qaqazu gâcne faharerâ dâŋ fârone kecšiŋuc mumbiŋ: “Nâŋe ŋic kecširec kiŋ manapene aricne ekac” aŋelo me sawa qâqâtâc moczi dâŋ âzâcnewecko weniŋuc moc munaŋmu?”
ACT 23:10 Eme fecko fefec mâretec epie momori soŋaŋ sâko e Paulo qâsuckenšipiŋte hâwickeme mume momori jaŋe fisirâ Paulo ŋicŋondeŋkonec fâre waharâ ficjeŋicko barambiŋ.
ACT 23:11 Eme ŋafe ira Wofuŋzi Paulo fuacnerâ šiŋuc âzâcnewec: “Go hâbige roc, šira Jerusalem haeo mutaniŋnukomec iŋuc jaha Roma haeo mutaniŋnuzemec.”
ACT 23:12 Hae fureme Judaŋic gâcne šâšâfic erâ nânâ sowa jujâmbâŋkeku Paulo qarâ nânâ opâ nâniŋte mumundeŋ embiŋ.
ACT 23:13 Ŋic šâšâfic erâ iŋuc mumbiŋ šare-jeŋic 40 jâuruwec.
ACT 23:14 Ŋic jaŋe hâcne taha bapa micne â soŋaŋ jaŋerao rarâ mufua-jarerâ šiŋuc jazambiŋ: “Nâŋe nânâ sowa jujâmbâŋkeku Paulo qarâ wiac nanaŋte mumundeŋ embeneŋ”
ACT 23:15 irec micne bapa ŋoŋe momori soŋaŋ sâkorao dâŋ šiŋuc râepie razejec: `Go Paulo nâŋere tutumaŋko soretec wareme dâŋticne mocwâc muhâmonšepeneŋ. Ž Eme dâŋŋeŋic manarâ iŋuc eme nâŋe Paulo hatao qanaŋmu.”
ACT 23:16 Eme Paulo baŋec-ticnezi šikadâŋ i manawec. Manarâ momori ficko rarâ wawa-ticne âzâcnewec.
ACT 23:17 Âzâcneme Paulozi momori jaŋere micne moc wiracnerâ šiŋuc âzâcnewec: “Go motec ši momori soŋaŋ sâkorao jowa ratec dâŋ moc âzâcneoc.”
ACT 23:18 Mume ŋic eki motec soŋaŋ sâkorao jowa rarâ šiŋuc âzâcnewec: “Kâpâcwâru ŋic Paulo eki wira-narerâ nazame motec ši dâŋ gazaocte jowape warekoperec.”
ACT 23:19 Iŋuc muhuc âzâcneme soŋaŋ sâkozi motec menao rorâ herâricnao bararâ wiocnerâ muwec, “Dâŋ weniŋuc nazacmu?”
ACT 23:20 Eme moteczi šiŋuc âzâcnewec: “Judaŋic jaŋe gorao dâŋ râepie wareocte muc manac embieŋ, jaŋe go Paulo tutumaŋ-jeŋicko jowa rarâ fuŋne-ticne bataniŋke-hâmocmurâ gazaniŋmu.
ACT 23:21 Gazapie dâŋjeŋic mi manazemec. Ŋic šare-jeŋic 40 jâurukac, iŋuczi Paulo qâhâmoniŋte muŋgopieŋ. Jaŋe nânâ sowa jujâmbâŋkeku Paulo qarâ wiac nâniŋte mumundeŋ embieŋ, erâ biac šawierâ gore dâŋte woŋec juŋgopieŋ.”
ACT 23:22 Motec e dâŋ iŋuc mume soŋaŋ sâkozi šiŋuc muhuc sorewec: “Go dâŋ mufuarâ nazakomec i ŋic moc mi jazazemec.”
ACT 23:23 Eme soŋaŋ sâkozi momori jaŋere micne jajahec hefârec-jofarâ šiŋuc jasawec: “Ŋohe mupire momori kikezi hata rara 200 â becâsicko rara 70 â damu bapa 200 izi šawierâ ŋafere 9 kiloë ehame Kaisarea haeo ranšepieŋ.
ACT 23:24 Erâ Paulore becâsic moc sate hecnenšepieŋ. Eme aimuŋ soŋaŋkehuc kia Feliki erao baranšepieŋ.”
ACT 23:25 Iŋuc murâ kiare papia moc šiŋuc muhuc qâreŋkewec:
ACT 23:26 “Klaudio Lisia noni kia biaŋ-nane Feliki gore papia ši qâreŋkekopac.
ACT 23:27 Momori jaŋe ŋic moc bafâŋgopieŋ e Judaŋic jaŋe qazo embiŋ. Eme noni e Romaŋic jâmbâŋ ere iŋuc manahuc momori jaŋehec rarâ mejeŋickonec batarambeŋ.
ACT 23:28 Eme dâŋko râembiŋ irec fuŋne manapemurâ micne bapa tutumaŋ-jeŋicko barapo.
ACT 23:29 Bararâ sâcmutâc dâŋjeŋicte qorickepie šiŋuc manapo: Wiac ewec izi ferâ šika kâpâcwâru bâbâfuane mi ekac.
ACT 23:30 Eme ŋic gâcne jaŋe somâ barâ Paulo qaniŋte mupie manarâ gorao sorepe fakac hâcne. Á qorickeeŋgopieŋ ŋic i jaŋe iŋuc jaha ejarepe gorao fârâ dâŋticne gazanšepieŋ.”
ACT 23:31 Eme momori jaŋe soŋaŋ-jeŋicte mic reŋkehuc Paulo ŋafeoa jowa raku Antipatri haeo fisimbiŋ.
ACT 23:32 Hae fureme momori gâcne jaŋe ficjeŋicko risiehapie becâsicko ŋeŋe jaŋe buc Paulo jowa raku Kaisarea haeo fisimbiŋ.
ACT 23:33 Fisirâ kia papia râcnehuc Paulo iŋuc jaha ere meo râembiŋ.
ACT 23:34 Eme kiazi papia woserâ Paulo mâreŋ qizec-ticnere wiocneme muwec, “No Kilikia mâreŋkonec.”
ACT 23:35 Eme kiazi šiŋuc âzâcnewec: “Dâŋko râecguŋgopieŋ ŋic i jaŋe ware fisipie gore dâŋ muzo.” Iŋuc murâ momori jazame Herodere ficko râerâ soŋaŋkembiŋ.
ACT 24:1 Ʒoaŋ gie bapa 5 tarame taha bapa sâko Anania e â soŋaŋ gâcne â dâŋŋic moc šâŋene Teatulo jaŋe Kaisarea haeo hurâ kiarao Paulore dâŋ muniŋte fuambiŋ.
ACT 24:2 Eme kiazi mume Paulo fisime Teatulozi e qorickehuc kia dâŋ šiŋuc âzâcnewec: “Kia biaŋ-nâŋec Feliki, go sâcne soŋaŋ-nâpotec wamaoa jueŋgopeneŋ, erâ ŋicguru ši nâŋere manabâc ehuc bafic-nâpotec
ACT 24:3 nâŋerao hae sâc wiac sasawa biaŋkeekacte gore manapene sâcke-hâmoekac.
ACT 24:4 Erâ dâŋ mupe šorazacte go uruerâ mana-nâretec dâŋ bembeŋne mac gazape.
ACT 24:5 Ŋic kecirec manapene boc sâqorekac, e sopa sâwec-ticnehec, Judaŋic mâreŋ sâc juraŋgopieŋ jaŋe maŋbâiŋ ejareekac, erâ Nazarete rune repicnefâc-ticne jaŋere qizec eki hâcne.
ACT 24:6 Eme taha ufuŋ-nâŋec gâc hecnezo ehame rombeŋ, [erâ nâŋe sâcmutâc dâŋnâŋecte sâcko wiac ecnenšapeŋ.
ACT 24:7 Ehame ine kapiteŋ sâko Lisia eki fisi šocnehec nâwoc rowec.
ACT 24:8 Ehuc dâŋko râembiŋ ŋic i jaŋe gorao fisi fuaniŋte mujarewec.Ý Eme nâŋe dâŋ gazaŋgopeneŋ i go gahac mu esâic ecnehuc fuŋne sâcne bataniŋkecmu.”
ACT 24:9 Dâŋ iŋuc mume Judaŋic jaŋe e bafickehuc dâŋticne dopeckembiŋ.
ACT 24:10 Eme kiazi Paulo mezi sâsâc ecneme dâŋ šiŋuc muwec: “Go mâreŋ šira jara bocjaha kia juekic i manasuhuc dâŋnane manabâc tâmiric mupemu.
ACT 24:11 No Jerusalem haeo Anutu mai ecnepemurâ ferâ juwarekupe šoaŋ gie bapa 12 sawa ekac, go dâŋ irec maŋjahec erâ ŋic esâic-jopatec gazaniŋmu.
ACT 24:12 No taha ufuŋko me mitific gâcnao me miti haeo ŋic jaŋehec mitire mu qaqatarac me ŋic maŋbâiŋ eejare i moc mi epe honecnumbiŋ.
ACT 24:13 Ŋic šizi qoricnuhuc dâŋ gazaŋgopieŋ, irec fârine wemocko gowatuniŋmu.
ACT 24:14 Erâ moc mufua-garepe manac: Hata ɋâri sureeŋgopieŋ i âteekopac mueŋgopieŋ, ine jâmbomac eekopac. Erâ jaŋere dâŋmiti bajuhuc sâcmutâc dâŋqâhâcko miti qâreŋkekicne fokac â porofete mu qâreŋ embiŋ i manape fârine ehame mimiŋnefâc-nâŋec jaŋere Anutu kiŋaŋ qacneekopac.
ACT 24:15 Erâ juku ŋic biaŋne â sâqocne hâmockonec fafahare maickeocmu, irec ŋic keci jaŋe â no mâmâc mamanac jueŋgopeneŋ.
ACT 24:16 Iŋuc ehuc Anuture maio â ŋicmaio bahacmâc jupemurâ rucnane bahuc jaha juekopac.
ACT 24:17 “Eme no jara bocjaha mâreŋ wiwicko juhuc mitire moneŋ qânusuckeku Jerusalem haeo ŋic âgofâc-nâŋec jaŋerao warepo.
ACT 24:18 Erâ bâzi ririkere bašawierâ taha ufuŋko ferâ juhape bâfuacnumbiŋ. Ira ŋicguruo juju me dâŋfânâŋ sâkohec juju ine arictac.
ACT 24:19 Asia mâreŋkonec Judaŋic gâcne jaŋe ine iŋuc embiŋ. Jaŋe hâcne nore bahac moc manaŋgopieŋko gorao fisirâ mutaniŋkenšapiŋ.
ACT 24:20 Me micne bapa tutumaŋko domahape nore bahac moc bâfuambiŋko ŋic domaŋgopieŋ šizi gazaniŋ.
ACT 24:21 Jaŋe no dâŋ mocjaha sawa ŋondeŋ-jeŋicko domahuc mupe manapie mi mecne sâckewec, ine hahaŋne bahuc kecšiŋuc jazapo: `Hâmockonec fafahare fokac, dâŋ i dopeckeekopacte gâcnezi dâŋko râecnupie mai-ŋeŋicko domakopac ši. Ž ”
ACT 24:22 Kia Feliki e Paulore dâŋ i mi mutarahuc mâc râeme fowec. E miti ɋâricnere biŋe mana-hâmowecte šiŋuc sawa jazawec: “Momori soŋaŋ Lisiazi Jerusalem haeonec wahame dâŋŋeŋic mutarapemu.”
ACT 24:23 Iŋuc murâ momori micne šiŋuc âzâcnewec: “Ŋoŋe Paulo soŋaŋkehuc râsi šâŋe mi ecnenšepieŋ, â âgofâcne fisirâ jauŋ bazo mupie mi qatara-jarenšepieŋ.”
ACT 24:24 Ʒoaŋ gie bapa tucne jurâ Feliki e Juda guruonec ŋonâŋ-ticne Drusila ehec mâmâc ŋehuc Paulo ecneme hefârâ Kristo Jesu manasiŋkembiŋ irec fuŋne jasawec.
ACT 24:25 Ehuc tiŋke biaŋ eere â sasecte sowa jujure â okac dameŋte mume Felikizi weaŋkerâ Paulo šiŋuc âzâcnewec: “Sâcne rac, juku nacnere dameŋ sawane moc fua-nareme mocwâc hefârecgupemu.”
ACT 24:26 Kia e Paulozi moneŋ narezejec muhuc dameŋ sâc hefârerâ ehec dâŋ muc manac ejujec.
ACT 24:27 Ehame jara jajahec tarame kia moc šâŋene Porkio Festo eki Feliki âkehockewec. Eme Feliki e Judaŋic bubiaŋ qajarehuc Paulo kâpâcwâru ficko ŋehame beherâ rawec.
ACT 25:1 Festozi kia erâ šoaŋ jahec â moc Jurâ Kaisarea haeonec Jerusalem haeo fewec.
ACT 25:2 Fe fisime taha bapa micne â Judaŋic fekicne erao fisirâ Paulore dâŋ âzâcnembiŋ.
ACT 25:3 Ehuc mana urue-jarerâ mume Paulo Jerusalem haeo fisiocte âzâcnembiŋ. Jaŋe hatao Paulo somâckerâ qaniŋte manasuhuc kia iŋuc âzâcnembiŋ.
ACT 25:4 Mupie Festozi šiŋuc jazawec: “Paulo e Kaisarea haeo kâpâcwâru ficko ŋekac” eme no ijaha biac mocwâc risie hupemu.
ACT 25:5 Paulo bahacdâŋ-ticne muzo murâ ŋoŋeraonec micne bapa nohec mâmâc hurâ munšepieŋ.”
ACT 25:6 Iŋuc murâ šoaŋ 8 me 10 Jerusalem haeo jurâ Kaisarea haeo rahuwec. Izi hae fureme dâŋficko ferâ mume Paulo bafembiŋ.
ACT 25:7 Ficko feme Jerusalem haeonec Judaŋic jaŋe orâŋkerâ samarierâ qorickehuc domambiŋ. Erâ qoqoricte fârine mi fuawec.
ACT 25:8 Mupie Paulozi dâŋjeŋic bawahahuc šiŋuc muwec: “No Judaŋic sâcmutâc dâŋjeŋic me taha ufuŋ me Roma ŋicwofuŋ moc mi musuaekopac.”
ACT 25:9 Eme Festozi Judaŋic bubiaŋ qajareocte Paulo indiŋkerâ muwec, “Go Jerusalem haeo jowacgu ferâ ira dâŋge mutarape me?”
ACT 25:10 Indiŋkeme Paulozi šiŋuc âzâcnewec: “Roma ŋicwofuŋte dâŋfic šine hâcne” nore dâŋ šira mutarazo” go gahac fuŋne-nane manakic, no Judaŋic wiac hehesic moc mi ejarepo.
ACT 25:11 No bahac me kiŋsâko moc bâfuarâ muzac, nuzo mutec sahac-nane mi sakarezapo. Jaŋe ine burecko qoricnuŋgopieŋte moczi moc bubiaŋ qajarehuc jaŋere meo sâcne mi râecnu-jâmbâŋkeocmu. Irec ši Roma ŋicwofuŋzi dâŋnane mutaraocte mukopac.”
ACT 25:12 Iŋuc mume Festo e ŋicfâc-ticne jaŋehec muc manac erâ Paulo šiŋuc âzâcnewec: “Ŋicwofuŋ sâkore mukomec, irec ŋicwofuŋ sâkorao razemec.”
ACT 25:13 Ʒoaŋ gie bapa tucne tarame ŋicwofuŋ Agripa â seŋticne Beanike jahe Kaisarea haeo hurâ Festo âgo bapic.
ACT 25:14 Eme jahe šoaŋ gâcne ehec ŋeŋe juju ehapire Festozi Paulore dâŋ binaŋ ecnehuc ŋicwofuŋ šiŋuc âzâcnewec: “Felikizi kâpâcwâru ŋic moc beherâ rame ŋehuc jukac.
ACT 25:15 Eme no fisirâ Jerusalem haeo fepe taha bapa micne â Judaŋic jaŋere soŋaŋ jaŋe norao tumaŋnehuc ŋic e qape hâmoocte munarembiŋ.
ACT 25:16 Munarepie no dâŋ ŋifecne šiŋuc jazapo: `Romaŋic nâŋe qoqoricte sawa ŋic moc šikare mi qikiŋneeŋgopeneŋ. Nâŋe ŋic dâŋko râekicne e mecne â dâŋrune mecne mâmâc hetumaŋ-jopapene ŋifec â ŋifec dâŋ sâckoa mueŋgopieŋ. Ž
ACT 25:17 Iŋuc jazape Judaŋic norao warepie izia hae fureme jaŋe â e dâŋficko bâturec-jopapo.
ACT 25:18 Eme jaŋe ere sâqocne qizecne moc mufuaniŋmu muhape
ACT 25:19 jaŋe miti-jeŋicte hehefaric dâŋ â ŋic hâmokicne moc šâŋene Jesu ere dâŋ bajumbiŋ” ŋic ere hâcne Paulozi šiŋuc muekac: `E faharewec jukac. Ž
ACT 25:20 Eme no dâŋ iŋucnere kâuc barâ Paulo Jerusalem haeo feme ira dâŋticne mutarapemurâ âzâcnepo.
ACT 25:21 Âzâcnepe Paulo e Roma ŋicwofuŋzi dâŋticne mutaraocte muwec. Eme Paulo e rara dameŋ maickeme mupe Roma ŋicwofuŋtao raocte kâpâcwâru ficko woŋec jukac.”
ACT 25:22 Festozi iŋuc muhuc âzâcneme Agripazi muwec: “No ŋic e hâcne dâŋ moc mume manapemurâ enarekac.” Eme Festozi muwec, “Sâcne, tomâcko manazemec.”
ACT 25:23 Hae fureme Agripa â Beanike jahe eri qaraweŋ-jekichec tutumaŋ ficko fepire momori soŋaŋ kâcɋene â hae irec ŋic fekicne mâmâc bâjâpec-jofarâ fembiŋ. Fefârepie Festozi mume Paulo bafembiŋ.
ACT 25:24 Bafepie Festozi dâŋ šiŋuc jazawec: “Ŋicwofuŋ Agripa â ŋicfâc-nane gâcne dâŋ ŋazape mananiŋ. Ŋic domakac ši ere erâ Judaŋic wemo afecnezi Jerusalem haeo fotarie-narehuc wira owac erâ mumbiŋ, `E mi jujâmbâŋkezejec. Ž
ACT 25:25 No ine bahac-ticnere manape šika kiocte irec sâc mi ewec. Eme Roma ŋicwofuŋte muwecte erao sorepe raocmu.
ACT 25:26 Erâ dâŋ fârine basahuc ŋicbomboŋ sâkore papia qâreŋkepemurâ fâcke turuŋ ekopac. Eme irec hâcne ŋic kecši e ŋoŋerao â ŋicwofuŋ Agripa gorao râepe domakac. Eme ŋoŋe fuŋne-ticne bataniŋkepie dâŋticne qâreŋkepe razejec.
ACT 25:27 No kâpâcwâru ŋic moc kiŋticnere dâŋ mi qâreŋkehuc Roma haeo mâc sorepe raocte manape quŋkekac.”
ACT 26:1 Eme Agripazi Paulo šiŋuc âzâcnewec: “Gahac fuŋnege mutec mananaŋ.” Eme Paulozi meticne sicnerâ dâŋ šiŋuc jazawec:
ACT 26:2 “Judaŋic dâŋzi dâŋ enarehuc jueŋgopieŋ irec ŋifecne ŋicwofuŋ Agripa miŋecgac gore maio mupemurâ bunane biaŋkekac.
ACT 26:3 Go hâcne Judaŋic mitire hehefaric-nâŋecte â wiac eenâŋecte fuŋne manaekic. Irec go mana uruehaŋtec dâŋnane mupe.
ACT 26:4 “No motec ɋie-naneoa Jerusalem haeo ŋic âgofâc-nane jaŋere ŋondeŋko juku sokapo.
ACT 26:5 Irec Judaŋic mârâc honecnumbiŋzi juju-nanere fuŋne manaeŋgopieŋ. No farisaio ŋic mitire neŋgocne embiŋ Jaŋere guruo hâcne jupo. Eme fuŋne-nane hone manac embiŋzi muzo murâ munšapiŋ.
ACT 26:6 No kâpâcwâru ficko foekopac i wiac mocte mâcne, Anutuzi mimiŋnefâc-nâŋec biŋedâŋ jazawec,
ACT 26:7 eme dâŋ i fârinehec eocte Israe ŋicguru 12 jaŋe ŋafe šoaŋ qâqâtiri Anutu tiwâ bâzi rikecnehuc mai ecneeŋgopieŋ, ŋicwofuŋ-nane, biŋedâŋ irec hâcne Judaŋic jaŋe dâŋgie nareeŋgopieŋ.
ACT 26:8 Anutu e hâmokicne bâɋârec-jopaekac, i ŋoŋe wemocte manapie mi eene tinac eekac?
ACT 26:9 Erâ no nahacnere mupe, no Jesu Nazarete haeonec ere šâŋe biŋe imackepe sifuckeocte gie-nane ewec.
ACT 26:10 Jerusalem haeo iŋuc hâcne epo, ehuc taha bapa micne jaŋerao mupe pasi narepie opâ ruac wemo afecne kâpâcwâru ficne ficne râec-jopahuc jupo. Erâ šika kirâ hâmoniŋte mujarepie dâŋjeŋic dopecke jupac wâc.
ACT 26:11 Judaŋic jaŋere mitificne ficne opâ ruac jopahuc jaŋe Jesure šâŋe musoriŋkeniŋte wiac qacne gâpâcne ejare jupac. Erâ no momori wânšâŋ erâ hae šoricko ra jopa jâpec ejare jupac wâc.
ACT 26:12 “Ekupe taha bapa micne jaŋe papia narehuc munarepie Damasko haeo rapemurâ rapo.
ACT 26:13 Rakuhape qâqâtâc bembeŋkeha sambâŋkonec šoc tatamac bâricnehuc waha no â ŋicfâc-nane âke tamaec-nâpowec. Opoŋ, ŋicwofuŋ-nane, šoaŋ tatamacne i weweaŋne, â honepo tatamac izi hâhâwicne jâmbâŋ.
ACT 26:14 Eme nâŋe mâreŋko rândiŋke qarâ fohuc dâŋ wiwira moc Judadâŋko šiŋuc manambeŋ: `Saulo, Saulo, go wemocte nu jâpec enarehuc juekic? Go šârâ hewâcnetec âkecgume šâic manacmu. Ž
ACT 26:15 Eme no šiŋuc mupo: `Wofuŋ go mo? Ž Mupe šiŋuc nazawec: `Nu jâpec enarehuc jukomec Jesu no hâcne.
ACT 26:16 Go fahare domac, no ši kiŋaŋ qaqa-nane bacgupemurâ fua-garekopac, irec go ši wiac honekomec â juku gowatupe honecmu irec biŋe mumu-nane erâ juzemec.
ACT 26:17 No ŋicguru ši â ŋic qâpuc jaŋere meonec bataracguhuc jupemu.
ACT 26:18 Erâ jaŋerao sorecgupe šâŋe-jeŋic bâtâcnetec dapâc honerâ râpeckerâ tatamac maickenšepieŋ, erâ wâc Sataŋte gie beherâ Anuture enšepieŋ. Eme sâqocne-jeŋic tâmirehame no manasiŋnuhuc ɋaɋackembiŋ jaŋere guruo raširâ sambâŋ kâdoc-jeŋic rauckenšepieŋ.'
ACT 26:19 “Ŋicwofuŋ-nane Agripa, no sambâŋkonec dâŋ mana rereŋ ehuc
ACT 26:20 ine qanaŋ Damasko haeonec ŋic â Jerusalem haeonec ŋic erâ wâc Juda mâreŋ rune sasawa â ŋic qâpuc mâmâc maŋjeŋic bârisierâ Anuturao qohotahuc maŋ bâbârisiere fârine bâfuaniŋte irec miti jazahuc jupo.
ACT 26:21 Eme iŋuc epore Judaŋic jaŋe taha ufuŋko rocnurâ qâhâmocnuzo embiŋ.
ACT 26:22 Eme Anutu e ŋezicnu warehame miti mupozi muekopac, ehuc ŋic fekicne â wahakicne mâmâc jazaekopac. Erâ dâŋ furune mâcne, porofete â Mose findaŋdâŋ muhuc qâreŋkembiŋ ijaha muekopac.
ACT 26:23 Kristo e šâic manaku hâmoocte mucnekicne erâ hâmokicne jaŋeraonec micne barâ faharerâ Judaŋic â ŋic qâpuc šâziriŋ dâŋ bâfua-jareocte mucnekicne, dâŋ i hâcne dopeckeekopac.”
ACT 26:24 Paulo e fuŋne-ticne mutiŋnehuc dâŋ iŋuc jazame Festozi dâŋ hahaŋne bahuc muwec, “Paulo go maŋge sifuckekac i¡ Papia bocjaha wose qâreŋ ekutec maŋge sifuckewec hâcne.”
ACT 26:25 Mume Paulozi dâŋ šiŋuc bâtikiecnewec: “Ŋicbomboŋ-nane Festo, no maŋsifuc dâŋ mâcne, no dâŋ tiŋne â fârine mukopac.
ACT 26:26 Dâŋ mukopac irec fuŋne ŋicwofuŋzi sâcne manakac, erao hâcne afeckehuc mukopac. Wiac mukopac i soŋsoŋko mi fuawec, irec ŋicwofuŋzi wemocko kâuc baocmu.
ACT 26:27 Ŋicwofuŋ Agripa, go porofete jaŋere dâŋ mana šakieekic me? No manakopac, go mana šakieekic.”
ACT 26:28 Mume Agripazi Paulo šiŋuc âzâcnewec: “Enarekutec mi šoraha Kristoŋic ezipohec ine.”
ACT 26:29 Eme Paulozi muwec, “Go â ŋic gâcne miŋecgac dâŋ ši mupe manaŋgopieŋ, ŋoŋe Wofuŋzi bafic-ŋopame mi šoraha no iŋucne ejâmbâŋkeniŋte mukopac, kâpâcwâru ŋic jukopac irec mâcne, mitire mukopac.”
ACT 26:30 Iŋuc mume ŋicwofuŋ â kia â Beanike â ŋic gâcne faharerâ râwiŋnembiŋ.
ACT 26:31 Râwiŋnehuc nazaŋ gazaŋ erâ šiŋuc mumbiŋ: “Ŋic e šika me kâpâcwâru mi hotâckewec.”
ACT 26:32 Á Agripazi Festo šiŋuc âzâcnewec: “Ŋic e Roma ŋicwofuŋzi dâŋticne mutaraocte mi mume muzac, go sâcne firuetec ra juzac.”
ACT 27:1 Italia mâreŋko ranaŋte dameŋ maickeme kiazi mume Roma momori jaŋere soŋaŋ moc šâŋene Julio, eki Paulo â kâpâcwâru ŋic gâcne rocjopame wokeo fembiŋ.
ACT 27:2 Woke i Adramiteŋ haeonec, erâ Asia masunao hae biri ŋerawec ira raši-fâreocte mucnekicne. Woke ira hâcne ferâ Makedonia ŋic moc šâŋene Aristako, Tesalonike haeonec, ehec mâmâc rambeŋ.
ACT 27:3 Hae fureme woke Sidoŋ haeo rašime Juliozi Paulo âgo ecnehuc manacneme haeo raferâ âgofâcne iqic-jopame hata nâsiŋ wiac râcnembiŋ:
ACT 27:4 Eme mâŋâŋ rambeŋkonec warewecte ine Kipiro nuc â Asia mâreŋ ŋondeŋ-jekicko rambeŋ.
ACT 27:5 Ehuc Kilikia â Pamfilia mâreŋ hecne hecne raku Mira haeo Likia mâreŋko fisimbeŋ.
ACT 27:6 Ira Alesandria haeonec woke moc ŋewec. Izi Italia mâreŋko razo ewecte momori soŋaŋzi rocnâpome ira fembeŋ.
ACT 27:7 Ferâ uneŋ uneŋ ŋe qatarac raku Kinido hae ŋeweckopec fisimbeŋ. Eme mâŋâŋzi bârisiec-nâpome hae i râpeckerâ Kreta nuckopec rambeŋ.
ACT 27:8 Raku nuc irec masune moc šâŋene Salimone i qatararâ Lasaia hae ramicnao hâwec motec moc fowec, šâŋene Woke Haebiaŋ, ira neneŋ gie baku rašimbeŋ.
ACT 27:9 Hâwecko dameŋ šora rahuc jumbeŋ erâ wâc hoemaŋ biac maickewec, irec Paulozi uŋdâŋ jazarâ muwec,
ACT 27:10 “Ŋicbureŋ, ši mocwâc ranaŋmu i manape fâsâcne rarane mi ekac, woke herickeme mafa sawa mâcne, ŋic mâmâc hâwecko hunšipeŋte manabâc erâ mukopac.”
ACT 27:11 Iŋuc mume momori soŋaŋ eki Paulore dâŋ mana takirehuc kapiteŋ â woke rune jahere dâŋ manawec.
ACT 27:12 Eme hâwec motec honepie wokezi ira hoemaŋko sâcne ŋeŋene mi ewec. Irec Kreta nuc irec hâwec motec moc fowec šâŋene Foiniki, ira raširâ ŋehapie hoemaŋ taraocte mumbiŋ. Hâwec motec irec masunezi mula â jowarec mâmâc sâoc-jofawec.
ACT 27:13 Eme râpefuŋ-nâŋeckonec mâŋâŋ burec burec mac qame wokeŋic raniŋte murâ aŋga fârepie wefume Kreta nuc heririŋkerâ rambeŋ.
ACT 27:14 Raha rahapene nuckonec mâŋâŋ hâhâwicne šâŋene kagu,
ACT 27:15 izi qahuc woke qâtuŋkeme bâipieku behepie qâso bâsoriewec.
ACT 27:16 Eku nuc piticne moc šâŋene Kauda, irec ŋifecnao rahapene woke gombazi hâwecko huzo eme
ACT 27:17 gie sâko baku fârepene woke faio fewec. Erâ woke fâuckezacte repazi rowaŋauckehuc bândeŋnembeŋ. Eme haroŋaŋ moc šâŋene Siriti, ira fenšipeŋte rac fârepie wahame mâŋâŋzi qâsoriec-nâpome rambeŋ.
ACT 27:18 Eme mâŋâŋ tâpirinehec qahuc fowecte hae fureme mafa gâcne hâwecko behepie huwec.
ACT 27:19 Eme hae mocwâc fureme wokere wâcwiac gâcne iŋuc jaha ropie huwec.
ACT 27:20 Ŋafe šoaŋ gâcnao mâŋâŋ hâhâwicnehec qahuc domahame šoaŋ me bâpiŋ moc mi fuame honerâ maŋ mamanasu-nâŋec šickeme ši ine mi junaŋmu mumbeŋ.
ACT 27:21 Eme ŋic jaŋe nânâ qikiŋne-fârerâ juhapie Paulozi ra ŋondeŋ-jeŋicko domahuc šiŋuc jazawec: “Ŋicbureŋ, ŋoŋe dâŋnane manapie muzac, ine Kreta nucko junšapeŋ. Eme wiac hâhâwicne â mafa sisipiric ine mi fua-nârezac.
ACT 27:22 Ʒi ine sifu hâhâwic qamaseniŋ, ŋiczi mi sipirickenaŋmu, wokezi ine jâmbomac sipirickeocmu.
ACT 27:23 Jacne ŋafeo runane Anutu eki kiŋaŋ qaqa-ticne norao aŋelo moc soreme fua-narerâ
ACT 27:24 šiŋuc nazajec: `Paulo go mi hâwicguoc, go Roma ŋicwofuŋtao fisi-jâmbâŋkecmu, erâ manakic, Anutuzi go ŋezicguhuc ŋic gohec wokeo juŋgopieŋ jaŋe mâmâc gore erâ ŋezic-jopa-fâreocmu. Ž
ACT 27:25 Irec, âgofâc-nane, ŋoŋe buŋeŋic biaŋkezejec. No Anuture maŋ jahec mi ekopac, dâŋ nazajec i sanaŋkeocmu.
ACT 27:26 Wokezi ine nuc mocko ferâ henšaŋneocmu.”
ACT 27:27 Eme Adria hâwecko qac qâsoric ehuc juhapene ŋafe šoaŋ 14 eme wokeŋic jaŋe manapie mâreŋ bâqiŋkeŋgopeneŋ tinac ewec.
ACT 27:28 Iŋuc manahuc sâc behepie hume 30 meta ewec. Erâ ipec rarâ sâc mocwâc râepie hume 22 meta sawa ewec.
ACT 27:29 Eme haroŋaŋko fenšipeŋ muhuc hâwic-jopame woke šâhecnao aŋga 4 behepie hume hae fureocte hejâpehuc ŋembiŋ.
ACT 27:30 Ŋeku wokeŋic jaŋe woke beherâ wiseniŋte manasuhuc woke gomba râepie hume burec ehuc kecšiŋuc mumbiŋ: “Nâŋe woke masunao aŋga moc behepene huocmu.”
ACT 27:31 Iŋuc epie Paulozi momori soŋaŋ â ŋicfâc-ticne šiŋuc jazawec: “Wokeŋic jaŋe wisepie ŋoŋe hâwecko hufâreniŋmu.”
ACT 27:32 Jazame momori jaŋe woke gombare niŋgiŋ hetâcnepie gomba hâwecko hume behembiŋ.
ACT 27:33 Eme hae fureocte woŋec juhuc Paulozi ŋic mâmâc sasawa šiŋuc jazawec: “Ŋoŋe maŋ sahac-ŋeŋic soka fâkic eme nânâ mi nâhuc mâc juhapie miŋecgac šoaŋ 14 ekac.
ACT 27:34 Irec ši nânâ nâniŋte ŋazape mi qataraniŋ. Nânâ nâqiŋnerâ sâcne tiŋko ferâ juniŋmu. Qizec susuc-ŋeŋic moc mi waharâ sifuckeocmu.”
ACT 27:35 Iŋuc murâ hone-fârehapie poroŋ moc rorâ Anutu daŋge âzâcnehuc bazurâ nâwec.
ACT 27:36 Nâme honerâ maŋjeŋic firieme iŋuc jaha nâfârembiŋ.
ACT 27:37 Ŋic wokeo jumbeŋ šare-nâŋec 276.
ACT 27:38 Nânâ nâ gapec erâ wokemaŋkonec padi hâwecko behepie hume woke afeckerâ wefuwec.
ACT 27:39 Hae fure-fâreme mâreŋ šâŋitaniŋte hone-bipiembiŋ. Ehuc hâwec kenšuŋne moc haroŋaŋ tâmiric honerâ wokezi ira raširâ moŋgeŋko feocte
ACT 27:40 ŋic jaŋe aŋga niŋgiŋne hetâcnepie hâwecko hume rac fârepie feme guriŋ goroŋkerâ moŋgeŋkopec ma bahuc rambiŋ.
ACT 27:41 Guriŋ bâipiehapie woke mâreŋ masunao fewec. Ehuc woke masune kindeŋnerâ sanaŋkehame hâwec siri sâkozi woke šâhecne qanšaŋnewec.
ACT 27:42 Woke šaŋkeme kâpâcwâru ŋic jaŋe fifia bahuc wisenšipiŋte momori jaŋe qâhâmoc-jopazo mumbiŋ.
ACT 27:43 Soŋaŋ-jeŋiczi ine Paulore erâ qatara-jarewec. Erâ mume fifia bapa jaŋe qanaŋ hâwecko rucnerâ fifia bahuc tiŋko fembiŋ,
ACT 27:44 â gâcne jaŋe palaŋ faio â wokere dâkâ faio ferâ rambiŋ. Iŋuczi iŋuc ehuc furu jaha tiŋko fefârembiŋ.
ACT 28:1 Tiŋko fefârerâ nuc šâŋene Melite mupie manambeŋ.
ACT 28:2 Eme nuc irec rune jaŋe âgo jauŋ bocjaha enârembiŋ. Ehuc hoe mâmâteŋte šocsâko ruqe-nârepie šame ruambeŋ.
ACT 28:3 Eme Paulozi nâŋ gagate wiac qânusuckerâ šocko râeme hume irec maŋnaonec homa moc andaŋ mandaŋte wefurâ Paulo menao kiŋ qaŋatie domawec.
ACT 28:4 Ehame mâreŋ rune jaŋe menao homa domame honerâ nazaŋ gazaŋ erâ mumbiŋ, “Ŋic e šika qaqa jâmbâŋ, hâwecko mi hurâ hâmojecte šira tiŋko wefume okacne fisicnekac.”
ACT 28:5 Eme Paulozi homa qatatiŋkeme šocko hume homazi mi kiwec tinac fâsâcne domawec.
ACT 28:6 Domahame jaŋe sisiwiŋ fuacneocmu me onšoŋ jaha hâmorâ rândiŋkeocmu muhuc woŋec ŋembiŋ. Ŋekuhapie iŋuc me iŋuc mi ecneme honerâ mumbiŋ, “Ŋic e nemu. “
ACT 28:7 Jumbeŋ irec bembeŋnao ŋicbomboŋ-jeŋic šâŋene Popilio ere hae mâreŋ fowec. Eme ŋic eki hâcne hezu hewâneŋ enâreme ere ficko šoaŋ jahec â moc ŋeŋe juju embeŋ.
ACT 28:8 Juhapene Popilio mamac-ticne huc fuacneme woke socnehec qawec. Eme Paulozi manarâ ficticnao ferâ mene qizecnao râerâ numuhuc bâpiaŋkewec.
ACT 28:9 Iŋuc eme biŋene manarâ nuc irec ŋic gâcne huc šâic-jeŋichec fisipie iŋuc jaha ɋiɋicne bacjopawec.
ACT 28:10 Eme irec okacne ŋic jaŋe bubiaŋ mana-nârehuc uruc jauŋ fekicne enârembiŋ. Erâ rara dameŋ maickeme hata nâsiŋ wiac wokeo râe-nârembiŋ wâc.
ACT 28:11 Nuc ira hâcne juhapene mosa jahec â moc tarame woke furunao fembeŋ. Woke i Alesandria haeonec, qoruc-ticnao nemu hahac ɋa jahere hawari bakicne. Nâŋe jumbeŋko ijaha woke i ŋehuc juhame hoemaŋ tarame ira hâcne ferâ rambeŋ.
ACT 28:12 Raku Siraku haeo fisirâ raširâ šoaŋ jahec â moc jumbeŋ.
ACT 28:13 Irecnec mâŋâŋ hecnehuc bac bâŋoric raku Regioŋ haeo fisimbeŋ. Eme hae fureme râpefuŋ-nâŋecko mula qahuc ficne suec-nâpome ŋafe šoaŋ jajahec sawa raku Puteoli haeo fisimbeŋ.
ACT 28:14 Fisipene hae irec miti mamanazi hefârec-nâpopie šoaŋ 7 jaŋehec ŋeŋe juju embeŋ. Eme irecnec mocwâc raku Roma haeo fisimbeŋ.
ACT 28:15 Eme hae irec miti mamanazi biŋe-nâŋec biac manambiŋte gâcnezi wareku Apio haeo bâfuac-nâpombiŋ â gâcnezi Tetrabeŋ haeo bâfuac-nâpombiŋ. Eme Paulozi honec-joparâ Anutu daŋge âzâcnerâ bubiaŋ manawec.
ACT 28:16 Roma haeo fisipene kiazi mume Paulo kâpâcwâru ficko mi râembiŋ, momori moczi soŋaŋkeha fic omane mocko ŋec juc ewec.
ACT 28:17 Juhame šoaŋ jahec â moc eme Judaŋic jaŋere micne hefârec-jopame fisipie dâŋ šiŋuc jazawec: “Âgo bureŋ, no Judaŋic âgofâc-nâŋec mi kisuec-jopapo â mimiŋnefâc-nâŋec jaŋere dâŋ mi qâsuapo. Eme jaŋe sifu Romaŋic jaŋerao qikiŋnupie Jerusalem haeo kâpâcwâru bacnumbiŋ.
ACT 28:18 Eme Romaŋic jaŋe fuŋne-nane mu rituc ehuc nuniŋte kiŋnane basarâ firuecnuniŋte mumbiŋ.
ACT 28:19 Ehame Judaŋic jaŋe sanaŋne qatarapie Roma ŋicwofuŋzi dâŋnane mutaraocte mupo, Judaŋic âgofâc-nâŋec jaŋere dâŋ šira bawarerâ mupemurâ ine mi warepo.
ACT 28:20 Eme no irec hâcne honec-ŋoparâ ŋoŋehec muc manac enaŋte hefârec-ŋopape fisimbieŋ. No ine Israe ŋic woworic-nâŋec ewec ere erâ kâpâcwâru ŋic epo jukopac ši.”
ACT 28:21 Iŋuc muhuc jazame mumbiŋ, “Ocna Judaŋic mâreŋfuŋ-nâŋecko jueŋgopieŋ jaŋe gore dâŋ mi qâreŋke-nârembiŋ me ŋicjeŋic moc mi sorepie ware gore bahacdâŋ mume manambeŋ.
ACT 28:22 Irec dâŋ bajuekic i go gahac mutec mananaŋte muŋgopeneŋ. Á opâ ruakicne jaŋere šiŋuc manaeŋgopeneŋ: Mâreŋ sâc ŋiczi mu supaic ejareeŋgopieŋ.”
ACT 28:23 Iŋuc murâ šâfo babac embiŋ. Eme i maickeme Judaŋic bocjahazi Paulore ficko tumaŋnembiŋ. Eme Anuture uucmaŋte dâŋ binaŋ uupicte fuŋkerâ jazahuc juhame hae ŋafewec, ehuc Mosere sâcmutâc dâŋqâhâcko â porofete jaŋerao biŋedâŋ qâreŋkekicne fokac i Jesurao fâri fideteŋ ewec, irec fuŋne muhuc maŋuruc qajarewec.
ACT 28:24 Ejareme ŋic gâcne jaŋe dâŋticne âgo bambiŋ â gâcnezi ine qaisockembiŋ.
ACT 28:25 Ehuc mu qaqatarac epie Paulozi dâŋ mocjaha šiŋuc jazawec: “Tiri Mârozi porofete Jesaja ecneme mimiŋnefâc-ŋeŋic sowine dâŋ kecšiŋuc jazawec:
ACT 28:26 `Go rarâ ŋicguru keci šiŋuc jazac: Hazeczi mamana i mananiŋmu, maŋzi mamana tara ine mi eniŋmu. Ʒâŋezi fifi finiŋmu, wiac hohone tara ine mi eniŋmu.
ACT 28:27 Ŋicguru ši jaŋe maŋjeŋic sanaŋkekicne, â hazec-jeŋic bâzickekicne, â šâŋe-jeŋic hâmonšambiŋ. Irec šâŋe-jeŋiczi wiac mi hone taraeŋgopieŋ, â hazec-jeŋiczi wiac mi mana taraeŋgopieŋ, â maŋjeŋiczi wiac mi manasu-hâmoeŋgopieŋ, ehuc maŋjeŋic mi bârisiepie no wemocko bâpiaŋ-jopazapo.'
ACT 28:28 Irec no ŋazape mananiŋ, Anutuzi bâbâpiaŋ hata bâfuawec i qâpuc jaŋere biŋe ekac, jaŋe sâcne mana aŋac eniŋmu.” [
ACT 28:29 Iŋuc muhuc jazame Judaŋic jaŋe jaŋackoaŋ mu wioc bocjaha eec ehuc rambiŋ.]
ACT 28:30 Eme Paulozi jara 2 Roma haeo fic omanao juhame ŋic jaŋe iqickehuc jumbiŋ.
ACT 28:31 Iqickepie Anuture uucmaŋte dâŋ binaŋ ejarehuc Wofuŋ Jesu Kristo ere fuŋne hâwicmâc jaha muhezuc tâmiricko jaza qazuc ehuc juwec.
ROM 1:1 Paulo no Jesu Kristozi kiŋaŋ qaqa-ticne bacnurâ aposolo-ticne mucnuhuc Anuture Biŋebiaŋ râepe qareŋko raocte rowosâecnuwec.
ROM 1:2 Miti i hâcne fuaocte Anutuzi mârâc jaha porofete ejareme irec findaŋdâŋ tiri papiao qâreŋkembiŋ.
ROM 1:3 Qâreŋkepie Ŋokâ-ticnerao iticnewec. E sahachec fufua i Dawidi ɋâricfâc-ticne jaŋeraonec fuawec,
ROM 1:4 erâ e maŋɋaɋac bâbâfua Mârohec jujuzi Anuture Ŋokâ jukac, irec fuŋne hâmokonec faharewecko fua taniŋke-jâmbâŋkewec.
ROM 1:5 Jesu Kristo e Wofuŋ-nâŋeczi aki anonoc enarehuc aposolo gie tahacnuwec. Ehuc mâreŋ sâc ŋic miti jazepe mana rereŋ epie Jesure šâŋe biŋe raocte munarewec.
ROM 1:6 Eme ŋoŋe jaŋere âgofâc jaha, Jesu Kristore ŋicfâc eniŋte hefârec-ŋopakicne, irec gie i ŋoŋerao iŋuc jaha bapere munarewec.
ROM 1:7 Roma haeonec Anuture jorofâc, tiriŋic mucŋopakicne, ŋoŋere hâcne papia ši qâreŋkekopac. Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
ROM 1:8 Miti babaju-ŋeŋicte mâreŋ sâc manapie biaŋkekacte qanaŋ ŋoŋere erâ daŋge mupe Jesu Kristorao qarâ Anutu-nanerao fotâcnekac.
ROM 1:9 No Ŋokâ-ticnere Biŋebiaŋ muhuc maŋnanezi Anutu kiŋaŋ qacnepe fuŋne-nane manakacte ere maio dâŋ ši mupe mananiŋ:
ROM 1:10 No numucneekopac sâc ŋoŋere mâmâc hati manasuekopac, ehuc Anutu maname sâckeme hata bâfua-nareme ŋoŋerao fâpemurâ âzâcneekopac.
ROM 1:11 No ŋoŋe honec-ŋopapere enareekac. Ehuc fârâ maŋte bâmec moc baŋarepe qiŋ herâ juniŋte muekopac.
ROM 1:12 Me kecšiŋuc mupe: No ŋoŋerao fâpe mamanasiŋte fârine nowac gowatuŋ ehuc keketeŋ enšepeneŋ.
ROM 1:13 Erâ âgofâc-nane, fuŋne-nane kâuc banšipiŋte šiŋuc ŋazape: No ŋicguru gâcne jaŋerao eeckopac iŋuc jaha ŋoŋerao fârâ miti giere fârine piticne bâfuapemurâ hati muekopac. Erâ fâzo mupe sâc wiac gâcnezi niŋgiŋnume juekopac.
ROM 1:14 Noni ŋic kosa. Grikŋic â kâte sanaŋ, mamanahec â mutucne mâmâc mitizi tofa bazu-jarepemurâ munarekicne.
ROM 1:15 Irec Romaŋic ŋoŋe iŋuc jaha Biŋebiaŋ ŋazapemurâ maŋnanezi afeckeekopac.
ROM 1:16 No Biŋebiaŋte manape mimi gaŋgaŋnehec mi eekac, i Anuture tâpirihec, irec mana sakac eniŋmu sâc bâpiaŋ-jopaocmu, Judaŋic hâcne, erâ Grikŋic mâmâc.
ROM 1:17 Biŋebiaŋko hâcne Anuture tiŋne fua taniŋkeekac, i hâcne eki mamanasiŋhec jaŋe tahac-jopaekac, ehame mamanasiŋko utuckeniŋmu. Dâŋqâreŋ šiŋuc hâcne fokac: “Biaŋkekicnezi mamanasiŋte erâ juju hotâckeocmu.”
ROM 1:18 Ŋiczi ine Anutu qamaserâ sindaŋ ehuc kike hata-ticne hesifuckeeŋgopieŋte kimbeŋ ticnezi sambâŋkonec fua taniŋkeekac.
ROM 1:19 Anuture fuŋne gâcne ŋiczi mamanane i manaeŋgopieŋ, Anutu jahac bataniŋke-jarewec.
ROM 1:20 Anutu e ŋiczi mi hohonene, â mâreŋ bâfuahuc ine wiac fuŋne fuŋne râewec izi tâpiri sanaŋ-ticne â qâreŋ-ticne bataniŋkeme sâcne hone mana tarac eeŋgopieŋ. Irec ŋic gâcne jaŋe wemocko kâuc bahuc sahac ŋeŋezic dâŋ muniŋmu.
ROM 1:21 Jaŋe ine Anutu jukac i mana-bipiehuc mi jukac-tinac eha araŋ mi bacnembiŋ â mucne bacne mi ecnembiŋ, aricne. Jaŋe mumusifuc fuŋne fuŋne bâfuahuc maŋmutuc epie dapâczi foŋjopawec.
ROM 1:22 Ehuc nâŋe mamanahec juŋgopeneŋ muhuc sâke bâbâc eku maŋmutuc embiŋ.
ROM 1:23 Iŋuc ejareme jaŋe Anutu juju hati e araŋ mi bacnehuc ŋic â wipe â qowi â homa, wiac sisirowene hâcne irec ɋâŋ qâqâtâc barâ araŋ bacnembiŋ.
ROM 1:24 Iŋuc epie Anutuzi hone suŋgiŋ ejareme maŋzi sasec kosa hurerâ mamakâc ehuc maŋ sahac-jeŋic bâsâqorembiŋ.
ROM 1:25 Jaŋe Anutu jâmbomac rune râpeckerâ burec maickembiŋ. Ehuc ru bâbâfua-Jeŋic qikiŋnerâ wiac bâfuakicne araŋ bacnehuc kiŋaŋ qacnembiŋ. Wiac bâfua-fârewec e mumuteŋheczi mumuteŋhec jurašihuc jume sâckeocmu. Jâmbomac.
ROM 1:26 Ŋic jaŋe e hâcne râpeckembiŋte suŋgiŋ-jopame sasec sâqocne jâmbâŋ bâfuambiŋ. Ehuc ŋokac jaŋe Anutuzi hata muwec i qâsorierâ mi jujuo rambiŋ.
ROM 1:27 Á ŋic jaŋe iŋuc jaha ŋowe ŋonâŋ juju qikiŋnerâ maŋjeŋicko sasecte šocsâko šame jaŋe jaŋackoaŋ mamakâc fuŋmoc bâfuambiŋ. Erâ bâbâsifuc-jeŋicte okacne maŋ sahac sisipiric rombiŋ.
ROM 1:28 Jaŋe Anuture fuŋne mana-bipiehuc enšaŋauc ecnepie suŋgiŋ-jopame maŋjeŋic bâzickeme wiac mi eene i hâcne embiŋ.
ROM 1:29 Ehuc wiac hehesicne fuŋne fuŋne hurepie fewec, sindaŋ, andac, râŋgeŋne, erâ maŋjeŋicko iiŋguuŋ â šika â rârâsi â eeatuc, erâ gibioc izi fusucmakicne.
ROM 1:30 Jaŋe gupe bapa, micko âkec ŋic, Anutu kisâ eecne, šaubacne, pepecne, sahac mumuteŋ, sâqocnere hata bâbâfua, neŋgoc mamac dâŋ qaqatara,
ROM 1:31 maŋ mamanasu tâmiric juju, doc bapa, uruc jauŋ tâmiric juju.
ROM 1:32 Wiac iŋucne ehuc sipirickezo, Anuture micdâŋ iŋuc fokac i mana-bipiehuc sifu eeŋgopieŋ, erâ i sawa mâcne, gâcnezi epie hume keteŋ ejareeŋgopieŋ wâc.
ROM 2:1 Irec ŋic go wemocko fuŋnege murârâŋnecmu? Ŋic gâcnezi bahac bâfuapie mana sâqore-jarehuc gahacne fuŋne bataniŋkeekic hâcne. Mana sâqore-jareekomec, go ijaha hâcne eekomec i¡
ROM 2:2 Eme Anutuzi ŋic iŋuc eeŋgopieŋ jaŋe okacne bazu-jareme sâcke-hâmoekac iŋuc manaŋgopeneŋ.
ROM 2:3 Ŋic go gâcne jaŋere dâŋbahac muhuc ijaha eekic, ehuc “no Anutuzi akicnuocmu” iŋuc mu wiac moc ezic ine¡
ROM 2:4 Me Wofuŋzi buuruc â wama ruaine sâc fekicne egarehuc akicguhuc jume go wemocte manatâc qatakic ehuc juekic? Go maŋge bârisiecmurâ Anutuzi buuruc egareekac i mi mana taraekic me?
ROM 2:5 Go maŋsanaŋ erâ maŋge mi bârisiehuc šocfiki bafeku seroŋ batec šoc šaza dameŋko Anuture mumutara dâŋ fârine fua taniŋkeme šâhâmocguocmu.
ROM 2:6 Anutuzi ŋic eebapa-nâŋecte sâc furine nârezokac hâcne.
ROM 2:7 Ŋic eehâmo gie paŋšâic bahuc eri tatamac â juju saric bâfuaniŋte samarieniŋmu jaŋe juju sanaŋ jarezokac.
ROM 2:8 Ŋic râŋgeŋne dâŋ fâri qizecne bâsuehuc wiac hehesicne bajuniŋmu jaŋerao ine wiac šâšâicne â mimicne bâfuaocmu.
ROM 2:9 Sâqocne bapa sasawa, Judaŋic hâcne â Grikŋic mâmâc, jaŋe šâic serereŋ â hâhâwic sâko fua-jareocmu.
ROM 2:10 Tiŋne Juniŋmu sasawa, Judaŋic hâcne â Grikŋic mâmâc, jaŋe eri tatamac â wama fua-jareocmu.
ROM 2:11 Anutu e ra rowec ware rowec mi focnekac.
ROM 2:12 Ŋic sâcmutâc dâŋ tâmiric juhuc sâqocne baeŋgopieŋ jaŋe sasawa sâcmutâc dâŋ tâmiric jaha sipirickeniŋmu. Á sâcmutâc dâŋhec juhuc sâqocne baeŋgopieŋ jaŋe sasawa Anutuzi sâcmutâc dâŋte sâcko dâŋjeŋic mutara-jareocmu.
ROM 2:13 Sâcmutâc dâŋ mâc hazeczi mananiŋmu jaŋe Anutuzi honec-jopame tiŋne mi eŋgopieŋ, manarâ reŋkeeŋgopieŋ jaŋe ine tiŋne mujareocmu.
ROM 2:14 Ŋic qâpuc sâcmutâc dâŋ mi mufua-jarekicne jaŋe maŋjeŋicte sâcmutâc dâŋ reŋkehuc ine sâcmutâc dâŋ tâmiriczi sâcmutâc dâŋhec tinac eeŋgopieŋ.
ROM 2:15 Iŋuc epie sâcmutâc dâŋ i maŋjeŋicko qâreŋkekicne, irec fuŋne jaŋgeŋkeekac. Sâcmutâc dâŋ maŋjeŋicko qâreŋkekicnere maŋjeŋiczi tutuc qajareekac, erâ wâc maŋ mamanasu-jeŋiczi foc forisic ehuc ŋifec mu qatarac eekac â ŋifec mu bâmiriŋ eekac.
ROM 2:16 I dameŋ sâkore iŋuc eekac. Ira Anutuzi Jesu Kristo ecneme maŋnâŋecko wiac soŋsoŋ fokac irec fuŋne bataniŋkeocmu. No Biŋebiaŋ muekopac irec sâcko bataniŋkeocmu hâcne.
ROM 2:17 Go šâŋege Judaŋic muhuc sâcmutâc dâŋzi roŋgâŋ egareme herâ foekic. Erâ no Anuture fuŋne manakopac muhuc sahac fefe juekic.
ROM 2:18 Go Anuture micdâŋ manaekic, erâ sâcmutâc dâŋ qazu-garekicnere keci ezo, keci mi ezo i mana wosâeekic.
ROM 2:19 Ehuc gahacnere šiŋuc muekic: “No tiŋtuŋ sâcne jowa qataŋ ejarepemu, â dapâcko juŋgopieŋ jaŋe sâcne batamae-jarepemu,
ROM 2:20 â ŋic maŋpuriŋhec jaŋe sâcne jaza bâtiŋ ejarepemu, â ɋiemaŋ jaŋe wiac sâcne qazu-jarepemu. No sâcmutâc dâŋhecte mamana â dâŋfâri irec wamboŋne rauckerâ jukopac i.”
ROM 2:21 Go iŋuc muekiczi ŋic gâcne miti qazu-jarehuc gahacne maŋ mi qazucneekic. Go ŋic fiuc mi ronšepieŋ jazahuc gahac fiuc roekic.
ROM 2:22 Ŋowe ŋonâŋ ŋohe bebehec mi ezepirec jazahuc gahac ŋonâŋge beheekic. Go nemuɋâŋ sureekiczi nemu ufuŋte wiac fiuc roekic.
ROM 2:23 Go sâcmutâc dâŋte manasuhuc maŋfefe eekiczi sâcmutâc dâŋ qâsuahuc Anutu gâc hecneekic.
ROM 2:24 Irec hâcne kecšiŋuc qâreŋkekicne: “Qâpuc jaŋe ŋoŋere kiŋte erâ Anuture šâŋe musoriŋkeeŋgopieŋ.”
ROM 2:25 Go sahacgao Anuture ma bakicne i sâcmutâc dâŋ reŋketec fârinehec eocmu. Me sâcmutâc dâŋ qataratec sahacgao ma izi fârimâc eocmu.
ROM 2:26 Erâ dâŋ irec ŋifecne qac qârisic fokac wâc. Ŋic moc ma tâmiriczi sâcmutâc dâŋ reŋkeocmuo mahec tinac eocmu.
ROM 2:27 Ehuc ma tâmiric fuarâ juekaczi sâcmutâc dâŋte gie baocmu eki ine fuŋnege rituocmu, miti papia â mahec juhuc sâcmutâc dâŋ qâsuaekic gore fuŋne hâcne rituocmu.
ROM 2:28 Moc e mâc sahaczi Judaŋic hawari eocmu â sahacko sawa mahec juocmu, iŋucnezi Judaŋic fârine mi eocmu.
ROM 2:29 Maŋzi Judaŋic izi fârine. Á sahacko sâcmutâc dâŋte ma rojuju i mâcne, maŋko Mârore ma rojuju izi fârine. Ŋic iŋucnere ŋiczi mâcne, Anutuzi maname biaŋkeocmu.
ROM 3:1 Hâc, eme Judaŋic jaŋe qâpuc jaŋehec sâc mocjaha eŋgopieŋ, â sahacko ma i wiac racne me?
ROM 3:2 Iŋuc aricne. Judaŋic jaŋe wiac bocjaha tahac-jopakicne. Jaŋe hâcne Anutuzi biŋedâŋ fuŋne fuŋne jazame irec rune embiŋ.
ROM 3:3 Eme weniŋuc? Judaŋic gâcne jaŋe dâŋte woŋec juku pârâckembiŋte šiŋuc muzo me? “Dodocke-jeŋiczi Anutu mume sasanaŋ-ticne bawahaocmu.”
ROM 3:4 I aric kereŋne¡ Anutu e buc mume sasanaŋ â ŋic ine mumu dodocne, iŋuc muzo. Miti qâreŋ moc šiŋuc hâcne fokac: “Go mumutiŋgezi dâŋfâri eocmu, â mumutaragezi ɋaɋacne eocmu.”
ROM 3:5 Eme hehesic-nâŋeczi Anutu tiŋne-ticnere fuŋne bajaŋgeŋkekacte weniŋuc muzo? šiŋuc muzo me? “Fuŋne iŋuc fokacte Anutuzi irec okacne nâreme mi sâckeocmu.” (Dâŋ i ŋic mamanare sâcko mukopac.(c)
ROM 3:6 I aric kereŋne¡ Anutu e hehesic-nâŋecte okacne nâreme sâckeocmu. Mâc muzac wemocko mâreŋŋic šeŋgoma dâŋnâŋec sâcne mutarazac.
ROM 3:7 Eme ŋifec ine burecdâŋ-nanezi Anuture dâŋfâri dopeckeme šâŋe biŋe-ticne irec erâ fekacko wemocte sifu no wâc sâqocne bapa munarehuc okacne nareekac?
ROM 3:8 Erâ wemocte šiŋuc mi mueŋgopeneŋ: “Sâqocne bapene ŋerisierâ fârine biaŋne fuaoc me.” Nâŋe iŋuc mueŋgopeneŋ munârehuc micko âkec enâreeŋgopieŋ hâcne. Dâŋ iŋucne muhuc hata i âteeŋgopieŋ jaŋe okacne fua-jareme sâckeocmu.
ROM 3:9 Eme weniŋuc? Judaŋiczi ŋic gâcne jowarurâ sâc moc juŋgopeneŋ me? I aricne jâmbâŋ. Biac mumbeneŋ, Judaŋic â Grikŋic nânâc mâmâc sâqocnere kiŋaŋ qaeŋgopeneŋ.
ROM 3:10 Dâŋqâreŋ moc šiŋuc hâcne fokac: “Ŋic moczi tiŋne moc mi jukac, aric ɋaɋacne;
ROM 3:11 moczi mamanahec moc mi jukac, moczi Anutu wira basac mi ecneekac.
ROM 3:12 Jaŋe qâsoriekicne sasawa, šeŋgoma repirembiŋ; moczi moc wiac biaŋne mi eekac, arictac jâmbâŋ.
ROM 3:13 Marac-jeŋic i hâmoc qâŋɋâŋ bâbâfua, nameŋ-jeŋic forisieme eatuc dâŋ wefuekac, qotâ marasiŋ kisoŋnerâ jueŋgopieŋ.
ROM 3:14 Bipic-jeŋic sâwec â aaric dâŋte gegerockeekac.
ROM 3:15 Ʒikare kike afec jueŋgopieŋ.
ROM 3:16 Ima samaki bahuc tuhu bâfuaeŋgopieŋ.
ROM 3:17 Wamare hata ine kâuc baeŋgopieŋ.
ROM 3:18 Á šâŋe mai-jeŋicko Anuture hâhâwic mi fokac.”
ROM 3:19 Nâŋâc šiŋuc manaeŋgopeneŋ: Sâcmutâc dâŋ i dâŋ rune nâŋe nazakicne. I ŋic sasawa fuŋne-nâŋec rituhuc micnâŋec ɋâtâocte ekicne. Eme ŋic mâmâc sasawa kiŋnâŋec Anuturao fua-fârekac.
ROM 3:20 Sâcmutâc dâŋte erâ kiŋ nânâwoc ro i Anuturao moc mi fokac. Sâcmutâc dâŋzi sindaŋ-nâŋec bataniŋkeekac hâcne.
ROM 3:21 Eme irec sâcmutâc dâŋ fohame Anutuzi tiŋne-ticne fua taniŋkeocte hatane moc bâfuawec fokac, hata i sâcmutâc dâŋqâhâcko â porofete jaŋerao wâc biŋedâŋ-ticne mu qâreŋ ekicne.
ROM 3:22 Jesu Kristo manasiŋkehuc kiŋfâsâc erâ juju, hata i hâcne mamanasiŋhec sasawa jaŋere biŋe ekac. Fuŋne-nâŋec bârâwiŋ mi fokac,
ROM 3:23 Nâŋâc mâmâc sasawa sâqorembeŋte Anuture eri tatamacko fifisinere sâc mi eŋgopeneŋ.
ROM 3:24 Ehame Kristo Jesu e kiwiric-nâŋec rowecte Anutuzi aki anonoc-ticnere erâ kiŋfâsâc bacnâpoekac.
ROM 3:25 Eki mume Jesu e socticnezi sâqocne-nâŋecte erâ taha bawec, eme e manasiŋkeniŋmuzi taha i biŋeckeniŋmu. Sâqocne ewarehuc jukicne irec kiŋ i Anutuzi buuruc-ticnere râeme fowarehuc juwecte Jesu hâmocko râewecko tiŋnere fuŋne bataniŋkewec.
ROM 3:26 E tiŋnere rune juekac, â Jesu manasiŋkeniŋmu jaŋe kiŋfâsâc bacjopaekac, irec fuŋne dameŋ šiŋuczia taniŋkeocte iŋuc hâcne ewec.
ROM 3:27 Eme mumuteŋ-nâŋec moc fokac me? Aricne, mumuteŋ-nâŋec hetâtiekicne. Wemozi hetâtiewec? Eehâmo giere hatazi me? Aricne, mamanasiŋte hatazi.
ROM 3:28 Irec dâŋ šiŋuc manapene fozejec: Ŋic nâŋâc sâcmutâc dâŋ rereŋkere mâcne, mamanasiŋte erâ kiŋfâsâc fuaeŋgopeneŋ.
ROM 3:29 Me Anutu e Judaŋic nâŋere Anutu sawa, qâpuc jaŋere aricne? Iŋuc mâcne, e qâpuc jaŋere Anutu jaha wâc.
ROM 3:30 E Anutu-nâŋec mocjaha jukaczi hâcne Judaŋic â qâpuc mâmâc mamanasiŋ-nâŋecte erâ kiŋfâsâc bacnâpoekac.
ROM 3:31 Eme iŋuc muhuc mamanasiŋte erâ sâcmutâc dâŋ hetâtieŋgopeneŋ me? Aric kereŋne, sâcmutâc dâŋ hešakieŋgopeneŋ.
ROM 4:1 Eme sahackopec mimiŋne-nâŋec Abraham e wemo bâfuawec munaŋmu?
ROM 4:2 E jahacne eehâmo giere erâ kiŋticne hefâsâewecko ropaŋ sâcne focnezac. Erâ Anuture maio ine arictâc.
ROM 4:3 Miti papiao dâŋ šiŋuc fokac i: “Abraham e Anutu manasiŋkeme irec erâ maname kiŋticne tarawec.”
ROM 4:4 Moc e gie bame furime râcnepene izi katucmâc rârâcne mi ekac, tofa babazucne ekac.
ROM 4:5 Á moc e ine eehâmo gie mi bapa, sâqocne bapa kiŋjeŋic beheekac e manasiŋkeocmu, eme Anutuzi ere hâcne mamanasiŋ-ticnere erâ maname kiŋfâsâc eocmu.
ROM 4:6 Dawidi e iŋuc jaha Anutuzi ŋic moc eehamo gie mi baha, akickehuc kiŋ behecneocmu ere mu šeri ehuc kecšiŋuc qâreŋkewec:
ROM 4:7 “Bahac-jeŋic behekicne, â sâqocne-jeŋic bâtâmirekicne, jaŋere manape šerine ekac;
ROM 4:8 ŋic moc Wofuŋzi manacneme kiŋhec mi eekac, ere manape šerine ekac.”
ROM 4:9 Mušeri dâŋ kecši i mahec nâŋere biŋe sawa ekac me ma tâmiric jaŋere mâmâc ekac? Abrahamte šiŋuc manaeŋgopeneŋ: E Anutuzi mamanasiŋ-ticnere erâ kiŋ behecnewec.
ROM 4:10 Mo dameŋko behecnewec, mahec juhame me ma tâmitric juhame behecnewec? Mahec mâcne, ma tâmiric juhame behecnewec.
ROM 4:11 E ma tâmiric juhuc Anutu manasiŋkeme kiŋticne behecnewec irec maqâreŋ šâhec râecnewec. Eme Abraham e iŋuc ehuc ine ma tâmiric jaŋe Anutu manasiŋkehuc kiŋfâsâc eeŋgopieŋ jaŋere micne ewec.
ROM 4:12 Erâ mahec nâŋere micne bapa wâc ewec, erâ mahecte sawa mâcne, e ma tâmiric juhuc mamanasiŋte kike hata âtewec, hata ijaha mimiŋ qâjâpec âtehuc Abraham micne bapa-nâŋec mucnepene sâckeocmu.
ROM 4:13 Anutuzi Abraham â ɋâricfâc-ticne mâreŋ sâko mâreŋ biŋe qajarewec, i sâcmutâc dâŋ rereŋte erâ mâcne, mamanasiŋ-ticnere erâ kiŋticne behehuc iŋuc ecnewec.
ROM 4:14 Eme biŋe qajarekicne hâcne i sâcmutâc dâŋ rune jaŋere ezac muzac, ine mamanasiŋzi wiac jawane ezac â mitio biŋedâŋ feŋec-nâpokicne i fârimâc ezac.
ROM 4:15 Sâcmutâc dâŋzi kiŋte okacne fai-nâŋecko râeekac. Sâcmutâc dâŋ tâmiricko ine qaqatara mi fuaekac.
ROM 4:16 Irec hâcne wiac biŋe qanarekicne i mamanasiŋte erâ fuaocmu. Wemocte? I aki anonoczi feŋeŋ râecneme Abrahamte ɋâricfâc sasawa nâŋâcnao sanaŋkeocte. Sâcmutâc dâŋko roweckembiŋ jaŋe sawa mâcne, Abrahamzi mamanasiŋ hata âtewec ijaha âteeŋgopeneŋ nâŋâcnao mâmâc. Eki hâcne Anuture maio apa wirec-nâŋec ekac.
ROM 4:17 Dâŋqâreŋ šiŋuc hâcne fokac: “Noni go ŋic gurune gurune jaŋere mamac ecmurâ mugarepo.” Abraham e ine Anutu manasiŋkehuc šiŋuc manapaŋkewec: “E hâmoc qâŋɋâŋ bâɋârezo murâ bâɋâreocmu â wiac mi fokac i mume fuaocmu.”
ROM 4:18 E ŋicguru bocjaha jaŋere mamac ezokac, dâŋ i mana hameŋke-bipiehuc sifu irec mamanac juwec, šiŋuc âzâcnekicnere: “Ɋâricfâcge iŋuc fuanšoŋgopieŋ.”
ROM 4:19 Erâ wâc e jara-ticne 100 bazukicnezi e jahacne sahac bâmuzuckekicne â Sarare sahac kereŋkekicne i hone-bipiehuc mamanasiŋ-ticne sifu mi ŋeŋgoroŋkewec.
ROM 4:20 Anutuzi biŋedâŋ âzâcnewec i maname fârimâc mi ewec, ehuc mamanasiŋte sanaŋkerâ Anuture maname fekicne sâko ehame šiŋuc muhuc mana utuckewec:
ROM 4:21 Anutu e wiac mocte biŋe qaocmu i fârine sâcne bâfuaocmu.
ROM 4:22 Irec Abraham e mamanasiŋ focnewecte Anutuzi ere maname kiŋfâsâc ewec.
ROM 4:23 Anutuzi maname kiŋfâsâc ewec, dâŋ i Abrahamte sawa mi qâreŋkekicne, nâŋâcnere wâc mâmâc.
ROM 4:24 Wofuŋ-nâŋec Jesu hâmockonec bâɋârewec Anutu hâcne e manasiŋkepene nâŋâcnere iŋuc jaha maname kiŋfâsâc enaŋmu.
ROM 4:25 Jesu hâcne kiŋbahac-nâŋecte erâ hâmocko râekicne, erâ wâc kiŋfâsâc enaŋte hâmockonec bâɋârekicne.
ROM 5:1 Nâŋâc mamanasiŋte erâ kiŋfâsâc embeŋte Jesu Kristorao qohotahuc Anuture wamao juŋgopeneŋ.
ROM 5:2 Jesu ekizia motâc ronârewecte akio juŋgopeneŋ wâc. Erâ juku Anuture huriri qâreŋ fua tâcneme hone šiziwenaŋmu irec mamanac juhuc mu šeri eeŋgopeneŋ.
ROM 5:3 Erâ i sawa mâcne, hume serereŋ jujure wâc mu šeri eeŋgopeneŋ, ehuc šiŋuc manaeŋgopeneŋ: Hume serereŋ jujuzi maŋuruc bâfuaekac,
ROM 5:4 maŋuruczi sasanaŋ bâfuaekac, sasanaŋzi sambâŋte woworic bâfuaekac.
ROM 5:5 Sambâŋte woworic juocmuzi ine mi qurutuaocmu. Tiri Mâro nârekicne eki Anuture maŋjauŋ maŋnâŋecko qoŋgiŋkewecte mi qurutuanaŋmu.
ROM 5:6 Kristo e ŋic nâŋâc hâŋ qa otec qa ehuc juhapene dameŋ-ticne maickeme sâqocne bapa nâŋâcne okacne hâmowec.
ROM 5:7 Ŋic tiŋne mocte erâ hâhâmo i ŋic nâŋâcnao mi mecne fokac, mâc ŋic biaŋne mocte erâ hâhâmo ine fufuane mecne.
ROM 5:8 Anutu eki ine, sâqocne bâfuahuc bunao bahuc juhapene maŋjauŋ-ticne bâfuahuc mume Kristozi okac-nâŋec hâmowec.
ROM 5:9 Eme ši socticnere erâ kiŋfâsâc embeŋte okac dameŋko roroŋ sasapec sâcne enâre-jâmbâŋkeocmu.
ROM 5:10 Nâŋâc Anutu râsi ecnehuc juhapene ŋokâ-ticnere hâmocte erâ miriŋ bacnâpowec. Eme ši miriŋ bacnâpowecko juju-ticnere erâ sâcne juju saricko râec-nâpo-jâmbâŋkeocmu.
ROM 5:11 Erâ i sawa mâcne, Wofuŋ-nâŋec Jesu Kristozi aki bâfuahuc Anutuhec bâturec-nâpowecte Anutu hâcne mu šeri ecneeŋgopeneŋ.
ROM 5:12 Irec šiŋuc mananaŋ: Ŋic mocjahare erâ sâqocne mâreŋko fuawec, â sâqocnere erâ hâmoc fuawec, ehuc ŋic sasawa jaŋerao fotâcnewec. Iŋuc fuame ŋic sasawa sâqore-fârembiŋ.
ROM 5:13 Sâcmutâc dâŋ mi fuahame sâqocnezi qanaŋ fuarâ fowec.Erâ sâcmutâc dâŋ arictacte mâc forâ fowefuwec.
ROM 5:14 Ehame hâmoczi Adamtao fuŋkerâ ŋic juwefumbiŋ jaŋe ŋicbomboŋ ejare warehuc juhame Mose fuawec, ine dâŋ qâhuckehuc Adamte sâc mi bâfuambiŋ jaŋerao wâc sifu fotâcnewec. Adam e hâcne hâmocte micne bapa ehuctecne, šâhecko jujure micne bapa fuaocte mukicne ere sâsâcne ewec.
ROM 5:15 Aki anonoczi ine dâŋ qaqare sâc mi ekac. Ŋic mocjaha dâŋ qaqa-ticnere bocjahazi hâmo sipiric embiŋ. Ehame Anuture uruc jauŋ i ine ŋic mocjaha Jesu Kristo ere aki anonocte erâ, Adamte dâŋ qaqa sirickehuc, ŋic bocjaha tahac-nâpokicne
ROM 5:16 Ŋifec aki anonoc â ŋifec ŋic mocjaha dâŋ qaqa-ticnere fârine jahe sâcjekic bârâwiŋ. Ŋic mocjahare bahaczi hârâcte mumutara bâfuawec, aki anonoczi ine bahac bocjaha qofackehuc kiŋfâsâc bâfuawec.
ROM 5:17 Ŋic mocjaha dâŋ qaqa-ticnere erâ hâmoczi ŋicbomboŋ ewec, ehame ine aki anonoc fofo dunduŋ â kiŋfâsâc katucmâc fufua i ro maŋ eeŋgopeneŋzi ine ŋic mocjaha Jesu Kristo ere erâ juju sanaŋko ŋicbomboŋ ejâmbâŋkerâ junaŋmu.
ROM 5:18 Irec šiŋuc: Ŋic mocjahazi dâŋ qaqa bâfuame ŋic mâmâc sasawa hârâcte biŋe embeŋ, iŋuc jaha ŋic mocjaha tiŋne jume kiŋfâsâc ehuc juju biŋecke-fârembeŋ.
ROM 5:19 Ŋic mocjahare qaqatarare bocjahazi sâqorembeŋ, iŋuc jaha ŋic mocjahare dâŋrereŋte bocjahazi biaŋkenaŋmu.
ROM 5:20 Sâcmutâc dâŋ e ine sâqocnezi ɋârâŋkeocte ŋondeŋnao rašiwec. Eme sâqocnezi fua fehame aki anonoczi sirickehuc meckecnewec.
ROM 5:21 Fârine šiŋuc fuaocte: Sâqocnezi hâmocte uucmaŋko ŋicbomboŋ ewec jukac, iŋuc jaha aki anonoczi ŋicbomboŋ erâ kiŋfâsâc bacnâpohuc juju sanaŋko râec-nâpozejec. I Jesu Kristo Wofuŋ-nâŋec ere erâ iŋuc fuazejec.
ROM 6:1 Eme weniŋuc muzo? Sâqocnere gie bahuc jaha jupene aki anonoczi fua ɋârâŋkehuc sirickezejec, iŋuc muzo me?
ROM 6:2 Iŋuc misac¡ Sâqocne hâmocnembeŋzi wemocko irec maŋnao šuhuckerâ junaŋmu?
ROM 6:3 Me kecšiŋuc mi manaŋgopieŋ? Miti Opâ ruahuc Jesu Kristorao šuhuckembeŋzi hâmoc-ticnao ŋeutuckembeŋ.
ROM 6:4 Ine hâcne, nâŋâc Miti Opâ ruahuc Kristohec mâmâc hâmo duduc ekicne, eme Mamac eri tatamac-ticnezi Kristo bâɋâreme hâmockonec faharewec jukac, iŋuc jaha nâŋâc ɋârerâ juju ɋâri moc junšepeneŋ.
ROM 6:5 Nâŋâc hâmoc-ticnere hawari ehuc erao šuhuckembeŋte fafahare-ticnao sâc i jaha ehuc šuhuckenaŋmu.
ROM 6:6 Ʒiŋuc manaŋgopeneŋ: Maŋraŋɋa-nâŋec Jesuhec mâmâc maripoŋko qakicne, i maŋsahac-nâŋecko sâqocnere tâpiri ŋeŋgoroŋkeocte â sâqocnere kiŋaŋ mocwâc mi qanaŋte.
ROM 6:7 Moc e hâmome sâqocnere niŋgiŋ ŋetaracneocmu.
ROM 6:8 Kristohec hâmombeŋko ine ehuc wâc junaŋmu, iŋuc manapaŋkenaŋmu.
ROM 6:9 Kristore manaŋgopeneŋ, e hâmockonec fahareweczi mocwâc mi hâmoocmu, hâmoczi ŋicbomboŋ mocwâc mi ecneocmu.
ROM 6:10 Hâmowec i sâqocnere arec mocjaha hâmome tarawec eme ši jukac i Anuture erâ jukac.
ROM 6:11 Eme ŋoŋe iŋuc jaha ŋaŋacnere manapie sâqocne hâmocnembiŋ ehuc Jesu Kristo ehec Anutu jucneŋgopieŋ ezejec.
ROM 6:12 Sâqocnezi sahac-ŋeŋic sisirowenao ŋicbomboŋ eŋarezo mume mi manacnenšepieŋ, â sahac-ŋeŋiczi sasecte suruc-ŋopame i wâc mi manacnenšepieŋ.
ROM 6:13 Erâ wâc me sahac-ŋeŋic i hehesicte mi qikiŋnepie sâqocnere kiŋaŋ qazejec. Aricne, ŋoŋe hâmockonec bâɋârec-ŋopakicnezi Anuture gieo rašinšepieŋ, ehuc mesahac-ŋeŋic Anuture qikiŋnepie tiŋnere kiŋaŋ qazejec.
ROM 6:14 Ŋoŋe sâcmutâc dâŋko mâcne, Anuture aki anonocko jueŋgopieŋte sâqocnezi ŋicbomboŋ mi eŋareocmu.
ROM 6:15 Eme ši wenac ezo? Anuture aki anonocko rašihapene sâcmutâc dâŋte aka râriewecte sâqocne bazo me? Iŋuc aricne¡
ROM 6:16 Me ŋoŋe šiŋuc mi manaŋgopieŋ me? Ŋicbomboŋ moc maŋ sahac-ŋeŋic qikiŋnecnehuc micne reŋkeniŋmuzi ere kiŋaŋ qaqafâc erâ gie-ticne baniŋmu. Sâqocnezi ŋicbomboŋ-ŋeŋic eme ere kiŋaŋ qahuc juku hâmo sipiric eniŋmu me micrereŋzi ŋicbomboŋ-ŋeŋic eme ere kiŋaŋ qahuc tiŋkeniŋmu.
ROM 6:17 Ŋoŋe sâqocnere kiŋaŋ qaqa juwarembiŋ i tarawec, eme ši mitire hata qazu-ŋarekicne irec sâcko maŋzi manahuc reŋkeeŋgopieŋ irec Anutu muteŋkezo.
ROM 6:18 Ŋoŋe sâqocnaonec batarac-ŋopakicnezi tiŋnere kiŋaŋ qaqa embiŋ juŋgopieŋ.
ROM 6:19 Maŋraŋɋa-ŋeŋic gegec dodocnere ŋicko wiac fokac ira sâc hehuc dâŋ ŋazakopac. Ŋoŋe mârâc jaha me sahac-ŋeŋic qikiŋnepie sasec â sindaŋ irec kiŋaŋ qaqa ehame kosa jujumbieŋ, eme dameŋ šiŋuczia me sahac-ŋeŋic qikiŋnepie tiŋnere kiŋaŋ qaqa ehame maŋfuru erâ junšepieŋ.
ROM 6:20 Sâqocnere kiŋaŋ qaqa jumbiŋko tiŋnere niŋgiŋ mi foŋarewec.
ROM 6:21 Eme dameŋ ira wemo fârine bâfuambiŋ? Fârine hotâckembiŋ irec šiŋuczia manapie miminehec eekac” eme irec faicnao hâmoc bâbâfuane fokac.
ROM 6:22 Dameŋ šiŋuczia ine sâqocnere niŋgiŋ ŋeŋgoroŋkeme Anuture kiŋaŋ qaqa embiŋ juŋgopieŋ, ehuc fârine maŋfuru rombiŋ â šâhec juju sanaŋ bâfuaniŋmu.
ROM 6:23 Sâqocnere furine hâmoc rozo, â Anutu aki anonoc-ticnere fârine ine Wofuŋ-nâŋec Jesu Kristo erao šuhuckehuc juju sanaŋ rozo.
ROM 7:1 Âgo bureŋ, sâcmutâc dâŋ mamana ŋoŋere mukopac ŋoŋe kecšiŋuc mi manaŋgopieŋ me? Sâcmutâc dâŋ rereŋke i hâmocko taraekac.
ROM 7:2 Irec hâcne ŋokac moc e ŋowene ɋâricne juhame bebehene mi fokac. sâcmutâc dâŋko iŋuc mukicne. Ŋowe-ticne hâmome ine sâcmutâc dâŋko ŋowe ŋonâŋ jahere mukicne i tarakac.
ROM 7:3 Ŋokac moc e ŋowe-ticne ɋâricne juhame beherâ ŋic moctao qohotame šuhuc bâtâcte kiŋ hurekac muzo. Ŋowe-ticne hâmome ine sâcmutâczi niŋgiŋ-jofawec niŋgiŋ i tâcneocmu: ehame ŋic moc baocmuo šuhuc bâtâcte kiŋ mi hureocmu.
ROM 7:4 Âgo bureŋ, ŋoŋere fuŋne ijaha fokac. Kristo e sahac-ticne hâmocte qikiŋnewec, erao šuhuckehuc sâcmutâc dâŋ hâmocnembiŋ. Ʒi ine ru mocte embiŋ. Hâmockonec faharewec jukac ere hâcne embiŋ. Irec nâŋâc Anutu fârine bâfuacnenšepeneŋ¡
ROM 7:5 Juju raŋɋa jujumbeneŋ dameŋ ira sâqocnere sasec i sâcmutâc dâŋzi šocticne ficneme me sahac-nâŋecko gie-ticne bajujec. Iŋuc enâreme hâmo sipiricte fârine bâfuambeŋ.
ROM 7:6 Ʒi ine sâcmutâc dâŋ hâmocnepene niŋgiŋ-ticne tarawecko dâŋqâreŋte hata raŋɋane mi âtehuc Mârore hata ɋâricne âteŋgopeneŋ.
ROM 7:7 Eme ši weniŋuc muzo? Sâcmutâc dâŋ i sâqocne me? I aricne i¡ Mâc sâcmutâc dâŋ tâmiric muzac, no sâqocnere fuŋne mi mana tarazapo. Sâcmutâc dâŋzi šiŋuc mufua-nâreekac: “Go andac mi ezemec.” Dâŋ i mi fome muzac andacte kâuc bazapo.
ROM 7:8 Sâqocne e ine sâcmutâc dâŋzi ŋesiŋ ecnehame maŋnane suruckeme andac fuŋne fuŋne fuawec. Sâcmutâc dâŋqâhâc mi fome muzac sâqocnezi mâc mâteŋkerâ fozac.
ROM 7:9 No mârâc jaha sâcmutâc dâŋqâhâc tâmiricko sâcne juhâmopo. Izi šâhec sâcmutâc dâŋzi bâfuacnume sâqocnezi maŋnaneo ɋâreme hâmopo.
ROM 7:10 Sâcmutâc dâŋzi enareme juhâmopemurâ mukicne izi hâcne ŋerisierâ šikanehec ewec.
ROM 7:11 Ine hâcne sâqocnezi hobeteŋko ŋesiŋnehuc sâcmutâc dâŋte erâ eatucnuhuc qâhâmocnuwec.
ROM 7:12 Erâ ine šiŋuc: Sâcmutâc dâŋqâhâc e bahacmâc, â bâfâuckehuc moc moc mutâcnekicne i wâc bahacmâc â tiŋne â biaŋne.
ROM 7:13 Hâc, eme dâŋ biaŋnezi hâmoc bâfua-narewec? Iŋuc mâcne, sâqocnezi nuwec. Sâqocne fuŋne-ticne taniŋke-jâmbâŋkeocte dâŋ biaŋnezi âki heha hâmocne nuwec. Sâqocnere manapene gâgâpâcne jâmbâŋ eocte sâcmutâc dâŋzi âki heha nuwec.
ROM 7:14 Nâŋâc šiŋuc manaŋgopeneŋ: Sâcmutâc dâŋ e Mârore tofa, no ine mâreŋte tofa, sâqocnere hozine.
ROM 7:15 No eebapa-nanere manape ririsi eekac. No wiac moc ezo enare-bipieme mi eekopac, â wiac sureekopac ine eekopac.
ROM 7:16 Erâ wiac sureekopac i ehuc ine sâcmutâc dâŋzi biaŋne irec fuŋne bataniŋkeekopac.
ROM 7:17 Eme hehesic eekopac i no nahacne maŋte mâcne, sâqocnezi maŋnaneo fohuc surucnume eekopac.
ROM 7:18 No fuŋne šiŋuc manakopac: Maŋnaneo, sahac biuc-nanere maŋko hâcne, biaŋnezi fic hae mi ewec jukac, wiac biaŋnere mumu I muekopac, â fârine bâbâfua ine arictac.
ROM 7:19 No wiac biaŋne ezepac muhuc mi eekopac, â wiac sâqocne mi ezepac muhuc ine eekopac.
ROM 7:20 Sâqocne mi ezo muhuc sifu eekopac ine šiŋucte, i no nahac mâcne, sâqocnezi maŋnaneo fic hae ewecte jâiŋko eekopac.
ROM 7:21 Norao sâcmutâc kecšiŋuc fuaekac: Wiac biaŋne ezo muhape sâqocnezi maicnuekac.
ROM 7:22 No maŋwâmbuŋ-nanezi Anutu sâcmutâc dâŋticnere mana aŋac eekopac.
ROM 7:23 Ehame me sahac-naneo sâcmutâc moc fokac izi maŋ mamanasu-nanere dâŋhec rârâsi eekopirec, ehuc niŋgiŋnume sâqocnere sâcmutâc dâŋ me sahac-naneo fic hae ewec ere kâpâcwâru ŋic eekopac
ROM 7:24 Ŋic huacbucne no mozi sahac-nane hâmocte biŋe ekicne hetara-nareocmu?
ROM 7:25 Anutu e Wofuŋ-nâŋec Jesu Kristore erâ muteŋkekopac. Eme šiŋuc hâcne: No nahac maŋ mamanasu-nanezi Anuture sâcmutâc dâŋ kiŋaŋ qacneekopac, sahac-nanezi ine sâqocnere sâcmutâc dâŋ kiŋaŋ qacneekopac.
ROM 8:1 Eme Jesu Kristohec jueŋgopieŋ ŋic i jaŋerao sâqocnere okacne mumutara-jare moc mi fufuane.
ROM 8:2 Kristo Jesure erâ juju bâfua-nâreekac Mâro hâcne, ere sâcmutâc dâŋzi sâqocne â hâmoc irec sâcmutâc dâŋ bârârie-nârewec.
ROM 8:3 Sâcmutâc dâŋ e maŋraŋɋa-nâŋeczi tâpirine bawahame nâŋâcnao gie bâipiewec. Irec Anutu e šiŋuc ehuc maŋraŋɋa sâqocne-ticnere tâpiri qame wahawec: Ŋokâ-ticne soreme sâqocne bapa nâŋâcne sahac hawari rorâ sâqocnere due bawec.
ROM 8:4 Ine maŋraŋɋare hata mâcne, Mârore hata âteeŋgopeneŋ nâŋâcnao sâcmutâc dâŋrereŋ biaŋ fua-fâreocte iŋuc ekicne.
ROM 8:5 Juju raŋɋare hata âteeŋgopieŋ jaŋe maŋ mamanasu-jeŋic juju raŋɋare wiacte foekac, â Mârore hata âteeŋgopieŋ jaŋe maŋ mamanasu-jeŋic Mârore wiacte foekac.
ROM 8:6 Maŋraŋɋare wiacte manasuhuc sisipiric bâfuazo, â Mârore wiacte manasuhuc juju â wama bâfuazo.
ROM 8:7 Maŋraŋɋare wiacte mamanasu izi Anutu kisâ ecneekac. Ehuc sâcmutâc dâŋticne mi dapecneekac, i wemo-ticnezi sâcne ezac¡
ROM 8:8 Maŋraŋɋahec jueŋgopieŋ jaŋere Anutuzi takickeekac.
ROM 8:9 Anuture Mârozi maŋŋeŋicko fic hae ewecko ine maŋraŋɋaopec mâcne, Mâroraopec utuckerâ jueŋgopieŋ. Moc e Kristore Mâro tâmiric juocmuzi ere ŋicbiŋe mi juocmu.
ROM 8:10 Kristozi maŋŋeŋicko jukacko sahac-ŋeŋiczi sâqocnere erâ hâmoc ruckekac, â maŋ qâqâtâc-ŋeŋiczi ine kiŋfâsâc bacŋopakicnere juju ruckekac.
ROM 8:11 Eme Jesu hâmockonec bâɋârewec Anutu hâcne, ere Mârozi maŋŋeŋicko ŋeŋe juju ekacko, Kristo Jesu hâmockonec bâɋâreweczi maŋŋeŋicko Mâro-ticne jukac ere erâ sahac-ŋeŋic hâmocne i iŋuc jaha bâɋâreocmu.
ROM 8:12 Âgo bureŋ, irec hâcne maŋraŋɋazi wemo nâre tahac eekacte nâŋâc tofa bazucnehuc ere wiacko qohotanaŋmu?
ROM 8:13 Ŋoŋe maŋraŋɋare wiacko qohotaniŋmuo sipirickeniŋmu. Á Mârore tâpirio sahacte dâŋ qaniŋmuo ine juju sâcne jurašihuc juniŋmu.
ROM 8:14 Anuture Mârozi de âsic ejareha jueŋgopieŋ jaŋe hâcne Anuture naru motecfâc.
ROM 8:15 Anutu e Mâro ŋarewec i kiŋaŋ qaqafâcne juhuc harierâ hâhâwic bacneniŋte mâcne, naru motecfâcne erâ juniŋte ŋarewec. Irec hâcne “Mamac biaŋ-nâŋec” muhuc wasickeeŋgopeneŋ.
ROM 8:16 Nâŋâc Anuture naru motecfâc jueŋgopeneŋ, dâŋ i Mârozi maŋnâŋecko musokame manaeŋgopeneŋ.
ROM 8:17 Naru motecfâcne juŋgopeneŋzi Anuture huhure wâc rauckenaŋmu, Kristohec mâmâc wirec rauckenaŋmu. Ʒira mâreŋko ehec šârâ hâriŋ faio junaŋmuo ehec eri tatamac biaŋko mâmâc jaha junaŋmu.
ROM 8:18 Sambâŋko Anutuzi eri aŋac bâfua-nâreocmu, i mâreŋko šâic busâqoc fokac ira sâc hepe mamakâc eocmu.
ROM 8:19 Anuture naru motecfâc eri aŋac-nâŋec fua tâcneocte, wiac bâfuac-jopakicne jaŋe irec woŋec juhuc maŋ hâhâŋ ejareekac.
ROM 8:20 Wiac omane jaŋe wâc bie gufec hâmo qanšaraŋte maŋnao râec-jopakicne, erâ jaŋacne maŋte mâcne, ŋiczi sahacko râec ejarewec. Erâ jaŋe iŋuc hati fohuc juniŋte mi mujarekicne.
ROM 8:21 Wiac omane jaŋe wâc hâmo qanšaraŋte niŋgiŋ hetararâ firiehuc Anuture naru motecfâc nâŋâcne eri aŋacko šuhuckeniŋmu hâcne.
ROM 8:22 Nâŋâc manaŋgopeneŋ, dameŋ i hâcne maickeocte wiac omane jaŋe harac huacbuc ehuc gozi kicjopame šâic manaeŋgopieŋ.
ROM 8:23 Erâ wiac omane jaŋe sawa iŋuc mi eeŋgopieŋ, sambâŋkonec qaqasune Mâro hâcne nârekicne nâŋâc iŋuc jaha, naru motecfâc-ticne juŋgopeneŋ irec fuŋne Anutuzi, sahac-nâŋec bâfiriehuc, bataniŋkeocte woŋec juhuc maŋzi harac huacbuc eeŋgopeneŋ.
ROM 8:24 Nâŋâc bâpiaŋ-nâpokicne irec fârine tapamaŋko fokâc. Fârine tâtâc fuame muzac harac huacbuc mi enšapeŋ. Wiac i basahuc ine harac huacbuc ezo.
ROM 8:25 Fârine tâtâc mi fuame honeeŋgopeneŋte maŋzi worickehuc woŋec jueŋgopeneŋ hâcne.
ROM 8:26 Mâro e wâc gegec dodoc-nâŋecte erâ bafic-nâpoekac. Nâŋâc iŋuc me iŋuc numupene sâckeocmu, i mi mana-hâmoeŋgopeneŋte Mârozi âkehoc-nâporâ saŋuc ŋiczi mi mamanane i qaekac.
ROM 8:27 Ehame Anutu e maŋ hohonezi Mârore dâŋ manaekac. Mâro e mitiŋic jaŋere okacne Anutu dâŋsâc-ticnao numuekac.
ROM 8:28 Nâŋâc manaŋgopeneŋ, Anutu maŋzi jauŋkeniŋmu jaŋe wiac izi me izi fua-jarehuc bâbâpiaŋ-jeŋic dopecke-fâreocmu, ine eki hefârec-jopaocte maname fowecte hefârec-jopawec jaŋe hâcne.
ROM 8:29 Ŋic qanaŋ honec-jopame sâckewec jaŋe ŋokâ-ticnere hawari eniŋte mucjopawec. Eme ɋafâc-ticne bocjaha ehapene e jahac ine mârâc hahac-nâŋec erâ juocmu.
ROM 8:30 Anutu e ŋic qanaŋ hone wosâec-jopawec sâc hefârec-jopawec. Hefârec-jopawec sâc kiŋfâsâc bacjopawec. Kiŋfâsâc bacjopawec sâc eric-jopawec.
ROM 8:31 Dâŋ irec fuŋne weniŋuc fokac? Anutuzi âgo enârehame mozi râsi enâreocmu?
ROM 8:32 E ŋokâ-ticne mi sakarehuc nâŋâcnere erâ qaisockeweczi ere erâ wiac sasawa mi sesi qeqeric jaha tahac-nâpoocmu me?
ROM 8:33 Anutu bâwosâecfâc-ticne jaŋe mozi dâŋko râec-jopaocmu? Anutu e jahac kiŋfâsâc bacjopakac.
ROM 8:34 Me mozi tuŋjopaocmu? Kristo Jesu e jahac hâmowec, erâ hâmowec sawa mâcne, e hâmockonec wâc faharerâ Anuture mefâreo feweczi nâŋâcne riŋ rohuc juekac.
ROM 8:35 Kristore uruc jauŋkonec wemozi moc batarac-nâpoocmu? Ʒâic busâqoczi me hume serereŋzi me fific guguriŋzi me roroczi me qarâ suriŋnezi me šârâ šâpâzi me šika kâpâcwâruzi?
ROM 8:36 Dâŋqâreŋ kecšiŋuc fokac irec sâcko wiac enâreeŋgopieŋ: “Gore erâ šoaŋne šoaŋne qa imac enâreeŋgopieŋ, lama qa hezuc eejarene jaŋere sâcko râec-nâpoŋgopieŋ.”
ROM 8:37 Erâ wiac iŋucnezi mi bâdoc-nâpoocmu, aricne, Jesure uruc jauŋko âtesiŋnehuc sasanaŋ fekicne bâfuarâ domaeŋgopeneŋ.
ROM 8:38 Irec no šiŋuc manapaŋkekopac: Hâmoczi me jujuzi, aŋelozi me ŋicbomboŋzi, wiac šiŋucne fofonezi me šâhec fufuanezi, me wiac tâpirineheczi,
ROM 8:39 wiac faicne wawahanezi me juwicnec wewefunezi, wiac izi me izi Anuture uruc jauŋkonec moc mi batarac-nâpo-jâmbâŋkeocmu. Uruc jauŋ i Wofuŋnâŋec Kristo Jesu ere erâ ɋoroc-nâpoekac.
ROM 9:1 No Kristore ŋiczi burec mi ehuc dâŋ jâmbomac mupe mananiŋ. Tiri Mârozi maŋnane batamaehame mana-jâmbâŋkehuc ŋazape:
ROM 9:2 No busâqoc fârine manahuc maŋnane wemo afecne fârorockeekac.
ROM 9:3 Judaŋic âgofâc-nane, soctofafâc-nane hâcne, jaŋere erâ no nahac Kristore sacmaŋkonec wawahare sâcne afeckezapo.
ROM 9:4 Jaŋe hâcne Israe ŋic, eme Anutuzi fuŋfuŋfâc-ticne bacjopawec, ehuc tâpiri tatamac-ticne jowatuwec. Erâ jaŋehec šâšâfic erâ sâcmutâc dâŋ mufua-jarewec â mai ecnehuc juniŋte hatane jowatuwec. Erâ wâc biŋedâŋ jazawec.
ROM 9:5 Á mimiŋnefâc-jeŋic jaŋe mitire fuŋqizecne jumbiŋ. Eme Kristozi ŋicsahac rohuc fuawec i jaŋere guruo fuawec. Wiac sasawa irec Wofuŋ jukac, Anutu hâcne, e mumuteŋheczi mumuteŋhec jurašihuc juzejec sanaŋ. Jâmbomac.
ROM 9:6 Wiac iŋuc fuawec irec Anuture dâŋ dodocne ewec mi muzo. Israeraonec fuambiŋ jaŋe Israe ŋic fârine ninic mi efârembiŋ.
ROM 9:7 Á Abrahamte tofafâc jaŋe ɋâricfâc-ticne fârine wâc mi efârembiŋ. Eme irec hâcne dâŋ šiŋuc âzâcnekicne: “Isakare ɋâricfâc jaŋe sawa gore biŋe eniŋmu.”
ROM 9:8 Dâŋ irec fuŋne šiŋuc fokac: Sahaczi Abrahamtao fuambiŋ sâc Anuture ŋicfâc mi efârembiŋ, biŋedâŋko fuakicne jaŋe sawa Abrahamte ɋâricfâc fârine embiŋ.
ROM 9:9 Biŋedâŋ kecšiŋuc mukicne: “Jara moc tarame Sarazi motec rorâ bajuhame mocwâc warepemu.”
ROM 9:10 Erâ i sawa mâcne, Rebekarao sâc ijaha fuawec. E mimiŋne-nâŋec Isaka ehec juhuc motec jajahec kiwec-jofawec.
ROM 9:11 Eme motec jahe mi fuahuc wiac biaŋne me sâqocne mi ehapire Anutuzi jahere šiŋuc âzâcnewec: “Hahaczi ɋare kiŋaŋ qazejec.”
ROM 9:12 Ine Anutu mumupaŋ-ticne sanaŋkeocte manasuhuc motec juju-jekicte mâcne, e jahacne maŋte ro bârâwiŋ ejactehuc dâŋ i muwec.
ROM 9:13 Irec dâŋ moc šiŋuc hâcne fokac: “No Jakobore enarewec â Esaure takicnuwec.”
ROM 9:14 Eme irec weniŋuc muzo? Anutu erao guriŋ bapa hehesicne moc fokac me? I aric kereŋne.
ROM 9:15 E Mose dâŋ šiŋuc âzâcnewec: “No ŋic moc akickezo murâ akickepemu â ŋic moc buuruc ecnezo murâ ecnepemu.”
ROM 9:16 Irec ŋicmaŋte me ŋic eebapare mi muzo, Anutu buuruc-ticnere sawa muzo.
ROM 9:17 Anutuzi Farao dâŋ âzâcnewec, irec miti papiao šiŋuc qâreŋkekicne: “No gorao tâpiri-nane bataniŋkepe šâŋe biŋe-nane mâreŋ sâc raocte muhuc âkendâŋgupo hâcne.”
ROM 9:18 Eme irec Anuture šiŋuc manazo: E ŋic moc akickezo murâ akickeocmu â moc e maŋne bâzickezo murâ bâzickeocmu.
ROM 9:19 Eme ŋifecne šiŋuc mecne nazacmu: “Anutu e ŋic nâŋâcne wemocte maname sâqoreekac? E wiac moc ezo mume ŋiczi aka hehecne i mi fokac.”
ROM 9:20 Ŋic go wemogere Anuture dâŋ mucmu? Kušizi wemocko kuzi bapa šiŋuc âzâcneocmu: “Go wemocte sâc iŋucne bacnumeŋ?”
ROM 9:21 Me kuši bapa e afe izia kuši gâcne ŋic jaŋere biŋe â gâcne bec qâto jaŋere biŋe bame sâqoreocmu me?
ROM 9:22 Eme Anutu e kuši kimbeŋ-ticnere biŋe, šâhecko qanšaŋ-joparâ behec-jopaocte maname fokac, kuši i jaŋerao šika bâfuahuc tâpiri-ticne bataniŋkeocte sifu bumâteŋ-ticnere erâ jâbu ejare warehuc juekac.
ROM 9:23 Erâ ŋifecne kuši buuruc-ticnere biŋe, juku eri tatamac-ticnao biric-jopaocte maname fokac, kuši i jaŋerao eri aŋac mâriri hejareocte bacjopa juekac.
ROM 9:24 Eme Judaŋic sawa mâcne, qâpuc mâmâc kuši buuruc-ticnere biŋe enaŋte hefârec-nâpoekac.
ROM 9:25 Eme irec porofete Hoseare papiao dâŋticne šiŋuc fokac: “Ŋicguru mi rucjopapo jaŋe `nore ŋicfâcƷ mucjopapemu, â biŋemâc juwec e šâŋene `joroc-naneƷ mucnepemu.”
ROM 9:26 “Eme `ŋoŋe nore ŋicfâc aricneƷ ŋazakicne, mâreŋ ira wâc šâŋe-jeŋic `Anutu jujunere naru motecfâcƷ fuaocmu.”
ROM 9:27 Erâ Jesajazi hahaŋne bahuc Israe ŋic jaŋere šiŋuc muwec wâc: “Israe ɋâricfâcne jaŋe hâwecmecko moŋgeŋ fokac irec sâc bâfuazo murâ bâfuaniŋmu, eme sifu uuc šanšaŋne sawazi biaŋkeniŋmu.”
ROM 9:28 Wofuŋ e mâreŋko dâŋticnere fârine ɋeŋnea bâfuame fideteŋ efâreocmu.
ROM 9:29 Jesajazi findaŋdâŋ moc šiŋuc hâcne muwec: “Sambaŋ momori jaŋere Wofuŋ e ŋicukic moc mi getâc-jopa-nâreme muzac, ine Sodom jaŋere sâc bâfuanšapeŋ, â Gomora jaŋe iŋucne enšapeŋ.”
ROM 9:30 Eme ši weniŋuc muzo? Kecšiŋuc: ŋic qâpuc tiŋke biaŋ eniŋte mi fotariembiŋzi tiŋke biaŋ embiŋ, mamanasiŋte tiŋke biaŋ embiŋ hâcne.
ROM 9:31 Á Israe ŋic sâcmutâc dâŋ reŋkehuc tiŋke biaŋ eniŋte fotariembiŋzi sâcmutâc dâŋ bâmâmâckembiŋ.
ROM 9:32 Wemocte? šiŋucte: Jaŋe mamanasiŋte mâcne, mâc juju bapa-jeŋicte tiŋke biaŋ eniŋte mumbiŋ. Ehuc hatao qânâ fowec ira kike-jeŋic hezumbiŋ.
ROM 9:33 Kecšiŋuc hâcne qâreŋkekicne fokac: “Manakic, no Zioŋ haeo qânâ moc râekopac ira kike-jeŋic hepirickeniŋmu, â buse ŋeŋene moc hekopac ira heariweniŋmu. Eme moczi e manasiŋkeocmu ine mi qurutuaocmu.”
ROM 10:1 Qomâfâc-nane, Judaŋic âgofâc-nane biaŋkeniŋte maŋnanezi boc enareme Anutu irec numucneekopac.
ROM 10:2 Jaŋe Anutu kiŋaŋ qacneniŋte šoɋac ehuc jueŋgopieŋ i honeekopaczi mukopac. Erâ i hatane kâuc bahuc eeŋgopieŋ.
ROM 10:3 Jaŋe Anuturaonec kiŋfâsâc eere hata fokac i kâuc baeŋgopieŋte jaŋac tiŋke biaŋ eniŋte giene baeŋgopieŋ. Irec Anutu tiŋne rune mi dapecnembiŋ.
ROM 10:4 Ŋiczi mamanasiŋhec erâ kiŋfâsâc bâfuanaŋte Kristozi sâcmutâc dâŋte hata hebâzicke-nârewec.
ROM 10:5 Mose e dâŋ šiŋuc qâreŋkewec: “Ŋic moc e sâcmutâc dâŋte tiŋke biaŋ hata âteocmuzi juju bâfuaocmu.”
ROM 10:6 Á mamanasiŋte tiŋke biaŋ eere dâŋ ine kecšiŋuc fokac: “Go maŋgezi šiŋuc mi muzemec: Mozi sambâŋko ferâ Kristo bawahaocmu,
ROM 10:7 me mozi hârâcko hurâ Kristo hâmokicne jaŋeraonec jowa wefuocmu?”
ROM 10:8 Iŋuc mâcne, tiri papiao kecšiŋuc mukicne: “Miti i šoricko mi fokac, i mumugao â mamanagao râekicne.” I mamanasiŋte dâŋ ŋaza qazuc eeŋgopeneŋ irec mukicne.
ROM 10:9 Jesu e Wofuŋ-nane i mumugao foocmu â Anutuzi Jesu hâmockonec bâɋâre-narewec i mamanagao foocmu eme biaŋkerâ jucmu.
ROM 10:10 Maŋzi Jesu manasiŋkehuc kiŋfâsâc ezo, â miczi e mutaniŋkehuc biaŋkezo.
ROM 10:11 Eme irec hâcne miti papiao kecšiŋuc qâreŋkekicne: “E manasiŋkeocmuzi mi qurutuaocmu.”
ROM 10:12 Judaŋic â Grikŋic bârâwiŋ mi eŋgopeneŋ, e mocjahazi Wofuŋ junâre-fâreekac, erâ wiac fuŋne fuŋne hezu henâreekac.
ROM 10:13 Irec hâcne šiŋuc mukicne: “Wofuŋte šâŋe riwaseckeocmuzi biaŋkerâ juocmu.”
ROM 10:14 Ririwasecke i e mi manasiŋkeeŋgopieŋzi wemocko eniŋmu? Anutu mamanasiŋke i dâŋticne mi manaeŋgopieŋzi wemocko eniŋmu? Anutu dâŋticne mamana i biŋe mumu tâmiric wemocko eniŋmu?
ROM 10:15 Á biŋe mumu i moczi jaza sorec mi ejarehame wemocko fuaniŋmu? Dâŋqâreŋ šiŋuc hâcne fokac: “Biŋebiaŋ mumuŋic jaŋere kike fânâŋzi maŋ baafec bâfuaekac.”
ROM 10:16 Biŋebiaŋ ine ŋic gâcnezi mana rereŋ mi embiŋ. Jesajazi wâc šiŋuc muwec: “Wofuŋ, biŋedâŋ muhaŋnekicne i mozi mana šakiewec?”
ROM 10:17 Irec šiŋuc manazo: Mamanasiŋ i miti mu manacte fârine, â miti mu manac i Kristore micte fuaekac.
ROM 10:18 Hâc, eme šiŋuc muhuc wiokopac: Jaŋe miti mi manambiŋ me? Iŋuc mâcne, “Micfânâŋ-jeŋiczi mâreŋ sâcke-fârewec â dâŋjeŋiczi mâreŋ qaŋeŋnao fisiwec.”
ROM 10:19 Eme mocwâc wiohuc mukopac: Israe ŋic jaŋe mi mecne mana-hâmombiŋ? Iŋuc mâcne, qanaŋ Mosezi šiŋuc qâreŋkewec i mupe: “No ŋic omane rocjopape siric-ŋopapie iiŋguuŋ ejarenšepieŋ; ŋicguru mutucne hefârec-jopape buŋeŋic gâpârezejec.”
ROM 10:20 Eme šâhec Jesajazi dâŋ bâutuckehuc kecšiŋuc muwec: “Mi basacnuhuc jumbiŋzi bâfuacnumbiŋ, nore mi muhuc jumbiŋ jaŋe maic-jopapo.”
ROM 10:21 Erâ Israe ŋic jaŋere ine šiŋuc mu qâreŋ ewec: “No ŋicguru mana qâomane â mickobacne dameŋ šora meoric qajarehuc jupo.”
ROM 11:1 Eme wiokopac: Anutuzi ŋicfâc-ticne behec-jopawec me? Aricne, iŋuc mi ewec. Noni Israe ŋic jaha wâc, Abrahamte ɋâric, Benjamiŋte guruonec
ROM 11:2 Anutuzi qanaŋ manac-jopawec ŋic i mi behec­ jopawec. Me ŋoŋe Eliare binaŋ miti papiao i wose manac mi eeŋgopieŋ me?
ROM 11:3 E Israe ŋic jaŋere dâŋ muhuc Anutu šiŋuc âzâcnewec: “Wofuŋ, jaŋe porofetefâcge jopa-fârehuc alatage henšaŋnembiŋ, eme ši buc juhape no wâc nuniŋte muŋgopieŋ.”
ROM 11:4 Iŋuc mume Anutuzi dâŋ weniŋuc bâtikiecnewec? “No ŋic 7000 sakarec-jopape Baali nemu mi dapecnembiŋ.”
ROM 11:5 Eme dameŋ ši iŋuc jaha Anutuzi aki anonoc-ticnere erâ ŋic tiwâne rowosâec-jopawec juŋgopieŋ.
ROM 11:6 I aki anonoc-ticnere iŋuc ejarewecko juju bapa-jeŋicte mi ejarewec. Iŋuc mi eme muzac, ine aki anonoc fârine mi ezac.
ROM 11:7 Eme weniŋuc? Israe ŋic jaŋe wiac fârine bâfuazo mumbiŋ i mi bâfuambiŋ” rowosâec-jopakicne jaŋe sawa bâfuambiŋ, gâcne sâko ine maŋsanaŋ embiŋ.
ROM 11:8 Irec šiŋuc hâcne qâreŋkekicne fokac: “Anutu e maŋjeŋic bâsifuckewec, šâŋe-jeŋic bâhâpowec â hazec-jeŋic qâzic qawec. Iŋuc ejareha jumbiŋzi jueŋgopieŋ.”
ROM 11:9 Á Dawidizi mu qâreŋ ewec: “Jaŋe nânâ nahapie râsi fisipie fâfâc-jopazejec, Mâreŋko jopaha okacne fisi-jarezejec.
ROM 11:10 Go šâŋe-jeŋic bâhâpotec tiŋtuŋ qanšepieŋ, â râpe-jeŋic bahasicketec miŋgeŋ miŋgeŋ junšepieŋ sanaŋ.”
ROM 11:11 Eme wiokopac: Israe ŋic jaŋe fâfâc-jopawec i waha qâhâmoc-jopaocte iŋuc fuawec me? Iŋuc aricne, jaŋe bâbâpiaŋ râpeckepie qâpuc jaŋere biŋe ewec, ine qâpuc jaŋe manapie Israe ŋic jaŋe honec-joparâ iiŋguuŋ ejareniŋte iŋuc fuawec.
ROM 11:12 Eme miti qiqikiŋ-jeŋiczi mâreŋ sâc ŋic jaŋerao miti mâriri bâfuawecko, â dodocke-jeŋiczi ŋic qâpuc jaŋerao miti šâkâŋ bâfuawecko, opoŋ, juku furu jaha maŋjeŋic bârisiepie fârine mo iŋucne fuazokac!
ROM 11:13 Qâpuckonec opâ ruac ŋoŋe dâŋ ši ŋazape mananiŋ: No qâpuc ŋoŋere aposolo juekopaczi gie-nane baericko bašihuc baekopac,
ROM 11:14 i soctofafâc-nane âkeriŋ-jopape gâcnezi bâjâpecnuhuc biaŋkeniŋte.
ROM 11:15 Anutuzi Israe ŋic behec-jopame mâreŋ sâc miti fuawec, izi juku rocjopame mi hâmockonec ɋâɋârezi fuazokac me?
ROM 11:16 Nânâ hata qaqasune jambuŋkepene nânâ mâmâc sâcke-fâreekac, â jâc gâtânezi furu fome tieŋne iŋuc jaha furu foocmu.
ROM 11:17 Eme Anutuzi tieŋne gâcne hetâcne behec ehuc irec dodoma tacko oliwa kâteo fuakicne irec tieŋne go râe šuhuc egarewec. Eme oliwa gâtânere ŋiŋic wokemaŋzi gume hesiwiŋ egarehame,
ROM 11:18 go tieŋne raŋɋane mi mana pitiwac-jopahuc maŋfefe mi ezemec. Iŋuc ezicte šiŋuc manac: Go gâtâ gume hesiwiŋ mi ecnekomec, gâtâzi go egareekac.
ROM 11:19 Mupe go ŋifecne šiŋuc mecne mucmu: “Anutuzi no hâcne râe šuhuc enareocte tieŋne raŋɋane hetâcne behec ejarewec.”
ROM 11:20 I mukic mac. Jaŋe miti qiqikiŋ-jeŋicte hetâcne behec ejarekicne â go ine mamanasiŋgere dodomatac-jeŋicko domakomec. Irec go sahacge mi bafehuc rumerâ juzemec.
ROM 11:21 Anutu e oliwa e jahacne tieŋne mi akickewecko go iŋuc jaha mi akicguocmu.
ROM 11:22 Irec go buuruc-ticnere mecne â fâro-ticnere mecne mi nikecguzejec. Fâro-ticnere fârine i miti râpeckembiŋ jaŋerao fuawec, â buuruc-ticnere fârine i gorao fuawec. Eme go erao qohotahuc jutec fârine i sâcne fogareocmu. Iŋuc mi etec ine go wâc hetâcne behec egareocmu.
ROM 11:23 Erâ wâc tieŋne raŋɋane jaŋe maŋsanaŋ-jeŋic beheniŋmuo Anutuzi mocwâc râe šuhuc ejarezo murâ sâcne ejareocmu.
ROM 11:24 Eme kâteonec oliwa rocgurâ hae oliwa jâcnao râe šuhuc egareweczi hae oliwa e jahacne tieŋfâc mocwâc šuhuc-jopazo murâ mi quŋkeocmu, i onšoŋ jaha šuhuc-jopaocmu.
ROM 11:25 Âgofâc-nane, ŋoŋe, kâuc bahuc ŋaŋacne mamanao roweckerâ mana sifuckenšipiŋte dâŋ soŋne ši mufua-ŋarepe. Israe ŋic tucne jaŋe maŋsanaŋ erâ juhapie qâpuc sâko jaŋe mitire maŋko rašiniŋmu.
ROM 11:26 Rašihapie šâhec Israe ŋicguru qâqâhâc biaŋke-fâreniŋmu. Ʒiŋuc hâcne qâreŋkekicne fokac: “Zioŋ haeonec Bâbâpiaŋ moc fuarâ Jakoborao jawa âsu gârec ofaŋneme raocmu.
ROM 11:27 Iŋuc eme no sâqocne-jeŋic šurerâ jaŋehec mocwâc šâšâfic epemu.”
ROM 11:28 Israe ŋic jaŋe qâpuc ŋoŋere erâ Biŋebiaŋte râsi juŋgopieŋ â rowosâec-jopakicnere ine mimiŋnefâc-jeŋic jaŋere erâ Anuture jorocfâc juŋgopieŋ.
ROM 11:29 Anutu e âgo šâšâfic dâŋsaric-ticne â hehefâre dâŋticne mi dockeocmu.
ROM 11:30 Qâpuc ŋoŋe mârâc jaha maŋsanaŋ erâ jumbiŋ, eme šâhec Israe ŋic jaŋe maŋsanaŋ ehapie Anutuzi buuruc-ticnao râec-ŋopawec.
ROM 11:31 Iŋuc jaha jaŋe maŋsanaŋ juhapie Anutuzi buuruc-ticnao ŋec-ŋopawec, i jaŋe wâc buuruc ejareocte iŋuc ewec.
ROM 11:32 Anutu e ŋic sasawa bâturec-jopahuc qaqatarao basanaŋ-jopawec, i mâmâc sasawa buuruc-ticnao ŋec-jopaocte iŋuc ewec.
ROM 11:33 Opoŋ, Anutu e mitire mâriri â maŋɋârâŋ â mamana saric-ticne irec šâkâŋne mo iŋucne fokac¡ Mumutara-ticnere fuŋne i ŋiczi mi mamanane gie bapa-ticnere hata i ŋiczi mi hohonene.
ROM 11:34 “Wofuŋte maŋko dâŋ fokac i mo ŋiczi manawec, me dâŋ muhame mozi bafickerâ muwec?”
ROM 11:35 “Me mo ŋiczi e qanaŋ wiac moc qikiŋnecnewecko tofane bazucneocmu?”
ROM 11:36 Wiac sasawa eraonec wareekac â erao siŋkerâ foekac â erao rafâreekac. Mumuteŋzi mumuteŋ i erao šuhuckeme šuhuc forašihuc juzejec sanaŋ. Jâmbomac.
ROM 12:1 Âgofâc-nane, no Anutu buuruc-ticnere erâ dâŋ hazec qâuŋ ŋazape mananiŋ. Ŋoŋe sahac-ŋeŋic Anutu qikiŋnecnepie taha bâzi ɋaɋacne â tirine eme honeme biaŋkezejec. Iŋuc ehuc Anutu kiŋaŋ fârine qacnenšepieŋ.
ROM 12:2 Erâ juju bapa-ŋeŋiczi miti tâmiric jaŋere sâc mi ezejec. Ŋoŋe maŋ mamanasu-ŋeŋic bâtikiepie hawarine moc eme Anutu micdâŋ-ticnere sâcko gie biaŋne â hohone šiziwene â tirine irec wosâenšepieŋ.
ROM 12:3 Aki anonoc tahacnukicnere mâmâc sasawa ŋazape mananiŋ: Moc e jahacnere maname fefene boc mi ezejec, Anutuzi miti râcnewec sâc i sawa ezejec, sâc jâuruhuc ine mi ezejec.
ROM 12:4 Ʒiŋuc mananiŋ: Fâri ombâŋ-nâŋec mocjaha e kiŋaŋ qaqafâc-ticne bocjahazi gie fuŋne fuŋne baeŋgopieŋ.
ROM 12:5 Eme ŋifec Kristorao iŋuc jaha bocjahazi qâfâsâepene fâri ombâŋ mocjaha ekac, erâ me kikefâcne juhuc dodopec eeŋgopeneŋ.
ROM 12:6 Mitire tâpire fuŋne fuŋne i aki anonoc nâre tahac ekicne sâc fonâre rakac. Eme irec sâcko gie banšepeneŋ. Irec moc e Anuture micdâŋ mumufuare tâpiri focnekacko mamanasiŋ-ticnere sâcko muzejec.
ROM 12:7 Moc e kiŋaŋ qaqa giere tâpiri focnekaczi gie i bazejec, â moc e qaqazu gie baocmu e irec tâpiri focnekac sâc bazejec.
ROM 12:8 Uŋsawaŋ dâŋ muekac e irec tâpiri focnekacko muzejec, bâmec gie baekac e maŋticne bawahahuc bazejec, moc e micne juocte mucnekicko šoɋachec juzejec, â moc e jauŋ gie baocmuzi buafec jaha bazajec.
ROM 12:9 Jauŋ babac i sahaczi sawa mi enšepieŋ. Wiac sâqocnere mamakâc-ŋopazejec â wiac biaŋnao qohotanšepieŋ.
ROM 12:10 Ŋoŋe ââgo fârine junšepieŋ, erâ sâsâsec eniŋte sisiric efârenšepieŋ.
ROM 12:11 Rokac bârokac tâmiric ɋicwânšâŋhec erâ junšepieŋ. Mârore buŋeŋic bâruŋkezejec, ehuc Wofuŋ kiŋaŋ qacnenšepieŋ.
ROM 12:12 Sambaŋ worickehuc bubiaŋ junšepieŋ, â šâic busâqocko maŋuruc junšepieŋ. Erâ nunumu gie i uruc šuhuc jaha banšepieŋ.
ROM 12:13 Anuture mitiŋicfâc hume serereŋ jupie hone bafic ejarenšepieŋ. Ŋic fisipie afeckerâ hezu hewâneŋ ejarenšepieŋ.
ROM 12:14 Ŋopa jâpec eŋareniŋmu jaŋe jambuŋ-jopanšepieŋ. Micŋeŋickonec sâwecdâŋ mâcne, jambuŋdâŋ sawa wahazejec.
ROM 12:15 Bubiaŋ eniŋmu jaŋe qâtec-joparâ bubiaŋ enšepieŋ, kioniŋmu jaŋe qâtec-joparâ kionšepieŋ.
ROM 12:16 Maŋŋeŋic bâturehuc wiac mocjahare henširiŋnehuc junšepieŋ. Ŋaŋacnere boc mi manapie sâckezejec.
ROM 12:17 Sâqocnere okac babazuc mi enšepieŋ. Ŋic âgo ejareekac ijaha enšepieŋ.
ROM 12:18 Ŋicne Ŋicne jaŋehec wamao juju i eene eme ŋoŋe hâcne irec hatane âtenšepieŋ.
ROM 12:19 Âgofâc, kiŋŋeŋic ŋaŋac mi batarahuc Wofuŋ kimbeŋ-ticnere biŋe râepie fozejec. Dâŋ šiŋuc hâcne qâreŋkekicne fokac: “Kiŋ babatara i nore gie, â okacne babazu i no nahac epemu, Wofuŋ e iŋuc mukac.”
ROM 12:20 Ŋoŋe ine šiŋuc enšepieŋ: Râsige nânâre hâmome nânâ gumezemec, opâre hâmome opâ gumezemec. Go iŋuc etecne mimiehuc šara marane eocmu.
ROM 12:21 Sâqocnezi go mi bawahacguzejec. Aricne, go wiac biaŋne ehuc sâqocne bawahazemec.
ROM 13:1 Ŋic mâmâc sasawa kia gawamaî jaŋere dâŋ reŋkenšepieŋ. Kia gawamaî gie i Anuturaonec. Juraŋgopieŋ jaŋe Anuture micte juraŋgopieŋ hâcne.
ROM 13:2 Irec moc e kia gawamaî jaŋere dâŋ qâsuahuc Anuture dâŋ qâsuaocmu. Erâ qâsuaniŋmu jaŋe okacne roniŋmu.
ROM 13:3 Ebapa-jeŋic biaŋne jaŋe kia gawamaî jaŋere mi hâwic-jopaekac, sâqocne baeŋgopieŋ jaŋe ine hâwic-jopaekac. Irec go hâhâwic tâmiric juzo murâ wiac biaŋne ezemec. Wiac biaŋne etec gore manapie sâckeocmu.
ROM 13:4 Kia gawamaî jaŋe Anuture kiŋaŋ qaqa hâcne, ŋezicgupie juhâmocmurâ mujarekicne. Go sâqocne bacmuo ine hâwicguzejec, jaŋe šika maŋgâŋ mi bajueŋgopieŋ. Jaŋe Anuture kiŋaŋ qaqazi sâqocne bapa jaŋerao bâbâtiŋ gie bahuc okacne jareniŋmu.
ROM 13:5 Irec dâŋjeŋic reŋke-jâmbâŋkezo, erâ i okacnere hâhâwicte sawa mâcne, gahacne maŋzi tutuc qagarezacte wâc dâŋjeŋic reŋkezemec.
ROM 13:6 Jaŋe Anutuzi soŋaŋ gie mujarewec i baeŋgopieŋte hâcne ŋoŋe takesi moneŋ râeeŋgopieŋ.
ROM 13:7 Eme ŋoŋe wiac mukicne sâc ejarenšepieŋ: Takesi jajarere mukicne jaŋe takesi jarenšepieŋ, kiŋaŋ qaqajarere mukicne jaŋe kiŋaŋ qajarenšepieŋ, araŋ babajarere mukicne jaŋe araŋ bajarenšepieŋ, sâsâsec-jopare mukicne jaŋe sâsec-jopanšepieŋ.
ROM 13:8 Wiac omanere tofa bazupie tarazejec, maŋjauŋte tofa mocjaha babazuc epie tatarane ine mi fokac. Maŋjauŋhec juekaczi sâcmutâc dâŋ reŋkekac muzo.
ROM 13:9 Sâcmutâc dâŋ šiŋuc mukicne: Ŋowe ŋonâŋ ŋohe bebehec mi ezepirec, go šika mi qazemec, go fiuc mi rozemec, go andac mi ezemec, sâcmutâc dâŋ i erâ gâcne i mâmâc sasawa qâhâckerâ qizecne šiŋuc mukicne: Gahacnere egareekac sâc ijaha âgogere egarezejec.
ROM 13:10 Maŋjauŋhec juocmuzi âgo-ticne sâqocne mi ecneocmu. Irec maŋjauŋzi sâcmutâc dâŋrereŋ fârine ekac.
ROM 13:11 Iŋuc eniŋte muŋarekicne ŋoŋe dameŋ širec fuŋne manaŋgopieŋ, guŋkonec ɋârerâ faharezo irec šâfo maickekac hâcne. Miti fuŋkerâ manambeŋ ira bâbâpiaŋte dameŋ šošoricne fowec, ši ine dameŋ qândâŋkekac.
ROM 13:12 Ŋafe tarazo ekacte hae fureocte furic râekac. Irec dapâcte wiac hetararâ tatamackonec sându maro menâŋecko rašizejec.
ROM 13:13 Ʒoaŋ ɋaɋacko jujune pectâc junšepeneŋ, nâ areŋ â tiwâ kadahe me gae wowo â sasec mamakâc me rârâsi â iiriac i mi ezo, aricne.
ROM 13:14 Wofuŋ Jesu Kristo e ŋaqi-ŋeŋic eme rojunšepieŋ Erâ sahac-ŋeŋiczi sasec bâfuazacte mana manahuc jauŋ bacnenšepieŋ.
ROM 14:1 Mitio gegec bititicne jueŋgopieŋ jaŋe âgo miriŋ ejarenšepieŋ, ehuc wiac omanere memeŋgaru epie mu qâsuac mi ejarenšepieŋ.
ROM 14:2 Moc e manabâc tâmiric wiac kosa nâekac, moc e ine memeŋgaru ehuc monšaŋ sawa nâekac.
ROM 14:3 Irec wiac kosa nâocmuzi âgo-ticne nâ bâtâc eekac ere maname wawahane mi ezejec, â nâ bâtâc eocmuzi âgo-ticne wiac kosa nâekac ere maname mi sâqorezejec. E Anuture ŋic jaha wâc.
ROM 14:4 Irec go wemogezi mocte kiŋaŋ qaqa miti babaju-ticnere fuŋne mutec sâckeocmu? E sanaŋkeocmu me dockeocmu, i Wofuŋ-ticnere wiac. Erâ e mi dockeocmu, Wofuŋ e sâcne hume keteŋ ecneme qiŋ herâ domaocmu.
ROM 14:5 Á šoaŋ gie bapare iŋuc jaha, moc e wose bâtâc eocmu, â moc e maname qâfâsâeocmu. Moczi me moczi iŋuc me iŋuc ezo murâ mana sanaŋkehuc ezejec.
ROM 14:6 Ʒoaŋ gie bapa wose bâtâc eekaczi Wofuŋte erâ eekac, â nânâ kosa nâekaczi Wofuŋte erâ eekac wâc, ehuc Anutu nânâre daŋge âzâcneekac. Á nâ bâtâc eekaczi iŋuc jaha Wofuŋte erâ eekac, ehuc Anutu daŋge âzâcneekac wâc.
ROM 14:7 Nâŋâcnaonec moczi moc e jahacnere mi juekac â e jahacnere mi hâmoekac.
ROM 14:8 Juju i Wofuŋte jueŋgopeneŋ, hâhâmo i Wofuŋte hâmoeŋgopeneŋ. Irec junaŋmu me hâmonaŋmu i Wofuŋtea enaŋmu.
ROM 14:9 Irec hâcne Kristozi hâmokicne â ɋâricne mâmâc Wofuŋ enâreocte hâmorâ wâc ɋârewec.
ROM 14:10 Eme go wemogezi âgogere dâŋ mutaracmu? Me go wemogezi âgogere manatec wawahane eocmu? Nâŋâc mâmâc sasawa Anuture maio fuapene dâŋnâŋec mutara-nâreocmu.
ROM 14:11 Ʒiŋuc hâcne qâreŋkekicne fokac: “Wofuŋzi mukac, no jujâmbâŋkekopacte ŋic šeŋgoma dieŋzi henare-fârenšepieŋ â šeŋgoma micjeŋiczi muafecnunšepieŋ.”
ROM 14:12 Irec nâŋâc mâmâc sasawa Anuturao fuŋne-nâŋec munaŋte munârekicne hâcne.
ROM 14:13 Irec nâŋâc dâŋ mumutarac mi enšepeneŋ. Kecšiŋuc ine ezo: Ŋoŋe âgo gâcne maŋ bâsifuc ejarehuc mamana sâqoc bâfua-jarenšipiŋte manabâcko junšepieŋ.
ROM 14:14 No Wofuŋ Jesuhec juekopaczi šiŋuc mana sanaŋkekopac: Nânâ i me i nâhuc wâwânâŋhec eene mi fokac. Á moc e, wiac kosa nârâ wâwânâŋhec ezo, iŋuc muhuc sifu nâocmu, e ine jâmbomac wâwânâŋhec eocmu.
ROM 14:15 Go ine âgoge nânâre busâqoc bâfuacnetec maŋjauŋ micke-garezo. Âgoge biaŋkeocte Kristozi ere wâc hâmowec, go irec manasuhuc âgoge nânâre erâ ba imac mi ecnezemec.
ROM 14:16 Ŋoŋe wiac fârine bajuŋgopieŋ i ŋic gâcnezi musoriŋkenšipiŋte soŋaŋkehuc bajunšepieŋ.
ROM 14:17 Nânâ qowizi Anuture uucmaŋte fârine mi ekac, kiŋfâsâc fufua â wama â Tiri Mâroraonec šeri bubiaŋ izi wiac fârine.
ROM 14:18 Moc e hata i âtehuc Kristo kiŋaŋ qacneme e Anutuzi honeme biaŋkeocmu â ŋic jaŋe ere manapie sâckeocmu.
ROM 14:19 Irec hâcne nâŋâc wama foocte â miti maŋ sâc fua bâbâriŋ eocte hehesanaŋ enšepeneŋ.
ROM 14:20 Go nânâre erâ Anuture gie ima mi qazemec. Nânâ qowi i biaŋne sasawa, moc e ine, nârâ maŋbâiŋ gie bapemu, iŋuc manahuc sifu nâme sâqorecneocmu.
ROM 14:21 Go âgoge maŋbâiŋ ecnezicte ere erâ qowi â waiŋ opâ qikiŋnetec sâckeocmu.
ROM 14:22 Go wiac iŋucnere maŋfâsâcge fokac, i Anuture maio bajutec gahacnao sawa fozejec. Mo e wiac mocte maname sâckeha maŋbahac fâfâsâc eme biaŋkeocmu.
ROM 14:23 Á moc e mana maŋjahec eipiehuc sifu nâme sâqorecneocmu, e mamanasiŋ faio me ekac irec. Wiac i me i mamanasiŋ faio mi epene bahacnehec eocmu.
ROM 15:1 Sanaŋheczi gegec dodocne âsi qataŋ ejarenšepeneŋ, nâŋec nâŋâcnere mamanac mi junšepeneŋ.
ROM 15:2 Nâŋâc âgofâc-nâŋec jaŋere mamanac juhuc biaŋkeniŋte â mitio sanaŋkeniŋte bafic-jopanšepeneŋ.
ROM 15:3 Kristo e iŋuc jaha e jahacnere mamanac mi juwec. Dâŋqâreŋ moc šiŋuc hâcne fokac: “Go musoriŋgumbiŋ jaŋere mumusoriŋzi nore faio fekac.”
ROM 15:4 Mârâc jaha dâŋ mu qâreŋ embiŋ, i nâŋâc mitire fuŋne mana-hâmonaŋte embiŋ, dâŋqâreŋ izi hâcne basanaŋ-nâpohuc baafec-nâpome wiac biŋe qanarekicne irec mamanac junaŋte qâreŋkekicne.
ROM 15:5 Anutu e babasanaŋ â bâbaafec runezi eŋareme Jesu Kristore sâko maŋ mamanasu mocjaha erâ junšepieŋ.
ROM 15:6 Ehuc maŋŋeŋic â micŋeŋic tureme Wofuŋ Jesu Kristo ere Anutu â Mamac muteŋkenšepieŋ.
ROM 15:7 Irec hâcne Anuture eri qâreŋ fuaocte Kristozi rocŋopawec iŋuc jaha ŋoŋe maŋzi roroc efârenšepieŋ.
ROM 15:8 No kecšiŋucte ŋazakopac: Anutu e mimiŋnefâc-nâŋec biŋedâŋ mujâmbâŋkehuc jazawec i fârinehec eocte Kristozi mahec nâŋere kiŋaŋ qaqa ewec.
ROM 15:9 Erâ wâc ŋic qâpuc jaŋe Anutu buuruc-ticnere erâ muteŋkeniŋte iŋuc ewec. Dâŋqâreŋ šiŋuc hâcne fokac: “No qâpuc jaŋerao muteŋguhuc šâŋege mumbiaŋkepemu.”
ROM 15:10 Erâ dâŋ moc kecšiŋuc fokac: “Ŋic qâpuc ŋoŋe Anuture fuŋfuŋfâc jaŋehec mu šeri enšepieŋ.”
ROM 15:11 Erâ moc šiŋuc: “Qâpuc ŋoŋe šeŋgoma Wofuŋ mucne bacnenšepieŋ, â ŋicne ŋicne jaŋe e muac baafec ecnenšepieŋ.”
ROM 15:12 Erâ Jesajazi dâŋ moc šiŋuc mu qâreŋ ewec: “Jâctuc Isai gitecne fuarâ eki qâpuc Wofuŋ ejareocmu; eme qâpuczi ere mamanac juniŋmu.”
ROM 15:13 Ʒeŋaŋ rune Anutu e mamanasiŋ-ŋeŋicte bubiaŋ â wama bâfua-ŋareme Tiri Mârore tâpirio ŋesiŋnepie sambâŋ šeŋaŋ-ŋeŋicte manariŋ qâriŋ ŋoŋerao fua ŋeiŋ ezejec.
ROM 15:14 Âgofâc-nane, ŋoŋe uruc jauŋ-ŋeŋic fokac â mitire fuŋne i wâc sâcne mana-hâmoŋgopieŋ, irec ŋaŋaczia faŋ qaqac ezo murâ mi bititieniŋmu, i no fuŋne-ŋeŋic iŋuc hâcne mana sanaŋkekopac.
ROM 15:15 Erâ sifu no Anutuzi miti gie tahacnuwecte dâŋ gâcne i mai qanšaŋ Jaha qâreŋke-ŋarehuc mitire manasu-ŋarekopac.
ROM 15:16 Jesu Kristo e qâpuc ŋoŋere miti kiŋaŋŋic râecnuwecte no Anutu Biŋebiaŋ-ticnere taha bapa gie bape Tiri Mârozi maŋfuru bacŋopame Wofuŋte taha biaŋ enšepieŋ.
ROM 15:17 No Anuture gie baekopac i Jesu Kristore erâ manape fefene eekac.
ROM 15:18 Gie i nahackoaŋ wemo-nanezi bazapo, aricne, Jesu Kristozi neŋgoc ŋenareha qâpuc jaŋe miti mana rereŋ eniŋte miczi â mezi gie bapo.
ROM 15:19 No tâpiri â mâsihec juhuc Tiri Mâroraonec hâbi rorâ Jerusalem haeonec fuŋkerâ Kristore Biŋebiaŋ mâreŋ râreckehuc muiŋne rakupe Iliriko ŋ mâreŋko mickewec.
ROM 15:20 Ehuc gâcne jaŋere hâsinao bazipore Kristore šâŋe biŋe mi ra fisiwecko furunao šocne qapemurâ herâ wâwânšâŋneekopac.
ROM 15:21 Dâŋqâreŋ šiŋuc hâcne fokac irec sâcko eekopac: “Dâŋ binaŋ-ticne mi ejarekicne jaŋe e honeniŋmu, â biŋe-ticne mi manambiŋ jaŋe mamanahec eniŋmu.”
ROM 15:22 No fuŋne iŋucte hâcne ŋoŋerao fâpemurâ dameŋ sâc quŋkeekopac.
ROM 15:23 Juwarepo i ŋoŋerao fâpemurâ maŋzi sawa manahuc jupo, ši ine mâreŋ gâcnao gie-nane tarakacte
ROM 15:24 Sipeî mâreŋko razo ehuc ŋoŋerao fisipemurâ manasukopac. Fisipe ŋoŋehec sahac hâroŋ qaqac erâ ŋoŋeraonec moc moczi qâtecnupie mâmâc Sipeî mâreŋko ranšepeneŋ.
ROM 15:25 Dameŋ šiŋuczia ine mitiŋic kiŋaŋ qajarehuc Jerusalem haeo razo ekopac.
ROM 15:26 Makedonia â Akaia kikefuŋ jaŋe Jerusalem haeonec mitiŋic hapetac dopec-jopaniŋte afeckerâ mupaŋkembiŋ.
ROM 15:27 Jaŋe buafec-jeŋicte iŋuc epie sâckewec. Qâpuckonec miti mamana jaŋe Jerusalem haeonec mitiŋic jaŋeraonec miti boreŋ rombiŋte tofa jaŋerao fokac. Eme tofa i hâcne bazu-jareniŋte sahackopec wiac jarepie sâckeocmu.
ROM 15:28 Eme mumupaŋ-jeŋicte fârine fuawec i no nahac bararâ jarepe tarame ŋoŋerao fotâcnehuc Sipeî mâreŋko rapemu.
ROM 15:29 Erâ no manakopac, ŋoŋerao metariŋ mi fâpemu, Kristoraonec jambuŋ kadahe bafâpemu.
ROM 15:30 Âgofâc-nane, no Wofuŋ-nâŋec Jesu Kristo ere erâ â Mârore Jauŋte erâ hazec qâuŋ ŋazakopac, ŋoŋe nore erâ Anutu numucnehuc juju gie-nanere baficnunšepieŋ.
ROM 15:31 Baficnupie Anutuzi Judaia mâreŋko ŋic jaŋere meonec bataracnuzejec, â Jerusalem haeonec mitiŋic bubiaŋ wiac jarepe aŋac-jopazejec.
ROM 15:32 Izi šâhec Anutuzi manahame bubiaŋko fârâ ŋoŋerao jumanahuc âke mâteŋnuzejec.
ROM 15:33 Anutu wama rune eki ine ŋoŋehec jufârezejec. Jâmbomac.
ROM 16:1 Ŋokac âgo-nâŋec Foibe, Keŋkereai kikefuŋ bafic-jopahuc juekac, e fâ fisime
ROM 16:2 ŋoŋe mitio munârekicne irec sâcko Wofuŋte erâ hezu hewâneŋ ecnenšepieŋ. Erâ e irec me irec ecneme bafickenšepieŋ. Ŋokac e no nahacne â gâcne mâmâc kiŋaŋ qanârehuc juwec.
ROM 16:3 Erâ Prisika â Aqila, Kristo Jesu gie-ticnere babafic jahec-nane jahe jasaniŋ, mamanac-nane jaherao fokac.
ROM 16:4 Jahe hâcne nore erâ sahac-jekic qaisockezo epicte no sawa mâcne, hae sâc kikefuŋ nâŋe jahere bubiaŋ bajueŋgopeneŋ.
ROM 16:5 Jahere ficko mitire tumaŋneeŋgopieŋ ŋic ŋokac i jaŋe wâc mu šeri ejarekopac. Âgo-nane Epaineto, Asia mâreŋ masunao micne barâ Kristoŋic ewec, e wâc mu šeri ecnekopac.
ROM 16:6 Maria e wâc mu šeri ecnekopac âzâcneniŋ, e ŋoŋere erâ gie bocjaha bawec.
ROM 16:7 Androniko â Junia, Judaŋic âgo jahec-nane, kâpâcwâru mâmâc bacnâpokicne, jaherao mamanac-nane fokac i jasaniŋ. Jahe ŋic šâŋe biŋeheczi aposolo jaŋere guruo juhuc, no mâc juhape Kristore miti bânierâ manapic.
ROM 16:8 Mitio âgo-nane Ampiliato e wâc mu šeri ecnekopac.
ROM 16:9 Urbano, Kristore giere babafic embeŋ, â Sitaki âgo-nane jahe wâc mu šeri ejactekopac i jasaniŋ.
ROM 16:10 Apele, Kristore ŋic fârine, â Aristobulo ere wiacfâc jaŋe mu šeri ejarekopac.
ROM 16:11 Judaŋic âgo-nane Herodioŋ erâ Narikiso wiacfâcne gâcne mitio jueŋgopieŋ, jaŋerao mamanac-nane fokac.
ROM 16:12 Ŋokac jahec Tirifaina â Tirifosa, Wofuŋte erâ gie sâko bapic, â Peasi e iŋuc jaha Wofuŋte erâ gie paŋšâic bawec, jaŋe mu šeri ejarekopac wâc.
ROM 16:13 Wofuŋte bufuŋ Rufu â neŋgoc-ticne, e no wâc neŋgoc enarewec, jaherao mamanac-nane fokac.
ROM 16:14 Asiŋkrito, Filegoŋ, Hereme, Patoroba, Herema â âgofâc-jeŋic jaŋe mu šeri ejare-fârekopac.
ROM 16:15 Filologo â ŋokac Julia erâ Nereo â seŋticne â Olumpa â miti ŋic ŋokac jaŋehec jueŋgopieŋ, jaŋe mâmâc mu šeri ejare-fârekopac.
ROM 16:16 Ŋaŋac wâc mitio meo babac enšepieŋ. Hae sâc Kristore kikefuŋ jaŋe ŋoŋere mamanac wâc juŋgopieŋ.
ROM 16:17 Âgofâc, ŋoŋerao fâfâuc bâfuahuc, miti qazu-ŋarekicne i bâsifuckezo eeŋgopieŋ ŋic i jaŋere ruc bahuc dic bajarenšepieŋ.
ROM 16:18 Ŋic iŋucne jaŋe Wofuŋ Kristo mâcne, jaŋe jaŋacne hobu kiŋaŋ qacneeŋgopieŋ. Ehuc mumumbiaŋ dâŋ muhuc ŋic ŋokac omane mu bâmiriŋ ejarehuc eatuc-jopaeŋgopieŋ.
ROM 16:19 Miti mana rereŋ-ŋeŋicte biŋe i hae sâc rafârewec. Eme no irec ŋoŋere bubiaŋ manahuc kecšiŋuc eniŋte ŋazape: Wiac biaŋnere maŋafec junšepieŋ â wiac sâqocnere ine maŋ ŋeŋemâc enšepieŋ.
ROM 16:20 Anutu wama rune eki mi šoraha Sataŋ ro bawaha âte ecneocmu. Wofuŋ Jesu Kristo ere aki anonoczi ŋoŋerao fozejec.
ROM 16:21 Babafic-nane Timoteo â Judaŋic âgofâc-nane Lukio â Jasoŋ â Sosipate jaŋe ŋoŋere mamanac juŋgopieŋ.
ROM 16:22 Teatio no papia ši (Paulore mickonec(c) qâreŋkehuc iŋuc jaha Wofuŋte maio ŋoŋere manasukopac.
ROM 16:23 Gaio e no â kikefuŋ mâmâc sasawa hezu hewâneŋ enâreekaczi iŋuc jaha ŋoŋere manasukac Erâ hae soŋaŋ Erasto â âgo-nâŋec Qâto jahe iŋuc jaha eŋarekopirec, [
ROM 16:24 Wofuŋ-nâŋec Jesu Kristo ere aki anonoczi ŋoŋerao fotâcnerâ fozejec. Jâmbomac.]
ROM 16:25 Anutu e Biŋebiaŋ muekopac â Jesu Kristore dâŋ muromackeekopac irec sâcko mamanasiŋko keteŋ-ŋopaocte tâpiri focnekac. Anutu juju sanaŋ dâŋticne hâcne soŋne fowarehuc jukume
ROM 16:26 dameŋ šiŋuczia ere micte muropiekicne â ŋicne ŋicne mana rereŋ eniŋte miti papiao bajaŋgeŋkekicne.
ROM 16:27 Eme Anutu hâcne, buc maŋɋârâŋ juekac, erao Jesu Kristore erâ mumuteŋzi mumuteŋ hati forašihuc juzejec sanaŋ. Jâmbomac.
1CO 1:1 Anuture micte Jesu Kristore aposolo epo Paulo no hâcne â âgo-nâŋec Sostene
1CO 1:2 nâhe Korinti haeonec Anuture kikefuŋ ŋoŋere papia ši râekoperec. Ŋoŋe Jesu Kristozi jambuŋ-ŋoparâ tirimoc juniŋte hefârec-ŋopawec. Iŋuc eŋareme ine hae sâc opâ ruac šira â gâcnao Wofuŋ Jesu Kristo šâŋe-ticne riwaseckehuc jueŋgopieŋ jaŋehec mocjaha embiŋ.
1CO 1:3 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
1CO 1:4 Anutu e Jesu Kristore erâ aki anonoc sesic-ŋopawecte no ŋoŋere manasuhuc daŋge berec jaha âzâcneekopac.
1CO 1:5 E miti mumure aafec â mamana fuŋne fuŋne aameo tahac-ŋopawec.
1CO 1:6 I Kristore mumutaniŋ dâŋzi ŋondeŋ-ŋeŋicko gâtâ bawecte iŋuc fuawec.
1CO 1:7 Eme mitire wiac moc mi basaeŋgopieŋ. Mâc Wofuŋ-nâŋec Jesu Kristo fua taniŋkeocte woŋec mocjaha jueŋgopeneŋ.
1CO 1:8 Eki hâcne Wofuŋ-nâŋec Jesu Kristore fifisi dameŋko kiŋfâsâc domaniŋte hefârec-ŋopame juhapie dameŋ-ŋeŋic taraocmu.
1CO 1:9 Anutu e Ŋokâ-ticne Jesu Kristo, Wofuŋ-nâŋec hâcne, erao šuhuckeniŋte hefârec-ŋopaweczi mocmu mocmu-ticne mi fokac.
1CO 1:10 Âgofâc-nane, no Wofuŋ-nâŋec Jesu Kristo šâŋe-ticnere erâ uŋdâŋ ši mupe mananiŋ: Ŋoŋe dâŋ fuŋne fuŋne â fâfâuc mi bâfuanšepieŋ, aricne. Maŋ mamanasu-ŋeŋic bâturepie mocjaha eha junšepieŋ.
1CO 1:11 Âgo bureŋ, no ŋondeŋ-ŋeŋicko dâŋ fuawec fokac i Koloe ere wiacfâc mupie manapo.
1CO 1:12 Dâŋ kecšiŋucte mukopac: Ŋoŋeraonec moczi muekac `no Paulore ŋic', â moczi muekac “no Apolore ŋic”, â moczi muekac “no Kefare ŋic”, â moczi muekac “no Kristore ŋic.”
1CO 1:13 Hâc, i weniŋuc, Kristozi fâuckewec me? Me Paulo noni ŋoŋere erâ, maripoŋko hâmopo? Me Paulo nore šâŋezi hucŋopaha Miti Opâ ruambiŋ?
1CO 1:14 Sowine no nahac Miti Opâ mi rua-ŋarepo, Krisipo â Gaio jahe sawa rua-jactepo.
1CO 1:15 Ŋoŋe šiŋuc munšipiŋte: “Ere šâŋezi hucnâpoha Miti Opâ ruambeŋ.”
1CO 1:16 Mâcne, ši moc manasukopac, Stefana ere wiacfâc jaŋe wâc rua-jarepo, gâcne jaŋere ine mi manakopac.
1CO 1:17 Kristozi ŋic Miti Opâ rua-jarepemurâ mâcne, Biŋebiaŋ jaza qazuc epemurâ munarewec. Erâ Kristo maripoŋ-ticnere dâŋ tâpirimâc ezacte maŋɋârâŋ dâŋ ericke bâpiaŋ ehuc mi muekopac.
1CO 1:18 Maripoŋte dâŋ i sisipiric hata âteeŋgopieŋzi manapie racne eekac, â bâbâpiaŋ hatao jueŋgopeneŋzi ine manapene Anuturaonec tâpirihec eekac.
1CO 1:19 Dâŋqâreŋ moc šiŋuc hâcne fokac: “No maŋɋârâŋhec jaŋere dâŋ qape wahaocmu â mamana-jeŋichec jaŋere mamana batackepemu.”
1CO 1:20 Eme maŋɋârâŋhec jaŋe weni? Á mana gufu koparic ŋic jaŋe weni? Á dameŋ širec fuŋne mamana jaŋe weni? Anutu e maŋ mamana-jeŋic bahameŋkewec hâcne.
1CO 1:21 Eme Anuture maŋɋârâŋ dâŋbiri fua-bipieha ŋic jaŋe jaŋacne mamanazi Anuture fuŋne šâŋitaniŋte emâmâŋkembiŋ, irec Anutuzi maname sâckeme mitidâŋ mutucne i manarâ biaŋkenaŋte muwec.
1CO 1:22 Judaŋic jaŋe fuŋne qaqa mâsire qizec qaeŋgopieŋ â Grikŋic jaŋe maŋɋârâŋhec eniŋte fotarieeŋqopieŋ,
1CO 1:23 nâŋe ine Kristo maripoŋko qakicne irec dâŋ mupene Judaŋic jaŋe manapie quŋke sâqoreekac â qâpuc jaŋe manapie dâŋ mutucne eekac,
1CO 1:24 ehame hefârec-jopakicne, Judaŋic mecne Grikŋic mecne, jaŋe ine Kristore manapie Anutu tâpiri-ticnere â maŋɋârâŋ-ticnere hozine eekac.
1CO 1:25 Ŋic jaŋe Anuture mutucne muhapie mutuc-ticnezi ŋic jaŋere mamana jâuruekac â Anuture dodocne muhapie dodocne-ticnezi ŋic jaŋere tâpiri sirickeekac.
1CO 1:26 Âgofâc-nane. ŋic weniŋucne hefârec-ŋopakicne i mana honeniŋ: Sahackopec wiacte maŋɋârâŋhec bocjaha mâcne, tâpirihec bocjaha mâcne, ŋicbomboŋ guruonec bocjaha mâcne.
1CO 1:27 Ŋic maio mutucne jueŋgopieŋ jaŋe Anutuzi hefârec-jopahuc maŋɋârâŋhec mimi qaqa ejareekac, â ŋic maio gegec dodocne jueŋgopieŋ jaŋe Anutuzi hefârec-jopahuc tâpirihec mimi qaqa ejareekac,
1CO 1:28 â ŋic maio omane â hujukicne jueŋgopieŋ jaŋe Anutuzi hefârec-jopaekac, â ŋic maio bebekâne jueŋgopieŋ jaŋe Anutuzi hefârec-jopahuc šai šonšoŋ-jeŋichec jaŋe siŋ qatara-jareekac.
1CO 1:29 Mâreŋŋic moczi Anuture maio sahac-ticne bafezacte iŋuc hâcne ewec.
1CO 1:30 E mitio juju-ŋeŋicte bâbâfua i Kristo Jesu râe-nârewec. Kristo e hâcne Anutuzi maŋɋârâŋ dâŋte rowaŋ-nâŋec â kiŋroro-nâŋec â maŋɋaɋac bâbâfua-nâŋec â kikitâc-nâŋec râe-nârewec.
1CO 1:31 Irec dâŋqâreŋ šiŋuc fokac i sanaŋkezejec: “Moc e mumuteŋ dâŋ muzo murâ Wofuŋtao muzejec.”
1CO 2:1 Âgo bureŋ, no ŋoŋerao fisipo ine Anuture mumutaniŋ dâŋ ŋazapemurâ dâŋ ericke bâpiaŋ ehuc me maŋɋârâŋ dâŋ moc muhuc mi ŋazapo.
1CO 2:2 No šiŋuc mana sanaŋkehuc fâpo: Dâŋ gâcne aricne, Jesu Kristo maripoŋko qakicne ere dâŋ jâmbâŋ jaha muzepac.
1CO 2:3 Erâ ŋoŋerao dodocne enarehame hâhâwic â memezac faio boc jupo.
1CO 2:4 Ehuc miti mumu i maŋɋârâŋ dâŋ mu bâpiaŋ ekicne irec sâcko mi mupo, aricne, tâpiri â Mâro ŋoŋerao fuaocte irec sâcko mupo.
1CO 2:5 I mamanasiŋ-ŋeŋiczi ŋic maŋɋârâŋ dâŋko mâcne, Anuture tâpirio fosiŋneocte iŋuc epo.
1CO 2:6 Maŋɋârâŋ dâŋ hukicne ine maŋjeŋic ɋârâŋkekicne jaŋe jazaeŋgopeneŋ, erâ i mâreŋ kecširec maŋɋârâŋ dâŋ me mâreŋ ŋicbomboŋ sisirowenezi dâŋ hukicne mueŋgopieŋ irec sâc mi eekac, aricne.
1CO 2:7 Nâŋe Anuture dâŋsoŋ hukicne mufuaeŋgopeneŋ. Dâŋ i ŋic nâŋâc taniŋke ɋaɋac enaŋte Anutuzi mârâc jaha dameŋmâc juwecko mu bâmoc ewec.
1CO 2:8 Mâreŋ ŋicbomboŋ jaŋeraonec moczi moc dâŋ hukicne i hâcne mi mana tarambiŋ, mana tararâ muzac eri tatamac Wofuŋ maripoŋko mi qanšapiŋ.
1CO 2:9 Irec dâŋqâreŋ fokac ine šiŋuc: “Ʒâŋezi mi honekicne â hazeczi mi manakicne, â ŋicmaŋ moczi moc mi manasukicne, Anutuzi maŋjauŋ ecneeŋgopieŋ jaŋere biŋe bâmockewec i hâcne.”
1CO 2:10 Nâŋe ine Anutuzi Mâro-ticne ecneme dâŋ i mufua-nârewec. Mâro e wiac sasawa irec fuŋne mana gufuc efâreekac. Anutu e jahacne fuŋne bâutuckekicne i mâmâc manaekac.
1CO 2:11 Mo ŋiczi âgo-ticnere maŋte fuŋne manaocmu? Maŋ rune eki sawa manaocmu. Eme Anutu maŋticnere fuŋne iŋuc jaha ŋic moczi mi manaocmu, Anutu Mâro-ticnezi buc manaocmu.
1CO 2:12 Eme nâŋe ŋickonec mâro i mi rombeŋ, nâŋe Anuturaonec miti kâdoc hone mana tarac enaŋte Anuturaonec Mâro i rombeŋ.
1CO 2:13 Nâŋe miti kâdoc irec hâcne mu binaŋ eeŋgopeneŋ. I ŋic maŋɋârâŋheczi mi qazu-nârembiŋ, i Mârozi qazu-nârewec. Eme Mârore dâŋ i Mârore dâŋmaracko mueŋgopeneŋ.
1CO 2:14 Ŋic Mâro tâmiric moczi ine Anutu Mâro-ticnere dâŋ mi manaocmu. E wemo-ticnezi manaocmu, aricne, e maname dâŋ fârimâc eocmu. I Mâroheczi mamanane sawa eekac.
1CO 2:15 Ŋic Mâroheczi wiac sasawa sâcne mana wosâeocmu, ŋic Mâro tâmiriczi ine ere fuŋne kâuc baocmu.
1CO 2:16 Wofuŋ maŋticnere dâŋ i mozi manaweczi sâcne âzâcne mutâc eocmu? Nâŋe ine Kristo maŋbuc-ticnere dâŋ bajuŋgopeneŋ.
1CO 3:1 Âgofâc-nane, no ŋoŋerao fisirâ ŋic Mârohec dâŋ jajazane i wemocko ŋazazapo? Aricne, ŋic Mâro tâmiric jajazane i Kristore ɋiefâc ŋoŋe ŋazapo.
1CO 3:2 No nânâ sanaŋne mi ŋarehuc susu sawa gumec-ŋopapo, nânâ sanaŋne wemocko nanšapiŋ. Erâ šiŋuczia nânâ sanaŋne nâniŋte sâc wâc mi eŋgopieŋ.
1CO 3:3 Ŋoŋe Mârohec sâcne mi embiŋ. E tâmiric juhuc hâcne iiriac â kikisâ bâfuahuc ŋic omane jaŋe iŋucne jueŋgopieŋ.
1CO 3:4 Ŋoŋe “no Paulore ŋic”, “no Apolore ŋic” mueŋgopieŋte ŋic iŋucne ŋoŋe ŋic omane hâcne muŋarezo.
1CO 3:5 Apolo e mo? Á Paulo no mo? Nâhe kiŋaŋ qaqa sawazi miti ŋazapere manambiŋ. Erâ Wofuŋzi gie munâctewec sâc bapec.
1CO 3:6 No he sarac epo, Apolo e hofâ gie bawec, â Wofuŋzi ine jambuŋkeme fârine fuawec.
1CO 3:7 Irec he sarac eekac ere mi muzo, â hofâ gie baekac ere mi muzo, jambuŋkeme fârine fuaekac, Anutu hâcne ere mocjaha muzo.
1CO 3:8 He sarac eekac â hofâ gie baekac jahe sâcjekic mocjaha, furine ine gie-jekicte sâc bârâwiŋ ronicmu.
1CO 3:9 Nâŋe Anuture babafic, ŋoŋe ine Anuture gie â Anuture fic.
1CO 3:10 Anutuzi gie tahacnuwec sâc no ficbapa fârinezi simeŋ wâtuŋ râepe huwec. Eme irec fainao ŋic moczi fic šuhuckerâ baekac. Iŋucnezi mana manahuc bazejec.
1CO 3:11 Wâtuŋ huwec domakac, Jesu Kristo hâcne, e unucke behec erâ moc râepene huhune mi fokac.
1CO 3:12 Eme wâtuŋ irec fainao moczi goì siliwa me qânâ sanaŋzi, me pipisac sopâc bacrehaczi šuhuckerâ baocmu, ine juku fic bapa-ticnere fuŋne taniŋkeocmu.
1CO 3:13 Juku dameŋ sâkoo hâcne fuŋne taniŋkeocmu. Ira šocsâko bâruŋkeocmu, eme šoc izi hâcne ficgiere fuŋne bataniŋkeocmu.
1CO 3:14 Ŋic moczi wâtuŋ faio fic baocmu, i šoczi šâipieme furine roocmu.
1CO 3:15 Á ŋic mocte fic šoczi šafâreme furine tâmiric juocmu, e jahacne ine akickezo, akickehuc šockonec batarazo.
1CO 3:16 Ŋoŋe Anuture miti ufuŋ, â Anuture Mârozi maŋŋeŋicko ŋeŋe juju eekac, i mi manaŋgopieŋ me?
1CO 3:17 Ŋic moc e Anuture ufuŋ ima baocmu e Anutuzi wâc ima baocmu. Anuture miti ufuŋ i furu mukicne, eme ufuŋ-ticne i ŋoŋe hâcne.
1CO 3:18 Ŋoŋe maŋŋeŋic mi eatuckenšepieŋ. ŋoŋeraonec moc e ŋicdâŋ mana maŋ ehuc mamana-ticnere maname fefene eocmu, iŋucnezi mamana i qikiŋnehuc mutucne erâ mamana fârine bâfuazejec.
1CO 3:19 Mâreŋte maŋɋârâŋ dâŋ i Anutuzi maname fârimâc eekac. Dâŋqâreŋ šiŋuc hâcne fokac: “E ŋic maŋɋârâŋhec jaŋe maŋsioc gie bahapie somâc-jopame somâmaŋ-ticnao hueŋgopieŋ.”
1CO 3:20 Erâ moc šiŋuc: “Wofuŋ e ŋic maŋɋârâŋhec jaŋere dâŋ maname racne eekac.”
1CO 3:21 Irec ŋoŋe mâreŋŋic nâŋere muhuc maŋfefe mi enšepieŋ. Wiac sasawa i ŋoŋere biŋe.
1CO 3:22 Paulo â Apolo â Kefa nâŋe ŋoŋere biŋe. Erâ mâreŋko wiac sasawa, juju me hâhâmo, šiŋuczia fofone â juku fufuane, i ŋoŋere biŋe sasawa.
1CO 3:23 Ŋoŋe ine Kristore biŋe â Kristo eki ine Anuture biŋe.
1CO 4:1 Ŋoŋe nâŋere manapie Kristore kiŋaŋ qaqa â Anutu boreŋ šeŋaŋ-ticnere soŋaŋ ezejec.
1CO 4:2 Eme soŋaŋ e ine metâne juocte mucnekicne.
1CO 4:3 Erâ no nahacnere mupe: Ŋoŋe me ŋic tutumaŋ moczi nore dâŋ muniŋmu i manape fârine mi eocmu. Erâ no nahac wâc fuŋne-nane sâcne mi mupemu.
1CO 4:4 No bahac-nane moc mi manakopac, erâ irec bahacmâc jukopac mi muzo. Nore fuŋne babataniŋ mocjaha jukac, Wofuŋ hâcne.
1CO 4:5 Irec ŋoŋe fuŋne babataniŋte fâro mi enšepieŋ. Wofuŋ e jahac fisirâ wiac soŋsoŋ fokac i wâc hewirickeocmu, â ŋicmaŋko wiac fokac i mâmâc bâfua-fâreocmu. Eme Anutuzi ŋic sasawa sâcjeŋic manahuc mumbiaŋ-jopaocmu.
1CO 4:6 Âgofâc, dâŋ mukopac i Apolo â no nâhe nâhâcnao iticnehuc mukopac. Eme ŋoŋe nâherao fuŋne kecšiŋuc honehuc mana taranšepieŋ: Mitidâŋko sâc mukicne i mi jâuruhuc wiac efezo â mâreŋŋic bafec bawahac enârehuc maŋfefe mi ezo.
1CO 4:7 Me go ŋiczi wiac hezu hegareniŋte mozi mugarewec? Me go wiac fogarekac i wenimoi gare tahac mi ekicne? Aricne, i gare tahac efârekicne, eme go wemocte manatec mi garekicne tinac eme sahacge bafeekic?
1CO 4:8 Ŋoŋe ine biac gapec-ŋopakicne, biac mâriri sâkohec embiŋ juŋgopieŋ, nâŋe tâmiric ŋicwofuŋ embiŋ juŋgopieŋ. Jâmbomac ŋicwofuŋ enšapiŋ me, ehuc hefârec- nâpopie ŋoŋerao šuhuckehuc ŋicwofuŋ jaha enšapeŋ.
1CO 4:9 No manape Anutuzi aposolo nâŋe ŋic jawane jaŋere guruo râec-nâpowec ekac, šikare biŋe ekicne tinac. Mâmâc sâko, aŋelo mecne ŋic mecne, honec-nâpopie mamakucne eeŋgopeneŋ hâcne.
1CO 4:10 Nâŋe Kristore erâ ŋic mutucne embeŋ, ŋoŋe ine Kristorao šuhuckerâ mamana sâkohec embiŋ, nâŋe gegec dodocne, ŋoŋe ine sasanaŋhec, ŋoŋe fekicne, nâŋe ine waha qaqane.
1CO 4:11 Nâŋe nânâ opâre hâmo sipiric embeŋzi eeŋgopeneŋ, erâ ŋaqi tâmiric â šika faio â fic hae tâmiric jumbeŋzi juŋgopeneŋ.
1CO 4:12 Á wiac piticne hotâckenaŋte nâŋe nâŋâcne mezi gie baeŋgopeneŋ. Musoriŋ-nâpohapie jambuŋ-jopaeŋgopeneŋ, fific guguriŋ enârehapie mana urueeŋgopeneŋ.
1CO 4:13 Musâqorec-nâpohapie mu bâmiriŋ ejareeŋgopeneŋ, nâŋe ŋic mâmâc sâko jaŋere jawa sânšâŋ tinac jumbeŋzi juŋgopeneŋ hâcne.
1CO 4:14 No mimi qaqa eŋarepere mâcne, no naru motecfâc-mae ŋoŋe uŋ sawaŋ eŋarehuc dâŋ ši qâreŋkekopac.
1CO 4:15 Kristoo wišecfâc-ŋeŋic guruhec juŋareŋgopieŋ mecne, â mamac ine wemocko bocjaha juŋarenšapiŋ, Kristo Jesure erâ Biŋebiaŋ ŋazahuc no mocjahazi mamac-ŋeŋic epo jukopac.
1CO 4:16 Eme irec nore kike hata bâjâpehuc juniŋte hazec qâuŋ ŋazape mananšepieŋ.
1CO 4:17 No irec erâ hâcne Timoteo, Wofuŋko motec biaŋ-mae junarekac, e ŋoŋerao sorepe fakac, fârâ no Kristore miti hata kikefuŋ hae sâc jaza jowatuc eekopac i manasu-ŋareme mananšepieŋ.
1CO 4:18 Ŋoŋeraonec gâcnezi e mi wareocmu, nore iŋuc muhuc mukac mupe embiŋ.
1CO 4:19 No ine Wofuŋzi maname sâckeme mi šoraha ŋoŋerao fâpemu, fârâ mukac mupe eeŋgopieŋ jaŋe dâŋjeŋicte mi muhuc tâpiri-jeŋicte fuŋne bataniŋkepemu.
1CO 4:20 Anuture miti hata i dâŋko mâcne, sasanaŋko fua taniŋkeekac.
1CO 4:21 Eme ŋoŋe nore weniŋuc muŋgopieŋ? Kâcbiŋhec fâpemurâ muŋgopieŋ, me maŋjauŋ â buuruchec fâpemurâ muŋgopieŋ?
1CO 5:1 No šiŋuc ine jâmbomac mupie manaekopac: Ŋoŋerao mamakâc hâhâwicne, qâpuc jaŋerao mi fufuane, iŋucne fuawec fokac. Ŋic moczi mamac-ticnere ŋonâŋhec juekac, irec mukopac.
1CO 5:2 Eme ŋoŋe wemocte wiac iŋucne fuarâ fohame pepecne eeŋgopieŋ? Ŋoŋe busâqoc manahuc ŋic wiac ewec e behenšapiŋ me¡
1CO 5:3 No sahac-nanezi wiwicko juhuc maŋnanezi iqic-ŋoparâ ŋic wiac ewec ere dâŋ ŋondeŋ-ŋeŋicko juhuc tinac kecšiŋuc mutarapo:
1CO 5:4 Ŋoŋe Wofuŋ Jesu ere šâŋeo tumaŋnehapie no ere tâpirio ŋesiŋnehuc maŋnanezi iqic-ŋopape
1CO 5:5 ŋic e Sataŋ qikiŋnecnepene maŋ sahac raŋɋa-ticne sipirickezejec, eme Wofuŋ Jesure dameŋ maickeme mâro-ticnezi aakic bâfuazejec.
1CO 5:6 Wiac iŋucne foipiehame sahac-ŋeŋic bafeeŋgopieŋte manape sâqorekac. Bec hâhâtâne i wiac piticnezi fârine ruacneme rikepie isirickeme hâtâne efâreocmu, i mi manaeŋgopieŋ me?
1CO 5:7 Irec hâhâtâne wosâerâ behepie rahame fârine nocne enšepieŋ. Ŋoŋe hâhâtâ-ŋeŋic ŋowac rofârekicne. Nâŋâcne aakic lama okac-nâŋec qakicne wâc, Kristo hâcne.
1CO 5:8 Irec hombaŋ-ticne ŋenaŋte wiac hâhâtâne behenšepeneŋ. Mamakâc â sindaŋ irec hâhâtâne qikiŋnerâ wiac ɋaɋacne â tiŋne irec fârine nocne bajuhuc hombaŋ-ticne ŋezo.
1CO 5:9 No mârâc papia moc šiŋuc qâreŋke-ŋarepo: “Ŋoŋe sasecŋic jaŋehec wiac nâ nareŋ gareŋ â iiqic mi enšepieŋ”,
1CO 5:10 i ŋic qâpuczi sasecŋic me bâkiri bapa â fiuc serereŋhec me bawe qaŋgec wiac babaju jueŋgopieŋ jaŋere mi mupo. Jaŋe mâreŋ behehuc behec-jopazo i sawa fokac.
1CO 5:11 No kecšiŋucte qâreŋke-ŋarepo: Miti mamana âgo-ŋeŋic moczi sasecko sâqoreocmu me bâkiri baocmu, me bawe qaŋgec wiac bajuocmu, me fiuc serereŋ eocmu, ŋic iŋucne behehuc ehec nâ nareŋ gareŋ moc mi enšepieŋ.
1CO 5:12 No ŋic râpene jueŋgopieŋ jaŋere dâŋ mumure wemocko qâreŋkezapo. ŋaŋacne ŋondeŋko miti mamana jaŋere bahacdâŋ mupie sâckeocmu.
1CO 5:13 Á râpene jueŋgopieŋ jaŋere bahacdâŋ i Anutuzi muocmu. Sâqocne bapa e behepie ŋondeŋ-ŋeŋicko mi juzejec.
1CO 6:1 Ŋoŋeraonec moczi âgo-ticnere bahacdâŋ bajuocmu, e dâŋ i mitiŋic jaŋerao mi rârâe ŋic miti tâmiric jaŋerao râeme sâckeocmu me?
1CO 6:2 Mitiŋic nâŋâc juku miti tâmiric jaŋere dâŋ mutaranaŋmu, i mi manaŋgopieŋ me? Me juku gie iŋucne baniŋte muŋarekicnezi ŋaŋacne dâŋ jawane fuame sâcne mi mutaraniŋmu me?
1CO 6:3 Nâŋâc aŋelo jaŋere dâŋ wâc mutaranšoŋgopeneŋzi wiac omanere dâŋ fuame wemocko bititienaŋmu.
1CO 6:4 Wiac omanere dâŋ fuame ŋoŋe wemocte kikefuŋzi mana-jareme wawahane eekac ŋic iŋucne jaŋerao barapie mutara-ŋareeŋgopieŋ?
1CO 6:5 Ŋoŋe dâŋ i manapie miminehec eocte ŋazakopac. Ŋoŋerao ŋic maŋɋârâŋhec moc mi jukac me? Eme dâŋŋeŋic fuame erao barapie mutiŋne-ŋarezac.
1CO 6:6 Ŋoŋe ine iŋuc mi eeŋgopieŋ, aricne, miti mamana moczi âgo-ticnehec dâŋbahac-jekic fuame miti tâmiric jaŋerao barame mutara-jacteniŋmu.
1CO 6:7 Ŋoŋerao dâŋgie fuaekac izi miti-ŋeŋic bawahaekac. Gâcnezi wiac hehesicne me bâbâsifucne eŋarezo murâ eŋarepie ŋifecpeaŋ fozac me¡
1CO 6:8 Ŋoŋe ine ŋaŋac wiac hehesicne â fiuc serereŋ eeŋgopieŋ, ehuc mitio qomâfâc-ŋeŋic mâmâc ejareeŋgopieŋ.
1CO 6:9 Sâqocne bapazi Anuture uucmaŋko rarašine mi fokac, i mi manaŋgopieŋ me? Ŋoŋe maŋŋeŋic mi eatuckeniŋ, sau bapa, me  bawe qaŋgec babaju, me ŋokac ba behecne, me sasecŋic, me ŋiczia mamakâc eec eene,
1CO 6:10 me fiuc roro, me bâkiri bapa, me maŋsifuc opâ nâ areŋ eene, me dâŋ bâbâiŋ, me kâŋgâc rohuc šika qaqa, iŋucnezi Anuture uucmaŋko mi rašiniŋmu.
1CO 6:11 Eme gâcne ŋoŋe mârâc sâc iŋuc hâcne jujumbieŋ ši ine šurec-ŋopakicne â maŋfuru bacŋopakicne â kiŋfâsâc bacŋopakicne. I Wofuŋ-nâŋec Jesu Kristore šâŋe bajueŋgopieŋte â Anutu-nâŋecte Mârohec jueŋgopieŋte iŋuc eŋarekicne.
1CO 6:12 Wiac sasawa eene fonarekac, erâ wiac sasawa epe izi sâcne mi baficnuocmu. Wiac sasawa eene fonarekac, erâ wiac moczi ŋicbomboŋ enareme irec kiŋaŋ qaqa juju ine misac.
1CO 6:13 Nânâ qowizi hobure biŋe â hobuzi nânâ qowire biŋe. Juku Anutuzi e â e mâmâc imac-jofame arictac enicmu. Sahaczi ine sasecte biŋe mâcne, i Wofuŋte biŋe, Wofuŋ e sahacte ru.
1CO 6:14 Eme Anutuzi Wofuŋ bâɋârewec iŋuc jaha tâpiri-ticnezi nâŋâc bâɋârec-nâpozokac.
1CO 6:15 Sahac-ŋeŋic Kristore kiŋaŋ qaqa, i mi manaŋgopieŋ me? Eme Kristore kiŋaŋ qaqa e weniŋuc qârisiepene sasecte kiŋaŋ qaqa eocmu? Iŋuc aricne.
1CO 6:16 Me ŋoŋe šiŋuc mi manaŋgopieŋ, ŋic moczi ŋokac sâqocne moctao qohotame jahe maŋ sahac mocjaha enicmu. Dâŋqâreŋ šiŋuc hâcne fokac: “Jahe jajaheczi mocjaha erâ junicmu.”
1CO 6:17 Á moc e Wofuŋtao qohotame ehec maŋ qâqâtâc mocjaha enicmu.
1CO 6:18 Ŋoŋe sasec boe sau dic bacnenšepieŋ. Ŋic moczi wiac hehesicne gâcne eocmu izi sahac-ticne mi heuaocmu, â boe sau eocmuzi ine e jahacne sahac bâbieocmu.
1CO 6:19 Me ŋoŋe šiŋuc mi manaŋgopieŋ, sahac-ŋeŋic i Tiri Mârore ufuŋ, e ŋoŋere sahacmaŋko ŋeŋe juju eocte Anutuzi râe-ŋarewec. Ŋoŋe maŋ sahac rune aricne.
1CO 6:20 Ŋoŋe furi-ŋeŋic rokicne. Irec sahac-ŋeŋiczi Anuture šâŋe biŋe dopeckezejec.
1CO 7:1 Ŋoŋe papia râe-narehuc dâŋ wio-narembiŋ, irec šiŋuc mufuape mananiŋ: Ŋic moczi ŋokac tâmiric juzo mume sâckeocmu.
1CO 7:2 Erâ sasecte eesâic fokacte ŋiczi ŋokac rorâ ehec paŋšâic juzejec, â ŋokaczi iŋuc jaha ŋic rorâ ehec paŋšâic juzejec.
1CO 7:3 Eme ŋiczi sahac-ticne i ŋonâŋ-ticne mi sakarecnezejec, â ŋonâŋzi sahac-ticne ŋowe-ticne mi sakarecnezejec.
1CO 7:4 Ŋonâŋ e sahac-ticnere dâŋ mumu i jahacne mâcne, ŋowe qikiŋnecnekicne, â ŋowe e iŋuc jaha sahac-ticnere dâŋ mumu i jahacne mâcne, ŋonâŋ qikiŋnecnekicne.
1CO 7:5 Ŋowe ŋonâŋ ŋoŋe sahac sasakarec kosa mi enšepieŋ. Mâc nunumure afeckeniŋte qanaŋ muc manac erâ dameŋ bahuc iŋuc epie sâckeocmu. Dameŋ tâmiric mâc jufepie Sataŋzi esâic-ŋopazacte iŋuc mukopac.
1CO 7:6 Ŋic â ŋokac roroc eniŋte mukopac i mana urue-ŋarehuc mukopac, mupaŋke-ŋarehuc mâcne.
1CO 7:7 Nahacne maŋzi šiŋuc mukac: Ŋic sasawa no jukopac iŋuc jufârenšapiŋ me. Anutu e ine tâpiri buc buc tahac-nâpoekac i hatane bârâwiŋ, moc iŋuc â moc iŋuc.
1CO 7:8 Ŋic ŋokac šeŋoŋ â hozec jaŋere ine šiŋuc mukopac: Jaŋe no iŋucne jufepie sâckeocmu.
1CO 7:9 Me sasec tâmiric sâcne jujune mi fojarekacko ine sasecte šoczi sipiric-jopazacte ŋowe ŋonâŋ erâ junšepieŋ.
1CO 7:10 Ŋowe ŋonâŋ ŋoŋere dâŋ mupe mananiŋ, erâ i nore dâŋ mâcne, i Wofuŋte micdâŋ: Ŋokac moczi ŋowe-ticne mi behezejec.
1CO 7:11 Á ŋowe-ticne biac behewecko ŋic tâmiric juzejec, me ŋowe-ticnehec mocwâc âgo babac ezepirec. Erâ ŋic moczi iŋuc jaha ŋonâŋ-ticne mi behezejec.
1CO 7:12 Gâcne jaŋere dâŋ ši mupe manapie Wofuŋte mâcne, no nahacne ezejec: Opâ ruac ŋic moc ere ŋonâŋ qâpuc juocmu, eme ŋokac izi ehec juocte ecneocmuo mi behezejec.
1CO 7:13 Me opâ ruac ŋokac moc ere ŋowe qâpuc juocmu, eme ŋic izi ehec juocte ecneocmuo mi behezejec.
1CO 7:14 Ŋic qâpuc erao ŋonâŋ-ticnere jambuŋzi fotâcnewec, â ŋokac qâpuc erao ŋowe-ticnere jambuŋzi fotâcnewec. Eme irec hâcne naru motecfâc-ŋeŋic jambuŋhec embiŋ juŋgopieŋ, I tâmiric muzac qâpuc junšapiŋ.
1CO 7:15 Oapuc ŋiczi me qâpuc ŋokaczi ine âgo-ticne miti mamana beheocte qizec qame mi sakarezejec. Irec niŋgiŋne mi fokac. Anutu e wamao ââgo erâ juniŋte hefârec-ŋopawec.
1CO 7:16 Ŋokac go ŋowege miti hatao fâretec wareocmu me mâcne, i moc manakic me? Me ŋic go ŋonâŋge miti hatao fâretec wareocmu me mâcne, i moc manakic me?
1CO 7:17 Moc e Wofuŋzi ju ju bâfuacnewec, â moc e Anutuzi gie mucnewec, sâc ijaha mitio juzejec wâc. No dâŋ iŋuc kikefuŋ hae sâc jaza mutâc eekopac.
1CO 7:18 Moc e mahec juhame Wofuŋzi hefârewecko ma i mi behezejec. Á moc e ma tâmiric juhame Wofuŋzi hefârewecko mare mi muzejec.
1CO 7:19 Mahec juju me ma tâmiric juju izi fârine mâcne, Anuture sâcmutâc dâŋ rereŋ izi fârine ekac.
1CO 7:20 Moc e dodoma ira me ira domahame Wofuŋzi hefârewecko dodoma ijaha domazejec.
1CO 7:21 Go kiŋaŋ qaqa juhaŋtec hefârecguwecko manabâc tâmiric Juzemec. Mâc firuecguzo mupie mi qikiŋnezemec.
1CO 7:22 Moc e kiŋaŋ qaqa juhame Wofuŋzi hefâreme Wofuŋte ŋicfâri ewec Jukac. Á moc e ŋicfâri juhame Wofuŋzi hefâreme Kristore kiŋaŋ qaqa ewec jukac.
1CO 7:23 Ŋoŋe furi-ŋeŋic rokicnere ŋic jaŋere kiŋaŋ qaqa mi enšepieŋ.
1CO 7:24 Âgo bureŋ, moc e mârâc domahuc miti manawec, biri ijaha dameŋ šiŋuczia domahuc Anuturao qohotazejec.
1CO 7:25 Naru šeŋoŋ jaŋere Wofuŋte micdâŋ mi bajukopac. Erâ Wofuŋzi roroŋ fâre-nareme mitihec epore nahacne dâŋ ŋazape mananiŋ:
1CO 7:26 Dameŋ šiŋuczia šârâ hâriŋ boc fuaekacte ŋic moc ŋonâŋ tâmiric juzo mume manape biaŋkeocmu.
1CO 7:27 Á ŋokac biŋe biac mugarekicko ine mi qikiŋnezemec, me go mesawane jukicko ine ŋokacte mi muzemec.
1CO 7:28 Me ŋokac rozo murâ rotec wâc mi sâqoreocmu, â naru šeŋoŋ moczi ŋic rome wâc mi sâqoreocmu. Erâ iŋucnezi sahackopec wiacte hume serereŋ juniŋmu. No ine i tâmiric mac juniŋte enareha mukopac.
1CO 7:29 Âgofâc-nane, dâŋ ši mupe mananiŋ: Dameŋ rifirekac. Eme dameŋ bembeŋne fokacte ŋonâŋhec jueŋgopieŋzi jupie ŋonâŋ tâmiric juju tinac ezejec,
1CO 7:30 â kioeŋgopieŋzi jupie ki tâmiric tinac ezejec, â šeri eeŋgopieŋzi jupie šeri tâmiric tinac ezejec, â wiac furi baeŋgopieŋzi jupie mafa tâmiric tinac ezejec,
1CO 7:31 â wiac nâ bac eeŋgopieŋzi jupie i tâmiric tinac ezejec. Mâreŋ hawari qâreŋne ši hone manac eeŋgopeneŋ i siroweocmu ekac, irec hâcne dâŋ i mukopac.
1CO 7:32 Ŋoŋe ine wiac omanere mana mezac tâmiric erâ juniŋte manasuhuc mukopac. Ŋonâŋ tâmiriczi Wofuŋte giere mana mezac eocmu, ehuc Wofuŋzi manacneme biaŋkeocte muocmu.
1CO 7:33 Ŋonâŋheczi ine sahackopec wiacte mana mezac eocmu, ehuc ŋonâŋ-ticnezi manacneme biaŋkeocte muocmu.
1CO 7:34 Iŋuc erâ maŋguru eocmu. Eme ŋokac šeŋoŋ â naru šeŋoŋ jaŋe iŋuc jaha Wofuŋte giere mana mezac eniŋmu, ehuc maŋ sahac-jeŋic Wofuŋte biŋe eocte manasuniŋmu. Á ŋokac ŋoweheczi ine sahackopec wiacte mana mezac eocmu, ehuc ŋowe-ticnezi manacneme biaŋkeocte muocmu.
1CO 7:35 Ŋoŋe sâcne juhâmoniŋte dâŋ ši ŋazakopac, qaisoc-ŋopahuc mâcne, ŋoŋe kosa mi juhuc maŋ mamanasu-ŋeŋic qâzuckepie Wofuŋtea hâcbuc domaocte mukopac hâcne.
1CO 7:36 Me ŋic moc e otâ-ticne ŋic roronere sâc bâfuaha sakareocte maname mi sâckeme ŋicko râezo murâ râezejec, i mi sâqoreocmu.
1CO 7:37 Ŋic moc e ine maŋticnezi šiŋuc mana sanaŋkeocmu, otâ-nane mâc juzejec, iŋuc murâ maname mi quŋkeocmu, ehuc afeckerâ iŋuc mupaŋkeme sâckeocmu.
1CO 7:38 Irec ŋic moc e otâ-ticne ŋicne ŋicko râeme sâsâckecne eocmu, â moc e otâ-ticne sakareme ine sâcke-hâmoocmu.
1CO 7:39 Ŋokac moc e ŋowe-ticne juocmu sâc gâjoŋnao bohotarâ domazejec. Ŋowe-ticne hâmome ine ŋic moc me moc rozo murâ rozejec, erâ kosa ehuc mâcne, Wofuŋtao roweckehuc ezejec.
1CO 7:40 Ŋowe tâmiric mâc juocmu irec ine manape sâcke-hâmoocmu. I nahacne dâŋ, erâ i Anuture Mâro wâc fonarekacte mukopac.
1CO 8:1 Ʒi nemure tiwâ šepecte mupe. Nâŋâc fuŋne mamana jufâreŋgopeneŋ i manaŋgopeneŋ. Erâ fuŋne mamana saware sahac fefe fuaocmu, maŋjauŋhec juhuc ine hehešakiec erâ sâcne juzo.
1CO 8:2 Moc e mamana-ticne mana sokame ere muzo, mamana fârine mi focnekac.
1CO 8:3 Moc e Anutu maŋjauŋ ecneocmu, e ine Anutuzi manariŋkewec.
1CO 8:4 Nemure tiwâ šepecte ine šiŋuc manaŋgopeneŋ: Nemu e wiac fârine mâcne, Anutu e mocjaha fârine.
1CO 8:5 Nemu sambâŋko me mâreŋko juŋgopieŋ, dâŋ iŋuc mupie nemu â wofuŋ burec burec wemo afecne foraŋgopieŋ ekac.
1CO 8:6 Á nâŋâc ine Anutu Mamac-nâŋec mocjaha junârekac, eraonec hâcne wiac sasawa fua-fârewec â nâŋâc erea juŋgopeneŋ. Erâ Wofuŋ mocjaha, Jesu Kristo, ere meo wiac sasawa â nâŋâc jufâreŋgopeneŋ.
1CO 8:7 Ŋic gâcne jaŋe ine fuŋne iŋuc sâcne mi mana-hâmoŋgopieŋ. Eme iŋucnezi nemu e wiac fârine muwarehuc juku maŋjeŋic ewecte tiwâ šepec e araŋ bacnehuc manabâcko nâpie maŋjeŋic hegâpâreekac.
1CO 8:8 Anutu e nânâre erâ mi mana-nâreme biaŋkeocmu. Tiwâ šepec qikiŋnepene mi mana wahac-nâpoocmu, me nâpene mi mana-nâreme feocmu.
1CO 8:9 Mâc gâcne ŋoŋe mana jaŋgeŋkehuc nâeŋgopieŋzi âgofâc-ŋeŋic miti afecne fojareekac jaŋe maŋ bâsifuc ejarenšipiŋte manabâc enšepieŋ.
1CO 8:10 Go qarâ sanaŋgere nemu ufuŋko šepecne nâhuc ŋehaŋtec âgoge moc manabâcheczi honecgurâ, nakacte nâpe muhuc mi ijaha nâocmu me?
1CO 8:11 Eme âgoge miti afecne focnekac e Kristore soczia wâc kitâcneweczi gore qarâ sanaŋte mi docke sâqorec eocmu me?
1CO 8:12 Ŋoŋe iŋuc ehuc âgofâc-ŋeŋic wâwânâŋ ejarehuc maŋ bâsifuc ejareniŋmu, ine Kristo wâwânâŋ ecneniŋmu.
1CO 8:13 Irec no tiwâ šepec nâpe âgo-nanezi irec erâ docke sâqorec ezacte ere manabâc ehuc tiwâ šepec qikiŋnehuc mâc juku hâmozepac.
1CO 9:1 No niŋgiŋhec juekopac me? No aposolo aricne me? No Wofuŋ-nâŋec Jesu mi honepo me? Gie-nanere fârine Wofuŋte jambuŋko fuakicne i ŋoŋe mi eŋgopieŋ me?
1CO 9:2 No gâcne jaŋere aposolo mi mecne juekopac, â ŋoŋere ine jâmbomac juekopac. Aposolo gie-nanere ma Wofuŋte jambuŋko fuakicne i ŋoŋe hâcne.
1CO 9:3 Fuŋne-nanere mueŋgopieŋ jaŋe ine dâŋ šiŋuc bâtikie-jarekopac.
1CO 9:4 Gâcne nâŋe ŋoŋeraonec nânâ opâ mi ronaŋte muac-nâpokicne me?
1CO 9:5 Aposolo tucne â Wofuŋte ɋafâc â Petoro jaŋe ŋonâŋfâc-jeŋic jaŋehec miti kiŋaŋ raeŋgopieŋ, ehame gâcne nâŋe sâc ijaha enaŋte mi mana-nârekicne me?
1CO 9:6 Me no â Banaba nâhe sawa mezi gie bapa behenacte mi mana-nâctekicne me?
1CO 9:7 Me mo momori ŋiczi šikare wiac e jahacne moneŋzi furine baocmu? Me mozi gie he sarac eme fârine fuame mi ro nâc eocmu? Me mozi noniŋ bulimakao gie bahuc jaŋere susu ba nâc mi eocmu?
1CO 9:8 Ʒi ŋicdâŋ sawa mukopac me? Sâcmutâc dâŋzi ijaha mi mufuakac me?
1CO 9:9 Mosere sâcmutâc dâŋ moc šiŋuc qâreŋkekicne fokac: “Bulimakaozi gie bagarehuc sopâc kecɋaŋ nâzo mume mi sakarecnezemec. Eme Anutuzi dâŋ i bulimakao jaŋere sawa manasuhuc muwec me?
1CO 9:10 Ŋic nâŋâcne mâmâc mi muwec me? I nâŋâcne hâcne mukicne. Gie he rikec eekaczi mâc mi eekac, fârine fuame nâocte manasuhuc eekac, â sara mamac eekac e iŋuc jaha fârine fuacneocte manasuhuc eekac.
1CO 9:11 Nâŋe ŋoŋerao maŋte wiac sara mamac embeŋko okacne ŋoŋeraonec sahacte wiac ronaŋte manapie ŋemâckekac me?
1CO 9:12 Gâcne jaŋe ŋoŋeraonec nânâ mafa rohapie nâŋe gie fuŋkembeŋzi rorone mi fokac me? Erâ ine Kristo Biŋebiaŋ-ticne aka hecnenšipeŋte ŋoŋeraonec nânâ mafa rorore mukicne i qikiŋnehuc mâc hume serereŋ jueŋgopeneŋ.
1CO 9:13 Taha ufuŋko gie baeŋgopieŋ jaŋe taha ufuŋkonec nânâ nâeŋgopieŋ, â alatao bâzi ririke gie baeŋgopieŋ jaŋe alatare wiac nâ bac eeŋgopieŋ, i ŋoŋe mi manaeŋgopieŋ me?
1CO 9:14 Eme Wofuŋ e Biŋebiaŋ mumu ŋic nâŋe iŋuc jaha Biŋebiaŋzi sahacte dope wiac kifua-nâreocte muwec.
1CO 9:15 No ine hata i mi âteekopac. Erâ ŋoŋe irec sâcko enareniŋte manasuhuc mi qâreŋkekopac, aricne. Hâmoczi rocnuzac irec manape afeckezac, â šeridâŋ-nane i babawaha-nare irec ine manape ŋic moczi mi enare-jâmbâŋkezejec ekac.
1CO 9:16 Biŋebiaŋ muromackeekopac irec mumumbiaŋ dâŋ mupe wemocko sâckeocmu, gie i hâcne nore faio râekicne i¡ Eme hetarepe, jei, Wofuŋzi weniŋuc enareocmu¡
1CO 9:17 Gie i no nahacne maŋte fuarâ bazapo muzac juku furine rozapo. Nahacne maŋte mi ropore šiŋuc ekac: Micne gie fai-naneo fewec.
1CO 9:18 Hâc, eme wemo furi roekopac? Furine šiŋuc: No miti kiŋaŋ rahuc ŋic Biŋebiaŋ furimâc jazaekopac, ehuc Biŋebiaŋ mumure furi sahackopec wiac rorore mukicne i qikiŋneekopac.
1CO 9:19 No ŋic sasawa jaŋere kiŋaŋ qaqa mi jukopaczi sifu kiŋaŋ qaqa-jeŋic epo jukopac. I ŋic bocjahazi miti manarâ biaŋkeniŋte manasuhuc epo hâcne.
1CO 9:20 Judaŋic jaŋerao juhuc Judaŋic hawari epo, i Judaŋiczi biaŋkeniŋte. Sâcmutâc dâŋte kiŋaŋ qaeŋgopieŋ jaŋerao juhuc sâcmutâc dâŋte kiŋaŋ qaqa hawari epo, i no nahac sâcmutâc dâŋte kiŋaŋ qahuc mâcne, i kiŋaŋne qaeŋgopieŋzi biaŋkeniŋte epo.
1CO 9:21 Qâpuc sâcmutâc dâŋ tâmiric jaŋerao juhuc sâcmutâc dâŋ tâmiric hawari epo, i Anuture maio sâcmutâc dâŋ tâmiric juhuc mâcne, no Kristore sâcmutâc dâŋ bajuekopac, erâ qâpuc jaŋe biaŋkeniŋte iŋuc epo.
1CO 9:22 Ŋic dodocne jaŋerao juhuc dodocne hawari epo, i dodocnezi biaŋkeniŋte epo. Ŋic fuŋne fuŋne jaŋerao juhuc hawari fuŋne fuŋne epo, i gâcnezi sipirickehapie sifu gâcnezi biaŋkeniŋte.
1CO 9:23 Wiac sasawa i mâc mâcne, Biŋebiaŋzi fua raocte eekopac, erâ no nahac wâc irec kâdoc ropemurâ eekopac.
1CO 9:24 Ŋoŋe kecšiŋuc mi manaŋgopieŋ me? Sâsâc eere hofao ira motec jaŋe gagasa i mâmâc gasacke-fâreniŋmu, â eri roro ine mocsâkoazi mao bâbâni fisirâ roocmu. Eme ŋoŋe iŋuc jaha eri-ŋeŋic roniŋte gasackenšepieŋ
1CO 9:25 Motec jaŋe sasanaŋte sâsâc ehuc sowa fuŋne fuŋne jueŋgopieŋ, jaŋe eri sisirowenere iŋuc eeŋgopieŋ, nâŋâc ine eri fofo sanaŋte iŋuc enšepeneŋ.
1CO 9:26 No nahac wâc gasackeekopac, i ma hone dendeŋnehuc gasackeekopac. No sându-nane sawao kosa mi wickeekopac.
1CO 9:27 No ŋic miti muromacke-jarehuc juku nahacne rârâricne ezipore sahac-nane ro waha âte ecnehuc ŋicbomboŋ-ticne juekopac.
1CO 10:1 Âgofâc-nane, no mimiŋnefâc-nâŋec wiac embiŋ irec manasu-ŋarepe mananiŋ Jaŋe mâmâc sasawa karoraczi sâoc-jopaha rahuc hâwec fotâcnembiŋ.
1CO 10:2 Ehuc Mosere ŋicfâc eniŋte karorac â hâweczi miti opâ-jeŋic eme ruambiŋ.
1CO 10:3 Erâ Mârozi nânâ bâfua-jarewec i jaŋe mâmâc sasawa nârambiŋ,
1CO 10:4 â Mârozi opâ bâfua-jarewec i wâc mâmâc sasawa nârambiŋ. Mârore qânâzi bâjâpec-jopawec, eraonec hâcne opâ wahame nâmbiŋ, qânâ šâŋene Kristo.
1CO 10:5 Eme sifu Anutuzi gâcne sâko mana sâqore-jareme mâreŋ sawao hâmo sipiric efârembiŋ.
1CO 10:6 Jaŋerao wiac fuawec i uŋsawaŋ-nâŋec ekac, jaŋe sâqocnere andac embiŋ iŋuc jaha enšipeŋte.
1CO 10:7 Jaŋeraonec gâcnezi nemu qaŋgec wiacte kiŋaŋ qaqa embiŋ, iŋuc wâc mi enšepeneŋ. Dâŋqâreŋ šiŋuc hâcne fokac: “Ŋic jaŋe waha ŋehuc tiwâ šepec nâku faharerâ gae wohuc domambiŋ.
1CO 10:8 Erâ sasec boe sau wâc mi enšepeneŋ. Jaŋeraonec gâcnezi sasec boe sau embiŋ, ehuc šoaŋ gie bapa ijaha ŋic 23 tauseŋ hâmombiŋ.
1CO 10:9 Erâ Wofuŋ maŋbâiŋ wâc mi ecnenšepeneŋ. Jaŋeraonec gâcnezi maŋbâiŋ ecnepie homazi kicjopame hâmo sipiric embiŋ.
1CO 10:10 Erâ kâroŋ wâc mi qanšepeneŋ. Jaŋeraonec gâcnezi kâroŋ qapie sisipiric runezi sipiric-jopawec.
1CO 10:11 Jaŋerao wiac fuawec izi ma âkendâŋnekicne ekac. Eme mâreŋte dameŋ qândâŋkeha juŋgopeneŋ nâŋâcnere uŋsawaŋ muhuc dâŋbinaŋ i hâcne qâreŋkekicne.
1CO 10:12 Irec hâcne moc e jahacnere maname sasanaŋ eekaczi dockezacte rumehuc juzejec.
1CO 10:13 Ŋoŋerao eesâic fua warewec i ŋic tâpiri-ŋeŋicte sâcko fuawec. Erâ Anutu e mume sasanaŋzi eesâic baafeckeme tâpiri-ŋeŋicte sâc mi jâuruocmu. Erâ eesâic fuaocmu sâc âte sâoc-ŋopame sâcne sanaŋkeniŋmu.
1CO 10:14 Irec hâcne, âgofâc-nane, ŋoŋe nemu qaŋgec wiacte geŋkerâ junšepieŋ.
1CO 10:15 Ŋoŋe maŋ mamanasuhec juŋgopieŋ, irec dâŋ ši mupe ŋaŋac mana honeniŋ.
1CO 10:16 Râqâcko waiŋ jambuŋkewecte jambuŋkerâ nâhuc Kristore sochec šušuhuc mi eeŋgopeneŋ me? Á poroŋ nâhuc Kristore sahachec šušuhuc mi eeŋgopeneŋ me?
1CO 10:17 Nânâzi mocjaha, i gugumec ehuc ŋic bocjahazi âgo guru mocjaha eeŋgopeneŋ.
1CO 10:18 Ŋoŋe sahackopec Israe ŋic juŋgopieŋ jaŋere manasuniŋ. Ŋic taha bâzi nâeŋgopieŋ jaŋe alatahec šušuhuc mi eeŋgopieŋ me?
1CO 10:19 Dâŋ i weniŋucte mukopac? Nemure tiwâ šepec i wiac fârine me? Á nemu e jahacne wâc fârine me?
1CO 10:20 Iŋuc aricne. Qâpuc jaŋe tiwâ šepec rikeeŋgopieŋ i Anuture biŋe mâcne, i demoŋ jaŋere biŋe eekac. Eme no ŋoŋere šiŋuc mukopac: Ŋoŋe demoŋ jaŋehec šušuhuc mi enšepieŋ.
1CO 10:21 Wofuŋte râqâckonec nâhuc demoŋ jaŋere râqâckonec mâmâc nânâ i sâcne mi eniŋmu. Á Wofuŋte teboonec nâhuc demoŋ jaŋere teboonec mâmâc nânâ i wâc sâcne mi eniŋmu.
1CO 10:22 Me nâŋâc Wofuŋ maŋbâiŋ ecnenaŋ me? Nâŋâcne tâpirizi ere sirickekac me?
1CO 10:23 Wiac sasawa eene fokac, erâ wiac sasawa epene izi sâcne mi bafic-nâpoocmu. Wiac sasawa eene fokac, erâ wiac sasawa ehuc mitio dodopec eene ine mi fokac.
1CO 10:24 Moc e jahacnere mi manasuhuc, âgo-ticnere manasuzejec.
1CO 10:25 Ŋoŋe buŋko bec qowi furine bazo murâ kosa banšepieŋ, ehuc keci omane me nemure ufuŋkonec, iŋuc muhuc mu manabâc mi enšepieŋ.
1CO 10:26 Mâreŋ â wiac sasawa mâreŋ fusucmarâ fokac i Wofuŋzi rune Jukac.
1CO 10:27 Qâpuc moczi hezu hewâneŋ eŋareme ficticnao fezo murâ fenšepieŋ, erâ nânâ qowi gumec-ŋopame manabâc tâmiric kosa nâhuc mu wioc mi enšepieŋ.
1CO 10:28 Á nahapie ŋic moczi šiŋuc moc ŋazaocmu: “Bec ši nemu ufuŋkonec”, eme mi nânšepieŋ. I mufua-ŋareocmu ŋic ere manabâc ehuc qikiŋnenšepieŋ.
1CO 10:29 I nâpie ŋaŋacne maŋ sâqorezacte mâcne, âgo-ŋeŋicte maŋ sâqorezacte mukopac. No nahacne maŋ manabâc tâmiric fome wemocte moczi e jahacne maŋte sâc norao âke hotaocmu?
1CO 10:30 No Anutu daŋge âzâcnehuc nunumu faio nâpe moczi wemocte mana sâqore-nareocmu?
1CO 10:31 Irec ŋoŋe nânâ qowi nâniŋte, me i me i eniŋte Anutu mumbiaŋkehuc enšepieŋ.
1CO 10:32 Ŋoŋe Judaŋic â Grikŋic â Anuture kikefuŋ jaŋere maio bahacmâc jupie moc mi mana sâqore-ŋarenšepieŋ.
1CO 10:33 No iŋuc jaha ŋic fuŋne fuŋne jaŋe honecnupie sâckeocte juhuc no nahacne wiac biaŋkeocte mâcne, ŋic bocjaha miti manarâ biaŋkeniŋte giene baekopac.
1CO 11:1 No Kristore hata âtehuc bâjâpeekopac, eme ŋoŋe iŋuc jaha nore hata âtehuc bâjâpecnunšepieŋ.
1CO 11:2 Ŋoŋe wiac ebac epo Irec manasu-fârehuc mumutâc dâŋnanere sâcko jueŋgopieŋ, irec manape biaŋkekac.
1CO 11:3 Eme ši moc mupe mananiŋ, Kristo e ŋicte kâcɋene, ŋic e ŋokacte kâcɋene, Anutu e Kristore kâcɋene.
1CO 11:4 Ŋic moc e qârufac rojuhuc numuocmu me Anuture micdâŋ mufuaocmu, e kâcɋene-ticne mimi qaqa ecneocmu.
1CO 11:5 Á ŋokac moczi qârufac tâmiric juhuc numuocmu me Anuture micdâŋ mufuaocmu, e iŋuc jaha kâcɋene-ticne mimi qaqa ecneocmu, erâ ŋokac kosa jujune qizec-jeŋic rokicne jaŋehec sâc mocjaha eocmu.
1CO 11:6 Irec ŋokac moc qârufac tâmiric jume qizec rocnezo. Me ŋokac moc e irec mimierâ qizec susuc-ticne sakareocmuzi qârufac rojuzejec.
1CO 11:7 Ŋic e ine qizectuc juzejec. E Anuture hawari â Anuture eri tofa bakicne irec. Ŋokac e ine ŋicte eri tofa bakicne.
1CO 11:8 Ŋic e ŋokactaonec mi rokicne, ŋokaczi ŋictaonec rokicne.
1CO 11:9 Ŋic e ŋokacte erâ mi bâfuakicne, ŋokac e ine ŋicte erâ bâfuakicne.
1CO 11:10 Ŋokac e ŋicte wahamicne jukacte irec ma moc qârufac hâcne rojuzejec, mâc jume aŋelo jaŋe honepie sâqorezacte.
1CO 11:11 Erâ sifu ŋic e mocbuc-ticne juju â ŋokac e mocbuc-ticne juju i Wofuŋte maio mi fokac.
1CO 11:12 Ŋokac e ŋictaonec rokicne, iŋuc wâc ŋiczi ŋokackonec fua sawec eeŋgopeneŋ. Erâ wiac i sasawa Anuturaonec.
1CO 11:13 Ŋoŋe ŋaŋac mana honeniŋ, ŋokac moc qârufac tâmiric juhuc Anutu numucneme sâckeocmu me?
1CO 11:14 Á ŋic moc e qizec susuc šoricne rojume iŋuc jaha honepie mi sâckeocmu, irec fuŋne mârâc miti tâmiric juhuc wâc manambiŋ.
1CO 11:15 Á ŋokac moc qizec susuc šoricne rojume e ine honepie biaŋkeocmu. Qizec susuc šoricnezi qârufac-ticne eekac.
1CO 11:16 Moc e dâŋ ši qâsuazo murâ šiŋuc manazejec: Mâsi i nâŋe â Anuture kikefuŋ gâcne mi bajueŋgopeneŋ.
1CO 11:17 Wiac moc ši ine mana-ŋarepe bahacnehec eha uŋ sawaŋ eŋarehuc mupe: Ŋoŋe tumaŋnehuc maŋ biaŋ qaqac mi ehuc maŋ bâbâsâqorec eeŋgopieŋ.
1CO 11:18 Erâ mitire tumaŋnepie ŋondeŋ-ŋeŋicko fâfâuc fuaekac, iŋuc nazapie manape jâmbomac tinac ekac.
1CO 11:19 Erâ fâfâuc i mâc mâcne, ŋoŋeraonec wenizi mitio sanaŋkeŋgopieŋ jaŋe fua tâcneniŋte hâcne fuakac.
1CO 11:20 Eme ŋoŋe Wofuŋte Tiwâ nâniŋte tumaŋnerâ hesifuckeeŋgopieŋ.
1CO 11:21 Ŋaŋacne nânâ bafisirâ boki mi bahuc fâro erâ buc buc nâpie moc e hâmoekac â moc e gapecmâc nâekac.
1CO 11:22 Hâc, ŋaŋacne fic basahuc iŋuc eeŋgopieŋ me? Ŋoŋe nânâ opâ nâzo murâ ira nanšapiŋ¡ Wemocte Anuture gurufâc jaŋere manapie wawahane eme hapetac busâqoc ejareeŋgopieŋ? Wemo ŋazape? Mumbiaŋ-ŋopape? Wiac kecirec mi mumbiaŋ-ŋopazo.
1CO 11:23 No Wofuŋtaonec hâcne ropo i ŋarepo wâc. Ine šiŋuc: Wofuŋ Jesu e Judazi doc bawec ŋafe ira poroŋ rorâ
1CO 11:24 daŋge murâ bazurâ muwec: “Kecši fâri-nane, ŋoŋere due bahuc qikiŋnekicne. Nore manasuhuc iŋuc nâhuc junšepieŋ.”
1CO 11:25 Poroŋ nâpie waiŋ râqâc iŋuc jaha rorâ šiŋuc muwec: “Râqâc kecšira šâšâfic ɋâricnere socnane ŋekac. Nâniŋmu sâc nore manasuhuc iŋuc nâhuc junšepieŋ.
1CO 11:26 Ŋoŋe poroŋ â waiŋ i nâniŋmu sâc Wofuŋ hâmoc biŋe-ticne mutaniŋkehuc juhapie risieocmu.
1CO 11:27 Irec moc e poroŋ â Wofuŋte waiŋ i enšaŋauc ecnehuc nâocmu, e Wofuŋ fâri â socticne nâsifuckeme kiŋnehec eocmu.
1CO 11:28 Irec moc e poroŋ â waiŋ nâzo murâ qanaŋ maŋticnere fuŋne hone manac ehuc bajaŋgeŋkerâ nâzejec.
1CO 11:29 Moc e Wofuŋte fâri hone šâŋitac mi ehuc nâocmuzi kiŋticne nâfuaocmu.
1CO 11:30 Ŋoŋe iŋuc hâcne eeŋgopieŋte huc dodoc â huc šâic boc eŋareekac, â gâcnezi biac hâmocko foŋgopieŋ.
1CO 11:31 Nâŋâc nâŋâc fuŋne-nâŋec bataniŋkenšapeŋ muzac, Wofuŋzi mi bataniŋkezac.
1CO 11:32 Qâoma epene ine Wofuŋzi fuŋne-nâŋec bataniŋkehuc bâtiŋ-nâpoocmu, miti tâmiric jaŋehec juku behec-nâpome sipirickenšipeŋte iŋuc hâcne enâreocmu.
1CO 11:33 Âgofâc-nane, ŋoŋe tiwâ wirec nâniŋte tumaŋnerâ woŋec ŋehapie fisi-fârepie fuŋkenšepieŋ.
1CO 11:34 Moc e nânâre boc ecneme qanaŋ e jahacne ficko nâzejec, tutumaŋ bâbâsifucne epie okacne fua-ŋarezacte. Dâŋ gâcne i no nahac fârâ mutâcne-ŋarepemu.
1CO 12:1 Âgo bureŋ, Mâroraonec miti kadahe irec fuŋne kâuc banšipiŋte ŋazape mananiŋ.
1CO 12:2 Ŋoŋe mârâc jaha qâpuc juhapie maŋšoc fua-ŋarewec sâc nemuɋâŋ kâpâne jaŋerao ra qohota jumbieŋ.
1CO 12:3 Eme irec ŋifecne mupe mananiŋ: Moc e Anuture Mârozi bufahac qacnehame wemocko muocmu “Jesu go sâwecgukopac”, â moc e Tiri Mârozi bufahac mi qacnehame wemocko muocmu “Jesu e Wofuŋ”.
1CO 12:4 Mitire kadahe fuŋne fuŋne fokac, Mâro ine mocjaha,
1CO 12:5 mitire kiŋaŋ gie fuŋne fuŋne fokac, gie rune ine Wofuŋ mocjaha,
1CO 12:6 mitire tâpiri fuŋne fuŋne fokac, tâpiri rune ine Anutu mocjaha. Eki hâcne bâfua-nâre-fâreekac.
1CO 12:7 Mâro e mitio juhâmonaŋte ŋic ru sâc tâpiri-ticne kâdoc qanâreekac.
1CO 12:8 Moc e Mârozi ecneme miti maŋɋârâŋhec muocmu, moc e Mâro izia ecneme sâc mitire fuŋne hukicne muocmu,
1CO 12:9 moc e Mâro izia ecneme mamanasiŋ sâkohec juocmu, moc e Mâro izia ecneme ŋic huc šâichec ɋiɋicne bacjopaocmu,
1CO 12:10 erâ moc mâsi baocte tâpiri bâfuacneocmu, moc findaŋdâŋ muocte maŋne bâuŋtoocmu, moc e mâro fuŋne fuŋne šâŋitaocte maŋne batamaeocmu, moc e miti marac furuo muocte micne baafeckeocmu, moc e miti marac furu manarâ ŋic dâjeŋicko bâtikieocte bafickeocmu.
1CO 12:11 Wiac i sasawa Mâro izia bafâreekac, ehuc maŋticnere ŋic ru sâc wiac bârâwiŋne-nâreekac.
1CO 12:12 Ŋic nâŋâc sahac-nâŋeczi mocjaha â sahacte kiŋaŋ qaqafâc ine bocjaha, eme jaŋe bocjahazi qâturepie sahac mocjaha ekac” eme Kristorao sâc ijaha fokac.
1CO 12:13 Mâro mocjahazi nâŋâc Miti Opâo bâturec-nâpome sahac-nâŋecte sâc erâ mocjaha embeŋ. Judaŋic â Grikŋic, kiŋaŋ qaqa â ŋicbomboŋ, nâŋâc Mâro i jaha sasawa ro maŋ efârekicnere mocjaha embeŋ.
1CO 12:14 Eme sahacte kiŋaŋ qaqa iŋuc jaha mocjaha mâcne, bocjaha.
1CO 12:15 Eme kike e wemocko šiŋuc muzac: `No me aricne, irec  sahacte tofa mi ekopac”, iŋuc murâ wemocko sahac beherâ buc juocmu?
1CO 12:16 Me hazeczi wemocko šiŋuc muzac: “No šâŋe aricne, irec sahacte tofa mi ekopac”, iŋuc murâ wemocko sahac beherâ buc juocmu?
1CO 12:17 Sahacko šâŋe sasawa fome muzac sahaczi hazec basazac. Me hazec sasawa fome muzac sâke basazac.
1CO 12:18 Anutu e ine mana tarahuc sahacte kiŋaŋ qaqa gie fuŋne fuŋne mujarewec.
1CO 12:19 Sahacte kiŋaŋ qaqa fuŋne-jeŋic mocjaha efâreme muzac sahac e sâqorerâ arictac ezac.
1CO 12:20 Ʒi ine kiŋaŋ qaqazi bocjaha â sahaczi mocjaha.
1CO 12:21 Eme šâŋezi wemocko me âzâcneocmu, “No go tâmiric sâcne jupemu.” Me qizeczi wemocko kike jasaocmu, “No ŋohe tâmiric sâcne jupemu.”
1CO 12:22 Aricne, sahac-nâŋecte tofafâc dodocne jaŋe tâmiric hâcne sâcne mi juzo.
1CO 12:23 Á sahac-nâŋecte tofafâc wawahane jaŋe hâcne hone jauŋ ejareeŋgopeneŋ, â miminehec jaŋe foŋjopapene biaŋne hawari eeŋgopieŋ.
1CO 12:24 Hawari biaŋ jaŋe ine tâtâc foeŋgopieŋ. Anutu e sahac bâfuahuc tofafâcne gâcne wahakicne jaŋe gie fekicne mujarewec.
1CO 12:25 I sahac-nâŋecte tofafâc fâfâuc mi ehuc kiŋaŋ qaqac sâckoa eniŋte iŋuc hâcne ewec.
1CO 12:26 Irec tofane moczi šâic maname gâcne jaŋe mâmâc mana-fâreniŋmu, me moczi šeri eme gâcne mâmâc šeri efâreniŋmu.
1CO 12:27 Ŋoŋe mâmâc sâko qâturerâ Kristore sahac eŋgopieŋ â buc buc sahac-ticnere kiŋaŋ qaqafâc eŋgopieŋ.
1CO 12:28 Anutu e kikefuŋfâc-ticne nâŋâcnao ŋic šiŋuc râec-jopawec: Qanaŋ aposolo, izi porofete, izi qaqazu, erâ ŋic mâsi bapare tâpirihec â ŋic huc šâic bâbâpiaŋ irec tâpirihec, erâ jauŋ bapa, erâ soŋaŋ, erâ dâŋ marac furuo mumu, iŋuc hâcne râec-jopawec.
1CO 12:29 Nâŋâc aposolo sasawa râec-nâpowec me? Me porofete me qaqazu sasawa râec-nâpowec me? Me mâsi bapare tâpiri
1CO 12:30 me huc šâic bâbâpiaŋ irec tâpiri fonâre-fârekac me? Me dâŋ marac furuo mumu me ŋic dâŋjeŋicko bac bâtikic eene jufâreŋgopeneŋ me?
1CO 12:31 Ŋoŋe mitire kadahe fekicne bâfuaniŋte šoɋac enšepieŋ. Eme noni irec hata biaŋne jâmbâŋ ši ŋowatupe honeniŋ.
1CO 13:1 No ŋicmaracko me aŋelo maracko miti muzapo, ehuc maŋjauŋ tâmiric juzapo, ine qeŋ goŋgoŋ iŋucne erâ dâŋ fânâŋ sawa ezapo.
1CO 13:2 Me no porofete juhuc dâŋ soŋne mana-fârezapo â mitire šuhucne mana utucke-fârezapo â tiki mupe rârieocte irec sâc mamanasiŋ fonarezac, ehuc maŋjauŋ tâmiric juzapo, ine ŋic jawane ezapo.
1CO 13:3 Me wiac-nane sasawa hapetac bâmec bajarezapo â sahac-nane qikiŋnepe šocte nânâ ezac, ehuc maŋjauŋ tâmiricko ezapo, ine racne efârezac.
1CO 13:4 Maŋjauŋheczi wama ruaine juocmu, maŋjauŋheczi iiŋguuŋ mi eocmu, maŋjauŋheczi penaroŋ mi eocmu, e jahacnere maname fefene mi eocmu
1CO 13:5 e šaubac tâmiric, iiriac tâmiric, aaric tâmiric, kiŋ babaju tâmiric juocmu”
1CO 13:6 sâqocnezi haŋ bame busâqoc manaocmu, â mitizi haŋ bame bubiaŋ manaocmu”
1CO 13:7 maŋjauŋhec e dede ââsic-ticne ɋârâŋne, mamanasiŋ-ticne ɋârâŋne, maŋzi woworic-ticne ɋârâŋne, maŋuruc-ticne ɋârâŋne.
1CO 13:8 Maŋjauŋ i tatarane tâmiric. Findaŋdâŋ mumu i tataranehec, erâ dâŋ marac furuo mumu i wâc tataranehec, â fuŋne mamana i wâc tataranehec.
1CO 13:9 I šiŋucte: Fuŋne mamana-nâŋec i faisuc â findaŋdâŋ mumu-nâŋec i faisuc jaha wâc.
1CO 13:10 Juku ine wiac fofo dunduŋne fuame wiac faisuc eenezi omaezokac.
1CO 13:11 No ɋiene juhuc ɋiedâŋ mujupac â ɋiemaŋhec jujupac â ɋie mamana mana jupac. Izi juku ŋic erâ ɋie wiac hetarapo.
1CO 13:12 Dameŋ šiŋuczia wiac honeeŋgopeneŋ i turuŋzi hawari bâtikie-nâreme sisifucne honeeŋgopeneŋ irec sâc, juku ine fârine šâŋeo hehec erâ hone mana tarac ezokopac, i Wofuŋzi no hone mana tarac enarewec irec sâc.
1CO 13:13 Eme fofo sanaŋ foniŋmu ine mamanasiŋ, woworic â maŋjauŋ, jaŋe jahec â moczi. Maŋjauŋzi ine micne ekac.
1CO 14:1 Ŋoŋe maŋjauŋhec juniŋte ɋicwânšâŋ enšepieŋ. Erâ miti kadahe gâcne roniŋte irec wâc šoɋac enšepieŋ, ehuc Anuture micdâŋ mumufuare manapie fefene ezejec.
1CO 14:2 Moc e dâŋ marac furuo muekac e ŋic mi jazahuc Anutu âzâcneekac. E Mârozi ecneme dâŋ marac furuo mume ŋic jaŋe kâuc baeŋgopieŋ.
1CO 14:3 Á Anuture micdâŋ mufuaekaczi ine ŋic faŋ qajareekac â âkesiŋ-jopaekac â buuruc qajareekac.
1CO 14:4 Marac furuo dâŋ muekaczi e jahacne maŋ âkesiŋkeekac, â Anuture micdâŋ mufuaekaczi ine kikefuŋ guru âkesiŋ-jopaekac.
1CO 14:5 Ŋoŋe dâŋ marac furuo mufârepie manape sâckeocmu, Anuture micdâŋ mufuapie ine manape sâcke-hâmoocmu. Anuture micdâŋ mufuaekac ŋic e marac furuo dâŋ mumuŋic ere sâc sirickekac. Mocjaha, marac furuo dâŋ muku kikefuŋ guru bâtikie-jareme manarâ fârine bajupie ine sâcjeŋic mocjaha eocmu.
1CO 14:6 Âgofâc, no ŋoŋerao fârâ marac furuo dâŋ ŋazape wemocko âkesiŋ-ŋopaocmu? No muraruŋ dâŋ me miti hukicne me findaŋdâŋ me mu qaqazuc dâŋ muratie-ŋarepe ine sâcne maŋfâri-ŋeŋic eocmu.
1CO 14:7 Wiac omane, woŋgâŋ mimi ŋokac wiac, i qapie dâŋ hawarine tâtâc mi fuame wemocko šâŋitazo?
1CO 14:8 Me qeŋ kosa qapie dâŋ eme manarâ wemocko “wiac mocte kuku qanâreŋgopieŋ” muhuc ra bafic-jopaniŋmu?
1CO 14:9 Á ŋoŋe iŋuc jaha marac furuo dâŋ foŋnehec mupie gâcnezi wemocko mananiŋmu, i dâŋŋeŋiczi qahameŋkeocmu.
1CO 14:10 Mâreŋ sâc ŋic dâŋmarac fuŋne fuŋne forakac i mamanane sasawa.
1CO 14:11 Mâc noni dâŋmarac moc kâuc bapemuo dâŋ irec runezi nore maname mutucne eocmu, â noni ere iŋuc jaha manape mutucne eocmu.
1CO 14:12 Eme ŋoŋerao fuŋne ijaha fokac. Mârore tâpiri ŋoŋerao fuaocte mueŋgopieŋ i sâcne, erâ i hâcne mitizi kikefuŋ âkesiŋ-jopaocte šoɋac enšepieŋ
1CO 14:13 Irec marac furuo dâŋ muocmu e fuŋne mana-hâmorâ ŋic ŋokac bâtikie-jareocte Wofuŋ numucneme bafickezejec.
1CO 14:14 No marac furuo numupemu, ine maŋ qâqâtâc-nanezi sawa epemu, â mamana-nanezi mâc foocmu.
1CO 14:15 Eme irec weniŋuc ezo? Kecšiŋuc ezo: No maŋ qâqâtâc-nanezi numume mamana-nanezi mana tararâ miczi mutaniŋkezejec.
1CO 14:16 Me go maŋ qâqâtâcgezi Wofuŋ muteŋketec ŋic omane moczi dâŋge kâuc bahuc wemocko baficgurâ “Jâmbomac” muocmu?
1CO 14:17 Go mumuteŋ dâŋ fârinehec mucmu mecne, erâ âgogezi kâuc baha wemocko maŋne âkesiŋkeocmu?
1CO 14:18 Anutu daŋge âzâcnekopac, marac furuo dâŋ mumu i no ŋoŋere sâc mâcne, sâc fekicne fonarekac.
1CO 14:19 Eme irec manape fârine eme muzac, tutumaŋko marac furuo dâŋ šoricne šora muzo murâ muzapo. Erâ no irec manape wahakac, â mitidâŋ jahec mac sawa mutaniŋkehuc ŋic ŋokac jaza qazuc ee, irec ine manape fekac.
1CO 14:20 Âgofâc, dâŋ mana wosâc eere mamana-ŋeŋiczi ɋie jaŋere sâc mi ezejec, sâqocnere i ɋiene jaŋere sâc enšepieŋ, â mana wosâcte ine maŋ mamana-ŋeŋiczi sokakicne jaŋere sâc ezejec.
1CO 14:21 Sâcmutâc dâŋqâhâcko dâŋ moc šiŋuc qâreŋkekicne fokac: “Wofuŋ e mukac, `No ŋic furune ejarepe jaŋe ŋicguru ši dâŋmarac furunao micdâŋ-nane jazapie i wâc sifu mi mananiŋmu. Ž `à
1CO 14:22 Eme irec ŋifecne mupe: Marac furuo dâŋ mumu i fuŋne qaqa mâsi moc, erâ i opâ ruac jaŋere biŋe mi ekac, i qâpuc jaŋere biŋe, â Anuture micdâŋ mumufua ine qâpuc jaŋere biŋe mâcne, i opâ ruac jaŋere biŋe.
1CO 14:23 Irec kikefuŋ guru tumaŋne-fârehuc mâmâc sasawa marac furuo dâŋ muhapie ŋic omane me qâpuc moczi hefârâ honec-ŋoparâ muocmu: “Maŋsifuc ejarekac.”
1CO 14:24 Á Anuture micdâŋ mufuahuc ŋehapie ŋic qâpuc me omane moczi ŋoŋerao hefârâ miti i manaocmu, ine mâmâc sasawa maŋticnere fuŋne bataniŋkeniŋmu â mumu hehec ecneniŋmu.
1CO 14:25 Eme maŋticnao wiac hesoŋkeme foekac i fua taniŋkeme šâŋe maine mâreŋko hetutuckerâ Anutu muafeckehuc muocmu, Anutu e jâmbomac ŋoŋehec jukac.
1CO 14:26 Âgo bureŋ, irec weniŋuc? Ŋoŋe tumaŋneniŋte murâ maŋ metariŋ mi fisieŋgopieŋ. Moc e miti gae bafisiekac, moc e mu qaqazuc dâŋ, moc e Anuture micdâŋ furune, moc e marac furu dâŋ, â moc e marac furu dâŋ irec fuŋne. Wiac i sasawa miti fua sawec eŋareocte enšepieŋ.
1CO 14:27 Marac furuo dâŋ muzo murâ boczi mâcne, jajahec me jahec â moc sawazi munšepieŋ. Erâ buc buc mupie sâc moczi fuŋne bâtikierâ ŋazazejec.
1CO 14:28 Bâbâtikie ŋic basaniŋmuo tutumaŋko marac furu dâŋ mi muzo. Moc e muzo murâ bucticne â Anuturao muzejec.
1CO 14:29 Anuture micdâŋ mumufua ine iŋuc jaha ŋic jajahec me jahec â moc munšepieŋ, eme gâcne mana wosâerâ ŋifecne munšepieŋ.
1CO 14:30 Moc e ŋehame Mârozi maŋticnao miti râeme muzo mume mârâc fuŋkejeczi behezejec.
1CO 14:31 Anuture micdâŋ mumufua i ezo murâ sâcne efârenšepieŋ, ehuc buc buc mupie gâcne sasawa jaŋe mitihec erâ maŋafec bâfuanšepieŋ.
1CO 14:32 Anuture micdâŋ mumufua ŋic mârofâc-jeŋic jaŋe porofete âgofâc-jeŋic jaŋere dâŋ reŋkenšepieŋ.
1CO 14:33 Anutu e hesi qâsifuc Anutu mâcne, e wama Anutu.
1CO 14:34 Kikefuŋ gâcnao mitire tumaŋnehuc ŋokac jaŋe dâŋemâc ŋeeŋgopieŋ, ŋoŋerao iŋuc jaha enšepieŋ. Ŋokac jaŋe iŋuc ehuc wahamicne juniŋte i sâcmutâc dâŋqâhâcko mukicne wâc.
1CO 14:35 Wiac moc manazo ejareme ficjeŋicko ŋowefâc-jeŋic mu wioc ejarenšepieŋ. Ŋokac moczi kikefuŋ tutumaŋko dâŋ mume mimi qaqanehec eocmu.
1CO 14:36 Me Anuture dâŋzi ŋoŋeraonec fuawec? Me ŋoŋe buc manambiŋ?
1CO 14:37 Ŋoŋeraonec moczi e jahacnere maname porofete me ŋic Mârohec eocmu, e dâŋ qâreŋke-ŋarekopac i Wofuŋte mumupaŋ, iŋuc mana tarazejec.
1CO 14:38 Moc e dâŋ ši maname fârine mi eme e mana suazo.
1CO 14:39 Irec, âgofâc, šiŋuc mananiŋ: Ŋoŋe Anuture micdâŋ mumufua irec šoɋac enšepieŋ, â marac furuo dâŋ mumure aka wâc mi henšepieŋ.
1CO 14:40 Wiac sasawa epie pec sererec â tiŋbenoŋ fozejec.
1CO 15:1 Âgofâc-nane, Biŋebiaŋ ŋazape manambiŋ, erâ wâc bajueŋgopieŋ, irecteaŋ manasu-ŋarepe.
1CO 15:2 Qazu-ŋarepo irec sâckoa bajuŋgopieŋko sâcne bâpiaŋ-ŋopaocmu. Me bajuhapie biac sifucke-ŋare wiac moc ewec?
1CO 15:3 Miti qizecne no narekicne ijaha ŋoŋe ŋarehuc kecšiŋuc muhuc fuŋke-ŋarepo: Kristo e miti papiao mucnekicne irec sâcko erâ sâqocne-nâŋecte okacne hâmowec.
1CO 15:4 Erâ miti papiao mucnekicne irec sâckoa šâŋeruŋko hurâ šoaŋ jahec â moc eha ɋârerâ faharewec.
1CO 15:5 Faharerâ qanaŋ Kefa fuacnewec, izi motecfâcne 12 fua-jarewec.
1CO 15:6 Izi mitiŋic šare-jeŋic 500 jâuruwec jaŋe tumaŋnehapie fua-jareme hone-fârembiŋ. Jaŋeraonec bocjahazi ɋâricne juŋgopieŋ, â gâcnezi hâmombiŋ.
1CO 15:7 Izi Jakobo fuacnewec, izi aposolo mâmâc sasawa fua-jarewec.
1CO 15:8 Ʒâhecko ine ombâŋtâc no wâc fua-narewec.
1CO 15:9 No aposolo waha qaqane jâmbâŋ, no Anuture kikefuŋ guru jopa sipiric ejarepore aposolo šâŋe munarepie mi sâckeekac.
1CO 15:10 No aposolo epo i Anutu aki anonoc-ticnere erâ epo. Erâ aki anonoc-ticnezi norao racne mi ewec. No gie bapo i gâcne jaŋere sâc jâurukac, erâ no nahac wemo-nanezi bazapo, Anuture aki anonoc norao fowec izi bawec.
1CO 15:11 Eme no mecne jaŋe mecne miti iŋuc hâcne muromackeeŋgopeneŋ, eme ŋoŋe i hâcne manambiŋ bajuŋgopieŋ.
1CO 15:12 Kristo e hâmockonec ɋârerâ faharewec, miti iŋuc muhuc ŋazapene wemocte ŋoŋeraonec gâcnezi hâmockonec fafahare mi fokac mueŋgopieŋ?
1CO 15:13 Hâmockonec fafahare-nâŋec i mickehuc Kristo fafahare-ticne mâmâc mickezo.
1CO 15:14 Kristo mi faharezacko ine miti mumu-nâŋec fârimâc ezac â mamanasiŋ-ŋeŋic iŋuc jaha fârimâc ezac.
1CO 15:15 Erâ i sawa mâcne. Nâŋe Anuture mumbeŋ, e Kristo hâmockonec bafaharewec. Eme hâmockonec fafahare mi fozacko Anutuzi wemocko Kristo bafaharezac. Irec dâŋ mumbeŋ i Anutu micko itic ecnehuc burecŋicfâc-ticne eŋgopeneŋ ezac.
1CO 15:16 Ŋic hâmockonec mi fahareniŋmu, iŋuc murâ Kristore iŋuc jaha hâmockonec mi faharewec muzo.
1CO 15:17 Kristo e hâmockonec mi faharezacko ine mamanasiŋ-ŋeŋic racne ezac â kiŋŋeŋic foŋarezac,
1CO 15:18 â Kristo manasiŋkehuc hâmombiŋzi sipirickembiŋ ezac.
1CO 15:19 Nâŋâc mâreŋko šira sawa Kristore mamanac maŋgâŋ junšapeŋko, ine mamakucne fuŋmoc ehuc gâcne siric-jopa-fârenšapeŋ.
1CO 15:20 Erâ iŋuc mâcne, Kristo e jâmbomac hâmockonec ɋârerâ ŋic hâmokicne jaŋere micne barâ faharewec jukac.
1CO 15:21 Ʒiŋucte hâcne: Ŋiczi hâmoc fuŋke-nârewec iŋuc jaha ŋiczi hâmockonec fafahare fuŋke-nârewec.
1CO 15:22 Adamhec šušuhuc-nâŋec fokacte hâmo-fâreeŋgopeneŋ, iŋuc jaha Kristohec šušuhuc-nâŋec fokacte fahare-fârenšoŋgopeneŋ.
1CO 15:23 Erâ birine mukicne sâc faharezo: Micne bapazi Kristo, izi fifisi-ticnao Kristore bufuŋfâc,
1CO 15:24 izi dameŋ taraocmu” Kristo e fekicne â tâpirihec â šoɋac sasanaŋhec bawahac-jopame munaŋke-fârehapie Wofuŋ gie-ticne i Anutu Mamac-ticne bârisiecneme dameŋ taraocmu hâcne.
1CO 15:25 Ʒi ine Wofuŋ gie-ticne bahuc juocmu, juku râsifâc-ticne ro waha âte ejare-fârerâ gie-ticne bataraocmu.
1CO 15:26 Râsi sâko mimic qa imac ecneocmu šâŋene hâmoc.
1CO 15:27 Anutuzi ŋic â wiac sasawa Kristore wahamicnao râec-nâpo-fârewec hâcne. Erâ dâŋ šiŋuc fokac, “Ŋic â wiac sasawa bawahac-joparâ ere wahamicnao guruc-jopa-fârewec”, dâŋ i manapene Anuture mâmâc mukicne mi ezejec. E hâcne Kristore wahamicnao guruc-nâpoweczi rurumaŋnao mi huocmu.
1CO 15:28 Mamac e ŋic â wiac sasawa Ŋokâ rurumaŋnao guruc-nâpo-fâreme Ŋokâ e Mamacte wahamicnao waharâ domaocmu. Eme Anutuzi qâhuc-nâpo-fârerâ juju isiricke-fâreocmu.
1CO 15:29 Ŋoŋeraonec gâcnezi hâmokicne jaŋere erâ Miti Opâ ruaeŋgopieŋ, i hâmockonec fafahare mi fokacko wemocte iŋuc eeŋgopieŋ?
1CO 15:30 Erâ wâc nâŋe ine wemocte šârâ hâriŋ faio gâbâmâc qâmâc jumbeŋzi jueŋgopeneŋ?
1CO 15:31 Âgofâc-nane, Kristo Jesu Wofuŋ-nâŋeczi eri-nane râec-ŋopawec ŋoŋere maio mukopac: No šoaŋ gie bapa sâc hâmoczi bâmbeŋnuha juekopac.
1CO 15:32 No Efeso haeo qowi mimicne jaŋehec juju gie bapo i ŋicdâŋko siŋkehuc epoo wemo fârine mo fua-nareocmu? Hâmockonec fafahare mi fokacko šiŋuc mupene sâckezac: “Tomâcko moc hâmonšipeŋte miŋecgac jaha nânâ qowi ro nâc qânâc enaŋ.”
1CO 15:33 Moczi moc ba qâsoric eŋarenšipiŋ ine¡ Kosa jujune jaŋerao qohotaocmu e eebapa biaŋne sifuckecneocmu.
1CO 15:34 Ŋoŋe maŋŋeŋic ɋâreme pectâc juhuc sâqocne geŋkenšepieŋ. Ŋoŋeraonec gâcnezi Anuture kâuc baŋgopieŋ, i manarâ mimieniŋte mukopac.
1CO 15:35 Gâcnezi šiŋuc mecne muniŋmu: Hâmokicne jaŋe weniŋuc erâ fahareniŋmu â sahac hawari-jeŋic weniŋucnehec fuaniŋmu?
1CO 15:36 I dâŋ mutucne” ŋoŋe wiac saraeŋgopieŋ i mâc mi wefuekac, mimiŋne šaŋkeha bâpâŋne wefuekac.
1CO 15:37 Á wiac saraeŋgopieŋ, i borâcne mi saraeŋgopieŋ, hândâŋne sawa saraeŋgopieŋ, jacgoŋ me wiac gâcnere hândâŋ, eme borâcne â rehacne šâhec fuaekac.
1CO 15:38 Eme Anutu e mana tararâ hawari mucnewec ijaha wefurâ fuaekac, hândâŋne sâc hawari fuŋne fuŋne fuaekac.
1CO 15:39 Sahacte fuŋne iŋuc jaha mocjaha mi fokac, ŋic nâŋâcne sahac i moc â bec qowi jaŋere sahac i moc â wipe jaŋere moc â opâ qowi jaŋere moc.
1CO 15:40 Sambâŋko wiac fâri ŋerakac â mâreŋko wiac fâri ŋerakac. Erâ sambâŋko ŋerakac i eri-ticne moc, â mâreŋko ŋerakac i eri-ticne moc.
1CO 15:41 Ʒoaŋ e tatamacne moc, mosa e tatamacne moc, bâpiŋ jaŋe tatamac-jeŋic moc, erâ bâpiŋ tatamac-jeŋic mocjaha mâcne, fuŋne fuŋne fokac.
1CO 15:42 Hâmockonec fafahare irec fuŋne ijaha fokac. Sarakicnezi sisirowene, fahareocmuzi mi sisirowene”
1CO 15:43 sarakicnezi joŋtawekicne, fahareocmuzi erinehec” sarakicnezi weweaŋne, fahareocmuzi tâpirinehec”
1CO 15:44 sarakicnezi mâreŋ sahachec, fahareocmuzi sambâŋ sahachec. Mâreŋ sahac fokac, iŋuc jaha sambâŋ sahac fokac.
1CO 15:45 Dâŋ šiŋuc hâcne qâreŋkekicne fokac: “Ŋic mârâc fufua Adam e maŋ qâqâtâchec erâ ɋârewec.” Ʒâhec Adam e ine Mârohec ehuc juju bâbâfua irec rune ewec.
1CO 15:46 Sambâŋte wiaczi mi bâniewec, mâreŋte wiaczi bânieha sambâŋte wiaczi šâhec ewec.
1CO 15:47 Mâreŋŋic e mâreŋzi bakicnere mâreŋkonec ŋic ewec â šâhecŋic e ine sambâŋkonec.
1CO 15:48 Mâreŋkonec ŋic juwec sâc ijaha mâreŋkonec ŋicfâc-ticne jueŋgopeneŋ, â sambâŋkonec juwec sâc ijaha sambâŋte biŋefâc-ticne nâŋâc junaŋmu.
1CO 15:49 Eme mâreŋkonec ere hawari rombeŋ, iŋuc jaha sambâŋkonec ere hawari ronaŋmu.
1CO 15:50 Âgofâc, dâŋ moc ši mupe mananiŋ: Mâreŋ sahac-nâŋeczi Anuture uucmaŋ sâcne mi rauckeocmu, â wiac gârecke šaŋ eenezi wiac fofo sanaŋ mi wâc rauckeocmu.
1CO 15:51 Manaŋgopieŋ, ši dâŋ soŋne moc mufua-ŋarepe: Nâŋâc mi hâmo-fârenaŋmu, hetikierâ hawari moc ee ine šeŋgoma efârenaŋmu.
1CO 15:52 Qeŋ mimic dâŋeme ututuŋ, ɋeŋfâfâc jaha iŋuc hâcne enaŋmu. Qeŋ dâŋeme hâmokicnezi faharerâ gârecke šaŋ tâmiric juniŋmu, â ɋâricne junaŋmuzi wâc hetikierâ hawari moc enaŋmu.
1CO 15:53 Sahac ši gârecke šaŋ eenezi juju saric i ŋaqi iŋucne  heme huzejec, â hâmocte biŋe ekicnezi juju sanaŋ heme huzejec.
1CO 15:54 Eme gârecke šaŋ eenezi juju saric heme huocmu, â hâmocte biŋe ekicnezi juju sanaŋ heme huocmu, dameŋ ira dâŋ kecšiŋuc qâreŋkekicne i deŋkeocmu: “Jujuzi hâmoc ɋâckewec.”
1CO 15:55 “Hâmoc go tâpirige weni? Hâmoc go šârâge weni?”
1CO 15:56 Sâqocnezi hâmocte šârâ ekac, â sâcmutâc dâŋte erâ sâqocnezi tâpirinehec ekac.
1CO 15:57 Anutu e Wofuŋ-nâŋec Jesu Kristo ecneme jujure tâpiri bâfua-nâreekacte muteŋkenšepeneŋ.
1CO 15:58 Irec âgofâc-mae, ŋoŋe sanaŋkerâ qiŋ herâ domanšepieŋ, ehuc Wofuŋ gie-ticnere dameŋ sâc henširiŋnehuc banšepieŋ. Wofuŋte erâ gie bapie fârimâc mi eocmu, iŋuc manahuc banšepieŋ.
1CO 16:1 Mitiŋic jaŋere moneŋ râezo murâ ine Galatia mâreŋkonec kikefuŋ guru jaza mutâc epo ijaha enšepieŋ.
1CO 16:2 Ŋoŋe moneŋ hotâckekicne irec sâc manahuc Sondane Sondane tucne bâtâc barâ buc buc râe guruc ehuc junšepieŋ, mâc juhapie fâ fisipe moneŋ qânusuckeniŋte âecke guruc enšipiŋte.
1CO 16:3 Ŋoŋerao fâpe ŋic mucjopaniŋmu jaŋe papia jarehuc sorec-jopape bubiaŋte wiac-ŋeŋic Jerusalem haeo baranšepieŋ.
1CO 16:4 Me moneŋ bocjaha eme nohec mâmâc ranšepeneŋ.
1CO 16:5 No Makedonia mâreŋ fotâcne-fârerâ ŋoŋerao fâpemu, Makedonia mâreŋko boc mi jupemu, i mâc fotâcnepemu.
1CO 16:6 Ŋoŋerao fârâ piticne jupemu, me jufehape hoemaŋ taraocmu mecne. Eme ŋoŋe hatare baficnupie ira me ira razepac.
1CO 16:7 No dameŋ šiŋuczia mâc fofotâc fâhuc honec-ŋopape mi sâckeocmu, irec Wofuŋzi manaha ŋoŋerao fârâ piticne jupemurâ mukopac.
1CO 16:8 No ši Efeso haeo juhape Mâro Hombaŋ maickeocmu.
1CO 16:9 Ʒira Wofuŋzi mitire hata bâšâweme gie sâko-nane fuakac. Erâ mitire kisâ bocjaha juŋgopieŋ wâc.
1CO 16:10 Timoteozi ŋoŋerao fâme âgo ecnepie hâwic sahac mi juzejec. E no Wofuŋte gie baekopac iŋuc jaha baekac.
1CO 16:11 Irec ere manapie wawahane mi ezejec. Erâ aimuŋ ecnerâ bârisiepie norao mocwâc warezejec” no â opâ ruac gâcne woŋec-ticne juŋgopeneŋ.
1CO 16:12 Âgo-nâŋec Apolo e opâ ruac gâcne jaŋehec ŋoŋerao fâocte âzâcne sorec epe sâcne mi afeckekac” e šiŋuczia mâcne, dameŋ mocte maname sâckeme ŋoŋerao fâocmu.
1CO 16:13 Ŋoŋe rucjaric-ŋeŋic bahuc mamanasiŋko qiŋ henšepieŋ, ehuc hâbi-ŋeŋic rorâ sanaŋkenšepieŋ.
1CO 16:14 Erâ wiac sasawa maŋjauŋhec enšepieŋ.
1CO 16:15 Erâ âgofâc-nane, dâŋ moc ŋazape mananiŋ: Ŋoŋe Stefana â wiacfâc-ticne jaŋere manaeŋgopieŋ, jaŋe Akaia mâreŋko micne barâ miti manambiŋ, erâ mitiŋic ŋoŋerao kiŋaŋ qaqa gie baeŋgopieŋ.
1CO 16:16 Irec ŋoŋe jaŋe mecne â gâcne miti gie bahuc šâic manaeŋgopieŋ honec-jopapie micnefâc-ŋeŋic enšepieŋ.
1CO 16:17 Stefana â Fotunato â Akaiko jaŋe norao fisipie bunane biaŋkewec. Jaŋe ŋoŋere âkehoc dâŋjauŋ enarembiŋ.
1CO 16:18 Ehuc no â ŋoŋe mâmâc maŋuruc qanârembiŋ. Ŋoŋe ŋic iŋucne jaŋere manapie biaŋkezejec.
1CO 16:19 Asia mâreŋ masunao kikefuŋ guru jaŋe ŋoŋere mamanac juŋgopieŋ. Aqila â Prisika â ficjekicko mitire tumaŋneeŋgopieŋ jaŋe Wofuŋte erâ mu šeri boc eŋareeŋgopieŋ.
1CO 16:20 Opâ ruac mâmâc sasawa mu šeri eŋare-fâreŋgopieŋ. Ŋoŋe ŋaŋac mitio meo babac enšepieŋ.
1CO 16:21 Ʒi Paulo no nahac mu šeri eŋarehuc šâŋe qâreŋ-nane râekopac.
1CO 16:22 Moc e Wofuŋte takickeme hârâcte biŋe ezejec. Wofuŋ-nâŋec go warezemec.
1CO 16:23 Wofuŋ Jesure aki anonoczi ŋoŋerao fozejec.
1CO 16:24 Maŋjauŋ-nanezi Kristo Jesure erâ ŋoŋerao fofârekac.
2CO 1:1 Anuture micdâŋte Jesu Kristore aposolo epo Paulo no hâcne, erâ qomâ-nâŋec Timoteo nâhe Korinti haeonec Anuture kikefuŋ â Akaia mâreŋko mitiŋic juraŋgopieŋ ŋoŋe papia ši qâreŋke-ŋarehuc šiŋuc mukoperec:
2CO 1:2 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
2CO 1:3 Wofuŋ-nâŋec Jesu Kristo ere Mamac â Anutu muteŋkenšepeneŋ. E buuruc Mamac â bâbâmiriŋ rune juekac.
2CO 1:4 Ehuc šârâ hâriŋ fuŋne fuŋne enâreme bâmiriŋ-nâpoekac. Eme Anutuzi bâmiriŋ-nâpoekac, bâbâmiriŋ izia nâŋe iŋuc jaha âgo gâcne šârâ hâriŋ fuŋne fuŋne maŋnao juhapie sâcne bâmiriŋ-jopanaŋmu.
2CO 1:5 Kristo e šâic manawec irec tofane nâŋerao ɋârâŋne fuaekac, iŋuc jaha bâbâmiriŋ-ticne ɋârâŋnea bâfua-nâreekac.
2CO 1:6 Nâŋerao fific guguriŋ fuaekac, i ŋoŋerao bumâteŋ â bâbâpiaŋ fuaocte fua-nâreekac, â bâbâmiriŋ fua-nâreekac i wâc ŋoŋere erâ fua-nâreekac, ine bâbâmiriŋ izi ŋoŋerao fotâcnerâ dopec-ŋopahame fific guguriŋ nâŋerao fuaekac ijaha ŋoŋerao fuame irec šâic maŋuruc jaha mananiŋte.
2CO 1:7 Eme nâŋe ŋoŋere manabâc mi ehuc šiŋuc manapaŋkeŋgopeneŋ: Ʒârâ hâriŋte kâdoc rohuc bâbâmiriŋte kâdoc mâmâc roeŋgopieŋ.
2CO 1:8 Nâŋe Asia mâreŋko šârâ hâriŋ faio juwefumbeŋ irec kâuc banšipiŋte mupe mananiŋ: Ira wiac hâhâwicne jâmbâŋ fai-nâŋecko ferâ kimâc-nâpome juju-nâŋecte mâretec mana maŋbahac embeŋ.
2CO 1:9 Eme ši hâmocte biŋe eŋgopeneŋ muhuc maŋnâŋec ŋeŋgoroŋkewec. Erâ i mâc mi fua-nârewec, nâŋe nâŋâcne tâpirire manapene waha qaqane eha Anutu hâmoc qâŋɋâŋ bâɋâreekac e mocjaha manasiŋkenaŋte wiac i fua-nârewec.
2CO 1:10 Eme eki hâcne hâmockonec batarac-nâpowec. Erâ e batarac-nâpoweczi juku wâc batarac-nâpozokac, dâŋ iŋuc mana šakiehuc erao siŋkeeŋgopeneŋ.
2CO 1:11 Eme ŋoŋe nunumuzi bafic-nâpopie Anutu e buafec-ticnere erâ ŋezic-nâpome micne micne musereckerâ nâŋere erâ daŋge mumuteŋ ecnepie sâckezejec.
2CO 1:12 Nâŋe nâŋâcnere piticne mana biaŋkeeŋgopeneŋ ine kecšiŋucte: Maŋfâsâc â mitio maŋtaniŋ jupene maŋnâŋeczi wiac mocte tutuc mi qanâreekac. Nâŋe miti tâmiric jaŋere maio iŋuc hâcne juhuc miti mamana ŋoŋere maio wâc jujâmbâŋkeeŋgopeneŋ. I mâreŋko maŋɋârâŋ dâŋ fokac ira siŋkehuc mâcne, Anuture uruc jauŋko siŋkehuc eeŋgopeneŋ.
2CO 1:13 Nâŋe dâŋ hetac herirec ehuc mâcne, dâŋ fârine sasawa qâreŋke-ŋarepene wose manac eeŋgopieŋ. No manakopac, ŋoŋe šâhec mana tara-jâmbâŋkeniŋmu.
2CO 1:14 Ine hâcne gâcne ŋoŋe šiŋuc biac mana tarazo eŋgopieŋ: Nâŋe ŋoŋere boreŋfâc â ŋoŋe Wofuŋ Jesu dameŋ sâko-ticnao nâŋere boreŋfâc eniŋmu.
2CO 1:15 No dâŋ i hâcne maŋkehuc qanaŋ ŋoŋerao fârâ bubiaŋ qaŋarepemurâ mupo.
2CO 1:16 Erâ fâ honec-ŋoparâ Makedonia mâreŋko razo mupo. Ira ra jurâ mocwâc ŋoŋerao risiepe gâcnezi bâjâpecnupie Judaia mâreŋko ranaŋte manasupo.
2CO 1:17 Eme no iŋuc muhuc âkesac eŋarepo muŋgopieŋ me? Me no ŋic miti tâmiric, irec dâŋ mupaŋkepe moc i fârine â moc i racne eekac?
2CO 1:18 Anutu e jâmbomac rune jukacte dâŋ ŋazapene wemocko racne â fârine ataŋ eocmu?
2CO 1:19 Anuture Ŋokâ Jesu Kristo ere fuŋne i no â Siliwano â Timoteo nâŋe ŋazapene gâcne fârine â gâcne racne iŋuc mi ewec. Aricne, ere fuŋne i fâri fideteŋ sasawa.
2CO 1:20 Anuture biŋedâŋ fuŋne fuŋne i erao hâcne deŋke-fârekac. Irec hâcne esoc-nâpome “Jâmbomac” muhuc Anutu mucne bacneeŋgopeneŋ.
2CO 1:21 Ŋoŋehec Kristorao râec-nâpo sanaŋkewec i Anutu eki hâcne.
2CO 1:22 Erâ ekizia wâc ma qâreŋ banârehuc šâšâfic-ticne Mâro maŋnâŋecko râeme huwec.
2CO 1:23 No Korinti haeo fârâ imac-ŋopazipore mi fâpo. Dâŋ i Anutuzi manaha jâmbomac jâmbâŋ mukopac.
2CO 1:24 Erâ nâŋe mitio ŋicbomboŋ eŋarenaŋte mi muŋgopeneŋ, mâc ŋoŋerao bubiaŋ fuaocte babaficko gie baeŋgopeneŋ. Ŋoŋe mamanasiŋko qiŋ herâ domaŋgopieŋ i manakopac.
2CO 2:1 No ŋoŋerao fârâ busâqoc mocwâc bâfua-ŋarezipore manabâc erâ jupo.
2CO 2:2 Noni busâqoc eŋarehape weni jaŋe bubiaŋ bâfua-nareniŋmu? Busâqoc ecnekicnezi wemocko iŋuc eocmu?
2CO 2:3 Eme no dâŋ i hâcne šiŋucte qâreŋke-ŋarepo: No fâpe ŋoŋe bubiaŋ bâbâfua-narezi busâqoc bâfua-narenšipiŋ. No nâŋâcnere šiŋuc hâcne manapaŋkepo: Nore bubiaŋzi mâmâc sâko-nâŋec ekac.
2CO 2:4 No bunane gufeme ŋoŋere šâic wemo afecne manahuc kifaio papia qâreŋke-ŋarepo, i bu ririke eŋarepemurâ mâcne, maŋnane ŋoŋerea sanaŋne domakac, irec fuŋne ŋowatupemurâ epo.
2CO 2:5 Ŋic busâqoc bâfua-nârewec, eki no sawa mâcne, ŋoŋe gâcne mâmâc bâfua-ŋarewec, weniŋuc musokahuc “mâmâc sâko bâfua-ŋarewec” mupemu.
2CO 2:6 Ŋoŋe bocjahazi bâtiŋnehuc wiac ecnembiŋ, i manape tarakac.
2CO 2:7 Ʒi ine busâqocko juku sipirickezacte kiŋticne behehuc mu bâmiriŋ ecnenšepieŋ.
2CO 2:8 Irec hâcne harierâ âgo jauŋ ecneniŋte mukopac.
2CO 2:9 No bâbâtiŋte mârâc qâreŋke-ŋarepo, i dâŋnane sasawa reŋkepie fuŋne taniŋkeocte esâic-ŋopapo.
2CO 2:10 Ŋoŋe ŋic mocte kiŋ behepie no iŋuc jaha behepemu. Kiŋ behekopac (bahac bâfuawec i norao moc qacnewecko behekopac(c) ine ŋoŋere manasuhuc Kristore micte ekopac.
2CO 2:11 I Sataŋzi eatuc-nâpozacte iŋuc eŋgopeneŋ. E wiac enâreocte manasuekac, irec kâuc mi baŋgopieŋ.
2CO 2:12 No Troa haeo fisihape Kristore Biŋebiaŋ mupemurâ irec hatane Wofuŋzi bâšâwe-narewec.
2CO 2:13 Eme qomâ-nane Tito (e ŋoŋeraonec biac mi risiewecte(c) basahuc maŋhâhâŋ enareme ŋicbureŋ mâzoc-joparâ Makedonia mâreŋko warepo.
2CO 2:14 Opoŋ, Anutu e Kristore gieŋicfâc-ticne nâŋe saoreŋ qahuc bataniŋ-nâpoekac, ehuc enâreme miti-ticnere âsu aŋac biaŋ bâiŋnepene ŋezurâ mâreŋ sâc raekac, irec mumuteŋ sâko ecnezo.
2CO 2:15 Nâŋe Kristore âsu mumundoŋ eŋgopeneŋzi Anutu bâiŋnecnepene ŋic jujure biŋe â sisipiricte biŋe mâmâc jopaekac.
2CO 2:16 Sisipiricte biŋe jaŋe fârepie hurâ hâmoc âsu erâ jopame hâmoeŋgopieŋ, â jujure biŋe jaŋe fârepie hurâ juju âsu erâ âke ɋârec-jopame jueŋgopieŋ. Gie iŋucne mozi bame sâckeocmu?
2CO 2:17 Nâŋe ŋic gâcnezi eeŋgopieŋ iŋuc mi eeŋgopeneŋ. Ŋic gâcne bocjahazi Anuture dâŋte manapie âbârâ gie-jeŋic eekac. Nâŋe ine maŋtaniŋ juhuc Anuture micte â Anuture maio Kristorao qohotahuc miti mueŋgopeneŋ.
2CO 3:1 Nâŋe ŋoŋe bâmiriŋ-ŋopanaŋte dâŋ iŋucne mocwâc fuŋkeŋgopeneŋ me? Me ŋic tucnezi eeŋgopieŋ iŋuc erâ ŋoŋerao fisirâ bâbâmiriŋ papia moc ŋowatueŋgopeneŋ? Me ŋoŋe moc qâreŋkerâ nâreeŋgopieeŋ?
2CO 3:2 Iŋuc aricne, papia-nâŋec i ŋoŋe hâcne. Erâ papia I maŋŋeŋicko qâreŋkekicne, ŋic mâmâc sasawa hone wosec eene.
2CO 3:3 Nâŋe ŋoŋerao gie bapene Kristore papia embiŋ, irec fuŋne tâtâc fokac. Erâ papia i tiŋtezi mi qâreŋkekicne, i Anutu jujune ere Mârozi qâreŋkewec, tafe omanao mâcne, ŋicmaŋ tafeo qâreŋkewec.
2CO 3:4 Qacfiric dâŋ iŋucne ine Kristore erâ Anutu manasiŋkepene fonârekac.
2CO 3:5 Gie fârine moc nâŋe nâŋâcnaonec fuaekac iŋuc mu manasuc enaŋte ropaŋ mi fonârekac,wiac epene bibiaŋkene i Anuturaonec sasawa.
2CO 3:6 Anutu eki hâcne bašawiec-nâpome šâšâfic ɋâricnere gie baeŋgopeneŋ. I dâŋqâreŋte giene mâcne, i Mârore gie. Dâŋqâreŋzi hâcne sisipiric bâfua-nâreekac, â Mârozi ine juju bâfua-nâreekac.
2CO 3:7 Miti gie raŋɋane,sisipiricte biŋe mumu hâcne, i qorac tapao qâreŋkekicne, erâ gie i sifu tatamac tâmiric mi fowec. Irec hâcne Mosere šâŋe maio tatamac hâhâwicne fome Israe ŋic jaŋe wemocko ira firâ honenšapiŋ. Erâ tatamac i fofone mâcne.
2CO 3:8 Miti gie raŋɋanere tatamac iŋuc hâcne fowec.Ehame wemocko miti gie ɋâricne, Mârore biŋe mumu, i tatamac tâmiric foocmu?
2CO 3:9 Sisipiricte biŋe mumu irec giezi tatamac wawahanehec, â kiŋfâsâc eere biŋe mumu irec giezi tatamac fekicne sâkohec.
2CO 3:10 Gie raŋɋanere tatamac i gie ɋâricnere tatamac sâkozi sâockeme weaŋkeekac.
2CO 3:11 Wiac fotâmireweczi mârâc tatamacnehec fuawec, â wiac forašihuc jujune irec tatamaczi ine fekicne sâko.
2CO 3:12 Mamanac-nâŋec iŋuc fokacte gie maŋafec jaha baeŋgopeneŋ,
2CO 3:13 ehuc Mose mi sâckeeŋgopeneŋ. E Israe ŋic jaŋe tatamac rârâriene i fotâmirehame honenšipiŋte šâŋe maine foŋkewec.
2CO 3:14 Eme maŋjeŋic sanaŋkewecte miti raŋɋanezi wâc foŋnehec eweczi eekac. Irec wose manac ehuc mi mana taraeŋgopieŋ. Erâ foŋ i mâc mi raruŋkeocmu, Kristo e mocjahazi bararuŋkeocmu.
2CO 3:15 Jaŋe dameŋ šiŋuczia Mosere dâŋqâreŋ woseeŋgopieŋ sâc maŋjeŋic foŋnehec eekac.
2CO 3:16 Jaŋe maŋjeŋic bârisierâ Wofuŋ maickepie izia foŋ i firue-jareocmu.
2CO 3:17 Wofuŋ e Mâro rune, eme Wofuŋte Mârozi juekacko wiac omaraŋ foekac.
2CO 3:18 Nâŋâc ine šâŋe mai-nâŋec foŋ tâmiric fokacte Wofuŋte tatamaczi âke tamaec-nâpome bâtikiepene wefuekac,ehuc Wofuŋte hawari sâc erâ tatamacheczi tatamachec eeŋgopeneŋ. I Wofuŋ Mâro ere mâsi.
2CO 4:1 Wofuŋ e buafec-ticnere gie iŋucne munârewecte mi pârâweeŋgopeneŋ.
2CO 4:2 Ehuc bahac,mimi fuazacte soŋsoŋko eene, i râpecke-fârembeŋ Me sioc faio juhuc Anuture dâŋ bâbâsifucke i wâc mi eeŋgopeneŋ, aricne Nâŋe Anuture maio miti mutaniŋkehuc ŋic jaŋere maŋ bâmiriŋkepene fuŋne-nâŋec manaeŋgopieŋ.
2CO 4:3 Eme Biŋebiaŋ mueŋgopeneŋ izi foŋnehec moc eekacko ine sisipiricte biŋe jaŋerao sawa foŋnehec eekac.
2CO 4:4 Miti qiqikiŋ jaŋe hâcne mâreŋ širec ŋicbomboŋzi maŋjeŋic bâzickeme wemocko Biŋebiaŋte tatamaczi hume Kristo e Anuture sâc jâmbâŋ jukac muhuc Wofuŋ qâreŋ-ticne šâŋitaniŋmu?
2CO 4:5 Nâŋe miti muhuc nâŋe nâŋâcne dâŋ mi ŋazaeŋgopeneŋ, Jesu Kristo eki Wofuŋ â nâŋe ine Jesure erâ kiŋaŋ qaqafâc-ŋeŋic sawa juŋgopeneŋ, iŋuc ŋazaeŋgopeneŋ.
2CO 4:6 Anutu e mârâc jaha fuŋnao dapâc fohame hae mâreŋ fureocte mume furewec, ekizia hâcne mume maŋnâŋecko mitire tatamaczi uŋ heme Kristore šâŋe maio Anuture huriri qâreŋ fua tâcneha šâŋitambeŋ.
2CO 4:7 Tâpiri šâkâŋ i nâŋerao mâcne, Anuturao fokac, irec fuŋne taniŋkeocte boreŋ šeŋaŋ-ticne kuši mâreŋzi bakicne nâŋerao duckekicne.
2CO 4:8 Hume serereŋ faio juipiehuc sifu docke šaŋ mi eeŋgopeneŋ. Bebekâne juipiehuc sifu mi mana utuckeeŋgopeneŋ,
2CO 4:9 fific guguriŋ faio juipiehuc sifu mamac babasa mi eeŋgopeneŋ, qa imac enâre-bipiehapie sifu hâmo sipiric mi eeŋgopeneŋ.
2CO 4:10 Iŋuc ehuc sahac-nâŋecko Jesu hâmoc-ticnere ma amecke jueŋgopeneŋ, i Jesu juju-ticnere ma iŋuc jaha sahac-nâŋecko fuaocte hâcne.
2CO 4:11 Ŋic jaŋe Jesure erâ dameŋ oombâŋko gâbâ sipiric-nâpohuc hâmocko râec-nâpoeŋgopieŋ, i Jesu juju-ticnere tâpirizi sahac hâhâmo-nâŋecko fua taniŋkeocte iŋuc fua-nâreekac.
2CO 4:12 Eme šiŋuc fokac: Nâŋerao hâmoczi gie baekac,â ŋoŋerao jujuzi gie baekac.
2CO 4:13 Dâŋqâreŋ moc šiŋuc fokac: “No Wofuŋ manasiŋkeekopacte miti muekopac.” Eme nâŋe dâŋqâreŋ irec sâcko Mârozi esoc-nâpoha Wofuŋ manasiŋkeeŋgopeneŋte miti mueŋgopeneŋ.
2CO 4:14 Ehuc šiŋuc manapaŋkeeŋgopeneŋ: Wofuŋ Jesu bâɋârewec eki nâŋe iŋuc jaha Jesuhec bâɋârec-nâporâ ŋoŋehec mâmâc erao râec-nâpoocmu.
2CO 4:15 Nâŋe wiac sasawa i ŋoŋere erâ kecšiŋuc muhuc eeŋgopeneŋ: Mitizi haŋ barahame ŋic bocjahazi manahuc Anutu šeri mumuteŋ sâko ecnepie Izi šuhuckeme šuhuc forahuc fozejec.
2CO 4:16 Nâŋe šiŋuc manahuc mi pârâweeŋgopeneŋ: Sahac-nâŋec bâmuzuckehame maŋnâŋec šoaŋne šoaŋne soka biaŋ eekac.
2CO 4:17 Mâreŋko šâic busâqoc-nâŋec mâmâŋne â tatarane izi eri aŋac biaŋ ŋemâc bâmâcne â fofo sanaŋ bâfua-nârehame guru dindiŋ fonârezokac.
2CO 4:18 Erâ wiac tâtâc fokac irapec mâcne, wiac soŋsoŋ fokac irapec firâ râqârepene i fua-nârezokac. Wiac hohonene izi sisirowene,wiac mi hohonene izi fofo sanaŋ.
2CO 5:1 Nâŋe šiŋuc manaŋgopeneŋ: Mâreŋte ficboze-nâŋec raruŋkeme Anutuzi sambâŋko ficsanaŋ moc bâfua-nâreocmu, fic i mezi mi bakicne, mâc qiŋ sanaŋ qaŋqaŋ qakicne.
2CO 5:2 Eme nâŋe irec hâcne sambâŋkonec fic i henâreme huocte aŋac-nâpome harac huacbuc ehuc jueŋgopeneŋ.
2CO 5:3 Maŋ qâqâtâc-nâŋeczi biuctac ezacte i hâcne rojupene sâckeocmu.
2CO 5:4 Sahac boze-nâŋecko junaŋmu sâc ŋeŋe rârâqâc enâreme hujâi ehuc jueŋgopeneŋ. Nâŋe ŋaqi-nâŋec raŋɋane hetaranaŋte mi enâreekac, i fohame fainao ɋâricne henareme huocte enâreekac. Ehuc hâmocte biŋe ekicne i jujuzi ɋâckeocte mueŋgopeneŋ.
2CO 5:5 Wiac biaŋ i fua-nâreocte bâmoc-nâpowec i Anutu eki hâcne, ehuc irec kifac Mâro hâcne râe-nârewec.
2CO 5:6 Nâŋe irec hâcne mana afeckehuc jueŋgopeneŋ. Ehuc šiŋuc manaeŋgopeneŋ: Mâreŋ sahaczi haefuŋ-nâŋec eha jueŋgopeneŋ,i Wofuŋ basahuc mâreŋ jabao jueŋgopeneŋ.
2CO 5:7 Dameŋ šiŋuczia maŋzi wiac manasiŋkehuc jujune sawa fokac, fârine hohone aricne.
2CO 5:8 Erâ sifu mana afeckeeŋgopeneŋ. Ehuc sahachec mâreŋ jabao juju i beherâ mame sâko hae-nâŋecko Wofuŋhec juju irec aŋac-nâpoekac.
2CO 5:9 Eme juju i mame sâko haeo me mâreŋ jabao junaŋmu ine kecšiŋuc muhuc ropaŋ eeŋgopeneŋ: Aimuŋ jupene Wofuŋzi honec-nâpome sâckezejec.
2CO 5:10 Ʒiŋuc hâcne manaŋgopeneŋ: Juku šeŋgoma Kristore dâŋ mumutara ŋeŋe fuŋnao fua tâcnepene, sahachec juhuc wiac hurekicne, biaŋne me sâqocne, irec tofa ru sâc bazu-nâreocmu.
2CO 5:11 Wofuŋ araŋ bacnehuc junaŋte mukicne i manahuc ŋic mu hemiriŋ ejareeŋgopeneŋ. Iŋuc ehapene Anutuzi maŋnâŋec honeekac, â ŋoŋe iŋuc jaha maŋŋeŋiczi fuŋne-nâŋec ŋazame manaeŋgopieŋ.
2CO 5:12 Nâŋe iŋuc mupene manapie nâŋe harierâ bâbâmiriŋ dâŋ muŋgopeneŋ mi ezejec. Nâŋe mâc ŋaza qâmoc eŋgopeneŋ, eme ŋoŋe ŋic gâcne, maŋtac juhuc sahackopec wiacte sawa penaroŋ eeŋgopieŋ, jaŋe dâŋ i jazahuc bâsâoc-nâponšepieŋ.
2CO 5:13 Nâŋe maŋnâŋec ŋeŋgoroŋkeekacko ine Anutu gie-ticnere erâ ŋeŋgoroŋkeekac, me maŋnâŋec fâretiŋ foekacko ine ŋoŋe mitihec eniŋte iŋuc foekac.
2CO 5:14 Kristore maŋjauŋzi maŋnâŋec fenšoŋkehame juhuc šiŋuc mana sanaŋkeeŋgopeneŋ: Mocjahazi okac-nâŋec hâmowecte mâmâc sâko hâmombeŋ ekac.
2CO 5:15 Mâmâc sâko okac-nâŋec hâmowec ine kecšiŋucte: Juju i nâŋâc nâŋâcnere mâcne, okac-nâŋec hâmorâ faharewec ere erâ junšepeneŋ.
2CO 5:16 Irec ši miti dameŋko sahac hawari sawa hohonec erâ šâšâŋitac i sâcne mi enaŋmu. Erâ wâc Kristo iŋuc jaha mârâc sahac hawarine honehuc šâŋitambeŋ, irec sâc šiŋuczia mocwâc mi enaŋmu.
2CO 5:17 Irec ŋic moc Kristorao šuhuckeekac e fuŋmoc eekac. Ine wiac raŋɋane omaewec, ŋicbureŋ, wiac ɋâricne fuawec.
2CO 5:18 Wiac i Anuture mâsi sasawa. Eki hâcne Kristozi jahacnehec miriŋ bacnâpowec. Erâ nâŋâc miriŋ babac biŋedâŋ mupene haŋ baocte irec gie munârewec.
2CO 5:19 Ine hâcne Anutu e Kristoo juhuc mâreŋŋic jahacnehec miriŋ bacnâpowec, ehuc kiŋnâŋec behewec. Erâ miriŋ babac dâŋ ŋondeŋ-nâŋecko âkendâŋnewec domakac.
2CO 5:20 Irec nâŋe Kristore biŋe mumuzi Anuture mu baafec dâŋ ŋazaeŋgopeneŋ. Nâŋe Kristo âkehockehuc numu-ŋareeŋgopeneŋ: Anutuhec miriŋ babac enšepieŋ.
2CO 5:21 Sâqocnere kâuc bawec e Anutuzi nâŋâcnere erâ sâqocne bapa mucnewec, i nâŋâc Jesuhec qâfâsâehuc Anuture tiŋne jujufâc enaŋte iŋuc hâcne ewec.
2CO 6:1 Anuture babaficfâc nâŋe mu âkesiŋ eŋarehuc šiŋuc ŋazaeŋgopeneŋ: “Anuture aki anonoc tahac-ŋopakicne i fârimâc mi ezejec.”
2CO 6:2 Dâŋ šiŋuc hâcne fokac: “No dameŋ biaŋko mana-garepo â bâbâpiaŋ dameŋko baficgupo.” Manaŋgopieŋ,dameŋ biaŋ jâmbâŋ šine hâcne, â bâbâpiaŋ dameŋ iŋuc jaha šine hâcne.
2CO 6:3 Nâŋe ŋic jaŋe gie bapa-nâŋec surenšipiŋte gâŋ ŋezic mi ejareeŋgopeneŋ.
2CO 6:4 Nâŋe Anuture gieŋic jueŋgopeneŋ irec fuŋne bataniŋkehuc wiac šiŋuc eraeŋgopeneŋ: Ʒâicmaŋko maŋuruc jueŋgopeneŋ, šârâ hâriŋ faio jueŋgopeneŋ, fific guguriŋ faio jueŋgopeneŋ, hâhâwic maŋko jueŋgopeneŋ,
2CO 6:5 šika faio jueŋgopeneŋ, kâpâcwâru ficko ŋeeŋgopeneŋ, râsi ŋondeŋko jueŋgopeneŋ, giere šâic manaeŋgopeneŋ, guŋɋâri jueŋgopeneŋ, nânâ tâmiricko jueŋgopeneŋ,
2CO 6:6 bahac fâsâc jueŋgopeneŋ, mamana tarahec jueŋgopeneŋ, bumâteŋ jueŋgopeneŋ, âgo jauŋ ejareeŋgopeneŋ, Tiri Mârohec jueŋgopeneŋ, maŋjauŋ fârihec jueŋgopeneŋ,
2CO 6:7 dâŋ fâri qizecne mueŋgopeneŋ, Anuture tâpirio jueŋgopeneŋ, mitire sându marohec jueŋgopeneŋ,
2CO 6:8 mumumbiaŋ â mimi qaqa ŋoŋondeŋko jueŋgopeneŋ, mu bâsâoc â mufec muriŋ ŋoŋondeŋko jueŋgopeneŋ, burecŋic munârehapie siocmâc jueŋgopeneŋ,
2CO 6:9 fuŋne-nâŋec basahapie biŋe rarahec jueŋgopeneŋ, hâmozo eeŋgopeneŋzi sifu ɋâricne jueŋgopeneŋ, nâpo sipiric ekicnezi sifu mi omaeeŋgopeneŋ,
2CO 6:10 busâqoc enârekicnezi sifu bubiaŋko jueŋgopeneŋ. hapetaczi sifu ŋic bocjaha bâmec bajareeŋgopeneŋ, wiac babasanezi sifu mâriri sâkohec jueŋgopeneŋ.
2CO 6:11 O Korinti ŋicbureŋ, maŋnâŋec ŋoŋerea kâcɋene domame micnâŋec afeckekac hâcne.
2CO 6:12 Maŋzi sanaŋnea šâfic-ŋopaŋgopeneŋ, ŋoŋere maŋjauŋ ine afecne mac fokac.
2CO 6:13 Eme no naru motecfâc-nane ŋoŋe ŋazape: Ŋoŋe okacne bazuhuc iŋuc jaha maŋŋeŋic nâŋere râepie kâcɋenea domazejec.
2CO 6:14 Ŋic qâpuc jaŋe jâcjeŋic reŋkepie ŋoŋe mi bafic-jopanšepieŋ. Tiŋne â hehesic jahe wemocko ââgo enicmu? Me tatamac â dapâc jahe wemocko šâšâfic enicmu?
2CO 6:15 Me Kristo â râsi qizec-ticne jahe wemocko maŋ mocjaha enicmu? Me opâ ruac â qâpuc jaŋe wemocko qâfâsâeniŋmu?
2CO 6:16 Me Anuture ufuŋ â nemuɋâŋ jahe wemocko šušuhuc enicmu? Manaŋgopieŋ, Anutu jujunere ufuŋ i nâŋâc. Anutuzi šiŋuc hâcne muwec: “No ŋondeŋ-jeŋicko ŋeŋe juju epemu, ehuc Anutu-jeŋic ehape jaŋe ŋicfâc-nane junšepieŋ.
2CO 6:17 Irec qâpuc behec-joparâ bâtâcko junšepieŋ, Wofuŋzi iŋuc mukac. Erâ wiac mamakâcne ba bâuac mi enšepieŋ, eme noni hezu hewâneŋ eŋarepemu.
2CO 6:18 Erâ mamac eŋarehape naru motecfâc-nane erâ junšepieŋ. Wofuŋ bapa-fâre e dâŋ iŋuc mukac.”
2CO 7:1 Âgo bureŋ, wiac iŋucnere biŋe qanârekicnere wiac mamakâcnezi maŋ sahac-nâŋec hegâpâreekac i šure ɋaɋackenšepeneŋ. Erâ Anutu araŋ bacnehuc maŋɋaɋac jaha junšepeneŋ.
2CO 7:2 Ŋoŋe maŋŋeŋic mi sakare-nârenšepieŋ. Nâŋe ŋoŋerao wiac hehesic mi embeŋ, me wiac-ŋeŋic ima mi qambeŋ, me wiac-ŋeŋic moc kâŋgâc mi rombeŋ.
2CO 7:3 No dâŋ i musâqorec-ŋopahuc mi mukopac. No miŋecne mac ŋazapac, maŋnâŋeczi šâfic-ŋopaŋgopeneŋ, i ŋoŋehec mâmâc hâmonaŋte me junaŋte.
2CO 7:4 Maŋnanezi ŋoŋerao siŋkeha wemo afecne muafec-ŋopakopac, no bunane boc bâmiriŋkekicne, šâic busâqocko šeri kâcɋene fua-narekac.
2CO 7:5 Makedonia mâreŋko ware fisirâ wemocko âke uruerâ junšapeŋ. Ʒira sahacte biŋe šika â maŋte biŋe hâhâwic, wiac izi fuarâ sisi hâhâŋ enâreha jumbeŋ.
2CO 7:6 Bebekâne bâmiriŋ-jopaekac Anutu eki hâcne ine nâŋere bâbâmiriŋte Tito ecneme risiewec.
2CO 7:7 Erâ risiewec irec sawa mâcne, ŋoŋe bubiaŋ dâŋ âzâcnembiŋ, i bafisime manarâ bunâŋec uruewec. Erâ no woricnuhuc jueŋgopieŋ â ki busâqochec jueŋgopieŋ â nore erâ gie-ŋeŋic dopeckehuc šoɋac eeŋgopieŋ, i nâzâme bubiaŋ fekicne manapo.
2CO 7:8 No mârâc papia moc qâreŋke-ŋarehuc maŋšâic bâfua-ŋarepo, irec bunane mi sâqorekac. Qâreŋkepo ira jâmbomac bunane sâqorewec. Ʒi ine manakopac, i dameŋ bembeŋne sawa maŋšâic bâfua-ŋarewec.
2CO 7:9 Eme ši bubiaŋ manakopac, ine bušâic manambiŋ irec mâcne, bušâiczi ŋoŋerao maŋ bâbârisie bâfuawec, irec bunane biaŋkekac. Anutu mamana-ticnere sâcko bušâic ɋaɋacne manambiŋte dâŋnâŋeczi mi bâsâqorec-ŋopawec.
2CO 7:10 Bušâic ɋaɋacne izi maŋ bâbârisie bâfuame ŋiczi biaŋkezo, eme bušâic iŋucne bâfuaocmuzi šâhec irec mi maname sâqoreocmu. Á bušâic gâpâcne, ŋic mamanare sâcko fuaekac, izi ine maŋmutuc bâfuame sipirickezo.
2CO 7:11 Honeniŋ me, bušâic ɋaɋacnezi ŋoŋerao fârine wemo afecne bâfuawec: Fâro, fuŋne babataniŋ, sâqocne bâbâsue, hâhâwic, mu hejâpec, šoɋac, bâbâtiŋ, wiac iŋuc hâcne bâfuawec. Eme sâqocnere hehesoŋ â ŋeŋezic ŋoŋerao mi fokac, irec fuŋne taniŋkewec.
2CO 7:12 Mârâc papia qâreŋke-ŋarepo, i ŋic sâqocne bawec ere erâ mâcne, me sâqocne bajarewec jaŋere erâ wâc mâcne, dâŋ ŋazapene Anuture maio micrereŋ-ŋeŋicte fuŋne taniŋkeocte irec qâreŋke-ŋarepo. Eme ŋoŋe iŋuc hâcne ehuc bunâŋec bâmiriŋkembiŋ.
2CO 7:13 Erâ bunâŋec bâmiriŋkembiŋ sawa mâcne, ŋoŋe Tito bubiaŋ qacnepie risieme nâŋe wemo afecne mana biaŋ embeŋ.
2CO 7:14 No mârâc jaha muafec-ŋopahuc Tito âzâcnepo, dâŋ i burec mi ewec. Ŋoŋe dâŋ ŋazape fârinehec efârewec, iŋuc jaha Tito ŋoŋere mumumbiaŋ dâŋ âzâcnepo i wâc fârinehec jaha ewec.
2CO 7:15 Tito ŋoŋerao fâme araŋ bacnehuc micne reŋkembiŋ, e irec manasuhuc maŋne ŋoŋere boc ecneekac.
2CO 7:16 No ŋoŋere erâ maŋbahac tâmiric sâcne jupemu, irec bunane biaŋkekac.
2CO 8:1 Âgo bureŋ, Makedonia mâreŋkonec kikefuŋ jaŋerao Anuture jauŋ fuawec irec ŋazanaŋ.
2CO 8:2 Jaŋe šârâ hâriŋ sâkoo juhuc bahac qahameŋ erâ tac qararacne jueŋgopieŋ, ehame sifu mitire šeri fekicne fojareekacte bubiaŋ wiac ɋâfoŋne bâmockembiŋ.
2CO 8:3 No jaŋere mana-jâmbâŋkekopac, jaŋe jaŋacne maŋte afeckerâ tâpiri-jeŋicte sâc, erâ wâc sâc i jâuruhuc râembiŋ.
2CO 8:4 Nâŋe mi ejarehapene jaŋe jaŋac hota-nârehuc mitiŋic jaŋere bubiaŋ wiac bâfuarâ bafic-nâponiŋte mumbiŋ.
2CO 8:5 Erâ wiac afecne eniŋmu muhapene šiŋuc embiŋ: Qanaŋ maŋjeŋic Wofuŋ qikiŋnecnerâ nâŋe mâmâc Anuture erâ qikiŋne-nârembiŋ.
2CO 8:6 Jaŋe iŋuc embiŋte Titozi ŋoŋerao bubiaŋ gie barâ tofane râewec i bataraocte mucneŋgopeneŋ.
2CO 8:7 Eme mamanasiŋ â miti mumu â miti fuŋne mamana tara â giere šoɋac â maŋjauŋ eenare, wiac iŋucnere fârine bocjaha bâfuambiŋte bubiaŋ gie mukicne irec iŋuc jaha afeckenšepieŋ.
2CO 8:8 No hotâ-ŋarehuc mi mukopac, miti mamana gâcne jaŋerao aafec fuawec, eme ŋoŋere maŋjauŋ sâc weniŋucne fokac irec fuŋne taniŋkeocte mukopac.
2CO 8:9 Ŋoŋe Wofuŋ-nâŋec Jesu Kristo uruc jauŋ-ticnere manaeŋgopieŋ, e mâriri sâkoheczi ŋoŋere erâ hapetac ewec, i ŋoŋe hapetac-ticnere erâ mâririhec eniŋte iŋuc hâcne ewec.
2CO 8:10 Eme ši dâŋ mâc ŋazakopac i reŋkepie fârinehec ezejec. Ŋoŋe hâcne jara raŋɋanao biac moneŋ bâtureniŋte afeckerâ fuŋkembiŋ.
2CO 8:11 Eme i šuhuckerâ etarapie aafec-ŋeŋicte fârine, wiac foŋarekac sâc fuazejec.
2CO 8:12 Wiac buafecte rârâe irec mamana biaŋ fuaocmu, rârâe ine moc e focnekac irec sâc râezejec, mi focnekac irec sâc mâcne.
2CO 8:13 Bubiaŋte wiac rârâere mukicne i jaŋe sahac mâteŋ juhapie ŋoŋe šocne šâicne mananiŋte mâcne,
2CO 8:14 ŋoŋere mafa mâririzi dameŋ šiŋuczia jaŋere roroc jâpeme wiac sâckoa fuaocte mukicne, eme juku dameŋ mocko jaŋere mâririzi ŋoŋere roroc jâpeme iŋuc jaha sâckoa fua-ŋarezejec.
2CO 8:15 Dâŋqâreŋ šiŋuc hâcne fokac: “Bocjaha nusembiŋzi mâririhec mi embiŋ, â afecne nusembiŋzi roroc mi embiŋ.”
2CO 8:16 Anutu e Tito esockeme, maŋnâŋezi ŋoŋere erâ bâruŋkekac sâc ijaha erao fuakacte muteŋkenaŋ.
2CO 8:17 Nâŋe mucnepene manawec sawa mâcne, e jahac maŋticnere afecke-jâmbâŋkerâ fâzo ekac.
2CO 8:18 Opâ ruac âgo-nâŋec moc, kikefuŋ sasawa jaŋe Biŋebiaŋte gie bapa-ticnere mana biaŋ eeŋgopieŋ, e mâmâc sorepene fâkopirec.
2CO 8:19 Kikefuŋ jaŋe ŋic e hâcne bubiaŋ moneŋ rorore bafic-nâpoocte bâwosâembiŋ. Gie i Wofuŋ sâsehuc buafec-nâŋecte baŋgopeneŋ.
2CO 8:20 Mumusifuc fuazacte moneŋ sâko i šâŋe šereŋko sosoŋaŋ ehuc ro qâzuc eeŋgopeneŋ.
2CO 8:21 Nâŋe wiac epene Wofuŋzia maname biaŋkeocte mâcne, ŋiczi mâmâc manapie sâckeocte mueŋgopeneŋ.
2CO 8:22 Nâŋe jahehec âgo-nâŋec moc mâmâc sorec-jopapene fâŋgopieŋ, ŋic e dameŋ gâcnao esâicke honepene šoɋac-ticnere fuŋne taniŋkewec, ši ine ŋoŋere bubiaŋ manahuc šoɋac fekicne bâfuakac.
2CO 8:23 Ŋoŋe Titore manaeŋgopieŋ, e âgo babafic-nane, mâmâc gie bapa ŋicjahec-ŋeŋic jukoperec, â âgo jahec-nâŋec jahere wâc manaŋgopieŋ, jahe kikefuŋ jaŋe sorec-jofaŋgopieŋ, erâ jahe Kristore šuŋe gâpiŋ hâcne.
2CO 8:24 Nâŋe ŋoŋe muafec-ŋopaeŋgopeneŋ irec dâŋ i fârinehec eocte ŋic iŋucnezi fâpie âgo jauŋ ejarepie kikefuŋ gâcne jaŋe mananšepieŋ.
2CO 9:1 Mitiŋic ehâmo-jarehuc moneŋ jareniŋte i sâcne manaŋgopieŋ, irec wemocte boc qâreŋke-ŋarepemu.
2CO 9:2 Akaia opâ ruac ŋoŋe jara raŋɋanao biac afeckerâ moneŋ bâbâfua fuŋkembiŋ, irec binaŋ Makedonia ŋic bajarepe ŋic gâcne sâko jaŋe šoɋac-ŋeŋicte biŋe manarâ bujeŋic âeckewec.
2CO 9:3 No muafec-ŋopapo i racne ezacte âgofâc-nane sorec-jopape fâpie mupo iŋuc hâcne erâ šawienšepieŋ.
2CO 9:4 No nahac šâhec Makedonia ŋic jaŋehec fâpe moneŋ rârâere bititiepie dâŋnane wawahane eme no â ŋoŋe mâmâc mimienšipeŋ.
2CO 9:5 Irec hâcne ŋic ejarepe bânierâ fâŋgopieŋ. Fâ fisipie bubiaŋ moneŋ râeniŋte nazambiŋ i qanaŋ râe bâmoc epie ŋezejec. Eme micneneŋte moneŋ mâcne, mitire bubiaŋte moneŋ ezejec.
2CO 9:6 Erâ ine šiŋuc mukopac: Moc e wiac afecne he sarac eocmu, e wiac afecnea nâ roroc eocmu, â moc e wiac ŋemâcne he sarac eocmu e wiac ŋemâcnea nâ roroc eocmu.
2CO 9:7 Irec šiŋuc efârezo: Moc e buafec-ticnere sâcko wiac-ticne qikiŋnezejec, jâiŋko me micneneŋte misac. Wiac buafec qikiŋneocmu, ŋic iŋucnere Anutuzi maname biaŋkeocmu.
2CO 9:8 Anutu e tâpiri runezi buafec-ticnere jambuŋ-ŋopame mâriri fua-ŋareme ŋaŋacne nâ bac eipiehuc bâmec gie fuŋne fuŋne baniŋte wiac mi basaniŋmu.
2CO 9:9 Dâŋqâreŋ šiŋuc hâcne fokac: “E kada bahuc ŋic hapetac bâmec bajareekac, â buafec-ticne i tofamâc fohuc juocmu.”
2CO 9:10 Ŋic ukicne bâfua-jareme he sarac eeŋgopieŋ â fârine bâfua-jareme nâ bac eeŋgopieŋ, Anutu e hâcne ŋoŋe wâc he sarac eniŋte ukicne bâfua-ŋarerâ jambuŋkeme buafec-ŋeŋicte fârine fua sawec eocmu.
2CO 9:11 Eme mâriri sâkohec erâ ŋic bâmec fuŋne fuŋne bajarepie jaŋe nâŋâcnere erâ Anutu daŋge mumuteŋ ecneniŋmu.
2CO 9:12 Ŋoŋe mitiŋic bubiaŋ wiac ejarepie izi roroc-jeŋic jâpeocmu sawa mâcne, izi daŋge mumuteŋ irec mâriri wâc bâfuame Anuturao qacneocmu.
2CO 9:13 Ŋoŋe Kristore Biŋebiaŋ mana rereŋ eeŋgopieŋ irec fuŋne bubiaŋ wiac-ŋeŋiczi bataniŋkeme Jerusalem haeonec mitiŋic â opâ ruac gâcne sasawa jaŋehec ââgo šušuhuc-ŋeŋic fuame Anutu mumbiaŋkeniŋmu.
2CO 9:14 Erâ ŋoŋerao Anutu miti-ticnere fârine fua sawec ekacte maŋzi šâfic-ŋopahuc ŋoŋere erâ Anutu numucneniŋmu.
2CO 9:15 Anutu buafec-ticne i wemocko sâcne mutaniŋkezo, irec mâc wareckehuc daŋge âzâcnenaŋ.
2CO 10:1 Ʒi Paulo noni Kristo bumâteŋ-ticnere â uruc-ticnere erâ ŋazape mananiŋ. Gâcnezi nore mueŋgopieŋ, “Ʒira ware juhuc miriŋdâŋ enâreekac, â ocna ra juhuc momori dâŋ enâreekac.”
2CO 10:2 Âgofâc, ŋoŋerao fâ juhuc momori dâŋ ŋazapemurâ irec mi qafeŋnunšepieŋ. Gâcnezi “sahacte wiacko utuckerâ juekac”, nore iŋuc mueŋgopieŋ, ŋic i jaŋe momori dâŋ jazapemurâ maŋnane afeckekac.
2CO 10:3 Wiac nâŋe sahachec juju i jâmbomac jueŋgopeneŋ, â momori juju ine sahacte hata fokac iŋucko mi jueŋgopeneŋ.
2CO 10:4 Sându maro bajuhuc juju gie baeŋgopeneŋ, i mâreŋkonec mâcne, i Anuture tâpiri sanaŋhec. Eme izi râsire sac bazueŋgopeneŋ, â qac momori-ticne qapene wahaekac,
2CO 10:5 â hârâc huec Anuture dâŋ sirickeekac i qa imac eeŋgopeneŋ, erâ Kristore micrereŋ sawa fuaocte mamana fuŋne fuŋne kâpâcwâru baeŋgopeneŋ.
2CO 10:6 Ŋoŋe micrereŋte afecke-fârehapie nâŋe ŋic gâcne jaŋe qaqatara-jeŋicte bâtiŋ-jopazore woŋec juŋgopeneŋ.
2CO 10:7 Wiac moc ši tâtâc fokac i honeniŋ: Ŋoŋe wemocte sahackopec wiac omanere manapie fârine eekac? Ŋoŋeraonec ŋic moczi e jahacnere maname Kristore ŋic fârine eekacko šiŋuc manazejec: E buc Kristore ŋic mi juekac, nâŋe wâc Kristore ŋicfâc jaha jueŋgopeneŋ.
2CO 10:8 Erâ Wofuŋzi giere tâpiri râe-narewec, ŋoŋe âkesiŋ-ŋopapere, sipiric-ŋopapere mâcne, no irec erâ ropaŋdâŋ piticne murašihuc mupe boc mi sâqore-nareocmu.
2CO 10:9 Á papia qâreŋke-ŋareekopac irec manapie mu hâhâwic dâŋ mi ezejec.
2CO 10:10 Ʒiŋuc hâcne munareeŋgopieŋ: “Papiao dâŋ bipinehec â tâpirinehec qâreŋkeekac, sahaczi maic-nâpoekac ine weweaŋne, â dâŋ mumu-ticne ine wawahane.”
2CO 10:11 Ŋic iŋucne jaŋe šiŋuc mananšepieŋ: Nâŋe šoricko juhuc dâŋ qâreŋkeeŋgopeneŋ, dâŋ irec fârine ŋondeŋ-ŋeŋicko juhuc bâfuaeŋgopeneŋ.
2CO 10:12 Ŋic sahac fefe jueŋgopieŋ jaŋerao nâŋe iŋucnezi wemocko šuhuckerâ sâc babac enaŋmu. Ŋic i jaŋe hâcne gâcne nâŋere eebapa irec mi manasuhuc jaŋacnere sawa muhuc sahac fefe dâŋ kosa woseeŋgopieŋ.
2CO 10:13 Nâŋe ine Anutuzi giere sâc banârewec iŋuc bafâku ŋoŋerao fisimbeŋ, irec mac manasuhuc mumuafec dâŋ mueŋgopeneŋ, â sâc tâmiricko kosa mumu ine mi eeŋgopeneŋ.
2CO 10:14 Nâŋe gie-nâŋecte sâc i mi musokaeŋgopeneŋ, gie rukec-nâŋec i jâmbomac ŋoŋerao fokac, nâŋe hâcne bâbâni ŋoŋerao fisirâ Kristore Biŋebiaŋ qanaŋ ŋazambeŋ.
2CO 10:15 Nâŋe ŋic gâcne jaŋere gieo kâŋgâc raši domahuc sahac fefe dâŋ kosa mumu i mi eeŋgopeneŋ. Mamanasiŋzi ŋoŋerao fua sawec eme gie rukec-nâŋec bâsokanaŋte ine jâmbomac maŋnâŋec domaha jueŋgopeneŋ.
2CO 10:16 Eme ŋic râpe-ŋeŋicko juŋgopieŋ jaŋerao Biŋebiaŋ muranaŋmu. Á ŋic mocte gie fârine rauckehuc pepec dâŋ mumu i mi eeŋgopeneŋ.
2CO 10:17 Moc e mumuteŋ dâŋ muzo murâ Wofuŋte erâ muzejec.
2CO 10:18 Moc e jahacne sahac mumbiaŋkeme e miti fârihec ekac mi mucnezo, Wofuŋzi mumbiaŋkeme miti fârihec ekac muzo.
2CO 11:1 Ŋoŋe manahapie mutucdâŋ piticne ŋazape. Sifu mac mananšepieŋ.
2CO 11:2 No ŋoŋere erâ qizec qaekopac, erâ qizec qaqa dâŋnane i Anuturaonec. Noni ŋoŋe Kristore biŋefâc erâ pectâc juniŋte ŋic mocjaha ehec bâturec-ŋopapo.
2CO 11:3 Ʒi ine homazi Ewa sioc ecnehuc bâdockewec iŋuc jaha ŋoŋe ŋic gâcnezi eatuc-ŋopapie maŋŋeŋic fâuckeme Kristo râŋgeŋ rocnenšipiŋte manabâc ekopac.
2CO 11:4 Ŋoŋerao ŋic moczi fisirâ Jesure fuŋne nâŋe ŋazaeŋgopeneŋ ijaha mâcne, hawarine moc ŋazaocmu, â Mâro nâŋeraonec rombiŋ i mâcne, furune moc ŋareocmu, â Biŋebiaŋ nâŋeraonec manambiŋ i mâcne, maracne moc ŋazaocmu, i ŋoŋe mi qatarahuc mâc manapie sâckeekac.
2CO 11:5 No nahacnere manape norao wiac i me i basahuc aposolo fekicne sâko jaŋere jujuwicnao jukopac mi eekac.
2CO 11:6 No miti muminširiŋkerâ mumu i mi mecne fonarekac, â mitire fuŋne mamana ine manaekopac, erâ irec fuŋne baratie-fârehuc mâmâc-ŋeŋic bataniŋke-ŋarepo.
2CO 11:7 Me nahac wahamicne juhuc ŋoŋe ikisiŋ-ŋopahuc Anuture Biŋebiaŋ katucmâc ŋazapo i sâqorewec me?
2CO 11:8 Ŋoŋerao miti gie bapemurâ kikefuŋ gâcne jaŋe jâmbomac moneŋ mafa jowac ropo.
2CO 11:9 Ŋoŋerao ine wiac basac bahameŋ juhuc mubâre mi eŋarepo. No batac qatac juhape Makedonia mâreŋkonec âgofâc-nane fisirâ wiac nare gumec embiŋ. Á ŋoŋerao ine mâc juhape nore šâic mi manambiŋ â jufehuc wâc mi mananiŋte mukopac
2CO 11:10 Kristore dâŋfâri maŋnaneo foha mukopac: šeridâŋ inane Akaia mâreŋko moc mi bawaha-narezo.
2CO 11:11 Muŋgopieŋ,ŋoŋere mi enarehame iŋuc eekopac? Iŋuc aricne,i Anutuzi manakac.
2CO 11:12 Wiac eekopac i ehuc jupemu, erâ i mâc mâcne, ŋic gâcne jaŋe Paulore sâcko juŋgopeneŋ muhuc maŋjeŋic bafenšipiŋte siŋ qatara-jareekopac
2CO 11:13 Ŋic iŋucnezi aposolo burecne â miti gie bapa siochec juhuc Kristore aposolofâc nâŋere sahac hawari sawa eeŋgopieŋ.
2CO 11:14 Erâ i wiac furune mi eeŋgopieŋ, Sataŋ e jahacne wâc aŋelo tatamachec jaŋere hawari tinac eekac,
2CO 11:15 eme irec gie bapa ŋicfâc-ticne jaŋe iŋuc jaha tiŋnere kiŋaŋ qaqa jaŋere hawari rojueŋgopieŋ.
2CO 11:16 Mupac i mocwâc mupe, nore manapie ŋic mutucne mi ezejec. Erâ sifu muzo murâ muniŋ, ehuc mana-narehapie sahac-nane piticne muteŋkepe
2CO 11:17 No ši dâŋ mupemu i Wofuŋte micsâcko mi mupemu, mâc mumuteŋ dâŋ fuŋkekicnere sifu mutuc erâ mupemu.
2CO 11:18 Ŋic gâcnezi sahackopec wiacte mumumbiaŋ dâŋ mueŋgopieŋte no iŋuc jaha epemu.
2CO 11:19 Oi, fuŋne mamana ŋoŋe, gâcnezi mutucdâŋ ŋazapie manapie sâckeekac hâcne.
2CO 11:20 Á kiŋaŋ qaqafâc-jeŋic bacŋopapie iŋuc jaha manapie sâckeekac, â ŋowac ro nâc eŋareniŋmu me eatuc-ŋopaniŋmu me ŋicbomboŋ eŋareniŋmu me imac-ŋopaniŋmu, i ŋoŋe manapie sâcke-fâreocmu hâcne.
2CO 11:21 Nâŋe gegec dodocnezi iŋuc sâko wemocko eŋarenšapeŋ, i mana sâqorehuc mukopac. Moc e wiac irec me irec penaroŋ eocmu, i no ezo murâ sâcne epemu. Dâŋ i mutucne, i mana-bipiehuc mukopac.
2CO 11:22 Jaŋacnere Judaŋic mueŋgopieŋ, no wâc ijaha. Jaŋacnere Israe ŋic mueŋgopieŋ, no wâc ijaha. Jaŋacnere Abrahamte ɋâric mueŋgopieŋ, no wâc ijaha.
2CO 11:23 Jaŋacnere Kristore gieŋic mueŋgopieŋ, no ši sifu maŋmutuc dâŋ mupe, no Kristore gieŋic sâc moc. No giere šâic manaekopac i sâc moc, â kâpâcwâru ficko feekopac i sâc moc, â šika kiekopac i sâc moc, â sipirickezo eekopac i sâc moc.
2CO 11:24 Judaŋic jaŋe dameŋ memoc repazi 39 numbiŋ,
2CO 11:25 dameŋ jahec â moc kâcbiŋzi nukicne, moc i qânâzi hehâmocnumbiŋ, dameŋ jahec â moc woke hericke fâuc eme hâwecko hurâ hu epo, ŋafe šoaŋ moc woke sâqoreme hâwecko qac qâsoriehuc jupo.
2CO 11:26 Erâ sopâc kâte hârâc tiki fotâcne qâqâwiric bazu bâfeŋ ehuc jupo, opâ rumio šârâ šâpâ faio fehuc jupo, râsi ŋondeŋko šârâ šâpâ faio fepo, Judaŋic ŋondeŋko šârâ šâpâ faio fepo, qâpuc ŋondeŋko šârâ šâpâ faio fepo, ŋic jujuo šârâ šâpâ faio fepo, tuhuo šârâ šâpâ faio fepo, hâwecko šârâ šâpâ faio fepo, mitiŋic burecne jaŋere ŋondeŋko šârâ šâpâ faio fepo.
2CO 11:27 Iŋuczi iŋuc ehuc hume serereŋ â huacbuc qâbucne juwarepo, ehuc ŋafeo guŋɋâri juju,nânâ opâre hâhâmo, hoe mâmâteŋte ɋarac ɋarac qaqa, ŋaqi bilaŋke babasa, iŋuc ehuc juekopac.
2CO 11:28 Erâ i sawa mâcne, šoaŋne šoaŋne kiŋaŋ fisihuc fâro âkefec enarepie hae sâc kikefuŋ jaŋere mana mezac ehuc juekopac.
2CO 11:29 Wemocko hae moczi qau bititicne juhapie âke uruerâ sâcne jupemu? Wemocko hae moczi qâsoriehapie sâcne ŋemâteŋkepemu?
2CO 11:30 Eme no irec wemo-nane musokapemu? Gegec dodoc-nane mocjaha musokape sâckeocmu.
2CO 11:31 Wofuŋ Jesu ere Anutu â Mamac, e mumuteŋ hatizi dâŋ jâmbomac mukopac i manakac.
2CO 11:32 Damasko haeo juhape ŋicwofuŋ Areta ere kiazi kâpâcwâru bacnuocte hae upeo somâ râewec.
2CO 11:33 Eme irec âgofâc-nane jaŋe kâdocko ŋihecnurâ sacrâpeo âke suecnupie hurâ wisepo.
2CO 12:1 Mumuteŋ dâŋ mupene mi sâckeekac, erâ sifu mupe. Ehuc Wofuŋzi maŋko fuac â maŋbâwiŋ enarewec, irec dâŋ binaŋ epe.
2CO 12:2 No Kristore ŋic moc manakopac e wiac moc honerâ jukuhame jara 14 ekac. Ŋic e hâcne Wofuŋzi maŋbâwiŋ ecneme sambâŋ namba 3 ira fewec. I sahachec me sahac tâmiric ewec, i no mi manakopac,Anutuzia manakac.
2CO 12:3 Eme ŋic e Wofuŋzi maŋbâwiŋ ecneme paradisio hâcne ferâ dâŋ miczi mi mumune â mâreŋŋiczi mi mumufuane i manawec.
2CO 12:4 No ŋic e manakopac, â sahachec juhuc me sahac hetarahuc ewec, i no mi manakopac, Anutuzia manakac.
2CO 12:5 Ŋic ere erâ mumuteŋ dâŋ mupemu, nahacnere mi mupemu, ine muzo murâ gegec dodoc-nane sawa musokapemu.
2CO 12:6 Mumuteŋ dâŋ mupe muzac, i jâmbomac dâŋ muzapore ŋic mutucne mi ezapo. Erâ nore manapie fefene boc ezacte ine mi epemu, wiac mupe bape ŋaŋac hone manac eeŋgopieŋ izia fozejec.
2CO 12:7 Wofuŋzi wiac šâŋe hazec furu nowatuwec, irec maŋnane fezacte sahac biuc-naneo šârâ moc duckewec, i Sataŋte kiŋaŋŋic moc e maŋnanezi boc fezacte mehuhuŋzi hecnuhuc juocte mukicne.
2CO 12:8 Eme behecnuocte Wofuŋ wâsickekuhape jahec â moc ewec.
2CO 12:9 Eme dâŋ šiŋuc nazawec: “Jauŋ-nanezi sâcguekac â tâpiri-nanezi dodoc rorokacko fua ɋârâŋkeekac.” Irec Kristore tâpirizi norao mâckeocte dodoc rorokac-nanere manape feha mumbiaŋkezepac.
2CO 12:10 Eme Kristore erâ dodoc rorokac epemu me šika kipemu, me hume serereŋ jupemu, me fific guguriŋ â imaŋ gomaŋ faio jupemu, i sifu bubiaŋ manaekopac. No dodoc rorokacko sanaŋkeekopac hâcne.
2CO 12:11 Ʒi mutucdâŋ mupac, i ŋoŋe enarepie mupac. Ŋaŋac mumbiaŋnupie sâckezac. No jawa omane juekopac i manakopac, erâ aposolo fekicne jaŋere wahamicne juju ine mi juekopac.
2CO 12:12 No ŋoŋerao gie maŋuruc jaha bape mâsi â wiac šâŋe furu â wiac tâpirihec fuahuc izi aposolo fuŋne-nane bataniŋkewec.
2CO 12:13 Eme ŋoŋe wemo basahuc kikefuŋ gâcne jaŋere sâc mi embiŋ? Mâc wiac ŋowac ro nâc ee i mocjaha mi eŋarepo. Hehesic-nane i mi mana sâqore-narenšepieŋ.
2CO 12:14 No jajahec iqic-ŋopapo, eme ši mocwâc fâpere šawiehuc jukopac. Fârâ mârâc epo ijaha ehuc sahacte dopere mi bâšâic-ŋopapemu. No moneŋ mafa-ŋeŋicte mâcne, ŋaŋacnere harac eekopac. Naru moteczi neŋgoc mamac wiac hure-jareniŋte mi mukicne, neŋgoc mamaczi naru motec hure-jareniŋmu ine sâckeocmu.
2CO 12:15 No ine maŋ qâqâtâc-ŋeŋic biaŋkeocte moneŋ mafa sawa mâcne, juju-nane wâc qaisockezo afeckekopac. Nore maŋzi ŋoŋere kâcɋene domaha ŋoŋerezi nore piticne domaoc me?
2CO 12:16 Ŋic gâcnezi nore šiŋuc mueŋgopieŋ: Wiac tâtâc nânâwoc ro i mi ewec. Á soŋsoŋko ŋic eatuc-jopahuc wiac jojowac ro i ewec mecne.
2CO 12:17 Irec ŋoŋe muniŋ, no ŋicfâc-nane ŋoŋerao sorec-jopahuc ejarepe wiac moc ŋowac rombiŋ me?
2CO 12:18 Erâ Tito fâocte mucnepo ehuc opâ ruac moc sorepe jojowac erâ fâpic. Eme Titozi fârâ wiac moc ŋowac rowec me? Nâhe Mâro wirec â hata wirec mi jukoperec me?
2CO 12:19 Dâŋ mueŋgopeneŋ i esecne mana warepie sahac ŋeŋezic dâŋ eekac me? Erâ iŋuc mâcne, nâŋe Kristohec juhuc Anuture maio dâŋ mueŋgopeneŋ, erâ âgofâc, irec me irec mâcne, ŋoŋe âkesiŋ-ŋopanaŋte dâŋ mueŋgopeneŋ.
2CO 12:20 No ŋoŋerao fârâ honec-ŋopape mi sâckezacte, â ŋoŋe nore iŋuc jaha manapie mi sâckezacte manabâc ekopac. Ŋoŋerao kisâ, iiŋguuŋ, kimbeŋ, hehefaric, micko âkec, gupe, penaroŋ, hesi qâsifuc, wiac i fohame fâ bâfuazipore maŋbahacnukac.
2CO 12:21 Ŋoŋeraonec gâcnezi maŋwânâŋ, boe sau, nânâ qowi âmbâŋ nânâ, i ehuc maŋjeŋic mi bârisieeŋgopieŋ, eme iŋuc juhapie ŋoŋerao fâpe Anutu-nanezi bawahacnume ŋic iŋucne jaŋere ki busâqoc ezipore mana mezac ekopac.
2CO 13:1 Ʒi ŋoŋerao mocwâc fâpe jahec â moc eocmu. Fâ fisipe ŋic jajahec me jahec â moczi mocte bahacte fuŋne mupie dâŋticne munaŋmu.
2CO 13:2 Ŋic bahachec â gâcne ŋoŋe mâmâc arecne 2 fâpo ira uŋ ŋazapo ijaha wiwicko juhuc mukopac, ši šâhec mocwâc fârâ mi akic-ŋopapemu.
2CO 13:3 Nore maŋko dâŋ râeme muekopac Kristo hâcne, ere tâpiri fuame honezo mueŋgopieŋte honenšepieŋ. Kristo e ŋoŋerao gie-ticne rorokacne mâcne, tâpirihec baekac.
2CO 13:4 Mârâc jâmbomac rokaweme maripoŋko qambiŋ, ši ine Anuture tâpirihec faharewec jukac. Nâŋe iŋuc jaha ere erâ rokaweeŋgopeneŋ irec ere erâ wâc Anuture tâpirio ŋesiŋnehuc jujure fuŋne ŋoŋerao bajaŋgeŋkenaŋmu.
2CO 13:5 Ŋoŋe mamanasiŋhec jueŋgopieŋ me mâcne, irec maŋŋeŋic esâicke honehuc fuŋne bataniŋkenšepieŋ. Me Jesu Kristozi maŋŋeŋicko juekac irec fârine basaeŋgopieŋ? Iŋuc eeŋgopieŋko sahaczi mitiŋic muŋarezo.
2CO 13:6 Nâŋe ine sahaczi mitiŋic mi jueŋgopeneŋ, iŋuc hone tarac-nâponiŋte worickekopac.
2CO 13:7 Anutuzi soŋaŋ-ŋopame bahac mi bâfuaniŋte numucnehuc jueŋgopeneŋ. Nâŋe honec-nâpopie mitiŋic fârine enaŋmu me mâcne, irec mi mueŋgopeneŋ, ŋoŋe mitidâŋ reŋkepie fârinehec eocte mocjaha mueŋgopeneŋ.
2CO 13:8 Nâŋe iŋucnezi wemocko dâŋfâri râsi ecnenaŋmu, âgo ecnenaŋmu sawa fokac.
2CO 13:9 Nâŋe tâpiri basahuc juhapene ŋoŋe tâpirihec juniŋmu i bunâŋec biaŋkeocmu. Erâ maŋŋeŋiczi soka sanaŋ eocte Wofuŋ numucneeŋgopeneŋ.
2CO 13:10 No ŋoŋerao fârâ šâire-ŋarezipore qanaŋ šoricko juhuc uŋdâŋ qâreŋke-ŋarekopac. Wofuŋzi tâpiri narewec, izi imac-ŋopapemurâ mâcne, hume keteŋ eŋarepemurâ narewec.
2CO 13:11 Erâ dâŋ mutarahuc kecšiŋuc mupe: Ŋoŋe bubiaŋko junšepieŋ, erâ uŋsawaŋ dâŋ manarâ maŋŋeŋic ba emasaŋ enšepieŋ. Ŋoŋe maŋ mocjaha efârerâ wamao junšepieŋ. Eme Anutu e maŋjauŋ â wama runezi ŋoŋehec juocmu.
2CO 13:12 Ŋoŋe mitio meo babac efârenšepieŋ. širec mitiŋiczi manasuc-ŋopa-fâreŋgopieŋ.
2CO 13:13 Wofuŋ Jesu Kristore aki anonoc â Anuture maŋjauŋ â Tiri Mârore miriŋ i ŋoŋerao fohuc juzejec.
GAL 1:1 Paulo no aposolo, ŋiczi mi sorecnumbiŋ â ŋic moczi gie wâc mi munarewec, Jesu Kristo â Anutu Mamac e hâmockonec bâɋâreweczi gie i munarewec.
GAL 1:2 No â âgo gâcne nohec juŋgopieŋ nâŋe kikefuŋ Galatia mâreŋko juraŋgopieŋ ŋoŋe papia ši râe-ŋareŋgopeneŋ.
GAL 1:3 Anutu Mamac â Wofuŋ-nâŋec Jesu Kristo eraonec aki anonoc â wama ŋoŋerao fotâcnerâ fozejec.
GAL 1:4 Jesu e Mamac-nâŋec Anutu ere micte juju sâqocne ši jueŋgopeneŋkonec bâhoc-nâpoocte sindaŋ-nâŋecte erâ sahac-ticne qaisockewec.
GAL 1:5 Irec erao mumuteŋzi mumuteŋ fohuc juzejec. Jâmbomac.
GAL 1:6 Ŋoŋe Kristore aki anonocko râec-ŋopahuc hefârec-ŋopawec ehec jupie mi šoraha e râpeckehuc miti fuŋmoc irec hazec rârâe eŋgopieŋ, no irec wareckekopac.
GAL 1:7 Erâ Biŋebiaŋ fuŋmoc wena fokac? I aricne i. Mâc ŋic tucnezi maŋ bâsifuc eŋarehuc Kristore Biŋebiaŋ âke sipueŋgopieŋ, i sawa fokac.
GAL 1:8 Irec nâŋe wâc, me sambâŋkonec aŋelo moczi, Biŋebiaŋ ŋazakicne i âke sipuhuc moc ŋazanaŋmuo, iŋucnezi hârâcte biŋe ezejec.
GAL 1:9 Dâŋ mârâc mumbeŋ ijaha ši wâc mukopac: Moczi Biŋebiaŋ qazu-ŋarekicne i âke sipuhuc moc ŋazaocmu e hârâcte biŋe ezejec.
GAL 1:10 Eme weniŋuc, dâŋ ši mukopac i ŋiczi honecnupie biaŋkeocte me Anutuzi honecnume biaŋkeocte mukopac? No ŋic dape-jarehuc gie bazapo muzac, wemocko Kristore kiŋaŋ qaqa juzapo.
GAL 1:11 Âgofâc-nane, no dâŋ ŋazape mananiŋ: Biŋebiaŋ ŋazapo i ŋickonec mâcne,
GAL 1:12 erâ wâc ŋiczi mi naza qazuc embiŋ, i Jesu Kristo e jahac mufua-narewec.
GAL 1:13 No mârâc jaha Judaŋic jaŋere guruo juhuc wiac epo, i ŋoŋe manaeŋgopieŋ. No Anuture kikefuŋfâc jopa jâpec ejarehuc mâretec sipiric-jopapo.
GAL 1:14 Ehuc kâcɋenefâc-nâŋec jaŋere dâŋ mi wahazejec muhuc samac qamandiŋkerâ motec âgofâc-nane siric-jopapo.
GAL 1:15 Eme Anutu e qanaŋ neŋgoc bumaŋko hone wosâecnurâ uruc jauŋ-ticnere erâ hefârec-nuweczi maname sâckeme
GAL 1:16 Ŋokâ-ticnere biŋedâŋ qâpuc jaŋerao musawepere ere fuŋne bataniŋke-narewec. Iŋuc enareme sahac biuchec jaŋe mu wioc mi ejarepo,
GAL 1:17 erâ wâc Jerusalem haeo mi ferâ aposolo fuŋkerâ juwarembiŋ jaŋe mi iqic-jopapo. Aricne, no Arabia mâreŋko ra juku Damasko haeo risiepo.
GAL 1:18 Juhape jara 3 tarame Kefa honepemurâ Jerusalem haeo ferâ šoaŋ gie bapa 15 ehec jupo.
GAL 1:19 Aposolo gâcne mi honec-jopapo, Wofuŋ ɋaticne Jakobo e sawa honepo wâc.
GAL 1:20 Dâŋ qâreŋkekopac i Anuture maio jâmbomac muhuc qâreŋkekopac.
GAL 1:21 Iŋuc erâ Siria â Kilikia mâreŋko ra jupo.
GAL 1:22 Á Judaia mâreŋko Kristore kikefuŋ jaŋe ine mi honecnumbiŋ.
GAL 1:23 Jaŋe nore biŋedâŋ šiŋuc sawa manambiŋ: “Nâpo jâpec enârehuc miti ima qaocte muweczi ŋic miti i hâcne jazahuc juekac.”
GAL 1:24 Iŋuc muhuc nore erâ Anutu muteŋkembiŋ.
GAL 2:1 Ehame jara 14 tarame Jerusalem haeo mocwâc fepemurâ Banaba â Tito rocjofape mâmâc fembeŋ.
GAL 2:2 Erâ i mâc mi epo, Wofuŋzi dâŋ mufua-narehuc bufahac qanareme fepo. Ferâ qâpuc jaŋerao Biŋebiaŋ musaweekopac i mutaniŋke-jarepo. Micne šâŋe biŋehec jaŋe bucko wâc ejarekicne, jaŋe hâcne manapie mi sâckeme gie maŋgâŋ bawefuhuc jupo iŋuc ezacte.
GAL 2:3 Jupe juju-nane Tito e Grikŋizi opâ ruakicne juwec, eme e wâc sahacnao mahec eocte mi mucnembiŋ.
GAL 2:4 Eme nâŋere giemaŋko mitiŋic burecnezi raširâ, nâŋe Kristo Jesure erâ rambaŋ juhapene rucko honetâc-nâporâ Mosere kiŋaŋ qaqa bacnâpozo mueŋgopieŋ,
GAL 2:5 ŋic izi hâcne bawahac-nâpozo mupie nâŋe Biŋebiaŋzi ŋoŋerao bâbâsifucnehec ezacte moc mi docke-jarembeŋ.
GAL 2:6 Eme ŋic micne jaŋe mârâc jaha iŋuc me iŋuc jumbiŋ, no irec manape hawarine moc mi eekac, Anutuzi iŋuc jaha sahackopec honec-nâpome bârâwiŋ mi eekac. Ŋic micne jaŋe hâcne dâŋ furune mi šuhucke-narembiŋ.
GAL 2:7 Aricne, šiŋuc ine manambiŋ: Anutuzi Petoro ŋic mahec jaŋerao Biŋebiaŋ muiŋneocte mucnewec, iŋuc jaha no ŋic ma tâmiric jaŋerao muiŋnepere munarewec.
GAL 2:8 Ehuc Petoro aposolo gie-ticne baha bafickeme fârinehec ewec, iŋuc jaha no baficnume bape fârinehec jaha wâc ewec.
GAL 2:9 Eme Wofuŋ e gie tahacke-narewec, i Jakobo, Kefa â Johane jaŋe Jesure kikefuŋ guru jaŋere jâcne jumbiŋzi mana tararâ no â Banaba âgo bacnâfohuc menâhecko bambiŋ, erâ nâhe qâpuc jaŋerao gie bahapere jaŋe jaŋac ŋic mahec jaŋerao baniŋte mumbiŋ.
GAL 2:10 Erâ hapetacfâc-jeŋic ehâmo-jarenaŋte irec sawa nazambiŋ. Eme no irec dâŋ hâcne šoɋac erâ muekopac.
GAL 2:11 Eme Kefazi Antiokia haeo warerâ wiac babahacnehec eme honerâ maiqanšaŋ jaha âzâcnepo.
GAL 2:12 E qanaŋ qâpuczi opâ ruac jaŋehec nânâ wirec nâwec. Ehame Jakobore ŋicfâc fisipie honec-joparâ mahec jaŋere hâwickeme qâpuckonec opâ ruac bâtâc bajarerâ hone takirec-jopawec.
GAL 2:13 Erâ âkeac ehuc ra rowec ware rowec eme Judaŋic gâcne bafickepie Banaba jaŋerao šuhuckerâ sâc ijaha ewec.
GAL 2:14 Eme Biŋebiaŋte hata fâretiŋ mi âtepie honec-joparâ ŋic gâcne jaŋere maio Kefa šiŋuc âzâcnepo: “Go Judaŋiczi Judaŋic nâŋâcne eebapao mâcne, qâpuc jaŋere eebapao eekic, izi wemocte qâpuc jaŋe Judaŋic nâŋâcne eebapao eniŋte muekic?”
GAL 2:15 Nâŋâc qâpuc kosa jujune jaŋe iŋucne mi fuambeŋ, Judaŋic fuambeŋ.
GAL 2:16 Erâ ine šiŋuc manaŋgopeneŋ: Ŋiczi sâcmutâc dâŋ reŋkehuc kiŋfâsâc eene mi fokac. Eme Kristo e sâcmutâc dâŋ rereŋkere mâcne, mamanasiŋ-nâŋecte erâ kiŋfâsâc bâcnâpoocte, nâŋâc wâc Jesu Kristo manasiŋkeeŋgopeneŋ. Sâcmutâc dâŋte gie bahuc moczi moc kiŋfâsâc eene mi fokac.
GAL 2:17 Eme Kristorao qohotahuc kiŋfâsâc ezo mueŋgopeneŋzi sifu sâqocne baeŋgopeneŋko weniŋuc muzo? I Kristozi sâqocnere qafeŋ-nâpoekac me? Aricne, iŋuc mi fokac.
GAL 2:18 Á wiac duckepo i mocwâc heɋârepemu, ine jâmbomac qaqatara ŋic epemu.
GAL 2:19 Á sâcmutâc dâŋzi nume hâmocnepo i Anutu jucnepemurâ epo.
GAL 2:20 No Kristohec maripoŋko nukicne. Eme ši juekopac i no nahacne mâcne, Kristozi maŋnaneo juekac. Sahachec juju i juekopac, erâ Anutu Ŋokâ-ticne manasiŋkehuc e sawa jucneekopac. Eki hâcne maŋjauŋ enarehuc juju-ticne nore due bawec.
GAL 2:21 No Anutu aki anonoc-ticne mi qâsuakopac. Sâcmutâc dâŋ reŋkehuc kiŋfâsâc eene fozacko Kristo e maŋgâŋko hâmowec ezac.
GAL 3:1 O Galata ŋic mutucne¡ Ŋoŋe mozi maŋ bâsifuc eŋarewec? Jesu Kristo maripoŋko qakicne ere hawari ŋaza ŋowatuc epe šâŋe fâri-ŋeŋiczi honembiŋ i¡
GAL 3:2 Wiac mocjahare wio-ŋarepe nazaniŋ: Mâro rombiŋ i weniŋuc ehuc rombiŋ? Sâcmutâc dâŋ reŋkehuc rombiŋ, me miti manarâ mamanasiŋhec ehuc rombiŋ?
GAL 3:3 Maŋmutuc wemocte eŋgopieŋ? Mârore hata fuŋkerâ âtembiŋzi juju raŋɋare hatao rašiŋgopieŋ me?
GAL 3:4 Wiac fekicne sâko i maŋgâŋ fua-ŋarewec me? ­ jâmbomac fârimâc ewecko.
GAL 3:5 Mâro ŋarehuc wiac tâpirihec ŋoŋerao eekac, eki sâcmutâc dâŋ rereŋte me mamanasiŋ-ŋeŋicte eŋareekac me?
GAL 3:6 Abraham e iŋuc hâcne ecnekicne. E Anutu manasiŋkeme kiŋfâsâc mucnewec.
GAL 3:7 Irec šiŋuc mananiŋ: Mamanasiŋhec jaŋe Abrahamte ɋâricfâc fârine.
GAL 3:8 Ŋic qâpuc jaŋe Anutu manasiŋkepie kiŋfâsâc bacjopaocmu, irec hâcne mârâc jaha manasuhuc Abrahamte Biŋebiaŋ dâŋ šiŋuc mume miti papiao qâreŋkembiŋ: “Qâpuc guru jaŋe gore jambuŋko raši-fâreniŋmu.”
GAL 3:9 Irec hâcne, Abrahamzi mamanasiŋ hata âtewec ijaha âteniŋmuzi ere jambuŋko rašiniŋmu.
GAL 3:10 Á sâcmutâc dâŋte giezi fosiŋ-jeŋic eha juniŋmu jaŋe ine sâwechec eniŋmu. šiŋuc hâcne qâreŋkekicne fokac: “Sâcmutâc birio dâŋ forakac i moc mi qâsuazo. Moc e qâsuaocmuzi sâwec hotâckeocmu.”
GAL 3:11 Sâcmutâc dâŋte maŋnao juhuc Anuturao kiŋfâsâc eene mi fokac, i dâŋ šizi mujaŋgeŋkekac: “Mamanasiŋte erâ biaŋkekicnezi juju hotâckeocmu.”
GAL 3:12 Sâcmutâc dâŋko ine mamanasiŋte moc mi mukicne. Ine šiŋuc mukicne: “Giene bafâreocmuzi juju hotâckeocmu.”
GAL 3:13 Dâŋqâreŋ moc šiŋuc fokac: “Ŋic jâcko ɋetic-jopakicne jaŋe sâwecte biŋe.” Eme Kristo e nâŋâcnere iŋuc hâcne erâ sâwec hotâckewec, ehuc sâcmutâc dâŋte sâwec i bâsue-nârewec.
GAL 3:14 Eme irec Jesu Kristore erâ Abrahamte jambuŋzi ŋicne ŋicne jaŋerao sâcne raocmu. Eme Mâro biŋe qanârekicne ine mamanasiŋhec erâ ronaŋmu.
GAL 3:15 Âgofâc, no wiac omanao sâc hehuc mupe: Ŋic moczi hâmohuc merâfâc-ticne biŋe qajareocmu, i moczi qâsuarâ fainao dâŋ moc mi šuhuckeocmu.
GAL 3:16 Eme miti merâfâc i Abraham â ɋâric-ticne biŋe qajactekicne hâcne. Ɋâricfâc-ticne bocjaha jaŋere mi mukicne, mocjahare mukicne Kristo hâcne.
GAL 3:17 No kecšiŋucte mukopac: Anutuzi mârâc jaha miti merâfâc irec biŋedâŋ muwec, ehame šâhecko jara 430 tarame sâcmutâc dâŋ mufuawec, eme sâcmutâc dâŋ šâhec mufuakicne izi wemocko biŋedâŋ mârâc mukicne qame wahaocmu.
GAL 3:18 Miti merâfâc i sâcmutâc dâŋte erâ rorone eme muzac ine biŋedâŋte erâ rorone i arictac ezac. Anutuzi ine miti merâfâc i katucmâc-ticnere erâ Abraham biŋe qacnewec.
GAL 3:19 Hâc, eme sâcmutâc dâŋ wemocte mukicne? I qaqatarare mufuakicne, erâ fofo sanaŋ foocte mâcne, Abrahamte ɋâric biŋedâŋ rune fuame rârieocte mukicne. Sâcmutâc dâŋ i aŋelo miczi mukicne â ŋicwirec ere meo râekicne.
GAL 3:20 Ŋicwirec moczi ŋic mocjahare mâcne, bocjaha jaŋere qâqâhâc domaocmu. Anutu eki ine mocjaha.
GAL 3:21 Eme sâcmutâc dâŋzi Anuture biŋedâŋ âkehockeocmu me? Iŋuc aricne. Sâcmutâc dâŋzi ŋicmaŋ mi heɋâreocmu. I eene eme muzac, ine jâmbomac sâcmutâc dâŋte erâ kiŋfâsâc ee i fuazac.
GAL 3:22 Ŋic mâmâc sasawa sâqocnere niŋgiŋko jueŋgopeneŋ, fuŋne-nâŋec iŋuc hâcne miti papiao mufuakicne. Eme irec hâcne Jesu Kristo manasiŋkehuc mitihec erâ biŋedâŋte fârine ronaŋmu, i sawa fokac.
GAL 3:23 Judaŋic nâŋâc mârâc jaha mamanasiŋ tâmiric juhapene sâcmutâc dâŋzi kâpâcwâru bacnâpome niŋgiŋko fokuhapene mamanasiŋte biŋedâŋzi fua tâcnewec.
GAL 3:24 Eme irec sâcmutâc dâŋzi bâbâtiŋ-nâŋec erâ Kristorao râec-nâpowec, i mamanasiŋhec erâ kiŋfâsâc enaŋte iŋuc ekicne.
GAL 3:25 Nâŋâc mamanasiŋte hata fuame i âtepene bâbâtiŋte niŋgiŋ tâcnewec.
GAL 3:26 Eme ŋoŋe Kristo Jesu manasiŋkeŋgopieŋte šeŋgoma Anuture naru motecfâc embiŋ juŋgopieŋ.
GAL 3:27 Miti Opâ rua-ŋarehuc Kristorao šuhuc-ŋopakicne ŋoŋe mâmâc sasawa Kristozi ŋaqi-ŋeŋic ehame hepie huwec.
GAL 3:28 Eme irec Judaŋic â Grikŋic, fekicne â wahakicne, ŋic â ŋokac, bârâwiŋ juju i tarame ŋoŋe mâmâc sasawa Kristo Jesurao sâc mocjaha embiŋ.
GAL 3:29 Ŋoŋe Kristore biŋe embiŋzi Abrahamte ɋâricfâc fârine juŋgopieŋ, erâ biŋedâŋte sâcko merâfâc-ticne bajuniŋmu.
GAL 4:1 Moc šiŋuc mupe mananiŋ: Motec ɋiene moc e mamac hâmocnere merâfâc raucke-bipiehuc sifu kiŋaŋ motec hawari juocmu.
GAL 4:2 Ehame wawa rau â âgo tofazi merâfâc qâzuckerâ bacne juhapie dameŋ mamaczi bawec i maickeocmu.
GAL 4:3 Nâŋâcne sâc ijaha fokac. Mârâc jaha maŋzi ɋiene juhuc mâreŋte wiac omanere kiŋaŋ qajumbeneŋ.
GAL 4:4 Eme šâhecko dameŋ bakicne i qosackeme Anutuzi Ŋokâ-ticne soreme ŋokackonec fuawec â sâcmutâc dâŋte kiŋaŋ qawec.
GAL 4:5 Ine nâŋâc sâcmutâc dâŋte niŋgiŋkonec goroŋ-nâpome Anuture naru motecfâc enaŋte iŋuc ewec.
GAL 4:6 Eme ŋoŋe naru motecfâc-ticne eŋgopieŋte Anutuzi Ŋokâ-ticnere Mâro maŋnâŋecko soreme hurâ šiŋuc wirâ wâwâsic eekac: “O Mamac biaŋ.”
GAL 4:7 Irec go kiŋaŋ qaqa-ticne mâcne, motec-ticne juekic. Erâ motec-ticne juhuc Anutu katucmâc-ticnere erâ merâfâc rune wâc juekic.
GAL 4:8 Ŋoŋe mârâc jaha Anuture kâuc bahuc nemu, Wofuŋ fârine mi jujune, jaŋe kiŋaŋ qajare jumbieŋ.
GAL 4:9 Eme šâhec Anutuzi hone šâŋitac eŋareme ŋoŋe e wâc hone tarambiŋ. Ehame wiac tâpiri tâmiric â fârimâc i wemocte mocwâc maickehuc kiŋaŋne qaŋgopieŋ?
GAL 4:10 Ehuc hombaŋ fuŋne fuŋnere manapie fârine eme ŋeeŋgopieŋ.
GAL 4:11 Gie-nanezi ŋoŋerao fârimâc ezacte mana mezac boc eekopac.
GAL 4:12 Âgofâc-nane, no numu-ŋarehuc mupe: No ŋoŋere sâc epore ŋoŋe nore sâc enšepieŋ. Ŋoŋe ši juwarehuc wiac hehesicne moc mi enarembiŋ.
GAL 4:13 Ŋoŋe manaŋgopieŋ, no mârâcko huc šâic enarehame Biŋebiaŋ ŋazapo.
GAL 4:14 Eme sahac dodoc mâretec enareme ŋoŋe nore sifu tatakicne mi eŋarewec â mi mamakâc-ŋopawec. Aricne, ŋoŋe honecnupie Anuture aŋelo tinac epo, opoŋ, Kristo Jesu tinac epe hefârecnumbiŋ.
GAL 4:15 Joi, dameŋ ira mu šeri embiŋ i weniŋucte omaekac? Ŋoŋe šâŋe hândâŋ-ŋeŋic unuckerâ no nanarene fome muzac enšapiŋ, i jâmbomac manahuc mukopac.
GAL 4:16 Eme dameŋ šiŋuczia dâŋ fârine ŋazape honecnupie râsi-ŋeŋic ekopac me?
GAL 4:17 Ŋic gâcnezi ŋoŋere harac baeŋgopieŋ i âke râwiŋ-nâpopie ŋoŋe jaŋere harac eniŋte manasuhuc eeŋgopieŋ. Ine hâcne sioc ehuc ŋoŋere harac baeŋgopieŋ.
GAL 4:18 Wiac biaŋnere erâ harac ee i biaŋne. Ine ŋoŋerao fârâ juhape sawa mâcne, dameŋ sâc epie biaŋkeocmu.
GAL 4:19 Naru motecfâc-nane, no ŋoŋere erâ gozi kicnuha šâic manapo, ijaha harierâ manakopac, erâ Kristore hawari ŋoŋerao fua tâcneocte šâic i mana rahuc jupemu.
GAL 4:20 No ŋoŋere mana guruc boc ekopacte ŋoŋerao biac fârâ dâŋ mu hetikic ehuc ŋazazore enarekac.
GAL 4:21 Wio-ŋarepe nazaniŋ, sâcmutâc dâŋte kiŋaŋ qazo mueŋgopieŋzi irec papia wose manac mi eeŋgopieŋ me?
GAL 4:22 Ira hâcne šiŋuc qâreŋkekicne: Abrahamte ŋokâ jajahec fuapic, moc i kiŋaŋ naruzi rowec â moc i ŋonâŋzi rowec.
GAL 4:23 Eme kiŋaŋ naruzi rowec e omanao fuawec, â ŋonâŋzi rowec e Anuture biŋedâŋte sâcko fuawec.
GAL 4:24 Eme dâŋ irec ŋifecne šiŋuc fokac: Ŋokac jahe mitire šâšâfic jajahec irec sâsâcne epic. Ʒâšâfic moc Sinai tikio ekicne, ere kikefuŋzi ine kiŋaŋ qaqa embiŋ, eme irec sâsâcne Hagazi ewec.
GAL 4:25 Haga i Sinai tiki, Arabia mâreŋko ŋekac, irec šâŋe moc. Á Jerusalem hae i Sinai tikihec sâcjekic mocjaha ekopirec, ere kikefuŋ jaŋe kiŋaŋ qaqa jaha wâc eŋgopieŋ hâcne.
GAL 4:26 Á Jerusalem hae faic ŋekac izi Sara ere sâc, hae izi hâcne neŋgoc jâmbâŋ-nâŋec ekac.
GAL 4:27 Dâŋqâreŋ šiŋuc hâcne fokac: “Ŋokac hufiŋne, motec mi roro go bubiaŋ manazemec, gozi mi kicguekac go šeri ehuc kiwaezemec. Ŋokac ŋichec e ɋâric afecne fuacnehapie me sawanezi naru motec bocjaha rocjopaocmu.”
GAL 4:28 Âgofâc-nane, ŋoŋe Isakare sâc erâ biŋedâŋte fuambiŋ.
GAL 4:29 Eme mârâc jaha motec omanao fuakicnezi Mârore dâŋte fuakicne e râsi ecnewec, sâc ijaha miŋecgac fokac.
GAL 4:30 Eme miti papiao dâŋ weniŋuc fokac? “Kiŋaŋ naru e ŋokâ-ticnehec jâpec-jofatec ranic, kiŋaŋ narure ŋokâzi ŋonâŋte ŋokâhec merâfâc mi rauckezejec.”
GAL 4:31 Âgofâc-nane, nâŋâc kiŋaŋ narure ɋârifâc aricne, nâŋâc ŋonâŋte ɋâricfâc.
GAL 5:1 Niŋgiŋ tâmiric junaŋte Kristozi goroŋ-nâpowec. Irec gâcnezi niŋgiŋko râec-ŋoparâ kiŋaŋ qaqa eniŋte muŋarepie qikiŋnenšepieŋ.
GAL 5:2 No Paulozi ŋazape mananiŋ, ŋoŋe sahac-ŋeŋicko ma bapie Kristozi ŋoŋerao wiac omane tinac eocmu.
GAL 5:3 Mocwâc harierâ ŋaza-jâmbâŋkepe, moc e sahac-ticnao ma baocmuzi sâcmutâc dâŋ gâcne sâko mâmâc hâpo-fâreme sâckeocmu.
GAL 5:4 Sâcmutâc dâŋ reŋkehuc kiŋfâsâc ezo mueŋgopieŋ ŋoŋe Kristohec šâšâfic embiŋ i tâcnekac â aki anonoczi ŋoŋerao fârimâc ekac.
GAL 5:5 Nâŋe ine Mârorao ŋesiŋnehuc mamanasiŋte erâ kiŋfâsâc ee bâfuanaŋte irec mamanac jueŋgopeneŋ.
GAL 5:6 Kristo Jesurao fisirâ mahec juju â ma tâmiric juju irec mâmâc jaha fârimâc muzo, mamanasiŋte qâreŋ maŋko fuame irec mocjaha fârine muzo.
GAL 5:7 Ŋoŋe mitire hata sâcne fuŋkerâ âtembiŋ. Âtehapie mozi aka heŋareme dâŋ fâri qizecne râpeckeŋgopieŋ?
GAL 5:8 Hefârec-ŋopawec eki irec esoc qafeŋ mi eŋarekac.
GAL 5:9 Qowi hâhâtâcne pitic siŋgaŋ gaucnezi nânâ sicko hurâ mâmâc sâcke-fâreocmu.
GAL 5:10 Erâ ŋoŋe nore dâŋ mi qikiŋneniŋmu, i Wofuŋte erâ manabâc tâmiric mukopac. Á ŋic izi me izi maŋ bâsifuc eŋareocmu, e kiŋ irec okacne fisicneocmu.
GAL 5:11 Âgofâc, no ine mahec eniŋte ŋic jazazapo muzac, wemocko fific guguriŋ moc enarenšapiŋ? Iŋuc jazazapoo maripoŋte mamana gâpâre i mâmâc omaezac.
GAL 5:12 Maŋqaqa eŋareeŋgopieŋ ŋic iŋucnezi sahac-jeŋic hetâc qâtâcnenšapiŋ me!
GAL 5:13 Âgofâc-nane, ŋoŋe niŋgiŋ tâmiric juniŋte hefârec-ŋopakicne, erâ niŋgiŋ tâmiric jujuzi âki eha sahacte dâŋ reŋkeniŋte mâcne, maŋjauŋko kiŋaŋ qaqac eniŋte irec hefârec-ŋopakicne.
GAL 5:14 Irec hâcne sâcmutâc dâŋte qâqâhâc šiŋuc mukicne: “Gahacnere egareekac, sâc ijaha âgogere egarezejec.”
GAL 5:15 Ŋoŋe ine miczi nânâc ehuc kikic qaqac boc erâ oomaec enšipiŋte uŋ ŋazakopac.
GAL 5:16 Erâ ine šiŋuc mukopac: Ŋoŋe Mârore tâpirio siŋkerâ junšepieŋ, iŋuc ehuc maŋraŋɋare sasec gie mi baniŋmu.
GAL 5:17 Maŋraŋɋare aŋaczi hâcne Mâro kisueekac â Mârozi maŋraŋɋa kisueekac, eme jahe hâcne rârâsi epire ŋoŋe wiac ezo mueŋgopieŋ i sâcne mi afeckerâ eeŋgopieŋ.
GAL 5:18 Mârozi jowa baafec eŋareme ine sâcmutâc dâŋzi ŋicbomboŋ mi eŋareocmu.
GAL 5:19 Maŋraŋɋare gie i soŋsoŋko mi foekac, i šiŋuc fuaekac: Boe sau, mamakâc, nâ areŋ,
GAL 5:20 nemu araŋ babajare, hafec qaŋgec, rârâsi, sosopec, iiŋguuŋ, kimbeŋ, hehefaric, fâfâuc, rârâwiŋ,
GAL 5:21 mu kâroŋ, opâ momori me bec qowi âmbâŋ nânâ, erâ wiac gâcne. Wiac iŋucnere mârâc jaha ŋazapo erâ ši mocwâc ŋazape: Sâqocne i baniŋmuzi Anuture uucmaŋko mi rašiniŋmu.
GAL 5:22 Mârore fârine ine kecšiŋuc fuaekac: Maŋjauŋ, bubiaŋ, wama, bumâteŋ, buafec, buuruc, ââgo sanaŋ,
GAL 5:23 ruaine, maŋzi sowa juju. Mârore fârine hâcne irec aka mi fokac.
GAL 5:24 Kristo Jesure biŋe jueŋgopieŋ jaŋe juju raŋɋa-jeŋic sasec â sâqocnere andachec i maripoŋko qapie omaewec.
GAL 5:25 Mârore tâpirire jueŋgopeneŋko Mârore hata jaha âtenšepeneŋ.
GAL 5:26 Sahaczi fecko fec ehuc hehesuac mi enšepeneŋ, erâ wâc iiŋguuŋ mi eec enšepeneŋ.
GAL 6:1 Âgofâc-nane, ŋic moczi dockerâ bahac bâfuame ŋoŋe Mâroheczi bumâteŋ erâ iŋucne mu bâtiŋ ecnenšepieŋ. Ehuc go gahac eesâicko pârâckezicte rucge bazemec.
GAL 6:2 Wiac kihuhuŋ-ŋopaekac i nowac gowacroŋ ehuc babaficko banšepieŋ. Iŋuc ehuc Kristore sâcmutâc dâŋ sâcne reŋkeniŋmu.
GAL 6:3 Ŋic moc e wiac fârine moc mi ehuc e jahacnere maname fefene eocmu, iŋucnezi maŋticne fagac ecnekac muzo.
GAL 6:4 Irec moc e jahacne juju bapa hone šâŋitac ezejec. Eme šeridâŋ i e jahacnere erâ fuaocmu, ŋic mocte erâ mâcne.
GAL 6:5 Giere ŋemâc kâdoc qakicne i ru sâc areckezo.
GAL 6:6 Miti ŋaza qazuc eeŋgopieŋ ŋic i jaŋe wiac fuŋne fuŋne boki bahuc jare gumec enšepieŋ.
GAL 6:7 Anutu mu qâtimbuc ecnepie mâc foocmu, iŋuc moc mupie. I aricne jâmbâŋ, ŋic moc gie baocmu e irec fârine juku ijaha roocmu.
GAL 6:8 Moc e maŋraŋɋare gie baocmu, e juku maŋraŋɋa-ticnere fârine sisipiric bâfuaocmu, â moc e Mârore gie baocmu, e juku Mârore fârine juju sanaŋ bâfuaocmu.
GAL 6:9 Wiac biaŋne i rorokac tâmiric enšepeneŋ, eme mi betaŋkenaŋmuo juku dameŋ-ticnao mâriri bâfuanaŋmu.
GAL 6:10 Irec dameŋ-nâŋec fohame ŋic sasawa ehâmo-jarenšepeneŋ. Ehuc mitio âgofâc-nâŋec wiac bafehuc ejarenšepeneŋ.
GAL 6:11 Ŋoŋe qâreŋ sâko ši honeniŋ, no nahacne mezi qâreŋke-ŋarekopac.
GAL 6:12 Ŋic gâcne jaŋe sahaczi miti hawari biaŋ erâ ŋoŋe sahacko mahec eniŋte fotarie-ŋareeŋgopieŋ jaŋe Kristo maripoŋ-ticnere erâ fific guguriŋ faio fenšipiŋte iŋuc hâcne eeŋgopieŋ.
GAL 6:13 Sahacko mahec embiŋ ŋic i jaŋe jaŋac wâc sâcmutâc dâŋ mi reŋkeeŋgopieŋ. Jaŋe mâc ŋoŋe mahec erâ jaŋerao šuhuckepie sahac-jeŋic muteŋkeniŋte manasueŋgopieŋ.
GAL 6:14 No ine wiac irec mi Irec mâcne, Wofuŋ-nâŋec Jesu Kristo maripoŋ-ticnere biŋedâŋ irec mocjaha mumuteŋ bajuekopac. Ere erâ mâreŋkonec wiaczi maripoŋko hâmo-narewec, â no iŋuc jaha maripoŋko mâreŋkonec wiac hâmocnepo.
GAL 6:15 Sahacko mahec juju me ma tâmiric juju izi fârine aricne, juju ɋâricne izi mocjaha fârine ekac.
GAL 6:16 Gaŋ rukec ira hâcne domaeŋgopieŋ sâc ŋoŋerao wama â buuruc fotâcnerâ fozejec, erâ Anuture Israe ŋic jaŋerao mâmâc.
GAL 6:17 Ʒi moczi moc neneŋ gie mocwâc mi narezejec. No Wofuŋ Jesure râfu qâreŋ sahac-naneo fome bajuekopac.
GAL 6:18 Âgofâc-nane, Wofuŋ-nâŋec Jesu Kristore aki anonoczi maŋŋeŋicko fozejec. Jâmbomac.
EPH 1:1 Paulo no Anuture micte Jesu Kristore aposolo epozi Efeso haeonec mitiŋic, Kristo Jesu manasiŋkeeŋgopieŋ hâcne, ŋoŋere papia ši râekopac
EPH 1:2 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnera fozejec.
EPH 1:3 Wofuŋ-nâŋec Jesu Kristo ere Anutu â Mamac, eki sambâŋkonec miti jambuŋ-ticne fuŋne fuŋne Kristore erâ nâre tahac ewecte mumbiaŋkenšepeneŋ.
EPH 1:4 Eki mârâc jaha jâmbâŋ mâreŋte hobeteŋne mi fuahame mai-ticnao maŋfuru â bahacmâc junaŋte Kristore erâ mana wosâc enârewec.
EPH 1:5 E qanaŋ maname fowecte hâcne Jesu Kristore erâ maŋjauŋ enârehuc naru motecfâc-ticne erâ junaŋte buafec-ticnere mupaŋke-nârewec.
EPH 1:6 E joroc Ŋokâ-ticnere erâ aki anonoc biaŋ-ticne tahac-nâpowecte muteŋ bâteŋ ecnenšepeneŋ.
EPH 1:7 Jesu e socticnezi kitâc-nâpowecte sâqocne bâbâtâmire fua-nârewec, i aki anonoc-ticnere šâkâŋ fokac irec sâc hâcne.
EPH 1:8 Eme šâkâŋ-ticnao maŋɋârâŋ â mamana fâri bâmâckehuc qoŋgiŋke-nârewec.
EPH 1:9 Ehuc maŋbuc-ticnere dâŋ, qanaŋ maname biaŋkeme šiŋuc âkendâŋnewec i mujaŋgeŋke-nârewec:
EPH 1:10 “No guriŋne bahape dameŋ maŋkepo i qosackeme Kristozi wiac sasawa, sambâŋko mecne mâreŋko mecne, qâturehuc irec fuŋqizecne ezejec.”
EPH 1:11 Ere erâ, wiac sasawa maŋticnere mupaŋkerâ baekaczi mârâc jaha hone wosâec-nâporâ miti merâfâc rauckenaŋte munârewec.
EPH 1:12 Eme irec Kristore mamanac jumbeŋ jueŋgopeneŋzi Anutu šâŋe rara-ticnere mumuteŋfâc erâ junšepeneŋ.
EPH 1:13 Eme ŋoŋe iŋuc jaha dâŋ fâri qizecne, bâbâpiaŋ-ŋeŋicte Biŋebiaŋ hâcne, ro maŋ ehuc Kristo manasiŋkepie Tiri Mâro qanaŋ biŋe qanarekicne i ŋareme maqâreŋhec embiŋ.
EPH 1:14 Sambâŋko huhure biŋe-nâŋec fokac, irec šâšâficne Mâro nârekicne. Eme Anutu šâŋe rara-ticnere mumuteŋ sâko fuaocte biŋefâc-ticne nâŋâcnao Mârozi bâbâpiaŋ gie fuŋkewec i batarazokac.
EPH 1:15 Eme ŋoŋe Wofuŋ Jesu manasiŋkeeŋgopieŋ â mitiŋic âgofâc-nâŋec maŋjauŋ ejareeŋgopieŋ, irec biŋedâŋ manapore
EPH 1:16 ŋoŋere dameŋ sâc manasuhuc Wofuŋ daŋge mumuteŋ ecneekopac.
EPH 1:17 Ehuc ŋoŋere šiŋuc numuekopac: Wofuŋ Jesu Kristo ere Anutu, eri tatamac Mamac hâcne, eki Mâro ŋareme izi maŋɋârâŋhec bacŋoparâ Wofuŋte fuŋne mufua-ŋareme mana taranšepieŋ.
EPH 1:18 Erâ maŋšâŋe-ŋeŋic bâtâcneme ine Wofuŋzi rocŋopahuc sambâŋ šeŋaŋ biŋe qaŋarewec, irec manapie fârine ezejec, â fuŋfuŋfâc-ticne ŋoŋe huhure šâŋe rara biaŋ kadahe ŋarewec, irec wâc manapie fârine ezejec,
EPH 1:19 â mamanasiŋhec nâŋâcnao tâpiri soka makakicne i teqâ saki-ticnezi gie baekac sâc bâfuawec, irec iŋuc jaha manapie fârine ezejec.
EPH 1:20 Tâpiri irec fuŋne Kristo hâmockonec bâɋârerâ sambâŋko mefâre-ticnao râehuc bataniŋkewec.
EPH 1:21 Ehuc kia gawamaî â ŋicwofuŋ â fekicne fuŋne fuŋne jaŋere femicne sâko râewecte mâreŋko â sambâŋko šâŋe biŋe fokac izi gâkowakac, dameŋ šiŋucziare sawa mâcne, iŋuc fohuc juocmu sanaŋ.
EPH 1:22 Erâ wiac sasawa maŋfuŋnao heteckehuc kike-ticnere rurumaŋko guruc-jopahuc qizec-jeŋic eocte âkendâŋnerâ kikefuŋ gurufâcne jaŋerao râewec.
EPH 1:23 Eme jaŋe me kikefâc-ticne ehapie ŋihe umbiŋ ejarehuc fofotâc juhuc wiac sasawa sâcke raekac.
EPH 2:1 Ŋoŋe mârâc jaha sindaŋ hârindaŋ ehuc hâmocne jujumbieŋ.
EPH 2:2 Ine mâreŋte juju hata maŋnao juhuc saware tâpiri irec ŋicbomboŋ erao qohota jumbieŋ. Ere mârozi hâcne dameŋ šiŋuczia wâc qaqatara ŋic jaŋerao gie baekac.
EPH 2:3 Nâŋâc mârâc jaha jaŋere sâc jaha jufârehuc maŋraŋɋa-nâŋecte aŋac bâjâpembeŋ. Ehuc sahac-nâŋecte â maŋ mamanasu-nâŋecte dâŋ reŋkehuc gâcne jaŋe iŋucne kimbeŋte biŋefâc embeŋ.
EPH 2:4 Anutu eki buuruc-ticne bocjaha fokacte maŋjauŋ kâcɋene enârehuc
EPH 2:5 qaqatara-nâŋecte erâ hâmokicne nâŋâc Kristohec mâmâc bâɋârec-nâpowec. Manaŋgopieŋ, katucmâc-ticnere erâ bâpiaŋ-ŋopawec ŋoŋe.
EPH 2:6 E Kristo Jesuhec bâɋârec-nâporâ ehec mâmâc sambâŋte jujuo ŋec-nâpowec hâcne.
EPH 2:7 i nacnere mocko šiŋuc fuaocte ewec: Aki anonoc-ticnere rowaŋ sâko i Kristo Jesuo maŋuruc qanârehuc qaratie-nâreocmu.
EPH 2:8 Manaŋgopieŋ, e aki anonoc eŋarehuc mamanasiŋ-ŋeŋicte erâ bâpiaŋ-ŋopawec, i ŋaŋacnere mâcne, Anutu buafec-ticnere iŋuc eŋarewec.
EPH 2:9 Mo gie mo bambiŋte iŋuc eŋarezac, i aricne. Irec sahac mumuteŋ moc mi fuazejec.
EPH 2:10 Nâŋâc Anuture metofafâc, eki Kristo Jesuo bâfuac-nâpowec hâcne, erâ hata biaŋne Anutuzi hâcne mušâwe-nârewec i âtehuc junaŋte munârewec.
EPH 2:11 Ŋoŋe mârâc jaha qâpuc jujumbieŋ, irec manasuhuc junšepieŋ. Eme dameŋ ira ma tâmiric juhapie Judaŋic jaŋe sahac-jeŋicko maheczi šâgu muŋare jumbieŋ.
EPH 2:12 Dameŋ ira Kristo tâmiric jumbiŋ, erâ Israe ŋic jaŋe hae fâri juhapie ŋoŋe mafa jumbiŋ, â jaŋe fuŋfuŋfâc-ticne bacjopame biŋedâŋ-ticne bajuhapie ŋoŋe šoŋifecfâc-ticne erâ metariŋ jumbiŋ, erâ maŋzi wiac fârine moc mi worickehuc Anutu tâmiric hâcne jumbiŋ.
EPH 2:13 Dameŋ šiŋuczia ine ŋoŋe kâteo jumbiŋzi Kristo Jesurao šuhuckehuc Kristo socticnere erâ haeo fisimbiŋ jueŋgopieŋ.
EPH 2:14 E jahac wama-nâŋec juekac. E ŋic jâcne jajahec ŋondeŋ-jekicko rârâsizi aka sanaŋ fowec i qâropiehuc, mocjaha bacjofawec.
EPH 2:15 Ine sâcmutâc dâŋqâhâcko bâtâc â mumuac bocjaha mukicne i e jahacne sahac qaisockehuc bârâriewec. Ehuc ŋic jâcne jajahec jahere dodoma tacko ŋic ɋâricne mocjaha ine e jahac fuarâ domahuc wama bâfuawec.
EPH 2:16 E maripoŋlo hâmowecko ŋic jâcne jajahec fâri ombâŋ mocjahao qâturec-nâpohuc Anutuhec miriŋ bacnâpowec, ehuc rârâsi qame wahawec.
EPH 2:17 Erâ fisirâ kâteo jukicne ŋoŋe â haeo jukicne nâŋe mâmâc wamare biŋedâŋ nâzâme manambeŋ.
EPH 2:18 Erâ wâc hata bâšâwe-nârewecte nâŋâc Mâro mocjaha rauckerâ Mamactao fisieŋgopeneŋ.
EPH 2:19 Eme irec dameŋ šiŋuczia mafa â jaba mocwâc mi jueŋgopieŋ, ŋoŋe mitiŋic gâcne jaŋehec hae fâri â Anuture kikefuŋfâc embiŋ juŋgopieŋ.
EPH 2:20 Ŋoŋe aposolo â porofete jaŋe wâtuŋ ŋokacne ehuc decŋopapie doma raŋgopieŋ, â Jesu Kristozi wâtuŋ ŋicne ekac.
EPH 2:21 Erao ŋicne ŋicne šuhucke itic epene Wofuŋte furu ufuŋ fua feekac.
EPH 2:22 Mârozi ŋoŋe iŋuc jaha erao râe šuhuc eŋareme Anuture fic eŋgopieŋ hâcne.
EPH 3:1 Eme Paulo no irec hâcne qâpuc ŋoŋere erâ Kristo Jesure kâpâcwâru ŋic epo jukopac.
EPH 3:2 Ŋoŋe nore manambiŋ, Anutuzi uruc jauŋ-ticnere erâ ŋoŋerao miti gie bapemurâ munarewec.
EPH 3:3 Munarehuc dâŋ soŋne mufua-narewec, dâŋ i hâcne biac bembeŋne qâreŋkepac,
EPH 3:4 ŋoŋe i wosehuc, no Kristore dâŋ soŋne maŋzi hone raruŋkekopac iŋuc sâcne mananiŋmu.
EPH 3:5 Dâŋ soŋne i mârâc jaha ŋic juwarembiŋ jaŋerao mi mufuakicne, tiri aposolo â porofete nâŋerao šâhec Mârozi mufuawec.
EPH 3:6 Dâŋ soŋne kecšiŋuc: Biŋebiaŋte fârine qâpuc ŋoŋe Judaŋic nâŋehec sâc mocjaha â guru mocjaha erâ Kristo Jesurao biŋedâŋ deŋkewec i mâmâc rauckerâ bajuniŋte mukicne.
EPH 3:7 Eme Biŋebiaŋ irec kiŋaŋ qaqa jupemurâ Anutuzi uruc jauŋ-ticnere erâ tâpiri sâko-ticnere fuŋne norao bataniŋkewec. Dâŋ soŋnere fârine Jesuzi bâfuawec
EPH 3:8 Kristorao mâriri sâko fofone fokac irec dâŋ soŋne qâpuc mutaniŋke-jarepemurâ irec gie biaŋ mitiŋic wawahane jâmbâŋ no hâcne munarekicne.
EPH 3:9 Dâŋ soŋne muraruŋkepere mukicne, i Anutu bapafâre e maŋbuc-ticnere dameŋne dameŋne baju warehuc juwec.
EPH 3:10 Ʒi ine Anutuzi kikefuŋ gurufâc-ticne nâŋâcnao maŋɋârâŋ-ticnere fârine qaratiekume qâreŋne fuŋne fuŋne fuame sambâŋko ira fekicne â tâpirihec jaŋe wâc hone šâŋitac eeŋgopieŋ.
EPH 3:11 Anutu e mârâc jaha dameŋ tâmiricko maŋnezi dâŋ mupaŋkewec irec fârine hâcne Wofuŋ-nâŋec Kristo Jesu sorehuc bâfuawec.
EPH 3:12 Eme eki hâcne hata bâšâwe-nâreme e manasiŋkehuc hâhâwic tâmiric Anutu maickeeŋgopeneŋ.
EPH 3:13 Irec šiŋuc ŋazape mananiŋ: No ŋoŋere erâ fific guguriŋ faio jupe irec maŋŋeŋic mi wahazejec, aricne, ŋoŋe irec manapie eri qoqonaŋ-ŋeŋic ezejec.
EPH 3:14 Irec hâcne sambâŋko â mâreŋko ŋic guru sâc jueŋgopeneŋ
EPH 3:15 nâŋâcne Mamac fârine e dieŋzi hecnehuc ŋoŋere erâ numucnehuc šiŋuc muekopac:
EPH 3:16 Anutu e hahaŋnehec sâkozi Mâro ecneme tâpiri bâfua-ŋareme maŋŋeŋiczi soka sanaŋ ezejec.
EPH 3:17 Eme Kristo manasiŋkepie maŋŋeŋicko ŋeŋe juju ezejec. Eme ere maŋjauŋko gâtâ barâ qiŋ herâ domanšepieŋ.
EPH 3:18 Ehuc mitiŋic gâcne sasawa jaŋehec mâmâc mitire fuŋne botâŋne, hâŋne otecne. i afeckerâ mana taranšepieŋ,
EPH 3:19 erâ wâc Kristore maŋjauŋ, ŋic mamana jâuru-fâreekac, i sifu mana-hâmonšepieŋ. Ehame Anuturao maŋ mâriri fufusuc fokac izi bâfusec-ŋopazejec.
EPH 3:20 Tâpiri-ticnere fuŋne nâŋâcnao bataniŋkeekac Anutu hâcne, e wiac bapa-ticnezi nunumu-nâŋec â mamanasu-nâŋec siricke-fâreekacte
EPH 3:21 kikefuŋko â Kristo Jesurao mumuteŋ-ticne mimiŋzi ɋâric šuhuckeme šuhuc fofehuc juzejec sanaŋ. Jâmbomac.
EPH 4:1 No Wofuŋte kâpâcwâru ŋiczi faŋ qaŋarehuc ŋazape: Wiac fekicnere hefârec-ŋopakicne irec sâcko junšepieŋ.
EPH 4:2 Ehuc maŋhuhuŋ â buuruc â bumâteŋ juhuc maŋjauŋko dedec ââsic enšepieŋ.
EPH 4:3 Erâ Mâro e wamare muczi qâzuc-ŋoparâ dâtâc-ŋopawec, i qâtâcnenšipiŋte ruc babac ehuc junšepieŋ.
EPH 4:4 Fâri ombâŋzi mocjaha â Mârozi mocjaha erâ wâc sambâŋ šeŋaŋ mocjahare biŋe qaŋarehuc hefârec-ŋopakicne.
EPH 4:5 Ine hâcne, Wofuŋzi mocjaha, mamanasiŋzi mocjaha, Miti Opâzi mocjaha.
EPH 4:6 Erâ Anutu e Mamac wirec-nâŋec mocjaha, eki mâmâc sasawa qâhuc-nâpokac erâ maŋnâŋec sâc tâpiri sicne-nâreekac â mâŋnâŋec sâc ŋeŋe juju eekac.
EPH 4:7 Kristo e ŋicne ŋicne mitire kâdoc nârewec sâc bajueŋgopeneŋ.
EPH 4:8 Irec hâcne dâŋqâreŋ moc šiŋuc fokac: “E faic jâmbâŋ fehuc kâpâcwâru ŋic bacjopa rawec, e ŋic wiac tahac-jopawec.”
EPH 4:9 “Faic fewec”, i mâc mi mukicne, mâreŋko juwic jâmbâŋ wahaweckonec risie fewec.
EPH 4:10 E wahaweczia risierâ sambâŋne sambâŋne fotâcnerâ fewec, i sambâŋ â mâreŋ fusucmarâ jufâreocte fewec hâcne.
EPH 4:11 Erâ ekizia wâc ŋic gâcne aposolo râec-nâpowec, gâcne porofete, gâcne miti kiŋaŋ ŋic, gâcne lama guru jaŋere soŋaŋ â qaqazu,
EPH 4:12 i mitiŋic ŋokac bašawiec-jopapene kikefuŋte kiŋaŋ qaqa gie bapie Kristore me kike fâri ombâŋ soka sanaŋ eocte ŋic iŋuc râec-nâpowec.
EPH 4:13 Iŋuczi iŋuc gie bakupene mamanasiŋ-nâŋec â Anutu ŋokâ-ticnere fuŋne mamana-nâŋec i niniweme maŋ mocjaha enšepeneŋ. Ehuc mitio sosoka-nâŋecte sâc mukicne i Kristore rowaŋkonec tâpiri fârehuc fua sokac eku ŋic kâcɋene erâ bâfuanšepeneŋ.
EPH 4:14 Nâŋâc ɋiene hati mi ee sanaŋkerâ juhapene eeatuc ŋic jaŋe sioc enârepie gibioc dâŋ â mumusifuc-jeŋicte mâŋâŋzi ba bâsoriŋ â qac qârândiŋ moc mi enârezejec.
EPH 4:15 Aricne, nâŋâc dâŋfâri paŋšâic bajupene maŋjauŋ-nâŋeczi fua sawec ehame qizec-nâŋec Kristo erao šuhucke sanaŋkenšepeneŋ.
EPH 4:16 Erao šuhuckepene ruazi ŋeturec-nâporâ bândeŋ-nâpome ɋâɋâdoc erâ me sahac-ticne eeŋgopeneŋ. Ehuc tofafâc-ticne erâ tâpiri fonâreekac sâc gie bahuc maŋjauŋko soka sawec enaŋmu.
EPH 4:17 No Wofuŋte maio ŋaza-jâmbâŋkepe: Ŋoŋe qâpuc, maŋ mamanasu-jeŋic wiac jawanere foekac, jaŋere sâc mi junšepieŋ.
EPH 4:18 Jaŋe maŋjeŋic dapâc ekicnere mutuc â maŋsanaŋ erâ Anuture juju râpeckembiŋ.
EPH 4:19 Eme maŋjeŋic šickeme nânâ qowire nâ areŋ ehuc sasec mamakâc fuŋne fuŋne takicmâc ebac eeŋgopieŋ.
EPH 4:20 Ŋoŋe ine juju iŋucne juniŋte Kristore fuŋne mi qazu-ŋarekicne.
EPH 4:21 Ŋoŋe fuŋne-ticne qazu-ŋarekicko Jesurao dâŋfâri kecšiŋuc fokac i hâcne manambiŋ:
EPH 4:22 Qâpuc juju râpeckerâ maŋraŋɋa-ŋeŋic burec ehuc sasecko sipirickeekac, i heunuckenšepieŋ.
EPH 4:23 Erâ mâro manacnepie mamanasu-ŋeŋic heɋârehame
EPH 4:24 maŋɋâri hepie huzejec. I hâcne Anuture hawari iŋucne tiŋne â furu jâmbâŋ bâfuakicne.
EPH 4:25 Irec ŋoŋe burec beherâ dâŋ jâmbomac sasawa nazaŋ gazaŋ enšepieŋ, nâŋâc qoqomâ efâreŋgopeneŋte.
EPH 4:26 Kimbeŋko mi sâqorenšepieŋ. Kimbeŋ aaric mi bajuhapie šoaŋ ŋeutuckezejec.
EPH 4:27 Erâ Sataŋ mi mana uruecnenšepieŋ.
EPH 4:28 Fiuc rorozi fiuc qikiŋnerâ meticnezi gie šoɋac bahuc nânâ mafa bâfuarâ waha qaqane boki bajarezejec.
EPH 4:29 Dâŋ simbiŋne micŋeŋickonec mi wahazejec, dâŋ biaŋne sawa, ine dodopec eere hatane fuame mupie ŋic âgo bacjopazejec.
EPH 4:30 Anuture Tiri Mâro mi qaisockenšepieŋ, e hâcne roroc-nâpo dameŋko maqâreŋ-ŋeŋic eocte tahac-ŋopakicne.
EPH 4:31 Râsidâŋ, kimbeŋ aaric, mu ojowa, susurec, erâ wiac gâgâpâcne gâcne i ŋondeŋ-ŋeŋicko mi fuazejec.
EPH 4:32 Ŋoŋe ââgo erâ eehâmoc ehuc kiŋ bebehec enšepieŋ, Anutu e iŋuc jaha Kristore erâ kiŋŋeŋic behewec.
EPH 5:1 Ŋoŋe joroc naru motecfâcne juŋgopieŋzi Anutu sâckehuc junšepieŋ.
EPH 5:2 Erâ maŋjauŋhec junšepieŋ. Kristo e iŋuc jaha maŋjauŋ enârehuc nâŋâcnere erâ sahac-ticne qaisockerâ Anutu taha bâzi biaŋ ecnewec.
EPH 5:3 Boe sau, sasec mamakâc, buchâro, irec saŋuc wâc mitiŋic ŋoŋere ŋondeŋko mi fuazejec.
EPH 5:4 Dâŋ miminehec, mutucdâŋ, dâŋ simbiŋne, i epie sâqoreocmu. Daŋge mumuteŋ ine epie sâckeocmu.
EPH 5:5 Ŋoŋe šiŋuc mana sanaŋkenšepieŋ: Boe sau ŋic â sasec mamakâchec â buchâro, nemu qaŋgec ŋic hâcne, jaŋe Kristo â Anutu uucmaŋ-ticnao ŋeŋe basaniŋmu.
EPH 5:6 Eatuc-ŋopahuc siocdâŋ ŋazapie manapie fârine mi ezejec. Sâqocne iŋucnere hâcne Anuturaonec okacne qaqatara ŋic jaŋerao fuaocmu.
EPH 5:7 Irec ŋoŋe mi bafic-jopanšepieŋ.
EPH 5:8 Ŋoŋe mârâc jaha dapâchec jujumbieŋ, ši ine Wofuŋtao fisirâ tatamachec embiŋ juŋgopieŋ. Irec tatamacte ɋâricfâc erâ irec hawari junšepieŋ.
EPH 5:9 Tatamacte fârine fuaekac i maŋbiaŋhec juju â tiŋne ju ju â jâmbomac dâŋ mumu.
EPH 5:10 Wiac ezo murâ ine Wofuŋzi maname biaŋkeocmu me mâcne, i qanaŋ mana wosâerâ enšepieŋ.
EPH 5:11 Gâcnezi dapâcte wiac jawane epie mi qâsuec-jopanšepieŋ, aricne. Ŋoŋe irec tapa qararuŋkehuc qatara-jarenšepieŋ.
EPH 5:12 Wiac soŋsoŋko eeŋgopieŋ i mu bâuac epene miminehec jaha eocmu.
EPH 5:13 Wiac iŋucne tapane qararuŋkepene tatamaczi âeckeme fuaocmu. Eme tâtâc fuakac wiac izi wâc tatamac bâfuaocmu.
EPH 5:14 Irec hâcne šiŋuc mukicne: “Guŋ foekiczi faharec, â hâmockonec ɋârec, eme Kristozi batamaecguocmu.”
EPH 5:15 Ŋoŋe juju bapa-ŋeŋicte ruc bahuc junšepieŋ. Erâ mutuc matacne mâcne, maŋ mamanasuhec junšepieŋ.
EPH 5:16 Dameŋ šira sâqocnezi haŋ bawec fokacte dameŋ gâcne mi behehuc gie šoɋachec banšepieŋ.
EPH 5:17 Maŋ tâmiric tinac mi junšepieŋ, Wofuŋzi gie muŋareekac i hone šâŋitac enšepieŋ.
EPH 5:18 Waiŋ opâ wiacte âmbâŋ mi enšepieŋ, izi maŋ sisipiric gie. Mârore ine âmbâŋ enšepieŋ.
EPH 5:19 Mârozi esoc-ŋopaocmu sâc gae mânec hehuc maŋ nareŋ gareŋ enšepieŋ. Á maŋŋeŋicko Wofuŋ gaezi â musizi mu šeri ecnenšepieŋ.
EPH 5:20 Erâ Wofuŋ-nâŋec Jesu Kristore erâ dameŋ sâc Anutu Mamac wiac fuŋne fuŋnere daŋge mumuteŋ ecnenšepieŋ.
EPH 5:21 Ŋoŋe Kristo araŋ bacnehuc micrereŋ eec efârenšepieŋ.
EPH 5:22 Ŋonâŋ ŋoŋe Wofuŋte rereŋfâc juŋgopieŋ iŋuc jaha ŋowefâc-ŋeŋic jaŋere junšepieŋ.
EPH 5:23 Ŋowezi ŋonâŋte qizec ekac hâcne, iŋuc jaha Kristozi kikefuŋte qizec ekac, ehuc me sahac-ticnere bâbâpiaŋ wâc ekac.
EPH 5:24 Eme kikefuŋzi Kristore mic reŋkeekac, iŋuc jaha ŋonâŋ jaŋe ŋowefâc-jeŋic jaŋere mic dameŋ sâc reŋkenšepieŋ.
EPH 5:25 Ŋowe ŋoŋe ŋonâŋfâc-ŋeŋic maŋjauŋ ejarenšepieŋ. Kristo e iŋuc jaha kikefuŋ-ticne maŋjauŋ ecnehuc ere due bawec.
EPH 5:26 Erâ kikiruhucne â sâfânehec â wâc wiac gâcnehec juzacte mitidâŋzi opâ umbiŋkeha šurehuc jambuŋkerâ
EPH 5:27 ericke bâpiaŋ ecnerâ e jahacne biŋe furu â bahacmâc juocte mucnewec.
EPH 5:28 Eme ŋowe jaŋe jaŋacne sahac jauŋ bacneeŋgopieŋ, sâc ijaha ŋonâŋfâc-jeŋic bajarenšepieŋ. Moc e ŋonâŋ-ticne maŋjauŋ ecnehuc e jahacne sahac mâmâc ecneocmu.
EPH 5:29 Ŋic moczi moc sahac-ticne râsi mi eecne, gume jauŋ ecnehuc jaha juekac, Kristozi kikefuŋ ecnehuc juekac iŋuc”
EPH 5:30 nâŋâc me sahac-ticnere tofafâc juŋgopeneŋ hâcne.
EPH 5:31 “Irec hâcne ŋic moczi neŋgoc mamac jahec-ticne behec-jofarâ ŋonâŋ-ticnerao qohotame jahe maŋ sahac mocjaha erâ junicmu.”
EPH 5:32 I dâŋ soŋne, qame hukicne. Ine Kristo â Kikefuŋ jahere muhuc mukopac.
EPH 5:33 Ŋoŋe ine ŋic sasawa sahac-ŋeŋic jauŋ baeŋgopieŋ sâc ijaha ŋonâŋfâc-ŋeŋic jauŋ bacjopanšepieŋ. Á ŋokac ine ŋowefâc-ŋeŋic araŋ bajarenšepieŋ.
EPH 6:1 Naru motec ŋoŋe Wofuŋte erâ neŋgoc mamacfâc-ŋeŋic jaŋere dâŋ reŋkenšepieŋ. Izi hata biaŋne.
EPH 6:2 “Go neŋgoc mamac jahecge sâsec-jofazemec”, i sâcmutâc dâŋ fekicne, erâ biŋedâŋ-ticne šiŋuc šuhuckerâ mukicne:
EPH 6:3 “Iŋuc erâ mâreŋko dameŋ šora juhâc qâhâmocmu.”
EPH 6:4 Mamac ŋoŋe naru motecfâc-ŋeŋic aaric bâfuanšipiŋte wiac kosa mi ejarenšepieŋ. Ŋoŋe mitio jaza bâtiŋ â uŋ sawaŋ ejarehuc soŋaŋ-jopahapie sokanšepieŋ.
EPH 6:5 Kiŋaŋ qaqa ŋoŋe mâreŋ ŋicbomboŋfâc-ŋeŋic araŋ bajarehuc, maŋŋeŋiczi qâzuc foha, Kristo ecneŋgopieŋ tinac, mana mezac ehuc micjeŋic reŋkenšepieŋ.
EPH 6:6 Ŋoŋe ŋicbomboŋfâc-ŋeŋic maizi qambaraŋ ejarepie honec-ŋopapie biaŋkeocte mâcne, nâŋe Kristore kiŋaŋ qaqa, iŋuc muhuc Anutuzi hata muwec i maŋafec jaha âtenšepieŋ.
EPH 6:7 Ŋic jaŋere manasuhuc aricne, Wofuŋte manasuhuc gie-ŋeŋic tatakic tâmiric banšepieŋ.
EPH 6:8 Ŋoŋe manaeŋgopieŋ, moc e kiŋaŋ qaqa me ŋicbomboŋ juhuc wiac biaŋne ehuc juocmu, e Wofuŋzi okacne sâc ijaha bazucneocmu.
EPH 6:9 Erâ ŋicbomboŋ ŋoŋe kiŋaŋ qaqafâc-ŋeŋic iŋuc jaha ehâmo-jarenšepieŋ, ehuc mu imac mi ejarenšepieŋ. Erâ šiŋuc mananšepieŋ: Kiŋaŋ qaqa â ŋicbomboŋ ine sambâŋko Wofuŋ wirec-ŋeŋic jukac, e ra rowec ware rowec mi focnekac.
EPH 6:10 Mutarahuc mupe: Wofuŋtao roweckepie tâpiri sâko-ticnezi ŋoŋerao fotâcneme qaboc-ŋeŋichec junšepieŋ.
EPH 6:11 Erâ Anuturaonec sându maro šika wiac ro barâ juhapie Sataŋzi rucko râsi fisi-ŋareme hâbi-ŋeŋic rorâ jâpenšepieŋ.
EPH 6:12 Ŋoŋe manaŋgopieŋ, nâŋâc râsi sahac biuchec jaŋehec šika qaqa mi eeŋgopeneŋ, aricne, ŋicbomboŋ sâko â momori sanaŋ, dameŋ ši dapâc fokac irec guriŋ bapa, demoŋ sâqocne sambâŋ rurumaŋko jueŋgopieŋ, jaŋe râsi enâreeŋgopieŋ.
EPH 6:13 Irec Anuturaonec sându maro šika wiac ro bajuhuc šika dameŋko qiŋ herâ domahapie râsi jaŋe bâipiec-ŋoparâ wisenšepieŋ.
EPH 6:14 Ŋoŋe kecšiŋuc domanšepieŋ: Dâŋ fâri qizecnezi umbika-ŋeŋic eme jomanšepieŋ, kiŋfâsâczi maruku-ŋeŋic eme rufanšepieŋ,
EPH 6:15 wamare Biŋebiaŋ bašawiehuc badomanšepieŋ, izi kikehuhu hepie hume âte sanaŋkeŋgopieŋ ezejec.
EPH 6:16 Erâ neŋgocne sâko ine mamanasiŋzi maro-ŋeŋic eme dameŋ sâc he bâfeŋnerâ domahapie sâqocne runere šoc tepe moteczi kisowarierâ hâpozejec.
EPH 6:17 Erâ wâc aeŋdu šâŋene bâbâpiaŋ hepie huzejec, â Mâroraonec šika, Anuture dâŋ hâcne, i bajunšepieŋ.
EPH 6:18 Ŋoŋe šâfo sâc Mârore tâpirio Wofuŋ šušuhuc jaha numucnehuc wâsickenšepieŋ, erâ qâoma mi ehuc rucjaric-ŋeŋic banšepieŋ, erâ hae sâc mitiŋic guru jaŋere nunumu gie banšepieŋ wâc.
EPH 6:19 Erâ nore mâmâc numuhuc jupie Wofuŋzi micnane baafeckeme Biŋebiaŋ soŋsoŋ fowec i asa feferaŋko mutaniŋkezepac.
EPH 6:20 No irec biŋe mumu kâpâcwâruo foekopaczi hâhâwic tâmiric mutaniŋkepe sâckezejec.
EPH 6:21 Juju-nanere fuŋne â gie baekopac i kâuc banšipiŋte Tikikozi fârâ dâŋ binaŋ eŋare-fâreocmu, e âgo biaŋ-nâŋec â Wofuŋte kiŋaŋ qaqa micrereŋhec.
EPH 6:22 Eki nâŋere dâŋ binaŋ eŋarehuc bubiaŋ qaŋareocte sorepe fakac hâcne.
EPH 6:23 Anutu Mamac â Wofuŋ Jesu Kristo eki âgofâc-nane ŋoŋe wama bâfua-ŋarehuc mamanasiŋ-ŋeŋic basanaŋkeme maŋjauŋhec junšepieŋ.
EPH 6:24 Wofuŋ-nâŋec Jesu Kristo erao qohota sanaŋkeeŋgopieŋ ŋoŋerao aki anonoczi fozejec.
PHI 1:1 Paulo â Timoteo, Jesu Kristore kiŋaŋ qaqa, nâhe Filipi haeonec Kristo Jesure mitiŋic ŋokac â soŋaŋ babafic ŋoŋere papia ši râekoperec.
PHI 1:2 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
PHI 1:3 No ŋoŋere manasuhuc Sâc Anutu-nane daŋge âzâcneekopac.
PHI 1:4 Ŋoŋe Biŋebiaŋ manahuc izia nâŋehec qâturerâ giene bawarehuc jumbiŋ,
PHI 1:5 eme irec numuekopac sâc mâmâc-ŋeŋicte bubiaŋ manahuc Wofuŋ daŋge numumu ecneekopac.
PHI 1:6 Erâ šiŋuc manapaŋkekopac, gie biaŋ ŋoŋerao fuŋkeweczi baku bataraha Jesu Kristo fifisi dameŋ-ticne maickezokac.
PHI 1:7 No ŋoŋe sasawa iŋuc mana-ŋarekopac i fuŋne šiŋucte sâckekac: No šira kâpâcwâru ficko Biŋebiaŋte erâ dâŋgie bahuc feŋeŋ râecnepe ŋoŋe sasawa baficnuhuc ŋesiŋ ŋenareeŋgopieŋ” eme no irec hâcne maŋnanezi šâfic-ŋopaekopac.
PHI 1:8 Jesu Kristozi maŋjauŋ enâreekac ira hesiŋnehuc no ŋoŋere erâ maŋhâhâŋ boc enareekac, i Anutuzi manaha jâmbomac mukopac.
PHI 1:9 Erâ maŋjauŋ-ŋeŋiczi maŋ mamanasu â mamana wosâc-ŋeŋic bâsoka raocte numuhuc juekopac.
PHI 1:10 Eme ŋoŋe wiac fâri wâmbuŋne hone šâŋitac erâ Kristo fifisi-ticnere manasuhuc maŋtaniŋ â bahacmâc junšepieŋ,
PHI 1:11 ehuc Jesu Kristozi hume keteŋ eŋareme mitire fârine mâririhec bâfuapie Anuture šeri mumuteŋ ezejec.
PHI 1:12 Âgofâc-nane, kâuc banšipiŋte ŋazape, no šira wiac fua-narewec izi Biŋebiaŋ hatacke hâmoocte fuawec.
PHI 1:13 No Kristore erâ kâpâcwâru ŋic epo, dâŋ izi šira kia â momori â ŋic gâcne jaŋere hazecko hufârewec.
PHI 1:14 Eme kâpâcwâruo ŋehape širecnec âgofâc-nâŋec gâcne sâko jaŋe Wofuŋte manasuhuc afeckerâ Anuture dâŋ hâhâwic tâmiric mueŋgopieŋ.
PHI 1:15 Tucne Kristore miti i iiŋguuŋko â hehefaricko mueŋgopieŋ, â tucnezi ine buurucko mueŋgopieŋ.
PHI 1:16 I jaŋe mueŋgopieŋ ine no šira fohuc Biŋebiaŋ ŋezickeekopac irec maŋjauŋ enarehuc mueŋgopieŋ,
PHI 1:17 â gâcnezi ine sioc ehuc iiriacko Kristore šâŋe muromackeeŋgopieŋ, i kâpâcwâru-nanere faio bušâic bâfua-nareniŋte eeŋgopieŋ.
PHI 1:18 Erâ iŋuc me iŋuc, miti qâtiŋ ehuc muniŋmu me jâmbomacko muniŋmu irec wemocte boc muzo, mâc Kristore dâŋzi haŋ baocmu izi fârine, eme i fuakacte bunane biaŋkekac.
PHI 1:19 Erâ šiŋuc muhuc bubiaŋ hati jupemu: Ŋoŋe nore erâ nunumu gie bapie Jesu Kristore Mârozi baficnume wiac kecšizi bubiaŋ bâfua-nareocmu.
PHI 1:20 Erâ mimi mi bâfuapemu, i manapaŋkepe šickeha maŋzi worickehuc jupemu. Ewarepo iŋuc erapemu, jujure me hâhâmore sahac-nane maŋafec jaha Kristo qikiŋnecnepe izi mumuteŋ-ticne ezejec.
PHI 1:21 Kristozi juju-nane ekac â hâmoczi wiac fekicne bâfua-nareocmu.
PHI 1:22 Me mâreŋko šuhuckerâ jupemu, ine giere fârine mocwâc bâfuapemu. Irec wenimoire afeckepe muhuc maŋguru ekopac.
PHI 1:23 No mocte â mocte mâmâc enarekac. Mâreŋ beherâ Kristo bâfuarâ ehec juju irec aŋacnukac, izi hâcne wiac fekicne.
PHI 1:24 Á ŋoŋe bekâ enšipiŋte ine ŋoŋere erâ mâreŋko mocwâc šuhuckerâ jupe sâckeocmu.
PHI 1:25 Eme irec hâcne šiŋuc manapaŋkekopac: No mi hâhâmo ŋoŋehec jupemu, erâ bafic-ŋopape mamanasiŋ-ŋeŋic ɋârâŋkeme bubiaŋhec junšepieŋ.
PHI 1:26 Á ŋoŋerao mocwâc fârâ jupe nore erâ Jesu Kristo muteŋkeeŋgopieŋzi hati erâ muteŋkenšepieŋ.
PHI 1:27 Mocjaha, ŋoŋe kikefuŋte maio Kristore furu Biŋebiaŋ irec sâcko junšepieŋ. Erâ maŋ mocjaha ehuc šâšâfic erâ keketeŋ domahuc Biŋebiaŋte juju gie bapie fârâ honec-ŋopazepac, me taicko juhuc biŋe-ŋeŋic manazepac.
PHI 1:28 Keketeŋ epie kisâfâc-ŋeŋic hâhâwic heŋarepie hâbi-ŋeŋic mi goroŋkezejec. Iŋuc epie Anutuzi jaŋe behec-jopaocmu â ŋoŋe rocŋopaocmu irec fuŋne bataniŋkeocmu.
PHI 1:29 Anutuzi Kristo wiac ecneniŋte mana-ŋarewec i manasiŋkeniŋte sawa mâcne, ere erâ šâic fâro faio juniŋte mâmâc mana-ŋarewec.
PHI 1:30 Eme no mârâcko juju gie bape honecnumbiŋ â šiŋuczia bape biŋene manaeŋgopieŋ, juju gie ijaha ŋoŋe baeŋgopieŋ.
PHI 2:1 Ŋoŋerao Kristore erâ sawaŋ qaqac me maŋjauŋko muketeŋ, me Mârohec šâšâfic, me miriŋ â buuruc, wiac i sasawa fokacko
PHI 2:2 bubiaŋ-nane ferâ foocte mamanasu-ŋeŋic qâturenšepieŋ, erâ maŋzi šâšâfic ehuc mocjaha efârerâ wiac irecteaŋ henširiŋnehuc junšepieŋ.
PHI 2:3 Ŋoŋe hehefaricko â sahac mumuteŋko wiac mi enšepieŋ, moc e jahacne maŋ bawahahuc âgofâcne jaŋere maname fezejec.
PHI 2:4 Erâ moc e jahacne wiac embiaŋkeocte sawa mâcne, âgofâcne jaŋere fua biaŋ eocte mâmâc manasuzejec.
PHI 2:5 Kristo Jesure maŋ mamanasu fowec, iŋuc jaha ŋoŋerezi fozejec.
PHI 2:6 E Anutu juju juweczi ine, Anuture sâcko juekopac weniŋuc behepemu, iŋuc muhuc mi sakarewec.
PHI 2:7 Aricne, e juju-ticne hetararâ kiŋaŋ qaqa hawari rohuc ŋic iŋucne fuawec, â eebapa-ticne honepie ŋic nâŋâcne sâc ewec.
PHI 2:8 E wahakicne erâ juhuc micrereŋte hata âte raku hâmoc maickewec, maripoŋko hâmoc hâcne.
PHI 2:9 Iŋuc ewecte Anutuzi bafehuc fekicne sâko âkendâŋnewec. Âkendâŋnerâ šâŋe biŋe-ticne fuŋmoc izi haŋ bahuc ŋic šâŋe biŋe getâcke-fâreocte mucnewec.
PHI 2:10 Eme sambâŋko â mâreŋko â mâreŋ jujuwicnao jueŋgopieŋ jaŋe šeŋgoma Jesure šâŋe muhuc dieŋzi hecnenšepieŋ
PHI 2:11 â micne mic sâc Jesu Kristo e Wofuŋ jukac iŋuc musereckenšepieŋ. Eme mumuteŋ izi Anutu Mamacte biŋe ezejec.
PHI 2:12 Jorocfâc-nane, ŋoŋe dameŋ sâc micrereŋ eeŋgopieŋ, ŋoŋehec juhape sawa mâcne, taicko juhape wâc ejâmbâŋkeeŋgopieŋ, irec bâbâpiaŋ-ŋeŋicte fârine bâfuaniŋte mezac-ŋopaha fotac qatarienšepieŋ.
PHI 2:13 Anutu e jahac hâcne, honec-ŋopame biaŋkeocte aafecke mecne fârine bâbâfua mecne irec tâpiri ŋareekac.
PHI 2:14 Ŋoŋe wiac sasawa kâroŋ â maŋguru tâmiric enšepieŋ.
PHI 2:15 Erâ bahacmâc â maŋtaniŋ junšepieŋ, ehuc ŋicguru bac bâŋoricne â qaqaharicne jaŋere dapâc ŋondeŋko Anuture naru motecfâc maŋɋaɋac erâ juhuc bâpiŋ iŋucne tamaenšepieŋ.
PHI 2:16 Tamaehuc jujure dâŋ paŋnea bajunšepieŋ. Iŋuc epie juku Kristo fifisi dameŋ-ticnao, šâic mi mana-bipiepo â gie mi bâipiepo, irec fuŋne taniŋkeme šeri bubiaŋ manazepac.
PHI 2:17 No mamanasiŋ-ŋeŋic Anutu taha bacnehuc sahac-nane due bapemuo sifu irec šeri ehuc ŋoŋehec bubiaŋ manapemu.
PHI 2:18 Á ŋoŋe iŋuc jaha šeri ehuc nohec bubiaŋ mananšepieŋ.
PHI 2:19 Wofuŋ Jesuzi maname sâckeme Timoteo biac ŋoŋerao sorepe fâocte mukopac. Eme ŋoŋere dâŋ biŋe moc risie wareme manarâ bunane mâteŋkezejec.
PHI 2:20 Ŋic e iŋucne moc mi junareŋgopieŋ, eki jâmbomac ŋoŋere manoniehuc maŋticnezi dopec-ŋopaocmu.
PHI 2:21 Ŋic gâcne jaŋe jaŋacnere sawa manasuhuc Jesu Kristo gie-ticnere mi mueŋgopieŋ.
PHI 2:22 Timoteo ine juju-ticnere fuŋne manaeŋgopieŋ, ŋokâzi mamac-ticne bafickeekac iŋuc jaha no Biŋebiaŋte giere baficnuekac.
PHI 2:23 Eme no nahacnao wiac iŋuc me iŋuc fuaocmu i mana-hâmorâ e hâcne biac sorepe fâocmu.
PHI 2:24 Erâ Wofuŋzi mana-nareme no nahac wâc mi šoraha ŋoŋerao fâpemu, iŋuc manakopac.
PHI 2:25 No wiac basahuc juhape ŋoŋe Epafodito sorepie ware dope hutuŋ enarewec, ehuc qomâ-nane â babafic-nane â momori âgo-nane juekac, e sifu bârisie-ŋarezo mukopac.
PHI 2:26 E huc bame biŋene manambiŋ, eme ere manabâc enšipiŋte ŋoŋere maŋhâhâŋ ecnekac.
PHI 2:27 E huc ŋemâcne bame hâmozo ewec. Anutuzi ine ehâmocnewec, erâ e sawa mâcne, norao busâqoczi busâqoc fuazacte no mâmâc ehâmo-narewec.
PHI 2:28 Ŋoŋe honerâ buŋeŋic biaŋkeocte â no iŋuc jaha manabâc tâmiric jupemurâ e mi sakarehuc šiŋuczia râepe fakac.
PHI 2:29 Irec fâme bubiaŋ manacnehuc Wofuŋte erâ âgo ecnenšepieŋ. Ŋoŋe ŋic iŋucne hâcne sâsec-jopanšepieŋ.
PHI 2:30 E Kristore giere erâ hâmozo ewec. Ŋoŋere okacne kiŋaŋ qanareocte sahac-ticne qaisockewec.
PHI 3:1 Âgofâc-nane, moc mupe. Wofuŋte erâ bubiaŋhec junšepieŋ. Dâŋ hâsine ijaha qâreŋke-ŋarezore manape mi quŋkekac, â ŋoŋe ine hume keteŋ eŋarezejec.
PHI 3:2 Ŋoŋe qâto jaŋere rucsoŋaŋ junšepieŋ, miti gie bapa bâbâsifucne, sahac hehetâc ŋic jaŋere rucsoŋaŋ hâcne junšepieŋ.
PHI 3:3 Anutu maŋzi kiŋaŋ qacneeŋgopeneŋ â Kristo Jesurao qohotaeŋgopeneŋ â mamanasiŋ-nâŋec sahacko mi râeeŋgopeneŋ, nâŋâc hâcne ma fârine bajueŋgopeneŋ.
PHI 3:4 No nahac sahacko siŋkezo murâ sâcne ezapo. Ŋic gâcne jaŋe sahacko siŋkeeŋgopieŋ no ijaha ezo murâ siric-jopazapo.
PHI 3:5 No fuarâ fohape šoaŋ 8 eme sahac-naneo ma bambiŋ, no Israe ŋicguruonec, Benjamiŋte ɋâric, no Judaŋiczi Judaŋic jaŋeraonec fuakicne hâcne, sâcmutâc dâŋte neŋgocne farisaio ŋic jupo,
PHI 3:6 šoɋac-nanere erâ kikefuŋ jaŋere râsi epo, sâcmutâc dâŋ sâcko tiŋne juju â bahacmâc jupo.
PHI 3:7 Eme no mârâc wiac bajuhuc manape fârine ewec, i šâhec ine Kristore erâ manape racne ewec.
PHI 3:8 No Wofuŋ-nane Kristo Jesu ere fuŋne hone šâŋitâc erâ manape furi sâko eme wiac mârâc epo bapo irec jâmbomac manape racne eekac. No Kristo rauckepemurâ ere erâ wiac sasawa ho jawa muhuc qikiŋne-fârepo.
PHI 3:9 No erao qohotahuc, sâcmutâc reŋkehuc kiŋfâsâc bâbâfua i mâcne. Kristo manasiŋkehuc kiŋfâsâc juju irec enareekac. Mamanasiŋhec jupe Anutuzi kiŋnanere maname tatara, irec mukopac.
PHI 3:10 Erâ no Kristo maŋzi hemiriŋkepe fafahare-ticnere tâpiri norao fuame šâic manawecko šuhuckerâ ehec manazepac. Eku hâmoc-ticnere hawari wâc bâfuazepac.
PHI 3:11 Iŋuc eerâ raku hâmockonec fafahare bâfuapere enareekac.
PHI 3:12 No nahacnere šiŋuc mi mukopac: Biac mao fisirâ eri bâfuapo. Mâc Kristo Jesuzi no rocnuwecte eri bâfuapemurâ hata gagasa i gasackeekopac
PHI 3:13 Âgofâc-nane, eri biac bâfuarâ ropo, i no nahacnere manape iŋuc mi ekac Kecšiŋuc ine eekopac: Wiac hetarapo i râpeckeekopac, â wiac mai-naneo râekicne irec menane sicneekopac,
PHI 3:14 ehuc Anutuzi Jesu Kristore erâ sambâŋte hefârecnuhuc mao eri râe-narewec, i bâfuapemurâ šâŋezi hone dendeŋnehuc gasackeekopac.
PHI 3:15 Soka tarakicne nâŋâc mâmâc sasawa wiac irecteaŋ hâcne henširiŋnehuc junšepeneŋ. Eme wiac mocte manapie hatane moc ekacko Anutuzi maŋŋeŋic batamaeme mana taraniŋmu.
PHI 3:16 Mâc hata âte warembeŋ ijaha âte ranšepeneŋ.
PHI 3:17 Âgofâc-nane bânie-ŋarepe honecnuhuc ijaha bâjâpecnunšepieŋ. Á ŋic gâcne sâc ijaha juhuc bânie-ŋareeŋgopieŋ jaŋerao wâc šâŋe fihuc junšepieŋ.
PHI 3:18 Ŋic tucne jaŋere ŋaza warehuc jupo, ši ine ki busâqochec mocwâc ŋazape: Jaŋe Kristo maripoŋ-ticne râsi ecneeŋgopieŋ.
PHI 3:19 Ŋic i jaŋe hâcne sisipiric bâfuaniŋmu. Hobu-jeŋiczi wofuŋ ejareekac, â wiac mimineheczi bubiaŋ qajareekac, â mâreŋkonec wiac maŋ mamanasu-jeŋic rofâreekac.
PHI 3:20 Nâŋâc ine sambâŋ hae irec fârine, eme irecnec hâcne bâbâpiaŋ-nâŋec Wofuŋ Jesu Kristo, e waharâ rocnâpoocte woŋec jueŋgopeneŋ.
PHI 3:21 E ŋic â wiac sasawa bawahac-joparâ jahacne rurumaŋko guruc-jopaocte tâpiri focnekac, tâpiri izi sahac-nâŋec waha qaqane bâtikieme e jahacne sahac iŋucne tatamac huririnehec eocmu.
PHI 4:1 Âgo biaŋfâc-nane, maŋnane ŋoŋere boc ecneekac, ŋoŋe hâcne eri bubiaŋfâc-nane, ŋoŋe Wofuŋtao qohota sanaŋkenšepieŋ, jorocfâc-mae.
PHI 4:2 Euodia â Sintike ŋokac jahec jahe Wofuŋte erâ maŋ mocjaha erâ juzepirec.
PHI 4:3 Á babafic fâri-nane go ine ŋokac jahec hâcne hone maiŋ ejactezemec. Jahe mecne â Kelemento â âgo gâcne jaŋe Biŋebiaŋte giere dopecnumbiŋ. Ʒâŋe-jeŋic juju sanaŋte papia qizecko fofârekac.
PHI 4:4 Ŋoŋe Wofuŋte erâ šeri bubiaŋ manahuc junšepieŋ, no harierâ mupe, šeri bubiaŋ mananšepieŋ.
PHI 4:5 Wofuŋzi bâqiŋ-nâpokacte ŋic sasawa wamane ejarenšepieŋ.
PHI 4:6 Wiac irec me irec mana mezac mi ee maŋŋeŋicte dâŋ fuŋne fuŋne i Anutu daŋge nunumu ecnehuc mutaniŋkecnenšepieŋ.
PHI 4:7 Eme Anuture wama e ŋic mamana sirickeekaczi maŋ mamanasu-ŋeŋic qâzuckeme Kristore fosanaŋkeocmu.
PHI 4:8 Erâ âgofâc, dâŋ moc mupe: Wiac fârine â wiac araŋ bapanehec, wiac tiŋne â wiac ɋaɋacne, wiac hohone šiziwene â wiac mamana šiziwene, wiac eesaricne â wiac bubiaŋ bâbâfuane, wiac i sasaware henširiŋnehuc junšepieŋ.
PHI 4:9 No wiac mu qazuc â ŋaza ŋowatuc epe hone manac embiŋ, ijaha ehuc jupie Anutu wama runezi ŋoŋehec juocmu.
PHI 4:10 Ŋoŋe ŋondeŋne moc mâc juwareku ši nore mocwâc manasurâ buafec-ŋeŋicte ehâmo-narembiŋ, irec manape Wofuŋtao qacneme bubiaŋ kâcɋene manakopac. Ŋoŋe nore mamanasu i manasumbiŋ, mâc wiac enareniŋte hata basarâ quŋkembiŋ.
PHI 4:11 No kâroŋ qaŋarehuc mi mukopac, no wiac i me i basarâ mâc juhuc manape mi sâqoreekac.
PHI 4:12 No qafec qawahac juju me fofo dunduŋ fonareha juju, iŋuc me iŋuc juzo murâ sâcne jupemu. Nâ gapehec juju â natac qatac juju, mâriri faio juju â roroc faio juju, irec fuŋne mâmâc manaekopac.
PHI 4:13 Tâpiri nareme sanaŋkeekopac, ere erâ jupe bape sâcke-fâreekac.
PHI 4:14 Ŋoŋe ine busâqocko juhape ehâmo-narembiŋte manape biaŋkekac.
PHI 4:15 Filipi haeonec ŋic ŋokac ŋoŋe manaŋgopieŋ, no Biŋebiaŋte gie fufuŋke dameŋko Makedonia mâreŋ behepoo kikefuŋ gâcnezi mâc juhapie ŋoŋe buc nohec nareŋ gareŋ embeŋ.
PHI 4:16 Erâ Tesalonike haeo juhape sahacte wiaczi dopecnuhuc jumbiŋ wâc.
PHI 4:17 No moneŋ mafare mi mukopac, mâc miti-ŋeŋicte fârine fuaocte mukopac, eme fârine izi ŋoŋeraopec hamârekao hâcne.
PHI 4:18 Ʒi wiac bâfuacnu-fârewec, bocjaha fonarekac. Epafoditozi ŋoŋeraonec wiac bafisi-nareme mâririhec epo jukopac. Ŋoŋe no wiac enarembiŋ, irec manape Wofuŋ taha bâzi biaŋ âsu mumundoŋnehec ecnembiŋ ekac.
PHI 4:19 Anutu-nane e mâriri bâbâfuazi Kristo Jesure erâ wiac hezu heŋareme hâmoc huriaŋ tâmiric juniŋmu.
PHI 4:20 Anutu Mamac-nâŋec erao ine mumuteŋzi mumuteŋ forašihuc juzejec sanaŋ. Jâmbomac.
PHI 4:21 No Kristo Jesure erâ manasuc-ŋopakopac, i mitiŋic ŋokac jaza-fârenšepieŋ. Á âgofâc-nane nohec juŋgopieŋ jaŋe wâc manasuc-ŋopaŋgopieŋ.
PHI 4:22 Mitiŋic sasawa â Sisare ŋicfâc jaŋe wâc boc manasuc-ŋopaŋgopieŋ.
PHI 4:23 Wofuŋ Jesu Kristo ere aki anonoczi maŋ qâqâtâc-ŋeŋicko fofârezejec. Jâmbomac.
COL 1:1 Paulo no Anuture micte Jesu Kristore aposolo epo, erâ âgo-nâŋec Timoteo,
COL 1:2 nâhe Kolosai haeonec mitiŋic â âgofâc-nâhec Kristorao qohotaŋgopieŋ ŋoŋe papia ši râe-ŋarekoperec. Anutu Mamac-nâŋec eraonec aki anonoc â wama ŋoŋerao fotâcnerâ fozejec.
COL 1:3 Nâŋe Wofuŋ-nâŋec Jesu Kristo ere Mamac Anutu hâcne ŋoŋere erâ dameŋ sâc daŋge nunumu ecneeŋgopeneŋ.
COL 1:4 Ŋoŋe Kristo Jesu manasiŋkeeŋgopieŋ â mitiŋic hae gâcnaonec maŋjauŋ ejareeŋgopieŋ irec mecne,
COL 1:5 â sambâŋ miti šeŋaŋ ŋoŋere biŋe râekicne irec mâmâc Anutu muteŋkeeŋgopeneŋ. Ŋoŋe miti šeŋaŋte kâuc mi baeŋgopieŋ. Dâŋ fâri qizecne Biŋebiaŋ hâcne ŋoŋerao fuawec irec biŋe mârâc manambiŋ.
COL 1:6 Biŋebiaŋ i mâreŋ sâc fua bâbâriŋ rahuc fârinehec eekac. Eme Anutu akidâŋ-ticne ŋoŋerao fâme jâmbomacko mana maŋ embiŋ, dameŋ ira ŋoŋerao iŋuc jaha fârinehec ewec.
COL 1:7 Joroc âgo babafic-nâŋec Epafara, Kristore kiŋaŋ qaqa micrereŋhec, eki qazu-ŋareme manambiŋ hâcne.
COL 1:8 Erâ ekizia wâc, Mârozi ŋoŋerao maŋjauŋ bâfuawec, irec dâŋ binaŋ enârewec.
COL 1:9 Eme nâŋe dâŋ binaŋ-ŋeŋic manarâ izia fuŋkerâ Anutuzi maŋ mamana-ŋeŋic bâsokame micdâŋ-ticnere â Mârore maŋɋârâŋ dâŋ mana taraniŋte numucne warehuc jueŋgopeneŋ.
COL 1:10 Wofuŋzi iŋuc hâcne eŋareme ju ju-ŋeŋiczi fuŋne-ticne mutaniŋkeme honec-ŋopame biaŋkezejec. Á mitio gie fuŋne fuŋne fokac, i bahuc irec fârine bâfuanšepieŋ, ehuc Anuture fuŋne mana ɋârâŋke rahuc junšepieŋ.
COL 1:11 Erâ Anuture tâpiri mu wawarec-ticnehec izi âkesiŋ-ŋopame hâbi sâko hepie hume juhapie fai-ŋeŋicko wiac ŋemâcne feme sâc docke pârâc tâmiric bumâteŋ jaha de domahuc bubiaŋ mananšepieŋ.
COL 1:12 Erâ Mamac-nâŋec e faic tatamacko merâfâc-ticne râe-nârewec, i mitiŋic nâŋâc ru sâc enaŋte bâmoc-nâpoekacte buafec jaha daŋge âzâcnenšepeneŋ.
COL 1:13 Anutu e dâpac runere tâpirionec batarac-nâporâ joroc Ŋokâ-ticnere uucmaŋko râec-nâpowec.
COL 1:14 Ŋokâ-ticne eki hâcne sâqocne-nâŋec tâmireote kiwiric-nâŋec rowec.
COL 1:15 Anutu soŋne ere hawari tâtâc fufua Ŋokâ-ticne hâcne. E wiac sasawa mi fuahame micne barâ juweczi juwec.
COL 1:16 Ere jujuo wiac sasawa sambâŋko â mâreŋko fua-fârewec, wiac hohonene â mi hohonene, ŋic me aŋelo ɋuŋɋasaŋhec me tâpirihec, fekicne sâko me araŋ bapa-jarene, i mâmâc sasawa ere tâpirio â ere biŋe fuakicne.
COL 1:17 E wiac sasawa irec juwicnao juwec erâ wiac sasawa irec micne sâko, erâ wiac sasawa ere dope sisiŋko fowarehuc juekac.
COL 1:18 Erâ e me sahac-ticne, kikefuŋ-ticne hâcne, nâŋâcne qizec juekac. Erâ fufuŋke ŋic, hâmockonec micne barâ faharewec, ehuc wiac sasawa irec jâcne ewec.
COL 1:19 Anutu e juju â tâpiri-ticnere rowaŋ Ŋokârao guru fufusuc foocte maname sâckewec.
COL 1:20 Erâ wiac sasawa sambâŋko â mâreŋko Anutu jahacnehec miriŋ bacnâpoocte mucneme eki hâcne maripoŋko socticnezi wama bâfuahuc iŋuc ewec.
COL 1:21 Ŋoŋe mârâc jaha Anutu râpeckerâ nâme nikecne erâ sâqocne fuŋne fuŋne bahuc maŋšârâhec jujumbieŋ.
COL 1:22 Eme Kristo sahac biuchec fuarâ hâmoc-ticnezi miriŋ bacŋoparâ Anuture maio furu â maŋɋaɋac â bahac fâsâc juniŋte râec-ŋopawec.
COL 1:23 Eme irec ŋoŋe mamanasiŋko qiŋ herâ domahuc, Biŋebiaŋzi woworic bâfua-ŋarewec i sifucke-ŋarezacte biric borocne mi enšepieŋ. Biŋebiaŋ i ŋoŋe qazu-ŋarekicne, erâ ŋoŋe sawa mâcne, ŋicne ŋicne mâreŋ sâc jaza rakicne. Paulo no hâcne irec kiŋaŋŋic juekopac.
COL 1:24 No ŋoŋere erâ šâic serereŋ faio juekopac irec ši manape biaŋkeekac. Kristozi me sahac-ticne, kikefuŋ-ticne hâcne, ere erâ šâic serereŋ manawec, šâic irec tofanao šuhuckehuc mamanane fokacte nore sahacko fehuc micne qazejec.
COL 1:25 No Anutu dâŋbiri-ticnere sâcko kikefuŋte kiŋaŋ qaqa erâ ŋoŋerao micdâŋ-ticnere qaqazu gie batarapemurâ munarekicne.
COL 1:26 Dâŋ i dameŋne dameŋne soŋne fome mimiŋzi ɋâric mi mamana mâc juwefuhuc jumbiŋ, eme dameŋ šiŋuczia ine mitiŋicfâc-ticne mufua-nârekicne.
COL 1:27 Erâ qâpuc jaŋerao dâŋ soŋnere mâriri biaŋ sâko fuakac i mitiŋicfâc-ticne mutaniŋke-nârekac. Kristo maŋŋeŋicko juekac e hâcne dâŋ soŋnere fârine â sambâŋ šeŋaŋ irec hozine.
COL 1:28 Ere fuŋne mutaniŋkehuc ŋicne ŋicne uŋ sawaŋ ejarerâ maŋɋârâŋ dâŋ sasawa jaza qazuc eeŋgopeneŋ, i Kristoo ŋic fârine epie erao guruc-jopanaŋte iŋuc eeŋgopeneŋ.
COL 1:29 Ere tâpirizi eferenšoŋnume gie i hâcne fotariehuc baekopac.
COL 2:1 No ŋazape mananiŋ, ŋoŋe mecne â Laodikea haeonec â ŋic gâcne šâŋe mai-nane mi honembiŋ, ŋoŋere šâic afecne mi manaekopac.
COL 2:2 Ŋoŋe maŋŋeŋiczi âte tâcnerâ roroc efâreme Anutu dâŋsoŋ-ticnere fuŋne, Kristo hâcne, mana maŋ ehuc mana utuckerâ mana taranšepieŋ.
COL 2:3 Erao hâcne maŋɋârâŋ â mamana tara irec šâkâŋne soŋkekicne fokac.
COL 2:4 Moczi moc mu hemiriŋ eŋarehuc maŋ bâsifuc eŋarenšipiŋte dâŋ mukopac.
COL 2:5 No sahac-nanezi wiwicko juekopac, maŋnanezi ine ŋoŋehec juhuc ŋoŋe Kristo manasiŋkehuc šišimic erâ sosoŋaŋko domapie honec-ŋoparâ bunane biaŋkekac.
COL 2:6 Ŋoŋe Kristo Jesu Wofuŋ eŋareocte rombiŋ erao qohotahuc junšepieŋ,
COL 2:7 ehuc eraoa gâtâ barâ fua-hâmonšepieŋ, â mamanasiŋte hata ŋaza ŋowatuc ekicne ijaha âte sanaŋkerâ daŋge mumuteŋ ecnehuc jupie ferâ fe ehuc fozejec.
COL 2:8 Moczi moc ŋickonec mamana dâŋ, eeatuc dâŋ racne hâcne, qazu-ŋarehuc maŋŋeŋic bawisenšipiŋte rucŋeŋic banšepieŋ. Dâŋ iŋucne i mimiŋne jaŋere maŋko fuac dâŋ â mâreŋte wiac tâpirihec ira roweckehuc mueŋgopieŋ, Kristorao siŋkehuc mâcne.
COL 2:9 Manaŋgopieŋ, Anuture sâc i Kristo maŋ sahac-ticnao qaja fuserâ qâniniwerâ fokac.
COL 2:10 Irec ŋoŋe erao wiac moc mi basaniŋmu, eki hâcne micne â fekicne sasawa jaŋere qizecne.
COL 2:11 Eraonec maŋeŋic wâc rombiŋ, mezi sahacko ma bapa i mâcne, juju-ŋeŋic raŋɋane heunuckehuc Kristore maqâreŋhec embiŋ hâcne.
COL 2:12 Ihec eniŋte Miti Opâ rua-ŋarehuc ere hâmocko šuhuc-ŋopakicne, erâ Anutu e tâpiri-ticnezi Kristo hâmockonec bâɋârewec, tâpiri ijaha manasiŋkepie ŋoŋerao fotâcneme fafahare-ticnao wâc šuhuc-ŋopakicne.
COL 2:13 Ŋoŋe mârâc jaha ma tâmiric juhuc sâqocne kosa barâ hâmocne juhapie Anutu e kiŋŋeŋic behehuc Kristohec bâɋârec-ŋopawec.
COL 2:14 Erâ dâŋ qaqatara-nâŋec qâreŋkekicne i âke sifuckehuc irec kiŋ papia i bâsuckerâ maripoŋko ɋetickeme arictâc ewec.
COL 2:15 Iŋuc ehuc fekicne â tâpirihec hâbi-jeŋic bâŋgoroŋkerâ saoreŋ qahuc fuŋne-jeŋic bataniŋkewec.
COL 2:16 Ŋic moczi nânâ qowi soware me sabata hombaŋ me mosa hombaŋ i me i ŋeŋere me mi ŋeŋere mu supaic mi eŋarezejec.
COL 2:17 Wiac iŋucnere nâkumucne muzo, fârine šâhec fuaocte irec nâkumucnezi qanaŋ bâniewec. Á fârine ine Kristorao fuawec fokac.
COL 2:18 Ŋic gâcnezi maŋhuhuŋ hawari erâ juhuc aŋelo araŋ bajareeŋgopieŋ, â maŋnâŋec ŋerisieme wiac honeeŋgopeneŋ muhuc irec manapie fârine eme sahac-jeŋic maŋgâŋ mušoraeŋgopieŋ, ŋic iŋucne jaŋe boreŋ fâri-ŋeŋic mi ŋowac ronšepieŋ.
COL 2:19 Jaŋe hâcne Kristorao sâcne mi siŋkeeŋgopieŋ. Eki qizec-nâŋec â nâŋâc me sahac-ticne. Eme qizeckonec ruazi fâuckerâ wahahuc me kike fâri ombâŋ-ticne basanaŋ-nâpohuc bândeŋ-nâpoekac. Ehuc gume hesiwiŋ enâreme soka sanaŋte tâpiri Anuturaonec fua-nâreekac.
COL 2:20 Ŋoŋe Kristore hâmocko šuhuckehuc mâreŋte wiac tâpirihec râpeckembiŋko wemocte mâreŋte hae fâri juhuc tinac sâcmutâc dâŋticne reŋkeeŋgo-pieŋ?
COL 2:21 Dâŋ kecšiŋuc: “Keci mi bâuac, keci mi nâc, keci mi roc.”
COL 2:22 Wiac nâ bac erâ bebehene hâcne, irec kibâtâc dâŋ i ŋiczi maŋjeŋicte manasurâ mu qaqazuc eeŋgopieŋ.
COL 2:23 Ŋic iŋucnezi maŋɋârâŋ hawari erâ “bâtâcko â sowa juhuc sahac bâpitiwazo” iŋuc mupie dâŋ izi fârine tinac eekac. Erâ wiac iŋucnezi fârine aricne, izi sasec aka sâcne mi hecneocmu.
COL 3:1 Ŋoŋe Kristo fafahare-ticnao šuhuckembiŋko ine faic Anuture maŋfuŋko Kristo jukacko wiac fokac, irec henširiŋnehuc junšepieŋ.
COL 3:2 Mâreŋko wiac fokac irec mâcne, faic wiac fokac irec maŋ mamanasu-ŋeŋic râepie fozejec.
COL 3:3 Ŋoŋe hâmombiŋ hâcne, eme juju-ŋeŋic Kristohec Anuturao soŋkekicne fokac.
COL 3:4 Juku Kristo e juju runâŋeczi fua taniŋkeme ŋoŋe iŋuc jaha ehec mâmâc tatamac huririnao fua taniŋkeniŋmu.
COL 3:5 Wiac kecšiŋucte ine sowa juhuc sahac-ŋeŋic bâhâmonšepieŋ: Boe sau, maŋwânâŋ, bu gâgâpâcne, sasec sâqocne, buchâro, i eocmu e sahac-ticnezi wofuŋ ecnekac muzo.
COL 3:6 Wiac i sasaware Anuturaonec okacne fisiocmu.
COL 3:7 Ŋoŋe mârâcko iŋuc jaha wiac i bajupie maŋ fâri-ŋeŋic ejujec.
COL 3:8 Ʒi ine wiac iŋucne sasawa hetaranšepieŋ. Ehuc aaric, kimbeŋ, râŋgeŋ bârâŋgeŋ, dâŋ gâgâpâcne â simbiŋne i qikiŋnenšepieŋ.
COL 3:9 Burec eec i wâc mi enšepieŋ. Maŋraŋɋa-ŋeŋic mâsi qâqâreŋ-ticnehec heunucke behec erâ
COL 3:10 maŋɋâri-ŋeŋic hepie hume rojuŋgopieŋ. Maŋ i hâcne bâbâfuazi bâpiaŋkeme mamanahec erâ e jahacne hawari iŋucne fuahuc jukac.
COL 3:11 Irec bârâwiŋ juju i tarawec, Grikŋic â Judaŋic, mahec â ma tâmiric, hâwecŋic â kâte sanaŋ, kiŋaŋ qaqa â ŋicbomboŋ, mâmâc sasawa Kristozi qâhâc-nâporâ micne junâre-fâreekac.
COL 3:12 Eme Anuture biŋefâc, e jahac maŋjauŋ eŋarehuc rowosâec-ŋopawec, ŋoŋe buuruc â buafec â maŋhuhuŋ â miriŋ â bumâteŋ izi ŋaqi-ŋeŋic eme hepie hume rojunšepieŋ.
COL 3:13 Ŋoŋe aakic enšepieŋ, â ŋondeŋ-ŋeŋicko dâŋ fuame kiŋ bebehec enšepieŋ. Wofuŋzi kiŋ behe-ŋarewec iŋuc jaha eec enšepieŋ.
COL 3:14 Eme wiac sasawa irec fainao maŋjauŋ bajupie izi wiac bâture-fârehuc ematauckezejec.
COL 3:15 Erâ Kristore wamazi maŋŋeŋicko guriŋne bazejec. Ŋoŋe wamahec erâ me sahac mocjahao juniŋte rocŋopakicne hâcne. Erâ wâc daŋge mumuteŋ ehuc junšepieŋ.
COL 3:16 Kristore dâŋzi ŋondeŋ-ŋeŋicko sawe mâririackezejec. Eme maŋɋârâŋ dâŋ fuŋne fuŋne qaqazuc ehuc faŋ qaqac enšepieŋ. Erâ miti gae mânec i Mârozi baafec-ŋopaha maŋŋeŋiczi Anutu muteŋkehuc hecnenšepieŋ.
COL 3:17 Eme maŋzi me mezi wiac ezo murâ i Wofuŋ Jesu manasiŋkehuc enšepieŋ, ehuc ere erâ Anutu Mamac daŋge âzâcnenšepieŋ.
COL 3:18 Ŋokac ŋoŋe ŋowefâc-ŋeŋic jaŋere rereŋfâc junšepieŋ, Wofuŋte biŋe ekicnezi iŋuc epie sâckeocmu.
COL 3:19 Ŋic ŋoŋe ŋonâŋfâc-ŋeŋic maŋjauŋ ejarenšepieŋ, šâšâicne ine mi ejarenšepieŋ.
COL 3:20 Naru motec ŋoŋe neŋgoc mamacfâc-ŋeŋic dâŋ mupie sâc reŋkenšepieŋ, iŋuc epie Wofuŋzi maname biaŋkeocmu.
COL 3:21 Mamac ŋoŋe naru motecfâc-ŋeŋic hâwic sahac enšipiŋte aaricko wiac mi ejarenšepieŋ.
COL 3:22 Kiŋaŋ qaqa ŋoŋe mâreŋ ŋicbomboŋfâc-ŋeŋic jaŋere mic reŋke-fârenšepieŋ, maizi qambaraŋ ejarepie ŋiczi sawa honec-ŋopapie sâckeocte mâcne, maŋsiocmâc Wofuŋ araŋ bacnehuc epie sâckeomu.
COL 3:23 Gie-ŋeŋic sasawa i ŋic jaŋere erâ mâcne, Wofuŋte erâ aafec faio banšepieŋ.
COL 3:24 Kecšiŋuc manahuc: Gie furi sambâŋko merâfâc fokac i Wofuŋtaonec roniŋmu. Irec Wofuŋ Kristo ere kiŋaŋ qaqafâc juŋgopieŋ hâcne.
COL 3:25 Moc e gie-ticne bâsâqoreocmu, e irec okacne jaha roocmu. Wofuŋtao ra rowec ware rowec mi fokac.
COL 4:1 Ŋicbomboŋ ŋoŋe kiŋaŋ qaqafâc-ŋeŋic wiac sâkoa etiŋnehuc ejarenšepieŋ, ehuc ŋaŋacne femicne Wofuŋ sambâŋko jukac i manasunšepieŋ.
COL 4:2 Paŋšâic jaha numuhuc junšepieŋ. Erâ rucgereŋ juhuc daŋge nunumu enšepieŋ.
COL 4:3 Erâ nâŋere wâc numupie Anutuzi mitire hata bâšâwe-nâreme Kristore dâŋ soŋne mufuanšepeneŋ. Dâŋ irec hâcne niŋgiŋko fokopac.
COL 4:4 Nunumuzi dopecnupie dâŋ afeckehuc mujaŋgeŋkepe sâckezejec.
COL 4:5 Qâpuc jaŋehec bâbâfuac erâ wiac mana tara-hâmohuc enšepieŋ. Ehuc gie bapa dameŋ mi sipirickenšepieŋ.
COL 4:6 Dâŋŋeŋic hâwec ruacnepie aŋacne ezejec. Eme ŋic dâŋ iŋuc me iŋuc bâtikie-jareniŋte mi bititienšepieŋ.
COL 4:7 No nahacne dâŋ binaŋ i Tikikozi eŋareocmu. E joroc âgo babafic-nâŋec â Wofuŋte kiŋaŋ qaqa micrereŋhec.
COL 4:8 E hâcne juju-nâŋecte dâŋ binaŋ eŋarehuc mu âkeriŋ eŋareocte ŋoŋerao sorepe fakac.
COL 4:9 Erâ Onesimo, miti mamana âgo biaŋ-nâŋec, ŋoŋere haeonec, e mâmâc ecnepe fârâ širec dâŋ binaŋ eŋare-fâreocmu.
COL 4:10 Kâpâcwâru ŋic âgo-nane Aristako â Banaba nafe-ticne Mareko â Jesu, šâŋe-ticne moc Justo, jaŋe manasu-ŋareŋgopieŋ. Mareko ere sâcmutâc eŋarepo, fâ fisiocmuo âgo ecnenšepieŋ.
COL 4:11 Ŋic i jaŋe sawa Judaŋic jaŋeraonec fuakicnezi Anutu uucmaŋ-ticnere giere baficnueŋgopieŋ, ehuc bubiaŋ qanareeŋgopieŋ.
COL 4:12 Erâ ŋoŋere haeonec ŋic moc Epafara, Kristore kiŋaŋ qaqa, ere mamanac ŋoŋerao fokac, erâ ŋoŋe sanaŋkerâ Anuture micsâcko juhuc wiac mana tararâ etiŋneniŋte dameŋ sâc nunumuzi dopec-ŋopaekac.
COL 4:13 No fuŋne-ticne manakopac, e ŋoŋere mecne erâ Laodikea haconec â Hierapoli haeonec mitiŋic jaŋere mecne mâmâc šâic gie wemo afecne baekac.
COL 4:14 Luka dokta biaŋ-nâŋec â Dema jahe mu šeri eŋarekopirec.
COL 4:15 Erâ no Laodikea haeonec mitiŋic â Nimfasi â wiacfâcne mu šeri ejarekopac i mufua-jarenšepieŋ.
COL 4:16 Papia ši ŋic ŋokac wose-jarepie mana-fârepie Laodikea haeonec kikefuŋ jaŋerao râepie rame wosenšepieŋ. Á jaŋere moc qâreŋkepo iŋuc jaha ŋarepie wosenšepieŋ.
COL 4:17 Arikipo e šiŋuc âzâcnenšepieŋ: “Miti gie Wofuŋzi neŋgoc ŋeha mugarekicne i aijakic jaha bâhâmozemec.”
COL 4:18 Paulo no nahacne šâŋe qâreŋ ši râekopac. Kâpâcwâru ŋic nore manasunšepieŋ. Aki anonoczi ŋoŋerao fozejec.
1TH 1:1 Paulo, Siliwano â Timoteo nâŋe Tesalonike haeonec kikefuŋ, Anutu Mamac â Wofuŋ Jesu Kristo ere ŋicfâc, ŋoŋere papia ši râeŋgopeneŋ. Aki anonoc â wama ŋoŋerao fotâcnerâ fozejec.
1TH 1:2 Nâŋe dameŋ sâc ŋoŋere erâ Anutu daŋge âzâcneeŋgopeneŋ, erâ nunumu gie bahuc sâc ŋoŋere manasu-fâreeŋgopeneŋ.
1TH 1:3 Ŋoŋe mamanasiŋ-ŋeŋicte fârine bâfuaeŋgopieŋ â maŋjauŋte bâmec gie baeŋgopieŋ â Wofuŋ-nâŋec Jesu Kristo paŋšâic jaha worickeeŋgopieŋ, irec Mamac-nâŋec Anutu ere maio hati manasurâ mufuahuc âzâcneeŋgopeneŋ.
1TH 1:4 Âgofâc, nâŋe manaŋgopeneŋ, Anutuzi maŋjauŋ eŋarehuc rowosâec-ŋopawec.
1TH 1:5 Iŋuc eŋarewecte Biŋebiaŋ bafârâ ŋazapene dâŋ sawa mi ewec, i tâpirihec â Tiri Mârohec â buâkecnehec ewec. Ŋoŋerao jumbeŋko ŋoŋere erâ wiac ebac embeŋ i manaŋgopieŋ.
1TH 1:6 Eme nâŋe bâjâpec-nâpombiŋ, bâjâpec-nâpohuc Wofuŋ e jahacne mâmâc bâjâpembiŋ. Ehuc miti i fific guguriŋ faio Tiri Mârozi bufahac qaŋarehame ro maŋ embiŋ.
1TH 1:7 Ŋoŋe iŋuc ehuc Makedonia â Akaia mâreŋkonec miti mamana jaŋe micne bajarehuc fuŋne qazu-jarembiŋ.
1TH 1:8 Ŋoŋeraonec hâcne Wofuŋte dâŋzi haŋ barahuc Makedonia â Akaia mâreŋko fuawec, erâ i sawa mâcne, ŋoŋe Anutu manasiŋkembiŋ irec dâŋ biŋe i hae sâc mana-fârepie nâŋe jajazane moc mi fuawec.
1TH 1:9 Jaŋe jaŋac ŋoŋerao gie bapene fârine fuawec irec dâŋ nâzâeŋgopieŋ. Erâ ŋoŋe nemuɋâŋ râpeckerâ Anutu jujune â fârine maickerâ ŋicfâc-ticne embiŋ,
1TH 1:10 erâ Ŋokâ-ticne Jesu hâmockonec bâɋârekicne, e juku sambâŋkonec waharâ okac dameŋko ŋezic-nâpozokac, ere šawiehuc jueŋgopieŋ, irec dâŋ binaŋ-ŋeŋic hae sâc eeŋgopieŋ.
1TH 2:1 Âgofâc-nane, ŋoŋerao fisirâ gie bapene fârimâc mi ewec i ŋaŋac manaŋgopieŋ.
1TH 2:2 Qanaŋ Filipi haeo qa imac enârembiŋ i manaŋgopieŋ wâc. Enârepie sifu mi dockembeŋ. Aricne, Anuturao roweckepene bubiaŋ qanâreme afeckerâ ŋoŋerao fârâ Anuture Biŋebiaŋ i juju gie sâko bahuc mufua-ŋarembeŋ.
1TH 2:3 Babaafec dâŋ mueŋgopeneŋ i mamana sifuc faio mâcne, me maŋsifuc faio mâcne, me kege wage eŋarehuc mâcne”
1TH 2:4 Anutuzi honec-nâpome sâckeme Biŋebiaŋ muromackenaŋte betoŋ-nâpowec irec sâc mueŋgopeneŋ. Ŋiczi mana-nârepie biaŋkeocte aricne, Anutu e maŋ hohonezi mana-nâreme biaŋkeocte mocjaha mueŋgopeneŋ.
1TH 2:5 Ŋoŋe nâŋere manaeŋgopieŋ, nâŋe bâbâmiriŋ dâŋ moc mi ŋazambeŋ mitio ake hehuc moneŋ mafare andac i wâc mi embeŋ, i Anutuzi manaha mukopac.
1TH 2:6 Kristore aposolo nâŋe mana-nârepie feme sâckeocmu i manahuc sifu ŋoŋe me hae gâcnaonec ŋicbomboŋ eŋarenaŋte mi mumbeŋ.
1TH 2:7 Aricne, neŋgoc moczi kogocfâcne hemiriŋ-jopaekac, iŋuc jaha nâŋe ŋoŋerao juhuc eŋarembeŋ.
1TH 2:8 Aŋac-nâŋec ŋoŋerao fowecte Anuture Biŋebiaŋ ŋaŋazare sawa mâcne, ŋoŋere erâ juju-nâŋec qiqikiŋ irec mâmâc afeckembeŋ, maŋnâŋec ŋoŋerao âeckewec irec.
1TH 2:9 Âgofâc, micneneŋ eŋarepene takic-ŋopazacte ŋafe furec sahacte gie mâmâc šocne fârone bahuc domambeŋ, i ehuc Anuture Biŋebiaŋ ŋazambeŋ, ŋoŋe irec manasueŋgopieŋ.
1TH 2:10 Nâŋe maŋtaniŋ â tiŋne â bahacmâc juhuc miti mamana ŋoŋe wiac eŋarembeŋ, i ŋoŋe mecne â Anutu mecne fuŋne-nâŋec manaŋgopieŋ.
1TH 2:11 Erâ moc šiŋuc wâc manaŋgopieŋ: Mamac moczi naru motecfâcne ejareekac, sâc ijaha nâŋe ŋoŋe eŋarehuc buc buc mu sawaŋ dâŋ ŋazambeŋ â esoc qafeŋ eŋarembeŋ â šiŋuc mušakiehuc ŋazambeŋ:
1TH 2:12 “Uucmaŋ-ticne â eri tatamac-ticne rauckeniŋte hefârec-ŋopaekac Anutu hâcne, ere ŋicfâc fârine erâ irec sâcko junšepieŋ.”
1TH 2:13 Nâŋe Anuture dâŋ ŋazapene manapie ŋicdâŋ mi ewec. Eme iŋuc sâcne manambiŋ, i Anuture dâŋ jâmbâŋ, eki miti mamana ŋoŋerao gie baekac. Eme nâŋe irec hâcne Anutu daŋge mumuteŋ kuduc jaha ecnehuc jueŋgopeneŋ.
1TH 2:14 Âgofâc-nane, ŋoŋe Anuture kikefuŋ Judaia mâreŋko Kristo Jesurao qohotambiŋ jaŋehec sâc mocjaha embiŋ. Jaŋe Judaŋiczi jopa qâšâic ejarembiŋ iŋuc jaha âgofâc-ŋeŋic gâcnezi ŋoŋe ŋopa qâšâic eŋarembiŋ.
1TH 2:15 Judaŋic jaŋe Wofuŋ Jesu â porofete iŋuc jaha qâhâmoc-jopambiŋ, erâ wâc nâŋe nâpo jâpec enârembiŋ. Jaŋe Anutu âgo mi ecneeŋgopieŋ â ŋicne ŋicne kisuec-jopaeŋgopieŋ.
1TH 2:16 Ehuc qâpuc miti jazapene manarâ biaŋkenšipiŋte aka henareeŋgopieŋ. Jaŋe iŋuczi iŋuc ehuc sâqocne faio fefec hefekupie kiŋjeŋicte sâc micne qame Anuture kimbeŋ fisi-jarewec.
1TH 2:17 Âgofâc, nâŋe behec-ŋopambeŋ, erâ maŋzi mâcne, sahaczi dameŋ ŋondeŋ ši ŋoŋe tâmiric juhuc huacbuc eŋgopeneŋte mocwâc honec-ŋopanaŋte boc enâreekac.
1TH 2:18 Eme irec fârâ iqic-ŋopanaŋte mumbeŋ, Paulo no nahac dameŋ moc â moc fâzo mupe Sataŋzi aka henarewec.
1TH 2:19 Ŋoŋere aŋac-nâpoekac i šiŋucte: Wofuŋ-nâŋec Jesu ere fifisi dameŋko weni jaŋe gie fâri-nâŋec â šeri-nâŋec â eri-nâŋec eniŋmu? Ŋoŋe wâc enâreniŋmu hâcne.
1TH 2:20 Ŋoŋe mumuteŋ-nâŋec â bubiaŋ-nâŋec.
1TH 3:1 Ŋoŋere maŋhâhâŋ boc enarekume nâŋe gâcnezi sifu Ateŋ haeo buc juhuc
1TH 3:2 Timoteo sorepene behec-nâporâ ŋoŋerao fâwec. E âgo-nâŋec â Anuture gieŋic juhuc Kristore Biŋebiaŋ muekaczi fârâ mitio hume keteŋ eŋarehuc faŋ qaŋareocte mucnembeŋ.
1TH 3:3 Ŋoŋe šârâ hâriŋ faio juhuc dockenšipiŋte iŋuc embeŋ. Ŋoŋe manaŋgopieŋ, miti mâteŋne juhuc mananaŋte mi munârekicne.
1TH 3:4 Nâŋe ŋoŋerao juhuc qanaŋ dâŋ šiŋuc ŋazambeŋ: “Ʒika biac fai-nâŋecko feocmu.” Eme dâŋ i sanaŋkewec, i manaŋgopieŋ.
1TH 3:5 Eme eesâic runezi bârokawec-ŋopame gie-nanere fârine omaezacte maŋ kukumbuc boc enareme jupe bape sâqoreme ŋic e miti babaju-ŋeŋicte fuŋne manaocte sorepe fâwec.
1TH 3:6 Eme ši Timoteo e risie warerâ mamanasiŋ â maŋjauŋ-ŋeŋicte biŋe biaŋ nâzâwec” Erâ nâŋere boc manasueŋgopieŋ, â nâŋe ŋoŋe honec-ŋopazo muhapene ŋoŋe iŋuc jaha nâŋe honec-nâpozo mueŋgopieŋ, dâŋ i nâzâ-fârewec.
1TH 3:7 Âgofâc, nâŋe šârâ hâriŋ â bušâiczi maŋnâŋec hehâriŋkeme juhapene miti babaju-ŋeŋicte dâŋzi bunâŋec bâuruewec.
1TH 3:8 Ŋoŋe Wofuŋ heme hariŋ ecnehuc sanaŋkeeŋgopieŋ i manahuc maŋnâŋec fie ruruckekac.
1TH 3:9 Ŋoŋere erâ Anuture maio bubiaŋ sâko manaeŋgopeneŋte Anutu daŋge mo iŋucne ecnepene sâckeocmu?
1TH 3:10 Mâc mana-nâreha ŋoŋerao fârâ hohonec erâ miti gâcne forakac i moc šuhucke-ŋarenaŋte ŋafe furec mu wâwâsic ecneeŋgopeneŋ.
1TH 3:11 Mamac-nâŋec Anutu â Wofuŋ-nâŋec Jesu e jahac hata bâfua-nâreme ŋoŋerao fânšepeneŋ.
1TH 3:12 Ŋoŋerao ine Wofuŋzi maŋjauŋ-ŋeŋic bâŋɋârâŋkeme ŋedâmâreme ŋaŋackoaŋ â gâcne jaŋehec eec enšepieŋ” nâŋe iŋuc jaha ŋoŋe eŋareeŋgopeneŋ.
1TH 3:13 Erâ Anutuzi maŋŋeŋic keteŋkeme ŋoŋe Mamac-nâŋecte maio bahacmâc â maŋfuru juhapie Wofuŋ-nâŋec Jesu tiŋnefâc-ticne sasawa jaŋehec fisizejec.
1TH 4:1 Âgofâc-nane, Wofuŋ Jesure erâ uŋ sawaŋ eŋarehuc moc šiŋuc ŋazapene mananiŋ: Mitio juju bapa-ŋeŋiczi Anutu âgo ecneocte fuŋne ŋaza qazuc embeŋ, ijaha junšepieŋ. Mitio juju i sâcne jueŋgopieŋ, mâc juŋɋârâŋkeniŋte ŋazaŋgopeneŋ.
1TH 4:2 Wofuŋ Jesure micte dâŋ ŋaza qâmoc embeŋ, irec kâuc mi baŋgopieŋ.
1TH 4:3 Anutu e šiŋuc hâcne muekac: Boe sau qikiŋnehuc maŋɋaɋac junšepieŋ.
1TH 4:4 Ŋoŋerao moczi e jahacne ŋonâŋ maŋɋaɋacko â pectâcko rauckezejec,
1TH 4:5 sasecte šocbâruŋko misac, i ŋic qâpuc Anuture kâuc baeŋgopieŋzi eeŋgopieŋ.
1TH 4:6 Moczi moc aka huckehuc wiac iŋucnao âgo-ticne mi eatuckezejec. Wofuŋ e wiac irec okacne bazu-fâreocmu” nâŋe dâŋ i mârâc jaha mujomirerâ ŋazambeŋ.
1TH 4:7 Maŋwânâŋhec junaŋte aricne, maŋɋaɋac junaŋte Anutuzi hefârec-nâpowec.
1TH 4:8 Irec moc e dâŋ i bâsueocmu, e ŋic moc mâcne, Anuctu e jahacne bâsueocmu, Tiri Mâro maŋŋeŋicko râeekac e hâcne bâsueocmu.
1TH 4:9 Ŋoŋe miti mamanazi maŋzi jauŋ babac eniŋte wemocte boc qâreŋke-ŋarenaŋmu, Anutu e jahac maŋzi jauŋ babac eniŋte fuŋne ŋaza ŋowatuc ewec.
1TH 4:10 Erâ ŋoŋe Makedonia mâreŋ hae sâc opâ ruac juraŋgopieŋ jaŋe maŋjauŋ ejarehuc jueŋgopieŋ. Erâ sifu mocwâc ɋârâŋkeocte ŋazaŋgopeneŋ.
1TH 4:11 Erâ dâŋ moc šiŋuc ŋaza qâmoc embeŋ: Rac warec juhuc dâŋ ojowa mi ee, hae-ŋeŋicko ŋezurâ ŋehuc mezi gie muŋarekicne aijakic jaha baniŋte ɋicwânšâŋ enšepieŋ.
1TH 4:12 Ehuc qâpuc jaŋere maio roroc tâmiric pectâc junšepieŋ.
1TH 4:13 Âgofâc, ŋoŋe hâmokicne jaŋere kâuc bârâ, miti tâmiriczi maŋjeŋic šickeme ki mamakuc eeŋgopieŋ iŋuc enšipiŋte ŋazapene mananiŋ:
1TH 4:14 Nâŋâc Jesu hâmorâ faharewec dâŋ i maŋkerâ šiŋuc mananšepeneŋ: Anutu e Jesu ecneme hâmokicne jaŋe e jahacnehec amec-jopa fisiocmu.
1TH 4:15 Á moc i Wofuŋ e jahacne micdâŋ ŋazanaŋ: Mâreŋko ɋâricne juhapene fisiocmu nâŋâc hâmokicne mi siric-jopanaŋmu.
1TH 4:16 Wofuŋ e sambâŋkonec wahaocte ine dâŋ wiwira â aŋelo qizecte micšonšoŋ â Anuture qeŋfânâŋ fuahame wahaocmu. Wahame Kristo manasiŋkehuc hâmombiŋ jaŋe bâbâni fahareniŋmu.
1TH 4:17 Faharepie ɋâricne junaŋmu, tiwâne hâcne, izi jaŋerao šuhuckepene karoraczi bafec-nâpome sawao Wofuŋhec bâbâfuac enaŋmu. Erâ Wofuŋhec juhuc junaŋmu sanaŋ.
1TH 4:18 Ŋoŋe dâŋ i hâcne muc manac ehuc maŋ bâbâmâteŋ enšepieŋ.
1TH 5:1 Âgofâc-nane, dameŋte â šâfore dâŋ wemocte moc qâreŋke-ŋare mu?
1TH 5:2 Ŋaŋac šiŋuc sâcne manaŋgopieŋ: Râsi jaŋe ŋafeo ututuŋ fisieŋgopieŋ, iŋuc jaha dameŋ-ticne ɋeŋfâfâc jaha maickeocmu.
1TH 5:3 Eme ŋic jaŋe aki wama sâko fokac muhuc mana fâsâerâ juhapie wiac hâhâwicnezi acmâc jaha fisi-jareocmu. Ŋokac kiwechec moc e gozi onšoŋ jaha kime fâfâreocmu, iŋuc jaha ŋic iŋucne jaŋe wiac onšoŋ jaha fua-jareme wemocko moc wiseniŋmu.
1TH 5:4 Âgofâc, ŋoŋe ine dapâcko mi juŋgopieŋ, irec wemocko Wofuŋte dameŋzi râsi iŋucne erâ ututuŋ maic-ŋopame bipic tatara eniŋmu.
1TH 5:5 Ŋoŋe tatamacte â šoaŋte kikefuŋ ekicne, nâŋâc ŋafere me dapâcte biŋe aricne.
1TH 5:6 Irec ŋic gâcnezi guŋ fopie qâtec-joparâ guŋ mi fonšepeneŋ, rucgereŋ-nâŋec bahuc maŋte sowa junšepeneŋ.
1TH 5:7 Guŋ fofo jaŋe ŋafeo foeŋgopieŋ gae wowo jaŋe ŋafeo wohuc bâbâsifuc bâfuaeŋgopieŋ.
1TH 5:8 Ʒoaŋte biŋe ekicne nâŋâc ine maŋte sowa junšepeneŋ, ehuc mamanasiŋ â maŋjauŋ izi maruku enârezejec, â bâbâpiaŋte woworiczi dunâŋec ezejec.
1TH 5:9 I šiŋucte: Anutu e kimbeŋ-ticnere fârine hotâckenaŋte mâcne, Wofuŋ-nâŋec Jesu Kristore erâ bâbâpiaŋ rauckenaŋte muekac.
1TH 5:10 E hâcne okac-nâŋec hâmowec, i hâmohuc me ɋâricne juhuc ehec mâmâc junaŋte iŋuc ewec
1TH 5:11 Ŋoŋe irec hâcne faŋ qaqac â hehe šakiec eeŋgopieŋ iŋuc jaha ehuc junšepieŋ.
1TH 5:12 Âgo bureŋ, wiac mocte esoc-ŋopaŋgopeneŋ: Ŋoŋerao šâic gie baeŋgopieŋ â Wofuŋte erâ micne baŋareeŋgopieŋ â mu bâtiŋ eŋareŋgopieŋ i jaŋe sâsec-jopanšepieŋ.
1TH 5:13 Ehuc gie-jeŋicte erâ maŋjauŋ ejarehuc mana-jarepie fejâmbâŋkezejec. Erâ wâc wama qaqac ehuc junšepieŋ.
1TH 5:14 Âgofâc, hazec qâuŋ dâŋ moc ŋazape mananiŋ. Ŋic kosa jujune jaŋe uŋ sawaŋ ejarenšepieŋ, ŋic manabâcne jaŋe mu âkeriŋ ejarenšepieŋ, betaŋkekicne jaŋe dopec-jopanšepieŋ, erâ mâmâc hezu hemiriŋ ejarenšepieŋ.
1TH 5:15 Sâqocnere okac babazuc enšipiŋte sosoŋaŋ enšepieŋ. Ŋaŋackoaŋ â ŋic gâcne sasawa jaŋehec eehâmoc erâ erahuc junšepieŋ.
1TH 5:16 Bubiaŋ faio jurâ jurahuc junšepieŋ.
1TH 5:17 Nunumu moc mi hetaranšepieŋ.
1TH 5:18 Wiac irec me irec daŋge mumuteŋ enšepieŋ, i Kristo Jesure erâ eniŋte Anutuzi muŋarekac.
1TH 5:19 Mârore šoc mi hehâponšepieŋ.
1TH 5:20 Anuture micdâŋ mufua-ŋarepie mana qâoma mi enšepieŋ.
1TH 5:21 Dâŋ sasawa mana wosâerâ bâtâc banšepieŋ, â biaŋne eme bajunšepieŋ.
1TH 5:22 Sâqocne fuŋne fuŋne ine qikiŋnenšepieŋ.
1TH 5:23 Anutu wama rune e jahac šure bâpiaŋ eŋareme maŋfuru ejâmbâŋkenšepieŋ, eme mâro â maŋ qâqâtâc â sahac-ŋeŋic furu fohame Wofuŋ-nâŋec Jesu Kristo ere fifisi dameŋko bahacmâc domanšepieŋ.
1TH 5:24 Hefârec-ŋopakac e mume sasanaŋ, irec gie-ticne baku batarocmu.
1TH 5:25 Âgofâc, ŋoŋe nâŋere erâ numunšepieŋ.
1TH 5:26 Opâ ruac ŋoŋe mitio meo babac efârenšepieŋ.
1TH 5:27 No Wofuŋte maio ŋaza sanaŋkepe: ŋoŋe papia kecši opâ ruac mâmâc sasawa wose-jarepie mananšepieŋ.
1TH 5:28 Wofuŋ-nâŋec Jesu Kristo ere aki anonoczi ŋoŋerao fotâcnerâ fozejec.
2TH 1:1 Paulo, Siliwano â Timoteo nâŋe Tesalonike haeonec kikefuŋ guru, Mamac-nâŋec Anutu â Wofuŋ Jesu Kristo ere ŋicfâc, ŋoŋere papia ši râeŋgopeneŋ.
2TH 1:2 Anutu Mamac â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
2TH 1:3 Âgofâc, maŋnâŋeczi jâiŋ-nâpome ŋoŋere erâ Anutu dameŋ sâc daŋge âzâcneeŋgopeneŋ. Mamanasiŋ-ŋeŋic boc fua ɋârâŋ eekac, â maŋjauŋ-ŋeŋic fua sawec eme qame qoŋgiŋ eeŋgopieŋ. Eme irec Anutu daŋge âzâcnepene i jâmbomac sâckeekac.
2TH 1:4 Erâ ŋoŋe fific guguriŋ eŋarepie šâic busâqochec juhuc mamanasiŋ-ŋeŋic mi ŋeŋgoroŋkeha sifu sanaŋkerâ jueŋgopieŋ, irec dâŋ binaŋ hae sâc Anuture kikefuŋfâc ejareeŋgopeneŋ.
2TH 1:5 Ŋoŋe wiac fua-ŋareekac, irec šiŋuc muzo: Anutuzi okac dameŋko wiac sâckoa enâreocmu, irec sâsâcne ši qanaŋ fuakac. Anutuzi ŋoŋere maname sâckeme uucmaŋ-ticnao rarašire sâc bâfuaniŋte šârâ hâriŋ faio jueŋgopieŋ.
2TH 1:6 Eme juku Anutu mana wosâc-ticne tiŋne fokac irec sâc enâreocmu: Ŋoŋe šâic fâro eŋareeŋgopieŋ jaŋe šâic fâro jaha bâfua-jareocmu,
2TH 1:7 â šâic fâro manaeŋgopieŋ ŋoŋe ine nâŋehec mâmâc bâgunuc-nâpoocmu. I juku Wofuŋ Jesu e aŋelo guru hâhâwicne jaŋehec sambâŋkonec waha fua tâcneocmu ira iŋuc enâreocmu.
2TH 1:8 E šocbâruŋko waharâ ŋic Anuture kâuc baeŋgopieŋ â Wofuŋ Jesu Biŋebiaŋ-ticne mana rereŋ mi eeŋgopieŋ jaŋe okacne jareocmu.
2TH 1:9 Ŋic i jaŋe Anutuzi furine sisipiric sanaŋ jarehuc šâŋe mai-ticnaonec â tâpiri-ticnere huriri biaŋkonec bârâriec-jopaocmu.
2TH 1:10 Eme dameŋ ira fuŋfuŋfâc-ticne jaŋerao eri tatamac-ticne fuaocmu, â miti-ticne ro maŋ embiŋ jaŋe hone warec ecneniŋmu. Ŋoŋe ine mumutaniŋ dâŋnâŋec mana šakiembiŋ hâcne.
2TH 1:11 Irec hâcne ŋoŋere erâ dameŋ sâc numuhuc šiŋuc mueŋgopeneŋ: Anutu-nâŋec e hefârec-ŋopaweczi irec sâcko juniŋte bašawiec-ŋopazejec, erâ tâpiri-ticnezi dopec-ŋopahame wiac biaŋnere mu manasuc ehuc mamanasiŋte gie fâri bâfua-fârenšepieŋ.
2TH 1:12 Iŋuc epie Wofuŋ-nâŋec Jesu ere šâŋe qâreŋzi ŋoŋerao fua jaŋgeŋkezejec, â ŋoŋe iŋuc jaha erao taniŋke biaŋ enšepieŋ. I Anutu-nâŋec â Wofuŋ Jesu Kristo eki aki anonoc-ticnere iŋuc eŋarezejec.
2TH 2:1 Âgofâc, Wofuŋ-nâŋec Jesu Kristo fifisi-ticnere â ehec bâbâfuac ee irec dâŋne moc ŋazapene mananiŋ.
2TH 2:2 Ŋic gâcne jaŋe Wofuŋte dameŋ maickekac muhuc Mârorao muhotaniŋmu, me nâŋe micko itic enâreniŋmu me papia-nâŋecte mu ɋetic eniŋmu, eme ŋoŋe mi mutuc erâ fâfârepie maŋŋeŋic hockezejec.
2TH 2:3 Eatuc dâŋ iŋuc me iŋuc ŋazapie mi mananšepieŋ. Wofuŋ dameŋ-ticne maickezo eha qanaŋ miti ima qaqa sâko fuaocmu, erâ sindaŋŋic sisipiricte biŋe eki hâcne fua tâcneocmu.
2TH 2:4 Eme šâŋene Anutu me miti wiac mueŋgopieŋ i sasawa râsi ecnehuc qâhuckerâ ro waha âte ecne-fâreocmu. Erâ Anuture ufuŋko ferâ ŋehuc e jahacnere muocmu, “No Anutu.”
2TH 2:5 No ŋoŋerao juhuc irec hâcne ŋazapo, i moc manasuŋgopieŋ me?
2TH 2:6 Dameŋ šiŋuczia aka fokac, i manaŋgopieŋ, i hâcne rârieme dameŋ-ticnao fua tâcneocmu.
2TH 2:7 Ʒi ine sindaŋzi soŋsoŋko biac gie-ticne baekac. Á aka hecneekac e rârieme sindaŋŋic fua tâcneocmu.
2TH 2:8 Eme Wofuŋ Jesu e micrombâŋ-ticnezi qarâ fifisi-ticnere šâziriŋnezi imackeocmu.
2TH 2:9 Ŋic e Sataŋzi neŋgoc ŋesiŋ ŋecnehame tâpiri wiac fuŋne fuŋnehec fuarâ burecko mâsi â qaŋgec wiac šâŋe furu baocmu.
2TH 2:10 Erâ ŋic gâcne, dâŋ fâri qizecne manarâ bibiaŋke i qaisockerâ sisipiricte biŋe eeŋgopieŋ, jaŋe sâqocnere maŋ bâsifuc ejareocmu.
2TH 2:11 Ŋic jaŋe iŋuc eeŋgopieŋte Anutuzi eeatuc neŋgoc qizecne sâko mume fuame burecko qohotaniŋmu hâcne.
2TH 2:12 I mâc mâcne, dâŋ fâri qizecne qikiŋnerâ wiac hehesicnere aŋac-jopaekac, ŋic i jaŋe okacne fisi-jareocte iŋuc hâcne eocmu.
2TH 2:13 Âgofâc-nâŋec, Wofuŋte jorocfâc, ŋoŋe Mârozi baɋaɋac-ŋopame dâŋ fâri qizecnao qohotahuc biaŋkeniŋte Anutuzi mârâc jaha rowosâec-ŋopawec, irec daŋge hati âzâcnenaŋte maŋnâŋeczi jâiŋ-nâpoekac.
2TH 2:14 Irec hâcne Biŋebiaŋ ŋazapene manarâ Wofuŋ-nâŋec Jesu Kristo eri tatamac-ticne rauckeniŋte hefârec-ŋopawec.
2TH 2:15 Eme irec âgofâc ŋoŋe sanaŋkerâ dâŋ miczi â papiazi ŋaza qazuc embeŋ i paŋšâic bajunšepieŋ.
2TH 2:16 Wofuŋ-nâŋec Jesu Kristo â Anutu Mamac-nâŋec eki maŋjauŋ enârehuc katucmâc-ticnere erâ bubiaŋ fofo sanaŋ bâfua-nârewec â šeŋaŋ fâri woŋec-nâŋec râewec,
2TH 2:17 eki hâcne maŋŋeŋic bâinaŋkerâ dopec-ŋopame dâŋfâri â gie fâri i ŋoŋerao mi wahazejec.
2TH 3:1 Âgofâc, dâŋ moc fokac mananiŋ: Nâŋere erâ numupie Wofuŋte dâŋzi fofotâc haŋ barame qâreŋ biaŋ-ticne ŋoŋerao fuawec iŋuc jaha fua razejec.
2TH 3:2 Erâ ŋic maŋbâiŋ bâbâfuane â sindaŋne jaŋere erâ Anutuzi ŋezic-nâpoocte nunumuzi wâc bafic-nâponšepieŋ. Miti i ŋiczi furu ninic ro maŋ mi eeŋgopieŋ.
2TH 3:3 Wofuŋzi ine mume sasanaŋ, irec hume keteŋ eŋarehuc sâqocne runere roroŋ sasapec eŋareocmu.
2TH 3:4 Ŋoŋe dâŋ ŋazapene reŋkerâ reŋke rahuc juniŋmu, irec Wofuŋte erâ ŋoŋere maŋjahec mi eŋgopeneŋ
2TH 3:5 Wofuŋzi maŋŋeŋic jowame Anuture maŋ jauŋko â Kristore bumâteŋko iticnezejec.
2TH 3:6 Âgofâc, Wofuŋ-nâŋec Jesu Kristo ere micte ŋazapene mananiŋ, dâŋ qazu-ŋarembeŋ i opâ ruac gâcnezi mi reŋkehuc kosa jueŋgopieŋ, ŋic i jaŋehec mi junšepieŋ.
2TH 3:7 Nâŋe hata fuŋkerâ âte-ŋarembeŋ ijaha bâjâpec-nâponiŋte kâuc mi baŋgopieŋ. Nâŋe ŋoŋerao ojoŋ mi jumbeŋ.
2TH 3:8 Erâ ŋoŋeraonec nânâ furimâc mi nâmbeŋ, aricne, nânâ mafare micneneŋ eŋarenšipeŋte ŋafe furec mezi gie šocnehec bahuc šâic manambeŋ.
2TH 3:9 Erâ iŋuc enaŋte mi munârekicne, nâŋe qaŋeŋ-ŋopahuc fuŋne ŋowatupene nâŋere mimiŋ qâjâpec juniŋte iŋuc eŋarembeŋ.
2TH 3:10 Ŋoŋerao juhuc šiŋuc hâcne boc ŋazambeŋ: Ojoŋ juocmuzi nânâ mi nâzejec.
2TH 3:11 Eme ši ŋoŋeraonec dâŋ šiŋuc wareme manambeŋ: Ŋic gâcnezi gie-jeŋic hetârarâ qâoma erâ jueŋgopieŋ.
2TH 3:12 Ŋic iŋucne jaŋe Wofuŋ Jesu Kristore micte uŋdâŋ šiŋuc jazapene mana-jâmbâŋkenšepieŋ: Ŋezu ŋewâneŋ erâ gie-jeŋic bapie fârine fuame jaŋacneonec nânšepieŋ.
2TH 3:13 Âgofâc, ŋoŋe ine eehâmo gie tatakic tâmiric banšepieŋ.
2TH 3:14 Ʒi papiao dâŋ qâreŋke-ŋareŋgopeneŋ, i ŋic moczi qikiŋneme fuŋne-ticne mujaŋgeŋkerâ behepie buc juhuc mimiezejec.
2TH 3:15 Râsi ecneniŋte mi mukopac, âgo-nâŋec muhuc mu bâtiŋ ecnehuc tutuc qacnenšepieŋ.
2TH 3:16 Wofuŋ e wama runezi ine wama bâfua-ŋareme ŋoŋerao dameŋ sâc sâcke-fârerâ fozejec. Wofuŋ e ŋoŋehec jufârezejec.
2TH 3:17 Ʒi Paulo no nahacne mezi šâŋe qâreŋ-nane râekopac. Papia qâreŋkeekopac sâc ma izi fuaekac. Iŋuc hâcne qâreŋkeekopac.
2TH 3:18 Wofuŋ-nâŋec Jesu Kristo ere aki anonoczi ŋoŋerao fotâcnerâ fozejec.
1TI 1:1 Paulo no Anutu bâbâpiaŋ-nâŋecte micte â Kristo Jesu mamanac-nâŋecte micte Kristo Jesure aposolo juekopaczi
1TI 1:2 mitio motec jâmbâŋ-nane Timoteo go papia ši qâreŋke-garekopac. Anutu Mamac â Wofuŋ-nâŋec Kristo Jesu eraonec aki anonoc â uruc jauŋ â wama gorao fotâcnerâ fozejec.
1TI 1:3 No Makedonia mâreŋko razo ehuc gazapo iŋuc ezemec, ehuc Efeso haeo šuhuckerâ juhuc, ŋic tucnezi miti musifuckeeŋgopieŋ jaŋe qatara-jaretec behenšepieŋ.
1TI 1:4 Jaŋe nemu binaŋ bahuc ŋic gaŋne gaŋne juwefumbiŋ irec fuŋne qapie rašic wefuc eme mu qaqataranehec fuaekac. Iŋuc epie Anutu manasiŋkehuc kiŋaŋ qaqacne i wahame sâqoreekac.
1TI 1:5 Miti mumure fârine ine šiŋuc fuame sâckeocmu: Maŋtaniŋ â maŋšuruc â maŋ mamanasiŋhec juhuc maŋjauŋ bâfuazo.
1TI 1:6 Ŋic tucnezi ine miti hata i qâsorierâ dâŋ jawane fârimâc bâfuambiŋ bajuŋgopieŋ.
1TI 1:7 Erâ jaŋacnere šiŋuc mueŋgopieŋ: Nâŋe Mosere sâcmutâc dâŋ irec qaqazu, iŋuc murâ dâŋ kosa muhuc irec sasanaŋ bâfuaeŋgopieŋ.
1TI 1:8 Nâŋâc sâcmutâc dâŋte šiŋuc manaeŋgopeneŋ: I dâŋ biaŋne, erâ fuŋneticne mana-hâmohuc bajuzo.
1TI 1:9 Fuŋne-ticne ine šiŋuc fokac: Sâcmutâc dâŋ i ŋic bahacmâc jaŋere biŋe mi ekac, ŋic sindaŋne, râŋgeŋne, araŋ bapa tâmiric, sâqocne bapa, maŋwânâŋhec, šaubacne, neŋgoc mamac sisipiric, šika qaqa,
1TI 1:10 boe sau ŋic, ŋiczia ŋicko sasec gie bapa, ŋic ŋokac fiuc rocjoparâ gâcne qikiŋne-jarehuc moneŋ bâbâfua, burecŋic, Wofuŋte šâŋe muhuc burecko mumupaŋ ee, erâ wiac gâcne moc dâŋ fari biaŋ râsi ecneekac, wiac iŋucne eeŋgopieŋ jaŋere hâcne sâcmutâc dâŋ mukicne.
1TI 1:11 Anutu juju aŋac rune ere Biŋebiaŋ eri tatamacnehec tahacnukicne izi hâcne iŋuc mufuakac.
1TI 1:12 Tâpiri narehuc basanaŋnuwec Wofuŋ-nâŋec Kristo Jesu e daŋge âzâcneekopac. Eki mana-nareme sâckeme betoŋnuhuc miti gie munarewec hâcne.
1TI 1:13 Juwicnao e musoriŋkehuc ŋicfâcne râsi ejarerâ jopa qâšâic ejarehape sifu iŋuc enarewec. No Wofuŋte fuŋne kâuc bahuc mamanasiŋ-nane tâmiricte iŋuc epore akicnuwec.
1TI 1:14 Eme Wofuŋ-nâŋecte aki anonoczi norao qaja fuseme Kristo Jesuraonec mamanasiŋ â maŋjauŋhec epo.
1TI 1:15 Jesu Kristo e sâqocne bapa bâpiaŋ-nâpoocte mâreŋko wahawec, dâŋ i fârine jâmbâŋ â mâmâc sâko ro maŋ eenere sâc. Sâqocne bapa jaŋere micne no hâcne.
1TI 1:16 Eme Jesu Kristo e akicnurâ, uruc jauŋ-ticne ŋemâcne fokac, irec fuŋne norao furu jaha bataniŋkewec i mâc mâcne, ŋic šâhec mâsi i hâcne norao honerâ e manasiŋkerâ juju sanaŋko fisiniŋte iŋuc enarewec.
1TI 1:17 Juju sanaŋte Wofuŋ Sâko, mi hâhâmone â mi hohonene, Anutu sâko mocjaha hâcne, ere šâŋe biŋe â eri tatamac forašihuc juzejec sanaŋ. Jâmbomac.
1TI 1:18 Motec-nane Timoteo, qanaŋ gore findaŋdâŋ fuawec irec sâcko dâŋ mutâcne-garekicne i hâcne râe-garekopac. Go i bajuhuc momori gie biaŋ sanaŋkerâ bazemec.
1TI 1:19 Erâ mamanasiŋge fošakierâ fohame maŋge soŋaŋketec ɋaɋacnea fozejec. Ŋic tucnezi maŋɋaɋac juju râpeckembiŋte mamanasiŋ-jeŋic ŋeŋgoroŋkeme qâsoriembiŋ.
1TI 1:20 Jaŋeraonec moc Himenaio â moc Alesande, eme jahe Sataŋzi bâšâic-jofakume mumusoriŋ-jekic behenicte erao râec-jofapo.
1TI 2:1 No bâbâni dâŋ moc gaza qâmoc epe: Nunumu wâwâsic â daŋge mumuteŋ izi ŋaŋacne â ŋic gâcne sasawa dopec-jopahuc
1TI 2:2 ŋicwofuŋ â kia gawamaî mâmâc dopec-jopanšepieŋ. Eme soŋaŋ-nâpohapie wamao mâteŋne â mitine juhâmopene ŋiczi mana-nârepie fezejec.
1TI 2:3 Izi biaŋkeocmu, â bâbâpiaŋ-nâŋec Anutu e irec maname sâckeocmu.
1TI 2:4 Eki ŋic mâmâc sasawa biaŋkerâ dâŋ fâri qizecne mana maŋ eniŋte muekac hâcne.
1TI 2:5 Anutu mocjaha hâcne junârekac, erâ Anutu â ŋic ŋondeŋ-nâŋecko ŋicwirec-nâŋec mocjaha Jesu Kristo e ŋic ekicnezi junâre-fârekac.
1TI 2:6 Eki hâcne juju-ticne qikiŋnehuc mâmâc sâko kiwiric-nâŋec rowec, irec biŋezi dameŋ-ticnao haŋ baocte.
1TI 2:7 No irec biŋe mumu â aposolo jupemurâ râecnukicne, erâ ŋic qâpuc dâŋ fâri qizecne â mamanasiŋte fuŋne jaza mutâc epemurâ qaqazu gie munarekicne. Dâŋ i burec mâcne, jâmbomac mukopac.
1TI 2:8 Ŋic jaŋere mukopac, jaŋe hae sâc aaric â maŋjahec tâmiric juhuc mejeŋic ɋaɋacne foha Anuturao sicnerâ numunšepieŋ.
1TI 2:9 Á ŋokac jaŋere mukopac, jaŋe ŋaqi aickerâ rojuhuc rume rume jupie izi eri-jeŋic ezejec, â qizec susuc-jeŋicko mâsi qâreŋ ee, me eri wiac furi sâko qoqonaŋ, me ŋaqi hohonebâcne ro juju ine mi enšepieŋ.
1TI 2:10 Ŋokac mitio juzo muŋgopieŋzi eehâmo gie bapie sâckeocmu.
1TI 2:11 Ŋokac jaŋe wahamicne juhuc niniŋkerâ hazec râehuc mamana gie banšepieŋ.
1TI 2:12 Ŋokaczi qaqazu gie baocte me ŋic qâhuc-jopaocte mi manacnekopac, e mâc rumerâ juzejec.
1TI 2:13 Adam e bâbâni bâfuakicne â Ewa ine šâhec.
1TI 2:14 Adam e eesaic rune mi manacnewec, ŋokaczi ine manacnerâ qaqatara bâfuawec.
1TI 2:15 Ŋokaczi motec roro-ticnere biaŋkeocmu, ine mamanasiŋhec â maŋjauŋhec erâ maŋɋaɋac juniŋmu ŋokac i jaŋe iŋuc hâcne eniŋmu.
1TI 3:1 Moc e mitire micne bapa juocte muocmu, e gie furi sâkore ecnekac muzo, dâŋ i jâmbomac.
1TI 3:2 Eme mitire micne bapazi bahacmâc juhuc ŋokac mocjahahec juzejec, erâ maŋsowa juzejec, eesifuc tâmiric metâne juzejec, jauŋhec juzejec, qaqazu gie basarickehuc bapane,
1TI 3:3 waiŋ opâ âmbâŋ mi nâzejec, šikafac aricne, urucne â wamane juzejec, moneŋ mafare mubâre mi ezejec,
1TI 3:4 e jahacne wiacfâc sâcne soŋaŋ-jopazejec erâ pectâc juhuc naru motecfâcne mu bâtiŋ ejareme micrereŋhec junšepieŋ.
1TI 3:5 Moc e wiacfâc-ticne sâcne mi soŋaŋ-jopaocmu, e wemocko Anuture kikefuŋ mamac ejareocmu.
1TI 3:6 Erâ opâ ruac ɋâricne moczi mitire micne bapa mi juzejec, iŋucnezi penaroŋ eme Sataŋzi doc bazacte.
1TI 3:7 Ŋic ŋokac kikefuŋko mi rašimbiŋ jaŋe wâc manacnepie sâckeekac ŋic iŋucnezi mitire micne juzejec, jaŋe musoriŋkepie Sataŋzi maŋne bâsifuckeme ere bitiŋko kizacte.
1TI 3:8 Babafic jaŋe iŋuc jaha ŋic metâne junšepieŋ, nameŋ sosohoc mi junšepieŋ, waiŋ opâ nâ âmbâŋ mi enšepieŋ, moneŋ mafare mubâre mi enšepieŋ.
1TI 3:9 Miti boreŋ soŋsoŋ fowarehuc juwec i maŋɋaɋacko duckepie fozejec.
1TI 3:10 Jaŋe wâc qanaŋ ba esâic ejarezo” eme fuŋne-jeŋic hone manac epie sâckeme gie jarezo.
1TI 3:11 Ŋonâŋfâc-jeŋic jaŋe iŋuc jaha metâne junšepieŋ, gupe micko âkec mi enšepieŋ, maŋsowa juhuc wiac sasawa mu bac epie fâri fideteŋ efârezejec.
1TI 3:12 Babafic moc e ŋokac mocjahahec juzejec. Naru motecfâc-ticne â wiacfâc-ticne sâcne soŋaŋ-jopazejec.
1TI 3:13 Eme babafic moc e gie-ticne bame biaŋkeme maŋte juju šae biaŋne bâfuaocmu â Kristo Jesurao qohotahuc giere afecke-hâmoocmu.
1TI 3:14 No gorao biac fâpemurâ manasuhuc sifu kecšiŋucte dâŋ ši qâreŋke-garekopac:
1TI 3:15 Wiac moczi niŋgiŋnume jupe šorame Anuture ficko ju bac ezore fuŋne kâuc bazic. Anutu jujune ere kikefuŋfâc jaŋe hâcne ficticne erâ wâc dâŋ fâri qizecnere gumi â hobeteŋne juŋgopieŋ.
1TI 3:16 Miti-nâŋecte fuŋne qame hukicne mutaniŋkeeŋgopeneŋ i qeŋ bipinehec: E sahacko fua tâcnekicne, Mârozi fuŋne bataniŋkekicne, aŋelozi honekicne, qâpucko biŋene mukicne, mâreŋ sâc mana maŋ ekicne, eri tatamacko bafekicne.
1TI 4:1 Mâro e qanaŋ šiŋuc mujaŋgeŋkerâ muekac: Juku šâhec ŋic tucnezi miti beherâ maŋ bâsifuc bâbâfua jaŋere eeatuc dâŋko â demoŋ jaŋere burecdâŋko qohotaniŋmu.
1TI 4:2 Ine burecŋiczi maŋjeŋic šukiwic bakicnere ŋic eatuc-jopahuc šiŋuc jazaeŋgopieŋ:
1TI 4:3 “Ŋokac mi rohuc ŋicšeŋoŋ juzo â nânâ gâcne mi nâhuc irec sowa juzo.” Nânâ i Anutuzi râe-fârewec, erâ mamanasiŋhec juhuc dâŋfâri mana maŋ embeŋzi daŋge âzâcnehuc nanaŋte muwec.
1TI 4:4 Anuturaonec wiac fuakicne i biaŋne sasawa. Erâ daŋge âzâcnehuc nâ bac eeŋgopeneŋko qaqatarene mi fokac.
1TI 4:5 I Anuture dâŋzi â nunumuzi jambuŋkekicne hâcne.
1TI 4:6 Go opâ ruac dâŋ i jaza qâmoc ecmu, ine Jesu Kristore kiŋaŋŋic dâŋ rereŋhec jucmu, ehuc mamanasiŋte dâŋ â mitire dâŋfuŋne fârine mana rereŋ ewaremeŋ izi maŋgere nâqiŋ eha jucmu.
1TI 4:7 Á qeŋokac qizec dâŋ wose murarane ine qikiŋnezemec. Go Wofuŋ manasiŋkehuc jucmurâ maŋzi aafec bazemec.
1TI 4:8 Sahacte aafec gie bapa izi fâfârine, â maŋ baafeckehuc Wofuŋ manariŋ qâriŋ eecne ine fârine. Izi šira mâreŋko â juku sambâŋko juju bâfua-nâreocte mukicne.
1TI 4:9 Dâŋ i fârine jâmbâŋ â mâmâc sâko ro maŋ eenere sâc.
1TI 4:10 Irec fârine hâcne ronaŋte gie amec fâfâuc baeŋgopeneŋ, ine mumusoriŋzi fai-nâŋecko feipieha Anutu jujune ere mamanacko juhuc eeŋgopeneŋ. E hâcne mâreŋ sâc ŋic jaŋere bâbâpiaŋ juekaczi mamana hec nâŋâcne ejâmbâŋkeekac.
1TI 4:11 Dâŋ mukopac sasawa i jaza mutâc ezemec.
1TI 4:12 Go motec ɋâri jukic irec ŋic jaŋe gore manapie wawahane mi ezejec. Go maŋjauŋhec â mamanasiŋhec â maŋɋaɋachec jutec miti mumugezi â juju bapagezi opâ ruac guru hata jowatuzejec.
1TI 4:13 Woŋec-nane juhuc miti wose qazuc â jaza qâmoc ehuc juzemec.
1TI 4:14 Micne bapa jaŋe Mâroraonec dâŋ mufuahuc mejeŋic qizecgao râehuc jambuŋgumbiŋ, jambuŋ irec fârine sifucke-garezacte bâiŋ basawec ezemec.
1TI 4:15 Go irec mana mezac ehuc giege bašihuc batec fârine fuarâ fua ehuc fome hone-fârenšepieŋ.
1TI 4:16 Gahacne maŋ sahac soŋaŋkehuc mitire dâŋfuŋne furu mimic foŋareocte mâmâc soŋaŋkezemec. Go i hâcne paŋšâic bajuzemec. Iŋuc ecmuo ine dâŋge manaeŋgopieŋ jaŋe mecne â go gahacne mâmâc juju biaŋko fisiniŋmu.
1TI 5:1 Ŋicqizec moc dâŋ âzâcnemurâ fâfâcnehec mi ecnezemec, mamac-nane muhuc urucko mu tutuc ecnezemec, ŋicmotec hahac ɋafâc-nane muhuc sâcjeŋicko jaza bâtiŋ ejarezemec.
1TI 5:2 Ŋokac qizec neŋgocfâc-nane muhuc iŋuc jaha uruc jauŋdâŋ jazazemec, ŋokac sahac ɋâri seŋfâc-nane muhuc rucge bahuc dâŋ wiac jazazemec.
1TI 5:3 Hozec sâsec-jopahuc dâŋjeŋic dopeckezemec, hozec jâmbâŋ jaŋere mukopac.
1TI 5:4 Hozec moc naru motec me ŋosafâcne juniŋmu, ine jaŋe qanaŋ jaŋacne ficko miti gie bahuc ŋic ŋokac qizefâc-jeŋic jauŋ-jopanšepieŋ, ehuc juwicnao wiac ejarekicne irec tofa bazunšepieŋ. Anutu e irec maname sâckeocmu.
1TI 5:5 Hozec fârine ine e jahackoaŋ juhuc Anuturao roweckeekac, ehuc ŋafe furec nunumu wâwâsic ecneekac.
1TI 5:6 Á hozec moc sasec gie baocmu ere ine ɋâricnezi hâmocne mucnezo.
1TI 5:7 Dâŋ i wâc jaza sanaŋketec manarâ bahacmâc junšepieŋ.
1TI 5:8 Moc e wiacfâcne â soctofafâcne hone jauŋ kime dopec mi ejareocmu e miti beherâ qâpuc sanaŋ ewec mucnezo.
1TI 5:9 Hozec moc jara-ticne 60 bazuwec, erâ ŋic mocjahahec juwec, iŋucne sawa šâŋe-ticne bâmec papiao râezo.
1TI 5:10 Erâ eehâmo gie bawec me mâcne, irec fuŋne taniŋkeocte kecšiŋuc mu wioc ezo: Naru motec rocjoparâ gume jowac ejarewec me mâcne? Erao ŋic furune fisipie hezu hewâneŋ ejarewec me mâcne? Mitiŋic bâmec bajarewec me aricne? Jauŋ gie fuŋne fuŋne bawec me mâcne? Fuŋne-jeŋic iŋuc hâcne manazo.
1TI 5:11 Hozec sahac ɋâri jaŋe šâŋe-jeŋic bâmec papiao feocte mupie ine qatara-jarezemec. Iŋucne jaŋe sasecte ejareme Kristo qâoma ecnerâ ŋicte sahac bapa eeŋgopieŋ.
1TI 5:12 Erâ mârâc dâŋ mupaŋkembiŋ i qâsuapie bahacnehec eekac.
1TI 5:13 Erâ wâc gie tâmiricte ficbiri juhuc oma qâoma erâ jueŋgopieŋ, erâ i sawa mâcne, dâŋ jawane â simbiŋne kosa wosepie feekac.
1TI 5:14 Irec no šiŋuc mukopac: Hozec sahac ɋâri jaŋe ŋic mocwâc rorâ naru motec rocjoparâ dete mamac â ro rikec qâ rikec enšepieŋ. Iŋuc ehuc jupie kisâ jaŋe sâqocnere ojowa baniŋmurâ dâŋ basarâ behenšepieŋ.
1TI 5:15 Hozec gâcne jaŋe ine biac hata qâsoriembiŋ Sataŋ bâjâpeeŋgopieŋ.
1TI 5:16 Hozec moc e miti ŋokac mocte ficko juhuc gie bafickeme ine eki bâmec bacnezejec, â qâqâhâc-jeŋickonec mi rozejec, qâqâhâc-jeŋic i hozec waha qaqane jaŋere ezejec.
1TI 5:17 Soŋaŋzi gie-jeŋic bapie biaŋkeme wiac bafehuc ehâmo-jarezo, ine miti mumu â qaqazu gie paŋšâic baeŋgopieŋ jaŋe hâcne iŋuc ejarezo.
1TI 5:18 Miti papiao dâŋqâreŋ šiŋuc hâcne fokac: “Bulimakaozi gi bagarehuc sopâc kecɋaŋ nâzo mume mi sakarecnezemec.” Erâ moc šiŋuc: “Gie bapa ŋic e furi fuacneme sâckeocmu.”
1TI 5:19 Ŋic mocjahazi soŋaŋ moc dâŋko râezo mume mi manacnezemec, ŋic 2 me 3 jaŋe mupie ine manarâ giene bazemec.
1TI 5:20 Moczi bahac bâfuame âgo guru jaŋere maio mu bâtiŋ ecnetec gâcne jaŋe manahuc hâwic-jopazejec wâc.
1TI 5:21 No Anutu â Jesu Kristo ere maio â aŋelo bufuŋfâc-ticne jaŋere maio kecšiŋuc mupaŋke-garekopac: Dâŋ gaza qâmoc ekopac i aimuŋ soŋaŋkehaŋ moc mi wahazejec, ehuc maŋgere ŋic ŋokac wiac sâctiri moc mi ejarezemec.
1TI 5:22 Go ŋic miti giere fâro ehuc biac mi jambuŋ-jopazemec, jaŋere kiŋzi gore faio fezacte. Gahacne maŋ sahac soŋaŋketec ɋaɋacnea fozejec.
1TI 5:23 Go bukiki â huc šâic gâbâ egareekacte opâ sawa mi nâzemec, waiŋ opâ afecne mac nâzemec wâc.
1TI 5:24 Ŋic tucne jaŋere sâqocne i fuŋne babataniŋ dameŋ mi maickeha qanaŋ fua taniŋkeekac, tucne jaŋere soŋsoŋ foku šâhec fuaocmu.
1TI 5:25 Eme eehâmo gie i iŋuc jaha fua taniŋkeekac, â iŋuc mi eekacko soŋsoŋ foku šâhec fua taniŋkeocmu.
1TI 6:1 Kiŋaŋ qaqa juŋgopieŋ jaŋe sasawa bomboŋfâc-jeŋic sâsec-jopahuc rume-jarenšepieŋ, Anuture šâŋe biŋe babawaha â miti susure fuazacte iŋuc enšepieŋ.
1TI 6:2 Erâ bomboŋfâc-jeŋic gâcne opâ ruac jaŋe ine šiŋuc mi muhuc bawahac­ jopanšepieŋ: “Mitio sâcnâŋec mocjaha eŋgopeneŋ.” Aricne, “bomboŋfâc-nâŋec jaŋe Wofuŋ manasiŋkepie âgo jauŋ ejareekacte ehâmo-nâreeŋgopieŋ”, iŋuc muhuc kiŋaŋ maŋafec jaha qajarepie sâckeocmu. Go dâŋ i jaza mutâc ehuc faŋ qajarezemec.
1TI 6:3 Moc e dâŋ i âke sipurâ moc muhuc Wofuŋ-nâŋec Jesu Kristo ere dâŋbiaŋ qikiŋnehuc miti hatare sâcmutâc râpeckeekac ere šiŋuc muzo:
1TI 6:4 E maŋgâc erâ sahac-ticne bafehuc dâŋ giŋkeme giŋ bašihuc muraocmu, izi sasec-ticne eocmu hâcne. Eme irec iiŋguuŋ, hehefaric, mumusoriŋ, qoqoric,
1TI 6:5 erâ wâc mu qaqatarac hati fuaekac. Ŋic iŋucne jaŋe maŋjeŋic sifuckerâ mamana-jeŋic šikeme, moneŋ mafa fua-nârezejec muhuc miti bajuniŋte mueŋgopieŋ.
1TI 6:6 Miti babajuzi jâmbomac sahacte dope bâbâfua-nârene, mocjaha mukâroŋ tâmiric bajunšepeneŋ.
1TI 6:7 šiŋuc manasunšepeneŋ: Fuanaŋte mâreŋko metariŋ warembeŋ, juku hâmonaŋte iŋuc jaha metariŋ jaha ranaŋmu.
1TI 6:8 Eme irec hâcne nânâ wiac â ŋaqi qoruc fonâreme manapene sâckeha junšepeneŋ.
1TI 6:9 Moneŋ mafa sâko qâhâckezo muniŋmu, jaŋe eesâicte wiwiticko feniŋmu, erâ wiac omane fuŋne fuŋnere sasec bâfuarâ mana utuckehuc sipirickeniŋmu.
1TI 6:10 Moneŋ mafare andaczi sâqocne gâcnere jâcne hâcne. Ŋic tucnezi irec harac ehuc miti hata qâsorierâ bušâic sâko bâfuambiŋ.
1TI 6:11 Anuture ŋic go wiac iŋucne geŋkezemec. Ehuc tiŋke biaŋ erâ mitihec â mamanasiŋhec â maŋjauŋhec â sasanaŋhec â buuruchec ecmurâ irec fotac qatariezemec.
1TI 6:12 Erâ mamanasiŋte juju gie biaŋ bazemec. Baku juju sanaŋte hešakiezemec. Go irec hâcne hefârecgukicne, erâ go gahac iŋuc ecmurâ ŋic tutumaŋko mupaŋketec manambiŋ.
1TI 6:13 Anutu wiac sasawa juju bâfua-jareekac ere maio â Jesu Kristo kia Pilatorao mumupaŋ fârine muwec ere maio musanaŋke-garekopac:
1TI 6:14 Go sâcmutâc dâŋ mugarekicne i bâbâsifuc tâmiric â bâbâbiene tâmiric reŋkehuc juhaŋte Wofuŋ-nâŋec Jesu Kristo fisizejec.
1TI 6:15 Irec dameŋ maickeme juju aŋac â tâpiri buc focneekac Anutu hâcne, eki motâc rome fua taniŋkeocmu. E ŋicwofuŋ jaŋere Wofuŋ Sâko â fekicne jaŋere Fekicne.
1TI 6:16 E bucticne hâhâmo tâmiriczi, tatamac moczi moc mi rarašine irec maŋnao juekac. E ŋic moczi moc mi honekicne erâ mi honezo. Mumumbiaŋ â tâpiri focneweczi focnehuc juocmu sanaŋ. Jâmbomac.
1TI 6:17 Ŋic mâreŋte moneŋ mafa ɋâfoŋne fojarekac jaŋe jazatec sahac-jeŋic mi bafehuc wiac sisirowenere manapie izi hobeteŋne-jeŋic eme ira mi âtesiŋnenšepieŋ. Anutu e mâriri bâfua-nâreme nâ bac ehuc jueŋgopeneŋ erao âtesiŋnenšepieŋ.
1TI 6:18 Erâ mu jaretec buafec â bokifac erâ eehâmo gie bahuc mitire fârine bocjaha bâfuanšepieŋ.
1TI 6:19 Ehuc hobeteŋne-jeŋic moc fofo sanaŋ i bâfuarâ juju fârine rauckenšepieŋ.
1TI 6:20 O Timoteo, go merâfâc garekicne i soŋaŋkehuc bajuzemec. Erâ dâŋ jawane â fârimâc, ŋic gâcnezi bajuhuc šâŋene “dâŋ qame hukicne” mueŋgopieŋ, i qikiŋnezemec.
1TI 6:21 Ŋic tucnezi dâŋ ira hâcne qohotahuc mamanasiŋte hata qâsoriembiŋ. Aki anonoczi ŋoŋerao fozejec.
2TI 1:1 Paulo no Anuture micte, Kristo Jesuzi juju bâfuawec irec biŋedâŋ muiŋnepemurâ Kristo Jesure aposolo epozi
2TI 1:2 Timoteo motec biaŋ-nane gore papia ši qâreŋkekopac. Anutu Mamac â Wofuŋ-nâŋec Kristo Jesu eraonec aki anonoc, uruc jauŋ â wama gorao fotâcnerâ fozejec.
2TI 1:3 Mamac ŋosafâc-nane jaŋe maŋfâsâc juhuc tuczi tuc Anuture kiŋaŋ qawarekupie ɋâric-jeŋic noni iŋuc jaha eekopaczi daŋge âzâcnehuc nunumuo šušuhuc ŋafe furec manasucguhuc juekopac.
2TI 1:4 Nore ki busâqoc emeŋ, irec manasurâ honecguhuc bubiaŋ sâko manapemurâ enareekac.
2TI 1:5 Erâ mamanasiŋ fârine fogarekac, irec wâc manasuekopac, mamanasiŋ i hâcne mimige Loisi â neŋgocge Eunike jaherao foweczi gorao wâc fotâcnewec fokac i manakopac.
2TI 1:6 Eme no irec hâcne manasu-gararâ mupe: No menane qizecgao râepe Anutuzi jambuŋ tahacguwec i hehâroŋketec šocne fuazejec.
2TI 1:7 Ehuc šiŋuc manasuzemec: Anutu e hâbi-nâŋec goroŋkeocte mâro mi nârewec, tâpirihec â maŋ jauŋhec â maŋsowahec enaŋte nârewec.
2TI 1:8 Irec go Wofuŋ-nâŋecte biŋe mutaniŋkecmurâ mimi gaŋgaŋ mi ezemec, erâ kâpâcwâru ŋicticne nore dâŋ mucmurâ acmeruŋ wâc mi ezemec. Go Anutuzi tâpiri gareme sâc no qâsuecnurâ Biŋebiaŋte erâ šârâ hâriŋ faio juzemec.
2TI 1:9 Eki hâcne bâpiaŋ-nâporâ tiridâŋ-ticnezi hefârec-nâpowec. I biaŋ-nâŋecte mâcne, e jahac maname fowecte aki anonoc-ticnere erâ iŋuc enârewec. I mârâc jaha jâmbâŋ Kristo Jesure erâ biŋe qanârekicne.
2TI 1:10 Eme fârine fufua ine dameŋ ši bâbâpiaŋ-nâŋec Kristo Jesu wahame fua tâcnewec. Eki hâcne hâmoc qâmizierâ juju â wiac fofo sanaŋ Biŋebiaŋko bajaŋgeŋke-nârewec.
2TI 1:11 Eme no irec biŋe mumu â aposolo â qaqazu jupemurâ munarekicne.
2TI 1:12 No irec hâcne šârâ hâriŋ faio juekopac, ehuc mi mimieekopac. No manasiŋkeekopac ere maŋjahec mi eekopac, aricne, no šiŋuc manapaŋkeekopac, e tâpiriheczi šeŋaŋ-nane sâcne soŋaŋke-narehame dameŋ sâko maickezokac.
2TI 1:13 Dâŋ fârine irec biri-ticne qazu-garepo ijaha bâjâpezemec, i Kristo Jesu manasiŋkehuc â maŋzi jauŋkehuc iŋuc ezemec.
2TI 1:14 Tiri Mâro maŋnâŋecko juekac eki neŋgoc ŋegarehame miti kâdoc qârârie-garekicne, i aimuŋ soŋaŋketec fogarezejec.
2TI 1:15 Asia mâreŋko behecnu-fârembiŋ i manameŋ, Figelo â Hemogene jahe mâmâc.
2TI 1:16 Wofuŋ e Onesiforo ere wiacfâc maŋuruc qajarezejec. Mamac-jeŋiczi kâpâcwâru ŋic nore mi takickeha bubiaŋ hati qanarehuc juwec.
2TI 1:17 E Roma haeo fisirâ šoɋac basacnuku bâfuacnuwec.
2TI 1:18 Wofuŋzi manaha dameŋ sâko Wofuŋtao uruc jauŋ bâfuazejec. E Efesoo wâc kiŋaŋ qaqa gie wemo afecne bawec i go gahac hone manac emeŋ.
2TI 2:1 Kristo Jesuzi aki anonoc tahacguwec i go motec-nanezi bajuhuc qabocge qame huzejec
2TI 2:2 Ŋic bocjahazi hone manac ehapie gie gaza gowatuc epo, gie i hâcne ŋic tucne Wofuŋte hatao jueŋgopieŋ â miti munusuŋkeniŋte tâpiri fojarekac iŋucne jaŋe qazu-jaretec banšepieŋ wâc
2TI 2:3 Go Kristo Jesure momori ŋic sanaŋne juhuc irec šârâ hâriŋ kâdocge rocmurâ mi takicguzejec.
2TI 2:4 Moc e momori gie baocmuzi wemocko sahackopec gie fuŋne fuŋne ameckeocmu. E momori jaŋere birio râeweczi wiac honeme sâckeocmu i sawa eocte muocmu.
2TI 2:5 Moc e sisiric gie bahuc sâcmutâc qâsuaocmuzi furine mi roocmu.
2TI 2:6 Moc e he sarac ehuc šâic-ticne manaocmuzi nânâ fârine micne barâ bâsurâ nâme sâckeocmu.
2TI 2:7 Dâŋ gazakopac i manatâc qâtâc ezemec. Wofuŋ eki maŋge bâwiŋkeme mana tara-fârezemec.
2TI 2:8 Go Jesu Kristore mamanac juzemec” e Dawidire ɋâriczi hâmockonec ɋârerâ faharewec” Biŋebiaŋ-ticne iŋuc hâcne muekopac.
2TI 2:9 Biŋebiaŋ irec erâ šâic fâro manaekopac, erâ wâc sâqocne bapa iŋucne niŋgiŋnumbiŋ ŋekopac Anuture dâŋ ine mi niŋgiŋkekicne.
2TI 2:10 No šâic gie sasawa i Anutu bâwosâefâc-ticne jaŋere erâ ŋetâcneekopac, jaŋe Kristo Jesure bâbâpiaŋzi ŋihe umbiŋ ejareha eri tatamac fofone mâmâc rauckeniŋte iŋuc eekopac hâcne
2TI 2:11 Dâŋ šiŋuc fokac i jâmbomac: Ere hâmocko šuhuckembeŋko juju-ticnao iŋuc jaha šuhuckenaŋmu,
2TI 2:12 šâic mana takirenaŋmuo ehec guriŋ bapa gie wâc banaŋmu. E mic banaŋmuo eki iŋuc jaha mic bacnâpoocmu.
2TI 2:13 Mumupaŋ-nâŋeczi dockeocmuo ere mumupaŋzi sanaŋkeocmu. Moc murâ moc mu i erao mi fokac.
2TI 2:14 Go dâŋ i heɋâre-jarerâ Anuture maio mujomirehuc jaza sanaŋketec dâŋ racnere mu iigoc mi enšepieŋ. I wiac fârimâc, iŋuc ehuc miti mamana sipiric-jopaniŋmu.
2TI 2:15 Anutuzi mana-gareme sâckeocte šoɋachec juhuc giege bazemec, ehuc dâŋ fâri qizecne fâretiŋ jaha mujaŋgeŋkehuc jutec mimizi gieŋic gore faio mi fezejec.
2TI 2:16 Á dâŋ jawanere ojowane bapie mi bafic-jopazemec. Iŋuc eeŋgopieŋzi eraku miti beheniŋmu.
2TI 2:17 Burecdâŋ-jeŋiczi biac wicbâroŋ iŋucne erâ ŋedâmâreocmu. Ŋic iŋucne jaŋeraonec moc Himenaio â moc Fileto.
2TI 2:18 Jahe dâŋ fâri beherâ mukopirec, fafahare i biac fuawec. Iŋuc muhuc ŋic gâcne miti ba imac ejarekopirec.
2TI 2:19 Anutuzi qânâ wâtuŋ râeme huwec ine qiŋ herâ domakac. Maqâreŋ-ticne šiŋuc fokac: Wofuŋzi biŋefâc-ticne šâŋitac-jopaekac Erâ moc šiŋuc “Wofuŋte šâŋe bajuŋgopieŋ jaŋe šeŋgoma bâbâsifuc râpeckenšepieŋ.”
2TI 2:20 Ufuŋ sâkoo râqâc wiac goì â siliwazi bakicne i sawa mâcne, jâczi â mâreŋzi bakicne i mâmâc ŋekac. Râqâc gâcnao wiac furi sâkozi huocmu. gâcnao wiac omanezi huocmu.
2TI 2:21 Moc e bâbâsifuc wiac qikiŋneme maŋne ɋaɋackeme râqâc furi sâko eme ufuŋ runezi jambuŋkerâ bajuhuc izi gie biaŋ fuŋne fuŋne baocmu.
2TI 2:22 Socɋârizi wiac fuŋne fuŋnere andac eeŋgopieŋ i bâec bazemec. Ehuc maŋjeŋic biaŋkekicnezi Wofuŋ mu wâwâsic ecneeŋgopieŋ jaŋe bafic-jopatec tiŋke biaŋ eere â mamanasiŋte â maŋjauŋte â wamare henširiŋnenšepieŋ.
2TI 2:23 Mugufuc dâŋ mutucne â racne igockezemec, irec fârine mu qaqatarac sawa fuaekac i manakic.
2TI 2:24 Wofuŋte kiŋaŋŋiczi mu hehefaric mi ezejec, e ŋic sasawa âgo ejarehuc miti micafec qazu-jarezejec, â pepecne ecnepie wiac aaricko mi ejarezejec”
2TI 2:25 erâ ŋic maŋrâŋgeŋ ine urucko mu bâtiŋ ejareme Anutu e jahac moc bawahac-jopame maŋjeŋic bârisierâ dâŋfâri šâŋitanšepieŋ.
2TI 2:26 Eme maŋjeŋic uŋtome, Sataŋte dâŋ reŋkeniŋte wiwitic-ticnao kicjopawec i hetaranšepieŋ.
2TI 3:1 Go šiŋuc manazemec: Dameŋ tarazo eha sâqocnezi sawe mâririackeocmu.
2TI 3:2 Ŋic kecšiŋucne juniŋmu hâcne: Jaŋe jaŋacnere sawa manoniehuc juju, moneŋ sasec, ruruc bâbâcne, sahac mumuteŋ, musurecne, neŋgoc mamac dâŋ qaqatara, nâme nikecne, araŋ bapa tâmiric,
2TI 3:3 maŋjauŋ tâmiric, kiŋ babaju, micko âkechec, nâ areŋne, qicqucne, wiac biaŋne qaqaisoc,
2TI 3:4 docbapa, enšaŋaucne, pepecne, sasecte aŋac kâcɋene bajuhuc Anuture aŋac mi mamana,
2TI 3:5 sahaczi miti hawari juhuc mitio sasanaŋ tâmiric juju. Iŋucne hâcne jupie honec-joparâ râpec-jopazemec.
2TI 3:6 Ŋic mukopac jaŋeraonec tucnezi kamierâ ficbiri juhuc ŋokac kosane, bahac fuŋne fuŋne bâfuambiŋ â saseczi ejareme ra qa ware qa eeŋgopieŋ, iŋucnezi jaŋere eniŋte mu bâdoc ejareeŋgopieŋ”
2TI 3:7 ŋokac dameŋ sâc mamana gie bahuc dâŋ fâri qizecnere fuŋne mi mana taraeŋgopieŋ iŋucne hâcne.
2TI 3:8 Mârâc jaha Jaŋe â Jambere jahe Mosere dâŋ bawahapic, iŋuc jaha ŋic mukopac jaŋe maŋjeŋic sifuckekicnere mamanasiŋte hata kâuc bahuc mutuc eeŋgopieŋ.
2TI 3:9 Erâ wiac eejeŋic wemocko boc efeniŋmu. Mutuc-jeŋicte fuŋne taniŋkeme ŋic sasawa hone-fâreniŋmu, Jaŋe Jambere jaherao fuawec iŋuc.
2TI 3:10 Go jupe juju-nanezi ine miti mumu-nane, juju-nane, giebapa-nane, mamanasiŋ-nane, buuruc-nane, maŋjauŋ-nane, sasanaŋ-nane,
2TI 3:11 fific guguriŋ-nane â šârâ hâriŋ-nane, irec hatane âtehuc bâjâpecnuekic. Antiokia haeo â Ikonioŋ haeo â Listera haeo fific guguriŋ enarepie šâic serereŋ mo iŋucne manapo¡ Eme Wofuŋzi sifu wiac iŋucnaonec bataracnuwec.
2TI 3:12 Erâ ŋic gâcne wâc Kristo Jesurao qohotahuc miti hata âteniŋmu jaŋe mâmâc fific guguriŋ fua-jare-fâreocmu.
2TI 3:13 Ŋic repicne â eeatucne jaŋe ine jaŋacnao â gâcne jaŋerao eeatuc gie bafeku repire sanaŋkeniŋmu.
2TI 3:14 Go ine dâŋ qazu-garekicne â maŋge ekicne ira qohotahuc juzemec. Dâŋ moraonec romeŋ i kâuc mi bakomec.
2TI 3:15 Erâ go ɋieocnecteaŋ tiri papia wose manac ewefuhuc juekicte izi maŋge batamaeha Kristo Jesu manasiŋkehuc bâbâpiaŋ sâcne bâfuacmu.
2TI 3:16 Miti papia i Anutu Mâro-ticnere qafeŋko fua-fârewec, eme irec wose manac epene mitire fuŋne qazu-nâreekac â mu tutuc enâreekac â mu bâtiŋ enâreekac â tiŋne hata nâwotuekac.
2TI 3:17 Iŋuc enârehuc bašawiec-nâpokume nâŋâc Anuture ŋicfâri erâ eehâmo gie fuŋne fuŋne sâcne bâfuanaŋmu.
2TI 4:1 No Anuture maio â Kristo Jesu, juku Wofuŋ tâpirihec fisirâ ɋâricne â hâmokicne dâŋnâŋec mutaraocmu, ere maio gazapaŋkepe manac:
2TI 4:2 Go miti muminširiŋkezemec, ehuc ŋic irec ejareha me mi ejareha ɋicwânšâŋ jaha jazazemec. Erâ ŋic mu tutuc â mu bâtiŋ â mu sawaŋ ejarehuc qaqazu giege uneŋko tatakic tâmiric bazemec.
2TI 4:3 Juku dameŋ moc maickeme miti riucdâŋ manapie joŋtaweme qikiŋneniŋmu. Qikiŋnerâ miti hazecte nâpene-jeŋic sawa eme qaqazu mana wosâc ejarepie maŋjeŋic sâckeme iŋucnea guruhec rocjopaniŋmu.
2TI 4:4 Ehuc mitidâŋ fârine râpeckerâ nemu binaŋko qohotaniŋmu.
2TI 4:5 Go ine dameŋ sâc maŋtiec juzemec, šârâ hâriŋzi faigao feme sanaŋkezemec, Biŋebiaŋ muromackezemec, gie mugarekicne i basarickezemec.
2TI 4:6 No ine biac due bazo ekopac, rara dameŋ-nane bembeŋkekac.
2TI 4:7 No juju gie biaŋ batarakopac, hata-nane âte wareku mao fisikopac, mamanasiŋ-nane soŋaŋkehape mi ŋeŋgoroŋkewec.
2TI 4:8 Eme ši sambâŋte eri hendiŋ biŋe-nane râekicne fokac, i juku dameŋ sâkoo Wofuŋ, mumutara tiŋne eki narezokac, erâ no sawa mâcne, fifisi-ticnere aŋac-jopaha jueŋgopieŋ jaŋe mâmâc jarezokac.
2TI 4:9 Go fâro barâ norao biac warezemec.
2TI 4:10 Dema e mâreŋkopec wiac irec mana kikiwerâ behecnurâ Tesalonike haeo fâwec, Kereske e Galatiao rawec, â Tito e Dalimatia mâreŋko fâwec.
2TI 4:11 Ʒi Lukahec buc jukoperec. Mareko jowatec mâmâc warezepirec. E giere sâcne baficnuocmu.
2TI 4:12 Tikiko ine sorepe Efeso haeo fâwec.
2TI 4:13 Warezo ehuc hata ŋaqi-nane Troa haeo Karpo ere ficko hetarapo i bawarezemec, erâ papia-nane qizecne â rehacne mâmâc amecke warezemec.
2TI 4:14 Aeŋzi wiac bapa ŋic Alesande e sâqocne bocjaha enarewec, irec Wofuŋzi juku okacne bazucneocmu.
2TI 4:15 Dâŋnâŋec mâretec ro waha âte ewec. Go ere sawaŋge qazemec.
2TI 4:16 Dâŋgie-nane bâbâni fuawec dameŋ ira âgo moczi dâŋte mi baficnuwec, aricne, jaŋe behecnu-fârembiŋ” kiŋjeŋic mi fojarezejec.
2TI 4:17 Wofuŋ eki ine miti musawe tarape qâpuc jaŋe mana-fâreniŋte dopecnurâ basanaŋnuwec, ehuc laioŋte mickonec bataracnuwec.
2TI 4:18 Wofuŋ e sâqocne irec me irec ŋezicnurâ sambâŋ uucmaŋ-ticnao râecnuocmu. Erao eri tatamac forahuc juzejec sanaŋ. Jâmbomac.
2TI 4:19 No Prisika â Aqila â Onesiforo wiacfâc-ticne mâmâc manasu-jare-fârekopac, i jazazemec.
2TI 4:20 Erasto e Korinti haeo juwec â Trofimo e huc bame Milete haeo hetarapo.
2TI 4:21 Go hoemaŋ dameŋ mi maickeha biac warezemec. Eubulozi manasu-garekac, erâ wâc Pudeŋ â Lino â Klaudia â âgo sasawa jaŋe iŋuc jaha manasu-gareŋgopieŋ.
2TI 4:22 Wofuŋzi maŋ qâqâtâcgehec juzejec. Aki anonoczi ŋoŋerao fozejec.
TIT 1:1 Paulo, Anuture kiŋaŋŋic â Jesu Kristore aposolo, no gie munarekicne i Anuture bâwosâecfâc jaŋe mamanasiŋhec eniŋte â dâŋ fâri qizecne mitio fokac i mana taraniŋte”
TIT 1:2 ehuc juju sanaŋte biŋedâŋ, Anutu burec tâmiriczi mârâc jaha dameŋ mi fowecko muwec, i manahuc juju sanaŋ worickehuc juniŋte.
TIT 1:3 Dâŋticne i hâcne dameŋ-ticnao mufuahuc Anutu bâbâpiaŋ-nâŋeczi noni muromackepemurâ mupaŋke-narewec.
TIT 1:4 Eme mamanasiŋ wirec fonârekacte motec jâmbâŋ-nane jukomec Tito go hâcne papia ši râe-garekopac. Anutu Mamac â bâbâpiaŋ-nâŋec Kristo Jesu eraonec aki anonoc â wama gorao fotâcnerâ fozejec.
TIT 1:5 Gie tofane fokac i bataracmurâ Kreta nucko hetaracgupo, irec gazapo iŋuc ehuc hae sâc soŋaŋ râec-jopa razemec.
TIT 1:6 Ŋic moc bahac fâsâc â ŋokac mocjahahec juocmu, erâ naru motecfâcne mitihec â šaubac tâmiric â pepecne tâmiric juniŋmu, ŋic iŋucne râec-jopazemec.
TIT 1:7 Micne bapa moc e Anuture gie soŋaŋkeekaczi bahacmâc juzejec, ehuc pepecne tâmiric â šâšâicne tâmiric â waiŋ âmbâŋ mi nânâ â šikare aafec tâmiric â moneŋ mafare sasec tâmiric, iŋuc juzejec.
TIT 1:8 Erâ jauŋhec â wiac biaŋne sasawa dodopecke â wama ruaine, tiŋne, araŋ bapanehec â sowa bâtâchec juzejec.
TIT 1:9 Mitidâŋ mu qaqazuc ehuc hatane basanaŋkekicne i paŋnea bajuzejec. Eme izi tâpiri râcneme dâŋ fâri biaŋ ŋic qazu-jarehuc mu sawaŋ ejarezejec â miti âke sipueŋgopieŋ jaŋere dâŋ bawahazejec.
TIT 1:10 Ŋic bocjahazi râŋgeŋne â dâŋ racne mumu â eeatuc-jeŋichec juŋgopieŋ, Judaŋiczi opâ ruac jaŋerao wemo afecnezi iŋuc juŋgopieŋ.
TIT 1:11 Ŋic izi hâcne moneŋ mafare erâ, mumusifuc-jeŋic qatarakicne i musawehuc garikiŋ gâcne furu jaha ba sipiric ejareeŋgopieŋ” ŋic iŋucne jaŋere mic qâbâzickezo.
TIT 1:12 Kreta jaŋacne porofete moczi šiŋuc muwec: “Kreta ŋic jaŋe burec hati, qowi mimicne â wiac âmbâŋ nânâ.”
TIT 1:13 No dâŋ i manape jâmbomac ekac. Irec go mu bâtiŋ sanaŋne ejaretec mamanasiŋzi bâɋârec-jopame ɋiɋic qanšepieŋ.
TIT 1:14 Ehuc Judaŋic jaŋere mamana gufuc dâŋ racne â ŋic dâŋfâri râpeckembiŋ jaŋere sâcmutâc dâŋ mi mananšepieŋ.
TIT 1:15 Maŋɋaɋachec jueŋgopieŋzi wiac sasaware manapie ɋaɋacne eekac. Á sâqocnezi maŋjeŋic bâbiekume mamanasiŋ tâmiric embiŋ jueŋgopieŋ, jaŋe ine mamana â maŋjeŋic mâmâc wâwânâŋhec efârewecte wiac mocte manapie ɋaɋacne mi eekac.
TIT 1:16 Jaŋe, Anuture fuŋne manaeŋgopeneŋ, miczi iŋuc muhapie eebapa-jeŋiczi ine mickeekac. Jaŋe ŋic mamakâcne â dâŋ qaqatara, â gie biaŋne moc bapanere sâc mâcne.
TIT 2:1 Go ine miti riucdâŋ fokac irec sâcko jaza mutâc ezemec.
TIT 2:2 Ehuc mutec ŋic kâcɋene jaŋe sowa bâtâc â metâne â wama ruaine jupie mamanasiŋ â maŋjauŋ â maŋuruc furu fojarezejec.
TIT 2:3 Erâ ŋokac kâcɋene iŋuc jaha jazatec miti ŋokac fârine erâ gupe micko âkec tâmiric â nârâmbe tâmiric juhuc juju biaŋte qaqazu enšepieŋ.
TIT 2:4 Ehuc ŋokac socɋâri jaza mutâc epie ŋowe ɋiefâc-jeŋic jauŋ biaŋne ejarenšepieŋ.
TIT 2:5 Erâ mimihec erâ sasec tâmiric juhuc nâ qofac â wiac bâpiaŋke emasaŋ ehuc ŋowefâc-jeŋic sâsec-jopanšepieŋ. I Anuture dâŋ susure fuazacte iŋuc enšepieŋ.
TIT 2:6 Ŋicmotec iŋuc jaha esoc-jopatec sowa bâtâc-jeŋichec junšepieŋ.
TIT 2:7 Ehuc go gahac wiac biaŋne sasawa irec micne bajarehuc eehâmo gie batec honerâ bâjâpecgunšepieŋ. Miti mutiŋnehuc â bâmâckehuc jazazemec.
TIT 2:8 Erâ hata sanaŋ fokac irec sâcko musaricketec kisâ jaŋere maŋ henšaŋneme jaŋe burec enâreniŋte dâŋ basarâ behenšepieŋ.
TIT 2:9 Kiŋaŋ qaqa jazatec bomboŋfâc-jeŋic jaŋere dâŋ reŋke-fârehuc kiŋaŋ biaŋne qajarenšepieŋ, ehuc micjeŋicko mi ronšepieŋ.
TIT 2:10 Erâ fiuc serereŋ tâmiric juhuc wiac-jeŋic hone qâzuc ehâmonšepieŋ. Iŋuc ehuc bâbâpiaŋ-nâŋec Anutu dâŋticne ba eric ecneniŋmu.
TIT 2:11 Mâreŋ sâc ŋic biaŋkenaŋte Anuture aki anonoczi bâtâcne bâtimuŋ ewec.
TIT 2:12 Erâ izi bâfiriec-nâpohuc bâtiŋ-nâpohame qâpuc hata â wiac jawanere andac i qikiŋnerâ mâreŋ šira wama ruaine â tiŋne â mitine junšepeneŋ.
TIT 2:13 Iŋuc juhuc Anutu sâko â bâbâpiaŋ-nâŋec Kristo Jesu ere eri tatamac fua tâcneme juju aŋacko fisinaŋte irec mamanac junšepeneŋ.
TIT 2:14 Eki hâcne nâŋâcnere due bahuc sindaŋkonec bâhoc-nâpowec, erâ fuŋfuŋfâc-ticne juhuc mitire fârine šoɋac erâ bâfuanaŋte šure bâpiaŋ enârewec.
TIT 2:15 Go paŋšâic erâ dâŋ i hâcne jazahuc mu sawaŋ â mu bâtiŋ ejarezemec. Ŋic jaŋe go mi hucgunšepieŋ.
TIT 3:1 Go dâŋ heɋâre-jarehuc jazatec ŋic jaŋe kia gawamaî â fekicne araŋ bajarehuc dâŋjeŋic reŋkenšepieŋ, erâ gie biaŋne fuŋne fuŋne fokac irec afeckerâ banšepieŋ.
TIT 3:2 Erâ mumusoriŋ â dâŋ mumuc mi enšepieŋ. Aricne, wamane juhuc ŋic maŋuruc ejare-fârenšepieŋ.
TIT 3:3 Nâŋâc mârâc jaha iŋuc jaha maŋmutuc erâ râŋgeŋne juhuc qac qâsoric ejumbeneŋ. Erâ sasec fuŋne fuŋne irec kiŋaŋ qahuc sindaŋ â iiŋguuŋ bâfuarâ mamakâcne erâ kikisuec ejumbeneŋ.
TIT 3:4 Izi šâhec ine bâbâpiaŋ-nâŋec Anutu uruc jauŋ â buafec-ticne fua tâcneme
TIT 3:5 eki nâŋâc tiŋne juhuc gie moc bambeŋte mâcne, buuruc-ticnere erâ juju ɋârire opâzi â Tiri Mâroraonec fufua ɋâricnezi bâpiaŋ-nâpowec.
TIT 3:6 E bâbâpiaŋ-nâŋec Jesu Kristore erâ Tiri Mâro afecne mi qoŋgiŋke-nârewec.
TIT 3:7 I nâŋâc Kristore aki anonocte erâ kiŋnâŋec fâsâeme juju sanaŋte mamanac juku rauckenaŋte iŋuc enârewec.
TIT 3:8 Dâŋ i jâmbomac, eme go ɋicwânšâŋ erâ âkendâŋnetec Anutu manasiŋkeeŋgopieŋzi eehâmo gie baniŋte šoɋac enšepieŋ. I wiac biaŋne, i epie ŋic jauŋ bacjopaocmu.
TIT 3:9 Á mugufuc dâŋ jawane â fuŋne qaqa dâŋbiri â sâcmutâc dâŋte mu qaqatarac â bac bârisic ine geŋkezemec. I wiac racne â fârimâc.
TIT 3:10 Ŋic hâme âkefâucne moc uŋdâŋ mocjaha me jajahec âzâcnetecne qikiŋneme behetec buc juzejec.
TIT 3:11 Go manakic, ŋic iŋucne e qaqaharicne, maŋnezi mumu hehec ecne-bipieha sâqocne baekac.
TIT 3:12 No Atema me Tikiko sorepe gorao fâ fisime biac Nikopoli haeo ware bâfuacnuzemec, no hae ira hâcne hoemaŋko juzo mukopac.
TIT 3:13 Sâcmutâc mamana ŋic Ʒena â Apolo jahe miti kiŋaŋ ranicte nânâ mafa wiac bâmocke-jactetec wiac mi basahuc bititiezepirec.
TIT 3:14 Ŋicfâc-nâŋec jaŋe wâc eehâmo gie baku maŋjeŋic ezejec, eme sahacte dope babasa fuaocmu sâc jauŋ gie bapie miti-jeŋiczi fârinehec ezejec.
TIT 3:15 Ŋic nohec jueŋgopieŋ jaŋe sasawa go manasu-gareŋgopieŋ. Mitio âgo enâreeŋgopieŋ jaŋe manasu-jareŋgopeneŋ irec wâc jazazemec. Aki anonoczi sâcŋopa-fârezejec.
PHM 1:1 Paulo, Kristo Jesure kâpâcwâru ŋic no, â âgo-nâŋec Timoteo, nâhe Filemoŋ joroc babafic-nâhec gore papia ši râekoperec”
PHM 1:2 erâ wâc ŋokac âgo-nâhec Apia â momori âgo-nâhec Akipo, erâ Filemoŋ gore ficko mitire tumaŋneeŋgopieŋ ŋoŋere mâmâc râekoperec.
PHM 1:3 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.
PHM 1:4 No nunumuo gore manasuhuc sâc Anutu-nane daŋge âzâcneekopac.
PHM 1:5 Go Wofuŋ Jesurao â mitiŋic jaŋerao maŋge domakac â jaŋere mamanac juekic irec biŋe manakopac hâcne.
PHM 1:6 Eme go mamanasiŋko nâŋehec maŋ mocjaha emeŋte wiac biaŋne Kristoraonec fua-nârewec fokac i sasawa mana taracmurâ numuekopac.
PHM 1:7 Âgo-nane,go mitiŋic bubiaŋ qajareekomec, irec no maŋjauŋgere bunane urueme wemo afecne šeri epo.
PHM 1:8 Go wiac ecmurâ i no Kristore micte mupaŋke-garezo murâ sâcne afeckerâ ezapo,
PHM 1:9 erâ sifu maŋjauŋte erâ mâc mu hemunaŋ egarehuc mupe” ŋicqizec Paulo no hâcne, erâ dameŋ ši wâc Kristo Jesure kâpâcwâru ŋic epozi,
PHM 1:10 no motec-mae Onesimo, kâpâcwâru ficko juhape fua-narewec, ere gazakopac.
PHM 1:11 E mârâcko jugareme mi sâckewec, ši ine no â go mâmâc junâcteme sâckekac.
PHM 1:12 Buhândâŋ-nane e hâcne sifu bârisie-garepe fakac
PHM 1:13 No Biŋebiaŋte erâ kâpâcwâru ficko ŋehape gore âkehoc kiŋaŋ qanareocte sakarezo mupo.
PHM 1:14 Erâ go mi manahaŋtecne sakarepe urucko mâcne, jâiŋko qikiŋne-narezicte manabâc ehuc bârisie-garekopac.
PHM 1:15 Behecgume e tâmiric piticne jumeŋ, i fuŋne šiŋucte mecne, risie-garerâ gohec jusanaŋkeocte.
PHM 1:16 Kiŋaŋ qaqage sawa mâcne, mitio âgoge erâ juocte fagarekac. No hâcne iŋucne junarewec, â go ine fehuc jugareocmu i šiŋucte: Sahaczi gore juweczi Wofuŋte erâ bufuŋge ekac.
PHM 1:17 Go nore manatec âgoge ekopacko ine e hefârockehuc manatec Paulo hefârockekopac ezejec.
PHM 1:18 Wiac moc sipiricke-garewecko me tofage moc erao fokacko ine nore muzemec.
PHM 1:19 Paulo no hâcne ši qâreŋke-garekopac, okacne bazu-garepemu. No nahacne tofa wâc gorao kâcɋene fokac, noraonec hâcne fuameŋ i” erâ irec wemocte boc mupemu.
PHM 1:20 Âgo-nane, go Wofuŋte erâ wiac buafec tahacnucmurâ enarekac. Kristore erâ bubiaŋ qanarezemec.
PHM 1:21 Go micrereŋge fokac i manahuc dâŋ ši qâreŋke-garekopac. Erâ manakopac, gazakopac i sawa mi ehuc maŋgere gâcne šuhuckecmu.
PHM 1:22 Ŋoŋe nunumuzi bataracnupie Wofuŋzi no bâriesiecnu-ŋareme fâpemurâ mukopac, eme go irec ŋeŋe hewâneŋke-narezemec.
PHM 1:23 Kristo Jesure kâpâcwâru ŋic âgo-nane Epafra e manasu-garekac.
PHM 1:24 Erâ babaficfâc-nane Mareko, Aristako, Dema â Luka jaŋe iŋuc jaha manasu-gareŋgopieŋ.
PHM 1:25 Wofuŋ Jesu Kristo ere aki anonoczi maŋŋeŋicko fozejec.
HEB 1:1 Anutu e mârâc jaha porofete ejareme jaŋe mimiŋnefâc-nâŋec dâŋ hawarine fuŋne fuŋne â hatane fuŋne fuŋne jaza warekuhapie
HEB 1:2 ine šâhec tataranao, dameŋ šira hâcne, Ŋokâ ecneme dâŋ nâzâwec. ŋokâ e wiac sasawa irec rune juocte mucnewec, ehec hâcne wiac bâfua-fârepic.
HEB 1:3 Anutu eri tatamac-ticnere qâreŋ erao fuawec fokacte â ju ju-ticnere sâc juekacte tâpiri dâŋticnezi wiac sasawa dope siŋsiŋ ecneha foekac. Eki sâqocne šure bataniŋ gie bafârerâ faic fekicne sâko ere fâreo fewec ŋekac.
HEB 1:4 Aŋelo hucjopa-fârewec jukac, irec sâcko aŋelo šâŋe siricke-fârehuc šâŋe fekicne hotâckewec.
HEB 1:5 Anutuzi mo aŋelo mo kecšiŋuc moc âzâcnewec: “Go hâcne ŋokâ-nane, no miŋecgac bâfuacgukopac”? Me kecšiŋuc: “Noni Mamac ecnerâ jupemu â eki Ŋokâ enarerâ juzejec”?
HEB 1:6 Moc ine juku mârâc fufua e mâreŋko râeme wahaocmu irec dâŋ šiŋuc muwec: “Anuture aŋelofâc jaŋe dieŋzi hecne-fârenšepieŋ.”
HEB 1:7 Aŋelo jaŋere kecšiŋuc mukicne: “E aŋelofâcne hawari-jeŋic bâtikieme mâŋâŋ eeŋgopieŋ, â kiŋaŋ qaqafâcne hawari-jeŋic bâtikieme šocbâruŋ eeŋgopieŋ
HEB 1:8 Ŋokâre ine šiŋuc mukicne: “Anutu go ŋicwofuŋ ŋeŋege i ŋeŋe sanaŋ ŋerašihuc juocmu, â ŋicwofuŋ gunuge i bâbâtiŋ gunu biaŋ.
HEB 1:9 Go tiŋnere egareekac â hehesic ine râsi ecneekic. Irec Anutu, gore Anutu, eki šeri wokemaŋ rua-garewec, i âgofâcge jaŋere sâc jâuruhuc rua-garewec.”
HEB 1:10 Moc šiŋuc mucnekicne: “Wofuŋ go fufuŋkenao mâreŋte hobeteŋ râemeŋ, â sambâŋne sambâŋne jaŋe megere qâreŋ.
HEB 1:11 Jaŋe siroweniŋmu, go ine jusanaŋkekic, jaŋe ŋaqi iŋucne raŋɋaŋkeniŋmu.
HEB 1:12 Ŋaqi iŋucne epie goki bataforiec-jopacmu, eme jaŋe hawari moc eniŋmu. Goki ine juekic ijaha juekic, â jara dameŋge i moc mi taraocmu.”
HEB 1:13 Anutu e mo aŋelo mo šiŋuc moc âzâcnewec: “Ware fâre-naneo ŋehaŋtec râsifâcge guruc-jopape kikegere ââtesiŋ enšepieŋ”?
HEB 1:14 Aŋelo sasawa jaŋe mârozi kiŋaŋ qaqa, ŋic bâbâpiaŋ rauckeniŋte mukicne jaŋe bafic-jopaniŋte sorec-jopakicne.
HEB 2:1 Irec nâŋâc ma bâtirinšipeŋte dâŋ manambeŋ i mocwâc paŋšâic mana sakac enšepeneŋ.
HEB 2:2 Aŋelo mickonec dâŋ mukicne i mupaŋkekicne, eme huhucke â qaqatara fuame okacnehec ejujec,
HEB 2:3 izi wemocko bâbâpiaŋ dâŋ fekicne qikiŋnepene okacmâc foocmu? I Wofuŋ e jahac qanaŋ mufuawec, eme hazec fâri-jeŋiczi manambiŋ jaŋe muwarekupie sanaŋke-nârewec.
HEB 2:4 Ehame Anutu e jahac wâc mâsi â tâpiri wiac šâŋe furu bâfuahuc dâŋ i dopeckehuc Tiri Mârore taha biaŋ manawec sâc kâdoc qajarehuc feŋeŋ râecnewec.
HEB 2:5 Hae mâreŋ šâhec fuaocmu, dâŋne muŋgopeneŋ hâcne, i Anutuzi aŋelo jaŋe guriŋne baniŋte mi muwec.
HEB 2:6 Mitiŋic moczi irec dâŋ mutaniŋkewec ine šiŋuc: “Go ŋic e wemomac-ticnere manasucneekic, â ŋicte ɋâric e wemo-ticnere hone maiŋ ecneekic?
HEB 2:7 Go dameŋ ŋondeŋ bembeŋne mac aŋelo jaŋere wahamicnao juocte mucnemeŋ, go tatamac â šâŋe biŋezi erickemeŋ,
HEB 2:8 ehuc wiac sasawa kike-ticnere rurumaŋko râemeŋ.” Anutu e wiac sasawa ŋicte rurumaŋko râewec, i bâtâc mi bahuc wiac furu jaha qikiŋnecne-fârewec ekac. Dameŋ šiŋuczia ine wiac šeŋgoma ŋicte rurumaŋko guruckekicne i mi honeeŋgopeneŋ.
HEB 2:9 Jesu ine honeŋgopeneŋ, e dameŋ ŋondeŋ bembeŋne mac aŋelo jaŋere wahamicne juhuc hâmocte šâic manawecte tatamac â šâŋe biŋe tahackekicne hâporâ jukac. E Anutuzi aki anonoc enâreocte mume hâmoc hâtâne ŋic sasawa nâŋâcnere erâ manawec hâcne.
HEB 2:10 Wiac sasawa irec rune â bâbâfua e naru motecfâcne bocjaha eri tatamac-ticnao jowac-jopaocte manasuhuc bâbâpiaŋ-jeŋicte micne bapa e šâic serereŋ gie baku mao fisiocte mucnewec i sâcke-hâmowec.
HEB 2:11 Eme maŋfuru bacjopakac e mecne â furu bacjopakicne jaŋe mecne Mamac-jeŋic mocjaha, irec ɋafâc-nane mujareocte maname mi quŋkeekac.
HEB 2:12 Dâŋticne šiŋuc hâcne fokac: “No šâŋe biŋege ɋafâc-nane muromacke-jarepe, kikefuŋ guruo šeri mumuteŋ egarepe.”
HEB 2:13 Erâ moc šiŋuc: “No erao roweckehuc jupemu.” Erâ moc šiŋuc: “Ʒi no erâ Anutuzi ɋie guru narewec nâŋe mâmâc juŋgopeneŋ.”
HEB 2:14 Eme ɋie jaŋe sahac biuchec sasawa jueŋgopieŋte eki ijaha wâc rowec. I e jahacne hâmoczi hâmoc rune Sataŋ hâcne tâpiri-ticne qame goroŋkewecte,
HEB 2:15 erâ wâc hâmocte hâhâwiczi niŋgiŋ-jopame dameŋ-jeŋic sâc kâpâcwâru ficko ŋejumbieŋ jaŋe batarac-jopaocte iŋuc ewec.
HEB 2:16 Wiac i aŋelo kime dopec mi ejareekac i, e Abrahamte ɋâricfâc nâŋâc kime dopec enâreekac.
HEB 2:17 Eme irec hâcne ɋafâc-ticne jaŋehec sâc mocjaha jâmbâŋ eocte mucnekicne, hatane gâcne moc mi fowec. I taha bapa sâko urucne â hazec hâricne erâ Anuture maio taha gie bahuc ŋic ŋokac nâŋâcne sâqocne šure tâmireocte iŋuc ewec jukac hâcne.
HEB 2:18 E jahac šâic manahuc eesâicko rašiwecte ŋic eesâic fua-nâreha sâcne bafic-nâpoekac.
HEB 3:1 Mitiŋic âgofâc-nane, sambâŋte mâmâc hefârec-ŋopakicne, ŋoŋe miti kiŋaŋ ŋic â taha bapa sâko Jesu, šâŋene murâ rereŋ eeŋgopeneŋ, erao findendeŋnenšepieŋ.
HEB 3:2 Eki gie runere mume rereŋ juwec, Mosezi Anuture ficko juwec irec sâc juwec hâcne.
HEB 3:3 Fic baekac ere šâŋe biŋezi ficte šâŋe biŋe jâuruekac, sâc ijaha Jesu šai šonšoŋ-ticnezi Mosere sirickekac.
HEB 3:4 Ficne ficne i bâbâfua-ticnehec, wiac sasawa irec bâbâfua ine Anutu.
HEB 3:5 Mose e Anuture ficko jufârehuc mume rereŋ gie bawec, i dâŋ šâhec fufuanere biŋe muocte kiŋaŋ qaqa juwec.
HEB 3:6 Kristo e ine ŋokâzi fic rune jukac. Ficticne nâŋâc hâcne. Erâ i mâc mâcne, wiac biŋe qanârekicne irec mamanac paŋšâic â bubiaŋko juhapene taraocmu, ine ficticne eŋgopeneŋ muzo.
HEB 3:7 Irec Tiri Mârozi dâŋ šiŋuc muwec i nâŋâcne biŋe ekac: “Ŋoŋe miŋecgac dâŋticne manaŋgopieŋko,
HEB 3:8 tuhuo eesâic fuame aaricko ekicne, maŋsanaŋ iŋuc mi enšepieŋ.
HEB 3:9 Mimiŋnefâc-ŋeŋic jaŋe ira wiac bapa-nane jara 40 honembiŋ, erâ sifu pepecne enarehuc esâicnumbiŋ.
HEB 3:10 Eme no irec manape gâpâreme jaŋere šiŋuc mupo: `Jaŋe maŋjeŋiczi raŋɋa raŋɋa qâsorieeŋgopieŋ, jaŋe nore hata moc mi hone manac embiŋ.'
HEB 3:11 Iŋucte kimbeŋ qajarehuc mumupaŋ dâŋ šiŋuc mupo: `Jaŋe nore jujumana hae mâreŋko moc mi rašinšepieŋ'.”
HEB 3:12 Âgofâc-nane, ŋoŋeraonec moc e miti qikiŋnehuc maŋ gâgâpâc erâ Anutu jujune râpeckezacte soŋaŋ babac ehuc junšepieŋ.
HEB 3:13 Erâ šoaŋne šoaŋne miŋecgaczi miŋegac forahuc juocmu sâc faŋ qaqac enšepieŋ, sâqocnere eeatuczi ŋoŋeraonec ŋic moc ecneme maŋbâzic ezackohec.
HEB 3:14 Nâŋâc Kristore miti kâdoc babaju, ine fuŋkehuc manasiŋkembeŋ mamanasiŋ i paŋnea bajuku mao fisinaŋmuzi eŋgopeneŋ.
HEB 3:15 Dâŋ šiŋuc fokac: “Ŋoŋe miŋecgac dâŋticne manaŋgopieŋko, aaricko ekicne, maŋsanaŋ iŋuc mi enšepieŋ”,
HEB 3:16 ine weni jaŋe dâŋticne mana-bipiehuc aaric bâfuambiŋ? I mockoneczi mâcne, Mosezi micne bajareme Aigita mâreŋkonec warembiŋ ŋicguru i sasawa jaŋe hâcne.
HEB 3:17 Me weni jaŋere Anutuzi maname gâpâreme jara 40 tarawec? I sâqocne bahuc mâreŋ tuhuo hâmo sipiric embiŋ jaŋere hâcne iŋuc ewec.
HEB 3:18 Erâ weni jaŋere mumupaŋ dâŋ šiŋuc muwec: Nore jujumana hae mâreŋko mi rašinšepieŋ? I dâŋticne qahuc jumbiŋ jaŋere hâcne muwec.
HEB 3:19 Irec šiŋuc honeŋgopeneŋ: Jaŋe miti qiqikiŋ-jeŋicte quŋkerâ mi rašimbiŋ.
HEB 4:1 Jujumana hae mâreŋ-ticnao rašinaŋte mukicne. biŋedâŋ i mi hetâtieme omaewec, irec ŋoŋeraonec moczi hatao sifuckezacte mezac-nâpozejec.
HEB 4:2 Biŋe biaŋ dâŋ jaŋe jazakicne sâc ijaha nâŋâc nazakicne. Jaŋe ine dâŋ i manarâ maŋjeŋicko mi râepie hurâ fowecte jaŋerao fârimâc ewec.
HEB 4:3 Nâŋâc miti mana šakieeŋgopeneŋzi jujumana hae mâreŋko rašieŋgopeneŋ. E šiŋuc muwec: “No kimbeŋ qajarehuc mumupaŋ dâŋ šiŋuc mupo: Jaŋe nore jujumana hae mâreŋko moc mi rašinšepieŋ”, i mâreŋ hobeteŋne râehuc wiac sasawa bafârerâ sifu iŋuc muwec.
HEB 4:4 Irec šoaŋ namba 7 irec dâŋ moc šiŋuc muwec: “Anutu e wiac sasawa bafârereâ šoaŋ 7 ira jumanawec.”
HEB 4:5 Ehame faic honembeneŋ ine šiŋuc muwec: “Jaŋe nore jujumana hae mâreŋko moc mi rašinšepieŋ.”
HEB 4:6 Eme ši ŋic gâcnezi jujumana hae mâreŋko rarašinere hata fokac jaha, â mârâc rarašire biŋe biaŋ jazakicne jaŋe qikiŋnehuc mi rašimbiŋ”
HEB 4:7 irec “miŋecgac” šâfo i mocwâc bahuc šâhec Dawidire micko dâŋ mupac i râeme šiŋuc muwec: “Ŋoŋe miŋecgac dâŋticne manaŋgopieŋko maŋbâzic mi junšepieŋ.”
HEB 4:8 Josuazi jujumana hae mâreŋ fârine bâfua-jareme muzac, Anutuzi šâhec dameŋ mocte mi muzac.
HEB 4:9 Irec šiŋuc mananšepeneŋ: Anuture ŋicfâc jaŋere jujumana hombaŋ moc fokac.
HEB 4:10 Anutuzi gie batararâ jumanawec, iŋuc jaha ŋic moc Anuture jujumanao rašiocmuzi gie-ticne hetararâ jumanaocmu.
HEB 4:11 Eme nâŋâcnaonec moczi docke sâqorec erâ ŋic mârâc qaqatara hata âtembiŋ ijaha âtezacte jujumana hae mâreŋko rašinaŋte šoɋac enšepeneŋ.
HEB 4:12 Anuture dâŋ i jujuhec â tâpirihec, erâ sâqe moc bune râpene micnehec irec sâc jâuruhuc mictara jâmbâŋ. Izi nâhuku qâqâtâc â maŋ, bibiric â siec wamboŋ šušuhuc-jeŋic nâtâcneekac, ehuc maŋte mamanasu â mamana wosâc irec fuŋne bataniŋkeekac.
HEB 4:13 Eme wiac bâfuakicne moczi moc Anuture maio soŋsoŋ mi foekac, erao wiac sasawa tâtâc â foŋ tâmiric foekac. Erao hâcne dâŋgie banaŋmu.
HEB 4:14 Taha bapa sâko hahaŋnehec moc junârekac, e sambâŋ fotâcne-fârerâ fewec jukac, Jesu Anuture Ŋokâ hâcne, eme iŋucne junârekacte šâŋe-ticne murâ rereŋ enšepeneŋ.
HEB 4:15 Erâ taha bapa sâko-nâŋec e dodocne enâreme hone qâoma mi enâreekac, nâŋâcnao eesâic fuaekac iŋuc jaha wâc erao eesâic fuŋne fuŋne fuawec, eesâicko dodocke mocjaha ine mi ewec.
HEB 4:16 Irec nâŋâc aki anonoc ŋeŋe rowaŋnao maŋafec jaha fisihuc junšepeneŋ, eme wiac izi me izi maic maic-nâpoha eki buuruc enârehuc aki anonoc-ticnere erâ bafic-nâpozejec.
HEB 5:1 Mâreŋŋic nâŋâcnaonec taha bapa sâko rowosâec-jopakicne sasawa jaŋe ŋic jaŋere erâ Anutu fuacnehuc kiŋ bahacte taha bâzi rikecne niŋte râec-jopakicne.
HEB 5:2 Taha bapa iŋucne e jahac ŋic dodocne jukacte ŋic mutucne â qâsoriekicne sâcne urucne ejareekac.
HEB 5:3 Erâ fuŋne iŋucte ŋic jaŋere kiŋ bahacte mecne â e jahacne mâmâc taha bâzi rikeocte mukicne
HEB 5:4 Gie fekicne i ŋic moczi maŋticnere mi rorâ bapane, taha bapa ŋic moc e Anutuzi rowosâerâ gie mucneme sâcne baocmu, Aroŋ iŋuc hâcne ecnewec
HEB 5:5 Eme Kristo e iŋuc jaha e jahacne maname fefene eha taha bapa sâko mi ewec, i Anutuzi šiŋuc muhuc mucnewec: “Go hâcne Ŋokâ-nane, no miŋecgac bâfuacgukopac.”
HEB 5:6 Erâ dâŋ moc šiŋuc muwec: “Goki Melikisede ere sâcko taha bapa jurašihuc jucmu sanaŋ.”
HEB 5:7 Jesu e mâreŋko juwec dameŋ ira, hâmockonec bataraocte tâpiri focnewec erao numuhuc kio wâwâsic kâcɋene ecnewec. Ehuc Anutu araŋ bacnewecte manacnewec.
HEB 5:8 E ŋokâ juwec, erâ sifu šâic gie baku micrereŋte fuŋne mana tarawec.
HEB 5:9 Erâ wiac emataucke-fârerâ mume rereŋfâc-ticne sasawa jaŋere bâbâpiaŋ tatara tâmiric bâfuawec.
HEB 5:10 E hâcne taha bapa sâko erâ Melikisede ere sâcko juocte Anutuzi mucnewec.
HEB 5:11 Irec dâŋ bocjaha fokac, erâ ŋoŋe hazecfâŋ juŋgopieŋte ŋaza mutâc epemurâ manape ŋemâckekac.
HEB 5:12 Ŋoŋe dameŋ šora miti mana wareeŋgopieŋzi gâcne qazu-jarepie sâckezac” eme iŋucne ŋoŋe miti maine i mocwâc qaqazu-ŋarenere sâc eŋgopieŋ. Ŋoŋe nânâ sanaŋnere sâc aricne, susu nânâre sâc sawa juŋgopieŋ.
HEB 5:13 Susu nâeŋgopieŋ jaŋe ine ɋiene mujarezo, iŋucnezi dâŋ fârine wemocko mana taraniŋmu?
HEB 5:14 Nânâ sanaŋne i sokakicne jaŋere biŋe, maŋ mamanasu-jeŋic fua tâcneme biaŋne sâqocne mana wosâeeŋgopieŋ jaŋere biŋe hâcne.
HEB 6:1 Irec nâŋâc ši Kristore dâŋ maine, fufuŋkeo mumune, i râepene foha dâŋ hukicne, wiac efehuc mumune, i moc šuhuckenaŋ. Wemocte miti hobeteŋne i hâsine râehuc maŋ bâbârisie â juju raŋɋa bebehe â Anutu mamanasiŋ,
HEB 6:2 â Miti Opâ â qizecko me rârâe â hâmockonec fafahare â bâtâc sanaŋ irec dâŋ mocwâc fuŋkezo?
HEB 6:3 Anutuzi maname sâckeme dâŋ moc šuhuckenaŋ.
HEB 6:4 Ŋic mitizi maŋjeŋic batamaeme sambâŋkonec nânâ nâhonembiŋ â Tiri Mârohec embiŋ,
HEB 6:5 erâ Anuture dâŋbiaŋ â juju sanaŋte tâpiri mana aŋac embiŋ,
HEB 6:6 ŋic iŋucne jaŋe miti behe sanaŋkehuc Anuture Ŋokâ jaŋacne maŋte mocwâc maripoŋko qahuc mamakâc ecnepie mitio bâbârisiec-jopane mi fokac.
HEB 6:7 Mâreŋ moc hoezi gâbâ hehuc bâgunuckekume, ŋic sara mamac eeŋgopieŋ jaŋere biŋe nânâ monšaŋ bâfuaekac, i Anutu jambuŋ-ticnere fârine fuacneekac.
HEB 6:8 Á mâreŋ mocko hofâ qinšiŋ sawa fuaocmu, ine fârimâc ekacte sâwec fâreme juku šoczi šaocmu.
HEB 6:9 Âgofâc, no dâŋ mukopac i ŋoŋe sipirickeniŋmu manahuc mâcne, mitio biaŋke-hâmoniŋmu, iŋuc manahuc mukopac.
HEB 6:10 Anutu e eesifucne mâcne” ŋoŋe ere erâ ŋicfâc-ticne hone bafic ejarehuc jauŋ bacjopambiŋ erâ eeŋgopieŋ jaha irec wemocko nikeckeocmu.
HEB 6:11 Ŋoŋe šiŋuc eniŋte enârekac: ŋoŋe mâmâc sasawa sâc ijaha ɋicwânšâŋ epie sambâŋ šeŋaŋ bâbâfuare buâkec mi omaezejec, fofehame dameŋ tarazejec.
HEB 6:12 Eme mi rokawehuc, mitiŋic gâcne mamanasiŋ â sasanaŋhec juhuc wiac biŋec-nâpokicne rauckeeŋgopieŋ, jaŋere hata âteniŋmu.
HEB 6:13 Jaŋeraonec moc Abraham e Anutuzi biŋedâŋ âzâcnerâ femicne mocte maio mupaŋkeocte basarâ e jahacnao râehuc mupaŋkewec.
HEB 6:14 Ehuc šiŋuc muwec: “No jambuŋgurâ jambuŋgu epemu â basawecgurâ basawecgu epemu.”
HEB 6:15 Eme Abraham e mumupaŋ dâŋ irec woŋec tatakic tâmiriŋ juku fârine rowec.
HEB 6:16 Ŋiczi fekicne moc ere maio mumupaŋ dâŋ mupene mu qaqatarac eene mi fuaocmu.
HEB 6:17 Irec Anutu e ŋic biŋe qajareme maŋjahec enšipiŋte, maŋticnezi sanaŋkeha muwec irec fuŋne bataniŋkehuc biŋedâŋ irec fainao mumupaŋ dâŋ šuhuckewec.
HEB 6:18 Anutu e burec tâmiriczi dâŋsanaŋ jajahec âkendâŋ-jofahuc nâŋâcnao suru râewec, i ere dapeŋko rašimbeŋzi wiac biŋe qanârekicne irec fârine fotarierâ ronaŋte manasuhuc ewec.
HEB 6:19 Biŋe qanârekicne irec fârinezi juju-nâŋecte aŋga sanaŋne â tâtâcne tâmiric iŋucne ekac, erâ aŋga izi faic qoruc ââketâc irec râpenao râekicne fokac.
HEB 6:20 Ââketâc i micne bapa-nâŋec Jesu eki bânie-nârehuc fotâcnerâ maŋnao rašiwec. E Melikisede ere sâcko taha bapa erâ jusanaŋkeekaczi iŋuc ewec hâcne.
HEB 7:1 Melikisede e hâcne Salem haere ŋicwofuŋ â Anutu femicne sâko ere taha bapa juwec. Eki hâcne Abrahamzi ŋicwofuŋ râsifâc-ticne joparâ risiehame ra hatao bâfuarâ jambuŋkewec.
HEB 7:2 Erâ e hâcne Abrahamzi mafa mateŋ bâtâc barâ teŋkonec wâŋ irec sâc râcnewec. Melikisede šâŋe-ticne nâŋâcne dâŋko “Tiŋne ŋicwofuŋ”, â Salem ŋicwofuŋ ine “Wama ŋicwofuŋ”.
HEB 7:3 Melikisede e neŋgoc mamac tâmiric, apa ŋosa fuŋne-ticne qahuc mi mufuakicne, e juju-ticne fufuŋke tâmiric â tatara tâmiric. E Anuture ŋokâ ere sâsâc eocte mukicnezi taha bapa juju hati ewec.
HEB 7:4 Ʒi honeniŋ, e ŋic fekicne mo iŋucne irec mimiŋne-nâŋec Abrahamzi mafa mateŋ biaŋne sasawa bâwosâerâ teŋkonec wâŋ irec sâc râcnewec
HEB 7:5 Lewi-e ɋâricfâc gâcne taha gie baniŋte mujarekicne jaŋe ŋic ŋokac âgofâc-jeŋic Abrahamte tofafâc jaha sifu mafa wiac teŋkonec wâŋ irec sâc jowac roniŋte sâcmutâc dâŋqâhâcko mutâcne-jarekicne.
HEB 7:6 Á Melikisede e jaŋere guruonec mi fuakicnezi ine Abrahamtaonec teŋkonec wâŋ rowec Ehuc miti biŋe qacnekicne e jambuŋkewec.
HEB 7:7 Á fekicnezi wahakicne jambuŋkeekac i mozi mickeocmu?
HEB 7:8 Dameŋ ši ŋic sisirowenezi teŋkonec wâŋ roeŋgopieŋ” ira ine juju hati mucnekicnezi rowec.
HEB 7:9 No manape šiŋuc ekac, Lewi e teŋkonec wâŋ roekaczi Abrahamte bifuŋko fohuc wiac i Melikisede râcnewec”
HEB 7:10 e mamac-ticnere bifuŋko fohame Melikisedehec bâbâfuac epicte Abrahamzi râcneme Lewizi mâmâc râcnewec ekac.
HEB 7:11 Lewire ɋâricfâc jaŋere taha bapa gie sâcke-hâmozac muzac, wemocko šâhec taha bapa moc Melikisede ere sâcko fuazac â Aroŋte sâcko aricne? Taha bapa giere erâ ŋic ŋokac sâcmutâc dâŋ jarekicne.
HEB 7:12 Eme taha bapa gie raŋɋane rârieha ɋâricne moc fuame, raŋɋanere sâcmutâc dâŋ iŋuc jaha râriehame ɋâricne moc fuaocmu.
HEB 7:13 Findaŋdâŋzi ŋic rokac e taha ufuŋko gie mujarekicne jaŋere guruonec mi fuawec, e guru mockonec.
HEB 7:14 Wofuŋ-nâŋec e Judare tofafâc jaŋeraonec fuawec, i mana-fâreŋgopeneŋ. Eme ŋicguru i jaŋe taha gie baniŋte Mosezi moc mi muwec.
HEB 7:15 Erâ irec fuŋne moc taniŋke-hâmokac wâc. Taha bapa moc Melikisedere sâcko fuaocte mukicne,
HEB 7:16 e sahaczi fuakicnere sâcmutâc râekicne irec sâcko mâcne, juju fofo sanaŋte tâpirio taha bapa erâ juwec jukac.
HEB 7:17 Ere hâcne dâŋ šiŋuc mutaniŋkekicne: “Goki Melikisede ere sâcko taha bapa jurašihuc jucmu sanaŋ.”
HEB 7:18 Ine hâcne sâcmutâc dâŋ mârâc mukicne i tâpirimâc â fâri tâmiric ewecte bârâriekicne.
HEB 7:19 Sâcmutâc dâŋzi wiac moc mi emataucke-fârewec” eme irec okacne woworic fârine bâfuakicne, izi fârec-nâpome Anutu sâcne maickeeŋgopeneŋ.
HEB 7:20 Ɋâricne fuawec i mumupaŋ dâŋsanaŋ tâmiric mi fuawec raŋɋane jaŋe mumupaŋ tâmiricko taha bapa erâ jumbiŋ.
HEB 7:21 Ɋâricne ši ine mumupaŋ faio taha bapa ewec jukac. Ere dâŋqâreŋ šiŋuc fokac: “Wofuŋzi mumupaŋ dâŋ muwec i mi beheocmu: `Goki taha bapa jurašihuc jucmu sanaŋ'.”
HEB 7:22 Fuŋne iŋucte šâšâfic fârinere jâcne ewec, Jesu hâcne.
HEB 7:23 Raŋɋane jaŋe hâmohuc tuczi tuc juwarembiŋte bocjaha juwarembiŋ.
HEB 7:24 Ɋâricne e ine juju sanaŋ jukacte taha bapa gie-ticne šušuhuc focnehuc juocmu sanaŋ.
HEB 7:25 Irec ere ŋesiŋko Anutu maickeeŋgopieŋ jaŋe sâcne bâbâpiaŋko râe basanaŋ ejareekac, e juju sanaŋ jukaczi hâcne dameŋ sâc roroŋ sasape ejareekac.
HEB 7:26 Taha bapa sâko-nâŋec hâcne e furu, bahacmâc, ɋaɋacne, sâqocne bapa jaŋere sâcko mi juhuc qâtâcnerâ pectâc jujune, erâ sambâŋ hucke-fârewec jukac. Iŋucnezi hâcne junâreme sâcke-hâmokac.
HEB 7:27 E taha bapa raŋɋane jaŋe iŋucne mâcne, e sindaŋ tâmiriczi wemocko šoaŋne šoaŋne qanaŋ e jahacne sindaŋte erâ taha bâzi rikerâ šâhec ŋic jaŋere rikezac, e jahacne maŋ sahac i taha bâzi-nâŋec mocjaha hâcne râeme tarawec.
HEB 7:28 Sâcmutâc dâŋko ŋic maŋjeŋiczi dodocne jaŋe taha bapa sâko juniŋte mukicne. Eme šâhec ine sâcmutâc dâŋ faicnao mumupaŋ dâŋsanaŋzi Ŋokâ âkendâŋnewec. Eki hâcne maŋfuru jaha jurašihuc juocmu sanaŋ.
HEB 8:1 Dâŋ mukicne irec hândâŋne šiŋuc: Taha bapa sâko junârekac e faic sambâŋko femicne sâko ere ŋeŋefuŋko mefârenao fewec ŋeekac.
HEB 8:2 E furu ufuŋ, mitific fârine hâcne, irec taha bapa jukac. Ufuŋ i ŋiczi mâcne, Wofuŋ e jahac bâfuawec.
HEB 8:3 Taha bapa sâko sasawa jaŋe nânâ qowi bâzi râe rikec eniŋte mujarekicne, irec taha bapa sâko-nâŋec wemocko taha bâzi tâmiric juzac?
HEB 8:4 Erâ e mâreŋko juhuc muzac taha bapa mi juzac, mâreŋko sâcmutâc dâŋte sâcko bâzi ririke ŋic sâcne juŋgopieŋ.
HEB 8:5 Jaŋe gie-jeŋic mitific jabane â sâsâcne ira baeŋgopieŋ, fârine ine sambâŋko ŋekac. Mose e mitire qoruc boze bazo ehame Wofuŋzi šiŋuc âzâcnewec: “Manakic, tikio hawarine gowatukicne irec sâcko wiac sasawa bazemec.”
HEB 8:6 Ʒi ine Jesuzi šâšâfic fekicnere jâcne juekacte taha gie fekicne jaha baekac. Ʒâšâfic fekicne ine biŋedâŋ fekicnezi hobeteŋ ecneha bâfuakicne.
HEB 8:7 Mârâc šâšâfic fowec, izi fârinehec eme muzac šâhec moc fuaocte dâŋne mi fuazac.
HEB 8:8 Anutu eki ine ŋic jaŋere maname mi sâckeme šiŋuc muwec: “Juku dameŋ mocko Israe kikefuŋ â Juda kikefuŋ jaŋehec šâšâfic ɋâricne moc bâfuapemu, Wofuŋzi iŋuc mukac.
HEB 8:9 Mârâc mimiŋnefâc-jeŋic Aigita mâreŋkonec jowac-jopapere mejeŋicko rohuc jaŋehec šâšâfic epo, šâšâfic iŋucne mâcne; jaŋe šâšâfic irec maŋnao paŋšâic mi jupie noni râpec-jopapo, Wofuŋzi iŋuc mukac.
HEB 8:10 Á šâhec Israe kikefuŋ jaŋehec šâšâfic epemu ine kecšiŋuc: No mumupaŋ dâŋnane maŋjeŋicko râepe huocmu, erâ buhândâŋ-jeŋicko qâreŋkepe foocmu, eme no Anutu-jeŋic jupemu â jaŋe kikefuŋfâc-nane juniŋmu.
HEB 8:11 Eme ŋic moczi ŋicâgo-ticne me ŋic moczi qomâ-ticne šiŋuc mi muhuc miti qazucneocmu: Ajoc, go Wofuŋte fuŋne manac â!' Macne, jaŋe wahakicnezi mecne fekicnezi mecne mâmâc manacnu-fâreniŋmu.
HEB 8:12 Ʒiŋucte manacnuniŋmu: No kiŋjeŋic behe-jarepemu â sindaŋ-jeŋicte mocwâc mi manasupemu, Wofuŋzi iŋuc mukac.”
HEB 8:13 Eme Wofuŋ e šâšâfic ɋâricnere dâŋ muhuc, mârâc fowec irec “raŋɋaŋkekicne” muwec. Eme wiac raŋɋaŋkekicne â gufekicne izi arictac ezo ekac hâcne.
HEB 9:1 Ʒâšâfic raŋɋanao Wofuŋ mai eecnere hata fowec â irec tiri qoruc boze mâreŋko ŋewec wâc.
HEB 9:2 Mitire qoruc boze hâcne kecšiŋuc bambiŋ: Maŋne moc maine, šâŋene Furufic mukicne, ira kendo kikenehec domawec erâ tebo ŋewec fainao poroŋ furu mukicne i fowec.
HEB 9:3 Eme bumec maŋne moc âke tâcnekicne fowec, šâŋene Furu Dindiŋ mukicne.
HEB 9:4 Ira hosâc ririke alata golzi bakicne ŋewec, erâ šâšâficte qorac tapa katapa golzi ɋorockekicne i ŋewec, erâ Aroŋte gunu ɋârerâ gitec hekicne i â qorac tapa mâmâc râekicne.
HEB 9:5 Fainao ine tatamacte kerubim hawari jajahec fakec-jekiczi katapa tapane sâockehuc domapic. Irec dâŋ ninic jaha wemocko mufârezo.
HEB 9:6 Wiac iŋuc râepie fohame fic maŋne maine ira taha bapa jaŋe dameŋ sâc fec wahac ehuc gie-jeŋic bajumbieŋ.
HEB 9:7 Fic maŋne moc ira ine taha bapa sâko e bucticne jara moc maŋnao arec mocjaha fejujec. Erâ soc tâmiric aricne, sochec sasawa fehuc e jahacne â ŋic jaŋere bahacte tie jujec.
HEB 9:8 Wiac irec fuŋne Tiri Mârozi šiŋuc nâwotukac: Maŋne maine izi ŋehame furu ufuŋko rarašire hata mi fua tâcnekac.
HEB 9:9 Maŋne maine izi dameŋ šiŋuczia mâreŋko juŋgopeneŋ irec sâsâcne ekac. Tiri qoruc bozeo nânâ qowi bâzi râe rikec ee izi wemocko ŋic Anutu mai ecnembiŋ jaŋere maŋ bâpiaŋkezac?
HEB 9:10 I sahackopec sâcmutâc dâŋ sawa, nânâ opâre â sahac šušurere dâŋ fowec iŋucne, i šâhec fârinezi âkehockeocte jaba fowec.
HEB 9:11 Kristo eki ine wiac fârine fuaocte mukicne irec taha bapa sâko fuawec, ehuc qoruc boze sâc moc, fârine jâmbâŋ, mezi mi bakicne, mâreŋko mi ŋeŋene, ira rašiwec.
HEB 9:12 Noniŋ bulimakao sochec mâcne, e jahacne sochec Furuficko arec mocjaha rašihuc kitâc-nâpowec izi fofo sanaŋ foocmu.
HEB 9:13 Noniŋ bulimakao soc â bulimakao šafe i ŋic wâwânâŋ fua-jarewec jaŋe epie furu bacjopame sahackopec ɋaɋackembiŋ”
HEB 9:14 Kristo e ine Mâro juweczi jukac eki neŋgoc ŋecneha maŋ sahac-ticne Anutu taha bâzi furu biaŋ ecnewec, eme nâŋâc eebapa aputacnezi maŋnâŋec hegâpârembeŋ i Kristore soczi sâcne šure ɋaɋackeme Anutu jujune kiŋaŋ qacnenaŋmu.
HEB 9:15 Irec hâcne Kristo e šâšâfic ɋâricnere jâcne ewec, erâ šâšâfic raŋɋanao juhuc kiŋ bâfuakicne i taraocte hâmowec, eme irec biŋefâc-ticne jaŋe juju sanaŋte merâfâc roniŋte mujarekicne i sâcne roniŋmu.
HEB 9:16 Merâfâcte hata šiŋuc fokac: Runezi hâmome jaha rauckezo.
HEB 9:17 Ɋâricne juhame merâfâcte dâŋ mukicne i mâc foocmu, hâmome ine dâŋ irec fârine fuaocmu.
HEB 9:18 Irec hâcne šâšâfic raŋɋane i soc tâmiricko wâc mi fuawec.
HEB 9:19 Mose e sâcmutâc dâŋqâhâc jâcne jâcne, mutâcnekicnere sâcko ŋic jazaku jaza-fârerâ bulimakao â noniŋsoc opâhec bâsifuckerâ kâcbiŋko lama kanšaŋ bâbâroŋ qâfiserâ izi soc tieme miti papia mecne ŋic ŋokac mecne mâmâc rua -jarewec.
HEB 9:20 Ehuc šiŋuc jazawec: “Anutuzi šâšâficte dâŋ mupaŋke-ŋarejec irec soc ši hâcne.”
HEB 9:21 Erâ taha boze â taha giere râqâc wiac i iŋuc jaha soczi ruacne-fârewec.
HEB 9:22 Ine hâcne, sâcmutâc dâŋko mukicnere wiac šeŋgoma qâririŋ soczi šure ɋaɋackezo, â soc tâmiricko sâqocne bâbâtâmire mi fokac.
HEB 9:23 Sambâŋko wiac fârine fokac irec sâsâc wiac i soc omanezi šure ɋaɋackeocte mukicne, â wiac fârine e jahacne ine taha furi sâkozi šure ɋaɋackeocte hatane mocjaha fokac.
HEB 9:24 Irec hâcne Kristo e furu ufuŋ mezi bakicne, fârine irec sâsâcne mac, ira mi rašiwec, e sambâŋ maŋnao rašiwec, eme ira Anuture maio juhuc nâŋâcnere erâ taha gie-ticne baekac.
HEB 9:25 Erâ e maŋ sahac-ticne hâsi fâri taha-nâŋec qikiŋneocte wâc mi fewec, taha bapa sâkozi jâmbomac jarane jarane feekac, ehuc e jahacne soc mâcne, soc jabane rorâ tiri ufuŋko feekac.
HEB 9:26 Kristo e iŋucnere sâc erâ muzac mâreŋ fuaweckonecteaŋ wemo afecne hâmo warehuc juzac. E ine iŋuc mi ehuc dameŋ ŋondeŋ tataranao due-nâŋec bahuc kiŋnâŋec bârârieocte fua tâcnewec.
HEB 9:27 Ŋiczi mocjaha hâmonaŋte munârekicne, eme irec faicnao dâŋnâŋec mumutara fuaocte mukicne”
HEB 9:28 eme Kristo e iŋuc jaha, ŋic bocjaha kiŋjeŋic âsickehuc mocjaha hâcne hâmoweczi mocwâc sâqocnere gie baocte mâcne, e worickehuc jueŋgopieŋ jaŋe rocjopaocte sawa fua taniŋkeocmu.
HEB 10:1 Sâcmutâc dâŋko wiac mukicne i mâc šâhec fârine fuaocmu irec mumucne sawa fuakac, fârine jâmbâŋ mâcne. Irec taha bapa jaŋe sâcmutâc dâŋ reŋkehuc jarane jarane taha barâ ba epie ŋic ira Anutu mai ecneeŋgopieŋ jaŋe sâcne maŋfuru mi bacjopaekac.
HEB 10:2 Iŋuc eme muzac, taha bâzi ririke omaezac i¡ Ira Anutu mai ecneeŋgopieŋ jaŋe kiŋfâsâc enšapiŋ muzac, kiŋjeŋicte manabâc mocwâc mi enšapiŋ.
HEB 10:3 Taha bâzi izi ine jarane jarane fuame kiŋjeŋicte manasueŋgopieŋ.
HEB 10:4 Noniŋ bulimakao soczi wemocko kiŋjeŋic bâtâmirezac? I aricne.
HEB 10:5 Irec hâcne Kristo mâreŋko wahaocte dâŋ šiŋuc muwec: “Taha bâzi fuŋne fuŋnere mi egareekac, sahac ine bâfua-narekomec.
HEB 10:6 Qowi hâcbuc ririke me sâqocnere taha bapa i fua-gareocte mi muekic.
HEB 10:7 Eme mupo, `Manakic, no Anutu gore mic reŋkepere fisikopac', miti papiao nore dâŋ qâreŋkekicne irec sâcko.”
HEB 10:8 Faic dâŋ šiŋuc muwec fokac, “Taha bâzi fuŋne fuŋne â qowi hâcbuc sâqocnere taha irec mi egareekac â irec takicguekac” wiac i sâcmutâc dâŋte sâcko râe rikec ekicne.
HEB 10:9 Erâ dâŋ šiŋuc šuhuckerâ muwec: “Manakic, gore dâŋ reŋkepere fisikopac”, iŋuc muhuc wiac raŋɋane bârârierâ ɋâricne moc âkendâŋnewec.
HEB 10:10 Irec Anuture micdâŋte erâ Jesu Kristo e sahac-ticnezi taha bame maŋfuru embeŋ, i arec mocjaha ekicnezi fofo sanaŋ.
HEB 10:11 Taha bapa sasawa jaŋe šoaŋne šoaŋne gie-jeŋic bahuc bâzi ijaha hati rikerâ rike ehuc jueŋgopieŋ, eme izi kiŋ bahac sâcne moc mi bâtâmireekac.
HEB 10:12 Kristozi ine sâqocne-nâŋecte taha mocjaha bame tarame faic Anutu mefârenao fewec jukac.
HEB 10:13 Eme ira râsifâc-ticne dockerâ waha fohuc kike-ticnere ââtesiŋ eniŋte woŋec juekac.
HEB 10:14 Maŋfuru eere hatao juŋgopieŋ jaŋere taha mocjaha bahuc bâbâpiaŋ-jeŋicte gie batarawec.
HEB 10:15 Eme Tiri Mârozi irec dâŋ mufua-nârekac wâc. Qanaŋ dâŋ šiŋuc fokac, Wofuŋ e kecšiŋuc mukac:
HEB 10:16 “Ʒâhec dameŋko jaŋehec šâšâfic epemu ine kecšiŋuc: No mumupaŋ dâŋnane maŋjeŋicko râepe huocmu, erâ buhândâŋ-jeŋicko qâreŋkepe foocmu.”
HEB 10:17 Erâ šuhuckekac, “No kiŋjeŋic behe-jarepemu â sindaŋ-jeŋicte mocwâc mi manasupemu.”
HEB 10:18 Sâqocne tâmire-fâreme ine irec taha bapa iŋuc jaha omaeocmu.
HEB 10:19 Âgofâc, Jesu e socticnezi motâc ronârewecte furu ufuŋko fenaŋte maŋnâŋe. afeckekac.
HEB 10:20 Irec hatane ɋâricne â jujune ine e jahac bâšâwe-nârewec. Ehuc ââketâc fowec, sahac-ticne hâcne, i fotâcnerâ fewec.
HEB 10:21 Eme taha bapa fekicne Anuture ufuŋ qizeckerâ junârekac.
HEB 10:22 Irec nâŋâc mamanasiŋzi maŋnâŋec baafeckeha siocmâc mai ecnehuc junšepeneŋ. Ine qanaŋ maŋnâŋec kiŋzi hegâpârekicne i socticnezi ruacneme taniŋkeha â sahac-nâŋec opâ ɋaɋaczi šureha iŋuc sâcne enaŋmu.
HEB 10:23 Erâ mume sasanaŋzi wiac biŋe qanârewecte biŋedâŋ i kiki papaŋ jaha bajuhuc muhaŋnenšepeneŋ.
HEB 10:24 Erâ wâc sosoŋaŋ ehuc maŋjauŋte â eehâmo giere qaqafeŋ enšepeneŋ.
HEB 10:25 Ehuc mitire tutumaŋko gâcnezi mi fisihuc qâoma eeŋgopieŋ iŋuc mi ezo. Dameŋ sâko bâqiŋ-nâpokac, iŋuc hâcne manahuc šoɋac erâ faŋ qaqac enšepeneŋ.
HEB 10:26 Nâŋâc dâŋ fâri qizecnezi maŋnâŋec âke tamaehame sâqocne mana jaŋgeŋkehuc bapene mozi irec taha bame tâmireocmu? Aricne, iŋuc mi fokac,
HEB 10:27 ine okacne hâhâwicne â šocbâruŋ sâko izi sawa woŋec-nâŋec foocmu. Ʒocbâruŋ izi mitire râsifâc šâmiziec-jopaocmu hâcne.
HEB 10:28 Ŋic moczi Mosere sâcmutâc dâŋ mana suahuc qame ŋic jajahec me jahec â moczi mujaŋgeŋkepie acmâc jaha qapie hâmoekac.
HEB 10:29 Eme ŋic moc e Anuture Ŋokâ ro waha âte ecnehuc, šâšâficte soc ruarâ maŋfuru ewec i mana suahuc aki anonoc rune Mâro musoriŋkeocmu, e okacne mo iŋucne fisicneocmu muŋgopieŋ?
HEB 10:30 Nâŋâc dâŋ kecšiŋuc muwec ere fuŋne manaeŋgopeneŋ: “Kiŋ babatara i nore gie, okacne babazu i noni epemu.” Erâ moc šiŋuc fokac: “Wofuŋ e ŋicfâc-ticne jaŋere dâŋ mutara-jareocmu.”
HEB 10:31 Anutu jujune ere meo fefe i wiac hâhâwicne jâmbâŋ.
HEB 10:32 Ŋoŋe mârâc wiac ejumbieŋ irec manasunšepieŋ. Dameŋ ira maŋŋeŋiczi hae furehame fific guguriŋ maŋko juju gie sâko bahuc sanaŋkembiŋ.
HEB 10:33 Eme gâcne ŋoŋe imaŋ gomaŋ â šâic busâqoc fai-ŋeŋicko feme ŋic jaŋere maio mamakâc embiŋ, â gâcne ŋoŋe ine âgofâc-ŋeŋic wiac iŋucne ejarepie šâic-jeŋic mâmâc manambiŋ.
HEB 10:34 Ŋoŋe âgofâc-ŋeŋic kâpâcwâru ficko fepie jaŋere erâ buheric fua-ŋarewec, â moneŋ mafa ŋowac ropie ine mafa fârine fofone fonârekac muhuc manapie bubiaŋnehec ewec.
HEB 10:35 Eme ši hâbi-ŋeŋic mi goroŋkezejec, hâbihec juku furine kâcɋene rozo.
HEB 10:36 Irec ŋoŋe sasanaŋ bâfuarâ Anuture micdâŋkoa juku wiac biŋe qaŋarekicne irec fârine ronšepieŋ.
HEB 10:37 “Irec dameŋ bembeŋne mac moc fokac i tarame wareocte mukicne e ŋeŋe râqâc mi ehuc biac fisiocmu.
HEB 10:38 Ŋicnane biaŋkekicnezi ine mamanasiŋte erâ juju hotâckeocmu, â docke pârâc eocmuo maŋnanezi manacnepe mi biaŋkeocmu.”
HEB 10:39 Nâŋâc ine docke pârâc ehuc sisipiricko rara irec biŋe mâcne, nâŋâc manasiŋkehuc maŋ qâqâtâc ŋeŋezic irec biŋe.
HEB 11:1 Wiac biŋe qanârekicne i manapaŋkerâ irec woŋec juju, â wiac mi hohonene maŋzi sakarerâ babaju, izi mamanasiŋ ekac.
HEB 11:2 Mitiŋic raŋɋane jaŋe mamanasiŋ iŋucnehec jupie Anutuzi honec-jopame biaŋkewec hâcne.
HEB 11:3 Mâreŋ i Anuture micte fuawec, ine mamanasiŋhec juhuc mana taraeŋgopeneŋ. Wiac hohonene i mi honekickonec fuawec hâcne.
HEB 11:4 Mamanasiŋhec juhuc Abezi Anutu bâzi rikecneme honeme sâckeha Kaiŋte qikiŋnewec. Mamanasiŋ-ticnere hâcne Anutuzi honeme kiŋfâsâc eme bâzi-ticne rohuc fuŋne-ticne bataniŋkewec. E mamanasiŋhec juwecte manapene hâmokicnezi sifu dâŋ nâzâkac ekac.
HEB 11:5 Enoko e mamanasiŋhec juwec, irec hâmoczi mi bâuaocte Anutuzi ɋâricne bafewec. Iŋuc ecnewecte ŋiczi basambiŋ. Erâ mi feha fuŋne-ticne biac šiŋuc mutaniŋkekicne: Anutuzi e honeme biaŋkewec.
HEB 11:6 Mamanasiŋ tâmiric jupene Anutuzi honec-nâpome bibiaŋke ine mi fokac. Anutu mâc mai mi ecnezo, jukac i mana šakiezo, â maŋzi hefârepene tahac-nâpoekac dâŋ i mana šakiehuc mai ecnezo.
HEB 11:7 Noa e mamanasiŋhec juwecte Anutuzi wiac šâhec fuaocmu irec biŋe qanaŋ âzâcnewec. Âzâcneme araŋ bacnehuc wiacfâc-ticne ɋâricne juniŋte murâ woke bawec. Iŋuc ehuc ŋic kiŋjeŋicte fuŋne bataniŋkewec. Erâ mamanasiŋte erâ kiŋfâsâc ee irec fârine rauckewec.
HEB 11:8 Abraham e mamanasiŋhec juwecte mâreŋ-ticne beherâ moc rauckeocte irec dâŋ erao fuame reŋkewec. Erâ mâreŋ irec me irec mukicne kâuc bahuc sifu rawec.
HEB 11:9 Mamanasiŋhecte mâreŋ biŋe qacnekicne ira ra fisirâ jaba juwec. Jaba juhuc bozeo sawa ŋeŋerâ juwec. Isaka â Jakobo jahe biŋe mâmâc qajactekicnezi sâc ijaha epic.
HEB 11:10 Abraham e hae ŋeŋe sanaŋ moc Anutuzi bâfuarâ basarickewec irec mamanacko juwec.
HEB 11:11 Sara e iŋuc jaha mamanasiŋhecte tâpiri fuacneme ŋokac qizec juipiehuc kiwechec ewec. Ine ɋâricte biŋe qacnewec ere, mume fufuazi mukac, muhuc iŋuc ewec.
HEB 11:12 Eme irec hâcne ŋic mocjaha, fua sawecte tâpiri-ticne arictac ehame, eraonec ɋâric fua sawec embiŋ jaŋe sambâŋko bâpiŋ ŋerakac irec sâc, erâ hâwecmecko moŋgeŋ forakac, ŋiczi mi wowosene, irec sâc fuambiŋ.
HEB 11:13 Ŋic izi hâcne mamanasiŋhec juhuc hâmo-fârembiŋ. Wiac biŋe qajarekicne irec fârine ine mi roro mâc taicko fome honerâ worickehuc jumbiŋ. Iŋuc ehuc fuŋne-jeŋic šiŋuc manambiŋ: Nâŋe mâreŋko hotâ â jaba juŋgopeneŋ.
HEB 11:14 Dâŋ iŋuc muhuc mâreŋ qizec moc bâfuaniŋte maŋjeŋic âeckeba ewec.
HEB 11:15 Erâ jaŋacne hae mâreŋ râpeckembiŋ irec maŋhâhâŋ mi ejarewec, irec ejareme muzac risiezo murâ sâcne risienšapiŋ.
HEB 11:16 Jaŋe ine hae mâreŋ biaŋ mocte maŋhâhâŋ ejarewec, sambâŋko fokac irec hâcne. Irec Anutu e jaŋere Anutu, ere iŋuc mupene maname mi sâqoreekac. Wemocte? E jahac hae sâko moc bâfua-jarewec.
HEB 11:17 Abraham e Anutuzi esâickeme mamanasiŋhec juwecte Isaka taha bâzire qikiŋnewec, e biŋedâŋ roweczi ŋokâ-ticne mocjaha qikiŋnezo ewec hâcne.
HEB 11:18 Biŋedâŋ šiŋuc âzâcnekicne: “Isakaraonec ɋâricfâcge fua sawec eraniŋmu.”
HEB 11:19 I kecšiŋuc muhuc ewec: “Anutu e ŋic hâmockonec bâɋârec-jopaocte tâpiri focnekac.” Eme irec hâmockonec tinac bârisiecnewec.
HEB 11:20 Isaka e mamanasiŋhec juwecte Jakobo â Esau jambuŋ-jofahuc wiac šâhec fuaocmu irec findaŋdâŋ wâc jasawec.
HEB 11:21 Jakobo e mamanasiŋhec juwecte hâmozo ehuc Josefe ŋokâ jahec-ticne jambuŋ-jofawec, ehuc gunuzi âkesiŋnerâ ŋehuc Anutu dapecnewec.
HEB 11:22 Josefe e mamanasiŋhec juwecte hâmozo dameŋ-ticne maickeme Israe ŋic jaŋe juku Aigita mâreŋ beherâ raniŋmu irec manasurâ siec-ticnere qanaŋ dâŋ mutâcne-jarewec.
HEB 11:23 Mose fuame neŋgoc mamacne jahe mamanasiŋhecte motec honebâckerâ ŋicwofuŋ dâŋticnere mi hâwic-jofaha mosa jahec â moc soŋkepic.
HEB 11:24 Mose e mamanasiŋhec juwecte ine sokarâ Farao otâ-ticne-e ŋokâ mucneniŋte mupie qikiŋnewec.
HEB 11:25 E sâqocnere aŋac bembeŋne qikiŋnerâ Anuture ŋicfâc jaŋehec šâic busâqoc manaocte wosâewec.
HEB 11:26 Ehuc Aigita mâreŋkonec moneŋ mafa mâriri irec maname jawane ewec, â Kristore erâ mamakucne juocte ine maname fârine ewec. I juku furine roocte mana suhuc iŋuc ewec.
HEB 11:27 E mamanasiŋhec juwecte ŋicwofuŋ aaric-ticne qamaserâ Aigita mâreŋ behewec. Erâ Anutu mi hohonene e šâŋezi honehuc tinac erao siŋkewec.
HEB 11:28 Mose e mamanasiŋhec juwecte mume aakic lama hezurâ socnezi ficmotâc ruacnepie aŋelo momorizi jowaruhuc mârâc ŋokâfâc-jeŋic akic-jopawec.
HEB 11:29 Eme Israe ŋic jaŋe mamanasiŋhec jumbiŋte Hâwec Bâbâroŋko tiŋko rara tinac rahuc fotâcnembiŋ. Aigita ŋic jaŋe i jaha ezo mupie hâweczi ɋâcjopawec.
HEB 11:30 Israe ŋic jaŋe mamanasiŋhec jumbiŋte Jeriko haesac orâŋkekuhapie šoaŋ gie bapa 7 eme hericke qawec.
HEB 11:31 Sasec ŋokac Rahaba e mamanasiŋhec juwecte ŋic mâreŋ hone t^ecnepic jahe âgo ejactewec. Eme qaqatara ŋic jopambiŋko e akickekicne.
HEB 11:32 Erâ dâŋ gâcne wemocko mufârezo. Gideoŋ â Baraki â Simsoŋ â Jefita â Dawidi â Samue â porofete jaŋere binaŋ bafârepe muzac mâretec šorazac.
HEB 11:33 Jaŋe mamanasiŋhec jumbiŋte ŋic guru sâko bawahac-jopambiŋ. Bâbâtiŋ gie bâhâmombiŋ, wiac biŋe qajarekicne irec fârine rombiŋ, laioŋ micjeŋic bâbâzickembiŋ,
HEB 11:34 šocbâruŋ fâro-ticne hemâteŋkembiŋ, šika faio feipiehuc ɋâricne jumbiŋ, dockekicnezi mocwâc sanaŋkembiŋ, šikao momori wânšâŋ embiŋ, mâreŋ gâcnaonec râsi jopa jâpec embiŋ.
HEB 11:35 Ŋokac gâcne jaŋere ŋokâ hâmockonec bâɋâre-jarekicne. Ŋic tucne bâšâic-jopahuc mâsi qâsi ejarekicne, eme “miti behepie akic-ŋopazo” jazapie, juju sanaŋte ɋâreniŋte manasuhuc qikiŋnembiŋ.
HEB 11:36 Ŋic tucne jaŋe maric maŋgâpâc â qa imac ejarekicne, â tucne jaŋe me kike-jeŋic qarâ kâpâcwâru ficko râec-jopakicne.
HEB 11:37 Tucne jaŋe qânâzi hehâmoc-jopakicne, tucne jopa qâšâic ejarekicne, tucne jaŋe segezi bâtâc-jopambiŋ, tucne jaŋe šikazi upe-jeŋic qâtâcnembiŋ. Jaŋe lama â noniŋ sahacne rufarâ rorocko juhuc bebekâne erâ šâŋ goma faio jujumbieŋ.
HEB 11:38 Iŋucnezi ŋic wemo-jeŋicte mâreŋko jupie sâckewec. Jaŋe tiki tuhuo mâreŋ â qorac hawecko foforâ jujumbieŋ.
HEB 11:39 I jaŋe sasawa mamanasiŋ-jeŋicte Anutuzi honec-jopame biaŋkewec, erâ sifu wiac biŋe qajarekicne irec fârine mi bâfuambiŋ.
HEB 11:40 Fuŋne šiŋucte: Anutu e nâŋâcnao wiac fekicne râeocte maname fowec, irec jaŋe nâŋâc tâmiricko juju saric bâfuaniŋte mi manasuwec.
HEB 12:1 Wišec guru sâko iŋucnezi karorac tinac erâ orâŋ-nâpoŋgopieŋte wiac bâmâc-nâpoekac i hetera-fârenšepeneŋ, â sâqocnere muczi fâfâc-nâpoekac i wâc hetâcnenšepeneŋ, ehuc hata nâwotukicne ira tatakic tâmiric gagasac jaha ranšepeneŋ.
HEB 12:2 Ehuc Jesu, mamanasiŋte micne bapa â mamanasiŋte fârine bâbâfua, erao findendeŋnehuc junšepeneŋ. E šeri bubiaŋ fuacneocte mukicne irec manasuhuc maripoŋte šâic manawec â mimi faio fefe mana suawec. Iŋuc erâ Anuture ŋeŋefuŋko mefârenao fewec ŋekac.
HEB 12:3 Sâqocne bapa jaŋe mukac mupe mo iŋucne ecnepie mana-bipierâ sanaŋkewec, ŋoŋe ere hâcne manasuhuc mi takirepie maŋŋeŋic betaŋkezejec.
HEB 12:4 Ŋoŋe sâqocnezi herokawec-ŋopazo eme samandiŋkerâ sahac-ŋeŋic bapie wozeme dodoma, i juwarehuc iŋuc sâcne mi embiŋ.
HEB 12:5 Erâ dâŋ moc “ŋokâ” muŋarehuc faŋ qaŋarekicne fokac irec nikec-ŋopawec me? Dâŋ šiŋuc: “Ŋokâ-nane, Wofuŋzi bâtiŋgume manatec wawahane mi ezejec, â bâšâicgume maŋge mi rokawezejec.
HEB 12:6 Wofuŋ e ŋic moc jauŋkezo murâ ba bâtiŋ ecneekac, â ŋic fuŋfuŋfâcne bacjopahuc qa qâtiŋ ejare-fâreekac.”
HEB 12:7 Wofuŋzi ba bâtiŋ eŋarezo mume hâbi-ŋeŋic mi ŋeŋgoroŋkezejec. Anutuzi honec-ŋopame naru motecfâc-ticne epie iŋuc hâcne eŋareekac. Me mo mamaczi ŋokâ-ticne ba bâtiŋ mi ecneocmu?
HEB 12:8 Ba bâtiŋ i ŋic gâcne sasawa ejarewec, eme ŋoŋe i tâmiric jupie ine naru motecfâcne mâcne, fiuckonec fuakicne muŋarezo.
HEB 12:9 Erâ moc mupe: Mâreŋ mamacfâc-nâŋec jaŋe qa bâtiŋ enârepie araŋ bajare jumbeneŋ. Eme qâqâtâcte Mamac e araŋ bašihuc bacnepene sâckeocmu. Iŋuc ehuc juhâmonaŋmu.
HEB 12:10 Jaŋe mamana-jeŋicte sâc jara dameŋ bembeŋne sawa qa bâtiŋ enâre jumbieŋ, eki ine wiac fârine fua-nâreocte enâreekac, e jahacne tiri jujuo šuhuckenaŋte hâcne.
HEB 12:11 Bâbâtiŋ fuaocmu sâc i qanaŋ manapene bubiaŋhec mi ehuc busâqochec eekac” â šâhecko ine bâbâtiŋko juhuc sanaŋkeeŋgopieŋ jaŋerao fârine wamane fuaekac, šâŋene bahac fâsâc juju.
HEB 12:12 Eme ŋoŋe meŋeŋic betaŋkekicne â hoqaŋeŋ-ŋeŋic ŋetarakicne, irec âte tiŋnehuc sanaŋkenšepieŋ.
HEB 12:13 Ehuc hata bâšâwepie wiŋkeme ŋoŋeraonec puriŋ ekicnezi ira qac qâsoric tâmiric âte rahuc biaŋkenšepieŋ.
HEB 12:14 Ŋoŋe ŋic mâmâc sasawa jaŋehec wamao jujure giene banšepieŋ, erâ maŋfuru erâ juniŋte henširiŋnenšepieŋ, maŋwânâŋhec juku Wofuŋ hohone i mi fokac.
HEB 12:15 Ŋoŋeraonec moczi Anuture aki anonoc ririzacte soŋaŋ babac enšepieŋ. Erâ ŋondeŋ-ŋeŋicko šâŋ opac moczi gitec herâ šacŋopame sâqorenšipiŋte rucŋeŋic banšepieŋ.
HEB 12:16 Erâ ŋoŋeraonec moczi Esaure hata mi âtehuc sasecŋic â ŋic araŋ bapa tâmiric mi ezejec. E nânâ mocjaha mac irec erâ mârâc fufuare merâfâc qikiŋnewec.
HEB 12:17 Ŋoŋe ere manaeŋgopieŋ, e šâhec jambuŋ rozo mume sakarecnekicne. E wiac ewec i suame arictac eocte kio-bipiehuc emâmâŋkewec.
HEB 12:18 Ŋoŋe tiki moc ba bâuac eene, šocbâruŋnehec ira mi ra fisimbiŋ, erâ hâweŋ, dapâc â mâŋâŋ šâšâkiriŋne irec maŋnao mi rašimbiŋ.
HEB 12:19 Erâ qeŋfânâŋ sâko â dâŋowa i wâc mi manambiŋ. Manambiŋzi dâŋ niniŋkeocte numu huacbuc embiŋ.
HEB 12:20 Dâŋ kecšiŋuc mukicne, irec manapie hâhâwicne ewec: “Qowi tiki âteuame qânâzi hehâmozo.”
HEB 12:21 Wiac i bipic tatarane hec fuakume Mosezi muwec: “No hâwicnume ɋarac ɋarac qakopac.”
HEB 12:22 Ŋoŋe tiki iŋucnao mâcne, ŋoŋe Zioŋ tiki, Anutu jujune ere hae sâkoo, sambâŋte Jerusalemko fisimbiŋ. Ehuc aŋelo mi wowosec-jopane â šeri tutumaŋ sâko
HEB 12:23 â fuŋfuŋ gurufâc-ticne šâŋejeŋic sambâŋko qâreŋkekicne jaŋe hâcne maic-jopambiŋ. Ehuc Anutu, ŋic sasawa nâŋâcne mumutara maickembiŋ, â ŋic tiŋne furu bacjopakicne qâqâtâcfâc-jeŋic jaŋerao šuhuckembiŋ”
HEB 12:24 â Jesu, šâšâfic ɋâricnere jâcne, erao fisirâ rurua soc maickembiŋ, soc izi Abe socticnezi wira wâwâsic ewec iŋuc mâcne, sâc moc wira wâwâsic eekac.
HEB 12:25 Ŋoŋe dâŋ ŋazaekac e râpeckenšipiŋte ruc bahuc junšepieŋ. Mârâc jaha mâreŋko waharâ dâŋ jazame qikiŋnepie okacne fisi-jarewec. Eme ši sambâŋko juhuc dâŋ nâzâekac, e râpeckerâ wemocko okac tâmiric junaŋmu.
HEB 12:26 Mârâc jaha dâŋ mume mâreŋ qiriŋ qawec. Eme ši ine dâŋticne šiŋuc fokac: No juku mâreŋ mocwâc itiriŋkehuc sambâŋ mâmâc itiriŋkepemu.
HEB 12:27 Mocwâc itiriŋkepemu, iŋuc muwec, ine wiac bâfuakicne i itiriŋkeme ŋerisieocte manasuhuc muwec. Ŋerisieme fofo sanaŋ i fuarâ qiriŋmâc fozokac.
HEB 12:28 Nâŋâc uucmaŋ moc qiriŋmâc fofo sanaŋ rauckenaŋmu, irec Anutu mucne bacnenšepeneŋ, ehuc rumerâ araŋ bacnehuc, jahac maname biaŋkeekac irec sâcko kiŋaŋ qacnenšepeneŋ.
HEB 12:29 Ehuc šiŋuc mananšepeneŋ: Anutunâŋec e šocbâruŋ iŋucne.
HEB 13:1 Qoqomâzi jauŋ babac eeŋgopieŋ i ŋoŋerao mi wahazejec.
HEB 13:2 Ŋic hezu hewâneŋ ejareniŋte qâoma mi enšepieŋ. Gâcnezi ŋic hezu hewâneŋ ejareŋgopeneŋ muhuc aŋelo ejarembiŋ.
HEB 13:3 Âgofâc-ŋeŋic kâpâcwâru ficko râec-jopakicne jaŋere manasuhuc manapie mâmâc râec-ŋopakicne tinac ezejec. Erâ ŋoŋe sahachec jaha juŋgopieŋte qa imac ejarekicne jaŋere wâc manasunšepieŋ.
HEB 13:4 Ŋowe ŋonâŋ jujure manapie wiac fârine eha fofo wirecko gâc mi hezejec. Boe sau â šuhuc bâtâc eeŋgopieŋ jaŋe Anutuzi okacne jareocmu.
HEB 13:5 Maŋŋeŋiczi moneŋ mafare harac mi ezejec. Wiac foŋarekac sâc mukâroŋ tâmiric bajunšepieŋ. Wofuŋ e jahac šiŋuc muwec: “Noni mi behecgupemu, â hone qâoma moc mi egarepemu.”
HEB 13:6 Irec nâŋâc hâbi-nâŋec rohuc šiŋuc munšepeneŋ: “Wofuŋ e ŋeŋezic-nane, no mi hâwicnuzejec; ŋic jaŋe wemo enareniŋmu?”
HEB 13:7 Micne bapafâc-ŋeŋic Anuture dâŋ ŋaza qazuc embiŋ jaŋere manasuhuc junšepieŋ, erâ miti hata âteku hâmombiŋ itirocne honehuc jaŋere bâjâpecne mamanasiŋhec junšepieŋ.
HEB 13:8 Jesu Kristo e juweczi jukac ijaha jurašihuc juocmu sanaŋ.
HEB 13:9 Mu qaqazuc dâŋ kosane hazec furu ŋazapie izi maŋŋeŋic mi hesifuckezejec” maŋŋeŋic aki anonoczi keteŋneme qiŋ herâ fome biaŋkeocmu, wiac nâkicnezi sâcne mi basanaŋkeocmu. Hata i âtembiŋzi fârine mi bâfuambiŋ.
HEB 13:10 Nâŋâcne alata ŋekac, irec nânâ i qoruc boze kiŋaŋ qacneeŋgopieŋ jaŋe nâniŋte mi mana-jarekicne.
HEB 13:11 Ŋoŋe manaeŋgopieŋ, qowi hezurâ socjeŋic taha bapa sâkozi sâqocnere kiŋte furu ufuŋko bafeme fârine hae sahao bahurâ šoczi rikeeŋgopieŋ.
HEB 13:12 Eme Jesu e iŋuc jaha socticnezi ŋic maŋfuru bacnâpoocte hae sahao qapie hâmowec.
HEB 13:13 Irec nâŋâc iŋuc jaha hae sahao erao hurâ, eki mimi faio fewec ijaha enšepeneŋ.
HEB 13:14 Ʒiŋuc manahuc enšepeneŋ: Hae ŋeŋe sanaŋ moc šira mi ŋenârekac” moc juku fufuane irec maŋhâhâŋ enâreekac.
HEB 13:15 Irec nâŋâc Jesure erâ Anutu šušuhuc jaha mumuteŋ ecnepene izi taha bâzi-ticne ezejec, micbipic-nâŋecte fârine šâŋe-ticne muac baafec enšepeneŋ hâcne.
HEB 13:16 Jauŋ â bâmec baniŋte qâoma mi enšepieŋ, Anutu e irec hâcne maname taha bâzi fârine eocmu.
HEB 13:17 Micne bapafâc-ŋeŋic jaŋere dâŋ reŋkehuc sâsec-jopanšepieŋ” jaŋe maŋ qâqâtâc-ŋeŋic hone soŋaŋ eeŋgopieŋzi juku gie-jeŋicte fuŋne mutaniŋkeniŋmu. Irec gie-jeŋic bubiaŋko bapie sâckeocmu, busâqocko bahapie ŋoŋerao wiac sâcne mi biaŋkeocmu.
HEB 13:18 Ŋoŋe nâŋere erâ numuhuc junšepieŋ. Nâŋe pectâc sasawa junaŋte šoɋac eeŋgopeneŋzi maŋnâŋecko bahac basaeŋgopeneŋ.
HEB 13:19 Nunumuzi baficnupie Wofuŋzi bârisiecnume ŋoŋerao biac fâpemurâ ŋaza sanaŋkekopac.
HEB 13:20 Wama Anutu e lama soŋaŋ sâko Wofuŋ-nâŋec Jesu šâšâfic fofo sanaŋ irec socte hâmockonec bârisiewec,
HEB 13:21 Anutu eki hâcne wiac biaŋne fuŋne fuŋne tahac-ŋopahuc baafec-ŋopame dâŋticne reŋkenšepieŋ, erâ e jahac maname sâckeekac i Jesu Kristore erâ ŋoŋerao bâfuazejec. Erao mumuteŋzi mumuteŋ forašihuc juzejec sanaŋ. Jâmbomac.
HEB 13:22 Âgofâc, no dâŋ šoricne boc mi qâreŋkepac, eme ŋoŋe uŋsawaŋ dâŋ i manapie mi sâqoreocte esoc-ŋopakopac.
HEB 13:23 Erâ ŋazape mananiŋ, âgo-nâŋec Timoteo e firuembiŋ, biac wareme jowape fanacmu.
HEB 13:24 Micnefâc-ŋeŋic â mitiŋic ŋokac sasawa manasu-ŋare-fârekopac. Italia mâreŋkonec jaŋe manasu-ŋareŋgopieŋ.
HEB 13:25 Aki anonoczi ŋoŋerao fofârezejec.
JAM 1:1 Jakobo no Anutu â Jesu Kristo ere kiŋaŋ qaqazi Israe ŋicguru 12 siŋsaŋ qarâ juraŋgopieŋ ŋoŋe mu šeri eŋarehuc papia ši ŋe-ŋarekopac.
JAM 1:2 Ŋoŋerao eesâic fuŋne fuŋne fuame manapie bubiaŋnehec sasawa ezejec.
JAM 1:3 Wiac iŋucnezi hâcne mamanasiŋ-ŋeŋic ba esâic ecnekume gâtâ bame ŋoŋerao sasanaŋ fuaocmu.
JAM 1:4 Sasanaŋte fârine ŋoŋerao fua-hâmozejec, eme wiac moc mi basahuc bahacmâc â maŋfuru junšepieŋ.
JAM 1:5 Ŋoŋeraonec moczi maŋɋârâŋ basarâ Anutu numucnezejec. Eme e ŋic sasawa, dâŋ mi munârehuc, wiac maŋhumuc nâreekaczi bâfuacneocmu.
JAM 1:6 Nunumu ine maŋjahec ehuc mâcne, Wofuŋ manasiŋkehuc numucnezejec. Maŋjahec eocmu e hâwec siri, mâŋâŋzi ficne sueme fâuckerâ tâtieekac, iŋucne eocmu.
JAM 1:7 Ŋic iŋucnezi Wofuŋtaonec wiac moc roocmu mi muzejec.
JAM 1:8 Maŋguru â tie faranezi wemocko iŋuc eocmu.
JAM 1:9 Opâ ruac wahakicnezi fekicne jukopac muhuc maname šerine ezejec.
JAM 1:10 Á mafaŋiczi wahakicne jukopac muhuc maname šerine ezejec. Jâcârizi ŋeindaŋnerâ biac mârâŋkeekac, iŋuc jaha mafaheczi biac siroweniŋmu.
JAM 1:11 Ʒoaŋ e furicte wefurâ šocnezi šariŋ rikeme ɋaŋame ârine mârâŋkeme eri-ticne wahaekac, iŋuc jaha mafaŋic jaŋe ɋaŋapie qâŋtac-jeŋic sawa ŋeocmu.
JAM 1:12 Ŋic moc e eesâicko qiŋ herâ juocmu ere manape šerine ekac E sanaŋkeku maŋne eme Wofuŋzi eri hendiŋ juju sanaŋ hâcne râcneocmu maŋjeŋic ere domakac jaŋe biŋe qajarekicne.
JAM 1:13 Ŋic moc sâqocnere eesâic fuacneme šiŋuc mi muzejec: Anutuzi esâic nukac. Sâqocnere eesâic Anuturao fufuane mi fokac, â eki wâc ŋic moc sâqocnere mi esâickeocmu.
JAM 1:14 Eesâic ine kecšiŋuc fuaocmu, qanaŋ ŋic moc e jahacne saseczi beŋgisic sicnecnehuc hehawickeocmu.
JAM 1:15 Eme saseczi motec kiweckerâ roocmu, šâŋene sâqocne” sâqocnezi ine woze qeuc eku hâmoc bâfuaocmu.
JAM 1:16 Âgo biaŋfâc-nane, ŋoŋe dâŋ mi mana sifuckenšepieŋ,
JAM 1:17 jauŋ biaŋne â taha fârine i faicnec sasawa, tatamac Mamac eraonec wahaekac, erao hâcne hec hetikic â sâsâoc mi fokac.
JAM 1:18 Anutu e manapaŋkewecte dâŋfârizi naru motecfâcne bâfuac-nâpowec, i wiac sasawa bâfuawec irec hata qaqasune tinac enaŋte iŋuc enârewec.
JAM 1:19 Âgo biaŋfâc-nane, mananiŋ. Ŋiczi dâŋ mamanare afeckenšepeneŋ, dâŋ mumure â aaricte ine ŋemâckenšepeneŋ.
JAM 1:20 Aaricko wiac eeŋgopeneŋ izi Anuture tiŋne hata ririekac.
JAM 1:21 Irec ŋoŋe maŋwânâŋ â râŋgeŋ bârâŋgeŋ hetararâ urucko juhuc maŋŋeŋicko mitidâŋ râekicne i âgo ecnenšepieŋ. Izi hâcne maŋ qâqâtâc-nâŋec bâpiaŋkeocte tâpiri focnekac.
JAM 1:22 Ŋoŋe mitidâŋte fârine bâfuanšepieŋ, mâc hazecte nâpene sawa eme maŋŋeŋic eatuckeniŋmu.
JAM 1:23 Moc e mitidâŋ mana qâoma eocmu, e ŋiczi šâŋe mai-nâŋec hawario honerâ eeŋgopeneŋ, sâc ijaha eocmu.
JAM 1:24 Ʒâŋe mai-nâŋec hawario honerâ ra qâoma erâ izia hawari-nâŋecte nikec-nâpoekac.
JAM 1:25 Á moc e sâcmutâc dâŋ fârine, rambaŋko rârâec-nâpone, dâŋ ira mana utuckerâ juocmu, ehuc mana qâoma mâcne, mana rereŋ eocmu, iŋucnezi ine dâŋte fârine bâfuarâ mana aŋac eocmu.
JAM 1:26 Moc e mitio jukopac muekaczi micbipic-ticne mi soŋaŋkehuc maŋticne eatuckeekac, ŋic iŋucnere mitio juju i racne eocmu.
JAM 1:27 Hozec bekâ busâqocko juhapie hone maiŋ ejarezo â mâreŋko sâqocne fokac izi maŋnâŋec hegâpârezacte pectâc juzo, izi Anutu â Mamac ere maio wâwânâŋ tâmiricko mitio juju ekac.
JAM 2:1 Âgofâc, ŋoŋe tatamac Wofuŋ-nâŋec Jesu Kristo manasiŋkeeŋgopieŋzi ŋic fekicne wahakicne wiac sâctiri mi ejarenšepieŋ.
JAM 2:2 No kecšiŋucte mukopac: Tutumaŋ-ŋeŋicko ŋic moc boreŋ qonaŋkerâ ŋaqi erinehec hefâocmu, eme ere râpefuŋko ŋic hapetac moc ŋaqi taocnehec hefâocmu.
JAM 2:3 Ehame ŋoŋe ŋic ŋaqi erinehec erao šâŋe firâ šiŋuc âzâcneniŋmu: “Go šira ware popoo ŋec.” Iŋuc murâ hapetac e šiŋuc âzâcneniŋmu: “Go ocna domac, me ɋâriŋko waha ŋec.”
JAM 2:4 Ŋoŋe ŋondeŋ-ŋeŋicko ŋic teŋtiri ejareeŋgopieŋ, i maŋŋeŋicko dâŋ repicne soŋkepie fokacte wiac esifuckeeŋgopieŋ hâcne.
JAM 2:5 Âgo biaŋfâc-nane, dâŋ mupe mananiŋ: Anutuzi ŋic weniŋucne rowosâec-jopawec? Mâreŋko hapetac jueŋgopieŋ jaŋe hâcne mamanasiŋko maŋ mâririhec erâ uucmaŋ rauckeniŋte rowosâec-jopawec. I irec ejareekac jaŋe hâcne biŋe qajarewec.
JAM 2:6 Eme ŋoŋe ine hapetac jaŋe šâŋe titikic honec-jopaeŋgopieŋ. Á weni jaŋezia bâuruŋ-ŋoparâ kiarao râec-ŋopaeŋgopieŋ? Mafahec jaŋe hâcne iŋuc eŋareeŋgopieŋ.
JAM 2:7 Ehuc wâc šâŋe biaŋ fai-ŋeŋicko fewec e musoriŋkeeŋgopieŋ.
JAM 2:8 “Gahacnere egareekac sâc ijaha âgogere egarezejec”, sâcmutâc dâŋ neŋgocne iŋuc qâreŋkekicne fokac, i reŋkepie jâmbomac biaŋkeocmu.
JAM 2:9 Á ŋic sâctiri ejareniŋmu, ine bahac bâfuapie sâcmutâc dâŋzi qaqatara ŋic eŋgopieŋ irec fuŋne bataniŋkeocmu.
JAM 2:10 Moc e sâcmutâc dâŋ gâcne reŋke-fârehuc mocjaha qatarame sâcmutâc dâŋ qâqâhâc qatarawec eocmu.
JAM 2:11 “Ŋowe ŋonâŋ ŋohe bebehec mi ezepirec” muwec ekizia wâc “go šika mi qazemec” muwec. Eme go ŋonâŋge mi behecmu, šika ine qacmu, ine dâŋ qaqatara ŋic ecmu.
JAM 2:12 Sâcmutâc dâŋ rambaŋko rârâec-nâpo izi juku fuŋne babataniŋ dameŋko rambaŋko râec-ŋopaocte wiac mana tarahuc mu bac enšepieŋ.
JAM 2:13 Ŋic uruc jauŋ tâmiric juocmu e wâc juku uruc jauŋ mi ecnezo. Uruc jauŋhec juocmu e fuŋne babataniŋko hâhâwic tâmiric domaocmu.
JAM 2:14 Âgofâc-nane, ŋic moczi “mamanasiŋhec jukopac” muocmu, ehuc eehâmo gie mi baocmu, e mamanasiŋ-ticnezi moc bafickeocmu me? Mamanasiŋzi wemocko sisipirickonec bataraocmu.
JAM 2:15 Ŋic me ŋokac âgo-ŋeŋic moczi qoruc ŋaqi me nânâ wiac basahuc juhame
JAM 2:16 ŋoŋeraonec moczi e šiŋuc âzâcneocmu: “Go sâcne ra juzemec, erâ fâfârezicte sahacge foŋkezemec â nânâ nâ gapec ezemec”, moc e miczi iŋuc sawa muhuc jauŋ mi bacneocmu, izi wemocko bafickeocmu?
JAM 2:17 Irec mamanasiŋ bucticne, fârine eehâmo gie mi fuaocmuo, hâmo mâteŋ ekicne muzo.
JAM 2:18 Me moczi šiŋuc mecne muocmu: “Go mamanasiŋ fogarekac, â no eehâmo gie fonarekac.” Me, mamanasiŋge eehâmo gie tâmiric i nowatutec honepe. Á no eehâmo gie bahuc mamanasiŋ-nanere fuŋne sâcne gowatupemu.
JAM 2:19 Anutu mocjaha jukac, dâŋ i mana šakiekic” i sâcne ekic. Dâŋ i demoŋ jaŋe wâc mana šakieŋgopieŋ, ehuc ɋarac ɋarac qaeŋgopieŋ.
JAM 2:20 Ŋic maŋtac go mamanasiŋ eehâmo gie tâmiriczi wiac jawane ekac irec fuŋne ši manac.
JAM 2:21 Mimiŋne-nâŋec Abraham e ŋokâ-ticne Isaka taha bâzi rikeocte alatao râewec ira Anutuzi manacneme kiŋfâsâc ewec i eebapa-ticnere hâcne.
JAM 2:22 Eme šiŋuc honekic: Abraham mamanasiŋ-ticne I eebapa-ticnezi bafickewec, ehuc mamanasiŋ-ticne qizecne qawec.
JAM 2:23 Eme irec hâcne Abrahamte dâŋqâreŋ kecšiŋuc fokac i sanaŋkewec: “Abraham e Anutu manasiŋkeme ere maname kiŋfâsâc ewec.” Eme irec šâŋe-ticne Anuture âgo mucnekicne
JAM 2:24 Honeŋgopieŋ, Anutu e ŋic moc mamanasiŋ-ticnere sawa mi maname kiŋfâsâc eocmu, fârine eehâmo gie bame manacneme kiŋfâsâc eocmu.
JAM 2:25 Á sasec ŋokac Rahaba e iŋuc jaha mamanasiŋ-ticnere fârine eehâmo gie bame Anutuzi manacneme kiŋfâsâc ewec. E ŋic mâreŋ hone tâcnepic jahe erao fisipire âgo ejacterâ hatasoŋko râec-jofame wisepic.
JAM 2:26 Irec šiŋuc fokac: Sahac e mâro tâmiric erâ qâŋɋâŋ eekac, iŋuc jaha mamanasiŋzi eehâmo gie tâmiric qâŋɋâŋne jaha eekac.
JAM 3:1 Âgofâc-nane, ŋoŋe bocjahazi qaqazu gie baniŋte mi fotarienšepieŋ. Manaŋgopieŋ, mumutara dameŋko Wofuŋzi qaqazu nâŋe wiac bašihuc enâreocmu.
JAM 3:2 Nâŋâc mâmâc sasawa wiac gâbâ esifuckeeŋgopeneŋ. Ŋic moc e dâŋko moc mi sâqoreocmu, e ŋic saric sarahaŋne mucnezo. Iŋucnezi me sahac-ticne sasawa guriŋne sâcne bafâreocmu.
JAM 3:3 Becâsic jaŋe dâŋnâŋec reŋkeniŋte micko kiki râe-jareeŋgopeneŋ. Erâ izi becsâko bac bâtikic ejareeŋgopeneŋ.
JAM 3:4 Wokere wâc manaeŋgopeneŋ, jaŋe kâcɋene sâko, erâ mâŋâŋ sanaŋnezi ficne suec-jopame raeŋgopieŋ, eme sifu guriŋ bapa e guriŋ piticne i bac bâtikic ehuc hata muocmu ijaha wokezi raocmu.
JAM 3:5 Eme ŋicnameŋ e iŋuc jaha wiac piticne, erâ wiac wemo afecne efeekac. Manaŋgopieŋ, šoc masisi i wiac huŋgaŋne mac, eme iŋucne maczi sopâc sâko rikepene šafâreekac.
JAM 3:6 Eme nameŋ-nâŋec šoc masisi iŋucnea wâc. Eki hâcne me sahac gâcne siric-jopahuc sâqocnere neŋgocne eekaczi sahac-nâŋec bâbie-fâreekac â juju-nâŋecte ŋesiŋ rikeme šafâreekac” e jahacne ine hârâckonec šoczi qâhâsâme šaekac.
JAM 3:7 Qowi fuŋne fuŋne tiŋkonec â hâweckonec erâ wipe homa wiac i ŋiczi bâmâteŋkezo murâ bâmâteŋkeeŋgopeneŋ.
JAM 3:8 Nameŋ ine mo ŋic mozi bâmâteŋkeocmu? E gapec tâmiric ririsiehuc sâqocne baekac, qotâre micopâzi fusucmakicne tinac.
JAM 3:9 Nameŋ-nâŋeczi Wofuŋ Mamac muteŋkeeŋgopeneŋ, erâ nameŋzia ŋic Anuture hawarifâc sâwec-jopaeŋgopeneŋ.
JAM 3:10 Mic ijaha mumuteŋ â sâwec wahaekac. Âgofâc-nane, iŋuc wemocte?
JAM 3:11 Opâ šâŋe ijaha nocne â hâtâne ataŋ wahaekac me?
JAM 3:12 Âgofâc, hâmeŋko woraŋ fuaocmu? Me saŋko hâmeŋ fuaocmu? Me hâweczi nocne eocmu?
JAM 3:13 Ŋoŋerao maŋɋârâŋhec â maŋ manahuc wiac ee iŋucne moc juŋgopieŋ me? Ine wama ruaine juhuc eebapa biaŋne bâfuahuc maŋɋârâŋ-jeŋicte fuŋne bataniŋkenšepieŋ.
JAM 3:14 Á maŋjeŋicko iiŋguuŋ hâtâne â hehefaric fohame ine sahac-jeŋic bafehuc dâŋfâri manaŋgopeneŋ mupie burec eocmu.
JAM 3:15 Maŋɋârâŋ hata iŋucne i faicnec wahakicne mi muzo, aricne, mâŋɋârâŋ hata iŋucne i mâreŋkonec, ŋickonec, Sataŋtaonec.
JAM 3:16 Iiŋguuŋ â hehefaric foocmu ijaha wâc fâfâuc â wiac gâgâpâcne gâcne gâcne fofâreocmu.
JAM 3:17 Maŋɋârâŋ hata faicnec izi ine wiac šiŋuc bâfuaekac: Qanaŋ maŋɋaɋac, erâ wama, miriŋ, micrereŋ, uruc jauŋhec juju â mitire fârine gâcne, erâ wâc maŋguru tâmiric â siocmâc juju.
JAM 3:18 Wamare guriŋne baeŋgopieŋ jaŋe wamao ukicne sara mamac epie fârine tiŋne juju fua-jareekac.
JAM 4:1 Ŋoŋerao šika â rârâsi foekac i fuŋne weniŋucte? Me sahac-ŋeŋicko andac forakac izi hâcne šika gie baekac.
JAM 4:2 Ŋoŋe andac eipiehuc wiac mi rauckeeŋgopieŋ. Ŋoŋe qaqac â iiŋguuŋ eec ehuc sifu wiac sâcne mi hotâckeeŋgopieŋ. Ŋoŋe kikisâ â kikisuec ehuc wiac sâcne mi hure nâc eeŋgopieŋ. I nunumu tâmiric jueŋgopieŋ irec.
JAM 4:3 Moc i numu-bipiehuc wiac mi roeŋgopieŋ, ine maŋŋeŋicko dâŋ sâqocne šiŋuc foha numueŋgopieŋte: “Wiac fua-nâreme samarierâ andac-nâŋecte fârine bâfuanšepeneŋ.”
JAM 4:4 Oi, šâšâfic hehetâc ŋic ŋoŋe¡ Mâreŋko wiac fokac irec biŋe juocmuzi Anutu râpeckeocmu, i mi manaŋgopieŋ me? Irec moc e mâreŋkopec wiac kosa âgo ecneocmuzi Anutu kisâ ecneocmu.
JAM 4:5 Me dâŋqâreŋ kecšiŋuc fokac i ŋoŋe manapie racne eekac me? “Maŋnâŋecko mâro ŋewec i ere biŋe sawa juocte šoɋac sâko eekac.”
JAM 4:6 Erâ ŋifec ine aki anonoc wemo afecne sicne-nâreekac. Irec dâŋqâreŋ hâcne kecšiŋuc fokac: “Anutu e ŋic maŋfefe dope qatara-jareekac, ŋic maŋhuhuŋ ine aki anonoc sicne-jareekac.”
JAM 4:7 Irec ŋoŋe Anuture rurumaŋko raširâ domanšepieŋ. Ehuc Sataŋ bâsuenšepieŋ, eme behec-ŋoparâ wiseocmu.
JAM 4:8 Ŋoŋe Anutu maickepie eki wâc maic-ŋopaocmu. Sâqocne bapa, maŋŋeŋic ra qa ware qa eekac, ŋoŋe meŋeŋic šurerâ maŋŋeŋic baɋaɋackenšepieŋ.
JAM 4:9 Ŋoŋe fuŋne-ŋeŋic mana tararâ ki busâqoc enšepieŋ. Gâgâwi-ŋeŋiczi rirehame busâqoc fuazejec, â šeri-ŋeŋiczi rirehame ki mamakuc fuazejec.
JAM 4:10 Wofuŋte maio maŋhuhuŋ jupie eki bafaharec-ŋopaocmu.
JAM 4:11 Âgofâc-nane, ŋoŋe mumusâqoc mi enšepieŋ. Moc e âgo-ticne musâqorerâ okacne dâŋko râeocmu, e sâcmutâc dâŋ musâqorehuc hetâtieocmu. Go ine sâcmutâc dâŋ hetâtiecmuo rereŋŋic mi ehuc mumutara ŋic ecmu.
JAM 4:12 Sâcmutâc dâŋ irec mumufua â soŋaŋ mocjaha sawa jukac, aakic â bebehe irec gie ekizia baocmu. Go ine wemogezi âgoge okacne dâŋko râecmu?
JAM 4:13 Ajoc, moc ši mananiŋ. ŋoŋe kecšiŋuc mueŋgopieŋ: Miŋecgac me tomâcko hae ira ra moneŋ mafa hurehuc juhapene jara moc tarame risienšepeneŋ.”
JAM 4:14 Oi ŋoŋe, tomâcko wiac iŋuc me iŋuc fuaocmu, i moc manaeŋgopieŋ? Me juju-ŋeŋic i weniŋucne? I rombâŋ iŋucne, fua fuahuc izia qašueekac.
JAM 4:15 Irec ŋoŋe kecšiŋuc mupie sâckeocmu: “Wofuŋzi mana-nâreme ɋâricne juhuc iŋuc me iŋuc enšepeneŋ.”
JAM 4:16 Ŋoŋe ine pacgoroŋ dâŋ boc muhuc sahac-ŋeŋic bafeeŋgopieŋ. Pacgoroŋ dâŋ i wiac sâqocne.
JAM 4:17 Ŋic moc e wiac biaŋne eocte mana tarahuc sifu qikiŋneekac, e bahac bâfuakac muzo.
JAM 5:1 Ajoc, mafa mâririhec ŋoŋe šârâ hâriŋ fua-ŋareocmu irec qanaŋ ki mamakuc enšepieŋ.
JAM 5:2 Mafa mâriri-ŋeŋic i šaŋke-fârewec, ŋaqi guru dindiŋ-ŋeŋic mâreŋte temane ewec,
JAM 5:3 â moneŋ boreŋ-ŋeŋic gufewec, eme gufe izi ŋaŋacne fuŋne bataniŋkehuc sahac-ŋeŋic šoc iŋucne nâmizieocmu. Ŋoŋe dameŋ qândâŋkeha mafa sesuc sembureŋ hefembiŋ.
JAM 5:4 Manaŋgopieŋ, padi qaŋarepie gie furi sakare-jarembiŋ irec kiŋzi hohosâcne qakac, erâ qa roro ŋic jaŋere kio wâwâsiczi sambâŋ momori jaŋere Wofuŋte hazecko huwec.
JAM 5:5 Ŋoŋe mâreŋko wiac nâminširiŋkehuc mana aŋac embiŋ â okac dameŋ maickeha nâ areŋ embiŋ.
JAM 5:6 Ŋoŋe ŋic tiŋne dâŋne mutararâ šikao râembiŋ. E sahac-ticne mi ŋezickekac.
JAM 5:7 Âgofâc-nane, ŋoŋe Wofuŋ fisiocte woŋec tatakic tâmiric junšepieŋ. Manaŋgopieŋ, gie rune moczi iŋuc jaha nânâ he sarac erâ fârine fua biaŋ eocte woŋec juekac, ehuc hoe šoaŋ sâckoa bacneme fua sokac eocte mamanac juekac.
JAM 5:8 Eme Wofuŋte dameŋ bembeŋkekacte ŋoŋe iŋuc jaha tatakic tâmiric woŋec juhuc maŋŋeŋic keteŋnenšepieŋ.
JAM 5:9 Âgo bureŋ, ŋoŋe mu takic mi eec enšepieŋ” manaŋgopieŋ mumutara ŋic e motâc râpeo domakac, fuŋne-ŋeŋic rituzacte dâŋ ere biŋe râepie fozejec.
JAM 5:10 Âgofâc-nane, porofete Wofuŋte micte dâŋ mumbiŋzi šâic busâqoc tatakic tâmiric manahuc jumbiŋ jaŋere kike hata bâjâpehuc junšepieŋ.
JAM 5:11 Manaŋgopieŋ, šâicmaŋko sasanaŋhec jumbiŋ jaŋere manapene šerine ekac. Hiobe sasanaŋ-ticnere manaeŋgopieŋ, â Wofuŋzi šâhec wiac afusecnewec i wâc manaeŋgopieŋ. Wofuŋ e buuruc â jauŋ-ticne kâcɋene fokac hâcne.
JAM 5:12 Âgofâc-nane dâŋ fârine moc ši: ŋoŋe sambâŋko ɋetickehuc mumupaŋ, me mâreŋko ɋetickehuc mumupaŋ, me wiac mocko ɋetickehuc mumupaŋ, i mi enšepieŋ. Ŋoŋe dâŋŋeŋic jâmbomacte fârine jâmbomac ezejec â aricnere fârine aricne jaha ezejec. I kiŋ bâfuanšipiŋte iŋuc enšepieŋ.
JAM 5:13 Ŋoŋeraonec moczi šâic busâqocko juocmu, e Anutu numucnezejec, me moczi bubiaŋko juocmu, e mumuteŋ gae hezejec.
JAM 5:14 Ŋoŋeraonec moczi huc foocmu, e kikefuŋte micne bapa hefârec-jopame fisirâ ere faio numunšepieŋ, erâ Wofuŋte šâŋe muhuc wokemaŋ opâ ruacnenšepieŋ.
JAM 5:15 Eme mamanasiŋko nunumu mukicne izi huchec bâpiaŋkeocmu â Wofuŋzi e ɋiɋicne baocmu. Á sâqocne bawecko i bâtâmirecneocmu.
JAM 5:16 Irec ŋoŋe ɋiɋic qaniŋte sâqocne mumufuac erâ nunumuzi dodopec enšepieŋ. Ŋic tiŋne moczi numume tâpirinehec eocmu.
JAM 5:17 Elia e ŋic jaha, nâŋâc iŋucne. Eme eki hoe mi heocte samarierâ numume mâreŋko jara jahec â moc â mosa 6 hoe mi hehe mâc fowec.
JAM 5:18 Eme šâhec mocwâc numume sambâŋkonec hoe wahame mâreŋko wiac ukicne âkešuwec.
JAM 5:19 Âgofâc-nane, ŋoŋeraonec moc e dâŋfârire hata qâsorieme âgo moczi bâtikieocmu,
JAM 5:20 e dâŋ šiŋuc manazejec: Moc e âgo-ticne hata sâqocnaonec bârisieocmuzi e jahacne maŋ qâqâtâc hâmockonec bataraocmu â sâqocne guru sâko sâockeocmu.
1PE 1:1 Petoro no Jesu Kristo ere aposolo jukopaczi Anutu bâwosâecfâc-ticne Ponto â Galatia â Kapadokia â Asia â Bitinia mâreŋko ocŋondeŋ jaba juraŋgopieŋ ŋoŋere papia ši qâreŋkekopac.
1PE 1:2 Anutu Mamaczi maname fowecte rowosâec-ŋopawec ŋoŋe hâcne Mârozi maŋfuru bacŋopaocte â mume rereŋfâcne eniŋte Jesu Kristore soc ruambiŋ: Ŋoŋerao aki anonoc â wama fua bâbâriŋ fuahuc fozejec.
1PE 1:3 Nâŋâc Anutu, Wofuŋ-nâŋec Jesu Kristo ere Mamac, e muteŋkenšepeneŋ. Eki Jesu Kristo hâmockonec faharewecte uruc jauŋ sâko-ticnere erâ, juju fârire mamanac junaŋte bâɋârec-nâpowec.
1PE 1:4 Sambâŋko merâfâc-ŋeŋic šašaŋke tâmiric â bie gufec tâmiric â hâmo qanšaraŋ tâmiric woŋec-ŋeŋic râekicne fokac, i juku rauckeniŋte iŋuc hâcne eŋarewec.
1PE 1:5 Ehuc Anutu tâpiri-ticnezi bâwâzâŋ-ŋopame mamanasiŋhec juhapie juku dameŋ tarame bâbâpiaŋ kâdoc bâmockekicne i fua tâcneocmu.
1PE 1:6 Ŋoŋe irec šeri ehuc juŋgopieŋ, â Anutuzi muŋareme fific guguriŋ faio ferâ šâic busâqocko juhuc sifu dameŋ bembeŋne macte jamaŋ kirâ jueŋgopieŋ.
1PE 1:7 Manaŋgopieŋ, goì i wiac šašaŋkene fuŋne-ticne šocko taniŋkeekac, ŋoŋe ine mamanasiŋ-ŋeŋic, wiac furi sâko jâmbâŋ, irec fârine fific guguriŋko fua taniŋkeme Jesu Kristo fifisi-ticnao ŋoŋere šeri bubiaŋ â mumuteŋ â eri qaraweŋ fuaocmu.
1PE 1:8 Ŋoŋe Jesu e hawari-ticne mi honembiŋzi sifu maŋŋeŋic qikiŋnecneeŋgopieŋ, erâ dameŋ šiŋucne wâc šâŋezi mi hohone sifu manasiŋkeeŋgopieŋ. Ehuc šeri bubiaŋ fuŋmoc, ŋicmiczi mi mumufuane, manacneeŋgopieŋ.
1PE 1:9 Mamanasiŋ-ŋeŋicte fârine maŋ qâqâtâc-ŋeŋicte bâbâpiaŋ hâcne, maic-ŋopakacte šeri eŋgopieŋ.
1PE 1:10 Bâbâpiaŋ i weniŋuc fuazokac, porofete jaŋe mârâc jaha iŋuc wiorâ gufu koparic ehuc jumbiŋ, ehuc ŋoŋerao aki anonoc fuaocte irec findaŋdâŋ muhuc jumbiŋ.
1PE 1:11 Kristo e šâic fâro manaku eri tatamac-ticne rorâ juocmu, irec dâŋ Mâro-ticnezi maŋjeŋicko râeme jaŋe dameŋ wezimucko â weniŋucnao Kristo iŋuc fuacnezokac muhuc wawariehuc jumbiŋ.
1PE 1:12 Jaŋe gie bambiŋ irec fârine jaŋacnao mâcne, ŋoŋerao fuaocte mukicne, i jaŋe mufua-jarekicne. Eme šâhec irec fârine fuame Tiri Mârozi sambâŋkonec waharâ mitiŋic neŋgoc ŋejareme Biŋebiaŋ muromackembiŋ jaŋe hâcne findaŋdâŋte fârine mujaŋgeŋke-ŋarembiŋ. Dâŋ irec šuhucne aŋelo jaŋe wâc mana šiguaniŋte buââkec jueŋgopieŋ.
1PE 1:13 Irec ŋoŋe maŋŋeŋicte umbika jomarâ maŋsowa junšepieŋ, ehuc Jesu Kristo fua tâcnerâ aki anonoc bâfua-ŋareocmu, irec mamanac junšepieŋ.
1PE 1:14 Anuture mume rereŋfâc ŋoŋe mârâc jaha qâpuc-ŋeŋicko sasechec jujumbieŋ, ju ju sâc ijaha šiŋuczia mi junšepieŋ.
1PE 1:15 Tiri runezi hefârec-ŋopawec ere sâcko tiri jaha jufârenšepieŋ.
1PE 1:16 Dâŋ šiŋuc hâcne qâreŋkekicne fokac: “No tiri jukopacte ŋoŋe tiri jaha junšepieŋ.”
1PE 1:17 Ŋoŋe Mamac mucnehuc wâsickeeŋgopieŋ e ra rowec ware rowec mi ehuc juju bapa-nâŋecte sâcko dâŋnâŋec mutaraocmu” irec ŋoŋe mâreŋko jaba juhuc sâc e araŋ bacnehuc junšepieŋ.
1PE 1:18 Ŋoŋe šiŋuc sâcne manaeŋgopieŋ, kâcɋenefâc-ŋeŋic jaŋere sindaŋ hata âtehuc juhapie wiac sisirowenezi, goì siliwa wiaczi mi kitâc-ŋopawec.
1PE 1:19 Ŋoŋe Kristore soc furi Sâko izi kitâc-ŋopawec. E hâcne lama sahac fâsâc â wânâŋ tâmiric iŋucne juwec.
1PE 1:20 E mârâc jaha, mâreŋte hobeteŋne mi fuahame gie i mucnekicne fufua ine šâhec dameŋ tarazo ehame ŋoŋere erâ fuawec.
1PE 1:21 Erâ ŋoŋe Anuturao šuhuc-ŋopawec, Anutu hâmockonec bâɋârerâ eri tatamac hec neme huwec erao hâcne” eme irec mamanasiŋ â woworic-ŋeŋic Anuturao fokac.
1PE 1:22 Ŋoŋe dâŋfâri murâ rereŋ ekupie maŋ qâqâtâc-ŋeŋic ɋaɋackewec i ââgo fârihec eniŋte iŋuc fuawec” eme irec maŋzi jâmbâŋ šâšâfic ehuc junšepieŋ
1PE 1:23 Ŋoŋe fufua ɋâri i ukic sisirowenaonec mâcne, mi sisirowenaonec, Anuture dâŋ jujune â fofo sanaŋ, irecnec âkešurâ fuambiŋ.
1PE 1:24 Dâŋ šiŋuc hâcne fokac: “Sahachec jaŋe sopâc kecɋaŋ iŋucne, â šâŋe rarac biaŋ-jeŋic i šariŋ âri iŋucne. Sopâc kecɋaŋzi ɋaŋaekac â ârinezi mârâŋkeekac. Anuture dâŋzi ine fofo sanaŋ foocmu.”
1PE 1:25 Biŋedâŋ biaŋne ŋazakicne ši hâcne.
1PE 2:1 Ŋoŋe sindaŋ â burec wiac â eeatuc â iiŋguuŋ â gupe micko âkec i hetara-fârenšepieŋ.
1PE 2:2 Hetararâ naru motec ɋiene susure ejareekac iŋuc jaha ŋoŋe maŋ qâqâtâc-ŋeŋicte susu biaŋ irec eŋarezejec. I nâhuc mitio soka pupuŋ enšepieŋ.
1PE 2:3 Wofuŋ jauŋ-ticne moc mana aŋac embiŋko iŋuc enšepieŋ.
1PE 2:4 Ŋoŋe Wofuŋ, qânâ jujune hâcne, ŋiczi hone suŋgiŋkehapie Anutuzi maname fekicne eme bâwosâewec, erao âtesiŋkeniŋ.
1PE 2:5 Ehuc qânâ jujunea efârerâ šuhuckeme šuhuc doma doma fehuc Mârore ufuŋ enšepieŋ. Erâ wâc tiri taha bapa guru erâ maŋzi Anutu taha bâzi ecnenšepieŋ. I Jesu Kristore erâ maname biaŋkeocmu.
1PE 2:6 Miti papiao dâŋ šiŋuc hâcne fokac: “Manakic, no Zioŋko qânâ moc hekopac, qânâ wâtuŋ bâwosâekicne furi sâko. Ŋic moczi erao roweckeocmu e mi qurutuaocmu.”
1PE 2:7 Irec erao roweckeeŋgopieŋ ŋoŋerao wiac furi sâko ekac. Á mamanasiŋ tâmiric jaŋere šiŋuc mukicne: “Ficbapa jaŋe qânâ surehuc behembiŋ, izi hâcne qânâ wâtuŋ ewec domakac.”
1PE 2:8 Erâ wâc “Qânâ ira kike-jeŋic hepirickeniŋmu â buse ira heariweniŋmu.” Ŋic miti qikiŋnehuc ira heariweniŋte mukicnere iŋuc hâcne eeŋgopieŋ.
1PE 2:9 Ŋoŋe ine bâwosâecfâc-ticne â taha bapa ŋicbomboŋfâc-ticne â tiri ŋicgurufâc-ticne â fuŋfuŋ gurufâc-ticne. Iŋucne ŋoŋe dapâckonec bawefuc-ŋoparâ tatamac jaŋgeŋ-ticnao râec-ŋopawec ere mâsi sâkore biŋedâŋ muropiepie haŋ bazejec.
1PE 2:10 Ŋoŋe mârâc jaha ruc hurâ jumbiŋ, ši ine Anuture ŋicfâc embiŋ juŋgopieŋ” mârâc jaha qarâ suŋgiŋne jumbiŋ, ši ine uruc jauŋko juŋgopieŋ.
1PE 2:11 Âgo biaŋfâc-nane, no ŋazape mananiŋ, ŋoŋe mâreŋko jaba â ŋicmanac jueŋgopieŋzi sasec, maŋ qâqâtâc-ŋeŋicte râsi hâcne, i getâckenšepieŋ.
1PE 2:12 Ehuc qâpuc jaŋere ŋondeŋko juju tiŋne junšepieŋ. Iŋuc jupie qâpuc jaŋe fuŋne-ŋeŋic hone mana tarac erâ, sâqocne bapa muŋareeŋgopieŋ, i beherâ juku Anuture iiqic dameŋko eehâmo gie-ŋeŋicte erâ Anutu muteŋkenšepieŋ.
1PE 2:13 Ŋiczi sâcmutâc fuŋne fuŋne râekicne i ŋoŋe Wofuŋte erâ reŋke-fârenšepieŋ. Ŋicwofuŋ, femicne juekac, ere mecne,
1PE 2:14 â kia gawamaî râec-jopawec jaŋere mumupaŋ mecne, mâmâc reŋkenšepieŋ” jaŋe hâcne sâqocne bapa okacne jareniŋte, â sâcne jueŋgopieŋ jaŋe mumbiaŋ-jopaniŋte mu jarekicne.
1PE 2:15 Ŋoŋe eehâmo gie bahuc ŋic mutucne, mumusifuc bâfuaeŋgopieŋ jaŋere dâŋ bâniniŋkeniŋte Anutuzi muŋareekac hâcne.
1PE 2:16 Ŋoŋe goroŋ-ŋopakicnere rambaŋ juŋgopieŋ, erâ juju izi sâqocnere tapa mi ezejec, rambaŋ juhuc Anuture kiŋaŋ qanšepieŋ.
1PE 2:17 Ŋoŋe ŋic šeŋgoma sâsec-jopanšepieŋ, âgofâc-ŋeŋic maŋjauŋ ejarenšepieŋ, Anutu araŋ bacnenšepieŋ, ŋicwofuŋ sâsenšepieŋ.
1PE 2:18 Kiŋaŋ qaqa ŋoŋe bomboŋfâc-ŋeŋic araŋ bajarehuc micjeŋic reŋkenšepieŋ, i bomboŋ urucne â mâteŋne jaŋe sawa mâcne, šâšâicne jaŋe mâmâc iŋuc ejarenšepieŋ.
1PE 2:19 Jaŋe maŋgâŋ bahac tâmiricko bâšâic-ŋopapie Anuture manasuhuc rârâŋgeŋ tâmiric jupie maname biaŋkeocmu.
1PE 2:20 Á bahac bâfuarâ šika kihuc rârâŋgeŋ tâmiric jupie mozi maname biaŋkeocmu? Tiŋne juhuc šika kirâ rârâŋgeŋ tâmiric jupie ine Anutuzi maname biaŋkeocmu.
1PE 2:21 Ŋoŋe iŋuc eniŋte hâcne muŋarekicne. Kristo e iŋuc jaha ŋoŋere erâ šâic manahuc bânie-ŋarewec, eme ŋoŋe kike hata-ticne honehuc ijaha âte ranšepieŋ.
1PE 2:22 E bahac mi bâfuawec, â sioc micticnaonec mi fuawec.
1PE 2:23 E musâqorepie okacne mi musâqorec-jopawec, bâšâickepie okacnere dâŋ mi jazawec. E dâŋ mumutara gie fârine baekac ere biŋe qawec.
1PE 2:24 Nâŋâcne sâqocnezi ere sahacko feme maripoŋko bafewec, i sâqocne hâmocnehuc tiŋkerâ junaŋte ewec. Ere wiczi ŋoŋere wic bâsomiewec hâcne.
1PE 2:25 Ŋoŋe lama iŋucne qâsoc bâsoriehuc jumbiŋ. Ʒi ine maŋ qâqâtâc-ŋeŋicte rusoŋaŋzi hefârec-ŋopame erao fisimbiŋ.
1PE 3:1 Ŋokac ŋoŋere iŋuc jaha mupe, ŋoŋe ŋowefâc-ŋeŋic jaŋere wahamicne junšepieŋ. Eme ŋowefâc-ŋeŋic gâcne miti qiqikiŋ jueŋgopieŋ jaŋe dâŋ mi jajaza mâc rume-jarehuc maŋɋaɋac jupie
1PE 3:2 ŋonâŋfâc-jeŋic ŋoŋere juju bapa hone manac erâ maŋjeŋic bârisienšepieŋ.
1PE 3:3 Ŋoŋe sahacte eri, qizec ba ericko bapa, kubu wiac furi sâko qoqonaŋ, ŋaqi qâreŋ biaŋ rojuju, irec manapie jawane ezejec.
1PE 3:4 Ehame buuruc fârine, maŋwâmbuŋko soŋkerâ tiŋbenoŋ bâfuaekac, izi eri fofo sanaŋ-ŋeŋic eme Anutuzi maname furi sâko eocmu.
1PE 3:5 Miti ŋokac mârâc jujumbieŋ jaŋe eri i hâcne baju jumbieŋ, ehuc Anuturao roweckehuc ŋowefâc-jeŋic sâsec-jopa jumbieŋ.
1PE 3:6 Sara eki hâcne Abraham dâŋticne reŋke jujec, ehuc ŋicbomboŋ mucne jujec. Eme ŋoŋe wiac biaŋne bahuc mu hâhâwicte mana mezac mi eniŋmuo otâfâc-ticne embiŋ juŋgopieŋ muŋarezo.
1PE 3:7 Ŋic ŋoŋere iŋuc jaha mupe” ŋokac e tâpirine wahakacte ŋonâŋfâc-ŋeŋic wiac mana manahuc ejarenšepieŋ. Erâ juju sanaŋte biŋe mâmâc qajarekicnere sâsec-jopahuc junšepieŋ. Eme nunumu-ŋeŋiczi ququŋke tâmiric qâfâsâerâ fezejec.
1PE 3:8 Erâ qâhâckehuc mupe” ŋoŋe mâmâc sasawa maŋ mocjaha erâ miriŋhec junšepieŋ, ehuc âgofâc-ŋeŋic maŋjauŋ ejarehuc wama ruaine â maŋhuhuŋ junšepieŋ.
1PE 3:9 Wiac sâqocne eŋarepie okacne sâqocne jaha mi ejarenšepieŋ, sosopec dâŋ ŋazapie okacne sosopec dâŋ jaha mi jazanšepieŋ, aricne, ŋoŋe jambuŋ hotâckeniŋte hefârec-ŋopakicnere jaŋe wâc jambuŋdâŋ jazanšepieŋ.
1PE 3:10 “Moc e jujure aŋackekac â dameŋ biaŋ bâfuazo ecnekac, e nameŋ-ticne soŋaŋkeha sâqocne mi bazejec, â micbipic-ticne qataracneme burecdâŋ mi ezejec.
1PE 3:11 Eme sâqocne râpeckerâ wiac biaŋne ezejec, erâ wamao juhuc irec giene fotarierâ bazejec.
1PE 3:12 Wofuŋ e ŋic tiŋne jaŋerao šâŋe fihuc mu wâwâsic-jeŋicte hazec râeekac, sâqocne bapa jaŋe ine Wofuŋzi hone qikiŋ ejareekac.”
1PE 3:13 Ŋoŋe wiac biaŋnere henširiŋnehuc juhapie mozi wemo wiac eŋareocmu?
1PE 3:14 Me juju bapa tiŋnere erâ fific guguriŋ faio feniŋmu, ine manapie bubiaŋnehec ezejec. Ʒika hâhâwic eŋarepie ɋarac ɋarac mi qanšepieŋ â hâbi gogoroŋ mi enšepieŋ.
1PE 3:15 Maŋŋeŋic ba emasaŋ epie Kristo e tiri Wofuŋ juŋarezejec. Erâ maŋzi wiac worickehuc jueŋgopieŋ irec mu indiŋ eŋarepie afeckerâ fuŋne mutaniŋkenšepieŋ.
1PE 3:16 Erâ dâŋ i urucko â acmeruŋ ehuc, maŋŋeŋiczi mumu hehec mi eŋareha munšepieŋ. Iŋuc epie, Kristohec juhuc wiac ebac eeŋgopieŋ irec qoric-ŋopaeŋgopieŋ, ŋic i jaŋe burec-jeŋicte fuŋne taniŋkeme mimienšepieŋ.
1PE 3:17 Ŋoŋe wiac biaŋne ehuc juhapie Anutuzi maname sâckeha šika kâpâcwâru eŋareniŋmu irec manape fekac, â bahac bâfuapie eŋareniŋmu ine manape wahakac.
1PE 3:18 Kristo e iŋuc jaha tiŋnezi sâqocnere erâ arec moc hâmowec, e tiŋnezi hehesicne ŋoŋere erâ iŋuc ewec, Anuturao râec-ŋopaocte. E sahachec juwecte qapie hâmowec, â Mârohec juwecte ɋârewec.
1PE 3:19 Mârohec wâc juhuc qâqâtâc kâpâcwâruo fombiŋ jaŋerao rarâ miti jazawec.
1PE 3:20 Jaŋe mârâc jaha Noa e woke bahuc juhame Anutuzi maŋuruc-ticnere erâ woŋec-jeŋic juipiehame dâŋticne qâsuambiŋ. Eme ŋic ŋokac jahec mac, 8 sawa, jaŋe wokeo fepie opâzi akic-jopame Jumbiŋ.
1PE 3:21 Eme ŋifecne ši opâzi wâc Miti Opâo bâpiaŋ-ŋopaekac. Miti Opâ e sahac wânâŋ mi šureekac, e Anutu hefâreme ware maŋŋeŋic šureme mumu hehec mocwâc mi eŋareekac” wiac i Jesu Kristozi hâmockonec ɋârehuc bâfuawec.
1PE 3:22 E jahacne sambâŋko Anutu fârenao fewec jukac” ira juhame aŋelo fekicne jaŋe ere wahamicnao jueŋgopieŋ.
1PE 4:1 Kristo e sahac šâic manawecte ŋoŋe ijaha eniŋte hâbi-ŋeŋic hepie huzejec. Ehuc šiŋuc mananšepieŋ, moc e sahac šâic manaekaczi sâqocnere ninikec bâfuaekac.
1PE 4:2 Eme sahacko juju dameŋ-ticne fokac sâc sasecte gie mi bapa Anuture micdâŋ sawa reŋkehuc juzejec.
1PE 4:3 Juwicnao qâpuc wiac šiŋuc ehuc jumbiŋ: Wiac gapec tâmiric ee, sasec, opâ momori âmbâŋ nânâ, bec qowi âmbâŋ nânâ, tiwâ sisiricko nânâ, nemu burec kiŋaŋ qaqajare, wiac i hâcne ewarehuc jukupie micne qawec.
1PE 4:4 Eme ši ine qâpuc jaŋe sâqocnere šâkâŋko fohapie mi qâtec-jopaeŋgopieŋte manapie moc eme mu supaic eŋareeŋgopieŋ.
1PE 4:5 Erâ jaŋe juku jukicne hâmokicne fuŋne-nâŋec bataniŋkeocte šawierâ jukac erao dâŋgie baniŋmu.
1PE 4:6 Eme fuŋne šiŋucte hâmokicne wâc Biŋebiaŋ jazakicne: Jaŋe ŋifec ŋic hata fokac irec sâcko sahaczi okacne roniŋte, â ŋifec Anuture hata fokac irec sâcko mârozi juniŋte.
1PE 4:7 Wiac sasawa irec dameŋ bembeŋkekac. Irec ŋoŋe maŋsowa â pectâc juhuc nunumure afeckenšepieŋ.
1PE 4:8 Erâ maŋŋeŋiczi jauŋ babac ehuc junšepieŋ. Maŋjauŋhec juhuc kiŋ bebehec sâcne ezo.
1PE 4:9 Ŋoŋe mutakic tâmiric hezu hewâneŋ eec enšepieŋ.
1PE 4:10 Ŋoŋe Anutuzi miti mâriri fuŋne fuŋne tahac-ŋopawec, i ŋicne ŋicne foŋarekac sâc aimuŋ bajuhuc bâmec babac â dodopec ehuc junšepieŋ.
1PE 4:11 Moc e miti muocmu i Anuture dâŋ jâmbâŋ ezejec, moc e gie mucnekicko baocmu ine Anutuzi tâpiri râcneme sâc bazejec. Ŋoŋe iŋuc epie Anuture huriri qâreŋ i Jesu Kristore erâ ŋoŋerao fua tâcnezejec. Eri tatamac â tâpiri i erao foweczi fohuc juocmu sanaŋ. Jâmbomac.
1PE 4:12 Jorocfâc-nane, ŋoŋerao hâbi qaqazure wiac micne momori fuawec fokac, eme ŋoŋe wiac šâŋe furu fua-nârekac muhuc bipic tatara mi enšepieŋ.
1PE 4:13 Ŋoŋe Kristore erâ šâic fâro manahuc sâc bubiaŋ bâfuanšepieŋ, eme juku eri tatamac-ticne fua tâcneme iŋuc jaha bubiaŋ sâko manahuc šeri bari eniŋmu.
1PE 4:14 Ŋoŋe Kristo šâŋe biŋe-ticnere musoc qâsoriŋ-ŋopapie manapie šerine ezejec. Wiac i eŋarepie tatamacte maqâreŋ, Anuture Mâro hâcne, ŋoŋerao waha juocmu.
1PE 4:15 Ŋoŋeraonec moczi šikare me fiucte me sindaŋte me penaroŋte šika kâpâcwâru faio mi fezejec.
1PE 4:16 Á moc e Kristoŋic jukacte šika kâpâcwâru ecnepie ine irec maname mimi busâqochec mi ezejec. E šâŋe i bajuhuc Anuture mumuteŋ bâfuazejec.
1PE 4:17 Manaŋgopieŋ, Anutu e fuŋne babataniŋ gie-ticne ŋicfâc-ticne nâŋâcnao fuŋkerâ baocte dameŋne maickekac hâcne. Nâŋâcnao qanaŋ fuŋkerâ baraku Biŋebiaŋ-ticne qikiŋneeŋgopieŋ jaŋerao batarame sâc weniŋucne fuaocmu?
1PE 4:18 Â “Ŋic tiŋne e okac dameŋko bipic tatara ecnehame miti qiqikiŋ â sâqocne bapa e wenac eocmu!”
1PE 4:19 Eme irec Anutuzi maname sâckeha fific guguriŋ faio feniŋmu jaŋe maŋ qâqâtâc-jeŋic i bâbâfua mume sasanaŋ erao râehuc eehâmo gie banšepieŋ.
1PE 5:1 Ŋoŋerao micne bapa juŋgopieŋ ŋoŋe no micne bapa âgo-ŋeŋiczi dâŋ ŋazape. No Kristo e šâic fâro maname šâŋe fâri-nanezi honepo, izi juku eri tatamac-ticne fua tâcneme i wâc rauckepemu. Irec no hâcne dâŋ mu qâmoc eŋarepe mananiŋ:
1PE 5:2 Anuture lama guru soŋaŋ-jopaniŋte muŋarekicne, i jâiŋko mâcne, buafec jaha hone maiŋ ejarenšepieŋ, erâ moneŋ mafa huhurere manasuhuc mâcne, giere buâkec eŋareha enšepieŋ.
1PE 5:3 Erâ wâc ŋicbomboŋ ejarehuc mâcne, lama micne bajarehuc miti hata bânie-jarenšepieŋ.
1PE 5:4 Eme juku soŋaŋ sâkozi fisirâ hendiŋ huririnehec fofo sanaŋ i heŋareme hume rojuniŋmu.
1PE 5:5 Ŋic socɋâri ŋoŋe iŋuc jaha ŋazakopac, ŋoŋe ŋic kâcɋene jaŋere wahamicne junšepieŋ. Erâ mâmâc sasawa ine gie qoruc šâŋene maŋhuhuŋ i jomarâ kiŋaŋ qaqac enšepieŋ. Manaŋgopieŋ, Anutu e ŋic maŋfefe jaŋe dope qatara-jareekac â ŋic maŋhuhuŋ ine dope sicne-jareekac.
1PE 5:6 Anuture mesanaŋzi bâuruŋ-ŋopame dapenšepieŋ. Iŋuc epie juku dameŋ-ticne maickeme ekizia bafaharec-ŋopaocmu.
1PE 5:7 Wiac mezac-ŋopaekac sasawa Anutu qârâriecnenšepieŋ, eki sâcne hone jauŋ eŋareekac.
1PE 5:8 Ŋoŋe maŋsowa juhuc rucgereŋ-ŋeŋic banšepieŋ. Râsi sâko-ŋeŋic Sataŋ e oâ iŋucne erâ mic aŋkerâ e me e ɋâckepe muhuc ra fisi ware fisi ehuc juekac.
1PE 5:9 Eme ŋoŋe mamanasiŋhec qiŋ herâ domahuc e hetapaickenšepieŋ. Erâ šiŋuc mananšepieŋ, âgofâc-ŋeŋic mâreŋ sâc jaŋerao šâic fâro ijaha fua-fârewec fokac.
1PE 5:10 Erâ Anutu aki anonoc rune, e eri tatamac fofo sanaŋ focnekac, ira Kristore erâ fisiniŋte hefârec-ŋopaweczi šâic fâro dameŋ bembeŋne manahapie bâtiec-ŋopahuc âkesiŋ-ŋopaocmu, erâ basanaŋ-ŋopahuc keteŋ-ŋopaocmu.
1PE 5:11 Tâpiri i erao hâcne foweczi fohuc juocmu sanaŋ. Jâmbomac.
1PE 5:12 No dâŋ i Siliwano âzâcnepe qâreŋke-ŋarekac. No ere hâcne manape âgo fârine ekac. No bapa fuŋfuŋ jaha manapozi Anutu uruc jauŋ-ticnere dâŋ bembeŋnea mutaniŋke-ŋarerâ faŋ qaŋarehuc mukopac, dâŋ i fârine, maŋnao qiŋ herâ domanšepieŋ.
1PE 5:13 Babe haeonec kikefuŋ, nâŋâcnehec mâmâc rowosâec-jopakicne, jaŋe manasu-ŋareŋgopieŋ, erâ motec-nane Mareko e mâmâc.
1PE 5:14 Ŋoŋe mitio ââgo ehuc meo babac efârenšepieŋ. Kristohec jueŋgopieŋ ŋoŋerao wama fofârezejec.
2PE 1:1 Simoŋ Petoro, Jesu Kristore kiŋaŋ qaqa â aposolo noni, Anutu â bâbâpiaŋ-nâŋec Jesu Kristo tiŋne-ticnere erâ mamanasiŋ furi sâko tahac-nâpokicne ijaha ŋare tahac ekicne, ŋoŋe papia ši qâreŋke-ŋarekopac.
2PE 1:2 Ŋoŋe Anutu â Wofuŋ-nâŋec Jesu mana maŋ epie ŋoŋerao aki anonoc â wama ɋaŋɋaŋ ɋâriaŋ fuahuc fozejec.
2PE 1:3 Jesu e tatamac â tâpiri-ticnezi hefârec-nâpome hone šâŋitac ecnepene sahacte â maŋte dope sasawa i Anutu tâpiri-ticnezi bâfua-nârewec.
2PE 1:4 Iŋuc erâ dâŋ biŋe fekicne furi sâko nâre tahac ewec, i maŋkepene irec fârine nâŋâcnao fuame mâreŋko sasecte sisipiric fokac i râpeckerâ Anuture hawari qâreŋfâc enaŋmu.
2PE 1:5 Irec ŋoŋe mamanasiŋhec juŋgopieŋte šoɋac epie tiŋne ju ju-ŋeŋic fuazejec, tiŋne jujuzi mamana bâfuazejec,
2PE 1:6 mamanazi maŋte sowa bâfuazejec, maŋte sowazi sasanaŋ bâfuazejec, sasanaŋzi miti nunumure aafec bâfuazejec,
2PE 1:7 miti nunumure aafeczi ââgo juju bâfuazejec, ââgo jujuzi maŋjauŋ bâfuazejec.
2PE 1:8 Wiac i sasawa ŋoŋerao fohuc fua ɋârâŋkeme Wofuŋ-nâŋec Jesu Kristo mana maŋ eniŋte giene bapie fârimâc mi eocmu.
2PE 1:9 Moc e wiac i tâmiric juocmu, ere šiŋuc muzo: E šâŋe tiŋtuŋ â maŋmutuc, mârâc šure bâpiaŋ ecnekicne irec nikeckewec.
2PE 1:10 Âgofâc, ŋoŋe irec hâcne samarierâ, bâwosâec-ŋoparâ hefârec-ŋopakicne i fârinehec eocte sasanaŋ bâfuanšepieŋ. Ŋoŋe iŋuc erâ docke pârâc tâmiric sâcne juniŋmu.
2PE 1:11 Iŋuc epie juku Wofuŋ â bâbâpiaŋ-nâŋec Jesu Kristozi eŋareme ere juju sanaŋte uucmaŋko ququŋke tâmiric hata aaŋko rašiniŋmu.
2PE 1:12 Ŋoŋe wiac i sasawa qazu-ŋarekicne â dâŋfârio keteŋ-ŋopakicne domaŋgopieŋ, i manahuc sifu dâŋ ijaha heɋâre-ŋarehuc jupemu.
2PE 1:13 Sahac boze-nanehec juhuc sâc dâŋ i manasu-ŋarehuc wiwic-ŋopape sâckeocmu.
2PE 1:14 No boze-nane biac hetarapemu i manakopac, dâŋ i Wofuŋ-nâŋec Jesu Kristozi mufua-narewec.
2PE 1:15 Erâ behec-ŋopape ŋoŋe dâŋ i ɋâreme ɋâre mana rahuc juniŋte emoc bâmoc eŋarepemu.
2PE 1:16 Nâŋe Wofuŋ-nâŋec Jesu Kristo tâpiri-ticnere â fifisi-ticnere dâŋ ŋazambeŋ, i nemu binaŋ ŋic mamanao fuakicne mi ŋazambeŋ, nâŋe bapa fuŋfuŋ domahuc Wofuŋ tatamac-ticne fuame honembeŋ.
2PE 1:17 Ine Anutu Mamaczi eri mumuteŋ râcnehame sambâŋ tatamackonec erao dâŋ šiŋuc wahawec: “Joroc Ŋokâ-nane keci hâcne, no hone aŋac ecneekopac.”
2PE 1:18 Nâŋe ehec mâmâc tiri tikio juhapene dâŋ i sambâŋkonec wahame manambeŋ.
2PE 1:19 Eme nâŋe irec porofete jaŋere dâŋ manapene fârine jâmbâŋ eekac, izi šoclambe iŋucne erâ dapâcko tamaeekacte ŋoŋe ira šâŋe fihuc juhapie hae fure-fârezejec â maŋŋeŋicko bâpiŋ sâkozi wefuzejec.
2PE 1:20 Erâ qanaŋ moc šiŋuc mana-hâmonšepieŋ: Findaŋdâŋ miti papiao qâreŋkekicne fokac irec fuŋne i ŋic moczi e jahacne maŋte mi mumune.
2PE 1:21 Findaŋdâŋ i ŋiczi manasu biric erâ moc mi mukicne, ŋic jaŋe Tiri Mârozi fenšoŋ-jopame Anuturaonec dâŋ mu jumbieŋ.
2PE 2:1 Israe ŋic jaŋerao porofete burecne i wâc mâmâc fuarâ jumbiŋ, eme ŋoŋerao iŋuc jaha qaqazu burecne fuaniŋmu. Jaŋe mitire mumusifuc bâfuapie ŋoŋerao fâfâuc fuaocmu, erâ Wofuŋ kiwiric-jeŋic rowec e mickeniŋmu. Iŋuc epie sisipiric ɋeŋfâfâc jaha fisi-jareocmu.
2PE 2:2 Ŋic i jaŋe sasec gie bapie bocjahazi honerâ bâjâpec-jopaniŋmu, eme jaŋere erâ miti hata susure fuaocmu.
2PE 2:3 Erâ wâc moneŋ mafare andac ehuc maŋko fuac dâŋzi eatuc-ŋopahuc wiac-ŋeŋicte kâŋgâc gie baniŋmu. Jaŋere okacne dâŋ esecne mukicne i mi pârâwewec, â sisipiric-jeŋic i micmâŋ mi ewec.
2PE 2:4 Anuture manaeŋgopeneŋ, e aŋelo sâqorekicne jaŋe mi akic-jopawec, aricne, e hârâcko tuŋjopame duŋdapâcko humbiŋ, ira okac dameŋte woŋec foeŋgopieŋ.
2PE 2:5 E mârâc sasac jaha ŋic â wiac sasawa mi akic-jopawec, mâc Noa, tiŋne jujure biŋe mumu, erâ ŋic ŋokac 7 jaŋe sawa ŋezic-jopame ɋâricne juhapie ŋic sâqocne jaŋerao rumi sâko fisiwec.
2PE 2:6 Erâ Sodom â Gomora hae iŋuc jaha sirowenicte mume šoczi šacjofawec, i ŋic sâqocne šâhec fuarâ juniŋmu jaŋere uŋ muhuc iŋuc ewec.
2PE 2:7 Erâ wâc mitiŋic Loti e sindaŋŋic jaŋe wiac mamakâcne mimi tâmiric ehuc jupie irec bušâic manahuc juhame ŋezickewec.
2PE 2:8 Loti e mitiheczi jaŋere ŋondeŋko juhame jaŋe sindaŋ hârindaŋ epie šoaŋne šoaŋne hone manac ehuc maŋne sisi hâhâŋ wemo afecne ewec.
2PE 2:9 Wofuŋ eki ine ŋic mitihec eesâic docko roroŋ sasapec ejareekac â miti tâmiric jaŋe okac dameŋko šâic gie mujareocte kâpâcwâru bacjopaekac.
2PE 2:10 Ŋic maŋjeŋiczi sasecte bâruŋkeme sohoŋ nâ ruac ehuc Wofuŋ â ŋic fekicne ro waha âte ejareeŋgopieŋ jaŋe hâcne kâpâcwâru sanaŋne bacjopaocmu. Ŋic iŋucnezi hâhâwic tâmiric mukac mupe ehuc tatamachec jaŋe wâc musuac-jopaeŋgopieŋ. Miti beherâ sasecko sipirickezo
2PE 2:11 Iŋuc ehapie aŋelo jaŋe ine sasanaŋ â tâpiri fuŋmoc fojarekaczi Wofuŋte maio mi mugâpâre-jareeŋgopieŋ.
2PE 2:12 Ŋic izi hâcne maŋ tâmiric, qowi qa nâc ejareeŋgopeneŋ jaŋe iŋucne. Jaŋe wiac fuŋne kâuc baeŋgopieŋ i kosa musuaeŋgopieŋ” irec qowi sisipiric sipirickeniŋmu,
2PE 2:13 ehuc hehesic-jeŋicte furine roniŋmu. Jaŋe šoaŋ ɋaɋacko tiwâ šepec â gae wowozi šeri-jeŋic eekac. Mamakâcne â maŋwânâŋ qâŋkerâ juju, šege hârocko hefârec-ŋopahuc bâbâsifucte eeatuc-ŋopa,
2PE 2:14 šâŋe-jeŋiczi sasec šâŋe fifi, sâqocne gapecmâc ee, ŋic biric borocne wiac iŋucnere doc babac-jopa, moneŋ mafare harac eku maŋjeŋic ekicne, ŋic iŋucnezi hârâcte biŋe hâcne¡
2PE 2:15 Jaŋe hata dândâŋne i râpeckerâ qâsoriehuc Bileam, Beorore ŋokâ, ere kike hata bâjâpembiŋ. E sâqocnere furi roocte andac eme
2PE 2:16 Wofuŋzi qaqatara-ticnere haneckewec. Eme doŋgi dâŋ tâmiriczi ŋicdâŋ dâŋehuc porofete bâbâsifucne e heckenewec.
2PE 2:17 Ŋic iŋucnezi opâ šizicne iŋucne, erâ mâŋâŋzi hâwec ficne sueme ra fe ware fe eekac iŋucne tinac. Ŋic i jaŋe ŋafe sanaŋko dapâc qisiricko fisiniŋte mukicne.
2PE 2:18 Jaŋe pacgoroŋ dâŋ erâ, ŋic qâpuc hata ɋâri qaqa jaha râpeckembiŋ, jaŋe eatuc-jopaeŋgopieŋ, ehuc tiwâ šepeczi gisicbeŋ eme sicne-jarepie fisipie qâturerâ sasec gie baeŋgopieŋ.
2PE 2:19 Ehuc ŋic šiŋuc jazaeŋgopieŋ: “Iŋuc erâ niŋgiŋ tâmiric sâcne juhâmozo”, i jaŋacne sisipiricte niŋgiŋko fohuc iŋuc mueŋgopieŋ. Ŋic moczi wiac mocte kiŋaŋ qaocmu, e wiac irec niŋgiŋko juocmu hâcne. Hata raŋɋanao risierâ kiŋsâko hurezo
2PE 2:20 Manaŋgopieŋ, miti tâmiric jaŋere sohoŋ râpeckerâ Wofuŋ â bâbâpiaŋ Jesu Kristo mana maŋ embiŋzi ijaha mocwâc maickerâ qohotaniŋmu, ine mârâc juju bapa-jeŋic afecne sâqorehame šâhec juju bapa-jeŋic sâqore sanaŋkeocmu.
2PE 2:21 Ŋic iŋucne jaŋe tiŋne hata kâuc bahuc mi âtepie muzac boc mi sâqorezac” â hata i âtekicnezi tiri sâcmutâc dâŋ qazu-jarekicne i mocwâc igockehuc hata raŋɋanao risiepie ine sâqoreekac.
2PE 2:22 Ŋic iŋucne jaŋerao dâŋ šiŋuc mukicne i sanaŋkeekac: Qâto e nânâ maŋurâ ijaha mocwâc nâekac, â bec e opâ ruarâ izia sohoŋ ruaekac.
2PE 3:1 Jorocfâc-nane, ŋoŋere papia ši qâreŋkehape jajahec ekac. No maŋŋeŋic wiwickepe mitidâŋ mi mana sifuckehuc sâcne mana taraniŋte qâreŋke-ŋareekopac hâcne.
2PE 3:2 Eme ŋoŋe tiri porofete mârâc jaha dâŋ mumbiŋ irec mecne â aposolofâc-ŋeŋic nâŋe Wofuŋ â bâbâpiaŋte sâcmutâc dâŋ ŋazambeŋ i mecne mâmâc manasuhuc junšepieŋ.
2PE 3:3 Ehuc qanaŋ šiŋuc mana sanaŋkenšepieŋ: Dameŋ bembeŋkezo eme ŋic âke sisicne fuarâ mufec muriŋ dâŋ muhuc sasec gie-jeŋicte hešâkiriŋkerâ juniŋmu.
2PE 3:4 Ehuc šiŋuc muniŋmu: “Wofuŋ risieocte mukicne fârine weni? Kâcɋenefâc-nâŋec hâmombiŋ, ehame wiac sasawa mâreŋ fuaweckonecteaŋ fowarehuc juwec iŋucnea fohuc jukac.”
2PE 3:5 Jaŋe fuŋne šiŋuc mana-bipiehuc dâŋ i mueŋgopieŋ: Sambâŋ e mârâc jaha fuawec â mâreŋ e iŋuc jaha. I Anutu dâŋticnere opâonec fuarâ opâheckoaŋ fowec.
2PE 3:6 Eme šâhec opâzia ŋic â wiac sasawa qâuruc-jopahuc bâsirowec-jopawec.
2PE 3:7 Á sambâŋ â mâreŋ ši fokopirec ine Anuture dâŋzi sakarec-jofame šocte biŋe erâ fokopirec. Okac dameŋ maickeme ŋic sâqocne jaŋe sipirickeniŋte irec woŋec fokopirec hâcne.
2PE 3:8 Jorocfâc-nane, wiac moc ši kâuc mi banšepieŋ: Wofuŋ e šoaŋ gie bapa mocjahare maname jare I tauseŋ tinac eekac â jara I tauseŋ irec maname šoaŋ gie bapa mocjaha tinac eekac.
2PE 3:9 Wofuŋ e dâŋ muwec irec fârine bâfuaocte bititiehuc dameŋ mi bâšoraekac, ŋic gâcnezi manapie iŋuc tinac eekac. Aricne, e ŋic gâcnezi sipirickenšipiŋte ŋoŋere erâ woŋec juekac. E ŋic mâmâc sasawa maŋjeŋic bârisie-fâreniŋte muekac hâcne.
2PE 3:10 Wofuŋte dameŋ e râsi fisieŋgopieŋ iŋuc jaha ututuŋ maickeocmu. Maickeme sambâŋ e fânâŋ sâko ehuc siroweocmu, â wiac hohonene sasawa i šoczi šafâreocmu, erâ wâc mâreŋ â fainao wiac bâfuakicne i šoczi šâseŋkeocmu.
2PE 3:11 Wiac sasawa sirowe-fâreocmu, irec ŋoŋe pectâc juhuc miti sisirombe faio bajunšepieŋ.
2PE 3:12 Iŋuc ehuc Anutu dameŋ-ticne hejâpehuc harac huacbuc enšepieŋ. Maickeme hâcne sambâŋ e šoczi šârârâŋneocmu, â wiac hohonene sasawa i šocbâruŋko šâtâmireocmu.
2PE 3:13 Nâŋâc ine sambâŋ ɋâricne â mâreŋ ɋâricne fuaocte biŋe qanârekicne, irec woŋec jueŋgopeneŋ, eme ira tiŋne jujuzi sâcke-fârerâ fozokac.
2PE 3:14 Jorocfâc-nane, ŋoŋe wiac iŋucnere woŋec juhuc ere maio maŋfuru â bahacmâc juniŋte wawariehuc wamao jupie honec-ŋopame sâckezejec.
2PE 3:15 Erâ Wofuŋ-nâŋeczi dameŋ-ticne bâšorame munšepieŋ, bâpiaŋ-nâpoocte ekac. Âgo biaŋ-nâŋec Paulo e maŋɋârâŋ-ticnere sâcko dâŋ irecteaŋ qâreŋke-ŋarewec.
2PE 3:16 E papia qâreŋkehuc sâc dâŋ i mufua rawec. Papia-ticnao dâŋ gâcne fokac irec fuŋne qame hukicne. Eme dâŋ iŋucne i ŋic mutucne â biric borocne jaŋe musifuckeeŋgopieŋ. Erâ i ere papiare sawa mâcne, miti papia gâcnere mâmâc ehuc sisipiric maickeeŋgopieŋ.
2PE 3:17 Âgo biaŋfâc-nane, uŋdâŋ qanaŋ ŋazakicnere ŋic kosa jujune jaŋere mumusifuczi maŋŋeŋic bâŋgoroŋkeme dockenšipiŋte sawaŋ-ŋeŋic qahuc junšepieŋ.
2PE 3:18 Ehuc Wofuŋ â bâbâpiaŋ-nâŋec Jesu Kristo ere aki anonocko â fuŋne-ticne mana utuckehuc soka sanaŋ enšepieŋ. E eri tatamac i šiŋuczia focnekac erâ juju sanaŋ dameŋko iŋuc jaha focne rahuc juzokac.
1JO 1:1 Fuŋnaonecteaŋ fowarehuc juwec, eme hazeczi manambeŋ â šâŋe-nâŋeczi honembeŋ, erâ hone dendeŋnehuc mezi ba bâuac ecnembeŋ, i juju sanaŋte Micdâŋ hâcne.
1JO 1:2 Juju fârine fua tâcneme honembeŋte juju sanaŋte biŋedâŋ hâcne mufuarâ ŋazaeŋgopeneŋ. Juju sanaŋ i Mamactao fowarehuc juku nâŋerao fomârâŋkewec.
1JO 1:3 Ine hâcne wiac hone manac embeŋ ijaha ŋoŋe wâc ŋazaeŋgopeneŋ. Ŋazapene manapie miriŋ-nâŋec fuame mocjaha junaŋte hâcne mueŋgopeneŋ. Eme miriŋ babac-nâŋec i Mamac â Ŋokâ-ticne Jesu Kristo erao qâsiŋnerâ foekac.
1JO 1:4 Iŋuc fuame bubiaŋ-nâŋec fua ɋârâŋke taraocte papia ši hâcne qâreŋke-ŋarekopac.
1JO 1:5 Dâŋ biŋe Jesuraonec kecšiŋuc manambeŋte ŋazaeŋgopeneŋ: Anutu e tatamac, dapâc i erao moc mi fohuŋgaŋkekac.
1JO 1:6 Nâŋâc dapâcko juhuc Anuturao qohotaŋgopeneŋ mupene burec eocmu â dâŋ fâri qizecne mi bajunaŋmu.
1JO 1:7 E jahacne tatamacko jukac iŋuc jaha wâc nâŋâc tatamacko junaŋmu, ine miriŋ babac sâcne enaŋmu, eme Ŋokâ-ticne Jesu Kristo ere soczi sâqocne-nâŋec šureme ɋaɋackenaŋmu.
1JO 1:8 Nâŋâc sâqocne-nâŋec mi fokac, iŋuc munaŋmuo maŋnâŋec eatuckenaŋmu â dâŋ fâri qizecne maŋnâŋecko mi foocmu.
1JO 1:9 Á sâqocne-nâŋec mufuanaŋmuo ine e mume sasanaŋ â tiŋne runezi sâqocne-nâŋec šurehuc bahac-nâŋec nâwoc rofâreocmu.
1JO 1:10 Nâŋâc sâqocne mi baeŋgopeneŋ, iŋuc mupene Anutu burecŋic mucneŋgopeneŋ eocmu â dâŋticne maŋnâŋecko mi foocmu.
1JO 2:1 Naru motecfâc-nane, ŋoŋe sâqocne banšipiŋte dâŋ i qâreŋke-ŋarekopac. Á moc e sâqocne baocmu, ine Mamactao sacfozic-nâŋec Jesu Kristo e tiŋne runezi jukac, irec manasuzejec.
1JO 2:2 Eki hâcne sâqocne-nâŋecte kiwiric rowec, erâ nâŋâcne sawa mâcne, mâreŋ sâc ŋic jaŋere mâmâc rowec.
1JO 2:3 Anutu mana maŋ eeŋgopeneŋ, ine sâcmutâc dâŋticne mana rereŋ epene fuŋne jaŋgeŋkeme mananaŋmu.
1JO 2:4 Á ŋic moc e sâcmutâc dâŋticne mana rereŋ mi ehuc muocmu, “No Anutu mana maŋ eekopac”, ere burecŋic muzo, ŋic iŋucnere maŋko dâŋ fâri qizecne mi fokac.
1JO 2:5 Moc e ine Anuture dâŋ mana rereŋ eocmu, e jâmbomac Anutu maŋjauŋ fârine ecneocmu. Iŋuc ehuc ine Anuturao qohotaeŋgopeneŋ irec fuŋne taniŋkeme mananaŋmu.
1JO 2:6 Moc e Anuturao qohotahuc jukopac muocmu, e Jesu juwec irec sâcko jaha juzejec.
1JO 2:7 Jorocfâc-nane, no sâcmutâc dâŋ ɋâricne moc mi qâreŋke-ŋarekopac, i raŋɋane, fuŋnaonec mana wefuhuc jueŋgopieŋ i hâcne. Dâŋ qazu-ŋarekicne irec hâcne sâcmutâc dâŋ raŋɋane mukopac.
1JO 2:8 Erâ dâŋ qâreŋkekopac i sâcmutâc dâŋ ɋâricne wâc ekac, i Jesurao â ŋoŋerao mâmâc fârine ekac. Ine fuŋne šiŋucte: Dapâc raruŋkehame tatamac fârinezi fua tâcnehuc fokac.
1JO 2:9 Eme ŋic moc e âgo-ticne qaisockeekaczi “no tatamacko jukopac” muocmu, ere dapâcko juweczi jukac muzo.
1JO 2:10 Á moc e âgo-ticne maŋzi jauŋkeocmu, e ine tatamacko sâcne juraocmu, ehuc sâqocne bâbâiŋ moc mi bâfuaocmu.
1JO 2:11 Á moc e âgo-ticne qaisockeocmu, e ine dapâcko juocmu â dapâcte hatao raocmu, e dapâcko šâŋe fime qiŋquŋkeme wemocko hata-ticne hone taraocmu.
1JO 2:12 Naru motec ŋoŋe Jesu šâŋe-ticnere erâ sâqocne bâtâmire-ŋarekicnere dâŋ qâreŋke-ŋarekopac.
1JO 2:13 Mamac ŋoŋe juwarehuc juwec sanaŋ e mana maŋ embiŋte dâŋ qâreŋke-ŋarekopac. ŋicmotec ŋoŋe sâqocne rune sanaŋkecnembiŋte dâŋ qâreŋke-ŋarekopac. Naru motec ŋoŋe Mamac mana maŋ embiŋte dâŋ qâreŋke-ŋarekopac.
1JO 2:14 Mamac ŋoŋe juwarehuc juwec sanaŋ e mana maŋ embiŋte dâŋ qâreŋke-ŋarekopac. Ŋicmotec ŋoŋe sasanaŋ-ŋeŋic fokac â Anuture dâŋzi maŋŋeŋicko fokac â sâqocne rune sanaŋkecnembiŋte dâŋ qâreŋke-ŋarekopac.
1JO 2:15 Maŋŋeŋic mâreŋko me mâreŋte wiacko mi râepie fozejec. Moc e maŋticne mâreŋko râeme foocmu, e wemocko Mamac maŋjauŋ ecneocmu.
1JO 2:16 Manaŋgopieŋ, mâreŋkopec wiac sasawa: Sahaczi sasec, šâŋezi sasec â maŋzi fefe wiac, i Mamactaonec mâcne, i mâreŋkonec.
1JO 2:17 Eme mâreŋ e sasec wiac-ticnehec siroweocmu, Anuture micdâŋ mana rereŋ eocmu e ine juhuc juocmu sanaŋ.
1JO 2:18 Naru motecfâc-nane, dameŋ bembeŋke-jâmbâŋkekac” eme ŋoŋe Kristore râsi qizec fuaocte mukicne i manaŋgopieŋ” eme ši biac râsifâcne bocjaha fuambiŋ juraŋgopieŋ” irec hâcne dameŋ bembeŋke-jâmbâŋkekac i manaŋgopeneŋ.
1JO 2:19 Jaŋe fufua i nâŋâcne ŋondeŋkonec fuambiŋ, â âgo fârifâc-nâŋec juju ine mi jumbiŋ. Jaŋe âgo fârifâc-nâŋec jurâ muzac mi behec-nâponšapiŋ. Behec-nâpombiŋ i fuŋne šiŋuc taniŋkeocte embiŋ: Nâŋâcnehec jueŋgopieŋ jaŋe âgo fârifâc-nâŋec sasawa aricne.
1JO 2:20 Ŋoŋe ine Tiri runezi Mâro rua-ŋarewecte mamanahec sasawa juŋgopieŋ.
1JO 2:21 Ŋoŋe dâŋ fâri qizecne kâuc baeŋgopieŋ muhuc papia mi qâreŋke-ŋarekopac. Aricne, ŋoŋe dâŋfâri manaeŋgopieŋte qâreŋke-ŋarekopac. Erâ wâc šiŋucte: Burec sasawa i ere maŋnaonec mi fuaekac.
1JO 2:22 Burecŋic i more muzo? Jesu e Kristo aricne, ŋic moczi iŋuc mume ere burecŋic muzo. Mamac â Ŋokâ mic bacjofaocmu, ŋic ere muzo, e Kristore râsi qizec.
1JO 2:23 Moc e Ŋokâ mickeocmu, e Mamac mâmâc qikiŋneocmu, â moc e Ŋokâ muɋaɋackeocmu, e Mamac mâmâc sakareocmu.
1JO 2:24 Fuŋnaonecteaŋ mitidâŋ mana warehuc jumbiŋ i hâcne maŋke junšepieŋ. Mitidâŋ i maŋke jupie Ŋokâ â Mamac jahe iŋuc jaha maŋŋopahuc junicmu.
1JO 2:25 Wiac i Jesuzi biŋe qanârewec, juju sanaŋ hâcne.
1JO 2:26 Maŋ bâsifuc eŋareeŋgopieŋ jaŋere dâŋ iŋuc qâreŋke-ŋarekopac.
1JO 2:27 Ŋoŋere ine šiŋuc mukopac, Mâro rua-ŋarewec i ŋoŋerao foocmu, irec wemocte ŋic moczi mu qazuc eŋareocmu, i aricne. Mâro ruambiŋ eki dâŋ sasawa ŋaza qazuc eekac. Eme dâŋ i burec mâcne, i jâmbomac. Eme qazu-ŋarewec iŋuc maŋnao junšepieŋ.
1JO 2:28 Naru motecfâc-nane, ŋoŋe Kristo maŋnao junšepieŋ. Eme juku fua tâcneme qacfiric domanšepeneŋ, ehuc fifisi-ticnao mimišu qâšušu ehuc wise ŋeŋe uruŋ mi enšepeneŋ.
1JO 2:29 Anutu e tiŋne juekac, ŋoŋe iŋuc manaeŋgopieŋko ine ŋic moc tiŋnea jume honerâ munšepieŋ, Anuturaonec fuawec.
1JO 3:1 Manaŋgopieŋ, Mamac-nâŋec e maŋjauŋ mo iŋucne enârehuc naru motecfâc-ticne munârewec. Eme i hâcne juŋgopeneŋ. Ŋic miti tâmiric jaŋe mi šâŋitac-nâpoeŋgopieŋ, i Anutu e jahacne mi šâŋitambiŋ irec.
1JO 3:2 Âgo biaŋfâc-nane, nâŋâc šiŋuczia Anuture naru motecfâc juŋgopeneŋ, â juku sâc weniŋucne bâfuanaŋmu, ine biac mi fua taniŋkekac. šiŋuc ine manaŋgopeneŋ: Wofuŋ fua tâcneme juju hawari-ticne honehuc sâc ijaha enaŋmu.
1JO 3:3 Eme moc e irec erâ worickehuc juocmuzi Wofuŋ e ɋaɋacne jukac iŋucnea juocte maŋticne emasaŋkeocmu.
1JO 3:4 Moc e sâqocne baekac, e sâcmutâc dâŋ qâsuaekac, sâcmutâc dâŋ qâqâsua izi hâcne sâqocne fârine.
1JO 3:5 Á Jesure ine manaeŋgopieŋ, e sâqocne bârireocte fisiwec, erâ e jahacne ine bahac fâsâc juwec.
1JO 3:6 Moc e Jesuo juekaczi sâqocne mi baekac. Á moc e sâqocne baekac, e ine Jesu hone manac mi ecnewec.
1JO 3:7 Naru motecfâc-nane, moczi moc maŋ bâsifuc eŋarezo mupie mi mananšepieŋ. Moc e tiŋne hata âteme ere ŋic tiŋne muzo, e Jesuzi juju tiŋne juekac, iŋuc jaha juocmu.
1JO 3:8 Moc e sâqocne baocmu, e Sataŋte ŋic. Sataŋ e sâqocne fuŋnaonecteaŋ bawec bahuc juekac. Anuture Ŋokâ eki Sataŋte gie imackeocte fisiwec hâcne.
1JO 3:9 Moc e Anuturaonec fuaweczi sâqocne mi baocmu. Anuturaonec jujure tâpiri focnehame e Anuturaonec fuakicnezi wemocko sâqocne baocmu.
1JO 3:10 Anuture naru motec â Sataŋte naru motecfâc jaŋere fuŋne šiŋucko hâcne taniŋkeme honezo: Moc e juju tiŋne mi juocmu, e Anuturaonec mi mucnezo, â moc e âgo-ticne maŋjauŋ mi ecneocmu, ere ijaha muzo.
1JO 3:11 Mitidâŋ mana wareeŋgopieŋ i šiŋuc hâcne: Maŋzi Jauŋ babac enšepeneŋ.
1JO 3:12 Kaiŋte hata mi âtenšepeneŋ, e sâqocne runere motec erâ ɋaticne qâhâmowec. Erâ wemocte qâhâmowec? Ine kecšiŋucte: E Jahacne juju bapa sâqocne â ɋaticnere juju bapa biaŋne irec.
1JO 3:13 Âgofâc-nane, miti tâmiriczi qaisoc-ŋopapie manapie iŋuc me iŋuc mi ezejec.
1JO 3:14 Nâŋâcne šiŋuc manaeŋgopeneŋ: Hâmockonec wiserâ jujuo rašimbeŋ. Iŋuc ekicnere hâcne âgofâc-nâŋec maŋjauŋ ejareeŋgopeneŋ. Moc e maŋjauŋ tâmiric juocmu e ine hâmocnea Juocmu.
1JO 3:15 Moc e âgo-ticne qaisockeocmu e šika qaqaŋic mucnezo. Eme ŋoŋe šika qaqaŋic jaŋere manaeŋgopieŋ, jaŋere maŋko juju sanaŋ mi fuarâ foocmu.
1JO 3:16 Jesu e nâŋâcnere erâ juju-ticne qikiŋnewecko maŋjauŋte fuŋne šâŋitambeŋ. Eme nâŋâc iŋuc jaha âgofâc-nâŋec jaŋere erâ juju-nâŋec qikiŋnenaŋte munârekicne.
1JO 3:17 Ŋic moc e nânâ mafa mâriri-ticne fohame âgo-ticne waha qaqane jume hone takirerâ bune bofackeocmu, ere muzo, maŋticnao Anuture maŋjauŋ mi fokac.
1JO 3:18 Naru motecfâc-mae, nâŋâc jauŋ i dâŋzi â micbipiczi sawa mâcne, mezi â maŋzi banšepeneŋ.
1JO 3:19 Iŋuc epene dâŋ fâri qizecnere kikefuŋ juŋgopeneŋ irec fuŋne taniŋkeme mananaŋmu. Eme maŋnâŋeczi mumu hehec enâreme Anuture maio sâcne bâmiriŋkenaŋmu.
1JO 3:20 Ehuc šiŋuc munšepeneŋ: Anutu e maŋnâŋecte sâc mâcne, e sâc moc juhuc wiac mana-fâreekac.
1JO 3:21 Jorocfâc-nane, maŋnâŋeczi mumu hehec mi enârehame Anuture maio qacfiric sâcne junaŋmu.
1JO 3:22 Erâ micdâŋ-ticne reŋkehuc ere maio wiac ebac epene biaŋkeekacte irec me irec numucnepene nâreekac.
1JO 3:23 Sâcmutâc dâŋticne kecšiŋuc fokac: ŋokâ-ticne Jesu Kristo ere šâŋe manasiŋkehuc maŋzi jauŋ babac enšepeneŋ. Iŋuc hâcne enaŋte munârewec.
1JO 3:24 Moc e sâcmutâc dâŋticne reŋkeocmu e Anutuhec maŋmaŋ enicmu. Anutu maŋkeeŋgopeneŋ i Mâro nârewec eki mufua-nâreme manaeŋgopeneŋ.
1JO 4:1 Âgo biaŋfâc-nane, mâro kosa jaŋere dâŋ mi mana šakienšepieŋ. Mâro moc e Anuturaonec me mâcne, i mana taraniŋte ruc banšepieŋ. Porofete burecne wemo afecne fuambiŋ juraŋgopieŋ.
1JO 4:2 Anuture Mâro e šiŋucko šâŋitazo: Mâro moc e Jesu Kristo ŋic fuawec i mutaniŋkeocmu, e Anuturaonec iŋuc mucnezo.
1JO 4:3 Á mâro moc e Jesu mi mutaniŋkeocmu e Anuturaonec mâcne. E Kristo râsi qizec-ticnere mâro iŋuc muzo. Ere manaeŋgopieŋ, e mâreŋko fuaocte mukicne, eme šine hâcne biac fuakac.
1JO 4:4 Naru motecfâc-mae, ŋoŋe Anuturaonec, irec porofete burecne sanaŋke-jarembiŋ. Ŋoŋere maŋko juekac ere tâpirizi mâreŋko juekac ere tâpiri sirickekac hâcne.
1JO 4:5 Porofete burecne jaŋe mâreŋkonec, irec mâreŋkonec ŋiczi dâŋ mumu i mueŋgopieŋ, mupie mâreŋkoneczi hazec-jeŋic râeeŋgopieŋ.
1JO 4:6 Nâŋâc ine Anuturaonec, eme moc e Anutu hone šâŋitac eekaczi dâŋnâŋec manaekac. Anuturaonec mi fuakicnezi ine dâŋnâŋec qikiŋneekac. Dâŋ fâri qizecnere mâro â bâbâsifuc mâro jahere fuŋne iŋucko hâcne šâŋitaeŋgopeneŋ.
1JO 4:7 Jorocfâc-nane, nâŋâc maŋjauŋ eec enšepeneŋ. Maŋjauŋ i Anuturaonec. Eme moc e maŋjauŋhec juomu, e Anuturaonec fuakicnezi Anutu mana maŋ eekac mucnezo.
1JO 4:8 Moc e maŋjauŋ tâmiric juocmuzi Anutu šâŋe ruruŋkeocmu. Anutu e maŋjauŋ irec fuŋqizecne hâcne.
1JO 4:9 Anutuzi Ŋokâ-ticne mocjaha e juju bâfua-nâreocte mâreŋko soreme wahawec ira hâcne maŋjauŋ-ticne nâŋâcnao fua taniŋkewec.
1JO 4:10 Maŋjauŋte fuŋne šiŋuc fokac: Nâŋâc Anutu maŋjauŋ mi ecnembeŋ, ekizia nâŋâc maŋjauŋ enârehuc Ŋokâ-ticne soreme waharâ sâqocne-nâŋecte erâ kiwiric nâwoc rowec.
1JO 4:11 Jorocfâc-nane, Anutu e maŋjauŋ iŋucne sâko enarewecte nâŋâc iŋuc jaha maŋzi jauŋ babac ehuc junšepeneŋ.
1JO 4:12 Ŋiczi Anutu hohone i moc mi ekicne, maŋzi jauŋ babac enaŋmuo ine Anutu maŋkenaŋmu, eme maŋjauŋ-ticne nâŋâcnao fua sarickeocmu.
1JO 4:13 Eki nâŋâc maŋnâpoekac â nâŋâc e maŋkeeŋgopeneŋ, irec fuŋne ine Mâro-ticne nârewec ira taniŋkewec.
1JO 4:14 Mamac e Ŋokâ-ticne mâreŋ sâc ŋic bâpiaŋ-nâpoocte soreme wahawec, eme nâŋe šâŋe fâri-nâŋeczi qame honembeŋte dâŋ i mutaniŋkeeŋgopeneŋ.
1JO 4:15 Eme ŋic moczi Jesu e Anuture Ŋokâ jâmbâŋ dâŋ i mutaniŋkeocmu, e Anutu maŋkeocmu â Anutuzi wâc e maŋkeocmu.
1JO 4:16 Anutu maŋjauŋ-ticne nâŋâcnao fuawec i hone šâŋitac erâ mana šakiembeŋ. Anutu e maŋjauŋte fuŋqizecne, eme moc e maŋjauŋhec juocmu e Anutuzi maŋkeocmu, â eki wâc Anutu maŋkeocmu.
1JO 4:17 Iŋucko nâŋâcnao maŋjauŋ fua tarawec, i okac dameŋko qacfiric domanaŋte. Jesuzi juekac iŋuc jaha nâŋâc wâc mâreŋko šira jueŋgopeneŋ hâcne.
1JO 4:18 Hâhâwic â maŋjauŋ jahe ââgo aricne, maŋjauŋ fârinezi hâhâwic guriŋkeocmu. Hâhâwic e šâic-ticnehec. Irec moc e hâhâwic bajuocmu, erao maŋjauŋ sâcne mi fua tarawec muzo.
1JO 4:19 Nâŋâc ine Anutuzi qanaŋ maŋjauŋ enarewecte maŋjauŋhec junšepeneŋ.
1JO 4:20 Ŋic moc e Anutu maŋjauŋ ecneekopac muhuc âgo-ticne qaisockeocmu, ere burecŋic muzo. Manaŋgopieŋ, moc e âgo-ticne šâŋezi hohonene e qaisockehuc wemocko Anutu mi hohonene maŋjauŋ ecneocmu.
1JO 4:21 Jesure sâcmutâc dâŋ šiŋuc fonârekac: Anutu maŋjauŋ ecneekaczi âgo-ticne mâmâc ecnezejec.
1JO 5:1 Ŋic moczi Jesu e Kristo muhuc mana šakieocmu, e Anuturaonec fuakicne muzo. Eme moc e mamac bâbâfua maŋjauŋ ecneocmuzi ɋâricfâcne mâmâc ejareocmu.
1JO 5:2 Nâŋâc Anuture naru motecfâc maŋjauŋ ejareeŋgopeneŋ me mâcne, ine Anutu maŋjauŋ ecnehuc sâcmutâc dâŋticne reŋkepene izi mufuaocmu.
1JO 5:3 Anutu maŋjauŋ mâc mi ecnezo, sâcmutâc dâŋticne reŋkehuc hâcne maŋjauŋ ecnezo. Anuture sâcmutâc dâŋ i dâŋ ŋemâcne aricne.
1JO 5:4 Anuturaonec fuakicne sasawa jaŋe mâreŋkonec wiac qamaseeŋgopieŋ, â mâreŋkonec wiac qame wahaekac tâpiri i šâŋene mamanasiŋ-nâŋec.
1JO 5:5 Moczi sasanaŋhec erâ mâreŋkonec wiac sasawa qamaseocmu? Ŋic moc e, Jesu e Anuture Ŋokâ, iŋuc muhuc mana šakieocmu eki hâcne iŋuc eocmu.
1JO 5:6 Jesu Kristo eki hâcne opâhec â sochec fisiwec, opâhec sawa mâcne, opâhec â sochec mâmâc.
1JO 5:7 Mârozi ine fuŋne mufuaekac, Mâro e dâŋ fâri qizecnere rune hâcne.
1JO 5:8 Irec jahec â moc jaŋe dodopec gie baeŋgopieŋ: Mâro â opâ â soc. Eme jaŋe jahec â moczi fuŋne-jeŋic mocjaha.
1JO 5:9 Ŋiczi dâŋ dodopec ehuc mupie manapene jâmbomac eekac, â Anutuzi dâŋ moc dopeckeme ine fâri rarau jâmbâŋ eekac. Anuture dodopec dâŋ ine Ŋokâ-ticnere dâŋ dopeckewec i hâcne.
1JO 5:10 Moc e Anutu Ŋokâ-ticne manasiŋkeocmu, e Anuture dâŋ fârine maŋkeocmu. Moc e Anuture dâŋ mi mana šakieocmu, i Anutu burecŋic mucnekac eocmu. Ŋic iŋucnezi Anutu e Ŋokâ-ticnere dâŋ dopeckewec i maname fâri tâmiric ekac hâcne.
1JO 5:11 Á dâŋ dopeckewec ine šiŋuc fuakac: Anutu e juju sanaŋ bâfua-nârewec, â juju sanaŋ irec jâcne ine Ŋokâ-ticne.
1JO 5:12 Moc e Ŋokâ rauckeocmu e juju rauckeocmu, moc e ŋokâ mi rauckeocmu e juju wâc mi rauckeocmu.
1JO 5:13 No dâŋ i ŋoŋe kecšiŋuc mananiŋte qâreŋke-ŋarekopac: Anutu Ŋokâ-ticne manasiŋkeeŋgopieŋ ŋoŋe juju sanaŋ foŋarekac.
1JO 5:14 Nâŋâc šiŋuc muhuc Anutu bubiaŋ manacneeŋgopeneŋ: Wiac mocte, e jahac maname fokac irec sâcko râehuc numucnepene mana-nâreocmu.
1JO 5:15 Ine hâcne, wiac i me i numucnepene mana-nâreocmu, i manahuc šiŋuc wâc mananaŋmu: Wiac numucnekicne i biac rauckeŋgopeneŋ.
1JO 5:16 Ŋic moc e âgo-ticnezi sâqocne bame honeocmu, sâqocne hârâcte niŋgiŋ sanaŋ-ticnehec i mâcne, ine honerâ ere erâ numume Anutuzi juju hatao râeocmu, ine sâqocne hârâcte niŋgiŋ sanaŋ-ticnehec mi baniŋmu jaŋe iŋuc ejareocmu. Sâqocne hârâcte niŋgiŋ sanaŋ-ticnehec i fokac wâc. Iŋucnere nunumu gie baocte mi mukopac.
1JO 5:17 Juju bapa hehesicne i sâqocne sasawa. Erâ sâqocne gâcne ine hârâcte niŋgiŋ sanaŋ-ticnehec mi ekac.
1JO 5:18 Nâŋâc šiŋuc manaŋgopeneŋ: Anuturaonec fuakicnezi sâqocne mi baocmu. Anuture Ŋokâzi hone maiŋ ecnehame sâqocne runezi mi bâuaocmu.
1JO 5:19 Nâŋâc Anuturaonec fuakicne, â miti tâmiric sasawa jaŋe sâqocne rune ere rurumaŋko foŋgopieŋ, iŋuc manaŋgopeneŋ.
1JO 5:20 Erâ šiŋuc wâc manaŋgopeneŋ: Anutu Ŋokâ-ticne e waharâ maŋ mamanasu bâfua-nârewecte jâmbomac rune mana maŋ ecneeŋgopeneŋ. Eme jâmbomac rune, Ŋokâ-ticne Jesu Kristo, eki maŋnâpokac. Eki hâcne Anutu fârine â juju sanaŋ rune.
1JO 5:21 Naru motecfâc-mae, wofuŋ jawane jaŋere rucgereŋ-ŋeŋic banšepieŋ.
2JO 1:1 Ŋicraŋɋa no ŋokac bomboŋ bâwosâekicne go â naru motecfâcge ŋoŋere papia ši qâreŋke-ŋarekopac. No maŋjauŋ eŋareekopac, erâ noni sawa mâcne, dâŋ fâri qizecne mana maŋ eeŋgopieŋ jaŋe mâmâc eŋareeŋgopieŋ.
2JO 1:2 Miti maŋnâŋecko fokac erâ nâŋâcnehec fohuc juocmu sanaŋ, irec erâ ââgo jueŋgopeneŋ.
2JO 1:3 Anutu Mamac â Jesu Kristo, Mamacte Ŋokâ, eraonec aki anonoc, uruc jauŋ â wama i dâŋfâri â maŋjauŋhec juhapene nâŋâcnao fotâcnerâ fohuc juocmu.
2JO 1:4 Naru motecfâcge gâcne Mamaczi sâcmutâc dâŋticne nâzâwec reŋkehuc dâŋ fâri qizecne sâcne bajueŋgopieŋ, fuŋne-jeŋic iŋuc manarâ bunane boc biaŋkewec.
2JO 1:5 Eme ši ŋokac bomboŋ go sâcmutâc dâŋ moc gazape manac. Dâŋ furune aricne, raŋɋane fuŋnaonec mana warehuc jueŋgopeneŋ ijaha šiŋuc gazape: Maŋjauŋ eec ehuc junšepeneŋ.
2JO 1:6 Anuture sâcmutâc dâŋ rereŋke izi hâcne maŋjauŋ ekac. Anuture sâcmutâc dâŋ fuŋnaonec mana warehuc jueŋgopieŋ i hâcne bajuhuc sâseniŋte muŋareekac.
2JO 1:7 Manakomec, eeatuc ŋic bocjaha fuambiŋ juraŋgopieŋ, jaŋe Jesu Kristo e mâreŋ sahachec fuawec, dâŋ i mickeeŋgopieŋ. Ŋic iŋucne hâcne eeatuc ŋic â Kristore râsi ɋizec mucnezo.
2JO 1:8 Gie bapene ŋoŋerao fârine fuawec, i sifucke-ŋarezacte soŋaŋ babac ehuc junšepieŋ. Eme juku fârine ŋemâcne ronšepieŋ.
2JO 1:9 Moc e Kristore mu qaqazuc dâŋ mi bajuhuc âke sipuocmu e Anutu mi rauckeocmu. Moc e mu qaqazuc dâŋ bajuocmu e ine Mamac â Ŋokâ mâmâc rauc-jofaocmu.
2JO 1:10 Ŋic moc e mu qaqazuc dâŋ i mi bajuekaczi iqic-ŋopazo mume fic sakarecnehuc âgo mi ecnenšepieŋ.
2JO 1:11 Moc e ŋic iŋucne âgo ecneocmuzi bâbâsifuc-ticnere bafickeocmu.
2JO 1:12 Dâŋ gâcne bocjaha fokac, erâ tintezi papiao qâreŋkezo mi enarekac. No ŋoŋerao biac fâpe miczi muc manac enaŋte mukopac. Ehuc bubiaŋ kâcɋene bâfuanšepeneŋ.
2JO 1:13 Go qoge bâwosâekicne ere naru motecfâc jaŋe manasu-gareŋgopieŋ.
3JO 1:1 No ŋicraŋɋazi âgo-nane Gaio gore papia ši qâreŋkekopac. No gore jâmbomac enarekac.
3JO 1:2 Âgo-nane, maŋge mitio sâcne foekac, iŋuc jaha sahackopec huc šâic tâmiric sâcne juhâmocmurâ enarekac.
3JO 1:3 Go dâŋ fâri qizecne sâcne bajuhuc reŋkeekomec, irec âgo gâcne jaŋe ware dâŋ binaŋ epie manarâ bunane boc biaŋkekac.
3JO 1:4 Naru motecfâc-nane jaŋe dâŋ fâri qizecnere hata âteeŋgopieŋ, dâŋ i manarâ bubiaŋ fekicne jâmbâŋ manaekopac.
3JO 1:5 Âgo-nane, go ŋic âgo ehâmo-jareekomec, erâ bembeŋkonec sawa mâcne, šorickonec mâmâc ejareekic, i sâcnea eekic.
3JO 1:6 Ŋic jaŋe šira kikefuŋte maio jauŋgere mu warec embiŋ. Ŋic fâpie go Anutu šâŋe biŋe-ticnere erâ hone jauŋ ejarerâ râec-jopatec rapie biaŋkeocmu.
3JO 1:7 Jaŋe šâŋe-ticnere erâ miti kiŋaŋ rahuc mâreŋ-jeŋic beherâ qâpuc jaŋeraonec moneŋ mafa mi roeŋgopieŋte ehâmo-jarezo hâcne.
3JO 1:8 Ŋic iŋucne âgo ejarehuc bafic-jopapene dâŋ fâri qizecne haŋ baocte munârekicne hâcne.
3JO 1:9 No kikefuŋ dâŋ wirec-jeŋic qâreŋkepo. Eme Diotrefe e micne-jeŋic juocte muekaczi dâŋnâŋec qikiŋneekac.
3JO 1:10 Irec no fârâ juju bapa-ticnere fuŋne bataniŋkepemu. E nâŋere burec ehuc boc musâqorec-nâpoekac. Erâ i sawa mâcne, ŋic fâpie e jahac hezu hewâneŋ mi ejarehame gâcnezi ejarepie qatara-jarerâ kikefuŋ sahacnao râec-jopaekac.
3JO 1:11 Âgo-nane go ŋic jaŋe wiac sâqocne epie mi bâjâpec-jopazemec, wiac biaŋne epie ine bâjâpec-jopazemec. Moc e wiac biaŋne ehuc juocmu ere muzo, e Anuturaonec fuakicne. Moc e sâqocne ehuc juocmu, e Anutu mi šâŋitawec muzo.
3JO 1:12 Demetrio ere fuŋne ine ŋic sasawa mutaniŋke-fârembiŋ. Erâ mitio fuŋne-ticne taniŋkewec wâc. Nâŋe iŋuc jaha dâŋticne dopeckeŋgopeneŋ. Erâ dâŋ jâmbomac mueŋgopeneŋ i manaekic.
3JO 1:13 Dâŋ gâcne bocjaha fokac, erâ tinte â fedazi qâreŋkezo mi enarekac.
3JO 1:14 No gorao biac fâzore mukopac. Fâ fisipe miczi nazaŋ gazaŋ ezeperec.
3JO 1:15 Wama gorao fozejec. Âgo jaŋe manasu-gare-fâreŋgopieŋ. Go iŋuc jaha âgofâc-nâŋec šâŋe-jeŋic wosehuc manasu-jarezemec.
JUD 1:1 Juda no Jesu Kristore kiŋaŋ qaqa â Jakobore ɋa. Mitio hefârec-ŋoparâ Anutu Mamacte jauŋko râec-ŋoparâ Jesu Kristore biŋe qacŋopakicne ŋoŋere papia ši qâreŋkekopac.
JUD 1:2 Ŋoŋerao uruc jauŋ, wama â maŋjauŋ fua bâbâriŋ fuahuc fozejec.
JUD 1:3 Âgo biaŋfâc-nane, miti wirec-nâŋecte qâreŋke-ŋarepemurâ boc enareekac. Ehuc miti ŋic mamanasiŋte hata fosanaŋkeocte biricke-nârekicne i sifuckezacte sasanaŋ bâfuarâ juju gie baniŋte irec faŋdâŋ qâreŋke-ŋarepemurâ dameŋ-nane maickekac.
JUD 1:4 Ŋic gâcne guru-ŋeŋicko kamic kamic rašimbiŋ, jaŋe fuŋne-jeŋic qanaŋ šiŋuc qâreŋkekicne: ŋic miti tâmiric, nâ areŋ juhuc sasec gie baeŋgopieŋ, ehuc wiac-jeŋic Anuture jauŋdâŋzi foŋkehuc fekicne sâko-nâŋec mocjaha, Wofuŋ-nâŋec Jesu Kristo hâcne e mickeeŋgopieŋ.
JUD 1:5 Ŋoŋe dâŋ mana-fâreeŋgopieŋ ijaha manasu-ŋarepe. Wofuŋ e Israe ŋicguru Aigita mâreŋkonec batarac-joparâ šâhec dâŋticne qikiŋnembiŋ i jaŋe behec-jopame sipirickembiŋ.
JUD 1:6 Erâ aŋelo soŋaŋ gie-jeŋic hetararâ hae mâreŋ-jeŋic behembiŋ, jaŋe okac dameŋ sâkore woŋec foniŋte kâpâcwâru fofo sanaŋzi dapâczi ɋoroc-jopawec.
JUD 1:7 Erâ Sodom, Gomora â hae rârec rârec ŋerawec, irec ŋic jaŋe ŋic keci jaŋe iŋucne sasec kosa ehuc mamakâc fuŋmoc bâfuapie šocsanaŋko behec-jopame humbiŋ juŋgopieŋ, i hâhâwic râe-nâreocte iŋuc ewec.
JUD 1:8 Eme sifu ŋic keci jaŋe wâc iŋuc jaha, guŋko jujune tinac erâ sahaczi mamakâc eeŋgopieŋ, erâ fekicne ro waha âte ejarehuc tatamachec jaŋe wâc musuac-jopaeŋgopieŋ.
JUD 1:9 Mikae e aŋelo fekicnezi Mose qâŋɋâŋ-ticnere Sataŋhec iiriac erâ mu qaqatarac ehuc Sataŋ dâŋ sâqocne âzâcneocte maname quŋkeme šiŋuc sawa muwec: “Wofuŋzi okacne bazu-garezejec.”
JUD 1:10 Ŋic keci jaŋe ine wiac kâuc baeŋgopieŋ i kosa musua fâreeŋgopieŋ, â qowi jaŋere sâc tinac erâ mâc maŋjeŋiczi manaeŋgopieŋ ira ine sâqorerâ sipirickeeŋgopieŋ.
JUD 1:11 Jei, jaŋe juku wenac eniŋmu? Jaŋe Kaiŋte hata âteeŋgopieŋ, â moneŋ mafare harac ehuc Bileamte bâbâsifuc bâfuaeŋgopieŋ, â Kora pepec-ticnere sipirickewec iŋuc jaha pepec-jeŋicte sipirickeeŋgopieŋ.
JUD 1:12 Ŋic i jaŋe hâcne nânâ qowire harac ehuc fisi tutumaŋ-ŋeŋic hehegâpârene, mimi tâmiric nâ areŋ eene, karorac hoe mi hehuc mâc mâŋâŋzi ficneme rame arictac eekac irec sâcko jujune, jâc garaŋ garaŋne, fâri tâmiric, hâsi fâri hâmokicne, qâqâfiene, ŋic iŋucne tinac hâcne,
JUD 1:13 hâwec siri šocnehec bazu bâfeŋ eekac iŋucne, jaŋacne sâqocne miminehec qâqâtâtiene, bâpiŋ qâsoriekicne iŋucne, duŋdapâc fofo sanaŋ i jaŋere biŋe hâcne bâfuakicne.
JUD 1:14 Adamte oso gitecne fua warekupie 7 eha Enoko fuawec, eme eki hâcne ŋic iŋucne jaŋere findaŋdâŋ šiŋuc muwec: “Wofuŋ e tiri ŋicfâc-ticne guru hâhâwicne jaŋehec fisizokac,
JUD 1:15 erâ ŋic mâmâc sasawa fuŋne-jeŋic bataniŋkehuc ŋic sindaŋne jaŋe sindaŋ-jeŋicte okacne bazu-jareocmu. Ŋic sindaŋne miti tâmiric jaŋe wiac gâgâpâcne bocjaha mu bac eeŋgopieŋte katucne fisi-jareocmu hâcne.”
JUD 1:16 Ŋic izi mu qâtimbucne, isoc qaisocne, sasec fuŋne fuŋnere hešâkiriŋkerâ jujune, pepecdâŋ mumune, ŋic moneŋ mafare mu bâmiriŋ eejarene, iŋuc hâcne jueŋgopieŋ.
JUD 1:17 Âgo biaŋfâc-nane, ŋoŋe ine Wofuŋ-nâŋec Jesu Kristo aposolofâc-ticne jaŋe qanaŋ dâŋ mumbiŋ, irec manasuhuc junšepieŋ.
JUD 1:18 Jaŋe kecšiŋuc ŋazahuc jumbiŋ: “Dameŋ bembeŋkeme ŋic âke sisicne fuarâ miti imackehuc sasec gie-jeŋicte hešâkiriŋkerâ juniŋmu.”
JUD 1:19 Ŋic iŋucnezi hâcne fâfâuc bâfuaeŋgopieŋ, erâ Mâro tâmiric maŋ qâŋɋâŋne jueŋgopieŋ.
JUD 1:20 Jorocfâc-nane, ŋoŋe ine tiri mamanasiŋ fârine izi ŋesiŋ ŋeŋarehame sanaŋkerâ junšepieŋ. Ehuc Tiri Mârorao roweckerâ numuhuc junšepieŋ.
JUD 1:21 Iŋuc ehuc Anuture maŋjauŋko aimuŋ junšepieŋ. Erâ Wofuŋ-nâŋec Jesu Kristo uruc jauŋ-ticne fua tâcneme juju sanaŋko fisiniŋte woŋec junšepieŋ.
JUD 1:22 Ŋic miti bape behepe bajueŋgopieŋ jaŋe dopec-jopanšepieŋ.
JUD 1:23 Á gâcne jaŋere busâqoc manarâ rucŋeŋic bahuc bafic-jopanšepieŋ, ehuc qoruc-jeŋic sâqocnezi hegâpârekicne i wâc bâec banšepieŋ.
JUD 1:24 Âkesiŋ-ŋopame docke pârâc tâmiric juhapie tatamac-ticnao bahacmâc â šerihec râec-ŋopaocte tâpiri focnekac,
JUD 1:25 Anutu mocjaha hâcne, e Wofuŋ-nâŋec Jesu Kristore erâ bâbâpiaŋ-nâŋec juekaczi tatamac â eri qaraweŋ â sasanaŋ â tâpiri mârâc dameŋ tâmiricko focnewec iŋuc jaha ši focnekac, erâ focne rahuc juocmu sanaŋ. Jâmbomac.
REV 1:1 Jesu Kristore mu bararuŋ dâŋ, dameŋ mi šoraha wiac fuaocte mukicne i kiŋaŋŋicfâcne jaza mutâc eocte Anutuzi Jesu mufuacnewec, eme eki aŋelo-ticne soreme kiŋaŋŋic-ticne Johane âzâcne jâutuc ewec.
REV 1:2 Eme eki Anuture dâŋ â Jesu Kristore mumutaniŋ dâŋ hone manac eweczi manapaŋkehuc mufuawec.
REV 1:3 Eme findaŋdâŋ i wose-jareocmu e jahacne mecne, â dâŋ mu qâreŋ ekicne manarâ maŋkeniŋmu jaŋe mecne, mâmâc juhâc qâhâmoniŋmu. Dameŋ bembeŋkekac hâcne.
REV 1:4 Johane no Asia mâreŋko kikefuŋ 7 juŋgopieŋ ŋoŋere papia ši qâreŋkekopac. Juweczi jukac erâ wâc wareocmu eraonec mecne, â mâro 7 eri ŋeŋefuŋ-ticnao juŋgopieŋ jaŋeraonec mecne,
REV 1:5 â Jesu Kristo eraonec aki anonoc â wama ŋoŋerao fotâcnerâ fozejec. Eki hâcne mume sasanaŋ erâ wâc hâmockonec fafahare irec micne, â mâreŋ sâc ŋicwofuŋ jaŋere fekicne sâko jukac. E maŋjauŋ enârehuc socticnezi sâqocnaonec bâhoc-nâporâ
REV 1:6 uucmaŋ-ticnere kikefuŋfâc bacnâporâ Anutu â Mamac-ticnere taha bapafâc junaŋte munârewec, erao hâcne eri qaraweŋ â tâpiri ɋuŋɋasaŋ fokaczi fohuc juzejec sanaŋ. Jâmbomac.
REV 1:7 Manaŋgopieŋ, e karorac faio warekac, eme ŋic sasawa šâŋe-jeŋiczi honeniŋmu, â âkeckembiŋ jaŋe mâmâc honeniŋmu. Erâ mâreŋ sâc ŋic gurune gurune jaŋe ere kio mamakuc eniŋmu. Dâŋ i jâmbomac jâmbâŋ.
REV 1:8 “Nonizia šâhec â bâbâni”, Wofuŋ Anutu e iŋuc mukac, e juweczi jukac erâ wâc wareocmu, e bapafâre hâcne.
REV 1:9 Johane no fific guguriŋte â uucmaŋte â Jesure woŋec jujure mâmâc qâtec-ŋopahuc âgo babafic-ŋeŋic juekopac. Eme no Anuture dâŋte â Jesu mutaniŋkepore Patimo nucko râecnupie ŋepo.
REV 1:10 Ŋehuc Wofuŋte šoaŋko maŋ qâruru-nane ropieme râpefuŋ-naneo dâŋsâko qeŋfânâŋ iŋucne fuame
REV 1:11 šiŋuc manapo: “Wiac honekomec i papiao qâreŋkerâ kikefuŋ 7 kecšiŋuc jaŋerao râetec razejec: Efeso haeo â Simirna haeo â Peagamoŋ haeo â Tiatira haeo â Sarde haeo â Filadefia haeo â Laodikea haeo.”
REV 1:12 Eme no ŋic dâŋ nazawec e honepemurâ fotikiepo. Fotikierâ lambe 7 golzi bakicne honepo.
REV 1:13 Lambe ŋondeŋko moc domame honepo, e hawarine ŋic hawari tinac. Ŋaqi-ticne šoricne waha domawec, â amecnao umbika golzi bakicne fowec.
REV 1:14 Qizec-ticne â qizec susuc-ticne qaŋqaŋ jâmbâŋ, kota hâpokicne, faroqac iŋucne, â šâŋe jahecne šoc bâruŋkeekac iŋucne tinac.
REV 1:15 Kike jahec-ticne ine aeŋ šocko šahuc bâruŋkeekac iŋucne tinac â dâŋ hawari-ticne opâ sâro fânâŋ tinac.
REV 1:16 Mefâre-ticnezi bâpiŋ 7 badomawec, â michawec-ticnao sâqe momori moc bune râpene micnehec waha domawec, â šâŋemai-ticne ine šoaŋ gereŋ gereŋne eekac iŋuc tinac tamaewec.
REV 1:17 No hawari-ticne iŋuc honerâ rândiŋkerâ kikefuŋnao hâmocne tinac fopo. Fohape mefâre-ticne fai-naneo râerâ šiŋuc nazawec: “Go mi hâwicguoc, šâhec bâbâni â juju rune no hâcne ši”
REV 1:18 manakic, no hâmorâ ɋârepozi jurašihuc jupemu sanaŋ, erâ hâmoc â hârâc motâc-jekicte ki noni bajuekopac.
REV 1:19 Go wiac honemec â šiŋuczia fuakac â šâhec fuaocmu i mâmâc qâreŋke-fârezemec.
REV 1:20 Erâ mefâre-naneo bâpiŋ 7 i mecne â lambe 7 golzi bakicne mâmâc honemec, irec fuŋne gazape manac: Bâpiŋ 7 i kikefuŋ 7 jaŋere aŋelo, â lambe 7 ine kikefuŋ 7.
REV 2:1 “Efeso haeonec kikefuŋ aŋelo-jeŋicte dâŋ kecšiŋuc qâreŋkec: `Bâpiŋ 7 mefâre-ticnezi badomahuc lambe 7 golzi bakicne irec ŋondeŋnao rac warec eekac, eki gore šiŋuc mukac:
REV 2:2 No eebapagere â giegere â sasanaŋgere fuŋne manaekopac. Goki ŋic sâqocne mana qâoma mi ejareekic. Eme irec hâcne ŋic tucne jaŋe, nâŋe aposolo, muhuc burec epie burec-jeŋicte fuŋne bataniŋkemeŋ.
REV 2:3 Erâ sasanaŋhec juhuc nore erâ šârâ hâriŋ faio tatakic tâmiric jumeŋ.
REV 2:4 Eme no ine wiac kecšiŋucte gore manape bahacnehec ekac: Go mârâc jaha maŋjauŋ fogarewec sâc ijaha dameŋ šiŋuczia mi fogarekac.
REV 2:5 Mârâc jaha hahaŋko rahuc jumeŋzi miŋecgac wahakomec. Eme go irec manasurâ maŋge bârisierâ mârâc hatagao mocwâc âtezemec. Iŋuc mi etec no gorao fisirâ lambege bârâriepemu. Maŋge mi bârisietec iŋuc hâcne epemu.
REV 2:6 Moc ine etec manape sâckeekac, Nikolao ŋicfâc-ticne jaŋe wiac epie takicguekac, ine no iŋuc jaha wâc takicnuekac.
REV 2:7 Mârozi kikefuŋ dâŋ jazakac, i hazecneheczi manazejec. Moc e sasanaŋ gie baraku batarame jujujâcte fârine Anuture paradisi gieo fuaekac i râcnepe nâocmu.'
REV 2:8 “Simirna haeonec kikefuŋ aŋelo-jeŋicte dâŋ kecšiŋuc qâreŋkec: `Ʒâhec bâbâni â hâmorâ ɋâreweczi gore šiŋuc mukac:
REV 2:9 Go fific guguriŋ faio qafec qawahac juekic, i manakopac. Erâ go mâririgehec. Á Judaŋic gâcnezi dâŋ gâgâpâcne gazaeŋgopieŋ, i wâc manakopac. Erâ jaŋe Judaŋic jâmbâŋ mâcne, jaŋe Sataŋte ŋicfâc.
REV 2:10 Go wiac šârâ hâriŋne mocwâc fua-gareocmu irec mi hâwicguzejec. Manakic, Sataŋ e eesâic fua-ŋareocte ŋoŋeraonec tucne kâpâcwâru ficko râec-jopaocmu. Eme ŋoŋerao fific guguriŋ šoaŋ gie bapa 10 fuaocmu. Goki ine miti paŋšâic jaha bajuku hâmotec juju sanaŋte eriduzi geroŋgupemu.
REV 2:11 Mârozi kikefuŋ dâŋ jazakac, i hazecneheczi manazejec. Moc e sasanaŋ gie baraku batarame hâmoc namba tuzi mi imackeocmu.'
REV 2:12 “Peagamoŋ haeonec kikefuŋ aŋelo-jeŋicte dâŋ kecšiŋuc qâreŋkec: Sâqe momori, micne ŋifec â ŋifec bajuekaczi gore šiŋuc mukac:
REV 2:13 Go hae jukomec, irec fuŋne manakopac, ira Sataŋte hozi sanaŋ fokac. Go šâŋe biŋe-nane paŋnea bajuekic. Mupe rereŋ biaŋ-nane Antipa e hae-ŋeŋic Sataŋzi ŋeŋe juju eekac ira hâcne qambiŋ, eme go dameŋ ira no manasiŋnurâ mi dockemeŋ.
REV 2:14 Erâ no gore manape piticne babahacnehec ekac. Gore haeo ŋic gâcne juŋgopieŋ, jaŋe Bileamte hata âteeŋgopieŋ. Bileam e Balakezi Israe bitiŋ râe-jareocte âzâcneme eki qafeŋ-jopame ɋâŋte šepec nâhuc sasecko sâqorembiŋ.
REV 2:15 Eme gore haeo ŋic gâcne jaŋe Nikolao ŋicfâc-ticne jaŋere hata âtehuc sâc ijaha eeŋgopieŋ.
REV 2:16 Irec go maŋge bârisiezemec. Iŋuc mi etecne no gorao picpac jaha fisirâ ŋic hâcne râsi ejarehuc micnanere šikazi jopapemu.
REV 2:17 Mârozi kikefuŋ dâŋ jazakac, i hazecneheczi manazejec. Moc e sasanaŋ gie baraku batarame e mana soŋne gumepemu. Erâ qânâ qaŋqaŋ râcnepemu, ira šâŋe qâreŋ-ticne moc fome runezia buc manaocmu.'
REV 2:18 “Tiatira haeonec kikefuŋ aŋelo-jeŋicte dâŋ kecšiŋuc qâreŋkec: `Anuture Ŋokâ šâŋene šocbâruŋ iŋucne â kikene aeŋ bâroŋ iŋucne, eki gore šiŋuc mukac:
REV 2:19 No eebapagere â maŋ jauŋgere â mamanasiŋgere â giegere â sasanaŋgere fuŋne manakopac. Erâ mârâc ɋicwânšâŋge afecne fowec, ši ine fekac, i wâc manakopac.
REV 2:20 Erâ no kecšiŋucte gore manape bahacnehec ekac: Goki ŋokac Isebe mana qâoma ecnetec eki, no porofete ŋokac, muhuc ŋicfâc-nane dâŋ qazu-jarehuc qafeŋ-jopame sasec gie bahuc ɋâŋte šepec nâeŋgopieŋ.
REV 2:21 E maŋticne bârisieocte šâfo bacnepo, eme eki ine maŋticne bârisierâ sasec-ticne beheocte mi muekac.
REV 2:22 Manakic, no irec mupe huc hâmoc fuacneme fozejec, â ehec sasec eec eeŋgopieŋ jaŋerao fific guguriŋ kâcɋene fuazejec. Ŋokacte sasec wiac mi behepie iŋuc hâcne ejarepemu.
REV 2:23 Á naru motecfâc-ticne jaŋere mupe huc mimicnezi bâhâmoc-jopazejec. Iŋuc epe hae sâc opâ ruac jaŋe, noni maŋjeŋicte guruc tuturuŋ hone tara-fâreekopac, i mana taraniŋmu. No ŋic mâmâc sasawa juju bapa-ŋeŋicte okacne bazu-ŋarepemu.
REV 2:24 `à `Tiatira haeonec ŋic gâcne ŋoŋe burecdâŋ i qikiŋneeŋgopieŋ, ehuc ŋic gâcne, Sataŋte fuŋne mana utuckeeŋgopeneŋ mueŋgopieŋ, jaŋe mi bafic-jopaeŋgopieŋ, ŋoŋere mupe mananiŋ: No tagi gâcne fai-ŋeŋicko mi râeckopac.
REV 2:25 Eme wiac fonarekac i paŋnea bajuhapie fisizepac.
REV 2:26 Moc e sanaŋkerâ nore eebapa i eraku etaraocmu, e noni tâpiri râcnepe qâpuc jaŋere micne erâ
REV 2:27 aeŋ gunu bajuhuc soŋaŋ-jopaocmu. Ehuc mâreŋ kuši wiac qapene šaŋkeekac iŋuc ejareocmu.
REV 2:28 No Mamac-nanezi tâpiri narewec iŋuc jaha e râcnepemu, erâ wâc bâpiŋ sâko šuhuckecnepemu.
REV 2:29 Mârozi kikefuŋ dâŋ jazakac, i hazecneheczi manazejec.'
REV 3:1 “Sarde haeonec kikefuŋ aŋelo-jeŋicte dâŋ kecšiŋuc qâreŋkec: `Anuture mâro 7 â bâpiŋ 7 bajuekaczi gore šiŋuc mukac: No eebapagere fuŋne manakopac, ŋic jaŋe honecgupie ɋâricne jukomec tinac ekac, maŋge ine hâmoc qâŋɋâŋne fokac.
REV 3:2 Irec go ɋârerâ ŋic gâcne hâmozo eŋgopieŋ jaŋe maŋjeŋic âke ɋârezemec. Manakic, no Anuture maio eebapage honepe mi sâckekac.
REV 3:3 Go wiac gare tahac ekicne â gaza qazuc ekicne, i heɋârerâ aimuŋ bajuhuc maŋge bârisiezemec. Mi ɋâretecne ine râsi fifisi tinac fisi-garepemu, go šâfo-nane moc mi manahaŋtec biac fisipemu hâcne.
REV 3:4 Sarde haeo ira ŋicfâcge gâcne juŋgopieŋ, jaŋe ŋaqi-jeŋic sohoŋ mi ruacnembiŋ. Eme iŋucnezi juku ŋaqi qaŋqaŋ rojuhuc nohec ŋeŋe juju eniŋmu. Jaŋe iŋuc eniŋte mana-jarepe sâckekac.
REV 3:5 Moc e sasanaŋ gie baraku batarame ŋaqi qaŋqaŋ râcnepe rojuocmu, â šâŋe-ticne juju sanaŋ papiao mi hetâmirepemu, aricne, no šâŋe-ticne Mamac-nanere maio â aŋelofâc-ticne jaŋere maio mutaniŋkepemu.
REV 3:6 Mârozi kikefuŋ dâŋ jazakac, i hazecneheczi manazejec.'
REV 3:7 “Filadefia haeonec kikefuŋ aŋelo-jeŋicte dâŋ kecšiŋuc qâreŋkec: `Tiri juju â mume sasanaŋ, Dawidire ki bajuhuc motâc bâŋgoroŋkeme moczi mi basanaŋkeocmu, me basanaŋkeme moczi mi bâŋgoroŋkeocmu, eki hâcne gore šiŋuc mukac:
REV 3:8 No eebapagere fuŋne manakopac. Manakic, no maigao motâc moc baandaŋke-garepo i moczi moc sâcne mi hebâzicke-gareocmu. Go tâpiri piticne sawa fogarekac i manakopac, erâ sifu dâŋnane paŋnea bajuhuc šâŋe biŋe-nane mi behemeŋ.
REV 3:9 Manakic, Sataŋte guruonec ŋic gâcne jaŋe Judaŋic fârine aricne, racne juhuc burec eeŋgopieŋ, eme no jaŋe ejarepe gorao fisirâ dieŋzi hegarehuc, âgo bacgupo i hone taranšepieŋ.
REV 3:10 Go woŋec-nane tatakic tâmiric jucmurâ mugarekicne, dâŋnane i paŋnea bajumeŋte noni eesâic dameŋ maicguzacte sabecgupemu. Eesâic i mâreŋ sâc ŋic jaŋerao mâmâc fua-fâreocmu.
REV 3:11 No biac fâpemu, irec go wiac fogarekac i paŋnea bajuhaŋtec moczi eriduge mi gowac rozejec.
REV 3:12 Moc e sasanaŋ gie baraku batarame e Anutu-nanere ufuŋko safatariŋ âkendâŋnepemu. Eme e ira domahuc juocmu sanaŋ. Erâ ere faio Anutu-nanere šâŋe qâreŋkepemu, erâ Anutu-nanere hae ere šâŋe iŋuc jaha ere faio qâreŋkepemu, i Jerusalem hae ɋâricne hâcne, sambâŋkonec Anutu-naneraonec wahaocmu, erâ no nahacne šâŋe ɋâri i iŋuc jaha ere faio qâreŋkepemu.
REV 3:13 Mârozi kikefuŋ dâŋ jazakac, i hazecneheczi manazejec.'
REV 3:14 “Laodikea haeonec kikefuŋ aŋelo-jeŋicte dâŋ kecšiŋuc qâreŋkec: `Dâŋte mamacne â mumutaniŋ fârine â mume sasanaŋ, e Anuturaonec wiac fuawec irec fuŋqizecne juekaczi gore šiŋuc mukac:
REV 3:15 No eebapagere fuŋne manakopac. Go mâteŋne mi juekic â fârone mi juekic i manakopac. Mâteŋne me fârone juzo murâ junšaŋ me¡
REV 3:16 Mâteŋne â fârone ŋondeŋ-jekicko dodo horaŋne juekicte micnaneonec maŋucgupe wahacmu.
REV 3:17 Go gahacnere šiŋuc muekomec, no mâriri bocjaha fonarekac, no wiac wemo afecne hurepo, irec wiac moc mi basapemu. Go fuŋnege kâuc baekic, ehuc qarâ suriŋne, huacbucne, tac qararacne, tiŋtuŋne â biuctac juekic, i mi mana tarakomec.
REV 3:18 Irec go gazape manac: Go noraonec šuŋe kizukicne furine barâ boreŋhec ezemec, â ŋaqi qaŋqaŋ furine barâ hetec huŋ mimige sâockezejec, erâ šâŋere wokemaŋ furine barâ šâŋege ruacnerâ fiɋaɋackezemec.
REV 3:19 No âgo bacjopaekopac jaŋe mu bâtiŋ â qa bâtiŋ ejare-fâreekopac. Irec go šoɋac erâ maŋge bârisiezemec.
REV 3:20 Manakic, no motâc râpeo domahuc heickekopac, eme moc e dâŋnane manarâ motâc ronareme ere ficko ferâ suanšeŋ nâ gumec ecnepemu.
REV 3:21 Moc e sasanaŋ gie baraku batarame noni hefârepe nore eri ŋeŋeo mâmâc ŋenacmu, no iŋuc jaha sasanaŋ gie baraku batarape Mamac-nanezi ere eri ŋeŋeo ŋepemurâ hefârecnuwec.
REV 3:22 Mârozi kikefuŋ dâŋ jazakac, i hazecneheczi manazejec. Ž ”
REV 4:1 No wiac i hone manac efârerâ šâŋe firâ mi sambâŋko motâc moc aaŋ domame honezepac i¡ Ehame dâŋ qanaŋ qeŋfânâŋ tinac manapo, ijaha mocwâc fuarâ šiŋuc nazawec: “Go šira wefutec juku wiac fuaocmu gaza gowatuc epe honec.”
REV 4:2 Iŋuc mume izia maŋnane ŋerisieme sambâŋko eri ŋeŋe moc ŋehame fainao moczi ŋeme honepo.
REV 4:3 Á eri ŋeŋeo ŋewec e hawarine ârâŋ ɋârizi bâbâroŋ findowakicne, â ŋeŋe botâŋnao huriri somâckerâ domawec, hawarine buge iŋucne erâ jawaririŋ kikicne.
REV 4:4 Erâ eri ŋeŋe sâko rârec rârec eri ŋeŋe gâcne 24 ŋerawec. Ŋeŋe irec faio ŋicqizec 24 ŋerambiŋ. Jaŋe ŋaqi qaŋqaŋ sasawa roŋembiŋ â eridu golzi-bakicne qizec-jeŋicko ŋerawec.
REV 4:5 Erâ eri ŋeŋe sâkoonec bâbâric â ɋuŋ parandaŋ fuahuc fowec, â eri ŋeŋe mainao šocbâruŋ 7 šawec, i Anuture mâro 7 jaŋere šoc.
REV 4:6 Erâ wâc eri ŋeŋe maio ine hâwec kiruŋzi bakicne tinac jawaririŋ kikicne fowec. Erâ eri ŋeŋe maŋfuŋnao wiac jujune 4 ŋerambiŋ, jaŋe bu râpe-jeŋicko šâŋehec sasawa.
REV 4:7 Moc e laioŋ hawari iŋucne, moc e bulimakao ŋicne hawari iŋucne, moc e šâŋe maine ŋic hawari iŋucne, moc ine tucwipe fahareekac hawari iŋucne.
REV 4:8 Wiac jujune 4 jaŋe fakec-jeŋic 6 sasawa, erâ fakec-jeŋic faine â juwicne šâŋe-jeŋic jaha fowec. Erâ ŋafe furec wirahuc šiŋuc mueŋgopieŋ: “Wofuŋ Anutu bapafâre, e tiri, tiri, tiri jaha, juweczi jukac erâ wâc wareocmu.”
REV 4:9 Eme wiac jujune 4 jaŋe eri ŋeŋeo ŋeekac, juju sanaŋ rune hâcne, e daŋge mumuteŋ â šeri bubiaŋ ecnepie sâc
REV 4:10 ŋicqizec 24 jaŋe, eri ŋeŋeo ŋeekac, juju sanaŋ rune hâcne, ere maŋfuŋko fodaperâ mu šeri ecnehuc ŋeŋefuŋ-ticnao eridu-jeŋic ŋerâ šiŋuc mueŋgopieŋ:
REV 4:11 “Wofuŋ-nâŋec Anutu, eri qaraweŋ â šâŋe biŋe â tâpiri i goki raucketec sâcke-hâmokac, goki hâcne wiac sasawa bâfuameŋ, â gore micte wiac fua-fârewec fokac.”
REV 5:1 Eme eri ŋeŋeo ŋeekac e mefâre-ticnezi papia foforiŋ moc baŋeme honepo, papia e bune râpene qâreŋhec jaha fowec, erâ sâfâ 7-zi basanaŋkekicne.
REV 5:2 Eme aŋelo sâko honepo, e dâŋ hahaŋnehec šiŋuc muwec: “Mo tiŋnezi papia sâfâ-ticne bâhockerâ bâdâmâreme sâckeocmu?”
REV 5:3 Iŋuc mume sambâŋko me mâreŋko me mâreŋ jujuwicnao moczi moc papia sâfâ-ticne bâhockerâ woseocte mi afeckewec.
REV 5:4 Eme moczi sâsâcne mi juhuc papia bâdâmârerâ wosewecte bunane sâqoreme boc kiopo.
REV 5:5 Iŋuc epe ŋicqizec jaŋeraonec moczi šiŋuc naza muwec: “Mi kioc, manakomec, Judare ɋâricfâc jaŋeraonec laioŋ moc fuawec, Dawidire gitecne hâcne, eki papia sâfâ-ticne 7 bâhockerâ bâdâmâreocte wiac sasawa qamase-fârewec.”
REV 5:6 Eme no šâŋe firâ eri ŋeŋe â wiac jujune 4 irec ŋondeŋko ŋicqizec jaŋere birio Lama moc hezukicne hawari domame honepo. šuŋene 7 â šâŋene iŋuc jaha 7. šâŋene 7 i Anuture mâro 7, jaŋe mâreŋ sâc sorec-jopakicne juraŋgopieŋ.
REV 5:7 Eme Lamazi rarâ eri ŋeŋeo ŋewec ere mefâreonec papia foforiŋ rowec.
REV 5:8 Papia foforiŋ rome wiac jujune 4 â ŋicqizec 24 jaŋe Lamare maŋfuŋko fodapembiŋ. Jaŋe musi-jeŋichec sasawa, â râqâc golzi bakicne i mâmâc barâ fombiŋ. Râqâc maŋkonec hosâc âsu biaŋ wefuwec, i Anuture tiriŋicfâc jaŋere nunumu.
REV 5:9 Eme jaŋe gae ɋâricne moc šiŋuc hembiŋ: “Goki papia rorâ sâfâ-ticne bâhocketec sâcke-hâmoocmu. Go gupie socgezi mâreŋ sâc ŋic sahac hawari fuŋne fuŋne â dâŋmarac fuŋne fuŋne kitâc-jopame Anuture biŋe embiŋ.
REV 5:10 Erâ qâzuc-jopatec Anutu uucmaŋ-ticnere kikefuŋfâc â taha bapafâc-ticne embiŋ. Eme jaŋe mâreŋte faio guriŋ bapa gie baniŋmu.”
REV 5:11 Eme no šâŋe firâ aŋelo bocjaha jâmbâŋ honec-jopahuc micfânâŋ-jeŋic manapo. Jaŋe eri ŋeŋe â wiac jujune â ŋicqizec orâŋ-jopahuc domambiŋ, teŋ tauseŋ gurune gurune â wâŋ tauseŋ gurune gurune domarahuc
REV 5:12 dâŋ šiŋuc wiwirao mumbiŋ: “Lama hezukicne eki tâpiri mazuc mâriri â maŋɋârâŋ â sasanaŋ â šâŋe biŋe â eri qaraweŋ â muac baafec rauckeme sâcke-hâmokac.”
REV 5:13 Eme sambâŋko â mâreŋko â mâreŋ jujuwicnao â hâwecko jurambiŋ sasawa jaŋe kecšiŋuc mupie manapo: “Eri ŋeŋeo ŋekac e â Lama mâmâc muac baafec â šâŋe biŋe â eri qaraweŋ â tâpiri focnekaczi focnerahuc juzejec sanaŋ.”
REV 5:14 Eme wiac jujune 4 jaŋe mumbiŋ: “Jâmbomac.” Á ŋicqizec jaŋe fodapehuc numucnembiŋ
REV 6:1 Eme no šâŋe firâ honepo, Lama eki papia sâfâ 7 fowec ine moc bâhockewec. Bâhockeme wiac jujune 4 jaŋeraonec moc e ɋuŋ parandaŋ maracko wirahuc muwec: “Warec.”
REV 6:2 Mume mi becâsic qaŋqaŋ moc wareme honezepac i¡ Fainao ŋic moc ŋewec e tepe-ticnehec, eme e eri qoqonaŋ râcnepie momori erâ wiac qamase rahuc juwec.
REV 6:3 Eme Lamazi sâfâ namba 2 bâhockeme wiac jujune namba 2-zi wirahuc muwec, “Warec!”
REV 6:4 Mume becâsic bâbâroŋ fuawec. Fainao ŋic ŋewec e mâreŋko wama bârârieme ŋic jaŋe qâqâmiziec eniŋte tâpiri râcnekicne. Erâ šika sâko mâmâc râcnekicne.
REV 6:5 Eme Lamazi sâfâ namba 3 bâhockeme wiac jujune namba 3-zi wirahuc muwec, “Warec!” Eme no šâŋe firâ honehape mi becâsic gâgâpâc warezejec i¡ Ŋic fainao ŋewec e sigeli baŋewec.
REV 6:6 Eme no wiac jujune jaŋere ŋondeŋko ŋicmarac tinac fuarâ šiŋuc mume manapo: “Padi tase 2 furine 1 kina â jacgoŋ 12 iŋuc jaha furine 1 kina. Erâ saŋ hâmeŋ fâric ine akicketec fuazejec.”
REV 6:7 Eme Lamazi sâfâ namba 4 bâhockeme wiac jujune namba 4-zi wiwirao muwec, “Warec!”
REV 6:8 Eme šâŋe firâ honehape mi becâsic moc sahacne gowaekicne warezejec i¡ Ŋic fainao ŋewec šâŋene hâmoc. Erâ hârâckoneczi bâjâpembiŋ. Eme mâreŋko rukec jahec â moc mâc fohame moc ira mume šikazi â roroczi â huc mimicnezi â kâte qowi momorizi ŋic sipiric-jopaniŋte tâpiri râe-jarekicne.
REV 6:9 Eme Lamazi sâfâ namba 5 bâhockewec. Ehame ŋic Anuture dâŋ bajuhuc biŋe-ticne mutaniŋkepie jopakicne jaŋere maŋ qâqâtâc alata maŋfuŋko fopie honec-jopapo.
REV 6:10 Jaŋe dâŋ wiwic jaha wirahuc šiŋuc mumbiŋ: “Tiri â mume sasanaŋ Wofuŋ, go wemocte okac dameŋ bâšorahuc socnâŋecte kiŋ ŋic mâreŋko juŋgopieŋ jaŋerao mi batarakic?”
REV 6:11 Iŋuc mupie ŋaqi qaŋqaŋ ru sâc jare-fârerâ šiŋuc jazambiŋ: “Kiŋaŋ qaqa âgofâc-ŋeŋic gâcne iŋuc jaha jopa qâhâmoc ejarepie šare-jeŋic qosackeocte woŋec piticne junšepieŋ.”
REV 6:12 Eme wiac šiŋuc honepo: Lama e sâfâ namba 6 bâhockeme homeŋ sâko bawec. Ehame šoaŋ gâpârerâ kuši sahacne iŋucne ewec, â mosa e soc iŋucne ewec.
REV 6:13 Á bâpiŋ jaŋe mâŋâŋzi nemuja qâmârâŋkeme wahaekac, iŋuc sambâŋkonec mârâŋkerâ wahambiŋ.
REV 6:14 Á sambâŋ e ine papia bataforieeŋgopeneŋ iŋuc foforierâ sirowewec. Á tiki â nuc jaŋe.ŋeŋe-jeŋic behembiŋ.
REV 6:15 Wiac iŋucne fuame mâreŋ sâc ŋicwofuŋ â ŋicbomboŋ, erâ momori micnefâc-jeŋic â mafa mâririhec â tâpirihec, ŋic fekicne â wahakicne mâmâc sasawa mâreŋ â qânâ hawecko soŋkerâ tiki â hârâc wâsic-jopahuc šiŋuc mumbiŋ:
REV 6:16 “Waharâ ŋemac-nâporâ bârârâŋ-nâpopie eri ŋeŋeo ŋekac ere šâŋeo mi henšepeneŋ â Lamare kimbeŋ mi honenšepeneŋ.
REV 6:17 Kimbeŋ-jeŋicte dameŋ sâko maickekacte ŋic mozi moc juocmu?”
REV 7:1 Eme no šâŋe firâ aŋelo 4 honec-jopapo, jaŋe mâreŋ tuturuŋne 4 ira doma rahuc mâreŋte mâŋâŋ 4 badomambiŋ. Mâreŋko me hâwecko me jâcko mâŋâŋ moc mi qaocte iŋuc embiŋ.
REV 7:2 Ehame šoaŋ wewefunaonec aŋelo moc wefume honepo. E Anutu jujune eraonec maqâreŋ bajuwec. Bajuhuc aŋelo 4 mâreŋko â hâwecko ima baniŋte mujarekicne jaŋe wiwic jaha wira-jarehuc šiŋuc muwec:
REV 7:3 “Ŋoŋe mâreŋko me hâwecko me jâcko ima biac mi banšepieŋ, nâŋe qanaŋ Anuture ŋicfâc mai-jeŋicko maqâreŋ râenaŋmu.”
REV 7:4 Iŋuc mume ŋic maqâreŋhec jaŋere šare kecšiŋuc mupie manapo: “Israe guru sâc jaŋeraonec 144 tauseŋ maqâreŋ râe-jarekicne.
REV 7:5 Judare guruonec 12 tauseŋ maqâreŋ-jeŋichec, Rubeŋte guruonec 12 tauseŋ, Gade ere guruonec 12 tauseŋ,
REV 7:6 Ase ere guruonec 12 tauseŋ, Naftali ere guruonec 12 tauseŋ, Manase ere guruonec 12 tauseŋ,
REV 7:7 Simeoŋ ere guruonec 12 tauseŋ, Lewi ere guruonec 12 tauseŋ, Isasa ere guruonec 12 tauseŋ,
REV 7:8 Sebuloŋ ere guruonec 12 tauseŋ, Josefe ere guruonec 12 tauseŋ, Benjamiŋ ere guruonec 12 tauseŋ, ŋic iŋuczi maqâreŋ-jeŋichec embiŋ.”
REV 7:9 Wiac i hone manac efârerâ moc honepo, mâreŋ sâc irec ŋic tucne, sahac hawari-jeŋic fuŋne fuŋne â dâŋ marac-jeŋic fuŋne fuŋne, guru sokawec jâmbâŋ, ŋic moczi mi wowosene, jaŋe eri ŋeŋere â Lamare maŋfuŋko domapie honec-jopapo. Jaŋe ŋaqi qaŋqaŋhec sasawa,
REV 7:10 erâ mejeŋiczi šariŋ badomahuc dâŋ hahaŋne bahuc šiŋuc mumbiŋ: “Bâbâpiaŋ i Anutu-nâŋec eri ŋeŋeo ŋekac erao â Lamarao fokac.”
REV 7:11 Eme aŋelo sasawa eri ŋeŋe â ŋicqizec â wiac jujune 4 orâŋ-jopahuc domambiŋ, jaŋe eri ŋeŋe maŋfuŋnao fodaperâ Anutu nunumu mumuteŋ ecnehuc šiŋuc mumbiŋ:
REV 7:12 “Jâmbomac¡ Mumuteŋ â eri qaraweŋ â maŋɋârâŋ â daŋge mumu â šâŋe rara â tâpiri â sasanaŋ i Anutu-nâŋec focnekaczi focne rahuc juzejec sanaŋ. Jâmbomac.”
REV 7:13 Eme ŋicqizec jaŋeraonec moczi wio-narerâ muwec: “Ŋaqi qaŋqaŋhec i mo jaŋe? Wenirec warembiŋ?”
REV 7:14 Wio-nareme dâŋ šiŋuc bâtikiecnepo: “Ŋicbomboŋ-nane, i goki manakic.” Eme nazawec: “Jaŋe šâic busâqoc maŋnaonec warembiŋ â ŋaqi-jeŋic Lamere soczi šure ɋaɋackembiŋ.
REV 7:15 Irec ši Anutu eri ŋeŋe-ticnere maŋfuŋko juhuc ŋafe furec ufuŋ-ticnao kiŋaŋ qacneeŋgopieŋ. Ehame eri ŋeŋeo ŋeekaczi qâtec-jopahuc sâoc-jopaocmu.
REV 7:16 Eme nânâ opâre mocwâc mi hâmoniŋmu; šoaŋzi mi rikec-jopaocmu â šâic fâro mi fua-jareocmu. Ŋeŋe šâšâŋiŋko Lama domakac eki hâcne soŋaŋ-jopaocmu, ehuc juju opâ šâkâŋnao amec-jopa rahuc juocmu; erâ Anutuzi šâŋeuc-jeŋic bâkereŋke-fâreocmu.”
REV 8:1 Eme Lama e sâfâ namba 7 bâhockeme sambâŋko niniŋ qiririŋ fuarâ fohame haæ aua qâririŋ ewec.
REV 8:2 I tarame aŋelo 7 Anuture maŋfuŋko domambiŋ jaŋe honec-jopahape gâcnezi qeŋ 7 jarembiŋ.
REV 8:3 Eme aŋelo moczi râqâc golzi bakicne ihec warerâ ra alata maŋfuŋko badomame gâcnezi ira hosâc âsu biaŋ bocjaha râepie huwec. Hume eri ŋeŋe mainao alata golzi bakicne ŋewec irec fainao râehuc mitiŋic jaŋere nunumuo šuhuckewec.
REV 8:4 Ehame meticnaonec hosâc âsu biaŋ izi mitiŋic jaŋere nunumu bafickehuc Anuturao fewec.
REV 8:5 Aŋelo e iŋuc erâ alataonec šoc kine rorâ râqâc-ticne bâfuserâ mâreŋko hoŋkeme huwec. Hume ɋuŋ parandaŋ â bâbâric â homeŋ fuawec.
REV 8:6 Eme aŋelo 7 qeŋ jarekicne jaŋe qeŋ qaniŋte šawiembiŋ.
REV 8:7 Ehuc aŋelo namba wâŋ eki qeŋ qame hoe sanaŋ â šoc sochec bâsifuckekicne izi mâreŋko hewec. Heme mâreŋ tucne šoczi šawec â jâc tucne â sopâc kecɋaŋ sasawa šoczi šafârewec.
REV 8:8 Eme aŋelo namba 2 eki qeŋ qawec. Qeŋ qame wiac moc tiki sâko iŋucne šocbâruŋnehec hâwecko rucnewec.
REV 8:9 Rucneme hâwec tucne soc efârewec. Eme hâwec qowi tucne hâmo-fârembiŋ â woke tucne šaŋke-fârewec.
REV 8:10 Eme aŋelo namba 3 eki qeŋ qawec. Qeŋ qame bâpiŋ sâko moc sambâŋkonec tara waharâ ine waha iŋucne bâruŋkehuc opâ gâcnao huwec.
REV 8:11 Bâpiŋ šâŋene Hâtâqiŋqiŋ. Eme irec opâ gâcne hâtâ qiŋqiŋne eme ŋic jaŋe nâpie hâtâc-jopame bocjaha hâmombiŋ.
REV 8:12 Eme aŋelo namba 4 eki qeŋ qawec. Qeŋ qame šoaŋ mosa â bâpiŋ gâcne ira sâwec fuame tatamac-jeŋic pitiwawec. Tatamac-jeŋic gâkowawecte hae burec burec sawa furewec â ŋafeo iŋuc jaha mosa bâpiŋ buburecne tamaewec.
REV 8:13 Eme no šâŋe firâ tucwipe sâko moc honepo. E sawao faic jâmbâŋ juhuc wiwic jaha šiŋuc wirawec: “Jei, jei, jei, aŋelo jahec â moc jaŋere qeŋ fokac, i qapie mâreŋŋic jaŋe weniŋuc eniŋmu!”
REV 9:1 Eme aŋelo namba 5 eki qeŋ qawec. Eme noni bâpiŋ moc sambâŋkonec tararâ mâreŋko wahame honepo. E hârâcte tapa roocte irec ki râcnekicne.
REV 9:2 Eme hârâcte tapa rome hosâc sâko wefuwec, gie šame hosâc feekac, irec sâc hosâc wefu ferâ šoaŋ â sawa sâocke-fârewec.
REV 9:3 Hosâc maŋkonec ine ɋirikiŋ wefurâ mâreŋko wahambiŋ. Micjeŋic ine omeqaqare Sâc.
REV 9:4 Erâ jaŋe mâreŋko sopâc nânâ kise me jâcrehac wiac râsi ecneniŋte mi mukicne, ŋic Anuture maqâreŋ mai-jeŋicko mi fowec, jaŋe sawa râsi ejareniŋte mukicne.
REV 9:5 Erâ jopapie hâmoniŋte mâcne, mâc mosa 5 kišâic-jopahuc juniŋte mukicne. Ʒâic ine omeqaqare micte sâc iŋuc manazo.
REV 9:6 Eme dameŋ ira ŋic jaŋe hâmoniŋte biŋe muniŋmu erâ mi hâmoniŋmu, hâmoc hefâre-bipiepie sifu mi maic-jopaocmu.
REV 9:7 Ɋirikiŋ jaŋe ine becâsic hawari, momori jaŋe šikao raniŋte becâsic wiac bâmocke-jareeŋgopieŋ hawari iŋucne hâcne. Qizec-jeŋicko du golzi bakicne tinac ŋewec, šâŋe mai-jeŋic ŋic šâŋe mai tinac.
REV 9:8 Kanšaŋ-jeŋic šoricne, ŋokac qizec gere-jeŋicte sâc. Micjeŋic laioŋte mic iŋucne.
REV 9:9 Amec-jeŋicko maro wapazi bakicne tinac fowec. Fakec fânâŋ-jeŋic ine keretac fânâŋ iŋucne, becâsic bocjaha jaŋe šikao raniŋte keretac gagasac jaha fâre rapie fânâŋkeekac, iŋucne tinac hâcne.
REV 9:10 Gecjeŋic omeqaqare gec iŋucne Micjeŋic i gecjeŋicko hâcne fokac, izi ŋic mosa 5 kišâic-jopahuc juniŋmu.
REV 9:11 Erâ hârâckonec aŋelo e ŋicwofuŋ jujarekac, šâŋene Judaŋic jaŋere dâŋko Abadoŋ â Grikŋic jaŋere dâŋko Apolioŋ. ª
REV 9:12 Tucwipezi jei jahec â moc wirawec, moc omaekac, ši jajahec fokopirec. Aŋelo namba 6 eki qeŋ qame momori guru hâhâwicne fuambiŋ
REV 9:13 Eme aŋelo namba 6 eki qeŋ qawec. Eme alata golzi bakicne, Anuture maio ŋekac, masune 4,
REV 9:14 irecnec dâŋ wefurâ aŋelo namba 6 qeŋ badomawec e šiŋuc âzâcnewec: “Eufrata opâ sâkoo aŋelo 4 niŋgiŋ-jopakicne jaŋe bâŋgoroŋ-jopac.”
REV 9:15 Eme aŋelo 4 jaŋe jara, mosa, šoaŋ, aua maickeme mâreŋ sâc ŋic tucne qâmiziec-jopaniŋte woŋec jumbiŋ, jaŋe hâcne firuec-jopawec.
REV 9:16 Eme momorifâc-jeŋic becâsicko ŋeŋe jaŋere šare 200 million, iŋuc mupie manapo.
REV 9:17 Ŋic â becâsic jaŋere hawari ine maŋ šâŋe-nanezi kecšiŋuc honepo: Ŋic jaŋe maruku bâbâroŋ â keda â bâbâŋeŋ iŋuc rojumbiŋ, â becâsic jaŋere qizec laioŋ qizecne iŋucne, micjeŋickonec ine šoc â hosâc â tepe šocne wahawec.
REV 9:18 Eme wiac fârone jahec â moc izi ŋic gâcne sipiric-jopa-fârewec, becâsic mickonec šoc â hosâc â tepe šocne wahawec izi hâcne.
REV 9:19 Becâsic tâpiri-jeŋic ine micjeŋicko â gecjeŋicko fowec. Gecjeŋic homa iŋucne, qizecnehec, izi hâcne ŋic sipiric-jopaeŋgopieŋ.
REV 9:20 Eme ŋic tucne hâmo sipiric ehapie tucne akic-jopakicne jaŋe maŋjeŋic mi bârisiembiŋ â juju bapa-jeŋicte manapie mi sâqorewec. Aricne, jaŋe sifu demoŋ wiac bajumbiŋ. Á nemuɋâŋ golzi â siliwazi â aeŋzi â qânâzi â jâczi bakicne, hone manac eene tâmiric â rarac wawarecne tâmiric, i numu-jarehuc jumbiŋ.
REV 9:21 Ehuc šika â qaŋgec â sasec â fiuc i mi behembiŋ.
REV 10:1 Eme aŋelo sâko moc sambâŋkonec wahame honepo. E karoraczi rufacnekicne, qizec botâŋnao huriri somâckerâ domawec, šâŋe maine šoaŋ iŋucne, kike jahecne šocbâruŋhec.
REV 10:2 Meticnezi papia piticne moc bâdâmârekicne i badomawec. Erâ kike fâre-ticnezi hâwec faio â kike qanazi mâreŋko âterâ domawec.
REV 10:3 Domahuc dâŋ wiwira kâcɋene, laioŋte dâŋ sâcko ewec. Wirame ɋuŋ 7 jaŋe dâŋembiŋ.
REV 10:4 Dâŋehuc mupie manarâ qâreŋke 20 ehape sambâŋkonec wiwira norao šiŋuc wahawec: “Ɋuŋ 7 dâŋ mumbieŋ i mi qâreŋkec, mâc tapa batec fooc.”
REV 10:5 Eme aŋelo hâwecko â mâreŋko âterâ domawec, eki mefâre-ticne sambâŋkopec sicnehuc dâŋ mupaŋkewec.
REV 10:6 Ehuc jurašihuc juocmu sanaŋzi wiac bâfua-fârewec, sambâŋ â irec wiac-ticne, mâreŋ 3 irec wiac-ticne, hâwec â irec wiac-ticne, erao hâcne ɋetickehuc šiŋuc mupaŋkewec: “Dameŋ mocwâc mi fokac.
REV 10:7 Aŋelo namba 7 qeŋticne qame fânâŋ fuaocmu, dameŋ ira Anuture dâŋsoŋ, ŋicfâc-ticne porofete biŋene jazawec, irec fârine fua taraocmu.”
REV 10:8 Eme sambâŋkonec dâŋ manapo ijaha mocwâc fuarâ šiŋuc nazawec: “Go rarâ aŋelo hâwecko â mâreŋko âterâ domahuc papia bâdâmârekicne badomakac i roc.”
REV 10:9 Mume no aŋelorao rarâ papia nareocte âzâcnepe šiŋuc nazawec: “Rorâ nâc. Nâtecne bugao hâtâcguocmu â micgao baŋac iŋucne erâ aŋacguocmu.”
REV 10:10 Iŋuc murâ papia nareme nâpo. Nârâ micnaneo baŋac iŋucne erâ aŋacnuwec, izi nâkâcnepe ine bunaneo hâtâcnuwec.
REV 10:11 Eme šiŋuc nazambiŋ: “Go ŋicguru bocjaha, sahac hawari-jeŋic â dâŋmarac-jeŋic fuŋne fuŋne erâ ŋicwofuŋfâc-jeŋic jaŋere findaŋdâŋ mocwâc muzemec.” Kâtedâŋko: Sisipiric rune.
REV 11:1 Eme moczi gunusâc narehuc šiŋuc nazawec: “Go fahare Anuture ufuŋ â alata sâc barâ maŋnao numuhuc jueŋgopieŋ jaŋe wosec-jopazemec.
REV 11:2 Ufuŋte hae šoŋa ine sâc mi bahuc mâc behetec fooc, i qâpuc jaŋere qikiŋnekicne. Jaŋe hâcne miti hae mosa 42 ima bahuc juniŋmu.
REV 11:3 “Eme no mumutaniŋ ŋicjahec-nane ejactepe mateŋ barâ ŋic findaŋdâŋ jazahuc juhapire šoaŋ gie bapa 1 tauseŋ â 260 tarazejec.”
REV 11:4 Jahe oliwa jâc â lambe iŋucne, jahe mâreŋte Wofuŋ ere maio domakopirec.
REV 11:5 Ŋic moc e râsi ejactezo mume micjekickonec šoc waharâ šaocmu. Irec ŋic moczi râsi ejacterâ sipirickeocmu.
REV 11:6 Ŋic jahe hoere motâc henicte tâpiri jactekicne, irec mupire hoe mi hehe mâc fohame findaŋdâŋ muhuc junicmu. Erâ mupire opâzi soc eocte irec tâpiri fojacteocmu, erâ mâreŋko wiac micne momori fuaocte mupire sâc fuaocmu.
REV 11:7 Eme miti mumutaniŋ dameŋ-jekic tarame hârâckonec qowi mimicnezi wefurâ râsi ejacterâ jofame hâmonicmu.
REV 11:8 Hâmopire ŋic jaŋe qâŋɋâŋ-jekic behec-jofapie hae sâkore hae šoŋao fonicmu. Hae irec šâŋe herâriehuc Sodom â Aigita mukicne, Wofuŋ-jekic hae ijaha maripoŋko qapie hâmowec.
REV 11:9 Eme mâreŋ sâc ŋic gâcne, sahac hawari-jeŋic fuŋne fuŋne â dâŋmarac-jeŋic fuŋne fuŋne, izi qâŋɋâŋ-jekic šoaŋ gie bapa jahec â moc â moc nâfocne honec-jofahuc juniŋmu, erâ gâcnezi ducjofazo mupie qatara-jareniŋmu.
REV 11:10 Eme porofete jahe ŋic boc bâšâic-jopapicte mâreŋne mâreŋne ŋic šeri bubiaŋ ehuc boreŋ nareŋ gareŋ eniŋmu.
REV 11:11 Eme šoaŋ gie bapa jahec â moc â moc nâfocne tarame Anuturaonec juju bâbâfua mâro qâŋɋâŋ-jekicko rašime ɋârerâ faharepic. Faharepire ŋic jaŋe honerâ bipic-jeŋic tarawec.
REV 11:12 Ehame sambâŋkonec wiwira kâcɋene jaherao šiŋuc wahawec: “Ŋohe šira wefunic.” Eme râsifâc-jekic honec-jofahapie karorac maŋko sambâŋko fepic.
REV 11:13 Eme dameŋ ijaha sambâŋko fepire izia homeŋ sâko bawec. Bame hae sâkoo fic gâcne, teŋkonec wâŋ irec sâc, herickehuc ŋic 7 tauseŋ jopame hâmombiŋ. Eme ɋâricne jumbiŋ jaŋe hâwic-jopame Anutu sambâŋ rune muteŋkembiŋ.
REV 11:14 Tucwipezi jei jahec â moc wirawec, ine jajahecte fârine fuawec, mocjahare fokac ine biac fuaocmu.
REV 11:15 Eme aŋelo namba 7 eki qeŋ qawec. Qeŋ qame sambâŋko micfânâŋ sâko embiŋ, ehuc šiŋuc mumbiŋ: “Ʒi mâreŋ sâko mâreŋ irec Wofuŋ jujure tâpiri i Wofuŋ-nâŋec â Kristo-ticne ere meo fekac, eme e guriŋ bapa gie barašihuc juocmu sanaŋ.”
REV 11:16 Eme ŋicqizec 24 Anuture maio eri ŋeŋe-jeŋicko ŋembiŋzi waha fodaperâ Anutu šiŋuc muhuc daŋge nunumu ecnembiŋ:
REV 11:17 “Wofuŋ Anutu bapafâre, jumeŋzi juekic, nâŋe go daŋge mumuteŋ egareŋgopeneŋ. Go tâpiri sâkoge qaratietec fuakac, ehuc Wofuŋ giege fuŋkerâ bataniŋkekic.
REV 11:18 Ŋicne ŋicne kimbeŋ qapie gore kimbeŋzi fuakac. Erâ hâmokicne jaŋere dâŋ mutaracmurâ dameŋ maickekac. Erâ kiŋaŋ qaqafâcge, porofete â mitiŋic, â araŋ bagareeŋgopieŋ fekicne wahakicne, jaŋe furine jarecmurâ dameŋne maickekac, â mâreŋ sipirickeeŋgopieŋ jaŋe sipiric-jopacmurâ irec dameŋ mâmâc maickekac.”
REV 11:19 Jaŋe iŋuc epie sambâŋko Anuture ufuŋ aŋkeme qorac tapa katapa ufuŋmaŋko tâtâc fuawec. Eme izia bâbâric â micfânâŋ â ɋuŋ parandaŋ â homeŋ â hoe sanaŋ hâhâwicne fuawec.
REV 12:1 Eme sambâŋko mâsi qâreŋ kecšiŋuc fuawec: Ŋokac moc domawec, e šoaŋzi rufacnekicne, kike jujuwicnao mosa ŋewec, qizecnao bâpiŋ 12 izi hendiŋ ecnembiŋ.
REV 12:2 Erâ e kiwechec, eme motec roocte gozi kime kio owa ewec.
REV 12:3 E iŋuc ehuc domahame mâsi qâreŋ moc sambâŋkoa fuawec. Ine oâ sâko moc fowec, hawarine bâbâroŋ jâmbâŋ, qizecne 7 â šuŋene 10, â qizec-ticne sâc ŋicwofuŋ du jaha ŋerawec.
REV 12:4 Eme gecnezi sambâŋko bâpiŋ gâcne qatarac-joparâ mâreŋko sâroc-jopame wahambiŋ. Oâ e iŋuc erâ, ŋokac motec rozo ehame šiŋuc manasuhuc ra maŋfuŋnao fowec: Motec rome ɋâckezepac.
REV 12:5 Eme motec rowec, e mâreŋ sâc ŋicne ŋicne aeŋ gunuzi soŋaŋ-jopaocte mucnekicne. Erâ motec fuame ine Anuturao baferâ eri ŋeŋe-ticnere maŋfuŋko râekicne.
REV 12:6 Á ŋokac e ine mâreŋ tuhuo wiserâ rawec, ira šoaŋ gie bapa 1 tauseŋ â 260 gume jauŋ ecneniŋte Anutuzi ŋeŋe hae moc bâfuacnewec.
REV 12:7 Eme sambâŋko šika fuawec. Mikae â aŋelofâc-ticne jaŋe oâ qa jâpec ecneniŋte râsi roroc embiŋ, â ŋifec oâ â aŋelofâcne jaŋe iŋuc jaha râsi roroc embiŋ.
REV 12:8 Erâ mi sanaŋkembiŋ. Dockepie sambâŋ sakare-jarembiŋ.
REV 12:9 Ehuc oâ sâko, homa raŋɋa, demoŋ micne sâko Sataŋ hâcne, mâreŋ sâc ŋic maŋ bâsifuc ejareekac, e hâcne tuŋkepie mâreŋko wahawec. E jahacne tuŋkehuc aŋelofâcne mâmâc tuŋjopapie wahambiŋ.
REV 12:10 Eme sambâŋko dâŋ wiwira šiŋuc fuame manapo: “Anutu-nâŋecte bâbâpiaŋ â tâpiri â guriŋ bapa gie â Kristo-ticnere Wofuŋ qâreŋ ši fua taniŋkekac. Âgofâc-nâŋec jaŋere râsi, Anuturao ŋafe furec qoric-jopaekac, e tuŋkeŋgopieŋ hâcne.
REV 12:11 Jaŋe Lamare socko ŋesiŋnehuc miti hâwicmâc mutaniŋkembiŋte sanaŋkembiŋ, ehuc juju-jeŋic mi sakarehuc hâmocte qikiŋnembiŋ.
REV 12:12 Irec sambâŋ maŋne maŋne â ira juŋgopieŋzi šeri enšepieŋ. Á mâreŋ â hâwec, jei, ŋohe weniŋuc enicmu¡ Ʒi Sataŋzi ŋoŋerao hufakac, erâ dameŋ-ticne biac taraocmu, i manahuc aaric sâkohec jukac hâcne.”
REV 12:13 Eme oâ e mâreŋko behepie waharâ, ŋokac motec rowec e râsi ecnewec.
REV 12:14 Eme ŋokac e tucwipe sâkore fakec jahecne râcnepie mâreŋ tuhuo ŋeŋe hae-ticnao wiserâ homare hâhâwic soŋkewec, ira gume jauŋ ecnehuc juhapie jara jahec â moc â moc nâfocne taraocmu.
REV 12:15 Eme ŋokac wisehame homa e râpefuŋnao opâ maŋume micticnaonec waharâ rumi sâko ewec, i ŋokac jowaocte iŋuc ewec.
REV 12:16 Eme mâreŋzi ŋokac ŋezickehuc micne aŋkeme oâzi opâ maŋuwec i ira hufârewec.
REV 12:17 Eme oâ e ŋokacte mana gâpârerâ kikefuŋfâc-ticne jopaocte rawec. Anuture sâcmutâc dâŋ reŋkehuc Jesu mutaniŋkeeŋgopieŋ jaŋe hâcne jopaocte rawec.
REV 12:18 Ehuc hâwec moŋgeŋko hurâ domawec.
REV 13:1 Eme no honehape hâwecmaŋkonec qowi mimicne moczi wefuwec. E šuŋene 10 â qizecne 7, erâ šuŋene sâc ira ŋicwofuŋ du 10 ŋerawec. Erâ qizec-ticnao šâŋe qâreŋ simbiŋne forawec.
REV 13:2 Qowi mimicne honepo e hawarine qâto iŋucne, menezi pusime iŋucne, â micnezi laioŋ mic iŋucne. Eme oâ e šoɋac sasanaŋ-ticne â ŋicwofuŋ ŋeŋe-ticne â tâpiri sâko qikiŋnecnewec.
REV 13:3 Qowi qizecne moc qâhâmokicne tinac honepo. Eme izi wicticne somieme biaŋkewec. Eme irec mâreŋ sâc ŋic jaŋe qowi hone warec boc ecnehuc râpefuŋnao jumbiŋ.
REV 13:4 Erâ oâ e qowi tâpiri râcnewecte muteŋ bâteŋ ecnembiŋ. Ehuc qowi iŋuc jaha fenšoŋkehuc šiŋuc mumbiŋ: “Qowi e iŋucne mozi jukac? Erâ mozi moc wemo ecneocmu?”
REV 13:5 Eme sahac mumuteŋ dâŋ â dâŋ gâgâpâcne muocte irec micne heteckekicne. Erâ gie-ticne i mosa 42 bahuc juocte dameŋ bacnekicne.
REV 13:6 Eme irec Anutu e jahacne mecne â šâŋe biŋe-ticne mecne â sambâŋko ŋeŋe juju eeŋgopieŋ jaŋe mecne musoc qâsoriŋ ejarehuc juwec.
REV 13:7 Erâ Anuture tiriŋicfâc râsi ejarehuc jopa sipiric ejareocte mana fâsâecnekicne, erâ wâc mâreŋne mâreŋne ŋic sahac hawari-jeŋic â dâŋmarac-jeŋic fuŋne fuŋne jaŋe ŋicbomboŋ ejare-fâreocte tâpiri râcnekicne.
REV 13:8 Eme mâreŋŋic sasawa jaŋe mu šeri ecneniŋmu, ŋic šâŋe-jeŋic Lama qa hezuc ekicne ere juju papiao mârâc jaha mâreŋ fufuaonecteaŋ mi qâreŋkekicne jaŋe hâcne qowi iŋuc ecne-fâreniŋmu.
REV 13:9 Hazecneheczi dâŋ kecši manazejec:
REV 13:10 “Moc e kâpâcwârure biŋe eweczi kâpâcwâru ficko fezejec. Moc e šikare biŋe eweczi šika kizejec.” Tiriŋic jaŋe dameŋ ira hâcne sasanaŋhec â mamanasiŋhec junšepieŋ.
REV 13:11 Eme mâreŋmaŋkonec qowi mimicne moc wefume honepo, e lama iŋucne šuŋene jajahec sawa fowec. Dâŋticnezi ine oâdâŋ.
REV 13:12 Eme qowi izi qowi mârâc wefuwec ere maio ere tâpiri gie jaha bahuc jukac. Ehuc mâreŋŋic ejareme mârâc qowi, hâmocne tinac erâ ɋârewec, e dieŋzi hecneeŋgopieŋ.
REV 13:13 Erâ mâsi kâcɋene baekac, ehuc mume mâreŋŋic honehapie sambâŋkonec šoc wahaekac.
REV 13:14 Mâsi iŋucne hâcne baocte manacnekicnere mârâc qowi ere maio bahuc mâreŋŋic maŋ bâsifuc ejareekac. Ehuc mume qowi hâmokicne tinac erâ ɋârewec ere hawari baeŋgopieŋ.
REV 13:15 Hawari i barâ râepie domaha šâhec qowi e manacnekicnere bâɋâreme dâŋ dâŋ eekac. Dâŋ dâŋ ehuc mume ŋic, e dieŋzi mi hecneeŋgopieŋ jaŋe qâhâmoc-jopaeŋgopieŋ.
REV 13:16 Erâ wâc fekicne â wahakicne, mafahec â hapetac, ŋicbomboŋ â kiŋaŋ qaqa, ŋic i mâmâc sasawa ejareme mefâre-jeŋicko â mai-jeŋicko maqâreŋ bafâreeŋgopieŋ.
REV 13:17 Eme qowire šâŋe qâreŋ â šare mi bajueŋgopieŋ, jaŋe wiac furi bapare aka hejareeŋgopieŋ.
REV 13:18 Maŋɋârâŋ šira fokac: Ŋic moc e mamana focnekacko qowi šare-ticnere fuŋne bâfuazejec. Ʒare i ŋic mocte šâŋe. Ʒare hâcne i 666.
REV 14:1 Eme no šâŋe firâ mi Lama Zioŋ tikio domame honezepac i¡ Erâ ehec ŋic 144 tauseŋ mâmâc domambiŋ. Mai-jeŋicko e jahacne šâŋe qâreŋ â Mamac-ticnere šâŋe qâreŋ fowec.
REV 14:2 Eme sambâŋkonec dâŋfânâŋ manapo, i opâ sâro fânâŋ iŋucne â ɋuŋ fânâŋ sâko iŋucne. Erâ dâŋfânâŋ i manape musi tinac ewec, ŋic bocjaha musi bapie fânâŋkeekac iŋuc tinac manapo.
REV 14:3 Jaŋe eri ŋeŋere maŋfuŋko â wiac jujune 4 â ŋicqizec jaŋere maio gae ɋâricne moc heeŋgopieŋ. Gae i ŋic gâcnezi he manac eene mi ewec, ŋic 144 tauseŋ, mâreŋŋic gâcne jaŋeraonec furi bacjopakicne, jaŋe sawa mamanane.
REV 14:4 Jaŋe hâcne ŋokacko mi sâqorehuc maŋɋaɋac jaha jumbiŋ” jaŋe hâcne Lama jume ju ecneeŋgopieŋ” jaŋe hâcne mâreŋŋic gâcne jaŋeraonec Anuture â Lamare qaqasune bâbâni rocjopakicne.
REV 14:5 Erâ micjeŋickonec burecdâŋ moc mi wahawec, jaŋe bahacmâc.
REV 14:6 Eme no aŋelo moc honepo, e faic sawao fotâcnehuc rawec. E mâreŋŋic jaŋere Biŋebiaŋ fofo sanaŋ, mâreŋ sâc ŋic sahac hawari-jeŋic â dâŋmarac-jeŋic fuŋne fuŋne, jaŋere bajuwec.
REV 14:7 Eki wiwic jaha wirahuc šiŋuc muwec: “Ŋoŋe Anutu araŋ bacnehuc sâsenšepieŋ, okac dameŋ-ticne maickekac hâcne. Sambaŋ â mâreŋ, hâwec â opâ šâŋe bâfuawec e mu wâwâsic ecnenšepieŋ.”
REV 14:8 Iŋuc murâ rame râpefuŋnao aŋelo moczi warerâ šiŋuc wirawec: “Babe hae sâko tâtiekac, tâtie-jâmbâŋkekac, hae irec rune mâreŋ sâc ŋicne sasecte waiŋ opâ momori gumec-jopahuc jumbiŋ hâcne.”
REV 14:9 Eme râpefuŋnao aŋelo âgo-ticne moczi warerâ dâŋ hahaŋne bahuc šiŋuc muwec: “Moc e qowi mimicne e jahacne me hawari-ticne dieŋzi hecneocmu â mai-ticnao me meticnao maqâreŋ roocmu,
REV 14:10 e Anutuzi kimbeŋ-ticnere waiŋ opâ momori jâmbâŋ, opâ jâmbâŋhec mi bâsifuckekicne, i râqâc-ticnaonec gumeme tiri aŋelo â Lama jaŋere maio šocbâruŋko hurâ šâic serereŋ mana rahuc juocmu.
REV 14:11 Eme šoczi ŋic iŋucne šâfitac-jopame irec hosâcne ŋezume ŋezu fehuc foocmu sanaŋ. Irec ŋic qowi mimicne â hawari-ticne dieŋzi hecnembiŋ jaŋe mecne, â šâŋe qâreŋ-ticne bajumbiŋ jaŋe mâmâc šâiczi mi behec-jopame ŋeŋe mana tâmiric ŋafe furec šušuhuc jaha mana rahuc juniŋmu.”
REV 14:12 Dameŋ ira hâcne Anuture sâcmutâc dâŋ reŋkehuc Jesure miti hâwicmâc bajueŋgopieŋ tiriŋic i jaŋe sasanaŋ bâfuanšepieŋ.
REV 14:13 Eme sambâŋkonec dâŋ moc šiŋuc wahame manapo: “Go dâŋ ši qâreŋkec: Dameŋ ši fuŋkerâ, Wofuŋtao qohotahuc hâmoniŋmu jaŋere bubiaŋ manazo. Mârozi mukac, jâmbomac, jaŋe neneŋ gie-jeŋic hetararâ ŋemanahuc biaŋ-jopaocmu. Erâ juju bapa-jeŋicte fârinezi rapie raocmu.”
REV 14:14 Eme no fipe feme karorac qaŋqaŋ ututuŋ fuame honepo. Erâ karorac faio moc ŋewec, e hawari-ticne ŋic iŋucne. Qizec-ticnao ŋicwofuŋ du golzi bakicne roŋewec â meticnezi sâqe mictara baŋewec.
REV 14:15 Ehame ufuŋkonec aŋelo moczi waharâ karorac faio ŋewec, e šiŋuc wiracnewec: “Go sâqegezi gie fârine qa roro ec, mâreŋko giere fârine woze-fârewecte qa roro ezore dameŋne maickekac hâcne.”
REV 14:16 Iŋuc mume karorac faio ŋeweczi sâqe-ticne wickeme mâreŋko fârine qafârewec.
REV 14:17 Eme aŋelo moczi sambâŋko ufuŋkonec wahawec, e iŋuc jaha sâqe mictara bajuwec.
REV 14:18 Warehame âgo-ticne moczi alata ŋeweckonec warewec. E šocte soŋaŋzi âgo-ticne sâqe mictara bajuwec e šiŋuc wiracnewec: “Go sâqege mictara mâreŋko waiŋ fârine qâtâcne-fârec, hândâŋne qeue-fârekac hâcne”
REV 14:19 Mume aŋelo âgo-ticnezi sâqe wickeme mâreŋko waiŋ hândâŋne nâtâcneme Anutu kimbeŋ-ticnere katapa sâko irec maŋko beheme hufârewec.
REV 14:20 Erâ hae râpeo âte pisickepie katapa maŋkonec socsâko wahahuc fowec. Wahaku šâkâŋne fuarâ becâsic mecqaŋeŋ-jeŋicko qawec. Á šâkâŋ rereŋ šoric-ticnere sâc ine 300 kilometa iŋuc ŋerawec.
REV 15:1 Eme sambâŋko mâsi qâreŋ sâko bipinehec moc honepo. Aŋelo 7 jaŋe wiac micne momori 7 badomambiŋ. Wiac i mimic fuahame Anuturaonec okacne fisi taraocte mukicne.
REV 15:2 Erâ hâwec moc honepo, i kiruŋzi barâ šocbâruŋhec bâbâsifuc ekicne tinac fome honepo. Erâ qowi mimicne ere dâŋ â hawari â šare qâreŋ i sanaŋkerâ qikiŋnembiŋ ŋic i jaŋe kiruŋzi hâwec irec mecnao Anuturaonec musi badomapie honec-jopapo.
REV 15:3 Jaŋe Anuture kiŋaŋŋic Mose â Lamare gae kecšiŋuc muhuc heeŋgopieŋ: “O Wofuŋ Anutu bapafâre, go gie fekicne â bipinehec baekic. Ŋicne ŋicne jaŋere Wofuŋ Sâko, go hatage tiŋne â fâri fideteŋ.
REV 15:4 Wofuŋ go mozi araŋ mi bagareocmu â mozi šâŋege mi mumbiaŋkeocmu? Go mocjahazi tiri hâcne. Irec ŋicne ŋicne gorao warerâ dieŋzi hegareniŋmu. Go bâbâtiŋ gie fârine batec fuŋne taniŋkekac hâcne.”
REV 15:5 Eme no šâŋe firâ honehape sambâŋko ufuŋ qoruc boze-ticnehec irec motâc aŋkewec.
REV 15:6 Aŋkeme aŋelo 7 wiac micne momori 7 bajumbiŋ, jaŋe ufuŋkonec wahambiŋ. Jaŋe ŋaqi ɋaɋacne qaŋqaŋ rojumbiŋ, â amec-jeŋicko umbika golzi bakicne fowec.
REV 15:7 Eme wiac jujune 4 domambiŋ jaŋeraonec moczi aŋelo 7 râqâc 7 golzi bakicne jare-fârewec. Râqâcmaŋko ine Anutu juju sanaŋ runere kimbeŋ fusucmarâ fowec.
REV 15:8 Eme ufuŋmaŋko Anutu tatamac-ticnere â tâpiri-ticnere hosâc fuarâ fusucma-fârewec. Eme aŋelo 7 jaŋe wiac micne momori 7 mi bâfua tarahapie ufuŋko fefere hata mi fuawec.
REV 16:1 Eme ufuŋmaŋkonec dâŋ wiwira sâko wahame manapo. I aŋelo 7 šiŋuc jazawec: “Ŋoŋe rarâ râqâc 7 hoŋkepie Anuture kimbeŋzi mâreŋko huzejec.”
REV 16:2 Eme aŋelo namba 1 eki rarâ râqâc-ticnaonec wiac hoŋkeme mâreŋko huwec. Hume ŋic qowi mimicnere šâŋe qâreŋ bajumbiŋ â hawari-ticne dieŋzi hecnembiŋ jaŋe wicšâhâc šâic sisiac-ticnehec mâretec fua-jarewec.
REV 16:3 Eme aŋelo namba 2 eki râqâc-ticnaonec wiac hâwecko hoŋkeme huwec. Hume hâweczi soc tânipu tinac ewec. Eme irec hâwecko qowi hâmo-fârembiŋ.
REV 16:4 Eme aŋelo namba 3 eki râqâc-ticnaonec wiac hoŋkeme opâo â riqicko hume soc efârewec.
REV 16:5 Eme aŋelo opâ soŋaŋ râekicne eki šiŋuc mume manapo: “Tiŋne â tiri, jumeŋzi juekic, okac babazuge bâbâsifuc tâmiric.
REV 16:6 Jaŋe mitiŋic â porofetefâcge jaŋere soc sipirickembiŋte soc jaha gumec-jopatec nâŋgopieŋ. Eme i sâcke-jarekac.”
REV 16:7 Eme alatazi dâŋ šiŋuc mume manapo: “Jâmbomac, Wofuŋ Anutu bapafâre, okac babazuge tiŋne â fâri fideteŋ.”
REV 16:8 Eme aŋelo namba 4 eki râqâc-ticnaonec wiac hoŋkeme šoaŋko huwec. Ira hume šoaŋ šocne bâruŋke-jâmbâŋkerâ ŋic mâretec šacjopawec.
REV 16:9 Eme ŋic jaŋe šoaŋ fâroroc-ticnezi boc rikec-jopame Anutu, micticnere wiac micne momori iŋuc fuawec, e šâŋe biŋe-ticne musâqorembiŋ. Erâ maŋjeŋic sifu mi bârisierâ Anutu mi sâsembiŋ.
REV 16:10 Eme aŋelo namba 5 eki râqâc-ticnaonec wiac qowi mimicnere ŋicwofuŋ ŋeŋeo hoŋkeme wahawec. Wahame hae mâreŋ-ticne dapâc efârewec. Eme ŋic jaŋe šâic serereŋ manahuc nameŋ-jeŋic kitâcnembiŋ.
REV 16:11 Eme šâic-jeŋicte â wicšâhâc-jeŋicte Anutu sambâŋ rune musoriŋkembiŋ. Ehuc maŋjeŋic mi bârisierâ juju bapa-jeŋic mi qikiŋnembiŋ.
REV 16:12 Eme aŋelo namba 6 eki râqâc-ticnaonec wiac hoŋkeme Eufrata opâ sâkoo huwec. Hume opâ šickewec. I hata fuame šoaŋ wewefunaonec ŋicwofuŋ fisiniŋte iŋuc fuawec.
REV 16:13 Eme no honehape oâre mickonec â qowi mimicnere mickonec â porofete burecne ere mickonec demoŋ repicne jahec â moc qaqec hawari tinac wefumbiŋ.
REV 16:14 I jaŋe demoŋ fârine, mâsi wiac baniŋte tâpiri fojarekac. Jaŋe hâcne mâreŋ sâc irec ŋicwofuŋ qafeŋ-jopapie Anutu bapafâre ere dameŋ sâkoo râsi roroc erâ fisirâ qaqac eniŋmu.
REV 16:15 “Manaŋgopieŋ, no šika qaqa jaŋe iŋucne ututuŋ fisipemu. Irec moc e biuctac jume mimi-ticne fuazacte maŋɋâri juhuc ŋaqi-ticne soŋaŋkezejec. Iŋuc eocmu ere manape šerine ekac.”
REV 16:16 Eme demoŋ jaŋe mâreŋ moc šâŋene Judadâŋko Hamagedoŋ mukicne, ira ŋicwofuŋ hetumaŋ-jopa-fârembiŋ.
REV 16:17 Eme aŋelo namba 7 eki râqâc-ticnaonec wiac sawao hoŋkeme huwec. Eme ufuŋko eri ŋeŋe ŋeweckonec dâŋ wiwira moc šiŋuc wahawec: “Efârekicne.”
REV 16:18 Eme bâbâric â ɋuŋ parandaŋ â micfânâŋ fuawec â homeŋ kâcɋene sâko jâmbâŋ bawec, sâc iŋucne moc ŋic fuarâ juwarembiŋko mi bawec.
REV 16:19 Eme hae sâko fâuckeme jahec â moc ewec. Erâ mâreŋ sâc ŋic jaŋere hae tâtie-fârewec, â Babe hae sâkore rufâc jaŋere Anutuzi iŋuc jaha manasurâ kimbeŋ-ticnere waiŋ opâ gumec-jopawec.
REV 16:20 Erâ wâc nuc â tiki mâmâc sirowe-fârembiŋ.
REV 16:21 Á sambâŋkonec hoe sanaŋ hewec, hândâŋne buse iŋucne, izi ŋic hecjopame Anutu musoriŋkembiŋ. Hoe i hâhâwicne jâmbâŋ, ima-ticnehec.
REV 17:1 Eme aŋelo 7 râqâc 7 bajumbiŋ jaŋeraonec moczi norao warerâ šiŋuc nazawec: “Sasec ŋokac sâko opâ kâcɋenao ŋeekac e okacne fisicneocmu, i waretec gowatupe.
REV 17:2 Mâreŋne mâreŋne ŋic jaŋe ehec sasec eec eeŋgopieŋ â mâreŋ sâc ŋicwofuŋ jaŋe eraonec hâcne sasec-ticnere waiŋ opâ nârâ maŋsifuc ejareekac.”
REV 17:3 Iŋuc nazame maŋnane ŋerisieme mâreŋ tuhuo jowacnu rawec. Eme ira ŋokac moc honepo, e qowi mimicne bâbâroŋ moc ere faio ŋewec. Qowi sahac-ticnao šâŋe qâreŋ simbiŋne fuŋne fuŋne sâcke-fârerâ fowec. Erâ qowi hâcne e qizec-ticne 7 â šuŋene 10.
REV 17:4 Á ŋokac e ŋaqi bâbâroŋ â âmuc âmucne rojuwec, erâ erizi kiseŋ qâseŋ kiwec. Meticnezi râqâc moc golzi bakicne badomawec, i sasec-ticnere sohoŋ mamakâczi fusewec.
REV 17:5 Mai-ticnao šâŋesoŋ-ticne kecšiŋuc qâreŋkekicne fowec: “Babe hae sâko, mâreŋ sâc sasec mamakâc wiac irec neŋgocne no hâcne.”
REV 17:6 Eme ŋokac e tiriŋic â Jesure mumutaniŋfâc jaŋere soc nâku maŋne bibiriwame honepo. Honerâ bipic tatara enarewec.
REV 17:7 Eme aŋelozi šiŋuc muhuc wio-narewec: “Wemocte bipic tatara egarekac? No ŋokacte fuŋne â qowizi âsickekac ere fuŋne â qowi qizecne 7 â šuŋene 10 irec fuŋne mâmâc gazape manac.
REV 17:8 Go qowi mimicne honemec i mârâc jaha juwec, ši mi jukac, šâhec ine hârâckonec risie wefurâ sisipiric sanaŋko huocmu. Eme qowi mârâc juwec, ši mi jukac, juku ine risieocmu, i mâreŋko ŋic jaŋe honerâ mu warec ecneniŋmu. Ʒâŋe-jeŋic mâreŋ fufuaonecteaŋ juju sanaŋte papiao mi qâreŋkekicne, ŋic i jaŋe hâcne iŋuc eniŋmu.
REV 17:9 Ʒi maŋɋârâŋheczi mamanane fokac: Qizecne 7 i tiki 7, ŋokaczi ŋefackekac hâcne.
REV 17:10 Eme tiki 7 izi ŋicwofuŋ 7. Ŋicwofuŋ 5 arictac embiŋ, moc ši jukac â moc juku fuaocmu. Fuarâ dameŋ bembeŋne mac juocte mucnekicne.
REV 17:11 Qowi mârâc juwec, ši ine mi jukac, izi ŋicwofuŋ 7 jaŋere birio zuhuckehuc namba 8 eocmu, erâ sisipiricko huocmu.
REV 17:12 “Ʒuŋene 10 honemec i ŋicwofuŋ 10 jaha wâc, erâ jaŋe gie-jeŋic dameŋ šiŋuczia mi fuŋkembiŋ. Ŋicwofuŋ gie-jeŋic fuŋkerâ qowi mimicnehec dameŋ bembeŋne mac baniŋmu.
REV 17:13 Jaŋe maŋ mamanasu-jeŋic mocjaha fome qowi mimicnere kiŋaŋ šoɋachec qaniŋmu.
REV 17:14 Ehuc Lamahec šika gie baniŋmu. Eme Lama eki ine sanaŋkerâ jopaocmu. Eki hâcne fekicne jaŋere Fekicne â ŋicwofuŋ jaŋere Wofuŋ Sâko. Á jume jujufâc-ticne rowosâec-joparâ rocjoparâ bufuŋfâc-ticne bacjopakicne hâcne.”
REV 17:15 Iŋuc murâ šiŋuc šuhuckerâ nazawec: “Sasec ŋokac e opâ sâko irec mecnao ŋeme honemec, opâ izi ŋicne ŋicne, sahac hawari â dâŋmarac fuŋne fuŋnehec.
REV 17:16 Erâ šuŋene 10 honemec, jaŋe mecne â qowi e mâmâc qaisockerâ ŋaqi wiac jâoc rofârerâ biucne nârâ siec sahacne šocko rikeniŋmu.
REV 17:17 Erâ i mâc mi eniŋmu, Anutuzi maŋ jeŋicko mu qafeŋ râeme jaŋe dâŋticne reŋkehuc maŋ mocjaha efârerâ qowi kiŋaŋ qacneniŋmu. Qacnehuc juhapie Anuture dâŋ hâcne sanaŋke-fâreocmu.
REV 17:18 Erâ go ŋokac honemec i hae sâko, e hâcne mâreŋ sâc ŋicwofuŋ ejareme kiŋaŋ qacneniŋte tâpiri focnekac.”
REV 20:1 Eme no sambâŋkonec aŋelo moczi wahame honepo. E hârâcte ki â kâpâcwâru sâko moc bajuwec.
REV 20:2 Erâ e oâ, homa raŋɋa, demoŋ micne Sataŋ hâcne, e rorâ kâpâcwâruzi bândeŋnerâ jara 1 tauseŋ niŋgiŋhec foocte mucnerâ
REV 20:3 hârâcko tuŋkeme huwec. Hume motâcne kizi basanaŋkerâ sâfâzi bâbâzickewec. Eme ŋicne ŋicne maŋ bâsifuc mocwâc mi ejarehuc mâc fohame jara 1 tauseŋ taraocte mukicne. Tarame firuepie wefurâ dameŋ bembeŋne mac juocmu.
REV 20:4 Eme no eri ŋeŋe ŋerame honepo. Honehape ŋic fisirâ fainao ŋembiŋ jaŋe mumutara gie baniŋte mujarekicne. Eme Jesu mutaniŋkehuc Anuture dâŋ hâwicmâc bajuhapie upe-jeŋic qâtâcnekicne jaŋere maŋ qâqâtâc honec-jopapo, erâ qowi mimicne e jahacne â hawari-ticne dieŋzi mi hecnembiŋ â šâŋe qâreŋ-ticne mai-jeŋicko â mejeŋicko mi bajumbiŋ, jaŋere maŋ qâqâtâc mâmâc honec-jopapo. Eme ŋic i jaŋe sahac-jeŋic ɋâreme honec-jopapo. Eme jaŋe Kristohec ŋicwofuŋ gie bahapie jara 1 tauseŋ tarawec.
REV 20:5 Hâmokicne gâcne sâko jaŋe ine mi ɋârehuc jara 1 tauseŋ taraocte irec woŋec fombiŋ. Fafahare honepo i fafahare namba wâŋ.
REV 20:6 Fafahare namba wâŋko šuhuckeŋgopieŋ jaŋe šeri bubiaŋ faio tiri juŋgopieŋ. Ŋic iŋucne hâmoc namba tuzi bâsowariec-jopaocmu. Jaŋe Anuture â Kristore taha bapafâc erâ juniŋmu, ehuc ehec ŋicwofuŋ gie bahuc juhapie jara 1 tauseŋ taraocmu.
REV 20:7 Eme jara 1 tauseŋ tarame Sataŋ firuepie kâpâcwâru fickonec mocwâc wefuocmu.
REV 20:8 Wefurâ ŋicne ŋicne mâreŋ ŋifec â ŋifec, faic â juwic juŋgopieŋ maŋjeŋic bâsifuckerâ Gogo â Magogo ŋic qafeŋ-jopame râsi roroc erâ fisiniŋmu, jaŋe šare-jeŋic hâwec moŋgeŋ iŋucne, wowosene tâmiric.
REV 20:9 Fisirâ mâreŋ wâneŋ sâko ira raferâ tiriŋic toma âterâ fohapie somâc-jopambiŋ. Somâc-jopahuc hae biaŋ i mâmâc orâŋkembiŋ. Iŋuc ehapie sambâŋkonec šoc waharâ šâhâmoc-jopa-fârewec.
REV 20:10 Á Sataŋ, maŋ bâsifuc ejarehuc juwec, e lambe opâre riqiczi šoc šahuc foekac ira behepie huwec. Qowi mimicne â porofete-ticne burecne jahe ijaha mâmâc jupic. Eme jahe ira ŋafe šoaŋ qâqâtiri šâic fâro mana rahuc junicmu sanaŋ.
REV 20:11 Eme no eri ŋeŋe kâcɋene qaŋqaŋ moc honepo. Fainao ŋewec ere maionec sambâŋ â mâreŋ wise tâmirepic.
REV 20:12 Ehame hâmokicne fekicne wahakicne jaŋe mâmâc sasawa eri ŋeŋe fuŋnao domapie honec-jopapo. Domahapie papiane papiane qaratiembiŋ. Erâ moc qaratiembiŋ i juju sanaŋte papia. Eme hâmokicne jaŋe juju bapa-jeŋicte dâŋ papiao qâreŋkekicne i honehuc dâŋjeŋic mutarambiŋ.
REV 20:13 Eme dameŋ ira hâweczi maŋnao hâmokicne fombiŋ jaŋe bârisiec-jopawec â hâmoczi ŋic hâmocne bârisiec-jopawec â hârâczi ŋic hâmocne bârisiec-jopawec wâc. Eme hâmokicne sasawa jaŋe ju ju bapa-jeŋicte fuŋne rituhuc tofa bazu-jarekicne.
REV 20:14 Eme hâmoc â hârâc i šocriqicko behepie huwec. Izi hâmoc namba tu ekac, šocriqic hâcne.
REV 20:15 Eme ŋic moc e šâŋene juju sanaŋte papiao basarâ šocriqicko behepie huwec.
REV 21:1 Eme no sambâŋ ɋâricne â mâreŋ ɋâricne honec-jofapo. Sambâŋ raŋɋane â mâreŋ raŋɋane jahe ine sirowepic. Erâ hâwec iŋuc jaha arictac ewec.
REV 21:2 Eme tiri hae, Jerusalem ɋâricne hâcne, sambâŋkonec Anuturaonec wahame honepo, ŋokac biŋe moc ŋicko râeniŋte erickeeŋgopieŋ iŋuc tinac ericke emasaŋ ekicne honepo.
REV 21:3 Eme eri ŋeŋeonec dâŋ kâcɋene šiŋuc wareme manapo: “Honekic, Anuture ŋeŋe hae ŋic jaŋerao fuakac hâcne. Eki ŋondeŋ-jeŋicko ŋeŋe juju ehame jaŋe ŋicfâc-ticne erâ juniŋmu.
REV 21:4 Anutu e jahac jaŋerao juhuc šâŋeuc-jeŋic bâkereŋke-fâreocmu. Hâmoc me busâqoc me ki oowa me huc šâic ira mi fuaocmu. Wiac raŋɋanezi omae-fârewec hâcne.”
REV 21:5 Eme eri ŋeŋeo ŋeweczi šiŋuc nazawec: “Manakic, no wiac sasawa ɋâricne bâfuakopac.” Iŋuc murâ muwec: “Go qâreŋkec, dâŋ i fâri hândâŋne jâmbâŋ.”
REV 21:6 Erâ šiŋuc nazawec: “Wiac efârekicne, no bâbâni â šâhec, wiac fufuŋke â babatara. Moc e opâre hâmome no juju opâ šâkâŋkonec fiarâ katucmâc gumepemu.
REV 21:7 Moc e sasanaŋte gie baku batararâ wiac ši raucke-fâreocmu, eme noni Anutu-ticne erâ juhape eki motec-nane erâ juocmu.
REV 21:8 Hâwic bâroŋ â miti qiqikiŋ â wâwânâŋhec â šika qaqa â sasecŋic â hafec qaŋgec ŋic â nemuɋâî babaju â siocdâŋ babaju sasawa, ŋic i jaŋere ŋeŋe lambe opâre riqiczi šoc šahuc foekac ira mukicne. Izi hâmoc namba tu.”
REV 21:9 Eme aŋelo 7 râqâc-jeŋic sâc wiac micne momorizi fuseme badomambiŋ, jaŋeraonec moczi norao warerâ šiŋuc nazawec: “Waretec Lamare ŋokac biŋe gowatupe.”
REV 21:10 Iŋuc murâ enareme maŋnane ŋerisieme tiki sâko šoricne moc ŋewec ira jowacnu ferâ tiri hae Jerusalem i sambâŋkonec Anuturaonec wahame nowatume kecšiŋuc honepo:
REV 21:11 Anuture eri tatamaczi geroŋke-fârekicne. Hae irec tatamacnezi qânâ furi sâko jawa ririŋ kikicne iŋucne erâ bâric bâricneekac.
REV 21:12 Qânâsac sâko šoricnezi hae râreckekac. Sac i motâc-ticne 12, erâ motâc botâŋnao aŋelo moc moc doma rapie 12 jaha ekac, erâ wâc motâc sâc Israe ŋicguru 12 jaŋere šâŋe qâreŋ forakac.
REV 21:13 Ʒoaŋ wewefunaopec motâc jahec â moc domakac, mâreŋ juwicpec motâc jahec â moc domakac, mâreŋ faicpec motâc jahec â moc domakac, â šoaŋ huhunaopec iŋuc jaha motâc jahec â moc domakac.
REV 21:14 Haesac irec qânâ wâtuŋ 12 doma rakac, eme wâtuŋ 12 irec ombâŋnao Lamare aposolofâc 12 jaŋere šâŋe qâreŋ 12 jaha forakac.
REV 21:15 Aŋelo dâŋ nazawec eki gunusâc moc golzi bakicne badomawec, izi hae â motâc-ticne â sâcticne sâc bawec.
REV 21:16 Hae i tuturuŋne jahec â jahec, hâŋne otecne sâckoa. Eme aŋelozi hae rârec rârec gunusâc-ticnezi sâc bame kilometa 2 tauseŋ ewec. Hâŋne otecne â šoricne sâckoa sasawa.
REV 21:17 Eme haesac ɋâfoŋ-ticnere sâc bame 70 meta ewec, ŋiczi sâc bajueŋgopeneŋ ijaha aŋelozi bajuhuc hae sâc bawec.
REV 21:18 Haesac i qânâ ɋaɋacne, huririnehec izi bakicne, â hae ine goì fifimârâŋne kiruŋ ɋaɋacne iŋucne izi bakicne.
REV 21:19 Haesac irec qânâ wâtuŋ i qânâ furi sâko fuŋne fuŋne findowakicne sasawa izi bakicne. Wâtuŋ namba 1 i qânâ ɋaɋacne kiruŋ tinac izi bakicne, wâtuŋ namba 2 i qânâ keŋkeŋne izi bakicne, wâtuŋ namba 3 i qânâ kedazi bakicne, wâtuŋ namba 4 i qânâ ârâŋ ɋâri izi bakicne,
REV 21:20 wâtuŋ namba 5 i qânâ birâ birâ izi bakicne, wâtuŋ namba 6 i qânâ bâbâroŋzi bakicne, wâtuŋ namba 7 i qânâ âmuc âmucnezi bakicne, wâtuŋ namba 8 i qânâ buge tinac weweaŋne izi bakicne, wâtuŋ namba 9 i qânâ bâbâŋeŋzi bakicne, wâtuŋ namba 10 i qânâ râweckekicnezi bakicne, wâtuŋ namba 11 i qânâ soc tinac gogowacne izi bakicne, wâtuŋ namba 12 i qânâ qondaŋ horiki tinac izi bakicne.
REV 21:21 Sacmotâc 12 i kubu furi sâko 12 izi bakicne, motâc moc i kubi moczi bakicne, motâc moc i kubu moczi, iŋuc sasawa. Hae hata i goì ɋaɋacnezi bakicne, kiruŋ iŋucne fifimârâŋne.
REV 21:22 Ufuŋ ine haeo moc mi ŋeme honepo, Wofuŋ Anutu bapafâre eki ufuŋ ejareekac â Lamazi mâmâc.
REV 21:23 Erâ hae i mosa šoaŋzi mi âke tamaeekac, Anuture eri tatamaczi batamaeekac â Lamazi šoc tatamac-ticne eekac.
REV 21:24 Mâreŋ sâc ŋicne ŋicne jaŋe hae irec tatamackoa jufâreniŋmu, â mâreŋ sâc ŋicwofuŋ jaŋe eri boreŋ wiac-jeŋic hae ira bara-fâreniŋmu.
REV 21:25 Hae i moc mi ŋafeocmu, irec sac motâcne i šoaŋkore aaŋ sasawa doma-fâreocmu.
REV 21:26 ŋicne ŋicne jaŋere wiac furi sâko qame hukicne, aŋac šizine i hae ira bara-fâreniŋmu.
REV 21:27 Wiac wâwânâŋhec ine moc mi raši-jâmbâŋkeocmu. Á ŋic moczi wiac mamakâcne me burec bajuocmu, e hae ira wâc mi rašiocmu. šâŋe-jeŋic Lamare juju sanaŋ papiao qâreŋkekicne jaŋe sawa rašiniŋmu.
REV 22:1 Eme aŋelozi juju opâ sâko moc nowatume honepo, ɋaɋacne, jawa ririŋ kikicne. I Anutu â Lama ere eri ŋeŋe fuŋkonec wahakac.
REV 22:2 Waharâ hae hata šâšâŋiŋnao rakac. Opâ mecnao ŋifec â ŋifec jujujâc doma rakac. Jâc irec fârine hawarine fuŋne fuŋne 12 izi mosa sâc fua qeuc eekac. Eme mâreŋ sâc ŋic jaŋe jâc irec rehacne nâhuc biaŋkeniŋmu.
REV 22:3 Hae ira wiac sâwechec mi foocmu. Anutu â Lama ere ŋeŋe hae ira hâcne fuame ŋicfâc-ticne jaŋe kiŋaŋ qacnehuc juniŋmu.
REV 22:4 Erâ hawari-ticne honehuc juniŋmu, â šâŋe qâreŋ-ticne mai-jeŋicko fuarâ foocmu.
REV 22:5 Hae i mi ŋafeocmu, erâ lambe me šoaŋ tatamacnere mi muniŋmu, Wofuŋ Anutu e jahac šoaŋ ejareocmu. Eme hae rune jaŋe ŋicwofuŋ gie barahuc juniŋmu sanaŋ.
REV 22:6 Eme aŋelozi šiŋuc nazawec: “Dâŋ i fâri hândâŋne jâmbâŋ. Wofuŋ Anutu porofete ejareme maŋjeŋic ŋerisieekac, eki hâcne aŋelo-ticne soreme kiŋaŋ qaqafâc-ticne ŋoŋe wiac, mi šoraha fuaocte mukicne i ŋaza ŋowatuc ewec.
REV 22:7 Manakic, no biac fâpemu, eme moc e papia kecšira findaŋdâŋ qâreŋkekicne i sisirombe faio bajuocmu e šeri bubiaŋ manacnezo.”
REV 22:8 Eme Johane no hâcne wiac i hone manac efârepo. Hone manac efârerâ aŋelo wiac nowatuwec ere maŋfuŋko fodaperâ numucnezo ehape
REV 22:9 qatara-narerâ muwec: “Misac mac, no kiŋaŋ qaqa âgoge, erâ porofete qomâfâcge jaŋere âgo, â papia širec dâŋ aimuŋ bajuniŋmu jaŋere âgo jaha. Go Anutu e jahacne sawa daŋge nunumu ecnec.”
REV 22:10 Iŋuc murâ šiŋuc nazawec: “Go papia širec findaŋdâŋ fâzâ mi bazemec. Dâŋ i fârinehec eocte dameŋne bembeŋkekac hâcne.
REV 22:11 Irec sâqocne bapa e sâqocne bazo murâ bazejec, â maŋwânâŋheczi maŋwânâŋhec juzo murâ juzejec, â mitio juekaczi ine mitioa juzejec, â maŋfuru juekaczi maŋfuru jaha juzejec.”
REV 22:12 “Manakic, no biac fâpemu. Okacnehec fâ fisirâ ŋic juju bapa-ŋeŋicte tofa sâckoa bazu-ŋarepemu.
REV 22:13 No bâbâni â šâhec, fuŋne â botâŋne, wiac fufuŋke â babatara.
REV 22:14 Ŋaqi-jeŋic šure ɋaɋackeeŋgopieŋ jaŋere manape šerine ekac. Jaŋe hâcne mujarepe jujujâckonec fârine nânšepieŋ â hae irec maŋnao rašinšepieŋ.
REV 22:15 Hae râpenao juniŋmu ine qâto â hafec qaŋgec bapa â sasecŋic â šika qaqa â nemuɋâŋ babaju erâ burec bajuhuc irec aŋac-jopaekac.
REV 22:16 “Jesu no hâcne aŋelo-nane sorepe eki kikefuŋ gurufâc-nane ŋoŋe mumutaniŋ dâŋ i mufua-ŋarewec. No hâcne Dawidire fuŋqizecne â oso gitecne, erâ bâpiŋ sâko tatamachec.”
REV 22:17 Mâro â Jesure biŋefâc jaŋe šiŋuc mueŋgop ieŋ: “Go warezemec.” Á moc e dâŋ ši manarâ iŋuc jaha muzejec: “Go warezemec.” Moc e opâre hâmorâ šira fisizejec. Á moc e irec ecnekacko ware juju opâ furimâc nâzejec.
REV 22:18 Papia kecšira findaŋdâŋ qâreŋkekicne i wose manac eniŋmu ŋoŋe uŋ ŋazape mananiŋ: Moc e maŋticnere dâŋ moc šuhuckeocmu, ŋic e Anutuzi wiac micne momori papia kecšira qâreŋkekicne i šuhuckecneocmu wâc,
REV 22:19 â moc e findaŋdâŋ ši âke sipuocmu, ŋic erao Anutuzi jujujâcte dâŋ â tiri haere dâŋ ši qâreŋkekicne iŋuc jaha âke sipuocmu.
REV 22:20 Dâŋ mufuakicne ši dopeckekaczi šiŋuc mukac: “Jâmbomac, no biac fâpemu.” Jâmbomac, Wofuŋ Jesu go warezemec.
REV 22:21 Wofuŋ Jesure aki anonoczi ŋoŋerao fofârezejec. Jâmbomac.
