﻿Egvu-Ọma.
137.
Ọ bụ l'iku ẹnyimu Bábyilọnu bẹ ayi byaru bya adọru; raa ẹkwa; l'ayi nyataru Záyọnu. 
Ayi eworu une ayi kobe-gbaa l'ẹkali-oshi wilo l'ẹke ono; 
kẹ l'ayi ruru ẹke ono; ndu, kpụru ayi lẹ ndzụ asụ t'ayi gụaru ẹphe egvu. Ndu ono, eme ayi ome-l'iwe ono asụ t'ayi guaru ẹphe egvu ẹmerema. Ẹphe asụ t'ayi chọo egvu ndu Záyọnu nanụ gụaru ẹphe! 
Ọ bụ; ?nanụ ẹge ayi e-shi wota egvu, e gude ekutse Ojejoje gụlahaa l'alị ndu ọhodo. 
Ọ -bụru lẹ mu zaharu nggụbe Jerúsalemu; tẹ ẹka-ụtara mu nwụhukwa mu. 
T'ire nyakwaru mu l'akpo; m'ọ -bụru lẹ mu ta nyatadu ngu; mbụ; m'ọ -bụru l'ẹ tọ bụdu nggụbe Jerúsalemu; bẹ mu meru mkpụkpu, emeje t'ẹhu kagee mu ọtso ẹna. 
Nggụbe Ojejoje; nyatakwa iphe ndu Édọmu meru mbọku, ndu ọhogu nataru Jerúsalemu. Ẹphe tụru ụzu; sụ t'e tsukposhia ya. T'e tsukposhia ya; tsurua ẹke a tụru ọkpa-ụlo iya. 
Unubẹ ndu Bábyilọnu; iphe nọru unu kwa ọ-la-l'iyi. Ẹhu-ọtso-ẹna bụ k'onye a-kfụ unu ụgwo iphe-a, unu meru ayi-wa; 
mbụ onye a-nata unu ụnwegirima unu, angụ ẹra tụpyashia lẹ mkpuma. 
