﻿EZabbuli.
101.
EZabbuli ya Dawudi. Nayembanga oku kutakakwo okutakoma nʼoku bwenkanyabwo; Musengwa nakwemberanga nga nkuwuuja. 
Neegenderezanga ni ntambulira omu bwomi obunambulaku kyokubunenya. Waliiza di egyendi? Omu kisito kyange, naabbanga wʼamazima. 
Tinaguminkirizenge obubbibubbi bwonabwona. Ncaawa ebikole byʼabo abazwa oku Kibbumba, era tinabyemigirengemu. 
Neewalanga abadankaani, tinakolaganenge nʼababbibabbi. 
Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge. 
Omwesigwa eeri oKibbumba, niiye ogunsiima okubbanga aamo nanze. Oyo onambulaku kyokumunenya niiye eyampeereryanga. 
Omuntu omubbeyi tiyaabbenge omu kisito kyange, era atumula ebyobubbeyi tiyaabbenge aamo na nze. 
Nabuli oluca najigiricanga ababbibabbi bonabona omu kyalo kinu, era nalimalirawo nakimo abakola ebibbibibbi omu kibuga kya Musengwa. 
