﻿EZabbuli.
124.
EZabbuli ngʼoniinaniina okwaba okusinza omu Yeekaalu. Singa oMusengwa tiyabbaire oku lubba lwaiswe, atyanu oleke oIsirairi akobe ati, 
singa oMusengwa tiyabbaire oku lubba lwaiswe, abantu owebatulumbiire, 
owebatubbeereireku ekiruyi banditumirire boomi; 
amataba ganditutwaire, amaizi ganditumirire, 
amaizi agawooga ganditusaanyirewo. 
OMusengwa bamuwuujenge, iye atatuwaireyo ngʼekyokulya eeri amaino gaabwe. 
Tuwunukire abalabe baiswe ngʼonyonyi owaawunuka omutego gwa mutegi. Omutego gukutukire ni tuwunuka. 
Obubbeeri bwaiswe buzwa eeri Musengwa, eYakolere eigulu nʼekyalo. 
