﻿Egvu-Ọma.
13.
Egvu, Dévidi deru nụ onye ishi egvu Nggụbe Ojejoje; ?bụ jeye teke ole; b'ịi-zahabeta mu ẹge-a, ịi-zaharu mu-a? ?Ịi-zahawa mu rụ jeye lẹ tutu yoyo tọo? ?Bụ jeye teke ole; bẹ ịi-ghaberu mu azụ? 
?Bụ jeye teke ole; bẹ mu a-takpọo nshi tabebe? ?Bụ jeye teke ole bẹ nggụmaphu a-lụfu mu l'ọkpoma: eswe l'ẹnyashi? ?Bụ jeye teke ole; bẹ ndu ọhogu a-tụ-bebe okokooko kpua mu? 
Lenua mu ẹnya; nggụbe Ojejoje, bụ Nchileke mu; yeeru mu ọnu! Menua tẹ mu phụ ụzo; e menyaa; mu nwụhu! 
Ndu ọhogu mu a-sụkwa l'ẹphe mekputawaru mu; ndu mu dụ ashi etee ẹswa lẹ mu daru. 
Obenu l'ọ bụ n-yemobu ngu; bẹ mu atụ ume atukobe. Mu ete ẹswa; kẹle mu maru l'ịi-dzọfuta mu. 
Mu a-gụ egvu nụ Ojejoje; kẹ l'o menukaru mu iphe-ọma. 
