﻿Egvu-Ọma.
87.
Egvu-ọma, ụnwu Kora gụru Ojejoje tụwaru ọkpa-alị ụlo iya l'eli ugvu, dụ nsọ. 
Ojejoje yeru Záyọnu obu; karia ẹge o yeru iphe bụkpo ẹke ọdo, ụnwu Jékọpu bu. 
Nggụbe eze mkpụkpu kẹ Nchileke; e kfukashitsua k'iphe biribiri ngu: 
“Ndu Réhabu; mẹ ndu Bábyilọnu; bẹ mu gụakwaru ye lẹ ndu maru mu nụ. Ndu Filísutiya; ndu Táya; mẹ ndu Kúshi; bẹ mu gụkobekwaru iya phụ. Ndu ono l'ẹphe ha; bẹ aa-gụkotaru ye lẹ ndu a mụru lẹ Záyọnu.” 
Aa-nọdu ekfu kẹ Záyọnu; sụ: “L'onye ọwaa yẹle onye ọphu; b'a mụkwaru lẹ Záyọnu. Ọ bụ Ọkaribe-Kakọta-Nụ l'onwiya e-me iya t'ọ ngụru angụru.” 
Ojejoje e-de l'ẹkwo, o deru ẹpha ndiphe; sụ: “L'onye ọwaa b'a mụru lẹ Záyọnu.” 
Ndu agụ egvu; mẹ ndu ete iya etete a-tụko gụa egvu; sụ: “Ọ bụ lẹ Záyọnu; bẹ mini ndzụ shi l'atsọfutaru ẹphe!” 
