﻿Nehemiyaxi.
7.
Kepauka kuraru munɨrie 'itupari meuwɨtɨarie kitenie, mekaniutihɨawarieni kitenie tehɨwemete, kwikamete meta rewitsixi. 
Ne'iwa Kananihi, mɨkɨ tewi yamɨtikamie Kakaɨyari mayemakaxe mɨhɨkɨtɨkai, Kerutsareme nenihɨritɨani Kananiyaxi mame kuyaxi tiwa'aitɨwame mɨhɨkɨ mɨkɨ kiekariyaritsie. 
Yuhutame mɨpaɨ nekatiniwarutahɨawe: «Kerutsareme kitenieyaritetsie kepauka tau manatinenitsie katineuyepierikemɨkɨ, pɨreunarɨmikenita taikai tehɨwemete mekahekɨniwawekaku 'akuxi, hikɨ kɨyexi mekaneu'uitɨakuni. Meta Kerutsareme kiekatari mekaniwa'uitɨakuni tehɨwemete, hipatɨ mepɨtetahɨni kememɨte'uku'utɨkɨka hipatɨta yukie hɨxie». 
Kiekari yemekɨ 'akaniyeukaitɨni, peru teɨteri mana kiekatari mepɨkayumɨirekai, naitɨ kii 'aixɨa mɨka'itɨarietɨkateikɨ. 
Kakaɨyari mɨpaɨ kanetiniuyuitɨani ne'iyaritsie nemɨwakuxeɨrienikɨ memanuyetei 'ukirawetsixi, hipatɨ ti'aitame parewiwametemama meta yunaime teɨteri, nemɨwaraka'utɨanikɨ kemɨ'ane nuiwaritsie memɨmiemetetɨkai, meta xapa nekaniutaxeiya kememɨte'ununuiwaxɨ memaye'uxa matɨari memu'axɨakai. Mana mɨpaɨ katine'ukaitɨni: 
'Ikɨ xapa kanihɨkɨtɨni Kura kwieyaritsie kiekatari, tatsɨari, Nawukurunutsuxi Wawiruniya kwieyaritsie ti'aitame mɨwarehapakai, memepitɨarie memakunuaxɨanikɨ Kerutsareme meta Kura kwieyaritsie. Yuxexuitɨ yukiekaritsie mekanakunuaxɨani, 
mekaniwa'atɨani Tsuruwaweri, Ketsuha, Nehemiyaxi, 'Atsariyaxi, Xahamiyaxi, Nakamani, Maxirukeyu, Wiritsani, Mitsipereti, Wihiwahi, Nehumi meta Wanaha. 'Ikɨ mekanihɨkɨtɨni 'ixaheritsixi memakunuaxɨa waxapayari: 
Parutsi nuiwarimama 2.172 
Tsepatiyaxi nuiwarimama 372 
'Araki nuiwarimama 652 
Pakata-Muhawi nuiwarimama, tatsɨari, Ketsuha meta Kuhawi waniwema 2.818 
'Erami nuiwarimama 1.254 
Tsatuhu nuiwarimama 845 
Tsakahi nuiwarimama 760 
Winuhi nuiwarimama 648 
Wewahi nuiwarimama 628 
'Atsikari nuiwarimama 2.322 
'Arunikani nuiwarimama 667 
Wihiwahi nuiwarimama 2.067 
'Arini nuiwarimama 655 
'Atexi nuiwarimama, tatsɨari, 'Etsekiyaxi nuiwarimama 98 
Katsumi nuiwarimama 328 
Wetsahi nuiwarimama 324 
Karipi nuiwarimama 112 
Kawahuni nuiwarimama 95 
Wereni meta Netupa kiekatari 188 
'Anatuti kiekatari 128 
Weti-'Atsimaweti kiekatari 42 
Kiriati-Yeharini, Kapira meta Weruti kiekatari 743 
Xama meta Kehewa kiekatari 721 
Mikimatsi kiekatari 122 
Weteri meta 'Ahi kiekatari 123 
xewitɨta Newu kiekatari 52 
xewitɨta 'Erami kiekatari 1.254 
Karini kiekatari 320 
Keriku kiekatari 345 
Ruri, Kariri, meta 'Unuhu kiekatari 721 
Tsena kiekatari 3.930 
Mawari wewiwamete Kerahiyaxi nuiwarimama, Ketsuha niwemama 973 
'Imexi nuiwarimama 1.052 
Patsuxi nuiwarimama 1.247 
Karini nuiwarimama 1.017 
'Ikɨ rewitsixi mekanihɨkɨtɨni memakunuaxɨa Ketsuha meta Karimieri nuiwarimama, Hurawiyaxi tɨɨriyamama memɨhɨkɨtɨkai 74 
Kwikamete 'Atsahapi nuiwarimama 148 
Kitenie tehɨwemete Tsaruni, 'Atexi, Tarimuni, 'Akuwi, Katita meta Tsuwahi wanuiwarima 138 
Tukita te'uximayatamete 'ikɨ wanuiwarima mepɨyɨakai: Tsika, Katsupa, Tawahuti, 
Kerutsi, Tsikaka, Paruni, 
Rewana, Hakawa, Tsarimahi, 
Kanahani, Kireri, Kahaxi, 
Xehahiyaxi, Xetsini, Nekura, 
Katsani, 'Utsa, Patsehaki, 
Wetsahi, Mehunini, Nepitsetsini, 
Wakuwuki, Kakupa, Kaxikuxi, 
Watsiruti, Mekira, Karitsa, 
Warikuxi, Tsitsara, Temaha, 
Netsihaki meta Katipaha. 
Tsarumuni memɨparewiekai wanuiwarima, Tsutahi niwemama mekanihɨkɨtɨkaitɨni, meta Tsupereti niwemama, Perura niwemama, 
Kahara niwemama, Rarikuni niwemama, Kireri niwemama, 
Tsepatiyaxi niwemama, Katiri niwemama, Pukereti-Hatsewahini niwemama meta 'Amuni niwemama. 
Tukita te'uximayatamete meta Tsarumuni te'uximayatsiriwamete wanuiwarima 392 
Hipatɨta mekaniu'axɨani Teri-Meraki mehanexɨaka, Teri-Karitsa, Keruwi, 'Aruhuni meta 'Imexi, peru mɨkɨ wahetsiemieme xapa pumawekai wa'ukiyarima memaye'uxa, kemɨ'ane memɨtehanuiwaritɨkai xɨka 'ixaheritsixi mehɨkɨtɨkaitɨni: 
Rerahiyaxi, Tuwiyaxi meta Nekura wanuiwarima 642 
Hipatɨta mawari wewiwamete, mepɨka'uyɨwekaxɨa yamemɨtiyuani kemɨ'ane memɨtehanuiwaritɨkai 'Ixaheri hetsiemieme, 'ikɨ: Kawahiyaxi meta Kuhutsi meta Waxitsirahi wanuiwarima ('ikɨ 'imatɨrieka mieme Karaha kiekame Waxitsirahi titewakame niweya kaniutiwitɨni, mana 'eyehanaka mɨpaɨ katiniuyuterɨwa). 
Mɨkɨ mekaniuyutiwauni memaka'uxatsie watutsima, peru mepɨkawarukaxei, 'ayumieme mepanayexɨriya mawari wewiwamete memɨkahɨkɨtɨnikɨ. 
Mɨkɨ kuwexinaruri katiniwarukunamirieni mawari memɨkatekwakakɨ, 'arike mawari wewiwame wahetsiemieme 'inɨari kemɨtiwewienikekai 'urimi meta tumimikɨ. 
Yunaitɨ teɨteri mekaniyupaɨmekaitɨni, huta tewiyari heimana huta miriyari heimana haika tsienituyari heimana haika tewiyari (42.360) teɨteri. 
Meka'inɨaritɨ waɨriyarika te'uximayatamete 'ukitsi 'ukari, memɨyupaɨmekai, 'atahuta miriyari heimana haika tsienituyari heimana xeitewiyari heimana tamamata heimana 'atahuta (7.337), meta mekaniwarexeiyakaitɨni huta tsienituyari heimana huta tewiyari heimana 'auxɨwi kwikamete 'ukitsi meta 'ukari. 
Matsita mekaniwarexeiyakaitɨni 'atahuta tsienituyari heimana xeitewiyari heimana tamamata heimama 'ataxewi (736) kawayutsixi, huta tsienituyari heimana huta tewiyari heimana 'auxɨwi muratsixi, 
nauka tsienituyari heimana xeitewiyari heimana tamamata heimana 'auxɨwi (435) kameyutsixi meta 'ataxewi miriyari heimana 'atahuta tsienituyari heimana xeitewiyari (6.720) puxuri. 
Hipatɨ 'ixaheritsixi wa'ukiyarima mɨraye'axe mepɨteyetɨa 'uximayatsika hetsiemieme: kuwexinaruri 'atahaika kiruyari huru kaniyetuani, meta watsute 'amɨnene huta tewiyari heimana tamamata meta 'auxɨwi tsienituyari heimana xeitewiyari heimana tamamata (530) mawari wewiwame wakemarite, 
'Ixaheritsixi wa'ukiyarima xeitsienituyari heimana haika tewiyari kiruyari huru mekaniyetuani meta xeimiriyari heimana huta tsienituyari heimana tamamata (1.210) kiruyari pɨrata, 
yunaitɨ teɨteri xeitsienituyari heimana haika tewiyari kiruyari huru mekaniyetuani meta xeimiriyari heimana xeitsienituyari (1.100) kiruyari pɨrata, mawari wewiwamete wakemariteta 'amɨtɨtɨ haika tewiyari heimana 'atahuta paɨmeme. 
Mawari wewiwamete, rewitsixi, kitenie tehɨwemete, kwikamete, teɨteri kiekatari, tukita te'uximayatamete meta hipatɨta 'ixaheritsixi yukiekaritsie mekaneukuyaxixɨani. 'Atahuta metseri haye'aku, 'ixaheritsixi yukiekaritsie mekaniukutetɨkateitɨni. 
