﻿भजन-संहिता.
136.
यहोवा ला धनबाद देवव, काबरकि ओह बने अय। 
ईस्वरमन के परमेसर ला धनबाद देवव। 
परभूमन के परभू ला धनबाद देवव: 
ओकर छोंड़ अऊ कोनो बड़े-बड़े अद्भूत काम नइं करंय, 
जऊन ह अपन समझ से अकास ला बनाईस, 
जऊन ह पानी के ऊपर धरती ला फईला दीस, 
जऊन ह बड़े-बड़े अंजोरमन ला बनाईस— 
जऊन ह दिन म परभूता करे बर सूरज ला बनाईस, 
जऊन ह रथिया ऊपर परभूता करे बर चंदा अऊ तारामन ला बनाईस; 
ओला धनबाद देवव, जऊन ह मिसर देस के पहिलऊठामन ला मार डारिस, 
अऊ ओमन के बीच ले इसरायलीमन ला निकाल लानिस 
सक्तिसाली हांथ अऊ बढ़े हुए बाहां के दुवारा निकाल लानिस; 
ओला धनबाद देवव, जऊन ह लाल-समुंदर ला अलग-अलग कर दीस 
अऊ इसरायलीमन ला येकर बीच म ले पार करवा दीस, 
पर फिरौन अऊ ओकर सेना ला लाल-समुंदर म बुड़ा दीस; 
ओला धनबाद देवव, जऊन ह निरजन प्रदेस म अपन मनखेमन के अगुवई करिस; 
ओला धनबाद देवव, जऊन ह बड़े-बड़े राजामन ला मार डारिस, 
अऊ सक्तिसाली राजामन ला घलो मार डारिस— 
याने कि अमोरीमन के राजा सीहोन ला मार डारिस 
अऊ बासान के राजा ओग ला मार डारिस— 
अऊ ओमन के देस ला निज भाग के रूप म दे दीस, 
अपन सेवक इसरायलीमन ला निज भाग के रूप म दे दीस। 
ओह हमन ला हमर गिरत दसा म सुरता करिस 
अऊ हमन ला हमर बईरीमन ले छोंड़ाईस। 
ओह हर एक परानी ला जेवन देथे। 
स्वरग के परमेसर ला धनबाद देवव। 
