﻿Psalms.
133.
Hiyah te kantan intudo' David an ingkantan nan Hudyuh din nunti'idandan numbiyahen immuy ad Jerusalem. Immannung an ma"ap'aphod ya umipa'amlong hi un mun'u'unnudan di tatagun Apo Dios! 
Nipaddung hinan nanginan lanan inhiitdah ulun Aaron ta immayuh hinan hamayna ya lubungna. 
Nipaddung goh hinan dulnu an malpuh nan Duntug an Hermon an mananum hinan Duntug an Zion ti hidiy nangalyan Apo Dios hi wagahana an hiyah ne nan pi'taguan hi mid pogpogna. 
