﻿Dagiti Salmo.
3.
O Yahweh, anian a nagadu dagiti kabusorko! Adu ti timmallikud ken nangraut kaniak. 
Adu dagiti mangibagbaga maipanggep kaniak, “Awan ti tulong a maipaay kenkuana manipud iti Dios.” Selah 
Ngem sika, O Yahweh, ket kalasag iti aglawlawko, dayagko, ken mangparparegta kaniak. 
Umawagak kenni Yahweh, ket sungbatannak manipud iti nasantoan a turodna. Selah 
Nagiddaak ket nakaturogak; nagriingak, ta silanaknibannak ni Yahweh. 
Saanak nga agbuteng kadagiti rineprep a tattao iti aglawlawko a bumusor kaniak. 
Bumangonka, O Yahweh! Isalakannak, Diosko! Ta kabilem dagiti amin a kabusorko kadagiti pangada; pusiem dagiti ngipen dagiti nadangkes. 
Aggapu kenni Yahweh ti pannakaisalakan. Adda koma kadagiti tattaom ti bendisionmo. Selah 
