﻿Egvu-Ọma.
67.
Egvu-ọma, e deru onye ishi egvu; t'a kpọru une ye iya Tẹ Nchileke menuaru ayi eze-iphe-ọma. Yọ gọoru ayi ọnu; mụaru ayi ọnu-ọchi; 
k'ọphu ndiphe a-maru ụzo ngu; mẹ k'ọphu iphe bụ mbakeshi a-makwaphụ l'ọo nggu adzọje madzụ. 
Tẹ ndiphe keleje nggụbe Nchileke ekele! T'iphe bụ madzụ kpoo-gbaa jajẹ ngu ajaja! 
T'ẹhu tsọnua iphe bụ mbakeshi ẹna; t'ẹphe gụa egvu ẹhu-ọtso-ẹna; kẹle ndiphe mgburumgburu; bẹ iikpeje ikpe, vudo nhamụnha. Yọ bụru nggu anọduje akpọ-ziru iphe bụ mbakeshi ụzo. 
Tẹ ndiphe keleje nggụbe Nchileke ekele! T'iphe bụ madzụ kpoo-gbaa jajẹ ngu ajaja; 
k'ọphu iphe a kọberu l'alị e-mehukwanu emehu; Nnajiufu, bụ Nchileke ayi agọoru ayi ọnu. 
Nchileke a-gọru ayi ọnu-ọma; k'ọphu ndiphe jeye l'ẹke mgboko jeberu a-nọdu abaru iya ẹja! 
