﻿Psalms.
122.
Immamlongak handih kanan nadan tatagun ha-on di “Etakuh balen APU DIOS.” 
Ot deyan ad uwani ya dehtu kamin muntattaddog hitud Jerusalem. 
Hay Jerusalem ya ongal an boblen naka-iphod ya nunhuhunnup di babaleh di. 
Am-in di holag Israel an tatagun APU DIOS ya umali dah tun mundayaw ke hiya te hidiyey intugunan aton da. 
Hitu boy nanudduwanan ha-on ya nadan holag kun mun-ap-apu nadah holag Israel hi maandong. 
Mundasal kayuh luminggopan di Jerusalem. Hana ot ta pumhod di biyag nadan ongal di pamhod nah Jerusalem. 
Om, hana ot ta luminggop di Jerusalem takon nah balen di patul. 
Ya gapu nadah iibak ya pamilyak ad Jerusalem ya kanak di “Luminggop kayun bimmobled Jerusalem.” 
Gapu bo nah balen nan AP-APU an Dios takun wadad Jerusalem ya kanak di “Hana ot ta pumpumhod kayu.” 
