﻿Psalm.
120.
Hidin maligligatana' ya numpahmo'a' i Apu Dios ya dingngolnay dasal'u ot boddangana' i hiya. 
Te inali' di, Ihwanga' bahan Apu Dios hinadan ahilalayah ya kumulukuluk an tatagu. 
Ot da'yun mumpunlayah ya ma''id ha bahhonan dusaon da'yu i Apu Dios. 
Ta paddungnay panaon da'yuh nadan nun'ahimaan an papan di panana ya bokahon da'yuh nan nangimbabbalan apuy. 
Ot hanan e' pi'iboblayan i da'yun mumpunlayah ya umat hi e pi'iboblayan hinadan i Mesek onu i Kedar te ngohayondah Apu Dios. 
Ta hiya nan immengleya' an mi'hitu i da'yu te ma''id ahan ha naminhodyu hinan maphod an punhahayyupan. 
Te wa'e ta ibagbagga' di a'at di punhahayyupan on hay gubattot di ibagayu. 
