﻿Egvu-Ọma.
149.
Unu jaa Ojejoje ajaja. Unu gụa egvu ọphungu nụ Ojejoje. Unu gụa egvu gude jaa ya ajaja l'ẹke ndu nk'iya dzuru. 
Tẹ ndu Ízurẹlu tee ẹswa l'ẹke onye meru ẹphe nọ. Tẹ ẹhu tsọo ndu Záyọnu ẹna l'ẹke onye eze ẹphe ono nọ. 
T'ẹphe tee egvu gude jaa ya. Ẹphe egude nkwa; mẹ une gụa egvu nụ iya; 
kẹle Ojejoje bẹ ndibe iya nọ l'obu. Ndu wozitaru onwẹphe alị; bẹ oogudeje k'ọma bua nggo. 
Tẹ ndibe Nchileke tee ẹswa l'egbe ugvu ọwaa, a kwabẹru ẹphe-a. Ẹphe agụjekwaphu egvu ẹhu-ọtso-ẹna teke ẹphe zẹ azẹe l'ugboshi ẹphe. 
Tẹ ọja Nchileke ajaja bụru iphe ẹphe a-kpụjeru l'ọnu. T'ẹphe patajẹ ogu-mbeke, atsụ nkọ ifu labụ l'ẹka; 
gude iya je agwata ndu ọhodo ụgwo iphe ẹphe meru ẹphe; gudekwa iya phụ nụa ụnwu eliphe aphụ. 
T'ẹphe kekwaa ndu eze ẹphe ẹgbu; mbụ tụa ndu nweru ẹnya mkpọro; 
shi ẹge ono medzua iphe onye ikpe deru l'ẹkwo; sụ: t'ẹphe mee ndu ọhogu ẹphe ono. Ono bụ iphe o gude kwabẹ ndu nk'iya ono ugvu. Unu jaa Ojejoje ajaja. 
