﻿Nɨawari.
125.
Ku'uwamete wakwikari. Yawé hetsie kemɨ'ane yuri memɨte'erie hɨri Tsiyuni hepaɨ mekani'aneni, hatsuaku tɨma mɨkakuyuitɨarieni, yuheyemekɨ 'amuka. 
Kerutsareme yemurite 'auriena matetɨka kemɨreinatɨka, mɨpaɨta Yawé yuteɨterima katiniwareukunaka, hikɨtɨtɨ meta yuheyemekɨ. 
'Axateyuruwamete mepɨkateta'aita Kakaɨyari teɨterimama wahetsie, heitseriemekɨ memu'uwa hatsuaku 'axamemɨkateheyuriekakɨ. 
Yawé, 'aixɨa keniwayurieka 'aixɨa memɨte'u'iyari, kemɨ'ane 'iyari mɨheitserie memexeiya. 
Peru kemɨ'ane huye mututuni 'utɨa memuhu, Yawé, keniwaranuyexɨri, 'axateyuruwamete wahamatɨa. 'Ixaheri kwieyaritsie kayuwatɨ ke'umaka. 
