﻿'Bŏi Calêu Plình.
136.
Manè pôi Chuaq beq, taiq Haq dìq jaq lem jang; 
Manè pôi Chuaq da chuaq; 
Manè pôi Chuaq da 'bài chuaq; 
Toq Haq raq broq loh 'bài bìac halac càn caiq, 
Haq khoi nhò can 'nì loq da Haq broq loh 'bài lòp plình, 
Haq hlèch taneh enh 'nhèq ca 'bài diac, 
Haq broq loh 'bài mat 'ngah ma càn, 
Haq broq mat mahì đòiq wèq cwìang dahì, 
Haq broq mat khê wa 'bài halŏng đòiq wèq cwìang jò da mang, 
Haq khoi jêh đac 'bài con ramua da gùng Aicàp, 
Haq 'ràng Is-ra-ên loh khoi ca jàn Aicàp, 
Capiang tì i cwìang itai da Haq hi hnhè 'noh, 
Haq pah Diac Raxìq Gòh loh trong lam, 
Haq 'ràng jàn Is-ra-ên lam cwa ta'ne diac raxìq aih, 
Mahaq Haq jêh Pha-ra-ôn wa dìq ca calùh lình haq loh ta Diac Raxìq Gòh, 
Haq 'ràng jàn Haq lam cwa braih càn, 
Haq jêh 'blêq 'bài bùa càn, 
Haq jêh đac 'bài bùa i 'bang tìang, 
Aih Sihôn, bùa jàn A-mô-rit, 
Wa Ot, bùa Basan, 
Haq yŏc gùng wì aih am dèh ca jàn broq xôxech, 
Aih xôxech ca Is-ra-ên, la hapŏng Haq, 
Haq hmàng trùh bìac ùh nèn da nhèn, 
Haq dŏih nhèn claih khoi enh mangai ma ta 'blêq ca nhèn, 
Haq hadai am dahwèq caq ca rìm ngè i hihèm, 
Manè pôi Boc Plình da 'bài lòp plình! 
