﻿Dagiti Salmo.
70.
Isalakannak, O Dios! Umayka a dagus O Yahweh ket tulongannak. 
Mapabainan ken maikuspil koma dagiti mangpadpadas a mangpatay kaniak; maupay ken maibabain koma dagiti agragragsak iti panagtuokko. 
Maupayda koma gapu iti bainda, dagiti mangibagbaga iti “Aha, aha.” 
Agrag-o ken maragsakan koma dagiti mangsapsapul kenka; kanayon koma nga ibaga dagiti mangay-ayat iti panangisalakanmo a, “Maidaydayaw koma ti Dios.” 
Ngem nakurapay ken agkasapulanak; darasem ti umay kaniak, O Dios; sika ti katulongak ken is-ispalennak. O Yahweh, saanmo nga itantan. 
