﻿Egvu-Ọma.
122.
Egvu, aagụje teke eeje Jerúsalemu; onye deru iya nụ bụ Dévidi Ẹhu tsọru mu ẹna teke ẹphe sụru mu: “T'ayi je l'eze-ụlo Nchileke!” 
Nta-a bẹ ayi vudowa l'obu-edukfu nggụbe Jerúsalemu. 
Jerúsalemu bụ mkpụkpu, a kpụru; yọ tụgba onwiya atụgba. 
Ọ bụ l'ẹke ono; bẹ iphe bụ ikfu anọduje awụ ala; eje ọja Ojejoje ajaja; mbụ ndu ikfu kẹ Ojejoje; bụ iya bụ iphe ị tụru l'ekemu doberu ndu Ízurẹlu. 
Ọ bụ l'ẹke ono; bẹ aba-eze, aanọ ekpe ikpe nọ; mbụ aba-eze, shi l'ụlo Dévidi. 
Unu kfuru nụ Nchileke tẹ nchị dụ Jerúsalemu ndoo: “Ndu yeru ngu obu; t'iphemiphe ọbule; bụkwaru ndu yeru ngu obu akpụto l'ọborotu. 
Tẹ nchị dụkwa ndu ụlo ngu ndoo; ẹhu-agu abụru kẹ ndu mkpụkpu unu.” 
Mu gude okfu ẹhu unwunne mu; mẹ lẹ ndu ọ̀nyà mu phẹ l'ekfu; sụ: “Tẹ nchị dụkwa nggụbe Jerúsalemu ndoo!” 
Mu gude okfu ẹhu eze-ụlo Nchileke, bụ Nchileke ayi achọ tẹ iphemiphe ọbule bụru akpụta yẹle ọborotu lẹ Jerúsalemu. 
