﻿Nɨawari.
61.
Teyuitɨwamete wa'ukiyari. Kanaritsie xekeneutikwikani. Rawiri nɨawarieya. Kakaɨyari, nehiwari keneu'eni nenenewieri kene'enieka. 
Kwie manu'axe paitɨ ne nepɨmetsihahɨawe, ne'iyaritsɨ kanimɨximeni, 'ai heima kenenetuamie muwa nemekuwikwenikɨ. 
'Ekɨ netsi'awiwietame pepɨhɨkɨ, pemɨnetsitɨrɨkariya memɨnetsi'aye'unie wahetsiemieme. 
Nepeiyehɨwa 'akie nemukanikɨ yuheyemekɨ nemɨne'awietanikɨ 'a'anatetɨa. 
'Ekɨ, Kakaɨyari, kenemɨtinehɨritɨa pepu'eni kemɨ'ane memɨmetsi'ayexeiya kepemɨtiwamikwa neta pepɨnetiyetuiri. 
Kwiepa ti'aitame waɨkawa tukari wiyari keneupitɨa, tukari kaxɨweme keneupitɨa. 
Keti'aitani 'ahɨxie yuheyemekɨ, 'anaki'eriya meta 'aniuki yuri maine ke'i'ɨwiyani. 
Mɨpaɨ nepɨtiukwikani 'ahetsiemieme meta nepeye'atɨani kenemutayɨ tukari mɨyehane. 
