﻿Egvu-Ọma.
126.
Egvu, aagụje teke eeje Jerúsalemu Teke Ojejoje dulataru ndu ono, a kpụru lẹ ndzụ ono azụ lẹ Záyọnu b'ọ dụru ayi l'ọ bụ nrọ. 
Ayi mụru ọnu-ọchi; gụa egvu ẹhu-ọtso-ẹna. Ndu ọhodo ekfulahaa; sụ: “Lẹ Ojejoje meekwaru ẹphe iphe ha nshinu.” 
Ojejoje meekwaru ayi iphe ha nshinu. Yọ bụru iya meru; ẹhu atsọ ayi ẹna. 
Nggụbe Ojejoje; menua t'iphe dụru ayi lẹ mma ẹge ono, nggele atsọje atsọtso bya agbaa mini l'alị ọkponku ono; 
k'ọphu ndu gude ẹnya-mini mebe iphe l'alị e-gude egvu ẹhu-ọtso-ẹna kpata iya akpata. 
Mbụ l'onye ono, gude ẹnya-mini mebe iphe l'alị; a-gude egvu ẹhu-ọtso-ẹna vuru iphe ọ kpataru l'okfu iya lata. 
