﻿Nɨawari.
87.
Kure niwemama wanɨawari. Kwikariyari. Kakaɨyari kiekarieya tsutɨmeyari hɨri mɨpatsietsie katini'aneni. 
Yawé Tsiyuni 'itupariyarite memeutahaketsie kaninaki'erieka, Kakuwu kiekariteya kemɨkatinaki'erie. 
'Ahetsiemieme, Kakaɨyari kiekarieya, witsi'anemekɨ katinikuxaxatsiwani: 
«Kemɨ'ane memɨnetsimate nekaniwa'inɨatani Xahawi meta Wawiruniya, metatsiere Piritsiteutsixi wakie, meta Tiru, metatsiere Kutsi. Mɨpaɨ katinikuxaxatsiwani: “'Ikɨ Tsiyuni kaniutinuiwa”». 
Yurikɨ, Tsiyunitsie mɨpaɨ pɨtitaniukieni: «'Ikɨ meta 'iya mana mekaniutinunuiwa. Mɨkɨ 'Amutewitɨtɨ kanikamani». 
Yawé teɨteri mɨpaɨ katiniwa'utɨamɨkɨ: «'Ikɨ Tsiyunitsie kaniutinuiwa». 
Mexi 'akuxi me'utikwika meta meteneitɨwe, mɨpaɨ meputiyuane: «'Ahetsie naitɨ pɨtihekɨa kenemɨtiunuiwaxɨ». 
