﻿Ebvu-ọma.
95.
Unu bya g'anyi gụa ebvu ẹhu-ụtso gude jaa Chipfu! Unu g'anyi tụa ụzu ẹhu-ụtso gude kwabẹ iya ùbvù; mbụ onye ono, bụ agbara-mkpuma, adzọje anyi ono! 
Unu g'anyi bya l'iphu iya bya ekele iya ekele! Anyi egude ebvu-ọma tụa ụzu ẹhu-ụtso gude kwabẹ iya ùbvù! 
Kẹle Chipfu bụ Chileke, parụ ẹka; bya abụru onye eze, parụ ẹka; onye kakọta agwa, ndu mgboko l'ophu shii. 
Ẹka omilomi alị jeberu bụ iya bẹ ọ dụ l'ẹka. Mkpakpọnu oke úbvú bụru iya nwe iya. 
Eze Ẹnyimu bụ nkiya kẹle ọo ya meru iya; tẹme ọ bụru iya gude ẹka iya meta alị-ọkponku dobe. 
Unu bya g'anyi phozeta baarụ iya ẹja! G'anyi gbua ikpere l'iphu Chipfu ono, bụ iya meru anyi ono. 
Kẹle ọo ya bụ Chileke anyi. Anyi bụru ndu ooche g'onye eche atụru; mbụ anyi bụru ụnwu atụru, nọ iya l'ẹka. Ọo ya bụ; teke unu nụmaru olu iya ntanụ ọwa; 
Unu ta akpọchikwa obu unu gẹ ndiche unu phẹ kpọchiru iya lẹ Meriba. Waa g'ẹphe kpọchiru iya lẹ Masa l'echiẹgu; 
mbụ ẹka ono, ndiche unu phẹ nọru hụa yẹbe Chileke ama bya adalekwaa ya phọ adale; l'ẹka ẹphe gudechaa ẹnya phẹ hụma iphe, ya meru. 
Ụkporo apha labọ mgburugburu bẹ ọgbo ono mekọtaru yẹbe Chileke iphe-eghu. Ya sụru l'egomunggo phẹ jephuhuwaru l'eme iphe-ẹji; ọphu ẹphe ekwedu alwaphuta azụ bya eshia ụzo, ya goshiru phẹ. 
Ọo ya bụ; mu gude ẹhu-eghu buta angụ ria sụ: “Ẹphe ta abyadụ abata l'ẹka mu l'ẹphe a-nọdu tụta unme.” 
