﻿Nɨawari.
23.
Rawiri nɨawarieya. Yawé netsihɨweme kanihɨkɨtɨni, tixaɨtɨ nepɨkareuyehɨwa, 
makutsiɨraɨyetsie kaneniuka'uxipitɨwani. Haa kayuwatɨ mɨtimatsie kaneni'atɨwani, 
tawarita pɨnetsitɨrɨkariya hekwamekɨ. Huye mɨheitserie 'utɨa kaneniuwitɨximeni mɨpaɨ mɨkɨ 'aixɨa mɨtikɨhɨawarɨwanikɨ. 
Mɨpaɨ tsepa kweriwa'anekɨa nemumie, 'uyɨwikaku tixaɨtɨ nepɨkareumakaxe, 'ekɨ nehamatɨa pemuyeikakɨ, muxatsi wahɨweme 'itsɨya pemakwe'ekɨ 'ahetsie nepeuwaɨre. 
'Ekɨ 'ixɨarari pepɨnetsiwewirie memɨnetsi'aye'unie wahɨxie. Witsimu'ɨa nemu'utsie pepɨnetsi'ukawiri, netekɨxi 'anakayeuriweme pepayeitɨa. 
'Aixɨa kepemɨtiuka'iyari meta 'anaki'eriya nehexeiyatɨ nepuyeikani, kepaɨmexɨa tukari pemɨnetsipitɨaka, meta Yawé kiitana yuheyemekɨ nepayekani. 
