﻿Nɨawari.
133.
Ku'uwamete wakwikari. Rawiri nɨawarieya. Yemekɨ 'aixɨa pɨ'ane meta witsipɨ'ane xɨka 'iwamarixi 'aixɨa 'iyari meyuxeiyatɨ yunaitɨ me'u'uwani. 
Mɨpaɨ xɨkati'aneni witsipɨti'ane, hatseiti mawari wewiwamete wahetsiemieme mɨ'ukweni hepaɨ, witsimɨtiukuke 'Aruni mɨxiyayatsie, wamu'utsie 'akaneikatɨ wakemari manukanenieretsie paitɨ mukaneika. 
Witsipɨ'ane haɨtsi hepaɨ Heximuni hɨriyaritsie mɨkaxɨrɨwe hayari Kerutsareme kiekariyaritsie makayeneika. Hakewa 'aixɨa 'anemekɨ memuyuxeiya, Yawé 'aixɨa kaniwayurieka meta tukari mɨkaxɨwe kaniwapitɨaka. 
