﻿Nɨawari.
120.
Ku'uwamete wakwikari. Kepauka nemɨtiuka'eniwa Yawé nepahɨawe, mɨkɨta pɨnetsiku'eiya. 
Yawé, keneneutawikweitsitɨa memɨte'itawa menetsi'uweiyakaku meta 'iya kwinimieme memɨteheuta'itawawe. 
Xeme xemɨte'itawa, Kakaɨyari 'uxa'atɨni waɨkawa xehetsie pɨrahɨani. 
Kuyaxi wa'ɨrɨ kwinimieme mɨranuyemɨtsɨkɨ, tɨɨ waɨkawa tatɨkaimekɨ. 
Xɨa'ui ne, 'ateewa nemuyeika Metseki kwieyaritsie, 'ena nemuka Tseraxi 'ixuriki kiiyari mati'u. 
Mɨixari 'ena nepuka kayuwatɨ memu'uwani mɨkawanake wahetsɨa. 
Ne kaneninakeni kayuwatɨ heitseriemekɨ nemuyeikanikɨ, peru xɨka kayuwatɨ kehepaɨ temɨte'u'uwanikɨ netikuxatani, mɨkɨta kuyaxa pɨta mepukuxatani. 
