﻿2कुरिन्थियो को नाम पोलुस की दुसरी चिठ्टी.
1.
पोलुस कि तरफ से जे परमेस्वर कि मर्जी से मसी यीसु को प्रेरित आय, अऊर भई तीमुथियुस कि तरफ से परमेस्वर कि वा कलीसिया को नाम, जे कुरिन्थुस नगर म हैं, अऊर पूरा अखया नगर को पूरा उ सुध्द अदमी को नाम: 
हमारो बाप परमेस्वर अऊर प्रभु यीसु मसी कि ओर से तुम पर किरपा अऊर सान्ति मिलती रहे। 
हमारो प्रभु यीसु मसी को परमेस्वर अऊर बाप को धन्यवाद हो, जे दया को बाप अऊर सब तरीका को सान्ति को परमेस्वर आय। 
उ हमारो सब संकट हुन म सान्ति देवा हैं; जेसे परमेस्वर कि ओर से हम ख जो सान्ति मिली हैं, ओको ही दुवारा हम दुसरा हुन ख भी, उनको हर तरीका का मुसीबत म सान्ति देन का लाने, समर्थ हो जाय। 
काहेकि जसा मसी को दुख हुन म हम जादा सामिल होय हैं, असो ही हम सान्ति म भी मसी को दुवारा जादा सामिल होय हैं। 
अदि हम ख दुख मिल हैं, ते तुम अदमी हुन कि सान्ति अऊर मुक्ति का लाने हैं; अर अदि हम ख धीरज मिलआ हैं, ते एकोलाने कि हम ख तुम अदमी हुन ख धीरज दे सक, जे से तुम धीरज का संग उ दुख सहन म मजबूत हो, जे ख हम भी सह लेव हैं। 
तुम अदमी हुन का बारा म हमारी आसा पक्को भरोसा हैं; ऐको लाने कि हम जान हैं कि जसो तरीका तुम हमारो दुख म मिल्या हैं, उही तरीका तुम हमारी सान्ति म भी संग रहो। 
अरे भई बहिन हन, हम नी चाय्हे कि तुम हमारो उ संकट से अनाड़ी रह जो आसिया नगर म हम पर गिरो; हम ख असो भारी बोझा से दब गयो हतो की, जे ख हमारी सक्ति से बाहर हता, यहाँ तक कि हम ख जिन्दगी से भी हात धो ख बठा हता। 
अऊर हम न अपनो मन म समझ लियो हतो कि हम ख मरन को हुकुम मिल चूको हैं, यू ऐका लाने हुयो कि हम ख अपनो पर नी, अऊर परमेस्वर पर विस्वास रखे, जे मराया वाला ख जीवित करा हैं। 
परमेस्वर ही हम ख मरन ख असो बड़ो संकट से बचायो, अऊर उ असो ही कर रहे; ओ पर हमारी या आसा हैं कि उ भविस्य म भी हम ख बचाते रहे। 
अऊर तुम अदमी हुन भी मिल ख प्रार्थना को दुवारा हमारी सहायता करे कि जो वरदान बेजा झन ख दुवारा हम ख मिलो हैं, ओको लाने बेजा अदमी हमारी ओर से धन्यवाद करा हैं। 
काहेकि हम अपनो विवेक की या गवाई पर घमंड करह हैं, कि संसार म अऊर जरूर कर ख तुम्हारो बीच, हमारो चरिस्र परमेस्वर को योग्य असी सुध्दता अऊर सच्चाई सहित थो, जे सारीरिक ग्यान से नी पर परमेस्वर कि दया को संग थो। 
हम तुम ख अऊर कुछ नी, लिखत केवल उ जे तुम पढ़ हैं अऊर माना भी हैं, मो ख आसा हैं कि अनन्त तक मानना रहे। 
जसो तुम म से किता न मान लियो हैं कि हम तुमारो घमण्ड का कारन हैं, वसो ही तुम भी प्रभु यीसु को दिन हमारो लाने घमण्ड को कारन ठहरोगे। 
यूही भरोसा से मी चहातो थो की पहले तुमरो जोने आऊ कि तुम ख एक अऊर दान मिले; 
अऊर तुमारो नजीक से हो ख मकिदुनिया ख जाऊ, अऊर फिर मकिदुनिया से तुमारो नजीक आऊ; अऊर तुम न मो ख यहूदिया की ओर कुई दूर लक पहुँचानो। 
एकोलाने मी न जे या इच्छा करी हती ते का मी न छिछोरा पन दिखायो? या जो करनु चाहूँ हैं का सरीर को अनुसार करन चाहूँ हैं कि मी बात म हाव भी करू अर नी भी करू? 
परमेस्वर विस्वास लायक हैं कि हमारो उ वचन म जे तुम से कय्हो, हाव अर नी नी दोई ख नी पा हे जान का। 
काहेकि परमेस्वर को पोरिया यीसु मसी जे को हमारो दुवारा एको मतलब मोरो अर सिलवानुस अर तीमुथियुस को दुवारा तुमारो बीच म प्रचार भयो, ओ म हाव अर नी दोई नी हते, अर ओमा हाव ही हाव हुई। 
काहेकि परमेस्वर की जितनी वादा हुन हैं, वी सब ओमा मी हाव को संग हैं। एकोलाने यीसु दुवारा असो ही भयो (आमीन) भी भई कि हमारो दुवारा परमेस्वर कि बड़ाई हो। 
अर जे हम ख तुमारो संग मसी म पक्को करह हैं, अर जेन हमारो अभिसेक कियो उही परमेस्वर आय, 
जे न हम पर मोहर लगायो हैं अर बयाने म आत्मा ख हमारो मन हुन म दियो। 
मी परमेस्वर को गवाह मान ख कहू हैं अपनो जान कि कसम खाऊँ हैं कि मी अब तक कुरिन्थुस म एकोलाने नी आयो, कि तुम ख पर दुख को कारन नी बनू। 
तुमारो विस्वास पर मन माना अधिकार जतानो हमारो उदेस्य नी हैं हम तुम अदमी हुन ख सुख सान्ति का लाने तुमारा मदद लायक हैं अऊर तुम अदमी ते यू भी विस्वास म पक्को हैं। 
