﻿1 इतिहास.
2.
येमन इसरायल के बेटा रिहिन: रूबेन, सिमोन, लेवी, यहूदा, इस्साकार, जबूलून, 
दान, यूसुफ, बिनयामीन, नपताली, गाद अऊ आसेर। 
यहूदा के बेटामन: एर, ओनान, अऊ सेलह। ओकर ये तीनों बेटामन एक कनानी माईलोगन, जऊन ह सूआ के बेटी रिहिस, ओकर ले जनमे रिहिन। (यहूदा के पहिलांत बेटा एर ह यहोवा के नजर म दुस्ट मनखे रिहिस, ये खातिर यहोवा ह ओला मार दीस।) 
यहूदा के बहू तामार ह यहूदा कोति ले पेरेस अऊ जेरह ला जनम दीस। 
पेरेस के बेटामन: हेसरोन अऊ हामूल। 
जेरह के बेटामन: जिमरी, एतान, हेमान, कलकोल अऊ दारा। जम्मो मिलाके पांच झन बेटा रिहिन। 
करमी के बेटा: आकार, येह अरपन करे गे चीज के बारे म बिसवासघात करके इसरायलीमन ला दुख देवइया होईस। 
एतान के बेटा: अजरयाह। 
हेसरोन के बेटामन: यरहमेल, राम अऊ कालेब। 
राम ह अमीनादाब के ददा रिहिस, अऊ अम्मीनादाब ह नहसोन के ददा रिहिस, जऊन ह यहूदा के मनखेमन के मुखिया होईस। 
नहसोन ह सलमोन के ददा रिहिस अऊ सलमोन ह बोअज के ददा रिहिस, 
बोअज ह ओबेद के ददा रिहिस अऊ ओबेद ह यिसै के ददा रिहिस। 
यिसै के पहिलांत बेटा एलीआब रिहिस; दूसर बेटा अबीनादाब रिहिस, तीसरा बेटा सिमा, 
चौथा बेटा नतनेल, पांचवां रदै, 
छठवां ओसेम अऊ सातवां दाऊद रिहिस। 
ओमन के बहिनीमन सरूयाह अऊ अबीगैल रिहिन। सरूयाह के तीन झन बेटा होईन: अबीसै, योआब अऊ असाहेल। 
अबीगैल ह अमासा के दाई रिहिस, जेकर ददा इसमायली येतेर रिहिस। 
हेसरोन के बेटा कालेब के घरवाली अजूबा (अऊ यरीओत) ले ओकर बेटामन जनमे रिहिन, जेमन के नांव रिहिस: येसेर, सोबाब अऊ अरदोन। 
जब अजूबा मर गीस तब कालेब ह एपरात ले बिहाव करिस, जेकर ले हूर जनमिस। 
हूर ह ऊरी के ददा रिहिस अऊ ऊरी ह बसलेल के। 
बाद म, हेसरोन, अपन साठ बरस के उमर म गिलाद के ददा माकीर के बेटी ले बिहाव करिस, जेकर ले सगूब जनमिस। 
सगूब ह याईर के ददा रिहिस जेकर गिलाद देस म तेईस ठन सहर रिहिस। 
(पर गसूर अऊ अराम, हव्वोत-याईर के बस्ती अऊ गांवमन के संगे-संग कनात ऊपर घलो कब्जा कर लीन, ये जम्मो साठ ठन सहर रिहिन।) 
कालेब-एपराता म हेसरोन के मरे के बाद, हेसरोन के घरवाली, अबियाह ह तकोआ के ददा असहूर ला जनम दीस। 
हेसरोन के बड़े बेटा यरहमेल के बेटामन: ओकर बड़े बेटा राम, बूना, ओरेन, ओसेम अऊ अहियाह। 
यरहमेल के एक झन अऊ घरवाली रिहिस, जेकर नांव अतारा रिहिस; ओह ओनाम के दाई रिहिस। 
यरहमेल के बड़े बेटा राम के बेटामन: मास, यामीन अऊ एकेर। 
ओनाम के बेटामन: सम्मै अऊ यादा। सम्मै के बेटामन: नादाब अऊ अबीसूर। 
अबीसूर के घरवाली के नांव अबीहैल रिहिस, जेकर ले अहबान अऊ मोलीद जनमिन। 
नादाब के बेटामन: सेलेद अऊ अप्पैम। सेलेद ह बिना कोनो लइका के मर गीस। 
अप्पैम के बेटा: यिसी जऊन ह सेसान के ददा रिहिस। सेसान ह अहलै के ददा रिहिस। 
सम्मै के भाई यादा के बेटामन: येतेर अऊ योनातन। येतेर बिगर संतान के मर गीस। 
योनातन के बेटामन: पेलेत अऊ जाजा। 
सेसान के कोनो बेटा नइं रिहिन, सिरिप बेटी रिहिन। ओकर यरहा नांव के एक झन मिसरी सेवक रिहिस। 
सेसान ह अपन बेटी के बिहाव अपन सेवक यरहा के संग कर दीस, जेकर ले अत्तै जनमिस। 
अत्तै ह नातान के ददा रिहिस, नातान ह जाबाद के ददा रिहिस, 
जाबाद ह एपलाल के ददा रिहिस, एपलाल ह ओबेद के, 
ओबेद ह येहू के, येहू ह अजरयाह के, 
अजरयाह ह हेलेस के, हेलेस ह एलासा के 
एलासा ह सिसमै के, सिसमै ह सल्लूम के, 
सल्लूम ह यकमयाह के, यकमयाह ह एलीसामा के। 
यरहमेल के भाई कालेब के बेटामन: ओकर बड़े बेटा मेसा, जऊन ह जीप के ददा रिहिस, अऊ ओकर बेटा मारेसा जऊन ह हेबरोन के ददा रिहिस। 
हेबरोन के बेटामन: कोरह, तप्पूह, रेकेम अऊ सेमा। 
सेमा ह रहम के ददा रिहिस, अऊ रहम ह योरकाम के। रेकेम ह सम्मै के ददा रिहिस। 
सम्मै के बेटा माओन होईस अऊ माओन ह बेत-सूर के ददा रिहिस। 
कालेब के रखैल एपा ले हारान, मोसा अऊ गाजेज जनमिन। हारान ह गाजेज के ददा रिहिस। 
याहदै के बेटामन: रेगेम, योताम, गेसान, पेलेत, एपा अऊ साप। 
कालेब के रखैल माका ह सेबेर अऊ तिरहाना के दाई रिहिस। 
ओह मदमन्ना के ददा, साप ला अऊ मकबेना अऊ गिबा के ददा, सेवा ला घलो जनम दीस। कालेब के बेटी अकसा रिहिस। 
येमन कालेब के बंसज रिहिन। एपराता के बड़े बेटा हूर के बेटामन: किरयत-यारीम के ददा सोबाल, 
बैतलहम के ददा सलमा अऊ बेत-गादेर के ददा हारेप। 
किरयत-यारीम के ददा सोबाल के बंस म येमन रिहिन: हारोएह, आधा मनुहोतीमन, 
अऊ किरयत-यारीम के कुल: येतेरी, पूती, सूमाती अऊ मिसराई। येमन ले सोराती अऊ एसताओली निकलिन। 
सलमा के बंसज: बैतलहम, नतोपाती, अतरोत-बेत-योआब, आधा मानहतीमन, सोरी, 
अऊ याबेस नगर म रहइया लेखकमन के कुल: तिराती, सिमाती, अऊ सूकाती। येमन केनी अंय, जेमन रेकाब के परिवार के मूल पुरूस हम्मत के बंस म ले आईन। 
