﻿Egvu-Ọma.
14.
Egvu, Dévidi deru nụ onye ishi egvu Ndu eswe anọduje arị lẹ Nchileke ta anọdu. Ẹphe mebyishiwaru onwẹphe; mewaa iphe Nchileke kpọru ashị. Ẹ tọ dụdu m'ọo onye lanụ, eme iphe dụ mma. 
Ojejoje shi l'imigwe l'elee ndiphe ẹnya lẹ mgboko-a; tẹ ya maru; ?o nweru onye maru iphe? Mbụ t'ọ maru; ?o nweru onye achọ yẹbe Nchileke? 
Obenu l'ẹphe l'ẹphe ha tụkowaru haa ụzo; jephuhu. Ẹphe l'ẹphe ha tụkowa mebyishihu. Ẹ tọ dụdu m'ọo onye lanụ, eme iphe dụ mma. 
Ndu ono, anọduje eme ẹjo iphe ono; ?ẹphe te nwedu egomunggo tọo. Mbụ; ndu ono, anọduje eri ndibe mu l'ọ bụ onye eri nri ono; ?ẹphe te ekfujedu anụ Ojejoje tọo. 
Ọle e -megee; bẹ egvu e-gude ẹphe; kẹle Nchileke nọkwaa; swiru ndu doberu ẹka ndoo. 
Ọobuje; ndu ụkpa -chị-gee idzu; unubẹ ndu akirishi akpọshia ya. Obenu l'ọ bụ l'ime Ojejoje; bẹ ẹphe agbabajẹ; zeeru ndzụ. 
Haa! A sụkwanu l'e shi lẹ Záyọnu bya adzọfuta ndu Ízurẹlu! Jékọpu e-tekwa ẹswa; ẹhu atsọo ndu Ízurẹlu ẹna; mẹ Ojejoje dobephu ndu nk'iya azụ l'ọnodu ẹphe. 
