﻿Nɨawari.
124.
Ku'uwamete wakwikari. Rawiri nɨawarieya. 'Ayumieme hikɨ 'ixaheritsixi yaxeikɨa xekeneutiyuaneni: —Xɨka Yawé tahetsie ka'utanuanike, 
keteyɨakake xɨka Yawé tahetsie ka'utanuanike kepauka yunaitɨ kwiepa memɨtama metatsi'aye'unietɨ memakɨtsie, 
teyunaime te'ayeneniereme mepɨtatsi'anukaxɨxɨanikekai kepauka memuyeha'atsie tahepaɨtsita, 
haa tahetsie muwayeneni hepaɨ tepɨyɨnikekai, temehauxɨani hepaɨ tepɨyɨnikekai, 
haa mɨtɨrɨkaɨye hepaɨ teyunaime mepɨtatsiheuyehɨanikekai. 
Yawé hepaɨtsita 'aixɨa keraniuwani, mɨkɨ mɨkawarupitɨakɨ yutametekɨ memɨtatsititsanakɨ. 
Wikixi wahepaɨ, tekateniyutawikweitsitɨani, tixɨ'erɨwame winiyarieyatsie, winiyari kaniutatsane, hikɨ tame takaniuyuta'una. 
Yawé tatsiparewiwame kanihɨkɨtɨni, muyuawi mutawewi meta kwie. 
