﻿Psalms.
149.
Madayaw hi APU DIOS! Ikantaan yuh balun kantan pundayaw yun hiya nah kaam-amungan yun tatagunan nanongnan mangun-unud ke hiya. 
Dakayun iIsrael, umamlong kayu gapu nah Dios yun nunlutun dakayu. Om, mun-an-anla kayun iZion gapu nah Patul yu. 
Manayo kayu ya pagangohon yu nadan gangha yu ya nadan gitala yuh pundayaw yun hiya. 
Hi APU DIOS ya pun-amlongana nadan tataguna ya pangapputona nadan mumpakumbaba. 
Mun-an-anla kayun mangun-unud ke hiya gapuh nangapputan yu ya mun-an-anla kayun mungkanta nah hilong. 
Dayawon yuh Apu Dios an oodnan yuy hinalung yun 
usalon yun mangapput hi kabobboble ya mangastiguh tatagu. 
Bangkilingan yuy patul da ya aap-apu da. 
Kastiguwon yuy tataguh kabobboble te hidiyey olden APU DIOS. Datuwey kidayawan nadan tatagunan mangun-unud ke hiya. Madayaw hi APU DIOS. 
