﻿Azáya.
12.
Mbọku ono bẹ ịi-sụ: “Mu e-kele ngu ekele nggụbe Ojejoje; kẹle mu shi eghu ngu eghughu l'ẹnya. Obenu lẹ nta-a b'o ghubuhuwaru ngu. Nta-a b'ị dụwa mu ike. 
Lenu; ọ kwa Nchileke bụ onye ndzọfuta mu. Ọ bụ iya bẹ mu chịru ụkfu kwẹe; mu ta atsụ egvu; kẹle l'ọ bụ Ojejoje, bụ Nchileke bụ agburu-ẹhu mu; bụru iya bụ olu egvu mu. Ọ kwa iya bụ onye dzọru mu nụ. 
Ọ kwa ẹhu-ẹna; bẹ ii-gude ngụta mini lẹ wẹlu ndzọfuta ono.” 
Mbọku ono bẹ ịi-wata okfu; sụ: “Unu kele Ojejoje ekele; unu kpoku ẹpha iya! Unu mee t'iphe bụ mbakeshi maru iphe o meshiru! Raa ya arara l'ẹpha iya ha nshinu! 
Gụaru Ojejoje egvu ekele; kẹ l'iphe o meshiru dụ biribiri. Unu mekwaphu tẹ mgboko gbaa mgburumgburu maru iphe ono, o mekotaru ono! 
Unubẹ ọha, bu lẹ Ugvu Záyọnu; unu tụa ụzu ẹhu-ẹna; kẹ l'onye ono, unu l'iya nọ ono hakwa nshinu; mbụ onye nsọ kẹ ndu Ízurẹlu.” 
