﻿Salmo.
136.
Pasalamati ang Ginoo kay maayo siya. 
Pasalamati ang Dios nga labaw sa tanan nga dios. 
Pasalamati ang Ginoo nga labaw sa tanan nga ginoo. 
Siya lang gid ang nagahimo sang makatilingala nga mga butang. 
Paagi sa iya kaalam, ginhimo niya ang kalangitan. 
Ginplastar niya ang duta sa ibabaw sang tubig. 
Ginhimo niya ang adlaw kag ang bulan. 
Ginhimo niya ang adlaw sa paghatag kasanag kon adlaw. 
Ginhimo niya ang bulan kag ang mga bituon sa paghatag kasanag kon gab-i. 
Ginpamatay niya ang mga kamagulangan nga lalaki sang mga taga-Egypt. 
Ginpaguwa niya ang mga Israelinhon sa Egypt. 
Ginpaguwa niya sila paagi sa iya dako nga gahom. 
Ginpahawa niya ang Mapula nga Dagat. 
Kag ginpatabok niya ang iya katawhan sa tunga sini. 
Pero ginlumos niya ang hari sang Egypt kag ang iya sini mga soldado didto sa Mapula nga Dagat. 
Gintuytuyan niya ang iya katawhan sa kamingawan. 
Ginpanglaglag niya ang gamhanan nga mga hari. 
Ginpamatay niya ang bantog nga mga hari. 
Ginpatay niya si Sihon, ang hari sang mga Amornon. 
Ginpatay man niya si Og, ang hari sang Bashan. 
Ginhatag niya ang ila duta sa iya katawhan para ila panag-iyahan. 
Ini nga duta ginapanag-iyahan sang katawhan sang Israel nga iya mga alagad. 
Gindumdom niya kita sang indi maayo ang aton kahimtangan. 
Ginluwas niya kita sa aton mga kaaway. 
Ginhatagan niya sang pagkaon ang tanan niya nga tinuga. 
Pasalamati ang Dios sang langit. 
