﻿ኦይትምስባብ ጳውሎስታ ክታ እርንዳ ተስሎንቄ ኤድንከስካንታ.
1.
ሳብ ባቤንተኬ ጮይስ የሱስ ክርስቶስታ ኮች ማችባብ ተሰሎንቄ ካተመናር ዶቅድን ምክስ ኤሄንካንታ፥ ጳውሎስዘንካ፥ ስላስዘንኬ ጢማቶሰዘንካ ኦይትምሳንዳ ክቴ፥ ዉች እምንተንኬ ሳራትችና የካንታ ማታ። 
ዎታ ሙዳᎺይካ የም ዎንታ ምክስንካ ገቅረሮቶ ሳብም ጋለዶቴ። 
ዎንታ ጮይስንተኬ ዎንታ ባቤንታ እሪ የንታ አሜንና ፍግዝድንደትም፥ ሶልማካንታ የ ይድንደትምኬ ዎንታ ጮይስ የሱስ ክርስቶሳር የንታ ዶቅድን Ꮊድን ጉርምን ዳንዳእካ የንታ ካርስን ባቀራኮትዶቆ ገቀርዶቴ። 
ሳብካ ሶልምምስባብ እስታ እስመንከስኬ ምችነንከሶ፥ ሳብ የም እጃንደትም ኤዝዶቴ። 
ዎንታ ክላ ኬዘንም የካንታ ዎ ኤስምሳንዳ ኬዘካ Ꮊክ ማታክናና ዎልቀኬ አያን ጭልንካ፥ ኮ ክላ ኬዘንታ ዶፈንንጎካ ዎተረ ዶፈን ማትንተኬ፥ የንካ ክክን ዎ ᎺቃንደትᎺይካ የካንታ ጋይሶቶ Ꮊስግንዳ ዎ ዶቅሳናንከረ የታ ኤዝደቴ። 
በድ ማጣ የንዘን የልስንከረ ዎራ አያን ጭልንዘንካ Ꮊፈርሳን ጉርምንጎካ ቃለንም ተይሰቶ ዎንተኬ ጮይስ የሱሰታ ካምስንም ጎርስምድባብከስ ማተቴ። 
ኮካንታ መቅዶንያርኬ አካያ አዉራጀናር ዶቅድን አሜንድባብከስ ሙደንካንታ ኡርማ ካምስ ማተቴ። 
ጮይስታ ቃለና የንዘንካ ዉትሶ ኤስምሳንዳ መቀዶንያርኬ አካያ አዉራጀናር Ꮊክ ማታክናና ሳብካ የንታ ዶቅድን አሜንና ሙዳ ካርያር ኤስምቴ፥ ኮትኮጎካ Ꮊረሰነረ ኬዛ ዎም ዝክሳዬ። 
የንደር ዎ Ꮊዳንደትካ Ꮊስግንዳ ዎም የ ሞክሳናንከረ ስለንካ ዶቅድባብምኬ ዶፈን ጮይስንታ ፍክስካንታ ጮይስ ማታክባብከዘንካ ፋስምሰቶ ሳብደር Ꮊስግንዳ የ ማቻናንከረ ከታ ኤድንከስ ይንታ ማታርንካ ማርከርደኬ። 
ኮትኮግንደረ ሳብ ደእያርንካ አምስስባብምኬ፥ Ꮊድን ዋጭንዘንካ ዎም አቅዝድባብ፥ ክታ ይንችን የሱሰታ ጭላርንካ Ꮊድንተን Ꮊስግንዳ የ ካርዝዳናንከረ የካንታ ማርከርደኬ። 
