﻿लूका को दुवारा लिखो सुसमाचार.
1.
ड़ेर सारा न वी बात हुन को जो हमारो बीच म बिती हैं, इतिहास लिखनो म हात लगायो हैं, 
जसो कि उनना जे पहलो से ही या बात हुन ख देखन वाला अर वचन ख सेवक हता, हमारो तक पहुँचायो। 
ऐका लाने, हे सिरीमान थियुफिलुस मो ख भी यू चोक्खो मालूम भयो कि वी सब बात को पुरो हाल सुरू से सही-सही जाँच कर ख, उन ख तोरो लाने गिनती को अनुसार लिखू 
ताकि तू यू समझ लेहे कि वा बात जिनकी तू न सिक्छा सिखो हैं, कसी अटल हैं। 
यहूदिया को राजा हेरोदेस को बखत म अबिय्याह को दल म जकरयाह नाम को एक याजक हतो, अर ओकी घरवाली हारून ओकी वंस की हती जेको नाम इलीसिबा हतो। 
वी दो ही परमेस्वर को सामने धर्मी हता, अर वी प्रभु की सारी बात अर आग्या पर बेकसूर चलन वाला हतो। 
पर ओको कोई भी आवलाद नी हती, काहेकि इलीसिबा बाँझ हती, अर वी दोई ही बूढ़ा हता। 
जब उ अपनो दल कि पारी पर परमेस्वर को सामे याजक को काम करत रहा हतो, 
ते उ याजक हुन की रीति को अनुसार ओको नाम पर की चिठ्टी निकली की प्रभु को मन्दिर म जा ख धूप जलायो। 
अऊर धूप जलान को बखत म इंसान हुन की पुरी मण्डली बाहर प्रार्थना करत रह हती। 
ऊ बखत प्रभु को एक स्वर्गदूत धूप की वेदी की दाहिनी तरफ खड़ो भयो अर ओ ख दिखाई दियो। 
जकरयाह स्वर्गदूत ख देख ख डर गयो अर भयभीत हो उठियो। 
पर स्वर्गदूत न ओसे कय्हो, “अरे जकरयाह डर मत (घबरावा) नी हो, काहेकि तोरी प्रार्थना मिना सुन ली गई हैं; अर तोरी घरवाली इलीसिबा से तोरो लाने एक पोरिया पैदा होएगो, अर तू ओको नाम यूहन्ना रख। 
जे तोखा खुसी अर आन्नद होएगो अर बेजा जन ओके जनम को कारन खुसी, होयगो 
काहेकि उ प्रभु को सामने म बड़ो होऐ। उ अंगूर को रस अर दारू नी पीहे, पर अपनी माय ख पेट से ही सुध्द आत्मा से परिपूर्ण होऐ; 
अर इस्राएली हुन म से ढ़ेर सारा इंसान ख उन ख प्रभु परमेस्वर कि तरफ वापस लेहे। 
वी एलिय्याह की आत्मा अर सामर्थ्य म हो ख ओके आगु आगु चलोगो पितरो को मन बाल पोरिया हुन की ओर फेर देगो; अर बात नी माननू वाला ख धर्मी की समझ पर लाए अर प्रभु का लाने ईक योग्य प्रजा तैयार करेगों।” 
जकरयाह न स्वर्गदूत से पुछियो, “यु मी कसो जानु? काहेकि मी तो सियानो हो गयो; अर मोरी घरवाली भी सियानी हो गई हैं।” 
स्वर्गदूत न ओ ख उत्तर दियो, “मी जिब्राईल आय, जो परमेस्वर को सामने खड़ो रहू; अर मी तो ख या बात करन अर तोखा यू सुसमाचार सुनान को लाने भेजो गयो हैं। 
देख, जे दिन तक यू बात पुरी नी होऐ, उ दिन तक तू गुँगो रहे अर बोल नी सक काहेकि अपनो मोरी बात हुन ख जो अपनो बखत पर पूरो होवन वाली हैं, भरोसा नी करयो।” 
वी लोग जकरयाह की बाट देखत रहा अर अचम्भा करन लगियो। ओ ख मन्दिर म इत्ती देर काहे लगी। 
जब जकरयाह मन्दिर से बाहर आयो, ते उ बोल नी सकियो: एकोलाने: वी जान गया की ओ ना मंदिर म कोई सपना पाहे हैं; अऊर उ उन ख ईसारा करत रह, अर गुँगा रह गयो। 
जब ओ की सेवा का दिन पुरा भयो, ते उ अपनो घर म चलो गयो। 
वी दिन को बाद म ओकी घरवाली इलीसिबा पेट से भई; अर पाँच महीना तक अपनो तुम ख यु कह ख लूका रखियो, 
“इंसान म मोरी नाम धराइ दुर करन को लाने, प्रभु न दिनो म मोरो ऊपर दया कर ख लाने असो करयो।” 
छटवो महीना म परमेस्वर को तरफ से जिब्राईल स्वर्गदूत को, गलील नाम को नासरत सहर म, 
एक कुंवारी को नजीक भेजो गयो जेकी मंगनी यूसुफ नाम दाऊद को घरानो को एक व्यक्ति से भई हती; वा कुँवारी को नाम मरियम हतो। 
स्वर्गदूत न मरियम को पास अन्दर आयो अर कय्हो, “आन्नद अर जय तोरी होय जो पर प्रभु परमेस्वर को दया भयो हैं! प्रभु तोरो संग म हैं।” 
उ यू वचन से बेजा डर गई, अर सोचन लगी कि या कसी तरीका की आदर हैं? 
स्वर्गदूत न ओसे कय्हो, “अरे मरियम, डरनू मत, काहेकि परमेस्वर को दया तो पर हुओ हैं। 
देख तू पेट से होए, अर तोरा ख एक पोरिया पैदा होए; तू ओको नाम यीसु रख। 
उ महान होएगो अर परमप्रधान परमेस्वर को पोरिया कहलायेगो: अर प्रभु परमेस्वर ओके बाप दाऊद को राज्य सिंहासन ओखा देगो, 
अर उ याकूब को परिवार पर सदा करेगों अर ओको राज को अन्त नी होन को।” 
मरियम न स्वर्गदूत से कय्हो “यु कसो होगो। मी न तो अदमी को जान ही नी हैं।” 
अर स्वर्गदूत न ओको उत्तर दियो सुध्द आत्मा तो पर उतरेगो, अर परमप्रधान परमेस्वर की सक्ति तो पर छाये करेगों: एकोलाने उ सुध्द जे पैदा होवन वाला हैं। परमेस्वर को पोरिया कहलाएगो। 
अऊर देखो, सायिनापन म तोरी कुटुम्बी हुन इलीसिबा ख भी, पोरिया होन वालो हैं। अब ओको, जे बाँझ कह हती, छटवा महीना हो रहो हैं; 
काहेकि जे वचन परमेस्वर की तरफ से होवा हैं उ जबरदस्त रहित नी होवा। 
मरियम न कय्हो “देख मी प्रभु की दासी आय, मोखा तोरो वचन का अनुसार होव।” एको बाद स्वर्गदूत ओखा जोने से चलो गयो। 
अऊर उन दिन हुन म मरियम उठ ख तुरत ही पहाड़ी सहर म यहूदा को एक मोहल्ला म गई, 
अर जकरयाह को घर म जा ख इलीसिबा का प्रणाम करियो। 
जसो ही इलीसिबा न मरियम को नमस्कार सुनियो, वसो ही पोरिया ओको पेट म उछलियो, अर इलीसिबा सुध्द आत्मा से भरपूर हो गई। 
अर ओ ना बड़ी जोर से आवाज लगा ख कय्हो “तू ओरत हुन म धन्य हैं, अर तोरो पेट को फल चोक्खो हैं! 
यु आसीर्वाद मोखा कहाँ से भयो कि मोरो प्रभु की माय मोरो पास आयी? 
देख, जसो ही मीना तोरो नमस्कार को सब्द मोरे कान म पड़ियो, वसो ही पोरिया मोरो पेट म खुसी से उछल पड़ियो। 
धन्य हैं वी जेना भरोसा करयो कि जे बात प्रभु की तरफ से कही गई रह, वा पुरो होय।” 
तब मरियम न कय्हो, मोरो मन प्रभु की बड़ाई करा हैं 
अर मोरी आत्मा मोरे उध्दार करन वालो परमेस्वर से खुस भई, 
काहेकि ओ न अपनी दासी की दीनता पर नजर लगाई भई हैं; एकोलाने देख अब से सब युग-युग के लाने सब मोखा चोक्खो कहेगो, 
काहेकि उ सक्तिमान प्रभु न मोरो लियो बड़ो-बड़ो काम कियो हैं। ओको नाम सुध्द हैं, 
अर ओकी दया ओ पर जे ओसे डरत हैं उन पर उनकी पीढ़ी से पीढ़ी बनी हो रह हैं। 
ओ ना अपनो सक्ति दिखायो, अर जो अपनो तुम ख बड़ो समझत रह, उनखा तितिर बितर करयो। 
ओ ना बलसाली ख उनको सिंहासन हुन से गिरा दियो; अर गरीब लचार ख ऊँचो करयो। 
ओ ना भूखा इंसान ख चोक्खो खाना से उनको पेट भरयो, अर धनी हुन ख खाली हात हेड दियो। 
ओ ना अपनी सेवक इस्राएल ख समाल लियो, अर अपनी वा दया का याद करे, 
जो अब्राहम अर ओको खानदान पर सदा बनी रहेगो, जसो ओ ना हमारो बाप दादा से कय्हो हतो। 
मरियम करीब तीन महा ओको संग रह ख अपनो घर ख वापस गई। 
तब इलीसिबा को पोरिया-पारी पैदा करन को बखत पुरो भयो, अर ओ ना पोरिया का जनम दियो। 
ओखा पड़ोसी हुन अर कुटुम्ब हुन न यु सुन ख कि प्रभु न ओको ऊपर बड़ी दया करियो हैं, ओको संग खुसी मनायो। 
अर असो हुओ कि आठ दिन को बाद वी पोरिया का खतना देन ख आया अर ओको नाम ओको दादा को नाम पर जकरयाह रखन लग। 
असो पर ओकी माय न जवाब दियो, “नी; ओको नाम यूहन्ना रखनू हैं।” 
उन ना ओसे कय्हो, “तोरो कुटुम्ब म कोई को यू नाम नी हाय!” 
एकोबाद उन ना ओको दादा से इसारा कर ख पुछियो कि तू ओको का नाम रखनू चाहवा हैं? 
ओ ना लिखन की पठ्टी माँग ख लिख दियो, “ओको नाम यूहन्ना हैं,” अर सबका हैरानी भई। 
एकोबाद ओखा मुँह अर जीभ तुरंत खुल गई; अर वी बोलन अर परमेस्वर का धन्यवाद करन लगयो। 
ओखा आजु बाजु को सब रहन वाला पर डर समा गयो; वचन की चर्चा यहूदिया के सारो देस म फैल पहाड़ी गई, 
अर सब सुनन वाला न अपनो-अपनो मन म विचार कर ख कय्हो, “यु पोरिया कसो होगो?” काहेकि प्रभु का हात ओके ऊपर संग हतो। 
ओखा दादा जकरयाह सुध्द आत्मा से भर गयो, अर भविस्यवानी करन लगीयो: 
“प्रभु इस्राएल को परमेस्वर धन्य होय, काहेकि ओ ना अपन लोग हुन पर आँख लगायो हैं अर उनको छुटकारा करयो हैं। 
अर अपनो सेवक दाऊद का घराना म हमरो लाने एक उध्दार को लाने सींग निकालीयो; 
(जसो ओ ना अपना सुध्द भविस्यवक्ता हुन को व्दारा जे दुनिया को सुरू से होते आयो हैं, कहयो हतो) 
एकोमतलब हमारो दुसमन हुन से, अर हमरो सब बैरियो का हात से हमारो उध्दार कियो हैं, 
कि हमारो दादा पर दादा पर दया कर का अपनो सुध्द वादा का ध्यान करे, 
अर वी कसम जो ओ ना हमारो पिता अब्राहम से खायो हती, 
कि वी हमका उध्दार देगो कि हम अपनो दुसमन का हात से छुटियो, 
ओके सामन सुध्दता अर धार्मिकता से जीवन भर निडर रहकर ओकी सेवा करत रहू। 
अर तू हे पोरिया, परमप्रधान को भविस्यवक्ता कहलाएगो, काहेकि तू प्रभु का रस्ता तैयार करन का लियो ओके आगु-आगु चलेगो, 
कि ओके लोगो को उध्दार का ग्यान दे, जे ओके पाप हुन की छमा से प्राप्त होत हैं। 
यू हमारो परमेस्वर की उ बड़ीयो दया से होए जेका लाने स्वर्ग से हमारो ऊपर भुसारो को उजरा होएगो, 
कि अंधकार अर मृत्यु की छाव म बैठन वाला को ज्योति दे, अर हमारो पैरो का सान्ति रस्ता म सीधो हमका चलयो।” 
अर यु पोरिया बढ़त अर आत्मा म बलवन्त होतो गयो अर इस्राएल पर प्रगट होन का दिन तक लक जंगल हुन म रया। 
