﻿Nɨawari.
136.
Yawé pamɨpariyutsi xekenepitɨaka, karikɨ mɨkɨ 'aixɨa katiniuka'iyarini, 
Pamɨpariyutsi xekenepitɨaka Kakaɨyari mumariwe kakaɨyarixi kememɨka'anene, 
Pamɨpariyutsi xekenepitɨaka te'aitamete Tiwa'aitɨwame, 
Mɨkɨ xeikɨa mariweme mɨtiwewiwe, 
Timaiwetɨ muyuawi mutawewi, 
Kemɨ'ane kwie mutaweraxɨ haramara hetsie, 
Kemɨ'ane muyuawitsie memeukatei muwarunetɨa memɨhekɨariwie, 
Tau munetɨa mɨhekɨariwiekakɨ tukarikɨ, 
Metsa meta xurawetsixi, tɨkarikɨ memɨhekɨariwiekakɨ, 
Kemɨ'ane 'ekipitutari waniwema mexɨakate mɨwarukwi, 
'Ixaheritsixi 'Ekipitu muwarayewitɨ, 
Yumamá mɨtɨrɨkaɨye tatseratɨ, 
Kemɨ'ane Haramara Mɨxeta manutayepi, 
Hixɨapa muwaruwitɨtɨya 'ixaheritsixi, 
Parahuni meta kuyaximama Haramara Mɨxeta hetsie mɨwarukayunitɨa, 
Kemɨ'ane makumawetsie yuteɨterima muwaruyewitɨtɨya, 
Memamariwaweme te'aitamete mɨwaruka'unaxɨ, 
Te'aitamete memɨte'ayu'iwa mɨwarukwi, 
Tsikuni, 'amuxeutsixi tiwa'aitɨwame mumi, 
Ti'aitame 'Uhuki Watsani kiekame mumi, 
Mɨkɨ wakwie yuteɨterima kaniwayetuirieni, 
Mɨkɨ 'ixaheritsixi te'i'uximayatsiriwamete mɨtiwarutapitɨa, 
Hatsuaku mɨkatatsihatɨtɨmaiya, tsepa haweri temu'itɨarie, 
Memɨtatsi'aye'unie wahetsɨa mɨtatsiwikweitsitɨa, 
Yunaime memɨte'ayeneniere mɨtiwamikwa, 
Kakaɨyari muyuawitsie makawe pamɨpariyutsi xekenepitɨaka. 
