﻿Egvu-Ọma.
120.
Egvu, aagụje teke eeje Jerúsalemu Mu rakuru Ojejoje teke mu nọ l'iphe-ẹhuka; yọ nụa olu mu. 
Nggụbe Ojejoje; dzọfutanu mu l'ẹka ndu ntuphu-ire; mẹ l'ẹka ndu ẹregede. 
Unubẹ ndu ẹregede; ?bụ ngụnu bẹ unu arị lẹ Ojejoje e-me unu. Mbụ; ?bụ ngụnu; bẹ unu arị l'ọo iphe oo-gude byakfuta unu. 
Oo-zi ndu sọja; ẹphe egude akfụ, tụpyishiru ọnu bya ahụ̀a unu àhụ̀hù. Ẹphe e-me unu; unu adaburu l'ẹke ono, l'ata kfukfukfu l'ọ bụ icheku-ọku. 
Nshọbukwaa mụ; kẹle mu bu l'alị Mẹ́sheku. Nshọbukwaa mụ; kẹle mu bu l'ụlo-ẹ́kwà ndu Kéda. 
O tewaru ẹnya teke mu lẹ ndu kpọru ẹhu-agu ashị shi butaru. 
Obenu lẹ mbẹdua bụ onye anọduje achọ ụzo ẹhu-agu. Ọ -bụje teke mu ekfuru ẹphe okfu bẹlebele; ẹphe eme t'ẹphe tso mu ọgu. 
