﻿इब्रानियो.
7.
यु मलिकिसिदक सालेम को राजा, अर परमप्रधान परमेस्वर को पूजारी, सब याजक बनो रह हैं। जब अब्राहम राजा ख मार ख लउटो जावह थो, ते इन न ओसे भेट कर ख आसीस दियो। 
इन ख अब्राहम न सब चीज को दसवो अंस भी दियो। यु पहले अपनो नाम को अर्थ को अनुसार, धर्म को राजा, अर फिर सालेम अर्थात् सान्ति को राजा हैं। 
जो को बाप भी नी अर माँ भी नी वंसावली हैं, जोको दिन को न आदि हैं अर न जिन्दगी को अन्त: हैं, पर परमेस्वर को पोरिया को रूप रुख ख वी हमेसा को लाने याजक बनो रह हैं। 
अब ऐ पर ध्यान करो कि उ कसो बडो थो जो ख कुलपति अब्राहम न लूट ख चोक्खो से चोक्खो माल को दसवां अंस दियो। 
लेवी की सन्तान म से जो याजक को पद लियो रह, उन ख आग्या मिलीयो रह कि अदमी हुन, अर अपनो भई से, चाहे वी अब्राहम ही की देह सरीर से काहे नी पैदा भयो, नेम को हिसाब से दसवां अंस ले। 
पर उन न, मलिकिसिदक लेवी जे ओको वंसावली म को भी नी थो, अब्राहम से दसवां अंस लियो, अर जे ख वादा मिलो रह उन ख आसीस दियो। 
इन से सन्देस नी कि छोटो बडो से आसीर्वाद लेवह हैं। 
अर यहाँ ते मरनहार अदमी दसवां अंस लेवह हैं पर वाहा वी लेवह हैं जोकी गवाही दी जावह हैं कि उ जिन्दा हैं। 
ते हम भी यु बोल सकह हैं कि लेवी न भी, जो दसवो अंस लियो हैं, अब्राहम को दुवारा दसवां अंस दियो। 
काहे कि जो टेमं मलिकिसिदक न ओको बाप से भेट करी, उ टेमं वी अपनो बाप की देहं म थो 
यदि लेवीय याजक पद को व्दारा सिध्दि प्राप्त हो सकी (जोको सहारो से अदमी ख इन्तजाम मिलो रह) ते फिर का जरूरत हती रह की दुसरो पूजारी मलिकिसिदक को रीति पर खडो हो, अर हारून कि रीति को नी कहलाए? 
काहे कि जब याजक को पद बदलो जाय हैं, ते नेम ख भी बदलनो जरुरी हैं। 
काहे कि जो को बारे म ई बात कही जाय आय की उ दुसरो गोत को आय, जो म से कोई न भी वेदी कि सेवा नी करी, 
ते प्रगट हैं, कि हमारो प्रभु यहूदा को गोत म से पैदा भयो हैं, अर इस गोत को बारे म मूसा न पूजारी पद कि कोई बात नी करी। 
हमारो दावा अर भी स्पसस्टता से प्रगट हो जाय हैं, जे मलिकिसिदक को समान एक अर पूजारी पैदा हो जाय हैं, 
जे सारीरिक आग्या को नेम को हिसाब से नी, पर अविनासी जिन्दगी को सक्ति को हिसाब से नियुक्त हुओ हो। 
काहे कि ओको बारे म यह गवाही दी गई हैं, “तु मलिकिसिदक कि रीति पर हमेसा-हमेसा याजक हैं।” 
पहलो आग्या एकोलाने समाप्त कियो गयो काहेकि वाहा बेकार हतो। 
काहेकि मूसा को नेम कोई ख सम्मान सिध्द नी कियो हमे ऐसे महान आसा दियो हैं। अऊर ऐको माध्यम से परमेस्वर को जोने पहुँचियो हैं। 
परमेस्वर पहले बिना कसम खाए काम म नियुक्त करता था, लेकिन यीसु मसी ख कसम खा ख बडो याजक बनायो। 
काहेकि यीसु ख नियुक्त को बखत प्रभु परमेस्वर न कसम खाई थी अऊर ओसे कहयो हे प्रभू कसम खाई हैं अऊर वाहा अपनो मन ख भी नी बदलेगो। तू हमेसा हमेसा याजक बनो रहेगो। 
यु तरह यीसु एक चोक्खो वाचा को जमीन ठहरो। 
वी तो बेजा बडी संख्या म पूजारी बनते आयो, ऐको मतलब यू हतो कि मरनो उन ख रहन नी देत रह, 
पर यीसु सदा बनू रहव हैं, ऐको लाने ओको याजक पद अटल हैं। 
यूही वजह हैं कि जे अदमी यीसु को दुवारा परमेस्वर सरन लेवह हैं वी पुरो तरीका से सक्ति कि सामर्थ रखह हैं काहेकि वाह ओकी ओर से निवेदन करन को लाने। हमेसा जिन्दो हैं। 
अत: असो ही बडो पुजारी हमारो लायक थो जे सुध्द, अर निस्कपट, अर निर्मल, अर पापी हुन से अलग, अर स्वर्ग से भी ऊँचो कियो हुयो हो। 
यु बडो पुजारी को समान ओसे जरुरी नी कि हर दिन पहले अपनो पाप अर फिर अदमी को पाप को लाने बलि चडाए, काहे कि ओ न अपनो तुम ख बलिदान चडा ख ओ ख एक ही बार म पुरो कर दियो 
काहे कि नेम ते निर्बल अदमी हुन ख बडो पुजारी नियुक्त करह हैं, पर उ कसम को वचन, जे नेम को बाद खई गई, उ पोरिया ख नियुक्त करह हैं जे सदा को लाने सिध्द करयो गयो हैं। 
