﻿Ebvu-ọma.
61.
Nụmanu mkpu, mu echi jiko Chileke! Ngabẹ nchị l'epfupfu, mu epfu anụ ngu! 
Mu nọ l'ẹka igwe beru alị beru echiku ngu lẹ mkpu. Noo kẹle meji atọfu mu atọfu. Dunuru mu je edobe l'oke mkpuma, ka mu l'eli! 
Kẹle ọo ngu bẹ mu gbabarụ l'ime ngu je edomia onwomu; bya abụkwaru ngu phọ bụ ụlo-mgbobuta, mu bahụru shi nno nahụ ndu ọhogu mu. 
Ọogukwa mu ẹgu gẹ mu buru l'ibe ngu jasụ l'ojejoje; mbụ gẹ mu nọdujewaro lẹ mkpula eze ǹkù ngu ezeru ndzụ. 
Kẹle gụbe Chileke nụmawaru iphe, mu rifuru angụ lẹ mu e-meru ngu. I mewaru gẹ mu tsoru ndu akwabẹ ẹpha ngu ùbvù; keta iphe-ọma, iimejeru phẹ. 
Menaa g'eze nọdu ndzụ ogologo! G'apha, ọo-nọ l'eliphe-a shinu l'ọgbo sweru ọgbo! 
G'aba-eze iya nọdunu l'atatiphu Chileke jasụ l'ojejoje! Jiko g'iphe, ii-gude eche iya nche bụkwaru n-yemobu ngu; yẹe apfụshi ike, ịipfushije l'iphe, i pfuru. 
Ọo ya bụ gẹ mu agụa ebvu gude tua ngu ẹpha jasụ l'ojejoje; bya emeẹbekota iphemiphe, mu rifuru angụ ememe mbọku-mbọku. 
