﻿Egvu-Ọma.
43.
Hanụaru mu enge; nggụbe Nchileke; nggu agbaaru mu ọdzori. Nafụta nụ mu l'ẹka ndu ono, ẹ ta madu ngu nụ ono! Gbafụta mu l'ẹka ndu ụgho; mẹ ndu akirishi. 
Keshinu ọ bụ nggụbe Nchileke bụ ike mu; ?nanụ ẹge ọ dụ; b'ị gwọberu mu? ?Bụ ngụnu kparu iphe ndu ọhogu mu akpa mu ẹhu; mu eje ogbe-ogbe. 
Menua t'ọ bụru iphoro ngu yẹle ire-lanụ ngu a-nọdu edu mu. Yo dua mu durua mu ugvu ngu ono, dụ nsọ ono; mbụ t'ẹphe durua mu ẹke i bu gẹdegede. 
Teke ono; bẹ mu a-byaruta ẹnya-ngwẹja nggụbe Nchileke; mbụ Nchileke ono, bụ ẹhu-ọtso-ẹna mu; bụru onye ono, mu ete ẹswa iya ono. Mu a-kpọ une gude jaa ngu ajaja nggụbe Nchileke, bụ Nchileke mu. 
?Bụ ngụnu meru iphe ẹhu daru mu kọo. ?Bụ ngụnu meru iphe ọkpoma akfụ mu nkfụ? Mu a-nọdu ele Nchileke ẹnya l'ẹka; kẹle mu e-mekochaa jaa ya ajaja; mbụ onye ono, bụ iya adzọfutaje mu nụ; bụru iya bụ Nchileke mu. 
