﻿Halelu.
120.
I LOKO o ko'u pilikia, kahea aku la au ia Iehova, A hoolohe mai la oia ia'u. 
E Iehova, e hoopakele mai oe i ko'u uhane i na lehelehe wahahee, A me ke elelo hoopunipuni. 
Heaha ka mea e haawiia'ku ai ia oe, A e hoopili hou ia mai ai ia oe, E ke elelo hoopunipuni? 
Na pua oi o ka mea ikaika, A me na lanahu rotema. 
Auwe hoi au'i ko'u noho malihini ana ma Meseka, I ko'u noho ana hoi ma na halelewa o Kedera! 
Ua noho loihi ko'u uhane, Me ka mea i inaina mai i ka maluhia. 
Ma ka maluhia no wau; a ia'u e olelo aku ai, Ma ke kaua no lakou la. 
