GEN 1:1 Aba vatowo goi tutayana Yaubada yábana igimiwodugudi be poyapoya igimiwodugu,
GEN 1:2 (Ego poyapoyayana ame geya ana katubayasinamo be nakae daakakaina. Go madabokina bwae dimówana ilatao. Dimowanayana yatanaina goi kokonótuya gagaina ikaaiyaka nakae Yaubada Balomaina itaakavata.),
GEN 1:3 e sopana goi imadágina idigo kana, ‘¡Mavada kusowōduwo!’ E mavadayana isowóduwo.
GEN 1:4 Mavadayana igite dedevina, e iuyaone. Imadagi ikavava, mavada be kokonótuya ikiwotaidi, e mavada ituli, kokonótuya ituli.
GEN 1:5 E mavadayana ivayou maliyalina go, kokonotuyayana ivayou sabamgo.
GEN 1:6 E Yaubada sopana goi imadágina idigo kana, ‘Sekulapeya kusowōduwo go, bwae kuwotāi.’
GEN 1:7 E tauna nakae isowóduwo. Sekulapeyayana isowóduwo, e bwaeyana iwotai. Bwae diligaema ituli, bwae ditonema ituli.
GEN 1:8 Sekulapeyayana ivayoko yábana.
GEN 1:9 E Yaubada sopana goi imadágina idigo kana, ‘¡Bwae ditonema, kōna dadava tayamo goi kolamgōgana bei dadava tayamo sayasayaina isowóduwo!’ E tauna nakae isowóduwo.
GEN 1:10 Imadagi ikavava, dadavayana sayasayaina ivayoko poyapoya go, bwaeyana ivayoko négwasa. Igitedi dedevidi, e iuyaonedi.
GEN 1:11 Aiyuwoina Yaubada idigo kana, ‘Poyapoya, kom goi náuna sisūsuwo go, limou sidīdi be nakae kokowoika keuwoidi sikéuwo, taudi nakae ma kutukutudi.’ E tauna nakae isowóduwo.
GEN 1:12 Poyapoya goi náuna madabokidi nakae sisúsuwo. Yaubada igitedi dedevidi, e iuyaonedi.
GEN 1:13 Lavilavi ima namliyeta nobuyana ima.
GEN 1:14 E Yaubada sopana goi imadágina idigo kana, ‘¡Aba mavada yábana osasaina goi kosowōduwo, bei maliyalina nakae sabamgo kowotaidi! Aba mavadayami moe aba kinana maliyalina, tukówana be nakae tala tamo tamo manudi.
GEN 1:15 Komi aba mavada yábana osasaina goi konininīma bei poyapoya koomavade.’ E tauna nakae sisowóduwo.
GEN 1:16 Aba mavadayadi aiyuwo gagaidi iwodugudi, tayamo gagaina toina moe maliyalina iloovinae go, tayamo tupwana giyaina moe sabamgo iloovinae. Go utuna nakae taiyao iwodugudi.
GEN 1:17 Iwodugudi ikavava, yábana osasaina goi iyatoidi bei sininínima poyapoya siimavade
GEN 1:18 be maliyalina sabamgo siloviinaedi be nakae mavada kokonótuya siwootaidi. Yaubada igitedi dedevidi, e iuyaonedi.
GEN 1:19 Lavilavi ima namliyeta nobuyana ima.
GEN 1:20 E Yaubada sopana goi imadágina idigo kana, ‘¡Négwasa iyaiyanimi badabadaimi kosowōduwo! ¡Nakae mánuwo kosowōduwo, e poyapoya yábana osasaidi goi koyovayōva!’
GEN 1:21 Tauna Yaubada íyana gagaidi be kaga liliuna maa yawoidi be nakae mánuwo liliudi iwodugudi, taudi idi sinapu nakae. Yaubada igitedi dedevidi, e iuyaonedi.
GEN 1:22 E ikaipakuyedi idigo kana, ‘Négwasa iyaiyanimi kosusāila gagaina, e negwasayana kovakayaodēi. Mánuwo nakae, poyapoya goi kosusāila.’
GEN 1:23 Lavilavi ima namliyeta nobuyana ima.
GEN 1:24 E Yaubada sopana goi imadágina idigo kana, ‘Poyapoya, kom goi kaga liliuna maa yawoidi sisowōduwo, maisidi taudi nakae, yoguyogu daladalaidi, bolitavanu be woiwoi, gagaidi be giyaidi.’ E tauna nakae sisowóduwo.
GEN 1:25 Kaga liliuna maa yawoidi, bolitavanu be woiwoi be nakae yoguyogu daladalaidi iwodugudi go, igitedi dedevidi, e iuyaonedi.
GEN 1:26 E Yaubada sopana goi imadágina idigo kana, ‘Tomota taodugūdi ada tapata, tauyadi kita nakae, e bei íyana, mánuwo, bolitavanu, yoguyogu daladalaidi be nakae kaga liliuna maa yawoidi poyapoya ame goi sikaaiyaka sikalibubudi.’
GEN 1:27 Tomota iwodugudi Tauyana toinina ana tapata.
GEN 1:28 Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
GEN 1:29 Kana, ‘¡Konōve! Náuna kutukutudi liliudi be nakae kokowoika keuwoidi liliudi bogina avinimi moe avami.
GEN 1:30 Woiwoi liliudi gagaidi be giyaidi, mánuwo liliudi, kaga liliuna poyapoya goi sidaladala nakae maa yawoidi, e náuna liliudi avinidi, moe avadi.’ E tauna nakae isowóduwo.
GEN 1:31 Kaga liliuna Yaubada bogina iwoodugudi igitedi madabokina moe dedevidi, e iuyaonedi gagaina.
GEN 2:1 Moeko goi yábana be poyapoya be nakae kaga liliuna adi madágina bogina ikavava.
GEN 2:2 Tuwo maliyalina ainima tayamoina goi Yaubada ina paisewa ilukavavedi go, maliyalina ainima aiyuwoina ina paisewa madabokina goi iwaiwasi.
GEN 2:3 Ago maliyalinayana ikaipakuye sowona be nakae ikimasabe toinina umana unana ina paisewa madabokina bogina ikavava, e maliyalinayana goi iwaiwasi. Tauna ikaipakuye be ikimasabe.
GEN 2:4 Ame kaga liliuna sisowóduwo yábana be poyapoya goi tetelidi boi tutayana Yauwe Yaubada iwodugudi.
GEN 2:5 E Yauwe Yaubada kúwana nava geya ietuneyeta poyapoya goi be nakae geya tayaamo avatau ikaaiyaka bei ibágula, tauna náuna poyapoyayana goi nava geya sisowoduwoita nakae geya kada tayaamo kutukutu itabo geya.
GEN 2:6 Kúwana geya go, bwae doelu goi ituko imamaima bei poyapoya ana madabokina ivakaanapoive.
GEN 2:7 E amo tutayana Yauwe Yaubada poyapoya kaukauna ikabi, koroto imolului. Imolului ikavava, kubuna goi yawoina isalauwe, e korotoyana maa yawoina.
GEN 2:8 E Yauwe Yaubada alova tanuina tayamo Ideni goi ikatubayasi, moe bomatu dadavina. Amoko goi korotoyana bogina iiwodugu iyato.
GEN 2:9 Iyato go, alova liliudi neta adi kaigigita dedevidi be nakae keuwoidi adi káika dedevidi ilovinaedi poyapoya goi sitabo. Ego tanuwoyana nauyayanaina goi alova aiyuwo sikaaiyaka, tayamo moe yawana vata unana alovaina. Ago tayamo moe dedevina be goyo adi kabitam alovaina.
GEN 2:10 E sákala tayamo Ideni goi idaudau tanuwoyana ivakaanapoive. Sakalayana Ideni goi isowóduwo iwotai, e sákala aivasi sidau.
GEN 2:11 Sákala tayamo yoina Paisoni idau ina asa Abila idaunibisi go, amoko goi goura ikaaiyaka.
GEN 2:12 Amo asayana ana goura moe dedevina toina. Pútuma dedevina toina yoina bidelium be nakae gurewa maisana gagaina yoina anikisi nakae sikaaiyaka.
GEN 2:13 Sákala aiyuwoina yoina Gikoni. Ame sakalayana asa Kosa idaunibisi.
GEN 2:14 Sákala aitonina yoina Tigirisi. Ame sakalayana asa Asiriya bomatu dadavina goi idau. Sákala aivasina yoina Yuparetisi.
GEN 2:15 E korotoyana kina Yauwe Yaubada ikabi, tánuwo Ideni goi iyato bei ipaaisewa Yaubada umana be nakae tanuwoyana imataakavate.
GEN 2:16 Iyato ikavava, ina lovina ivini idigo kana, ‘Alova keuwoidi madabokidi tánuwo goi atagonem kukanidi
GEN 2:17 go, dedevina be goyo adi kabitam alovaina taabu kukanikāni. Neta kukani, e moitamo toina bei kukámasa. Tauna taabu kukanikāni.’
GEN 2:18 E Yauwe Yaubada idigo kana, ‘Geya idedevineta neta korotoyana anetava ikaaiyaka. Tuwo tayamo tovaita aodugu bei koroto sowona.’
GEN 2:19 E tuwo poyapoya ikabi, yoguyogu be mánuwo liliudi iwodugudi. Iwodugudi ikavava, imedi korotoyana yaina. Latuwona iyagoi korotoyana manakaena bei tamo tamo ivayoudi. Neta ava you iivinidi, e moe yoidi.
GEN 2:20 Tuwo moitamo korotoyana yoguyogu be mánuwo be woiwoi liliudi ivayoudi go, geya kada tayaamo yoguyogu itoboine bei tauyana ina tovaita geya.
GEN 2:21 Tauna korotoyana matamasimasisi gagaina kina Yauwe Yaubada ivini ikanamatáiya. Ikanaamatáiya go, korotoyana silalumina tayamo ikabi, íwaya iyato, silaluminayana kiyauna ivasumapu.
GEN 2:22 Ivasumapu ikavava, silaluminayana ikabi, vavina iwodugu. Iwodugu ikavava, ikabi ime korotoyana yaina.
GEN 2:23 Tuwo korotoyana idigo kana,
GEN 2:24 E tauna moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.
GEN 2:25 Korotoyana ma monena adi taiyuwo sipawaku go, geya siomaemaeta.
GEN 3:1 E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘¡Iyaa! ¿Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’
GEN 3:2 Go kina vavinayana idigo kana, ‘¡Geya! Tánuwo alovaidi keuwoidi mama tagona kakanidi.
GEN 3:3 Alova tayamo tánuwo nauyayanaina goi ikaaiyaka manuna Yaubada idigo kana, “Taabu keuwoina kokanikāni be taabu kobiisikōne, govila bei kokámasa.”’
GEN 3:4 Go kina motetayana idigo kana, ‘¡Geya kokamaseta. Geya toina!
GEN 3:5 Moitamo. Yaubada iyagoi tutayana keuwoinayana kokani, nukotomi bei ikipolaledi, e komi basaleliuyao nakae, dedevina be goyo koyagoidi.’
GEN 3:6 Tuwo vavinayana ikandolaga alova keuwoina igite ana kaigigita dedevina. Aiyuwoina ana káika dedevina be ana kaikayana goi itoboine nuwopolala ikabi, tauna iyale. Tuwo moitamo keuwoina tayamo iguwe, e ikani. Ikavava, monena nakae tayamo ivini ikani.
GEN 3:7 Sikani ikavava, mainao adi taiyuwokova nukotodi ikipolaledi, tauna siyagoi sipawaku. Tuwo lao vagana siguledi, sigilumidi adi tabodaboda.
GEN 3:8 Sigíluma ikavava, lavilavi Yauwe Yaubada aena butukáona sinove tánuwo goi ivaabebeo. Tuwo kidi alova nauyayanaidi goi sivatamtamumuye.
GEN 3:9 Ago Yauwe Yaubada korotoyana itumadade idigo kana, ‘¿Kom nakoim?’
GEN 3:10 ‘Tánuwo goi aem butukáona anove go, apawaku, tauna amatoita, tuwo avatamtamumuyem’, korotoyana kaena.
GEN 3:11 Go Yaubada idigo kana, ‘¿Avatau ilatuwokoim bego kom kupawaku? ¿Manakae? ¿Alovayana keuwoina asanaabodem bogina kukani?’
GEN 3:12 ‘Vavinayana boi kuuvinigu, alova keuwoina ivinigu akani’, korotoyana kaena.
GEN 3:13 Tuwo Yauwe Yaubada vavinayana ilatuwoko idigo kana, ‘¡Iyaa! ¿Kaga unana moe nakae kuguinuwe?’ ‘Moteta ikatubaugu, akani’, vavinayana kaena.
GEN 3:14 Tuwo Yauwe Yaubada itáoya, motetayana ilatuwoko idigo kana,
GEN 3:15 Go vakaleya kom be vavinayana nauyayanaimi goi bei ayato.
GEN 3:16 E vavinayana ilatuwoko idigo kana,
GEN 3:17 E Adama ilatuwoko idigo kana,
GEN 3:18 Go náuna nakae taliboibo poyapoyayana goi
GEN 3:19 Mam mosali bei kupaaisewa gagaina
GEN 3:20 E korotoyana monena tomota liliudi unadi, tauna ivayou Ivi.
GEN 3:21 E Yauwe Yaubada yoguyogu sakavaidi ikabidi, Adama ma monena adi kwama imadagidi, ivalosidi.
GEN 3:22 E Yauwe Yaubada idigo kana, ‘¡Iyaa! ¡Tomotayadi bego kita nakae, dedevina be goyo siyagoidi! ¡Tuwo tasanabodēdi bei geya itoboinedita yawana vata alovaina keuwoina sikabi, govila bei sikani sikaiyako vata!’
GEN 3:23 E tuwo moitamo tánuwo Ideni goi ivalilivedi sina go, Adama poyapoya goi bei ibágula. ¡Ego amo poyapoyayana goi boi Yauwe koroto iwodugu!
GEN 3:24 Tuwo ivatapiyedi ikavava, e tanuwoyana Ideni ana kaba siu goi moe bomatu dadavina yábana ana tomatakavatayao iyatoidi. Tayamo sisi yeu sabeninimina iyato go, sisiyana ikaivivilo bego aba siu itubode. Moe dogoiyadi iyatoidi bego geya vatau tayaamo bei tanuwoyana goi isiu ina yawana vata alovaina keuwoina ikabi, ikani.
GEN 4:1 E kina go Adama monena Ivi taiyao simasisi, ikéuwama go, niga ivenátuna, natuna koroto. Tuwo idigo kana, ‘Yauwe ina vaita goi natugu bogina ababane.’ Tauna natunayana ivayou Keni.
GEN 4:2 Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.
GEN 4:3 E niga go dibayoya ana tuta goi Keni ina dibayoya keuwoina maniyedi ikabidi ina vininabeso go, imedi Yauwe yaina ikasaledi.
GEN 4:4 E kina go Ebeliyana nakae ina vininabeso moe sipi bonatudiyao botomoya be saabalidi, e ikaumatedi. Ikavava, imedi Yauwe yaina ikasaledi. Yauwe igitedi, e Ebeli be ina vininabesoyadi iuyaonedi
GEN 4:5 go, Keniyana be ina vininabesoyadi geya iuyaonedita. Tuwo Keni gamona igoyo toina, e kubuna ipulu.
GEN 4:6 E Yauwe idigo kana, ‘¿Keni, kaga unana gamom igoyo? ¿Kaga unana kubum ipulu?
GEN 4:7 ¿Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’
GEN 4:8 E tuta tayamo Keni siyana Ebeli ilatuwoko idigo kana, ‘Tāna yoyowo.’ Tuwo moitamo sina yoyowo goi go, tutayana amoko goi sikaaiyaka, e Keniyana itáoya, siyana Ebeli ikaumate.
GEN 4:9 E Yauwe Keni ilatuwoko idigo kana, ‘¿Siyam Ebeli nako?’ ‘Seki, geya ayagoiyeta. ¿Manakae? ¿Yau siyagu ana tomatakavata?’ Keniyana kaena.
GEN 4:10 Go kina Yauwe idigo kana, ‘¡Moe kaga kuguinuwe! ¡Kunōve! Siyam ikaikaina tomota nakae poyapoya goi itaiyaduduwo Yau yaigu. Latuwona im kaumata pasina Yau akatumapum.
GEN 4:11 E tauna ame tuta im guinuwa pasina akatubolatem. Poyapoya goi avalilivem, tauna geya tuwaina bei itoboinem poyapoya goi kubágula. Ame poyapoyayana siyam ikaikaina inim tutayana kwaumate.
GEN 4:12 Bego poyapoyayana goi kubágula go, kom manum poyapoya ilogoyo. Tauna poyapoya ame goi kom bei kuketoiya beso; geya im kasamo.’
GEN 4:13 Go kina Keniyana idigo kana, ‘¡Iyaa! ¡Guna liuna moumou ivakaigaga yaigu! Geya itoboineguta atogaga.
GEN 4:14 ¡Gwa! Ame bei poyapoya ame goi kuvatapiyegu, tauna matam goi geya itoboineguta akaaiyaka. Tuwo bei poyapoya ame goi avabebeo beso unana geya guna kasamo. Tauna avatau neta ibabanegu, bei ikaumategu.’
GEN 4:15 Tuwo kina Yauwe idigo kana, ‘Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.’ E tuwo tayamo aba kinana Keni goi iyato, govila bei avatauwa neta tauyana sibabane sikaumate.
GEN 4:16 E Keni itáoya Yauwe matana goi isowóduwo ina asa yoina Nodi; moe Ideni bomatu dadavina.
GEN 4:17 E Keni monena taiyao simasisi, e ikéuwama. Niga ivenátuna, natuna Enoki. Ego amo tutayana Keni ilokasa, tauna asayana ivayou Enoki, nakae natuna yoina.
GEN 4:18 Ago Enokiyana natuna koroto Iradi. Iradi natuna koroto Mekuyaeli. Mekuyaeli natuna Metusaeli go, Metusaeli natuna Lemeki.
GEN 4:19 Kina Lemekiyana vevina adi taiyuwo inaidi, tayamo yoina Eda, tayamo yoina Sila.
GEN 4:20 Edayana ivenátuna, natuna koroto yoina Yabali. Tauyana yoyou parai goi igimimasisi go, yoguyogu sipi be bulumakau imatakaavatedi. Ago tubunao giyaidi nakae siguinuwe, situliya asa tamo tamo.
GEN 4:21 Yabaliyana siyana yoina Yubali. Tauyana api ana láuwo be kokopi ana uwa unadi.
GEN 4:22 E kina Silayana nakae ivenátuna, natuna koroto yoina Tubali Keni, tauyana kainum be kopwa goi turu iwodúguna. Tauyana niuna yoina Nama.
GEN 4:23 E tuta tayamo Lemeki mana gágasa monenao adi taiyuwo ilatuwokoidi idigo kana,
GEN 4:24 Neta Keni ana kámasa ana katumapu
GEN 4:25 E Adama monena taiyao aiyuwoina simasisimna, e ikéuwama, ivenátuna natuna koroto. Monenayana idigo kana, ‘Yaubada natugu ivinigu Ebeli ana katumapu unana Keni ikaumate.’ Tauna natuna ivayou Seti.
GEN 4:26 Niga Seti ibíbina gagaina ivenátuna, natuna koroto yoina Enosi. E amo tutayana goi tomota sivatowo Yauwe yaina sisakululu.
GEN 5:1 E buki ame moe Adamayana ana liliu bukina: Tutayana Yaubada tomota iwodugu, toinina ana tapata nakae iwodugu.
GEN 5:2 Tomotayadi koroto be vavina iwodugudi. Ikavava, ikaipakuyedi go, ivayokoidi tomota tutayana iwodugudi.
GEN 5:3 E Adama ana tala ana badabada 130 tutayana natuna koroto ibíbina. Gomanayana tamana Adama ana tapata, e Adamayana nakae. E ivayou Seti.
GEN 5:4 Seti ana bíbina mlina, Adamayana ikaaiyaka tala ana badabada 800 tuwaina. Ego amo talayadi goi natunao koroto be vevina liliudi sibíbina.
GEN 5:5 Tauyana yawoina ana madabokina moe tala ana badabada 930, e ikámasa.
GEN 5:6 E Setiyana ana tala ana badabada 105 tutayana natuna koroto yoina Enosi ibíbina.
GEN 5:7 Enosi ana bíbina mlina Setiyana ikaaiyaka tala ana badabada 807 tuwaina. Ego amo talayadi goi natunao koroto be vevina liliudi sibíbina.
GEN 5:8 Tauyana yawoina ana madabokina moe tala ana badabada 912, e ikámasa.
GEN 5:9 E Enosiyana ana tala ana badabada 90 tutayana natuna koroto yoina Kenani ibíbina.
GEN 5:10 Kenani ana bíbina mlina, Enosiyana ikaaiyaka tala ana badabada 815 tuwaina. Ego amo talayadi goi natunao koroto be vevina liliudi sibíbina.
GEN 5:11 Tauyana ana tala madabokina moe 905, e ikámasa.
GEN 5:12 E Kenaniyana ana tala ana badabada 70 tutayana natuna koroto yoina Malaleli ibíbina.
GEN 5:13 Malaleli ana bíbina mlina, Kenaniyana ikaaiyaka tala ana badabada 840 tuwaina. Ego amo talayadi goi natunao koroto be vevina liliudi sibíbina.
GEN 5:14 Tauyana yawoina ana madabokina moe tala ana badabada 910, e ikámasa.
GEN 5:15 E Malaleliyana ana tala ana badabada 65 tutayana natuna koroto yoina Yeredi ibíbina.
GEN 5:16 Yeredi ana bíbina mlina, Malaleliyana ikaaiyaka tala ana badabada 830 tuwaina. Ego amo talayadi goi natunao koroto be vevina liliudi sibíbina.
GEN 5:17 Tauyana yawoina ana madabokina moe tala ana badabada 895, e ikámasa.
GEN 5:18 E Yerediyana ana tala ana badabada 162 tutayana natuna koroto yoina Enoki ibíbina.
GEN 5:19 Enoki ana bíbina mlina, Yerediyana ikaaiyaka tala ana badabada 800 tuwaina. Ego amo talayadi goi natunao koroto be vevina liliudi sibíbina.
GEN 5:20 Tauyana yawoina ana madabokina moe tala ana badabada 962, e ikámasa.
GEN 5:21 E Enokiyana ana tala ana badabada 65 tutayana natuna koroto yoina Metusela ibíbina.
GEN 5:22 Metusela ana bíbina mlina, Enokiyana iiketoiya nakae Yaubada iuyaone tala ana badabada 300. Ego amo talayadi goi natunao koroto be vevina liliudi sibíbina.
GEN 5:23 Tauyana yawoina ana madabokina moe tala ana badabada 365.
GEN 5:24 Ego talayadi goi iiketoiya nakae Yaubada iuyaone namliyeta baige ikabiyamo, tauna geya maisinamo.
GEN 5:25 E Metuselayana ana tala ana badabada 187 tutayana natuna koroto yoina Lemeki ibíbina.
GEN 5:26 Lemeki ana bíbina mlina, Metuselayana ikaaiyaka tala ana badabada 782 tuwaina. Ego amo talayadi goi natunao koroto be vevina liliudi sibíbina.
GEN 5:27 Tauyana yawoina ana madabokina moe tala ana badabada 969, e ikámasa.
GEN 5:28 E Lemekiyana ana tala ana badabada 182 tutayana natuna koroto ibíbina.
GEN 5:29 Tuwo idigo kana, ‘Nakona ame gomanayana ibíbina gagaina baige isawoilaveda ida paisewa moumouna goi; paisewayana moe poyapoya Yauwe boi ikatubolate pasina.’ Tauna natuna ivayou Nowa.
GEN 5:30 E Nowa ana bíbina mlina Lemekiyana ikaaiyaka tala ana badabada 595 tuwaina. Ego amo talayadi goi natunao koroto be vevina liliudi sibíbina.
GEN 5:31 Tauyana yawoina ana madabokina moe tala ana badabada 777, e ikámasa.
GEN 5:32 E Nowayana ana tala ana badabada 500 mlina natunao koroto Semi, Em be Diyepeta sibíbina.
GEN 6:1 E tomota poyapoya ana madabokina goi bogina sisusáila go, yaidi goi natudiyao vevina sibíbina.
GEN 6:2 Amo tutayana Yaubada natunao koroto vevinayadi sigitedi gumaboidi, e ava vevinava latuwodi, e sikinavedi bei sinaidi.
GEN 6:3 Tuwo Yauwe idigo kana, ‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi 120 baige sikámasa.’
GEN 6:4 E amo tutayana be nakae tuta mlina Nepilim poyapoya goi sikaaiyaka. Ego boi tutayana vevina Yaubada natunao taiyao ō simasisi, e vevinayadi sikéuwama, sivenátuna, natudiyao moe kidi Nepilimyadi. E tauyadi tokaalikaidi be nakae valedi gagaidi.
GEN 6:5 E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.
GEN 6:6 Igitedi, mana nuwomou ina madágina manuna nuwona ikatuvilavila, e pasina mana kategeda gagaina gamona igoyo.
GEN 6:7 Tuwo idigo kana, ‘Ategu igeda guna madágina pasina. ¡Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae mánuwo. Geya kada tayaamo poyapoya goi bei ikaaiyaka geya.’
GEN 6:8 E kina go Nowa ituli, Yauwe isosale.
GEN 6:9 E ame moe kina Nowayana tetelina. Tetalayana ame nakae: Nowa tokibóbwata tayamo o kada tomota liliudi yaidi goi tauyana anetava geya ana pikwanamo. Tauyana iiketoiya Yaubada taiyao.
GEN 6:10 Nowayana natunao koroto adi taito: Semi be, Em be nakae Diyepeta.
GEN 6:11 E da poyapoya bogina sigoyo Yaubada matana goi nakae poyapoya aigoyo goi ikayaoda.
GEN 6:12 Tuwo da poyapoyayadi kina Yaubada igitedi, e moitamo bogina sigoyo toina unana poyapoyayana goi kaga liliuna maa yawoidi idi sinapu bogina sikaigoyaidi.
GEN 6:13 Tuwo Yaubada Nowa ilatuwoko idigo kana, ‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi.
GEN 6:14 Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi.
GEN 6:15 Ego dedeogayana ana yówana ame nakae: Ana mamanao ova ana badabada 90. Ana papaeva ovayawou ovanima. Go ana tukotuko ovanima ovavasi.
GEN 6:16 Go lupa ana tukotuko aba katugúyala. Niga ina kátava kukāu. Kukau ikavava, kikina goi ana niboda kuyāto. Go ana bósima aito, tayamo ditonema, tayamo diligaema be nakae tayamo nauyayana.
GEN 6:17 Kunōve. Yau mluwa bei aetune iwo poyapoya goi kaga liliuna neta maa yawoidi asamatedi. Tauna kaga liliuna poyapoya yatana bei sikámasa.
GEN 6:18 Go sem kom bei akanasiukoim. Kom ma monem be natumiyao monediyao taiyao dedeogayana goi bei kosowoya go, ayavemi.
GEN 6:19 Ame nakae kuguinūwe: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudodōidi bei kuyavedi maa yawoidi sikaaiyaka kom taiyao.
GEN 6:20 Mánuwo tamo tamo ituli ituli aiyuwo aiyuwo, bolamo tayamo be bovavina tayamo. Yoguyogu tamo tamo ituli ituli aiyuwo aiyuwo, bolamo tayamo be bovavina tayamo. Dogoiyadi sidaladala tamo tamo ituli ituli aiyuwo aiyuwo, bolamo tayamo be bovavina tayamo. Aiyuwo aiyuwo bei sima yaim kuyavedi.
GEN 6:21 Go kom sem kūna awoinu tamo tamo maniyedi kukabīdi kumēdi dedeogayana goi kudodōidi. Moe kom mam bodao avami be nakae yoguyogu be mánuwo avadi.’
GEN 6:22 E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.
GEN 7:1 E Yauwe idigo kana, ‘Nowa, kom bogina agitem, tomota liliudi yaidi goi kom amta nuwogu ana tokibóbwata, tauna kom mam bodao dedeoga goi kosowōya.
GEN 7:2 Yoguyogu taagonaidi ituli ituli tamo tamo bolamo ainima aiyuwo be bovavina ainima aiyuwo dedeogayana goi kudodōidi. Yoguyogu vaatabudi ituli ituli tamo tamo bolamo tayamo be bovavina tayamo dedeogayana goi kudodōidi.
GEN 7:3 Mánuwo tamo tamo nakae, yaidi goi bolamo ainima aiyuwo bovavina ainima aiyuwo kukabīdi kudodōidi bei poyapoya goi kuyavedi, e bei poyapoyayana ana madabokina goi sisusailamna.
GEN 7:4 Moe nakae kuguinūwe unana maliyalina ainima aiyuwo mlidi kúwana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be mánuwo kudodōidi.’
GEN 7:5 Tuwo kaga liliuna Yauwe iidigedi Nowa iguinuwedi.
GEN 7:6 E kina go Nowayana ana tala bogina 600 tutayana mluwa isowóduwo be poyapoya ilatao.
GEN 7:7 Tuwo moitamo kidi Nowa ma natunao be monena be nakae natunao monediyao taiyao dedeogayana goi sisowoya mluwa pasina.
GEN 7:8 Yoguyogu tamo tamo ituli ituli, taagonaidi be vaatabudi, mánuwo tamo tamo ituli ituli be nakae kaga liliuna poyapoya goi sidaladala tamo tamo ituli ituli,
GEN 7:9 aiyuwo aiyuwo, bolamo be bovavina, sima dedeoga goi sisiu sima Nowa yaina nakae Yaubada ilovina.
GEN 7:10 Tuwo maliyalina ainima aiyuwo bogina sikavava, e mluwa ima.
GEN 7:11 E Nowa ana tala 600 goi be tukówana aiyuwoina be maliyalina 17 goi moe isowóduwo. Amo maliyalinayana goi doelu liliudi iuwoosidi bwae gagaina poyapoya sinaena goi sikaubobóbwala be nakae yábana ikatupáeva,
GEN 7:12 e lótuwo isou ima poyapoya goi maliyalina 40 be nakae sabamgo 40.
GEN 7:13 Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao.
GEN 7:14 Woiwoi tamo tamo, yoguyogu tamo tamo, kaga liliuna poyapoya goi sidaladala, mánuwo tamo tamo be nakae manumánuwo tamo tamo nakae taiyao sisowoya.
GEN 7:15 Kaga liliuna neta maa yawoidi, e aiyuwo aiyuwo sima dedeogayana goi sisowoya sima Nowa yaina.
GEN 7:16 Tosowoyayadi moe bolamo be bovavina nakae Yaubada bogina Nowa ilovinae. E sisowoya ikavava, dedeogayana ana totom Yauwe ikatunibode.
GEN 7:17 E mluwa idaudau maliyalina 40, e bwae ituko gagaina, ikaniku nakae dedeogayana iluwoi.
GEN 7:18 Bwae ivakaigaga nakae poyapoya ana madabokina ilatao go, dedeogayana bwae yatana goi idoidoiye.
GEN 7:19 Tuwaina bwaeyana itukotuko ana kadókana koya gagaidi liliudi poyapoya ana madabokina goi nakae ilataoidi.
GEN 7:20 Bwaeyana ituko ina nakae ana tukotuko moe ovavasi koyayadi ilataoidi.
GEN 7:21 Tuwo kaga liliuna maa yawoidi poyapoya goi sikamasa kówasa. Mánuwo, yoguyogu, woiwoi, manumánuwo be tomota liliudi nakae sikámasa.
GEN 7:22 Kaga liliuuna poyapoya goi sikaaiyaka maa yawoidi, e sikámasa.
GEN 7:23 Tauna nakae kaga liliuna maa yawoidi poyapoya goi kina Yauwe isamatedi. Madabokidi, tomota, yoguyogu, kaga liliuna sidaladala be mánuwo isamatedi. Geya kada tayaamo ikesa geya, go sem Nowa mana bodao aditava dedeoga goi sikaaiyaka.
GEN 7:24 E bwae poyapoya iilatao maliyalina ana badabada 150.
GEN 8:1 E Yaubada Nowa, woiwoi liliudi be yoguyogu liliudi inuwaisidi kidi dedeoga gagaina goi sikaaiyaka. Tuwo yágira ietune itowo, tauna bwae iyápasa, e isousou.
GEN 8:2 Yaubada doelu ikaubodedi, tauna adi dau sisayata. Kúwana yábana goi nakae ikaubode, tauna kuwanayana idoideo.
GEN 8:3 Tuwo bwaeyana poyapoya goi isousou, e maliyalina 150 mlidi bwae bogina isou gagaina.
GEN 8:4 Tuwo tukówana ainima aiyuwoina go, maliyalina 17 goi, e dedeogayana Ararata koyaina tayamo goi itomava.
GEN 8:5 Bwaeyana nava isousou ana kadókana tukówana yawouna go, maliyalina tayamo, e koyayadi dabadi sipóiya.
GEN 8:6 E maliyalina ana badabada 40 mlidi Nowa dedeogayana ana windo ikatupáeve,
GEN 8:7 boyoboyo tayamo ikabi, ietune ina. Tuwo boyoboyoyana iyova ina go, geya ikaluvileta, go sem iyovayova ana kadókana bwaeyana madabokina poyapoya goi iyápasa.
GEN 8:8 E bunabuna tayamo ikabi, windo goi ikaiyovae ina bei iyagoi bwae poyapoya goi bogina iyápasa gea geya.
GEN 8:9 E bunabunayana iyovayova go, bwae nava poyapoya ana madabokina iilatao, tauna geya itoboineyeta itowo. Tuwo ikaluvilamna ima dedeoga goi Nowa nimana iyosale bei bunabunayana itowo. Itowo go, Nowa ivaisiu dedeoga sinaena.
GEN 8:10 Tuwo tauyana maliyalina ainima aiyuwo goi ituyáwata baige bunabunayana ikaiyovaemnei ina.
GEN 8:11 Ina go, lavilavi ikaluvilamna ima dedeoga goi go, oribe vagana iikatupe. E vaganayana Nowa igite, bogina iyagoi bwae bogina isou gagaina.
GEN 8:12 Tuwo aiyuwoina maliyalina ainima aiyuwo goi ituyáwata baige bunabunayana ikaiyovaemnei ina go, geya ikaluvileta.
GEN 8:13 E Nowa ana tala ana badabada 601 go, tukówana vakuumgoina maliyalina vakuumgoina goi, e bwae poyapoya goi bogina iyápasa. E tauyana dedeoga ana kátava ikatubale, e imatavilavila, igite bwae madabokina poyapoya yatana bogina iyápasa.
GEN 8:14 Niga tukówana aiyuwoina maliyalina 27 goi poyapoya ana madabokina bogina isayasaya.
GEN 8:15 E Yaubada Nowa ilatuwoko, idigo kana,
GEN 8:16 ‘Nowa, kom ma natumowo, monem be natumowo monediyao dedeoga gagaina goi kosōu.
GEN 8:17 E kaga liliuna maa yawoidi kovakedēdi sisou. Moe mánuwo liliudi, yoguyogu liliudi be kaga liliuna sidaladala. Madabokidi sisou sina poyapoya ana madabokina goi sisusáila gagaina.’
GEN 8:18 Tuwo moitamo Nowa, natunao, monena be nakae natunao monediyao dedeogayana goi sisou.
GEN 8:19 Kaga liliuna maa yawoidi, nakae kaga liliuna sidaladala, mánuwo liliudi nakae sisou. Idi souyana goi moe yoguyogu ituli ituli.
GEN 8:20 E Nowa dídiya ikaudakodako, aba kasala iwodugu Yauwe ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.
GEN 8:21 E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe.
GEN 8:22 Poyapoya ame ina kaiyaka madabokina goi
GEN 9:1 E Yaubada Nowa ma natunao ikaipakuyedi idigo kana, ‘Komi kosusāila gagaina bei tubumiyao taiyao poyapoya kovakayaodei.
GEN 9:2 Kaga liliuna maa yawoidi poyapoya ame goi, mánuwo liliudi, kaga liliuna sidaladala poyapoya goi be iyaíyana liliudi négwasa goi bei simatoitemi gagaina go, nimami goi ayatoidi komi imi kaba lovina.
GEN 9:3 Kaga liliuna maa yawoidi avinimi avami. Nakae boi pai avinimi avami, e nakae ame tuta kaga liliuna avinimi avami.
GEN 9:4 ¡Go íwaya ma ikaikaidi taabu kookanīdi! Ikaikayana moe yáwana unana.
GEN 9:5 Avatau neta tomota tayamo yawoina ikupo, Yau moitamo bei akatumapu. Yoguyogu nakae, neta tomota yawoina ikupo, bei akatumapu. Tokaumata tamo tamo bei akatumapudi.
GEN 9:6 Tomota aodugudi Yau Yaubada guna tapata,
GEN 9:7 E komi sem kosusāila gagaina bei tubumiyao taiyao poyapoya ana madabokina kovakayaodei.’
GEN 9:8 Tuwaina Yaubada kana,
GEN 9:9 ‘Konōve. Yau komi be tubumiyao be nakae kaga liliuna maa yawoidi akanasiukoimi.
GEN 9:10 Moe mánuwo liliudi, yoguyogu liliudi poyapoya goi sikaaiyaka be nakae dedeoga goi komi taiyao kosou.
GEN 9:11 Akanasiukoimi ame nakae: Mluwa goi kaga liliuna maa yawoidi geya asamatemneidita. Nakae mluwa goi poyapoya geya abugoyaimneiyeta.’
GEN 9:12 Tuwaina Yaubada kana, ‘Guna kanasiunayana bei ikaiyako vata komi be tubumiyao be nakae kaga liliuna maa yawoidi yaimi go, ana kaba kinana avinimi.
GEN 9:13 Aba kinanayana ame nakae: Guna kíyala gaota goi bogina ayato. Moe aba kinana komi be kaga liliuna maa yawoidi poyapoya goi bogina akanasiukoimi.
GEN 9:14 Tuta tamo tamo gaota yábana goi akaiwoduwedi go, kiyalayana nakae gaota goi isowóduwo,
GEN 9:15 e guna kanasíuna komi be nakae kaga liliuna maa yawoidi yaimi goi bei anuwokavate. Tauna geya tayaamo tuta tuwaina bei mluwa gagaina idau be nakae mluwa goi kaga liliuna maa yawoidi asamatedi.
GEN 9:16 Tauna tutayana kíyala gaota goi isowóduwo, bei agite, e ida kanasíuna vaatayaina anuwokavate Yau Yaubada, komi be kaga liliuna maa yawoidi yaida.’ Tuwaina Yaubada kana,
GEN 9:17 ‘Ame aba kinanayana goi tayagoi komi be kaga liliuna maa yawoidi poyapoya ana madabokina goi Yau taiyao bogina takanasíuna.’
GEN 9:18 E Nowa natunao koroto dedeoga goi sisou moe Semi, Em, Diyepeta. Em natuna koroto yoina Kenani.
GEN 9:19 Ame tauyadi adi taito moe Nowa natunaoyadi go, tauyadi yaidi nava tomota liliudi bei sisowóduwo, e poyapoya ana madabokina goi sisapa.
GEN 9:20 E Nowa tobágula tayamo go, oine buyalina igimibaguli. Niga oine keuwoina sisina ikabi, oine bwaena iwodugu.
GEN 9:21 E tuta tayamo oineyana inim ginagina, iyaluwo. Go ina yaluwoyana goi ana kwama ivalilivi, e ma paawakuna ina yoyou parai goi imasisi.
GEN 9:22 Niga Kenani tamana Em ima yoyouyana goi isiu tamana igite ma paawakuna go, geya ivatanigoeta, go sem isowóduwo ina moetala goi senao ilatuwokoidi.
GEN 9:23 Ago kidi Semi be Diyepeta tanigo sikabi, sina yoyouyana goi sisiu go, sidumasiyasiya, unana tamadi ma pawakuna. Geya vavagidi tamadiyana sigite. E tanigoyana valavadi goi siyoisi, e mlidi goi sivamnamnae tamadi sivatum.
GEN 9:24 Tutayana Nowa itáoya natuna Em ina guinuwa inove, tuwo gamona igoyo.
GEN 9:25 Tauna Em natuna Kenani ikatubolate, e Yaubada yaina ikawanoi idigo kana,
GEN 9:26 Aiyuwoina kana,
GEN 9:27 Diyepeta ina poyapoya Kom Yaubada kukidedēde
GEN 9:28 E mluwa mlina goi Nowa tala ana badabada 350 tuwaina ikaaiyaka.
GEN 9:29 Tauna tauyana yawoina ana madabokina moe tala ana badabada 950, e ikámasa.
GEN 10:1 Ame Nowa natunao koroto Semi, Em be nakae Diyepeta adi liliu. E mluwa mlina goi tauyadi sisusáila go, natudiyao be tubudiyao ame nakae:
GEN 10:2 Diyepeta natunao koroto ame nakae: Gomeri, Megogi, Madai, Yavani, Tubali, Mise be Tirasi.
GEN 10:3 Gomeriyana tubunao koroto ame nakae: Asikenasi, Ripata be Togarama.
GEN 10:4 Yavaniyana natunao koroto ame nakae: Elisa, Tasisi, da Kitim be nakae da Dodanim.
GEN 10:5 Ame tauyadi goi boda sisusáila go, négwasa kikina be nakae simla situgidagidalidi, e silokasa. Idi lokasayana goi niyadi ituli ituli, adi dala ituli ituli be nakae idi kaba lovina ituli ituli.
GEN 10:6 Em natunao koroto ame nakae: Kosa, Itipita, Puta be Kenani.
GEN 10:7 Kosayana natunao koroto ame nakae: Seba, Abila, Sabita, Reyama be Sabataka. Reyamayana natunao koroto ame nakae: Seva be Dedani.
GEN 10:8 E kina Kosayana tubuna koroto tayamo yoina Nimrodi. Nimrodiyana tokaalikaina tayamo poyapoya ame goi.
GEN 10:9 Yauwe matana goi Nimrodiyana tovakauko tokaalikaina. Tauna tauyana tomota adi kaba katutúkwana. Avatau neta nakae iguuinuwe tomota siyapaliye kadi, ‘Tauyana Nimrodi nakae; tauyana tovakauko tokaalikaina Yauwe matana goi.’
GEN 10:10 E mainao Nimrodiyana ina kaba lovina asa yoidi ame nakae: Babeli, Ereka, Akadi be nakae Kalane moe Sinari sinaena.
GEN 10:11 Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa.
GEN 10:12 Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
GEN 10:13 Kina Itipita tubunao ame nakae: Da Luda, da Anam, da Leyaba, da Napatui,
GEN 10:14 da Paterusi, da Kasilue (niga ame tauyadi goi da Palisiti sisowóduwo) be da Kapatori.
GEN 10:15 Kina Kenani natunao koroto ame nakae: Saidoni botomoya be nakae siyana Eta. Niga go tubudiyao sisowóduwo idi bodao yoidi nakae.
GEN 10:16 Kenani tubunao boda tamo tamo yoidi ame nakae: Da Iyebusi, da Emori, da Giragasi,
GEN 10:17 da Ivai, da Araki, da Sini,
GEN 10:18 da Aravada, da Samari be da Emati. Niga go Kenani tubunao dala tamo tamo sisapa.
GEN 10:19 Tuwo Kenani tubunaoyadi adi túwana ivatowo Saidoni goi ina Garara, moe Gasa goi. Ana papaeva nakae Sodoma, Gamora, Adima be Siboim goi ina asa Lasi goi.
GEN 10:20 Amo tauyadi Em natunao be nakae tubunao. Dala tamo tamo toinidi idi kasa sikaaiyaka, idi kaba lovina ituli ituli be nakae tamo tamo niyadi ituli ituli.
GEN 10:21 Semi, tauyana ana gómana Diyepeta, nakae isusáila, natunao badabadaidi go, tauyana tubuna tayamo yoina Iberi. Tauyana tubunao badabadaidi.
GEN 10:22 Semiyana natunao koroto ame nakae: Elam, Asuri, Arepakadi, Luda be Aram.
GEN 10:23 Aramyana natunao koroto ame nakae: Uso, Uli, Geteri be Mise.
GEN 10:24 Arepakadiyana natuna koroto moe Selaka. Selakayana natuna koroto moe Iberi.
GEN 10:25 Iberiyana natunao koroto adi taiyuwo. Tayamo yoina Pelega unana amo tutayana tomota da poyapoya madabokidi sisapa, tauna yoina Pelega. Natuna aiyuwoina yoina Iyokitani.
GEN 10:26 Iyokitaniyana natunao koroto ame nakae: Alimodadi, Selepa, Asamavete, Yaraka,
GEN 10:27 Adoram, Usali, Dikila,
GEN 10:28 Obali, Abimaeli, Seva,
GEN 10:29 Opira, Abila be Iyobabi. Ame tauyadi Iyokitani natunao koroto.
GEN 10:30 Tauyadi idi kasa Mesa ina Separi, moe bomatu dadavina.
GEN 10:31 E moe tauyadi Semi natunao be nakae tubunao, adi dala ituli ituli, niyadi ituli ituli, idi kaba lovina ituli ituli nakae idi kasa ituli ituli.
GEN 10:32 E moe tauyadi madabokidi Nowa natunao be nakae tubunao adi liliu ituli ituli goi. Boi mluwa mlina sisapa sina poyapoya ana madabokina goi sikaaiyaka.
GEN 11:1 E mainao tomota liliudi da poyapoya niyadi tayamo be nakae idi bóbwara tayamo.
GEN 11:2 E tutayana tomota situliya sina bomatu dadavina, dúmiya gagaina Sinari goi sibabane. Tuwo amoko goi silokasa.
GEN 11:3 Silokasa, sidigo kadi, ‘Tawou, vaega taodugudi paaevaidi be kalabadaabadaidi. Ikavava, tagabudi sikasa.’ Tuwo moitamo nakae siguinuwe. ¡Kidi amo dadavayana goi gurewa paaevaidi geya, tauna adi vaboda moe vaega aiigabudi! ¡Kidi simenti geya, tauna adi bwada moe taa!
GEN 11:4 Vaega aiigabudi siwodugudi ikavava, sidigo kadi, ‘Tawou, vaega aigabudiyadi takabīdi, tavapopōidi ida vada taodugūdi asa vau manuna go, vada tayamo maanawena taodūgu ituko ina be ana saku moe yábana goi, e bei yoida gagaina. Nakae taguinūwe, govila bei tasapa.’
GEN 11:5 E Yauwe isou ima asayana be nakae vadayana maanawena tomota siiwodugu igitedi.
GEN 11:6 Igitedi, idigo kana, ‘¡Iyaa! ¿Kaga tuwaina bei siguinuwe? Tauyadi boda tayamo be nakae niyadi tayamo. Tauna neta ame vadayana silukavave, e kaga neta latuwodi, itoboinedi siguinuwe.
GEN 11:7 Tawou, tasōu niyadi takinigonigōe; tamo tamo niyadi ituli ituli, e bei geya itoboinedita sediyao niyadi siyagoi.’
GEN 11:8 Tuwo moitamo Yauwe ikausapesapedi poyapoya liliuna goi, e idi vada be idi kasa geya silukavavedita.
GEN 11:9 E amoko goi tomota liliudi niyadi kina Yauwe ikinigonigoe nakae tomota liliudi ikausapesapedi, tauna moe pasina amo asayana sivayou Babeli.
GEN 11:10 Ame Semi tubunao adi liliu. Tala ana badabada aiyuwo mluwa mlina, tutayana Semi ana tala ana badabada 100 natuna koroto Arepakadi ibíbina.
GEN 11:11 Arepakadi ana bíbina mlina, Semiyana ikaaiyaka tala ana badabada 500 tuwaina. Ego amo talayadi goi natunao koroto be vevina liliudi sibíbina.
GEN 11:12 E Arepakadiyana ana tala ana badabada 35 tutayana natuna koroto Selaka ibíbina.
GEN 11:13 Selaka ana bíbina mlina, Arepakadiyana ikaaiyaka tala ana badabada 403 tuwaina. Ego amo talayadi goi natunao koroto be vevina liliudi sibíbina.
GEN 11:14 E Selakayana ana tala ana badabada 30 tutayana natuna koroto Iberi ibíbina.
GEN 11:15 Iberi ana bíbina mlina, Selakayana ikaaiyaka tala ana badabada 403 tuwaina. Ego amo talayadi goi natunao koroto be vevina liliudi sibíbina.
GEN 11:16 E Iberiyana ana tala ana badabada 34 tutayana natuna koroto Pelega ibíbina.
GEN 11:17 Pelega ana bíbina mlina, Iberiyana ikaaiyaka tala ana badabada 430 tuwaina. Ego amo talayadi goi natunao koroto be vevina liliudi sibíbina.
GEN 11:18 E Pelegayana ana tala ana badabada 30 tutayana natuna koroto Reu ibíbina.
GEN 11:19 Reu ana bíbina mlina, Pelegayana ikaaiyaka tala ana badabada 209 tuwaina. Ego amo talayadi goi natunao koroto be vevina liliudi sibíbina.
GEN 11:20 E Reuyana ana tala ana badabada 32 tutayana natuna koroto Seruga ibíbina.
GEN 11:21 Seruga ana bíbina mlina, Reuyana ikaaiyaka tala ana badabada 207 tuwaina. Ego amo talayadi goi natunao koroto be vevina liliudi sibíbina.
GEN 11:22 E Serugayana ana tala ana badabada 30 tutayana natuna koroto Nakori ibíbina.
GEN 11:23 Nakori ana bíbina mlina, Serugayana ikaaiyaka tala ana badabada 200 tuwaina. Ego amo talayadi goi natunao koroto be vevina liliudi sibíbina.
GEN 11:24 E Nakoriyana ana tala ana badabada 29 tutayana natuna koroto Tera ibíbina.
GEN 11:25 Tera ana bíbina mlina, Nakoriyana ikaaiyaka tala ana badabada 119 tuwaina. Ego amo talayadi goi natunao koroto be vevina liliudi sibíbina.
GEN 11:26 E Terayana ana tala ana badabada 70 tutayana natunao koroto Eberam, Nakori be Arani sibíbina.
GEN 11:27 E ame Tera tubunao tetelidi. Tetalayana ame nakae: E kina go Terayana natunao yoidi Eberam, Nakori, Arani. E kina go Arani natuna yoina Loti.
GEN 11:28 Araniyana ina kasa yoina Ura moe Babiloniya dadavina. Amoko goi tamana Tera nava maa yawoina go, Araniyana ikámasa.
GEN 11:29 E kina Eberam inai, monena yoina Serai. Nakori inai monena yoina Milika, tauyana Arani natuna. Ego Arani natuna aitonina yoina Isika.
GEN 11:30 Ago kina Serai ikágala, tauna Eberam be Serai geya natudimo.
GEN 11:31 Tuwo Tera itáoya, natuna Eberam be tubuna Loti (moe Arani natuna) be nakae yaona Serai ikabidi idi kasa Ura Babiloniya sinaena sikalave, bego taiyao sina Kenani go, tutayana sinonoina, sina asa Karani goi silokasa, e geya sinoita Kenani goi.
GEN 11:32 E Tera yawoina ana madabokina moe tala ana badabada 205, e asa Karani goi ikámasa.
GEN 12:1 E boi Eberam nava Ura goi ikaaiyaka go, Yauwe iduduwe idigo kana,
GEN 12:2 Bei akisailim,
GEN 12:3 Avatauwa neta sikaipakuyem,
GEN 12:4 E tauna tutayana Eberam ana tala 75, e ina nakae Yauwe boi bogina ilatuwoko. Monena Serai be ana gómana natuna Loti be nakae konana liliudi be ina pakonayao asa Karani goi bogina ikabidi, e taiyao sitáoya, Karaniyana sikalave go, sina asa Kenani. Tutayana sisowóduwo Kenani dadavina goi,
GEN 12:6 e Eberam kidi sisiu sina asa Sekem goi. Amoko goi More alovaina gagaina goi situnagu. Amo tutayana da Kenani asa amo goi nava sikaaiyaka.
GEN 12:7 E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, aba kasala imadagi Yauwe ana kaba wowoina manuna.
GEN 12:8 Niga Eberam kidi sitáoya, sina koya tayamo goi idi yoyou parai siyowo situnagu. Koyayana koiboga dadavina goi asa Beteli ikaaiyaka go, bomatu dadavina goi asa Ai ikaaiyaka. E amoko goi aiyuwoina Eberam dídiya ikaudakodako, aba kasala imadagi Yauwe ana kaba wowoina manuna, e Tauyana yaina isaakululu.
GEN 12:9 E niga sitáoya situliya sina Negevi, moe Kenani sinaena go, youya dadavina.
GEN 12:10 Sikaiyaka aaa, e Kenani goi loga isowóduwo. Logayana gagaina, tauna Eberam kidi sitáoya sina Itipita goi bego sisuvadavada; loga ana kaba lukavava situyaosi.
GEN 12:11 Ego tutayana Itipita goi sivakakana, e monena ilatuwoko idigo kana, ‘Serai, kunōve. Kom vavina gumaboim.
GEN 12:12 Tutayana Itipita korotoidi sigitem, bei sinuwonúwana kadi, “Ame vavinayana Eberam monena.” Tuwo bei sikaumategu go, kom sem maa yawoim sikabim.
GEN 12:13 Tuwo monegu, akawanoi yaim kulatuwokōidi bego yau nium, e bei kom pasim kaga liliuna idedevina yaigu, tauna sitagonegu maa yawoigu akaaiyaka.’
GEN 12:14 E tuwo moitamo tutayana Itipita goi sisiu, Itipita korotoidi sikandobala Serai sigite idi nuwonúwana kadi, ‘Amo vavinayana gumaboina toina.’
GEN 12:15 E Pero ina topaisewayao adi tovakumgoyao maniyedi sikandobala Serai sigite, tuwo sina Pero silatuwoko sidigo kadi, ‘Ima tomoya, vavina tayamo kagite, tauyana gumaboina toina.’ Tuwo Pero ina lovina goi sina Serai sikabi sime Pero ina vada goi. Idi nuwonúwana bego Serai moe Eberam niuna.
GEN 12:16 E Serai pasina Eberamyana ana dedevina ibabane. Sipi, bulumakau, ase bolamo, paakonidi koroto be vevina, ase bovavina, be nakae kameri ikabidi, madabokidi Pero ivini.
GEN 12:17 E kina Yauwe igitedi, tuwo Pero mana bodayáuwo vísiya gagaidi ivinidi Eberam monena Serai pasina.
GEN 12:18 E Peroyana inuwonúwana kana, ‘¡Ame vavinayana geya Eberam niuna geya, go sem monena!’ Tuwo Eberam iduduwe ima idigo kana, ‘¡Eberam, ame kaga kuguinuwe yau yaigu! ¡Kaga unana geya kulatuwokoiguta bego Serai monem!
GEN 12:19 ¡Kaga unana kam, “Serai niugu”! ¡Kaga unana kutagona vavinayana akabi bego monegu! Tuwo. ¡Monem kwābi kunāve!’
GEN 12:20 E Peroyana ina topaisewayao ilatuwokoidi idigo kana, ‘Eberam kidi konavēdi kovalilivēdi bei Itipita sikalave.’ Tuwo Eberam ma monena be nakae ma konana madabokidi asa sikalave.
GEN 13:1 E Eberam ma monena, ina bodao liliudi be Loti taiyao sitáoya, Itipita sikalave go, sikaluvilamna sina Negevi dadavina.
GEN 13:2 Ego Eberam bogina iguyau; ina esaesa moe yoguyogu bulumakau, sipi, goti, siriba be goura.
GEN 13:3 E tauyadi sina Negevi go, geya sikaiyaketa, go sem situliya sinonoina bego Beteli. Sina Beteli goi go, sina asayana boi Beteli be Ai nauyayanaidi goi sikaaiyaka.
GEN 13:4 Amo asayana goi Eberam boi mainao dídiya igimikaudakodako aba kasala imadagi. E amoko goi Yauwe yaina isakululu.
GEN 13:5 E tutayana Loti Eberam taiyao siituliya go, Lotiyana nakae ina sipiyao, ina gotiyao, ina bulumakauyao be ina yoyou parai badabadaidi.
GEN 13:6 Tuwo poyapoya geya itoboineyeta Eberam be Loti idi yoguyoguyao taiyao sikaaiyaka unana idi yoguyoguyao badabada sisaki, tauna tauyadi geya itoboinedita taiyao sikaaiyaka.
GEN 13:7 Tuwo Loti be Eberam idi yoguyoguyao adi tomatakavatayao taiyao sikaumakimaki. (Amo tutayana da Kenani be nakae da Perisi asayana goi nava sikaaiyaka.)
GEN 13:8 E idi sipi adi tomatakavatayao taiyao sikaumakimaki, tuwo Eberam Loti ilatuwoko idigo kana, ‘Loti, kom yau boda tayamo, tauna kom be yau geya itoboinedeta takaumakimaki, nakae kom im topaisewayao be yau guna topaisewayao geya itoboinedita sikaumakimaki.
GEN 13:9 Tuwo kom yau tatumasāba. Poyapoya ana madabokina matam goi ikaaiyaka. Kom toinim kulovīna. Neta kom latuwom bomatu dadavina, yau ana koiboga dadavina go, neta kom latuwom koiboga dadavina, e yau ana bomatu dadavina.’
GEN 13:10 Tuwo Lotiyana imatavilavila Iyoridani butumina madabokina igite poyapoya dedevina, nuugusina. (Amo tutayana Yauwe Sodoma be Gamora nava geya imtulidita.) Poyapoyayana ana kaigigita Yauwe ina tánuwo o nakae Itipita ina Sowa poyapoyaidi nakae.
GEN 13:11 E Lotiyana imatavilavila go, idigo kana, ‘Latuwogu bomatu dadavina, moe Iyoridani butumina.’ Tuwo moitamo itáoya ina bomatu dadavina. Moeko goi Eberam be Loti situmasaba.
GEN 13:12 E kina go Eberamyana Kenani goi ilokasa go, kina Lotiyana ina asa Iyoridani butumina goi Sodoma kikina ilokasa.
GEN 13:13 Ego kidi da Sodomayadi totapepeko toidi Yauwe matana goi.
GEN 13:14 E kina go Yauweyana Loti be Eberam idi tumasaba mlina Eberam ilatuwoko idigo kana, ‘Eberam, moeko goi kuutāoya kumatavilavīla. Yawéyana, youya, bomatu be koiboga goi poyapoya ana madabokina kugīte.
GEN 13:15 Guna nuwonúwana bego ava poyapoyava itoboinem kugite, madabokina kom be nakae im boda bei avinimi be ikaiyako vata yaimi.
GEN 13:16 ¡Im boda bei akisailidi badabadaaidi! Nakae geya vatau tayaamo itoboine ikatuyaividi.
GEN 13:17 Poyapoyayana bei avinim. Tauna kutāoya kūna madabokina goi kuvabebēo.’
GEN 13:18 E tuwo Eberam itáoya, ina yoyou parai ikabidi, ina Ebironi goi go, Mamre ina kalova gagaidi kikina goi ilokasa. Amoko goi dídiya ikaudakodako aba kasala imadagi bego Yauwe yaina isakululu.
GEN 14:1 E tutayana da Sinari adi tolovina Amrapeli, da Elasa adi tolovina Ariyoki, da Elam adi tolovina Kedolaomera be da Goim adi tolovina Tidali siilovina, e tolovinayadi adi taivasi madi tovayaviyayao silamgógana yaviya manuna.
GEN 14:2 Silamgógana, sideli sina bego sivayaviya tolovina adi tainima taiyao. Tauyadi moe da Sodoma adi tolovina Bera, da Gamora adi tolovina Bisa, da Adima adi tolovina Sinabi, da Siboim adi tolovina Semibera be nakae da Bela adi tolovina. Belayana youyuwoina Sowa.
GEN 14:3 Ame tolovinayadi adi tainima sima Sidim butumina goi taiyao sispwagógana yaviya manuna. (Ego niga baige butumayana goi otoku yoina Négwasa Negonegosina isowóduwo.)
GEN 14:4 Ego idi yaviyayana unana ame: Tala ana badabada yawou aiyuwo goi Kedolaomera tolovina adi tainima ilovinaedi go, ina lovina yaidi igoyo. Tuwo ina lovinayana kidi tolovina adi tainima bogina ilausidi. Tauna tala yawou aitonina goi sitáoya bego ina lovina sikapipilave.
GEN 14:5 E tala yawou aivasina goi, kidi Kedolaomera tolovina adi taivasi taiyao silamgógana go, idi kasa sikalavedi sinonoina Sidim butumina. Sinonoina, e asa Asatarota Karanaim goi sisowóduwo, e todukeketayao sikaumatedi. Ikavava, sina asa Em goi Susim tubunao sikaumatedi. Ikavava, sina asa Sava Kirayataim goi Emim tubunao sikaumatedi.
GEN 14:6 Niga sina Koya Seira goi Kori tubunao sikaumatedi. Ikavava, sina Eli Parani yoyowo goi sikaaiyaka.
GEN 14:7 Niga sina Eni Misipata goi moe youyuwoina Kadesi, e Amaleki tubunao sikaumatedi. Ikavava, sina Esasoni Temari goi Emori tubunao sikaumatedi.
GEN 14:8 E amo tutayana kidi tolovinayadi adi tainima bogina silamgógana go, madi tovayaviyayao sideli sima Sidim butumina goi sitáoya bego sivayaviya
GEN 14:9 kidi Kedolaomera taiyao. Tauna tolovina adi taivasi madi tovayaviyayao go, adi kaleyayao tolovina adi tainima madi tovayaviyayao.
GEN 14:10 E kidi Kedolaomera sitogaga, tauna kidi da Sodoma be da Gamora bego sisiya. Ego Sidim butumina goi bobosiu sikaaiyaka go, sépwala potapotaina ilataoidi. Tauna tutayana da Sodoma be da Gamora idi tovayaviyayao sisiya, koroto maniyedi sisou bobosiuyadi sinaedi goi go, maniyedi sisiya sina koya goi.
GEN 14:11 Sisiya go, kidi Kedolaomera sitogaga, tuwo sina da Sodoma be da Gamora idi kasa goi konadi be avadi madabokidi sivainaoidi.
GEN 14:12 E Eberam ana gómana natuna Loti nakae siyoisi bego ma konana sinavedi idi kasa goi. Bogina kuyagoi. Tauyana nava Sodoma goi ikaaiyaka.
GEN 14:13 Sinavedi go, koroto tayamo isiya ima Eberam, tauyana Iberiu, ilatuwoko idigo kana, ‘Eberam, Kedolaomera ma senao sina Sodoma tomota silauidi go, am gómana natuna Loti siyoisi, sinave.’ Ego amo tutayana Eberam ikaaiyaka koroto tayamo yoina Mamre ina kalova gagaidi goi. Mamreyana Emori tubuna go, senao Esikoli be Aneri. Ago adi taito Eberam taiyao silamgógana; latuwodi Kedolaomera ma senao idi tovayaviyayao sivatapiyedi.
GEN 14:14 E livalayana Eberam inove, ina koroto adi badabada 318 iduduwedi sima. Tauyadi tovayaviya katubaayasidi go, moe Eberam ina tunagu goi sibíbina, tauna inumisedi. E iduduwedi sima, taiyao sina asa yoina Dani goi bego Loti ana toyoitayao sivatapiyedi.
GEN 14:15 Sina Dani goi go, sabamgo goi Eberam ina tovayaviyayaoyadi, moe ina pakonayao, iwotaidi sina Kedolaomera ma senao idi tovayaviyayao silauidi, sivatapiyedi. Tuwo kidi Kedolaomera sisiya sina yawéyana Damasiko goi siseivata sina asa yoina Koba.
GEN 14:16 Tauna kaga liliuna tauyadi siyoisidi, e kidi Eberam sikabimneidi. E nakae ana gómana natuna Loti ma konana be nakae tomota liliudi sikabimneidi.
GEN 14:17 E Eberam Kedolaomera ina tovayaviyayao be senao idi tovayaviyayao ilauidi ikavava, ikaluvila ina ina kasa. Inonoina, Sava Butumina goi Sodoma adi tolovina ima ivalobode. Savayana ana yagoina moe Tokalibúbuna Butumina.
GEN 14:18 E kina go da Salema adi tokalibúbuna yoina Melikisedeki ima go, beredi be oine bwaena imedi. Tauyana Yaubada Tokanayatanatoina ana Tonúwala.
GEN 14:19 Tauyana ima Eberam ikaipakuye idigo kana,
GEN 14:20 ¡Yaubadayana aba yapali! Am kaleyayao goi iyavem be nimam goi iyatoidi.’ E tuwo Eberam ana kaleyayao konadi liliudi bogina ikabidi iwotaidi kiwota yawou go, Melikisedeki yawóuna ivini.
GEN 14:21 Ivini ikavava, e da Sodoma adi tolovina idigo kana, ‘Eberam, kónana kom toinim kwabīdi go, tomota boi siyooisidi yau kuvinīgu.’
GEN 14:22 E kina Eberamyana idigo kana, ‘Akatótula Yauwe Yaubada Tokanayatanatoina matana goi, Tauyana yábana be poyapoya adi tomadágina.
GEN 14:23 Guna katotulayana ame nakae: Geya kada tayaamo konam bei akabi geya. Neta gagaina o giyaina, geya akabiyeta, govila kom kam, “Yau pasigu Eberam iguyau.”
GEN 14:24 Tauna konam geya akabidita, go sem kaga liliuna guna tovayaviyayao bogina sikáika, moe bogina. Ago tauyadi Aneri, Esikoli be Mamre yaviya goi sivaitegu, tauna kutagonēdi adi kaiguyau sikabidi.’
GEN 15:1 E amo dogoiyadi sikavava, Eberam ikalayáusa go, ina kalayausayana goi Yauwe ina livala ima idigo kana, ‘Eberam, taabu kuumatōita. Yau am lowo bei amatakavatem be nakae am tovaiwówana, e am vaiwówana gagaina toina bei avinim.’
GEN 15:2 Go kina Eberamyana idigo kana, ‘¡Yauwe guna Tomoya, yau bei geya natugumo akámasa go! ¿Tauna kaga ana dedevina neta kónana kuvinigu? Yau guna katumapu moe guna pákwana Eliyesa guma Damasiko.’
GEN 15:3 Tuwaina Eberamyana kana, ‘Yau geya tayaamo boda kuvinigu, tauna kunōve. Tutayana akámasa, guna katumapuyana moe koroto guna pákwana, e amo tauyana konagu madabokidi bei ikabidi.’
GEN 15:4 E moeko goi kina Yauweyana ina livala aiyuwoina ina Eberam yaina idigo kana, ‘Amo tauyana bei geya im katumapu geya, go sem kom natum toinim wowom goi bei isowóduwo, e moe tauyana bei im katumapu.’
GEN 15:5 E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. ¡Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’
GEN 15:6 Eberam inumisa Yauwe yaina, e ina numisayana Yauwe igite, ikamoitamoe bego kina Eberamyana moe tokibóbwata.
GEN 15:7 E aiyuwoina Yauwe idigo kana, ‘Yau Yauwe, boi im kasa Ura Babiloniya sinaena akabim amem go, poyapoya ame bei avinim im kaba lovina.’
GEN 15:8 Go kina Eberam idigo kana, ‘¿Go Yauwe guna Tomoya, manakaegu bei ayagoi poyapoya ame moitamo yau toinigu guna poyapoya?’
GEN 15:9 E Yauwe idigo kana, ‘Kūna bulumakau bovavina tayamo, goti bovavina tayamo, sipi bolamo tayamo, tamo tamo adi tala aito, bolitutu be nakae bunabuna manuwoyaula kwabīdi kumēdi.’
GEN 15:10 Tuwo moitamo ina yoguyoguyadi ikabidi imedi Yauwe yaina go, ikaumatedi. Ikaumatedi ikavava, iboboyuwedi, dadava dadava iyatoidi. Ago mánuwo geya iboboidita.
GEN 15:11 Iyatoidi ikavava, mánuwo gagaidi sisou sima bego yoguyoguyadi sakavaidi sikabidi sikanidi go, kina Eberam ivatapiyedi.
GEN 15:12 E níyala isousou go, Eberam wowona ikamou imasisi, ikanamatáiya. E kokonótuya gagaina isowóduwo ivatum, tauna imatoita gagaina.
GEN 15:13 E Yauwe ikatuwoini idigo kana, ‘Eberam, ame kuyagoidōko: Tubumowo bei ituli ta boda idi poyapoya goi simalatonikasa. Ago niga kidi toni kasa bei tubumowoyadi sipakoidi, e tala ana badabada 400 goi siyogedeegededi.
GEN 15:14 Ago amo bodayadi siipakoidi bei atakinoidi liuna manuna. Atakinoidi ikavava, tubumowoyadi bei sisowóduwo go, tutayana asayana sikalave, kónana badabadaidi bei sikabidi sinavedi.
GEN 15:15 E kom go bei kwaitomoya toina namliyeta baige kukámasa, e kuna tamam be tubumowo yaidi goi go, mam tuboina kukámasa, e tomota sivaliwogem.
GEN 15:16 E kidi go im bodaoyadi, e tala 400 sikavava, bei sikaluvilamna sima ameko goi go, mainao sieogaoga ituli ta kasa goi. Moitamo. Kidi Emori tubunao ameko goi sikaaiyaka ana kadókana idi goyo nakae itoboinedi adi liuna sibabane namliyeta bei avatapiyedi.’
GEN 15:17 E níyala isaliu, e bogina ikamamaníwana go, Eberam ikandobala igite vaega tayamo isowóduwo. Vaegayana tobuna goi aubowo itukotuko be nakae dúgala ininínima, e yoguyogu boboyuwoidi talaidi nauyayanaidi goi sinonoina.
GEN 15:18 E amo maliyalinayana goi Yauwe ikanasíuna Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.
GEN 15:19 Keini tubunao idi poyapoya, Kenisi tubunao idi poyapoya, Kadamoni tubunao idi poyapoya,
GEN 15:20 Eta tubunao idi poyapoya, Perisi tubunao idi poyapoya, todukeketayao idi poyapoya,
GEN 15:21 Emori tubunao idi poyapoya, Kenani tubunao idi poyapoya, Giragasi tubunao idi poyapoya be nakae Iyebusi tubunao idi poyapoya.’
GEN 16:1 E kina go Eberam monena Serai nava geya ivenatuneta go, tauyana mana pákwana tayamo Itipita vavinaina yoina Ega.
GEN 16:2 Tuwo ina Eberam ilatuwoko idigo kana, ‘Monegu, Yauwe guna venátuna ivagagale, tauna guna pákwana kwābi, taiyao komasīsi. Nakona tauyana manugu bei ivenátuna, e natuna yau natugu.’ Tuwo moitamo Eberam iguinuwe nakae Serai idige.
GEN 16:3 Eberam bogina tala ana badabada yawou Kenani goi ikaaiyaka, e Serai ina pákwana Ega guma Itipita ikabi, Eberam ivamonene.
GEN 16:4 E Eberam Ega taiyao simasisi, e ikéuwama. Ago tutayana ina kéuwama ilotowo, e ina towosi Serai ivasobusobuye.
GEN 16:5 Tuwo Seraiyana ina Eberam ilatuwoko idigo kana, ‘Monegu, kom im puwoya, tauna agu mou ababane. Yau guna pákwana avinim go, tutayana iyagoi bego ikéuwama, ivasobusobuyegu. ¡Neta Yauwe itakinōida! ¿Avatau ibágala, kom geya yau?’
GEN 16:6 Go kina Eberamyana idigo kana, ‘Gwa. Kom im pakwanayana nimam goi ayato. Kaga latuwom, nakae kuguinūwe yaina.’ Tuwo Serai ina pákwana Ega iyogedegede, tauna isiya ina yoyowo goi ikaaiyaka.
GEN 16:7 Isiya ina doelu tayamo asa Sura kenaoina goi ikaaiyaka. Go Yauwe ina anerose tayamo ima amoko goi Egayana ibabane.
GEN 16:8 Ibabane, e idigo kana, ‘¿Ega, Serai ina pákwana, nako kuma? ¿Bei nako kuna?’ ‘Guna towosi Serai matana goi asiya’, Egayana kaena.
GEN 16:9 Yauwe ina aneroseyana idigo kana, ‘Kwaluvīla kūna am towosi goi kukasalēm tauyana yaina.’
GEN 16:10 Tuwaina aneroseyana kana, ‘Bei tubumowo akisailidi, e adi badabada geya itoboinemta kwatuyaividi.’
GEN 16:11 Tuwaina idigo kana,
GEN 16:12 Tauyana bei ikaaiyaka woiwoi nakae.
GEN 16:13 Tuwo Egayana idigo kana, ‘¡Iyaa! Yauwe bogina agite go, geya akamaseta.’ Tuwo Yauwe ivayoko Yaubada Togita.
GEN 16:14 Moe pasina doeluyana asa Kadesi be Bereda nauyayanaidi goi tomota sivayou Bera Lakai Roi.
GEN 16:15 E tuwo Ega ivenátuna, natuna koroto. Moe Eberam natuna, e ivayou Isimaeli.
GEN 16:16 E kina go Eberamyana ana tala ana badabada 86 tutayana Ega natudi Isimaeli ivenatuni.
GEN 17:1 Tuwo Eberam ikaiyaka aaa, ana tala 99 ibabane, e Yauwe isowóduwo yaina, idigo kana, ‘Yau Yaubada Tokalika. Im ketoiya madabokina goi kwabikaonēgu go, tuta liliuna im guinuwa goi geya am pikwanāmo.
GEN 17:2 Bei akanasiukoim be nakae akisailim gagaina, tubumowo badabadaidi.’
GEN 17:3 Tuwo Eberamyana ivatugúyala ikanakabobo go, Yaubada idigo kana,
GEN 17:4 ‘Kunōve. Yau guna kanasiunayana yaim ame nakae: Akatótula bego kom bei boda badabadaidi tubudi.
GEN 17:5 Tauna geya tuwaina yoim Eberam, go sem bogina avayokoim kom bei boda badabadaidi tubudi, tauna yoim vau moe Eberamo.
GEN 17:6 Bei akisailim gagaina, e bei kom goi boda badabadaidi sisowóduwo nakae kom tubumowo goi tokalibúbuna maniyedi bei sisowóduwo.
GEN 17:7 Guna kanasiunayana akamoitamoe bego ikaiyako vata kom ma natumowo nakae tubumowo be yau yaida. Yau Yaubada yaimi go, nava bei Yau Yaubada tubumowo nakae yaidi.
GEN 17:8 Kenani goi kom tuta ame kueogaoga go, nava bei poyapoya ana madabokina Kenani goi kom nakae tubumowo avinimi, e bei ikaiyako vata yaimi. Yau bei tubumowo idi Yaubada.’
GEN 17:9 Aiyuwoina Yaubada idigo kana, ‘Kom sem guna kanasiunayana kumatakavāte. Tubumowo mlim goi simamaima nakae simataakavāte.
GEN 17:10 Guna kanasíuna ana kaba kinana ame bei komatakavāte: Kom be nakae koroto madabokimi yaimi sakavaimi kokupōidi. Nava tubumowo koroto nakae latuwogu sakavaidi sikupoidi.
GEN 17:11 Sakava ana kupwanayana moe aba kinana kom be Yau yaida bego bogina akanasiukoim.
GEN 17:12 E ame tuta nakae tuta simamaima ava gómana koroto ibíbina yaim goi, neta ana maliyalina ainima aito bogina ibabanedi, e sakavaina kukūpo. Nakona im vada goi ibíbina o tauyana paakonina ogaoga goi kugimone, tauyana sakavaina kukūpo. Ame aba kinana yaida bego akanasiukovataem.
GEN 17:14 Ago ava koroto neta sakavaina geya ikupoeta, tauyana geya guna boda, tauna yaimi goi kulivisīye be kuvatapīye. Tauyana guna kanasíuna ana lovina bogina ikapipilave.’
GEN 17:15 E tuwaina Yaubada idigo kana, ‘Eberamo, geya tuwaina monem kududūwe Serai, go sem kududūwe Sera.
GEN 17:16 Bei akaipakuye, e bei tauyana goi natum koroto avinim. Aiyuwoina akaipakuye bei tubunao goi boda badabadaidi sisowóduwo go, bodayadi tubudi moe tauyana. Ago tubunao goi tokalibúbuna maniyedi bei sisowóduwo.’
GEN 17:17 Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala 100 go, Sera ana tala 99. ¿Manakae? ¿Itoboinema kavenátuna?’
GEN 17:18 Go tauyana Yaubada ilatuwoko idigo kana, ‘¡Neta im kaipaku isowóduwo natugu Isimaeli goi! Sera ikágala, tauna kaga liliuna kukaatotule yau yaigu, nakona natugu Isimaeli yaina kuguinuwe.’
GEN 17:19 Go kina Yaubada idigo kana, ‘Tauyana geya, go sem monem Sera bei ivenátuna, natuna koroto go, bei kuvayou Aisake. Tauyana be nakae tubunao bei akanasiukoidi go, anasiunayana bei ikaiyako vata yaidi.
GEN 17:20 E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
GEN 17:21 Go tala tayamo ikavava, Sera bei ivenátuna, natumi Aisake go, niga bei Aisakeyana akanasiuko.’
GEN 17:22 E Yaubada ibóbwara ikavava, Eberamo ikalave go, ituko.
GEN 17:23 E tuwo Eberamo itáoya ina natuna Isimaeli be koroto madabokidi neta ina vada goi sibíbina be nakae ina pakonayao boi ina mani goi igiimonedi ikabidi, e ame maliyalinayana goi madabokidi sakavaidi ikupoidi nakae Yaubada idige.
GEN 17:24 Ego Eberamo ana tala ana badabada 99 tutayana sakavaina ana kúpwana ibabane.
GEN 17:25 Natuna Isimaeli ana tala ana badabada 13 tutayana sakavaina ana kúpwana ibabane.
GEN 17:26 Ame maliyalinayana goi Eberamo be natuna Isimaeli sakavaidi sikupoidi.
GEN 17:27 Koroto madabokidi ina vada goi, nakona ina vada goi sibíbina o nakona ogaoga goi paakonidi igimonedi, madabokidi nakae sakavaidi adi kúpwana sibabane.
GEN 18:1 E tuwo Eberamo nava asa Mamre alovaina gagaidi goi ikaaiyaka. Go tuta tayamo dine goi ituwodo ina yoyou parai totomna goi itusobu ikaaiyaka. Ikaaiyaka, e Yauwe isowóduwo tauyana yaina.
GEN 18:2 E Eberamoyana ikandobala koroto adi taito igitedi sitatáoya. Igitedi, ina yoyou parai totomna goi isowóduwo, woilina ibala ina ikauyagu yaidi goi, e ivatugúyala, ikanakabobo.
GEN 18:3 Tuwo idigo kana, ‘Guna tomoya, neta kuusosale, geya kunoita, go sem yau im pákwana taiyao takaiyāka.
GEN 18:4 Kutagōna bego guna pákwana ina bwae itege ime aemi adi níkina manuna. Ikavava, ameko alova unana goi kowaiwasi
GEN 18:5 go, avami giyaina akabi, avinimi kokáika bei togaga kobabane imi koidádana manuna. Komi bogina kowowoinegu unana koma yau imi pákwana guna vada, tauna latuwogu bego avaitemi.’ E kidi sitagona kadi, ‘Uyama. Moe dedevina; nakae kuguinūwe.’
GEN 18:6 Tuwo Eberamo woilina ina ina yoyou parai goi isiu, Sera ilatuwoko idigo kana, ‘Sera, woilīm kūna im parawa dedevina kukābi kūme beredi kugābu.’
GEN 18:7 Ilatuwoko ikavava, Eberamo ilokoina ina tayamo bulumakau bonatuna dedevina ikabi, ikaumate. Ikaumate ikavava, ina pákwana ivini. Tauyana ikabi ina ivaipolu.
GEN 18:8 Ivaipolu ikavava, Eberamo itáoya, bonatunayana ikabi, koroto adi taito ivinidi. Nakae bulumakau nununa itege ivinidi sinim be nakae nununayana maniyena ikule ivinidi. Tauyadi sikakáika go, Eberamoyana kikidi alova unana goi itatáoya.
GEN 18:9 E kidi korotoyadi sidigo kadi, ‘¿Go monem Sera nakoina?’ ‘Amoni yoyou sinaena’, Eberamo kaena.
GEN 18:10 Tuwo sinaedi goi tayamo idigo kana, ‘Tukówana ainima aivasi nakae sikavava, moitamo bei akaluvila go, kunōve. Monem Serayana bogina bei ivenátuna, natuna koroto.’ E kina go Serayana yoyou ana niboda mlina goi ikaaiyaka itaaiyakeka.
GEN 18:11 Ego kina Eberamo bogina ikaitomoya; kina Sera nakae bogina ikainamoya. Tauna geya itoboineyeta ivenátuna unana bogina itobuvavina.
GEN 18:12 E tuwo Yauwe ina livala inove, tauna ivanama; ina nuwonúwana kana, ‘¡Ii, yau bogina akainamoya go! ¿Monegu nakae ikaitomoya go, manakae? ¿Masisi ana uyáwana bei alotowomnei?’
GEN 18:13 Go kina Yauwe idigo kana, ‘¿Kaga unana Sera ivanama? ¿Kaga unana idigo kana, “Yau bogina akainamoya, bei moitamo avenátuna”?
GEN 18:14 Geya kada kaga tayaamo imou Yau Yauwe yaigu. Moitamo guna upa bogina ayato bei akaluvila moe tukówana ainima aivasi sikavava nakae go, Sera bogina bei ivenátuna, natuna koroto.’
GEN 18:15 E Serayana imatoita, tauna ilawoiwoi kana, ‘Yau geya avanameta.’ Go kina Yauweyana idigo kana, ‘Geya. Moitamo, kuvanama; bogina anovem.’
GEN 18:16 E korotoyadi sitáoya ivatabaledi go, sikandosobu Sodoma sigite. Eberamo nakae taiyao ivatabaledi ivaduduwedi.
GEN 18:17 Sigitegite go, Yauwe inuwonúwana kana, ‘¿Manakae? ¿Eberamo alatuwoko manakaegu bei aguinuwe Sodoma yaina gea geya?
GEN 18:18 Tauyana ina boda nava bei boda gagaina be nakae toogagaina. Boda liliudi poyapoya goi bei siyagoi tauyana goi akaipakuyedi.
GEN 18:19 Guna nuwonúwana geya avamouyeta. Tauyana bogina akatuveko bei natunao nakae tubunao ilovinaedi kana, “Kina Yauwe ina kenao goi taaketōiya ame nakae: Nuwona takiboobosīdi be nakae takínona vavasa taguuinūwe. Neta nakae taguuinuwe, e Kina Yauwe ina katótula bei isowóduwo komi be yau yaida.”’
GEN 18:20 E tuwo Eberamo ilatuwoko idigo kana, ‘Eberamo, da Sodoma be da Gamora valedi bogina anove, idi bágala ivakaigaga toina.
GEN 18:21 Tauna ame tutayana bei asou ana agite neta livalayana moitamo gea geya. Neta livalayana geya moitamo, bei ayagoi.’
GEN 18:22 E koroto adi taiyuwo sisou sina Sodoma go, kina Eberamoyana nava Yauwe matana goi itatáoya.
GEN 18:23 E ivalabelabena Yauwe yaina idigo kana, ‘¿Tomoya, manakae? ¿Tokibóbwata toogoyoidi taiyao bei moitamo kumtulidi?
GEN 18:24 ¿Neta tokibobwatayadi adi badabada 50 asa goi sikaaiyaka, bei da Sodoma madabokidi kumtulidi gea tokibobwatayadi pasidi toogoyoidi kunuwotaoidi?
GEN 18:25 Go moe geya nakae im sinapu geya. ¡Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. ¿Ago kom kai da poyapoya ama totakínona; itoboinem kutakinona vavasa ae?’
GEN 18:26 E Yauweyana idigo kana, ‘Neta tokibóbwata adi badabada 50 Sodoma goi ababanedi, e kidi pasidi madabokidi bei anuwotaoidi.’
GEN 18:27 E Eberamo idigo kana, ‘¿Guna Tomoya, yau kaga? Tomota tayamo poyapoya kaukauna tauna. Go tuwo bokoyo magu katepatu avadigoim go, guna digopopóita kunuwotao.
GEN 18:28 ¿Neta tokibóbwata adi badabada 45 taudi Sodoma goi sikaaiyaka, manakae? ¿Bei toni kasa liliudi kumtulidi?’ ‘Neta tokibóbwata adi badabada 45 ababanedi, e toni kasayadi madabokidi geya amtulidita’, Yauwe kaena.
GEN 18:29 E Eberamo ibobwaramna idigo kana, ‘¿Go neta tokibóbwata adi badabada 40 taudi amoko goi kubabanedi?’ ‘Tokibóbwata adi badabada 40 pasidi toni kasayadi geya amtulidita’, Yauwe kaena.
GEN 18:30 Eberamo idigo kana, ‘Guna Tomoya, geya kuegamogamoguta, go sem kutagōna abóbwara. ¿Neta tokibóbwata adi badabada 30 kubabanedi, bei manakaem?’ ‘Neta tokibóbwata adi badabada 30 ababanedi, toni kasayadi madabokidi bei geya amtulidita’, Yauwe kaena.
GEN 18:31 Eberamo idigo kana, ‘Guna Tomoya, magu katepatu avadigoim go, guna digopopóita kunuwotao. ¿Neta tokibóbwata adi badabada 20 kubabanedi, bei manakaem?’ ‘Tokibóbwata adi badabada 20 pasidi toni kasayadi madabokidi bei geya amtulidita’, Yauwe kaena.
GEN 18:32 Tuwo Eberamo idigo kana, ‘Guna Tomoya, geya kuegamogamoguta go, sivatayamo tuwaina bei abóbwara. ¿Neta tokibóbwata adi badabada yawou kubabanedi, bei manakaem?’ ‘Tokibóbwata adi badabada yawou pasidi toni kasayadi madabokidi bei geya amtulidita’, Yauwe kaena.
GEN 18:33 E Yauwe ibóbwara ikavava, ina go, Eberamo ikaluvila ina ina kasa.
GEN 19:1 E bogina lavilavi go, anerose adi taiyuwo bogina sisou sina Sodoma. Kina go Loti asa ana kaba siu goi iitusobu. Iitusobu, ikandobala aneroseyadi igitedi simamaima. Tuwo itáoya ina ivalobodedi ikauyagu yaidi go, ivatugúyala ikanakabobo,
GEN 19:2 e idigo kana, ‘Guna tomoyamoya, konōve. Kōma tāna yau imi pákwana guna vada sabamgo ame goi aemi konikīdi, kokaiyāka komasīsi. E vanuwo itomo nobuyana giyaina kotāoya, e kōna.’ ‘Tuwo. Bareki goi bei kamasisi’, kidi kaedi.
GEN 19:3 Ago kina Lotiyana ilumakikinedi gagaina, tuwo sitagona, e taiyao sina ina vada goi sisiu. Sisiu, beredi pokaka igabu be nakae áika dedevina iwodugu. Iwodugu ikavava, ivaideda sikáika.
GEN 19:4 Sikáika ikavava, bego simasisi go, Sodoma korotoidi madabokidi, tubuwau be nakae tomoyamoya, sima vadayana sitaoyakobu.
GEN 19:5 Sitaooyakobu go, Lotiyana siduduwe sidigo kadi, ‘¡Loti e! ¿Koroto maine lavilavi im vada goi sisiusiu nakoidi? ¡Kwaiwoduwēdi bei kamasisiyedi!’
GEN 19:6 Tuwo Lotiyana isowóduwo go, totom ikatunibode,
GEN 19:7 e ilatuwokoidi idigo kana, ‘¡Segowo, akawanoi yaimi bego moe dogoiyana goyogoyoina toina taabu koguuinūwe!
GEN 19:8 Konōve. Yau natugowo vevina adi taiyuwo amedi go, koroto taiyao geya simasisita. Neta kotagona, akabidi amedi avinimi go, kaga latuwomi koguinuwe yaidi toinimi kolovina, go sem ame korotoyadi taabu kobisiikonēdi unana tauyadi guna vada goi sikaiyaka, tauna itoboine avabodebodedi. ¡Tauna taabu kobisiikonēdi!’
GEN 19:9 Go kidi korotoyadi sidigo kadi, ‘¡Geya! ¡Kusiyāmo!’ Go taudiva kadi, ‘¡Iyaa! ¿Ame tauyana tomalatonikasa go, manakae? ¿Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.
GEN 19:10 Ago korotoyadi vada sinaena nimadi siyosale, Loti siyoisi, sibiu vada sinaena sibuvaisiu go, totom sikatunibode.
GEN 19:11 Ikavava, korotoyadi totom goi sikaaiyaka madabokiidi matadi siguinuwedi sikebo, tauna totom sikamyayai go, geya sibabaneyeta, go sem ana lusala ilausidi.
GEN 19:12 Tuwo koroto adi taiyuwo vada sinaena sidigo kadi, ‘Loti, giyakainava bei ame asayana madabokina kamtulidi. Yauwe matana goi idi goyo bogina ivakaigaga, tauna ietunema kama bego kamtulidi. ¿Tauna aivina im bodao amedi Sodoma sinaena? Neta natumowo o yaomowo o avakavamowo sikaaiyaka, e asa goi kwabīdi go, kosīya.’
GEN 19:14 E Loti vada goi isowóduwo ina natunao adi kamatakwanayao ibabanedi, e ilatuwokoidi idigo kana, ‘¡Kotāoya! Giyakainava bei Yauwe asa ame madabokina imtulidi. ¡Tauna woilīmi kosīya!’ Go korotoyadi sinuwonúwana kadi, ‘Loti nakona ivaponuponu.’
GEN 19:15 E tomo ikaupesapesagi, aneroseyadi Loti sisatubetube sidigo kadi, ‘¡Woilīm! ¡Monem be natumowo kwabīdi, kosīya, govila bei kokámasa tutayana asa ame ana liuna ibabane!’
GEN 19:16 Ago Lotiyana isabilibili go, Yauwe inuwokapisiye. Tuwo aneroseyadi Loti mana bodao nimadi siyoisidi sivakededi asayana sikalave.
GEN 19:17 Sivakededi asa goi siisowóduwo go, anerose tayamo idigo kana, ‘¡Kosīya bei yawoimi koyavedi go, taabu kokaandovīla! ¡Kolokōina kōna koya goi, govila bei kokámasa!’
GEN 19:18 Go kina Lotiyana idigo kana, ‘¡Guna Tomoya, moe nakae geya!
GEN 19:19 Kunōve. Neta yau im pákwana kusoosalegu be nakae kulookategu, e tutayana Sodoma aná mtula goi, yawoigu kuyāve. Go kai geya itoboinemeta kasiya kana amo koyayana goi. Aduwanau isaki. Tauna taabu kueetunēma kana maeko goi, govila bei ame vailaiyana ibabanema, e kakámasa.
GEN 19:20 Kunōve. Asa amo dobala kugite giyaina. Asayana yomana nakae itoboinema kasiya kana amoko goi. Kutagōna kasiya kana amoko goi bei ama yava kababane.’
GEN 19:21 E kina idigo kana, ‘Kunōve. Im kawanoi nakae atagone. Amo asayana kudigedige geya amtulidita.
GEN 19:22 Go woilīmi kosīya kōna amoko goi. Geya tayamo kaga itoboinegu aguinuwe ana kadókana kosowóduwo asayana goi.’ Moe pasina asayana yoina Sowa.
GEN 19:23 E tuwo níyala bogina ituko, e Loti isowóduwo Sowa goi.
GEN 19:24 E kina go Yauweyana yeu mana poiseni mokauna ibisilave yábana goi isou ina Sodoma be Gamora yaidi.
GEN 19:25 Tuwo asayadi be nakae Iyoridani butumina naunina be nakae tomotaidi madabokidi imtulidi.
GEN 19:26 Go Lotiyana mlina goi monena inonoina ikandovila, e imalagurewa go, gurewayana moe soroti.
GEN 19:27 E nobuyana giyaina Eberamo itáoya ina boi Yauwe taiyao sikaaiyaka kiyaudi.
GEN 19:28 Ikandosobu Sodoma be Gamora be nakae Iyoridani butumina madabokina igitedi, aubowoidi situkotuko limou aubowoina nakae.
GEN 19:29 E tutayana asayadi dadava amo goi Yauwe imtulidi, Eberamo inuwaisi, tauna itagona bego Lotiyana ina kasa goi isiya.
GEN 19:30 E Loti ma natunao adi taiyuwo Sowa goi sisowóduwo sina koya goi. Imatoita bego Sowa goi ikaiyaka, tuwo situko sina tukubu sinaena goi sikaaiyaka.
GEN 19:31 E sikaaiyaka, tuta tayamo natunao adi taiyuwo aditava sibobóbwara go, botomoya idigo kana, ‘Guna gómana, kita geya natudamo go, geya tayaamo koroto ikaaiyaka ameko bego tanai, taiyao tamasisi, e kidi goi takéuwama, tavenátuna nakae poyapoya ame sinapuna. Tamada ikaaiyaka go, giyakainava bei ikaitomoya, geya itoboineyeta ivanátuna.
GEN 19:32 Tauna ame taguinūwe: Tamadayana oine tavini inim ginagina iyaluwo. Niga baige tasiu tauyana tamasisiye, e kina goi takéuwama tavenátuna bei ida boda geya ikavaveta.’
GEN 19:33 Tuwo moitamo sabamgo goi tamadiyana oine sivini inim ginagina, e iyaluwo go, botomoya igimisiu tamana imasisiye. Ego tamadiyana geya iyagoiyeta ava tuta natuna isiu imasisiye be nakae ava tuta isowóduwo.
GEN 19:34 Niga go vanuwo itomo botomoya ana gómana ilatuwoko idigo kana, ‘Guna gómana kunōve. Nuwobuna tamada amasisiye. E sabamgo ame aiyuwoina oine tavini inim ginagina iyaluwo gobe kom kusīu tauyana kumasisīye, e bei tamada goi ida boda ikaiyako vata.’
GEN 19:35 Tuwo moitamo amo sabamgoyana goi tamadiyana oine sivini inim ginagina iyaluwo namliyeta baige bogomane isiu tamana imasisiye. Ego tamadiyana geya iyagoiyeta ava tuta natuna isiu imasisiye be nakae ava tuta isowóduwo.
GEN 19:36 E tauna natunao adi taiyuwokova tamadi Loti goi sikéuwama.
GEN 19:37 Sikéuwama, e botomoya ivenátuna, natuna koroto ivayou Moabe. Niga tauyana tubunao yoidi Moabe go, ame tutayana nava sikaaiyaka.
GEN 19:38 E kina go bogomane nakae ivenátuna, natuna koroto ivayou Beni Ammi. Niga tauyana tubunao yoidi Ammoni, tauyadi ame tutayana nava sikaaiyaka.
GEN 20:1 E tuwo Eberamo ma monena asa Mamre sikalave go, situliya sina Negevi dadavina moe Kenani sinaena go, youya dadavina. Amoko goi asa Kadesi be Sura nauyayanaidi sikaaiyaka. Niga sina asa Garara goi tuta kaakupina sisuvadavada.
GEN 20:2 Amoko goi sikaaiyaka go, koroto maniyedi sima Eberamo monena sigite kadi, ‘¿Eberamo, moe ava vavina?’ Eberamoyana imatoita, tauna ipoledi idigo kana, ‘Tauyana niugu. Yoina Sera.’ E da Garara adi tolovina yoina Abimeleka ikaaiyaka go, inove Sera moe Eberamo niuna; latuwona ikabi bego monena. Tauna ina pakonayao ilatuwokoidi idigo kana, ‘Kōna Sera kokābi kōme.’
GEN 20:3 Tuwo moitamo sina sikabi sime bego tauyana monena. Niga sabamgo tayamo Abimeleka ina vada goi iimasisi go, ikanamimi, e Yaubada ima Abimelekayana ikatuwoini idigo kana, ‘¡Abimeleka, kunōve! ¡Kom tokámasa! Vavinayana kukabikabi moe nainaina.’
GEN 20:4 E kina go Abimelekayana idigo kana, ‘Guna Tomoya, tauyana geya abisikoneyeta. Yau koroto kiboobosigu be nakae guna bodao dedevidi. ¿Go manakae? ¿Kwaumatema?
GEN 20:5 Boi Eberamo ikatubaugu kana, “Ame niugu.” E vavinayana nakae ipola kana, “Tauyana niugu.” Tauna yau guna guinuwa goi nukotogu geya isabutukoeta nakae wowogu geya libigumo.’
GEN 20:6 E aiyuwoina anamimi goi Yaubada idigo kana, ‘Moe bogina ayagoi kom nukotom geya isabutukoeta nakae wowom geya libimmo. E moe pasina asanabodem bei goyo geya kuguinuweyeta yau yaigu. Tauna geya atagonemta bego tauyana kubisikone be kugoyo.
GEN 20:7 ¡Go tuwo! Eberamo Yau guna tokabivalavala, tauna vavinayana kwābi, Eberamo kuvinimnēi bei ikawanoi manum, e bei geya kukamaseta. Go sem neta geya kuviniyeta, moitamo kom be nakae im bodao bei akaumatemi.’
GEN 20:8 Tuwo vanuwo itomo nobuyana giyaina Abimelekayana itáoya, e ina pakonayao madabokidi iduduwedi sima. Sima go, ilatuwokoidi manakaena ikanamimi. Tuwo tauyadi simatoita gagaina.
GEN 20:9 E Abimelekayana Eberamo iduduwe ima, idigo kana, ‘¡Eberamo, ame kaga kuguinuwe yaima! ¡Ava goyo aguinuwe yaimi, tauna ame nakae kuguinūwe Yau be guna bodao yaidi goi! Moe im guinuwa igoyo toina yaigu.
GEN 20:10 ¿Go kaga unana ame dogoiyana kuguinuwe yaigu?’
GEN 20:11 Eberamoyana idigo kana, ‘Unana anuwonúwana bego ameko goi Yaubada geya kowowoineyeta, tauna amatoita koroto tayamo bei ikaumategu bego Serayana ikabi.
GEN 20:12 Go tauyana moitamo yau niugu. Tamama tayamo go, sinamao ituli. Niga go, kanai.
GEN 20:13 E Yaubada boi ilatuwokoigu bego guna kasa akalave. Tuwo amo tutayana Sera alatuwoko adigo kagu, “Sera, kom monegu, tauna kulokatēgu ame nakae: Asa tamo tamo goi takaaiyaka tomota liliudi kulatuwokōidi kam, ‘Eberamo niugu.’”’
GEN 20:14 E Abimeleka sipi be bulumakau be nakae paakonidi koroto be vevina ikabidi, Eberamo ivini. E nakae Sera ivinimnei.
GEN 20:15 Go idigo kana, ‘Eberamo kunōve. Kumatavilavīla guna poyapoya kugīte. Nako latuwom kwaiyaka, bogina atagona.’
GEN 20:16 Go Serayana ilatuwoko kana, ‘Kunōve. Nium siriba ana badabada 1,000 moe guna takona bogina avini, e bei im bodao liliudi siyagoi bego kom geya kada tayaamo goyo kuguinuwe. Tomota liliudi matadi goi kom geya im pikwanamo.’
GEN 20:17 Ego boi Eberamo monena Sera pasina Yauwe iguinuwa bego vevina madabokidi Abimeleka ina vada goi sikaaiyaka sikágala. Tuwo Eberamo ikawanoi Yaubada yaina, e Abimeleka be monena be nakae ina pakonayao vevina madabokidi ikidedevinedi. Tauna itoboinedi sikéuwama.
GEN 21:1 Tuwo sikaaiyaka, sikaaiyaka, Yauwe ina Sera yaina goi iguinuwe nakae boi ikatotule, tauna Serayana boi ikágala go, bogina itoboine ikéuwama.
GEN 21:2 Tuwo ikéuwama go, Eberamo bogina ikaitomoya, e natuna koroto kina Sera ivenatuni. Ago natudiyana ina bíbina ana tuta nakae Yaubada boi ikatotule.
GEN 21:3 Natudiyana kina Sera iveenatuni, e Eberamo ivayou Aisake.
GEN 21:4 Niga Aisakeyana ana maliyalina ainima aitonina ibabane, e kina Eberamoyana natuna ikabi, sakavaina ikupo nakae Yaubada boi ilovina.
GEN 21:5 Ego Eberamoyana bogina ikaitomoya nakae ana tala 100 tutayana natuna Aisake ibíbina.
GEN 21:6 E gomanayana ina bíbina mlina Sera idigo kana, ‘Yaubada gómana ivinigu, tauna auyáwana be avanama. Avatauwa neta livala ame sinove, e nakae bei sivanama yau taiyao.’
GEN 21:7 Kana, ‘Geya vatau tayaamo inuwonúwana bego itoboinegu Eberamo natuna avenatuni. Tauyana bogina ikaitomoya go, tuwo natuna avenatuni.’
GEN 21:8 E gomanayana ibíbina gagaina, sinana ikatusase. Tuwo amo tutayana Eberamo áika gagaina iguinuwe.
GEN 21:9 Ago Sera ikandobala Ega guma Itipita natuna Isimaeli igite Aisakeyana ikaiwotete. Tuwo Serayana gamona igoyo,
GEN 21:10 e ina Eberamo ilatuwoko idigo kana, ‘Amo pakoninayana maa natuna kuvatapiyēdi sina. Pakoninayana natuna konam bei geya ikabidita tutayana kukámasa, go sem konamyadi madabokidi natugu Aisake anetava bei ikabidi.’
GEN 21:11 Go livalayana Eberamo inove, atena igeda unana Isimaeli nakae natuna.
GEN 21:12 Go kina Yaubada idigo kana, ‘Eberamo, atem taabu igedagēda natum be im pákwana pasidi. Guna katótula tubumowo manudi Aisake goi bei imalatomota. Aiyuwoina kina Isimaeliyana natum, tauna bei akisaili, e bei tubunao boda tayamo gagaina. Tauna kaga liliuna Sera ilatuwokoim kuguinuwēdi, e sopana kwabikaōne be kuguinuwēdi.’
GEN 21:14 E tuwo vanuwo itomo nobuyana giyaina Eberamo itáoya, bwae giyaina itege be nakae awoinu ikabi, Ega ivini ivabe. E natuna taiyao ivaduduwedi kana, ‘E kōna ae.’ Tuwo tauyadi sina Bera Siva yoyowoina goi siketoiya beso.
GEN 21:15 E siiketoiya go, bwae sinimnim, sinimsave. Sinimsave, gómana maena isayasaya, itáiya. Tuwo sinana ikabi, alova nugonina goi iyato, iwaiwasi.
GEN 21:16 Ago kina sinanayana ibala ina masigava tupwana aduwanau itusobu, nakae itaitáiya. Ina nuwonúwana kana, ‘Bwae ikavava, tauna natugu bei ikámasa. Geya latuwogu gómana matagu goi go, ivailai.’
GEN 21:17 Ago gomanayana ina táiya Yaubada inove, tuwo ina anerose yábana goi itumasobu idigo kana, ‘¿Ega, kaga kutaiyae? Taabu kuumatōita. Gomanayana amoko goi iitusobu ina táiya Yaubada bogina inove.
GEN 21:18 ¡Kutāoya! Kūna gomanayana kuvatāoe be kukipaiwōle. Tauyana bei akisaili tubunao boda tayamo gagaina.’
GEN 21:19 Yaubada ibóbwara ikavava, vavinayana nuwona isanayato, e ikandobala doelu igite. Tuwo ibala ina bwae itege, gomanayana ivanim.
GEN 21:20 E tuwo gomanayana ibibíbina go, kina Yaubada ivakitau. Parani yoyowoina goi ikaaiyaka, e tauyana sau ana togipalu.
GEN 21:21 Yoyowoyana goi sikaaiyaka, sinana inuwonúwana kana, ‘Vavina tayamo guma Itipita akabi, natugu monena.’ Tuwo vavina tayamo ikabi ime, natunayana monena.
GEN 21:22 E amo tutayana da Garara adi tolovina Abimeleka ina tovayaviyayao adi tovakumgo yoina Pikoli taiyao sina Eberamo silatuwoko sidigo kadi, ‘Eberamo, im guinuwa liliudi goi Yaubada ivakitaum bogina kagite.
GEN 21:23 Tauna ame tuta Yaubada matana goi kukatōtula yaima bego geya kuguinuwa goyogoyo yaima, yau be nakae natugowo be tubugowo, go sem kom ogaoga ameko goi go, nakonakae bogina alokatem, e nakae guna lokateyana kulolāse yau yaigu be nakae ida kanasíuna kuyoisikavāte.’
GEN 21:24 Eberamoyana idigo kana, ‘Yaubada matana goi bogina akatótula. Kaga liliuna kuudigedi nakae bei aguinuwedi.’
GEN 21:25 Eberamoyana itagona go, Abimeleka ikamatanako kana, ‘Go im pakonayao guna doelu situugagale. ¿Go bei kaga kuguinuwe?’
GEN 21:26 Go kina Abimelekayana idigo kana, ‘Geya ayagoiyeta avatauwa nakae siguinuwe. Go boi geya kulatuwokoiguta. Moe livalayana makaitaga anove.’
GEN 21:27 Tuwo Eberamo ina sipi be ina bulumakau ikabidi, Abimelekayana ivini, e adi taiyuwo sikanasíuna.
GEN 21:28 Ego Eberamoyana lami bovavina ana badabada ainima aiyuwo ikabidi, Abimeleka matana goi iyatoidi.
GEN 21:29 Go Abimelekayana idigo kana, ‘¿Ame kaga ana lami kuyatoidi?’
GEN 21:30 Eberamoyana idigo kana, ‘Ame lamiyadi kukabīdi, e moe ada kiyakiyaya bego doeluyana yau atavi, tauna yau guna kaba lovina.’
GEN 21:31 Ame pasina asayana ivayou Bera Siva unana amoko goi adi taiyuwo sikatótula, tauna yoina Berasiva.
GEN 21:32 E Bera Siva goi sikanasíuna ikavava, Abimelekayana be nakae ina tokalikumatana Pikoli sitáoya, sikaluvila sina da Palisiti idi kasa.
GEN 21:33 Ago kina Eberamoyana Bera Siva goi alova tayamo ibaguli, alovayana yoina tamarisika. E amoko goi Yauwe Yaubada aiyako vaatayaina yaina Eberamo isaakululu.
GEN 21:34 E Eberamoyana tuta maanawena da Palisiti idi kasa goi isuvadavada.
GEN 22:1 E Eberamo ikaaiyaka go, Yaubada inuwonúwana kana, ‘¿Moitamo Eberamo bei sopagu ikabikaone gea geya? Tuwo bei avakakone, agite.’ E idigo kana, ‘¡Eberamo!’ ‘U, amegu’, Eberamoyana kaena.
GEN 22:2 ‘Natum Aisake, tauyana natum kaakesaina kumataakoiye, e kwābi kunāve asa Moriya goi. Koya tayamo bei avatulukoim, e maeko goi natum kukasāle yau yaigu ame nakae: Tauyana kwaumāte go, wowona kugābu kuvakasāve Yau yaigu’, Yaubada kaena.
GEN 22:3 Tuwo moitamo vanuwo itomo nobuyana giyaina Eberamo itáoya, ina, e ina vininabeso ana kalova igesi. Igesi ikavava, sékula ikabi, ina ase toluna goi isekuli go, alovayana ikailagasi. Ikavava, natuna Aisake be nakae ina pakonayao adi taiyuwo ikabidi, taiyao siketoiya sina asayana Yaubada bogina ilaatuwoko manuna.
GEN 22:4 E siiketoiya go, maliyalina aitonina goi Eberamo ikandobala asayana igite tupwana yomana.
GEN 22:5 Tuwo ina pakonayaoyadi ilatuwokoidi idigo kana, ‘Komi ami taiyuwo ameko kokaaiyāka ase koruugwāusi go, yau ma natugu kana amoko bei kavatugúyala kakanakabobo Yaubada yaina. Kavatugúyala ikavava, bei kakaluvilamna kama.’
GEN 22:6 Ilatuwokoidi ikavava, vininabeso ana kalovayana ikabi, natuna Aisake ivakavale. Ivakavale ikavava, naipi yeu ikabidi, e adi taiyuwo siketoiya. Siketoiya, siketoiya go, kenao goi
GEN 22:7 Aisake idigo kana, ‘Tamagu.’ ‘¿U, manakae natugu?’ Tamana kaena. E Aisakeyana idigo kana, ‘¿Ida yeu be ida kalova goamedi go, ida lami vininabeso aigábuna manuna nako?’
GEN 22:8 E Eberamoyana idigo kana, ‘Natugu, Yaubada Tokaiguyau toinina bei tayamo ivinida ida vininabeso.’ Adi taiyuwo siiketoiya.
GEN 22:9 Siketoiya sima koyayana boi Yaubada ilatuwoko goi, e Eberamo dídiya ikaudakodako aba kasala manuna. Ikaudakodako ikavava, alova ikabi, aba kasalayana yatana goi italiyeliye. Italiyeliye ikavava, natuna Aisake nimana be aena iyowóidi, alova yatana goi ikailagasi.
GEN 22:10 Ikailagasi ikavava, ina naipi ikabi, ikatulagasi bego natuna ikalimate
GEN 22:11 go, Yauwe ina anerose yábana goi itumasobu kana, ‘¡Eberamo! ¡Eberamo!’ ‘U, amegu’, Eberamoyana kaena.
GEN 22:12 Aneroseyana idigo kana, ‘¡Taabu natum kukaalimāte be taabu kuyogeedegēde! Ame bogina ayagoi kom kutaimaminegu be nakae kwabikaonegu unana natum kaakesaina go, tuwo geya kuvagagalakoiguta.’
GEN 22:13 Ibóbwara ikavava, Eberamo imatavilavila, e mlina goi sipi bolamo igite ina dágula taliboibo ikatupaipaimidi. Igite, ibala ina iyoisi ime, natuna Aisake ana katumapu. E tuwo sipiyana ikaumate go, ikailagasi aba kasala yatana. Ikailagasi ikavava, yeu idimili, sipiyana igabu ivakasave, Yaubada yaina ikasale go, kina Aisakeyana idedevina.
GEN 22:14 Ame pasina asayana Eberamo ivayou Yauwe Tokaiguyau. Ame tutayana goi nakae tomota liliudi kadi, ‘Yauwe ina koya goi ikaiguyau.’
GEN 22:15 E aiyuwoina Yauwe ina aneroseyana yábana goi itumasobu Eberamo yaina idigo kana,
GEN 22:16 ‘Toinigu yoigu goi akatótula yaim unana natum kaakesaina geya kuvagagalakoiguta, go sem kutagone.’ Moe Yauwe ina bobwarakubo. Tuwaina kana,
GEN 22:17 ‘E tauna guna katotulayana ame nakae: Moitamo bei akaipakuyem bei im boda akisailidoko, e adi badabada utuna yábana nakae goi o mamaya loulouna nakae. Niga bei im boda ana kaleyayao itogagasavedi.
GEN 22:18 E sopagu bogina kwabikaone, tauna nava boda liliudi poyapoya ame bei siyagoi im bodayana goi akaipakuyedi.’
GEN 22:19 Ibóbwara ikavava, Eberamo ma natuna sikaluvila sina ina pakonayao yaidi, e taiyao siketoiya sina Bera Siva. Amoko goi Eberamo ilokasa ikaaiyaka.
GEN 22:20 Ame dogoiyadi sikavava, e tomota tayamo ina Eberamo ilatuwoko kana, ‘Am gómana Nakori monena Milika nakae bogina ivenátuna.
GEN 22:21 Botomoya yoina Uso, bonauyayana yoidi Busi be Kamweli, tauyana Aram tamana,
GEN 22:22 Kesedi, Aso, Pilidasi be Idilapi go, bogomane moe Betuweli.’
GEN 22:23 Kina Betuweliyana natuna moe Ribeka. E Eberamo ivana Milika natunao adi badabada ainima aito ivenatunidi.
GEN 22:24 Nakoriyana moneyuwoina yoina Reuma. E Reumayana nakae ivenátuna, natunao adi taivasi moe Teba, Gakam, Teyasi be Meyaka.
GEN 23:1 E Sera ana tala 127 bogina ibabane,
GEN 23:2 Asa Ariba Kenani sinaena goi ikaaiyaka ikámasa. (Aribayana youyuwoina moe Ebironi.) Tuwo Eberamo ina Sera ina yoyou goi itáiya tauyana manuna.
GEN 23:3 Itáiya ikavava, mana nuwomou inuwonúwana kana, ‘¿Nako goi bei avaliwoge?’ Inuwonúwana geya, tuwo itáoya ina Eta tubunao ilatuwokoidi idigo kana,
GEN 23:4 ‘Yau tomalatonikasa yaimi goi akaaiyaka, tauna geya guna poyapoyamo. E geya itoboineguta bei guna tomata avaliwoge. Tuwo akawanoi yaimi bego valiwoga tukubu agimone bei tomatayana avaliwoge.’
GEN 23:5 Go kidi Eta tubunao sidigo kadi,
GEN 23:6 ‘Tomoya, kunovēma. Kom tomoya toolagaim yaima goi. Ava valiwoga tukubu dedevina toina, e moeko goi im tomata kuvaliwoge. Madabokima bogina katagona. Geya vatau tayaamo bei ivagagalakoim o isanabodem im tomata kuvaliwoge.’
GEN 23:7 Tuwo Eberamoyana itáoya, Eta tubunaoyadi matadi goi ivatugúyala ikanakabobo
GEN 23:8 go, idigo kana, ‘Neta moitamo imi nuwonúwana bego ameko goi guna tomata avaliwoge, e konovēgu. Sokara natuna Epironi yaina goi kokawanōi manugu
GEN 23:9 bei ina tukubu Makipela goi itagone agimone. Tukubuyana ikaaiyaka Epironi ina poyapoya dadava tayamo goi. E amoko goi guna tomata avaliwoge. Tauyana kolatuwōko latuwogu agimone go, neta aivina ana maisa, madabokina komi matami goi bei aemaisi.’
GEN 23:10 E kina go Epironiyana ina bodao nauyayanaidi iitusobu asa ana kaba siu goi moe idi kaba tugúguna. Tuwo senao liliudi matadi goi itáoya, Eberamoyana ilatuwoko idigo kana,
GEN 23:11 ‘Guna tomoya, moe nakae geya. Kunovēgu. Poyapoyayana be nakae tukubuyana guna bodao matadi goi avinim. Kūna im tomata kuvaliwōge.’
GEN 23:12 Eberamo itáoya go, aiyuwoina ivatuguyalamna ikanakabobo tomotayadi matadi goi
GEN 23:13 idigo kana, ‘Moe dedevina go, kunovēgu. Neta kutagona, e poyapoyayana madabokina ana maisa toina goi aemaisi. Am mani kwābi go, ana amoko goi guna tomata avaliwoge.’
GEN 23:14 Go kina Epironiyana idigo kana,
GEN 23:15 ‘Guna tomoya, kunovēgu. ¿Poyapoyayana ana maisa siriba ana badabada 400 go, moe dogoi besobeso yaida ae? Poyapoyayana avinim. Tuwo kūna im tomata kuvaliwōge.’
GEN 23:16 Eberamo poyapoya ana maisa inove, idigo kana, ‘Nakae dedevina. Atagona; bei aemaisi.’ Tuwo Eta tubunao matadi goi ina mani ikatuyaivi nakae Epironi idige. Ikatuyaivi ikavava, ivini.
GEN 23:17 Tuwo Eta tubunao matadi goi poyapoyayana, tukubuyana be nakae alovaidi adi lovina isaidámana ina Eberamo yaina. Poyapoyayana ikaaiyaka Makipela goi. Moe asayana Mamre go, bomatu dadavina goi ikaaiyaka. Mamreyana Ebironi asaina Kenani sinaena. E niga go Eberamo ina Makipela goi tukubuyana sinaena Sera ivaliwoge.
GEN 23:20 Tauna nakae Eta tubunao poyapoyayana be nakae tukubuyana adi lovina Eberamo ikabi aba valiwoga manuna.
GEN 24:1 E kina go Eberamoyana bogina ikaitomoya go, kaga liliuna goi kina Yauwe ikaipakuye.
GEN 24:2 Go tauyana imatoita inuwonúwana kana, ‘Bei akámasa go, natugu inai beso Kenani goi.’ Tuwo ina pákwana vakuumgoina iduduwe ima. Eberamo konana madabokidi tauyana irugwaausidi. Ima, e Eberamo idigo kana, ‘Nimam kuvaisīu dibuwatugu kuyōisi go,
GEN 24:3 Yauwe Yaubada, Tauyana totobukukui yábana goi nakae poyapoya goi, matana goi kukatōtula ameko Kenani vavinaina tayamo bei geya kukabiyeta natugu monena.
GEN 24:4 Go sem bei kūna toinigu guna kasa Karani goi guna bodao yaidi vavina tayamo kukābi natugu Aisake monena.’
GEN 24:5 Go ina pakwanayana idigo kana, ‘¿Go neta vavina tayamo ababane go, geya latuwona bego ima ameko, bei manakaegu? ¿Bei natum akabi anave im kasa goi gea geya?’
GEN 24:6 Go kina Eberamoyana idigo kana, ‘Natugu taabu kunavenāve guna kasa goi.
GEN 24:7 Yauwe Yaubada, Tauyana totobukukui yábana goi, boi tamagu be nakae guna bodao idi kasa goi iikabigu, e ame Tauyana toinina yoina goi ikatótula yaigu idigo kana, “Poyapoya ame natumowo be tubumowo bei avinidi.” Tauyana ina anerose bei ietune iwo ivakumgoiyem, e bei amoko goi ivatulukoim ava vavina kwabi kume natugu monena.
GEN 24:8 Go neta vavinayana geya latuwona ima ameko, e moe tuwo; atotulayana ana talígava bogina kubabane. Go dogoi gagaina moe natugu taabu kunavenāve guna kasa amoko goi.’
GEN 24:9 Tuwo pakoninayana ibisibala nimana ivaisiu ina tomoya Eberamo dibuwatuna iyoisi, e ikatótula idigo kana, ‘Yaubada matana goi akatótula, kaga liliuna kuudigedi, nakae bei aguinuwedi.’
GEN 24:10 Ikatótula ikavava, ina ina tomoya Eberamo ina kameri ana badabada yawou ikabidi, ikatubayasidi. Ikatubayasi ikavava, búwana dedevidi badabadaidi ikabidi, idodoidi. Idodoidi ikavava, senao taiyao sina Aram Naraim isiu ina Nakori ina kasa.
GEN 24:11 Siketoiya, siketoiya, sisowóduwo asayana ina doelu goi, e kameri silovinaedi bego sivatugúyala siwaiwasi. Moe bogina lavilavi, e vevina adi tuta bwae sitegatega.
GEN 24:12 Kameri silovinaedi ikavava, pakoninayana ikawanoi Yaubada yaina idigo kana, ‘Yauwe e, kom guna tomoya Eberamo ina Yaubada, akawanoiyem; latuwogu bego tauyana kulokate, e bei ame tuta ana dedevina ababane.
GEN 24:13 Gwa, doelu ame kikina goi atatáoya go, asa vevinaidi simamaima bei sitega.
GEN 24:14 Ago ava vavina yaina neta akawanoi kagu, “Am botori kwaisobūye bei am bwae giyaina anim” go, vavinayana ikatumapu kana, “Kunīm go, im kameri nakae bei avanimdi”, e moe tauyana kuvayōko Aisake im pákwana monena. Moeko goi bei ayagoi guna tomoya bogina kulokate.’
GEN 24:15 ¡Go kugīta! ¡Pakoninayana nava ikaawanoi go, Ribeka botori ivabe isowóduwo ima! Tauyana Betuweli natuna go, tubuna Milika. Milikayana monena yoina Nakori, tauyana Eberamo ana gómana.
GEN 24:16 Ribekayana vavina gumaboina toina. Tauyana geya tayaamo koroto ikanaaotai. E ima isou ina doeluyana goi bwae itega. Itega ikavava, ituko bego ikaluvila go,
GEN 24:17 pakoninayana woilina ina vavina yaina ikawanoi idigo kana, ‘¿Kutagona bei bwae giyaina im botori goi anim?’
GEN 24:18 ‘Guna tomoya, kunīm’, vavinayana kaena. Tuwo ina botori ikaisobuye, bwae itege, pakoninayana ivini, giyaina inim.
GEN 24:19 Inim ikavava, vavinayana idigo kana, ‘Bwae atege im kameri nakae avanimdi ana kadókana sinim, gamodi.’
GEN 24:20 Tuwo woilina yoguyogu idi kaba nim goi bwae isiwoi. Ikavava, woilina ina doelu goi bwae tuwaina itege. E nakae iguuinuwe ana kadókana kameri madabokidi sinim gamodi.
GEN 24:21 E kina go korotoyana geya iboboreta, go sem vavinayana idumakavaateyamo; latuwona iyagoi nakona Yauwe bogina ina guinuwa goi ina koidádana imalatomota.
GEN 24:22 Tutayana kameri sinim ikavava, korotoyana mawuwu goura ikabi, Ribeka kubuna goi ivaisiu. Nípuna goura aiyuwo nakae ikabidi, Ribekayana nimana goi ivalilividi.
GEN 24:23 Ivalilividi ikavava, idigo kana, ‘¿Tamam avatau? Kulatuwokōigu. ¿Nakae aivina vabodaupa sikaaiyaka itoboinema yau segowo taiyao ina vada goi kamasisi?’
GEN 24:24 ‘Tamagu Betuweli, tauyana Milika be Nakori natudi.
GEN 24:25 Ima vada goi limou sékula ikaaiyaka, kameri itoboinedi simasisi. Aiyuwoina kameri avadi amodi. E komi itoboinemi koma komasisi’, vavinayana kaena.
GEN 24:26 Tuwo korotoyana ivatugúyala ikanakabobo Yauwe yaina goi,
GEN 24:27 idigo kana, ‘Yauwe, guna tomoya Eberamo ina Yaubada, itoboinegu ayapaliyem. Im lokate Eberamoyana yaina goi geya kukalaveyeta be kom nava núwana bayatoina tauyana yaina. Bogina kuvakedegu ama guna tomoya osenao yaidi goi.’
GEN 24:28 E vavinayana ilokoina ina ina bodao sinana ina vada goi sikaaiyaka, e kaga liliuna korotoyana iidigedi ilatuwokoidi.
GEN 24:29 Ego Ribekayana niuna tayamo yoina Lebani. Tauyana ikaaiyaka tutayana Ribeka iivatétala. E Ribekayana ina livala inove nakae mawuwu be nípuna igitedi, to ilokoinamo. Ilokoina ina doeluyana goi go, korotoyana igite iitáoya kameri kikidi.
GEN 24:31 E idigo kana, ‘Siyagu, kom Yauwe bogina ikaipakuyem, e kūma. ¿Kaga unana ameko goi kuutáoya? Vada bogina akatubayasi, e nakae kameri kebadi bogina akatubayasidi. ¡Tauna kūma tāna guna vada!’
GEN 24:32 Tuwo pakoninayana senao taiyao sina Lebani ina vada goi go, konadi kameri yatadi goi Lebaniyana ina pakonayao maniyedi sisivamauidi. Sisivamauidi ikavava, sivavanidi. Niga bwae sitege, korotoyana ma senao sivinidi aedi sinikidi.
GEN 24:33 Sivinidi ikavava, awoinu sime korotoyadi matadi goi siyato go, kina korotoyana idigo kana, ‘Geya akaiketa geya ana kadókana alatuwokoimi kaga unana ama ameko.’ ‘O dedevina, kulatuwokōima’, Lebani kaena.
GEN 24:34 E pakoninayana idigo kana, ‘Yau Eberamo ina pákwana.
GEN 24:35 Tauyana kina Yauwe ikaipakuye gagaina, tauna bogina ietoolagaina, tuwo ina esaesa gagaina nakae ina sipi be ina bulumakau, ina siriba be ina goura, ina pakonayao koroto be vevina, ina kameri be ina ase badabadaidi Yauwe bogina ivini.
GEN 24:36 Guna tomoya monena Sera bogina ikainamoya go, ivenátuna, natuna koroto. Guna tomoya konana liliudi natuna bogina ivini.
GEN 24:37 Guna tomoyayana boi ilatuwokoigu kana, “Ame nakae kukatōtula: Taabu Kenani vavinaina ameko goi kukabikābi natugu monena.
GEN 24:38 Go sem kūna tamagu ina kasa goi nakae guna dala goi vavina tayamo kukābi natugu monena.”
GEN 24:39 Go yau kagu, “¿Go neta vavina tayamo ababane go, geya latuwona bego ima ameko, bei manakaegu?”
GEN 24:40 Guna tomoyayana idigo kana, “Yauwe, Tauyana tuta liliuna akabiikaone, ina anerose bei ietune iwo ikitaum be nakae ivaitem bei im koidádana imalatomota, e bei itoboinem vavina tayamo guna dala yaina goi kubabane natugu monena.
GEN 24:41 Moeko goi im katótula ana talígava bei kubabane. Go neta vavina tayamo guna dala goi kubabane go, sivagagale, e nakae atotulayana ana talígava bogina kubabane.”
GEN 24:42 E maine ama doelu amo goi akawanoi Yauwe yaina kagu, “Yauwe, guna tomoya Eberamo ina Yaubada, kutagōna guna koidádana imalatomota.
GEN 24:43 Gwa, yau doelu ame kikina goi atatáoya. Ava woiyai neta ima ana bwae itega go, neta alatuwoko kagu, ‘¿Manakae? ¿Kutagona bwae giyaina im botori goi anim?’
GEN 24:44 Go neta tauyana kana, ‘Kunīm go, im kameri nakae bei avanimdi’, e moe vavinayana kuvayōko kina im kinava guna tomoya natuna monena.”
GEN 24:45 Go yau nava nuwogu goi akaawanoi, e Ribeka ina botori ikavale ima. Tuwo isou ina doelu goi ina bwae itege go, yau alatuwoko kagu, “¿Manakae? ¿Kutagona bwae giyaina im botori goi anim?”
GEN 24:46 E mainao tauyana ina botori ikaisobuye go, idigo kana, “Kunīm go, im kameri nakae bei avanimdi.” E tuwo anim go, tauyana guna kameri adi bwae itege ivanimdi.
GEN 24:47 Kagu, “¿Tamam avatau?” “Tamagu Betuweli, Nakori be Milika natudi”, tauyana kaena. E tuwo mawuwu akabi, kubuna goi avaisiu be nakae nimana goi nípuna avalilividi go,
GEN 24:48 avatugúyala akanakabobo Yauwe yaina. Tauyana guna tomoya Eberamo ina Yaubada. Enao aba numisa goi bogina ivakedegu ama guna tomoya ana gómana tubuna yaina bego akabi anave natuna monena.
GEN 24:49 E komi Eberamo boda tayamo. ¿Tauna manakae? Neta guna tomoya Eberamo bei kolokate be nakae imi guinuwa goi komi bei núwana bayatoina tauyana yaina, e kolatuwokōigu, e vavinayana akabi anave. Go geya, kolatuwokōigu bei imi nuwonúwana ayagoi, e bei ana alusala aivina kenao sikaaiyaka Aisake monena.’
GEN 24:50 E Betuweli ma natuna Lebani taiyao sidigo kadi, ‘Ame Yauwe ina guinuwa, tauna kai ima nuwonúwana dogoi besobeso.
GEN 24:51 Ribeka goame. Kwābi kunāve, e bei tauyana im tomoya natuna monena nakae Yauwe bogina ilatuwokoim.’
GEN 24:52 Tutayana Eberamo ina pakwanayana idi livala inove, ivatugúyala ikanakabobo Yauwe yaina.
GEN 24:53 Ikavava, goura be siriba pasapasa be nakae kwama ikabidi Ribeka ivini. E nakae búwana maisadi gagaidi Ribeka niuna be sinana ivinidi.
GEN 24:54 Ivinidi ikavava, senao taiyao sikáika. Sikáika ikavava, simasisi. Simasisi vanuwo itomo, sitáoya, pakoninayana idigo kana, ‘Ame tuta kotagōna Ribeka akabi taiyao kana guna tomoya yaina.’
GEN 24:55 Go kidi sinana be niuna sidigo kadi, ‘Geya, latuwoma bego kom be Ribeka maliyalina yawou nakae takaaiyaka namliyeta baige kona.’
GEN 24:56 Go kina pakoninayana idigo kana, ‘Taabu kovagaagalēgu. Yauwe ina guinuwa goi guna koidádana imalatomota, tauna kotagōna mainao kana guna tomoya yaina goi.’
GEN 24:57 Kidi kadi, ‘Tauyana taduduwe ima go, talumadade bei ina nuwonúwana tayagoi.’
GEN 24:58 Tuwo moitamo vavinayana siduduwe ima go, silumadade kadi, ‘¿Manakae? ¿Vavagim ame tuta ame tauyana taiyao kona gea nava takaaiyaka?’ Kina vavinayana idigo kana, ‘Vavagigu ame tuta kana.’
GEN 24:59 E tuwo Ribeka mana pákwana vavina, Eberamo ina pákwana mana korotoyao taiyao sivaduduwedi.
GEN 24:60 E Ribeka sikaipakuye kadi, ‘Niuma, Im kaiyaka bei dedevina be nakae kususāila, e tubumowo badabadaaidi, nakae adi kaleyayao sitogagasavedi.’ Tuwo Ribeka mana pákwana sitáoya idi kameri goi situlaga. Ikavava, Eberamo ina pákwana sisabokuliye go, ivakededi sina.
GEN 24:62 E kina go Aisakeyana asa Bera Lakai Roi ikalave go, ina Negevi goi ikaaiyaka.
GEN 24:63 Lavilavi tayamo iiketoiya yoyowo goi inuwonúwana go, ikandobala kameri igitedi simamaima.
GEN 24:64 Ribeka nakae ikandobala Aisake igite imamaima. Tuwo ina kameri goi isou
GEN 24:65 Eberamo ina pakwanayana ilatuwoko idigo kana, ‘¿Amo ava koroto imamaima bei ivalobodeda?’ ‘Amo tauyana guna tomoya’, pakoninayana kaena. Tuwo Ribeka ana kwama ikabi, maisina itabode go, imatakipola nakae idi sinapu nai manuna.
GEN 24:66 Tuwo Aisake ivalobodedi, e pakoninayana ivatétala ana kaibako.
GEN 24:67 E Aisake ina Ribeka ikabi, inave sinana vada lulubena yoyou parai sinaena goi. Moeko goi Ribeka bogina inai monena, e imatakoiye. Tuwo boi Aisake nuwona imou sinana ina kámasa pasina go, ame tutayana bogina iuyáwana.
GEN 25:1 E Eberamo inaimna, monena yoina Ketura.
GEN 25:2 Keturayana goi Eberamo natunao koroto ame nakae: Simirani, Iyokisani, Medani, Midiyani, Isibaki be Suwaka.
GEN 25:3 Iyokisaniyana natunao koroto adi taiyuwo, tayamo yoina Seva, tayamo yoina Dedani. Dedaniyana tubunao adi bodao yoidi ame nakae: Asuri, Letusi be nakae Leuma.
GEN 25:4 Midiyaniyana natunao koroto Epa, Eperi, Enoki, Abida be Elideya. Ame tauna Ketura natunao be tubunao.
GEN 25:5 E Eberamo ina lotówana ilotowo, e konana madabokina natuna Aisake ivini.
GEN 25:6 Ego Eberamo moneyuwoinao natudiyao nakae konadi ivinidi go, ivalilivedi sina aduwanau bomatu dadavina. Geya latuwona Aisake taiyao sikaaiyaka.
GEN 25:7 E Eberamo yawoina ana madabokina moe tala ana badabada tayamo andedi seventipaibi (175).
GEN 25:8 Tauyana bogina ikaitomoya toina, e yawoina ikavava, namliyeta ina tamana be tubunao yaidi goi. Yawoina maanawena be nakae ina kaiyaka madabokina dedevina.
GEN 25:9 Yawoina ikavava, tuwo natunao adi taiyuwo, moe Aisake be Isimaeli, tamadi wowona sikabi, sinave Makipela goi go, valiwoga tukubu sinaena goi sivaliwoge. Makipelayana ikaaiyaka asa Mamre go, bomatu dadavina goi boi Epironi ina poyapoya sinaena. Epironiyana tamana Sokara, tauyana tubuna moe Eta.
GEN 25:10 Eta tubunaoyadi yaidi goi boi poyapoya Eberamo igimone. Amoko goi monena Sera ivaliwoge go, Eberamo nakae sivaliwoge.
GEN 25:11 E ina kámasa mlina, natuna Aisake Bera Lakai Roi goi ilokasa ikaaiyaka go, ina kaiyakayana goi kina Yaubada ikaipakuye.
GEN 25:12 Ame Eberamo natuna Isimaeli mana bodao adi liliu: Sera ina pákwana Ega guma Itipita go, kina Egayana Eberamo natuna Isimaeli ivenatuni.
GEN 25:13 Isimaeliyana natunao koroto adi bíbina goi ame nakae: Botomoya yoina Nibayote. Bonauyayana yoidi Kedari, Adebaeli, Mibisam,
GEN 25:14 Misema, Duma, Mase,
GEN 25:15 Kadadi, Tema, Yetura be Napisi. Bogomane yoina Kedema.
GEN 25:16 Ame taudi Isimaeli natunao yawou aiyuwo sietolovina idi bodao yaidi goi. Ame yoidiyadi moe idi bodaoyadi tamo tamo adi dala yawou aiyuwo yoidi nakae. Aiyuwoina tubudiyao idi kasa yoidi nakae.
GEN 25:17 Isimaeli yawoina ana madabokina moe tala ana badabada 137 ibabane, e yawoina ikavava namliyeta ina tamana be tubunao yaidi goi.
GEN 25:18 E tauyadi natunao be tubunao silokasa Abila be Sura nauyayanaidi goi, moe Itipita idi túwana kikina neta kunonoina bego Asiriya. Ago Isimaeli natunao Aisake natunao sivakaleyedi.
GEN 25:19 E ame Eberamo natuna Aisake mana bodao tetelidi.
GEN 25:20 E tutayana Aisake ana tala poti, Ribeka inai. Ribekayana tamana yoina Betuweli guma Aram, ina kasa Padani Aram. Niuna yoina Lebani.
GEN 25:21 E Ribeka ikágala, tauna Aisake ikawanoi Yauwe yaina bego natuna ivini. Tuwo Yauwe inove, e Ribekayana ikéuwama.
GEN 25:22 Ikéuwama go, gamona goi gogómana lalavi sivadidídina, tuwo Ribekayana ina nuwonúwana kana, ‘¿Kaga unana ame isowóduwo yau yaigu?’ Tuwo Yauwe inoko vaita manuna; latuwona bego iyagoi.
GEN 25:23 E Yauweyana idigo kana,
GEN 25:24 Tuwo moitamo Ribeka ina tuta ibabane, e gamona goi lalavi koroto sikaaiyaka.
GEN 25:25 Ina venatunayana goi gómana igimibíbina okayakaya go, wowona unuunu kaka, tauna sivayou Iso.
GEN 25:26 Ego tutayana Iso isowóduwo, siyana ivámliya ibisibala tuwowona aegedugeduna iyoisi, tauna sivayou Yakobo. E Aisake ana tala siksti (60) tutayana Ribeka natunao ivenatunidi.
GEN 25:27 E gogomanayadi bogina sibíbina gagaidi. Iso togivakauko; aitowo nuwona ikabi. E kina go Yakobo ituli; tauyana koroto sakuululuna nakae tuwowoonuwaina, tauna tuta liliuna yoyou parai goi ikaaiyaka.
GEN 25:28 Aisake yoguyogu woiwoi ana tokáika, tauna natuna Iso imatakoiye. E kina go Ribeka natuna Yakobo imatakoiye.
GEN 25:29 E sikaaiyaka, tuta tayamo Yakobo bini kayakayaidi ivaaipoludi go, tuwowona Iso vakauko goi ima, e loga ikámasa toina.
GEN 25:30 Siyana Yakobo igite ivaaipolu, tuwo ilatuwoko idigo kana, ‘¡Loga akámasa! Tauna siyagu, am bini kayakayaidi giyaina kuvinīgu akáika.’ Moe pasina Iso youyuwoina moe Idom.
GEN 25:31 Go kina Yakoboyana idigo kana, ‘Tatalamāpu. Mainao kom botomoya im lovina kuvinīgu namliyeta biniyadi avinim.’
GEN 25:32 Isoyana idigo kana, ‘¡Loga akámasa go! ¿Guna lovina kaga ana dedevina neta yau akámasa?’
GEN 25:33 Go Yakoboyana idigo kana, ‘Ame tuta Yaubada matana goi kukatōtula bei im lovina kuvinigu.’ Tauna Iso ikatótula idigo kana, ‘Yaubada matana goi kom botomoya nakae mam lovina.’
GEN 25:34 Ikatótula ikavava, Yakobo beredi be nakae bini ikabidi, tuwowona ivini. Tuwo Isoyana ikáika be inim. Ikáika ikavava, itáoya ina. Tauna Iso ina lovina áika goi italamapuye. Tuwo lovinayana dogoi besobeso tauyana yaina.
GEN 26:1 E Bera Lakai Roi goi loga isowóduwo nakae boi Aisake tamana ana tuta. Tuwo Aisake itáoya, ina asa Garara goi da Palisiti adi tolovina Abimeleka igite ikawanoi tuta kaakupina ikaaiyaka.
GEN 26:2 E Aisakeyana ina nuwonúwana bego ina Itipita go, Yauwe toinina isowóduwo tauyana yaina idigo kana, ‘Aisake, taabu kunonōina Itipita, go sem asa bei avatulukoim, moeko goi kwaiyāka.
GEN 26:3 Go ame tuta ameko goi kusuvadavada. Yau bei avakitaum be akaipakuyem. Moitamo. Kom be nakae tubumowo poyapoya ame madabokina bei avinimi. Boi tamam Eberamo yaina akatótula go, ame bei atotulayana akamoitamoe kom yaim.
GEN 26:4 Im boda bei akisailidi, adi badabada nakae utuna yábana goi go, poyapoya ame madabokina bei avinidi. Nava boda liliudi poyapoya ame bei siyagoi im boda goi akaipakuyedi
GEN 26:5 unana Eberamo sopagu ikabikaone; guna lovina, guna vatulúkwana, guna liwola be nakae guna livala ikabikaonedi. Tauna boda liliudi bei siyagoi yau akaipakuyedi.’
GEN 26:6 Tuwo moitamo Aisake Garara goi ikaaiyaka.
GEN 26:7 Amoko goi koroto maniyedi sikandobala Ribeka sigite vavina gumaboina, e Aisake silumadade kadi, ‘Ribeka avakavam?’ Aisakeyana idigo kana, ‘Tauyana niugu.’ Bogina kuyagoi. Tauyana imatoita bego ilatuwokoidi kana, ‘Ribeka monegu’, govila bei Ribekayana pasina sikaumate.
GEN 26:8 E Aisakeyana bogina tuta maanawena amoko goi ikaaiyaka, e tuta tayamo ma monena Ribeka siituyuwo. Siituyuwo go, Aisake ibisibala Ribeka wowona ikatumoyasu. Adi taiyuwokova sinuwonúwana kadi, ‘Nakona adetava.’ Kom go avatau? Abimeleka, tauyana da Palisiti adi tolovina, ina vada goi ikaaiyaka, windo goi ikandosobu igitedi.
GEN 26:9 Tuwo Aisake iduduwe ima ilatuwoko idigo kana, ‘Aisake, amo vavinayana moitamo monem ae? Kaga unana kupola kam, “Tauyana niugu”?’ Aisakeyana idigo kana, ‘Unana amatoita. Guna nuwonúwana kagu, “Vavinayana pasina bei sikaumategu.” Tauna kagu, “Tauyana niugu.”’
GEN 26:10 Go Abimelekayana idigo kana, ‘Moe kaga kuguinuwe yaima! Neta koroto tayamo monem imasisiye, e moe goyoyana pasina kai vailai kababane!’
GEN 26:11 E tuwo tauyana lovina tomota liliudi ivinidi idigo kana, ‘Avatau neta koroto ame o monena ibisikone, bei ana kaumata ibabane.’
GEN 26:12 E Yauwe Aisake ikaipakuye. Amo asayana goi Aisake ibágula go, niga dibayoya ana tuta goi ina dibayoya gagaina toina ibabane.
GEN 26:13 Tauna Aisake bogina iguyau go, ina esaesa tuta liliuna ivaituwe ana kadókana iguyau gagaina.
GEN 26:14 Ina sipi, ina bulumakau be nakae ina pakonayao vevina be koroto badabadaidi sikaaiyaka, e tauna da Palisiti sigite sivakipikipiye.
GEN 26:15 Tuwo sina doeluyadi tamo tamo Aisake tamana Eberamo ina pakonayao boi siitavidi poyapoya goi sikaubodedi.
GEN 26:16 E Abimeleka ina Aisake ilatuwoko idigo kana, ‘Aisake, kom bogina kutogagasavema, tauna ima kasa kwalāve.’
GEN 26:17 Tuwo moitamo Aisake itáoya, asayana ikalave go, ina Garara butumina goi itunagu.
GEN 26:18 Amo asayana goi boi nimatu Eberamo ina pakonayao doelu sitavidi go, tutayana ina kámasa mlina, e da Palisiti poyapoya sikabi sikaubodemneidi. Tuwo Aisake itavimneidi, e sidau. Doeluyadi ivayoudi nakae boi tamana ivaayoudi.
GEN 26:19 E tuta tayamo Aisake ina pakonayao doelu vau sitavi, e bwae dedevina ikaaiyaka.
GEN 26:20 Ago doeluyana pasina da Garara idi sipiyao maniyedi adi torugwautayao Aisake ina pakonayaoyadi taiyao sikaumakimaki. Torugwautayadi sidigo kadi, ‘Ame kai ama bwae!’ Tuwo doeluyana Aisake ivayou Eseki idi kaumakimaki pasina.
GEN 26:21 E Aisake ina pakonayaoyadi doelu aiyuwoina sitavi, e amo doeluyana pasina nakae torugwáuta sima taiyao sikaumakimaki, tauna doeluyana Aisake ivayou Sitina.
GEN 26:22 E Aisake ina ituli ta poyapoya goi ina pakonayaoyadi doelu aitonina sitavi go, geya vatau tayaamo ima ikaumakimaki, tauna doeluyana ivayou Rekobota go, idigo kana, ‘Yauwe abatau bogina ivinida yoiyada, tauna itoboineda takaiyaka, e tasusáila.’
GEN 26:23 E niga amo asayana Aisake ikalave go, ina Bera Siva goi itunagu.
GEN 26:24 Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’
GEN 26:25 Tuwo amoko goi dídiya ikaudakodako, aba kasala imadagi. Ikaudakodako ikavava, Yauwe yaina isakululu. E amoko goi ina yoyou parai iyowo be nakae ina pakonayao ina doelu sitavi.
GEN 26:26 E kidi go Abimeleka ina tovaita Ausati be nakae ina tovayaviyayao adi tovakumgo yoina Pikoli asa Garara goi sima bego Aisake sigite.
GEN 26:27 Sima go, Aisakeyana ilumadádana kana, ‘Kaga latuwomi koma? Boi kokaolilivegu be nakae kovalilivegu, tauna kaga unana koma?’
GEN 26:28 Kidi kadi, ‘Kama unana kayagoi Yauwe ivakiitaum. Tauna Yaubada matana goi komi be kai takatōtula nakae takanasīuna.
GEN 26:29 Ame nakae: Kom kukatōtula bego taabu kuyogedegedēma nakae kai boi geya kayogedegedemta, go sem ima sinapu tuta liliuna dedevina yaim be nakae mam tuboina kavalilivemmo. E ame tutayana kayagoi Yauwe ikaipakuyem.’
GEN 26:30 Tuwo Aisake itagona, tauna áika iwodugu, ivinidi sikáika sinim. Áika ikavava, simasisi.
GEN 26:31 Simasisi vanuwo itomo nobuyana giyaina goi sitáoya, e Abimeleka be Aisake Yaubada matana goi sikatótula. Sikatótula ikavava, Aisake ivaduduwedi tauyadi madi tuboina sina.
GEN 26:32 E amo maliyalinayana goi Aisake ina pakonayao sima silatuwoko sidigo kadi, ‘Aisake, tayamo doelu katavi go, bwae bogina kababane!’
GEN 26:33 Tuwo doeluyana ivayou Suva. Tauna ame tuta nakae, asayana yoina Bera Siva.
GEN 26:34 E Iso ana tala poti ibabanedi go, Diyudeti inai. Diyudetiyana tamana yoina Beri go, tubuna Eta. Vavina aiyuwoina yoina Basemate Iso taiyao sinai. Basemateyana tamana yoina Eloni go, tubuna Eta.
GEN 26:35 Vevinayadi imedi go, idi sinapu pasina Aisake be Ribeka atedi igeda.
GEN 27:1 E Aisake ikaaiyaka, e bogina ikaitomoya, nakae matana ikau, tuwo geya itoboineyeta igita dókana. E tuta tayamo ina botomoya Iso iduduwe idigo kana, ‘Natugu, kūma!’ ‘Tamagu, manakae?’ Isoyana kaena.
GEN 27:2 Aisakeyana idigo kana, ‘Natugu, kunōve. Yau bogina akaitomoya. Guna tuta geya ayagoiyeta ava tuta bei akámasa.
GEN 27:3 Tauna im kaipíyama, im sau be im gita, kwabīdi, e kūna yoyowo goi yau guna woiwoi kuvakāuko.
GEN 27:4 Kuvakauko ikavava, kūma awoinu dedevina kuwodūgu nakae yau nuwogu ikabi, e kūme akáika. Akáika ikavava, yau nava maa yawoigu itoboinegu akaipakuyem.’
GEN 27:5 E kina go Ribeka itaaiyakeka tutayana Aisake ma natuna Iso sibobóbwara. Tutayana Isoyana itáoya ina yoyowo goi ivakauko,
GEN 27:6 e kina go Ribekayana ina natuna Yakobo ilatuwoko idigo kana, ‘Natugu kunōve. Maine tamam anove tuwowom Iso ilatuwoko
GEN 27:7 idigo kana, “Woiwoi dedevina kuvakaukōe, kūme awoinu dedevina kuwodūgu. Kuwodugu ikavava, kūme akáika, e yau nava maa yawoigu itoboinegu Yauwe matana goi akaipakuyem.”
GEN 27:8 Tauna natugu, ame tuta kunovēgu. Kaga nakae alatuuwokoim, kom nakae kuguinūwe.
GEN 27:9 Natugu, ame tuta kūna goti bonatuna aiyuwo dedevidi kulauīdi kumēdi, e awoinu dedevina bei aodugu nakae tamam nuwona ikabi.
GEN 27:10 Aodugu ikavava, kūna tamamyana kuvīni ikáika, e bei itoboine igimikaipakuyem namliyeta ikámasa.’
GEN 27:11 Go kina Yakoboyana idigo kana, ‘Tauna go tuwowogu Iso wowona unuununa go, yau wowogu imomoyasu.
GEN 27:12 Nakona bei tamagu sakavaigu ibisikone, bei ikinanegu kana, “Ame Yakobo ikatubaugu.” E tauna bei geya ikaipakuyeguta, go sem bei ikatubolategu.’
GEN 27:13 Go sinanayana idigo kana, ‘Natugu, neta ikatubolatem, yau atagona bego atubolatayana ima yaigu, go kom sem niyagu konōve. Ame tuta kūna gotiyadi kulauīdi kumēdi.’
GEN 27:14 Tuwo moitamo itáoya ina gotiyadi ikaumatedi. Ikaumatedi ikavava, imedi sinana ivini, awoinu dedevina iwodugu nakae tamana nuwona ikabi.
GEN 27:15 Ivaipolu ikavava, isiu ina vada goi ina botomoya Iso ana kwama dedevidi ikabidi, Yakobo ivini ilosidi.
GEN 27:16 Ilosidi ikavava, goti bonatunayadi sakavaidi Ribeka ikabidi, Yakobo nimana be nukotona momooyasuna goi isikoidi.
GEN 27:17 Isikoidi ikavava, awoinuyana be beredi bogina ikatubaayasidi natuna Yakobo ivini. Yakobo berediyana be awoinuyana ikabidi,
GEN 27:18 e ina tamana goi idigo kana, ‘Tamagu.’ ‘U. Go kom ava natugu?’, tamana kaena.
GEN 27:19 Yakoboyana ipola idigo kana, ‘Tamagu, yau im botomoya Iso. Kaga nakae kulatuuwokoigu bogina nakae aguinuwe. Tauna kutusobu dōkana, kwāika. Ikavava, kwaipakuyēgu.’
GEN 27:20 Go kina Aisakeyana idigo kana, ‘Go natugu, manakaem mainao kuma?’ ‘Unana Yauwe im Yaubada ivaitegu’, Yakobo kaena.
GEN 27:21 Tuwo Aisakeyana idigo kana, ‘Natugu, kūma kikigu goi abisikonem, e bei ayagoim nakona kom moitamo natugu Iso gea geya.’
GEN 27:22 E tuwo Yakoboyana ibala ina tamana Aisake kikina goi go, tamanayana ibisibala Yakobo ibisikone, idigo kana, ‘Niyam Yakobo niyana nakae go, nimam Iso nimana nakae.’
GEN 27:23 E amoko goi Aisake natuna Yakobo geya ikinaneyeta unana nimana ma unuununa Iso nimana nakae. Tauna geya ikinaneyeta. Tuwo latuwona bego ikaipakuye go, nava inanayuwo,
GEN 27:24 tuwo idigo kana, ‘Kom moitamo natugu Iso?’ ‘U, nakae’, Yakobo kaena.
GEN 27:25 Tuwo Aisakeyana idigo kana, ‘Natugu, woiwoi bogina kuvaaipolu kūme bei akáika, gobe akaipakuyem.’ Tuwo moitamo Aisake ivini ikáika nakae oine ivini inim.
GEN 27:26 Ikavava, Aisake idigo kana, ‘Natugu, kūma kuyowoiīgu.’
GEN 27:27 Tuwo Yakobo ina tamana iyowoi go, Yakobo ana kwama mainina Aisake inove, e idigo kana, ‘Aa natugu mainina nakae yoyowo mainina; yoyowoyana Yauwe ikaipakuye.’ Tuwo ikaipakuye idigo kana,
GEN 27:28 ‘Yaubada ina nuwonúwana goi númla sigugumina
GEN 27:29 Aiyuwoina Yaubada ina nuwonúwana goi
GEN 27:30 E Aisake ina kaipakuyana ikavava, Yakobo itáoya, tamana ikalave ina go, kina Iso ina vakauko goi isowóduwo ima.
GEN 27:31 Ima, e nakae awoinu dedevina iwodugu. Iwodugu ikavava, isiu ina tamana ivini idigo kana, ‘Tamagu, kutusobu dōkana go, ame anina bogina avaipolu kwáika gobe kwaipakuyēgu.’
GEN 27:32 Go kina Aisakeyana nukotona iwówana, idigo kana, ‘Go kom vatau?’ ‘Yau Iso, im botomoya’, Isoyana kaena.
GEN 27:33 Tuwo Aisakeyana wowona itátava gagaina toina, e idigo kana, ‘Go maine vatau ima? Tauyana awoinu dedevina iwodugu ime ivinigu akáika. Makaitaga akáika ikavava, e kom kuma. Go tauyana bogina akaipakuye, tauna aipakuyana ikaiyako vata yaina, geya itoboineguta akuliuye.’
GEN 27:34 E tutayana kina Isoyana tamana ina livala inove, mana táiya itaiyaduduwo gagaina idigo kana, ‘Oiyoi, tamagu! Yau nakae kwaipakuyēgu!’
GEN 27:35 Go kina tamana kana, ‘Geya. Am gómana mana pola ima am kaipaku bogina isonane.’
GEN 27:36 Tuwo Isoyana idigo kana, ‘Tauyana sivayoudoko Yakobo ae? Bogina sivayuwo ikatubaukoigu. Boi guna tapavívila goi tauyana ivaobugu, e tauna tauyana imalabotomoya mana lovina go, ame tuta guna kaipaku isonane.’ Tuwaina kana, ‘Go tamagu, manakae? Itoboinem yau nakae kwaipakuyegu gea geya?’
GEN 27:37 Go kina Aisakeyana idigo kana, ‘Kunōve! Guna kaipaku goi tauyana kom osemowo taiyao bei ilovinaemi nakae komi ina pakonayao. Ina oine nakae ina kawoinu bei siiloboina. Tauna natugu, geya tayaamo aipaku dedevina ikaaiyaka bei kom avinim.’
GEN 27:38 Go kina Isoyana idigo kana, ‘Go manakae? Sivatayamo tauna itoboinem kwaipaku ae? Tamagu! Yau nakae kwaipakuyēgu!’ Tuwo Iso itáiya gagaina.
GEN 27:39 E tamana Aisake idigo kana,
GEN 27:40 Im kaiyaka manuna bei kuvalauláuwo
GEN 27:41 E tuwo Iso gamona igoyo unana tamana ina kaipaku ana gómana Yakobo ivini go, kina geya, tauna Yakoboyana ikaolilive. Inuwonúwana kana, ‘Tamagu ina kámasa mlina go, táiya ana tuta ikavava, tauyana bei akaumate.’
GEN 27:42 Ago Ribeka vala inove bego Iso latuwona Yakobo ikaumate. Tuwo ina bogomane Yakobo iduduwe ima idigo kana, ‘Natugu, kunōve. Iso toinina ikipaiwole ame nakae: Iyupuyupu bego im goyo ikatumapu, e ikaumatem.
GEN 27:43 Tauna natugu, niyagu kunōve. Ame tutayana kutāoya, woilīm kusīya kūna Karani goi, e niugu Lebani yaina goi kwaiyāka.
GEN 27:44 Amoko goi tuta giyaina kwaiyāka, nakae ana kadókana tuwowom ina egamogamogu ikavava.
GEN 27:45 Tutayana ina egamogamoguyana ikavava be nakae im guinuwa ame inuwotao, e livala bei aetune iwo yaim bego kom itoboinem kwaluvila. Moe nakae kuguinūwe, govila bei ameko goi kwaiyaka, Iso ikaumatem go, tomota bei Iso ina guinuwa pasina sikaumate. Geya latuwogu natugowo ami taiyuwokova kokámasa maliyalina tayamo sinaena.’
GEN 27:46 E Ribeka ina monena Aisake ilatuwoko idigo kana, ‘Amo Eta tubunao vevina adi taiyuwo Iso iinaidi bogina ogu ikai taiyao kakaiyaka. Neta Yakobo nakae Eta tubuna vavina tayamo inai, e dedevina yaigu neta akámasa.’
GEN 28:1 Tuwo livalayana Aisake inove, Yakobo iduduwe ima, ikaipakuye. Ikaipakuye ikavava, idigo kana, ‘Natugu, taabu Kenani vavinaina kunaināi.
GEN 28:2 Go sem kūna asa Padani Aram. Amoko goi kūna sinam tamana Betuweli ina vada goi. Vavina tayamo doiyam Lebani natunao yaidi goi kukābi kunāi.
GEN 28:3 Yaubada Tokalika im nai bei ikaipakuye, e bei ina guinuwa goi kususáila, tubumowo badabadaaidi. Tauna kom boda badabadaidi tubudi.
GEN 28:4 Aiyuwoina ina kaipaku Eberamo yaina bei ivadamane iwo kom ma tubumowo yaimi, e nava ame poyapoyayana goi kueeogaoga bei kokabi imi kaba lovina. Ame poyapoyayana boi Yaubada ikatotule Eberamo yaina bego tubunao ivinidi.’
GEN 28:5 Aisake ibóbwara ikavava, Yakobo ietune ina Padani Aram. Padani Aramyana moe Yakobo be Iso doiyadi Lebani ina kasa; Lebaniyana tamana Betuweli guma Aram.
GEN 28:6 E Iso livala inove bego tutayana tamana Aisake Yakobo ikaipakuye, isanabode kana, ‘Taabu Kenani vavinaina kunaināi’ go, ivaduduwe ietune ina Padani Aram bego vavina tayamo inai.
GEN 28:7 Aiyuwoina inove bego Yakobo tamadi be sinadi sopadi bogina ikabikaone, tauna bogina ina Padani Aram.
GEN 28:8 E moeko goi bogina iyagoi boi Kenani vevinaidi inaidi, tamana Aisake ikataedi.
GEN 28:9 Tuwo Iso latuwona vavina tayamo tuwaina inai, e ina tamana siyana Isimaeli igite bei tauyana natuna yoina Malate inai. Malateyana siyana Nibayote. Moeko goi Iso ivakeyáuwo, Malateyana moe monena aitonina.
GEN 28:10 E Yakobo itáoya, asa Bera Siva ikalave go, iketoiya ina asa Karani.
GEN 28:11 Inonoina go, ima tayamo asa ibabane, e amoko goi ikanaliya. Bogina kuyagoi. Níyala bogina isaliu. E mainao asayana goi dídiya tayamo ikabi, iyato ilogédava, e amoko goi imasisi.
GEN 28:12 Go ina masisiyana goi ikanamimi. Ina kanamimiyana ame nakae: Aitámana tayamo igite poyapoya goi iitáoya go, sipona ituko ina yábana. Go Yaubada ina aneroseyao situkotuko nakae sisousou.
GEN 28:13 Aitamanayana kikina Yauwe itatáoya idigo kana, ‘Yau Yauwe, tubum Eberamo be tamam Aisake idi Yaubada. Moe poyapoyayana goi kuumasisi, kom mam bodao bei avinimi.
GEN 28:14 Im boda adi badabada bei ivakaigaga! Tuwo im bodayana bei poyapoya ame madabokina situgidagidali, tauna sina bomatu dadavina, youya dadavina, koiboga dadavina be nakae yawéyana dadavina. Boda liliudi poyapoya goi bei siyagoi kom be im boda pasidi akaipakuyedi.
GEN 28:15 Kunōve. Yau avakiitaum, tuwo nako goi kuna Yau bei avabodebodem gobe akaluvilemneim amem poyapoya ame goi. Moitamo. Geya akalavemta. Bei avakiitaum ana kadókana aguinuwe nakae bogina akatotule yaim.’
GEN 28:16 E Yakobo masisi goi itáoya go, inuwonúwana kana, ‘Moitamo Yauwe ameni asa ame goi go, mainao geya ayagoiyeta.’
GEN 28:17 Go tauyana atena iyova gagaina toina, idigo kana, ‘Iyaa! Ame poyapoyayana moitamo aba kateyova gagaina toina! Ame moitamo Yaubada ina vada; nakona yábana ana kaba siu!’
GEN 28:18 Tuwo vanuwo itomo nobuyana giyaina goi Yakobo itáoya go, didiyayana iloogedoi ikabi, ivatáoe. Didiyayana aba kinana bego poyapoya amo kimaasabaina Yaubada umana. Ivatáoe ikavava, didiyayana ikimasabe Yaubada umana ame nakae: Didiyayana goi oribe putumina isiwoi.
GEN 28:19 Ikavava, asayana boi yoina Lusi go, ivayou Beteli.
GEN 28:20 E Yakobo ikatótula Yauwe yaina idigo kana, ‘Yaubada, neta moitamo kom kuvakiitaugu be guna ketoiya goi kuvabodeebodegu, neta avagu be guna kwama kuvinigu
GEN 28:21 ana kadókana akaluvila ana tamagu yaina magu dedevina, e Yauwe kom bei avayokoim yau guna Yaubada.
GEN 28:22 E ame didiyayana bogina aavatáoe bei akimasabe, moe Yaubada im vada, bei ameko goi kai tomota kasakululu yaim. Kaga liliuna kuuvinigu bei akaiguyauye aiguyau ana badabada yawou, e tayamo avinim.’
GEN 29:1 Tuwo Yakobo ibóbwara ikavava, itáoya, e aiyuwoina iketoiya. Iketoiya ima isowóduwo boda bomatu dadavina idi kasa goi.
GEN 29:2 Go ikandobala náuna moteoina goi doelu igite. Doeluyana kikina goi sipi yáuwo aito sikaaiyaka madi tomatakavatayao. Bogina kuyagoi. Doeluyana moe sipi adi bwae. E doeluyana tobuna aubodaina moe gurewa gagaina.
GEN 29:3 Neta sipi madabokidi bogina silamgogoidi doeluyana goi, e adi tomatakavatayao sima gurewayana siliu sikaibale masigava goi siyato go, sipi sivanimdi. Sipi sinim ikavava, e gurewayana sikabi, tobuna sikaubodemnei.
GEN 29:4 E tuwo Yakobo ibala ina tomatakavatayadi ilumadadedi idigo kana, ‘Segowo, komi nako korotoimi?’ ‘Kai Karani korotoima’, tauyadi kaedi.
GEN 29:5 Yakobo idigo kana, ‘Go Nakori tubuna Lebani kooyagoi o geya?’ ‘U, kaayagoi’, tauyadi kaedi.
GEN 29:6 Tuwo Yakoboyana idigo kana, ‘Manakae? Tauyana dedevina gea geya?’ ‘U, dedevina. Kudobāla natuna Reitiyeli goamo. Tamana Lebani ina sipi imemedi’, tauyadi kaedi.
GEN 29:7 E Yakoboyana idigo kana, ‘Kaga unana sipi komedi? Ame dine, níyala ivakaigaga go! Ame geya idi tuta kolamgogoidi sabamgo manuna. Tuwo kovanīmdi baige kokaluvilemnēidi konavēdi limou sikáika.’
GEN 29:8 ‘Geya. Nava kaatuyáwata ana kadókana sipi madabokidi kalamgogoidi, namliyeta baige gurewa kaliu kakaibale, e sipi kavanimdi’, tauyadi kaedi.
GEN 29:9 E nava sibobóbwara, Reitiyeli isowóduwo ima tamana ina sipi imedi. Bogina kuyagoi. Tauyana sipi ana tomatakavata.
GEN 29:10 E tutayana Yakobo ikandobala Reitiyeliyana igite doiyana ina sipi imemedi, Yakobo anetava go, gurewa iliu ikaibale, sipiyadi ivanimdi.
GEN 29:11 Ivanimdi ikavava, ibala ina Reitiyeli iyowoi go, mana uyáwana itáiya.
GEN 29:12 E idigo kana, ‘Yau Yakobo, tamam osiyana, Ribeka natuna.’ Tuwo livalayana Reitiyeli inove, ilokoina ina tamana ilatuwoko.
GEN 29:13 E tutayana Lebani vala inove bego doiyana Yakobo ima, e ilokoina ina ivalobode. Ivalobode, ivayavau nakae iyowoi. Ikavava, ime ina vada goi. Amoko goi Yakobo ivatétala, ana kaibako ivateteli.
GEN 29:14 Tuwo Lebaniyana idigo kana, ‘Moitamo, kita boda tayamo, ikaikaida tayamo.’ Tuwo tukówana tayamo goi Yakobo doiyana taiyao sikaaiyaka.
GEN 29:15 Sikaiyaka aaa, tuta tayamo Lebani doiyana ilatuwoko, idigo kana, ‘Moitamo kom osiyagu, tauna neta kom kupaisewa yau manugu, latuwogu aemaisim. Kulatuwokoigu aivina goi aemaisim?’
GEN 29:16 Ego Lebani natunao vevina adi taiyuwo sikaaiyaka, botomoya yoina Reya, e bogomane yoina Reitiyeli.
GEN 29:17 Reyayana vavina kubuunuwaina go, ana gómana Reitiyeli vavina gumaboina toina.
GEN 29:18 E Yakobo Reitiyeli igite nuwona ikabi toina, tauna Lebani ilatuwoko idigo kana, ‘Bei apaaisewa tala ainima aiyuwo goi go, kom am bogomane Reitiyeli kutagone anai.’
GEN 29:19 E Lebaniyana idigo kana, ‘Dedevina. Bei avinim, govila ituli ta koroto ima ikabi inai. Tuwo yaigu goi kwaiyāka kupaaisēwa gobe avinim.’
GEN 29:20 Tuwo moitamo tala ainima aiyuwo goi ipaaisewa bego Reitiyeli ikabi inai go, ina matakoi Reitiyeli yaina pasina ina nuwonúwana paisewayana moe tuta giyaina.
GEN 29:21 Sikaaiyaka, sikaaiyaka, tala ainima aiyuwoyadi sikavava, e Yakobo doiyana Lebani ilatuwoko, idigo kana, ‘Natum kuvinīgu monegu bei taiyao katuyuwo. Guna tuta bogina alukavave.’
GEN 29:22 Tuwo Lebani idi nai aikanina gagaina iwodugu go, toni kasa liliudi iduduwedi sima taiyao sikáika.
GEN 29:23 Sikáika ikavava, vanuwo bogina isabamgo, Lebani natuna Reya ikabi inave Yakobo yaina goi bego taiyao simasisi, e moe bogina bei sinai. Kina go Yakobo ina nuwonúwana kana, ‘Reitiyeli bogina anai.’ Go Reitiyeli geya, go sem Reya taiyao simasisi, sinai!
GEN 29:24 Ego Lebani ina pákwana vavina yoina Silipa ikabi, Reya ivini bego kina ina pákwana.
GEN 29:25 E Yakobo ma monena simasisi vanuwo itomo, Yakobo itáoya ikandobala Reitiyeli geya, go sem Reya igitebabane. Tuwo ina doiyana Lebani ilatuwoko idigo kana, ‘Ame kaga kuguinuwe yau yaigu? Manakae? Yau im paisewa apaisewe Reitiyeli manuna gea geya? Moitamo Reitiyeli manuna ae? Go kom kaga unana kwatubaugu?’
GEN 29:26 Go kina Lebaniyana idigo kana, ‘Moe geya kai ima sinapu geya. Geya itoboineyeta bogomane igiminai.
GEN 29:27 Go tuwo, om inuwa. Nai aikanina ame tauyana manuna taguinūwe wiki ame goi. Ikavava, bogomane avinim kunai go, kom tala ainima aiyuwo tuwaina kupaaisēwa manugu.’
GEN 29:28 Tuwo moitamo nakae Yakobo itagona. E aikayana silukavave, Lebani natuna Reitiyeli ikabi, Yakobo ivini monena.
GEN 29:29 Ego Lebani ina pákwana yoina Bila ikabi, Reitiyeli ivini ina pákwana.
GEN 29:30 Tuwo Yakobo Reitiyeli taiyao simasisi sinai. E Reitiyeli imatakoiye gagaina namliyeta Reya. Tala ainima aiyuwo tuwaina ipaaisewa Lebani manuna.
GEN 29:31 E tuwo sikaaiyaka, Yauwe ikandosobu Reya igite ana matakoi giyaina, tuwo ina guinuwa goi Reya itoboine ikéuwama, go sem Reitiyeli ikágala.
GEN 29:32 Tuwo moitamo Reya ikéuwama ivenátuna, natuna koroto. Tuwo idigo kana, ‘Yauwe guna kaiyakomou bogina igite. Nakona ame tutayana monegu bei imatakoiyegu.’ Moe pasina tauna natuna ivayou Rubeni.
GEN 29:33 Aiyuwoina ikéuwama, ivenátuna, natuna koroto, kana, ‘Yauwe itagona aavenátuna unana inove bego Yakobo geya imatakoiyeguta.’ Tuwo natuna ivayou Simioni.
GEN 29:34 Sivatonina ikéuwama ivenátuna, natuna koroto, kana, ‘Nakona ame tutayana monegu bei ilokategu. Natunao adi taito bogina avini.’ Tuwo natuna ivayou Livai.
GEN 29:35 Sivavasina ikeuwamako ivenátuna, natuna koroto, kana, ‘Ame tutayana Yauwe ayapaliye.’ Tuwo natuna ivayou Yuda. Go Reyayana ivenatunaupa.
GEN 30:1 E Reitiyeli tuwowona igite bogina ivenátuna, natunao adi badabada adi taivasi go, kina geya tayaamo ivenatuni Yakobo manuna. Tauna tuwowona ivakipikipiye. Tuwo Yakobo ilatuwoko idigo kana, ‘Yakobo, gogómana kuvinīgu go, neta geya, bei akámasa!’
GEN 30:2 Tuwo Yakobo gamona igoyo ibolagu, idigo kana, ‘Manakae? Yau Yaubada nakae? Moe Yaubada ina guinuwa goi kom kukágala, yau geya!’
GEN 30:3 E kina Reitiyeli idigo kana, ‘Gwa, guna pákwana Bila kwābi, taiyao komasīsi, e ikéuwama, ivenátuna yau manugu. E ina venatunayana goi yau nakae bei ma natugu.’
GEN 30:4 Tuwo moitamo Reitiyeli ina pakwanayana Bila ikabi, Yakobo ivamonene. Moe monena aiyuwoina nakae go, taiyao simasisi, e ikéuwama.
GEN 30:5 Ikéuwama, ivenátuna, moe Yakobo natuna koroto ivenatuni.
GEN 30:6 E Reitiyeli idigo kana, ‘Yaubada itakinoigu yau todedevigu. Guna kawanoi inove, e natugu koroto ivinigu.’ Moe pasina natuna ivayou Dani.
GEN 30:7 Niga aiyuwoina simasisi, e Bila ikéuwama. Ikéuwama, ivenátuna, moe Yakobo natuna koroto aiyuwoina ivenatuni.
GEN 30:8 E Reitiyeli idigo kana, ‘Yau tuwowogu taiyao bogina kapoikíkina Yaubada ina uyáwana manuna go, yau atogaga.’ Tuwo natuna ivayou Napatali.
GEN 30:9 E kina Reya iyagoi bogina ivenatunaupa, tuwo ina pákwana vavina Silipa ikabi, Yakobo ivamonene, e tauyana monena aiyuwoina nakae.
GEN 30:10 Ivamonene, taiyao simasisi, Silipa nakae ikéuwama. Ikéuwama, ivenátuna, moe Yakobo natuna koroto ivenatuni.
GEN 30:11 Tuwo kina Reyayana mana uyáwana idigo kana, ‘Guna dedevina bogina ababane!’ Tuwo natuna ivayou Gadai.
GEN 30:12 Reya ina pakwanayana aiyuwoina ikéuwama, e ivenátuna, moe Yakobo natuna koroto ivenatuni.
GEN 30:13 Tuwo Reyayana idigo kana, ‘Nakona vevina liliudi bei sivayokoigu uyaaonigu. Tauna auyáwana gagaina!’ Tuwo natuna ivayou Aseri.
GEN 30:14 Sikaiyaka, sikaiyaka, witi ana dibayoya ana tuta Rubeni ina tánuwo goi go, náuna mandareki ibabane bogina ikéuwo, tuwo keuwoina maniyedi iguwedi. Iguwedi ikavava, imedi sinana Reya ivini. Ago Reitiyeli keuwoinayadi igitedi, inuwonúwana kana, ‘Neta akanidi, bei akéuwama.’ Tuwo idigo kana, ‘Tuwowogu, natum ana mandareki keuwoina maniyedi kuvinīgu akáika.’
GEN 30:15 Go kina Reyayana ivagágala, idigo kana, ‘Kom manakae? Moe igoyo boi monegu kuneboigu. Go manakae? Ame tutayana latuwom natugu ana mandareki keuwoina nakae kuneboigu ae? Geya!’ Tuwo Reitiyeliyana idigo kana, ‘Neta keuwoinayadi kuvinigu, atagona sabamgo ame goi Yakobo kom taiyao komasisi.’
GEN 30:16 Tuwo moitamo lavilavi goi Yakobo tánuwo goi ima go, Reya ina ivalobode, ilatuwoko idigo kana, ‘Monegu, sabamgo ame goi itoboine yau taiyao tamasisi. Natugu ana mandareki keuwoina goi agimonem.’ Tuwo sabamgo amo goi taiyao simasisi.
GEN 30:17 E Reya ina kawanoi Yaubada bogina inove, tuwo ina guinuwa goi Reya itoboine ikeuwamamna. Ikéuwama, ivenátuna moe Yakobo natuna koroto ainimaina ivenatuni.
GEN 30:18 Ago Reyayana idigo kana, ‘Guna pákwana monegu avini bego monena nakae, tauna ame guna vaiwówana Yaubada ivinigu.’ Tuwo natuna ivayou Isakara.
GEN 30:19 E Reya aiyuwoina ivenátuna, moe Yakobo natuna koroto ainima tayamoina ivenatuni.
GEN 30:20 E Reyayana idigo kana, ‘Yaubada yabobona dedevina toina bogina ivinigu. Nakona ame tutayana Yakobo bei iwowoinegu unana natunao ainima tayamo bogina avenatunidi.’ Tuwo natuna ivayou Sebuloni.
GEN 30:21 Niga go ivenátuna, natuna vavina, e ivayou Daina.
GEN 30:22 E amo tutayana Yaubada Reitiyeli inuwaisi nakae ina kawanoi inove, tuwo ina guinuwa goi Reitiyeli ina kágala ikavava.
GEN 30:23 Tuwo Yakobo taiyao simasisi, e ikéuwama. Ikéuwama, ivenátuna, natuna koroto, e idigo kana, ‘Guna omayamaya Yaubada bogina ikabi, inave.’
GEN 30:24 Kana, ‘Guna kawanoi bego Yauwe natugu aiyuwoina ivinigu.’ Tuwo natuna ivayou Iyosepa.
GEN 30:25 E Iyosepa ana bíbina mlina, Yakobo ina doiyana Lebani ilatuwoko, idigo kana, ‘Doiyagu, monegowo be natugowo kuvinīgu bei kana guna kasa. Guna paisewa tauyadi manudi bogina ikavava. Kom bogina kuyagoi guna paisewayana madabokina dedevina yaim. Ame tutayana kutagōna monegowo be natugowo akabidi, kana guna kasa.’
GEN 30:27 Go kina Lebaniyana idigo kana, ‘Doiyagu, neta kusoosalegu, e kwaiyāka yau taiyao. Bogina kuyagoi, guna kokósala goi ayagoi kom pasim Yauwe ikaipakuyegu.
GEN 30:28 Tuwo kwaiyāka ameko be kupaaisēwa manugu. Am maisa kulatuwokōigu bei aemaisim.’
GEN 30:29 Go kina Yakoboyana idigo kana, ‘Kom kuyagoi magu salau apaaisewa manum nakae guna matakavata goi im sipi sisusáila badabadaidi.
GEN 30:30 Kunuwaisi, boi mainao ama kom im sipi geya sibadebadeta go, ame bogina sisusáila gagaina. E kaga aguinuwe im sipiyadi manudi, e guinuwayadi pasidi Yauwe ikaipakuyem. Go manakae? Ava tuta goi bei kutagonegu bego apaisewa yau guna bodao manudi?’
GEN 30:31 Tuwo kina Lebaniyana idigo kana, ‘Kaga latuwom avinim?’ E Yakoboyana idigo kana, ‘Geya tayaamo kaga latuwogu kuvinigu, go sem neta dogoi tayamo bei alatuwokoim kuguinuwe, bei akaaiyaka im sipi amatakavatedi.
GEN 30:32 Dogoiyana ame nakae: Ame bei im yoguyoguyao akiwotaidi gúguna aiyuwo. Gúguna tayamo sipi be goti wowodi kaupolapolaidi be nakae lami wowodi kalaakovidi kaka. Go gúguna tayamo sipi wowodi poowoudi kaka be nakae goti wowodi kalaakovidi kaka. E niga tutayana sivenátuna, ava yoguyoguva wowodi kaupolapolaidi, e moe yau guna yoguyoguyao.
GEN 30:33 Nava bei itoboinem guna yoguyoguyao kugitedi, e bei kuyagoi yau guna guinuwa yaim moe akibobosidoko gea geya. Neta guna yoguyoguyao yaidi lami tayamo o goti tayamo kubabane wowona poowouna kaka, bei kuyagoi yoguyoguyana avainao kom yaim.’
GEN 30:34 Lebaniyana kana, ‘Dedevina! Kaga liliuna kuudigedi bei taguinuwedi.’
GEN 30:35 Go amo maliyalinayana goi Lebani doiyana Yakobo geya inumiseyeta, tauna ame nakae iguinuwe: Tauyana ina gotiyao bolamo wowodi neta sabasabaidi o kaupolapolaidi be ina gotiyao bovavina liliudi neta wowodi sabasabaidi o kaupolapolaidi go, poowoudi be nakae ina lamiyao kalaakovidi ikabidi, natunao ivinidi simatakavatedi.
GEN 30:36 E ilatuwokoidi sikabidi maliyalina aito nakae sinavedi. Go Lebani ina sipiyao wowodi poowoudi kaka be ina gotiyao wowodi kalaakovidi kaka Yakobo imatakavatedi.
GEN 30:37 E sipiyadi be gotiyadi Yakobo igitedi, bogina iyagoi. Tauna itáoya ina alova aito laonidi badabadaidi italaidi. Italaidi, imedi iseselitaotaoidi. Ina sesalayana ame nakae: Sakava maniyena iseselidi go, maniyena geya. Tauna alovayadi sabasabaidi.
GEN 30:38 Iseselidi ikavava, laonidiyadi ikabidi, yoguyogu idi kaba nim goi ivataoedi. Ego tutayana yoguyoguyadi sima bwae sinim, siiváunuwo.
GEN 30:39 Tuwo nakae iguuinuwe. Yoguyoguyadi sima bwae goi, e laonidiyadi sigitedi sikatonoidi, e siváunuwo. Niga sivenátuna natudiyao wowodi kaupolapolaidi o sabasabaidi.
GEN 30:40 E tutayana sivenátuna, natudiyao ikiwotaidi gúguna ituli. Yoguyogu gagaidi ikabidi, imedi yoguyogu kaupolapolaidi matadi goi sikaaiyaka. Tutayana siváunuwo yoguyogu kaupolapolaidi kaka sigitedi sikatonoidi, e bei sivenátuna, natudiyao kaupolapolaidi. E tauna ame nakae kenaoyana goi Yakobo ina yoguyoguyao ivaituwedi sibadabada go, Lebani geya.
GEN 30:41 E ava yoguyoguva neta bobíbina siváunuwo, e laonidiyadi Yakobo ivataoedi idi kaba nim goi bego sigitedi sikatonoidi.
GEN 30:42 Go ava yoguyoguva neta bagabagaidi siváunuwo, e laonidiyadi geya ivataoedita. Tauna Lebani ina yoguyoguyao bagabagaidi go, Yakobo ina yoguyoguyao bobíbina.
GEN 30:43 Moe nakae tauna Yakobo iguyau gagaina. Ina sipiyao be nakae ina gotiyao badabadaaidi. Aiyuwoina ina pakonayao koroto be vevina be nakae ina kameriyao be ina ase badabadaaidi.
GEN 31:1 E Yakobo vala inove bego Lebani natunao koroto sikúluwo sidigo kadi, ‘Tamada konana madabokidi Yakobo isonanedi. Yakobo ina esaesa madabokina moe tamada ina esaesa isonane.’
GEN 31:2 Aiyuwoina Yakobo igite Lebani maisina, e bogina iyagoi Lebaniyana ina sinapu ituli. Boi Yakobo ikabivekovekoe go, ame tutayana geya.
GEN 31:3 E Yauwe Yakobo ilatuwoko, idigo kana, ‘Yakobo, kwaluvīla kūna tamam be nakae osemowo idi kasa goi. Yau bei avakitaum.’
GEN 31:4 E tuwo Yakobo yoguyogu imatakaavatedi, e livala ietune ina Reitiyeli be Reya yaidi idigo kana, ‘Ame tutayana yoguyogu amatakaavatedi go, ami taiyuwo kōma alatuwokoimi.’
GEN 31:5 Tuwo sima Yakobo ilatuwokoidi idigo kana, ‘Bogina agite tamami ina kabivekoveko yau yaigu geya nakae boi mainao. Go tuwo tamagu ina Yaubada ivakiitaugu.
GEN 31:6 Komi bogina koyagoi bego magu salau apaaisewa tamami manuna.
GEN 31:7 E kina go tamamiyana ivaobugu nakae tuta tuta guna maisa ikaisobuye go, Yaubada geya itagoneyeta bego iyogedegedegu.
GEN 31:8 Neta tamami idigo kana, “Sipi kaupolapolaidi moe kom im yoguyoguyao”, e sivenátuna natudiyao madabokidi kaupolapolaidi. Go neta kana, “Sipi sabasabaidi moe kom im yoguyoguyao”, e sivenátuna, natudiyao liliudi sabasabaidi.
GEN 31:9 Tuwo tamami ina yoguyoguyao madabokidi Yaubada inebo go, ivinigu.
GEN 31:10 Boi yoguyogu idi váunuwo ana tuta goi sabamgo tayamo akanamimi. Guna kanamimiyana goi akandolaga goti bolamo agitedi liliudi sabasabaidi o kaupolapolaidi siiváunuwo bovavina taiyao.
GEN 31:11 E Yaubada ina anerose ilatuwokoigu idigo kana, “Yakobo!” “U, amegu”, kaegu.
GEN 31:12 Aneroseyana idigo kana, “Kwandolāga goti bolamo liliudi kugitēdi sabasabaidi o kaupolapolaidi bovavina taiyao yau guna lovina goi siváunuwo. Lebani ina guinuwa liliuna yaim goi bogina agite.
GEN 31:13 Yau Yaubada boi asa Beteli goi toinigu asowóduwo yaim. Amoko goi boi dídiya tayamo kwabi, kuvatáoe. Ikavava oribe putumina kwabi didiyayana goi kusiwoi. Moeko goi didiyayana bogina kiinavaina Yau umagu. Ikavava, kukatótula yaigu. Tauna ame tutayana kutāoya, ame poyapoyayana kwalāve go, kwaluvīla kūna im kasa toina.”’
GEN 31:14 Tuwo Reitiyeli be Reya sidigo kadi, ‘Tamama konana liliudi sikavava, tauna geya tayaamo kaga ikaaiyaka ima dalowo manuna.
GEN 31:15 Aiyuwoina ina guinuwa yaima nakae neta kai ituli ta boda. Moitamo. Tauyana ikaigimonema konana ikabi go, bogina isikolakolave.
GEN 31:16 Tamama ina esaesa Yaubada ikabi, kom ivinim moe kai be nakae natumao ima esaesa nakae. Tauna kuguinūwe nakae Yaubada bogina ilatuwokoim.’
GEN 31:17 E tuwo tuta tayamo Lebani guma Aram ina ina sipi unuunudi ikupoidi. Iikupoidi go, kina Yakobo konana liliudi Padani Aram goi iikabidi ikatubayasidi bego ina bodao taiyao sisiya. Ego Lebani isalupapaiye, geya ilatuwokoeta bei sina. Yakobo ikatuubayasi go, kina Reitiyeli ina tamana ina vada goi isiu ina tamana ina tokwalu ivainaoidi. E Yakobo ikatubayasi ikavava, ina kameri ikabidi, natunao be monenao toludi goi ikailagasidi. Ago ina yoguyoguyao sivakumgo, ilobutudi silokoina. E tuwo tauyadi sisiya bego sina Yakobo tamana Aisake ina kasa Kenani goi.
GEN 31:21 Madabokidi sisiya sina sákala Yuparetisi sivadamane go, matadi goi Giliyadi koyaidi sikaaiyaka, e bego sina maeko.
GEN 31:22 Go maliyalina aito sikavava, e Lebani livala inove bego kidi Yakobo sisiya.
GEN 31:23 Tuwo osenao ikabidi, e sina kidi Yakobo sivatapiyedi. Maliyalina ainima aiyuwo goi sivataapiyedi, e sima Giliyadi koyaidi butumidi goi tauyadi sivakakana.
GEN 31:24 Ego sabamgo tayamo goi Lebaniyana ikanamimi. Ina kanamimiyana goi Yaubada isowóduwo Lebani guma Aram yaina idigo kana, ‘Lebani, am dodōkana. Taabu Yakobo kuubōve.’
GEN 31:25 Vanuwo itomo, Lebani kidi sinonoina go, tutayana Yakobo mana bodao goi sivakakana, e tauyadi idi yoyou parai Giliyadi koyaidi goi bogina siyowo. Tuwo kidi Lebani nakae idi yoyou parai siyowo.
GEN 31:26 E Lebaniyana ina Yakobo ilatuwoko idigo kana, ‘Yakobo, ame kaga kuyaniyani? Kom kusalupapaiyegu. Kaga unana natugowo kwabidi kunavedi nakae neta yaviya goi kuyoisidi?
GEN 31:27 Kaga unana kosiyagau nakae kusalupapaiyegu? Latuwogu bego avaduduwedokoimi uyáwana be vesi goi be nakae girada goi be api goi.
GEN 31:28 Kom geya kutagoneguta bego natugowo be tubugowo ayowoiidi. Im guinuwa goi dabam itapavívila!
GEN 31:29 Yau magu togaga itoboinegu bei ayogedegedem go, nuwobuna tamam ina Yaubada ima ikatuwoinigu idigo kana, “Taabu Yakobo kuubōve.”
GEN 31:30 E ayagoi kom latuwom toina kwaluvila kuna tamam yaina, tauna kukalavema go, kaga unana guna tokwalu kuvainaoidi?’
GEN 31:31 Go kina Yakoboyana idigo kana, ‘Kasiya unana amatoita. Guna nuwonúwana kagu, “Asiya govila bei Lebani natunao be tubunao ineboigu.”
GEN 31:32 Go im tokwalu sem, sedao matadi goi kulusalēdi. Neta ameko goi kubabanedi, e avatau ivainaoidi takaumate. Ava konam kubabane, e kwābi.’ E Yakobo inuwonúwana Lebani ina tokwaluyadi manudi ibágala, tauna moe nakae ibóbwara. Kom go vatau? Tokwaluyadi Reitiyeli ivainaoidi!
GEN 31:33 Tuwo Lebani ina Yakobo ina yoyou parai isiu, ilusala, geya. Ikavava, ina Reya ina yoyou parai goi isiu ilusala, geya. Ikavava, ina Reya ina pakonayao vevina adi taiyuwo idi yoyou parai goi isiu ilusala, geya. Tuwo ina Reitiyeli ina yoyou parai goi isiu ilusala.
GEN 31:34 Ego tokwaluyadi Reitiyeli bogina ivamoudi ina wasare kameri toluna goi sikaaiyaka go, wasareyadi yatadi goi itulagalaga. E yoyouyana madabokina goi Lebani ilusala, geya ibabanedita.
GEN 31:35 Tuwo isowóduwo ibala ina Reitiyeli kikina goi go, Reitiyeliyana ipola idigo kana, ‘Tomoya, geya kuegamogamoguyeguta go, matam goi geya itoboineguta atáoya unana gamogu igeda.’ Tuwo Lebaniyana ina tokwalu ilusaledokoidi go, geya ibabanedita.
GEN 31:36 E Yakobo bogina gamona igoyo, e Lebaniyana iboove, idigo kana, ‘Kaga guna kadoinana yaim? Kaga guna bágala bego kuma kuvatapiyegu?
GEN 31:37 Konagu liliudi goi bogina kulusala go, ava konam kubabane? Konamyana kwaiwodūwe kom semowo be nakae yau segowo yaidi, e bei sitakinoida. Tagite avatau ibágala, kom gea yau.
GEN 31:38 Tala ana badabada 20 bogina akaaiyaka yaim. Im sipiyao bovavina be im gotiyao bovavina sivenatuna dókana. Geya tayaamo tuta im sipi bolamo akani.
GEN 31:39 Neta woiwoi sima sipi sikaumatedi, toinigu akatumapum. Neta sabamgo o maliyalina goi koroto sima sipi sivainaoidi, kom kam, “Am puwoya, kwatumapugu.”
GEN 31:40 Guna kaiyaka ame nakae: Maliyalina goi níyala ivakaigaga dabagu ivayavisi go, sabamgo goi gogou akámasa, tauna geya amasiisi dókana.
GEN 31:41 Moe nakae akaaiyaka yaim tala ana badabada 20. Tala yawou aivasi goi natumowo manudi apaaisewa. Tala ainima tayamo goi im yoguyoguyao manudi apaaisewa go, tuta tuta guna maisa kwaisobuye.
GEN 31:42 Neta tamagu Aisake ina Yaubada, Tauyana tokatumatoita be nakae tubugu Eberamo ina Yaubada, geya ivakitauguta, e moitamo kom nakona kuvalilivegu nima kaka. Ago Yaubada guna mou be guna salau bogina igitedi, tauna nuwobuna ibowoim!’
GEN 31:43 E Lebaniyana idigo kana, ‘Go ame vevinayadi yau natugowo! Ame gogomanayadi yau tubugowo! Ame yoguyoguyadi yau guna sipiyao! Kaga liliuna kugite moe yau konagu! Go geya kada tayaamo kaga itoboinegu aguinuwe bego sikaiyaka yaigu.
GEN 31:44 Go tuwo bokoyo kom be yau takanasíuna. Go ida kanasiuna ana kaba kinana taodugu bei anasiunayana tanuwokavate.’
GEN 31:45 Tuwo Yakobo dídiya tayamo ikabi, ivatáoe adi katótula ana kaba kinana manuna.
GEN 31:46 Ikavava, senao ilatuwokoidi idigo kana, ‘Kōna gurewa kokabīdi, komēdi.’ Tuwo sina gurewa sikabidi, simedi go, sivagugunidi. Sivagugunidi ikavava, gugunayana kikina goi Lebani be Yakobo taiyao sikáika.
GEN 31:47 Ego gugunayana Lebani ivayou Iyegara Seyaduta go, kina Yakobo ivayou Galeyedi.
GEN 31:48 E Lebani idigo kana, ‘Ame gugunayana ida kaba kinana yaida.’ E moe pasina ivayou Galeyedi.
GEN 31:49 Ego youyuwoina ivayou Mispa unana idigo kana, ‘Yauwe bei iyauseda tutayana kom yau taiyao geya takaiyaketa, e bei ida katótula takabikaone.
GEN 31:50 Neta im guinuwa igoyo natugowo yaidi o neta vevina tuwaina kwabidi monemowo, nakona geya vatau tayaamo bei igitem, go sem Yaubada bei igitem, tauna iyagoi.’
GEN 31:51 E Lebani Yakobo ilatuwoko idigo kana, ‘Gwa! Ame gugunayana bogina avaguguni be nakae ame didiyayana bogina avatáoe sikaaiyaka kom be yau nauyayanaida.
GEN 31:52 Ame gugunayana be nakae ame didiyayana kiyakiyaya tayamo. Kiyakiyayayana ame nakae: Yau geya asaidamaneyeta bego ayogedegedem. Kom nakae geya kusaidamaneyeta bego kuyogedegedegu.
GEN 31:53 Bei Eberamo ina Yaubada be Nakori ina basaleliu, moe tamadi idi basaleliuyao siliuneda neta yau ayogedegedem o kom kuyogedegedegu.’ Tuwo Yakobo tamana Aisake ina Yaubada tokatumatoita goi ikatótula.
GEN 31:54 Ikatótula ikavava, koya goi yoguyogu ikabi, ikaumate, igabu, e Yaubada yaina ikasale. Igabu ikavava, osenao iduduwedi sima taiyao sikáika. Sikáika ikavava, simasisi.
GEN 31:55 Simasisi vanuwo itomo, sitáoya go, Lebani tubunao be natunao ivayavaudi be ikaipakuyedi. Ikaipakuyedi ikavava, ikalavedi go, ikaluvila ina ina kasa.
GEN 32:1 E kina go Yakobo mana bodao nakae sitáoya Lebani sikalave go, siketoiya. Siketoiya sinonoina go, Yaubada ina aneroseyao sima Yakobo sivalobode.
GEN 32:2 E Yakobo igitedi idigo kana, ‘Ame Yaubada ina tovayaviyayao!’ Tuwo amo asayana ivayou Makanaim.
GEN 32:3 E Yakobo ina lobutu adi tolokoinayao ietunedi sivakumgo sina tuwowona Iso yaina, tauyana ikaaiyaka Seira goi, moe Idom dadavina.
GEN 32:4 Ego mainao tolokoinayadi ilatuwokoidi kana, ‘Kōna tuwowogu Iso kolatuwōko kami, “Guna tomoya, yau Yakobo im pákwana boi asuvaadavada Lebani taiyao go, ame bogina akaluvilamna.
GEN 32:5 Guna bulumakau, guna ase, guna sipiyao, guna gotiyao be guna pakonayao vevina be koroto amedi. E tauna tomoya, ame livalayana aetune iwo yaim bego kusosalegu.”’
GEN 32:6 Tuwo moitamo tolokoinayadi silokoina sina Iso silatuwoko. Silatuwoko ikavava, sikaluvila sima Yakobo silatuwoko kadi, ‘Tuwowom Iso bogina kalatuwoko. Tauyana imamaima bego ivalobodem go, koroto adi badabada 400 taiyao simamaima.’
GEN 32:7 E livalayana Yakobo inove, imatoita be nakae atena iyova. Tuwo ina bodao ikiwotaidi boda aiyuwo. Aiyuwoina ina yoguyoguyao, moe ina sipi, ina bulumakau be ina kameri ikiwotaiyuwedi.
GEN 32:8 Ina nuwonúwana kana, ‘Neta Iso ima boda tayamo ilauidi, imaiko go, boda tayamo itoboinedi sisiya dedevidi.’
GEN 32:9 E ikiwotaidi ikavava, ikawanoi Yaubada yaina, idigo kana, ‘Tubugu Eberamo be tamagu Aisake idi Yaubada, kunovēgu. Yauwe, boi kom kulatuwokoigu kam, “Kwaluvīla kūna im kasa be nakae osemowo yaidi, e bei ayabobonem.”
GEN 32:10 Yau im pákwana nakae, yau giyaigu go, tuwo bogina kulokategu be nakae im guinuwa goi kom aba numisa yau yaigu tuta liliuna. Moe moitamo. Boi nimatu kulatuwokoigu ana Lebani goi akaaiyaka go, sákala Iyoridani ame boi asaidamane, guna kaituko kaka akavale. Go sem ame tutayana bogina aguyau be nakae asusáila, boda aiyuwo sikaaiyaka.
GEN 32:11 Ame tuta tuwowogu Iso yaina kuyavēgu. Amatoita tauyana bei ima vevina ma natudiyao be yau ilauima.
GEN 32:12 Kunuwaisi boi kom bogina kulatuwokoigu kam, “Bei ayabobonem be nakae akisailim, im boda adi badabada nakae ediédila mamaya goi, geya itoboinemta kwatuyaividi.”’
GEN 32:13 E tuwo amoko goi ikaaiyaka imasisi. Ego ina yoguyoguyao maniyedi ikabidi, bei tuwowona Iso ivini, ina yabobona.
GEN 32:14 Yoguyoguyadi ame nakae: Yoguyogu Badabada Goti bovavina 200 Goti bolamo 20 Sipi bovavina 200 Sipi bolamo 20
GEN 32:15 Kameri bovavina ma bonatudiyao 30 Bulumakau bovavina 40 Bulumakau bolamo 10 Ase bovavina 20 Ase bolamo 10
GEN 32:16 Ago yoguyoguyadi ikiwotaidi yáuwo ituli ituli. Ikiwotaidi ikavava, e ina pakonayao ilatuwokoidi idigo kana, ‘Koroto tamo tamo yáuwo tamo tamo imatakavate. E kovakūmgo go, taabu koolamgōgana, go sem imi ketoiya kovaamasāba.’
GEN 32:17 E yáuwo vakuumgoina ana tomatakavata ilatuwoko idigo kana, ‘Tuwowogu Iso bei ivalobodem be ilumadadem kana, “Im tomoya avatau? Nako kunonoina? Ame avatau ina yoguyoguyao?”
GEN 32:18 Tutayana nakae ilumadadem, kom kam, “Ame im pákwana Yakobo ina yoguyoguyao. Ame ietunegu amedi avinim, ame nakae ina yabobona kom guna tomoya yaim. Ago tauyana mligu goi imamaima.”’
GEN 32:19 E yáuwo adi tomatakavatayao tamo tamo nakae ilatuwokoidi, idigo kana, ‘Tutayana Iso kobabane, nakae bei kolatuwoko.
GEN 32:20 Ego konuwookavāte kami, “Im pákwana Yakobo mlima imamaima.”’ Yakobo ina nuwonúwana kana, ‘Ame yoguyoguyadi moe guna yabobona sivakumgo go, yoguyoguyadi goi anúwala tauyana yaina bei guna goyo inuwotao go, agu gogo yaina bei dedevina.’
GEN 32:21 Tuwo ina yoguyoguyadi sivakumgo sina go, Yakoboyana ina yoyou parai goi ikaaiyaka.
GEN 32:22 E vanuwo bogina isabamgo, Yakobo itáoya monenao adi taiyuwo, ina pakonayao adi taiyuwo be natunao koroto yawou tayamo ietunedi sivakumgo sina sákala Yaboka sisaidamane.
GEN 32:23 E ina pakonayao nakae ilatuwokoidi kónana sikavaledi mlidi sisaidamanedi.
GEN 32:24 E kina anetava ikaaiyaka. Ikaaiyaka go, koroto tayamo isowóduwo ima Yakobo iyoisi taiyao sivadidídina ana kadókana botomotomo.
GEN 32:25 E korotoyana igite bego geya itoboineyeta Yakobo ikalisave, tuwo Yakoboyana sokisokina luluna ikikapusi, e dibuwatuna itakapusi.
GEN 32:26 E korotoyana idigo kana, ‘Kwalavēgu! Bogina botomotomo.’ ‘Geya akalavemta ana kadókana kukaipakuyegu’, Yakobo kaena.
GEN 32:27 E korotoyana idigo kana, ‘Yoim manakoyoina?’ ‘Yoigu Yakobo’, Yakobo kaena.
GEN 32:28 E korotoyana idigo kana, ‘Bogina kuvayaviya Yaubada be koroto yaidi goi go, kom kukalisavedi. Tauna geya tuwaina yoim Yakobo, go sem kom yoim Isileli.’
GEN 32:29 E Yakoboyana idigo kana, ‘Siyagu, kom yoim manakoyoina?’ Go korotoyana idigo kana, ‘Kaga kulumadadanae yoigu manuna?’ Go amoko goi Yakoboyana ikaipakuye.
GEN 32:30 E Yakobo idigo kana, ‘Yaubada maisina agite go, geya availaita.’ Tauna moe pasina asayana ivayou Paniyeli.
GEN 32:31 E níyala itukotuko go, Yakobo itáoya Panuweli ikalave. Ego sokisokina itakapusi, tauna isakau.
GEN 32:32 Tauna Isileli tubunao ame tutayana yoguyogu sokisokina luluna goi woliwoli poowouna geya sikanikani unana Yaubada boi Yakobo sokisokina luluna ikikapusi, tauna woliwoliyana geya sikanikani.
GEN 33:1 E tuwo Yakobo Paniyeli ikalave iketoiya go, ikandobala Iso igite imamaima ina korotoyao poa andedi (400) taiyao. Tuwo natunao ikiwotaidi Reya, Reitiyeli be nakae ina pakonayao adi taiyuwo yaidi.
GEN 33:2 Ina pakonayaoyadi ma natudiyao ilatuwokoidi sivakumgo. Mlidi Reya ma natunao. Reitiyeli ma natuna Iyosepa sivámliya.
GEN 33:3 E Yakoboyana ivakumgo ina tuwowona matana goi sivanima sivayuwo ivatuguyalako ikanakabobo.
GEN 33:4 Go Iso ilokoina ina Yakobo ivayavau nukotona goi iyoisi, iyowoi. Tuwo adi taiyuwokova sitáiya.
GEN 33:5 Sitáiya ikavava, Iso imatavilavila vevina be gogómana igitedi, e idigo kana, ‘Ame tauyadi avatauwa?’ ‘Yau im pákwana, Yaubada ikanuwoiyegu, e ame natugowo ivinigu’, Yakobo kaena.
GEN 33:6 E Yakobo ina pakonayaoyadi ma natudiyao sima sivatugúyala sikanakabobo.
GEN 33:7 Reya nakae ma natunao sima sivatugúyala sikanakabobo. Tauyadi mlidi Iyosepa be Reitiyeli sivámliya sima sivatugúyala sikanakabobo.
GEN 33:8 E Isoyana idigo kana, ‘Go maine boda madi yoguyogu ababanedi. Moe kaga yoguyoguna?’ ‘Guna tomoya, bego kusosalegu’, Yakobo kaena.
GEN 33:9 E Iso idigo kana, ‘Guna gómana, tuwo. Yau guna yoguyoguyao badabadaidi. Moe kom im yoguyoguyao.’
GEN 33:10 Go kina Yakoboyana idigo kana, ‘Geya. Neta kusoosalegu, e guna yabobona kuuyaone. Unana maisim agite moe nakae Yaubada maisina agite go, geya akamaseta, go sem mam nuwotao kuuyaonegu.
GEN 33:11 Tuwowogu, guna yabobona aavinim kwābi unana Yaubada ikanuwoiyegu, e yau guna yoguyoguyao badabadaaidi, tauna bogina yoiyagu.’ Tuwo Yakobo ilumakikine ana kadókana Iso itagona, e yoguyoguyadi ikabidi.
GEN 33:12 E Iso idigo kana, ‘Tao. Yau avakedemi.’
GEN 33:13 Go kina Yakoboyana idigo kana, ‘Guna tomoya, bogina kuyagoi gogómana sineneta be nakae yoguyogu maniyedi ma natudiyao. Tauna geya itoboinedita maliyalina ana madabokina goi siiketoiya, govila bei sikámasa.
GEN 33:14 Tuwo guna tomoya, kom kuvakūmgo go, kai im pakonayao manukaima kavámliya kao Seira goi.’
GEN 33:15 E Isoyana idigo kana, ‘Siyagu, neta moe nakae, guna topaisewa maniyedi sikaiyaka be sivaitem.’ Go Yakobo idigo kana, ‘Moe tuwo. Guna tomoya, bogina kusosalegu. Ame tauna.’
GEN 33:16 E tuwo Iso ina Seira goi.
GEN 33:17 E kina go Yakoboyana geya inoita Seira, go sem ina asa Sukota goi yoyou parai iyowóidi toinina manuna be nakae ina yoguyoguyao manudi. Moe pasina asayana yoina Sukota.
GEN 33:18 E boi Padani Aram ikalave, e mana dedevina isowóduwo asa Sekem goi; moe Kenani sinaena. Asayana kikina goi ina yoyou parai iyowóidi, e itunagu.
GEN 33:19 Ina yoyouyadi Emori natunao koroto idi poyapoya goi sikaaiyaka. Emoriyana natuna tayamo yoina Sekem. Tuwo Yakobo poyapoyayana igimone siriba ana badabada tayamo andedi (100) goi.
GEN 33:20 Amoko goi dídiya ikabi, ikaudakodako, aba kasala imadagi Yaubada yaina go, aba kasalayana ivayou El Eloe Isileli.
GEN 34:1 E Yakobo mana bodao asa Sekem goi sikaaiyaka go, tuta tayamo Reya be Yakobo natudi Daina iketoiya ina bego vevina asa goi ivadadedi.
GEN 34:2 Ego koroto tayamo yoina Sekem ikaaiyaka, tauyana Emori natuna; ina bodao yoidi Ivai. Emoriyana asa Sekem ana tolovina. E kina Daina isiu asayana goi Sekemyana ikandobala Daina igite, tuwo ina ivinayoisi imasisiye, e igieomaemae.
GEN 34:3 Ikavava, Dainayana maisina ivakone. Tuwo Sekemyana nuwona ikabi toina; latuwona inai. Tuwo ilumakikine bego itagona taiyao sinai.
GEN 34:4 E ina tamana Emori ilatuwoko idigo kana, ‘Tamagu, kom kūna amo vavinayana kwābi yau monegu.’
GEN 34:5 E Yakobo vala inove bego natuna Daina kina Sekem igieomaemae. Yakobo natunao koroto nava sikaaiyaka náuna moteoina goi yoguyogu simatakaavatedi. Tuwo imaigau ana kadókana sikaluvila.
GEN 34:6 E Sekem tamana Emori ina Yakobo igite bego Daina manuna ibóbwara.
GEN 34:7 E kidi go tutayana Yakobo natunao náuna moteoina goi sima, livalayana sinove, e tauyadi gamodi igoyo be nakae nuwodi imou sidigo kadi, ‘Moe sinapuyana aba omayamaya gagaina yaima.’ (Moitamo Isileli goi geya itoboineyeta.)
GEN 34:8 Go kina Emoriyana Yakobo ilatuwoko idigo kana, ‘Go natugu Sekem natum nukotona ikabi toina. Tauna natugu kuvīni bego monena.
GEN 34:9 Kutagōna bei ida bodao taiyao sinai. Kai ima tubuwau imi wowoiyai sikabidi monediyao go, kai nakae ima wowoiyai imi tubuwau sikabidi monediyao.
GEN 34:10 Ameko goi kokaiyāka. Ava poyapoya latuwomi, kokābi go, kopaisēwa be nakae poyapoya kogimōna.’
GEN 34:11 E Sekemyana nakae ibóbwara, Daina tamana be niunao ilatuwokoidi idigo kana, ‘Neta itoboinegu im kanuwóiya ababane, e kaga latuwomi bei avinimi.
GEN 34:12 Komi toinimi kolovina Daina buwona. Kolatuwokoigu, bei avinimi. Neta gagaina, tuwo bei avinimi. Ago Daina kovinīgu monegu.’
GEN 34:13 Go boi kidi Yakobo natunao gamodi igoyo, tuwo sipola unana niudi Sekem igieomaemae. Tauna sipola
GEN 34:14 sidigo kadi, ‘Geya itoboinemeta niuma kavinim. Kom sakavaim geya kukupoeta. Neta kavinim, moe aba omayamaya gagaina yaima.
GEN 34:15 Go sem tayamo dogoi koguinuweyāmo. Ame nakae: Neta komi koroto madabokimi asa goi sakavaimi kokupoidi, bei komi kai nakae.
GEN 34:16 Kokupoidi ikavava, natumao vevina kavinimi go, natumiyao vevina kakabidi. E kai ameko bei kalokasa, nakae kita taeboda tayamo.
GEN 34:17 Go neta sakavaimi geya kokupoidita, e niuma kakabi, taiyao kana.’
GEN 34:18 E idi livalayadi Emori ma natuna Sekem sinove, tuwo sidigo kadi, ‘Dedevina, katagona.’
GEN 34:19 Sekem, tauyana koroto gagaina Emori ina bodao yaidi, woilina ina nakae iguinuwe. Bogina kuyagoi. Sekemyana Daina nuwona ikabi toina.
GEN 34:20 E moitamo Emori ma natuna Sekem sina idi kasa ana kaba siu goi sediyao silatuwokoidi kadi,
GEN 34:21 ‘Tawou, amo korotoyadi dedevidi, tauyadi sikabivekovekoema. Tauna tatagōna sikaaiyaka ida poyapoya goi sipaaisewa. Ego konōve. Natudiyao vevina tanaidi go, natudao vevina sikabidi sinaidi.
GEN 34:22 Go tayamo dogoi sikawanoiye yaida. Tauyadi bei sitagona sikaaiyaka yaida, neta kita sakavaida takupoidi kidi nakae.
GEN 34:23 Go kogita. Idi yoguyoguyao be nakae idi poyapoya ana madabokina takabidi ae? Tauna kotagōna sakavaimi kokupoidi go, sikaaiyaka yaida.’
GEN 34:24 Tuwo koroto liliudi asa ana kaba siu goi Emori ma natuna Sekem idi livala sinovedi, e sikabikaonedi. Tauna koroto madabokidi sakavaidi sikupoidi.
GEN 34:25 E maliyalina aito sikavava, korotoyadi sakavaidi adi kúpwana ana gedageda nava siilotowo go, idi lotówana kidi dedevidi. Ago Yakobo natunao, Simioni be Livai, tauyadi Daina niunao, idi sisi sikabidi, sina asayana goi koroto liliudi sivaopedi sikaumatedi.
GEN 34:26 Emori ma natuna Sekem nakae sikaumatedi. Sikaumatedi ikavava, niudi Daina Sekem ina vada goi sikabi sinave.
GEN 34:27 E kidi go Yakobo natunaoyadi liliudi asa sinaena sivabebeo kónana sivaináwana tokámasa yaidi. Moe niudi ana omayamaya ana katumapu.
GEN 34:28 Tokámasa idi yoguyoguyao sikabidi, moe sipi, goti, bulumakau be nakae ase. Konadi liliudi idi vada sinaedi be nakae idi kasa goi nakae sikabidi.
GEN 34:29 Ego idi esaesa madabokina, vevina be gogómana liliudi sikoyoinidi sinavedi.
GEN 34:30 E kina Yakoboyana natunao idi guinuwa igite natunao adi taiyuwo ilatuwokoidi idigo kana, ‘Simioni be Livai, ami taiyuwo imi guinuwa goi yau guna mou koyato. Ame tutayana da Kenani be nakae da Perisi bei sikaolilivegu go, tauyadi toni kasa! Kita geya tabadebadeta. Tauna neta silamgógana sima silauida, e kita be ida bodao liliudi bei tavailai!’
GEN 34:31 Go kidi Simioni be Livai sidigo kadi, ‘Manakae? Dedevina katagona bego niuma siyatako kina tomatagogoli nakae?’
GEN 35:1 E tuta tayamo Yaubada Yakobo ilatuwoko idigo kana, ‘Yakobo, kutāoya, kugāla kūna Beteli goi kulokāsa go, dídiya kukaudakodāko, aba kasala kumadāgi Yau yaigu. Boi amo asayana goi tuwowom Iso yaina kusiya be nakae Yau toinigu asowóduwo yaim.’
GEN 35:2 Ibóbwara ikavava, e Yakobo osenao ilatuwokoidi idigo kana, ‘Osegowo, neta tokwalu sikaaiyaka yaimi, kokalavēdi. Ikavava, kokimavadēmi ame nakae: Ami kwama kokalavēdi go, kwama vau kolosīdi.
GEN 35:3 Kokimavademi ikavava, e kōma tatūko tāna Beteli. Maeko goi dídiya bei akaudakodako, aba kasala amadagi Yaubada yaina. Tauyana boi guna kategeda goi inovegu be nakae ivaitegu. Amo tutayana go, ima ame tuta, Tauyana ivakiitaugu.’
GEN 35:4 Tuwo moitamo idi tokwaluyao sikabidi be nakae idi gipolu sikabidi, Yakobo sivini. Sivini inavedi taniya Sekem kikina, e taniyayana unana goi itavi. Itavi ikavava, dogoiyadi idodoidi, ivakumdi.
GEN 35:5 Ivakumdi ikavava, asayana sikalave siketoiya. Siketoiya go, amoko goi Yaubada toni kasa liliudi diboyadi ikayovaedi, e Yakobo ma natunao simatoitedi, tauna geya sivatapiyedita.
GEN 35:6 E kidi Yakobo sima Lusi. Lusiyana youyuwoina Beteli moe Kenani sinaena.
GEN 35:7 Amoko goi dídiya ikaudakodako, aba kasala imadagi Yaubada yaina. E asayana ivayou El Beteli. Neta kunuwaisi amoko goi Yaubada toinina ikaiwoduwe Yakobo yaina tutayana boi isiyasiya.
GEN 35:8 E niga Ribeka ina pákwana yoina Debora ikámasa go, alova gagaina asa Beteli kikina goi iitáoya, e unana goi sivaliwoge, tauna alovayana sivayou Aloni Bakuta.
GEN 35:9 E Yakobo Padani Aram bogina ikalave go, ima Beteli. Amoko goi aiyuwoina Yaubada toinina isowóduwo tauyana yaina go, ikaipakuye,
GEN 35:10 e idigo kana, ‘Ame tutayana yoim Yakobo. Go geya tuwaina bei tomota sivayoum Yakobo. Go sem sivayoum Isileli.’ Tauna amo tutayana Yakobo sivayou Isileli.
GEN 35:11 E Yaubada aiyuwoina Yakobo ilatuwoko idigo kana,
GEN 35:12 Poyapoyayana boi Eberamo be Aisake aavinidi,
GEN 35:13 E ibóbwara ikavava, Yakobo ikalave go, ituko ina.
GEN 35:14 Ago amo asayana goi Yakobo dídiya tayamo ivatáoe namliyeta ikaipakuye Yaubada yaina, tauna didiyayana yatana oine bwaena be nakae oribe putumina isiwoidi.
GEN 35:15 Ikavava, asayana ivayou Beteli unana amoko goi Yaubada ivadigo.
GEN 35:16 E Beteli sikalave go, asa Eparati nava aduwanau, e kenao goi Reitiyeli ina venátuna ana tuta ibabane. Ago moumou isaki yaina.
GEN 35:17 E tutayana iivenátuna, ana tovaita idigo kana, ‘Kwatepātu! Natum ame nakae koroto.’
GEN 35:18 E Reitiyeli bogina ikamakámasa go, idigo kana, ‘Natugu avayou Benoni.’ Kina go Yakobo ivayou Beniyamina.
GEN 35:19 E Reitiyeli ikámasa. Ina kamasayana mlina Eparati kenaoina goi sivaliwoge. Eparatiyana youyuwoina moe Bedeliyema.
GEN 35:20 Sivaliwoge ikavava, Yakobo dídiya tayamo ikabi, e Reitiyeliyana ina valiwoga goi ivatáoe, moe valiwoga ana kaba kinana. Didiyayana ame tuta nava ikaaiyaka.
GEN 35:21 E kidi Isileli siketoiya sina asa Migadali Ederi goi sisiu sina dadavina sisowóduwo. E amoko goi idi yoyou parai siyowóidi.
GEN 35:22 E tutayana amoko goi sikaaiyaka, Rubeni ina Bila imasisiye. Bilayana moe Reitiyeli ina pákwana go, Isileli moneyuwoina. Imasisiye go, valena Isileliyana inove, tuwo gamona igoyo. E Yakobo natunao adi badabada yawou aiyuwo. Tauyadi adi bíbina ame nakae:
GEN 35:23 Reya natunao koroto ame nakae: Rubeni kina Yakobo ina botomoya, Simioni, Livai, Yuda, Isakara be Sebuloni.
GEN 35:24 Reitiyeli natunao koroto ame nakae: Iyosepa be Beniyamina.
GEN 35:25 Reitiyeli ina pákwana Bila natunao koroto ame nakae: Dani be Napatali.
GEN 35:26 Reya ina pákwana Silipa natunao koroto ame nakae: Gadai be Aseri. E ame tauna Yakobo natunao koroto, tauyadi Padani Aram goi sibíbina.
GEN 35:27 E Yakobo ikaluvila ina tamana Aisake ina kasa Mamre, moe Asa Ariba kikina. Asayana youyuwoina moe Ebironi. Ego asa Mamre goi Eberamo be Aisake boi sisuvaadavada.
GEN 35:28 E Aisake ana tala 180 bogina ibabane,
GEN 35:29 e tauyana ikaitomoya, yawoina maanawena. Tuwo yawoina ikavava go, ina tamana be tubunao yaidi. Ikámasa ikavava, natunao Iso be Yakobo sivaliwoge.
GEN 36:1 Ame Iso mana bodao adi liliu, tauyana youyuwoina Idom. Liliuyana ame nakae:
GEN 36:2 Iso Kenani vevinaidi adi taiyuwo inaidi, tayamo yoina Eda, tauyana tamana Eloni go, ana dala moe yoina Eta. E monena aiyuwoina yoina Olivama. Tauyana tamana Ena go, tubuna Sibiyoni go, ana dala yoina Ivai.
GEN 36:3 Monena aitonina yoina Basemate, tamana yoina Isimaeli go, niuna yoina Nibayote.
GEN 36:4 Iso natunao koroto Kenani goi sibíbina ame nakae: Eda ivenátuna, natuna koroto yoina Elipasi. Basemate ivenátuna, natuna koroto yoina Reuweli. Olivama ivenátuna, natunao koroto adi taito, tayamo yoina Yeusi, tayamo yoina Yalam, tayamo yoina Kora.
GEN 36:6 E Iso Yakobo madi bodao taiyao Kenani goi sikaaiyaka go, idi yoguyoguyao badabada sisaki, tauna geya itoboinedita amoko adi dedevina sibabane. Tuwo Iso latuwona ina ituli ta kasa. E monenao, natunao, ina bodao, konadi be nakae ina yoguyoguyao Kenani goi ikabidi inavedi asa yoina Seira goi.
GEN 36:8 Tuwo Koya Seirayana goi kidi Iso silokasa. Isoyana youyuwoina moe Idom.
GEN 36:9 E Iso tubunao adi liliu ame nakae: Tubunaoyadi yoidi Idom go, asa Koya Seira goi sikaaiyaka.
GEN 36:10 Iso natunao koroto ame nakae: Tayamo yoina Elipasi, tauyana sinana yoina Eda. E tayamo yoina Reuweli, tauyana sinana yoina Basemate.
GEN 36:11 E Elipasiyana natunao koroto ame nakae: Temani, Omari, Sepo, Gatam be Kenasi.
GEN 36:12 E vavina paakonina yoina Timna moe Elipasiyana moneyuwoina. Tauyana ivenátuna, natuna koroto yoina Amaleki. Ame tauna Iso monena Eda tubunao.
GEN 36:13 E Reuweliyana natunao koroto ame nakae: Nakate, Serako, Sama, Misa. Ame tauna Iso monena Basemate tubunao.
GEN 36:14 E Iso monena Olivama, tauyana tamana Ena, tubuna Sibiyoni. E ivenátuna, natunao koroto adi taito ame nakae: Yeusi, Yalam be Kora.
GEN 36:15 E nunu aivaudi Iso goi sisowóduwo be nakae idi tovakumgoyao ame nakae: Nunuyadi Iso natuna Elipasi goi sisowóduwo yoidi ame nakae: Temani, Omari, Sepo, Kenasi,
GEN 36:16 Kora, Gatam be Amaleki. Ame bodayadi asa Idom goi sikaaiyaka go, ame bodayadi moe Eda tubunao be nakae Elipasi tubunao adi tovakumgoyao taiyao.
GEN 36:17 Nunuyadi Iso natuna Reuweli goi sisowóduwo yoidi ame nakae: Nakate, Serako, Sama be Misa. Ame bodayadi tubudi moe Iso monena Basemate.
GEN 36:18 Nunuyadi Iso monena Olivama goi sisowóduwo yoidi ame nakae: Yeusi, Yalam be Kora. Ame bodayadi tubudi Iso monena Olivama, tauyana tamana Ena.
GEN 36:19 Ame bodayadi madabokidi Iso tubunao. Iso youyuwoina moe Idom.
GEN 36:20 E tutayana Iso mana bodao nava geya sinoita asa Idom goi, e Seira tubunao (adi dala yoina Kori) amoko goi nava sikaaiyaka. Seira natunao koroto nunu vau unadi ame nakae: Lotani, Sobali, Sibiyoni, Ena,
GEN 36:21 Daisoni, Eseri be Daisani. Ame bodayadi Seira tubunao Idom goi sikaaiyaka. Tauyadi dala Kori adi tovakumgoyao.
GEN 36:22 Lotaniyana natunao koroto adi taiyuwo, tayamo yoina Kori, tayamo yoina Emam. Lotani niuna yoina Timna.
GEN 36:23 Sobali natunao koroto ame nakae: Alivani, Manekata, Ebali, Sepo be Onam.
GEN 36:24 Sibiyoni natunao koroto adi taiyuwo ame nakae: Tayamo yoina Aiyaki, tayamo yoina Ena. Enayana boi bwae yaviyavi igitebabane náuna moteoina goi tutayana tamana ina ase imatakaavatedi.
GEN 36:25 Enayana natuna koroto yoina Daisoni go, natuna vavina yoina Olivama.
GEN 36:26 Daisaniyana natunao koroto ame nakae: Kemidani, Esibani, Itelani be Kerani.
GEN 36:27 Eseriyana natunao koroto ame nakae. Bilani, Seyavani be Akana.
GEN 36:28 Daisani natunao koroto adi taiyuwo: Uso be Erani.
GEN 36:29 Dala Kori sinaena nunu vau yoidi ame nakae: Lotani, Sobali, Sibiyoni, Ena,
GEN 36:30 Daisoni, Eseri be Daisani. Ame tauyadi dala Kori ina nunu Seira goi sikaaiyaka.
GEN 36:31 Boi nimatu tutayana Isileli tubunao nava geya adi tolovinamo, e asa Idom ana tolovinao ame nakae:
GEN 36:32 Beora natuna Bela Idom ina kasa Dinaba goi ilovina.
GEN 36:33 Tutayana Belayana ikámasa, ana katumapu Serako guma Bosira natuna Iyobabi ietolovina.
GEN 36:34 Tutayana Iyobabiyana ikámasa, ana katumapu Usam guma Temani itáoya, ilovina.
GEN 36:35 Tutayana Usamyana ikámasa, ana katumapu Bedadi natuna Kadadi ina kasa Avita goi ietolovina. Kadadiyana boi Moabe goi da Midiyani ivasobusobuyedi.
GEN 36:36 Tutayana Kadadiyana ikámasa, ana katumapu Samla guma Masireka ietolovina.
GEN 36:37 Tutayana Samlayana ikámasa, ana katumapu Saulo guma Rekobota ietolovina. Asa Rekobotayana sákala Yuparetisi kikina goi ikaaiyaka.
GEN 36:38 Tutayana Sauloyana ikámasa, ana katumapu Akibori natuna Baala Kanani ietolovina.
GEN 36:39 Tutayana Baala Kananiyana ikámasa, ana katumapu Akibori asa Pau goi ietolovina. Tauyana monena yoina Metabeli. Metabeliyana sinana Matiredi go, tubuna Meseyabi.
GEN 36:40 E tuwo Iso tubunao nunu vau yoidi liliudi ame nakae: Timna, Aliva, Yeteta, Olivama, Ila, Pinoni, Kenasi, Temani, Mibisari, Magidiyeli be Iram. Ame dala Idom ana nunu vau yoidi go, yoidiyadi moe idi kasa tamo tamo yoidi nakae.
GEN 37:1 E Yakobo ikaaiyaka asayana goi boi tamana ituliye, moe asayana Kenani.
GEN 37:2 E ame Yakobo ina bodao tetelidi. Tetelinayana ame nakae: E Iyosepa tubuwau ana tala 17 go, senao taiyao sipi be goti simatakaavatedi. Senaoyadi moe Yakobo monenao Silipa be Bila natudiyao. E senao taiyao sikaaiyaka go, Iyosepayana ina tamana goi tuwowonao iboboredi idigo kana, ‘Tamagu, natumowo idi sinapu igoyo.’
GEN 37:3 E kina go Isileli ina kakaya moe natuna Iyosepa unana Isileli bogina ikaitomoya tutayana Iyosepayana ibíbina. Tauna imatakoiye gagaina namliyeta natunao madabokidi. Tuwo kwama tayamo igilumi. Kwamayana kaulomoloomonina go, maanawena nakae isou ina aekituna be nakae isou ina nimana. Igilumi ikavava, e natuna Iyosepa ivini, ilosi.
GEN 37:4 E tuwowonao siyagoi tamadi ana kakaya moe Iyosepa. E tauna gamodi igoyo, e Iyosepayana sikaoolilive, nakae sikaaoseve.
GEN 37:5 E tuta tayamo Iyosepa ikanamimi. Niga ina kanamimiyana manuna tuwowonao ilatuwokoidi idigo kana, ‘Tuwowogowo, guna kanamimi konōve. Anamimiyana ame nakae: Witi tolobodi tánuwo goi tapaatumidi go, yau guna pátuma mainao toinina itáoya. Itatáoya go, komi imi pátuma toinidi sitáoya, sideli sima yau guna pátuma sitaoyakobu go, sivatugúyala sikanakabobo.’ E tutayana tuwowonao sinove, idi kaoliliwo ivaituwaiko tauyana yaina.
GEN 37:8 E tuwo sibolagu, sidigo kadi, ‘Manakae? Bego kom kulovinaema ae? Manakae? Kom bego kuetokalibúbuna yaima ae?’ Tuwo tuwowonao sikaolilive gagaina toina ina kanamimi be nakae ina bóbwara pasidi.
GEN 37:9 E niga Iyosepayana imasisi, aiyuwoina ikanamimimna. Tuwo tuwowonao ilatuwokoidi, idigo kana, ‘Tuwowogowo, akanamimimna, e guna kanamimiyana konōve. Guna kanamimiyana ame nakae: Níyala, tukówana be nakae utuna adi badabada yawou tayamo sivatugúyala yau yaigu.’
GEN 37:10 E nakae ina kanamimiyana tamana ilatuwoko go, tamanayana ibolagu kana, ‘Moe kaga kukanamimiye! Manakae? Kunuwonúwana bego sinam, tuwowomowo nakae yau bei aema kavatugúyala kom yaim goi?’
GEN 37:11 E tuwo tuwowonao bogina sivakipikipiye go, kina tamadi anamimiyana inuwokavate, e manuna inuwonúwana.
GEN 37:12 E tuwo tuta tayamo Iyosepa tuwowonao sina asa Sekem goi tamadi ina sipiyao simatakavatedi.
GEN 37:13 Sikaaiyaka tuta maanawena, tuwo Isileli Iyosepa ilatuwoko idigo kana, ‘Iyosepa, tuwowomowo tuta maanawena bogina sikaaiyaka Sekem goi guna sipiyao simatakaavatedi. Tauna bei aetunem kuna kuvadadedi.’ ‘O dedevina’, Iyosepa kaena.
GEN 37:14 E Yakobo idigo kana, ‘Ame tuta kūna kuvadadēdi. Neta kidi be nakae yoguyogu dedevidi, e kūma kulatuwokōigu.’ Tuwo Isileli Ebironi butumina goi ikaaiyaka go, Iyosepayana ietune ina asa Sekem.
GEN 37:15 Tutayana ina Sekem goi, tuwowonao ilusaledi go, geya ibabanedita. Tuwo náuna moteoina goi iketoiya beso iluusaledi. Ina lusalayana goi koroto tayamo ivalobode. E korotoyana ilumadádana, idigo kana, ‘Kom kaga kuulusale?’
GEN 37:16 ‘Tuwowogowo aluusaledi. Neta kuyagoidi nako dadavina sina sipi simatakaavatedi, e kulatuwokoigu ana agitedi’, Iyosepa kaena.
GEN 37:17 E korotoyana idigo kana, ‘U. Boi kwalae sima ameko go, bogina sina. Tauyadi anovedi sidigo kadi, “Yoguyogu tanavēdi Dotani dadavina goi.”’ Tuwo Iyosepayana ina Dotani goi ilusaledi, e amoko goi igitedi.
GEN 37:18 E nava aduwanau goi iiketoiya go, kidi tuwowonao sikandobala tauyana sigite imamaima. Tuwo nuwonúwana situlu manakaedi bego tauyana sikaumate.
GEN 37:19 E sidigo kadi, ‘Kodobāla tokanamimiyana imamaima.
GEN 37:20 Tawou, tauyana takaumāte go, wowona talāve isou doelu daakakaina goi, e bei tagite neta ina kanamimi moitamo sisowóduwo gea geya. Ago tapōla kada, “Tauyana woiwoi sikani.”’
GEN 37:21 E Rubeni idi livala inove, tauna latuwona bego ana gómana iyave. Tuwo idigo kana, ‘Taabu yawoina takupokūpo.
GEN 37:22 Taabu takaaumāte, go sem talaveyāmo isou ame doeluyana goi. Go taabu yawoina tabiisikōne.’ Ina nuwonúwana bego namliyeta bei ina ana gómana iyave idi losinapu goi, e ikaluvilemnei inave tamadi yaina goi.
GEN 37:23 E tuwo moitamo Rubeni sopana sikabikaone, tauna tutayana Iyosepa isowóduwo, siyoisi. Siyoisi go, ana kwamayana dedevina tamana ivinivini sikayaise sikabi.
GEN 37:24 Ago tauyana silave isou doeluyana goi. Doeluyana daakakaina unana bwae geya.
GEN 37:25 Silave ikavava, ivatabaledi sina tupwana aduwanau goi situsobu bego sikáika go, sikandobala Isimaeli tubunao sigitedi Giliyadi dadavina goi simamaima. Ego tauyadi idi kameri pútuma, be alovamamaina sisina dedevidi sivakavaledi; latuwodi sina Itipita goi idi putumayadi sikaigimonedi.
GEN 37:26 E tuwo Yuda idigo kana, ‘Segowo, kaga ana dedevina neta ada gómana takaumate go, namliyeta ana kaumata tatalamoumouye?
GEN 37:27 Tauyana ada gómana, ikaikaida tayamo, tauna taabu takaaumāte. Go sem takaigimōne Isimaeli tubunao yaidi.’ Tuwo madabokidi Yuda sopana sikabikaone.
GEN 37:28 Tutayana Midiyani tubunao togimona sima doeluyana goi, Iyosepayana tuwowonao sina Iyosepayana sibulagasi. Sibulagasi ikavava, siriba 20 goi sikaigimone togimonayadi yaidi. Tuwo tauyana sikabi sinave Itipita goi.
GEN 37:29 E niga go Rubeni ikaluvila ina doeluyana goi bego Iyosepa ikailagasi go, doeluyana goi ikandosobu, tauyana geya maisinamo, idigo kana, ‘Oiyoi guna gómana!’ Tuwo ana kwama iyoisi, ina nuwomou pasina ikiise.
GEN 37:30 Ago ikaluvila ina ana gomanao yaidi goi idigo kana, ‘Gogómana, ada gómana doelu goi geya maisinamo! Bei manakaegu?’
GEN 37:31 E tuwo tauyadi goti tayamo siyoisi sikaumate. Sikaumate ikavava, ikaikaina sikabi, Iyosepayana ana kwama simigi.
GEN 37:32 Simigi ikavava, kwamayana sikabi, sinave tamadi sivatuluko. Sidigo kadi, ‘Tamama, ame kwamayana kababane. Kugitedōko nakona ame natum ana kwama gea geya.’
GEN 37:33 Tuwo Yakoboyana igitegite, e ikinane idigo kana, ‘Moitamo. Moe natugu ana kwama! Oiyoi natugu Iyosepa, woiwoi sikayapesapesagi!’
GEN 37:34 E tuwo Yakoboyana ana kwama ikiise ikalave go, ana kwama salisalina ilosi. Atena igeda natuna pasina. E tuta maanawena goi inuwomou natuna ina kámasa manuna.
GEN 37:35 E natunao liliudi sima bego tamadi sikipaiwole go, idi kipaiwalayana ikatae, idigo kana, ‘Tuwo, natugu ana kobu. Alapasaisai ana kadókana akámasa asou Saola goi, e natugu agite baige guna nuwomou ikavava.’ Tuwo itáiya natuna manuna.
GEN 37:36 E kidi go Midiyani tubunao bogina Itipita goi sisiu go, Iyosepayana sikaigimone Potipari yaina; tauyana Pero ina tovakumgo tayamo go, ina deri ana toyausayao adi tokalikumatana.
GEN 38:1 E amo tutayana goi Yuda senao ikalavedi go, isou ina koroto tayamo guma Adulam yoina Ira, e taiyao sikaaiyaka.
GEN 38:2 E amoko goi Kenani vavinaina tayamo ivalobode, vavinayana tamana yoina Suwa guma Kenani. Tuwo sinai, taiyao simasisi
GEN 38:3 namliyeta Yuda monena ikéuwama. Ikéuwama, ivenátuna, natuna koroto ivayou Era.
GEN 38:4 Sivayuwoina Yuda monena ikeuwamamna, ivenátuna, natuna koroto. Natunayana ivayou Onani.
GEN 38:5 Niga Yuda mana bodao sina asa Kesiba goi sikaiyaka. Amoko goi monena sivatonina ikeuwamako, ivenátuna, natuna koroto. Natunayana ivayou Seile.
GEN 38:6 Tuwo sikaaiyaka, sikaaiyaka, e Yuda ina botomoya Era bogina ikaitubuwaumatuwo. Tuwo Yuda itáoya, ina tayamo vavina ikabi bego Erayana monena. Vavinayana yoina Temari.
GEN 38:7 E Erayana ina sinapu igoyo Yauwe matana goi, tuwo kina Yauwe ikaumate.
GEN 38:8 E Yuda natuna bonauyayana yoina Onani iduduwe ima. Ima Yudayana idigo kana, ‘Onani, tuwowom bogina ikámasa go, geya natunamo. Tauna ida sinapu goi kūna kobuina taiyao konāi, taiyao komasīsi bei ikéuwama. Ikéuwama, ivenátuna, natuna tuwowom ana katumapu.’
GEN 38:9 E Onaniyana bogina iyagoi neta nakae iguinuwe, gomanayana moe geya tauyana natuna geya. Tuwo tuta tamo tamo tuwowona kobuina imasisiye, elueluna poyapoya goi idau besobeso. Tauna vavinayana geya itoboineyeta ikéuwama ivenátuna tuwowona manuna.
GEN 38:10 E ame iguuinuwe Yauwe matana goi igoyo, tauna tauyana nakae kina Yauwe ikaumate.
GEN 38:11 E tuwo Yuda yaona Temari iduduwe ima ilatuwoko ipola idigo kana, ‘Temari, kwaluvīla kūna tamam ina vada goi kwaiyāka maa kobuim ana kadókana natugu Seile ikaitubuwaumatuwo, e bei itoboinemi konai.’ Tauyana ina nuwonúwana kana, ‘Geya latuwogu natugu Seile amo vavinayana inai, govila bei ikámasa tuwowonao nakae.’ Tuwo moitamo Temari ikaluvila ina tamana ina vada goi ikaaiyaka.
GEN 38:12 E sikaaiyaka, sikaaiyaka aaa, Yuda monena, moe Suwa natuna, ikámasa. Tuwo nuwona imou. Ina nuwomou ikavava, e siyana Ira guma Adulam taiyao sina asa yoina Timna. Amoko goi ina topaisewayao sipaaisewa, ina sipiyao unuunudi siikupoidi.
GEN 38:13 Ago tomota sina Temari silatuwoko kadi, ‘Temari, yaom inonoina Timna bego ina sipi unuunudi ikupoidi.’
GEN 38:14 Tuwo livalayana inove, kóbuya adi kwama ivalilivi iyato go, ituli ta kwama ilosi. Tayamo kwama ikabi maisina ivamou go, imatakipola. Ivamou ikavava, ina tayamo asa yoina Enaim. Moe Timna kenaoina goi ikaaiyaka. E ina Enaim ana kaba siu goi itusobu Yuda ituuyaosi. Ina nuwonúwana kana, ‘Yaogu ikatubaugu. Natuna Seile bogina ikaitubuwaumatuwo go, geya itagoneta kanai.’
GEN 38:15 E iitusobu go, Yuda ima ikandobala vavinayana igite inuwonúwana kana, ‘Nakona vavina tomatagogoli.’ Bogina kuyagoi. Vavinayana maisina ivamou.
GEN 38:16 E Yuda ivatabale ina vavinayana kikina goi idigo kana, ‘Kūma kumasisiyēgu.’ Geya iyagoiyeta bego vavinayana moe yaona Temari. ‘Gobe kaga kuvinigu?’ Temariyana kaena.
GEN 38:17 ‘Goti bonatuna tayamo bei aetune iwo’, Yuda kaena. ‘Konam tayamo ame tuta kuvinīgu. Niga goti kuetūne ima konamyana kutatete’, tauyana kaena.
GEN 38:18 ‘Ava konagu bei avinim?’ Yuda kaena. ‘Im rini mana maka be im kaituko kuvinīgu’, tauyana kaena. E tuwo moitamo konanayadi ivini. Ikavava, taiyao sina, e imasisiye, ikéuwama.
GEN 38:19 Simasisi ikavava, Temari ikaluvila ina tamana ina vada goi. Amoko goi ana kwama ivalilivi go, kóbuya adi kwama ilosimneidi.
GEN 38:20 E niga Yuda ina goti bonatuna tayamo ikabi, siyana Ira ivini. Ivini, ilatuwoko idigo kana, ‘Ira, ame gotiyana kwābi kunāve vavinayana kuvīni go, konaguyadi kutatetēdi.’ Tuwo ikabi ina vavinayana ilusale, geya.
GEN 38:21 Toni kasa koroto maniyedi sikaaiyaka iigitedi ilumadadedi, kana, ‘Vavina tomatagogoli boile koneiyuwe Enaim ina kenao goi ikaaiyaka, tauyana nako ina?’ ‘Geya tayaamo tomatagogoli ameni’, korotoyadi kaedi.
GEN 38:22 Tuwo Irayana ikaluvila ina Yuda ilatuwoko, idigo kana, ‘Vavinayana alusale, geya. Toni kasa koroto amodi sikaaiyaka alumadadedi, tauyadi kadi, “Geya tayaamo tomatagogoli ameni.”’
GEN 38:23 E Yudayana idigo kana, ‘Tuwo kwalāve. Konaguyadi sikaaiyaka tauyana yaina, govila bei tomota sivaponuponuyeda. Goti bonatunayana boi akaatotule yaina bogina aetune ina go, vavinayana geya itoboinemta kubabane.’
GEN 38:24 E tuwo tukówana aito mlidi, tomota sima Yuda silatuwoko sidigo kadi, ‘Yuda, yaom Temari ana ketoiya tomatagogoli nakae, koroto taiyao simasisi. Go kunōve. Masisi goyogoyoinayana goi bogina ikéuwama.’ E Yudayana idigo kana, ‘Kōna tauyana koyōisi, kōme be kogābu ikámasa!’
GEN 38:25 E sina siyoisi go, Yuda ina rini be ina kaituko tomota tayamo ivini ilatuwoko kana, ‘Ame kwabīdi go, kūna Yuda kuvīni kam, “Korotoyana boi imasiisiyegu akéuwama konana goamedi. Kom kugīte nakona itoboinem kukinane rini ame be aituko ame avatau konana?”’
GEN 38:26 E moitamo ina Yuda ivini go, tutayana konanayadi igitedi, ikinanedi. Tuwo idigo kana, ‘Tauyana nai ana lovina ana tokibóbwata go, yau geya unana natugu Seile avagagale tauyana yaina. Tauna tauyana lovina ana tokibóbwata.’ Tuwo Temariyana geya sigabuyeta. Ego Yuda Temari taiyao geya tuwaina simasisimna.
GEN 38:27 E niga Temari ina tuta venátuna isowóduwo go, natunao gamona goi lalavi sikaaiyaka.
GEN 38:28 E iivenátuna go, mainao gómana tayamo nimana isowóduwo. E tovaita búyala kayakayaina ikabi, gomanayana nimakituna goi isiko. Isiko ikavava, idigo kana, ‘Ame tauyana igimisowóduwo.’
GEN 38:29 Ego gomanayana nimana ivaisiumnei go, siyana isowóduwo. E tovaitayana idigo kana, ‘Siyam kuvatupuwe bego kom kugimisowóduwo?’ Tuwo gomanayana sivayou Peresi.
GEN 38:30 Peresi isowóduwo ikavava, ana gómana, tauyana nimana goi búyala kayakayaina ikaaiyaka isowóduwo go, tauyana sivayou Serako.
GEN 39:1 E kina go Iyosepayana Isimaeli tubunao nimadi goi ikaaiyaka. Tuwo tauyana sinave Itipita goi go, Pero ina tovakumgo tayamo yoina Potipari guma Itipita igimone. Potipariyana moe Pero ina deri ana toyausayao adi tokalikumatana.
GEN 39:2 Go kina Yauwe ivaakitau, tauna ina vaita goi Iyosepa ina paisewayana madabokina kikiboda. Tuwo ina tomoya Potipari ina vada goi ikaaiyaka.
GEN 39:3 Ikaaiyaka go, ina tomoyayana bogina igite bego Yauwe ivaakitau, tauna ina vaita goi kaga liliuna Iyosepa nimana goi kina Potipari iyatoyato, madabokina ikibode.
GEN 39:4 Tuwo Potipari ina kanuwóiya ibabane. Tauyana idigo kana, ‘Iyosepa, tuta ame goi avayokoim kom tomatakavata. Guna vada be nakae konagu liliudi kumatakavatēdi unana anumisem.’
GEN 39:5 E tutayana ivayoko kina Iyosepa moe ina vada be konana liliudi adi tomatakavata, e tauyana pasina Yauwe Potipari guma Itipita ikaipakuye. Tauna ana dedevina ibabane.
GEN 39:6 Tuwo Potipari konana liliudi be ina vada ana rugwáuta Iyosepa nimana goi iyatoidi. Tauna dogoiyadi manudi geya inuuwonúwana geya. Go kina tauna, áika tayamo toito. E Iyosepa koroto gumaboina nakae ana bíbina dedevina.
GEN 39:7 Tauyana ipaaisewa ina tomoya Potipari ina vada goi go, Potipariyana monena ikandobala Iyosepayana igite koroto gumaboina, tauna ivakone. E tuta tayamo ina ilatuwoko idigo kana, ‘Iyosepa, kūma kumasisiyēgu.’
GEN 39:8 Go kina Iyosepayana ikatae, idigo kana, ‘Geya. Kunōve. Yau pasigu guna tomoya geya inuuwonúwana geya kaga liliuna ina vada sinaena manudi. Konana liliudi nimagu goi iyatoidi.
GEN 39:9 Yau aguta vada ame goi toolagaigu. Geya vatau tayaamo ikalisavegu. Guna tomoyayana geya kada tayaamo konana ivagagalakoigu geya, go sem kom monena amta ivagagalem yau yaigu. Tauna geya itoboineguta moe dogoiyana goyogoyoina aguinuwe guna tomoya yaina. Moe nakae goyo aguinuwe Yaubada matana goi.’
GEN 39:10 Ego maliyalina tamo tamo Iyosepayana ilumaakikine kana, ‘Iyosepa, kūma kumasisiyēgu.’ Go kina Iyosepayana ikatae, tuwo geya itagoneta bei imasisi tauyana taiyao.
GEN 39:11 E tuta tayamo Iyosepa isiu Potipari ina vada goi bego ipaisewa go, vadayana sinaena geya tayaamo vada ana topaisewa ikaaiyaka geya.
GEN 39:12 Tuwo vavinayana ima ibisibala Iyosepayana ana kwama iyoisi, idigo kana, ‘Kūma kumasisiyēgu!’ Go Iyosepayana ana kwama ikalave, vadayana goi ilokoinaodo, isiya.
GEN 39:13 Go kina vavinayana ikandosobu nimana goi kwamayana igite,
GEN 39:14 tuwo ina pakonayao iduduwedi sima, ipola kana, ‘Kogīte! Ame Iberiuyana monegu ime bego ida vada imatakavate go, ikaiwotetegu. Maine isiu ima iyoisigu latuwona bego imasisiyegu go, apodeda.
GEN 39:15 Go tutayana guna podedayana inove imatoita, e ana kwama kikigu goi ikalave go, ilokoinaodo isiya.’
GEN 39:16 Tuwo kwamayana kikina goi iyato irugwausi ana kadókana Iyosepa ana tomoya ikaluvila.
GEN 39:17 Tutayana tauyana ikaluvila ima, e kina vavinayana ilatuwoko idigo kana, ‘Amo im pákwana guma Iberiu boi kumememe yaima goi maine isiu ima iyoisigu bego imasisiyegu.
GEN 39:18 Go tutayana apodeda, e ana kwama kikigu goi ikalave go, ilokoinaodo isiya.
GEN 39:19 E ame nakae im pákwana iguinuwe yaigu.’ E tutayana Potipari monena idigo kana, ‘Ame nakae im pákwana iguinuwe yaigu’, Iyosepa ina tomoya inove, gamona igoyo toina.
GEN 39:20 Tauna deri ana torugwautayao ilatuwokoidi kana, ‘Kōna Iyosepa koyōisi, deri goi kovaisīu.’ Tuwo nakae siguinuwe. Ego deriyana moe Pero, da Itipita adi tolovina, ina deri moe toogoyoidi manudi neta Peroyana yaina siguinuwa goyogoyo. Tuwo Iyosepayana deri goi ikaaiyaka go,
GEN 39:21 Yauwe ivaakitau be nakae iilokate. Nakae Yauwe ina guinuwa pasina deri ana tolovina nakae Iyosepa ikanuuwoiye.
GEN 39:22 E tuwo tolovinayana idigo kana, ‘Iyosepa, avayokoim kom deri ana tokaiyakoyao adi tovakumgo. E nakae guinuwa liliudi deri goi kom kumatakavatedi.’
GEN 39:23 Tuwo kaga liliuna Iyosepa nimana goi sikaaiyaka nakae imatakaavatedi, e manudi tolovinayana geya inuwonuwoneta. Bogina kuyagoi. Yauwe Iyosepa ivaakitau, tauna Yauwe pasina Iyosepayana ina paisewa madabokina kikiboda.
GEN 40:1 E Iyosepa deri goi ikaaiyaka go, tuta tayamo da Itipita idi tolovina ina vedi ana tomatakavatayao adi tovakumgo be nakae ana beredi ina tokaigabunayao adi tovakumgo tolovinayana sibagali.
GEN 40:2 Tauna tovakumgo adi taiyuwokova yaidi goi Pero gamona igoyo.
GEN 40:3 Tuwo ina deri ana toyausayao adi tokalikumatana ilatuwoko idigo kana, ‘Kūna adi taiyuwo kuyoisīdi, e deri goi kuvaisīudi.’ Tuwo moitamo ina nakae iguinuwe; adi taiyuwokova ikabidi deri goi ivaisiudi sikaaiyaka. Ego amo deriyana goi Iyosepa nakae nava ikaaiyaka.
GEN 40:4 E tokalikumatanayana Iyosepa ivayoko deri ana tokaiyakoyao adi tovaita, e imatakaavatedi. E tuta maanawena deri goi sikaaiyaka go,
GEN 40:5 sabamgo tayamo goi vedi ana tomatakavatayana be beredi ana tokaigabunayana adi taiyuwokova sikanamimi. Ago adi kanamimiyadi tamo tamo madi yagoina.
GEN 40:6 E simasisi vanuwo itomo, Iyosepa ina igitedi tauyadi madi nuwomou sikaaiyaka.
GEN 40:7 Tuwo ilumadadedi, idigo kana, ‘Kaga unana maisimi siiwówana?’
GEN 40:8 ‘Nuwobuna ama taiyuwo kakanamimi go, geya vatau tayaamo itoboine anamimiyadi italigeidi’, kidi kaedi. E Iyosepayana idigo kana, ‘Anamimi adi yagoina Yaubada anetava itoboine ivaiteda ae? Tauna imi kanamimi kolatuwokoigu go, nakona Yaubada ivatulukoigu adi yagoina.’
GEN 40:9 Tuwo vedi ana tomatakavata igimibóbwara, idigo kana, ‘Guna kanamimi goi tayamo oine buyalina matagu goi ikaaiyaka.
GEN 40:10 E buyalayana itabolalavi aito go, mainao situpo, silala, niga sikéuwo, e keuwoidi sibólika.
GEN 40:11 Pero ina vedi nimagu goi aakavale. Tuwo keuwoinayadi aguwedi, vediyana tobuna goi abibidi. Abibidi ikavava, vediyana Pero avini.’
GEN 40:12 Iyosepa idigo kana, ‘Im kanamimi ana talígava ame nakae: Tabolalavina aito moe maliyalina aito.
GEN 40:13 Tauna maliyalina aito mlidi Pero bei ikilagasim be nakae kebam ivinimneim be ina vedi kuvini nakae boi tutayana kom tauyana ina vedi ana tomatakavata.
GEN 40:14 Go tutayana am dedevina kubabane, kunuwaisīgu ae? Siyagu, yau guna lokata kulolāse, e Pero kulatuwōko italigeigu.
GEN 40:15 Bogina kuyagoi. Boi kidi Iberiu idi kasa goi geya guna goyomo akaaiyaka go, tuwo koroto maniyedi sima siyoisigu, simegu ameko. Ameko nakae geya tayaamo goyo aguinuwe bego itoboine ame deriyana goi sivaisiugu.’
GEN 40:16 E kina tokaigabunayana inove bego anamimiyana ana talígava dedevina, tuwo Iyosepa ilatuwoko idigo kana, ‘Yau nakae akanamimi. Gwa. Guna kanamimiyana ame nakae: Beredi ma bayaoidi aito aavabedi go,
GEN 40:17 bayaoyana kanayaatanaina goi, e beredi ituli ituli Pero manuna sikaaiyaka. Sikaaiyaka go, mánuwo sima sikani.’
GEN 40:18 E kina Iyosepayana idigo kana, ‘Im kanamimi ana talígava ame nakae: Bayaoyadi aito moe maliyalina aito.
GEN 40:19 Tauna maliyalina aito mlidi Pero bei ikailagasim. Nukotom bei ibobo go, sakavaim isiko alova goi ivakosainem, e mánuwo bei sima sakavaimyana sikanikani.’
GEN 40:20 E tuwo moitamo maliyalina aito mlidi moe Pero ina bíbina ana maliyalina. Tuwo áika gagaina iwodugu go, ina tovakumgoyao paakonidi iduduwedi sima taiyao sikáika. Aikayana goi ina vedi ana tomatakavata be nakae ana beredi ana tokaigábuna nakae iduduwedi sima tovakumgoyadi matadi goi ikailagasidi.
GEN 40:21 Vedi ana tomatakavata ikailagasi ame nakae: Kebana ivinimnei, tauna Pero ina vedi imatakavate.
GEN 40:22 Go tokaigabunayana ikailagasi, wowona alova goi ivakosaine ikaumate nakae Iyosepa idige tutayana idi kanamimi italigeidi.
GEN 40:23 E kina go vedi ana tomatakavatayana ana dedevina ibabane go, Iyosepa ina livala geya inuwokavateyeta, go sem inuwoilave.
GEN 41:1 E tala aiyuwo sikavava, Pero ikanamimi. Ina kanamimiyana ame nakae: Sákala yoina Nairi kikina goi iitáoya
GEN 41:2 go, sakalayana goi bulumakau dedevidi nakae saabalidi adi badabada ainima aiyuwo sisinalaga. Sisinalaga, limou sikakáika.
GEN 41:3 E niga ituli ta bulumakau adi badabada ainima aiyuwo sisinalaga, bulumakauyadi sigoyo nakae sibagabaga. Sisinalaga, mamaya goi bulumakau dedevidi kikidi sitáoya.
GEN 41:4 Bulumakau goyogoyoidi sitáoya, bulumakau dedevidi sitonoidi. Ameko ina kanamimiyana ikavava, e Pero matana ilala.
GEN 41:5 Tauyana imasisimna, e aiyuwoina ikanamimimna. Ina kanamimiyana ame nakae: Witi tolobo tayamo goi didi ainima aiyuwo sitabo go, witi kutukutuna gagaidi be nakae dedevidi.
GEN 41:6 E niga ituli ta witi itabo go, tolobona goi didi ainima aiyuwo sitabo. Sitabo go, witi kutukutuna giyaidi nakae meemalidi yágira bomatu yaviyavina pasina.
GEN 41:7 Kidi didi goyogoyoidi sitáoya, didi dedevidi sitonoidi. E amoko goi Peroyana ikaliwoisa, itáoya idigo kana, ‘O moitamo akanamimi!’
GEN 41:8 E vanuwo itomo, Peroyana mana kateyova inuwonúwana kana, ‘Guna kanamimi kaga adi yagoina?’ Tuwo tomeméyava liliudi be nakae tonuwopolala liliudi Itipita goi iduduwedi sima, e ina kanamimiyadi ilatuwokoidi. Ilatuwokoidi ikavava, idigo kana, ‘Guna kanamimiyadi kaga adi yagoina?’ Go geya kada tayaamo yaidi goi itoboine anamimiyadi italigeidi.
GEN 41:9 Ago vedi ana tomatakavatayao adi tovakumgo Iyosepa inuwaisi, tuwo ina Pero ilatuwoko idigo kana, ‘Guna tomoya, guna bágala alatuwokoim. Tayamo dogoi anuwoilave alatuwokoim.
GEN 41:10 Boi tokaigábuna be yau im pakonayao kuegamogamoguyema, e im deri ana toyausayao adi tokalikumatana Potipari kulovinae deri goi ivaisiuma.
GEN 41:11 Amoko goi sabamgo tayamo ama taiyuwokova kakanamimi go, anamimiyadi tamo tamo madi yagoina.
GEN 41:12 Ego koroto tayamo, tauyana Iberiu, kai taiyao deriyana goi kakaaiyaka. Korotoyana moe tokalikumatana ina pákwana. Tuwo, tauyana ima kanamimi kalatuwoko, e anamimi tamo tamo adi yagoina italigeidi.
GEN 41:13 E nakonakae anamimiyadi italigeidi, nakae simalatomota. Yau kebagu bogina kuvinimneigu go, kina tokaigabunayana wowona kusiko, e alova goi kuvakosaine ikámasa.’
GEN 41:14 E tuwo Pero ina topaisewayao ilatuwokoidi, idigo kana, ‘Kōna Iyosepa kokābi kōme.’ Tuwo woilidi sina Iyosepayana deri goi sikabi, sime. Ego mainao ana gábula itéui be nakae kwama dedevidi ilosidi. Ilosidi ikavava, ima Pero matana goi itáoya.
GEN 41:15 E Peroyana idigo kana, ‘Iyosepa, akanamimi go, geya vatau tayaamo itoboine italigei. Go yau livala anove bego kom anamimi adi talígava kuuyagoi.’
GEN 41:16 E Iyosepayana idigo kana, ‘Guna tomoya, anamimi adi talígava moe yau toinigu geya itoboineguta. Go sem Yaubada itoboine. Moitamo im kanamimi ana talígava bei ilatuwokoigu namliyeta baige alatuwokoim go, ana taligavayana bei am dedevina manuna.’
GEN 41:17 E Peroyana idigo kana, ‘Kunōve go, guna kanamimi alatuwokoim. Anamimiyana ame nakae: Sákala Nairi goi aatáoya go,
GEN 41:18 sakalayana goi bulumakau ainima aiyuwo dedevidi nakae saabalidi sisinalaga, e limou sikakáika.
GEN 41:19 Sikakáika go, ituli ta bulumakau ainima aiyuwo sisinalaga. Bulumakauyadi sigoyo nakae sibagabaga. Adi kaigigita igoyo. Geya tayaamo tuta Itipita goi bulumakau agite ame tauyadi nakae; sigoyo toina.
GEN 41:20 Ame bulumakau bagabagaidiyadi sitáoya, bulumakau saabalidi sitonoidi.
GEN 41:21 Sitonoidi go, bulumakauyadi adi kaigigita neta geya sitonoidita. Moitamo. Nava adi bíbina sibaagabaga nakae boi mainao sibagabaga. E ameko goi matagu ilala.
GEN 41:22 E aiyuwoina guna kanamimi goi agite witi tolobo tayamo goi didi ainima aiyuwo sitabo go, kutukutuna gagaidi be dedevidi.
GEN 41:23 Niga ituli ta witi tolobona tayamo goi didi ainima aiyuwo sitabo. Ago kutukutuna kasakasaidi, giyaidi be nakae meemalidi yágira bomatu yaviyavina pasina.
GEN 41:24 Kutukutu giyaidiyadi sitáoya, kutukutu dedevidi sitonoidi. Ame tauna guna kanamimi. E tomeméyava alatuwokoidi go, geya kada tayaamo vatau yaidi goi itoboine guna kanamimiyadi italigeidi.’
GEN 41:25 Iyosepayana idigo kana, ‘Im kanamimiyadi aiyuwo adi yagoina tayamo. Yaubada bogina ivatulukoim manakaena bei giyakainava iguinuwe.
GEN 41:26 Anamimiyadi adi yagoina ame nakae: Bulumakauyadi ainima aiyuwo dedevidi be witi didina ainima aiyuwo dedevidi moe tala ainima aiyuwo nakae. Im kanamimiyadi adi yagoina tayamo. Talayadi moe tala ainima aiyuwo dedevidi.
GEN 41:27 Kidi go bulumakau bagabagaidiyadi be goyogoyoidi sisinalaga be nakae witi didina ainima aiyuwo meemalidi yágira bomatu yaviyavina pasina moe tala ainima aiyuwo nakae go, talayadi moe loga.
GEN 41:28 Tauna nakae bogina alatuwokoim. Yaubada bogina ivatulukoim manakaena bei giyakainava iguinuwe.
GEN 41:29 Gwa! Bei ame nakae iguinuwe: Tala ana badabada ainima aiyuwo goi asa Itipita ana madabokina bei imáliya gagaina.
GEN 41:30 Go amo talayadi mlidi tala ana badabada ainima aiyuwo goi loga gagaina bei isowóduwo Itipita sinaena, e asayana bei ibugoyai.
GEN 41:31 Talayadi dedevidi bei konuwoilavedi loga pasina. Bogina kuyagoi; logayana bei igoyo toina.
GEN 41:32 E kom boi sivayuwo kukanamimiko moe ana yagoina Yaubada bogina ilovina bego dogoiyana isowóduwo. Tuwo giyakainava bei anamimiyadi simalatomota.
GEN 41:33 E tauna koroto tayamo kukināve, korotoyana mana dovatusi be mana nuwopolala. Tauyana kuvayōko kina sobuyekoim go, Itipita ana madabokina ilovinae.
GEN 41:34 Aiyuwoina gávana kukinavēdi go, kuvayokōidi kidi asa tamo tamo adi tomatakavatayao. Tala tamo tamo asa imáliya, e tala dedevidi goi tomota idi witi ana dibayoya sikaiguyauye gúguna ainima ainima.
GEN 41:35 E gúguna aivasi tomota sikanidi go, im lovina goi gavanayadi gúguna tayamo boda tamo tamo goi sikabidi simedi sánala gagaidi goi sidodoidi loga ana tala manudi.
GEN 41:36 Moe witiyana ikaaiyaka loga ana tala ainima aiyuwo manudi, e bei tutayana loga isowóduwo Itipita goi, tomota loga geya sikamaseta, go sem witiyana bei ivaitedi.’
GEN 41:37 E Pero be nakae ina tovakumgoyao paakonidi Iyosepa ina nuwonúwana sikaodedevine.
GEN 41:38 Tuwo Pero ilatuwokoidi idigo kana, ‘Manakae? Itoboineda koroto tayamo tababane Iyosepa nakae? Nakona geya. Ame tauyana yaina Yaubada Balomaina ikaaiyaka.’
GEN 41:39 Tuwo Pero Iyosepa ilatuwoko idigo kana, ‘Iyosepa, geya vatau tayaamo mana dovatusi be mana nanamsa nakae kom unana Yaubada ivatulukoim kaga liliuna bei isowóduwo. Tauna im nuwopolala tomota liliudi idi nuwopolala ikalisavedi.
GEN 41:40 Kom bei avayokoim guna katumapu, guna vada be nakae da Itipita madabokidi nimam goi ayatoidi bei kuloviinaedi go, tomotayadi bei sopam sikabikaone. Yau aguta ataoyakukuim.’
GEN 41:41 E Pero idigomna kana, ‘Iyosepa, bogina kunove? Ame tutayana avayokoim kom guna katumapu, asa Itipita ana madabokina nimam goi ayato bei kuloovinae.’
GEN 41:42 Tuwo Pero ina rini mana kaba kinana ivalilivi go, Iyosepa nimaseliselina goi ivalilivi. Ikavava, kwama dedevina ikabi, Iyosepayana ivini ilosi. Ikavava, búyala goura ikabi, nukotona goi isiko.
GEN 41:43 Ego Pero ina sariyota aiyuwo, tayamo moe toinina manuna go, tayamo moe ana tosavaiyuwo manuna. Tuwo Iyosepa ilatuwoko idigo kana, ‘Iyosepa, guna sariyota tayamo avinim, e sariyotayana goi kusowōya.’ Tuwo isowoya go, koroto maniyedi sivakumgo sidigo kadi, ‘Toolagaina imamaima; aemi kovatugūyala!’ Ame nakae Iyosepa ivayoko kina ana katumapu bei Itipita ana madabokina iloovinae.
GEN 41:44 E aiyuwoina Pero Iyosepa ilatuwoko idigo kana, ‘Iyosepa, yau Pero, Itipita ana tolovina go, kom guna katumapu. Tauna lovina avinim bego Itipita goi tomota geya tayaamo kaga itoboinedi siguinuwe neta kom geya kutagoneta.’
GEN 41:45 Ibóbwara ikavava, Iyosepa ivayou Sapanadi Paneka go, vavina tayamo ikabi, Iyosepa ivini inai. Vavinayana yoina Asenati go, tamana yoina Potipera, tauyana da Oni idi tonúwala. Tauna nakae Iyosepa ietolovina Itipita ana madabokina goi.
GEN 41:46 Ego kina Iyosepayana ana tala 30 bogina ibabane, e ina paisewa Pero da Itipita adi tolovina manuna ivatowo. E itáoya ina asa tamo tamo Itipita sinaena ivadadedi.
GEN 41:47 Tala ainima aiyuwo goi asa imáliya gagaina.
GEN 41:48 Tuwo Iyosepayana ina lovina goi ina topaisewayao sivaníbita tánuwo liliudi Itipita goi witi kutukutuna silamgogo go, asa tamo tamo adi sánala gagaidi goi sivadodoidi, moe tala ainima aiyuwo goyogoyoidi manudi.
GEN 41:49 Witiyana gagaina sánala goi sidodoidi, nakae witi ma baikidi adi badabada nakae ediédila. Siidodoidi ana kadókana witiyana ivakaigaga, e geya tuwaina ana badabada buki goi siginidi. Bogina kuyagoi. Badabada sisaki, tauna geya itoboineyeta ikatuyaividi.
GEN 41:50 E kina go Iyosepayana nava loga geya isowoduwoita, e monena Asenati ivenátuna, natunao koroto adi taiyuwo.
GEN 41:51 E ina botomoya ivayou Manase kana, ‘Unana Yaubada tauna guna nuwomou anuwoilave be nakae osegowo anuwoilavedi.’
GEN 41:52 E natuna aiyuwoina ivayou Eparaim kana, ‘Unana Yaubada tauna guna kaiyakomou goi keuwoigu dedevina ababane.’
GEN 41:53 E tala ainima aiyuwo dedevidi Itipita goi sikavava
GEN 41:54 go, logayana ana tala ainima aiyuwo ivatowo nakae Iyosepa boi idigedige. Logayana isowóduwo asa liliudi goi go, Itipita ana madabokina goi tomota madi witi.
GEN 41:55 Go niga Itipita goi nakae logayana silotowo. Tuwo tomota sima Peroyana yaina sitaiyaduduwo witi manuna. Go Peroyana idigo kana, ‘Kōna Iyosepa kogīte go, kaga ilatuwokoimi nakae koguinūwe.’
GEN 41:56 E tutayana logayana gagaina isowóduwo Itipita ana madabokina goi, Iyosepa witi sanalidi ikatupaevedi go, witiyadi ikaigimonedi da Itipita yaidi. Logayana bogina gagaina toina.
GEN 41:57 Ago ituli ta kasa liliudi goi tomota sima Itipita bego witi sigimona Iyosepa yaina. Bogina kuyagoi; logayana gagaina poyapoya ana madabokina goi.
GEN 42:1 E Yakobo vala inove bego Itipita goi witi ikaaiyaka, tuwo natunao iduduwedi sima ilatuwokoidi idigo kana, ‘Komi kaga kokaiyakoe?
GEN 42:2 Konōve. Vala anove Itipita goi witi ikaaiyaka. Tauna komi kosōu kōna ada witi kogimōna, govila bei loga takámasa.’
GEN 42:3 E tuwo moitamo Iyosepa tuwowonao yawou sina Itipita goi bei witi sigimona.
GEN 42:4 E kina go Iyosepa ana gómana Beniyamina ikaaiyaka; Yakobo geya ietuneyeta senao taiyao. Imatoita; ina nuwonúwana kana, ‘Nakona bei vailai ibabane.’
GEN 42:5 E tuwo Isileli natunao be Kenani tomotaidi taiyao sina Itipita goi bego adi witi sigimona. Bogina kuyagoi; Kenani asaina tomota loga sikámasa.
GEN 42:6 Ego kina Iyosepayana da Itipita adi tolovina. Ame tauyana tomota liliudi adi witi ana tokaigimona. E tuwowonao sima tauyana matana goi aedi sivatugúyala sikanakabobo.
GEN 42:7 E Iyosepa igitedi, ikinanedi go, geya ilatuwokoidita, go sem ikatubaudi. Ina sinapu nakae bego geya iyagoidita. Tauna mana kubukasa ilatuwokoidi idigo kana, ‘Komi nako goi koma?’ ‘Kenani goi kama latuwoma ama witi kagimona’, kidi kaedi.
GEN 42:8 Ego Iyosepa tuwowonao ikinanedi go, tauyana kidi geya sikinaneyeta.
GEN 42:9 Tutayana tuwowonao aedi sivatugúyala, ina kanamimi aiyuwo boi ikanamiimiyedi inuwokavatedi, tuwo tuwowonao geya ilatuwokoidita kina adi gómana, go sem iwowokoidi idigo kana, ‘Kopola! Komi toyáusa. Koma ima kasa kogite nako goi ineneta.’
GEN 42:10 Go kidi sidigo kadi, ‘Ima tomoya, moe nakae geya! Kai im pakonayao kama latuwoma bego ama witi kagimona.
GEN 42:11 Kai madabokima koroto tayamo natunao. Kai toyáusa geya. Kai im pakonayao koroto todedevima.’
GEN 42:12 Go kina Iyosepayana idigo kana, ‘Geya, kopola! Komi koma latuwomi ima kasa kogite nako goi ineneta.’
GEN 42:13 Go kidi sidigo kadi, ‘Ima tomoya, kai im pakonayao boi kai ama badabada yawou aiyuwo, tamama tayamo. Kenani goi kakaiyaka. Go bogomane nava tamama taiyao Kenani goi sikaaiyaka go, ama gómana tayamo bogina ikámasa.’
GEN 42:14 Go kina Iyosepayana idigo kana, ‘Nakae bogina alatuwokoimi, komi toyáusa!
GEN 42:15 Go tuwo. Bei avakakonemi ame nakae: Pero yoina goi akatótula ame asayana geya kokalaveyeta ana kadókana tamami ana bogomane ima ameko.
GEN 42:16 Koroto tayamo yaimi koetūne ina ami gómana ikabi ime go, madabokimi ameko deri goi kokaaiyāka, e bei ayagoi nakona komi aba numisa gea geya. Neta siyami geya ikaluvileta, bei ayagoidoko komi moitamo toyáusa!’
GEN 42:17 Tuwo deri goi ivaisiudi maliyalina aito goi sikaaiyaka.
GEN 42:18 Go maliyalina aitonina goi Iyosepa ina topaisewayao ilatuwokoidi sina tuwowonao deri goi sikabidi simedi. Sina sikabidi simedi, Iyosepa ilatuwokoidi, idigo kana, ‘Neta guna nuwonúwana bei alatuwokoimi koguinuwe, e ma yawoimi kokaaiyaka. Bogina koyagoi; Yau Yaubada ataaimamine.
GEN 42:19 Guna nuwonuwanayana ame nakae: Neta komi koroto todedevimi, koroto tayamo yaimi ameko deri goi ikaaiyaka go, madabokimi semiyao tokodaloga adi witi kokabīdi konavēdi imi kasa goi kovinīdi avadi.
GEN 42:20 Go ami gómana kōme yaigu bei itoboinegu imi livala akamoitamoe. Neta nakae koguinuwe, e ma yawoimi kokaaiyaka.’ Tuwo moitamo sitagona nakae siguinuwe.
GEN 42:21 Ago kidi tuwowonaoyadi taudiva toinidi niyadi goi sibóbwara sidigo kadi, ‘Boi ada gómana ina kategeda tagite tutayana ina kawanoi makimaki nuwokapisi manuna kita geya tanoveyeta. Tauna moitamo kita mada goyo ada gómana pasina. Ame pasina ame ida nuwotukalayana bogina tababane.’
GEN 42:22 E Rubeni idigo kana, ‘Manakae? Boi alatuwokoimi gomanayana taabu koyogeedegēde gea geya? Moitamo alatuwokoimi go, geya konoveguta! Tauna ame ina kámasa ana katumapu bogina tababane.’
GEN 42:23 Ego kidi Iyosepa tuwowonao sinuwonúwana bego niyadi geya iyagoiyeta. Tokaigavila niyadi ikaigavile Iyosepa ilatuwoko. Go Iyosepayana niyana kidi niyadi tayamo!
GEN 42:24 E tauyana inovedi, tuwo inuwokapisiyedi, e isiboila ina itáiya. Itáiya ikavava, mataiuna isekuku, e isowóduwo ima ina topaisewayao ilatuwokoidi idigo kana, ‘Ame tauyana koyōisi, nimana koyowōidi.’ Tuwo moitamo sina tuwowonao matadi goi Simioni siyoisi, nimana siyowóidi.
GEN 42:25 E Iyosepa ina topaisewayao ilatuwokoidi idigo kana, ‘Ame korotoyadi idi baiki goi adi witi kovadodōidi go, idi mani ma saisailidi kokabīdi, idi baiki goi kododōidi. Ago taabu kolatuuwokōidi. Tuwaina adi kinare kovinīdi adi kenao manuna.’ Tuwo moitamo sina nakae siguinuwe.
GEN 42:26 Ame ikavava, Iyosepa tuwowonao sina adi witi ma baikidi ase goi sikailagasidi.
GEN 42:27 Sikatubayasi ikavava, e siketoiya go, vanuwo isabamgo tunagu tayamo sigite, tuwo amoko goi siwaiwasi. Siwaiwasi go, koroto tayamo yaidi goi ina baiki ikatupáeve bei witi ikabi, ina ase ivavani go, ikandosobu ina mani ma saisairina baiki tobuna goi igitebabane.
GEN 42:28 Igitebabane, senao ilatuwokoidi idigo kana, ‘Iyaa! Segowo, guna mani witi manuna guna baiki goi sidodoimnei. Goame baikiyana tobuna goi. Kōma kogīte!’ Tuwo madabokidi sima sigite, e atedi siyova gagaina nakae wowodi sitátava go, sidigo kadi, ‘Ame kaga Yaubada iguinuwe yaida!’
GEN 42:29 E siketoiya sina Kenani goi sisiu sina tamadi Yakobo ina vada goi go, tauyana yaina sivatétala adi kaibako, sidigo kadi,
GEN 42:30 ‘Tamama, Itipita korotoina, tauyana da Itipita adi tolovina, ibowoima be nakae iwowokoima kana, “Komi toyáusa.”
GEN 42:31 Ago kai kalawoiwoi kama, “Kai toyáusa geya. Kai koroto todedevima.
GEN 42:32 Boi kai koroto ama badabada yawou aiyuwo, tamama tayamo. Ama gómana tayamo bogina ikámasa go, bogomane nava tamama taiyao Kenani goi sikaaiyaka.”
GEN 42:33 Ago kina korotoyana, moe tolovina, idigo kana, “Tuwo ame nakae aguinuwe bei ayagoi neta komi koroto todedevimi: Koroto tayamo yaimi goi ameko yau taiyao kakaiyaka go, madabokimi semiyao tokodaloga adi witi kokābi avadi. Kokabi ikavava, kōna imi kasa.
GEN 42:34 Kōna go, ami gómana kokābi kōme yaigu, e bei ayagoi bego komi geya toyáusa geya, go sem koroto todedevimi. Gomanayana agite, e siyami bei ataligei go, atagona ami witi kogimona.”’
GEN 42:35 E sibóbwara ikavava, koroto tamo tamo idi baiki sikaliulagidi go, tamo tamo idi mani ma saisairidi sigitebabanedi adi witi taiyao! Tuwo tauyadi tamadi taiyao maniyadi sigitedi, atedi siyova.
GEN 42:36 E tamadi Yakobo gamona igoyo idigo kana, ‘Komi pasimi natugowo sitagau! Iyosepa bogina itagau. Simioni nakae itagau go, bego ame tutayana latuwomi Beniyamina kokabi konave? Neta konave, yau guna nuwomou koyatoyato!’
GEN 42:37 Go kina Rubeni idigo kana, ‘Natum Beniyamina bei akaluvilemnei, go neta geya, e natugowo adi taiyuwo atagonedi kukaumatedi. Tamagu, kunumisēgu. Gomanayana nimagu goi kuyāto, niga bei akaluvilemnei.’
GEN 42:38 Go kina Yakoboyana idigo kana, ‘Yau natugu bei geya iwoita komi taiyao! Siyana bogina ikámasa go, tauyana anetava ikaaiyaka. Tauna bei geya iwoita! Neta konavenave kenao goi ivailai, e komi guna nuwomou koyato, tauna yau magu nuwomou ana kadókana akámasa asou Saola goi.’
GEN 43:1 E logayana Kenani goi nava gagaina.
GEN 43:2 E tuwo tutayana Yakobo ma natunao idi witi boi sigiimonedi Itipita goi bogina sikanisavedi, e tamadi idigo kana, ‘Kokaluvilāmna kōna ada witi tuwaina kogimōna, e kōma.’
GEN 43:3 Go kina Yuda idigo kana, ‘Go tamagu, korotoyana boi ikatumatalidokoima idigo kana, “Neta ami gómana kome yau yaigu, e bei atagona ami witi kogimona, go geya, e geya kogiteguta.”
GEN 43:4 Tuwo neta kutagona bego ama gómana kanave, e kana ada witi kagimona.
GEN 43:5 Go neta gomanayana geya kutagoneyeta, e kai geya kanoita. Bogina kuyagoi; korotoyana idigo kana, “Neta ami gómana kome yau yaigu, e bei atagona ami witi kogimona, go geya, e geya kogiteguta.”’
GEN 43:6 Go kina tamadiyana idigo kana, ‘Kaga unana korotoyana kolatuwoko kami, “Ama gómana tayamo amoni?” Kogite? Guna mou bogina koyato!’ Tauyadi kadi,
GEN 43:7 ‘Korotoyana ilumadádana ima boda manuna. Tauyana idigo kana, “Tamami nava ikaaiyaka? Ami gómana tayamo amoni?” Tuwo kai katalavaitamo. Ago tauyana idigo kana, “Ami gómana kokābi, kōme.” Ego neta kayagoi tauyana ina nuwonúwana nakae, geya katalavaiteta.’
GEN 43:8 E Yuda idigo kana, ‘Tamagu, kutagōna bego gomanayana kakabi kanave, e bei mainao kana kama bego kita be natudao taiyao loga geya takamaseta.
GEN 43:9 E yau akatótula toinigu gomanayana bei arugwausi. Tauyana yau guna puwoya. Neta ama gómana geya akaluvileyeta nakae matam goi geya ayatoeta, e yawoigu ana madabokina goi kuwowokōigu.
GEN 43:10 Kai bogina kakaimúmuna unana gomanayana kuvagagale. Moitamo. Neta boi mainao kutagona, e kai neta bogina sivayuwo kaketoiyako.’
GEN 43:11 E Isileli idigo kana, ‘Neta moe nakae, ame nakae koguinūwe. Dogoi dedevidi kita ida kasa goi sikaaiyaka nakae mokava, pútuma, alovamamaina sisina be taniya kokabīdi, imi baiki goi kododōidi, e konavēdi tolovinayana kovīni. Moe ida yabobona korotoyana yaina.
GEN 43:12 Go imi mani tuwaina kokabīdi be nakae maniyadi boi koonavedi nakae kokabīdi taiyao konavēdi. Konuwāisi boi imi mani sivadodoimneidi imi baiki sinaena. Nakona tauyadi sibágala.
GEN 43:13 Ami gómana nakae kokābi, e woilīmi konāve korotoyana yaina!
GEN 43:14 Bei Yaubada Tokalika inuwokapisiyemi korotoyana matana goi, e bei tauyana latuwona Simioni be Beniyamina italigeidi taiyao kokaluvilamna koma. Go yau sem neta natugowo ivagagaledi, bogina sitagau, e nuwogu imou.’
GEN 43:15 E tuwo idi yabobona be idi mani gagaina sikabidi nakae Beniyamina sikabi, e woilidi sina Itipita. Itipita goi sisiu sina Iyosepa matana goi sitáoya.
GEN 43:16 E Iyosepa ikandobala Beniyamina igite kidi taiyao. Tuwo ina vada ana tovakumgo ilatuwoko idigo kana, ‘Ame korotoyadi kukabīdi, kumēdi yau guna vada goi. Kumedi ikavava, kūna tayamo yoguyogu kwaumāte kuvaipōlu. Ikavava, e dine goi taiyao kakáika.’
GEN 43:17 E tuwo tovakumgoyana ina kaga Iyosepa ilaatuwoko, e nakae iguinuwe. Korotoyadi ikabidi, imedi Iyosepa ina vada goi.
GEN 43:18 E ame pasina tauna simatoita gagaina. Tuwo sidigo kadi, ‘Ida mani boi ida baiki goi sivadodoimneidi pasina simeda vada goi. Tauyana latuwona iyoisida, ilauida, e bei kita ina pakonayao go, ida ase ikabidi.’
GEN 43:19 Tuwo tauyadi sina vadayana totomna goi Iyosepa ina vada ana tovakumgo silatuwoko sidigo kadi,
GEN 43:20 ‘Tomoya e, boi kama ameko avama kagimona.
GEN 43:21 Ego tutayana kanonoina ima kasa manuna, e tunagu tayamo goi kawaiwasi, e ima baiki kakatupaevedi go, kai tamo tamo ima mani ma saisailidi madabokidi kagitebabanedi! Tauna maniyadi kamedi; latuwoma bego kavinimneim.
GEN 43:22 Go mani tuwaina kamedi latuwoma bego ama witi tuwaina kagimona. Ago geya kayagoiyeta avatau ima mani ima baiki goi idodoimneidi.’
GEN 43:23 E tovakumgoyana idigo kana, ‘Mani manuna taabu konuuwonūwana be nakae taabu koomatōita. Imi Yaubada, Tauyana tamami ina Yaubada, nakona imi esaesa ivinimi; imi baiki goi idodoidi. Boi mainao imi mani komedi bogina akabidi.’ Ibóbwara ikavava, ina Simioni ikabi, ime kidi yaidi.
GEN 43:24 Ikavava, Iyosepa ina vada ikatupáeve korotoyadi sisiu go, bwae ivinidi bei aedi sinikidi. Ivinidi ikavava, ina idi ase ivavanidi.
GEN 43:25 E korotoyadi idi yabobona Iyosepa ina sowóduwo dine manuna sikatubayasi. Bogina kuyagoi, livala sinove bego taiyao sikáika.
GEN 43:26 E Iyosepa ima, idi yabobonayadi maine simemedi sivini go, tauyana matana goi aedi sivatugúyala.
GEN 43:27 E idigo kana, ‘Manakae? Dedevimi? Go tamami, tauyana dedevina? Nava ikaaiyaka ae?’
GEN 43:28 ‘Tamama, tauyana im pákwana, nava ikaaiyaka dedevina’, tauyadi kaedi. Sibóbwara ikavava, aiyuwoina madi wowoina aedi sivatugúyala tauyana yaina.
GEN 43:29 E tauyana imatavilavila go, ana gómana Beniyamina igite, tauyana toinina sinana natuna, tuwo idigo kana, ‘Ame tauyana ami gómana ae? Boi kovateteli ae?’ Ego Beniyamina ilatuwoko kana, ‘Natugu, Yaubada bei ikanuwoiyem.’
GEN 43:30 E woilina vada goi isowóduwo. Tutayana Beniyamina igite, e ina lotówana ana gómana manuna ivakaigaga, latuwona bego itáiya, tuwo isiu ina vabodaupa tayamo goi itáiya.
GEN 43:31 Itáiya ikavava, mataiuna iniki. Ina lotówana itoto go, ina pakonayao ilatuwokoidi idigo kana, ‘Avama kovaidēde.’
GEN 43:32 Tuwo awoinu sivaidede go, Iyosepa aneta ikaaiyaka, senao nakae aditava. Maniyedi da Itipita sikaaiyaka go, kidi nakae aditava. Bogina kuyagoi; kidi da Itipita geya itoboinedita kidi Iberiu taiyao sikáika. Moitamo. Moe sinuwomoláita.
GEN 43:33 E Iyosepa matana goi tuwowonao siitusobu go, ilovina bego idi tusobuyana moe adi bíbina goi. Botomoya isou ina bogomane. Siitusobu go, kidi simatavilavila nukotodi iwówana kadi, ‘Manakaena iyagoida ada bíbina?’
GEN 43:34 E Iyosepa toinina avana dedevina ikinavedi, ina pakonayao ilatuwokoidi sikabidi, korotoyadi sivinidi. Tuwo koroto tamo tamo noko tayamo go, awoinu gagaina Beniyamina ivini, nakae ana noko ainima. E tuwo sikáika, sinim siuyáwana Iyosepa taiyao.
GEN 44:1 Tuwo sikáika ikavava, e Iyosepa ina vada ana tovakumgo ilatuwoko idigo kana, ‘Ame tauyadi idi baiki witi goi kuvakayaodēidi nakonakae idi ase itoboinedi sikavaledi. Ikavava, koroto tamo tamo idi mani nakae idi baiki tobudi goi kuvadodoimnēidi.
GEN 44:2 Moe ikavava, guna vedi kukābi. Vediyana moe siriba kukābi go, bogomane ina baiki goi kudodōi ina mani taiyao.’ Tuwo iguinuwe nakae Iyosepa idige.
GEN 44:3 Simasisi vanuwo itomo, konadi idi ase goi sikailagasidi, e sivaduduwedi sina.
GEN 44:4 E kidi asa goi sisowóduwo siiketoiya ivatabaledi go, kina Iyosepa itáoya ina vada ana tovakumgo ilatuwoko kana, ‘Woilīm kutāoya, kūna amo korotoyadi kosabokuliyēdi. Tutayana kusakavatedi, kulatuwokōidi kam, “Manakae? Bego ima guinuwa dedevina goyo goi kokatumapu?
GEN 44:5 Kaga unana guna tomoya ina vedi kovainao? Vediyana moe aba kinana, tauna moe vediyana goi itoboine ikokósala. Moe imi guinuwayana, guinuwa goyogoyoina toina.”’
GEN 44:6 E tuwo tovakumgoyana itáoya, woilina ina. Tutayana isakavatedi, e ilatuwokoidi nakae ina tomoya idige.
GEN 44:7 Go kidi silawoiwoi sidigo kadi, ‘Ima tomoya, kaga unana nakae kudige? Iyagoida! Kai im pakonayao nakae geya kaguinuweyeta.
GEN 44:8 Kunōve! Boi Kenani goi maniyadi kagitebaabanedi ima baiki sinaedi goi bogina kakaluvilemneidi. Tauna manakae? Bego im tomoya ina goura o ina siriba kavainaoidi? Geya!
GEN 44:9 Ava koroto yaima goi neta im tomoya ina vedi ivainao, e itoboine ikámasa go, madabokima im pakonayao nakae.’
GEN 44:10 Go kina tovakumgoyana kana, ‘Kobóbwara moitamo. Tovaináwana itoboine ina liuna ibabane go, ina liunayana ame nakae: Avatau vediyana ivainao, tauyana anetava bei yau guna pákwana go, madabokimi tutubeso, e itoboinemi kona.’
GEN 44:11 Tuwo koroto tamo tamo idi baiki sikaisobuyedi, sikatupaevedi.
GEN 44:12 E tovakumgoyana baiki tamo tamo goi ilusala go, ina lusalayana adi bíbina goi ame nakae: Botomoya ina baiki goi ivatowo go, bonauyayana tamo tamo idi baiki goi ilusala. Ame ikavava, bogomane ina baiki goi ilusala. Ilusala, moitamo vediyana Beniyamina ina baiki goi ibabane.
GEN 44:13 Tuwo vediyana sigite, nuwodi imou gagaina, tuwo adi kwama giyaina sikiisedi. Sikiisedi ikavava, madabokidi konadi sikatubayasidi, idi ase yatana goi sikailagasidi, e sikaluvilamna sina Iyosepa ina kasa goi.
GEN 44:14 E tutayana Yuda ma senao sima Iyosepa ina vada, tauyana nava ikaaiyaka vada sinaena. Tuwo sisiu Iyosepayana matana goi aedi sivatugúyala.
GEN 44:15 E tauyana idigo kana, ‘Ame kaga koguinuwe yaigu! Manakae? Geya koyagoiyeta bego yau itoboinegu akokósala, tauna itoboinegu akinane vediyana nako ina?’
GEN 44:16 E kina Yuda idigo kana, ‘Ima tomoya, manakaema kabóbwara? Manakaema kavatulukoim bego kai geya tayaamo goyo kaguinuwe? Geya ae? Ima goyo Yaubada bogina ikaiwoduwe. Ame tutayana kai im pakonayao nakae, madabokima nakae korotoyana im vedi ivainao.’
GEN 44:17 Go kina Iyosepayana idigo kana, ‘Moe nakae geya! Tovaináwana anetava bei guna pákwana. Komi madabokimi sem mami dedevina kokaluvīla kōna tamami yaina.’
GEN 44:18 Go kina Yuda idigo kana, ‘Guna tomoya, yau im pákwana kutagonēgu giyaina abóbwara. Kom Pero kovavasa nakae go, tuwo taabu kuegamogamooguyēgu.
GEN 44:19 Guna tomoya, boi kai im pakonayao kulumadadema kam, “Komi ma tamami be nakae mami gómana?”
GEN 44:20 Tuwo kai kama, “U, tamama ikaaiyaka, bogina ikaitomoya go, ama gómana tayamo amoni tamama taiyao sikaaiyaka. Ago gomanayana tuwowona toina bogina ikámasa, tauna sinana natuna tayamo toito ikaaiyaka go, gomanayana tamama ina kakaya.”
GEN 44:21 E kom kam, “Kotūko kōna gomanayana kokābi kosōuye kōme agite.”
GEN 44:22 Go kai kama, “Gomanayana geya itoboineyeta tamama ikalave, govila bei tamama mana nuwomou ikámasa.”
GEN 44:23 Go kom kudigo kam, “Neta gomanayana geya kosouye komeyeta, e geya tuwaina bei kogitegu bego ami witi kogimona.”
GEN 44:24 Tuwo kai kakaluvila kana tamama goi kaga liliuna kulatuuwokoima tamama kalatuwoko.
GEN 44:25 E niga tamama idigo kana, “Natugowo, kokaluvīla kōna ada witi tuwaina kogimōna, e kōma.”
GEN 44:26 Go kai kadigo kama, “Geya itoboinemeta kasou kana, go sem neta kutagona bego ama gómana taiyao kana, bei kasou kana. Neta gomanayana taiyao geya, korotoyana bei geya igitemeta bego ada witi kagimona.”
GEN 44:27 E tuwo tamagu im pákwana idigo kana, “Komi bogina koyagoi bego monegu natugowo adi taiyuwo ivenatunidi.
GEN 44:28 Tayamo bogina ikalavegu, kagu, ‘Moitamo nakona woiwoi sikayapesapesagii.’ Tuwo geya tuwaina bei maisina agite.
GEN 44:29 Tauna neta natugu konavenave kenao goi ivailai, e komi guna nuwomou koyato, tauna magu nuwomou ana kadókana akámasa asou Saola goi.”
GEN 44:30 E tauna neta gomanayana ameko kakalave go, ametava kakaluvila kana tamama yaina, e tutayana igite natuna geya kai taiyao geya, bei ikámasa. Bogina kuyagoi. Gomanayana moe ana kakaya. Moeko goi ina nuwomou bogina kayato, tauna bei mana nuwomou ana kadókana ikámasa isou Saola goi.
GEN 44:32 Moe moitamo. Boi tamagu yaina akatótula bei gomanayana arugwausi. Tauyana alatuwoko kagu, “Neta ama gomanayana geya akaluvileyeta, moe bei yau guna puwoya yawoigu ana madabokina goi.”
GEN 44:33 E tauna guna tomoya, kutagōna bego yau akaaiyaka im pákwana nakae go, guna gomanayana ikaluvilamna tuwowonao taiyao.
GEN 44:34 Moitamo. Manakaegu bei akaluvila ana tamagu yaina neta gomanayana geya taiyao? Geya. Yau geya anoita, govila bei tamagu ina kategeda agite.’
GEN 45:1 Tuwo livalayana Iyosepa inove, geya itoboineyeta ina nuwomou itoto ina topaisewayao madabokidi matadi goi, tuwo ilatuwokoidi kana, ‘Madabokimi kosowōduwo!’ Tuwo topaisewayadi sisowóduwo go, kina tuwowonao taiyao sikaaiyaka tutayana Iyosepa toinina italavaite tuwowonao yaidi.
GEN 45:2 Tauyana itáiya gagaina nakae da Itipita moetala goi sikaaiyaka sinove be nakae kidi Pero ina vada goi sinove.
GEN 45:3 E tuwowonao ilatuwokoidi idigo kana, ‘Segowo, yau Iyosepa ami gómana! Manakae? Tamada dedevina?’ Go kidi tuwowonao geya itoboinedita mainao sibóbwara. Atedi iyova gagaina Iyosepa maa yawoina pasina.
GEN 45:4 E Iyosepa aiyuwoina ibobwaramna kana, ‘Segowo, kōbala kōma kikigu.’ Tuwo moitamo sibala sima kikina goi sitáoya go, tauyana idigo kana, ‘Yau ami gómana Iyosepa. Boi kokaigimonegu da Itipita yaidi!
GEN 45:5 Go ame taabu kokaateyōva be nakae taabu toinimi koobowōimi amo imi guinuwayana pasina. Yaubada ietunegu ama ameko bego avakumgoiyemi, e bei kita tomota ayaveda. Tauna taabu komatooitēgu.
GEN 45:6 Moitamo. Ame logayana poyapoya ame goi tala aiyuwo bogina ikaaiyaka go, tala ana badabada ainima tuwaina bei sikaaiyaka. Tauna bágula be dibayoya geya.
GEN 45:7 Yaubada ietunegu avakumgoiyemi bei itoboinegu ayavemi, e bei tubudao poyapoya ame goi sikaiyaka dedevidi.
GEN 45:8 E tauna komi geya koetuneguta, go sem Yaubada ietunegu. Ina nuwonúwana goi yau Pero ivayokoigu yau ina vada ana tolovina be nakae da Itipita madabokidi adi tolovina.
GEN 45:9 Tauna ame tutayana woilīmi kōna tamada kolatuwōko kami, “Natum Iyosepa idigo kana, ‘Yaubada ina nuwonúwana goi yau Itipita ana madabokina alovinae. Woilīm kusōu kūma yaigu.
GEN 45:10 Kom bei Goseni dadavina goi kwaiyaka, moe Itipita sinaena. Kom be natumowo be tubumowo, im yoguyoguyao be konam madabokidi.
GEN 45:11 Amoko goi bei amatakaavatem. Bogina kuyagoi. Tala ainima nava bei loga ikaaiyaka. Tauna kūma, govila bei kom be osemowo loga kokámasa.’”
GEN 45:12 E komi Beniyamina taiyao bogina kogitegu bei koyagoi bego moitamo yau Iyosepa siyami avaadigoimi.
GEN 45:13 Tauna kaga liliuna Itipita sinaena bogina kogite, e kōna tamada kolatuwōko, nakae yau da Itipita liliudi siwowoinegu. Tamada kolatuwōko yau koroto toogagaigu Itipita goi. Ago woilīmi kotūko kōna tamadayana kokābi kosōuye kōme.’
GEN 45:14 Ibóbwara ikavava, Beniyamina ivayavau nukotona goi iyoisi, iyowoi, e taiyao sitáiya.
GEN 45:15 Ikavava, Iyosepa mana táiya tuwowonao iyowoiidi. Iyowoiidi ikavava, taiyao sivatétala.
GEN 45:16 E niga Pero livala inove bego Iyosepa senao bogina sima, e livalayana pasina Pero mana tovakumgoyao taiyao siuyáwana.
GEN 45:17 E tuwo Iyosepayana iduduwe ima idigo kana, ‘Iyosepa, semowo kulatuwokōidi konadi ase goi sivadodoidi. Sivadodoidi ikavava, sikaluvila sina Kenani goi.
GEN 45:18 Amoko goi tamam be osemiyao sikabidi, taiyao sikaluvila sima go, poyapoya dedevina Itipita sinaena avinidi, e bei awoinu dedevidi sikáika.
GEN 45:19 Aiyuwoina kulatuwokōidi kam, “Ame nakae koguinuwe: Dedeoga ma kaena bulumakau sibiubiu Itipita goi kokabīdi, e bei monemiyao be natumiyao itoboinedi sisowoya. Aiyuwoina tamami kokābi kōme.
GEN 45:20 Go geya konuwonuwoneta konami manudi. Bogina koyagoi. Konami dedevidi ameko Itipita goi bei kobabanedi.”’
GEN 45:21 E tuwo Isileli natunao nakae siguinuwe. Iyosepa dedeoga ma kaena ivinidi nakae Pero ilovina. Nakae adi kinare idi kenao manuna ivinidi.
GEN 45:22 Koroto tamo tamo adi kwama tayamo tayamo ivinidi go, Beniyamina siriba ana badabada 300 be nakae kwama ainima ivini.
GEN 45:23 Ago tamana manuna ase yawou ietunedi sina go, aseyadi goi Itipita konanidi dedevidi ikailagasidi. Aiyuwoina ase bovavina yawou toludi goi witi gagaina be nakae tamana ana kinare ina ketoiya manuna ikailagasidi.
GEN 45:24 E sikatubayasi ikavava, senao ivaduduwedi siketoiya go, Iyosepa idigo kana, ‘Enao goi taabu kokaumaakimāki!’
GEN 45:25 Tuwo Itipita sikalave situko sina Kenani goi sisiu sina tamadi Yakobo
GEN 45:26 silatuwoko sidigo kadi, ‘Tamama, Iyosepa amoni, maa yawoina! Tauyana da Itipita adi tolovina.’ Kidi idi livalayana Yakobo inove go, nukotona iwówana. Ina nuwonúwana kana, ‘Tauyadi sikatubaugu.’
GEN 45:27 Go tutayana kaga liliuna Iyosepa iidigedi tamadi silatuwoko be nakae dedeogayadi Iyosepa ieetunedi igitedi, e iuyáwana.
GEN 45:28 E Isileli idigo kana, ‘O moitamo, imi bóbwara bogina itamyabigu. Natugu Iyosepa woi amoni ma yawoina ikaaiyaka. Bei ana agite, govila bei geya agiteyeta go, akámasa.’
GEN 46:1 E tuwo Isileli itáoya konana ikatubayasidi. Ikatubayasidi ikavava, e ina bodao taiyao siketoiya sina asa Bera Siva goi. Amoko goi yoguyogu ikabidi, ikaumatedi ikailagasidi aba kasala goi igabudi, ikasaledi Yaubada yaina. Ame Yaubadayana yaina tamana Aisake nakae boi isaakululu.
GEN 46:2 E sabamgo goi Yaubada ina Isileli ikatuwoini idigo kana, ‘Yakobo! Yakobo!’ ‘U, yau amegu’, Yakobo kaena.
GEN 46:3 E Yaubada idigo kana, ‘Yau Yaubada. Yau yaigu tamam boi isaakululu. Taabu kuumatōita bego kusou kuna Itipita goi. Moitamo. Amoko goi bei akisailim, e bei tubumowo boda tayamo gagaina.
GEN 46:4 Yau bei avakitaum tutayana kusou kuna Itipita goi. Go niga bei tubumowo akaluvilemneidi poyapoya ame goi sikaiyaka. E kina go natum Iyosepa im tuta ámasa goi bei ikaaiyaka yaim, e bei itoboine matam itapopoli.’
GEN 46:5 E tuwo Yakobo imasisi. Imasisi vanuwo itomo, itáoya, dedeogayadi boi Pero ieetunedi goi isowoya itulaga tubunao be natunao monediyao taiyao. Sisowoya ikavava, Bera Siva sikalave.
GEN 46:6 Idi yoguyoguyao be konadi liliudi Kenani goi sibaabanedi, sikabidi, e sinavedi Itipita goi.
GEN 46:7 Yakobo natunao be tubunao liliudi inavedi Itipita goi.
GEN 46:8 E ame Isileli natunao be tubunao koroto madi bodayáuwo sina Itipita. Yoidi ame nakae: Rubeni moe Yakobo ina botomoya.
GEN 46:9 E Rubeni natunao koroto yoidi ame nakae: Enoki, Palu, Esironi be Karami.
GEN 46:10 E Simioni natunao koroto yoidi ame nakae: Yemweli, Yamini, Owadi, Yakini, Sokara be Saulo. Sauloyana sinana Kenani vavinaina.
GEN 46:11 E Livai natunao koroto yoidi ame nakae: Gerasoni, Kowate be Merari.
GEN 46:12 E Yuda natunao koroto yoidi ame nakae: Era, Onani, Seile, Peresi be Serako. Ego Era be Onani Kenani goi sikámasa. Peresi natunao koroto ame nakae: Esironi be Emla.
GEN 46:13 E Isakara natunao koroto yoidi ame nakae: Toli, Puva, Yobi be Simroni.
GEN 46:14 E Sebuloni natunao koroto yoidi ame nakae: Seredi, Eloni be Yaliyela.
GEN 46:15 Amo Yakobo natunao koroto nakae natuna vavina Daina Padani Aram goi Reya ivenatunidi. Natunao be tubunao liliudi Reya goi adi badabada 33.
GEN 46:16 E Gadai natunao koroto yoidi ame nakae: Sipiyoni, Agi, Suni, Esiboni, Eri, Arodi be Areli.
GEN 46:17 E Aseri natunao koroto yoidi ame nakae: Imna, Isiva, Isivi, Bariya. Ego niudi yoina Seraka. Bariyayana natunao koroto yoidi ame nakae: Keveri be Malikiyeli.
GEN 46:18 Amo Yakobo natunao koroto Silipa ivenatunidi. Boi Silipayana Lebani ina pákwana go, natuna Reya ivini. Yakobo natunao be tubunao liliudi Silipayana goi adi badabada yawou ainima tayamo.
GEN 46:19 E Yakobo monena Reitiyeli natunao koroto adi taiyuwo ivenaatunidi yoidi Iyosepa be Beniyamina.
GEN 46:20 E Itipita goi Iyosepa monena Asenati ivenátuna, natunao koroto adi taiyuwo, Manase be Eparaim. Asenati tamana Potipera, tauyana Tonúwala asa Oni goi.
GEN 46:21 E Beniyamina natunao koroto yoidi ame nakae: Bela, Bekeri, Asibela, Gera, Namani, Ei, Rose, Mopima, Kupim be Aridi.
GEN 46:22 Amo Yakobo natunao koroto Reitiyeli ivenatunidi. Yakobo natunao be tubunao madabokidi Reitiyeli goi adi badabada yawou aivasi.
GEN 46:23 E Dani natuna koroto yoina Kosim.
GEN 46:24 E Napatali natunao koroto yoidi ame nakae: Yasiyela, Guni, Yeseri be Silem.
GEN 46:25 Amo Yakobo natunao koroto Bila ivenatunidi. Boi Bilayana Lebani ina pákwana go, Reitiyeli ivini. Yakobo natunao be tubunao liliudi Bila goi adi badabada ainima aiyuwo.
GEN 46:26 E Yakobo natunao be tubunao liliudi taiyao sina Itipita goi adi badabada 66. Go natunao monediyao geya sikatuyaividita.
GEN 46:27 Ego Iyosepa natunao adi taiyuwo Itipita goi sibíbina. Neta kidi taiyao Yakobo ina bodao liliudi sina Itipita goi adi badabada 70.
GEN 46:28 E Yakobo natuna Yuda ietune ina Iyosepa goi bego tauyana Goseni ina kenao ikatukede. Tuwo nakae iguinuwe. Ikavava, ikaluvila ima, e madabokidi taiyao sisowóduwo Goseni dadavina goi, moe Itipita sinaena.
GEN 46:29 Tutayana sisowóduwo, Iyosepayana ina pakonayao ina sariyota sikatubayasi. Ikavava, e ituko ina Goseni dadavina bego tamana ivalobode. E isowóduwo Goseni dadavina goi ikandobala tamana igite, isou ina tamanayana ivayavau nukotona iyoisi, iyowoi go, itáiya tuta maanawena.
GEN 46:30 Go Isileli natuna Iyosepa ilatuwoko idigo kana, ‘O natugu! Ame tuta itoboinegu magu tuboina akámasa. Toinigu matagu goi bogina agitem kom maa yawoim, tauna auyáwana gagaina.’
GEN 46:31 E Iyosepa tamana be senao ilatuwokoidi idigo kana, ‘Tamagu be segowo, ame tutayana ana Pero alatuwoko kagu, “Segowo boi Kenani goi sikaaiyaka bogina sima.
GEN 46:32 Tauyadi sipi adi tomatakavata. Idi paisewayana goi yoguyogu liliudi simatakaavatedi. Idi yoguyoguyao madabokidi, idi sipi, idi goti be idi bulumakau nakae konadi liliudi bogina simedi.”
GEN 46:33 E tauna tutayana Peroyana iduduwemi, e kōna bei ilumadademi kana, “Kaga imi paisewa?”
GEN 46:34 E komi kodīgo kami, “Kai im pakonayao yoguyogu adi tomatakavata boi nimatu tubumao nakae ima ame tuta.” Neta nakae kobóbwara, bei itagonemi Goseni goi kokaiyaka. Bogina koyagoi. Da Itipita yoguyogu adi tomatakavatayao sinuwomolaitedi.’
GEN 47:1 E tuwo Iyosepa tuwowonao adi tainima ikinavedi taiyao sina Pero yaina go, Iyosepayana igimisiu ina Pero ilatuwoko idigo kana, ‘Guna tomoya, tamagu be segowo Kenani goi bogina sima. Idi yoguyoguyao be konadi liliudi nakae simedi. Ame tuta Goseni dadavina goi sikaaiyaka.’ Ibóbwara ikavava, isowóduwo senaoyadi adi tainima ikabidi imedi Pero matana goi ivagitakoidi.
GEN 47:3 Tuwo Peroyana idigo kana, ‘Komi kaga imi paisewa?’ ‘Ima tomoya, kai ima paisewa sipi adi tomatakavatayao nakae tubumao boi nimatu’, kidi kaedi. Kadi,
GEN 47:4 ‘Kama ameko goi bego kasuvadavada. Ima poyapoya bogina ilogoyo, tauna ima yoguyoguyao geya avadimo. Bogina kuyagoi. Kenani goi loga gagaina. Go ima tomoya manakae? Kutagona bego Goseni goi kakaiyaka gea geya?’
GEN 47:5 E Pero idigo kana, ‘Iyosepa, tamam be semowo bogina simekoim.
GEN 47:6 Bogina atagona. Ava poyapoya Itipita goi kugite dedevina yaidi, e toinim kulovina. Neta latuwom bego Goseni goi sikaaiyaka, dedevina. Ago neta yaidi goi maniyedi madi katanaki yoguyogu matakavata manuna, e kuvayokōidi kidi yau guna yoguyoguyao adi tomatakavatayao.’
GEN 47:7 E Iyosepa ina tamana Yakobo ikabi ime Pero matana goi ivagitako go, kina Yakobo Pero ikaipakuye.
GEN 47:8 E Pero idigo kana, ‘Aivina am tala?’
GEN 47:9 ‘Poyapoya ame goi atuliyaliya tala ana badabada 130. Guna talayadi geya sibadebadeta go, talayadi goi mou badabadaidi ababanedi. Yau guna tala geya tubugowo nakae geya. Kidi adi tala maanawedi’, Yakobo kaena.
GEN 47:10 Tuwo Yakobo aiyuwoina Pero ikaipakuye. Ikavava, Pero ikalave go, isowóduwo ina.
GEN 47:11 E Iyosepa iguinuwe nakae Pero idige. Poyapoya dedevina toina Itipita goi tamana be senao ivinidi. Poyapoyayana moe Ramasesi goi. Ramasesiyana youyuwoina moe Goseni.
GEN 47:12 Ivinidi ikavava, tamana, senao be idi bodao ivaitedi. Adi boda ana badabada nakae, e avadi nakae ivinidi.
GEN 47:13 E Itipita goi be nakae Kenani goi awoinu geya, geya toina. Logayana ivakaigaga toina, tauna Itipita be Kenani goi tomota bogina sineneta logayana pasina.
GEN 47:14 E tuwo Iyosepa witi ikaigimona da Itipita yaidi be nakae da Kenani yaidi. Ago idi mani ikabidi, ietunedi sina Pero ina vada goi.
GEN 47:15 Tutayana da Itipita be nakae da Kenani idi mani ikavava, e da Itipita liliudi sideli sima Iyosepa silatuwoko sidigo kadi, ‘Iyosepa, avama kuvinima. Manakae? Bego matam goi kakámasa? Kai ima mani bogina ikavava!’
GEN 47:16 E Iyosepayana idigo kana, ‘Neta imi mani ikavava, e imi yoguyoguyao komēdi bei tatalamapu. Imi yoguyoguyao kovinīgu go, yau awoinu avinimi.’
GEN 47:17 E tuwo moitamo, idi yoguyoguyao sikabidi: Idi osi, idi sipi, idi goti, idi bulumakau be nakae idi ase. E sikabidi, simedi, Iyosepa sivini go, awoinu ivinidi. Tuwo amo talayana goi idi yoguyoguyao liliudi sitalamapuyedi avadi manuna.
GEN 47:18 E tutayana amo talayana ikavava, da Itipita sikaluvila sima Iyosepa silatuwoko sidigo kadi, ‘Ama tomoya, ima mou geya kavamouyeta kom yaim. Ima mani bogina ikavava, ima yoguyoguyao liliudi bogina kwabidi. Tauna konama liliudi sikavava, go sem ima poyapoya ikaaiyaka be nakae kai amema kakaaiyaka.
GEN 47:19 Manakae? Latuwom bego matam goi kakámasa be nakae ima poyapoya ilogoyo? Kai kugimonēma bei kai Pero ina pakonayao. Ima poyapoya nakae kugimonēdi. Ago awoinu kuvinīma kakáika be nakae witi kutukutuna kuvinīma kana kabágula kom manum, e bei kai ma yawoima be nakae poyapoya geya ilogoyoita.’
GEN 47:20 Tuwo poyapoya ana madabokina Itipita goi Iyosepa igimonedi Pero ina poyapoya. Da Itipita liliudi idi poyapoya sikaigimonedi. Bogina kuyagoi. Logayana ivakaigaga toina. Tauna poyapoyayana ana madabokina moe Pero ina kaba lovina.
GEN 47:21 Ago tomota liliudi Itipita goi, e Iyosepa ikabidi kidi Pero ina pakonayao.
GEN 47:22 Ego kidi Tonúwala idi poyapoya geya sikaigimonedita. Moitamo. Tala tamo tamo Pero witi ikaiguyau yaidi goi. E kidi idi kaiguyauyana bogina yoiyadi, tauna loga geya sikamaseta. Ame pasina idi poyapoya geya sikaigimonedita.
GEN 47:23 E da Itipitayadi kina Iyosepa ilatuwokoidi idigo kana, ‘Konōve. Ame bogina imi poyapoya agimonedi be nakae agimonemi komi Pero ina pakonayao. Gwa, imi witi kutukutudi avinimi kōna kobāgula Pero manuna.
GEN 47:24 Go tutayana kodibayoya, dibayoyayana kokaiguyāuye gúguna ainima ainima go, gúguna tayamo Pero kovīni. Ago gúguna aivasi moe komi imi kutukutu be nakae avami, komi be nakae natumiyao.’
GEN 47:25 Kidi sidigo kadi, ‘Bogina kuyavema! Bogina kukanuwoiyema. Go ima tomoya, kai bei Pero ina pákwana.’
GEN 47:26 Tuwo amo tutayana Iyosepa lovina tayamo Itipita goi iyato. Lovinayana ame nakae: Tutayana tomota sidibayoya, dibayoyayana sikaiguyauye gúguna ainima ainima go, gúguna aivasi toinidi manudi, tayamo moe Pero manuna. Lovinayana nava ame tuta ikaaiyaka. Tonúwala idi poyapoya kaka Pero geya ikabiyeta. Tauna lovinayana geya sikabikaoneyeta.
GEN 47:27 E Isileli ina bodao Itipita goi silokasa go, moe asa Goseni dadavina goi. Amoko goi poyapoya sivinidi, e sisusáila, bogina sibadabada.
GEN 47:28 E Yakobo Itipita goi ikaaiyaka tala ana badabada 17 go, ana tala ana badabada madabokina bogina 147.
GEN 47:29 E kina ina lotówana ilotowo bego tuta giyaina bei ikámasa. Tuwo natuna Iyosepa iduduwe ima ilatuwoko idigo kana, ‘Iyosepa, neta itoboinegu im kanuwóiya ababane, e nimam kuvaisīu dibuwatugu kuyōisi go, Yauwe matana goi kukatōtula bego kulokategu be nakae kom aba numisa yau yaigu. Guna kawanoi bego taabu Itipita goi kuvaliiwogēgu,
GEN 47:30 go sem tutayana akámasa ana tamagowo yaidi, e wowogu kunāve tauyadi adi valiwoga goi kuvaliwogēgu. Adi valiwogayadi Kenani goi sikaaiyaka.’ ‘Nakae bei aguinuwe’, Iyosepa kaena.
GEN 47:31 E Isileliyana idigo kana, ‘Kukatótula yaigu bego nakae bei kuguinuwe.’ Tuwo Iyosepa ikatótula. Ikatótula ikavava, e Yakobo nukotona iuyáwana, ina kaba masisi goi ivatugúyala ikanakabobo.
GEN 48:1 E sikaaiyaka, sikaaiyaka, aaa, tomota maniyedi sima Iyosepa silatuwoko sidigo kadi, ‘Iyosepa, tamam ikatówana.’ Tuwo natunao Manase be Eparaim ikabidi, taiyao sina tamana sigite.
GEN 48:2 Tuwo sina sisowóduwo, e tomota sisiu Yakobo ina vada goi silatuwoko sidigo kadi, ‘Yakobo, natum Iyosepa bogina ima.’ Tuwo livalayana inove, e ina togaga igidigidi, ina kaba masisi goi itusobu.
GEN 48:3 Ikavava, Iyosepa isiu go, tamana idigo kana, ‘Iyosepa, boi nimatu asa Lusi goi Kenani sinaena, Tokavavágana Tokalika toinina isowóduwo yaigu, e ikaipakuyegu,
GEN 48:4 idigo kana, “Kunōve. Bei akisailim, e bei tubumowo badabadaidi. Tauyadi goi boda ituli ituli bei sisowóduwo. Ame poyapoyayana tubumowo bei avinidi; ikaiyako vata yaidi.”’
GEN 48:5 Yakobo tuwaina kana, ‘Iyosepa, tutayana nava geya amaita ameko, kom natumowo Manase be Eparaim Itipita goi sibíbina, e adi taiyuwo ame tuta avanatunedi, tauna tauyadi natugowo nakae Rubeni be Simioni.
GEN 48:6 E ava gogomanava tuwaina sibíbina yaim, e kidi kom natumowo. Amo natumowoyadi tubudiyao adi kaiguyau poyapoya moe Manase be Eparaim idi poyapoya goi sikabidi.
GEN 48:7 E ame nakae aguinuwe sinam ina kámasa pasina. Boi asa Padani akalave ama Kenani asiu. Ego Eparati kenaoina goi sinam Reitiyeli ikámasa. Tuwo amoko goi tauyana avaliwoge. Ego nuwogu imou gagaina, tauna ame pasina natumowo akabidi.’ (Ego niga Eparatiyana sivayou Bedeliyema.)
GEN 48:8 E tutayana Isileli ikandobala, Iyosepa natunao igitedi idigo kana, ‘Ame ava gogomanava?’
GEN 48:9 ‘Ame natugowo Yaubada ivinigu’, Iyosepa kaena. Isileli idigo kana, ‘Kumēdi matagu goi bei akaipakuyedi.’
GEN 48:10 Ego Isileli matana bogina sikau unana bogina ikaitomoya, tauna giyaina igita. Tuwo Iyosepa natunao imedi tamana matana goi sitáoya. E Yakobo iyowoiidi be ivayavaudi.
GEN 48:11 Isileliyana idigo kana, ‘Iyosepa, boi anuwonúwana geya tuwaina bei agitem go, Yaubada bogina itagona bego kom ma natumowo agitemi.’
GEN 48:12 E tuwo Iyosepa natunao ikabimneidi ikaibaledi go, kina aena ivatugúyala, ikanakabobo tamana yaina.
GEN 48:13 Ikanakabobo ikavava, natuna Eparaim ikaibale Isileli kekelina goi itáoya go, Manase ikaibale Isileli kakataina goi itáoya. Moe unana Manase botomoya.
GEN 48:14 E Isileli nimakakataina iyosale, e Eparaim dabana iyoisi go, Eparaimyana bogomane. E nimana kekelina iyosale Manase dabana iyoisi go, Manaseyana botomoya.
GEN 48:15 Ikavava, Iyosepayana ikaipakuye, idigo kana,
GEN 48:16 boi aneroseyana vailai goi iyavegu;
GEN 48:17 E Iyosepa ikandobala tamana igite ibágala unana nimakakataina goi Eparaim dabana iyoisi. Tuwo ona ikai, e nimanayana iyoisi, ikigagi bego ikaidamane Manase dabana goi,
GEN 48:18 e idigo kana, ‘Tamagu, moe nakae geya. Ame Manase botomoya. Itoboine nimakakataim goi dabana kuyoisi.’
GEN 48:19 Go kina tamanayana ikatae idigo kana, ‘Natugu, bogina ayagoi. Tauyana nakae bei isusáila boda tayamo gagaina nakae ina lovina bei itogaga. Go sem kina bogomane bei ivakaigagasave be nakae tauyana yaina goi boda badabadaidi bei sisowóduwo.’
GEN 48:20 Tuwo ikaipakuyedi, idigo kana, ‘Neta tubugowo sikaipaku, yoimi goi bei sikaipaku kadi, “Yaubada bei ivaitem nakae boi Eparaim be Manase ivaitedi.”’ Tauna moe nakae Eparaim siyana Manase ivakumgoiye.
GEN 48:21 E Isileli Iyosepa ilatuwoko idigo kana, ‘Iyosepa kunōve. Giyakainava bei akámasa go, Yaubada bei ivakitaum. Tubumowo bei ikaluvilemneidi sina tubudao idi kasa goi.
GEN 48:22 E amoko goi poyapoya yoina Sekem semowoyadi geya avinidita, go sem moe kom avinim. Asayana boi yaviya goi akabi Emori tubunao yaidi.’
GEN 49:1 E Yakobo natunao iduduwedi sima idigo kana, ‘Kōma kotunibisīgu bei alatuwokoimi kaga bei isowóduwo yaimi.
GEN 49:2 Natugowo,
GEN 49:3 Rubeni,
GEN 49:4 Kom sákala gagaina nakae idaudau go,
GEN 49:5 Simioni be Livai,
GEN 49:6 Boi imi egamogamogu goi koroto kokaumatedi
GEN 49:7 Imi egamogamogu ivakaigaga
GEN 49:8 O Yuda,
GEN 49:9 Kom laiyoni bonatuna nakae.
GEN 49:10 Kom mam lovina go,
GEN 49:11 Tauyana bei toesaesa,
GEN 49:12 Tauyana koroto gumaboina ame nakae:
GEN 49:13 Sebuloni,
GEN 49:14 Isakara,
GEN 49:15 Kom aba waiwasiyana
GEN 49:16 Dani,
GEN 49:17 Kom bei moteta nakae.
GEN 49:18 E Yakobo ikawanoi idigo kana, ‘Yauwe, im yava atuuyaosi!’
GEN 49:19 E tuwaina natunao ilatuwokoidi idigo kana, ‘Gadai,
GEN 49:20 Aseri,
GEN 49:21 Napatali,
GEN 49:22 Iyosepa,
GEN 49:23 Am kaleyayao gamodi sigoyo,
GEN 49:24 Go kom bei kutaoyakavata
GEN 49:25 nakae yau guna Tokavavágana.
GEN 49:26 Nakonakae Yaubada bei ikaipakuyem,
GEN 49:27 Beniyamina,
GEN 49:28 E ame taudi dala yawou aiyuwo Isileli goi sisowóduwo. Ame nakae Yakobo natunao ikaipakuyedi. Boi kidi idi sinapu igitedi, e tauna nakae ikaipakuyedi.
GEN 49:29 Yakobo ikaipakuyedi ikavava, idigo kana, ‘Natugowo, giyakainava bei akámasa ana tamagu be tubugowo yaidi. Tutayana akámasa ikavava, wowogu kokābi konāve tamagu be tubugowo taiyao kovaliwōge. Tauyadi adi valiwoga moe tukubu sinaena Eta tubuna Epironi ina poyapoya goi.
GEN 49:30 Epironi ina poyapoyayana moe Kenani sinaena tayamo asa giyaina yoina Makipela. Makipelayana moe Mamre kikina. Boi nimatu tukubuyana be nakae poyapoyayana Eta tubuna Epironi yaina Eberamo igimonedi.
GEN 49:31 Amoko goi Eberamo ma monena Sera adi valiwoga be nakae Aisake ma monena Ribeka adi valiwoga sikaaiyaka. E tukubuyana goi boi Reya nakae avaliwoge.
GEN 49:32 Ego poyapoya be tukubu Eta tubunao goi Eberamo igimonedi. Tauna amoko goi kovaliwogēgu.’
GEN 49:33 E Yakobo natunao ilatuwokoidi ikavava, imasisimna go, yawoina ikavava, e ina tamana be tubunao yaidi goi.
GEN 50:1 Tuwo Iyosepa isou tamana ivayavau, manuna itáiya be iyowoi.
GEN 50:2 Itáiya ikavava, itáoya ina pakonayao sakava ana tokatubayasi ilatuwokoidi idigo kana, ‘Kōna pútuma kokābi, kōme tamagu wowona kokatubayāsi ina valiwoga manuna.’ Tuwo moitamo tauyadi sima tamana Isileli wowona sikabi, sikatubayasi ina valiwoga manuna.
GEN 50:3 Maliyalina ana badabada 40 goi sipaaisewa, wowonayana sikatubayasi. Bogina kuyagoi. Kidi da Itipita idi sinapu moe maliyalina ana badabada 40 goi wówana ana katubayasi siguuinuwe. Da Itipita madi nuwomou maliyalina ana badabada 70 goi Yakobo manuna sitaiyakuwokúwala.
GEN 50:4 E tutayana idi taiyakuwokúwala ikavava, Iyosepa ina Pero ina tovaitayao ilatuwokoidi idigo kana, ‘Neta itoboinegu imi kanuwóiya ababane, latuwogu bego kona guna livala konave Pero goi. Livalayana kolatuwōko kami,
GEN 50:5 “Boi tutayana tamagu giyakainava bei ikámasa, latuwona akatótula bego Kenani goi avaliwoge. Valiwogayana toinina bogina ikatubayasi. Tauna kutagonēgu ana tamagu avaliwoge. Avaliwoge ikavava, bei akaluvila.”’
GEN 50:6 Tuwo moitamo sina Pero livalayana sivini, e tauyana idigo kana, ‘Kōna Iyosepa kolatuwōko kami, “Dedevina, kūna tamam kuvaliwōge nakae boi im katótula.”’
GEN 50:7 Tuwo Iyosepa ina tamana ivaliwoge. Pero ina tovakumgoyao paakonidi liliudi be koroto gagaidi be nakae da Itipita adi guyaguyauwo taiyao sina.
GEN 50:8 Iyosepa ina bodao liliudi, nakae senao madi bodayáuwo be nakae tamana ina bodayáuwo go, natudiyao be idi yoguyoguyao taudiva Goseni goi sikaaiyaka.
GEN 50:9 E koroto maniyedi sariyota goi sisowoya be nakae maniyedi osi goi situlaga taiyao sina. Tauna boda gagaina sina Kenani.
GEN 50:10 E madabokidi siketoiya. E sina asa Etada goi, moe Iyoridani kikina. Amoko goi witi ana kaba kausapisápina ikaaiyaka. Tuwo sisowóduwo, madabokidi niyadi gagaina goi sitaiyakuwokúwala. Maliyalina ainima aiyuwo kina Iyosepa ilibu tamana manuna.
GEN 50:11 Go da Kenani sikandobala tomota idi táiya Etada goi sigite sidigo kadi, ‘Kogīta! Da Itipita sitaiyakuwokúwala.’ Tuwo moe pasina asayana yoina Ebeli Misaraim. Moe Iyoridani koiboga dadavina.
GEN 50:12 E tuwo Yakobo natunao siguinuwe nakae tamadi idige.
GEN 50:13 Wowona sikavale sinave Kenani goi sivaliwoge tukubu sinaena. Tukubuyana ikaaiyaka Makipela goi, moe Mamre kikina. Tukubuyana be poyapoyayana Eberamo igimonedi Eta tubuna Epironi yaina.
GEN 50:14 E Iyosepa kidi tamadi sivaliwoge ikavava, boda taiyao sikaluvilamna sina Itipita goi.
GEN 50:15 E Yakobo ina kámasa mlina, Iyosepa senao sinuwokubukubu, e sidigo kadi, ‘Nakona Iyosepa nava gamona igoyogoyo, e bei ikaoliliveda boi ida guinuwa pasina, tuwo ame tutayana bei ida goyo yaina ikatumapu. Bei manakaeda?’
GEN 50:16 Tuwo livala sietune ina Iyosepa yaina sidigo kadi, ‘Boi tamam nava maa yawoina lovina tayamo ivinima.
GEN 50:17 Tauyana idigodigo bego kalatuwokoim itoboine kai tuwowomowo ima kadoinana yaim kunuwotao. E tuwo kakawanoi kai tamam ina Yaubada ina pakonayao ima bágala yaim kunuwotao.’ Go livalayana Iyosepa inove, nuwona imou gagaina, itáiya.
GEN 50:18 E senao sima aedi sivatugúyala tauyana matana goi go, sidigo kadi, ‘Kai im pakonayao.’
GEN 50:19 Go kina Iyosepayana idigo kana, ‘Geya komatoiteguta geya. Manakae? Yau Yaubada? Geya!
GEN 50:20 Komi boi bego goyo koguinuwe yau yaigu go, Yaubada ina nuwonúwana bego dogoi dedevina isowóduwo. Dogoiyana moe tomota badabadaaidi ayavedi nakae bogina kogite.
GEN 50:21 E tauna geya komatoiteguta geya. Komi ma natumiyao bei amatakavatemi.’ Tuwo nakae ikipaiwoledi be nakae atedi ivapatupatudi.
GEN 50:22 E Iyosepa Itipita goi ikaaiyaka senao taiyao. Tutayana ikámasa ana tala 110.
GEN 50:23 Ego nava maa yawoina natuna Eparaim natunao be tubunao igitedi. Aiyuwoina natuna Manase natuna koroto Makiri natunao igitedi. Tutayana Makiri natunao sibíbina, Iyosepa sivini ivanatunedi.
GEN 50:24 E Iyosepa senao ilatuwokoidi kana, ‘Giyakainava bei akámasa go, Yaubada bei iwo ivaitemi. Tubumiyao bei ikabidi, inavedi poyapoyayana boi ikaatotule Eberamo, Aisake be Yakobo yaidi.’
GEN 50:25 Iyosepa ibobwaramna idigo kana, ‘Moitamo Yaubada bei iwo ivaitemi go, ame tuta kokatótula yaigu bego tutayana Yaubada ikabimi, e lulugu kokabīdi konavēdi Kenani goi kovaliwogēdi.’ Senaoyadi moitamo sikatótula.
GEN 50:26 Tuwo Iyosepa ikámasa go, ana tala bogina 110. Ina kámasa mlina, wowona sikatubayasi. Ikavava, siyato dedeoga sinaena go, Itipita goi ikaaiyaka.
EXO 1:1 Boi Isileli natunao koroto madi bodayáuwo taiyao sima Itipita goi sikaaiyaka. Natunaoyadi yoidi ame nakae:
EXO 1:2 Rubeni, Simioni, Livai, Yuda,
EXO 1:3 Isakara, Sebuloni, Beniyamina,
EXO 1:4 Dani, Napatali, Gadai be Aseri.
EXO 1:5 E Yakobo mana bodayáuwo liliudi adi badabada 70 taiyao sina. E kina go natuna Iyosepa bogina Itipita goi ikaaiyaka.
EXO 1:6 E sikaiyaka aaa, Iyosepayana ma senao be nakae amo malamalagatayana sikamasa kówasa.
EXO 1:7 E kidi go Isileli tubudiyao sisusáila gagaina toina nakae sibadabada be nakae sitogaga toina, tauna asayana Itipita kidi sivakayaodei.
EXO 1:8 E sikaaiyaka go, da Itipita adi tolovina vau itáoya go, Iyosepa ina guinuwa geya ikamoitamoeyeta.
EXO 1:9 E ina bodao da Itipita ilatuwokoidi idigo kana, ‘Bogina kogite? Isileli tubunao bogina sisusáila gagaina nakae adi badabada sikalisaveda be sitogagasaveda!
EXO 1:10 Mada nuwopolala tasikogigīdi, govila bei tuwaina sisusáila, e niga neta yaviya isowóduwo, kidi bei sina ada kaleyayao taiyao sisiukoidi sima silauida, namliyeta asa sikalave.’
EXO 1:11 Tuwo da Itipita ame nakae siguinuwe: Itipita korotoidi sikinavedi sivayokoidi kidi Isileli tubunao adi tolovinao, e paisewa moumouna goi sikinenetedi. Paisewayana ame nakae: Asa aiyuwo Pitom be Ramasesi siyowóidi, e bei asayadi sinaedi goi Pero ina sánala sikaaiyaka be nakae kónana adi vada siyatoidi.
EXO 1:12 E tuta tamo tamo paisewa moumouna tuwaina sivinidi, e kidi Isileli tubunao tuwaina siisusáila nakae tuwaina asa situgidagidali. Tuwo kidi da Itipitayadi sigitedi odi isilali.
EXO 1:13 E tuwo geya idi nuwokapisimo Isileli tubunao sipakoidi sikogúyala gagaina toina.
EXO 1:14 Paisewa moumouna sivinidi, tauna sikaiyako mou. Idi kaiyakomouyana ame nakae: Vaega be limou taiyao sipopolidi sigabudi simalagurewa nakae, e idi vada siyowóidi be nakae idi tánuwo goi sipaisewa. Paisewa liliunakova goi da Itipita geya idi nuwokapisimo Isileli tubunao sipakoidi sikogúyala gagaina toina.
EXO 1:15 E amo tutayana vevina Iberiu idi tovenatunavaita adi taiyuwo sikaaiyaka, tayamo yoina Sipira, tayamo yoina Puwa. Tuta tayamo da Itipita adi tolovina ilatuwokoidi idigo kana,
EXO 1:16 ‘Tutayana vevina Iberiu sivenátuna, kovaitēdi go, natudiyao kogitēdi. Neta koroto, e kokaumatēdi go, neta vevina, e koyatōidi.’
EXO 1:17 E kidi vevinayadi Yaubada siwowoine, tauna da Itipita adi tolovina ina lovina sikapipilave, go sem gogómana liliudi, koroto be vevina, siyatoidi maa yawoidi.
EXO 1:18 Go tolovinayana livala inove bego vevinayadi ina lovina sikapipilave. Tuwo vala ietune ina iduduwedi sima ilatuwokoidi idigo kana, ‘Komi kaga unana guna lovina geya koguinuweyeta, e gogomanayadi koroto kaga koyatokoidi maa yawoidi?’
EXO 1:19 E kidi vevinayadi sidigo kadi, ‘Unana kidi Iberiu idi venátuna ituli, e da Itipita nakae ituli. Kidi vevina Iberiu idi venátuna goi sitogaga, tauna toinidi sivenátuna. Bego kana kavaitedi go, kawoiko, bogina sivenátuna!’
EXO 1:20 E vevina tovaita adi taiyuwokova kina Yaubada iyabobonedi, tuwo Isileli tubunao tuwaina sisusáila be nakae sitogaga gagaina.
EXO 1:21 Vevinayadi Yaubada siwowoine, tauna ikitogagedi, e itoboinedi sikéuwama.
EXO 1:22 E tuwo Pero ina bodao da Itipita liliudi ilovinaedi idigo kana, ‘Ava Iberiuva natudiyao koroto sibíbina, e liliudi kokabīdi, konavēdi sákala Nairi goi kolavēdi sisou sikámasa, go neta natudiyao vevina, e tuwo koyatōidi maa yawoidi.’
EXO 2:1 E tamagu ana dala Livai go, vavina tayamo, moe sinagu, ikabi inai. Sinaguyana nakae ana dala Livai.
EXO 2:2 Sikaaiyaka aaa, sinaguyana ikéuwama. Ikéuwama niga ivenátuna, natuna yau. Ago sinaguyana igitegu bego yau gómana dedevigu, tuwo ikabigu, vada sinaena goi ivamougu ana kadókana tukówana aito.
EXO 2:3 Tutayana tukówana aito sikavava, yau bogina abíbina tupwana, e sinagu geya itoboineyeta ivamougu. Tuwo bayao mana katukábwala iwoi. Ikavava, taa ikabi, ibwade. Ibwade ikavava, ikabigu, idodoigu inavegu sákala Nairi kikina kalavaitou sinaedi goi iyatoigu.
EXO 2:4 Niugu giyakainava masigava goi itáoya iigitegu; latuwona bego iyagoi kaga bei isowóduwo yau yaigu.
EXO 2:5 E Pero natuna vavina mana pakonayao wowoiyai taiyao siiwo sina sakalayana goi. Sákala kikina goi ana wowoiyaiyadi siiketoiya go, Pero natunayana isou iiwo ina bego iisiwo go, ikandobala bayao igite kalavaitou sinaedi ikaaiyaka. Tuwo woiyai tayamo ilatuwoko kana, ‘Kūna amo bayaoyana kwābi kūme!’
EXO 2:6 E tuwo iiwo ina bayaoyana iyoyoi ime, Pero natuna ivini. Ivini, vavinayana ikatupáeve, yau igitegu ataitáiya. Tuwo vavinayana inuwokapisiye, idigo kana, ‘Iyaa! Ame nakona kidi Iberiu natudi tayamo.’
EXO 2:7 E niugu ibala ima Pero natuna ilatuwoko idigo kana, ‘Latuwom bego ana vavina Iberiu alatuwoko ima gomanayana ikabi ivanunu manum?’
EXO 2:8 ‘Dedevina, kūna’, Pero natuna kaena. Tuwo niugu ina sinama ilatuwoko ima.
EXO 2:9 E tuwo sinamayana ima go, Pero natuna idigo kana, ‘Gómana ame kwābi kuvanūnu manugu gobe yau aemaisim.’ E moitamo sinagu ikabigu, ivaanunugu.
EXO 2:10 E tutayana bogina abíbina, sinagu ikabigu inavegu Pero natuna ivini bego yau natuna. E vavinayana idigo kana, ‘Gomanayana bwae goi ayoyoi, tauna avayou Mosese.’
EXO 2:11 E tutayana bogina akaitubuwau, tuta tayamo atáoya ana osegowo Iberiu avadadedi go, agitedi idi kogúyala moumou isaki. Aiyuwoina guma Itipita agite ivalauláuwo Iberiu tayamo iiláui. Tauyana moe osiyagu tayamo.
EXO 2:12 E amatavilavila, geya tayaamo tomota agite, tuwo siyagu avaite, e guma Itipitayana aláui, akaumate. Akaumate ikavava, wowona akabi avamou, ediédila goi avakum. Avakum ikavava, akaluvila ana guna vada amasisi.
EXO 2:13 Amasisi vanuwo itomo, aiyuwoina akaluvilamna ana osegowo avadadedi go, anonoina Iberiu adi taiyuwo agitedi sivalauláuwo. Tuwo togiyosásala alatuwoko adigo kagu, ‘Kaga unana siyada kuuláui?’
EXO 2:14 Go kina togiyosasalayana ibolagu idigo kana, ‘Kom avatau ivayokoim bego kai ama tolovina o ama totakínona? Manakae? Bego kwaumategu nakae boile guma Itipita kwaumate ae?’ E yau bogina amatoita; guna nuwonúwana kagu, ‘O guna guinuwa bogina siyagoi.’
EXO 2:15 E tutayana guna guinuwayana valena Pero inove, ina tovayaviyayao ilatuwokoidi sima bego sikaumategu go, yau Pero ina kaba lovina goi asiya ana Midiyani dadavina goi atunagu. Amoko goi doelu tayamo ikaaiyaka, e kikina goi atunagu.
EXO 2:16 E kina go da Midiyani adi Tonúwala yoina Reuweli amoko goi ikaaiyaka. Tauyana natunao vevina adi badabada ainima aiyuwo. E natunaoyadi sima doelu goi bwae sitegatega, yoguyogu adi kaba nim goi sisiwoi, idi yoguyoguyao adi bwae.
EXO 2:17 Sisiwoi go, ituli ta yoguyogu adi tomatakavatayao koroto sima vevinayadi sivatapiyedi. Latuwodi toinidi idi yoguyoguyao sivanimdi. Sivatapiyedi go, agitedi, tuwo atáoya vevinayadi ayavedi. Ayavedi ikavava, idi yoguyoguyao avanimdi.
EXO 2:18 E vevinayadi sikaluvila sina tamadi Reuweli goi go, tamadiyana igitedi, nukotona iwówana idigo kana, ‘Ii! Kaga unana tauna ame mainao koma?’
EXO 2:19 ‘Koroto tayamo guma Itipita doelu goi ikaaiyaka iyavema yoguyogu adi tomatakavatayao yaidi goi. Tauyana nakae bwae itege manuma nakae im yoguyoguyao ivanimdi!’ natunaoyadi kaedi.
EXO 2:20 ‘Go korotoyana nako? Kaga unana kokalave? Kōna kolatuwōko ima ikáika’, tamadi kaena. E tuwo moitamo sima silatuwokoigu ana.
EXO 2:21 E ana kidi taiyao kakáika. E Reuweli latuwona akaiyaka kidi taiyao. Atagona, e niga korotoyana natuna yoina Sipora ivinigu monegu.
EXO 2:22 Kakaaiyaka, e Siporayana ikéuwama, niga ivenátuna, natuma koroto. Tauyadi alatuwokoidi adigo kagu, ‘Yau amalatonikasa ituli ta kasa goi.’ Tauna gomanayana avayou Gerasom.
EXO 2:23 E tala maanawena Midiyani goi akaaiyaka go, amo talayadi mlidi da Itipita adi tolovina ikámasa go, tuwo segowo Isileli tubunao idi kogúyala moumouna pasina sikalayawoi be nakae sitaiyaduduwo vaita manuna. Idi taiyaduduwoyana ituko ina Yaubada yaina goi,
EXO 2:24 e Tauyana inove. Ina kanasiunayana boi Eberamo, Aisake be nakae Yakobo yaidi goi inuwokavate.
EXO 2:25 Isileli tubunao idi kaiyakomou igite, manudi inuwonúwana gagaina.
EXO 3:1 E yau go yaogu da Midiyani adi Tonúwala Iyetoro ina yoguyoguyao amatakaavatedi. Amatakaavatedi go, akabidi, yoyowo goi avadamanedi, anavedi koiboga dadavina koya yoina Korevi goi. Koyayana moe Yaubada ina koya.
EXO 3:2 E amoko goi Yauwe ina anerose yeu sabeninimina nakae isowóduwo yaigu. Yeuyana taliboibo sinaena ininínima. Go taliboiboyana agite, akaliwoisa unana geya igabuyeta geya.
EXO 3:3 Tuwo anuwonúwana kagu, ‘Iyaa! Kaga unana taliboibo geya igabuyeta? Amo nakona aba kainaopa tayamo gagaina. Tuwo abala ana agitedoko.’
EXO 3:4 E Yauwe igitegu bego abala ana taliboibo agite, tuwo taliboiboyana sinaena goi iduduwegu idigo kana, ‘Mosese, Mosese!’ ‘U. Amegu’, kaegu.
EXO 3:5 Tauyana idigo kana, ‘Taabu kumamāima kikigu! Im sendoro kukitakīdi, kuyatōidi. Moe poyapoyayana goi kuutáoya poyapoya kimaasabaina yau umagu.’
EXO 3:6 Kana, ‘Yau tamam ina Yaubada be nakae tubumowo Eberamo, Aisake be Yakobo idi Yaubada boi yaigu sisaakululu.’ E tuwo magu matoita maisigu avamou, govila bei Yaubada agite, akámasa.
EXO 3:7 E Yauwe idigo kana, ‘Guna bodao Itipita goi idi kaiyakomou moitamo bogina agitedoko be idi taiyaduduwo adi tolovinayao pasidi bogina anovedoko. Adi gedageda bogina alotowo.
EXO 3:8 Tauna asou ama bei da Itipita nimadi goi ayavedi. Itipita goi bei akabidi atukoedi anavedi poyapoya tayamo goi silokasa. Amo poyapoyayana dedevina be buutumina gagaina, maaliina be lobooinina. Poyapoyayana moe Kenani tubunao, Eta tubunao, Emori tubunao, Perisi tubunao, Ivai tubunao be Iyebusi tubunao idi kasa.
EXO 3:9 Gwa! Kunovēgu. Semowo Isileli tubunao idi taiyaduduwo bogina ima yaigu, e bogina anove be nakae bogina agite da Itipita manakaedi siyogedegededi gagaina.
EXO 3:10 Tauna tuta ame goi aetunem kuna Pero yaina kukawanoi guna bodao Isileli tubunao italigeidi bei Itipita goi kukabidi kumedi.’
EXO 3:11 Go yau adigo kagu, ‘Go yau avatau bego ana Pero matana goi akawanoi? O yau avatau bego sopagu ikabikaone go, Isileli tubunao italigeidi, e Itipita goi akabidi amedi? Geya!’
EXO 3:12 Go kina Yaubada idigo kana, ‘Yau Tauyagu bei avakitaum go! Aba kinana avinim bei kuyagoi bego moitamo Yau aetunem. Aba kinanayana ame nakae: Tutayana semowo Isileli tubunao Itipita goi kumedi, e ame koyayana goi bei kosakululu Yau imi Yaubada yaigu.’
EXO 3:13 Go yau adigo kagu, ‘Go neta ana osegowo alatuwokoidi kagu, “Tubudao idi Yaubada ietunegu ama yaimi” go, neta kidi kadi, “Go Tauyana yoina manakoyoina?” e yau bei manakaegu akatumapu?’
EXO 3:14 Yaubada idigo kana, ‘Yau Tauyagu Aiiyakoigu. E tomotayadi ame nakae kulatuwokōidi kam, “Tauyana toinina ivayou kana, ‘Yau Tauyagu’, e amo Tauyana ietunegu ama yaimi.”’
EXO 3:15 Tuwaina Yaubada idigo kana, ‘Isileli tubunao kulatuwokōidi ame nakae: Kam, “Yauwe, Tauyana tubudao Eberamo, Aisake be Yakobo idi Yaubada, ietunegu ama yaimi.” E ame yoiguyana ikaiyako vata. Nakae ame youyana goi malamalágata tamo tamo bei sinuwokavategu.
EXO 3:16 Tauna kūna Itipita goi go, Isileli tubunao idi tomoyamoya kududuwēdi sima kulatuwokōidi kam, “Kina Yauwe tubudao idi Yaubada, moe Eberamo, Aisake be Yakobo idi Yaubada isowóduwo yaigu idigo kana, ‘Bogina avadademi, tuwo bogina ayagoi kaga isowóduwo yaimi Itipita goi, tauna bei aguinuwa.
EXO 3:17 Tauna akatótula bei da Itipita idi yogedageda goi akabimi go, anavemi poyapoya maaliina be lobooinina goi. Poyapoyayana moe kidi Kenani tubunao, Eta tubunao, Emori tubunao, Perisi tubunao, Ivai tubunao be Iyebusi tubunao idi kasa.’”
EXO 3:18 Isileli tubunao sopam bei sikabikaone. E tuwo idi tomoyamoya taiyao kōna da Itipita adi tolovina kolatuwōko kami, “Yauwe, kai Iberiu ima Yaubada bogina ivalobodema. Tauna ame kama kakawanoi yaim bego kutagonema kana yoyowo goi maliyalina aito kaketoiya bei amoko goi ima yoguyoguyao kagabudi kakasaledi Yauwe ima Yaubada yaina.”
EXO 3:19 Go Yau bogina ayagoi bego da Itipita adi tolovina bei itagonemi kosowóduwo neta guna togaga goi to abuneneteyamo.
EXO 3:20 Tuwo Yau nimagu bei abisisobu, guna guinuwa aba kainaopa liliudi aguuinuwedi da Itipita toinidi idi kasa goi go, aba kainaopayadi goi bei asapidi. Asapidi ikavava, tauyana bei italigeimi kosowóduwo.
EXO 3:21 Anuwóiya goi da Itipita nukotodi bei asanayatoidi. Moeko goi idi kanuwóiya bei kobabane. E tutayana bego kosowóduwo kona, geya kada nima kaka geya,
EXO 3:22 go sem imi vevina tamo tamo bei sina da Itipita idi vada goi vevina liliudi yaidi sikawanoi siriba be goura be nakae kwama dedevidi manudi. Sivinimi ikavava, kokabīdi natumiyao kovalosīdi. Tauna da Itipita konadi liliudi bei kotalagogodedi.’
EXO 4:1 Go yau adigo kagu, ‘Go kunōve! Manakae neta geya sinumiseguta be sopagu geya sikabikaoneyeta? Nakae bei sidigo kadi, “Moe Yauwe geya isowoduwoita yaim.” Neta nakae, bei manakaegu?’
EXO 4:2 E tuwo Yauwe idigo kana, ‘Moe kaga nimam goi?’ ‘Aituko’, kaegu.
EXO 4:3 Yauwe idigo kana, ‘Kwalisobūye isou poyapoya goi.’ Tuwo moitamo akalisobuye isou poyapoya goi imalamoteta! Agite, asiya.
EXO 4:4 Go Yauwe idigo kana, ‘Nimam kubisisōbu yuyuna kuyōisi.’ Tuwo moitamo abisisobu yuyuna ayoisi, ayoisikavate, e nimagu goi imalakaituko.
EXO 4:5 Yauwe idigo kana, ‘Moe nakae kuguinūwe bei sinumisa bego Yau Yauwe, tubumiyao Eberamo, Aisake be Yakobo idi Yaubada bogina asowóduwo yaim.’
EXO 4:6 E aiyuwoina Yauwe ibobwaramna idigo kana, ‘Nimam kubasisīu am kwama sinaena goi kasikasim kubasikōne.’ Tuwo moitamo nimagu guna kwama sinaena goi abasisiu, kasikasigu abasikone. Go nimagu abuyagi, agite. Iyaa! Nimaguyana sakavaina mana vísiya, e itapopoina!
EXO 4:7 Yauwe idigo kana, ‘Nimamyana kubasisīumna am kwama sinaena goi kasikasim kubasikonemnēi.’ Tuwo moitamo nimaguyana abasisiumna guna kwama sinaena goi kasikasigu abasikonemnei. Go nimagu abuyagi, agite. Iyaa! Sakavaiguyana bogina idedevinamna sakavaigu madabokina nakae!
EXO 4:8 Yauwe nava ibobóbwara idigo kana, ‘Neta moitamo Isileli tubunao geya sinumisemta be nakae aba kinana vakuumgoina geya sikamoitamoeta, nakona moe aba kinana aiyuwoinayana kuguuinuwe bei sikamoitamoe.
EXO 4:9 Go neta aba kinanayadi aiyuwo geya sikamoitamoedita be nakae sopam geya sikabikaoneyeta, e kūna sákala Nairi goi bwae kutēge. Ikavava, kūna poyapoya sayasayaina goi kwaliulāgi bei poyapoyayana goi imalaikaika.’
EXO 4:10 Go yau adigo kagu, ‘Tomoya, yau koroto geya bóbwara ana tokatanaki geya. Geya tayaamo tuta nakae itoboinegu. Boi nimatu geya; nakae ame tuta geya. Yau im pákwana kuvaadigoigu go, moe nakae geya itoboineguta. Yau sopagu maegu simoumou.’
EXO 4:11 Go kina Yauwe idigo kana, ‘Go nakona avatau tomota sopadi imadagidi? Avatau tomota geya sibobóbwara imadagidi o avatau kidi taiyadi patupatudi o ma matadi be matadi kebokeboidi imadagidi? Moe Yau Yauwe ae?
EXO 4:12 Tauna ame tuta kom tuwo kutaoyāmo kūna go, Yau toinigu sopam bei avaite be nakae avatulukoim manakaem kubóbwara.’
EXO 4:13 Go yau adigo kagu, ‘Go Tomoya, akawanoi yaim bego ituli ta tomota kuetune ina.’
EXO 4:14 E Yauwe bogina iegamogamogu yaigu goi, tuwo idigo kana, ‘Go manakae siyam Eroni guma Livai? Bogina ayagoi kina bóbwara ana tokatanaki. Ame tuta tauyana bogina imamaima bei ivalobodem. Tutayana igitem, bei iuyáwana.
EXO 4:15 Tauyana kulatuwōko manakaena ibóbwara go, Yau toinigu sopana be sopam bei avaitedi be nakae ami taiyuwokova avatulukoimi kaga latuwogu koguinuwe.
EXO 4:16 Go tauyana bei im tobóbwara tomota yaidi ame nakae: Kina bei sopam nakae go, kom kueyaubada nakae tauyana yaina.
EXO 4:17 Moe aitukoyana nimam goi kuyoisiikavate kunāve be aba kinanayadi kuguinuwēdi.’
EXO 4:18 E atáoya akaluvila ana yaogu Iyetoro alatuwoko adigo kagu, ‘Yaogu, kutagonēgu ana Itipita goi bei osegowo agitedi, nakona nava maa yawoidi o geya.’ Iyetoro kana, ‘Mam tuboina kūna.’
EXO 4:19 E Midiyani goi Yauwe ilatuwokoigu idigo kana, ‘Kutāoya kwaluvīla kūna Itipita. Korotoyadi boi bego sikauumatem bogina sikamasa kówasa.’
EXO 4:20 E tuwo moitamo monegu be natugowo akibodebodedi ase goi situlaga. Ikavava, kakaluvila kana Itipita goi. E nimagu goi Yauwe ina kaituko akavale.
EXO 4:21 E Yauwe ilatuwokoigu, idigo kana, ‘Tutayana kusowóduwo Itipita goi, kunuwookavāte guinuwa aba kainaopa liliudi Pero matana goi kuguuinuwedi. Guinuwayadi manudi togaga bogina avinim. Go yau bei Pero ina dabakasa avaituwe, e tomotayadi geya itagonedita.
EXO 4:22 E Pero kulatuwōko kam, “Yauwe idigo kana, ‘Natugu, guna botomoya, moe kidi Isileli tubunao.
EXO 4:23 Bogina alatuwokoim natuguyana kutaligēi bei ima isakululu Yau yaigu. Go neta geya kutaligeiyeta, e am dodōkana! Kom natum, am botomoya bei akaumate.’”’
EXO 4:24 E kai kanonoina Itipita manuna go, kama tunagu tayamo goi Yauwe ivalobodema, e ipoikíkina bego ikaumategu.
EXO 4:25 Go Sipora memetu ikabi, natuma sakavaina ikupo. Ikavava, sakavayana ikabi, aegu ibisikone idigo kana, ‘Bego kom yau ikaika goi tanai dókana.’
EXO 4:26 Tuwo Yauwe igite, e iyatoigu. Ego tutayana Sipora kana, ‘Ikaika goi tanai dókana’, ame sakava ana kúpwana idigedige.
EXO 4:27 E boi Yauwe Eroni bogina ilatuwoko idigo kana, ‘Kutāoya kūna yoyowo goi Mosese kuvalobōde.’ Tuwo moitamo Eroni ima Yaubada ina koya goi ivalobodegu, e iyowoiigu.
EXO 4:28 Iyowoiigu ikavava, e alatuwoko Yauwe ina livala liliudi manudi be nakae aba kinana liliudi boi bogina ilatuuwokoigu aguinuwedi manudi.
EXO 4:29 Alatuwoko ikavava, ama taiyuwo kana Itipita goi Isileli tubunao idi tomoyamoya kaduduwedi sima.
EXO 4:30 Sima, kaga liliuna Yauwe boi bogina ilatuuwokoigu Eroni ilatuwokoidi go, aba kinanayadi tomota matadi goi aguinuwedi.
EXO 4:31 Isileli tubunaoyadi sikabikáwana. Tutayana sinove bego Yauwe bogina ivadadedi nakae idi kaiyakomou bogina igite, e aedi sivatugúyala Tauyana yaina sisakululu.
EXO 5:1 Moe mlina yau be Eroni kana Pero kalatuwoko, kadigo kama, ‘Yauwe, Tauyana kai Isileli tubunao ima Yaubada, ibóbwara ame nakae kana, “Guna bodao kutaligēidi bei sima yoyowo goi uyáwana aikanina siwodugu Yau yaigu.”’
EXO 5:2 Go kina Peroyana idigo kana, ‘Yauwe avatau bego niyana anove, tauna komi Isileli tubunao ataligeimi? Yauwe geya ayagoiyeta geya. Go komi Isileli tubunao geya ataligeimita, geya toina!’
EXO 5:3 Tuwo kai kadigo kama, ‘Kai Iberiu ima Yaubada bogina ivalobodema. Tuwo kutaligēima bei maliyalina aito goi kaketoiya kana yoyowo goi ima yoguyoguyao kagabudi kakasaledi Yauwe ima Yaubada yaina, govila bei vísiya goi o yaviya goi isapima.’
EXO 5:4 Go da Itipita adi tolovinayana ibowoima idigo kana, ‘Mosese be Eroni, manakae tomota idi paisewa go, matadi koobanidi? Kokaluvīla kōna imi paisewa moumouna goi. Woilīmi!’
EXO 5:5 Tauyana tuwaina kana, ‘Konōve! Bodayadi bogina sibadabada go, komi latuwomi idi kogúyala sikalave!’
EXO 5:6 E Pero maliyalina amo goi lovina tayamo ietune ina ina pakonayao adi tolovinao be nakae Isileli tubunao toinidi adi tovakumgoyao ilatuwokoidi idigo kana,
EXO 5:7 ‘Geya tuwaina Isileli tubunao limou kovinīdi idi vaega ana pópwala vaboda manudi nakae boi, go sem kolovinaēdi kidi sina toinidi limou silusala limou poyapoya ana kailómwana.
EXO 5:8 Boi nakae simadagidi adi badabada nakae ame tuta go, taabu kokupokūpo, tuwo nakae. Moitamo. Kidi suumoyaidi, tauna moe pasina sitaiyaduduwo kadi, “Kutagonēma kana ima yoguyoguyao kagabudi kakasale ima Yaubada yaina.”
EXO 5:9 E tuwo paisewa moumouna koroto kovinīdi sikogúyala bei geya itoboinedita livala polapola sitaiyakeke.’
EXO 5:10 E tuwo moitamo paakonidi adi tolovinaoyadi be nakae Isileli tubunao toinidi adi tovakumgoyaoyadi sina tomota silatuwokoidi sidigo kadi, ‘Pero ibóbwara ame nakae kana, “Yau geya tuwaina bei limou aavinimi.
EXO 5:11 Go komi sem kōna toinimi imi limou kolusāla nako goi itoboinemi kobabane. Imi kogúyala bei geya akupoeta, nakae geya giyaiina geya.”’
EXO 5:12 Tuwo moitamo tomotayadi sisapa sina Itipita liliuna goi idi limou silusala sisinúkula.
EXO 5:13 E kidi go pakonidiyadi adi tolovinao sisatubetubedi sidigo kadi, ‘Imi katuyáiva ame maliyalinayana kolukavavēdi! Itomo aiyuwoina nakae. Kolukavavēdi boi nakae limou kaavinimi kopaisewa!’
EXO 5:14 E paakonidi adi tolovinaoyadi sina Isileli tubunao idi paisewa ana tovakumgoyao boi sikiinavedi silauidi, sidigo kadi, ‘Kaga unana imi paisewa boile niga ame geya kolukavavedita? Kaga unana vaega be limou adi pópwala be nakae adi kaigábuna adi badabada geya kolukavavedita nakae boi nimatu?’
EXO 5:15 E Isileli tubunao adi tovakumgoyao sitáoya sina sitaiyaduduwo Pero yaina sidigo kadi, ‘Kom manakae im sinapu nakae kai im pakonayao yaima?
EXO 5:16 Limou geya sivinimeta geya, go sem ama tolovinao sibowoima kadi, “Vaega be limou kopopolīdi, e kogabūdi simalagurewa!” Go kunōve! Kai im pakonayao silauima unana vaega be limou kamadagidi simalagurewa go, geya sibadebadeta boi nakae go, ame kom be nakae im bodao taiyao imi puwoya!’
EXO 5:17 Go kina Peroyana ipodeda idigo kana, ‘Komi suumoyaimi! Moitamo toina komi suumoyaimi! Moe pasina boi kami, “Kutagonēma kana ima yoguyoguyao kagabudi kakasaledi Yauwe yaina.”
EXO 5:18 Tauna ame tuta kōna kopaisēwa! Woilīmi! Go limouyana, geya kavinimita, go sem vaega be limou simalagurewa adi badabada boi komaadagidi, e ame tuta nakae komadagīdi.’
EXO 5:19 E Isileli tubunao adi tovakumgoyao bogina siyagoi mou gagaina bei sibabane tutayana silatuwokoidi kadi, ‘Maliyalina tamo tamo poyapoya be limou komaadagidi simalagurewa adi badabada taabu kokupokūpo. Geya kada maliyalina tayamo goi geya.’
EXO 5:20 E tovakumgoyadi Pero sikalave go, sima Eroni be yau ama taiyuwo moetala kaatuyáwata sikamatanakoima.
EXO 5:21 Sikatubolatema sidigo kadi, ‘Yauwe bei igitemi itakinoimi komi toogoyoimi! Komi pasimi Pero be nakae ina pakonayao taiyao sigiteda sikalagiwoleda. Imi guinuwayana sisi nakae bogina kovini bei sisiyana goi sikaumateda.’
EXO 5:22 E akaluvilamna ana Yauwe alatuwoko adigo kagu, ‘Tomoya, kaga unana amo tomotayadi kuyogedegededi? Kaga unana kuetunegu tauyadi yaidi?
EXO 5:23 Tutayana boi agimiima im livala Pero alatuwoko go, ima ame tuta amo tomotayadi iyogedeegededi go, kadago giyaina kuyaveedi.’
EXO 6:1 Go kina Yauweyana ilatuwokoigu idigo kana, ‘Ame tuta bei kugite manakaegu aguinuwa Pero yaina. Moitamo. Nimagu toogagaina goi bei komi Isileli tubunao ivalilivemi kona. Ina kaba lovina goi bei ivatapiyemi!’
EXO 6:2 E tuwaina idigo kana, ‘Yau Yauwe.
EXO 6:3 Tutayana boi toinigu akaiwoduwegu Eberamo be Aisake be Yakobo yaidi goi, alatuwokoidi Yau Tokavavágana Tokalika go, yoigu Yauwe, moe geya avatulukoidita.
EXO 6:4 Nakae boi akanasiukoidi go, akatótula bego da Kenani idi poyapoya bei avinidi. Boi poyapoyayana goi situliya nakae sieogaoga.
EXO 6:5 Yau bogina Isileli tubunao idi kalayawoi anove. Idi kalayawoiyana unana da Itipita sipakoidi, tauna kidi da Itipita idi pakonayao. Idi lida anove, e guna kanasíuna yaidi goi anuwokavate.
EXO 6:6 Tauna semowo Isileli tubunao kulatuwokōidi kam, “Yau Yauwe. Da Itipita idi kogúyala moumouna goi bei ayavemi. Ami pákwana goi bei ataligeimi be nimagu yoosalaina goi bei guna liuna gagaidi avinidi go, komi bei atatetemi.
EXO 6:7 Bei akinavemi komi guna bodao go, Yau imi Yaubada. Bei koyagoigu Yau Yauwe imi Yaubada, da Itipita idi kogúyala moumoudi goi bei ayavemi
EXO 6:8 go, avakedemi koma poyapoyayana goi boi nimagu akatuulagasi akatótula bego Eberamo, Aisake be Yakobo avinidi. Ame poyapoyayana bei komi imi poyapoya. Yau Yauwe.”’
EXO 6:9 E tuwo atáoya, ana Isileli tubunao nakae alatuwokoidi go, wowodi sikaliwoya be adi kogúyala ivakaigaga, tauna sopagu geya sikabikaoneyeta.
EXO 6:10 E Yauwe ilatuwokoigu idigo kana,
EXO 6:11 ‘Kutāoya kūna Pero da Itipita adi tolovina kulatuwōko Isileli tubunao ina kaba lovina goi italigeimi.’
EXO 6:12 Go yau adigo kagu, ‘Kunōve! Segowo Isileli tubunao sopagu geya sikabikaoneyeta go, Pero masa bei sopagu ikabikaone. Yau maegu imoumou!’
EXO 6:13 E Yauwe ibóbwara Eroni be yau yaima, e ima lovina semao Isileli tubunao manudi be nakae Pero da Itipita adi tolovina manuna ivinima, idigo kana, ‘Isileli tubunao Itipita goi kokabīdi konavēdi.’
EXO 6:14 Ame Isileli tubunao adi dala yawou aiyuwo adi nunu adi tovakumgoyao: Isileli ina botomoya Rubeni natunao koroto ame nakae: Enoki be Palu, Esironi be Karami. Ame tauna dala yoina Rubeni ana nunu adi tovakumgoyao.
EXO 6:15 Ame Simioni natunao koroto: Yemweli, Yamini, Owadi, Yakini, Sokara be Saulo. Sauloyana sinana guma Kenani. Ame tauna dala yoina Simioni ana nunu adi tovakumgoyao.
EXO 6:16 Ame Livai natunao koroto adi bíbina goi: Gerasoni, Kowate be Merari. Kina Livai ana tala ana badabada 137 tutayana ikámasa.
EXO 6:17 Gerasoni natunao koroto adi bíbina goi ame nakae: Livani be Simei go, niga moe tubudiyao adi nunu yoidi nakae.
EXO 6:18 Kowate natunao koroto ame nakae: Amram, Isari, Ebironi be Useyeli. Kowate ana tala ana badabada 133 tutayana ikámasa.
EXO 6:19 Merari natunao koroto ame nakae: Makili be Mse. Ame tauna dala yoina Livai ana nunu adi tovakumgoyao adi bíbina goi.
EXO 6:20 E Amram inai tamana niuna yoina Yokebedi. Niga go Yokebediyana natunao koroto Eroni be yau ivenatunima. Amramyana ana tala ana badabada 137 tutayana ikámasa.
EXO 6:21 Isari natunao koroto ame nakae: Kora, Nepegi be Sikiri.
EXO 6:22 Useyeli natunao koroto ame nakae: Misaeli, Elisapani, Siteli.
EXO 6:23 E Eroni inai Aminadabi natuna yoina Eliseba go, Eliseba siyana yoina Nakasoni. Elisebayana ivenátuna, natunao koroto ame nakae: Nadabi be Abaiu, Eliyasa be Itamari.
EXO 6:24 E Kora natunao koroto ame nakae: Asira, Elikana be Aviyasapi. Ame nunu tamo tamo Kora ina bodao goi.
EXO 6:25 E kina go Eroniyana natuna Eliyasa inai Putiyeli natuna go, ivenátuna, natuna koroto yoina Pinikasi. Ame tauna dala yoina Livai ana nunu adi tovakumgoyao.
EXO 6:26 E ame Eroniyana be yau Mosese boi Yauwe ilatuwokoima kana, ‘Kōna semiyao Isileli tubunao Itipita goi kokabīdi konavēdi go, kidi badabadaaidi dala dala nakae goi sisowóduwo.’
EXO 6:27 Moe kai ama taiyuwo, e kana Pero da Itipita adi tolovina kalatuwoko kai Isileli tubunao itagonema Itipita goi kasowóduwo. Ame Eroniyana be yau Mosese.
EXO 6:28 E tutayana Itipita goi Yauwe ilatuwokoigu,
EXO 6:29 idigo kana, ‘Yau Yauwe. Kūna Pero da Itipita adi tolovina kulatuwōko kaga liliuna bogina alatuwokoim.’
EXO 6:30 Go yau adigo kagu, ‘Kunōve. Yau maegu imoumou. Masa bei Pero sopagu ikabikaone.’
EXO 7:1 E Yauwe ilatuwokoigu idigo kana, ‘Kunovēgu. Bogina avayokoim kom bei kueyaubada Pero yaina goi go, kina siyam Eroni bei im tokabivalavala.
EXO 7:2 E kom sem kaga liliuna bogina alatuuwokoim siyam Eroni kulatuwōko nakae. E kina go Eroni bei ina Pero ilatuwoko komi Isileli tubunao Itipita goi italigeimi bei ina kaba lovina goi kosowóduwo.
EXO 7:3 E Yau sem Pero ina dabakasa bei avaituwe. Guna kaba kinana be nakae guna guinuwa aba kainaopa badabadaidi nava bei Itipita goi aguinuwedi.
EXO 7:4 Go Pero bei geya inovemta. Tuwo nimagu toogagaina bei abisisobu mou gagaidi ayatoidi da Itipita yaidi, nakae guna guinuwa aba takínona aguinuwedi yaidi, namliyeta baige komi guna bodao Isileli tubunao badabadaaimi Itipita goi akabimi anavemi go, dala dala nakae goi kosowóduwo.
EXO 7:5 Da Itipita bei siyagoidokoigu Yau Yauwe tutayana nimagu toogagaina ayosale alauidi be nakae yaidi goi komi Isileli tubunao akabimi anavemi.’
EXO 7:6 E tuwo moitamo Eroni be yau kaga madabokina Yauwe ilatuuwokoima, nakae madabokiina kaguinuwe.
EXO 7:7 Ego tutayana yau guna tala ana badabada bogina 80 go, Eroni ana tala ana badabada 83, e kana Pero yaina kabóbwara.
EXO 7:8 E Yauwe Eroni be yau ilatuwokoima idigo kana,
EXO 7:9 ‘Pero bei ilatuwokoimi kana, “Guinuwa aba kainaopa koguinūwe.” Tutayana nakae ilatuwokoimi, e Mosese, siyam Eroni kulatuwōko kam, “Im kaituko kwalisobūye Pero matana goi.” E tutayana ikalisobuye, bei imalamoteta.’
EXO 7:10 E tuwo moitamo Eroni be yau katáoya kana Pero goi kaga nakae Yauwe bogina ilatuuwokoima kaguinuwe. Eroni ina kaituko ikalisobuye Pero mana pakonayao matadi goi, e imalamoteta.
EXO 7:11 E kina Pero ina tonuwopolalayao be ina tomemeyavayao iduduwedi sima. Sima, kidi nakae itoboinedi idi méyava goi nakae siguinuwe.
EXO 7:12 Koroto tamo tamo idi kaituko sikalisobuyedi simalamoteta go, Eroni ina kaituko itáoya, kidi idi kaitukoyadi ilotonoidi.
EXO 7:13 Go kina Pero dabana ikasa toina, tauna geya inovemeta, nakae Yauwe boi bogina idige.
EXO 7:14 E Yauwe ilatuwokoigu idigo kana, ‘Pero dabana ikasa, tuwo tomotayadi geya italigeidita bei sisowóduwo.
EXO 7:15 Go tauyana itomo nobuyana bei itáoya ina sákala Nairi goi go, kom mainao im kaituko boi imalaamoteta kukavāle kunāve Nairi kikina goi kuutāoya, tauyana kutuuyaōsi. Tutayana iwowoiwo sakalayana manuna,
EXO 7:16 e kulatuwōko kudīgo kam, “Yauwe kai Iberiu ima Yaubada ietunegu ama yaim. Tauyana idigo kana, ‘Guna bodao kutaligēidi bei sima yoyowo goi sisakululu yau yaigu.’ Go Kunōve. Ame lovinayana nava geya kukabikaoneyeta.
EXO 7:17 Tuwo Yauwe ibóbwara ame nakae, kana, ‘Guna guinuwa ame goi bei kuyagoigu bego Yau Yauwe.’ Kunōve. Aitukoyana nimagu goi sákala Nairi bwaena bei asapi imalaikaika.
EXO 7:18 Go íyana madabokidi Nairi goi sikaaiyaka bei sikámasa. Tuwo Nairi bwaena bei ibówana. Nakae komi da Itipita geya itoboinemita bwaenayana konim.”’
EXO 7:19 E aiyuwoina idigo kana, ‘Eroni kulatuwōko kudīgo kam, “Im kaituko kukābi kuyosāle Itipita bwaena liliudi yatanaidi goi, nakae sákala liliudi, oveya liliudi, otoku liliudi be dorom liliudi goi bei simalaikaika. Tuwo bwae Itipita madabokina goi imalaikaika. Idi kontena alova o gurewa nakae, bwae simalaikaika.”’
EXO 7:20 Tuwo Eroni be yau kana kaguinuwe nakae Yauwe ilatuwokoima. Aitukoyana Eroni ikatulagasi Pero mana pakonayao matadi goi go, Nairi bwaena isapi, e bwae liliuna Nairi goi simalaikaika.
EXO 7:21 Go Nairi iyaiyanidi sikaaiyaka madabokidi sikámasa, tauna Nairi bwae ibówana, e da Itipita geya itoboinedita sinim. Itipita goi madabokiina bwae simalaikaika.
EXO 7:22 E da Itipita idi tomemeyavayao idi méyava goi nakae siguinuwe. Tuwo Pero nava idaabakasa, e Eroni be yau geya inovemeta nakae Yauwe boi bogina idige.
EXO 7:23 E Pero itugavilema ikaluvila ina ina vada goi isiu go, ame manuna nakae geya inuwonuwoneta.
EXO 7:24 E da Itipita madabokidi sina Nairi kikina goi siélina adi bwae silusala. Bogina kuyagoi. Geya itoboinedita bwae sákala Nairi goi sinim.
EXO 7:25 E Yauwe Nairi bwaena isapi mlina maliyalina ana badabada ainima aiyuwo sikavava.
EXO 8:1 E Yauwe ilatuwokoigu idigo kana, ‘Kūna Pero kulatuwōko kudīgo kam, “Yauwe ibóbwara ame nakae, idigo kana, ‘Guna bodao kutaligēidi bei sima sisakululu yaigu.
EXO 8:2 Go neta kuvagagaledi, e am dodōkana. Bei kwekwe aetunedi siwo im kasa madabokina goi bei aliunemi.
EXO 8:3 Nakae kwekwe Nairi goi bei sibadabada, e bei sisinalaga sima im vada goi sisiu, im kaba masisi vabodaupaina goi be nakae kebam goi. Aiyuwoina bei im pakonayao be nakae da Itipita idi vada goi sisiu. Nakae imi kaba vaipolu goi sisiu be imi noko goi sisowoya.
EXO 8:4 Kwekweyadi bei sipela kom, im tomota be nakae im pakonayao yatami goi sitowo!’”’
EXO 8:5 E tuwo Eroni be yau kana Peroyana kalatuwoko. Ikavava, e Yauwe ilatuwokoigu idigo kana, ‘Eroni kulatuwōko aitukoyana iyosale sákala be oveya be nakae otoku yatanaidi goi, e bei kwekwe sisinalaga Itipita goi.’
EXO 8:6 Tuwo moitamo Eroni alituwoko ikavava, nimana ikatulagasi Itipita bwaedi ivasakikinakoidi, e kwekwe sisinalaga Itipita sivatum.
EXO 8:7 E kidi tomeméyava idi méyava goi nakae siguinuwe, e kwekwe sivaituwedi da Itipita idi kasa goi sisinalaga.
EXO 8:8 Tuwo Pero inuwonúwana, geya, Eroni be yau iduduwema kana ilatuwokoima idigo kana, ‘Yauwe yaina kokawanōi bei kwekwe ikabidi da Itipita be nakae yau yaima goi go, tomotayadi bei ataligeidi sina idi yoguyoguyao sigabudi sikasaledi Yauwe yaina.’
EXO 8:9 E adigo kagu, ‘Dedevina. Kom toinim kulovina ava tuta latuwom akawanoi kom be im pakonayao be da Itipita liliudi manumi bei kwekwe sikavava komi be nakae imi vada goi go, Nairi kaka goi bei sikaiyaka.’
EXO 8:10 ‘Itomo’, Peroyana kaena. Tuwo adigo kagu, ‘Nakae kudige bei isowóduwo, e bei kuyagoidoko bego geya vatau tayaamo ikaaiyaka nakae Yauwe ima Yaubada.
EXO 8:11 Kwekweyadi bei sikalavemi kom be im vada be im pakonayao be nakae da Itipita. Nairi kaka goi bei sikaaiyaka.’
EXO 8:12 E Eroni be yau katáoya Pero kakalave go, kasowóduwo. Kasowóduwo, ataiyaduduwo Yauwe yaina kwekwe boi iiyatoidi Pero yaina manudi.
EXO 8:13 E moitamo Yauwe iguinuwe nakae guna livala. Tuwo kwekweyadi da Itipita idi vada, idi kasa be nakae idi tánuwo goi sikamasa kówasa.
EXO 8:14 Ikavava, sakavaidi sivagugunidi gúguna badabadaaidi goi, tuwo asa ibówana.
EXO 8:15 E tutayana Pero igite kwekwe bogina sikavava, mainao aiyuwoina idabakasamna, tuwo Eroni be yau geya inovemeta nakae Yauwe boi bogina idige.
EXO 8:16 E Yauwe ilatuwokoigu idigo kana, ‘Eroni kulatuwōko kudīgo kam, “Im kaituko kuyosāle, poyapoya kaukauna kusāpi bei kaukauyana Itipita ana madabokina goi imaladimokíkila.”’
EXO 8:17 E tuwo moitamo nakae kaguinuwe. Aitukoyana Eroni iyosale, poyapoya kaukauna isapi. Ikavava, dimokíkila badabadaaidi sisowóduwo tomota be nakae yoguyogu goi. Poyapoya kaukauna madabokina Itipita ana madabokina goi imaladimokíkila.
EXO 8:18 E tomemeyavayadi madi méyava sipoikíkina poyapoya kaukauna goi dimokíkila sikaiwoduwedi go, geya itoboinedita. Tuwo dimokikilayadi tomota be yoguyogu yaidi goi sikaaiyaka.
EXO 8:19 E tomemeyavayadi Pero silatuwoko sidigo kadi, ‘Ame Yaubada ina togaga.’ Go kina Peroyana nava idaabakasa, tuwo geya inovemeta nakae Yauwe boi bogina idige.
EXO 8:20 E Yauwe ilatuwokoigu idigo kana, ‘Itomo nobuyana giyaina kutāoya, kusōu kuīwo sákala Nairi goi Pero kutuuyaōsi. Kunōve. Tauyana itomo nobuyana bei isou iiwo ina Nairi goi. Tutayana iwowoiwo bwae manuna kūna kulatuwōko kudīgo kam, “Yauwe ibóbwara ame nakae, idigo kana, ‘Guna bodao kutaligēidi bei sima sisakululu yaigu.
EXO 8:21 Go nakae bogina adige, neta guna bodao geya kutaligeidita, e am dodōkana. Nenéola badabadaidi bei aetunedi siwo kom, im pakonayao be da Itipita yaimi goi be nakae imi vada goi. Tuwo komi da Itipita imi vada be nakae poyapoya goi kootáoya nenéola bei sivatum.
EXO 8:22 Ago amo maliyalinayana goi guna bodao idi kasa Goseni bei atavileiyedi, e amoko goi nenéola geya sikaiyaketa. Moeko goi bei kuyagoidokoigu bego Yau Yauwe im kasa Itipita goi akaaiyaka.
EXO 8:23 Yau guna bodao be kom im bodao go, nauyayanaidi goi túwana bei ayato. Itomo ame aba kinanayana bei isowóduwo.’”’
EXO 8:24 E tuwo Yauwe iguinuwe nakae ilatuwokoigu go, Pero geya inoveguta. Tuwo nenéola badabadaidi sina Pero be nakae ina pakonayao idi vada goi sisiu. Neneolayadi da Itipita idi kasa madabokina sikaaigoyai.
EXO 8:25 E tuwo Pero inuwonúwana geya, Eroni be yau iduduwema kama ilatuwokoima idigo kana, ‘Kōna imi yoguyoguyao kogabūdi kokasalēdi imi Yaubada yaina go, ameko Itipita sinaena goi nakae koguinūwe.’
EXO 8:26 Go yau adigo kagu, ‘Moe geya itoboinemeta ameko Itipita sinaena goi nakae kaguinuwe. Kai bei yoguyogu kagabudi kakasaledi Yauwe ima Yaubada yaina go, kaga kagabugabu moe aba kalagíwala komi da Itipita matami goi. Nakona nakae kakasaledi go, kogitema, e giya gurewa goi bei kokaumatema.
EXO 8:27 Itoboine maliyalina aito goi kaketoiya kana yoyowo goi ima yoguyoguyao kagabudi kakasaledi Yauwe ima Yaubada yaina nakae boi bogina ilatuwokoima.’
EXO 8:28 Tuwo Pero idigo kana, ‘Bei ataligeimi kona yoyowo goi imi yoguyoguyao kogabudi kokasaledi Yauwe imi Yaubada yaina go, taabu kononōina aduwanau, go sem tupwana yomana goi. Go kokawanōi manugu.’
EXO 8:29 E adigo kagu, ‘Gwa! Ame bei akalavem go, ana akawanoi Yauwe yaina gobe itomo, nenéola sivagisiyasiya kom, im pakonayao be nakae da Itipita yaimi. Go kom sem, taabu aiyuwoina kupolapōla boi nakae im pola, e geya kutaligeimeta bego kana ima yoguyoguyao kagabudi kakasaledi Yauwe yaina.’
EXO 8:30 E tuwo atáoya Pero akalave go, asowóduwo ana akawanoi Yauwe yaina.
EXO 8:31 E Yauwe iguinuwe nakae akawanoi. Nenéola Pero, ina pakonayao be da Itipita liliudi yaidi goi ikabidi ikalavedi. Ikavava, geya kada tayaamo nenéola ikaaiyaka geya.
EXO 8:32 Go kina Peroyana nava idaabakasa boi nakae, tuwo tomotayadi geya italigeidita.
EXO 9:1 E Yauwe ilatuwokoigu idigo kana, ‘Kūna Pero kulatuwōko kudīgo kam, “Yauwe kai Iberiu ima Yaubada ibóbwara ame nakae idigo kana, ‘Guna bodao kutaligēidi bei sima sisakululu Yau yaigu.
EXO 9:2 Go neta kom kwatae go, kuvagagaledi,
EXO 9:3 e am dodōkana. Yau Yauwe imi yoguyoguyao ali sinaena bei amtulidi vísiya toogagaina toina goi. Yoguyoguyadi ame nakae: Imi osiyao, imi aseyao, imi kameriyao, imi bulumakauyao be imi sipiyao.
EXO 9:4 Ago Yau Yauwe guna guinuwa goi Isileli tubunao idi yoguyoguyao akimasabedi ituli, da Itipita idi yoguyoguyao ituli, e bei kidi Isileli tubunaoyadi goi geya kada tayaamo yoguyogu bei itagau geya.’”’
EXO 9:5 E visiyayana ana tuta Yauwe iupe idigo kana, ‘Itomo Yau Yauwe ame visiyayana Itipita goi bei aguinuwe.’
EXO 9:6 E tuwo moitamo vanuwo itomo Yauweyana nakae iguinuwe. Da Itipita idi yoguyoguyao badabadaidi imtulidi sikámasa go, kai Isileli tubunao ima yoguyoguyao goi geya kada tayaamo ikámasa geya.
EXO 9:7 E Pero ina topaisewayao ietunedi sina Isileli tubunao ima yoguyoguyaoyadi sigitedi nakona sikámasa o geya. Go sinonoina, sigite, geya kada tayaamo ikámasa geya. Sigite ikavava, sikaluvilamna sina Pero silatuwoko go, Pero nava idaabakasa, tuwo tomotayadi geya italigeimeta.
EXO 9:8 E Yauwe Eroni be yau ilatuwokoima idigo kana, ‘Kōna nimami goi silekau kotavayāili. Ikavava, kōna Pero matana goi, e kom, Mosese, kwalalagāsi ituko ina yábana dadavina.
EXO 9:9 Silekauyana bei imalakaukau, e Itipita ana madabokina ivatum. Ivatum, rarawa bei sisowóduwo tomota be yoguyogu yaidi goi simalapotu.’
EXO 9:10 Tuwo moitamo kana silekau nimama goi katavayaili. Ikavava, kana Pero matana goi katáoya go, silekauyana akalalagasi itasapasapa, e rarawa sisowóduwo tomota be yoguyogu yaidi goi simalapotu.
EXO 9:11 E da Itipita idi tomemeyavayadi adi rarawa pasidi geya itoboinedita matagu goi sitáoya. Bogina kuyagoi. Kidi nakae da Itipita madabokidi madi rarawa go, sikawoiva.
EXO 9:12 E Yauwe Pero dabana ikaukase, e geya inovemeta nakae Yauwe boi bogina ilatuwokoigu.
EXO 9:13 E Yauwe ilatuwokoigu idigo kana, ‘Nobuyana giyaina kutāoya kūna Pero matana goi kulatuwōko kudīgo kam, “Yauwe kai Iberiu ima Yaubada ibóbwara ame nakae, idigo kana, ‘Guna bodao kutaligēidi bei sima sisakululu Yau yaigu.
EXO 9:14 Ame tutayana goi guna liuna liliudi bei aetunedi siwo kom, im pakonayao be nakae da Itipita madabokimi yaimi, e bei koyagoi bego geya kada vatau tayaamo poyapoya ana madabokina goi Yau nakae.
EXO 9:15 Boi nimatu ima ame tuta itoboinegu bego nimagu abisisobu kom be nakae im bodao vísiya goi asapimi bei madabokimi poyapoya ame goi atauwemi.
EXO 9:16 Go ame pasina atagonem maa yawoim: Latuwogu guna togaga avatulukoim go, aiyuwoina bei valegu inúnuwo ina poyapoya ana madabokina goi.
EXO 9:17 Go mam kamanamana guna bodao nava geya kutaligeidita.
EXO 9:18 Go am dodōkana! Itomo ame niyalayana nakae kúwana kasakasaidi guregurewa igoyo toina nakae bei aetune iwo. Ame kuwanayana geya tayaamo tuta tomota Itipita goi sigite boi Itipita igimisowóduwo go, ima ame tuta geya.
EXO 9:19 Tauna ame tuta vala kuetūne im bodao liliudi yaidi bego idi yoguyoguyao simedi idi vada goi sikaiyaka, e bei dedevidi. Tomota liliudi be nakae yoguyogu liliudi neta moetala goi sikaaiyaka, bei kuwanayana isou isamatedi sikámasa.’”’
EXO 9:20 E kidi go Pero ina pakonayao yaidi goi avatauwa neta Yauwe ina livala sitaaimamine, e idi topaisewayao be nakae idi yoguyoguyao sisiyaedi sinavedi vada goi sikaiyaka dedevidi.
EXO 9:21 Go avatauwa neta Yauwe ina livala geya sinoveyeta, e idi pakonayao be nakae idi yoguyoguyao sikalavedi moetala goi sikaiyaka.
EXO 9:22 E Yauwe ilatuwokoigu idigo kana, ‘Nimam kuyosāle yábana kuvasakikināko bei kúwana kasakasaidi sisou sima kaga liliuna Itipita ana madabokina goi sibugoyaidi. Nakae tomota, yoguyogu be tánuwo.’
EXO 9:23 E tuwo moitamo guna kaituko ayosale yábana avasakikinako. E kina go Yauwe kúwana kasakasaidi ma palapalaidi be nakae ma kavilidi ietunedi sisou sina Itipita goi.
EXO 9:24 E kúwana kasakasaidi be nakae ma kavilina sisousou, e igoyo toina nakae geya tayaamo tuta tomota Itipita goi sigite. Boi Itipita igimisowóduwo ima ame tuta nakae geya.
EXO 9:25 E kuwanayadi sisou kaga liliuna Itipita ana madabokina goi sisamatedi, tomota be nakae yoguyogu. Nakae kaga liliuna tánuwo goi be nakae alova liliudi, madabokina sisamatematedi.
EXO 9:26 Go asa Goseni goi kai Isileli tubunao kakaaiyaka go, ame asayana kúwana kasakasaidi geya sisouta geya.
EXO 9:27 E tuwo Pero vala ietune ima Eroni be yau iduduwema kana. Kana, ilatuwokoima idigo kana, ‘Ame tuta bogina agoyo. Kina Yauwe tokibóbwata go, yau be nakae da Itipita liliuma toogoyoima.
EXO 9:28 Tauna kokawanōi Yauwe yaina. Ina palapala be ina kúwana kasakasaidi bogina tuwo, oma ikai. Bei ataligeimi kona. Moitamo toina. Geya tuwaina ameko goi kokaiyāka.’
EXO 9:29 E adigo kagu, ‘Tutayana im kasa ame goi asowóduwo, nimagu bei akatulagasidi akawanoi Yauwe yaina. Palapala mainao bei sisayata be kúwana kasakasaidi geya tuwaina sisou, e bei kuyagoi bego poyapoya ana madabokina moe Yauwe ina kaba lovina.
EXO 9:30 Go kom mam pakonayao, e bogina ayagoimi bego nava Yauwe Yaubada geya komatoiteyeta.’
EXO 9:31 Ego ebulu saleoina bogina ididi, bali bogina sikéuwo go, kuwanayana isou isamaumauidi, tauna sigoyo bogina.
EXO 9:32 Go witi nava geya sididita, tauna geya isamaumauidita.
EXO 9:33 E tuwo atáoya, Pero akalave, ina kasa goi asowóduwo, abala ana nimagu akatulagasidi Yauwe yaina akawanoi. Tuwo palapala be kúwana kasakasaidi sisayata, nakae kúwana geya tuwaina isou poyapoya goi.
EXO 9:34 E tutayana Pero igite bego kúwana, kúwana kasakasaidi be palapala sisayata, aiyuwoina igoyomna, e kina mana pakonayao taiyao dabadi sikasa.
EXO 9:35 Tuwo Pero dabana ikasa, kai Isileli tubunao geya italigeimeta bei kasowóduwo nakae boi Yauwe bogina ilatuwokoigu bei siguinuwe.
EXO 10:1 E Yauwe ilatuwokoigu idigo kana, ‘Aiyuwoina kūna Pero goi kukawanōi guna bodao manudi. Tauyana mana pakonayao dabadi bogina akaukasedi. Ame nakae aguinuwe bei ameko goi Yau guna kaba kinana kidi yaidi aguinuwedi
EXO 10:2 be nakae kovatétala natumiyao be tubumiyao yaidi manakaegu da Itipita akaiwotetedi be nakae guna kaba kinanayadi yaidi goi aguinuwedi. Moeko goi koyagoigu bego Yau Yauwe.’
EXO 10:3 E tuwo moitamo Eroni be yau kana Pero kalatuwoko kadigo kama, ‘Yauwe kai Iberiu ima Yaubada ibóbwara ame nakae, idigo kana, “Kom sivavina nakae nava kuukatae bego kwatetagonem Yau yaigu? Guna bodao kutaligēidi bei sima sisakululu Yau yaigu!
EXO 10:4 Go neta kwatae, am dodōkana. Yau itomo bei tatabole amedi im kaba lovina goi.
EXO 10:5 Tataboleyadi poyapoya ana madabokina bei sivatum, nakae bei geya itoboinemita poyapoya kogite. Kaga liliuna boi kúwana kasakasaidi geya sisamaumauidita be nakae alova liliudi sidugo, e tataboleyadi bei silokanidi.
EXO 10:6 Kom be im pakonayao nakae da Itipita liliumi imi vada bei sivakayaodeidi. Ame dogoiyana geya kada tayaamo tuta tamamiyao be tubumiyao yaidi isowóduwo geya, adi bíbina kunu goi ima ame tutayana goi geya.”’ Abóbwara ikavava, ama taiyuwo katugavila Pero goi kasowóduwo kana.
EXO 10:7 Tuwo Pero ina pakonayao silatuwoko sidigo kadi, ‘Sivavina nakae bei amo tauyana kutagone mou goi iyowóida? Tomota kutaligēidi bei sina sisakululu Yauwe idi Yaubada yaina. Manakae? Nava geya kuyagoiyeta bego Itipita ana madabokina bogina sibugoyai?’
EXO 10:8 Sibóbwara ikavava, Pero ietunedi sima Eroni be yau sikabima kakaluvilamna kana. Kana ilatuwokoima idigo kana, ‘Kōna kosakulūlu Yauwe imi Yaubada yaina. Ego avatau avatau bei taiyao kona?’
EXO 10:9 Adigo kagu, ‘Liliuma, tubuwau be woiyai, tomoyamoya be namoyamoya, natumao koroto be vevina, e nakae ima yoguyoguyao, sipi be bulumakau taiyao kanavedi. Bogina kuyagoi. Uyáwana aikanina itoboine kaodugu Yauwe yaina.’
EXO 10:10 Go kina Peroyana idigopopóita kana, ‘Moitamo, kadago Yauwe imi Yaubada bei ivakiitaumi nakae kom mam bodao kadago bei ataligeimi. Kunōve. Ayagoi komi konuwotulu.
EXO 10:11 Tauna geya. Kaga kom kudige moe geya. Kōna. Komi koroto amitava kōna kosakulūlu Yauwe yaina. Moe nakae bogina kokawanoiye.’ Pero ibóbwara ikavava, e matana goi Eroni be yau sivatapiyema.
EXO 10:12 E tuwo Yauwe ilatuwokoigu idigo kana, ‘Nimam kuyosāle Itipita yatanaina goi bei tatabole sima Itipita alovaina be naunina liliudi silokanidi, nakae kaga liliuna boi kúwana kasakasaidi geya sisamaumauidita sikanidi.’
EXO 10:13 Tuwo moitamo guna kaituko ayosale Itipita yatanaina goi. E kina go Yauwe yágira bomatu ietune ima Itipita goi go, ame maliyalina ana madabokina be sabamgo ana madabokina goi itowotowo. E vanuwo itomo tatabole bogina iyawoisavedi sima Itipita.
EXO 10:14 E tataboleyadi sina Itipita ana madabokiina sivatum. Tauyadi badabada sisaki, nakae boi nimatu nakae geya go, bei tuta simamaima nakae geya.
EXO 10:15 Poyapoya ana madabokina sivatum, tuwo poyapoyayana ikalakoiwo. Náuna be alova keuwoidi, nakae kaga liliuna kúwana kasakasaidi geya sisamaumauidita madabokina silokanidi. Silokanidi ikavava, geya kada kaga tayaamo vakalakalaoina Itipita sinaena ikaaiyaka.
EXO 10:16 E tuwo Pero woilina vala ietune ima Eroni be yau iduduwema kana. Kana ilatuwokoima idigo kana, ‘Bogina agoyo Yauwe imi Yaubada yaina be nakae komi yaimi.
EXO 10:17 Tauna guna bágala sivatayamo konuwotāo be nakae kokawanōi Yauwe imi Yaubada yaina bei nakona ámasa ame ikabi inave.’
EXO 10:18 E tuwo yau ma siyagu katáoya Pero goi kasowóduwo kabala kana go, akawanoi Yauwe yaina.
EXO 10:19 E tuwo Yauwe yágira toogagaina koiboga ietune ima, e tataboleyadi iyawoisavedi sina Négwasa Kayakayaina goi sisalili. Tauna geya kada tayaamo tatabole Itipita sinaena ikaiyaka geya.
EXO 10:20 Ago Yauwe Pero dabana ikaukase, e kai Isileli tubunao geya italigeimeta.
EXO 10:21 E tuwo Yauwe ilatuwokoigu idigo kana, ‘Nimam kuyosāle yábana kuvasakikināko bei Itipita ana madabokina goi kokonótuya isowóduwo. Nakae kokonotuyayana itoboinedi silotowo.’
EXO 10:22 E tuwo moitamo guna kaituko ayosale yábana avasakikinako, e Itipita ana madabokina goi kokonótuya isowóduwo go, kokonotuyayana maliyalina aito goi ikaaiyaka.
EXO 10:23 Tomota geya itoboinedita sediyao sigitedi be nakae kebadi goi geya sitaoeta maliyalina aito sinaedi. Kai go Isileli tubunao ima kasa goi imavada.
EXO 10:24 Tuwo Pero vala ietune ima iduduwegu ana ilatuwokoigu idigo kana, ‘Kōna kosakulūlu Yauwe yaina. Gogómana nakae itoboinedi taiyao kona go, imi yoguyoguyao, nakae imi bulumakauyao be imi sipiyao, tuwo sikaiyaka ameko.’
EXO 10:25 E yau sem adigo kagu, ‘Geya. Kom kutagonēma ima yoguyoguyao vininabeso manuna nakae kanavedi bei maniyedi kagabudi, maniyedi kavakasavedi go, kakasaledi Yauwe yaina.
EXO 10:26 Ima yoguyoguyao nakae kanavedi. Geya tayaamo bei ikaiyaka geya. Bogina kuyagoi. Ima yoguyoguyadi yaidi goi maniyedi bei kagabudi kasakululu Yauwe ima Yaubada yaina. Go kai geya kayagoiyeta ava yoguyoguva ana kadókana kana amoko goi kasakululu Yauwe yaina, e bei kayagoi.’
EXO 10:27 E kina Yauwe Pero dabana ikaukase, e Peroyana geya italigeimeta.
EXO 10:28 E tuwo idigo kana, ‘Ame tuta kwalavēgu! Am dodōkana. Taabu kumamāima! Neta kuma maisigu kugite, bei kukāmasa!’
EXO 10:29 E yau sem adigo kagu, ‘Moe kubóbwara moitamo! Maisim bei geya agitemneiyeta geya.’
EXO 11:1 E Yauwe ilatuwokoigu kana, ‘Tayamo vísiya tuwaina bei Pero nakae da Itipita liliudi avinidi namliyeta baige italigeimi bei ameko goi kosowóduwo. Tutayana italigeimi, moitamo toina bei ivatapiyekowosimi.
EXO 11:2 Amo tutayana tomota kulatuwokōidi tamo tamo sina da Itipita yaidi kónana siriba be goura sikawanoiyedi go, bei sivinidi.’
EXO 11:3 E Yauwe anuwóiya goi da Itipita nuwodi igudalidi, e ina bodao anuwóiya sibabane da Itipita yaidi. Yau nakae. Pero ina pakonayao be da Itipita liliudi matadi goi yau koroto gagaigu.
EXO 11:4 E tuwo ana Pero alituwoko adigo kagu, ‘Yauwe ibóbwara ame nakae, idigo kana, “Nabunatoina goi komi da Itipita bei awokoimi.
EXO 11:5 Imi botomoyayao koroto liliudi Itipita goi bei sikámasa. Kom Pero toolagaim im botomoya bei ikámasa be nakae im pákwana vavina, tauyana toosobuna, ina botomoya bei ikámasa. Imi yoguyoguyao adi botomoyayao bolamo nakae bei sikámasa.
EXO 11:6 Tuwo Itipita ana madabokiina goi vataitáiya gagaina bei konove. Geya kada tayaamo tuta taiyayana ame nakae geya. Boi nimatu nakae geya, e tuta simamaima bei nakae geya.
EXO 11:7 Kidi go Isileli tubunao goi mge geya toina, nakae geya tayaamo weiniya bei igou tomota be yoguyogu yaidi. Moeko goi bei koyagoigu Yau Yauwe Isileli tubunao akimasabedi ituli, e komi da Itipita ituli.”
EXO 11:8 Tuwaina Yauwe idigo kana, “Im pakonayao liliudi bei sima aedi sivatugúyala Yau yaigu kadi, ‘Komi kosīya! Kom be nakae tomota liliudi sisabookuliyem kotāoya kosīya!’ Moe mlina bei Itipita akalave.” Tauna nakae Yauwe ibóbwara.’ Abóbwara ikavava, e magu egamogamogu gagaina Pero goi asowóduwo.
EXO 11:9 E Yauwe ilatuwokoigu idigo kana, ‘Pero geya inovemta bei yau itoboinegu guna guinuwa aba kainaopa avaituwedi da Itipita yaidi.’
EXO 11:10 E kina go Eroni be yau guinuwa aba kainaopayadi liliudi Pero matana goi kaguinuwedi go, Yauwe Pero dabana ikaukase, e ina kasa Itipita goi kai Isileli tubunao geya italigeimeta.
EXO 12:1 E Yauwe Eroni be yau Itipita goi ilatuwokoima idigo kana,
EXO 12:2 ‘Tukówana ame moe tukówana liliudi adi kaba vatowo komi manumi, nakae ame tukowanayana moe imi tala ana kaba vatowo.
EXO 12:3 Kōna semiyao Isileli tubunao liliudi kolatuwokōidi kodīgo kami, “Ame tukowanayana sinaena maliyalina yawou goi bodayáuwo adi tolovinayao tamo tamo kōna lami moe sipi bonatuna tamo tamo koyoisīdi; tauna lami tayamo bodayáuwo tayamo.
EXO 12:4 Go neta bodayáuwo ana tolovina tayamo ina boda geya sibadebadeta, e siyana ina vada kikina taiyao silamgógana bei sivakalo. Sivakalo itobu bei tauyadi sina lami siyóita. Siyóita, sikáika bei yoiyadi.
EXO 12:5 Ami lamiyadi kokinavēdi ame nakae: Bolamo geya situbugoyogoyoita nakae adi tala tayamo. Komi imi yóita toinimi kolovina imi sipiyao yaidi o imi gotiyao yaidi.
EXO 12:6 Koyoisidi ikavava, komēdi imi vada goi komatakavatēdi ana kadókana ame tukowanayana maliyalina yawou aivasi goi. Amo maliyalinayana lavilavi goi komi Isileli tubunao liliumi imi lami bei kokaumatēdi.
EXO 12:7 Kokaumatedi ikavava, lamiyadi ikaikaidi kokabīdi, e vadayadi goi kokakáika totomdi dadavina dadavina be nakae diligaemaina komigīdi, e moe ami kaba kinana.
EXO 12:8 Ikavava, lami iwoidi kogabūdi, e amo sabamgoyana goi kokāika go, beredi pokaka be pai tamatamaina taiyao kogōbe.
EXO 12:9 Taabu iwoidiyadi maamaidi kokakāika o taabu kovaaipolūdi, go sem kogabūdi; bulubuluna be aena be kaga liliuna posinae sinaena taiyao kogabūdi.
EXO 12:10 Vanuwo itomo taabu tayamo talaina ikesakēsa. Neta talaina tayamo ikesa, tuwo kogābu bei kovakasave.
EXO 12:11 E kokāika ame nakae: Ami kwama bogina kolosīdi imi koidádana manuna, imi sendoro nakae bogina kovalilivīdi, imi kaituko nimami goi, e woilīmi kokaika wowōila imi siya manuna. Ame aikayana moe Basitáwana Aikanina Yau Yauwe umagu.
EXO 12:12 Amo sabamgoyana goi bei asiu Itipita ana madabokina avanibisi go, botomoya koroto liliudi asayana goi bei alauidi, tomota be yoguyogu. Da Itipita idi basaleliuyao liliudi bei aliunedi. Yau Yauwe.
EXO 12:13 Lamiyadi ikaikaidi moe komi ami kaba kinana vadayadi goi kokaaiyaka. Tutayana ikaikayana agite, bei abasitaoimi, tuwo komi geya kada tayaamo vísiya bei iwo ilauimi geya, tutayana da Itipita alauidi.
EXO 12:14 Ame maliyalinayana moe aba nuwokavata yaimi. Tala tamo tamo maliyalinayana goi uyáwana aikanina koowodūgu Yau yaigu bei konuwookavate kaga Yau Yauwe aguinuwe manumi. Ame malamalagatayana be nakae malamalágata simamaima kowodūgu. Ame lovinayana ikaiyako vāta yaimi.
EXO 12:15 Maliyalina ana badabada ainima aiyuwo goi beredi pokaka kokakāika. E maliyalina vakuumgoina goi isti imi vada sinaedi kokabīdi kokalavēdi. Avatau neta beredi mana isti ikakáika amo maliyalina ainima aiyuwo goi, e tauyana komi Isileli tubunao yaimi goi kolivisīye.
EXO 12:16 Maliyalina vakuumgoina be nakae maliyalina ainima aiyuwoina goi kotugūguna tugúguna kimaasabaina manuna. Amo maliyalinayadi aiyuwo goi paisewa liliudi geya, go sem tayamo paisewa tauna itoboine moe kovaipolūmo.
EXO 12:17 Beredi Pokaka Aikanina koowodūgu. Bogina koyagoi. Ame maliyalinayana komi badabadaaimi dala dala goi akabimi Itipita goi anavemi. Ame lovinayana ikaiyako vata yaimi, tauna malamalágata tamo tamo simamaima bei siiwodugu.
EXO 12:18 Aikaniyana kokāika ame nakae: Tukówana vakuumgoina ana maliyalina yawou aivasi lavilavina goi beredi pokaka kokakāika ana kadókana maliyalina ainima aiyuwo lavilavina goi.
EXO 12:19 Maliyalinayadi ainima aiyuwo goi isti taabu ikaaiyāka imi vada sinaedi. Avatau neta beredi mana isti ikáika, e tauyana komi Isileli tubunao liliumi yaimi goi kolivisīye. Nakae koguinūwe neta tauyana tomalatonikasa yaimi o neta ibíbina yaimi.
EXO 12:20 Geya kada kaga tayaamo mana isti imi kaba kaiyaka liliudi goi kokāika geya, go sem beredi pokaka kokakāika.” Tauna nakae semiyao Isileli tubunao kolatuwokōidi.’
EXO 12:21 E Yauwe ibóbwara ikavava, yau ana Isileli tubunao adi tomoyamoya aduduwedi sima alatuwokoidi adigo kagu, ‘Tāna ida lamiyao o ida gotiyao takinavēdi, e tayoisīdi ida bodayáuwo manudi. Ikavava, lamiyadi takaumatedi Basitáwana Aikanina manuna.
EXO 12:22 Takaumatedi ikavava, lamiyadi ikaikaidi noko goi tasaligogōidi. Ikavava, náuna tayamo yoina isopi ma patumidi takabīdi, nokoyana goi tasavakutuīdi. Ikavava, ida vada totomdi dadavina dadavina be nakae diligaemaina tamigīdi. Geya vatau tayaamo kita yaida ina vada goi isowōduwo, go sem madabokida ida vada sinaedi goi takaiyāka ana kadókana vanuwo itomo.
EXO 12:23 Yauwe Itipita goi bei isiu ivaníbita, e da Itipita ilauidi. Go tutayana ikaikayana ida vada totomdi dadavina dadavina be diligaemaina goi igite, e vadayadi bei ibasitaoidi go, ina tómtula geya itagoneyeta isiu ilauida.
EXO 12:24 Moe sinapuyana taguinūwe ada lovina nakae. Lovinayana ikaiyako vata kita, natudao be nakae tubudao yaida.
EXO 12:25 E tutayana tasiu poyapoya Yauwe bei iivinida nakae boi ikatotule, tapwaroro ame ana sinapu taguinūwe.
EXO 12:26 Tutayana natudao silumadádana kadi, “Kaga unana tapwaroro ame ana sinapu taguinuwe?”
EXO 12:27 e kita bei kada, “Yoguyogu ame takauumatedi moe Yauwe ina Basitáwana ana vininabeso manuna. Vininabesoyana goi Yauwe tanuwookavāte manakaena kita Isileli tubunao ida vada Itipita goi ibasitaoidi tutayana da Itipita ilauidi go, kita iyaveda.”’ Abóbwara ikavava, e tomota liliudi aedi sivatugúyala sisakululu Yauwe yaina.
EXO 12:28 Sisakululu ikavava, sisáwala sina siguinuwe nakae Yauwe boi Eroni be yau ilatuwokoima.
EXO 12:29 E nabunatoina goi Yauwe ina da Itipita idi botomoyayao liliudi ilauidi. Pero tauyana toolagaina ina botomoya iláui nakae deri ana tokaiyaka, tauyana toosobuna ina botomoya iláui, nakae idi yoguyoguyao idi botomoyayao bolamo ilauidi.
EXO 12:30 Amo sabamgoyana goi Pero be ina pakonayao be nakae da Itipita liliudi sitáoya, sivataitáiya gagaina. Bogina koyagoi. Vada tamo tamo Itipita sinaena ámasa. Geya kada tayaamo vada geya.
EXO 12:31 Tuwo sabamgoyana goi Pero vala ietune ima Eroni be yau iduduwema kana. Kana ilatuwokoima, idigo kana, ‘Kotāoya, kōna! Kōna! Komi ami taiyuwokova semiyao Isileli tubunao liliudi taiyao kōna! Yau guna bodao taiyao kokalavēma go, kōna kosakulūlu Yauwe yaina nakae boi kokawanoi makimaki.
EXO 12:32 Imi yoguyoguyao liliudi nakae konavēdi nakae boi kokawanoi makimaki. E woilīmi kotaoyāmo kōna! Go mainao Yaubada yoina goi yau nakae kokaipakuyēgu.’
EXO 12:33 Da Itipita sivatuwowonema kadi, ‘Woilīmi! Ima kasa kokalāve, kosowōduwo kōna!’ Idi nuwonúwana kadi, ‘Neta ame tomotayadi sikaaiyaka yaida, kita kaamasida!’
EXO 12:34 E tuwo moitamo kai Isileli tubunaoyama mainao ama parawa ma nokoidi kakabidi go, parawayana ma kanaapoivina nava isti geya, unana woilima kana, tauna parawayana geya ibibineta. Parawa ma nokoidiyadi areko sinaena goi kautubedi kakavaledi kanavedi.
EXO 12:35 Ego tauyadi siguinuwe nakae boi alatuwokoidi. Tuwo sina da Itipita yaidi siriba, goura be nakae kwama manudi sitalagogoda.
EXO 12:36 E kina go Yauwe anuwóiya goi da Itipita nuwodi igudalidi, e yaidi goi ina tomotayadi anuwóiya sibabane, tuwo da Itipita konadi liliudi sitalagogodedi.
EXO 12:37 E kai Isileli tubunao katáoya, asa Ramasesi goi kasowóduwo, kaketoiya kana asa Sukota. Koroto ama badabada moe 600,000 go, vevina be nakae gogómana geya adi katuyaivamo.
EXO 12:38 Ego maniyedi ituli ta bodao nakae sisakurikuriyema taiyao kana. Yoguyogu badabadaidi kanavedi: Bulumakau, sipi be goti.
EXO 12:39 Ego ima ketoiya goi parawayana Itipita goi kaanavedi kakabidi kagabudi moe ima beredi pokaka kaodugudi. Boi parawayana geya ana isitimo. Bogina kuyagoi. Da Itipita sivatapiyema kana, tauna geya itoboinemeta kakaimúmuna bego isti ima parawa goi kapopoli be nakae ama kinare ima ketoiya manuna kakatubayasidoko.
EXO 12:40 E kai Isileli tubunao ima tuta Itipita goi bogina kakaiyaka moe tala ana badabada 430.
EXO 12:41 Tala 430 ana maliyalina ana kaba lukavava goi Yauwe ina bodao madabokiima Itipita goi kasowóduwo.
EXO 12:42 Ego amo sabamgoyana goi Yauwe imatakaavatema, e Itipita goi imema, tauna liliuma itoboinema sabamgoyana tala tamo tamo goi kakimasabe Yauwe umana be kanuwokavate manakaena imatakavatema malamalágata ame be nakae malamalágata simamaima yaidi nakae.
EXO 12:43 E Yauwe Eroni be yau ilatuwokoima idigo kana, ‘Ame Basitáwana Aikanina ana lovina: Kidi ogaoga liliudi Aikayana taabu sikakāika.
EXO 12:44 Go imi pakonayao boi kogimonedi komedi, neta sakavaidi sikupoidi, e itoboinedi sikáika.
EXO 12:45 Tomalatonikasa yaimi sikaaiyaka be nakae topaisewa koeemaisidi, taabu sikakāika.
EXO 12:46 Vada tayamo sinaena goi Basitáwana Aikanina ana yoguyogu tayamo kovaipōlu kokāika. Yoguyoguyana iwoina taabu kokavalaaoduwēdi moetala goi. Luluna taabu kokiguuyalīdi, govila bei tomota sakavaina geya ana kupwanamo íwaya ibabane ikáika.
EXO 12:47 Go Isileli ina bodao madabokiimi lovinayana kokabiikaōne.
EXO 12:48 Neta tomalatonikasa mana bodao simalatonikasa yaimi go, latuwodi Basitáwana Aikanina sikáika Yau Yauwe umagu, e mainao koroto liliudi yaidi goi sakavaidi sikupōidi namliyeta baige sisiukōimi bei sikáika. Moeko goi adi kaigigita sibíbina komi Isileli tubunao nakae. Go avatau neta sakavaina geya ikupoeta, e taabu ikakāika.
EXO 12:49 Lovina tayamo ikaaiyaka komi Isileli tubunao manumi be nakae tomalatonikasa yaimi goi manudi. Lovinayana ame nakae: Avatau neta sakavaina geya ana kupwanamo, geya ikaiketa.’
EXO 12:50 Tauna nakae Yauwe ilatuwokoima. Tuwo moitamo Isileli tubunao liliudi siguinuwe nakae kaga liliuna bogina Eroni be yau ilatuwokoima.
EXO 12:51 Amo maliyalinayana goi Yauwe ikabima, Itipita goi imema, badabadaaima dala dala goi kaketoiya.
EXO 13:1 E Yauwe ilatuwokoigu idigo kana,
EXO 13:2 ‘Botomoya koroto liliudi kukimasabēdi yau umagu. Tomota idi botomoyayao liliudi be yoguyogu idi botomoyayao liliudi moe yau guna kaba lovina.’
EXO 13:3 E ana tomotayadi alatuwokoidi adigo kagu, ‘Maliyalina ame tanuwokavāte. Ame Itipita goi tasowóduwo. Boi komi da Itipita idi pakonayao go, ame ataligeimi. Moitamo. Yauwe ina togaga goi ikabida Itipita goi imeda. Ame maliyalinayana goi beredi mana isti taabu takakāika.
EXO 13:4 Ame tuta tukówana Abib goi Itipita bei takalave.
EXO 13:5 E Yauwe bei inaveda kidi Kenani tubunao, Eta tubunao, Emori tubunao, Ivai tubunao be nakae Iyebusi tubunao idi poyapoya goi. Boi tubudao yaidi Yauwe ikatotule bego ivinidi. Poyapoyayana maaliina be lobooinina. E tutayana inaveda tana poyapoyayana goi, tala tamo tamo tukówana ame Abib goi ame tapwaroro ana sinapuyana taguuinūwe.
EXO 13:6 Sinapuyana ame nakae: Maliyalina ana badabada ainima aiyuwo goi beredi pokaka takakāika go, maliyalina ainima aiyuwoina goi uyáwana aikanina taodūgu Yauwe yaina.
EXO 13:7 Beredi pokaka maliyalina ainima aiyuwo goi takakāika. Taabu beredi mana isti yaida goi ikaaiyāka, e nakae ida kaba lovina goi isti geya.
EXO 13:8 Amo tutayana natudao koroto talatuwokoidi kada, “Ame sinapuyana takabikaone unana boi Yauwe ina vaita goi kai Itipita goi kasowóduwo.”
EXO 13:9 Ame sinapuyana aba kinana tayamo o aba nuwokavata tayamo yaida nimada goi o dabada goi tasiko bego Yauwe ina Katukeda sopada goi ikaaiyaka. Aba nuwokavatayana pasina Yauwe nimana toogagaina goi ikabida be Itipita goi imeda bei konuwokavāte.
EXO 13:10 Tauna tala tamo tamo ame lovinayana takabikaonevatāe.
EXO 13:11 E Yauwe bei inaveda Kenani tubunao idi poyapoya goi nakae boi ikatótula kita be nakae tubudao yaida. Tutayana poyapoyayana ivinida,
EXO 13:12 ida botomoyayao koroto liliudi be nakae ida yoguyoguyao idi botomoyayao bolamo liliudi bei takimasabēdi Yauwe umana. Botomoyayadi moe Yauwe ina kaba lovina.
EXO 13:13 E ida ase adi botomoyayao bolamo lami ana kasala goi tatatetēdi go, neta geya tatatetedita, e nukotodi takiguyalīdi. Go ida botomoyayao koroto, e liliudi tatatetēdi.
EXO 13:14 E tutayana natudao silumadadeda kadi, “Moe sinapuyana kaga ana yagoina?” e kita kada, “Boi Itipita goi kai da Itipita idi pakonayao go, Yauwe ina togaga gagaina goi ikabima, Itipita goi imema.
EXO 13:15 E boi Itipita goi Pero dabana ikasa, tauna geya italigeimeta bei kasowóduwo, tauna Yauwe ima da Itipita idi botomoyayao koroto be yoguyogu bolamo ikaumatedi. Moe pasina kita ida yoguyoguyao bolamo liliudi takasaledi Yauwe yaina go, ida botomoyayao koroto tatatetedi.”
EXO 13:16 Ame aba kinana yaida nimada o dabada goi tasikosiko bego tanuwokavate Yauwe manakaena nimana toogagaina goi ikabida, Itipita goi imeda.’
EXO 13:17 E tutayana tomotayama kina Pero italigeima, e Yaubada ivakedema kana go, geya da Palisiti idi kenao goi geya. Ame yomana go, ina nuwonúwana kana, ‘Govila bei yaviya sibabane, e simatoita. Novala bei nuwodi sikatuvilavila go, sikaluvila sina Itipita.’
EXO 13:18 Tuwo ivakedema kana enao yoyowo goi kavanibisi kana Négwasa Kayakayaina goi. E mama katubayasi yaviya manuna Itipita goi kasowóduwo katukotuko.
EXO 13:19 E yau ana Iyosepa luluna akabi anave. Boi Iyosepa Isileli natunao ilatuwokoidi kana, ‘Moitamo Yaubada bei iwo ivaitemi go, ame tuta kokatōtula yaigu bego tutayana Yaubada ikabimi, e lulugu kokabidi konavedi Kenani goi kovaliwogedi.’
EXO 13:20 E tuwo Sukota goi katáoya, kana Etam goi katunagu. Moe yoyowo kikina.
EXO 13:21 E kina go Yauweyana ivakumgooiyema enao ivakedema. Maliyalina goi Tauyana gaota taaoyaina sinaena ivakedema. Go sabamgo goi Tauyana yeu sabeninimina taaoyaina sinaena ivakedema bei imavadema, e bei itoboinema maliyalina be sabamgo kaaketoiya.
EXO 13:22 Gaota taoyainayana maliyalina goi, e yeu taoyainayana sabamgo goi, aiyuwokova geya sikalavemeta.
EXO 14:1 E Yauwe ilatuwokoigu idigo kana,
EXO 14:2 ‘Kūna Isileli tubunao kulatuwokōidi sikaluvila sina Pi Akirota kikina goi situnagu. Moe asa Migadoli be Négwasa Kayakayaina nauyayanaidi go, asa Baala Saponi kikina. E Negwasayana kikina kotunāgu.
EXO 14:3 Latuwogu Pero igitemi, bei inuwonúwana kana, “Nakona kidi Isileli tubunao nukotodi siwówana, tuwo enao sivasulaigi, e yoyowo goi siketoiya besobeso unana aba siya geya siyagoiyeta, tauna yoyowo ikalibodedi nakae.”
EXO 14:4 Pero dabana bei akaukase. Tuwo tauyana mana tovayaviyayao bei sivatapiyemi bego siyoisimi. Moeko goi tauyadi goi guna togaga ana káeyana bei avagitakoe, e da Itipita bei siyagoidokoigu Yau Yauwe.’ Tuwo moitamo ana alatuwokoidi, e nakae kaguinuwe.
EXO 14:5 E da Itipita adi tolovina inove bego tomotayadi bogina sisiya. Tuwo mana topaisewayao nuwodi sikatuvilavila tomotayadi manudi, e sidigo kadi, ‘Ame kaga taguinuwe? Bego ida pakonayao Isileli tubunao tataligeidi sisiya!’
EXO 14:6 Tuwo ina sariyota ikatubayasi. Ikatubayasi ikavava, ina tovayaviyayao ikabidi
EXO 14:7 be nakae ina sariyota liliudi madi tovakumgoyao Itipita goi ikabidi go, sariyota maniyedi lokooinidi adi badabada nakae 600.
EXO 14:8 E Yauwe Pero, tauyana da Itipita adi tolovina, dabana ikaukase. Tuwo tauyana mana tovayaviyayao sima kai Isileli tubunao sivatapiyema bego siyoisima. E kai go Isileli tubunao mama katepatu Itipita goi kasowóduwo kanonoina.
EXO 14:9 Sivatapiyema, Pero ina osiyao madi tokabikunuwoyao be ina sariyota madi tokabikunuwoyao be nakae ina tovayaviyayao taiyao sima, e ima tunagu goi sivalabelabena. Tunaguyadi moe Négwasa Kayakayaina kikina be nakae asa Pi Akirota be Baala Saponi kikidi.
EXO 14:10 E kina go Pero mana bodao sima kai Isileli tubunao ima tunagu goi. Bogina sivakakana sima go, Isileli tubunaoyadi sikandobala da Itipita sigitedi simamaima kadi, ‘Oiyoi! Da Itipita simamaima bei siyoisida!’ Simatoita gagaina, tuwo Yauwe situmadade.
EXO 14:11 Go yau silatuwokoigu sidigo kadi, ‘Manakae? Nakona Itipita goi valiwoga tabee geya ae? Tauna kumema ameko yoyowo goi bego kakámasa sivaliwogema ae? Kaga unana Itipita goi kwabima kumema!
EXO 14:12 Boi Itipita goi nakae kalatuwokoim kadigo kama, “Kwalavēma ameko goi bei kai da Itipita idi pakonayao kapaisewa manudi.” Neta kai tauyadi idi pakonayao moe dedevina yaima namliyeta ameko yoyowo goi kakamasa beso!’
EXO 14:13 E yau adigo kagu, ‘Taabu koomatōita! Kotaoyakavāta bei ame Yauwe ina yava kogite iguinuwe manuda. Moitamo. Da Itipita ame tuta koogitedi geya tuwaina bei kogitemneidi.
EXO 14:14 E kina Yauwe bei ivayaviya manuda go, komi omi inuwāmo.’
EXO 14:15 E Yauwe ilatuwokoigu idigo kana, ‘Kaga kutumadadekoigu? Isileli tubunao kulatuwokōidi to siketoiyamo sina.
EXO 14:16 Go kom im kaituko kuyosāle Négwasa Kayakayaina yatanaina goi gobe negwasayana kukiwotāi aiyuwo, e bei kom nakae Isileli tubunao itoboinemi poyapoya sayasayaina goi kovadamane kona.
EXO 14:17 Go Yau sem da Itipita idi dabakasa bei avaituwe, e bei mlimi goi siiwo bego sivatapiyemi. Go Pero mana tovayaviyayao, ina sariyota madi tokabikunuwoyao be ina tovayaviyayao ma osidi adi sou goi yau guna togaga ana káeyana bei avagitakoe.
EXO 14:18 Tutayana Yau guna kaeyanayana avagitakoe, e da Itipita bei siyagoidokoigu bego Yau Yauwe.’
EXO 14:19 E Yaubada ina anerose kai Isileli tubunao ima tunagu goi ivakumgooiyema itáoya iyava ina mlima goi iitáoya. E gaota taaoyaina ivakumgooiyema itáoya nakae iyava ina mlima goi iitáoya.
EXO 14:20 Tuwo gaotayana ikaaiyaka da Itipita be kai Isileli tubunao ima tunagu nauyayanaima goi. Tauna da Itipita adi dadava mamaníwana ikaaiyaka. Go kai Isileli tubunao ama dadava mavada itapasigima. Gaotayana tauna ima mavada. E bodayama aiyuwo sabamgo ana madabokina goi geya kavalobodeta unana gaota itabodema, tauna da Itipita geya itoboinedita kai Isileli tubunao siyoisima.
EXO 14:21 E tuwo nimagu ayosale Négwasa Kayakayaina yatanaina goi go, Yauwe yágira bomatu tamadiidinina ietune ina negwasayana iyawoisave. Yagirayana sabamgo ana madabokina goi itowotowo, tauna negwasayana iwotai aiyuwo, e poyapoya sayasayaina isowóduwo.
EXO 14:22 Tuwo kai Isileli tubunao poyapoya sayasayaina goi kavadámana go, negwasayana vaboda gagaina nakae kekelima be nakae kakataima goi.
EXO 14:23 Ago kidi da Itipita sitáoya kai Isileli tubunao sivatapiyema bego siyoisima. Sivataapiyema, e Pero ina osiyao, ina sariyota madi tokabikunuwoyao be ina osiyao adi totulagayao liliudi taiyao negwasayana goi sisiu mlima.
EXO 14:24 E tomo ana sipasipa iliyabale, Yauwe yeuyana taaoyaina be nakae gaotayana taaoyaina goi ikandosobu da Itipita adi tovayaviyayao igitedi, nuwodi ikiwowonidi.
EXO 14:25 Ikavava, ina guinuwa goi da Itipita idi sariyota aedi sivabaulidi sikasa, tauna geya itoboinedita sikaivivilo dókana. Tuwo da Itipita sigite, simatoita kadi, ‘Isileli tubunao yaidi goi tasiyamo! Tauyadi manudi kina Yauwe ivayaviyeda.’
EXO 14:26 E Yauwe ilatuwokoigu idigo kana, ‘Nimam kuyosāle Négwasa Kayakayaina yatanaina goi bei negwasayana ikaluvilamna ina da Itipita, idi sariyota madi tokabikunuwoyao be ina osiyao adi totulagayao ikautumdi.’
EXO 14:27 Tuwo moitamo nimagu ayosale Négwasa Kayakayaina yatanaina goi, e negwasayana ivatowo ikaluvilamna inonoina boi nakae. E kidi go da Itipitayadi sigite, tuwo sipoikíkina bego negwasayana goi sisiya go, Yauwe ikabidi ilavedi sisou negwasayana goi ikautumdi. E tutayana vanuwo bogina itomo dókana, negwasayana bogina boi nakae.
EXO 14:28 Tauna nakae negwasayana ikaluvilamna ina da Itipita idi sariyota madi tokabikunuwoyao, idi osiyao adi totulagayao be nakae Pero ina tovayaviyayao liliudi ikautumdi. Geya kada tayaamo ma yawoina geya.
EXO 14:29 E kai go Isileli tubunao poyapoya sayasayaina goi bogina kavadámana go, négwasa moe vaboda nakae kekelima be kakataima goi.
EXO 14:30 E ame maliyalinayana goi Yauwe kai Isileli tubunao iyavema da Itipita nimadi goi. E kakandoiwo da Itipita kaamasidi kagitedi labutabuta ilavadevadedi.
EXO 14:31 E kagite Yauwe manakaena ina togaga gagaina iguuinuwe da Itipita yaidi goi. Tuwo tomotayadi Yauwe simatoite go, yau Mosese Yauwe ina pákwana, Tauyana be yau sinumisema.
EXO 15:1 E ame tutayana yau Isileli tubunao taiyao vesi ame kavesiye Yauwe yaina kama,
EXO 15:2 Yauwe kina guna Tokitogaga;
EXO 15:3 Yauwe kina tovayaviya tayamo.
EXO 15:4 Pero ina sariyota be nakae ina tovayaviyayao liliudi,
EXO 15:5 Négwasa dimowonina ilataoidi.
EXO 15:6 Yauwe,
EXO 15:7 Im togaga ana kakainaki goi am kaleyayao kutogooisavedi.
EXO 15:8 Kubum ipulu yawoim kusalauwe,
EXO 15:9 Ada kaleyayao sigagágasa kadi,
EXO 15:10 Go Yauwe,
EXO 15:11 Yauwe,
EXO 15:12 Tutayana nimakakataim kuyosale,
EXO 15:13 Im lokata goi
EXO 15:14 Ituli ta boda valem sinove,
EXO 15:15 Amo tutayana da Idom adi tolovinao
EXO 15:16 Ame tauyadi matoita gagaina toina bei iyoisidi. Yauwe,
EXO 15:17 Nava kai im bodao bei kumema kama toinim im koya goi kuyatoima kalokasa. Yauwe, Ame koyayana kukinave im kaba kaiyaka manuna. Tomoya,
EXO 15:18 Yauwe bei ikalibubuna vata!’
EXO 15:19 Ame vesiyana unana Pero ina osiyao nakae ina sariyota madi tokabikunuwoyao be ina tovayaviyayao sipoikíkina bego négwasa nauyayanaina goi sivadámana, e negwasayana Yauwe ikaluvilemnei da Itipita ikautumdi. E kai go Isileli tubunao kaketoiya poyapoya sayasayaina négwasa nauyayanaina goi.
EXO 15:20 E Eroni be yau niuma Miriyam, tauyana Yaubada ina tokabivalavala tayamo, girada ikabi ilauláuwo go, vevina liliudi mlina goi madi girada silauláusa.
EXO 15:21 E Miriyamyana vesi ame ivesiye yaidi idigo kana,
EXO 15:22 E Isileli tubunao alatuwokoidi katáoya Négwasa Kayakayaina kakalave kana Sura yoyowoina goi. Amoko goi kaaketoiya nakae maliyalina aito go, geya tayaamo bwae kababane.
EXO 15:23 Tuwo kaketoiya kama asa Mara goi bwae kababane go, geya itoboinemeta kanim. Bwaeyana itamatama. Moe pasina asayana kaduduwe Mara.
EXO 15:24 Tuwo tomota liliudi sikaukulukúluwo yau yaigu sidigo kadi, ‘Bei kaga kanim?’
EXO 15:25 Sikaukulukúluwo go, atumadádana Yauwe yaina vaita manuna. Tuwo alova tayamo ivatulukoigu kana, ‘Alova gomoe kwalisobūye bwaeyana goi.’ Tuwo alovayana akabi, alave bwae goi, e bwaeyana isadibidibi. E tuwo ameko goi Yauwe vatulúkwana be lovina ivinima yawoima manuna go, ivakakonema,
EXO 15:26 idigo kana, ‘Yau Yauwe imi Yaubada, ami tokidedevina. Tauna neta konovedokoigu go, kaga dedevina matagu goi koguinuwe be nakae guna lovina konovedi be guna katukeda liliudi kokabikaonedi, e vísiya liliudi boi da Itipita aavinidi geya avinimita.’
EXO 15:27 Ibóbwara ikavava, katáoya, Mara kakalave kana asa Elim goi. Amoko goi doelu ana badabada yawou aiyuwo be nakae deiti alovaidi 70 sikaaiyaka. Tuwo amoko bwae kikina goi katunagu.
EXO 16:1 E kai Isileli tubunao madabokima katáoya, Elim kakalave, kana Sini Yoyowoina. Siniyana ikaaiyaka Elim be Sainai go, nauyayanaidi. Ame bogina tukówana tayamo ikavava be nakae maliyalina yawou ainima bogina sikavava ima sowóduwo Itipita goi mlina.
EXO 16:2 E Sini yoyowoina goi kakaaiyaka go, aiyuwoina Isileli tubunao madabokidi sikaukulukuluwomna Eroni be yau yaima awoinu pasina,
EXO 16:3 sidigo kadi, ‘Neta boi Itipita goi Yauwe nimana goi kakámasa! Amo tutayana ima kaiyaka goi anina be beredi gagaidi kakakáika gamoma! Neta amoko goi kakámasa dedevina. Moitamo. Komi komema yoyowo goi bego ame bodayama madabokima loga goi kokimatema.’
EXO 16:4 E Yauwe ilatuwokoigu idigo kana, ‘Kunōve. Yau yábana goi ami beredi bei aetunedi sisou kúwana nakae go, maliyalina tamo tamo tomotayadi sisowóduwo sina berediyadi siseoseo amo maliyalina tayamo manuna bei avakakonedi. Bei guna katukeda sikabikaone o geya?
EXO 16:5 Maliyalina ainima tayamoina goi tutayana sisowóduwo sina siseo, e siseo maliyalina aiyuwo manudi. Itomo moe maliyalina aba waiwasi.’
EXO 16:6 E tuwo Eroni be yau kana Isileli tubunao kalatuwokoidi kadigo kama, ‘Lavilavi goi bei koyagoi bego Yauwe kina Itipita goi ikabimi be imemi.
EXO 16:7 E imi kaukulukúluwo Yauwe yaina bogina inove, tauna itomo nobuyana ana káeyana bei kogite. Bogina koyagoi. Kai bego avatauwa kokaukulukúluwo yaima? Geya!’
EXO 16:8 Kagu, ‘Ame bei koyagoi tutayana Yauwe lavilavi goi bei ada kanina ivinida nakae nobuyana goi ada beredi ivinida, takáika bogina gamoda. Ivinida unana imi kaukulukúluwo Tauyana yaina bogina inove. Kai bego avatauwa kokaukulukúluwo yaima? Geya! Moe bego Yauwe yaina kokaukulukúluwo.’
EXO 16:9 Tuwo yau siyagu Eroni alatuwoko adigo kagu, ‘Isileli tubunao madabokiidi kulatuwokōidi kam, “Kōma Yauwe matana goi. Imi kaukulukúluwo bogina inove.”’
EXO 16:10 E tuwo moitamo Eroni ina Isileli tubunao madabokidi ilatuuwokoidi go, tauyadi sikandobala yoyowo goi Yauwe ana káeyana tomoéyala nakae sigite gaota sinaena goi isowóduwo, e sigite sikaliwoisa kadi, ‘Iyaa!’
EXO 16:11 E Yauwe ilatuwokoigu idigo kana,
EXO 16:12 ‘Isileli tubunao idi kaukulukúluwo bogina anove. Tuwo kulatuwokōidi kudīgo kam, “Lavilavi goi anina bei kokakāika go, nobuyana goi beredi kokakāika gamomi. Moeko goi bei koyagoidokoigu bego Yau Yauwe imi Yaubada.”’
EXO 16:13 E asa bogina lavilavi, koroita siyova sima ima tunagu sivakayaodei, e kakabidi avama. Go asa itomo, númla sigugumina ikaiyaka ima tunagu ana madabokina goi.
EXO 16:14 Tutayana sigugumayana iyápasa, poyapoya yatana tayamo dogoi yatana katuvaapopoina be kakaaraiina toina ikaaiyaka.
EXO 16:15 E Isileli tubunao sigite, sediyao silatuwokoidi sidigo kadi, ‘Amo kaga?’ Bogina koyagoi. Dogoiyana geya siyagoiyeta. Tuwo yau alatuwokoidi adigo kagu, ‘Amo ada beredi Yauwe ivinida.
EXO 16:16 Ame nakae Yauwe ilovina, idigo kana, “Tomota tamo tamo kōna kosēo nakae itoboinemi kokáika go, paseku tamo tamo kododōidi, avami nakae imi bodao imi yoyou goi avadi.”’
EXO 16:17 E moitamo nakae kaguinuwe. Maniyedi kidi siseo tupwana ibadabada go, maniyedi sivakakayuwomo.
EXO 16:18 E sima idi paseku goi sivadodoidi sigitedi. Avatau neta iseo badabada, ikanisave, geya tayaamo ikesa. Go avatau neta ivakakayuwomo, e nakae ikáika gamona. Tauna tomota liliudi siseo nakae yoiyadi sikáika.
EXO 16:19 E alatuwokoidi adigo kagu, ‘Geya vatau tayaamo maniyedi iyatōidi itomo manuna.’
EXO 16:20 Go kidi sopagu geya sikabikaoneyeta. Maniyedi siyatoidi bego itomo manuna go, niga itomo nobuyana berediyadi goi motemoteta sisowóduwo be nakae sibówana. Tuwo agitedi, gamogu igoyo.
EXO 16:21 Nobuyana tamo tamo kana kaseoseo yoiyama nakae kaga itoboinema kakáika. Go níyala ituko, berediyadi ivaedi, e poyapoya goi sisewaya kówasa.
EXO 16:22 E maliyalina ainima tayamoina goi tomota tamo tamo sina sivayuwo siseoko maliyalina aiyuwo manudi, idi paseku tamo tamo goi sivadodoidi. Ikavava, Isileli tubunao adi tomoyamoya liliudi sigite sitainasi, e maniyedi madi kaukulukúluwo sima yaigu sitalavaita tomota idi seo maliyalina aiyuwo manudi.
EXO 16:23 Go yau kagu, ‘Geya. Yauwe ilatuwokoida ame nakae: Itomo moe maliyalina aba waiwasi go, aba waiwasiyana moe kimaasabaina Yauwe umana. Kaga latuwomi kokaigabu, ame kokaigābu. Kaga latuwomi kovaipolu, ame kovaipōlu, e kokāika go, kaga ikesa koyāto avami itomo manuna.’
EXO 16:24 Tuwo sikáika gamodi go, kaga sikesa, siyatoidi itomo manuna nakae alatuwokoidi. Go vanuwo itomo, berediyadi sigitedi, geya sibowoneta be nakae sinaena motemoteta geya sisowoduwoita.
EXO 16:25 E tuwo alatuwokoidi adigo kagu, ‘Ame tuta imi kuleya kokāika. Maliyalina ame moe maliyalina aba waiwasi Yauwe umana. Ame neta kōna moteo goi bego latuwomi beredi koseo, e geya kada tayaamo bei kobabane geya.
EXO 16:26 Maliyalina ana badabada ainima tayamo goi kōna imi beredi koseosēo go, maliyalina ainima aiyuwoina moe aba waiwasi, beredi geya.’
EXO 16:27 E maliyalina ainima aiyuwoina goi tomota maniyedi sina bego siseo go, sinonoina geya kada tayaamo sibabane geya.
EXO 16:28 E Yauwe ilatuwokoigu idigo kana, ‘Tomotayadi kulatuwokōidi kudīgo kam, “Sivavina Yauwe ina lovina nakae ina vatulúkwana bei kokapipilavekoidi?
EXO 16:29 Konuwāisi bego maliyalina aba waiwasi Yauwe ivinimi. Ame pasina maliyalina ainima tayamoina goi ami beredi iivinimi moe maliyalina aiyuwo manudi. Tuwo maliyalina ainima aiyuwoina goi omi inuwa. Geya vatau tayaamo ina yoyou goi isowóduwo ina iseo.”’
EXO 16:30 Tuwo maliyalina ainima aiyuwoinayana idi paisewa goi siwaiwasi.
EXO 16:31 E berediyadi kidi Isileli tubunao sivayou yoina mana. Manayana kutukutu giyaidi nakae go, poowouna. Beredi kakaaraiina nakae go, ana káika mokava nakae.
EXO 16:32 E yau alatuwokoidi adigo kagu, ‘Ame Yauwe ilovina, idigo kana, “Beredi kosēo paseku tayamo goi kovadodōi, koyāto ikaiyaka, e bei nava tubumiyao itoboinedi sigite ava beredi goi boi avakanimi yoyowo sinaena tutayana Itipita goi akabimi, amemi.”’
EXO 16:33 Tuwo siyagu Eroni alatuwoko adigo kagu, ‘Mana ma pasekuna kwābi, manayana botori goi kuvadodōi. Ikavava, Yauwe matana goi kuyāto, e bei ikaiyaka tubudao manudi.’
EXO 16:34 Tuwo moitamo Eroni ina mana ma pasekuna ikabi, botori goi ivadodoi. E niga tutayana aba vatulúkwana siwodugu ikavava, sinaena goi botoriyana idodoi nakae Yauwe ilatuwokoigu.
EXO 16:35 E kidi go Isileli tubunao tala ana badabada 40 mana sikakáika. Sikakáika ana kadókana sina poyapoya dedevina, moe asa Kenani ana túwana.
EXO 16:36 Paseku yawou moe nakae bayao tayamo.
EXO 17:1 E kai Isileli tubunao liliuma katáoya Sini Yoyowoina kakalave, kaketoiya nakae Yauwe ilatuwokoima. Kakanaliya kana asa Rapidim goi katunagu. Ego amoko goi bwae geya.
EXO 17:2 Tuwo tomotayadi sikaumakimaki yaigu, sidigo kadi, ‘Bwae kuvanīmma!’ Go yau adigo kagu, ‘Kaga unana kokaumakimaki yau yaigu? Kaga unana Yauwe kovakakone? Nakona Yauwe geya konumiseyeta!’
EXO 17:3 Go kidi maedi siyápasa toina, e sikaukulukúluwo yaigu sidigo kadi, ‘Ame manakae Itipita goi kumema? Bego natumao be ima yoguyoguyao taiyao maema adi yápasa goi kukimatema?’
EXO 17:4 E atumadádana Yauwe yaina adigo kagu, ‘Ame tomotayadi bei manakaegu avekoidi? Giyakainava bei gurewa goi sikaumategu.’
EXO 17:5 Yauwe idigo kana, ‘Im kaituko boi sákala Nairi kusapisapi kwābi, e nakae tomoyamoya Isileli tubunao yaidi goi kukinavēdi kwabīdi taiyao kōna tomota liliudi matadi goi.
EXO 17:6 Kunōve. Yau bei matam goi aatáoya, amoko gurewa yatana Koya Korevi goi. E gurewayana kulāui, e bwae bei idau go, tomotayadi itoboinedi sinim.’ Tuwo nakae aguinuwe. Tomoyamoyayadi matadi goi atáoya, gurewayana aláui, e bwae idau.
EXO 17:7 Tuwo asayana avayou Mesa be Meriba unana boi Isileli tubunao sikaumakimaki be nakae Yauwe sivakakone tutayana kadi, ‘Seki Yauwe ikaaiyaka yaida o geya?’ Tauna you aiyuwo avini.
EXO 17:8 E Amaleki tubunao sima Rapidim goi Isileli tubunao taiyao sivayaviya.
EXO 17:9 E tuwo Iyosuwa alatuwoko adigo kagu, ‘Kūna koroto kukinavēdi yaviya manuna. Ikavava, itomo taiyao kōna Amaleki tubunao taiyao kovayavīya. Yau bei koya yatana goi aatáoya go, Yaubada ina kaituko nimagu goi ayoyoisi.’
EXO 17:10 Tuwo Iyosuwa iguinuwa kaga nakae bogina adige. Korotoyadi taiyao sina sivayaviya Amaleki tubunao yaidi. Kai go Eroni, Ure be yau katuko kana koya yatana.
EXO 17:11 Tutayana nimagu akatulagasidi, e Isileli tubunao sitogaga go, neta nimagu akatusobuyedi, e kidi Amaleki tubunao sitogaga.
EXO 17:12 E nimagu bogina sineneta, tuwo Eroni be Ure sina gurewa gagaina sipuli sime siyato guna kaba tusobu. Tuwo yatana atusobu go, tauyadi nimagu sikatulagasidi sikalipaiwolidi, tayamo dadavina, tayamo dadavina. Tauna nimagu sikasa ana kadókana níyala isaliu.
EXO 17:13 Tuwo Iyosuwa mana tovayaviyayao sitogaga, e Amaleki tubunao sisi goi sivasobusobuyedi.
EXO 17:14 E yaviya ikavava, Yauwe ilatuwokoigu idigo kana, ‘Buki goi livala ame kugīni namliyeta kwatuyāivi bei Iyosuwa inove. Livalayana ame nakae: Amaleki tubunao valedi bei poyapoya ame goi atauwedoko.’
EXO 17:15 Tuwo dídiya akaudakodako aba kasala manuna go, aba kasalayana avayou Yauwe Guna Bísala.
EXO 17:16 Adigo kagu, ‘Yauwe ina bísala takatulagāsi! Tauyana bei ivayaviya vata Amaleki tubunao yaidi.’
EXO 18:1 E yaogu Iyetoro, tauyana da Midiyani adi Tonúwala, Yaubada valena inove. Valayana ame nakae: Kaga liliuna Yauwe Yaubada iguinuwe kai ina bodao, yau be nakae Isileli tubunao liliuma manuma tutayana Isileli tubunao Itipita goi ikabima imema.
EXO 18:2 Yau boi monegu Sipora ma natunao aetuneviledi sina Midiyani bego yaogu Iyetoro taiyao sikaiyaka. E Iyetoroyana itáoya, monegu nakae natumao adi taiyuwo ikabidi,
EXO 18:3 taiyao sima yaigu goi. Natugu tayamo yoina Gerasom. Boi kagu, ‘Yau tomalatonikasa ituli ta kasa goi.’ Tauna yoina avayou Gerasom.
EXO 18:4 Natugu aiyuwoina yoina Eliyesa. Boi kagu, ‘Tamagu ina Yaubada guna tovaita. Pero nimana goi bogina iyavegu.’ Tauna gomanayana avayou Eliyesa.
EXO 18:5 Yau guna tunagu Yaubada ina koya kikina yoyowo goi akaaiyaka go, yaogu Iyetoro livala ietune ima kana, ‘Yau yaom Iyetoro monem ma natunao taiyao bei kao kavadadem.’ E tutayana sima,
EXO 18:7 yau ana yaoguyana avalobode. Asowóduwo tauyana yaina avatugúyala akanakabobo yaina namliyeta atáoya ayowoi. Ikavava, kagu, ‘Manakae? Dedevim?’ ‘Dedevigu. Go kom?’ tauyana kaena. ‘Yau nakae dedevigu’, kaegu. E kakauyagu ikavava, kana guna yoyou goi kasiu.
EXO 18:8 Yaogu alituwoko kaga liliuna boi Yauwe bogina iguinuwedi Pero be nakae da Itipita yaidi Isileli tubunao manudi. Nakae alatuwoko Isileli tubunao mou liliuna idi ketoiya goi sibabanedi go, Yauwe manakaena iyavedi.
EXO 18:9 E yaogu Iyetoro iuyáwana tutayana inove kaga liliuna dedevina Yauwe iguinuwe kai Isileli tubunao manuma. Nakae manakaena da Itipita nimadi goi iyavema.
EXO 18:10 Tuwo idigo kana, ‘Yauwe tayapalīye! Tauyana da Itipita nimadi be nakae Pero nimana goi iyavemi.
EXO 18:11 Ame tuta bogina ayagoi bego Yauwe kina basaleliuyao liliudi itogagasavedi. Moe moitamo. Dogoiyadi liliudi manudi sigagágasa Yauwe itogagasavedi.’
EXO 18:12 E tuwo yaogu yoguyogu ikabi igabu ivakasave go, ikasale Yaubada yaina. Aiyuwoina yoguyogu maniyedi vininabeso manuna ikasaledi Yauwe yaina. Ikavava, áika siguinuwe go, Eroni be nakae Isileli tubunao idi tomoyamoya liliudi taiyao sima, e Iyetoroyana taiyao Yaubada matana goi kakáika.
EXO 18:13 E vanuwo itomo ana atusobu tomota idi wowókana atakínona. E tomotayadi nobuyana ina lavilavi goi simamaima yau yaigu takínona manuna.
EXO 18:14 Go Iyetoro kaga liliuna aguuinuwe tomota manudi igitegite, tuwo idigo kana, ‘Ame kaga kuguuinuwe tomota manudi? Kaga unana kom amta kutakínona go, tomota adi takínona manuna situyáwata nobuyana go, ina lavilavi?’
EXO 18:15 Tuwo adigo kagu, ‘Unana go tomota toinidi sima yau yaigu bei Yaubada ina nuwonúwana siyagoi.
EXO 18:16 Neta tayamo mou isowóduwo, bei sima yaigu, e yau atakínona avatau moitamo be nakae Yauwe ina lovina be ina katukeda avatulukoidi.’
EXO 18:17 Go yaoguyana idigo kana, ‘Moe sinapuyana kuguuinuwe geya idedevineta.
EXO 18:18 Tuta giyaina moe paisewayana bei ilausim be nakae tomotayadi ilausidi. Bogina kuyagoi. Paisewayana moumou isaki yaim. Kom amta geya itoboinemta.
EXO 18:19 Tauna kunovēgu go, alatuwokoim kaga bei kuguinuwe. Neta sopagu kukabikaone, e Yaubada bei ivakitaum nakae ivaitem. Kom bei tomota adi katumapu nakae Yaubada yaina, tauna adi mou kumēdi Yaubada matana goi.
EXO 18:20 Yaubada ina lovina be ina katukeda kuvatulukodokōidi. Kuvatulukōidi nako enao dedevina be kaga nakae siguinuwe.
EXO 18:21 Go kom sem tomota liliudi yaidi goi koroto idi sinapu dedevina kukinavedokōidi ame nakae: Neta Yaubada sitaaimamine be nakae kidi aba numisa, nakae taabu siitagōna toogoyoidi idi goyo manuna sitakonedi, e moe tauyadi kuvayokōidi kidi totakínona nakae koroto 1,000 adi totakínona, tayamo koroto 100 adi totakínona, tayamo koroto 50 adi totakínona, e koroto tayamo yawou adi totakínona.
EXO 18:22 Tauyadi kutagonēdi tuta liliuna tomota adi mou sitakinoidi go, mou gagaidi neta sisowóduwo, e madabokidi sivinim bei kom kutakínona. Go mou giyaidi, tuwo liliudi toinidi sitakinoidi, e bei yaim ikakapu nakae paisewayana goi sivaitem.
EXO 18:23 Neta moe nakae kuguinuwe be nakae Yaubada ilatuwokoim kuguinuwe, bei itoboinem kutogaga go, ame tomotayadi liliudi itoboinedi madi tuboina sikaluvila sina idi yoyou.’
EXO 18:24 E tuwo moitamo yaogu sopana akabikaone, e kaga liliuna ilatuuwokoigu nakae aguinuwedi.
EXO 18:25 Isileli tubunao liliudi yaidi goi koroto idi sinapu dedevidi akinavedi go, avayokoidi kidi tomota adi totakínona, 1,000 be 100 be 50 be nakae yawou yaidi.
EXO 18:26 Tuta liliuna amo tauyadi tomota adi mou sitakinoidi. Neta mou gagaidi sisowóduwo, simedi yau atakinoidi go, mou giyaidi toinidi sitakinoidi.
EXO 18:27 E yaogu avaduduwe. Ikavava, tauyana ikaluvila ina toinina ina kasa.
EXO 19:1 E kai Isileli tubunao katáoya, asa Rapidim kakalave kana Sainai yoyowoina. Kasiu kana Yaubada ina koya goi, e koyayana kikina katunagu. Moe bogina tukówana aito ima sowóduwo Itipita goi mlina.
EXO 19:3 E koyayana atuko ana Yauwe Yaubada yaina. Tauyana koya yatana goi itumasobu yaigu idigo kana, ‘Yakobo ina bodao, moe Isileli tubunao, kulatuwokōidi ame nakae,
EXO 19:4 kudīgo kam, “Boi toinimi matami goi bogina kogitegu kaga liliuna aguinuwedi da Itipita yaidi nakae manakaegu akavalemi amemi yaigu nakae bóibo panepanena goi natunao ikavaledi.
EXO 19:5 Ame tuta neta moitamo niyagu konove be nakae guna kanasíuna yaimi bei aguuinuwe koyoisikavate, e komi moitamo toinigu guna kitomyao boda liliudi yaidi. Poyapoya ana madabokina moe guna kaba lovina.
EXO 19:6 E komi sem akinavemi koeboda tayamo bei komi guna togudalayao be nakae boda kimaasabaimi umagu.” Tauna nakae Isileli tubunao kulatuwokōidi.’
EXO 19:7 E tuwo asou ana Isileli tubunao adi tomoyamoya aduduwedi sima kaga liliuna Yauwe bogina ilatuwokoigu, e alatuwokoidi.
EXO 19:8 E tomota liliudi taiyao sidigo kadi, ‘Kaga liliuna Yauwe iidigedi nakae bei kaguinuwedi.’ E tuwo akalavedi go, ana koyayana goi atuko ana Yauwe yaina idi livala atalavaitedi.
EXO 19:9 E Tauyana idigo kana, ‘Kunōve. Yau bei gaota kalaabadaina sinaena goi ao, e bei tomotayadi itoboinedi sinovegu tutayana avadigoim go, kom bei sinumisevataem.’ Tuwo asou ana tomotayadi kaga liliuna Yauwe ilatuuwokoigu, nakae alatuwokoidi. Tomotayadi kadi, ‘Kaga liliuna Yauwe iidigedi nakae bei kaguinuwedi.’ Tuwo akalavedi atukomna ana Yauwe yaina tomotayadi idi livala atalavaitedi.
EXO 19:10 E Yauwe idigo kana, ‘Kusōu kūna tomotayadi ame be itomo kukimasabēdi guna sowóduwo manuna go, adi kwama nakae sinikīdi.
EXO 19:11 Maliyalina aitonina goi bogina sikatubayāsi bego Yau Yauwe asou Koya Sainai tomota liliudi matadi goi.
EXO 19:12 Tomota adi túwana koya unana madabokina goi kuyāto ivaníbita go, kukatumatalīdi kudīgo kam, “Ami dodōkana! Taabu koyayana kotukotūko be nakae taabu tuwanayana kobiisikōne. Avatau neta ibisikone, tauyana kokaumāte.
EXO 19:13 Taabu kobiisikōne. Avatau neta ibisikone, tauyana gurewa goi kokaumāte o sau goi koginubāsi. Neta yoguyogu o tomota, bei ikámasa.” Nakae kulatuwokōidi go, tutayana síula niyana maanawena sinove, bei sima koyayana goi.’
EXO 19:14 E tuwo koya goi asou ana tomotayadi akimasabedi, e adi kwama sinikidi.
EXO 19:15 Ikavava, alatuwokoidi adigo kagu, ‘Kokatubayasīmi maliyalina aitonina manuna. Komi koroto, taabu vevina kobisiikonēdi.’
EXO 19:16 E maliyalina aitonina bogina ima go, nobuyana koya goi palapala idududu be nakae ávila ikavikávila, nakae gaota kalaabadaina ikaaiyaka. Síula niyana gagaina itáiya, e tomota liliudi idi tunagu goi sinove, tuwo madi matoita wowodi sitátava.
EXO 19:17 Tuwo tomotayadi idi tunagu goi amedi koya goi bego Yaubada sivalobode. Koyayana unana sitaooyakobu.
EXO 19:18 E Yauwe yeu goi isou ima Koya Sainai yatana goi. Koyayana aubowo gagaina iumai ina kaiyaka pasina go, aubowoyana ituko ina nakae neta vaega siigabudi. Koyayana madabokina itátava gagaina.
EXO 19:19 E síula niyana bogina ivakakana ima, e ivakaigaga toina. Yauwe aavadigo go, Tauyana niyana gagaina goi ikatumapugu; niyanayana ana taiyakeka palapala nakae.
EXO 19:20 E tutayana Yauwe isou ima Koya Sainai yatana goi, iduduwegu idigo kana, ‘Kutūko kūma koya yatana.’ Tuwo atuko.
EXO 19:21 Atuko, e Tauyana ilatuwokoigu idigo kana, ‘Kusōu kūna tomotayadi kukatumatalīdi taabu túwana sivaadamāne, govila bei sisiu sima bego Yau Yauwe sigitegu, e badabadaidi sivailai.
EXO 19:22 Kidi go Tonúwala nakae. Neta Yau Yauwe simekoigu, kulatuwokōidi toinidi sikimasabedi umagu, govila bei Yau Yauwe geya mgoninamo aliunedi.’
EXO 19:23 Go yau adigo kagu, ‘Tomotayadi geya itoboinedita situko. Kom toinim bogina kukatumatalidi kam, “Túwana kuyatōidi Koya Sainai unana goi namliyeta koyayana kukimasābe umagu.” Tuwanayadi bogina ayatoidi.’
EXO 19:24 E Yauwe idigo kana, ‘Kusōu kūna Eroni kwābi, e taiyao kokaluvīla kōma go, tonuwalayadi be tomotayadi taabu kutaagonēdi sivadámana bego simekoigu, govila bei sisiu, e geya mgoninamo aliunedi.’
EXO 19:25 Tuwo moitamo asou ana tomotayadi alatuwokoidi.
EXO 20:1 E tomotayadi Yaubada ilatuwokoidi ame nakae, idigo kana,
EXO 20:2 ‘Yau Yauwe imi Yaubada da Itipita idi kasa goi akalaoduwemi. Boi komi da Itipita idi pakonayao go, Yau ataligeimi.
EXO 20:3 Tauna taabu basaleliuyao goi kokaatuvēkwana matagu goi.
EXO 20:4 Taabu tokwalu koomadāgi bego dogoi tayamo yábana goi o poyapoya yatana goi o négwasa sinaena goi ana tapata nakae bego imi basaleliu.
EXO 20:5 Basaleliuyaoyadi yaidi taabu kovaatugūyala kokanakabobo be taabu kosaakulūlu yaidi. Yau Yauwe imi Yaubada moe Tokavavágana vakookoligu. Avatau neta nakae iguinuwe moe ikaolilivegu, tauna bei aliune go, niga neta natunao be tubunao ina tapepeko sivatotowone, tauyadi nakae bei aliunedi.
EXO 20:6 Go avatauwa neta simatakooiyegu be nakae guna lovina sikabikaaonedi, e amo tauyadi be nakae mlidi idi bodao badabadaidi simamaima yaidi goi alokatedi.
EXO 20:7 Taabu Yau Yauwe imi Yaubada yoigu kokaigoyāi. Avatau neta yoigu ikaigoyai, amo tauyana bei aliune.
EXO 20:8 Maliyalina aba waiwasi konuwookavāte kokimasābe umagu.
EXO 20:9 Maliyalina ainima tayamo goi koopaisēwa be imi paisewa madabokidi koguuinuwēdi.
EXO 20:10 Go maliyalina ainima aiyuwoina moe aba waiwasi Yau Yauwe imi Yaubada umagu. Amo maliyalinayana goi taabu koopaisēwa; komi, natumiyao, imi pakonayao koroto be vevina, imi bulumakauyao be nakae tomalatonikasa yaimi sikaaiyaka, paisewa geya.
EXO 20:11 Maliyalina ainima tayamo goi Yau Yauwe yábana be poyapoya be négwasa be nakae kaga liliuna sinaedi amadagidi go, maliyalina ainima aiyuwoina goi awaiwasi. Tauna maliyalina ainima aiyuwoina aba waiwasi Yau Yauwe bogina akaipakuye be nakae akimasabe umagu.
EXO 20:12 Tamamiyao be sinamiyao kowowooinēdi, e bei yawoimi simamanao poyapoya Yau Yauwe imi Yaubada bei aavinimi goi.
EXO 20:13 Taabu kokaaumāta.
EXO 20:14 Taabu korooerāta.
EXO 20:15 Taabu kovaaināwana.
EXO 20:16 Taabu kotalavaita poolapōla semiyao yaidi.
EXO 20:17 Semiyao idi vada be monediyao be idi pakonayao koroto o vevina be idi bulumakauyao o idi aseyao o ava kónana tayamo taabu koyaalagāudi.’
EXO 20:18 E kidi go tomotayadi palapala sinovenove be ávila sigitegite, nakae síula sinovenove be aubowo sigitegite, tuwo wowodi sitatátava go, sibala sina masigava goi siitáoya.
EXO 20:19 Tuwo silatuwokoigu sidigo kadi, ‘Kom toinim kuvadigōima bei kanovem. Go taabu Yaubada ivaadigōima, govila bei kakámasa.’
EXO 20:20 Go yau adigo kagu, ‘Taabu koomatōita! Yaubada ima bego Tauyana koyagoidoko, e bei kowowoinevatae be nakae goyo geya koguinuweyeta.’
EXO 20:21 Tuwo tomotayadi masigava goi siitáoya go, yau ana gaota kalaabadaina kikina goi atáoya. Gaotayana sinaena moe Yaubada ikaaiyaka.
EXO 20:22 E Yauwe ilatuwokoigu idigo kana, ‘Ame nakae Isileli tubunao kulatuwokōidi, kudīgo kam, “Komi toinimi bogina konove bego yábana goi avadigoimi. Geya kogiteguta, go sem konovegumo.
EXO 20:23 Tauna geya tayaamo basaleliu ana tokwalu siriba goi o goura goi koomadāgi bego dogoiyana be Yau taiyao kavavasa, e yaima kosakululu geya.
EXO 20:24 Go sem guna kaba kasala poyapoya goi komadāgi. Aba kasalayana goi imi yoguyoguyao moe imi sipiyao nakae imi bulumakauyao kokasalēdi yaigu. Yoguyoguyadi maniyedi bei kovakasavēdi go, maniyedi abivekoveko manuna kogabudīmo kokāika. Ava kasava goi neta atagona komi kosakululu yaigu, e amo asayadi liliudi goi bei awokoimi, e akaipakuyemi.
EXO 20:25 Go aba kasala gurewa goi neta kokaudakodako, taabu gurewayadi kokauvisivisīdi. Neta turu goi kokauvisivisidi, e gurewayadi bogina kokibaibailidi sakululu yaigu manuna.
EXO 20:26 Taabu aba kasalayana manuna aitámana koomadāgi, govila bei komwera, e bisosoimi sobuyekoidi moe aba kasalayana ikaaiyaka, e bei sikibaibāili.”’
EXO 21:1 E Yauwe tuwaina kana, ‘Lovina ame Isileli tubunao kuvinīdi:
EXO 21:2 Neta Iberiu kogimonedi bego imi pakonayao, manumi bei sipaisēwa tala ana badabada ainima tayamo taudi. Go tala ainima aiyuwoina paisewa goi kotaligēidi go, geya adi rowagamo.
EXO 21:3 Neta imi pakonayao aditava kogimonedi, niga bei tala ainima tayamo sikavava, e kotaligēidi aditava sisowóduwo. Go neta ma monediyao kogimonedi, e adi taiyuwokova sisowóduwo.
EXO 21:4 Imi pakonayao neta vevina kovinidi bego monediyao go, sivenátuna, e vevinayadi ma natudiyao moe komi imi pakonayao. E korotoyadi aditava kotaligēidi sisowóduwo.
EXO 21:5 Ego neta imi pakonayao sidigo kadi, “Geya. Guna tomoya, monegu be nakae natugowo amatakoiyedi, tauna geya latuwogu kutaligeigu aguta ana”,
EXO 21:6 e imi pakonayao kokabīdi komēdi Yau Yaubada guna Kaba Kaiyaka goi idi nuwonúwana sitalavaitedi. Ikavava, komēdi totom goi go, gita goi taiyadi kokariporēdi. Ikavava, ina gipolu kuyāto. Moe aba kinana bego manumi sipaisewa vata.
EXO 21:7 E, neta natumiyao vevina kokaigimonedi bego tauyadi ituli ta tomota idi pakonayao, e adi talígava paisewa goi ituli, koroto nakae geya. Kidi moe adi tomoyayao moneyuwoinao.
EXO 21:8 Neta imi pakonayao vevina kogimonedi bego moneyuwoimi go, niga vevinayadi matami goi geya sidedevineta, e kotagonēdi toinidi idi bodao sitatetedi. Taabu kokaigiimonēdi ituli ta bodava yaidi unana moe nakae imi katótula tamadiyao yaidi goi kokapipilave.
EXO 21:9 E, neta imi pakonayao vevina kokinavedi bego natumiyao koroto sivamonenedi, e imi pakonayaoyadi kovanatunēdi.
EXO 21:10 Neta toinimi imi pakonayao vevina kovamonenedi go, niga vevina paakonidi ituli kovamonenedi, e imi pakonayao vakuumgoidi avadi be adi kwama o masisi taabu kovagagaalakōidi.
EXO 21:11 Neta moe dogoiyadi aito geya koguinuwedita imi pakonayao yaidi, e tauyadi adi talígava paisewa goi sibabane go, adi taligavayana manuna geya siemaiseta.’
EXO 21:12 E Yauwe tuwaina kana, ‘E avatau neta tomota iláui ikámasa, tolauwoyana kokaumāte.
EXO 21:13 Ego tolauwoyana neta ina sinapu geya ituluyeta bego ikaumate, go sem bego ilauiyamo, e tauyana itoboine isiya ina asa tayamo bei akinave manumi. Amoko goi guna kaba kasala iyoisi bei ana yava ibabane.
EXO 21:14 Go neta mana egamogamogu ina sinapu igimitulu bego siyana ikaumate, e nakae iguinuwe, neta tokaumata guna kaba kasala iyoisi, tuwo koyōisi kokaumāte.
EXO 21:15 E avatau neta tamana o sinana ilauidi, e to kokaumateyāmo.
EXO 21:16 E avatau neta tomota tayamo ivainao, neta tomotayana ikaigimone o neta tomotayana moe toinina ina pákwana, e to amo tovainawanayana kokaumateyāmo.
EXO 21:17 E avatau neta tamana o sinana igieomaemae, e to kokaumateyāmo.
EXO 21:18 Neta tomota adi taiyuwo sikaumakimaki go, tayamo gurewa goi o nimana goi siyana iláui go, siyanayana geya ikamaseta, go sem ivailaimo, tauna kebana goi ikanabalabala
EXO 21:19 go, neta tovailaiyana itáoya ina kaituko goi iketoiya moetala, e tolauwoyana ina liuna goi ámasa geya ibabaneyeta, go sem itoboine siyana iemaisi ina tuta paisewa manuna be nakae imatakavate ana kadókana iboboina.
EXO 21:20 E avatau neta ina pákwana koroto o vavina aipíyama goi iláui go, mainao ikámasa, e amo tauyana kokatumāpu. Pakwanayana ina tomoya ana liuna moe ámasa.
EXO 21:21 Go neta maliyalina tayamo o aiyuwo mlidi pakoninayana, itáoya ma yawoina, e ina tomoya geya kokatumapuyeta. Tomoyayana toinina ina esaesa itagau, tauna ana liuna bogina tuwo.
EXO 21:22 E, neta koroto adi taiyuwo sivalauláuwo go, vavina sumasumaina gamona siláui ikogúyala go, geya kada vailai tuwaina isowóduwo, e toláuwo moitamo bei iemáisa nakae vavinayana monena kaga idige nakae kotu goi totakínona ikamoitamoe.
EXO 21:23 Go neta vavinayana tuwaina ivailai, e ina vailaiyana ana katumapu ame nakae: Neta vavinayana ikámasa, e tokaumatayana kokaumāte.
EXO 21:24 Neta matana ikaigoyai, e tobugoyoyana matana kokaigoyāi. Neta salana, e salana. Neta nimana, e nimana. Neta aena, e aena.
EXO 21:25 Neta igabu, e tokaigabunayana kogābu. Neta italai, e totalayana kotalāi. Neta ikaumotui, e tokaumotuiyana kokaumotūi.
EXO 21:26 E avatau neta ina pákwana koroto o vavina matana iláui go, matanayana ikaigoyai, e ina pakwanayana ina paisewa goi italigēi matana ina vailai ana katumapu manuna.
EXO 21:27 Avatau neta ina pákwana salana ikauwuwu, e pakoninayana ina paisewa goi italigēi salana ina tawuwu ana katumapu manuna.’
EXO 21:28 E Yauwe tuwaina kana, ‘E, neta bulumakau ina sakusaku goi tomota iginubasi ikámasa, e to amo bulumakauyana gurewa goi kokaumateyāmo go, iwoina taabu kokanikāni. Ego toni bulumakau tutubeso, taabu kooliūne.
EXO 21:29 Go neta bulumakauyana egamogamoguna go, toni bulumakau bogina kokatusinapu go, tuwo bulumakauyana geya ikaliyeta. Niga neta tomota iginubasi ikámasa, e bulumakauyana gurewa goi kokaumāte go, toni bulumakauyana nakae kokaumāte.
EXO 21:30 Go neta tokámasa osenao latuwodi mani, e toni bulumakauyana osenao siyadi yawoina sitatēte. Ana maisa moe kaga kotu ana totakínona siyato.
EXO 21:31 Neta bulumakau tomota natuna iginubasi ikámasa, e moe lovinayana nakae ibabane.
EXO 21:32 Neta bulumakau tomota paakonina iginubasi, e toni bulumakau bei siriba 30 iemāisi pakoninayana ina tomoya yaina.
EXO 21:33 E avatau neta ina bobosiu ikatupáeve o neta bobosiu tayamo ieli go, geya ikaubodeyeta go, bulumakau o ase ikapusi isou sinaena ikámasa,
EXO 21:34 e toni bobosiu bei ikatumāpu. Toni yoguyoguyana mani ivīni go, yoguyogu kaamasina kina toni bobosiu ikābi.
EXO 21:35 E, neta koroto tayamo ina bulumakau ina ituli ta koroto ina bulumakau ikamate, e bulumakauyana ma yawoina sikaigimōne go, mani sikābi siwotāi. E bulumakau kaamasina nakae, siboboyūwe siwotāi.
EXO 21:36 Go korotoyana neta bogina iyagoi bego ina bulumakauyana egamogamoguna go, geya ikaliyeta, e ina bulumakauyana ma yawoina ikābi siyana ivīni go, bulumakau kaamasina kina ikābi.’
EXO 22:1 E Yauwe tuwaina kana, ‘E avatau neta bulumakau tayamo o sipi tayamo ivainao go, ikaumate talaina ikaigimone, e bulumakauyana ana katumapu moe bulumakau ainima toni yoguyogu ivini. Go sipiyana ana katumapu moe sipi aivasi toni yoguyogu ivini.
EXO 22:2 Go neta yoguyoguyana iivainao nava maa yawoina nimana goi ikaaiyaka, nakona bulumakau o ase o sipi, e yoguyoguyana ana katumapu moe aiyuwo toni yoguyogu ivini. E tovaináwana neta sabamgo goi imi vada isiu bego ivaináwana go, kogitebabane go, koláui ikámasa, e moe aumata geya, tuwo geya ami goyomo. Go neta níyala bogina ituko go, tovainawanayana isiu, koláui ikámasa, moe aumata, e bogina kogoyo. E tovaináwana, neta koyoisi, itoboine toni kónana ikatumapu go, neta tauyana geya konanamo, tuwo koyōisi kokaigimōne bei tauyana paakonina go, manina toni kónana kovini.’
EXO 22:5 E Yauwe tuwaina kana, ‘E avatau neta ina yoguyogu toinina ina limou tanuina goi o ina oine tanuina goi ikakáika go, yoguyoguyana itagone ina siyana ina tánuwo goi ikáika, e toni yoguyogu ina dibayoya dedevina toina bei ikatumapu, siyana ivini.
EXO 22:6 E avatau neta yeu idimili go, yeuyana taliboibo inínima ina siyana ina tánuwo witi gugunidi igabudi o neta witi nava geya sitalaidita go, igabudi, e moitamo amo tauyana bei ikatumapu.
EXO 22:7 E avatau neta ana mani o konana tayamo siyana ivini bego irugwausi go, tovaináwana ina ivainao, neta tovainawanayana koyoisi, e ana katumapu aiyuwo toni kónana ivini.
EXO 22:8 Go neta tovainawanayana geya koyoisiyeta, e torugwáuta kokābi kōme Yaubada yaina go, ilovina nakona tauyana toinina ivainao o geya.
EXO 22:9 Vaináwana liliudi goi nakona bulumakau o ase o sipi o kwama o ava kónana itagau, neta manudi toni kónana siyana konana igite toinina konana maisiyana, tuwo idigo kana, “Moe konagu”, e adi taiyuwo bei sina Yaubada matana goi. Avatau neta Yaubada itakino tovaináwana, e tovainawanayana bei ana katumapu moe kónana aiyuwo siyana ivini.
EXO 22:10 E avatau neta ina ase o ina bulumakau o ina sipi o ava yoguyogu siyana ivini bego irugwausi go, yoguyoguyana ikámasa o ivailai o itagau go, tomota geya sigiteyeta,
EXO 22:11 e adi taiyuwo bei sitáoya Yau Yauwe matagu goi go, torugwáuta ikanatamada kana, “Yau yoguyoguyana geya abisikoneyeta.” Tauna torugwautayana geya ikatumapuyeta, e nakae toni yoguyogu geya tuwaina iboboreta.
EXO 22:12 Go neta moitamo tomota ivainao, e torugwautayana bei ikatumapu toni yoguyoguyana yaina.
EXO 22:13 Go neta woiwoi sima yoguyoguyana sikayapesapesagi, e torugwáuta yoguyoguyana kaamasina ikabi ime aba kinana manuna, tauna torugwautayana geya ikatumapuyeta.
EXO 22:14 E avatau neta siyana ina yoguyogu ikatoguye go, yoguyoguyana ikámasa o ivailai go, toni yoguyogu geya ikaiyaketa, e moitamo tokatoguyana itoboine bei toni yoguyoguyana iemaisi.
EXO 22:15 Go neta yoguyoguyana ikámasa o ivailai toni yoguyogu matana goi, e tokatoguyana geya ikatumapuyeta. Go neta siyana ina yoguyogu ina paisewa manuna iemaisi go, yoguyoguyana ikámasa o ivailai, e torugwáuta bogina iemaisi, tuwaina tuwo.’
EXO 22:16 E Yauwe tuwaina kana, ‘Neta vavina tayamo geya ana kanaotamo be nakae geya ana kamatakonamo go, koroto tayamo ina vavinayana iloidibi bego taiyao simasisi, e vavinayana osenao bei iemaisidi go, itoboine koroto be vavina sinai.
EXO 22:17 Go neta vavinayana tamana geya itagoneyeta sinai, e korotoyana bei iemáisa vavina buwona.’
EXO 22:18 E Yauwe tuwaina kana, ‘Ava vavina iibowou, e amo tauyana taabu kootagōna maa yawoina ikaaiyaka.
EXO 22:19 Avatau neta yoguyogu taiyao simasisi goyogoyo, e amo tauyana kokaumateyāmo.
EXO 22:20 Avatau neta ina vininabeso ikasale basaleliu yaina go, Yau Yauwe agutava yaigu geya, e amo tauyana asala vaatayaina umagu aná mtula manuna.
EXO 22:21 Tomalatonikasa taabu kobaagalīdi be nakae taabu koyogedeegedēdi. Neta konuwaisi, boi komi nakae komalatonikasa Itipita goi.
EXO 22:22 Kóbuya be gumalau liliudi taabu kokitaaitaiyēdi.
EXO 22:23 Neta kovaobudi go, situmadadegu, moitamo bei anovedi,
EXO 22:24 e magu egamogamogu ami kaleyayao nimadi goi bei akaumatemi, e bei monemiyao sikóbuya nakae natumiyao siegumalau.
EXO 22:25 E, neta kotagona bego tookaina tayamo komi guna bodao yaimi mani ikatoguye, e komi nakae rowaga ana totagona tokainayana yaina, e ina rowaga tuwaina yatana taabu koyatoyato.
EXO 22:26 Neta siyami konami ikatoguye yaimi go, siyamiyana ina tanigo kokabi go, niga mainao igimitatete baige ikabimnei, e namliyeta níyala isaliu, e kōna ina tanigo kovinimnēi.
EXO 22:27 Bogina koyagoi. Moe nakona ina tanigo tayamo toito. Tauna manakaena bei imasisi? Neta itumadadegu, bei anove. Yau tonuwokapisi.
EXO 22:28 Yau Yaubada taabu kotagiiwoīgu be nakae taabu imi tolovinao kokatuboolatēdi.
EXO 22:29 Taabu kokaaimūmuna imi dibayoya witi be oine keuwokumgoidi adi vininabeso kokasaledi yaigu. Imi botomoyayao koroto bei kovinīgu.
EXO 22:30 E nakae imi bulumakauyao be imi sipiyao yaidi idi botomoyayao bolamo bei kovinīgu. Tutayana yoguyoguyadi sibíbina, maliyalina ainima aiyuwo goi bei sikaaiyaka sinadiyao taiyao. Go maliyalina ainima aitonina goi, kovinīgu.
EXO 22:31 Komi kimaasabaimi umagu, tauna neta woiwoi yoyowo goi yoguyogu tayamo sikamate sikalave, e taabu kokanikāni, go sem kokalāve. Moe weiniya avadi.’
EXO 23:1 E Yauwe tuwaina kana, ‘Taabu talavaita polapola kosaanunūi. Taabu toogoyoina ina pola goi koovavāite bei kotalavaita polapola.
EXO 23:2 Taabu boda gagaina idi guinuwa goyogoyoidi goi kosiiukōidi. Neta kotu goi boda sipola latuwodi kotuyana sibugoyai, e taabu kotalavaita polapōla bego kovaitedi.
EXO 23:3 Neta tookaina siekotuye go, tokainayana kogite nukotomi igoyo, taabu tokainayana pola goi koovavāite ina kaiyakomou pasina.
EXO 23:4 Neta ami kaleya ina bulumakau o ina ase ina kali goi isowóduwo iketoiya besobeso go, kobabane, e kokābi kokaluvilemnēi toni yoguyogu yaina goi.
EXO 23:5 Neta ami kaleya ina ase ikapusi kónana moumoudi ikaavaledi pasina, e taabu aseyana kookalāve, go sem ami kaleya kovāite, e aseyana kobutāoe.
EXO 23:6 E tookaidi yaimi goi mami kivavasa adi kotu goi kotakīnona.
EXO 23:7 E taabu kotalavaita polapōla. Tomota tutubeso be nakae tokibóbwata imi kotu goi taabu kotaagonēdi sikamakámasa. Moitamo. Avatauwa komi yaimi nakae koguinuwe, geya anuwotaoimita.
EXO 23:8 Kotu goi neta tomota tayamo mani ivinimi bego kopola, maniyana taabu kokabikābi. Maniyana pasina geya itoboinemita kogitedoko nako bóbwara moitamo go, nako pola. Aiyuwoina moe sinapuyana goi tokibóbwata ina talavaita mooitamoina kobugoyai.
EXO 23:9 Tomalatonikasa taabu koyogeedegēde. Komi bogina koyagoi tomalatonikasa adi lotówana nakonakae. Moitamo. Boi komi tomalatonikasa nakae Itipita goi.’
EXO 23:10 E Yauwe tuwaina kana, ‘Tala ainima tayamo sinaedi imi poyapoya goi kobāgula be nakae kodibayōya.
EXO 23:11 Go tala ainima aiyuwoina goi, e poyapoyayana iwaiwasi, taabu koobagūli. Niga neta amo poyapoyayana goi awoinu itabo, tookaidi yaimi goi kotagonēdi sina sikabi, avadi. Go kaga tokaidiyadi geya sikabiyeta, e woiwoi kotagonēdi sina sikani. Ame nakae koguinūwe imi oine tanuidi manudi be nakae imi kalova oribe tanuidi manudi.
EXO 23:12 Maliyalina ainima tayamo goi koopaisēwa go, maliyalina ainima aiyuwoina goi kowaiwāsi bei imi bulumakauyao be imi aseyao itoboinedi siwaiwasi, nakae imi pakonayao sibíbina yaimi be nakae tomalatonikasa itoboinedi siwaiwasi.
EXO 23:13 E kaga liliuna bogina alatuwokoimi, e konōve. Go basaleliuyao yoidi taabu koduuduwēdi. Nakae taabu tauyadi yoidi sopami goi sisowōduwo.’
EXO 23:14 E Yauwe tuwaina kana, ‘E tala tayamo sinaena uyáwana aikanidi gagaidi yaigu bei sivato kowodugukoidi.
EXO 23:15 Aikayana vakuumgoina moe Beredi Pokaka Aikanina kowodūgu. Maliyalina ainima aiyuwo beredi pokaka kokakāika tukówana Abib goi nakae bogina alatuwokoimi. Amo tukowanayana sinaena Itipita goi kosowóduwo. Go taabu nima kaka komamāima matagu goi, go sem mami vininabeso kōma kosakulūlu yaigu.
EXO 23:16 Keuwokumgo Aikanina kowodūgu. Amo aikaniyana goi dibayoya keuwokumgoina kokāsale yaigu. Aikayana sivatonina moe Lolágata Aikanina kowodūgu tala ana kaba lukavava goi tutayana távina ikavava.
EXO 23:17 Sivato tala tayamo goi komi koroto kōma kosowōduwo Yau Yauwe imi Tomoya matagu goi.
EXO 23:18 E, neta yoguyogu kokaumate, kogabu bego kokasale yaigu, e taabu yoguyoguyana ikaikaina beredi mana isti taiyao kokaasalēdi. Neta yoguyogu tayamo bego kogabu kokasale yaigu, sabalina taabu koyatoyāto bego itomo kokasale.
EXO 23:19 Imi dibayoya keuwokumgoina dedevina toina imi poyapoya goi komēdi Yau Yauwe imi Yaubada guna Kaba Kaiyaka goi. Neta goti bonatuna kovaipolu, taabu sinana nununa bwaena goi kovaaipōlu.’
EXO 23:20 E Yauwe tuwaina kana, ‘Konōve. Yau guna anerose bei aetune iwo ivakumgoiyemi bego imi ketoiya goi irugwausimi be nakae imemi asa tayamo goi bogina akatuubayasi manumi.
EXO 23:21 Mami dodókana Tauyana niyana konōve. Taabu sopana kokapiipilāve. Bogina koyagoi. Imi kapipilovayana bei geya inuwotaoidita. Yau akaaiyaka tauyana yaina, tauna tauyana guna katumapu nakae.
EXO 23:22 Neta guna aneroseyana sopana kokabikaonedoko be koguinuwe nakae bogina alatuwokoimi, e komi ami kaleyayao Yau nakae guna kaleyayao. Avatau bego ivayaviya komi yaimi, e Yau nakae avayaviya tauyana yaina.
EXO 23:23 Moitamo. Guna aneroseyana bei ivakedemi kona kidi Emori tubunao, Eta tubunao, Perisi tubunao, Kenani tubunao, Ivai tubunao be nakae Iyebusi tubunao idi poyapoya goi. Amo tauyadi bei amtulidi.
EXO 23:24 Taabu kovaatugūyala kokanakabobo be taabu kokatetaagonēmi idi basaleliuyao yaidi goi. Taabu idi sinapu kovatotoowonēdi. Go sem kovasobusobuyedokōidi be nakae idi dídiya aba sakululu kokauvisivisīdi.
EXO 23:25 Kosakulūlu Yau Yauwe imi Yaubada yaigu go, avami be ami bwae bei avamamailidi go, imi katówana bei akabidi akalavedi.
EXO 23:26 Vevina yaimi goi geya tayaamo bei ikogúyala o ikágala geya. Yawoimi bei akimamanavedi.
EXO 23:27 Yau bei avakumgoiyemi ami kaleyayao akatumatoisidi gagaina. Tutayana kovalobodedi, bei nuwodi akiwowonidi, e bei sisiyaemi.
EXO 23:28 Bwanou bei aetunedi sivakumgoiyemi sina bei Ivai tubunao, Kenani tubunao be nakae Eta tubunao sivatapiyedi sisiya.
EXO 23:29 Go tala tayamo goi geya avatapiyedita, govila bei poyapoya ikágala be nakae woiwoi sisusáila badabada sisaki, e sikanimi.
EXO 23:30 Giyaina be giyaina avatapiyedi ana kadókana komi kosusáila nakae itoboinemi poyapoyayana kokabi imi kaba lovina.
EXO 23:31 Imi poyapoyayana ana túwana bei ayatoidi ame nakae: Négwasa Kayakayaina ina da Palisiti idi négwasa. Aiyuwoina yoyowo goi ina sákala Yuparetisi goi. Toni kasa bei nimami goi ayatoidi bego itoboinemi kotogagasavedi.
EXO 23:32 Go taabu toni kasayadi be idi basaleliuyao kokanasiiukōidi.
EXO 23:33 Taabu kotaagonēdi poyapoyayana goi sikaaiyaka, govila bei kidi pasidi kogoyo yaigu. Neta idi basaleliuyao yaidi kokatetagonemi, moe nakae ami síkwana kowodugu yaimi.’
EXO 24:1 Yauwe ina lovina ilatuwokoima ikavava, ilatuwokoigu idigo kana, ‘Kom be Eroni, Nadabi be Abaiu e nakae Isileli tubunao adi tomoyamoya 70 taiyao kotūko kōma Yau Yauwe yaigu. Go masigava goi kovatugūyala kokanakabobo Yau yaigu.
EXO 24:2 Mosese, kom amtava kūma Yau Yauwe kikigu goi. Go kidi Eroni taabu simamāima kikigu. Tomotayadi nakae, taabu situkotūko kom taiyao.’
EXO 24:3 E tuwo yau asou ana tomotayadi Yauwe ina livala be nakae ina lovina alatuwokoidi. Madabokidi niyadi tayamo goi sikatuvavase sidigo kadi, ‘Kaga liliuna Yauwe iidigedi nakae bei kaguinuwedi.’
EXO 24:4 Tuwo kaga liliuna Yauwe bogina ilatuwookoigu agini. Ikavava, amasisi vanuwo itomo, nobuyana giyaina atáoya, ana koyayana unana goi aba kasala akaudakodako. Ikavava, dídiya yawou aiyuwo avataoedi. Didiyayadi moe Isileli tubunao adi dala yawou aiyuwo manudi.
EXO 24:5 Akaudakodako ikavava, tubuwau Isileli tubunao yaidi goi aetunedi sina idi yoguyoguyao vininabeso maniyedi sikabidi, sigabudi, sivakasavedi go, sikasaledi Yauwe yaina. Go bulumakau maniyedi sigabudi go, sikasaledi Yauwe yaina abivekoveko manuna.
EXO 24:6 Ego yoguyoguyadi ikaikaidi akabidi awotaiyuwedi nakiyana nakiyana. Nakiyana noko goi asaligogo go, nakiyana goi aba kasalayana aseuli.
EXO 24:7 Ikavava, Yauwe Ina Kanasíuna Bukina akabi, niyagu gagaina goi akatuyaivi tomota yaidi. Ikavava, liliudi sidigo kadi, ‘Kaga liliuna Yauwe iidigedi nakae bei kaguinuwedi be kakabikaonedi.’
EXO 24:8 E tuwo ikaikayana noko goi akabi tomota aseulidi go, adigo kagu, ‘Konōve! Ame ikaikayana goi Yauwe bogina ikanasiukoida. Anasiunayana unana moe ina livala liliudi bogina ivinida, e takatótula takabikaonedi.’
EXO 24:9 Abóbwara ikavava, e Eroni, Nadabi, Abaiu, Isileli tubunao idi tomoyamoya 70, yau taiyao koyayana goi katuko.
EXO 24:10 Katuko, e kai Isileli tubunao ima Yaubada kagite. Aena ogalaoina goi gurewa tayamo kaausaraina yoina sapaire nakae ikaaiyaka go, maisina yábana buruu nakae.
EXO 24:11 Kidi go Isileli tubunao idi tomoyamoya, e Yauwe nimana geya iyosaleyeta adi láuwo manuna. Tauyana sigite go, sikáika be sinim. Ikavava, madabokima koyayana goi kasou.
EXO 24:12 E Yauwe ilatuwokoigu idigo kana, ‘Kutūko kūma yaigu koya yatana goi kwaiyāka, gurewa paaevaidi bei avinim. Gurewayadi goi guna Katukeda be guna lovina bogina aginidi. Kom kwabīdi tomota kuvatulukōidi.’
EXO 24:13 Tuwo guna tovaita Iyosuwa akabi go, mainao tomoyamoyayadi alatuwokoidi adigo kagu, ‘Ameko goi kotuyaosīma ana kadókana kakaluvilamna kama. Go konōve. Eroni be Ure sikaaiyaka komi taiyao. Neta tomota sikaumakimaki, e sinokoidi bei idi kaumakimakiyadi sikitototoidi.’ Alatuwokoidi ikavava, atáoya Iyosuwa taiyao kana Yaubada ina koya goi katuko. Giyaina katukokova, e Iyosuwa akalave go, yau aguta atuko.
EXO 24:15 Atukotuko go, gaota koya iumai.
EXO 24:16 Yauwe ana káeyana isou koyayana yatana ikaaiyaka. E gaotayana iumai maliyalina ana badabada ainima tayamo. Go Yauwe gaotayana sinaena maliyalina ainima aiyuwoina goi iduduwegu.
EXO 24:17 Ego Yauweyana ana káeyana Isileli tubunao kagite ana kaigigita yeu sabeninimina nakae koya yatana goi.
EXO 24:18 Yau atukotuko, e gaotayana goi asiu. Maeko goi maliyalina 40 be nakae sabamgo 40 akaaiyaka.
EXO 25:1 E Yauwe ilatuwokoigu idigo kana,
EXO 25:2 ‘Isileli tubunao kulatuwokōidi latuwogu idi vagidi sikabidi simedi sikasaledi yaigu. Avatau neta ina vininabeso itagone, e kukābi.
EXO 25:3 Vagidiyadi bei kwabidi ame nakae: Goura, siriba be nakae kopwa,
EXO 25:4 búyala noyanoyaidi buruu, kalaakovidi toidi be nakae kayakayaidi. Nakae areko dedevidi toidi, goti unuunudi,
EXO 25:5 sipi bolamo sakavaidi go, sakavayadi bogina sikaredi kayakayaidi. E nakae yoguyogu sakavaidi, gaigíyala,
EXO 25:6 oribe mumuna rampa manuna, alova sakavaidi dedevidi, pútuma aba kaipaku manuna be nakae insensi ma mainina dedevina.
EXO 25:7 E gurewa esaaesaidi yoidi anikisi be nakae gurewa dedevidi Tonúwala ana kwama manuna. Kwamayadi aiyuwo, tayamo tolobona ana kwama manuna, e tayamo kasikasina ana saisaira manuna.
EXO 25:8 E kulatuwokōidi latuwogu guna kaba kimasaba siyowo, e bei yaimi goi akaaiyaka.
EXO 25:9 Nakonakae guna Kaba Kaiyaka yoyou ma konanina liliudi makayaudi bei avatulukoim, e tauna nakae kutapatēdi go, Isileli tubunao kuvatulukōidi simadagidi.’
EXO 25:10 E Yauwe tuwaina kana, ‘Tomota kulatuwokōidi latuwogu gaigíyala taalaidi sikabidi, dedeoga tayamo bei simadagi. Ana mamanao panetayataya aba katugúyala go, ana papaeva panetayataya go, ana tukotuko panetayataya.
EXO 25:11 Ikavava, goura maavadaina sikabi sikaupapaeve, e dedeogayana goi bei sikaupatuko, tauna dedeogayana toluyena be sinaena goura. Ikavava, ana papa kinababaina goi goura bei sikaupatuko.
EXO 25:12 Ikavava, rini goura aivasi bei simadagidi, matakubuna aivasi goi siyatoidi, dadava aiyuwo, dadava aiyuwo.
EXO 25:13 Ikavava, aitakeo aiyuwo gaigíyala bei sibobóidi go, goura paaevaidi sikabidi aitakeoyadi goi sikaupatukoidi.
EXO 25:14 Ikavava, riniyadi goi sivaisiudi bei itoboinedi dedeogayana sikaitakeve.
EXO 25:15 Aitakeoyadi bei sikaiyako vata dedeoga ana rini goi. Taabu sibuuyagīdi.
EXO 25:16 Aba vatulúkwana moe gurewa aiyuwo goi aaginidi bei avinim, e dedeogayana sinaena goi kudodōidi sikaiyaka.
EXO 25:17 E tomota kulatuwokōidi latuwogu goura maavadaina sikabi, dedeogayana ana katukábwala simadagi. Atukabwalayana moe aba núwala. Aba nuwalayana ana kakainaki ame nakae: Ana mamanao panetayataya aba katugúyala go, ana papaeva panetayataya.
EXO 25:18 Ikavava, goura bei situtu, yábana ana tomatakavatayao aiyuwo simadagidi tokwalu nakae. Simadagidi ikavava, bei aba núwala yatana goi siyatoidi,
EXO 25:19 tayamo matakubuna, tayamo matakubuna goi sipakitaoidi. Tauna aba núwala yatana goi tayamo dadavina, tayamo dadavina.
EXO 25:20 Yábana ana tomatakavatayaoyadi ma panepanedi bei simadagidi go, panepanediyadi siyosaledi, e aba nuwalayana bei sitakabobo bei simataakavate. Adi taiyuwo matana matana sikaaiyaka go, sikandosobu aba núwala sigitegite.
EXO 25:21 Simadagidi ikavava, aba vatulúkwana moe lovina yawou gurewa goi aaginidi bei avinim go, kom kudodōidi dedeoga sinaena goi sikaaiyaka. Ikavava, aba núwala bei sikabi, dedeoga yatana sikailagasi.
EXO 25:22 Aba nuwalayana yatanaina goi yábana ana tomatakavatayao adi taiyuwo nauyayanaidi bei avalobodem. Amoko goi bei alatuwokoim guna lovina liliudi Isileli tubunao manudi.’
EXO 25:23 E Yauwe tuwaina kana, ‘Tomota kulatuwokōidi latuwogu gaigíyala taalaidi bei sikabidi, teboro tayamo simadagi. Teboroyana ana kakainaki ame nakae: Ana mamanao panetayataya kasikasi go, ana papaeva aba katugúyala go, ana tukotuko panetayataya.
EXO 25:24 Go teboroyana goi goura maavadaina go, paaevaidi sikaupatukoidi. Ikavava, kinababaina goi ana papa goura bei sikaupatuko.
EXO 25:25 Sikaupatuko ikavava, teboroyana yatana goi tupaota goura siyatoidi ivaníbita. Tupaotayadi adi tukotuko nimakulemwasi tayamo. Go tupaotayadi goi ana papa goura sikaupatuko.
EXO 25:26 Ikavava, rini aivasi goura maavadaina simadagidi, teboro matakubuna aivasi goi siyatoidi.
EXO 25:27 Tupaota kikina go, sobuyekoina riniyadi sikaaiyaka bei aitakeo goi teboroyana sikaitakeve.
EXO 25:28 Rini siyatoidi ikavava, e aitakeoyadi gaigíyala aiyuwo sibobóidi, goura paaevaidi goi sipaimidi go, gourayadi sikaupatukoidi.
EXO 25:29 Ikavava, e goura maavadaina sikabi, teboroyana ana noko, insensi ana pereiti, teboroyana ana botori be ana borodisi simadagidi. Botoriyana be borodisiyana moe imi oine vininabeso manuna.
EXO 25:30 Latuwogu tuta liliuna teboroyana yatana beredi kimaasabaidi umagu matagu goi siiyatoidi.’
EXO 25:31 E Yauwe tuwaina kana, ‘Tomota kulatuwokōidi latuwogu goura maavadaina sikabi situtu, e rampa adi kaba yata bei simadagi. Aba yatayana alova maisiyana, tauna sipona, tolobona, unana, gadona be nakae senina vagana simadagidi go, madabokina ana lamgógana goura tayamo.
EXO 25:32 Go laonina nakae ainima tayamo tolobona goi simadagidi situko, dadavina aito, dadavina aito.
EXO 25:33 Senina vagana ma gadona aito laoninayadi tamo tamo goi bei sikaaiyaka. Seninayadi taniya maisiyana.
EXO 25:34 Go rampa adi kaba yata tolobona goi senina vagana ma gadona aivasi bei sikaaiyaka.
EXO 25:35 Nako goi laonina sisowóduwo tolobona goi, e senina vagana ma gadona bei sikaaiyaka.
EXO 25:36 Go senina gadonayana be laoninayana goura maavadaina situtudi go, ana lamgógana goura tayamo.
EXO 25:37 Rampa adi kaba yatayana manuna rampa giyaidi ainima aiyuwo bei simadagidi. Ikavava, rampa adi kaba yata sipona yatadi goi siyatoidi, e bei rampa adi kaba yata matana goi imavada.
EXO 25:38 Go ina wiki ana kaba kalikaina be nakae ana noko moe goura maavadaina goi bei simadagidi.
EXO 25:39 Go goura mavadainayana ana moumou nakae kilo ana badabada 30 bei sikabi rampa adi kaba yata be nakae konanina adi madágina manuna.
EXO 25:40 Go am dodōkana bei dogoiyadi boi mainao koya goi bogina avatulukoim, e tauna nakae kutapatēdi.’
EXO 26:1 E Yauwe tuwaina kana, ‘Tomota kulatuwokōidi latuwogu guna Kaba Kaiyaka yoyou simadagi ame nakae: Areko dedevidi toidi adi badabada yawou be nakae búyala noyanoyaidi buruu, kalaakovidi toidi be kayakayaidi sikabidi, e simadagi. Arekoyadi goi yábana ana tomatakavatayao makauyadi sigilumidi. Gilumayana ana kaigigita gíluma ana tokatanaki idi paisewa.
EXO 26:2 Go areko tamo tamo adi mamanao ovanima ovato go, adi papaeva ovatayamo. Areko liliudi adi kakainaki nakae.
EXO 26:3 E areko ainima adi mamanao goi sisavikoidi. Niga areko ainima sikabidi, adi mamanao goi sisavikoidi.
EXO 26:4 Go areko buruu sikabidi, látuma siyatakoidi go, latumayadi matakubudi aba vatumna areko tayamo ana mamanao goi sigilumipatukoidi. Aba vatumna areko aiyuwoina ana mamanao goi, nakae bei siguinuwe.
EXO 26:5 Aba vatumna areko tayamo ana mamanao goi ana látuma adi badabada 50 sigilumipatukoidi. E nakae aba vatumna areko aiyuwoina ana mamanao goi siguinuwe. Go latumayadi sivatuyuwedi.
EXO 26:6 Ikavava, aba talagegeta goura adi badabada 50 simadagidi, e aba talagegetayadi goi aba vatumna areko aiyuwokova sisavidi, e bei guna Kaba Kaiyakayana ana kaba vatumna ana kaigigita areko tayamo toito.
EXO 26:7 E tomota kulatuwokōidi latuwogu goti unuunudi sikabidi, areko yawou tayamo simadagidi. Arekoyadi guna Kaba Kaiyaka ana kaba vatumna siyatakoidi.
EXO 26:8 Arekoyadi tamo tamo adi mamanao ovanima ovato aba katugúyala. Go adi papaeva ovatayamo. Arekoyadi madabokidi adi kakainaki nakae.
EXO 26:9 Go arekoyadi ainima sikabidi, adi mamanao goi sisavikoidi. Niga arekoyadi ainima tayamo sikabidi, adi mamanao goi sisavikoidi. Go ame arekoyana goi guna Kaba Kaiyaka sivatum go, kaga ikesa, moe areko ainima tayamoina, e ana kaba siu goi siguyali.
EXO 26:10 Látuma areko ana badabada 50 sikabidi, matakubudi sigilumipatukoidi aba vatumna ana mamanao goi. Nakae siguinuwe aba vatumna aiyuwoina goi.
EXO 26:11 Ikavava, aba talagegeta kopwa ana badabada 50 simadagidi go, aba vatumna areko aiyuwokova adi látuma goi sivaisiudi sisavidi. Tauna aba vatumna areko tayamo maanawena.
EXO 26:12 Arekoyana panetayataya kasikasi ikesa Tukunu goi moe sikayabale ina sikayapatuko.
EXO 26:13 Go guna Kaba Kaiyaka salavavaina arekoyana ikesa aba katugúyala goi sikayabale ina sikayapatuko, e guna Kaba Kaiyaka ivatum.
EXO 26:14 Ikavava, aba vatumna aiyuwo tuwaina sigilumidi guna Kaba Kaiyakayana manuna. Tayamo sipi bolamo sakavaidi sikabidi aba vatumna tayamo sigilumi. Sakavaidiyadi sikaredi kayakayaidi. Go aiyuwoina yoguyogu sakavaidi sikabidi aba vatumna aiyuwoina sigilumi.’
EXO 26:15 E Yauwe tuwaina kana, ‘Tomota kulatuwokōidi latuwogu gaigíyala taalaidi sikabidi, guna Kaba Kaiyakayana ana vabodakalova simadagidi.
EXO 26:16 Ana vabodakalova tamo tamo gidigidina ana tukotuko ovato go, adi mamanao panetayataya.
EXO 26:17 Vabodakalovayadi adi madágina ame nakae: Alova aiyuwo sivataoedi go, alova sikanabaledi alovayadi aiyuwo nauyayanaidi goi. Vabodakalova liliudi Aba Kaiyakayana goi simadagidi nakae.
EXO 26:18 Vabodakalova adi badabada 20 simadagidi Aba Kaiyakayana youya dadavina manuna.
EXO 26:19 Go vabodakalovayadi adi kaba táoya siriba adi badabada 40 simadagidi. Tauna aba táoya aiyuwo moe vabodakalova tayamo manuna. Nakae bei siguinuwe vabodakalova liliudi goi.
EXO 26:20 Go guna Kaba Kaiyakayana yawéyana dadavina goi nakae bei siguinuwe. Vabodakalova adi badabada 20 simadagidi
EXO 26:21 go, adi kaba táoya siriba adi badabada 40 simadagidi. Tauna aba táoya aiyuwo vabodakalova tayamo manuna.
EXO 26:22 Go Tukunu ana vaboda goi, moe koiboga dadavina, guna Kaba Kaiyakayana ana vabodakalova adi badabada ainima tayamo simadagidi.
EXO 26:23 Go guna Kaba Kaiyakayana matakubuna aiyuwo goi vabodakalova aiyuwo tuwaina simadagidi, sikalipaiwolidi. Moe yawéyana be koiboga adi valoboda goi be nakae youya be koiboga adi valoboda goi.
EXO 26:24 Sikalipaiwolidi, tauna ditonema unadi goi vabodakalova aiyuwo go, diligaema rini goura goi vabodakalovayadi sikopatukoidi. Tukunu ana vaboda matakubuna aiyuwo goi siguinuwe nakae.
EXO 26:25 Tuwo vabodakalova adi badabada ainima aito koiboga dadavina go, adi kaba táoya adi badabada yawou ainima tayamo. Moe aba táoya aiyuwo vabodakalova tayamo manuna.
EXO 26:26 Vabodakalovayadi simadagidi ikavava, latuwogu logógana gaigíyala ainima sibobóidi, e vabodakalova toluyedi youya dadavina goi sikanabaledi.
EXO 26:27 Ikavava, ainima tuwaina sibobóidi, e yawéyana dadavina sikanabaledi. Nakae ainima sibobóidi Tukunu koiboga dadavina nakae sikanabaledi.
EXO 26:28 Go rini goura siyatoidi vabodayadi toluyedi goi, e vaboda tamo tamo nauyayana logógana tayamo riniyadi goi sivaisiu ikanabalabala go, adi mamanao vaboda naveyadi.
EXO 26:29 Vabodakalovayadi liliudi goi goura paaevaidi bei sikaupatukoidi. Aiyuwoina logoganayadi goura paaevaidi goi sipaimidi go, gourayadi sikaupatukoidi. Ikavava, rini goura simadagidi, vabodakalova toluyena goi siyatoidi, e logoganayadi sivaisiudi.
EXO 26:30 E guna Kaba Kaiyakayana simadāgi nakae makayauna koyayana goi bogina avatulukoim kutapate.’
EXO 26:31 E Yauwe tuwaina kana, ‘Tomota kulatuwokōidi latuwogu búyala noyanoyaidi buruu, kalaakovidi toidi be kayakayaidi sikabidi be nakae areko dedevidi sikabidi, e gíluma ana tokatanaki sivini, vabodaupa kaarekoina tayamo igilumi. Arekoyana goi yábana ana tomatakavatayao makayaudi igilumidi.
EXO 26:32 Igilumidi ikavava, tomota kulatuwokōidi latuwogu kówala gaigíyala aivasi sibobóidi go, goura paaevaidi sikabidi, kowalayadi sipaimidi. Sipaimidi ikavava, adi kaba táoya siriba goi sivataoedi guna Kaba Kaiyakayana sinaena. Go aba talagegeta goura kowalayadi sipodi goi siyatoidi. Amoko goi arekoyana sivakosaine.
EXO 26:33 Latumayadi boi aba vatumna areko sisaavikoidi sobuyekoidi goi arekoyana sivakosaine. Sivakosaine ikavava, e aba vatulúkwana dedeogaina sikabi, sivaisiu vabodaupa kaarekoina sinaena siyato. Vabodaupayana Bateta Kimaasabaina be Tukunu Kimaasabaina Toina sivabodaupedi.
EXO 26:34 Dedeoga siyato ikavava, e aba núwala sikabi, Tukunu Kimaasabaina Toina goi sivaisiu aba vatulúkwana dedeogaina yatana goi sikailagasi.
EXO 26:35 Ikavava, teboroyana sikabi, sikaitakeve sinave guna Kaba Kaiyaka goi sivaisiu go, yawéyana dadavina vabodaupa kaarekoina toluyena goi siyato. Go rampa adi kaba yata sikabi, guna Kaba Kaiyaka goi sivaisiu go, youya dadavina vabodaupa kaarekoina toluyena goi siyato.
EXO 26:36 E guna Kaba Kaiyaka ana kaba siu moe bomatu dadavina goi bei ikaaiyaka. Aba siuyana kaarekoina ana gíluma ame nakae: Búyala noyanoyaidi buruu, kalaakovidi toidi be kayakayaidi be nakae areko dedevidi sikabidi, e gíluma ana tokatanaki bei sivini, igilumi.
EXO 26:37 Igilumi ikavava, tomota kulatuwokōidi latuwogu kówala gaigíyala ainima sibobóidi, e goura paaevaidi sikabidi, kowalayadi sipaimidi. Sipaimidi ikavava, adi kaba táoya kopwa simadagidi. Ikavava, goura sikabi aba siu karekoinayana adi kaba talagegeta simadagidi.’
EXO 27:1 E Yauwe tuwaina kana, ‘Tomota kulatuwokōidi latuwogu gaigíyala taalaidi sikabidi, aba kasala simadagi. Ana mamanao be nakae ana papaeva moe ovatayamo panetayataya go, ana tukotuko moe ovatayamo.
EXO 27:2 Simadagi ikavava, e ana sakusaku aivasi simadagidi matakubuna aivasi goi siyatoidi go, sakusakuyadi be aba kasala alova tayamo goi simadagidi. Siyatoidi ikavava, kopwa paaevaidi sikabidi, aba kasalayana goi sikaupatukoidi.
EXO 27:3 Ikavava, e kopwa tuwaina sikabidi, aba kasala konanina simadagidi. Konaninayadi ame nakae: Silekau ana kaba vadoda, ana sabwero, ana borodisi, ana sisiwo be nakae pokova ana kaba vadoda simadagidi.
EXO 27:4 Ikavava, e kopwa tuwaina sikabi, ana vátala simadagi yeu ana kaba dímila manuna. Go vatalayana matakubuna aivasi goi rini kopwa sikaupatukoidi go, sisowóduwo aba kasalayana toluyena goi.
EXO 27:5 Ikavava, e aba kasala sinaena nauyayanaina goi sidodoi.
EXO 27:6 Ikavava, aba kasala ana kaitakeo gaigíyala aiyuwo sibobóidi. Niga kopwa paaevaidi goi bei sipaimidi.
EXO 27:7 Ikavava, aitakeoyadi sivaisiudi riniyadi aba kasala toluyena goi, dadavina tayamo, dadavina tayamo, e bei itoboinedi aba kasalayana sikaaitakeve.
EXO 27:8 Aba kasalayana timba paaevaidi goi bei simadagi. Go sinaena daakakaina be nakae dibuna geya ana kaubodamo. Latuwogu simadagi nakae makayauna boi koyayana goi bogina avatulukoim.’
EXO 27:9 E Yauwe tuwaina kana, ‘Tomota kulatuwokōidi latuwogu guna Kaba Kaiyakayana sikali. E areko dedevidi sikabidi, guna Kaba Kaiyakayana ana kali simadagi. Aliyana youya dadavina ana mamanao moe ova 30.
EXO 27:10 Kówala ana badabada 20 adi kaba táoya kopwa goi sivataoedi. Kowalayadi adi takudukudu goi rini be aba talagegeta siriba siyatoidi.
EXO 27:11 Yawéyana dadavina goi nakae. Ana mamanao moe ova 30 go, kówala ana badabada 20 madi kaba táoya kopwa goi. Kowalayadi adi takudukudu goi rini be aba talagegeta siriba siyatoidi.
EXO 27:12 E aliyana koiboga dadavina ana mamanao moe ovayawou ovanima go, kówala ana badabada yawou adi kaba táoya kopwa goi sivataoedi. Go sipodi goi rini be aba talagegeta siriba siyatoidi.
EXO 27:13 E aliyana ana kaba siu goi moe bomatu dadavina, ana mamanao nakae ovayawou ovanima.
EXO 27:14 Aba siu dadavina ana mamanao ovavasi panetayataya, dadavina ovavasi panetayataya. Go ana kówala dadavina aito, dadavina aito adi kaba táoya goi sivataoedi. E kowalayadi goi arekoyadi sivakosainedi.
EXO 27:16 E búyala noyanoyaidi buruu, kalaakovidi toidi be kayakayaidi be nakae areko dedevidi sikabidi, gíluma ana tokatanaki sivini, ali ana kaba siu ana taboda kaarekoina igilumi. Go tabodayana ana mamanao moe ovanima ovayuwo. E kówala aivasi adi kaba táoya goi sivataoedi go, kowalayadi goi tabodayana sivakosaine.
EXO 27:17 Kówala liliudi ali goi madi rini siriba be nakae madi kaba talagegeta siriba. Go kowalayadi adi kaba táoya moe kopwa.
EXO 27:18 Ali ana mamanao moe ova 30 go, ana papaeva moe ovayawou ovanima. Go aliyana ana tukotuko moe ovatayamo panetayataya. Aliyana moe areko dedevidi go, kówala adi kaba táoya moe kopwa.
EXO 27:19 Guna Kaba Kaiyakayana ana turu liliudi kopwa. E nakae ana kaba kokavata be nakae ali ana kaba kokavata liliudi moe kopwa.’
EXO 27:20 E Yauwe tuwaina kana, ‘Isileli tubunao kulatuwokōidi latuwogu sina oribe mumuna pokaka sikabi rampa manuna, e bei rampayadi lavilavi tamo tamo silotuvaninimidi sininínima.
EXO 27:21 Guna Kaba Valoboda sinaena go, vabodaupa kaarekoina toluyena, e rampa adi kaba yata bei ikaaiyaka. Latuwogu rampayadi Eroni ma natunao sirugwausidi sininínima lavilavi ina nobuyana. Ame lovinayana ikaiyako vata Isileli tubunao yaimi.’
EXO 28:1 E Yauwe tuwaina kana, ‘Isileli tubunao yaidi goi siyam Eroni ma natunao Nadabi, Abaiu, Eliyasa be Itamari kom kududuwēdi sima kuvagitakōidi yaigu bei kidi guna tonuwalayao sipaaisewa umagu.
EXO 28:2 Tomota kulatuwokōidi latuwogu Eroniyana ana kwama sigilumidi kimaasabaidi ina paisewa ana kilágata manuna be ana wowoina manuna.
EXO 28:3 E ava korotova madi nuwopolala neta nuwopolala bogina aavinidi kulatuwokōidi Eroni ana kwama sigilumidi bei kwamayadi pasidi tauyana kimaasabaina, e kina guna Tonúwala nakae ipaaisewa manugu.
EXO 28:4 Ame kwamayadi bei sigilumidi: Kasikasina ana saisaira, tolobona ana kwama, kwama maanawena, saidibuna maanawena, dábana aba vatúmna be gigipáiwala. Tauna nakae Eroni ma natunao adi kwama sigilumidi kimaasabaidi guna paisewa manuna, e tauyadi itoboinedi guna Tonuwalayao nakae sipaaisewa manugu.
EXO 28:5 Tauyadi tokatanaki búyala goura siwodugudi be búyala noyanoyaidi buruu, kalaakovidi toidi be kayakayaidi be nakae areko dedevidi sikabidi, Tonúwala ana kwama ana gíluma manuna.’
EXO 28:6 E Yauwe tuwaina kana, ‘Gíluma ana tokatanaki kulatuwōko latuwogu búyala goura be búyala noyanoyaidi buruu, kalaakovidi toidi be kayakayaidi be nakae areko dedevidi ikabidi, Tonúwala tolobona ana kwama igilumi ame nakae:
EXO 28:7 Aba latuba aiyuwo sigilumidi, e kwamayadi aiyuwo matakubudi goi igilumipatukoidi.
EXO 28:8 Ikavava, kwamayana ana gigipáiwala igilumidoko, ana kaigigita dedevina toina. Go gigipaiwalayana kwama goi igilumipatuko. Ana búyala be ana kareko moe kwamayana nakae.
EXO 28:9 Gurewa esaaesaidi anikisi aiyuwo ikabidi, e yatadi goi Isileli natunao yawou aiyuwo yoidi iginidi.
EXO 28:10 Youyadi ainima tayamo gurewa tayamo goi, e ainima tayamo moe gurewa aiyuwoina goi go, adi bíbina goi iginidi.
EXO 28:11 Gínina ana tokatanaki yoidiyadi iginidi. Iginidi ikavava, e goura goi gurewayadi adi kaba yata imadagidi maisidi dedevidi. Ikavava, gurewayadi adi kaba yata goi ikauvapotedi go, tolobona ana kwama ana kaba latubayadi yatadi goi ikauvapotedi. Gurewayadi moe aba nuwokavata bego tauyana imi katumapu. E tuta tamo tamo Eroni isiu ima Yau Yauwe matagu goi, tauyana Isileli natunao yoidi ikavaledi aba nuwokavata manuna.
EXO 28:14 E ikauvapotedi ikavava, goura maavadaina goi seni nakae aiyuwo inoedi. Inoedi ikavava, gurewayadi adi kaba yata goi ikauvapotedi.’
EXO 28:15 E Yauwe tuwaina kana, ‘Gíluma ana tokatanaki kulatuwōko latuwogu kasikasina ana saisaira sigilumi. Kasikasina ana saisairayana goi itoboinemi guna nuwonúwana koyagoi. Ana gíluma nakae tolobona ana kwama ana gíluma. Moe búyala noyanoyaidi goura, buruu, kalaakovidi toidi be kayakayaidi be nakae areko dedevidi ikabidi, tabodayana igilumi.
EXO 28:16 Tabodayana bei inunumi, ana mamanao be nakae ana papaeva sivavasa, moe nimakulemwasi aito.
EXO 28:17 Tabodayana goi gurewa esaaesaidi túwana aivasi goi ikauvapotedi. Túwana vakuumgoina goi gurewayadi yoidi rubi, topasi be beleli iyatoidi.
EXO 28:18 Túwana aiyuwoina goi gurewayadi yoidi turakoisi, sapaire be emeradi iyatoidi.
EXO 28:19 Túwana aitonina goi gurewayadi yoidi diyasinta, ágeta be ametísta iyatoidi.
EXO 28:20 Túwana aivasina goi gurewayadi yoidi kwatisi, anikisi be diyáspa iyatoidi. Ame gurewayadi adi kaba yata moe goura goi bei ikauvapotedi.
EXO 28:21 Gurewayadi tamo tamo goi Isileli natunao yawou aiyuwo yoidi tamo tamo iginidi. Tauna gurewa tayamo, you tayamo, gurewa tayamo, you tayamo. Youyadi Isileli tubunao adi dala yoidi.
EXO 28:22 Tuwaina gíluma ana tokatanaki kulatuwōko goura maavadaina bei ikabi, kasikasina ana saisaira ana seni nakae inoedi.
EXO 28:23 Kasikasina ana saisaira matakubuna aiyuwo diligaemaina goi rini goura aiyuwo ikauvapotedi.
EXO 28:24 Ikavava, seniyadi goura tayamo dadavina isikoidi riniyadi goi
EXO 28:25 go, tayamo dadavina gurewa adi kaba yata aiyuwo goi isikoidi. Aba yatayadi sikaiyaka tolobona ana kwama ana kaba latuba aiyuwo goi.
EXO 28:26 Niga rini goura aiyuwo imadagidi, e kasikasina ana saisaira ogalaoina goi iyatoidi.
EXO 28:27 Ikavava, rini goura aiyuwo tuwaina imadagidi, tolobona ana kwama ana sinapatúkwana goi iyatoidi. Go moe gigipáiwala dedevina diligaemaina goi be nakae kwamayana kukuna goi.
EXO 28:28 Ikavava, búyala buruu aiyuwo ikabidi, tayamo dadavina isikoidi rini aiyuwo kasikasina ana saisaira ogalaoina goi go, tayamo dadavina isikoidi rini aiyuwo tolobona ana kwama goi. Tauna kasikasina ana saisairayana ikaaiyaka gigipáiwala dedevina diligaemaina, e geya itoboineyeta italigalígava tolobona ana kwama goi.
EXO 28:29 E tutayana Eroni isiu ima Bateta Kimaasabaina goi, e Isileli tubunao yoidi moe kasikasina ana saisaira goi ikaavaledi, tauna tuta liliuna moe aba nuwokavata matagu goi.
EXO 28:30 Tabodayana sinaena goi aba yagoina aiyuwo yoidi Urim be Tumim kudodōidi sikaaiyaka. E tutayana Eroniyana isiu ima Yau Yauwe matagu goi kasikasina ana saisaira ilosi, e bei sinaena aba yagoinayadi ikavaledi. Go aba yagoinayadi goi bei iyagoi guna lovina nakonakae Isileli tubunao manumi.’
EXO 28:31 E Yauwe tuwaina kana, ‘Kwama tayamo maanawena ikaaiyaka tolobona ana kwama sinaena. Tomota kulatuwokōidi kwamayana sigilumi madabokina buruu kaka.
EXO 28:32 E kwamayana goi tapora tayamo Tonúwala nukotona manuna siwodugu. Taporayana kikina sikunupedoko, tauna kwamayana geya itoboineyeta itaisa.
EXO 28:33 Sigilumi ikavava, búyala noyanoyaidi buruu, kalaakovidi toidi be kayakayaidi sikabidi, mogolu keuwoina maisiyana sigilumidi, e kwamayana kikina ditonema dadavina goi sisikoidi. E nakae goura maavadaina sikabi, bere giyaidi simadagidi. Ikavava, kwamayana kikina ditonema dadavina goi sisikoidi mogolu nauyayanaidi.
EXO 28:34 Tauna bere tayamo mogolu tayamo, bere tayamo mogolu tayamo kwamayana kikina madabokina ivaníbita nakae.
EXO 28:35 Moe kwamayana Eroni bei ilosi tutayana Tonúwala ana paisewa iguinuwedi umagu. Go bereyadi sitaitáiya tutayana Bateta Kimaasabaina goi isiu ima Yau Yauwe matagu goi o isowoduwomna. E imaiko go, adi táiya bogina anove, govila bei ikámasa.’
EXO 28:36 E Yauwe tuwaina kana, ‘Tomota kulatuwokōidi goura maavadaina sikabi dabayogigi simadagi senina maisiyana, e yatana goi sigini kadi, “Ame Tauyana Kimaasabaina Yauwe Umana.”
EXO 28:37 Ikavava, búyala buruu sikabi, peperuyana dabana goi dabayogigi sisiko.
EXO 28:38 E dabayogigiyana Eroni dabana goi ikaaiyaka, e bei Isileli tubunao idi goyo ikabidi inavedi. Goyoyadi unana nakona madi goyo idi vininabeso sikimasabedi Yau Yauwe umagu. Tauna dabayogigiyana ikaiyaka dabana goi tutayana isiu ima matagu goi, e bei Yau Yauwe agite go, idi vininabesoyadi auyaonedi.
EXO 28:39 Tomota kulatuwokōidi areko dedevina sikabi, gíluma ana tokatanaki sivini kwama tayamo saidibuna maanawena, dábana aba vatúmna be nakae gigipáiwala igilumidi.
EXO 28:40 Tomota kulatuwokōidi Eroni natunao koroto nakae adi kwama maanawedi, adi gigipáiwala be adi peperu sigilumidi idi paisewa ana kilágata manuna be ana wowoina manuna.
EXO 28:41 Kwamayadi Eroni ma natunao kuvalosīdi. Ikavava, pútuma kwābi, kuputumīdi. Kuputumidi ikavava, kukaipakuyēdi bei paisewayana nimadi goi kuyāto be nakae kukimasabēdi umagu, e bei itoboinedi Tonúwala nakae sipaisewa umagu.
EXO 28:42 Gíluma ana tokatanakiyao kulatuwokōidi tarausisi aba saidibuna Eroni ma natunao manudi sigilumidi, e talaidi sivatumdi. Tarausisiyadi adi mamanao tolobodi goi sisou sina dibuwatudi goi ikaluvila.
EXO 28:43 Eroni ma natunao bei silosidi tutayana guna Kaba Valoboda goi sisiu o neta Bateta Kimaasabaina goi sisiu sima aba kasala goi bego sipaisewa yaigu, govila bei idi tapepeko adi kiyaya sibabane, moe ámasa. Moe lovinayana ikaiyako vata tauyana be natunao be tubunao yaidi.’
EXO 29:1 E Yauwe tuwaina kana, ‘E ame kuguinūwe tutayana Eroni ma natunao kukimasabedi umagu, e bei guna Tonuwalayao nakae sipaisewa manugu: Bulumakau natuna bolamo tayamo be nakae sipi bolamo dedevidi aiyuwo kwabīdi.
EXO 29:2 Ikavava, parawa dedevina kwābi, beredi pokaka taiyao kugabūdi. Go berediyadi maniyedi pokaka, oribe mumuna tuwo. Maniyedi oribe mumuna taiyao kupopolīdi. E nakae maniyedi kakaaraiidi go, oribe mumuna kokikilīdi.
EXO 29:3 Ikavava, berediyadi bayao tayamo goi kudodōidi, e bayaoyana kūme guna Kaba Valoboda totomna goi tutayana bulumakauyana be sipiyadi bolamo aiyuwo bego kukasaledi yaigu.
EXO 29:4 Go Eroni ma natunao, e adi kasala manuna kumēdi guna Kaba Valobodayana totomna goi kuvaisivēdi.
EXO 29:5 Kuvaisivedi ikavava, baige Tonúwala ana kwama kwabīdi, e Eroni kuvalōsi ame nakae: Mainao kwama saidibuna maanawena, namliyeta kwama maanawena buruu kuvalōsi. Ikavava, e tolobona ana kwama kuvalōsi baige kasikasina ana saisaira kuvalōsi. Madabokina ikavava, e gigipáiwala dedevina kusīko.
EXO 29:6 Kusiko ikavava, e dábana aba vatúmna kukailagāsi. Niga dabayogigi kimaasabaina peperu goi kusīko.
EXO 29:7 Ikavava, pútuma aba kaipaku kwābi, Eroni dabana kuputūmi bei tauyana kiinavaina umagu.
EXO 29:8 Go Eroni natunao kumēdi, kwama saidibuna maanawedi kuvalosīdi.
EXO 29:9 Nakae adi gigipáiwala kusikōidi, adi peperu dabadi goi kwailagasīdi. Moeko goi itoboinedi sietonúwala go, paisewayana guna lovina goi ikaiyako vata kidi ma natudiyao be tubudiyao yaidi. Tauna nakae paisewayana Eroni ma natunao nimadi goi kuyāto.
EXO 29:10 E bulumakauyana kūme guna Kaba Valoboda totomna goi go, Eroni ma natunao kulatuwokōidi bulumakauyana dabana goi nimadi siyatōidi.
EXO 29:11 Niga bulumakauyana matagu goi kukaumāte go, ikaikaina idau ina noko goi kusaligōgo.
EXO 29:12 Kukaumate ikavava, ikaikaina goi nimam kusavakutūi, e aba kasala ana sakusaku goi kumigīdi go, aba kasalayana unana goi ikaikayana madabokina kusiwōi.
EXO 29:13 Ikavava, posinaena be diyauwouwosina be nakae vivina aiyuwo ma sabalidi kukabīdi, aba kasala goi kugabūdi, e bei aubowoidi situko sima. Moe idi vininabeso yaigu.
EXO 29:14 Go bulumakauyana iwoina, sakavaina be nakae taena, e kwabīdi, kunavēdi imi tunagu moetala goi kugabusavēdi. Moe bágala adi vininabeso.
EXO 29:15 E sipi bolamo tayamo kukābi, e dabana goi Eroni ma natunao nimadi siyatoidi.
EXO 29:16 Ikavava, sipiyana kukaumāte go, ikaikaina kwābi, yoguyogu ana kaba kasala kuseulinibīsi.
EXO 29:17 Go sipiyana moe kupilūmi. Ikavava, talainao liliudi be kaga liliuna posinae sinaena be nakae aena kunikīdi. Ikavava, talainao be bulubuluna yatadi goi kuyatōidi.
EXO 29:18 Kuyatoidi ikavava, sipi talainaoyadi kugabūdi be kuvakasavēdi Yau Yauwe yaigu. Moe yabobona awoinuna aubowoina ituko ima mainina dedevina ivauyaonegu.
EXO 29:19 E sipi bolamo aiyuwoina kukābi, e dabana goi Eroni ma natunao nimadi siyatoidi.
EXO 29:20 Ikavava, sipiyana kukaumāte go, ikaikaina noko goi kusaligōgo. Ikavava, Eroni ma natunao taiyadi be nimatubutubudi be nakae aetubutubudi kakataidi kumigīdi. Ikavava, ikaikayana madabokina kwābi, aba kasala kuseulinibīsi.
EXO 29:21 Go ikaikayana maniyena aba kasala goi be nakae pútuma aba kaipaku kwabīdi, Eroni ma natunao madi kwama kuseulīdi. Moe nakae kidi madi kwama kukimasabedi umagu.
EXO 29:22 E sipiyana sabalina, yuyuna sabalina, posinaena, diyauwouwosina, vivina aiyuwo ma sabalidi be nakae dibuwatuna kakataina kwabīdi. Ame sipiyana moe tauyadi adi kimasaba umagu manuna.
EXO 29:23 E moe dogoiyadi kwabīdi be nakae beredi geya adi istimo ma bayaoina Yau Yauwe matagu goi ikaaiyaka, e beredi aito kwabīdi, tayamo pokaka, tayamo oribe mumuna taiyao be tayamo oribe mumuna kukikīli.
EXO 29:24 E kwabīdi, Eroni ma natunao nimadi goi kuyatōidi go, nimadi sikatulagasidi, dogoiyadi sikasaledi Yau Yauwe yaigu.
EXO 29:25 Ikavava, dogoiyadi kwabimnēidi, sipi bolamo vakuumgoina aba kasala goi kukailagasīdi, kuvakasavēdi. E aubowoina ituko ima, Yau Yauwe mainina dedevina ivauyaonegu. Moe yabobona awoinuna yaigu.
EXO 29:26 E sipiyana bolamo aiyuwoina Eroni ana kimasaba manuna, e kukuna kwābi, kwatulagāsi kukasāle Yau Yauwe yaigu. Moe talainayana kom im kaiguyau.
EXO 29:27 Tutayana koroto kukimasabe Tonúwala umagu, mainao sipi bolamo guna Tonuwalayao adi kimasaba manuna, e kukuna kailaagasina be nakae dibuwatuna vagidi ana vininabeso goi kukabīdi kukimasabēdi umagu.
EXO 29:28 E ame tutayana be nakae tuta simamaima lovina ame ikaiyako vata: Neta tomota tuboina ana vininabeso yoguyoguna sikasaledi yaigu, e yoguyoguyadi kukudi be dibuwatudi moe Eroni mana bodao Tonúwala adi kaiguyau. Moe idi vagidi ana vininabeso Yau Yauwe yaigu.
EXO 29:29 E Eroni ina kámasa mlina, ina obáila kimaasabaidi natunao bei sikabidi, e bei Eroni ana katumapu tayamo ilosidi. Ikavava, pútuma aba kaipaku kwābi, kukaipakūye be paisewayana nimadi goi kuyāto.
EXO 29:30 Go ava natuna bei itáoya Tonúwala, e tutayana igimiima guna Kaba Valoboda goi isiu ima Bateta Kimaasabaina goi núwala ana paisewa iguinuwedi yaigu, kwamayadi iilosidi maliyalina ana badabada ainima aiyuwo.
EXO 29:31 E sipi bolamo Eroni ana kimasaba manuna go, iwoina kwābi, kūme guna Kaba Valoboda ana moteo kimaasabaina goi kuvaipolūye.
EXO 29:32 Ikavava, Eroni ma natunao bei sima guna Kaba Valoboda totomna goi sipi bolamo iwoinayana be berediyadi ma bayaoidi sikáika.
EXO 29:33 Amo nakae vininabesoyadi bei sikáika. Vininabesoyadi goi idi goyo sinuwolidi boi tutayana Eroni ma natunao nimadi goi paisewayana kuyato be nakae kukimasabedi umagu. Tauna nakae bei sikáika go, tomota besobeso taabu sikanikāni. Iwayayana be nakae berediyadi moe kimaasabaidi umagu.
EXO 29:34 Go neta vanuwo itomo iwoinayana be nakae berediyadi Tonúwala adi kimasaba manuna kesakesaidi, e kukabīdi, kugabusavēdi. Taabu tomota siikanīdi. Iwoinayana be nakae berediyadi moe kimaasabaidi umagu.
EXO 29:35 E tauna nakae kuguinūwe Eroni ma natunao yaidi nakae kaga liliuna bogina alatuwokoim. Maliyalina ana badabada ainima aiyuwo goi moe guinuwayadi kuguuinuwēdi tutayana paisewayana nimadi goi kuyato.
EXO 29:36 Go bulumakau tomota idi bágala adi núwala manuna maliyalina tamo tamo goi kukaumāte kugabusāve. E nakae aba kasalayana kukimavāde. Ikavava, pútuma aba kaipaku kwābi kuputūmi bei kukimasabe umagu.
EXO 29:37 E maliyalina ainima aiyuwo goi nakae kuguuinūwe, e bei aba kasalayana kimaasabaina toina umagu. Kaga neta ibisikone, itoboine dogoiyana bogina kimaasabaina umagu.’
EXO 29:38 E Yauwe tuwaina kana, ‘Guna Tonuwalayao kulatuwokōidi aba kasala goi ame sigabusavedi sikasaledi maliyalina tamo tamo yaigu: Lami aiyuwo, tamo tamo adi tala tayamo bogina sibabane.
EXO 29:39 Lami tayamo nobuyana goi sikasale yaigu go, lami aiyuwoina lavilavi.
EXO 29:40 Go lami vakuumgoina ana kasala manuna parawa dedevina ma nokoina giyaina be oribe mumuna dedevina toina lita tayamo taiyao sikabidi, sipopolidi. Ikavava, siyato lamiyana taiyao. E nakae oine lita tayamo sikabi, sisiwoi aba kasala goi lamiyana taiyao sikasaledi yaigu.
EXO 29:41 Go lamiyana aiyuwoina moe lavilavi goi sikasale Yau Yauwe yaigu. Ago imi vininabeso kutukutu be nakae oine kokasalēdi nobuyana nakae. Tauna tutayana sivaakasave, aubowoina ituko ima, e mainina dedevina ivauyaonegu. Moe yabobona awoinuna yaigu.
EXO 29:42 Ame tuta be nakae tuta simamaima guna Tonuwalayao bei sima guna Kaba Valoboda totomna goi yoguyogu sigabudi sivakasavedi go, sikasaledi Yau Yauwe yaigu. Guna Kaba Valobodayana goi bei avalobodemi be avadigoimi.
EXO 29:43 Komi Isileli tubunao amoko goi bei avalobodemi go, guna togaga ana káeyana bei isiu guna Kaba Kaiyaka ikimasabe umagu.
EXO 29:44 Moitamo. Guna Kaba Valobodayana be nakae aba kasalayana bei akimasabedi umagu. Aiyuwoina Eroni ma natunao akimasabedi umagu, e bei tauyadi itoboinedi guna Tonuwalayao nakae sipaisewa yaigu.
EXO 29:45 Bei akaaiyaka Isileli tubunao yaimi. Yau bei imi Yaubada.
EXO 29:46 Komi bei koyagoigu Yau Yauwe imi Yaubada boi Itipita goi akabimi amemi, e bei itoboinegu akaaiyaka yaimi. Yau Yauwe imi Yaubada.’
EXO 30:1 E Yauwe tuwaina kana, ‘Tomota kulatuwokōidi gaigíyala taalaidi sikabidi, insensi ana kaba kasala simadagi bei yatana insensi sigabugabu.
EXO 30:2 Aba kasalayana ana mamanao be nakae ana papaeva moe aba katugúyala go, ana tukotuko panetayataya kasikasi. Go ana sakusaku aivasi matakubuna goi siyatoidi. Go sakusakuyadi be aba kasala alova tayamo goi simadagidi.
EXO 30:3 Simadagi ikavava, goura maavadaina go, paaevaidi sikabidi, aba kasalayana goi sikaupatukoidi. Tauna madabokina goura. Sikaupatukoidi ikavava, e kinababaina goi ana papa goura sikaupatuko.
EXO 30:4 Ikavava, e rini aiyuwo goura simadagidi, ana papa kikina go, sobuyekoina goi sikaupatukoidi, dadavina tayamo, dadavina tayamo. Riniyadi moe aitakeo manudi.
EXO 30:5 Sikaupatukoidi ikavava, e aba kasalayana ana kaitakeo aiyuwo gaigíyala sibobóidi, goura paaevaidi goi sipaimidi.
EXO 30:6 E aba kasalayana vabodaupa kaarekoina toluyena goi siyatogamogamone. Vabodaupayana aba vatulúkwana dedeogaina mana kaba núwala itabode. Amoko goi bei avalobodem.
EXO 30:7 Nobuyana tamo tamo goi Eroni bei isiusiu ima rampa ivadadedi bei insensi mainina dedevina iiyatoidi aba kasalayana yatana goi igabudi sivakaubowo.
EXO 30:8 Tutayana Eroni isiu lavilavi tamo tamo goi bego rampayadi ikatubayasidi, e aba kasala yatana goi insensi bei igabu. Nakae bei iguuinuwe tuta ame be nakae tuta simamaima, e bei insensiyana ivakaaubowo Yau Yauwe yaigu.
EXO 30:9 Go aba kasalayana goi taabu insensi besobeso igabugābu. Aiyuwoina yoguyogu vininabeso manuna taabu yatana goi igaabusāve. Nakae kutukutu vininabeso manuna taabu yatana goi igabugābu. Oine vininabeso manuna nakae taabu yatana goi iisiwōi.
EXO 30:10 Go tala tamo tamo goi sivatayamo aba kasalayana bei ikimavade ame nakae: E tomota idi bágala adi núwala manuna yoguyogu ikaumate go, ikaikaina ikabi, insensi ana kaba kasalayana ana sakusaku imigidi. Tauna nakae bei iguuinuwe tala tamo tamo ame tutayana be nakae tuta simamaima. Ame aba kasalayana moe kimaasabaina toina Yau Yauwe umagu.’
EXO 30:11 E Yauwe ilatuwokoigu idigo kana,
EXO 30:12 ‘Tutayana Isileli tubunao kwatuyaividi yaviya manuna, e koroto tamo tamo yawoidi sitatetēdi Yau Yauwe yaigu, govila bei sivailai tutayana kwatuyaividi.
EXO 30:13 Ava koroto neta kwatuyaivi, siriba tayamo moe idi vagidi Yau Yauwe yaigu. Siribayana siisikere Yau guna Kaba Kaiyaka Kimaasabaina ana lovina goi sisikere.
EXO 30:14 Kidi adi tala 20 nakae ituko, neta kwatuyaividi, e idi vagidi bei sikasale Yau Yauwe yaigu.
EXO 30:15 E kidi go toesaesa taabu idi vininabeso sivaaitūwe. Kidi go tookaidi taabu idi vininabeso sikupokūpo. Go sem liliudi nakae siriba tayamo moe idi vagidi Yau Yauwe yaigu adi núwala manuna.
EXO 30:16 Núwala ana vininabeso mani Isileli tubunao yaidi goi kwabīdi. Vininabesoyadi moe guna Kaba Valoboda ana rugwáuta manuna. Ame vininabesoyadi moe Isileli tubunao idi kaba nuwokavata Yau Yauwe matagu goi adi núwala manuna.’
EXO 30:17 E Yauwe ilatuwokoigu idigo kana,
EXO 30:18 ‘Tomotayadi kulatuwokōidi nokobaba ma kaena kopwa simadagi. Nokobabayana moe aba níkina. Simadagi ikavava, guna Kaba Valobodayana be aba kasala kopwa go, nauyayanaidi goi siyato. Go nokobabayana goi bwae sisiwoi.
EXO 30:19 E bwaeyana goi Eroni ma natunao nimadi be aedi sinikidi.
EXO 30:20 Tutayana guna Kaba Valobodayana goi bego sisiu o tutayana sivalabelabena aba kasala kopwa goi bei yabobona awoinuna Yau Yauwe yaigu sivakasave, e itoboinedi mainao bwae goi sisiwo, govila bei sikámasa.
EXO 30:21 Itoboinedi nimadi be aedi sinikidi, govila bei sikámasa. Ame lovinayana ikaiyako vata Eroni ma natunao be nakae tubunao yaidi.’
EXO 30:22 E Yauwe ilatuwokoigu idigo kana,
EXO 30:23 ‘Tomotayadi kulatuwokōidi latuwogu alova maniyedi sakavaidi be náuna lamna maa mainidi dedevidi sikabidi, sikelidi pauda nakae. Alovayadi be naunayana ame nakae: Alovamamaina sisina kilo ana badabada ainima tayamo, alova sinamoni kilo aito, alova kalamasi kilo ana badabada aito,
EXO 30:24 e alova kesiya kilo ana badabada ainima tayamo sikabidi. Liliudi adi moumou sisiikeredi nakae guna Kaba Kaiyaka Kimaasabaina ana lovina goi sisikeredi. Alovayadi sikabidi ikavava, oribe mumuna lita aivasi sikabidi
EXO 30:25 go, avatau neta pútuma ana tokatanaki sivini, e pútuma aba kaipaku imadagi namliyeta ikimasabe umagu.
EXO 30:26 E putumayana kukābi, kónana liliudi kuputumīdi bei konaniyadi kiinavaidi paisewa umagu. Konaniyadi ame nakae: Guna Kaba Valoboda yoyou be aba vatulúkwana dedeogaina,
EXO 30:27 teboro ma konanina, rampa adi kaba yata ma konanina, insensi ana kaba kasala ma konanina,
EXO 30:28 aba kasala vininabeso ana kaigabu manuna ma konanina be nakae nokobaba ma kaena kopa, e ame konaninayadi liliudi kwaipakuyēdi.
EXO 30:29 Ikavava, kukimasabēdi umagu bei liliudi kimaasabaidi toina. Tauna avatau neta ibisikonedi, e itoboine tauyana bogina kimaasabaina Yau umagu. Neta ava kónana ibisikonedi, e itoboine konaniyana nakae bogina kimaasabaina Yau umagu.
EXO 30:30 E pútuma kwābi, Eroni ma natunao goi kusiwōidi be kukimasabēdi umagu bei kidi Tonúwala nakae sipaaisewa manugu.
EXO 30:31 E Isileli tubunao kulatuwokōidi kam, “Pútuma aba kaipaku ame moe kimaasabaina umagu, tauna guna paisewa manuna ame tuta be nakae tuta simamaima.
EXO 30:32 Taabu tomota besobeso goi koosiwōidi. Taabu putumayana ana pópwala kovatootowōne bei pútuma tayamo nakae komadagi. Putumayana kimaasabaina umagu, tauna kowowōine.
EXO 30:33 Avatau neta putumayana ivatotowone bego tayamo pútuma imadagi o avatau neta putumayana ikabi, tomota besobeso goi isiwoi, e amo tauyana geya guna boda geya, tauna yaimi goi kolivisīye go, kovatapīye.”’
EXO 30:34 E Yauwe tuwaina ilatuwokoigu idigo kana, ‘Tomotayadi kulatuwokōidi latuwogu sina náuna sitakite sisina, kapikapiwo valakikidi sikabidi, situtudi be nakae náuna galabanum bwaena be aidekoko sisina pokaka sikabidi. Tamo tamo adi moumou nakae.
EXO 30:35 E sikabidi, insensi ana tomadágina, tauyana tokatanaki, sivini insensi imadagi. Ikavava, soroti isiwoi. E insensiyana maavadaina be nakae kimaasabaina umagu, tauna guna paisewa manuna.
EXO 30:36 Insensi sikabi, situtu pauda nakae. Ikavava, e maniyena sikabi, sime guna Kaba Valoboda goi sisiu, e aba vatulúkwana dedeogaina matana goi siyato. Amoko goi bei avalobodem. Go ame insensiyana moe kokimasabe bei kimaasabaina toina yaimi.
EXO 30:37 Ame insensiyana bei siimadagi, tomota taabu siimadāgi nakae toinidi manudi. Ame insensiyana kimaasabaina Yau Yauwe umagu.
EXO 30:38 Avatau neta insensiyana imadagi toinina ina pútuma manuna, e tauyana geya guna boda geya, tauna yaimi goi kolivisīye go, kovatapīye.’
EXO 31:1 E Yauwe ilatuwokoigu idigo kana,
EXO 31:2 ‘Kunōve. Ure, ma Yuda, natuna moe Uri, e tubuna moe Besaleli. Ame tauyana bogina akinave.
EXO 31:3 Tauyana bogina avakayaodei Yau Yaubada Balomaigu goi, tauna mana nanamsa be mana yagoina be mana kabitam nakae ana kaipata paisewa liliudi dedevidi iguinuwedi.
EXO 31:4 Tauyana ana katanaki goura be siriba be nakae kopwa adi paisewa goi.
EXO 31:5 Nakae gurewa esaaesaidi adi paisewa be nakae alova ana dayágina bogina ana kaipata iguinuwedi.
EXO 31:6 E kunovēgu. Akisamaki ma Dani natuna yoina Oliyavi bogina akinave bei ipaisewa Besaleli taiyao. Guna nuwopolala topaisewa liliudi bogina avinidi bei tauyadi adi kaipata kaga liliuna alatuuwokoim simadagidi.
EXO 31:7 Dogoiyadi ame nakae: Guna Kaba Valoboda, aba vatulúkwana dedeogaina, aba núwala dedeogayana yatana, guna Kaba Valobodayana konanina liliudi.
EXO 31:8 Konaninayadi ame nakae: Teboro ma konanina, rampa adi kaba yata goura maavadaina ma konanina, insensi ana kaba kasala,
EXO 31:9 aba kasala vininabeso ana kaigabu manuna ma konanina, nokobaba ma kaena kopa,
EXO 31:10 Tonúwala Eroni ma natunao adi kwama dedevidi be kimaasabaidi adi paisewa manuna,
EXO 31:11 pútuma aba kaipaku be nakae insensi mainina dedevina Bateta Kimaasabaina manuna. Moe dogoiyadi bei simadagidi nakae bogina alovinaem.’
EXO 31:12 E Yauwe tuwaina ilatuwokoigu idigo kana,
EXO 31:13 ‘E kom Isileli tubunao kulatuwokōidi kudīgo kam, “Yauwe ilovinaeda kana, ‘Yau guna maliyalina aba waiwasi ana lovina kokabiikaōne. Maliyalinayana aba kinana komi be Yau Yauwe yaida ame tuta be nakae tuta simamaima bei koyagoi bego Yau Yauwe bogina akimasabemi umagu.
EXO 31:14 Maliyalina aba waiwasiyana komatakavāte. Ame maliyalinayana kimaasabaina yaimi. Avatau neta ikibaibaili, tauyana kokaumāte. Avatau neta amo maliyalinayana goi paisewa tayamo toito iguinuwe, tauyana geya guna boda geya, tauna yaimi goi kolivisīye go, kovatapīye.
EXO 31:15 Maliyalina ana badabada ainima tayamo goi imi paisewa koguuinuwēdi go, maliyalinayana ainima aiyuwoina moe aba waiwasi, paisewa goi kosayāta; moe kimaasabaina Yau Yauwe umagu. Avatau neta amo maliyalinayana goi ipaisewa, kokaumateyāmo.
EXO 31:16 Komi Isileli tubunao maliyalina aba waiwasi ana lovina kokabiikaōne tuta liliuna. Maliyalinayana moe guna kanasíuna ikaiyako vata yaimi goi. Tauna malamalágata tamo tamo simamaima bei sikabiikaone.
EXO 31:17 Ame aba kinanayana ikaiyako vata komi be Yau Yauwe yaida. Yau nakae. Maliyalina ainima tayamo goi yábana be poyapoya amadagidi go, maliyalina ainima aiyuwoina goi paisewa asayata bei awaiwasi.’”’
EXO 31:18 E Koya Sainai yatana goi Yauwe ibóbwara ikavava, e gurewa aiyuwo paaevaidi ivinigu. Gurewayadi yatadi Yaubada toinina nimana goi ina kanasíuna ana kaba vatulúkwana bogina iginidi.
EXO 32:1 E tomotayadi bogina sigite yau koya goi nava geya asouta, go sem tuta maanawena akaaiyaka. Tuwo sima sigúguna go, Eroni yaina sidigo kadi, ‘Kutāoya ida basaleliuyao adi tokwaluyao kumadagīdi bei sivakededa. Amo Moseseyana, tauyana Itipita goi iikabida imemeda, geya tayagoiyeta kaga nakona iisowóduwo yaina, tauna ikaimúmuna.’
EXO 32:2 Tuwo Eroni idigo kana, ‘Monemiyao, natumiyao idi gipolu goura kokitakīdi komēdi kovinīgu.’
EXO 32:3 Tuwo moitamo tomotayadi idi gipolu goura sikitakidi simedi Eroniyana sivini.
EXO 32:4 Gipoluyadi ikabidi, ikaupapaevedi. Ikaupapaevedi ikavava, bulumakau bonatuna maisiyana imadagi. Ikavava, e tomotayadi sidigo kadi, ‘Kita Isileli tubunao, ame ida basaleliu boi Itipita goi ikalaoduweda!’
EXO 32:5 Eroni igite kaga siguinuwe, e bulumakauyana matana goi aba kasala tayamo ikaudakodako. Ikavava, idigo kana, ‘Itomo uyáwana aikanina taodūgu Yauwe yaina.’
EXO 32:6 Tuwo vanuwo itomo nobuyana giyaina sitáoya sina idi yoguyoguyao vininabeso manuna sikaumatedi. Maniyedi sigabudi sivakasavedi go, sikasaledi Yauwe yaina. Go maniyedi sigabudimo idi kabivekoveko vininabeso manuna. Sigabudi ikavava, e situsobu sikáika, oine sinim, siuyawana besobeso be taiyao simasisi goyogoyo.
EXO 32:7 E Yauwe ilatuwokoigu idigo kana, ‘Woilīm kusōu kūna! Im bodao, tauyadi boi Itipita goi kwabidi kumemedi bogina toinidi sikaigoyaidi.
EXO 32:8 Enaoyana alatuuwokoidi sisabookuliye bogina sivasulaigi. Bulumakau bonatuna goura simadagi, yaina goi sivatugúyala sikanakabobo be nakae yoguyogu vininabeso manuna bogina sigabudi sivakasavedi go sikasaledi bulumakauyana yaina. Sidigo kadi, “Isileli tubunao, ame ida basaleliu Itipita goi ikalaoduweda.”’
EXO 32:9 Yauwe tuwaina kana, ‘Amo tomotayadi bogina agitedi, ayagoidokoidi. Kidi taiyadi tuntunidi.
EXO 32:10 Tauna ame taabu kusanaabodēgu, e bei magu egamogamogu toina yaidi amtulidi. Go kom amta bei akisailim, tubumowo boda tayamo gagaina.’
EXO 32:11 Go yau akawanoi makimaki Yauwe guna Yaubada yaina adigo kagu, ‘O Yauwe, manakae kuegamogamogu im bodao yaidi? Amo tauyadi Itipita goi boi kukabidi, im togaga gagaina goi kumedi.
EXO 32:12 Manakae? Bego da Itipita sitagiwoim kadi, “Yauwe guinuwa goyogoyoina pasina ina bodao, kidi Isileli tubunao, Itipita goi ikabidi, imedi koya goi ikaumatedi, e bei geya maisidimo poyapoya ame goi”? ¡Neta taabu kuegamoogamōgu go, guinuwa goyogoyoina ame manuna kutugavīla!
EXO 32:13 Neta im pakonayao Eberamo, Aisake, be Isileli kunuwokavatēdi. Boi toinim yoim goi kukatótula yaidi kulatuwokoidi kam, “Tubumiyao bei akisailidi adi badabada nakae utuna yábana goi go, poyapoya ame ana madabokina boi adigedige tubumiyao bei avinidi, e kidi sikabi idi kaba lovina.”’
EXO 32:14 E tuwo moitamo Yauwe ina egamogamogu manuna itavívila, tauna boi vailai idigedige ina bodao geya ivinidita.
EXO 32:15 E koyayana goi asou ana guna tovaita Iyosuwa taiyao go, gurewa aiyuwo paaevaidi nimagu goi akaavaledi. Gurewayadi yatadi Yaubada toinina nimana goi ina kanasíuna ana kaba vatulúkwana iginidi. Dadava yuwoyuwo goi iginidi.
EXO 32:16 Gurewayadi moe Yaubada ina guinuwa, e nakae gininayadi gurewa aiyuwo goi moe Yaubada toinina iginidi.
EXO 32:17 E Iyosuwa itaaiyakeka go, tomota inovedi sitalamgemge, e ilatuwokoigu kana, ‘Ida tunagu goi ana taiyakeka nakae yaviya butukáona!’
EXO 32:18 Go yau adigo kagu, ‘Ana taiyakeka geya yaviya ana tovakumgoyao idi duduwo geya. Nakae ana taiyakeka geya yaviya ana toneneta idi táiya geya. Go sem yau anove ana taiyakeka nakae tomota sivesivesi!’
EXO 32:19 Tuwo kasou kana go, tutayana ima tunagu goi kavakakana, e akandobala bulumakau bonatunayana goura agite be nakae tomota silauláusa agitedi. Tuwo aegamogamogu toina, e gurewayadi aiyuwo alavedi sisou koya unana goi sitavisi.
EXO 32:20 Alavedi ikavava, abala ana bulumakauyana boi siimadagi akabi, yeu goi agabu iséwaya. Ikule ikavava, akauvetevete ana kadókana poyapoya kaukauna nakae, e bwae taiyao apopolidi go, Isileli tubunao alovinaedi sinim.
EXO 32:21 E Eroni alatuwoko adigo kagu, ‘Ava goyo amo tomotayadi siguinuwe yaim bei kom im katumapu goi kuvakededi, e goyo gagaina siguinuwe?’
EXO 32:22 Eroniyana idigo kana, ‘Guna tomoya, taabu kuegamoogamōgu yaigu. Amo tomotayadi kom bogina kuyagoidokoidi; kidi sinapu goyo nukotodi ikabi.
EXO 32:23 Silatuwokoigu kadi, “Ida basaleliu ana tokwalu manuda kumadāgi bei ivakededa. Amo korotoyana Mosese, tauyana Itipita goi ikalaoduweda, geya tayagoiyeta kaga nakona isowóduwo yaina, tauna ikaimúmuna.”
EXO 32:24 Tuwo alatuwokoidi kagu, “Avatau neta mana goura, e ikābi ivinīgu.” Tuwo sivinigu, gourayadi alavedi yeu sinaena goi. Go akandobala, e yeuyana goi ame bulumakau bonatunayana toinina isowóduwo!’
EXO 32:25 Go akandobala tomotayadi agitedi siguinuwa owáowana unana Eroni itagonedi, tauna ama kaleyayao itoboinedi sikaiwotetema.
EXO 32:26 Tuwo idi tunagu ana kaba siu goi atáoya, niyagu gagaina adigo kagu, ‘Avatauwa komi neta Yauwe ina bodao, kōma yaigu!’ E tuwo Livai tubunao liliudi sideli sima sigúguna yaigu.
EXO 32:27 Tuwo alatuwokoidi adigo kagu, ‘Yauwe kita Isileli tubunao ida Yaubada ibóbwara ame nakae, idigo kana, “Madabokimi imi sisi kokabīdi, e tunagu madabokidi goi koketōiya go, tuwowomiyao, ami gomanao, imi bodao be nakae semiyao kokaumatematēdi.”’
EXO 32:28 E tuwo moitamo Livai tubunao sitáoya, sina siguinuwe nakae alatuwokoidi. Tauna koroto adi badabada 3,000 ame maliyalinayana goi sikámasa.
EXO 32:29 E Livai tubunao alatuwokoidi, adigo kagu, ‘Ame tuta Yauwe ikimasabemi toinina ina topaisewayao. Imi kabikáwana goi madabokimi bogina kotagona bego semiyao kokaumatedi, tauna Yauwe bei ikaipakuyemi.’
EXO 32:30 E vanuwo itomo ana tomotayadi alatuwokoidi adigo kagu, ‘Komi kobágala go, bagalayana gagaina. Ame bei atuko ana Yauwe yaina. Nakona itoboinegu imi bagalayana anuwoli.’
EXO 32:31 Tuwo moitamo atukomna ana Yauwe yaina, e adigo kagu, ‘Amo tomotayadi goyo gagaina bogina siguinuwe. Goura simadagi bego toinidi idi basaleliu.
EXO 32:32 Go Yauwe, akawanoi yaim bego ame tuta, neta im nuwonúwana nakae, idi bágala kunuwotao. Go neta geya, akawanoi yaim, im buki goi yoigu boi kuginigini, e kutaūwe.’
EXO 32:33 Go kina Yauweyana idigo kana, ‘Avatauwa neta sitapepeko yaigu, e amo tauyadi yoidi bei guna buki goi atauwedi.
EXO 32:34 Tuwo ame tuta kūna tomotayadi kuvakedēdi nako goi bogina alatuwokoim. Go kunōve. Guna anerose bei ivakumgoiyem. Go liuna ana maliyalina goi bei idi bágala pasina aliunedi.’
EXO 32:35 Tuwo Yauwe vísiya ietune ina tomotayadi yaidi goi unana Eroni silovinae bego bulumakau goura imadagi manudi. Tauna idi goyo pasidi vísiya sibabane.
EXO 33:1 E nakae Yauwe ilatuwokoigu idigo kana, ‘Kutāoya, kom be nakae tomotayadi Itipita goi kukabidi kumemedi, taiyao kōna poyapoyayana boi Eberamo be Aisake be Yakobo yaidi akatotule kagu, “Tubumiyao poyapoya bei avinidi.”
EXO 33:2 Anerose tayamo bei aetune iwo ivakumgoiyemi. Go kidi toni poyapoya bei avatapiyedi sina. Tauyadi moe Kenani tubunao, Emori tubunao, Eta tubunao, Perisi tubunao, Ivai tubunao be nakae Iyebusi tubunao.
EXO 33:3 Poyapoyayana maaliina be lobooinina, tuwo komi kōna amoko goi go, maisigu bei avamoukoimi kutoto taiyami tuntunidi. Tauna geya awoita, govila bei enao goi akaumatematemi. Moe pasina guna aneroseyana bei ivakumgoiyemi.’
EXO 33:4 E tutayana ame livalayana moumouna sinove, nuwodi simou gagaina sitáiya, nakae liliudi sivabúbula.
EXO 33:5 Kutoto Yauwe bogina ilatuwokoigu kana, ‘Isileli tubunao kulatuwokōidi kam, “Komi moitamo taiyami tuntuniidi! Neta tuta kaakupina goi akaiyaka yaimi, bei amtulimi. Ame tuta imi pasapasa kovalilivīdi koyatōidi. Bei alovina manakaegu aguinuwe yaimi.”’
EXO 33:6 E tuwo moitamo Koya Korevi goi idi pasapasa sivalilividi, siyatoidi go, idi tuta Koya Koreviyana goi go, nakae tuta simamaima goi geya idi pasapasamo sinonoina.
EXO 33:7 E yau go parai tayamo akabi, tunagu moetala goi tupwana masigava yoyou ayowo. Go paraiyana aduduwe parai ana kaba valoboda. Avatau neta latuwona Yauwe ina nuwonúwana iyagoi, itoboine ina yoyouyana parai tunagu moetala goi ikawanoi Yauwe yaina.
EXO 33:8 Tuta tamo tamo neta ana yoyouyana goi, e tomota liliudi idi parai totomdi goi siitáoya, siipotegu ana kadókana asiu.
EXO 33:9 Tutayana asiu, gaota taaoyaina isou ima yoyouyana totomna goi iitáoya go, gaotayana sinaena goi Yauwe ivaadigoigu.
EXO 33:10 E tomota liliudi sikandobala gaotayana taaoyaina sigitegite yoyou totomna goi iitáoya, e toinidi idi parai totomdi goi sivatugúyala sikanakabobo.
EXO 33:11 E Yauwe ivaadigoigu, matana matagu, nakae koroto neta siyana ivadigo. Ivadigoigu ikavava, akaluvila ana guna tunagu goi go, tubuwau tayamo moe guna tovaita Nuni natuna Iyosuwa, e yoyouyana sinaena ikaaiyaka imataakavate.
EXO 33:12 E Yauwe alatuwoko, adigo kagu, ‘Neta kunove. Bogina kulatuwokoigu kam, “Ame tomotayadi kuvakedēdi.” Go kom nava geya kulatuwokoiguta avatau bei kuetune ima taiyao kavakededi. Go kom kam, “Bogina ayagoidokoim be akanuwoiyem.”
EXO 33:13 Tauna akawanoi yaim, neta moitamo im kanuwóiya bogina ababane, tauna neta im sinapu kuvatulukoigu bei ayagoim, e bei ayagoi nava woi kukanuuwoiyegu. Go neta kunuwokavate bego amo tomotayadi kom im bodao.’
EXO 33:14 Tuwo Yauwe idigo kana, ‘Yau toinigu bei avakitaum, e aba waiwasi avinim.’
EXO 33:15 Go yau kagu, ‘Neta toinim geya kuvakitaumeta, e taabu kulatuuwokōima ame asayana kakalave.
EXO 33:16 Yau be nakae im bodao liliuma manakaema bei kayagoi woi im kanuwóiya bogina kababane? Tauna neta toinim kuvakitauma bei tomota poyapoya ana madabokina goi siyagoi kai boda taviileima unana kai im bodao liliuma kuvakitauma.’
EXO 33:17 E Yauwe idigo kana, ‘Moe dogoiyana kudigedige nakae bei aguinuwe kutoto moitamo woi akanuwoiyem be nakae ayagoidokoim.’
EXO 33:18 E adigo kagu, ‘Akawanoi yaim, neta am káeyana tomoeeyalina kuvatulukoigu agite.’
EXO 33:19 E kina Yauwe idigo kana, ‘Yau guna sinapu dedevina madabokina bei matam goi ivaatabale. Ago Yau yoigu Yauwe bei avatoi. Avatau neta latuwogu akanuwoiye, bei akanuwoiye. Avatau neta latuwogu anuwokapisiye, bei anuwokapisiye.’
EXO 33:20 Tuwaina kana, ‘Geya itoboinemta maisigu kugite. Geya kada tayaamo tomota itoboine igitegu geya, govila bei ikámasa.’
EXO 33:21 Kana, ‘Gwa, kébana tayamo gurewa kikigu goi ikaaiyaka, e yatana goi kutāoya.
EXO 33:22 E tutayana guna káeyana tomoeeyalina ivaatabale, e tukubu goi bei ayatoim go, nimagu goi matam atabode ana kadókana bogina ana.
EXO 33:23 Ivatabalegu ikavava, nimagu bei akabimnei go, tolugu kugiteyamo. Go geya itoboineyeta maisigu kugite.’
EXO 34:1 E Yauwe ilatuwokoigu idigo kana, ‘Gurewa aiyuwo kwabīdi, kumadagīdi paaevaidi nakae boi avinim go, kukauvisivisidi, e bei yatadi goi guna livalayadi aginidi.
EXO 34:2 Go kwatubayāsi bei itomo nobuyana Sainai Koyaina goi kutūko kūma bei koyayana yatana goi kuvalobodegu.
EXO 34:3 Go geya vatau tayaamo taiyao kotūko komamāima. Nakae geya vatau tayaamo kutagōne koyayana goi ikaaiyaka. Yoguyogu nakae. Taabu koyayana unana goi sikaaiyāka sikakāika.’
EXO 34:4 Tuwo moitamo, ana gurewa aiyuwo akabidi amadagidi paaevaidi boi gurewayadi nakae. Ikavava, vanuwo itomo nobuyana giyaina atáoya, e gurewayadi aiyuwo nimagu goi akavaledi Koya Sainai goi atuko nakae Yauwe bogina ilatuwokoigu.
EXO 34:5 E Yauwe gaota sinaena goi isou ima kikigu itáoya go, toinina yoina italavaite kana, ‘Yau Yauwe.’
EXO 34:6 E Yauwe ivatabale matagu goi italavaita idigo kana,
EXO 34:7 Guna lokatayana tomota yaidi ikaiyako vata.
EXO 34:8 E woiligu aegu avatugúyala, asakululu Yauwe yaina go,
EXO 34:9 adigo kagu, ‘Guna Tomoya, moitamo im kanuwóiya bogina ababane, tauna akawanoi yaim, kuvakitāuma. Moitamo. Kidi taiyadi tuntunidi go, idi bágala be idi tapepeko kunuwotaōidi be kukabīma kai im kaba lovina.’
EXO 34:10 E Yauwe idigo kana, ‘Kunōve. Kom mam bodao bei akanasiukoimi. Im bodao Isileli tubunao liliudi matadi goi bei guna kaba kainaopa aguinuwedi. Aba kainaopayadi geya vatau tayaamo ame poyapoya ana madabokina goi iguinuwedi. Boda liliudi yaim goi sikaaiyaka bei sigite guna guinuwa, e sopadi akaupatudi. Dogoiyana Yau aguuinuwe yaimi moe dogoi gagaina.
EXO 34:11 Kom be Isileli tubunao liliudi, kaga liliuna ame Yau alatuuwokoimi kokabiikaōne. Kunōve. Kidi Emori tubunao, Kenani tubunao, Eta tubunao, Perisi tubunao, Ivai tubunao be nakae Iyebusi tubunao yaimi goi bei avatapiyedi sisiya.
EXO 34:12 Ami dodōkana. Taabu amo toni kasayadi kokanasiiukōidi, govila bei kidi ami síkwana nakae.
EXO 34:13 Idi kaba kasala koligēidi be idi dídiya kimaasabaidi kokauvisivisīdi be nakae Asera ana kówala aba sakululu kotalāidi.
EXO 34:14 U, taabu kovaatugūyala kokanakabobo basaleliu yaina. Moe moitamo. Yau Yauwe yoigu Tovakókala; Yau Tokavavágana vakookoligu.
EXO 34:15 Ami dodōkana. Taabu toni kasa kokanasiiukōidi. Kidi tomatagogoli nakae idi basaleliuyao yaidi sisaakululu be yoguyogu sikaumatedi sigabudi go, sikasaledi basaleliuyaoyadi yaidi. Go neta siduduwemi, taabu kononōina. Neta kona, bei kidi taiyao idi yoguyoguyaoyadi kaasalaidi kokáika.
EXO 34:16 Aiyuwoina natudiyao vevina bei kokabidi natumiyao monediyao, e vevinayadi pasidi komi natumiyao koroto tomatagogoli nakae bei sisakululu idi basaleliuyaoyadi yaidi.
EXO 34:17 Yaubadayadi kainum taabu komaadagīdi bego yaidi kosaakululu.
EXO 34:18 Beredi Pokaka Aikanina bei kowodūgu. Aikaninayana ame nakae: Maliyalina ainima aiyuwo goi beredi pokaka kokakāika tukówana Abib nakae bogina alatuwokoimi. Moe tukowanayana sinaena Itipita goi kosowóduwo.
EXO 34:19 Botomoya liliudi, tomota imi botomoyayao be nakae yoguyogu idi botomoyayao, neta bulumakau o sipi o goti, idi botomoyayao liliudi guna kaba lovina.
EXO 34:20 Imi aseyao adi botomoyayao bolamo lami goi kotatetēdi. Lamiyadi kokaumatēdi kokasalēdi yaigu. Go neta geya kotatetedita, e nukotodi kokiguyalīdi. Imi botomoyayao koroto liliudi lami goi kotatetēdi. Taabu nima kaka komamāima matagu goi, go sem mami vininabeso kōma yaigu.
EXO 34:21 Maliyalina ainima tayamo goi kopaisēwa go, maliyalina ainima aiyuwoina goi kowaiwāsi. Bágula ana tuta be dibayoya ana tuta nakae, maliyalina ainima aiyuwoina goi kowaiwāsi.
EXO 34:22 Wiki Aikanina koowodūgu. Ame youyuwoina Keuwokumgo Aikanina. Ame Aikaninayana goi dibayoya keuwokumgoina bei kokasāle yaigu. Aiyuwoina Lolágata Aikanina koowodūgu tala ana kaba lukavava goi tutayana távina ikavava.
EXO 34:23 Sivato tala tayamo goi komi koroto kōma kosowōduwo Yau Yauwe imi Tomoya, komi Isileli tubunao imi Yaubada, matagu goi.
EXO 34:24 Bei avakumgoiyemi go, boda liliudi avatapiyedi bei sisiya. Nakae imi túwana bei avatudedededi. E kidi geya sipoikikineta bei imi poyapoya sikabimnei tutayana sivato tala tayamo goi koma kosowóduwo Yau Yauwe imi Yaubada matagu goi.
EXO 34:25 Neta yoguyogu bego kokasale yaigu, e yoguyoguyana ikaikaina taabu beredi mana isti taiyao kokaasalēdi yaigu. Nakae yoguyogu Basitáwana Aikanina manuna taabu talainao maniyedi sikesakēsa vanuwo itomo goi.
EXO 34:26 Keuwokumgo dedevina toina imi poyapoya goi bei komēdi Yau Yauwe imi Yaubada yaigu. Neta goti bonatuna iwoina kovaipoluye, taabu sinana nununa bwaena goi kovaaipōlu.’
EXO 34:27 E tuwaina Yauwe idigo kana, ‘Ame livalayadi kuginīdi. Livalayadi goi bogina akanasiukoimi, kom be nakae Isileli tubunao liliumi.’
EXO 34:28 E tuwo maliyalina 40 be nakae sabamgo 40 goi akaaiyaka Yauwe taiyao go, áika be nakae bwae nim geya. Ago gurewayadi aiyuwo goi Yauwe ina kanasíuna ana livala aginidi moe ina lovina yawou.
EXO 34:29 E aginidi ikavava Koya Sainai goi gurewayadi aiyuwo asouyedi, gurewayadi goi Yaubada ina kaba vatulúkwana ikaaiyaka. Go tutayana asouyedi, sakavaigu maisigu goi itoomoéyala unana Yauwe taiyao kabobóbwara. Go geya ayagoiyeta bego itomoéyala.
EXO 34:30 E Eroni be nakae Isileli tubunao liliudi sigitegu, maisigu itomoéyala go, simatoita bego simekoigu.
EXO 34:31 Tuwo aduduwedi, e Eroni be nakae Isileli tubunao adi tomoyamoya liliudi sima alatuwokoidi.
EXO 34:32 Alatuwokoidi ikavava, Isileli tubunao liliudi sima go, lovinayadi liliudi boi Yauwe Koya Sainai goi iivinigu, e tomotayadi alatuwokoidi.
EXO 34:33 Tutayana alatuwokoidi ikavava, areko tayamo akabi, maisigu atabode.
EXO 34:34 Go tuta tamo tamo asiu ana Yauwe matana goi avadigo, e arekoyana avayoini. Nakae ikaaiyaka ana kadókana asowóduwo. Tutayana asowóduwo, ana Isileli tubunao alatuwokoidi kaga nakae Yauwe bogina ilatuwokoigu.
EXO 34:35 Go tutayana sigite bego sakavaigu maisigu goi itomoéyala, e arekoyana akabi, maisiguyana atabodemnei ana kadókana akaluvila ana Yauwe avadigo.
EXO 35:1 E Isileli tubunao madabokidi ataligogoidi alatuwokoidi adigo kagu, ‘Ame sinapuyadi Yauwe iilovina taguuinuwedi:
EXO 35:2 Maliyalina ana badabada ainima tayamo goi ida paisewa taguinūwe go, maliyalina ainima aiyuwoina moe aba waiwasi, e paisewa goi tasayāta. Amo maliyalinayana kimaasabaina Yauwe umana. Avatau neta amo maliyalinayana goi ipaisewa, takaumāte.
EXO 35:3 E nakae maliyalina aba waiwasi ana tuta taabu ida yoyou sinaedi goi yeu tadiimilīdi.’
EXO 35:4 E tuwaina Isileli tubunao liliudi alatuwokoidi adigo kagu, ‘Ame dogoiyana Yauwe ilovina koguinuwe:
EXO 35:5 E imi vagidi Yauwe manuna kolamgogōidi. Avatauwa neta atedi sitagona, e idi vagidi sikabīdi simēdi Yauwe yaina sikasalēdi. Vagidiyadi ame nakae: Goura, siriba be nakae kopwa,
EXO 35:6 búyala noyanoyaidi buruu, kalaakovidi toidi be kayakayaidi. Nakae areko dedevidi toidi, goti unuunudi,
EXO 35:7 sipi bolamo sakavaidi go, sakavayadi bogina sikaredi kayakayaidi. Ikavava ituli ta yoguyoguva sakavaidi, gaigíyala,
EXO 35:8 oribe mumuna rampa manuna, alova sakavaidi pútuma aba kaipaku manuna be nakae insensi.
EXO 35:9 Gurewa esaaesaidi anikisi be nakae gurewa dedevidi Tonúwala ana kwama manudi. Kwamayadi aiyuwo, tayamo tolobona ana kwama, e tayamo kasikasina ana saisaira.
EXO 35:10 Komi tonuwopolala, liliumi kōma kaga liliuna bogina Yauwe ilovina komadagīdi.
EXO 35:11 Dogoiyadi ame nakae: Yauwe ina Kaba Kaiyaka, ana kaba vatumna areko, ana kaba vatumna yoguyogu sakavaidi, ana rini, ana vabodakalova, ana logógana be ana kówala madi kaba táoya.
EXO 35:12 Dedeoga mana kaitakeo, aba núwala, vabodaupa kaarekoina,
EXO 35:13 teboro ma konanina, ana kaitakeo be nakae beredi kimaasabaidi umagu.
EXO 35:14 Rampa adi kaba yata ma konanina be nakae rampa giyaidi be oribe mumuna rampayadi manudi.
EXO 35:15 Insensi ana kaba kasala mana kaitakeo, pútuma aba kaipaku, insensi mainina dedevina be nakae ina Kaba Kaiyaka ana kaba siu kaarekoina.
EXO 35:16 Aba kasala ma vatalina kopwa vininabeso ana kaigabu manuna, ana kaitakeo, konanina, nokobaba ma kaena,
EXO 35:17 ali ana taboda areko, ina kówala, ina kaba táoya be nakae ina kaba siu ana taboda kaarekoina,
EXO 35:18 nakae ina Kaba Kaiyaka ana kaba kokavata nakae ina kali ana kaba kokavata kowodugūdi be nakae adi búyala kowodugūdi.
EXO 35:19 Kwama dedevidi paisewa Bateta Kimaasabaina sinaena manuna kowodugūdi. Kwamayadi moe Eroni tauyana Tonúwala ana kwama kimaasabaina ina paisewa manuna be nakae natunao adi kwama, e bei Tonúwala ana paisewa siguinuwe.’
EXO 35:20 E abóbwara ikavava, Isileli tubunao liliudi sikalavegu go, sisáwala sina.
EXO 35:21 Avatauwa neta atedi sitagona, e idi vagidi simedi. Vagidiyadi moe Yauwe ina Kaba Valoboda manuna nakae ina paisewa liliudi manudi be nakae Tonúwala ana kwama kimaasabaidi manudi.
EXO 35:22 Koroto nakae vevina, avatauwa neta atedi sitagona, e idi vininabeso goura simedi Yauwe yaina. Vininabesoyadi ame nakae: Mawuwu, gipolu, rini, nimatuwetuwe be nakae kónana goura liliudi. Tauna nakae tomota tamo tamo idi vininabeso goura simedi sikasaledi Yauwe yaina.
EXO 35:23 Avatauwa neta madi búyala buruu, kalaakovidi toidi be kayakayaidi, o neta madi kareko dedevidi toidi o neta madi goti unuunudi o sipi bolamo sakavaidi siikaredi kayakayaidi o ituli ta yoguyoguva sakavaidi, e madabokidi simedi sikasaledi Yauwe yaina.
EXO 35:24 Avatauwa neta itoboinedi idi vagidi siriba be kopwa sikabidi, e simedi sikasaledi Yauwe yaina. Avatauwa neta madi gaigíyala paisewayana manuna, e nakae simedi.
EXO 35:25 Ava vevinava neta tonuwopolala, e búyala buruu, kalaakovidi toidi be kayakayaidi sinoedi be nakae areko dedevidi toidi sigilumidi simedi.
EXO 35:26 Ava vevinava neta atedi sitagona be nakae madi katanaki, goti unuunudi sigíluma.
EXO 35:27 E kidi go tomoyamoya gurewa esaaesaidi anikisi be nakae ituli ta gurewa esaaesaidi simedi tonúwala tolobona ana kwama be nakae kasikasina ana saisaira manudi.
EXO 35:28 Tuwaina alova sisina be oribe mumuna rampa manudi be alova sakavaidi pútuma aba kaipaku manuna be nakae pútuma insensi manuna simedi.
EXO 35:29 Isileli tubunao liliudi, koroto be nakae vevina, neta atedi sitagona, e idi vininabeso simedi sikasaledi Yauwe yaina. Vininabesoyadi moe Yauwe ina paisewa manuna nakae boi sopagu goi bogina ilovina siguinuwe.
EXO 35:30 E simedi ikavava, alatuwokoidi adigo kagu, ‘Gwa! Ure, ma Yuda, natuna moe Uri, e tubuna moe Besaleli. Ame tauyana Yauwe bogina ikinave.
EXO 35:31 Balomaina goi Besaleliyana bogina ivakayaodei, tauna mana nuwopolala be mana nanamsa be mana kabitam nakae ana kaipata paisewa liliudi dedevidi iyagoidi be iguinuwedi.
EXO 35:32 Tauyana ana kabitam goura be siriba be nakae kopwa adi paisewa goi.
EXO 35:33 Nakae gurewa esaaesaidi adi paisewa be nakae alova ana dayágina bogina ana kaipata iguinuwedi.
EXO 35:34 Go Yauwe Akisamaki ma Dani natuna Oliyavi be nakae Besaleli nukotodi goi bogina iyato, tauna itoboinedi adi paisewa sivatulúkwana.
EXO 35:35 Paisewa liliudi adi nuwopolala bogina ivinidi, tauna itoboinedi gurewa ana gínina be nuwonúwana paisewa manuna, búyala noyanoyaidi buruu, kalaakovidi toidi be kayakayaidi goi be nakae areko dedevidi adi gíluma be wóina dedevina ana paisewa siguinuwedi. Kidi paisewa liliudi siyagoidi be siguinuwedi.’
EXO 36:1 ‘E Besaleli be Oliyavi be tonuwopolala liliudi taiyao bei sipaisewa nakae kaga liliuna boi Yauwe bogina iidigedi. Ame tauyadi madi nuwopolala be madi nanamsa unana Yauwe bogina ivinidi, e bei ina Kaba Kaiyaka Kimaasabaina siyowodoko.’
EXO 36:2 E abóbwara ikavava, Besaleli, Oliyavi be tonuwopolala liliudi Yauwe ina kaiguyau nuwodi goi bogina iyato nakae bogina sikatetagona sipaisewa, e liliudi aduduwedi sima.
EXO 36:3 Sima, tomota idi vagidi liliudi bogina simemedi bogina yoiyana Yauwe ina Kaba Kaiyaka Kimaasabaina ana yówana manuna. Tuwo akabidi, Besaleli senao taiyao avinidi. Avinidi yoiyadi go, tuwo tomota nobuyana tamo tamo idi vagidi tuwaina simemedi sivinigu.
EXO 36:4 E tonuwopolala liliudi idi paisewa Yauwe ina Kaba Kaiyaka Kimaasabaina goi sikalave sima
EXO 36:5 silatuwokoigu sidigo kadi, ‘Tomota idi vininabeso simemedi paisewayana boi Yauwe ilatuwokoima manuna bogina yoiyana.’
EXO 36:6 E tuwo vala aetune ina tunagu tamo tamo goi tomota liliudi alatuwokoidi adigo kagu, ‘Taabu imi vagidi tuwaina komemēdi Yauwe ina Kaba Kaiyaka Kimaasabaina ana yówana manuna.’ E tuwo tauyadi geya tuwaina idi vagidi simemedi yaigu.
EXO 36:7 Idi vagidiyadi liliudi simemedi, bogina yoiyana paisewayana manuna go, maniyena sikesa.
EXO 36:8 E topaisewa madi katanaki Yauwe ina Kaba Kaiyaka yoyou simadagi. Go ana madágina ame nakae: Areko dedevidi toidi adi badabada yawou be nakae búyala noyanoyaidi buruu, kalaakovidi toidi be nakae kayakayaidi sikabidi, e simadagi. Ikavava, arekoyadi goi yábana ana tomatakavatayao makayaudi sigilumidi. Gilumayana ana kaigigita nakae gíluma ana tokatanaki idi paisewa.
EXO 36:9 E areko tamo tamo adi mamanao ovanima ovato go, adi papaeva ovatayamo. Areko liliudi adi kakainaki nakae.
EXO 36:10 Areko ainima adi mamanao goi sisavikoidi. Niga areko ainima sikesa sikabidi, adi mamanao goi sisavikoidi.
EXO 36:11 Areko buruu sikabidi, látuma siyatakoidi go, latumayadi matakubudi aba vatumna areko tayamo ana mamanao goi sigilumipatukoidi. Aba vatumna areko aiyuwoina ana mamanao goi nakae siguinuwe.
EXO 36:12 Aba vatumna areko tayamo ana mamanao goi ana látuma adi badabada 50 sigilumipatukoidi. E nakae aba vatumna areko aiyuwoina ana mamanao goi látuma ana badabada 50 sigilumipatukoidi. Ikavava, aba vatumna areko aiyuwo sivatuyuwedi.
EXO 36:13 Sivatuyuwedi ikavava, aba talagegeta goura adi badabada 50 simadagidi. E aba talagegetayadi goi aba vatumna areko aiyuwokova sisavidi, e bei Yauwe ina Kaba Kaiyakayana ana kaba vatumna ana kaigigita nakae areko tayamo toito.
EXO 36:14 E goti unuunudi sikabidi, areko yawou tayamo simadagidi. Arekoyadi Yauwe ina Kaba Kaiyaka ana kaba vatumna aiyuwoina siyatakoidi.
EXO 36:15 Arekoyadi tamo tamo adi mamanao ovanima ovato aba katugúyala. Go adi papaeva ovatayamo. Arekoyadi madabokidi adi kakainaki nakae.
EXO 36:16 Arekoyadi ainima sikabidi, adi mamanao goi sisavikoidi. Niga arekoyadi ainima tayamo sikesa sikabidi, adi mamanao goi sisavikoidi.
EXO 36:17 Látuma areko ana badabada 50 sikabidi, matakubudi sigilumipatukoidi aba vatumna tayamo ana mamanao goi. E nakae siguinuwe aba vatumna aiyuwoina goi.
EXO 36:18 Ikavava, aba talagegeta kopwa ana badabada 50 simadagidi, e aba vatumna aiyuwokova sisavidi. Tauna aba vatumna tayamo maanawena.
EXO 36:19 E aba vatumna aiyuwo tuwaina sigilumidi Yauwe ina Kaba Kaiyakayana manuna. Tayamo sipi bolamo sakavaidi goi sigilumi. Sakavaidiyadi bogina sikaredi kayakayaidi. Go aiyuwoina ituli ta yoguyoguva sakavaidi goi sigilumi.
EXO 36:20 E gaigíyala taalaidi sikabidi, Yauwe ina Kaba Kaiyakayana ana vabodakalova manudi.
EXO 36:21 Ana vabodakalova tamo tamo gidigidina ana tukotuko ovato go, ana papaeva panetayataya.
EXO 36:22 Vabodakalovayadi adi madágina ame nakae: Alova aiyuwo sivataoedi go, alova sikanabaledi alovayadi aiyuwo nauyayanaidi goi. Vabodakalova liliudi Aba Kaiyakayana goi simadagidi nakae.
EXO 36:23 E adi badabada 20 simadagidi youya dadavina manuna.
EXO 36:24 Go adi kaba táoya siriba, e adi badabada 40 simadagidi. Tauna aba táoya aiyuwo moe vabodakalova tayamo manuna. Nakae siguinuwe vabodakalova liliudi goi.
EXO 36:25 Go Yauwe ina Kaba Kaiyakayana yawéyana dadavina goi nakae siguinuwe. Vabodakalova adi badabada 20 simadagidi
EXO 36:26 go, adi kaba táoya siriba adi badabada 40 simadagidi. Tauna aba táoya aiyuwo moe vabodakalova tayamo manuna.
EXO 36:27 Go Tukunu ana vaboda goi, moe koiboga dadavina, Yauwe ina Kaba Kaiyakayana ana vabodakalova adi badabada ainima tayamo simadagidi.
EXO 36:28 E Yauwe ina Kaba Kaiyakayana matakubuna aiyuwo goi vabodakalova aiyuwo tuwaina simadagidi, sikalipaiwolidi. Moe yawéyana be koiboga adi valoboda goi be nakae youya be koiboga adi valoboda goi.
EXO 36:29 Sikalipaiwolidi, tauna ditonema unadi goi vabodakalova aiyuwo go, diligaema rini goura goi vabodakalovayadi sikopatukoidi. E Tukunu ana vaboda matakubuna aiyuwo goi siguinuwedi nakae.
EXO 36:30 Tauna vabodakalova adi badabada ainima aito koiboga dadavina go, adi kaba táoya siriba adi badabada yawou ainima tayamo. Moe aba táoya aiyuwo vabodakalova tayamo manuna.
EXO 36:31 E vabodakalova simadagidi ikavava, logógana gaigíyala ainima sibobóidi, e vabodakalova toluyedi youya dadavina goi sikanabaledi.
EXO 36:32 Ikavava, ainima tuwaina sibobóidi, e yawéyana dadavina aiyuwoina sikanabaledi. E ainima sibobóidi Tukunu koiboga dadavina nakae sikanabaledi.
EXO 36:33 Ego logoganayadi vaboda tamo tamo nauyayanaidi goi adi mamanao vaboda naveyadi.
EXO 36:34 Goura paaevaidi sikabidi, vabodakalovayadi liliudi be nakae logoganayadi goi sikaupatukoidi. Ikavava, rini goura simadagidi, vabodakalova toluyena goi siyatoidi, e logoganayadi sivaisiudi sikanabalabala.
EXO 36:35 E búyala noyanoyaidi buruu, kalaakovidi toidi be kayakayaidi sikabidi be nakae areko dedevidi sikabidi, e gíluma ana tokatanaki sivini, vabodaupa kaarekoina tayamo igilumi. Arekoyana goi yábana ana tomatakavatayao makayaudi igilumidi.
EXO 36:36 Igilumidi ikavava, kówala gaigíyala aivasi sibobóidi. Go goura paaevaidi sikabidi, kowalayadi goi sipaimidi namliyeta sikaupatukoidi. Ikavava, adi kaba táoya siriba goi sivataoedi go, Yauwe ina Kaba Kaiyakayana sinaena goi siyato. Aba talagegeta goura kowalayadi sipodi goi siyatoidi. E amoko goi arekoyana sivakosaine.
EXO 36:37 E Yauwe ina Kaba Kaiyakayana ana kaba siu bomatu dadavina ikaaiyaka. Ana kaba siuyana ana taboda kaarekoina ana gíluma ame nakae: Búyala noyanoyaidi buruu, kalaakovidi toidi be kayakayaidi be nakae areko dedevidi sikabidi, gíluma ana tokatanaki sivini, aba siuyana ana taboda kaarekoina igilumi.
EXO 36:38 Igilumi ikavava, kówala ainima simadagidi, e kowalayadi adi takudukudu goi goura paaevaidi sikaupatukoidi. Ikavava, adi kaba táoya kopwa simadagidi. Ego goura sikabi, aba siu karekoinayana adi rini simadagidi.
EXO 37:1 E Besaleli gaigíyala taalaidi ikabidi, dedeoga imadagi. Ana mamanao panetayataya aba katugúyala go, ana papaeva panetayataya go, ana tukotuko panetayataya.
EXO 37:2 Ikavava, e dedeogayana toluyena be sinaena goi goura maavadaina go, paaevaidi ikaupatukoidi. Ikavava, kinababaina goi ana papa goura ikaupatuko.
EXO 37:3 E rini goura aivasi imadagidi, aena aivasi goi iyatoidi, dadava aiyuwo, dadava aiyuwo.
EXO 37:4 Ikavava, aitakeo aiyuwo gaigíyala ibobóidi go, goura paaevaidi ikabidi, aitakeoyadi ipaimidi.
EXO 37:5 Ikavava, riniyadi goi ivaisiudi, e bei dedeogayana sikaitakeve.
EXO 37:6 Imadagi ikavava, e goura maavadaina ikabi, ana katukábwala goura imadagi. Ana katukabwalayana moe aba núwala go, ana kakainaki ame nakae: Ana mamanao panetayataya aba katugúyala go, ana papaeva panetayataya.
EXO 37:7 Ikavava, goura itutu, yábana ana tomatakavatayao aiyuwo imadagidi tokwalu nakae. Imadagidi ikavava, aba núwala yatana goi iyatoidi,
EXO 37:8 tayamo matakubuna, tayamo matakubuna goi ikaupakiyedi.
EXO 37:9 Ego yábana ana tomatakavatayaoyadi ma panepanedi imadagidi go, panepanediyadi siyosaledi, e aba núwala sitakabobo be simatakavate. Adi taiyuwokova matana matana sikaaiyaka go, sikandosobu aba nuwalayana sigitegite.
EXO 37:10 E Besaleliyana gaigíyala taalaidi ikabidi, teboro tayamo imadagi. Teboroyana ana kakainaki ame nakae: Ana mamanao panetayataya kasikasi go, ana papaeva aba katugúyala go, ana tukotuko panetayataya.
EXO 37:11 Imadagi ikavava, teboroyana goi goura maavadaina be paaevaina ikaupatuko. Ikavava, kinababaina goi ana papa goura ikaupatuko.
EXO 37:12 Ikaupatuko ikavava, teboroyana yatana goi tupaota goura iyatoidi sivaníbita. Tupaotayadi adi tukotuko nimakulemwasi tayamo. Go tupaotayana goi ana papa goura ikaupatuko.
EXO 37:13 Ikavava, e rini aivasi goura maavadaina imadagidi, teboro matakubuna aivasi goi iyatoidi.
EXO 37:14 Sikaaiyaka tupaotayana kikina go, sobuyekoina goi, e bei teboroyana aitakeo goi sikaiitakeve.
EXO 37:15 Rini iyatoidi ikavava, aitakeo gaigíyala aiyuwo ibobóidi, e aitakeoyadi goi goura paaevaina ikaupatuko.
EXO 37:16 Ikaupatuko ikavava, e goura maavadaina ikabi, teboroyana ana noko, ana pereiti, ana botori be ana borodisi imadagidi. Botoriyana be borodisiyana moe idi vininabeso oine manuna.
EXO 37:17 E Besaleli goura maavadaina ikabi, itutu, e rampa adi kaba yata imadagi. Aba yatayana alova maisiyana, tauna unana, tolobona, gadona be nakae senina vagana imadagidi go, madabokina ana lamgógana goura tayamo.
EXO 37:18 E tolobona goi laonina nakae ainima tayamo imadagidi situko, dadavina aito, dadavina aito.
EXO 37:19 Laoninayadi tamo tamo goi senina vagana ma gadona aito sikaaiyaka. Seninayadi taniya maisiyana.
EXO 37:20 Go tolobonayana goi senina vagana ma gadona aivasi imadagidi.
EXO 37:21 Nako goi laonina sisowóduwo tolobona goi, e senina vagana ma gadona sikaaiyaka.
EXO 37:22 E senina gadona be laonina goura maavadaina situtudi go, ana lamgógana goura tayamo.
EXO 37:23 Ikavava, e goura maavadaina ikabi, rampa giyaidi ainima aiyuwo be wiki ana kaba kalikaina be nakae ana noko imadagidi.
EXO 37:24 E goura mavadainayana ana moumou nakae kilo ana badabada 30 ikabi rampa adi kaba yata be nakae konanina adi madágina manudi.
EXO 37:25 E Besaleli gaigíyala taalaidi ikabidi, insensi ana kaba kasala imadagi. Aba kasalayana ana mamanao be nakae ana papaeva moe aba katugúyala go, ana tukotuko panetayataya kasikasi. Ikavava, ana sakusaku aivasi matakubuna goi iyatoidi. Go sakusakuyadi be aba kasala alova tayamo goi imadagidi.
EXO 37:26 Imadagi ikavava, goura maavadaina be paaevaina ikabi, aba kasalayana goi ikaupatuko. Tauna madabokina goura. Ikaupatuko ikavava, e kinababaina goi ana papa goura ikaupatuko.
EXO 37:27 Ikavava, e rini aiyuwo goura imadagidi, ana papa kikina go, sobuyekoina goi ikaupatukoidi, dadavina tayamo, dadavina tayamo. Riniyadi moe aitakeo manudi.
EXO 37:28 Ikaupatukoidi ikavava, e aba kasalayana ana kaitakeo aiyuwo gaigíyala ibobóidi, goura paaevaidi goi ipaimidi.
EXO 37:29 E Besaleli pútuma aba kaipaku imadagi namliyeta ikimasabe Yauwe umana. Ikavava, alova sisina be nakae náuna lamna ikabidi, insensi maavadaina be nakae mainina dedevina imadagi. Go putumayana be insensiyana adi madágina nakae tauyadi pútuma be insensi adi tokatanaki idi paisewa nakae.
EXO 38:1 E Besaleli gaigíyala taalaidi ikabidi, ana kaba kasala vininabeso ana kaigabu manuna imadagi. Ana mamanao be nakae ana papaeva moe ovatayamo panetayataya go, ana tukotuko moe ovatayamo.
EXO 38:2 Imadagi ikavava, e ana sakusaku aivasi imadagidi matakubuna aivasi goi iyatoidi go, sakusakuyadi be aba kasala alova tayamo goi imadagidi. Iyatoidi ikavava, aba kasalayana goi kopwa paaevaina ikaupatuko.
EXO 38:3 Ikavava, kopwa ikabi, aba kasala konanina imadagidi. Konaninayadi ame nakae: Silekau ana kaba vadoda, ana sabwero, ana borodisi, ana sisiwo be nakae pokova ana kaba vadoda imadagidi.
EXO 38:4 Ikavava, e kopwa tuwaina ikabi, ana vátala imadagi, iyatako yeu ana kaba dímila. Ikavava, e vatalayana aba kasala sinaena nauyayanaina goi sidodoi.
EXO 38:5 E rini aivasi imadagidi, vatalayana matakubuna aivasi goi ikaupatukoidi go, sisowóduwo aba kasalayana toluyena goi aitakeo manudi.
EXO 38:6 Ikavava, e aba kasala ana kaitakeo gaigíyala aiyuwo ibobóidi. Ikavava, kopwa paaevaina goi ipaimidi.
EXO 38:7 Ikavava, aitakeoyadi ivaisiudi riniyadi aba kasala toluyena goi, dadavina tayamo, dadavina tayamo, e bei sikaaitakeve. Ego aba kasalayana timba paaevaidi goi imadagi. Go sinaena daakakaina be nakae dibuna goi geya ana kaubodamo.
EXO 38:8 E tovaita vevina maniyedi Yauwe ina Kaba Valoboda ana kaba siu goi sipaaisewa. Tauyadi idi saribu kopwa simedi Besaleli sivini. E saribuyadi ikabidi, nokobaba maa kaena kopwa imadagidi. Nokobabayana moe aba níkina.
EXO 38:9 E Yauwe ina Kaba Kaiyaka Besaleli ikali. Areko dedevidi ikabidi, Aba Kaiyaka ana kali imadagi. Aliyana youya dadavina ana mamanao moe ova 30.
EXO 38:10 E kówala ana badabada 20 adi kaba táoya kopwa goi ivataoedi. E sipodi goi rini be aba talagegeta siriba iyatoidi, arekoyadi ivakosainedi.
EXO 38:11 E yawéyana dadavina goi nakae iguinuwe. Aliyana ana mamanao moe ova 30 go, kówala ana badabada 20 adi kaba táoya kopwa goi ivataoedi go, sipodi goi rini be aba talagegeta siriba iyatoidi, arekoyadi ivakosainedi.
EXO 38:12 E aliyana koiboga dadavina ana mamanao moe ovayawou ovanima go, kówala ana badabada yawou adi kaba táoya kopwa goi ivataoedi.
EXO 38:13 E aliyana ana kaba siu goi, moe bomatu dadavina, ana mamanao nakae ovayawou ovanima.
EXO 38:14 E aba siu dadavina ana mamanao ovavasi panetayataya, dadavina ovavasi panetayataya. Go ana kówala dadavina aito, dadavina aito adi kaba táoya goi ivataoedi. E kowalayadi goi arekoyadi ivakosainedi.
EXO 38:16 Areko liliudi aliyadi manudi moe dedevidi toidi.
EXO 38:17 E kowalayadi adi kaba táoya moe kopwa go, adi takudukudu goi siriba paaevaina ikaupatuko. Nakae adi rini liliudi be adi kaba talagegeta moe siriba.
EXO 38:18 E gíluma ana tokatanaki búyala noyanoyaidi buruu, kalaakovidi toidi be kayakayaidi be nakae areko dedevidi ikabidi, ali ana kaba siu ana taboda kaarekoina igilumi. Go tabodayana ana mamanao moe ovanima ovatayamo go, ana tukotuko ovatayamo aba katugúyala.
EXO 38:19 Go tabodayana ana kówala madi kaba táoya moe kopwa go, adi kaba talagegeta moe siriba. Nakae kowalayadi sipodi yatadi moe siriba.
EXO 38:20 E Yauwe ina Kaba Kaiyaka ana kaba kokavata be nakae ali ana kaba kokavata liliudi moe kopwa.
EXO 38:21 E ame kainum ana kakainaki sikabi Yauwe ina Kaba Kaiyaka yoyou ana madágina manuna. Ina Kaba Kaiyakayana goi aba vatulúkwana ikaaiyaka. E Livai tubunao alatuwokoidi kainumyadi sikatuyaividi siginidi. Kidi Livai tubunao adi tovakumgo ame paisewayana manuna moe Itamari, tauyana Tonúwala Eroni natuna.
EXO 38:22 E Ure, ma Yuda, natuna moe Uri, e tubuna moe Besaleli. Ame tauyana alatuwoko iguinuwe kaga liliuna nakae boi Yauwe ilovinaegu.
EXO 38:23 Go Besaleliyana ana tovaita moe Akisamaki natuna Oliyavi ma Dani. Go tauyana kainum ana tokatanaki nakae ana tokabitam. Aiyuwoina tauyana gíluma ana tokatanaki moe areko dedevidi be nakae búyala noyanoyaidi buruu, kalaakovidi toidi be kayakayaidi goi.
EXO 38:24 E vininabeso goura madabokina ana kakainaki Yauwe ina Kaba Kaiyaka Kimaasabaina manuna moe kilo ana badabada eita andedi 830. Ego gourayana sisikere Yauwe ina Kaba Kaiyaka Kimaasabaina ana lovina goi sisikere.
EXO 38:25 E vininabeso siriba ana moumou boi koroto adi katuyáiva goi moe kilo ana badabada 2,819. Siribayana siisikere Yauwe ina Kaba Kaiyaka Kimaasabaina ana lovina goi sisikere.
EXO 38:26 Boi koroto tamo tamo neta adi tala 20 nakae ituko, neta sikatuyaividi, e idi vininabeso siriba goi giyaina Yauwe sivinibeso. Siribayana siisikere Yauwe ina Kaba Kaiyaka Kimaasabaina ana lovina goi sisikere. Korotoyadi adi badabada moe 603,550.
EXO 38:27 Siribayana ana moumou kilo ana badabada 2,800 ikabidi, Yauwe ina Kaba Kaiyaka Kimasabainayana ana vabodakalova adi kaba táoya be nakae vabodaupa kaarekoina ana kówala adi kaba táoya imadagidi. Aba taoyayadi adi badabada moe 100, tauna adi kaba táoya tamo tamo siriba ana moumou kilo ana badabada tuwenti 28.
EXO 38:28 Ago siribayana ikesa moe kilo ana badabada 19, e ikabidi, kówala ana kaba talagegeta be ana rini imadagidi be nakae kowalayadi sipodi goi siribayana paaevaina ikaupatukoidi.
EXO 38:29 E vininabeso kopwa ana moumou moe kilo ana badabada 2,425.
EXO 38:30 Kopayana ikabi, ame dogoiyadi imadagidi: Yauwe ina Kaba Valoboda totomna ana kówala, aba kasala kopwa ma vatalina be nakae konanina,
EXO 38:31 ali ana kówala adi kaba táoya, Yauwe ina Kaba Kaiyakayana ana kaba kokavata be nakae aliyana ana kaba kokavata.
EXO 39:1 E Besaleli, Oliyavi be tokatanaki liliudi búyala noyanoyaidi buruu, kalaakovidi toidi be kayakayaidi sikabidi, kwama kaausaraidi sigilumidi. Kwamayadi moe Yauwe ina Tonuwalayao adi kwama silosidi neta ina Kaba Kaiyaka Kimaasabaina goi sipaaisewa. E nakae Eroni ana kwama sigilumidi. Ame kwamayadi sikimasabedi Yauwe ina paisewa manuna. Siguinuwa nakae Yauwe bogina ilovinaegu.
EXO 39:2 E tauyadi goura sikabi, sikaupapaeve ina aaa ikakaráiya. Ikavava, gourayana sitaseseli, e búyala simadagi. Ikavava, búyala buruu, kalaakovidi toidi be kayakayaidi sikabidi, búyala goura taiyao sinoepatukoidi. Ikavava, buyalayana be areko dedevina sikabidi, tolobo ana kwama sigilumi go, gilumayana ana kaigigita nakae gíluma ana tokatanaki idi paisewa.
EXO 39:4 Ikavava, aba latuba aiyuwo sigilumidi, e kwamayadi aiyuwo matakubudi goi sigilumipatukoidi.
EXO 39:5 Ikavava, kwamayana ana gigipáiwala sigilumidoko, ana kaigigita dedevina toina. Go gigipaiwalayana kwama goi sigilumipatuko. Ana búyala be ana kareko moe kwamayana nakae. Tauna sigilumi nakae sopagu goi Yauwe bogina ilovina siguinuwe.
EXO 39:6 E gurewa esaaesaidi anikisi madi kaba yata goura sikabidi, e gurewayadi goi Isileli natunao yoidi siginidi.
EXO 39:7 Ikavava, tolobona ana kwama ana kaba latuba goi siyatoidi. Gurewayadi moe Isileli tubunao adi kaba kinana bego Yauwe inuwokavatedi. Tauna siguinuwe nakae Yauwe boi bogina ilovinaegu.
EXO 39:8 E Tonúwala kasikasina ana saisaira sigilumi nakae tolobona ana kwama ana gíluma. Moe búyala noyanoyaidi goura, buruu, kalaakovidi toidi be kayakayaidi be nakae areko dedevidi sikabidi, sigilumi. Tauyadi idi paisewayana nakae gíluma ana tokatanaki idi paisewa.
EXO 39:9 E tabodayana sinunumi, ana mamanao be ana papaeva sivavasa, moe nimakulemwasi aito.
EXO 39:10 Ikavava, saisairayana goi gurewa esaaesaidi túwana aivasi goi sikauvapotedi ame nakae: Túwana vakuumgoina goi gurewa yoidi rubi, topasi be beleli siyatoidi.
EXO 39:11 Túwana aiyuwoina goi gurewa yoidi turakoisi, sapaire be emeradi siyatoidi.
EXO 39:12 Túwana aitonina goi gurewa yoidi diyasinta, ágeta be ametísta siyatoidi.
EXO 39:13 Túwana aivasina goi gurewa yoidi kwatisi, anikisi be diyáspa siyatoidi. Ame gurewayadi adi kaba yata moe goura goi sikauvapotedi.
EXO 39:14 Gurewayadi tamo tamo goi Isileli natunao yawou aiyuwo yoidi tamo tamo siginidi. Tauna gurewa tayamo, you tayamo, gurewa tayamo, you tayamo. Youyadi Isileli tubunao adi dala yoidi.
EXO 39:15 E goura maavadaina sikabi, kasikasina ana saisaira ana seni nakae sinoedi.
EXO 39:16 Ikavava, rini madi kaba yata aiyuwo goura goi simadagidi. E kasikasina ana saisaira matakubuna aiyuwo diligaema goi sikauvapotedi.
EXO 39:17 Ikavava, seniyadi goura tayamo dadavina riniyadi goi sisikoidi
EXO 39:18 go, tayamo dadavina gurewa adi kaba yata aiyuwo goi sisikoidi. Aba yatayadi sikaiyaka tolobona ana kwama ana kaba latuba aiyuwo goi.
EXO 39:19 Ikavava, rini goura aiyuwo simadagidi, e kasikasina ana saisaira ogalaoina goi siyatoidi.
EXO 39:20 Ikavava, rini goura aiyuwo tuwaina simadagidi go, tolobona ana kwama ana sinapatúkwana goi siyatoidi. Go moe gigipáiwala dedevina diligaemaina goi be nakae kwamayana kukuna goi.
EXO 39:21 Ikavava, búyala buruu aiyuwo sikabidi, tayamo dadavina rini aiyuwo kasikasina ana saisaira ogalaoina goi sisikoidi go, tayamo dadavina rini aiyuwo tolobona ana kwama goi sisikoidi. Tauna kasikasina ana saisairayana ikaiyaka gigipáiwala dedevina diligaemaina, e geya itoboineyeta tolobona ana kwama goi italigalígava. E siguinuwa nakae Yauwe boi bogina ilovinaegu.
EXO 39:22 E kwama tayamo maanawena sigilumi. Kwamayana madabokina buruu go, ikaiyaka tolobona ana kwama sinaena. Idi paisewa nakae togíluma dedevidi idi paisewa.
EXO 39:23 E kwamayana goi tapora tayamo Tonúwala nukotona manuna siwodugu. Taporayana kikina sikunupedoko, tauna geya itoboineyeta bei itaisa.
EXO 39:24 E búyala noyanoyaidi buruu, kalaakovidi toidi be kayakayaidi sikabidi, mogolu keuwoina maisiyana sigilumidi, e kwamayana kikina ditonema dadavina goi sisikoidi.
EXO 39:25 E goura maavadaina sikabi, bere giyaidi simadagidi. Ikavava, kwamayana kikina ditonema dadavina goi sisikoidi mogolu nauyayanaidi.
EXO 39:26 Tauna bere tayamo mogolu tayamo, bere tayamo mogolu tayamo kwamayana kikina madabokina ivaníbita nakae. E siguinuwa nakae Yauwe boi bogina ilovinaegu.
EXO 39:27 E areko dedevidi toidi sikabidi, Eroni ma natunao adi kwama maanawedi sigilumidi.
EXO 39:28 Ikavava, e areko dedevidi tuwaina sikabidi, dábana aba vatúmna be ana pasapasa be nakae tarausisi aba saidibuna sigilumidi.
EXO 39:29 Ikavava, areko dedevidi be nakae búyala noyanoyaidi buruu, kalaakovidi toidi be kayakayaidi sikabidi, gigipáiwala sigilumi nakae Yauwe boi bogina ilovinaegu.
EXO 39:30 E goura maavadaina sikabi, dabayogigi simadagi senina maisiyana namliyeta sikimasabe Yauwe umana. E dabayogigiyana yatana goi sigini kadi, ‘Tauyana Kimaasabaina Yauwe Umana.’
EXO 39:31 Niga búyala buruu sikabi, dabayogigiyana sisiko dábana aba vatúmna nakae Yauwe boi bogina ilovinaegu.
EXO 39:32 E Yauwe ina Kaba Kaiyaka, o tadigo kada, ‘Ina Kaba Valoboda’, madabokina ana madágina bogina ikavava. Isileli tubunao kaga liliuna simadagidi nakae boi Yauwe bogina ilovinaegu.
EXO 39:33 E Yauwe ina Kaba Kaiyakayana konanina liliudi sikabidi, simedi yaigu. Konaninayadi ame nakae: Ana rini, ana vabodakalova, ana logógana, ana kówala madi kaba táoya.
EXO 39:34 Ana kaba vatumna sipi bolamo sakavaidi bogina kayakayaidi goi sikaredi, ana kaba vatumna ituli ta yoguyoguva sakavaidi be nakae ana vabodaupa kaarekoina.
EXO 39:35 Aba vatulúkwana dedeogaina mana kaitakeo be nakae aba núwala.
EXO 39:36 Teboroyana ma konanina be nakae beredi kimaasabaidi Yauwe umana.
EXO 39:37 E nakae ame konaninayadi simedi: Rampa adi kaba yata goura maavadaina mana rampa, konanina be nakae oribe mumuna rampa manudi.
EXO 39:38 Aba kasala goura, pútuma aba kaipaku, insensi mainina dedevina be nakae Yauwe ina Kaba Kaiyaka ana kaba siu ana taboda kaarekoina.
EXO 39:39 Aba kasala kopwa ma vatalina, ana kaitakeo, konanina be nakae nokobaba kopwa ma kaena.
EXO 39:40 Ali ana kareko, ana kówala, adi kaba táoya be nakae ali ana kaba siu ana taboda kaarekoina mana búyala be nakae ana kaba kokavata be nakae kónana liliudi aba paisewa Yauwe ina Kaba Kaiyakayana sinaena manuna. Aba Kaiyakoyana moe ina Kaba Valoboda.
EXO 39:41 E nakae kwama dedevidi paisewa Bateta Kimaasabaina sinaena manuna simedi. Kwamayadi moe Eroni tauyana Tonúwala ana kwama Yauwe ina paisewa manuna be nakae natunao adi kwama, e bei tauyadi itoboinedi Tonúwala nakae sipaisewa.
EXO 39:42 E Isileli tubunao paisewa liliudi siguinuwedi nakae kaga liliuna Yauwe boi bogina ilovinaegu.
EXO 39:43 E kónana liliudi adovatusidi, e agitedi moitamo siguinuwedi nakae Yauwe iidigedi. Tuwo tomotayadi akaipakuyedi.
EXO 40:1 E Yauwe ilatuwokoigu idigo kana,
EXO 40:2 ‘Tukówana vakuumgoina ana maliyalina vakuumgoina goi guna Kaba Kaiyaka, o kada, “Guna Kaba Valoboda”, bei kovatāoe.
EXO 40:3 Kovatáoe ikavava, sinaena aba vatulúkwana dedeogaina Tukunu goi koyatogamogamōne namliyeta baige vabodaupa kaarekoina kovakosāine dedeogayana kotabōde.
EXO 40:4 Ikavava, teboro kokābi, kovaisīu, e yatana konanina kokatubayasīdi. Ikavava, rampa adi kaba yata kovaisīu be ina rampa koyatōidi.
EXO 40:5 Ikavava, insensi ana kaba kasala goura aba vatulúkwana matana goi go, vabodaupa kaarekoina toluyena goi koyatogamogamōne. Ikavava, Aba Kaiyakayana ana kaba siu ana taboda kaarekoina kovakosāine.
EXO 40:6 Ikavava, aba kasala vininabeso ana kaigabu manuna guna Kaba Kaiyakayana ana kaba siu toluyena goi kovatumasābe.
EXO 40:7 Ikavava, nokobaba kopwa guna Kaba Kaiyakayana be aba kasalayana go, nauyayanaidi goi koyāto namliyeta baige bwae kosiwōi.
EXO 40:8 Ikavava, guna Kaba Kaiyakayana kokāli go, aliyana ana kaba siu ana taboda kaarekoina kovakosāine.
EXO 40:9 Ikavava, pútuma aba kaipaku kokābi, guna Kaba Kaiyakayana be nakae kaga liliuna sinaena kosiwōi be kokimasabēdi umagu, e bei guna Kaba Kaiyakayana ma konanina kimaasabaidi umagu.
EXO 40:10 Ikavava, pútuma aba kaipaku kokābi, aba kasala vininabeso ana kaigabu manuna ma konanina koputumīdi be kokimasabēdi umagu, e bei aba kasalayana kimaasabaina toina.
EXO 40:11 Ikavava, pútuma aba kaipaku kokābi, nokobaba ma kaena koputūmi, e kokimasābe umagu.
EXO 40:12 E Eroni ma natunao komēdi guna Kaba Valoboda ana kaba siu goi kovaisivēdi.
EXO 40:13 Ikavava, kwama kimaasabaidi kokabīdi, Eroni kovalōsi. Niga pútuma aba kaipaku kokābi, tauyana koputūmi be kokimasābe umagu, e bei tauyana Tonúwala nakae ipaaisewa umagu.
EXO 40:14 Ikavava, Eroni natunao komēdi, kwama maanawedi goi kovalosīdi.
EXO 40:15 Ikavava, pútuma aba kaipaku kokābi, tauyadi koputumīdi tamadi nakae, e bei tauyadi Tonúwala nakae sipaaisewa manugu. Go moe nakae Eroni ma natunao be nakae tubunao liliudi kokimasabēdi umagu, e bei kidi nakae Tonúwala nakae sipaaisewa manugu ame tuta be nakae tuta simamaima yaidi.’
EXO 40:16 E kaga liliuna Yauwe ilovinaegu aguinuwedi, nakae aguinuwedi.
EXO 40:17 E tuwo tukówana vakuumgoina ana maliyalina vakuumgoina goi Yauwe ina Kaba Kaiyaka kavatáoe. Moe bogina tala tayamo ikavava ima sowóduwo Itipita mlina goi.
EXO 40:18 E Livai tubunao alatuwokoidi adigo kagu, ‘Aba Kaiyakayana kovatāoe.’ E ame nakae siguinuwe: Vabodakalova adi kaba táoya siyatoidi, e vabodakalovayadi simosidi. Niga logógana sivaisiudi rini goi be nakae kówala sivataoedi.
EXO 40:19 Sivataoedi ikavava, aba vatumna areko sikabi, Aba Kaiyakayana madabokina sivatum. Ikavava, aba vatumna aito sikabidi, aba vatumnayana areko sivapopo nakae boi Yauwe bogina ilovinaegu.
EXO 40:20 E aba vatulúkwana sikabidi, dedeoga sinaena sidodoidi. Niga aitakeo aiyuwo sikabidi, dedeogayana ana rini goura goi sivaisiudi. Ikavava, aba núwala sikabi, dedeogayana yatana goi sikailagasi.
EXO 40:21 Sikailagasi ikavava, sikaitakeve sinave Tukunu goi sivaisiu namliyeta baige vabodaupa kaarekoina sikabi, sivakosaine aba vatulúkwana dedeogaina sitabode nakae sopagu goi Yauwe bogina ilovina siguinuwe.
EXO 40:22 E teboro sikabi, sikaitakeve sinave Aba Valobodayana goi sivaisiu go, yawéyana dadavina vabodaupa kaarekoina toluyena goi siyato.
EXO 40:23 Ikavava, beredi sikabidi, teboroyana yatana goi sikailagasidi go, Yauwe matana goi sikatubayasidi nakae boi Yauwe bogina ilovinaegu.
EXO 40:24 E rampa adi kaba yata sikabi, Aba Valoboda goi sivaisiu go, youya dadavina vabodaupa kaarekoina toluyena goi siyato.
EXO 40:25 Ikavava, Yauwe matana goi rampayadi silotuvaninimidi sininínima nakae boi Yauwe bogina ilovinaegu.
EXO 40:26 E aba kasala goura sikabi, ina Kaba Valoboda goi sivaisiu go, vabodaupa kaarekoina toluyena goi siyatogamogamone.
EXO 40:27 E yatana goi insensi mainina dedevina siyato, e sigabu nakae boi Yauwe bogina ilovinaegu.
EXO 40:28 E ina Kaba Kaiyaka ana kaba siu ana taboda kaarekoina sikabi, sivakosaine.
EXO 40:29 Ikavava, aba kasala vininabeso ana kaigabu manuna sikabi aba siu toluyena goi sivatumasabe. Ikavava, yatana yoguyogu vininabeso manuna sikailagasi sigabusave, e kutukutu vininabeso manuna sikailagasidi, sigabudi nakae boi Yauwe bogina ilovinaegu.
EXO 40:30 E nokobaba kopwa sikabi, ina Kaba Valoboda be aba kasala kopwa go, nauyayanaidi goi siyato. Ikavava, bwae sitege nokobabayana goi sisiwoi moe adi kaba níkina.
EXO 40:31 E amoko goi Eroni ma natunao be yau nimama be aema bei kaanikidi.
EXO 40:32 Tutayana Yauwe ina Kaba Valoboda goi kasiu o kavalabelabena aba kasala goi, e mainao nimama be aema kanikidi. Ikavava baige kasiu nakae boi Yauwe bogina ilovinaegu.
EXO 40:33 E Yauwe ina Kaba Kaiyaka be aba kasala sikalidi. Ikavava, aliyana ana kaba siu ana taboda kaarekoina sivakosaine. E ameko goi paisewayana madabokina alukavave.
EXO 40:34 E gaota isou Yauwe ina Kaba Valoboda iumai go, Yauweyana ana káeyana tomoeeyalina isiu ina Kaba Kaiyaka madabokina itapasigi.
EXO 40:35 E gaotayana Aba Valoboda iumai be nakae Yauwe ina kaeyanayana tomoeeyalina ivakayaodei, tauna geya itoboineguta bei Aba Valoboda goi asiu.
EXO 40:36 Go tutayana gaotayana Yauwe ilukake, e kai Isileli tubunao kakatubayasi bei katáoya kaketoiya go, gaotayana kasabookuliye. Nako goi isou, amoko goi kakaaiyaka. Moe nakae kaguuinuwe ima ketoiya ana madabokina goi.
EXO 40:37 Go gaotayana neta Yauwe geya ilukakeyeta, e kai Isileli tubunao geya kaketoiyeta, go sem kakaaiyaka ana kadókana ituko ina.
EXO 40:38 Moitamo. Yauwe ina gaota Aba Kaiyaka yatana goi ikaaiyaka maliyalina. Go sabamgo yeu sabeninimina gaotayana sinaena goi ikaaiyaka. Ame nakae kai Isileli tubunao madabokima ima ketoiya ana madabokina goi.
RUT 1:1 E koroto tayamo yoina Elimaleka go, monena Naomi taiyao Bedeliyema goi sikaaiyaka. Bedeliyemayana moe Yuda dadavina sinaena. Ma natuudiyao koroto adi taiyuwo; tayamo yoina Maloni, tayamo yoina Kiliyoni go, adi nunu yoina Eparati. E tutayana Isileli idi totaligavayao siilovina, Isileli sinaena loga gagaina isowóduwo losiye pasina. Tuwo Elimaleka monena natunao adi taiyuwo taiyao sitáoya, sina asa Moabe goi sikaaiyaka.
RUT 1:3 Sikaaiyaka aaa, Naomi monena Elimalekayana ikámasa. Tuwo Naomi natunao adi taiyuwo taiyao aditava sikaaiyaka.
RUT 1:4 Sikaaiyaka, natunaoyadi Moabe vevinaidi sinaidi, tayamo yoina Opa, tayamo yoina Ruti. Amoko goi sikaaiyaka tala ana badabada yawou
RUT 1:5 go, Maloni be Kiliyoni adi taiyuwokova nakae sikámasa. Tuwo Naomi monena be natunao bogina sikámasa, tauna anetava ikaaiyaka.
RUT 1:6 E Naomi livala tayamo inove bego Yauwe ina bodao Yuda goi ivaaitedi; adi máliya bogina ivinidi. Tauna yaonao adi taiyuwo taiyao sitáoya, sikatubayasi bego Moabe sikalave go, sikaluvila sina Yuda.
RUT 1:7 Sikatubayasi ikavava, asayana sikaaiyaka goi sikalave go, siketoiya bego sina Yuda.
RUT 1:8 Sinonoina go, Naomi idigo kana, ‘Yaogowo, kokaluvilāmna kōna sinamiyao taiyao kokaaiyāka. Guna kawanoi bego Yauwe ilokatemi nakae komi bogina kolokategu be nakae boi natugowo kolokatedi.
RUT 1:9 Aiyuwoina, guna kawanoi bego Yauwe itagona konaimna bei monemiyao taiyao kokaaiyaka imi vada.’ Tuwo, tauyana iyowoiidi go, kidi sitáiya.
RUT 1:10 Sitáiya, sidigo kadi, ‘Yaoma, geya latuwoma kakalavem. Latuwoma bego kakitaum bei taiyao tana im bodayao yaidi.’
RUT 1:11 E kina go Naomiyana idigo kana, ‘Yaogowo, kokaluvilāmna kōna imi kasa. ¿Kaga pasina latuwomi kokitaugu? Yau geya itoboineguta bei avaitemi. Nakae geya itoboineguta bei natugowo koroto avenatunidi bei monemiyao.
RUT 1:12 Tuwo, kokaluvīla kōna imi kasa. Yau bogina akainamoya, tauna geya itoboineguta anaimna. ¿Go neta sabamgo ame yau koroto tayamo bei anai, taiyao kamasisi akéuwama be natugowo koroto avenatunidi,
RUT 1:13 manakae? ¿Bei kotuyaosidi, e sibíbina gagaidi baige konaidi? ¿Bei nai kototo? Geya, yaogowo, geya itoboinemita. Yaubada bogina itugavilegu, tauna moumou ivakaigaga yaigu namliyeta komi. Bogina koyagoi. Komi itoboinemi konaimna go, yau geya.’
RUT 1:14 E tuwo ina livala sinove, sitaiyamna. E Opa yaona iyowoi ikavava, ikaluvila ina ina kasa go, kina Ruti yaona imatakanikaniye, e ivalabilabine.
RUT 1:15 E tuwo, Naomi idigo kana, ‘Kunōve. Tuwowom ikaluvilamna ina ina bodao be ina basaleliuyao yaidi. E kom taiyao kokaluvīla.’
RUT 1:16 Go kina Rutiyana idigo kana, ‘Taabu kukaawanōi yau yaigu bego akalavem, go sem neta kutagonegu bei akitaum.
RUT 1:17 Nako goi kukámasa,
RUT 1:18 E Ruti ibóbwara ikavava, Naomi bogina iyagoi bego Ruti latuwona toina taiyao sina. Tauna itugau.
RUT 1:19a E tuwo adi taiyuwokova siketoiya sinonoina Bedeliyema manuna.
RUT 1:19b Tutayana sisowóduwo Bedeliyema goi sisiu, asa butukaona iyata, e vevina liliudi sima adi taiyuwokova sigitedi, sidigo kadi, ‘¡Iyaa! ¿Amo Naomi ae?’
RUT 1:20 Go kina Naomiyana idigo kana, ‘Tokalika ikitaitaiyegu, tauna taabu koduuduwēgu Naomi, go sem koduduwēgu Mara.
RUT 1:21 Boi akalavemi maa konagu go, ame tutayana Yauwe ikaluvilemneigu nima kaka. ¿Kaga ana dedevina koduduwegu Naomi? Geya. Yauwe Tokalika itugavilegu be nakae ikitaitaiyegu.’
RUT 1:22 Tauna nakae Naomi Moabe goi itáoya yaona Ruti guma Moabe taiyao sina Bedeliyema. Ego tutayana sisowóduwo Bedeliyema goi, moe bali ana tuta dibayoya ana kaba vatowo.
RUT 2:1 Bedeliyema goi Naomi yaona tayamo ikaaiyaka. Tauyana toesaesa be nakae koroto gagaina, e yoina Boasa. Boasayana be Elimaleka adi nunu tayamo.
RUT 2:2 E Ruti guma Moabe Naomi ilatuwoko idigo kana, ‘Yaogu, neta kutagonegu bei yau ana tánuwo tayamo goi bali kutukutuna ana totaupa sitamaumaauidi aseo. Ego ava totaupa ikanuuwoiyegu mlina goi bei aseo.’ Naomiyana kana, ‘Yaogu, kūna nakae kuguinūwe.’
RUT 2:3 Tuwo tauyana ina bali tanuina tayamo goi bali ana totaupaupayao isabokuuliyedi bali kutukutuna vaalutudi iseoseo. Ego tanuwoyana moe Boasa ina tánuwo. ¡Boasayana be Elimaleka adi nunu tayamo!
RUT 2:4 E Boasayana makaitaga Bedeliyema goi isowóduwo ima, e ina ina todibayoyayao yaidi ikaipakuyedi, idigo kana, ‘¡Yauwe bei ivakitaumi!’ ‘¡Yauwe bei ikaipakuyem!’ tauyadi kaedi.
RUT 2:5 E Boasayana ikandobala, Ruti igite, tuwo ilumadádana ina todibayoyayao adi tovakumgo yaina, idigo kana, ‘¿Woiyai amo avatau osiyana?’
RUT 2:6 E tovakumgoyana idigo kana, ‘Tauyana ogaoga, guma Moabe. Naomi taiyao Moabe goi sima.
RUT 2:7 Maine vavinayana ima ikawanoi yaigu idigo kana, “¿Neta kutagōna bego bali ana todibayoyayao asabokuuliyedi go, idi bali patumidi kikidi goi kutukutudi vaalutudi aseo?” Atagona, tuwo tauyana tánuwo goi ipaaisewa gagaina nobuyana go, ima ame tuta. Ego tuta giyaina tauna iwaiwasi.’
RUT 2:8 E tuwo Boasa ina Ruti ilatuwoko idigo kana, ‘Vavina, kunovēgu. Taabu kunonōina ituli ta tánuwo goi kuseoseo, go sem guna topaisewayao vevina kikidi kuvalaabilābina, e taiyao koseosēo.
RUT 2:9 Ago koroto kugitēdi nako goi sipaaisewa go, sitamaumáuwo. Amoko goi kūna vevinayadi taiyao koseosēo. Korotoyadi bei alatuwokoidi geya sikitaitaiyemta. Neta maem isayasaya, kūna nako goi tauyadi bwae sitege siyatoyato, moe kwābi kunīm.’
RUT 2:10 E tuwo, Rutiyana ivatugúyala ikanakabobo go, idigo kana, ‘¿Yau ogaoga go, kaga unana kukanuwoiyegu be yau manugu kunuwonúwana?’
RUT 2:11 E Boasayana idigo kana, ‘Vatetelim madabokina tomota bogina sivateteli anove. Nakae kaga liliuna kuguuinuwedi yaom manuna tutayana monem ikámasa. Ayagoi tamam be sinam kwalavedi be nakae im kasa kwalave, e kuma ameko bego kwaiyako vata go, boi boda ame geya kuyagoiyeta.
RUT 2:12 Bei Yauwe, kai Isileli tubunao ima Yaubada, am vaiwówana ivinim im guinuwa pasina. Bogina kuma Tauyana panepanena goi bego ivainugonem.’
RUT 2:13 ‘Guna tomoya, matam goi anuwóiya bogina ababane. Moitamo. Yau im pákwana bogina kukipaiwolegu be nakae atepatu kuvinigu go, yau im pákwana vevina im pakonayao sobuyekoidi nakae’, Ruti kaena.
RUT 2:14 E niga áika ana tuta goi Boasa idigo kana, ‘Ruti, kubāla kūma ameko. Ame avam. Oine bwaena yuyuyuna goi kuvaigāde, e kwāika.’ Tuwo moitamo Ruti ibala ina tauyana ina todibayoyayao kikidi itusobu ivaigade, e ikáika. Ago Boasa bali kutukutuna aiigabudi nakae ivini ikáika. Ikakáika, bogina gamona go, kutukutuyadi maniyena sikesa.
RUT 2:15 E Ruti bogina itáoya, ikaluvilamna ina ana bali iseoseo go, Boasa ina pakonayao koroto ilovinaedi idigo kana, ‘¡Kotagōna tauyana bali patumidi kikidi goi iseoseo go, taabu koobōve!
RUT 2:16 Nakae maniyena kobuyagīdi kokaisobuyēdi kokalavēdi, e Ruti itoboine isevedi go, taabu koobōve.’
RUT 2:17 E tuwo Ruti bali ana tánuwo goi iseoseo ana kadókana lavilavi. Tutayana bali ikausapisapidi ikavava, bayao tayamo nakae ikayaoda.
RUT 2:18 Ikausapisapi ikavava, e ina bali ma bayaoina ikabi, ikaluvilamna ina ina kasa goi baliyana yaona ivatuluko kaga bogina isevedi. Ago kutukutuyadi ikaabogedi yaona ivini ikáika.
RUT 2:19 E Naomi ikandosobu kutukutuyadi igitedi, yaona yaina ilumadádana idigo kana, ‘¿Yaogu, ame nako goi bali kuseoseo? ¿Avatau ina tánuwo goi? Guna kawanoi bego korotoyana ikanuuwoiyem Yauwe bei ikaipakuye.’ Tuwo Rutiyana ina paisewa manuna ivatétala, idigo kana, ‘Korotoyana ina tánuwo goi aseoseo moe yoina Boasa.’
RUT 2:20 Naomiyana mana uyáwana idigo kana, ‘¡Yaogu, latuwogu Yauwe ikaipakuye! ¡Yauweyana ilokateda, kita maa yawoida be kidi tokámasa!’ Naomi tuwaina kana, ‘¡Amo korotoyana monegu osiyana, ada totateta! Tauna kai Isileli tubunao ima sinapu goi tauyana itoboine imatakavateda.’
RUT 2:21 E Rutiyana guma Moabe idigo kana, ‘Tuwaina korotoyana ilatuwokoigu idigo kana, “Tuwaina kuseosēo guna pakonayao taiyao ana kadókana guna dibayoya madabokina silukavave.”’
RUT 2:22 Naomi idigo kana, ‘Natugu, moe dedevina kuna Boasa ina tánuwo goi kuseo ina pakonayao vevina taiyao. Neta kuna ituli ta tánuwo goi kuseo, govila todibayoya koroto sikitaitaiyem.’
RUT 2:23 E tuwo Rutiyana Boasa ina topaisewayao vevina kikidi ivalaabilábina, e witi be bali iseoseo tauyadi taiyao ana kadókana dibayoya ana kaba lukavava. Ikavava, Ruti yaona taiyao sikaaiyaka.
RUT 3:1 E Naomi inuwonúwana Ruti manuna, tuwo ilatuwoko idigo kana, ‘Natugu, dedevina koroto tayamo alusale monem, bei im kaiyaka dedevina.
RUT 3:2 ¿Boasa kunuwokavate? Tauyana ina pakonayao vevina taiyao boi koseoseo. Amo korotoyana monegu osiyana. Kunōve. Sabamgo ame aba kausapisápina goi bei bali itakino.
RUT 3:3 E kom kūna kuisīwo. Ikavava, kupūtuma be nakae am kwama dedevina toina kulōsi go, kusōu kūna nako tauyana iitakínona goi. Ego tauyana taabu iigitēm ana kadókana ikáika ikavava, imasisi.
RUT 3:4 Ago kom kūna tauyana kugīte nako goi iimasisi. Bogina iimasisi, e ina tanigo kunīsi go, aena kikina goi kumasīsi. Moe nakae matakavata kukawanoiye. Namliyeta baige bei ilatuwokoim kaga bei kuguinuwe.’
RUT 3:5 E Rutiyana idigo kana, ‘Kaga liliuna kuudigedi bei aguinuwedi.’
RUT 3:6 Tuwo moitamo tauyana ina aba kausapisápina goi kaga yaona iidigedi nakae iguinuwedi.
RUT 3:7 E Boasayana ikáika ikavava, ina lotówana dedevina, tuwo ina bali gugunina kikina goi imasisi. Niga go Rutiyana ivasinamo ina tauyana ina tanigo inisi, e aena kikina goi imasisi.
RUT 3:8 E nobunatoina goi Boasa ikaliwoisa ikanagavila, e vavinayana igitebabane aena kikina goi imasisi ikanamatáiya.
RUT 3:9 E idigo kana, ‘¡Iyaa! ¿Kom avatau?’ ‘Yau Ruti, im pákwana. Kom yaogu kaamasina osiyana guna totateta. Tauna, kwabīgu be kumatakavatēgu’, Ruti kaena.
RUT 3:10 Boasayana idigo kana, ‘¡O vavina! ¡Yauwe ikaipakuyem! Boi im lokata gagaina yaom yaina goi go, ame tutayana im lokata gagaina toina yaigu. Boi tubuwau geya kulusaleta bego kunai, toesaesa o tokai.
RUT 3:11 Ago vavina, geya kumatoiteta geya. Kaga liliuna kukawaanoiye bei aguinuwe. Moitamo. Tomota liliudi asa goi siyagoi kom guma Moabe; vavina dedevim.
RUT 3:12 Ego moe moitamo yau yaom kaamasina osiyana ina totateta be nakae itoboinegu amatakavatem go, koroto tayamo ikaaiyaka, tauyana totubukumgo. Tauna tauyana mana lovina itoboine imatakavatem.
RUT 3:13 Ameko goi kuumasīsi vanuwo itomo. Itomo nobuyana ana tauyana agite. ¡Neta itagona bego imatakavatem, e dedevina, go geya, Yauwe yoina goi akatótula, yau bei amatakavatem! Ago ame tutayana kuumasīsi ana kadókana itomo.’
RUT 3:14 E tuwo Boasa aena kikina goi Rutiyana imasisi ana kadókana botomotomo itáoya. Boasa ina nuwonúwana kana, ‘Geya latuwogu tomota siyagoi bego vavina tayamo ima aba kausapisápina goi imasisi.’
RUT 3:15 Tutayana Ruti itáoya, Boasa idigo kana, ‘Am tanigo kunīsi kuvinīgu go, dadavina kuyoisikavāte.’ Tuwo ivini, e Boasayana bali kutukutuna nakae bayao tayamo ikabi, Ruti ana tanigo goi isiwoi. Ikavava, e Rutiyana ivavabe. Ikavava, Boasa itáoya ina asa.
RUT 3:16 Go Ruti ikaluvilamna ina ina kasa goi baliyana yaona ivini. Yaonayana ilumadádana idigo kana, ‘¿Natugu, im ketoiya manakae?’ Tuwo kaga liliuna Boasa bogina iguinuwe, e manuna Rutiyana ivatétala,
RUT 3:17 idigo kana, ‘Boasa ilatuwokoigu idigo kana, “Geya itoboinemta nima kaka kwaluvila kuna yaom yaina.” Tauna bali kutukutuna gagaina ivinigu.’
RUT 3:18 Naomi idigo kana, ‘Ruti, om inūwa. Nava bei tagite kaga isowóduwo yaim. Moitamo. Boasa ame bei iguinuwa manum.’
RUT 4:1 E kina go Boasayana ituko ina asa ana kaba siu goi itusobu. Aba siuyana moe idi kaba tugúguna. Iitusobu go, totateta manuna boi Ruti bogina ilaatuwoko, e igite iiketoiya imamaima. Tuwo iduduwe idigo kana, ‘Toi, kūma ameko goi kutusōbu.’ Tuwo tauyana ima itusobu.
RUT 4:2 E Boasa asa ana tolovinayao ana badabada yawou iduduwedi sima ilatuwokoidi situsobu, bei idi tugúguna sitaiyakeke.
RUT 4:3 E Boasa totatetayana ilatuwoko idigo kana, ‘Naomi bogina Moabe goi ikaluvilamna ima go, tauyana latuwona osiyada kaamasina Elimaleka ina poyapoya ana tagona ibisilave.
RUT 4:4 Yau anuwonúwana dedevina kom kuyagoi. Neta poyapoyayana latuwom kutatete, e tolovina ame matadi goi kutatēte. Ago geya, kulatuwokoigu bei ayagoi. Geya kada tayaamo koroto mana lovina geya; kom tauna amta kuulovina. Yau sobuyekoim.’ ‘Bei atatete’, toi kaena.
RUT 4:5 Go kina Boasayana idigo kana, ‘Tutayana poyapoyayana ana tagona kukabi Naomi yaina, e Ruti, tauyana kóbuya guma Moabe, nakae bei kukabi kunai, e bei tokámasa yoina ikaaiyaka be nakae ina kaiguyauyana ikaaiyaka ina nunu sinaena.’
RUT 4:6 Go kina totatetayana idigo kana, ‘Neta moe nakae, guna lovina akaidamane yaim. Yau geya itoboineguta Ruti anai, govila bei natugowo idi dalowo giyaina. Tauna kom toinim kutatēte go, yau geya latuwogu.’
RUT 4:7 Ego boi nimatu Isileli tubunao idi katótula ana sinapu osenao adi tateta be kónana adi talamapu manudi ame nakae: Koroto tayamo ana sendoro ivalilivi go, siyana ivini. Moe nakae poyapoya ana kaidámana o lovina ana kaidámana bogina sikatotule.
RUT 4:8 Tuwo tutayana totatetayana idigo kana, ‘Kom toinim kutatēte’, e ana sendoro ivalilivi go, Boasa ivini.
RUT 4:9 E Boasayana koroto gagaidi be tomota madabokidi matadi goi idigo kana, ‘Ame komi toinimi matami goi bogina kogite bego yau Elimaleka, Maloni be Kiliyoni konadi madabokidi Naomi yaina goi akabidi.
RUT 4:10 Aiyuwoina Ruti guma Moabe, tauyana Maloni kobuina, anai. Moe bego tokamasayana ina kaiguyau ikaaiyaka ina nunu sinaena. Nakae ana katumapu bei ibíbina, e yoina geya itagauta. ¿Ame komi bogina kogite?’
RUT 4:11 Koroto gagaidi be tomota liliudi aba siuyana goi sikaaiyaka kadi, ‘U, bogina kagite.’ E tuwo sikaodedevine sidigo kadi, ‘Ame vavinayana giyakainava bei kunai, bei kina Yauwe ivaite bego ivenátuna nakae Reitiyeli be Reya sivenátuna; tauyadi natudiyao badabadaidi kai Isileli tubunao manuma. Bei esaesa kubabane im nunu Eparati sinaena. E nakae bei Bedeliyema goi tomota liliudi yoim siiyagoi.
RUT 4:12 Bei Yauwe natumowo ivinim vavinayana yaina, e bei im nunu gagaina nakae Peresi ina nunu gagaina, tauyana Yuda be Temari natudi.’
RUT 4:13 Tuwo moitamo Boasa Ruti sinai go, Yauwe ina vaita goi ikéuwama, namliyeta ivenátuna, natuna koroto.
RUT 4:14 Vevina sidigo kadi, ‘¡Yauwe tayapalīye! Tauyana tubum ivinim am totateta bei imatakavatem. Bei Yauwe ina guinuwa goi gomanayana yoina gagaina Isileli sinaena.
RUT 4:15 Yaom imatakoiyem be nakae ivaitem gagaina. Neta kom natumowo koroto ainima aiyuwo, geya adi kaipatamo sivaitem nakae yaom ivaitem. E ame tutayana tubum ivinim; tauyana bei yawoim ilisi tutayana kwainamoya.’
RUT 4:16 Tuwo Naomi ibala ina gomanayana ikabi, ivayavau, e imatakavate.
RUT 4:17 Vevina tomota liliudi yaidi sidigo kadi, ‘Ame tutayana Naomi ma tubuna.’ Ago gomanayana sivayou Obedi; tauyana nava bei natuna Diyesi. Nava bei Diyesi natuna Devida.
RUT 4:18 Tuwo Peresiyana ina nunu ame nakae: Peresi natuna moe Esironi.
RUT 4:19 Esironi natuna moe Ram. Ram natuna moe Aminadabi.
RUT 4:20 Aminadabi natuna moe Nakasoni. Nakasoni natuna moe Salimoni.
RUT 4:21 Salimoni natuna moe Boasa. Boasa natuna moe Obedi.
RUT 4:22 Obedi natuna moe Diyesi. Diyesi natuna moe Devida.
JON 1:1 Tétala ame Amitai natuna Iyona tetelina. E tuta tayamo Yauwe ina livala ina Iyonayana yaina idigo kana,
JON 1:2 ‘Iyona, Ninivei asa gagaina go, da Ninivei idi goyo yau matagu goi ivakaigaga toina, tauna kutāoya, woilīm kūna asayana goi kuliwolēdi.’
JON 1:3 Go kina Iyonayana itáoya bego Yauwe yaina goi isiya ina Tasisi. Mainao isou iiwo ina Yopa goi oga tayamo ibabane bei ikailova ina Tasisi. Tuwo iemáisa ikavava, isowoya taiyao bei sina amoko goi isou Yauweyana yaina isiya.
JON 1:4 E isowoya ikavava, sikailova sinonoina. E kina go Yauweyana yágira gagaina ibisilave isou ina oga isanabode. Tuwo yailúwasa itowo nakae aivaya sisowóduwo, e ana kaigigita bei oga sikauvisivisi.
JON 1:5 Tuwo gelugelu simatoita gagaina, e tamo tamo sipodeda toinidi idi basaleliuyao yaidi, sidigo kadi, ‘¡Oiyoi, kovaitēma!’ Siipodeda, geya, tuwo kónana sisavedi sisou négwasa goi bego oga ikakapu. Ego kina Iyonayana bogina isou ina oga sinaena goi iimasisi, ikanamatáiya toina.
JON 1:6 Tuwo kapiteni isou ima Iyonayana iwoini, idigo kana, ‘¡Iyaa! ¿Kom kaga kumasisiye? ¡Kutāoya! ¡Kupodēda im basaleliu yaina! Nakona moe basaleliuyana bei inoveda, e geya tavailaita.’
JON 1:7 E gelugeluyadi aditava sibobóbwara, sidigo kadi, ‘Aba yagoina taodūgu bei taayagoi avatau ina puwoya, tauna vailai ame tababane.’ Tuwo moitamo, aba yagoinayana siiwodugu moe tomota sikatuyaividi. Idi katuyaivayana goi Iyona yoina isowóduwo.
JON 1:8 Tuwo tauyana silumadade sidigo kadi, ‘¿Kulatuwokōima avatau ina puwoya, tauna vailai ame tababane? ¿Im paisewa kaga goi kwaaiyaka? ¿Kom nako korotoim? ¿Im bodao avatauwa?’
JON 1:9 ‘Yau Iberiu. Yauwe, Tauyana Yaubada totobukukui yábana goi négwasa be poyapoya imadagidi; moe Tauyana ataaimamine’, Iyonayana kaena.
JON 1:10 Tuwaina tauyana kana, ‘Ame Yauweyana yaina goi asiya.’ Tuwo tauyadi simatoita gagaina, tauna sidigo kadi, ‘¿Go kom kaga kuguinuwe bego kusiya?’
JON 1:11 Iyonayana bego ikatumapu go, aivaya ivaituwe gagaina, tuwo kidi sidigo kadi, ‘¿Kaga kaguinuwe yaim bego ikadaúmwara?’
JON 1:12 Tauyana idigo kana, ‘Bogina aayagoi bego yau guna puwoya vailai ame tababane. Tauna kokabīgu go, kolavēgu asou négwasa goi bei ikadaúmwara.’
JON 1:13 E kidi gelugeluyadi geya sikabiyeta, go sem oga sibeusikone; latuwodi bego siyava sina mamaya go, aivaya ivaituwe gagaina toina, tauna geya adi kaipatamo.
JON 1:14 Tuwo kidi sipodeda Yauwe yaina, sidigo kadi, ‘O Yauwe, kakawanoiyem, ame korotoyana bei kakaumate go, ina kámasa pasina taabu kutaagonēma kavaailai. Nakae taabu kam, “Komi imi puwoya koroto dedevina ame ikámasa.” Kom, Yauwe, moe im guinuwa toinim kuguinuwe nakae latuwom.’
JON 1:15 E Iyonayana sikabi, silave isou ina négwasa goi, e yailuwasayana mainao ikadaúmwara.
JON 1:16 Tuwo Yauwe simatoite gagaina toina, tuwo sikatótula be nakae yoguyogu sikasaledokoidi Yauwe yaina, e sivakasavedi.
JON 1:17 E Iyonayana isou ina négwasa goi go, Yauwe íyana tayamo gagaina ietune ina tauyana itono. Tuwo iyanayana sinaena goi ikaaiyaka maliyalina aito be sabamgo aito.
JON 2:1 E tuwo Iyonayana íyana sinaena goi ikawanoi Yauwe ina Yaubada yaina
JON 2:2 idigo kana,
JON 2:3 Boi kulavegu asou ana dimówana tututu goi,
JON 2:4 Tuwo yau guna nuwonúwana kagu,
JON 2:5 Asou négwasa ituko ima nukotogu goi,
JON 2:6 Asou ana niku unana toina goi.
JON 2:7 E guna lotówana alotowo bego akámasa go,
JON 2:8 Avatauwa neta siinumisa tokwalu
JON 2:9 Go yau sem magu vesi kaauyaguna
JON 2:10 E iyanayana kina Yauwe ilovinae Iyona ilagobe. Tuwo moitamo ilagobe ina mamaya goi itowo.
JON 3:1 E sivayuwoina Yauwe ina livala ina Iyona yaina
JON 3:2 idigo kana, ‘Iyona, kutāoya, woilīm kūna asa gagaina Ninivei goi guna livala bei alatuwokoim kutalavāite da Niniveiyadi yaidi.’
JON 3:3 E tuwo moitamo Iyonayana itáoya mainao ina Ninivei nakae Yauwe idige. ¡Niniveiyana asa gagaina nakae ana papaeva maliyalina aito nakae neta taaketoiya!
JON 3:4 E Iyona ina Ninivei goi isiu ina maliyalina tayamo goi iiketoiya go, iiliwola da Ninivei yaidi idigo kana, ‘“Maliyalina 40 sikavava, Ninivei bei atusaoli”, Yauwe kaena.’
JON 3:5 E tuwo livalayana da Ninivei sinove, Yaubada sinumise. Tuwo toinidi silovina kadi, ‘¡Liliuda tadiyakīmwana!’ Tuwo moitamo tomota liliudi gagaidi be giyaidi sidiyakímwana be nakae kwama salisalidi silosidi. Moe nakae aba kinana bego bogina situgavila.
JON 3:6 E tutayana livalayana da Ninivei adi tolovina inove, e kebana esaaesaina goi itáoya, isou ina tanigo dedevina inisi go, kwama salisalina ilosi, e silekauna goi itusobu. Moe nakae aba kinana bego bogina itugavila.
JON 3:7 Da Ninivei idi lovina ivinidi idigo kana, ‘Lovina ame yau imi tolovina be nakae imi tomoyamoya goi iwo yaimi. Lovinayana ame nakae: Kita tomota be nakae yoguyogu gagaidi be giyaidi taabu takakâika be nakae taabu tanimnîm,
JON 3:8 go sem liliuda kwama salisalidi talosîdi be areko salisalidi takabídi yoguyogu toludi tavatûmdi. E liliuda takawanoi makimâki Yaubada yaina. Ida sinapu goyogoyoidi manudi be nimada ana gasisi manuna tatugavila.
JON 3:9 Seki, geya tayagoiyeta, nakona Tauyana nukotona igoyo bei itavívila, tauna ina egamogamogu gagaina itugavile, e bei geya tavailaita.’
JON 3:10 E idi guinuwayadi Yaubada igitedi bego idi sinapu goyogoyoidi goi bogina situgavila, tuwo itavívila, e boi vailai idigedige bego iivinidi geya iguinuweyeta geya.
JON 4:1 E Yauwe ina guinuwayana moe igoyo, igoyo toina kina Iyona ina nuwonúwana goi, tauna gamona igoyo toina.
JON 4:2 Tuwo ikawanoi Yauwe yaina idigo kana, ‘¡Iyaa! ¿Yauwe, manakae? ¿Boi guna kasa goi nakae adige bei isowóduwo ae? Moe pasina woiligu asiya bego ana Tasisi unana bogina ayaagoim bego Kom Tokavavágana kanuuwoiim be nuwokaapisim, mesayaaganim, im lokata ivakaigaga be nakae im vailai goyogoyoina manuna kutavívila. Tauna woiligu asiya.
JON 4:3 E tauna Yauwe, yawoigu kukabiyāmo unana ámasa dedevina yaigu go, ma yawoigu yaigu geya idedevineta. Tauna yawoigu kukābi.’
JON 4:4 Go kina Yauweyana idigo kana, ‘¿Manakae? ¿Itoboine gamom igoyo toina gea geya?’
JON 4:5 E Iyonayana itáoya, asa ikalave go, ina panabomatu goi yoyou tayamo iyowo. Iyowo ikavava, yoyouyana nugonina goi itusobu iituyáwata. Latuwona bego igite kaga bei isowóduwo asayana goi.
JON 4:6 E Yauwe Yaubada aba kinana tayamo iguinuwe. Ilovina bego yaguyaguma tayamo itabo, ibíbina ina Iyona yatanaina ivainugone, e bei tauyana ina kaiyaka goyogoyoina goi ivaite. E yaguyagumayana manuna iuyáwana gagaina toina.
JON 4:7 E tomo ana sipasipa iliiyabale go, Yaubada motemoteta ietune ina yaguyagumayana isiu ikani. Ikani, e yaguyagumayana imémala.
JON 4:8 Niga go níyala ituko, Yaubada yágira bomatu yaviyavina ietune ina Iyona yaina goi. Tuwo níyala Iyonayana dabana ivayavisi gagaina, e imataginigini nakae latuwona ikámasa. Tuwo tauyana mana egamogamogu idigo kana, ‘Ámasa dedevina yaigu go, ma yawoigu yaigu geya idedevineta.’
JON 4:9 Go kina Yaubada idigo kana, ‘¿Manakae? ¿Itoboinem gamom igoyo yaguyaguma giyaina ana kámasa pasina?’ Iyonayana idigo kana, ‘¡Itoboinegu gamogu igoyo toina!’
JON 4:10 E tuwo kina Yauwe idigo kana, ‘¿Kom yaguyagumayana giyaina manuna nukotom igoyo ae? Go yaguyagumayana manuna geya kupaiseweta nakae geya tayaamo kaga kuguinuwe bego ibíbina. Ego sabamgo tayamo goi itabo go, sabamgo aiyuwoina goi ikámasa. Manuna nukotom igoyo go, moe dogoi besobeso.
JON 4:11 Ninivei moe asa gagaina nakae tomota adi badabada 120,000 be nakae yoguyogu badabadaidi sikaaiyaka go, tomotayadi sitamoogemoge. ¿Manakae? ¿Itoboinegu amo asayana gagaina anuwokapisiyedi namliyeta yaguyagumayana gea geya?’
MAT 1:1 Buki ame moe Yeisu Guyau ana liliu bukina. Tauyana tubuna moe tokalibúbuna Devida go, tubuna gagaina moe Eberamo.
MAT 1:2 Liliuyana ame nakae: Eberamoyana natuna Aisake. Aisakeyana natuna Yakobo. Yakoboyana natunao moe Yuda senao taiyao.
MAT 1:3 Yudayana natunao moe Peresi be Serako go, sinadi moe Temari; tauyana Totuyoyowo tayamo. Peresiyana natuna Esironi. Esironiyana natuna Eram.
MAT 1:4 Eramyana natuna Aminadabi. Aminadabiyana natuna Nakasoni. Nakasoniyana natuna Salimoni.
MAT 1:5 Salimoniyana natuna Boasa go, Boasayana sinana moe Reyabi; tauyana Totuyoyowo tayamo. Boasa natuna Obedi go, Obediyana sinana moe Ruti; tauyana Totuyoyowo tayamo. Obedi natuna Diyesi.
MAT 1:6 Diyesiyana natuna moe tokalibúbuna Devida. Devidayana natuna moe Solomoni. Solomoniyana sinana moe Uriya kobuina. Kobuinayana Totuyoyowo tayamo.
MAT 1:7 Solomoniyana natuna Reyoboam. Reyoboamyana natuna Abiya. Abiyayana natuna Asepi.
MAT 1:8 Asepiyana natuna Iyosepata. Iyosepatayana natuna Yoram. Yoramyana natuna Usayau.
MAT 1:9 Usayauyana natuna Yotam. Yotamyana natuna Eyasi. Eyasiyana natuna Kisakiyau.
MAT 1:10 Kisakiyauyana natuna Manase. Manaseyana natuna Emosi. Emosiyana natuna Yosiyau.
MAT 1:11 Yosiyauyana natunao moe Yekonaya senao taiyao. Amo tutayana da Babiloni sima Isileli tubunao sikabidi, sinavedi Babiloni goi sikaaiyaka.
MAT 1:12 E sinavedi Babiloni goi mlina: Yekonayayana natuna Salatiyeli ibíbina. Salatiyeliyana natuna Serubabela.
MAT 1:13 Serubabelayana natuna Ebiuda. Ebiudayana natuna Eliyakim. Eliyakimyana natuna Asora.
MAT 1:14 Asorayana natuna Sadoki. Sadokiyana natuna moe Ekim. Ekimyana natuna moe Eliuda.
MAT 1:15 Eliudayana natuna Eliyasa. Eliyasayana natuna Madani. Madaniyana natuna Yakobo.
MAT 1:16 Yakoboyana natuna moe Iyosepa, Meri monena. Meriyana goi Yeisu ibíbina go, Yeisuyana tomota sivayoko kina Guyau.
MAT 1:17 Tauna Yeisu tubunao adi badabada ame nakae: Eberamo goi go, ima Devida goi moe malamalágata ana badabada yawou aivasi. Devida goi go, ima Isileli tubunao idi tuta sina Babiloni goi moe malamalágata ana badabada yawou aivasi. Idi tuta Babiloni goi go, ima Guyau ina tuta moe nakae malamalágata ana badabada yawou aivasi.
MAT 1:18 E Yeisu Guyau ina bíbina ame nakae: Sinana Meri Iyosepa ana kamatákwana taiyao geya situyuwoita go, Baloma Kimaasabaina ana kaiguyau goi Meri bogina gómana ibabane.
MAT 1:19 E Meri monena Iyosepayana koroto tokibóbwata. Tuwo geya latuwona Meriyana igieomaemae, tauna ina nuwonúwana bego ivaisobuyegau.
MAT 1:20 Moe manuna inuuwonúwana go, matana imasisi, e imasisi ikanamatáiya. Ina masisiyana goi ikanamimi. E ina kanamimiyana goi Yauwe ina anerose matabuwona isowóduwo ikatuwoini, idigo kana, ‘Iyosepa, Devida tubuna, taabu kuumatōita bei Meri kukabi monem. Gamona sinaena gomanayana ibibíbina moe Baloma Kimaasabaina ina kaiguyau goi ima.
MAT 1:21 E gómana koroto bei ivenatuni go, gomanayana kuvayou Yeisu. Ina bodao idi goyo goi bei iyavedi.’
MAT 1:22 E moe dogoiyadi liliudi sisowóduwo bego itoboine Yaubada ina tokabivalavala ina talavaita imalatomotamna. Talavaitayana moe Yauwe ina vala boi italavaitedi idigo kana,
MAT 1:23 ‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.
MAT 1:24 E tuwo Iyosepa masisi goi itáoya, kaga Yauwe ina aneroseyana bogina ilaatuwoko nakae iguinuwe. Tuwo vavinayana ikabi monena
MAT 1:25 go, sakavaina geya ibisikoneyeta ana kadókana natuna ivenatuni. Ivenatuni ikavava, e Iyosepa ivayou Yeisu.
MAT 2:1 E Yeisu Bedeliyema goi ibíbina, moe Yudiya sinaena. Amo tutayana tolovina Erodi nava iilovina. Yeisu ina bíbina mlina utuna adi tonanamsa ma matabuwodi bomatu goi sima Yerusalema.
MAT 2:2 Sima, silumadádana kadi, ‘Komi Diyuu imi Tokalibúbuna bogina ibíbina go, Tauyana nako? Ina utuna kagite ituko, e kasabokuliye kama bei Tauyana yaina kasakululu. Tauna kulatuwokōima Tokalibubunayana nako ikaaiyaka.’
MAT 2:3 E lumadadanayana tolovina Erodi inove, toinina ina lovina manuna ikateyova go, kidi da Yerusalema liliudi atedi siyova unana nakona bei kaga iguinuwe yaidi.
MAT 2:4 Tuwo Diyuu adi Tonúwala Gagaidi be Yaubada ina Katukeda ana tovatulukwanayao madabokidi ikaunokunokudi sima ilumadadedi idigo kana, ‘Guyau, Yaubada ana Vadámana, nako bei ibíbina?’
MAT 2:5 E tauyadi kadi, ‘Yudiya asaina Bedeliyema goi. Moe nakae Yaubada ina tokabivalavala igini kana,
MAT 2:6 “Bedeliyema e,
MAT 2:7 E tuwo kina go Erodiyana inuwonúwana, geya, tonanamsayadi iduduwegaudi sima, e ilumadadedi utunayana manuna bego iyagoidoko ava tuta igimisowóduwo sigite.
MAT 2:8 Silatuwoko ikavava, Erodiyana idigo kana, ‘Kōna gomanayana kolusaledōko. E tutayana kobabane, kōma kolatuwokōigu bei yau nakae ana asakululu Tauyana yaina.’ Ilatuwokoidi ikavava, ietunedi sina Bedeliyema.
MAT 2:9 E tolovina Erodi ina livalayana sinove, sisowóduwo go, sikainaopa unana utunayana boi sigite itukotuko matabuwona aiyuwoina isowoduwomna! Tuwo ivakededi sina go, vada tayamo yatanaina goi isayata. Vadayana sinaena gómana ikaaiyaka.
MAT 2:10 E utunayana sigite, siuyáwana, to siuyáwana gagaina toina.
MAT 2:11 Tuwo sina vadayana goi sisiu, gomanayana sigite sinana Meri taiyao. Sigite, aedi sivatugúyala, sisakululu gomanayana yaina. Sisakululu ikavava, idi esaesa dedeogaidi sikatupaevedi go, idi yabobona sikabidi, sikasaledi gomanayana yaina. Yabobonayadi moe goura, aidekoko sisina be alovamamaina sisina.
MAT 2:12 Niga idi tuta aluvila, sikanamimi go, idi kanamimiyadi goi Yaubada ilatuwokoidi idigo kana, ‘Taabu kokaaluvīla kononōina Erodi yaina.’ Tuwo sitáoya, ituli ta kenao goi sikaluvila sina idi kasa.
MAT 2:13 E tonanamsayadi sikaaluvila go, Iyosepa imasisi, ikanamimi. Ina kanamimiyana goi Yauwe ina anerose matabuwona isowóduwo Iyosepa ikatuwoini idigo kana, ‘Iyosepa, kutāoya! Gómana ma sinana kwabīdi go, kosīya kōna Itipita goi. Amoko goi kokaaiyāka ana kadókana alatuwokoim. Erodi ina tovayaviyayao bei ilatuwokoidi sina gomanayana silusale bego sikaumate.’
MAT 2:14 E tuwo moitamo nava sabamgo tauyana ikabitaotáoya gomanayana ma sinana ikabidi, taiyao sina Itipita.
MAT 2:15 Amoko goi sikaaiyaka ana kadókana Erodi ikámasa. Moeko goi kaga Yauwe ina tokabivalavala goi itaalavaite itoboine imalatomotamna. Livalayana kana,
MAT 2:16 E niga kina Erodi livala inove bego tonanamsayadi sikatubau, tuwo gamona igoyo toina. E ina tovayaviyayao ietunedi sina Bedeliyema be nakae asa giyaidi liliudi kikina goi gogómana koroto adi tala aiyuwo nakae kana isou ina liliudi sikaumatedi. Moe unana boi tonanamsayadi Erodi silatuwoko ava tuta utunayana sigimigite go, moe tala aiyuwo sikavava bogina.
MAT 2:17 Amoko goi tokabivalavala Yeremaya ina livala imalatomotamna, tauyana idigo kana,
MAT 2:18 ‘Níyana tayamo Rama goi sinove,
MAT 2:19 E Erodi ina kámasa mlina Iyosepa nava Itipita goi ikaaiyaka go, tuta tayamo imasisi, ikanamimi. Ina kanamimiyana goi Yauwe ina anerose matabuwona isowóduwo ikatuwoini
MAT 2:20 idigo kana, ‘Kutāoya! Gómana ma sinana kwabīdi, kokaluvīla kōna Isileli goi. Tauyadi boi sipooikíkina bego gomanayana sikaaumate bogina sikámasa.’
MAT 2:21 E tuwo moitamo tauyana itáoya, gómana ma sinana ikabidi, sikaluvilamna sina Isileli goi.
MAT 2:22 E sima go, Iyosepayana vala inove bego Erodi ana katumapu moe natuna Arekeleo Yudiya goi iilovina. Tuwo imatoita; geya latuwona sina amoko. E sabamgo tayamo imasisi, ikanamimi go, ina kanamimiyana goi Yaubada isowóduwo ilatuwoko idigo kana, ‘Taabu kunonōina Yudiya goi.’ Tuwo Iyosepa itáoya, gómana ma sinana ikabidi, sina Galili dadavina.
MAT 2:23 Dadavayana goi sina asa tayamo yoina Nasareta; amoko goi silokasa. Moeko goi itoboine tokabivalavala idi livala boi sitalavaaitedi simalatomota. Sidigodigo bego Tauyana siduduwe guma Nasareta.
MAT 3:1 E sikaaiyaka aaa, gomanayana bogina ikaitubuwaumatuwo. E amo tutayana Iyoni tosayóyova ina Yudiya yoyowoina goi tomota yaidi itaalavaita
MAT 3:2 idigo kana, ‘Kotugavīla! Yaubada ina kalibúbuna bogina imaiyaba bei itoboinemi kosiu.’
MAT 3:3 Ame tauyana manuna tokabivalavala Aiseya boi nimatu bogina igini idigo kana,
MAT 3:4 E kina go Iyoniyana ana kwama moe Yaubada ina tokabivalavala ana kwama nakae tuta liliuna ilosilosi. Ana kwamayadi kameri unuununa goi siwodugudi. Ana gadíwana tolobona goi moe yoguyogu sakavaina. Ago avana moe tatabole be mokava.
MAT 3:5 E tuwo Iyoni itaalavaita go, da Yerusalema be tomota madabokidi Yudiya dadavina goi be nakae tomota asa liliudi sákala Iyoridani kikina goi sima tauyana sitaiyakeke
MAT 3:6 be nakae idi goyo sitalavaitedi namliyeta bwae Iyoridani goi isayoyoidi.
MAT 3:7 E Iyoniyana ikandobala Parisi be Sadusi badabadaidi igitedi simamaima; latuwodi adi sayóyova go, ilatuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla!
MAT 3:8 Tauna neta sayóyova vavagimi koma bego Yaubada ina egamogamoguyana yaina kosiya, e mainao imi tugavilayana goi keuwoimi dedevidi koguinuwēdi.
MAT 3:9 Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunaoyadi kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.
MAT 3:10 E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.
MAT 3:11 Yau bwae goi asaayoyoimi. Moe imi tugavila ana kaba kinana. Go koroto tayamo mligu goi imamaima itobukukuyuigu; nakae geya itoboineguta bei ana sendoro akavaledi unana yau sobuyekoina. Tauyana Baloma Kimaasabaina be yeu sabeninimina goi bei isayoyoimi.
MAT 3:12 Tauyana ina kaba takínona bogina iyokaabubune; giyakainava bei witi kutukutuna be mosamosaina itakinodokoidi. Ikavava, ana kutukutu bei ikabidi, ina sánala goi idodoidi go, mosamosayana, bei ikabidi yeu aiyako vaatayaina goi igabudi.’
MAT 3:13 Amo lavayana Yeisu itáoya Galili goi ina sákala Iyoridani bei Iyoni goi isayóyova.
MAT 3:14 E kina go Iyoniyana ipoikíkina Yeisu isanabode kana, ‘Itoboine yau kusayoyoigu go, kom kuma bego asayoyoim?’
MAT 3:15 E tuwo kina Yeisuyana idigo kana, ‘Ame tuta kutagōna kusayoyoigu. Moe nakae Yaubada ina nuwonúwana madabokina ina yava ana kenao manuna bei takibobosidoko.’ Tuwo moitamo itagona.
MAT 3:16 E Yeisu ana sayóyova mlina mainao bwae goi isinalaga go, Yaubada matabuwona yábana ikatupáeve. Yeisu ikandolaga, Yaubada Balomaina igite, ana kaigigita bunabuna nakae isou imamaima Tauyana goi itowo.
MAT 3:17 Níyana tayamo matabuwona yábana goi itumasobu idigo kana, ‘Moe natugu guna kakaya. Tauyana auyaonedoko.’
MAT 4:1 E tuwo Baloma Kimaasabaina Yeisu ivakede sina yoyowo goi bei Totagíwaya ima ivakakone.
MAT 4:2 Sina yoyowo goi, Yeisu maliyalina 40 be sabamgo 40 idiiyakímwana go, maliyalinayadi mlidi loga bogina ikámasa.
MAT 4:3 Ma logaaina go, kina Tovakakonayana ima idigo kana, ‘Kom moitamo Yaubada Natuna ae? Tauna gurewa ame kulovinaēdi bego simalakawoinu.’
MAT 4:4 Go kina Yeisu idigo kana, ‘Geya! Gínina Kimaasabaina goi idigo kana, “Awoinu kaka moe komi yawoimi unadi geya, go sem Yaubada ina livala liliudikova moe yawoimi unadi.”’
MAT 4:5 E tuwo Totagiwayayana itáoya, Yeisu ikabi itukoe inave asa kimaasabaina goi. Asayana moe Yerusalema. E Yerusalema goi inave Yaubada ina Vada Kimaasabaina goi imwerae, e Vadayana yatana toina goi iyato.
MAT 4:6 Maeko goi idigo kana, ‘Bego kom moitamo Yaubada Natuna ae? Tauna ameko goi kupēla kusōu go, geya kuvailaita. Moe moitamo. Gínina Kimaasabaina idigo kana,
MAT 4:7 Go kina Yeisu idigo kana, ‘Go aiyuwoina Gínina Kimasabainayana idigo kana, “Yauwe imi Yaubada taabu kovaakakōne.”’
MAT 4:8 Aiyuwoina Totagiwayayana itáoya, Yeisu ikabimnei, itukoe koya maanawena yatana goi go, aba lovina liliuna poyapoya goi madi esaesa adi káeyana ivatuluko.
MAT 4:9 Tuwo idigo kana, ‘Neta aem kuvatugúyala be kusakululu yau yaigu, e aba lovina ame liliudikova bei avinim.’
MAT 4:10 Go kina Yeisuyana idigo kana, ‘Kaleya, kom kusīya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’
MAT 4:11 E tuwo Totagiwayayana itáoya, Yeisu ikalave go, anerose sima Yeisu simataakavate.
MAT 4:12 E Yeisu vala inove bego Iyoni bogina siyoisi deri goi sivaisiu, tuwo itáoya Yudiya ikalave go, ikaluvilamna ina Galili dadavina. Amoko goi mainao ina Nasareta.
MAT 4:13 Go Nasaretayana goi geya ikaiyakoita, go sem ina Kapaneumi goi ilokasa. Kapaneumiyana moe Galili Bwaena kikina go, Sebuloni tubunao be nakae Napatali tubunao idi kaba lovina sinaedi.
MAT 4:14 Yeisu ina lokasayana goi tokabivalavala Aiseya ina livala imalatomotamna nakae boi idigo kana,
MAT 4:15 ‘Sebuloni tubunao be nakae Napatali tubunao
MAT 4:16 Tomotayadi kokonótuya goi sikaaiyaka
MAT 4:17 E tuwo Yeisu ina talavaita ivatowo idigo kana, ‘Kotugavīla! Yaubada ina kalibúbuna bogina imaiyaba bei itoboinemi kosiu.’
MAT 4:18 E Yeisu Galili Bwaena labutabutaina goi iivayali go, koroto maa siyana igitedi; tayamo yoina Saimoni go, youyuwoina moe Pita, e siyana yoina Anduru. Adi taiyuwokova idi úwata bwae goi silavelave. Bogina koyagoi. Tauyadi toúwata.
MAT 4:19 E igitedi, ilatuwokoidi idigo kana, ‘Kōma kosabokuliyēgu bei avayokoimi tomota adi touwatayao.’
MAT 4:20 E tuwo moitamo kidi mainao sitáoya, idi úwata sikalave go, Yeisu sisabokuliye.
MAT 4:21 Tauyadi sivayalikova go, Yeisu ikandobala ituli ta korotova adi taiyuwo igitedi, koroto tayamo maa siyana. Moe Sebedi natunao Yemesa be Iyoni. Tauyadi tamadi taiyao oga goi idi úwata siyaanumedi. Yeisu igitedi, iduduwedi idigo kana, ‘Komi kōma kosiukōigu!’
MAT 4:22 E moitamo kidi mainao sitáoya, idi oga be nakae tamadi sikalavedi go, Yeisu sisabokuliye.
MAT 4:23 Galili ana madabokina goi Yeisu ivanibiníbita go, Diyuu idi kaba tugúguna tamo tamo goi ivaatulúkwana be nakae Yaubada ina kalibúbuna Valena Dedevina itaalavaite. Tauyadi neta ituli ta visiyava siyooisidi be nakae tokatówana liliudi ikidedeevinedi.
MAT 4:24 Tauna Tauyana valena inúnuwo Siriya ana madabokina goi. Boda sinove, tuwo idi togogolatayao, idi yaluwoyao be nakae kidi naagovaidi liliudi simedi Tauyana yaina. Togogolatayaoyadi ame nakae: Maniyedi madi vísiya, maniyedi madi gedageda, maniyedi madi pem. Madabokiidi simedi Tauyana ikidedevinedi.
MAT 4:25 Boda gagaina sima sisabokuliye. Bodayadi da Galili, da Dekapoli, da Yerusalema nakae Yudiya ana madabokina be kidi Iyoridani go, bomatu dadavina asaina madabokidi goi sima.
MAT 5:1 E bodayadi Yeisu igitedi, tuwo ituko ina koya goi itusobu go, ina tovatotowanayao mlina goi sima.
MAT 5:2 Sima, ivatowo ivatulukoidi, idigo kana,
MAT 5:3 ‘Avatauwa komi balomaimi goi kootokai,
MAT 5:4 Avatauwa komi mami kategeda,
MAT 5:5 Avatauwa komi sakuululumi,
MAT 5:6 Avatauwa komi balomaimi siikaloga
MAT 5:7 Avatauwa komi neta tonuwokapisi,
MAT 5:8 Avatauwa komi neta nuwomi maavadaidi,
MAT 5:9 Avatauwa komi neta tomota adi tovagudagúdala,
MAT 5:10 Avatauwa komi neta tomota sivakaleyemi
MAT 5:11 Tutayana tomota sikaogoyoemi, siyogedegedemi, o idi pola goi siwowokoimi imi numisa yau yaigu pasina, e ami dedevina bogina koobabane.
MAT 5:12 Tutayana nakae siguuinuwe yaimi, komi ami vaiwówana yábana goi bei gagaina. Tubumiyao boi nimatu idi sinapu nakae. Yaubada ina tokabivalavala siyogedegededi go, kidi tokabivalavalayadi adi vaiwówana dedevina sibabane. E komi nakae bei koobabane. Tauna kouyāwana gagaina.’
MAT 5:13 Tuwaina Yeisu kana, ‘Komi da poyapoya adi soroti nakae. Go neta sorotiyana ina togaga bogina ikavava, manakaena idedevinamna? Geya ae? Geya basabasainamo dogoi liliudi manudi. Tuwo kolaveyāmo moetala goi tomota sivakavate.
MAT 5:14 Komi da poyapoya adi mavada nakae, tauna tomota itoboinedi sigitemi. Asa tayamo koya yatana goi ikaaiyaka nakae. Geya itoboinemita bei asayana kovamou.
MAT 5:15 Nakae geya vatau tayaamo ina rampa igabu go, bayao goi ivatum, go sem ikabi rampa ana kaba yata yatana iyato, e bei vada sinaena itapasigi tomota liliudi adi mavada.
MAT 5:16 Komi nakae. Imi mavada kokaiwoduwēdi sininínima tomota matadi goi bei imi guinuwa dedevidi sigitedi, e Tamada guma yábana ina togaga ana káeyana bei sikamoitamoe.’
MAT 5:17 Tuwaina Yeisu kana, ‘Taabu konuwonūwana bego yau ama Yaubada ina Katukeda o Yaubada ina tokabivalavalayao idi vatulúkwana atauwedi. Geya kada ama bego atauwedi geya, go sem yau ama bei kaga liliuna boi sitalavaaitedi yaimi, yau goi simalatomota.
MAT 5:18 U ame pasina ama go, ame alatuuwokoimi konōve: Yaubada ina Katukedayana goi geya tayaamo kaga giyaina bei itagau ana kadókana yábana be poyapoya sitagau be nakae ana kadókana kaga liliuna Atukedayana goi simalatomota dókana.
MAT 5:19 Tauna avatau neta lovina tayamo giyaina Yaubada ina Katukeda goi ikapipilave be nakae tomota ivatulukoidi nakae siguuinuwe, e Yaubada ina kalibúbuna goi bei ivayoko tauyana toosobuna. Go avatau neta lovinayadi Yaubada ina Katukeda goi be tokabivalavala idi gínina goi ikabikaonedi be nakae tomota ivatulukoidi sikabikaonedi, Yaubada ina kalibúbuna goi bei ivayoko tauyana toolagaina.
MAT 5:20 Moitamo. Ame alatuuwokoimi konōve: Itoboine imi kibóbwata Yaubada ina Katukeda ana tovatulukwanayao be nakae Parisi idi kibóbwata ikalisave. Go geya, e Yaubada ina bodayáuwo geya kosiiukoidi bego ikalibubumi.’
MAT 5:21 Tuwaina Yeisu kana, ‘Komi bogina koyagoi bego tubudao adi lovina Yaubada ivinidi kana, “Taabu kokaaumāta.” Tateta 20:13; Atukeda 5:17 Tuwo avatau neta ikaumata, Yaubada ina liuna bei ibabane.
MAT 5:22 Go ame yau alatuuwokoimi konōve: Lovinayana ana yagoina toina ame nakae: Avatau neta siyana iegamogamoguye, e Yaubada ina liuna bei ibabane. Avatau neta siyana ilatuwoko kana, “Dabam ipatu”, kotu bei ibabane. Avatau neta siyana ilatuwoko kana, “Kom kuyaluwo”, asagabugabu bei ibabane.
MAT 5:23 E tauna neta imi vininabeso komedi aba kasala goi bego kokasaledi Yaubada yaina go, siyami ina egamogamogu yaimi goi konuwopeye,
MAT 5:24 e amoko aba kasalayana goi imi vininabeso koyatōidi go, kōna konūwala siyami yaina namliyeta baige kokaluvīla kōma imi vininabesoyadi kokasalēdi Yaubada yaina.
MAT 5:25 Tutayana ami kaleya taiyao kononoina kotu ana totakínona manuna, woilīmi imi bágala kokitotomōi, govila bei tauyana inavemi kotu ana totakínona yaina. Ago totakinonayana bei ina tovaita ilatuwoko ikabimi, deri goi ivaisiumi.
MAT 5:26 U, moe bei isowóduwo go, ame alatuuwokoimi konōve: Amoko goi geya koosowóduwo ana kadókana imi rowaga madabokiina koyotuli.’
MAT 5:27 Tuwaina Yeisu kana, ‘Lovina tayamo bogina koyagoi kana, “Taabu korooerāta.”
MAT 5:28 Go ame yau alatuuwokoimi konōve: Lovinayana ana yagoina toina ame nakae: Avatau neta vavina imatakililiyeyamo, bogina nuwona goi iroerata.
MAT 5:29 E ava mátana ami píkwana ana toyomátula, nakona matakakataimi, e kokipōsi, kokalāve. Neta talaimi tayamo itagau, moe dedevina go, neta matami aiyuwo adi goyo pasidi wowomi madabokina silave asagabugabu goi sikaiyako vata, e moe igoyo toina.
MAT 5:30 Ava nímana ami píkwana ana toyomátula, nakona nimakakataimi, e kokūpo kokalāve. Neta nimami tayamo itagau, moe dedevina go, neta nimami aiyuwo adi goyo pasidi wowomi ana madabokina silave asagabugabu goi sikaiyako vata, moe igoyo toina.’
MAT 5:31 Tuwaina Yeisu kana, ‘E lovina tayamo bogina koyagoi kana, “Ava koroto neta monena ivaisobuye, pwepwa goi ana katae italavāite monenayana yaina.”
MAT 5:32 o ame yau alatuuwokoimi konōve: Lovinayana ana yagoina toina ame nakae: Ava koroto neta monena geya iroerateta go, ivaisobuyebeso, e ina vaisobubesoyana pasina monena iroerata. Ava koroto neta vavina vaaisobuna inai, bogina iroerata.’
MAT 5:33 Tuwaina Yeisu kana, ‘Aiyuwoina tubudao idi lovina boi Yaubada ivinidi bogina koyagoi, kana, “Taabu nimami kokatulagata polapōla, go sem imi katótula Yauwe yaina koguinuwēdi.”
MAT 5:34 Go ame yau alatuuwokoimi konōve: Lovinayana ana yagoina toina ame nakae: Nimami taabu kokatulaagasīdi. Geya kada tayaamo kaga itoboinemi kovatoi bego imi livala ana kamoitamo manuna unana kaga liliuna Yaubada ina kaba lovina. Neta yábana kovatoi, geya itoboineyeta unana moe Yaubada kebana esaaesaina.
MAT 5:35 Neta poyapoya kovatoi, geya itoboineyeta unana ame Yaubada aena ana kaba yata. Neta Yerusalema kovatoi, geya itoboineyeta unana amo Tokalibúbuna Toolagaina ina kasa.
MAT 5:36 Neta toinimi dabami kovatoi, geya itoboineyeta unana moe Yaubada ina kaba lovina. Komi geya kolovineta neta kokawou o kunumi sikalakoiwo.
MAT 5:37 E kobōbwara moitamo tuta liliuna. Imi bobwarayana goi kami, “Moitamo.” O kami, “Geya.” Ame tauna. Go neta tuwaina, e moe Togoyoinayana goi ima.’
MAT 5:38 Tuwaina Yeisu kana, ‘Lovina tayamo bogina koyagoi, kana, “Avatau neta siyana matana ikaigoyai, e tobugoyoyana matana kokaigoyāi. Neta salana, e salana.”
MAT 5:39 Go ame yau alatuuwokoimi konōve: Lovinayana ana yagoina toina ame nakae: Toogoyoidi taabu kokatuumapūdi, go sem avatauwa neta padipadimi kakataimi sikailavako, e padipadimi kekelimi kotagōne nakae sikailavako.
MAT 5:40 Avatauwa neta siekotuyemi bei ami kwama sikabidi, kovinīdi go, ami tanigo nakae kotagōne taiyao sikabidi.
MAT 5:41 Ava tovayaviya neta ilovinaemi konana kokavale kona asa tayamo goi, e nakae koguinūwe go, kotagōna kokavale kona asa aiyuwoina goi.
MAT 5:42 Avatauwa neta sikawanoiyemi, e kovinīdi. Nakae avatauwa neta latuwodi bego konami sikatoguye, taabu kovaagagāle.’
MAT 5:43 Tuwaina Yeisu kana, ‘Lovina tayamo bogina kooyagoi, lovinayana kana, “Siyami komataakoīye” go, ami kaleya kokaolilīve.
MAT 5:44 Go ame yau alatuuwokoimi konōve: Lovinayana ana yagoina toina ame nakae: Ami kaleyayao siyogedeegedemi komatakoiyēdi be nakae manudi kokawanōi
MAT 5:45 bego komi Tamada guma yábana natunao, e imi sinapu nakae Tauyana ina sinapu. Yaubada tomota liliuda imatakoiyeda. Nakae iilovina níyala ituko bei toogoyoidi be nakae todedevidi itapasigidi. Aiyuwoina kúwana iietune ima tokibóbwata be nakae tokapipilova manudi. Tauna komi nakae ami kaleyayao komatakoiyēdi.
MAT 5:46 Neta tomota simatakooiyemi go, tomotayadi aditava komatakooiyedi, ava vaiwówana bei kobabane? Geya. Moe sinapuyana kidi takisi adi togogo idi sinapu nakae ae?
MAT 5:47 Nakae neta semiyao aditava kokaodedevinedi kami, “Yaubada komi taiyao”, e komi imi sinapu tomota liliudi nakae. Moe kidi Totuyoyowo idi sinapu nakae!
MAT 5:48 Tauna komi bei imi sinapu madabokina goi komatūwo, Tamada guma yábana nakae.’
MAT 6:1 Tuwaina Yeisu kana, ‘Tutayana Yaubada ina Katukeda ana kibóbwata koguuinuwedi, tomota matadi goi taabu koguuinuwēdi bego siyapaliyemi, govila bei ami vaiwówana Tamada guma yábana goi geya kobabaneyeta.
MAT 6:2 Tauna tutayana kovininabeso tookaidi yaidi, taabu kokimaamaētala. Moe nakae kidi todedevidi polapola idi sinapu ida kaba tugúguna goi be nakae enao goi siguuinuwe bego tomota sigitedi, e yoidi sikilagasidi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae.
MAT 6:3 E komi sem neta kovininabeso tookaidi yaidi, kokimomōu kovinīdi
MAT 6:4 bei imi vininagauyana Tamada anetava igite, ivaiwowoimi.
MAT 6:5 Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitáoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.
MAT 6:6 E komi sem tutayana kokawanoi, imi vada goi kosīu totom kokatunibōde. Ikavava, kokawanoi gāuna Tamada yaina goi go, Tauyana anetava iigitemi bei ivaiwowoimi.
MAT 6:7 E imi kawanoiyana goi taabu kokautaotāwana nakae kidi Totuyoyowo idi sinapu nakae. Idi nuwonúwana neta idi kawanoi goi sikimamanao, e idi basaleliuyao bei sinovedi.
MAT 6:8 Tauna komi taabu kovatotoowonēdi. Tamada bogina nuwomi igimiyagoi namliyeta baige kokawanoi.
MAT 6:9 Tauna kokawanōi ame nakae kami,
MAT 6:10 Kūma kukalibubūma
MAT 6:11 Ama máliya ame manuna neta kuvinīma.
MAT 6:12 Ima goyo neta kunuwotaōidi
MAT 6:13 Neta taabu kutaagonēma bei vakakona goi kaakapusi,
MAT 6:14 Neta tomota idi bágala konuwotaoidi, komi nakae imi bágala Tamada guma yábana bei inuwotaoidi.
MAT 6:15 Go neta geya konuwotaoidita, e Tamada nakae, komi imi bágala geya inuwotaoidita.
MAT 6:16 E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi todiyakímwana. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.
MAT 6:17 E komi kodiiyakímwana go, kunumi koputumīdi be nakae maisimi konikīdi,
MAT 6:18 e bei imi diyakimwanayana tomota geya siyagoiyeta, go sem Tamada anetava ada toyagoina bei igitemi ivaiwowoimi.’
MAT 6:19 Tuwaina Yeisu kana, ‘Poyapoya esaesaina taabu kokanuukulīdi. Esaesayana manumánuwo be dáura sikaigoyaidi be nakae tovaináwana sisiu sivainaoidi.
MAT 6:20 Go sem yábana esaesaina kokanuukulīdi. Esaesayana ituli. Manumánuwo be dáura geya sikaigoyaidita be nakae tovaináwana geya sivainaoidita. Tauna yábana esaesaina kokanuukulīdi.
MAT 6:21 Moitamo. Nako goi imi esaesa ikaaiyaka, moeko goi atemi nakae ikaaiyaka.
MAT 6:22 Matami moe wowomi ana rampa nakae. Tauna neta matami sidedevina, moe nakae komi tokaiguyau, e itoboinemi tomota idi mou kogitedokoidi bego kovaitedi. Neta nakae, e wowomiyadi madabokina mavada bei ivakayaodeidi.
MAT 6:23 Go neta matami sigoyo, moe nakae komi tomatakónana, e geya itoboinemita kogita dókana. Neta nakae, e wowomiyadi madabokina kokonótuya ivakayaodeidi. Tauna neta matamiyadi geya sipaisewadokoneta, e moe kokonótuya ivakaigaga toina.
MAT 6:24 Geya vatau tayaamo itoboine bei ina tomoyayao adi taiyuwo manudi ipaisewa yuwoyuwo. Bogina koyagoi. Tayamo bei ikaolilive be nakae ikubuyeve go, tayamo imatakoiye be nakae yaina toinina ikasale. Tauna geya itoboinemita Yaubada be esaesa manudi kopaisewa yuwoyuwo.’
MAT 6:25 Tuwaina Yeisu kana, ‘Moe pasina tauna ame alatuuwokoimi konōve: Yawoimi manudi taabu konuwokuubukūbu kami, “Kaga bei kakáika?” O nakae kami, “Kaga bei kanim?” O wowomi manudi kami, “Kaga bei kalosi?” Yawoida moe dogoi gagaina namliyeta awoinu ae? Nakae wowoda dogoi gagaina namliyeta kwama ae?
MAT 6:26 Mánuwo kogitēdi go, konuwoleleuyēdi. Kidi geya sibagubágula. Geya sidiibayoya. Geya adi sanalamo go, Tamada guma yábana ivaakanidi. Go komi kónana gagaimi Yaubada yaina namliyeta manuwoyadi. Tauna neta Yaubada imatakaavatedi, manakae? Bei komi nakae imatakavatemi? Nakae.
MAT 6:27 Avatau yaimi goi itoboine ina nuwokubukubu goi yawoina ikimamanave? Geya ae?
MAT 6:28 Kaga ana dedevina ami kwama manuna konuwokubukubu? Senina ana tabo manuna konuwonūwana. Sitabo go, geya sipooisógana, nakae adi kwama geya sigilugíluma.
MAT 6:29 Go ame alatuuwokoimi konōve: Seninayadi kaausaraidi toidi namliyeta Solomoni ina esaesa ana káeyana madabokina, nakae ana kwama be ana pasapasa madabokidi iilosidi.
MAT 6:30 E náuna dogoi giyaidi. Ame sididi go, itomo tomota silabudi sigabudi. Naunayadi dogoi giyaidi go, Yaubada ivaapasedi ae? Tauna neta naunayadi ivaapasedi, manakae? Komi kónana gagaimi, ami kwama bei ivinimi gea geya? Bei ivinimi! Komi to moitamo geya konumisedokoiguta ae?
MAT 6:31 Tauna taabu konuwokuubukūbu yawoimi idi kaiyaka manuna kami, “Kaga bei kakani?” O kami, “Kaga bei kanim?” O kami, “Kaga bei kalosi?”
MAT 6:32 Moitamo. Ame dogoiyadi liliudi goi kidi Totuyoyowo yawoidi madabokina sitaagonedi go, tauyadi Yaubada sitamogemogeye. Aiyuwoina Tamada guma yábana bogina iyagoimi. Neta kaga nakae kokiseeyeseye, bei ivinimi.
MAT 6:33 E yawoimi madabokina kotagonēdi Yaubada ina kalibúbuna be nakae ina kivavasa yaidi goi, bei moe dogoiyadi liliudi ivinimi.
MAT 6:34 E tauna taabu konuwokuubukūbu itomo manuna ava mou nakae bei sisowóduwo. Ada mou maliyalina ame goi bogina yoiyada go, itomo ana mou moe itomo manuna.’
MAT 7:1 Tuwaina Yeisu kana, ‘Taabu semiyao kotaakinōidi kidi toogoyoidi, govila bei Yaubada itakinoimi komi toogoyoimi.
MAT 7:2 Moe moitamo. Nakonakae tomota kotakinoidi kidi toogoyoidi, e Yaubada nakae bei itakinoimi komi toogoyoimi. O kada, “Nakonakae imi guinuwa tomota yaidi, e Yaubada nakae bei iguinuwe yaimi.”
MAT 7:3 E manakae? Semiyao idi goyo giyaidi mosamosa giyaina nakae matadi goi koogitedi go, komi imi goyo gagaidi alovagabugabu nakae toinimi matami goi ikaaiyaka geya kogiteyeta ae?
MAT 7:4 Komi manakae semiyaoyadi kolatuwokoidi kami, “Kutagonēgu mosamosa giyaina matam goi akabi”? Go alovagabugabuyana toinimi matami goi nava ikaaiyaka!
MAT 7:5 Komi todedevimi polapola! Mainao alovagabugabuyana matami goi kokābi bei itoboinemi kogita dókana namliyeta baige mosamosayana giyaiina semiyao matadi goi kokābi. Moe nakae semiyao kokamamaetalidi.
MAT 7:6 Kaga kimaasabaina Yaubada umana taabu weiniya koovinīdi, govila bei situgavila sikanimi. Imi esaesa taabu koolavēdi bao matadi goi, govila bei sivabaibailidi. Tomota Yaubada valena sikatae nakae; taabu kovatuulukōidi, govila bei valayana sitagiwoi o sibugoyaimi.’
MAT 7:7 Tuwaina Yeisu kana, ‘Kokawanōi Yaubada yaina, e bei ivinimi. Kaga kokiseeyeseye Yaubada yaina goi koolusāle, e bei kobabane. Kokaukeeyakēya, e Yaubada komi yaimi totom bei ikatupáeve.
MAT 7:8 Moitamo. Tokawanoi liliudi yaidi Yaubada ikaiguyau. Tolusala liliudi bei sibabane. Tokaukeyakeya liliudi yaidi Yaubada totom bei ikatupáeve.
MAT 7:9 Avatauwa komi yaimi goi ma natuumiyao go, neta awoinu sikawanoiye, manakae? Gurewa bei kovinidi? Geya ae?
MAT 7:10 O nakona íyana sikawanoiye go, manakae? Moteta bei kovinidi? Geya ae?
MAT 7:11 Tauna komi toogoyoimi go, koyagoi manakaemi yabobona dedevidi natumiyao kovinidi ae? Go Tamada guma yábana todedevina, tauna neta kokawanoi Tauyana yaina, yabobona dedevidi moitamo bei ivinimi.
MAT 7:12 E tauna nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe. Ame Yaubada ina Katukeda be nakae ina tokabivalavala adi vatulúkwana adi masi.’
MAT 7:13 Tuwaina Yeisu kana, ‘Kedawowotu totomna paaevaina. Tuwo ana siu be ana ketoiya sikakapu go, kedawowotuyana goi aba vailai kobabane. Totomyana goi boda badabadaidi bei sisiu. Tauna komi kedavapola totomna giyaina goi Yaubada ina kalibúbuna kosīu.
MAT 7:14 Yawana vata ana kenao kedavapola nakae totomna giyaiina. Tuwo ana siu be ana ketoiya moumoudi go, kedavapolayana goi yawana vata bei kobabane. Ago totomyana goi taudi adi taiyuwomo bei sisiu.’
MAT 7:15 Tuwaina Yeisu kana, ‘Ami dodōkana! Tokabivalavala polapola bei sima; adi kaigigita sipi kaitoowosidi nakae. Kom go vatau? Kidi sinaedi weiniya woliwoli nakae latuwodi sikanimi!
MAT 7:16 Tauyadi keuwoidi goi bei kokinanedi. Manakae? Itoboinemi taliboibo goi kilekile koguwe? O goitagoita goi lao koguwe? Geya ae?
MAT 7:17 E alova nakae. Alova tamo tamo dedevidi, keuwoidi dedevidi sikeuwoedi go, alova goyogoyoina keuwoina goyogoyoina ikeuwoe.
MAT 7:18 Alova dedevina geya itoboineyeta keuwoina goyogoyoina ikeuwoe. E alova goyogoyoina nakae, geya itoboineyeta keuwoina dedevina ikeuwoe.
MAT 7:19 Neta ava kalova geya ikeuwodokoneta, alovayana tatalai talave yeu goi tagabu.
MAT 7:20 Tauna tauyadi keuwoidi goi itoboinemi kokinanedi nakae alova keuwoidi goi takinanedi.
MAT 7:21 Tomota maniyedi sikatomooyaegumo Yaubada ina bodayáuwo geya sisiukoidita bego ikalibubudi unana ina nuwonúwana geya siguinuweyeta. Go sem avatauwa neta Tamagu guma yábana ina nuwonúwana siguuinuwe, bei sisiu.
MAT 7:22 Amo maliyalinayana goi maniyena tomota bei silatuwokoigu kadi, “Ima Tomoya, kai yoim goi Vala Dedevina kakabivalevale tomota yaidi, nakae dimoni kavataapiyedi be nakae guinuwa toogagaidi badabadaidi kaguuinuwedi.”
MAT 7:23 Amo tutayana tauyadi bei alatuwokodokoidi kagu, “Yau geya ayagoimita; komi geya yau guna bodao geya. Komi tokapipilova, kosīya!”’
MAT 7:24 Tuwaina Yeisu kana, ‘Tauna avatauwa neta yau guna livalayadi sinovedi be nakae sisabokuuliyedi, e tauyadi koroto tonanamsa nakae. Korotoyana ina vada gurewa yatana goi iyowo.
MAT 7:25 Niga kúwana ikúwana, e mluwa idau, nakae yágira itowo vadayana goi ikona go, geya iyaobasiyeta. Bogina koyagoi. Gurewa yatana goi iyowo.
MAT 7:26 Avatauwa neta yau guna livalayadi ame sitaiyakekedi go, geya sisabokuliyedita, e tauyadi koroto yaaluwoina nakae. Korotoyana ina vada ediédila yatana goi iyowo.
MAT 7:27 Niga kúwana ikúwana, e mluwa idau be nakae yágira itowo vadayana goi ikona, tuwo vadayana iyaobasi isou, ivatuligeligei toina.’
MAT 7:28 Tutayana Yeisu ina bóbwara ilukavavedi, e ina vatulukwanayana pasina boda sikainaopa,
MAT 7:29 kadi, ‘Tauyana ina vatulúkwana geya kada kidi Yaubada ina Katukeda ana tovatulukwanayao nakae geya, go sem mana lovina ivaatulúkwana.’
MAT 8:1 E Yeisu koya goi isou ima go, boda gagaina sisabokuliye.
MAT 8:2 Isou ima go, tolepero tayamo ima Yeisuyana matana goi aena ivaatugúyala idigo kana, ‘Tomoya, neta im nuwonúwana nakae, itoboinem kukidedevinegu bei sakavaigu imavada.’
MAT 8:3 Tuwo Yeisu nimana iyosale, toleperoyana ibisikone idigo kana, ‘Guna nuwonúwana nakae. Kumavāda!’ Tuwo mainao korotoyana sakavaina ina lepero ikavava, e sakavainayana imavada.
MAT 8:4 Ago Yeisu idigo kana, ‘Kunōve. Am kimavadayana manuna geya vatau tayaamo kulaatuwōko, go sem kūna Tonúwala yaina goi kuvagitakōim, igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’
MAT 8:5 E Yeisu ina Kapaneumi goi isiu go, da Roma idi tovayaviyayao adi tovakumgo tayamo ima Yeisu yaina ikawanoi makimaki
MAT 8:6 idigo kana, ‘Tomoya, guna pákwana pempemna mana gedageda gagaina guna vada goi iimasisi.’
MAT 8:7 Tuwo Yeisu idigo kana, ‘Manakae? Bego yau ao akidedevine?’
MAT 8:8 Ago kina tovakumgoyana idigo kana, ‘Geya, Tomoya. Yau toosobugu; geya itoboineguta bego guna vada goi kusiu, go sem kom mam lovina kubobwarāmo, bei guna pakwanayana iboboina.
MAT 8:9 Yau nakae lovina ayagoi. Yau magu tolovinao be nakae tovayaviya maniyedi sobuyekoigu. Neta tayamo alatuwoko kagu, “Kūna!” bei ina. Neta tayamo alatuwoko kagu, “Kūma!” bei ima. Neta guna pákwana tayamo alatuwoko kagu, “Ame kuguinūwe!” bei iguinuwe.’
MAT 8:10 E ina livalayana Yeisu inove, ikainaopa. Tuwo tauyadi sisabookuliye ilatuwokoidi idigo kana, ‘Iyaa! Ame tauyana moitamo! Ame alatuuwokoimi konōve: Isileli tubunao yaidi goi geya vatau tayaamo ababane ina numisa gagaina ame Totuyoyowoyana nakae.
MAT 8:11 E ame alatuuwokoimi konōve: Totuyoyowo badabadaidi poyapoya ana madabokina goi, bomatu be koiboga goi, bei sima Yaubada ina kaba kalibúbuna goi sisiu sikaaiyaka go, Eberamo, Aisake be Yakobo taiyao situsobu áika manuna.
MAT 8:12 Ego komi Diyuu bego Yaubada ina kinavayao ina kalibúbuna goi geya imi numisamo, tauna bei ilavemi kona moetala mamaníwana goi kokaaiyaka. Amoko goi bei kotaiya vata, nakae salami kokakaavatedi komatamaimaita.’
MAT 8:13 Go Yeisu ibóbwara ikavava, tovakumgoyana ilatuwoko, idigo kana, ‘Kwaluvīla kūna im kasa. Im numisa pasina im pákwana bogina iboboina.’ Tuwo moitamo, tuta amo goi tauyana iboboina.
MAT 8:14 Yeisu itáoya ina Pita ina vada goi isiu, ikandobala Pitayana yaona (moe monena sinana) igite manaa katówana kebana goi iimasisi.
MAT 8:15 Tuwo ibala ina vavinayana nimana ibisikone, e ina katowanayana ikalave. Ikavava, vavinayana itáoya ina Yeisu avana ivaidede.
MAT 8:16 E asa bogina lavilavi, toni kasa sediyao naagovaidi badabadaidi simedi Yeisu yaina. Tuwo Yeisu ibobwaramo, e dimoni sisiya. Nakae tokatówana liliudi simemedi ikidedevinedi.
MAT 8:17 Tauna ina guinuwayadi goi Yaubada ina tokabivalavala Aiseya ina livala imalatomotamna nakae boi idigedige kana,
MAT 8:18 E Yeisu boda igitedi sitaooyakobu, tuwo ina tosabokuliyao ilovinaedi idigo kana, ‘Tasowōya, Galili Bwaena tatadamāne tāna ta dadava.’
MAT 8:19 Bogina bego sisowoya go, Yaubada ina Katukeda ana tovatulúkwana tayamo ima Yeisu yaina idigo kana, ‘Tovatulúkwana, neta ava kasa goi kunonoina, bei asabokuuliyem.’
MAT 8:20 Ago kina Yeisu idigo kana, ‘Weiniya woliwoli madi bobosiu, mánuwo madi vátala go, Tomalatomota geya ana kaba masisimo. Tauna neta kusabokuuliyegu, e kom bei yau nakae.’
MAT 8:21 E Yeisu ina tovatotówana aiyuwoina idigo kana, ‘Tomoya, kutagonēgu mainao ana tamagu amatakavate ana kadókana ikámasa avaliwoge baige ama asabokuliyem.’
MAT 8:22 E kina go Yeisu idigo kana, ‘Kūma kusabokuliyēgu go, tokámasa kwalavēdi bei toinidi idi tokamasayao sivaliiwogedi.’
MAT 8:23 Yeisu oga goi isowoya go, ina tovatotowanayao sisabookuliye, e nakae sisowoya bego Galili Bwaena sitadamane.
MAT 8:24 Sisowoya ikavava, sikailova sinonoina go, yágira gagaina ikalisou Bwaeyana goi itowo. Tuwo aivaya siseulalágata, e ogayana giyakainava sivakayaaodei. E kina go Yeisu imasisi ikanaamatáiya.
MAT 8:25 Ago ina tovatotowanayao sima siwoini sidigo kadi, ‘Tomooya, kutāoya kuyavēda! Giyakainava bei tavailai!’
MAT 8:26 Go kina ibowoidi idigo kana, ‘Kaga komatoitae? Komi geya konumisedokoiguta!’ E tuwo itáoya, e yágira be aivaya ilovinaedi sisayata. Sisayata, e yagirayana ilakapuwe nakae Bwaeyana ikadaúmwara gagaina.
MAT 8:27 E kidi go korotoyadi sikainaopa kadi, ‘Iyaa! Ame ava koroto? Yágira be aivaya niyana sikabiikaone?’
MAT 8:28 Yeisu kidi bogina sima da Gadara idi kaolao goi sivaiu. E sisou go, koroto adi taiyuwo naagovaidi valiwoga tukubu goi sisowóduwo sima Yeisu sivalobode. Korotoyadi aba silali toina, tauna geya vatau tayaamo itoboine bei amo enaoyana goi iiketoiya. E korotoyadi sima Yeisu sivalobode.
MAT 8:29 Sivalobode, e Yeisu yaina sipodeda sidigo kadi, ‘Kom Yaubada Natuna, kwalavēma! Kai ima polava moe geya kom im polava geya. Manakae? Lovina ana lava nava go, kom kuma bego kuyogedegedema ae?’
MAT 8:30 Ego bao badabadaidi sikaaiyaka tupwana yomana goi sidumdumla.
MAT 8:31 E kidi go dimoniyadi sikandobala bao sigitedi, tuwo sikawanoi makimaki Yeisu yaina sidigo kadi, ‘Neta kuvatapiyema, e kuetunēma kāna bao amo sinaedi goi kasiu.’
MAT 8:32 Tuwo Yeisu idigo kana, ‘Kosowōduwo kōna!’ E dimoniyadi sitáoya, korotoyadi sikalavedi sina bao sinaedi goi sisiu. Go baoyadi matabuwodi madabokidi sisaloku, silokoina sina koya tagatagagina goi sipela sisou Galili Bwaena goi sisalili.
MAT 8:33 E kidi go baoyadi adi tomatakavatayao sisiya sina asa goi, e kaga liliuna sigite sitalavaite. Nakae kaga siisowóduwo boi korotoyadi naagovaidi yaidi goi nakae sitalavaitedi.
MAT 8:34 Tuwo toni kasayadi madabokiidi sima; latuwodi Yeisu sivalobode go, tutayana sigite, sikawanoi makimaki kadi, ‘Ima kasa kwalāve!’
MAT 9:1 Tuwo Yeisu mana tovatotowanayao oga goi sisowoyamna sisaidámana sina toinina ina kasa goi sivaiu sisou.
MAT 9:2 Go topem tayamo liyaliyaka goi iimasisi, e boda sikavale sime Yeisu yaina. Sime go, Yeisu idi numisa igite, tuwo topemyana ilatuwoko idigo kana, ‘Natugu, kwatepātu. Yau adigo kom im goyo adi nuwotao bogina kubabane.’
MAT 9:3 Go Yaubada ina Katukeda ana tovatulukwanayao maniyedi sikaaiyaka taudiva sibobóbwara kadi, ‘Iyaa! Amo korotoyana idigopopóita. Tauyana bego ieyaubada!’
MAT 9:4 Go idi nuwonuwanayana kina Yeisu bogina iyagoi, tuwo idigo kana, ‘Kaga unana nuwomi goi nuwonúwana goyogoyoidi koonuwedi bego geya itoboineguta goyo anuwotao?
MAT 9:5 Moitamo. Gobe ava livala ikakapu ame tauyana alatuwoko? Kagu, “Kom im goyo ana nuwotao bogina kubabane”, gea kagu, “Kutāoya, kuketōiya”? Nako ikakapu?
MAT 9:6 E itoboine koyagoi Tomalatomota mana lovina poyapoya goi tomota idi goyo inuwootaoidi.’ Yeisu itugavila topemyana ilatuwoko idigo kana, ‘Kutāoya, im baseko kwābi, kwaluvīla kūna im kasa!’
MAT 9:7 Tuwo moitamo itáoya, ina ina kasa.
MAT 9:8 E amo guinuwayana boda sigite, madi matoita wowooinina Yaubada ina togaga ana káeyana sikamoitamoe unana tomota togaga iivinidi.
MAT 9:9 Yeisu amo dadavayana ikalave, iketoiya inonoina go, yau Madiu da Roma adi takisi ana togogo igitegu, takisi ana kaba gogo goi aatusobu apaaisewa. Tuwo Yeisu ilatuwokoigu idigo kana, ‘Madiu, kūma, kusabokuliyēgu.’ Tuwo moitamo atáoya Tauyana asabokuliye.
MAT 9:10 Niga Yeisu mana tovatotowanayao taiyao sima guna vada goi áika manuna. Amoko goi takisi ana togogoyao be ituli ta toogoyoidi badabadaidi sima Tauyana mana tovatotowanayao yau taiyao kakáika.
MAT 9:11 E kakakáika go, kidi Parisi amoko goi sikaaiyaka kai ina tovatotowanayao sigitema silatuwokoima sidigo kadi, ‘Kaga unana imi tovatulúkwana go, takisi ana togogoyao be ituli ta toogoyoidi taiyao sikakáika?’
MAT 9:12 Go Tauyana inovedi, e idigo kana, ‘Gwa. Tauyadi madi deedevina geya latuwodi doketa, go sem kidi tokatówana latuwodi doketa.
MAT 9:13 E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi tokibóbwata aduduwedi geya, go sem ama toogoyoidi aduduwedi bei situgavila.’
MAT 9:14 E Iyoni ina tovatotowanayao sima Yeisu silumadade sidigo kadi, ‘Kai be nakae kidi Parisi kadiiyakímwana Yaubada manuna go, kom im tovatotowanayao manakae geya sidiyakimoneta?’
MAT 9:15 Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi diyakímwana sinuwomou? Geya ae? Go sem itoboinedi madi uyáwana sikakáika ae? E diyakímwana ana tuta nava imamaima. Amo tutayana tonaiyana bei siyoisi sinave namliyeta baige tauyadi madi nuwomou sidiyakímwana.
MAT 9:16 E livalakaibala tayamo vatulukwana bogo be vatulukwana vau manudi avatulukoimi bei koyagoi. Ame nakae: Geya vatau tayaamo boboda vau ikabi, ana kwama bogo taaporaina goi igilumipatuko. Ame moitamo. Bobodayana bei ikatumásina, e kwama bogoyana itaisa go, ina taisayana bei gagaina.
MAT 9:17 Aiyuwoina geya itoboinedeta oine vau takabi, opo bogo goi tasaligogo, govila bei oine vauyana ana togaga pasina opo itapao, e oineyana idau besobeso be nakae opoyana igoyo. Go sem oine vau takabi, opo vau goi tasiwoi, e bei oine maa opoina dedevidi.’
MAT 9:18 Nava amo livalayadi ilatuuwokoidi go, tayamo Diyuu idi kaba tugúguna ana tolovina ima Yeisu matana goi aena ivatugúyala idigo kana, ‘Tomoya, natugu vavina makaitaga ikámasa go, neta kūma gomanayana dabana goi nimam kuyāto, bei ma yawoina itaoyamna.’
MAT 9:19 Tuwo moitamo Yeisu itáoya kai ina tovatotowanayao taiyao tolovinayana kasabokuliye.
MAT 9:20 Kanonoina go, tayamo vavina ima. Vavinayana tala yawou aiyuwo goi ikaikaina idaudau go, nava idaudau. E tauyana ivalabelabena Yeisu mlina goi ibisibala ana kwama kikina ibisikone.
MAT 9:21 Ina nuwonúwana kana, ‘Neta ana kwama abisikoneyamo, bei aboboina.’
MAT 9:22 E kina go Yeisuyana itugavila, vavinayana igite, idigo kana, ‘Natugu, kwatepātu! Im numisa bogina ikidedevinem.’ Tuwo moitamo lava amo goi vavinayana iboboina.
MAT 9:23 Yeisu ivataoduwe tolovinayana ina vada goi isiu tomota igitedi kokopi siiuwedi be nakae boda simgemge sitaitáiya,
MAT 9:24 tuwo idigo kana, ‘Kosowōduwo kōna! Gómana geya ikamaseta, go sem ikanaamatáiya.’ Tuwo kidi tomotayadi sivaanamae go, Yeisu ivalilivedi.
MAT 9:25 E tutayana ivalilivedi ikavava, isiu ina vabodaupa goi gomanayana nimana iyoisi, e ikaitáoe.
MAT 9:26 Tuwo ame valayana boda sisanunui ina amo dadavayana ana madabokina goi tomota sinove.
MAT 9:27 Yeisu itáoya, amo dadavayana ikalave inonoina go, tokebo adi taiyuwo sima Yeisu sisakurikuriye. Idi sakurikuriyana goi siiduduwo kadi, ‘Devida tubuna, kunuwokapisiyēma!’
MAT 9:28 E Yeisu vada goi isiu go, tokeboyadi nakae sisiu sima Tauyana yaina. Tuwo ilatuwokoidi idigo kana, ‘Manakae? Konumisa bego itoboinegu moe nakae aguinuwe?’ ‘U, Tomoya’, tokeboyadi kaedi.
MAT 9:29 E tuwo matadi ibisikonedi go, idigo kana, ‘Imi numisa pasina nakae, e matami sidedevīna!’
MAT 9:30 Tuwo matadi sikatupailala go, Yeisu ikatumatalidokoidi idigo kana, ‘Konovēgu. Geya vatau tayaamo kolatuwōko moe dogoiyana manuna.’
MAT 9:31 E kidi korotoyadi sisowóduwo go, Yeisu ina livala geya sikabikaoneyeta, go sem sina amo dadavayana ana madabokina goi valena sisanunui.
MAT 9:32 E Yeisu kai taiyao bego kasowóduwo kana go, tomota maniyedi matabuwodi koroto tayamo maena dimoni ikiigavile sime Tauyana yaina. Sime, Yeisu igite, dimoniyana ivatapiye isiya.
MAT 9:33 E ivatapiye ikavava, korotoyana itoboine ibobwara dókana. Ago boda sigite, sikainaopa kadi, ‘Geya tayaamo kaga nakae Isileli sinaena tagitegite!’
MAT 9:34 E kidi go Parisiyadi sikaaiyaka sidigo kadi, ‘Moe dimoni idi tolovina ina togaga goi dimoni ivataapiyedi siisowóduwo.’
MAT 9:35 Yeisu kai taiyao katáoya, asa liliudi giyaidi be gagaidi goi kavanibiníbita. Kavanibiníbita go, Tauyana Diyuu idi kaba tugúguna tamo tamo goi ivaatulúkwana be nakae Yaubada ina kalibúbuna Valena Dedevina itaalavaite bego tomota itoboinedi sisiu. Aiyuwoina tomota ituli ta vísiya siyooisidi be nakae tokatówana liliudi ikidedeevinedi.
MAT 9:36 Ego boda iigitedi, geya adi tovaitamo sinuwokubukubu; tauyadi sipi geya adi tomatakavatamo nakae, tauna inuwokapisiyedi.
MAT 9:37 E tuwo kai ina tovatotowanayao yaima goi idigo kana, ‘Tánuwo bogina iloboina go, todibayoya geya sibadebadeta.
MAT 9:38 Tauna toni tánuwo yaina goi kokawanōi bego topaisewa ietunedi sima sidibayoya.’
MAT 10:1 Amo ikavava, Yeisu kai ina tovatotowanayao yawou aiyuwo iduduwema kama. Kama, lovina ivinima bei itoboinema dimoni kavatapiyedi be nakae tauyadi ituli ta vísiya siyooisidi be tokatówana liliudi kakidedevinedi.
MAT 10:2 E kai yawou aiyuwo Yeisu ina vamoleyanayao yoima ame nakae: Mainao Saimoni, tauyana youyuwoina moe Pita, ma siyana Anduru, Sebedi natunao Yemesa ma siyana Iyoni,
MAT 10:3 Pilipo, Batolomiu, Tomasi, yau Madiu takisi ana togogo, Alipiyo natuna Yemesa, Tadiyasi,
MAT 10:4 Saimoni (boi tauyana Isileli tubunao idi kaba lovina ana tokokóila), Yudasa guma Keriota, tauyana nava Yeisu bei inuwotuluye.
MAT 10:5 Ame kai yawou aiyuwo Yeisu ietunema kana asa tamo tamo goi go, mainao ilatuwokoima idigo kana, ‘Taabu kononōina kidi Totuyoyowo yaidi be nakae kidi da Samériya idi kasa goi,
MAT 10:6 go sem kōna sedao Isileli tubunao yaidi. Tauyadi sipi sulaaigidi nakae.
MAT 10:7 E kōna kotalavāita yaidi kami, “Yaubada ina kalibúbuna bogina imaiyaba.”
MAT 10:8 Tokatówana kokidedevinēdi, tokámasa kokaitaoēdi, vísiya liliuna sakavaidi goi kokimavadēdi, yaidi goi dimoni kovatapiyēdi. Yaubada ina vaita ivinibesoimi, e komi nakae tomota kovinibesōidi.
MAT 10:9 Imi vanibitayana goi nima kaka kōna. Esaesa ma saisairina taabu kokabikābi.
MAT 10:10 Wasare geya, kwama aiyuwoina geya, sendoro aiyuwoina geya, aituko geya. Bogina koyagoi. Topaisewa itoboinedi idi vavápula sikáika. Tauna imi vaníbita goi nima kaka kōna.
MAT 10:11 Ava kasa, gagaina o giyaina goi, neta kosiu, kolusala dōkana avatau neta iuyaonemi go, tauyana ina vada goi kokaaiyāka ana kadókana kotáoya asayana kokalave.
MAT 10:12 E vadayana goi kosiusiu mainao toni vada mana bodao yaidi kokauyāgu.
MAT 10:13 Neta toni vadayana moitamo iuyaonemi, e kokaodedevinēdi kami, “Tuboina ikaaiyaka yaimi.” Go neta toni vadayana geya iuyaonemita, e imi kaodedevinayana ikaluvilamna yaimi.
MAT 10:14 Avatauwa neta geya siuyaonemita o imi livala geya sinovedita, e vada amo o asa amo kokalāve go, tutayana kosowóduwo, e asayana kaukauna aemi goi kokatumaumāui. Moe imi katumátala tauyadi yaidi bego Yaubada itavileiyedi.
MAT 10:15 U, moe nakae koguinūwe go, ame alatuuwokoimi konōve: Takínona ana tuta tomota amo asayana goi adi liuna gagaina bei sibabane namliyeta kidi da Sodoma be nakae da Gamora.’
MAT 10:16 Tuwaina Yeisu kana, ‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae. Tauna mami nuwosinapu moteta nakae go, imi sinapu maavadaidi bunabuna nakae.
MAT 10:17 E ami dodōkana ami kaleyayao goi. Maniyemi bei siyoisimi, siekotuyemi be nakae idi kaba tugúguna goi bei sidabimi.
MAT 10:18 Go maniyemi bei sinavemi adi gavanayao be adi tolovinayao matadi goi siekotuyemi imi numisa yau yaigu pasina, bei tauyadi yaidi be nakae Totuyoyowo yaidi Vala Dedevina kotalavaite.
MAT 10:19 Ego tutayana siyoisimi bei siekotuyemi, taabu konuwokuubukūbu manakaemi bei kobóbwara o kaga kobobore. Moitamo. Kaga Yaubada latuwona kotalavaite, e moe tutayana Balomaina bei nukotomi isanayatoidi manakaemi kobóbwara.
MAT 10:20 Moitamo. Moe geya komi imi livala geya, go sem kina Tamada Balomaina sopami goi ibobóbwara.
MAT 10:21 E tomota maniyedi geya sinumiseguta toinidi sediyao tonumisa bei sinuwotuluyedi tolovina yaidi bego sikaumatedi. Tamadiyao nakae bei siguinuwe natudiyao yaidi. Gogómana nakae bei siguinuwe tamadiyao be sinadiyao yaidi.
MAT 10:22 Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyakavata ana kadókana tuta ana kaba lukavava goi, e adi yava bei sibabane.
MAT 10:23 E imi vanibitayana goi tutayana asa tayamo toni kasa siyogedegedemi imi talavaita pasina, e kosīya kōna ituli ta kasa goi kotalavāita. U, moe nakae koguinūwe go, ame alatuuwokoimi konōve: Asa liliuna Isileli sinaena geya kolukavavedita gobe Tomalatomota ikaluvilamna ima.
MAT 10:24 Tovatotówana ina tovatulúkwana geya itobusaveyeta. Aiyuwoina tomota paakonina ina tomoya geya itobusaveyeta.
MAT 10:25 Neta tovatotowanayana ina sinapu be tovatulúkwana ina sinapu sivavasa o tomota paakonina ina tomoya taiyao idi sinapu sivavasa, e tuwo dedevina. Tauna kita nakae bego tavavasa. Neta yau toni vada sitagiwoigu kadi, “Kom Beyelisebuli”, e komi yau guna bodao nakae bei sitagiwoimi gagaina toina.
MAT 10:26 Tauna tomotayadi taabu komatooitēdi. Moitamo. Kaga vamoounina, nava Yaubada bei ikaiwoduwe, e tomota liliudi sigite. Kaga tomota sikamomouye, nava bei Yaubada italavaite, e tomota liliudi sinove.
MAT 10:27 Kaga mamaníwana goi akanasiinamoe, e mavada goi kotalavāite tomota yaidi. Aiyuwoina kaga nakae aakului yaimi goi, e vada yatadi goi kotalavāite, bei tomota liliudi sinove.
MAT 10:28 Ago imi talavaitayana goi tauyadi itoboinedi wowomi sikauumatedi taabu komatooitēdi. Nakona wowomi sikaumatedi go, geya itoboinedita balomaimi sibisikone. Tauna taabu komatooitēdi. Go sem avatau neta itoboine wowomi be balomaimi taiyao asagabugabu goi imtulidi, e amo Tauyana koomatōite.
MAT 10:29 Aba gita tamo aguinuwe bei koyagoi itoboinemi geya komatoitedita. Sine aiyuwo maisadi giyaina ae? Go Yaubada iiyagoi neta tayamo ikámasa isou poyapoya goi.
MAT 10:30 E komi nakae iyagoimi. Nakae kunumi liliuna dabami goi adi badabada bogina iyagoidi.
MAT 10:31 Tauna taabu koomatōita. Komi Yaubada konana nakae gagaina namliyeta sine.
MAT 10:32 Tauna avatauwa neta tomota matadi goi sikamoitamoegu, yau nakae Tamada guma yábana matana goi bei akamoitamoedi.
MAT 10:33 Go avatauwa neta tomota matadi goi silawoiwoiyegu, e yau nakae Tamada guma yábana matana goi bei alawoiwoiyedi.’
MAT 10:34 Tuwaina Yeisu kana, ‘Taabu konuuwonūwana bego ama poyapoya ame goi bei tuboina ame. Geya. Ama tuboina geya ameyeta geya, go sem yaviya ame.
MAT 10:35 Moitamo. Yau pasigu livisi isowóduwo boda tayamo goi unana maniyedi tomota sinumisegu go, maniyedi geya. Tauna yau pasigu koroto tamana ivakaleye, vavina sinana ivakaleye be nakae vavina yaona vavina ivakaleye.
MAT 10:36 Tauna koroto ana kaleyayao moe toinina ina bodao.
MAT 10:37 Avatauwa neta idi matakoi tamadiyao o sinadiyao o natudiyao yaidi ivakaigaga namliyeta yau yaigu, geya itoboinedita bego yau guna bodao.
MAT 10:38 Avatauwa neta geya sitagoneta bei toinidi idi kerose siikavale be nakae sisabokuuliyegu, geya itoboinedita bei yau guna bodao.
MAT 10:39 Avatauwa neta sipoikiki bego yawoidi sibabane, e nava yawoidi vata bei sitagau. Go avatauwa neta yau pasigu yawoidi sitagau, e nava yawoidi vau bei sibabane.
MAT 10:40 Avatauwa neta siuyaaonemi, e yau nakae siuyaaonegu. Go avatauwa neta yau siuyaaonegu, agu toetuna nakae siiuyaone.
MAT 10:41 Avatauwa neta Yaubada ina tokabivalavala siiuyaone unana tauyana moitamo Yaubada ina tokabivalavala, e nava bei tokabivalavala ana vaiwówana kidi nakae sibabane. Aiyuwoina avatauwa neta tokibóbwata siiuyaone unana tauyana moitamo tokibóbwata, e nava bei tokibobwata ana vaiwówana kidi nakae sibabane.
MAT 10:42 Avatauwa neta you tovatotówana ikaaiyaka yaidi, e bwae tuulaina toosobuna tayamo sivanim go, neta ame tauna siguinuwe, ame alatuuwokoimi konōve: Adi vaiwówana bei sibabane.’
MAT 11:1 Yeisu kai ina tovatotowanayao yawou aiyuwo ivatulukoima ikavava, kai kana go, Tauyana asa amo ikalave ina Diyuu idi kasa tamo tamo goi iivaníbita. Ina vanibitayana goi ivaatulúkwana be nakae Yaubada Valena itaalavaite tomota yaidi.
MAT 11:2 E kina go Iyoni deri goi ikaaiyaka go, Guyau ina guinuwa valena inove, tuwo ina tovatotowanayao ietunedi sima Yeisu yaina
MAT 11:3 silumadádana sidigo kadi, ‘Manakae? Kom Guyau Tauyam boi Yaubada ina tokabivalavalayao sikatotulem katuyaosim gea, ituli ta koroto nava katuuyaosi?’
MAT 11:4 Tuwo Yeisu idigo kana, ‘Segowo, kaga atalavaaitedi bogina konovedi be kaga aguuinuwedi bogina kogitedi. Guinuwayadi ame nakae: Tokebo sigita dókana, topem siketoiyamna, vísiya liliuna tomota sakavaidi sikavava, tauyadi taiyadi patupatudi sitaiyakeka dókana, tokámasa sitaoyamna, tookaidi Vala Dedevina sinove. Kōna moe dogoiyadi madabokidi kotalavaitēdi Iyoni yaina bei iyagoi.
MAT 11:6 Aiyuwoina Iyoni kolatuwōko avatauwa neta geya sinanayuwoita yau manugu, bei adi dedevina sibabane.’
MAT 11:7 E korotoyadi sitáoya sinonoina go, Iyoniyana manuna kina Yeisu ivatowo boda ilatuwokoidi idigo kana, ‘Boi kona yoyowo goi latuwomi bego avatau kogite? Gea, komi latuwomi bego koroto taameyaina kogite ina sinapu nakae dumodumo neta yágira itowo, iyaoegeege?
MAT 11:8 Nakae geya, go sem kona bego avatau kogite? Gea, komi latuwomi bego koroto tayamo mana kwama dedevina kogite? Geya ae? Konōve. Tauyadi madi kwama dedevidi tolovina idi vada dedevidi goi sikaaiyaka.
MAT 11:9 Tauna kona geya bego nakae kogite, go sem kona bego avatau kogite? Bego Yaubada ina tokabivalavala tayamo kogite? U, moitamo. Go ame alatuuwokoimi konōve: Tauyana tokabivalavala tayamo go, tokabivalavala kaka geya, go sem tauyana toosakina.
MAT 11:10 Amo tauyana manuna Yaubada ina tokabivalavala igini idigo kana,
MAT 11:11 Ame Iyoni iguinuwe go, ame alatuuwokoimi konōve: Tomota liliudi bogina sibíbina, yaidi goi geya vatau tayaamo itoboine Iyoni tosayóyova ikalisave. Go avatauwa neta toosobudi Yaubada ina kalibúbuna sinaena goi, e tauyadi Iyoni sikalisave.
MAT 11:12 E Iyoni tosayóyova ina paisewa ana kaba vatowo goi go, ima ame tuta Yaubada ina bodayáuwo ikaliibubudi vakaleya gagaina toina siibabane. Ago adi tovakaleyayaoyadi sipoikíkina bego ina bodayauwoyadi siyoisidi siyogedegededi.
MAT 11:13 Moitamo. Boi nimatu Yaubada ina tokabivalavalayao liliudi idi buki be nakae Mosese Yaubada ina Katukeda madabokina goi sitalavaita bego Guyau bei ima. Nakae sitaalavaite ana kadókana Iyoni ima Guyau ina sowóduwo italavaite.
MAT 11:14 Ago kidi tokabivalavalayadi sitalavaite bego koroto tayamo Eliyau nakae bei ima. Abóbwara moitamo, tauyana sidigedige moe Iyoniyana. Go manakae? Itoboinemi ame nuwonuwanayana konumise gea geya?
MAT 11:15 Avatauwa komi neta ma taaiyami, guna livala konoovedōko.
MAT 11:16 E tomota amo tauyadi nakae kaga goi akatutukoidi? Kidi gogómana nakae neta aba maketi goi siitusobu sipapápala sediyao yaidi sikúluwo kadi,
MAT 11:17 “Ima kokopi nai manuna kauweuwe go, komi geya kolauseta. Valiwoga goi kataiyakuwokúwala go, komi geya kotaiyeta.” Komi nakae.
MAT 11:18 Kogita? Nakonakae kaguinuwe o kavatulúkwana, e komi kokataema. Iyoni ima go, awoinu toina geya ikakáika, nakae oine geya inimnim. Nakae go, komi kodigo kami, “Dimoni tauyana sinaena goi ikaaiyaka!”
MAT 11:19 Tomalatomota ima ikakáika be inimnim go, kodigo kami, “Tauyana kogite? Aikanina be nakae inim ginagina iiyaluwo. Tauyana takisi ana togogo be ituli ta toogoyoidi siyadi!” Yaubada ina nanamsa Iyoni be yau kavatulúkwana go, nanamsayana ipaaisewa tomota yawoidi goi, e guinuwayadi goi tomota siyagoi Yaubada ina nanamsa moe moitamo.’
MAT 11:20 E niga Yeisu ivatowo tomota asa maniyedi goi ibowoidi. Asayadi goi guinuwa toogagaidi bogina iguinuwedi. Guinuwayadi toni kasa sigitedi go, geya situgavileta, tauna ibowoidi idigo kana,
MAT 11:21 ‘Komi da Korasini be komi da Betesaida konovēgu! Da Taya be da Saidoni tomota goyogoyoidi. Neta guna guinuwa toogagaidi boi komi bogina koogitedi kidi nakae sigitedi, boi nimatu e, bogina situgavila go, idi tugavilayana ana kaba kinana siguinuwe moe kwama salisalina silosidi be selekau dabadi goi siyatoidi. Komi boi itoboinemi nakae kotugavila go, geya koguinuweyeta. O komi da Korasini be da Betesaida ami toovalugo!
MAT 11:22 Go ame alatuuwokoimi konōve: Komi da Korasini be da Betesaida takínona ana tuta goi ami liuna gagaina toina bei kobabane namliyeta kidi da Taya be da Saidoni.
MAT 11:23 Komi da Kapaneumi nakae. Manakae? Konuwonúwana Yaubada bei ikilagasimi yábana goi? Moe geya, go sem bei ilavemi kosou kona asagabugabu goi! Moitamo. Kidi da Sodoma toogoyoidi toidi go, neta boi nimatu guna guinuwa toogagaidi sigitedi nakae guinuwa toogagaidi boi komi kogitedi, e tauyadi nakona situgavila, tauna Yaubada geya imtulidita, go sem nakona ame tuta asayana nava ikaaiyaka. Ago komi geya.
MAT 11:24 Go ame alatuuwokoimi konōve: Takínona ana tuta goi komi da Kapaneumi bei ami liuna gagaina namliyeta da Sodoma.’
MAT 11:25 Tuta amo goi Yeisu ikawanoi idigo kana, ‘Tamagu, kom yábana be poyapoya idi Tomoya. Guna guinuwayadi adi yagoina bogina kuvamoudi kidi madi nanamsa be madi yagoina yaidi goi go, kidi gogómana nakae yaidi goi guna guinuwa adi yagoina bogina kukaiwoduwedi. Tauna ayapaliyem.
MAT 11:26 Moitamo Tamagu, moe im guinuwayana im nuwonúwana goi ivauyaonem.’
MAT 11:27 Ikawanoi ikavava, tomota yaidi goi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.
MAT 11:28 Avatauwa komi topoisógana o mou adi tokavala, komekōigu bei waiwasi avinimi.
MAT 11:29 Yau sakuululugu be nakae nuwotookaigu, tauna guna kaitakeo kokavalavaitēgu be nakae guna vatulúkwana kovatotowōne. Neta nakae koguinuwe, e imi waiwasi bei kobabane.
MAT 11:30 Moe moitamo. Yau guna kaitakeoyana be nakae guna vatulukwanayana sikakapu. Tauna ameko goi imi waiwasi bei kobabane.’
MAT 12:1 Tuta amo Yeisu kai ina tovatotowanayao taiyao tánuwo sinaena kaaketoiya Sabati goi. Kaaketoiya go, kai tovatotowanayama loga kakámasa. Tuwo kavatowo witi keuwoidi kaguwedi kakakáika.
MAT 12:2 E kidi go Parisi sigitema, tuwo Yeisu silatuwoko sidigo kadi, ‘Iyaa! Im tovatotowanayao manakae siguuinuwa kaga Sabati ana lovina geya itagonedeta taguinuwe?’
MAT 12:3 E kina Yeisuyana kana, ‘Manakae? Kaga Devida boi iguuinuwe tetelina geya kokatuyaiviyeta ae? Boi tutayana ma senao loga sikámasa go, geya avadimo.
MAT 12:4 Tuwo kina Devidayana Yaubada ina Vada goi isiu, Tonúwala yaina ikawanoi awoinu manuna. Tuwo Tonuwalayana beredi kaasalaidi ikabidi, Devida ivini ikáika. Ikáika ikavava, senao nakae ivinidi sikáika go, kidi Devida ma senao geya adi tagonamo berediyadi sikáika. Moe kidi Tonúwala taudiva madi tagona sikáika.
MAT 12:5 Aiyuwoina Tonúwala Vada Kimaasabaina goi sisiusiu Sabati goi sipaaisewa. Moe nakae Sabati ana lovina sikapipilave go, kidi geya adi pikwanamo. Manakae? Yaubada ina Katukeda goi ame geya kokatuyaiviyeta ae?
MAT 12:6 E ame alatuuwokoimi konōve: Tayamo tomota ameni gagaina namliyeta Vada Kimaasabaina.
MAT 12:7 E Gínina Kimaasabaina goi Yaubada idigo kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Neta ame talavaitayana ana yagoina koyagoi, e tauyadi geya adi pikwanamo geya kotakinoidita kidi toogoyoidi.
MAT 12:8 Moitamo. Tomalatomota moe Sabati ana Tomoya, e ilovina kaga itoboine Sabati goi tomota siguinuwe, tauna guna tovatotowanayao geya adi pikwanamo.’
MAT 12:9 Yeisu itáoya, tanuwoyana ikalave go, ina Diyuu idi kaba tugúguna goi isiu.
MAT 12:10 Koroto tayamo amoko goi ikaaiyaka, nimana napanapaina go, kaamasina. Kidi Parisi nakae sikaaiyaka; latuwodi bego Yeisu sikamamaetali Sabati ana lovina ana tokapipilova, tuwo silumadade sidigo kadi, ‘Manakae? Yaubada ina Katukeda itagoneda Sabati goi tomota takidedevinedi gea geya?’
MAT 12:11 Go kina Yeisuyana idigo kana, ‘Neta Sabati go, komi vatauwa neta imi sipi tayamo bobosiu goi isouye, manakae? Bei kobulagasi, gea geya? Geya, bei kobulagasi.
MAT 12:12 Go sipi kaga? Dogoi giyaina ae? Go tomota kónana gagaina. Tauna neta itoboineda Sabati goi sipi tavaite, e itoboineda Sabati goi tomota nakae tavaitedi.’
MAT 12:13 Tuwo itugavila korotoyana ilatuwoko idigo kana, ‘Siyagu, nimam kuyosāle!’ Tuwo moitamo nimana iyosale go, bogina idedevina, nimana aiyuwoina nakae.
MAT 12:14 E kidi Parisiyadi sitáoya, aba tugugunayana goi sisowóduwo sina taudiva silosinapu manakaedi bei Yeisu sikaumate.
MAT 12:15 E kina go Yeisuyana bogina iyagoi kaga amo tauyadi sinuwonuwone, tuwo ikabima amo dadavayana kakalave. Ago boda gagaina Yeisu sisabokuliye. Tomotayadi yaidi goi maniyedi sikatówana go, madabokidi ikidedevinedi.
MAT 12:16 Ikavava, ilovinaedi idigo kana, ‘Taabu kotaalavāita bego yau avatau.’
MAT 12:17 Moeko goi kaga boi nimatu Yaubada ina tokabivalavala Aiseya idigedige, imalatomotamna. Tauyana Yaubada ina livala italavaite idigo kana,
MAT 12:18 ‘Konōve! Guna kitom goame.
MAT 12:19 Tauyana geya ikaumakimaki.
MAT 12:20 Geya vatau tayaamo neenetaina
MAT 12:21 Ago kidi Totuyoyowo bei Tauyana silotutae.’
MAT 12:22 E niga koroto tayamo tomota sime Yeisu yaina. Korotoyana naagovaina go, matana kebokeboina be nakae maena moumouna. E sime go, Yeisu ikidedevine, tauna korotoyana itoboine ibóbwara be nakae igita.
MAT 12:23 Ago tomota sikaaiyaka Yeisu ina guinuwa sigite, madabokidi nukotodi siwówana nakae sidigo kadi, ‘Manakae? Amo tauyana nakona Devida tubuna gea geya?’
MAT 12:24 E kidi go Parisiyadi nakae sikaaiyaka, tomota idi livala sinovedi, sidigo kadi, ‘Ame tauyana dimoni ivataapiyedi go, moe dimoni idi tolovina Beyelisebuli ina togaga kaka goi ivataapiyedi siisowóduwo.’
MAT 12:25 Go tauyadi idi nuwonúwana Yeisu bogina iyagoidi, tuwo ilatuwokoidi idigo kana, ‘Aba lovina liliudi neta sinaedi tomota siilivisi, aba lovinayadi bei sisou. Asa o bodayáuwo liliudi nakae. Neta sinaedi tomota siilivisi, tomotayadi geya sitaoyakavateta, go sem bei sisapa.
MAT 12:26 Ida Kaleya nakae. Neta toinina ina bodao ivatapiyedi, moe nakae ilivisidi. Go moe kaga ana dedevina? Ina lovinayana manakaena bei itogaga? Geya! Neta toinina ina bodao ilivisidi, ina lovinayana bei ikavava.
MAT 12:27 Yau nakae. Neta yau Beyelisebuli ina togaga goi dimoni avataapiyedi, e komi toinimi imi bodao nakae, tauyana ina togaga goi dimoni sivataapiyedi. Go moe nakae geya ae? Moe pasina nava bei toinimi imi bodao sitakinoimi komi tobágala.
MAT 12:28 Go Yau Yaubada Balomaina ina togaga goi dimoni avataapiyedi, tauna ina kalibúbuna bogina imaiyaba yaimi.
MAT 12:29 Yau dimoni avataapiyedi go, geya kada tauyana ina togaga goi avataapiyedi. Aba gita tayamo aguinuwe bei koyagoi Yaubada Balomaina goi dimoni avataapiyedi. Ida Kaleya koroto toogilúluna nakae. Avatau itoboine togilulunayana ina vada goi isiumo go, konana ivainaoidi? Geya ae? Go koroto tayamo neta togilulunayana ina vada goi isiu go, mainao ivasobusobuye namliyeta baige nimana aena iyowóidi, e itoboine bei konana ivainaoidi. E yau nakae. Ida Kaleya bogina avasobusobuye, tauna itoboinegu ina dimoni avatapiyedi.
MAT 12:30 Geya konanayuwoita yau manugu. Avatau neta yau taiyao geya kaspwagogoneta, tauyana guna kaleya. Avatau neta tomota geya italigogoidita yau taiyao, e tomotayadi ikausapesapedi.
MAT 12:31 Tauna imi wowokanayana pasina ame alatuuwokoimi konōve: Tomota idi goyo liliudi be idi tagíwaya liliudi sivaatoidi, adi nuwotao bei sibabane, go sem avatauwa neta Baloma Kimaasabaina sitagiwoi, e adi nuwotao geya sibabaneyeta ame tuta be nakae tuta simamaima.
MAT 12:32 Avatauwa neta Tomalatomota sitagiwoi, e adi nuwotao bei sibabane. Go avatauwa neta Baloma Kimaasabaina sitagiwoi, e adi nuwotao geya sibabaneyeta, ame tuta be nakae tuta imamaima.
MAT 12:33 Komi kodovatusidokōigu. Neta alova tayamo dedevina, e keuwoina nakae dedevina. Neta alova tayamo igoyo, e keuwoina nakae igoyo. Moitamo. Alova keuwoidi goi takinanedi, nakona dedevidi o sigoyo. Tauna yau nakonakae?
MAT 12:34 Komi moteta nakae! Manakae? Komi toogoyoimi itoboinemi bóbwara dedevidi kovatoidi gea geya? Geya! Bogina koyagoi. Kaga neta nuwoda ivakayaodei, e sopada nakae sivatoi.
MAT 12:35 Tomota nuwodi goi idi esaesa sikanukulidi. Tuwo tomota dedevina ina esaesayadi dedevidi goi dogoi dedevidi ikaiwoduwedi. Ago tomota goyogoyoina ina esaesa goyogoyoidi goi dogoi goyogoyoidi ikaiwoduwedi.
MAT 12:36 E ame alatuuwokoimi konōve: Takínona ana maliyalina goi tomota idi livala besobeso liliudi sivaatoidi bei Yaubada yaina sitalaseyanedi.
MAT 12:37 Moe moitamo. Imi livala pasidi Yaubada bei ivayokoimi komi kiboobosimi, e nakae imi livala pasidi Yaubada bei itakinoimi komi toogoyoimi.’
MAT 12:38 Tuwo Yaubada ina Katukeda ana tovatulukwanayao maniyedi be nakae Parisi maniyedi Yeisu ina vatulúkwana sinove, sidigo kadi, ‘Tovatulúkwana, latuwoma aba kinana tayamo kuvatulukoima kagite bei kayagoi kom moitamo Yaubada goi kuma.’
MAT 12:39 Go kina Yeisuyana idigo kana, ‘Tomota neta goyo sinadi be nakae Yaubada situgavile, e aba kinana siiyaledi. Ago Yaubada aba kinana tayamo toito bei ivinidi go, tuwaina geya. Aba kinanayana moe tokabivalavala Iyona.
MAT 12:40 Moitamo. Iyona íyana sinaena goi ikaaiyaka maliyalina aito be sabamgo aito, e nakae Tomalatomota poyapoya sinaena goi bei ikaiyaka maliyalina aito be nakae sabamgo aito.
MAT 12:41 Boi Iyonayana ina talavaita da Ninivei sinove, e situgavila. Go konōve. Tomota tayamo toolagaina ameni namliyeta Iyona go, ame togoyoidiyadi nava geya situgavileta. Tauna takínona ana tuta goi da Ninivei bei sitáoya, ame togoyoidiyadi idi goyo bei sitalaledi.
MAT 12:42 Aiyuwoina giyovila tayamo Totuyoyowo go, ina kaba lovina moe Siba youya dadavina goi. Tauyana boi aduwanau goi ima Solomoni ina nanamsa inove. Go konōve. Tomota tayamo toolagaina ameni namliyeta baige Solomoni. Go ame togoyoidiyadi nanamsa gagaina bogina sinove go, nava geya situgavileta. Tauna takínona ana tuta goi giyovilayana bei itáoya kidi taiyao go, idi goyo bei italaledi.
MAT 12:43 E nakona dimoni tomota tayamo ikinagove go, tutayana dimoniyana sivatapiye bogina isowóduwo, e ina asa yoyowo goi aba waiwasi iilusala. Iilusala go, geya tayaamo ibabane.
MAT 12:44 Tuwo idigo kana, “Bei akaluvilamna ana vadayana boi aakalave goi.” Ago ima, tomotayana ibabane vada nakae bogina daakakaina be kaidiiyoyaina be nakae katubaayasina.
MAT 12:45 E tuwo dimoniyana ina ituli ta dimoni adi badabada ainima aiyuwo ikabidi imedi. Tauyadi goyogoyoidi toina, nakae dimoniyana ina goyo sikaalisave. Ikabidi, imedi vadayana sisiu sikaaiyaka. Amo korotoyana ina kaiyaka boi tupwana igoyo go, ame igoyo toina. Tauna nakae bei isowóduwo togoyoimiyami yaimi.’
MAT 12:46 Yeisu nava boda ilatuuwokoidi go, sinana be senao sima moetala goi siitáoya; latuwodi bego Tauyana silatuwoko.
MAT 12:47 E tomota tayamo idigo kana, ‘Gwa! Sinam be semowo moetala goi siitáoya; latuwodi kom kunovedi.’
MAT 12:48 Go kina Yeisu idigo kana, ‘Sinagu avatau? Segowo avatauwa?’
MAT 12:49 Nimana kai ina tovatotowanayao ivasakikinakoima, idigo kana, ‘Sinagu be segowo goamedi!
MAT 12:50 Moitamo. Avatauwa neta Tamagu guma yábana ina nuwonúwana siguuinuwe, e moe tauyadi segowo nakae niugowo nakae sinagowo.’
MAT 13:1 Maliyalina amo goi Yeisu itáoya kai taiyao vada goi kasowóduwo go, Yeisuyana iiwo ina Galili labutabutaina goi itusobu.
MAT 13:2 Iitusobu go, boda gagaina sitaligógana sima Tauyana yaina. Tauna itáoya iiwo ina oga goi isowoya, itusobu go, bodayadi labutabuta goi siitáoya.
MAT 13:3 Iitusobu, vatulúkwana badabadaidi livalakaibala goi ivatuulukoidi idigo kana, ‘Ame konōve: Tobágula tayamo ina ina tánuwo goi witi kutukutuna isivagaegaedi.
MAT 13:4 Isivagaaegaedi, e maniyedi sisou enao goi. Tuwo mánuwo sisou sima sikanidi.
MAT 13:5 E kutukutuyadi maniyedi sisou manamanáiyala goi go, mainao sitabo unana poyapoya giyaina.
MAT 13:6 E níyala ituko, iidimoidi simémala unana lamdi sitetalamo.
MAT 13:7 Go kutukutuyadi maniyedi sisou taliboibo goi, e taiyao sitabo, sibíbina go, taliboiboyadi sididimatedi.
MAT 13:8 E kutukutuyadi maniyedi sisou poyapoya dedevina goi sitabo sikéuwo. E dibayoya ana tuta maniyena 100, maniyena 60, maniyena 30.
MAT 13:9 Avatauwa komi neta ma taaiyami, guna livala konoovedōko!’
MAT 13:10 Yeisu ibóbwara ikavava, kai ina tovatotowanayao kama kalumadade kadigo kama, ‘Kaga unana livalakaibala goi boda kulatuuwokoidi?’
MAT 13:11 E Tauyana idigo kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go bodayadi geya ivinidita bego siyagoi.
MAT 13:12 Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta guna livalayana sinooveyamo, ava nanamsa ikaaiyaka tauyadi yaidi, Yaubada bei ikuliuye.
MAT 13:13 Ame pasina livalakaibala goi alatuwokoidi bego sigitagita go, geya sigitadokoneta. Sitaaiyakeka go, geya sinoveyeta be nakae geya siyagoiyeta.
MAT 13:14 Kidi goi Aiseya ina talavaita imalatomotamna. Tauyana idigo kana,
MAT 13:15 Moitamo. Amo tomotayadi dabadi sikasa,
MAT 13:16 E komi sem matami goi kogita be nakae taiyami goi konowo, tauna ami dedevina bogina kobabane.
MAT 13:17 U, moe nakae ami dedevina bogina kobabane go, ame alatuuwokoimi konōve: Boi nimatu Yaubada ina tokabivalavala badabadaidi be nakae tokibóbwata latuwodi bego sigite kaga koogitegu aguuinuwe go, geya sigitedita. Latuwodi bego sinove kaga kaga koonovedi avatulúkwana go, geya sinovedita.
MAT 13:18 Tauna komi konōve tobágula ana livalakaibala ana talígava.
MAT 13:19 Avatauwa neta Yaubada ina kalibúbuna valena sinove go, geya siyagoiyeta, e tauyadi poyapoya enao goi nakae. Poyapoyayana goi kutukutu sisou go, kina Togoyoinayana ima kaga boi tobágula iibaguli tauyadi nuwodi goi, e ineboidi.
MAT 13:20 E tomota maniyedi amo manamanaiyalayana nakae tutayana kutukutu sisou sitabo. Ame tauyadi Yaubada ina kalibúbuna valena sinove go, mainao madi uyáwana siuuyaone.
MAT 13:21 Valayana siuuyaone go, nuwodi goi geya ikaseta nakae poyapoya kakaaraiina goi lam geya ikaseta. Tuwo tuta kaakupina tauna ikaaiyaka. E tutayana valayana pasina mou be yogedageda sibabanedi, mainao sikapusi.
MAT 13:22 E tomota maniyedi amo poyapoyayana talibooibina nakae tutayana kutukutu sisou sitabo. Ame tauyadi Yaubada ina kalibúbuna valena sinove go, niga idi kaiyaka ana nuwokubukubu be nakae esaesa ina tubanibani sisowóduwo, e taliboibo nakae valayana sididimate, tauna geya sikeuwoita.
MAT 13:23 E tomota maniyedi amo poyapoyayana dedevina nakae tutayana kutukutu sisou sitabo. Ame tauyadi moitamo Yaubada ina kalibúbuna valena sinove, siyagoi be nakae keuwoidi dedevidi sikeeuwoedi; maniyena 100, maniyena 60, maniyena 30.’
MAT 13:24 Yeisu livalakaibala aiyuwoina ivinima idigo kana, ‘Yaubada ina kalibúbuna ana kaiyaka ame livalakaibalayana nakae: Koroto tayamo witi kutukutudi dedevidi ikabidi, ina ina tánuwo goi isivagaegaedi.
MAT 13:25 Isivagaegaedi ikavava, ina go, niga tauyana mana bodao simasisi. Tutayana siimasisi go, korotoyana ana kaleya tayamo ima tanuwoyana goi sisinétala kutukutudi isivagaegaedi. Ikavava, ina.
MAT 13:26 Tutayana witi sitabo, sikéuwo, e namliyeta baige sisinetalayadi nakae sitabo.
MAT 13:27 E toni tánuwo ina pakonayao sima silatuwoko sidigo kadi, “Ima tomoya, kom boi im tánuwo goi kutukutu dedevidi kusivagaegaedi ae? Go sisinétala nako goi sima?”
MAT 13:28 “Moe guna kaleya ina guinuwa”, korotoyana kaena. E ina pakonayaoyadi kadi, “Go manakae? Latuwom kana sisinetalayadi kalabudi gea tuwo?”
MAT 13:29 E kina kana, “Geya tuwo, govila bei sisinetalayadi kolabudi, e witi taiyao kolabupatukoidi.
MAT 13:30 Kokalavēdi, taiyao sibíbina ana kadókana dibayoya. E dibayoya ana tuta guna todibayoyayao bei alatuwokoidi mainao sisinétala silabudi, niga sipatumidi bei sigabudi go, witiyadi silamgogoidi guna sánala goi siyatoidi.”’
MAT 13:31 Yeisu livalakaibala tuwaina ivinima idigo kana, ‘Yaubada ina kalibúbuna sinaena goi ina bodayáuwo adi vaituwo ana kaigigita alova tayamo kutukutuna giyaina nakae. Kutukutuyana koroto tayamo ikabi, ina ina tánuwo goi ibaguli.
MAT 13:32 Kutukutuyana giyaina toina, nakae kutukutu liliudi goi geya tayaamo alova kutukutuna giyaina nakae. Go tutayana alovayana ibíbina imatuwo, e alova gagaina, nakae alova liliudi itabosavedi. Tauna mánuwo sima laonina goi idi vátala siyowóidi.’
MAT 13:33 Yeisu livalakaibala tuwaina ivinima, idigo kana, ‘Yaubada ina kalibúbuna sinaena goi ina bodayáuwo adi vaituwo ana kaigigita isti nakae. Vavina tayamo ana isti ikabi, ana parawa gagaina toina goi ipopoli. Ipopoli ikavava, iyato ana kadókana istiyana isiu parawa madabokina goi ipaisewa, tauna ibíbina gagaina.’
MAT 13:34 Yeisu ina vatulúkwana ame madabokina moe livalakaibala kaka goi tomota ilatuuwokoidi.
MAT 13:35 Tauna Yaubada ina tokabivalavala ina talavaita imalatomotamna. Boi tokabivalavalayana idigo kana,
MAT 13:36 E tuwo Yeisu boda ikalavedi go, ina boi vadayana iikalave goi isiu. Isiu go, kai ina tovatotowanayao kama kadigo kama, ‘Tomoya, livalakaibala sisinétala tánuwo goi kulumavivīsi kanove.’
MAT 13:37 E kina Yeisu idigo kana, ‘Korotoyana kutukutu dedevidi isivagaegaedi moe Tomalatomota.
MAT 13:38 E tanuwoyana moe poyapoya ana madabokina. E kidi go kutukutu dedevidi moe Yaubada ina bodayáuwo ina kalibúbuna sinaena goi sikaaiyaka. E kidi go sisinétala moe Togoyoinayana ina bodao.
MAT 13:39 E kina go kaleyayana boi sisinétala isivagaegaedi moe Totagíwaya. E dibayoyayana moe tuta ana kaba lukavava. E kidi go todibayoyayadi moe anerose.
MAT 13:40 Tauna nakonakae sisinétala silamgogoidi, yeu sikabi sigabudi, e nakae tuta ana kaba lukavava goi bei isowóduwo.
MAT 13:41 Kina Tomalatomota ina aneroseyao bei ietunedi sina ina kaba kalibúbuna sinaena goi goyo adi totalewúwuna liliudi be nakae lovina adi tokapipilova liliudi silabudi. Ikavava silamgogoidi,
MAT 13:42 silavedi yeu goi sigabudi. Amoko goi tomota sitáiya be nakae saladi sikakavatedi simatamaimaita.
MAT 13:43 E tuwo tokibóbwata bei sinínima níyala nakae Tamadi ina kalibúbuna sinaena. Avatauwa komi neta ma taaiyami, guna livala konoovedōko.’
MAT 13:44 Tuwaina Yeisu kana, ‘Yaubada ina kalibúbuna ana siu ana yala ana kaigigita ame livalakaibalayana nakae: Esaesa vamoounina poyapoya sinaena goi ikaaiyaka go, koroto tayamo ima esaesayana ibabane. Esaesayana pasina tauyana iuyáwana. Tauna ivamoumnei go, ina konana liliudi ikabidi ikaigimonedi. Ikavava, ana maisa ikabi, ina poyapoya igimone bei esaesayana ikabi.
MAT 13:45 Tuwaina Yaubada ina kalibúbuna ana siu ana yala ana kaigigita ame livalakaibalayana nakae: Paku ana tolusala tayamo paku dedevidi iilusala.
MAT 13:46 Iilusala, e tayamo ibabane ana maisa gagaina toina. Tuwo ina konana liliudi ikabidi, ina ikaigimonedi. Ikavava, ana maisa ikabi, ikaluvilamna ina pakuyana igimone.’
MAT 13:47 Tuwaina Yeisu kana, ‘Tuwaina, Yaubada ina kalibúbuna sinaena goi takínona ana kaigigita ame livalakaibalayana nakae: Koroto idi úwata silave négwasa goi, e íyana ituli ituli sikonedi.
MAT 13:48 Tutayana úwata ikayaoda, sibiu ima mamaya goi. Ikavava, situsobu iyanayadi sitakinoidi. Íyana dedevidi sikabidi nokobaba goi sidodoidi go, íyana goyogoyoidi sikalavedi.
MAT 13:49 Tauna nakae tuta ana kaba lukavava goi. Anerose bei sina tokibóbwata nauyayanaidi goi toogoyoidi sivatumasabedi,
MAT 13:50 silavedi yeu goi sigabudi. Amoko goi bei sitáiya be nakae saladi sikakavatedi, simatamaimaita.
MAT 13:51 Kaga liliuna alatuuwokoimi bogina koyagoidi gea geya?’ ‘U, kayagoidi’, kaema.
MAT 13:52 E Yeisu kana, ‘Dedevina. Imi yagoinayana pasina Yaubada ina Katukeda ana tovatulúkwana tamo tamo neta Tokalibúbuna sisabokuliye, e tauyadi toni vada tayamo nakae; ina esaesa bogo be ina esaesa vau ikaiwoduwedi unana itoboinedi vatulukwana bogo be vatulukwana vau sivatulúkwana.’
MAT 13:53 Tutayana Yeisu ina livalakaibala ilukavavedi, e itáoya kai taiyao amo dadavayana kakalave
MAT 13:54 go, kana Yeisu toinina ina kasa. Sabati goi Tauyana ina Diyuu idi kaba tugúguna goi isiu ivatowo ivaatulúkwana. Ina vatulukwanayana itogaga, tauna tomota sikainaopa sidigo kadi, ‘Amo Tauyana ina nanamsa be ina togaga guinuwa toogagaidi manudi nako ikabidi?
MAT 13:55 Iyaa! Amo Tauyana vada ana toyówana natuna tauna. Sinana tayagoi; tauyana Meri. Senao moe Yemesa, Iyosepa, Saimoni be Yuda.
MAT 13:56 Niunao liliudi ameko sikaaiyaka tayaagoidi. Tauyana kita nakae. Tauna ina nanamsa be nakae ina togaga nako ikabidi?’
MAT 13:57 Tuwo gamodi igoyo, e Tauyana sikatae. E kina go Yeisuyana idigo kana, ‘Yaubada ina tokabivalavala ana wowoina ibabane asa liliudi goi go, toinina ina kasa goi be nakae toinina ina bodayáuwo goi geya ana wowoinamo.’
MAT 13:58 Amoko goi guinuwa toogagaidi iguinuwedi go, geya sibadebadeta unana tomota geya sinumiseta.
MAT 14:1 Amo tutayana da Galili adi tolovina Erodi Yeisu ina guinuwa valena inove.
MAT 14:2 Tuwo ina pakonayao yaidi goi Yeisu manuna idigo kana, ‘Amo korotoyana moe Iyoni tosayóyova. Tokámasa yaidi goi Yaubada bogina ikaitáoe. Ame pasina tauyana itoboine guinuwa toogagaidi iguuinuwedi.’
MAT 14:3 Kina go Erodiyana ina nuwonúwana nakae Iyoni ina kámasa pasina. Iyoniyana ina kámasa ame nakae: Boi Erodiyana ina lovina goi ina tovayaviyayao sina Iyoni siyoisi, nimana aena siyowóidi, e deri goi sivaisiu siyana Pilipo monena Erodiyasi manuna.
MAT 14:4 Boi mainao Erodiyasiyana moe Pilipo monena go, kina Erodiyana siyana monena tubitubina igagi. Go kina Iyoni tuta liliuna Erodi ilaatuwoko kana, ‘Erodi, kom geya am tagonamo bei amo vavinayana kunai!’ Kina Erodiyasiyana inove, gamona igoyo, tuwo Erodi ilovina bego Iyoni deri goi sivaisiu.
MAT 14:5 Erodiyana latuwona bego Iyoni ikaumate go, boda sinuwonúwana Iyoni moe Yaubada ina tokabivalavala tayamo, tauna bodayadi imatoitedi.
MAT 14:6 E tuwo ina bíbina ana maliyalina isowóduwo, e boda sima áika manuna. Aikayana goi Erodiyasi natuna vavina isiu ima boda matadi goi iláusa go, ina lausayana Erodi ivauyaone.
MAT 14:7 Tauna woiyaiyana yaina ikatótula idigo kana, ‘Iyagoida! Kaga kukawanoiye yaigu, bei avinim.’
MAT 14:8 E woiyaiyana ina sinana ilumadade ikavava, ikaluvila ina Erodi ilatuwoko idigo kana, ‘Iyoni tosayóyova bulubuluna noko goi kudodōi kuvinīgu.’
MAT 14:9 Livalayana tolovina Erodi inove, nuwona imou go, ina katótula pasina be nakae ina ogaoga pasidi, tauna ilovina ina topaisewayao sina nakae siguinuwe.
MAT 14:10 Tuwo ina topaisewayao ietunedi sina deri goi Iyoni nukotona sibobo.
MAT 14:11 Sibobo ikavava, bulubuluna sikabi, nokoyana tobuna goi sidodoi sime woiyaiyana sivini. Tuwo ikabi inave sinana ivini. Moe pasina tauna Erodiyana itainasi inuwonúwana Yeisu moe Iyoni go, bogina itaoyamna.
MAT 14:12 Ikavava, Iyoni ina tovatotowanayao sina wowona sikabi sinave valiwoga tukubu goi siyato. Siyato ikavava, sina Yeisu silatuwoko.
MAT 14:13 E Iyoni ina tovatotowanayao idi livalayana Yeisu inove, ikabima amo dadavayana kakalave go, oga goi ametava kasowoya kakailova kasaidámana kana yoyowo tayamo goi. Go boda livala sinove bego Yeisu isaidámana, tuwo idi kasa sikalavedi aedi goi siketoiya sina Tauyana sisabokuliye.
MAT 14:14 Go kai kama kavaiu, Yeisu isou, boda gagaina igitedi inuwokapisiyedi, tuwo idi tokatowanayao ikidedevinedi.
MAT 14:15 E bogina lavilavi toina kai Yeisu ina tovatotowanayao kama Tauyana kalatuwoko kadigo kama, ‘Ame yoyowo go! Aiyuwoina níyala giyakainava bei isaliu. Neta boda kuvalilivēdi bego sina asa goi avadi sigimona.’
MAT 14:16 E kina go Yeisuyana idigo kana, ‘Tuwo, ameko sikaaiyaka. Komi kovakanīdi.’
MAT 14:17 ‘Manakaema? Ama beredi ainima be ama íyana aiyuwo, taudi go!’ kai kaema.
MAT 14:18 ‘Kokabīdi komēdi’, Tauyana kaena.
MAT 14:19 Tuwo moitamo kana kakabidi go, Yeisu boda ilovinaedi náuna goi situsobu. Ikavava, berediyadi ainima be iyanayadi aiyuwo Yeisu kai ina tovatotowanayao kavini. Tuwo ikabidi, ikandolaga yábana goi, manudi ikauyagu Yaubada yaina. Ikavava, ikivisidi, ivinima go, kai kakabidi kana kakaiguyauyedi bodayadi yaidi.
MAT 14:20 Tuwo tomota madabokidi sikáika gamodi. Sikáika ikavava, kai ina tovatotowanayaoyama valala kakatunokunokudi go, moe bayao yawou aiyuwo sikayaoda.
MAT 14:21 E kidi go tokaikayadi yaidi goi vevina be gogómana geya kakatuyaividita, go sem koroto kaka kakatuyaividi; adi badabada moe ainima tausani (5,000).
MAT 14:22 Amo ikavava, mainao kai Yeisu ina tovatotowanayao ilatuwokoima idigo kana, ‘Oga goi kosowōya, kovakūmgo kotavīla kōna ta dadava go, yau boda bei alatuwokoidi sisáwala sina idi kasa.’
MAT 14:23 Ivalavema ikavava, bodayadi ilatuwokoidi sisáwala. Ikavava, ituko koya goi anetava ikawanoi. E níyala bogina isaliu, Tauyana anetava ikaaiyaka.
MAT 14:24 E kai ina tovatotowanayaoyama oga goi kasowoya, kabéuta. Kabeubéuta go, bogina kana aduwanau, e aivaya oga sikaugavigavile. Bogina kuyagoi. Yágira matama goi.
MAT 14:25 E botomotomo goi Yeisu bwae yatana goi iketoiya imamaima.
MAT 14:26 E kai go ina tovatotowanayaoyama kakandobala Tauyana kagite bwae yatana iketoiya imamaima, tuwo kamatoita kadigo kama, ‘Baloma goamo!’ Ima matoitayana goi kapodeda.
MAT 14:27 E mainao Yeisu idigo kana, ‘Kokatepātu! Yau Tauyagu. Taabu koomatōita!’
MAT 14:28 E kina Pita idigo kana, ‘Tomoya, neta moitamo kom, e kulatuwokōigu bwae yatana goi awokoim.’
MAT 14:29 ‘Kūma!’ Yeisu kaena. Tuwo Pitayana oga goi isou go, bwae yatana goi iketoiya inonoina Yeisu yaina.
MAT 14:30 E inonoina go, yagirayana igite, imatoita, tuwo ivatowo isalili. Tutayana iisalili, iduduwo kana, ‘Tomoya, kuyavēgu!’
MAT 14:31 E kina Yeisuyana mainao nimana ibisisobu, tauyana iyoisi idigo kana, ‘Kom to moitamo geya kunumisedokoiguta ae? Kaga unana kunanayuwo?’
MAT 14:32 Ibóbwara ikavava, oga goi sisowoya go, yagirayana idaúmwara.
MAT 14:33 E kai oga ana tokaiyakoyao kasakululu Tauyana yaina kadigo kama, ‘Kom moitamo Yaubada Natuna.’
MAT 14:34 Bogina kasaidámana kana Genesareta dadavina goi kavaiu.
MAT 14:35 Kavaiu, kasou go, toni kasa sikandoiwo Yeisu sikinane, e livala sietune ina asa liliudi amo dadavayana goi bego idi tokatowanayao liliudi simedi Yeisu yaina goi.
MAT 14:36 Go sikawanoi makimaki Tauyana yaina kadi, ‘Kutagonema am kwama kikina kaka kabisikone?’ Tuwo moitamo itagonedi go, avatauwa neta sibisikone, e siboboina.
MAT 15:1 E tuta amo Parisi be nakae Yaubada ina Katukeda ana tovatulukwanayao Yerusalema goi sima Yeisu silumadade sidigo kadi,
MAT 15:2 ‘Kaga unana im tovatotowanayao tubudao idi gulagula sikapipilavedi? Tutayana bego sikáika go, nimadi geya siinikidi. Kaga unana nakae siguuinuwe?’
MAT 15:3 Go kina Yeisu idigo kana, ‘Go komi nakae. Kaga unana Yaubada ina lovina kokapipilave toinimi imi gulagula ana sabokuli pasina?
MAT 15:4 Apipilovayana manuna boi Yaubada Mosese ilatuwoko idigo kana, “Tamamiyao be sinamiyao kowowooinēdi.” Tateta 20:12; Atukeda 5:16 Aiyuwoina kana, “Avatau neta tamana o sinana igieomaemae, e to kokaumateyāmo.”
MAT 15:5 Go komi kotagona tomota tamana o sinana ilatuwoko kana, “Yabobona ame bego avinim go, geya itoboineguta avaitem unana bogina akasale Yaubada yaina.”
MAT 15:6 Tuwo tamana o sinana geya itoboineyeta iwowoine. Tauna yabobonayana geya ivinidita unana yabobonayana bogina kaasalaina. Moeko goi toinimi imi gulagula dogoi gagaina go, Yaubada ina livala dogoi besobeso.
MAT 15:7 Komi todedevimi polapola! Boi nimatu tutayana Aiseya Yaubada ina livala itaalavaite, e italavaitedokoimi, idigo kana,
MAT 15:8 “Ame tomotayadi sopadi goi siwowooinegu go,
MAT 15:9 Idi vatulúkwana moe tomota idi nuwonúwana,
MAT 15:10 Yeisu ibóbwara ikavava, boda iduduwedi sima ilatuwokoidi idigo kana, ‘Konovēgu go, kopoikīki guna livala koyagoi!
MAT 15:11 Kaga tobuda goi isiu, geya ikibaibailideta, go sem kaga tobuda goi isowóduwo, e moe ikibaibailida.’
MAT 15:12 E tuwo kai Yeisu ina tovatotowanayao kama Tauyana yaina kama, ‘Tomoya, kidi Parisi im livala sinove, gamodi igoyo.’
MAT 15:13 Go kina Yeisuyana idigo kana, ‘Náuna liliudi neta Tamagu guma yábana geya ibagulidita bei ilabudi.
MAT 15:14 Amo tauyadi kokalavēdi. Tauyadi tovakeda tokebo nakae. Neta tokebo ipoikíkina bego kebosiyana ivakede, e adi taiyuwokova bobosiu goi isouyedi.’
MAT 15:15 E Pita idigo kana, ‘Livalakaibalayana kulumavivīsi bei kayagoi.’
MAT 15:16 E Yeisu kana, ‘Komi nakae nava nukotomi geya itaporeta?
MAT 15:17 Manakae? Moe geya koyagoiyeta ae? Kaga liliuna tobuda goi sisiu, sisou sina gamoda goi namliyeta sisowóduwo sina mosamosa.
MAT 15:18 Go kaga tobuda goi siisowóduwo moe nuwoda goi sima, e moe dogoiyadi sikibaibaailida.
MAT 15:19 Tomota nuwodi goi nuwogau goyogoyoidi, aumata, roerata, masisi goyogoyoina, vaináwana, totalavaita polapola be nakae tagíwaya sisowóduwo.
MAT 15:20 Ame dogoiyadi sikibaibailidi. Go neta takáika go, nimada geya tanikidita, e moe geya ikibaibailideta.’
MAT 15:21 Yeisu itáoya kai taiyao dadavayana kakalave go, kana Taya be Saidoni adi dadava goi.
MAT 15:22 Ago amo dadavayana goi Totuyoyowo tayamo Kenani vavinaina ima Yeisu yaina iduduwo idigo kana, ‘Tomoya Devida tubuna, natugu vavina ikinagova gagaina! Kunuwokapisiyēgu!’
MAT 15:23 Go Yeisu geya ikatumapuyeta. Tuwo kai ina tovatotowanayao kama kakawanoi kadigo kama, ‘Tomoya, vavinayana mlida goi iiduduwo, tauna kuvalilīve ina.’
MAT 15:24 E Yeisu itugavila vavinayana ilatuwoko idigo kana, ‘Tamagu ietunegu ama komi Isileli tubunao amitava yaimi goi; komi tauyami sipi sulaaigidi nakae.’
MAT 15:25 E vavinayana ibala ima Yeisu matana goi aena ivatugúyala idigo kana, ‘Tomoya, kuvaitēgu.’
MAT 15:26 Go kina Yeisuyana idigo kana, ‘Geya itoboineguta gogómana avadi bei akuliuye go, alave komi weiniya yaimi.’
MAT 15:27 ‘U, moe moitamo, Tomoya go, weiniyayadi adi towosiyao idi teboro ogalaoina goi gogomanayadi avadi mgumguna sikasámdala’, vavinayana kaena.
MAT 15:28 Tuwo Yeisu idigo kana, ‘Vavina, im numisa gagaina, tauna nakae latuwom bogina isowóduwo.’ Tuwo moitamo natunayana mainao idedevina.
MAT 15:29 E Yeisu kai ina tovatotowanayao taiyao katáoya dadavayana kakalave go, kaiwo kana Galili Bwaena labutabutaina goi kavayali. Niga Yeisu ituko ina koya goi itusobu.
MAT 15:30 Iitusobu go, boda sima Tauyana yaina. Bodayadi moe topem, togoyogoyo, tokebo, maedi moumoudi be nakae tokatówana simedi Tauyana matana goi siyatoidi, e ikidedevinedi.
MAT 15:31 Tauna tutayana bodayadi sigite kidi maedi moumoudi sibóbwara, togoyogoyo sidedevina, topem siketoiya be nakae tokebo sigita, e sikainaopa go, kai Isileli tubunao ima Yaubada ina togaga ana káeyana sikamoitamoe.
MAT 15:32 E kina go Yeisu kai ina tovatotowanayao iduduwema kama ilatuwokoima idigo kana, ‘Ame bodayadi bogina maliyalina aito sikaaiyaka go, geya avadimo. Geya latuwogu madi loga alatuwokoidi sisáwala, govila bei enao goi simataginigini. Tauna anuwokapisiyedi.’
MAT 15:33 Ago kai ina tovatotowanayao kadigo kama, ‘Ame yoyowo go! Nako goi beredi takabidi nakae bei itoboineda boda gagaina ame tavakanidi sikáika gamodi?’
MAT 15:34 Go kina Yeisu idigo kana, ‘Aivina imi beredi moedi?’ ‘Geya, ainima aiyuwo go, nakae íyana giyaidi maniyedi amedi sikaaiyaka’, kai kaema.
MAT 15:35 Tuwo bodayadi ilatuwokoidi poyapoya goi situsobu.
MAT 15:36 Situsobu ikavava, berediyadi ainima aiyuwo be nakae iyanayadi ikabidi, manudi ikauyagu Yaubada yaina. Ikavava, ikivisidi, ivinima. E kai kakabidi kanavedi kakaiguyauyedi bodayadi yaidi.
MAT 15:37 Tuwo boda sikabidi, sikáika gamodi. Sikáika ikavava, valala kakatunokunokudi, bayao gagaidi ainima aiyuwo sikayaoda.
MAT 15:38 E kidi go tokaikayadi yaidi goi vevina be gogómana geya kakatuyaividita, go sem koroto kaka kakatuyaividi, adi badabada moe 4,000.
MAT 15:39 Boda sikáika ikavava, Yeisu itáoya, ilatuwokoidi sisáwala go, oga kasowoya, kakailova kana Magadani ana dadava.
MAT 16:1 Yeisu kai taiyao kama kavaiu kasou go, kidi Parisi be Sadusi maniyedi sima Yeisu sivakakone sidigo kadi, ‘Aba kinana tayamo kuvatulukōima bei kayagoi kom moitamo Yaubada goi kuma.’
MAT 16:2 E Yeisuyana idigo kana, ‘Lavilavi tutayana níyala isaliu neta yábana isabenínima, komi kami, “Itomo bei kelavaboina.”
MAT 16:3 Go nobuyana neta gaota isabenínima, e bou itáoya, komi kami, “Ame bei kelavagoyo.” E yábana ana kaigigita itoboinemi kodovatusidi bei ana yagoina koyagoi go, kaga kaga sisowóduwo tuta ame goi Yaubada iguuinuwedi adi kaigigita geya itoboinemita kodovatusidi bei adi yagoina koyagoidi!
MAT 16:4 Tomota neta goyo sinadi be nakae Yaubada situgavile, e aba kinana siiyaledi. Ago Yaubada aba kinana tayamo toito bei ivinidi go, tuwaina geya. Aba kinanayana moe Iyona.’ Ibóbwara ikavava, itáoya ikalavedi.
MAT 16:5 Yeisu kai ina tovatotowanayao kasaidámana ituli ta dadava goi kavaiu. Kavaiu, kasou go, kagite beredi kanuwoilave bego kakabi.
MAT 16:6 E kina go Yeisuyana idigo kana, ‘Ami dodōkana kidi Parisi be Sadusi idi isti goi.’
MAT 16:7 Go Yeisu ina livala katainasiye, e taumava kabobóbwara kama, ‘Nakona amo nakae ilatuwokoida unana kita beredi tanuwoilave.’
MAT 16:8 E kina Yeisuyana bogina iyagoi manakaema kanuwonúwana, tuwo idigo kana, ‘Komi to moitamo, geya konumisedokoiguta! Kaga pasina amitava kobobóbwara bego geya ami beredimo?
MAT 16:9 Nava geya koyagoiyeta ae? Manakae? Boi beredi ainima goi tomota 5,000 avakanidi, moe bogina konuwoilave ae? Nakae valala bayao goi kododoidi, bogina konuwoilave aivina sikesa ae?
MAT 16:10 Aiyuwoina boi beredi ainima aiyuwo goi tomota 4,000 avakanidi, moe bogina konuwoilave ae? Nakae valala bayao gagaidi goi kododoidi, bogina konuwoilave aivina sikesa ae?
MAT 16:11 Komi manakae geya koyagoiyeta bego beredi manuna geya abobwareta, go sem kagu, “Ami dodōkana Parisi be Sadusi idi isti goi.”’
MAT 16:12 Amoko goi bogina kayagoi geya beredi toina manuna Yeisu idigodigo geya, go sem latuwona Parisi be Sadusi idi vatulúkwana kavakilisidi.
MAT 16:13 E Yeisu kai ina tovatotowanayao taiyao kana Sesariya Pilipai ana dadava. Amoko goi Yeisu ilumadadema idigo kana, ‘Tomota sibobóbwara koonovedi manakaedi sinuuwonúwana Tomalatomota manuna?’
MAT 16:14 ‘Tomota maniyedi sidigodigo bego Tauyana Iyoni tosayóyova. Go maniyedi sidigodigo bego Tauyana Eliyau. Go maniyedi sidigodigo bego Tauyana Yeremaya o Yaubada ina tokabivalavala tayamo’, kai kaema.
MAT 16:15 Go Yeisu idigo kana, ‘Go komi manakaemi konuwonúwana yau manugu?’
MAT 16:16 E Saimoni Pita idigo kana, ‘Kom Guyau, Yaubada maa yawoina Natuna!’
MAT 16:17 E kina Yeisu idigo kana, ‘Saimoni, Iyona natuna, moe tomota geya sivatulukoimta, go sem Tamagu guma yábana ivatulukoim. Tauna am dedevina bogina kubabane.
MAT 16:18 E ame yau alatuuwokoim kunōve: Kom Pita o kada, “Lasáuna.” Go moe lasaunayana yatana goi bei yau guna totugugunayao alamgogoidi ayatoidi nakae lasáuna neta yatana vada tayowo ikasa. Ago ámasa geya itoboineyeta guna totugugunayaoyadi itogagasavedi.
MAT 16:19 Ame tuta lovina avadamane kom goi bego Yaubada ina kalibúbuna goi kom mam lovina. Tauna kaga poyapoya goi kusaanabode Yaubada yábana goi nakae isanabode. Aiyuwoina kaga poyapoya goi kuutagone Yaubada yábana goi nakae itagone.’
MAT 16:20 E tuwo kai tovatotowanayama ikatumatalima idigo kana, ‘Geya vatau tayaamo kolaatuwōko bego yau Guyau.’
MAT 16:21 Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Tonúwala Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’
MAT 16:22 Ago Pita itáoya Yeisu ikabi, adi taiyuwo sibala sina masigava goi, e Pita ivatowo Yeisu ibove idigo kana, ‘Iyaa! Guna Tomoya, moe kwalāve! Moe nakae geya iisowóduwo yaim!’
MAT 16:23 Go Yeisu itugavila, Pita matana goi idigo kana, ‘Kom im guinuwa Kaleya nakae! Kūna mligu goi kusabokuliyēgu! Kom geya kunuwonuwoneta Yaubada ina nuwonúwana manuna, go sem tomota idi nuwonúwana manuna kunuwonúwana. Tauna kom im nuwonúwana goi kupooikíkina kumatabodeebodegu!’
MAT 16:24 Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namliyeta baige kōma kosabokuliyēgu.
MAT 16:25 Moitamo. Avatauwa bego yawoidi sivagagaledi, e nava yawoidi vau bei sitagau. Go avatauwa neta yau pasigu yawoidi sitagau, e nava yawoidi vata bei sibabane.
MAT 16:26 Guna nuwonúwana ataligei. Yawoimi moe dogoi gagaina. Nakae neta poyapoya esaesaina gagaina madabokina kokabi go, yawoimi sitagau vata, e bei kaga ana dedevina? Geya. Neta yawoimi sitagau vata, geya tayaamo kaga ikaaiyaka itoboine bei yawoimiyadi kotalamapuyedi.
MAT 16:27 Moitamo. Tomalatomota Tamana ana káeyana tomoeeyalina goi bei ima ina aneroseyao taiyao, e bei tomota tamo tamo idi guinuwa goi ikatumapudi.
MAT 16:28 U, moe nakae bei isowóduwo go, ame alatuuwokoimi konōve: Tutayana Tomalatomota ima, bei ina bodao ikaliibubudi, e komi maniyemi ameko kootáoya nava bei maa yawoimi kogite.’
MAT 17:1 Maliyalina ainima tayamo mlidi Yeisu itáoya, Pita, Yemesa ma siyana Iyoni ikabidi, aditava sina koya maanawena goi situko.
MAT 17:2 Maeko goi Tauyana ana kaigigita ikanagavila, nakae maisina inínima níyala nakae go, ana kwama sivapopowou, poowoudi toina mavada tayamo nakae.
MAT 17:3 Go geya mgoninamo Mosese be Eliyau sisowóduwo tauyadi yaidi goi go, Yeisu taiyao sibobóbwara.
MAT 17:4 E kina Pita iigitedi, tuwo ikaubesobeso idigo kana, ‘Guna Tomoya, ame dedevina kita ameko takaaiyaka. Manakae? Yoyou aito ayowóidi? Tayamo kom im yoyou, tayamo Mosese ina yoyou, tayamo Eliyau ina yoyou.’
MAT 17:5 Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’
MAT 17:6 Niyanayana ina tovatotowanayao sinove, madi matoita sikanakabobo.
MAT 17:7 Tuwo Yeisu ibala ina tauyadi ibisikonedi idigo kana, ‘Kotāoya. Taabu koomatōita.’
MAT 17:8 E sitáoya, sikandobala, koroto adi taiyuwo geya sigitedita, go sem Yeisu anetava sigite ikaaiyaka.
MAT 17:9 Ikavava, koya goi sisousou go, Yeisu ilovinaedi idigo kana, ‘Kaga koogitedi taabu kotalaavaitēdi ana kadókana Yaubada Tomalatomota tokámasa yaidi goi ikaitáoe.’
MAT 17:10 Go Eliyau ina sowóduwo pasina ina tovatotowanayaoyadi adi taito silumadade sidigo kadi, ‘Go kom kam, “Guyau bei ikámasa.” Moe ana taiyakeka Guyau itoboine igimiima. Tauna kaga unana Yaubada ina Katukeda ana tovatulukwanayao sidigodigo bego Eliyau igimiima namliyeta Guyau bei ima?’
MAT 17:11 E kina Yeisuyana idigo kana, ‘Moe moitamo. Eliyau bei ima kaga liliuna iyolimedi.
MAT 17:12 Go ame alatuuwokoimi konōve: Eliyauyana bogina ima go, tomota geya sikinaneyeta, go sem kaga nakae latuwodi siguinuwe tauyana yaina, e nakae siguinuwe. Tomalatomota nakae, bei siyogedegede.’
MAT 17:13 Tuta amo goi ina tovatotowanayaoyadi adi taito bogina siyagoi moe Iyoni tosayóyova manuna ibobóbwara.
MAT 17:14 Tuwo Pita, Yemesa be Iyoni Yeisu taiyao koya goi sisou sima boda yaidi go, koroto tayamo ima Yeisu matana goi aena ivatugúyala
MAT 17:15 idigo kana, ‘Tomoya, natugu koroto ina vísiya goi ma taatavina, tauna visiyayana ibunenete. Nakae tuta maniyena ikapusi isou yeu goi go, tuta maniyena ikapusi isou bwae goi. Aiyuwoina maine bogina ame im tovatotowanayao yaidi goi bego sivaite go, geya itoboinedita sikidedevine. Tauna tauyana kunuwokapisīye.’
MAT 17:17 Go kina Yeisuyana idigo kana, ‘Komi tomota manakae? Manakae? Komi numisa geya be nakae dabami sikasa ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa bogina aatogage, tauna ava tuta bei konovegu? Tuwo, gomanayana kōme!’
MAT 17:18 Tuwo gomanayana sikabi sime Tauyana yaina goi go, dimoni ikaaiyaka gomanayana sinaena ilovinae idigo kana, ‘Dimoni, kusowōduwo!’ Moitamo isowóduwo go, gomanayana mainao idedevina.
MAT 17:19 Niga kai ina tovatotowanayaoyama ametava kama Yeisu yaina goi kadigo kama, ‘Kaga unana geya itoboinemeta amo dimoniyana kavatapiye isiya?’
MAT 17:20 E Yeisu kana, ‘Unana geya konumisadokoneta. U, moe pasina go, ame alatuuwokoimi konōve: Neta imi numisa beno kutukutuna nakiyana, itoboinemi ame koyayana kolatuwoko kami, “Kubāla kūna amoko goi”, bei ibala ina amoko goi. Aiyuwoina neta imi numisa beno kutukutunayana nakiyana, e geya kada tayaamo kaga bei imoumou yaimi. [
MAT 17:21 Ego dimoni amo nakae bóbwara kaka goi geya isiyeta, go sem awanoi goi be diyakímwana goi bei isowóduwo.]’
MAT 17:22 E kataligógana Galili goi go, Yeisu ilatuwokoima idigo kana, ‘Segowo, tomota tayamo giyakainava bei itáoya, Tomalatomota inuwotuluye tomota nimadi goi.
MAT 17:23 Ikavava, bei sikabi sikaumate go, maliyalina aitonina goi Yaubada bei ikaitáoe.’ Ame kai kanove, nuwoma imou gagaina.
MAT 17:24 E kai kama Kapaneumi goi go, Vada Kimaasabaina ana takisi ana togogoyao sima Pita yaina sidigo kadi, ‘Imi tovatulúkwana Vada Kimaasabaina ana takisi itakisi gea geya?’
MAT 17:25 ‘U’, Pita kaena. Go isiu vada goi, Yeisu mainao idigo kana, ‘Saimoni, manakaem kunuwonúwana? Poyapoya ana tolovinao nako goi idi takisi sikabidi, toinidi natudiyao gea ituli ta boda yaidi goi?’
MAT 17:26 E Pitayana idigo kana, ‘Ituli ta boda goi.’ Tuwo Yeisu idigo kana, ‘Tauna natudiyao geya sitakisita. Kita nakae tokalibúbuna natunao, tauna geya tatakisita.
MAT 17:27 Go tuwo, kuīwo kūna bwae goi im bani kulāve. Ava íyana mainao kugimibiu, e kukābi, tobuna kukikatanāi, bei mani tayamo kubabane. Maniyana kwābi kunāve Vada Kimaasabaina ana takisi ana togogoyaoyadi kuvinīdi kom be yau ida takisi manuna, govila bei tagiegamogamoguyedi.’
MAT 18:1 Tuta amo goi kai ina tovatotowanayao kama Yeisu yaina kadigo kama, ‘Yaubada ina bodayáuwo liliudi ina kalibúbuna sinaena goi sikaaiyaka go, yaidi goi avatau toolagaina?’
MAT 18:2 Tuwo Yeisu gómana tayamo iduduwe ima, e matama goi ivatáoe,
MAT 18:3 idigo kana, ‘Ame gómana tayamo go, ame alatuuwokoimi konōve: Imi sinapu kokaigavilēdi bei komalagogómana. Go geya, e geya itoboinemita Yaubada ina kalibúbuna sinaena goi kosiu.
MAT 18:4 Tauna avatauwa neta sinuwotokai ame gomanayana nakae, e tauyadi toolagaidi Yaubada ina kalibúbuna sinaena goi.
MAT 18:5 Avatauwa neta toosobudi gómana ame nakae yau yoigu goi siiuyaone, e yau nakae siuyaaonegu.
MAT 18:6 Go avatauwa neta tayamo toosobuna guna tonumisayao yaidi goi sivakapusiye, e liuna gagaina toina bei sibabane. Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa dimówana goi sisou sisalili, moe liuna giiyaina, go sem Yaubada ina liuna bei gagaina.
MAT 18:7 O komi da poyapoya ami toovalugo unana imi kaba kapusi badabadaidi sikaaiyaka. Moitamo aba kapusi bei sisowóduwo yaimi go, avatauwa neta tovakapusi, adi toovalugo toina unana idi liuna gagaina toina bei sibabane!
MAT 18:8 E, ava nímana o ava káena ami píkwana ana toyomátula, e kokūpo kokalāve. Neta ma nimakuuponimi o nakae ma kaekuuponimi go, yawoimi vata kobabane, e moe dedevina, go sem neta ma nimayuwoyuwoimi o ma kaeyuwoyuwoimi silavemi kosou yeu aiyako vaatayaina goi, e moe igoyo toina.
MAT 18:9 Matami nakae. Ava mátana ami píkwana ana toyomátula, e kokipōsi kokalāve. Neta mata tayataya go, yawoimi vata kobabane, e moe dedevina, go sem neta mata yuwoyuwo sikabimi silavemi kosou asagabugabu sabeninimina goi, e moe igoyo toina.
MAT 18:10 Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi aneroseyao tuta liliuna Tamagu guma yábana matana goi sikaaiyaka. [
MAT 18:11 Moitamo. Tomalatomota ima bego tauyadi tosuláiga iyavedi.]
MAT 18:12 Manakaemi konuwonúwana? Neta koroto tayamo mana sipi adi badabada 100 go, tayamo itagau, bei kaga iguinuwe? Ina sipi 99 deedevidi koya goi bei ikalavedi sikaaiyaka go, ina ina sipi taagáuna ilusale ae?
MAT 18:13 Ame alatuuwokoimi konōve: Neta sipiyana ibabane, sipiyana manuna bei iuyáwana gagaina toina namliyeta sipiyadi 99 deedevidi manudi.
MAT 18:14 Tauna nakae Tamada guma yábana geya latuwona bego kidi nuwotokaidiyadi yaidi goi tayamo itagau.’
MAT 18:15 Tuwaina Yeisu kana, ‘E, neta siyami goyo iguinuwe yaimi, tauyana kokābi amitava, e kokamamaetāli. Neta inovemi, e moe dedevina. Siyami bogina kobuvile ima Yaubada ina bodayáuwo goi.
MAT 18:16 Go neta geya inovemita, e tonumisa tayamo o adi taiyuwo kokabīdi kōna tauyana kogīte bego tauyadi itoboinedi imi wowókana sikamoitamoe. Moeko goi Yaubada ina Katukeda bogina kokabikaone. Atukedayana kana, “Totalavaita adi taiyuwo o adi taito goi itoboine tomota ina wowókana takamoitamoedi.”
MAT 18:17 Go neta tobagalayana geya inovemita, e Yaubada ana totugugunayao kolatuwokōidi tauyana manuna. Go neta Yaubada ana totugugunayao nakae geya inovedita, e tauyana kovayōko kina Totuyoyowo o takisi ana togogo nakae.
MAT 18:18 U, moe nakae koguinūwe go, ame alatuuwokoimi konōve: Kaga poyapoya goi kosanabode, e Yaubada yábana goi nakae isanabode. Aiyuwoina kaga poyapoya goi kotagone, e Yaubada yábana goi nakae itagone.
MAT 18:19 U, moe nakae go, ame alatuuwokoimi konōve: Neta ami taiyuwo poyapoya goi imi nuwonúwana tayamo kokawanoi dogoi tayamo manuna, e Tamagu guma yábana nakae bei iguinuwe komi manumi.
MAT 18:20 Moitamo. Neta ami taiyuwo o ami taito yoigu goi kootugúguna bei kokaawanoi, yaimi goi bei akaaiyaka.’
MAT 18:21 E tuwo Pita ima Yeisu ilumadade idigo kana, ‘Tomoya, neta siyagu tuta liliuna goyo iguuinuwe yau yaigu, e sivavina itoboinegu ina goyo anuwotaoidi? Neta ana badabada sivanima sivayuwo moe itoboine gea geya?’
MAT 18:22 Go kina Yeisu idigo kana, ‘Sivanima sivayuwo geya, go sem kunuwotaovāta.
MAT 18:23 Nuwotao ame nakae Yaubada ina bodayáuwo itoboinedi ina kalibúbuna sinaena goi. Ame tolovina tayamo tetelina nakae. Tolovinayana latuwona bego ina pakonayao toolagaidi idi rowaga tauyana yaina goi igogo.
MAT 18:24 E ivatowo go, tolovina ina tovayaviyayao ina pákwana toolagaina tayamo sime ina rowaga ivakaigaga toina, nakona aivina miliyoni nakae.
MAT 18:25 Go geya itoboineyeta ina rowaga iyotuli, tauna ina tomoyayana ilovina bego ina tovayaviyayao sina tauyana ma monena be natudiyao be nakae konadiyao liliudi sikaigimonedi, kidi ituli ta tomota idi pakonayao go, maisadi sikabi sime tomoyayana sivini. Moe bego kina ina pakwanayana ina rowaga ana yótula.
MAT 18:26 Tuwo ina pakwanayana inove, tauna ikanakabobo ikawanoi ina tomoyayana yaina goi idigo kana, “Guna tomoya, kutuyāwata go, kaga liliuna nava bei ayotuli!”
MAT 18:27 E tomoya ina pakwanayana igite, tuwo inuwokapisiye, tauna tauyana ana mou goi italigei be nakae ina rowaga goi inuwotao.
MAT 18:28 E amo pakoninayana isowóduwo ina go, ina tosavaiyuwo tayamo ibabane. Tosavaiyuwoyana ina rowaga paakonina yaina moe tupwana, nakae 100. E ina tosavaiyuwo ibabane, nukotona iyoisi, imelu go, idigo kana, “Im rowaga yau yaigu ame tuta kuyotūli!”
MAT 18:29 Tuwo tosavaiyuwoyana ikanakabobo ikawanoi makimaki pakoninayana yaina goi idigo kana, “Siyagu, kumesayágana go, kaga liliuna nava bei ayotuli.”
MAT 18:30 Go pakoninayana tuyáwata ikatae, go sem itáoya ina tovayaviyayao yaidi goi ina tosavaiyuwoyana italavaite. Tuwo sima siyoisi sibiusalesale sinave deri goi silave isiu go, ikaiyaka ana kadókana itoboine ina rowaga iyotuli.
MAT 18:31 Tauna pakoninayana ina tosavaiyuwo maniyedi sikaaiyaka, siyadi ina guinuwa liliuna sigite. Tauna sikategeda gagaina. Tuwo sina idi tomoya yaina goi kaga liliuna iisowóduwo sigite sitalavaite.
MAT 18:32 E tuwo idi talavaitayana inove, pakoninayana iduduwe ima ibove idigo kana, “Kom guna pákwana goyogoyoim! Boi im rowaga madabokina goi anuwotaoim unana kom kukawanoi makimaki yau yaigu.
MAT 18:33 Manakae? Itoboine im tosavaiyuwo paakonina kunuwokapisiye nakae boi yau nakae anuwokapisiyem?”
MAT 18:34 Tuwo tomoyayana mana egamogamogu ina deri ana tomatakavatayao iduduwedi sima ilatuwokoidi idigo kana, “Ame pakoninayana koyōisi, konāve deri goi kovaisīu koliūne. Amoko goi bei ikaaiyaka ana kadókana ina rowaga madabokina iyotuli.”
MAT 18:35 Tauna nakae neta komi tamo tamo atemi goi semiyao geya konuwotaoidita, e liunayana nakae Tamagu guma yábana bei iguinuwe komi yaimi.’
MAT 19:1 Tutayana Yeisu ina bóbwara ilukavavedi, itáoya kai taiyao Galili kakalave go, kana sákala Iyoridani goi kasaidámana kana bomatu dadavina, e kanonoina Yudiya ana dadava manuna.
MAT 19:2 Go boda gagaina sima Tauyana sisabokuliye. Amoko goi idi tokatowanayao ikidedevinedi.
MAT 19:3 Ago Parisi maniyedi sima bego Yeisu sikatutao, sidigo kadi, ‘Manakae? Ida lovina goi neta koroto tayamo nakonakae latuwona, mana tagona monena ivaisobuyebeso gea geya?’
MAT 19:4 Go kina Yeisu idigo kana, ‘Iyaa! Ana kaigigita nakona ida buki goi geya kokatuyaiviyeta bego tuta ana kaba vatowo goi tomolúluwo tomota iwodugudi, kana, “Tomotayadi koroto be vavina iwodugudi.”
MAT 19:5 Moe pasina Yaubada idigo kana, “E tauna moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.”
MAT 19:6 Tauna geya tuwaina kada tauyadi tomota adi taiyuwo, go sem ame tuta tauyadi wowodi tayamo. Tauna avatauwa neta Yaubada nai goi ivatuyuwedi, e tomota taabu sivatumaasabēdi.’
MAT 19:7 Go kidi Parisiyadi sidigo kadi, ‘Go kaga unana tauna Mosese lovina tayamo tubudao ivinidi bego koroto tayamo neta latuwona monena ivaisobuye, e ana katae igini. Ikavava, monenayana ivini, ivaisobuye?’
MAT 19:8 Go kina Yeisu idigo kana, ‘Imi dabakasa pasina Mosese itagonemi monemiyao kovaisobuyedi. Go boi nimatu tuta ana kaba vatowo goi, e moe nakae geya.
MAT 19:9 E ame alatuuwokoimi konōve: Ava koroto neta monena geya iroerateta go, ivaisobuyebeso bego inaidámana ituli ta vavina yaina, e bogina iroerata.’
MAT 19:10 Go kai tovatotówana kadigo kama, ‘Tomoya, neta nai ana lovina nakae, e itoboine koroto vavina bei taabu sinaināi.’
MAT 19:11 Go Yeisu kana, ‘Moe nuwonuwanayana nai manuna tomota liliudi geya itoboinedita siuyaone bei siguinuwe, go sem avatauwa neta Yaubada ina togaga ivinidi, e tauyadi aditava itoboinedi nuwonuwanayana siuyaone bei siguinuwe.
MAT 19:12 Koroto maniyedi adi bíbina kunu goi geya kutukutudimo, tauna nai odi ikai. Aiyuwoina koroto maniyedi kutukutudi tomota sikabidi, tauna nai odi ikai. Ago koroto maniyedi latuwodi bego Yaubada ina kalibúbuna manuna sipaisewa, tauna toinidi nai sitoto. Avatauwa itobooinedi, e ame livalayana siuyaōne bei siguinuwe.’
MAT 19:13 E tuwo tomota maniyedi natudiyao giyaidi simedi Yeisu yaina goi bego dabadi iyoisidi be manudi ikawanoi Yaubada yaina. E kai go ina tovatotowanayao katáoya tomotayadi kabowoidi kama, ‘Taabu kononōina Yeisu yaina.’
MAT 19:14 Go kina Yeisu kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae Yaubada ina kalibúbuna sinaena goi bei sisiu.’
MAT 19:15 Tuwo gogomanayadi dabadi iyoisidi ikawanoi Yaubada yaina bego ikaipakuyedi. Ikavava, itáoya ikabima amo dadavayana kakalave kana.
MAT 19:16 Kai kaaketoiya go, koroto tayamo ima Yeisu yaina goi idigo kana, ‘Tovatulúkwana, ava guinuwa dedevina aguuinuwe bei yawoigu vata ababane?’
MAT 19:17 ‘Kaga unana kulumadadegu kaga dedevina manuna? Todedevina anetava. Go neta latuwom yawoim vata kubabane, e Tauyana ina lovina kukabikaonēdi’, Yeisu kaena.
MAT 19:18 Tuwo korotoyana idigo kana, ‘Ava lovinava?’ E kina Yeisu idigo kana, ‘Ame lovinayadi Yaubada ilatuwokoida takabikaonedi, kana, “Taabu kokaaumāta. Taabu korooerāta. Taabu kovaaināwana. Taabu kotalavaita polapōla.
MAT 19:19 Tamamiyao be sinamiyao kowowooinēdi.” Tateta 20:12-16; Atukeda 5:16-20 Aiyuwoina kana, “Siyami komataakoīye nakae toinimi komatakooiyemi.”’
MAT 19:20 Tuwo tubuwauyana idigo kana, ‘Moe lovinayadi madabokiidi bogina akabikaaonedi go, kaga nava akiseyeseye?’
MAT 19:21 Yeisuyana idigo kana, ‘Neta latuwom Yaubada matana goi kumatuwo, e kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’
MAT 19:22 E kina tubuwauyana Yeisu ina livala inove, mana nuuwomou ina. Bogina kuyagoi. Tauyana konana badabadaidi go, nukotona iyoi.
MAT 19:23 E kina go Yeisu kai ina tovatotowanayao ilatuwokoima idigo kana, ‘U, amo tauyana nuwona imou go, ame alatuuwokoimi konōve: Kidi toesaesa idi siu Yaubada ina kalibúbuna goi moumou isaki.
MAT 19:24 E aiyuwoina ame alatuuwokoimi konōve: Kameri yoguyogu gagaina, tauna geya itoboineyeta siláluma taporaina goi isiu ae? Ago toesaesa nakae. Bego Yaubada ina kalibúbuna sinaena goi toinidi sisiu go, geya itoboinedita, geya toina.’
MAT 19:25 E Yeisu ina livalayadi kanovedi, pasidi nukotoma siwówana gagaina toina, tauna kadigo kama, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
MAT 19:26 E Yeisu iipotema go, idigo kana, ‘Tomota yaidi goi moe geya itoboineyeta, go sem Yaubada yaina goi kaga liliuna sikakapu.’
MAT 19:27 E tuwo kina Pita idigo kana, ‘Go kai bei manakaema? Kai kaga liliuna yaima bogina kakalavedi go, kama kasabokuuliyem, tauna kai bei kaga kababane?’
MAT 19:28 E kina go Yeisuyana idigo kana, ‘Moitamo konami liliudi bogina kokalavedi go, ame alatuuwokoimi konōve: Nava bei Yaubada kaga liliuna iyolimedi. Amo tutayana Tomalatomota kebana esaaesaina aba taimámina goi bei itusobu ina bodayáuwo ikalibubudi. Ago komi nakae kébana esaaesaidi yawou aiyuwo goi bei kotusobu, Isileli tubunao adi dala yawou aiyuwo bei kokalibubudi.
MAT 19:29 Ago avatau neta ina vada o senao o niunao o tamanao o sinanao o natunao o ina kaba lovina ikalavedi yau yoigu pasina, e ana katumapu ivakaigaga toina bei ibabane be nakae yawoina vata bei ibabane.
MAT 19:30 E badabadaidi ame tuta toolagaidi go, nava bei tauyadi toosobudi. Badabadaidi ame tuta toosobudi go, nava bei tauyadi toolagaidi.’
MAT 20:1 Tuwaina Yeisu kana, ‘Moe moitamo. Vaiwówana ana kaiguyau ituli aiyako Yaubada ina kalibúbuna sinaena goi. Aiyakoyana tétala ame nakae: Koroto tayamo ikaaiyaka, tauyana toni poyapoya. E nobuyana nava matagougouna itáoya ina asa goi topaisewa ilusala bei ina oine tanuina goi sipaisewa.
MAT 20:2 E maniyedi ibabanedi ilatuwokoidi idigo kana, “Neta ame kopaisewa, mani tayamo goi bei aemaisimi.” E kidi sitagona, tuwo ietunedi sina ina tanuwoyana goi sipaisewa.
MAT 20:3 Níyala tupwana ituko, aiyuwoina tauyana itáoya ina asa goi bego topaisewa tuwaina ilusala. Ima ikandobala, tomota maniyedi igitedi moteo goi sikaiyako beso.
MAT 20:4 Tuwo amo tauyadi ilatuwokoidi idigo kana, “Komi nakae kōna guna tánuwo kopaisēwa go, ava maisa itoboine, bei avinimi.” E moitamo sitagona, tuwo sina ina tánuwo goi sipaisewa.
MAT 20:5 E dine goi be nakae lavilavi goi nakae. Korotoyana itáoya ina asa goi nakae iguinuwe.
MAT 20:6 E lavilavi toina goi tauyana itáoya, ina asa goi topaisewa tuwaina ilusala. Ilusala, maniyedi ibabanedi sikaiyako beso. Tuwo ilatuwokoidi kana, “Kaga unana maliyalina ana madabokina komi ameko goi kokaiyako beso?”
MAT 20:7 Tauyadi sidigo kadi, “Geya, unana geya vatau tayaamo ilatuwokoima kapaisewa.” Korotoyana idigo kana, “Komi nakae kotāoya kōna guna tánuwo goi kopaisēwa.” Tuwo moitamo sina sipaisewa.
MAT 20:8 E níyala giyakainava isaliu, toni tánuwo ina paisewa ana tovakumgo iduduwe ima ilatuwoko idigo kana, “Topaisewa kududuwēdi sima kuemaisīdi go, im emáisa továmliya goi kuvatōwo ina tovakumgo goi kulukavāve.”
MAT 20:9 Tuwo moitamo topaisewayadi iduduwedi sima go, tovamliyayadi iemaisidi, mani tayamo.
MAT 20:10 Ago tutayana tovakumgoyadi sima, sinuwonúwana bego tuwaina bei sikabi go, geya; adi maisa tauna nakae. Tamo tamo mani tayamo sikabi.
MAT 20:11 Go tutayana adi maisa sikabi, e sikaukulukúluwo toni poyapoyayana yaina
MAT 20:12 sidigo kadi, “Kai maliyalina ana madabokina goi paisewa gagaina kaguuinuwe be nakae níyala gagaina goi kapaaisewa go, kidi továmliya awa tayamo toito goi sipaisewa. Ago kom im guinuwa yaima goi madabokima kavavasa.”
MAT 20:13 E kina toni poyapoyayana tokaukulukúluwo tayamo ilatuwoko kana, “Siyagu, geya abagalimta geya. Kom toinim kutagona mani tayamo manuna kupaisewa ae?
MAT 20:14 Im mani moe kwābi, kūna. Go yau latuwogu bego továmliya tamo tamo adi mani avinidi nakae bogina avinimi.
MAT 20:15 Manakae? Itoboinegu toinigu konagu manuna alovina, gea geya? O nakona yau tokaiguyau, tauna kuvakipikipi unana kom topiki?”
MAT 20:16 Tauna nakae kidi ame tuta toosobudi, e nava bei toolagaidi go, kidi ame tuta toolagaidi, e nava bei toosobudi.’
MAT 20:17 Yeisu kai ina tovatotowanayao yawou aiyuwo ikabima, katuko kanonoina Yerusalema manuna go, enao goi ametava ilatuwokoima, idigo kana,
MAT 20:18 ‘Konovēgu. Ame tuta tatukotuko Yerusalema manuna go, maeko goi tomota tayamo bei itáoya Tomalatomota inuwotuluye Tonúwala Gagaidi be nakae Yaubada ina Katukeda ana tovatulukwanayao nimadi goi, gobe Tauyana sitakino ámasa goi.
MAT 20:19 Sitakino ikavava, bei sikabi, Totuyoyowo nimadi goi siyato. Ago kidi Totuyoyowoyadi bei sivaponuponuye, sidabi be nakae kerose goi situpatuko ikámasa. Ikámasa go, maliyalina aitonina goi Yaubada ikaitáoe.’
MAT 20:20 E tuwo Sebedi monena ma natunao sima Yeisu yaina go, vavinayana aena ivatugúyala; latuwona ikawanoi tayamo dogoi manuna.
MAT 20:21 ‘Kaga latuwom?’ Yeisu kaena. Vavinayana idigo kana, ‘Tutayana im tuta alibúbuna, kom kulovīna bego yau natugowo adi taiyuwo situsobu kébana dedevidi kikim, tayamo kakataim go, tayamo kekelim.’
MAT 20:22 Go natunao adi taiyuwo kina Yeisu ilatuwokoidi idigo kana, ‘Imi kawanoi ana yagoina komi geya koyagoiyeta. Gedageda keigaina goi bei anim go, manakae? Komi nakae itoboinemi konim gea geya?’ Kidi sidigo kadi, ‘Itoboinema kanim.’
MAT 20:23 Yeisu idigo kana, ‘Moitamo, yau guna keiga goi bei konim. Go yau geya agu lovinamo alovina bego avatau kakataigu o kekeligu goi itusobu, go sem aba tusobuyadi Tamagu bogina ikatubayasidi tauyadi kiinavaidi manudi.’
MAT 20:24 Ago tutayana kai tovatotówana yawou kanove kaga semao sikawaanoiye, e kaegamogamoguyedi.
MAT 20:25 E kina go Yeisuyana itáoya, kai yawou aiyuwo iduduwema kama, idigo kana, ‘Bogina koyagoi bego Totuyoyowo adi tolovinayao siilovina makimaki Totuyoyowoyadi yaidi goi. Nakae toolagaidi idi lovina toogagaina siguuinuwe makimaki tomota yaidi.
MAT 20:26 Ago komi yaimi moe nakae geya, go sem avatauwa yaimi goi bego toolagaidi, tauyadi itoboinedi komi ami tovaitayao nakae silovina.
MAT 20:27 Nakae avatauwa yaimi goi bego toosakidi, tauyadi itoboinedi idi lovina goi komi yaimi imi pakonayao nakae.
MAT 20:28 Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’
MAT 20:29 Niga Yeisu kai ina tovatotowanayao taiyao katáoya, Yeriko kakalave kanonoina go, boda gagaina Yeisu sisabookuliye.
MAT 20:30 Ago tokebo adi taiyuwo enao kikina goi siitusobu go, vala sinove bego Yeisu iketoiya ivaatabale. Tuwo siiduduwo sidigo kadi, ‘Tomoya Devida tubuna, kunuwokapisiyēma!’
MAT 20:31 Go kidi bodayadi siibowoidi kadi, ‘Komi komaigāu!’ Go kidi tokeboyadi tuwaina siiduduwo kadi, ‘Tomoya Devida tubuna, kunuwokapisiyēma!’
MAT 20:32 Tuwo Yeisu itáoya, adi taiyuwokova iduduwedi sima idigo kana, ‘Kaga go bei avekoimi?’
MAT 20:33 Tuwo tauyadi sidigo kadi, ‘Tomoya, bego matama sidedevina.’
MAT 20:34 E tuwo Yeisu mana nuwokapisi ibisibala adi taiyuwokova matadi ibisikonedi go, mainao sigita dókana, e sitáoya sivatowo Yeisu sisabokuliye.
MAT 21:1 E tutayana bogina kama Yerusalema goi kavakakana, e kama asa Betapegi Oribe Koyaina papanaina goi. Go kai Yeisu ina tovatotowanayao yaima goi adi taiyuwo ivamoleyedi sina asa goi.
MAT 21:2 Go mainao ilatuwokoidi idigo kana, ‘Kōna asa amo matada goi kosīu go, mainao ase bovavina ma boonatuna siikonidi bei kobabanedi. Aseyana ma bonatuna kotaligēidi komēdi yau yaigu.
MAT 21:3 Avatau neta ilumadademi, komi kodīgo kami, “Tomoya latuwona iepaisewedi.” E mainao bei ietunedi sima.’ E moitamo adi taiyuwokova sina.
MAT 21:4 E ame dogoiyana isowóduwo bego Yaubada ina tokabivalavala ina talavaita bei imalatomotamna. Tokabivalavalayana idigo kana,
MAT 21:5 ‘Natugu Saiyoni kolatuwōko kami,
MAT 21:6 E adi taiyuwokova sina siguinuwe nakae Yeisu bogina ilatuwokoidi.
MAT 21:7 Sina aseyana ma boonatuna sikabidi simedi go, adi tanigo sivalilividi aseyadi toludi goi sisekulidi. Ikavava, Yeisu ase bonatunayana goi itulaga.
MAT 21:8 E kidi go boda gagaina sima adi tanigo sivalilividi enao goi sieveidi go, maniyedi sina alova gigidi siutudi simedi enao goi sieveidi.
MAT 21:9 E kidi go bodayadi sima Yeisu sivaakitau, maniyedi matana goi, maniyedi mlina goi. Sivaakitau go, siiduduwo kadi,
MAT 21:10 Yeisu ima Yerusalema goi isiu, e asa madabokina itátava go, boda sidigo kadi, ‘Amo Tauyana vatau?’
MAT 21:11 E kidi go bodayadi kadi, ‘Amo Yeisu; Tauyana tokabivalavala tayamo guma Nasareta Galili sinaena.’
MAT 21:12 Yeisu ina Vada Kimaasabaina ina kali goi isiu tokaigimona be togimona madabokidi ivatapiyedi sisiya. Ago mani ana totalamapuyao idi teboro be bunabuna adi tokaigimonayao idi kaba tusobu nakae ikausepaledi.
MAT 21:13 Ikavava, ilatuwokoidi idigo kana, ‘Gínina Kimaasabaina Yaubada manuna italavaita, idigo kana, “Guna vada moe vada aba kawanoi.” Aiseya 56:7 Go komi koyatako tovaináwana idi kaba tamumu.’
MAT 21:14 Ibóbwara ikavava, tokebo be topem maniyedi sima Vada Kimaasabaina ana kali goi, e Yeisu ikidedevinedi.
MAT 21:15 E kidi Tonúwala Gagaidi be Yaubada ina Katukeda ana tovatulukwanayao maniyedi sikaaiyaka Yeisu aba kainaopa iguuinuwedi sigitedi. Nakae gogómana Vada Kimaasabaina ana kali goi idi duduwo sinovedi kadi, ‘Devida Tubuna takilagāsi!’ Tuwo gamodi igoyo,
MAT 21:16 Yeisu silatuwoko, sidigo kadi, ‘Amo tauyadi kunovedi kaga sidigedige manum gea geya? Kusanabodēdi!’ E kina go Yeisuyana idigo kana, ‘U, bogina anovedi! Go manakae? Ame tomwanayana manugu bogina konuwoilave ae? Tomwanayana kana,
MAT 21:17 Yeisu ibóbwara ikavava, ikalavedi go, kai ina tovatotowanayao taiyao asayana goi kasowóduwo kana asa Betani goi kamasisi.
MAT 21:18 E vanuwo itomo, kaluwoboi kakaluvilamna kana Yerusalema go, kanonoina Yeisu loga ikámasa.
MAT 21:19 Tuwo ikandobala enao kikina goi lao tayamo igite, ibala ina ikandolaga go, geya ikeuwoita, go sem vaga kaka sikaaiyaka. Tuwo ikatubolate idigo kana, ‘Geya tuwaina bei kukeuwōmna, ame tuta be nakae tuta simamaima!’ Tuwo mainao alovayana ivadiwówana.
MAT 21:20 Go ina vadiwowanayana kai ina tovatotowanayao kagite, nuwoma iwówana kama, ‘Iyaa! Laoyana manakae mainao ivadiwówana?’
MAT 21:21 E kina Yeisuyana idigo kana, ‘U, nakae isowóduwo go, ame alatuuwokoimi konōve: Neta mami numisa go, geya konanayuwoita, e kaga bogina aguinuwe laoyana yaina goi, itoboinemi nakae koguinuwe. Go tuwaina bei itoboinemi koya ame kolatuwoko kami, “Yaubada ikabim ilavem kusōu négwasa goi.” E nakae bei isowóduwo.
MAT 21:22 Tuwo kaga liliuna kokawaanoiye Yaubada yaina, bei kobabane neta konumisa.’
MAT 21:23 E kaketoiya kama Vada Kimaasabaina ana kali goi kasiu go, Yeisu ivatowo ivatulúkwana. Ivaatulúkwana go, kidi Tonúwala Gagaidi be tomota idi tomoyamoya sima Tauyana silumadade sidigo kadi, ‘Avatau ina lovina goi moe guinuwayadi kuguuinuwedi? Nakae avatau itaagonem kuguuinuwedi?’
MAT 21:24 Go kina Yeisu idigo kana, ‘Yau nakae lumadádana tayamo alumadademi. Neta kokatumapu, e yau nakae bei alatuwokoimi avatau ina lovina goi ame guinuwayadi aguuinuwedi.
MAT 21:25 Guna lumadadanayana ame nakae: Iyoni ina sayóyova moe Yaubada ina lovina goi gea tomota idi lovina goi?’ E kidi aditava sibobóbwara sidigo kadi, ‘Bei manakaeda? Neta kada, “Yaubada goi”, e Tauyana bei kana, “Moe moitamo! Tauna kaga unana geya konumiseyeta?”
MAT 21:26 Go neta kada, “Tomota goi”, e ame bodayadi tamatooitedi seki kaga bei sivekoida. Boda liliudi sinuwonúwana Iyoni tokabivalavala tayamo.’
MAT 21:27 Tuwo Yeisu silatuwoko sidigo kadi, ‘Geya kayagoiyeta avatau ina lovina goi.’ Go kina Yeisu nakae idigo kana, ‘Yau nakae geya alatuwokoimita avatau ina lovina goi ame guinuwayadi aguuinuwedi.’
MAT 21:28 E aiyuwoina Yeisu ibobwaramna idigo kana, ‘E tétala ame konōve go, manuna konuwolelēu: Koroto tayamo natunao koroto adi taiyuwo go, ina ina botomoya ilatuwoko idigo kana, “Natugu, kutāoya, ame tuta kūna oine tanuina goi kupaisēwa.”
MAT 21:29 “Ogu ikai”, botomoyayana kaena. E niga go nukotona ikatuvilavila, tuwo moitamo ina ipaisewa.
MAT 21:30 E korotoyana ina bogomane nakae ilatuwoko. “Tamagu, dedevina. Bei ana”, bogomaneyana kaena. Niga go geya ina ipaiseweta.
MAT 21:31 Adi taiyuwokova yaidi goi avatau tamana ina nuwonúwana iguinuwe?’ Kidi sidigo kadi, ‘Kina botomoya.’ Tuwo Yeisu idigo kana, ‘U, moe kina botomoya go, ame alatuuwokoimi konōve: Toogoyoidi, moe kidi takisi adi togogo be nakae tomatagogoli, Yaubada ina kalibúbuna sinaena goi bei sisiu go, komi masa bei kosiu.
MAT 21:32 Moe moitamo. Iyoni iwo yaimi goi anasíuna ana kibóbwata italavaite go, komi geya konumiseyeta. Go kidi takisi adi togogo be nakae tomatagogoli sinumise. E komi matami goi amo kogite go, tuwo niga komi geya kotugavileta be tauyana konumise.’
MAT 21:33 Yeisu livalakaibala aiyuwoina ivinidi idigo kana, ‘Livalakaibala aiyuwoina konōve. Toni tánuwo tayamo ikaaiyaka. Ina tanuwoyana goi oine kaka ibaguli. Ibaguli ikavava, gurewa ikabidi tanuwoyana ana kali ikaudakodako. Ikavava, bobosiu ieli. Amoko goi oine ana kaba vavetaveta iwodugu. Iwodugu ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo kidi tokatoguyadi sikaaiyaka tánuwo sipaaisewa go, kina toni tanuwoyana itáoya ina ituli ta dadava.
MAT 21:34 E tutayana dibayoya ana tuta isowóduwo, toni tanuwoyana ina pakonayao ietunedi sina tánuwo ana tokatoguyao yaidi goi bego tánuwo ana takona oine sikabidi simedi.
MAT 21:35 Simamaima go, kidi tokatoguyadi sitáoya, ina pakonayaoyadi siyoisidi, tayamo sidabiyamo, aiyuwoina sikaumate, aitonidi gurewa goi sikaumate.
MAT 21:36 Aiyuwoina tuwaina ina pakonayao tupwana badabadaidi ietunedi sina go, kidi tokatoguyadi sitáoya, e nakae liliudikova sikaumatedi.
MAT 21:37 Aba lukavava goi toni tanuwoyana inuwonúwana kana, “Tuwo bokoyo natugu bei aetune ina. Nakona bei tauyana sigite odi imayamaya.” Tuwo moitamo natunayana ietune ina.
MAT 21:38 E kidi go tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”
MAT 21:39 Tuwo moitamo tauyana ima kikidi, e siyoisi silave ina takiki goi sikaumate.’
MAT 21:40 Livalakaibala ilukavave, Tonúwala Gagaidiyadi ilumadadedi idigo kana, ‘Tauna tutayana tomoyayana, moe toni tánuwo, bei ima, kaga bei iguinuwe amo tokatoguyadi yaidi goi?’
MAT 21:41 Tonúwala Gagaidi be nakae Diyuu idi tomoyamoya sidigo kadi, ‘Amo togoyoidiyadi bei ilokaumatematedi go, ituli ta tokatogu dedevidi bei itagonedi tanuwoyana simatakavate. Amo tokatoguyadi dibayoya ana tuta bei sitakona.’
MAT 21:42 Kina Yeisu idigo kana, ‘Moe moitamo go, manakae? Ame tomwanayana Gínina Kimaasabaina goi konuuwaisi gea geya? Tomwanayana Guyau manuna idigo kana,
MAT 21:43 Komi nakae. Yaubada Natuna kokatae. Tauna ame alatuuwokoimi konōve: Yaubada ina kalibúbuna bei ikuliuye yaimi go, ituli ta boda bei ikalibubudi, bodayadi moe Totuyoyowo. Tauyadi bei kéuwo dedevina goi sikéuwo. [
MAT 21:44 Avatau neta isou ame gurewayana goi, bei ivatuguguyali. Avatau neta yatana goi gurewayana isou, bei ikauvetevete.]’
MAT 21:45 Tuwo ina livalakaibalayadi kidi Tonúwala Gagaidi be nakae Parisi sinovedi, bogina siiyagoi bego tauyadi iidigedi.
MAT 21:46 Tuwo enao siilusala bei Yeisu siyoisi go, boda simatoitedi unana sinuwonúwana Tauyana Yaubada ina tokabivalavala tayamo, tauna nakona kaga bei sivekoidi.
MAT 22:1 Kina Yeisu aiyuwoina ilivalakaibalamna Tonúwala Gagaidi be tomoyamoya yaidi idigo kana,
MAT 22:2 ‘Yaubada ina kalibúbuna moe tétala ame nakae: Tokalibúbuna tayamo ikaaiyaka, natuna koroto bego inai, tauna ina naiyana aikanina iguinuwe.
MAT 22:3 Tomota maniyedi boi mainao bogina ilatuwokoidi aikayana manuna bego sima. Niga tutayana bogina ikatubayasi ina pakonayao ietunedi sina tomotayadi siduduwedi sima aikayana manuna. Sina tomotayadi silatuwokoidi go, kidi odi ikai.
MAT 22:4 Aiyuwoina ina pakonayao maniyedi ietunedi sina go, mainao ilatuwokoidi kana, “Kōna tauyadi boi akawanooiyedi kolatuwokōidi kami, ‘Konōve! Tomoya ana káika bogina iguinuwe, nakae bulumakau be nakae bulumakau bonatudi bobíbina ikaumatedi ivaipoludi. Kaga liliuna bogina ikatubayasi, tauna kōma kokāika.’”
MAT 22:5 E moitamo sina tomotayadi silatuwokoidi go, sikawoilova geya sinoita, go sem tayamo ina ina tánuwo goi, tayamo ina ina bisinis goi.
MAT 22:6 E tomota maniyedi nava sikaaiyaka ina pakonayaoyadi siyoisidi sigieomaemaedi baige sikaumatedi.
MAT 22:7 E kina go tokalibubunayana inove bego ina pakonayao sikaumatedi, tuwo gamona igoyo toina, e ina tovayaviyayao ietunedi sina amo tokaumatayadi sikaumatedi be nakae idi kasa sigabu.
MAT 22:8 E tuwo tokalibúbuna ina pakonayaoyadi ilatuwokoidi idigo kana, “Aikayana bogina akatubayasi go, tauyadi boi mainao bogina aduuduwedi geya itoboinedita sima unana sikatae.
MAT 22:9 Tauna komi kōna asa sinaena goi kovanibinībita. Avatauwa neta kobabanedi, koduduwēdi sima sikáika.”
MAT 22:10 Tuwo moitamo amo pakonidiyadi sitáoya sina asa sinaena goi sivanibiníbita. Neta toogoyoidi o todedevidi sibabanedi, liliudikova sitaligogoidi sima, e aikayana ana vada sivakayaodei.
MAT 22:11 E tokalibubunayana ima vada goi isiu bego ogaoga igitedi go, koroto tayamo igite nai ana kwama geya ilosiyeta.
MAT 22:12 Tuwo ilatuwoko idigo kana, “Naveya, kom nai ana kwama geya kulosiyeta go, to kusiu kuma ae?” Go korotoyana itugau; geya itoboineyeta ikatumapu.
MAT 22:13 E tuwo kina go tokalibubunayana ina tovaitayao ilatuwokoidi idigo kana, “Kōma ame tauyana koyōisi, aena be nimana koyowōidi. Ikavava, kokābi kolāve ina moetala mamaníwana goi ikaaiyaka. Amoko goi tomota bei sitaiya vata be nakae saladi sikakaavatedi simatamaimaita.”
MAT 22:14 E tauna tomota madabokidi Yaubada iduduwedi go, maniyedi taudi kiinavaidi.’
MAT 22:15 E tuwo kidi Parisiyadi sina silosinapu manakaedi bei Yeisu ina livala goi sikatutao.
MAT 22:16 Tuwo tauyadi idi tovatotowanayao be nakae Erodi ina bodao sietunedi sima Yeisu yaina sidigo kadi, ‘Tovatulúkwana, bogina kayagoim bego kom moitamo be nakae Yaubada ina kenao kuvatulukwana dókana. Kom tomota geya kutagonedita nuwom sikobale. Moitamo. Tomota kuwowooinedi geya adi kaigigita goi geya; nakae madabokidi sivavasa yaim.
MAT 22:17 Tauna kom im nuwonúwana takisi manuna kulatuwokōima. Manakae? Itoboine kita tatakisi Sisa yaina gea geya?’
MAT 22:18 Go kina Yeisu idi nuwonúwana goyogoyoina bogina iiyagoi, tauna idigo kana, ‘Komi todedevimi polapola, manakae bego kokatutaoigu?
MAT 22:19 Takisiyana manina tayamo kovatulukōigu.’ E tuwo tauyadi sina mani tayamo sikabi sime Yeisu sivini.
MAT 22:20 Tuwo maniyana ikabi, idigo kana, ‘Mani ame goi avatau makayauna be nakae yoina?’
MAT 22:21 ‘Sisa!’ Tauyadi kaedi. Tuwo Yeisu idigo kana, ‘Moe moitamo. Tauna kaga neta Sisa konana, e Sisayana tavīni go, kaga neta Yaubada konana, e Yaubadayana tavīni.’
MAT 22:22 Tuwo tauyadi ina livala sinove, sikainaopa. Geya itoboinedita sikatutao, tuwo sitáoya, Yeisu sikalave sina.
MAT 22:23 Amo maliyalinayana goi Sadusi maniyedi sima Yeisu yaina. Tauyadi sidigodigo tokámasa geya sitaoyamneta. E sima bego Yeisu sikatutao sidigo kadi,
MAT 22:24 ‘Tovatulúkwana, boi nimatu Mosese idigo kana, “Koroto nainaina neta geya natunamo go, ikámasa, e aena vavilaina itoboine kobuina inai. Niga neta vavinayana ivenátuna, natunao moe tokámasa ana katumapu.”
MAT 22:25 E tayamo aba gita ame nakae: Koroto adi badabada adi tainima adi taiyuwo sinadi tayamo boi yaima goi sikaaiyaka. Botomoya igiminai go, geya natunamo ikámasa. Tuwo aena vavilaina itáoya tuwowona kobuina ikabi inai.
MAT 22:26 Go geya natunamo ikámasa. Tauna nakae korotoyadi senao tamo tamo. Kobuyayana sinai go, geya natudimo tamo tamo sikámasa.
MAT 22:27 E korotoyadi liliudikova sikamasa kówasa, namliyeta baige vavinayana nakae ikámasa.
MAT 22:28 Tauna neta moitamo tomota ámasa goi sitaoyamna, e amo tutayana goi korotoyadi adi tainima adi taiyuwo yaidi ava koroto moe vavina monena mooitamoina? Bogina koyagoi. Korotoyadi boi mainao nava maa yawoidi go, vavinayana liliudi sinai.’
MAT 22:29 Go kina Yeisuyana idigo kana, ‘Ke, moe komi imi bágala unana Gínina Kimaasabaina geya koyagoiyeta be nakae Yaubada ina togaga taoyamna manuna geya koyagoiyeta.
MAT 22:30 Moitamo. Taoyamna ana tuta goi koroto be vevina nai geya, go sem idi kaiyaka anerose yábana goi nakae; tauyadi nai geya.
MAT 22:31 Ego tokámasa idi taoyamna manuna, Yaubada ina Gínina Kimaasabaina goi bogina ilatuwokoimi go, manakae? Geya kokatuyaiviyeta ae? Manakae kobagabágala? Tauyana idigo kana,
MAT 22:32 “Yau tubumowo Eberamo, Aisake be Yakobo idi Yaubada.” Tateta 3:6 Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moeko goi taayagoi bego tokámasa sitaoyamna.’
MAT 22:33 Tuwo boda sikaaiyaka Yeisu sinove, ina vatulúkwana pasina nukotodi siwowówana gagaina.
MAT 22:34 E kidi go Parisi livala sinove bego Yeisu Sadusi ikausagugudi, situgúguna silosinapu manakaedi bei Yeisu sikatutao. Silosinapu ikavava, sima Tauyana yaina.
MAT 22:35 Sima go, Yaubada ina Katukeda ana tolumavívita tayamo yaidi goi ibala ima Yeisu yaina; latuwona bego ikatutao. Tuwo ilumadade idigo kana,
MAT 22:36 ‘Tovatulúkwana, ava lovina Yaubada ina Katukeda goi lovina gagaina?’
MAT 22:37 E Yeisu kana, ‘Gínina Kimaasabaina idigo kana,
MAT 22:38 Ame lovinayana moe lovina gagaina, nakae lovina liliudi ivakumgoiyedi.
MAT 22:39 E lovina aiyuwoina ikaaiyaka moe lovinayana vakuumgoina nakae. Lovinayana ame nakae kana, “Siyami komataakoīye nakae toinimi komatakooiyemi.”
MAT 22:40 Yaubada ina Katukeda madabokina be nakae tokabivalavala idi gínina madabokidi unadi moe ame lovinayadi aiyuwo.’
MAT 22:41 E Parisiyadi nava sikaaiyaka go, Yeisu ilumadadedi
MAT 22:42 idigo kana, ‘Komi manakaemi konuwonúwana Guyau manuna? Tauyana avatau tubuna?’ ‘Devida tubuna’, kidi kaedi.
MAT 22:43 Go kina Yeisu kana, ‘Neta moe moitamo, kaga unana kina Devida Guyau ikatomoyae? Boi nimatu Baloma Kimaasabaina Devida nukotona isanayato, tuwo idigo kana,
MAT 22:44 “Yauwe ibóbwara guna Tomoya ilatuwoko kana,
MAT 22:45 Tauna Devida igimibíbina namliyeta Guyau go, Devidayana Guyau ikatoomoyae ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’
MAT 22:46 Ago geya tayamo Parisi itoboine Yeisu ina lumadádana ikatumapu. Aiyuwoina amo tutayana mlina goi geya vatau tayaamo tuwaina mana katepatu bego Yeisu ilumadade.
MAT 23:1 E tuwo kina Yeisu boda be nakae kai ina tovatotowanayao ilatuwokoima idigo kana,
MAT 23:2 ‘Kidi Yaubada ina Katukeda ana tovatulukwanayao be nakae Parisi madi lovina Atukedayana silumavivisi.
MAT 23:3 Tauna kaga liliuna sivatulukoimi, nakae koguuinūwe be kokabiikaōne go, idi guinuwa taabu kovatotoowonēdi. Bogina koyagoi. Tauyadi kaga sidigedige geya siguinuweyeta.
MAT 23:4 E lovina badabadaidi tomota sivinidi go, lovinayadi moe kónana moumoudi nakae itomatedi. Tomota sivavabedi bego sikavaledi go, geya kada tayaamo vaita sivinidi geya.
MAT 23:5 E kaga liliuna siguuinuwedi moe bego tomota sigitedi bei siyapaliyedi. Nakae Gínina Kimaasabaina idi tomwana dedeogaidi siwodugudi gagaidi, dabadi goi o nimadi goi sisikoidi. Adi kwama adi kura sikimanavedi bego tomota siyapaliyedi.
MAT 23:6 E tuwaina áika gagaidi goi sisiu wowoina basekoina goi siitusobu. Tapwaroro ana kaba tugúguna sinaena wowoina basekoina goi siitusobu bei tomota siyapaliyedi. Aba maketi goi tomota sima sikatoomoyaedi be nakae siduduwedi kadi, “Tovatulúkwana Toolagaim.” Ame guinuwayadi kidi nuwodi ikabi.
MAT 23:8 E komi go taabu tomota kotaagonēdi siduduwemi tovatulúkwana toolagaimi. Imi tovatulúkwana tayamo toito. Nakae komi madabokimi boda tayamo, kovavasa.
MAT 23:9 Geya vatau tayaamo poyapoya ame goi kodudūwe tamami. Komi Tamami tayamo; Tauyana yábana goi ikaaiyaka.
MAT 23:10 Taabu tomota sikatoomoyaēmi. Komi imi Tomoya tayamo toito; Tauyana moe Guyau.
MAT 23:11 E toolagaidi komi yaimi goi moe bei tauyadi imi tovaitayao.
MAT 23:12 Go avatauwa neta toinidi sikilagalagasidi, e niga Yaubada bei ikisobuyedi. Go avatauwa neta toinidi sikisobusobuyedi, e niga Yaubada bei ikilagasidi.
MAT 23:13 E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e Yaubada ina kalibúbuna goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [
MAT 23:14 Komi Yaubada ina Katukeda ana tovatulukwanayao be Parisi, kóbuya idi vada be konadi kovaaobudi namliyeta kokawanoi tuta maanawena bego tomota sigitemi. Tauna imi liuna gagaina toina bei kobabane. Komi tokibobwata polapola! Oo komi ami toovalugo ae?]
MAT 23:15 Komi Yaubada ina Katukeda ana tovatulukwanayao be nakae Parisi, dadava liliudi goi kovanibiníbita bego tomota tayamo kotamyabi ietosaidámana bei inumisa komi nakae. Go tutayana neta tayamo ietosaidámana, e imi guinuwa pasina tauna komi itoboinemi kona asagabugabu goi go, tauyana itoboinedoko. Tauna komi tokibobwata polapola. Oo komi ami toovalugo ae?
MAT 23:16 Komi tovakeda kebokeboimi kodigo kami, “Avatau neta nimana ikatulágata be Vada Kimaasabaina yoina goi ikatótula, moe atotula besobeso. Go avatau neta nimana ikatulágata go, goura Vada Kimaasabaina sinaena sikaaiyaka yoidi goi ikatótula, e tauyana mana tasíkwana ina katotulayana iguinuwe.” Oo komi ami toovalugo ae?
MAT 23:17 Komi yaaluwoimi be tokebo! Gourayadi kimaasabaidi unana Vada Kimaasabaina pasina. Tauna nako dogoi gagaina, gourayadi gea Vada Kimaasabaina? Vadayana ae?
MAT 23:18 Aiyuwoina komi kovatulúkwana kami, “Avatau neta nimana ikatulágata be Yaubada ina kaba kasala yoina goi ikatótula, moe dogoi besobeso. Go avatau neta nimana ikatulágata be vininabeso aba kasalayana yatana yoina goi ikatótula, e tauyana mana tasíkwana ina katotulayana iguinuwe.”
MAT 23:19 Komi tokebo! Vininabesoyana kimaasabaina unana aba kasala pasina. Tauna nako dogoi gagaina, vininabesoyana gea aba kasala? Aba kasalayana ae?
MAT 23:20 Tauna avatau neta nimana ikatulágata be Yaubada ina kaba kasala yoina goi ikatótula, moe nakae aba kasala yoina be nakae kaga liliuna sikaaiyaka aba kasalayana yatana yoidi goi ikatótula.
MAT 23:21 Aiyuwoina avatau neta nimana ikatulágata be Vada Kimaasabaina yoina goi ikatótula, moe nakae Vada yoina be nakae ana Tokaiyaka yoina goi ikatótula.
MAT 23:22 Nakae avatau neta nimana ikatulágata be yábana yoina goi ikatótula, moe nakae Yaubada kebana esaaesaina yoina be nakae ana Totulaga yoina goi ikatótula.
MAT 23:23 Komi Yaubada ina Katukeda ana tovatulukwanayao be Parisi, Atukedayana bogina komatakavaatedoko. Nakae imi yawóuna pai, minta be dira be nakae kumina bogina Yaubada koviinibeso go, moe guinuwa giyaiina. Go guinuwa gagaidi Yaubada ina Katukedayana goi bogina kokalavedi. Guinuwa gagaidiyadi moe kivavasa, nuwokapisi be aba numisa. E itoboine guinuwayadi gagaidi be giyaidi madabokina koguinuwedi. Tauna komi todedevimi polapola! Oo komi Parisi ami toovalugo ae?
MAT 23:24 Komi tovakeda kebokeboimi. Komi manumánuwo ami bwenata goi kokabi, kokalave go, kameri kotono.
MAT 23:25 Komi Yaubada ina Katukeda ana tovatulukwanayao be Parisi, komi keiga be noko nakae. Toluyedi koonikidi go, sinaedi, báila ivakayaodeidi, bailayana moe matakónana be piki. Tauna komi tokibobwata polapola! Oo komi ami toovalugo ae?
MAT 23:26 Komi Parisi matami kebokeboidi. Mainao keiga be noko sinaedi konikīdi bego toluyedi nakae simavada.
MAT 23:27 Komi Yaubada ina Katukeda ana tovatulukwanayao be Parisi, komi valiwoga ana kaba kinana nakae. Tomota sipentedi poowoudi bei toluyedi adi kaigigita kaausaraidi go, sinaedi tokámasa luludi be nakae kaga kaga baailidi sikayaoda. Komi nakae. Ami kaigigita koroto tokibóbwata go, sinaemi moe pola be apipilova sikayaoda. Tauna komi Parisi tokibobwata polapola! Oo komi ami toovalugo ae?
MAT 23:29 Komi Yaubada ina Katukeda ana tovatulukwanayao be Parisi moe tokibobwata polapola! Latuwomi tomota siyapaliyemi bego komi todedevimi, tauna Yaubada ina tokabivalavala adi valiwoga adi kaba kinana polapola kowoodugudi. Aiyuwoina tauyadi tokibóbwata adi valiwoga adi kaba kinana kovaapasedi bei tokamasayadi kowowoinedi. Oo komi ami toovalugo ae?
MAT 23:30 Kodigo kami, “Neta kai boi nimatu tubumao idi tuta goi kakaaiyaka, e tubumao geya kasiukoidita bego tokabivalavalayadi kakaumatedi.” Tauna komi tokibobwata polapola! Oo komi ami toovalugo ae?
MAT 23:31 Tauna imi guinuwayadi goi toinimi kotalavaitemi bego Yaubada ina tokabivalavalayao adi tokaumatayao moe komi tubumiyao adi gulagula, tauna komi nakae.
MAT 23:32 Tuwo moe dedevina. Kaga tubumiyao siikaboge, komi kolukavāve!
MAT 23:33 Komi moteta nakae! Moitamo siyasiyaimi! Komi manakaemi bei ami liuna asagabugabu goi kosiya? Geya!
MAT 23:34 Ame pasina tauna tokabivalavala be tonanamsa be nakae Yaubada ina Katukeda ana tovatulukwanayao mooitamoidi bei aetunedi siwo yaimi. Maniyedi bei kokaumatedi, maniyedi bei kerose goi kotupatukoidi go, maniyedi imi kaba tugúguna goi bei kodabidi. Ago maniyedi asa tamo tamo goi sikaaiyako bei koyogedegededi.
MAT 23:35 Tauna tokibobwatayao liliudi ikaikaidi adi dau poyapoya ame goi moe komi imi puwoya. Tauna adi katumapu bei kobabane. Amo tokibóbwata Ebeli ina kámasa ima Berekiya natuna Sakarayau ina kámasa. Sakarayauyana boi nimatu Vada Kimaasabaina be aba kasala go, nauyayanaidi goi tubumiyao sikaumate.
MAT 23:36 U, moe nakae siguuinuwe go, ame alatuuwokoimi konōve: Moe goyoyadi liliudi adi katumapu komi be nakae toogoyoidi komi nakae bei kobabane.
MAT 23:37 Oiyoi komi da Yerusalema e! Boi Yaubada ina tokabivalavala kokaumatedi, nakae ina lobutu ana tolokoina ietunedi siwo yaimi goi go, komi gurewa goi kokaumatedi. Tuta liliuna latuwogu bego natumiyao alamgogoidi nakae kamkam bovavina natunao panepanena goi ilamgogoidi go, komi kokatae.
MAT 23:38 Konovēgu. Imi vada Yaubada ikalave itugavile bei ana toovalugo.
MAT 23:39 Moe moitamo go, ame alatuuwokoimi konōve: Geya tuwaina bei kogitemneigu ana kadókana kodigo kami,
MAT 24:1 Yeisu ibóbwara ikavava, itáoya, kai ina tovatotowanayao taiyao Vada Kimaasabaina ana kali sinaena goi kasowóduwo go, kai tovatotowanayama kabala kana Yeisu kikina goi kadigo kama, ‘Vada Kimaasabaina ana vada adi kaigigita kugitēdi, dedevidi toidi!’
MAT 24:2 E kina go Yeisu idigo kana, ‘Ame vadayadi kogitedi ae? Adi kaigigita dedevidi toidi ae? U, moe nakae go, ame alatuuwokoimi konōve: Nava bei geya tayaamo gurewa vaapopoina ikaaiyaka, go sem madabokina sitagaegaekowosidi.’
MAT 24:3 E ibóbwara ikavava, ituko ina Oribe Koyaina goi itusobu go, kai ina tovatotowanayao ametava kabala kama Tauyana yaina goi kadigo kama, ‘Kulatuwokōima ava tuta bei moe dogoiyadi sisowóduwo. Aiyuwoina im kaluvilamna be nakae tuta ana kaba lukavava kaga bei adi kaba kinana?’
MAT 24:4 Tuwo Yeisu idigo kana, ‘Komi ami dodōkana, govila bei tomota sivasulaigimi.
MAT 24:5 Moitamo. Topola badabadaidi bei sima yoigu sivatoi kadi, “Yau Guyau.” E idi polayana goi boda gagaina bei sivasulaigidi.
MAT 24:6 E yaviya valedi bei konovedi yomana be aduwanau go, taabu kokaateyōva. Itoboine ame dogoiyadi sisowóduwo go, poyapoya ana kaba lukavava moe nava.
MAT 24:7 Ame moitamo. Nava bei ta boda ta boda sitáoya taiyao sivayaviya. Nakae ta kaba lovina ta kaba lovina bei sitáoya taiyao sivayaviya. Asa liliuna goi loga bei sisowóduwo be nakae nikuniku sitátava.
MAT 24:8 E ame dogoiyadi liliudi moe tuta moumoudi adi kaba vatowo; vevina neta idi tuta venátuna ana geda ana kaba vatowo nakae.
MAT 24:9 Niga ami kaleyayao bei maniyemi siyoisimi be siyogedegedemi go, maniyemi bei sikaumatemi. Ago boda liliuna bei sikaolilivemi unana yau yoigu ikaaiyaka yaimi.
MAT 24:10 Ago amo tutayana tonumisa badabadaidi idi numisa goi bei sikapusi. Sediyao bei sinuwotuluyedi nakae sikaolilivedi.
MAT 24:11 Tokabivalavala polapola badabadaidi bei sitáoya, tomota badabadaidi sivasulaigidi.
MAT 24:12 Boda badabadaidi idi matakoi bei isáwala unana apipilova isáila.
MAT 24:13 Go avatauwa neta sitaoyakavata ana kadókana poyapoya ana kaba lukavava, e adi yava bei sibabane.
MAT 24:14 Ago guna tonumisayao bei sina poyapoya ana madabokina goi sitalavaita Yaubada ina kalibúbuna valena dedevina manuna bei Totuyoyowo liliudi sinove. Amo tutayana goi tuta ana kaba lukavava bei ima.
MAT 24:15 E aba silali tayamo Yaubada yaina bei Vada Kimaasabaina goi iitáoya, Vadayana ikibaibaili. Moe boi nimatu tokabivalavala Daniyela itaalavaite.’ Kom tokatuyáiva ame ana yagoina kuyagoidokōidi! Yeisu tuwaina kana, ‘Tutayana aba silaliyana kogite Vada Kimaasabaina goi iitáoya,
MAT 24:16 e tuta amo goi avatauwa Yudiya dadavina goi sikaaiyaka, sisīya sina koya goi.
MAT 24:17 Avatauwa vada yatana goi sikaaiyaka, taabu sisousōu bego konadi vada sinaena goi sikabidi, go sem sisiyāmo.
MAT 24:18 Avatauwa tánuwo goi sikaaiyaka, taabu sikaaluvīla sīna idi kasa bego adi tanigo sikabidi, go sem sisiyāmo.
MAT 24:19 O tokéuwama be tovanunu! Amo tutayana moumou isaki yaidi bego sisiya.
MAT 24:20 E kokawanōi Yaubada yaina bego mouyana geya isowoduwoita nunutula ana tuta goi o Sabati goi, govila bei imi siya goi kokaimúmuna.
MAT 24:21 Moitamo. Mou ivakaigaga bei isowóduwo. Nakae poyapoya ina sowóduwo kunu goi go, ima ame tuta geya tayaamo mou nakae. Aiyuwoina mou amo nakae geya tuwaina bei iisowóduwo.
MAT 24:22 Neta maliyalinayadi Yaubada geya ikatukakupidita, e geya vatau tayaamo ana yava bei ibabane. Go ina kinavayao pasidi moitamo ikatukakupidi.
MAT 24:23 E tuwo avatauwa neta sidigo kadi, “Guyau goame!” o kadi, “Guyau goamo!” e taabu konuumisēdi.
MAT 24:24 Moitamo. Guyau polapola be nakae tokabivalavala polapola bei sisowóduwo, aba kinana kainaaopaidi gagaidi siguuinuwedi bei tomota sivasulaaigidi. Go bei sipoikíkina bego Yaubada ina kinavayao nakae sivasulaigidi.
MAT 24:25 Konōve. Bogina agimikatumatalimi.
MAT 24:26 Tauna neta tomota maniyedi silatuwokoimi kadi, “Guyau tautaulu goi ikaaiyaka”, e moe pola, tuwo taabu kononōina. O neta kadi, “Guyau tukunu goi ikaaiyaka”, e moe pola, taabu konuumisēdi.
MAT 24:27 Guyauyana ina sowóduwo moe nakae geya. Moitamo. Ávila bogina tayagoi. Ina kávila bomatu ina koiboga ana madabokina itapasigi, e tomota liliudi sigite. E Tomalatomota ina sowóduwo tauna nakae; tomota liliudi bei sigite.
MAT 24:28 Nakae neta boyoboyo kogitedi sitaligógana, e bogina koyagoi tomata ikaaiyaka. E nakae tutayana aba kinanayadi kogitedi, bei koyagoi giyakainava Tomalatomota ikaluvilamna.
MAT 24:29 E mouyadi adi maliyalina mlidi goi geya mgoninamo ame nakae bei isowóduwo:
MAT 24:30 Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana káeyana bei ivagitaakoedi.
MAT 24:31 Síula bei iuwe, e ina aneroseyao bei ietunedi sina poyapoya ana madabokina goi ina kinavayao sitaligogoidi.
MAT 24:32 E latuwogu livalakaibala ame taniya manuna aba gita tayamo avatulukoimi bei koyagoi. Tutayana taniya laonina bogina silabosúsuwo be vaga vau idugo, e bogina koyagoi kúwana ana tuta bogina ivaakikina.
MAT 24:33 Moe tauna komi nakae. Tutayana amo mouyadi liliudi koogitedi, e koyagōi Tauyana totom goi ikaaiyaka.
MAT 24:34 U, moe bei kooyagoi go, ame alatuuwokoimi konōve: Tomota komi nakae nava bei maa yawoidi tutayana ame dogoiyadi bei sisowóduwo.
MAT 24:35 Yábana be poyapoya bei sitagau go, yau guna livala sikaiyako vata.
MAT 24:36 E Tomalatomota ina kaluvilamna ana tuta manuna konovēgu. Geya vatau tayaamo iyagoi ava maliyalina goi o ava níyala goi bei ima. Kidi anerose da yábana geya siyagoiyeta, e Yaubada Natuna nakae geya iyagoiyeta, go sem Yaubada Tamada anetava iiyagoi.
MAT 24:37 Moitamo. Nakonakae boi Nowa ina tuta goi mluwa ina sowóduwo, e Tomalatomotayana ina kaluvilamna moe nakae.
MAT 24:38 Nowa ana tuta goi nava mluwa geya imaita tomota idi guinuwa siguuinuwedi. Nakae sikakáika be sinimnim be nakae sinainai ana kadókana Nowa mana bodayáuwo sitáoya dedeoga gagaina goi sisowoya
MAT 24:39 go, tomotayadi geya siyagoiyeta mluwa giyakainava bei ima. Tuwo idi sinapu tauna nakae ana kadókana mluwayana bogina ima isamatedi. Tomalatomotayana ina kaluvilamna bei nakae.
MAT 24:40 Nakae koroto adi taiyuwo tánuwo goi sipaaisewa; tayamo Yaubada ikabi inave go, tayamo ikalave ikaaiyaka.
MAT 24:41 Vevina adi taiyuwo witi sikauveyetaveta, tayamo Yaubada ikabi inave go, tayamo ikalave ikaaiyaka.
MAT 24:42 Tauna koyauyāusa! Geya koyagoiyeta ava maliyalina imi Tomoya bei ikaluvilamna.
MAT 24:43 E ame konuwookavāte: Neta toni vada bogina iyagoi ava tuta sabamgo goi tovaináwana bei ima bego ina vada isiu, e iyauyáusa tovainawanayana isanabode bei ina vada goi geya isiuta.
MAT 24:44 Ame pasina komi nakae mami katuubayasi koyokabūbuna unana Tomalatomota bei ivatoopemi. Tauna bogina go, mami katubayasi kokaiyāka.
MAT 24:45 E tauna itoboine bei komi tomota paakonina tayamo nakae. Pakoninayana aba numisa be nakae tonanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.
MAT 24:46 Niga bei ikaluvilamna ima go, neta amo pakoninayana ibabane iguuinuwe nakae boi bogina ilatuwoko, e ana dedevina bei ibabane.
MAT 24:47 U, ana dedevina bei ibabane go, ame alatuuwokoimi konōve: Tomoyayana ina pákwana bei ivayoko kina konana liliuna adi tomatakavata.
MAT 24:48 Go nakona amo pakoninayana goyogoyoina. Bei nuwona goi inuwonúwana kana, “Guna tomoya ikaimúmuna.”
MAT 24:49 Tuwo ivatowo ina tosavaiyuwo paakonidi nakae iilauidi go, kina ikakáika be inim ginagina oine ana toyaluwoyao taiyao.
MAT 24:50 Go pakoninayana ina tomoya ina kaluvilamna geya iyagoiyeta, ava maliyalina o ava tuta bei ima. Tauna bei ivatoope.
MAT 24:51 Ago tutayana ima, ina pakwanayana bei iboboyuwe go, tauyadi tonumisa polapola adi dadava goi iyato ikaaiyaka. Amoko goi sitaiya vata be nakae saladi sikakaavatedi simatamaimaita.’
MAT 25:1 Yeisu tuwaina idigo kana, ‘E tuwo Tomalatomota ina kaluvilamna goi Yaubada ina kalibúbuna ina sowóduwo bei tétala ame nakae: Wowoiyai adi badabada yawou sikaaiyaka. Idi rampa sikabidi, sisowóduwo sina bego tonai koroto sivalobode.
MAT 25:2 E wowoiyaiyadi yawou yaidi goi adi tainima yaaluwoidi go, adi tainima tonanamsa.
MAT 25:3 Adi tainima yaaluwoidi idi rampa sikabidi go, rampa ana pútuma tuwaina geya sikabiyeta.
MAT 25:4 E kidi go ituli ta woiyai adi tainima tutayana idi rampa sikabidi, e pútuma ma bootoridi taiyao sikabidi simedi. Tauna kidi tonanamsa.
MAT 25:5 E sima tonaiyana situuyaosi go, tauyana ikaimúmuna, tauna simatadududu, e simasisi.
MAT 25:6 E bunatoina goi níyana gagaina sinove iduduwo kana, “Tonai koroto goame! Kosowōduwo kōma tauyana kovalobōde.”
MAT 25:7 E tuwo amo wowoiyaiyadi liliudi sitáoya idi rampa sikatubayasidi.
MAT 25:8 E kidi yaluwoidiyadi geya idi putumamo. Tauna tonanamsa silatuwokoidi sidigo kadi, “Ima rampa sikamakámasa, tauna imi pútuma giyaina kovinīma.”
MAT 25:9 Go kidi tonanamsayadi sidigo kadi, “Kai ima pútuma giyaina bogina yoiyama, tauna geya itoboinemeta kavinimi, go sem kōna tokaigimona yaidi toinimi imi pútuma kogimōna.”
MAT 25:10 E tuwo moitamo yaluwoidiyadi sitáoya sina bego idi pútuma sigimona. Sinonoina go, tonaiyana koroto ima, e wowoiyaiyadi bogina sikatuubayasi tonai taiyao sina nai aikanina goi sisiu. Sisiu ikavava, totom sikatunibode.
MAT 25:11 E niga wowoiyai yaluwoidiyadi nakae sima totom goi sidigo kadi, “Tomoya, Tomoya, totom kwatupāeve kasiu!”
MAT 25:12 Go kina tonaiyana kana, “Moe latuwomi go, ame alatuuwokoimi konōve: Komi geya ayagoimita.”
MAT 25:13 E tauna matami silala koyauyāusa. Moitamo. Komi geya koyagoiyeta ava maliyalina o ava níyala Tomalatomota bei ima.’
MAT 25:14 Tuwaina Yeisu kana, ‘Moitamo koyāusa. Imi yausayana goi imi sinapu itoboine ame livalakaibalayana nakae: Koroto tayamo latuwona ina ituli ta kasa. Tuwo ina pakonayao iduduwedi sima ina esaesa ivinidi sirugwausidi.
MAT 25:15 Sima go, tamo tamo idi toboine goi ina esaesa ikaiguyauyedi bei siepaisewedi. Tayamo moe mani 5,000 ivini. E aiyuwoina moe mani 2,000 ivini. E aitonina moe mani 1,000 ivini. Ikaiguyau ikavava, itáoya ina ituli ta kasa.
MAT 25:16 Pakoninayana boi mani 5,000 ivinivini ikabidi ina ivaituwedi. Ina vaituwoyana goi mani 5,000 tuwaina ibabanedi.
MAT 25:17 Pakoninayana boi mani 2,000 ivinivini nakae. Maniyadi ikabidi ina ivaituwedi. Ina vaituwoyana goi mani 2,000 tuwaina ibabanedi.
MAT 25:18 E kina go pakoninayana boi mani 1,000 ivinivini, ikabidi ina poyapoya ieli, e ina tomoya ina maniyadi ivamoudi.
MAT 25:19 E tuta maanawena mlina pakonidiyadi idi tomoya ikaluvilamna ima go, iduduwedi sima ilumadadedi idigo kana, “Guna mani nakonakae kovaituwedi?”
MAT 25:20 Tuwo pakoninayana boi mani 5,000 iikabidi ibala ima maniyadi 5,000 go, 5,000 tuwaina ivini kana, “Tomoya, boi mainao 5,000 kuvinigu go, kugīte, avaituwedi. Guna vaituwoyana moe 5,000 tuwaina.”
MAT 25:21 Ina tomoyayana idigo kana, “Dedevina! Kom guna pákwana dedevim be nakae aba numisa. Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”
MAT 25:22 E pakoninayana aiyuwoina boi mani 2,000 iikabidi ibala ima idigo kana, “Tomoya, boi mani 2,000 kuvinigu go, kugīte, avaituwedi. Guna vaituwoyana moe 2,000 tuwaina.”
MAT 25:23 Ina tomoyayana idigo kana, “Dedevina! Kom guna pákwana dedevim be nakae aba numisa. Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”
MAT 25:24 E pakoninayana aitonina boi mani 1,000 bogina iikabidi nakae ibala ima idigo kana, “Tomoya, bogina ayagoim bego kom koroto kasakasaim im guinuwa goi. Nakae ituli ta koroto ibágula go, ina dibayoya kom kukabi. Tauna ituli ta tomota idi paisewa goi kom im esaesa kubabane.
MAT 25:25 Tuwo amatoita im mani bei avatagauye, tuwo ana poyapoya goi im mani avamoudi. Kugīte, im mani goame; avinimneim.”
MAT 25:26 Go ina tomoyayana idigo kana, “Kom guna pákwana goyogoyoim be suumoyaim! Kom bogina kuyagoigu bego ituli ta koroto ibágula go, ina dibayoya yau akabi. Tauna ituli ta tomota idi paisewa goi guna esaesa ababane.
MAT 25:27 Tauna neta boi mainao guna mani kukabi kuna tovaituwo maniyedi kuvinidi, e itoboinedi sivaituwedi. Niga akaluvila ama itoboinegu toinigu guna maniyana be ana vaituwo akabi.”
MAT 25:28 E tomoyayana ina pakonayao maniyedi ilatuwokoidi idigo kana, “Mani 1,000 boi ame tauyana avinivini, e kokabīdi go, guna pakwanayana maana mani 5,000 kovīni.
MAT 25:29 Avatauwa neta adi kaiguyau siepaaisewe, e tuwaina bei avinidi. Go avatauwa neta adi kaiguyau geya siepaiseweyeta, e moitamo aiguyauyana bei akuliuye.
MAT 25:30 Tuwo pakoninayana suumoyaina kokābi kolāve ina moetala mamaníwana goi ikaaiyaka. Amoko goi bei sitaiya vata be nakae saladi sikakaavatedi simatamaimaita.”’
MAT 25:31 Tuwaina Yeisu kana, ‘E tutayana Tomalatomota ikaluvilamna ima anerose liliudi taiyao, e ana káeyana tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.
MAT 25:32 Ago boda liliuna bei ilamgogoidi matana goi itakinoidi boda aiyuwo nakae sipi ana tomatakavata neta sipi be goti itakinoidi boda aiyuwo.
MAT 25:33 Sipiyadi moe wowoina basekoina kakataina goi iyatoidi go, gotiyadi moe kekelina goi iyatoidi.
MAT 25:34 E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.
MAT 25:35 Ame moitamo. Boi loga akámasa go, kovakanigu. Maegu iyápasa go, kovanimgu. Yau ogaoga go, kouyaonegu.
MAT 25:36 Apawaku go, kwama kovalosigu. Akatówana go, komatakavategu. Deri goi akaaiyaka go, koma kovadadegu. Tauna komi kōma ina kalibúbuna goi kosīu.”
MAT 25:37 E tuwo kidi tokibóbwata bei sidigo kadi, “Tomoya, ava tuta kagitem loga kwámasa go, kavakanim o maem iyápasa go, kavanimm?
MAT 25:38 E ava tuta kagitem kom ogaoga go, kauyaonem o kupawaku go, kwama kavalosim?
MAT 25:39 E ava tuta kagitem kom kukatówana o deri sinaena goi kwaaiyaka go, kao kavadadem?”
MAT 25:40 Go tokalibubunayana bei idigo kana, “U, moe moitamo go, ame alatuuwokoimi konōve: Tutayana moe guinuwayadi koguuinuwedi siyagu tayamo yaina, nakona tauyana nuwotookaina, e moe nakae yau yaigu koguuinuwedi.”
MAT 25:41 E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi Totagíwaya mana aneroseyao manudi.
MAT 25:42 Boi loga akámasa go, geya kovakaniguta. Maegu iyápasa go, geya kovanimguta.
MAT 25:43 Yau ogaoga go, geya kouyaoneguta. Apawaku go, kwama geya kovalosiguta. Akatówana be nakae deri goi akaaiyaka go, geya komatakavateguta. Tauna kosiyaēgu.”
MAT 25:44 Go kidi togoyoidiyadi nakae bei sidigo kadi, “Go Tomoya, ava tuta kagitem loga kwámasa o maem iyápasa o kom ogaoga o kupawaku o kukatówana o deri goi kwaaiyaka go, geya kavaitemta?”
MAT 25:45 E tuwo kina bei idigo kana, “U, moe moitamo go, ame alatuuwokoimi konōve: Tutayana amo guinuwayadi geya koguinuwedita kidi nuwotookaidi yaidi, e moe nakae yau yaigu geya koguinuwedita.”
MAT 25:46 Tuwo amo tauyadi bei sina aba liuna vaatayaina goi. Ego kidi tokibobwatayao bei sina yawoidi vaatayaina sibabane.’
MAT 26:1 Tutayana Yeisu ina bóbwara madabokina ilukavavedi, kai ina tovatotowanayao ilatuwokoima idigo kana,
MAT 26:2 ‘Komi bogina koyagoi maliyalina aiyuwo mlidi moe Basitáwana Aikanina ana tuta. Amo tutayana tomota tayamo bei itáoya, Tomalatomota inuwotuluye ana kaleyayao yaidi goi bei kerose goi situpatuko.’
MAT 26:3 E tuwo kidi Tonúwala Gagaidi be nakae Diyuu idi tomoyamoya sima Tonúwala Toolagaina yoina Kaiyapasi ina vada esaaesaina goi situgúguna
MAT 26:4 go, silosinapu bego idi pola goi Yeisu siyoisigau be nakae sikaumate.
MAT 26:5 E sidigo kadi, ‘Go Basitáwana Aikanina sinaena geya tayoisiyeta, govila bei tomota madi egamogamogu sivakaleyeda.’
MAT 26:6 E kina go Yeisuyana Saimoni ina vada Betani goi ikaaiyaka. Saimoniyana boi tolepero tayamo.
MAT 26:7 E Yeisu ikaaiyaka ikakáika go, vavina tayamo ima pútuma ana maisa gagaina ma bootorina dedevina toina iikavale. Ikavale ima Yeisu dabana goi isiwoi.
MAT 26:8 E kai Yeisu ina tovatotowanayao kakaaiyaka go, vavinayana ina guinuwa kagite, tuwo kaegamogamogu, ametava kama, ‘Manakae pútuma ikavaavaluge!
MAT 26:9 Neta putumayana ikaigimone, itoboine maisana gagaina toina ikabi; nakae neta tala tayamo ana paisewa ana maisa. Ikaigimone ikavava, maisana ikabi, tookaidi ivinidi! Go kaga unana tauna nakae geya iguinuweyeta?’
MAT 26:10 Go kina Yeisuyana bogina iyagoi kaga kadigedige, e tuwo idigo kana, ‘Kaga unana vavinayana mou kovinivini? Kokalāve. Ina guinuwa yau yaigu moe guinuwa dedevina toina unana iwowoinegu.
MAT 26:11 Kidi tookaidi tuta liliuna sikaaiyaka yaimi itoboinemi kovaitedi. Go yau sem tuta kaakupina bei akaaiyaka yaimi.
MAT 26:12 Ame moitamo. Vavinayana pútuma ame dabagu goi iisiwoi mana wowoina wowogu ikatubayasi guna valiwoga manuna.
MAT 26:13 U, moe nakae iguinuwe go, ame alatuuwokoimi konōve: Poyapoya ana madabokina goi nako Vala Dedevina ame sitaalavaite, e ina guinuwayana tetelina nakae bei sivateteli go, tauyana sinuwokavate.’
MAT 26:14 E tuwo kai yawou aiyuwo yaima goi tayamo yoina Yudasa guma Keriota go, tuwo itáoya ina Tonúwala Gagaidi yaidi goi
MAT 26:15 idigo kana, ‘Kaga kotagone kovinigu bei Yeisu anuwotuluye yaimi?’ ‘Mani siriba ana badabada 30’, kidi kaedi. Tuwo moitamo Yudasayana itagona, e siribayadi sivini ikabidi.
MAT 26:16 Tuwo tuta amo goi Yudasa tuta ana toboine iilusale bei Yeisu inuwotuluye.
MAT 26:17 E Beredi Pokaka Aikanina ana maliyalina vakuumgoina goi kai tovatotówana kama Yeisu kalumadade kadigo kama, ‘Nako goi latuwom Basitáwana Aikanina kakatubayasi bei takáika?’
MAT 26:18 ‘Kōna Yerusalema goi tayamo koroto bogina alaatuwoko kobabane kolatuwōko kami, “Tovatulúkwana idigo kana, ‘Guna tuta giyakainava bei isowóduwo. Latuwogu im vada goi guna tovatotowanayao taiyao Basitáwana Aikanina kakáika’”’, Yeisu kaena.
MAT 26:19 Tuwo moitamo kai tovatotówana katáoya kana kaguinuwe nakae Tauyana bogina ilatuwokoima. Ikavava, ama Basitáwana Aikanina kakatubayasi. Kakatubayasi ikavava, kakaluvila kama Tauyana yaina goi.
MAT 26:20 E bogina kenanatau, Yeisu kai yawou aiyuwo taiyao bogina kama katugúguna kakáika.
MAT 26:21 Kakakáika go, Tauyana idigo kana, ‘Ame dedevina taiyao takakáika go, ame alatuuwokoimi konōve: Koroto tayamo yaimi goi nava bei inuwotuluyegu.’
MAT 26:22 Tuwo kai tamo tamo mama kategeda kabibilágata kadigo kama, ‘Tomoya, nakona yau?’
MAT 26:23 Go Tauyana idigo kana, ‘Kita mada kabivekoveko noko tayamo goi ida beredi tavakuutuidi go, koroto tayamo yaimi goi moe yau agu tonuwotulu.
MAT 26:24 Tomalatomota bogina inonoina nakae Gínina Kimaasabaina boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’
MAT 26:25 E kina go Yudasa, tauyana bei Yeisu inuwotuluye, idigo kana, ‘Tovatulúkwana Toolagaim, geya, nakona yau?’ Tuwo Yeisu idigo kana, ‘Kom bogina kudigoyabe.’
MAT 26:26 E kakakáika go, Yeisu beredi ikabi, manuna ikauyagu Yaubada yaina. Ikavava, ikivisi, kai ina tovatotowanayao ivinima idigo kana, ‘Moe wowogu nakae. Kokābi kokāni.’
MAT 26:27 Tuwo kakabi kakáika. Ikavava, oine ma keeigaina ikabi, manuna ikauyagu Yaubada yaina. Ikavava, keigayana ivinima idigo kana, ‘Oine moe madabokimi konīm.
MAT 26:28 Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.
MAT 26:29 E ame alatuuwokoimi konōve: Oine ame geya tuwaina bei animnim ana kadókana tutayana Tamagu itagonegu akalibúbuna namliyeta baige komi taiyao oine vau bei tanim.’ Tuwo kakabi kanim.
MAT 26:30 Kakáika ikavava, Same vesina maniyedi kavesiyedi Yaubada yaina. Kavesi ikavava, kasowóduwo kana Oribe Koyaina goi katuko.
MAT 26:31 E tuta amo goi Yeisu ilatuwokoima idigo kana, ‘Komi madabokiimi sabamgo ame imi numisa goi bei kokapusi yau pasigu. Moitamo. Gínina Kimaasabaina goi Yaubada kana,
MAT 26:32 Go ámasa goi Yaubada ikaitaoemneigu mlina bei avakumgo ana Galili.’
MAT 26:33 Go kina Pita idigo kana, ‘Nakona madabokidi bei sikapusi kom pasim go, yau geya aakapusi.’
MAT 26:34 Go kina Yeisuyana idigo kana, ‘Moe dedevina neta moitamo go, ame alatuuwokoim kunōve: Ame sabamgoyana goi kom bogina bei sivato kulawoiwoiyekoigu namliyeta kamkam bei itáiya!’
MAT 26:35 Go kina Pitayana idigo kana, ‘Neta akámasa kom taiyao, tuwo akámasa go, geya alawoiwooiyem.’ Ame nakae tovatotówana liliuma kadige.
MAT 26:36 E tuwo Yeisu kai ina tovatotowanayao taiyao kama asa yoina Gedesemane goi go, maniyema ilatuwokoima, idigo kana, ‘Ameko kotusōbu kokaaiyāka go, kai kana dobala, e yau bei akawanoi Yaubada yaina.’
MAT 26:37 Tuwo moitamo katusobu go, Pita be Sebedi natunao adi taiyuwo ikabidi taiyao sina. Sinonoina go, Yeisu nuwona imou be nakae atena igeda.
MAT 26:38 E tuwo adi taito ilatuwokoidi idigo kana, ‘Nuwogu taitáiya iuyoi, nakae bei akámasa. Komi ameko goi kokaaiyāka go, koyauyāusa yau taiyao.’
MAT 26:39 Ibóbwara ikavava, ivayavakova ikanakabobo go, ikawanoi Yaubada yaina kana, ‘Tamagu, manakae? Itoboine bego gedageda keigaina ame geya ababaneyeta? Go yau geya guna nuwonúwana geya, go sem kom im nuwonúwana kuguinūwe.’
MAT 26:40 Ikawanoi ikavava, ikaluvila ima ina tovatotowanayaoyadi ibabanedi sikanaamatáiya, tuwo iwoinidi. Iwoinidi, e Pita ilatuwoko idigo kana, ‘Manakae? Geya itoboinemta tuta giiyaina goi kuyauyáusa yau taiyao ae?’
MAT 26:41 Ago adi taito ilatuwokoidi idigo kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’
MAT 26:42 Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’
MAT 26:43 Tauyana sivayuwoina ikaluvilamna ima ina tovatotowanayaoyadi ibabanedi sikanaamatáiya. Bogina kuyagoi. Matadi inosedi gagaina.
MAT 26:44 Tuwo itáoya ikalavedi, sivatonina ivayava ina ikawanoi nakae maine bogina ikawanoi.
MAT 26:45 Ikawanoi ikavava, ikaluvila ima ina tovatotowanayaoyadi adi taito ibabanedi sikanaamatáiya. Tuwo iwoinidi go, idigo kana, ‘Manakae? Nava koomasisi be kowaaiwasi ae? Konōve. Tomalatomota ina tuta bogina ima. Ana tonuwotulu bei toogoyoidi nimadi goi iyato.
MAT 26:46 Kotāoya tāna. Gwa! Guna tonuwotuluyana bogina imamaima.’ Tuwo moitamo sitáoya go, kai ina tovatotowanayao ainima aito nakae iduduwema kama.
MAT 26:47 Yeisu nava ibobóbwara go, Yudasa isowóduwo ima. Tauyana tovatotówana tayamo kai yawou aiyuwo yaima goi. Isowóduwo go, boda gagaina madi sisi be madi kepati taiyao sima. Bodayadi kidi Tonúwala Gagaidi be Diyuu idi tomoyamoya sietunedi sima.
MAT 26:48 Ego Yeisu ina tonuwotuluyana aba kinana tayamo bogina ivinidi bei siiyagoi ava koroto moe Yeisu, kana, ‘Avatau neta ayowoi, e amo Tauyana koyōisi.’
MAT 26:49 E tuwo tauyadi sima go, Yudasayana mainao iseivata ima Yeisu goi idigo kana, ‘Tovatulúkwana Toolagaim, uyagu!’ Ikavava, iyowoi.
MAT 26:50 E kina go Yeisu idigo kana, ‘Naveya, moe pasina kuma ae?’ Tuwo bodayadi sibala sima Tauyana siyoisi.
MAT 26:51 Ago koroto tayamo kai Yeisu ina bodao yaima goi ina sisi ibuyagi, ibala ina Tonúwala Toolagaina ina pákwana taiyana ivakanáupe.
MAT 26:52 Tuwo Yeisu ibóbwara, korotoyana ilatuwoko idigo kana, ‘Im sisi kebana goi kuvaisiumnēi! Avatauwa neta giya sisi goi sivalauláuwo, e sisiyana goi bei sivailai.
MAT 26:53 Manakae? Geya kuyagoiyeta neta latuwogu, itoboinegu Tamagu yaina goi akawanoi makimaki bei mainao aivina tausani anerose ietunedi sima sivaitegu?
MAT 26:54 Neta nakae aguinuwe, e Gínina Kimaasabaidi adi talavaita manugu manakaedi simalatomota? Geya. Tauna nakae geya aguinuweyeta.’
MAT 26:55 Go tuta amo goi bodayadi Yeisu ilatuwokoidi idigo kana, ‘Manakae? Yau bego tokapipilova tayamo, tauna komi mami sisi be mami kepati koma koyoisigu? Maliyalina tamo tamo Vada Kimaasabaina goi atusobu avaatulúkwana go, geya koyoisiguta.
MAT 26:56 Go ame dogoiyadi madabokidi sisowóduwo bego Yaubada ina tokabivalavalayao idi Gínina Kimaasabaidi simalatomotamna.’ E tuwo kai Yeisu ina tovatotowanayao liliuma Tauyana kakalave go, kasiya.
MAT 26:57 E kidi go bodayadi Yeisu siyoisi, sinave Tonúwala Toolagaina Kaiyapasi ina vada goi. Amoko goi Yaubada ina Katukeda ana tovatulukwanayao be nakae Diyuu idi tomoyamoya bogina sigugúguna.
MAT 26:58 E kina go Pita tupwana masigava goi Yeisu isabookuliye, e ina Tonúwala Tolagainayana ina vada ana kali goi isiu itusobu Vada Kimaasabaina ana polisi taiyao bego igite kaga iisowóduwo.
MAT 26:59 E kidi go Tonúwala Gagaidi be nakae Diyuu adi kotu ana tolovinao liliudi vadayana sinaena sikaaiyaka Yeisu ana totalavaita polapola siluusaledi bego sitakino kina toogoyoina bei sikaumate.
MAT 26:60 Totalavaita polapola badabadaidi moitamo sima sitalavaita polapola go, idi talavaitayadi goi geya tayaamo itoboine bei Yeisu sikaumate. Nakae nakae siguuinuwe, e totalavaita polapola adi taiyuwo sima
MAT 26:61 sidigo kadi, ‘Ame Tauyana kanove idigo kana, “Itoboinegu Yaubada ina Vada Kimaasabaina atauwe go, maliyalina aito mlidi goi ayowomnei.”’
MAT 26:62 Sitalavaita ikavava go, kina Tonúwala Toolagaina itáoya Yeisu ilatuwoko idigo kana, ‘Manakae kom im katumapu? Ame kaga manuna tauyadi sitalavaaitem?’
MAT 26:63 E kina go Yeisuyana iitugau. Kina go Tonúwala Tolagainayana idigo kana, ‘Yaubada maa yawoina yoina goi alovinaem: Kubōbwara moitamo. Neta kom moitamo Guyau, Yaubada Natuna, kulatuwokōima!’
MAT 26:64 Kina Yeisuyana idigo kana, ‘Kom bogina kudigoyabe. Go ame alatuuwokoimi konōve: Tuta imamaima Tomalatomota bei kogite mana lovina wowoina basekoina Tokalika kakataina goi iitusobu be nakae yábana geleoina yatadi goi imamaima.’
MAT 26:65 E tuwo kina go Tonúwala Tolagainayana ana kwama ikiise giyaina go, idigo kana, ‘Tauyana idigopopóita! Kaga ana dedevina totalavaita tuwaina taalusala? Geya! Ame tuta ina digopopoitayana toinimi bogina konove!
MAT 26:66 Komi manakaemi koolovina?’ E tauyadi sidigo kadi, ‘Moitamo Tauyana ibágala. Itoboine ikámasa!’
MAT 26:67 E tuwo matana sisikobode go, maisina sigiwoli be nakae sipwaiki. E maniyedi maisina sisapi
MAT 26:68 go, sidigo kadi, ‘Yo Guyau! Kom bego Yaubada ina tokabivalavala, tuwo kulatuwokōima avatau iilauim!’
MAT 26:69 E kina go Pitayana Tonúwala Toolagaina ina vada ana kali sinaena goi iitusobu go, Tonúwala Toolagainayana ina pákwana woiyaina tayamo ima Pitayana igite, idigo kana, ‘Kom woi Yeisu guma Galili ina tosabokuli tayamo.’
MAT 26:70 E kina go Pita ilawoiwoi idigo kana, ‘Moe kaga kudigedige yau geya ayagoiyeta!’
MAT 26:71 E ibala ina aliyana ana kaba siu goi ikaaiyaka. Ikaaiyaka go, ituli ta vavina paakonina ikandobala Pita igite, tomota amoko goi sikaaiyaka ilatuwokoidi idigo kana, ‘Ame tauyana Yeisu guma Nasareta ina tosabokuli tayamo.’
MAT 26:72 Pita sivayuwoina ilawoiwoimna go, ikanatamada idigo kana, ‘Iyagoida! Korotoyana geya ayagoiyeta geya!’
MAT 26:73 E tuta giyaina toyoko sibala sima Pita silatuwoko sidigo kadi, ‘Kom woi Yeisu ina tosabokuli tayamo. Moitamo. Niyam ana taiyakeka kakinane. Kom guma Galili.’
MAT 26:74 E tuwo Pita ibibilágata ikanatamada idigo kana, ‘Iyagoida! Neta apola, Yaubada itoboine ilauigu. Amo korotoyana kodigedige yau geya ayagoiyeta geya!’ E mainao kamkam itáiya.
MAT 26:75 Tuwo Pitayana Yeisu ina livala inuwopeye boi idigo kana, ‘Namliyeta kamkam itáiya, e kom bogina bei sivato kulawoiwoiyekoigu.’ Tuwo vadayana ina kali goi isowóduwo ina moetala goi itáiya gagaina toina.
MAT 27:1 E nobuyana nava matagougouna kidi Tonúwala Gagaidi be nakae Diyuu idi tomoyamoya liliudi situgúguna go, silosinapu bei Yeisu sikaumate.
MAT 27:2 Silosinapu ikavava, Yeisu nimana siyowóidi, sinave gávana Pailato nimana goi siyato.
MAT 27:3 E tuta amo goi Yeisu ana tonuwotulu Yudasa inove Yeisu bogina sitakino bego ikámasa, e itugavila ivakúwana, tuwo siribayadi 30 ikabidi, ina Tonúwala Gagaidi be Diyuu idi tomoyamoya yaidi goi bego ivinimneidi
MAT 27:4 idigo kana, ‘Koroto tutubeso anuwotuluye, tauna bogina agoyo.’ E kidi kadi, ‘Im goyo moe geya kai ima puwoya geya. Moe kom im polava.’
MAT 27:5 Tuwo siribayadi ilavedi Vada Kimaasabaina ina kali sinaena. Ikavava, isowóduwo ina yowoyówana ikabi, ina alova laonina goi isiko. Ikavava, nukotona goi isiko ilosuyae ikámasa.
MAT 27:6 E kidi go Tonúwala Gagaidi siribayadi sikabidi go, sidigo kadi, ‘Ame ámasa maisana, tauna geya itoboineyeta vininabeso dedeogaina goi tadodoidi.’
MAT 27:7 E silosinapu ikavava, silovina bei siribayadi goi vaega ana tomolúluwo ina poyapoya sigimone bego ogaoga adi valiwoga.
MAT 27:8 Tauna amo poyapoyayana tomota sivayou ikaika poyapoyaina, e ame tuta nakae.
MAT 27:9 Tuwo Yaubada ina tokabivalavala Yeremaya ina livala moeko goi imalatomota. Tauyana idigo kana,
MAT 27:10 Ago moe maniyadi sikabidi,
MAT 27:11 E Yeisu sime gávana Pailato matana goi sivatáoe go, gavanayana Yeisu ilumadade idigo kana, ‘Kom moitamo Diyuu adi tokalibúbuna?’ ‘Kom bogina kudigoyabe’, Yeisu kaena.
MAT 27:12 Tonúwala Gagaidi be nakae tomoyamoya siiwowoko go, geya ikatumapudita.
MAT 27:13 E Pailato idigo kana, ‘Manakae? Idi wowókana badabadaidi kunovedi gea geya? Kaga unana kuutugau?’
MAT 27:14 Ago kina geya kada tayaamo idi wowókana ikatumapu geya, tauna gavanayana ikainaopa gagaina.
MAT 27:15 Ego Basitáwana Aikanina ana tuta gavanayana ina sinapu ame nakae: Neta koroto tayamo deri ana tokaiyaka go, tomota latuwodi, e Pailato italigei ivinidi.
MAT 27:16 E amo tutayana yoowonina tayamo valena gagaina deri goi ikaaiyaka yoina Yeisu Barabasi.
MAT 27:17 E moe Pailato ina sinapu, tuwo tutayana boda sima bogina situgúguna, Pailato ilatuwokoidi idigo kana, ‘Avatau latuwomi ataligei manumi? Yeisu Barabasi gea Yeisu, Tauyana tomota siivayou Guyau?’
MAT 27:18 Pailatoyana bogina iyagoi kidi Tonúwala Gagaidi Yeisu sime nimana goi siyato kotu manuna unana Tauyana sivakipikipiye.
MAT 27:19 E Pailato aba takínona ana kaba tusobu goi iitusobu go, monena livala tayamo ietune ima idigo kana, ‘Moe korotoyana tokibóbwata, e kwalāve. Geya tayaamo kaga kuguinūwe yaina. Nuwobuna Tauyana akanamimiye go, guna kanamimiyana aba matoita gagaina yaigu.’
MAT 27:20 E kidi go Tonúwala Gagaidiyadi be nakae tomoyamoyayadi boda sisiukoidi, nuwodi sitalaidi kadi, ‘Kokawanōi bego Barabasi italigei go, Yeisu ikaumate.’
MAT 27:21 E kina gavanayana ilatuwokoidi idigo kana, ‘Ame adi taiyuwo yaidi goi ava koroto latuwomi ataligei manumi?’ ‘Barabasi!’ tomota kaedi.
MAT 27:22 Go kina Pailatoyana idigo kana, ‘Neta nakae, e Yeisu, Tauyana tomota siivayou Guyau, bei kaga avaiko?’ Madabokidi sidigo kadi, ‘Kerose goi kutupatūko!’
MAT 27:23 ‘Ava goyo iguinuwe bei itoboine ikámasa?’ tauyana kaena. ‘Kerose goi kutupatūko!’ bodayadi tuwaina kaedi.
MAT 27:24 E Pailato bogina igite geya itoboineyeta ikaugeogéona Yeisu ina talígava manuna, go sem bodayadi giyakainava bei sivalauláuwo. Tuwo bwae ikabi bodayadi matadi goi nimana inikidi idigo kana, ‘Ame Tauyana ikaikaina moe yau geya guna puwoya geya. Yau nimagu bogina anikidi. Tauna Tauyana yawoina moe komi imi polava.’
MAT 27:25 Tuwo boda madabokidi sidigo kadi, ‘Tauyana ikaikaina kai nimama goi be nakae natumao nimadi goi bei ikaaiyaka.’
MAT 27:26 E tuwo kina Pailato ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi idigo kana, ‘Yeisu kokābi, kodābi. Ikavava, konāve bei kerose goi kotupatūko.’ Tuwo moitamo Tauyana sikabi sidabi.
MAT 27:27 Amo tutayana gávana Pailato ina tovayaviyayao sina Yeisu sikabi sinave Erodi ina vada esaaesaina ana kali goi sisiuye. Amoko goi sediyao tovayaviya liliudi siduduwedi sima Tauyana sitaoyakobu.
MAT 27:28 Sitaoyakobu, ana kwama sivalilivi. Ikavava, tolovina ana kwama dedevina go, kayakayaina sikabi sivalosi.
MAT 27:29 Sivalosi ikavava, tolovina ana pasapasa polapola sivapase ame nakae: Taliboibo sikabi dabayogigi polapola simete, dabana goi sikailagasi. Aiyuwoina duriduri tayamo sikabi ina kaituko nimakakataina goi siyato go, aedi sivatugúyala matana goi madi kaiwoteta sidigo kadi, ‘Diyuu adi tokalibúbuna takiilagāsi!’
MAT 27:30 Ikavava, maisina sigiwoli. Sigiwoli ikavava, duriduriyana sikabi, dabana siláui.
MAT 27:31 Sikaiwotete ikavava, kwamayana sivalilivi go, toinina ana kwama sivalosimnei, sinave bei kerose goi situpatuko.
MAT 27:32 E sinavenave go, enao goi koroto tayamo guma Sairini sibabane yoina Saimoni. Moe tauyana silovinae bego Yeisu ina kerose ikavale.
MAT 27:33 Ikavale, sima asa tayamo yoina Gorigota (moe ana yagoina Bulubulu ina Kasa).
MAT 27:34 Amoko goi oine be alova tamatamaina sipopolidi Yeisu sivanim geda manuna go, inimkone, ikatae.
MAT 27:35 E Tauyana ana kwama sivalilivi ikavava, kerose goi situpatuko namliyeta baige keroseyana sivatáoe. Ikavava ana kwama, ana sendoro, ana gadíwana sikabidi, pápala tayamo siguinuwe bei sigite avatauwa sikabidi.
MAT 27:36 Ikavava, situsobu go, Tauyana simataakavate.
MAT 27:37 Go ana píkwana aisika paaevaina tayamo goi sigini, dabana diligaemaina goi situpatuko. Ana pikwanayana kana, ‘Ame Yeisu, Diyuu adi Tokalibúbuna.’
MAT 27:38 Amo tutayana tokapipilova adi taiyuwo Yeisu taiyao nakae adi kerose goi situpatukoidi, tayamo kakataina go, tayamo kekelina.
MAT 27:39 E kidi go tomota maniyedi enao goi siiketoiya Tauyana sitagiwoi. Nakae dabadi sikatugegéwana be nakae sikaoseve
MAT 27:40 sidigo kadi, ‘Kom Tauyam bego Vada Kimaasabaina kutauwe go, maliyalina aito mlidi kuyowomnei, neta kom Yaubada Natuna, e kerose goi kusōu kūma toinim kuyavēm.’
MAT 27:41 Tonúwala Gagaidi be Yaubada ina Katukeda ana tovatulukwanayao be nakae Diyuu idi tomoyamoya nakae sikaoseve
MAT 27:42 sidigo kadi, ‘Bego ituli ta tomota iyavedi go, geya itoboineyeta toinina iyave. Tauyana bego kita Isileli tubunao ida Tokalibúbuna, tuwo ame tuta kerose goi isōu īma bei tanumise.
MAT 27:43 Tauyana bego inumisa Yaubada yaina, tuwo neta Yaubada moitamo iuyaone, e ame tuta iyave. Moitamo. Boi idigodigo bego kina Yaubada Natuna.’
MAT 27:44 Tokapipilovayadi bogina tupaatukoidi Yeisu taiyao nakae sikaaoseve.
MAT 27:45 E bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.
MAT 27:46 E asa lavilavi nakae, Yeisu niyana gagaina goi iduduwo idigo kana, ‘Eli Eli lama sabakatani?’ Moe ana yagoina kada, ‘Guna Yaubada, guna Yaubada, kaga unana kwalavegu?’
MAT 27:47 E toyoko maniyedi amoko goi sinove go, sitainasi, tuwo sidigo kadi, ‘Mae Tauyana Eliyau iiduduwe.’
MAT 27:48 Tuwo mainao koroto tayamo itáoya ilokoina ina toutou ikabi, e oine bwaena yuyuyuna goi isavaibute. Ikavava, duriduri ikabi, isisiwo go, ikailagasi bego Yeisu ivanim.
MAT 27:49 E korotoyana senao sidigo kadi, ‘Tauyana takalāve go, tagitegīte. Nakona Eliyau bei ima iyave.’
MAT 27:50 E kina go Yeisu niyana gagaina goi aiyuwoina iduduwomna, e yawoina ikavava.
MAT 27:51 Ago geya mgoninamo Tukunu Kimaasabaina Toina ana vabodaupa kaarekoina ikiiseyuwe, dolagaema isou ina ditonema. Aiyuwoina poyapoya iiku be nakae gurewa itavisidi.
MAT 27:52 Go valiwoga tukubu ikatupaevedi be nakae kidi Yaubada ina kimasabayao badabadaidi boi bogina sikámasa, e ikaitaoedi.
MAT 27:53 Ago Yeisu ina taoyamna mlina tukubuyadi goi sisowóduwo sina asa kimaasabaina goi sisiu, e sivagitakoedi tomota badabadaidi yaidi.
MAT 27:54 E kina go tovayaviya adi tovakumgo taiyao sikaaiyaka Yeisu simataakavate go, nikuniku be nakae kaga liliuna sisowóduwo sigitedi, tuwo sikainaopa gagaina kadi, ‘Moitamo, ame Tauyana Yaubada Natuna.’
MAT 27:55 Ego boi vevina badabadaidi Galili goi Yeisu sisabookuliye be nakae sivavaite. Vevinayadi moe Meri guma Magidara be ana ebígana moe Yemesa be Iyosepa sinadi be nakae Sebedi natunao sinadi. E ame vevinayadi kerose go, tupwana masigava goi siitáoya sigite kaga liliuna siisowóduwo.
MAT 27:57 E bogina lavilavi toina go, koroto tayamo toesaesa guma Arimateya yoina Iyosepa ima. Tauyana nakae Yeisu ina tovatotówana tayamo.
MAT 27:58 Moe tauyana ina Pailato yaina ikawanoi idigo kana, ‘Manakae? Kutagona Yeisu wowona akabi avaliwoge gea geya?’ Tuwo moitamo Pailato itagona go, ina tovayaviyayao ilovinaedi idigo kana, ‘Kōna Tauyana wowona kokābi go, ame korotoyana kovīni.’ Tuwo sina Yeisu wowonayana sikabi sime Iyosepayana sivini.
MAT 27:59 Sivini, e Iyosepayana ma senao sikabi go, areko maavadaina sikabi, siutube.
MAT 27:60 Siutube ikavava, sinave Iyosepa ina valiwoga tukubu vau goi sisiu siyato. Tukubuyana boi gurewa itavi. E Yeisu wowonayana siyato ikavava, sisowóduwo go, gurewa gagaina gumogumoina sipuli tukubuyana tobuna sikaubode. Ikavava, sitáoya sina.
MAT 27:61 Ego amoko goi Meri guma Magidara mana ebígana tukubuyana tubalakoina goi siitusobu Iyosepa sigitegite.
MAT 27:62 Amo maliyalinayana moe Basitáwana Aikanina ana katubayásina ana maliyalina. E vanuwo itomo kidi Tonúwala Gagaidi be nakae Parisi sina Pailato taiyao situgúguna
MAT 27:63 sidigo kadi, ‘Tomoya, kai kanuwopeye boi amo topolayana nava maa yawoina idigo kana, “Maliyalina aito sikavava, e ámasa goi Yaubada bei ikaitaoegu.”
MAT 27:64 Tauna im tovayaviyayao kulovinaēdi sina Tauyana ina valiwoga tukubu sivabodebode be nakae simatakavatedoko ana kadókana maliyalina aitonina goi, govila bei ina tovatotowanayao sina wowona sivainao, e tomota silatuwokoidi kadi, “Yaubada tokámasa yaidi goi bogina ikaitáoe.” Moeko goi pola vakuumgoina igoyo go, ame polayana vaamliyaina igoyo toina.’
MAT 27:65 Kina Pailatoyana idigo kana, ‘Tovayaviya bei avinimi. Kokabīdi kōna go, nakonakae itoboinemi, e tukubuyana kovabodebōde.’
MAT 27:66 E tuwo moitamo sina tukubuyana sivabodebode go, idi vabodabodayana ame nakae: Mainao gurewa tukubu tobuna goi giyaina sibwade, e bei siyagoi neta tomota tayamo ikatupáeve. Aiyuwoina tukubuyana tovayaviya sikaaiyaka simatakavatedoko.
MAT 28:1 E Sabati mlina wiki ana maliyalina vakuumgoina goi nobuyana nava matagougouna go, Meri guma Magidara mana ebígana sitáoya sina bego Yeisu ana valiwoga tukubu sivadade.
MAT 28:2 Sima go, matabuwona nikuniku gagaina itátava. Bogina kuyagoi. Yauwe ina anerose yábana goi bogina isou ina tukubuyana ana kauboda gurewa ipuli. Ikavava, gurewayana yatana goi itulaga, ikaaiyaka.
MAT 28:3 Ego aneroseyana ana kaigigita inamanámala ávila nakae go, ana kwama poowouna toina.
MAT 28:4 E tukubu ana tomatakavatayao sikaaiyaka aneroseyana sigite, tuwo simatoita. Idi matoitayana pasina simalitatátava go, matadi siginigini isouyedi poyapoya goi tokámasa nakae.
MAT 28:5 E vevinayadi adi taiyuwo sina tukubu goi, e aneroseyana ilatuwokoidi idigo kana, ‘Taabu koomatōita! Bogina ayagoi Yeisu tupaatukoina koolusale.
MAT 28:6 Tauyana ameko geya. Moitamo. Yaubada ámasa goi bogina ikaitáoe nakae boi Yeisuyana idige. Kōma tukubu goi kosīu ina kaba yata kogīte daakakaina.
MAT 28:7 Kogite ikavava, woilīmi kōna ina tovatotowanayao kolatuwokōidi kami, “Yaubada Yeisu tokámasa yaidi goi bogina ikaitáoe. Go konōve! Tauyana bei ivakumgo ina Galili namliyeta baige komi kōna amoko goi bei kogite.” Konōve, bogina alatuwokoimi.’
MAT 28:8 Tuwo moitamo Yeisu ana kaba yata sigite ikavava, tukubu goi woilidi silokoináoduwo, madi matoita be madi uyáwana gagaina sima kai Yeisu ina tovatotowanayao yaima goi sitalavaita.
MAT 28:9 Simamaima go, Yeisu ivalobodedi kana, ‘Yaubada ina tuboina yaimi!’ E sibala sima sivatugúyala aena siyoisidi go, yaina goi sisakululu.
MAT 28:10 E tuwo Tauyana idigo kana, ‘Taabu koomatōita. Kotāoya kōna segowo kolatuwokōidi bego sina Galili goi. Amoko goi bei sigitegu.’
MAT 28:11 E tauyadi simamaima go, kidi tukubuyana ana tomatakavatayao maniyedi sina Yerusalema goi. Kaga liliuna siisowóduwo, e Tonúwala Gagaidi yaidi goi sitalavaitedi.
MAT 28:12 Ago Tonuwalayadi sinove, tuwo Diyuu idi tomoyamoya siduduwedi situgúguna taiyao silosinapu. Ikavava, mani siriba gagaina sikabidi tomatakavatayadi sivinidi
MAT 28:13 silatuwokoidi sidigo kadi, ‘Kotalavāita kami, “Sabamgo goi kaamasisi go, Tauyana ina tovatotowanayao sima tukubu goi wowona sivainao.”
MAT 28:14 Ago ame valayana neta gávana inove, kai bei nukotona katalai, e bei tauyana ina liuna geya kobabaneyeta.’
MAT 28:15 E tuwo moitamo siribayadi sikabidi, sina siguinuwe nakae Tonuwalayadi sidige. Ame tetalayana inúnuwo Diyuu yaidi goi go, ame tuta nakae.
MAT 28:16 E vevinayadi bogina sima, kai tovatotowanayama yawou tayamo Yeisu ina livala silatuwokoima. Ikavava, katáoya kana Galili goi. Amoko goi koya tayamo katuko nakae boi Yeisu ilatuuwokoima.
MAT 28:17 Katuko kana koyayana goi, e Yeisu kagite, tuwo kasakululu Tauyana yaina go, maniyema kananayuwo.
MAT 28:18 Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.
MAT 28:19 Tauna kotāoya kōna asa liliudi goi tomota kotakutūdi simalatovatotówana namliyeta baige Tamada be Natuna be nakae Baloma Kimaasabaina yoina goi kosayoyōidi.
MAT 28:20 Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’
MAR 1:1 Vala Dedevina ame Yeisu Guyau, Tauyana Yaubada Natuna, valena ana kaba vatowo. Ana kaba vatowoyana ame nakae:
MAR 1:2 Boi nimatu Yaubada ina tokabivalavala Aiseya ina buki igini, e Tauyana ina livala Guyau manuna italavaite, idigo kana,
MAR 1:3 Toduduwo niyana gagaina yoyowo goi iiduduwo kana,
MAR 1:4 Nakae Aiseya ina talavaitayana, e Iyoni tosayóyova ina yoyowo goi tomota yaidi itaalavaita idigo kana, ‘Imi goyo goi kotugavīla namliyeta bei asayoyoimi, e bei Yaubada imi goyo inuwotaoidi.’
MAR 1:5 Itaalavaita go, boda gagaina Yudiya ana dadava madabokina goi be nakae da Yerusalema madabokidi sima tauyana sitaiyakeke go, idi goyo sitalavaitedi namliyeta bwae sákala Iyoridani goi isayoyoidi.
MAR 1:6 Iyoniyana ana kwama moe Yaubada ina tokabivalavala ana kwama nakae tuta liliuna ilosilosi. Ana kwamayadi kameri unuununa goi siwodugudi. Ana gadíwana tolobona goi moe yoguyogu sakavaina. Ago tatabole be mokava ikakáika.
MAR 1:7 E tauyana itaalavaita, idigo kana, ‘Tauyana mligu goi imamaima itobukukuyuigu; nakae geya itoboineguta bei asakululu ana sendoro ana búyala ataligei unana yau sobuyekoina.
MAR 1:8 Yau bwae goi bogina asayoyoimi go, Tauyana Baloma Kimaasabaina goi bei isayoyoimi.’
MAR 1:9 Moe nakae Iyoni ina katubayásina Yeisu ina sowóduwo manuna. Amo lavayana Yeisu itáoya Galili asaina Nasareta goi ina sákala Iyoridani goi. Iyoniyana nava tomota isaayoyoidi, tuwo Yeisu isayoyoi.
MAR 1:10 Isayoyoi ikavava, bwae goi isinalaga, e mainao ikandolaga igite yábana sekulapeyaina Yaubada ikiise go, Baloma Kimaasabaina bunabuna nakae isou imamaima Yeisuyana yaina goi.
MAR 1:11 Ago aníyana tayamo yábana goi itumasobu kana, ‘Kom Natugu guna kakaya, auyaonedokoim.’
MAR 1:12 E Baloma Kimaasabaina Yeisu ietune ina yoyowo goi.
MAR 1:13 Amoko goi maliyalina 40 ikaaiyaka. Amo tutayana kina Kaleya ima Yeisu ivakakone. Ego Yeisu ikaaiyaka yoguyogu sasasaidi taiyao go, anerose sima simataakavate.
MAR 1:14 E gávana Erodi ilovina Iyoni siyoisi deri goi sivaisiu. Iyoni ana yoitayana mlina kina Yeisu itáoya ina Galili ana dadava goi Yaubada Valena Dedevina itaalavaite,
MAR 1:15 idigo kana, ‘Tuta Yaubada boi iupeupe bogina isowóduwo, e ina kalibúbuna bogina imaiyaba bei itoboinemi kosiu. Kotugavīla be Vala Dedevina konumīse.’
MAR 1:16 Yeisu Galili Bwaena labutabutaina goi iivayali go, Saimoni maa siyana Anduru igitedi idi úwata bwae goi silavelave. Bogina kuyagoi. Adi taiyuwokova tóuwata.
MAR 1:17 E igitedi, ilatuwokoidi idigo kana, ‘Kōma kosabokuliyēgu bei avayokoimi tomota adi touwatayao.’
MAR 1:18 E tuwo moitamo kidi mainao sitáoya, idi úwata sikalave go, Yeisu sisabokuliye.
MAR 1:19 Tauyadi giyaina sivayalikova go, Yeisu ikandobala Sebedi ma natunao Yemesa be Iyoni igitedi, oga goi sikaaiyaka idi úwata siyaanumedi.
MAR 1:20 E igitedi, iduduwedi idigo kana, ‘Komi kōma kosiukōigu.’ Tuwo moitamo kidi mainao sitáoya, tamadi Sebedi mana topaisewayao kiveko oga goi sikalavedi go, sima Tauyana sisabokuliye.
MAR 1:21 Yeisu mana tovatotowanayao siketoiya sina Kapaneumi goi sisiu sikaaiyaka. E Sabati sina Diyuu idi kaba tugúguna goi sisiu go, Yeisu ivaatulúkwana.
MAR 1:22 Ina vatulukwanayana pasina boda sikainaopa, kadi, ‘Tauyana ina vatulúkwana geya kada kidi Yaubada ina Katukeda ana tovatulukwanayao nakae geya, go sem mana lovina ivaatulúkwana.’
MAR 1:23 E idi kaba tugugunayana goi koroto tayamo naagovaina ikaaiyaka. Korotoyana iduduwo idigo kana,
MAR 1:24 ‘Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom Totumasaba, Yaubada goi kuma.’
MAR 1:25 Go kina Yeisuyana ibove, idigo kana, ‘Tuwo! Kumaigāumo go, koroto yaina goi kusowōduwo!’
MAR 1:26 Tuwo dimoniyana koroto ikinagove itátava go, mana podeda gagaina korotoyana yaina goi isowóduwo ina.
MAR 1:27 Tomota madabokidi sikainaopa, tauna taudiva silumadadedi, sidigo kadi, ‘Iyaa, ame manakae? Vatulukwana vau mana lovina! Dimoni nakae ilovinaedi go, Tauyana sopana sikabiikaone!’
MAR 1:28 Tuwo Tauyana valena isagayako ina asa liliudi Galili ana dadava goi.
MAR 1:29 E Yeisu itáoya aba tugugunayana goi isowóduwo go, Yemesa be Iyoni taiyao sina Saimoni be Anduru idi vada goi sisiu.
MAR 1:30 Ego Saimoniyana yaona (moe monena sinana) manaa katówana iimasisi. E vavinayana manuna Yeisu silatuwoko.
MAR 1:31 Tuwo ibala ina vavinayana nimana iyoisi ibutáoe. Ibutáoe, ina katowanayana ikalave. Ikavava, itáoya ina avadi ivaideda.
MAR 1:32 E asa bogina lavilavi, tutayana níyala iisaliu, toni kasa idi tokatówana be nakae tomota naagovaidi, e liliudi simedi Yeisu yaina.
MAR 1:33 Tuwo asa ana tokaiyakayao madabokiidi sima vadayana totomna goi siitáoya.
MAR 1:34 Tokatówana badabadaidi be tauyadi naagovaidi badabadaidi Yeisu ikidedevinedi. Ago dimoniyadi Yeisu bogina siyagoi, tauna geya itagonedita sibóbwara.
MAR 1:35 E botomotomo toina Yeisu itáoya vada goi isowóduwo go, aneta ina yoyowo goi ikaawanoi Yaubada yaina.
MAR 1:36 Ikaawanoi go, Saimoni senao taiyao sina Tauyana silusale makimaki.
MAR 1:37 Silusale, sibabane, silatuwoko sidigo kadi, ‘Iyaa! Tomota madabokidi siluusalem, latuwodi kom.’
MAR 1:38 Go Yeisuyana idigo kana, ‘Tāna asa maniyena bego amoko goi nakae Vala Dedevina atalavaite tomota yaidi. Moe pasina tauna ama.’
MAR 1:39 Tuwo moitamo ina Galili ana madabokina goi ivanibiníbita go, Valayana Diyuu idi kaba tugúguna tamo tamo goi itaalavaite be nakae dimoni ivataapiyedi.
MAR 1:40 Tuta tayamo tolepero tayamo ima Yeisu yaina goi aena ivatugúyala, ikawanoi makimaki idigo kana, ‘Neta im nuwonúwana nakae, itoboinem kukidedevinegu bei sakavaigu imavada.’
MAR 1:41 Tuwo mana nuwokapisi nimana iyosale toleperoyana ibisikone idigo kana, ‘Guna nuwonúwana nakae. Kumavāda!’
MAR 1:42 Tuwo mainao korotoyana sakavaina ina lepero ikavava, e sakavainayana imavada.
MAR 1:43 E korotoyana ikatumatali makimaki idigo kana, ‘Kunōve! Am kimavadayana manuna geya vatau tayaamo kulaatuwōko, go sem kūna Tonúwala yaina goi kuvagitakōim igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’ Ikatumatali ikavava, ilatuwoko ina.
MAR 1:45 E kina go korotoyana ina Tonúwala yaina iguinuwe nakae Yeisu ilatuwoko go, Yeisu ina sanaboda geya ikabikaoneyeta, go sem ina tomota yaidi ivatowo Yeisu ina guinuwa tetelina italavaite. Tuwo Tauyana valena isagayako. Tauna geya tuwaina itoboine asayadi sinaedi goi ivamaamaétala, go sem ina yoyowo goi ikaaiyaka. Go asa liliudi goi tomota simamaima Tauyana yaina.
MAR 2:1 Niga Yeisu ikaluvilamna ina Kapaneumi goi go, maliyalina maniyedi sikavava, toni kasa sinove bego Tauyana bogina ima vada goi ikaaiyaka.
MAR 2:2 Tuwo tomota badabadaidi sima vadayana goi situgúguna, tauna sinaena ikayaoda, e totom kikina nakae ikayaoda. Tomota sikaaiyaka go, Tauyana Yaubada ina vala ivatuulukoidi.
MAR 2:3 Ivaatulúkwana go, koroto adi taivasi topem ma liyaliyakaina sime.
MAR 2:4 Latuwodi sisiuye sime Yeisu yaina goi go, boda isaki pasina geya itoboinedita. Tauna aitámana toluye goi simwerae sinave vada yatana goi átava giyaina sikibale. Ikavava, topemyana ma liyaliyakaina sisoilave isou Yeisu matana goi siyato.
MAR 2:5 Siyato go, Tauyana idi numisa igite, tuwo topemyana ilatuwoko idigo kana, ‘Natugu, yau adigo kom im goyo adi nuwotao bogina kubabane.’
MAR 2:6 E kidi go Yaubada ina Katukeda ana tovatulukwanayao maniyedi amoko goi siitusobu taudiva nuwodi goi sinuwonúwana kadi,
MAR 2:7 ‘Iyaa! Amo korotoyana manakae! Idigopopóita! Tauyana bego ieyaubada! Geya vatau tayaamo itoboine bei tomota idi goyo inuwotaoidi. Moe Yaubada anetava itoboine.’
MAR 2:8 E Yeisu balomaina goi iyagoi manakaedi sinuwonúwana, tuwo ilatuwokoidi idigo kana, ‘Komi kaga unana nuwomi goi moe nakae konuwonuwone?
MAR 2:9 Gobe ava livala ikakapu topemyana alatuwoko? Kagu, “Kom im goyo ana nuwotao bogina kubabane”? Gea kagu, “Kutāoya be im sita kukavāle, e kuketōiya”? Nako ikakapu?
MAR 2:10 E itoboine koyagoi Tomalatomota mana lovina poyapoya goi tomota idi goyo inuwootaoidi.’ Yeisu itugavila topemyana ilatuwoko idigo kana,
MAR 2:11 ‘Alatuwokoim kutāoya, im baseko kwābi, kwaluvīla kūna im kasa!’
MAR 2:12 Tuwo topemyana itáoya, e mainao ina baseko ikabi, boda liliudi matadi goi iketoiya vadayana goi isowóduwo ina! Tauna boda madabokidi sikainaopa nakae Yaubada ina togaga ana káeyana sikamoitamoe kadi, ‘Guinuwa amo nakae boi geya tayaamo tuta tagite!’
MAR 2:13 Niga Yeisu ina Galili labutabutaina goi, tuwo boda gagaina simamaima Tauyana yaina go, ivatuulukoidi.
MAR 2:14 Ikavava, iketoiya inonoina go, Alipiyo natuna Livai igite, takisi ana kaba gogo goi iitusobu ipaaisewa. Tuwo Yeisu ilatuwoko idigo kana, ‘Livai, kūma kusabokuliyēgu!’ Tuwo moitamo itáoya, Yeisu isabokuliye.
MAR 2:15 Niga Yeisu mana tovatotowanayao taiyao sina Livai ina vada goi áika manuna. Amoko goi takisi ana togogoyao be ituli ta toogoyoidi badabadaidi sikaaiyaka Yeisu mana tovatotowanayao taiyao sikakáika. Bogina kuyagoi. Booda Yeisu sisabookuliye.
MAR 2:16 E sikakáika go, kidi Parisi amoko goi sikaaiyaka, tauyadi Yaubada ina Katukeda ana tovatulukwanayao. E Yeisu sigite ikakáika takisi ana togogoyao be ituli ta togoyoidiyadi taiyao. Tuwo ina tovatotowanayao silatuwokoidi sidigo kadi, ‘Kaga unana ami tovatulúkwana takisi ana togogoyao be ituli ta toogoyoidi taiyao sikakáika?’
MAR 2:17 Go kina Yeisu inovedi, ilatuwokoidi idigo kana, ‘Gwa. Tauyadi madi deedevina geya latuwodi doketa, go sem kidi tokatówana latuwodi doketa. Yau ama geya tauyadi toinidi sinuwonúwana bego kidi tokibóbwata aduduwedi geya, go sem ama toogoyoidi aduduwedi bei situgavila.’
MAR 2:18 E Iyoni ina tovatotowanayao be nakae kidi Parisi sidiiyakímwana Yaubada manuna. Tuwo tomota maniyedi sima Yeisu silumadade sidigo kadi, ‘Iyoni ina tovatotowanayao be nakae Parisi idi tovatotowanayao sidiiyakímwana go, kom im tovatotowanayao manakae geya sidiyakimoneta?’
MAR 2:19 Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi nuwomou sidiyakímwana? Geya itoboinedita sidiyakímwana neta tonai koroto nava yaidi goi ikaaiyaka ae? Go sem itoboinedi madi uyáwana sikakáika ae?
MAR 2:20 E diyakímwana ana tuta nava imamaima. Amo tutayana tonaiyana bei siyoisi sinave, e tuta amo goi baige tauyadi sidiyakímwana.
MAR 2:21 E livalakaibala tayamo vatulukwana bogo be vatulukwana vau manudi avatulukoimi bei koyagoi. Geya vatau tayaamo boboda vau ikabi, ana kwama bogo taaporaina goi igilumipatuko, govila bei bobodayana ikatumásina, e kwama bogoyana itaisa go, ina taisayana bei gagaina.
MAR 2:22 Aiyuwoina geya vatau tayaamo oine vau ikabi, opo bogo goi isaligogo, govila bei oine vauyana ana togaga pasina opo itapao, e oineyana idau besobeso go, opoyana bei igoyo. Go sem oine vau takabi, opo vau goi tasiwoi.’
MAR 2:23 E Sabati tayamo goi Yeisu mana tovatotowanayao tánuwo sinaena siiketoiya. Ago ina tovatotowanayaoyadi idi ketoiya goi witi keuwoina siiguwedi sikakáika.
MAR 2:24 Kidi go Parisi sikaaiyaka Yeisu silatuwoko sidigo kadi, ‘Iyaa! Amo tauyadi manakae siguuinuwa kaga Sabati ana lovina geya itagonedeta taguinuwe?’
MAR 2:25 Go kina Yeisu idigo kana, ‘Manakae? Kaga Devida boi iguuinuwe tetelina geya kokatuyaiviyeta ae? Boi tutayana ma senao loga sikámasa go, geya avadimo.
MAR 2:26 Tuwo tutayana Tonúwala Toolagaina Abiyatari ina tuta goi kina Devidayana ina Yaubada ina Vada isiu, Tonuwalayana yaina ikawanoi awoinu manuna. Tuwo Tonuwalayana beredi kaasalaidi ikabidi, Devida ivini ikáika. Ikáika ikavava, senao nakae ivinidi sikáika. Go geya vatau tayaamo mana tagona berediyadi ikáika. Moe kidi Tonúwala taudiva madi tagona sikáika.’
MAR 2:27 Tuwaina Yeisu idigo kana, ‘Yaubada Sabati ivinida ada dedevina manuna go, geya kada imadagida Sabati manuna geya.
MAR 2:28 Tauna Tomalatomota moe Sabati nakae ana Tomoya, e ilovina kaga itoboine Sabati goi tomota siguinuwe, tauna guna tovatotowanayao geya adi pikwanamo.’
MAR 3:1 Aiyuwoina Yeisu ikaluvilamna ina Diyuu idi kaba tugúguna goi isiumna. Koroto tayamo amoko goi ikaaiyaka, nimana napanapaina go, kaamasina.
MAR 3:2 Kidi Parisi nakae sikaaiyaka, Yeisu sidumaakavate; latuwodi sigite neta Sabati goi korotoyana bei ikidedevine. Idi dumakavatayana bego itoboinedi Yeisuyana sikamamaetali Sabati ana lovina ana tokapipilova.
MAR 3:3 Tuwo ikandobala korotoyana igite, ilatuwoko idigo kana, ‘Kom nimam kaamasina, tomota nauyayanaidi goi kutāoya!’ Tuwo moitamo tomota nauyayanaidi goi itáoya
MAR 3:4 go, Yeisu itugavila, Parisiyadi ilatuwokoidi idigo kana, ‘Manakae? Itoboineda Sabati goi tavaita gea tayogedageda? Tomota yawoina tayave gea takaumate?’ Kidi go Parisiyadi situgau.
MAR 3:5 Tuwo Yeisu mana egamogamogu imatavilavila go, nuwona imou gagaina idi dabakasa pasina. Tuwo itugavila korotoyana ilatuwoko idigo kana, ‘Nimam kuyosāle!’ Tuwo moitamo nimana iyosale go, bogina idedevina.
MAR 3:6 Kidi Parisiyadi sitáoya, aba tugugunayana goi sisowóduwo sina Erodi ina bodao taiyao silosinapu manakaedi bei Yeisu sikaumate.
MAR 3:7 Yeisu ina tovatotowanayao ikabidi, amo asayana sikalave, siiwo sina Galili labutabutaina goi. Go boda gagaina sinove kaga liliuna Yeisu bogina iguinuwedi, tuwo sima Tauyana sisabokuliye. Bodayadi Galili goi, Yudiya goi, Yerusalema goi, Idumeya ana dadava goi be nakae kidi Iyoridani go, bomatu dadavina asaina madabokidi goi sima. Aiyuwoina maniyedi Taya be Saidoni kikidi goi sima.
MAR 3:9 Tuwo Yeisu ina tovatotowanayao ilatuwokoidi idigo kana, ‘Kewou kokābi kōme bei itoboinegu asowoya boda pasidi, govila bei bodayadi sivatuvagivagígina yau yaigu.’
MAR 3:10 Moitamo boda gagaina. Tokatówana badabadaidi bogina ikidedevinedi, tauna tokatówana liliuudi siketoiya vagivagígina sima latuwodi Yeisu sibisikone.
MAR 3:11 Go ava dimoniva neta tomota yaidi goi sikaaiyaka go, Yeisu sigite, e tomotayadi sikinagovedi, e Yeisu matana goi aedi sivatugúyala go, sipodeda, sidigo kadi, ‘Kom Yaubada Natuna!’
MAR 3:12 Go kina Yeisu ilovinaedi idigo kana, ‘Taabu kotaalavāita bego yau avatau.’
MAR 3:13 Niga ituko ina koya goi go, ava tomotava bogina ikinavedi iduduwedi sima yaina.
MAR 3:14 Ago koroto yawou aiyuwo ikawoidi be nakae ivayokoidi kidi ina vamoleyanayao. Nakae iguinuwe bego Tauyana sivakitau go, ivamoleyedi sina asa maniyedi goi Vala Dedevina sitalavaite
MAR 3:15 be nakae madi lovina dimoni sivatapiyedi.
MAR 3:16 E yawou aiyuwo iikawoidi yoidi ame nakae: Saimoni (tauyana youyuwoina moe Pita),
MAR 3:17 Sebedi natunao Yemesa ma siyana Iyoni go, Yeisu ivayokoidi Bowanega. (Bowanegayana ana kaigavila moe kidi palapala nakae.)
MAR 3:18 Tuwaina Anduru, Pilipo, Batolomiu, Madiu, Tomasi, Alipiyo natuna Yemesa, Tadiyasi be nakae ituli ta Saimoni (boi tauyana Isileli tubunao idi kaba lovina ana tokokóila).
MAR 3:19 Tuwaina Yudasa guma Keriota; tauyana nava bei Yeisu inuwotuluye.
MAR 3:20 Niga Yeisu ikaluvila ina ina vada Kapaneumi goi go, aiyuwoina boda gagaina sitaligógana simamaima yaina. Tauna Yeisu mana tovatotowanayao geya itoboinedita siwaiwasi be sikáika.
MAR 3:21 Go tutayana ina bodao valena sinove, sima bego siyoisi sinave; idi nuwonúwana kadi, ‘Nakona iyaluwo.’
MAR 3:22 Kidi go Yaubada ina Katukeda ana tovatulukwanayao maniyedi Yerusalema goi sisou sima latuwodi bego Yeisu ina paisewa sigite. Tauyadi sidigo kadi, ‘Beyelisebuli moe dimoni idi tolovina, e Yeisu ikiinagove. Tauyana dimoni ivataapiyedi go, moe Beyelisebuliyana ina togaga kaka goi ivataapiyedi siisowóduwo.’
MAR 3:23 Go Yeisu iduduwedi sima livalakaibala goi ivatulukoidi idigo kana, ‘Manakae? Kaleya bego toinina ina bodao ivatapiyedi? Neta nakae iguuinuwe, bei ineneta.
MAR 3:24 Ava kaba lovina neta sinaena tomota siilivisi, moe aba lovinayana bei isou.
MAR 3:25 Bodayáuwo nakae. Neta sinaedi tomota siilivisi, tomotayadi geya itoboinedita taiyao sitaoyakavata, go sem bei sisapa.
MAR 3:26 Ada Kaleya nakae. Neta toinina ina bodao ivakaleyedi, bei silivisi. Go moe kaga ana dedevina? Geya itoboineyeta itaoyakavata, go sem nava bei ikavava.
MAR 3:27 Yau dimoni avataapiyedi go, geya kada tauyana ina togaga goi avataapiyedi. Aba gita tayamo aguinuwe bei koyagoi Yaubada Balomaina goi dimoni avataapiyedi. Ada Kaleya koroto toogilúluna nakae. Geya vatau tayaamo itoboine togilulunayana ina vada goi isiumo bei konana ivainaoidi. Go koroto tayamo neta togilulunayana ina vada goi isiu go, mainao ivasobusobuye namliyeta baige nimana aena iyowóidi, e itoboine bei konana ivainaoidi. E yau nakae. Ada Kaleya bogina avasobusobuye, tauna itoboinegu ina dimoni avatapiyedi.
MAR 3:28 Moe pasina itoboinegu dimoni avatapiyedi go, ame alatuuwokoimi konōve: Tomota idi goyo liliudi be idi tagíwaya liliudi sivaatoidi adi nuwotao bei sibabane.
MAR 3:29 Go avatauwa neta Baloma Kimaasabaina sitagiwoi, e adi nuwotao geya sibabaneyeta, go sem idi goyoyana ikaiyako vata yaidi goi.’
MAR 3:30 Yeisu ina bóbwara amo nakae unana kidi sidigodigo bego dimoni Tauyana ikiinagove. Tauna nakae ilatuwokoidi.
MAR 3:31 E Yeisu sinana be senao bogina sima moetala goi siitáoya, tuwo livala sietune ina Yeisu bego isowóduwo ima.
MAR 3:32 Tuwo boda Yeisu situsoobukobu silatuwoko sidigo kadi, ‘Gwa! Sinam be semowo moetala goi siitáoya; latuwodi kom kunovedi.’
MAR 3:33 Go kina Yeisu idigo kana, ‘Sinagu avatau? Segowo avatauwa?’
MAR 3:34 Imatavilavila tauyadi situsoobukobu igitedi idigo kana, ‘Sinagu be segowo goamedi.
MAR 3:35 Moitamo. Avatauwa neta Yaubada ina nuwonúwana siguuinuwe, e moe tauyadi segowo nakae niugowo nakae sinagowo.’
MAR 4:1 Aiyuwoina Yeisu ikaluvilamna ina Galili labutabutaina goi ivatowo ivatulúkwana. Ivaatulúkwana go, boda gagaina sitaligógana simamaima Tauyana yaina. Tauna itáoya iiwo ina oga tayamo idoidoiye goi isowoya, itusobu go, bodayadi liliudi labutabuta goi sikaaiyaka.
MAR 4:2 Tauyana vatulúkwana badabadaidi ivatuulukoidi go, madabokina moe livalakaibala goi. Ina vatulukwanayana goi idigo kana,
MAR 4:3 ‘Ame konōve: Tobágula tayamo ina ina tánuwo goi witi kutukutuna isivagaegaedi.
MAR 4:4 Isivagaaegaedi, e maniyedi sisou enao goi. Tuwo mánuwo sisou sima sikanidi.
MAR 4:5 Ago kutukutuyadi maniyedi sisou manamanáiyala goi go, mainao sitabo unana poyapoya giyaina.
MAR 4:6 Tutayana níyala ituko, iidimoidi simémala unana lamdi sitetalamo.
MAR 4:7 Go kutukutuyadi maniyedi sisou taliboibo goi taiyao sitabo, sibíbina go, taliboiboyadi sididimatedi, tauna geya sikeuwoita.
MAR 4:8 Go kutukutuyadi maniyedi sisou poyapoya dedevina goi sitabo, sibíbina, sikéuwo gagaina. Kutukutu badabadaiidi! Niga dibayoya ana tuta maniyena 30, maniyena 60, maniyena 100.’
MAR 4:9 Tauyana kana, ‘Avatauwa komi neta ma taaiyami, e guna livala konoovedōko.’
MAR 4:10 Tutayana Yeisu ina bóbwara isayata go, anetava ikaaiyaka, e ina tovakitaunayao be kidi yawou aiyuwoyadi taiyao sima Tauyana yaina goi ina livalakaibala manudi silumadádana.
MAR 4:11 Tauyana idigo kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go avatauwa neta nava Yaubada ina kalibúbuna goi geya sisiuta, e kaga liliuna livalakaibala goi sinovedimo, tauna geya siyagoiyeta.
MAR 4:12 Moe bego tokabivalavala tayamo ina livala imalatomota, kana,
MAR 4:13 Tuwaina idigo kana, ‘Manakae? Guna livalakaibala ame geya koyagoiyeta ae? Gobe manakaemi bei livalakaibala liliudi koyagoidi?
MAR 4:14 Livalakaibalayana ana talígava ame nakae: Kutukutuyadi tobágula isivagaaegaedi moe nakae Yaubada ina livala.
MAR 4:15 E tomota maniyedi amo poyapoyayana enao goi nakae tutayana kutukutu sisou. Amoko goi tobágula livalayana isivagaegae. Tutayana livalayana sinove, mainao Kaleya ima livalayana boi tobágula iibaguli tomota yaidi goi, e ikabi inave.
MAR 4:16 Tomota maniyedi amo manamanaiyalayana nakae tutayana kutukutu sisou sitabo. Tutayana ame tauyadi Yaubada ina livala sinove, mainao madi uyáwana siuuyaone.
MAR 4:17 Livalayana siuuyaone go, nuwodi goi geya ikaseta nakae poyapoya kakaaraiina goi lam geya ikaseta. Tuwo tuta kaakupina tauna ikaaiyaka. E tutayana livalayana pasina mou be yogedageda sibabanedi, mainao sikapusi.
MAR 4:18 Tomota maniyedi amo poyapoyayana talibooibina nakae tutayana kutukutu sisou sitabo. Ame tauyadi Yaubada ina livala sinove go,
MAR 4:19 niga idi kaiyaka ana nuwokubukubu, esaesa ina tubanibani be nakae kónana adi yala atedi goi sisiu, e taliboibo nakae livalayana sididimate, tauna geya sikeuwoita.
MAR 4:20 Tomota maniyedi amo poyapoyayana dedevina nakae tutayana kutukutu sisou sitabo. Ame tauyadi Yaubada ina livala sinove, e siuyaone be nakae keuwoidi dedevidi sikeeuwoedi; maniyena 30, maniyena 60, maniyena 100.’
MAR 4:21 Tuwaina Yeisu kana, ‘Manakae? Rampa niinimina takabi vada goi tasiuye bego bayao goi tavatum o baseko ogalaoina goi tavaisiu, gea geya? Geya, go sem rampa ana kaba yata yatana goi tayato ae?
MAR 4:22 Moitamo. Moe nakae yau guna sinapu livalakaibala goi. Kaga nakona vamoounina livalakaibala goi bei avagitakoe. Kaga nakona nuuwogauna livalakaibala goi bei akaiwoduwe bego koyagoi.
MAR 4:23 Avatauwa komi neta ma taaiyami, e guna livala konoovedōko.’
MAR 4:24 E tuwaina Yeisu kana, ‘Korugwausīmi kaga konove yau yaigu bego kokabikaone. Nakonakae guna vatulúkwana konovedoko, e nakae Yaubada nanamsa tuwaina ivinimi go, nanamsayana bei ivaituwe yaimi.
MAR 4:25 Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta livalayana sinooveyamo, ava nanamsa ikaaiyaka tauyadi yaidi, Yaubada bei ikuliuye.’
MAR 4:26 Tuwaina Yeisu kana, ‘Yaubada ina kalibúbuna tomota yaidi moe nakae vévana koroto ina tánuwo goi ibagulidi.
MAR 4:27 Sabamgo be maliyalina, ina masisi be ina táoya goi geya inuwonuwoneta vevanayadi manudi geya. Toinidi sitabotabo go, adi tabo be adi bíbina geya iyagoidita.
MAR 4:28 Poyapoya ilovina adi tabo be adi bíbina be adi kéuwo manudi.
MAR 4:29 E namliyeta keuwoina imatuwo, tobagulayana ivatowo bei idibayoya.’
MAR 4:30 Tuwaina Yeisu kana, ‘Yaubada ina kalibúbuna sinaena goi ina bodayáuwo adi vaituwo kaga goi bei akatutuko? Ava livalakaibala itoboine bei alivalakaibalae, e bei imavada yaimi?
MAR 4:31 Ana kaigigita alova tayamo kutukutuna giyaina toina nakae. Kutukutu liliudi poyapoya ame goi geya tayaamo alova kutukutuna giyaina nakae.
MAR 4:32 Go tutayana tabaguli, bei itabo ibíbina, e alova liliudi itabosavedi; nakae laonina gagaidi iyatoidi. Tauna laoninayadi goi mánuwo itoboinedi idi vátala siyowóidi.’
MAR 4:33 E livalakaibala badabadaidi amo nakae tutayana Yaubada ina kalibúbuna valena tomota ilatuuwokoidi. Go nakonakae tomota itoboinedi sinove, e nakae ilivalaakaibale.
MAR 4:34 Lava liliuna livalakaibala kaka goi boda ivatuulukoidi, go sem ina tovatotowanayao aditava yaidi livalakaibalayadi itaaligeidi.
MAR 4:35 E amo maliyalinayana goi asa bogina ikalavilavi go, Yeisu ina bóbwara ilukavave. Ilukavave, Tauyana oga goi ikaaiyaka ina tovatotowanayao ilatuwokoidi idigo kana, ‘Kōma kosowōya, Galili Bwaena tayaodamāne tāna ta dadava.’
MAR 4:36 Tuwo boda labutabuta goi sikalavedi go, oga goi sisowoya, sikailova oga maniyedi taiyao.
MAR 4:37 Sikailova sinonoina go, ulibomatu gagaina ikalisou Bwaeyana goi itowo. Tuwo aivaya siseulalágata, e ogayana bogina sivakayaaodei.
MAR 4:38 Kina go Yeisu oga valemli goi ikaaiyaka, dabana logédava goi iyato bogina ikanaamatáiya. Tuwo ina tovatotowanayao sima siwoini sidigo kadi, ‘Tovatulúkwana! Manakae? Geya kunuwonuwoneta bego tavailai?’
MAR 4:39 Tuwo itáoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.
MAR 4:40 Go ina tovatotowanayao ilatuwokoidi idigo kana, ‘Kaga komatoitae? Manakae? Nava geya konumisedokoiguta ae?’
MAR 4:41 Tauyadi simatoita gagaina go, taudiva sibobóbwara kadi, ‘Iyaa! Ame ava koroto? Yágira be aivaya niyana sikabiikaone?’
MAR 5:1 Yeisu kidi bogina sitadámana sina da Gerasine idi kaolao goi sivaiu.
MAR 5:2 Yeisu oga goi isou go, mainao koroto tayamo naagovaina valiwoga tukubu goi isowóduwo ima Yeisu ivalobode.
MAR 5:3 Tukubuyadi moe ina kaba kaiyaka. Boi mainao tomota itoboinedi tauyana siyoisi nimana be aena seni goi siiyowóidi go, ame tuta geya tuwaina itoboinedi.
MAR 5:4 Unana tuta liliuna neta seni goi tauyana nimana be aena siiyowóidi, e seniyadi ikiguuyalidi. Tauna geya tayaamo avatau ana kaipata bei tauyana iyoisi nimana aena iyowóidi.
MAR 5:5 Tuta liliuna, sabamgo be maliyalina, tukubu goi be koya goi isupoola beso be nakae ipodeeda beso. Aiyuwoina gurewa ikabi, toinina iitalai, ikaika idau.
MAR 5:6 E Yeisu oga goi bogina isou go, korotoyana nava aduwanau goi ikandoiwo Yeisu igite, tauna ilokoina ima Yeisu matana goi aena ivatugúyala.
MAR 5:7 Ivaatugúyala go, kina Yeisu ilatuwoko idigo kana, ‘Kom dimoni, koroto ame goi kusowōduwo!’ Nakae ibobóbwara go, dimoniyana niyana gagaina goi ipodeda, idigo kana, ‘Yeisu, kom Yaubada Tokanayatanatoina Natuna, yau guna polava moe geya kom im polava geya. Tuwo! Yaubada yoina goi akawanoi yaim bego geya kuyogedegedeguta!’
MAR 5:9 Go Yeisu idigo kana, ‘Kom yoim manakoyoina?’ Tauyana idigo kana, ‘Mama boda koroto ame sinaena goi kakaaiyaka. Tauna yoigu Uwouwo.’
MAR 5:10 Tauyadi sikawanoi makimaki sidigo kadi, ‘Taabu ame dadavayana goi kuvataapiyēma!’
MAR 5:11 Ego doyava koya goi bao badabadaidi sidumdumla. Dimoniyadi sikandobala bao sigitedi,
MAR 5:12 tuwo sikawanoi makimaki Yeisu yaina sidigo kadi, ‘Neta kuetunēma kāna dobala bao amo sinaedi goi bego kasiu.’
MAR 5:13 Tuwo moitamo itagonedi. E dimoniyadi sitáoya, koroto goi sisowóduwo sina bao sinaedi goi sisiu. Sisiu, baoyadi madabokidi sisaloku, silokoina sina koya tagatagagina goi sipela sisou sina Galili Bwaena goi sisalili. Baoyadi adi badabada moe 2,000.
MAR 5:14 Kidi go baoyadi adi tomatakavatayao sisiya sina asa gagaidi be giyaidi goi kaga kaga siisowóduwo sitalavaitedi. Tuwo toni kasa sima latuwodi sigite kaga iisowóduwo.
MAR 5:15 Toni kasayadi sima Yeisu yaina go, korotoyana boi naagovaina sigite mana kwama nakae nuwona imavada iitusobu. Tuwo simatoita.
MAR 5:16 Ago tomota boi mainao sigite kaga isowóduwo, sivateteli tomota yaidi korotoyana boi naagovaina manakaena idedevina be nakae bao manakaedi sivailai.
MAR 5:17 Tuwo toni kasayadi sinove, sikawanoi makimaki Yeisu yaina sidigo kadi, ‘Ima kasa kwalāve.’
MAR 5:18 Tuwo Tauyana iiwo ina oga goi iisowoya bego ikalavedi go, korotoyana boi naagovaina ima Yeisu yaina ikawanoi makimaki idigo kana, ‘Tomoya, manakae? Kutagona asabokuuliyem?’
MAR 5:19 Ago Yeisu geya itagoneyeta, go sem korotoyana ilatuwoko idigo kana, ‘Kwaluvīla kūna im kasa, e im bodao kulatuwokōidi Tomoya manakaena guinuwa toogagaidi iguinuwedi yaim be nakae manakaena inuwokapisiyem.’
MAR 5:20 Tuwo moitamo korotoyana itáoya ina Dekapoli goi Yeisu ina guinuwa toogagaidi tauyana yaina iguuinuwedi italavaaitedi. Ago tomota madabokidi neta livalayana sinove, nukotodi siwówana.
MAR 5:21 Tuwo Yeisu mana tovatotowanayao ogayana sisowoya, sisaidamanamna sina ituli ta dadava goi sisou, e boda sitaligógana sima Tauyana yaina go, kina labutabuta goi ikaaiyaka.
MAR 5:22 Ikaaiyaka go, Diyuu idi kaba tugúguna ana tolovina tayamo yoina Yairo ima Yeisu igite, matana goi aena ivatugúyala
MAR 5:23 ikawanoi makimaki idigo kana, ‘Natugu vavina gómana giyaina giyakainava bei ikámasa. Neta kūma gomanayana dabana goi nimam kuyatōidi, kukidedevīne, e bei ma yawoina.’
MAR 5:24 Tuwo moitamo Yeisu taiyao sina. Ego sinonoina, enao goi boda gagaina mlidi goi sivatuvagivagígina.
MAR 5:25 Sivatuvagivagigi go, bodayadi sinaedi vavina tayamo ima. Vavinayana tala yawou aiyuwo goi ikaikaina idaudau go, nava idaudau.
MAR 5:26 Ego boi nimatu inonoina doketa liliudi yaidi ina mani madabokina ilukavave go, doketayadi idi guinuwa pasina gedageda ilotowo. Ago idi guinuwa goi geya iboboineta, go sem ina vísiya ibibíbina.
MAR 5:27 Niga Yeisu valena inove, ima ivalabelabena Tauyana mlina goi ibisibala ana kwama ibisikone.
MAR 5:28 Ina nuwonúwana kana, ‘Neta Tauyana ana kwama kaka abisikoneyamo, bei aboboina.’
MAR 5:29 Tuwo ibisikone, e ikaikainayana ina dau mainao isayata. Tauyana wowona sinaena inamkone bego ina visiyayana goi bogina iboboina.
MAR 5:30 E kina Yeisu bogina inamkone bego togaga toinina yaina goi isowóduwo, tuwo itugavila boda yaidi goi idigo kana, ‘Avatau agu kwama ibisikone?’
MAR 5:31 Ago kidi ina tovatotowanayao sidigo kadi, ‘Tomoya, boda gagaina kugitedi sitaoyaakobum be sivatuvagivaagigim, tauna kaga unana kulumadádana kam, “Avatau ibisikonegu?”’
MAR 5:32 Go Tauyana imatavilavila; latuwona igite avatau ana kwama ibisikone.
MAR 5:33 E kina go vavinayana bogina iyagoi ana boboina maine ibabane, tauna mana matoita be mana tátava ima Yeisu matana goi aena ivatugúyala, e dogoiyana madabokina italavaitedokoidi.
MAR 5:34 E Yeisuyana kana, ‘Natugu, im numisa bogina ikidedevinem. Kutāoya be mam tuboina kūna. Im vísiya madabokina bogina ikavava.’
MAR 5:35 Nava Yeisu ibobóbwara go, tomota maniyedi tolovinayana ina vada goi sima Yairo silatuwoko sidigo kadi, ‘Natum bogina ikámasa, tauna kaga ana dedevina nava tovatulúkwana kuuyobose?’
MAR 5:36 E kina go Yeisu bogina inowoyabedi kaga sidigedige, e aba tugúguna ana tolovinayana ilatuwoko idigo kana, ‘Taabu kuumatōita. Kunumisegūmo.’
MAR 5:37 Ago boda liliuna isanabodedi geya sisabokuliyeta, go sem Pita be Yemesa ma tuwowona Iyoni aditava itagonedi taiyao sisiu.
MAR 5:38 Ivataoduwedi tolovinayana ina vada goi sinove taodi be táiya gagaina.
MAR 5:39 Tuwo Yeisu isiu ina ilatuwokoidi idigo kana, ‘Kaga unana kovamgemge be kotaitáiya? Gómana moe geya ikamaseta, go sem ikanaamatáiya.’
MAR 5:40 E Tauyana sinove, sivaanamae go, kina ivalilivedi sisowóduwo moetala goi. Ago gómana tamana be sinana nakae Yeisu mana tovatotowanayao adi taito sina gomanayana ina kaba masisi goi sisiu.
MAR 5:41 Sinaena goi Yeisu ibala ina gomanayana nimana iyoisi, idigo kana, ‘Talita kumi!’ Moe ana kaigavila kada, ‘Gómana alatuwokoim kutāoya!’
MAR 5:42 Gomanayana ana tala yawou aiyuwo bogina ibabanedi, tauna etoiya bogina yoiyana. Tuwo to mainao itáoya iketoiya. E tauyadi sikaaiyaka sikainaopa gagaina.
MAR 5:43 Go Yeisu isanabodedi idigo kana, ‘Geya vatau tayaamo yaina kotaalavāita guna guinuwa ame manuna, go sem gómana avana kovīni ikáika.’
MAR 6:1 Yeisu itáoya amo dadavayana ikalave go, ikaluvila ina toinina ina kasa, e ina tovatotowanayao sisabokuliye.
MAR 6:2 Sabati goi Tauyana ina Diyuu idi kaba tugúguna goi isiu ivatowo ivaatulúkwana. Ago tomota badabadaidi vadayana goi ina vatulúkwana sinovenove sikainaopa sidigo kadi, ‘Amo Tauyana ina nanamsa nako goi ikabi? Nakae ina guinuwa toogagaidi nimana goi iguuinuwedi manakaena iguinuwedi?
MAR 6:3 Iyaa! Amo Tauyana vada ana toyówana! Sinana Meri, senao moe Yemesa, Iyosese, Saimoni be Yuda. Niunao ameko sikaaiyaka tayaagoidi. Tauyana kita nakae.’ Tuwo gamodi igoyo, e Tauyana sikatae.
MAR 6:4 Go kina Yeisu idigo kana, ‘Yaubada ina tokabivalavala ana wowoina asa liliudi goi iibabane go, toinina ina kasa goi be toinina ina bodao goi be nakae toinina ina bodayáuwo goi geya ana wowoinamo.’
MAR 6:5 Amoko goi tomota geya sinumiseta, tauna Yeisu geya itoboineyeta guinuwa toogagaidi badabadaidi iguinuwedi, go sem tokatówana adi taiyuwomo sima dabadi ibisikonedi ikidedevinedi.
MAR 6:6 Ago nuwona iwówana unana geya idi numisamo. Tuwo ina ivanibiníbita asa tamo tamo goi ivaatulúkwana.
MAR 6:7 Yeisu ina tovatotowanayao yawou aiyuwo iduduwedi sima. Sima, lovina ivinidi bei itoboinedi dimoni sivatapiyedi. Ikavava, adi taiyuwo adi taiyuwo ivamoleyedi sina asa tamo tamo goi.
MAR 6:8 Go latuwona Yaubada sinumise, tauna mainao ilovinaedi idigo kana, ‘Imi vaníbita goi nima kaka kōna. Imi kaituko kaka kokabīdi, ame tauna; tuwaina geya. Ami kinare geya, wasare geya, esaesa ma saisairina geya,
MAR 6:9 go sem ami sendoro kovalilivīdi, ami kwama tayamo kolōsi go, kwama aiyuwoina taabu kokabikābi.’
MAR 6:10 Tuwaina kana, ‘Ava vada goi neta kosiu, moeko goi kokaaiyāka ana kadókana kotáoya asayana kokalave.
MAR 6:11 Go ava kasa goi kosiu, neta toni kasa geya siuyaonemita o imi livala geya sinovedita, e asa amo kokalāve go, tutayana kosowóduwo, e asayana kaukauna aemi goi kokatumaumāui. Moe imi katumátala tauyadi yaidi bego Yaubada itavileiyedi.’
MAR 6:12 Tuwo ina tovatotowanayaoyadi sitáoya sina asa liliudi goi sivanibiníbita, e tomota yaidi sitalavaita bego situgavila.
MAR 6:13 Ago dimoni tomota yaidi sivatapiyedi be nakae tokatówana liliudi pútuma goi sikatukoisidi, e sikidedevinedi.
MAR 6:14 E tolovina Erodi Yeisu ina guinuwa valena inove. Bogina kuyagoi. Yeisu yoina bogina gagaina, tomota liliudi sivaateteli. Tauyana manuna tomota maniyedi sidigo kadi, ‘Moe Iyoni tosayóyova. Tokámasa yaidi goi Yaubada bogina ikaitáoe. Ame pasina Tauyana itoboine guinuwa toogagaidi iguuinuwedi.’
MAR 6:15 Go tomota maniyedi sidigo kadi, ‘Yeisu moe Eliyau.’ Go maniyedi kadi, ‘Tauyana tokabivalavala nakae boi Yaubada ina tokabivalavalayao.’
MAR 6:16 E tutayana livalayadi Erodi inovedi, idigo kana, ‘Nakona Tauyana Iyoni tosayóyova! Boi yau guna lovina goi nukotona sibobo ikámasa go, tokámasa yaidi goi Yaubada bogina ikaitáoe.’
MAR 6:17 Erodiyana ina nuwonúwana unana ame: Boi tauyana ina lovina goi ina tovayaviyayao sina Iyoni siyoisi, nimana siyowóidi, e deri goi sivaisiu siyana Pilipo monena Erodiyasi manuna. Boi mainao Erodiyasiyana moe Pilipo monena go, kina Erodiyana siyana monena tubitubina igagi.
MAR 6:18 Iyoniyana ana yóita unana tuta liliuna Erodi ilaatuwoko kana, ‘Erodi, kom geya am tagonamo bei siyam monena kunai!’ Tauna deri goi Iyoni sivaisiu.
MAR 6:19 E kina go Erodiyasiyana iegamogamogu Iyoni ina livala pasidi, tauna latuwona tauyana sikaumate go, enao geya.
MAR 6:20 Kina go Erodi mana wowoina Iyoni imatoite, tuwo imatakavate unana iyagoi tauyana tokibóbwata be nakae kimaasabaina Yaubada umana. Erodiyana neta Iyoni ina livala inovedi, pasidi nukotona iwówana gagaina go, mana uyáwana tauyana itaiiyakeke. Tauna Erodiyasiyana enao geya ibabaneyeta bego Iyoni ikaumate.
MAR 6:21 E Erodiyana ina bíbina ana maliyalina isowóduwo. Moeko goi Erodiyasi bogina enao inuwobabane Iyoni ana kaumata manuna. Amo maliyalinayana goi Erodi áika iguinuwe go, ogaoga maniyedi iduduwedi sima. Ogaogayadi moe koroto gagaidi, tovayaviya adi tokalikumatanayao be nakae da Galili idi tomoyamoya.
MAR 6:22 Aikayana goi Erodiyasi natuna vavina isiu ina boda matadi goi iláusa go, ina lausayana Erodi mana ogaoga ivauyaonedi. Tuwo Erodi woiyaiyana ilatuwoko idigo kana, ‘Kaga latuwom, kukawanoiyēgu, bei avinim.’
MAR 6:23 Go ikatótula nakae ilapasaisai idigo kana, ‘Kaga kukawanoiye yaigu, bei avinim. Neta guna kaba lovina, bei awotai dadava tayamo avinim.’
MAR 6:24 Tuwo woiyaiyana isowóduwo ina sinana yaina goi ilumadádana idigo kana, ‘Sinagu, kaga bei akawanoiye tomoya yaina?’ ‘Latuwogu Iyoni tosayóyova bulubuluna’, sinanayana kaena.
MAR 6:25 E woiyaiyana woilina ikaluvila ima tolovina ilatuwoko idigo kana, ‘Latuwogu bego ame tutayana Iyoni tosayóyova bulubuluna noko goi kudodōi kuvinīgu.’
MAR 6:26 Ame livalayana tolovina inove, nuwona imou gagaina go, ina katótula pasina be nakae ina ogaoga pasidi geya latuwona woiyaiyana ina kawanoi ikatae.
MAR 6:27 E tolovinayana ina tovayaviya tayamo ilatuwoko idigo kana, ‘Kūna deri goi Iyoni nukotona kubōbo. Ikavava, bulubuluna kūme.’ Tuwo moitamo tovayaviyayana itáoya ina deri goi Iyoniyana nukotona ibobo.
MAR 6:28 Ibobo ikavava, bulubuluna ikabi, nokoyana tobuna goi idodoi ime woiyaiyana ivini. Tuwo ikabi inave sinana ivini. Moe pasina tauna Erodiyana itainasi inuwonúwana Yeisu moe Iyoni go, bogina itaoyamna.
MAR 6:29 Niga Iyoni ina tovatotowanayao ina vailai valena sinove, sima wowona sikabi, sinave valiwoga tukubu goi siyato.
MAR 6:30 Yeisu ina vamoleyanayao sikaluvilamna sima Tauyana yaina goi sigúguna go, kaga liliuna idi vaníbita goi siguuinuwedi be sivaatulúkwana sivatétala adi kaibako.
MAR 6:31 Tauyana ilatuwokoidi idigo kana, ‘Dadava ame takalāve, tāna yoyowo goi giyaina amitava kowaiwāsi.’ Moitamo, kidi waiwasi geya. Boda gagaina sivaviilavila, tuwo ina tovatotowanayao geya itoboinedita siwaiwasi o sikáika nakae.
MAR 6:32 Tuwo, taudiva oga tayamo goi sisowoya sikailova bego sisaidámana sina yoyowo tayamo goi.
MAR 6:33 Go boda maniyedi sikandoiwo sigitedi sinonoina go, sikinanedi. Tuwo, bodayadi be nakae asa liliuna ana tokaiyakayao madabokidi taiyao silokoinakumgo sina dadavayana goi sigimisowóduwo.
MAR 6:34 E Yeisu mana tovatotowanayao bogina sima sivaiu, Tauyana isou labutabuta goi go, boda gagaina igitedi tauyadi sipi geya adi tomatakavatamo nakae. Tauna inuwokapisiyedi go, ibibilágata vatulúkwana badabadaidi ivatulukoidi.
MAR 6:35 Bogina lavilavi toina Yeisu ina tovatotowanayao sima silatuwoko sidigo kadi, ‘Ame yoyowo go! Aiyuwoina níyala giyakainava bei isaliu.
MAR 6:36 Neta boda kuvalilivēdi bego sina asa maniyedi kikida goi avadi sigimona.’
MAR 6:37 Go kina idigo kana, ‘Komi kovakanīdi.’ Go kidi sidigo kadi, ‘Manakaema? Manakae kana boda ame go, giyaina kaeda avadi kagimona? Beredi boda ame manuna moe ana maisa ivakaigaga nakae tukówana ainima aito ima paisewa ana maisa! Kai geya itoboinemeta kavakanidi.’
MAR 6:38 ‘Komi aivina ami beredi? Kōna kogīte’, Tauyana kaena. Tuwo sina sigite ikavava, sikabidi sikaluvila sidigo kadi, ‘Beredi ainima, íyana aiyuwo.’
MAR 6:39 Tuwo Yeisu idigo kana, ‘Kōna boda kokiwotāidi, e gúguna tamo tamo limou goi situsobu.’
MAR 6:40 Tuwo moitamo sina bodayadi sikiwotaidi go, gúguna tamo tamo situsobu, maniyedi 100, maniyedi 50 nakae.
MAR 6:41 Ago berediyadi ainima be iyanayadi aiyuwo Yeisu sivini. Tuwo ikabidi, ikandolaga yábana goi, manudi ikauyagu Yaubada yaina. Ikavava, berediyadi ikivisidi, ina tovatotowanayao ivinidi bego sina sikaiguyauyedi bodayadi yaidi. Ikavava, iyanayadi nakae ikivisidi ivinidi sikaiguyauyedi.
MAR 6:42 Tuwo tomota madabokidi sikáika gamodi.
MAR 6:43 Sikáika ikavava, ina tovatotowanayaoyadi beredi be íyana valalaidi sikatunokunokudi go, moe bayao yawou aiyuwo sikayaoda.
MAR 6:44 Tokáika koroto kaka adi badabada moe 5,000.
MAR 6:45 E Yeisu ina tovatotowanayao ilatuwokoidi idigo kana, ‘Oga goi kosowōya, kovakūmgo kotavīla kōna Betesaida ta dadava go, yau boda bei alatuwokoidi sisáwala sina idi kasa.’
MAR 6:46 Tuwo ina tovatotowanayao ivalavedi go, bodayadi ilatuwokoidi sisáwala. Ikavava, ituko koya goi ikawanoi.
MAR 6:47 Níyala bogina isaliu go, ina tovatotowanayaoyadi Galili Bwaena nauyayanaina goi sibeubéuta. Sibeubéuta go, Tauyana anetava koyayana goi ikaaiyaka.
MAR 6:48 Ago ikandoiwo ina tovatotowanayaoyadi igitedi sibeubéuta go, sikúyuwo. Bogina kuyagoi, yágira matadi goi. Iigitedi, tuwo botomotomo bwae yatana goi iketoiya imamaima. Bego isaivata
MAR 6:49 go, ina tovatotowanayao sikandobala Tauyana sigite bwae yatana goi iketoiya imamaima, tauna sipodeda sidigo kadi, ‘Baloma goamo!’
MAR 6:50 Moitamo. Madabokidi sigite, atedi siyova, tauna sipodeda. E Yeisu mainao ilatuwokoidi kana, ‘Kokatepātu! Yau Tauyagu. Taabu koomatōita!’
MAR 6:51 Ibóbwara ikavava, oga goi isowoya tauyadi taiyao, e yagirayana idaúmwara go, kidi nukotodi iwówana gagaina toina.
MAR 6:52 Moitamo. Boi beredi adi vaituwo ana yagoina sigite go, nava geya siyagoiyeta Yeisu mana togaga, go sem dabadi sikasa.
MAR 6:53 Yeisu mana tovatotowanayao bogina sisaidámana sina Genesareta dadavina goi sivaiu, idi oga sivailowo.
MAR 6:54 Sivailówana ikavava, oga goi sisou go, toni kasa sikandoiwo Yeisu sikinane.
MAR 6:55 Tuwo tomotayadi silokoina sina asa liliudi amo dadavayana goi idi tokatowanayao sikabidi, sivaliyaliyakedi go, nako goi sinove Yeisu ikaaiyaka, e sinavedi amoko goi.
MAR 6:56 Neta Tauyana asa giyaidi o gagaidi goi isiu, tomota liliudi idi tokatowanayao sikabidi simedi aba maketi goi siyatoidi go, sikawanoi makimaki Tauyana yaina kadi, ‘Kutagonema am kwama kikina kaka kabisikone?’ Tuwo moitamo itagonedi go, avatauwa neta sibiisikone, e siboboina.
MAR 7:1 E Parisi be nakae Yaubada ina Katukeda ana tovatulukwanayao maniyedi taiyao Yerusalema goi sima sitaligógana Yeisu yaina.
MAR 7:2 Parisi be nakae Diyuu liliudi tubudiyao idi gulagula sikabikaaonedi ame nakae: Neta nimadi geya sinikidokoidita, e geya sikaiketa. Neta aba maketi goi sima, neta geya siisiwoita, e geya sikaiketa. Tubudiyao idi gulagula tuwaina sikabikaaonedi. Nakae idi keiga, idi kontena be nakae idi keteri sinikidi bego Yaubada iuyaonedi. E kidi Parisi be nakae Yaubada ina Katukeda ana tovatulukwanayao sima Yeisu ina tovatotowanayao sigitedi nimadi geya kimasabaidimo Yaubada umana, o tadigo kada, ‘Nimadi geya sinikidita’ go, tuwo sikakáika.
MAR 7:5 Tauna Parisi be Yaubada ina Katukeda ana tovatulukwanayao Yeisu silumadade sidigo kadi, ‘Kom im tovatotowanayao manakae idi sinapu goi tubudao idi gulagula geya siguinuweta, go sem nimadi geya kimasabaidimo sikakáika?’
MAR 7:6 Go kina Yeisu kana, ‘Komi todedevimi polapola! Boi nimatu tutayana Aiseya Yaubada ina livala itaalavaite, e italavaitedokoimi, idigo kana,
MAR 7:7 Idi vatulúkwana moe tomota idi nuwonúwana,
MAR 7:8 Komi nakae. Yaubada ina lovina kokalavedi go, tomota idi gulagula kokabikaaonedi.’
MAR 7:9 Aiyuwoina idigo kana, ‘Komi koyagoidoko manakaemi Yaubada ina lovina kokataedi bego toinimi imi gulagula kokailagasidi ae?
MAR 7:10 Guna masi ame nakae: Boi Mosese Yaubada ina lovina italavaite, idigo kana, “Tamamiyao be sinamiyao kowowooinēdi!” Tateta 20:12; Atukeda 5:16 Aiyuwoina kana, “Avatau neta tamana o sinana igieomaemae, e to kokaumateyāmo.”
MAR 7:11 Go komi kotagona tomota tamana o sinana ilaatuwoko kana, “Yabobona bego avinim go, yabobonayana bogina korabani.”’ Korabaniyana ana yagoina moe ana vaséyana Yaubada yaina. Yeisu tuwaina kana,
MAR 7:12 ‘Moe nakae imi sinapu goi tauyana kosanabode bego tamana o sinana ivaitedi.
MAR 7:13 Moeko goi imi gulagulayadi tomota kovatuulukoidi sikabikaaonedi pasidi Yaubada ina livala kovayoko dogoi besobeso. Ago guinuwa badabadaidi moe nakae koguuinuwedi.’
MAR 7:14 E Yeisu ibóbwara ikavava, aiyuwoina boda iduduwemneidi sima ilatuwokoidi idigo kana, ‘Madabokimi konovēgu go, kopoikīki guna livala koyagoi!
MAR 7:15 Geya kada kaga tayamo takani bei ikibaibailida geya, go sem kaga sinaeda goi sisowóduwo, e moe sikibaibailida. [
MAR 7:16 Avatauwa komi neta ma taaiyami, guna livala konoovedōko!]’
MAR 7:17 Tutayana Yeisu mana tovatotowanayao boda sikalavedi sina vada tayamo goi sisiu go, ina tovatotowanayao silumadade sidigo kadi, ‘Im livalakaibala kaga ana yagoina?’
MAR 7:18 Go kina Yeisu ilatuwokoidi kana, ‘Komi nakae bodayadi, nava nuwomi geya itaporeta? Manakae? Ame geya koyagoiyeta ae? Kaga liliuna taakanidi, geya sinoita nuwoda goi, go sem sisou sina gamoda goi namliyeta sisowóduwo sina mosamosa. Tauna moe dogoiyadi geya itoboinedita sikibaibailida.’ Yeisu ina livalayadi ame goi awoinu liliudi ivayokoidi awoinu taagonaidi.
MAR 7:20 E aiyuwoina Yeisu idigomna kana, ‘Kaga tomota nuwoda goi siisowóduwo, e moe dogoiyadi sikibaibaailida.
MAR 7:21 Tomota nuwodi goi nuwogau goyogoyoidi siisowóduwo. Nuwogauyadi pasidi ame sisowóduwo: Masisi goyogoyoina, vaináwana, aumata,
MAR 7:22 roerata, matakónana, guinuwa goyogoyoidi, pola, sakava ana vikaiya owáowana, piki, tagíwaya, nuwatue be nakae guinuwa owáowana.
MAR 7:23 Ame dogoiyadi goyogoyoidi liliudi tomota nuwoda goi siisowóduwo sikibaibaailida.’
MAR 7:24 E Yeisu itáoya ina tovatotowanayao taiyao amo dadavayana sikalave go, sina Taya ana dadava goi. Amoko goi vada tayamo ibabane ana toboine ikaiyaka. Tuwo isiu go, geya latuwona bego tomota siyagoi vadayana goi ikaaiyaka. Go geya itoboineyeta bei isiugau,
MAR 7:25 go sem vavina tayamo vala inove Yeisu ikaaiyaka, tuwo mainao ima ivatugúyala Yeisuyana aena goi ikawanoi natuna vavina naagovaina manuna.
MAR 7:26 Ego vavinayana Totuyoyowo tayamo, tauyana Poinike vavinaina. E ima ikawanoi Yeisu yaina idigo kana, ‘Dimoni tayamo natugu ikiinagove go, akawanoi yaim bego dimoniyana kuvatapiye isiya.’
MAR 7:27 Go kina Yeisu idigo kana, ‘Mainao gogómana sigimikáika, gamodi. Geya itoboineyeta bei gogomanayadi avadi akuliuyedi go, alavedi weiniya goi.’
MAR 7:28 ‘Go Tomoya, weiniyayadi woi teboro ogalaoina goi sikaaiyaka gogómana avadi mgumguna siikasámdala’, vavinayana kaena.
MAR 7:29 Yeisu idigo kana, ‘Moe livala mooitamoina! Livalayana pasina kutāoya, kwaluvīla kūna im vada. Dimoniyana boi natum ikiinagove bogina isowóduwo ina.’
MAR 7:30 Tuwo moitamo, vavinayana itáoya ina ina vada, e natuna igite kebana goi iimasisi go, dimoniyana bogina isowóduwo ina.
MAR 7:31 Yeisu itáoya aiyuwoina Taya ana dadava ikalave go, ina Saidoni ana dadava iseivata ina Dekapoli dadavina goi isiu ina asa Galili Bwaena kikina goi.
MAR 7:32 Amoko goi koroto tayamo ikaaiyaka taiyana patupatuna be nakae maena imoumou. Tuwo senao sime Yeisu yaina goi sikawanoi makimaki sidigo kadi, ‘Tomoya, neta siyama kubisikōne bei idedevina.’
MAR 7:33 Tuwo moitamo ibala ina korotoyana ikabi, boda sikalavedi go, aditava sina masigava sitáoya. Sitáoya, Yeisu nimadidina ivaisiudi korotoyana taiyana sinaena. Ikavava, toinina nimadidina igiwoli, korotoyana maena ibisikone.
MAR 7:34 Ikavava, ikandolaga yábana goi mana nuwokapisi ikalayawoi go, idigo kana, ‘Epapāta!’ Moe ana kaigavila kada, ‘Kutapōra!’
MAR 7:35 E korotoyana taiyana sitapora nakae maena idedevina, tauna ibobwara dókana.
MAR 7:36 Ago Yeisu boda isanabodedi idigo kana, ‘Geya vatau tayaamo yaina moe kotaalavāite!’ Tuta badabadaina nakae ilatuuwokoidi go, tuwo tuwaina sitaalavaite tomota yaidi.
MAR 7:37 Go tomota ina guinuwa sigite, sikainaopa gagaina sidigo kadi, ‘Iyaa! Ina guinuwa madabokina dedevina! Tauyadi taiyadi patupatudi ikidedeevinedi bei sinowo, nakae tauyadi maedi simoumou ikidedeevinedi bei sibobwara dókana.’
MAR 8:1 Amo tutayana aiyuwoina boda gagaina sikaaiyaka Yeisu taiyao go, geya avadimo. Tuwo ina tovatotowanayao iduduwedi sima, ilatuwokoidi idigo kana,
MAR 8:2 ‘Ame bodayadi bogina maliyalina aito sikaaiyaka go, geya avadimo, tauna anuwokapisiyedi.
MAR 8:3 Maniyedi aduwanau goi sima. Neta alatuwokoidi madi loga sisáwala, e nakona maniyedi enao goi bei simataginigini. Tauna anuwokapisiyedi.’
MAR 8:4 Go kidi ina tovatotowanayaoyadi sidigo kadi, ‘Ame yoyowo go! Manakaeda beredi takabidi nakae bei itoboineda ame tomotayadi tavakanidi sikáika gamodi? Geya vatau tayaamo itoboine!’
MAR 8:5 Go kina idigo kana, ‘Aivina imi beredi moedi?’ ‘Geya, ainima aiyuwo’, kidi kaedi.
MAR 8:6 Tuwo bodayadi ilatuwokoidi poyapoya goi situsobu. Ikavava, berediyadi ainima aiyuwo ikabidi, ikauyagu Yaubada yaina. Ikavava, ikivisidi, ina tovatotowanayao ivinidi bego sikaiguyauyedi. Tuwo moitamo sikabidi sina sikaiguyauyedi tomota yaidi.
MAR 8:7 Íyana maniyedi giyaidi nakae sibabanedi, tuwo Yeisu ikabidi, manudi ikauyagu Yaubada yaina namliyeta ina tovatotowanayao ilatuwokoidi iyanayadi nakae sikaiguyauyedi. Tuwo nakae siguinuwe.
MAR 8:8 Sikaiguyauyedi, boda sikabidi, sikáika gamodi. Sikáika ikavava, valala sikatunokunokudi, bayao gagaidi ainima aiyuwo sikayaoda.
MAR 8:9 Ego bodayadi adi badabada moe 4,000 nakae. Sikáika ikavava, Yeisu ilatuwokoidi sisáwala.
MAR 8:10 E bodayadi sisáwala go, kina mana tovatotowanayao oga sisowoya, sikailova sina Dalimanuta ana dadava.
MAR 8:11 Yeisu mana tovatotowanayao sima sivaiu, sisou go, kidi Parisi maniyedi sima Yeisu sikaumakimakiye; latuwodi sivakakone, tuwo sidigo kadi, ‘Aba kinana tayamo kuvatulukōima bei kayagoi kom moitamo Yaubada goi kuma.’
MAR 8:12 Go Yeisu mana kategeda ikalayawoi idigo kana, ‘Tomota ame tomotayadi nakae manakae aba kinana siilusale? Moe sinapu igoyo go, ame alatuuwokoimi konōve: Yaubada geya tayaamo aba kinana bei ivinidi!’
MAR 8:13 Ibóbwara ikavava, itáoya, ikalavedi go, iiwo ina oga goi aiyuwoina isowoyamna mana tovatotowanayao sikailova silokoina sina ituli ta dadava.
MAR 8:14 Sinonoina go, ina tovatotowanayaoyadi sigite beredi sinuwoilave bego sikabi. Beredi tayamo toito oga goi ikaaiyaka, ame tauna.
MAR 8:15 Go Yeisu livalakaibala goi ikatumatalidi idigo kana, ‘Ami dodōkana kidi Erodi be Parisi idi isti goi.’
MAR 8:16 Ago ina livalayana kidi sitainasiye, tuwo taudiva sibobóbwara kadi, ‘Nakona amo nakae ilatuwokoida unana kita beredi tanuwoilave.’
MAR 8:17 Ago Tauyana bogina iyagoi manakaedi sinuwonúwana, tuwo idigo kana, ‘Kaga pasina amitava kobobóbwara bego geya ami beredimo? Nava geya koyagoidokoeta ae? Manakae? Nava dabami sikasa?
MAR 8:18 Manakae? Maa matami go, geya kogitegite? Ma taaiyami go, geya konovenove? Geya konuwaisiyeta boi kaga iisowóduwo?
MAR 8:19 Boi tutayana beredi ainima goi tomota 5,000 avakanidi go, aivina valala ma bayaoidi kokatunokunoku?’ Tauyadi sidigo kadi, ‘Yawou aiyuwo.’
MAR 8:20 ‘Aiyuwoina boi tutayana beredi ainima aiyuwo goi tomota adi badabada 4,000 avakanidi, aivina valala ma bayaoidi kokatunokunoku?’ Yeisu kaena. Sidigo kadi, ‘Ainima aiyuwo.’
MAR 8:21 Ago Tauyana idigo kana, ‘Manakae? Nava ame guinuwayadi adi yagoina geya koyagoidita ae?’
MAR 8:22 E Yeisu mana tovatotowanayao bogina sina Betesaida goi sivaiu, sisou. Sisou go, boda maniyedi tayamo tokebo koroto sime Yeisu yaina goi sikawanoi makimaki sidigo kadi, ‘Tomoya, siyama kubisikōne bei idedevina.’
MAR 8:23 Tuwo itáoya tokeboyana nimana ibisikedekede inave asayana goi sisowóduwo go, Yeisu igíwala tokeboyana matana goi namliyeta baige matana ibisikone. Ikavava, ilumadade kana, ‘Kaga itoboinem kugite?’
MAR 8:24 Tokeboyana idigo kana, ‘Tomota agitedi. Nakae agitedi sivaabebeo go, adi kaigigita alova nakae.’
MAR 8:25 Tuwo aiyuwoina Yeisu ibisibala korotoyana matana ibisikonemneidi, e matanayadi sikatupailala be nakae sidedevina, tauna itoboine kaga liliuna igitedokoidi.
MAR 8:26 Ago Yeisu idigo kana, ‘Kuseivāta kūna im kasa go, taabu kwaaluvīla asayana goi.’
MAR 8:27 Tuwo Yeisu mana tovatotowanayao sitáoya sina Sesariya Pilipai asainao. Sinonoina go, enao goi Yeisu ilumadadedi idigo kana, ‘Tomota sibobóbwara koonovedi manakaedi sinuuwonúwana yau manugu?’
MAR 8:28 ‘Tomota maniyedi sidigodigo bego kom Iyoni tosayóyova. Go maniyedi sidigodigo bego kom Eliyau. Go maniyedi sidigodigo bego kom Yaubada ina tokabivalavala tayamo’, tauyadi kaedi.
MAR 8:29 Go Yeisu idigo kana, ‘Go komi manakaemi konuwonúwana yau manugu?’ Pita idigo kana, ‘Kom Guyau!’
MAR 8:30 Yeisu ikatumatalidi idigo kana, ‘Moe geya vatau tayaamo kolaatuwōko.’
MAR 8:31 Tuwo ivatowo ivatulukoidi idigo kana, ‘Tomalatomota gedageda badabadaidi bei ibabanedi. Aiyuwoina tomoyamoya be Tonúwala Gagaidi be Yaubada ina Katukeda ana tovatulukwanayao bei sikatae namliyeta sikaumate go, maliyalina aitonina goi bei itaoyamna.’
MAR 8:32 Moe Yeisu toinina italavaitedoko, tauna Pita itáoya Yeisu ikabi, adi taiyuwo sibala sina masigava goi, e Pita ivatowo Yeisu ibove.
MAR 8:33 Go kina Yeisu itugavila ina tovatotowanayao igitedi go, Pita ibove, idigo kana, ‘Kom nuwom geya kuyatoeta Yaubada ina nuwonúwana goi, go sem nuwom kuyato tomota idi nuwonúwana goi. Tauna kom im guinuwa Kaleya nakae. Kūna mligu goi kusabokuliyēgu!’
MAR 8:34 Yeisu boda madabokidi ina tovatotowanayao taiyao iduduwedi sima ilatuwokoidi idigo kana, ‘Avatauwa komi neta latuwomi kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namliyeta baige kōma kosabokuuliyēgu.
MAR 8:35 Ame moitamo. Avatauwa bego yawoidi sivagagale, e nava yawoidi vau bei sitagau. Go avatauwa neta yau pasigu be nakae Vala Dedevina pasina yawoidi sitagau, e nava yawoidi vau bei sibabane.
MAR 8:36 Guna nuwonúwana ataligei. Yawoimi moe dogoi gagaina. Nakae neta poyapoya esaesaina gagaina madabokina kokabi go, yawoimi sitagau vata, e bei kaga ana dedevina? Geya.
MAR 8:37 Ame moitamo. Neta yawoimi sitagau vata, geya tayaamo kaga ikaaiyaka itoboine bei yawoimiyadi kotalamapuyedi.
MAR 8:38 Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana káeyana tomoeeyalina ivagiitakoe goi bei ima anerose kimaasabaidi taiyao, e nakae bei ilawoiwoiyedi.’
MAR 9:1 Tuwaina Yeisu idigo kana, ‘U, moe nakae bei isowóduwo go, ame alatuuwokoimi konōve: Tutayana Yaubada ina kalibúbuna mana togaga ima ina bodao ikaliibubudi, e komi maniyemi ameko kootáoya, nava bei maa yawoimi kogite.’
MAR 9:2 Maliyalina ainima tayamo mlidi Yeisu itáoya, Pita, Yemesa be Iyoni ikabidi, aditava sina koya maanawena goi situko. Maeko goi sigite Tauyana ana kaigigita ikanagavila,
MAR 9:3 nakae ana kwama sitomoéyala nakae sivapopowou toina go, ana kaigigita geya vatau tayaamo poyapoya goi itoboine bei kwama ikimavade ana popowou nakae.
MAR 9:4 Ago Eliyau be Mosese sisowóduwo tauyadi yaidi goi go, Yeisu taiyao sibobóbwara.
MAR 9:5 Go Pita iigitedi, tuwo ikaubesobeso idigo kana, ‘Tovatulúkwana Toolagaim, ame dedevina kita ameko takaaiyaka. Manakae? Yoyou aito kayowóidi? Tayamo kom im yoyou, tayamo Mosese ina yoyou, tayamo Eliyau ina yoyou.’
MAR 9:6 Pitayana geya iyagoiyeta manakaena ibobóbwara. Bogina kuyagoi. Adi taito atedi iyova gagaina.
MAR 9:7 Niga gaota isowóduwo iumaidi go, gaotayana goi níyana tayamo sinove, idigo kana, ‘Ame Natugu, guna kakaya. Tauyana konōve!’
MAR 9:8 Livalayana sinove go, matabuwodi simatavilavila, tauyadi geya sigitedita, go sem Yeisu anetava sigite ikaaiyaka kidi taiyao.
MAR 9:9 Ikavava, koya goi sisousou go, Yeisu ilovinaedi idigo kana, ‘Kaga koogitedi taabu kotalaavaitēdi ana kadókana Tomalatomota tokámasa yaidi goi itaoyamna.’
MAR 9:10 Tuwo ina livala sikabikaone go, taudiva sibobóbwara kadi, ‘Ina taoyamna tokámasa yaidi goi kaga ana yagoina?’
MAR 9:11 Go Eliyau ina sowóduwo pasina tauyadi silumadade sidigo kadi, ‘Kaga unana Yaubada ina Katukeda ana tovatulukwanayao sidigodigo bego Eliyau igimiima namliyeta Guyau bei ima?’
MAR 9:12 Yeisu kana, ‘Moe moitamo. Eliyau igimiima bei kaga liliuna iyolimedi Guyau ina sowóduwo manuna. Go Guyauyana manuna manakae Gínina Kimaasabaidi sitalavaita bego Tomalatomota geda badabadaidi bei ibabanedi be nakae tomota bei sikaolilive?
MAR 9:13 Moitamo Eliyauyana igimiima go, ame alatuuwokoimi konōve: Bogina ima go, kaga nakae latuwodi siguinuwe tauyana yaina, e nakae siguinuwe. Moe nakae Gínina Kimaasabaidi sitalavaita tauyana manuna.’
MAR 9:14 Pita, Yemesa be Iyoni Yeisu taiyao sisou sina sediyao tovatotówana yaidi go, sikandobala boda gagaina sigitedi ina tovatotowanayaoyadi sitaoyakobudi go, Yaubada ina Katukeda ana tovatulukwanayao tovatotówana taiyao sikaumaakimaki.
MAR 9:15 E sisowóduwo, boda madabokina sikandobala Yeisu sigite, sikainaopa gagaina, tuwo silokoina sima siuyaone.
MAR 9:16 Ago ilumadadedi idigo kana, ‘Kaga kokaumakiimakiye ame tauyadi taiyao?’
MAR 9:17 Ago koroto tayamo bodayadi sinaedi goi idigo kana, ‘Tovatulúkwana, idi kaumakimaki unana ame: Dimoni boi isiu ikaaiyaka natugu sinaena, tauna maena imoumou. Neta dimoniyana ikiinagove, e ilave isou poyapoya goi be nakae tobuna goi polu iisowóduwo. Aiyuwoina iikagúguta be nakae wowona ikaalitola. Tauna maine tauyana ame bego kuvaite. Go ama, kom geya, tuwo im tovatotowanayao akawanoiyedi bego dimoniyana sivatapiye go, geya itoboinedita.’
MAR 9:19 Go Yeisu idigo kana, ‘Komi tomota manakae? Moitamo numisa geya ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa aatogage, tauna ava tuta bei konovegu? Tuwo gomanayana kōme!’
MAR 9:20 E tuwo gomanayana sime go, dimoniyana ikandobala Yeisu igite, e mainao gomanayana ikinagove. Tuwo gomanayana ikapusi isou poyapoya goi ikanasipusípula be nakae tobuna goi polu iisowóduwo.
MAR 9:21 Go kina Yeisu ilumadádana gomanayana tamana yaina idigo kana, ‘Aivina tala natum ina sinapu moe nakae?’ ‘Ina tuta gómana goi go, ima ame tuta.
MAR 9:22 Tuta liliuna kina dimoniyana natugu ilave isou yeu goi o bwae goi bego ikaumate. Tauna, neta ikakapu yaim, e mam nuwokapisi kuvaitema’, tamanayana kaena.
MAR 9:23 E kina go Yeisu kana, ‘Im nanayuwo goi kom kam, “Neta ikakapu yaim.” Iyaa! Kaga liliuna ikakapu tonumisa yaina.’
MAR 9:24 Tuwo mainao korotoyana iduduwo kana, ‘Moitamo anumisa go, geya anumisadokoneta. Go neta guna numisa kuvāite!’
MAR 9:25 E Yeisu boda igitedi silokoina simamaima, tauna dimoniyana ilovinae idigo kana, ‘Kom pasim gómana maena imoumou nakae taiyana patupatuna, tauna alovinaem kukalavevatāe, e geya tuwaina kusiusīu!’
MAR 9:26 Tuwo moitamo dimoniyana mana podeda gómana ikinagove, tauna itatátava gagaina go, gomanayana yaina goi isowóduwo ina. Ago gomanayana ana kaigigita tokámasa nakae, tauna boda sigite, sitainasi kadi, ‘Gomanayana bogina ikámasa.’
MAR 9:27 E kina go Yeisu gomanayana nimana iyoisi, ikaitáoe. E gómana itáoya, bogina idedevina.
MAR 9:28 Yeisu mana tovatotowanayao sina vada tayamo goi sisiu go, ina tovatotowanayaoyadi taudiva Yeisu silumadade sidigo kadi, ‘Kaga unana geya itoboinemeta amo dimoniyana kavatapiye isiya?’
MAR 9:29 Tauyana idigo kana, ‘Geya tayaamo kaga goi itoboineda dimoni moe nakae tavatapiye go, enao tayamo toito tauna, moe awanoi Yaubada yaina.’
MAR 9:30 Amoko goi Yeisu mana tovatotowanayao sitáoya amo asayana sikalave go, sina Galili parovinsi goi sisiu siketoiya sinonoina Kapaneumi manuna. Go geya latuwona toni kasa siyagoi ikaaiyaka ina vatulúkwana pasina.
MAR 9:31 Moitamo. Sinonoina enao goi ina tovatotowanayao ivatuulukoidi kana, ‘Nava bei tomota tayamo itáoya, Tomalatomota inuwotuluye tomota nimadi goi. Ikavava, bei sikabi sikaumate go, ina kaumatayana mlina maliyalina aitonina goi bei itaoyamna.’ Nakae ivatuulukoidi go, boda liliudi nakona bei sitainasi, tauna geya latuwona siyagoi ikaaiyaka.
MAR 9:32 Go ina livalayana ina tovatotowanayao geya siyagoiyeta. Ago simatoita bego ina livalayadi manudi silumadade.
MAR 9:33 Niga bogina sina Kapaneumi goi go, vada goi sikaaiyaka, Yeisu ina tovatotowanayaoyadi ilumadadedi idigo kana, ‘Kenao goi kaga kokaumakimakiye?’
MAR 9:34 Go tauyadi madi omayamaya situgau. Bogina kuyagoi. Enao goi sikaumakimaki bego avatau yaidi goi toolagaina.
MAR 9:35 Tuwo Yeisu itusobu, ina tovatotowanayao yawou aiyuwo iduduwedi sima ilatuwokoidi idigo kana, ‘Avatauwa yaimi goi bego toosakidi, tauyadi itoboinedi bei toosobudi tomota liliudi yaidi goi be nakae tomota liliudi adi tovaita.’
MAR 9:36 Gómana tayamo ikabi, matadi goi ivatáoe. Ikavava, ivaayavau go, ina tovatotowanayaoyadi ilatuwokoidi idigo kana,
MAR 9:37 ‘Avatauwa neta toosobudi gómana ame nakae yau yoigu goi siiuyaone, e yau nakae siuyaaonegu. Go avatauwa neta siuyaaonegu, agu toetuna nakae siiuyaone.’
MAR 9:38 Go Iyoni idigo kana, ‘Tovatulúkwana, koroto tayamo kagite kom yoim goi dimoni ivataapiyedi go, tauyana kita taiyao geya, tauna kapoikiki bego kasanabode.’
MAR 9:39 E kina go Yeisuyana idigo kana, ‘Taabu kosaanabōde. Geya vatau tayaamo mainao yoigu goi guinuwa toogagaidi iguinuwedi go, namliyeta itagiwoigu.
MAR 9:40 Moe moitamo. Avatau neta geya ivakaleyedeta, e tauyana ivaiteda.
MAR 9:41 Kogita. Avatauwa neta bwae sivanimmi unana komi yoimi Guyau ina bodao go, neta ame tauna siguinuwe, e ame alatuuwokoimi konōve: Adi vaiwówana nava bei sibabane.
MAR 9:42 Avatauwa neta tayamo toosobuna guna tonumisayao yaidi goi sivakapusiye, e liuna gagaina toina bei sibabane. Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa goi sisalili, moe liuna giiyaina, go sem Yaubada ina liuna bei gagaina.
MAR 9:43 Go ava nímana ami píkwana ana toyomátula, e kokūpo kokalāve. Neta ma nimakuuponimi go, yawoimi vata kobabane, e moe dedevina, go sem neta ma nimayuwoyuwoimi silavemi kosou asagabugabu ana yeu sabenínima vaatayaina goi, e moe igoyo toina.
MAR 9:44 Ava káena ami píkwana ana toyomátula, e kokūpo kokalāve. Neta ma kaekuuponimi go, yawoimi vata kobabane, e moe dedevina, go sem neta ma kaeyuwoyuwoimi silavemi kosou asagabugabu goi, e moe igoyo toina.
MAR 9:46 Matami nakae. Ava mátana ami píkwana ana toyomátula, e kokipōsi kokalāve. Neta mata tayataya go, Yaubada ina kalibúbuna kosiu, e moe dedevina, go sem neta mata yuwoyuwo sikabimi silavemi kosou asagabugabu goi, moe igoyo toina.
MAR 9:48 Amoko goi Yaubada ina liuna ikaiyako vata. Nakae motemoteta tomata yaidi goi geya sikamaseta be nakae yeu geya ikamaseta.
MAR 9:49 Yaubada yeu bei isiwoi soroti nakae tomota liliudi yaidi goi, adi kimavada manuna o adi vailai manuna.
MAR 9:50 Soroti dedevina go, neta ina togaga ikavava, manakaemi koguinuwe bei idedevinamna? Geya ae? Komi nakae. Kotagōna soroti ikaiyako vata yaimi, o tadigo kada, “Bei taiyao kotuboina.”’
MAR 10:1 E amoko goi Yeisu itáoya, mana tovatotowanayao amo asayana sikalave go, sina sákala Iyoridani goi sisaidámana sina bomatu dadavina, e sinonoina Yudiya ana dadava manuna. Go boda gagaina aiyuwoina sitaligógana simamaima Tauyana yaina. Tuwo, nakae ina sinapu aiyuwoina ivatuulukoidi.
MAR 10:2 Ivatuulukoidi go, kidi Parisi sima bego Yeisu sikatutao, sidigo kadi, ‘Manakae? Ida lovina goi koroto mana tagona monena ivaisobuye gea geya?’
MAR 10:3 E Yeisu idigo kana, ‘Mosese ava lovina boi tubudao ivinidi vaisobu manuna?’
MAR 10:4 ‘Mosese itagona neta koroto latuwona monena ivaisobuye, e ana katae igini. Ikavava, monenayana ivini, ivaisobuye’, Parisi kaedi.
MAR 10:5 E kina go Yeisu idigo kana, ‘Imi dabakasa pasina moe lovinayana Mosese iginigini manumi.
MAR 10:6 Go boi nimatu tuta ana kaba vatowo goi, e moe nakae geya. Gínina Kimaasabaina kana, “Yaubada tomota iwodugudi; tomotayadi koroto be vavina iwodugudi.
MAR 10:7 E tauna moe pasina koroto tamana be sinana yaidi itumasaba go, monena taiyao situyuwo
MAR 10:8 tauna adi taiyuwokova wowodi tayamo.” Aba Vatowo 2:24 Tauna geya tuwaina kada tauyadi tomota adi taiyuwo, go sem ame tuta tauyadi wowodi tayamo.
MAR 10:9 Tauna avatauwa neta Yaubada nai goi ivatuyuwedi, e tomota taabu sivatumaasabēdi.’
MAR 10:10 Niga vada goi Yeisu mana tovatotowanayao sikaaiyaka, e ina tovatotowanayao silumadádana ina bóbwara vaisobu manuna.
MAR 10:11 Tauyana idigo kana, ‘Ava koroto neta monena ivaisobuyebeso bego inaidámana ituli ta vavina yaina, e bogina iroerata.
MAR 10:12 Ago vavina neta monena ivaisobuyebeso bego inaidámana ituli ta koroto yaina, e bogina iroerata.’
MAR 10:13 Niga tomota maniyedi natudiyao giyaidi siimemedi Yeisu yaina goi bego ibisikonedi ikaipakuyedi. Go kidi ina tovatotowanayaoyadi sitáoya sibowoidi kadi, ‘Taabu kononōina Yeisu yaina.’
MAR 10:14 Go kina Yeisu igitedi, gamona igoyo, idigo kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae Yaubada ina kalibúbuna sinaena goi bei sisiu.
MAR 10:15 Ame moitamo, tauna ame alatuuwokoimi konōve: Avatauwa komi neta Yaubada ina kalibúbuna kouuyaone gogómana nakae, e itoboinemi alibubunayana sinaena goi kosiu.’
MAR 10:16 Tuwo gogomanayadi ivayavaudi go, dabadi iyoisidi, e ikaipakuyedi.
MAR 10:17 Niga Yeisu itáoya bego ina go, koroto tayamo ilokoina ima Yeisu matana goi aena ivatugúyala, idigo kana, ‘Tovatulúkwana, kom todedevim. Ava guinuwa aguuinuwe bei yawoigu vata ababane?’
MAR 10:18 E kina go Yeisuyana idigo kana, ‘Kaga unana bego kuvayokoigu yau todedevigu? Tayamo anetava todedevina go, moe Yaubada.
MAR 10:19 Yaubada ina lovina bogina kuyaagoidi ae? Idigo kana, “Taabu kokaaumāta; taabu korooerāta; taabu kovaaināwana; taabu kotalavaita polapōla; taabu koovāobuna; tamamiyao be sinamiyao kowowooinēdi.”’
MAR 10:20 ‘Tovatulúkwana, moe lovinayadi madabokiidi lavayana yau boi gómana go, ima ame tuta, bogina akabikaaonedi’, korotoyana kaena.
MAR 10:21 E kina go Yeisu idobala korotoyana idumaakavate go, imatakoiye, e idigo kana, ‘Go tayamo guinuwa kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’
MAR 10:22 E kina go korotoyana nukotona taitáiya iuyoi Yeisu ina livala pasina, tuwo mana nuwomou ina. Bogina kuyagoi. Tauyana konana badabadaidi go, nukotona iyoi.
MAR 10:23 E Yeisu imatavilavila go, ina tovatotowanayao ilatuwokoidi idigo kana, ‘Kidi madi esaesa idi siu Yaubada ina kalibúbuna goi moumou isaki.’
MAR 10:24 E kidi go ina tovatotowanayaoyadi ina livala pasidi nukotodi siwowówana. E Yeisu aiyuwoina ilatuwokoidi idigo kana, ‘Natugowo, Yaubada ina kalibúbuna ana siu moumou isaki.
MAR 10:25 Kameri yoguyogu gagaina, tauna geya itoboineyeta siláluma taporaina goi isiu ae? Ago toesaesa nakae. Bego Yaubada ina kalibúbuna sinaena goi sisiu go, geya itoboinedita, geya toina.’
MAR 10:26 E tauyadi nukotodi siwówana gagaina toina ina livala pasidi, tauna taudiva sibobóbwara kadi, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
MAR 10:27 Yeisu iipotedi go, idigo kana, ‘Tomota yaidi goi moe geya itoboineyeta, go sem Yaubada yaina goi itoboine. Moitamo. Yaubada yaina goi kaga liliuna sikakapu.’
MAR 10:28 Go kina Pita idigo kana, ‘Go kai bei manakaema? Kai kaga liliuna yaima bogina kakalavedi go, kama kasabokuuliyem.’
MAR 10:29 Yeisu idigo kana, ‘Moitamo kaga liliuna bogina kokalavedi go, ame alatuuwokoimi konōve: Avatau neta ina vada o senao o niunao o sinana o tamana o natunao o ina kaba lovina ikalavedi yau pasigu be nakae Vala Dedevina pasina,
MAR 10:30 e ame tuta goi ana katumapu ivakaigaga toina bei ibabane. Nakae vada, senao, niunao, sinanao, natunao be aba lovina go, moe mou taiyao bei ibabanedi. Ago tuta imamaima yawoina vata bei ibabane.
MAR 10:31 E badabadaidi ame tuta toolagaidi go, nava bei tauyadi toosobudi. Badabadaidi ame tuta toosobudi go, nava bei tauyadi toolagaidi.’
MAR 10:32 E Yeisu mana tovatotowanayao situko sinonoina Yerusalema manuna go, enao goi Yeisu ivakumgo inonoina. Kidi ina tovatotowanayaoyadi siyagoi Yeisu latuwona ina Yerusalema, tauna nukotodi siwówana. Ego boda Yeisu mlina sisabookuliye simatoita. E enao goi sinonoina go, Yeisu ina tovatotowanayao yawou aiyuwo aiyuwoina aditava iduduwedi sima, ilatuwokoidi kaga kaga bei siisowóduwo yaina.
MAR 10:33 Idigo kana, ‘Konovēgu. Ame tuta tatukotuko Yerusalema manuna go, maeko goi tomota tayamo bei itáoya Tomalatomota inuwotuluye Tonúwala Gagaidi be nakae Yaubada ina Katukeda ana tovatulukwanayao nimadi goi, gobe Tauyana sitakino ámasa goi. Sitakino ikavava, Tauyana bei sikabi, Totuyoyowo nimadi goi siyato.
MAR 10:34 Ago kidi Totuyoyowoyadi bei sivaponuponuye, sigiwoli, sidabi be nakae sikaumate go, maliyalina aitonina goi bei itaoyamna.’
MAR 10:35 E Sebedi natunao, Yemesa be Iyoni, sima Yeisu yaina sidigo kadi, ‘Tovatulúkwana, latuwoma bego kaga kakawanoiye yaim, e kom kuguinuwe manuma.’
MAR 10:36 ‘Kaga latuwomi aguinuwe manumi?’ Yeisu kaena.
MAR 10:37 E tauyadi kadi, ‘Neta kutagonēma bego tutayana im kalibúbuna goi am káeyana kuvagitakoe, latuwoma kai katusobu kébana dedevidi kikim, tayamo kakataim go, tayamo kekelim.’
MAR 10:38 E kina go Yeisu idigo kana, ‘Imi kawanoi ana yagoina komi geya koyagoiyeta. Gedageda keigaina goi bei anim go, manakae? Komi itoboinemi nakae konim, gea geya? Nakae gedageda ivakaigaga bei alotowo go, manakae? Komi itoboinemi nakae kolotowo, gea geya?’
MAR 10:39 ‘Itoboinema’, kaedi. E kina go Yeisu idigo kana, ‘Moitamo. Keigayana goi bei anim komi bei konim. Aiyuwoina gedagedayana bei alotowo, komi bei kolotowo.
MAR 10:40 Go yau geya agu lovinamo alovina bego avatau kakataigu o kekeligu goi itusobu, go sem aba tusobuyadi Yaubada bogina ikatubayasidi tauyadi kiinavaidi manudi.’
MAR 10:41 Ago tutayana ina tovatotowanayao yawou sinove kaga sediyao Yemesa be Iyoni sikawaanoiye, e siegamogamoguyedi.
MAR 10:42 Tuwo yawou aiyuwo Yeisu iduduwedi sima ilatuwokoidi idigo kana, ‘Bogina koyagoi tauyadi tomota sikiinanedi Totuyoyowo adi tolovinayao siilovina makimaki Totuyoyowoyadi yaidi goi. Nakae toolagaidi idi lovina toogagaina siguuinuwe makimaki tomota yaidi.
MAR 10:43 Ago komi yaimi moe nakae geya, go sem avatauwa yaimi goi bego toolagaidi, tauyadi itoboinedi komi ami tovaitayao nakae silovina.
MAR 10:44 Nakae avatauwa yaimi goi bego toosakidi, tauyadi itoboinedi idi lovina goi komi liliumi yaimi imi pakonayao nakae.
MAR 10:45 Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem Tauyana ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’
MAR 10:46 Niga Yeisu mana tovatotowanayao sima Yeriko. Tutayana Yeriko sikalave, boda gagaina taiyao sinonoina go, tokawanoi tayamo ma matakebokeboina enao kikina goi iitusobu iiduduwo; tauyana Timiyo natuna yoina Batimiyo.
MAR 10:47 Tauyana vala inove bego Yeisu guma Nasareta ikaaiyaka. Tuwo iduduwo idigo kana, ‘Yeisu, Devida tubuna, kunuwokapisiyēgu!’
MAR 10:48 Go tomota maniyedi sikaaiyaka tokeboyana siboove kadi, ‘Kom kumaigāu!’ Go kina tokeboyana tuwaina iiduduwo kana, ‘Devida tubuna, kunuwokapisiyēgu!’
MAR 10:49 Tuwo Yeisu itáoya idigo kana, ‘Tauyana kodudūwe ima.’ Tuwo moitamo sina tokeboyana siduduwe sidigo kadi, ‘Tauyana iduuduwem. Tauna kwatepātu go, kutāoya!’
MAR 10:50 E moitamo ana tanigo inisi ikalave go, ikabitaotáoya ima Yeisu yaina goi.
MAR 10:51 Ima, Yeisuyana idigo kana, ‘Kaga go bei avekoim?’ ‘Tovatulúkwana toolagaim, bego agita dókana’, tokeboyana kaena.
MAR 10:52 Yeisu idigo kana, ‘Kūna im kasa. Im numisa pasina bogina matam sidedevina.’ Tuwo mainao igita dókana, e ivatowo enao goi Yeisu isabokuliye.
MAR 11:1 E tutayana bogina Yerusalema goi sivakakana, e sina asa Betapegi be Betani Oribe Koyaina papanaina goi. Go Yeisu ina tovatotowanayao adi taiyuwo ivamoleyedi sina asa goi.
MAR 11:2 Go mainao ilatuwokoidi idigo kana, ‘Kōna asa amo matada goi go, tutayana kosiu, ase bonatuna siikonina bei kobabane. Bonatunayana goi geya vatau tayaamo itulagakone. E kobabane, kotaligēi kōme yau yaigu.
MAR 11:3 Go avatau neta ilatuwokoimi idigo kana, “Kaga unana moe koguuinuwe?” Komi kodīgo kami, “Tomoya latuwona iepaisewe, e mainao bei ietunemnei ima.”’
MAR 11:4 Tuwo adi taiyuwokova sina asayana goi sisiu, ase bonatuna tayamo sibabane enao goi iitáoya, siikonina vada ana kali ana kaba siu goi.
MAR 11:5 Sitaaligei go, tomota maniyedi amoko goi sikaaiyaka sidobala ina tovatotowanayaoyadi sigitedi, tuwo sidigo kadi, ‘Kaga unana ase bonatuna kotaaligei?’
MAR 11:6 Adi taiyuwokova silatuwokoidi nakae Yeisu idige. Tuwo tokaiyako sitagona aseyana sikabi.
MAR 11:7 Sikabi, sime Yeisu yaina goi go, adi tanigo sivalilividi aseyana toluna goi sisekulidi. Ikavava, Yeisu itulaga.
MAR 11:8 Boda maniyedi sima adi tanigo sivalilividi enao goi sieveidi. Go maniyedi magimagi gigidi bogina siiutudi simedi, e enao goi sieveidi.
MAR 11:9 Go boda Yeisu sivaakitau, maniyedi matana goi, maniyedi mlina goi. Sivaakitau go, siiduduwo kadi,
MAR 11:10 Tauyana ina kalibúbuna tubuda Devida nakae
MAR 11:11 Yeisu boda taiyao siketoiya sina Yerusalema goi sisiu. Sisiu, Yeisu ina Vada Kimaasabaina ana kali sinaena goi isiu, imatavilavila. Ikavava, isowóduwo go, asa bogina lavilavi, tauna mana tovatotowanayao yawou aiyuwo asayana goi sisowóduwo sikaluvila sina Betani.
MAR 11:12 Niga vanuwo itomo, sitáoya Betani sikalave siiketoiya go, Yeisu loga ikámasa.
MAR 11:13 Ikandobala tupwana aduwanau goi lao tayamo igite bogina idugo. Tuwo ibala ina igite nakona ikéuwo gea geya. Go ima, ikandolaga igite geya keuwoinamo, go sem vaga kaka. Bogina kuyagoi. Amo tutayana moe geya lao ana tuta geya.
MAR 11:14 Tuwo ikatubolate idigo kana, ‘Kom bei geya kuukēuwo!’ Go ina livalayana kidi ina tovatotowanayao bogina sinove.
MAR 11:15 Kidi Yeisu sima Yerusalema goi sisiu. Sisiu sina Vada Kimaasabaina ina kali goi sisiu go, Yeisuyana ivatowo tokaigimona be togimona ivatapiyedi sisiya. Ago mani ana totalamapuyao idi teboro be bunabuna adi tokaigimonayao idi kaba tusobu nakae ikausepaledi.
MAR 11:16 Geya tayaamo tomota itagone bego konana tayamo iikavale Vada ana kaliyana goi iivaupa.
MAR 11:17 E ikausepaledi ikavava, ivatowo ivatulukoidi idigo kana, ‘Komi bogina koyagoi Gínina Kimaasabaina Yaubada manuna italavaita idigo kana, “Guna vada moe boda liliudi adi kaba kawanoi.” Aiseya 56:7 Go komi koyatako tovaináwana idi kaba tamumu.’
MAR 11:18 Ago kidi Tonúwala Gagaidi be Yaubada ina Katukeda ana tovatulukwanayao sinove Yeisu manakaena ibóbwara, tuwo enao siilusala bei manakaedi Tauyana sikaumate. Bogina kuyagoi. Tauyana simaatoite unana boda gagaina nukotodi sikabi. Moitamo. Ina vatulukwanayana pasina kidi boda madabokidi nukotodi siwowówana gagaina.
MAR 11:19 Go maliyalina tamo tamo goi neta bogina lavilavi toina, e Yeisu mana tovatotowanayao asa Yerusalema siikalave.
MAR 11:20 Itomo nobuyana nava matagougouna tauyadi sitáoya, siketoiya sinonoina bego Yerusalema go, laoyana sigite lamna goi ituko ina sipona goi bogina ivadiwówana.
MAR 11:21 Tuwo kina Pita Yeisu ina katubolatayana inuwopeye, tauna Yeisu ilatuwoko idigo kana, ‘Tovatulúkwana Toolagaim, laoyana boile kukatuubolate kugīte, bogina ivadiwówana.’
MAR 11:22 Go kina Yeisu idigo kana, ‘Yaubada koonumīse.
MAR 11:23 Moitamo toina! Ame alatuuwokoimi konōve: Avatau neta koya ame ilatuwoko kana, “Yaubada ikabim ilavem kusōu négwasa goi” go, nuwona goi geya inanayuwoita, go sem iinumisa bego kaga iivatoi moitamo bei isowóduwo, e nakae bei isowóduwo tauyana manuna.
MAR 11:24 Moe pasina tauna ame alatuuwokoimi konōve: Kaga liliuna kokawaanoiye Yaubada yaina, konumīsa bego dogoiyana bei kobabane, e moitamo bei kobabane.
MAR 11:25 Ago tutayana kotáoya bei kokawanoi, neta tomota idi bágala yaimi goi sikaaiyaka, e bagalayadi konuwotaōidi bego Tamada guma yábana nakae bei imi bágala inuwotaoidi.’
MAR 11:27 Aiyuwoina sima Yerusalema goi sisiumna go, sina Vada Kimaasabaina ana kali goi sisiu. Sisiu, sinaena Tauyana ivaabebeo go, kidi Tonúwala Gagaidi be Yaubada ina Katukeda ana tovatulukwanayao be Diyuu idi tomoyamoya sima
MAR 11:28 Tauyana silumadade sidigo kadi, ‘Avatau ina lovina goi moe guinuwayadi kuguuinuwedi? Nakae avatau itaagonem kuguuinuwedi?’
MAR 11:29 E kina go Yeisuyana idigo kana, ‘Yau nakae lumadádana tayamo alumadademi. Kokatumāpu, bei alatuwokoimi avatau ina lovina goi ame guinuwayadi aguuinuwedi.
MAR 11:30 Guna lumadadanayana ame nakae: Iyoni ina sayóyova moe Yaubada ina lovina goi gea tomota idi lovina goi? Kokatumāpu.’
MAR 11:31 Tuwo kidi aditava sibobóbwara kadi, ‘Bei manakaeda? Neta kada, “Yaubada goi”, e Tauyana bei kana, “Moe moitamo! Tauna kaga unana geya konumiseyeta?”
MAR 11:32 Go sem neta kada, “Tomota goi”, e boda bei manakaedi?’ Ame tauyadi boda simatooitedi seki kaga bei sivekoidi. Bogina kuyagoi. Boda liliudi sinuwonúwana Iyoni moitamo toina tokabivalavala tayamo.
MAR 11:33 Tuwo Yeisu silatuwoko sidigo kadi, ‘Geya kayagoiyeta avatau ina lovina goi.’ Go kina Yeisu idigo kana, ‘Yau nakae, geya alatuwokoimita avatau ina lovina goi ame guinuwayadi aguuinuwedi.’
MAR 12:1 E Yeisu ivatowo livalakaibala goi Diyuu idi tolovinayao ivatulukoidi idigo kana, ‘Koroto tayamo ina tánuwo goi oine kaka ibaguli. Ibaguli ikavava, gurewa ikabidi tanuwoyana ana kali ikaudakodako. Ikavava, oine ana kaba vavetaveta ogalaoina goi bobosiu ieli oine ana kaba saligógana manuna. Ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo tokatoguyadi sikaaiyaka tánuwo sipaaisewa go, kina toni tanuwoyana itáoya ina ituli ta dadava.
MAR 12:2 Go ina pákwana tayamo dibayoya ana tuta goi ietune ina ina tánuwo ana tokatoguyao yaidi goi bego tánuwo ana takona oine maniyena ikabidi imedi.
MAR 12:3 Ago imamaima, kidi tokatoguyadi siyoisi, siláui. Siláui ikavava, nima kaka sietunemnei ina toni tánuwo yaina goi.
MAR 12:4 Tuwo toni tanuwoyana ina pákwana aiyuwoina ietune ina tokatoguyao yaidi goi go, siyoisi, dabana siláui be nakae sigieomaemae.
MAR 12:5 Tuwo ina pákwana aitonina ietune ina go, sikaumate. Tauna nakae iisowóduwo toni tánuwo ina pakonayao koroto badabadaidi yaidi; maniyedi silauidimo, maniyedi sikauumatedi.
MAR 12:6 Go tayamo toito nava ikaaiyaka, toni tánuwo natuna, ana kakaya. Inuwonúwana kana, “Tuwo bokoyo natugu bei aetune ina. Nakona bei tauyana sigite odi imayamaya.” Tuwo moitamo natunayana moe aba lukavava ietune ina.
MAR 12:7 E ina go, amo tokatoguyadi aditava sibóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”
MAR 12:8 Tuwo moitamo tauyana ima kikidi, e siyoisi sikaumate. Ikavava, silave ina takiki goi.
MAR 12:9 Tauna tomoyayana, moe toni tánuwo, bei kaga iguinuwe tokatogu yaidi goi? Bei ina ikaumatedi go, ituli ta tokatogu dedevidi bei itagonedi tanuwoyana simatakavate.
MAR 12:10 Go manakae? Ame tomwanayana Gínina Kimaasabaina goi konuuwaisi gea geya? Tomwanayana Guyau manuna idigo kana,
MAR 12:11 Ame Yauwe ina guinuwa go,
MAR 12:12 Go kidi Tonúwala Gagaidi be Yaubada ina Katukeda ana tovatulukwanayao be Diyuu idi tomoyamoya enao siilusala bei Yeisu siyoisi go, boda simatoitedi. Moitamo. Tonuwalayadi, tovatulukwanayadi be tomoyamoyayadi bogina siiyagoi bego Yeisu ina livalakaibala goi iidigedi, e boda nakae bogina sinove, tauna nakona kaga bei sivekoidi. Go enao geya, tuwo Tauyana sikalave sina.
MAR 12:13 E tuwo Diyuu adi tolovinao Parisi maniyedi be nakae Erodi ina bodao sietunedi sima Yeisu bego ina livala goi sikatutao.
MAR 12:14 E sima Yeisu silatuwoko sidigo kadi, ‘Tovatulúkwana, bogina kayagoim bego kom moitamo be nakae kom tomota geya kutagonedita nuwom siikobale. Moitamo. Tomota kuwowooinedi geya adi kaigigita goi geya, tauna geya kunuwonuwoneta tomota manakaedi sinuwonúwana im vatulúkwana manuna geya, go sem Yaubada ina kenao kuvatulukwana dókana. Tauna manakae? Itoboine kita tatakisi Sisa yaina gea geya? Manakaem kunuwonúwana, takisi tavini gea tuwo?’
MAR 12:15 E idi pola bogina iiyagoi, tauna idigo kana, ‘Komi manakae bego kokatutaoigu! Mani tayamo kokābi kōme agite.’
MAR 12:16 E tayamo sikabi sime go, Yeisu idigo kana, ‘Mani ame goi avatau makayauna be nakae yoina?’ ‘Sisa’, tauyadi kaedi.
MAR 12:17 E kina go Yeisuyana idigo kana, ‘Moe moitamo. Tauna kaga neta Sisa konana, e Sisayana tavīni go, kaga neta Yaubada konana, e Yaubadayana tavīni.’ Tauyadi sikainaopa ina katumapu pasina.
MAR 12:18 E Sadusi maniyedi sima Yeisu yaina. Tauyadi sidigodigo tokámasa geya sitaoyamneta. E sima bego Yeisu sikatutao sidigo kadi,
MAR 12:19 ‘Tovatulúkwana, boi nimatu ida lovina Mosese igini idigo kana, “Koroto nainaina neta geya natunamo go, ikámasa, e aena vavilaina itoboine kobuina inai. Niga neta vavinayana ivenátuna, natunao moe tokámasa ana katumapu.”
MAR 12:20 Tayamo aba gita ame nakae: Koroto adi badabada adi tainima adi taiyuwo sinadi tayamo sikaaiyaka. Botomoya igiminai go, geya natunamo ikámasa.
MAR 12:21 Tuwo aena vavilaina itáoya, tuwowona kobuina ikabi inai go, niga geya natunamo ikámasa. Niga amo tauyana aena vavilaina itáoya, tuwowona kobuina ikabi inai go, nakae geya natunamo ikámasa.
MAR 12:22 Tauna nakae korotoyadi adi tainima adi taiyuwo. Vavinayana sinai go, geya natudimo sikámasa. Korotoyadi liliudikova sikamasa kówasa, namliyeta baige vavinayana nakae ikámasa.
MAR 12:23 Tauna neta moitamo tomota ámasa goi sitaoyamna, e amo tutayana goi tauyadi nakae bei sitaoyamna go, korotoyadi yaidi ava koroto moe vavina monena mooitamoina? Bogina kuyagoi. Korotoyadi adi tainima adi taiyuwo boi mainao nava maa yawoidi go, vavinayana liliudi sinai.’
MAR 12:24 Go kina Yeisuyana idigo kana, ‘Ame pasina komi kobágala: Gínina Kimaasabaidi geya koyagoidita be nakae Yaubada ina togaga geya koyagoiyeta!
MAR 12:25 Tutayana tokámasa sitaoyamna, koroto be vevina nai geya, go sem idi kaiyaka anerose yábana goi nakae; tauyadi nai geya.
MAR 12:26 Ego tokámasa adi kaitáoya manuna, Mosese ina buki goi tauyana tetelina ikaaiyaka go, manakae? Geya kokatuyaiviyeta ae? Boi ikaaiyaka go, yeu taliboibo sinaena Yaubada isowóduwo Mosese ilatuwoko idigo kana, “Yau tubumowo Eberamo, Aisake be Yakobo idi Yaubada.”
MAR 12:27 Moeko goi taayagoi tauyadi maa yawoidi yábana goi Yaubada yaina sikaaiyaka. Tauna Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moitamo. Komi kobágala gagaina. Tokámasa moitamo bei sitaoyamna.’
MAR 12:28 Niga Yaubada ina Katukeda ana tovatulúkwana tayamo ima Yeisu be Sadusi idi kaumakimaki inove go, bogina igite Yeisu ina katumapu yaidi goi dedevina. Tuwo ilumadade idigo kana, ‘Lovina liliudi Yaubada ina Katukeda yaidi goi, ava lovina gagaina?’
MAR 12:29 Go kina Yeisu idigo kana, ‘Lovina ame, lovina gagaina kana,
MAR 12:30 Tauna Yauwe imi Yaubada komataakoīye
MAR 12:31 Lovina aiyuwoina ame nakae kana, “Siyami komataakoīye nakae toinimi komatakooiyemi.” Vininabeso 19:18 Geya tayaamo lovina ikaaiyaka ame lovinayadi aiyuwo ikalisavedi.’
MAR 12:32 Yaubada ina Katukeda ana tovatulukwanayana idigo kana, ‘Moitamo, tovatulúkwana! Kom kubóbwara moitamo. Mosese igini kana, “Yauwe anetava Yaubada. Geya tayaamo basaleliu tuwaina ikaaiyaka geya.”
MAR 12:33 Aiyuwoina tauyana kana, “Tauyana komataakoīye atemi madabokinakova goi be imi nuwonúwana madabokinakova goi be imi togaga madabokinakova goi.” Atukeda 6:5 Nakae kana, “Siyami komataakoīye nakae toinimi komatakooiyemi.” Vininabeso 19:18 Vininabeso yoguyogu sivakaasavedi adi kasala be nakae yoguyogu sikauumatedi adi kasala liliudi Yaubada yaina dedevidi go, ame lovinayadi aiyuwo sikalisavedi.’
MAR 12:34 Yeisu igite korotoyana mana nanamsa ikatumapu, tuwo idigo kana, ‘Giyakainava bei Yaubada ina kalibúbuna goi kusiu.’ Moeko goi geya vatau tayaamo tuwaina mana katepatu bego Yeisu ilumadade.
MAR 12:35 Niga Yeisu Vada Kimaasabaina goi ivaatulúkwana go, tomota ilatuwokoidi idigo kana, ‘Atukeda ana tovatulukwanayao manakae sidigodigo bego Guyau moe Devida tubuna ame tauna?
MAR 12:36 Go boi nimatu Baloma Kimaasabaina Devida nukotona isanayato, tuwo idigo kana,
MAR 12:37 Tauna Devida igimibíbina namliyeta Guyau go, Devidayana Guyau ikatoomoyae, ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’ E kidi boda gagaina madi uyáwana Yeisu sitaiyakeke.
MAR 12:38 Yeisu ina vatulúkwana goi idigo kana, ‘Ami dodōkana kidi Yaubada ina Katukeda ana tovatulukwanayao. Kidi sinapu ame latuwodi: Madi kwama maanawedi be nakae kaausaraidi sivaabebeo. Aba maketi goi tomota sima sikatoomoyaedi.
MAR 12:39 Tapwaroro ana kaba tugúguna sinaena wowoina basekoina goi siitusobu. Áika gagaidi goi sisiu wowoina basekoina goi siitusobu. Ame guinuwayadi kidi nuwodi ikabi.
MAR 12:40 Tauyadi kóbuya idi vada be konadi sivaaobudi be nakae idi kawanoi polapola Yaubada yaina simamanao bego tomota sigitedi. Ame tauyadi adi liuna gagaina bei sibabane.’
MAR 12:41 Ibóbwara ikavava, itusobu, vininabeso ana kaba yata ikaonako go, tomota badabadaidi idi mani siyatayata idumakaavatedi. Idumakaavatedi, toesaesa idi mani gagaidi siyatayata
MAR 12:42 go, tayamo kóbuya ima ina vininabeso mani aiyuwo iyatoidi, moe ana lamgógana mani giyaina toina.
MAR 12:43 Tuwo Yeisu ina tovatotowanayao iduduwedi sima, ilatuwokoidi idigo kana, ‘Iyaa! Kóbuya amo ina vininabeso aba kainaopa! Ame alatuuwokoimi konōve: Amo kobuyayana tookaina ina vininabeso iyato moe gagaina namliyeta tomota liliudi idi vininabeso aba yata goi siyatayata.
MAR 12:44 Ame moitamo. Kidi go tomotayadi liliudi sima idi mani gagaina vininabeso ana kaba yata goi siiyatoidi go, idi kesa gagaina ikaaiyaka. E kina go kobuyayana ina mani madabokiina iyato. Geya kada tayaamo ina kesa ikaaiyaka bei avana igimona.’
MAR 13:1 Niga Yeisu mana tovatotowanayao Vada Kimaasabaina ana kali sinaena goi sisowóduwo go, ina tovatotówana tayamo idigo kana, ‘Tovatulúkwana, Vada Kimaasabaina ana vada kaausaraidi kugitēdi; gurewa gagaaidi goi siyowóidi.’
MAR 13:2 Go kina Yeisu idigo kana, ‘Ame vadayadi kogitedi ae? Vadayadi dedevidi ae? Nava bei geya tayaamo gurewa vaapopoina ikaaiyaka, go sem madabokina sitagaegaekowosidi.’
MAR 13:3 Niga Yeisu ituko ina Oribe Koyaina goi itusobu, e Vada Kimaasabaina ikaonako go, Pita, Yemesa, Iyoni be Anduru aditava sima Tauyana yaina sidigo kadi,
MAR 13:4 ‘Kulatuwokōima ava tuta bei moe dogoiyadi sisowóduwo? Moe dogoiyadi idi sowóduwo kaga ana kaba kinana, e bei idi sowoduwoyana kayagoi?’
MAR 13:5 E kina go Yeisu idigo kana, ‘Komi ami dodōkana govila bei tomota sivasulaigimi.
MAR 13:6 Topola badabadaidi bei sima yoigu sivatoi kadi, “Yau Guyau.” E idi polayana goi boda gagaina bei sivasulaigidi.
MAR 13:7 E tutayana yaviya valedi bei konovedi yomana be aduwanau, taabu kokaateyōva. Itoboine ame dogoiyadi sisowóduwo go, poyapoya ana kaba lukavava moe nava.
MAR 13:8 Nava bei ta boda ta boda sitáoya, taiyao sivayaviya. Nakae ta kaba lovina ta kaba lovina bei sitáoya, taiyao sivayaviya. Asa liliuna goi nikuniku bei sitátava be nakae loga sisowóduwo. Ame dogoiyadi moe tuta moumoudi adi kaba vatowo; vevina neta idi tuta venátuna ana geda ana kaba vatowo nakae.
MAR 13:9 E komi ami dodōkana ami kaleyayao goi. Bei siyoisimi siekotuyemi be nakae idi kaba tugúguna goi bei sidabimi. Adi gavanayao be adi tolovinayao matadi goi bei kotáoya imi numisa yau yaigu pasina, bei tauyadi yaidi goi Vala Dedevina kotalavaite.
MAR 13:10 Ago mainao itoboine guna tonumisayao Vala Dedevina sitalavaite Totuyoyowo liliudi yaidi goi, namliyeta poyapoya ana kaba lukavava bei isowóduwo.
MAR 13:11 E tutayana tomota siyoisimi siekootuyemi, taabu konuuwotūkala manakaemi bei kobóbwara, go sem ava livalava Yaubada nukotomi isanayatoidi, e moe livalayadi tomota kolatuwokōidi. Moitamo. Moe geya komi imi livalayadi geya, go sem Baloma Kimaasabaina ina livala.
MAR 13:12 Tomota maniyedi geya sinumiseguta toinidi sediyao tonumisa bei sinuwotuluyedi tolovina yaidi bego sikaumatedi. Tamadiyao nakae bei siguinuwe natudiyao yaidi. Gogómana nakae bei siguinuwe tamadiyao be sinadiyao yaidi.
MAR 13:13 Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyaakavata ana kadókana tuta ana kaba lukavava goi, e adi yava bei sibabane.
MAR 13:14 E aba silali tayamo Yaubada yaina bei Vada Kimaasabaina goi iitáoya go, moe geya itoboineyeta amoko goi ikaaiyaka unana Vadayana ikibaibaili.’ Kom tokatuyáiva ame ana yagoina kuyagoidōko! Yeisu tuwaina kana, ‘Tutayana aba silaliyana kogite Vada Kimaasabaina goi iitáoya, avatauwa Yudiya dadavina goi sikaaiyaka, sisīya sīna koya goi.
MAR 13:15 E avatauwa vada yatana goi sikaaiyaka, taabu sisousōu bego konadi tayaamo nakae vada sinaena goi sikabi, go sem sisiyāmo.
MAR 13:16 Avatauwa tánuwo goi sikaaiyaka, taabu sikaaluvīla sīna idi kasa bego adi tanigo sikabidi, go sem sisiyāmo.
MAR 13:17 O tokéuwama be tovanunu! Amo tutayana moumou isaki yaidi bego sisiya.
MAR 13:18 E kokawanōi Yaubada yaina bego mouyana geya isowoduwoita nunutula ana tuta goi, govila bei imi siya goi kokaimúmuna.
MAR 13:19 Moitamo. Amo tutayana goi mou bei isowóduwo. Nakae Yaubada ina madagina kunu goi go, ima ame tuta geya tayaamo mou nakae. Aiyuwoina mou amo nakae geya tuwaina bei iisowóduwo.
MAR 13:20 Neta maliyalinayadi Yauwe geya ikatukakupidita, e geya vatau tayaamo ana yava ibabane, go sem ina kinavayao boi ikiinavedi pasidi moitamo ikatukakupidi.
MAR 13:21 Tuta amo goi avatauwa neta sidigo kadi, “Guyau goame!” o kadi, “Guyau goamo!” e taabu konuumisēdi.
MAR 13:22 Moitamo. Guyau polapola be nakae tokabivalavala polapola bei sisowóduwo, aba kinana kainaaopaidi siguuinuwedi bei tomota sivasulaaigidi. Bei sipoikíkina bego Yaubada ina kinavayao sivasulaigidi.
MAR 13:23 E ami dodōkana! Bogina agimikatumatalimi.
MAR 13:24 E moitamo guyau polapola bei sisowóduwo go, Guyau ina kaluvilamna moe nakae geya, go sem ame nakae: Amo tutayana mouyadi mlidi goi ame nakae bei isowóduwo:
MAR 13:25 utuna yábana osasaina goi bei sisou
MAR 13:26 Amo tutayana goi tomota bei Tomalatomota sigite gaota goi imamaima ina togaga gagaina be Yaubada ana káeyana tomoeeyalina gagaina ivagitakoedi.
MAR 13:27 Amo tutayana anerose bei ietunedi sina poyapoya ana madabokina goi ina kinavayao sitaligogoidi.
MAR 13:28 E latuwogu livalakaibala ame taniya manuna aba gita tayamo avatulukoimi bei koyagoi. Tutayana taniya laonina bogina silabosúsuwo be vaga vau idugo, e bogina koyagoi kúwana ana tuta bogina ivaakikina.
MAR 13:29 Moe tauna komi nakae. Tutayana amo mouyadi koogitedi, e koyagōi Tauyana totom goi ikaaiyaka.
MAR 13:30 U, moe bei kooyagoi go, ame alatuuwokoimi konōve: Tomota komi nakae nava bei maa yawoidi tutayana ame dogoiyadi bei sisowóduwo.
MAR 13:31 Yábana be poyapoya bei sitagau go, yau guna livala sikaiyako vata.
MAR 13:32 E Tomalatomota ina kaluvilamna ana tuta manuna konovēgu. Geya vatau tayaamo iiyagoi ava maliyalina goi o ava níyala goi bei ima. Kidi anerose da yábana geya siyagoiyeta, e Yaubada Natuna nakae geya iyagoiyeta, go sem Yaubada Tamada anetava iiyagoi.
MAR 13:33 Matami silala koyauyāusa. Moitamo. Komi geya koyagoiyeta ava tuta Tomalatomota bei ima.
MAR 13:34 Moe nakae livalakaibala ame: Koroto tayamo latuwona ina ituli ta kasa. Tuwo ina pakonayao tamo tamo idi paisewa ivinidi. Ikavava, ina vada totomna ana tomatakavata lovina ivini kana, “Kuyauyāusa!”
MAR 13:35 Tauna koyauyāusa! Geya koyagoiyeta ava tuta vadayana ana Tomoya bei ima, nakona lavilavi, nakona bunatoina, nakona botomotomo, nakona nobuyana nava matagougouna. Geya koyagoiyeta, tauna koyauyāusa,
MAR 13:36 govila bei geya mgoninamo Tauyana ima ibabanemi koomasisi.
MAR 13:37 E kaga alatuuwokoimi, tomota liliudi alatuuwokoidi, moe koyauyāusa.’
MAR 14:1 E maliyalina aiyuwo mlidi moe Basitáwana Aikanina be nakae Beredi Pokaka Aikanina adi tuta. Ago Tonúwala Gagaidi be Yaubada ina Katukeda ana tovatulukwanayao enao siilusala manakaedi bei idi pola goi itoboinedi Yeisu siyoisigau sikaumate.
MAR 14:2 Moe idi nuwonúwana go, sidigo kadi, ‘Go Basitáwana Aikanina sinaena geya tayoisiyeta, govila bei tomota madi egamogamogu sivakaleyeda.’
MAR 14:3 Yeisu ina Saimoni ina vada Betani goi ikaaiyaka. Saimoniyana boi tolepero tayamo. E Yeisu ikaaiyaka ikakáika go, vavina tayamo ima pútuma ma bootorina dedevina toina iikavale. Putumayana moe nadi maavadaina go, ana maisa gagaina. Ikavale ima botoriyana ikiguyali, Yeisu dabana goi isiwoi.
MAR 14:4 E tomota maniyedi sikaaiyaka, vavinayana ina guinuwa sigite, tuwo siegamogamogu, toinidi sidigo kadi, ‘Iyaa! Tauyana kogite? Manakae pútuma amo nakae ikavavaluge!
MAR 14:5 Moitamo. Neta putumayana ikaigimone, itoboine maisana mani gagaina toina ikabi; nakae neta tala tayamo ana paisewa ana maisa. Ikaigimone ikavava, maisana ikabi, tookaidi ivinidi. Go kaga unana tauna nakae geya iguinuweyeta?’ Tuwo sivatowo vavinayana siboove.
MAR 14:6 E kina go Yeisu idigo kana, ‘Tauyana kokalāve. Kaga unana mou kovinivini? Ina guinuwa yau yaigu moe guinuwa dedevina toina unana iwowoinegu.
MAR 14:7 Bogina koyagoi. Kidi tookaidi tuta liliuna sikaaiyaka yaimi. Ava tuta latuwomi, e itoboinemi kovaitedi. Go yau sem tuta kaakupina bei akaaiyaka yaimi.
MAR 14:8 Vavina ame kaga nakae itoboine bogina iguinuwe yau yaigu. Pútuma dabagu goi isiwoi mana wowoina sakavaigu igimikatubayasi guna valiwoga manuna.
MAR 14:9 E moe nakae dedevina iguinuwe go, ame alatuuwokoimi konōve: Poyapoya ana madabokina goi nako Vala Dedevina sitaalavaite, e ina guinuwayana tetelina nakae bei sivateteli go, tauyana sinuwokavate.’
MAR 14:10 Tuwo Yudasa guma Keriota, tauyana Yeisu ina tovatotówana tayamo yawou aiyuwo yaidi go, tuwo itáoya ina Tonúwala Gagaidi yaidi bego Yeisu inuwotuluye.
MAR 14:11 E Yudasa ina livala sinove, ina tagona manuna siuyáwana be nakae sikatótula ina nuwotuluyana siemaisi. Tuwo amo tutayana goi tuta ana toboine iilusale bei Yeisu inuwotuluye.
MAR 14:12 Beredi Pokaka Aikanina ana maliyalina vakuumgoina bogina ima. Amo tutayana Basitáwana Aikanina ana lami sikaumatedi sikasaledi Yaubada yaina. Maliyalinayana goi Yeisu ina tovatotowanayao sima silumadade sidigo kadi, ‘Nako goi latuwom Basitáwana Aikanina kakatubayasi bei takáika?’
MAR 14:13 Tuwo ina tovatotowanayao adi taiyuwo ilatuwokoidi idigo kana, ‘Kōna Yerusalema goi kosīu go, koroto tayamo aba tega maa bwaena iikavale bei ima ivalobodemi. Korotoyana kosabokulīye.
MAR 14:14 Ava vada goi isiusiu komi kosīu be toni vada kolatuwōko kami, “Ima tovatulúkwana idigo kana, ‘Im vada sinaena ava dadava kutagone bei magu tovatotowanayao Basitáwana Aikanina kakáika?’”
MAR 14:15 Nakae kolatuwōko go, vada diligaemaina vabodaupa tayamo gagaina dadavina katubaayasina bei ivatulukoimi. Moeko goi ida Basitáwana Aikanina kokatubayāsi.’ Ilatuwokoidi ikavava, ietunedi sina.
MAR 14:16 Tuwo moitamo ina tovatotowanayao adi taiyuwokova sitáoya sina Yerusalema goi sisiu go, kaga Yeisu bogina ilatuuwokoidi nakae sibabanedi. Tuwo amoko goi adi Basitáwana Aikanina sikatubayasi. Sikatubayasi ikavava, sikaluvila sima Tauyana yaina goi.
MAR 14:17 Bogina kinanatau, Yeisu mana tovatotowanayao yawou aiyuwo sitáoya sima vadayana goi.
MAR 14:18 Amoko goi situsobu sikakáika go, Tauyana idigo kana, ‘Ame dedevina taiyao takakáika go, ame alatuuwokoimi konōve: Koroto tayamo yaimi goi bei inuwotuluyegu. Tauyana taiyao kakakáika go, nava bei inuwotuluyegu!’
MAR 14:19 Tuwo kidi ina tovatotowanayaoyadi tamo tamo madi kategeda sidigo kadi, ‘Nakona yau?’
MAR 14:20 E Tauyana kana, ‘Kita mada kabivekoveko noko tayamo goi ida beredi tavakuutuidi go, koroto tayamo komi yawou aiyuwoyami yaimi goi moe yau agu tonuwotulu.
MAR 14:21 Moitamo. Tomalatomota bogina inonoina nakae Gínina Kimaasabaina boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’
MAR 14:22 E tauyadi sikakáika go, Yeisu beredi ikabi, manuna ikauyagu Yaubada yaina. Ikavava, ikivisi ina tovatotowanayao ivinidi go, idigo kana, ‘Moe wowogu nakae. Kokābi kokāni.’
MAR 14:23 Tuwo sikabi sikáika. Ikavava, oine ma keeigaina ikabi, manuna ikauyagu Yaubada yaina. Ikavava, keigayana ivinidi, e tamo tamo sikabi sinim
MAR 14:24 go, idigo kana, ‘Moe ikaikaigu nakae. Ikaikaiguyana bei idaudau komi manumi be nakae tomota liliudi manudi. Ikaikaiguyana ina dau goi Yaubada ikanasiukoimi.
MAR 14:25 Moitamo nakae bei isowóduwo go, ame alatuuwokoimi konōve: Oine ame geya tuwaina bei animnim ana kadókana tutayana Yaubada itagonegu akalibúbuna namliyeta baige oine vau bei anim.’
MAR 14:26 Sikáika ikavava, Same vesina sivesiye Yaubada yaina. Sivesi ikavava, sisowóduwo sina Oribe Koyaina goi situko.
MAR 14:27 Niga Yeisu ina tovatotowanayao ilatuwokoidi idigo kana, ‘Sabamgo ame imi numisa goi bei kokapusi yau pasigu. Moe nakae Gínina Kimaasabaina goi Yaubada idigo kana,
MAR 14:28 Go geya kada kokapusi vata geya, go sem ámasa goi Yaubada ikaitaoemneigu mlina bei avakumgo ana Galili.’
MAR 14:29 E kina go Pita idigo kana, ‘Nakona madabokidi idi numisa goi bei sikapusi, go yau sem geya akapusita.’
MAR 14:30 Go kina Yeisu idigo kana, ‘Moe dedevina neta moitamo go, ame alatuuwokoim kunōve: Ame sabamgoyana goi kom bogina bei sivato kulawoiwoiyekoigu namliyeta kamkam bei sivayuwoina itáiya.’
MAR 14:31 Kina Pita sopana imakimaki kana, ‘Neta akámasa kom taiyao, tuwo akámasa go, geya alawoiwooiyem.’ Ame nakae ina tovatotowanayao liliudi sidige.
MAR 14:32 Niga Yeisu mana tovatotowanayao sina asa tayamo yoina Gedesemane goi go, maniyedi ilatuwokoidi idigo kana, ‘Ameko kotusōbu kokaaiyāka. Kai kana dobala go, yau bei akawanoi Yaubada yaina.’
MAR 14:33 Tuwo moitamo situsobu go, Pita, Yemesa be Iyoni ikabidi taiyao sina. Sinonoina go, kina Yeisu bogina nukotona taitáiya iuyoi be nakae atena igeda gagaina toina.
MAR 14:34 Tuwo adi taito ilatuwokoidi idigo kana, ‘Nuwogu taitáiya iuyoi, nakae bei akámasa. Komi ameko goi kokaaiyāka go, koyauyāusa.’
MAR 14:35 Ibóbwara ikavava, ivayavakova ikanakabobo go, ikawanoi Yaubada yaina goi neta itoboine ina gedageda ana tuta geya ibabaneyeta.
MAR 14:36 Ina kawanoiyana goi idigo kana, ‘Abba, Tamagu, kaga liliuna ikakapu yaim. Tauna neta gedageda keigaina ame kukābi kunāve. Go sem yau geya guna nuwonúwana geya, go sem kom im nuwonúwana kuguinūwe.’
MAR 14:37 Ikawanoi ikavava, ikaluvila ima ina tovatotowanayaoyadi ibabanedi sikanaamatáiya, tuwo iwoinidi, e Pita ilatuwoko idigo kana, ‘Saimoni, manakae? Kom kuumasisi? Manakae? Geya itoboinemta tuta giiyaina goi kuyauyáusa ae?’
MAR 14:38 Ago adi taito ilatuwokoidi kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’
MAR 14:39 Niga Yeisu ivayavamna ina ikawanoi nakae maine bogina ikawanoi.
MAR 14:40 Niga sivayuwoina ikaluvilamna ima ina tovatotowanayaoyadi ibabanedi sikanaamatáiya. Bogina kuyagoi. Matadi inosedi gagaina. Iwoinidi go, odi imayamaya, tauna geya siyagoiyeta manakaedi bei sikatumapu. E Yeisu ivayava ina ikawanoi.
MAR 14:41 Ikawanoi ikavava, sivatonina ikaluvila ina ina tovatotowanayaoyadi adi taito ibabanedi sikanaamatáiya. Tuwo iwoinidi go, idigo kana, ‘Manakae? Nava koomasisi be kowaaiwasi ae? Moe tuwo. Tomalatomota ina tuta bogina ima. Ana tonuwotulu bei toogoyoidi nimadi goi iyato.
MAR 14:42 Kotāoya tāna. Kogīte; guna tonuwotuluyana bogina imamaima.’ Tuwo moitamo sitáoya go, ina tovatotowanayao ainima aito nakae iduduwedi sima.
MAR 14:43 E Yeisu nava ibobóbwara go, Yudasa isowóduwo ima. Tauyana tovatotówana tayamo yawou aiyuwo yaidi goi. Isowóduwo go, boda madi sisi be madi kepati taiyao sima. Bodayadi kidi Tonúwala Gagaidi be Atukeda ana tovatulukwanayao be nakae Diyuu idi tomoyamoya sietunedi sima.
MAR 14:44 Ego Yeisu ina tonuwotuluyana aba kinana tayamo bogina ivinidi bei siiyagoi ava koroto moe Yeisu, tauna kana, ‘Avatau neta ayowoi, e amo Tauyana koyōisi konāve go, komatakavatedōko.’
MAR 14:45 Tuwo Yudasayana isowóduwo go, mainao iseivata ima Yeisu goi idigo kana, ‘Tovatulúkwana Toolagaim, uyagu!’ Ikavava, iyowoi.
MAR 14:46 E bodayadi sigite, tuwo sibala sima Yeisu siyoisi.
MAR 14:47 E toyoko tayamo ina sisi ibuyagi, ibala ina Tonúwala Toolagaina ina pákwana taiyana kakataina ivakanáupe.
MAR 14:48 Ago Yeisu bodayadi ilatuwokoidi idigo kana, ‘Manakae? Yau bego tokapipilova tayamo, tauna komi mami sisi be mami kepati koma koyoisigu?
MAR 14:49 Maliyalina tamo tamo Vada Kimaasabaina goi akaaiyaka yaimi goi avaatulúkwana go, geya koyoisiguta. Yau geya tokapipilova geya, go sem Gínina Kimaasabaidi itoboinedi simalatomotamna.’
MAR 14:50 Tuwo Yeisu ina tovatotowanayao liliudi Tauyana sikalave go, sisiya.
MAR 14:51 Ego tubuwau tayamo ma paiwaina ana tanigo itanigoeyamo Yeisu iikitau, e nakae ikaaiyaka. Ago tovayaviya sima bego siyoisi
MAR 14:52 go, ana tanigo kaka siyoisiyamo sikiwowo. Tuwo tubuwauyana ma paiwaina isiya.
MAR 14:53 E tuwo bodayadi Yeisu siyoisi, sinave Tonúwala Toolagaina ina vada goi. Amoko goi Tonúwala Gagaidi, Diyuu idi tomoyamoya be nakae Yaubada ina Katukeda ana tovatulukwanayao bogina sigugúguna.
MAR 14:54 E kina go Pita tupwana masigava goi Yeisu isabookuliye ina Tonúwala Tolagainayana ina vada ana kali goi isiu itusobu Vada Kimaasabaina ana polisi taiyao. Iitusobu go, polisiyadi taiyao yeu goi sibuuvavaya.
MAR 14:55 E kidi go Tonúwala Gagaidi be nakae Diyuu adi kotu ana tolovinao liliudi vadayana sinaena sikaaiyaka Yeisu ana totalavaita polapola siluusaledi bego idi talavaitayadi goi Yeisu sitakino toogoyoina bei sikaumate go, geya tayamo sibabane.
MAR 14:56 Moitamo. Tomota badabadaidi sitalavaita polapola go, idi talavaitayadi geya sivavaseta.
MAR 14:57 Ago maniyedi sitáoya sitalavaita polapola, sidigo kadi,
MAR 14:58 ‘Tauyana kanove, idigo kana, “Vada Kimaasabaina ame tomota nimadi goi siyowo, e nava bei atauwe go, maliyalina aito mlidi goi ituli ta Vada Kimaasabaina bei ayowo go, geya tomota nimadi goi geya.”’
MAR 14:59 Nakae sibóbwara go, idi talavaitayadi nakae geya sivavaseta.
MAR 14:60 Sitalavaita ikavava, tolovina nauyayanaidi goi Tonúwala Toolagaina itáoya, Yeisu ilumadade idigo kana, ‘Manakae kom im katumapu? Ame kaga manuna tauyadi sitalavaaitem?’
MAR 14:61 Go kina Yeisu iitugau, geya tayaamo kaga ikatumapu. E kina Tonúwala Tolagainayana idigo kana, ‘Kom moitamo Guyau, Yaubada aba yapali Natuna?’
MAR 14:62 E kina go Yeisu idigo kana, ‘Yau Tauyagu. Nava Tomalatomota bei kogite mana lovina wowoina basekoina Tokalika kakataina goi iitusobu be nakae yábana geleoina yatadi goi imamaima.’
MAR 14:63 Go kina Tonúwala Tolagainayana mana egamogamogu ana kwama ikiise giyaina go, idigo kana, ‘Kaga ana dedevina totalavaita tuwaina taalusale? Geya!
MAR 14:64 Ina digopopóita bogina konove! Komi manakaemi koolovina?’ E liliudi sitakino kina toogoyoina, sidigo kadi, ‘Moitamo Tauyana itoboine ikámasa!’
MAR 14:65 Ago maniyedi sitáoya Yeisu sigiwoli go, maniyedi matana sisikobode. Ikavava, sipwaiki go, sikaiwotete kadi, ‘Kulatuwokōima avatau iilauim!’ Ago Vada Kimaasabaina ana polisi sima Yeisuyana siyoisi sidabi.
MAR 14:66 E Pita tonoko Tonúwala Toolagaina ina vada ana kali sinaena goi ikaaiyaka go, Tonúwala Toolagainayana ina pákwana woiyaina tayamo ima
MAR 14:67 Pitayana igite ibuuvavaya. Tuwo ipotekavate go, idigo kana, ‘Kom woi amo guma Nasareta, Yeisu, ina tosabokuli tayamo!’
MAR 14:68 Go kina Pita ilawoiwoi idigo kana, ‘Moe kaga kudigedige yau geya ayagoiyeta!’ Tuwo, ibala ina aliyana ana kaba siu goi ikaaiyaka go, kamkam itáiya.
MAR 14:69 Woiyaiyana Pita igite, toyokoyadi ilatuwokoidi idigomna kana, ‘Koroto ame Yeisu ina boda tayamo.’
MAR 14:70 Go kina Pita sivayuwoina ilawoiwoimna kana, ‘Yau geya!’ E tuta giyaina toyoko maniyedi nakae sibala sima Pita silatuwoko sidigo kadi, ‘Kom woi Yeisu ina boda tayamo. Moitamo. Kom guma Galili.’
MAR 14:71 Go kina Pita ikanatamada idigo kana, ‘Iyagoida! Neta apola, Yaubada itoboine ilauigu. Amo korotoyana kodigedige yau geya ayagoiyeta geya!’
MAR 14:72 E mainao kamkam sivayuwoina itáiya go, kina Pita Yeisu ina livala inuwopeye boi idigo kana, ‘Namliyeta kamkam sivayuwoina itáiya, e kom bogina bei sivato kulawoiwoiyekoigu.’ Tuwo to itaiyamo.
MAR 15:1 Nobuyana nava matagougouna Diyuu adi kotu ana tolovinayao liliudi situgúguna bei silosinapu Yeisu manuna. Tauyadi moe kidi Tonúwala Gagaidi be Diyuu idi tomoyamoya be nakae Yaubada ina Katukeda ana tovatulukwanayao taiyao. Silosinapu ikavava, Yeisu nimana siyowóidi, sinave Pailato nimana goi siyato.
MAR 15:2 Go kina Pailatoyana ilumadade idigo kana, ‘Kom moitamo Diyuu adi Tokalibúbuna?’ ‘Kom bogina kudigoyabe.’ Yeisu kaena.
MAR 15:3 Go kidi Tonúwala Gagaidi dogoi badabadaidi manudi Yeisu siwowoko.
MAR 15:4 E kina go Pailato Yeisu ilumadademnei idigo kana, ‘Idi wowókana badabadaidi kuunovedi? Manakae? Geya kwatumapudita ae?’
MAR 15:5 E kina go Yeisuyana geya tayaamo wowókana ikatumapu geya, tauna Pailato nukotona iwówana gagaina.
MAR 15:6 Ego Basitáwana Aikanina ana tuta goi Pailato ina sinapu ame nakae: Neta koroto tayamo deri ana tokaiyaka go, tomota sikawanoiye, e Pailato italigei ivinidi.
MAR 15:7 E amo tutayana Roma ana tokapipilova maniyedi deri goi sikaaiyaka. Boi tauyadi idi kapipilova goi tomota maniyedi sikaumatedi. Moe pasina deri goi sikaaiyaka. Tokapipilovayadi yaidi goi tayamo yoina Barabasi.
MAR 15:8 E moe Pailato ina sinapu, tuwo boda situko sina tauyana yaina sikawanoi sidigo kadi, ‘Koroto tayamo kutaligēi kuvinīma nakae im sinapu tala tamo tamo.’
MAR 15:9 E kina go Pailatoyana idigo kana, ‘Latuwomi bego komi Diyuu imi Tokalibúbuna ataligei yaimi?’
MAR 15:10 Pailatoyana bogina iyagoi kidi Tonúwala Gagaidi Yeisu sime nimana goi siyato kotu manuna unana Tauyana sivakipikipiye.
MAR 15:11 E kidi go Tonúwala Gagaidiyadi boda sisiukoidi, sidumwamwainidi bego Pailato sikawanoiye bei Yeisu geya, go sem Barabasiyana italigei ivinidi. Tuwo Barabasi manuna sikawanoi Pailato yaina.
MAR 15:12 E kina go Pailatoyana aiyuwoina ilumadademneidi idigo kana, ‘Neta nakae, e ame Tauyana koovayou komi Diyuu imi Tokalibúbuna bei kaga avaiko?’
MAR 15:13 ‘Kerose goi kutupatūko!’ bodayadi niyadi gagaina kaedi.
MAR 15:14 ‘Go ame Tauyana ava goyo iguinuwe bei itoboine ikámasa?’ Pailatoyana kaena. ‘Kerose goi kutupatūko!’ bodayadi niyadi gagaina kaedi.
MAR 15:15 E kina go Pailatoyana latuwona bego boda ivauyaonedi, tauna ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi kana, ‘Yeisu kokābi, kodābi. Ikavava konāve bei kerose goi kotupatūko.’ Tuwo moitamo Tauyana sikabi sidabi.
MAR 15:16 E kidi go Pailato ina tovayaviyayao sima Yeisu sikabi, sinave Erodi ina vada esaaesaina ana kali goi sisiuye. Amoko goi sediyao tovayaviya liliudi siduduwedi sima
MAR 15:17 Tauyana ana kwama sivalilivi. Ikavava tolovina ana kwama dedevina go, kayakayaina sikabi, Yeisu sivalosi. Sivalosi ikavava, tolovina ana pasapasa polapola sivapase ame nakae: Taliboibo sikabi, dabayogigi polapola simete, dabana goi sikailagasi.
MAR 15:18 Ikavava, sibibilágata madi kaiwoteta sidigo kadi, ‘Diyuu adi Tokalibúbuna takiilagāsi!’
MAR 15:19 Ikavava, duriduri sikabi, dabana siláui be nakae sigiwoli. Ikavava, matana goi aedi sivatugúyala bego siwowoine polapola.
MAR 15:20 Sikaiwotete ikavava, kwamayana kayakayaina sivalilivi go, toinina ana kwama sivalosimnei, sinave bei kerose goi situpatuko.
MAR 15:21 E sinavenave go, enao goi koroto tayamo guma Sairini sibabane yoina Saimoni. Saimoniyana Alekisanda be Rupuso tamadi. Tauyana ina tánuwo goi imamaima. Imamaima go, tovayaviya siyoisi, silovinae bego Yeisu ina kerose ikavale.
MAR 15:22 Siketoiya, Yeisu sime asa yoina Gorigota (moe ana yagoina Bulubulu ina Kasa).
MAR 15:23 Amoko goi oine be alovamamaina sisina sipopolidi, sitagone Tauyana yaina geda manuna go, ikatae.
MAR 15:24 Tuwo Tauyana ana kwama sivalilivi ikavava, kerose goi situpatuko namliyeta baige keroseyana sivatáoe. Ikavava, ana kwama, ana sendoro, ana gadíwana sikabidi, pápala tayamo siguinuwe bei sigite avatauwa Tauyana konana sikabidi.
MAR 15:25 Ego tutayana Tauyana situupatuko moe nobuyana nauyayana.
MAR 15:26 Ana píkwana aisika paaevaina tayamo goi sigini, ana pikwanayana kana, ‘Diyuu adi Tokalibúbuna.’
MAR 15:27 Tokapipilova adi taiyuwo Yeisu taiyao nakae adi kerose goi situpatukoidi, tayamo kakataina go, tayamo kekelina.
MAR 15:29 Niga tomota maniyedi enao goi siiketoiya Yeisu sitagiwoi. Nakae dabadi sikatuugegéwana be nakae sikaaoseve sidigo kadi, ‘Ee kom tauyam bego Vada Kimaasabaina kutauwe go, maliyalina aito mlidi kuyowomnei,
MAR 15:30 toinim kuyavēm, e kerose goi kusōu kūma!’
MAR 15:31 Tonúwala Gagaidi be Yaubada ina Katukeda ana tovatulukwanayao nakae taudiva sikaoseve sidigo kadi, ‘Bego ituli ta tomota iyavedi go, geya itoboineyeta toinina iyave.
MAR 15:32 Tauyana bego Guyau, kita Isileli tubunao ida Tokalibúbuna, tuwo ame tuta itoboine kerose goi isou ima bei tagite tanumise.’ Kidi tokapipilovayadi bogina tupaatukoidi Yeisu taiyao nakae sikaaoseve.
MAR 15:33 Bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.
MAR 15:34 Asa lavilavi nakae, Yeisu niyana gagaina goi iduduwo idigo kana, ‘Eloi, Eloi, lema sabakatani?’ Moe ana yagoina kada, ‘Guna Yaubada, guna Yaubada, kaga unana kwalavegu?’
MAR 15:35 Toyoko maniyedi amoko goi sinove go, sitainasi, tuwo sidigo kadi, ‘Konōve! Eliyau iiduduwe.’
MAR 15:36 E koroto tayamo ilokoina ina toutou ikabi, e oine bwaena yuyuyuna goi isavaibute. Ikavava, duriduri ikabi, isisiwo go, ikailagasi bego Yeisu ivanim. Ikavava, idigo kana, ‘Tauyana takalāve go, tagitegīte. Nakona Eliyau bei ima kerose goi ikaisobuye.’
MAR 15:37 E kina go Yeisu niyana gagaina goi aiyuwoina iduduwomna, e yawoina ikasalave.
MAR 15:38 Ago Tukunu Kimaasabaina Toina ana vabodaupa kaarekoina ikiiseyuwe, dolagaema isou ina ditonema.
MAR 15:39 E tovayaviya adi tovakumgo Yeisu ana kerose matana goi iitáoya, ina kámasa igite, tuwo idigo kana, ‘Moitamo, ame Tauyana Yaubada Natuna.’
MAR 15:40 E vevina maniyedi kerose go, tupwana masigava goi siitáoya sigite kaga liliuna siisowóduwo. Vevinayadi yaidi goi Meri guma Magidara be ana ebígana, moe Yemesa be Iyosese sinadi be nakae Sarome sikaaiyaka.
MAR 15:41 Tutayana boi Yeisu Galili goi ikaaiyaka, vevinayadi sisabookuliye be nakae sivavaite. Nakae vevina badabadaidi Galili goi Yeisu taiyao sima Yerusalema.
MAR 15:42 Ame maliyalinayana moe Sabati ana katubayásina ana maliyalina go, tutayana níyala isaliu Diyuu idi Sabati ivatowo, tauna asa bogina lavilavi toina
MAR 15:43 Iyosepa guma Arimateya ina Pailato yaina. Iyosepayana Diyuu adi kotu ana tolovina tayamo go, maa yoina be nakae tomota siwowoine. Tauyana Yaubada ina kalibúbuna ina sowóduwo ilootutae. Ame tauyana mana katepatu ina Pailato yaina ikawanoi idigo kana, ‘Manakae? Kutagona Yeisu wowona akabi avaliwoge gea geya?’
MAR 15:44 E kina go Pailato awanoiyana inove, ikainaopa kana, ‘Iyaa! Yeisu bogina ikámasa?’ Tuwo tovayaviya adi tovakumgo tayamo iduduwe ima ilumadade kana, ‘Ava tuta Yeisu ikámasa?’
MAR 15:45 Tovayaviyayana kana, ‘Maine bogina ikámasa.’ Tuwo Pailato itagona Iyosepa ina wowonayana ikabi inave.
MAR 15:46 Go Iyosepayana areko poowouna ime, e mana topaisewayao Yeisu wowona kerose goi sikaisobuye, arekoyana goi siutube. Siutube ikavava, sinave valiwoga tukubu goi sisiu siyato. Tukubuyana boi gurewa sitavi. E wowonayana siyato ikavava, sisowóduwo go, gurewa gagaina gumogumoina sipuli tukubuyana tobuna sikaubode.
MAR 15:47 E kidi go Meri guma Magidara mana ebígana, tauyana Iyosese sinana, sina sigite nako goi Yeisu wowona bei siyato.
MAR 16:1 E Sabati ikavava, Meri guma Magidara mana ebígana, tauyana Yemesa sinana be nakae Sarome taiyao sina pútuma dedevina sigimone bego sima Yeisu wowona sikatukoisi.
MAR 16:2 Tuwo wiki ana maliyalina vakuumgoina, níyala matavivina ikaipodume goi vevinayadi sitáoya, madi pútuma sima sisowóduwo Yeisu ana valiwoga tukubu goi.
MAR 16:3 Enao goi simamaima go, vevinayadi taudiva sibobóbwara kadi, ‘Avatau tukubu tobuna ana kauboda gurewa bei ipuli manuda?’
MAR 16:4 Siiketoiya go, sidobala sigite gurewayana bogina pulipulina! Tauna sikaliwoisa. Idi kaliwoisayana itoboine. Gurewayana gagaina toina!
MAR 16:5 Sima tukubuyana goi sisiu go, kakataidi goi tubuwau tayamo sigite iitusobu. Tauyana ana kwama poowouna be maanawena. Sigite, sikainaopa be nakae atedi iyova.
MAR 16:6 E tubuwauyana kana, ‘Taabu kokaateyōva! Yeisu guma Nasareta tupaatukoina koolusale. Yaubada ámasa goi bogina ikaitáoe. Tauna Tauyana ameko geya. Ina kaba yata kogīte, daakakaina! Tauna taabu kokaateyōva,
MAR 16:7 go sem kōna Pita nakae Yeisu ina tovatotowanayao madabokidi kolatuwokōidi kami, “Tauyana bei ivakumgo ina Galili namliyeta baige komi kōna amoko goi bei kogite nakae boi bogina ilatuwokoimi.”’
MAR 16:8 Tuwo tukubuyana goi sisowóduwo sisiya. Simalitatátava be nakae nukotodi siwówana. Sinonoina go, enao goi geya vatau tayaamo yaina sitalavaite idi matoita pasina. [
MAR 16:9 E tutayana wiki ana maliyalina vakuumgoina nobuyana giyaina, Yeisu ina taoyamna mlina goi igimisowóduwo Meri guma Magidara yaina. Meriyana sinaena boi nimatu dimoni ainima aiyuwo sikaaiyaka go, Yeisu ivatapiyedi sisowóduwo.
MAR 16:10 Amo Meriyana itáoya ina tauyadi boi Yeisu sivaakitau yaidi. Kidi nava madi nuwomou Yeisu manuna sitaitáiya go, ina ilatuwokoidi
MAR 16:11 idigo kana, ‘Yeisu maa yawoina ikaaiyaka. Bogina agite!’ Ago ina livala geya sinumiseyeta.
MAR 16:12 E ame dogoiyadi mlidi Yeisu ina tovatotowanayao adi taiyuwo siiketoiya sinonoina bego ituli ta kasa goi go, Yeisu ituli ta maisina goi ivataoduwe adi taiyuwokova yaidi.
MAR 16:13 Sigite ikavava, sikaluvilamna sina Yerusalema goi sediyao silatuwokoidi go, kidi geya sinumisedita.
MAR 16:14 Niga Yeisu ina tovatotowanayao yawou tayamo sikakáika go, matadi goi Yeisu ivataoduwe. Ivataoduwe go, geya idi numisamo pasina be nakae idi dabakasa pasina ibowoidi idigo kana, ‘Komi manakae! Guna taoyamna mlina avataoduwegu sedao yaidi namliyeta moe sitalavaite yaimi go, geya konumisedita!’
MAR 16:15 Tuwaina idigo kana, ‘Kōna asa liliudi goi Vala Dedevina kotalavāite tomota liliudi yaidi.
MAR 16:16 Avatauwa neta sinuumisegu be nakae adi sayóyova sitagone, e tauyadi adi yava bei sibabane. Go avatauwa neta geya sinumiseguta, e nava Yaubada bei itakinoidi toogoyoidi, e adi liuna sibabane.
MAR 16:17 E guna tonumisayadi aba kinana toogagaidi bei siguinuwedi ame nakae: Yoigu goi bei dimoni sivatapiyedi, e tomota goi sisowóduwo. Bei itoboinedi ta kaníyana ta kaníyana goi sibobóbwara.
MAR 16:18 Neta moteta bolaausidi siyoisidi, geya sivailaita. Neta bwae bolaausina sinimnim, geya sikamaseta. Neta nimadi goi tokatówana sibisikonedi, bei siboboina.’
MAR 16:19 E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.
MAR 16:20 E kidi go ina tovatotowanayaoyadi sina asa liliudi goi Vala Dedevina sitalavaite tomota yaidi go, ida Tomoyayana taiyao sipaaisewa. Go Tauyana aba kinana goi idi livala ikamoitamoe tomota yaidi.]
LUK 1:1 Tomoya Tiyopilo, Tomota badabadaidi bogina sipoikíkina bei Yaubada ina guinuwa boi yaida goi simalatomota tetelidi buki goi siginidi.
LUK 1:2 Kaga kaga boi Vala Dedevina ana topaisewao toinidi matadi goi sigimiigitedi be nakae sivadaamanedi kai yaima, e nakae tomotayadi idi buki goi sikaidamanedokoidi.
LUK 1:3 Tauna yau nakae anuwonúwana itoboinegu bei guinuwayadi buki goi aginidi. Kaga liliuna sigimiisowóduwo boi nimatu go, ima ame tuta bogina adovatusidokoidi, tauna buki goi aginidokoidi kom Tiyopilo manum
LUK 1:4 bego dogoiyadi liliudi boi sivatuulukoim, itoboinem kukamoitamoedokoidi.
LUK 1:5 E tetalayana ame nakae: Tolovina Erodi ina lovina ana tuta Yudiya goi Tonúwala tayamo yoina Sakarayau ikaaiyaka. Sakarayauyana Tonúwala tayamo ina boda yoina Abiya yaidi goi ipaaisewa. Tauyana monena yoina Elisabeta. Elisabetayana nakae tubuna Tonúwala yoina Eroni.
LUK 1:6 E adi taiyuwokova kiboobosidi Yaubada matana goi. Nakae yawoidi goi geya adi pikwanamo Yauwe ina Katukeda ana lovina be ina nuwonúwana liliudi sikabikaonedokoidi.
LUK 1:7 Ago Elisabetayana ikágala be nakae adi taiyuwo bogina siwowosobu, tauna geya natudimo.
LUK 1:8 E Sakarayauyana ina bodao idi tuta paisewa isowóduwo, tauyana Tonúwala nakae Yaubada matana goi ipaaisewa go,
LUK 1:9 kinava ikabi bei Yauwe ina Vada Kimaasabaina goi isiu. Isiu, nakae Tonúwala idi sinapu, e insensi bei iikasale.
LUK 1:10 Kidi go boda madabokina moetala goi sikaaiyaka, insensi ana kasala ana tuta goi liliudi sikaawanoi.
LUK 1:11 E tuwo Sakarayauyana Vada Kimaasabaina isiu go, Yauwe ina anerose isowóduwo insensi ana kaba kasala kakataina goi iitáoya.
LUK 1:12 Sakarayauyana ikandobala anerose igite, ikaliwoisa, tuwo atena iyova gagaina.
LUK 1:13 E aneroseyana idigo kana,
LUK 1:14 Gomanayana manuna bei kuuyáwana gagaina toina.
LUK 1:15 Moitamo. Tauyana bei toolagaina Yauwe matana goi.
LUK 1:16 Niga bei komi Isileli tubunao badabadaimi ikaluvilemneimi,
LUK 1:17 Eliyau nakae Iyoniyana mana katepatu be mana togaga ivakumgo ima Yauwe manuna.
LUK 1:18 Go kina Sakarayauyana idigo kana, ‘Kaga goi bei ayagoi moe moitamo? Yau bogina akaitomoya. Monegu nakae bogina ikainamoya go!’
LUK 1:19 Go aneroseyana idigo kana, ‘Yau Gaberiyeli, tuta liliuna Yaubada matana goi aatáoya ina nuwonúwana aguuinuwe. Tauyana ietunegu ama bei ame vala dedevinayana atalavaite yaim.
LUK 1:20 Go kunōve. Guna livala tuta kaikaila goi bei simalatomota. Go guna livalayadi geya kunumisedita, tauna ame tuta maem imoumou, e geya itoboinemta kubóbwara ana kadókana ame dogoiyadi bogina simalatomota baige.’
LUK 1:21 Go bodayadi nava Sakarayau situuyaosi go, nukotodi siwowówana sinuwonúwana kadi, ‘Kaga unana Vada Kimaasabaina goi nava ikaaimúmuna?’
LUK 1:22 E Sakarayauyana isowóduwo go, geya itoboineyeta ibóbwara boda yaidi. Tauna bodayadi bogina siyagoi Vada Kimaasabaina goi ikaalayáusa. Tuwo nimana goi ikaaukedamo yaidi unana maena imoumou.
LUK 1:23 Tauyana ina tapwaroro ana paisewa bogina ilukavave, ikaluvila ina ina kasa.
LUK 1:24 E tuta amo mlina tauyana monena Elisabeta ikéuwama go, tukówana ainima goi vada sinaena ma keeuwamina anetava ikaaiyaka, e inuwonúwana kana,
LUK 1:25 ‘Yauwe bogina inuwaisigu ame nakae: Guna omayamaya geya natugumo pasina tomota matadi goi bogina ikabi inave.’
LUK 1:26 E tukówana sikisi Elisabetayana nava ma keeuwamina, Yaubada ina anerose Gaberiyeli ietune ina asa tayamo Galili sinaena, asayana yoina Nasareta.
LUK 1:27 Ietune ina woiyai tayamo geya ana kanaotamo. Woiyaiyana ana kamatákwana moe yoina Iyosepa. Iyosepayana tubuna moe Devida, adi nunu tayamo. Woiyaiyana yoina Meri.
LUK 1:28 E aneroseyana ima Meri ina vada goi isiu ima ilatuwoko idigo kana, ‘Kom Meri Yauwe ikanuuwoiyem, uyagu! Tomoya kom taiyao!’
LUK 1:29 E livalayana pasina Meri nukotona taitáiya iuyoi, ina nuwonúwana kana, ‘Anerose ina bóbwara kaga nakona ana yagoina?’
LUK 1:30 Go aneroseyana idigo kana,
LUK 1:31 Kunōve. Nava bei kukéuwama.
LUK 1:32 Moe Tauyana nava bei toolagaina,
LUK 1:33 be Yakobo ina bodao ikalibubuvataedi unana ina kalibubunayana geya ikavaveta.’
LUK 1:34 E Meriyana idigo kana, ‘Yau koroto taiyao geya kamamasisi, tauna moe manakaena bei isowóduwo yaigu?’
LUK 1:35 Go aneroseyana idigo kana, ‘Baloma Kimaasabaina bei iwokoim
LUK 1:36 Go kunōve. Osiyam Elisabeta bogina ikainamoya go, bogina ikéuwama, gómana koroto. Tomota sinuwonúwana tauyana ikágala go, ina keuwamayana goi ina tukówana sikisi bogina sikavava.
LUK 1:37 Geya kada kaga tayaamo imou Yaubada yaina geya, tauna kom be Elisabetayana imi kéuwama itoboinedi.’
LUK 1:38 E Meriyana idigo kana, ‘Yau Yauwe ina pákwana. Moitamo, latuwogu isowóduwo yau yaigu kaga nakae bogina kudige.’ Amo ikavava, aneroseyana itáoya, Meri ikalave ina.
LUK 1:39 E Meriyana itáoya, amo tutayana goi woilina ina Yuda asaina tayamo, asayana koya dadavina goi.
LUK 1:40 Ima asayana goi isowóduwo ina Sakarayau ina vada goi isiu Elisabeta yaina ikauyagu.
LUK 1:41 Tutayana Elisabetayana Meri ina kauyagu inove, memeya gamona goi mana uyáwana imoya go, Baloma Kimaasabaina Elisabeta ivakayaodei.
LUK 1:42 Tuwo niyana gagaina goi iduduwo kana,
LUK 1:43 Ame aba wowoina yau yaigu bego kom ida Tomoya sinana go, yau kumekoigu.
LUK 1:44 Ame moitamo. Kunōve. Im kauyagu anovenove, to memeya gamogu goi mana uyáwana imoya.
LUK 1:45 Bogina kunumisa bego moitamo Yauwe ina livalayana yaim goi nava bei imalatomota, tauna am dedevina bogina kubabane.’
LUK 1:46 Tuwo Meriyana idigo kana,
LUK 1:47 Nakae Yaubada guna Toyava pasina balomaigu
LUK 1:48 bego yau Tauyana
LUK 1:49 Moe kina Tokalika guinuwa toogagaidi
LUK 1:50 be nakae ana towowoinayao malamalágata
LUK 1:51 Tauyana nimana toogagaina goi
LUK 1:52 Tolovina kebadi goi ivasobusobuyedi go,
LUK 1:53 Kidi madi loga dogoi dedevidi goi
LUK 1:54 Yaubada ina kitomyao,
LUK 1:55 nakae boi tubudao yaidi ikatótula.’
LUK 1:56 E Meri osiyana taiyao tukówana aito nakae sikaaiyaka namliyeta ikaluvila ina ina kasa.
LUK 1:57 E kina go Elisabetayana ina tuta venátuna bogina isowóduwo, natuna koroto ivenatuni.
LUK 1:58 Ivenátuna, senao be osenao sinove bego Yauwe Elisabeta inuwokapisiye gagaina, tuwo tauyana taiyao siuyáwana.
LUK 1:59 Niga gomanayana maliyalina ainima aito bogina ibabanedi, boda sima sakavaina ana kúpwana siyoko. Sakavaina ana kúpwana ikavava, kidi bodayadi bego gómana sivayou tamana ana ebígana
LUK 1:60 go, kina sinanayana idigo kana, ‘Geya toina, go sem tavayōu Iyoni.’
LUK 1:61 Go bodayadi sidigo kadi, ‘Go geya vatau tayaamo im boda yaimi goi yoina moe youyana.’
LUK 1:62 E tamana yaina goi sikaukeda, latuwodi siyagoi ava you ivayou.
LUK 1:63 Tuwo ikawanoi aba gínina tayamo sime. Sime, tauyana ikabi igini kana, ‘Yoina Iyoni.’ Tuwo boda liliudi nukotodi siwówana.
LUK 1:64 E Sakarayauyana sopana be maena mainao sikakapu, nakae itoboine ibobwaramna. Tuwo ivatowo Yaubada iyapaliye.
LUK 1:65 Ago kidi sediyao liliudi sigite, simatoita. Boda Yudiya koyakoyaina dadavina madabokina goi sikaaiyaka moe dogoiyadi sivateetelidi.
LUK 1:66 Ego avatauwa neta tetalayadi siinovedi, manudi sinuwoleleu kadi, ‘Amo gomanayana, gómana tayamo.’ Idi bobwarayadi moitamo. Yauwe nimana ikaaiyaka gomanayana yaina.
LUK 1:67 Kina go gómana tamana Sakarayauyana, Baloma Kimaasabaina ivakayaodei, tuwo Balomayana goi Yaubada ina nuwonúwana ikabivalevale, idigo kana,
LUK 1:68 ‘Yauwe kita Isileli tubunao ida Yaubada aba kaodedevina!
LUK 1:69 Ina kitom Devida ina bodao yaidi goi
LUK 1:70 Moe nakae boi nimatu Yauwe
LUK 1:71 Ina katotulayana bego ada yava tababane
LUK 1:72 Nakae iguinuwe
LUK 1:73 Moe anasiunayana goi ikatótula tubuda Eberamo yaina.
LUK 1:74 Ina katotulayana ame nakae:
LUK 1:75 Ida taimaminayana
LUK 1:76 E kom nakae, natugu.
LUK 1:77 be nakae ina bodao kuvatulukoidi
LUK 1:78 ina nuwokapisi gagaina yaida pasidi.
LUK 1:79 e bei tauyadi kokonótuya goi
LUK 1:80 E kina go gomanayana ibibíbina be nakae balomaina goi iitogaga. Tauyana yoyowo goi ikaaiyaka ana kadókana ina tuta bego isowóduwo senao kidi Isileli tubunao yaidi goi.
LUK 2:1 E tuta amo goi Sisa Agastasi ina lovina iyato be tomota liliudi aba lovina Roma sinaena adi katuyáiva siguinuwe idi takisi manuna.
LUK 2:2 Amo atuyaivinayana Kureniyasi ina lovina ana tuta Siriya goi sivatowo.
LUK 2:3 E Sisa ina lovina iyato, tuwo tomota adi katuyaivayana manuna tomota liliudi sitáoya sina tubudiyao idi kasa goi.
LUK 2:4 E Iyosepa nakae. Asa Nasareta moe Galili sinaena goi tauyana Meri taiyao sitáoya, situko sina tubuna Devida Ina kasa yoina Bedeliyema goi, Yudiya sinaena. Sina Devida Ina kasa unana tauyana be Devida adi nunu tayamo.
LUK 2:5 Tauyana Meri taiyao sina Bedeliyema goi bei yoidi siginidi. Meriyana Iyosepa ana kamatákwana nava ma keeuwamina.
LUK 2:6 E nava amoko goi sikaaiyaka go, Meri ina tuta venátuna isowóduwo.
LUK 2:7 Tuwo ivenátuna, natuna botomoya koroto ivenatuni. Ikavava, areko ikabi, gomanayana iutube. Iutube ikavava, ogaoga adi vabodaupa vada goi geya tayaamo baseko ikaaiyaka, tauna gomanayana ikabi yoguyogu adi valakiki vadayana sinaena goi iyato.
LUK 2:8 Ago sipi adi tomatakavatayao yoyowo dadava amo goi sikaaiyaka, idi sipiyao sabamgo goi simatakaavatedi.
LUK 2:9 Simatakaavatedi go, Yauwe ina anerose yaidi goi isowóduwo, Yauwe ana káeyana tomoeeyalina itapasigikobudi. Tuwo tomatakavatayadi simatoita gagaina toina.
LUK 2:10 Tuwo aneroseyana idigo kana, ‘Taabu koomatōita! Vala Dedevina aba uyáwana gagaina atalavaite yaimi goi. Valayana moe tomota liliumi manumi. Tauna taabu koomatōita!
LUK 2:11 Valayana moe sabamgo ame Devida Ina kasa goi ami Toyava bogina ibíbina. Tauyana moe Guyau, Yaubada ana Vadámana, ida Tomoya.
LUK 2:12 Imi kaba kinana moe ame: Bei kona memeyayana kobabane areko goi bogina siutube be yoguyogu adi valakiki goi iimasisi. Moe gomanayana.’
LUK 2:13 Tuwo matabuwodi anerose badabadaaidi yábana goi sisowóduwo aneroseyana taiyao Yaubada siyaapaliye kadi,
LUK 2:14 ‘Maeko ee, Yaubada diligaema toina aba taimámina! Poyapoya goi tuboina Yaubada ina nuwonúwana ana toguinuwayao yaidi.’
LUK 2:15 Ago tutayana aneroseyadi sikalavedi sina yábana goi, kidi sipi adi tomatakavatayadi taudiva sibobóbwara kadi, ‘Tawou, tāna Bedeliyema goi dogoiyana Yauwe bogina ilatuuwokoida tagīte.’
LUK 2:16 Tuwo moitamo geya mgoninamo sitáoya, sina Bedeliyema goi gomanayana silusale. Silusale, Meri, Iyosepa be gomanayana yoguyogu adi valakiki goi iimasisi sibabanedi.
LUK 2:17 E sigite, anerose ina bóbwara moe gomanayana manuna sitalavaite.
LUK 2:18 Ava tomotava sipi adi tomatakavatayao idi bóbwara sinovedi, madabokidi sikainaopa.
LUK 2:19 E kina go Meriyana vala amo inove, inuwokavate be manuna nuwona goi inuwoleleu.
LUK 2:20 Sipi adi tomatakavatayaoyadi sitalavaita ikavava, sitáoya sikaluvila sina idi kasa go, kaga liliuna siinovedi be siigitedi nakae anerose boi iidigedi manudi Yaubada ina togaga ana káeyana sikamoitamoe be nakae Tauyana siyapaliye.
LUK 2:21 Tutayana gomanayana maliyalina ainima aitonina bogina ibabane, sakavaina sikupo. Ikavava, sivayou Yeisu. Namliyeta sinana bei ikéuwama, moe youyana boi anerose igimivayou.
LUK 2:22 Tutayana Iyosepa be Meri adi kimavada ana maliyalina bogina sikavava nakae Yaubada ina Katukeda boi Mosese ivini idige, natudi sikabi sime Yerusalema goi bei Yauwe yaina sikasale.
LUK 2:23 Moe nakae Yauwe ina Katukedayana boi sigini kadi, ‘Botomoya koroto liliudi kukimasabēdi Yau Yauwe umagu.’
LUK 2:24 Nakae sima Yerusalema goi idi vininabeso sikasale nakae Yauwe ina Katukeda idige. Vininabesoyana moe bunabuna aiyuwo o kesikesipo aiyuwo.
LUK 2:25 Go konōve! Koroto tayamo Yerusalema goi ikaaiyaka yoina Simioni. Tauyana tokibóbwata be kaasalaina Yaubada yaina. Isileli tubunao adi kipáiwala moe adi Toyava ilootutae bei ima iyavedi. Simioniyana yaina goi Baloma Kimaasabaina ikaaiyaka.
LUK 2:26 Baloma Kimasabainayana bogina ivatuluko bei nava geya ikamaseta ana kadókana mainao Guyau, moe Yauwe ana Vadámana, igite baige.
LUK 2:27 E Balomayana Simioni nukotona isanayato be Vada Kimaasabaina go, vevina adi dadava goi isiu. Tuwo isiu go, tutayana Iyosepa be Meri natudi Yeisu sime moe dadavayana goi bei manuna siguinuwe nakae Yauwe ina Katukeda idige,
LUK 2:28 Simioni ivalobodedi, gomanayana ikabi ikavale go, Yaubada iyapaliye kana,
LUK 2:29 ‘Guna Tomoya,
LUK 2:33 Go gomanayana tamana be sinana Simioni ina livala natudi manuna sinovedi, manudi nukotodi siwowówana.
LUK 2:34 Gomanayana kina Simioni ikaipakuye. Ikavava, sinana be tamana ikaipakuyedi go, gómana sinana Meri yaina Simioniyana idigo kana, ‘Kunōve. Ame gomanayana kina Yaubada ikinave bei tomota badabadaidi Isileli goi ivasobusobuyedi go, maniyedi ikilagasidi bei adi yava sibabane. Aiyuwoina Tauyana aba kinana tayamo Yaubada goi ima go, tomota maniyedi bei sivakaleye,
LUK 2:35 e bei tomota badabadaidi idi nuwogau ikaiwoduwedi. Ego kom nakae bei kukategeda nakae neta sisi iginubasim.’
LUK 2:36 Yaubada ina tokabivalavala tayamo yoina Ana ikaaiyaka. Tauyana guma Aseri; Panuweli natuna. Tauyana bogina ikainamoya nakae tala maanawena bogina ikaaiyaka. Boi nimatu inai, tala ainima aiyuwo goi monena taiyao sikaaiyaka namliyeta monenayana ikámasa.
LUK 2:37 Vavinayana ma koobuina ikaaiyaka aaa, e ana tala 84 bogina ibabane. Tuta liliuna Vada Kimaasabaina goi ikaaiyaka, mana diyakímwana be mana kawanoi itaaimámina Yaubada yaina.
LUK 2:38 Moe tutayana Simioni nava ibobóbwara, Anayana ibala ima tauyadi yaidi goi Yaubada iyapaliye be gomanayana manuna itaalavaita da Yerusalema nakae Isileli tubunao liliudi yaidi goi neta adi tateta situuyaosi.
LUK 2:39 Tutayana Iyosepa be Meri kaga liliuna bogina silukavavedi nakae Yauwe ina Katukeda idige, ma natudi sikaluvila sina toinidi idi kasa Nasareta moe Galili sinaena.
LUK 2:40 E kina go gomanayana ibibíbina be nakae iitogaga, e nanamsa ivakayaaodei. Ago gomanayana kina Yaubada ikanuwoiye.
LUK 2:41 Gomanayana tamana be sinana tala tamo tamo sina situkotuko Yerusalema goi Basitáwana Aikanina manuna.
LUK 2:42 Tutayana Yeisu ana tala bogina yawou aiyuwo, nakae situkomna sina Yerusalema goi nakae tomota idi sinapu Basitáwana Aikanina ana tuta.
LUK 2:43 Niga Aikayana mlina sikatubayasi bego sikaluvila sina idi kasa. Bogina sinonoina go, geya siyagoiyeta natudi Yeisu nava Yerusalema goi ikaaiyaka.
LUK 2:44 E sinuwonúwana kadi, ‘Yeisu nakona boda taiyao siiketoiya’, tuwo maliyalina ana madabokina goi siiketoiya sinonoina. Go lavilavi goi bego sikanaliya go, sediyao be osediyao yaidi goi Tauyana siilusale, geya.
LUK 2:45 Geya sibabaneyeta, tuwo sikaluvilamna sina Yerusalema goi Tauyana siilusale.
LUK 2:46 Siilusale, siilusale, maliyalina aito mlidi Tauyana Vada Kimaasabaina moteoina goi sibabane, tovatulúkwana yaidi iitusobu, itaiyaakekedi be nakae ilumaadadedi.
LUK 2:47 E tomota liliudi sikaaiyaka Tauyana sitaaiyakeke, ina nanamsa be ina katumapu pasidi sikainaopa.
LUK 2:48 Ago tamana be sinana sigite, sikainaopa go, sinanayana idigo kana, ‘Natugu, kunōve. Kaga unana nakae kuguinuwe yaima? Tamam be yau mama kateyova kaluusalem.’
LUK 2:49 Yeisu idigo kana, ‘Kaga unana geya itoboinemita kobabanegu? Manakae? Geya koyagoiyeta itoboine Tamagu ina vada goi akaaiyaka?’
LUK 2:50 Ina bóbwara sinove go, geya siyagoiyeta kaga idigedige.
LUK 2:51 Tuwo isou sinana be tamana taiyao sina Nasareta goi. Ago ikabikaaonedi. Kina go sinana moe dogoiyadi liliudi nuwona goi inuwooleleudi.
LUK 2:52 Yeisu ina nanamsa ibíbina be nakae ikaitubuwaumatuwo go, Yaubada be tomota goi anuwóiya ibabane.
LUK 3:1 E Sisa Tiberiyasi bogina iilovina tala ana badabada yawou ainima, e Pontiyo Pailato moe da Yudiya adi gávana, Erodi moe da Galili adi gávana, Erodiyana siyana Pilipo moe da Itureya be da Tarakonita adi gávana, Lusaniya moe da Abilene adi gávana
LUK 3:2 be nakae Tonúwala Gagaidi moe Anasi be Kaiyapasi. Ame tolovinayadi idi tuta lovina goi Yaubada ina livala ima Sakarayau natuna Iyoni yoyowo goi yaina.
LUK 3:3 Tuwo tauyana itáoya ina asa liliudi sákala Iyoridani kikina goi, e tomota yaidi itaalavaita idigo kana, ‘Imi goyo goi kotugavīla namliyeta bei asayoyoimi, e bei Yaubada imi goyo inuwotaoidi.’
LUK 3:4 Ina talavaitayana nakae tokabivalavala Aiseya ina buki goi boi nimatu igini kana,
LUK 3:5 Nakae sákala liliudi kovayāmdi
LUK 3:6 Moeko goi tomota liliudi bei Yaubada ina yava sigite.”’
LUK 3:7 E tuwo boda gagaina sima Iyoniyana yaina latuwodi bego isayoyoidi go, ilatuuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla.
LUK 3:8 Tauna neta sayóyova vavagimi koma bego Yaubada ina egamogamoguyana yaina kosiya, e mainao imi tugavilayana goi keuwoimi dedevidi koguinuwēdi. Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunao kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.
LUK 3:9 E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.’
LUK 3:10 Tuwo boda siluumadade sidigo kadi, ‘Tauna kaga bei kaguinuwe, e bei ima tugavila kavagitakoe?’
LUK 3:11 E Iyoni idigo kana, ‘Avatauwa komi neta mami tanigo aiyuwo, e tayamo tauyana geya ana tanigomo kovīni. Avatauwa komi neta ma kavami, nakae; tauyana geya avanamo kovīni.’
LUK 3:12 E takisi ana togogo maniyedi nakae sima latuwodi Iyoni isayoyoidi. Iyoniyana silumadade kadi, ‘Tovatulúkwana, kaga bei kaguinuwe, e bei ima tugavila kavagitakoe?’
LUK 3:13 ‘Ami lovina takisi ana kakainaki manuna siivinimi nakae kogogo go, taabu kotalaavagōgana’, Iyoniyana kaena.
LUK 3:14 E tovayaviya nakae sima sidigo kadi, ‘Kai manakaema? Kaga bei kaguinuwe, e bei ima tugavila kavagitakoe?’ Iyoni idigo kana, ‘Taabu imi katumatoita goi tomota kovaaobūdi bego tuwaina kokabi be nakae taabu mani manuna tomota kowoowokōidi. Ami maisa manuna to kouyawanāmo.’
LUK 3:15 E bodayadi siilotuta bego Guyau giyakainava bei ima. Tuwo liliudi nuwodi goi sinuwonúwana Iyoni manuna kadi, ‘Amo Tauyana Guyau, Yaubada ana Vadámana, gea geya?’
LUK 3:16 Idi lotutayana Iyoni ikinane, tuwo madabokidi ilatuwokoidi idigo kana, ‘Yau bwae goi asaayoyoimi. Go koroto tayamo imamaima itobukukuyuigu; nakae geya itoboineguta bei ana sendoro ana búyala ataligei unana yau sobuyekoina. Moe Tauyana Baloma Kimaasabaina goi be yeu sabeninimina goi bei isayoyoimi.
LUK 3:17 Tauyana ina kaba takínona bogina iyokaabubune bei giyakainava witi kutukutuna be mosamosaina itakinodokoidi. Ikavava, ana kutukutu bei ikabidi, ina sánala goi idodoidi go, mosamosayana, bei ikabidi yeu aiyako vaatayaina goi igabudi.’
LUK 3:18 E tuwo liwola badabadaidi goi tomota yaidi Vala Dedevina itaalavaite.
LUK 3:19 E kina go tolovina Erodi ina goyo badabadaidi go, ivaituwedi. Boi ina bágala be ina guinuwa goyogoyoidi liliudi tomota matadi goi Iyoni ikamamaetalidi kana, ‘Erodi, bogina kubágala unana tuwowom Pilipo nava maa yawoina go, tuwo monena kukabi kunai.’
LUK 3:20 Moeko goi Erodiyana ina goyo ivaituwedi ame nakae: Ilovina Iyoni siyoisi deri goi sivaisiu.
LUK 3:21 E Iyoni boda liliudi isaayoyoidi ikavava, Yeisu nakae isayoyoi. Ikavava, Yeisu ikawanoi go, Yaubada yábana ikatupáeve,
LUK 3:22 Baloma Kimaasabaina ma wowona ana kaigigita bunabuna nakae isou ima Tauyana yaina goi. Ago níyana tayamo yábana goi itumasobu idigo kana, ‘Kom natugu guna kakaya, auyaonedokoim.’
LUK 3:23 Yeisu ana tala moe 30 bogina, e ina paisewa iivatowo. Tomota sidigodigo bego Tauyana Iyosepa natuna. Iyosepayana tamana moe Eli.
LUK 3:24 Eli tamana moe Matate. Matate tamana moe Livai. Livai tamana moe Melaki. Melaki tamana moe Yanai. Yanai tamana moe Iyosepa.
LUK 3:25 Iyosepa tamana moe Matatiyasi. Matatiyasi tamana moe Emosi. Emosi tamana moe Naum. Naum tamana moe Esili. Esili tamana moe Nagai.
LUK 3:26 Nagai tamana moe Makata. Makata tamana moe Matatiyasi. Matatiyasi tamana moe Semeini. Semeini tamana moe Yoseka. Yoseka tamana moe Yoda.
LUK 3:27 Yoda tamana moe Yoanane. Yoanane tamana moe Reisa. Reisa tamana moe Serubabela. Serubabela tamana moe Salatiyeli. Salatiyeli tamana moe Neri.
LUK 3:28 Neri tamana moe Melaki. Melaki tamana moe Adi. Adi tamana moe Kosam. Kosam tamana moe Elamadam. Elamadam tamana moe Era.
LUK 3:29 Era tamana moe Iyosuwa. Iyosuwa tamana moe Eliyesa. Eliyesa tamana moe Yorim. Yorim tamana moe Matate. Matate tamana moe Livai.
LUK 3:30 Livai tamana moe Simioni. Simioni tamana moe Yuda. Yuda tamana moe Iyosepa. Iyosepa tamana moe Iyonam. Iyonam tamana moe Eliyakim.
LUK 3:31 Eliyakim tamana moe Meleya. Meleya tamana moe Mena. Mena tamana moe Matata. Matata tamana moe Natani. Natani tamana moe Devida.
LUK 3:32 Devida tamana moe Diyesi. Diyesi tamana moe Obedi. Obedi tamana moe Boasa. Boasa tamana moe Sale. Sale tamana moe Nakasoni.
LUK 3:33 Nakasoni tamana moe Aminadabi. Aminadabi tamana moe Adamini. Adamini tamana moe Areni. Areni tamana moe Esironi. Esironi tamana moe Peresi. Peresi tamana moe Yuda.
LUK 3:34 Yuda tamana moe Yakobo. Yakobo tamana moe Aisake. Aisake tamana moe Eberamo. Eberamo tamana moe Tera. Tera tamana moe Nakori.
LUK 3:35 Nakori tamana moe Seruga. Seruga tamana moe Reu. Reu tamana moe Pelega. Pelega tamana moe Iberi. Iberi tamana moe Sale.
LUK 3:36 Sale tamana moe Kenani. Kenani tamana moe Arepakadi. Arepakadi tamana moe Semi. Semi tamana moe Nowa. Nowa tamana moe Lemeki.
LUK 3:37 Lemeki tamana moe Metusela. Metusela tamana moe Enoki. Enoki tamana moe Yaredi. Yaredi tamana moe Malaleli. Malaleli tamana moe Kenani.
LUK 3:38 Kenani tamana moe Enosi. Enosi tamana moe Seti. Seti tamana moe Adama. Adama tamana moe Yaubada.
LUK 4:1 E kina go Yeisu Baloma Kimaasabaina goi ikayaoda, sákala Iyoridani ikalave go, Balomayana iivakede yoyowo sinaena.
LUK 4:2 Maliyalina poti (40) goi Totagíwaya Yeisu ivaakakone. Ago amo maliyalinayadi goi geya ikaiketa. Tuwo maliyalinayadi sikavava, Tauyana loga bogina ikámasa.
LUK 4:3 E Totagiwayayana idigo kana, ‘Kom moitamo Yaubada Natuna ae? Tauna gurewa ame kulovināe bego imalakawoinu.’
LUK 4:4 Go kina Yeisuyana idigo kana, ‘Geya! Gínina Kimaasabaina goi idigo kana, “Awoinu kaka moe komi yawoimi unadi geya.”’
LUK 4:5 Yeisu ibóbwara ikavava, Totagíwaya itáoya, Yeisu ikabi, itukoe go, geya mgoninamo aba lovina liliuna poyapoya goi ivatuluko.
LUK 4:6 Tuwo Totagiwayayana idigo kana, ‘Yau magu lovina tauna avatau neta latuwogu aba lovinayadi adi lovina madi esaesa avini, itoboinegu avini. Tauna bei avinim, e yoim bei gagaina.
LUK 4:7 Tauna neta kom kusakululu yau yaigu, madabokina kom im kaba lovina.’
LUK 4:8 Go kina Yeisuyana idigo kana, ‘Geya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’
LUK 4:9 E Totagíwaya Yeisu ikabimnei itukoe inave Yerusalema goi go, Yaubada ina Vada Kimaasabaina goi imwerae, e Vadayana yatana toina goi iyato. Tuwo idigo kana, ‘Bego kom moitamo Yaubada Natuna ae? Tauna ameko goi kupēla kusōu go, geya kuvailaita.
LUK 4:10 Moe moitamo. Gínina Kimaasabaina idigo kana,
LUK 4:11 Nimadi goi bei siyoisim,
LUK 4:12 Go kina Yeisu idigo kana, ‘Geya! Gínina Kimasabainayana idigo kana, “Yauwe imi Yaubada taabu kovaakakōne.”’
LUK 4:13 Totagiwayayana ina vakakona liliudi Yeisu yaina bogina ilukavavedi, ikalave go, inuwonúwana kana, ‘Nava tuta ana toboine baige akaluvila.’
LUK 4:14 Yeisu manaa togaga Baloma Kimaasabaina goi ikaluvila ina Galili. Tuwo Tauyana valena inúnuwo ina asa liliudi amo dadavayana goi.
LUK 4:15 Galili goi ivanibiníbita go, Diyuu idi kaba tugúguna goi ivaatulúkwana, e tomota liliudi sinove, ina togaga ana káeyana sikamooitamoe.
LUK 4:16 Ivanibiníbita ima ina kasa toina Nasareta go, Sabati goi nakae ina sinapu, e ina Diyuu idi kaba tugúguna goi isiu itusobu. Niga itáoya, latuwona Gínina Kimaasabaina ikatuyaivi.
LUK 4:17 Tuwo Yaubada ina tokabivalavala Aiseya ina buki nuunumina sivini ikabi ikimalelei. Ikimalelei, Aiseya ina gínina tayamo ilusale, ibabane. Gininayana ikatuyaivi idigo kana,
LUK 4:18 ‘Yauwe Balomaina yaigu goi ikaaiyaka
LUK 4:19 bei Yauweyana ina yabobona ina sowóduwo ana tuta
LUK 4:20 Bukiyana Yeisu ikatuyaivi ikavava, inunumimnei, buki ana tomatakavata ivini go, itusobu. Itusobu go, tomota madabokiidi aba tugugunayana goi sidumaakavate.
LUK 4:21 E Tauyana ilatuwokoidi idigo kana, ‘Moe Gínina Kimaasabaina konovenove ame tuta bogina imalatomota yau yaigu.’
LUK 4:22 Tuwo tomota liliudi Yeisu sikamoitamoe bego Tauyana todedevina be nakae ina livala Yaubada ina kanuwóiya manuna, e pasidi sikainaopa kadi, ‘Go ame Iyosepa natuna ae?’
LUK 4:23 Go kina Yeisu idigo kana, ‘Nakona livalakaibala ame bei kolatuwokoigu kami, “Kom tokidedevina, toinim kukidedevinēm. Kaga nakae kanove Kapaneumi goi bogina kuguuinuwe, ameko toinim im kasa goi nakae kuguinūwe.”’
LUK 4:24 E aiyuwoina idigo kana, ‘Moe nakae bei kodige go, ame alatuuwokoimi konōve: Yaubada ina tokabivalavala toinina ina kasa goi tomota geya siuyaoneyeta.
LUK 4:25 E ame alivalamoitamo yaimi konōve: Kóbuya badabadaidi Isileli sinaena boi Eliyau ana tuta goi sikaaiyaka. Tala aito be tukówana ainima tayamo goi Yaubada kúwana ikibode, tuwo loga gagaina asa liliudi goi isowóduwo.
LUK 4:26 Ago Yaubada Eliyau geya ietuneyeta ina kobuyayadi yaidi goi geya, go sem ietune ina kóbuya Totuyoyowo tayamo Saidoni asaina tayamo yoina Sarepita goi bego ivaite.
LUK 4:27 Aiyuwoina tolepero badabadaidi Isileli sinaena sikaaiyaka boi tokabivalavala Ilaisa ana tuta goi go, geya kada tayaamo kina Yaubada ikimavade geya, go sem Totuyoyowo tayamo yoina Nemani guma Siriya aneta ikimavade.’
LUK 4:28 Boda liliudi aba tugúguna sinaena Yeisu ina livalayadi sinovedi, gamodi igoyo toina.
LUK 4:29 Tuwo sitáoya Yeisu siyoisi sibiu asa moetala goi sikaiwoduwe sinave pasésala bego sivatupuwe isou ikámasa.
LUK 4:30 E kina go Yeisu boda yaidi goi ikiwotawotaidi ina.
LUK 4:31 Yeisu mana tovatotowanayao sisou sina Kapaneumi, moe Galili asaina tayamo goi sisiu. Go Sabati tamo tamo goi tomota ivatuulukoidi.
LUK 4:32 Go ina vatulukwanayana pasina boda sikainaopa, kadi, ‘Tauyana mana lovina ivaatulúkwana!’
LUK 4:33 Ago da Kapaneumi idi kaba tugúguna goi koroto tayamo ikaaiyaka, dimoni ikiinagove. Tauyana niyana gagaina goi iduduwo idigo kana,
LUK 4:34 ‘Iyaa! Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom Totumasaba, Yaubada goi kuma.’
LUK 4:35 Go kina Yeisuyana ilovinae idigo kana, ‘Tuwo! Kumaigāumo be koroto yaina goi kusowōduwo!’ Tuwo dimoniyana koroto ikinagove, tomota matadi goi ilave isou poyapoya go, korotoyana yaina goi isowóduwo ina. Go kina korotoyana geya ivailaita.
LUK 4:36 Tomota madabokidi sikainaopa, taudiva sidigo kadi, ‘Iyaa! Ame kaga isowóduwo? Tauyana mana lovina be mana togaga dimoni iloviinaedi go, moitamo sisowóduwo!’
LUK 4:37 Tuwo Tauyana valena inunúnuwo ina asa liliudi dadava amo goi.
LUK 4:38 E Yeisu itáoya aba tugugunayana goi isowóduwo go, ina Saimoni ina vada goi isiu. Ego Saimoniyana yaona (moe monena sinana) ikatówana gagaina, tuwo tauyana manuna sikawanoi Yeisu yaina bego ikidedevine.
LUK 4:39 Tuwo ibala ina vavinayana goi isakululu, e ina katówana ilovinae idigo kana, ‘Tauyana kwalāve.’ E mainao atowanayana ikalave. Ikavava, itáoya ina avadi ivaidede.
LUK 4:40 E níyala bogina iisaliu, boda liliudi idi bodao madi vísiya o madi katówana simedi Yeisu yaina. E tamo tamo ibisikonedi, ikidedevinedi.
LUK 4:41 E dimoni nakae ilovinaedi, e tomota badabadaidi goi sisowóduwo go, madi podeda kadi, ‘Kom Yaubada Natuna.’ Bogina siyagoi Yeisu moe Guyau, tauna geya itagonedita sibóbwara.
LUK 4:42 E vanuwo itomo, Yeisu isowóduwo aneta ina yoyowo goi. Ago boda sina Tauyana siilusale. Siilusale, siilusale, sibabane simatabodebode kadi, ‘Latuwoma nava takaaiyaka.’
LUK 4:43 E kina kana, ‘Itoboine ana ituli ta kasava goi nakae Vala Dedevina Yaubada ina kalibúbuna manuna atalavaite. Moe pasina tauna Yaubada ietunegu ama. Tauna bei ana ituli ta kasava goi.’
LUK 4:44 Tuwo Yudiya goi ivanibiníbita go, Valayana Diyuu idi kaba tugúguna tamo tamo goi itaalavaite.
LUK 5:1 E tuta tayamo bodayadi Yeisu sivatuvagivagigi be nakae Yaubada ina livala ivaatulúkwana sitaaiyakeke go, Tauyana Genesareta Bwaena kikina goi iitáoya.
LUK 5:2 Iitáoya, toúwata idi oga aiyuwo katuloopoudi igitedi go, touwatayadi bogina sisou idi úwata siinikidi.
LUK 5:3 E Yeisu Saimoni ina oga tayamo goi isowoya senao taiyao. Ikavava, Saimoniyana ilatuwoko idigo kana, ‘Saimoni, mamaya goi giyaina tataiwokōva.’ Tuwo moitamo giyaina sitaiwokova go, ogayana goi Yeisu itusobu ivatowo tomota ivatulukoidi.
LUK 5:4 E tutayana Yeisu ina vatulúkwana ilukavave, Saimoni ilatuwoko idigo kana, ‘Saimoni, tataiwokōva giyaina dimowonina goi go, imi úwata kolavēdi.’
LUK 5:5 Go kina Saimoniyana idigo kana, ‘Go Tomoya, sabamgo ana madabokiina goi kapooisógana go, geya kada tayaamo kaga kakone geya. Go kom im livala pasina ima úwata bei kalavedi.’
LUK 5:6 Tuwo moe nakae siguinuwe. Ikavava, idi úwata silavedi go, íyana badabadaidi sikonedi. Nakae idi uwatayadi giyakainava sikolabudi.
LUK 5:7 Tuwo kidi Pita ina tosavaiyuwo oga aiyuwoina goi silokosidi sina sivaitedi. Sina go, oga aiyuwokova sivakayaodeidi, e giyakainava bei sisalili.
LUK 5:8 E Saimoni Pita igite kaga iisowóduwo, tuwo Yeisu matana goi aena ivatugúyala idigo kana, ‘Tomoya, yau koroto toogoyoigu, tauna kwalavēgu.’
LUK 5:9 Ina bobwarayana unana moe íyana badabadaidi sikonedi, e tauyana ma senao sigite go, guinuwayana goi Yaubada ina togaga sikinane, tauna nukotodi siwówana.
LUK 5:10 E ina tosavaiyuwo Sebedi natunao Yemesa be Iyoni nakae nukotodi siwówana. E tuwo kina Yeisu Saimoni ilatuwoko idigo kana, ‘Taabu kuumatōita. Ame tuta nakae tuta simamaima kom bei tomota kuuwosidi!’
LUK 5:11 Tuwo sitayava sima oga siyagasidi ikavava, konadi liliudi sikalavedi go, Yeisu sisabokuliye.
LUK 5:12 Yeisu asa tayamo goi ikaaiyaka go, tayamo koroto ikaaiyaka, sakavaina madabokina lepero ibugoyai. E korotoyana ima Yeisu igite, ikanakabobo, ikawanoi makimaki Tauyana yaina idigo kana, ‘Tomoya, neta im nuwonúwana nakae, itoboinem kukidedevinegu bei sakavaigu imavada.’
LUK 5:13 Tuwo Yeisu nimana iyosale, toleperoyana ibisikone idigo kana, ‘Guna nuwonúwana nakae. Kumavāda!’ Tuwo mainao korotoyana sakavaina ina lepero ikavava, e sakavainayana imavada.
LUK 5:14 Ago Yeisu korotoyana ilovinae idigo kana, ‘Am kimavada manuna geya vatau tayaamo kulaatuwōko, go sem kūna Tonúwala yaina goi kuvagitakōim igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’
LUK 5:15 E Yeisu valena tuwaina inunúnuwo. Tuwo boda gagaina sideli sima latuwodi Tauyana sitaiyakeke be idi katówana goi ikidedevinedi.
LUK 5:16 Ego kina Yeisu tuta liliuna boda ikaalavedi go, anetava ina yoyowo goi ikaawanoi.
LUK 5:17 Maliyalina tayamo Yeisu nakae vada tayamo goi ikaaiyaka ivaatulúkwana go, Parisi maniyedi be Yaubada ina Katukeda ana tovatulukwanayao maniyedi nakae sikaaiyaka. Tauyadi asa liliudi Galili be Yudiya adi dadava goi be nakae Yerusalema goi sima siitusobu Yeisu sitaaiyakeke. Ago Yauwe ina togaga ikaaiyaka Yeisu yaina goi bei itoboine ikidedevina.
LUK 5:18 Nakae go, koroto maniyedi topem ma liyaliyakaina sikavale sime. Sime sipoikíkina bego sisiuye Yeisu matana goi siyato
LUK 5:19 go, boda isaki pasina geya tayaamo enao sibabane bego sisiuye. Tuwo aitámana toluye goi simwerae sinave vada yatana goi átava giyaina sikibale. Ikavava, topemyana ma liyaliyakaina sisoilave isou Yeisu matana goi siyato.
LUK 5:20 Siyato go, idi numisa igite, tuwo topemyana ilatuwoko, idigo kana, ‘Siyagu, yau adigo kom im goyo adi nuwotao bogina kubabane.’
LUK 5:21 Ago kidi Yaubada ina Katukeda ana tovatulukwanayao be nakae Parisi sinuwonúwana kadi, ‘Iyaa! Amo Tauyana manakae! Idigopopóita! Tauyana bego ieyaubada! Geya vatau tayaamo itoboine bei tomota idi goyo inuwotaoidi. Moe Yaubada anetava itoboine.’
LUK 5:22 E idi nuwonuwanayana Yeisu bogina iyagoi, tuwo ilatuwokoidi idigo kana, ‘Komi kaga unana nuwomi goi nakae konuwonúwana?
LUK 5:23 Gobe ava livala ikakapu ame tauyana alatuwoko? Kagu, “Kom im goyo ana nuwotao bogina kubabane!” Gea kagu, “Kutāoya, kuketōiya”? Nako ikakapu?
LUK 5:24 E itoboine koyagoi bego Tomalatomota mana lovina poyapoya goi tomota idi goyo inuwootaoidi.’ Yeisu itugavila topemyana ilatuwoko idigo kana, ‘Alatuwokoim kutāoya, im baseko kwābi, kwaluvīla kūna im kasa!’
LUK 5:25 Tuwo moitamo mainao topemyana tomota matadi goi itáoya, ina baseko boi ina liyaliyaka goi ikabi, yaidi goi isowóduwo ina ina vada go, Yaubada ina togaga ana káeyana ikamooitamoe.
LUK 5:26 Tauyana boda liliudi sigite, to sopadi ikaupatudi gagaina, tauna Yaubada ina togaga ana káeyana sikamoitamoe go, madi matoita wowooinina sidigo kadi, ‘Ame ame baige aba kainaopa bogina tagitedi!’
LUK 5:27 Amo ikavava, Yeisu isowóduwo go, takisi ana togogo yoina Livai igite takisi ana kaba gogo goi iitusobu ipaaisewa. Tuwo ilatuwoko idigo kana, ‘Livai, kūma kusabokuliyēgu!’
LUK 5:28 Tuwo moitamo konana liliudi ikalavedi go, itáoya, Yeisu isabookuliye.
LUK 5:29 Tuwo áika gagaina ina vada goi Yeisu manuna iguinuwe. Yeisuyana mana tovatotowanayao sina takisi ana togogo be boda maniyedi tauyadi taiyao siitusobu sikakáika.
LUK 5:30 Ago kidi Parisi ma senao Yaubada ina Katukeda ana tovatulukwanayao sima Yeisu ina tovatotowanayao yaidi goi sikaukulukúluwo, sidigo kadi, ‘Kaga unana takisi ana togogoyao be ituli ta toogoyoidi taiyao kokakáika be konimnim?’
LUK 5:31 Go kina Yeisu ilatuwokoidi idigo kana, ‘Gwa. Tauyadi madi deedevina geya latuwodi doketa, go sem kidi tokatówana latuwodi doketa.
LUK 5:32 Ama geya tauyadi toinidi sinuwonúwana bego kidi tokibóbwata aduduwedi geya, go sem ama toogoyoidi aduduwedi bei situgavila.’
LUK 5:33 E maniyedi tomota kadi, ‘Iyoni ina tovatotowanayao tuta tuta sidiiyakímwana be nakae sikaawanoi. Parisi idi tovatotowanayao nakae. Go kom im tovatotowanayao manakae sikakáika be sinimnim?’
LUK 5:34 E kina go Yeisuyana idigo kana, ‘Neta nai ana káika goi tonai koroto nava yaimi ikaaiyaka, manakae? Itoboinemi bei nai ana toyokoyao kolovinaedi madi nuwomou sidiyakímwana? Geya ae? Go sem itoboinedi madi uyáwana sikakáika ae?
LUK 5:35 E diyakímwana ana tuta nava imamaima. Amo tutayana tonaiyana bei siyoisi sinave, e tuta amo goi baige tauyadi sidiyakímwana.’
LUK 5:36 E livalakaibala nakae ilatuuwokoidi vatulukwana bogo be vatulukwana vau manudi idigo kana, ‘Geya vatau tayaamo kwama vau goi giyaina ikiise, boboda ikabi, ana kwama bogo taaporaina goi igilumipatuko, govila bei ana kwama vauyana bogina igoyo be nakae boboda vau be kwama bogo maisidi ituli ituli.
LUK 5:37 Aiyuwoina geya vatau tayaamo oine vau ikabi, opo bogo goi isaligogo, govila bei oine vauyana ana togaga pasina opo itapao, e oineyana idau besobeso go, opoyana bei igoyo.
LUK 5:38 Go sem oine vau takabi, opo vau goi tasiwoi.
LUK 5:39 Avatau neta oine bogo inimnim, geya latuwona oine vau kana, “Ame oine bogo bogina yoiyagu.”’
LUK 6:1 E Sabati tayamo goi Yeisu mana tovatotowanayao tánuwo sinaena siiketoiya. Ago ina tovatotowanayaoyadi witi keuwoina siiguwedi, nimadi goi sikimtumtudi sikakáika.
LUK 6:2 E kidi go Parisi maniyedi sikaaiyaka Yeisu mana bodao sigitedi, silatuwokoidi sidigo kadi, ‘Komi manakae koguuinuwa kaga Sabati ana lovina geya itagonedeta taguinuwe?’
LUK 6:3 Go kina Yeisuyana idigo kana, ‘Manakae? Kaga Devida boi iguuinuwe tetelina geya kokatuyaiviyeta ae? Boi tutayana ma senao loga sikámasa go, geya avadimo.
LUK 6:4 Tuwo Devidayana Yaubada ina Vada goi isiu, Tonúwala yaina ikawanoi awoinu manuna. Tuwo tonuwalayana beredi kaasalaidi ikabidi, Devida ivini ikáika. Ikáika ikavava, senao nakae ivinidi sikáika. Go geya vatau tayaamo mana tagona berediyadi ikáika. Moe kidi Tonúwala taudiva madi tagona sikáika.’
LUK 6:5 Tuwaina Yeisu idigo kana, ‘Tomalatomota moe Sabati ana Tomoya, e ilovina kaga itoboine Sabati goi tomota siguinuwe, tauna guna tovatotowanayao geya adi pikwanamo.’
LUK 6:6 E ituli ta Sabati goi Yeisu ina Diyuu idi kaba tugúguna goi isiu ivaatulúkwana. Go koroto tayamo amoko goi ikaaiyaka nimakakataina napanapaina go, kaamasina.
LUK 6:7 E kidi Yaubada ina Katukeda ana tovatulukwanayaoyadi be Parisiyadi nakae sikaaiyaka, Yeisu sidumaakavate; latuwodi sigite neta Sabati goi ikidedevina. Idi dumakavatayana bego Tauyana ina goyo tayamo sibabane bei itoboinedi sikamamaetali Sabati ana lovina ana tokapipilova.
LUK 6:8 E kina go Yeisu idi nuwogau bogina iyagoidi. E tuwo korotoyana ilatuwoko idigo kana, ‘Kom nimam kaamasina, kutāoya tomota nauyayanaidi goi kwaaiyāka.’ Tuwo moitamo itáoya tomota nauyayanaidi goi ikaaiyaka.
LUK 6:9 E Yeisu itugavila, Parisiyadi be Atukeda ana tovatulukwanayaoyadi ilatuwokoidi idigo kana, ‘Ame guna lumadádana: Manakae? Itoboineda Sabati goi tavaita gea tayogedageda? Tomota yawoina tayave gea takaumate?’
LUK 6:10 Tuwo imatavilavila madabokidi yaidi goi go, itugavila korotoyana ilatuwoko idigo kana, ‘Siyagu, nimam kuyosāle.’ Tuwo moitamo nakae iguinuwe go, korotoyana nimana bogina idedevina.
LUK 6:11 E kidi Parisiyadi be tovatulukwanayadi gamodi igoyo toina, tuwo taudiva silosinapu kaga bei siguinuwe Yeisu yaina.
LUK 6:12 E moe tutayana Yeisu ina koya goi ituko awanoi manuna. Sabamgo ana madabokina Yaubada yaina ikaawanoi.
LUK 6:13 Go tutayana vanuwo itomo, ina tovatotowanayao iduduwedi sima, yaidi goi yawou aiyuwo ikinavedi be nakae ivayokoidi kidi ina vamoleyanayao.
LUK 6:14 Yoidi ame nakae: Saimoni (Yeisu ivayou Pita) ma siyana Anduru, Yemesa, Iyoni, Pilipo, Batolomiu,
LUK 6:15 Madiu, Tomasi, Alipiyo natuna Yemesa, Saimoni (boi tauyana Isileli tubunao idi kaba lovina ana tokokóila),
LUK 6:16 Yemesa natuna Yudasa be Yudasa guma Keriota, tauyana bei ietonuwotulu.
LUK 6:17 Yeisu ivayokoidi ikavava, koya goi kidi taiyao sisou sima bútuma goi sitáoya. Amoko goi ina tovatotowanayao badabadaidi sikaaiyaka. Nakae boda gagaina Yerusalema goi nakae asa liliudi Yudiya ana madabokina goi sima sikaaiyaka. Aiyuwoina boda asa Taya be Saidoni négwasa kikina goi sima sikaaiyaka.
LUK 6:18 Madabokidi latuwodi Yeisu sitaiyakeke be idi katówana goi ikidedevinedi be nakae tomota naagovaidi ikidedevinedi.
LUK 6:19 Togaga Tauyana yaina goi isowóduwo, e tomota liliudi siboboina, tauna kidi boda madabokidi sipoikíkina Tauyana sibisikone.
LUK 6:20 Yeisu ina tovatotowanayao ipotedi, idigo kana,
LUK 6:21 Avatauwa komi neta ame tuta kookaloga,
LUK 6:22 Tutayana tomota sikaolilivemi be sitavileiyemi be sikaogoyoemi be yoimi sitagiwoidi imi numisa Tomalatomota yaina pasina, e komi ami dedevina bogina koobabane.
LUK 6:23 Tutayana nakae siguuinuwe yaimi, mami uyáwana kolāusa. Moitamo. Konōve. Ami vaiwówana yábana goi bei gagaina. Tomotayadi tubudiyao nakae siguuinuwe Yaubada ina tokabivalavala yaidi goi go, tokabivalavalayadi adi vaiwówana dedevina sibabane. E komi nakae bei koobabane.
LUK 6:24 Go avatauwa komi neta toesaesa go,
LUK 6:25 Komi ame tuta bogina maa konami liliudi,
LUK 6:26 Tutayana tomota liliudi sikaodedevinemi,
LUK 6:27 Yeisu tuwaina kana, ‘Komi imi sinapu amo nakae geya, go komi sem ame alatuuwokoimi konōve: Ami kaleyayao komatakoiyēdi ame nakae: Avatauwa neta sikaolilivemi, yaidi goi guinuwa dedevidi koguuinuwēdi.
LUK 6:28 Avatauwa neta sikatubolatemi go, komi tuwo kokaipaakuyēdi. Avatauwa neta siyogedegedemi go, komi tuwo, manudi kokaawanōi Yaubada yaina.
LUK 6:29 Avatauwa neta padipadimi sikailavako, e taabu kokatuumapūdi, go sem padipadimi aiyuwoina nakae kotagōne sikailavako. Avatauwa neta ami tanigo sivasebukoimi, e taabu ami kwama kovakagagalekōidi.
LUK 6:30 Avatauwa neta sikawanoiyemi, e kovinīdi. Nakae avatauwa neta konami sivasebukoimi, e taabu kokuuliūye.
LUK 6:31 Nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe.
LUK 6:32 Go neta tomota simatakooiyemi go, tomotayadi aditava komatakooiyedi, kaga ana dedevina yaimi? Geya. Moe kidi toogoyoidi idi sinapu nakae. Toinidi sediyao aditava simatakooiyedi.
LUK 6:33 Neta tomota sivaaitemi go, tomotayadi aditava kovaaitedi, kaga ana dedevina yaimi goi? Geya. Moe kidi toogoyoidi idi sinapu nakae. Sediyao toogoyoidi aditava sivaaitedi.
LUK 6:34 Ava tomotava neta koyagoi imi mani neta sikatoguye bei sikaluvilemnei yaimi go, amo tauyadi aditava kotaagonedi imi mani sikatooguyedi, e moe kaga ana dedevina yaimi goi? Geya. Moe toogoyoidi idi sinapu nakae sediyao yaidi goi. Sediyao aditava sitaagonedi idi mani sikatooguyedi bego nava bei kidi nakae sibabane.
LUK 6:35 Go sem komi ami kaleyayao komatakoiyēdi be kovaitēdi be nakae kotagonēdi imi mani sikatoguyedi go, taabu konuuwonūwana itoboine bei sikatumapu. Neta nakae koguuinuwe, ami vaiwówana bei gagaina be nakae komi Tokanayatanatoina natunao unana tauyadi tokaipopóita be toogoyoidi iyabobonedi. Tauna neta imi sinapu nakae koguuinuwe, e komi imi sinapu bei Tokanayatanatoina nakae.
LUK 6:36 Konuwokapīsi, nakae Tamada inuwokapisi.’
LUK 6:37 Yeisu tuwaina kana, ‘Taabu semiyao kovaayokōidi kidi toogoyoidi, e Yaubada nakae bei geya ivayokoimita komi toogoyoimi. Nakae taabu semiyao kotaakinōidi itoboinedi liuna sibabane, e Yaubada nakae, bei geya ilovineta komi toogoyoimi bei iliunemi. Tomota idi goyo konuwotaōidi, e komi imi goyo Yaubada bei inuwotaoidi.
LUK 6:38 Neta kokaiguyau, e Yaubada nakae bei ikaiguyau yaimi go, kina ina kaiguyauyana bei gagaina. Nakae neta maisi kutukutuna ivakakonedoko. Kutukutuyadi bayao goi isiwoi namliyeta baige bayaoyana itubuutubutu, nimana goi ivatutu bego bayaoyana ivakayaodei, e ilausiwosiwo. Tauna gagaina ivinimi. Moitamo. Nakonakae imi guinuwa tomota yaidi, e Yaubada nakae bei iguinuwe yaimi.’
LUK 6:39 E tayamo livalakaibala nakae Yeisu ilatuwokoidi idigo kana, ‘Manakae? Tokebo itoboine kebosiyana ivakede, gea geya? Geya ae? Govila bei adi taiyuwokova bobosiu goi isouyedi.
LUK 6:40 Tovatotówana ina tovatulúkwana geya itobusaveyeta. Go tutayana tovatulukwanayana ina vatulúkwana ilukavave, tauyana be ina tovatulúkwana taiyao sivavasa.
LUK 6:41 E manakae? Semiyao idi goyo giyaidi mosamosa giyaina nakae matadi goi koogitedi go, komi imi goyo gagaidi alovagabugabu nakae toinimi matami goi ikaaiyaka geya kogiteyeta ae?
LUK 6:42 Manakae komi semiyaoyadi kolatuwokoidi kami, “Siyagu, kutagonēgu mosamosa giyaina matam goi akabi”? Go alovagabugabuyana toinimi matami goi ikaaiyaka geya kogiteyeta! Komi todedevimi polapola! Mainao alovagabugabuyana matami goi kokābi bei itoboinemi kogita dókana namliyeta baige mosamosayana giyaina semiyao matadi goi kokabi.
LUK 6:43 Moitamo. Neta nakae koguuinuwe, komi bei alova dedevidi nakae. Geya tayaamo alova dedevina itoboine keuwoina goyogoyoina ikeuwoe. Alova goyogoyoina nakae; geya itoboineyeta keuwoina dedevina ikeuwoe.
LUK 6:44 Alova tamo tamo toinidi keuwoidi goi takinanedi. Geya itoboinedeta goitagoita goi lao taguwe o taliboibo goi kilekile taguwe ae?
LUK 6:45 Kita tomota nakae. Tomota nuwodi goi idi esaesa sikanukulidi. Tuwo tomota dedevina ina esaesayadi dedevidi goi dogoi dedevidi ikaiwoduwedi. Ago tomota goyogoyoina ina esaesa goyogoyoidi goi dogoi goyogoyoidi ikaiwoduwedi. Moitamo. Kaga neta nuwoda ivakayaodei, e sopada nakae sivatoi.’
LUK 6:46 Tuwaina Yeisu kana, ‘E kaga unana kokatomoegu go, kaga nakae alatuuwokoimi geya koguinuwedita?
LUK 6:47 Avatauwa neta simekoigu be guna livalayadi sinovedi be nakae sisabokuliyedi, bei avatulukoimi tauyadi avatau nakae.
LUK 6:48 Kidi koroto tayamo nakae vada iyowoyowo. Mainao túmala goi ieli ana kadókana gurewa ibabane. Gurewayana yatana dako ikaudakodako. Ikavava, dakoyana yatana ina vada iyowo. E kúwana gagaina ikúwana, mluwa idau ina vadayana iláui go, geya itoboineyeta bei ikaubasi unana ana yówana dedevina.
LUK 6:49 Go avatauwa neta guna livala sitaiyakekedi go, geya sisabokuliyedita, e tauyadi koroto tayamo nakae neta poyapoya geya ana dakomo goi ina vada iyowo. Niga mluwa gagaina idau, vadayana iláui, e mainao isou. Ago vadayana ina bugoyo gagaina toina.’
LUK 7:1 Tutayana Yeisu ina bóbwara madabokina ilukavavedi bodayadi yaidi, itáoya ina Kapaneumi goi isiu.
LUK 7:2 E tayamo da Roma idi tovayaviyayao adi tovakumgo amoko goi ikaaiyaka mana pákwana. Pakoninayana moe ina kakaya nakae go, ikatówana gagaina nakae giyakainava bei ikámasa.
LUK 7:3 E tovakumgoyana Yeisu valena inove, tuwo Diyuu idi tomoyamoya maniyedi ietunedi sina Tauyana yaina sikawanoi bego ima ina pakwanayana ikidedevine.
LUK 7:4 E tuwo moitamo tomoyamoyayadi sima Yeisu yaina sikawanoi makimaki kadi, ‘Tomoya, latuwoma bego kom kuma tana da Roma adi tovakumgo tayamo ina pákwana iikatówana kukidedevine. Tovakumgoyana koroto dedevina, itoboine kuvaite.
LUK 7:5 Moitamo. Tauyana ida bodao Diyuu imatakoiyeda, e ima kaba tugúguna ana yówana iemaisi.’
LUK 7:6 E kina go Yeisuyana itagona taiyao sina. E sinonoina, tovakumgo ina vada bogina sivakakana go, tovakumgoyana senao ietunedi sima Yeisu sivalobode sidigo kadi, ‘Tomoya, ama tovakumgo idigo kana, “Taabu kunuuwonūwana bego kuma guna vada. Yau toosobugu; yau geya itoboineguta bego guna vada goi kusiu.
LUK 7:7 Moe pasina tauna geya itoboineguta yau toinigu ao yaim, go sem kom mam lovina kubobwarāmo, bei guna pakwanayana iboboina.
LUK 7:8 Yau nakae lovina ayagoi. Yau magu tolovinao be nakae tovayaviya maniyedi sobuyekoigu. Neta tayamo alatuwoko kagu, ‘Kūna’, bei ina. Neta tayamo alatuwoko kagu, ‘Kūma’, bei ima. Neta guna pákwana alatuwoko kagu, ‘Ame kuguinūwe’, bei iguinuwe.”’
LUK 7:9 E ame livalayadi Yeisu inovedi, ikainaopa. Tuwo itugavila, boda sisabookuliye ilatuwokoidi idigo kana, ‘Ame alatuuwokoimi konōve! Isileli tubunao yaidi goi geya vatau tayaamo ababane ina numisa gagaina ame Totuyoyowoyana nakae.’
LUK 7:10 Tuwo tovakumgoyana senao sikaluvilamna sina ina vada goi go, ina pakwanayana sigite, bogina idedevina.
LUK 7:11 Vanuwo itomo Yeisu itáoya, ina asa tayamo yoina Neni go, ina tovatotowanayao be boda gagaina siikitau.
LUK 7:12 E ima asayana ana kaba siu goi ivaakakana go, koroto kaamasina mana tokavalayao ivalobodedi, tauyadi bego asa goi sisowóduwo. Tokamasayana kóbuya natuna tayamo toito. Ago boda gagaina asa goi kóbuya taiyao sinonoina bego tokamasayana sivaliwoge.
LUK 7:13 Tomoya ivalobodedi go, kobuyayana igite, inuwokapisiye idigo kana, ‘Taabu kutaitāiya!’
LUK 7:14 Yeisu ibala ina tokamasayana ina liyaliyaka ibisikone, e tokavalayadi sitáoya, tuwo idigo kana, ‘Tubuwau, kom alatuwokoim kutāoya!’
LUK 7:15 Tuwo moitamo, tokamasayana itáoya itusobu, ivatowo ibóbwara. Go Yeisu tubuwauyana sinana ilatuwoko idigo kana, ‘Natum goame.’
LUK 7:16 E madabokidi madi wowoina simatoita, tuwo Yaubada ina togaga ana káeyana sikamoitamoe kadi, ‘Yaubada ina tokabivalavala gagaina bogina yaida goi iitáoya!’ Aiyuwoina kadi, ‘Yaubada kita ina bodao bogina ivadadeda!’
LUK 7:17 Tuwo Yeisu ina guinuwa amo tetelina inúnuwo ina Yudiya ana dadava madabokina goi be asa liliudi kikina goi.
LUK 7:18 Iyoni deri goi ikaaiyaka go, ina tovatotowanayao sima Yeisu ina guinuwa liliudi sitalavaitedi tauyana yaina. Iyoni inove, tuwo ina tovatotowanayao adi taiyuwo iduduwedi sima
LUK 7:19 idigo kana, ‘Ami taiyuwo kōna Tomoya kogīte kolumadāde kami, “Manakae? Kom Guyau Tauyam boi Yaubada ina tokabivalavala sikatotulem katuyaaosim gea, ituli ta koroto nava katuuyaosi?”’
LUK 7:20 E tuwo korotoyadi sina Yeisu yaina sidigo kadi, ‘Iyoni tosayóyova ietunema kama. Tauyana kana, “Manakae? Kom Guyau Tauyam boi Yaubada ina tokabivalavala sikatootulem katuyaaosim, gea ituli ta koroto nava katuuyaosi?”’
LUK 7:21 Amo tutayana Yeisu tomota badabadaidi adi katówana be adi vísiya goi ikidedevinedi be yaidi goi dimoni ivatapiyedi be nakae tokebo ikidedevinedi sigita dókana.
LUK 7:22 Tuwo idigo kana, ‘Segowo, kaga atalavaaitedi bogina konovedi be kaga aguuinuwedi bogina kogitedi. Guinuwayadi ame nakae: Tokebo sigita dókana, topem siketoiyamna, vísiya liliuna tomota sakavaidi sikavava, tauyadi taiyadi patupatudi sitaiyakeka dókana, tokámasa sitaoyamna, tookaidi Vala Dedevina sinove. Kōna moe dogoiyadi madabokidi kotalavaitēdi Iyoni yaina bei iyagoi.
LUK 7:23 Aiyuwoina Iyoni kolatuwōko avatauwa neta geya sinanayuwoita yau manugu, bei adi dedevina sibabane.’
LUK 7:24 E Iyoni ina lobutu ana tolokoinayadi sitáoya sinonoina go, Iyoniyana manuna Yeisu boda ilatuwokoidi idigo kana, ‘Boi kona yoyowo goi latuwomi bego avatau kogite? Gea, komi latuwomi koroto taameyaina kogite ina sinapu nakae dumodumo neta yágira itowo, iyaoegeege?
LUK 7:25 Nakae geya, go sem kona latuwomi bego avatau kogite? Gea, komi latuwomi koroto tayamo mana kwama dedevina kogite? Geya ae? Konōve. Tauyadi madi kwama dedevina be madi mani gagaina tolovina idi vada dedevidi goi sikaaiyaka.
LUK 7:26 Tauna kona geya bego nakae kogite geya, go sem kona bego avatau kogite? Bego Yaubada ina tokabivalavala tayamo kogite? U moitamo. Go ame alatuuwokoimi konōve: Tauyana tokabivalavala tayamo go, tokabivalavala kaka geya, go sem tauyana toosakina.
LUK 7:27 Amo tauyana manuna Yaubada ina tokabivalavala igini idigo kana,
LUK 7:28 Ame alatuuwokoimi konōve: Tomota liliudi bogina sibíbina, yaidi goi geya vatau tayaamo itoboine Iyoni ikalisave. Go avatauwa neta toosobudi Yaubada ina kalibúbuna sinaena goi, moe tauyadi Iyoni sikalisave.’
LUK 7:29 Kidi go tomota liliudi be nakae kidi takisi ana togogoyao Yeisu ina livala sinove, sikamoitamo bego Yaubada toinina nuwona ana tokibóbwata. Kutoto boi sitagona Iyoni isayoyoidi. Moeko goi Yaubada sikamoitamoe.
LUK 7:30 E kidi go Parisi be Yaubada ina Katukeda ana tolumavivitayao geya sitagoneta Iyoni isayoyoidi. Moeko goi Yaubada ina kenao sikatae.
LUK 7:31 E Yeisu ibobwaramna kana, ‘Tomota amo tauyadi nakae kaga goi akatutukoidi? Tauyadi idi sinapu nakonakae?
LUK 7:32 Kidi gogómana nakae neta aba maketi goi siitusobu sipapápala sediyao yaidi sikúluwo kadi, “Ima kokopi nai manuna kauweuwe go, geya kolauseta. Valiwoga goi kataiyakuwokúwala go, komi geya kotaiyeta.” Komi nakae.
LUK 7:33 Kogita? Nakonakae kaguuinuwa o kavaatulúkwana, e komi kokataema. Iyoni tosayóyova ima go, awoinu toina geya ikakáika, nakae oine geya inimnim. Nakae go, komi kodigo kami, “Dimoni tauyana sinaena goi ikaaiyaka.”
LUK 7:34 Tomalatomota ima ikakáika be inimnim go, kodigo kami, “Tauyana kogite? Aiikanina be nakae inim ginagina iiyaluwo. Tauyana takisi ana togogo be ituli ta toogoyoidi siyadi!”
LUK 7:35 Yaubada ina nanamsa Iyoni be yau kavatulúkwana go, nanamsayana ipaaisewa tomota yawoidi goi, e guinuwayadi goi Yaubada natunao toina siyagoi Yaubada ina nanamsa moe moitamo.’
LUK 7:36 E Parisi tayamo yoina Saimoni Yeisu iduduwe ima kana, ‘Tovatulúkwana, kūma guna vada goi bego taiyao takáika.’ Tuwo moitamo ina Parisiyana ina vada goi isiu ikanataliya nimana isabadiye ikakáika.
LUK 7:37 Go konōve. Vavina tayamo toogoyoina asa amo goi ikaaiyaka. E vavinayana vala inove bego Yeisu Parisi ina vada goi ikakáika. Tuwo pútuma ma bootorina dedevina toina iikavale
LUK 7:38 ima Yeisu mlina goi go, aena kikina itáoya, itaitáiya. Itaitáiya go, mataiuna sitakapusi Yeisu aena ivakanapoivedi. Tuwo kununa ivaligei isakululu Yeisu aenayadi iseekukudi namliyeta iyowoiidi. Ikavava, ina putumayana ikabi, Yeisu aena ikatukoisidi.
LUK 7:39 E kina Parisiyana ikandobala, vavinayana ina guinuwa igite, nukotona goi inuwonúwana kana, ‘Mmm masa koroto amo Yaubada ina tokabivalavala tayamo. Vavina amo itagone ibiisikone. Neta Tauyana moitamo tokabivalavala, bei iyagoi vavinayana toogoyoina tayamo, e tauna itoboine bei ivalilive.’
LUK 7:40 Go kina Yeisuyana idigo kana, ‘Saimoni, latuwogu tamo dogoi alatuwokoim.’ ‘Tovatulúkwana, kubōbwara’, Saimoniyana kaena.
LUK 7:41 Tuwo Yeisu ilivalakaibala idigo kana, ‘Koroto adi taiyuwo madi rowaga toesaesa tayamo yaina. Tayamo ana rowaga siriba 500 go, tayamo ana rowaga moe siriba 50.
LUK 7:42 Adi taiyuwokova geya itoboinedita toesaesayana sikatumapu, tuwo bokoyo adi rowaga inuwotaoidi. Saimoni, koroto adi taiyuwokova yaidi goi ava koroto nakona bei toesaesayana imatakoiye gagaina?’
LUK 7:43 Saimoni idigo kana, ‘Seki, nakona tauyana ana rowaga ivakaigaga ana nuwotao ibabane.’ ‘Moe bogina kudigoyabe’, Yeisu kaena.
LUK 7:44 Tuwo ikandovila vavinayana igitegite go, Saimoni ilaatuwoko idigo kana, ‘Saimoni, vavina ame kugite? Kom im vada goi asiu go, aegu ana bwae geya kuviniguta. Ego ame vavinayana toinina mataiuna goi yau aegu ivakanapoivedi. Ikavava, kununa goi isekukudi.
LUK 7:45 Im vada asiu go, geya kuyowoiiguta. E kina go vavinayana boi mainao asiu ima ame tuta yau aegu iyowoiidi.
LUK 7:46 Dabagu goi pútuma besobeso geya kusiwoiyeta. E kina go vavinayana ina pútuma ana maisa gagaina ime aegu goi isiwoi ikatukoisidi.
LUK 7:47 Moe pasina ame alatuuwokoim kunōve: Ame vavinayana ina goyo badabadaidi, e adi nuwotao bogina ibabanedi. Moe tayagoi moitamo unana imatakoiyegu gagaina. Ago avatauwa neta idi goyo adi nuwotao giyaina, e nakae kidi simatakoiyegu giyaina.’
LUK 7:48 E tuwo Yeisu vavinayana ilatuwoko idigo kana, ‘Vavina, yau adigo im goyo ana nuwotao bogina kubabane.’
LUK 7:49 Tuwo tomotayadi sikaaiyaka taiyao sikakáika toinidi sinuwonúwana kadi, ‘Amo Tauyana avatau bego tomota idi goyo inuwotaoidi?’
LUK 7:50 E Yeisu vavinayana ilatuwoko idigo kana, ‘Im numisa pasina am yava bogina kubabane. Mam tuboina kūna.’
LUK 8:1 Niga go Yeisu nakae asa tamo tamo gagaidi be giyaidi yaidi goi ivanibiníbita, Yaubada ina kalibúbuna Valena Dedevina itaalavaite bego tomota itoboinedi sisiu. Ago yawou aiyuwo
LUK 8:2 be vevina maniyedi taiyao sina. Vevinayadi yaidi goi boi Yeisu dimoni ivatapiyedi be nakae adi katówana goi ikidedevinedi. Vevinayadi ame nakae: Meri guma Magidara. Moe tauyana yaina goi Yeisu dimoni ana badabada ainima aiyuwo ivatapiyedi sisowóduwo.
LUK 8:3 Yoana taiyao. Tauyana Kudasi monena. Kudasiyana moe Erodi ana topaisewayao adi tovakumgo. Susana nakae be ituli ta vevina maniyedi. Ame tauyadi toinidi idi esaesa goi Yeisu mana bodao sivaaitedi.
LUK 8:4 E boda gagaina bogina sitaligógana simamaima; tauyadi asa badabadaidi goi sima Yeisu yaina. Tuwo livalakaibala goi ivatulukoidi idigo kana,
LUK 8:5 ‘Tobágula tayamo ina ina tánuwo goi witi kutukutuna isivagaegaedi. Isivagaaegaedi, e maniyedi sisou enao goi. Tuwo tomota siketoiya kutukutuyadi maniyedi sivakavatedi go, maniyedi, mánuwo sikanidi.
LUK 8:6 Ago kutukutuyadi maniyedi sisou manamanáiyala goi go, tutayana sitabo, simémala unana bwae geya.
LUK 8:7 Go kutukutuyadi maniyedi sisou taliboibo goi, e taiyao sitabo, sibíbina go, taliboiboyadi sididimatedi.
LUK 8:8 Go kutukutuyadi maniyedi sisou poyapoya dedevina goi sitabo, sibíbina, sikéuwo go, kutukutuyadi tamo tamo yaidi goi 100 sibabane.’ Moe livalayadi ibooboredi go, iduduwo idigo kana, ‘Avatauwa komi neta ma taaiyami, e guna livala konoovedōko!’
LUK 8:9 E ina tovatotowanayao silumadade sidigo kadi, ‘Tomoya, im livalakaibala kaga ana yagoina?’
LUK 8:10 E Yeisu kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go tomota liliudi kaga liliuna livalakaibala goi sinovedimo. Moe bego tokabivalavala tayamo ina livala imalatomota, kana,
LUK 8:11 E guna livalakaibalayana ana talígava ame nakae: Kutukutuyadi moe Yaubada ina livala.
LUK 8:12 E kidi go kutukutuyadi sisou poyapoya enao goi moe nakae tomota maniyedi neta livalayana sinove namliyeta Totagíwaya ima livalayana nuwodi goi ikabi inave, govila bei sinumise, e adi yava sibabane.
LUK 8:13 E kidi go kutukutuyadi sisou poyapoya manamanáiyala goi moe nakae tomota maniyedi neta Yaubada ina livala sinove, madi uyáwana siuuyaone go, geya lamdimo. Tuta kaakupina sinumisa go, tutayana idi numisa pasina vakakona sibabane, sikapusi.
LUK 8:14 E kidi go kutukutuyadi taliboibo goi sisou moe nakae tomota maniyedi neta Yaubada ina livala sinove go, niga idi kaiyaka ana nuwokubukubu, esaesa be nakae poyapoya uyaonina taliboibo nakae livalayana sididimate, tauna keuwoidi geya simatuwoita.
LUK 8:15 E kidi go kutukutuyadi poyapoya dedevina goi sisou sitabo, moe nakae tomota maniyedi neta ma katedi dedevidi Yaubada ina livala sinovedoko, siyoisikavate be madi meesayágana sikeuwo dókana.’
LUK 8:16 E Yeisu tuwaina ina vatulúkwana manuna ilatuwokoidi idigo kana, ‘Geya vatau tayaamo ina rampa igabu go, bayao goi ivatum o baseko ogalaoina goi ivaisiu geya, go sem rampa ana kaba yata yatana goi iyato bego tomota vada goi sisiusiu bei rampayana ina mavada sigite.
LUK 8:17 Moitamo. Moe nakae yau guna sinapu livalakaibala goi. Kaga nakona vamoounina livalakaibala goi, bei avagitakoe. Kaga nakona nuuwogauna livalakaibala goi, bei akaiwoduwe bego koyagoi.
LUK 8:18 Tauna korugwausīmi manakaemi guna livala konove bego kokabikaone. Ame moitamo. Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta livalayana sinooveyamo, ava nanamsa tauyadi sinuwonuwone ikaaiyaka yaidi, Yaubada bei ikuliuye.’
LUK 8:19 E Yeisu sinana be senao sima latuwodi Tauyana go, boda pasidi geya itoboinedita sisiu sina Tauyana sinoko.
LUK 8:20 E tomota Yeisu silatuwoko kadi, ‘Sinam be semowo moetala goi siitáoya; latuwodi kom kunovedi.’
LUK 8:21 Go kina Yeisu idigo kana, ‘Sinagu be segowo moe avatauwa neta Yaubada ina livala sinovenove be sikabiikaone.’
LUK 8:22 E tuta tayamo Yeisu mana tovatotowanayao oga goi sisowoya, ilatuwokoidi idigo kana, ‘Galili Bwaena tayaodamāne tāna ta dadava.’ Tuwo sikailova.
LUK 8:23 E sinonoina go, Yeisu imasisi bogina ikanaamatáiya. Iimasisi go, ulibomatu gagaina ikalisou Bwaeyana goi itowo. Tuwo aivaya siseulalágata oga bogina sivakayaaodei, nakae ogayana giyakainava bei isalili sivailai.
LUK 8:24 E tauyadi sima Yeisu siwoini sidigo kadi, ‘Tomooya, tomooya, giyakainava bei tavailai!’ E tuwo itáoya, yágira be aivaya gagaidi ilovinaedi sisayata. Sisayata, e yagirayana ilakapuwe nakae Bwaeyana ikadaúmwara.
LUK 8:25 E Yeisu ilatuwokoidi idigo kana, ‘Imi numisa nako?’ E kidi madi matoita sikainaopa taudiva sibobóbwara kadi, ‘Iyaa! Ame ava koroto? Yágira be nakae aivaya ilovinaedi niyana sikabiikaone?’
LUK 8:26 Moe ikavava, Yeisu kidi Galili Bwaena bogina siyaodamane go, sina da Gerasine idi kaolao goi sivaiu. Moe asayana Galili disitiriki ikaonako.
LUK 8:27 E sivaiu, Yeisu oga goi isou go, amo asayana korotoina tayamo naagovaina ima ivalobode. Tauyana tuta maanawena kwama geya ilosilosi geya, nakae vada goi geya ikaiyaketa geya, go sem valiwoga tukubu goi ikaaiyaka.
LUK 8:28 Tuta liliuna dimoniyana koroto ikiinagove. Tuwo tomota siyoisi, seni sikabi korotoyana nimana be aena siyowóidi. Ikavava, siiyause go, tuwo seniyadi ikiguyalidi. Ikiguyalidi, e kina dimoniyana ikinagove isiya ina yoyowo goi ikaaiyaka. E tutayana Yeisu oga goi isou, korotoyana ikandoiwo Yeisu igite, tuwo ipodeda be nakae ima Yeisu matana goi aena ivatugúyala. Tuwo Yeisu dimoni ilovinae koroto goi bego isowóduwo go, kina korotoyana niyana gagaina goi idigo kana, ‘Yeisu, kom Yaubada Tokanayatanatoina Natuna, kai ima polava moe geya kom im polava geya. Akawanoi yaim bego geya kuyogedegedeguta.’
LUK 8:30 Go Yeisu idigo kana, ‘Kom yoim manakoyoina?’ Ego dimoni badabadaidi bogina sisiu korotoyana yaina, tauna tauyana kana, ‘Uwouwo.’
LUK 8:31 Tauyadi sikawanoi makimaki sidigo kadi, ‘Taabu kuloviinaēma ame dadavayana kakalave go, kasousou kana masi gagaina aba vailai goi.’
LUK 8:32 Ego doyava koya goi bao badabadaidi sidumdumla. Tuwo dimoniyadi sikandobala bao sigitedi, sikawanoi makimaki Yeisu yaina sidigo kadi, ‘Neta kutagonēma kana dobala bao amo sinaedi goi kasiu.’ Tuwo moitamo itagonedi.
LUK 8:33 E dimoniyadi sitáoya koroto goi sisowóduwo sina bao sinaedi goi sisiu. Sisiu, baoyadi madabokidi sisaloku, silokoina sina koya tagatagagina goi sipela sisou sina Galili Bwaena goi sisalili.
LUK 8:34 E baoyadi adi tomatakavatayao sigite kaga iisowóduwo, sisiya sina asa gagaidi be giyaidi goi kaga kaga siisowóduwo sitalavaitedi.
LUK 8:35 E toni kasa sima latuwodi sigite kaga isowóduwo. Tuwo sima Yeisu yaina goi go, korotoyana sigite, Yeisu aena goi iitusobu. Tauyana boi naagovaina go, ame bogina mana kwama nakae nuwona imavada, tuwo simatoita.
LUK 8:36 E tomota boi mainao sigite kaga iisowóduwo, sivateteli tomota yaidi korotoyana boi naagovaina manakaena idedevina.
LUK 8:37 Da Gerasine liliudi nakae boda liliudi amo asayana kikina simatoita gagaina toina. Tauna Yeisu yaina sikawanoi sidigo kadi, ‘Kwalavēma kūna.’ E tuwo Yeisu kidi oga goi sisowoya bego sikaluvila sina ta dadava go,
LUK 8:38 korotoyana boi yaina goi dimoni sisowóduwo ima Yeisu yaina ikawanoi idigo kana, ‘Tomoya, manakae? Kutagona asabokuliyem?’ Go kina Yeisu ivalilive ina ina vada kana,
LUK 8:39 ‘Kwaluvīla kūna im kasa goi Yaubada ina guinuwa toogagaidi iguuinuwedi yaim kutalavaitēdi.’ Tuwo moitamo korotoyana itáoya ina asa ana madabokina goi Yeisu ina guinuwa toogagaidi tauyana yaina iguuinuwedi italavaaitedi.
LUK 8:40 E tutayana Yeisu kidi sikailova sikaluvilamna sina ta dadava goi sivaiu go, boda Yeisu siuyaone. Bogina kuyagoi. Madabokidi Yeisu situuyaosi.
LUK 8:41 Ago koroto tayamo ima yoina Yairo. Moe tauyana Diyuu idi kaba tugúguna ana tolovina tayamo go, natuna vavina tayamo toito ana tala yawou aiyuwo nakae giyakainava bei ikámasa. E tauyana ima Yeisu matana goi aena ivatugúyala ikawanoi makimaki idigo kana, ‘Tomoya, neta kūma guna vada goi natugu kuvāite.’ Tuwo moitamo Yeisu itagona. Ego sinonoina, boda gagaina Tauyana sivatuvagivagigi.
LUK 8:43 Ago bodayadi yaidi goi vavina tayamo ikaaiyaka. Vavinayana tala yawou aiyuwo goi ikaikaina idaudau go, nava idaudau. Ina doketa vaita manuna, e yaidi goi ina mani madabokina ilukavave go, geya kada tayaamo itoboine ikidedevine geya.
LUK 8:44 Tuwo ivalabelabena Yeisu mlina goi ibisibala ana kwama kikina ibisikone. Ibisikone, ikaikainayana ina dau mainao isayata.
LUK 8:45 Ago kina Yeisu idigo kana, ‘Avatau ibisikonegu?’ E boda liliudi silawoiwoi go, Pita idigo kana, ‘Tomoya, boda sitaoyaakobum be sivatuvagivaagigim go!’
LUK 8:46 ‘Tomota tayamo ibisikonegu. Yau togaga anamkone yaigu goi isowóduwo’, Yeisu kaena.
LUK 8:47 E vavinayana bogina iyagoi geya itoboineyeta bego ina guinuwa ivamou. Tuwo mana tátava ima Yeisu matana goi aena ivatugúyala go, tomota liliudi matadi goi italavaita kaga unana Yeisu ibisikone be manakaena mainao iboboina.
LUK 8:48 E Yeisuyana kana, ‘Natugu, im numisa bogina ikidedevinem! Kutāoya be mam tuboina kūna.’
LUK 8:49 Nava Yeisu ibobóbwara go, tomota tayamo tolovinayana ina vada goi ima Yairo ilatuwoko idigo kana, ‘Natum bogina ikámasa, tauna geya tuwaina tovatulúkwana kuuyobose.’
LUK 8:50 E kina go Yeisu lobutu ana tolokoina ina livala inove, Yairo ilatuwoko idigo kana, ‘Taabu kuumatōita. Kunumisegūmo go, natum bei iboboina.’
LUK 8:51 E Yeisu ivataoduwe tolovinayana ina vada goi go, boda liliudi isanabodedi geya sisiuta, go sem Pita, Iyoni, Yemesa, e gomanayana tamana be sinana aditava itagonedi taiyao sisiu.
LUK 8:52 Ego gomanayana manuna boda madabokidi sitaitáiya be nakae sitaiyamsimsi. E Yeisu ilatuwokoidi idigo kana, ‘Taabu kotaitāiya. Gomanayana geya ikamaseta, go sem ikanaamatáiya.’
LUK 8:53 Tuwo bodayadi siyagoi gómana bogina ikámasa, tauna Yeisu ina livalayana sinove, sivaanamae.
LUK 8:54 Go Yeisu ibala ina gomanayana nimana iyoisi, iduduwo idigo kana, ‘Gómana, kutāoya!’
LUK 8:55 Tuwo gomanayana balomaina ikaluvilamna ima, e gómana mainao itáoya. Ago Yeisu gómana sinana ilatuwoko idigo kana, ‘Gómana avana kuvīni ikáika.’
LUK 8:56 Tuwo gomanayana tamana be sinana sikainaopa. Go Yeisu ilatuwokoidi kana, ‘Moe dogoiyana taabu kotaalavāite tomota yaidi.’
LUK 9:1 E Yeisu ina tovatotowanayao yawou aiyuwo iduduwedi sima. Sima, togaga be lovina ivinidi bei itoboinedi dimoni liliudi sivatapiyedi be nakae tokatówana sikidedevinedi.
LUK 9:2 Ivinidi ikavava, ivatulukoidi namliyeta ietunedi sina Yaubada ina kalibúbuna valena sitalavaite be tokatówana sikidedevinedi.
LUK 9:3 Ina vatulukwanayana goi latuwona Yaubada sinumise, tauna idigo kana, ‘Imi vaníbita goi nima kaka kōna. Aituko geya, wasare geya, ami kinare geya, mani geya, kwama aiyuwoina geya.
LUK 9:4 Ava vada goi neta siuyaonemi, kosīu go, vadayana goi kokaaiyāka ana kadókana asayana kokalave.
LUK 9:5 Avatauwa neta geya siuyaonemita, asa amo kokalāve go, tutayana kosowóduwo asayana kaukauna aemi goi kokatumaumāui. Moe imi katumátala tauyadi yaidi bego Yaubada itavileiyedi.’
LUK 9:6 E tuwo sitáoya sina asa tamo tamo goi sivanibiníbita go, ava kasa goi sisiu, amoko goi Vala Dedevina sitaalavaite tomota yaidi be idi tokatowanayao sikidedeevinedi.
LUK 9:7 E tolovina Erodi Yeisu ina guinuwa liliuna valena inove go, nukotona iwówana unana Yeisuyana manuna tomota maniyedi sidigodigo bego amo Iyoni go, tokámasa yaidi goi Yaubada bogina ikaitáoe.
LUK 9:8 E kidi go maniyedi sidigodigo bego Tauyana Eliyau, e bogina isowóduwo. E kidi go maniyedi sidigodigo bego Tauyana tokabivalavala nakae boi Yaubada ina tokabivalavalayao yaidi ámasa goi itaoyamna.
LUK 9:9 E tauna Erodiyana nukotona iwówana, tuwo idigo kana, ‘Boi yau guna lovina goi Iyoni nukotona sibobo. Go koroto amo ina guinuwa valena anovenove nakona avatau?’ Tuwo ipoikiki bego Yeisu igite.
LUK 9:10 Yeisu ina vamoleyanayao sikaluvilamna sima Tauyana yaina go, kaga liliuna idi vaníbita goi siguuinuwedi sivatétala adi kaibako. Tuwo Yeisu ikabidi, boda asa amo goi sikalavedi go, taudiva sina asa yoina Betesaida.
LUK 9:11 E kidi go bodayadi tutayana sinove Yeisu mana tovatotowanayao sina Betesaida, Galili Bwaena sivanibisi sisabokuliyedi. Sima, Yeisu iuyaonedi go, ivatowo Yaubada ina kalibúbuna manuna ivatulukoidi. Go avatauwa neta siikatówana ikidedevinedi.
LUK 9:12 E bogina lavilavi toina yawou aiyuwo sima Yeisu silatuwoko sidigo kadi, ‘Ame yoyowo go! Neta boda kuvalilivēdi bego sina asa maniyedi kikida goi vada be awoinu silusala.’
LUK 9:13 Go kina idigo kana, ‘Komi kovakanīdi.’ ‘Manakaema? Kai ama beredi ainima, íyana aiyuwo taudi go! Manakae, kana boda ame go, giyaina kaeda avadi kagimona?’ kidi kaedi.
LUK 9:14 Moe moitamo. Boda gagaaina go, atuyáivina goi koroto kaka adi badabada moe 5,000! E Yeisu idigo kana, ‘Kōna boda kokiwotāidi go, gúguna tamo tamo moe 50 kolatuwokōidi situsobu.’
LUK 9:15 Tuwo nakae siguinuwe. Sina boda madabokidi silatuwokoidi situsobu.
LUK 9:16 E berediyadi ainima be iyanayadi aiyuwo Yeisu sivini ikabidi, ikandolaga yábana goi, manudi ikauyagu Yaubada yaina. Ikavava, beredi be íyana ikivisidi, ina tovatotowanayao ivinidi, e kidi sikabidi sina sikaiguyauyedi bodayadi yaidi.
LUK 9:17 Tuwo tomota madabokidi sikáika gamodi. Sikáika ikavava, ina tovatotowanayaoyadi valala sikatunokunokudi go, moe bayao yawou aiyuwo sikayaoda.
LUK 9:18 Tuta tayamo Yeisu ina tuta awanoi goi ina tovatotowanayao taiyao sikaaiyaka, tuwo ilumadadedi idigo kana, ‘Boda sibobóbwara koonovedi manakaedi sinuuwonúwana yau manugu?’
LUK 9:19 ‘Tomota maniyedi sidigodigo bego kom Iyoni tosayóyova. Go maniyedi sidigodigo bego kom Eliyau. Go maniyedi sidigodigo bego kom Yaubada ina tokabivalavala tayamo boi nimatu ikaaiyaka go, ame ámasa goi bogina kutaoyamna’, tauyadi kaedi.
LUK 9:20 E Yeisu idigo kana, ‘Go komi manakaemi konuwonúwana yau manugu?’ E kina go Pita idigo kana, ‘Kom Guyau, Yaubada ana Vadámana!’
LUK 9:21 E Yeisu ikatumatalidi be nakae ilovinaedi idigo kana, ‘Moe geya vatau tayaamo kolaatuwōko.
LUK 9:22 Tomalatomota gedageda badabadaidi bei ibabanedi. Aiyuwoina tomoyamoya be Tonúwala Gagaidi be nakae Yaubada ina Katukeda ana tovatulukwanayao bei sikatae namliyeta sikaumate go, maliyalina aitonina goi Yaubada bei ikaitáoe.’
LUK 9:23 E tomota madabokidi ilatuwokoidi idigo kana, ‘Avatauwa komi neta latuwomi kosabokuuliyegu, toinimi yawoimi kokaasalēdi be nakae maliyalina tamo tamo goi toinimi imi kerose kokaavalēdi, namliyeta baige kōma kosabokuliyēgu.
LUK 9:24 Ame moitamo. Avatauwa bego yawoidi sivagagale, e nava yawoidi vau bei sitagau. Go avatauwa neta yau pasigu yawoidi sitagau, e nava yawoidi vata bei sibabane.
LUK 9:25 Guna nuwonúwana ataligei. Yawoimi moe dogoi gagaina. Nakae neta poyapoya esaesaina gagaina madabokina kokabi go, yawoimi sitagau vata, e bei kaga ana dedevina? Geya.
LUK 9:26 Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana káeyana tomoeeyalina, Tamana ana káeyana tomoeeyalina be nakae ina aneroseyao kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.
LUK 9:27 E ame abóbwara moitamo yaimi konōve: Tutayana Yaubada ina kalibúbuna ima ina bodao ikaliibubudi, e komi maniyemi ameko kootáoya nava bei maa yawoimi kogite.’
LUK 9:28 E moe bobwarayadi sikavava, maliyalina ainima aito nakae mlidi Yeisu itáoya, Pita, Iyoni be Yemesa ikabidi, sina koya goi situko awanoi manuna.
LUK 9:29 Tuwo Yeisu ikaawanoi go, maisina ana kaigigita ituli. Ana kwama sivapopowou nakae sinamanámala.
LUK 9:30 Ago koroto adi taiyuwo sisowóduwo, Yeisu taiyao sibobóbwara. Korotoyadi moe Mosese be Eliyau.
LUK 9:31 Tauyadi madi káeyana tomoeeyalina sisowóduwo, Yeisu ina tuta poyapoya ame ikalave sivaateteli. Moe giyakainava Yerusalema goi bei iguinuwe.
LUK 9:32 E kina go Pitayana ma senao taiyao matadi simasisi nukotodi nava mamaina. E sikaliwoisa matadi silala, Yeisu ana káeyana tomoeeyalina sigite go, koroto adi taiyuwo nakae sigitedi Yeisu kikina siitáoya.
LUK 9:33 Korotoyadi Yeisu siikalave go, Pita Yeisu ilatuwoko idigo kana, ‘Guna Tomoya, ame dedevina kita ameko takaaiyaka. Manakae? Yoyou aito kayowóidi? Tayamo kom im yoyou, tayamo Mosese ina yoyou, tayamo Eliyau ina yoyou.’ Go Pitayana geya iyagoiyeta manakaena ibobóbwara.
LUK 9:34 E tauyana nava ibobóbwara go, gaota isowóduwo ima iumaidi. E tutayana iiumaidi, kidi simatoita.
LUK 9:35 Iumaidi go, gaotayana goi níyana tayamo sinove, idigo kana, ‘Ame Natugu, guna kinava. Tauyana konōve!’
LUK 9:36 Niyanayana ina bóbwara ikavava, Yeisu anetava ikaaiyaka. Ago kidi ina tovatotowanayaoyadi kaga kaga sisowóduwo sigitedi amo tutayana, geya vatau tayaamo yaina sitalavaitedi, go sem situgaumo.
LUK 9:37 E vanuwo itomo koyayana goi Yeisu mana tovatotowanayao sisou go, boda gagaina Yeisu sivalobode.
LUK 9:38 Ago koroto tayamo bodayadi sinaedi goi iduduwo idigo kana, ‘Tovatulúkwana, ame natugu koroto tayamo toito, tauna akawanoi makimaki yaim bego kugite.
LUK 9:39 Go kunōve. Dimoni ima ikinagove. Ikinagove, tuwo ipodeda ikapusi isou ikanagavigavila be nakae tobuna goi polu isowóduwo. Ago iyogedegede ana kadókana natugu wowona itameya toina baige nakona ikalave.
LUK 9:40 Maine kom geya, tuwo im tovatotowanayao yaidi akawanoi makimaki bego dimoniyana sivatapiye go, geya itoboinedita. Tauna akawanoi yaim bego natugu kugite.’
LUK 9:41 Go kina Yeisu idigo kana, ‘Komi tomota manakae? Komi numisa geya nakae dabami sikasa. Tuta maanawena taiyao bogina taakaiyaka go, ava tuta bei konumisedokoigu? Tuta maanawena imi dabakasa aatogage, tauna ava tuta bei konovegu?’ E korotoyana ilatuwoko idigo kana, ‘Tuwo natum kūme!’
LUK 9:42 E nava natunayana iimememe go, kina dimoniyana ikinagove, tuwo ikapusi isou poyapoya goi nakae itatátava. E Yeisu dimoniyana ilovinae idigo kana, ‘Dimoni, kusowōduwo!’ Tuwo gomanayana ikidedevine. Ikavava, ikabi tamana ivini.
LUK 9:43a E tomota liliudi nukotodi siwówana gagaina kadi, ‘Iyaa, Yaubada ina togaga uyana iyata!’
LUK 9:43b E boda liliudi Yeisu ina guinuwa liliudi pasidi sikaiinaopa go, ina tovatotowanayao ilatuwokoidi kana,
LUK 9:44 ‘Guna vatulúkwana ame konuwokavatēdi: Nava bei tomota tayamo itáoya, Tomalatomota inuwotuluye tomota nimadi goi.’
LUK 9:45 Go ina livala geya siyagoiyeta unana ana yagoina Yaubada ivamoukoidi, govila bei siyagoi. Ago simatoita bego ina livalayadi manudi silumadade.
LUK 9:46 E Yeisu ina tovatotowanayaoyadi taudiva sikaumakimaki bego avatau yaidi goi toolagaina.
LUK 9:47 E kina go Yeisuyana idi nuwogau bogina iyagoi, tuwo gómana tayamo ikabi, kikina goi ivatáoe
LUK 9:48 go, ilatuwokoidi idigo kana, ‘Avatauwa neta toosobudi gómana ame nakae yau yoigu goi siiuyaone, e yau nakae siuyaaonegu. Go avatauwa neta yau siuyaaonegu, agu toetuna nakae siiuyaone. Ame moitamo. Avatauwa komi yaimi goi neta toosobuna, tauyana moe toolagaina.’
LUK 9:49 E Iyoni Yeisu ina livala inove, idigo kana, ‘Tomoya, koroto tayamo kagite kom yoim goi dimoni ivataapiyedi go, tauyana kita taiyao geya, tauna kapoikiki bego kasanabode.’
LUK 9:50 Go kina Yeisuyana idigo kana, ‘Taabu kosaanabōde. Avatau neta geya ivakaleyemita, e tauyana ivaitemi.’
LUK 9:51 E Yeisu ina tuta bego Yaubada ikabi itukoe ina yábana giyakainava isowóduwo, tuwo ina nuwonúwana iyato bego inonoina Yerusalema manuna.
LUK 9:52 Inonoina ina tovatotowanayao taiyao go, lobutu adi tolokoina maniyedi ietunedi sivakumgo sina Samériya asaina goi bego sikatubayasi ina sowóduwo manuna.
LUK 9:53 Sima asayana goi go, toni kasa siyagoi Yeisu inonoina Yerusalema manuna, tauna geya siuyaoneyeta. Tuwo lobutu adi tolokoinayadi sikaluvilamna sima Yeisu yaina.
LUK 9:54 E tovatotowanayadi Yemesa be Iyoni sinove bego toni kasa Yeisu sikatae, tuwo kadi, ‘Tomoya, latuwom Yaubada kaduduwe bei yeu yábana goi ietune isou ina ivakasavedi?’
LUK 9:55 E kina itugavila ibowoidi idigo kana, ‘Moe nakae geya!’
LUK 9:56 Ibowoidi ikavava, sina ituli ta kasa.
LUK 9:57 E enao goi siiketoiya go, tayamo koroto ima Yeisu ilatuwoko idigo kana, ‘Neta ava kasa goi kunonoina, bei asabokuliyem.’
LUK 9:58 Ago kina Yeisu idigo kana, ‘Weiniya woliwoli madi bobosiu, mánuwo madi vátala go, Tomalatomota geya ana kaba masisimo. Tauna neta kusabokuliyegu, e kom bei yau nakae.’
LUK 9:59 E Yeisu koroto aiyuwoina ilatuwoko idigo kana, ‘Kusabokuliyegu.’ Go korotoyana kana, ‘Tomoya, kutagonēgu mainao ana tamagu amatakavate ana kadókana ikámasa avaliwoge baige ama asabokuliyem.’
LUK 9:60 Go kina Yeisu idigo kana, ‘Tokámasa kwalavēdi bei toinidi idi tokamasayao sivaliiwogedi. E kom sem kūna Yaubada ina kalibúbuna kutalavāite tomota yaidi.’
LUK 9:61 E koroto aitonina ima idigo kana, ‘Tomoya, bei asabokuliyem. Go kutagonēgu nava mainao ana guna bodao idi tagona akabi namliyeta ao asabokuliyem.’
LUK 9:62 Go kina Yeisu idigo kana, ‘Avatauwa neta idi kaba távina bogina sikabidi, idi bulumakau goi sitavitávina go, sikaandovila, moe tauyadi geya itoboinedita Yaubada ina kalibúbuna manuna sipaisewa unana moe nakae sinaanayuwo.’
LUK 10:1 E moe guinuwayadi sikavava, Tomoya ina tovatotowanayao yaidi goi 72 ikinavedi ina paisewa manuna. Adi taiyuwo adi taiyuwo ietunedi bei sivakumgo sina asa liliudi goi tomota sikatubayasidi Tauyana ina sowóduwo manuna.
LUK 10:2 E livalakaibala goi ilatuwokoidi idigo kana, ‘Tánuwo bogina iloboina go, todibayoya geya sibadebadeta. Tauna toni tánuwo yaina goi kokawanōi bego topaisewa ietunedi sima sidibayoya.
LUK 10:3 Kōna go, ami dodōkana! Komi lami nakae aetunemi kona guna kaleyayao yaidi goi; tauyadi weiniya woliwoli sasasaidi nakae.
LUK 10:4 Imi mani saisairina o imi wasare o imi sendoro aiyuwoina taabu kookabīdi. Geya vatau tayaamo kootagōne enao iitukika.
LUK 10:5 E ava vada goi neta siuyaonemi, kosīu go, mainao kodīgo kami, “Tuboina ikaaiyaka yaimi.”
LUK 10:6 Neta moeko goi toni vada totuboina, imi tuboinayana ikaiyaako vata tauyana yaina. Ago neta tauyana geya totuboina geya, e tuboinayana ikaluvilamna iwo yaimi.
LUK 10:7 E vadayana goi siuyaaonemi kokaaiyāka go, ava kawoinu o ava bwae siivinimi, kokāika be konīm. Topaisewa itoboinedi bei adi maisa sibabane. Go taabu kokanadamadāmana vada tayamo tayamo goi.
LUK 10:8 Ava kasa goi kosiu neta toni kasa siuyaonemi, e ava kawoinu siivinimi, moe kokāika.
LUK 10:9 Ago tokatówana asayana goi kokidedevinēdi namliyeta kolatuwokōidi kami, “Yaubada ina kalibúbuna bogina imaiyaba yaimi bei itoboinemi kosiu.”
LUK 10:10 E ava kasa goi kosiu neta toni kasa geya siuyaonemita, kōna asayana ana kenao goi go, toni kasayadi kolatuwokōidi kami,
LUK 10:11 “Bei kakalavemi go, imi kasa kaukauna aema goi nakae kasapinunui kakalave. Moe imi katumátala bego Yaubada itavileiyemi. Ago ame konuuwāisi: Yaubada ina kalibúbuna bogina imaiyaba.”
LUK 10:12 Go ame alatuuwokoimi konōve: Takínona ana tuta tomota amo asayana goi adi liuna bei gagaina namliyeta kidi da Sodoma.
LUK 10:13 Komi da Korasini be da Betesaida konovēgu! Da Taya be da Saidoni tomota goyogoyoidi. Go neta guna guinuwa toogagaidi boi komi bogina koogitedi kidi nakae sigitedi, boi nimatu e bogina situgavila go, idi tugavilayana ana kaba kinana siguinuwe moe kwama salisalina silosidi be selekau dabadi goi siyatoidi. Komi boi itoboinemi nakae kotugavila go, geya koguinuweyeta. O komi da Korasini be da Betesaida ami toovalugo!
LUK 10:14 Komi takínona ana tuta goi ami liuna bei gagaina toina namliyeta kidi da Taya be nakae da Saidoni.
LUK 10:15 Komi da Kapaneumi nakae. Manakae? Konuwonúwana Yaubada bei ikilagasimi yábana goi? Moe geya, go sem bei ilavemi kosou kona asagabugabu goi!
LUK 10:16 Avatauwa neta komi imi livala siinovedi, moe nakae yau guna livala siinovedi. Avatauwa neta komi sikaataemi, moe nakae yau sikaataegu. E avatauwa neta yau sikaataegu, moe nakae guna toetuna siikatae.’ Ibóbwara ikavava, adi taiyuwo adi taiyuwo ietunedi sina.
LUK 10:17 E niga ina tovatotowanayaoyadi 72 madi uyáwana sikaluvilamna sima sidigo kadi, ‘Tomoya, dimoni nakae, neta yoim kavatoi, sopama sikabikaone.’
LUK 10:18 E Yeisu idigo kana, ‘Tutayana dimoniyadi sikabikaonemi ada Kaleya agitegite ana kaigigita matabuwona ávila nakae yábana goi isousou.
LUK 10:19 Konovēgu. Togaga bogina avinimi be itoboinemi moteta be gániva kovakavatedi nakae ada Kaleya ina togaga madabokina kokinenete go, geya tayaamo kaga itoboine iyogedegedemi.
LUK 10:20 Ego kouyāwana gagaina bego yoimi yábana goi Yaubada bogina iginidi namliyeta kouyāwana bego dimoni sopami sikabikaonedi.’
LUK 10:21 Amo tutayana goi Baloma Kimaasabaina pasina Yeisu iuyáwana idigo kana, ‘Tamagu, kom yábana be poyapoya idi Tomoya. Guna guinuwayadi adi yagoina bogina kuvamoudi kidi madi nanamsa be madi yagoina yaidi goi go, kidi gogómana nakae yaidi goi guna guinuwa adi yagoina bogina kukaiwoduwedi. Tauna ayapaliyem. Moitamo Tamagu, moe im guinuwayana im nuwonúwana goi ivauyaonem.’
LUK 10:22 Ikawanoi ikavava, tauyadi 72 ilatuwokoidi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.’
LUK 10:23 Yeisu itugavila ina tovatotowanayao aditava ilatuwokoidi kana, ‘Avatauwa sigite kaga komi matami goi bogina koogitedi, e adi dedevina bogina sibabane.
LUK 10:24 Moitamo. Ame alatuuwokoimi konōve: Boi nimatu Yaubada ina tokabivalavala badabadaidi be nakae tolovina badabadaidi latuwodi bego sigite kaga koogitegu aguuinuwe go, geya sigitedita. Latuwodi bego sinove kaga kaga koonovedi avatulúkwana go, geya sinovedita.’
LUK 10:25 Yaubada ina Katukeda ana tolumavívita tayamo itáoya; latuwona Yeisu ina vatulúkwana ivakakone. Tuwo idigo kana, ‘Tovatulúkwana, kaga aguuinuwe bei yawoigu vata ababane?’
LUK 10:26 ‘Yaubada ina Katukeda buki goi Mosese manakaena yawoida vata manuna igini? Manakaem kulumavivisi?’ Yeisu kaena.
LUK 10:27 E tonanamsayana kana, ‘Mosese ilatuwokoida kana, “Yauwe ida Yaubada komataakoīye atemi madabokinakova goi be yawoimi madabokinakova goi be imi togaga madabokinakova goi be nuwomi madabokinakova goi.” Atukeda 6:5 Aiyuwoina kana, “Siyami komataakoīye nakae toinimi komatakooiyemi.”’
LUK 10:28 E Yeisu idigo kana, ‘Bogina kudigoyabe. Moe nakae kuuguinūwe, bei yawoim vata kubabane.’
LUK 10:29 E Yaubada ina Katukeda ana tolumavivitayana ivakibala; latuwona bego ana kaigigita tauyana tokibóbwata, tuwo Yeisu ilatuwoko idigo kana, ‘Go siyagu avatau bego itoboinegu amatakoiye?’
LUK 10:30 Yeisu livalakaibala goi ikatumapu idigo kana, ‘Tayamo koroto Yerusalema goi isou inonoina Yeriko manuna. Inonoina go, tovaináwana maniyedi enao goi ivalobodedi. Ivalobodedi, to korotoyana siyoisi, ana kwama, konana nakae liliudi sikabidi go, tauyana siláui. Ikavava, nakae kaamasina enao goi sikalave go, sina.
LUK 10:31 E amo tutayana Tonúwala tayamo isousou amo enaoyana goi imamaima, korotoyana igite go, ivasigege enao ta dadava goi ivatabale ina.
LUK 10:32 E Livai tubuna tayamo nakae isou ima amoko goi tovailaiyana igite, tuwo ivalabelabena igitedoko. Igite go, ivasigege enao ta dadava goi ivatabale ina.
LUK 10:33 E tayamo Samériya korotoina mana ase imamaima go, ikandobala korotoyana igite, tuwo ivalabelabena korotoyana igitedoko. Igite, inuwokapisiye.
LUK 10:34 Tuwo oribe putumina be oine ikabidi, ibala ima tovailaiyana ina kaipíyama kiyaudi goi isiwoidi go, ipaimidi. E ipaimidi ikavava, toinina ina ase yatana goi tovailaiyana ikailagasi. Ikavava, inave vada ogaoga goi imatakavate.
LUK 10:35 Vanuwo itomo, mani aiyuwo ikabidi, vadayana ana torugwáuta ivini idigo kana, “Tovailai kumatakavāte. Neta kaga tuwaina kuemaisi tauyana ina matakavata manuna, gobe niga guna kaluvila goi yau bei amapu.”’
LUK 10:36 Yeisu kana, ‘Kom manakaem kunuwonúwana? Korotoyadi adi taito yaidi goi ava koroto tovailai ikatuvekodoko?’
LUK 10:37 ‘Tauyana inuwookapisi’, tolumavivitayana kaena. E Yeisu idigo kana, ‘Kūna go, nakae kuguinūwe.’
LUK 10:38 E Yeisu mana tovatotowanayao taiyao sinonoina go, asa tayamo goi sisiu. E vavina tayamo yoina Marita amo asayana goi ikaaiyaka, ina vada goi Yeisu iuyaone.
LUK 10:39 Ago Maritayana ana gómana yoina Meri. Meriyana Tomoya aena goi iitusobu, ina vatulúkwana itaaiyakeke.
LUK 10:40 E kina go Maritayana vaipolu ana katubayasi badabadaidi manudi inuuwotúkala. E tuwo ibala ima Yeisu kikina itáoya idigo kana, ‘Tomoya, guna gómana kugite? Geya dedevina ikaiyako beso go, yau aguta apaaisewa ae? Tauna kulatuwōko bego ima ivaitegu.’
LUK 10:41 Go kina Tomoyayana idigo kana, ‘Marita, Marita, dogoi badabadaidi manudi kunuuwotúkala, nakae nukotom taitáiya iuyoi.
LUK 10:42 Go tayamo dogoi itoboine kuguinuwe, moe guna vatulúkwana kutaiyakeke. Ame moitamo. Meri kugite? Tauyana dogoi dedevina bogina ikinave iguuinuwe go, geya vatau tayaamo bei isanabode.’
LUK 11:1 Yeisu asa tayamo goi ikaawanoi go, ina kawanoiyana mlina, ina tovatotówana tayamo idigo kana, ‘Tomoya, awanoi kuvatulukōima nakae Iyoni ina tovatotowanayao ivatuulukoidi.’
LUK 11:2 E kina Yeisu idigo kana, ‘Tutayana kokawanoi, kodīgo kami,
LUK 11:3 Ama máliya ame manuna neta kuvinīma.
LUK 11:4 Ima goyo neta kunuwotaōidi.
LUK 11:5 Yeisu tuwaina kana, ‘Neta komi kona siyami yaina bunatoina goi kodigo kami, “Siyagu, guna ogaoga ima go, yau geya tayaamo kaga bego avini ikáika. Tauna beredi aito kuvinīgu ana avini.”
LUK 11:7 Manakae? Bei tauyana vada sinaena goi idigo kana, “Taabu kuyoobosēgu. Totom bogina akatunibode. Yau ma natugowo ima kaba masisi goi bogina kaamasisi. Geya itoboineguta bei atáoya avinim”? Moe nakae geya ae?
LUK 11:8 Ame alatuuwokoimi konōve: Nakona korotoyana geya itaoeta bego ivinimi siyami pasina go, omayamaya pasina bei itáoya, kaga nakae latuwomi bei ivinimi.
LUK 11:9 Ame yau alatuuwokoimi konōve: Kokawanōi Yaubada yaina, e bei ivinimi. Kaga kokiseeyeseye Yaubada yaina koolusāle, e bei kobabane. Kokaukeeyakēya, e Yaubada komi yaimi totom bei ikatupáeve.
LUK 11:10 Moitamo. Tokawanoi liliudi yaidi Yaubada ikaiguyau. Tolusala liliudi bei sibabane. Tokaukeyakeya liliudi yaidi, totom bei ikatupáeve.
LUK 11:11 E avatauwa komi yaimi goi ma natuumiyao go, neta íyana sikawanoiye, manakae? Bei moteta kovinidi? Geya ae?
LUK 11:12 Neta peleleotu sikawanoiye, manakae? Gániva bei kovinidi? Geya ae?
LUK 11:13 Tauna komi toogoyoimi go, koyagoi manakaemi yabobona dedevidi natumiyao kovinidi ae? Go Tamada guma yábana todedevina, tauna neta kokawanoi Tauyana yaina, Baloma Kimaasabaina moitamo bei ivinimi.’
LUK 11:14 Dimoni tayamo ikaaiyaka koroto tayamo yaina goi, tuwo korotoyana maena imou. Ago dimoniyana, kina Yeisu ivaatapiye isiya. E tutayana isowóduwo, korotoyana itoboine ibobwara dókana. Ago boda sigite, sikainaopa.
LUK 11:15 E kidi go boda maniyedi Yeisu ina guinuwa sigite sidigo kadi, ‘Ame Tauyana dimoni ivataapiyedi go, moe dimoni idi tolovina Beyelisebuli ina togaga goi ivataapiyedi siisowóduwo.’
LUK 11:16 E kidi go maniyedi latuwodi Yeisu sivakakone, tuwo sidigo kadi, ‘Aba kinana tayamo kuvatulukōima bei kayagoi kom moitamo Yaubada goi kuma.’
LUK 11:17 E kina go Yeisu idi nuwonúwana bogina iyagoidi, tuwo idigo kana, ‘Aba lovina liliudi neta sinaedi tomota siilivisi, aba lovinayadi bei sisou. Bodayáuwo nakae. Neta sinaena tomota siilivisi, tomotayadi bei sisapa.
LUK 11:18 E ada Kaleya nakae. Komi kodigodigo bego Beyelisebuli ina togaga goi dimoni avataapiyedi. Neta moe moitamo, moe nakae toinina ina bodao iliivisidi. Go moe kaga ana dedevina? Ina lovinayana manakaena bei itogaga? Geya! Neta toinina ina bodao iliivisidi, ina lovinayana bei ikavava!
LUK 11:19 Yau nakae. Neta yau Beyelisebuli ina togaga goi dimoni avataapiyedi, e komi toinimi imi bodao nakae; tauyana ina togaga goi dimoni sivataapiyedi. Go moe nakae geya ae? Moe pasina nava bei toinimi imi bodao sitakinoimi komi tobágala.
LUK 11:20 E Yau Yaubada ina togaga goi dimoni avataapiyedi, tauna ina kalibúbuna bogina imaiyaba yaimi.
LUK 11:21 Yau dimoni avataapiyedi go, geya kada tauyana ina togaga goi avataapiyedi. Aba gita tayamo aguinuwe bei koyagoi Yaubada Balomaina goi dimoni avataapiyedi. Ada Kaleya koroto toogilúluna nakae. Mana kaipíyama liliudi, itoboine ina vada gagaina imatakavate go, geya vatau tayaamo itoboine konana ivainaoidi.
LUK 11:22 Go tutayana tokalika isowóduwo, e togilulunayana iláui be itogoisave go, ina kaipiyamayadi boi inuumisedi tokalikayana ikabidi inavedi. Ikavava, konanayadi ikaiguyauyedi.
LUK 11:23 Avatau neta yau taiyao geya kaspwagogoneta, tauyana guna kaleya. Avatau neta tomota geya italigogoidita yau taiyao, e tomotayadi ikausapesapedi.
LUK 11:24 Nakona dimoni tomota tayamo ikinagove go, tutayana dimoniyana sivatapiye bogina isowóduwo, e ina asa yoyowo goi aba waiwasi iilusala. Iilusala go, geya tayaamo ibabane. Tuwo idigo kana, “Bei akaluvilamna ana vadayana boi aakalave goi.”
LUK 11:25 Ago ima, tomotayana ibabane vada nakae bogina kaidiiyoyaina be katubaayasina go, daakakaina.
LUK 11:26 E tuwo dimoniyana ina ituli ta dimoni adi badabada ainima aiyuwo ikabidi imedi. Tauyadi goyogoyoidi toina, nakae dimoniyana ina goyo sikalisave. Ikabidi, imedi vadayana sisiu sikaaiyaka. Amo korotoyana ina kaiyaka boi tupwana igoyo go, ame igoyo toina.’
LUK 11:27 E tuwo nava ibobóbwara go, vavina boda yaidi goi ikaaiyaka niyana gagaina goi iduduwo idigo kana, ‘Tomoya, ava vavina neta gamona goi kubíbina be nununa goi kom kununu, ana dedevina bogina ibabane!’
LUK 11:28 E kina go Yeisu idigo kana, ‘Moe geya, go sem avatau neta Yaubada ina livala inove be ikabikaone, tauyana ana dedevina bogina ibabane.’
LUK 11:29 Boda gagaina toina tuwaina sitaligógana Yeisu yaina goi, e ibibilágata idigo kana, ‘Tomota ame tauyadi nakae goyo sinadi; tauyadi aba kinana siiyaledi. Ago Yaubada aba kinana tayamo toito bei ivinidi go, tuwaina geya. Aba kinanayana moe Iyona.
LUK 11:30 Moitamo. Iyonayana aba kinana tayamo boi da Ninivei yaidi goi bego Yaubada goi ima, e nakae Tomalatomota aba kinana amo tomota nakae yaidi bego Tauyana Yaubada goi ima.
LUK 11:31 Giyovila tayamo Totuyoyowo go, ina kaba lovina moe Siba youya dadavina goi. Tauyana boi aduwanau goi ima Solomoni ina nanamsa inove. Go konōve. Tomota tayamo toolagaina ameni namliyeta baige Solomoni. Go ame togoyoidiyadi nanamsa gagaina bogina sinove go, nava geya situgavileta. Tauna takínona ana tuta goi giyovilayana bei itáoya kidi taiyao go, idi goyo bei italaledi.
LUK 11:32 Boi Iyonayana ina talavaita da Ninivei sinove, e situgavila. Go konōve. Tomota tayamo toolagaina ameni namliyeta Iyona go, ame togoyoidiyadi nava geya situgavileta. Tauna takínona ana tuta goi da Ninivei bei sitáoya, ame togoyoidiyadi idi goyo bei sitalaledi.’
LUK 11:33 Tuwaina Yeisu kana, ‘Geya vatau tayaamo ina rampa igabu go, aba vamóuna goi iyato o bayao goi ivatum geya, go sem ikabi rampa ana kaba yata yatana goi iyato bego tomota vada goi sisiusiu bei rampayana ina mavada sigite.
LUK 11:34 Matami moe wowomi ana rampa nakae. Neta matami sidedevina moe nakae komi tokaiguyau, e itoboinemi tomota idi mou kogitedokoidi bego kovaitedi. Neta nakae, e wowomiyadi madabokina mavada bei ivakayaodeidi. Go neta matami sigoyo, moe nakae komi tomatakónana, e geya itoboinemita kogita dókana. Neta nakae, e wowomi madabokina kokonótuya ivakayaodei.
LUK 11:35 Tauna korugwausīmi, govila bei guinuwa mamaníwana sinaemi kogite moe konuwonúwana bego mavada.
LUK 11:36 Tauna neta wowomi madabokina maavadaina, nakae geya tayaamo dadavina imamaníwana, e wowomiyadi maavadaina toina nakae rampa itapaasigimi.’
LUK 11:37 E tutayana Yeisu ina bóbwara ilukavave, Parisi tayamo ima Yeisu iduduwe ima bei taiyao sikáika. E tuwo Yeisu ina Parisiyana ina vada goi isiu taiyao sikáika.
LUK 11:38 E kina go Parisiyana idobala Yeisu igite bego nimana geya inikidita, tauna ikainaopa.
LUK 11:39 E Tomoyayana idigo kana, ‘Komi Parisi moitamo! Komi keiga be noko nakae. Toluyedi koonikidi go, sinaedi báila ivakayaodeidi, bailayana moe matakónana be guinuwa goyogoyoidi.
LUK 11:40 Komi tamogemogemi! Manakae? Geya koyagoiyeta toluyemi ana tomadágina moe sinaemi nakae imadagi? Tauyana latuwona sinaemi nakae toluyemi simavada.
LUK 11:41 Taabu konuuwonūwana toluyemi manudi, go sem atemi goi kokaiguyau bēso tokai yaidi, e bei atemi madabokina maavadaina.
LUK 11:42 Go komi moe nakae geya, go sem komi imi yawóuna minta be rue be pai liliudi Yaubada kovinibeso go, moe guinuwa giyaiina. Ago guinuwa gagaidi kokalavedi. Guinuwa gagaidiyadi moe takinona vavasa be Yaubada ana matakoi. Itoboine guinuwayadi gagaidi be nakae giyaidi madabokidi koguuinuwedi. Oo komi Parisi ami toovalugo ae?
LUK 11:43 Komi Parisi, sinapu ame nakae latuwomi: Tapwaroro ana kaba tugúguna sinaena wowoina basekoina goi kootusobu bei tomota siyapaaliyemi. Aba maketi goi tomota sima sikatoomoyaemi. Ame guinuwayadi komi nuwomi ikabi. Tauna komi ami toovalugo ae?
LUK 11:44 Komi valiwoga geya ana kaba kinanamo nakae. Yatadi goi tomota siiketoiya go, geya siyagoiyeta tokámasa sobuyekoidi sikaaiyaka be sikibaibailidi. Oo komi Parisi ami toovalugo ae?’
LUK 11:45 E Yeisu ina livalayana Yaubada ina Katukeda ana tolumavívita tayamo inove idigo kana, ‘Tovatulúkwana, moe im livalayadi goi kai nakae kutagiwoima.’
LUK 11:46 E Yeisu kana, ‘Komi Yaubada ina Katukeda ana tolumavivitayao nakae. Lovina badabadaidi tomota koovinidi go, lovinayadi moe kónana moumoudi nakae itoomatedi go, geya kada tayaamo vaita kovinidi geya. Oo komi nakae ami toovalugo ae?
LUK 11:47 E komi latuwomi tomota siyapaliyemi bego komi todedevimi, tauna mami uyáwana Yaubada ina tokabivalavala adi valiwoga adi kaba kinana polapola kowoodugudi go, tokabivalavalayadi komi tubumiyao geya sikabikaonedita, go sem sikaumatedi! E komi nakae geya kokabikaonedita! Oo komi ami toovalugo ae?
LUK 11:48 Tauna tubumiyao idi guinuwa goyogoyoidi bogina koyagoidi be kokamoitamoedi. Tokabivalavalayadi kidi tubumiyao sikaumatedi go, komi bego adi valiwoga adi kaba kinana polapola kowoodugudi.
LUK 11:49 Ame pasina tauna boi nimatu Yaubada mana nanamsa gagaina komi manumi idigo kana, “Guna tokabivalavala be guna vamoleyanayao aetunedi siwo yaimi. Maniyedi bei kokaumatedi go, maniyedi bei koyogedegededi.”
LUK 11:50 Moe bego tokabivalavala liliudi ikaikaidi adi dau boi nimatu poyapoya ana kaba vatowo goi go, ima ame tuta moe komi be nakae tomota komi nakae imi puwoya.
LUK 11:51 Nakae Ebeli ina kámasa ima Sakarayau ina kámasa, Sakarayauyana boi nimatu aba kasala be Vada Kimaasabaina go, nauyayanaidi goi tubumiyao sikaumate. Ame alatuuwokoimi moitamo konōve: Tomota komi be nakae toogoyoidi komi nakae tokabivalavalayadi idi kámasa moe imi puwoya!
LUK 11:52 Komi Yaubada ina Katukeda ana tolumavivitayao, nanamsa Yaubada manuna moe vada nakae go, ana ki bogina kokabi. Komi itoboinemi vadayana kokatupáeve, e tomota kovatulukoidi. Ago komi geya latuwomi kosiu go, avatauwa neta latuwodi sisiu nanamsayana siyagoi, komi kosanabodedi. Oo ami toovalugo ae?’
LUK 11:53 Yeisu ina bóbwara ilukavave, itáoya vadayana goi isowóduwo amo dadavayana ikalave go, kidi Yaubada ina Katukeda ana tovatulukwanayao be Parisi sivatowo Yeisu sivakaleye makimaki be lumadádana goi dogoi badabadaidi manudi sivakakone.
LUK 11:54 Tauyadi sipoikíkina bego Yeisu sikatutao bei toinina ina bóbwara goi itoboinedi siwowoko.
LUK 12:1 Tuta amo goi boda gagaina toina nakona aivina tausani bogina sitaligógana, tauna sivatuvagivagígina. Go Yeisu ibibilágata ina tovatotowanayao yaidi idigo kana, ‘Ami dodōkana kidi Parisi idi isti goi. Istiyana moe idi pola. Tauyadi sinuwonúwana idi numisa polapola itoboinedi sivamou.
LUK 12:2 Go kaga vamoounina, nava Yaubada bei ikaiwoduwe, e tomota liliudi sigite. Kaga tomota sikamomouye, nava bei Yaubada italavaite, e tomota liliudi sinove.
LUK 12:3 Tauna kaga mamaníwana goi kokanasiinamoe, e mavada goi tomota bei sinove. Kaga nakae vada sinaena goi kookului, nava bei vada yatana goi sitalavaite tomota liliudi yaidi.
LUK 12:4 E segowo, ame alatuuwokoimi konōve: Tauyadi itoboinedi wowomi sikauumatedi taabu komatooitēdi. Nakona wowomi sikaumatedi go, namliyeta geya tuwaina itoboinedi siyogedegedemi.
LUK 12:5 Bei akatumatalimi avatau komatoite. Avatau neta itoboine ikaumatemi namliyeta mana lovina itoboine ilavemi kosou asagabugabu goi kokaiyaka. Ame alatuuwokoimi konōve: Moe Tauyana komatōite!
LUK 12:6 Aba kinana tamo aguinuwe bei koyagoi itoboinemi geya komatoitedita. Sine ainima maisadi giyaina ae? Go geya kada tayaamo bei Yaubada inuwoilave geya.
LUK 12:7 Komi nakae. Geya inuwoilavemita, go sem kunumi liliuna dabami goi adi badabada nakae bogina iyagoidi. Tauna taabu koomatōita. Komi Yaubada konana nakae gagaina namliyeta sine.
LUK 12:8 E ame alatuuwokoimi konōve: Avatauwa neta tomota matadi goi sikamoitamoegu, Tomalatomota nakae, Yaubada ina aneroseyao matadi goi bei ikamoitamoedi.
LUK 12:9 Go avatauwa neta tomota matadi goi silawoiwoiyegu, e Tomalatomota nakae, Yaubada ina aneroseyao matadi goi bei ilawoiwoiyedi.
LUK 12:10 Avatauwa neta Tomalatomota sitagiwoi, e adi nuwotao bei sibabane. Go avatauwa neta Baloma Kimaasabaina sitagiwoi, e adi nuwotao geya sibabaneyeta.
LUK 12:11 E tutayana siyoisimi simemi Diyuu idi kaba tugúguna goi o madisitireti o tolovina matadi goi bego siekotuyemi, taabu konuuwotūkala manakaemi bei kobóbwara o manakaemi bei kotasigimi o kaga kobobore.
LUK 12:12 Moitamo. Kina Baloma Kimaasabaina tuta amo goi bei ivatulukoimi manakaemi itoboinemi kobóbwara.’
LUK 12:13 E bodayadi yaidi goi tomota tayamo ikaaiyaka, e Yeisu ilatuwoko idigo kana, ‘Tovatulúkwana, tuwowogu kulatuwōko tamama ina kaba lovina ame tuta ikiwotai bei yau guna kaiguyau ivinigu.’
LUK 12:14 ‘Naveya, yau geya vatau tayaamo ivayokoigu yau imi kaba lovina manuna atakinoimi’, Yeisu kaena.
LUK 12:15 E bodayadi ilatuwokoidi idigo kana, ‘Ami dodōkana! Matakónana liliudi goi korugwausīmi. Nakona ma konami badabadaidi go, geya konamiyadi pasidi bego yawoimi toina kobabane geya. Tauna ami dodōkana!’
LUK 12:16 E livalakaibala esaesa manuna ilatuwokoidi idigo kana, ‘Tayamo toesaesa ina tánuwo iloboina.
LUK 12:17 Tuwo tauyana toinina inuwonúwana kana, “Yau geya agu sanalamo gagaina guna witi manuna, tauna bei manakaegu?”
LUK 12:18 Idigo kana, “Bei ame nakae aguinuwe: Guna sánala bei atauwedi. Ikavava, sánala gagaidi ayowóidi, e amoko goi yau guna witi be konagu ayatoidi.
LUK 12:19 Ayatoidi ikavava, bei toinigu alatuwokoigu kagu, ‘Uyagu! Itoboinegu awaiwasi, akáika, anim, nakae auyáwana unana yau bogina magu vayakúyana gagaina toina tala maanawena manuna!’”
LUK 12:20 Go kina Yaubadayana idigo kana, “Yaaluwoim! Sabamgo ame goi kom yawoim akuliuye go, konamyadi bogina kwatubaayasidi avatau bei ikabidi? Bei kom geya!”
LUK 12:21 Nakae bei isowóduwo komi yaimi neta komi imi esaesa kovagugunidi toinimi manumi go, Yaubada yaina geya imi esaesamo.’
LUK 12:22 E Yeisu ina tovatotowanayaoyadi ilatuwokoidi idigo kana, ‘E moe pasina tauna ame alatuuwokoimi konōve: Yawoimi manudi taabu konuwokuubukūbu kami, “Kaga bei kakáika?” O wowomi manudi kami, “Kaga bei kalosi?”
LUK 12:23 Moe moitamo. Yawoida moe dogoi gagaina namliyeta awoinu. Nakae wowoda dogoi gagaina namliyeta kwama.
LUK 12:24 Boyoboyo konuwoleleuyēdi. Kidi geya sibagubágula. Geya sidiibayoya. Geya adi tukunumo nakae geya adi sanalamo go, kina Yaubada ivaakanidi. Go komi kónana gagaimi Yaubada yaina namliyeta manuwoyadi. Tauna neta Yaubada imatakaavatedi, manakae? Bei komi nakae imatakavatemi? Nakae.
LUK 12:25 Manakae? Avatau yaimi goi itoboine ina nuwokubukubu goi yawoina ikimamanave? Geya ae?
LUK 12:26 Tauna neta tayamo dogoi giyaina amo nakae geya itoboinemita koguinuwe, kaga unana dogoi liliudi manudi konuwokubukubu?
LUK 12:27 Senina adi tabo manuna konuwonūwana. Sitabo go, geya sipooisógana, nakae adi kwama geya sigilugíluma. Go ame alatuuwokoimi konōve: Seninayadi kaausaraidi toidi namliyeta Solomoni ina esaesa ana káeyana madabokina, nakae ana kwama be ana pasapasa madabokidi iilosidi.
LUK 12:28 E náuna dogoi giyaidi. Ame sididi go, itomo tomota silabudi sigabudi. Naunayadi dogoi giyaidi go, Yaubada ivaapasedi ae? Tauna neta naunayadi ivaapasedi, manakae? Komi nakae kónana gagaimi, ami kwama bei ivinimi gea geya? Bei ivinimi! Komi to moitamo geya konumisedokoiguta ae?
LUK 12:29 Tuwo komi taabu yawoimi madabokina áika be nim goi kotaagonēdi, nakae manudi taabu konuwokuubukūbu.
LUK 12:30 Moitamo. Ame dogoiyadi goi kidi Totuyoyowo liliudi yawoidi madabokina sitaagonedi go, tauyadi Yaubada sitamogemogeye. Aiyuwoina Tamada bogina iyagoimi. Neta kaga nakae kokiseeyeseye, bei ivinimi.
LUK 12:31 Tauna taabu yawoimi madabokina kotaagonēdi dogoiyadi goi, go sem yawoimi madabokina kotagonēdi Yaubada ina kalibúbuna yaina goi be moe dogoiyadi liliudi ivinimi.
LUK 12:32 Komi guna sipiyao nakae. Geya kobadebadeta go, Tamada bogina ikinavemi bei ina kalibúbuna ivinimi. Tauna taabu koomatōita.
LUK 12:33 Kōna konami kokaigimonēdi go, maisadi kokabīdi tookaidi yaidi kokaiguyauyēdi. Moe nakae mani ana saisaira kowoodugudi go, saisairayadi geya sidaureta, tauna imi esaesa ikaiyako vata. O tadigo kada, “Yábana esaesaina kobabanedi go, geya ikavaveta.” Amoko goi tovaináwana geya itoboineyeta ima ivainao be manumánuwo geya itoboinedita sikaigoyai.
LUK 12:34 Moitamo. Nako goi imi esaesa ikaaiyaka, moeko goi atemi nakae ikaaiyaka.’
LUK 12:35 Yeisu tuwaina kana, ‘Komi ma paiwaimi be mami rampa tuvaniinimidi koyokabūbuna kokaaiyāka
LUK 12:36 koroto tayamo ina pakonayao nakae. Ina pakonayaoyadi idi tomoya ina kaluvilamna nai aikanina goi situuyaosi bego tutayana ima ikaukeyakeya, itoboinedi mainao totom sikatupáeve.
LUK 12:37 Amo pakonidiyadi adi dedevina bogina sibabane neta idi tomoyayana ima ibabanedi siyauyáusa. Moe moitamo go, ame alatuuwokoimi konōve: Tomoyayana paisewa ana kwama bei ilosi namliyeta ina pakonayaoyadi ilatuwokoidi situsobu. Ikavava, bei ima avadi ivaideda sikáika.
LUK 12:38 Niga neta bunatoina o botomotomo goi bei ima go, moe nakae ibabanedi, e amo tauyadi adi dedevina bogina sibabane.
LUK 12:39 E ame konuwookavāte: Neta toni vada bogina iyagoi ava tuta tovaináwana bei ima bego ina vada isiu, mana katubayasi imaaitula, e bei tovainawanayana geya itoboineyeta ina vada goi isiu.
LUK 12:40 Komi nakae mami katuubayasi koyokabūbuna unana Tomalatomota bei ivatoopemi. Tauna bogina go, mami katubayasi kokaaiyāka.’
LUK 12:41 E kina Pita idigo kana, ‘Tomoya, moe livalakaibalayana kai ametava kulatuuwokoima gea boda liliudi nakae kulatuuwokoidi?’
LUK 12:42 Tuwo Tomoyayana idigo kana, ‘Livalakaibalayana moe komi manumi be nakae tomota liliudi manudi neta komi tomoya ina pákwana tayamo nakae. Pakoninayana aba numisa be nakae torugwáuta mana nanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.
LUK 12:43 Niga bei ikaluvilamna ima go, neta amo pakoninayana ibabane iguuinuwe nakae boi bogina ilatuwoko, e ana dedevina bei ibabane.
LUK 12:44 Ame abóbwara moitamo yaimi konōve: Tomoyayana ina pákwana bei ivayoko konana liliuna adi tomatakavata.
LUK 12:45 Go nakona amo pakoninayana nuwona goi inuwonúwana kana, “Guna tomoya ikaimúmuna ikaluvila.” Tuwo ivatowo tomoyayana ina pakonayao, koroto be vevina, iilauidi go, áika besobeso gagaidi iguuinuwedi be nakae oine inimnim ginagina iiyaluwo.
LUK 12:46 Go ina tomoya ina kaluvilamna geya iyagoiyeta, ava maliyalina o ava tuta bei ima. Tauna bei ivatoope. Ago tutayana ima, ina pakwanayana bei iboboyuwe go, tauyadi geya idi numisamo adi dadava goi iyato ikaaiyaka.
LUK 12:47 E amo pakoninayana ina tomoya ina nuwonúwana bogina iyagoi go, geya ikatubayasiyeta nakae geya iguinuweyeta kaga nakae ina tomoya latuwona, tuwo ina tomoya bei idabi gagaina.
LUK 12:48 Ego avatauwa neta tomoya ina nuwonúwana geya siyagoiyeta go, idi guinuwa pasina itoboine dábina sibabane, e adi dabinayana giyaina bei sibabane. E nakae avatauwa neta adi kaiguyau gagaina Yaubada ivinidi, latuwona aiguyauyana siepaisewedoko Tauyana manuna. Avatauwa neta adi kaiguyau gagaina toina goi Yaubada inumisedi, e latuwona adi kaiguyauyana siepaisewedoko gagaina toina.’
LUK 12:49 Yeisu tuwaina kana, ‘Ama bei yeu alave poyapoya goi go, latuwogu toina yeuyana ame tuta bogina iisabenínima.
LUK 12:50 E gedageda gagaina toina bei ababane go, moe gedagedayana kónana moumouna nakae itomategu ana kadókana gedagedayana bogina ikavava.
LUK 12:51 Manakae? Konuwonúwana bego ama poyapoya ame goi bei tuboina avinimi? Ame alatuuwokoimi konōve: Moe nakae geya, go sem ama livisi avinimi.
LUK 12:52 Ame moitamo. Ame be nakae tuta simamaima bodayáuwo tayamo yaidi goi tomota adi tainima nakae numisa yau yaigu pasina silivisi, adi taito silivisi adi taiyuwo yaidi goi. Nakae adi taiyuwokova silivisi adi taito yaidi.
LUK 12:53 Adi livisiyana ame nakae: Koroto ma tamana silivisi, vavina ma sinana silivisi, vavina ma yaona vavina silivisi.’
LUK 12:54 E boda nakae ilatuwokoidi idigo kana, ‘Tutayana gaota kogite koiboga goi italaabobou, komi mainao kodigo kami, “Kúwana imamaima.” Tuwo nakae isowóduwo.
LUK 12:55 Tutayana youya kogite itowotowo, komi kodigo kami, “Kamokamómwaya iyata.” Tuwo nakae isowóduwo.
LUK 12:56 Komi tonumisa polapola! Yábana be poyapoya adi kaigigita itoboinemi kodovatusidi bei adi yagoina koyagoidi go, manakae? Kaga kaga sisowóduwo tuta ame goi Yaubada iguuinuwedi adi kaigigita geya itoboinemita kodovatusidi bei adi yagoina koyagoidi ae?
LUK 12:57 E kaga unana toinimi geya kodovatusita nako guinuwa kiboobosina?
LUK 12:58 Moitamo. Tutayana ami kaleya taiyao kononoina kotu ana totakínona manuna, kopoikikina makimāki bei imi bágala kokitotomōi, govila bei tauyana ibiusalesalemi kotu ana totakínona yaina. Ago totakinonayana bei ina tovaita ilatuwoko ikabimi, deri goi ivaisiumi.
LUK 12:59 Ame alatuuwokoimi konōve: Amoko goi geya koosowóduwo ana kadókana imi rowaga madabokiina koyotuli.’
LUK 13:1 E tomota maniyedi tuta amo goi sikaaiyaka, da Galili valedi sitalavaite Yeisu yaina goi sidigo kadi, ‘Da Galili maniyedi idi vininabeso sikaasaledi Yaubada yaina go, Pailato ina lovina goi ina tovayaviyayao sina tokasalayadi sikaumatedi.’
LUK 13:2 Go kina Yeisu idigo kana, ‘Manakae? Konuwonúwana bego amo da Galiliyadi amo nakae sivailai, tauna tauyadi toogoyoidi toina Yaubada matana goi namliyeta da Galili madabokidi ae?
LUK 13:3 Ame alatuuwokoimi konōve: Moe nakae geya, go sem kotugavīla, govila bei komi madabokimi nakae kovailai.
LUK 13:4 Aiyuwoina tomota 18 boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namliyeta kidi Yerusalema ana tokaiyakoyao madabokidi, tauna moe nakae tauyadi 18 sivailai ae?
LUK 13:5 Ame alatuuwokoimi konōve: Moe nakae geya, go sem kotugavīla, govila bei komi madabokimi nakae kovailai.’
LUK 13:6 E livalakaibala ame Yaubada ina liuna manuna ilatuwokoidi idigo kana, ‘Koroto tayamo ina oine tanuina goi lao ibaguli. Tuta tuta ina laoyana keuwoina iilusala go, geya keuwoinamo.
LUK 13:7 E ina tanuwoyana ana torugwáuta ilatuwoko idigo kana, “Gwa, tala aito bogina amamaima ame laoyana keuwoina aalusala go, tuta liliuna geya keuwoinamo. Tauna kutalāi isou. Kaga ana dedevina alovayana ikaaiyaka? Geya, go sem alovayana pasina poyapoya dedevina bei ikavavaluge.”
LUK 13:8 E kina go torugwautayana idigo kana, “Tomoya, tuwo. Tala ame nakae kwalāve. Ikaaiyaka ana kadókana unana goi giyaina aeli be mosamosa ayato ana bíbina ana vaita manuna.
LUK 13:9 Neta tala imamaima ikéuwo, dedevina ikaaiyaka, go geya, bei atalai isou.”’
LUK 13:10 E Yeisu Sabati tayamo Diyuu idi kaba tugúguna goi isiu ivaatulúkwana.
LUK 13:11 Ivaatulúkwana go, vavina tayamo ikaaiyaka, dimoni pasina atówana tayamo iyoisi, tuwo tala 18 goi isaaluyou; geya itoboineyeta ivatotóyoma.
LUK 13:12 E vavinayana isaaluyou go, Yeisu igite, tuwo iduduwe ima ilatuwoko idigo kana, ‘Namoya, im katówana goi Yaubada bogina italigeim.’
LUK 13:13 Tuwo nimana iyatoidi vavinayana goi, e mainao itáoya dókana go, Yaubada ina togaga ana káeyana ikamoitamoe.
LUK 13:14 Go kina aba tugugunayana ana tolovina gamona igoyo unana moe Sabati goi Yeisu ikidedevina. Tauna boda ilatuwokoidi idigo kana, ‘Maliyalina ana badabada ainima tayamo sikaaiyaka itoboine bei kita tapaaisewa. Tauna amo maliyalinayadi goi kōma bego ami kidedevina kobabane go, maliyalina tayamo goi taabu kopaaisēwa; maliyalinayana moe Sabati.’
LUK 13:15 Go kina Tomoyayana idigo kana, ‘Komi tamogemogemi! Komi tamo tamo Sabati goi kona imi bulumakau be imi ase kotaaligeidi idi vada goi konavedi kovanimdi ae?
LUK 13:16 E ame vavinayana Eberamo tubuna tayamo go, tala 18 goi bogina Kaleya iyowo. Manakae? Sabati goi itoboine tauyana ana yówana goi Yaubada italigei gea geya? Itoboine ae?’
LUK 13:17 Ago Yeisu ina livala goi ana tovakaleyayao igieomaemaedi. Go kidi bodayadi madabokidi Yeisu ina guinuwa kaausaraidi liliudi pasidi siiuyáwana.
LUK 13:18 E tauna ilatuwokoidi idigo kana, ‘Yaubada ina kalibúbuna sinaena goi ina bodayáuwo adi vaituwo nakonakae? O kaga goi bei akatutuko?
LUK 13:19 Ana kaigigita alova tayamo kutukutuna giyaina toina nakae. Kutukutuyana koroto tayamo ikabi, ina ina tánuwo goi ibaguli. Niga itabo, ibíbina, imalakalova, imatuwo go, mánuwo sina laonina goi idi vátala siyowóidi.’
LUK 13:20 Aiyuwoina idigo kana, ‘Yaubada ina kalibúbuna sinaena ina bodayáuwo adi vaituwo kaga goi bei akatutuko?
LUK 13:21 Ana kaigigita isti nakae. Vavina tayamo ana isti ikabi, ana parawa gagaina toina goi ipopoli. Ipopoli ikavava, iyato ana kadókana istiyana isiu parawa madabokina goi ipaisewa, tauna ibíbina gagaina.’
LUK 13:22 Tuwo Yeisu ivanibiníbita asa tamo tamo gagaidi be giyaidi goi ivaatulúkwana go, nava inonoina Yerusalema manuna.
LUK 13:23 E ivanibiníbita go, tomota tayamo ima idigo kana, ‘Tomoya, manakae? Nakona tomota adi taiyuwomo adi yava bei sibabane ae?’ E Yeisu kana,
LUK 13:24 ‘Yaubada ina kalibúbuna ana siu imoumou kedavapola totomna giyaiina ana siu nakae. Ame alatuuwokoimi konōve: Tomota badabadaidi ituli ta kenao siilusala bego sisiu go, geya itoboinedita bei sisiu. Tauna kokokōila kedavapola totomna giyaiina goi Yaubada ina kalibúbuna kosīu.
LUK 13:25 Aba gita aguinuwe. Toni vada itáoya totom bogina ikatunibode go, moetala goi kootáoya be kovatowo niboda kokaukeyekeye kami, “Tomoya, manuma totom kwatupāeve kasiu!” Go amo tutayana kina tomoyayana bei idigo kana, “Komi tauyami geya ayagoimita nakae geya ayagoiyeta komi nako tomotaimi.”
LUK 13:26 Go komi bei kodigo kami, “Bogina kuyagoima. Boi taiyao takakáika be tanimnim be ima kasa goi kuvaatulúkwana!”
LUK 13:27 Go kina tomoyayana bei idigo kana, “Ame alatuuwokoimi konōve: Komi tauyami geya ayagoiyeta nako goi koma. Komi goyo ana toguinuwa liliumi, kosīya!”
LUK 13:28 Yaubada bei ivalilivemi kona asa ituli goi go, amoko goi bei kotaiya vata, nakae salami kokakaavatedi komatamaimaita tutayana Eberamo, Aisake, Yakobo be nakae Yaubada ina tokabivalavala liliudi kogitedi Yaubada ina kaba kalibúbuna goi siitusobu sikakáika.
LUK 13:29 Ago Totuyoyowo poyapoya ana madabokina goi, bomatu be koiboga goi, nakae yawéyana be youya goi, bei sima Yaubada ina kaba kalibúbuna goi sisiu sikaaiyaka go, situsobu áika manuna.
LUK 13:30 Go konōve. Maniyedi ame tuta toolagaidi go, nava bei tauyadi toosobudi. Ago maniyedi ame tuta toosobudi go, nava bei tauyadi toolagaidi.’
LUK 13:31 Moe tutayana goi Parisi maniyedi sima Yeisu yaina sidigo kadi, ‘Erodi latuwona ikaumatem, tauna kūna. Ame asayana kwalāve.’
LUK 13:32 Yeisu idigo kana, ‘Erodi geya basabasainamo. Kōna kolatuwōko kami, “Kunovēgu. Ame be itomo dimoni tomota naagovaidi goi avatapiyedi be tomota akidedevinedi. Ago koneiyuwe guna nuwonúwana alukavave.”
LUK 13:33 Go tuwo, Yaubada ina tokabivalavala geya itoboineyeta Yerusalema moetala goi ikámasa, tauna itoboine ame be itomo be koneiyuwe anonoina Yerusalema goi.
LUK 13:34 Oiyoi komi da Yerusalema e! Boi Yaubada ina tokabivalavala kokauumatedi. Nakae ina lobutu ana tolokoina ietunedi siwo yaimi goi go, gurewa goi kokaumatedi. Tuta liliuna latuwogu bego natumiyao alamgogoidi nakae kamkam bovavina natunao panepanena goi ilamgogoidi go, komi kokatae.
LUK 13:35 Konovēgu. Imi vada Yaubada ikalave, itugavile. Ame alatuuwokoimi konōve: Geya tuwaina bei kogitemneigu ana kadókana kodigo kami,
LUK 14:1 Tayamo Parisi adi tovakumgo Sabati goi Yeisu iduduwe ima ina vada áika manuna. Niga tutayana ina vadayana goi isiu, Parisi be Yaubada ina Katukeda ina tonanamsayao nakae sikaaiyaka Yeisu sigiitedoko neta lovina tayamo ikapipilave.
LUK 14:2 Go tayamo koroto aena nimana situbusapasápala go, Yeisu matana goi ikaaiyaka.
LUK 14:3 Go kina Yeisu Yaubada ina Katukeda ana tolumavivitayao be Parisi ilatuwokoidi idigo kana, ‘Manakae? Mada tagona Sabati goi takidedevina gea geya?’
LUK 14:4 E kidi go tauyadi situgau. Tuwo korotoyana nimana kina Yeisu iyoisi, korotoyana ikidedevine. Ikavava, ietune ina ina kasa.
LUK 14:5 Ietune ikavava, itugavila, tauyadi ilatuwokoidi kana, ‘Neta Sabati go, komi avatauwa neta natumi o imi bulumakau bobosiu goi isouye, manakae? Bei mainao kobulagasi, gea geya? Geya, bei kobulagasi.’
LUK 14:6 Go ina livala pasidi tauyadi sopadi ikaupatudi.
LUK 14:7 E tomota áika sinaena goi Yeisu iigitedi wowoina basekoina sikiinavedi be siitusobu, tuwo livalakaibala tayamo ilatuwokoidi idigo kana,
LUK 14:8 ‘Tutayana toni káika iduduwem nai ana káika manuna, kūna go, taabu wowoina basekoina goi kuutusōbu, govila bei tomota tayamo toolagaina toina kina toni káika iduduwe ima.
LUK 14:9 Tuwo kom be tolagainayana ami toduduwo bei ima ilatuwokoim kana, “Kutāoya bei ame tauyana kutagōne im kaba tusobu goi itusobu.” Tuwo kom mam omayamaya bei kutáoya kuna aba tusobu toluyena goi.
LUK 14:10 Go sem tutayana toni káika iduduwem, kūna go, aba tusobu toluyena goi kutusōbu bego tutayana am toduduwo ima, bei ilatuwokoim idigo kana, “Siyagu, kūma baseko dedevina toina goi kutusōbu.” Amo tutayana toyoko liliudi matadi goi kom aba taimámina.
LUK 14:11 Livalakaibala ame ana masi bego avatauwa neta toinidi sikilagalagasidi, e niga Yaubada bei ikisobuyedi. Go avatauwa neta toinidi sikisobusobuyedi, e niga Yaubada bei ikilagasidi.’
LUK 14:12 E Yeisu toni vada ilatuwoko idigo kana, ‘Tutayana neta dine o lavilavi goi áika kuguinuwe, semowo o tuwowomowo o osemowo o toesaesa taabu kuduuduwēdi, govila bei kidi nakae áika manuna siduduwem be moe im katumapu bogina kubabane.
LUK 14:13 Go sem tutayana áika gagaina kuguinuwe, tookaidi, tokaituko, topem be tokebo kududuwēdi sima sikáika.
LUK 14:14 Moe tauyadi geya itoboinedita im yabobona sikatumapu, tauna am dedevina bei kubabane. Ame moitamo. Am katumapu tokibóbwata adi taoyamna ana tuta goi bei Yaubada ivinim.’
LUK 14:15 E koroto maniyedi taiyao sikakáika go, tayamo yaidi goi Yeisu ina livala amo inovedi, Yeisu ilatuwoko idigo kana, ‘Avatauwa neta Yaubada ina kaba kalibúbuna goi bei sikáika, adi dedevina bei sibabane!’
LUK 14:16 E Yeisu ilivalakaibala kana, ‘Tayamo koroto áika gagaina iguuinuwe. Boda badabadaidi iduduwedi aikayana manuna.
LUK 14:17 Ikatubayasi ikavava, áika ana tuta goi ina pákwana ietune ina tomotayadi bogina iduuduwedi ilatuwokoidi kana, “Bogina sivaideda, kōma!”
LUK 14:18 Ago madabokidikova sivatowo sivakibala. Tayamo kana, “Yau tánuwo makaitaga agimone, itoboine ana agite. Akawanoi yaim kutagonēgu aikayana goi geya awoita.”
LUK 14:19 Koroto aiyuwoina kana, “Bulumakau yawou bogina agimonedi. Ame bei ana aepaisewekonedi. Akawanoi yaim kutagonēgu aikayana goi geya awoita.”
LUK 14:20 Koroto aitonina kana, “Makaitaga anai. Moe pasina geya itoboineguta ao aikayana goi.”
LUK 14:21 Geya, tuwo pakoninayana ikaluvila ina ina tomoya ilatuwoko tomota idi katae manuna. Tuwo kina tomoyayana mana egamogamogu idigo kana, “Woilīm kūna asa adi kenao liliudi goi tookaidi, tokaituko, tokebo, topem kwabīdi kumēdi sikáika!”
LUK 14:22 Tuwo pakoninayana ina nakae iguinuwe. Ikavava, ikaluvilamna ima ina tomoyayana ilatuwoko idigo kana, “Tomoya, kaga liliuna kuudigedi bogina aguinuwedi go, nava im vada geya ikayaodeta.”
LUK 14:23 Tomoyayana idigo kana, “Asa kukalāve go, kusōu kūna enao gagaina goi kuutāoya, kedavapola liliudi goi tomota kuugitedi kutamyabīdi sima bego guna vada sivakayaodei!”’
LUK 14:24 Yeisu kana, ‘Ame moitamo. Ame alatuuwokoimi konōve: Geya tayaamo tomota boi mainao agimiiduduwe guna káika manuna bei ikáika.’
LUK 14:25 E boda gagaina Yeisu siikitau go, itugavila bodayadi yaidi idigo kana,
LUK 14:26 ‘Avatauwa neta sima yau yaigu bego simalatovatotówana go, idi matakoi tamadiyao, sinadiyao, monediyao, natudiyao, sediyao, niudiyao, e nakae toinidi yawoidi yaidi ivakaigaga namliyeta yau yaigu, geya itoboinedita bei simalatovatotówana yau yaigu.
LUK 14:27 Avatauwa neta geya sitagoneta bei toinidi idi kerose sikavale be nakae sisabokuliyegu, geya itoboinedita bei simalatovatotówana yau yaigu.
LUK 14:28 Itoboine mainao konuwonúwana sabokuli ana moumou manuna, neta itoboinemi kosabokuliyegu o geya. Guna nuwonúwana ataligei. Avatauwa komi yaimi goi neta latuwomi vada maanawena koyowo, mainao imi yógana kokatuyaivi bei koyagoi yoiyami vadayana koyowosave gea geya? Madabokimi ae?
LUK 14:29 Nakae koguinuwe, govila bei dako bogina koláui ikavava go, geya itoboinemita vada kolukavave, e toyoko liliudi sigitemi sivatowo sivaponuponuyemi
LUK 14:30 kadi, “Ame korotoyana ivatowo vada iyowo go, geya itoboineyeta ilukavave.”
LUK 14:31 O nakona tolovina tayamo mana tovayaviyayao 10,000 bego sina ituli ta tolovina mana tovayaviyayao 20,000 sivayaviyedi. Manakae? Bei tolovinayana inuwonuwana dókana gea geya? U. Mainao inuwonúwana kana, “Itoboinegu bei guna kaleyayao atogagasavedi o geya?”
LUK 14:32 Neta inuwonúwana geya itoboineyeta itogagasavedi, e ana kaleyayaoyadi nava aduwanau goi go, tolovinayana ana katumapu bei ietune ina ana kaleyayadi yaidi goi tuboina manuna ikawanoi.
LUK 14:33 E tauna komi nakae. Itoboine sabokuli manuna konuwonúwana. Go neta geya kotagoneta bei konami liliudi kokalavedi, geya itoboinemita komalatovatotówana yau yaigu.
LUK 14:34 Tauna avatauwa komi neta latuwomi kosabokuliyegu go, geya latuwomi kokasalemi yau yaigu, e komi soroti neta ina togaga bogina ikavava nakae. Soroti dedevina go, neta ina togaga ikavava, manakaena idedevinamna? Geya ae?
LUK 14:35 Geya basabasainamo bego poyapoya ikitogage o mosamosa taiyao tapopoli poyapoya ana togaga manuna. Tuwo kolaveyāmo moetala goi kokalāve. Avatauwa komi neta ma taaiyami, e guna livala konoovedōko.’
LUK 15:1 E takisi ana togogoyao be ituli ta toogoyoidi badabadaidi tuta liliuna simamaima Yeisu yaina bei Tauyana sitaaiyakeke.
LUK 15:2 Go kidi Parisi be Yaubada ina Katukeda ana tovatulukwanayao nakae sima go, Yeisu siikului sidigo kadi, ‘Ame tauyana toogoyoidi iuyaaonedi be taiyao sikakáika.’
LUK 15:3 E tuwo kina Yeisu livalakaibala ame ilatuwokoidi idigo kana,
LUK 15:4 ‘Neta koroto tayamo yaimi goi mana sipi ana badabada 100 go, tayamo ivatagauye, manakae? Bei ina sipi 99 deedevidi udódana goi ikalavedi sikaaiyaka go, ina ina sipiyana taagáuna ilusale ana kadókana ibabane, gea geya?
LUK 15:5 U, nakae. Iilusale, iilusale ana kadókana ibabane. Tutayana ibabane, bei ikabi mana uyáwana ikavale.
LUK 15:6 Ikavale, ikaluvila ima ina vada go, senao be ina kasa tomotaidi iduduwedi kana, “Guna sipi boi avaatagauye bogina ababane, tauna kōma taiyao tauyāwana!”
LUK 15:7 Ame alatuuwokoimi konōve: Yábana goi bei nakae. Toogoyoina tayamo ina tugavila pasina yábana goi bei siuyáwana gagaina namliyeta 99 bego tokibóbwata pasidi. Amo tauyadi sinuwonúwana kidi bogina tokibóbwata, tauna idi nuwonúwana bego tugavila tuwo.
LUK 15:8 O nakona vavina tayamo neta mana mani ana badabada yawou go, tayamo ivatagauye, manakae? Bei ina rampa igabu, ina vada ikaidiyoyoi, e maniyana ilusaledoko ana kadókana ibabane? U, nakae.
LUK 15:9 Tutayana ibabane, senao be ina kasa tomotaidi iduduwedi sima idigo kana, “Guna mani boi avaatagauye bogina ababane, tauna kōma yau taiyao tauyāwana!”
LUK 15:10 Ame alatuuwokoimi konōve: Yaubada ina aneroseyao nakae. Tauyadi siuyáwana toogoyoina tayamo ina tugavila pasina.’
LUK 15:11 E tuwaina idigo kana, ‘Tayamo koroto natunao koroto adi taiyuwo.
LUK 15:12 Kina bogomane ima tamana yaina goi idigopopóita idigo kana, “Tamagu, yau guna toboda kuvinīgu.” E tuwo moitamo tamanayana konana liliudi ikaiguyauyedi natunao adi taiyuwo yaidi goi.
LUK 15:13 Go maliyalina maniyedi sikavava, bogomaneyana ina toboda madabokina ikaigimone. Ikaigimone ikavava, ina mani ikabi, itáoya asa ikalave go, ina ituli ta kasa aduwanau goi. Amoko goi ikaaiyaka go, uyawana owáowana goi ina maniyadi madabokiina ikavavaluge.
LUK 15:14 E ina mani madabokina bogina ilukavave mlina loga gagaina amo dadavayana goi isowóduwo go, kina bogina nima kaka ikaaiyaka.
LUK 15:15 Tuwo ina toni kasa tayamo yaina paisewa ikawanoiye. Ikawanoiye, e toni kasayana itagona, paisewa tayamo goyogoyoina ivini; ietune ina ina bao ivaavanidi.
LUK 15:16 Ina ivaavanidi go, loga ikámasa toina, tuwo latuwona toina bao avadi goyogoyoina goi ikáika gamona. Ikaawanoi tomota yaidi go, geya tayaamo kaga sivinivini.
LUK 15:17 E niga nukotona imavada kana, “Tamagu ina topaisewao madabokidi maa kavadi gagaina go, yau ameko goi loga akamakámasa!
LUK 15:18 Bei atáoya ana tamagu yaina kagu, ‘Tamagu, bogina agoyo Yaubada yaina be nakae kom yaim.
LUK 15:19 Geya itoboineyeta bei tuwaina kuduuduwegu yau natum. Kuvayokōigu yau im topaisewa nakae.’”
LUK 15:20 Tuwo moitamo itáoya ina tamana yaina. E nava aduwanau goi imamaima go, tamanayana ikandobala natuna igite, mana nuwokapisi ilokoina ina nukotona goi ivaayavau be iyowoi.
LUK 15:21 E kina natunayana idigo kana, “Tamagu, bogina agoyo Yaubada yaina be nakae kom yaim. Geya itoboineguta bei tuwaina kuduuduwegu yau natum.”
LUK 15:22 Go tamanayana ina pakonayao ilatuwokoidi idigo kana, “Woilīmi kōna kwama maanawena dedevina kokābi kōme natugu kovalōsi! Rini kokābi, nimana goi kovalilīvi be sendoro kokabīdi aena goi kovalilivīdi!
LUK 15:23 Ikavava, kōna bulumakau bonatuna bobíbina koyōisi kokaumāte kovaipōlu. Ikavava, kōme takāika be tauyāwana
LUK 15:24 unana ame natugu boi ikámasa go, ame maa yawoina! Boi itagau go, bogina ababane. Tauna tauyāwana.” Tuwo moitamo sivatowo siuyáwana.
LUK 15:25 E kina koroto ina botomoyayana tánuwo goi ikaaiyaka go, imamaima bogina ina vada goi ivakakana, vesi be láusa inovedi.
LUK 15:26 Tuwo tamana ina pákwana tayamo iduduwe ima ilumadade idigo kana, “Amo kaga siguuinuwe?”
LUK 15:27 “Siyam bogina ima go, mana dedevina tamam ikabimnei, tauna ilovina bulumakau bonatuna bobíbina siyoisi sikaumate siyamyana ana káika siguinuwe”, pakoninayana kaena.
LUK 15:28 Go botomoyayana gamona igoyo toina, e geya latuwona vada isiu. E kina go tamanayana isowóduwo ina natuna yaina goi ikawanoi makimaki kana, “Kusīu.”
LUK 15:29 Go kina botomoyayana kana, “Iyaa! Tala maanawena manum apaaisewa. Talayadi goi geya tayaamo im lovina akapipilave go, yau goti geya kuuvinigu bego segowo taiyao kakáika be kauyáwana.
LUK 15:30 E moe natumyana tomatagogoli yaidi goi im esaesa isikolakolave go, tutayana ima, im lovina goi bulumakau bonatunayana bobíbina siyoisi sikaumate ana káika manuna!”
LUK 15:31 Go kina tamanayana kana, “Natugu, kom tuta liliuna yau taiyao. Konagu liliudi moe kom konam.
LUK 15:32 E amo siyam. Boi ikámasa go, ame maa yawoina. Boi itagau go, bogina ababane, tauna itoboineda áika taguinuwe be tauyáwana.”’
LUK 16:1 E Yeisu ina tovatotowanayao nakae livalakaibala goi ilatuuwokoidi idigo kana, ‘Tayamo toesaesa ikaaiyaka. Tauyana mana torugwáuta tayamo ina esaesa iruugwausi. E tomota sima toesaesayana yaina goi torugwáuta ina goyo sitalavaite sidigo kadi, “Im torugwáuta im esaesa ikavavaalugedi.”
LUK 16:2 Tuwo ina torugwautayana iduduwe ima ilatuwoko idigo kana, “Valem anove igoyo. Kūna guna esaesa rugwáuta bukina kwābi kūme kuvinimnēigu! Geya tuwaina guna esaesa kurugwausidi geya.”
LUK 16:3 E torugwautayana toinina yaina idigo kana, “Rugwáuta ana paisewayana goi guna tomoya bogina bei ivalilivegu, tauna bei manakaegu? Geya itoboineguta paisewa moumouna aguinuwe. Ogu imayamaya bego tomota yaidi goi vaita manuna akawanoi.
LUK 16:4 Ee bogina ayagoi kaga bei aguinuwe bego tutayana rugwáuta ana paisewa goi ivalilivegu, tomota idi vada goi bei siuyaonegu.”
LUK 16:5 Tuwo tomota tamo tamo madi rowaga ina tomoya yaina iduduwedi sima. Tayamo ima torugwautayana idigo kana, “Aivina am rowaga guna tomoya yaina?”
LUK 16:6 “Pútuma opo ma bayaoidi 100”, korotoyana kaena. “Im buki kukābi, kutusōbu go, woilīm kwaisobūye ima 50 kugīni!” torugwautayana kaena. Tuwo moitamo, nakae iguinuwe.
LUK 16:7 Ituli ta torowaga ima torugwautayana idigo kana, “E kom aivina am rowaga?” “Witi ma bayaoidi adi badabada 1,000”, korotoyana kaena. Torugwautayana idigo kana, “Im buki kwābi go, kwaisobūye ima 800 kugīni!” Tuwo nakae korotoyana iguinuwe. E nakae torugwautayana iguinuwe torowaga liliudi yaidi.
LUK 16:8 Tuwo tomoyayana ina torugwáuta polapolaina ina guinuwa valena inove, ina kabitam manuna iyapaliye. Unana da poyapoya idi guinuwa goi madi kabitam gagaina toinidi idi bodao yaidi namliyeta kidi mavada goi sikaaiyaka idi kabitam. Tauna torugwautayana iyapaliye.
LUK 16:9 Ame yau alatuuwokoimi konōve: Da poyapoya idi esaesa goi tomota kokatuvekōidi bego tutayana kokámasa, aba kaiyaka vaatayaina goi bei siuyaonemi.
LUK 16:10 Guna nuwonúwana tuwaina ataligei. Avatauwa komi neta dogoi giyaidi manudi sinumisemi, dogoi gagaidi manudi nakae itoboinedi sinumisemi. Avatauwa komi neta dogoi giyaidi manudi kopola, dogoi gagaidi manudi nakae bei kopola.
LUK 16:11 Tauna neta Yaubada geya itoboineyeta poyapoya esaesaina goi inumisemi, e yábana esaesaina mooitamoidi goi nakae geya inumisemita.
LUK 16:12 Neta ituli ta tomota geya sinumisemita idi esaesa korugwausi, e toinimi imi esaesa Yaubada bei geya ivinimita.
LUK 16:13 Geya tayaamo tomota paakonina itoboine bei ina tomoyayao adi taiyuwo manudi ipaisewa yuwoyuwo. Bogina koyagoi. Tayamo bei ikaolilive be nakae ikubuyeve go, tayamo imatakoiye be nakae yaina toinina ikasale. Tauna geya itoboinemita Yaubada be esaesa manudi kopaisewa yuuwoyuwo.’
LUK 16:14 E Parisi esaesa nuwodi ilokonako, tauna Yeisu ina livalayadi siinovedi, Tauyana sivaponuponuye.
LUK 16:15 Tuwo Yeisu ilatuwokoidi idigo kana, ‘Komi tomota matadi goi toinimi kovayokoimi komi tokibóbwata. E kina go Yaubada nuwomi bogina iyagoidi bego komi toogoyoimi bei liuna kobabane. Bogina koyagoi. Kaga tomota sikailaagasidi bego aba wowoina moe aba kalagíwala Yaubada matana goi.
LUK 16:16 Tauyana ina Katukeda be nakae ina tokabivalavala idi buki sitalavaite bego ina kalibúbuna bei ima. Nakae sitalavaite ana kadókana Iyoni ima ina sowóduwo italavaite. Amo tutayana go, ima ame Yaubada ina kalibúbuna ina sowóduwo Valena Dedevina atalavaite bei boda liliudi atamyabidi sisiu.
LUK 16:17 E yábana be poyapoya idi sáwala ikakapu go, Yaubada ina Katukeda goi geya tayaamo kaga giyaina bei itagau.
LUK 16:18 Tauyana ina lovina nai ana sinapu manuna nakae. Ava koroto neta monena ivaisobuyebeso bego inaidámana ituli ta vavina yaina, e bogina iroerata. Go ava koroto neta vavina vaisobunayana inai, bogina iroerata.’
LUK 16:19 E Yeisu tuwaina Parisiyadi ivatulukoidi esaesa manuna idigo kana, ‘E tayamo koroto toesaesa. Ana kwama dedevidi be nakae adi maisa gagaidi iikotedi. Maliyalina tamo tamo mana uyáwana áika dedevina goi ikakáika.
LUK 16:20 E tayamo tokai yoina Lasalo toesaesayana ina kasa ana kaba siu goi ikanabalabala. Lasaloyana sakavaina madabokina potu kaka.
LUK 16:21 Latuwona toina toesaesayana avana mgumguna goi ikáika bei gamona go, geya. Go sem ina kaiyaka igoyo toina nakae weiniya sima ina potu siyeemosidi.
LUK 16:22 E niga tokaiyana ikámasa go, anerose sikavale sinave Eberamo kikina. E toesaesayana nakae ikámasa namliyeta sivaliwoge.
LUK 16:23 Ikavava, tokámasa idi dadava goi mana gedageda matana ikandolaga aduwanau goi Eberamo igite go, kikina Lasaloyana ikaaiyaka.
LUK 16:24 Tuwo iduduwo idigo kana, “E tubugu Eberamo, kunuwokapisiyēgu. Yeu sabeninimina ame pasina gedageda gagaina aalotowo. Tauna Lasalo kuetūne ina bego nimana bwae goi ivakutui go, ima maegu isavaibute bei igietule.”
LUK 16:25 Go kina Eberamo idigo kana, “Tubugu, kunuwāisi boi nava maa yawoim am dedevina madabokina bogina kubabane go, kina Lasaloyana mou goyogoyoidi ibabanedi. E tuta ame goi kina Lasalo ana kipáiwala ibabane ameko go, kom sem gedageda kubabane.
LUK 16:26 Go tuwaina kai be komi nauyayanaida goi sasa gagaina ikaaiyaka bego avatau neta latuwona ameko goi isaidámana iwo moeko goi, geya itoboineyeta. O moeko goi latuwona ima ameko kai goi, nakae geya itoboineyeta.”
LUK 16:27 E kina toesaesayana idigo kana, “Tubugu, moe tuwo bokoyo kwalāve. Go akawanoiyem bego Lasaloyana kuetune ina tamagu ina vada goi.
LUK 16:28 Segowo adi tainima amoko goi nava sikaaiyaka. Lasalo kuetūne ina tauyadi yaidi bego ikatumatalidi, govila bei kidi nakae simekoigu aba gedageda ame goi.”
LUK 16:29 Go kina Eberamoyana idigo kana, “Geya. Buki kidi Mosese be nakae Yaubada ina tokabivalavalayao liliudi boi siiginidi nava sikaaiyaka yaidi. Idi livalayadi, tuwo semowo itoboinedi siinovedi be sikabikaaonedi.”
LUK 16:30 E kina toesaesayana kana, “Tubugu Eberamo, moe nakae bei geya itoboineyeta, go sem neta tokámasa tayamo ina tauyadi yaidi bei situgavila.”
LUK 16:31 E kina Eberamoyana idigo kana, “Neta Mosese be Yaubada ina tokabivalavalayao liliudi idi livala bei geya sinovedita, e nakae tomota tayamo neta ámasa goi itaoyamna ina yaidi, geya itoboineyeta itamyabidi situgavila.”’
LUK 17:1 E Yeisu ina tovatotowanayao ilatuwokoidi idigo kana, ‘Aba kapusi moitamo bei sisowóduwo yaimi go, avatauwa neta tovakapusi, adi toovalugo unana idi liuna gagaina toina bei sibabane!
LUK 17:2 Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa goi sisalili, moe adi dedevina sibabane, govila bego ame guna tonumisayao yaidi goi tayamo toosobuna sivakapusiye.
LUK 17:3 Ami dodōkana imi guinuwa goi! Neta siyami goyo iguinuwe, mami nuwokapisi koliwole. Neta itugavila, konuwotāo.
LUK 17:4 Ago maliyalina tayamo goi neta siyamiyana sivanima sivayuwo goyo iguinuweko yaimi go, tuta tamo tamo ikaluvila iwo kana, “Atugavila”, e konuwotāo.’
LUK 17:5 Tuwo Tomoya ina vamoleyanayao sidigo kadi, ‘Tomoya, ima numisa kuvaitūwe.’
LUK 17:6 E Tomoyayana idigo kana, ‘Neta imi numisa beno kutukutuna nakiyana, itoboinemi gigiku ame kolatuwoko kami, “Kutakubāla go, kuīwo kūna négwasa goi toinim kubagulīm.” Bei ikabikaonemi.
LUK 17:7 E avatauwa komi neta mami pakonayao totávina o sipi ana tomatakavata go, tayamo tánuwo goi ima, manakae? Bei kolatuwoko kami, “Mainao kūma kutusōbu kwāika”? Geya ae?
LUK 17:8 Go sem bei kolatuwoko ame nakae kami, “Avagu kuvaipōlu. Ikavava, am kwama dedevina kulōsi, kuvaidēda bei akáika nakae anim. Akáika ikavava baige kom kwāika be kunīm.”
LUK 17:9 Kaga nakae imi pakonayao kolovinaedi to bei siguinuweyamo. Tauna manakae? Itoboinemi pakoninayana yaina kokauyagu gea geya? Geya.
LUK 17:10 Komi nakae itoboine pakonayaoyadi nakae koguinuwe. Tutayana kaga liliuna imi tomoya iloviinaemi bogina koguinuwedi, kodīgo kami, “Kai im pakonayao, tauna taabu kuvaaiwowōima. Kaga nakae kulatuuwokoima bogina to kaguinuweyamo ame tauna.”’
LUK 17:11 Tuwo Yeisu mana tovatotowanayao Yerusalema manuna sinonoina go, Samériya be Galili adi túwana goi siiketoiya.
LUK 17:12 Siiketoiya sina tayamo asa moetala goi koroto tolepero adi badabada yawou ivalobodedi; tauyadi tupwana masigava goi siitáoya
LUK 17:13 niyadi gagaina goi siduduwo kadi, ‘Tomoya Yeisu, kunuwokapisiyēma!’
LUK 17:14 Yeisu igitedi, ilatuwokoidi idigo kana, ‘Kōna Tonúwala yaidi goi kovagitakoēmi bei siyagoi sakavaimi bogina simavada.’ Tuwo moitamo sinonoina go, enao goi sakavaidi bogina simavada.
LUK 17:15 E tolepero yaidi goi tayamo igite sakavaina bogina idedevina, tuwo itugavila, niyana gagaina goi Yaubada ina togaga ana káeyana ikamooitamoe go, ikaluvilamna ima Yeisu yaina.
LUK 17:16 Ima Yeisu aena goi ikanakabobo nakae ikauyagu. Go amo korotoyana guma Samériya!
LUK 17:17 E tomota matadi goi Yeisu idigo kana, ‘Maine tolepero adi badabada yawou sakavaidi simavada ae? Go adi tainima adi taivasi nakoidi?
LUK 17:18 Manakae? Geya latuwodi sima Yaubada ina togaga ana káeyana ana vagitákwana sikamoitamoe ae? Ame tauyana anetava ikaluvilamna ima go, tauyana Totuyoyowo!’
LUK 17:19 Tuwo korotoyana ilatuwoko idigo kana, ‘Kutāoya kūna. Im numisa pasina am yava bogina kubabane.’
LUK 17:20 E Parisi sima Yeisu silumadade kadi, ‘Yaubada ina kalibúbuna ava tuta be isowóduwo?’ Yeisu idigo kana, ‘Yaubada ina kalibúbuna ina sowóduwo goi geya kada tayamo aba kinana bei igimisowóduwo bego ina sowóduwo italavaite.
LUK 17:21 Nakae geya itoboinedeta kada, “Kodobāla, Yaubada ina kalibúbuna goame!” O kada, “Goamo!” Moitamo. Konōve! Yaubada ina kalibubunayana moe yaimi goi bogina ikaaiyaka.’
LUK 17:22 E Yeisu ina tovatotowanayao ilatuwokoidi idigo kana, ‘Tuta simamaima bei latuwomi Tomalatomota ina kaluvilamna ana tuta kogite go, geya bei kogiteyeta.
LUK 17:23 Tomota bei kadi, “Kodobāla Guyau goamo!” O kadi, “Guyau goame!” Nakae bei sibobore go, taabu kononōina, e tauyadi taabu kosabokuuliyēdi.
LUK 17:24 Guyauyana ina sowóduwo moe nakae geya. Moitamo. Ávila bogina tayagoi. Tayamo dadavina yábana goi ikávila ina ituli ta dadava. Tomalatomota ina tuta sowóduwo tauna nakae. Tomota liliudi bei sigite.
LUK 17:25 Go mainao Tauyana itoboine bei gedageda ibabane be tomota Parisiyadi nakae sikatae.
LUK 17:26 Nakonakae boi Nowa ina tuta goi mluwa ina sowóduwo, e Tomalatomotayana ina tuta aluvilamna amo nakae.
LUK 17:27 Nowa ina tutayana goi tomota idi guinuwa siguuinuwedi. Nakae sikakáika be sinimnim be nakae sinainai ana kadókana Nowa mana bodayáuwo sitáoya dedeoga gagaina goi sisowoya. Go tomotayadi idi sinapu tauna nakae go, mluwa ima ivatoopedi isamatedi.
LUK 17:28 Loti ina tuta nakae. Tomota madabokidi sikakáika, sinimnim, siigimona, sikaaigimona, sibagubágula, nakae vada siyowoyówana.
LUK 17:29 E tuta amo goi Loti itáoya Sodoma ikalave go, yeu be gurewa yaviyavidi yábana goi sisou tomota liliudi sivatoopedi sivailai.
LUK 17:30 Tauna nakae bei isowóduwo tutayana Yaubada Tomalatomota ikaiwoduwe.
LUK 17:31 Tuta amo goi avatauwa neta vada yatana goi sikaaiyaka go, konadi vada sinaena goi, e taabu sisousōu bego konadiyadi sikabidi, go sem sisiyāmo. Avatauwa neta tánuwo goi sikaaiyaka, taabu sikaaluvīla sīna idi kasa goi bego konadi sikabidi, go sem sisiyāmo.
LUK 17:32 Loti monena konuuwāisi kaga boi isowóduwo tauyana yaina.
LUK 17:33 Avatauwa neta sipoikiki bego yawoidi siyoisikavate, nava yawoidi vau bei sitagau. Go avatauwa neta yau pasigu yawoidi sitagau, e nava yawoidi vau bei siyoisikavate.
LUK 17:34 Ame alatuuwokoimi konōve: Amo sabamgoyana goi Tomalatomota bei ikaluvilamna ima go, tomota adi taiyuwo kebadi tayamo goi sikaaiyaka. Tayamo Yaubada ikabi inave go, tayamo ikalave ikaaiyaka.
LUK 17:35 Vevina adi taiyuwo witi sikauveyetaveta. E tayamo Yaubada ikabi inave go, tayamo ikalave ikaaiyaka.’
LUK 17:36 Go kidi ina tovatotowanayaoyadi sidigo kadi, ‘Tomoya, moe nako goi bei isowóduwo?’ E Yeisu livalakaibala goi idigo kana, ‘Nako goi boyoboyo sitaligógana, e amoko goi tomata ikaaiyaka. E nakae tutayana Tomalatomota ikaluvilamna ima, kidi balomaidi kaamasidi takínona bogina bei sibabane.’
LUK 18:1 E Yeisu ina tovatotowanayaoyadi livalakaibala ilatuwokoidi go, ivatulukoidi awanoi goi taabu nukotodi sitopatōpa, go sem tuta liliuna sikaawanoi.
LUK 18:2 Idigo kana, ‘Kotu ana totakínona tayamo asa tayamo goi ikaaiyaka. Tauyana Yaubada geya imaatoite nakae omayamaya geya iilotowo.
LUK 18:3 E kóbuya tayamo amo asayana goi ikaaiyaka. Tuta liliuna inonoina kotu goi totakinonayana yaina ikaawanoi idigo kana, “Guna kaleya ivaaobugu, tauna yaima kutakinodokōigu bego yau mooitamoigu.”
LUK 18:4 Ina go, totakinonayana geya latuwona igiepalu. E niga go toinina inuwonúwana kana, “Yaubada geya amaatoite nakae omayamaya geya aalotowo
LUK 18:5 go, tuwo tauyana iyobosegu, tauna bei atakinodoko bego tauyana mooitamoina, govila bei ivavilavila ina kawanoi goi ogu ibukaidoko.”’
LUK 18:6 E Tomoya idigo kana, ‘Totakínona goyogoyoina ina livala konōve! Tauyana geya totakinona dókana geya go, tuwo vavinayana ivaite.
LUK 18:7 E kina go Yaubada ina kinavayao maliyalina be sabamgo situmadádana Tauyana yaina go, manakae? Bei itakinodokoidi bego kidi mooitamoidi gea geya? Tauyadi yaidi ina egamogamogu bei itoto
LUK 18:8 go, ame alatuuwokoimi konōve: Bei itakinodokoidi bego kidi mooitamoidi. Ago niga kina Tomalatomotayana ima poyapoya goi tomota madi numisa bei ibabanedi gea geya?’
LUK 18:9 E tomota maniyedi toinidi sinumisedi bego kidi tokibóbwata go, sediyao sikaolilivedi. E amo tauyadi nakae Yeisu livalakaibala ame ilatuwokoidi idigo kana,
LUK 18:10 ‘Koroto adi taiyuwo situko sina Vada Kimaasabaina bei sikawanoi Yaubada yaina. Tayamo moe Parisi, e tayamo takisi ana togogo.
LUK 18:11 Kina Parisiyana iitáoya, toinina manuna ikawanoi ame nakae: Kana, “Yaubada, yaim akauyagu bego yau geya tomota liliudi nakae geya. Nakae geya aaváobuna, goyo geya aguuinuwe, geya arooerata. Yau geya amo takisi ana togogo nakae geya.
LUK 18:12 Wiki tamo tamo sivayuwo adiyakimwanako. Kaga liliuna aakabidi goi yawóuna avinim.”
LUK 18:13 E kina go takisi ana togogoyana masigava goi iitáoya go, geya latuwona matana ikandolaga yábana goi, go sem mana nuwomou kasikasina itututu go, idigo kana, “Yaubada, yau toogoyoigu kunuwokapisiyēgu!”
LUK 18:14 Ame alatuuwokoimi konōve: Amo takisi ana togogoyana ikaluvilamna ina ina vada go, Yaubada bogina ivayoko kina tokibóbwata go, Parisi kina geya. Moitamo. Avatauwa neta toinidi sikilagalagasidi, Yaubada bei ikisobuyedi. Go avatauwa neta toinidi sikisobusobuyedi, Yaubada bei ikilagasidi.’
LUK 18:15 E tomota maniyedi idi memeyayao siimemedi Yeisu yaina goi bego ibisikonedi ikaipakuyedi. Go kidi ina tovatotowanayaoyadi sigitedi sibowoidi kadi, ‘Taabu kononōina Yeisu yaina.’
LUK 18:16 E kina go Yeisuyana gogómana iduduwedi sima go, ina tovatotowanayao ilatuwokoidi idigo kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae Yaubada ina kalibúbuna sinaena goi bei sisiu.
LUK 18:17 Ame moitamo, tauna ame alatuuwokoimi konōve: Avatauwa komi neta Yaubada ina kalibúbuna kouyaone gogómana nakae, e itoboinemi alibubunayana sinaena goi kosiu.’
LUK 18:18 Niga tayamo tolovina ima Yeisu ilumadade idigo kana, ‘Tovatulúkwana, kom todedevim. Ava guinuwa aguuinuwe bei yawoigu vata ababane?’
LUK 18:19 Go kina Yeisuyana idigo kana, ‘Kaga unana bego kuvayokoigu yau todedevigu? Tayamo anetava todedevina go, moe Yaubada!
LUK 18:20 Yaubada ina lovina bogina kuyaagoidi ae? Idigo kana,
LUK 18:21 ‘Moe lovinayadi madabokiidi lavayana yau boi gómana go, ima ame tuta, bogina akabikaaonedi’, tolovinayana kaena.
LUK 18:22 E livalayana kina Yeisu inove, idigo kana, ‘Go tayamo guinuwa nava kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’
LUK 18:23 E kina go tolovinayana Yeisu ina livala inove, nuwona imou. Tauyana mana esaesa gagaina toina go, nukotona iyoi.
LUK 18:24 E ina nuwomouyana Yeisu igite, tuwo idigo kana, ‘Kidi madi esaesa idi siu Yaubada ina kalibúbuna goi moumou isaki.
LUK 18:25 Moitamo. Kameri yoguyogu gagaina, tauna geya itoboineyeta siláluma taporaina goi isiu ae? Ago toesaesa nakae. Bego Yaubada ina kalibúbuna sinaena goi toinidi sisiu go, geya itoboinedita, geya toina.’
LUK 18:26 E totaiyakeka sidigo kadi, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
LUK 18:27 ‘Kaga tomota geya itoboinedita siguuinuwe Yaubada itoboine’, Yeisu kaena.
LUK 18:28 Go kina Pita idigo kana, ‘Go kai bei manakaema? Kai toinima ima kaba lovina be konama bogina kakalavedi go, kama kasabokuuliyem.’
LUK 18:29 ‘Moitamo konami bogina kokalavedi go, ame alatuuwokoimi konōve: Avatau neta ina vada o monena o senao o sinana o tamana o natunao ikalavedi Yaubada ina kalibúbuna pasina,
LUK 18:30 e ame tuta goi ana katumapu ivakaigaga toina bei ibabane be tuta imamaima yawoina vata bei ibabane’, Yeisu kaena.
LUK 18:31 E ina tovatotowanayaoyadi yawou aiyuwo ikabidi, aditava ilatuwokoidi idigo kana, ‘Konovēgu. Ame tuta tatukotuko Yerusalema manuna go, maeko goi kaga liliuna Yaubada ina tokabivalavalayao boi Tomalatomota manuna siiginidi bei simalatomota.
LUK 18:32 Ame moitamo. Tauyana bei siyoisi Totuyoyowo nimadi goi siyato, namliyeta bei sivaponuponuye, sigieomaemae be nakae sigiwoli.
LUK 18:33 Niga sidabi ikavava, bei sikaumate go, maliyalina aitonina ámasa goi bei itaoyamna.’
LUK 18:34 Ago kidi Yeisu ina livala iidigedi geya siyagoidita. Nakae ina livalayadi adi yagoina Yaubada ivamou yaidi goi, tauna geya itoboinedita siyagoi.
LUK 18:35 E Yeisu mana tovatotowanayao siiketoiya Yeriko bogina sivakakana go, tokebo tayamo enao kikina goi iitusobu ikaawanoi.
LUK 18:36 E boda inovedi ivataabaledi go, tomota ilumadadedi idigo kana, ‘Moe kaga iisowóduwo?’
LUK 18:37 E tomotayadi sidigo kadi, ‘Yeisu guma Nasareta ivaatabale.’
LUK 18:38 Tuwo tokeboyana iiduduwo, idigo kana, ‘Yeisu, Devida tubuna, kunuwokapisiyēgu!’
LUK 18:39 Kidi tomota sivaakumgo tokeboyana siboove kadi, ‘Kom kumaigāu!’ Go kina tokeboyana tuwaina iiduduwo kana, ‘Devida tubuna, kunuwokapisiyēgu!’
LUK 18:40 E Yeisu inove, tuwo itáoya go, tomota ilatuwokoidi tokeboyana sime. Tuwo moitamo sina sikabi sime. Tokeboyana ibala ima go, Yeisu ilumadade idigo kana,
LUK 18:41 ‘Kaga go bei avekoim?’ ‘Tomoya, bego agita dókana’, tokeboyana kaena.
LUK 18:42 Kina go Yeisuyana idigo kana, ‘Kugita dōkana! Im numisa pasina bogina matam sidedevina.’
LUK 18:43 Tuwo mainao igita dókana, tauna ivatowo Yeisu isabokuliye, e Yaubada ina togaga ana káeyana ikamooitamoe. Ago boda sigite kaga iisowóduwo yaina, tuwo Yaubada siyapaliye.
LUK 19:1 Yeisu bogina ima Yeriko goi isiu go, inonoina bego Yerusalema.
LUK 19:2 Go koroto tayamo yoina Sakíusa ikaaiyaka. Tauyana takisi ana togogoyao adi tovakumgo nakae toesaesa tayamo.
LUK 19:3 Tauyana ipooikíkina Yeisu igite bego Tauyana avatau go, kina kaakupina, tauna boda gagaina pasina geya itoboineyeta.
LUK 19:4 Go Yeisu giyakainava bei ivatabale, tauna Sakiusayana ilokoinakumgo ina alova tayamo gagaina imwere bego itoboine Yeisu igite.
LUK 19:5 Tutayana Yeisu ima amoko goi ikandolaga, Sakiusayana igite, ilatuwoko idigo kana, ‘Sakíusa, woilīm kusōu. Ame itoboine kom be yau im vada goi takaiyaka.’
LUK 19:6 Tuwo moitamo woilina isou ima Yeisu mana tovatotowanayao ikabidi sina ina vada goi go, mana uyáwana Yeisu iuyaone.
LUK 19:7 Ago tomota madabokidi sigite Yeisu ina takisi ana togogo ina vada goi, e sikului sidigo kadi, ‘Iyaa! Tauyana ina toogoyoina ina vada goi isiu bego tauyana ina ogaoga.’
LUK 19:8 E Yeisu kidi sikakáika go, Sakiusayana itáoya, Yeisu ilatuwoko idigo kana, ‘Tomoya, kunovēgu! Konagu madabokidi awotaidi dadava tayamo tookaidi avinidi. Ava tomota boi bogina aavaobu, bei amapu go, ana vaituwo sivavasi nakae avini.’
LUK 19:9 E Yeisu idigo kana, ‘Koroto ame Eberamo ina boda tayamo nakae, tauna ame tuta Yaubada ina yava bogina isowóduwo vada ame goi.
LUK 19:10 Ame moitamo. Tomalatomota ima bego tauyadi tosuláiga ame korotoyana nakae ilusaledi be iyavedi.’
LUK 19:11 E amo livalayadi tomota siinovedi go, Yeisu livalakaibala tayamo ivatulukoidi unana Yerusalema tupwana yomana be nakae tomotayadi sinuwonúwana bego Yaubada ina kalibúbuna giyakainava isowóduwo be Yeisu mainao ietokalibúbuna.
LUK 19:12 Idi nuwonuwanayana pasina tauna Yeisu idigo kana, ‘Tayamo koroto tomoya go, ina kasa goi ikaaiyaka ikatubayasi bei ina ituli ta dadava tupwana aduwanau goi. Amoko goi tolovina gagaina bei asa ina kalibúbuna iyato tomoyayana nimana goi. Ikavava, bei ikaluvilamna.
LUK 19:13 E ikatubayasi ikavava, ina pakonayao adi badabada yawou iduduwedi sima, tamo tamo mani tayamo ivinidi go, idigo kana, “Mani ame kokābi koepaisēwe ana kadókana akaluvilamna ama.” Ilatuwokoidi ikavava, itáoya ina.
LUK 19:14 E kidi go toni kasayadi tomoya sikaolilive, tuwo tomota maniyedi sikinavedi adi katumapu, e tomoyayana mlina sietunedi sina tolovina gagaina silatuwoko sidigo kadi, “Geya latuwoma amo tomoyayana ikalibubuma.”
LUK 19:15 Ago tauyana alibúbuna ikabi. Ikavava, ikaluvila ima ina lobutu ana tolokoina ilatuwoko ina pakonayaoyadi iduduwedi sima bego iyagoi tauyadi boi mani ivinidi bogina siepaisewedi gea geya?
LUK 19:16 E ina pákwana vakuumgoina ima idigo kana, “Tomoya, im mani tayamo ana vaituwo moe yawou.”
LUK 19:17 Tomoyayana idigo kana, “Moe dedevina! Kom guna pákwana dedevim. Dogoi giyaina goi itoboinegu anumisem, tauna asa yawou yaidi goi bei kuetolovīna.”
LUK 19:18 Ina pákwana aiyuwoina ima kana, “Tomoya, im mani tayamo ana vaituwo moe ainima mani.”
LUK 19:19 E tomoyayana idigo kana, “Kom nakae asa ainima yaidi goi bei kuetolovīna.”
LUK 19:20 Ina pákwana aitonina ima idigo kana, “Tomoya, im mani tayamo boi kuuvinigu goame. Areko goi autube ayato ikaaiyaka dedevina.
LUK 19:21 Bogina kuyagoi. Kom koroto kasakasaim im guinuwa goi. Nakae ituli ta koroto mani manuna ipaisewa go, maniyana kukabi. Ituli ta koroto ibágula go, ina dibayoya kukabi. Tauna amatoitem. Tuwo nakae aguinuwe.”
LUK 19:22 Go tomoyayana idigo kana, “Toinim im livala goi bei atakinoim, kom guna pákwana goyogoyoim. Bogina kuyaagoigu bego yau koroto kasakasaigu. Ituli ta koroto mani manuna ipaisewa go, yau akabi. Ituli ta koroto ibágula go, ana dibayoya akabi.
LUK 19:23 Go kaga unana mani ana totalamapuyao geya kuvinidita? Neta kuvinidi, e itoboinedi sivaituwedi. Niga akaluvila ama itoboinegu maniyana mana vaituwo akabi.”
LUK 19:24 Tuwo toyoko sikaaiyaka ilatuwokoidi idigo kana, “Mani tayamo boi ame tauyana avinivini, e kokābi go, guna pakwanayana maana mani yawou kovīni.”
LUK 19:25 Go kidi sidigo kadi, “Go tomoya, tauyana bogina maana mani yawou.”
LUK 19:26 Go kina tomoyayana idigo kana, “Ame alatuuwokoimi konōve: Avatauwa neta adi kaiguyau siepaaisewe, e tuwaina bei avinidi. Go avatauwa neta adi kaiguyau geya siepaiseweyeta, e moitamo aiguyauyana bei akuliuye.
LUK 19:27 Go kidi amo guna kaleyayaoyadi geya latuwodi akalibubudi, e kokabīdi komēdi matagu goi kokaumatēdi.”’
LUK 19:28 Moe livalayadi Yeisu idigedi ikavava, inonoina Yerusalema manuna, ina tovatotowanayao mlina goi siiketoiya.
LUK 19:29 Yeisu kidi sima Betapegi be Betani Oribe Koyaina papanaina goi sivakakana. Go Yeisu ina tovatotowanayao adi taiyuwo ivamoleyedi sina asa goi.
LUK 19:30 Go mainao ilatuwokoidi idigo kana, ‘Kōna asa amo matada goi go, tutayana kosiu, ase bonatuna siikonina bei kobabane. Bonatunayana goi geya vatau tayaamo itulagakone. E kobabane, kotaligēi kōme yau yaigu.
LUK 19:31 Go avatau neta ilumadademi idigo kana, “Kaga unana moe kotaaligei?” e komi kodīgo kami, “Tomoya latuwona iepaisewe.”’
LUK 19:32 E tuwo adi taiyuwokova sina asayana goi sisiu, ase sibabane nakae Yeisu bogina ilatuwokoidi.
LUK 19:33 E aseyana sitaaligei go, toni ase sidobala tovatotowanayadi sigitedi silumadadedi sidigo kadi, ‘Kaga unana ase kotaaligei?’
LUK 19:34 ‘Tomoya latuwona iepaisewe’, adi taiyuwokova kaedi.
LUK 19:35 Tuwo sikabi sime Yeisu yaina goi go, adi tanigo sivalilividi aseyana toluna goi sisekulidi. Ikavava, Yeisu sivaite itulaga.
LUK 19:36 E inonoina go, tomota adi tanigo sivalilividi enao goi sieveidi.
LUK 19:37 E Yeisu kidi Yerusalema sivakakana go, bogina sima Oribe Koyaina papanaina goi sisousou, e ina tovatotowanayao madabokidi madi uyáwana sivatowo niyadi gagaina goi Yaubada siyapaliye Yeisu ina guinuwa toogagaidi liliudi bogina siigitedi manudi.
LUK 19:38 Idi yapaliyana goi sidigo kadi,
LUK 19:39 Go kidi Parisi maniyedi boda yaidi goi taiyao sikaaiyaka Yeisu silatuwoko sidigo kadi, ‘Tovatulúkwana, im tovatotowanayao kubowōidi idi bóbwara pasidi.’
LUK 19:40 Kina go Yeisuyana idigo kana, ‘Ame alatuuwokoimi konōve: Neta ame tauyadi situgau, gurewa niyadi gagaina goi bei siyapaliyegu.’
LUK 19:41 Yeisu ibóbwara ikavava, inonoina go, tutayana Yerusalema ivakakana, asayana igite, manuna itáiya
LUK 19:42 idigo kana, ‘Da Yerusalema e, neta komi moitamo tuta ame goi Yaubada ina tuboina ana kenao koyagoi. Ego ame tuta moe Yaubada bogina ivamou yaimi goi.
LUK 19:43 Unana tuta bei imamaima ami kaleyayao sima sikalikobumi be geya vatau tayaamo itoboine isiya.
LUK 19:44 Ago geya koyagoiyeta imi tuta Yaubada ina vadádana manuna. Tauna tomota bei sima sitauwemi. Nakae geya tayaamo gurewa vaapopoina asa goi ikaaiyaka, go sem madabokina sitagaegaekowosidi. Go imi bodao nakae bei simtulidi.’
LUK 19:45 Yeisu ima Yerusalema goi isiu go, ina Vada Kimaasabaina ina kali goi isiu ivatowo tokaigimona ivatapiyedi sisiya.
LUK 19:46 Ivataapiyedi go, ilatuwokoidi idigo kana, ‘Gínina Kimaasabaina Yaubada manuna italavaita idigo kana, “Guna vada moe vada aba kawanoi.” Aiseya 56:7 Go komi koyatako “tovaináwana idi kaba tamumu.”’
LUK 19:47 Go maliyalina tamo tamo Vada Kimaasabaina ina kali goi Yeisu isiusiu ivaatulúkwana. E kidi go Tonúwala Gagaidi be Yaubada ina Katukeda ana tovatulukwanayao be tomota adi tomoyamoya sipooikíkina bego Yeisu sikaumate
LUK 19:48 go, geya tayaamo enao sibabane bego siguinuwe. Tomota madabokidi nava ina vatulúkwana nuwodi ikabi, tauna simatoita tomotayadi be siegamogamoguyedi.
LUK 20:1 Tuta tayamo Vada Kimaasabaina ina kali goi boda sikaaiyaka Yeisu ivatuulukoidi be Vala Dedevina itaalavaite yaidi go, kidi Tonúwala Gagaidi be Yaubada ina Katukeda ana tovatulukwanayao be Diyuu idi tomoyamoya sima
LUK 20:2 Tauyana silumadade sidigo kadi, ‘Kulatuwokōima avatau ina lovina goi moe guinuwayadi kuguuinuwedi? Nakae avatau itaagonem kuguuinuwedi?’
LUK 20:3 E kina idigo kana, ‘Yau nakae lumadádana tayamo. Guna lumadadanayana ame nakae: Kolatuwokōigu
LUK 20:4 Iyoni ina sayóyova moe Yaubada ina lovina goi gea tomota idi lovina goi?’
LUK 20:5 E kidi aditava sibobóbwara sidigo kadi, ‘Bei manakaeda? Neta kada, “Yaubada goi”, e Tauyana bei kana, “Moe moitamo! Tauna kaga unana geya konumiseyeta?”
LUK 20:6 Go neta kada, “Tomota goi”, e boda madabokidi bei gurewa goi sikaumateda. Boda sinumisa Iyoni Yaubada ina tokabivalavala tayamo.’
LUK 20:7 Tuwo Yeisu silatuwoko sidigo kadi, ‘Geya kayagoiyeta avatau ina lovina goi.’
LUK 20:8 Kina Yeisu idigo kana, ‘Yau nakae geya alatuwokoimita avatau ina lovina goi ame guinuwayadi aguuinuwedi.’
LUK 20:9 E Yeisu ivatowo livalakaibala ame tomota ivatulukoidi, idigo kana, ‘Tayamo koroto ina ina tánuwo goi oine kaka ibaguli. Ibaguli ikavava, koroto maniyedi itagonedi tanuwoyana sikatoguye go, niga dibayoya ana tuta goi oine keuwoina maniyena bei toni tánuwo siemaisi. Tuwo kidi tokatoguyadi sikaaiyaka tánuwo sipaaisewa go, tauyana itáoya ina ituli ta dadava goi bei ikaaiyaka tuta maanawena.
LUK 20:10 Niga dibayoya ana tuta goi toni tanuwoyana ina pákwana tayamo ietune ina ina tánuwo ana tokatoguyao yaidi goi bego ina tánuwo ana takona oine maniyena ikabidi imedi. Ago imamaima, kidi tokatoguyadi siyoisi, siláui. Siláui ikavava, nima kaka sietunemnei ina toni tánuwo yaina goi.
LUK 20:11 Tuwo toni tanuwoyana ina pákwana aiyuwoina ietune ina tokatoguyao yaidi goi go, amo tauyana nakae siyoisi, siláui be nakae sigieomaemae. Ikavava, nima kaka sivalilive ikaluvilamna ina toni tánuwo yaina goi.
LUK 20:12 Tuwo toni tanuwoyana ina pákwana aitonina ietune ina go, ame tauyana nakae siyoisi siláui sibugoyai toina. Ikavava, sivatapiye isiya.
LUK 20:13 E tomoya, moe toni tanuwoyana, idigo kana, “Manakaegu bei? Bokoyo natugu guna kakaya bei aetune ina. Nakona bei tauyana sigite odi imayamaya.”
LUK 20:14 E tuwo moitamo natunayana ietune ina go, kidi tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bego tanuwoyana kita ida kaba lovina.”
LUK 20:15 Tuwo moitamo tauyana ima kikidi, e siyoisi silave ina takiki goi sikaumate. Tauna tomoyayana, moe toni tánuwo, bei kaga iguinuwe tokatogu yaidi goi?
LUK 20:16 Bei ina ikaumatedi go, ituli ta tokatogu dedevidi bei itagonedi tanuwoyana simatakavate.’ E totaiyakekayadi Yeisu ina livalakaibala sinove, sidigo kadi, ‘Iyaa! Moe nakae bei geya, geya toina!’
LUK 20:17 E Yeisu ipotekaavatedi go, idigo kana, ‘Go moe Gínina Kimaasabaina ina talavaita ame ana yagoina! Talavaitayana kana,
LUK 20:18 Gurewayana moe yau. Tuwo avatauwa neta sikataegu moe nakae tomota neta sikapusi sisou gurewayana goi, e tauyadi bei ivatuguguyalidi. Nakae avatauwa neta yatadi goi gurewayana isou, bei ikauvetevetedi.’
LUK 20:19 Tuwo Yaubada ina Katukeda ana tovatulukwanayao be Tonúwala Gagaidi enao siilusala bei Yeisu siyoisi tuta amo goi go, boda simatooitedi. Moe moitamo. Tovatulukwanayadi be tonuwalayadi bogina siiyagoi Yeisu ina livalakaibala goi iidigedi, e boda nakae bogina sinove, tauna nakona kaga bei sivekoidi.
LUK 20:20 Tuwo Tauyana siiyamwasi tuta dedevina goi bei siyoisi. Toyáusa maniyedi sietunedi sima Tauyana yaina. Go tauyadi tokibóbwata polapola, e sima bego Yeisu ina livala goi sikatutao bei itoboinedi siyoisi gávana nimana goi siyato kotu manuna.
LUK 20:21 E sima madi katunuwanuwa Yeisu silumadade, sidigo kadi, ‘Tovatulúkwana, bogina kayagoim bego kaga kom kubobobore be kuvaatulúkwana moe moitamo. Tomota kuwowooinedi geya adi kaigigita goi geya, go sem livala moitamo goi Yaubada ina kenao kuvatulukwana dókana.
LUK 20:22 Tauna manakae? Itoboine kita tatakisi Sisa yaina gea geya?’
LUK 20:23 E idi katutáwana bogina iiyagoi, tauna idigo kana,
LUK 20:24 ‘Mani tayamo kovatulukōigu.’ Tayamo sime sivatuluko, Tauyana idigo kana, ‘Mani ame goi avatau makayauna be nakae yoina?’ ‘Sisa’, tauyadi kaedi.
LUK 20:25 ‘Moe moitamo. Tauna kaga neta Sisa konana, e Sisayana tavīni go, kaga neta Yaubada konana, e Yaubadayana tavīni’, Tauyana kaena.
LUK 20:26 Tuwo toyausayadi tomota matadi goi geya itoboinedita bei ina livala goi sikatutao. Ago sikainaopa ina katumapu pasina, tuwo situgaumo.
LUK 20:27 E Sadusi maniyedi sima Yeisu yaina. Tauyadi sidigodigo tokámasa geya sitaoyamneta. Tuwo sima bego Yeisu sikatutao sidigo kadi,
LUK 20:28 ‘Tovatulúkwana, boi nimatu ida lovina Mosese igini idigo kana, “Koroto nainaina neta geya natunamo go, ikámasa, e aena vavilaina itoboine kobuina inai. Niga neta vavinayana ivenátuna, natunao moe tokámasa ana katumapu.”
LUK 20:29 E tayamo aba kinana ame nakae: Koroto adi badabada adi tainima adi taiyuwo sinadi tayamo sikaaiyaka. Kina botomoya igiminai go, geya natunamo ikámasa.
LUK 20:30 Tuwo aena vavilaina itáoya tuwowona kobuina ikabi inai go, niga geya natunamo ikámasa.
LUK 20:31 Niga amo tauyana aena vavilaina itáoya, tuwowona kobuina inai go, nakae geya natunamo ikámasa. E korotoyadi adi tainima adi taiyuwo liliudikova nakae. Vavinayana sinai go, geya natudimo sikámasa.
LUK 20:32 Sikamasa kówasa namliyeta vavinayana nakae ikámasa.
LUK 20:33 Tauna neta moitamo tomota ámasa goi sitaoyamna, e amo tutayana goi korotoyadi yaidi ava koroto moe vavina monena mooitamoina? Korotoyadi adi tainima adi taiyuwo boi mainao nava maa yawoidi go, vavinayana liliudi sinai.’
LUK 20:34 Go kina Yeisuyana idigo kana, ‘Tuta ame goi da poyapoya, koroto nakae vevina, nai geya.
LUK 20:35 E kidi go da poyapoyayadi yaidi goi avatauwa neta Yaubada itakinoidi bego itoboinedi bei tokámasa yaidi sitaoyamna, amo tutayana tauyadi nai geya.
LUK 20:36 Ame moitamo. Geya itoboinedita sikamasamna. Kidi anerose nakae be nakae kidi Yaubada natunao unana bogina ámasa goi sitaoyamna.
LUK 20:37 Go tokámasa adi kaitáoya manuna, moe Mosese bogina ikaiwoduwe yaimi taliboibo igabugabu tetelina goi. Tutayana taliboiboyana kikina ikaaiyaka, kidi Eberamo, Aisake be Yakobo bogina sikámasa go, tuwo nava Moseseyana Yauwe ivayoko kidi idi Yaubada kana, “Eberamo, Aisake be Yakobo idi Yaubada.”
LUK 20:38 E Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Ame moitamo. Tokámasa madabokidi maa yawoidi Yaubada yaina.’
LUK 20:39 Go kidi Yaubada ina Katukeda ana tovatulukwanayaoyadi maniyedi sidigo kadi, ‘Tovatulúkwana, kom kubobwara dókana!’
LUK 20:40 Tauyadi nakae sibóbwara unana geya idi katepatumo bego tuwaina Yeisu silumadade. Moe pasina nakae sibóbwara.
LUK 20:41 E Yeisu ilatuwokoidi idigo kana, ‘Tomota maniyedi manakae sidigodigo bego Guyau moe Devida tubuna ame tauna?
LUK 20:42 Gwa! Guyau moitamo Devida tubuna go, aiyuwoina Guyauyana moe Tomoya. Moe nakae boi Devida buki Same goi Guyauyana manuna igini kana,
LUK 20:43 ana kadókana am kaleyayao
LUK 20:44 Tauna Devida igimibíbina namliyeta Guyau go, Devidayana Guyau ikatoomoyae ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’
LUK 20:45 E boda liliudi Yeisu sitaaiyakeke go, ina tovatotowanayao ilatuwokoidi idigo kana,
LUK 20:46 ‘Ami dodōkana kidi Yaubada ina Katukeda ana tovatulukwanayao. Kidi sinapu ame latuwodi: Madi kwama maanawedi be nakae kaausaraidi sivaabebeo. Aba maketi goi tomota sima sikatoomoyaedi. Tapwaroro ana kaba tugúguna sinaena wowoina basekoina goi siitusobu. Áika gagaidi goi sisiu wowoina basekoina goi siitusobu. Ame guinuwayadi kidi nuwodi ikabi.
LUK 20:47 Tauyadi kóbuya idi vada be konadi sivaaobudi be nakae idi kawanoi polapola Yaubada yaina simamanao bego tomota sigitedi. Ame tauyadi adi liuna gagaina bei sibabane.’
LUK 21:1 E Yeisu ikandobala, toesaesa igitedi idi yabobona vininabeso ana kaba yata goi siyatayata.
LUK 21:2 E tayamo kóbuya igite ima ina vininabeso mani aiyuwo iyatoidi, moe mani giyaina toina.
LUK 21:3 Tuwo ina tovatotowanayao ilatuwokoidi idigo kana, ‘Abóbwara moitamo konōve: Kóbuya amo tookaina ina vininabeso iyato moe gagaina namliyeta amo tauyadi liliudi idi vininabeso.
LUK 21:4 Ame moitamo. Tomota liliudi sima idi mani gagaina vininabeso ana kaba yata goi siiyatoidi go, idi kesa gagaina ikaaiyaka. E kina go kobuyayana ina mani madabokina iyato. Geya kada tayaamo ina kesa ikaaiyaka bei avana igimona.’
LUK 21:5 Yeisu ina tovatotowanayao maniyedi Vada Kimaasabaina ana kaigigita dedevina sigite, siyapaliye kadi, ‘Vada dedevina toina. Gurewa gagaidi kaausaraidi goi siwodugu be nakae tomota idi vininabeso kaausaraidi goi sivapase.’ E nakae sibobóbwara go, Yeisu inovedi idigo kana,
LUK 21:6 ‘Amo dogoiyadi koogitedi tuta imamaima bei geya tayaamo gurewa vaapopoina ikaaiyaka, go sem madabokina sitagaegaekowosidi.’
LUK 21:7 E tauyadi sidigo kadi, ‘Tovatulúkwana, ava tuta bei moe dogoiyadi sisowóduwo? Moe dogoiyadi idi sowóduwo kaga ana kaba kinana, e bei idi sowoduwoyana kaayagoi?’
LUK 21:8 E kina kana, ‘Komi ami dodōkana, govila bei tomota sivasulaigimi. Moitamo. Topola badabadaidi bei sima yoigu sivatoi kadi, “Yau Guyau.” O nakona kadi, “Tuta ame ana kaba lukavava bogina ima.” Go taabu kosabokuuliyēdi.
LUK 21:9 E tutayana yaviya be vakaleya valedi bei konovedi yomana be aduwanau, taabu kokaateyōva. Ame dogoiyadi itoboinedi sisowóduwo go, poyapoya ana kaba lukavava moe nava.’
LUK 21:10 Tuwaina idigo kana, ‘Nava bei ta boda ta boda sitáoya taiyao sivayaviya. Nakae ta kaba lovina ta kaba lovina bei sitáoya taiyao sivayaviya.
LUK 21:11 Nikuniku gagaidi bei sitátava be nakae asa liliudi goi loga be nakae atówana sisowóduwo. Yábana goi aba kinana gagaidi be aba matoita sisowóduwo tomota yaidi goi.
LUK 21:12 E namliyeta moe dogoiyadi sisowóduwo, ami kaleyayao bei siwo maniyemi siyoisimi siyogedegedemi ame nakae: Bei maniyemi sinavemi idi kaba tugúguna goi siekotuyemi go, deri goi sivaisiumi. Go maniyemi bei sinavemi adi tolovinayao be nakae adi gavanayao matadi goi siekotuyemi yau yoigu ikaaiyaka yaimi pasina.
LUK 21:13 Moeko goi bei itoboinemi Vala Dedevina kotalavaite yaidi.
LUK 21:14 Tauna nukotomi goi kolovīna bei geya kokatubayasiyeta manakaemi bei kotasigimi.
LUK 21:15 Ame moitamo. Yau bei imi bóbwara be nanamsa avinimi. Moe ami kaleyayao liliudi geya itoboinedita sivakaleyemi o silawoiwoiyemi.
LUK 21:16 E toinimi tamamiyao be sinamiyao be tuwowomiyao be ami gomanao be osemiyao be semiyao nakae bei sinuwotuluyemi tolovina yaidi goi. Ago maniyemi bei sikaumatemi.
LUK 21:17 Tomota liliudi bei sikaolilivemi yau yoigu ikaaiyaka yaimi pasina go,
LUK 21:18 geya vatau tayaamo yaimi goi bei balomaina ivailai geya.
LUK 21:19 Imi taoyakavata goi yawoimi vata bei kobabane.
LUK 21:20 E tutayana Yerusalema kogite tovayaviya sitaoyakobu, amo tutayana goi koyagōi bego aná mtula giyakainava isowóduwo.
LUK 21:21 Tuta amo goi avatauwa Yudiya dadavina goi sikaaiyaka, sisīya sīna koya goi. Avatauwa Yerusalemayana sinaena goi sikaaiyaka, sisowōduwo sisīya. Avatauwa tánuwo goi sipaaisewa, asayana goi taabu sisiusīu.
LUK 21:22 Amo maliyalinayadi goi Yaubada ina liuna ana tuta be kaga liliuna Gínina Kimaasabaina italavaaitedi bei simalatomota. Tauna itoboine tomota liliudi sisiya.
LUK 21:23 O tokéuwama be tovanunu! Amo tutayana moumou isaki yaidi bego sisiya. Ame moitamo. Mou gagaina bei isowóduwo poyapoya ame goi be nakae Yaubada ina egamogamogu bei isowóduwo da Yerusalema yaidi.
LUK 21:24 Tovayaviya bei sima maniyedi tomota sisi goi sikaumatedi. Maniyedi siyoisidi sinavedi kidi Totuyoyowo liliudi idi kasa goi. Ago Yerusalemayana kidi Totuyoyowo bei sima sisiu lovina moumouna goi silovinae ana kadókana idi tuta boi Yaubada bogina iyatoyato ikavava.
LUK 21:25 Yábana osasaina goi aba kinana bei sisowóduwo níyala, tukówana be utuna yaidi goi. Poyapoya ana dadava osasa goi aivaya butukaodi gagaidi sidududu go, Totuyoyowo nuwodi siwówana, e sikateyova.
LUK 21:26 Tomota bei sigitedi, madi matoita gagaina silotuta ava dogoi tuwaina poyapoya ame goi bei sisowóduwo, tauna odi sivamatamata. Moitamo. Baloma toogagaidi yábana osasaina goi Yaubada bei ikiikudi.
LUK 21:27 Amo tutayana goi Tomalatomota bei sigite gaota goi imamaima ina togaga gagaina be ana káeyana tomoeeyalina gagaina ivagitakoedi.
LUK 21:28 E tutayana moe dogoiyadi nakae bei sisowóduwo, koyagoi giyakainava Yaubada bei italigeimi, tauna mami lotuta be mami katepatu kotáoya dōkana.’
LUK 21:29 Tuwo livalakaibala tayamo ilatuwokoidi idigo kana, ‘Taniya nakae alova liliudi kogitēdi.
LUK 21:30 Tutayana taniya vaga vau idugo, e bogina koyagoi kúwana ana tuta bogina ivaakikina.
LUK 21:31 Moe tauna komi nakae. Tutayana amo mouyadi koogitedi, e koyagōi Yaubada ina kalibúbuna giyakainava bei ima.
LUK 21:32 U, moe bei kooyagoi go, ame alatuuwokoimi konōve: Tomota komi nakae nava bei maa yawoidi tutayana ame dogoiyadi madabokidi bogina sisowóduwo.
LUK 21:33 Yábana be poyapoya bei sitagau go, yau guna livala sikaiyako vata.
LUK 21:34 E korugwausīmi, govila bei nukotomi siwówana uyawana owáowana pasina o nim ginagina pasina o imi kaiyaka pasina konuwokubukubu, e guna maliyalinayana ivatoopa yaimi goi
LUK 21:35 síkwana nakae. Moitamo. Maliyalinayana bei ivatoopa tomota madabokidi yaidi poyapoya ana madabokina goi.
LUK 21:36 E tuta liliuna matami silala koyauyāusa. Imi yausayana goi kokawanōi Yaubada yaina bego kotogaga bei itoboinemi amo mouyadi giyakainava siisowóduwo kosiyaedi be nakae itoboinemi Tomalatomota matana goi kotáoya.’
LUK 21:37 E maliyalina tamo tamo Yeisu ina Vada Kimaasabaina goi ivaatulúkwana go, sabamgo bei ikaluvila ina Koya yoina Oribe goi iimasisi.
LUK 21:38 Tuwo boda madabokidi maliyalina tamo tamo siluuwoboi sina Vada Kimaasabaina Tauyana sitaaiyakeke.
LUK 22:1 E Beredi Pokaka Aikanina bogina ana kebukebu. Aikayana youyuwoina moe Basitáwana Aikanina.
LUK 22:2 Tonúwala Gagaidi be Yaubada ina Katukeda ana tovatulukwanayao enao siilusala manakaedi bei Yeisu sikaugau. Bogina koyagoi. Boda simatooitedi. Idi nuwonúwana kadi, ‘Neta boda siyagoi, bei gamodi igoyo, e kaga nakona bei sivekoida?’
LUK 22:3 E Kaleya ina Yudasa guma Keriota yaina goi isiu. Tauyana Yeisu ina tovatotówana tayamo yawou aiyuwo yaidi go, tuwo yaina Kaleyayana isiu.
LUK 22:4 Yudasayana itáoya, Yeisu mana tovatotowanayao ikalavedi go, ina ilosinapu Tonúwala Gagaidi be Vada Kimaasabaina ana polisi adi tovakumgoyao taiyao manakaena itoboine bei Yeisu inuwotuluye tauyadi yaidi.
LUK 22:5 Yudasa ina livala sinove, ina tagona manuna siuyáwana be nakae sitagona ina nuwotuluyana siemaisi.
LUK 22:6 Tauyana ana maisa ikamoitamoe, tuwo sivini. Sivini ikavava, itáoya ina tuta ana toboine iilusale bei Yeisu inuwotuluye tauyadi yaidi go, geya boda matadi goi geya.
LUK 22:7 E Beredi Pokaka Aikanina ana maliyalina bogina ima. Ame maliyalinayana goi Basitáwana Aikanina ana lami itoboinedi sikaumatedi sikasaledi Yaubada yaina.
LUK 22:8 Tuwo Yeisu ina tovatotowanayao adi taiyuwo Pita be Iyoni ilatuwokoidi idigo kana, ‘Ami taiyuwo kōna go, ida Basitáwana Aikanina kokatubayāsi bego takáika.’
LUK 22:9 ‘Go nako goi latuwom kakatubayasi?’ tauyadi kaedi.
LUK 22:10 ‘Konōve! Kōna Yerusalema goi kosīu go, koroto tayamo aba tega maa bwaena iikavale bei ima ivalobodemi. Ava vada goi kogite isiusiu, komi kosabokulīye kosīu,
LUK 22:11 e toni vada kolatuwōko kami, “Ima tovatulúkwana idigo kana, ‘Im vada sinaena ava dadava kutagone bei magu tovatotowanayao taiyao itoboinema Basitáwana Aikanina kakáika?’”
LUK 22:12 Nakae kolatuwōko go, vada diligaemaina vabodaupa tayamo gagaina dadavina katubaayasina bei ivatulukoimi. Moeko goi ida Basitáwana Aikanina kokatubayāsi’, Tauyana kaena. Ilatuwokoidi ikavava, ietunedi sina.
LUK 22:13 E adi taiyuwokova sitáoya sina go, kaga Yeisu bogina ilatuuwokoidi nakae sibabanedi. Tuwo amoko goi adi Basitáwana Aikanina sikatubayasi. Sikatubayasi ikavava, sikaluvila sima Tauyana yaina goi.
LUK 22:14 Tutayana áika ana tuta isowóduwo, Yeisu ina vamoleyanayao yawou aiyuwo taiyao bogina sina situgúguna sikáika.
LUK 22:15 Sikakáika go, Yeisu idigo kana, ‘Namliyeta bei guna gedageda ababane go, latuwogu toina Basitáwana Aikanina ame taiyao takaika vata.
LUK 22:16 Ame moitamo go, ame alatuuwokoimi konōve: Ame aikayana geya tuwaina bei akakáika ana kadókana ana yagoina toina Yaubada ina kalibúbuna goi imalatomota dókana.’
LUK 22:17 Ibóbwara ikavava, oine ma keigaina ikabi, manuna ikauyagu Yaubada yaina. Ikavava, ilatuwokoidi idigo kana, ‘Keiga ame kokābi be komi tamo tamo konīm.
LUK 22:18 Moitamo ame tuta konīm go, ame alatuuwokoimi konōve: Tuta ame mlina oineyana geya animnim ana kadókana Yaubada ina kalibúbuna bogina ima.’
LUK 22:19 Sinim ikavava, beredi ikabi, manuna ikauyagu Yaubada yaina. Ikavava, ikivisi, ina tovatotowanayao ivinidi idigo kana, ‘Moe wowogu nakae aakasale komi manumi. Moe tuta liliuna kokakāika bei konuwokaavategu.’
LUK 22:20 Sikáika ikavava, oine ma keigaina nakae ikabi, manuna ikauyagu Yaubada yaina. Ikavava, keigayana ina tovatotowanayao ivinidi sinim go, idigo kana, ‘Moe oine ma keigainayana konimnim moe ikaikaigu nakae bei idaudau komi manumi. Ikaikayana goi Yaubada ina kanasiuna vau iguinuwe yaimi.
LUK 22:21 Go konovēgu. Guna tonuwotulu teboro ame goi ikaaiyaka mada kabivekoveko ikakáika yau taiyao.
LUK 22:22 Moitamo. Tomalatomota inonoina nakae Yaubada ina nuwonúwana go, ana tonuwotuluyana ana toovalugo!’
LUK 22:23 Tuwo ina tovatotowanayaoyadi sivatowo aditava silumadádana kadi, ‘Avatau nakona goyo ame bei iguinuwe?’
LUK 22:24 E ina tovatotowanayaoyadi taudiva nakae sikaumakimaki bego avatau yaidi goi toolagaina.
LUK 22:25 E Yeisu kana, ‘Totuyoyowo adi tolovinayao siilovina yaidi goi. Tauyadi maadi lovina Totuyoyowo yaidi goi toinidi siduduwedi tokaiguyau.
LUK 22:26 E komi geya moe nakae geya, go sem avatauwa yaimi goi bego toolagaidi, tauyadi itoboinedi simalagómana. Nakae avatauwa komi yaimi bego imi tolovinayao, tauyadi itoboinedi komi ami tovaitayao nakae silovina.
LUK 22:27 Guna nuwonúwana ataligei. Avatau toolagaina, tauyana tokáika gea tokaikayana ana tovaita ivaaideda? Tauyana tokáika ae? Go yau yaimi goi akaaiyaka ami tovaita tayamo nakae.
LUK 22:28 E komi guna kaloyao guna mouyadi goi bogina kotáoya yau taiyao.
LUK 22:29 Tuwo Tamagu bogina ivayokoigu yau Tokalibúbuna, e yau nakae avayokoimi komi tokalibúbuna yau taiyao.
LUK 22:30 Moe bego guna kalibúbuna ana teboro goi kokáika be konim. Go kébana esaaesaidi goi kotulagalaga Isileli tubunao adi dala yawou aiyuwo bei kokalibubudi.’
LUK 22:31 Yeisu Pita ilatuwoko idigo kana, ‘Saimoni, Saimoni, kunōve. Kaleya bogina ikawanoi Yaubada yaina goi bego ivakakonemi nakae tobágula neta ina witi bego ikausapisapi. Kaleyayana latuwona igite avatauwa yaimi nukotomi iyoi yau manugu. E Kaleyayana kina Yaubada bogina itagone.
LUK 22:32 Go yau bogina akawanoi kom manum bego im numisa goi geya kukapusita. Ago tutayana kwaluvilamna kuma yau yaigu, e semowo kukitogagēdi.’
LUK 22:33 ‘Tomoya, bogina apásima neta deri goi sivaisium, yau taiyao o neta sikaumatem, yau taiyao’, Pita kaena.
LUK 22:34 ‘Pita ame alatuuwokoim kunōve: Ame bei kamkam geya itaiyeta ana kadókana sivato bei kulawoiwoiyekoigu bego geya kuyagoiguta’, Yeisu kaena.
LUK 22:35 Go madabokidi ilatuwokoidi idigo kana, ‘Boi tutayana nima kaka aetunemi, komi mani saisairina geya, wasare geya, sendoro aiyuwoina geya go, geya tayaamo kaga kokiseyeseye ae?’ ‘Geya tayaamo kaga’, tauyadi kaedi.
LUK 22:36 Tauyana idigo kana, ‘Go ame tuta alatuwokoimi avatauwa komi neta mami mani saisairina, kokabīdi konavēdi. Avatauwa komi neta mami wasare, nakae. Ago avatauwa komi neta geya imi sisimo, ami kwama kokaigimonēdi go, maisana kokābi imi sisi kogimonēdi unana tomota bei sivakaleyeda.
LUK 22:37 Moitamo. Ame alatuuwokoimi konōve: Gínina Kimaasabaina nakae italavaite Tomalatomota manuna kana, “Tauyana sikatuyaivi lovina ana tokapipilova taiyao.” Aiseya 53:12 Ame livalayadi bei simalatomota yau yaigu. Ame moitamo. Kaga kaga boi manugu siiginidi, e nakae bei simalatomota yau yaigu.’
LUK 22:38 ‘Tomoya, kunōve. Sisi aiyuwo goamedi’, tauyadi kaedi. ‘Moe tuwo!’ kina kaena.
LUK 22:39 Niga Yeisu mana tovatotowanayao sisowóduwo sina go, ina sinapu nakae sinonoina Oribe Koyaina goi.
LUK 22:40 E sisowóduwo amoko goi, Yeisu idigo kana, ‘Ameko kokawanōi Yaubada yaina bei ivaitemi aba vakakona goi geya kokapusita.’
LUK 22:41 Ibóbwara ikavava, ibala ina itumasaba aena ivatugúyala ikawanoi
LUK 22:42 idigo kana, ‘Tamagu, neta nuwom nakae, gedageda keigaina ame kukābi kunāve. Go yau geya guna nuwonúwana geya, go sem kom im nuwonúwana kuguinūwe.’ [
LUK 22:43 E anerose yábana goi isowóduwo ima, Yeisuyana ikitogage.]
LUK 22:44 Tauyana atena igeda gagaina, tauna ikawanoi makimaki. Ina kawanoiyana goi ina mosali ikaika nakae itakapusi isou poyapoya goi.
LUK 22:45 Ikawanoi ikavava, itáoya ikaluvila ima ina tovatotowanayaoyadi ibabanedi idi nuwomou pasina sikanaamatáiya.
LUK 22:46 Tuwo, iwoinidi idigo kana, ‘Manakae kokanaamatáiya? Kotāoya be kokawanōi Yaubada yaina bei ivaitemi aba vakakona goi geya kokapusita.’
LUK 22:47 Tauyana nava ibobóbwara go, boda sima. Koroto yoina Yudasa, tauyana tovatotówana tayamo yawou aiyuwo yaidi goi, bodayadi ivakededi. Sima go, kina Yudasayana ibala ima bego Yeisu iyowoi.
LUK 22:48 E kina go Yeisuyana idigo kana, ‘Yudasa, manakae? Bego im yowóina goi Tomalatomota kunuwotuluye ae?’
LUK 22:49 E ina tovatotowanayaoyadi sigite kaga bei isowóduwo, tuwo sidigo kadi, ‘Tomoya, manakae? Sisi goi katalaidi gea tuwo?’
LUK 22:50 Ago Yeisu ina tovatotówana tayamo ibala ina Tonúwala Toolagaina ina pákwana taiyana kakataina ivakanáupe.
LUK 22:51 Go kina Yeisuyana idigo kana, ‘Tuwo! Koyāto!’ Ibisibala pakoninayana taiyana ibisikone, ikidedevine.
LUK 22:52 E Tonúwala Gagaidi be Vada Kimaasabaina ana polisi adi tovakumgo be Diyuu ina tomoyamoya nakae sima Yeisu siiyoisi go, ilatuwokoidi idigo kana, ‘Manakae? Yau bego tokapipilova tayamo, tauna komi mami sisi be mami kepati koma koyoisigu?
LUK 22:53 Maliyalina tamo tamo Vada Kimaasabaina goi akaaiyaka yaimi goi go, geya koyoisiguta unana moe geya imi tuta geya, go sem ame komi imi tuta, tutayana mamaníwana ina togaga iilovina.’
LUK 22:54a E bodayadi Yeisu siyoisi, sinave Tonúwala Toolagaina ina vada goi.
LUK 22:54b E kina go Pitayana tupwana masigava goi Yeisu isabookuliye.
LUK 22:55 E tomota maniyedi Tonúwala Tolagainayana ina vada ana kali sinaena goi yeu sidimili. Ikavava, taiyao siitusobu go, Pita isiu tomotayadi yaidi goi iitusobu.
LUK 22:56 E Tonúwala Tolagainayana ina pákwana woiyaina tayamo yeu ana mavada goi iitusobu Pita ipotepote, idigo kana, ‘Ame tauyana nakae Yeisu ina tosabokuli tayamo.’
LUK 22:57 ‘Vavina, amo Tauyana geya ayagoiyeta!’ Pita mana lawoiwoi kaena.
LUK 22:58 Tuta giyaina koroto tayamo Pita igite idigo kana, ‘Kom nakae Yeisu ina boda tayamo.’ ‘Naveya, yau geya!’ Pita kaena.
LUK 22:59 Awa tayamo nakae mlina ituli ta koroto ikaugeogéona idigo kana, ‘Ame tauyana woi Yeisu ina tosabokuli tayamo. Moitamo. Tauyana nakae guma Galili.’
LUK 22:60 Go kina Pitayana idigo kana, ‘Naveya, kaga kudigedige geya ayagoiyeta.’ Go nava ibobóbwara go, mainao kamkam itáiya.
LUK 22:61 Tuwo Tomoya itugavila Pita ipote go, kina Pitayana inuwopeye boi Tomoyayana ina livala idigo kana, ‘Namliyeta bei kamkam itáiya, e kom bogina bei sivato kulawoiwoiyekoigu.’
LUK 22:62 Tuwo vadayana ina kali goi isowóduwo ina moetala goi itáiya gagaina toina.
LUK 22:63 Kidi go Vada Kimaasabaina ana polisi Yeisu siyause go, sikaiwotete ame nakae:
LUK 22:64 Matana sisikobode namliyeta siláui go, silumadade kadi, ‘Kom bego Yaubada ina tokabivalavala, tuwo kulatuwokōima avatau ilauim!’
LUK 22:65 Ago idi bóbwara goyogoyoidi badabadaidi goi Yeisu sitaagiwoi.
LUK 22:66 Tutayana vanuwo itomo, Diyuu idi tomoyamoya, moe Tonúwala Gagaidi be nakae Yaubada ina Katukeda ana tovatulukwanayao siitugúguna go, Yeisu sime idi kotu goi silumadade
LUK 22:67 sidigo kadi, ‘Neta kom moitamo Guyau, kulatuwokōima!’ Go Yeisu idigo kana, ‘Neta alatuwokoimi, bei geya konumiseguta.
LUK 22:68 Neta alumadademi bego yau Guyau, bei geya kokatumapuguta.
LUK 22:69 E tuta imamaima Tomalatomota bei mana lovina wowoina basekoina Yaubada Tokalika kakataina goi iitusobu.’
LUK 22:70 E madabokidi sidigo kadi, ‘Tauna kom moitamo Yaubada Natuna?’ ‘Komi bogina kodigoyabe’, Tauyana kaena.
LUK 22:71 ‘Kaga ana dedevina totalavaita tuwaina taalusale? Geya! Moitamo. Ina digopopóita toinina sopana goi bogina tanove’, tauyadi kaedi.
LUK 23:1 Tuwo moitamo Diyuu idi tolovinayao madabokidi sitáoya, Yeisu sinave Pailato yaina goi ana kotu manuna.
LUK 23:2 E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita Sisa yaina. Aiyuwoina kanove idigo kana, “Yau Guyau, Tokalibúbuna tayamo.”’
LUK 23:3 E kina go Pailatoyana Yeisu ilumadade idigo kana, ‘Kom moitamo Diyuu adi Tokalibúbuna?’ ‘Kom bogina kudigoyabe’, Yeisu kaena.
LUK 23:4 E kina go Pailatoyana Tonúwala Gagaidi be boda ilatuwokoidi idigo kana, ‘Ame korotoyana bogina adovatusiye go, agite geya ana pikwanamo.’
LUK 23:5 E bodayadi sikaugeogéona sidigo kadi, ‘Geya! Tauyana ina Yudiya madabokina goi ivaatulúkwana, e boda idumwamwainidi. Ivatowo Galili goi ima ameko goi.’
LUK 23:6 E kina go Pailatoyana idi livala inove, ilumadádana kana, ‘Manakae? Koroto ame moitamo Galili korotoina ae?’
LUK 23:7 ‘U, nakae’, kidi kaedi. Tuwo Pailato bogina iyagoi bego Yeisu ina kasa moe Erodi ina kaba lovina sinaena. Amo tutayana Erodiyana nakae Yerusalema goi ikaaiyaka, tuwo Pailato ina boda ilovinaedi kana, ‘Yeisu konave Erodi yaina goi.’ Tuwo moitamo sinave tauyana yaina goi.
LUK 23:8 E kina go Erodiyana Yeisu igite, iuyáwana gagaina. Tuta maanawena latuwona Yeisu igite unana valena bogina inove. Tuwo iilotuta bei Yeisu aba kinana tayamo iguuinuwe igite.
LUK 23:9 E lumadádana goi Yeisu idoovatusi tuta maanawena go, Tauyana geya ikatumapuyeta.
LUK 23:10 E kidi Tonúwala Gagaidi be Yaubada ina Katukeda ana tovatulukwanayao siitáoya Yeisu kikina siwowoko gagaina.
LUK 23:11 E kina Erodiyana mana tovayaviyayao Yeisu sikaiwotete be sivaponuponuye. Nakae tolovina ana kwama dedevina sikabi, Yeisu sivalosi bego yaina goi sisakululu polapola. Ikavava, Erodi ina lovina goi sietunemnei ina Pailato yaina goi.
LUK 23:12 E Erodi be Pailato amo maliyalinayana goi bogina sikatuvékwana. Boi mainao sivaakaleya.
LUK 23:13 E kina go Pailatoyana Tonúwala Gagaidi, Diyuu idi tomoyamoya be boda ikatuvagogudi sima
LUK 23:14 ilatuwokoidi idigo kana, ‘Ame korotoyana bogina kome yau yaigu kotalavaite bego tomota ivasulaigidi go, konovēgu. Tauyana bogina matami goi adovatusidoko go, geya tayaamo píkwana Tauyana yaina goi ababane. Go moe yau aguta guna nuwonúwana geya,
LUK 23:15 go sem Erodi nakae geya tayaamo kaga ibabane. Yeisu ietunemnei ima yaida goi. Go konovēgu. Ame Tauyana geya tayaamo goyo iguinuwe bei ámasa itoboine.
LUK 23:16 Tauna bei adabiyamo namliyeta ataligei yaimi goi.’
LUK 23:17 Go kidi bodayadi madabokidikova siduduwo sidigo kadi, ‘E moe Tauyana kukaumāte go, Barabasi kutaligēi manuma!’
LUK 23:19 Barabasiyana boi deri sivaisiu unana boi Yerusalema goi senao italewuwudi bego Roma idi lovina sikapipilavedi be nakae tomota maniyedi ikaumatedi.
LUK 23:20 E Pailatoyana latuwona Yeisu italigei, tuwo aiyuwoina tomota ilumadademneidi.
LUK 23:21 Go kidi siiduduwo kadi, ‘Kerose goi kutupatūko! Kerose goi kutupatūko!’
LUK 23:22 Go kina Pailatoyana sivato kana, ‘Tupatúkwana? Ame Tauyana ava goyo iguinuwe bei itoboine ikámasa? Geya tayaamo píkwana Tauyana yaina goi ababane. Tauna bei adabiyamo namliyeta ataligei.’
LUK 23:23 E kidi sikaugeogéona. Niyadi gagaidi goi silovina kadi, ‘Kerose goi situpatuko!’ Tauyadi sopadi imakimaki,
LUK 23:24 tuwo kina Pailatoyana ilovina Yeisu ikámasa idi kawanoi nakae.
LUK 23:25 E korotoyana ina kapipilova be ina kaumata pasidi deri goi ikaaiyaka go, Pailato italigei nakae sikawanoiye. Go Yeisu iyato boda nimadi goi bei idi nuwonúwana siguinuwe Tauyana yaina.
LUK 23:26 Tutayana sinavenave bei kerose goi situpatuko, enao goi koroto tayamo guma Sairini yoina Saimoni ina tánuwo goi imamaima. Imamaima go, tovayaviya siyoisi silovinae Yeisu ina kerose ikabi ikavale. Ikabi ikavale Yeisu mlina goi iiketoiya.
LUK 23:27 E Yeisu inonoina go, boda gagaina sisabookuliye. Bodayadi yaidi goi vevina badabadaidi kasikasidi sitututu go, sitaiyakuwokúwala Yeisu manuna.
LUK 23:28 E kina Yeisu itáoya, itugavila vevinayadi ilatuwokoidi kana, ‘Yerusalema vevinaimi, tuta simamaima bei mou gagaidi sisowóduwo, e tomota bei sidigo kadi, “Avatauwa komi vevina neta kaagalimi o geya natumimo, ami dedevina bogina kobabane.” Tauna taabu kotaitāiya yau manugu, go sem toinimi manumi be nakae natumiyao manudi kotāiya.
LUK 23:30 Yau geya guna pikwanamo o kada, “Yau alova mamaina nakae, tauna tomota geya itoboinedita sigabu.” Komi da Yerusalema mami píkwana o tadigo kada, “Komi alova diinalidi nakae tomota bei sigabudi.” Tuwo kerose goi bei situpatukoigu go, komi bei manakaemi? Tuta amo goi bei igoyo toina, nakae tomota geya latuwodi bei mouyadi silotowo, tauna bei sivatowo koya silatuwokoidi kadi,
LUK 23:32 E toogoyoidi adi taiyuwo nakae sinavedi bei Yeisu taiyao sikaumatedi.
LUK 23:33 Tutayana sima asa yoina Bulubulu goi Yeisu ana kwama sivalilividi. Ikavava, kerose goi situpatuko. Ago togoyoidiyadi adi taiyuwokova nakae adi kerose goi situpatukoidi, tayamo kakataina, tayamo kekelina.
LUK 23:34 E kina go Yeisuyana idigo kana, ‘Tamagu, idi guinuwa goyogoyoina ame kunuwotāo. Geya siyagoiyeta kaga siguuinuwe.’ E tovayaviyayadi Yeisu ana kwama, ana sendoro, ana gadíwana sikabidi, pápala tayamo siguinuwe bei sigite avatauwa sikabidi.
LUK 23:35 Ago boda siitáoya Yeisu siyookoe. E kidi go Diyuu adi tolovinayaoyadi nakae sikaoseve sidigo kadi, ‘Bego ituli ta tomota iyavedi. Tuwo toinina iyāve, neta Tauyana moitamo Yaubada ana Vadámana, ina kinava!’
LUK 23:36 E tovayaviya nakae Tauyana sikaiwotete ame nakae: Sima oine bwaena yuyuyuna sitagone inim go,
LUK 23:37 sidigo kadi, ‘Neta kom moitamo kidi Diyuu adi Tokalibúbuna, toinim kuyavēm!’
LUK 23:38 Ego Yeisu ana píkwana aisika paaevaina tayamo goi sigini, dabana diligaemaina goi situpatuko. Ana pikwanayana kana, ‘Ame Tauyana Diyuu adi Tokalibúbuna.’
LUK 23:39 E kina go tokapipilova tayamo adi taiyuwo tupaatukoidi yaidi goi Yeisu itagiwoi idigo kana, ‘Manakae? Kom Guyau gea geya? Toinim kuyavēm namliyeta kai nakae kuyavēma.’
LUK 23:40 E kina ituli ta toogoyoina siyana ibove idigo kana, ‘Manakae? Yaubada ina liuna geya kumatoiteyeta ae? Iyaa! Kita ada liuna taababane Tauyana ana liuna nakae!
LUK 23:41 Ago liunayana kita itoboineda. Kita ida guinuwa ana katumapu bogina tababanedoko go, ame Tauyana geya tayaamo kaga goyogoyoina iguinuwe geya.’
LUK 23:42 Tuwo togoyoinayana Yeisu ilatuwoko idigo kana, ‘Yeisu, kunuwokavatēgu tutayana im tuta kuetokalibúbuna.’
LUK 23:43 Yeisu idigo kana, ‘Nakae bei aguinuwe, tauna ame alatuuwokoim kunōve: Ame bei guna dadava dedevina goi kom yau taiyao takaaiyaka.’
LUK 23:44 Bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.
LUK 23:45 Níyala ikamaamaníwana go, Tukunu Kimaasabaina Toina ana vabodaupa kaarekoina ikiiseyuwe.
LUK 23:46 Ago Yeisu niyana gagaina goi iduduwo kana, ‘Tamagu, balomaigu nimam goi ayato!’ E moe ibobore ikavava, yawoina ikasalave.
LUK 23:47 E tovayaviya adi tovakumgo igite kaga iisowóduwo, Yaubada ina togaga ana káeyana ikamooitamoe kana, ‘Moitamo. Amo korotoyana tutubeso nakae tokibóbwata.’
LUK 23:48 Ago tutayana Yeisu ina kámasa ana toyokoyao madabokidi sigite kaga liliuna siisowóduwo, madi nuwomou goi kasikasidi situtu go, sikaluvilamna sina idi kasa.
LUK 23:49 E Yeisu senao liliudi be nakae vevina boi Galili goi Yeisu sisabookuliye tupwana masigava siitáoya sigitegite kaga liliuna siisowóduwo.
LUK 23:50 Koroto tayamo yoina Iyosepa, Diyuu adi kotu ana tolovina tayamo go, koroto todedevina be tokibóbwata.
LUK 23:51 Iyosepayana guma Arimateya, moe Diyuu idi kasa tayamo. Tauyana Yaubada ina kalibúbuna ina sowóduwo ilootutae. Moe tauyana kotu ana tolovinayao idi nuwonúwana be idi guinuwa Yeisu yaina geya ikamoitamoedita.
LUK 23:52 Ame tauyana ina Pailato yaina goi ikawanoi idigo kana, ‘Manakae? Kutagona Yeisu wowona akabi avaliwoge gea geya?’ Tuwo moitamo itagona.
LUK 23:53 Tuwo Iyosepayana ma senao sina kerose goi Yeisu wowona sikaisobuye go, areko sikabi, wowonayana siutube. Siutube ikavava, sinave valiwoga tukubu goi sisiu siyato. Tukubuyana boi gurewa sitavi go, sinaena geya tayaamo tuta goi tokámasa siyato.
LUK 23:54 Ago moe Sabati ana katubayásina ana maliyalina go, níyala giyakainava bei isaliu, e Sabatiyana ivatowo.
LUK 23:55 E vevinayadi boi Galili goi Yeisu sisabookuliye, sina Iyosepa ma senao sisabokuliyedi, e sigite manakaedi Yeisu wowona tukubuyana sinaena goi siyato.
LUK 23:56 E sigite ikavava, sikaluvila idi kasa pauda mainina dedevina be pútuma dedevina sikatubayasidi Yeisu wowona manuna. Ago Sabati goi siwaiwasi nakae Sabati ana lovina idige.
LUK 24:1 E wiki ana maliyalina vakuumgoina goi nobuyana nava matagougouna go, vevinayadi idi pútuma bogina sikatuubayasi sikabi sime Yeisu ana valiwoga tukubu goi.
LUK 24:2 E sima tukubuyana goi go, tobuna ana kauboda gurewa sigite, bogina pulipulina!
LUK 24:3 E tukubuyana goi sisiu go, ida Tomoya Yeisu wowona geya sibabaneyeta.
LUK 24:4 Geya tuwo nukotodi siwówana, idi nuwonúwana kadi, ‘Yeisu wowona nako?’ Nakae sinuwooleleu go, koroto adi taiyuwo madi kwama naamalidi matabuwodi sisowóduwo vevinayadi yaidi goi.
LUK 24:5 E vevinayadi sigitedi, atedi siyova, tuwo sisakululu go, korotoyadi sidigo kadi, ‘Vevina, kaga unana Tauyana maa yawoina go, tokámasa yaidi goi koolusale?
LUK 24:6 Tauyana ameko geya, go sem Yaubada ámasa goi bogina ikaitáoe. Konuwāisi boi Galili goi taiyao nava kokaaiyaka manakaena ilatuwokoimi kana,
LUK 24:7 “Itoboine Tomalatomota siyoisi toogoyoidi nimadi goi siyato be kerose goi situpatuko namliyeta maliyalina aitonina ámasa goi itaoyamna.”’
LUK 24:8 Tuwo moitamo ina bóbwara sinuwopeyedi.
LUK 24:9 Anerose sibóbwara ikavava, vevinayadi tukubu goi sisowóduwo sikaluvila sina Yeisu ina tovatotowanayao yawou tayamo yaidi goi be nakae ina tosabokuliyao liliudi yaidi goi madabokina sitalavaite.
LUK 24:10 E vevinayadi moe Meri guma Magidara, Yoana be ituli ta Meri, tauyana Yemesa sinana, be nakae vevina maniyedi taiyao. Moe tauyadi Yeisu ina taoyamna manuna ina vamoleyanayao silatuwokoidi.
LUK 24:11 Ago kidi korotoyadi vevina idi livala sinove go, idi livalayana ana taiyakeka nakae sikautaotáwana, tuwo geya sinumisedita.
LUK 24:12 E kina go Pita itáoya, ilokoina ina valiwoga tukubuyana goi isakululu isalogeba imatavilavila go, areko kaka igite. Igite ikavava, itáoya ikaluvila ina ina kasa go, dogoiyana ina sowóduwo pasina ikainaopa.
LUK 24:13 Tomota adi taiyuwo Yeisu ina tosabokuliyao yaidi amo maliyalinayana goi siiketoiya sinonoina asa tayamo yoina Eméusa manuna. Emeusayana moe 11 kilomita Yerusalema goi.
LUK 24:14 Siiketoiya go, ana kaibako sivaateteli.
LUK 24:15 Idi vatetalayana goi Yeisu kina iketoiya ima isakavatedi adi taiyuwo taiyao siiketoiya.
LUK 24:16 Go Yaubada nuwodi ikiwowonidi, tauna geya itoboinedita Yeisu sikinane.
LUK 24:17 E Yeisu kidi taiyao siiketoiya, idigo kana, ‘Kooketoiya kaga kovaateteli?’ Adi taiyuwo madi nuwomou sitáoya.
LUK 24:18 E koroto tayamo yoina Keliyopasi idigo kana, ‘Manakae? Kom amta Yerusalema goi kueogaoga go, geya kuyagoiyeta maliyalina mlida goi kaga siisowóduwo ae?’
LUK 24:19 Tuwo Yeisu idigo kana, ‘Go manakae?’ E kidi kadi, ‘Yeisu guma Nasareta manuna. Tauyana tokabivalavala tayamo. Yaubada matana goi be nakae tomota liliuma matama goi ina guinuwa be ina livala toogagaidi.
LUK 24:20 Ago ida Tonúwala Gagaidi be nakae ida tolovinayao Tauyana ina lovina siyato kadi, “Itoboine ikámasa.” Tuwo sinave kerose goi situpatuko.
LUK 24:21 E kai go kaalotuta bego Tauyana nakona Yaubada ina kinava bogina ima bei kita Isileli tubunao itateteda. Tuwo kanuwonúwana bei itaoyamna nakae idige, go geya, go sem ame bogina maliyalina aito ina kámasa mlina go, geya tayaamo kaga isowóduwo.
LUK 24:22 Nukotoma siwówana; ima nuwonúwana bego Tauyana nakona Guyau geya go, vevina maniyedi yaima goi nakae nukotoma sikiwowonidi. Maine nobuyana nava matagougouna goi sina Tauyana ana valiwoga tukubu
LUK 24:23 go, Tauyana wowona geya sibabaneyeta. E sima silatuwokoima anerose sisowóduwo yaidi goi sidigo kadi, “Tauyana maa yawoina!”
LUK 24:24 Tuwo maniyedi yaima goi sina tukubuyana goi go, nakonakae vevinayadi sidigedige nakae sibabane. Ego Tauyana geya sigiteyeta.’
LUK 24:25 Go kina Yeisuyana idigo kana, ‘O komi tamogemogemi nakae dabami sikasa! Neta Yaubada ina tokabivalavalayao idi livala liliudi konumisedi!
LUK 24:26 Boi sidigodigo bego Guyau itoboine moe gedagedayadi ilotowoidi namliyeta Yaubada ana káeyana isiu bei ikalibúbuna.’
LUK 24:27 Tuwo Mosese ina buki goi be nakae tokabivalavala liliudi idi buki goi ivatowo go, kaga liliuna toinina manuna Gínina Kimaasabaina goi ilumavivisi yaidi.
LUK 24:28 Siiketoiya, asayana manuna sinonoina bogina sivakakana sina go, Yeisu bego inonoina ituli ta kasa.
LUK 24:29 Go kidi adi taiyuwokova simatakanikaniye kadi, ‘Geya. Bogina lavilavi. Níyala bogina ikavava, tauna kwaiyāka kai taiyao.’ Tuwo moitamo isiu ikaiyaka tauyadi taiyao.
LUK 24:30 Niga áika goi taiyao siitusobu, Yeisu beredi ikabi, manuna ikauyagu Yaubada yaina. Ikavava, ikivisi ikaiguyauye tauyadi yaidi goi.
LUK 24:31 E Yaubada nukotodi ikipolaledi, tauna Yeisu sikinane. Ago yaidi goi Tauyana itagau.
LUK 24:32 Tauyadi taudiva sidigo kadi, ‘Moitamo. Enao goi taaketoiya, Tauyana ibobóbwara be Gínina Kimaasabaina ivatulukoida go, ida lotówana ilulutaoneda ae?’
LUK 24:33 Tuwo tuta amo goi sitáoya sikaluvila sina Yerusalema goi Yeisu ina tovatotowanayao yawou tayamo ma sediyao sibabanedi bogina situgúguna,
LUK 24:34 e sidigo kadi, ‘Ida Tomoya ámasa goi bogina itaoyamna, isowóduwo Saimoni yaina goi!’
LUK 24:35 Tuwo adi taiyuwokova nakae ana kaibako sivateteli enao goi kaga kaga siisowóduwo. Nakae Yeisu beredi ikivisi baige sikinane.
LUK 24:36 E nava moe dogoiyadi sivateetelidi go, kina Yeisu isowóduwo, nauyayanaidi goi itáoya ilatuwokoidi idigo kana, ‘Yaubada ina tuboina yaimi.’
LUK 24:37 E tauyadi sikaliwoisa nakae atedi iyova gagaina. Idi nuwonúwana bego baloma sigite.
LUK 24:38 Tuwo Yeisu idigo kana, ‘Kaga unana atemi iyova be nakae konanayuwo?
LUK 24:39 Nimagu aegu kogitēdi. Ame yau. Baloma geya wowonamo, geya lulunamo, tauna yau geya baloma geya. Kōma kobisikonēgu be kogīte, yau ma sakavaigu, ma lulugu.’
LUK 24:40 Moe ilatuwokoidi ikavava, nimana be aena ivatulukoidi.
LUK 24:41 E tauyadi siuyáwana go, sikainaopa go, nava geya sinumiseyeta. Tauna Yeisu idigo kana, ‘Awoinu kōme akáika.’
LUK 24:42 E tuwo íyana kaaivayaina giyaina sivini
LUK 24:43 ikabi matadi goi ikani.
LUK 24:44 E ilatuwokoidi idigo kana, ‘Ame yau guna livala boi nava yaimi goi akaaiyaka alatuwokoimi kagu, “Kaga liliuna Yaubada ina Katukeda goi be tokabivalavala idi buki goi be Same goi siiginidi yau manugu itoboine simalatomota.”’
LUK 24:45 Tuta amo goi nukotodi ikipolaledi, e itoboinedi Gínina Kimaasabaina siyagoi.
LUK 24:46 Ikavava, idigo kana, ‘Amo bukiyadi goi sigini bego Guyau, Yaubada ana Vadámana, itoboine bei gedageda be ámasa ibabanedi go, maliyalina aitonina goi tokámasa yaidi bei itaoyamna.
LUK 24:47 Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.
LUK 24:48 Moe dogoiyadi toinimi matami goi kogitedi, tauna komi dogoiyadi adi totalavaitayao.
LUK 24:49 Konovēgu. Giyakainava kaga Tamagu bogina ikaatotule bei yau aetune iwo yaimi. Go komi asa ame goi kokaiyāka ana kadókana Yaubada olagaema ina togaga goi ikitogagemi.’
LUK 24:50 E ibóbwara ikavava, inavedi Betani goi nimana ikatulágata go, ikaipakuyedi.
LUK 24:51 Yeisu ikaipaakuyedi go, ikalavedi o tadigo kada, ‘Yaubada itukoe inave yábana.’
LUK 24:52 Go kidi amoko goi sisakululu Yeisu yaina ikavava, madi uyáwana sikaluvilamna sina Yerusalema.
LUK 24:53 Ago tuta liliuna sinonoina Vada Kimaasabaina goi Yaubada siyaapaliye.
JOH 1:1 Aba vatowo goi Livala bogina ikaaiyaka.
JOH 1:2 Ame Tauyana aba vatowo goi Yaubada taiyao
JOH 1:3 Dogoi liliudi iya goi sisowóduwo.
JOH 1:4 Tauyana yawana vau unana.
JOH 1:5 Mavadayana mamaníwana goi ininínima go,
JOH 1:6 Koroto tayamo ikaaiyaka, tauyana boi Yaubada ietune ima. Korotoyana yoina Iyoni.
JOH 1:7 Ame tauyana totalavaita nakae ima bego Mavadayana italavaite tomota yaida bego ina talavaitayana goi liliuda bei tanumise.
JOH 1:8 Iya geya kada Mavadayana geya, go sem ima bego Mavadayana italavaite.
JOH 1:9 Tauyana Mavada mooitamoina imamaima poyapoya ame goi tomota liliuda nukotoda itapasigidi.
JOH 1:10 Bogina ima poyapoya ame goi ikaaiyaka be nakae poyapoyayana nimana goi isowóduwo go, kidi da poyapoya geya sikinaneyeta.
JOH 1:11 Tauyana ima toinina ina kasa Yudiya goi go, toinina ina bodao, moe kidi Diyuu, geya siuyaoneyeta, go sem sikatae.
JOH 1:12 Go avatauwa neta Tauyana siuyaone o tadigo kada, ‘Tauyana sinumise’, e Yaubada itagonedi bei kidi Tauyana natunao.
JOH 1:13 Tauyadi geya kada ikaika goi o sakava ana yala goi o tomota idi nuwonúwana goi sibíbina geya, go sem Yaubada goi sibíbina.
JOH 1:14 Livalayana imalasakava, e yaima goi ikaaiyaka. Tauyana yaina goi Yaubada ina togaga ana káeyana kagite. Ina togaga ana kaeyanayana itoboine ikaaiyaka Tauyana yaina unana iya Yaubada Natuna kaakesaina; Tamana goi ima be nakae Yaubada ina kanuwóiya be ana Nanamsa Mooitamoina sivakayaodei.
JOH 1:15 Iya go Iyoniyana itaalavaita Livala manuna, iduduwo idigo kana, ‘Amo Tauyana manuna boi adigo kagu, “Tauyana mligu goi imamaima yau nava geya abibineta go, iya bogina ikaaiyaka, tauna Tauyana itobukukuyuigu.”’
JOH 1:16 Moitamo Yaubada ina kanuwoiyayana Natuna ivakayaodei. Ame anuwoiyayana gagaina goi tuta tuta madabokida ivakayaaodeida.
JOH 1:17 Ame nakae: Anuwoiyayana Mosese goi ivatowo; tauyana Yaubada ina Katukeda ivinida. E imalatomota dókana Yeisu Guyau yaina goi. Tauyana goi Yaubada ina kanuwóiya be ana Nanamsa Mooitamoina ivagitakoedi yaida.
JOH 1:18 Geya vatau tayaamo boi nimatu ima ame tuta Yaubada igite go, Tauyana Yaubada kaakesaina anetava Tamana atena, e ame Tauyana bogina Yaubada ikaiwoduwe yaida.
JOH 1:19 Diyuu adi tolovinao Yerusalema goi sikaaiyaka go, Tonúwala be Livai tubunao sietunedi sina Iyoni bego silumadade sidigo kadi, ‘Kom avatau? Kom Guyau, Yaubada ana Vadámana, gea avatau?’ Tutayana nakae sibóbwara, Iyoniyana geya ilawoiwoita geya, go sem ibóbwara moitamo; e italavaita ame nakae, kana, ‘Yau geya Guyau, Yaubada ana Vadámana, geya.’
JOH 1:21 Kidi sidigo kadi, ‘Neta kom Guyau geya, e kom avatau? Kom Eliyau?’ Iyoni kana, ‘Yau Eliyau geya.’ ‘Kom Yaubada ina tokabivalavala Mosese nakae katuuyaosi?’ kidi kaedi. Iyoni idigo kana, ‘Geya.’
JOH 1:22 E tauna sidigo kadi, ‘Kom ava koroto? Itoboine ama toetunayao kalatuwokoidi. Manakaem toinim kutalavaitem?’
JOH 1:23 Iya idigo kana, ‘Yaubada ina tokabivalavala Aiseya boi nimatu italavaitegu idigo kana,
JOH 1:24 Parisi maniyedi nakae; tonuwalayadi be Livai tubunaoyadi taiyao maine sima.
JOH 1:25 Parisiyadi Iyoni silumadade sidigo kadi, ‘Kom Guyau geya. Kom Eliyau geya. Kom Yaubada ina tokabivalavala Mosese nakae geya go, kaga unana tauna tomota kusaayoyoidi?’
JOH 1:26 Go iya Iyoni idigo kana, ‘Yau bwae goi tomota asaayoyoidi. Koroto tayamo yaida goi ikaaiyaka go, Tauyana geya kokinaneyeta.
JOH 1:27 Tauyana mligu goi imamaima geya itoboineguta bei ana sendoro ana búyala ataligei unana yau sobuyekoina.’
JOH 1:28 Ame dogoiyadi Betani goi sisowóduwo. Betaniyana moe sákala Iyoridani bomatu dadavina, e amoko goi Iyoni tomota isaayoyoidi.
JOH 1:29 Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina Lami! Tauyana kita da poyapoya liliuda ida goyo ikabidi ikalavedi.
JOH 1:30 Amo Tauyana manuna boi adigo kagu, “Koroto mligu goi imamaima yau nava geya abibineta go, iya bogina ikaaiyaka, tauna Tauyana itobukukuyuigu.”
JOH 1:31 Boi mainao yau nakae Tauyana geya akinaneyeta bego iya Guyau go, geya itoboineyeta Tauyana tatamogemogeye, go sem itoboine Tauyana akaiwoduwe Isileli tubunao yaidi goi bei siyagoi. Moe pasina tauna yau ama bwae goi tomota asayoyoimi.’
JOH 1:32 Iyoniyana italavaita tuwaina Yeisu manuna idigo kana, ‘Baloma Kimaasabaina agite bunabuna nakae yábana goi isou ima Tauyana yaina goi ikaaiyaka.
JOH 1:33 Go boi mainao yau geya akinaneyeta bego Tauyana Guyau, go sem Yaubada, Tauyana ivamoleyegu bego bwae goi asayóyova, e amo Tauyana ilatuwokoigu idigo kana, “Baloma Kimaasabaina bei kugite isou ina koroto tayamo yaina goi ikaaiyaka. E amo Tauyana Baloma Kimaasabaina goi bei tomota isayoyoidi.”
JOH 1:34 Ame yau bogina agite nakae bogina atalavaite yaimi bego amo Tauyana Yaubada ina kinava.’
JOH 1:35 Vanuwo itomo aiyuwoina Iyoni iitáoya kai ina tovatotowanayao ama taiyuwo taiyao
JOH 1:36 go, ikandobala Yeisu igite iiketoiya imamaima, tuwo idigo kana, ‘Gwa, Yaubada ina Lami!’
JOH 1:37 Ama taiyuwoyama Iyoni ina livala kanove, tuwo Yeisu kasabokuliye.
JOH 1:38 E Yeisu itáoya itugavila igitema kasabookuliye, ilatuwokoima kana, ‘Kaga latuwomi?’ ‘Rabi, nako kwaaiyaka?’ kai kaema. Rabi ana yagoina moe Tovatulúkwana Toolagaina.
JOH 1:39 Tauyana kana, ‘Kōma bei kogite.’ E tuwo moitamo kana kagite nako ikaaiyaka. Tauyana taiyao tutayana goi kakaaiyaka ina lavilavi.
JOH 1:40 Ama taiyuwokova Iyoni kanove be Yeisu kasabokuliye. Koroto tayamo moe siyagu yoina Anduru; tauyana Saimoni Pita siyana.
JOH 1:41 Ame tauyana mainao ina toinina siyana Saimoni ibabane ilatuwoko kana, ‘Siyagu, Mesaiya bogina kababane.’ Mesaiya ana yagoina moe Guyau, Yaubada ana Vadámana.
JOH 1:42 Tuwo siyanayana ikabi ime Yeisu yaina goi. Yeisu ikandobala Saimoniyana ipotekavate go, idigo kana, ‘Kom Saimoni, Iyoni natuna. Ago kom youyuwoim avayoum moe Kepasi.’ Kepasiyana ana kaigavila moe Pita.
JOH 1:43 Vanuwo itomo Yeisu latuwona ina Galili. Tuwo itáoya ina amoko goi go, Pilipo ivalobode ilatuwoko idigo kana, ‘Pilipo, kusabokuliyēgu!’
JOH 1:44 Ego Pilipoyana ina kasa moe Betesaida, moe Anduru be Pita idi kasa.
JOH 1:45 Pilipo ina Nataniyela ibabane idigo kana, ‘Siyagu, Guyau manuna boi nimatu kidi Mosese Yaubada ina Katukeda goi igini be nakae Yaubada ina tokabivalavalayao idi buki goi sigini, e Tauyana bogina kababane! Moe Yeisu, Iyosepa natuna, guma Nasareta.’
JOH 1:46 Go iya Nataniyelayana idigo kana, ‘Iyaa! Geya kada tayaamo kaga aba vaita Nasareta goi itoboine isowóduwo.’ Go iya Pilipoyana kana, ‘Novala kūma tāna kugīte.’
JOH 1:47 Tuwo moitamo sina go, Yeisu ikandobala Nataniyela igite imamaima, tuwo tauyana manuna kana, ‘Gwa! Tayamo Isileli tubuna moitamo! Tauyana goi pola geya!’
JOH 1:48 Go Nataniyelayana kana, ‘Manakaem tauna kuyagoigu?’ Yeisu idigo kana, ‘Nava Pilipo geya iduduwemta, kom lao ogalaoina goi kwaaiyaka agitem.’
JOH 1:49 Nataniyelayana idigo kana, ‘Tovatulúkwana Toolagaim, kom Yaubada Natuna! Kom kai Isileli tubunao ima Tokalibúbuna!’
JOH 1:50 Yeisuyana idigo kana, ‘Manakae? Moe kunumise unana kagu, “Kom lao ogalaoina goi kwaaiyaka agitem”? Moe dogoi giyaina go, nava bei dogoi gagaidi kugitedi.’
JOH 1:51 Tuwaina kana, ‘U nakae dogoi gagaidi bei kugitedi! Ame alatuuwokoimi konōve: Nava bei yábana kogite ikatupáeva go, Yaubada ina aneroseyao situkotuko nakae sisousou Tomalatomota yaina goi.’
JOH 2:1 Maliyalina aiyuwo sikavava Nataniela be Pilipo adi duduwo mlina, nai aikanina Galili asaina Kena goi tomota siguuinuwe. Ago aikayana goi Yeisu sinana ikaaiyaka.
JOH 2:2 E Yeisu be kai ina tovatotowanayao nakae siduduwema kana aikaniyana manuna.
JOH 2:3 Kakakáika go, oine bogina ikavava, tuwo Yeisu sinana ima ilatuwoko idigo kana, ‘Natugu, kidi oine geya. Kuvaitēdi.’
JOH 2:4 Go iya Yeisu kana, ‘Namoya, yau guna polava moe geya kom im polava. Taabu kuvatuwoowonēgu! Yau guna tuta nava.’
JOH 2:5 Tuwo sinanayana tovaita ilatuwokoidi idigo kana, ‘Nakonakae ilatuwokoimi, nakae koguinūwe.’
JOH 2:6 Ego kontena ainima tayamo sikaaiyaka bwae manuna. Kontenayadi gurewa goi siwodugudi nakae kai Diyuu ima lovina kimavada manuna. Kontenayadi tamo tamo itoboinedi bwae lita ana badabada 80 ina tayamo 120 nakae sisaligogoidi.
JOH 2:7 Tuwo tovaitayadi Yeisu ilatuwokoidi idigo kana, ‘Amo kontenayadi bwae goi kovakayaodēidi.’ Tuwo moitamo sina sivakayaodeidi.
JOH 2:8 Ikavava, Tauyana idigo kana, ‘Ame tuta bwae kotēge kōna áika ina tolovina kovīni.’ E tuwo sitege, sina sivini.
JOH 2:9 E tutayana sivini inimkone, geya iyagoiyeta bwae adi totega nako goi sikabi go, kidi tovaitayadi aditava siyagoi. Tuwo bwaeyana bogina imalaoine ikabi inimkone, e tonai koroto iduduwe ima
JOH 2:10 ilatuwoko idigo kana, ‘Ida sinapu goi mainao oine dedevina toyoko tavinidi. Niga tutayana oineyana gagaina bogina sinim ginagina siyaluwo, geya siyagoiyeta kaga sinimnim, e oine besobeso tavinidi. Go kom oine dedevina kuvagagale ana kadókana oine besobeso ikavava.’
JOH 2:11 Moe aba kinanayana vakuumgoina Galili asaina Kena goi Yeisu iwodugu. Aba kinanayana goi Yaubada ina togaga ana káeyana yaina goi ikaaiyaka ivagitakoe, tuwo kai ina tovatotowanayao kanumise.
JOH 2:12 Moe mlina, Yeisu ma sinana be senao be kai ina tovatotowanayao taiyao kasou kana Kapaneumi goi. Amoko goi maliyalina maniyena kakaaiyaka.
JOH 2:13 Diyuu ima Basitáwana Aikanina bogina ana kebukebu, tuwo Yeisu kai taiyao katuko kana Yerusalema goi kasiu.
JOH 2:14 Kasiu go, kana Vada Kimaasabaina ina kali goi kasiu, e Yeisu bulumakau be sipi be bunabuna adi tokaigimonayao be nakae mani ana totalamapuyao igitedi sipaaisewa.
JOH 2:15 Tuwo búyala ikabidi, aba dábina tayamo iwodugu. Ikavava, ina tokaigimonayaoyadi madabokidi idi sipi be idi bulumakau taiyao ivatapiyedi Vadayana goi sisowóduwo sisiya. Ago mani ana totalamapuyaoyadi idi mani ikaliulagidi nakae idi teboro ikausepaledi.
JOH 2:16 Ago bunabuna adi tokaigimonayaoyadi ilatuwokoidi idigo kana, ‘Imi mánuwo moe kokabīdi konavēdi! Yau Tamagu ina vada taabu kooyatāko imi kaba maketi!’
JOH 2:17 Kai Yeisu ina tovatotowanayao Gínina Kimaasabaina ina livala tayamo kanuwokavate; livalayana kana,
JOH 2:18 E kidi Diyuu adi tolovinayao sidigo kadi, ‘Ava kaba kinana bei kuvatulukoima bego kayagoi mam lovina itoboinem moe guinuwayadi kuguinuwedi?’
JOH 2:19 Go iya Yeisu idigo kana, ‘Vada Kimaasabaina ame kotaūwe go, maliyalina aito goi bei avataoemnei.’
JOH 2:20 E tauna kidi tolovinayadi sidigo kadi, ‘Iyaa, tala 46 goi ame Vada Kimasabainayana sivatáoe go, kom bego maliyalina aito goi kuvataoemnei ae?’
JOH 2:21 Ego amo Tauyana Vada Kimaasabaina toina geya manuna ibobóbwara, go sem toinina wowona idigedige.
JOH 2:22 E tauna tutayana Yaubada Yeisu tokámasa yaidi goi ikaitáoe, kai ina tovatotowanayao kanuwokavate Tauyana boi ina livala. Tuwo Gínina Kimaasabaina be Yeisu ina livala kanumisedi.
JOH 2:23 E tutayana Yerusalema goi Yeisu ikaaiyaka moe Basitáwana Aikanina ana tuta. Amo tutayana tomota badabadaidi Tauyana sinumise unana ina kaba kinana iguuinuwedi sigitedi.
JOH 2:24 E iya go Yeisu tomota geya inumisedita unana tomota madabokidi idi sinapu bogina iyaagoidi.
JOH 2:25 Nakae tomota idi talavaita toinidi idi nuwonúwana manuna moe tuwo; nuwodi bogina iyaagoidi.
JOH 3:1 E koroto tayamo Parisi yoina Nikodimo. Tauyana Diyuu adi tovakumgo tayamo.
JOH 3:2 Ame tauyana sabamgo goi ima Yeisu yaina idigo kana, ‘Tovatulúkwana Toolagaim, kayagoi bego kom tovatulúkwana tayamo Yaubada goi kuma. Moitamo. Neta Yaubada kom taiyao geya, e aba kinana kuguuinuwedi geya itoboinemta kuguinuwedi.’
JOH 3:3 Go iya Yeisuyana idigo kana, ‘Im bóbwara moitamo go, ame alatuuwokoim kunōve: Avatauwa neta geya sibibinamneta, geya itoboinedita bei Yaubada ina kalibúbuna sigite.’
JOH 3:4 Go iya Nikodimoyana kana, ‘Yau bogina akaitomoya go! Manakaegu abibinamna? Manakae? Sinagu gamona goi aiyuwoina asiumna abíbina ae? Geya itoboineguta!’
JOH 3:5 Go iya Yeisuyana kana, ‘Moe moitamo go, ame alatuuwokoim kunōve: Avatauwa neta bwae goi be nakae Baloma Kimaasabaina goi geya sibibineta, geya itoboinedita Yaubada ina kalibúbuna goi sisiu.
JOH 3:6 Avatauwa neta sakava goi sibíbina, moe sakava ana dadava. Go avatauwa neta Baloma Kimaasabaina goi sibíbina, moe baloma ana dadava.
JOH 3:7 Taabu kukaaināopa bego yau kagu, “Itoboinem kubibināmna.”
JOH 3:8 Gwa! Nako goi yágira latuwona itowo, nakae itowo, e butukáona tanove go, geya tayagoiyeta nako imamaima o nako inonoina. Tauna kom nakae neta Baloma Kimaasabaina goi kubíbina. Ina paisewa geya kugiteyeta go, ina paisewayana myana kuulotowo.’
JOH 3:9 Go iya Nikodimoyana idigo kana, ‘Go bibinamna manakaena isowóduwo?’
JOH 3:10 Go iya Yeisuyana idigo kana, ‘Iyaa! Manakae? Kom bego Isileli tubunao idi tovatulúkwana go, ame vatulukwanayadi geya kuyagoidita ae?
JOH 3:11 Moe aba kainaopa gagaina go, ame alatuuwokoim kunōve: Kaga kaayagoi kaabobore; kaga kagitegite katalavaite yaimi go, ima talavaitayana geya konumiseyeta.
JOH 3:12 Kaga kaga sisowóduwo poyapoya goi manudi alatuwokoimi go, geya konumiseguta. Tauna kaga neta yábana manuna alatuwokoimi, bei manakaemi konumisegu?
JOH 3:13 Ame pasina itoboinegu yábana manuna avatulúkwana: Geya vatau tayaamo bogina ituko ina yábana goi bego dogoiyadi yábana manuna iyagoidi, go sem Tomalatomota yábana goi isou ima anetava itoboine dogoiyadi iyagoidi.
JOH 3:14 Boi nimatu yoyowo goi Mosese barasa ikabi, moteta imadagi. Ikavava, aitakeo goi itupatuko. Ikavava, ikatulagasi, e bei avatauwa neta motetayana sipotepote, geya sikamaseta, go sem maa yawoidi sikaaiyaka. E nakae itoboine bei Tomalatomota sikatulagasi
JOH 3:15 bego avatauwa neta Tauyana sinumise, e maa yawoidi vata.’
JOH 3:16 Ame moitamo. Yaubada da poyapoya imatakoiyeda ame nakae: Natuna kaakesaina ikasale bego avatau neta inumise, bei geya ikamaseta, go sem maa yawoina vata.
JOH 3:17 Moitamo. Yaubada Natuna ietune ima poyapoya ame goi geya kada bego da poyapoya itakinoida toogoyoida ida goyo pasidi geya, go sem bego Natunayana goi iyaveda.
JOH 3:18 Avatauwa neta Natunayana siinumise, itakinoidi todedevidi. Ego avatauwa neta Yaubada Natuna kaakesaina geya sinumiseyeta, bogina itakinoidi toogoyoidi.
JOH 3:19 E takinonayana unana ame: Mavadayana bogina ima poyapoya ame goi go, tomota nuwodi geya ikabiyeta, go sem mamaníwana nuwodi ikabi. Idi nuwokabiyana moe idi guinuwa goyogoyoidi pasidi.
JOH 3:20 Moitamo. Avatauwa neta goyo siguuinuwe, Mavadayana sikaolilive, tauna bei geya sisiuta, govila bei idi guinuwa itapasigidi.
JOH 3:21 E kidi go avatauwa neta Yaubada ana Nanamsa Mooitamoina siguuinuwe, Mavadayana simeko bego idi guinuwa ikaiwoduwedi bego tomota liliudi siyagoi idi guinuwayadi moe idi spwagógana Yaubada yaina goi pasina siguuinuwedi.
JOH 3:22 Moe dogoiyadi sikavava, Yeisu be kai ina tovatotowanayao taiyao kana Yudiya goi. Amoko goi taiyao kakaaiyaka go, ina lovina goi tomota sima kasaayoyoidi.
JOH 3:23 Ego Iyoni nakae. Bwae gagaina asa Ainoni Salim kikina goi ikaaiyaka, tauna tomota sina amoko goi Iyoni isaayoyoidi.
JOH 3:24 Amo tutayana Iyoni nava deri goi geya sivaisiuyeta.
JOH 3:25 E tauna kidi Iyoni ina tovatotowanayao be Diyuu koroto tayamo taiyao sikaumakimaki goyo ana kimavada manuna.
JOH 3:26 Tuwo Iyoni ina tovatotowanayaoyadi sima Iyoniyana yaina sidigo kadi, ‘Tovatulúkwana Toolagaim, koroto kunuuwaisi boi Iyoridani ta dadava goi taiyao kokaaiyaka nakae boi bogina kukamooitamoe? E kunōve. Korotoyana ame tuta boda isaayoyoidi. Madabokiidi sinonoina Tauyana yaina goi. Tauna geya simamaima kom yaim.’
JOH 3:27 Go iya Iyoniyana idigo kana, ‘Geya vatau tayaamo kébana, nakona toolagaina gea toosobuna, ibabane neta kina Yaubada geya iviniyeta.
JOH 3:28 Komi toinimi itoboinemi kotalavaitegu bego boi adigo kagu, “Yau Guyau geya, go sem Yaubada ietunekumgoiyegu ama be amo Tauyana ina sowóduwo manuna akatubayasi.”
JOH 3:29 Aba gita tayamo aguinuwe: Korotoyana tonai nakae bei inai. Yau siyana nakae. Yau aatáoya tauyana atuuyaosi bego ima. Tutayana tonaiyana isowóduwo, siyana bei iuyáwana gagaina tutayana tonaiyana niyana inove. Yau nakae auyáwana gagaina tutayana korotoyana ina guinuwa valena kutaalavaite anove.
JOH 3:30 Tauyana itoboine ietoolagaina go, yau aetoosobugu.’
JOH 3:31 Avatau neta maeko goi ima, e tomota liliuda yaida goi iya toosakina. Avatau neta poyapoya goi ima, moe guma poyapoya nakae poyapoya ana nanamsa kaka ibobore. Avatau neta yábana goi ima toosakina.
JOH 3:32 Kaga bogina igite be nakae inove, moe italavaite go, ina talavaitayana geya vatau tayaamo iuyaone.
JOH 3:33 Avatauwa neta ina talavaitayana siuyaone, e sikamoitamo bego Yaubada aba numisa.
JOH 3:34 Ame moitamo. Yaubada Natuna ietune ima ina livala italavaitedi. Bogina kuyagoi. Yaubada Balomaina ivakayaodeivatae.
JOH 3:35 Gwa! Yaubada Natuna nimana goi kaga liliuna iyatoidi unana Natunayana imatakoiye.
JOH 3:36 Avatauwa neta Natuna siinumise, tauyadi bogina maa yawoidi vata. Ego avatauwa neta Natuna geya sikabikaoneyeta, yawoidi vata bei geya sibabaneyeta, go sem Yaubada ina egamogamogu ikaaiyaka tauyadi yaidi goi.
JOH 4:1 E Parisi livala sinove bego boda gagaina sinonoina Yeisu yaina, e itaamyabidi sietovatotówana baige isaayoyoidi. Tauna kai ina tovatotowanayao ama badabada ivakaigaga namliyeta baige Iyoni. Go Yeisu tomota geya isayoyoidita, go sem kai ina tovatotowanayaoyama kasaayoyoidi. Tutayana Yeisu iyagoi livalayana Parisi sinove,
JOH 4:3 Tauyana kai taiyao Yudiya kakalave go, kakaluvilamna kana Galili manuna.
JOH 4:4 Kanonoina go, itoboine mainao Samériya dadavina goi kasiu.
JOH 4:5 E tuwo Samériya kasiu kanonoina asa tayamo yoina Sukari goi. Sukariyana kikina moe poyapoya tayamo boi nimatu Yakobo natuna Iyosepa ivini.
JOH 4:6 Ego amoko goi Yakobo ina doelu ikaaiyaka. E tuwo kama doeluyana goi Yeisu etoiya bogina ilausi, tuwo doeluyana aubodaina yatana goi itusobu iwaiwasi. Moe bogina dine.
JOH 4:7 Iwaaiwasi go, Samériya vavinaina ima doeluyana goi bego bwae itega. Yeisu ibala ina vavinayana ilatuwoko idigo kana, ‘Bwae kutēge anim.’
JOH 4:8 Bogina kuyagoi. Yeisu geya ana kaba tegamo geya, e anetava ikaaiyaka unana kai ina tovatotowanayao bogina kana Sukari goi bego awoinu kagimona.
JOH 4:9 Go iya Samériya vavinainayana kana, ‘Manakae? Yau Samériya vavinaigu go, kom koroto Diyuu kukawanoiyegu bwae manuna ae?’ Bogina kuyagoi. Kidi Diyuu da Samériya taiyao geya sikabiveekoveko geya.
JOH 4:10 Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’
JOH 4:11 Go vavinayana itainasi; ina nuwonúwana bwae toina manuna ibobóbwara tauna kana, ‘Tomoya, geya im kaba tegamo go, doelu tono sou ivakaigaga. E tauna nako goi bwae ma yawoinayana bei kukabi?
JOH 4:12 Boi nimatu tubuma Yakobo doelu ame itavi be tauyana ma natunao be nakae ina yoguyoguyao ame doeluyana goi sinimnim. Ame tuta doeluyana kai ima doelu go, bwae nava idaudau dedevina toina. Manakae, kom bego tubuma Yakobo kutobusave?’
JOH 4:13 Go iya Yeisuyana idigo kana, ‘Neta kita bwae doelu ame goi tanimnim, nava bei maeda siyapasamna
JOH 4:14 go, avatauwa neta bwae yau avinidi sinimnim, e maedi geya siyapayápasa, go sem tauyadi nuwodi goi bei ikaubobóbwala be nakae idau vata, e bei yawoidi vata sibabane.’
JOH 4:15 Vavinayana kana, ‘Tomoya, moe bwaeyana kuvinīgu bego maegu geya iyapaseta nakae geya tuwaina amamaima ameko bego bwae ategatega!’
JOH 4:16 Go Yeisu kana, ‘Kūna monem kulatuwōko, taiyao kōma ameko.’
JOH 4:17 Go iya vavinayana idigo kana, ‘Yau geya monegumo.’ Yeisu kana, ‘Bego kom geya monemmo? Moe moitamo.
JOH 4:18 Go monemowo adi badabada bogina adi tainima go! Ame tuta korotoyana taiyao kootuyuwo geya monem toina geya. Moe kubóbwara moitamo.’
JOH 4:19 Vavinayana kana, ‘Tomoya, agitem ana kaigigita kom tokabivalavala.
JOH 4:20 Kai tubumao goi ima, ame koyayana goi kasaakululu Yaubada yaina. Go komi Diyuu kodigodigo bego Yerusalema kaka goi itoboine tasakululu dókana.’
JOH 4:21 Go iya Yeisuyana kana, ‘Namoya, guna livala kunumīse! Komi Samériya tomotaimi geya koyagoidokoeta avatau yaina kosaakululu. Go tomota adi yava kai Diyuu yaima goi isowóduwo, tauna kai kaayagoi avatau yaina goi kasaakululu. Go abóbwara moitamo bego tuta imamaima Samériya koyaina goi o Yerusalema goi bei geya kosakululuta Tamada yaina,
JOH 4:23 go sem tuta tayamo imamaima go, bogina isowóduwo, bei Tamada ina tosakululuyao mooitamoidi sisaakululu Tauyana yaina ame nakae: Yaubada ana Nanamsa Mooitamoina ana tovagitákwana moe Baloma Kimaasabaina, e Baloma Kimasabainayana ina vakeda goi bei sisaakululu. Moitamo. Tomota amo nakae Tamada latuwona bego ina tosakululuyao.
JOH 4:24 Avatauwa neta latuwodi sisaakululu Yaubada yaina, itoboine Yaubada ana Nanamsa Mooitamoina ana tovagitákwana moe Baloma Kimaasabaina ina vakeda goi sisaakululu unana Yaubada Baloma.’
JOH 4:25 Vavinayana kana, ‘Bogina ayagoi bego Mesaiya bei ima.’ Mesaiya ana yagoina moe Guyau. Tuwaina kana, ‘Tutayana Tauyana bei ima, kaga liliuna bei ikaiwoduwedi yaida goi.’
JOH 4:26 Yeisu kana, ‘Yau avaadigoim, Yau Tauyagu.’
JOH 4:27 Ame tutayana goi kai Yeisu ina tovatotowanayao kama kakainaopa bego Tauyana vavina taiyao sibobóbwara. Ago geya vatau tayaamo yaima goi idigo kana, ‘Kaga latuwom vavinayana yaina?’ O kama, ‘Kaga unana tauyana kuuvadigo?’
JOH 4:28 E vavinayana ina kontena ikalave go, ina asa goi tomota ilatuwokoidi kana,
JOH 4:29 ‘Kōma koroto dobala kogīte. Tauyana kaga liliuna boi bogina aguuinuwedi ilatuwokoigu! Seki nakona amo Tauyana Guyau gea geya?’
JOH 4:30 Tuwo tomotayadi sitáoya asa goi sisowóduwo sima Yeisu yaina.
JOH 4:31 Ego nava simamaima go, kai Yeisu ina tovatotowanayao kalumakikine bego ikáika, tuwo kadigo kama, ‘Tovatulúkwana Toolagaim, avam goame. Kwāika.’
JOH 4:32 ‘Yau maa kavagu go, avaguyana komi geya koyagoiyeta’, Yeisu kaena.
JOH 4:33 E tauna kai ina tovatotowanayao ametava kabobóbwara kadigo kama, ‘Manakae? Nakona ituli ta tomota awoinu ivini?’
JOH 4:34 E Yeisuyana kana, ‘Yau avagu moe bego guna Toetuna ina nuwonúwana aguuinuwe be nakae ina paisewa alukavave.
JOH 4:35 Komi kodigodigo bego tukówana aivasi baige dibayoya ana tuta ae? Ame alatuuwokoimi konōve: Matami kodobāla tomota kogitēdi bogina siyao witi tanuina nakae dibayoya ana tuta goi.
JOH 4:36 Bogina todibayoya idi takona siibabane nakae awoinu sisayoyoidi yawoidi vata manuna bego tobágula be todibayoya taiyao siuyáwana.
JOH 4:37 Moeko goi livala ame moitamo: Tomota tayamo ibágula; tomota tayamo idibayoya.
JOH 4:38 Yau aetunemi bei kaga manuna boi geya kopoisoganeta go, tuwo kodibayoyoi. Ituli ta bodava sipoisógana go, komi idi paisewa kosiukoidi bei kodibayoya.’
JOH 4:39 E amo asayana goi da Samériya badabadaaidi Yeisu sinumise vavina ina livala pasina. Tauyana boi Yeisu manuna italavaita kana, ‘Kaga liliuna boi bogina aguuinuwedi ilatuwokoigu!’
JOH 4:40 E tutayana da Sameriyayadi sima Yeisu yaina, sikawanoi bego ikaaiyaka yaidi goi. Tuwo moitamo itagona, e maliyalina aiyuwo goi ikaaiyaka.
JOH 4:41 Kidi go boda badabadaidi tuwaina ina livala pasidi sinumise.
JOH 4:42 Go vavinayana silatuwoko sidigo kadi, ‘Tauyana kanumise go, geya kom im livala kaka pasina geya. Ina livala toinima bogina kanove be nakae kayagoi Tauyana moitamo kita da poyapoya ada Toyava toina.’
JOH 4:43 E maliyalina aiyuwo mlidi go, kai katáoya amoko goi kasowóduwo kana Galili goi.
JOH 4:44 Yeisu boi toinina italavaite kana, ‘Yaubada ina tokabivalavala toinina ina kasa goi geya ana wowoinamo.’
JOH 4:45 E tutayana kama Galili Parovinisi goi kasiu, da Galili Yeisu siuyaone unana tauyadi nakae boi Basitáwana Aikanina manuna sina Yerusalema goi, e bogina sigite kaga liliuna iguuinuwedi.
JOH 4:46 E Yeisu taiyao kakaluvilamna kama Galili asaina Kena goi. Amoko goi boi Tauyana bwae ikaigavile imalaoine. Ago tayamo tolovina ina topaisewa Kapaneumi goi ikaaiyaka; tauyana natuna koroto ikatówana.
JOH 4:47 Ame tauyana livala inove bego Yeisu Yudiya Parovinisi goi bogina ima Galili Parovinisi goi. Tuwo itáoya ima Yeisu yaina ikawanoi kana, ‘Natugu koroto giyakainava bei ikámasa. Neta itoboinem, kusōu kūma tauyana kukidedevīne.’
JOH 4:48 Go iya Yeisu idigo kana, ‘Neta aba kinana kainaaopaidi geya kogitedita, e bei geya konuumisegu.’
JOH 4:49 Go iya korotoyana kana, ‘Tomoya, kusōu kūma tāna, govila bei natugu ikámasa.’
JOH 4:50 Yeisu kana, ‘Kūwo. Natum bogina iboboina; maa yawoina ikaaiyaka.’ Korotoyana Yeisu ina livala inumise, tuwo ina.
JOH 4:51 E bogina isou inonoina go, ina pakonayao sima sivalobode silatuwoko sidigo kadi, ‘Natum bogina iboboina, maa yawoina.’
JOH 4:52 E tauna ilumadadedi idigo kana, ‘Ava tuta nakae iboboina?’ Pakonidiyadi sidigo kadi, ‘Nuwobuna nakae atówana ikalave.’
JOH 4:53 E tauna gomanayana tamana bogina iyagoi tuta amo goi Yeisu kana, ‘Natum bogina iiboboina, maa yawoina.’ Tuwo tauyana mana bodayáuwo liliudikova Yeisu sinumise.
JOH 4:54 E moe aba kinana aiyuwoina Yeisu iguinuwe tutayana Yudiya goi ima go, Galili goi ipaaisewa.
JOH 5:1 Moe dogoiyadi sikavava, kai Diyuu ima káika tayamo bogina ana kebukebu, e Yeisu kai ina tovatotowanayao taiyao katuko kana Yerusalema goi.
JOH 5:2 Bwae nikuunikuna tayamo Yerusalema goi ikaaiyaka. Moe tayamo aba siu yoina Sipi Idi Kaba Siu kikina. Bwaeyana Diyuu niyadi goi siduduwe Betesata. Kikina goi vada geya adi vabodamo ainima sitaoyakobu.
JOH 5:3 Vadayadi goi togoyogoyo badabadaidi, nakae tokebo, topego be topem, sikaaiyaka.
JOH 5:5 E tayamo koroto amoko goi ikaaiyaka, bogina tala 38 goi mana vísiya ikaaiyaka.
JOH 5:6 Yeisu ima korotoyana igite iitusobu, iyagoi bego tuta maanawena mana vísiya. Tuwo korotoyana ilatuwoko kana, ‘Manakae? Latuwom kudedevina?’
JOH 5:7 ‘U, Tomoya, latuwogu go, tutayana bwae ikaubobóbwala, geya tayaamo guna tovaita ikaaiyaka itoboine ikavalegu bwaeyana goi ikaisobuyegu. Tuwo toinigu apoikiki ama go, tuta tuta tomota tayamo ivakumgo isou bwaeyana goi, e yau geya’, tokatowanayana kaena.
JOH 5:8 Yeisu kana, ‘Kutāoya, im baseko kwābi go, kuketōiya!’
JOH 5:9 Tuwo moitamo mainao idedevina, e ina basekoyana ikabi iketoiya. Ego ame maliyalinayana moe Sabati.
JOH 5:10 E kidi Diyuu adi tovakumgoyao sigite korotoyana idedevina ina baseko iikavale, tuwo silatuwoko kadi, ‘Iyaa! Kita geya ada tagonamo bei Sabati goi tapaaisewa, tauna kom geya am tagonamo im baseko kuukavale.’
JOH 5:11 ‘Tauyana guna tokidedevina ilatuwokoigu kana, “Im baseko kwābi kuketōiya”’, korotoyana kaena.
JOH 5:12 Tovakumgoyadi silumadade sidigo kadi, ‘Ava koroto ilatuwokoim im baseko kwabi kuketoiya?’
JOH 5:13 E kina go korotoyana bogina idedevina geya iyagoiyeta ana tokidedevina yoina manakoyoina. Boda gagaina sikaaiyaka, e bodayadi sinaedi goi Yeisu bogina ivasulaigi.
JOH 5:14 Moe dogoiyadi sikavava, Yeisu Vada Kimaasabaina goi isiu korotoyana ibabane, tuwo idigo kana, ‘Kunovēgu! Kom bogina kudedevina. Ago taabu goyo tuwaina kuguuinūwe, govila bei dogoi goyogoyoina toina isowóduwo yaim.’
JOH 5:15 Tuwo korotoyana ina Diyuu adi tovakumgoyao yaidi italavaita idigo kana, ‘Guna tokidedevina yoina Yeisu.’
JOH 5:16 Kidi Diyuu adi tovakumgoyao sivatowo Yeisu sivakaleye ame pasina: Ina guinuwa Sabati goi iguuinuwedi.
JOH 5:17 E iya go Yeisu ilatuwokoidi idigo kana, ‘Yau Tamagu boi nimatu go, ima ame tuta nava ipaaisewa, tauna yau nakae apaaisewa.’
JOH 5:18 E tauna kidi Diyuu adi tovakumgoyao sipoikiki makimaki bego Yeisu sikaumate ame pasina: Yeisu Sabati ana lovina ikapipilave. Go apipilova kaka geya, go sem idigodigo bego Yaubada moe toinina Tamana. Moe nakae Yaubada taiyao sivavasa.
JOH 5:19 E iya Yeisu ilatuwokoidi idigo kana, ‘Moitamo apaaisewa go, ame alatuuwokoimi konōve: Geya tayaamo kaga Yaubada Natuna itoboine toinina ina lovina goi iguinuwe, go sem kaga neta igite Tamana iguuinuwe Natunayana nakae iguuinuwe. Ame moitamo. Kaga neta Tamanayana iguuinuwedi, guinuwayadi Natuna nakae iguuinuwedi.
JOH 5:20 Guna nuwonúwana ataligei. Iya go Tamanayana ina guinuwa liliudi Natuna bogina ivatuluko unana imatakoiye. Ago amo guinuwayadi giyaidi. Go nava bei guinuwa gagaidi Natuna ivatuluko iguinuwedi bego komi kogitedi kokainaopa.
JOH 5:21 Kogita. Nakonakae Tamana tokámasa ikaitaoedi o tadigo kada, “Yawoidi ivinidi”, e Natuna nakae iguinuwe. Avatauwa neta Natuna ikinavedi, e yawoidi vau ivinidi.
JOH 5:22 Ame moitamo. Tamana geya vatau tayaamo itakino, go sem takínona ana paisewa madabokina bogina Natuna nimana goi iyato
JOH 5:23 bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta.
JOH 5:24 Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi.
JOH 5:25 Guna bóbwara moitamo, tauna ame alatuuwokoimi konōve: Tuta tayamo imamaima o tadigo kada, “Bogina ima” bei tomota neta balomaidi kaamasidi, e Yaubada Natuna niyana bei sinove go, neta sikabikaone, yawoidi vau bei sibabane.
JOH 5:26 Ame nakae: Tamana moe yawana vau ana tokaiguyau go, Natuna nakae bogina ivayoko bego Tauyana yawana vau ana tokaiguyau.
JOH 5:27 Natunayana moe Tomalatomota, tauna Tamana lovina ivini bei tomota itakinoidi.
JOH 5:28 Ame manuna taabu kokaaināopa unana tuta tayamo imamaima goi tokámasa liliudi bei Tauyana niyana sinove,
JOH 5:29 adi valiwoga tukubu goi bei sisowóduwo. Tauyadi guinuwa dedevina ana toguinuwa sitaoyamna bei yawoidi vata sibabane go, goyo adi toguinuwayao sitaoyamna bei adi takínona sibabane. Tauna taabu kokaaināopa.
JOH 5:30 Yau geya tayaamo kaga toinigu guna nuwonúwana goi itoboinegu aguinuwe. Takinona nakae. Nakonakae Yaubada ilatuwokoigu, nakae atakínona. Geya latuwogu toinigu guna nuwonúwana aguinuwe, go sem latuwogu guna Toetuna ina nuwonúwana aguuinuwe. Tauna yau guna takinonayana moe kivaavasaina.
JOH 5:31 Neta yau toinigu atalavaitegu, guna talavaitayana moe geya moitamo geya.
JOH 5:32 Ituli ta totalavaita ikaaiyaka italavaitegu. Ayagoi bego Tauyana ina talavaitayana yau manugu, moe mooitamoina.
JOH 5:33 Komi boi imi tomota koetunedi sina Iyoni yaina goi; latuwomi ina talavaita yau manugu konove, e Yaubada ana Nanamsa Mooitamoina moe yau italavaaitegu.
JOH 5:34 E tomota idi talavaita geya auyaonedita, go sem komi kouyaonedi, tauna Iyoni ina livala manugu alatuuwokoimi bego komi konumise bei ami yava kobabane.
JOH 5:35 Amo tauyana rampa nakae ininínima. E komi go ina mavadayana goi latuwomi tuta kaakupina koouyáwana.
JOH 5:36 Go yau manugu tayamo talavaita ikaaiyaka; talavaitayana itogaga namliyeta Iyoni ina talavaita. Moitamo. Talavaitayana moe guinuwa Tamagu iivinigu aguinuwedi, e guinuwayadi moitamo aguuinuwedi. Ame guinuwayadi sitalavaitegu bego Tamada ietunegu ama.
JOH 5:37 Ago Tamagu guna Toetuna, Tauyana toinina bogina italavaitegu go, niyana geya konovenove nakae maisina geya kogitegite.
JOH 5:38 Tauyana ietunegu go, komi geya konumiseguta, tauna ina livala yaimi goi geya ikaiyaketa geya.
JOH 5:39 Komi Gínina Kimaasabaina kokatuyaividokoidi unana konuwonúwana Gininayadi goi bei koyagoi manakaemi yawoimi vata kobabane. Go amo Gininayadi sitalavaaitegu!
JOH 5:40 Go kokatae koma yaigu bego yawoimi vata kobabane.’
JOH 5:41 Tuwaina kana, ‘Yau Yaubada amataakoiye, tauna tomota idi taimámina moe geya auyaonedita,
JOH 5:42 go sem bogina ayagoimi bego latuwomi tomota idi taimámina unana Yaubada ana matakoi yaimi goi geya ikaiyaketa.
JOH 5:43 Yau Tamagu yoina goi ama go, geya kouyaoneguta. Neta tomota tayamo toinina yoina goi ima, tauyana kouyaone!
JOH 5:44 Neta toinimi ami taimámina koyale go, Yaubada kaakesaina ina taimámina geya kotokumeyeta, e bei manakaemi itoboinemi konumisegu? Geya!
JOH 5:45 Taabu konuuwonūwana bego Tamagu yaina goi yau bei awowokoimi. Komi ami towowókana tayamo ikaaiyaka. Towowokanayana moe Mosese go, komi kolootutae bego ivaitemi.
JOH 5:46 Moitamo. Neta Mosese konumise, bei konumisegu. Bogina koyagoi. Moe yau manugu ina bukiyadi goi iginidi!
JOH 5:47 E neta Mosese ina livalayadi geya konumisedita, manakaemi bei guna livala konumisedi?’
JOH 6:1 Moe dogoiyadi sikavava, Yeisu kai ina tovatotowanayao taiyao kakaluvilamna kana Galili dadavina. Niga oga kasowoya kakailova kasaidámana kana Galili Bwaena ituli ta dadava. Bwaeyana youyuwoina moe Tiberiyasi.
JOH 6:2 E kana go, boda gagaina bogina sigite aba kinanayadi Yeisu iguuinuwedi tokatówana yaidi goi, tauna aedi goi Bwaeyana sivanibisi sina Tauyana sisabookuliye.
JOH 6:3 E kama ituli ta dadava goi, Yeisu kai ina tovatotowanayao taiyao kasou, kana koya goi katuko. Maeko goi katusobu kakaaiyaka.
JOH 6:4 Ego kai Diyuu ima Basitáwana Aikanina bogina ana kebukebu.
JOH 6:5 E Yeisu iitusobu go, matana idobala boda gagaina igitedi simamaima Tauyana yaina. Tuwo Pilipo ilatuwoko kana, ‘Pilipo, amo tauyadi avadi nako bei tagimone bego sikáika?’
JOH 6:6 Ego moe idigedige bego Pilipoyana ina numisa ivakakone. Iya go Yeisu bogina iyagoi kaga giyakainava bei toinina iguinuwe.
JOH 6:7 Go iya Pilipoyana idigo kana, ‘Manakaema? Boda giyaina kaeda! Neta kita tukówana ainima aito adi paisewa ana maisa takabi, avadi tagimonedi, e nakona giyaina giyaina tomota tamo tamo tavinidi go, geya itoboinedeta amo bodayadi liliudikova tavakanidi.’
JOH 6:8 Yeisu ina tovatotówana tayamo, moe Saimoni Pita siyana Anduru, kana,
JOH 6:9 ‘Gómana tayamo ameni. Tauyana mana bali beredi ainima be mana íyana kaaivayaidi aiyuwo go, moe kaga? Amo boda gagaina go!’
JOH 6:10 Yeisu ilatuwokoima idigo kana, ‘Tomota kolatuwokōidi situsobu.’ Ego amo dadavayana goi náuna gagaina ikaaiyaka, tauna kalatuwokoidi situsobu. Bodayadi yaidi goi koroto kaka adi badabada moe 5,000.
JOH 6:11 E berediyadi be iyanayadi Yeisu kavini ikabidi manudi ikauyagu Yaubada yaina. Ikavava, berediyadi ikivisidi, ivinima go, kai kakabidi kana kakaiguyauyedi tomotayadi siitusobu yaidi. Ikavava, íyana nakae iguinuwe. Ago tomotayadi sikáika nakonakae latuwodi.
JOH 6:12 E tutayana tomota bogina gamodi, Yeisu kai ina tovatotowanayaoyama ilatuwokoima kana, ‘Kōna valala kokatunokunokūdi, govila bei takavavaluge.’
JOH 6:13 E tauna kana bali berediyadi ainima tomota bogina sikáika gamodi go, valalaidi kakatunokunokudi, e bayao yawou aiyuwo kavakayaodeidi.
JOH 6:14 E kidi go tomotayadi sigite Yeisu aba kinana iguuinuwe, tuwo sidigo kadi, ‘Amo Tauyana moitamo Yaubada ina tokabivalavalayana tatuuyaosi bego ima poyapoya ame goi.’
JOH 6:15 E iya go Yeisuyana iyagoi bego tomota giyakainava bei sima siyoisi be sivayoko Tauyana adi tokalibúbuna, tuwo ikalavedi go, anetava aiyuwoina koyayana goi itukomna.
JOH 6:16 E tutayana lavilavi bogina, kai ina tovatotowanayao kasou kaiwo kana Galili Bwaena labutabutaina goi.
JOH 6:17 Vanuwo bogina ikamamaníwana go, Yeisu nava geya imaita. Tuwo kai ima oga goi kasowoya, katavila kana Kapaneumi.
JOH 6:18 Kanonoina go, bwaeyana goi yágira gagaina itowo, e aivaya gagaidi.
JOH 6:19 E tauna kai kabeubéuta kanonoina go, bogina kana kilomita ainima nakae. Kanonoina go, Yeisu kagite bwae yatana goi iketoiya imamaima, e ima oga bogina ivakakana. Tuwo kai kamatoita.
JOH 6:20 ‘Yau Tauyagu! Taabu koomatōita!’ Yeisu kaena.
JOH 6:21 E tauna mama uyáwana oga goi bego isowoya go, mainao bogina kavaiu asayana latuwoma goi!
JOH 6:22 Vanuwo itomo, bodayadi Galili Bwaena labutabutaina dadavayana goi nava sikaaiyaka Yeisu siilusale go, geya siyagoiyeta nako ina. Siyagoi boile mamaya goi kai ima oga tayamo toito ikaaiyaka go, ame geya. Aiyuwoina boile Yeisu sigite geya isowoeta, go sem kai ina tovatotowanayao ametava kasowoya kana.
JOH 6:23 Ego oga giyaidi maniyedi Tiberiyasi goi sima yoyowo tayamo goi sivaiu. Yoyowoyana moe boile Tomoya beredi manuna ikauyagu namliyeta bodayadi sikáika go, kikina.
JOH 6:24 E tutayana bodayadi sigite bego Yeisu nakae kai ina tovatotowanayao amoko goi geya, e ogayadi sisowoya sina Kapaneumi goi Yeisu silusale.
JOH 6:25 Sima Galili Bwaena ituli ta dadava goi silusale. Siilusale, amoko goi sibabane, tuwo sidigo kadi, ‘Tovatulúkwana Toolagaim, kom ava tuta kuma?’
JOH 6:26 Yeisuyana idigo kana, ‘Komi kolusalegu moe moitamo go, ame alatuuwokoimi konōve: Komi koluusalegu geya kada aba kinana boi koogitedi pasidi geya, go sem boi beredi kokáika bogina gamomi pasina moe kolusalegu.
JOH 6:27 Taabu kopooisōgana awoinu kaavavaina manuna, go sem yawana vata awoinuna manuna kopooisōgana! Moe awoinuyana Tomalatomota bei ivinimi. Bogina koyagoi. Tamada Yaubada bogina ivayoko iya ana katumapu, tauna itoboine nakae iguuinuwe.’
JOH 6:28 E bodayadi sidigo kadi, ‘Ava guinuwa itoboine kaguinuwe bego Yaubada ina nuwonúwana kaguuinuwe?’
JOH 6:29 Iya Yeisuyana idigo kana, ‘Yaubada ina nuwonúwana ame nakae koguinuwe: Bego Tauyana Yaubada bogina ietune ima konumise.’
JOH 6:30 E bodayadi sidigo kadi, ‘Tauna kom ava kaba kinana bei kuguinuwe bego kagite be kanumisem? Kaga bei kuguinuwe?
JOH 6:31 Nakae aba kinana tayamo boi nimatu Mosese iguinuwe ame nakae: Tubudao boi nimatu yoyowo goi mana sikakáika nakae boi Gínina Kimaasabaina kana,
JOH 6:32 Go iya Yeisuyana idigo kana, ‘Moitamo awoinu yábana goi imamaima sikakáika go, ame alatuuwokoimi konōve: Iya Mosese awoinu yábana goi geya ivinidita, go sem yau Tamagu ivinidi go, awoinu mooitamoina yábana goi nakae bei ivinimi.
JOH 6:33 Ame moitamo. Awoinuyana Yaubada iivinimi moe Tauyana yábana goi isou ima da poyapoya yawana vau ivinimi.’
JOH 6:34 E bodayadi sidigo kadi, ‘Tomoya, tuta liliuna moe awoinuyana neta kuuvinīma.’
JOH 6:35 Iya Yeisuyana idigo kana, ‘Yau Tauyagu yawana vau awoinuna. Avatau neta iimekoigu, e loga geya ikamakámasa. Nakae neta inuumisegu, e maena geya iyapayápasa.
JOH 6:36 Latuwogu komekoigu go, geya. Go sem nakae bogina alatuwokoimi kagu, “Bogina koogitegu aba kinana aguuinuwedi go, nava geya konumiseguta.”
JOH 6:37 Tomota liliudi Tamagu iivinigu bei simekoigu. Go liliudikova siimekoigu, yaidi goi geya tayaamo bei avatapiye.
JOH 6:38 Unana yábana goi asou ama geya kada guna nuwonúwana bego aguinuwe geya, go sem bego guna Toetuna ina nuwonúwana aguinuwe. Tauna tomotayadi sima yaigu geya avatapiyedita.
JOH 6:39 E ame guna Toetunayana ina nuwonúwana: Bego tomota liliudi bogina iivinigu goi geya tayaamo vatau bei avaasulaigi, go sem tuta ana kaba lukavava ámasa goi bei akaitaoedi.
JOH 6:40 Ame moitamo. Yau Tamagu ina nuwonúwana ame nakae: Bego avatauwa neta Natuna sigite be sinumise, e yawoidi vata bei sibabane, nakae tuta ana kaba lukavava ámasa goi bei akaitaoedi.’
JOH 6:41 E tauna Yeisu ina livalayadi pasidi kidi Diyuu adi tolovinayao sikaukulukúluwo unana Tauyana idigo kana, ‘Yau Tauyagu awoinu yábana goi asou ama.’ Tauna sikaukulukúluwo
JOH 6:42 taudiva sidigo kadi, ‘Amo Iyosepa natuna, Tauyana Yeisu ae? Tamana be sinana tayaagoidi go, ame manakae tauna kana, “Yábana goi asou ama”?’
JOH 6:43 Go iya Yeisuyana idigo kana, ‘Taabu taumiva kokaukuulukūluwo!
JOH 6:44 Geya vatau tayaamo itoboine toinina imekoigu go, avatauwa neta Tamagu, guna Toetuna, ibiudi, bei simekoigu. Ago tuta ana kaba lukavava tauyadi ámasa goi bei akaitaoedi.
JOH 6:45 Moe nakae tonumisa liliudi manudi boi Yaubada ina tokabivalavalayao sigini kadi, “Tomota liliudi Yaubada bei ivatulukoidi.” Aiseya 54:13 Avatauwa neta Tamagu sinove be nakae sikabiikaone, bei simekoigu.
JOH 6:46 Go geya kada tayaamo tomota Tamagu bogina igite geya. Tauyana Yaubada goi ima, e ame Tauyana anetava Tamagu bogina igite.
JOH 6:47 Guna bóbwara moitamo go, ame alatuuwokoimi konōve: Avatauwa neta sinuumisegu, bogina maa yawoidi vata.
JOH 6:48 Yau Tauyagu moe yawana vau awoinuna.
JOH 6:49 Tubumiyao boi nimatu yoyowo goi mana sikakáika go, tuwo niga sikamasa kówasa.
JOH 6:50 Awoinu ame adigedige moe yábana goi isou ima bego avatauwa neta sikáika, e geya sikamaseta.
JOH 6:51 Yau Tauyagu awoinu maa yawoina, yábana goi asou ama. Avatauwa neta ame awoinuyana sikani, yawoidi vata bei sibabane. Aiyuwoina ame awoinuyana yau aakasale moe iwoigu komi da poyapoya yawoimi vata manuna.’
JOH 6:52 E tauna kidi Diyuu adi tolovinayao taudiva sikaumakimaki kadi, ‘Amo korotoyana manakaena iwoina ikasale bego takani?’
JOH 6:53 Tauna iya Yeisuyana idigo kana, ‘Guna bóbwara geya konumiseyeta go, ame alatuuwokoimi konōve: Neta Tomalatomota iwoina geya kokaniyeta be nakae ikaikaina geya konimyeta, yawana vau yaimi goi geya.
JOH 6:54 Avatauwa neta iwoigu sikani be ikaikaigu sinim, yawoidi vata sibabane, e tuta ana kaba lukavava ámasa goi bei akaitaoemneidi.
JOH 6:55 Ame moitamo. Yau iwoigu awoinu mooitamoina. Yau ikaikaigu aba nim mooitamoina.
JOH 6:56 Avatauwa neta iwoigu goi sikakáika be ikaikaigu goi sinimnim, bogina sikaaiyaka yau yaigu nakae yau akaaiyaka kidi yaidi.
JOH 6:57 Yau maa yawoigu Tamagu pasina unana Tauyana toni yáwana ietunegu ama. Avatauwa neta iwoigu sikani nakae; kidi maa yawoidi yau pasigu.
JOH 6:58 Awoinu ame yábana goi isou ima go, geya kada komi tubumiyao avadi nakae geya. Amo sikáika go, tuwo niga sikámasa. Go avatauwa neta ame awoinuyana sikáika, bei sikaiyako vata.’
JOH 6:59 Ame livalayadi kai Diyuu ima kaba tugúguna goi iidigedi tutayana Kapaneumi goi ivaatulúkwana.
JOH 6:60 E Yeisu ina tovatotowanayao badabadaidi ina livala sinove, taudiva sidigo kadi, ‘Iyaa! Amo livalayadi simoumou. Avatau itoboine iuyaonedi? Geya!’
JOH 6:61 E Yeisu nukotona goi bogina iyagoi bego ina tovatotowanayaoyadi ina livala manuna sikulukúluwo. Tuwo ilatuwokoidi idigo kana, ‘Manakae? Guna livala pasidi imi numisa goi kokapusi?
JOH 6:62 E tauna neta Tomalatomota kogite ituko ina boi isou imamaima asayana goi, manakae? Bei kokapusi gea konumise?
JOH 6:63 Baloma Kimaasabaina moe yawana vau ana tokaiguyau go, tomota toinidi idi togaga geya ivaitedita yawana vau manuna. Yau guna livala bogina alatuwokoimi Baloma Kimaasabaina goi sima nakae livalayadi yawana vau unana.
JOH 6:64 Numisa goi itoboinemi yawanayana kobabane go, maniyemi yaimi goi geya konumiseta.’ Ame moitamo. Yeisu boi ina paisewa ana kaba vatowo goi igimiyagoi avatauwa bei geya sinumiseta be nakae avatau ina tonuwotulu.
JOH 6:65 Tuwaina idigo kana, ‘Moe pasina bogina alatuwokoimi kagu, “Geya vatau tayaamo itoboine toinina imekoigu neta Tamagu geya itagoneyeta.”’
JOH 6:66 Ame pasina tuta amo goi Yeisu ina tovatotowanayao badabadaidi sitáoya Tauyana sikalave, e geya tuwaina sisabookuliye.
JOH 6:67 E tauna kai ina tovatotowanayao yawou aiyuwo nava kakaaiyaka Yeisu ilatuwokoima idigo kana, ‘Manakae? Komi nakae latuwomi kokalavegu?’
JOH 6:68 Go iya Saimoni Pita kana, ‘Tomoya, neta kakalavem, bei nako kana? Kom amta im livala goi yawana vata kababane.
JOH 6:69 Kai bogina kanuumisem nakae kayaagoim bego kom Totumasaba, Yaubada goi kuma.’
JOH 6:70 Yeisu idigo kana, ‘Komi yawou aiyuwoyami, yau akinavemi go, tuwo tayamo yaimi goi moe Totagiwayayana.’
JOH 6:71 Ego moe Saimoni guma Keriota natuna Yudasa idigedige. Tauyana tayamo yawou aiyuwo yaima goi go, giyakainava bei Yeisu inuwotuluye.
JOH 7:1 Amo dogoiyadi sikavava, Yeisu Galili goi ivanibiníbita. Kidi Diyuu adi tolovinayao Yudiya goi siipoikiki bego Yeisu sikaumate, tauna geya latuwona amoko goi ivaníbita.
JOH 7:2 Ego kai Diyuu ima káika Yoyou Aikanina bogina ana kebukebu.
JOH 7:3 E tauna Yeisu ana gomanao sima silatuwoko sidigo kadi, ‘Ame dadavayana kwalāve go, kūna Yudiya bego im tovatotowanayao nakae amoko goi itoboinedi im guinuwa kuguuinuwedi sigitedi.
JOH 7:4 Moitamo. Geya vatau tayaamo ina guinuwa ivamoudi go, latuwona toinina valena tomota siyagoi. Neta moe guinuwayadi kuguuinuwedi, e da poyapoya liliudi matadi goi kuguinuwēdi bei sigitedi.’
JOH 7:5 Ana gomanaoyadi idi bóbwara nakae unana kidi woi Yeisu ana gomanao go, geya sinumiseyeta bego Tauyana Guyau.
JOH 7:6 E tauna Yeisu kana, ‘Yau guna tuta geya itoboineyeta bei ana amo aikayana goi. Ego komi ava tuta latuwomi moe itoboinemi kona.
JOH 7:7 Da poyapoya geya itoboinedita sikaolilivemi unana komi tauyadi nakae. E yau ataalavaita bego da poyapoya idi guinuwa goyogoyoidi, tauna sikaolilivegu.
JOH 7:8 Komi kotūko kōna Yerusalema amo aikayana manuna. Ago yau guna upa Yaubada nava geya iyatoeta, tauna geya atuko awoita moe aikayana manuna.’
JOH 7:9 E moe livalayadi bogina ilatuwokoidi, tauyadi sina go, iya Galili goi ikaaiyaka.
JOH 7:10 E tutayana Yeisu ana gomanaoyadi situko sina Yerusalema áika manuna, Yeisu nakae itáoya, ituko ina Yerusalema goi go, geya ivamamaetaleta, go sem ivatamtamumu.
JOH 7:11 E kidi go Diyuu adi tolovinayaoyadi áika sinaena goi Yeisu siilusale go, tomota silumadadedi sidigo kadi, ‘Amo Tauyana nako?’
JOH 7:12 Boda Yeisu manuna sikanasinamo. Maniyedi kadi, ‘Tauyana koroto dedevina.’ Go maniyedi kadi, ‘Geya, go sem tomota ivasulaaigidi.’
JOH 7:13 Go geya vatau tayaamo Tauyana manuna ikamamaétala, unana Diyuu adi tolovinayao simatooitedi.
JOH 7:14 E aikayana nauyayanaina goi Yeisu ituko ina Vada Kimaasabaina ana kali goi isiu ivaatulúkwana.
JOH 7:15 E tauna kidi Diyuu adi tolovinayao sikaaiyaka, Tauyana ina vatulúkwana sinove, sikainaopa kadi, ‘Amo Tauyana manakaena Gínina Kimaasabaina iyagoidoko? Tauyana ima sikuru goi geya isikuruta.’
JOH 7:16 E tauna iya Yeisuyana idigo kana, ‘Yau guna vatulúkwana moe geya yau toinigu guna vatulúkwana geya, go sem guna Toetuna ina vatulúkwana.
JOH 7:17 Avatauwa neta latuwodi Yaubada ina nuwonúwana siguinuwe, bei siyagoi guna vatulúkwana moe Yaubada goi ima gea toinigu guna nuwonúwana goi abobóbwara.
JOH 7:18 Avatau neta toinina ina nuwonúwana goi ibobóbwara, tauyana toinina ana taimámina manuna iitokuma. Go avatau neta ana toetuna ina taimámina manuna iitokuma, tauyana moitamo. Geya tayaamo sinapu goyo tauyana yaina goi ikaaiyaka geya.
JOH 7:19 Yaubada ina nuwonúwana ikaaiyaka ina Katukeda goi. Atukedayana Mosese boi nimatu tubumiyao ivinidi ae? Go moitamo geya vatau tayaamo komi yaimi goi ikabikaone. Atukedayana goi Yaubada aumata isanabode ae? Tauna kaga unana latuwomi kokaumategu?’
JOH 7:20 Go bodayadi kadi, ‘Ana kaigigita dimoni ikinaagovem. Avatau ipooikikim bego ikaumatem? Geya!’
JOH 7:21 Go iya Yeisuyana idigo kana, ‘Madabokimi kokainaopa unana yau boi Sabati goi guinuwa tayamo aguinuwe moe koroto tayamo akidedevine.
JOH 7:22 Kidedevina pasina iya Mosese boi nimatu sakava ana kúpwana ana lovina ivinimi. Go lovinayana Mosese goi geya imaita, go sem tubumiyao Eberamo, Aisake be Yakobo goi ima. Go lovinayana goi tutayana gogómana adi maliyalina ainima aitonina bogina sibabane, e sakavaidi kokupoidi. Go neta maliyalinayana moe Sabati goi isowóduwo, e tuwo nakae itoboinemi kokupo.
JOH 7:23 Sabati goi koroto sakavaina kokupo bego Yaubada ina Katukeda Mosese ivini geya kokapipilaveyeta ae? Manakae? Koegamogamoguyegu unana koroto tayamo wowona madabokina Sabati goi akidedevine?
JOH 7:24 Taabu tomota adi kaigigita goi kotaakinōidi bego toogoyoidi, go sem mami kivavasa goi kootakīnona.’
JOH 7:25 E tauna da Yerusalema maniyedi sidigo kadi, ‘Ame Tauyana siipoikiki bego sikaumate ae?
JOH 7:26 Go kogīta. Tomota matadi goi ikamamaétala go, ida tolovinayao geya sisaanabode. Manakae? Nakona ame Tauyana bogina sidovatusiye go, siyagoi iya moitamo Guyau, Yaubada ana Vadámana? Nakona geya,
JOH 7:27 go sem ame Tauyana tayagoi nako goi ima. Tutayana Guyauyana bei ima, e geya vatau tayaamo bei iyagoi nako goi ima.’
JOH 7:28 E tauna Yeisu nava Vada Kimaasabaina goi ikaaiyaka, niyana gagaina goi ivatulúkwana idigo kana, ‘Moitamo? Bego bogina yau koyagoigu be nakae koyagoi nako goi ama ae? Geya toinigu guna nuwonúwana goi ama geya, go sem yau guna sowóduwo moe guna Toetuna mooitamoina ina nuwonúwana goi. Tauyana komi geya koyagoiyeta
JOH 7:29 go, yau aayagoi unana Tauyana goi ama. Tauyana ietunegu ama.’
JOH 7:30 E tauna kidi tomotayadi siipoikiki bego Yeisu siyoisi go, ina kámasa ana tuta nava, tauna geya vatau tayaamo ibisikone.
JOH 7:31 E boda badabadaidi sidigo kadi, ‘Nakona koroto amo Guyau, Yaubada ana Vadámana ae? Unana geya vatau tayaamo itoboine aba kinana ana badabada iguinuwedi nakae amo korotoyana bogina iguuinuwedi!’ Nakae sibóbwara unana Yeisu sinumise.
JOH 7:32 Nakae bodayadi Yeisu manuna sikanasinamo go, kidi Parisi bogina sinovedi. Tuwo Tonúwala Gagaidi be Parisiyadi Vada Kimaasabaina adi polisi silatuwokoidi kadi, ‘Kōna Yeisu koyōisi.’ E tuwo sima Yeisu bego siyoisi
JOH 7:33 go, ilatuwokoidi idigo kana, ‘Nava tuta kaakupina yaimi goi bei akaaiyaka namliyeta baige akaluvilamna ana guna Toetuna yaina.
JOH 7:34 Bei kolusalegu go, geya kobabaneguta. Nako goi yau akaaiyaka komi geya itoboinemita koma.’
JOH 7:35 E tuwo kidi Diyuuyadi sidigo kadi, ‘Bei nako goi ina, e kita geya itoboinedeta tababane? Manakae? Bego ina sedao Diyuu boi bogina sigala sina Totuyoyowo idi kasa liliudi goi be Totuyoyowoyadi ivatulukoidi ae?
JOH 7:36 Amo tauyana kana, “Bei kolusalegu go, geya kobabaneguta. Nako goi yau akaaiyaka komi geya itoboinemita koma.” Go moe livalayana kaga ana yagoina?’
JOH 7:37 E bogina aikayana ana maliyalina ana kaba lukavava go, moe maliyalinayana gagaina, e Yeisu itáoya niyana gagaina goi idigo kana, ‘Avatauwa komi neta maemi siyápasa, kōma yaigu bei konim.
JOH 7:38 Avatauwa komi neta konumisegu, tauyami yaimi sákala nakae idaudau go, sakalayana moe bwae maa yawoina. Moe nakae Gínina Kimaasabaina italavaita.’
JOH 7:39 E moe ina livalayana idigedige Baloma Kimaasabaina manuna. Balomayana nava bei ana tonumisayao sibabane. Yaubada ina togaga ana káeyana nava Yeisu ina kámasa be ina taoyamna goi geya ivagitakoeta, tauna Baloma Kimaasabaina nava geya imaita.
JOH 7:40 E tuwo boda yaidi goi maniyedi Yeisu ina livala amo sinove, sidigo kadi, ‘Amo Tauyana moitamo Yaubada ina tokabivalavalayana tatuuyaosi.’
JOH 7:41 Go maniyedi kadi, ‘Amo tauyana Guyau, Yaubada ana Vadámana!’ Go maniyedi kadi, ‘Tauyana Guyau geya. Tauyana guma Galili go, Guyauyana Galili goi bei geya imaita.
JOH 7:42 Gínina Kimaasabaina idigodigo bego Devida ina nunu goi Guyau bei ima be nakae Devidayana ina kasa Bedeliyema goi bei ibíbina.’
JOH 7:43 E tauna livisi bodayadi yaidi goi isowóduwo Yeisu pasina.
JOH 7:44 E kidi go boda maniyedi latuwodi Tauyana siyoisi go, geya vatau tayaamo ibisikone.
JOH 7:45 E kidi Vada Kimaasabaina ana polisiyao sikaluvila sima Tonúwala Gagaidi be nakae Parisi yaidi goi. Go tonuwalayadi be Parisiyadi sidigo kadi, ‘Kaga unana amo Tauyana geya komeyeta?’
JOH 7:46 Kidi polisiyadi kadi, ‘Geya tayaamo koroto ina bóbwara amo korotoyana nakae!’
JOH 7:47 E tauna kidi Parisiyadi kadi, ‘Manakae? Komi nakae bogina ivasulaigimi ae?
JOH 7:48 Tolovina o Parisi kai yaima goi ama taivina amo Tauyana kanumise? Geya tayaamo ae?
JOH 7:49 Go sem amo bodayadi sinumise unana Yaubada ina Katukeda geya siyagoiyeta. Tauna Yaubada ina lovina moumouna ikaaiyaka yaidi goi.’
JOH 7:50 Go iya Nikodimoyana Parisi tayamo nakae ikaaiyaka. Tauyana boi ina Yeisu yaina. E Parisiyadi ilatuwokoidi kana,
JOH 7:51 ‘Segowo, ida lovina Yaubada ina Katukeda goi itoboine mainao koroto tataiyakekedoko be tayagoi ava goyo iguinuwe namliyeta baige tatakino ae?’
JOH 7:52 Kidi tolovina be Parisi sidigo kadi, ‘Nakona kom nakae guma Galili ae? Gínina Kimaasabaina kugitedōko, bei kugite geya kada tayaamo Yaubada ina tokabivalavala Galili goi itáoya geya!’ [
JOH 7:53 Tauyadi tayamo tayamo sina idi kasa.
JOH 8:1 E iya go Yeisuyana kai ina tovatotowanayao taiyao kana Oribe Koyaina.
JOH 8:2 E nobuyana nava matagougouna aiyuwoina Yeisu kai taiyao kakaluvila kana Vada Kimaasabaina ina kali goi kasiu. Ago boda liliudi simamaima Tauyana yaina, tuwo itusobu ivatulukoidi.
JOH 8:3 E ivatuulukoidi go, kidi Yaubada ina Katukeda ana tovatulukwanayao be Parisi vavina tayamo sime. Vavinayana irooerata go, sivaope. E sime bodayama matama goi sivatáoe go,
JOH 8:4 Yeisu silatuwoko sidigo kadi, ‘Tovatulúkwana, ame vavinayana irooerata sivaope.
JOH 8:5 E Yaubada ina Katukeda Mosese ivinivini ilovinaeda bego kidi vevina ame vavinayana nakae gurewa goi takaumatedi. E tauna manakae kom im nuwonúwana? Kaga kaguinuwe?’
JOH 8:6 Go moe sidige bego Tauyana sikatutao, bei itoboinedi siwowoko. E iya go Yeisuyana isakululu kaukau nimakulemwasina goi ikaiginigínina.
JOH 8:7 E tauyadi siluumadade, tauna idumolágata ilatuwokoidi idigo kana, ‘Avatauwa komi neta geya ami goyomo, gurewa kokābi, kogimilāve vavinayana yaina goi.’
JOH 8:8 Ibóbwara ikavava, aiyuwoina isakululumna kaukauyana goi ikaiginigínina.
JOH 8:9 E kidi go totaiyakeka tamo tamo sivatowo Yeisu siikalave go, kidi tomoyamoya sigimina. Tuwo boda nauyayanaidi goi Tauyana be vavinayana aditava sikaaiyaka.
JOH 8:10 E Yeisu itotóyoma go, idigo kana, ‘Vavina, tauyadi nakoidi? Manakae? Geya vatau tayaamo itakinoim bego kom kukāmasa, ae?’
JOH 8:11 ‘U, Tomoya’, vavinayana kaena. E Yeisu idigo kana, ‘Yau nakae, geya atakinoimta bego kukāmasa. Kūna go, geya tuwaina goyo kuguuinūwe.’]
JOH 8:12 E niga aiyuwoina Yeisu Vada Kimaasabaina ina kali goi tomota ilatuwokoidi idigo kana, ‘Yau Tauyagu da poyapoya adi mavada. Avatauwa komi neta kosabokuuliyegu, mamaníwana goi geya koketoiyeta, go sem komi manumi mavadayana yawana vau ana kenao bei itapasigi.’
JOH 8:13 Go kidi Parisiyadi sidigo kadi, ‘Kom toinim im livala goi kutalavaitem. Tauna im talavaitayana geya mooitamoina.’
JOH 8:14 Go iya Yeisuyana idigo kana, ‘Aayagoi nako goi ama nakae nako goi anonoina go, komi geya koyagoiyeta nako goi ama o nako anonoina. Tauna neta toinigu guna livala ataalavaite, guna talavaitayana mooitamoina.
JOH 8:15 Komi tomota idi takínona goi kotaakinoigu. Yau geya vatau tayaamo tomota idi takínona goi atakino.
JOH 8:16 E yau sem tutayana atakínona, guna takinonayana mooitamoina unana yau aguta geya atakinoneta, go sem yau Tamagu, guna Toetuna, taiyao kaatakínona. Tauna yau guna takinonayana mooitamoina.
JOH 8:17 E Yaubada ina Katukeda boi Mosese ivinimi nakae idigodigo bego koroto adi taiyuwo neta idi talavaita sivavasa, e idi talavaitayana mooitamoina.
JOH 8:18 Yau toinigu atalavaaitegu. Tamagu, guna Toetuna, nakae italavaaitegu. Moe bogina ama taiyuwo ima talavaitayana sivavasa, tauna itoboinemi konumisegu.’
JOH 8:19 E tauna tauyadi sidigo kadi, ‘Go Tamam nako?’ Iya Yeisuyana idigo kana, ‘Yau geya koyagoiguta, e nakae yau Tamagu geya koyagoiyeta. Neta moitamo koyaagoigu, e yau Tamagu nakae kooyagoi.’
JOH 8:20 Yeisu ina livala amo iidigedi tutayana Vada Kimaasabaina ina kali goi tomota ivatuulukoidi vininabeso dedeogaidi kikidi go, Yeisu ina tuta nava, tauna geya vatau tayaamo iyoisi.
JOH 8:21 E tauna aiyuwoina Yeisu ilatuwokoidi idigo kana, ‘Yau bei akalavemi. Bei kolusalegu go, geya kobabaneguta, go sem mami goyo bei kokámasa. Nako goi anonoina, komi geya itoboinemita koma.’
JOH 8:22 E kidi Diyuu idi tomoyamoya taudiva sibobóbwara sidigo kadi, ‘Tauyana kana, “Nako anonoina, komi geya itoboinemita koma.” Manakae? Bego toinina ikaumate?’
JOH 8:23 Go iya Yeisuyana idigo kana, ‘Komi poyapoya goi koma go, yau Tauyagu diligaema korotoigu. Komi imi sinapu moe ame poyapoyayana sinapuna go, yau geya.
JOH 8:24 E tauna maine kagu, “Mami goyo bei kokámasa.” Neta geya konumiseta bego Yau Tauyagu, e moe bei mami goyo kokámasa.’
JOH 8:25 E tuwo kidi Diyuu idi tomoyamoyayadi sidigo kadi, ‘Kom bego avatau?’ Iya Yeisuyana idigo kana, ‘Yau tauna nakae boi mainao bogina alatuuwokoimi.
JOH 8:26 Dogoi badabadaidi komi manumi itoboinegu alatuwokoimi be nakae manudi atakinoimi go, yau guna nuwonúwana geya aguinuweyeta, go sem guna Toetuna ina nuwonúwana aguinuwe. Iya mooitamoina. Kaga nakae Tauyana goi anove, moe komi da poyapoya alatuwokoimi.’
JOH 8:27 Tauyadi geya siyagoiyeta bego Tamana manuna ibobóbwara.
JOH 8:28 E tuwo iya Yeisuyana idigo kana, ‘Tutayana Tomalatomota ana kailágata ibabane, bei koyagoi Yau Tauyagu. Geya tayaamo kaga toinigu guna nuwonúwana goi aguinuwe, go sem kaga nakae Tamagu ivatuulukoigu, e moe nakae aabobore.
JOH 8:29 Aiyuwoina bei koyagoi guna Toetunayana yau taiyao. Yau guna guinuwa Tauyana sivauuyaone tuta liliuna, tauna geya ikalaveguta bego yau gumalau geya.’
JOH 8:30 Moe livalayadi Yeisu ibooboredi, e boda badabadaidi sinumise.
JOH 8:31 E Diyuu maniyedi Yeisu bogina sinumise. Tuwo ilatuuwokoidi kana, ‘Neta guna livala goi kokaaiyaka, e komi moitamo yau guna tovatotowanayao.
JOH 8:32 Bei Nanamsa Mooitamoina koyagoi, e Nanamsa Moitamoinayana bei italigeimi.’
JOH 8:33 Go kidi Diyuuyadi sidigo kadi, ‘Kai Eberamo tubunao. Geya vatau tayaamo ipakoima geya! Manakae kom kam, “Nanamsa Mooitamoina bei italigeimi”?’
JOH 8:34 Go iya Yeisuyana idigo kana, ‘Moitamo komi Eberamo tubunao go, ame alatuuwokoimi konōve: Avatauwa neta goyo siguuinuwe, kidi paakonidi goyo yaina.
JOH 8:35 E tauyadi paakonidi geya sikaiyakovateta idi tolovina yaina goi unana tauyadi ituli ta boda, go sem tolovinayana natuna ikaiyako vata. Komi nakae. Konuwonúwana bego komi Yaubada ina bodayáuwo unana komi Eberamo tubunao go, komi geya kokaiyakovateta Yaubada ina bodayáuwo yaidi unana komi paakonimi imi goyo yaidi.
JOH 8:36 E tauna neta Tauyana Natuna italigeimi, komi moitamo taliigavimi.
JOH 8:37 Bogina ayagoi komi Eberamo tubunao go, imi sinapu tauyana ina sinapu nakae geya, go sem komi kopooikíkina bego kokaumategu unana guna livala yaimi goi geya ibibineta.
JOH 8:38 Go yau boi kaga liliuna bogina agite lavayana Tamagu taiyao, moe nakae adige. E komi nakae, kaga komi tamami yaina goi konove, moe nakae koguuinuwe.’
JOH 8:39 Go kidi Diyuuyadi sidigo kadi, ‘Kai tubuma Eberamo!’ Go iya Yeisuyana idigo kana, ‘Neta komi moitamo Eberamo tubunao, e guinuwa Eberamoyana ina guinuwa nakae koguuinuwedi.
JOH 8:40 E Nanamsa Mooitamoina Yaubada goi anove, Nanamsayana moe Yaubada manuna, e akaiwoduwe yaimi. Go ame tuta kopooikíkina bego kokaumategu. Moe geya Eberamo ina guinuwa nakae geya.
JOH 8:41 Moe komi tamami toina ina guinuwa koguuinuwe.’ Go kidi Diyuuyadi sidigo kadi, ‘Kai masisi goyogoyoina goi geya kabibineta. Kai tamama tayamo toito, moe Yaubada.’
JOH 8:42 Iya Yeisuyana idigo kana, ‘Neta Yaubada moe tamami, bei komatakoiyegu. Moitamo. Yau Yaubada goi ama, tauna ameko goi akaaiyaka. Ama geya toinigu guna nuwonúwana goi geya, go sem mae Tauyana ietunegu ama.
JOH 8:43 Kaga pasina guna livalayadi geya koyagoidita? Unana geya latuwomi guna livala konovedi.
JOH 8:44 Komi tamami Totagíwaya umana. Imi nuwonúwana moe bego tamami ina yalagau koguuinuwe. Amo tauyana aba vatowo goi ima ame tuta tokaumata. Tamamiyana Nanamsa Mooitamoina goi geya itaoeta, tauna tauyana yaina goi Nanamsa Moitamoinayana geya ikaiyaketa. Tutayana pola iivatoi, toinina napasina goi ivatoi. Tauyana topola be nakae pola tamana.
JOH 8:45 Ego Nanamsa Mooitamoina akaiwoduwe yaimi, tauna geya konumiseguta.
JOH 8:46 Komi yaimi goi avatau itoboinem goyo tayamo kubabane yaigu bego kukamamaetaligu? Geya. Neta Nanamsa Mooitamoina akaiwoduwe yaimi, kaga unana geya konumiseguta?
JOH 8:47 Avatau neta Yaubada ina boda, e ina livala inovedi. Ame pasina guna livala komi geya konovedita: Komi geya Yaubada ina bodao geya.’
JOH 8:48 Go kidi Diyuuyadi sidigo kadi, ‘Kai kabóbwara moitamo bego kom guma Samériya be nakae naagovaim!’
JOH 8:49 Go iya Yeisuyana idigo kana, ‘Yau geya naagovaigu geya, go sem yau Tamagu awowoine go, komi geya kowowoineguta.
JOH 8:50 E yau toinigu guna taimámina tomota yaidi goi geya alusaleyeta geya. Go Yaubada ikaaiyaka, Tauyana guna taimámina ana tolusala. Ame Tauyana totakinona dókana.
JOH 8:51 Tauyana moitamo totakínona go, ame alatuuwokoimi konoovedōko: Avatauwa neta yau guna livala sikabiikaone, ámasa bei geya siilotowo.’
JOH 8:52 E tuwo kidi Diyuuyadi sidigo kadi, ‘Ame tuta bogina kayagoi bego kom naagovaim. Eberamo be nakae Yaubada ina tokabivalavalayao bogina sikámasa go, kom kam, “Avatauwa neta guna livala sikabiikaone, ámasa bei geya siilotowo.”
JOH 8:53 Tamama Eberamo bogina ikámasa. Manakae? Kunuwonúwana bego tauyana kutobusave? Yaubada ina tokabivalavala nakae. Boi nimatu bogina sikámasa go, manakae? Kunuwonúwana bego kom kutobusavedi? Kom bego avatau?’
JOH 8:54 Iya Yeisuyana idigo kana, ‘Neta yau toinigu guna togaga ana káeyana akamoitamoe, guna kamoitamoyana moe dogoi besobeso. Go yau Tamagu guna togaga ana káeyana ikamoitamoe. Mae Tauyana manuna komi kami, “Tauyana ima Yaubada.”
JOH 8:55 Ago Tauyana geya koyagoiyeta. Ego yau aayagoi. Neta kagu, “Tauyana geya ayagoiyeta”, e yau topola komi nakae, go sem ina livala akabiikaone unana Tauyana aayagoi.
JOH 8:56 Tamami Eberamo mana uyáwana bego guna tuta sowóduwo bei igite. Ago bogina igite, e iuyáwana.’
JOH 8:57 E tuwo kidi Diyuuyadi sidigo kadi, ‘Iyaa! Kom am tala nava 50 geya go, Eberamo bego kugite?’
JOH 8:58 Yeisu idigo kana, ‘Guna bóbwara geya konumiseyeta go, ame alatuuwokoimi konōve: Namliyeta Eberamo ibíbina go, Yau Tauyagu.’
JOH 8:59 E tauna Diyuuyadi gurewa sikabidi, bego Yeisu sikaumate go, ivatamutamumu namliyeta Vada Kimaasabaina ina kali goi isowóduwo.
JOH 9:1 Niga Yeisu kai taiyao kaaketoiya go, koroto tayamo igite ina bíbina goi matana ikebo.
JOH 9:2 Tuwo kai ina tovatotowanayao kalumadádana kadigo kama, ‘Tovatulúkwana Toolagaim, avatau goyo iguinuwe, tauna bego ame tauyana ma mataakeboina ibíbina? Ame tauyana gea tamana be sinana?’
JOH 9:3 Go Yeisu idigo kana, ‘Geya. Ame tauyana be nakae sinana tamana geya sigoyoita, go sem itoboine bego Yaubada ina guinuwa ivagitakoedi ame korotoyana yaina.
JOH 9:4 Kita nava maliyalina ana tuta goi takaaiyaka, itoboine guna Toetuna ina guinuwa taguuinuwedi. Sabamgo imamaima go, amo tutayana geya vatau tayaamo itoboine ipaisewa.
JOH 9:5 Tutayana nava poyapoya goi akaaiyaka, e yau da poyapoya adi mavada.’
JOH 9:6 Ibóbwara ikavava, poyapoya goi igíwala. Giwalayana goi sépwala iwodugu. Sepwalayana ikabi, tomatakeboyana matana imigidi go,
JOH 9:7 idigo kana, ‘Kūna Siloam bwaena nikuunikuna goi matam kunikīdi.’ Siloamyana ana kaigavila moe vamoléyana. E tuwo tauyana ina matana inikidi ikavava, ina ina kasa goi go, itoboine igita.
JOH 9:8 E senao be nakae tomota boi siyagoi tauyana tokawanoi sidigo kadi, ‘Ame tauyana boi iitusobu be mani ikaawanoi ae?’
JOH 9:9 ‘Moe tauna tauyana’, tomota maniyedi kaedi. ‘Geya, go sem koroto tayamo maisiyana’, maniyedi kaedi. ‘Moitamo yau tauyagu’, korotoyana kaena.
JOH 9:10 E tuwo tomotayadi sidigo kadi, ‘Matam manakaedi sidedevina?’
JOH 9:11 ‘Korotoyana yoina Yeisu sépwala imadagi. Ikavava, matagu imigidi. Imigidi ikavava, ilatuwokoigu kana, “Kūna Siloam bwaena matam kunikīdi.” E tuwo ana anikidi ikavava, ame itoboinegu agita’, korotoyana kaena.
JOH 9:12 Tomotayadi sidigo kadi, ‘Go Tauyana nako?’ ‘Seki, geya ayagoiyeta’, korotoyana kaena.
JOH 9:13 Tuwo korotoyana boi matana ikebokebo sikabi, sime Parisi yaidi goi.
JOH 9:14 Ego moe Sabati goi Yeisu sépwala iguinuwe be korotoyana matana ikidedevinedi.
JOH 9:15 E tuwo korotoyana sime Parisi yaidi goi go, kidi nakae silumadade nakae tomota maine bogina silumadade kadi, ‘Manakaem kugita?’ ‘Koroto tayamo sépwala ikabi, matagu goi iyato go, ana anikidi, e agitamna’, korotoyana kaena.
JOH 9:16 E tauna kidi Parisiyadi maniyedi sidigo kadi, ‘Amo korotoyana Sabati ana lovina geya ikabikaoneyeta, tauna Tauyana Yaubada goi geya imaita!’ Go kidi maniyedi sidigo kadi, ‘Go toogoyoina manakaena aba kinana amo nakae iguinuwedi?’ Tuwo livisi isowóduwo tauyadi yaidi.
JOH 9:17 E tauna aiyuwoina tauyana boi matana ikebokebo silatuwoko kadi, ‘Tauyana matam bogina ikidedevinedi, tauna kom manakaem manuna kunuwonúwana?’ ‘Tauyana Yaubada ina tokabivalavala’, korotoyana kaena.
JOH 9:18 E kidi Diyuu idi Parisiyao geya sinumiseta bego korotoyana bíbina goi matana ikebo be nakae matana ana kidedevina bogina ibabane ana kadókana tamana be sinana siduduwedi sima.
JOH 9:19 Sima, Diyuuyadi silumadadedi sidigo kadi, ‘Ame tauyana moitamo komi natumi kodigo bego ma mataakeboina ibíbina ae? Tauna manakaena igita?’
JOH 9:20 E tuwo tamana sinana sidigo kadi, ‘Bogina kaayagoi ame tauyana natuma be nakae ma matakebokeboina ibíbina.
JOH 9:21 Ego manakaena igita, moe geya kayagoiyeta geya. O avatau matana ikidedevinedi, moe nakae geya kayagoiyeta. Go toinimi kolumadāde. Tauyana bogina gagaina; itoboine toinina manuna ibóbwara.’
JOH 9:22 Ame livalayadi tamana sinana sidigedi unana Diyuu adi tolovinayao simatooitedi. Tolovinayadi idi lovina bogina siyato bei avatauwa neta sikamoitamo bego Yeisu moe Guyau, Yaubada ana Vadámana, e Diyuu idi kaba tugúguna goi sisanabodedi geya sisiuta.
JOH 9:23 Moe pasina tamana be sinana kadi, ‘Tauyana bogina gagaina, kolumadāde.’
JOH 9:24 E tuwo aiyuwoina korotoyana boi matana ikebo siduduwemnei ima silatuwoko sidigo kadi, ‘Kubóbwara moitamo, e Yaubada ina togaga ana káeyana kukamoitamoe bego moe pasina matam sidedevina. Kai kaayagoi amo korotoyana toogoyoina.’
JOH 9:25 ‘Seki, amo korotoyana toogoyoina gea geya, geya ayagoiyeta. Ago tayamo dogoi aayagoi moe boi matagu ikebo go, ame tuta agita’, korotoyana kaena.
JOH 9:26 Go kidi sidigo kadi, ‘Kaga iguinuwe yaim? Manakaena matam ikidedevinedi?’
JOH 9:27 ‘Bogina alatuwokoimi go, geya konoveguta. Kaga unana latuwomi aiyuwoina konovemnei? Manakae? Komi nakae latuwomi bego Tauyana ina tovatotowanayao?’ korotoyana kaena.
JOH 9:28 Tuwo tauyana sitagiwoi sidigo kadi, ‘Kom sem Tauyana ina tovatotówana go, kai Mosese ina tovatotowanayao!
JOH 9:29 Kai bogina kaayagoi boi nimatu Yaubada Mosese bogina ivadigo. E amo Tauyana sem geya kayagoiyeta nako goi ima!’
JOH 9:30 Go iya korotoyana idigo kana, ‘Iyaa! Komi aba kainaopa moitamo! Tauyana geya koyagoiyeta nako goi ima go, matagu ikidedevinedi!
JOH 9:31 Bogina tayagoi Yaubada toogoyoidi geya inovedita, go sem avatauwa neta kaasalaidi Yaubada yaina be nakae ina nuwonúwana siguuinuwe, e ame tauyadi inovedi.
JOH 9:32 Boi nimatu go, ima ame tuta geya tayaamo tuta tanove bego tomota tayamo itoboine bei tomota ma mataakeboidi adi bíbina goi ikidedevinedi.
JOH 9:33 Neta amo Tauyana Yaubada goi geya imaita, geya tayaamo kaga itoboine iguinuwe.’
JOH 9:34 Go kidi Diyuuyadi sidigo kadi, ‘Tamam be sinam idi goyo pasina kom ma mataakeboim kubíbina go, bego kuvatulukoima ae?’ Tuwo sivatapiye, e idi kaba tugúguna goi sisanabode.
JOH 9:35 Niga Yeisu inove bego korotoyana aba tugúguna goi sivatapiye. Tuwo tauyana ilusale, ibabane, idigo kana, ‘Kom Tomalatomota kunumise gea geya?’
JOH 9:36 Korotoyana idigo kana, ‘Go tomoya, Tauyana avatau bego itoboinegu anumise.’
JOH 9:37 Yeisuyana idigo kana, ‘Tauyana bogina kugite be nakae ame tuta ivaadigoim.’
JOH 9:38 ‘Tomoya, anumisem’, tauyana kaena. Tuwo isakululu Yeisu yaina goi.
JOH 9:39 Tuwo Yeisu idigo kana, ‘Takínona manuna yau ama poyapoya ame goi bego kebokeboidi itoboinedi sigita go, tauyadi sigitagita matadi sikebo.’
JOH 9:40 Go Parisi maniyedi Yeisu taiyao sikaaiyaka ina livala sinove, sidigo kadi, ‘Manakae? Kai nakae matama sikebo? Geya ae?’
JOH 9:41 Go iya Yeisuyana idigo kana, ‘Neta komi matami sikebo o tadigo kada, “Geya koyagoiyeta goyo kaga”, e geya imi goyomo. Go komi kodigo kami, “Kagitagita”, o tadigo kada, “Bogina kooyagoi goyo kaga”, tuwo imi goyo yaimi goi sikaiyako vata.’
JOH 10:1 Tuwaina Yeisu idigo kana, ‘Moe nakae, tauna ame alatuuwokoimi konōve: Avatau neta sipi adi kali ana kaba siu goi geya isiuta, go sem ali toluyena goi imweratáwana, amo tauyana tovaináwana be tobugoyo.
JOH 10:2 Go avatau neta aba siu goi isiu moe sipi adi torugwáuta.
JOH 10:3 Ame tauyana manuna totom ana tomatakavata sipi idi kali ana kaba siu ikatupáeve. Sipi ana torugwautayana toinina ina sipiyao niyana sikinane; tauyana yoidi tamo tamo ivaatoidi iduuduwedi simamaima be ivaakededi siisowóduwo.
JOH 10:4 Tutayana toinina ina sipiyao bogina ikaiwoduwedi, ivakededi. Niyana siiyagoi, tauna sisabookuliye.
JOH 10:5 E kidi go ituli ta tomota niyana geya siyagoiyeta, tauna geya sisabookuliye, go sem siisiyae.’
JOH 10:6 E ame livalakaibalayana Yeisu ilatuwokoidi go, tauyadi geya siyagoiyeta kaga idigedige.
JOH 10:7 E tuwo Yeisuyana aiyuwoina idigomna kana, ‘Kaga adige moe moitamo go, ame alatuuwokoimi konōve: Yau sipi adi kaba siu.
JOH 10:8 Kidi torugwauta polapola boi sivaakumgo madabokidi tovaináwana be tobugoyo go, niyadi kidi sipiyadi geya sinoveyeta.
JOH 10:9 Yau aliyana ana kaba siu. Avatauwa neta yau goi sisiu, bei adi yava sibabane. Tauyadi itoboinedi bei sisiu be nakae sisowóduwo sina avadi dedevina sibabane.
JOH 10:10 Iya go tovaináwana ina guinuwa tauna ame nakae: Ima bego ivaináwana be ikaumata be ibugoyo. Yau ama bego tomota yawoidi vau sibabane go, yawoidiyadi kayaaodaidi.
JOH 10:11 Yau Tauyagu sipi adi torugwáuta dedevina. Torugwáuta dedevina yawoina bei ikasale ina sipiyao manudi.
JOH 10:12 Topaisewa iya geya moitamo torugwáuta geya. Tauyana geya toni sipi geya, tauna neta weiniya woliwoli tayamo igite imamaima, sipi ikalavedi go, isiyamo. Tuwo weiniyayana ima sipiyadi maniyedi ikatupedi go, maniyedi ikasapesapedi.
JOH 10:13 Sipiyadi ikalavedi isiya unana tauyana topaisewa tauna. Manudi geya inuwonuwoneta.’
JOH 10:14 Yeisu tuwaina kana, ‘Yau sipi adi torugwáuta dedevina. Toinigu guna sipiyao ayaagoidi, e tauyadi siyaagoigu
JOH 10:15 nakae Tamagu iyaagoigu, e yau Tamagu aayagoi. Go yawoigu aakasale guna sipiyadi manudi.
JOH 10:16 Guna sipi maniyedi ituli sikaaiyaka. Moe tauyadi guna kali goi tuta ame geya sikaiyaketa. Itoboine akabidi amedi bei niyagu sinove be madabokidi sieboda tayamo, yau adi torugwáuta.
JOH 10:17 Tamagu imatakooiyegu unana ame: Yau yawoigu akasale ámasa goi bego aiyuwoina ababanemnei.
JOH 10:18 Geya vatau tayaamo itoboine yawoigu ikabi, go sem yau toinigu yawoigu akasale ámasa goi. Magu lovina akasale, magu lovina ababanemnei. Moe lovinayana yau Tamagu ivinigu.’
JOH 10:19 Yeisu ina livala pasidi Diyuu yaidi goi livisi isowoduwomna.
JOH 10:20 E tomota badabadaidi sidigo kadi, ‘Amo tauyana naagovaina! Tauyana iyaluwo! Kaga unana kotaaiyakeke?’
JOH 10:21 Go maniyedi kadi, ‘Amo livalayadi geya kada tomota naagovaina ina livala nakae geya. Dimoni geya itoboineyeta tokebo matadi ikidedevinedi!’
JOH 10:22 Amo tutayana Yerusalema goi áika siguinuwe; aikayana Vada Kimaasabaina ana kimavada ana nuwokavata manuna. Moe tula ana tuta.
JOH 10:23 Tuwo Vadayana goi Yeisu iiketoiya moe vada geya ana vabodamo yoina Solomoni ina veranda.
JOH 10:24 E Diyuuyadi sima Yeisu sitaoyakobu silatuwoko sidigo kadi, ‘Tuta maanawena kaatuyáwata be nakae kanuwonúwana kom manum go, nuwoma geya kulumavivisiyeta kom avatau. Neta kom moitamo Guyau, Yaubada ana Vadámana, e kulatuwokodokōima!’
JOH 10:25 Iya Yeisuyana kana, ‘Komi bogina alatuwokoimi go, geya konumiseguta. Guinuwayadi bogina yau Tamagu yoina goi aguinuwedi moe sitalavaitegu, tauna itoboinemi koyagoigu.
JOH 10:26 Go komi geya yau guna sipiyao geya, tauna geya konumiseguta.
JOH 10:27 Guna sipiyao niyagu sinovenove, e yau ayaagoidi, tauna sisabokuuliyegu.
JOH 10:28 Yau yawoidi vata aavinidi, tauna geya sikamakámasa nakae geya vatau tayaamo nimagu goi bei ivasebukoigu.
JOH 10:29 Liliudi Tamagu nimagu goi bogina iyatoidi. Geya vatau tayaamo itoboine Tamagu nimana goi ivasebuko unana kaga liliuna itogagasavedi.
JOH 10:30 Yau ma Tamagu kaspwagógana tayamo.’
JOH 10:31 Tuwo kidi Diyuuyadi aiyuwoina gurewa sikabidi bego Yeisu sikaumate.
JOH 10:32 Go iya Yeisuyana kana, ‘Guinuwa dedevidi badabadaidi Tamagu ina togaga goi aguuinuwedi bogina koogitedi go, ava guinuwa pasina gurewa goi bego kokaumategu?’
JOH 10:33 Go kidi Diyuuyadi kadi, ‘Geya kada im guinuwa dedevidi pasidi bego gurewa goi kakaumatem geya, go sem im digopopóita pasina. Kom tauna tomota go, bego kueyaubada!’
JOH 10:34 Go iya Yeisuyana kana, ‘Manakae? Imi Gínina Kimaasabaina goi Yaubada idigo kana, “Bogina adigo komi yaubadao”? Same 82:6 Nakae ae?
JOH 10:35 Bogina tayagoi Gínina Kimaasabaina geya itoboinedeta tatavivili. E tomotayadi boi Yaubada ina livala ivinidi, iduduwedi yaubadao,
JOH 10:36 tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.
JOH 10:37 Neta yau Tamagu ina guinuwa geya aguinuwedita, taabu konuumisēgu.
JOH 10:38 Go moitamo Tauyana ina guinuwa aguuinuwedi, tauna nakona guna livala pasina geya konumiseguta, moe tuwo, go sem guna guinuwa pasidi konumisēgu bego kokinane be nakae koyagoi yaigu goi Tamagu ikaaiyaka nakae Tauyana yaina goi yau akaaiyaka.’
JOH 10:39 E tauna kidi Diyuuyadi aiyuwoina sipoikíkina bego Yeisu siyoisi go, nimadi goi ivasiyasiya.
JOH 10:40 Ivasiyasiya go, ikaluvila ina sákala Iyoridani isaidámana ina bomatu dadavina goi ina asayana boi Iyoni igimisayóyova goi. Amoko goi ikaaiyaka.
JOH 10:41 Ago boda badabadaaidi simamaima Yeisu yaina unana taudiva sidigo kadi, ‘Iyoni geya tayaamo aba kinana iguinuwe go, kaga liliuna Iyoni iidigedi ame Tauyana manuna mooitamoina!’
JOH 10:42 Tuwo tomota badabadaidi amoko goi Tauyana sinumise.
JOH 11:1 E tayamo tokatówana yoina Lasalo guma Betani. Betaniyana moe Lasalo ma niunao Meri be Marita idi kasa.
JOH 11:2 E ame Meriyana nava bei pútuma ikabi, Tomoya aena ikatukoisidi be nakae kununa goi Tauyana aena isekukudi. Ame Meriyana niuna Lasalo ikatówana.
JOH 11:3 E tuwo Lasaloyana niunao vala sietune ina Yeisu goi sidigo kadi, ‘Tomoya, tauyana kumataakoiye ikatówana.’
JOH 11:4 Go idi livalayana Yeisu inove, idigo kana, ‘Atówana amo goi bei geya ikamasavateta, go sem ina katowanayana moe Yaubada ina togaga ana káeyana ana vagitákwana manuna bego ina togaga ana kaeyanayana Natuna goi ivagitakoe.’
JOH 11:5 E Yeisu Marita mana gómana be niudi Lasalo imatakooiyedi.
JOH 11:6 E tauna tutayana valayana inove bego Lasalo iikatówana, dadavayana Iyoridani goi maliyalina aiyuwo tuwaina ikaaiyaka.
JOH 11:7 Amo maliyalinayadi mlidi kai Yeisu ina tovatotowanayao ilatuwokoima idigo kana, ‘Takaluvilāmna tāna Yudiya goi.’
JOH 11:8 Go kai tovatotowanayama kadigo kama, ‘Tovatulúkwana Toolagaim, ame tuta Diyuu sipooikíkina bego gurewa goi sikaumatem go, manakae? Bego aiyuwoina kukaluvilamna kuna amoko goi?’
JOH 11:9 Go iya Yeisu kana, ‘Geya. Bogina kooyagoi maliyalina goi mavada ikaaiyaka awa ana badabada yawou aiyuwo ae? Neta maliyalina goi taaketoiya, e poyapoya ame ana mavada itoboineda tagite, tauna geya isatupedeta.
JOH 11:10 Go neta sabamgo goi taaketoiya, e mavada yaida goi geya, tauna bei isatupeda.’
JOH 11:11 Moe dogoiyadi Yeisu idigedi namliyeta ilatuwokoima idigo kana, ‘Siyada Lasalo bogina iimasisi go, ana bego awoini.’
JOH 11:12 E tuwo kai ina tovatotowanayao kadigo kama, ‘Tomoya, neta bogina iimasisi, bei iboboina, tuwo geya tanoita.’
JOH 11:13 Ego Yeisu Lasalo ina kámasa manuna ibobóbwara go, kai katainasi, kanuwonúwana bego ina livala masisi toina manuna.
JOH 11:14 E tuwo ame tutayana goi Yeisu ibobwara dókana idigo kana, ‘Lasalo bogina ikámasa
JOH 11:15 go, auyáwana bego yau geya akaiyaketa ina katówana goi komi imi numisa manuna bego guna guinuwa kogite konumisegu. Tuwo ameko geya takaiyaketa, go sem tāna tauyana tagīte.’
JOH 11:16 E tuwo Tomasi, tauyana youyuwoina Didimosi, ilatuwokoima idigo kana, ‘Kita nakae Tauyana taiyao tāna Yudiya goi bego Tauyana taiyao takámasa.’
JOH 11:17 E Yeisu kai taiyao kama Betani goi, Yeisuyana silatuwoko bego Lasalo bogina ikámasa go, moe bogina maliyalina aivasina valiwoga tukubu sinaena goi ikaaiyaka.
JOH 11:18 Ego Betaniyana Yerusalema tupwana yomana nakae kilomita aito.
JOH 11:19 E kidi go Diyuu badabadaaidi Yerusalema goi bogina sima; latuwodi bego Marita be Meri niudi manuna sivayoledi.
JOH 11:20 E iya go Marita tutayana inove bego Yeisu bogina ima, ina ivalobode. E iya go Meri vada sinaena goi iitusobu ikaaiyaka.
JOH 11:21 E Marita ina Yeisu ivalobode go, idigo kana, ‘Tomoya, neta kom boi ameko goi, niugu geya ikamaseta go, nukotogu geya itopeta,
JOH 11:22 go sem ame tuta nakae ayagoi bego kaga neta Yaubada yaina kukawanoiye, Tauyana bei ivinim.’
JOH 11:23 Yeisuyana idigo kana, ‘Nium bei itaoyamna.’
JOH 11:24 Go kina Maritayana idigo kana, ‘Bogina ayagoi bego taoyamna ana tuta moe tuta ana kaba lukavava goi bei itaoyamna.’
JOH 11:25 Go Yeisuyana idigo kana, ‘Yau Tauyagu taoyamna be yawana vata unadi. Avatauwa neta sinuumisegu, moitamo bei sikámasa go, nava yawoidi vau bei sibabane.
JOH 11:26 Avatauwa neta maa yawoidi vau sinuumisegu, geya sikamakámasa. Moe kunumise?’
JOH 11:27 Maritayana idigo kana, ‘U Tomoya. Yau bogina anumisa bego kom Guyau, Yaubada Natuna kuma poyapoya ame goi.’
JOH 11:28 Marita ibóbwara ikavava, ikaluvilamna ina ina vada goi ana gómana Meri iduduwe ima ikului idigo kana, ‘Tovatulúkwana bogina ima ilumaadadem; latuwona kom.’
JOH 11:29 E tutayana Meriyana inove, mainao itáoya, ina Yeisu yaina.
JOH 11:30 Ego Yeisu iya nava geya imaita idi kasa goi, go sem asayana maine Marita ivaalobode goi ikaaiyaka.
JOH 11:31 E tuwo kidi Diyuuyadi vada goi Meri taiyao sikaaiyaka siivayole, tauyana sigite woilina itáoya isowóduwo, sisabokuliye. Idi nuwonúwana bego tauyana ina valiwoga tukubu goi bego itaiyakuwokúwala.
JOH 11:32 E kina go Meriyana tutayana isowóduwo Yeisu goi, Tauyana igite, tuwo aena goi ikanakabobo idigo kana, ‘Tomoya, neta boi kom ameko goi, yau niugu geya ikamaseta.’
JOH 11:33 E Yeisu ikandobala Meri ina taiyakuwokúwala igite nakae Diyuuyadi taiyao simamaima idi taiyakuwokúwala igite, tuwo gamona igoyo be nakae nukotona taitáiya iuyoi.
JOH 11:34 Tuwo idigo kana, ‘Tauyana nako goi koyato?’ ‘Tomoya, kūma kugīte’, tauyadi kaedi.
JOH 11:35 Tuwo Yeisu itáiya.
JOH 11:36 E tuwo Diyuuyadi sidigo kadi, ‘Kogīte. Siyana imataakoiye gagaina!’
JOH 11:37 Ego maniyedi kadi, ‘Ame Tauyana tokebo matadi ikidedevinedi go, manakae? Geya tayaamo kaga itoboine iguinuwe bego siyana ikidedevine bei ina katówana goi geya ikamaseta?’
JOH 11:38 E iya go Yeisuyana inove, aiyuwoina gamona igoyo, ima valiwoga tukubuyana goi. Ego valiwogayana moe tukubu go, tobuna goi gurewa paaevaina sikaubode.
JOH 11:39 Yeisu ima valiwogayana goi idigo kana, ‘Gurewa kopūli!’ Go tokámasa niuna Marita idigo kana, ‘Tomoya, bogina ibówana go! Moe maliyalina aivasi bogina sikavava!’
JOH 11:40 Go iya Yeisuyana idigo kana, ‘Manakae? Kaga bogina alatuuwokoim kunuwoilave? Neta kunumisegu, Yaubada ina togaga ana káeyana ana vagitákwana bei kugite!’
JOH 11:41 E tuwo moitamo gurewayana sipuli. E iya go Yeisuyana matana idolaga ikawanoi idigo kana, ‘Tamagu, akauyagu yaim bego bogina kunovegu.
JOH 11:42 E yau bogina aayagoi bego tuta liliuna kuunovegu go, boda sitaoyaakobugu pasina nakae abóbwara bego sinumisa kom kuetunegu.’
JOH 11:43 Tuwo Yeisu amo nakae ikawanoi ikavava, niyana gagaina goi iduduwo idigo kana, ‘Lasalo e! Kusowōduwo!’
JOH 11:44 Tuwo tokamasayana isowóduwo ima go, aena be nimana areko goi bogina uutubaidi. Maisina nakae paaimina areko goi. Yeisuyana ilatuwokoidi idigo kana, ‘Kotaligēi, kokalāve iketoiya!’ Tuwo nakae siguinuwe.
JOH 11:45 E kidi go Diyuuyadi badabadaidi boi simamaima Meri goi, Yeisu ina guinuwa sigite, e sinumise.
JOH 11:46 E kidi go maniyedi sina Parisi yaidi goi Yeisu ina guinuwayana sitalavaite.
JOH 11:47 E tauna kidi Tonúwala Gagaidi be Parisi idi tomoyamoya sikatuvagogu idi kotu gagaina manuna. Sima situgúguna sidigo kadi, ‘Amo korotoyana aba kinana badabadaidi iguuinuwedi. Tauna bei kita manakaeda?
JOH 11:48 Neta Tauyana tatagone nakae iguuinuwe, tomota liliudi bei sinumise go, da Roma bei sima kita ida Vada Kimaasabaina sitauwe be nakae ida tomota sikaumatedi!’
JOH 11:49 E tayamo koroto yaidi goi yoina Kaiyapasi. Iya Tonúwala Toolagaina tala amo goi. Tauyana idigo kana, ‘Komi geya tayaamo kaga koyagoi ae?
JOH 11:50 Manakae? Geya konuwonuwoneta bego kita ada dedevina manuna bego tayamo koroto itoboine ikámasa tomota liliuda ada katumapu go, kita Isileli ina bodao madabokida geya tavailaita ae?’
JOH 11:51 E moe Kaiyapasi ina livalayadi iidigedi geya toinina ina nuwonúwana goi geya, go sem tauyana Tonúwala Toolagaina tala amo goi, tauna Yaubada ina livala ikabivalevale bego Yeisu giyakainava bei ikámasa Isileli ina bodao adi katumapu.
JOH 11:52 Ago geya Isileli ina bodao aditava manudi bei ikámasa geya, go sem itoboine Yaubada natunao bogina sisapasapa italigogoidi sima sieboda tayamo.
JOH 11:53 E amo maliyalinayana goi siyupuyupu bego Tauyana sikaumate.
JOH 11:54 E tauna iya go Yeisuyana geya tuwaina Diyuu yaidi goi ivamamaétala, go sem Tauyana kai ina tovatotowanayao taiyao Betani kakalave kana asa tayamo yoyowo kikina. Asayana yoina Eparaim. Amoko goi kakaaiyaka.
JOH 11:55 E Diyuu adi Basitáwana Aikanina bogina ana kebukebu. Tuwo tomota badabadaidi idi kasa goi Aikayana manuna situko sina Yerusalema bego toinidi sikimasabedi Yaubada yaina namliyeta baige Aikayana siguinuwe.
JOH 11:56 E tomotayadi sima Yerusalema goi Yeisu siilusale. Siilusale go, kidi Tonúwala Gagaidiyadi be Parisiyadi lovina siyato kadi, ‘Avatauwa komi neta kooyagoi Yeisu nako ikaaiyaka, kotalavāite yaima bego itoboinema kana kayoisi.’ E tuwo tomotayadi Vada Kimaasabaina goi siitáoya, taudiva sibobóbwara sidigo kadi, ‘Manakaemi konuwonúwana? Bei Tauyana ima Aikayana manuna gea geya? Geya ae?’
JOH 12:1 E iya go Yeisuyana kai taiyao asa Eparaim kakalave. Moe nava maliyalina sikisi sikaaiyaka baige Basitáwana Aikanina siguinuwe. Asayana kakalave kana Betani. Amoko goi Lasalo ikaaiyaka, tauyana boi tokámasa yaidi goi Yeisu ikaitáoe.
JOH 12:2 E kama Betani goi áika siguinuwe Yeisu manuna. E Marita awoinu ikatubayasi, ivaideda go, iya Lasaloyana ikaaiyaka, Yeisu be kai taiyao liliumakova katugúguna kakakáika.
JOH 12:3 E iya go Meriyana pútuma ma bootorina ikabi; putumayana moe nadi maavadaina goi siwodugu go, ana maisa gagaina. Ikabi ikavava, Yeisu aena ikatukoisidi. Ikavava, isakululu kununa goi aenayadi isekukudi. E vada ana madabokina putumayana mainina ivakayaodei.
JOH 12:4 E iya Yudasa guma Keriota, tauyana tayamo tovatotówana kai taiyao go, nava bei Yeisu inuwotuluye. E idigo kana,
JOH 12:5 ‘Iyaa! Itoboine putumayana ikaigimone, ana maisa mani gagaina ikabi; nakae neta tala tayamo ana paisewa ana maisa. Ikaigimone ikavava, maisana ikabi, tookaidi ivinidi. Go kaga unana tauna nakae geya iguinuweyeta?’
JOH 12:6 Ego geya kada tauyana inuwonúwana tookaidi manudi geya, go sem tauyana tovaináwana. Mani dedeogaina irugwausi go, tomota idi mani siidodoidi maniyedi ivainaoidi. Ame pasina tauna amo nakae ibóbwara.
JOH 12:7 E Yudasa ibóbwara ikavava, Yeisu idigo kana, ‘Tuwo, tauyana kwalāve! Bego pútuma ame guna valiwoga ana katubayasi ana tuta manuna iivakume, guna kaba nuwokavata.
JOH 12:8 Kidi tookaidi tuta liliuna sikaaiyaka yaimi itoboinemi kovaaitedi. Go yau sem tuta kaakupina bei akaaiyaka yaimi.’
JOH 12:9 E tuwo boda gagaina Diyuu yaidi goi vala sinove bego Yeisu Betani goi ikaaiyaka, tuwo sima go, geya kada Yeisu anetava latuwodi sigite geya, go sem latuwodi bego Lasalo nakae sigite. Tauyana boi tokámasa yaidi goi itaoyamna.
JOH 12:10 Lasaloyana ina taoyamna pasina Diyuu badabadaidi adi tolovinayao sikalavedi go, Yeisu siinumise. Tauna kidi Tonúwala Gagaidi siyupu bego Lasalo nakae sikaumate.
JOH 12:12 Vanuwo itomo, boi bodayadi gagaina simamaima Basitáwana Aikanina manuna sinove bego Yeisu imamaima Yerusalema goi.
JOH 12:13 Tuwo magimagi libidi sikabidi, asa goi sisowóduwo sima Tauyana sivalobode. Sima siiduduwo kadi,
JOH 12:14 E Yeisu ase bonatuna ikabi, yatana goi itulaga nakae Gínina Kimaasabaina idigo kana,
JOH 12:15 ‘Saiyoni natuna,
JOH 12:16 Ame guinuwayadi adi yagoina kai ina tovatotowanayao boi mainao geya kayagoiyeta, go sem tutayana Yaubada ina togaga ana káeyana Yeisu ina kámasa be ina taoyamna goi ivagitakoe, e kakinane bego guinuwayadi tokabivalavala boi nimatu bogina iginidi moe Yeisu manuna. Aiyuwoina boda idi guinuwa Tauyana yaina nakae boi iginidi sisowóduwo.
JOH 12:17 E boda boi Yeisu sigite tutayana Lasalo tokámasa yaidi goi ikaitáoe namliyeta ina valiwoga tukubu goi iduduwe ima, e ina guinuwayana nava sitaalavaite.
JOH 12:18 Moe pasina kidi da Yerusalemayadi nakae sisowóduwo sima Yeisu sivalobode. Vala sinove bego ame aba kinanayana iguinuwe.
JOH 12:19 E kidi go Parisi taudiva sibóbwara sidigo kadi, ‘Kogīta! Geya tayaamo kaga itoboineda taguinuwe bego Tauyana tasanabode. Gwa! Tomota liliudi sinonoina latuwodi Tauyana!’
JOH 12:20 E da Giriki maniyedi nakae situko sina Yerusalema bego Aikayana goi sisakululu Yaubada yaina.
JOH 12:21 E amo tauyadi sina Pilipo guma Betesaida yaina. Betesaidayana moe Galili ana dadava. Sina Pilipoyana yaina goi silumadádana sidigo kadi, ‘Tomoya, latuwoma Yeisu kagite.’
JOH 12:22 Tuwo Pilipo ina Anduru ilatuwoko. Adi taiyuwokova sima Yeisu yaina goi da Girikiyadi idi nuwonúwana silatuwoko.
JOH 12:23 E iya go Yeisuyana idigo kana, ‘Tomalatomota ina tuta bogina ima bego Tauyana ina kámasa goi Yaubada ina togaga ana káeyana ivagitakoe.
JOH 12:24 U, ina tuta bogina ima, tauna ame alatuuwokoimi konōve: Neta witi kutukutuna geya tabaguliyeta, kutukutuyana ikaaiyaka tayamo toito. Go neta isou poyapoya goi ikámasa, itabo, keuwoina gagaina bei isowóduwo.
JOH 12:25 Avatauwa neta yawoidi nukotodi iyoiyoi, yawoidi vata bei geya sibabaneyeta. Go avatauwa neta yawoidi poyapoya ame goi sikaaolilive, yawoidi vau bei sibabane.
JOH 12:26 Avatauwa neta latuwodi bego yau guna tovaita, itoboine sisabokuuliyegu. Nako goi akaaiyaka, amoko goi bei guna tovaita nakae ikaaiyaka. Avatauwa neta sivaaitegu, Tamagu bei iwowooinedi.’
JOH 12:27 Tuwaina Yeisu kana, ‘Ame nuwogu taitáiya iuyoi. Go bei manakaegu? Kagu, “Tamagu, mou ame goi kuyavēgu”? Go moe nakae geya akawanoita, go sem ama bego ame mouyana alotowo.
JOH 12:28 Tamagu, latuwogu kom im togaga ana káeyana kuvagitakōe.’ E níyana tayamo yábana goi iduduwo kana, ‘Bogina avagitakoe go, nava bei aiyuwoina avagitakoemnei.’
JOH 12:29 E kidi go bodayadi amoko goi sikaaiyaka, niyanayana sinove kadi, ‘Palapala idududu.’ Go maniyedi kadi, ‘Geya. Anerose tayamo ibóbwara Tauyana yaina.’
JOH 12:30 Go iya Yeisuyana idigo kana, ‘Niyanayana konovenove moe geya yau guna dedevina manuna geya, go sem moe komi ami dedevina manuna.
JOH 12:31 Tuta ame moe da poyapoya adi takínona ana tuta. Tuta ame Yaubada poyapoya ame ana tolovina bei ivatapiye.
JOH 12:32 Go yau sem tutayana poyapoya ame goi sikailagasigu, tomota liliudi bei sima siwuwuligu.’
JOH 12:33 Ego moe idigedige bego ivatulukodokoidi giyakainava manakaena bei ikámasa.
JOH 12:34 Go kidi bodayadi sidigo kadi, ‘Yaubada ina Katukeda goi bogina kanove bego Guyau ikaiyako vata. Kom manakae kam, “Tomalatomota bei sikailagasi”? Ame Tomalatomotayana avatau?’
JOH 12:35 Tuwo Yeisu idigo kana, ‘Tuta giyaina mavada bei yaimi goi ikaaiyaka. Go ame tuta nava ikaaiyaka; mavadayana goi koketoiyāmo, govila bei mamaníwana ikalisavemi. Go avatauwa neta mamaníwana goi siiketoiya, geya siyagoiyeta nako sinonoina.
JOH 12:36a Tutayana mavadayana nava ikaaiyaka yaimi, to konumiseyāmo bego komi mavada natunao nakae.’
JOH 12:36b Ame livalayadi Yeisu iboboredi ikavava, bodayadi ikalavedi ina ivatamtamumuyedi.
JOH 12:37 Go ina kaba kinana badabadaaidi iguuinuwedi bogina siigitedi go, boda nava geya sinumiseyeta.
JOH 12:38 Moeko goi Yaubada ina tokabivalavala Aiseya ina livala itoboine imalatomota; livalayana idigo kana,
JOH 12:39 Geya itoboinedita sinumise unana ame: Aiseya ina livala aiyuwoina kana,
JOH 12:40 ‘Matadi bogina ikigawuwulidi,
JOH 12:41 Ame livalayadi Aiseya idigedi unana igimigite bego Yaubada ina togaga ana káeyana Yeisu goi ikaaiyaka, tauna Yeisuyana manuna italavaita.
JOH 12:42 E nakona boda maniyedi geya sinumiseta go, tuwo Diyuu adi tolovinayao badabadaaidi nakae Yeisu sinumise go, Parisi pasidi geya sitalavaiteta bego sinumise, govila bei idi kaba tugúguna goi sivatapiyedi go, sisanabodedi taabu sisiusīu.
JOH 12:43 Moitamo. Geya sitalavaiteta. Nukotodi ikabi taimámina tomota goi go, Yaubada ina taimámina geya latuwodi.
JOH 12:44 E iya go Yeisuyana niyana gagaina goi iduduwo idigo kana, ‘Avatauwa komi neta konuumisegu, e aguta geya, go sem guna Toetuna nakae koonumise.
JOH 12:45 Avatauwa komi neta koogitegu, e guna Toetuna kogite.
JOH 12:46 Yau mavada nakae ama poyapoya ame goi bego avatauwa neta sinuumisegu, kokonótuya goi geya sikaiyaketa.
JOH 12:47 Ago avatauwa neta guna livala sinovedi go, geya siguinuwedita, yau geya atakinoidita. Moitamo. Yau ama geya kada komi da poyapoya ami takínona manuna geya, go sem yau ama bego da poyapoyayami ayavemi.
JOH 12:48 Avatauwa neta sikaataegu be guna livala geya siuyaonedita, idi totakínona tayamo bogina ikaaiyaka. Idi totakinonayana moe guna livala bogina alatuwokoidi. Tuta ana kaba lukavava goi ame livalayadi bei sitakinoidi kidi toogoyoidi.
JOH 12:49 Yau abobóbwara geya toinigu guna nuwonúwana goi geya, go sem Tamagu guna Toetuna iya lovina ivinigu kaga nakae aabobore. Tauna guna livalayadi moe idi totakínona.
JOH 12:50 Ago bogina aayagoi bego Yaubada ina lovina moe yawana vata unana. E tauna kaga nakae Tamagu ilatuuwokoigu, nakae aabobore.’
JOH 13:1 E namliyeta Basitáwana Aikanina bei ana tuta go, Yeisu iiyagoi ina tuta bogina ima bego poyapoya ame ikalave, e ina Tamana yaina goi. Ina tuta ame poyapoyayana goi kai ina bodao imatakoiyema go, ina matakoiyana ivakaigaga.
JOH 13:2 Lavilavi goi bogina sivaideda kakakáika go, iya Totagíwaya ina Saimoni natuna Yudasa guma Keriota nukotona isanayato bego Yeisu inuwotuluye.
JOH 13:3 Ago Yeisu bogina iyagoi bego kaga liliuna ana lovina Tamana bogina ivadamane Tauyana yaina goi be nakae Yaubada goi ima nakae bei ikaluvilamna ina Tauyana yaina.
JOH 13:4 Tuwo aikayana goi itáoya ana kwama maanawena ivalilivi iyato go, tawero ikabi tolobona goi isiko.
JOH 13:5 Ikavava, noko ikabi bwae isaligogo. Ikavava, ibala ima ivatowo kai ina tovatotowanayao tamo tamo aema inikidi namliyeta ina tawero maine isikosiko goi isekukudi.
JOH 13:6 E ina Saimoni Pita yaina goi bego aena inikidi go, Saimoniyana idigo kana, ‘Tomoya, kom bego aegu kunikidi?’
JOH 13:7 Go iya Yeisu idigo kana, ‘Kaga tuta ame goi aguuinuwe kom geya kuyagoiyeta go, nava bei kuyagoi.’
JOH 13:8 Go iya Pitayana idigo kana, ‘Yau aegu bei geya kuunikidi!’ Go iya Yeisuyana idigo kana, ‘Neta aem geya anikidita, kom geya yau guna boda geya.’
JOH 13:9 Tuwo Saimoni Pitayana idigo kana, ‘Tomoya, dedevina go, aegu kaka geya, go sem nimagu be dabagu nakae kunikīdi!’
JOH 13:10 Go Yeisuyana ilivalakaibala idigo kana, ‘Avatauwa neta bogina siisiwo, e tuwo aedi kaka sinikidi go, wowodi madabokina bogina imavada. Komi bogina komavada go, geya kada madabokimi geya.’
JOH 13:11 Bogina iyagoi avatau bei inuwotuluye. Moe pasina idigo kana, ‘Geya kada madabokimi geya.’
JOH 13:12 E tutayana aema inikidi ikavava, ana kwama maanawena ikabi ilosimnei. Ikavava, aiyuwoina itusobu, idigo kana, ‘Koyagoi kaga aguinuwe yaimi gea geya?
JOH 13:13 Komi koduuduwegu tovatulúkwana be Tomoya. Moe itoboine. Yau imi tovatulúkwana be imi Tomoya.
JOH 13:14 E tauna yau imi Tomoya be imi tovatulúkwana komi aemi anikidi ae? E komi nakae itoboine semiyao aedi konikidi.
JOH 13:15 Aba gita tayamo bogina avinimi bego kaga nakae yau aguuinuwe yaimi, komi nakae itoboine koguinuwe.
JOH 13:16 Moitamo itoboinemi kovatotowonegu. Ame alatuuwokoimi konōve: Tomota paakonina ina tomoya geya itobusaveyeta. Nakae lobutu ana tolokoina ana toetuna geya itobusaveyeta. Tauna neta yau, imi Tomoya, guinuwa nuwotookaina itoboinegu aguinuwe, e komi guna tovatotowanayao nakae itoboinemi.
JOH 13:17 Ame guinuwayadi koyaagoidi ae? Tauna ami dedevina kobabane neta koguuinuwedi.
JOH 13:18 Ago abobóbwara geya komi madabokimi manumi geya. Komi akiinavemi yau bogina ayagoimi, nakae bogina ayagoi tayamo yaimi geya idedevineta, go sem Gínina Kimaasabaina ame itoboine ameko goi imalatomota; Gininayana idigo kana,
JOH 13:19 Ame tuta nakae tuta simamaima go, agimilatuwokoimi kaga kaga bei sisowóduwo bego tutayana dogoiyadi sisowóduwo, konumisa bego Yau Tauyagu.
JOH 13:20 Ame moitamo, tauna ame alatuuwokoimi konōve: Tutayana aetunemi tomota yaidi, avatauwa neta siuyaaonemi, e yau nakae siuyaaonegu. E avatauwa neta yau siuyaaonegu, agu toetuna nakae siuuyaone.’
JOH 13:21 Ame Yeisu idigedi ikavava, nukotona taitáiya iuyoi, e ana tonuwotulu italavaite, idigo kana, ‘Nakae adige bei isowóduwo go, ame alatuuwokoimi konōve: Koroto tayamo yaimi goi nava bei inuwotuluyegu.’
JOH 13:22 Kai ina tovatotowanayao kamatavilavila toinima yaima, geya kayagoiyeta avatau manuna ibobóbwara.
JOH 13:23 Yau Yeisu ina kalo nakae ina tovatotówana tayamo, e kikina toina goi akanaataliya nimagu asabadiye.
JOH 13:24 E Saimoni Pita ilomatakipiyegu bego Yeisu alumadade avatau idigedige.
JOH 13:25 E tuwo yau Yeisu akanapakiye atakului adigo kagu, ‘Tomoya, avatau kudigedige?’
JOH 13:26 Tauyana itakuluigu idigo kana, ‘Tauyana gwa. Beredi bei akabi, akivisi giyaina asavakutui. Ikavava, bei amo tauyana avini ikáika.’ E tuwo berediyana giyaina ikabi, isavakutui ikavava, Yudasa, moe Saimoni guma Keriota natuna, ivini.
JOH 13:27 Ivini, berediyana giyaina ikabi ikavava, yaina goi Kaleya isiu. Tauna Yeisu Yudasa ilatuwoko idigo kana, ‘Dogoiyana bei kuguinuwe, woilīm kuguuinūwe.’
JOH 13:28 E kai kaatusobu yaima goi geya vatau tayaamo iyagoi kaga pasina nakae Yudasa ilatuwoko.
JOH 13:29 Moitamo. Yudasayana moe ima mani dedeogaina ana torugwáuta, tauna maniyema kanuwonúwana bego Yeisu Yudasa ilatuwoko kana, ‘Kūna áika konanina kugimōne.’ O bego ina tookaidi mani ivinibesoidi.
JOH 13:30 E tuwo berediyana Yudasa ikabi, ikani ikavava, mainao isowóduwo. E moe bogina isabamgo.
JOH 13:31 E tauna tutayana Yudasayana ikalavema ina, Yeisu idigo kana, ‘Giyakainava Yaubada ina togaga ana káeyana Tomalatomota goi ikaaiyaka bei ivagitakoe go, Tomalatomota ina guinuwa goi tomota bei sigite Yaubada ina togaga ana kaeyanayana bei ivagitakoe tomota yaidi.
JOH 13:32 Nakae Tomalatomotayana nakae iguinuwe, tauna Yaubada nakae ina togaga ana kaeyanayana toinina bei ivagitakoe Tomalatomota yaina go, mainao nakae bei iguinuwe.
JOH 13:33 Natugowo, tuta giyaina tuwaina bei akaaiyaka yaimi goi. Bei kolusalegu go, nakae Diyuu bogina alatuwokoidi, e komi nakae alatuwokoimi kagu, “Nako goi anonoina, komi geya itoboinemita koma.”
JOH 13:34 Lovina vau avinimi bego semiyao komatakooiyedi. Nakonakae bogina amatakooiyemi, komi nakae semiyao komatakooiyēdi.
JOH 13:35 Tomota madabokidi bei siyagoi bego komi yau guna tovatotowanayao ame nakae: Neta semiyao komatakooiyedi.’
JOH 13:36 Saimoni Pitayana kana, ‘Tomoya, bei nako kuna?’ Yeisuyana idigo kana, ‘Nako goi anonoina, ame tuta geya itoboinemta kusabokuliyegu. Ego nava bei kusabokuliyegu.’
JOH 13:37 Go iya Pitayana idigo kana, ‘Tomoya, go kaga unana geya itoboineguta bei ame tuta asabokuliyem? Bei yawoigu akasale manum!’
JOH 13:38 Go iya Yeisuyana idigo kana, ‘Manakae? Bego kutagona yawoim kukasale manugu? Nakona moe im nuwonúwana go, ame alatuuwokoim kunōve: Kamkam geya itaiyeta ana kadókana sivato bei kulawoiwoiyekoigu.’
JOH 14:1 Yeisu tuwaina kana, ‘Taabu nukotomi taitáiya iiuyōi. Yaubada bogina koonumise, tauna yau nakae konuumisēgu.
JOH 14:2 Yau Tamagu ina vada goi aba kaiyaka badabadaidi sikaaiyaka. Neta moe nakae geya, bei alatuwokoimi. Yau anonoina bei imi kaba kaiyaka akatubayasidi.
JOH 14:3 Neta ana imi kaba kaiyakoyadi akatubayasidi, niga bei akaluvilamna ama akabimi yau yaigu goi kokaaiyaka bego nako goi yau akaaiyaka, e komi taiyao takaaiyaka.
JOH 14:4 Ago nako anonoina, e ana kenao bogina koyagoi.’
JOH 14:5 Go Tomasi idigo kana, ‘Tomoya, geya kayagoiyeta nako kunonoina. Bei manakaema enaoyana kayagoi?’
JOH 14:6 Go iya Yeisu idigo kana, ‘Yau enaoyagu go, nakae Nanamsa Mooitamoina be yawana vau. Geya vatau tayaamo toinina itoboine ina Tamagu goi, go sem yau aguta goi itoboinemi.
JOH 14:7 Neta bogina koyagoigu, yau Tamagu nakae bei koyagoi. Go ame tuta be nakae tuta simamaima Tauyana kooyagoi nakae bogina kogitegite.’
JOH 14:8 Go iya Pilipo kana, ‘Tomoya, neta Tamam kuvatulukōima. Ame tauna latuwoma.’
JOH 14:9 Go iya Yeisuyana idigo kana, ‘Pilipo, tuta maanawena bogina yaimi goi akaaiyaka go, nava geya kuyagoiguta ae? Avatauwa neta bogina sigitegu, Tamagu nakae bogina sigite. Kom manakae kam, “Tamam kuvatulukōima?”
JOH 14:10 Manakae? Geya kunumiseta bego yau Tamagu goi akaaiyaka nakae Tamagu yau goi ikaaiyaka? Ame livalayadi yau alatuuwokoimi moe geya toinigu guna nuwonúwana goi aboboredi geya. Ego Tamagu yaigu goi ikaaiyaka ina guinuwa iguinuwedi.
JOH 14:11 Konumisēgu bego yau Tamagu goi akaaiyaka nakae Tamagu yau goi ikaaiyaka. Go neta guna livala pasidi geya konumiseguta, e Tauyana ina guinuwayadi yau yaigu goi pasidi konumisegu.
JOH 14:12 Konumisēgu go, ame alatuuwokoimi konōve: Avatauwa komi neta konuumisegu, guinuwayadi yau aguuinuwedi, komi nakae bei koguinuwedi. Yau anonoina Tamagu yaina goi namliyeta Balomaina bei aetune iwo yaimi, tauna itoboinemi guinuwa toogagaidi toidi bei koguinuwedi.
JOH 14:13 Tuwo, kaga neta yoigu goi kokawanoiye Yaubada yaina, moe bei aguinuwe bego Yaubada ina togaga ana káeyana yau Natuna guna guinuwa goi avagitakoedoko tomota yaidi.
JOH 14:14 Kaga neta yoigu goi kokawanoiye yaigu, yau bei aguinuwe.’
JOH 14:15 Tuwaina Yeisu kana, ‘Neta komatakooiyegu, guna lovina bei kokabikaaonedi
JOH 14:16 be nakae yau bei akawanoi Tamagu yaina bei ami Tovapísiya ituli ivinimi bego yaimi goi ikaiyako vata.
JOH 14:17 Tovapisiyayana moe Baloma Kimaasabaina, Yaubada ana Nanamsa Mooitamoina ana tovagitákwana. Da poyapoya geya sigiteyeta nakae geya siyagoiyeta, tauna geya siuyaoneyeta. Komi yaimi goi Tauyana ikaaiyaka nakae nuwomi goi bei ikaaiyaka, tauna komi kooyagoi.
JOH 14:18 Giyakainava bei akalavemi go, komi geya kada gumalau nakae geya. Bei akaluvilamna amekoimi.
JOH 14:19 Tuta giyaina tuwaina akaaiyaka gobe akalavemi, e da poyapoya geya tuwaina bei siigitegu go, komi bei kogitemneigu. Yau aiyuwoina bei maa yawoigu, tauna komi nakae bei maa yawoimi.
JOH 14:20 Tuta amo goi bei komi koyagoi bego yau Tamagu goi akaaiyaka, komi yau goi kokaaiyaka, e yau komi goi akaaiyaka.
JOH 14:21 Avatauwa neta guna lovina siyaagoidi be nakae sikabikaaonedi, e amo tauyadi simatakooiyegu. E avatauwa neta simatakooiyegu, yau Tamagu nakae imatakoiyedi be yau amatakoiyedi be nakae toinigu avagitakodokoigu yaidi.’
JOH 14:22 Ituli ta Yudasa (tauyana geya guma Keriota geya) kana, ‘Tomoya, kom manakaem bei toinim kuvagitakoim kai yaima goi go, kidi da poyapoya yaidi goi geya?’
JOH 14:23 Yeisu idigo kana, ‘Avatauwa neta simatakooiyegu, e guna livala sikabiikaone go, yau Tamagu bei imatakoiyedi be kawokoidi yaidi goi kakaaiyaka.
JOH 14:24 Avatauwa neta geya simatakoiyeguta, e guna livala nakae geya sikabikaonedita. Go livalayadi koonovedi moe geya yau guna livala geya, go sem Tamagu guna Toetuna ina livala.
JOH 14:25 Ame livalayadi alatuuwokoimi tutayana nava yaimi goi akaaiyaka.
JOH 14:26 E iya go Tovapisiyayana yau yoigu goi Tamagu bei ietune iwo yaimi. Tovapísiya moe Baloma Kimaasabaina. E ame Tauyana kaga liliuna bei ivatulukoimi go, kaga liliuna bogina alatuuwokoimi bei ikavilevilemi.
JOH 14:27 Bei akalavemi go, guna yabobona yaimi moe tuboina. Yau guna tuboina avinimi. Go tuboinayana geya da poyapoya idi tuboina nakae geya. Taabu nukotomi taitáiya iiuyōi nakae taabu kokaateyōva.
JOH 14:28 Guna livala bogina konove kagu, “Giyakainava akalavemi go, niga bei amekoimi.” Tamagu itobukukuyuigu, tauna neta komatakooiyegu, bei kouyáwana bego ana Tamaguyana yaina goi.
JOH 14:29 Tuta ame goi kaga nava bei sisowóduwo bogina agimilatuwokoimi bego tutayana sisowóduwo, konumisegu.
JOH 14:30 Geya itoboineguta bei tuta maanawena tuwaina abobóbwara yaimi. Poyapoya ame ana tolovina imamaima bei ipoikíkina isanabodegu go, geya tayaamo goyo manuna itoboine iwowokoigu,
JOH 14:31 go sem itoboine da poyapoya siyagoi bego Tamagu amataakoiye. Nakae nakonakae Tamaguyana ikatumaataligu, nakae aguuinuwe. Kotāoya be ame dadavayana takalāve.’
JOH 15:1 Yeisu tuwaina kana, ‘Yau oine buyalina mooitamoina go, yau Tamagu tobágula.
JOH 15:2 Laonigowo tamo tamo neta siteliteli, geya sikeuwoita, tobagulayana ikaimweraedi. Go laonigowo tamo tamo neta sikéuwo, keuwoidi ikabidi go, laonigowoyadi ilaiguyedi bego silabosúsuwo be sikéuwo gagaina.
JOH 15:3 Komi laonigowoyami nakae bogina komavada guna livala boi alatuuwokoimi pasina.
JOH 15:4 Komi yaigu goi kokaaiyāka go, yau nakae yaimi goi akaaiyaka. Láwana geya itoboineyeta bei toinina ikéuwo, go sem neta búyala goi ikaaiyaka, itoboine ikéuwo. Komi nakae, geya itoboinemita toinimi goi kokéuwo, go sem neta yaigu goi kokaaiyaka, itoboinemi.
JOH 15:5 Yau oine buyalina. Komi laonigowo. Avatauwa komi neta yaigu goi kokaaiyaka be yaimi goi akaaiyaka, komi bei kokéuwo gagaina. Neta yau geya, geya tayaamo kaga itoboinemi koguinuwe.
JOH 15:6 Avatauwa neta geya sikaiyaketa yau yaigu goi, lawanayadi geya basabasaidimo nakae tobágula ikalebaledi go, simémala namliyeta ina topaisewayao siwotuwedi sigabudi.
JOH 15:7 Neta kokaaiyaka yau yaigu goi be nakae guna livala yaimi goi sikaaiyaka, kaga latuwomi, manuna kokawanōi, bei kobabane.
JOH 15:8 Neta kokéuwo gagaina, komi moitamo yau guna tovatotowanayao. Moeko goi yau Tamagu ina togaga ana káeyana mooitamoina kovagitakoe tomota yaidi goi.
JOH 15:9 Yau amatakoiyemi nakae Tamagu bogina imatakoiyegu. Guna matakoiyana goi kokaaiyāka.
JOH 15:10 Neta guna lovina kokabikaaonedi, guna matakoiyana goi kokaaiyaka. Moe yau nakae; Tamagu ina lovina bogina akabikaonedi, e ina matakoi goi akaaiyaka.
JOH 15:11 Moe livalayadi bogina alatuwokoimi bego guna uyáwana yaimi goi ikaaiyaka be imi uyáwana ivakayaodeimi.
JOH 15:12 Ame yau guna lovina: Semiyao komatakooiyēdi nakae yau bogina amatakooiyemi.
JOH 15:13 Geya vatau tayaamo ina matakoi matakoi ame nakae ivakaigagasave: Bego semiyao manudi yawoimi kokasale.
JOH 15:14 Komi yau segowo neta kaga yau aloviinaemi koguinuwe.
JOH 15:15 Tomota paakonina geya iyagoiyeta kaga ina tomoya iguinuwe, tauna boi avayokoimi komi guna pakonayao nakae go, ame tuta avayokoimi segowo. E kaga liliuna yau Tamagu ilatuuwokoigu, bogina alatuwokoimi koyagoi, tauna avayokoimi segowo.
JOH 15:16 Boi komi geya kokinaveguta bego yau komi imi Tomoya, go sem yau akinavemi be avayokoimi komi yau guna tovatotowanayao. Avayokoimi bego komi kona kokéuwo go, keuwoimiyadi sikaiyako vata bego kaga yoigu goi kokawanoiye Tamada yaina, bei ivinimi.
JOH 15:17 Moe lovinayadi bogina avinimi bego semiyao komatakooiyēdi.’
JOH 15:18 Yeisu tuwaina kana, ‘Neta da poyapoya sikaoliilivemi, konuwāisi bego yau bogina sigimikaolilivegu.
JOH 15:19 Neta da poyapoya taiyao koeboda tayamo, tauyadi bei simatakoiyemi. Go komi geya koebodeta tayamo tauyadi taiyao, go sem yaidi goi akinavemi, tauna bei sikaolilivemi.
JOH 15:20 Guna livala boi yau alatuuwokoimi konuwokavāte, kagu, “Tomota paakonina ina tomoya geya itobusaveyeta.” Tomota siyogedegedegu, tauna neta guna livala kokabiikaone, bei siyogedegedemi. Neta tauyadi guna livala sikabikaone, komi imi livala nakae bei sikabikaone go, geya sikabikaoneyeta,
JOH 15:21 go sem moe dogoiyadi bei siguinuwedi yaimi goi unana yau yoigu ikaaiyaka yaimi. Idi guinuwayadi unana guna Toetuna geya siyagoiyeta, tauna nakae siguinuwe.
JOH 15:22 Neta boi geya amaita be nakae guna livala geya alatuwokoidita, geya idi goyomo. Ego guna livalayana bogina alatuwokoidi go, geya sikabikaoneyeta, tauna geya itoboinedita idi goyo silawoiwoiyedi.
JOH 15:23 Avatauwa neta sikaoliilivegu, yau Tamagu nakae sikaoolilive.
JOH 15:24 Boi guna guinuwa yaidi goi aguuinuwedi go, geya vatau tayaamo nakae iguinuwedi. Ago neta yaidi goi geya aguinuwedita, geya idi goyomo. Ego ame bogina madi goyo unana guna guinuwayadi bogina sigitedi go, yau ma Tamagu sikaolilivema. Taabu ame manuna kokaaliwōisa.
JOH 15:25 Go sem livala ame idi Gínina Kimaasabaidi goi siginigini itoboine imalatomotamna, idigo kana,
JOH 15:26 Tovapísiya Tamada goi aetune ima yaimi. Tutayana ima, bei italavaitegu. Tovapisiyayana, moe Yaubada ana Nanamsa Mooitamoina ana tovagitákwana, Tamada goi ima.
JOH 15:27 E yau guna paisewa ana kaba vatowo goi ima ame tuta komi taiyao takaaiyaka, tauna komi nakae bei kotalavaitegu.’
JOH 16:1 Yeisu tuwaina kana, ‘Moe dogoiyadi bogina alatuwokoimi bego tutayana sisowóduwo yaimi, komi imi numisa goi geya kokapusita.
JOH 16:2 Imi kaba tugúguna goi bei sivatapiyemi kosiya. Go geya vatapiya kaka geya, go sem tuta tamo imamaima be maniyemi sikaumatemi go, idi nuwonúwana bego idi guinuwayana moe idi vininabeso sikasale Yaubada yaina.
JOH 16:3 Moe dogoiyadi bei siguinuwedi yaimi unana yau ma Tamagu geya siyagoimeta, tauna bei siguinuwedi. Nakona moe geya latuwomi konove
JOH 16:4a go, moe dogoiyadi bogina alatuwokoimi bego tutayana sisowóduwo, guna livala konuwokavatedi.’
JOH 16:4b Yeisu tuwaina kana, ‘E akaaiyaka yaimi goi, tauna moe dogoiyadi mainao geya alatuwokoimita.
JOH 16:5 E ame tuta anonoina guna Toetuna yaina goi go, geya vatau tayaamo yaimi goi kulumadadegu kam, “Nako kunonoina?” Itoboinemi kouyáwana go, geya kouyaoneta,
JOH 16:6 go sem nuwomou ivakayaodeimi unana moe dogoiyadi bogina alatuwokoimi. Taabu nuwomi imoumōu.
JOH 16:7 Go Yaubada ana Nanamsa Mooitamoina akaiwoduwe yaimi. Moe ami dedevina manuna bego yau akalavemi. Moitamo. Neta geya anoita, Tovapisiyayana geya imaita yaimi. Go neta ana, e yau niga Tovapisiyayana aetune ima yaimi.
JOH 16:8 Tauyana bei ima tomota da poyapoya ikamamaetalidi dogoi aito manudi: Idi goyo manuna, idi kibobwata polapola manuna be adi takínona manuna.
JOH 16:9 Idi goyoyana manuna ikamamaetalidi unana geya sinumiseguta. Tauna idi goyo manuna ikamamaetalidi bego nuwodi isabutukoidi bei situgavila be simekoigu.
JOH 16:10 E idi kibobwata polapola manuna bei ikamamaetalidi unana yau ana Tamagu yaina goi, e geya tuwaina bei kogitegu, tauna bei siyagoi yau tokibóbwata mooitamoina.
JOH 16:11 E adi takinona manuna bei ikamamaetalidi unana Yaubada poyapoya ame ana tolovina itakino, tauna da poyapoya nakae bei itakinoidi toogoyoidi, e adi liuna sibabane.
JOH 16:12 Nava vatulúkwana liliudi sikaaiyaka; bego alatuwokoimi go, ame tuta geya itoboinemita konove.
JOH 16:13 Baloma Kimaasabaina moe Yaubada ana Nanamsa Mooitamoina ana tovagitákwana. Tutayana bei ima nukotomi bei ikatukededi Nanamsa Moitamoinayana liliuna manuna. Moitamo. Balomayana ina bóbwara geya toinina ina nuwonúwana goi geya, go sem kaga neta inove iibobore be ima italavaite yaimi.
JOH 16:14 Guna nuwonúwana bei italavaite yaimi goi. Moeko goi Yaubada ina togaga ana káeyana yaigu ikaaiyaka bei ivagitakoe yaimi.
JOH 16:15 Kaga liliuna neta Tamagu yaina ikaaiyaka, yau nakae yaigu goi ikaaiyaka. Moe pasina kagu, “Tovapísiya yau guna nuwonúwana bei italavaite yaimi.”’
JOH 16:16 Tuwaina Yeisu kana, ‘Tuta giyaina goi akalavemi be geya tuwaina ame nakae koogitegu. Ago tuta giyaina tuwaina bei aiyuwoina kogitemneigu.’
JOH 16:17 E ina tovatotowanayao maniyema ametava kabobóbwara kadigo kama, ‘Amo kaga idigedige, kana, “Tuta giyaina goi akalavemi be geya tuwaina ame nakae kogitegu”? Nakae kana, “Tuta giyaina tuwaina bei aiyuwoina kogitemneigu”? Nakae kana, “Yau ana Tamagu yaina goi”?’
JOH 16:18 E tuwaina kadi, ‘Amo kaga idigedige kana, “Tuta giyaina”? Geya tayagoiyeta kaga idigedige.’
JOH 16:19 Go Yeisuyana bogina iyagoi bego latuwoma kalumadade, tuwo ilatuwokoima idigo kana, ‘Maine kagu, “Tuta giyaina goi akalavemi be geya tuwaina ame nakae koogitegu. Ago tuta giyaina tuwaina bei aiyuwoina kogitemneigu.” Moe manuna semiyao taiyao kobobóbwara ae?
JOH 16:20 Kaga alatuuwokoimi moe moitamo go, ame alatuuwokoimi konōve: Bei akalavemi namliyeta da poyapoya bei siuyáwana go, komi kotáiya. Komi bei konuwotúkala go, imi nuwotukalayana bei geya ikaiyakovateta, go sem niga bei imalauyáwana.
JOH 16:21 Moe nakae aba kinana ame: Tutayana vavina iivenátuna, inuwotúkala unana ina tuta bogina ibabane. E tutayana gómana ivenatuni ikavava, ina nuwotukalayana geya inuwokavateyeta unana iuyáwana bego gómana ibíbina poyapoya ame goi.
JOH 16:22 E komi nakae. Ame tuta akalavemi be konuwotúkala go, nava bei aiyuwoina agitemneimi, bei kouyáwana gagaina. Go geya vatau tayaamo itoboine imi uyáwana ivasebukoimi.
JOH 16:23 Amo tutayana goi geya tayaamo kaga manuna bei kolumadadegu. Nakae go, ame alatuuwokoimi konōve: Kaga yoigu goi kokawanoiye Tamagu yaina, bei ivinimi.
JOH 16:24 Boi ima ame tuta geya tayaamo kaga yoigu goi kokawanoiye Tauyana yaina. Ame tuta kokaawanōi, bei ivinimi bego imi uyáwana ivakayaodeimi.’
JOH 16:25 Yeisu tuwaina kana, ‘Amo dogoiyadi livalakaibala goi bogina alatuwokoimi. Go tuta imamaima bei ituli. Tutayana ima, geya livalakaibala goi alatuwokoimi geya, go sem Tamagu manuna bei alivala moitamo.
JOH 16:26 Amo tutayana goi bei itoboinemi yoigu goi kokawanoi Tamagu yaina. Ago geya tuwaina akawanoi Tauyana yaina komi manumi.
JOH 16:27 Ame moitamo. Komi komatakoiyegu be nakae konumisegu bego Yau Yaubada goi ama, tauna Tamagu imatakoiyemi.
JOH 16:28 Tauyana yaina goi bogina ama poyapoya ame goi. Go ame tuta poyapoya ame bei akalave, e anonoina Tamaguyana yaina goi.’
JOH 16:29 Kai ina tovatotowanayao kadigo kama, ‘Ake, ame geya livalakaibala goi kubobóbwara geya, go sem im bóbwara imavada.
JOH 16:30 Ame bogina kayagoi bego kaga liliuna kuuyagoi, tuwo tomota idi lumadádana bogina kuyagoiyamo, tauna geya silumadademta. Moeko goi kanumisa bego Yaubada goi kuma.’
JOH 16:31 Yeisu idigo kana, ‘Manakae? Ame tuta konumisa ae?
JOH 16:32 Konōve. Tuta tayamo imamaima go, bogina ima bego komi tamo tamo kokalavegu yau agutava go, kosapa kosiya kona toinimi imi kasa. Ago Tamagu yaigu goi ikaaiyaka, tauna yau aguta geya.
JOH 16:33 Ame dogoiyadi bogina alatuwokoimi bego yau goi tuboina kobabane. Poyapoya ame goi mou bei kobabanedi go, kokatepātu! Ame poyapoyayana ana togaga yau bogina atogagasave.’
JOH 17:1 Moe livalayadi Yeisu ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana káeyana yau Natum goi kuvagitakōe bego avagitakoe tomotayadi yaidi.
JOH 17:3 E ame yawana vatayana: Bego tomota siyaagoim kom amta Yaubada mooitamoim be nakae siyagoigu yau Yeisu Guyau kom kuvamoleyegu ama.
JOH 17:4 Guinuwayadi boi kuuvinigu bego aguuinuwedi bogina alukavavedi. Tauna yau poyapoya ame goi im togaga ana káeyana avagitakoe.
JOH 17:5 Tuwo ame tuta, Tamagu e, bei akaluvilamna ao go, matam goi im togaga ana káeyana kuvagitakomnēigu nakae boi ada káeyana tayamo tutayana nava poyapoya ame geya ana madaginamo.
JOH 17:6 Tomota da poyapoya yaidi goi boi kuuvinigu, e yaidi goi avagitakoim. Tauyadi im bodao go, kuvinigu. Tauyadi im livala bogina siyoisikavate.
JOH 17:7 Bobwarayadi bogina kuuvinigu, tauyadi bogina avinidi, e siuyaonedi. Ago siyagoidoko bego kom goi ama nakae sinumisa bego kom kuetunegu ama. Tauna ame tuta bogina siyagoi bego kaga liliuna bogina kuuvinigu moe kom goi sima.
JOH 17:9 Yau tauyadi manudi akawanoi yaim. Da poyapoya manudi geya akawanoita, go sem tauyadi bogina nimagu goi kuuyatoidi manudi akawanoi unana moe tauyadi kom im bodao.
JOH 17:10 Guna bodayadi liliudi yau yaigu moe kom im kaba lovina. Nakae im bodao liliudi kom yaim goi moe yau guna kaba lovina go, ame tauyadi yaidi goi im togaga ana káeyana yaigu goi ikaaiyaka bogina sivagitakoe.
JOH 17:11 Aiyuwoina kidi manudi akaawanoi unana yau bei awokoim, tuwo poyapoya ame goi geya tuwaina bei akaaiyaka go, tauyadi bei sikaaiyaka. Tauna manudi akaawanoi. Tamagu Totumasaba e, amo tauyadi im togaga boi kuuvinigu goi kukalīdi kumatakavatēdi bego sieboda tayamo nakae kita taeboda tayamo.
JOH 17:12 Tutayana yau kidi taiyao, im togaga boi kuuvinigu goi akalidi amatakavatedi. Amatakavatedi, geya tayaamo yaidi goi itagau geya, dedevidi go, tayamo toito moitamo inonoina vailaivata manuna. Moeko goi Gínina Kimaasabaina ina talavaita itoboine imalatomotamna.
JOH 17:13 E ame bei bogina awowoiwo. Ame guna livalayadi nava poyapoya ame goi akaaiyaka guna tovatotowanayao alatuwokoidi bego guna uyáwana ivakayaodeidi.
JOH 17:14 Im livala yau bogina avinidi, e sinumise, tauna kidi da poyapoya sikaolilivedi unana tauyadi geya siebodeta tayamo da poyapoya yaidi goi nakae yau geya aebodeta tayamo yaidi goi. Tauna da poyapoyayadi sikaolilivedi.
JOH 17:15 Geya akawanoita bego guna tovatotowanayao poyapoya ame goi kukabidi, go sem akawanoi yaim bego kuyoisikavatedi bei Togoyoinayana geya itoboineyeta ibisikonedi.
JOH 17:16 Tauyadi geya siebodeta tayamo da poyapoya yaidi goi nakae yau geya aebodeta tayamo da poyapoyayadi yaidi goi.
JOH 17:17 Im livala moe Nanamsa Mooitamoina. Nanamsa Moitamoinayana goi tauyadi kukimasabēdi toinim umam.
JOH 17:18 Nakae boi yau kuetunegu ama da poyapoya yaidi goi, yau nakae bogina aetunedi sina da poyapoyayadi yaidi goi.
JOH 17:19 Tauyadi adi dedevina manuna toinigu akimasabegu kom umam bego tauyadi nakae am Nanamsa Mooitamoina ana kaiwóduwo yau goi kukimasabedi kom umam.
JOH 17:20 Geya ame tauyadi aditava manudi akaawanoi geya, go sem avatauwa neta tauyadi idi talavaita pasina sinuumisegu, e nakae manudi akaawanoi yaim
JOH 17:21 bego madabokidi sieboda tayamo nakae kom, Tamagu, yau yaigu goi kwaaiyaka, e yau yaim goi akaaiyaka. Aiyuwoina akawanoi yaim bego kidi yaida goi sikaaiyaka bego da poyapoya bei sinumisa kom kuetunegu ama.
JOH 17:22 Im togaga ana káeyana boi kuvaadamane yau yaigu bogina avadamane kidi yaidi bego sieboda tayamo nakae kita bogina taeboda tayamo.
JOH 17:23 Yau yaidi goi akaaiyaka go, kom yaigu goi kwaaiyaka bego sieboda dókana tayamo. Moe bego da poyapoya siyagoi kom kuetunegu ama be nakae kumatakoiyedi nakae kumatakoiyegu.
JOH 17:24 Tamagu, tauyadi boi kuuvinigu latuwogu bego nako goi akaaiyaka kidi taiyao. Moe bego itoboinedi im togaga ana káeyana yaigu goi sigite. Namliyeta poyapoya kumadagi, kumatakoiyegu, tauna im togaga ana kaeyanayana boi kuvadamane yau yaigu.
JOH 17:25 Tamagu e, kom tokibóbwata. Da poyapoya geya siyagoimta. Go yau sem ayaagoim be nakae ame tauyadi siiyagoi bego kom kuetunegu ama.
JOH 17:26 Bogina avagitakoim yaidi goi nakae nava bei avagitakomneim yaidi goi bego im matakoiyana goi kumatakooiyegu ikaaiyaka yaidi goi. Yau nakae bei akaaiyaka yaidi goi.’
JOH 18:1 Yeisu ina livalayadi iboboredi ikavava, Tauyana kai ina tovatotowanayao taiyao katáoya asa amo kakalave go, kana Kidironi sakalina goi kasaidámana. Amoko goi oribe tanuina tayamo ikaaiyaka, e kasiu.
JOH 18:2 Ego tuta liliuna amoko goi Yeisu kai taiyao kaatugúguna. Tauna Yudasa, Yeisu ana tonuwotulu, nakae asayana bogina iiyagoi.
JOH 18:3 E iya go Yudasayana tovayaviya maniyedi ikabidi be nakae Vada Kimaasabaina ana polisi adi tovakumgoyao maniyedi Tonúwala Gagaidi yaidi goi be Parisi yaidi goi ikabidi. Ikavava, madi rampa, madi dúgala be madi kaipíyama Yudasa ivakededi sima amoko goi.
JOH 18:4 E iya go Yeisuyana bogina iiyagoi kaga liliuna bei sisowóduwo yaina goi. Tuwo ivatabale ina bodayadi ilatuwokoidi idigo kana, ‘Avatau koolusale?’
JOH 18:5 Tauyadi sidigo kadi, ‘Yeisu guma Nasareta.’ Yeisu kana, ‘Yau Tauyagu.’ Ego iya Yudasayana, tauyana Yeisu ana tonuwotulu, nakae iitáoya kidi taiyao.
JOH 18:6 E tutayana Yeisu kana, ‘Yau Tauyagu’, bodayadi mlidi sivamnamnae masigava sikapusi sisou poyapoya goi.
JOH 18:7 E tuwo aiyuwoina Tauyana ilumadademneidi idigo kana, ‘Avatau koolusale?’ ‘Yeisu guma Nasareta’, kidi kaedi.
JOH 18:8 Go iya Yeisuyana idigo kana, ‘U, bogina alatuwokoimi Yau Tauyagu. Komi koluusalegu, tauna ame tauyadi kotagonēdi sina idi kasa.’
JOH 18:9 Moeko goi ina livala boi Tamana yaina imalatomota tutayana idigo kana, ‘Tauyadi boi kuuvinigu, yaidi goi geya tayamo avasulaigi.’
JOH 18:10 E iya go Saimoni Pita mana sisi, tuwo ibuyagi, ibala ina Tonúwala Toolagaina ina pákwana taiyana kakataina ivakanáupe. Pakoninayana yoina Malako.
JOH 18:11 Go iya Yeisu idigo kana, ‘Im sisi ana piwa goi kwatusagemnēi! Manakae? Gedageda keigaina Tamagu iivinigu bei anim gea geya?’
JOH 18:12 E kidi tovayaviyayadi madi tokalikumatana be Diyuu idi polisiyadi siyava sina Yeisu siyoisi. Siyoisi, nimana siyowóidi.
JOH 18:13 Siyowóidi ikavava, mainao sinave Anasi goi. Tauyana moe Kaiyapasi yaona koroto. Kaiyapasiyana Tonúwala Toolagaina tala amo goi.
JOH 18:14 Go ame Kaiyapasiyana boi Diyuu ilatuwokoidi kana, ‘Tayamo koroto itoboine ikámasa tomota liliuda ada katumapu.’
JOH 18:15 E Yeisu sinave Anasi ina vada ana kali goi sisiuye go, Saimoni Pita be yau kasabookuliye. Ago Tonúwala Toolagaina iyaagoigu, tauna yau nakae vada ana kaliyana goi asiu Yeisu taiyao.
JOH 18:16 E iya go Pitayana moetala goi ikaaiyaka, aba siu kikina goi iitáoya. Go Anasi ina topaisewa vavina paakonina tayamo moe aba siuyana ana tomatakavata nakae ikaaiyaka, e Pita isanabode geya isiuta. Yau Tonúwala Toolagaina aayagoi, tauna akaluvila ana torugwautayana alatuwoko Pita itagone isiu. Tuwo itagona go, Pita akabi taiyao kasiu.
JOH 18:17 E torugwautayana Pita ilatuwoko kana, ‘Kom nakae amo korotoyana ina tovatotówana tayamo ae?’ Go iya Pitayana kana, ‘Yau geya.’
JOH 18:18 E Tonúwala ina pakonayao maniyedi be nakae Vada Kimaasabaina ana polisiyao yeu bogina sidimili, unana gogoutuna, tauna sidimili go, kikina goi siitáoya sibuuvavaya. E Pitayana nakae iitáoya ibuuvavaya tauyadi taiyao.
JOH 18:19 E iya go Tonúwala Tolagainayana Yeisu ilumadade kana, ‘Im tovatotowanayao avatauwa? Im vatulúkwana manakae?’
JOH 18:20 Yeisu idigo kana, ‘Yau akamamaétala da poyapoya yaidi. Yau tuta liliuna Diyuu ida kaba tugúguna goi be nakae Vada Kimaasabaina goi avaatulúkwana. Amoko goi Diyuu liliudi sigugúguna. Tuwo geya tayaamo kaga adigegau.
JOH 18:21 Kaga kulumadadekoigu? Tauyadi guna livala ana tovainówaya kulumadadēdi. Amo tauyadi siyagoi yau kaga aadigedi.’
JOH 18:22 E livalayadi Yeisu idigedi go, Vada Kimaasabaina ana polisi tayamo Tauyana kikina goi iitáoya, Yeisuyana isapi idigo kana, ‘Manakae? Moe nakae Tonúwala Toolagaina kwatumapu ae?’
JOH 18:23 Go iya Yeisuyana idigo kana, ‘Neta abobwara goyo, goyoyana kutalavāite. Go neta abóbwara moitamo, kaga unana kulauigu?’
JOH 18:24 E Anasi ilovina ina polisi sina Yeisu ma yoowonina sikabi sinave Tonúwala Toolagaina Kaiyapasi yaina goi.
JOH 18:25 E Saimoni Pita nava iitáoya yeu goi ibuuvavaya toyoko taiyao. E tuwo toyokoyadi sidigo kadi, ‘Kom nakae Tauyana ina tovatotówana tayamo ae?’ Tauyana ilawoiwoi idigo kana, ‘Yau geya!’
JOH 18:26 Tonúwala Toolagaina ina pákwana tayamo ikaaiyaka; tauyana osiyana moe korotoyana taiyana boi Pita ivakanáupe. Amo tauyana Pita igite idigo kana, ‘Tánuwo goi Yeisu taiyao agitemi ae?’
JOH 18:27 E sivatonina Pita ilawoiwoi go, mainao kamkam itáiya.
JOH 18:28 E polisiyadi Yeisu siyoisi, Kaiyapasi ina vada esaaesaina goi sinave gávana Pailato ina vada goi. Ego moe nobuyana nava matagougouna. Ago Diyuuyadi vada goi geya sisiuta geya, govila bei kidi Totuyoyowo sikibaibailidi, e bei geya itoboinedita Basitáwana Aikanina sikáika.
JOH 18:29 E sima go, Pailato isowóduwo ima tauyadi yaidi idigo kana, ‘Kolatuwokōigu koroto ame ava lovina ikapipilave?’
JOH 18:30 Tauyadi sidigo kadi, ‘Neta ame korotoyana geya goyo ana toguinuwa geya, nimam goi geya kayatoeta.’
JOH 18:31 E iya Pailatoyana idigo kana, ‘Komi konāve bei toinimi imi lovina goi kotakīno!’ Go kidi Diyuu adi tolovinayaoyadi sidigo kadi, ‘Tauyana itoboine ikámasa go, kai geya ima tagonamo bei tomota kakaumata, tauna kamekoim.’
JOH 18:32 Kidi da Roma kerose goi tomota sikauumatedi. Tauna Diyuu idi livalayadi goi Yeisu ina bóbwara ina kámasa kerose manuna imalatomota dókana unana da Roma bei sikaumate.
JOH 18:33 E Pailatoyana ina vada esaaesaina goi isiumna go, Yeisu iduduwe ima idigo kana, ‘Kom moitamo Diyuu adi Tokalibúbuna?’
JOH 18:34 Yeisu kana, ‘Moe toinim im nuwonúwana goi kubobóbwara gea ituli ta tomotava silatuwokoim yau manugu?’
JOH 18:35 ‘Manakae? Yau Diyuu bego imi sinapu ayagoi? Toinim im bodao be Tonúwala Gagaidi simem yau nimagu goi siyatoim. Ava goyo kuguinuwe?’ Pailato kaena.
JOH 18:36 ‘Yau guna kalibúbuna unana moe geya kada poyapoya ame goi geya. Neta guna kalibúbuna unana moe ame poyapoyayana goi, yau guna tovaitayao bei sivayaviya bego Diyuu adi tolovinayao geya itoboinedita nimam goi siyatoigu. E yau guna kalibúbuna unana moe ameko goi geya imaita’, Yeisu kaena.
JOH 18:37 E Pailato idigo kana, ‘Moitamo kom woi Tokalibúbuna tayamo ae?’ Yeisu idigo kana, ‘Kom bogina kudigoyabe bego yau Tokalibúbuna. Ame pasina yau abíbina nakae ame pasina ama poyapoya ame goi: Bego Nanamsa Mooitamoina akaiwoduwe. Avatauwa neta Nanamsa Moitamoinayana tomotaidi, bei sopagu sikabikaone.’
JOH 18:38a Go iya Pailatoyana kana, ‘Kaga Nanamsa Mooitamoina?’
JOH 18:38b Ibóbwara ikavava, aiyuwoina isowoduwomna ina Diyuu yaidi goi idigo kana, ‘Geya tayaamo ina píkwana ababane.
JOH 18:39 Go sinapu tayamo ikaaiyaka komi manumi bego Basitáwana Aikanina ana tuta tomota tayamo ataligei yaimi goi. Tauna latuwomi bego komi Diyuu imi Tokalibúbuna ataligei yaimi?’
JOH 18:40 E bodayadi aiyuwoina siduduwo sidigo kadi, ‘Moe Tauyana geya! Go sem Barabasi kutaligēi!’ Ego Barabasiyana lovina ana tokapipilova tayamo.
JOH 19:1 E amo tutayana goi Pailatoyana isiumna ina tovayaviyayao maniyedi ilatuwokoidi idigo kana, ‘Kōma Yeisu kokābi, kodābi.’
JOH 19:2 Kidi tovayaviyayadi sina sikabi sidabi. Ikavava, taliboibo sikabi dabayogigi polapola simete, dabana goi sikailagasi. Ikavava, tolovina ana kwama dedeviina go, kayakayaina sikabi, Yeisu sivalosi.
JOH 19:3 Ikavava, madi kaiwoteta sidigo kadi, ‘Diyuu adi Tokalibúbuna takiilagāsi!’ Ikavava, nimadi goi siláui.
JOH 19:4 Go iya Pailatoyana aiyuwoina isowoduwomna tomota ilatuwokoidi idigo kana, ‘Gwa! Ame Tauyana akaiwoduwe yaimi bego koyagoi geya tayaamo ina píkwana ababane.’
JOH 19:5 E Yeisu mana dabayogigi taliboibo be mana kwama kayakayaina isowóduwo, Pailato Diyuu ilatuwokoidi idigo kana, ‘Korotoyana bego komi komaatoite goame go!’
JOH 19:6 E tutayana Tonúwala Gagaidiyadi be Vada Kimaasabaina ana polisiyadi Yeisu sigite, siduduwo kadi, ‘Kerose goi kutupatūko! Kerose goi kutupatūko!’ Go iya Pailatoyana kana, ‘Komi toinimi kōma kokābi konāve kerose goi kotupatūko. Yau geya tayaamo ina píkwana ababane.’
JOH 19:7 Go kidi Diyuuyadi sidigo kadi, ‘Kai mama lovina, e lovinayana goi itoboine ikámasa unana idigodigo bego Tauyana Yaubada Natuna, tauna itoboine ikámasa.’
JOH 19:8 E tutayana idi livalayana Pailato inove, imatoita gagaina bego ilovina Yeisu itoboine ikámasa.
JOH 19:9 Tuwo Tauyana ikabi, taiyao vada esaesainayana goi aiyuwoina sisiumna go, Yeisu ilumadade kana, ‘Kom nako korotoim?’ E iya go Yeisuyana geya ikatumapuyeta.
JOH 19:10 Go iya Pailatoyana kana, ‘Iyaa! Kwatae; geya latuwom yau kuvadigoigu ae? Manakae? Kuyagoi bego yau magu lovina ataligeim nakae magu lovina alovina kerose goi situpatukoim, gea geya?’
JOH 19:11 Go iya Yeisuyana idigo kana, ‘Geya im lovinamo yau yaigu neta Tauyana maeko geya ivinimta. Moe pasina korotoyana kom nimam goi bogina iyatoigu ina goyo ivakaigaga namliyeta kom im goyo.’
JOH 19:12 Amo tutayana goi Pailato enao iilusala bei Yeisu italigei. E kidi go Diyuuyadi siduduwo sidigo kadi, ‘Neta moe Tauyana kutaligei, kom geya Sisa siyana geya! Avatau neta toinina bego ietolovina, tauyana tolovina Sisa ivakaleye. Moe korotoyana bego ietolovina, tauna Sisa ivakaleye.’
JOH 19:13 E tuwo iya go Pailatoyana livala amo inovedi, Yeisu ikabi sisowóduwo go, sina ina kaba takínona ana kaba tusobu goi. Moe gurewa gagaidi paaevaidi yatadi goi ikaaiyaka. Dadava amo yoina Gurewa Paaevaidi. Ego Diyuu niyama goi moe yoina Gabata. Tuwo Pailatoyana ina aba takinonayana ana kaba tusobu goi itusobu.
JOH 19:14 E Basitáwana Aikanina ana katubayásina ana maliyalina bogina isowóduwo. Dine nakae Pailato Diyuu adi tolovinayao ilatuwokoidi kana, ‘Gwa! Bego ame imi Tokalibúbuna!’
JOH 19:15 Go kidi tauyadi siduduwo sidigo kadi, ‘Kunāve! Kunāve kerose goi kutupatūko!’ Go iya Pailatoyana kana, ‘Manakae? Bego guna tovayaviyayao alovinaedi imi Tokalibúbuna kerose goi situpatuko?’ Go kidi Tonúwala Gagaidi sidigo kadi, ‘Kai ima tokalibúbuna tayamo toito, moe Sisa!’
JOH 19:16a E tauna tuta amo goi Pailato itagona idi nuwonúwana iguinuwe.
JOH 19:16b Tuwo ina tovayaviyayao maniyedi ilovinaedi idigo kana, ‘Kōna Yeisu kokābi, konāve bei kerose goi kotupatūko.’ E tuwo sina Yeisu sikabi,
JOH 19:17 ina kerose sivini toinina ikavale go, sisowoduwe sinave asa tayamo siivayou Bulubulu ina Kasa goi. Moe asayana kai Diyuu niyama goi moe Gorigota.
JOH 19:18 Amoko kerose goi situpatuko. Ago koroto adi taiyuwo Yeisu taiyao nakae adi kerose goi situpatukoidi, tayamo kakataina, tayamo kekelina, e Yeisu nauyayanaidi.
JOH 19:19 E Pailatoyana ilovina Yeisu ana píkwana aisika paaevaina tayamo goi sigini, kerose goi situpatuko. E ana pikwanayana kana, ‘Yeisu guma Nasareta, Diyuu adi Tokalibúbuna.’
JOH 19:20 E ame pikwanayana Diyuu badabadaidi sikatuyaivi unana dadavayana goi Yeisu situpatuko moe asa Yerusalema tupwana kikina, tauna itoboinedi sima sigite. Ana gínina moe Diyuu niyama, da Roma niyadi be da Giriki niyadi goi sigini, tauna boda badabadaidi itoboinedi sikatuyaivi.
JOH 19:21 E tauna Diyuu adi Tonúwala Gagaidi sikatuyaivi, sina Pailato silatuwoko sidigo kadi, ‘Taabu kuginigīni kam, “Diyuu adi Tokalibúbuna.” Go sem kugīni kam, “Ame Tauyana idigodigo bego iya Diyuu adi Tokalibúbuna.”’
JOH 19:22 Go iya Pailatoyana idigo kana, ‘Kaga bogina agini tauna nakae ikaaiyaka.’
JOH 19:23 E kidi go tovayaviyayadi tutayana Yeisu kerose goi situpatuko ikavava, konana iilosidi sikabidi, sikaiguyauyedi adi taivasikova yaidi goi. E ana kwama maanawena nakae sikabi. Kwamayana moe geya ana sinapatukwanamo, madabokina areko tayamo.
JOH 19:24 E tauna aditava sibóbwara sidigo kadi, ‘Geya takiiseyeta, go sem pápala tayamo taguinūwe, e tagite avatau neta ivakumgo, kwamayana ikabi.’ Moeko goi Gínina Kimaasabaina ame imalatomota dókana, kana, ‘Konagu sikaiguyauyedi toinidi yaidi goi be nakae guna kwama manudi pápala tayamo siguinuwe.’ Same 22:18 E tauna amo dogoiyadi tovayaviya siguinuwedi.
JOH 19:25 E Yeisu ina kerose kikina goi vevina maniyedi siitáoya. Tauyadi moe Yeisu sinana ma siyana be Kilopasi monena Meri mana ebígana Meri guma Magidara.
JOH 19:26 E Yeisu ikandosobu sinana be nakae yau, ina tovatotówana nakae ina kalo, igitema taiyao kaatáoya go, sinana ilatuwoko kana, ‘Namoya, moe korotoyana kuvanatūne.’
JOH 19:27 Ikavava, ilatuwokoigu kana, ‘Koroto, moe vavinayana kuvasināne.’ Tuwo moitamo tuta amo goi vavinayana akabi anave guna vada goi amatakavate.
JOH 19:28 Amo ikavava, Yeisu bogina iyagoi bego ina paisewa madabokina ikavava, tuwo kana, ‘Maegu iyápasa.’ Moeko goi Gínina Kimaasabaina imalatomota dókana.
JOH 19:29 Oine bwaena yuyuyuna ma keigaina kayaaodaina ikaaiyaka. E tuwo toutou sikabi, oineyana goi sisavaibute. Ikavava, náuna yoina isopi sikabi, sisisiwo go, sikailagasi Yeisu tobuna goi bego inim.
JOH 19:30 E tutayana oineyana inim, idigo kana, ‘Bogina ikavava.’ Tuwo nukotona itapili, balomaina ikaiguyauye.
JOH 19:31 E kidi go Diyuu adi tovakumgoyaoyadi sina Pailato sikawanoiye latuwodi ilovina bego tauyadi sisaisaina maa yawoidi kerose goi aedi sikauguyalidi be mainao sikámasa, e wowodi sikaisobuyedi sinavedi unana amo maliyalinayana moe Sabati ana katubayásina ana maliyalina. Tauna latuwodi wowodiyadi sinavedi, govila bei kerose goi sikaaiyaka Sabati ana tuta. Amo Sabatiyana moe maliyalina gagaina.
JOH 19:32 E tuwo Pailato itagona. Tuwo ina tovayaviyayao maniyedi ietunedi sina keroseyadi goi koroto vakuumgoina aena sikauguyalidi ikámasa. Ikavava, sibala sina korotoyana aiyuwoina Yeisu taiyao situpaatukoidi, e aena sikauguyalidi ikámasa.
JOH 19:33 E sima Yeisu goi go, tutayana sigite, Tauyana bogina ikámasa, tuwo aena geya sikauguyalidita,
JOH 19:34 go sem tovayaviya tayamo gita goi Yeisu silalumina iginubasi. Iginubasi, mainao ikaika bwae taiyao sidau.
JOH 19:35 Yau amo toinigu matapoinigu goi agite, e atalavaite yaimi. Ago guna talavaitayana mooitamoina. Abóbwara moitamo bego komi nakae Yeisu konumise.
JOH 19:36 Amo dogoiyadi idi sowóduwo goi livala tayamo Gínina Kimaasabaina sinaena imalatomota dókana, kana,
JOH 19:37 Livala aiyuwoina Gínina Kimaasabaina goi nakae imalatomota, kana,
JOH 19:38 E amo dogoiyadi mlidi koroto tayamo yoina Iyosepa guma Arimateya ina Pailato goi. Iyosepayana Yeisu ina tovatotowanagau ina matoita Diyuu adi tovakumgoyao yaidi pasina. E tauyana ina Pailato yaina ikawanoi kana, ‘Manakae? Kutagona Yeisu wowona akabi avaliwoge gea geya?’ E tuwo Pailatoyana itagona. Tauna Iyosepayana ina Yeisu wowona ikaisobuye inave.
JOH 19:39 E Nikodimo nakae. Kina boi mainao sabamgo goi ina Yeisu yaina. E tauyana alovamamaina sisina be ituli ta kalova sisina poopolidi adi mou nakae kilo 34 ikabi ime Iyosepayana ivakitau be ivaite.
JOH 19:40 E adi taiyuwo sina Yeisu wowona sikaisobuye. Ikavava, alova sisina sikabidi, areko poowoudi simigidi. Ikavava, wowonayana sipaimi nakae kai Diyuu ima sinapu neta tomata wowona kakatuubayasi valiwoga manuna.
JOH 19:41 Ego dadavayana Yeisu situpatuko goi alova tanuina tayamo ikaaiyaka. Tanuwoyana goi valiwoga tukubu vau tayamo ikaaiyaka. Sinaena geya tayaamo tuta goi tokámasa siyato.
JOH 19:42 E tukubuyana yomana, tauna amoko goi Yeisu wowona siyato unana moe Diyuu ima Sabati ana katubayásina ana maliyalina.
JOH 20:1 E wiki ana maliyalina vakuumgoina, níyala matavivina ikaipodume goi tupwana nava matamamaniwonina go, Meri guma Magidara vevina maniyedi taiyao sina valiwoga tukubuyana goi sikandobala tukubu tobuna ana kauboda gurewa sigite bogina pulipulina.
JOH 20:2 E tuwo silokoina sima Saimoni Pita be yau Yeisu ina kalo yaima goi Meriyana idigo kana, ‘Ida Tomoya wowona tukubu goi bogina sikabi sinave go, geya kayagoiyeta nako siyato.’
JOH 20:3 E tuwo yau Pita kasowóduwo kana tukubuyana goi.
JOH 20:4 E ama taiyuwokova kaalokoina go, yau woiligu Pita alokoinasave ana agimisowóduwo tukubuyana goi
JOH 20:5 asakululu tobuna goi asalogeba obáila karekoidi kaka agitedi. Ago geya asiuta.
JOH 20:6 E Saimoni Pitayana nakae mligu goi ilokoina ima tukubuyana goi isiu, arekoyadi igitedi,
JOH 20:7 tayamo moe obáila karekoina, tayamo máisina ana kareko boi Yeisu dabana goi ikaaiyaka. Ago máisina ana karekoyana geya obáila karekoina taiyao, go sem tupwana masigava goi bilibilina nakae ikaaiyaka.
JOH 20:8 E tuta amo goi yau nakae tukubu goi asiu arekoyadi agitedi, tuwo anumisa bego Yeisu bogina itaoyamna.
JOH 20:9 Bogina kuyagoi, namliyeta ina taoyamna, Gínina Kimaasabaina ana livala bego Tauyana itoboine tokámasa yaidi goi itaoyamna go, moe livalayana ana yagoina kai nava geya kayagoiyeta.
JOH 20:10 E tuwo kai ina tovatotowanayao ama taiyuwokova kakaluvila kana ima kasa.
JOH 20:11 E iya go Meriyana ikaluvilamna ina tukubuyana goi go, mana táiya tukubu moetala goi iitáoya. E tutayana itaitáiya, isakululu tukubuyana tobuna goi isaalogeba
JOH 20:12 go, anerose adi taiyuwo madi kwama poowoudi igitedi nako boi Yeisu wowona ikaaiyaka goi siitusobu, tayamo dabana goi, tayamo aena goi.
JOH 20:13 Tuwo Meriyana silatuwoko kadi, ‘Vavina, kaga unana kutaitáiya?’ ‘Guna Tomoya sikabi sinave go, geya ayagoiyeta nako goi siyato’, Tauyana kaena.
JOH 20:14 Tutayana nakae ibóbwara, itugavila Yeisu igite iitáoya go, geya ikinaneyeta.
JOH 20:15 Yeisuyana kana, ‘Namoya, kaga unana kutaitáiya? Avatau kuulusale?’ Go iya Meriyana inuwonúwana bego Yeisu moe tánuwo ana tomatakavata tayamo, tuwo kana, ‘Tomoya, neta Tauyana kom kunave, kulatuwokōigu nako goi kuyato be ana akabi.’ Ago itugavilamna tukubuyana sinaena igitemnei.
JOH 20:16 E Yeisu kana, ‘Meri!’ Tuwo Meriyana itugavila ikanaiberiu kana, ‘Raboni!’ Raboni ana yagoina Tovatulúkwana Toolagaina.
JOH 20:17 E Yeisu kana, ‘Taabu kuyooisīgu. Nava geya atukoita ana Tamagu goi. E kūna sedao kulatuwokōidi giyakainava bei atuko ana yau Tamagu nakae komi Tamami yaina. Tauyana yau guna Yaubada nakae komi imi Yaubada.’
JOH 20:18 Tuwo Meri guma Magidara ima kai Yeisu ina tovatotowanayao yaima goi italavaita kana, ‘Ida Tomoya bogina agite!’ Kaga liliuna Yeisu ilaatuwoko nakae ilatuwokoima.
JOH 20:19 E bogina lavilavi maliyalina amo goi. Moe nava wiki ana maliyalina vakuumgoina. Ago kai Yeisu ina tovatotowanayama vada bogina kakatunibode nakae karoke go, sinaena kakaaiyaka unana kai Diyuu ima tovakumgoyao kamatoitedi. E tuwo vada goi kakaaiyaka go, Yeisu isowóduwo, nauyayanaima goi itáoya ilatuwokoima kana, ‘Yaubada ina tuboina yaimi.’
JOH 20:20 Moe ilatuwokoima ikavava, nimana be silalumina ivatulukoima. E tauna kauyáwana unana ima Tomoya bogina kagite.
JOH 20:21 E Yeisu aiyuwoina ilatuwokoima idigo kana, ‘Yaubada ina tuboina yaimi! Nakae Tamagu bogina ietunegu, e yau nakae aetunemi.’
JOH 20:22 Moe ilatuwokoima ikavava, yawoina isalauwe yaima goi kana, ‘Baloma Kimaasabaina kouyaōne.
JOH 20:23 Neta ava tomotava idi goyo konuwotaoidi, Yaubada nakae bogina inuwotaoidi. Neta ava tomotava idi goyo geya konuwotaoidita, Yaubada nakae geya inuwotaoidita.’
JOH 20:24 E iya go Tomasi geya ikaiyaketa kai yaima goi tutayana Yeisu isowoduwomna yaima. Tauyana youyuwoina moe Didimosi. Iya tovatotówana tayamo yawou aiyuwo yaima goi.
JOH 20:25 E niga ima, kai tovatotowanayama kalatuwoko kadigo kama, ‘Ida Tomoya bogina kagite!’ ‘Neta nere kiyauna nimana goi agitedi nakae nere kiyaunayana nimagu goi abisikonedi nakae silalumina abisikone, bei anumisa bego moitamo Tauyana kogite. Go geya, bei geya aanumisa’, iya Tomasi kaena.
JOH 20:26 Maliyalina ainima aito mlidi aiyuwoina kai Yeisu ina tovatotowanayao kakaaiyaka go, Tomasiyana taiyao. Kakaaiyaka, vada totomna bogina kakatunibode nakae karoke go, Yeisu isowoduwomna, nauyayanaima goi itáoya, idigo kana, ‘Yaubada ina tuboina yaimi!’
JOH 20:27 Ikavava, Tomasiyana ilatuwoko kana, ‘Nimam kuyosāle ameko kubisikōne go, nimagu kugitēdi. Nimam kuyosāle silalumigu kubisikōne. Taabu kunaanayūwo, go sem kunumisāmo yau maa yawoigu!’
JOH 20:28 Tomasi idigo kana, ‘Guna Tomoya be guna Yaubada!’
JOH 20:29 Go iya Yeisuyana kana, ‘Moe bogina kunumise unana bogina kugitegu ae? Avatauwa neta geya sigiteguta go, sinumisegumo, adi dedevina bogina sibabane.’
JOH 20:30 E tauna Yeisu ituli ta kaba kinana badabadaaidi tuwaina iguinuwedi kai ina tovatotowanayao matama goi. Amo aba kinanayadi buki ame goi geya aginidita.
JOH 20:31 Ego ava kaba kinana buki ame goi aaginidi, moe bego itoboinemi konumisa bego Yeisu moe Guyau, Yaubada Natuna go, imi numisayana pasina imi spwagógana Yeisu taiyao goi maa yawoimi vau.
JOH 21:1 Amo dogoiyadi mlidi Yeisu aiyuwoina Tiberiyasi Bwaena goi toinina ivagitako kai ina tovatotowanayao yaima. Ina vagitakwanayana ame nakae:
JOH 21:2 Saimoni Pita, Tomasi (tauyana youyuwoina Didimosi), Nataniyela guma Kena (moe Galili ana dadava sinaena), kai Sebedi natunao be nakae ina tovatotowanayao adi taiyuwo taiyao kakaaiyaka.
JOH 21:3 Kakaaiyaka, Saimoni Pita kana, ‘Yau ana áuwata.’ Kai kama, ‘Dedevina, tao.’ Tuwo kana oga kasowoya kana káuwata. Sabamgo ana madabokina goi kauwoúwata go, geya tayaamo íyana kakone geya.
JOH 21:4 E nobuyana nava matagougouna Yeisu mamaya goi iitáoya go, kai tovatotowanayama geya kakinaneyeta.
JOH 21:5 E Tauyana itamaiwo yaima kana, ‘Tawou! Íyana kogite, gea geya ae?’ Kai kadigo kama, ‘U, geya toina!’
JOH 21:6 ‘Imi úwata kolāve oga kakatai dadavina goi bei íyana kobabane’, Yeisu kaena. E tuwo moitamo oga kakatai dadavina goi kalave, e íyana badabadaidi kakonedi, úwata ikayaoda, tauna geya itoboinemeta bei uwatayana kabiu ima oga sinaena kadodoi.
JOH 21:7 E yau Yeisu ina kalo Pita alatuwoko kagu, ‘Saimoni Pita, mae doyava moe ida Tomoya!’ E tuwo guna livalayana inove, ana kwama ikabi ipaiwae. Tauyana mana kwama giyaina goi ipaaisewa. Tuwo ana kwama ipaiwae ikavava, isou ina bwae goi isina iyava ina.
JOH 21:8 E kai go Tomoya ina tovatotowanayao madabokima nava oga goi kaatoyava íyana ma uwosidi kaabiudi. Bogina kuyagoi. Mamaya geya aduwanau geya, go sem nakae mita ana badabada 100.
JOH 21:9 E tutayana kasou labutabuta goi, kagite Yeisu yeu bogina idimili, yatana íyana igabugabu be nakae beredi kikina sikaaiyaka.
JOH 21:10 Tauyana ilatuwokoima kana, ‘Segowo, imi íyana maniyedi makaitaga kookonedi komēdi.’
JOH 21:11 Ego Saimoni Pita isinalaga úwata ibiu iyave ina lebutabuta goi. Uwatayana ikayaoda íyana gagaidi be badabadaidi, nakae ana badabada 153. Iyanayadi badabadaidi go, uwatayana geya itaiseta geya!
JOH 21:12 Yeisu kana, ‘Kōma kokāika!’ E geya vatau tayaamo kai ina tovatotowanayao yaima goi mana katepatu Tauyana ilumadade kana, ‘Kom moitamo avatau?’ Bogina kayagoi Tauyana Tomoya.
JOH 21:13 Tauyana ima berediyadi ikabidi ivinima. Iyanayadi nakae iguinuwe.
JOH 21:14 Moe bogina sivato Yeisu tokámasa yaidi ina taoyamna mlina goi isowóduwo kai ina tovatotowanayao yaima.
JOH 21:15 E tutayana kakáika ikavava, Yeisu Saimoni Pita ilatuwoko kana, ‘Saimoni Iyoni natuna, kumatakoiyegu gagaina namliyeta ame tauyadi?’ ‘U, Tomoya. Kom bogina kuyagoi bego amatakooiyem’, Pita kaena. Yeisu kana, ‘Guna lamiyao kuvaakanīdi.’
JOH 21:16 Sivayuwoina Yeisu kana, ‘Saimoni, Iyoni natuna, kumatakoiyegu?’ ‘U, Tomoya. Kom bogina kuyagoi bego amatakooiyem’, Pita kaena. Yeisu kana, ‘Guna sipiyao kulokaayasēdi.’
JOH 21:17 Yeisu sivatonina kana, ‘Saimoni, Iyoni natuna, kumatakoiyegu?’ Go Pitayana bogina nuwona imou unana sivato ilumadadeko kana, ‘Kumatakoiyegu?’ Tauna nuwona imou kana, ‘Tomoya, kom kaga liliuna kuyagoi. Kom kuyagoi bego amatakooiyem.’ Yeisu kana, ‘Guna sipiyao kuvaakanīdi.
JOH 21:18 Nakae kuguinuwe go, ame alatuuwokoim kunōve: Boi tutayana kom tubuwau, toinim am gadíwana kusiko be kuuketoiya nako goi latuwom. Go nava tutayana bogina kukaitomoya, e nimam bei kuyosaledi go, ituli ta tomota be isikoidi namliyeta inavem kuna nako goi geya latuwom.’
JOH 21:19 E moe livalayana goi Yeisu italavaita ava kámasa goi Pita bei Yaubada ina togaga ana káeyana ivagitakoe. Yeisu ibóbwara ikavava, Pita ilatuwoko kana, ‘Kusabokuuliyēgu.’
JOH 21:20 Pita itugavila yau Yeisu ina kalo igitegu asabokuuliyedi. Yau Tomoya ina kalo boi Basitáwana Aikanina goi Yeisu kikina akanaataliya nimagu asabadiye kagu, ‘Tomoya, avatau bei inuwotuluyem?’
JOH 21:21 E tauna Pita igitegu, Yeisu ilatuwoko kana, ‘Tomoya, go amo tauyana manakae?’
JOH 21:22 Go Yeisu kana, ‘Neta latuwogu tauyana ikaaiyaka ana kadókana akaluvila ama, moe geya tayaamo kaga yaim. Kom to kusabokuliyeeyamōigu.’
JOH 21:23 E tauna moe livalayana inúnuwo ina Yeisu ina bodao yaidi bego yau bei geya akamaseta. Go Yeisu moe nakae geya ibobwareta bego yau geya akamaseta, go sem Tauyana kana, ‘Neta latuwogu tauyana ikaaiyaka ana kadókana akaluvilamna ama, moe geya tayaamo kaga yaim.’
JOH 21:24 Yau Yeisu ina tovatotówana tayamo, moe dogoiyadi manudi ataalavaita be nakae dogoiyadi aaginidi. Ago tayagoi bego guna talavaitayana mooitamoina.
JOH 21:25 E dogoi badabadaidi tuwaina Yeisu iguinuwedi. Neta ina guinuwayadi madabokidi buki goi aginidi, anuwatu poyapoya ana madabokina buki kaka go, nava ina guinuwa tetelidi geya alukavavedita.
ACT 1:1 Tiyopilo e, Guna buki vakuumgoina boi agiimigini manum sinaena moe kaga liliuna Yeisu iguinuwedi be nakae ivatulúkwana. Moe ina paisewayana ana kaba vatowo
ACT 1:2 ana kadókana Baloma Kimaasabaina goi tauyadi ina vamoleyanayao kiinavaidi adi lovina ivinidi namliyeta baige Yaubada ikabi itukoe inave yábana.
ACT 1:3 Ame tauyadi yaidi Yeisu ina mamayuyu be ina kámasa mlidi toinina ivagitako kina maa yawoina. Ina taoyamna ana kiyakiyaya badabadaidi ivatulukoidi bei siyagoi kina moitamo maa yawoina ame nakae: Maliyalina 40 sinaedi iisowóduwo yaidi go, ina sowoduwoyadi goi ivatuulukoidi Yaubada ina kalibúbuna manuna.
ACT 1:4 Ego nava taiyao sikaaiyaka sikakáika, ilovinaedi idigo kana, ‘Boi Iyoni bwae goi isayoyoimi go, maliyalina maniyedi sikavava, Yaubada Balomaina Kimaasabaina goi bei isayoyoimi. Tauna Yerusalema taabu kookalāve, go sem kootuyāwata ana kadókana Tamada Balomainayana boi ikaatotule ivinimi. Atotulayana yaigu goi boi bogina konove.’
ACT 1:6 E tuwo lavayana situgúguna Yeisu taiyao, sidigo kadi, ‘Ima Tomoya, ame tuta bei Devida ina kalibúbuna kuyolimemnei go, kita Isileli tubunao taudava takalibubuda o geya?’
ACT 1:7 Go Yeisu idigo kana, ‘Geya itoboineyeta koyagoi ava tuta Tamada bogina iupe bei toinina ina lovina goi alibubunayana ana yolímana iguinuwe,
ACT 1:8 go sem itoboine koyagoi tutayana Baloma Kimaasabaina iwo yaimi goi, togaga bei kobabane, e komi bei guna totalavaitayao Yerusalema goi nakae Yudiya ana dadava madabokiina goi, Samériya ana dadava goi be nakae asa liliuna poyapoya ame goi.’
ACT 1:9 Moe livalayadi ilatuwokoidi ikavava, Yeisu sigitegite go, Yaubada itukoe inave yábana, e gaota sinaena goi isiu itagau, tauna geya itoboinedita sigite.
ACT 1:10 Ego tutayana ituko inonoina, kidi nava yábana osasaina sikandoolagae go, koroto adi taiyuwo madi kwama poowoudi kikidi goi siitáoya
ACT 1:11 kadi, ‘Komi Galili korotoimi, kaga pasina kootáoya yábana osasaina kopotepote? Mae Yeisuyana bogina kogite yaimi goi Yaubada ikabi itukoe inave yábana, bei ikaluvilamna ima go, ina kaluvilamnayana ana kaigigita tauna mae ina tuko nakae bogina kogite.’
ACT 1:12 Niga koya yoina Oribe goi sitáoya, sisou situko sikaluvila sina Yerusalema. Moe geya kada aduwanau geya, go sem Yaubada ina Katukeda itagonedi Sabati goi nakae siketoiya.
ACT 1:13 Tutayana Yerusalema goi sisiu go, vada tayamo vaapopoina goi simwera sikaaiyaka. Tauyadi moe Pita, Iyoni, Yemesa, Anduru, Pilipo, Tomasi, Batolomiu be nakae Madiu, Alipiyo natuna Yemesa, Saimoni (tauyana Isileli tubunao idi kaba lovina ana tokokóila) be nakae Yemesa natuna Yudasa.
ACT 1:14 Moe tauyadi, maniyedi vevina, Yeisu senao be nakae sinana Meri taiyao sikaaiyaka go, madabokidi nuwodi tayamo goi tuta liliuna toinidi sikaasaledi idi kawanoi Yaubada yaina goi.
ACT 1:15 Moe tutayana goi Pita senao nuumisaidi adi badabada 120 nakae situgúguna go, nauyayanaidi goi Pitayana itáoya ilatuwokoidi idigo kana,
ACT 1:16 ‘Segowo, Gínina Kimaasabaina itoboine imalatomota. Gininayana boi nimatu Baloma Kimaasabaina Devida nukotona isanayato, e Yudasa ina guinuwa igimitalavaitedi. Yudasayana boi Yeisu ana toyoitayao ivaitedi.
ACT 1:17 Tauyana boi mainao kai taiyao kaeboda tayamo; kai madabokima Yeisu ina vamoleyanayao o tadigo kada, “Yeisu ikawoi kai taiyao.”
ACT 1:18 Tuwo amo tauyana ina goyo ana maisa Tonúwala Gagaidi sikabidi, e tauyana yoina goi toinina ina poyapoya sigimone. Sigimone ikavava, tauyana itáoya, ina poyapoyayana goi isouye gamona ivatupave, e sileuna madabokina isowóduwo.
ACT 1:19 Amo tetalayana Yerusalema ana tokaiyakoyao liliudi bogina sinove, tauna Yudasa ina kámasa pasina kidi toinidi niyadi goi asayana sivayou Akeladama.’ Moe ana yagoina ikaika poyapoyaina.
ACT 1:20 Pita nava ibobóbwara kana, ‘Moe moitamo. Gininayana itaalavaite moe Same goi tagite. Sameyana Devida igini kana, “Toinina ina kasa tomota sikalave, asayana goi tomota taabu sikaaiyāka.” Same 69:25 Aiyuwoina kana, “Ana katumapu itoboine bei tauyana ina baseko ikabi.” Same 109:8 E Sameyadi silatuwokoida kaga itoboineda taguinuwe.
ACT 1:21 Tauna itoboineda Yudasa ana katumapu takinave. Ago koroto besobeso geya, go sem ava korotova boi sisabokuuliyema tutayana ida Tomoya Yeisu nava yaida goi ikaaiyaka.
ACT 1:22 Nakae boi ana sayóyova Iyoni goi go, ana kadókana matama goi Yaubada ikabi itukoe inave yábana. E ame tauyadi yaidi goi tayamo takinave, e bei korotoyana imalatotalavaita Yeisu ina taoyamna manuna kai taiyao.’
ACT 1:23 Pita ibóbwara ikavava, you aiyuwo sikailagasidi: Tayamo yoina Iyosepa, tauyana siduduwe Basabasi go, youyuwoina moe Yusto. Tayamo yoina Mataya.
ACT 1:24 Youyadi sikailagasidi ikavava, sikawanoi Tomoya yaina sidigo kadi, ‘Ima Tomoya, Yudasa boi paisewa ikalave go, iilusale ame baige wowona ikaivanuwe. Ame tuta ana katumapu kaalusale. Ago kom tomota liliuma nuwoma bogina kuyagoidi. Tauna kakawanoi yaim kuvatulukoima ame korotoyadi yaidi goi avatau bogina kukinave kina Yudasayana ana katumapu, e bei tauyana im vamoléyana ipaisewa manum.’
ACT 1:26 Sikawanoi ikavava, aba yagoina tayamo siwodugu go, Mataya kinava ibabane. Tuwo tauyana Yeisu ina vamoleyanayao yawou tayamo isiukoidi.
ACT 2:1 Tutayana Pentikosi ana maliyalina bogina ima, Yeisu ina tonumisayao liliudi taudiva situgúguna vada tayamo goi sikaaiyaka.
ACT 2:2 Sikaaiyaka go, yábana goi butukáwana tayamo ima yágira yailúwasa butukáona nakae. Tuwo madabokiidi vadayana goi sikaaiyaka sinove.
ACT 2:3 Sinove go, máena sisowóduwo adi kaigigita yeu nakae go, sitasapasapa sina tomota tamo tamo dabadi goi sitowotowo.
ACT 2:4 Sitowotowo go, madabokidi Baloma Kimaasabaina ivakayaodeidi, tuwo sivatowo ta kaníyana be ta kaníyana goi sibobóbwara nakonakae Balomayana ikitogagedi.
ACT 2:5 Ego Diyuu kaasalaidi Yaubada yaina dadava liliuna poyapoya ame goi bogina sima Yerusalema goi sikaaiyaka.
ACT 2:6 E butukawanayana sinove, tuwo sideli sima; latuwodi siyagoi kaga butukáona. Sima, tamo tamo toinidi niyadi sinovedi, tauna nuwodi siwówana.
ACT 2:7 E madi kainaopa gagaina sidigo kadi, ‘Iyaa! Amo kaga? Amo tobobwarayadi liliudikova da Galili, tauna niyada geya siyagoidita
ACT 2:8 go, manakae tanovedi kita tamo tamo toinida niyada goi sibobóbwara?
ACT 2:9 Kita da Paritiya, da Madai, da Elam, da Mesopotémiya, da Yudiya, da Kapadosiya, da Pontosi, da Esiya,
ACT 2:10 da Parugiya, da Pampíliya, da Itipita, da Libiya asainao Sairini ana dadava goi be nakae da Roma,
ACT 2:11 e nakae da Kiriti be da Arábiya. Ego maniyeda Diyuu go, maniyeda tosaidámana. Madabokidi niyada tayamo tayamo ta kaníyana be ta kaníyana goi sibobóbwara taanovedi Yaubada ina guinuwa toogagaidi sitalavaaitedi.’
ACT 2:12 E nava sikaiinaopa be nakae nuwodi siwowówana taudiva sibobóbwara kadi, ‘Ame kaga ana yagoina nakona?’
ACT 2:13 Ego maniyena tomota sivaponupoonuyedi kadi, ‘Oine vau sinim ginagina, e siyaluwo!’
ACT 2:14 Go kina Pita itáoya kidi vamoleyanayao yawou tayamo taiyao go, niyana gagaina goi boda ilatuwokoidi idigo kana, ‘Segowo da Yudiya be nakae madabokimi Yerusalema ana tokaiyakoyao, guna livala ame konovedokōidi bei koyagoi ame kaga ana yagoina.
ACT 2:15 Ame korotoyadi be yau koogitema manuma konuwonúwana kami, “Komi koyaluwo.” Ago ame nava nobuyana go! Nobuyana goi oine geya tanimnim, tauna komi kotainasi; kai geya kayaluwoita geya!
ACT 2:16 Go sem ame dogoiyana kogitegite moe kaga nakae boi Yaubada ina tokabivalavala Iyoeli italavaite Baloma Kimaasabaina manuna; idigo kana,
ACT 2:17 “Yaubada idigo kana,
ACT 2:18 Moe tutayana Balomaigu bei asiwoi isou ina
ACT 2:19 Aba kainaopa yábana osasaina goi bei amadagidi.
ACT 2:21 Go avatauwa neta Yauwe yaina goi
ACT 2:22 Pita nava ibobóbwara idigo kana, ‘Komi Isileli tubunao, guna livala ame konovēdi: Yeisu guma Nasareta goi Yaubada guinuwa toogagaidi be aba kinana kainaaopaidi iguinuwedi yaimi. Aba kinanayadi goi ivatulukoimi bego Yeisu bogina ikinave. Moe bogina koyagoi.
ACT 2:23 Ame Yeisuyana ana tonuwotulu iwo inuwotuluye komi nimami goi go, moe Yaubada ina nuwonúwana boi bogina igimilosinapu be igimilovina. E inuwotuluye ikavava, komi imi lovina goi Tauyana sinave kidi Yaubada ina Katukeda ana tokapipilovayao nimadi goi siyato. Tuwo siyoisi, kerose goi situpatuko, e sikaumate.
ACT 2:24 Ame Yeisuyana komi imi lovina goi sikaumate go, ámasa geya itoboineyeta iyoisikavate, tauna ámasa ana yówana goi Yaubada italigei, ikaitaoemnei.
ACT 2:25 Ámasa geya itoboineyeta Yeisu iyoisikavate. Moe ana kamoitamo Devida ina gínina goi tababane. Tauyana italavaite idigo kana,
ACT 2:26 Tauna ategu iuyáwana be sopagu iyapali gagaina.
ACT 2:28 Yáwana dedevina ina kenao bogina kuvatulukoigu. Im kaiyaka yaigu pasina uyáwana goi kuvakayaodeigu.” Same 16:8-11 Moe pasina tauna ámasa geya itoboineyeta Yeisu iyoisikavate.
ACT 2:29 Segowo, alatuwokodokoimi bego ame livalayadi geya tubuda Devida manuna geya. Boi Devidayana ikámasa, wowona sikabi sivaliwoge, e ame tuta ina valiwoga tukubu nava ikaaiyaka, nakae itoboineda tagite.
ACT 2:30 Tauna Devida geya toinina manuna ibobóbwara geya. Tauyana Yaubada ina tokabivalavala tayamo, tuwo bogina iyagoi Yaubada ikatótula bego tubuna tayamo nava bei ikinave ietokalibúbuna go, atotulayana bei iguinuwe.
ACT 2:31 Ame Devidayana bogina igimiyagoi, tauna Guyau ina taoyamna ámasa goi manuna ibobóbwara bego Yaubada Guyauyana tokámasa idi dadava goi geya ikalaveyeta, nakae bei geya itagoneta Tauyana wowona idáura. Moe pasina ame livalayadi geya Devida manuna geya, go sem livalayadi moe kina Guyau ina taoyamna manuna.
ACT 2:32 Ame Yeisuyana boi ikámasa go, Yaubada bogina ámasa goi ikaitáoe, e kai madabokima matama goi bogina kagite, e ame kataalavaite yaimi.
ACT 2:33 E tauna Yaubada ámasa goi ikaitáoe ikavava, ikailagasi wowoina basekoina kakataina goi itusobu be nakae Baloma Kimaasabaina boi Tamana bogina ikaatotule ibabane. Tauna kaga ame kogitegite be nakae konovenove moe Balomayana kina Yeisu iisiwoi yaima ina guinuwa.
ACT 2:34 Moitamo Yeisu ituko ina yábana. Devida toinina idigo kana,
ACT 2:35 ana kadókana am kaleyayao avasobusoobuyedi kulovinaedi.’” Same 110:1 Ina Tomoyayana idigedige moe Yeisu.
ACT 2:36 Tauna komi Isileli tubunao madabokimi koyagoidōko bego ame Yeisuyana kerose goi kotupatuko, Yaubada bogina ivayoko kina Tomoya be nakae Guyau.’
ACT 2:37 E Pita ina bóbwara boda sinove, sivakúwana, tuwo Pitayana be nakae vamoleyanayaoyadi liliudi silatuwokoidi sidigo kadi, ‘Bogina kabágala! Semao, bei manakaema?’
ACT 2:38 E kina go Pitayana idigo kana, ‘Kotugavīla namliyeta komi tamo tamo kotagōna bego Yeisu Guyau yoina goi kasayoyoimi, e bei imi goyo inuwotaoidi be nakae Yaubada Baloma Kimaasabaina ivinibesoimi.
ACT 2:39 Moitamo. Boi Yaubada ikatótula Baloma Kimaasabaina manuna. Ame atotulayana moe komi manumi, natumiyao manudi be nakae kidi aduwanau goi manudi. Moe avatauwa neta Yauwe ida Yaubada iduduwedi toinina yaina.’
ACT 2:40 Pita livala tuwaina goi ikatumatalidi go, iliiwoledi idigo kana, ‘Kokawanōi Yaubada yaina bego Yeisu ana tokaoliliwoyao goyogoyoidi adi liuna goi iyavemi!’
ACT 2:41 Tuwo avatauwa neta Pita ina livala siuyaone, sisayóyova go, amo maliyalinayana goi Yeisu ana tonumisayao bogina ivaituwedi nakae adi badabada 3,000 sisiukoidi.
ACT 2:42 E tuta liliuna sikaasaledi vamoleyanayao idi vatulúkwana goi be nakae abivekoveko goi, aba nuwokavata aikanina goi be nakae awanoi goi.
ACT 2:43 E Yeisu ina vamoleyanayaoyadi nimadi goi Yaubada aba kinana kainaaopaidi badabadaidi iguuinuwedi, e tomota liliudi sigitedi, madi matoita Yaubada siwoowoine.
ACT 2:44 E kidi go Yeisu ana tonumisayaoyadi liliudi taiyao sikaaiyaka, e idi sinapu ame nakae: Konadi tayamo, avadi tayamo, adi kwama tayamo, e ame konadiyadi madabokina sikasaledi tomota yaidi.
ACT 2:45 Idi poyapoya maniyena be nakae konadi maniyedi sikaigimonedi go, maisadi sikabidi, avatauwa neta geya konadimo, yaidi goi sikaiguyauyedi.
ACT 2:46 Maliyalina tamo tamo sina Yaubada ina Vada Kimaasabaina goi nuwodi tayamo sisaakululu be nakae idi vada goi aba nuwokavata aikanina siguuinuwe go, madi uyáwana be madi kasala avadi sikaiguyauye tomota liliudi yaidi goi, e taiyao sikakáika.
ACT 2:47 Ago Yaubada siyaapaliye, e kidi boda madabokina sikanuwoiyedi. E kina go Tomoya maliyalina tamo tamo goi maniyena tomota iyavedi, e tauna ina tonumisayao ivaituwedi.
ACT 3:1 E tuta tayamo awanoi ana tuta Pita be Iyoni sina Vada Kimaasabaina ana kali sinaena goi bego sisiu.
ACT 3:2 Ego koroto tayamo ikaaiyaka, tauyana ana bíbina goi topem. Maliyalina tamo tamo goi senao sikavale sinavenave Vada Kimasabainayana ana kali totomna yoina Kausara goi siyatoyato bego ikawanoi mani manuna Vadayana ana tosiu yaidi.
ACT 3:3 E korotoyana ikaaiyaka ikandobala, Pita be Iyoni iigitedi bego Vada Kimasabainayana sisiu, tuwo ikawanoi yaidi mani manuna.
ACT 3:4 E Pita Iyoni taiyao sidumaakavate go, Pita idigo kana, ‘Kugitēma!’
ACT 3:5 E tauyana igitedi inuwonúwana kana, ‘Nakona bei kaga sivinigu.’
ACT 3:6 Go kina Pita idigo kana, ‘Yau siriba be goura geya, go sem kaga nakae itoboinegu bei avinim. Yeisu Guyau guma Nasareta yoina goi kutāoya be kuketōiya!’
ACT 3:7 Pita ibisisobu korotoyana nimakakataina iyoisi, imalolasa itáoya go, mainao tauyana aeyapayapana be aekituna sitogaga.
ACT 3:8 Tauna ilosuyae itáoya dókana, mana pela iiketoiya. Tuwo ina Vada Kimaasabaina ana kali sinaena goi isiu tauyadi taiyao go, mana pela be mana yapali Yaubada yaina iiketoiya.
ACT 3:9 Isiu go, tomota liliudi sikandobala korotoyana sigite iiketoiya be nakae iiyapali Yaubada yaina.
ACT 3:10 E korotoyana sikinane kadi, ‘Ame tauyana boi Vada Kimaasabaina ana kali totomna Kausara goi iitusobu ikaawanoi mani manuna!’ Tuwo ame guinuwayana pasina tomota sikaliwoisa be nakae sikainaopa.
ACT 3:11 E awanoi ana tuta ikavava, Pita be Iyoni sisowóduwo, sibala sina vada geya ana vabodamo yoina Solomoni ina veranda goi go, korotoyana nava iyoisikaavatedi. Iyoisikaavatedi go, tomota liliudi sikandobala sigitedi, madi kainaopa silokoina sima yaidi.
ACT 3:12 E Pita igitedi, tuwo ilatuwokoidi idigo kana, ‘Komi Isileli tubunao, ame guinuwayana bogina kogite ae? Kaga kokainaopae? Kaga kopootekoima? Manakae? Konuwonúwana bego kai toinima ima togaga goi o ima sinapu yábana sinapuna goi ame tauyana kakidedevine iketoiya ae?
ACT 3:13 Moe nakae geya, go sem Yeisu yoina goi ame topemyana togaga ibabane. Ame nakae: Eberamo, Aisake, Yakobo be nakae tubudao idi Yaubada ina kitom moe Yeisu. E ina togaga ana káeyana Yeisuyana goi ivagitakoe. Go ame Yeisuyana komi boi bogina Pailato nimana goi koyato be nakae Pailatoyana matana goi kolawoiwoiye go, bogina itagona Yeisu italigei!
ACT 3:14 Go moe Totumasaba nakae Tokibóbwata komi kolawoiwoiye nakae kokawanoi makimaki Pailato yaina bego tokaumata italigei ivinimi.
ACT 3:15 Moe Yáwana ana Tokaimatana kokaumate go! Go ina kámasa mlina tokámasa yaidi goi Yaubada ikaitáoe! Moe kai bogina kagite, e kataalavaite yaimi.
ACT 3:16 Numisa Yeisu yoina goi pasina, tauna ame topemyana kogitegite be nakae kooyagoi, e Yeisu yoina ina togaga ikitogage. Go numisa Yeisu goi tababane, e moe numisayana koroto ame bogina ikidedevinedoko go, bogina kogite.
ACT 3:17 Go segowo, ame tuta bogina ayagoi komi mami tomoyamoya Yeisu kotamogemogeye, tauna amo nakae koguinuwe Tauyana yaina.
ACT 3:18 Go konuwokavāte boi Yaubada ina tokabivalavalayao liliudi sopadi goi igimitalavaita bego ana Vadámana ina gedageda bei ibabanedi. Tauna nakae ina livalayana imalatomota.
ACT 3:19 Tauna kotugavīla go, Yaubada komēko, e bei imi goyo itakukudi.
ACT 3:20 Neta nakae, bei Tomoya ina kaiyaka yaimi goi yawoimi kokani go, Tauyana boi bogina iikinave ietunemnei iwo moe Guyau Yeisu ada Toyava.
ACT 3:21 Yeisuyana itoboine yábana goi ikaaiyaka ana kadókana tutayana Yaubada kaga liliuna iyolimedi nakae boi ina tokabivalavalayao kimaasabaidi goi italavaite.
ACT 3:22 Mosese nakae boi nimatu idigo kana, “Koroto tayamo semiyao yaimi goi Yauwe ida Yaubada nava bei ivayoko kina tokabivalavala tayamo yau nakae manumi. Kaga liliuna ilatuuwokoimi kokabikaonedōko.
ACT 3:23 Go avatauwa neta tokabivalavalayana ina livala geya sikabikaoneyeta, Yaubada bei ilivisidi yaimi.”
ACT 3:24 E nakae tokabivalavala liliudi moe Samwera be nakae tauyadi mlina goi sima, e ame guinuwayadi ame tuta siisowóduwo boi nimatu sigimitalavaitedi.
ACT 3:25 Yaubada Guyau ietune ima komi be kai yaida goi nakae ina tokabivalavalayaoyadi sopadi goi ikatotule. Aiyuwoina boi tubudao ikanasiukoidi, e moe nakae komi be kai ikanasiukoida tutayana Eberamo ilatuwoko idigo kana, “Nava boda liliudi poyapoya ame bei siyagoi tubumyana goi akaipakuyedi.”
ACT 3:26 Tauna Yaubada ina kitom ikinave go, ietune ima mainao kita yaida bego ikaipakuyeda ame nakae: Kita liliuda ida sinapu goyo goi bei ikaigavileda.’
ACT 4:1 E Pita be Iyoni nava sibobóbwara tomota yaidi go, kidi Tonúwala be nakae Vada Kimaasabaina ana polisi adi tovakumgo be nakae Sadusi sikaaiyaka sinovedi tuwo sikamatanakoidi
ACT 4:2 unana sikawowoteya. Idi kawowoteyayana unana Pita be Iyoni tomota sivatuulukoidi be nakae sitaalavaita yaidi sidigo kadi, ‘Yeisu ina taoyamna pasina tokámasa bei sitaoyamna.’ Tauna sikawowoteya, e Pitayana be Iyoniyana sikamatanakoidi.
ACT 4:3 Tuwo tolovinayadi sitáoya, Pita be Iyoni siyoisidi, sinavedi deri goi sivaisiudi ana kadókana itomo. Bogina kuyagoi. Asa bogina ikalavilavi toina, tauna geya itoboinedita sidovatusidi unana Diyuu idi sinapu goi geya adi tagonamo sabamgo goi kotu siguinuwe.
ACT 4:4 Ego kidi boda sikaaiyaka Pita be Iyoni idi livalayadi bogina sinovedi, e badabadaidi sinumisa. Yeisu ina tonumisayao madabokidi yaidi goi koroto kaka adi badabada moe 5,000.
ACT 4:5 E vanuwo itomo, Diyuu adi tolovinayao, idi tomoyamoya be nakae Yaubada ina Katukeda ana tovatulukwanayao Yerusalema goi situgúguna.
ACT 4:6 Ame tugugunayana goi Tonúwala Toolagaina yoina Anasi mana nunuyao be mana bodao Kaiyapasi be Iyoni be nakae Alekisanda taiyao sisiu.
ACT 4:7 Situgúguna go, Iyoni, Pita be nakae boi topemyana sikabidi nauyayanaidi goi siyatoidi ikavava, silumadadedi sidigo kadi, ‘Komi ava togaga goi o avatau yoina goi moe korotoyana kokidedevine?’
ACT 4:8 Tuwo Baloma Kimaasabaina Pita ivakayaodei, e idigo kana, ‘Ima tolovinao be ima tomoyamoya,
ACT 4:9 nakona ame kai ima kotuyana unana topem kavaite. Go manakae? Komi latuwomi koyagoi ame tauyana manakaena idedevina ae?
ACT 4:10 Komi be nakae Isileli tubunao liliumi bei kalatuwokoimi, e bei koyagoidoko. Yeisu Guyau guma Nasareta boi komi kerose goi kotupatuko go, Yaubada tokámasa yaidi goi bogina ikaitáoe. Ame Tauyana yoina goi topem idedevina. Tauna ame korotoyana matami goi iitáoya Yeisu yoina ina togaga pasina.
ACT 4:11 Ame Yeisuyana moe gurewa komi toyówana kokatae go, bogina imalalasáuna.
ACT 4:12 Aiyuwoina geya vatau tayaamo goi itoboineda ada yava tababane, go sem Yeisu anetava goi. Moe moitamo. Geya vatau tayaamo tuwaina poyapoya ana madabokina goi ikaaiyaka itoboine iyaveda geya, go sem Yeisuyana anetava Yaubada ietune ima bei Tauyana goi ada yava tababane.’
ACT 4:13 E tolovinayadi bogina sigitedi Pita be Iyoni madi katepatu be nakae siyagoi bego korotoyadi asa ana tokaiyakoyao be nakae tapwaroro goi geya sisikuruta gagaina, tauna nukotodi siwówana. Aiyuwoina sinuwopeye boi Yeisu taiyao sikaaiyaka.
ACT 4:14 Ago korotoyana sigite bogina idedevina iitáoya tauyadi taiyao, tuwo situgau; geya itoboinedita sikatumapu.
ACT 4:15 E Pita, Iyoni be nakae korotoyana silatuwokoidi idi kotu goi sisowóduwo. Sisowóduwo ikavava go, tolovinayadi taudiva sibóbwara sidigo kadi,
ACT 4:16 ‘Da Yerusalema liliudi bogina siyagoi amo korotoyadi aba kinana toogagaina bogina siguinuwe, tuwo geya itoboinedeta aba kinanayana talawoiwoiye. Tauna manakaeda bei talovina amo tauyadi manudi?
ACT 4:17 Geya itoboinedeta taliunedi, go sem ame nakae taguinūwe: Takatumatalīdi bego geya tuwaina Tauyana yoina goi sibóbwara tomota yaidi. Moe nakae taguinūwe, govila bei tetalayana sisanunui boda liliudi yaidi.’
ACT 4:18 Sibóbwara ikavava, Pita be Iyoni siduduwedi sikaluvilamna sima silovinaedi sidigo kadi, ‘Yeisu yoina goi taabu kobobōbwara be nakae taabu kovaatulūkwana tomota yaidi.’
ACT 4:19 Go kidi Pita be Iyoni sidigo kadi, ‘Yaubada latuwona Yeisu valena kasanunui go, manakae? Yaubada matana goi itoboinema kakabikaonemi gea Yaubada kakabikaone? Komi toinimi kolovīna. Go kai geya itoboinemeta katugau.
ACT 4:20 Kaga nakae bogina kaagitedi be nakae kaanovedi, e ame tauna Yaubada ina lovina goi katalavaaitedi.’
ACT 4:21 E tuwaina sikatumatalidi namliyeta sitaligeidi unana geya tayaamo goyo yaidi goi sibabane, tuwo manakaedi bei itoboinedi siliunedi? Tauna sitaligeidi boda pasidi. Bodayadi liliuudi Yaubada ina togaga ana káeyana sikamoitamoe topem ana kidedevina pasina.
ACT 4:22 Topemyana ana kidedevina moe Yaubada ina guinuwa ana kaba kinana go, moe bogina siyagoi. Kidedevinayana moe aba kainaopa unana korotoyana ana tala ana badabada moe 40 goi kana ituko ina.
ACT 4:23 E sitaligeidi ikavava, Pita be Iyoni sina sediyao yaidi goi Tonúwala Gagaidi be nakae Diyuu idi tomoyamoya idi livala sitalavaitedi.
ACT 4:24 E sediyaoyadi sinove, nuwodi tayamo goi sikawanoi Yaubada yaina sidigo kadi, ‘Toolagaim, yábana, poyapoya, négwasa be nakae kaga liliuna sinaedi sikaaiyaka kom adi tomadágina.
ACT 4:25 Im kitom, moe tubuma Devida, Baloma Kimaasabaina goi im vala italavaite idigo kana,
ACT 4:26 Da poyapoya adi tolovinayao sikatubayásina
ACT 4:27 Ame moitamo. Ame Devida iginigini bogina imalatomota ame nakae: Ame asayana goi Erodi, Pontiyo Pailato, kidi Totuyoyowo be nakae Isileli tubunao situgúguna; latuwodi im kitom Yeisu Totumasaba bogina kuukinave am Vadámana sivakaleye.
ACT 4:28 Situgúguna, e kaga nakae kom im tagona be im nuwonúwana boi bogina kugimilovina siguinuwe.
ACT 4:29 Ame tuta, Yauwe, ima kawanoi yaim bego tauyadi idi katumátala kunovedi, e kai im pakonayao kukitogagēma bei itoboinema mama katepatu gagaina im vala katalavaite.
ACT 4:30 Ago nimam kubisisōbu tauyadi madi vísiya kukidedevinēdi, tauna Yeisu, Tauyana im kitom Totumasaba, yoina goi aba kinana kainaaopaidi sisowóduwo.’
ACT 4:31 Sikawanoi ikavava, vadayana goi siitugúguna itátava go, madabokidi Baloma Kimaasabaina ivakayaodeidi, e madi katepatu Yaubada ina vala nava sitaalavaite.
ACT 4:32 E tonumisayadi liliudi sieboda tayamo nakae nuwodi tayamo. Konadi geya sivagagaleta, nakae geya sidigoita kadi, ‘Ame yau konagu go, kom geya.’ Go sem konadi liliudi sitagonedi sikaiguyauyedi.
ACT 4:33 Togaga gagaina goi Tomoya Yeisu ina taoyamna valena vamoleyanayao sitaalavaite go, liliudi Yaubada ikanuwoiyedi gagaina.
ACT 4:34 Geya tayaamo tokai ikaaiyaka yaidi. Avatauwa neta madi poyapoya nakae madi vada, idi poyapoyayadi be idi vadayadi sikaigimonedi go, maisadi sikabidi simedi
ACT 4:35 Yeisu ina vamoleyanayaoyadi sivinidi. Sivinidi go, tauyadi sikabidi, e avatauwa neta madi kaiyakomou, yaidi goi sikaiguyauyedi.
ACT 4:36 E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’
ACT 4:37 E tauyana ina poyapoya ikaigimone go, maisana ikabi ime vamoleyanayao ivinidi bego sikaiguyauye.
ACT 5:1 E koroto tayamo yoina Ananiyasi; monena yoina Sapira. Korotoyana ma monena nakae idi poyapoya sikaigimone.
ACT 5:2 Sikaigimone ikavava, korotoyana ina poyapoya maisana ikabi go, manina maniyena ivagagale toinidi manudi. Go vavina nakae iyagoi kaga monena iguinuwe. E ava mani kesakesaina korotoyana ikabi ime vamoleyanayao ivinidi go, latuwona bego sinuwonúwana maniyana moe ina poyapoya maisana madabokina.
ACT 5:3 E ime ivinidi go, kina Pita idigo kana, ‘Ananiyasi, kaga unana kutagona Kaleya ikalimonem, e Baloma Kimaasabaina yaina kupola go, poyapoya maisana maniyena kuyoisi?
ACT 5:4 Manakae? Mainao poyapoya nava geya kwaigimoneyeta, poyapoyayana moe im kaba lovina ae? Go niga kwaigimone ikavava, maisana moe nava im kaba lovina ae? Tauna manakae nuwom goi kunuwonúwana bego maniyana manuna kupola? Im polayana moe tomota kai yaima geya, go sem moe Yaubada yaina kupola!’
ACT 5:5 E Ananiyasiyana Pita ina livala ame inovedi, ikapusi isou ikámasa. Avatauwa neta tauyana ina kámasa valena sinove, simatoita gagaina.
ACT 5:6 E ikámasa ikavava, tubuwau sitáoya sima tauyana wowona siutube. Siutube ikavava, sikavale sinave valiwoga tukubu sinaena goi sivaliwoge.
ACT 5:7 Go kina Ananiyasiyana monena geya iyagoiyeta kaga bogina isowóduwo monenayana yaina. E nakona awa aito korotoyana ina kámasa mlina monena ima vadayana Pita ikaaiyaka goi isiu.
ACT 5:8 E Pitayana ilumadádana idigo kana, ‘Sapira, kulatuwokōigu boi imi poyapoya kokaigimone, maisana ame nakae?’ ‘U. Maisana tauna nakae’, vavinayana kaena.
ACT 5:9 E kina go Pitayana idigo kana, ‘Kaga unana kom ma monem kotagona Yauwe Balomaina kovakakone? Kugīte, tauyadi maine monem bogina sivaliwoge, totom goi sikaaiyaka bei sima sikavalaoduwem maine monem nakae sikavalaoduwe.’
ACT 5:10 E mainao vavinayana ikapusi isou Pita aena goi yawoina ikavava. E tubuwauyadi sisiu sima tauyana sigite bogina ikámasa, tuwo sikavale sinave monena kikina goi sivaliwoge.
ACT 5:11 Moeko goi Tomoya ana totugugunayao liliudi be nakae avatauwa neta vavinayana ina kámasa valena sinovenove simatoita.
ACT 5:12 E Yaubada ina vamoleyanayao nimadi goi aba kinana kainaaopaidi badabadaidi iguuinuwedi tomota yaidi. E Yeisu ina tonumisayao liliudi nuwodi tayamo situgúguna vada geya ana vabodamo yoina Solomoni ina veranda goi.
ACT 5:13 Siitugúguna go, tomota maniyedi simatoita, geya latuwodi ina tonumisayaoyadi sisiukoidi, go sem siwowoinedimo.
ACT 5:14 E boda gagaina Tomoya sinumise; tomota badabadaidi, koroto be vevina, Yeisu ina tonumisayaoyadi sisiukoidi.
ACT 5:15 Tauna vamoleyanayao idi guinuwa badabadaidi pasidi tomota sediyao madi vísiya idi liyaliyaka goi sikavaledi simedi enao goi siyatoidi bego Pita ina ketoiya goi nakona nugonina ibisikonedi ikidedevinedi.
ACT 5:16 E asa liliudi Yerusalema kikina goi tomota sediyao madi vísiya be nakae naagovaidi, e liliudi simedi go, madabokidi Yaubada ina vamoleyanayao nimadi goi ikidedevinedi.
ACT 5:17 E tuwo kidi Tonúwala Toolagaina mana bodao, moe kidi Sadusi, sitáoya Yeisu ina vamoleyanayaoyadi sigitedi sivakipikipiyedi gagaina.
ACT 5:18 Tuwo siyoisidi go, deri goi sivaisiudi sikaaiyaka.
ACT 5:19 E kina go Yauwe ina anerose sabamgo goi ima deri totomna ikatupáeve. Ikavava, vamoleyanayaoyadi ikabidi inavedi go, ilatuwokoidi idigo kana,
ACT 5:20 ‘Kōna Vada Kimaasabaina moteoina goi yawana vata valena madabokina kotalavāite tomota yaidi.’
ACT 5:21 Tuwo anerose ina livala sinove, nobuyana nava matagougouna tauyadi sitáoya sina Vada Kimaasabaina ana kali goi tomota sivatuulukoidi Yeisu manuna. E kidi Tonúwala Toolagaina ma senao Sadusi bogina sitaligógana sima Vada Kimaasabaina goi kotu manuna. Tuwo kotu ana tolovinayao moe Isileli tubunao idi tomoyamoya sikatuvagogudi sima baige Vada Kimaasabaina ana polisi maniyedi sietunedi sina deri goi bego vamoleyanayaoyadi sikabidi simedi.
ACT 5:22 Sinonoina go, deriyana sigite tauyadi geya. Tuwo sikaluvila sina tolovinayao silatuwokoidi
ACT 5:23 sidigo kadi, ‘Kana deri kagite niboda goi roka ikaaiyaka be nakae deri ana tomatakavatayao totomna goi siitáoya deri simataakavate go, kakatupáeve, sinaena geya tayaamo tomota kababane geya.’
ACT 5:24 E tutayana ame livalayadi Vada Kimaasabaina ana polisi adi tovakumgo be nakae Tonúwala Gagaidi sinovedi, nuwodi siwówana gagaina go, sinuwonúwana kaga nakona bei isowóduwo ame dogoiyana pasina.
ACT 5:25 E sinuwonúwana go, koroto tayamo ima ilatuwokoidi kana, ‘Konōve, korotoyadi boi koyooisidi deri goi kovaisiudi agitedi Vada Kimaasabaina ana kali sinaena goi siitáoya tomota sivatuulukoidi.’
ACT 5:26 Tuwo polisiyadi madi tovakumgo sina Vada Kimaasabaina goi vamoleyanayaoyadi siyoisidi simedi go, manukaidi siyoisidi simedi. Boda simatooitedi; geya latuwodi bodayadi siegamogamogu, govila bei gurewa sikabidi sikaumatedi.
ACT 5:27 E simedi Diyuu tolovinayadi matadi goi sivataoedi. Tuwo Tonúwala Toolagaina iwowokoidi
ACT 5:28 idigo kana, ‘Manakae? Lovina bogina kavinimi? Lovinayana moe taabu moe Tauyana yoina goi kovaatulūkwana! Go kogīte! Imi vatulúkwana bogina kosanunui ina tomota liliuudi Yerusalema goi! Go imi vatulukwanayana goi komi latuwomi bego moe Tauyana ikaikaina nimama goi ikaaiyaka.’
ACT 5:29 Go kina Pita, tauyana vamoleyanayao adi katumapu, idigo kana, ‘Itoboinema ame manuna Yaubada kakabikaone go, komi geya.
ACT 5:30 Komi boi Yeisu kerose goi kotupatuko ikaaiyaka ana kadókana ikámasa go, ámasa goi tubudao idi Yaubada ikaitaoemnei.
ACT 5:31 Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.
ACT 5:32 Go kai ame dogoiyadi adi totalavaitayao go, Baloma Kimaasabaina nakae adi totalavaita tayamo. Ame Balomayana, avatauwa neta Yaubada sopana sikabiikaone, e ivinidi.’
ACT 5:33 E kidi go tolovinayadi livala ame sinove, gamodi igoyo toina; latuwodi bego Pita be Iyoni sikaumatedi.
ACT 5:34 E nakae idi nuwonúwana go, Parisi tayamo yoina Gameliyeli itáoya. Tauyana moe Yaubada ina Katukeda ana tovatulúkwana. Tomota liliudi siiwowoine. E kotu goi itáoya ilovina bego kidi vamoleyanayaoyadi tuta kaakupina goi sikaiwoduwedi moetala.
ACT 5:35 Sikaiwoduwedi ikavava, e Diyuu adi tolovinayao ilatuwokoidi idigo kana, ‘Segowo Isileli tubunao, ami dodōkana kaga nakona bei koguinuwe amo korotoyadi yaidi.
ACT 5:36 Guna nuwonúwana ataligei. Boi nimatu tauyana Teudasi itáoya toinina ikilagasi ma gaagasina kana, “Yau koroto tayamo, koroto gagaigu.” Ago koroto adi badabada 400 sisiuko. Niga go da Roma sitáoya Teudasiyana sikaumate go, ana tosabokuliyao sisáwala, e ina guinuwa bogina ikavava.
ACT 5:37 Teudasiyana mlina, e Yudasa guma Galili itáoya. Moe tutayana tomota adi katuyáiva ana tuta goi. Go maniyena tomota ilumakikinedi sisabokuliye go, niga Yudasayana nakae ivailai be nakae ana tosabokuliyao sisáwala.
ACT 5:38 Ame tuta nakae. Alatuwokoimi ame korotoyadi kovakilisīdi nakae kokalavēdi go, geya adi liunamo kotaligeidi. Neta ame tauyadi idi nuwonúwana o idi guinuwa moe tomota idi nuwonúwana siguuinuwe, e toinina bei itagau, Teudasi be Yudasa nakae.
ACT 5:39 Go neta idi guinuwa moe Yaubada ina nuwonúwana siguuinuwe, e geya itoboinemita kosanabodedi. Tauna ami dodōkana, govila bei Yaubada yaina kovayaviya.’ E Gameliyeliyana ina nuwonúwana sikabikaone.
ACT 5:40 Tuwo vamoleyanayaoyadi siduduwedi sima. Sima, tolovinayadi silovina bego idi polisi siyoisidi sidabidi. Adi dábina ikavava, tolovinayadi sisanabodedi sidigo kadi, ‘Taabu Yeisu yoina goi kobobōbwara tomota yaidi!’ Sisanabodedi ikavava, sitaligeidi.
ACT 5:41 Tauna kidi vamoleyanayaoyadi kotu goi sisowóduwo go, siuyáwana bego Yeisu yoina pasina itoboinedi omayamaya dábina goi sibabane.
ACT 5:42 Tolovinayadi idi lovina geya sikabikaoneyeta, go sem maliyalina tamo tamo sina Vada Kimaasabaina ana kali sinaena goi be nakae vada tamo tamo goi sivaatulúkwana be Vala Dedevina sitaalavaite bego Yeisu moe Guyau.
ACT 6:1 E amo tutayana goi Yeisu ina tovatotowanayao tuwaina sibadabada. Ego maliyalina tamo tamo goi tokanaiberiu nuumisaidi mani o awoinu sikaiguyauyedi kobuyayao yaidi goi. Go kidi tokanagiriki sikaukulukúluwo tauyadi tokanaiberiu yaidi kadi, ‘Tutayana komi tokanaiberiu mani be awoinu kokaiguyauyedi, tokanagiriki idi kobuyayao geya kovinidita!’
ACT 6:2 E idi kaukulukuluwoyana kidi vamoleyanayao yawou aiyuwo sinove, tuwo Yeisu ina tovatotowanayao liliudi siduduwedi sima silatuwokoidi sidigo kadi, ‘Yaubada ivayokoima kai Vala Dedevina ana totalavaitayao. Tauna geya itoboineyeta Yaubada ina livala ana talavaita kakalave go, bego mani ana kaiguyau kamatakavatedi.
ACT 6:3 E tuwo segowo, koroto yaimi goi kodovatusīdi. Neta valedi dedevidi, Baloma Kimaasabaina ivakayaodeidi be nakae madi nanamsa gagaina, e kokinavēdi bei kai kavayokoidi kidi mani ana kaiguyau adi tomatakavata.
ACT 6:4 E kai go bei kakasalema awanoi be Yeisu Valena Dedevina ana vatulúkwana yaidi goi.’
ACT 6:5 Tuwo boda liliuuna sinove, e yawou aiyuwoyadi idi livala sikaodedevine. Tuwo koroto ainima aiyuwo sikinavedi. Tauyadi moe Stiveni, tauyana numisa gagaina be nakae Baloma Kimaasabaina ivakayaodei, Pilipo, Pirokori, Nikanori, Timoni, Paramena be nakae Nikolasi, tauyana guma Antiyoki Totuyoyowo tayamo go, tosaidámana.
ACT 6:6 Sikinavedi ikavava, simedi vamoleyanayaoyadi matadi goi sivagitakoidi go, vamoleyanayaoyadi madi kawanoi nimadi sikailagasidi korotoyadi ainima aiyuwo dabadi siyoisidi, e mani ana kaiguyau manuna sikawoidi.
ACT 6:7 Tuwo Yaubada ina livala tuwaina inunúnuwo, e Yeisu ina tovatotowanayao Yerusalema goi tuwaina sibaadabada gagaina. Tonúwala nakae; badabadaaidi Yeisu valena sinovenove, siinumise.
ACT 6:8 E kina go Stiveniyana yaina goi Yaubada ina kanuwóiya be ina togaga sikaaiyaka gagaina. Tuwo aba kinana kainaaopaidi gagaidi tomota nauyayanaidi goi iguuinuwedi.
ACT 6:9 E nakae iguuinuwe go, Diyuu maniyedi sitáoya, Stiveni taiyao sikaumakimaki. Tauyadi idi kaba tugúguna yoina Taaligeima goi sisaakululu. Kidi maniyedi da Sairini, maniyedi da Alekisandira, da Silisiya be nakae da Esiya.
ACT 6:10 Sikaumaakimaki Stiveni taiyao go, tauyana mana nanamsa ibobóbwara be nakae nukotona Baloma Kimaasabaina isanayato, tauna ikausagugudi.
ACT 6:11 Tuwo Diyuuyadi sediyao maniyedi siemaisigaudi bego sina Stiveniyana siwowoko. Sediyaoyadi sitagona sina tomota yaidi goi siwowoko sidigo kadi, ‘Tauyana Stiveni kanove Mosese be Yaubada itagiiwoidi.’
ACT 6:12 Tuwaina sina tomota, tomoyamoya be nakae Yaubada ina Katukeda ana tovatulukwanayao gamodi sisowolidi, e sitáoya sina Stiveniyana siyoisi sibiu sinave Diyuu idi kotu goi.
ACT 6:13 Kotu goi totalavaita polapola maniyedi siduduwedi sima Stiveniyana siwowoko sipola kadi, ‘Ame tauyana kanove tuta liliuna Vada Kimaasabaina ame be nakae Yaubada ina Katukeda itagiiwoidi.
ACT 6:14 Moitamo. Tauyana kanove idigodigo bego amo Yeisuyana guma Nasareta vada ame bei itauwe go, ida sinapu Mosese ivinida bei ikaigaviledi.’
ACT 6:15 Tauyana sidumaakavate go, madabokidi kotu goi sikaaiyaka maisina sigite anerose maisiyana.
ACT 7:1 E Tonúwala Toolagaina itáoya Stiveniyana ilumadade, idigo kana, ‘Ame tauyadi idi bóbwara moitamo gea geya?’
ACT 7:2 E kina go Stiveniyana idigo kana, ‘Tamagowo be segowo, konovēgu! Yaubada, Tauyana ina togaga ana káeyana ivakaigaga, isowóduwo tubuda Eberamo yaina boi tutayana Mesopotémiya goi ikaaiyaka. Moe nava Karani goi geya ilokaseta.
ACT 7:3 Isowóduwo, idigo kana, “Kom kutāoya, moe im kasayana kwalāve, e nakae osemowo kwalavēdi go, kūna asa tayamo bei avatulukoim.”
ACT 7:4 Tuta amo goi moitamo itáoya, da Kalidiya idi kasa ikalave go, ina Karani goi ilokasa. Amoko goi tamana ikámasa. Tamana ina kámasa mlina, Yaubada ietune ima ame asayana goi ikaiyaka, e ame tuta kita nakae takaaiyaka.
ACT 7:5 Go ame asayana goi Eberamo ikaaiyaka go, Yaubada geya tayaamo poyapoya giyaina ivini bego ina kaba lovina, go sem ikatotulamo bego poyapoya ame kina be nakae tubunao ivinidi idi kaba lovina. Go amo tutayana Eberamo nava geya natunamo.
ACT 7:6 E Yaubada ilatuwoko idigo kana, “Tubumowo bei ituli ta boda idi poyapoya goi sieogaoga. Ago niga kidi toni kasa bei sipakoidi, e tala ana badabada 400 goi siyogedeegededi.
ACT 7:7 Ago amo bodayadi siipakoidi bei atakinoidi liuna manuna. Atakinoidi ikavava, tubumowoyadi bei sisowóduwo.” Aba Vatowo 15:13-14 Amo mlina tuwaina Yaubada kana, “Bei sima ame asayana goi sitaimámina yau yaigu.”
ACT 7:8 Niga Yaubada ikanasíuna Eberamo goi go, anasiunayana ana kaba kinana moe sakava ana kúpwana. Tuwo Eberamoyana ivenátuna natuna Aisake go, Aisakeyana ana maliyalina ainima aito bogina ibabanedi, e Eberamo natuna ikabi sakavaina ikupo. Niga Aisake ivenátuna natuna Yakobo, e nakae natuna sakavaina ikupo. Niga Yakobo ivenátuna natunao yawou aiyuwo go, ikabidi sakavaidi ikupoidi. Tauyadi kita tubudao.
ACT 7:9 Niga kidi go Yakobo natunao yawou tayamo siyadi Iyosepa sigite, sivakipikipiye. Tuwo siyoisi sikaigimone da Itipita yaidi go, da Itipita sikabi sinave idi kasa goi. Itipita goi Iyosepayana ikaaiyaka go, kina Yaubada ivaakitau.
ACT 7:10 Ivaakitau go, Iyosepa ina mou liliudi goi iyave. Ago anuwóiya be nanamsa ivini Pero, tauyana da Itipita adi tolovina, matana goi, tauna Iyosepayana kina Pero ivayoko ina paraiminista, e Itipita madabokina be nakae Pero ina vada ilovinaedi.
ACT 7:11 E Itipita goi be nakae Kenani goi loga isowóduwo, tomota mou gagaina silotowo. Tubudao nakae, geya itoboinedita awoinu sibabane.
ACT 7:12 E Yakobo vala inove bego Itipita goi witi ikaaiyaka. Tuwo natunao gimatana ietunedi sina Itipita adi witi manuna.
ACT 7:13 Niga aiyuwoina ietunemneidi sina Itipita goi Iyosepa toinina ikaiwoduwe senao yaidi idigo kana, “Yau siyami Iyosepa.” Moeko goi Pero bogina iyagoi Iyosepa maa senao.
ACT 7:14 E Iyosepayana vala ietune ina tamana Yakobo be osenao madabokidi iduduwedi sima. Tauyadi adi badabada moe 75.
ACT 7:15 Tuwo Yakobo itáoya osenao taiyao sisou sina Itipita goi silokasa. Amoko goi Tauyana osenao taiyao sikaaiyaka ana kadókana sikamasa kówasa.
ACT 7:16 Sikámasa ikavava, wowodi sikabidi sikaluvilemneidi sinavedi asa Sekem goi sivaliwogedi. Valiwogayana moe tukubu boi Eberamo igimone Emori natunao yaidi, ana maisa siriba ivinidi. E tuwo tukubuyana sinaena goi Yakobo osenao taiyao sivaliwogedi.
ACT 7:17 E tutayana Yaubada ina katótula Eberamo goi giyakainava bei imalatomota, Isileli tubunao Itipita goi sisusáila gagaina
ACT 7:18 ana kadókana da Itipita adi tolovina vau itáoya go, Iyosepa ina guinuwa geya ikamoitamoeyeta.
ACT 7:19 Ame tolovinayana itáoya ida bodao ikatutaoidi be nakae iyogedegededi; ilovinaedi natudiyao memeya moetala goi sikalavedi bei sikámasa.
ACT 7:20 Tuta amo goi Mosese ibíbina. Tauyana gumaboina toina Yaubada matana goi. Ina bíbina mlina, tukówana aito sinana be tamana idi vada goi simatakavategau.
ACT 7:21 E tukówana aito sikavava baige sikaiwoduwe moetala goi sikalave go, Pero natuna vavina ima ikabi inave, iuyabebe nakae bego tauyana toinina natuna.
ACT 7:22 Tuwo Mosese Itipita goi isikuru, e da Itipita idi nanamsa liliuna sivatuluko. Tuwo tauyana ina livala be ina guinuwa goi iitogaga.
ACT 7:23 E tutayana Mosese ana tala giyakainava 40, nuwonúwana tayamo isowóduwo tauyana yaina bego ina osenao kidi Isileli tubunao ivadadedi.
ACT 7:24 Tuwo itáoya ina go, guma Itipita igite ivalauláuwo, osiyana iiláui beso. Tuwo Moseseyana ina osiyana ivabodebode, guma Itipitayana ikatumapu, e iláui ikámasa.
ACT 7:25 Ego Moseseyana inuwonúwana osenao bogina siyagoi bego nimana goi Yaubada bei iyavedi go, tauyadi geya siyagoiyeta.
ACT 7:26 Vanuwo itomo Moseseyana isowóduwo ina Isileli tubunao igitemneidi go, ikandobala Isileli tubunao adi taiyuwo igitedi sivalauláuwo. Sivalauláuwo go, kina ipooikíkina bego nukotodi igudalidi kana, “Tawou, komi boda tayamo, tauna kaga unana kovalauláuwo?”
ACT 7:27 E kina go togiyosásala Mosese ivatupuwe go, idigo kana, “Kom avatau ivayokoim bego kai ama tolovina be nakae ama totakínona?
ACT 7:28 Manakae? Bego kom kwaumategu nakae boile guma Itipita kwaumate, ae?”
ACT 7:29 E livala ame Mosese inove, isiya ina Midiyani goi ieogaoga. Amoko goi inai go, ivenátuna natunao koroto adi taiyuwo.
ACT 7:30 Tala 40 mlidi tauyana Sainai koyaina yoyowo goi iiketoiya go, anerose tayamo yeu sabeninimina goi isowóduwo yaina. Yeuyana taliboibo sinaena goi ininínima.
ACT 7:31 E kina go Mosese igite, ana kaigigita manuna nuwona iwówana. Tuwo ibala ina taliboiboyana kikina goi bego igitedoko go, Yauwe niyana inove idigo kana,
ACT 7:32 “Yau tubumowo Eberamo, Aisake be Yakobo idi Yaubada.” Tateta 3:6 E Moseseyana mana matoita wowona simalitatátava, tauna geya ina katepatumo, tuwo geya itoboineyeta taliboiboiyana igite.
ACT 7:33 E Yauwe idigo kana, “Im sendoro kukitakīdi, kuyatōidi. Moe poyapoyayana goi kuutáoya poyapoya kimaasabaina yau umagu.
ACT 7:34 Guna bodao Itipita goi idi kaiyakomou moitamo bogina agitedoko be idi taiyaduduwo bogina anove, tauna asou ama bei ayavedi. Tateta 3:7-8 Tuwo tuta ame goi kom aetunem kuna Itipita.”
ACT 7:35 Ame Moseseyana, kidi sikatae sidigo kadi, “Kom avatau ivayokoim bego kai ama tolovina be nakae ama totakínona?” Tateta 2:14 Ame tauyana, kina Yaubada ivayoko kina Tokalibúbuna be totateta namliyeta ina anerose boi taliboibo sinaena ina vaita goi Moseseyana ietune ina Isileli tubunao yaidi.
ACT 7:36 Ame Moseseyana Isileli tubunao ivakededi Itipita goi sisowóduwo go, aba kinana kainaaopaidi iguuinuwedi amoko Itipita goi, Négwasa Kayakayaina goi, be nakae idi ketoiya tala 40 yoyowo goi.
ACT 7:37 Ame Moseseyana boi Isileli tubunao ilatuwokoidi idigo kana, “Koroto tayamo yaimi goi kina Yaubada nava bei ivayoko kina tokabivalavala tayamo yau nakae manumi.”
ACT 7:38 Ame Moseseyana Isileli tubunao yoyowo goi taiyao situgúguna go, anerose Sainai koyaina goi tauyana ivadigo. Inove, e aneroseyana ina livala ikabivalevaledi, tubudao ivatulukoidi. Ame livalayadi moe Yaubada ina livala yáwana manuna Mosese ivini, e sima kita yaida.
ACT 7:39 Tauyana sopana tubudao geya latuwodi sikabikaone, go sem tauyana sikatae; nuwodi goi latuwodi bego sikaluvila sina Itipita.
ACT 7:40 Tuwo Eroni silatuwoko sidigo kadi, “Ida basaleliuyao adi tokwaluyao kumadagīdi bei sivakededa. Amo Moseseyana, tauyana Itipita goi ikabida imemeda, geya tayagoiyeta kaga nakona iisowóduwo yaina, tauna ikaaimúmuna.”
ACT 7:41 Tuwo amo tutayana bulumakau bonatuna maisiyana simadagi bego idi kaba sakululu. Simadagi ikavava, yoguyogu tayamo sikaumate sigabu idi kaba sakululuyana sivinibeso go, toinidi nimadi idi guinuwa pasina siuyáwana.
ACT 7:42 Go kina Yaubada igitedi, itugaviledi go, itagonedi idi goyo goi, tauna kidi sitaimámina yábana osasaina ana mavadayao yaidi, nakae níyala, tukówana be nakae utuna. Moe nakae Yaubada ina tokabivalavalayao idi buki goi sitalavaite, sidigo kadi, “Komi Isileli tubunao,
ACT 7:43 Imi kaba sakululuyao
ACT 7:44 Tubudao boi yoyowo goi sikaaiyaka Yaubada ina Kaba Kaiyaka sivatáoe nako goi situnagu. Aba Kaiyakoyana sinaena aba vatulúkwana ikaaiyaka moe aba kinana Yaubada yaidi goi ikaaiyaka. Aba Kaiyakoyana siimadagi nakae Yaubada boi Mosese ivatuluko. Mosese igite, e nakae itapate Isileli tubunao ilatuwokoidi simadagi.
ACT 7:45 Aba Kaiyakoyana ikaiyaka aaa, e ima Iyosuwa tubudao taiyao nakae yaidi goi. Tauna tauyadi sikavale sime poyapoya ame goi sisiuye. Sisiuye, e Yaubada ivaitedi ivakumgoiyedi, e toni kasa ivatapiyedi sisiya go, tubudaoyadi itoboinedi poyapoya sikabi, toinidi idi kaba lovina. Ego Aba Kaiyakoyana sivatáoe ikaaiyaka ana kadókana Devida ina tuta.
ACT 7:46 Devidayana anuwóiya ibabane Yaubada matana goi. Tuwo ikawanoi Yakobo ina Yaubadayana yaina kana, “Kutagona im vada ayowo?” Go Yaubada geya itagoneyeta.
ACT 7:47 E kina go Devidayana natuna Solomoni Yaubada ina vada iyowo.
ACT 7:48 Go Yaubada Tokanayatanatoina vada tomota nimadi siiyowóidi goi geya ikaiyaketa. Moe nakae Yaubada ina tokabivalavala tayamo igini, Yaubada ina livala italavaite, idigo kana,
ACT 7:49 “Yábana moe kebagu esaaesaina go,
ACT 7:50 Yau nimagu goi kaga liliuna amadagidi!”
ACT 7:51 Totaiyatuni komi! Sakavaimi kokupoidimo go, komi atemi nava Totuyoyowo nakae! Komi taiyami sipatu Yaubada ina livala yaidi goi. Tuta liliuna Baloma Kimaasabaina geya konovenove. Komi imi sinapu tauna tubumiyao nakae!
ACT 7:52 Yaubada ina tokabivalavalayao ietunedi sina tubumiyao yaidi go, manakae? Adi taivina sivakaleyedi? Madabokidi ae? Aiyuwoina boi tokabivalavalayadi sitalavaita bego kina Tokibóbwata bei ima go, nakae tubumiyao sitáoya sikaumatedi. Ame tuta Tokibobwatayana ana tonuwotuluyao be nakae ana tokaumatayao moe tauna komi!
ACT 7:53 Yaubada ina Katukeda boi ina aneroseyao sivinida go, kogita, komi geya kokabikaoneyeta!’
ACT 7:54 E kidi tolovinayadi Stiveni ina vala sinove, sikalakúyuma Stiveni yaina.
ACT 7:55 E Baloma Kimaasabaina Stiveniyana ivakayaodei, e ikandolaga yábana idumakavate go, Yaubada ana káeyana tomoeeyalina igite be nakae Yeisu igite aba wowoina Yaubada kakataina goi iitáoya.
ACT 7:56 Tuwo idigo kana, ‘Gwa! Yábana bogina ikatupáeva go, Tomalatomota wowoina basekoina Yaubada kakataina goi iitáoya agite.’
ACT 7:57 E kidi niyadi gagaina goi siduduwo go, nimadi goi taiyadi sikibodedi bego Stiveni ina livala geya sinovedita. Tuwo madabokidi nuwodi tayamo goi sitáoya silokoina Stiveniyana siyoisi.
ACT 7:58 Siyoisi, asa goi sikavalaoduwe, e gurewa sikabidi, sivatowo silavedi tauyana yaina goi. Ego towowókana adi tanigo bogina sivalilividi, koroto tayamo yoina Saulo aena goi siyatoidi.
ACT 7:59 E gurewa siilavedi go, Stiveniyana iduduwo Tomoya yaina idigo kana, ‘Yeisu guna Tomoya, balomaigu kuuyaone!’
ACT 7:60 E aena ivatugúyala go, niyana gagaina goi ipodeda idigo kana, ‘Guna Tomoya, idi goyo ame geya kwatumapuyeta!’ Ibóbwara ikavava, e yawoina ikavava.
ACT 8:1 E kina go Saulo Stiveniyana ina kámasa igitegite, ikamoitamoe. E ame maliyalinayana goi mou gagaina isowóduwo Tomoya ana totugugunayao Yerusalema goi yaidi. E madabokidi sitáoya, sivagisapasapa sina Yudiya ana dadava be nakae Samériya ana dadava goi sikaaiyaka go, kidi vamoleyanayao Yerusalema goi sikaaiyaka.
ACT 8:2 E koroto kaasalaidi Yaubada yaina sima Stiveni wowona sikabi, sivaliwoge go, madi nuwomou sitáiya gagaina tauyana manuna.
ACT 8:3 E kina go Sauloyana itáoya Tomoya ana totugugunayao Yerusalema goi ikigalagalalamidi ame nakae: Yeisu ina tonumisayao idi vada tamo tamo goi isiusiu go, koroto be nakae vevina iyoisidi ibiudi inavedi deri goi ivaaisiudi.
ACT 8:4 E kidi go Yeisu ina tonumisayao Yerusalema goi sivagisapasapa sina sivanibiníbita asa tamo tamo goi Vala Dedevina sitaalavaite tomota yaidi.
ACT 8:5 E kina go Pilipo nakae tosapa tayamo. Tauyana isou ina Samériya asaina tayamo goi itaalavaita kana, ‘Yeisu moitamo Guyau.’
ACT 8:6 E tutayana tomota sima Pilipo sinove be nakae aba kinana iguuinuwedi sigitedi, e tauyadi ina bóbwara nuwodi tayamo goi sitaiyakekedoko.
ACT 8:7 Moe moitamo. Aba kinanayadi ame nakae: Tomota badabadaidi amoko goi sikaaiyaka naagovaidi. Ago kina Pilipo dimoni ivatapiyedi, tuwo madi podeda tomota sikalavedi go, sisowóduwo. Aiyuwoina topem badabadaidi sikaaiyaka Pilipo ikidedevinedi siboboina.
ACT 8:8 E amo asayana tomotainao siuyáwana gagaina!
ACT 8:9 E koroto tayamo tomeméyava yoina Saimoni asayana goi ikaaiyaka go, tuta maanawena ina méyava pasina da Samériya sikaiinaopa. Saimoniyana toinina ikiilagasi ma gaagasina idigo kana, ‘Yau koroto tayamo, koroto gagaigu.’
ACT 8:10 Tomota liliudi, tookaidi be guyaguyauwo, tauyana sitaiyakekedoko go, kadi, ‘Ame korotoyana Yaubada ina togaga, tomota sivayou toosakina.’
ACT 8:11 E tauyana sitaiyakekedoko unana tuta maanawena ina meyavayana goi sikaiinaopa.
ACT 8:12 Go Pilipo ina tomotayadi yaidi Vala Dedevina Yaubada ina kalibúbuna be nakae Yeisu Guyau yoina manudi italavaite. E tutayana ina livala sinumise, koroto be nakae vevina isayoyoidi.
ACT 8:13 E kina go Saimoniyana nakae inumisa go, ana sayóyova mlina Pilipo isakurikuriye. Pilipo aba kinana nakae guinuwa toogagaidi iguuinuwedi, Saimoni igitedi, tuwo pasidi nakae ikaiinaopa.
ACT 8:14 E tauyadi vamoleyanayao Yerusalema goi nava sikaaiyaka go, vala sinove bego maniyedi da Samériya Yaubada ina vala bogina sinumise, tuwo Pita be Iyoni sietunedi sina asayana goi.
ACT 8:15 Adi taiyuwokova sisou sina amoko goi sikawanoi Yaubada yaina da Sameriyayadi manudi, e bei Baloma Kimaasabaina sibabane.
ACT 8:16 Idi kawanoiyana unana amo tutayana Balomayana nava geya tayaamo yaidi goi isou. E Tomoya Yeisu yoina goi Pilipo isayoyoidimo, ame tauna. Moe pasina tauna sikawanoi bego da Sameriyayadi Baloma Kimaasabaina sibabane.
ACT 8:17 Pita be Iyoni sikawanoi ikavava, nimadi sikailagasidi tomotayadi dabadi sibisikonedi, e Baloma Kimaasabaina sibabane.
ACT 8:18 E Saimoniyana igite bego Yaubada Balomaina tomota ivinidi tutayana Yeisu ina vamoleyanayao nimadi sikailagasidi tomotayadi dabadi sibisikonedi, tuwo tauyana latuwona bego ame togagayana itabubuli Pita be Iyoni yaidi.
ACT 8:19 Tuwo ilatuwokoidi idigo kana, ‘Moe togagayana yau nakae kovinīgu bei avatauwa yaidi neta nimagu akailagasi dabadi abisikonedi, e Baloma Kimaasabaina bei sibabane.’
ACT 8:20 E kina go Pita kana, ‘Saimoni, kom kunuwonúwana itoboinem Yaubada ina yabobona kutabubuli, tauna bego kom mam mani kuvailai vata!
ACT 8:21 Kom geya itoboinemta kusiukoima be ima paisewayana kuguinuwe. Yaubada matana goi kom nuwom geya ipalupaluta.
ACT 8:22 Tauna im goyo moe manuna kutugavīla go, kukawanōi Tomoya yaina. Nakona im nuwogau goyogoyoina bei inuwotao.
ACT 8:23 Moitamo. Agitem kom nava goyo bolotona goi kwaiyaka o tadigo kada, “Sinapu goyo iyowóim.”’
ACT 8:24 Go kina Saimoni idigo kana, ‘Ami taiyuwo kokawanōi Tomoya yaina manugu bego moe dogoiyadi koodigedi taabu siisowōduwo yau yaigu.’
ACT 8:25 E tuwo, tauyadi Tomoya valena sitalavaite nakae siliwolae. Ikavava, sikaluvila sina Yerusalema. Go sinonoina asa badabadaidi giyaidi goi Vala Dedevina sitaalavaite da Samériya yaidi.
ACT 8:26 E kina go Yauwe ina anerose ina Pilipo ilatuwoko idigo kana, ‘Pilipo, kutāoya, kūna youya dadavina. Enao Yerusalema goi go, isou ina Gasa go, nauyayanaidi, e amoko goi kuuketōiya.’ Amo enaoyana moe yoyowo goi.
ACT 8:27 E tuwo moitamo tauyana itáoya, ina enaoyana goi iiketoiya. Iiketoiya, ikandobala koroto tayamo Yerusalema goi imamaima igite. Tauyana Iteopiya korotoina go, korotoyana yunika. Tauyana koroto gagaina, ina paisewa moe Kendesi da Iteopiya adi giyovila ina topaisewa; giyovilayana ina esaesa madabokina irugwausidi. Korotoyana boi ina Yerusalema goi isakululu Yaubada yaina
ACT 8:28 go, ina sakululuyana bogina ikavava, tuwo ikaluvila inonoina bego ina kasa. Moe pasina ame enaoyana goi Pilipo ivalobode. Ivalobode, korotoyana ina sariyota goi iitusobu go, niyana gagaina goi Yaubada ina tokabivalavala Aiseya ina buki ikaatuyaivi.
ACT 8:29 E Baloma Kimaasabaina Pilipo ilatuwoko idigo kana, ‘Pilipo, kubāla kūna sariyota kikina kuuketōiya.’
ACT 8:30 E tuwo moitamo Pilipoyana ilokoina ina sariyotayana kikina goi iiketoiya go, korotoyana inove tokabivalavala Aiseya ina buki ikaatuyaivi. Tuwo idigo kana, ‘Tomwanayadi kwaatuyaividi kuyagoi kaga adi yagoina gea geya?’
ACT 8:31 ‘Geya ayagoidita go! Manakaegu bei ayagoidi? Geya vatau tayaamo ikaaiyaka itoboine tomwanayadi ivatulukoigu’, korotoyana kaena. Tuwo ikawanoi Pilipoyana yaina idigo kana, ‘Kusowōya, kikigu goi kutusōbu.’ Tuwo Pilipoyana isowoya kikina goi itusobu korotoyana taiyao.
ACT 8:32 Ego tomwanayadi Gínina Kimaasabaina goi ikaatuyaividi moe ame nakae kana,
ACT 8:33 Tomota sigieomaemae go,
ACT 8:34 E Pilipo itusobu go, kina yunikayana idigo kana, ‘Akawanoi yaim kulatuwokoigu, tokabivalavalayana avatau manuna ibobóbwara, toinina manuna gea ituli ta tomota manuna?’
ACT 8:35 E ame tomwanayadi goi Pilipo ivatowo Yeisu Valena Dedevina italavaite yunika yaina.
ACT 8:36 E enao goi sinonoina, bwae sibabane, tuwo yunikayana idigo kana, ‘Kwandosōbu. Bwae gotono! Manakae? Avatau itoboine sayóyova ivagagalakoigu? Geya ae?’ ‘U. Nakae’, Pilipo kaena.
ACT 8:38 Tuwo ina topaisewa ilatuwoko idigo kana, ‘Sariyota kusayāte.’ Sariyotayana isayata ikavava, yunika be Pilipo adi taiyuwo sisou siiwo sina bwaeyana goi yunika isayoyoi.
ACT 8:39 E tutayana bogina isayoyoi, bwae goi sisinalaga go, Yauwe Balomaina matabuwona Pilipoyana ikabi inave ituli ta kasa goi iyato. Tuwo yunikayana geya tuwaina Pilipo igite. Yunikayana mana uyáwana bogina inonoina toinina ina kasa Iteopia.
ACT 8:40 E kina go Pilipoyana asa Asotasi goi isowóduwo. Ago ivanibiníbita asa tamo tamo goi Vala Dedevina itaalavaite ana kadókana ina Sesariya.
ACT 9:1 E kina go Saulo nava Tomoya ina tovatotowanayao ikatumaatalidi bego ikaumatedi. Tuwo ina Tonúwala Toolagaina yaina
ACT 9:2 ikawanoi bego leta iginidi, Diyuu idi tugúguna tamo tamo Damasiko goi adi tovakumgoyao adi leta. Letayadi goi adi tovakumgoyao ilatuwokoidi Saulo sitagone bego itoboine ava Diyuu, nakona koroto o vavina, neta Yeisu ina Kenao goi siiketoiya, iyoisidi iyowóidi imedi Yerusalema goi takínona manuna. Tuwo moitamo Tonuwalayana itagona.
ACT 9:3 E tuwo Saulo ma senao sitáoya sina Damasiko. Sinonoina go, Damasikoyana sivakakana, e mavada gagaina yábana goi isou ina tauyana itapasigi.
ACT 9:4 Itapasigi go, tauyana ikapusi isou poyapoya goi. Tutayana ikapusi, níyana tayamo inove ilatuwoko idigo kana, ‘Saulo, Saulo, kaga unana kuvakaleyegu? Moe tuwo kuyāto!’
ACT 9:5 Go kina Sauloyana idigo kana, ‘Tomoya, kom avatau?’ ‘Yau Yeisuyagu kuvakaaleyegu.
ACT 9:6 Moe sinapuyana geya tuwaina kuguuinūwe, go sem kutāoya kūna Damasiko goi kusīu go, tomota tayamo moeni bei ilatuwokoim kaga kuguinuwe’, niyanayana kaena.
ACT 9:7 E kidi go korotoyadi Saulo sivaakitau niyanayana sinove go, geya vatau tayaamo sigite, tuwo sitáoya to situgaumo.
ACT 9:8 E poyapoya goi Saulo itáoya, matana ikatupoilale go, geya tayaamo kaga itoboine igite. E senao nimana siyoisi sivakede sina Damasiko goi sisiu.
ACT 9:9 E amoko goi maliyalina ana badabada aito matana sikebo go, maliyalinayadi goi tauyana áika geya, nim geya.
ACT 9:10 E Yeisu ina tovatotówana tayamo Damasiko goi ikaaiyaka, tauyana yoina Ananiyasi. Ananiyasiyana nukotona goi ikalayáusa. Ina kalayausayana goi Tomoya idigo kana, ‘Ananiyasi.’ ‘Ee, amegu, Tomoya’, kina kaena.
ACT 9:11 ‘Ananiyasi, enao tayamo yoina Totoomoina goi Yudasa ina vada ikaaiyaka. Amoko goi koroto tayamo ikaaiyaka guma Tasosi yoina Saulo. Tauyana ikaawanoi go, nukotona goi ikalayáusa. Ina kalayausayana goi igitem, Ananiyasi, kom kuna vadayana goi kusiu nimam kwailagasidi dabana kubisikone bei matana sidedevina, e itoboine igitamna. Tauna kutāoya kūna amo vadayana goi Saulo kulumadāde baige kukawanōi tauyana manuna’, Tomoyayana kaena.
ACT 9:13 Go kina Ananiyasiyana idigo kana, ‘Tomoya, amo korotoyana valena tomota badabadaidi sivaateteli bogina anove. Boi Yerusalema goi goyo gagaina iguinuwe im kimasabayao yaidi.
ACT 9:14 Tauyana mana lovina Tonúwala Gagaidi goi ima ameko bego avatauwa neta siiduduwo yaim, bei iyoisidi iyowóidi deri goi ivaisiudi.’
ACT 9:15 E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina Totuyoyowo madi tolovinayao be nakae Isileli tubunao yaidi goi italavaitegu.
ACT 9:16 Moitamo. Taabu kunuuwonūwana tauyana manuna. Yau toinigu bei avatuluko manakaena gedageda badabadaidi bei ibabanedi yau agu talavaita pasina. Tauna kūna.’
ACT 9:17 E tuwo Ananiyasiyana itáoya ina Yudasa ina vadayana goi isiu. Isiu, nimana ikailagasidi Saulo dabana ibisikone idigo kana, ‘Siyagu Saulo, Tomoyayana Yeisu enao goi iisowóduwo yaim ietunegu ama bei matam akidedevinedi be nakae Baloma Kimaasabaina ivakayaodeim.’
ACT 9:18 Ibóbwara ikavava, mainao íyana lilidi nakae matana goi sisou, e igita dókana. Ikavava baige itáoya Ananiyasi taiyao sina Sauloyana isayoyoi.
ACT 9:19a Ana sayóyova ikavava, awoinu sivini ikáika baige ina togaga ikaluvilamna.
ACT 9:19b E maliyalina maniyedi Sauloyana Yeisu ina tovatotowanayao Damasiko goi taiyao giyaina sikaaiyaka.
ACT 9:20 Ina kaiyakayana goi mainao ikabitaotáoya iseivata ina Diyuu idi kaba tugúguna tamo tamo goi Yeisu valena itaalavaite idigo kana, ‘Moitamo, Yeisu Yaubada Natuna.’
ACT 9:21 E tomota aba tugugunayadi sinaedi goi Saulo sinove sikainaopa, sidigo kadi, ‘Iyaa! Ame tauyana boi ipooikíkina bego Yeisu ana tosabokuliyao Yerusalema goi imtulidi ae? Nakona ima ameko nakae bego Yeisu ina tonumisayao iyoisidi inavedi Tonúwala Gagaidi nimadi goi iyatoidi!’
ACT 9:22 E kina go Saulo ina talavaitayana Baloma Kimaasabaina ikitogage. Tuwo Diyuu Damasiko goi sikaaiyaka Sauloyana kiyakiyaya ivatulukoidi bego Yeisu moitamo Guyau. Moeko goi sopadi ikaupatudi.
ACT 9:23 E tuwo maliyalina badabadaidi sikavava, kidi Diyuuyadi silosinapu bego Sauloyana sikaumate.
ACT 9:24 Go tomota tayamo iyagoi, tuwo ina idi losinapuyana Saulo ilatuwoko. E Diyuu silosinapu ikavava, asa totomna maliyalina be sabamgo goi siyaausidi. Neta Saulo ipoikíkina isiya, itoboinedi siyoisi sikaumate.
ACT 9:25 Ego kidi Saulo ina tovatotowanayao sabamgo tayamo goi sivaite. Bayao gagaina sikabi sime tauyana isowoya go, asa ana kali gurewa yatana goi sikavalaoduwe, toluye goi sisailave isou isiya ina Yerusalema.
ACT 9:26 E tutayana ima Yerusalema goi ipoikíkina bego Yeisu ina tovatotowanayao isiukoidi go, kidi liliudi simatoite kadi, ‘Masa bego tauyana Yeisu ina tovatotówana tayamo.’
ACT 9:27 E tuwo kina go Banabasi ina Saulo ikabi ime kidi vamoleyanayao yaidi go, ilatuwokoidi idigo kana, ‘Ame tauyana boi enao goi inonoina bego Damasiko go, Tomoya igite, e Tomoyayana ivadigo. Niga Damasiko goi ikaaiyaka go, Yeisu yoina goi mana katepatu Vala Dedevina italavaite.’
ACT 9:28 Moeko goi Saulo siuyaone, tuwo Yerusalema goi ivakitaudi go, Tomoya yoina goi mana katepatu Vala Dedevina itaalavaite.
ACT 9:29 Ago Diyuu tokanagiriki ilatuwokoidi Yeisu manuna go, taiyao sikaumakimaki. E tauyadi silosinapu bego Saulo sikaumate.
ACT 9:30 E tutayana senao nuumisaidi losinapuyana valena sinove, tauyana sikabi sinave Sesariya. Amoko goi sietune ina Tasosi.
ACT 9:31 Tauna Tomoya ana totugugunayao madabokidi Yudiya dadavina, Galili dadavina be nakae Samériya dadavina goi tuboina sibabane. Idi numisa ina togaga Baloma Kimaasabaina goi ibibíbina go, madi matoita Tomoya siiwowoine. Baloma Kimaasabaina ikipaiwoledi, tauna idi boda tuwaina ivaituwedi.
ACT 9:32 E Pita asa tamo tamo goi ivanibiníbita, nakae isou ina asa Luda goi Yaubada ina kimasabayao ivadadedi.
ACT 9:33 E koroto tayamo amoko goi ibabane yoina Aineya go, tauyana topem; ina baseko goi bogina iimasisi tala ana badabada yawou aito.
ACT 9:34 Tuwo Pita ina Aineyayana ilatuwoko idigo kana, ‘Aineya, Yeisu Guyau ikidedevinem! Tauna kutāoya go, im baseko kununūmi.’ Tuwo mainao itáoya.
ACT 9:35 Da Ludayadi liliudi be nakae tomota liliudi Seroni dadavina goi sima tauyana sigite, e Tomoya simeko.
ACT 9:36 E Yopa goi Yeisu ina tovatotówana tayamo yoina Tabita ikaaiyaka. Moe youyana neta takaigavile da Giriki niyadi kadi, ‘Dokasi.’ Ame vavinayana tuta liliuna guinuwa dedevidi iguuinuwedi, nakae tokai ivaaitedi.
ACT 9:37 E Pita nava Luda goi ikaaiyaka, vavinayana ikatówana, e ikámasa. Ikámasa ikavava, vevina maniyedi sina Tabitayana wowona sikabi siniki. Siniki ikavava, sikabi simwerae ina vada diligaemaina vabodaupa tayamo dadavina goi siyato.
ACT 9:38 Ego Luda ina Yopa moe yomana. Tauna tutayana Yeisu ina tovatotowanayao Yopa goi livala sinove bego Pita nava Luda goi ikaaiyaka, e koroto adi taiyuwo sietunedi sina Pita yaina sikawanoi makimaki kadi, ‘Woilīm kūma tāna kuvaitēma!’
ACT 9:39 E Pita inovedi, tuwo itáoya korotoyadi taiyao sina Yopa. Tutayana sisowóduwo, Pita sime vadayana goi sisiu simwera sina vavinayana kebana goi. Maeko goi kóbuya liliudi madi táiya Pita sitaoyakobu go, kwama liliudi boi Dokasiyana nava maa yawoina igiilumidi sivatuluko.
ACT 9:40 E kobuyayadi liliudi Pita ivalilivedi sina moetala go, kina aena ivatugúyala, ikawanoi. Ikawanoi ikavava, e itugavila vavinayana wowona ivadigo, idigo kana, ‘Tabita, kutāoya!’ E Tabitayana matana ilala Pita igite, e masisi goi itáoya itusobu.
ACT 9:41 E Pitayana nimana iyosale vavinayana nimana iyoisi, ikaitáoe. Ikaitáoe ikavava, e kobuyayadi nuumisaidi be nakae Yaubada ina kimasabayao liliudi iduduwedi sima, matadi goi vavinayana maa yawoina ikaiwoduwe.
ACT 9:42 E vavinayana valena da Yopa madabokidi sinove, tuwo tomota badabadaidi sinumisa Tomoya yaina.
ACT 9:43 E Yopa goi Pita tayamo koroto taiyao nava tabu sikaiyaka giyaina. Korotoyana yoina Saimoni go, Saimoniyana ina paisewa moe yoguyogu kaamasidi sakavaidi adi tokatubayásina. Ame tauyana ina vada goi Pita ikaaiyaka.
ACT 10:1 E tayamo koroto asa Sesariya goi ikaaiyaka, korotoyana yoina Koniliyasi. Koniliyasiyana moe Roma ana tovayaviyayao 100 adi tovakumgo. Ame tovayaviyayadi boda tayamo yoina Italiya.
ACT 10:2 Tauyana koroto kaasalaina Yaubada yaina nakae mana bodayáuwo Yaubada ana totaimaminayao. Tookaidi ivaaitedi gagaina be nakae tuta liliuna ikawanoi Yaubada yaina.
ACT 10:3 E tuta tayamo bogina lavilavi nukotona goi ikalayáusa. Ina kalayausayana goi Yaubada ina anerose tayamo igitedoko ima idigo kana, ‘Koniliyasi!’
ACT 10:4 E tauyana mana matoita gagaina ipotapota kana, ‘Tomoya, manakae?’ E aneroseyana idigo kana, ‘Im kawanoi Yaubada bogina inove be nakae im vaita tookaidi yaidi bogina igitedi, e iuyaonem. Moe guinuwayadi moe im vininabeso Yaubada yaina nakae, tauna inuwaisim.
ACT 10:5 Tauna Yopa goi tayamo koroto yoina Saimoni ikaaiyaka. Tauyana youyuwoina moe Pita. Pitayana ikaaiyaka koroto tayamo ina vada goi négwasa kikina. Korotoyana yoina Saimoni nakae go, ina paisewa moe yoguyogu kaamasidi sakavaidi adi tokatubayásina. Tauna ame tuta im korotoyao kuetunedi sina amoko goi Pitayana sikabi sime.’
ACT 10:7 E aneroseyana ibóbwara ikavava, ina go, kina Koniliasiyana ina pakonayao adi taiyuwo ina vada simataakavate be nakae tovayaviya tayamo iduduwedi sima. Tovayaviyayana moe ina tovaita tayamo be nakae koroto kaasalaina Yaubada yaina.
ACT 10:8 E sima ilatuwokoidi kaga liliuna isowóduwo. Ikavava, ietunedi sina Yopa.
ACT 10:9 E vanuwo itomo, korotoyadi simamaima bogina Yopa sivakakana go, dine goi kina Pita vada yatana imwera ikawanoi.
ACT 10:10 E bogina loga ikámasa; latuwona ikáika. E vevina áika giyaina siguuinuwe go, kina Pita nukotona goi ikalayáusa.
ACT 10:11 Alayausayana goi yábana ikatupáeva go, dogoi tayamo isou. Dogoiyana moe areko gagaina maisiyana go, matakubuna aivasi. Ago ina sou ana kaigigita moe nakae neta tomota matakubunayadi siyoisidi go, sisailave isou imamaima poyapoya goi.
ACT 10:12 Arekoyana yatana goi yoguyogu, bolitavanu be woiwoi ituli ituli, be moteta ituli ituli be nakae mánuwo ituli ituli sikaaiyaka, maniyedi vaatabudi, maniyedi taagonaidi.
ACT 10:13 Ago níyana tayamo inove idigo kana, ‘Pita, kutāoya go, kwaumatēdi kwāika!’
ACT 10:14 E kina go Pitayana ikatae, idigo kana, ‘Tomoya, geya toina! Geya kada tayaamo tuta yoguyogu vaatabuna o baailina akani geya, unana moe bomama.’
ACT 10:15 Ago aiyuwoina niyanayana inove idigo kana, ‘Kaga kaga Yaubada ikimaavadedi taabu kuvaayokōidi baailidi, tauna taabu kwaatāedi!’
ACT 10:16 E ame livalayadi sivato inoveko. Ikavava, mainao arekoyana ibiu itukoe inave yábana.
ACT 10:17 E Pita nukotona iwówana gagaina ina kalayausayana manuna; ina nuwonúwana goi kana, ‘Ame kaga nakona ana yagoina?’ Nava inuwonúwana go, boi korotoyadi Koniliyasi ieetunedi bogina sisowóduwo. Sisowóduwo sima Saimoni, tauyana yoguyogu sakavaidi adi tokatubayásina, ina vada manuna silumadádana sidigo kadi, ‘Saimoni nako goi ikaaiyaka?’ Silatuwokoidi ikavava, sima tauyana ina vada sibabane go, vadayana ana kali totomna goi sitáoya.
ACT 10:18 Sitáoya, silumadádana sidigo kadi, ‘Saimoni, tauyana youyuwoina Pita, moeni o geya?’
ACT 10:19 E kina go Pita nava ina kalayausayana inuwoleléuye go, Baloma Kimaasabaina idigo kana, ‘Pita! Koroto adi taito bogina sima siluusalem.
ACT 10:20 Korotoyadi Totuyoyowo go, tuwo taabu kwaatāedi, go sem kutāoya kusōu kūna tauyadi taiyao kōna go, taabu kunaanayūwo unana yau aetunedi sima, tauna taiyao kōna.’
ACT 10:21 E tuwo moitamo isou ina korotoyadi ilatuwokoidi idigo kana, ‘Konōwo. Yau tauyagu koluusalegu. Kaga latuwomi koma?’
ACT 10:22 ‘Ima tomoya Koniliyasi ietunema kama. Tauyana tovayaviyayao adi tovakumgo. Tauyana tokibóbwata be nakae Yaubada ana totaimámina tayamo go, Diyuu liliudi sikaodedevine. Anerose kimaasabaina Yaubada umana isowóduwo tauyana yaina ilatuwoko kana, “Koniliyasi, Pita kududūwe ima im vada goi bei ina livala kunove”’, korotoyadi kaedi.
ACT 10:23 Tauna Pita iuyaonedi sisiu vada sinaena taiyao sikaaiyaka go, irugwausidi. E vanuwo itomo, Pita itáoya, korotoyadi be nakae sediyao nuumisaidi maniyedi Yopa goi sikaaiyaka taiyao sina. Sinonoina, enao goi simasisi.
ACT 10:24 E simasisi vanuwo itomo, Pita ma senao sima Sesariya goi sisiu. E kina go Koniliyasiyana osenao be nakae ina bodao bogina iduduwedi sima Pita bogina situuyaosi bei ina livala sinove.
ACT 10:25 E tutayana Pita isiu, Koniliyasiyana ima ivalobode, e aena ivatugúyala Pita matana goi isakululu.
ACT 10:26 E kina go Pitayana igite, tuwo Koniliasi ibutáoe idigo kana, ‘Kutāoya! Yau tomota kom nakae. Geya itoboineyeta aem kuvatugúyala yaigu.’
ACT 10:27 Tuwo moitamo itáoya, taiyao sibobóbwara go, Koniliasi ina vada goi sisiu. Sisiu, Pita ikandobala tomota badabadaidi igitedi bogina sigugúguna.
ACT 10:28 Tuwo ilatuwokoidi idigo kana, ‘Komi bogina koyagoi kai Diyuu geya ama tagonamo komi Totuyoyowo kakaiyakemi be nakae kapodumemi. Ago Yaubada bogina ivatulukoigu geya tayaamo tomota itoboinegu avayoko vaatabuna o ma baailina, tauna taabu kataavilēiye.
ACT 10:29 Moe pasina tutayana kududuwegu, geya akataeyeta, go sem atagona ama. Tauna alumadadem kaga pasina kududuwegu ama?’
ACT 10:30 Koniliyasiyana idigo kana, ‘Boi konavasiye lavilavina guna vada goi akaawanoi go, koroto tayamo ana kwama naamalina isowóduwo matagu goi itáoya.
ACT 10:31 Itáoya idigo kana, “Koniliyasi, im kawanoi Yaubada bogina inove be nakae im vaita tookaidi yaidi bogina inuwaisidi.
ACT 10:32 Tauna koroto kuetunēdi sina Yopa goi koroto tayamo yoina Saimoni sidudūwe ima. Tauyana youyuwoina moe Pita. Ame tauyana ikaaiyaka Saimoni, tauyana yoguyogu kaamasidi sakavaidi adi tokatubayásina, ina vada goi, moe négwasa kikina.”
ACT 10:33 E tauna koroto avatuwowonedi siwo sikabim go, uyagu unana kutagona kuma. E tuwo ame tuta madabokima Yaubada matana goi bogina kakaaiyaka ameko, latuwoma kaga bogina ida Tomoya ilatuwokoim, e kulatuwokōima kanove.’
ACT 10:34 E Pita ivatowo ivatétala idigo kana, ‘Bogina ayagoidoko bego Yaubada matana goi boda liliuda tavavasa. Tuwo kai Diyuu iuyaonema go, ametava geya,
ACT 10:35 go sem boda tamo tamo yaida poyapoya ame goi nakona kai Diyuu, nakona komi Totuyoyowo, neta mada matoita Yaubada tawowoine be nakae takibóbwata, e Tauyana bei iuyaoneda.
ACT 10:36 Vala Dedevina boi Yaubada ietune ima kai Isileli tubunao yaima goi. Valayana moe livisi Yaubada yaina ikavava go, Yeisu Guyau ina guinuwa goi tomota itoboineda ida tuboina tababane. Ame Valayana ivatulukoida Yeisu moe tomota liliuda ida Tomoya.
ACT 10:37 Komi bogina koyagoi kaga isowóduwo Yudiya ana dadava madabokina goi. Boi Iyoni sayóyova manuna itaalavaita. Italavaita ikavava, Yeisu guma Nasareta ima go, kina Yaubada Baloma Kimaasabaina be nakae togaga ivadamanedi Tauyana yaina. Tuwo Galili goi Yeisu ivatowo bei ivanibiníbita guinuwa dedevidi iguuinuwedi nakae avatauwa neta Totagíwaya iloviinaedi, e ikidedeevinedi. Yaubada ikaaiyaka Tauyana yaina, tauna itoboine nakae iguinuwedi.
ACT 10:39 Kai Yeisu ina vamoleyanayao ina guinuwa liliudi kai Diyuu ima kasa goi be nakae asa Yerusalema goi kagitedi bei kakamoitamoedi. Tauyana woi situpatuko kerose goi sikaumate.
ACT 10:40 Ame Tauyana maliyalina aito sikavava, ámasa goi Yaubada ikaitáoe namliyeta ikaiwoduwe tomota yaidi.
ACT 10:41 Go tomota liliudi yaidi goi geya ikaiwoduweyeta, go sem boi maniyedi tomota igimivayokoidi Yeisu ina taoyamna ana tokamoitamoyao, e ame tauyadi yaidi goi ikaiwoduwe go, ame tauyadi moe kai. Yeisu ina taoyamna tokámasa yaidi mlina, Tauyana taiyao kakakáika be kanimnim.
ACT 10:42 Niga Tauyana ilovinaema bego kana tomota yaidi goi Valena katalavaite be nakae Tauyana kakamoitamoe bego kina Yaubada bogina ivayoko Tauyana tomota liliuda ada totakínona, kita maa yawoida be nakae tokámasa.
ACT 10:43 Ame Tauyana boi nimatu Yaubada ina tokabivalavala liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’
ACT 10:44 Pita nava ibobóbwara go, Baloma Kimaasabaina ina totaiyakekayao liliudi yaidi goi isiu.
ACT 10:45 Go kidi Yeisu ina tonumisayaoyadi sakavaidi kuuponidi boi Pita taiyao sima sikaaiyaka sigite, nukotodi siwówana bego kidi Totuyoyowo nakae yaidi Yaubada Balomaina Kimaasabaina bogina isiwoi.
ACT 10:46 Moe moitamo. Imavada Baloma isou yaidi tutayana Totuyoyowoyadi ituli ta kaníyana ituli ta kaníyana goi sibobóbwara be nakae Yaubada sikiilagasi. Tuwo Pita senao Diyuuyadi ilatuwokoidi kana,
ACT 10:47 ‘Amo tauyadi Baloma Kimaasabaina bogina sibabane boi kita Diyuu nakae. Tauna avatau itoboine sayóyova ivagagalakoidi? Geya ae?’
ACT 10:48 E Pita senao sakavaidi kuuponidi ilatuwokoidi idigo kana, ‘Koniliasi senao taiyao Yeisu Guyau yoina goi kosayoyōidi.’ Tuwo moitamo nakae siguinuwe. Sisayoyoidi ikavava, Koniliasi senao taiyao sikawanoi Pita yaina bego ikaiyaka tauyadi taiyao. E Pita itagona.
ACT 11:1 E Tomoya ina vamoleyanayao ma sediyao nuumisaidi liliudi Yudiya dadavina goi vala sinove bego kidi Totuyoyowo nakae Yaubada ina livala sinumise.
ACT 11:2 E tutayana Pita ituko ina Yerusalema goi, kidi Diyuu nuumisaidi maniyedi sima Pita sikamatanako
ACT 11:3 sidigo kadi, ‘Iyaa! Manakae kom boi kuna kidi sakavaidi geya sikupoidita taiyao kokabivekoveko be nakae taiyao kokakáika?’
ACT 11:4 E kina go Pita kaga kaga sisowóduwo madabokina ivatetelidokoidi idigo kana,
ACT 11:5 ‘Yau asa Yopa goi akaaiyaka akaawanoi go, nukotogu goi akalayáusa. Guna kalayausayana ame nakae: Dogoi tayamo agite isou. Dogoiyana moe areko gagaina maisiyana go, matakubuna aivasi. Ago ina souyana ana kaigigita moe nakae neta tomota matakubunayadi siyoisidi go, yábana goi arekoyana sisailave isou ima yau matagu goi.
ACT 11:6 Dogoiyana apotepote go, yatana agite yoguyogu ituli ituli, woiwoi ituli ituli, moteta ituli ituli be nakae mánuwo ituli ituli sikaaiyaka, maniyedi vaatabudi go, maniyedi taagonaidi.
ACT 11:7 E nakae níyana tayamo anove idigo kana, “Pita, kutāoya go, kwaumatēdi be kwāika!”
ACT 11:8 Go yau kagu, “Tomoya, geya toina! Unana geya kada tayaamo tuta yoguyogu vaatabuna o baailina akani geya, moe bomama.”
ACT 11:9 Go niyanayana yábana goi aiyuwoina anove idigo kana, “Kaga kaga Yaubada ikimaavadedi taabu kuvaayokōidi baailidi, tauna taabu kwaatāedi!”
ACT 11:10 E ame livalayadi sivato anoveko. Ikavava, dogoiyadi liliudi Yaubada ibiudi situko sina yábana.
ACT 11:11 Ago geya mgoninamo Totuyoyowo koroto adi taito Sesariya goi bogina sima vadayana goi kakaaiyaka siitáoya.
ACT 11:12 E Baloma Kimaasabaina ilatuwokoigu idigo kana, “Korotoyadi taiyao kōna go, taabu kunaanayūwo.” E ana go, segowo ame adi tainima tayamo nakae taiyao kana Totuyoyowo ina vada goi kasiu.
ACT 11:13 Kasiu, e Totuyoyowoyana ilatuwokoima idigo kana, “Guna vada goi anerose agite iitáoya, idigo kana, ‘Yopa goi koroto tayamo yoina Saimoni ikaaiyaka. Tauyana youyuwoina moe Pita. Tuwo livala kuetūne ina amoko goi Pitayana kududūwe ima.
ACT 11:14 Tauyana vala tayamo bei ilatuwokoim go, valayana goi kom mam bodayáuwo bei ami yava kobabane.’”
ACT 11:15 E, bego abóbwara go, Baloma Kimaasabaina ina tauyadi yaidi goi nakae boi igimiima kita yaida!
ACT 11:16 E ida Tomoya ina livala anuwaisidi; boi idigo kana, “Boi Iyoni bwae goi isayoyoimi go, Yaubada Balomaina Kimaasabaina goi bei isayoyoimi.”
ACT 11:17 Tauna Yaubada neta ina yabobona moe Baloma Kimaasabaina boi ikaiguyauye kita Diyuu yaida tutayana ida Tomoya Yeisu Guyau tanumise go, ame tuta ame yabobonayana nakae ikaiguyauye Totuyoyowo yaidi, e manakae? Yau avatau bego Yaubada ina guinuwayana asanabode? Geya itoboineguta.’
ACT 11:18 E Pita ina livalayadi sinovedi, tuwo idi kaumakimaki goi situgaumo go, Yaubada ina togaga ana káeyana sikamoitamoe sidigo kadi, ‘Totuyoyowo nakae Yaubada iuyaonedi neta situgavila. Idi tugavilayana pasina yawoidi vata bei sibabane!’
ACT 11:19 E tutayana Diyuu Yerusalema goi Stiveni sikaumate, e mou gagaina isowóduwo Diyuu nuumisaidi yaidi. Tuwo sitáoya, sivagisapasapa; maniyedi sina Poinike dadavina, maniyedi sina simla Saipiro go, maniyedi sina asa Antiyoki. Ago sivanibiníbita Yeisu valena sitaalavaite kidi Diyuu aditava yaidi.
ACT 11:20 Ego tovagisapasapayadi maniyedi Saipiro korotoidi go, maniyedi Sairini korotoidi. Ame tauyadi sina asa Antiyoki goi Diyuu yaidi goi sitaalavaita go, aiyuwoina kidi Totuyoyowo nakae yaidi goi Tomoya Yeisu Valena Dedevina sitaalavaite.
ACT 11:21 Ago Yauwe ina togaga ikaaiyaka tauyadi yaidi, tuwo idi livalayana Totuyoyowo badabadaidi sinumise, e Tomoya simeko.
ACT 11:22 E Tomoya ana totugugunayao adi tovakumgoyao Yerusalema goi vala sinove bego Totuyoyowoyadi Antiyoki goi sikaaiyaka bogina sinumisa. Tuwo Banabasi sietune isou ina Antiyoki goi bego igite kaga isowóduwo.
ACT 11:23 Banabasiyana koroto dedevina, mana numisa gagaina be nakae Baloma Kimaasabaina ivakayaaodei. Tauna tutayana ina amoko goi, igite Yaubada ikanuwoiyedi, e iuyáwana be nakae tonumisayadi iliwoledi bego atedi madabokina goi sitaoyakavata Tomoya yaina. Tuwo boda gagaina tuwaina sinumisa, Tomoya ina bodao sisiukoidi.
ACT 11:25 E tuwo Banabasiyana itáoya ina Tasosi goi Saulo ilusale.
ACT 11:26 Ibabane ikavava, ime Antiyoki goi. Tuwo tala tayamo goi adi taiyuwo sikaaiyaka Tomoya ana totugugunayao taiyao situgúguna go, boda gagaina sivatuulukoidi. Ego ame tutayana kidi da Antiyoki Yeisu ina tovatotowanayao bogina sigimivayoudi Keristiyani.
ACT 11:27 E amo tutayana goi tokabivalavala maniyedi sitáoya, Yerusalema goi sisou sina Antiyoki.
ACT 11:28 E tokabivalavalayadi yaidi goi tayamo yoina Agabo. Tauyana itáoya, Baloma Kimaasabaina goi itaalavaita idigo kana, ‘Loga gagaina moitamo Roma ina kaba lovina madabokina goi bei isowóduwo.’ Ame logayana isowóduwo Sisa Kiladiyasi ina lovina ana tuta sinaena.
ACT 11:29 E kidi go Yeisu ina tovatotowanayao sinove, tamo tamo silovina nakonakae itoboinedi, vininabeso bei silamgogo, sietune ina sediyao nuumisaidi Yudiya goi bei sivaitedi.
ACT 11:30 Nakae siguinuwe go, idi vininabesoyana silamgogo ikavava, Banabasi be Saulo nimadi goi siyato. Tauyadi sinave Yerusalema goi tomoyamoya nuumisaidi sivinidi, sikaiguyauye.
ACT 12:1 E amo tutayana tolovina Erodi ina tovayaviyayao ilatuwokoidi sina Tomoya ana totugugunayao maniyedi siyoisidi bei siyogedegededi.
ACT 12:2 E Iyoni tuwowona Yemesa nakae, kina Erodiyana ilovina siyoisi. Siyoisi, giya sisi goi tauyana sikaumate.
ACT 12:3 Tuwo tutayana Erodi igite bego ina guinuwa kidi Diyuu siuuyaone, ilovina bego Pita nakae siyoisi bego sikaumate. Ego moe Beredi Pokaka Aikanina ana tuta.
ACT 12:4 Tuwo moitamo sina Pita siyoisi. Siyoisi ikavava, deri goi sivaisiu ikaaiyaka go, kina Erodiyana ilovina bego tovayaviya yawou ainima tayamo sina Pita sirugwausi, adi taivasi, adi taivasi. Tuta liliuna tovayaviyayadi adi taivasi sikaaiyaka Pita siruugwausi. Tauna nakae Erodi iguinuwe; latuwona bego Basitáwana Aikanina mlina Pitayana ikaiwoduwe tomota matadi goi takínona manuna.
ACT 12:5 E Pita deri goi siyoisiikavate go, kidi Yeisu ana totugugunayaoyadi Yerusalema goi sikaawanoi makimaki Yaubada yaina Pita ana yóita manuna.
ACT 12:6 E Pita ikaaiyaka, ikaaiyaka aaa, e ina tuta takínona bogina ima. Tuwo itomo Erodi bego Pita ikaiwoduwe ana takínona manuna. Ego amo sabamgoyana tovayaviya adi taiyuwo nauyayanaidi goi Pita iimasisi, tayamo kakataina, tayamo kekelina. Seni aiyuwo sisiko tauyana nimana ina kidi nimadi. Ikaaiyaka go, iimasisi ikanamatáiya. Ago kidi go ituli ta tovayaviyayao adi taiyuwo deri totomna goi sikaaiyaka, deriyana siruugwausi.
ACT 12:7 Pita iimasisi go, Yauwe ina anerose tayamo isowóduwo deriyana sinaena goi itáoya, e mavada tayamo inínima. E Pita kivilina iláui, iwoini idigo kana, ‘Woilīm kutāoya!’ Tuwo moitamo itáoya go, seniyadi nimana goi mainao sitaligalígava sisou.
ACT 12:8 E aneroseyana idigo kana, ‘Am gadíwana kusīko be im sendoro kuvalilivīdi.’ E Pitayana nakae iguinuwe go, aneroseyana idigomna kana, ‘Im tanigo kwābi, kutanīgo. Ikavava, kūma kusabokuliyēgu.’
ACT 12:9 Tuwo Pita nakae iguinuwe. Ikavava, isabookuliye sisowóduwo. Sisowóduwo, Pita inuwonúwana kana, ‘Ame nakona yau akalayáusa.’ Go geya iyagoiyeta anerose ina guinuwa moe mooitamoina.
ACT 12:10 E tovayaviya tayamo sikalave, niga tovayaviya aiyuwoina sikalave go, tovayaviyayadi geya itoboinedita Pita be anerose sigitedi. Sikalavedi ikavava, sina asa ana kali totomna goi. Totomyana mana niboda kainum go, toinina ikatupáeva. Tuwo adi taiyuwo sisowóduwo. Sisowóduwo, enao tayamo asa goi siiketoiya go, aneroseyana matabuwona Pita ikalave. Tuwo Pita aneta iketoiya.
ACT 12:11 Ago Pita nukotona bogina imavada, iyagoi ame alayáusa geya. Tuwo toinina inuwonúwana kana, ‘Bogina ayagoi moitamo Yauwe ina anerose ietune ima Erodi nimana goi iyavegu be nakae kaga liliuna kidi Diyuu latuwodi bego siguinuwe yau yaigu go, iyavegu.’
ACT 12:12 Ago bogina iyagoi anerose ivaite, tuwo ina Meri ina vada. Ame Meriyana moe Iyoni sinana. Iyoniyana youyuwoina moe Maki. Amoko goi tomota badabadaidi bogina siitugúguna go, nava sikaawanoi.
ACT 12:13 E Pita ina Meri ina vada ana kali totomna goi ikaukeeyakeya go, vavina tayamo yoina Roda, tauyana toni vada ina pákwana tayamo ima idigo kana, ‘Kom avatau?’ Pita kana, ‘Yau.’ Ago niyana kina Roda inove,
ACT 12:14 niyanayana ikinane moe Pita niyana. Tuwo iuyáwana go, ina uyawanayana pasina totom geya ikatupaeveyeta, go sem ilokoinamo ikaluvila ina tomota ilatuwokoidi idigo kana, ‘Pita totom goi iitáoya!’
ACT 12:15 ‘Kom nakona kuyaluwo’, tomota kaedi. Go kina vavinayana ikaugeogéona kana, ‘Moitamo, tauyana!’ ‘Geya. Amo Pita ina anerose’, tomotayadi kaedi.
ACT 12:16 E kina go Pitayana nava ikaukeeyakeya. Tuwo tomotayadi sitáoya sina ali totomna sikatupáeve, e tauyana sigite. Sigite, nukotodi siwówana.
ACT 12:17 E tauyana nimana ikatulagasi, tomota isanabodedi situgau. E situgau go, ilatuwokoidi Yauwe manakaena deri goi ivakede isowóduwo. Aiyuwoina idigo kana, ‘Kōna ame dogoiyadi kotalavaitēdi Yemesa be sedao nuumisaidi yaidi.’ Ibóbwara ikavava, itáoya ikalavedi go, ina ituli ta kasa.
ACT 12:18 E vanuwo itomo, kidi tovayaviyayadi uyaodi sisáwala gagaina Pita ina tagau pasina. Geya siyagoiyeta tauyana nako.
ACT 12:19 E kina go Erodiyana ina topaisewayao ilatuwokoidi sina Pita silusale. Silusale, silusale, geya, tuwo deri ana tomatakavatayaoyadi boi Pita deri goi siyoisiikavate iduduwedi sima ivakakonedi. Latuwona iyagoi Pita manakaena isiya. Ago kidi geya siyagoiyeta geya. Ivakakonedi ikavava, ilovina bego idi bágala pasina sikámasa. Ikavava, tauyana itáoya Yudiya ana dadava ikalave go, isou ina Sesariya goi ikaaiyaka.
ACT 12:20 E tauyana gamona igoyo toina kidi da Taya be da Saidoni yaidi. E bodayadi aiyuwo nuwodi tayamo goi adi katumapuyao sikinavedi sietunedi sina Sesariya goi Erodi ina tomatakavata yoina Barastasi sitamyabi bego tauyana ina Erodi igudali, e bei ina egamogamogu ikavava. Latuwodi Erodi sigite bei idi livisi sigiepalu. Nakae siguinuwe unana avadi moe Erodi ina kaba lovina goi ima. Tuwo Barastasiyana ina Erodi nukotona isanayato. E moitamo Erodi itagona bego maliyalina tayamo taiyao sibóbwara.
ACT 12:21 E maliyalinayana boi siupeupe bogina ima, tauyana ana kwama dedevina ilosi. Ikavava, ina aba takínona ana kaba tusobu goi itusobu go, ivatowo ibóbwara yaidi.
ACT 12:22 E boda niyana sinove, tuwo sikatutao siduduwo kadi, ‘Ame tomota niyana geya, go sem ame basaleliu tayamo niyana!’
ACT 12:23 E Erodi inovedi go, Yaubada ina togaga ana káeyana geya ikamoitamoeyeta. Tauna mainao Yauwe ina anerose ina Erodiyana iláui ikatówana; atowanayana pasina motemoteta sinaena sikani, e ikámasa.
ACT 12:24 Go Yaubada ina livalayana tuwaina itogaga. Yeisu ina tonumisayao sina livalayana tuwaina sisanunui, tauna tauyadi idi boda tuwaina ibadabada.
ACT 12:25 E kidi go Banabasi be Saulo idi paisewa Yerusalema goi bogina ikavava, tuwo sikaluvila sina Antiyoki go, Iyoni taiyao. Tauyana youyuwoina moe Maki.
ACT 13:1 Ego Tomoya ana totugugunayao yaidi Antiyoki goi tokabivalavala be nakae tovatulúkwana maniyedi sikaaiyaka. Tauyadi moe Banabasi be Simioni (tauyana youyuwoina Nigeri), be nakae Lukiyo guma Sairini. Aiyuwoina Manaeni be nakae Saulo. Manaeniyana boi nava giiyaina Tolovina Erodi ina bodao sikabi, siuyabebe, tauna Manaeni be Erodi vada tayamo goi taiyao sibíbina. Ame tauyadi adi tainima moe tokabivalavala be nakae tovatulúkwana.
ACT 13:2 E tauyadi sisaakululu Tomoya yaina be nakae sidiiyakímwana go, Baloma Kimaasabaina ilatuwokoidi idigo kana, ‘Banabasi be Saulo kokimasabedi yau guna paisewa manuna; paisewayana bogina akawoidi.’
ACT 13:3 Tuwo sidiyakímwana be sikawanoi ikavava, Banabasiyana be Sauloyana dabadi sibisikonedi sikaipakuyedi. Ikavava, sietunedi sina.
ACT 13:4 Tauna Baloma Kimaasabaina Saulo be Banabasi ietunedi sisou siiwo sina Selúsiya. Amoko goi oga sisowoya sikailova sina simla Saipiro.
ACT 13:5 Sina Saipiro, asa Salamisi goi sivaiu, idi tovaita Iyoni (tauyana youyuwoina moe Maki) taiyao sisou sina kidi Diyuu idi kaba tugúguna goi Yaubada ina livala sitaalavaite tomota yaidi.
ACT 13:6 Ikavava, e sivayali sina asa Papo goi koroto tayamo tomeméyava yoina Ba-Yeisu sivalobode; tauyana tokabivalavala polapola be nakae Diyuu.
ACT 13:7 Tauyana moe da Saipiro adi gávana ana topaisewa. Gavanayana tonanamsa yoina Segiyasi Paulo. Ame tauyana Banabasi be Saulo valedi inove, tuwo iduduwedi sima ikawanoiyedi bego Yaubada ina livala inove.
ACT 13:8 E nakae go, tomemeyavayana ivakaaleyedi. Tauyana youyuwoina moe Elimasi. Elimasiyana ana yagoina moe tomeméyava. E ivakaaleyedi; latuwona bego gavanayana yava ana kenao goi ivasulaigi.
ACT 13:9 E kina go Saulo, tauyana youyuwoina moe Paulo, Baloma Kimaasabaina ivakayaodei, e Elimasiyana ipoteekavate go,
ACT 13:10 idigo kana, ‘Kom topola moitamo. Kom Totagíwaya natuna. Kaga liliuna moitamo Yaubada matana goi, e kom kuvakaleyedi. Kom goyo sinadi. Kom bego Yauwe ina kenao mooitamoidi kubugooyaidi!
ACT 13:11 Go kugīta! Ame tuta Yauwe nimana yaim goi ikaaiyaka, e kom bei tokebo tuta giyaina. Geya tayaamo kaga bei kugite, nakae geya itoboinemta níyala kugite.’ Ibobóbwara ikavava, mainao Elimasiyana matana siomaoma nakae sikamamaníwana. Tuwo ilusala avatauwa bei sivaite, e nimana siyoisi sivakede.
ACT 13:12 Tuwo tolovinayana igite kaga liliuna isowóduwo Elimasi yaina, e inumisa unana Banabasi be Saulo idi vatulúkwana Tomoya manuna ikainaopa.
ACT 13:13 E Paulo ma senao asa Papo goi sikailova. Sikailova, silokoina sina Pampíliya dadavina goi sivaiu, sisou siyava sina asa Periga goi. E kina go Iyoni ikalavedi go, ikaluvila ina Yerusalema.
ACT 13:14 E kidi go Paulo ma senao Periga sikalave go, sina Antiyoki goi, moe parovinsi Parugiya sinaena go, parovinsi Pisídiya kikina. Sabati ana maliyalina sina kidi Diyuu idi kaba tugúguna goi sisiu situsobu.
ACT 13:15 E aba tugugunayana ana tolovinayao sitáoya, Yaubada ina Katukeda goi be tokabivalavala idi buki goi sikatuyaividi. Ikavava, livala sietune ina Paulo be Banabasi yaidi sidigo kadi, ‘Semao, neta livala kipaaiwolina latuwomi tomota kolatuwokoidi, e dedevina; kotáoya tomota yaidi goi kobóbwara.’
ACT 13:16 E moitamo Paulo itáoya, nimana ikatulagasi, tomota isanabodedi situgau. E situgau go, idigo kana, ‘Komi Isileli tubunao be nakae komi Totuyoyowo Yaubada ana totaimaminayao konovēgu.
ACT 13:17 Boi nimatu kita Isileli tubunao ida Yaubada tubudao ikinavedi ina bodao, e idi kaiyaka Itipita goi ikisailidi, tauna sitogaga. Nimana toogagaina toina goi ivaitedi, e amo asayana goi ivakededi sina yoyowo goi.
ACT 13:18 Tala ana badabada 40 amoko goi sikaaiyaka go, amo talayadi sinaedi goi Yaubada imatakaavatedi.
ACT 13:19 Kenani dadavina goi toni kasa moe boda ana badabada ainima aiyuwo sikaaiyaka go, madabokidi Yaubada imtulidi. Ikavava, idi poyapoyayana kita tubudao ivinidi idi kaba lovina.
ACT 13:20 Idi tuta Itipita goi ima tutayana Kenani goi siilokasa moe tala ana badabada 450. Ame dogoiyadi mlidi tomota maniyedi ivayokoidi tomota adi totakinonayao, e bei sivakededi ana kadókana Yaubada ina tokabivalavala Samwera isowóduwo.
ACT 13:21 Moeko goi tolovina tayamo sikawanoiye Yaubada yaina. Tuwo itagona, e Saulo ivayoko kidi idi tolovina. Tauyana Kisa natuna go, ma Beniyamina. Tala ana badabada 40 goi iilovina.
ACT 13:22 Talayadi sikavava, Yaubada ilovina bego Saulo etolovina goi ikaisobuye. Ikaisobuye ikavava, Devida ikinave, tauyana tomota idi tolovina. Devidayana manuna Yaubada italavaita idigo kana, “Diyesi natuna Devida bogina agite tauyana nukotogu ibabane. Tauyana guna nuwonúwana madabokina bei iguinuwe.”
ACT 13:23 Ame korotoyana ikaikaina goi Yaubada nakae ina katótula kita Isileli tubunao ada Toyava ime. Toyavayana moe Yeisu.
ACT 13:24 Ego Yeisuyana nava ina paisewa geya ivatowoeta, e Iyoni bogina igimitalavaita kidi Isileli tubunao liliudi yaidi idigo kana, “Kotugavīla, e bei asayoyoimi.”
ACT 13:25 E tutayana Iyoni ina paisewa giyakainava bei ilukavave, tuta liliuna idigo kana, “Komi konuwonúwana yau avatau? Yau geya Guyauyana geya, go sem konōve; koroto tayamo mligu goi imamaima geya itoboineguta ana sendoro ataligei unana yau sobuyekoina.”
ACT 13:26 Segowo, komi Eberamo tubunao be nakae komi Totuyoyowo Yaubada ana totaimaminayao, yava ame valenayana Yaubada bogina ietune ima kita yaida.
ACT 13:27 Guna nuwonúwana alumavivisi. Kidi Yerusalema ana tokaiyakoyao madi tolovinao ame valayana geya siyagoiyeta. Aiyuwoina Sabati tamo tamo goi Yaubada ina tokabivalavalayao idi livala sikatuyaaividi go, geya siyagoidita. Moeko goi silovina bego Yeisu itoboine ikámasa. Tuwo ame idi guinuwayana goi siguinuwa tokabivalavalayao boi bogina nakae sigimitalavaite.
ACT 13:28 Geya tayaamo goyo Yeisu yaina goi itoboinedi sibabane geya go, tuwo sikawanoi Pailato yaina bego ilovina Yeisuyana sikaumate.
ACT 13:29 E kaga liliuna Yaubada ina tokabivalavalayao boi idi buki goi siiginidi Tauyana manuna, e Yerusalema ana tokaiyakoyaoyadi nakae siguinuwedi. Tutayana siguinuwedi ikavava, e wowona kerose goi sikabi, sinave valiwoga tukubu sinaena goi siyato.
ACT 13:30 E kina go Yaubada tokámasa yaidi goi ikaitáoe.
ACT 13:31 Tauyana maliyalina badabadaidi goi isowóduwo ina tovakitaunayao yaidi. Boi Galili goi Yeisu sivakitau situko sina Yerusalema. Ame tauyadi ame tuta Yeisu sitaalavaite Isileli tubunao yaidi.
ACT 13:32 Kai nakae Vala Dedevina kataalavaite komi yaimi. Vala Dedevinayana moe kaga Yaubada boi ikaatotuli tubudao yaidi
ACT 13:33 go, bogina iguinuwe kita tauyadi tubudiyao yaida ame nakae: Yeisu ikinave bego Tauyana Guyau nakae Same idige kana,
ACT 13:34 E aiyuwoina Vala Dedevinayana moe Yeisu tokámasa yaidi goi ikaitáoe, tauna wowona geya itoboineyeta idáura. Moe nakae Yaubada idigedige tutayana idigo kana,
ACT 13:35 Tauna kina Devida boi ituli ta Same goi Yaubada ilatuwoko idigo kana,
ACT 13:36 Tayagoi moe Devida toinina manuna geya ibobwareta. Moitamo. Toinina ina tuta goi Yaubada ina nuwonúwana iguinuwe, namliyeta ikámasa go, wowona sikabi tubunao yaidi goi siyato. Amoko goi wowona idáura.
ACT 13:37 Go Yeisu, Tauyana boi kina Yaubada ámasa goi ikaitáoe, wowona geya idaureta geya. Ame Tauyana Same goi kina Devida idigedige.
ACT 13:38 Tauna segowo, latuwogu komi koyagoi bego Tauyana ina guinuwa goi itoboinemi imi goyo adi nuwotao kobabane. Moe kataalavaite yaimi. Yaubada ina Katukeda boi Mosese ivini go, Atukedayana ana kabikáwana goi Yaubada geya ivayokoideta kita kiboobosidi ina kanasíuna manuna, go sem avatauwa neta ame Yeisuyana sinumise, e Yaubada ivayokoidi kidi kiboobosidi ina kanasíuna manuna.
ACT 13:40 Tauna, Yeisu valena konumīse go, geya, ami dodōkana, govila bei kaga Yaubada ina tokabivalavalayao boi sitalavaaitedi sisowóduwo komi yaimi.
ACT 13:41 Tauyadi Yaubada ina livala sitalavaite sidigo kadi,
ACT 13:42 E tutayana idi tugugunayana ikavava, Paulo be Banabasi sitáoya, vadayana goi sisowóduwo go, tomotayadi sikawanoi makimaki yaidi bego aiyuwoina Sabati goi sikaluvilamna, ame livalayadi sivatulukwanamna yaidi.
ACT 13:43 E tomota liliudi idi tugugunayana goi sisáwala go, Diyuu badabadaidi be nakae Yaubada ana totaimaminayao maniyedi, tauyadi tosaidámana, sina Paulo be Banabasi sisabokuliyedi. Ago Paulo be Banabasi tuwaina sivatétala tauyadi taiyao go, sitaamyabidi kadi, ‘Yaubada ina kanuwoiyayana nava koyoisiikavāte.’
ACT 13:44 E tuwo wiki tayamo ikavava, Sabati goi toni kasa madabokiidi sikaluvilamna sima idi kaba tugugunayana goi bei Tomoya valena sinove.
ACT 13:45 E kidi go Diyuu adi tovakumgoyao sikaaiyaka sigite boda gagaina latuwodi Paulo ina livala sinove, tuwo sivakiipikipi gagaina, e madi tagíwaya Paulo ina livala sikauboodebode.
ACT 13:46 Ago kidi Paulo be Banabasi madi katepatu sidigo kadi, ‘Itoboine komi Diyuu Yaubada ina livala kogiminove go, konōve! Ame tuta bei kakalavemi go, kana kidi Totuyoyowo yaidi goi Vala Dedevinayana katalavaite unana livalayana kokatae be nakae toinimi kotakinoimi komi geya ikonemita yawoimi vata kobabane.
ACT 13:47 Moitamo, itoboinema kana kidi Totuyoyowo yaidi. Tomoya nakae bogina ilovinaema idigo kana,
ACT 13:48 E Totuyoyowo Paulo ina livalayana sinove, siuuyaone be Tomoya ina togaga ana káeyana sikamooitamoe. Tuwo avatauwa neta bogina nuwodi siyatoidi bego yawoidi vata siibabane, e sinumisa.
ACT 13:49 E Tomoya valena sisagayako dadavayana ana madabokina goi.
ACT 13:50 E kidi go Diyuuyadi sitáoya Yaubada ana totaimaminayao moe asayana ana giyovilao be nakae ana tomoyamoya sidumwamwainidi, e Paulo be nakae Banabasi sivakaleyedi go, idi dadava goi sivatapiyedi sisiya.
ACT 13:51 E kidi go Paulo be Banabasi asa kaukauna aedi goi sisapinunuidi. Moe idi katumátala Diyuuyadi yaidi bego Yaubada itavileiyedi. Sisapinúnuwo ikavava, asa Antiyoki sikalave go, sina asa Ikoniyam.
ACT 13:52 E kidi go Yeisu ina tovatotowanayao uyáwana be nakae Baloma Kimaasabaina sivakayaaodeidi.
ACT 14:1 E Ikoniyam goi Paulo be Banabasi sina Diyuu idi kaba tugúguna goi sisiu sivatulúkwana. Ago idi vatulukwanayana itogaga, tauna tomota badabadaidi sinumisa Yeisu yaina; tomotayadi Diyuu be nakae Totuyoyowo.
ACT 14:2 E tuwo kidi go Diyuu maniyedi Vala Dedevina geya sinumiseyeta sitáoya Totuyoyowo maniyedi sidumwamwainidi be nakae nuwodi sikobaledi bego Yeisu ina tonumisayao siyogedegededi.
ACT 14:3 E boda sinumisa, tauna tuta maanawena kidi Paulo be Banabasi amoko goi sikaaiyaka madi katepatu Tomoya sitalavaite go, madi numisa Tomoya yaina. Tomoyayana ina kanuwóiya valena Paulo be Banabasi idi talavaita goi ikamoitamoe. Aba kamoitamoyadi moe itagonedi aba kinana kainaaopaidi nimadi goi siguinuwedi tomota sigitedi.
ACT 14:4 Go boda asayana goi silivisi boda aiyuwo. Maniyedi Diyuu sisiukoidi go, maniyedi vamoleyanayao sisiukoidi.
ACT 14:5 E Totuyoyowo be nakae Diyuu madi tolovinao latuwodi bego Yeisu ina vamoleyanayao siyoisidi bei siyogedegededi, nakae gurewa sikabidi bego sikaumatedi. Tutayana sipoikíkina bego nakae siguinuwe,
ACT 14:6 e Yeisu ina vamoleyanayaoyadi livala sinove, tuwo sisiya sina Lukaonia asaidi moe Lustira be Debi be nakae asa kikidi.
ACT 14:7 Amoko goi Vala Dedevina nava sitaalavaite.
ACT 14:8 Tayamo koroto Lustira goi ikaaiyaka. Korotoyana aeyapayapana geya sitogageta. Tauyana sinana gamona goi ibíbina topem. Geya tayaamo tuta iketoiya geya. E korotoyana itusobu ikaaiyaka
ACT 14:9 go, Paulo ina talavaita itaaiyakeke. Pauloyana idosobu korotoyana ipotekavate, e bogina igite bego korotoyana mana numisa bei iboboina.
ACT 14:10 Tuwo niyana gagaina goi idigo kana, ‘Aeyapayapam goi kutáoya dōkana!’ Tuwo mainao korotoyana ipela, ivatowo iketoiya.
ACT 14:11 E kidi go bodayadi amoko goi sikaaiyaka Paulo ina guinuwa sigite, niyadi analukaonia goi siduduwo sidigo kadi, ‘Ida basaleliuyao bogina simalakoroto, e sisou sima yaida!’
ACT 14:12 Idi basaleliuyadi yoidi Seusi be Erame. Seusiyana moe idi basaleliu vakuumgoina go, ina tobóbwara moe Erame. Tuwo Banabasi sivayou Seusi go, Paulo tobóbwara, tauna sivayou Erame.
ACT 14:13 Seusiyana ina vada kimaasabaina asa moetala goi ikaaiyaka. Tuwo Seusi ina Tonúwala ina bulumakau be nakae kéubo ikabidi imedi asayana ana kaba siu goi. Latuwodi bego boda taiyao bulumakauyadi sikaumatedi sikasaledi Paulo be Banabasi yaidi bei tauyadi idi basaleliuyao nakae siwowoinedi.
ACT 14:14 E kidi vamoleyanayao Banabasi be Paulo sinove kaga bei tomotayadi siguinuwe, tuwo madi kateyova adi kwama giyaina sikiisedi go, silokoináoduwo tomotayadi yaidi goi siduduwo
ACT 14:15 sidigo kadi, ‘Tawou, ame kaga koguuinuweko? Kai koroto; tomota komi nakae. Kita tavavasa! Kai Vala Dedevina kataalavaite yaimi. Komi imi basaleliu polapolayao geya basabasaidimo kotugavilēdi go, Yaubada maa yawoina komēko. Unana Tauyana yábana, poyapoya, négwasa be nakae kaga liliuna sinaedi goi imadagidi.
ACT 14:16 Tauyana tuta boi itagona komi Totuyoyowo toinimi imi kenao goi koketoiya.
ACT 14:17 Nakae itagonemi go, ina kaba kamoitamoyao sikaaiyaka yaimi, e itoboinemi kogitedi bei kokamoitamo bego Tauyana ikaaiyaka. Aba kamoitamoyao moe ina kaiguyau dedevina yaimi. Nakae kúwana yábana goi ivinimi go, Tauyana pasina asa imáliya. Moeko goi awoinu be uyáwana ivinimi bogina yoiyami.’
ACT 14:18 Tomotayadi adi sanaboda moumou isaki go, tuwo sisanabodedi, e yoguyoguyadi geya sikasaledita yaidi.
ACT 14:19 E Diyuu Antiyoki be nakae Ikoniyam goi sima da Lustira nuwodi sitalaidi. Tuwo sima Paulo siyoisi go, gurewa sikabidi siláui. Ikavava, sibiu sinave asa moetala goi sikalave. Sinuwonúwana kadi, ‘Bogina ikámasa.’ Go geya!
ACT 14:20a E tovatotówana maniyedi sima tauyana sitaoyakobu go, itáoya ina asa goi isiumna!
ACT 14:20b E vanuwo itomo, amo asayana ikalave, e Banabasi taiyao sina Debi goi.
ACT 14:21 Amo asayana goi Vala Dedevina sitalavaite, e tomota badabadaidi sinumisa simalatovatotówana. Sitalavaite ikavava, e sikaluvilamna sina Lustira, Ikoniyam be Antiyoki.
ACT 14:22 Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei Yaubada ina kalibúbuna goi tasiu.’
ACT 14:23 E tauyadi Tomoya ana totugugunayao idi tugúguna tamo tamo adi tomoyamoya sikinavedi. Ikavava, madi diyakímwana be madi kawanoi tomoyamoyayadi sikasaledi idi Tomoya siinumise yaina.
ACT 14:24 Amo asayadi sikalavedi go, sina Pisídiya goi sivanibiníbita. Ikavava, sina Pampíliya ana dadava goi sisiu.
ACT 14:25 Pampíliya sinaena sina asa Periga goi Vala Dedevina sitalavaite. Ikavava, sitáoya siiwo sina asa Atáliya.
ACT 14:26 E amoko goi sikailova sina Selúsiya goi sivaiu, e sisou siyava sina Antiyoki goi. Amoko goi boi kidi tonumisayao sikasaledi Yaubada yaina bei ikanuwoiyedi paisewayana bogina silukavave manuna.
ACT 14:27 E sisowóduwo Antiyoki goi Tomoya ana totugugunayao sikaunokunokudi sima go, kidi Paulo be Banabasi sitalavaite kaga liliuna boi Yaubada nimadi goi iguuinuwedi be nakae manakaena Totuyoyowo idi kenao ikatupáeve bei itoboinedi sinumisa.
ACT 14:28 E Paulo be Banabasi Yeisu ina tovatotowanayao liliudi amoko goi taiyao sikaaiyaka tuta maanawena.
ACT 15:1 Paulo be Banabasi sikaaiyaka go, koroto maniyedi Yudiya goi sisou sima Antiyoki goi. Korotoyadi Diyuu nuumisaidi go, sima Totuyoyowo nuumisaidi Antiyoki goi sivatulukoidi sidigo kadi, ‘Sakavaimi kokupōidi nakae Mosese ina sinapu, govila bei ami yava geya kobabaneyeta.’
ACT 15:2 E idi livala Paulo be Banabasi sinove, tuwo korotoyadi taiyao sikaumakimaki gagaina be nakae sivabobolagu. Tauna Yeisu ina tonumisayao Antiyoki goi Paulo, Banabasi be nakae sediyao maniyedi taiyao sikinavedi situko sina Yerusalema goi bei ame aumakimakiyana manuna sivatétala Tomoya ina vamoleyanayao be nakae ana totugugunayao adi tomoyamoya taiyao. Nakona idi vatetalayana goi bei silovina.
ACT 15:3 Tauna Tomoya ana totugugunayao Antiyoki goi sivakinaredi ikavava, sina Yerusalema go, sinonoina Poinike ana dadava goi be nakae Samériya ana dadava goi sisiu sivanibiníbita Tomoya ana totugugunayao idi gúguna tamo tamo yaidi goi sivatetelidoko Totuyoyowo manakaedi Yeisu bogina sinumise. Tauna idi vatétala pasina sediyao nuumisaidi liliudi siuyáwana gagaina.
ACT 15:4 E situko sina Yerusalema goi kidi Tomoya ana totugugunayao, ina vamoleyanayao be nakae ana totugugunayao ana tomoyamoya siuyaonedi. Ikavava, Paulo kidi sitalavaita kaga liliuna boi Yaubada nimadi goi iguuinuwedi.
ACT 15:5 Go Parisi maniyedi nuumisaidi idi boda yaidi goi sitáoya, sidigo kadi, ‘Itoboine Totuyoyowo nuumisaidi sakavaidi takupoidi be nakae talovinaedi Yaubada ina Katukeda boi Mosese iivinida sikabikaone.’
ACT 15:6 Tuwo Tomoya ina vamoleyanayao be nakae ana totugugunayao adi tomoyamoya situgúguna bei ame nuwonuwanayana sibobore.
ACT 15:7 E nuwonuwanayana pasina sikaumakimaki gagaina. Ikavava, Pita itáoya, idigo kana, ‘Segowo, komi bogina koyagoi bego kita yaida goi Yaubada bogina ikinavegu bei sopagu goi Totuyoyowo yaidi Vala Dedevina sinove, e sinumise.
ACT 15:8 Yaubada, Tauyana nuwoda bogina iyaagoidi, Totuyoyowo ikamoitamoedi bego kidi ina bodao tutayana Baloma Kimaasabaina ivinidi boi kita nakae ivinida.
ACT 15:9 Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.
ACT 15:10 Tauna kaga unana Yaubada kovakakone? Neta Totuyoyowoyadi idi numisa pasina bogina iuyaonedi go, manakae? Komi latuwomi Yaubada ina Katukeda ana lovina tauyadi sikabikaonedi bego Yaubada iuyaonedi? Iyaa! Lovinayadi moe mou tayamo Tomoya ina tovatotowanayaoyadi yaidi goi bego sikavale go, kita be nakae tubudao geya itoboinedeta mouyana takavale! Neta nakae koguinuwe, Yaubada kovaakakone, bei gamona igoyo.
ACT 15:11 Lovinayadi adi kabikáwana goi ada yava geya tababaneyeta, go sem kita tanumisa bego ida Tomoya Yeisu ina kanuwóiya goi ada yava tababane. Kidi Totuyoyowo tauna nakae; Yeisu ina kanuwoiyayana goi adi yava sibabane.’
ACT 15:12 E boda madabokina situgau, tuwo Banabasi be Paulo sitaiyaakekedi tutayana silumavívita Yaubada manakaena iepaisewedi aba kinana kainaaopaidi siguinuwedi Totuyoyowo yaidi.
ACT 15:13 E tutayana sibóbwara ikavava, Yemesa itáoya, idigo kana, ‘Segowo, konovēgu!
ACT 15:14 Saimoni bogina ilumavívita Yaubada manakaena Totuyoyowo igiminuwonuwonedi bego maniyedi yaidi goi ikinavedi toinina ina bodao.
ACT 15:15 Saimoni ina lumavivitayana Yaubada ina tokabivalavala tayamo ina livala ikamoitamoe bego ame dogoiyana bei isowóduwo. Tauyana Yaubada ina livala itaalavaite, idigo kadi,
ACT 15:16 “‘Niga bei akaluvilamna ama
ACT 15:17 Moe nakae aguinuwe,
ACT 15:18 Ame guinuwayadi boi nimatu go, ima ame tuta tomota bogina siyagoidi.
ACT 15:19 Tauna yau alovina ame nakae: Ava Totuyoyowova neta situgavila go, Yaubada simeko, mou geya tavinidita bego kita Diyuu ida sinapu sikabikaonedi,
ACT 15:20 go sem adi leta tagīni taetūne ina kidi tasanabodedi ame nakae: Awoinu kaasalaidi basaleliu yaidi taabu sikakāika. Aiyuwoina masisi goyogoyoina taabu siguuinūwe. Aitonina yoguyogu ma ikaikaidi taabu sikakāika. Aivasina ikaika taabu sinimnīm. Ame sinapuyadi itoboinedi sitotoidi.
ACT 15:21 Moitamo nakae itoboine. Boi nimatu go, ima ame tuta Yaubada ina Katukeda ana totalavaitayao asa tamo tamo goi sikaaiyaka unana Atukedayana Sabati tamo tamo idi kaba tugúguna goi sikaatuyaivi, e tomota siinovedi.’
ACT 15:22 Tuwo Yemesa ibóbwara ikavava, e kidi Tomoya ina vamoleyanayao be nakae ana totugugunayao madi tomoyamoya liliudi silovina sidigo kadi, ‘Itoboine neta koroto yaida goi takinavedi bei taetunedi Paulo be Banabasi taiyao sina Antiyoki.’ Tuwo koroto adi taiyuwo sikinavedi, korotoyadi yoidi Yudasa, tauyana youyuwoina moe Basabasi, be Sailasi. Korotoyadi tovakumgo Tomoya ina tonumisayao yaidi. Sikinavedi ikavava, Paulo be Banabasi taiyao sietunedi sina Antiyoki.
ACT 15:23 Ego leta tayamo sigini bego Yudasa be nakae Sailasi itoboinedi sinave. Letayana ame nakae kadi, ‘Kai Tomoya ina vamoleyanayao be nakae sedao adi tomoyamoya leta ame kagini kaetune iwo komi semao Totuyoyowo nuumisaimi Antiyoki goi be Siriya goi be nakae Silisiya goi yaimi. Uyama.
ACT 15:24 Livala bogina kanove bego Diyuu nuumisaidi maniyedi yaima goi bogina siwo sivatulukoimi go, idi vatulukwanayana pasina atemi siyova be nakae nuwomi sitúkala. Go geya kaetunedita siwo, go sem moe toinidi idi nuwonúwana goi siwo.
ACT 15:25 Tauna dogoiyana manuna bogina katugúguna. Kai nuwoma tayamo goi kalovina kama, “Itoboine neta koroto maniyedi takinavedi ida kaloyao Banabasi be Paulo taiyao taetunedi sina yaidi.”
ACT 15:26 Kidi Banabasi be Paulo yawoidi bogina sikasaledi ida Tomoya Yeisu Guyau yaina.
ACT 15:27 Nakae kalovina, tauna koroto adi taiyuwo bogina kakinavedi kaetunedi siwo; korotoyadi moe Yudasa be Sailasi. Tauyadi bei silatuwokoimi nakae kaga leta ame goi kagini.
ACT 15:28 Moitamo. Baloma Kimaasabaina kai taiyao ima nuwonúwana bego mou gagaidi geya kavinimita, go sem kanuwonúwana lovina ame to kokabikaonedîmo:
ACT 15:29 Awoinu kaasalaidi basaleliu yaidi taabu kokakâika. Aiyuwoina ikaika taabu konimnîm. Aitonina yoguyogu iwoina ma ikaikaina taabu kokakâika. Aivasina moe masisi goyogoyoina taabu koguuinûwe. Neta sinapu ame nakae kototoidi, e komi imi guinuwa bei dedevina. Ame tauna ima nuwonúwana.’
ACT 15:30 Tauna nakae tauyadi sietunedi sisou sina Antiyoki goi Tomoya ana tonumisayao sikaunokunokudi sima, e letayana sivinidi.
ACT 15:31 E letayana sikabi, sikatuyaivi ikavava, siuyáwana unana letayana atedi ivapatupatudi.
ACT 15:32 E kidi go Yudasa be Sailasi adi taiyuwo nakae Yaubada ina tokabivalavalayao. Tauna tauyadi idi livala maanawena goi tonumisayao atedi sivapatupatudi be nakae sikitogagedi.
ACT 15:33 E adi taiyuwokova sikaaiyaka aaa, kidi sediyao sivaduduwedi kadi, ‘Yaubada ina tuboina yaimi.’ Ikavava, adi taiyuwokova sikaluvilamna sina adi toetunayao yaidi.
ACT 15:35 E kidi go Paulo be Banabasi Antiyoki goi sikaaiyaka, sediyao nuumisaidi badabadaidi taiyao Tomoya Valena sivatulúkwana be nakae sitalavaite.
ACT 15:36 E maliyalina maniyedi mlidi Paulo Banabasi ilatuwoko idigo kana, ‘Takaluvīla tāna asa tamo tamo boi Tomoya valena bogina tataalavaite, e ana tonumisayao tavadadēdi tagitēdi tauyadi idi numisa nakonakae.’
ACT 15:37 E kina go Banabasiyana idigo kana, ‘Dedevina tāna, go latuwogu Iyoni takabi taiyao tana.’ Iyoniyana youyuwoina moe Maki.
ACT 15:38 Go kina Pauloyana ikatae idigo kana, ‘Geya. Tauyana boi Pampíliya goi ikalaveda, e geya ivaitedeta bego ida paisewa talukavave. Tauna tauyana geya takabiyeta, go sem ikaiyaka.’
ACT 15:39 E moeko goi aumakimaki gagaina isowóduwo, tauna adi taiyuwo situmasaba. Tuwo Banabasi itáoya, Maki ikabi, siiwo sina oga sisowoya sikailova sina simla Saipiro.
ACT 15:40 E kina go Pauloyana itáoya, Sailasi ikinave go, kidi sediyao nuumisaidi Antiyoki goi sikasaledi Tomoya yaina bei ikanuwoiyedi idi paisewa manudi.
ACT 15:41 E tuwo adi taiyuwokova sitáoya sina Siriya parovinsi goi be Silisiya parovinsi goi sivanibiníbita Tomoya ana totugugunayao sikitogagedi.
ACT 16:1 E Paulo be Sailasi sina asa Debi tonumisa sivadadedi. Ikavava, sina Lustira goi. Amoko goi tayamo tovatotówana ikaaiyaka, tauyana yoina Timoti. Timotiyana sinana moe Diyuu nuumisaina go, tamana Totuyoyowo.
ACT 16:2 Timotiyana senao nuumisaidi Lustira be Ikoniyam goi sikaaiyaka sikaodedevine.
ACT 16:3 Paulo latuwona ame tauyana ivakitaudi, tuwo ina Timotiyana ilatuwoko, e itagona. Ago Diyuu liliudi ame dadavayadi goi siyagoi tauyana tamana Totuyoyowo, tauna Paulo ina Timoti ikabi sakavaina ikupo.
ACT 16:4 E Paulo ma senao Lustira sikalave go, sina asa tamo tamo goi Totuyoyowo nuumisaidi sivatulukoidi lovinayadi manudi sidigo kadi, ‘Ame lovinayadi kokabikaonēdi.’ Lovinayadi boi Tomoya ina vamoleyanayao be ana totugugunayao adi tomoyamoya Yerusalema goi bogina sitalavaitedi.
ACT 16:5 E tauna Tomoya ana totugugunayao idi numisa sikitogagedi go, maliyalina tamo tamo tonumisa idi boda tuwaina ibaadabada.
ACT 16:6 E Paulo ma senao sina Parugiya be Galetiya adi dadava sisiu asaidi goi siváupa. Tutayana sisowóduwo, bego sina Esiya ana dadava go, Baloma Kimaasabaina isanabodedi.
ACT 16:7 E sima Msiya ana dadava goi sisiu sipoikíkina bego siyava sina Bituniya ana dadava goi sisiu go, Yeisu Balomaina geya itagonedita.
ACT 16:8 E Msiyayana sinaena goi siváupa sisou siiwo sina asa Tarowasi.
ACT 16:9 Ago sabamgo tayamo goi Paulo ikaaiyaka go, nukotona goi ikalayáusa. Ina kalayausayana goi Mesadoniya korotoina igite iitáoya, ikawanoi idigo kana, ‘Kūma Mesadoniya parovinsi goi kuvaitēma!’
ACT 16:10 E tutayana ikalayáusa, mainao kakatubayasi bego kana Mesadoniya unana ina kalayausayana goi bogina kanuwonúwana bego Yaubada iduduwema kana parovinsiyana goi Tomoya valena katalavaite tomota yaidi.
ACT 16:11 E oga tayamo kababane, tuwo kasowoya Tarowasi goi kakailova. Kakailova kalokoina kakalipoi kana simla Samotarisi goi kavaiu. Kavaiu, kasou kana kamasisi. Kamasisi vanuwo itomo, kasowoyamna kakailova kana asa Neyapolisi goi kavaiu.
ACT 16:12 Neyapolisiyana goi kasou kaketoiya kayava kana Pilipai. Pilipaiyana asa vakuumgoina disitiriki tayamo goi Mesadoniya sinaena. Boi da Roma adi tovayaviyayao badabadaidi sigala sina amoko goi sikaaiyaka. E amoko goi maliyalina maniyedi kakaaiyaka.
ACT 16:13 Sabati kana asayana ana kaba siu goi kasowóduwo kana sákala tayamo goi. Kai kanuwonúwana nakona Diyuu idi kaba kawanoi amoko goi ikaaiyaka. E kana sakalayana goi vevina kagitedi bogina siitugúguna, tuwo katusobu kavadigoidi.
ACT 16:14 Tayamo vavina ikaaiyaka; tauyana yoina Lidiya guma Tuwatira. Lidiyayana areko esaesa ana tokaigimona. Tauyana Totuyoyowo go, Yaubada ana totaimámina tayamo. E tauyana ikaaiyaka Paulo ina livala itaaiyakeke. Atena Tomoya ikatupáeve, tauna latuwona Paulo ina livala inumise.
ACT 16:15 Tuwo moitamo inumise. E tauyana mana bodayáuwo kasayoyoidi. Kasayoyoidi ikavava, tauyana ikawanoi makimaki yaima idigo kana, ‘Neta kogitegu go, imi nuwonúwana ida Tomoya anumisedoko, e kōma yau guna vada goi kokaiyāka.’ E itamyabima, tuwo moitamo katagona.
ACT 16:16 E tuta tayamo kanonoina bego Diyuu idi kaba kawanoi goi go, tayamo woiyai paakonina kavalobode. Go pakoninayana dimoni tayamo ikiinagove. Dimoniyana goi itoboine iyagoi kaga nava bei isowóduwo. Guinuwayana pasina ana tomoyamoya esaesa gagaina sibabanedi.
ACT 16:17 E ame tauyana iketoiya Paulo be nakae kai isakurikuuriyema go, tuta liliuna ipodeda idigo kana, ‘Ame korotoyadi basaleliu tokanayatanatoina ina pakonayao. Yava ana kenao tayamo sitaalavaite yaimi.’
ACT 16:18 E moe nakae maliyalina tamo tamo iguuinuwe. E Pauloyana bogina ikawowoteya gagaina. Tuwo itugavila go, dimoniyana ilatuwoko idigo kana, ‘Yeisu Guyau yoina goi alovinaem, tauyana goi kusowōduwo kusīya!’ E amo tutayana goi mainao isowóduwo.
ACT 16:19 E vavinayana ana tomoyamoya sigite bego idi esaesa unana bogina ikavava, tuwo gamodi igoyo. Tuwo sina Paulo be Sailasi siyoisidi, sibiusalesaledi sinavedi moteo goi bei asa ana tolovinao sigitedi.
ACT 16:20 Simedi madisitireti gagaidi matadi goi sidigo kadi, ‘Ame korotoyadi Diyuu go, idi guinuwa pasidi tomota ida kasa simgae.
ACT 16:21 Ituli ta sinapuva sitamatulidi bego tomota sitamyabidi siguinuwedi go, kita Roma ina lovina sinaena goi takaaiyaka, tauna sinapuyadi geya ikonedeta tauyaonedi o takabikaonedi.’
ACT 16:22 Tuwo boda taiyao sitáoya, nakae Paulo be Sailasi siwowokoidi go, kidi madisitiretiyao silovina bego polisi sina Paulo be Sailasi sidabidi. Tuwo moitamo sina tauyadi siyoisidi, e adi kwama sikayaisedi. Ikavava, idi kaipíyama sikabidi, sidabidi.
ACT 16:23 Sidabidi gagaina ikavava, siyoisidi sinavedi deri goi sivatupuwedi sisiu go, deri ana tomatakavata silovinae sidigo kadi, ‘Ame korotoyadi kumatakavatedokōidi.’
ACT 16:24 Lovinayana inove, tuwo tauyadi ikabidi inavedi deri sinaena toina goi ivatupuwedi sisiu. Ago timba gagaidi goi aedi iyowopatukoidi. Ikavava, ikalavedi sikaaiyaka.
ACT 16:25 E bunatoina goi Paulo be Sailasi sikaaiyaka, sikaawanoi be nakae Yaubada ana yapali siveesiyedi go, kidi deri ana tokaiyakoyao sitaiyaakekedi.
ACT 16:26 E geya mgoninamo nikuniku gagaina itátava, tauna deri ana lasaunayao siégana. Tuwo totom liliudi toinidi sikatupáeva be nakae deri ana tokaiyakoyao adi yówana sitaligalígava.
ACT 16:27 E tomatakavatayana iimasisi, ikaliwoisa, itáoya, deri ana totom adi niboda tamo tamo katupaaevaidi igitedi, inuwonúwana kana, ‘Nakona deri ana tokaiyakoyao bogina sisiya.’ Tauna ina sisi ibuyagi bego toinina ikaumate
ACT 16:28 go, Pauloyana niyana gagaina goi iduduwo idigo kana, ‘Taabu kuyogedegedēm! Madabokima amema.’
ACT 16:29 E tomatakavatayana ina topaisewayao ilatuwokoidi idigo kana, ‘Rampa komēdi bei deri imavada!’ Tuwo moitamo nakae siguinuwe go, kina ilokoina isiu ima Paulo be Sailasi matadi goi mana matoita imalitatátava, e aena ivatugúyala.
ACT 16:30 Ikavava, itáoya, ikabidi inavedi moetala goi idigo kana, ‘Guna tomoyamoya, kaga itoboinegu aguinuwe bego guna yava ababane?’
ACT 16:31 ‘Tomoya Yeisu kunumīse, e bei kom mam bodayáuwo iyavemi’, tauyadi kaedi.
ACT 16:32 Tuwo Tomoya valena sivateteli korotoyana mana bodayáuwo liliudi yaidi.
ACT 16:33 Ikavava, moe tutayana ikabidi inavedi bwae goi aipíyama kiyaudi inikidi. Ikavava, Paulo be Sailasi sitáoya, deri ana tomatakavatayana mana bodayáuwo mainao sisayoyoidi.
ACT 16:34 Sisayoyoidi ikavava, tomatakavatayana imedi ina vada goi sisiu go, avadi ivinidi sikáika. Tauyana mana bodayáuwo Yaubada bogina sinumise, tauna siuyáwana gagaina.
ACT 16:35 E vanuwo itomo, kidi madisitireti gagaidiyadi idi polisi sietunedi sina deri goi tomatakavata silatuwoko sidigo kadi, ‘Moe korotoyadi adi taiyuwo kutaligēidi.’
ACT 16:36 E tomatakavatayana isiu ina Paulo ilatuwoko idigo kana, ‘Madisitireti gagaidi vala bogina sietune ima yaigu; latuwodi bego ataligeimi. Tauna ame tuta kosowōduwo mami tuboina kōna.’
ACT 16:37 E kina go Pauloyana idigo kana, ‘Roma ina lovina sinaena goi kai kakaaiyaka, tauna itoboinema bego mainao siekotuyema baige sidabima go, geya siekotuyemeta geya, go sem boda matadi goi sidabibesoima gagaina. Ikavava, deri goi sivatupuwema kasiu. Go manakae? Ame tuta bego sitaligeigauma, e sietunegauma kana ae? Geya toina! Go sem toinidi sīma baige sivakedēma kasowóduwo.’
ACT 16:38 E tomatakavatayana ikaluvila ina polisi ilatuwokoidi Paulo manakaena ibóbwara. Tuwo polisiyadi sina madisitireti gagaidi yaidi goi Paulo ina livala sitalavaitedi. E tutayana vala sinove bego Paulo be Sailasi Roma ina lovina sinaena goi sikaaiyaka, simatoita gagaina.
ACT 16:39 Tuwo moitamo sima Paulo be Sailasi yaidi goi sikawanoi bego idi bágala sinuwotao. Ikavava, sikaiwoduwedi go, sikawanoiyedi bego asa ame sikalave sina.
ACT 16:40 E tuwo deri goi sisowóduwo go, sina Lidiya ina vada goi sisiu. Sisiu, sediyao nuumisaidi sigitedi, tuwo atedi sivapatupatudi. Ikavava, asa Pilipai sikalave.
ACT 17:1 E Paulo ma senao asa sikalave, situliya sina asa Ampipolisi be nakae Apoloniya goi siváupa sina Tesalonáika goi. Amoko goi Diyuu idi kaba tugúguna tayamo ikaaiyaka.
ACT 17:2 Ego Paulo ina sinapu moe asa tamo tamo goi mainao ina Diyuu yaidi ikaugeogéona. E Tesalonáika goi nakae iguinuwe. Sabati aito goi tauyana ina Diyuu idi kaba tugúguna goi isiu Gínina Kimaasabaidi goi ikaugeogéona ame nakae:
ACT 17:3 Gínina Kimasabaidiyadi adi yagoina italigeidi go, Gininayadi goi ikamoitamo bego Yeisu kina Guyau, idigo kana, ‘Guyau itoboine geda ibabane go, ikámasa namliyeta baige tokámasa yaidi goi itaoyamna. Ame Yeisuyana ataalavaite yaimi ina guinuwa nakae, tauna Tauyana moe Guyau.’
ACT 17:4 Tuwo Diyuu maniyedi itamyabidi sinumisa. Aiyuwoina vevina gagaidi badabadaidi be nakae Totuyoyowo badabadaidi, moe Yaubada ana totaimaminayao, sinumisa, e Paulo be Sailasi sisiukoidi.
ACT 17:5 Go kidi Diyuu maniyedi sivakipikipi. Tuwo sina aba maketi goi maniyedi koroto toogoyoidi be nakae suumoyaidi sitaligogoidi sina asa goi tomota sidumwamwainidi, e Paulo be Sailasi pasidi tomota asa simgae. Tuwo sima Yasoni ina vada goi Paulo be Sailasi silusaledi. Vada ana niboda sikauguyali isou, e sisiu bego siyoisidi sikaiwoduwedi sinavedi asa ana tolovinao yaidi kotu manuna
ACT 17:6 go, geya sibabanedita. Tuwo Yasoniyana be nakae senao nuumisaidi maniyedi siyoisidi sinavedi asa ana tolovinao matadi goi siduduwo kadi, ‘Korotoyadi asa liliudi píkwana adi toyomátula, e bogina sima ameko goi nakae siguinuwe.
ACT 17:7 Ago kina Yasoni iuyaonedi! Ame tauyadi madabokidi idi sinapu goi Sisa ina lovina sikapipilavedi. Sidigodigo bego ituli ta tolovina ikaaiyaka, tolovinayana moe Yeisu.’
ACT 17:8 E ame idi livalayadi pasidi boda be nakae asa ana tolovinao sikateyova.
ACT 17:9 Ago silovina bego Yasoni be nakae tonumisayadi sitakona asa ana tolovinayao yaidi Paulo be Sailasi idi guinuwa pasina. Neta Paulo be Sailasi asa sikalave, e tauyadi itoboinedi idi mani sikabimneidi. Tuwo sitakona ikavava, namliyeta kidi tolovina sitagona Yeisu ana tonumisayaoyadi sitaligeidi sikaluvila sina idi kasa.
ACT 17:10 E kidi go Paulo be Sailasi sediyao nuumisaidi mainao silovina sabamgo goi adi taiyuwokova sietunedi sina asa Bereya. Tuwo moitamo nakae siguinuwe. Tuwo sima Bereya goi sisiu sina Diyuu idi kaba tugúguna goi sisiu.
ACT 17:11 Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.
ACT 17:12 Tauna badabadaidi sinumisa. Aiyuwoina Totuyoyowo, koroto gagaidi be nakae vevina gagaidi, badabadaidi sinumisa.
ACT 17:13 E tutayana kidi Diyuu Tesalonáika goi vala sinove bego Paulo ina Bereya goi Yaubada ina livala itaalavaite, sitáoya sina Bereyayana goi tomota sidumwamwainidi bego Paulo be Sailasi sivakaleyedi.
ACT 17:14 E tuwo mainao Paulo senao nuumisaidi sikabi siiwo sina mamaya goi. Ago Sailasi be Timoti Bereya goi sikaaiyaka.
ACT 17:15 E Paulo senaoyadi taiyao sima mamaya goi oga sisowoya sikailova sina asa Ateni goi. Amoko goi Paulo lovina tayamo ivinidi idigo kana, ‘Kōna Sailasi be Timoti kolatuwokōidi woilidi sima.’ Ilatuwokoidi ikavava, senaoyadi ivalavedi go, sikaluvilamna sina idi kasa.
ACT 17:16 E Ateni goi Paulo ikaaiyaka senao Sailasi be Timoti ituuyaosidi. Ituuyaosidi go, asayana goi iiketoiya idi kaba sakululu badabadaaidi iigitedi sikaaiyaka. Tuwo aba sakululuyadi pasidi ina lotówana geya sibabaneyeta.
ACT 17:17 Tuwo ina Diyuu idi kaba tugúguna goi Yeisu Valena manuna ikaugeogéona Diyuuyadi be nakae Totuyoyowo, tauyadi Yaubada ana totaimaminayao, yaidi. Maliyalina tamo tamo avatauwa neta aba maketi goi sikaaiyaka, e yaidi Yeisu Valena manuna ikaugeogéona.
ACT 17:18 E maniyedi tonanamsa nakae aba maketiyana goi sikaaiyaka. Tonanamsayadi moe boda aiyuwo, tayamo yoina Epikuriyo, tayamo yoina Sitoiko. E tonanamsayadi sikaumakimaki Paulo taiyao. Ago Paulo ina bóbwara sinovedi, maniyedi sidigo kadi, ‘Iyaa! Ame tauyana tokautaotáwana tayamo. Kaga latuwona nakona bego idigedi?’ Maniyedi sitainasi; sinuwonúwana bego Yeisu be nakae ina taoyamna moe basaleliu aiyuwo italavaitedi, tauna sidigo kadi, ‘Ana taiyakeka basaleliuyao adi taiyuwo italavaitedi.’
ACT 17:19 Ego kidi da Ateni be nakae ogaoga liliudi amoko goi sikaaiyaka tuta liliuna latuwodi nuwonuwana vau siinovedi be nakae sivateetelidi. Tuwo Pauloyana sikabi sinave idi tugúguna yoina Areopagasi goi. Amoko goi silatuwoko kadi, ‘Kutagona ame vatulukwana vau kutaalavaite, kai kuvatulukoima bei kayagoi? Latuwoma im vatulukwanayana kutaligei bei ana yagoina kayagoi unana im vatulukwanayana ana taiyakeka ituli toina yaima.’
ACT 17:22 E moitamo Paulo itagona, tuwo Areopagasi aba tugúguna goi itáoya nauyayanaidi goi idigo kana, ‘Komi Ateni tomotaimi, bogina agitemi komi imi basaleliuyao adi sakululu goi kopoisógana gagaina.
ACT 17:23 Moe moitamo. Tutayana imi kasa goi aaketoiya, imi kaba sakululu adovaatusidi go, tayamo aba kasala nakae ababane mana gínina idigo kana, “Ame basaleliu tayamo geya tayagoiyeta ina kaba kasala.” Tauna yaubadayana yaina mami tamogemoge kosaakululu, e ame tauyana yau ataalavaite yaimi.
ACT 17:24 Yaubadayana boi nimatu poyapoya be kaga liliuna poyapoyayana sinaena be nakae yatana goi imadagidi. Tauyana yábana be poyapoya adi Tomoya. Tauna geya ikaiyaketa vada kimaasabaina tomota nimadi goi siiyowóidi geya.
ACT 17:25 Yawoida be nakae kaga liliuna Tauyana toinina bogina ivinida, tauna geya tayaamo kaga ikiseyeseye bego kita tomota itoboineda tavini be tavaite.
ACT 17:26 Boi nimatu kantri tamo tamo idi tuta be nakae idi túwana tamo tamo iyatoidi namliyeta baige koroto tayamo goi tomota liliuda imadagida bei poyapoya ana madabokina goi itoboineda takaiyaka
ACT 17:27 go, Tauyana talusale. Ego Tauyana kikida goi ikaaiyaka, tauna neta takamyayai, e nakona kita tamo tamo bei tababane.
ACT 17:28 Moitamo. Tauyana pasina kita maa yawoida, Tauyana pasina kaga liliuna taguuinuwe be nakae Tauyana pasina taakaiyaka. Tauyana moe ada tomadágina, nakae imi totomna tayamo boi bogina idige kana, “Unana kita moitamo Tauyana natunao.”
ACT 17:29 Kita moitamo Tauyana natunao, tauna geya itoboineyeta tanuwonúwana kada, “Yaubada moe goura o siriba o gurewa maisiyana.” Moe nakae geya. Dogoiyadi geya yawoidimo tokwalu nakae go, tokwaluyadi tomota idi kabitam goi be idi nuwonúwana goi simadagidi. Tauna Tauyana geya goura o siriba o gurewa maisiyana geya.
ACT 17:30 E tuwo boi mainao Yaubadayana kotamogemogeye, tuwo imi goyo geya ikatumapudita, go sem ina upa bogina iyato bego da poyapoya mana kivavasa itakinodokoidi. Ago koroto tayamo boi bogina ivayoko ina totakínona. Manakaeda tayagoi bego ame moitamo? Aba kamoitamo iguinuwe tomota liliuda yaida moe korotoyana tokámasa yaidi goi ikaitáoe. Korotoyana ikinave bego tomota liliudi itakinoidi. Tauna ame tuta Yaubada ilovina bego tomota madabokida asa liliudi goi tatugavīla go, Tauyana anetava tanumīse.’
ACT 17:32 E tutayana Paulo ina livala sinove bego korotoyana tokámasa yaidi goi itaoyamna, maniyedi sikaiwotete go, maniyedi sidigo kadi, ‘Latuwoma bego niga tuta tayamo moe dogoiyana manuna kubobwaramna kanovem.’
ACT 17:33 Idi bobwarayana Paulo inove, tuwo bodayadi yaidi goi itáoya isowóduwo.
ACT 17:34 Ego tomota maniyedi Paulo sisiuko be nakae sinumisa Yeisu yaina. Tomotayadi yaidi goi koroto tayamo yoina Diyonusi, tauyana Areopagasi ana tugúguna ana tolovina tayamo. Aiyuwoina vavina tayamo yoina Damarisi go, maniyedi tuwaina nakae sinumisa.
ACT 18:1 Ame dogoiyadi sikavava, Paulo itáoya Ateni ikalave go, ina Korinta goi.
ACT 18:2 Tayamo Diyuu yoina Akuila amoko goi ivalobode. Akuilayana Pontosi korotoina go, monena yoina Pirisikila Itali parovinsi sinaena asa Roma goi silogala. Ago makaitaga Roma sikalave sigalakunu sima Korinta goi sikaaiyaka unana boi Sisa Kiladiyasi ilovina bego Diyuu liliudi Roma sikalave. Sikaaiyaka, e Paulo ina igitedi.
ACT 18:3 Ikaaiyakedi be nakae ipaaisewa tauyadi taiyao unana Akuila be Paulo idi paisewayana tayamo, moe parai ana gíluma.
ACT 18:4 E Pauloyana Sabati tamo tamo inonoina Diyuu idi kaba tugúguna goi Yeisu Valena manuna ikaugeeogéona go, Diyuu be nakae Totuyoyowo, tauyadi Yaubada ana totaimaminayao, itaamyabidi bego sinumisa.
ACT 18:5 E tutayana Sailasi be Timoti Mesadoniya parovinsi goi sisou sima Korinta, tauna Paulo itoboine ina paisewa ikalave go, toinina ikasale Yeisu ana talavaita yaina. Tauyana italavaita makimaki Diyuu yaidi idigo kana, ‘Yeisu kina moitamo Guyau, Yaubada ana Vadámana.’
ACT 18:6 Go Diyuuyadi sitáoya, Paulo sivaakaleye nakae sitaagiwoi. Tuwo tauyana itáoya ana kwama ikatusapisapi ina katae manuna idigo kana, ‘Neta komi kovailai, boma! Moe geya yau guna puwoya geya. Ame tutayana yau bei ana kidi Totuyoyowo yaidi Vala Dedevina atalavaite.’
ACT 18:7 Ibóbwara ikavava, idi kaba tugúguna ikalave go, ibala ina koroto tayamo yoina Taitiyo Yusto ina vada. Tauyana Yaubada ana totaimámina tayamo. Ina vadayana moe Diyuu idi kaba tugúguna kikina. Amoko goi Paulo itoboine ivatulúkwana.
ACT 18:8 E Kirisipo amo aba tugugunayana ana tolovina go, mana bodayáuwo liliudi sinumisa Tomoya yaina. Tuwo da Korinta badabadaidi nakae tutayana valena sinove, sinumise be nakae adi sayóyova sibabane.
ACT 18:9 E Paulo ikaaiyaka go, sabamgo tayamo nukotona goi ikalayáusa. Ina kalayausayana goi Tomoya isowóduwo, tauyana ilatuwoko idigo kana, ‘Paulo, taabu kuumatōita, go sem nava kubobōbwara unana yau guna bodao badabadaidi ame asayana goi sikaaiyaka. Tauna geya vatau tayaamo itoboine iyogedegedem unana yau akaaiyaka yaim. Tauna taabu kuutugāu, go sem nava Vala Dedevina kutaalavāite.’
ACT 18:11 E tuwo tauyana tala tayamo be tukówana ainima tayamo ikaaiyaka Yaubada ina Vala ivaatulúkwana da Korinta yaidi.
ACT 18:12 E Akeya parovinsi ana gávana yoina Galiyo iilovina go, kidi Diyuu nuwodi tayamo goi sitáoya Paulo siyoisi sinave Galiyoyana ina kaba takínona ana kaba tusobu goi
ACT 18:13 sidigo kadi, ‘Ame korotoyana ima ameko tomota itamyabidi sisaakululu Yaubada yaina go, moe sakululuyana geya kada Roma ina lovina nakae geya.’
ACT 18:14 E Paulo bego ibóbwara go, Galiyoyana ilatuwokoidi idigo kana, ‘Komi Diyuu, neta ame korotoyana ibágala o goyo tamo gagaina iguinuwe, bei yaimi goi amesayágana, e niyami anove.
ACT 18:15 Go moe komi bóbwara, you be nakae toinimi imi lovina manudi kokaumakimaki, tauna moe komi toinimi imi polava. Yau geya latuwogu bego moe dogoiyadi manudi atakínona.’
ACT 18:16 Ibóbwara ikavava, aba takínona goi Diyuuyadi ivalilivedi sina.
ACT 18:17 E boda madabokina sitáoya, aba tugugunayana ana tolovina Sositeni siyoisi, aba takínona ana kaba tusobuyana matana goi siláui go, ame guinuwayana manuna Galiyo geya inuwonuwoneta.
ACT 18:18 E kina go Pauloyana maliyalina tuwaina amoko goi ikaaiyaka senao nuumisaidi yaidi. Maliyalinayadi sikavava, senaoyadi ivaduduwedi go, Pirisikila be Akuila taiyao siiwo sina asa Kenakareya. Amoko goi Pauloyana kununa ibobo. Boi tauyana ikatótula Yaubada yaina go, kununa ana bóbwana moe aba kinana ina katotulayana bogina iguinuwe. E siiwo sina Kenakareya goi oga tayamo sibabane, sisowoya. Sisowoya, sikailova silokoina sina Siriya.
ACT 18:19 Sinonoina, sina Epeso goi sisou, Pirisirayana be Akuilayana ikalavedi go, kina iyava ina Diyuu idi kaba tugúguna goi Yeisu Valena manuna ikaugeogéona Diyuuyadi yaidi.
ACT 18:20 Ikavava, e kidi sikawanoi Paulo yaina bego ikaaiyaka yaidi bei tuwaina ivaatulúkwana go, tauyana geya itagoneta,
ACT 18:21 go sem ivaduduwedi idigo kana, ‘Neta Yaubada ina nuwonúwana nakae, e aiyuwoina bei akaluvilamna ama.’ Ibóbwara ikavava, ikaluvilamna ina oga isowoya, Epeso goi ikailova ilokoina ina Sesariya.
ACT 18:22 Sesariya goi ivaiu, isou, ituko ina Yerusalema goi Tomoya ana totugugunayao ivadadedi. Ikavava, isou ina Antiyoki.
ACT 18:23 Giyaina yawoina itowo Tomoya ana tonumisayao taiyao amoko goi ikaaiyaka. Ikavava, asa ikalave go, ina Galetiya ana dadava be nakae Parugiya ana dadava goi ivanibiníbita Yeisu ina tovatotowanayao idi numisa ikitogagedi.
ACT 18:24 E tayamo Diyuu yoina Apolosi, tauyana Alekisandira korotoina go, tauyana tobóbwara tayamo, ana bóbwara maavadaina. Gínina Kimaasabaidi itoboine mana togaga italigeidokoidi. E tauyana ima Epeso goi.
ACT 18:25 Ame tauyana Tomoya ina yava ana kenao ina vatulúkwana bogina inove be nakae ikabi. Tauna mana salau kaga iiyagoi Yeisu manuna moe ivatulukwana dókana. Go Yeisu valena madabokina geya iyagoiyeta, go sem Iyoni ina sayóyova tauna iyagoi.
ACT 18:26 E ame tauyana ivatowo Diyuu idi kaba tugúguna goi mana katepatu ibobwara makimaki Yeisu manuna. Go tuta tayamo kidi Pirisikila be Akuila nakae sikaaiyaka, tauyana ina vatulúkwana sinove, tuwo sikabi sinave aditava sikaiyaka go, Yaubada ina kenao sivatulukodoko.
ACT 18:27 E tauyana latuwona isaidámana ina Akeya parovinsi goi Yeisu Valena italavaite, tuwo senao nuumisaidi atena sivapatupatu go, ana leta sigini sietune ina Yeisu ina tovatotowanayao Akeya goi silatuwokoidi sidigo kadi, ‘Apolosi bei iwo; tauyana kouyaōne.’ Tuwo moitamo tauyana oga isowoya ikailova ina Akeya goi ivaiu, e isou. Isou, ikaaiyaka go, avatauwa neta Yaubada ina kanuwóiya goi siinumisa Apolosiyana ivaitedi gagaina.
ACT 18:28 Moitamo ivaitedi. Mana salau Diyuu tomota matadi goi ikausagugudi ame nakae: Gínina Kimaasabaidi goi ivatulukoidi Yeisu moitamo Guyau, Yaubada ana Vadámana.
ACT 19:1 E tutayana Apolosi Korinta goi ikaaiyaka, Paulo Galetiya ana dadava goi be nakae Parugiya ana dadava goi bogina ivanibiníbita, e isou iiwo ina Epeso goi tovatotowanayao maniyedi ibabanedi.
ACT 19:2 Ibabanedi, ilumadadedi idigo kana, ‘Tutayana konumisa, Baloma Kimaasabaina kobabane gea geya?’ ‘Geya, go sem geya kayagoiyeta nakona Baloma Kimaasabaina bogina ima o geya’, tauyadi kaedi.
ACT 19:3 Kina idigo kana, ‘Neta nakae, avatau yoina goi sisayoyoimi?’ ‘Geya, sayóyova nakae Iyoni ivatulúkwana’, tauyadi kaedi.
ACT 19:4 E Paulo idigo kana, ‘Iyoni ina sayóyova moe tugavila ana sayóyova. Mainao tomota situgavila namliyeta baige Iyoni isayoyoidi. Tauna ina sayóyova moe to tomotayadi idi katubayásina manuna unana tutayana isayoyoidi ilatuwokoidi idigo kana, “Tauyana mligu goi imamaima konumīse.” Ame tauyana idigedige moe Yeisu.’
ACT 19:5 E Paulo ina livalayana sinove, sitagona Tomoya Yeisu yoina goi sisayóyova.
ACT 19:6 Sisayóyova ikavava, Paulo nimana dabadi goi ikailagasidi ikaipakuyedi, e Baloma Kimaasabaina ima isiu tauyadi yaidi goi. Tutayana isiu, sivatowo ta kaníyana ta kaníyana goi sibobóbwara be nakae Yaubada ina livala sikabivalevale.
ACT 19:7 Ego korotoyadi adi badabada moe yawou aiyuwo nakae.
ACT 19:8 E tukówana aito sinaedi goi Paulo ina sinapu ame nakae: Sabati tamo tamo Diyuu idi kaba tugúguna goi isiusiu mana katepatu ibobóbwara go, ina bobwarayana goi Yeisu valena manuna ikaugeogéona be nakae Diyuu itamyabidi bego Yeisu ina guinuwa pasina Yaubada ina kalibúbuna isowóduwo.
ACT 19:9 Ego Diyuu maniyedi sidaabakasa be nakae Vala Dedevina sikatae. Idi sinapu ame nakae: Tomota matadi goi Tomoya ina Kenao sikaogoyoe. Tuwo tutayana nakae siguuinuwe, e Paulo itavileiyedi go, tovatotowanayao ikabidi inavedi Turano ina kaba vatulúkwana goi. Amoko goi maliyalina tamo tamo Yeisu valena manuna ikaugeogéona.
ACT 19:10 E amo nakae ina sinapu tala aiyuwo sinaedi, tauna tomota liliudi Esiya goi sikaaiyaka Tomoya valena sinove, tomotayadi moe Diyuu be nakae Totuyoyowo.
ACT 19:11 Yaubada ina guinuwa toogagaidi Paulo nimana goi iguuinuwedi,
ACT 19:12 tauna tomota sima tauyana ina dabayogigi be ina kaba sekuku neta sakavaina sibiisikone sikabidi sinavedi tokatowanayao goi siyatoidi, e adi katówana goi sitaligeidi! Aiyuwoina dimoni tomota sinaedi goi sisowóduwo sisiya.
ACT 19:13 E Diyuu maniyedi nakae sikaaiyaka, tauyadi dimoni ana tovatapiyayao go, sivanibiníbita asa tamo tamo goi sipooikíkina bego Tomoya Yeisu yoina goi dimoni sivatapiye sidigo kadi, ‘Tauyana Yeisu, kina Paulo itaalavaite, yoina goi kalovinaem kusowōduwo!’
ACT 19:14 E Diyuu adi Tonúwala Gagaina tayamo yoina Skiva go, natunao adi badabada ainima aiyuwo nakae sipooikiki siguinuwe.
ACT 19:15 Go kina dimoniyana idigo kana, ‘Yeisu ayagoi; Paulo ayagoi go, komi vatauwa?’
ACT 19:16 Go korotoyana, kina dimoni ikiinagove, tuwo itáoya, itabuveva korotoyadi itogagasavedi be nakae ivasobusobuyedi, tuwo adi kwama ikayaiseisedi sipawaku. Tauna ma pawakudi be madi vailai vada goi silokoináoduwo sisiya.
ACT 19:17 E vatétala ame da Epeso liliudi, Diyuu be nakae Totuyoyowo, sinove, tauna simatoita gagaina. Tuwo idi matoitayana goi Tomoya Yeisu yoina sikilagasi gagaina.
ACT 19:18 Aiyuwoina ana tonumisayao badabadaidi sima tomota matadi goi idi goyo sikamoitamoedi go, idi méyava sitalavaitedi.
ACT 19:19 E tonumisa badabadaidi boi simeyaméyava idi méyava bukidi simedi tomota matadi goi siigabudi. Bukiyadi sikatuyaividi adi maisa sivakaigaga, nakae siriba ana badabada 50,000.
ACT 19:20 Moe nakae Tomoya valena tuwaina isagayaakodoko go, boda siinumisa valayana myana silotowo.
ACT 19:21 E ame dogoiyadi liliudi bogina sikavava, Baloma Kimaasabaina Paulo nuwona isanayato, e tauyana ilovina bego ina Mesadoniya parovinsi be Akeya parovinsi goi ivanibiníbita namliyeta baige bei ina Yerusalema. Ina nuwonúwana kana, ‘Yau ana Yerusalema ikavava, itoboine ana Roma nakae.’
ACT 19:22 E tuwo Paulo ana tovaitayao adi taiyuwo ietunedi sivakumgo sina Mesadoniya; tovaitayadi moe Timoti be Erasto. Ietunedi go, kina tuta kaakupina tuwaina Esiya ana dadava goi ikaaiyaka.
ACT 19:23 E moe tutayana mou gagaina isowóduwo Yeisu ina Kenao ana tosabokuliyao manudi.
ACT 19:24 Tayamo koroto yoina Demetariyo Epeso goi ikaaiyaka. Tauyana siriba ana tokatanaki. Yaubada polapola yoina Atemisi ina vada kimaasabaina iitapate, tokwalu giyaidi imaadagidi, vadayana maisiyana. Go tomota sigimonedi sinavedi idi kaba sakululu. Tauna Demetariyoyana be nakae siriba ana tokatanakiyao liliudi esaesa gagaina sibaabanedi.
ACT 19:25 Ame tokatanakiyadi be nakae avatauwa neta idi paisewa tauyana nakae, e Demetariyoyana italigogoidi ilatuwokoidi idigo kana, ‘Tawou, komi bogina koyagoi bego ida esaesa unana moe ame paisewayana ae?
ACT 19:26 Komi bogina kogite be nakae vala bogina konove bego ameko Epeso kaka goi geya, go sem nakona Esiya ana madabokina ame Pauloyana ina tamyábina goi boda gagaina bogina ivasulaigidi. Tomota ilatuuwokoidi kana, “Yaubada nimami goi kowoodugudi moe geya basaleliu moitamo geya.”
ACT 19:27 E, neta valayana tomota sikabikaone, e geya tuwaina bei sisaakululu Atemisi yaina go, nakona kita ida paisewa valena bei igoyo. Go ida paisewayana valena kaka geya, go sem aiyuwoina nakona Atemisi ida basaleliu toolagaina ina vada kimaasabaina nakae bei sitagiwoi! Ago bogina koyagoi da Esiya liliudi be nakae tomota liliudi poyapoya ame goi Atemisiyana yaina sisakululu go, tauyana yoina gagaina bei sivasobusobuye.’
ACT 19:28 E valayana sinove, siegamogamogu gagaina, gagaina toina. Tuwo niyadi gagaidi goi sivatowo siiduduwo sidigo kadi, ‘Kita da Epeso ida Atemisi toolagaina!’
ACT 19:29 Aiyuwoina boda nuwodi siwówana sivamgemge owáowana go, madabokidi sitáoya nuwodi tayamo goi sina Paulo ina tovakitaunayao da Mesadoniya yoidi Gaiyo be Aristako siyoisidi sibiusalesaledi sinavedi idi kaba tugúguna goi.
ACT 19:30 E kina go Pauloyana latuwona bego idi kaba tugúguna goi isiu go, Tomoya ina tovatotowanayao geya sitagoneyeta.
ACT 19:31 E kidi go Esiya ina tolovinao nakae. Tauyadi Paulo senao, tauna livala sietune ina Paulo yaina sikawanoi makimaki kadi, ‘Idi kaba tugugunayana goi taabu kusiusīu.’
ACT 19:32 E bodayadi siduduwo besobeso go, idi duduwoyadi ituli ituli. Bogina kuyagoi. Bodayadi nuwodi siwówana be nakae tomota badabadaidi geya siyagoiyeta kaga situgugunae. Tauna siduduwo besobeso go, idi duduwoyadi ituli ituli.
ACT 19:33 Diyuu tayamo yoina Alekisanda ikaaiyaka go, bodayadi maniyedi silatuwoko ibóbwara unana senao Diyuu sibulaoduwe adi tobóbwara. E kina go Alekisandayana nimana ikatulagasi bego tomota situgau; latuwona bego bodayadi matadi goi itasígina
ACT 19:34 go, tauyana sikinane bego kina Diyuu tayamo. E tuwo madabokidi niyadi tayamo gagaina goi tuta maanawena siiduduwo kadi, ‘Kita da Epeso ida Atemisi toolagaina!’
ACT 19:35 E asayana ana tovakumgo tayamo ima bodayadi ilovinaedi idi mge goi situgau. Ikavava, ilatuwokoidi idigo kana, ‘Komi Epeso korotoimi, itoboinemi imi duduwo kototo. Tomota liliudi poyapoya ame goi bogina siyagoi Atemisi toolagaina ae? Ina vada kimaasabaina be nakae ina gurewa, boi yábana goi isou ima, adi tomatakavatayao moe kita da Epeso ae?
ACT 19:36 Tauna ame moitamo ae? Geya vatau tayaamo itoboine ame dogoiyadi ilawoiwoiyedi. Tauna itoboinemi omi inuwa be kotugau. Taabu koguinuwa owāowana.
ACT 19:37 Bogina koyagoi. Ame korotoyadi bogina komedi aba tugúguna ame goi bego kotalavaitedi ida basaleliu ina vada kimaasabaina goi geya tayaamo kaga sivainao be nakae ida basaleliu geya sitagiwoiyeta.
ACT 19:38 E tauna kina Demetariyo be nakae senao siriba ana tokatanakiyao taiyao neta madi kaumakimaki tomota tayamo manuna, e kotu bogina sikatupáeva be nakae ina totakinonayao adi baseko goi bogina sikaaiyaka. Kidi Demetariyo sīna amoko goi tomotayana siekotūye.
ACT 19:39 Go neta tuwaina latuwomi, nakae tomota liliuma matama goi kotalavāita, e kootuyāwata tugúguna toina ana maliyalina goi bei boda liliuma matama goi kanovemi.
ACT 19:40 Ame tuta imi guinuwa pasina Roma adi tolovinayao bei sivayokoida kita idi lovina adi tokapipilova. Unana komi imi tugúguna moe tuguguna besobeso, tauna neta silumadadeda kadi, “Moe imi tugugunayana kaga ana tugúguna?” Bei manakaeda takatumapu? Geya itoboinedeta geya.’
ACT 19:41 Ibóbwara ikavava, tomotayadi ilatuwokoidi sisáwala.
ACT 20:1 E idi mge ikavava, Paulo itáoya Yeisu ina tovatotowanayao iduduwedi sima atedi ivapatupatudi. Ikavava, ivaduduwedi, e Epeso ikalave go, ina Mesadoniya parovinsi goi.
ACT 20:2 E ame parovinsiyana goi ivanibiníbita mana liwola Yeisu ana tonumisayao atedi ivapatupatudi. Ivapatupatudi ikavava, itáoya ina Girisi ana dadava.
ACT 20:3 Tukówana aito ikaaiyaka amoko. Ikavava, bego oga isowoya ina Siriya parovinsi go, livala inove Diyuu Girisi parovinsi goi silosinapuye bego sikaumate. Tuwo inuwonúwana bei ikaluvilamna ina Mesadoniya goi namliyeta ina Siriya. E nakae iguinuwe.
ACT 20:4 Ego koroto maniyedi Paulo sivaakitau. Adi badabada ainima aiyuwo moe Purosi natuna yoina Sopatero guma Bereya, e Tesalonáika korotoidi adi taiyuwo yoidi Aristako be Sekundo, Gaiyo guma Debi be Timoti, e Esiya korotoidi adi taiyuwo yoidi Tukiko be Taropimo.
ACT 20:5 E ame tauyadi oga goi sisowoya sivakumgo sina Tarowasi goi sikaaiyaka situyaaosima.
ACT 20:6 E kai go kaketoiya kana Pilipai goi. Amoko goi Beredi Pokaka Aikanina kakáika. Ikavava, oga kasowoya kakailova maliyalina ainima goi kalokoina kama Tarowasi goi kavaiu, kasou. Kasou, semao kababanedi go, amoko goi maliyalina ana badabada ainima aiyuwo kakaaiyaka.
ACT 20:7 E wiki ana maliyalina vakuumgoina goi bogina katugúguna be aba nuwokavata aikanina kaguinuwe go, Paulo ivaatétala kai taiyao. Ego ina nuwonúwana bego itomo kakailova, tauna ina vatétala ikimamanave ana kadókana bunatoina.
ACT 20:8 Ego vadayana goi kaatugúguna moe vaapopoina aito go, kai vabodaupa tayamo vapópwana aitonina goi kakaaiyaka. Vabodaupayana goi rampa badabadaidi bogina kagabudi sininínima, e aubowoidi pasina matama simasisi.
ACT 20:9 E tayamo tubuwau yoina Yutiko ikaaiyaka, windo goi iitusobu go, matana imasisi gagaina toina. Paulo nava iivatétala tuta maanawena go, kina Yutikoyana imatadududu, imatamasimasisi, tauna windo goi ikapusi vadayana vaapopoina aitonina goi isouye ina poyapoya goi itowo. Tuwo tomota maniyedi sisou sina sigite, tauyana kaamasina.
ACT 20:10 E Paulo isou ina tubuwauyana yatana ikanakabobo. Ikanakabobo, ivayavau go, ilatuwokoima idigo kana, ‘Taabu konuuwotūkala! Tauyana maa yawoina.’
ACT 20:11 E Pauloyana vada imweramna madabokima taiyao, aba nuwokavata aikanina kaguinuwe be nakae abivekoveko aikanina kakáika. Go Paulo iivatétala kai taiyao ana kadókana níyala ituko, e kai katáoya kakalavedi.
ACT 20:12 E tomota atedi sipatu unana tubuwauyana sikabi sinave ina vada goi go, tauyana maa yawoina.
ACT 20:13 E kai go oga goi kasowoya, kakailova kavakumgo kana Asosi goi katuyáwata; bego amoko goi Paulo ima kadodoi. Moe nakae tauyana ina nuwonúwana bego kai oga goi kavakumgo go, kina bei iketoiya ina Asosi.
ACT 20:14 E tutayana tauyana ima Asosi goi ivalobodema, tauyana oga goi kadodoi. Kadodoi ikavava, kakailova kalokoina kana Mitulene goi kavaiu, kavailówana kamasisi.
ACT 20:15 Kamasisi itomo, amoko goi kakailova kalolokoina kana aaa, vanuwo isabamgo. Vanuwo itomo simla Kiyo tuyavakoina goi kavaiu, kavailówana kamasisi. Kamasisi vanuwo itomo, Kiyo kakalave, kakailova kalokoina kana simla Samosi goi kavaiu, kavailówana kamasisi. Kamasisi itomo, kakailova kalokoina kana Mileto goi kavaiu, kasou.
ACT 20:16 Paulo ina nuwonúwana ame nakae: Epeso moe yomana go, geya latuwona tuta maanawena Esiya ana dadava goi kakaiyaka. Tuwo ilovina bego geya kanoita Epeso, go sem kaseivata kana Mileto. Ina nuwonúwana neta itoboine, latuwona bego ivatuwowona ina Yerusalema goi Pentikosi manuna.
ACT 20:17 E tuwo kavaiu Mileto goi, e Pauloyana livala ietune ina Epeso goi Tomoya ana totugugunayao adi tomoyamoya iduduwedi sima.
ACT 20:18 E sima ilatuwokoidi idigo kana, ‘Komi bogina kooyagoi guna sinapu nakonakae boi tutayana akaiyakemi, nakae boi agimisiu Esiya ana dadava goi go, ima ame tuta. Guna sinapuyadi ame nakae:
ACT 20:19 Yau ida Tomoya ina pákwana magu nuwotokai be magu táiya be nakae magu mou akabiikaone. Mouyadi unana kidi Diyuu silosinapuyegu, e mouyadi sivinigu.
ACT 20:20 Geya tayaamo vatulúkwana imi numisa ana dedevina manuna avagagalakoimi. Tomota matadi goi be nakae amitava imi vada tamo tamo goi madabokina atalavaitedi yaimi be nakae avatulukoimi.
ACT 20:21 Komi Diyuu be nakae komi Totuyoyowo yaimi atalavaita kagu, “Kotugavīla go, Yaubada konōko be nakae ida Tomoya Yeisu konumīse.”
ACT 20:22 Go konovēgu. Baloma Kimaasabaina yau nukotogu ikaliyatayatako. Tauna ame tuta ana Yerusalema go, geya ayagoiyeta amoko goi kaga bei ababane,
ACT 20:23 go sem tayamo dogoi tauna ayagoi moe Baloma Kimasabainayana asa tamo tamo goi bogina ikatumataligu bego amoko goi yówana be mamayuyu situuyaosigu.
ACT 20:24 Go tuwo, geya anuwonuwoneta bego yau yawoigu dogoi gagaina, go sem yawoigu atagone bego guna vavalákuna alukavave; vavalakunayana moe guna kawoi ida Tomoya Yeisu bogina ivinigu bego Yaubada ina kanuwóiya Valena Dedevina atalavaite.
ACT 20:25 Ame konōve! Boi komi yaimi goi Yaubada ina kalibúbuna valena atalavaite go, ame tuta bogina ayagoi bego geya tuwaina maisigu bei kogitegite geya.
ACT 20:26 Moe pasina ame maliyalinayana goi akatumátala yaimi bego avatauwa komi neta ami yava geya kobabaneyeta, go sem ámasa kobabane, moe yau geya guna puwoya geya.
ACT 20:27 Bogina koyagoi. Yaubada ina nuwonúwana madabokina atalavaite yaimi go, geya tayaamo kaga avagagalakoimi.
ACT 20:28 Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi sipi nakae komatakavatēdi.
ACT 20:29 Bogina ayagoi bego tutayana bei akalavemi, tovatulúkwana maniyedi bei sima; tauyadi weiniya woliwoli sasasaidi nakae. Sima imi sipiyao sibugoyaidi.
ACT 20:30 Aiyuwoina ayagoi koroto maniyedi yaimi bei sitáoya idi vatulukwana polapola goi Yeisu ina tovatotowanayao sisobaledi bei sivasulaigidi.
ACT 20:31 Tauna koyauyāusa. Konuwāisi boi tala aito goi maliyalina be sabamgo, tuta liliuna ma mataiugu akatusiinapumi.
ACT 20:32 Tuwo ame tuta Yaubada nimana goi ayatoimi be nakae ina kanuwóiya valena ivainuugonemi goi. Valayana goi imi numisa bei itogaga be nakae ami katumapu bei kobabane. Moe tomota liliudi, tauyadi Yaubada bogina ikimasabedi ina bodao, taiyao.
ACT 20:33 Geya tayaamo tuta tomota idi esaesa o adi kwama amatakonanedi geya.
ACT 20:34 Komi bogina koyagoi bego ame toinigu nimagu goi apaisewa bei itoboinegu yau be nakae guna tovakitaunayao avama be konama agimonedi.
ACT 20:35 Guna guinuwa liliudi goi avatulukoimi bego ida tokuma goi itoboineda tonenetayao tavaitedi nakae ida Tomoya Yeisu ina livala tanuwokavatedi unana Tauyana idigo kana, “Ida kaiguyau tomota yaidi goi ada dedevina tababane namliyeta baige tomota idi vininabeso yaida goi.”’
ACT 20:36 Ibóbwara ikavava, taiyao aedi sivatugúyala go, tauyana ikawanoi.
ACT 20:37 E liliudi sivatowo sitáiya gagaina, e tauyana sivayavau be nukotona siiyowoi.
ACT 20:38 Ago sikategeda gagaina unana idigo kana, ‘Geya tuwaina bei maisigu kogitegite geya.’ E tauyana kai taiyao sivakitauma kaiwo kana oga goi sivalavema go, kai kasowoya.
ACT 21:1 E kasowoya, semao kavaduduwedi ikavava, kakailova. Kakailova, kalokoina kakalipoi kana Kosi goi kavaiu kamasisi. Kamasisi itomo, kakailova kalokoina kana Rodo goi kavaiu kamasisi. Kamasisi itomo, kakailova kalokoina kana Pátara goi kavaiu.
ACT 21:2 Kavaiu, kasou ituli ta oga kababane bei ina Poinike dadavina. Tuwo kasowoya kakailova kalokoina.
ACT 21:3 E kaalokoina kanonoina, itoboinema simla Saipiro kagite go, kekelima goi kakalave youya ana dadava goi kalokoina kanonoina Siriya ana dadava. Ago oga goi da Taya konadi sikaaiyaka, tauna kana Tayayana goi kavaiu bei konadiyadi sisivamauidi.
ACT 21:4 E kavaiu kasou kana Yeisu ina tovatotowanayao kalusaledi. Kalusaledi, kababanedi, tuwo maliyalina ana badabada ainima aiyuwo goi kakaiyakedi. Ego tauyadi Baloma Kimaasabaina nukotodi isanayatoidi kaga bei isowóduwo Paulo yaina, tauna silaatuwoko kadi, ‘Paulo, taabu kunonōina Yerusalema.’
ACT 21:5 E tutayana maliyalina ainima aiyuwo sikavava, katáoya kanonoina go, tonumisayao liliudi ma monediyao be ma natudiyao sivakitauma kaiwo kana aolao goi. Amoko goi aema kavatugúyala go, kakawanoi Yaubada yaina.
ACT 21:6 Kakawanoi ikavava, kavaduduwedi. Ikavava ogayana goi kasowoya kalokoina kana Patolemai manuna.
ACT 21:7 E kai Taya goi bogina kama Patolemai goi kavaiu, kasou kayava kana semao nuumisaidi yaidi kakauyagu. Ikavava, maliyalina tayamo yaidi goi kakaiyaka.
ACT 21:8 E vanuwo itomo ogayana goi kasowoyamna kakailova kana Sesariya kavaiu. Kavaiu, kasou kayava kana Pilipo ina vada goi tauyana taiyao kakaiyaka. Pilipoyana Vala Dedevina ana totalavaita tayamo adi tainima aiyuwo yaidi boi sikinave bego kobuyayao sivaitedi.
ACT 21:9 Ego Pilipo ma natunao wowoiyai adi taivasi. Tauyadi Yaubada ina tokabivalavalayao; tuta liliuna ina nuwonúwana sitaalavaite.
ACT 21:10 E Pilipoyana taiyao nava tabu maliyalina maniyedi kakaiyaka go, tayamo tokabivalavala yoina Agabo Yudiya goi isou ima.
ACT 21:11 Ago tauyana ima kai goi Paulo ana gadíwana ikabi, toinina aena be nimana iyowóidi. Ikavava, idigo kana, ‘Baloma Kimaasabaina idigo kana, “Yerusalema goi kidi Diyuu bei toni gadíwana ame siyoisi, ame nakae siyowo go, Totuyoyowo nimadi goi siyato.”’
ACT 21:12 E tutayana ina livala kanove, kai be nakae toni kasa kakawanoi makimaki Pauloyana yaina bego geya itukoita ina Yerusalema.
ACT 21:13 Tuwo Paulo ikatumapuma idigo kana, ‘Yau moitamo bogina taagonaigu bego Yerusalema goi siyowóigu go, geya kada yówana kaka geya, go sem yau bogina taagonaigu bei sikaumategu ida Tomoya Yeisu yoina pasina! Go moe kaga koguuinuwe? Imi táiya pasina nuwogu kogiemou. Tauna táiya tuwo.’
ACT 21:14 E kai geya itoboinemeta tauyana katamyabi bego geya inoita Yerusalema, tauna ima tamyábina kayato go, kadigo kama, ‘Bei ida Tomoya ina nuwonúwana isowóduwo.’
ACT 21:15 E ima tuta Sesariya goi ikavava, kakatubayasi. Kakatubayasi ikavava, katuko kanonoina Yerusalema manuna.
ACT 21:16 E kanonoina go, Yeisu ina tovatotowanayao maniyedi Sesariya goi sima sivakitauma sinavema koroto tayamo ina vada goi. Korotoyana yoina Nasoni guma Saipiro. Tauyana togimivatotówana tayamo. Tauyana ina vada goi bei kakaiyaka.
ACT 21:17 E kama Yerusalema goi semao nuumisaidi sigitema, siuyaonema gagaina.
ACT 21:18 E itomo Paulo kai taiyao kana Yemesa kagite. Ago Tomoya ana tomoyamoya liliudi nakae bogina sikaaiyaka.
ACT 21:19 E Paulo isiu ikauyagu tauyadi yaidi goi go, ivatowo ivatétala kaga liliuna ina paisewa goi Yaubada iguinuwedi Totuyoyowo yaidi.
ACT 21:20 E livalayana sinove, Yaubada ina togaga ana káeyana sikamoitamoe go, Paulo silatuwoko kadi, ‘Siyama, bogina kugite aivina tausani Diyuu yaidi goi bogina sinumisa. Ago amo tauyadi nava madi salau Yaubada ina Katukeda sikabikaaonedoko.
ACT 21:21 E valem bogina sinove bego woi Diyuu madabokidi Totuyoyowo yaidi goi sikaaiyaka kom kuvatulukoidi itoboinedi Yaubada ina Katukeda boi Mosese ivinivini sikapipilave. Aiyuwoina kadi, “Paulo idigodigo bego Diyuu natudiyao sakavaidi taabu siikupōidi be nakae ida sinapu taabu sisabookulīye.”
ACT 21:22 Tauna bei manakaeda? Nakona vala bei sinove kom bogina kuma, tauna itoboineda tamo dogoi taguinuwe, e bei siyagoi ame talavaitayana moe talavaita polapola.
ACT 21:23 Tauna kom ame nakae kuguinūwe: Koroto adi taivasi yaima goi boi bogina sikatótula Yaubada yaina.
ACT 21:24 Ame korotoyadi adi taivasi kwabīdi kunavēdi Vada Kimaasabaina goi kosīu taiyao kokimasabēmi Yaubada yaina. Korotoyadi idi vininabeso yoguyogu maisadi kuemaisīdi bei itoboinedi toinidi kunudi siteúidi nakae atotulayana ana lovina, e bei tomota liliudi siyagoi talavaitayana bogina sinove moe talavaita polapola. Tauna bei siyagoi Yaubada ina Katukeda geya kwapipilaveyeta, go sem kom moitamo nakae Atukedayana goi kuketooiya dókana be nakae kukabiikaone.
ACT 21:25 E moe nakae kuguinūwe go, Totuyoyowoyadi bogina sinumisa, manudi nava ima nuwonúwana tauna nakae boi bogina kalovina bego itoboinedi awoinu kaasalaidi basaleliu yaidi taabu sikakāika. Aiyuwoina ikaika taabu sinimnīm. Aitonina yoguyogu iwoina ma ikaikaina taabu sikakāika. Aivasina masisi goyogoyoina taabu siguuinūwe. Tauna adi leta bogina kagini, kalatuwokoidi nakae.’
ACT 21:26 Tuwo moitamo Paulo itagona. Vanuwo itomo itáoya, ina korotoyadi ikabidi taiyao sina adi kimasaba Yaubada yaina sivatowo. Bogina sivatowo go, tauyana ina Vada Kimaasabaina ina kali goi isiu italavaita ava tuta adi kimavadayana bei silukavave baige itoboinedi idi vininabeso yoguyogu sikasaledi Yaubada yaina. Adi kimavadayana moe maliyalina ainima aiyuwo goi siguuinuwe.
ACT 21:27 E tutayana maliyalinayadi giyakainava bei sikavava, Paulo Vada Kimaasabaina ina kali sinaena goi ikaaiyaka go, Diyuu maniyedi Esiya parovinsi goi sima nakae sikaaiyaka, e Pauloyana sigite. E tutayana Vada Kimaasabaina ina kali sinaena goi Paulo sigite, gamodi sigoyo, tauna sina boda liliudi sidumwamwainidi bego sina tauyana siyoisi go,
ACT 21:28 siduduwo sidigo kadi, ‘Komi Isileli tubunao, ame korotoyana tomota liliudi asa liliudi goi ivatulukoidi bego kita ida bodao, Yaubada ina Katukeda be nakae ida Vada Kimaasabaina sikataedi! Gwa kogīte! Totuyoyowo ida Vada Kimaasabaina ina kali goi isiuyedi, tauna ikibaibaili! Kōma kovaitēma tayoisi!’
ACT 21:29 Sinuwonúwana Paulo Totuyoyowo isiuyedi unana boi Totuyoyowo tayamo yoina Taropimo guma Epeso Yerusalema goi sigite Pauloyana taiyao. Tuwo sitainasi; sinuwonúwana bego Paulo ikabi ime Vada Kimaasabaina ina kali goi isiuye. Tauna gamodi igoyo.
ACT 21:30 Tomota liliudi sinove, gamodi sigoyo, tauna silokoina sina Paulo siyoisi, sibiusalesale sinave Vada Kimasabainayana ina kali goi sibulaoduwe. Ikavava, mainao totom sikatunibode.
ACT 21:31 Niga bodayadi sipooikiki bego Paulo sikaumate go, livala tayamo ina Roma idi tokatuwonaiyao adi tokalikumatana yaina bego Yerusalema goi boda liliudi sivapodepodeda.
ACT 21:32 Vala inove, mainao ina tovayaviyayao madi tovakumgoyao ikabidi, silokoina sisou sina bodayadi goi. E kidi go bodayadi sigite tokalikumatanayana mana tokatuwonaiyao simamaima, tuwo Paulo ana lauwoyana siyato.
ACT 21:33 Tuta amo goi tokalikumatana ima Paulo iyoisi go, ilovina bego ina tokatuwoinaiyao sima seni aiyuwo sikabidi Pauloyana siyowo. Siyowo ikavava, tomota ilumadadedi kana, ‘Tauyana avatau? Ava goyo iguinuwe?’
ACT 21:34 E bodayadi yaidi goi tomota maniyedi niyadi gagaidi goi idi nuwonúwana sitalavaitedi go, tomota maniyedi ituli ta nuwonúwana sitalavaitedi. E tokalikumatanayana geya itoboineyeta iyagoi nako livala moitamo tomota idi vapodepodeda pasina, tauna ilovina bego ina tovayaviyayao sima Paulo sikabi bego simwerae tovayaviyayao idi vada goi sisiuye, e bei amoko goi itoboinedi Pauloyana silumadadedoko.
ACT 21:35 E sime aitámana unana goi tovayaviyayadi sitáoya, Pauloyana sikabi sikavale unana bodayadi sigéona gagaina bego tauyana siyoisi.
ACT 21:36 Bogina koyagoi. Bodayadi boda gagaina sisabokuuliyedi, siiduduwo kadi, ‘Tauyana kokaumate!’
ACT 21:37 Bego Paulo sisiuye tovayaviyayao idi vada goi go, Pauloyana tokalikumatana ilatuwoko idigo kana, ‘Siyagu e!’ ‘Manakae?’ Tokalikumatanayana kaena. E Paulo idigo kana, ‘Manakae? Kutagonegu tayamo dogoi alatuwokoim?’ ‘Kom kukanagiriki ae?
ACT 21:38 Tauna kom tauyam guma Itipita geya ae? Boi tauyana ima lovina ikapipilave go, koroto ana badabada 4,000 yoidi Tokaumata ikabidi ivakededi sina yoyowo goi. Tauna moe kom geya ae?’ Tokalikumatanayana kaena.
ACT 21:39 E kina Pauloyana idigo kana, ‘Moe yau geya, go sem yau Diyuu tayamo guma Tasosi; moe Silisiya parovinsi sinaena. Asayana moe maa valena. E akawanoi makimaki yaim bego kutagonegu go, boda alatuwokoidi.’
ACT 21:40 ‘Dedevina’, tokalikumatanayana kaena. E kina Pauloyana aitámana goi itáoya, nimana ikaukeda tomota yaidi bego situgau. E situgau toina. Ikavava, ikanaiberiu ilatuwokoidi idigo kana,
ACT 22:1 ‘Tamagowo be nakae segowo, konovēgu bei imi wowókana alawoiwoiye.’
ACT 22:2 Ego Paulo niyana sinove ikanaaiberiu, tauna situgau toina be sitaiyakekedoko. Tauyana idigo kana,
ACT 22:3 ‘Yau Diyuu guma Tasosi, moe Silisiya parovinsi sinaena. Ego ame asayana goi sivabibinigu go, Gameliyeli ivatulukoigu bego Yaubada ina Katukeda boi tubudao ivinidi, e ana kabikáwana akibobosidoko. Ago magu salau akasalegu Yaubada yaina nakae komi imi sinapu ame tuta.
ACT 22:4 Moe pasina Yeisu ina Kenao ana tosabokuliyao avakaleyedi, nakae maniyedi guna lovina goi sikaumatedi. Guna vakaleyayana goi koroto be nakae vevina, ayoisidi be ayowóidi go, deri goi avaisiudi.
ACT 22:5 Tonúwala Toolagaina be nakae tomoyamoya madabokidi itoboinedi ame guna sinapuyana sikamoitamoe. Tauyadi leta siginidi, sedao Diyuu Damasiko goi adi leta, e sivinigu moe guna tagona ana Kenaoyana ana tosabokuliyao amoko goi ayoisidi. Tuwo letayadi akabidi ikavava, ana Damasiko bego tosabokuliyadi ayoisidi nimadi ayowóidi amedi ameko Yerusalema goi, e bei adi liuna sibabane.
ACT 22:6 E anonoina, dine nakae Damasiko bogina avakakana go, mavada gagaina yábana goi isou itapasigigu.
ACT 22:7 Itapasigigu go, akapusi asou poyapoya goi níyana tayamo anove ilatuwokoigu idigo kana, “Saulo, Saulo, kaga unana kuvakaaleyegu? Moe tuwo kuyāto!”
ACT 22:8 “Tomoya, kom avatau?” Yau kaegu. Tauyana idigo kana, “Yau Yeisu guma Nasareta kuvakaaleyegu.”
ACT 22:9 E kidi go guna tovakitaunayao mavadayana moitamo sigite go, Tauyana ivaadigoigu niyana geya siyagoiyeta.
ACT 22:10 E yau adigo kagu, “Guna Tomoya, kaga bei aguinuwe?” “Kutāoya, kūna Damasiko goi kusīu. Amoko goi tomota tamo bei ilatuwokoim kaga liliuna bogina akawoim bei kuguinuwedi”, Tomoyayana kaena.
ACT 22:11 E mavadayana ina tomoéyala gagaina pasina geya itoboineguta bei agita, tauna guna tovakitaunayao nimagu siyoisidi sivakedegu, e kana Damasiko.
ACT 22:12 E tayamo koroto Damasiko goi ikaaiyaka yoina Ananiyasi. Tauyana koroto kaasalaina Yaubada yaina, nakae Yaubada ina Katukeda ikabiikaone. Aiyuwoina Diyuu liliudi amoko goi sikaaiyaka sikaodeedevine.
ACT 22:13 E kama Damasiko goi go, ame korotoyana ima kikigu goi itáoya ilatuwokoigu idigo kana, “Siyagu Saulo, kugitāmna!” Mainao matagu bogina sidedevina, itoboinegu tauyana agite.
ACT 22:14 Tauyana kana, “Tubudao idi Yaubada bogina ikinavem bei ina nuwonúwana kuyagoi, Tokibóbwata kugite be nakae ina livala kunove.
ACT 22:15 Moitamo. Kom bei Tokibobwatayana ana totalavaita; e kaga liliuna bogina kuugitedi be nakae bogina kuunovedi bei kutalavaitedi tomota liliudi yaidi.
ACT 22:16 Tuwo ame tuta kaga kutuuyaosi? Kutāoya, Tauyana yaina goi kududūwo go, kutagōna tomota sisayoyoim be nakae im goyo goi inikim.” Tuwo nakae aguinuwe.
ACT 22:17 E akaluvila ana Yerusalema goi. Tuta tayamo akaaiyaka Vada Kimaasabaina sinaena goi akaawanoi go, nukotogu goi akalayáusa.
ACT 22:18 Guna kalayausayana goi Tauyana agite ilatuwokoigu idigo kana, “Da Yerusalema im talavaita yau manugu bei geya sikabikaoneyeta, tauna kutāoya woilīm Yerusalema kwalāve.”
ACT 22:19 “Go Tomoya, kidi bogina siyagoigu bego boi yau guna lovina goi guna topaisewayao sina Diyuu idi kaba tugugunayao badabadaidi goi im tonumisayao siyoisidi, deri goi sivaisiudi go, sidabidi.
ACT 22:20 Aiyuwoina siyagoi bego tutayana im totalavaita Stiveni ikaikaina idaudau, yau nakae akaiyaka aatáoya ana tokaumatayao idi guinuwa akamoitamoe be nakae adi tanigo arugwausidi. Tauna neta ameko goi akaaiyaka, nakona bei nukotodi siwówana unana yau guna sinapu akaigavile, e bei sikabikaonegu”, yau kaegu.
ACT 22:21 Go Tauyana idigo kana, “Yau avamoleyem kuna aduwanau Totuyoyowo yaidi, tauna, to kūna.”’
ACT 22:22 E boda sitaaiyakeke ana kadókana ina livala Totuyoyowo manudi sinovedi. Tuwo gamodi sigoyo niyadi gagaina goi sidigo kadi, ‘Ame korotoyana kokaumate! Geya itoboineyeta maa yawoina ikaaiyaka.’
ACT 22:23 Ago bodayadi gamodi sigoyo toina, tauna siipodeda, adi tanigo siilavedi be nakae kaukau silavelave go,
ACT 22:24 tokalikumatana ina tovayaviyayao ilovinaedi idigo kana, ‘Ida vada goi kovaisīu. Tauyana kodābi ana kadókana italavaita dókana, e bei tayagoi kaga pasina amo bodayadi madi egamogamogu siiduduwo bego ame tauyana takaumate.’ Tuwo moitamo Paulo sikabi, sikavale idi vada goi sivaisiu.
ACT 22:25 E tovayaviyayao búyala sikabi sime Paulo nimana siyowóidi. Ikavava, bego sidabi go, tovayaviya adi tovakumgo tayamo Paulo kikina iitáoya, tuwo kina Paulo ilatuwoko idigo kana, ‘Roma ina lovina sinaena goi akaaiyaka. E yau nava geya guna kotumo go, manakae? Roma ina lovina itagona bego kodabigu gea geya?’
ACT 22:26 E tovayaviya adi tovakumgoyana inove, tuwo ina ina tokalikumatana yaina italavaita idigo kana, ‘Ame kaga bego kuguinuwe? Amo korotoyana Roma ina lovina sinaena goi ikaaiyaka!’
ACT 22:27 E tokalikumatanayana ibala ina Paulo ilumadade idigo kana, ‘Kulatuwokōigu, moitamo Roma ina lovina sinaena goi kwaaiyaka gea geya?’ ‘U’, Pauloyana kaena.
ACT 22:28 Go kina tokalikumatanayana idigo kana, ‘Yau mani gagaina goi aemáisa, e Roma ina lovina sinaena goi akaaiyaka.’ ‘Go yau guna bíbina goi go, ima ame tuta Roma ina lovina goi akaaiyaka’, Pauloyana kaena.
ACT 22:29 Tauna tovayaviyayadi bego Paulo sidabi go, ina livala sinove, tuwo mainao madi matoita sibisilovamo. E kina go tokalikumatanayana nakae imatoita unana bogina iyagoi bego Paulo Roma ina lovina sinaena goi ikaaiyaka go, aiyuwoina iyagoi bego Pauloyana nimana bogina iyowóidi!
ACT 22:30 E vanuwo itomo, tokalikumatana latuwona iyagoi ava goyo kidi Diyuu sinuwonúwana Paulo iguinuwe. Tuwo Tonúwala Gagaidi be nakae Diyuu idi kotu madabokina ilovinaedi sima situgúguna. Ago ina tovayaviyayao ilovinaedi sina Paulo sitaligei go, sikabi sime tauyadi matadi goi sivatáoe. Tuwo moitamo sina Pauloyana sikabi sime.
ACT 23:1 E Paulo itáoya, kotu ana tolovinao ipotekavateedokoidi go, idigo kana, ‘Segowo, yau nuwogu geya isabutukoeta; nakae yawoigu madabokiina goi aaketoiya nakae Yaubada latuwona.’
ACT 23:2 E kina go Tonúwala Toolagaina Ananiyasi gamona igoyo, tuwo tauyadi siitáoya Paulo kikina ilovinaedi kana, ‘Paulo sopana kosāpi.’ Tuwo moitamo nakae sisapi.
ACT 23:3 Tuwo Paulo idigo kana, ‘Kom topola! Yaubada moitamo bei isapim! Manakae? Moeko goi kuutusobu bego Yaubada ina Katukeda goi kutakinoigu go, yau geya guna kotumo go, kulovina bego yau sisapigu ae? Moe nakae Atukedayana kukapiipilave!’
ACT 23:4 E kidi go tauyadi Paulo kikina siitáoya sidigo kadi, ‘Iyaa! Manakae? Bego Yaubada ina Tonúwala Toolagaina kutagiwoi?’
ACT 23:5 Ago kina Pauloyana idigo kana, ‘Segowo, geya ayagoiyeta bego tauyana Tonúwala Toolagaina. Neta ayagoi, e geya abobwareta geya. Moitamo. Gínina Kimaasabaina goi Yaubada idigo kana, “Imi tolovinao taabu kotagiiwoīdi.”’
ACT 23:6 E Paulo igite toekotuyao moe boda aiyuwo, tayamo moe Sadusi, aiyuwoina moe Parisi. Tauna kotu sinaena iduduwo idigo kana, ‘Segowo, yau Parisi tayamo. Tamagu nakae Parisi. Kai Parisi kalotuta tokámasa adi taoyamna manuna. Moe pasina tauna kotu ame ababane.’
ACT 23:7 E Parisi be Sadusi Paulo ina bóbwara sinove, silivisi unana aumakimaki taoyamna manuna isowóduwo yaidi goi.
ACT 23:8 Bogina kuyagoi. Kidi Sadusiyadi sidigodigo bego tokámasa geya sitaoyamneta, nakae anerose be baloma geya sikaiyaketa go, kidi Parisi ame dogoiyadi aito sikamoitamoedi.
ACT 23:9 E bodayadi aiyuwo sipodeda gagaina go, Yaubada ina Katukeda ana tovatulukwanayao sikaaiyaka, tauyadi Parisi. Maniyedi sitáoya sikaugeogéona sidigo kadi, ‘Ame korotoyana goi geya tayaamo goyo kagitebabane. Nakona moitamo baloma tayamo o anerose tayamo iivadigo.’
ACT 23:10 E bodayadi madi egamogamogu sikaumakimaki, tuwo tokalikumatanayana imatoita bego Paulo siyoisi sikiupeupe. Tauna ina tovayaviyayao iduduwedi sisou sina boda nauyayanaidi goi Pauloyana sineboidi, sikavale sime idi vada goi sisiuye.
ACT 23:11 E vanuwo itomo go, sabamgo Paulo ikaaiyaka, Tomoya isowóduwo tauyana kikina goi iitáoya idigo kana, ‘Kwatepātu! Nakonakae Yerusalema goi bogina kutalavaitegu, e nakae Roma goi itoboine bei kutalavaitegu!’
ACT 23:12 E vanuwo itomo, Diyuu maniyedi situgúguna silosinapu bego Paulo sikaumate go, toinidi sikanatamada be nakae sikatótula kadi, ‘Taabu takakāika be nakae taabu tanimnīm ana kadókana Paulo takaumate. Neta nakae geya taguinuweyeta, Yaubada itoboine bei ikaumateda.’
ACT 23:13 Ego tolosinapuyadi adi badabada moe 40, e tuwaina.
ACT 23:14 Ame tauyadi sitáoya sina Tonúwala Gagaidi be nakae adi tomoyamoya silatuwokoidi sidigo kadi, ‘Kai bogina kakanatamada be nakae kakatótula bego geya tayaamo kaga bei kakani o kanim ana kadókana Paulo kakaumate. Ago neta nakae geya kaguinuweyeta, Yaubada itoboine ikaumatema.
ACT 23:15 Tauna ame tuta komi be nakae kotu ana tolovinao kōna tovayaviyayao adi tokalikumatana kolatuwōko Paulo ikabi ive komi yaimi goi go, tauyana kokatubau kami, “Latuwoma bego Paulo ina bágala kalusaledoko.” E kai sem bei bogina kakatubayasi, e bei enao goi iwowoiwo kakaumate.’
ACT 23:16 E nakae silosinapu go, Paulo doiyana ikaaiyaka, idi losinapuyana bogina inove, tuwo ina tovayaviyayadi idi vada goi isiu idi losinapuyana italavaite Paulo yaina.
ACT 23:17 E Paulo doiyanayana ina talavaita inove, tovayaviya adi tovakumgo tayamo iduduwe ima ilatuwoko idigo kana, ‘Ame tubuwauyana kunāve tokalikumatana yaina; latuwona bóbwara tayamo ilatuwoko.’
ACT 23:18 Tauna nakae tubuwauyana ikabi inave tokalikumatana yaina goi idigo kana, ‘Deri ana tokaiyaka Paulo iduduwegu ana ikawanoi yaigu kana, “Ame tubuwauyana kunāve tokalikumatana yaina; latuwona bóbwara tayamo ilatuwoko.”’
ACT 23:19 E tokalikumatanayana nimana iyosale tubuwau nimana iyoisi go, sibala sina masigava goi bego aditava itoboinedi sibóbwara. Sibala sina, ilumadade idigo kana, ‘Kaga latuwom bego kulatuwokoigu?’
ACT 23:20 E tubuwauyana idigo kana, ‘Kidi Diyuu madabokidi bogina sitagona kówasa bei sikawanoi yaim bego itomo aiyuwoina Paulo kukabi kunave Diyuu idi kotu manuna go, idi pola moe sidigodigo bego latuwodi tauyana ina bágala silusaledoko.
ACT 23:21 Tauna kom taabu kuunovēdi. Moitamo. Diyuuyadi koroto adi badabada 40, e tuwaina bogina silosinapu bego Paulo situyaosigau, bei ima, siláui. Tauyadi bogina sikanatamada bei sikatótula geya sikakáika be nakae geya sinimnim ana kadókana tauyana sikaumate. Go ame tuta bogina sikatubayasi go, im tagona situuyaosi.’
ACT 23:22 Tauna tokalikumatanayana idigo kana, ‘Kom kūna go, kaga liliuna bogina kulatuwokoigu geya vatau tayaamo kulaatuwōko.’ Tuwo tubuwauyana ina
ACT 23:23 go, tokalikumatana ina tovakumgoyao adi taiyuwo iduduwedi sima ilatuwokoidi idigo kana, ‘Kōna guna tovayaviyayao adi badabada 200 be guna tovayaviyayao madi osi adi badabada 70 be nakae guna tovayaviyayao madi gita adi badabada 200 kokatubayasidi bei itoboinedi ame sabamgokunu goi sina Sesariya.
ACT 23:24 Aiyuwoina Paulo ana osiyao kokabīdi bego isowoya, e itoboinemi mana dedevina konave gávana Pilikisi yaina.’
ACT 23:25 Ago leta tayamo igini ame nakae idigo kana,
ACT 23:26 ‘Gávana Pilikisi, Yau Kiladiyasi Lusiya leta ame agini iwo kom toolagaim yaim. E uyagu.
ACT 23:27 Moe korotoyana ameko goi Diyuu siyoisi. Giyakainava bego sikaumate go, yau magu tovayaviyayao kana tauyana Diyuu nimadi goi ayave unana livala anove bego tauyana Roma ina lovina sinaena goi ikaaiyaka.
ACT 23:28 Aiyuwoina latuwogu ayagoi ava goyo tauyana iguinuwe bego kidi Diyuu siwowoko yaigu. Tauna tauyana akabi asouye anave idi kotu goi bego ina goyo sitalavaitedi anovedi.
ACT 23:29 Tauyana manuna ame ababane: Diyuu idi wowókana moe aumakimaki idi lovina manudi. Go geya tayaamo goyo sitalavaite anove bei ame tauyana itoboine ikámasa o deri goi ikaiyaka geya.
ACT 23:30 E tomota tayamo ima ilatuwokoigu Diyuu silosinapu bego tauyana sikaumate, tuwo mainao ame korotoyana aetune iwo yaim bego ina kotu kuguinuwe. Aiyuwoina ana towowokanayao alovinaedi siwo matam goi korotoyana ina goyo sitalavaitedi kunovedi. Ame tauna.’
ACT 23:31 E tauna nakae kidi go tovayaviyayadi adi tokalikumatana ina lovina sikabikaone, sitáoya sikatubayasi. Sikatubayasi ikavava, sina Paulo sikabi, e sabamgo ana madabokina siketoiya sinonoina asa Antipate.
ACT 23:32 E vanuwo itomo sisowóduwo Antipateyana goi. Ago tovayaviyayadi aedi goi siiketoiya sikaluvila sina idi vada Yerusalema goi go, kidi tovayaviyayadi madi osi aditava Paulo sinave Sesariya goi.
ACT 23:33 Sima Sesariya goi sisiu sina gávana ana leta sivini. Sivini go, nimana goi Pauloyana siyato.
ACT 23:34 E gávana ana letayana ikabi, ikatuyaivi. Ikatuyaivi ikavava, Paulo ilumadade idigo kana, ‘Kom nako korotoim?’ ‘Yau Silisiya korotoigu’, Paulo kaena.
ACT 23:35 Gavanayana idigo kana, ‘Tutayana am towowokanayao nakae bogina sima ameko, e am kotu bei anove.’ Ikavava, ina tovayaviyayao ilatuwokoidi kana, ‘Paulo kokābi konāve Erodi ina vada esaaesaina goi kovaisīu komatakavatedoko.’ Tuwo moitamo nakae siguinuwe.
ACT 24:1 E maliyalina ainima bogina sikavava, kidi Tonúwala Toolagaina, Ananiyasi, Diyuu idi tomoyamoya maniyedi be nakae adi tobóbwara yoina Tetulo Yerusalema goi sisou siiwo sima Sesariya goi, e Tetuloyana bei gávana matana goi Diyuu idi wowókana Paulo manuna italavaitedi.
ACT 24:2 E bogina sima, gávana livala ietune ina bego Paulo ima. Tuwo tauyana ima go, kina Tetuloyana Paulo iwowoko idigo kana, ‘Toolagaim Pilikisi, kom pasim tuta maanawena tuboina bogina kababane be nakae kaga liliuna im nanamsa goi bogina kuguinuwedi, e aba lovina ame ana dedevina manuna, tauna im guinuwa liliuna goi be nakae asa liliudi goi mama kauyagu gagaina im lovina kauyaone.
ACT 24:4 E geya itoboineguta bego tuta maanawena ayoisim go, akawanoi makimaki yaim bego mam mesayágana tuta kaakupina goi ima nuwonúwana kunovedoko.
ACT 24:5 Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.
ACT 24:6 Aiyuwoina tauyana woi ipoikíkina bego Vada Kimaasabaina nakae ikibaibaili! Moe nakae kagite, tauna tauyana kayoisi. Neta toinim kudovatusi, bei ina goyo kubabanedi nakae bogina kawowoko. Moe pasina tauna latuwogu ima wowókana kunovedoko.’
ACT 24:9 E kidi Diyuu nakae Tetuloyana taiyao Paulo sikaugugusi. Kaga liliuna Tetuloyana italavaaitedi kidi sikamoitaamoedi.
ACT 24:10 Ago gavanayana ikaukede bego Paulo ibóbwara. Tuwo Paulo itáoya, Tetulo ina bóbwara ikatumapu idigo kana, ‘Gávana, ayagoi tala maanawena goi kom kai Diyuu ama totakínona, tauna maagu uyáwana kom matam goi aatáoya kidi idi wowókana yau yaigu bei alawoiwoiyedi.
ACT 24:11 Guna uyáwana unana kom itoboinem tomota kulumadadedi bei kuyagoi bego kaga ame bei alatuwokoim moe mooitamoina. Diyuu geya tayaamo goyo sigitegu aguinuwe unana geya tayaamo tuta Vada Kimaasabaina goi o idi kaba tugugunayao goi o asa sinaena goi akaumakimaki Diyuu taiyao o livisi aguinuwe Diyuu yaidi goi. Geya itoboineguta dogoiyadi aguinuwedi unana maliyalina ana badabada yawou aiyuwo kaka mlida, atuko ana Yerusalema goi bego asakululu Yaubada yaina, tauna moe tuta kaakupina bego dogoiyadi aguinuwedi.
ACT 24:13 E dogoiyadi manudi ame tuta siwoowokoigu geya itoboinedita idi kiyakiyaya sikaiwoduwedi bei kugitedi kuyagoi moitamo abágala.
ACT 24:14 E ame akamoitamoe yaim bego yau Yeisu ina Kenao ana tosabokuli tayamo. Kenaoyana ana tosabokuliyao kidi Diyuu sivayoudi taviileidi unana idi nuwonúwana goi Kenaoyana moe bágala. Kenaoyana goi yau ataimámina tubumao idi Yaubada yaina. Kaga liliuna Yaubada ina Katukeda Mosese ivini be nakae kaga liliuna Yaubada ana tokabivalavala boi siiginidi anuumisedi.
ACT 24:15 Aiyuwoina dogoi tayamo alootutae, e ame korotoyadi nakae silootutae. Dogoiyana moe Yaubada bei tokámasa ikaitaoedi, tokibóbwata be nakae tokapipilova.
ACT 24:16 Moe pasina tuta liliuna yau nakae apoisógana bego Yaubada matana goi be nakae tomota liliudi matadi goi nuwogu geya isabutukoeta.
ACT 24:17 E tala maanawena akaaiyaka ta kasa ta kasa goi go, talayadi sikavava, ama Yerusalema goi bego mani akaiguyauye tokai guna bodao Diyuu yaidi goi be nakae guna vininabeso akasale Yaubada yaina.
ACT 24:18 Moe nakae Vada Kimaasabaina ina kali sinaena goi aguuinuwe go, sibabanegu. Go tutayana sibabanegu, yau bogina akimasabegu Yaubada yaina goi; boda taiyao geya, mge gagaina geya, go sem yau aguta sibabanegu.
ACT 24:19 E Diyuu maniyedi Esiya goi sima sivamgemge go, tauyadi itoboine ame tuta sikaaiyaka ameko. Neta madi wowókana yau yaigu, itoboinedi kom matam goi sitáoya yau guna goyo sitalavaitedi bei kunovedi.
ACT 24:20 Go kidi geya simaita, tauna ame korotoyadi kutagonēdi toinidi sitalavaita ava bágala yaigu sibabane boi Diyuu idi kotu goi atáoya.
ACT 24:21 Geya tayaamo goyo itoboinedi sitalavaite, go sem dogoi tayamo toito itoboinedi sitalavaite. Moe boi aatáoya yaidi goi bóbwara tayamo moitamo aduduwo kagu, “Tokámasa adi taoyamna manuna, tauna guna kotu ame tuta matami goi.”’
ACT 24:22 E kina go Pilikisiyana Yeisu ina Kenao ana sinapu bogina iyagoidoko go, tuwo geya itakinoidita, go sem Paulo ana kotu ana tuta iupavile. Ivalilivedimo idigo kana, ‘Tutayana tovayaviya adi tokalikumatana Lusiya Yerusalema goi isou ima, baige ami kotu bei alovinae.’
ACT 24:23 Ago tovayaviya adi tovakumgo tayamo ilatuwuko idigo kana, ‘Paulo komatakavatedoko go, tauyana taagonaina vada sinaena. Neta senao latuwodi siwo sivaite, taabu kosanaabodēdi.’
ACT 24:24 E maliyalina maniyedi sikavava, Pilikisi ma monena Darusila, tauyana Diyuu, sima, e livala sietune ina bei Paulo ima. Tuwo ima go, numisa Guyau Yeisu yaina goi ivateteli sinove.
ACT 24:25 E tutayana Paulo ivatétala kibóbwata, tomota toinidi idi kabikúnuwo be nakae Yaubada ina takínona ana tuta ina sowóduwo manudi, Pilikisiyana bogina imatoita, tauna idigo kana, ‘Ame tuta kom kūna. Ava tuta itoboinegu, bei aduduwemneim kuma kuvatetalamna.’
ACT 24:26 Go tauyana latuwona Paulo mani ivini bego italigei. Moe pasina tuta liliuna Paulo iiduduwe inonoina bei taiyao sibobóbwara.
ACT 24:27 E nakae nakae siguuinuwe tala aiyuwo. E Pilikisiyana latuwona Diyuu ivauyaonedi, tauna Paulo ikalave deri goi ikaaiyaka. E tala aiyuwoyadi sikavava, Pilikisiyana isou go, ana katumapu itáoya. Ana katumapuyana yoina Posiyo Pesto.
ACT 25:1 E tuwo Pestoyana ima Sesariya moe Yudiya parovinsi goi bego ina lovina ivatowo go, maliyalina ana badabada aito sikavava, ituko ina Yerusalema.
ACT 25:2 Ago Paulo ina kaiyaka deri pasina, tauna kidi Tonúwala Gagaidi be nakae koroto gagaidi Diyuu yaidi goi sima Pestoyana yaina, e Paulo ina goyo sitalavaitedi. Ago sikaugeogéona Pestoyana yaina
ACT 25:3 nakae sikawanoi makimaki kadi, ‘Neta kukanuwoiyema ame nakae: Kulovina bego Paulo sietune ima Yerusalema goi kotu manuna.’ Moe latuwodi unana Diyuuyadi bogina silosinapu bego enao goi sitamumu, Pauloyana situyaosi, e bei ava tuta tovayaviya simememe, bei siyoisi sikaumate.
ACT 25:4 E tuwo Pestoyana idigo kana, ‘Sesariya goi Paulo simataakavate. Yau giyakainava bei asou ana amoko,
ACT 25:5 tauna ava koroto gagaimi yaimi neta latuwomi, e kōma taiyao tasōu tāna Sesariya. Neta tauyana moitamo goyo iguinuwe, amoko goi ina goyoyana kotalavāite.’
ACT 25:6 E tauyana Diyuu yaidi goi ikaaiyaka nakae maliyalina ana badabada ainima aito o yawou, taudi. Ikavava, tauyadi taiyao sisou sina Sesariya goi simasisi. Simasisi vanuwo itomo Pestoyana itáoya ina aba takínona ana kaba tusobu goi itusobu go, livala ietune ina bego Paulo sime.
ACT 25:7 E tuwo tutayana sime, kidi Diyuu Yerusalema goi sima tauyana sitaoyakobu go, idi wowókana madabokina moumoudi sitalavaitedi. Go idi wowokanayadi geya adi kiyakiyayamo.
ACT 25:8 Tuwo kina Paulo idi wowokanayadi ilawoiwoiyedi idigo kana, ‘Moe nakae geya. Geya tayaamo kai Diyuu ima lovina Yaubada ina Katukeda goi o Vada Kimaasabaina ina lovina o Sisa ina lovina akapipilave geya.’
ACT 25:9 E kina go Pestoyana latuwona Diyuu ikanuwoiyedi, tuwo Pauloyana ilatuwoko idigo kana, ‘Paulo manakae? Kutagona bego tatuko tana Yerusalema goi bei maeko goi im kotu yau aguinuwe, gea tuwo?’
ACT 25:10 Go kina Pauloyana idigo kana, ‘Moe nakae geya! Yau ame Sisa ina kaba takínona goi bogina aatáoya! Ameko goi itoboinegu guna takínona ababane unana yau Roma ina lovina sinaena goi akaaiyaka. Aiyuwoina geya tayaamo goyo aguinuwe Diyuuyadi yaidi goi! Moe kom nakae bogina kuyagoidoko.
ACT 25:11 Neta moitamo goyo tayamo aguinuwe go, goyoyana pasina itoboinegu akámasa, e dedevina, ámasa geya asiyaeyeta. Ago idi bobwarayadi siwoowokoigu geya aguinuwedita, tauna geya vatau tayaamo itoboine Diyuuyadi nimadi goi iyatoigu. Tauna akawanoi bego yau ana Roma goi guna kotu Sisa inove!’
ACT 25:12 Tuta amo goi kina Pestoyana ina tonanamsayao taiyao sibóbwara. Ikavava, idigo kana, ‘Bogina kukawanoi bego Sisa am kotu iguinuwe, tauna bei kuna Sisa yaina am kotu manuna.’
ACT 25:13 E maliyalina maniyedi sikavava, Tolovina Agiripa ma niuna Benise sima Sesariya goi bego gávana vau Pesto siuyaone.
ACT 25:14 E nava tabu sikaaiyaka go, Pestoyana ina Agiripa ilatuwoko Paulo ana kotu manuna idigo kana, ‘Tayamo koroto deri ana tokaiyaka boi kina Pilikisi nava iilovina deri goi ikalave.
ACT 25:15 E tutayana Yerusalema goi akaaiyaka go, kidi Tonúwala Gagaidi be Diyuu idi tomoyamoya sima tauyana ina goyo sitalavaitedi. Go sikawanoi bego tauyana ámasa ibabane.
ACT 25:16 Go yau adigo kagu, “Kai Roma ima sinapu goi toyogala geya katagoneyeta ámasa goi bego boda kavauyaonedi. Geya katagoneyeta ámasa goi ana kadókana tauyana ana towowokanayao taiyao sivaloboda be toyogala itoboine idi wowókana ilawoiwoiyedi.”
ACT 25:17 Tauna Diyuuyadi taiyao kama Sesariya go, geya akaimumuneta, go sem vanuwo itomo ama aba takínona ana kaba tusobu goi atusobu. Ikavava, guna tovayaviyayao alovinaedi sina korotoyana sikabi sime.
ACT 25:18 Sikabi sime go, tutayana ana towowokanayao sitáoya ina goyo sitalavaitedi, anuwonúwana bego idi wowókana goi goyo gagaidi bei sitalavaitedi go, niga geya.
ACT 25:19 E kidi Paulo taiyao sikaumakimaki go, idi kaumakimakiyana moe toinidi idi tapwaroro ana lovina manudi be nakae koroto tayamo yoina Yeisu manuna. Korotoyana ikámasa go, Paulo igéona bego tauyana maa yawoina.
ACT 25:20 E yau geya ayagoiyeta manakaegu idi wowokanayadi bei adovatusidi bego ayagoidi. Tauna tauyana alumadade adigo kagu, “Manakae? Kutagona bego kutuko kuna Yerusalema goi am kotu manuna, gea tuwo?”
ACT 25:21 Ago Paulo ikawanoi bego kamatakavate ana kadókana tokanayatanatoina Sisa itoboine ilovina. E tutayana ikawanoi, yau alovina bego ameko simatakavate ana kadókana itoboinegu aetune ina Sisa yaina.’
ACT 25:22 E kina go Agiripayana idigo kana, ‘Yau nakae latuwogu korotoyana toinigu anove.’ Pesto idigo kana, ‘Dedevina, moitamo itomo bei tauyana kunove.’
ACT 25:23 E tauna vanuwo itomo, Agiripa be Benise madi pasapasa naamalidi be madi gágasa sima aba tugúguna goi sisiu tovayaviya adi tokalikumatanayao be asa ina korotoyao gagaidi taiyao. Sisiu ikavava, Pesto ilovina bego Paulo sikabi sime.
ACT 25:24 Tuwo moitamo sina sikabi sime. Tutayana bogina sime, Pesto idigo kana, ‘Tolovina Agiripa be nakae komi koroto gagaimi kokaaiyaka kai taiyao, ame korotoyana kogīte. Tauyana manuna Diyuu liliudi Yerusalema goi be nakae ameko Sesariya goi sima sikawanoi yau yaigu be nakae niyadi gagaidi goi siduduwo kadi, “Tauyana geya itoboineyeta maa yawoina ikaaiyaka!”
ACT 25:25 Go yau geya tayaamo goyo ababane iguinuwe bego ámasa itoboine. E tauyana toinina ikawanoi bego ina tokanayatanatoina goi kotu manuna. Tauna nakae yau alovina bego aetune ina.
ACT 25:26 Moe dedevina kwalave go, manakaegu bei tauyana ina goyo ida tomoya ana leta goi atalavaite? Geya tayaamo kaga itoboinegu agini. Moe pasina tauna tauyana akabi ame matami goi bego kodovatusiye go, latuwogu toina kom Tolovina Agiripa matam goi itáoya bei kudovatusi, e bei tutayana imi dovatusiyana ikavava, imi vaita goi itoboinegu ayagoi manakaegu ida tomoya ana letayana agini.
ACT 25:27 Bogina koyagoi. Neta tomota yoowonina aetune ina Sisa goi go, ana wowókana geya aetuneyeta, Sisayana manakaena bei ana wowokanayana iyagoi? Anuwonúwana moe yaluwo.’
ACT 26:1 E kina go Agiripa itugavila Paulo ilatuwoko idigo kana, ‘Kom mam tagona bei toinim manum Diyuu idi wowókana kulawoiwoiyedi.’ Tuwo Paulo itáoya nimana iyosale be ikatulagasi, e idi wowokanayadi ilawoiwoiyedi idigo kana,
ACT 26:2 ‘Tolovina Agiripa, kom matam goi ame bei Diyuu idi wowókana liliudi alawoiwoiyedi. Tauna anuwonúwana guna dedevina bogina ababane
ACT 26:3 unana kom tonanamsa toina kita Diyuu ida sinapu be nakae ida kaumakimaki manudi. Tauna akawanoi makimaki yaim bego mam mesayágana go, kunovēgu.
ACT 26:4 E tauna Diyuu madabokidi bogina siyagoigu bego guna tuta gómana yawoigu ima ame tuta yawoigu nakae. Moe yawoiguyana ana kaba vatowo goi guna bodao yaidi akaaiyaka go, niga Yerusalema goi akaaiyaka.
ACT 26:5 Tala maanawena bogina siyagoigu. Tauna neta Diyuuyadi sitagona, itoboinedi sitalavaitegu bego yau Parisi tayamo. Diyuu ida tapwaroro goi Parisi Yaubada ina Katukeda sikiboboosidoko. E yau boi nakae.
ACT 26:6 Go ame tuta kom matam goi aatáoya Diyuu siekotuyegu unana alotuta bego kaga Yaubada boi ikaatotule tokámasa adi taoyamna manuna tubudao yaidi goi, bei iguinuwe.
ACT 26:7 Atotulayana manuna ada dala yawou aiyuwo maliyalina be sabamgo goi Yaubada yaina sitaimámina go, siilotuta bego sibabane. Ame lotutayana manuna Diyuu siwowokoigu, guna Tolovina.
ACT 26:8 Komi Diyuu manakae imi nuwonúwana bego Yaubada geya itoboineyeta tokámasa ikaitaoedi?
ACT 26:9 E moitamo yau Parisi tayamo, tauna anumisa bego nava Yaubada bei tokámasa ikaitaoedi go, tuwo boi mainao anuwonúwana Yeisu guma Nasareta manuna geya itoboineyeta. Tuwo yau toinigu anuwonúwana itoboinegu magu salau apoikiki Yeisu guma Nasareta ana tosabokuliyao avakaleyedi.
ACT 26:10 Tuwo moitamo moe nakae Yerusalema goi aguinuwe. Tonúwala Gagaidi agu lovina sivinigu, ana Yaubada ina kimasabayao badabadaidi ayoisidi amedi deri goi avaisiudi sikaaiyaka go, tutayana tauyadi sikaumatedi, e guinuwayana yau akamoitamoe.
ACT 26:11 Tuta liliuna yau ana idi kaba tugúguna tamo tamo goi tauyadi ayoisidi aliunedi. Tutayana aliunedi, apoikíkina akaugeogeonedi bego Yeisu sitagiwoi. Ago guna egamogamogu yaidi goi ivakaigaga toina, tauna avatapiyedi ana ituli ta kasa be ta kasa goi avakaleyedi.
ACT 26:12 Nakae aguuinuwe go, tuta tayamo Tonúwala Gagaidi sitagonegu be nakae agu lovina sivinigu. Tuwo yau ana Damasiko goi bego Yeisu ina tosabokuliyao ayoisidi.
ACT 26:13 Guna tolovina, anonoina, bogina dine go, mavada tayamo yábana goi agite. Mavadayana gagaina, nakae níyala ana nínima ikalisave. E mavadayana isou ima yau be nakae guna tovakitaunayao itapasigima.
ACT 26:14 Itapasigima go, kakapusi kasou poyapoya goi, e níyana tayamo ikanaiberiu ilatuwokoigu anove idigo kana, “Saulo, Saulo, kaga unana kuvakaleyegu? Moe tuwo kuyāto! Ana kaigigita neta guna nuwonúwana kwapipilave, toinim im síkwana kulaini.”
ACT 26:15 “Tomoya, kom avatau?” kaegu. “Yau Yeisu kom kuvakaaleyegu.
ACT 26:16 Go moe nakae geya tuwaina kuguinūwe, go sem ame tuta to kutaoyāmo. Bogina asowóduwo yaim ame manuna: Avayokoim yau guna tovaita nakae yau guna totalavaita. Kaga bogina kuugitedi kutalavaitedi go, tuwaina kaga nava bei akaiwoduwedi yaim kutalavaitedi.
ACT 26:17 Bei aetunem kuna im bodao Diyuu be nakae Totuyoyowo yaidi kutalavaitegu go, boda aiyuwokova nimadi goi bei ayavem.
ACT 26:18 Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.
ACT 26:19 Tauna guna tolovina Agiripa, Tomoyayana niyana yábana goi ima nakae ilatuwokoigu geya akapipilaveyeta,
ACT 26:20 go sem ana Damasiko goi agimitalavaita namliyeta ana da Yerusalema yaidi atalavaita. Niga Diyuu Yudiya madabokina goi be nakae Totuyoyowo yaidi goi ataalavaita. Ago guna talavaitayana goi alatuwokoidi adigo kagu, “Kotugavīla go, Yaubada komēko. Ago guinuwa dedevidi koguinuwēdi. Guinuwayadi moe imi tugavila ana kaba kinana.”
ACT 26:21 Ame dogoiyadi pasidi kidi Diyuu sima Vada Kimaasabaina goi siyoisigu. Ikavava, sipooikíkina bego sikaumategu.
ACT 26:22 Tauna amo tutayana go, ima ame tuta vaita Yaubada goi ababane. Moe pasina ame tuta aatáoya ataalavaita tomota liliumi yaimi, toosobumi be nakae toolagaimi. Go geya tayaamo livala vau atalavaite geya, go sem kaga nakae boi Yaubada ina tokabivalavalayao be nakae Mosese boi nimatu sitaalavaite bei isowóduwo, e yau nakae ataalavaite.
ACT 26:23 Ame nuwonuwonayadi aba kaumakimaki: Neta kina Guyau itoboine bei mamayuyu ibabane be ikámasa. Aiyuwoina neta Tauyana itoboine tokámasa yaidi goi igimitaoyamna go, ina taoyamnayana goi mavada valena bei italavaite Diyuu yaidi be nakae Totuyoyowo yaidi.’
ACT 26:24 E Paulo ana wowókana nava ilawoiwooiyedi go, kina Pesto niyana gagaina goi idigo kana, ‘Paulo, kom kuyaluwo! Sikuru isaki pasina kuyaluwo!’
ACT 26:25 E kina go Pauloyana kana, ‘Toolagaim Pesto, yau geya ayaluwoita geya, go sem livalayadi atalavaaitedi moe livala moitaamoidi; yau ma nukotogu atalavaaitedi.
ACT 26:26 Tolovina Agiripa itoboine ikamoitamoegu. Tauyana nakae magu katepatu aavadigo; ame dogoiyadi bogina iyagoidi. Ayagoidoko dogoiyadi geya itamogemogeyedita. Geya itoboineyeta itamogemogeyedi. Tomota liliudi matadi goi sisowóduwo!
ACT 26:27 Tolovina Agiripa, kom kunumisa bego Yaubada ina tokabivalavalayao sitalavaita Guyauyana manuna ae? Ayagoi kom kunumisedi.’
ACT 26:28 ‘Paulo, manakae? Kom bego bóbwara kaakupina goi kutamyabigu bego amalakeristiyani’, kina Agiripayana kaena.
ACT 26:29 E kina go Pauloyana idigo kana, ‘Yau guna kawanoi Yaubada yaina bego bóbwara kaakupina goi o bóbwara maanawena goi kom kunumisa. Ago kom amta geya, go sem bego komi madabokimi ame tuta kotaiyaakekegu konumisa yau nakae go, latuwogu yówana ame nakae geya kobabanedita.’
ACT 26:30 Tuwo tolovinayana ma niuna Benise be gávana be nakae tokaiyakoyao liliudi sitáoya sisowóduwo
ACT 26:31 go, toinidi sibobóbwara sidigo kadi, ‘Amo korotoyana geya tayaamo goyo iguinuwe bei ámasa o deri itoboine ibabane.’
ACT 26:32 E kina go Agiripayana idigo kana, ‘Pesto, amo korotoyana neta geya ikawanoita bego ina Sisa goi, e itoboine ana talígava ibabane.’
ACT 27:1 E gávana Pesto ilovina kakailova kana Itali. Tuwo ina tovayaviyayao ilovinaedi sina Paulo be nakae maniyedi yoowonidi sikaaiyaka, sikabidi sinavedi ina tovayaviyayao andedi adi tovakumgo tayamo nimana goi siyatoidi. Tovakumgoyana yoina Yuliyo go, tauyana tovayaviya boda tayamo goi ikaaiyaka, bodayana yoina Tokanayatanatoina ina kaiyóita.
ACT 27:2 E oga tayamo ikaaiyaka moe da Adaramteno idi oga. Ogayana bei ikailova ina asa tamo tamo Esiya ana dadava goi. Tuwo ogayana goi kasowoya go, Aristako taiyao. Tauyana Mesadoniya korotoina guma Tesalonáika. E tuwo kakailova kalokoina. E sabamgo ana madabokina goi kaalokoina.
ACT 27:3 E vanuwo itomo kama Saidoni goi kavaiu. Kavaiu, kina Yuliyo Paulo ikubunuwe, tuwo itagone isou ina senao nuumisaidi yaidi bei simatakavate.
ACT 27:4 Niga go Paulo ikaluvilamna ima oga goi isowoyamna go, amoko goi kakailova kalokoina. Kaalokoina go, yágira koiboga itowo matama goi ima, tauna kavakanaiwo kana simla Saipiro nugonina goi kasayava kalokoina papana.
ACT 27:5 Saipiro kakalave osasa goi kalokoina dámana kayovasi Silisiya parovinsi goi be Pampíliya parovinsi goi kalokoina papana. Kalokoina papana kama Lukiya ana dadava asa Mira goi kavaiu.
ACT 27:6 Amoko goi kasou go, tovakumgoyana ilusala ava oga nakona bei ina Itali. Iilusala, tayamo ibabane, ogayana da Alekisandira idi oga. Tuwo tauyana ima ilatuwokoima idigo kana, ‘Komi kōna ogayana goi kosowōya.’ Tuwo moitamo kasowoya. Ikavava, aiyuwoina kakailova kalokoina.
ACT 27:7 E maliyalina badabadaidi goi manukaima kaalokoina go, kakúyuwo bego asa Kinido goi kavakakana. Kavakakana go, yágira koiboga matama goi ivabodema. Tauna kaváeo kana simla Kiriti bomatu dadavina goi kalokoina papana. E kama asa Salamone goi
ACT 27:8 go, kakúyuwo bego Salamoneyana goi kalokoina papana. Ego asayana kakalave kaseivata kalokoina vayavayali kama asa Laseya kakalave kaseivata. Kaseivata kalokoinabala kama asa kamoiuna tayamo. Kamoiunayana yoina Aba Vailówana Dedevina.
ACT 27:9 E ima kúyuwo goi ima tuta gagaina bogina kakavavaluge. Nakae Diyuu idi Diyakímwana ana tuta bogina ikavava. Tauna tupa moe aba vailai. Tuwo Paulo ikatumatalidi
ACT 27:10 idigo kana, ‘Tawou, kélava ame bogina agite neta ame asayana takalave go, takailova, e ida tupa bei igoyo toina. Kónana be nakae ida oga bei sitagau go, aiyuwoina maniyeda bei tavailai. Tauna, yau guna nuwonúwana bego taabu taakailōva.’
ACT 27:11 Go kina oga ana kapiteni be nakae toni oga idi nuwonúwana ituli. Kidi latuwodi kakailova. Tuwo tovakumgoyana silumakikine bego itagona go, kakailova. Tauna tovakumgoyana Paulo ina livala geya inoveyeta.
ACT 27:12 E aba vailowanayana goi kakaaiyaka geya idedevineta neta kelavagoyo ana tuta goi. Tauna boda silovina kakailova. Tuwo kakailova go, kidi sinuwonúwana neta itoboinema kana asa Poinikisi goi kelavagoyo ana tuta kakaiyaka, moe bei dedevina. Unana Poinikisiyana aba vailówana dedevina Kiriti goi, nakae koibogayouya be kótala ikaonakoidi.
ACT 27:13 E yágira youya giyaina itowo, tuwo gelugelu sinuwonúwana kadi, ‘E ame bogina ida yágira itowo. Takailōva tāna Poinike.’ Tuwo vailówana sibiu kakailova. Kakailova kalokoina, Kiriti goi kalokoina vayavayali.
ACT 27:14 Kalokoina vayavayali iii, e tuta giyaina asa goi ulibomatu gagaina ikalisou ima.
ACT 27:15 E ulibomatuyana isou ima oga ikauive. Tauna tokabikúnuwo geya itoboinedita siyovasiye. Tuwo sipoikiki geya, e nukotodi sitopa. Tauna yágira ivadauseseliyamoima.
ACT 27:16 E simla tayamo giyaina yoina Kauda nugonina goi kalokoina papana. Kaalokoina, itoboinema oga ina dingi kakitototo go, imoumou.
ACT 27:17 Gelugelu sikitototo ikavava, sibiu ima oga goi sikailagasi. Ikavava, oga ana yowoyówana sikabi, ogayana sikopaiwoli. Ego simatoita bego Suratisi tepanina goi oga bei itomava. Tauna naya gagaina isobu, e yágira ivadauseseliyamoima.
ACT 27:18 E aivaya gagaidi, oga ikaugavigavile. Ikaugavigavile, tuwo vanuwo itomo, gelugelu sitáoya oga ana kaidoda maniyedi sivatowo sisavedi.
ACT 27:19 Maliyalina aitonina goi ogayana ugeugena maniyedi toinidi nimadi goi sisavedi.
ACT 27:20 E maliyalina badabadaidi goi níyala geya kagiteyeta be nakae sabamgo utuna geya sisowoduwoita. Bou ivakaigaga toina. Tauna nukotoma sitopa ama yava manuna.
ACT 27:21 Bogina tuta maanawena geya kakaiketa. Tuwo Paulo itáoya ilatuwokoima idigo kana, ‘Tawou, neta guna nuwonúwana boi mainao konove! Neta geya takailoveta go, neta Kiriti goi takaiyaka, e nakae ame mouyadi geya tababanedita be nakae geya tayaamo kaga itagau.
ACT 27:22 Go ame tuta alatuwokoimi kokatepātu! Oga kaka ame bei itagau go, komi yaimi goi geya kada tayaamo tomota bei ivailai geya.
ACT 27:23 Yau Yaubada ina kitom be nakae yaina asaakululu, e ina anerose nuwobuna ietune ima yau matagu goi itáoya
ACT 27:24 ilatuwokoigu idigo kana, “Paulo, taabu kuumatōita! Itoboine kom Sisa matana goi kutáoya. Go kunōve! Yaubada bogina itagona bego kom be nakae oga ana tosowoyayao liliudi taiyao bei iyavemi.”
ACT 27:25 Tauna segowo, kokatepātu! Moitamo. Anumisa Yaubada yaina bego kaga liliuna ina anerose iidigedi nakae bei sisowóduwo.
ACT 27:26 Go itoboine ida oga simla tayamo goi itomava.’
ACT 27:27 E sabamgo ana badabada yawou aito Adiriya osasaina goi yágira bogina ivadauseselima go, sabamgo yawou aivasina bunatoina goi gelugelu sinuwonúwana bego kai bogina mamaya kikina.
ACT 27:28 Tuwo yowoyówana tayamo sikabi, tayamo dadavina kainum sisiko. Ikavava, sikalisobuye isou ina négwasa goi bego niku sivakakone. Ikavava, sibiu siove; ova ana badabada 20 nakae. Tuta giyaina aiyuwoina yowoyowanayana sikabi sikalisobuye. E sibiu siove; ovayawou ovanima.
ACT 27:29 E gelugeluyadi simatoita kadi, ‘Oga bei isasae ina gurewa goi itomava.’ Tauna sina oga valemli goi vailówana aivasi sikalisobuyedi go, sikawanoi idi basaleliuyao yaidi bego vanuwo itomo wowóila.
ACT 27:30 E gelugeluyadi latuwodi sisiya. Tuwo sipola kadi, ‘Kai bei kana vailówana oga matana goi kakalisobuyedi.’ Tuwo tutayana oga ina dingi sisoilave isou négwasa goi bego sisowoya,
ACT 27:31 Paulo igitedi. Tuwo ina tovakumgoyana be nakae tovayaviyayao ilatuwokoidi idigo kana, ‘Neta amo korotoyadi oga goi geya sikaiyaketa, e komi geya itoboinemita bei ami yava kobabane.’
ACT 27:32 Tuwo tovayaviyayaoyadi sina dingi ana búyala sikupoidi, e dingiyana idoiye.
ACT 27:33 E nobuyana nava matagougouna goi kina Paulo itáoya ikawanoi makimaki kai tosowoyayao yaima bego kakáika, idigo kana, ‘Ame komi maliyalina ana badabada bogina yawou aivasi go, komi áika geya. Maliyalinayadi goi oga komataakavate go, geya kada tayaamo kaga dedevina kokáika geya.
ACT 27:34 Tauna akawanoi makimaki yaimi bego kokáika. Awoinu moe imi kaba yava nakae; itoboine yawoimi iyavedi. Bogina ayagoi geya vatau tayaamo yaimi goi bei ivailai geya.’
ACT 27:35 E ibóbwara ikavava, beredi ikabi liliuma matama goi ikauyagu Yaubada yaina. Ikavava, berediyana ikivisi ikáika,
ACT 27:36 e baige madabokima atema sipatu. Tuwo beredi kakabi kakáika.
ACT 27:37 Ego kai ama badabada oga goi moe 276.
ACT 27:38 E kakáika bogina gamoma, kana witi madabokina sikesa kakabidi kalavedi sisou négwasa bego oga ikakapu.
ACT 27:39 E vanuwo itomo, gelugeluyadi sikandoyava asa sigite go, asayana geya sikinaneyeta. E kamoiuna tayamo sigite aolaoina dedevina. Idi nuwonúwana bego neta itoboinedi, oga siyave ina aolaoyana goi.
ACT 27:40 Tuwo vailówana sikupoidi sikalavedi. Ego kúnuwo boi sikabidi oga sinaena sisikoidi sikaaiyaka. E kunuwoyadi sitaligeidi sikabidi oga sikabikunui. Ago naya tayamo sikabi oga matana goi sivatáoe, e kalokoina kana aolaoyana manuna.
ACT 27:41 E ogayana ilokoina inonoina bego aolao goi kavaiu go, lamotaita kababane, ikalibilibilima kana tepanina goi katomava, e tauna nakae ikaaiyaka. E ogayana matana ikasa go, aivaya gagaidi sitalasa valemli sikauvisivisi.
ACT 27:42 E kidi go tovayaviyayadi idi nuwonúwana kadi, ‘Koroto yoowonidi takaumatedi, govila bei sisiya.’
ACT 27:43 E kina go tovakumgoyana latuwona Paulo iyave. Tuwo ina tovayaviyayaoyadi isanabodedi, e idi nuwonúwana geya itoboinedita siguinuwe. Ago tomota ilovinaedi idigo kana, ‘Avatauwa komi neta aya koyagoi, e kovakūmgo kopēla kosōu négwasa goi kōna kokayalāga.
ACT 27:44 Go avatauwa neta aya geya koyagoiyeta, kovāmliya go, timba o oga konanina kokābi bei kokaivayavaya.’ E tuwo moitamo nakae kaguinuwe. Moe nakae madabokiima mama dedevina bogina kakayalaga.
ACT 28:1 Mama dedevina kakayalaga, e kidi toni kasa sima silatuwokoima kadi, ‘Simla ame yoina Melite.’
ACT 28:2 Ago toni kasayadi kai simataogeogema dedevina toina. Nakae siuyaonema be nakae ima yeu sidimili. Idi mataogaogayana moitamo dedevina. Amo tutayana ikuwokúwana, e gogou kakámasa.
ACT 28:3 E Paulo ina alova ipátuma. Ikavava, alovayadi imedi go, tutayana yeu goi iyatoidi, idimili, e moteta mana boláusa yeu yaviyavina pasina alovayadi sinaedi goi isowóduwo. Isowóduwo, Paulo nimana ikakavate.
ACT 28:4 E toni kasa sikandobala motetayana sigite Paulo nimana goi isaisaina. Tuwo taudiva sibobóbwara kadi, ‘Amo korotoyana woi tokaumata tayamo. Moitamo négwasa goi geya ikamaseta go, tuwo ida basaleliu Tokivavasa geya itagoneyeta tauyana bego ma yawoina ikaaiyaka.’
ACT 28:5 Go Pauloyana nimana ikatusapisapi, e motetayana isou ina yeu goi go, kina mana dedevina, geya tayaamo kaga isowóduwo yaina.
ACT 28:6 E kidi toni kasayadi sidobala Paulo sigitegite go, situyáwata, sinuwonúwana kadi, ‘Giyakainava bei wowona isápala o mainao imataginigini ikapusi isou poyapoya goi ikámasa.’ E tuta maanawena situyáwata geya, tuwo nukotodi sikatuvilavila kadi, ‘Nakona tauyana basaleliu tayamo.’
ACT 28:7 E ame dadavayana goi aba lovina tayamo ikaaiyaka, moe asa ina tovakumgo yoina Popiliyo ina kaba lovina. Tauyana maliyalina aito goi iuyaonema be nakae imataogeogema.
ACT 28:8 E ame tutayana Popiliyoyana tamana ikatówana be nakae gamona iilokoina, tuwo kebana goi iimasisi. Tuwo Paulo isiu ina tamanayana igite, manuna ikawanoi Yaubada yaina. Ikawanoi ikavava, tauyana ibisikone, e iboboina.
ACT 28:9 E ikidedevine ikavava, boda liliudi simlayana goi Paulo valena sinove, tuwo madi vísiya sima Paulo yaina ikidedevinedi.
ACT 28:10 Aiyuwoina siwowoinema gagaina, tuwo tutayana bego kasowoya, e ma nimatooma sivalavema, madabokima bogina yoiyama.
ACT 28:11 E tukówana aito simlayana goi bogina kakaiyaka. Moe kelavagoyo ana tuta. Amo tukowanayadi goi da Alekisandira idi oga nakae ikaaiyaka. Ogayana matana goi tokwalu lalavi sikaaiyaka. E tukowanayadi sikavava, ogayana goi kasowoya.
ACT 28:12 Kasowoya, kakailova kalokoina kana asa Serakiusa goi kavaiu kasou. Kasou, maliyalina aito amoko goi kakaaiyaka.
ACT 28:13 Maliyalinayadi sikavava, ogayana goi kasowoyamna kakailova kalokoina kana asa Regiyoni goi kavaiu kavailówana kamasisi. Kamasisi itomo, yágira youya itowo, tuwo kakailovamna kalokoina. Maliyalina aiyuwoina asa Poteoli goi kavaiu kasou.
ACT 28:14 Kasou, kayava kana asa goi semao nuumisaidi maniyedi kababanedi. Tauyadi siuyaonema gagaina go, sitagona idi vada goi kakaiyaka maliyalina ana badabada ainima aiyuwo. E moe nakae kana Roma.
ACT 28:15 Ago sedao nuumisaidi Roma goi valema sinove, tuwo sima asa Apiyo ina kaba maketi goi be nakae asa Vada Ogaoga Aito goi sivalobodema. Ago kina Paulo igitedi, ikauyagu Yaubada yaina goi go, ikatepatu.
ACT 28:16 E kaketoiya kana Roma goi kasowóduwo. Kasowóduwo, tovayaviyayao adi tovakumgo itagona bego Paulo toinina ana vada goi ikaaiyaka go, tovayaviya tayamo ikaaiyaka Pauloyana imataakavate.
ACT 28:17 E maliyalina aito sikavava, koroto gagaidi Diyuu yaidi goi iduduwedi sima. E tauyadi sima go, ilatuwokoidi idigo kana, ‘Segowo, yau boi Yerusalema goi geya tayaamo goyo aguinuwe ida bodao yaidi goi be nakae tubudao idi sinapu geya tayaamo akapipilave go, to tuwo Diyuu siyoisibesoigu, e sinavegu da Roma nimadi goi siyatoigu, yau deri ana tokaiyaka.
ACT 28:18 Da Romayadi sikabigu sidovatusigu. Sidovatusigu ikavava, latuwodi bego sitaligeigu unana geya tayaamo goyo yaigu goi sibabane bei itoboinegu akámasa.
ACT 28:19 Nakae latuwodi go, kidi Diyuu geya latuwodi da Roma sitaligeigu, tauna idi nuwonúwana sitalavaite. E moeko goi baige akawanoi bego guna kotu Sisa inove go, geya bego ida bodao awowokoidi Sisa yaina geya, go sem bego kidi idi wowókana alawoiwoiye.
ACT 28:20 Moe pasina tauna aduduwemi koma agitemi. Latuwogu komi koyagoi nimagu siyowóidi kita Isileli tubunao ida lotuta taoyamna pasina.’
ACT 28:21 ‘Kai geya tayaamo leta da Yudiya goi ima ilatuwokoima kom manum. Aiyuwoina geya tayaamo siyada ima kom italavaitem o ikaogoyoem geya.
ACT 28:22 Go kai latuwoma Yeisu ina bodao taviileidi manudi im nuwonúwana kutalavaite, kanove. Valedi bogina kanove bego asa liliudi goi tomota sikaogoyoedi’, tauyadi kaedi.
ACT 28:23 E tuwo idi upa siyato. Niga maliyalinayana ima, e Diyuuyadi badabadaidi sima Paulo ana vada goi ivatulukoidi. Nobuyana giyaina ina lavilavi goi Vala Dedevina ilumavivisi ame nakae: Yaubada ina kalibúbuna italavaite be nakae Yaubada ina Katukeda boi Mosese ivini be tokabivalavala idi gínina goi ipoikíkina itamyabidi bego Yeisu moitamo Guyau.
ACT 28:24 Go ina bóbwara goi maniyedi itamyabidi sinumisa go, maniyedi geya sinumiseta.
ACT 28:25 E Diyuuyadi madi kaumakimaki sisáwala sina. Ego mainao Paulo ina bóbwara tayamo ilatuwokoidi idigo kana, ‘Baloma Kimaasabaina boi nimatu tokabivalavala Aiseya goi ibóbwara moitamo tubumiyao yaidi go, komi ame tuta nakae.
ACT 28:26 Idigo kana,
ACT 28:27 Moitamo. Ame tomotayadi dabadi sikasa,
ACT 28:28 E tauna latuwogu komi koyagoi bego Yaubada ina yava bogina ietune ina Totuyoyowo yaidi go, kidi moitamo bei sinove.’
ACT 28:30 E tala aiyuwo sinaedi goi Paulo toinina ana vada iiemaisi ikaaiyaka go, avatauwa neta sima sivadade, iuyaonedi.
ACT 28:31 Go avatauwa neta sima yaina, mana katepatu Yaubada ina Kalibúbuna italavaite tomotayadi yaidi. Aiyuwoina ivatulukoidi Tomoya Yeisu Guyau valena manuna. Ago geya vatau tayaamo Paulo isanabode geya.
ROM 1:1 E komi segowo Roma goi, Yau Paulo leta ame agini iwo yaimi. Yau Guyau Yeisu ina pákwana be nakae ina vamoléyana nakae Yaubada iduduwegu o tadigo kada, ‘Bogina ikimasabegu Vala Dedevina Tauyana goi ima manuna.’
ROM 1:2 Valayana boi igimikaatotule ina tokabivalavala yaidi goi, e Gínina Kimaasabaina goi sigini.
ROM 1:3 Valayana moe Natuna Valena. Sakava goi Natunayana ibíbina Devida ina nunu yaina.
ROM 1:4 Ina taoyamna tokámasa yaidi pasina Yaubada ivayoko Tauyana Natuna mana togaga. Natunayana moe ida Tomoya Yeisu Guyau. Go ana vayokwanayana moe Baloma Kimaasabaina goi, Tauyana ada kimasaba Yaubada umana unana.
ROM 1:5 Yeisuyana goi anuwóiya kababane o tadigo kada, ‘Ikawoima, e kai ina vamoleyanayao’ bego Tauyana yoina manuna kana Totuyoyowo liliudi yaidi Vala Dedevina katalavaite, e madi numisa sikabikaone.
ROM 1:6 Komi da Roma tauyadi taiyao; tauyami Yaubada iduduwemi bei komi Yeisu Guyau ina bodao.
ROM 1:7 Leta ame moe komi, tauyami Yaubada imatakooiyemi be nakae iduuduwemi, ina kimasabayao Roma goi ami leta. Yaubada Tamada be ida Tomoya Yeisu Guyau idi kanuwóiya be idi tuboina bei sivinimi.
ROM 1:8 Mainao Yeisu Guyau ina guinuwa goi madabokimi manumi akauyagu ida Yaubada yaina. Guna kauyaguyana unana imi numisa valena inúnuwo ina poyapoya ame ana madabokina goi.
ROM 1:9 Guna kauyaguyana itoboine. Yaubada iyaagoigu manakaegu tuta liliuna guna kawanoi goi anuwaaisimi! Tauyana yaina ma kategu madabokina be magu taimámina apaaisewa Natuna Valena Dedevina ana talavaita manuna.
ROM 1:10 Tuta liliuna guna kawanoiyadi liliudi goi akaawanoi Yaubada yaina neta ina nuwonúwana nakae, bei itoboinegu ao avadademi.
ROM 1:11 Akatukuwonemi bei agitemi bego Baloma Kimaasabaina ina yabobona akaiguyauye yaimi, bei akitogagemi.
ROM 1:12 E moe bei komi be yau takipaiwoleda. Nakae komi imi numisa ikipaiwolegu, e yau guna numisa ikipaiwolemi.
ROM 1:13 E segowo, latuwogu koyagoi bego tuta badabadaina aavatoiya ao yaimi goi go, boi ima ame tuta dogoi maniyedi sisanaabodegu geya awoita. Latuwogu ao bego itoboinegu komi nakae yaimi goi abágula, e bei guna bagulayana kiyayana yaimi goi ababane nakae boi aababane Totuyoyowo liliudi yaidi goi.
ROM 1:14 Magu tasíkwana Vala Dedevina atalavaite tomota liliudi yaidi. Neta kidi asa gagaidi adi tokaiyakoyao be nakae woiwoitulu, kidi tonanamsa be nakae totamogemoge.
ROM 1:15 Tauna nakae latuwogu toina bego Vala Dedevinayana atalavaite komi Roma goi kokaaiyaka yaimi.
ROM 1:16 Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita Diyuu manuda namliyeta komi Totuyoyowo manumi.
ROM 1:17 Manakaeda tayagoi Valayana moe Yaubada ina togaga? Ame nakae: Vala Dedevinayana sinaena goi Yaubada ina kibóbwata ana kanasíuna manuna bogina ikaiwoduwe. Ina kaiwoduwoyana moe Tauyana aba numisa pasina go, kita tonumisa manuda. Moe Gínina Kimaasabaina nakae idige kana,
ROM 1:18 Kaga unana Yaubada ina kibobwatayana ikaiwoduwe? Ame pasina: Yaubada yábana goi ina egamogamogu bogina ikaiwoduwe tomota idi kaoliliwo liliudi be nakae idi kapipilova liliudi pasidi. Tomotayadi idi kapipilova goi sipoikíkina bego Yaubada ana Nanamsa Mooitamoina sisanabode.
ROM 1:19 Yaubada ina egamogamoguyana ikaiwoduwe unana kaga neta itoboineda tayagoi Yaubada manuna bogina imavada tauyadi yaidi goi unana Tauyana bogina ikaiwoduwe yaidi, tauna bogina siyagoi.
ROM 1:20 Manakaena ikaiwoduwe? Boi poyapoya ana madágina kunu goi go, ima ame tuta nakona Tauyana ina sinapu, nakae ina togaga aiyako vaatayaina be nakae napasina, geya tagitedita. Ago ina madágina liliudi goi itoboineda tagitedokoidi, tauna togoyoidiyadi geya itoboinedita idi kapipilova manuna sivakibala.
ROM 1:21 Unana siyagoi Yaubada ikaaiyaka go, tuwo ina togaga ana káeyana geya sikamoitamoeyeta nakae itoboinedi. Nakae yaina geya sikauyaguta, go sem idi nuwogau goi tauyadi geya basabasaidimo be nuwodi yaaluwoidi bogina sikamamaníwana. Tauna geya itoboinedita sivakibala idi kapipilova manudi.
ROM 1:22 Tauyadi toinidi sipásima bego madi nanamsa go, kidi siyaluwo.
ROM 1:23 Yaubada aiyako vaatayaina ina togaga ana káeyana sikalave go, toinidi idi nuwonúwana goi idi basaleliuyao adi tapata kaavavaidi tokwalu nakae siwodugudi, e yaidi goi sisaakululu. Tokwaluyadi moe tomota maisiyadi, mánuwo maisiyadi, yoguyogu maisiyadi be kaga daladalaidi maisiyadi.
ROM 1:24 Tauna Yaubada itagonedi toinidi idi yalagau nuwodi goi sisabokuuliyedi be simasisi goyogoyo, tuwo amo guinuwayadi goi wowodi sigieomaemaedi.
ROM 1:25 Ago Yaubada ana Nanamsa Mooitamoina sikalave go, pola goi sikaimapu. Tuwo Tomadágina yaina goi geya, go sem ina madágina yaidi goi sisaakululu be nakae sitaaimámina! Tomadaginayana aba yapali vata! E nakae!
ROM 1:26 Amo idi sinapuyana pasina Yaubada itagonedi idi vikaiya aba omayamaya yaidi goi. Idi vevina masisi moitamo koroto taiyao sikalave go, vavina vavina taiyao simasisi goyogoyo.
ROM 1:27 Koroto nakae. Masisi moitamo vevina taiyao sikalave go, madi savívila koroto siyaledi gagaina. Koroto koroto taiyao guinuwa aba omayamaya siguuinuwedi, tuwo adi liuna bei sibabane moe itoboine idi bágala pasina.
ROM 1:28 Kidi Yaubada sidovatusi go, silovina bego Tauyana ana nanamsa moe geya basabasainamo yawoidi manudi, tuwo sikatae, e tauna nakae Tauyana itagonedi toinidi nuwodi goyogoyoidi yaidi goi be kaga geya itoboineyeta yaidi, e tuwo siguuinuwedi.
ROM 1:29 Sinapu ame sivakayaodeidi: Guinuwa liliudi Yaubada ikaataedi, nuwonúwana goyogoyoidi, guinuwa goyogoyoidi, matakónana, goyo nuwonuwodi, vakipikipi, aumata, aumakimaki, pola, yogedageda nuwonuwodi, livalakipakipatu,
ROM 1:30 aogoyo, Yaubada ana tokaoliliwo, aipopóita, nuwatue, gágasa, goyo ana tolosinapu, tamadiyao be sinadiyao sopadi sikapipilavedi.
ROM 1:31 Tuwaina nuwodi maa patudi, idi katótula geya siguinuwedita, geya idi matakoimo be nakae geya idi nuwokapisimo.
ROM 1:32 Tauyadi bogina siyagoi Yaubada mana kivavasa iilovina bego avatauwa neta amo sinapuyadi siguuinuwedi, ámasa itoboinedi go, tuwo nava siguuinuwedi. Go idi goyo sivaituwe. Avatauwa neta sinapuyadi siguuinuwedi, e kidi togoyoidiyadi madi uyáwana sikaodedevinedi!
ROM 2:1 Yaubada ina egamogamogu bei moitamo isowóduwo toogoyoidi yaidi. Tauna tomota, komi tamo tamo neta semiyao kotakinoidi liuna manuna kami, ‘Itoboine tauyadi Yaubada ina liuna sibabane’, e geya itoboinemita imi goyo manudi kovakibala. Moe moitamo. Imi takinonayana moe nakae toinimi kotakinoimi liuna manuna. Bogina koyagoi. Komi totakinonayami imi guinuwa igoyo tauyadi nakae!
ROM 2:2 E bogina tayagoi bego avatauwa neta idi sinapu amo nakae, Yaubada mana kivavasa bei itakinoidi.
ROM 2:3 E komi tomota konovēgu. Amo tauyadi idi goyo pasidi kotakinoidi liuna manuna go, amo guinuwayadi komi nakae koguuinuwedi! Manakae? Konuwonúwana bego itoboinemi Yaubada ina takínona goi kosiya ae?
ROM 2:4 Yaubada ina yabobona be ina mesayágana gagaidi imi goyo yaidi goi go, komi konuwonúwana ina yabobonayana be ina aramaitanayana dogoi besobeso. Seki, nakona geya koyagoiyeta bego ina yabobonayana goi latuwona ivakedemi bei kotugavila ae?
ROM 2:5 E mami dabakasa geya latuwomi kotugavila, tauna Yaubada ina egamogamogu ana maliyalina goi o tadigo kada, ‘Ina takínona kivaavasaina ikaiwoduwe’, e ina egamogamoguyana kovaituwe bei kolotowodoko.
ROM 2:6 Kita tamo tamo bei ikatumapuda nakae ida guinuwa goi ame nakae:
ROM 2:7 Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.
ROM 2:8 Go avatauwa neta aditava idi yala manudi sipoisógana be nakae Yaubada ana Nanamsa Mooitamoina sikapipilave go, kaga neta Yaubada iikatae moe sisabookuliye, e tauyadi yaidi goi Yaubada ina egamogamogu gagaina bei ikaiwoduwe
ROM 2:9 ame nakae: Goyo ana toguinuwa tamo tamo yogedageda be ategeda bei sibabanedi; mainao kita Diyuu namliyeta komi Totuyoyowo.
ROM 2:10 Go guinuwa dedevina ana toguinuwa tamo tamo adi taimámina, adi wowoina be adi tuboina bei sibabanedi; mainao kita Diyuu namliyeta komi Totuyoyowo.
ROM 2:11 Moitamo. Yaubada tokivavasa, tuwo ina lovina vavasa tomota liliuda yaida goi.
ROM 2:12 Moitamo Yaubada ina lovina vavasa. Avatauwa neta sigoyo, Yaubada bei itakinoidi kidi toogoyoidi bei ámasa itoboinedi. Kidi Totuyoyowo Yaubada ina Katukeda geya siyagoiyeta go, tuwo neta sigoyo, Yaubada bei imtulidi go, geya inuwonuwoneta neta ina Katukedayana siyagoi o geya. Kidi Diyuu Yaubada ina Katukeda ikaukabolidi go, neta sigoyo, Atukedayana goi Yaubada bei itakinoidi toogoyoidi bei ámasa itoboine.
ROM 2:13 Kaga unana idi liuna itoboine? Kidi Yaubada ina Katukedayana sitaiyakeekeyamo geya nuwona ana tokibóbwata Yaubada matana goi geya, go sem kidi Atukedayana ana toguinuwa ivayokoidi kidi nuwona ana tokibóbwata.
ROM 2:14 Guna nuwonúwana ataligei aba gita ame goi: Totuyoyowoyadi Yaubada ina Katukeda yaidi goi geya go, tuwo tutayana toinidi Atukedayana ana lovina siguinuwedi, e nukotodi goi bogina siyagoi nako sinapu dedevina, nako sinapu goyo.
ROM 2:15 Tomota amo nakae idi guinuwa goi sivatulukoida Yaubada ina Katukedayana ana lovina nukotodi goi bogina isanayatoidi unana idi sinapuyadi nukotodi goi sikamoitamoedi. Tuwo neta goyo siguinuwe, nukotodi isabutukoidi go, neta goyo geya siguinuweyeta, geya isabutukoidita.
ROM 2:16 Nakae siguuinuwe ana kadókana takínona ana maliyalina goi tutayana Yaubada bei Guyau Yeisu ilatuwoko tomota idi nuwogau itakinoidi nakae Vala Dedevina aanumise italavaite.
ROM 2:17 E nakona komi kami, ‘Kai Diyuu.’ Nakona komi Yaubada ina Katukeda goi kootáoya. Nakona kouyáwana bego Yauwe imi Yaubada.
ROM 2:18 Nakona ina Katukeda ivatulukoimi, tauna ina nuwonúwana koyagoi be nakae itoboinemi kodovatusi nako enao dedevina, nako enao goyogoyoina.
ROM 2:19 Nakona koyagoidoko komi bego Totuyoyowo matadi kebokeboidi adi tovakeda, nakae komi tauyadi mamaníwana goi adi mavada.
ROM 2:20 Nakona konuwonúwana bego komi kidi totamogemoge adi tokitotótona, o komi kidi idi numisa gogómana nakae adi tovatulúkwana. Moe imi nuwonuwanayana unana Yaubada ana Nanamsa Mooitamoina madabokina ina Katukeda goi ikaaiyaka yaimi buki sinaena. Nakae imi nuwonúwana ae?
ROM 2:21 Moe dogoiyadi moe moitamo. Tauna komi bego ituli ta tomotava kovatulukoidi go, kaga unana toinimi geya kovatulukoimita? Komi kotalavaita kami, ‘Taabu kovaaināwana.’ Go kaga unana komi kovaaináwana?
ROM 2:22 Komi kami, ‘Taabu korooerāta.’ Go kaga unana korooerata? Komi tokwalu aba sakululu kokalagiwoledi go, kaga unana idi vada tapwaroro goi tokwaluyadi kovainaaoidi?
ROM 2:23 Komi Yaubada ina Katukedayana manuna kogágasa kami, ‘Atukedayana Yaubada ivinima.’ Go komi imi kapipilova goi Yaubada yoina kogieomaemae!
ROM 2:24 Gínina Kimaasabaina nakae italavaitemi idigo kana,
ROM 2:25 Guna nuwonúwana ataligei. Nakona komi konuwonúwana kami, ‘Kai sakavaima bogina kakupoidi, tauna kai geya Totuyoyowo nakae geya Yaubada matana goi.’ Moe moitamo. Go sakava ana kúpwana dedevina neta Yaubada ina Katukeda koguinuwe. Go neta Atukedayana kokapipilave, e sakavaimi adi kúpwana moe nakae geya kokupoidita o tadigo kada, ‘Komi Totuyoyowo nakae.’
ROM 2:26 E tuwo avatau neta sakavaina geya ikupoeta go, Atukedayana ina lovina ikabikaonedi, e Yaubada bei ilatuwoko kana, ‘Kom nakae tomota neta sakavaina kuuponina, tauna kom guna boda tayamo.’ Nakae ae?
ROM 2:27 Tuwo tauyadi sakavaidi geya adi kupwanamo go, Yaubada ina Katukeda sikiibobosi bei sitáoya, e komi Diyuu ina Katukeda yaina goi kokaaiyaka be nakae sakavaimi kuuponidi sitakinoimi komi Atukedayana ana tokapipilova.
ROM 2:28 Moe moitamo. You Diyuu geya ikaiyaketa tomota yaidi goi adi kaigigita pasina. Nakae sakava ana kúpwana moe geya kada sakava toluyena goi.
ROM 2:29 Go sem avatauwa neta nuwodi goi siguinuwa nakae Yaubada latuwona, ame tauyadi itoboineda takinanedi Diyuu mooitamoidi. Nakae sakava ana kúpwana mooitamoina moe Yaubada Balomaina ina guinuwa atedi goi go, geya kada Atukedayana ina guinuwa goi geya. Tauyadi adi yapali siibabane geya tomota goi geya, go sem Yaubada goi sibabane.
ROM 3:1 Tauna nakona tomota tayamo bei ikaumakimaki kana, ‘Neta sakava ana kúpwana geya ivaitedeta go, Yaubada iuyaoneda, kaga ana dedevina kita Diyuu? O sakava ana kúpwana kaga basabasaina?’
ROM 3:2 Kita Diyuu moe ada dedevina gagaina toina! Dogoi badabadaidi Yaubada iguinuwedi kita Diyuu yaida goi go, dogoi gagaina moe tubudao ikawoidi bei ina katótula Eberamo yaina sikabikaonedi be sitalavaitedi tomota liliudi yaidi.
ROM 3:3 Go tubudaoyadi maniyedi geya aba numisa geya, tauna Yaubada ina kanasíuna sikapipilave. Moe manuna manakaeda tanuwonúwana? Kada, ‘Diyuu maniyedi adi kawoiyana goi geya aba numisa geya, tauna Yaubada nakae geya aba numisa geya’?
ROM 3:4 Geya, geya toina! Yaubada aba numisa, sopana be ina guinuwa sivavasa! Nakona tomota liliudi sipola o tadigo kada, ‘Sopadi be idi guinuwa ituli ituli’ go, tuwo Yaubada aba numisa, sopana be ina guinuwa sivavasa! Moe moitamo ina liuna manuna nakae. Moe tayagoi unana boi nimatu Gínina Kimaasabaina goi Devida igini ina goyo ana liuna manuna. Yaubada ina liunayana manuna Devida Yaubada ilatuwoko kana,
ROM 3:5 E tomota maniyedi sidigo kadi, ‘Yaubada tuta liliuna iliiuneda ida kapipilovayadi manudi. Tauna ida kapipilovayadi goi tomota itoboinedi sigitedoko Yaubada ina bóbwara ikibobosidi.’ Neta ida kapipilova goi Yaubada ina kibobwata ikaiwoduwe, manakaeda? Kada, ‘Yaubada ibágala tutayana ida kapipilovayadi pasidi ina egamogamogu goi iliuneda’? (Ame nakae tomota maniyedi idi nuwonúwana.)
ROM 3:6 Geya, geya toina! Neta kita Diyuu geya itakinoideta ida kapipilovayadi manudi, bei manakaena da poyapoya idi kapipilova manudi itakinodokoidi? Geya!
ROM 3:7 E nakona tomota tayamo ikaumakimaki idigo kana, ‘Neta yau geya aba numisa geya go, ame guna sinapu goyogoyoinayana goi Yaubada ana Nanamsa Mooitamoina tagitedoko be nakae takinane Tauyana aba taimámina, e moeko goi Tauyana bogina avaite. Tauna geya itoboineyeta itakinoigu yau toogoyoigu bei liuna ababane ae?’
ROM 3:8 Moe geya itoboineyeta! Neta moe moitamo, itoboineda kada, ‘Bei goyo taguinuwe bego dogoi dedevina isowóduwo!’ Moe nakae tomota maniyedi sitagiwoigu be nakae sidigodigo bego yau nakae aabobore. Tauyadi Yaubada itoboine itakinoidi toogoyoidi bei liuna sibabane.
ROM 3:9 Tauna manakaeda? Kita Diyuu kidi Totuyoyowo Yaubada matana goi tadedevinasavedi? Geya, geya toina! Mae bogina atalavaita tomota liliuda, Diyuu be nakae Totuyoyowo, sinapu goyo ina togaga iyowóida.
ROM 3:10 Moe nakae Gínina Kimaasabaidi sidige, kadi,
ROM 3:11 Geya vatau tayaamo iyagoi nako dedevina.
ROM 3:12 Madabokidi Yaubada situgavile.
ROM 3:13 Tobudi valiwoga katupaaevaina nakae,
ROM 3:14 Tauyadi tobudi atubolata
ROM 3:15 Madi uyáwana latuwodi sina sikaumata.
ROM 3:16 Ava dadava goi neta sinonoina,
ROM 3:17 Ago tuboina ana kenao,
ROM 3:18 Tauyadi sinuwonúwana kadi,
ROM 3:19 E tayagoi bego kaga Yaubada ina Katukedayana idige, tauyadi Diyuu Atukeda ikaukaabolidi ivadigoidi. Moe bego tomota liliuda sopada ikaupatudi be nakae da poyapoya liliuda Yaubada ina kotu goi ida goyo tatalaseyanedi.
ROM 3:20 Tauna Atukedayana ana guinuwa goi geya vatau tayaamo kina Yaubada bei ivayoko kina kiboobosina. Atukedayana ina paisewa moe bego tayagoi goyo kaga. Ame tauna.
ROM 3:21 E ame tuta goi Yaubada ina kibóbwata ina kanasíuna manuna ikaiwoduwe yaida. Go geya kada kita ina Katukedayana taguuinuwe goi ikaiwoduwe geya. (Go ina kibobwatayana boi Mosese be nakae Yaubada ina tokabivalavalayao liliudi idi buki goi sitalavaite).
ROM 3:22 Ina kibobwatayana moe Yeisu Guyau aba numisa ina kabikáwana goi ikaiwoduwe kita ana tonumisayao madabokida manuda. Moe moitamo. Madabokida tavavasa Yaubada matana goi.
ROM 3:23 Madabokiida, Diyuu be Totuyoyowo, bogina tagoyo, e Yaubada ana káeyana tomoeeyalina tapoikiki bego yaida goi itakanukanunu go, geya itoboinedeta.
ROM 3:24 Ago mana kanuwóiya ina yabobona goi madabokiida ivayokoida kita kiboobosida. Ame nakae: Guyau Yeisu ina kámasa goi itateteda.
ROM 3:25 Yeisuyana Yaubada ikasale, e ikaikaina goi be nakae ina kabikáwana aba numisa goi kita ada kaba núwala. Nakae Yaubada iguinuwe bego ina kibóbwata ina kanasíuna manuna ikaiwoduwe unana ida goyo boi mainao bogina taguuinuwedi mana mesayágana ituuyouyoidi.
ROM 3:26 Nakae iguinuwe bego ina kibobwatayana ina kanasíuna manuna ame tuta ikaiwoduwe, e bei Tauyana tokivavasa, tuwo avatauwa neta aba numisa Yeisu nakae, bei ivayokoidi kidi kiboobosidi.
ROM 3:27 Tauna ida gágasa manakae? Kita Diyuu itoboineda tagágasa bego Totuyoyowo tatobusavedi? Geya! Gagasayana Yaubada bogina isanabode, tauna geya itoboineyeta. Enao vau bogina isowóduwo. Neta nakae, Yaubada ina Katukeda ana kamoitamo manakaena isowóduwo? Atukedayana ana guinuwa goi? Geya, go sem numisa goi.
ROM 3:28 Moitamo. Yau ayagoi numisa pasina Yaubada ivayokoida kita kiboobosida go, geya ina Katukeda ana guinuwa pasina geya.
ROM 3:29 Go neta moe geya moitamo, manakae? Yaubada kita Diyuu adetava ida Yaubada? Geya! Tauyana Totuyoyowo idi Yaubada nakae ae? U. Tauyana Diyuu be Totuyoyowo madabokida ida Yaubada
ROM 3:30 unana Yaubada tayamo toito. Tauna kita Diyuu sakavaida kuuponidi ida numisa pasina ivayokoida kita kiboobosida be nakae Totuyoyowo sakavaidi geya adi kupwanamo nakae; idi numisa goi ivayokoidi kidi kiboobosidi.
ROM 3:31 Tauna neta Totuyoyowo idi numisa goi ivayokoidi kidi kiboobosidi go, moe geya Atukedayana ana guinuwa goi geya, manakae? Atukedayana ida numisa goi atauwe? Geya, geya toina! Go sem Atukedayana ayatodoko.
ROM 4:1 Tauna manakaeda? Eberamo bogina tadovatusi go, kaga tababane, kina tubuda sakava ana dadava goi? Geya, ae?
ROM 4:2 Kada go ina guinuwa pasidi Yaubada ivayoko kina kiboobosina, e itoboine tomota matadi goi igágasa. Go geya ina guinuwa pasidi Yaubada ivayoko kina kiboobosina geya, go sem ina numisa pasina. Tauna geya itoboineyeta Yaubada matana goi igágasa.
ROM 4:3 Manakaeda tayagoi moe moitamo? Gínina Kimaasabaina nakae idige, kana, ‘Eberamo inumisa Yaubada yaina, e ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’
ROM 4:4 E guna masi ana kaba gita aguinuwe bei koyagoi. Avatau neta ipaisewa, ana maisa moe geya kada tokaiguyau ina kanuwóiya goi geya, go sem topaisewayana ana takona.
ROM 4:5 Go Yaubada ina sinapu ituli. Tauyana itoboine ana tokaoliliwoyao ivayokoidi kidi kiboobosidi. Tuwo avatauwa neta geya sipaiseweta, go sem ame Yaubadayana yaina sinumisamo, e idi numisayana igite, ikamoitamoe bego amo tauyadi nuwona ana tokibobwatayao. Moeko goi idi paisewa pasina geya, go sem idi numisa pasina ivayokoidi kidi kiboobosidi ina kanasíuna manuna. Tauna ina vayokwanayana moe anuwóiya.
ROM 4:6 Moe nakae Devida ina bóbwara tomota adi dedevina manuna neta geya kada idi guinuwa pasidi geya, go sem idi numisa pasina kidi kiboobosidi Yaubada matana goi. Tauyana kana,
ROM 4:7 ‘Avatauwa neta idi kapipilova Yaubada inuwotaoidi
ROM 4:8 Avatauwa neta idi goyo Yauwe geya ikatuyaividita,
ROM 4:9 E tuwo manakae? Amo dedevinayana Devida idigedige moe kita sakavaida kuuponidi adetava manuda, gea kidi sakavaidi geya adi kupwanamo nakae manudi? Madabokiida ae? Ame bogina adige Eberamo manuna kagu, ‘Ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’
ROM 4:10 E tuwo Eberamo nakonakae tutayana ina numisa Yaubada ikamoitamoe? Bogina sakavaina ikupo, gea nava geya ikupoeta? Geya kada sakavaina bogina ikupo geya, go sem sakavainayana nava geya ikupoeta
ROM 4:11 namliyeta baige kina Yaubada ilatuwoko aba kinana tayamo iguinuwe. Aba kinanayana moe sakava ana kúpwana. Moe aba kamoitamo bego tauyana kiboobosina Yaubada matana goi. Go Eberamoyana mana numisa tutayana sakavaina nava boi geya ana kupwanamo. Nakae Yaubada iguinuwe bei avatauwa neta sakavaidi geya adi kupwanamo go, sinumisamo, e tauyadi liliudi tubudi moe Eberamo. Moeko goi idi numisayana Yaubada igite, ikamoitamoe, e tauyadi nuwona ana tokibobwatayao.
ROM 4:12 Aiyuwoina Yaubada nakae iguinuwe bei Eberamoyana moe kidi sakavaidi kuuponidi tubudi nakae. Tauyadi moitamo sakavaidi bogina sikupoidi go, tuwaina tubudi Eberamoyana ina numisa kiyaena sivaekuli. Ina numisayana tagite tauyana yawoina goi tutayana sakavaina nava geya ana kupwanamo.
ROM 4:13 Guna nuwonúwana alumavivisi. Yaubada boi ikatótula Eberamo mana bodao yaidi goi bei poyapoya ana madabokiina ivinidi adi kaba lovina. Ago geya kada ina Katukeda ana guinuwa pasina ikatótula geya, go sem unana Eberamo ina numisa pasina tauyana kiboobosina Yaubada matana goi.
ROM 4:14 Neta atotulayana ina sowóduwo kidi Atukedayana adi toguinuwa sibabane, e numisa bogina geya basabasainamo be nakae atotulayana dogoi besobeso.
ROM 4:15 Manakaeda tayagoi moe moitamo? Yaubada ina Katukeda ana kapipilova pasina ina egamogamogu isowóduwo. Go neta Atukedayana geya, e apipilova geya.
ROM 4:16 Yaubada ina katótula Eberamo ivini moe ina numisa pasina unana ame: Bego atotulayana moe Yaubada ina kanuwóiya kaka goi, e bei ina katotulayana kita Eberamo ina bodao liliuda moitamo tababane. Geya kada kidi Atukedayana ana toguinuwa aditava geya, go sem avatauwa neta idi numisa Eberamo ina numisa nakae, tauyana madabokiida tubuda nakae.
ROM 4:17 Moe nakae boi Gínina Kimaasabaina idige, kana, ‘Avayokoim kom boda badabadaidi tubudi.’ Aba Vatowo 17:5 E Eberamo inumisa Yaubada yaina, tuwo tauyana moe madabokiida tubuda nakae Yaubada matana goi. Eberamo iyagoi Yaubada ibóbwara moitamo unana itoboine tokámasa ikaitaoedi be nakae kaga neta mainao geya sikaiyaketa, e ibóbwara sisowóduwo.
ROM 4:18 Ana kaigigita atotulayana geya itoboineyeta isowóduwo o tadigo kada, ‘Eberamo itoboine nukotona itopa’ go, tuwo tauyana mana lotuta inumisa nakona moitamo nava tauyana bei boda badabadaidi tubudi nakae Gínina Kimaasabaina bogina idige, kana, ‘E tubumowo adi badabada bei nakae.’
ROM 4:19 Geya tayamo tuta Eberamo ina numisa ineneta. Tauyana ana tala giyakainava 100 bogina, e bogina iyagoi wowona kaamasina be nakae Sera kaagalina.
ROM 4:20 E Yaubada ina katótula manuna geya inanayuwoita; nakae ina numisa geya ikalaveyeta. Go sem ina numisayana imatuwo unana Yaubada aba taimámina ikinane
ROM 4:21 be nakae iyagoi bego kaga Yaubada bogina ikaatotule, nakae itoboine iguinuwe.
ROM 4:22 Moe pasina tauna kina Yaubada Eberamo ina numisayana igite, ikamoitamoe bego kina Eberamoyana moe Yaubada nuwona ana tokibóbwata.
ROM 4:23 E amo gininayana kana, ‘Ina numisayana ikamoitamoe’ go, moe geya kada Eberamo anetava manuna geya,
ROM 4:24 go sem kita nakae manuda! Bei ida numisa ikamoitamoe, e kita nakae kiboobosida Tauyana matana goi, kita tauyada tanumisa bego ida Tomoya Yeisu tokámasa yaidi bogina ikaitáoe.
ROM 4:25 Yeisuyana boi siyoisi ida kapipilova pasidi sikaumate go, kita manuda Yaubada ikaitáoe bego ivayokoida kita nuwona ana tokibobwatayao.
ROM 5:1 E ida numisa pasina Yaubada bogina ivayokoida kita kiboobosida, tauna ida Tomoya Yeisu Guyau ina guinuwa goi tatuboina Yaubada taiyao.
ROM 5:2 Guyauyana goi Yaubada ina kanuwóiya talotowo ida numisa pasina, e anuwoiyayana goi ame tuta takaaiyaka be nakae taauyáwana unana taalotuta bego Yaubada ana káeyana tomoeeyalina bei tasiuko.
ROM 5:3 Go geya ida lotuta kaka manuna taauyáwana geya, go sem ida mou manudi nakae taauyáwana unana tayagoi bego mouyadi mesayágana yaida goi bei sikeuwoe.
ROM 5:4 E aramaitanayana napasida dedevina yaida goi bei ikeuwoe. E napasidayana bei lotuta yaida goi ikeuwoe.
ROM 5:5 E ida lotutayana Yaubada matana goi bei geya igieomaemaedeta. Ame manakaeda tayagoi? Baloma Kimaasabaina Yaubada bogina iivinida ina matakoi ateda goi bogina isiwoi. Tauna tayagoi ida lotutayana geya igieomaemaedeta.
ROM 5:6 Aba gita Yaubada ina matakoi manuna avinimi. Kita nava neenetaida go, tuta ana toboine goi kita Yaubada ana tokaoliliwo manuda Guyau ikámasa.
ROM 5:7 Seki, masa tatagona bego tomota tayamo Yaubada nuwona ana tokibóbwata go, manuna takámasa. Neta tomota ada tovaita, e nakona tatagona bego manuna takámasa.
ROM 5:8 E moe moitamo go, Yaubada toinina ina matakoi yaida goi ivatulukoida bego kita nava toogoyoida go, tuwo manuda Guyau ikámasa.
ROM 5:9 Tauna Yeisu ikaikaina goi ame tuta Yaubada ivayokoida kita kiboobosida. Tauna tayagoidoko ina egamogamogu yaina goi bei iyaveda.
ROM 5:10 Neta boi mainao kita Yaubada ana kaleyayao go, Natuna ina kámasa goi ikabivekovekomneida, e tayagoidoko Natunayana yawoina vau goi moitamo bei iyaveda.
ROM 5:11 Go geya kada ada yava kaka manuna taauyáwana geya, go sem Yaubada ina guinuwa ida Tomoya Yeisu Guyau goi manudi tauyáwana nakae. Yeisuyana goi abivekovekomna Yaubada taiyao tababane.
ROM 5:12 E tauna mae guna livalayana ivatulukoida ame: Koroto tayamo pasina goyo isowóduwo poyapoya ame goi. Goyoyana goi ámasa isowóduwo. Moe nakae ámasa isagayako ina tomota liliuda yaida unana liliuda tagoyo.
ROM 5:13 Manakaeda tayagoi moe moitamo? Namliyeta Yaubada ina Katukeda bei ima poyapoya ame goi go, goyo bogina ikaaiyaka, e tomota liliudi sigoyogoyo. Neta Atukedayana geya, e idi goyoyadi Yaubada geya ikatuyaividita go, tuwo ámasa geya ikavaveta,
ROM 5:14 go sem Adama ina tuta go, ima Mosese ina tuta goi ámasa iilovina tomota yaidi. Go idi goyo geya kada Adama ina kapipilova nakae geya go, tuwo nakae amasayana iloviinaedi. Adamayana moe koroto tayamo namliyeta bei ima makayauna nakae, korotoyana moe Guyau.
ROM 5:15 Go geya kada sivavasa toina geya, go sem Adama ina kapipilova geya kada Yaubada ina yabobona nakae geya. Koroto tayamo ina kapipilova goi tomota liliudi sikámasa go, Yaubada ina kanuwóiya nakae ina yabobona moe koroto tayamo yoina Yeisu Guyau ina kanuwóiya goi ivaituwedi tomota liliuda yaida.
ROM 5:16 Ago yabobonayana bolotona geya kada korotoyana tayamo ina goyo bolotona nakae geya. Moitamo. Goyoyana bolotona moe Yaubada itakinoida kita toogoyoida, e ámasa bei tababane. Go kita tomota ida kapipilova liliudi mlidi yabobonayana isowóduwo, e bolotona moe Yaubada ivayokoida kita kiboobosida.
ROM 5:17 Guna nuwonúwana ataligei. Tayamo koroto ina kapipilova goi ámasa iilovina, tuwo tomota sikamakámasa. Go koroto aiyuwoina ina guinuwa ikalisave. Korotoyana moe Yeisu Guyau. Tauyana ina guinuwa goi Yaubada ina kanuwóiya gagaina taababane. Anuwoiyayana ivinibesoida moe Yaubada ivayokoida kita kiboobosida. E Yeisu Guyau taiyao maa yawoida vau bei talovina.
ROM 5:18 E tauna tomota tayamo ina kapipilova tayamo goi tomota liliuda Yaubada itakinoida kita toogoyoida itoboineda ámasa tababane. E nakae koroto tayamo ina guinuwa kiboobosina goi tomota liliuda Yaubada ivayokoida kita kiboobosida be nakae yawoida vau tababane.
ROM 5:19 Koroto tayamo ina kapipilova goi tomota liliuda tamalatogoyoida, e nakae koroto tayamo ina kabikáwana goi liliudakova ivayokoida kita kiboobosida.
ROM 5:20 E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina
ROM 5:21 bego ame: Nakonakae goyo ana togagayana ámasa goi iilovina, e nakae Yaubada ivayokoida kita kiboobosida, tauna ina kanuwoiyayana iilovina, e yawoida vata ida Tomoya Yeisu Guyau ina guinuwa goi bei tababane.
ROM 6:1 E tauna manakaeda? Kada, ‘Goyo taguuinuwe bego Yaubada ina kanuwóiya ivaaituwe yaida’?
ROM 6:2 Geya, geya toina! Ana kaigigita kita bogina takámasa, e goyo ina togagayana bogina tatavileiye. Tauna manakaeda nava goyo ina togagayana goi takaaiyaka? Geya!
ROM 6:3 Neta moe koyagoi, e nakae itoboine koyagoi bego kita liliuda neta tomota bogina sisayoyoida bei Guyau Yeisu tasiuko, e ana kaigigita ina kámasa nakae tasiuko.
ROM 6:4 Tauna tutayana sisayoyoida, bei ina kámasa tasiuko, ana kaigigita kina taiyao sivaliwogeda bego kita Tauyana nakae ame nakae: Tauyana tokámasa yaidi Tamana ina togaga ana káeyana goi ikaitáoe, e bei kita nakae yawoida vau goi itoboineda taketoiya.
ROM 6:5 Neta kita bogina taspwagógana Tauyana ina kámasa taiyao, e ámasa goi geya takaiyaketa geya, go sem moitamo toina Tauyana ina taoyamna goi taiyao nakae taspwagógana.
ROM 6:6 Bogina tayagoi bego kita yawoida bogo kerose goi bogina situpatukoidi Guyau taiyao bego ida spwagógana goyo yaina goi ikavava, e bei goyo ina togagayana geya tuwaina iipakoida.
ROM 6:7 Avatauwa neta Guyau taiyao bogina sikámasa, Yaubada ivayokoidi kidi kiboobosidi, e kidi goyoyana ina lovina yaina goi taliigavidi.
ROM 6:8 E bogina tayagoi bego Yaubada Guyau tokámasa yaidi goi ikaitáoe, tauna Tauyana geya itoboineyeta ikamasamna. Ámasa geya tuwaina iloovinae. Tauna neta Tauyana taiyao bogina takámasa nakae, e tayagoidoko bego nava bei maa yawoida Tauyana taiyao nakae takaiyako vata.
ROM 6:10 Manakaeda tayagoi moe moitamo? Ámasa geya tuwaina Guyauyana iloovinae. Ina kamasayana moe nakae goyo ina togaga itavileiye go, moe sivatayamo iguinuwe. E maa yawoina ame tuta ikaaiyaka go, moe Yaubada umana ikaaiyaka.
ROM 6:11 Kita nakae. Tanuwokavāte ame moitamo: Guyau Yeisu taiyao bogina takámasa, bei goyo ina togaga tatavileiye go, maa yawoida Yaubada umana takaaiyaka ida spwagógana Guyau Yeisu taiyao pasina.
ROM 6:12 Tauna taabu goyo kootagōne wowomi yaidi goi iilovina bei ina yalagau kokabikaaonedi.
ROM 6:13 Taabu talaimi kokaasalēdi goyo yaina bei talaimiyadi ietakoidi guinuwa goyogoyoidi manudi. Go sem komi boi kaamasimi nakae go, ame maa yawoimi, e Yaubada yaina kokaasalēmi be talaimiyadi nakae kokaasalēdi Tauyana yaina bei ietakoidi kibóbwata manuna.
ROM 6:14 Moe moitamo. Taabu kootagōna bego goyo imi tomoya. Kita Yaubada ina Katukeda ina takínona geya ikaukabolideta, go sem ina kanuwóiya ikaukabolida.
ROM 6:15 E tauna manakaeda? Yaubada ina Katukeda ina takínona geya ikaukabolideta, go sem ina kanuwóiya ikaukabolida. Tauna manakae? Itoboine nava tagoyogoyo? Geya, geya toina!
ROM 6:16 Manakae? Geya koyagoiyeta bego avatau yaina paakonimi kabikaaonimi nakae kokaasalemi, e komi tauyana kokabiikaone ina pakonayao be itoboinemi sopana kokabikaone? Neta kolovina bego komi goyo ina pakonayao, ámasa bei kobabane. Go neta kolovina bego komi Yaubada ina pakonayao kabikaaonimi, e tuta ana kaba lukavava goi komi kiboobosimi.
ROM 6:17 E komi boi goyo ina pakonayao go, ame tuta ituli. Ima vatulúkwana konove go, vatulukwanayana Yaubada nuwomi goi itapate ikaidamanemi vatulúkwana ana tapata ana lovina goi, e nuwomi madabokina goi kokabikaone, e ikaigavilemi. E moe manuna Yaubada yaina akauyagu.
ROM 6:18 E goyo ana togagayana goi italigeida, tauna kita Tauyana ina pakonayao kibóbwata manuna.
ROM 6:19 Kita tomota ida kaba gita goi avatulukoimi komi imi nuwonúwana taameyaidi pasidi. Moitamo Tauyana ida Tomoya. Boi mainao talaimi kokaasaledi kaga goyogoyoidi be apipilova yaidi, tuwo dogoiyadi goi komi paakonimi. Moeko goi imi kapipilova kovaituwe. Go ame tuta talaimiyadi kokasalēdi Yaubada yaina, e bei komi Tauyana ina pakonayao kibóbwata manuna. Moeko goi komi bei kimaasabaimi Tauyana umana.
ROM 6:20 Moitamo. Tutayana komi goyo ina pakonayao, kibóbwata manuna geya konuwonuwoneta.
ROM 6:21 E tauna ava kéuwo boi mainao imi sinapu goi kobabane? Geya! Moe dogoiyadi pasidi omi imayamaya! Dogoiyadi bolotodi moe ámasa!
ROM 6:22 E ame tuta go Yaubada goyo ana togaga yaina goi bogina italigeimi go, komi Yaubada ina pakonayao. Tauna keuwoimi kobabane moe kimaasabaimi Yaubada umana namliyeta yawoimi vata kobabane.
ROM 6:23 Moe moitamo. Goyo ana katumapu moe ámasa go, Yaubada ina yabobona iviniibesoida moe yawoida vata ida spwagógana ida Tomoya Guyau Yeisu taiyao pasina.
ROM 7:1 Segowo, neta mae guna nuwonúwana Yaubada ina Katukeda manuna bogina koyagoi, e nakae nakona koyagoi bego Atukedayana moe kita tomota neta ma yawoida manuda, e kita maa yawoida ilovinaeda. (Komi Yaubada ina Katukeda bogina kooyagoi avaadigoimi.)
ROM 7:2 Aba gita tayamo aguinuwe. Atukedayana goi itoboine vavina nainaina monena taiyao situyuwo vata. Go neta monenayana ikámasa, e vavinayana ana talígava nai ana lovina Atukeda goi bogina ibabane.
ROM 7:3 E tauna tutayana monenayana nava maa yawoina, neta vavinayana ituli ta koroto taiyao sinai, e tomota itoboinedi siduduwe toroerata. Go neta monenayana ikámasa, e lovinayana goi vavina ana talígava bogina ibabane, tauna itoboine ituli ta koroto inai go, tomota geya itoboinedita siduduwe toroerata.
ROM 7:4 Tauna, segowo, kita nakae. Ana kaigigita ida spwagógana Guyau wowona taiyao goi Yaubada bogina ikaumateda, e ina Katukeda geya tuwaina iloviinaeda. Kita vavinayana nakae itoboineda ituli ta moneda takabi. Monedayana moe Yeisu, Tauyana tokámasa yaidi goi Yaubada ikaitáoe. Moe bego takéuwo Yaubada manuna.
ROM 7:5 Tutayana boi kita sakava goi taaketoiya, Atukedayana pasina goyo ana vikaiya talaida goi sipaaisewa bei keuwoida moe ámasa.
ROM 7:6 Go ame tuta Atukedayana ana takínona yaina goi Yaubada bogina italigeida unana boi Atukeda ana takinonayana iipakoida nakae go, bogina takámasa, e geya tuwaina iloviinaeda. Tauna mada katetagona tapaaisewa Yaubada umana geya kada Atukedayana ana kenao bogo goi geya, go sem Baloma Kimaasabaina ina kenao vau goi.
ROM 7:7 E tauna manakaeda? Kada, ‘Yaubada ina Katukeda moe goyo’? Geya, geya toina! Go sem neta ina Katukedayana geya, e geya itoboineguta goyo ayagoi. Neta Atukedayana goi geya tayamo lovina kana, ‘Taabu koyaalagāu’, bei yalagauyana geya ayagoiyeta.
ROM 7:8 E goyoyana yaigu goi enao ibabane bei lovinayana goi yalagau liliudi ivaituwedi yau yaigu. Neta Atukedayana geya, goyo geya ina togagamo.
ROM 7:9 E yau maa yawoigu akaaiyaka boi mainao Yaubada ina Katukeda nava geya isowoduwoita. Go Atukedayana ana lovina yalagau manuna isowóduwo ima, e goyo matabuwona itáoya, ivatowo ipaaisewa yaigu goi.
ROM 7:10 E yau balomaigu ikámasa o tadigo kada, ‘Yaubada yaina itavileiyegu.’ Tuwo agitebabane Atukedayana ana lovina bego yawoigu vau ababane go, moe lovinayana pasina ámasa ababane.
ROM 7:11 Guna nuwonúwana ataligei. Goyoyana enao Atukeda ana lovina goi ibabane bei ikatubaugu, tuwo lovinayana goi ikaumategu.
ROM 7:12 Tauna Yaubada ina Katukedayana kimaasabaina be nakae ana lovina kimaasabaidi, kivaavasaidi be dedevidi.
ROM 7:13 Tauna manakae? Kada, ‘Yaubada ina Katukeda dedevina go, Atukedayana goi ámasa ababane, e Yaubada yaina itavileiyegu’? Geya, geya toina! Go sem moe goyo ipaaisewa bego ina guinuwa toina isowóduwo bei ayagoi. Goyoyana Yaubada ina Katukeda dedevina iepaisewe go, ina guinuwayana goi ámasa ababane. Ame bego lovinayana goi goyo ayagoi igoyo toina.
ROM 7:14 Ame moitamo. Bogina tayagoi bego Yaubada ina Katukeda Balomaina goi ima go, yau sem sakava neenetaina, e goyo guna tomoya nakae ipakoigu.
ROM 7:15 Ame tuta kaga aguuinuwe moe geya ayagoiyeta kaga unana aguuinuwe. Kaga neta latuwogu aguinuwe, moe geya aguinuweyeta, go sem kaga neta akaaolilive, moe aguuinuwe.
ROM 7:16 Go neta kaga aguuinuwe geya latuwogu aguinuwe, e moeko goi akamoitamo bego Atukedayana idedevina.
ROM 7:17 E ame tuta geya kada moe yau guinuwa goyogoyoinayana aguuinuwe geya, go sem moe goyo yaigu goi ikaaiyaka iguuinuwe.
ROM 7:18 Bogina ayagoi togaga dogoi dedevina ana guinuwa manuna yaigu goi geya ikaiyaketa o tadigo kada, ‘Sakavaigu goi geya ikaiyaketa.’ Latuwogu dogoi dedevina aguinuwe go, geya itoboineguta.
ROM 7:19 Moitamo. Dogoi dedevina latuwogu aguinuwe, moe geya aguinuweyeta, go sem dogoi goyogoyoina geya latuwogu aguinuwe, moe aguuinuwe.
ROM 7:20 Go neta kaga geya latuwogu aguuinuwe, moe aguuinuwe, e moe geya tuwaina yau aguuinuwe geya, go sem moe goyo yaigu goi ikaaiyaka iguuinuwe.
ROM 7:21 Tauna Yaubada ina Katukeda agitebabane bego tutayana latuwogu sinapu dedevina nakae Atukedayana idigedige aguinuwe, goyo yaigu goi ikaaiyaka, tuwo goyo aguinuwe.
ROM 7:22 Guna nuwonúwana ataligei. Nuwogu goi Yaubada ina Katukeda manuna auyáwana.
ROM 7:23 Go Atukedayana ina paisewa ituli talaigu goi agite ipaaisewa. Ame Atukedayana ivaayaviya Atukeda nuwogu goi taiyao. Atukedayana ina paisewa talaigu goi pasina yau deri ana tokaiyaka nakae, e goyo talaigu goi ikaaiyaka Atukedayana ietako toinina manuna bei iyowóigu.
ROM 7:24 O yau guna toovalugo! Wowogu goi ámasa bei ababane. Avatau bei wowoguyana yaina goi iyavegu?
ROM 7:25 E moe Yaubada ida Tomoya Yeisu Guyau goi itoboine. Moe manuna Yaubada yaina akauyagu. Tauna nuwogu goi Atukedayana Yaubada iepaaisewe, e yau Tauyana ina pákwana go, sakavaigu goi goyo Atukedayana iepaaisewe, e yau goyoyana ina pákwana.
ROM 8:1 Tauna ame tuta kita Guyau Yeisu goi Yaubada geya itakinoideta kita toogoyoida, tauna liuna geya ivinideta.
ROM 8:2 Yaubada ina Katukeda neta Baloma Kimaasabaina iepaaisewe, kita Guyau Yeisu goi yawoida vau ivinida. Ago goyo be ámasa idi togaga nakae Atukedayana iepaaisewe go, tutayana Balomayana iepaaisewe, goyo be ámasa idi togaga yaina goi italigeida.
ROM 8:3 Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.
ROM 8:4 Nakae iguinuwe bego itoboineda Atukedayana ina lovina mooitamoina takibobosidoko ame nakae: Kita taaketoiya geya nakae sakava iilovina, go sem nakae Baloma Kimaasabaina iilovina.
ROM 8:5 Avatauwa neta siiketoiya nakae sakava iilovina, nuwodi siyato sakavayana ana yala goi. Go avatauwa neta siiketoiya nakae Baloma Kimaasabaina iilovina, nuwodi siyato Balomayana ina yala goi.
ROM 8:6 Tomotayadi nuwodi siyatoyato sakava ina yala goi, e ámasa bei sibabane. Go kidi nuwodi siyatoyato Baloma Kimaasabaina ina yala goi, e yawoidi vau be tuboina sibabanedi.
ROM 8:7 Avatauwa neta nuwodi siyatoyato sakava goi, e Yaubada sivakaleye. Kaga unana? Nuwodi geya sikasaleyeta Yaubada ina Katukeda goi. Moe kaga unana? Unana geya itoboinedita! Tauna geya sikasaleyeta Atukedayana goi.
ROM 8:8 E tauyadi sakava ina lovina ikabikuunuidi geya itoboinedita Yaubada siuyaone.
ROM 8:9 E kita sakava ina lovina geya ikabikunuideta, go sem Baloma Kimaasabaina ina lovina ikabikunuida neta moitamo Yaubada Balomaina yaimi goi ikaaiyaka. Go avatauwa neta yaidi goi Guyau Balomaina geya ikaiyaketa, e tauyadi geya Guyau ina bodao geya.
ROM 8:10 E Guyauyana yaida goi ikaaiyaka, tauna moitamo nava bei wowoda sikámasa goyo pasina go, Baloma Kimaasabaina yawoida vau bei ivinida unana Yaubada bogina ivayokoida kita kiboobosida.
ROM 8:11 E Yaubada Yeisu tokámasa yaidi goi ikaitáoe, tuwo Balomaina yaida goi ikaaiyaka. Tauna nakona wowoda ame tuta bei sikámasa go, Guyau Yeisu ana Tokaitáoya bei imadagidi maa yawoidi. Balomainayana yaida goi ikaaiyaka wowoda bei imadagidi maa yawoidi.
ROM 8:12 E tauna, segowo, geya ada tasikwanamo sakava yaina goi bego ina lovina goi takaaiyaka.
ROM 8:13 Neta sakava ina lovinayana goi taaketoiya, moitamo bei takámasa. Go neta Baloma Kimaasabaina ina togaga goi wowoda idi guinuwa goyogoyoidi takaumatedi, e yawoida vau bei tababane.
ROM 8:14 Avatauwa neta Yaubada Balomaina ivaakededi, e tauyadi Yaubada natunao.
ROM 8:15 Yaubada Balomaina ivinida go, geya bego ipakoida bei ikaluvilemneida ina liuna ana matoita goi geya. Go sem Balomainayana bogina ivinida bei ivanatuneda go, ame Balomayana goi kita taaduduwo Yaubada yaina kada, ‘Abba, Tamagu!’
ROM 8:16 Baloma Kimasabainayana toinina ikamoitamoe balomaida taiyao bego kita Yaubada natunao.
ROM 8:17 E kita natunao, tauna kaga Yaubada boi ikaatotule Guyau taiyao bei ivinida, neta Tauyana nakae gedageda talotowo ida numisa pasina. Ida gedagedayadi bego kita nakae nava bei Yaubada ana káeyana tomoeeyalina tasiuko Guyau taiyao.
ROM 8:18 Nakona moitamo gedagedayadi moumoudi go, anuwonúwana bego Yaubada ana kaeyanayana tomoeeyalina nava bei tasiuko, moe dogoi gagaina namliyeta gedagedayadi ame tuta talootowoidi.
ROM 8:19 Aeyanayana dogoi gagaina, nakae Yaubada ina madágina madabokina madi uyáwana siituyáwata natunaoyada ikaiwoduweda kita maa yoida.
ROM 8:20 Bogina koyagoi. Apipilova pasina Yaubada ina madágina itagonedi dáura be ámasa yaidi goi. Tuwo ina madaginayadi geya basabasaidimo go, geya kada toinidi idi puwoya pasina geya, go sem moe Yaubada kina ina tagonayana pasina. Go lotuta tayamo ikaaiyaka
ROM 8:21 bego ina madaginayadi dáura ina yówana goi italigeidi bei idi kaiyaka dedevina tutayana kita natunaoyada taiyao ana káeyana tomoeeyalina tasiuko nakae talotowo.
ROM 8:22 Guna nuwonúwana ataligei. Bogina tayagoi bego Yaubada ina madaginayadi madabokidi tomota mana gedageda nakae sikalaayawoi be nakae gedageda silootowoidi boi nimatu go, ima ame tuta vavina nakae neta ina tuta venátuna ibabane go, mana uyáwana iituyáwata natuna igite.
ROM 8:23 E ina madaginayadi geya aditava madi gedageda sikalaayawoi geya, go sem kita nakae ateda goi mada gedageda takalaayawoi tutayana mada uyáwana Yaubada tatuuyaosi ivanatunedokoida. Ada vanatunayana goi wowoda bei itatetedi. Tayagoi moe moitamo unana Yaubada Balomaina moe ina keuwokumgo nakae bogina iivinida o tadigo kada, ‘Ina yabobona vakuumgoina ivinida’, e yaida goi ikaaiyaka.
ROM 8:24 Moitamo. Tutayana Yaubada iyaveda ada tatetayana talootutae. Go neta itoboineda tagite kaga talotutae, e moe lotuta geya. Bogina koyagoi. Avatau bei ilotuta dogoi tayamo manuna neta itoboine igite? Geya!
ROM 8:25 Go neta kaga geya tagiteyeta talotutae, e mada mesayágana be mada uyáwana tatuuyaosi.
ROM 8:26 E Baloma Kimasabainayana ikamoitamo yaida goi bego kita Yaubada natunao go, aiyuwoina ida neneta yaidi goi ivaiteda. Moitamo. Geya tayagoiyeta kaga manuna takawanoi Yaubada yaina nakae itoboine, go sem kina go Balomayana yaida goi ikaaiyaka toinina ivapisiyeda, e manuda mana kalayawoi nikuunikudi ikawanoi Yaubada yaina.
ROM 8:27 E kina go Yaubada nuwoda adi todovatusi, e Baloma Kimaasabaina nuwona bogina iyagoi bego ivapisiyeda, kita Yaubada ina kimasabayao go, ina vapisiyayana nakae Yaubada ina nuwonúwana.
ROM 8:28 E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.
ROM 8:29 Nuwonuwanayana ame nakae: Tauyadi boi mainao igimiyagoidi, e nakae igimilovina bei tauyadi Natuna ana tapata nakae, e bei Tauyana totubukumgo kita senao badabadaida yaida goi.
ROM 8:30 E tauyadi igimilovina bei Natuna ana tapata nakae, e nakae iduduwedi sima bei kidi ina bodao. Tauyadi iduuduwedi, e nakae ivayokoidi kidi kiboobosidi. Tauyadi ivaayokoidi kidi kiboobosidi, e nakae ana káeyana tomoeeyalina goi bei ikatuvaisiudi.
ROM 8:31 E tauna manakaeda ame dogoiyadi manudi? Ame nakae: Yaubada ipaaisewa ada dedevina manuna, tauna avatau itoboine bei itogagasaveda? Geya!
ROM 8:32 Yaubada toinina Natuna geya ivagagaleyeta, go sem kita madabokiida manuda ikasale ámasa goi. Neta Natunayana itagone yaida, manakae? Bei kaga liliuna ivinibesoida gea geya? Moitamo bei ivinibesoida!
ROM 8:33 Avatau bei kita Yaubada ina kinavayao iwowokoida? Geya toina! Kina Yaubada ivayokoida kita kiboobosida go!
ROM 8:34 Avatau bei itakinoida kita toogoyoida liuna manuna? Geya toina! Kina Guyau Yeisu ikámasa go, Yaubada ikaitáoe, e ikaaiyaka Yaubada wowoina basekoina kakataina goi ivapiisiyeda go!
ROM 8:35 Kaga itoboine Guyau ina matakoi yaina goi ivatumasabeda? Manakae? Mou o ategeda o yogedageda o loga o geya ada kwamamo o aba vailai o ámasa itoboinedi Guyau ina matakoiyana yaina goi sivatumasabeda? Geya toina!
ROM 8:36 Moe nakae Devida Yaubada ilatuwoko Gínina Kimaasabaina goi idigo kana,
ROM 8:37 Geya tayaamo kaga itoboine Guyau ina matakoi yaina goi ivatumasabeda, go sem ame dogoiyadi liliudi ada Tomatakoi ina vaita goi tatogagasavedi.
ROM 8:38 Moitamo. Ayagoi bego geya tayaamo kaga itoboine Guyau ina matakoi yaina goi ivatumasabeda. Neta ámasa o yawoida o anerose o dimoni o dogoi ame tuta siisowóduwo yaida o dogoi nava bei sisowóduwo yaida o yábana osasaina ana totogagayao
ROM 8:39 o kaga diligaemaina yábana ana dadava goi o kaga poyapoya sinaena goi o ava madágina Yaubada boi iimadagi. Moe dogoiyadi geya itoboinedita Yaubada ina matakoi yaida goi sivatumasabeda. Matakoiyana taalotowo moe ida spwagógana ida Tomoya Guyau Yeisu taiyao pasina.
ROM 9:1 Guyau ina vakeda goi abóbwara moitamo. Geya apoleta geya unana Baloma Kimaasabaina nukotogu goi isanayato, e nukotoguyana geya isabutukoeta. Tauna guna bóbwara moitamo.
ROM 9:2 Abóbwara moitamo bego ategu goi guna nuwomou gagaina be nakae guna kategeda geya sikavaveta.
ROM 9:3 Neta itoboinegu, latuwogu segowo guna bodao Diyuu sakava ana dadava goi avaitedi bei Guyau sinumise. Bego atagonegu yau kidi adi katumapu bei Yaubada ina liuna ababane be nakae Guyau itavileiyegu, e bei tauyadi nakona dedevidi Guyau taiyao.
ROM 9:4 Segowoyadi Isileli tubunao yau nakae. Boi nimatu Yaubada tubumao ivanatunedi, ina togaga ana káeyana sigite, ikanasíuna tauyadi yaidi, ina Katukeda ivinidi, Vada Kimaasabaina ana paisewa ivinidi be nakae ina katótula bogina ivinidi.
ROM 9:5 Tubumao koroto gagaidi maniyedi nakae maa yoidi. Tauyadi yaidi sakava ana dadava goi Guyau isowóduwo ima. Yaubada, Tauyana kaga liliuna itobuukukuidi, aba yapali vata! E nakae!
ROM 9:6 E Diyuu maniyedi Yeisu geya sinumiseyeta go, manakae? Yaubada ina livala yaidi goi geya imalatomoteta? Geya, imalatomota. Bogina koyagoi. Geya kada Isileli tubunao liliudi moitamo toina Yaubada ina bodao toina geya.
ROM 9:7 Nakae Eberamo tubunao yaidi goi maniyedi geya ina bodao toidi geya, go sem Yaubada Eberamo ilatuwoko idigo kana, ‘Guna katótula tubumowo manudi Aisake goi bei imalatomota.’
ROM 9:8 Moe livalayana ana yagoina ame nakae: Eberamo tubunao sakava goi moe geya Yaubada natunao geya, go sem avatauwa neta Yaubada ina katótula goi sisowóduwo moe Yaubada natunao.
ROM 9:9 Ame moitamo. Atotulayana kana, ‘Tukówana ainima aivasi nakae sikavava, bei akaluvila go, Serayana bogina bei ivenátuna, natuna koroto.’
ROM 9:10 Go Sera geya anetava atótula goi ikéuwama geya, go sem Ribeka nakae. Koroto tayamo goi ikéuwama lalavi; korotoyana moe tubuda Aisake.
ROM 9:11 Moitamo ina keuwamayana moe atótula goi. Kidi lalaviyadi nava geya sibibineta nakae geya tayaamo kaga dedevina o goyogoyoina siguinuwe go, tuwo Yaubada tayamo ikinave, moe Yakobo. Moe bego ina kinavayana goi ina yúpuna nava iisowóduwo.
ROM 9:12 Go Yakoboyana ana kinava moe geya ina guinuwa pasina geya, go sem ana Toduduwo Yaubada pasina. E tutayana lalaviyadi nava geya sibibineta, Yauwe Ribeka ilatuwoko idigo kana, ‘Bogomane bei ietolovina botomoya yaina goi.’
ROM 9:13 Moe nakae Yaubada ina tokabivalavala tayamo igini idigo kana,
ROM 9:14 E tauna manakaeda Yaubada ina guinuwayana manuna? Kada, ‘Yaubada ina lovina Yakobo be Iso manudi geya ivavaseta’? Geya, geya toina!
ROM 9:15 Moitamo. Mosese nakae igini Yaubada ina guinuwayana manuna idigo kana, ‘Avatau neta latuwogu akanuwoiye, bei akanuwoiye. Avatau neta latuwogu anuwokapisiye, bei anuwokapisiye.’
ROM 9:16 Tauna Yaubada ina kinava unana moe geya kada kaga tomota latuwodi o idi poisógana goi geya, go sem moe Yaubada kina Tonuwokapisi ame tauna.
ROM 9:17 Moitamo. Geya kada tomota idi guinuwa goi geya. Gínina Kimaasabaina nakae idige. Gininayana goi Yaubada Pero ilatuwoko idigo kana, ‘Ame pasina tauna atagonem maa yawoim: Latuwogu guna togaga kom goi avagitakoe go, aiyuwoina bei valegu inúnuwo ina poyapoya ana madabokina goi.’
ROM 9:18 E tauna avatau neta Yaubada latuwona inuwokapisiye, bei inuwokapisiye go, neta latuwona avatau dabana ikaukase, bei ikaukase.
ROM 9:19 Tauna tayamo yaimi nakona bei idigo kana, ‘Neta Yaubada ina sinapu nakae, kaga unana nava iwowokoida toogoyoida? Avatau itoboine Yaubada ina nuwonúwana ivakaleye? Geya!’
ROM 9:20 Kom tomota! Moe geya toina, go sem kom vatau itoboinem Yaubada kukaubodebode? Manakae? Vaega itoboine ana tokalitáoya ilatuwoko kana, ‘Kaga unana ame nakae kukalitaoegu?’ Geya ae?
ROM 9:21 Manakae? Tomolúluwo mana lovina bei kula tayamo goi vaega tayamo ikalitáoe kelamo aba wowoina manuna go, vaega tayamo ikalitáoe moe vaega beso geya ana kaba wowoinamo? U nakae!
ROM 9:22 E livalakaibalayana ataligei. Nakona Yaubada latuwona ina egamogamogu ivagitakoe be nakae ina liuna goi ina togaga ikaiwoduwe bego tomota siyagoi go, tuwo toogoyoidi bogina ikatubaayasidi adí mtula manuna, e yaidi goi imesayágana gagaina be adi liuna itoto. Neta nakae latuwona, itoboine nakae iguinuwe.
ROM 9:23 Moitamo toina Tauyana itoboine ina togaga ana káeyana ivagitakoe tauyadi inuwokapiisiyedi yaidi bego ana kaeyanayana dedevina toina. Amo tauyadi moitamo igimikatubayasidi bei ana káeyana tomoeeyalina sisiuko.
ROM 9:24 Kita iduduweda go, geya kada Diyuu adetava geya, go sem Totuyoyowo nakae.
ROM 9:25 Moe nakae Yaubada ina livala boi Oseya italavaite idigo kana,
ROM 9:26 Aiyuwoina kana,
ROM 9:27 E kina go Aiseya Isileli tubunao manudi italavaita idigo kana,
ROM 9:28 Moe moitamo.
ROM 9:29 Moe nakae Aiseya ina talavaita Yaubada manuna, idigo kana,
ROM 9:30 E tauna mae guna livalayadi manudi manakaeda? Ame nakae: Totuyoyowo enao geya silusaleyeta bego kidi kiboobosidi Yaubada matana goi go, tuwo moe sibabane. Go moe numisa goi sibabane.
ROM 9:31 E kidi go Isileli tubunao latuwodi Yaubada ina Katukeda sisokikine bei Atukedayana ana guinuwa pasina kidi kiboobosidi Yaubada matana goi go, moe geya sibabaneyeta.
ROM 9:32 Kaga unana geya sibabaneyeta? Unana idi sokikinayana moe geya kada numisa goi geya, go sem Atukedayana ana guinuwa kaka goi. Tauyadi Gurewa aba sapákwana isapakoidi sikapusi.
ROM 9:33 Moe nakae Gínina Kimaasabaina goi Aiseya Yaubada ina livala italavaite idigo kana,
ROM 10:1 Segowo, ategu goi latuwogu toina guna bodao adi yava bei sibabane, e moe manuna nakae akaawanoi Yaubada yaina.
ROM 10:2 Ataalavaita tauyadi manudi bego madi salau sipooisógana Yaubada manuna go, idi poisoganayana goi geya idi nanamsamo.
ROM 10:3 Ame moitamo. Yaubada ina kibóbwata ina kanasíuna manuna kidi Isileli tubunao sitamogemogeye. Tuwo sipoikiki bego toinidi idi túwana siwodugu aditava manudi bego kidi anasíuna tomotaidi kiboobosidi. Tauna Yaubada ina kibobwatayana ina kanasíuna manuna geya siuyaoneyeta.
ROM 10:4 Moe moitamo. Yaubada ina Katukeda Guyau goi imalatomota, e bei avatauwa neta Tauyana sinumise, Yaubada matana goi kidi kiboobosidi.
ROM 10:5 Moitamo Guyau goi imalatomota. Mosese boi igini tomota manakaedi bego Atukedayana ana guinuwa pasina Yaubada matana goi kidi anasíuna tomotaidi kiboobosidi, idigo kana, ‘Avatauwa neta lovina Yaubada ina Katukeda goi siguuinuwedi, e guinuwayadi goi bei siiketoiya.’
ROM 10:6 Go ida numisa pasina kita anasíuna tomotaida kiboobosida, moe manuna Gínina Kimaasabaina idigo kana, ‘Atem goi taabu kudigodīgo kam, “Avatau bei ituko ina yábana?”’ Atukeda 30:12 Moe ana yagoina kada, ‘Tomota tayamo itoboine ituko ina yábana bego Guyau ikabi isouye.’ Go Guyauyana bogina isou ima!
ROM 10:7 Aiyuwoina taabu kudigodīgo kam, ‘Avatau bei isou tokamasa vata idi dadava goi?’ Atukeda 30:13 Moe ana yagoina kada, ‘Guyau tokámasa yaidi goi takabi takaitáoe.’ Go Guyauyana tokámasa yaidi goi bogina itaoyamna!
ROM 10:8 Guyau ada yava bogina ime. Tauna ada yavayana geya kada aduwanau goi geya, go sem Gínina Kimaasabaina manakaena ilatuwokoida? Idigo kana, ‘Yaubada ina livala bogina kikim goi ikaaiyaka; nakae sopam goi be atem goi ikaaiyaka.’ Atukeda 30:14 Moe livalayana numisa valena kai kataalavaite
ROM 10:9 bego neta sopada goi Yeisu takatomoyae kina Tomoya be nakae ateda goi tanumisa bego Yaubada tokámasa yaidi goi ikaitáoe, e ada yava bei tababane.
ROM 10:10 Moitamo. Ateda goi tanumisa, tauna kita Yaubada matana goi kiboobosida. E sopada goi Yeisu takatomoyae bego Tauyana Tomoya, e bei ada yava tababane.
ROM 10:11 Moe nakae Gínina Kimaasabaina idige kana,
ROM 10:12 Bogina koyagoi. Kita Diyuu be kidi Totuyoyowo tavavasa; enao tayamo goi madabokida ada yava tababane. Ida Tomoya tayamo; e Tauyana tomota liliuuda ida Tomoya. Tauyana Toesaesa; bei liliuda neta taduduwe, e yaida goi ikaiguyau gagaina.
ROM 10:13 Moe nakae Iyoeli idige kana,
ROM 10:14 E tauna Yaubada neta totalavaita geya ivamoleyedita, manakaedi bei Vala Dedevina sitalavaite? Geya. Neta Valayana geya sitalavaiteyeta, tomota manakaedi bei sinove? Geya. Neta tomota geya sinoveyeta, manakaedi bei sinumisa Yeisu yaina? Geya. Neta geya sinumiseyeta, manakaedi bei siduduwo Tauyana yaina vaita manuna? Neta Yaubada ina totalavaita ivamoleyedi sina sitalavaita, moe bei dedevina toina. Moe nakae Gínina Kimaasabaina idige kana,
ROM 10:16 Valayana tomota liliudi sinove go, maniyedi geya sikabikaoneyeta. Moe nakae Aiseya ina livala. Tauyana idigo kana, ‘Yauwe,
ROM 10:17 Tauna numisa ana kenao ame nakae: Tomota sinumisa unana Guyau Valena sinove go, Valenayana sinove tomota idi talavaita pasina.
ROM 10:18 Nakona maniyedi sitamogemoge unana Valayana geya sinoveyeta. Go manakae? Yau abobóbwara bego kidi Isileli tubunao Valayana geya sinoveyeta? Geya! Moitamo, bogina sinove. Same goi nakae igini kana,
ROM 10:19 Go manakae? Yau abobóbwara bego Yeisu valenayana ana yagoina kidi Isileli tubunao geya siyagoiyeta? Geya! Siyagoi go, sikatae! Boi mainao Mosese nakae idige kana, ‘Komi Isileli tubunao, Totuyoyowo geya guna bodao geya go, bei sinumisegu, e bei komi komatakikivedi. Tauyadi sitamogemoge go, bei avaitedi, e pasidi komi gamomi igoyo.’
ROM 10:20 E Aiseya nakae mana katepatu Yaubada ina livala italavaite Totuyoyowo manudi idigo kana,
ROM 10:21 Go Isileli tubunao manudi Yaubada idigo kana,
ROM 11:1 Tauna manakae? Yau abobóbwara bego Yaubada ina bodao ikataedi? Geya, geya toina! Yau nakae Isileli tubuna tayamo nakae Eberamo tubuna tayamo, guna dala Beniyamina, e Yaubada geya ikataeguta.
ROM 11:2 Kai Yaubada ina bodao boi igimiyaagoima geya ikataemeta geya. Manakae? Geya koyagoiyeta Gínina Kimaasabaina manakaena ilatuwokoida Eliyau manuna? Eliyauyana Isileli tubunao ikaukulukuluidi Yaubada yaina, idigo kana,
ROM 11:3 ‘Yauwe, im tokabivalavalayao bogina sikaumatedi. Im kaba kasala bogina sitauwedi. Yau aguta akaaiyaka go, siluusalegu bego sikaumategu.’
ROM 11:4 Go moe nakae geya moitamo geya, go sem Yaubada manakaena ikatumapu? Tauyana kana, ‘Toinigu manugu koroto ana badabada 7,000 ayatoidi. Tauyadi geya sisakululuta basaleliu Baala yaina goi.’ 1 Tolovina 19:18 Moeko goi tagite Eliyau geya anetava ikaaiyaka geya, go sem boda gagaina nava sikaaiyaka Yaubada yaina sisaakululu.
ROM 11:5 Tauna ame tuta nakae; Yaubada ina bodao ama taiyuwomo kesakesaima nava kanumisa. Tauyama Yaubada ina kanuwóiya goi ikinavema.
ROM 11:6 Neta ina kanuwoiyayana goi ikinavema, e moe nakae geya ima guinuwa goi geya, govila bei anuwoiyayana moe geya anuwóiya toina geya.
ROM 11:7 Tauna moe manuna manakaeda? Isileli tubunao liliudi enao siilusale bego kidi kiboobosidi Yaubada matana goi go, geya sibabaneyeta. E kidi go kiinavaidi aditava sibabane. Kidi go madabokidiyadi sikesa, e Yaubada ikaukasedi.
ROM 11:8 Moe nakae Gínina Kimaasabaina ana talavaita idige kana, ‘Yaubada nukotodi ikiwowonidi.’ Aiseya 29:10 Aiyuwoina kana, ‘Tuwo matadi geya itoboinedita sigita. Taiyadi geya itoboinedita sinove. Moe nakae ana kadókana ame tuta.’
ROM 11:9 Devida ina kawanoi Yaubada yaina tauyadi adi liuna manuna nakae, idigo kana,
ROM 11:10 Nuwodi kukiwowonīdi,
ROM 11:11 Tauna manakae? Yau abobóbwara Yaubada Diyuu isapakoidi bego sikapusi vata? Geya, geya toina! Go sem kidi idi kapipilova goi Totuyoyowo adi yava isowóduwo, e bei Diyuuyadi simatakikivedi. Tauna bei latuwodi Guyau sinumise.
ROM 11:12 E idi kapipilovayana goi da poyapoya adi dedevina sibabane o tadigo kada, ‘Diyuu idi sou Yaubada matana goi pasina Totuyoyowo adi dedevina sibabane.’ Tauna tutayana Diyuu adi badabada ana toboine sikaluvilamna sina Yaubada yaina, e adi dedevinayana gagaina toina bei sibabane!
ROM 11:13 E komi Totuyoyowo nuumisaimi alatuuwokoimi konōve. Yau Yeisu ina vamoléyana Totuyoyowo asa liliudi yaidi goi, tauna yau guna kawoi Yaubada iivinigu akilagasi.
ROM 11:14 Latuwogu neta itoboinegu, amo tauyadi toinigu ikaikaigu sigite kaga Yaubada iguuinuwe komi Totuyoyowoyami nuumisaimi yaimi, bei simatakikivemi be guna paisewayana pasina maniyedi adi yava sibabane.
ROM 11:15 Guna nuwonúwana ame nakae: Diyuu Yaubada sikatae. Ago idi kataeyana pasina da poyapoya ikabivekovekomneidi, tauna nava tutayana Diyuu iuyaonemneidi, moe ana kaigigita tauyadi tokámasa yaidi goi sitaoyamna maa yawoidi.
ROM 11:16 E aba gita tayamo aguinuwe bei koyagoi Yaubada ina bodao Diyuu bei iuyaonemneidi. Dibayoya ana tuta goi kai Diyuu ima witi kakauvetevete parawa kaodugu. Moe kakabi bego kagabu go, parawayana kanaapoivina giyaina vakuumgoina kakimasabe Yaubada umana. E moe nakae parawayana madabokina kimaasabaina Yaubada umana. Nakae neta alova lamna kimaasabaina Yaubada umana, e laonina nakae kimaasabaidi Yaubada umana. Ana yagoina moe Yaubada boi nimatu Diyuu ima tomoyamoya gagaidi iuyaonedi, tauna ame tuta nakae kita tubudiyao iuyaoneda.
ROM 11:17 E alovayana oribe toina moe Isileli tubunao nakae go, laonina maniyedi Yaubada ikiguyalidi ikalavedi. Ago komi Totuyoyowo nuumisaimi oribe alovaina woiwoi laonina nakae ikabimi, e Yaubada ina kalovayana goi isavimi, tuwo komi nakae itoboinemi lamna bwaena dedevina toina konim.
ROM 11:18 Tauna taabu kogagāgasa láwana taguuyalidi yaidi! Go neta kogágasa, konuwāisi komi geya lam koovanim geya, go sem lamyana moe komi ivaanimmi.
ROM 11:19 E tuwo nakona komi Totuyoyowoyami nuumisaimi bei kogágasa, kodigo kami, ‘Yaubada ina kalova laonina maniyedi ikiguyalidi bego itoboine alovayana goi isavima.’
ROM 11:20 Nakae go, tauyadi geya idi numisamo pasina ikiguyalidi go, komi imi numisa goi kotaoyakavata. Taabu konuuwatūe, go sem koomatōita!
ROM 11:21 Neta alova laonina toidi ikiguyalidi unana geya sinumiseta, e komi saavinimi nakae. Neta geya konumiseta, bei ikiguyalimi.
ROM 11:22 Tauna Yaubada ina yabobona be nakae ina lovina moumouna manudi konuwolelēu. Ina lovinayana moumouna kidi bogina siikapusi bei silotowo. Go neta komi ina yabobona goi kokaaiyaka, e ina yabobonayana bei kolotowo. Ina yabobonayana goi kokaaiyāka, govila bei komi nakae italayaulemi.
ROM 11:23 E amo Diyuuyadi nakae. Yaubada bogina italaidi sisou go, neta Guyau sinumise, e aiyuwoina ina kalovayana goi isavidi. Moitamo. Tauyana itoboine aiyuwoina isavimneidi.
ROM 11:24 Neta itoboine komi Totuyoyowo nuumisaimi oribe alovaina woiwoi laonina nakae ikabimi, oribe alovaina toina goi isavimi, e tayagoi itoboine toina lawanayadi boi itaalaidi, ikabimneidi, toinidi idi kalovayana goi isavimneidi.
ROM 11:25 Moitamo bei isavimneidi. Segowo, geya latuwogu bego Yaubada ina nuwogau ame kotamogemogeye, govila bei mami nuwatue toinimi imi nuwonúwana goi konuwonúwana komi tonanamsa. Nuwogauyana ame nakae: Bego Isileli tubunao maniyedi yaidi goi dabakasa ikaaiyaka ana kadókana Totuyoyowo adi duduwo bogina ikavava.
ROM 11:26 Moe nakae Isileli tubunao liliuudi bei adi yava sibabane nakae Gínina Kimaasabaina ina talavaita kana,
ROM 11:27 Ame yau guna kanasíuna yaidi goi
ROM 11:28 Nuwonúwana aiyuwo sisowóduwo. Kidi Diyuuyadi Vala Dedevina sikatae, tauna kidi Yaubada ana kaleyayao go, moe Totuyoyowo adi dedevina manuna. Aiyuwoina Diyuuyadi kina Yaubada ikinavedi ina bodao, e imatakoiyedi boi tubumao pasidi.
ROM 11:29 Kaga unana? Yaubada ina yabobona be ina duduwo geya itoboineyeta ikuliuyedi.
ROM 11:30 Guna nuwonúwana ataligei. Boi mainao komi Totuyoyowo nuumisaimi Yaubada kokapipilave go, ame tuta kidi Diyuu idi kapipilova pasina inuwokapisiyemi.
ROM 11:31 Diyuu nakae; ame tuta sikapipilova bego ami nuwokapisiyana pasina nakae Yaubada bei inuwokapisiyedi.
ROM 11:32 Ana kaigigita madabokida, Diyuu be Totuyoyowo, iyoisida, deri goi ivaisiuda go, deriyana moe ida kapipilova nakae. Moe iguinuwe bego tomota liliuuda inuwokapisiyeda.
ROM 11:33 O Yaubada ina nanamsa be ina yagoina sivakaigaga be nakae nikuunikudi! Ina takínona be nakae ina kenao geya itoboinedeta tayagoidokoidi!
ROM 11:34 Gínina Kimaasabaina nakae idige kana,
ROM 11:35 Tuwaina kana,
ROM 11:36 Moe moitamo. Kaga liliuna Tauyana nimana goi sima, ina togaga goi sikaaiyaka be nakae dogoiyadi moe toinina manuna. Tauyana aba taimámina ame tuta nakae tuta simamaima! E nakae!
ROM 12:1 Tauna segowo, Yaubada ina nuwokapisi pasina akatuliwolemi wowomi maa yawoidi kokaasalēdi Yaubadayana yaina. Moe imi vininabeso kimaasabaina nakae Tauyana umana be moe aba uyáwana yaina. Moe nakae kita tomota ma nuukotoda itoboineda Tauyana yaina tasaakululu.
ROM 12:2 Imi kasalayana ame nakae: Taabu da poyapoya kotaapatēdi, go sem Yaubada kotagōne yawoimi ikaigaviledi go, ina kaigavilayana ame nakae: Nuwomi iyoolimedi bei itoboinemi ina nuwonúwana kodovatusiye be kokamoitamoe. Moeko goi bei koyagoi kaga dedevina, kaga Yaubada ivauyaone be nakae kaga geya ana pikwanamo Yaubada matana goi.
ROM 12:3 Guna nuwonúwana ataligei. Yaubada ina kanuwóiya boi iivinigu, tauna liliumi alatuwokoimi taabu toinimi kokilaagasīmi imi kaiguyau manudi, go sem ma nuukotomi konuwonuwana dōkana manudi ame nakae: Aiguyauyadi Yaubada ivinimi nakae imi numisa ana kakainaki goi.
ROM 12:4 Moe moitamo. Kita wowoda tayamo goi talaidao badabadaidi go, talaidaoyadi idi paisewa geya sivavaseta, go sem ituli ituli.
ROM 12:5 Kita nakae. Nakona kita badabadaida go, ida spwagógana Guyau taiyao pasina kita wówana tayamo, e kita tamo tamo taiyao tavaaiteda.
ROM 12:6 E mada kaiguyau ituli ituli nakae Yaubada ina kanuwóiya bogina ivinida. Neta ida kaiguyau moe Yaubada ina livala takabivalevale, takabivalavāla nakae ida numisa ana kakainaki goi.
ROM 12:7 Neta ida kaiguyau moe vaita, e tavāita. Neta ida kaiguyau moe vatulúkwana, e tavatulūkwana.
ROM 12:8 Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.
ROM 12:9 Ame guna lovina yaimi goi. Komatakoi dōkana ame nakae: Kaga goyogoyoina kokatāe. Kaga dedevina koyoisiikavāte.
ROM 12:10 Semiyao nuumisaidi komatakoiyēdi nakae neta kidi ikaikaimi tayamo. Semiyao kowowoinēdi go, imi wowoinayana goi kokalisavēdi.
ROM 12:11 Imi poisógana goi taabu kootamēya. Baloma Kimaasabaina kotagōne ikalimonemi. Komi ida Tomoya ina pakonayao, e nakae kopaaisēwa Tauyana umana.
ROM 12:12 Imi lotuta ami yava pasina kouyaōne. Imi mou goi koaaramāitana. Kokasalēmi awanoi goi.
ROM 12:13 Kaga neta Yaubada ina kimasabayao sikiseeyeseye kovaitēdi. Mami poisógana komataogaōga.
ROM 12:14 Avatauwa neta siyogedeegedemi kokaipakuyēdi. Kokaipakuyēdi go, taabu kokatuboolatēdi.
ROM 12:15 Avatauwa neta siuyáwana, taiyao kouyāwana. Avatauwa neta sitáiya, taiyao kotāiya.
ROM 12:16 Konuwovavāsa. Taabu konuuwatūe, go sem kidi youtagau kokabivekovekōidi. Taabu toinimi kokilaagasīmi bego komi mami nanamsa.
ROM 12:17 Avatauwa neta goyo siguuinuwe yaimi, taabu goyo goi kokaatumāpu. Mainao konuwonuwana dōkana kaga dedevina tomota liliudi matadi goi namliyeta koguinūwe.
ROM 12:18 Nakonakae itoboinemi, tomota liliudi yaidi goi kotubōina.
ROM 12:19 Guna kaloyao, taabu tomota idi goyo yaimi goi kokatuumapūdi, go sem Yaubada kotagōne ina egamogamogu goi ikatumapudi nakae ina nuwonúwana. Moe nakae Yaubada ina livala Gínina Kimaasabaina goi Mosese igini, kana, ‘“Goyo ana katumapu moe yau guna kaba lovina. Bei tomota idi goyo yau akatumapudi”, Yauwe kaena.’
ROM 12:20 Tauna taabu tomota idi goyo yaimi goi kokatuumapūdi, go sem koguuinūwe nakae Gínina Kimaasabaina idige kana,
ROM 12:21 Taabu goyo itogagaasavēmi, go sem imi guinuwa dedevidi goi goyo kotogagasāve.
ROM 13:1 Madabokida ada tolovinayao yaidi goi takatetaagonēda. Moitamo. Tolovina liliudi idi lovina Yaubada goi ima. E tolovinayadi liliudi sikaaiyaka moe Yaubada ina lovina goi sikaaiyaka.
ROM 13:2 Tauna avatauwa neta tolovinayadi sivakaleyedi moe Yaubada ina lovina sivakaleye. E kidi go tovakaleyayadi adi liuna bei sibabane.
ROM 13:3 Moitamo. Kidi go tolovinayadi geya aba matoita neta ida guinuwa dedevidi, go sem neta ida sinapu igoyo, tauyadi aba matoita. Neta latuwomi bego tolovinayadi geya komatoitedita, e guinuwa dedevidi koguinuwēdi, bei siyapaliyemi.
ROM 13:4 Kaga unana? Tolovinayadi moe Yaubada ina tovaitayao ami dedevina manuna. Go neta goyo koguuinuwe, e komatooitēdi. Tolovinayadi madi lovina liuna manuna, tuwo toogoyoidi bei siliunedi. Bogina koyagoi. Tauyadi moe Yaubada ina tovaitayao go, Yaubada ana katumapuyao ina egamogamogu be ina liuna sikaiguyauyedi toogoyoidi yaidi goi.
ROM 13:5 Tauna idi lovina yaina goi takatetaagonēda. Ago geya kada Yaubada ina egamogamogu kaka pasina geya, go sem unana nuwoda goi bogina taayagoi moe sinapu dedevina.
ROM 13:6 Moe pasina nakae tatakisi. Tauyadi Yaubada ana katumapuyao ikawoidi kita ada dedevina manuna go, yawoidi sikaasaledi ada rugwáuta manuna.
ROM 13:7 Tomota liliudi idi maisa taaemāisi. Neta moe takisi, e yaidi goi taatakīsi. Neta moe kónana ana takisi, e yaidi goi taatakīsi. Neta moe taimámina, e yaidi goi tataaimāmina. Neta wowoina, e tawowooinēdi.
ROM 13:8 Imi rowaga woilīmi koyotūli go, imi rowaga tayamo ikaiyako vata koyotulivatāe. Rowagayana moe tomota liliudi komatakoiyēdi. Neta tamatakoiyedi, e Yaubada ina Katukeda ana masi bogina takibobosidoko.
ROM 13:9 Atukedayana goi lovina ame nakae sikaaiyaka: Taabu korooerāta, taabu kokaaumāta, taabu kovaaināwana, taabu komaatakōnana. Amo lovinayadi be nakae lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’
ROM 13:10 Tomatakoi goyo geya iguinuweyeta siyana yaina goi. Tauna neta tomota tamatakoiyedi, Yaubada ina Katukeda takibobosidoko.
ROM 13:11 Nakae koguinūwe go, tuta ame tayagoi bego tuta ana toboine bogina ima, e ida masisi goi tatáoya, matada silala. Bogina koyagoi. Boi mainao tanumisa, ada Toyava ina tuta aluvilamna nava toina go, maliyalina tamo tamo ikapoonapona.
ROM 13:12 Goyo sabamgo nakae giyakainava bogina ikavava go, maliyalina matagougouna, e giyakainava bei isowóduwo. Tauna mamaníwana ana guinuwa kwama nakae tavalilivīdi go, tovayaviya nakae mavada ana kaipíyama talosīdi.
ROM 13:13 Sinapu dedevina taguuinūwe nakae neta maliyalina goi takaaiyaka. Go geya nakae ame sinapuyadi geya: Uyawana owáowana, bwae toogagaina goi tayaluwo, masisi goyogoyoina be sakava ana vikaiya owáowana, aumakimaki be vakipikipi,
ROM 13:14 go sem ida Tomoya Yeisu Guyau kwama nakae talōsi go, sakavaida ana yalagau manudi taabu taatakūtu.
ROM 14:1 E kidi go idi numisa ina guinuwa goi siineneta kouyaonēdi go, geya bego kokaumakimaki idi nuwonúwana ituli ituli manudi.
ROM 14:2 Ame nakae: Tomota maniyedi idi numisa goi siyagoi itoboinedi kaga liliuna siikanidi go, tomota nenetaidiyadi awoinu kaka sikakáika.
ROM 14:3 Kaga liliuna ana tokáika taabu sediyao awoinu kaka ana tokáika sikubuuyevēdi. E kidi go awoinu kaka ana tokáika nakae. Taabu sediyao kaga liliuna ana tokáika sitaakinōidi kidi toogoyoidi. Kaga unana? Kina Yaubada iuyaonedi, tauna kidi nakae itoboinedi siuyaonedi.
ROM 14:4 Avatau goi tauyadi paakonidi? Komi? Geya! Tauna komi avatauwa bego kotakinoidi kidi toogoyoidi? Takínona moe kidi paakonidi toinidi idi Tomoya ina kaba lovina neta matana goi sitáoya o sisou. Ago tauyadi bei sitáoya. Moitamo. Ida Tomoya itoboine ikitogagedi sivadókana.
ROM 14:5 Tomota maniyedi sinuwonúwana maliyalina maniyedi moe maliyalina gagaidi go, maniyedi sinuwonúwana maliyalina liliudi sivavasa. Kita tamo tamo nukotoda goi toinida talovīna ava kenao bei tasabokuliye.
ROM 14:6 Tauyadi idi nuwonúwana goi maliyalina maniyedi gagaidi siwowooinedi moe siwowoinedi bego ida Tomoya siwowoine. Tauyadi kaga liliuna ana tokáika nakae sikakáika bego ida Tomoya siiwowoine. Moe moitamo. Idi guinuwayadi goi sikaauyagu Yaubada yaina. Tauyadi awoinu kaka ana tokáika sikakáika bego ida Tomoya siiwowoine be nakae Yaubada yaina sikaauyagu.
ROM 14:7 Toinida ada dedevina manuna geya takaiyaketa. Aiyuwoina toinida ada dedevina manuna geya takamaseta, go sem aiyuwokova Yaubada manuna.
ROM 14:8 Neta maa yawoida, moe ida Tomoya manuna. Neta takámasa, moe ida Tomoya manuna. Neta maa yawoida o takámasa, kita ida Tomoya ina bodao.
ROM 14:9 Manakaeda tayagoi moe moitamo? Guyau ikámasa niga maa yawoina ame manuna: Bego itoboine tokámasa be kita maa yawoida ida Tomoya.
ROM 14:10 E komi awoinu kaka ana tokáika manakae? Kaga unana semiyao kaga liliuna ana tokáika kotaakinoidi kidi toogoyoidi? O komi kaga liliuna ana tokáika, kaga unana semiyao awoinu kaka ana tokáika kokubuuyevedi? Kita madabokida Yaubada matana goi bei tatáoya ina kaba takínona manuna.
ROM 14:11 Gínina Kimaasabaina nakae idige kana,
ROM 14:12 Tauna kita tamo tamo bei toinida ida guinuwa tatalaseyanedi Yaubada yaina goi.
ROM 14:13 Tauna geya tuwaina sedao tatakinoidi kidi toogoyoidi, go sem kolovīna bego ame koguinuwe: Semiyao adi kaba sapákwana nakae adi kaba goyo taabu kooyatōidi.
ROM 14:14 Guna spwagógana ida Tomoya Yeisu yaina goi ayagoi be alotowo bego geya tayaamo kaga itoboine ikibaibailida. Ago avatauwa neta sinuwonúwana tayamo dogoi aba báila, e moitamo dogoiyana aba báila tauyadi yaidi. Tauna idi kaba kapusi awoinu goi taabu koyatoyāto.
ROM 14:15 Neta komi avami ana káika pasina semiyao nuwodi imou, e matakoi ana kenao goi bogina kosuláiga. Semiyao manudi Guyau ikámasa taabu avami goi kokaaigoyāidi.
ROM 14:16 Tauna imi guinuwa nakona dedevina yaimi go, guinuwayana kotōto, govila bei tomota sitagiwoi.
ROM 14:17 Unana kaga? Yaubada ina kalibúbuna geya awoinu be bwae manudi geya, go sem sinapu kiboobosina, tuboina be uyáwana Baloma Kimaasabaina ina togaga goi manudi.
ROM 14:18 Avatauwa kita neta nakae Guyau manuna tapaaisewa, e Yaubada tavauyaone, nakae tomota sikaodedevineda.
ROM 14:19 Tauna tapoikīkina bei ida guinuwa goi tuboina isowóduwo be nakae sedao takitogagedi.
ROM 14:20 Awoinu pasina taabu Yaubada ina paisewa tomota tayamo yawoina goi kokaaigoyāi. Awoinu liliudi moe taagonaidi yaida, go sem neta ava kawoinu takani go, awoinuyana pasina siyada ina numisa goi tavakapusiye, moe bogina tagoyo.
ROM 14:21 Neta anina geya takanikani o oine geya tanimnim o ava kaba kapusi tuwaina sedao yaidi goi geya taguinuwedita bego sedaoyadi idi numisa goi tavakapusiyedi, e moe guinuwayadi dedevidi.
ROM 14:22 Komi neta kaga imi numisa goi itoboinemi koguinuwe, e komi be nakae Yaubada amitava koyagoi go, taabu semiyao kolumakiikinēdi bego nakae siguinuwe. Komi neta ava guinuwa kolovina itoboinemi koguinuwe go, nukotomi geya isabutukoidita, e ami dedevina bogina kobabane.
ROM 14:23 E avatauwa neta madi nanayuwo áika manuna sikakáika, moe nakae geya idi numisamo sikáika. Tauna Yaubada itakinoidi kidi liuna itoboinedi. E ava guinuwa geya numisa goi taguuinuwe, moe goyo.
ROM 15:1 E kita totogaga mada tasíkwana kidi geya idi togagamo idi neneta goi tavaitedi go, adetava geya tavauyaonedeta.
ROM 15:2 Kita tamo tamo sedao adi dedevina manuna tavauyaonēdi be takitogagēdi.
ROM 15:3 Guyau nakae geya kada anetava ivaauyaone geya, go sem Yaubada ivauyaone. Moe pasina mou ibabanedi nakae Gínina Kimaasabaina idige. Amoko goi Guyau Yaubada ilatuwoko idigo kana,
ROM 15:4 Moe Gínina Kimasabainayana itoboinegu atalavaite. Kaga neta boi nimatu tokabivalavala sigini, moe ada vatulúkwana manuna bego Gínina Kimasabainayana goi mada mesayágana be mada kipáiwala bei taalotuta.
ROM 15:5 E Yaubada mesayágana be kipáiwala unadi. Guna kawanoi bego Tauyana ivaitemi be mami nuwovavasa nakae Guyau Yeisu latuwona.
ROM 15:6 Moe bego komi nuwomi tayamo goi Yaubada ina togaga ana káeyana kokamoitamoe. Tauyana ida Tomoya Yeisu Guyau ina Yaubada be nakae Tamana.
ROM 15:7 Ame pasina tauna sedao kouyaonēdi nakae Guyau bogina iuyaonemi Yaubada ana taimámina manuna.
ROM 15:8 Kogita. Guyau bogina imalatovaita kidi sakavaidi kuuponidi yaidi goi bei ivatulukoida Yaubada aba numisa, e bei ina katótula tubudao yaidi goi Guyauyana ikamoitamoedi
ROM 15:9 be nakae Totuyoyowo Yaubada ina togaga ana káeyana sikamoitamoe ina nuwokapisi manuna. Moe nakae Gínina Kimaasabaina ame bogina idige kana,
ROM 15:10 Aiyuwoina Mosese idigo kana, ‘Komi Totuyoyowo Yaubada ina bodao taiyao kouyáwana!’
ROM 15:11 Nakae Gínina Kimaasabaina kana,
ROM 15:12 Aiseya nakae, idigo kana,
ROM 15:13 E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be Baloma Kimaasabaina ina togaga goi imi lotutayana ivaituwe.
ROM 15:14 E segowo, yau toinigu bogina ayagoidokoimi bego komi sinapu dedevina goi kayaaodaimi nakae numisa ana nanamsa goi bogina kokayaoda be nakae itoboinemi toinimi kokatusinapumi.
ROM 15:15 E ami leta ame goi magu katepatu livala kasakasaidi maniyedi bogina aginidi go, livalayadi goi dogoi maniyedi manudi yaimi avilivili. Itoboinegu livala kasakasaidiyadi aginidi unana Yaubada ina kanuwóiya, moe guna kawoi, boi ivinigu.
ROM 15:16 Ivinigu bego yau Guyau Yeisu ana katumapu Totuyoyowo yaidi goi apaisewa. Yau Tonúwala nakae Yaubada ina Vala Dedevina manuna bego Totuyoyowoyadi neta sinumisa, kidi yau guna vininabeso nakae Yaubada iuyaonedi unana Baloma Kimaasabaina bogina ikimasabedi Yaubadayana umana.
ROM 15:17 Tauna guna spwagógana Guyau Yeisu taiyao pasina itoboinegu guna guinuwa Yaubada manuna auyawana gagágasa.
ROM 15:18 Bogina koyagoi. Kaga boi Guyau iepaaisewegu bego Totuyoyowo Yaubada sikabikaone, e moe magu katepatu atalavaiteyamo. Ina epaisewayana moe guna bóbwara goi be guna guinuwa goi,
ROM 15:19 aba kinana kainaaopaidi adi togaga goi be nakae Yaubada Balomaina ina togaga goi. Tauna Yerusalema goi ina Ilurikoni parovinsi goi Guyau Valena Dedevina bogina atalavaiteyabe sinove.
ROM 15:20 E moe nakae latuwogu Valenayana atalavaite go, geya anoita ava kasava goi Guyau yaina bogina sisaakululu geya, govila bei ituli ta tomota ina paisewa yatana goi apaisewa,
ROM 15:21 go sem yau ana nako goi Tauyana yaina nava geya sisakululuta, e bei guna paisewayana nakae Gínina Kimaasabaina Guyau ana talavaita manuna idige kana,
ROM 15:22 Ame pasina tauna guna talavaita amo asayadi goi guna tuta akavavaluge, e tuta liliuna geya itoboineguta ao avadademi.
ROM 15:23 E ame tuta go guna paisewa amo dadavayadi goi bogina alukavave go, tala maanawena latuwogu ao avadademi,
ROM 15:24 tauna aalotuta bego ao namliyeta bei ana Sipeini. Guna nuwonúwana bego tutayana anonoina Sipeini, mainao ao agitemi be nakae ma nimatoogu koetunegu ana Sipeini. Go mainao latuwogu bego komi taiyao mada uyáwana takabivekoveko.
ROM 15:25 Go ame tuta anonoina Yerusalema goi go, tonumisa idi vininabeso akavale anavenave bei Yaubada ina kimasabayao Diyuu nuumisaidi maeko goi avaitedi.
ROM 15:26 Kidi Totuyoyowo nuumisaidi da Mesadoniya be da Akeya ameko goi madi uyáwana toinidi latuwodi bego idi yabobona sivininabeso Yaubada ina kimasabayao tookaidi yaidi Yerusalema goi.
ROM 15:27 Moitamo. Madi uyáwana toinidi idi yabobona sivininabeso go, moe nakae idi rowaga siyotuli. Kaga unana itoboinedi idi rowaga siyotuli? Diyuu nuumisaidi boi Totuyoyowo balomaidi sivavanidi tutayana yaidi Vala Dedevina sitaalavaite, e sinumisa. Moe nakae kidi Totuyoyowoyadi idi rowaga. Tauna itoboine idi rowagayana siyotuli be idi esaesa goi Diyuu nuumisaidi sivaitedi.
ROM 15:28 Tauna tutayana ame guinuwayana alukavave be nakae tonumisayadi Mesadoniya be Akeya goi keuwoidi bogina akamoitamoedi Diyuu nuumisaidi nimadi goi ikaaiyaka, bei ao avadademi namliyeta ana Sipeini.
ROM 15:29 E ayagoi bego tutayana ao, Guyau ina yabobona yaigu goi bei avinimi ami dedevina manuna.
ROM 15:30 E segowo, ida Tomoya Yeisu Guyau goi be nakae Baloma Kimaasabaina ina matakoi goi akawanoi makimaki yaimi mami salau guna mou kosiuko be yau manugu kokawanoi Yaubada yaina.
ROM 15:31 Kokawanōi bego Diyuu geya idi numisamo Yudiya goi yaidi Yaubada bei iyavegu be nakae guna vaita o tadigo kada, ‘Boi Totuyoyowoyadi idi vininabeso’ Yaubada ina kimasabayao Yerusalema goi bei siuyaone.
ROM 15:32 Moeko goi itoboinegu magu uyáwana Yaubada ina nuwonúwana goi ao yaimi be taiyao tawaiwasi.
ROM 15:33 E Yaubada, Tauyana tuboina unana, yaimi goi bei ikaaiyaka. E nakae!
ROM 16:1 E niuda Pibe akamoitamoe yaimi goi; tauyana ida Tomoya ana totugugunayao Kenakareya goi adi tovaita.
ROM 16:2 Tauyana akamoitamoe bego ida Tomoya goi tauyana kouyaone nakae komi Yaubada ina kimasabayao itoboinemi. Ago Pibeyana neta kaga ikiseyeseye, e kovāite. Tauyana tovaita tayamo; e tomota badabadaidi be nakae yau bogina ivaitema.
ROM 16:3 Kidi guna tosavaiyuwoyao Guyau Yeisu umana Pirisika ma monena Akuila toinidi yawoidi sinuwoupedi yau manugu, e tauyadi yaidi akauyagu go, geya yau aguta geya, go sem Yeisu ana totugugunayao Totuyoyowo nuumisaidi liliudi nakae sikauyagu, e guna yabobona yaidi.
ROM 16:5 Adi taiyuwokova idi vada goi kidi Yeisu ana totugugunayao sisaakululu, e guna yabobona yaidi. Kina guna kalo Epeneto Guyau ana togiminumisa Esiya sinaena, e guna yabobona yaina.
ROM 16:6 Meri, tauyana ipooisógana gagaina komi manumi, e guna yabobona yaina.
ROM 16:7 Segowo Diyuu Androniko be Yuniya boi deri ana tokaiyaka yau nakae. Adi taiyuwokova Yeisu ina vamoleyanayao sinaedi toolagaidi madi wowoina tomota goi. Boi mainao sigimispwagógana Guyau taiyao namliyeta yau. Guna yabobona yaidi.
ROM 16:8 Ampiliato, tauyana guna kalo ida Tomoya goi, e guna yabobona yaina.
ROM 16:9 Urabano, tauyana guna tosavaiyuwo Guyau umana, e guna yabobona yaina. Guna yabobona guna kalo Stakosi yaina.
ROM 16:10 Apelasi, tauyana boi ina numisa ana vakakona goi itogaga, tauna tauyana aba numisa Guyau yaina, e guna yabobona yaina. Guna yabobona tauyadi Aristobulo ina vada goi sikaaiyaka.
ROM 16:11 Erodiyoni, tauyana Diyuu yau nakae, guna yabobona yaina. Tauyadi Narikisu ina vada goi bogina sispwagógana ida Tomoya taiyao, e guna yabobona yaidi.
ROM 16:12 Guna yabobona Terupaina be Teruposa yaidi. Vevinayadi ida Tomoya manuna sipoisógana gagaina. Guna yabobona ida kalo Pesisi yaina. Vavinayana ida Tomoya manuna ipoisógana gagaina.
ROM 16:13 Guna yabobona Rupuso ida Tomoya ina kinava tayamo yaina. Korotoyana sinana boi ivanatunegu, e guna yabobona nakae tauyana yaina.
ROM 16:14 Guna yabobona Asunikirito, Pelegoni, Erame, Patarova, Erama be nakae sedao moeko taiyao yaidi.
ROM 16:15 Guna yabobona Pilologo, Yuliya, Nereya ma niuna, Olimpa be Yaubada ina kimasabayao liliudi taiyao yaidi.
ROM 16:16 Sedao moeko goi koyoowoiīdi nakae komi kimaasabaimi Yaubada umana itoboinemi. Guyau ana totugugunayao liliudi ameko idi yabobona yaimi.
ROM 16:17 E segowo, akawanoi makimaki yaimi ami dodōkana kidi tolivisi be tovakapusi yaidi. Tauyadi idi sinapu vatulúkwana mooitamoina bogina konovenove sivakaleye. Tauyadi kovakilisīdi.
ROM 16:18 Tomota tauyadi nakae toinidi geya sikasaledita ida Tomoya Guyau yaina, go sem toinidi idi vikaiya yaidi sikaasaledi. Ago idi bóbwara dibidibidi be idi katunuwanuwa goi tomota adi polayoomanaidi nukotodi sivasulaigidi go, komi nakae geya. Geya itoboinedita sivasulaigimi.
ROM 16:19 Moitamo. Imi kabikáwana valena bogina inúnuwo, e tomota liliudi sinove, tauna komi pasimi auyáwana. E latuwogu komi mami nanamsa dogoi dedevidi manudi koguinuwedokoidi go, goyo ana dadava latuwogu komi imi sinapu maavadaidi.
ROM 16:20 E Yaubada, Tauyana tuboina unana, giyakainava bei Kaleya ivavetevete, tuwo ivasobusobuye sobuyekoida goi. Ida Tomoya Yeisu ina kanuwóiya bei ikaaiyaka yaimi.
ROM 16:21 Guna tosavaiyuwo Timoti ina yabobona yaimi. Nakae semao Diyuu nuumisaidi maniyedi Lukiyo, Yasoni be Sosipatero idi yabobona yaimi.
ROM 16:22 Yau Teritiyo ida Tomoya ana tosabokuli tayamo leta ame agini Paulo manuna, e guna yabobona yaimi.
ROM 16:23 Gaiyo, tauyana imataogeeogegu be nakae Yeisu ana totugugunayao liliuma itaagonema ina vada goi katugúguna, e ina yabobona yaimi. Erasto kina asa ana mani ana torugwáuta be nakae siyada Kwarato idi yabobona yaimi.
ROM 16:25 E Yaubada tayapalīye! Tauyana itoboine ikitogageda nakae Vala Dedevina aanumise idige. Valayana moe Yeisu Guyau valena ataalavaite. Valayana unana moe Yaubada ina nuwogau boi nimatu go, ima ame vamoounina.
ROM 16:26 Go Valayana ame tuta bogina ikaiwoduwe, e Yaubada Tokaiyako vata ina lovina goi go, tokabivalavala idi gínina goi katalavaite Totuyoyowo liliudi yaidi bego madi numisa sikabikaone.
ROM 16:27 Yaubada anetava Tonanamsa aba taimámina Yeisu Guyau ina guinuwa goi ame tuta be nakae tuta simamaima! E nakae! Yau Paulo
1CO 1:1 Komi Yaubada ana totugugunayao Korinta goi, Yaubada toinina umana bogina ikimasabemi tutayana kospwagógana Guyau Yeisu taiyao. Nakae Yaubada ina duduwo goi komi ina kimasabayao. Yau Paulo, boi Guyau Yeisu ivayokoigu yau Tauyana ina vamoléyana tayamo Yaubada ina nuwonúwana goi. E siyada Sositeni taiyao leta ame kaetune iwo komi Korinta goi yaimi be nakae komi liliumi asa liliudi goi neta ida Tomoya Yeisu Guyau yaina kosaakululu. Guyauyana moe komi be nakae kai ida Tomoya.
1CO 1:3 Yaubada Tamada be ida Tomoya Yeisu Guyau idi kanuwóiya be idi tuboina bei sivinimi.
1CO 1:4 Komi manumi akaauyagu Yaubada yaina tuta liliuna ina kanuwóiya liliudi Guyau Yeisu goi bogina ivinimi pasidi.
1CO 1:5 Anuwoiyayadi moe bóbwara madabokina be nanamsa madabokina. Moe dogoiyadi liliudi dedevidi Yaubada bogina ivakayaodeimi imi spwagógana Yeisu taiyao pasina.
1CO 1:6 Moe ayagoi unana guna talavaita Guyau manuna Yaubada ikamoitamoe yaimi goi.
1CO 1:7 Tauna komi Yaubada ina yabobona goi bogina yoiyami; tuta ame goi mami yala ida Tomoya Yeisu Guyau ina sowóduwo kotuuyaosi.
1CO 1:8 Aiyuwoina Tauyana bei ikitogagemi, e geya ami pikwanamo ana kadókana tuta ana kaba lukavava goi ina maliyalina bei isowóduwo.
1CO 1:9 Bogina kogite? Kina Yaubada aba numisa. Tauyana bogina iduduweda bego Natuna ida Tomoya Yeisu Guyau taiyao takabivekoveko.
1CO 1:10 E segowo, ida Tomoya Yeisu Guyau yoina goi akatuliwolemi bego liliumi konuwonuwana vavasa be nakae yaimi goi tavilei geya, go sem komi nuwomi tayamo goi kospwagōgana.
1CO 1:11 Moitamo, segowo. Kiloe ina bodao maniyedi bogina sima silatuwokoigu bego komi yaimi goi aumakimaki sikaaiyaka.
1CO 1:12 E ame adigedige: Bego komi maniyemi kodigo kami, ‘Kai Paulo ina boda.’ Go maniyemi kami, ‘Go kai Apolosi ina boda.’ Go maniyemi kami, ‘Go kai Kepasi ina boda.’ Go maniyemi kami, ‘Go kai Guyau ina boda.’
1CO 1:13 Manakae? Maniyemi amitava Guyau goi kovamasaba? Ii! Moe geya itoboinemita unana Guyau ikámasa madabokidakova manuda! Manakae? Yau Paulo kerose goi manumi situpatukoigu? O yau yoigu goi sisayoyoimi? Geya!
1CO 1:14 Kirisipo be Gaiyo taudiva asayoyoidi go, magu kauyagu Yaubada yaina bego geya kada tayaamo komi yaimi goi asayoyoi geya,
1CO 1:15 govila bei komi kodigo kami, ‘Paulo yoina goi isayoyoima.’
1CO 1:16 Ego tuwaina Stepana mana bodayáuwo nakae asayoyoidi go, geya ayagoiyeta nakona tomota tuwaina asayoyoidi gea geya.
1CO 1:17 Guyau ietunegu ama geya bego tomota asayoyoidi geya, go sem Vala Dedevina ana talavaita manuna ietunegu. Ago guna talavaitayana manuna yau geya bóbwara ana tonanamsa adi tokatanaki geya, govila bei guna bóbwara pasina sinumisa go, Guyau ina kámasa kerose goi ina togaga geya siyagoiyeta!
1CO 1:18 Guna livalayana moe moitamo. Bóbwara adi nanamsa be Yeisu ina kámasa kerose goi valena geya itoboinedita situyuwo. Gwa. Keroseyana valena kidi vailai ana kenao goi siiketoiya sinove, sinuwonúwana bego valayana geya ana yagoinamo go, kita yava ana kenao goi taaketoiya tanove, valayana moe Yaubada ina togaga ada yava manuna.
1CO 1:19 Guna livalayana Gínina Kimaasabaina ikamoitamoe. Gininayana goi Yaubada ina togaga bogina idige kana,
1CO 1:20 Bogina kogite? Kidi tonanamsa idi nanamsa kaga? Dogoi besobeso. Kidi Yaubada ina Katukeda ana tovatulukwanayao idi nanamsa kaga? Dogoi besobeso. Kidi bóbwara ana tokatanaki idi nanamsa kaga? Dogoi besobeso. Kidi da poyapoya idi nanamsayana Yaubada bogina ivatulukoida bego moe geya ana yagoinamo ae?
1CO 1:21 Ame moitamo. Yaubada mana nanamsa gagaina ina nuwonúwana iguinuwe, e da poyapoya geya itoboinedita toinidi idi nanamsa goi Yaubada siyagoi, tauna yaidi goi kerose valena ana taiyakeka geya ana yagoinamo. Go Yaubada mana uyáwana ilovina bego valayana kataalavaite goi kita ana tonumisayao iyaveda.
1CO 1:22 Kidi go Diyuu latuwodi aba kinana tayamo sigite bei valayana sikamoitamoe. Kidi go Totuyoyowo latuwodi bóbwara ana tokatanaki ina nanamsa sinove bei valayana sikamoitamoe.
1CO 1:23 E kai sem Guyau tupaatukoina kataalavaite. Tauna kidi Diyuuyadi vala sinove go, sikalagiwole. Kidi go Totuyoyowoyadi vala sinove go, kadi, ‘Geya ana yagoinamo.’
1CO 1:24 Kita go nuumisaida, nakona Diyuu o nakona Totuyoyowo, Yaubada bogina iduduweda, e vala tanove, tayagoi Guyauyana moe Yaubada ina togaga be nakae ina nanamsa.
1CO 1:25 Ame moitamo. Kidi Totuyoyowoyadi yaidi Yaubada ina guinuwa kerose goi pasina ana kaigigita geya ana yagoinamo go, moe nanamsa gagaina nakae tomota idi nanamsa gagaina ikalisavedi. Nakae Yaubada ina guinuwayana ana kaigigita geya ana togagamo go, Tauyana ina guinuwa giyaiina moe tomota idi guinuwa toogagaidi itogagasavedi.
1CO 1:26 Guna nuwonúwana ataligei. Konuwonūwana, segowo, ame manuna: Yaubada ina duduwo yaimi manuna, ami taivina poyapoya ana tonanamsa? Ami taivina toolagaimi? Ami taivina maa yoimi? Yaimi goi tomota amo nakae geya kobadebadeta ae?
1CO 1:27 Go sem avatauwa neta kidi da poyapoya sivayokoidi kidi kudukudupatu, e amo tauyadi Yaubada ikinavedi. Moe bego avatauwa neta toinidi idi nuwonúwana goi bego tonanamsayao, e Yaubada igieomaemaedi. Avatauwa neta toosobudi, e Yaubada ikinavedi bei kidi toinidi idi nuwonúwana goi bego toolagaidi, e igieomaemaedi.
1CO 1:28 Avatauwa neta youtagau o aba kaoliliwo, tauyadi nakona geya toina, e Yaubada ikinavedi bego tomota liliudi da poyapoya neta sinuwonúwana bego kidi gagaidi, e ivasobusobuyedi dogoi besobeso.
1CO 1:29 Moe nakae iguuinuwe bei geya vatau tayaamo itoboine Yaubada matana goi toinina manuna iuyawana gagágasa kana, ‘Yaubada ikinavegu unana yau maa yoigu.’
1CO 1:30 E Yaubada ina guinuwa pasina kita Guyau Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.
1CO 1:31 Moe bego kita ida guinuwa nakae Gínina Kimaasabaina idige kana,
1CO 2:1 Tuwo moitamo, segowo, yau boi ao yaimi Yaubada valena vamoounina ivinigu ataalavaite go, geya kada tomota idi nanamsa goi o idi katanaki goi atalavaite geya.
1CO 2:2 Moitamo. Boi bogina alovina dogoi tayamo toito yaimi goi bei atalavaiteyamo. Dogoiyana moe Yeisu Guyau be nakae ana tupatúkwana kerose goi adi yagoina. E moe atalavaitedi.
1CO 2:3 Ago boi yau magu neneta, magu matoita be magu malitatátava Yaubada matana goi tutayana akaaiyaka yaimi.
1CO 2:4 Guna livala o guna talavaita ana vala moe geya kada toinigu guna nanamsa goi atamyabimi geya, go sem Baloma Kimaasabaina ina togaga ana kamoitamo goi ataalavaita
1CO 2:5 bego imi numisa unana moe geya kada tomota idi nanamsa goi geya, go sem Yaubada ina togaga goi.
1CO 2:6 E nanamsa toina manuna moe tomota madi numisa maatuwoidi yaidi goi kataalavaita. Moe nanamsayana geya kada tuta ame ana nanamsa o tuta ame ana tolovinao idi nanamsa geya; tolovinayadi Yaubada bei ikausaolidi. Moe pasina amo nanamsayana geya katalavaiteyeta,
1CO 2:7 go sem nanamsa toinayana moe Yaubada ina nanamsa vamoounina kataalavaite. Moe ina nuwogau Natuna ina guinuwa manuna bogina ikaiwoduwe. Boi nava kaga liliuna geya imadagidita go, nuwogauyana igimilosinapuye bego ana káeyana tomoeeyalina kita bei tasiuko.
1CO 2:8 Nanamsayana geya kada tayaamo tolovina tuta ame goi iyagoi geya. Neta boi poyapoya ame ana tolovinayao siyagoi, bei ida Tomoya, Tauyana Yaubada ana káeyana ana tovagitákwana, e kerose goi geya situpatukoeta,
1CO 2:9 go sem geya siyagoiyeta nakae Gínina Kimaasabaina bogina idige kana,
1CO 2:10 E dogoiyadi Yaubada bogina ikaiwoduwedi kai yaima. Ina kaiwoduwoyana moe Balomaina goi. Bogina koyagoi. Kina Balomainayana kaga liliuna idovaatusidi. Nakae Yaubada ina nuwonúwana nikuunikudi nakae idovatusidi be iyagoidi.
1CO 2:11 Avatau tomota ina nuwonúwana iyagoi? Tomota anetava nuwona goi iyagoi ae? Yaubada ina nuwonúwana nakae; geya vatau tayaamo iyagoidi go, Yaubada Balomaina anetava iyaagoidi ae?
1CO 2:12 E kai Yaubada poyapoya nuwonuwonina geya ivinimeta geya, go sem toinina Balomaina ivinima bego itoboinema ina yabobona liliudi bogina iviniibesoima kayagoidokoidi.
1CO 2:13 Moe yabobonayadi kai nakae katalavaaitedi go, ima talavaitayana tomota idi nanamsa goi geya sivatulukoimeta, go sem Yaubada Balomaina ivatulukoima. Tuwo Baloma Kimaasabaina ina nuwonúwana kidi ina tomotao yaidi goi kataligeidi.
1CO 2:14 E kidi go sakava tomotaidi Yaubada Balomaina ina vatulúkwana sikatae. Neta sinove, sinuwonúwana geya ana yagoinamo. Nakae geya itoboinedita vatulukwanayana ana dedevina siyagoi unana Baloma Kimaasabaina ina vaita kaka goi vatulukwanayana kadovatusidoko, tauna sikatae.
1CO 2:15 E kai go Baloma Kimaasabaina ina tomotao kaga liliuna kadovatusidokoidi. Ego geya vatau tayaamo itoboine idovatusima.
1CO 2:16 Moitamo. ‘Avatauwa Yauwe nuwona siyagoi bei itoboinedi sivatuluko?’ Aiseya 40:13 Geya vatau tayaamo ae? E kai go nuwoma moe Guyau nuwona nakae.
1CO 3:1 Tuwo moitamo, segowo, boi taiyao takaaiyaka go, yau geya itoboineguta bei avatulukoimi nakae Baloma Kimaasabaina ina tomotao avatuulukoidi. Go sem guna vatulúkwana nakae neta komi sakava sinapuna ina tomotao avatuulukoimi o nakae neta komi imi numisa Guyau goi memeya nakae avatuulukoimi.
1CO 3:2 Geya itoboinemita bei awoinu kokáika. Tuwo nunu kaka avanimmi, awoinu geya go, ame tuta nakae; nava geya itoboinemita awoinu kokáika.
1CO 3:3 Moitamo. Komi nava sakava sinapuna ina tomotao. Yaimi goi vakipikipi be aumakimaki sikaaiyaka. Moe sakava sinapuna ina tomotao idi guinuwa nakae ae? Nakae komi tomota kaka nakae kooketoiya ae?
1CO 3:4 Maniyemi kami, ‘Kai Paulo ina boda.’ O maniyemi kami, ‘Kai Apolosi ina boda.’ Tutayana nakae kobóbwara, e imi sinapu goi komi sakava tomotaimi ae? Moe pasina tauna geya itoboineguta awoinu avakanimi.
1CO 3:5 E imi tavilei pasina kobágala. Moe nakae kobóbwara go, yau kagu, ‘Apolosi be yau kokilaagasima go, Apolosi avatau? Yau avatau?’ Kai tovaita tauna, e ima talavaita goi konumisa. Ama taiyuwokova ida Tomoya ikawoima bei kapaisewa go, ima paisewayadi to kaguinuwedimo.
1CO 3:6 Nakae yau tobágula, Apolosi bwae ana tosiwo, go sem kina Yaubada tokikakainaki.
1CO 3:7 Tauna yau tobágula be kina Apolosi bwae ana tosiwo giyaiima, go sem Tauyana gagaina moe Yaubada tokikakainaki.
1CO 3:8 E yau tobágula be Apolosi bwae ana tosiwo nuwoma tayamo. E nakonakae kai tamo tamo ima poisógana adi kakainaki, ama taiyuwokova ama vaiwówana bei kababanedi.
1CO 3:9 Moe moitamo. Apolosiyana guna tosavaiyuwo ama taiyuwokova Yaubada ina kitomyao go, komi ina tánuwo be nakae ina vada.
1CO 3:10 Yaubada ina kanuwóiya bogina ivinigu bei itoboinegu Tauyana manuna apaaisewa. Tuwo anuwoiyayana goi yau yówana ana tokatanaki nakae dako tayamo akaudakodako go, yatana, e ituli ta tomotava siyówana. Go komi tamo tamo korugwāusi manakaemi dakoyana yatana goi koyówana.
1CO 3:11 Moitamo ame dakoyana yatana koyōwo. Geya vatau tayaamo itoboine ituli ta dako idako. Dako tayamo ikaaiyaka bogina adako; dakoyana moe Yeisu Guyau.
1CO 3:12 E kita tamo tamo ida yógana ituli ituli dakoyana yatana goi tayówana. Yoganayadi dedevidi moe goura o siriba o gurewa dedevidi; yoganayadi goyogoyoidi moe alova o limou o átava. Tutayana dako yatana tayówana,
1CO 3:13 e kita tamo tamo ida paisewa adi dedevina bei tayagoidi. Moitamo. Tomoya ina Maliyalina goi bei ima ida paisewa ikaiwoduwedi go, nakona dedevidi, nakona goyogoyoidi. Unana ida paisewayadi yeu bei igabukonedi, e itoboineda paisewayadi tamo tamo takinanedi nakonakae.
1CO 3:14 Neta ida paisewayadi nava dedevidi dako yatana sikaaiyaka, e ada vaiwówana bei tababane.
1CO 3:15 Neta ida paisewayadi sigoyo, bei igabusavedi. Ada vaiwówana bei geya tababaneyeta. Moitamo ada yava bei tababane go, ada yavayana nakae neta vada igabugabu goi yawoida tasiyae.
1CO 3:16 Manakae? Geya koyagoiyeta kita Yaubada ina Vada Kimaasabaina? Nakae Yaubada Balomaina yaida goi ikaaiyaka?
1CO 3:17 Avatauwa neta Yaubada ina Vada Kimaasabaina sikaigoyai, Yaubada bei ikaigoyaidi. Bogina koyagoi. Ina Vadayana moe kimaasabaina, e vadayana moe kita.
1CO 3:18 Taabu toinimi kokatuubaūmi kami, ‘Kai ame tuta tonanamsa da poyapoya matadi goi.’ Moe nanamsayana kokalāve go, kotagōna tomota sivayokoimi komi kudukudupatumi bego nanamsa toina kobabane.
1CO 3:19 Guna nuwonúwana ataligei. Da poyapoya adi nanamsayana moe geya basabasainamo Yaubada matana goi. Gínina Kimaasabaina nakae italavaite kana,
1CO 3:20 Aiyuwoina kana,
1CO 3:21 Tauna, tomota manudi taabu kouyawana gagāgasa kami, ‘Kai Paulo ina boda.’ O kami, ‘Kai Apolosi ina boda.’ Kaga liliuna nakae kai moe komi ami dedevina manuna.
1CO 3:22 Nakona yau o Apolosi o Kepasi, kai ami tovaitayao. Poyapoya ana madabokina o yawoimi o imi kámasa o kaga ame tuta sikaaiyaka o kaga nava bei sima, kaga liliuna moe komi ami dedevina manuna bogina.
1CO 3:23 E komi moe Guyau ina bodao. E Guyau moe Yaubada ina boda. Tauna koroto manudi taabu kouyawana gagāgasa kami, ‘Yau tomota tayamo ina boda.’
1CO 4:1 Ame nakae konuwonūwana kai manuma: Kai Guyau ina tovaitayao be Yaubada ina nuwogau ana talavaita ana torugwautayao.
1CO 4:2 Go torugwáuta manuna, e ina paisewa goi itoboine kina aba numisa.
1CO 4:3 Go yau manakae? Yau aba numisa gea geya? Nakona komi o ava tomotava kodovatusigu go, imi dovatusiyana moe dogoi giyaina yau yaigu. Geya kada amo tomotayadi aditava idi dovatusi giyaina yaigu geya, go sem yau nakae toinigu geya adovatusiguta.
1CO 4:4 Moitamo. Nuwogu geya isabutukoeta go, moe pasina geya kada Yaubada bei ivayokoigu yau kiboobosigu geya. E yau agu todovatusi moe ida Tomoya anetava.
1CO 4:5 Tauna geya vatau tayaamo kootakīno. Ame tuta geya Tomoya ina tuta toina geya. Ina tuta toinayana moe bei ima toinina itakínona. Kaga liliuna vamoounidi mamaníwana goi sikaaiyaka bei itapasigidi. Nakae tomota idi nuwogau bei ikaiwoduwedi. Moe tutayana Yaubada tomota tamo tamo idi paisewa manudi bei iyapaliyedi. Tauna ame tuta taabu kootakīnona.
1CO 4:6 E segowo, dogoiyadi alivalakaaibaledi moe Apolosi be yau aadigema ami dedevina manuna bego kai imi kaba gita goi bei koyagoi livala ame ana yagoina kaga: Gínina Kimaasabaina ana vatulúkwana taabu komaatatāo, govila bei mami nuwatue imi tovakumgoyao maniyedi kokilagasidi go, maniyedi bego geya.
1CO 4:7 Avatau ivayokoimi komi toosakimi? Geya! Ava kaiguyau yaimi goi Yaubada geya ivinimita? Geya! Geya tayaamo aiguyau toinimi kokabi, go sem madabokina Tauyana ivinibesoimi. Tauna komi manakae kouyawana gagágasa nakae neta geya ivinibesoimita?
1CO 4:8 Komi moitamo ae? Kada go komi bogina kokayaoda! Kada go komi bogina koesaesa! Kada go komi bogina kokalibúbuna go, kai geyaa! O neta moitamo komi kokaalibúbuna! Bego kai komi taiyao takalibúbuna!
1CO 4:9 Yau anuwonúwana nakona Yaubada kai Yeisu ina vamoleyanayaoyama igieomaemaema. Ana kaigigita kai nakae yoowonima go, tomota bogina silovina bei matadi goi sikaumatema. Kogite. Poyapoya ana madabokina goi anerose be tomota siipotema, kai nakae aba vaponuponu.
1CO 4:10 Ame nakae: Kai bego yaaluwoima Guyau manuna go, komi bego mami nanamsa Guyauyana manuna. Kai bego neenetaima. Ego komi bego toogagaimi. Komi bego mami wowoina. Ego kai geya ama wowoinamo.
1CO 4:11 Boi nimatu go, ima ame tuta maama loga, maema siyapayápasa, ama kwama sigoyo bogina, tomota siilauima, geya ima vadamo.
1CO 4:12 Mama poisōgana toinima nimama goi kaapaisewa. Tomota sikaogooyoema go, tauyadi kakaipakuyedi. Siyogedegedema go, kaatogaga.
1CO 4:13 Sitagiiwoima go, ima katumapu nuwanuwaina. Kai poyapoya botabotaina nakae, tomota aedi goi sivakikilima. Boi nimatu ima ame tuta kai nakae.
1CO 4:14 Ame dogoiyadi bogina aginidi geya kada bego agieomaemaemi geya, go sem komi natugowo nakae, guna kakayayao akitototoimi.
1CO 4:15 Nakona komi imi spwagógana Guyau taiyao pasina mami tovakedayao badabadaaidi go, tamami tayamo toito ikaaiyaka moe yau. Moe moitamo. Guna talavaita Vala Dedevina manuna boi bogina konove, e Guyau Yeisu taiyao bogina kospwagógana. Moeko goi avanatunemi. Tauna yau agutava tamami.
1CO 4:16 E tuwo komi natugowo nakae akatuliwolemi kovatotoowonēgu.
1CO 4:17 Moe pasina Timoti aetune iwo. Tauyana guna kakaya be natugu aba numisa ima numisa tayamo ida Tomoya yaina pasina. Tauyana guna kaikedakeda guna spwagógana Guyau Yeisu taiyao pasina bei ikavilevilemi nakae Yeisu ana totugugunayao liliudi asa liliudi goi avatuulukoidi.
1CO 4:18 E maniyemi konuwonúwana kami, ‘Paulo bei geya imaita.’ Tuwo konuwatue.
1CO 4:19 E giyakainava bei awokoimi, neta ida Tomoya ina nuwonúwana nakae go, geya tonuwatueyadi idi bóbwara kaka, go sem idi guinuwa nakae bei agitedokoidi madi togaga gea geya.
1CO 4:20 Bogina koyagoi. Yaubada ina kalibúbuna tagite geya bóbwara goi geya, go sem togaga goi tagite.
1CO 4:21 Komi kaga latuwomi? Magu lovina kasakasaina awokoimi gea magu matakoi be magu kubunuwa awokoimi? Komi toinimi kolovina.
1CO 5:1 Vala anove woi masisi goyogoyoina yaimi goi ikaaiyaka ame nakae: Koroto tamana monena imasisiye go, goyo amo moe goyo gagaina toina. Kidi Totuyoyowo geya sinumiseta amo goyoyana geya siguinuweyeta!
1CO 5:2 Goyoyana manuna konuuwatue go, manakae? Itoboine nuwomi imou? U nakae. Nuwomouyana pasina itoboine korotoyana kolivisiye!
1CO 5:3 Nakona yau geya maisigumo yaimi goi go, Baloma Kimaasabaina goi akaaiyaka yaimi. E tuwo korotoyana ina guinuwa pasina bogina atakino. Takinonayana ame nakae:
1CO 5:4 Tutayana ida Tomoya Yeisu yoina goi komi be yau balomaigu tatugúguna ida Tomoya Yeisu ina togaga taiyao,
1CO 5:5 e korotoyana tayato Kaleya nimana goi sakavaina ana tusáwala manuna bego tauyana balomaina ana yava ida Tomoya ana maliyalina goi ibabane.
1CO 5:6 Goyoyana yaimi manuna kouyawana gagágasa go, imi gagasayana geya itoboineyeta. Komi manakae! Geya koyagoiyeta bego isti giyaina go, isiu ina parawa madabokiina goi isagayako?
1CO 5:7 Kokimavadēmi ame nakae: Korotoyana yaimi goi isti bogo nakae kokābi, kokalāve bei komi parawa vau nakae unana komi maavadaimi parawa geya ana istimo nakae. Moe itoboine. Guyau moe kita ida Basitáwana Aikanina ana lami bogina sikaumate sikasale, tauna kita maavadaida.
1CO 5:8 Tauna aikayana mada uyáwana taguinūwe go, geya kada isti bogo goi nakae goyo istina goi geya, go sem beredi pokaka goi aikayana takāika. Berediyana moe sinapu maavadaina nakae mooitamoina.
1CO 5:9 Ami leta bogina boi aetune iwo alatuwokoimi kagu, ‘Tomasisi goyogoyo taiyao taabu kokabiveekovēko.’
1CO 5:10 Guna livalayana maniyemi kotainasiye. Imi tainasiyana ame nakae: Tomotayadi aadigedi geya kada toogoyoidi tuyooyowoidi geya, nakae tomasisi goyogoyo o tomatakónana be továobuna o basaleliu adi tosakululu. Neta moe tauyadi bego kovakilisidi, komi itoboine poyapoya ana madabokiina kokalave bego kovasiyasiyaedi.
1CO 5:11 E moe geya guna nuwonúwana geya. Tuwo ame tuta guna nuwonúwana atalavaite. Avatau neta idigo kana, ‘Yau tonumisa tayamo’ go, neta masisi goyogoyoina iguuinuwe o imaatakónana o basaleliu yaidi isaakululu o iitagíwaya o oine inim ginagina o iiváobuna, e taiyao taabu kokabiveekovēko nakae taiyao taabu kokakāika.
1CO 5:12 Bogina koyagoi. Tomota moetala adi takínona moe geya kita ida polava geya, go sem tauyadi Yeisu ina kali goi neta goyo siguuinuwe tatakinōidi.
1CO 5:13 E tauyadi moetala goi Yaubada itakinoidi go, toogoyoina yaimi goi kolivisīye.
1CO 6:1 Manakae? Komi geya imi omayamayamo? Neta semiyao nuumisaidi idi píkwana yaimi goi, kaga unana tauyadi konavedi tolovina geya adi numisamo matadi goi koekotuyedi? Go kaga unana geya konavedita tauyadi Yaubada ina kimasabayao matadi goi koekotuyedi?
1CO 6:2 Nakona komi geya koyagoiyeta bego kita Yaubada ina kimasabayao tauyadi geya adi numisamo bei tatakinoidi ae? Neta amo tauyadi bei kotakinoidi, manakae? Geya itoboinemita píkwana giyaidi komi tonumisa yaimi goi kotakinoidi?
1CO 6:3 Nakona komi geya koyagoiyeta anerose bei tatakinoidi ae? Nakae bei taguinuwe, tauna imi guinuwa poyapoya ame goi toinimi kotakinōidi.
1CO 6:4 Neta píkwana sikaaiyaka yaimi goi, kaga unana kotu goi tolovina moetala konumisedi imi kotu manuna? Tauyadi geya basabasaidimo komi Yeisu ana totugugunayao yaimi goi.
1CO 6:5 Moe alatuuwokoimi, latuwogu agieomaemaemi. Manakae? Geya tayaamo tomota yaimi goi mana nanamsa itoboine semiyao idi kaumakimaki itakinoidi ae?
1CO 6:6 Go sem tolovina geya idi numisamo go, matadi goi koroto nuumisaina siyana iekotuye.
1CO 6:7 Tutayana semiyao koekotuyedi, e madabokimikova Yaubada matana goi bogina toinimi kobugoyaimi. Neta ami tobugoyoyao be ami tovaobunayao yaidi goi to kotogagamo!
1CO 6:8 Go komi geya ae? Go sem komi to tobugoyo be továobuna ae? Go imi guinuwayadi koguuinuwedi moe toinimi semiyao nuumisaidi yaidi goi.
1CO 6:9 Nakona geya koyagoiyeta toogoyoidi geya adi kaiguyaumo Yaubada ina kalibúbuna sinaena. Taabu kokatuubaūmi. Tomasisi goyogoyo, basaleliu adi tosakululu, toroerata, tauyadi koroto koroto taiyao simasisi,
1CO 6:10 tovaináwana, tomatakónana, tonim ginagina, totagíwaya, továobuna Yaubada ina kalibúbuna goi geya sisiuta geya!
1CO 6:11 Moe sinapuyadi boi komi maniyemi nakae koguuinuwedi go, ame tuta moe komi nakae geya, go sem Yaubada bogina inikimi, bogina ikimasabemi toinina umana, ida Tomoya Yeisu Guyau yoina goi be Yaubada Balomaina ina guinuwa goi bogina ivayokoimi komi Tauyana nuwona ana tokibobwatayao. Tauna amo sinapuyadi goyogoyoidi taabu koguuinuwēdi!
1CO 6:12 Komi kodigo kami, ‘Dogoi liliuudi mama tagona kaguuinuwedi.’ Go yau kagu, ‘Dogoiyadi maniyedi geya basabasaidimo kita yaida.’ Komi kami, ‘Dogoi liliuudi mama tagona kaguuinuwedi.’ Go yau kagu, ‘Geya tayaamo kaga bei tatagone ilovinaeda.’
1CO 6:13 Nakona maniyemi kami, ‘Awoinu ikaaiyaka gamoda manudi, e gamoda sikaaiyaka awoinu manuna. Ago Yaubada nava bei aiyuwokova ikausaolidi. Tauna ame tuta kaga nakae latuwoda taguinuwe wowoda goi, itoboineda taguinuwe.’ Moeko goi komi konuwonúwana bego masisi goyogoyoina itoboinemi nakae koguinuwe. Go wowoda sikaaiyaka geya masisi goyogoyoina manuna geya, go sem ida Tomoya ina guinuwa manuna. Nakae wowodayadi moe ida Tomoya ina kaba lovina.
1CO 6:14 E kina go Yaubadayana ina togaga goi ida Tomoya wowona bogina ikaitaoemnei go, kita nakae wowoda bei ikaitaoemneidi. Tauna masisi goyogoyoina tavakilīsi!
1CO 6:15 Manakae? Komi geya koyagoiyeta bego kita wowodayadi moe Guyau talainao? Manakae? Itoboineda Guyau talaina tayamo takabi tanave tomatagogoli goi tasipatuko gea geya? Moe geya, geya tooina!
1CO 6:16 Nakona geya koyagoiyeta bego avatau neta tomatagogoli taiyao sisávina, e simalawówana tayamo. Bogina koyagoi. Yaubada idigo kana, ‘Adi taiyuwokova wowodi tayamo.’
1CO 6:17 Go avatau neta Tomoya taiyao sisávina, e balomaidi tayamo.
1CO 6:18 Tuwo masisi goyogoyoina kovasiyasiyāe. Goyo liliudi tomota siguuinuwedi moe wowodi toluyedi goi go, tomasisi goyogoyo toinina wowona ibugoyai.
1CO 6:19 O nakona geya koyagoiyeta bego wowoda moe Baloma Kimaasabaina ina Vada Kimaasabaina? Balomayana Yaubada goi ima ikaaiyaka yaida goi. Tauna kita wowoda moe geya kita konada geya, go sem Yaubada konana.
1CO 6:20 Moe moitamo. Yaubada bogina itakoneda, maisada gagaina. Tauna wowodayadi goi Yaubada ina togaga ana káeyana tavagitakōe.
1CO 7:1 E boi dogoiyadi kooginidi, manudi bei alatuwokoimi. Komi kodigo kami, ‘Koroto itoboine monena geya ibisikoneyeta.’
1CO 7:2 E yau guna katumapu ame nakae: Komi koroto tamo tamo monemiyao taiyao komasīsi. E komi vevina nakae, tamo tamo monemiyao taiyao komasīsi, govila bei masisi goyogoyoina isowóduwo.
1CO 7:3 Komi koroto tamo tamo nai ana sinapu masisi manuna koguinūwe monemiyao yaidi. Komi vevina nakae. Nai ana sinapu masisi manuna koguinūwe monemiyao yaidi.
1CO 7:4 Vavina nainaina toinina wowona geya ilovinaeyeta, go sem monena iloovinae. Koroto nainaina nakae, toinina wowona geya ilovinaeyeta, go sem monena ilovinae.
1CO 7:5 Komi nainaimi, geya tuwaina toinimi masisi goi kovagagalēmi, go sem neta komi koroto ma monemiyao kotagona, e tuta kaakupina masisi kototo bego kokasalemi awanoi manuna. Ago tutayana ikavava, aiyuwoina komasisīmna, govila bei Kaleya ivakakonemi unana imi vikaiya geya itoboinemita kototo, tauna Kaleya ivakakonemi.
1CO 7:6 E moe nakae abobóbwara moe ami tagona go, geya kada Yaubada ina lovina avinimi geya.
1CO 7:7 E latuwogu bego tomota liliudi geya sinaita yau nakae go, ayagoi madabokimi geya itoboinemita yau nakae, go sem tomota tamo tamo adi kaiguyau Yaubada iivinidi ituli ituli, maniyedi sinai, maniyedi geya sinaita.
1CO 7:8 E komi tokumátava be kóbuya alatuwokoimi dedevina kokaaiyaka yau nakae, nai geya.
1CO 7:9 Go neta geya itoboinemita imi vikaiya kototo, tuwo konāi. Neta konaimna, moe dedevina go, neta geya, imi vikaiya goi bei kosavívila, e moe igoyo.
1CO 7:10 E komi nainaimi, lovina ame avinimi. Lovinayana geya yau guna lovina geya, go sem ida Tomoya ina lovina. Komi vevina, monemiyao taabu kovaisoobuyēdi.
1CO 7:11 Go neta kovaisobuyedi, e kokaiyāka nakae kóbuya o kokaluvilāmna kōna monemiyao yaidi goi kokabivekovekomnēidi. E komi koroto nakae. Monemiyao taabu kovaisoobuyēdi.
1CO 7:12 E komi nainaimi go, monemiyao neta geya sinumiseta, alatuwokoimi. Ame geya ida Tomoya nuwona geya, go sem yau guna nuwonúwana. Komi koroto neta monemiyao geya sinumiseta go, sitagona sikaiyakemi, e taabu kovaisoobuyēdi.
1CO 7:13 Komi vevina nakae. Neta monemiyao geya sinumiseta go, sitagona sikaiyakemi, e taabu kovaisoobuyēdi.
1CO 7:14 Moitamo. Koroto neta geya inumiseta, Yaubada bogina ikimasabe toinina umana korotoyana monena ina numisa pasina. Vavina neta geya inumiseta nakae. Yaubada bogina ikimasabe toinina umana monena ina numisa pasina. Go neta ame moitamo geya, e Yaubada matana goi natudiyao nava ma baailidi. Go geya sibaileta, go sem tauyadi kimaasabaidi Yaubada umana.
1CO 7:15 Go neta tauyana geya inumiseta latuwona monena ivaisobuye, e monenayana to itagoneyāmo. Moeko goi tauyana monena nai ana lovina goi bogina italigei. E Yaubada ilatuwokoida tuboina goi takaiyāka.
1CO 7:16 Moitamo. Komi koroto be vevina, neta imi nai goi kokaaiyaka, nakona komi pasimi monemiyao adi yava bei sibabane.
1CO 7:17 Guna masi ame nakae: Nakonakae ida Tomoya ida kaiyaka bogina ivinida, e nakae takaaiyāka. Nakonakae ida gimikaiyaka tutayana Yaubada iduduweda bei tanumisa, e nakae takaaiyāka. E ame lovinayana Yeisu ana totugugunayao liliudi aavinidi.
1CO 7:18 Komi koroto, tutayana Yaubada igimiduduwemi, komi sakavaimi kuuponidi? E tuwo nakae kokaaiyāka. Sakavaimi geya adi kupwanamo? E taabu kokupokūpo.
1CO 7:19 Sakava ana kúpwana moe dogoi besobeso. Sakava geya ana kupwanamo nakae, moe dogoi besobeso, go sem dogoi gagaina moe Yaubada ina lovina takabikaonedi.
1CO 7:20 Kita tomota tamo tamo nakonakae ida gimikaiyaka tutayana Yaubada iduduweda, e nakae takaaiyāka.
1CO 7:21 Tutayana Yaubada igimiduduwemi, komi nava tomota idi pakonayao? Moe manuna geya konuwonuwoneta, go sem neta itoboinemi imi tomoya goi ami talígava kobabane, e nakae taligavayana koguuinūwe.
1CO 7:22 Moitamo. Avatau neta paakonina tutayana ida Tomoya iduduwe, e tauyana bogina taliigavina Yeisu goi. E nakae avatau taliigavina tutayana ida Tomoya iduduwe, e tauyana Guyau ina pákwana.
1CO 7:23 Yaubada bogina itakoneda, maisada gagaina. Tauna taabu kotaagonēmi bego komi tomota idi pakonayao.
1CO 7:24 Kita tamo tamo, segowo, Yaubada taiyao takaaiyāka nakonakae boi tutayana Yaubada igimiduduweda bei tanumisa.
1CO 7:25 E komi imi lumadádana aedi paakonidi manudi, yau geya tayaamo lovina Tomoya goi geya. Go guna nuwonúwana avinimi. E ida Tomoya inuwokapisiyegu, tauna itoboinemi konumisegu.
1CO 7:26 E tauna guna nuwonuwanayana tuta ame ana mou pasidi kita nakonakae ida kaiyaka, e nakae tauda takaaiyāka.
1CO 7:27 Nakae neta komi aemi bogina paakonidi vevina yaidi goi, e ami talígava taabu koolusāle. Neta ami talígava vevina goi bogina kobabane, e vavina taabu koolusāle bego konai.
1CO 7:28 Go neta komi moitamo konai, e moe geya kogoyoita. Neta woiyai geya ana kanaotamo go, inai, moe geya igoyoita. Go nainaidiyadi idi kaiyaka goi idi totom mou bei sibabanedi go, yau latuwogu avaitemi bei itoboinemi mouyadi kovakilisidi.
1CO 7:29 Guna masi, segowo, ame nakae: Yeisu ina tuta aluvila bogina ikaponapona. Tuta simamaima goi komi koroto nainaimi taabu konuwonūwana imi totom kaka manuna, go sem yawoimi kokasāle ida Tomoya yaina.
1CO 7:30 Komi tonuwomou, imi kaiyakomou manuna taabu konuuwonūwana. Komi touyáwana, imi uyawanayana manuna taabu konuuwonūwana. Komi kónana koogimona, konamiyadi manudi taabu konuuwonūwana.
1CO 7:31 Komi poyapoya ana kaiyaka kouyaonedi, e taabu nukotomi iyoiyōi, go sem yawoimi kokasāle ida Tomoya yaina. Bogina koyagoi. Poyapoya ame ana sinapu bogina bei sisaosáwala.
1CO 7:32 E latuwogu komi imi kaiyaka manuna geya konuwotukaleta. Ava koroto neta geya inaita, ida Tomoya ina nuwonúwana manudi inuuwonúwana, nakae manakaena ida Tomoyayana ivauyaone.
1CO 7:33 E kidi go koroto nainaidi, idi kaiyaka poyapoya ame goi manuna sinuwonúwana, nakae manakaedi bei monediyao sivauyaonedi.
1CO 7:34 Tuwo idi nuwonúwana aiyuwo. Vevina vaaisobudi nakae kobukóbuya be kidi aedi paakonidi nakae. Kidi bei sinuwonúwana ida Tomoya ina nuwonúwana manudi bego sakavaidi be balomaidi sikasaledi Tauyana yaina, e bei kidi kimaasabaidi Tauyana manuna. E kidi go vevina nainaidi idi kaiyaka poyapoya ame goi manuna sinuwonúwana, nakae manakaedi bei monediyao sivauyaonedi.
1CO 7:35 Moe alatuwokoimi ami dedevina manuna. Go geya kada asanabodemi geya, go sem bego mami sinapu dedevina yawoimi madabokina kokasaledi ida Tomoya yaina goi.
1CO 7:36 E ava koroto neta inuwonúwana ina sinapu geya idedevineta ana kamatákwana yaina goi be ina vikaiya goi isavívila nakae bogina tayagoi bei nai isowóduwo, e sināi nakae tauyana latuwona go, moe geya tayaamo goyo iguinuwe.
1CO 7:37 Go nakona koroto ina vikaiya goi geya isavivileta, go sem itoboine ina yala ikabikunui. Tuwo neta nukotona goi itáoya ikasa be nuwona goi bogina ilovina bei ana kamatákwana geya inaiyeta, e moe dedevina.
1CO 7:38 Tauna avatau neta ana kamatákwana geya inaiyeta, e iguinuwe dedevina namliyeta tauyana ana kamatakwanayana inai.
1CO 7:39 Ava vavina nainaina neta monena nava ma yawoina, monena taiyao situyūwo. Go neta korotoyana ikámasa, e vavinayana, ava koroto latuwona, itoboine inaimna. Ago korotoyana itoboine bei ida Tomoya ina koroto tayamo.
1CO 7:40 Go neta vavinayana geya inaita, go sem anetava ikaaiyaka boi mainao ina kaiyaka nakae, e yau guna nuwonúwana tauyana mana uyáwana. Go anuwonúwana Yaubada Balomaina yau nakae yaigu goi ikaaiyaka, tauna guna nuwonuwanayana ivinigu.
1CO 8:1 E imi lumadádana awoinu kaasalaina basaleliu yaidi ana káika manuna bei akatumapu. Komi kami, ‘Madabokidakova mada nanamsa awoinu kaasalaina basaleliu yaidi manuna.’ Moe bogina taayagoi. Amo nanamsayana pasina tomota sinuwatue go, kidi tomatakoi sediyao idi numisa sikitogage.
1CO 8:2 Avatauwa neta sinuwonúwana bego nanamsa bogina sikabidoko, e nava geya siyagoidokoeta.
1CO 8:3 Go avatauwa neta Yaubada simataakoiye, e moe tauyadi Yaubada iyaagoidi.
1CO 8:4 E tuwo imi lumadadanayana awoinu kaasalaina basaleliu yaidi ana káika manuna akatumapu. Nakae komi, kita bogina tayagoi bego tokwalu geya yawoidimo be nakae Yaubada tayamo toito ikaaiyaka. Moe bogina kobóbwara moitamo.
1CO 8:5 Nakona tomota maniyedi sinuwonúwana bego basaleliu badabadaidi yábana be poyapoya goi sikaaiyaka. Nakae idi basaleliu badabadaidi be idi tomoya badabadaidi yaidi goi sisakululu go, kita Yeisu ina tonumisayao moe geya takabikaoneyeta geya,
1CO 8:6 go sem kita taayagoi Yaubada tayamo toito ikaaiyaka; Tauyana moe Tamada. Tauyana goi kaga liliuna sikaaiyaka nakae kita Tauyana manuna. Tayagoi Tomoya tayamo toito ikaaiyaka moe Yeisu Guyau. Tauyana nimana goi kaga liliuna sikaaiyaka nakae kita nimana goi takaaiyaka.
1CO 8:7 Go tomota maniyedi, amo nanamsayana geya siyagoiyeta. E tauyadi boi idi káika goi basaleliu yaidi sisaakululu go, ame tuta nava sinuwonúwana basaleliuyadi bego maa yawoidi. Tauna neta awoinu kaasalaina sikáika, idi nuwonúwana goi bego moe nava sisaakululu yaubadayadi yaidi. Tauyadi neenetaidi nuwodi isabutukoidi, tauna aikayana ikibaibailidi.
1CO 8:8 E geya kada awoinu pasina Yaubada iuyaoneda geya. Nakae neta awoinu maniyena geya taakanidi, geya kada kita toogoyoida geya. O neta awoinu maniyena taakanidi, geya kada kita todedevida geya.
1CO 8:9 E ami dodōkana, govila bei imi tagona awoinu ana káika goi pasina tonumisa neenetaidi kovakapusiyedi.
1CO 8:10 Moitamo. Komi mami nanamsa bego basaleliu geya yawoidimo. Neta basaleliu ina vada tapwaroro goi kokakáika go, siyada neenetaina ikaaiyaka iigitemi, e imi káika pasina nuwona kokobale bei awoinu kaasalaina ikáika go, nenetainayana nukotona isabutuko bego moe goyo.
1CO 8:11 Imi nanamsayana pasina toneneta ina numisa kobugoyai. Go tonenetayana moe siyada, e manuna Guyau ikámasa!
1CO 8:12 E moeko goi sedao nuumisaidi yaidi kogoyo go, tauyadi nuwodi neenetaidi, tauna kokaigoyaidi, e moeko goi Guyau nakae yaina kogoyo.
1CO 8:13 E tauna neta anuwonúwana bego awoinu tayamo pasina siyagu bei avakapusiye, e awoinuyana geya tuwaina akanikani, govila bei siyaguyana avakapusiye.
1CO 9:1 Manakae? Magu tagona aguuinuwe nakae latuwogu gea geya? U, magu tagona. Manakae? Yau Yeisu ina vamoléyana tayamo gea geya? U, nakae. Manakae? Ida Tomoya Yeisu bogina agite gea geya? U, bogina agite. Manakae? Yau guna paisewa ida Tomoya yaina pasina Tauyana konumise gea geya? U, nakae.
1CO 9:2 Nakona tomota maniyedi yaidi goi yau geya Yeisu ina vamoléyana geya go, ayagoi komi yaimi goi yau moitamo toina Yeisu ina vamoléyana. Moitamo. Komi imi spwagógana ida Tomoya taiyao moe yau guna kaba kamoitamo bego yau Tauyana ina vamoléyana.
1CO 9:3 Guna tasígina guna todovatusiyao yaidi goi ame nakae:
1CO 9:4 Manakae? Kai Yeisu ina vamoleyanayao mama tagona bei ama tabúbula kakabi ima paisewa Yeisu manuna gea geya? Moitamo, mama tagona.
1CO 9:5 Kidi Kepasi be ituli ida Tomoya ina vamoleyanayao be nakae Tomoyayana senao liliudikova idi vaníbita goi itoboinedi monediyao nuumisaidi sivedi go, kotabubulidi ae? Go manakae? Kai geya ama tagonamo monemao nuumisaidi kavedi go, kotabubulidi?
1CO 9:6 Go manakae? Banabasi be yau ametava geya kotabubulimeta, go sem itoboine toinima ima mani manuna kapaisewa ae?
1CO 9:7 Manakae? Ava tovayaviya bei ivayaviya go, toinina iemaisi ina paisewa manuna? Geya! O ava tobágula oine tanuina ibaguli go, dibayoya ana tuta goi keuwoina geya ikanikani? Geya! O ava tomatakavata ina sipi imatakaavatedi go, sipiyadi nunudi geya inimnim? Geya!
1CO 9:8 Manakae? Yau guna bóbwara unana moe tomota idi nuwonúwana goi abobóbwara gea Yaubada ina Katukeda nakae ivatulukoida? Yaubada ina Katukedayana ivatulukoida ae?
1CO 9:9 Moitamo. Ina Katukedayana boi Mosese ivini idigo kana, ‘Tutayana im bulumakau witi kutukutuna goi ipaaisewa, taabu sopana kuukobōde, go sem kutagōne bei ipaaisewa go, witi tupwana ikanikani.’ Atukeda 25:4 Manakae? Yaubada bulumakau kaka manudi inuwonúwana
1CO 9:10 gea kai manuma nakae? Kai nakae manuma moe Mosese igini bego tánuwo ana topaisewa itoboine mana lotuta ipaaisewa bei ina tabúbula ibabane. Nakae todibayoya itoboine mana lotuta ipaaisewa bei dibayoya goi ikáika.
1CO 9:11 Kai balomaimi avadi bogina kabaguli komi yaimi goi, tauna manakae? Avama komi yaimi goi itoboinema kababane gea geya?
1CO 9:12 Ituli ta vamoleyanava kotabubulidi go, itoboine toina kai nakae kotabubulima kidi nakae. Go geya katagonemita kotabubulima, go sem dogoi liliudi goi kamesayágana, govila bei Guyau Valena Dedevina ana sanúnuwo kasanabode.
1CO 9:13 Vada Kimaasabaina ina topaisewayao bogina koyagoidi bego vininabeso goi adi tabúbula sibabane. Nakae Tonúwala adi kaiguyau vininabeso aba kasala goi sibabane.
1CO 9:14 Moe nakae ida Tomoya ilovina. Ina lovinayana bego kai Vala Dedevina ana totalavaitayao itoboinema Valayana ana talavaita goi ama tabúbula kababane.
1CO 9:15 E yau itoboinegu moe dogoiyadi manudi akawanoiyemi go, geya aguinuweyeta. E geya kada leta ame agini bego ame tuta nakae koguinuwe yau yaigu geya. Moitamo. Neta yau akámasa, moe dedevina yaigu unana geya latuwogu tomota tayamo itoboine guna uyawana gagágasa Vala Dedevina ana sanúnuwo geya ana maisamo manuna ineboigu.
1CO 9:16 Neta Vala Dedevinayana ataalavaite, manuna geya itoboineguta auyawana gagágasa. Bogina koyagoi. Magu tasíkwana ataalavaite. Neta geya atalavaiteyeta, o guna toovalugo!
1CO 9:17 Neta ame paisewayana toinigu alovina aguinuwe, e itoboinegu guna vaiwówana ababane. Go neta moe geya yau guna nuwonúwana bego aguinuwe geya, e Yaubada ina kawoi boi iivinigu to aguinuweyamo.
1CO 9:18 Tauna kaga guna vaiwówana? Bego tutayana Vala Dedevina atalavaite yaimi, itoboinegu avinibesoimi. Tauna yau magu lovina bei itoboinemi kotabubuligu go, geya alovinaemita nakae koguinuwe.
1CO 9:19 Guna nuwonúwana ataligei. Geya tayaamo tomota ilovinaegu go, tuwo toinigu atagonegu yau tomota liliumi imi pákwana nakae bego badabadaimi atamyabimi konumisa.
1CO 9:20 Tutayana Diyuu yaidi goi akaaiyaka, guna sinapu Diyuu nakae bego itoboinegu Diyuuyadi atamyabidi sinumisa. Avatauwa neta Yaubada ina Katukeda ikaukabolidi tutayana yaidi goi akaaiyaka, guna sinapu nakae neta Yaubada ina Katukedayana ikaukaboligu bego itoboinegu tauyadi atamyabidi sinumisa. Ego ame tuta Atukedayana geya ikaukaboliguta.
1CO 9:21 Tutayana tauyadi Yaubada ina Katukeda geya siyagoiyeta yaidi goi akaaiyaka, guna sinapu nakae neta Atukedayana geya ayagoiyeta. Nakae aguuinuwe bego itoboinegu tauyadi atamyabidi sinumisa. Ago geya kada Yaubada ina lovina akapipilavedi geya, go sem Guyau ina lovina akabikaaonedi.
1CO 9:22 Tutayana toneneta yaidi goi akaaiyaka, guna sinapu nakae neta yau aneneta bego itoboinegu atamyabidi sinumisa. Tomota madabokidi apanaitedi bego guna sinapu liliudi goi nakona maniyedi adi yava sibabane.
1CO 9:23 E kaga liliuna aguuinuwe, moe Vala Dedevina ana sanúnuwo manuna aguinuwe bego agu kawoi goi Vala Dedevina ana talavaita asiuko.
1CO 9:24 Bogina koyagoi bego tolokoina liliudi vavalákuna goi siilokoina go, tayamo toito vaiwówana ikabi ae? Moe nakae koolokōina bego ami vaiwówana kobabane.
1CO 9:25 E tovavalákuna liliudi kaga liliuna goi toinidi sivakakonekonedi. Amo tauyadi nakae siguuinuwe bego adi vaiwówana saaolina sibabane go, kita taguuinuwe bei ada vaiwówana aiyako vaatayaina tababane.
1CO 9:26 Tauna yawoigu goi yau tovavalákuna nakae aalokoina go, geya aalokoina besobeso geya. Nakae yau topwáikina nakae go, geya aapwáikina besobeso geya,
1CO 9:27 go sem yawoigu akabikunuuidoko bego ikabikaonegu, govila bei ituli ta tomotava yaidi Vala Dedevinayana ataalavaite ivaitedi go, yau agu tovalugo.
1CO 10:1 Ame moitamo, segowo, itoboineda takabikunuida. Tubudao aba gita tayamo yaida. Ame nakae: Konuwāisi boi nimatu Yaubada ina gaota tubudao madabokidi ivainugonedi be nakae madabokidi Négwasa Kayakayaina nauyayanaina goi sivadámana.
1CO 10:2 Madabokidikova sisayóyova gaota be négwasa goi, e sispwagógana Mosese taiyao, e ina lovina sisabokuliyedi.
1CO 10:3 Madabokiidi avadi tayamo sikakáika, avadiyadi Baloma Kimaasabaina goi sima.
1CO 10:4 Madabokiidi adi bwae tayamo sinimnim; bwaeyana Baloma Kimaasabaina goi ima. Ame moitamo. Bwaeyana sinimnim moe gurewa tayamo goi idaudau. Ago gurewayana Baloma Kimaasabaina goi ima ivakitaudi go, gurewayana moe Guyau.
1CO 10:5 Amo nakae Yaubada ivaaitedi go, badabadaidi idi sinapu pasina geya iuyaonedita. Boi yoyowo goi ikaumatematedi.
1CO 10:6 E moe dogoiyadi sisowóduwo kita ida kaba gita, e bei goyo geya tayaleyeta nakae boi tauyadi idi sinapu nakae.
1CO 10:7 Taabu kosaakulūlu basaleliu yaidi nakae tubudao maniyedi boi nimatu siguuinuwe. Moe nakae Gínina Kimaasabaina italavaaitedi tutayana bulumakau goi sisaakululu. Gininayana idigo kana, ‘Tomota situsobu sikáika, oine sinim, madi uyáwana besobeso taiyao simasisi goyogoyo.’
1CO 10:8 Taabu tamasisi goyogōyo nakae tubudao maniyedi boi nimatu siguuinuwe, e niga kidi adi badabada 23,000 maliyalina tayamo goi sikámasa.
1CO 10:9 Taabu Guyau kovaakakōne nakae boi nimatu tubudao maniyedi siguuinuwe go, niga moteta sina tauyadi sikaumatedi.
1CO 10:10 Taabu takaukuulukūluwo nakae tubudao maniyedi boi nimatu siguuinuwe, e niga tómtula ina imtulidi.
1CO 10:11 E amo dogoiyadi siisowóduwo tubudao yaidi goi moe kita ida kaba gita. E tetalayadi Mosese iginidi bego kita tuta ana kaba lukavava goi takaaiyaka ikatumatalida ida sinapu manuna.
1CO 10:12 Tauna avatauwa komi neta konuwonúwana itoboinemi aba vakakona goi bei kotaoyakavata, korugwausīmi, govila bei kokapusi.
1CO 10:13 Vakakona liliudi siimekoida moe tomota liliudi adi vakakona nakae. Go Yaubada aba numisa. Geya kada tayaamo vakakona itagone bei itogagasaveda geya, go sem tutayana vakakona tababane, Tauyana bei aba siya tayamo ivatulukoida, e bei itoboineda tatogaga.
1CO 10:14 Tauna guna kaloyao, basaleliu ana sakululu kovakilīsi.
1CO 10:15 Komi nukotomi taapolaidi avaadigoimi, livala ame kodovatusīdi, livalayadi moitamo o geya.
1CO 10:16 Oine keigaina manuna Yaubada yaina takauyagu go, tutayana keigayana goi tanim moe nakae Guyau ikaikaina tasiuko, e taeboda tayamo Tauyana taiyao ae? Beredi nakae. Takivisivisi go, tutayana berediyana takáika, moe nakae Guyau wowona tasiuko, e taeboda tayamo Tauyana taiyao ae?
1CO 10:17 Beredi tayamo toito ikaaiyaka, tauna kita boda badabadaida go, wówana tayamo. Ame moitamo. Madabokiida taiyao beredi tayamo takáika.
1CO 10:18 Isileli tubunao manudi konuwonūwana tutayana idi vininabeso aba kasala goi sikasale Yaubada yaina. Sikasale ikavava, tomota sima sikáika go, moeko goi tokaikayadi tokasala sisiukoidi idi sakululu Yaubada yaina ae? E nakae neta awoinu kaasalaidi basaleliu yaidi kokáika, e moeko goi basaleliu polapolayadi kosiukoidi.
1CO 10:19 Tauna guna masi kaga? Awoinu Totuyoyowo sikasale idi basaleliu yaidi kaga? Awoinu tauna ae? Idi basaleliu kaga? Geya kada tayaamo kaga geya,
1CO 10:20 go sem kaga kaga Totuyoyowo sikaasaledi moe dimoni yaidi goi sikaasaledi go, Yaubada yaina goi geya. E geya latuwogu komi dimoni kosiukoidi.
1CO 10:21 Geya itoboinedeta ida Tomoya ina keiga goi be nakae dimoni idi keiga goi tanimyuwedi. Geya itoboinedeta ida Tomoya ina kaba káika goi be nakae dimoni idi kaba káika goi takakáika.
1CO 10:22 Manakae? Latuwoda ida Tomoya ivakókala kita ina boda yaida? Geya ae? Manakae? Tauyana tatogagasave? Geya ae?
1CO 10:23 Komi kodigo kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi geya basabasaidimo kita yaida.’ Komi kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi ida numisa geya sikitogagedita.’
1CO 10:24 Taabu tomota toinina ana dedevina manuna ipooisōgana, go sem siyana ana dedevina manuna ipoisōgana.
1CO 10:25 Aba gita tayamo ame nakae: Ava kanina aba maketi goi sikaiigimone kokāika. Neta boi sikasale basaleliu yaidi o geya, mada tagona takáika go, imi nanayuwo pasina taabu koluumadādana neta aninayana moe kaasalaina basaleliu yaidi goi. Madabokinakova mada tagona takanidi.
1CO 10:26 Moitamo. Gínina Kimaasabaina idige kana,
1CO 10:27 Neta tomota geya sinumiseta siduduwemi áika manuna go, latuwomi kona, e kōna go, kaga liliuna sivinimi kokāika. Ago imi nanayuwo pasina taabu koluumadādana neta awoinu boi siikasale basaleliu yaidi goi.
1CO 10:28 Go neta tomota tayamo ilatuwokoimi kana, ‘Ame sikasale basaleliu yaidi goi’, e tauyana pasina be nakae nanayuwo pasina taabu kokakāika.
1CO 10:29 Ego geya kada komi imi nanayuwo pasina geya, go sem tauyana ina nanayuwo pasina. Go nakona tomota tayamo bei inuwonúwana kana, ‘Yau magu tagona awoinu liliudi akanidi, tauna kaga unana tomota idi nanayuwo pasina go, yau guna guinuwa sitakino igoyo?
1CO 10:30 Neta yau bogina akauyagu Yaubada yaina avagu manuna, geya vatau tayaamo itoboine itagiwoigu.’
1CO 10:31 Tauna guna nuwonúwana ame nakae: Imi guinuwa madabokidi, nakona imi káika o imi nim o ava guinuwa koguuinuwe, moe Yaubada ana taimámina manuna koguuinuwēdi.
1CO 10:32 Avatauwa neta geya sinumiseta, nakona Diyuu o nakona Totuyoyowo, e taabu kokaaigoyāidi bei numisa odi ikai. Aiyuwoina Yaubada ana totugugunayao taabu kovakapuusiyēdi.
1CO 10:33 Moe yau guna sinapu nakae. Apooikíkina bego kaga liliuna goi tomota liliudi avauyaonedi ame nakae: Toinigu guna dedevina manuna geya, go sem apooikíkina bego tomota badabadaidi adi dedevina manuna apoisógana. Nakae aguuinuwe bego adi yava sibabane.
1CO 11:1 Nakae yau Guyau avatootowone, e kovatotowonēgu.
1CO 11:2 E dogoi liliudi goi bogina konuwaisigu be guna vatulúkwana liliudi boi bogina aavinimi nava koyoisikaavatedi, tauna ayapaliyemi.
1CO 11:3 E latuwogu koyagoi bego koroto liliuda dabada moe Guyau. E vevina dabadi moe koroto. E Guyau dabana moe Yaubada.
1CO 11:4 Kita go koroto liliuda neta takawanoi o neta Yaubada ina livala tomota matadi goi takabivalevale go, neta kunuda maanawena dabada goi isou, e moeko goi dabada o tadigo kada, ‘Guyau’, tagieomaemae.
1CO 11:5 E komi go vevina liliumi neta kokawanoi o neta Yaubada ina livala tomota matadi goi kokabivalevale go, kunumi kovaligeidi, moe nakae dabami o tadigo kada, ‘Monemiyao’, kogieomaemaedi. Moitamo. Ana kaigigita aba omayamaya unana komi vevina nakae vevina neta kunudi madabokiina sitéui moe adi kaba omayamaya.
1CO 11:6 Neta vavina kununa geya imeteta, tuwo nakae kununa ibōbo. Go neta kununayana ana bóbwana o ana téuina aba omayamaya, e tuwo kununa imēte.
1CO 11:7 Moitamo. Koroto kita geya itoboinedeta kunuda tamete unana kita Yaubada ana tapata, moe nakae kita Tauyana ana káeyana kanukanununa. Ego komi vevina kai koroto ama káeyana kanukanununa.
1CO 11:8 Ame moitamo. Koroto vavina goi geya isowoduwoita, go sem vavina koroto goi isowóduwo.
1CO 11:9 Bogina koyagoi. Yaubada koroto imadagida geya kada vevina manudi geya, go sem vevina imadagidi kita koroto manuda.
1CO 11:10 Moe pasina itoboine vevina toinidi dabadi manudi silovina dókana anerose pasidi.
1CO 11:11 Guna masi ame nakae: Kita ida spwagógana ida Tomoya taiyao pasina komi vevina koroto sowoma. Nakae kai koroto komi vevina sowomi.
1CO 11:12 Ame moitamo. Vavina unana moe koroto, e koroto nakae unana moe vavina. Ego kaga liliuna unada moe Yaubada.
1CO 11:13 Komi toinimi kolovīna ame manuna: Manakae? Komi vevina itoboinemi bei kunumi kovaligeidi go, tomota matadi goi kokawanoi Yaubada yaina o geya? Geya ae?
1CO 11:14 Kita da poyapoya ida sinapu bogina taayagoi. Neta kita koroto kunuda taametedi, moe ada kaba omayamaya.
1CO 11:15 E komi go vevina neta kunumi koometedi, e moe ami kaba taimámina unana kunumiyana Yaubada ivinimi moe ami kaba vatumna, tauna ami kaba taimámina.
1CO 11:16 Nakona tomota maniyedi nava latuwodi bego amo manuna sikaumakimaki go, moe tauna kai ima sinapu be nakae Yaubada ana totugugunayao liliudi idi sinapu.
1CO 11:17 E ida Tomoya ana káika manuna kootugúguna go, dogoi dedevidi geya sisowoduwoita, go sem dogoi goyogoyoidi siisowóduwo. Tauna guna lovina ame bei avinimi go, imi sinapu pasina geya kada ayapaliyemi geya.
1CO 11:18 Ame moitamo. Valemi anove bego tutayana kootugúguna, koolivisi ta boda be ta boda. Ago valemiyana tupwana anumise.
1CO 11:19 Moitamo. Komi kami, ‘Ta boda ta boda yaima itoboine.’ Moe livisiyana bego avatauwa yaimi goi neta Yaubada iuyaonemi itoboineda takinanedi!
1CO 11:20 E tutayana kootugúguna, komi bego ida Tomoya ana káika kokáika go, geya.
1CO 11:21 Moe moitamo. Komi tamo tamo toinimi avami kokakáika go, avamiyadi geya kokaiguyauyeta semiyao geya avadimo yaidi goi, tauna maniyemi yaimi loga kokámasa go, maniyemi toinimi imi oine konim ginagina koyaluwo go, semiyao geya adi oinemo!
1CO 11:22 Kaga unana nakae koguuinuwe? Manakae? Geya imi vadamo bei moeko goi kokakáika be konimnim? O nakona Yaubada ana totugugunayao kokubuyevedi, e maniyedi geya avadimo kogieomaemaedi. Manakaegu alatuwokoimi? Bego ayapaliyemi? Moe manuna geya ayapaliyemita!
1CO 11:23 Guna nuwonúwana ame nakae: Kaga boi ida Tomoya yau ilatuuwokoigu bogina alatuwokoimi bego boi sabamgoyana Yudasa ida Tomoya Yeisu inuwotuluye, Yeisuyana beredi ikabi,
1CO 11:24 manuna ikauyagu Yaubada yaina namliyeta ikivisi. Ikivisi ikavava, ina tovatotowanayao ivinidi go, idigo kana, ‘Moe wowogu nakae akasale komi manumi. Moe tuta liliuna kokakāika bei konuwokaavategu.’
1CO 11:25 Sikáika ikavava, keiga nakae ikabi, ina tovatotowanayao ivinidi bego sinim go, idigo kana, ‘Moe oine ma keigaina moe ikaikaigu nakae komi manumi. Ikaikayana goi Yaubada ina kanasiuna vau iguinuwe yaimi. Oineyana konīm go, tuta tamo tamo konimnīm, konuwokaavatēgu.’
1CO 11:26 Bogina koyagoi. Tuta tamo tamo beredi ame takakáika be keiga goi tanimnim, moe nakae ida Tomoya ina kámasa tatalavaite ana kadókana ikaluvilamna ima.
1CO 11:27 Tauna avatauwa neta berediyana sikáika besobeso o ida Tomoya ina keiga goi sinim besobeso, amo tauyadi Yaubada ina liuna bei sibabane unana ida Tomoya wowona be ikaikaina geya siwowoinedita.
1CO 11:28 E toinida ida nuwonúwana tadovatusīdi. Neta nukotoda geya isabutukoidita, berediyana takáika be keigayana goi tanim.
1CO 11:29 Ame moitamo. Avatauwa neta beredi sikakáika be keiga goi sinimnim go, geya sikinaneyeta bego kita madabokidakova ida Tomoya wowona talainao, e moe nakae aikayana be nimyana goi toinidi adi liuna siyato.
1CO 11:30 Moe pasina tomota maniyedi yaimi goi sineneta o sikatówana go, maniyedi bogina sikámasa.
1CO 11:31 Go neta toinida tagimidovatusidokoida go, goyo geya tababaneyeta, e Yaubada liuna geya itakinoideta bego itoboineda liuna tababane.
1CO 11:32 Ego tutayana ida Tomoya itakinoida, moe nakae isapida o ikitototoida bego da poyapoya taiyao geya itakinoideta toogoyoida.
1CO 11:33 Tauna segowo, tutayana kootugúguna bei ida Tomoya ana káika kokakáika, semiyao kotuyaosīdi bei koyagoi avatauwa geya avadimo.
1CO 11:34 Avatauwa komi neta loga kokámasa, toinimi imi vada goi kogimikāika, govila bei imi tugugunayana pasina imi liuna kobabane. E vatulúkwana maniyedi nava sikaaiyaka go, niga bei ao avatulukoimi.
1CO 12:1 E segowo, Baloma Kimaasabaina ina kaiguyau manudi kolumadádana. Ina kaiguyauyadi manudi geya latuwogu komi kotamogemoge.
1CO 12:2 Bogina koyagoi bego tutayana komi Totuyoyowo boi nava basaleliu yaidi kosaakululu, Kaleya ivaakedemi go, moe ivasulaigimi tokwalu geya yawoidimo yaidi kosaakululu.
1CO 12:3 Tauna avatulukoimi bego geya vatau tayaamo itoboine bei Yaubada Balomaina goi idigo kana, ‘Yeisu bogina katuboolataina.’ Nakae geya vatau tayaamo neta yaina Baloma Kimaasabaina geya ikaiyaketa bei itoboine idigo kana, ‘Yeisu Tomoya.’
1CO 12:4 E yabobona ana kaiguyau ituli ituli sikaaiyaka go, unadi tayamo moe Baloma Kimaasabaina.
1CO 12:5 Yaubada ina paisewa ana kaiguyau ituli ituli sikaaiyaka go, unadi tayamo moe ida Tomoya.
1CO 12:6 Togaga myana moe ituli ituli sikaaiyaka go, unadi tayamo moe Yaubada; Tauyana aiguyau liliudi iepaisewedi tomota liliuda yaida goi.
1CO 12:7 E kita go tamo tamo Yaubada Balomaina ina togaga ana kiyakiyaya ivinida kita boda ada dedevina manuna:
1CO 12:8 Tomota tayamo yaina Yaubada ina nanamsa ikaiguyauye Baloma Kimaasabaina goi. E tayamo yaina ina vala ana yagoina ikaiguyauye Balomayana goi.
1CO 12:9 Tomota tayamo ana kaiguyau moe numisa Balomayana goi. Tayamo ana kaiguyau moe kidedevina Balomayana goi.
1CO 12:10 E tayamo ina yabobona goi itoboine guinuwa toogagaidi iguinuwedi. E tayamo itoboine Yaubada ina vala inove ikabivalevale. Tayamo itoboine Baloma Kimaasabaina ina paisewa ikinane. Tayamo itoboine yábana niyanina goi ibobóbwara. E tayamo itoboine niyaniyana ikaigavile.
1CO 12:11 E moe dogoiyadi liliudi Baloma Kimaasabaina tayamo iguuinuwedi. Nakae kita tamo tamo yaida goi ikaiguyaauyedi nakonakae latuwona.
1CO 12:12 Moitamo. Moe wowoda nakae. Wowodayadi tayamo go, talainao badabadaidi. Ego talainaoyadi liliudi sikaaiyaka go, moe wowoda tayamo toito. Guyau nakae. Kita Tauyana wowona tayamo nakae go, talainao badabadaidi.
1CO 12:13 Moitamo. Madabokidakova Baloma Kimaasabaina tayamo goi bogina sisayoyoida, e taewówana tayamo. Neta Diyuu o Giriki, taliigavida o paakonida, madabokidakova Yaubada bogina Baloma Kimaasabaina goi ivanimda ikaaiyaka yaida.
1CO 12:14 Bogina koyagoi. Kita wowoda moitamo geya talaina tayamo toito geya, go sem talainao badabadaidi. Ago talainaoyadi madabokidi wowoda sowona.
1CO 12:15 Ame nakae: Neta aeda idigo kana, ‘Yau geya nimam geya, tauna yau geya wowom talaina tayamo geya’, manakae? Aedayana nava talaida tayamo gea geya? Talaida tayamo ae?
1CO 12:16 Neta taiyada idigo kana, ‘Yau geya matam geya, tauna yau geya wowom talaina tayamo geya’, manakae? Taiyadayana nava talaida tayamo gea geya? U talaida tayamo ae?
1CO 12:17 Neta wowoda madabokina moe mátana kaka, manakaeda tataiyakeka? Geya. Neta wowoda madabokina moe táiyana kaka, manakaeda tasamkona? Geya.
1CO 12:18 Go woi Yaubada wowoda imadagidi, e talainao tamo tamo wowoda goi iyatoidi nakae latuwona.
1CO 12:19 Neta wowoda talainao liliudi sivavasa, e moe geya wówana tayamo geya.
1CO 12:20 E talaidao badabadaidi sikaaiyaka go, wowoda tauna tayamo toito ikaaiyaka.
1CO 12:21 E matada geya itoboineyeta nimada ilatuwoko kana, ‘Kom geya sowogu.’ O dabada geya itoboineyeta aeda ilatuwoko kana, ‘Kom geya sowogu.’ Moe nakae geya,
1CO 12:22 go sem ava talaidava adi kaigigita neenetaidi moe talaidaoyadi sowoda.
1CO 12:23 Ago talaidao maniyedi geya adi wowoinamo, e amo talaidaoyadi tawowoinedi gagaina. Go talaidao maniyedi aba omayamaya, amo talaidaoyadi areko goi tavapasedokoidi.
1CO 12:24 E talaidao neta maisidi dedevidi, geya adi pasapasamo, go sem Yaubada wowoda adi madágina goi talaidaoyadi neta geya adi wowoinamo, e wowoina gagaina ivinidi.
1CO 12:25 Moe iguinuwe bego wowoda goi livisi geya isowoduwoita, go sem wowoda talainao liliudikova sivaita vavasa.
1CO 12:26 Neta talaida tayamo igeda, e talaidao liliudi taiyao sigeda. Neta talaida tayamo ana kilágata ibabane, e talaidao liliudikova siuyáwana.
1CO 12:27 E kita go madabokidakova Guyau wowona be nakae kita tamo tamo wowonayana talainao.
1CO 12:28 Tuwo tauyadi Yaubada ana totugugunayao goi ivayokoidi ame nakae: Mainao Yeisu ina vamoleyanayao. Aiyuwoina ina vala ana tokabivalavalayao. Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.
1CO 12:29 Manakae? Madabokidakova Yeisu ina vamoleyanayao gea geya? Geya ae? Manakae? Madabokidakova Yaubada ina livala ana tokabivalavalayao? O madabokidakova tovatulúkwana? O madabokidakova guinuwa toogagaidi adi toguinuwayao?
1CO 12:30 O madabokidakova ida kaiguyau moe itoboineda tomota takidedevinedi? O madabokidakova itoboineda yábana niyanina goi tabóbwara? O madabokidakova itoboineda niyaniyana takaigavile? Geya ae?
1CO 12:31 E Yaubada ina kaiguyau ma basabasaidi koyalēdi bei aiguyauyadi goi tomota kovaaitedi. Ago enao tayamo bei avatulukoimi; enaoyana moe enao liliuudi ikalisavedi. Ame nakae:
1CO 13:1 Nakona itoboinegu tomota niyadi liliudi goi
1CO 13:2 Nakona Yau Yaubada ina tokabivalavala tayamo.
1CO 13:3 O nakona konagu liliuudi akaigimonedi go,
1CO 13:4 Tomatakoi araamaitaina,
1CO 13:5 geya ikaaipopóita;
1CO 13:6 Goyo geya iuyaonedita,
1CO 13:7 Tomatakoi vaita goi geya ikawoowoteya,
1CO 13:8 Matakoi ikaiyako vata go,
1CO 13:9 Moitamo. Ame tuta nanamsa giyaina tayagoi
1CO 13:10 Go tutayana ida Tomoya ikaluvilamna ima,
1CO 13:11 Tutayana yau gómana, abóbwara gómana nakae,
1CO 13:12 Moe nakae ame tuta saribu goi tagite tadogawugawuwuli.
1CO 13:13 E ame tuta sinapu aito sikaaiyaka:
1CO 14:1 Kopoisōgana bei tomota komatakoiyedi. E Yaubada Balomaina ina kaiguyau koyaledokōidi go, gagaina toina koyāla bego imi kaiguyau moe itoboinemi Yaubada ina nuwonúwana kokabivalevale.
1CO 14:2 Neta yábana niyanina goi tabobóbwara, tomota geya tavadigoidita geya, go sem Yaubada taavadigo. Bogina koyagoi. Neta yábana niyanina goi tabobóbwara, tomota geya siyagoiyeta kaga tadigedige. E Baloma Kimaasabaina ina togaga goi neta tabobóbwara, moe livalagau tataalavaite tomota yaidi go, geya siyagoiyeta.
1CO 14:3 E kina go tokabivalavalayana ibóbwara tomota yaidi. Ina livalayana goi ikitogagedi be ikipaiwoledi be nakae ivauyaonedi.
1CO 14:4 E kina yábana niyanina ana tobóbwara toinina ikitogage go, kina tokabivalavalayana Yaubada ana totugugunayao ikitogagedi.
1CO 14:5 E latuwogu madabokimi yábana niyanina Yaubada iivinimi, bei niyaniyana goi itoboinemi kobóbwara go, latuwogu toina itoboinemi Yaubada ina vala kokabivalevale. Kina tokabivalavalayana toolagaina namliyeta kina yábana niyanina ana tobóbwara. Ego neta tobobwarayana itoboine ina livala ikaigavile bego Yaubada ana totugugunayao siyagoi bei ikitogagedi, e moeko goi tobóbwara be tokabivalavala sivavasa.
1CO 14:6 E segowo ame nakae: Neta ao yaimi go, yábana niyanina goi abobóbwara, kaga ana dedevina yaimi? Go neta ao Yaubada ina nuwogau atalavaite o nanamsa avinimi o Yaubada ina vala akabivalevale o avatulúkwana, bei koyagoi.
1CO 14:7 Gwa. Kónana geya yawoidimo nakae. Neta kokopi tauwe besobeso o api taláui besobeso, vesi geya imavadeta, e tomota geya itoboinedita sikinane.
1CO 14:8 Moitamo. Nakae neta síula tauwe besobeso, avatau bei inove iyagoi, e ikatubayasi yaviya manuna? Geya.
1CO 14:9 Kita nakae. Neta yábana niyanina goi tabóbwara, e geya tabobwaradokoneta; tomota bei manakaedi siyagoi kaga tadigedige? Ame moitamo. Ida bobwarayana ana taiyakeka nakae yágira.
1CO 14:10 Poyapoya ame goi aníyana liliudi sikaaiyaka ituli ituli go, madabokidi madi yagoina.
1CO 14:11 Tauna neta sedao niyadi geya tayagoiyeta, kita ogaoga nakae, e ida bóbwara ana taiyakeka yaidi nakae takautaotáwana. Kidi nakae idi bóbwara yaida ana taiyakeka nakae sikautaotáwana.
1CO 14:12 Komi nakae. Komi bogina kosalau Baloma Kimaasabaina ina togaga manudi, tauna kosalāu Baloma Kimasabainayana ina kaiguyau Yaubada ana totugugunayao adi kitogaga manudi bei aiguyauyadi goi itoboinemi kokitogagedokoidi.
1CO 14:13 Tauna avatauwa komi neta yábana niyanina goi kobóbwara, kokawanōi Yaubada yaina bego imi kaiguyau niyaniyana ana kaigavila manuna bei itoboinemi kokaigavile.
1CO 14:14 Neta yábana niyanina goi takawanoi, e balomaida sikawanoi go, nuwoda geya basabasaidimo.
1CO 14:15 Tauna guna masi kaga? Ame nakae: Yábana niyanina balomaigu goi bei akawanoi namliyeta maa nuwogu nakae bei akawanoi. E yábana niyanina balomaigu goi bei vesi yapali avesiye Yaubada yaina namliyeta maa nuwogu nakae bei avesiye.
1CO 14:16 Neta yábana niyanina balomaida goi Yaubada yaina takauyagu go, tosakululu geya adi kaiguyaumo sikaaiyaka, manakaedi bei siyagoi, e ida kauyaguyana sikamoitamoe? Geya siyagoiyeta kaga tadigedige.
1CO 14:17 Bogina koyagoi. Nakona kita takauyagu dókana go, sedao kidi geya takitogagedita.
1CO 14:18 Akauyagu Yaubada yaina yábana niyanina goi itoboinegu abobóbwara go, moe aiguyauyana yau yaigu gagaina namliyeta komi yaimi.
1CO 14:19 Tauna nakona komi imi nuwonúwana goi kami, ‘Yaubada ana totugugunayao yaidi goi Paulo latuwona yábana niyanina goi ibóbwara.’ Go moe nakae geya, go sem neta itoboinegu bóbwara giyaina ma nuwogu abóbwara bego tauyadi nakae avatulukoidi moe dedevina toina namliyeta bóbwara maanawena yábana niyanina goi abóbwara. Neta yábana niyanina goi abóbwara, boda geya siyagoiyeta.
1CO 14:20 Segowo, taabu imi nuwonūwana Baloma Kimaasabaina ina kaiguyau adi kaikauna manudi gogómana nakae, go sem latuwogu imi sinapu goi geya ami pikwanamo memeya nakae. Ego imi nuwonúwana aiguyauyadi manudi komatūwo.
1CO 14:21 Yábana niyanina ana bóbwara kita tonumisa ida numisa geya ivaitedita. Isileli tubunao nakae. Boi Yaubada ina Katukeda italavaitedi nakae, idigo kana,
1CO 14:22 Tauna aiguyau yábana niyanina ana bóbwara moe aba kinana tayamo bego Yaubada ikaaiyaka yaida go, geya kita tonumisa manuda geya, go sem moe kidi geya sinumiseta manudi. E aiguyau Yaubada ina livala ana kabivalavala moe aba kinana tayamo go, geya kidi geya sinumiseta manudi geya, go sem moe kita tonumisa manuda.
1CO 14:23 Tauna neta kita Yaubada ana totugugunayao liliuda taiyao taatugúguna, e madabokidakova yábana niyanina goi tabobóbwara go, kidi tonumisa aiguyauyana sitamogemogeye sisiu o nakona kidi geya sinumiseta sisiu, bei sigiteda sinuwonúwana kita tayaluwo.
1CO 14:24 Ego neta madabokidakova Yaubada ina livala takabivaalevale go, kidi geya sinumiseta sisiu o nakona kidi geya adi kaiguyaumo sisiu, e ida livalayana sinove, idi goyo takamamaetalidi bei siyagoi Yaubada itakinoidi.
1CO 14:25 Nakae idi nuwogau goyogoyoidi Yaubada ikamamaetalidi. Tuwo bei aedi sivatugúyala Yaubada yaina sisakululu be sitalavaita kadi, ‘Moitamo, Yaubada yaimi goi ikaaiyaka.’
1CO 14:26 Tauna segowo, manakaeda? Tutayana koma kotugúguna Yaubada ana sakululu manuna, nakona tomota tayamo Baloma Kimaasabaina ina kaiguyau goi Same ikalalagasi, nakona tayamo ivatulúkwana, nakona tayamo Yaubada ina nuwonúwana italavaite, nakona tayamo yábana niyanina goi ibóbwara, nakona tayamo niyaniyana ikaigavile go, aiguyauyadi liliudi goi semiyao kokitogagēdi.
1CO 14:27 Ago aiguyau yábana niyanina manuna taguinūwe ame nakae: Nakona tomota adi taiyuwo o adi taito taudi go, tayamo tayamo sibóbwara. Ago tomota tayamo idi bobwarayadi ikaigavilēdi.
1CO 14:28 Go neta geya tayaamo tokaigavila ikaaiyaka, e latuwogu kidi yábana niyanina ana tobobwarayao imi tugúguna goi situgāu. E latuwogu toinidi nukotodi goi sibōbwara Yaubada yaina.
1CO 14:29 E kidi go Yaubada ana tokabivalavala adi taiyuwo o adi taito kotagonēdi sikabivalavala. Ikavava, idi bobwarayadi boda sidovatusīdi.
1CO 14:30 E, neta tomota tayamo ibobóbwara go, Yaubada Balomaina ina nuwonúwana ikaiwoduwe ituli ta koroto yaina goi, e latuwogu tobobwarayana vakuumgoina itugāu bei siyana itáoya Yaubada ina nuwonúwana italavaite.
1CO 14:31 Moitamo. Itoboine kotugau go, tayamo tayamo Yaubada ina nuwonúwana ikabivalevale tomota liliumi yaimi goi bego kovatulukoimi be atemi kovapatupatudi.
1CO 14:32 Aiyuwoina latuwogu tokabivalavala toinidi idi kabivalavala sikabikunuīdi go, tuta ana toboine goi situgāu.
1CO 14:33 Moitamo. Yaubada geya kada núwana ana kiwówana unana geya, go sem Tauyana tuboina unana. Nakae kidi Yaubada ina kimasabayao liliudi idi sakululu ana tugúguna goi,
1CO 14:34 e latuwogu imi tugugunayana goi vevina situgāu. Bogina koyagoi. Tauyadi geya adi tagonamo tokabivalavala idi bóbwara manuna silumadádana, go sem kebadi moe katetaagonaidi goi sikaaiyāka nakae Yaubada ina Katukeda idige.
1CO 14:35 Go neta vevinayadi latuwodi bego nanamsa sibabane, e niga toinidi idi vada goi toinidi monediyao silumadadēdi. Moitamo. Neta vevina imi tugúguna goi amo nakae silumadádana, moe aba omayamaya.
1CO 14:36 Vatulúkwana ame imi sakululu ana tugúguna asa liliudi goi bogina avatulukoidi bei siguinuwe go, ayagoi komi geya koguinuweyeta. Komi manakae? Komi mami gágasa konuwonúwana Yaubada valena unana moe komi, tauna itoboine geya konoveguta ae? O nakona konuwonúwana valayana iwo komi amitava yaimi ae? Geya. Tauna guna vatulúkwana sakululu ana tugúguna manuna kokabiikaōne.
1CO 14:37 Avatau komi yaimi neta inuwonúwana bego tauyana tokabivalavala o Baloma Kimaasabaina ina tomota, guna livala ikināne bego ame dogoiyadi aaginidi moe ida Tomoya ina lovina.
1CO 14:38 Go neta moe geya ikinaneyeta, e kina Yaubada tauyana geya ikinaneyeta.
1CO 14:39 E tauna segowo, aiguyau abivalavala manuna tayāle go, yábana niyanina ana bóbwara taabu kosaanabōde.
1CO 14:40 E kaga liliuna imi sakululu ana tugúguna goi koguuinuwe, koguinuwedokōidi be nakae imi bóbwara ana kaikauna ipalupalu.
1CO 15:1 E segowo, Vala Dedevina boi bogina atalavaite yaimi goi, akavilevile. Vala Dedevinayana bogina kouyaone nakae yaina goi kotaoyaakavata,
1CO 15:2 e imi numisa Valayana goi Yaubada iyavemi, neta Valayana boi bogina yaimi goi ataalavaite koyoisikavate. Go neta imi numisa dogoi besobeso, e geya.
1CO 15:3 Boi Valayana anove go, dogoi gagaina Valayana goi moe avadamane yaimi. Dogoiyana moe ame nakae:
1CO 15:4 Aiyuwoina ina kámasa mlina sivaliwoge go,
1CO 15:5 Ina taoyamnayana mlina isowóduwo Kepasi yaina goi
1CO 15:6 Niga ina taoyamnayana mlina tuta tayamo goi isowóduwo sedao adi badabada 500 nakae yaidi. Bodayadi yaidi goi badabadaidi nava sikaaiyaka go, maniyedi bogina sitagau.
1CO 15:7 Niga isowóduwo Yemesa yaina goi, namliyeta isowóduwo ina vamoleyanayao madabokidi yaidi goi.
1CO 15:8 E aba lukavava goi isowóduwo yau yaigu go, amalavamoléyana geya kidi Yeisu ina vamoleyanayao madabokidi nakae geya. Go sem yau matabuwogu amalavamoléyana nakae vavina neta ina tuta venátuna nava go, tuwo ivatoopa.
1CO 15:9 Moitamo. Kidi Yeisu ina vamoleyanayaoyadi yaidi goi yau toosobugu. Yaubada ana totugugunayao ayogedegededi, tauna geya itoboineguta sivayokoigu yau Yeisu ina vamoléyana.
1CO 15:10 Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.
1CO 15:11 Tauna nakona yau Vala Dedevina ataalavaite yaimi o tauyadi sitaalavaite yaimi goi go, Valayana tayamo kataalavaite yaimi, e konumise.
1CO 15:12 E Guyau kataalavaite yaimi bego tokámasa yaidi goi Yaubada ikaitáoe, tauna kaga unana maniyemi yaimi kodigo kami, ‘Kita tomota ida kámasa goi bei geya tataoyamneta’?
1CO 15:13 E, neta ámasa goi taoyamna geya, e Guyauyana nakae geya itaoyamneta.
1CO 15:14 Go neta Tauyana geya itaoyamneta, e ima talavaita dogoi besobeso be imi numisa nakae dogoi besobeso.
1CO 15:15 E bogina katalavaite bego Yaubada Guyau ina kámasa goi ikaitáoe. Neta moitamo woi Yaubada geya ikaitaoeyeta o kada, ‘Tokámasa geya ikaitaoedita’ go, kai katalavaite bego moitamo tokámasa ikaitaoedi, e Yaubada manuna bogina kapolemi, tauna kai totalavaita polapola.
1CO 15:16 Moitamo. Neta tokámasa bei geya sitaoyamneta, e Guyau nakae geya itaoyamneta.
1CO 15:17 Go neta Guyau geya itaoyamneta, e ida numisa geya basabasainamo, nakae komi be yau ida goyo goi nava takaaiyaka.
1CO 15:18 Neta ame moitamo, kidi tokámasa nakae; boi mainao Guyau siinumise bogina adi liuna sibabanevatae.
1CO 15:19 Neta ida lotuta Guyau yaina moe tauna ame tuta ma yawoida manuna go, geya tayaamo kaga nava bei tababane, e itoboine bei tomota liliudi sigiteda kita aba nuwokapisi gagaina.
1CO 15:20 E moitamo kina go Guyauyana tokámasa yaidi goi bogina igimitaoyamna. Tauna moe aba kinana tayagoi tokámasa nakae bei sitaoyamna.
1CO 15:21 Taoyamna moitamo. Koroto tayamo goi ámasa isowóduwo, e nakae koroto tayamo goi tokámasa adi taoyamna isowóduwo.
1CO 15:22 Ame moitamo. Madabokidakova ida spwagógana Adama yaina pasina bei takámasa. E nakae madabokidakova ida spwagógana Guyau yaina pasina bei tataoyamna ma yawoida.
1CO 15:23 E kita tamo tamo mada tuta taoyamna manuna. Guyau ivakumgo namliyeta kita ina bodao ina tuta aluvila goi tataoyamna.
1CO 15:24 Moe ikavava, tuta ana kaba lukavava bei ima. Amo tutayana goi Guyau tolovina liliudi be aba togaga liliudi itauwedi. Ikavava, ina kalibúbuna Tamada Yaubada nimana goi iyato.
1CO 15:25 Moitamo. Itoboine ikaalibúbuna ana kadókana ana kaleyayao liliudi aena ogalaoina goi bogina iyatoidi.
1CO 15:26 Ago ada kaleya vaamliyaina bei itauwe, moe ámasa.
1CO 15:27 Moitamo. Same tayamo ana togínina Yaubada ivadigo idigo kana, ‘Kaga liliuna aena ogalaoina goi bogina kuyatoidi kuvasobusobuyedi.’ Same 8:6 Moe Guyau aena idigedige. Ego tutayana idigo kana, ‘Kaga liliuna ivasobusobuyedi’, bogina tayagoi moe geya Tovasobusobu taiyao unana Tauyana ivasobusobuyedi.
1CO 15:28 E tutayana kaga liliuna Yaubada Natuna nimana goi bogina iyatoidi, e Natunayana toinina ikasale Yaubada yaina. Tauyana lovina liliuna ana tokaiguyau. E Guyau toinina ikasale Yaubada yaina bego Yaubada moe kaga liliuna adi Tokalibúbuna.
1CO 15:29 Go neta tokámasa geya sitaoyamneta, e tomota sayóyova sibabane tokámasa pasidi bego nava bei itoboinedi sediyao kaamasidi taiyao sikaiyaka manakaedi sinuwonúwana siguinuwe? Neta taoyamna geya, kaga ana dedevina neta tomota maniyedi tokamasayadi pasidi sitagona sisayoyoidi?
1CO 15:30 Neta tokámasa geya sitaoyamneta, kaga ana dedevina kai Yeisu ina vamoleyanayao tuta liliuna aba vailai goi Yeisu valena kataalavaite? Geya!
1CO 15:31 Segowo, maliyalina tamo tamo ámasa matagu goi ikaaiyaka. Iyagoida! Abóbwara moitamo nakae ame moitamo: Komi manumi aedidigu asaamolai ida Tomoya Guyau Yeisu ina guinuwa yaigu pasina.
1CO 15:32 Boi Epeso goi akaaiyaka go, tomota woiwoi nakae avayaviyedi go, kita tomota ida nuwonúwana goi moe kaga kaaigiyana? Geya. Neta kita tonumisa nava bei ámasa goi geya tataoyamneta, ame tuta itoboine ida sinapu nakae tomota maniyedi idi bóbwara kadi,
1CO 15:33 Moe bobwarayadi pola. Tauna taabu sikatuubaūmi. Amo tauyadi kovakilisīdi o tadigo kada, ‘Neta toogoyoidi taiyao takabivekoveko, ida sinapu dedevina sikaigoyai.’
1CO 15:34 Matami ilāla be konuwonuwana dōkana, e imi goyo goi tuwo, kosayāta. Maniyedi yaimi goi kotaiyaakekedi go, tauyadi Yaubada sitamogemogeye. Moe alatuwokoimi bego agieomaemaemi.
1CO 15:35 Nakona tomota maniyemi taoyamna nava geya konumiseta, go sem kodigo kami, ‘Tokámasa manakaedi itoboinedi sitaoyamna? E wowodi bei nakonakae?’
1CO 15:36 Komi yaaluwoimi! Kaga taabaguli mainao itoboine ikámasa namliyeta itabo maa yawoina.
1CO 15:37 Kaga taabaguli moe kutukutu kaka. Nakona witi kutukutuna o ituli ta kutukutu tabaguli go, tutayana itabo, e ituli. Geya kutukutuyana mainao ana kaigigita nakae geya.
1CO 15:38 E kina go Yaubada toinina ina nuwonúwana iguinuwe kutukutuyadi tamo tamo goi go, tamo tamo toinidi maisidi ivinidi, adi kaigigita ituli ituli.
1CO 15:39 Wówana liliudi sikaaiyaka poyapoya ame goi go, geya sivavaseta, go sem tomota wowoda ituli, yoguyogu wowodi ituli, mánuwo wowodi ituli, íyana wowodi ituli.
1CO 15:40 Moe poyapoya wowonina go, dogoi yábana osasaina goi nakae sikaaiyaka. Ago dogoiyadi yábana osasaina goi adi gumaboina ituli ituli go, poyapoya wowonina adi gumaboina nakae ituli ituli.
1CO 15:41 Dogoiyadi yábana goi ame nakae: Níyala ana gumaboina ituli, tukówana ana gumaboina ituli, utuna adi gumaboina nakae ituli. Moitamo. Utunayadi tamo tamo adi gumaboina ituli ituli.
1CO 15:42 Tokámasa idi taoyamna bei nakae.
1CO 15:43 Mainao wowoda iwodugudi aba omayamaya.
1CO 15:44 Mainao wowoda iwodugudi poyapoya wowonina go, ikaitaoedi, baloma wowonina. Poyapoya wowonina ikaaiyaka, e baloma wowonina nakae ikaaiyaka.
1CO 15:45 Moe nakae Gínina Kimaasabaina idigedige: Koroto vakuumgoina moe Adama. Tutayana korotoyana Yaubada imolului ikavava, e tauyana maa yawoina. Ago koroto aiyuwoina moe Guyau. Tauyana iebaloma, e yawana vau ana tokaiguyau.
1CO 15:46 Go baloma wowonina geya ivakumgoita, go sem poyapoya wowonina ivakumgo namliyeta baige baloma wowonina.
1CO 15:47 Koroto vakuumgoina Yaubada poyapoya kaukauna goi imolului,
1CO 15:48 Korotoyana vakuumgoina unana moe poyapoya,
1CO 15:49 Kita ame tuta poyapoya wowonina kwama nakae talosi,
1CO 15:50 E ame alatuwokoimi, segowo, bego sakava be ikaika geya itoboinedita bei Yaubada ina kalibúbuna goi sisiu. Moe nakae kaga idaudáura geya itoboineyeta bei ikaiyako vata.
1CO 15:51 Konovēgu bei Yaubada ina nuwogau tayamo avatulukoimi. Maniyeda bei geya takamaseta. Go madabokida sem wowoda Yaubada bei ikaigaviledi.
1CO 15:52 Moe ina sowóduwo geya ivamumugoneta. Moe nakae neta matada tatukapekape, e bogina ikavava. Moe tutayana anerose síula bei iuwe. Moitamo. Síula iuwe go, kidi tokámasa sitaoyamna ma wowodi aiyako vaatayaidi. Kita nava maa yawoida, e wowoda nakae ikaigaviledi.
1CO 15:53 Guna nuwonúwana ataligei. Ame tuta wowoda kwama nakae o tadigo kada, ‘Maada kwama daaurina’ go, nava bei itoboine kwama tayamo geya idaudáura talosi. Nakae ame tuta kada, ‘Ámasa talosilosi’ go, nava bei itoboine kwama aiyako vaatayaina nakae talosi.
1CO 15:54 E tutayana wowoda ame kwama daaurina nakae ikavava o kada, ‘Kwama kaamasina nakae ikavava’ go, tayamo wówana aiyako vaatayaina kwama nakae bogina talosi, e livala ame Gínina Kimaasabaina goi bei imalatomota, livalayana kana, ‘Ámasa bogina ikavava unana Yaubada bogina itauwe.’ Aiseya 25:8 Nakae kana,
1CO 15:55 ‘Ámasa, manakae? Im togaga nako?
1CO 15:56 E ámasa ina kaipiyamayana moe goyo. E goyo ana togagayana moe Yaubada ina Katukeda unana Atukedayana pasina tayagoi goyo taguinuwe.
1CO 15:57 E goyo ina togaga yaida goi Yaubada italigeida go, moe ida Tomoya Yeisu Guyau ina guinuwa goi iguinuwe, e moe manuna Yaubada yaina goi takauyāgu.
1CO 15:58 E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.
1CO 16:1 E imi lumadádana kidi Yaubada ina kimasabayao tookaidi adi mani ana lamgógana manuna alatuwokoimi. Kaga nakae boi Yaubada ana totugugunayao Galetiya goi alatuuwokoidi siguuinuwe, e komi nakae koguinūwe.
1CO 16:2 Nakonakae Yaubada mani goi ivaaitemi, e komi tamo tamo imi mani toinimi imi vada goi koyatōidi. Go wiki tamo tamo ana maliyalina vakuumgoina goi komemēdi kolamgōgo, govila bei ao, matagu goi imi mani kolamgogo.
1CO 16:3 E tutayana asowóduwo yaimi, ava korotova bogina kodovatusidi go, bogina kogitedi kidi kabikaaonidi nakae adi tagona adi leta koginidi, e moe tauyadi bei aetunedi imi vininabeso sinave Yerusalema goi.
1CO 16:4 Go neta itoboinegu yau nakae ana, e tauyadi bei sivakitaugu.
1CO 16:5 E namliyeta ana Mesadoniya goi avaníbita, bei ao. Bogina koyagoi. Latuwogu mainao bei ana Mesadoniya.
1CO 16:6 E nakona yaimi goi bei akaaiyaka mamanao o nakona akaaiyaka ana kadókana tula ana tuta ikavava bego niga itoboinemi bei kovakinaregu guna koidádana manuna, e bei ava dadava goi latuwogu, anonoina.
1CO 16:7 Moitamo. Geya latuwogu tuta kaakupina kaka taiyao takaaiyaka. Neta ida Tomoya itagona, alotuta bei yaimi goi tuta tupwana maanawena akaaiyaka.
1CO 16:8 Go ameko Epeso goi bei akaaiyaka ana kadókana Pentikosi ana tuta ikavava, namliyeta baige ao.
1CO 16:9 Ameko Yaubada ana kaleyayao badabadaidi sikaaiyaka go, tuwo totom bogina ikatupáeve bei itoboinegu Vala Dedevina atalavaite, e tomota sinumise.
1CO 16:10 E tutayana Timoti iwo, kogitēmi bego tauyana ana gogo yaimi moe dedevina, e bei geya imatoiteta geya. Tauyana ida Tomoya ina paisewa iguuinuwe yau nakae.
1CO 16:11 Tauna geya vatau tayaamo tauyana ikaolilīve. E tutayana ikalavemi, mana tuboina be ma nimatoona koetūne ima yaigu. Tauyana be sedao maniyedi taiyao atuyaaosidi sima.
1CO 16:12 E siyada Apolosi manuna kolumadádana, e bei alatuwokoimi. Tauyana bogina akatuliwoledoko bego sedao taiyao sikaluvila siwo yaimi go, geya latuwona ame tuta iwo. Go tutayana tuta ana toboine isowóduwo, e bei iwo.
1CO 16:13 Koyauyāusa. Vatulúkwana mooitamoina goi kotaoyaakavāta. Kokatepātu nakae kotogāga.
1CO 16:14 Kaga liliuna koguuinuwedi, mami matakoi koguuinuwēdi.
1CO 16:15 E Stepana mana bodayáuwo bogina koyagoidi bego tauyadi Yeisu ana togiminumisayao Akeya goi go, bogina toinidi sikasaledi kita Yaubada ina kimasabayao yaida goi bego sivaiteda. E tauna akatuliwolemi
1CO 16:16 bego komi nakae kokasalēmi tauyadi yaidi be nakae ava tovaita tauyadi nakae neta sipaaisewa o Yeisu manuna sipooisógana yaidi goi.
1CO 16:17 E Stepana be Potunatu be Akaiko bogina sima. Tauyadi komi imi katumapu sivaitegu, tauna tauyadi idi sowóduwo pasina auyáwana.
1CO 16:18 Komi be yau balomaida sikitogagedi. Tauna tomota amo tauyadi nakae kowowoinēdi.
1CO 16:19 Kidi Yeisu ana totugugunayao Esiya dadavina goi idi yabobona yaimi. Akuila be Pirisika be nakae tauyadi idi vada goi sisaakululu, e imi spwagógana ida Tomoya taiyao pasina idi yabobona sietune iwo yaimi.
1CO 16:20 Sedao ameko goi idi yabobona yaimi. Sedao moeko goi koyoowoiīdi nakae komi kimaasabaimi Yaubada umana itoboinemi.
1CO 16:21 Ame guna yabobonayana yau Paulo toinigu nimagu goi agini. Yau nakae guna yabobona yaimi.
1CO 16:22 Avatauwa komi neta ida Tomoya geya komatakoiyeta, Yaubada itoboine ikatubolatemi. Ima Tomoya, kūma!
1CO 16:23 Ida Tomoya Yeisu ina kanuwóiya bei ikaaiyaka yaimi goi.
1CO 16:24 Guna matakoi madabokimi yaimi ida spwagógana Guyau Yeisu taiyao pasina. Yau Paulo be Sositeni
2CO 1:1 Komi Yaubada ana totugugunayao Korinta goi nakae komi Yaubada ina kimasabayao liliumi Akeya parovinsi ana madabokina goi, Yau Paulo Guyau Yeisu ina vamoléyana Yaubada ina nuwonúwana goi be nakae siyada Timoti ami leta ame kaetune iwo komi yaimi.
2CO 1:2 Yaubada Tamada be ida Tomoya Yeisu Guyau idi kanuwóiya be idi tuboina bei sivinimi.
2CO 1:3 Yaubada aba yapali! Tauyana ida Tomoya Yeisu Guyau ina Yaubada be nakae Tamana! Tamanayana nuwokaapisina go, kipáiwala liliudi unadi moe Yaubadayana.
2CO 1:4 Ima mou liliudi goi ikipaiwolema e itoboinema ituli ta tokaiyakomou adi mou liliudi goi kakipaiwoledi Yaubada ina kipáiwala goi nakae boi kai bogina ikipaiwolema.
2CO 1:5 Moitamo. Guyau ina gedageda kalotowoidi gagaina, e nakae Guyau goi Yaubada ina kipáiwala ivaituwe yaima. Tauna itoboinema semao kakipaiwoledi.
2CO 1:6 E tutayana mou kababanedi, moe komi ami kipáiwala be ami yava manudi. Tutayana Yaubada ikipaiwolema, moe komi ami kipáiwala manuna. Kipaiwalayana ame nakae: Tutayana gedageda kai ima gedageda nakae kobaabanedi goi komeesayágana, e Yaubada ikipaiwolemi.
2CO 1:7 Ago kayagoi komi imi gedageda goi bei kotogaga. Bogina kayagoi imi gedagedayadi kai nakae kobaabanedi go, Yaubada bei ikipaiwolemi nakae kai bogina ikipaiwolema.
2CO 1:8 Moitamo Esiya parovinsi goi mou kababanedi go, latuwoma ima mouyadi koyagoidokoidi, segowo. Mouyadi kalootowoidi moumou sisaki, nakae geya itoboinemeta toinima ima togaga goi katogaga, tauna nukotoma itopa; ima lotówana kalotowoidi nakae bei kakámasa.
2CO 1:9 U. Toinima nuwoma goi kanuwonúwana kama, ‘Bei takámasa!’ Tauna toinima ima togaga geya kanumiseyeta, go sem Yaubada tokámasa ikaitaaoedi kanumise.
2CO 1:10 Tauyana aba vailai gagaidi goi iiyavema go, nava bei nakae iiyavema. Tauyana yaina kalotuta bego tuta liliuna bei iiyavema.
2CO 1:11 Komi nakae imi kawanoi goi kosiukōima. Latuwoma bego tomota badabadaidi sikauyagu Yaubada yaina ina kaiguyau yaima manuna; aiguyauyana moe tomota badabadaidi idi kawanoi pasina.
2CO 1:12 Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.
2CO 1:13 Moe moitamo. Ami leta kogīte. Geya tayaamo kaga kavamoukoimi, go sem kaga liliuna letayana goi itoboinemi kokatuyaivi be koyagoi. Ego ame tuta tupwana koyagoima go, alotuta bego nava bei koyagoidoko kai pasima komi aedidimi bei kosamolai nakae komi pasimi kai aedidima kasamolai ida Tomoya Yeisu ina maliyalina goi.
2CO 1:15 Anumisa moe koyagoi, tauna guna nuwonúwana bego mainao ao avadademi bego guna vadadanayana pasina ami dedevina sivayuwoina kobabane.
2CO 1:16 Guna nuwonuwanayana ame nakae: Bego tutayana anonoina Mesadoniya go, ao avadademi. Niga tutayana Mesadoniya akalave, bego aiyuwoina ao yaimi. Moeko goi itoboinemi ma nimatoogu kovalavegu ana Yudiya.
2CO 1:17 E tauna moe bego aguinuwe go, niga geya itoboineguta. Go manakae? Guna yúpuna goi akatubaumi nakae tomota maniyedi bogina siwowokoigu? Geya akatubaumita! O nakona konuwonúwana tutayana ayúpuna, sakava ina sinapu goi toinigu mainao ayúpuna kagu, ‘U, bei ao.’ Go, guna nuwonúwana moitamo moe kagu, ‘Geya awoita.’ Moe nakae geya aguinuweyeta.
2CO 1:18 E kina Yaubada aba numisa iyagoida! Ima livala yaimi goi geya kapoleta geya! Tutayana kama, ‘U, bei kao’, e ima nuwonúwana nakae bei kaguinuwe. Neta kama, ‘Geya kawoita’, nakae bei kaguinuwe.
2CO 1:19 Bogina koyagoi. Yeisu ina sinapu kasabookuliye. Yaubada Natuna, moe Yeisu Guyau, boi yau, Silovano be Timoti taiyao katalavaite yaimi. Moe Tauyana geya ipoleta kana, ‘U, bei aguinuwe’ go, ina nuwonúwana kana, ‘Bei geya aguinuweta.’ Go sem Tauyana goi Yaubada ina katótula sisowóduwo nakae idige.
2CO 1:20 Moe moitamo. Yaubada ina katótula liliudi Yeisu ina guinuwa pasina kana, ‘U, bei aguinuwe.’ Tauna nakae Yeisu goi Yaubada talatuwoko kada, ‘E nakae!’ Moe Yaubada ana taimámina manuna.
2CO 1:21 E Tauyana kai komi taiyao ikitogageda ida spwagógana Guyau taiyao pasina be nakae toinina umana ikinaveda moe Yaubada.
2CO 1:22 Tauyana ina kaba kinana ateda goi iyato moe Baloma Kimaasabaina. Balomayana goi tayagoi ina katótula bei iguinuwedi.
2CO 1:23 E Yaubada iyagoida yau abóbwara moitamo! Boi latuwogu bego guna bolagu yaimi avakilisi. Moe pasina geya awoita moeko Korinta.
2CO 1:24 Go moe geya bego imi numisa kalovinae geya, go sem kai komi imi tosavaiyuwo imi uyáwana manuna. Tauna imi numisa geya kalovinaeyeta geya. Bogina koyagoi. Imi numisayana goi bogina kotaoyakavata!
2CO 2:1 Moitamo geya kawoita. Yau toinigu bogina alovina ame: Neta ao avadademneimi go, guna bolagu pasina aiyuwoina kokategedamna, bei geya awoita.
2CO 2:2 Neta yau pasigu kokategeda, e geya vatau tayaamo yaimi goi ikaaiyaka bei ivauyaonegu ae?
2CO 2:3 Nakae alovina, tauna boi nakae ami leta goi agini, govila bei ao kogienuwomouyegu. Ago itoboine komi kovauyaonegu! Bogina boi anumisa madabokimi yaimi bego yau guna uyáwana bei ivauyaonemi.
2CO 2:4 Amo letayana magu yogedageda gagaina be magu kategeda gagaina be magu táiya gagaina agini. Ago letayana aetune iwo geya bego kokategeda geya, go sem bego guna matakoi gagaina yaimi goi koyagoi.
2CO 2:5 E boi toogoyoina yaimi goi yau ategeda geya iviniguta, go sem komi madabokimi ategedayana ana kakainaki ituli ituli ivinimi. Go geya latuwogu bego guna bóbwara goi tauyana ina goyo bolotona akatusavi.
2CO 2:6 Madabokimi bogina koliune, e moe ina liunayana bogina yoiyana.
2CO 2:7 Tauna ame tuta ina goyo konuwotāo be kokipaiwōle, govila bei ina nuwomou ivakaigagasave.
2CO 2:8 Tauna akawanoi makimaki komi kolovina bego imi matakoi tauyana manuna kokamoitamoe be kokabivekovekomnei.
2CO 2:9 Moitamo nakae itoboinemi. Moe nakae boi letayana agini aetune iwo unana ame: Bego avakakonemi be ayagoi neta kaga liliuna alatuuwokoimi kokabikaonegu o geya.
2CO 2:10 E avatau neta ina goyo konuwotao, yau nakae anuwotao. Neta moitamo goyo tayamo iguinuwe, e kaga nakae bogina anuwotao, moe komi ami dedevina manuna Guyau matana goi anuwotao
2CO 2:11 bego Kaleya geya itoboineyeta ikatubauda. Ina sinapu tulutuludi bogina tayagoidokoidi.
2CO 2:12 E boi ana Tarowasi goi Guyau Valena Dedevina ana talavaita manuna. E ida Tomoya ina togaga goi totom ikatupáeva yau manugu bego valayana atalavaite yaidi go,
2CO 2:13 balomaigu geya itoboineyeta iwaiwasi unana siyagu Taito geya ababaneyeta bego italavaitemi. Tuwo geya akaiyaketa, go sem sedao Tarowasi goi akalavedi go, ama ameko Mesadoniya goi asiu bego Taitoyana nakona ameko goi avalobode.
2CO 2:14 Go Yaubada yaina takauyagu unana tuta liliuna Tauyana yaviya ina tokalikumatana nakae ida spwagógana Guyau pasina ivakumgoiyeda bei tatogaga. Go Guyau valena moe emáina dedevina insensi nakae go, kai ima talavaita goi Yaubada ikaiwoduwe dadava liliudi bego tomota itoboinedi sisamkone, e bei Tauyana siiyagoi.
2CO 2:15 Guna nuwonúwana ataligei. Kai ima talavaitayana moe Guyau mainina dedevina nakae, e Yaubada ivauyaone go, avatauwa neta iiyavedi o avatauwa neta siivailai, liliudikova sinove.
2CO 2:16 Emainayana kidi siivailai sinove, moe ámasa mainina kaka nakae o tadigo kada, ‘Bei sikámasa.’ Ago kita Yaubada iiyaveda tanove, moe yawana vata kaka mainina nakae o tadigo kada, ‘Yawoida vata tababane.’ Go moe paisewayana Guyau Valena manuna avatau itoboine iguinuwe? Kaai go!
2CO 2:17 Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.
2CO 3:1 Manakae? Konuwonúwana bego ima livala goi aiyuwoina toinima kakamoitamoema komi yaimi bego kouyaonema? Kai geya ituli ta boda maniyedi nakae. Kidi itoboine adi leta sivinimi bego ikamoitamoedi yaimi, e kouyaonedi ae? Go kai moe nakae geya. Aiyuwoina geya itoboineyeta ama leta kogini bego ituli ta boda yaidi goi kokamoitamoema bego siuyaonema. Moe nakae geya
2CO 3:2 unana komi ama leta aba kamoitamo, bei komi goi tomota siuyaonema. Letayana atema goi ikaaiyaka bei tomota liliudi itoboinedi sikatuyaivi siyagoima o tadigo kada, ‘Imi sinapu sigite, ima paisewa siyagoi dedevina.’
2CO 3:3 Bogina imavada bego komi leta tayamo nakae Guyau igini kai ima paisewa dedevina yaimi goi manuna go, kai tomota kavinidi. Ago geya kada bairo goi igini geya. Moe bei itagau. Go sem Yaubada maa yawoina Balomaina goi igini. Geya gurewa paaevaidi goi igini nakae Mosese iguinuwe geya, go sem tomota atedi goi igini.
2CO 3:4 E itoboinema ima spwagógana Guyau taiyao goi mama numisa Yaubada yaina ima paisewayana nakae kadige yaimi.
2CO 3:5 Geya itoboinemeta kapásima kama, ‘Ame paisewayana toinima ima togaga goi kaguuinuwe.’ Go sem moe Yaubada ina togaga goi kaguuinuwe.
2CO 3:6 Tauyana nakae ikitogagema bei kai ina tokabivalavalayao ina kanasiuna vau manuna. Ina kanasiunayana geya kada tomota idi gínina goi nakae Mosese boi Yaubada ina Katukeda ana lovina iginidi geya, go sem Baloma Kimaasabaina goi. Mosese ina gininayana moe ámasa unana go, Baloma Kimaasabaina moe yawana vau unana.
2CO 3:7 E Yaubada ina Katukeda gurewa paaevaidi goi Mosese iginidi namliyeta koya goi isou go, maisina goi Yaubada ana káeyana tomoeeyalina ininínima. Tauna tomoeyalayana pasina Isileli tubunao geya itoboinedita Mosese maisinayana sipote. Ego amo tomoeyalayana Yaubada iitauwe. Atukedayana moe ámasa ina kenao go, Yaubada ina togaga ana káeyana ana vagitákwana taiyao sisowóduwo.
2CO 3:8 Ago Baloma Kimaasabaina ina kenao goi Yaubada ina togaga ana káeyana ana vagitákwana ivakaigaga, e moe enaoyana Atukeda idedevinasave.
2CO 3:9 Moe moitamo. Atukedayana Mosese boi ivatuulukoida dedevina, nakae Yaubada ina togaga ana káeyana ana vagitákwana tagite go, Atukedayana goi takínona tababane ida goyo pasidi. Go Yaubada mana nuwotao ikivavaseda kita tokibóbwata ina kanasíuna goi. Moe enaoyana goi ina togaga ana káeyana ana vagitákwana ivakaigaga toina tagite ae?
2CO 3:10 Moitamo. Boi Yaubada ina kanasiuna bogo goi ina togaga ana káeyana ivagitakoe go, ame tuta ana kaigigita daakakaina unana togaga ana káeyana ana vagitakwanayana ina kanasiuna vau goi bogina gagaina toina. Tauna ina kanasiuna bogo ikalisave.
2CO 3:11 Bogina koyagoi. Anasíuna bogoyana daakakaina go, boi anasiunayana goi Yaubada ina togaga ana káeyana ana vagitákwana ikaaiyaka. Anasiuna vauyana ikaiyako vata, tauna Yaubada ina togaga ana káeyana ana vagitákwana ivakaigaga toina.
2CO 3:12 E moe kalootutae, tuwo mama katepatu kakamamaétala Vala Dedevina manuna.
2CO 3:13 Go geya kada Mosese nakae geya. Boi maisina ana tabodaboda iyato, e bei Isileli tubunao geya itoboinedita Mosese maisina sipotevatae ana kadókana Yaubada ina kanasiuna bogo ina masi toina isowóduwo,
2CO 3:14 go sem dabadi sikasa. Moitamo. Boi nimatu ima ame tuta Yaubada ina kanasiuna bogo sikaatuyaivi go, tayamo taboda Mosese ina tabodayana nakae nava ikaaiyaka yaidi nuwodi itaabodedi. Tabodayana ikaaiyaka unana ida spwagógana Guyau taiyao pasina tauna bei itauwe go, kidi geya sinumiseyeta, tauna geya itauweyeta.
2CO 3:15 Go sem boi nimatu go, ima ame tuta neta Yaubada ina Katukeda boi Mosese ivinivini sikatuyaivi, tabodayana nava Diyuu nuwodi itaabodedi.
2CO 3:16 Go avatauwa neta situgavila bei Tomoya sinoko, e tabodayana itauwe.
2CO 3:17 Ego Yauweyana kina moe Baloma Kimaasabaina go, avatauwa yaida neta Balomaina ikaaiyaka, e kita taliigavida.
2CO 3:18 E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.
2CO 4:1 Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.
2CO 4:2 Go sem guinuwagau be guinuwa aba omayamaya kakataedi. Nakae pola o Yaubada ina livala ana sobala geya, go sem tomota matadi goi kabóbwara moitamo, e bei tomota liliumi matami goi kakamoitamoema bei koyagoima Yaubada matana goi ima guinuwa dedevina.
2CO 4:3 E nakona tomota maniyedi Vala Dedevina kataalavaite geya siyagoiyeta go, moe kidi vailai ana kenao goi sinonoina aditava nuwodi ma taabodaidi geya siyagoiyeta.
2CO 4:4 Amo tauyadi geya sinumiseta. Poyapoya ame ina basaleliu nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: Guyau moe Yaubada ina togaga ana káeyana, Tauyana Yaubada ana tapata.
2CO 4:5 Moitamo. Moe toinima yoima geya katalavaiteyeta geya, go sem Yeisu Guyau katalavaite bego Tauyana Tomoya go, aiyuwoina bego kai komi imi pakonayao Yeisu pasina
2CO 4:6 unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu Guyau maisina goi itapasígina.
2CO 4:7 E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.
2CO 4:8 Ame nakae: Mou liliudi kababanedi go, togagayana pasina mama kaba siya. Tuta maniyena geya kayagoiyeta bei manakaema kaguinuwe go, luluma geya sitameyeta.
2CO 4:9 Tomota siyogedegedema go, Yaubada geya ikalavemeta. Madi láuwo sivatupuwema go, geya sikaumatemeta.
2CO 4:10 Tuta liliuna Yeisu ina kámasa wowoma goi kaalotowo bego Yeisu yawoina nakae wowoma goi ivagitakoe.
2CO 4:11 Moe moitamo. Kai maa yawoima tuta liliuna tomota siyooisima be Yeisu pasina sitaagonema ámasa yaina. Moe nakae bego Yeisu yawoina wowoma kaavavaidi goi nakae kavagitakoe.
2CO 4:12 Tauna ámasa kai yaima goi ipaaisewa go, yawana vata yaimi goi ipaaisewa o tadigo kada, ‘Kai Yeisu ina vamoleyanayao gedageda kabaabanedi bego komi yawoimi vata kobabane.’
2CO 4:13 E kai togínina tayamo Gínina Kimaasabaina goi nakae igini kana, ‘Anumisa, tauna nakae atalavaita.’ Same 116:10 Amo tauyana ina numisa unana moe Baloma Kimaasabaina, e kai ima numisa nakae. Tuwo kanumisa, tauna kai nakae Vala Dedevina kataalavaite
2CO 4:14 unana kayagoi bego kina Yaubada ida Tomoya Yeisu ámasa goi ikaitáoe, tauna kai nakae ámasa goi Yeisu taiyao bei ikaitaoema, komi taiyao toinina matana goi ivataoeda.
2CO 4:15 Bogina koyagoi. Gedagedayadi liliudi moe komi manumi bego Yaubada ina kanuwóiya ibibíbina tomota badabadaidi yaidi; anuwoiyayana bei tomota idi kauyagu ivaituwe. Moe Yaubada ana taimámina manuna.
2CO 4:16 Tauna nukotoma geya itopeta, go sem nakona wowoda sidaudáura go, maliyalina tamo tamo nuwoda Yaubada iyoolimedi.
2CO 4:17 Ima nuwonúwana bego ima mou ame tuta moe kaakapudi be nakae tuta kaakupina goi kalootowoidi go, sikatubayasima bei Yaubada ana káeyana tomoeeyalina vaatayaina kalotowo. Ame mouyadi idedevinasavedi
2CO 4:18 unana kai geya kanuwonuwoneta dogoi taagitedi manudi, go sem dogoi geya taagitedi manudi kanuwonúwana. Dogoiyadi taagitedi, tuta kaakupina kaka goi sikaaiyaka, e sisáwala go, dogoiyadi geya taagitedi sikaiyako vata.
2CO 5:1 Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.
2CO 5:2 Moe moitamo. Ame tuta wowoda ame goi takaaiyaka go, takalayawoi unana takatukúwana bego yábana wowonina vau kwama nakae takote.
2CO 5:3 Ago nakona ámasa goi wowoda bogo ame kwama nakae tavalilividi go, tuwo Yaubada bei geya ibabanedeta ma paawakuda geya o tadigo kada, ‘Geya wowodamo.’
2CO 5:4 U, kita ame tuta wowoda yoyou nakae goi takaaiyaka, tauna ida mou gagaidi pasidi takalayawoi go, geya latuwoda wowodayadi kwama bogo nakae tavalilividi, go sem latuwoda kwama bogo ada kwama vau goi talositaoidi bego kaga kaavavaidi ivalili yawoida vau goi.
2CO 5:5 E Tauyana wowoda vauyadi manudi ikatubayasida moe Yaubada. Tauyana aba kinana ivinida bei tayagoi nava wowoda vau tababanedi; ida kaba kinanayana moe Balomaina.
2CO 5:6 Tauna tuta liliuna takaatepatu. Bogina tayagoi bego tutayana ida vada wowoda goi takaaiyaka, e Tomoya taiyao geya takaiyaketa go, tuwo maada katepatu.
2CO 5:7 Moitamo. Ame tuta Tomoya geya tagiteyeta go, tuwo matada goi geya taketoiyeta, go sem ida numisa Tomoyayana yaina goi taaketoiya.
2CO 5:8 E takatepatu go, latuwoda wowoda ame takalave, e Tomoya ina dadava goi taiyao takaiyaka.
2CO 5:9 Tauna nakona ida vada wowoda goi takaiyaka o takalave go, ida nuwonúwana gagaina bego Yaubada tavauyaone.
2CO 5:10 Itoboineda tavauyaone unana madabokida Guyau ina kaba takínona goi bei tatáoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.
2CO 5:11 Tauna, ida Tomoya ina mapuyana pasina ana matoita wowooinina bogina kayagoi, tauna tomota katamyabidi bego Yaubada sinoko. E kai Yaubada bogina iyagoima. Go alotuta bego komi nakae koyagoima.
2CO 5:12 Geya kada aiyuwoina kakamoitamoema yaimi goi geya, go sem leta ame goi kalatuuwokoimi kaga unana itoboinemi manuma aedidimi kosamolai. Latuwoma bego itoboinemi ama toromgiyao kokatumapudi. Toromgiyaoyadi sigágasa toinidi adi kaigigita manuna go, napasidi manuna geya sinuwonuwoneta.
2CO 5:13 Imi samolaiyana itoboine. Kogita. Ama toromgiyao ima poisógana, ima bóbwara be ima sinapu sigitedi kadi, ‘Kidi Paulo adi kaigigita siyaluwo.’ Moe manuna geya kanuwonuwoneta unana ima poisoganayana atema goi moe Yaubada umana. O neta maniyedi sigitema kadi, ‘Kidi Paulo ma buluubuludi’, moe manuna nakae geya kanuwonuwoneta unana ima poisoganayana atema goi moe komi ami vaita manuna.
2CO 5:14 Moe itoboine. Ima poisoganayana unana Guyau ina matakoi ikalimonema. Ina matakoiyana manuna ame bogina kakinane: Bego koroto tayamo ikámasa tomota liliuda manuda, kita ada katumapu, tauna ana kaigigita madabokida takámasa.
2CO 5:15 Moe liliuuda manuda ikámasa bego kita maa yawoida geya tuwaina takaaiyaka toinida manuda, go sem Tauyana ikámasa be nakae itaoyamna manuda, e moe Tauyana umana takaaiyaka.
2CO 5:16 Tauna Tauyana ina kámasa pasina ame tuta ima sinapu ituli. Ame tuta be nakae tuta simamaima kai geya vatau tayaamo ana kaigigita goi bei kadovatusiye nakae da poyapoya siguinuwe. Boi mainao nava Guyau geya kayagoiyeta moe nakae Tauyana kadovatusiye bego Tauyana tomota besobeso go, ame tuta ima nuwonúwana ituli Tauyana manuna. Tauyana kayagoi Guyau.
2CO 5:17 Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!
2CO 5:18 E moe dogoiyadi aivaudi liliudi Yaubada iguuinuwedi. Tauyana Guyau ina guinuwa goi ikabivekovekomneima go, abivekovekomnayana ana talavaita bogina ikawoima kaguinuwe.
2CO 5:19 Moe nakae Yaubada Guyau ina guinuwa goi da poyapoya ikabivekoveekomneida toinina umana, ida kapipilova geya ituuyouyoidita go, inumisema abivekovekomna valena katalavaite.
2CO 5:20 Tauna kai kina Guyau ana katumapuyao, e sopama goi Yaubada ina kawanoi itaalavaite. Tauna kai Guyau manuna kakawanoi makimaki tomota yaidi kama, ‘Kotagōna Yaubada ikabivekovekomneimi.’
2CO 5:21 Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima spwagógana Tauyana taiyao pasina Yaubada ina kibóbwata ana kanasíuna manuna kakaiwoduwe.
2CO 6:1 E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.
2CO 6:2 Moitamo. Yaubadayana idigo kana, ‘Tuta ana toboine goi anovem, e akatumapu; nakae am yava ana maliyalina goi ao avaitem.’ Aiseya 49:8 Konōve! Ame tuta moe tuta ana toboineyana. Konōve! Ame moe ami yava ana maliyalinayana.
2CO 6:3 Geya kada tayaamo aba kapusi tomota idi numisa goi kayato geya, govila bei tomota itoboinedi ima paisewayana sitagiwoi.
2CO 6:4 Go sem kakamoitamoema kai Yaubada ina tovaitayao, tauna dogoi liliudi goi toinima kavagitakoima yaimi be itoboinemi konumisema go, dogoiyadi liliudi goi kamesayágana gagaina. Dogoiyadi ame nakae:
2CO 6:5 o ama láuwo goi, o ima tuta deri goi, o ama vakaleya goi, o ima poisógana gagaina goi, o nakae geya kamasiisi dókana, o ima loga goi.
2CO 6:6 Ima paisewayana goi mama sinapu maavadaina, mama nanamsa, mama mesayágana, mama yabobona, mama kaiguyau, Baloma Kimaasabaina goi, mama matakoi mooitamoina,
2CO 6:7 mama bóbwara mooitamoina be nakae Yaubada ina togaga goi.
2CO 6:8 Tomota maniyedi sitaimaminema go,
2CO 6:9 Nakona geya yoimamo tomota maniyedi yaidi go,
2CO 6:10 Nakona mama nuwomou go,
2CO 6:11 Geya kada giyaiina ima nuwonúwana kavagagale yaimi geya, go sem madabokiina kalumavivisi yaimi! Komi da Korinta, atema madabokina goi ima matakoi bogina kakaiwoduwe yaimi!
2CO 6:12 E kai ima matakoi geya kavagagalakoimita go, komi imi matakoi kovagagaalekoima.
2CO 6:13 E ima matakoi nakae kokatumāpu, e atemi goi komatakoiyēma. Ame nakae komi natugowo, tauna alatuwokoimi.
2CO 6:14 Taabu tauyadi geya sinuumiseta taiyao koospwagōgana. Moe moitamo. Manakae? Kibóbwata be apipilova itoboinedi sispwagógana? Geya. Manakae? Mavada itoboine mamaníwana taiyao sikabivekoveko? Geya.
2CO 6:15 E manakae? Guyau be Beliyala itoboinedi taiyao sieboda tayamo? Geya. Manakae? Kita tonumisa be kidi geya sinumiseta ida nuwonúwana sivavasa? Geya.
2CO 6:16 E manakae? Yaubada polapola itoboinedi Yaubada mooitamoina ina Vada Kimaasabaina goi sikaaiyaka? Geya ae? Moe moitamo. Kita Yaubada maa yawoina ina Vada Kimaasabaina, yaida goi ikaaiyaka, tauna taabu basaleliu taiyao taaebōda tayamo. Moe nakae Tauyana idige kana,
2CO 6:17 Tauna kana,
2CO 6:18 Nakae kana, ‘“Yau bei komi Tamami go, komi yau natugowo koroto be vevina”, Yauwe Tokalika kaena.’ 2 Samwera 7:14 Tauna taabu tauyadi geya sinuumiseta taiyao koospwagōgana!
2CO 7:1 Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.
2CO 7:2 Atemi goi kouyaonēma! Geya vatau tayaamo yaimi goi kabagali. Geya vatau tayaamo yaimi goi kavasulaigi. Geya vatau tayaamo yaimi goi kavaobu.
2CO 7:3 Moe nakae tomota maniyedi yaimi bogina siwowokoigu go, mae nakae bogina alatuwokoimi geya kada atakinoimi bego komi toogoyoimi geya. Boi bogina alatuwokoimi bego komi atema, tuwo taiyao takámasa o taiyao maa yawoida.
2CO 7:4 Magu katepatu gagaina bego itoboinegu abóbwara moitamo yaimi. Komi manumi aedidigu asamolai gagaina. Bogina kokipaiwolegu gagaina. Ima mou liliudi goi uyáwana bogina ivakayaodeigu.
2CO 7:5 Moe moitamo. Boi kana Mesadoniya go, sakava ana dadava goi geya itoboinemeta kawaiwasi, go sem ima guinuwa liliuna goi mou kababanedi, nakae aumakimaki tomota taiyao go, sinaema goi matoita kalotowo.
2CO 7:6 Mouyadi kalotowoidi go, Yaubada kina tonuwomou adi Tokipáiwala ikipaiwolema tutayana Taito isowóduwo yaima goi.
2CO 7:7 Ego geya ina sowóduwo kaka goi ikipaiwolema geya, go sem kanove tauyana nakae kokipaiwole. Ama kipaiwalayana unana tauyana ima valemi italavaite yaima kana, ‘Da Korinta latuwodi sigitemneim, idi bágala yaim pasidi sinuwomou be nakae kom manum sipoisógana.’ Moe livalayana anove, tauna tuwaina auyáwana gagaina.
2CO 7:8 Guna uyawanayana unana ame: Nakona boi guna leta pasina nuwomi imou go, tuwo letayana manuna geya avakuwoneta. Moitamo mainao avakúwana. Boi mainao agite letayana pasina nuwomi imou go, moe tuta kaakupina goi.
2CO 7:9 E mainao avakúwana go, ame tuta auyáwana. Go geya kada auyáwana bego nuwomi imou geya, go sem bego imi nuwomou pasina kotugavila. Moitamo. Moe nuwomouyana Yaubada latuwona kolotowo bego geya tayaamo kaga itagau yaimi boi kai ima leta kasakasaina pasina.
2CO 7:10 Nuwomou Yaubada latuwona moe dedevina. Nuwomouyana pasina tatugavila bei ada yava tababane. Go ada yavayana manuna geya tavakuwoneta. Ego nuwomou da poyapoya silotowo goi ámasa sibabane unana idi goyo goi geya situgavileta.
2CO 7:11 Moitamo. Kogita? Imi nuwomouyana nakae Yaubada latuwona go, nuwomou ina guinuwa yaimi goi kopoisógana bego kokabikaonegu. Go poisógana kaka geya, go sem toinimi kotasigimi. Go tasígina kaka geya, go sem tauyana ina goyo manuna koegamogamogu. Go egamogamogu kaka geya, go sem komatoita. Go matoita kaka geya, go sem kokatukuwonegu. Go atukúwana kaka geya, go sem lulumi ilíbwata manugu. Go líbwata kaka geya, go sem mami salau tauyana ina goyo koliune. Kaga liliuna goi bogina kovagitakoimi bego tauyana ina goyo manuna komi geya ami pikwanamo.
2CO 7:12 Tauna leta kasakasaina moitamo agini aetune iwo go, geya kada tobagalayana pasina o siyana iibagali pasina geya, go sem agini bego Yaubada matana goi itoboinemi koyagoi atemi iyoi kai manuma.
2CO 7:13 Tauna Taito ina talavaitayana pasina atema ipatu. E atema ipatu go, tuwaina isowóduwo. Tauyana ima ilatuwokoima boi komi madabokimi yawoina kolisi. Tauna kina ina uyáwana kagite, e ima uyáwana ivaituwe gagaina.
2CO 7:14 Unana boi komi manumi auyawana gagágasa tauyana yaina goi, e imi sinapu goi geya kogiemaemaeguta, go sem kaga liliuna katalavaite yaimi moe livala moitamo, e nakae kaga liliuna komi manumi boi kauyawana gagágasa Taitoyana yaina moe livala moitamo.
2CO 7:15 Aiyuwoina madabokimi imi kabikáwana inuwaisi. Nakae komi mami matoita be mami malitatátava Yaubada matana goi ana gogo yaimi. Tauna ina matakoi komi yaimi bogina ivaituwe gagaina.
2CO 7:16 Auyáwana bego kaga liliuna goi itoboinegu anumisemi koguinuwedi.
2CO 8:1 E latuwoma kalatuwokoimi, semao, Yaubada ina kanuwóiya myana manuna. Anuwoiyayana boi ana totugugunayao Mesadoniya goi ivinidi.
2CO 8:2 Ame nakae: Adi vakakona ana mou gagaina goi kidi siuyáwana gagaina be nakae sitokai gagaina. Ago moe dogoiyadi aiyuwo goi idi vininabeso gagaiina sikasale.
2CO 8:3 Idi vininabesoyana moitamo gagaina. Itoboinegu akamoitamo bego kidi nakonakae itoboinedi, e madi tagona sivininabeso go, idi vininabesoyana mana vaituwo sikatukowosi.
2CO 8:4 Ego sikawanoi makimaki yaima kadi, ‘Kokanuwoiyema be vininabesoyana ana lamgógana manuna kasiukoimi, e Yaubada ina kimasabayao Yerusalema goi kavaitedi.’
2CO 8:5 Idi vininabesoyana moe gagaina toina go, geya nakae kanuwonúwana bei sivinima, go sem mainao toinidi sikasaledi ida Tomoya yaina namliyeta kai yaima sikasaledi nakae Yaubada latuwona.
2CO 8:6 Tuwo Taito kakatuliwole kadigo kama, ‘Da Korinta idi kanuwóiya, moe idi vininabeso, boi bogina kuvatowo yaidi, e nakae kuvaitēdi idi vininabesoyana ana lamgógana silukavave.’
2CO 8:7 Boi dogoi liliudi komi koguinuwedokoidi. Nakae numisa, bóbwara, nanamsa, poisógana madabokina, matakoi boi kabagulidi yaimi. Tuwo ame anuwoiyayana vininabeso manuna nakae latuwoma koguinuwedōko.
2CO 8:8 Geya kada Yaubada ina lovina avinimi geya, go sem ituli ta tomotava idi poisógana idi vininabeso manudi alatuwokoimi gobe adovatusimi neta komi nakae imi matakoi moitamo gea geya.
2CO 8:9 Imi vininabeso itoboine. Ida Tomoya Yeisu Guyau ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.
2CO 8:10 Yau guna nuwonúwana vininabeso ana lamgógana manuna avinimi. Moe ami dedevina manuna unana komi tauyami boi tala mlida bogina kovatowo imi vininabeso kogimilamgogo go, aiyuwoina komi kogimiyala bego nakae koguinuwe.
2CO 8:11 E ame tuta imi vininabesoyana ana lamgógana ami toboine goi nakae kolukavāve, e bei imi katetagona tutayana kogimiyala be imi katetagona tutayana kolukavave bei sivavasa.
2CO 8:12 Kaga neta ada toboine goi tavininabeso, neta mada katetagona tavininabeso, Yaubada bei iuyaone. Tauna Tauyana latuwona nakonakae yoiyada, e moe tavinibeso.
2CO 8:13 Guna nuwonúwana ataligei. Geya latuwogu bego komi imi vininabeso gagaina pasina ituli ta tomotava idi kaiyaka idedevina go, komi kokaiyakomou. Moe nakae geya, go sem latuwogu komi be kidi kovavasa.
2CO 8:14 Tuta ame goi komi mami esaesa itoboinemi amo tauyadi idi kaiyakomou manuna kovaitedi. Moe bego tutayana komi kokaiyako mou, kidi madi esaesa itoboinedi sivaitemi, e bei komi be kidi kovavasa.
2CO 8:15 Moe idi vavasayana ana kaba gita Gínina Kimaasabaina ina livala goi tagite, kana, ‘Avatau neta iseo badabada, ikanisave; geya tayaamo ikesa. Avatau neta ivakakayuwomo, nakae ikáika gamona.’
2CO 8:16 Akauyagu Yaubada yaina unana Tauyana bogina Taito nukotona isanayato bei ina poisógana komi ami vaita manuna kai ima poisógana nakae komi yaimi.
2CO 8:17 Nakae boi kakawanoi tauyana yaina bego iwo, e ima kawanoiyana iuyaone go, tuwaina mana poisógana toinina ina nuwonúwana goi bogina ikatubayasi bego iwo.
2CO 8:18 E tonumisa tayamo Taito taiyao kaetunedi siwo. Tonumisayana kidi Yaubada ana totugugunayao liliudi siyaapaliye ina paisewa Vala Dedevina manuna.
2CO 8:19 E moe go, aiyuwoina totugugunayaoyadi sikinave bego ivakitauma tutayana imi vininabesoyana kanave Yerusalema goi. Amo vininabesoyana ana kavala kamataakavate ida Tomoya yoina ana taimámina manuna be nakae koyagoi mama salau latuwoma kavaitemi.
2CO 8:20 Moe nakae bei kaguinuwe bego geya kada tayaamo tomota itoboine itagiwoima vininabesoyana gagaina nimana goi ana matakavata manuna.
2CO 8:21 Moitamo. Latuwoma kaguinuwa dókana geya kada Yauwe matana kaka goi geya, go sem nakae tomota matadi goi.
2CO 8:22 E siyada tayamo tuwaina kidi Taito taiyao bei kaetunedi siwo. Tuta badabadaina tauyana ina sinapu liliuna kadovatusiye, e bogina kayagoi mana poisógana Yaubada ina paisewa iguinuwedi. Ego ame tuta mana poisógana gagaina latuwona iwo unana inumisemi bego vininabesoyana goi kovaita.
2CO 8:23 Taito kina neta tomota silumadade, kolatuwokoidi kami, ‘Tauyana Paulo ina tosavaiyuwo nakae taiyao sipaaisewa kita manuda.’ Go kidi sedao adi taiyuwokova neta tomota latuwodi siyagoidi, kolatuwokoidi kami, ‘Tauyadi Yaubada ana totugugunayao idi vamoleyanayao idi guinuwa goi moe Guyau ana kaba taimámina.’
2CO 8:24 Tauna Yaubada ana totugugunayao matadi goi imi matakoi kovagitakōe korotoyadi yaidi be nakae kovatulukōidi ima uyawana gagágasa komi manumi be imi matakoi moe sivavasa.
2CO 9:1 Guna nuwonuwanayana tuwaina ataligei. Imi vaita Yaubada ina kimasabayao Yerusalema goi manudi geya kada kaga tuwaina itoboinegu alatuwokoimi geya, unana bogina koyagoi.
2CO 9:2 Imi yala adi vaita manuna bogina ayagoi; manumi auyawana gagágasa kidi tonumisa ameko Mesadoniya goi yaidi kagu, ‘Tauyadi Akeya parovinsi boi tala mlida goi idi vininabeso bogina sikatubayasi.’ Tuwo imi yalayana valena tonumisa Mesadoniya goi sinove, e badabadaidi ikeyabedi latuwodi toina idi vininabeso goi sivaita.
2CO 9:3 Ego sedao adi taito bei aetunedi siwo bego imi vininabeso ana lamgógana goi sivaitemi, govila bei guna uyawana gagágasa imi vininabesoyana manuna moe dogoi besobeso. Tuwo bei aetunedi siwo bego komi imi vininabeso bogina kokatubayasi nakae da Mesadoniya bogina alatuuwokoidi.
2CO 9:4 Latuwogu ayagoi komi bogina kokatubayasi, govila bei kidi da Mesadoniya maniyedi neta yau taiyao kao go, kababanemi geya kokatubayasita, e kai oma imayamaya ima uyawana gagagasayana pasina. Go kai ametava geya, go sem komi nakae bei omi imayamaya gagaina.
2CO 9:5 Tauna anuwonúwana itoboine sedao akatuliwoledi bego sivakumgo siwo yaimi, bei imi vininabeso gagaina boi mainao kogimikaatotule manuna sivaitemi imi vininabeso kolamgogo. Niga avámliya ao moe imi vininabeso bogina kolukavave. Neta nakae koguinuwe, imi vininabesoyana gagaina ana kaigigita moe mami yabobona kovininabeso. Go neta guna sowóduwo kotuyaosi bego imi vininabeso kolamgogo, nakona tomota maniyedi geya sikatubayasiyeta, tauna giyaina bei sivini. Moeko goi adi kaigigita nakae kidi tomatakónana.
2CO 9:6 E guna masi ame: Avatau neta ibaguli giyaina, idibayoyoi giyaina. Avatau neta ibaguli gagaina, idibayoyoi gagaina.
2CO 9:7 Komi tamo tamo nakonakae bogina nuwomi goi kogimilovina, e nakae kovininabēso go, geya kada nuwomou goi o lumakikina goi kovininabeso geya. Moitamo. Tovininabeso uyaaonina kina Yaubada imataakoiye.
2CO 9:8 E Yaubada itoboine anuwóiya liliudi ivaituwedi yaimi bego tuta liliuna kaga liliuna goi komi mami esaesa nakae imi esaesayadi goi itoboinemi kokaiguyauyedi tomota yaidi.
2CO 9:9 Moe nakae Gínina Kimaasabaina tokaiguyau manuna idigo kana,
2CO 9:10 E Yaubada tokaiguyau tayamo. Ida vévana gagaina ikaiguyauye yaida nakae avada ivinida. Moe Tauyana itoboine imi vévana bei ivaituwedi be nakae imi kibóbwata keuwoina, moe imi kaiguyau, bei ivaituwe.
2CO 9:11 Yaubada nimana goi esaesa ituli ituli bei kobabanedi be itoboinemi kovininabeso gagaina. Moe vininabesoyana bei kovinima kanave tookaidi Yerusalema goi kavinidi. Moeko goi tokaidiyadi bei sikauyagu Yaubada yaina.
2CO 9:12 Moe imi vininabesoyana Yaubada ina kimasabayao idi kaiyakomou ikalavaitedi go, geya kada vaita kaka geya, go sem imi vininabesoyana pasina Yaubada ana kauyagu gagaina ibabane.
2CO 9:13 Moe imi guinuwayana goi imi numisa ana kamoitamo isowóduwo. Tauna bei Yaubada ina togaga ana káeyana sikamoitamoe unana Guyau Valena Dedevina kokabikaone, kokamoitamoe be nakae komi kaaiguyaumi imi vininabeso da Yerusalema tookaidi kovinidi be nakae ituli ta tonumisava kovinidi.
2CO 9:14 Go tauyadi madi kawanoi manumi sikatukuwonemi unana Yaubada ina kanuwóiya nikuunikuna ikaaiyaka yaimi, tauna imi vininabeso goi kovaitedi.
2CO 9:15 Takauyāgu Yaubada yaina ina yabobona manuna. Yabobonayana geya itoboinedeta tavatetelikowosi.
2CO 10:1 E yau Paulo magu sakululu be magu mesayágana Guyau nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.
2CO 10:2 E akawanoi makimaki yaimi bego taabu idi pola konovenōve, govila bei ao magu katepatu abowoimi nakae tauyadi bei abowoidi. Guna bolaguyana unana tauyadi sidigo kadi, ‘Paulo kidi sakava ana guinuwa goi siiketoiya.’ Go moe pola.
2CO 10:3 Ma saakavaima poyapoya ame goi kaaketoiya go, sakavaima goi geya kavayaviyeta.
2CO 10:4 Moe moitamo. Ima yaviya ana kaipíyama geya sakava aipiyamina geya, go sem ima kaipiyamayadi moe toogagaidi unana Yaubada goi sima. Ima kaipiyamayadi goi ama kaleyayao idi kaba togaga katusaolidi. Nakae itoboinema tomota idi kaumakimaki kakausagugudi.
2CO 10:5 Nuwonúwana liliudi vaboda nakae ama kaleyayaoyadi sivataoedi bego Yaubada ana yagoina sisaanabode, e nakae katusaolidi. Tauyadi nuwodi liliudi tovayaviya nakae kayoisidi bego nuwodi goi Guyau sikabikaone.
2CO 10:6 Ago bogina kayokabúbuna bego tokapipilova liliudi kaliunedi tutayana kagitemi bogina kokabikawana dókana.
2CO 10:7 Komi tomota toluyedi kaka kogitegite! Avatau neta inumisa bego moitamo tauyana Guyau ana katumapu, itoboine toinina inuwonúwana ame manuna: Bego kai nakae Guyau ana katumapuyao.
2CO 10:8 Moe moitamo. Ida Tomoya lovina bogina ivinima geya bego imi numisa kakaigoyai geya, go sem bego kakitogagemi. Tuwo neta lovinayana manuna tuwaina auyawana gagágasa, geya aomaemaeta.
2CO 10:9 Geya latuwogu bego komi konuwonúwana yau apoikíkina guna leta goi akatumatoisimi.
2CO 10:10 Moe nakae alatuwokoimi unana tomota maniyedi sidigo kadi, ‘Paulo ina leta kasakasaidi be toogagaidi go, neta ikaaiyaka yaida, tauyana ina bóbwara neenetaidi be aba katae.’
2CO 10:11 Tomota amo tauyadi nakae itoboinedi sinuwonúwana ame manuna: Bego nakonakae ima bóbwara leta goi tutayana aduwanau kakaaiyaka, e ima guinuwa tutayana yaimi goi kakaaiyaka sivavasa.
2CO 10:12 Moe moitamo. Manakae? Bego ama kaleyayao maniyedi sitaoyakukuima? Go bego kai geya ama katepatumo be kanuwonúwana bego ama kaleyayao taiyao kavavasa? Geya, go sem kidi toinidi sikaodedevinedi be nakae toinidi sikatutukoidi go, toinidi idi bágala geya siyagoiyeta.
2CO 10:13 E kai go amo nakae geya. Ama lovina goi dadava maniyedi moe kai ima kaba lovina talavaita manuna. Geya itoboinemeta ituli ta kaba lovina ana paisewa manuna kauyawana gagágasa, go sem aba lovina Yaubada bogina ivinima ana paisewa manuna itoboinema kauyawana gagágasa. Go ima kaba lovinayadi goi komi kokaaiyaka.
2CO 10:14 Moe moitamo. Go kaga unana? Unana boi kao Vala Dedevina katalavaite yaimi, geya kada ima kaba lovina kalovinatao geya. Neta geya kawoita, moitamo ima uyawana gagágasa geya itoboineyeta go, kai kagimiiwo yaimi Valayana Guyau manuna katalavaite. Tauna komi yau guna kaba lovina goi kokaaiyaka, e itoboinema paisewa yaimi goi manuna kauyawana gagágasa.
2CO 10:15 Ituli ta boda idi poisógana ta kaba lovina goi manuna geya kagagaseta. Ego tutayana imi numisa ibibíbina, kalotuta bego itoboinema imi vaita goi ima paisewa kakidedede gagaina nakae ama lovina ana tagona,
2CO 10:16 e bei itoboinema kakalavemi kana ituli ta dadava goi Vala Dedevina katalavaite. Ago ituli ta tomota idi kaba lovina goi idi paisewa manuna geya kagagaseta.
2CO 10:17 Moe nakae Gínina Kimaasabaina idige kana,
2CO 10:18 Moitamo. Avatauwa neta toinidi sikamoitamoedi, amo tauyadi kina ida Tomoya geya iuyaonedita, go sem avatauwa neta ida Tomoyayana ikamoitamoedi, moe tauyadi iuyaonedi.
2CO 11:1 O neta guna livala yaaluwoidi nakae tuta giyaina goi komesayágana! Guna kaleyayao idi bóbwara yaaluwoidi goi bogina komesayágana, tauna ame tuta latuwogu yau guna bóbwara goi komesayágana.
2CO 11:2 Bogina koyagoi. Alokatemi nakae Yaubada ilokateda. Aemi bogina apakoidi nakae koroto tonai tayamo yaina, e bei itoboinegu komi kimaasabaimi woiyai geya ana kanaotamo nakae avagitakoimi Guyau yaina.
2CO 11:3 Ego amatoita nakona imi kasala mooitamoina be maavadaina Guyau yaina goi moteta bei nuwomi ivasulaigidi nakae boi nimatu ina nuwotulu goi Ivi bogina ivasulaigi.
2CO 11:4 Maniyedi tomota bogina siwo ituli ta livala Yeisu manuna sitaalavaite yaimi go, amo livalayana boi geya katalavaiteyeta yaimi. Nakae ituli ta baloma kidi goi kokabi go, amo geya kada Baloma Kimaasabaina boi bogina kokabi Yaubada goi geya. O nakona ituli ta vala kouyaone go, amo valayana geya nakae Vala Dedevina mooitamoina bogina kouyaone nakae geya. Komi manakae! Moe dogoiyadi pola go, komi komesayágana ae?
2CO 11:5 Go itoboine yau guna bóbwara goi komesayágana. Moitamo. Amo korotoyadi bego Guyau ina vamoleyanayao toosakidi go, yau guna nuwonúwana geya sikalisaveguta geya.
2CO 11:6 E nakona moitamo yau geya bóbwara ana tokatanaki dedevina geya nakae tomota maniyedi sidigedige, go sem Guyau ana nanamsa manuna geya atamogemogeta, go sem tuta liliuna ima vatulúkwana be ima guinuwa liliudi goi kavatulukoimi bego moe kayagoidoko.
2CO 11:7 Manakae? Nakona imi nuwonúwana ituli? Boi Yaubada ina Vala Dedevina atalavaite yaimi go, geya latuwogu koemaisigu, go sem toinigu nimagu goi apaisewa. Moeko goi toinigu akisobuyegu go, manakae? Komi imi nuwonúwana bego guna kisobuyana goi goyo aguinuwe ae? Iyaa! Akisobuyegu bego akilagasimi!
2CO 11:8 Yaubada ana totugugunayao ituli ta dadava goi siemaisigu bego komi manumi apaisewa o tadigo kada, ‘Idi mani avainao nakae bego avaitemi komi ami dedevina manuna.’
2CO 11:9 Boi tutayana yaimi goi akaaiyaka neta avakeposi, e imi yogala geya ayatoeta. Konuwaisi. Sedao nuumisaidi Mesadoniya goi sima kaga avaakeposi sivinigu. Ago kaga liliuna goi apoikiki bego imi yogala geya ayatoeta go, tuta simamaima, guna sinapu bei nakae.
2CO 11:10 Guyau ibóbwara moitamo, e yau nakae abóbwara moitamo bego tomota geya atagonedita sitabubuligu Yaubada ina paisewa aguuinuwe manuna. Ame guinuwayana manuna auyawana gagágasa go, geya vatau tayaamo Akeya ana dadava goi itoboine guna uyawana gagagasayana goi isanabodegu.
2CO 11:11 Ame guna sinapuyana tabúbula manuna unana kaga? Unana geya amatakoiyemita? Moe nakae geya! Yaubada iyagoidokoigu! Moitamo amatakoiyemi!
2CO 11:12 E guna sinapuyana yaimi ame tuta be nakae nava bei aguuinuwe. Moe bego tosakidiyadi idi pásima avakoikoi bei geya itoboinedita madi uyawana gagágasa sipásima bego idi sinapu yogala manuna yaimi goi nakae yau guna sinapu.
2CO 11:13 Moitamo. Tomota amo tauyadi nakae moe geya Yeisu ina vamoleyanayao moitamo geya. Kidi toguinuwa polapola. Kai Guyau ina vamoleyanayao sitapatema bego tomota sikatubaudi.
2CO 11:14 Moe manuna geya takaliwoiseta ae? Moitamo. Kaleya anerose maavadaina itapate bego ikatubauda.
2CO 11:15 Tauna ikakapu neta Kaleyayana ana tovaitayao toinidi sikaigaviledi bego tanuwonúwana kidi sinapu mooitamoina adi tokibobwatayao. Ago tuta ana kaba lukavava goi kidi idi goyo adi katumapu bei sibabane.
2CO 11:16 Abobwaramna. Taabu konuuwonūwana yau ayaluwo. Ego neta konuwonúwana ayaluwo, yaaluwoigu nakae agu gogo yaimi nakae kidi bego toosakidi adi gogo, bei itoboinegu tupwana auyawana gagágasa tauyadi nakae.
2CO 11:17 Guna livala moe geya ida Tomoya ina lovina goi ima geya, go sem moe tomota yaaluwoina nakae auyawana gagágasa.
2CO 11:18 Tomota badabadaidi yaimi sakava ana dadava goi siuyawana gagágasa, tauna yau nakae bei auyawana gagágasa.
2CO 11:19 Moitamo. Komi bego tonanamsa go, mami uyáwana tosakidiyadi yaaluwoidi idi bóbwara goi komesayágana ae? Tauna yau guna bóbwara goi bei komesayágana ae?
2CO 11:20 Moitamo toina. Nakona tomota sivayokoimi komi idi pakonayao o sivaobumi o sikatutaoimi o sinuwatue o silopadipadimi bego sigieomaemaemi go, tuwo yaidi komesayágana ae?
2CO 11:21 U, oma go imayamaya beso; katalavaitema moitamo kai kaneneta unana geya itoboinemeta amo tauyadi idi sinapu nakae kaguinuwe yaimi ae? E kaga goi tauyadi madi katepatu siuyawana gagágasa, yau nakae magu katepatu bei auyawana gagágasa. O yaaluwoina nakae abobóbwara!
2CO 11:22 Manakae? Kidi Iberiu?
2CO 11:23 Manakae? Kidi bego Guyau ina tovaitayao? Yau ina tovaita moitamo toina. (¡Ame guna bóbwara goi nakona dabagu bogina igoyo!) Go akalisavedi ame nakae:
2CO 11:24 Sivanima liuna ababane kidi Diyuu nimadi goi go,
2CO 11:25 Sivato alova dilidilina goi
2CO 11:26 Guna vaníbita badabadaidi goi aba vailai badabadaidi sisowóduwo yaigu. Aba vailaiyadi ame nakae:
2CO 11:27 guna poisógana be guna valitulítuwo goi,
2CO 11:28 Ame dogoiyadi sisowóduwo yaigu goi. Ago ame alotowo sinaegu goi:
2CO 11:29 Avatau neta ineneta,
2CO 11:30 Neta latuwomi auyawana gagágasa tosakidiyadi nakae, e kaga neta guna neneta ivagitaakoedi, moe dogoiyana manuna bei auyawana gagágasa.
2CO 11:31 Yaubada aba yapali vata! Tauyana ida Tomoya Yeisu ina Yaubada be nakae Tamana. Ame Yaubadayana iyagoigu bego geya apoleta.
2CO 11:32 Boi Yaubada guna neneta ivatulukoigu ame nakae: Boi tolovina Aretasi ina tuta goi tolovina tayamo sobuyekoina mana tovayaviyayao asa Damasiko goi siyausegu bego siyoisigu
2CO 11:33 go, segowo sivaitegu. Bayao tayamo gagaina goi asowoya, ali gurewa toluyena ana windo goi sisoilavegu asou poyapoya, e tolovinayana nimana goi magu omayamaya asiya.
2CO 12:1 Guna gagasayana itoboine go, geya basabasainamo. Ego tuwo bokoyo alayáusa boi Tomoya iivinigu be nakae ina nuwogau ikaiwooduwedi yaigu bei avatetelidi.
2CO 12:2 Guyau ina koroto tayamo aayagoi boi tala yawou aivasi sikavava goi Yaubada ikabi itukoe. Neta wowona goi o balomaina goi itukoe, moe geya ayagoiyeta. Yaubada anetava iyagoi. E itukoe ina yábana aitonina goi.
2CO 12:3 Neta wowona goi o balomaina goi itukoe, moe seki geya ayagoiyeta. Yaubada anetava iyagoi go, ayagoi
2CO 12:4 bego Yaubada ikabi itukoe ina dadava dedevina goi. Maeko goi livala vaatabudi inovedi; livalayadi kita tomota geya ada tagonamo tavatoidi.
2CO 12:5 Amo korotoyana manuna yau itoboinegu auyawana gagágasa go, toinigu manugu geya agagaseta, go sem guna neneta taudi manudi auyawana gagágasa.
2CO 12:6 Nakona latuwogu toinigu manugu auyawana gagágasa go, neta nakae, geya kada yau akayomana geya, unana moe bei yaaluwoigu. Neta yau auyawana gagágasa, moe abobóbwara moitamo. Nuwogau adi kaiwoduwoyadi kaausaraidi toidi agitedi go, tuwo gágasa dogoiyadi manudi bei avakilisi, govila guna kalayausayadi pasidi yau kokilagasigu, go sem latuwogu guna sinapu kogite bei guna livala konovedi, e koyagoi yau magu lovina. Tauna Yaubada mou tayamo ivinigu, govila bei ina nuwogau adi kaiwóduwo pasidi anuwatue. Mouyana ana geda awoinu gitaina nakae neta sakavaigu iginubasi. Gitayana Kaleya ina toguinuwa nakae ima gitayana iepaisewe bego iyogedegedegu, govila bei anuwatue.
2CO 12:8 Ame guna gitayana manuna sivato akawanoimakimakiko ida Tomoya yaina bego ikabi inave
2CO 12:9 go, ilatuwokoigu idigo kana, ‘Moe tuwo. Guna kanuwóiya goi bogina yoiyam. Kom im neneta goi guna togaga avagitakoedoko.’ Tauna dogoi liliudi manudi geya agagaseta, go sem guna nenetayadi manudi magu uyáwana bei auyawana gagágasa bego tomota siyagoi Guyau ina togaga ikaaiyaka yaigu.
2CO 12:10 Tauna guna neneta, guna yogedageda, guna mou, guna vakaleya be nakae guna vailai Guyau manuna bei auyaaonedi. Bogina koyagoi. Tutayana yau aneneta, e moe tutayana Guyau ina togaga goi yau atogaga.
2CO 12:11 Guna gagasayana goi bogina ayaluwo! Go moe komi koloetuetunema kaguinuwe. U, moe moitamo. Boi itoboine yau kokamoitamoegu, go geya koguinuweyeta! Bogina koyagoi. Nakona yau toosobugu go, tuwo amo tauyadi bego Yeisu ina vamoleyanayaoyadi toogagaidi geya tayaamo kaga goi sitaoyakukuigu geya!
2CO 12:12 Yaubada nimana goi magu mesayágana vamoléyana ana kiyakiyaya aguinuwedi yaimi goi bei komi koyagoi yau moitamo Guyau ina vamoléyana tayamo. Kiyakiyayayadi moe aba kinana kainaaopaidi be nakae guinuwa toogagaidi.
2CO 12:13 Kaga aguinuwe Yeisu ana totugugunayao asa liliudi goi manudi go, komi manumi geya? Seki, nakona imi yogala geya ayatoeta ae? Komi manakae! Neta ame guna goyo, e konuwotāo ae?
2CO 12:14 Konōve. Ame bogina ayookabúbuna bei sivatonina awokoimi go, tutayana asowóduwo imi yogala geya ayatoeta. Moe moitamo. Geya latuwogu konami, go sem latuwogu komi. Bogina koyagoi. Komi natugowo nakae. Geya itoboineyeta gogómana tamadiyao sinadiyao manudi bei sivakuma, go sem koroto ma monena natudiyao manudi sivakuma. Tauna komi geya kovakumeta yau manugu, go sem komi manumi yau avakuma.
2CO 12:15 E yau magu uyáwana bei atagona konagu liliudi be nakae yawoigu madabokina akasaledi manumi. Amatakoiyemi gagaina go manakae? Giyaina komatakoiyegu ae?
2CO 12:16 E moe nakae go, tuwo. Nakona bogina koyagoi imi yogala geya ayatoeta, go sem komi imi nuwonúwana bego yau magu nuwotulu guna pola goi avaobumi ae?
2CO 12:17 Manakae? Koroto maniyedi bogina aetunedi siwo yaimi, tauyadi goi avaobumi gea geya? Geya ae?
2CO 12:18 Boi Taito akatuliwole iwo. Tauyana itagona go, siyada tayamo taiyao aetunedi siwo. Manakae? Taito ivaobumi gea geya? Geya ae? Manakae? Taito be yau Baloma Kimaasabaina tayamo goi kaketoiya? Tayamo ae? Manakae? Kai kiyaema tayamo? Tayamo ae?
2CO 12:19 Manakae? Konuwonúwana bego ima leta ame madabokina goi komi ima towowókana imi livala kataasigidi? Moe geya. Yaubada matana goi kai Guyau pasina kabobóbwara. Guna kaloyao, ima livalayadi madabokidi bego komi kakitogagemi.
2CO 12:20 Bogina koyagoi. Amatoita bego ao, nakona imi sinapu agitebabanedi geya nakae latuwogu. Komi nakae guna sinapu sápina bei kogitebabane geya nakae latuwomi. Guna matoitayana bego imi sinapuyadi yaimi goi nakona kokaumakimaki, kovakipikipi, koegamogamogu, amitava imi yala manudi kopoisógana, kokaogoyo, kolivalakipakipatu, konuwatue be nakae kovakaleya.
2CO 12:21 Aiyuwoina guna matoitayana bei guna kaluvilamna goi nakona guna Yaubada igieomaemaegu komi matami goi. Ago nuwogu bei imou maniyemi boi kogoyo manumi go, nava kaga goyogoyoidi, masisi goyogoyoidi, sakavaimi adi vikaiya owáowana manudi geya kotugavileta. Tauna nuwogu bei imou.
2CO 13:1 Ame awowoiwo moe bogina sivatonigu bei ao avadademi go, takínona manuna Gínina Kimaasabaina ina vatulúkwana wowókana manuna konuwāisi. Gininayana kana, ‘Totalavaita adi taiyuwo o adi taito goi itoboinedi tomota ina wowókana tamo tamo takamoitamoedi.’ Atukeda 19:15 Ame konuwāisi unana tutayana ao, totalavaita tobágala idi goyo bei sikamoitamoedi.
2CO 13:2 Boi guna vadádana aiyuwoina goi tauyadi sigoyogoyo bogina akatuliwoledi, e nakae ame tuta yau aduwanau goi akaaiyaka go, aiyuwoina madabokimi akatuliwolemneimi kagu, ‘Tutayana akaluvilamna ao, togoyoidiyadi adi liuna geya atotoeta.’
2CO 13:3 Moe nakae bei aguinuwe unana komi kolovinaegu guna kiyakiyaya avatulukoimi bego moitamo yau sopagu goi Guyau ibobóbwara. Tauna bei ao liunayana goi moe avatulukoimi. Ame Guyauyana sopagu goi ibobóbwara ina guinuwa komi yaimi geya ineneteta geya, go sem nauyayanaimi goi itogaga.
2CO 13:4 Moe moitamo. Guyauyana tomota neenetaina nakae situpatuko go, tuwo Yaubada ina togaga goi maa yawoina ikaaiyaka ame tuta. Kai ima spwagógana Tauyana taiyao goi nakae kaneneta go, ima guinuwa yaimi goi bei ame nakae: Yaubada ina togaga pasina Guyau taiyao bei kakaaiyaka.
2CO 13:5 Komi toinimi kovakakonēmi bei kogite, imi numisa ana ketoiya nakae Guyau latuwona gea geya? Toinimi kodovatusīmi. Manakae? Geya koyagoimita bego Yeisu Guyau yaimi goi ikaaiyaka? O nakona bogina kodovatusimi go, bogina kogite Yeisu yaimi goi geya ikaiyaketa!
2CO 13:6 E kanumisa bego imi dovatusiyana goi bei koyagoi kai moitamo Guyau ina vamoleyanayao.
2CO 13:7 E geya latuwoma liuna kavinimi, tauna kakawanoi Yaubada yaina goi bego geya tayaamo goyo koguuinuwe. Go ima kawanoiyana geya bego tomota sikamoitamoema kai Yeisu ina vamoleyanayao geya, go sem nakona tomota geya sikamoitamoemeta go, tuwo ima kawanoiyana bego komi dogoi dedevidi koguinuwedi.
2CO 13:8 Neta imi sinapu dedevina, liuna geya itoboinemeta kavinimi. Bogina koyagoi. Kai geya itoboinemeta sinapu mooitamoidi kavakaleyedi, go sem kavalitulítuwo sinapu moitamoidiyadi manudi.
2CO 13:9 Guna nuwonúwana ataligei. Kauyáwana tutayana ima lovina liuna manuna kaneneta, neta komi imi numisa goi kotogaga. Kakawanoi Yaubada yaina iyolimemi.
2CO 13:10 Moe pasina nakona yau moeko yaimi goi geya go, liwola leta ame goi aginidi: Bego tutayana yaimi goi akaaiyaka lovina kasakasaina bei geya avinimita nakae itoboinegu. Go itoboinegu unana ida Tomoya goi yau magu lovina. Lovinayana moe bego imi numisa akitogage go, geya bego akaigoyai.
2CO 13:11 Segowo, kouyāwana! Semiyao kokabivekovekomnēidi. Semiyao kokipaiwolēdi. Mami nuwovavasa. Kotubōina. Neta moe sinapuyadi koguuinuwedi, Yaubada, Tauyana matakoi be tuboina unadi, yaimi goi bei ikaaiyaka.
2CO 13:12 Sedao moeko goi koyoowoiīdi nakae komi kimaasabaimi Yaubada umana itoboinemi. Tauyadi Yaubada ina kimasabayao liliudi ameko goi idi yabobona yaimi.
2CO 13:13 Ida Tomoya Yeisu Guyau ina kanuwóiya be Yaubada ina matakoi be Baloma Kimaasabaina ina kabivekoveko bei sikaaiyaka yaimi. Yau Paulo
GAL 1:1 Komi Yaubada ana totugugunayao Galetiya dadavina goi, Yau Paulo Yeisu ina vamoléyana tayamo go, tomota geya sivamoleyeguta paisewa ame aguuinuwe. Nakae geya vatau tayaamo ikawoigu bego yau vamoléyana tayamo, go sem Yeisu Guyau be nakae Yaubada Tamada, Tauyana boi Yeisu tokámasa yaidi goi ikaitáoe, e ame Tauyadi sikawoigu bego yau idi vamoléyana. Yau nakae sedao liliudi taiyao kakaaiyaka ami leta ame kagini kaetune iwo yaimi.
GAL 1:3 Yaubada Tamada be ida Tomoya Yeisu Guyau idi kanuwóiya be nakae idi tuboina bei sivinimi.
GAL 1:4 Yeisuyana toinina ikasale ámasa goi kita ida goyo pasidi bei goyo ana tuta ame goi italigeida. Moe ida Yaubada Tamada ina nuwonúwana nakae.
GAL 1:5 Tauyana aba taimámina ame tuta nakae tuta simamaima! E nakae!
GAL 1:6 Iyaa! Nuwogu iwówana gagaina imi guinuwa pasina. Boi Guyau ina kanuwóiya goi Yaubada iduduwemi bego komi ina bodao go, geya kovamumugoneta, e Tauyana kokalave go, ituli ta vala kosabokuliye!
GAL 1:7 Go moe valayana geya kada Vala Dedevina mooitamoina geya! Go tomota maniyedi nukotomi sikiwoowonidi be nakae sipooikíkina Guyau Valena Dedevina sisobale.
GAL 1:8 Taabu moe valayana kosabookulīye, go sem boi Vala Dedevina bogina kataalavaite yaimi, neta kai Yeisu ina vamoleyanayao o anerose guma yábana ituli ta vala italavaite yaimi, e kotavilēiye Yaubada ina liuna manuna!
GAL 1:9 Nakae kalatuwokoimi, e ame aiyuwoina kalatuwokomneimi: Avatauwa neta Vala Dedevina boi bogina kataalavaite yaimi geya sitalavaiteyeta, go sem ituli ta vala sitalavaite yaimi, kotavileiyēdi Yaubada ina liuna manuna!
GAL 1:10 Moitamo. Mae guna livalayadi kasakasaidi go, manakae? Tomota ataamyabidi gea Yaubada aatamyabi? Geya, komi tomota! Guna livalayadi goi latuwogu atamyabimi bego Vala Dedevina avatuulukoimi kosabokuliyemnei. Manakae? Guna livalayadi goi nava apooikíkina bego tomota avauyaonedi? Geya! Neta latuwogu guna livala goi tomota siuyaonegu, moe nakae yau geya kada Guyau ina pákwana geya!
GAL 1:11 E segowo, Vala Dedevina boi yau ataalavaite yaimi latuwogu koyagoi bego moe tomota idi nuwonúwana goi geya imaita.
GAL 1:12 Moe moitamo. Vala Dedevinayana tomota goi yau geya ababaneyeta nakae geya vatau tayaamo ivatulukoigu, go sem Yeisu Guyau ikaiwoduwe yaigu.
GAL 1:13 Ame moitamo. Geya tayaamo tuta tomota itoboinedi sivatulukoigu. Guna sinapu bogina konove bego boi tutayana kai Diyuu ima tapwaroro ina lovina ayoisikaavatedi. Amo tutayana magu salau Yeisu ana totugugunayao Yaubada italiigogoidi ayogedegededokoidi be nakae apooikíkina bei amtulidi.
GAL 1:14 Tuwaina, kai Diyuu ima tapwaroro ana vatulúkwana akibobosidoko. Nakae segowo badabadaidi guna malamalágata goi akalisavedi unana tubumao goi ima gulagula magu salau ayoisikavatedokoidi.
GAL 1:15 E boi yau nava sinagu gamona sinaena Yaubada ina kanuwóiya goi igimikimasabegu be nakae ivayokoigu Yeisu ana totalavaita. Go tutayana ilovina
GAL 1:16 bei Natuna ikaiwoduwe yau yaigu bego Tauyana Valena atalavaite Totuyoyowo yaidi, e mainao geya anoita tomota goi bego alumadadedi idi nuwonúwana Valayana manuna.
GAL 1:17 Aiyuwoina geya atukoita Yerusalema goi bego kidi Yeisu ina vamoleyanayao vakuumgoidi Valayana sivatulukoigu, go sem yau ana Arábiya. Niga go, akaluvilamna ama Damasiko goi akaaiyaka.
GAL 1:18 Niga tala aito mlidi atuko ana Yerusalema goi Kepasi avadade. Akaaiyaka tauyana taiyao maliyalina ana badabada yawou ainima.
GAL 1:19 Go guna kaiyakayana amoko goi Yeisu ina vamoleyanayaoyadi liliudi geya agitedita. Ida Tomoya siyana toina Yemesa anetava agite.
GAL 1:20 Yaubada iyagoida! Ame livalayadi aaginidi moe moitamo; geya apoleta geya!
GAL 1:21 Niga Yerusalema akalave go, ana Siriya dadavina be nakae Silisiya dadavina goi akaaiyaka.
GAL 1:22 E tauyadi Guyau ana totugugunayao Yudiya dadavina goi maisigu geya sigiteyeta
GAL 1:23 go, valegu kaka tauna sinooveyamo, kadi, ‘Tauyana boi iyogedegededa go, bogina ame tuta Vala Dedevina itaalavaite. Kita ame Valayana ana tonumisayao boi ipoikikida bego imtulida.’
GAL 1:24 Tuwo valeguyana sinove, yau pasigu Yaubada ina togaga ana káeyana sikamoitamoe.
GAL 2:1 Niga tala yawou aivasi sikavava, yau be Banabasi aiyuwoina katukomna kana Yerusalema goi go, Taito nakae akabi taiyao kana.
GAL 2:2 E tomota geya silatuwokoiguta ana, go sem atuko ana Yerusalema Yaubada ina kaiwóduwo yaigu pasina. Maeko goi koroto gagaidi madi wowoina aditava yau taiyao katugúguna go, nakonakae Vala Dedevina ataalavaite Totuyoyowo yaidi, e alumavivisi korotoyadi yaidi. Latuwogu bego guna paisewa sikamoitamoe, govila bei guna paisewayana boi be nakae tuta simamaima geya keuwoinamo.
GAL 2:3 Koroto gagaidiyadi sinovegu go, geya sisanabodeguta, go sem ima tugugunayana goi guna tosavaiyuwo Taito tauyana Giriki korotoina go, tuwo tauyadi geya silovineta bego tauyana sakavaina ikupo.
GAL 2:4 E moe isowóduwo unana tonumisa polapola maniyedi ima tugúguna goi sisiugau; latuwodi Taito sakavaina ikupo. Idi nuwonúwana bego kidi Totuyoyowo neta sinumisa, e itoboinedi Yaubada ina Katukeda ana lovina sisabokuliyedi. Ago Atukeda ana lovinayadi goi Guyau Yeisu bogina italigeida ida spwagógana Tauyana taiyao pasina go, amo topolayadi sisiu bego ida taligavayana siyausi, sigite nakona Atukeda ana lovinayadi kasabokuliyedi gea geya. Tauyadi latuwodi bego tonumisa liliuda Atukedayana goi sipakomneida.
GAL 2:5 Ago idi nuwonúwana goi geya kada go giyaiina katagona geya. Moe bego Vala Dedevina ana vatulúkwana mooitamoina ikaaiyaka moitamo komi imi numisa ana dedevina manuna.
GAL 2:6 E kidi go koroto gagaidiyadi Vala Dedevina yau ataalavaite geya sikatusavisaviyeta. Nakona tauyadi koroto gagaidi, nakona geya go, yau yaigu moe dogoi besobeso. Yaubada geya inuwonuwoneta tomota adi kaigigita manuna, go sem matana goi tomota liliuda tavavasa. E Vala Dedevinayana yau ataalavaite geya sikatusavisaviyeta,
GAL 2:7 go sem sigite bego Yaubada inumisegu bei Valayana atalavaite kidi sakavaidi geya adi kupwanamo yaidi goi nakae boi Pita inumise italavaite kidi sakavaidi kuuponidi yaidi.
GAL 2:8 Moitamo. Yaubada ina Vala tayamo go, ima paisewa ituli ituli. Boi Pita ikawoi bego kina Yeisu ina vamoléyana tauyadi sakavaidi kuuponidi yaidi go, yau nakae ikawoigu bego yau Yeisu ina vamoléyana Totuyoyowo yaidi.
GAL 2:9 Tuwo kidi Yemesa, Kepasi be Iyoni, tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite.
GAL 2:10 Go idi nuwonúwana tayamo gagaina bego kidi Diyuu nuumisaidi tookaidi kanuwaisidi bei kavaitedi. Go moe dogoiyana bogina latuwogu toina nakae aguinuwe.
GAL 2:11 E niga tutayana Kepasi imekoima Antiyoki goi kai taiyao kakaaiyaka go, ina sinapu agite bogina ibágala. Tauna akamamaetali.
GAL 2:12 Moitamo. Mainao Kepasiyana ina sinapu dedevina. Nakae kidi Totuyoyowo nuumisaidi taiyao sikabivekoveko be nakae taiyao sikakáika idi numisa tayamo pasina. Go tutayana Yemesa Diyuu nuumisaidi maniyedi ietunedi sima, e Kepasiyana igitedi, imatoitedi inuwonúwana kana, ‘Nakona bei sigitegu siboboregu.’ Tauna Totuyoyowoyadi yaidi goi itaavilei be nakae ikasilaaliyedi.
GAL 2:13 Ago Kepasiyana ina pola kidi Diyuu nuumisaidi liliudi sigite, tuwo ina polayana goi sisiuko. Tauna idi polayana pasina Banabasi nakae isuláiga, e ivatotowonedi!
GAL 2:14 Kidi sitavilei Totuyoyowoyadi goi go, yau geya, go sem tutayana agite idi sinapu goi Vala Dedevina ana vatulúkwana mooitamoina ana kenao sivasulaigi, e tomota liliudi matadi goi Kepasiyana akamatanako adigo kagu, ‘Kepasi, kom Diyuu ae? U nakae. Go tuta maniyena Totuyoyowo idi sinapu kusabookuliye go, Diyuu ida sinapu geya ae? U nakae. Tauna manakae Totuyoyowo numisaidiyadi kulovinaedi simaladiyuu bego itoboinedi Diyuu taiyao sikabivekoveko? Kom baagalim! Moe nakae geya itoboinemta kuguinuwe!
GAL 2:15 Kita ida bíbina kunu goi Diyuu, tauna kita Yaubada ina Katukeda bogina taayagoi. Kita geya toogoyoida nakae Totuyoyowo yaidi goi geya. Kidi Atukedayana geya siyagoiyeta go, kita taayagoi.
GAL 2:16 E kita Diyuu nuumisaida bogina tayagoi geya vatau tayaamo Yaubada ina Katukedayana ana guinuwa pasina ivayoko kina kiboobosina ina kanasíuna manuna, go sem moe Guyau Yeisu aba numisa ina kabikáwana pasina. Moe bogina tayagoi. Tauna kita Diyuu Totuyoyowo nakae; Guyau Yeisu yaina bogina tanumisa bego ina kabikawanayana pasina Yaubada ivayokoida kita kiboobosida ina kanasíuna manuna. Go moe geya Yaubada ina Katukeda ana guinuwa pasina ivayoko kita kiboobosida geya. Moe moitamo. Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna.
GAL 2:17 E kita Diyuu latuwoda ida spwagógana Guyau taiyao pasina Yaubada ivayokoida kita kiboobosida ina kanasíuna manuna go, ina Katukeda ana guinuwa pasina geya. Moeko goi bogina takamoitamo bego kita toogoyoida Totuyoyowo geya sinumiseta nakae; tanumisa bego Yaubada ivayokoida kita kiboobosida. Ana kaigigita Yaubada ina Katukeda takapipilave, e Totuyoyowo taiyao takáika go, manakae? Itoboineda kada, “Guyau goyo ana tovaita”? Geya, geya toina!
GAL 2:18 Guna nuwonúwana ataligei. Atukedayana ana guinuwa moe aliupa nakae Diyuu be Totuyoyowo yaida goi. Neta aliupayana boi bogina atauwe go, niga ayowomnei, e moe nakae Atukedayana ivayokoigu bego yau Atukeda ana tokapipilova!
GAL 2:19 Gwa. Guna poisógana Atukedayana manuna Atukeda ina kenao akalave o tadigo kada, “Akámasa Atukedayana yaina.” Moe bego maa yawoigu akaaiyaka Yaubada umana. Ame nakae: Guyau yau taiyao bogina kerose goi situpatukoima guna spwagógana Tauyana taiyao pasina bego ame tuta yawoigu vau goi Yaubada anetava asabookuliye.
GAL 2:20 E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.
GAL 2:21 Kidi Atukedayana siinumise Yaubada ina kanuwóiya sikatae go, yau geya akataeyeta. Moe moitamo. Neta Yaubada ina Katukeda ana guinuwa goi ivayokoida kita kiboobosida ina kanasíuna manuna, e moe nakae Guyau ikamasa beso.’ E moe nakae Pita alatuwoko.
GAL 3:1 Iyaa! Komi da Galetiya yaaluwoimi! Ami kaigigita nakona tomota tayamo ibolatemi, e nuwomi ikiwowonidi! Kaga unana tovatulukwana polapola koonovedi? Boi Yeisu Guyau ina kámasa kerose goi ana yagoina bogina ataligeidoko yaimi, e bogina koyagoidoko ina kámasa goi manakaena ivaiteda.
GAL 3:2 Dogoi tayamo toito latuwogu kolatuwokoigu bei ayagoi. Dogoiyana ame: Yaubada ina Katukedayana ana guinuwa pasina Baloma Kimaasabaina kobabane, gea Vala Dedevina ana talavaita konove konumise pasina kobabane? Valayana ana numisa pasina ae?
GAL 3:3 Moitamo komi yaaluwoimi! Iyaa! Imi numisa ana kaba vatowo Baloma Kimaasabaina ina togaga goi kooketoiya go, manakae? Bego toinimi sakavaimi ana guinuwa goi imi numisayana kokimatuwe ae?
GAL 3:4 Manakae? Kaga liliuna dedevidi siisowóduwo yaimi sisowoduwo beso? Anuwonúwana geya.
GAL 3:5 E tauna ame nakae: Yaubada Balomaina ikaiguyauye yaimi be nakae yaimi goi guinuwa toogagaidi iguuinuwedi go, kaga pasina amo dogoiyadi iguuinuwedi? Ina Katukedayana ana guinuwa pasina gea Vala Dedevinayana ana talavaita konove konumise pasina? Valayana ana numisa pasina ae?
GAL 3:6 Eberamo nakae. Buki Kimaasabaina idigo kana, ‘Eberamo inumisa Yaubada yaina, e ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’
GAL 3:7 Tauna latuwogu koyagoi bego kidi numisa tomotaidi, e moe tauyadi Eberamo ina bodao mooitamoidi.
GAL 3:8 E boi nimatu Yaubada bogina igimilovina bego Totuyoyowo idi numisa pasina bei ivayokoidi kidi kiboobosidi ina kanasíuna manuna. Tauna Yeisu nava geya imaita go, Yaubada Gínina Kimaasabaina goi Vala Dedevina igimitalavaite Eberamo yaina idigo kana, ‘Totuyoyowo liliudi poyapoya ame goi bei siyagoi kom goi akaipakuyedi.’
GAL 3:9 Tauna avatauwa neta numisa tomotaidi, e aipakuyana boi Eberamo numisa korotoina iibabane kidi nakae sibabane. Tauna guinuwa pasina geya.
GAL 3:10 Moe moitamo. Yaubada ina Katukeda ana guinuwa tomotaidi liliudi Yaubada ina takínona moumouna goi sikaaiyaka, tauna geya itoboinedita Tauyana ina kaipaku sibabane. Gínina Kimaasabaina nakae idige kana, ‘Avatauwa neta lovina liliudi Yaubada ina Katukeda bukina goi geya siyoisikavatedita nakae geya siguinuwedita, tauyadi Yaubada ina takínona moumouna goi sikaaiyaka.’
GAL 3:11 E Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna geya, tauna ame bogina imavada unana Gínina Kimaasabaina idigo kana,
GAL 3:12 E Yaubada ina Katukedayana ana kenao ituli. Atukedayana unana moe numisa geya, go sem unanayana moe guinuwa. Moe nakae Gínina Kimaasabaina idige kana, ‘Avatau Yaubada ina Katukeda ina lovina iguinuwedi, bei ina guinuwayadi goi iketoiya.’
GAL 3:13 E kina go Guyauyana ima Yaubada ina Katukeda ana mou goi itateteda ame nakae: Itoboineda mouyana tababane go, kina Guyauyana itagona kerose goi situpatuko ikámasa, kita ada katumapu. Moeko goi kina mouyana ibabane go, kita geya. Moitamo mouyana ibabane nakae Gínina Kimaasabaina itaalavaite, idigo kana, ‘Avatau neta alova goi sikosaine, e tauyana Yaubada ina takínona moumouna goi ikaaiyaka.’
GAL 3:14 Itateteda bego Yaubada ina kaipakuyana boi ikaatotule Eberamo yaina kidi Totuyoyowo nakae bei sibabane idi spwagógana Guyau Yeisu taiyao pasina. Moe bego Baloma Kimaasabaina boi Yaubada ikaatotule kita ida numisa goi tababane.
GAL 3:15 Segowo, aba gita tayamo aguinuwe. Aba gitayana moe kita tomota ada dadava goi. Neta boda aiyuwo taiyao tomota matadi goi sikanasíuna, e anasiunayana aiyako vaatayaina, tauna geya vatau tayaamo itoboine anasiunayana iligei o ikatusavi geya, go sem ikaiyako vata nakae mainao sikanasíuna. E aba gitayana moe kita tomota ida sinapu anasíuna manuna go, Yaubada ina kanasíuna Eberamo yaina nakae.
GAL 3:16 E ina kanasiunayana goi ikatótula go, ina katotulayadi moe Eberamo mana boda yaidi. Ago geya idigoita bodao; moe ana yagoina badabadaidi, go sem kana, ‘Ina boda.’ Moe ana yagoina tayamo go, ame tayamoyana moe Guyau.
GAL 3:17 E ame guna masi adigedige: Mainao Yaubada mana katótula igimikanasíuna Eberamo yaina; anasiunayana moe aiyako vaatayaina. Go tala ana badabada 430 sikavava, Yaubada ina Katukeda Mosese ivini go, Atukedayana geya itoboineyeta anasiuna bogo iligei bei ana katotulayadi dogoi besobeso.
GAL 3:18 Moe moitamo. Kaga Yaubada ikaatotule bego ivinibesoida geya ivinideta ina Katukeda ana guinuwa pasina geya, go sem ivinibesoida ina katótula pasina. Eberamo nakae. Tayagoi kaga boi Yaubada ikaatotule tauyana yaina ivinibeso unana ikatotule.
GAL 3:19 Nakona komi konuwonúwana kami, ‘Neta nakae ina katotulayana pasina ivinibesoida, kaga pasina Yaubada ina kanasíuna ikatusavi, e ina Katukeda Mosese ivini?’ Apipilova pasina bego tayagoi nako apipilova. Go Atukedayana Mosese ivini bei ipaisewa ana kadókana bodayana ima. Bodayana moe Guyau boi Yaubada ikatotule Eberamo yaina. Yaubada ina Katukeda anerose ivinidi go, kidi Mosese sivini; tauyana tomota adi togúdala.
GAL 3:20 Go tauyana geya Yaubada ina boda tayamo ana togúdala geya. E kina go Yaubada tayamo, tauna ina boda tayamo, Diyuu be Totuyoyowo taiyao.
GAL 3:21 Tauna nakona maniyemi konuwonúwana Yaubada ina Katukeda be ina katótula sivakaleya. Geya, geya toina! Ina Katukeda be ina katótula idi paisewa ituli ituli. Neta Yaubada boi lovina tayamo ivinida, e takabikaone bego yawoida vau tababane, e lovinayana ana kabikáwana pasina moitamo woi kita anasíuna ana tokibobwatayao.
GAL 3:22 Go moe nakae geya iguinuweyeta, go sem Gínina Kimaasabaina tomota liliudi poyapoya goi ikaukabolidi, goyo ina togaga ogalaoina goi sikaaiyaka bego Yeisu Guyau ina kabikáwana aba numisa pasina kaga Yaubada boi ikaatotule Eberamo yaina ivinida kita ina tonumisayao.
GAL 3:23 E tutayana tokabikáwana nava geya imaita, Yaubada ina Katukeda ikaaiyaka kai Diyuu ikaukabolima; kai deri ana tokaiyakayao nakae iyaausima ana kadókana Yaubada tokabikawanayana ikaiwoduwe.
GAL 3:24 Tauna Yaubada ina Katukedayana kai ama tokabigómana nakae go, ilovinaema ana kadókana Guyau ima bego numisa pasina Yaubada ivayokoima kai kiboobosima ina kanasíuna manuna.
GAL 3:25 E Tokabikawanayana bogina ima, tauna ama tokabigomanayana geya tuwaina itoboine ilovinaema unana ina tuta bogina ikavava.
GAL 3:26 Moitamo. Imi spwagógana Guyau Yeisu taiyao pasina komi liliumi imi numisa goi Yaubada natunao.
GAL 3:27 Bogina koyagoi. Tutayana liliumi sisayoyoimi, Guyau taiyao kospwagógana, tauna Tauyana yawoina kwama nakae bogina kokote.
GAL 3:28 Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi paakonidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.
GAL 3:29 E komi moitamo Tauyana ina bodao, tauna komi moitamo toina Eberamo ina boda. Moeko goi kaga Yaubada ikaatotule Eberamo yaina komi nakae bei kobabane.
GAL 4:1 E guna masi ame nakae: Neta gómana tayamo tamana itagau, e tamanayana konana liliudi bei ikabidi, toinina konana. Nakona moe gomanayana konana go, tauyana nava giyaina, tauna tauyana paakonina nakae; geya itoboineyeta toinina konanayadi manudi ilovina,
GAL 4:2 go sem ina torugwáuta iloovinae be nakae kónana ana tomatakavatayao gomanayana konana siloviinaedi ana kadókana ana upa boi tamana bogina iyato bego gomanayana toinina ilovina.
GAL 4:3 Moe kai Diyuu nakae. Boi tutayana Guyau nava geya imaita, kai gogómana nakae, tauna geya kalovineta, go sem kai da poyapoya adi tokinagovayao idi pakonayao.
GAL 4:4 Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae Yaubada ina Katukeda ina lovina sikaukaboli.
GAL 4:5 Moe bego kai Atukedayana ana lovina sikaukaabolima itatetema bego ivanatunema.
GAL 4:6 E komi be Yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘Abba, Tamagu!’
GAL 4:7 Tauna komi geya tuwaina paakonimi nakae, go sem komi Yaubada natunao. Tuwo, Yaubada ina guinuwa pasina kaga liliuna ikatootuledi nava bei ivinimi unana komi natunao.
GAL 4:8 Komi Totuyoyowo nuumisaimi boi mainao Yaubadayana natunao geya, go sem boi tutayana nava Tauyana geya koyagoiyeta, kaga geya basaleliu mooitamoidi yaidi komi kopákwana.
GAL 4:9 E ame tuta go Yaubada mooitamoina bogina koyagoi o tadigo kada, ‘Yaubada bogina iyagoimi.’ Tauna komi manakae bego Tauyana kokalave go, kokaluvilamna kona tokinagovayadi neenetaidi be nakae geya basabasaidimo yaidi goi? Manakae? Latuwomi bego aiyuwoina sipakomneimi?
GAL 4:10 Ana kaigigita bogina sipakomneimi unana Diyuu idi tapwaroro ana lovina kosabokuuliyedi! Lovinayadi nakae maliyalina gagaidi be tukowana vau be áika gagaidi be nakae tala gagaidi kosabokuuliyedi. Nakona imi nuwonúwana goi kami, ‘Ima guinuwa pasidi Yaubada bei iuyaonema.’
GAL 4:11 Amatoita kaga nakona bei isowóduwo komi yaimi. Nakona apoisogana beso manumi.
GAL 4:12 Segowo, akawanoi makimaki yaimi: Guna sinapu kovatotowōne! Taabu Yaubada ina Katukeda ana guinuwa koonumīse bego ivayokoimi komi kiboobosimi ina kanasíuna manuna. Boi yaimi goi akaaiyaka Atukedayana geya aguinuweyeta nakae boi mainao komi geya koguinuweta, tauna kovatotowonēgu! Amo tutayana komi geya tayaamo goyo koguinuwe yaigu.
GAL 4:13 E bogina koyagoi bego boi guna vísiya pasina mainao ao yaimi bego awaiwasi, tauna amo tutayana itoboinegu Vala Dedevina atalavaite yaimi.
GAL 4:14 Nakona guna visiyayana moe aba vakakona yaimi bego kokataegu go, tuwo geya kokataeguta be nakae geya kokubuyeveguta, go sem ami gogo yaigu nakae neta Yau Yaubada ina anerose nakae o yau Guyau Yeisu!
GAL 4:15 E boi kouyaonegu go, ame tuta imi uyawanayana nako? Itoboinegu atalavaita bego boi mainao imi matakoi yau yaigu nakae neta itoboinemi, e matami kokiposidi kovinigu!
GAL 4:16 Tauna yau guna sinapu be guna bóbwara moitamo yaimi go, manakae? Ame tuta yau ami kaleya?
GAL 4:17 Amo topolayadi madi salau sikatuuvekoimi go, geya kada ami dedevina manuna geya, go sem madi salau silivisida bego komi kovekoidi.
GAL 4:18 Go tomota neta sipoisógana kaga dedevina manuna, moe dedevina tuta liliuna. Moe nakae itoboinemi koguuinuwe neta yaimi goi akaaiyaka o neta geya maisigumo.
GAL 4:19 Natugowo, ame tuta ategu aiyuwoina igedamna gagaina manumi nakae neta vavina giyakainava ivenátuna, ina gedageda nakae. Go gedagedayana bei aalotowo ana kadókana Guyau toinina napasina atemi goi itapate.
GAL 4:20 O neta moeko goi akaaiyaka! Neta nakae, sopagu geya ikaseta, go sem sopagu inuwa. Komi manumi nukotogu iwówana gagaina!
GAL 4:21 Avatauwa komi neta latuwomi bego Yaubada ina Katukeda ikaukaabolimi ame kolatuwokōigu: Kaga Atukedayana ilatuuwokoida koyagoidoko gea geya?
GAL 4:22 Ana kaigigita geya. Mosese ina buki goi tétala tayamo ame nakae: Eberamo natunao koroto adi taiyuwo. Tayamo moe vavina paakonina ivenatuni, natuna yoina Isimaeli. Aiyuwoina moe monena taliigavina ivenatuni, natuna yoina Aisake.
GAL 4:23 Go natunao adi taiyuwokova adi bíbina geya sivavaseta, go sem tauyana vavina paakonina natuna sakava goi ibíbina go, kina vavinayana taliigavina natuna Yaubada ina katótula goi ibíbina.
GAL 4:24 Ame livalakaibala tayamo nakae: Vevina adi taiyuwokova moe Yaubada ina kanasíuna aiyuwo nakae boi iguuinuwedi. Guna nuwonúwana ataligei. Tayamo ame nakae: Boi Yaubada Sainai koyaina goi ikanasíuna Mosese be Isileli tubunao liliudi yaidi. Ame anasiunayana moe vavina paakonina yoina Ega nakae. Tauyana ivenátuna, natunao moe sinadi nakae, kidi paakonidi. Avatauwa neta anasiunayana sisabookuliye, tauyadi paakonidi unana itoboinedi Yaubada ina Katukeda ana lovina sikibobosidi.
GAL 4:25 E kina go Egayana Sainai koyaina nakae. Moe Arábiya sinaena goi go, kina livalakaibala Yerusalema poyapoya ame goi manuna. Bogina koyagoi. Tauyana ma natunao paakonidi nakae da Yerusalema, e Yaubada ina Katukeda ikaukabolidi.
GAL 4:26 Go yábana Yerusalemaina moe Sera taliigavina nakae; tauyana kita tonumisayao sinada. Tauna geya tuwaina Yaubada ina Katukeda ikaukaabolida.
GAL 4:27 Ame moitamo. Aiseya boi nimatu vavinayana ma natunao taliigavidi manudi igini kana,
GAL 4:28 E komi, segowo, vavina taliigavina tubunao nakae boi Yaubada ikatótula Eberamo yaina. Aisake atótula goi ibíbina, e komi nakae.
GAL 4:29 Go taabu konuuwonūwana gedageda bei geya kobabaneyeta, go sem boi nimatu nakae. Isimaeli kina boi sakava goi ibíbina. Ago Aisakeyana Baloma Kimaasabaina ina nuwonúwana goi ibíbina. E Isimaeli siyana Aisake iyogedegede. Moe sinapuyana tauna ame tuta nakae. Tauyadi Yaubada ina Katukeda ikaukaabolidi, e kita Eberamo tubuna Yeisu taanumise siyogedegededa.
GAL 4:30 Go ame sinapuyana geya ikaiyakovateta geya, go sem Gínina Kimaasabaina manakaena ilatuwokoida? Amo idigo kana, ‘Amo pakoninayana ma natuna kuvatapiyēdi sina. Pakoninayana natuna be natugu adi taiyuwokova konam bei geya sikabidita tutayana kukámasa.’ Aba Vatowo 21:10 Go sem konanayadi madabokidi vavina taliigavina natuna anetava bei ikabidi. Moeko goi tayagoi avatauwa neta Yaubada ina Katukeda ikaukaabolidi, e tauyadi yaidi goi geya tayaamo kaga bei Yaubada ikaiguyauye.
GAL 4:31 Tauna segowo, mae tetalayana ivatulukoida bego kita geya vavina paakonina natunao geya, go sem kita vavinayana taliigavina natunao. Tuwo kita nakae taliigavida.
GAL 5:1 Ada talígava manuna Guyau italigeida! Tauna koovadōkana. Geya tayaamo kaga yaina kokasalemnēimi bego ipakomneimi.
GAL 5:2 Konovēgu! Yau Paulo alatuwokoimi neta sakavaimi kokupoidi, Guyau ina guinuwa geya ivaitemita!
GAL 5:3 E komi koroto latuwomi sakavaimi ana kúpwana aiyuwoina akatumatalimneimi bego ava koroto yaimi neta sakavaina ikupo, mana tasíkwana Yaubada ina Katukeda goi lovina liliudi ikibobosidi.
GAL 5:4 Avatauwa komi bego Atukedayana ana guinuwa pasina Yaubada ivayokoimi komi kiboobosimi ina kanasíuna manuna, e Guyau yaina bogina toinimi kotavileiyemi. Moeko goi Yaubada ina kanuwóiya bogina kokalave.
GAL 5:5 Moitamo. Atukedayana ana guinuwa geya ivaitedeta niga Yaubada ina kivavasa manuna. Kita go Yaubada Balomaina ina togaga goi ida numisa pasina mada lotuta taatuyáwata bego Yaubada nava bei itakinoida kita kiboobosida ina kanasíuna manuna.
GAL 5:6 U moe moitamo. Avatau neta ispwagógana Guyau Yeisu taiyao, ina spwagoganayana goi sakava ana kúpwana be sakava geya ana kupwanamo, aiyuwokova dogoi besobeso Yaubada yaina, go sem dogoi gagaina Tauyana yaina moe Yeisu tanumise go, ida numisayana matakoi goi ikéuwo.
GAL 5:7 Numisa ana kenao vavalákuna nakae. Boi mainao vavalakunayana goi kolokooina dókana. Go avatau ilokoinabodebodemi, tauna Vala Dedevina mooitamoina geya kokabikaoneyeta?
GAL 5:8 Ame sinapuyana ada Toduduwo goi geya imaita!
GAL 5:9 Ame vatulukwana polapola bei itagayagaya be ibíbina nakae isti giyaina go, isiu ina parawa madabokina goi ibíbina.
GAL 5:10 Guna spwagógana ida Tomoya yaina pasina alotowoimi ituli ta nuwonúwana bei geya koyoisikavateyeta. Tauyana ina tamyábina goi nukotomi ikiwoowonidi, Yaubada ina liuna bei ibabane.
GAL 5:11 E segowo, maniyedi topola sidigodigo bego yau nava ataalavaita tomota yaidi bego itoboinedi sakavaidi sikupoidi. Neta moe moitamo, kaga unana nava mou siivinigu? Neta moitamo atalavaita bego itoboinedi sakavaidi sikupoidi, e topolayadi gamodi geya sigoyoita, e mou geya siviniguta. Go moe yau nakae geya. Yau atalavaita bego Guyau kerose goi ikámasa, kita ada katumapu. Tauna gamodi asowolidi, e moe pasina mou sivinigu.
GAL 5:12 Latuwogu tauyadi nukotomi sikiwoowonidi sakavaidi kaka geya, go sem madabokiina sikupoidimo sikalavedi!
GAL 5:13 Guna nuwonúwana tuwaina ataligei, segowo. Yaubada bogina iduduwemi komi ina bodao be nakae ina Katukeda ina lovina goi italigeimi. Ago ami taligavayana taabu kooetāko sakava sinapuna manuna, go sem imi matakoi goi semiyao kovaitēdi.
GAL 5:14 Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’
GAL 5:15 Go neta komi taiyao kokaumakimaki be nakae kokausapesapemi, e ami dodōkana, govila bei toinimi komtulimi.
GAL 5:16 E yau guna nuwonúwana ame nakae: Baloma Kimaasabaina ina togaga goi kooketōiya yawoim madabokina, bei sakava sinapuna ina yalagau geya koguuinuwedi.
GAL 5:17 Ame moitamo. Sakava sinapuna ina yala ituli go, Yaubada Balomaina ina yala ituli, e taiyao sigibiubíuna. Bogina koyagoi. Ame yalayadi aiyuwo taiyao sivakaleya, govila bei kaga goyogoyoidi neta kooyaledi koguinuwedi.
GAL 5:18 E neta Baloma Kimaasabaina ivaakededa, Yaubada ina Katukeda geya ikaukabolideta.
GAL 5:19 E sakava sinapunayadi bogina tayaagoidi. Sinapuyadi ame nakae: • Masisi goyogoyoina • Egamogamogu • Nuwonúwana goyogoyoidi • Tomota aditava idi yala manudi sipoisógana • Sakava ana vikaiya owáowana • Livisi
GAL 5:20 • Yaubadayao adi sakululu • Tavilei • Méyava o bowou
GAL 5:21 • Matakikiwo • Vakaleya • Aumata • Aumakimaki • Nim ginagina • Vakipikipi • Uyawana owáowana • Ava sinapu ame dogoiyadi nakae. Boi akatumatalimi go, tuwo aiyuwoina akatumatalimneimi bego avatauwa neta dogoiyadi siguuinuwedi, e Yaubada ina kalibúbuna goi geya sisiuta.
GAL 5:22 E kina go Baloma Kimaasabaina keuwoina Yaubada ina bodao yaidi ame nakae: • Matakoi • Mesayágana •Aba numisa • Uyáwana • Yabobona
GAL 5:23 • Sakululu • Tuboina • Sinapu dedevina • Toinidi sikabiikunuidi Avatau neta ame dogoiyadi iguuinuwedi, e ina sinapu dedevina toina. Ago ame sinapuyadi manudi geya tayaamo lovina ikaaiyaka Yaubada ina Katukeda goi isanabodeda bego taabu taguuinuwēdi.
GAL 5:24 E kita go Guyau Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.
GAL 5:25 Yawoida vau Balomaina Kimaasabaina goi taababane, tauna Baloma Kimasabainayana ina vakeda kiyaena tavaekūli.
GAL 5:26 Taabu tanuuwatūe. Nakae taabu sedao tadumwaamwainīdi be nakae taabu tamatakiikivēdi.
GAL 6:1 Segowo, neta siyami tayamo apipilova goi ikapusi, e komi Baloma Kimaasabaina ikabikuunuimi mami sakululu siyamiyana kokitotōto. Go ami dodōkana, govila bei komi nakae aba vakakona kobabane, e tauyana nakae kokapusi.
GAL 6:2 Semiyao adi mou goi kovaitēdi. Neta moe nakae koguuinuwe, e Guyau ina lovina bogina kokiibobosi.
GAL 6:3 Moitamo. Avatau neta geya latuwona bego tomota ivaitedi, go sem ina nuwonúwana goi kana, ‘Yau toolagaigu’ go, geya, e tauyana toinina ikaatubau.
GAL 6:4 E komi tamo tamo toinimi imi guinuwa kodovatusidokōidi bei imi sinapu koyagoidi, nako dedevina, nako goyogoyoina. Neta imi guinuwa dedevidi, e guinuwayadi pasidi komi aedidimi kosamolai go, taabu aedidimi kosaamolāi unana konuwonúwana bego imi guinuwa dedevidi namliyeta siyami ina guinuwa.
GAL 6:5 Moitamo. Kita tamo tamo itoboineda toinida ida paisewa takavale, moe ida polava.
GAL 6:6 E avatau neta Yaubada ina livala ivatulukoimi, imi esaesa goi ina vatulúkwana kotabubūli.
GAL 6:7 Taabu kokatuubaūmi. Taabu konuuwonūwana bego itoboinemi goyo koguuinuwe go, Yaubada bei geya ikatumapuyeta. Ame moitamo. Kaga koobaguli, nava bei kodibayoyoi. Tauna nakonakae koguuinuwe, e nakae Yaubada bei ikatumapu yaimi.
GAL 6:8 Moitamo. Avatau neta sakava sinapuna goi ibágula, e nava bei sakavayana goi vailai idibayoyoi. Go avatau neta Yaubada Balomaina goi ibágula, e nava bei Balomayana goi yawoina vata idibayoyoi.
GAL 6:9 E taabu ida guinuwa dedevidi goi takawoowotēya. Neta nukotoda geya itopeta, e tuta Yaubada iupae goi ida dibayoya dedevina bei tababane.
GAL 6:10 E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi Yeisu ina bodayáuwo yaidi goi.
GAL 6:11 Ameko toinigu nimagu goi ami leta ame alukavave. Kogīte. Leta matadi gagaidi goi agini.
GAL 6:12 Amo korotoyadi sitaamyabimi sakavaimi kokupoidi latuwodi Diyuu siyapaliyedi. Kidi idi nuwonúwana bego Diyuu bei geya siyogedegededita neta geya sitalavaiteta bego itoboinedi bei adi yava sibabane Guyau ina kámasa kerose goi pasina. Ame tauna pasina korotoyadi latuwodi komi sakavaimi kokupoidi.
GAL 6:13 Ame moitamo. Amo korotoyadi sakavaidi kuuponidi go, kidi Yaubada ina Katukeda goi lovina liliudi geya sikibobosidokoidita, go sem tauyadi latuwodi komi sakavaimi kokupoidi bego itoboinedi sakavaimi adi kúpwana pasidi sigágasa kadi, ‘Kai pasima sakavaidi sikupo’, e bei geya siyogedegededita.
GAL 6:14 Go yau geya kada tayaamo kaga manuna bei agágasa amo nakae geya, geya toina! Go sem yau nava auyawana gagágasa kaga ida Tomoya Yeisu Guyau ina guinuwa kerose goi manuna. Ina kamasayana pasina kaga yau sowogu moe geya basabasaidimo da poyapoya yaidi. E kaga kidi sowodi moe geya basabasaidimo yau yaigu.
GAL 6:15 Moitamo sakava manuna geya agagágasa. Sakava ana kúpwana be nakae sakava geya ana kupwanamo, aiyuwokova dogoi besobeso Yaubada yaina, go sem dogoi gagaina moe tamalatomotavau.
GAL 6:16 Avatauwa neta ame guna lovinayana sisabokuliye, e Yaubada ina tuboina be ina nuwokapisi bei sibabanedi. Tauyadi Isileli tubunao toidi o tadigo kada, ‘Yaubada ina bodao mooitamoidi.’
GAL 6:17 Ame tuta be nakae tuta simamaima taabu tomota mou siivinīgu. Moitamo. Yau sakavaigu goi labítuma sikaaiyaka guna numisa pasina. Labitumayadi moe aba kinana yau Yeisu ina kitom tayamo.
GAL 6:18 Segowo, ida Tomoya Yeisu Guyau balomaimi bei ikanuwoiyedi. E nakae! Yau Paulo
EPH 1:1 Komi Yaubada ina kimasabayao Epeso goi kokaaiyaka nakae aba numisa imi spwagógana Guyau Yeisu taiyao pasina, Yau Paulo, Guyau Yeisu ina vamoléyana tayamo Yaubada ina nuwonúwana goi, e leta ame aetune iwo yaimi.
EPH 1:2 Yaubada Tamada be ida Tomoya Yeisu Guyau idi kanuwóiya be idi tuboina bei sivinimi.
EPH 1:3 Yaubada aba yapali! Tauyana ida Tomoya Yeisu Guyau ina Yaubada be nakae Tamana. Ida spwagógana Guyau taiyao pasina iyaboboneda go, ina yabobonayana moe Baloma Kimaasabaina ina yabobona liliudi yábana osasaina goi iviniibesoida.
EPH 1:4 Yabobonayadi unana ame: Boi nimatu nava poyapoya geya imadagiyeta, ilovina bego kita spwagoogonida Guyau taiyao bei kimaasabaida Tauyana umana be nakae geya ada pikwanamo Tauyana matana goi.
EPH 1:5 Boi nimatu mana matakoi igimilovina bego Yeisu Guyau ina guinuwa goi bei ivanatuneda toinina umana nakae latuwona be nakae ina nuwonúwana.
EPH 1:6 Ivanatuneda bego ina togaga ana káeyana ina kanuwóiya goi tagitegite tayapaliye. Anuwoiyayana ida spwagógana ina kakaya taiyao pasina bogina ivinibesoida.
EPH 1:7 Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’
EPH 1:8 Amo anuwoiyayana ivaituwe gagaina toina yaida tutayana mana nanamsa be mana yagoina
EPH 1:9 ina nuwogau ikaiwoduwe yaida nakae latuwona. Amo nuwogauyana boi mainao ilosinapu bei Guyau goi iguinuwe.
EPH 1:10 Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, Guyau yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.
EPH 1:11 Ida spwagógana Tauyana taiyao pasina Yaubada ikabida kita ina kaiguyau unana boi moe igimilovina bei iguinuwe nakae toinina ina nuwonúwana. Kaga liliuna neta Tauyana iilovina bego iguinuwedi, bei iguinuwedi ina nuwonúwana ana losinapu nakae.
EPH 1:12 Nakae igimilovina bego kai Diyuu Guyauyana ana togimilotutayao moe ina togaga ana káeyana ana yapali manuna.
EPH 1:13 Imi spwagógana Guyau taiyao pasina komi nakae. Boi livala mooitamoina konove, e nakae konumise. Livalayana moe Vala Dedevina komi ami yava manuna. Moe tutayana Yaubada ina kaba kinana iyato yaimi bego komi ina kitomyao. Aba kinanayana moe Baloma Kimaasabaina boi ikaatotule ivinida.
EPH 1:14 Balomayana aba kinana tayamo yaida goi bego nava ada vaiwówana madabokina Yaubada bei ivinida. Yaida goi ikaaiyaka ana kadókana bei kita ina kaiguyauyada itateteda Tauyana ina togaga ana káeyana ana yapali manuna.
EPH 1:15 Amo Yaubada ina guinuwayadi pasidi tutayana vala agiminove imi numisa imi spwagógana ida Tomoya Yeisu taiyao manuna be nakae imi matakoi kidi Yaubada ina kimasabayao liliudi yaidi manuna go, ima ame tuta, e yau nakae
EPH 1:16 tuta liliuna guna kawanoi Yaubada yaina goi anuwaisimi be manumi akaauyagu.
EPH 1:17 Guna kawanoiyana ida Tomoya Yeisu Guyau ina Yaubada yaina; Yaubadayana moe Tamana go, Tamanayana ina togaga ana káeyana ivakaigaga. E ame Yaubadayana yaina akaawanoi bego Balomaina bei nanamsa ivinimi nakae Yaubada ina nuwogau ikaiwoduwe yaimi bego Yaubadayana koyagoidoko
EPH 1:18 unana nukotomi bogina ikimavadedi. Tauyana bei koyagoidoko, e bei koyagoi kaga kita, Yaubada ina kimasabayao bogina iduuduweda, itoboineda talotutae. Aiyuwoina bei koyagoi ina kaiguyau dedevina toina moe kita ina kimasabayao.
EPH 1:19 Aitonina bei koyagoi Tauyana ina togaga ana kakainaki moe ivakaigaga toina kita tonumisa yaida. Amo togagayana tagite tutayana ina paisewa myana goi ivagitakoe.
EPH 1:20 Ame togagayana boi iepaisewe Guyau goi tutayana tokámasa yaidi goi Yaubada Guyauyana ikaitáoe inave yábana goi be nakae tutayana wowoina basekoina kakataina goi ikailagasi itusobu.
EPH 1:21 Sinitu tamo tamo, dimoni adi tovakumgoyao tamo tamo, totogaga tamo tamo, aba lovina tamo tamo be nakae you tamo tamo tomota sivaatoidi kina Guyau itogagasavedi go, geya ame tuta kaka geya, go sem nakae tuta simamaima yaidi goi Tauyana Tokanayatanatoina.
EPH 1:22 Tauna Guyauyana aena ogalaoina goi Yaubada kaga liliuna bogina iyatoidi ivasobusobuyedi go, Guyauyana ivayoko kaga liliuna dabada kita ana totugugunayao ada dedevina manuna.
EPH 1:23 Go moitamo totugugunayada moe kina wowona nakae. Tauyana bogina ivakayaaodeida nakae Yaubada napasina goi bogina Guyau ivakayaoodeisave.
EPH 2:1 Komi go boi mainao kaamasimi nakae imi kapipilova be imi goyo pasidi.
EPH 2:2 Dogoiyadi goi boi kooketoiya. Nakae poyapoya ame sinapuna adi lovina sinaena goi be aba lovina yábana osasaina ana tolovina ina lovina sinaena goi kokaaiyaka. Aiyuwoina tolovinayana ina dimoni ame tuta tokapipilova yaidi goi mana togaga ipooisógana.
EPH 2:3 Boi kita madabokida ida sinapu tokapipilovayadi idi sinapu nakae. Sakavaida idi yalagau tasabokuuliyedi nakae sakavaida be nuwoda idi vikaiya taguuinuwedi. Tuwo napasida pasina itoboineda Yaubada ina egamogamogu tababane da poyapoya liliudi nakae.
EPH 2:4 E kina go Yaubada ina nuwokapisi gagaina toina be nakae ina matakoi gagaina toina goi imatakooiyeda.
EPH 2:5 Tauna ida kapipilovayadi goi kita kaamasida nakae go, tuwo ina nuwokapisiyana pasina Guyau taiyao yawoida vau ivinida. Ina kanuwóiya goi bogina iyaveda.
EPH 2:6 Tuwaina Guyau Yeisu taiyao ikaitaoemneida go, kita ida spwagógana Tauyana taiyao pasina ikabida, e yábana goi Tauyana taiyao ivatusobuyeda.
EPH 2:7 Moe nakae iguinuwe bego tuta imamaima ina kanuwóiya nikuunikuna ina yabobona goi bei ivagitakoe kita spwagoogonida Guyau Yeisu taiyao yaida.
EPH 2:8 Moitamo. Yaubada ina kanuwóiya goi bogina iyaveda numisa pasina go, yavayana unana moe geya kita toinida ida guinuwa goi geya. Moe Yaubada ina yabobona goi.
EPH 2:9 Geya ida guinuwa goi geya, govila bei tagágasa.
EPH 2:10 Moitamo. Kita Yaubada ina madágina go, ida spwagógana Guyau Yeisu taiyao pasina iyolimeda guinuwa dedevidi adi guinuwa manudi. Guinuwayadi boi mainao Yaubada igimilovina bego kita ina bodao taguinuwedi.
EPH 2:11 Tauna komi Totuyoyowo bíbina goi yawoimi bogo konuwāisi. Bogina koyagoi kidi Diyuu sakavaidi kuuponidi sitagiwoimi kadi, ‘Komi sakavaimi geya kuponinamo.’ Go sakava ana kupwanayana siguuinuwe moe tomota idi guinuwa kaka, e ame tuta geya basabasainamo. Tuwo komi konuwāisi bego boi
EPH 2:12 amo tutayana Guyau geya yawoimi goi geya; komi taviileimi Isileli tubunao yaima goi be nakae Yaubada ina kanasíuna tamo tamo boi nimatu iguuinuwedi Isileli tubunao yaidi goi go, komi geya. Tauna ina katótula kidi manudi komi geya. Komi poyapoya ame goi geya imi lotutamo yava manuna be nakae Yaubada mooitamoina komi yaimi goi geya.
EPH 2:13 E boi Yaubadayana goi komi masigava go, ame tuta imi spwagógana Guyau Yeisu taiyao pasina Tauyana ikaikaina goi Yaubada bogina imemi kikina.
EPH 2:14 Moe moitamo. Kina Guyauyana ida kaba tuboina. Boda aiyuwo, kai Diyuu nuumisaima be komi Totuyoyowo nuumisaimi, ilamgogoida kita taeboda tayamo. Moe nakae aliupa boi kai Diyuu be komi Totuyoyowo nauyayanaida goi ivatumaasabeda go, Guyau bogina iligei. Aliupayana ida kaba vakaleya go, ana ligavayana ame nakae: Guyau wowona goi aliupayana ina togaga itauwe. Vakaleyayana unana moe Yaubada ina Katukeda mana lovina be mana sanaboda. Go itauwe bego bodayada aiyuwo ilamgogoida bei kita ida spwagógana Tauyana taiyao pasina iyolimeda, e kita boda vau tayamo, e tuboina isowóduwo.
EPH 2:16 Aiyuwoina itauwe bego ina kámasa kerose goi bodayada aiyuwo igudalida kita wówana tayamo, e Yaubada ikabivekovekomneida. Tauna keroseyana goi ida vakaleya ikimate.
EPH 2:17 Guyauyana ida kaba tuboina go, aiyuwoina Tauyana ima tuboina italavaite komi boi masigava goi yaimi be nakae kai kikina goi yaima.
EPH 2:18 Italavaite bego Tauyana goi komi Totuyoyowo nuumisaimi be nakae kai Diyuu nuumisaima Baloma Kimaasabaina yaida goi ikaaiyaka, tauna mada tagona Tamada tavalabelabene.
EPH 2:19 Tauna geya tuwaina komi ogaoga o ituli ta boda nakae geya, go sem komi koetonikasa kai Yaubada ina kimasabayao taiyao be nakae kai toinina ina bodayáuwo bogina kosiukoima.
EPH 2:20 Unana komi vada nakae, e kai Yeisu ina vamoleyanayao be ina tokabivalavalayao dako nakae yatama goi ami yówana go, dakoyana ana lasáuna moe Guyau Yeisu.
EPH 2:21 Imi spwagógana Guyauyana taiyao pasina komi vada ana gurewa nakae go, tamo tamo Yaubada ikabimi ivaapopoimi kikina kikina, e vadayana madabokina ibibíbina ina gagaina bei komi Vada Kimaasabaina nakae imi spwagógana ida Tomoya taiyao pasina.
EPH 2:22 Aiyuwoina imi spwagógana Guyau taiyao pasina komi vada ana gurewa nakae Yaubada ivaapopoimi kikina kikina ana kadókana komi be kai Yaubada ina kaba kaiyaka. Moeko goi Tauyana Balomaina bei ikaaiyaka.
EPH 3:1 Moe Yaubada ina guinuwayadi liliudi pasidi akawanoi Tauyana yaina. Yau Paulo, Guyau Yeisu ina koroto deri ana tokaiyako komi Totuyoyowo nuumisaimi manumi.
EPH 3:2 Nakona bogina konove Yaubada ina kanuwóiya ana rugwáuta manuna boi ikawoigu aguinuwe komi ami dedevina manuna.
EPH 3:3 Rugwautayana ame nakae: Boi ina nuwogau ikaiwoduwe yaigu bei ayagoi. Moe manuna maine giyaina bogina agini.
EPH 3:4 Tutayana kokatuyaivi, bei itoboinemi guna nanamsa Tauyana ina nuwogauyana Guyau manuna koyagoi.
EPH 3:5 Nuwogauyana boi ituli ta malamalágata adi tuta goi Yaubada geya ikaiwoduweyeta tauyadi yaidi go, ame tuta Baloma Kimaasabaina goi bogina ikaiwoduwe kai Yeisu ina vamoleyanayao kimaasabaima be nakae ina tokabivalavalayao kimaasabaidi yaima.
EPH 3:6 Nuwogauyana ame nakae: Kita madabokida, komi Totuyoyowo be nakae kai Diyuu, bogina Vala Dedevina tanumise. Tauna bogina taspwagógana Guyau Yeisu taiyao, e kita madabokidakova Yaubada ina kaiguyau, kita Guyau wowona tayamo be nakae kita taiyao kaga Yaubada ikaatotule bei ivinida.
EPH 3:7 Yaubada ikawoigu yau aetovaita Vala Dedevinayana manuna. Guna kawoiyana moe ina kanuwóiya ivinibesoigu. Moe nakae ina togaga ipaaisewa yau yaigu goi.
EPH 3:8 Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite
EPH 3:9 be nakae nukotodi akimavadedi bei siyagoi Yaubada, Tauyana kaga liliuna ana tomadágina, manakaena ina nuwogau boi iivamou go, ame bogina ikaiwoduwe.
EPH 3:10 Guna talavaitayana be guna kimavadayana bego ame tuta kita Yaubada ana totugugunayao ina nanamsa nikuunikuna takaiwoduwe sinitu liliudi be dimoni adi tovakumgoyao liliudi yábana osasaina goi yaidi.
EPH 3:11 Moe nakae ina nuwonúwana boi nimatu bogina igimilovina go, nuwonuwanayana ida Tomoya Guyau Yeisu goi iguinuwe.
EPH 3:12 Kita ida spwagógana Tauyana taiyao pasina itoboineda mada katepatu be mada tagona Yaubada tanoko Guyauyana aba numisa ina kabikáwana pasina.
EPH 3:13 Tauna akawanoi yaimi guna mou komi manumi goi taabu atemi siitamēya unana guna mouyadi alootowoidi komi ami taimámina manuna.
EPH 3:14 Yaubada ina guinuwa kita yaida pasina aegu avatugúyala Tamada matana goi;
EPH 3:15 Tauyana nunu liliudi yábana goi be poyapoya goi unadi.
EPH 3:16 E Tauyana yaina aegu magu vatugúyala akawanoi bego ina togaga ana káeyana dedevina toina goi togaga ivinimi bei Balomaina atemi ikitogagedokoidi.
EPH 3:17 O tadigo kada, ‘Numisa goi Guyau atemi yaina ikaaiyaka.’ Matakoi goi Yaubada bogina ikitogagemi, tuwo bogina kotaoyakavata nakae neta komi alova lamna nakae poyapoya sinaena silabasousou kokasa o vada ana dako toogagaina goi vadayana siyowo itáoya ikasa.
EPH 3:18 Tauna aiyuwoina guna kawanoi Yaubada yaina bego itoboinemi Tauyana ina kimasabayao liliudi taiyao ina togaga ana kakainaki koyagoi. Nakae ana papaeva, ana mamanao, ana tukotuko be ana sousou geya ana kaba lukavavamo.
EPH 3:19 Ago latuwogu bego koyagoi Guyau ina matakoi nikuunikuna nakae geya itoboinedeta tayagoikowosi. Aitonina guna kawanoi Yaubada yaina bego Tauyana napasina madabokina ivakayaodeimi.
EPH 3:20 E kaga neta takawanoiye Yaubada yaina o kaga neta manuna tanuwonúwana, Tauyana mana togaga gagaina toina itoboine mana vaituwo iguinuwe ina togaga ipaaisewa sinaeda pasina.
EPH 3:21 Tauna bei ina togaga ana káeyana ivagitakoe ana yapali manuna kita ana totugugunayao yaida be nakae Guyau Yeisu yaina ame tuta be nakae tuta simamaima! E nakae!
EPH 4:1 Tauna, guna spwagógana ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:
EPH 4:2 Yawoimi ana madabokina goi mami nuwotokai be mami sakululu, imi egamogamogu manukaina go, mami matakoi koaaramāitana tomota liliudi yaidi goi.
EPH 4:3 Tuwaina Baloma Kimaasabaina ilamgogoida kita taspwagógana, tauna komi kopoisōgana bego imi tuboina koyoisiikavate goi kospwagogana vata.
EPH 4:4 Ida spwagoganayana ame nakae: Kita Yeisu wowona tayamo; Baloma Kimaasabaina moe tayamo yaida goi ikaaiyaka. E nakae ida lotuta tayamo manuna boi Yaubada iduduweda.
EPH 4:5 Ida Tomoya moe tayamo; ida numisa ana vatulúkwana moe tayamo; ada sayóyova moe tayamo.
EPH 4:6 Ida Yaubada tayamo moe liliuda Tamada. Tauyana dogoi liliudi yatanaidi, liliuda goi ina guinuwa iguuinuwedi be nakae liliuda yaida goi ikaaiyaka.
EPH 4:7 E Guyau ina kanuwóiya ikaiguyauyedi kita tamo tamo yaida goi nakae toinina ina nuwonúwana goi.
EPH 4:8 Moe pasina Gínina Kimaasabaina Guyau manuna idigo kana,
EPH 4:9 Ego ina livala kana, ‘Ituko’ kaga ana yagoina? Ana yagoina moe neta ituko, e nakae boi bogina isou ima poyapoya ame goi.
EPH 4:10 Tosouyana moe Guyau go, nakae ituko ina yábana diligaemaina goi bego kaga liliuna ivakayaodeidi.
EPH 4:11 Kina ina kaiguyauyadi tomota iivinidi ame nakae: Tomota maniyedi moe Yeisu ina vamoleyanayao, e maniyedi ina tokabivalavalayao, e maniyedi Vala Dedevina ana totalavaitayao, e maniyedi ina tomatakavatayao o ina tovatulukwanayao nakae.
EPH 4:12 Ame tauyadi idi paisewa moe Yaubada ina kimasabayao sikatubayasidi vaita ana paisewa manuna bei Guyau wowona sikitogage.
EPH 4:13 Nakae bei siguuinuwe ana kadókana kita madabokida ida nuwonúwana tayamo ida numisa manuna, ida nanamsa tayamo Yaubada Natuna manuna, ida numisa goi tamatuwo be nakae napasida madabokina Guyau napasina nakae.
EPH 4:14 Moe bego geya tuwaina kita ida numisa gogómana giyaidi nakae, e bei tomota idi vatulukwana polapola tamo tamo aivaya nakae geya ikaugavigaviledeta o yágira nakae geya ilayoyonideta. Amo tomotayadi madi nuwosinapu goyogoyoina idi bágala goi siyúpuna bego sikatubauda go, geya tuwaina.
EPH 4:15 E, neta mada matakoi sinapu mooitamoina taguuinuwe, kaga liliuna goi tamatūwo, e bei kita dabada nakae. Dabadayana moe Guyau.
EPH 4:16 Tauyana yaina goi kita wowona madabokina tabíbina, e bei matakoi goi kita wowonayana ikitogageda. Kita talainao ivapateda be nakae ida kaba sávina tamo tamo adi vaita goi ilamgogoida taeboda tayamo tutayana tamo tamo tapaisewa dókana. E tauna kita wowonayana ida numisa goi tabíbina bei tatogaga.
EPH 4:17 E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.
EPH 4:18 Idi nuwonuwanayadi bogina sikamamaníwana be nakae yawana vau Yaubada goi imamaima yaidi goi bogina ituyoyowo unana idi dabakasa pasina Yaubada sitamogemogeye.
EPH 4:19 Tauyadi geya idi omayamayamo, tauna toinidi sitagonedi sakava ana vikaiya owáowana goi be madi matakónana sinapu goyogoyoidi liliudi nuwonuwodi toina siguuinuwedi.
EPH 4:20 E komi sem boi tutayana Guyau kouyaone, Tauyana ana vatulúkwana geya amo sinapuyadi nakae geya.
EPH 4:21 Ayagoi bego Tauyana valena bogina konove be komi imi spwagógana Tauyana taiyao pasina tuwaina sivatuulukoimi unana kaga mooitamoina moe Yeisu goi ikaaiyaka.
EPH 4:22 Vatulukwanayana moe yawoimi bogo kwama nakae kovalilivīdi kokalavēdi. Yawoimi bogoyadi moe napasimi bogo nakae go, idi yalagau goyogoyoidi sikatubaumi, e yawoimi sikaigoyaidi.
EPH 4:23 E aiyuwoina sivatulukoimi Baloma Kimaasabaina kotagōne nuwomi iyoolimedi
EPH 4:24 go yawoimi vau kwama vau nakae kolosīdi. Moe yawoimi vauyadi Yaubada mooitamoina imadagidi bego toinina nakae, e bei imi sinapu Tauyana nakae: Kiboobosimi tomota yaidi be nakae kimaasabaimi Yaubada umana.
EPH 4:25 Moe pasina tauna pola kwama bogo nakae kovalilīvi kokalāve go, komi tamo tamo kobōbwara moitamo semiyao yaidi unana kita Guyau wowona talainao nakae. Tauna kobōbwara moitamo.
EPH 4:26 ‘Neta koegamogamogu, imi egamogamoguyana goi taabu kogoyogōyo.’ Same 4:4 Taabu koegamoogamōgu tuta maanawena, go sem namliyeta baige níyala isaliu, imi egamogamoguyana bogina ikavava,
EPH 4:27 govila bei Totagíwaya ina tuta ana toboine kovini.
EPH 4:28 Tovaináwana geya tuwaina sivaināwana, go sem sipoisōgana, e toinidi nimadi goi paisewa dedevidi siguinuwēdi bego adi vaituwo goi itoboinedi tookaidi sivaitedi.
EPH 4:29 Bóbwara moumoudi taabu koovatōidi, go sem ava bóbwara tomota adi kitogaga manuna moe kovatōidi bego totaiyakeka adi dedevina sibabane.
EPH 4:30 Taabu imi guinuwa goi Yaubada Balomaina Kimaasabaina kokitaaitaīye. Balomayana moe Yaubada ina kaba kinana yaida goi bego kita Yaubada ina bodao tateta ana tuta manuna.
EPH 4:31 Vakaleya, alakúyuma, egamogamogu, vabobolagu, tagíwaya be nakae goyo liliudi yaimi goi kokalavēdi.
EPH 4:32 E komi sem semiyao tamo tamo koyabobonēdi, konuwokapisiyēdi be nakae konuwotaōidi nakae Yaubada nakae Guyau ina guinuwa pasina ida goyo inuwotaoidi.
EPH 5:1 E tuwo komi Yaubada natunao imatakooiyemi, Tauyana kovatotowōne.
EPH 5:2 Ame nakae: Mami matakoi kooketōiya nakae Guyau imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.
EPH 5:3 E komi Yaubada ina kimasabayao, tauna masisi goyogoyoina, sinapu goyogoyoina liliuna be matakónana taabu koguuinuwēdi, nakae taabu kobooborēdi!
EPH 5:4 Tuwaina sinapu aba omayamaya, bóbwara besobeso, vaponuponu aba omayamaya nakae kokalavēdi. Moe sinapuyadi geya itoboinedeta, go sem takauyagūmo Yaubada yaina.
EPH 5:5 Moitamo. Ame nakona bogina koyagoidoko bego avatau neta tomasisi goyogoyo o toogoyoina o tomatakónana (Tomatakonanayana moe basaleliu ana tosakululu) Guyau be Yaubada idi kalibúbuna goi bei geya isiuta geya.
EPH 5:6 Tomota maniyedi sidigodigo bego itoboinemi amo goyoyadi koguinuwedi go, taabu idi bóbwara polapola goi sivasulaaigīmi. Moitamo. Moe tauyadi idi sinapu goyogoyoidi pasidi Yaubada ina egamogamogu imamaima tokapipilova ivakaosidokoidi.
EPH 5:7 E tauna taabu tauyadi kosiiukōidi.
EPH 5:8 Boi mainao komi mamaníwana nakae go, ame tuta imi spwagógana ida Tomoya taiyao pasina komi mavada nakae. Komi mavada natunao nakae kooketōiya.
EPH 5:9 Moitamo. Mavadayana keuwoina moe sinapu dedevidi liliudi, kibóbwata be mavada napasina mooitamoina.
EPH 5:10 E mavada natunaoyadi nakae kooketōiya ame nakae: Kaga neta ida Tomoya ivaauyaone kogitebabāne, e koguinūwe.
EPH 5:11 Mamaníwana ana guinuwa taabu kosiiukōidi. Amo guinuwayadi geya basabasaidimo. Tauna taabu kosiiukōidi, go sem kokamamaetalīdi.
EPH 5:12 Moitamo. Guinuwayadi siguinuweegaudi moe aba omayamaya gagaina nakae geya itoboinedeta tabooboredi.
EPH 5:13 E dogoi liliuna mavada itapaasigidi itoboineda tagitedokoidi.
EPH 5:14 Moe moitamo. Mavada kaga liliuna ikaiwoduwedi. Tauna tonumisa sidigo kadi,
EPH 5:15 E tuwaina korugwausidokōimi manakaemi kooketoiya. Geya nakae kidi toketoiya owáowana nakae geya, go sem nakae tauyadi madi nanamsa.
EPH 5:16 Ame nakae: Ame tuta moe tuta goyogoyoina toina. Tauna taabu imi tuta kokavaavalūge, go sem imi tuta tamo tamo adi toboine guinuwa dedevidi kuguinuwēdi.
EPH 5:17 Tauna taabu kotugadoogadōwana, go sem ida Tomoya ina nuwonúwana koyagōi, e koguinūwe.
EPH 5:18 Taabu oine konim ginagīna bego koyaluwo. Moe guinuwa owáowana unana. Go sem kotagonāmo Baloma Kimaasabaina ivakayaodeimi,
EPH 5:19 bei ame nakae koguuinūwe: Same, vesi tapwaroro be Baloma Kimaasabaina ina vesi koveesiyēdi semiyao yaidi goi be nakae atemi goi vesi yapali koveesiyēdi ida Tomoya yaina.
EPH 5:20 Aiyuwoina tuta liliuna kaga liliuna manudi ida Tomoya Yeisu Guyau yoina goi kokaauyāgu Yaubada Tamada yaina.
EPH 5:21 Aitonina imi wowoina Guyau yaina pasina toinimi kokatetagonēmi semiyao yaidi goi.
EPH 5:22 Komi vevina, toinimi monemiyao yaidi goi kokatetaagonēmi nakae ida Tomoya yaina kokatetaagonemi.
EPH 5:23 Unana vevina dabami moe monemiyao nakae kita, Guyau ana totugugunayao, dabada moe Guyau. Guyauyana wowona moe kita, Tauyana ada toyava.
EPH 5:24 Nakona komi vevina konuwonúwana neta Guyau ada toyava, bego monemiyao yaidi goi geya kokatetagonemita go, moe nakae geya, go sem nakonakae Guyau ana totugugunayao sikatetaagonedi Tauyana yaina goi, e komi vevina nakae monemiyao yaidi goi kaga liliuna manudi kokatetaagonēmi.
EPH 5:25 Komi koroto, monemiyao komatakooiyēdi nakae Guyau nakae kita ana totugugunayao imatakooiyeda be nakae manuda toinina ikasale ámasa goi.
EPH 5:26 Nakae iguinuwe bego ikimasabeda toinina umana o tadigo kada, ‘Ikimavadeda.’ Ina kimavadayana moe Vala Dedevina goi ada isiwo nuwesina nakae.
EPH 5:27 Moe nakae bego itoboine kita ana totugugunayada ivagitakoida kaausaraida toinina yaina, geya báila be goyo yaida goi geya, go sem latuwona bego kita kimaasabaida Yaubada umana be nakae geya ada pikwanamo.
EPH 5:28 Nakonakae Guyauyana imatakooiyeda, e komi koroto itoboinemi nakae toinimi monemiyao komatakooiyedi nakae toinimi wowomi komatakooiyedi. Ava koroto neta toinina monena imataakoiye, e toinina nakae imataakoiye.
EPH 5:29 Geya vatau tayaamo toinina wowona ikaolilive geya, go sem ivakani be imatakavate nakae Guyau nakae kita ana totugugunayao ivaakanida be imatakavateda
EPH 5:30 unana kita Tauyana wowona talainao. Tauna imatakaavateda. Kita boda tayamo Guyau taiyao nakae Gínina Kimaasabaina idige kana,
EPH 5:31 ‘Moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.’
EPH 5:32 Moe livalayana livalakaibala boi ana yagoina vamoounina nakae nikuunikuna go, ana yagoinayana Yaubada ikaiwoduwe yaigu. Go Guyau be kita ana totugugunayao ida spwagógana manuna abobóbwara.
EPH 5:33 Go tuwo, komi koroto nakae, tamo tamo toinimi monemiyao komatakoiyēdi nakae toinimi komatakoiyemi. E komi vevina go monemiyao kowowoinēdi.
EPH 6:1 Gogómana, imi spwagógana ida Tomoya taiyao pasina tamamiyao be sinamiyao kokabikaonēdi. Ame sinapu kiboobosina.
EPH 6:2 Moe nakae Yaubada ilovina kana, ‘Tamamiyao be sinamiyao kowowooinēdi.’ Tateta 20:12; Atukeda 5:16 Ame lovinayana moe lovina vakuumgoina mana katótula.
EPH 6:3 Atotulayana kana, ‘Bego kaga liliuna idedevina yaimi be yawoimi simamanao imi kaiyaka poyapoya ame goi.’
EPH 6:4 Komi koroto, taabu natumiyao koyokaikaaiyēdi, go sem ida Tomoya ina sápina goi be ina katuliwola goi kovabibinīdi.
EPH 6:5 Komi paakonimi, mami matoita komalitatátava Yaubada matana goi, e imi tomoyamoya poyapoya ame goi kokabikaonēdi. Imi kabikawanayana goi mami kasala mooitamoina atemi goi nakae neta Guyau kokabikaone.
EPH 6:6 Go geya kada matadi kaka goi kokabikaonēdi nakae tauyadi yapali ana tolusalayao idi sinapu geya, go sem komi Guyau ina pakonayao nakae atemi goi Yaubada ina nuwonúwana koguuinūwe.
EPH 6:7 Ma nuukotomi dedevina kopaaisēwa nakae neta komi ida Tomoya ina pakonayao, e manuna kopaaisewa go, tomota manudi geya.
EPH 6:8 Konuwāisi bego kita tamo tamo, nakona paakonida o taliigavida, ava guinuwa dedevina neta taguuinuwe, moe guinuwayana ida Tomoya bei ikatumapu.
EPH 6:9 Komi tomoyamoya nakae. Imi sinapu nakae itoboine dedevina imi pakonayao yaidi goi ame nakae: Taabu kokatumatooisīdi. Konuwāisi bego idi Tomoya be komi imi Tomoya tayamo yábana goi ikaaiyaka go, Tauyana tokivavasa, tuwo ina lovina vavasa tomota liliuda yaida.
EPH 6:10 E ame tuta imi spwagógana ida Tomoya taiyao pasina be nakae ina togaga gagaina toina pasina kotogāga.
EPH 6:11 Ame nakae: Yaubada konana yaviya konanidi madabokidi kolosīdi, e bei itoboinemi kovakavata dókana Totagíwaya ina sinapu itulutulu yaidi goi.
EPH 6:12 Unana ida yaviya geya kada sakava o ikaika yaidi goi geya, go sem ida yaviyayana moe sinitu yaidi, dimoni yaidi, mamaníwana ame ana tokalikayao yaidi be nakae totogaga goyogoyoidi yábana goi sikaaiyaka yaidi.
EPH 6:13 Moe pasina tauna Yaubada konana yaviya konanidi madabokidi kokabīdi bego tuta goyogoyoina goi itoboinemi kovadókana. Aiyuwoina tutayana bogina kokatubayasi, kotaoyakavāta.
EPH 6:14 Tauna kotaoyakavāta ame nakae: Mainao Yaubada ana Nanamsa Mooitamoina gadíwana nakae kolōsi. Kasikasimi ana taboda moe imi kibóbwata nakae kolōsi.
EPH 6:15 Aiyuwoina Vala Dedevina ana talavaita tuboina manuna butu nakae aemi goi kolosīdi go, mami katubayasi valayana kotalavāite.
EPH 6:16 Aitonina sowomi moe imi numisa lowo nakae kokābi kotabodebodēmi; lowoyana goi itoboinemi Toogoyoina ina gita sabeninimidi madabokidi kosapimatedi.
EPH 6:17 Kotaoyakavāta go, dabami ana taboda kokabīdi, dabamiyadi kokaukabolīdi; tabodayadi moe Yaubada ina yava. Baloma Kimaasabaina ina sisi kokābi; sisiyana moe Yaubada ina livala.
EPH 6:18 Ago imi kawanoi liliudi tuta tamo tamo Baloma Kimaasabaina ina togaga goi kokaawanōi go, moe pasina nukotomi goi koyauyāusa go, mami poisógana kokaawanōi kidi Yaubada ina kimasabayao liliudi manudi.
EPH 6:19 Kokawanōi yau nakae manugu bego Yaubada guna bóbwara iivinigu bei tuta tamo tamo magu katepatu kaga boi vamoounina Vala Dedevina manuna akaiwoduwe tomota yaidi.
EPH 6:20 Valayana manuna yau Yeisu ana katumapu deri goi akaaiyaka. Aiyuwoina kokaawanōi bego guna kaiwoduwoyana goi magu katepatu abóbwara nakae itoboinegu.
EPH 6:21 E komi nakae latuwogu yau valegu koyagoi, nakae guna kaiyaka be guna guinuwa. Tuwo Tukiko bei aetune iwo, e bei valegu madabokina ilatuwokoimi. Tauyana konōve unana tauyana siyada nakae ida kalo be nakae tovaita tayamo aba numisa Tomoya umana.
EPH 6:22 Tauyana aetune iwo ame manuna: Bego kaga kaga siisowóduwo yaima koyagoi be nakae atemi ikipaiwoledi.
EPH 6:23 Segowo, Yaubada Tamada be nakae ida Tomoya Yeisu Guyau tuboina be matakoi mana numisa bei sivinimi.
EPH 6:24 Yaubada ina kanuwóiya komi madabokimi ida Tomoya Yeisu Guyau komatakoiyevatae yaimi. Yau Paulo
PHI 1:1 Komi da Pilipai Yaubada ina kimasabayao liliumi bogina kospwagógana Guyau Yeisu taiyao, Yau Paulo be Timoti Guyau Yeisu ina pakonayao, e ame ami leta kaetune iwo komi liliumi be nakae imi tovakumgoyao be imi tovaitayao yaimi.
PHI 1:2 Yaubada Tamada be ida Tomoya Yeisu Guyau idi kanuwóiya be idi tuboina bei sivinimi.
PHI 1:3 Tuta tamo tamo akaawanoi Yaubada yaina, madabokimi manumi akaawanoi go, guna kawanoiyadi liliudi goi akaauyagu guna Yaubada yaina unana tuta liliuna konuwaaisigu. Ago guna kawanoiyadi moe magu uyáwana.
PHI 1:5 Aiyuwoina guna kauyaguyana unana guna paisewa kosiuko Vala Dedevina ana núnuwo manuna boi nimatu kogiminumisa go, ima ame tuta.
PHI 1:6 Aitonina guna kauyaguyana unana ame ayagoidoko: Bego Yaubada ina tokuma dedevina boi nuwomi goi ivatowo, bei iitokume ana kadókana tokumayana ana kalaitúwana isowóduwo yaimi tutayana Yeisu Guyau ina tuta ima.
PHI 1:7 Moe nakae guna nuwonuwanayana liliumi manumi ana toboine unana komi ategu. Yaubada ina kanuwóiya boi ivinigu bei apaisewa go, guna paisewayana bogina kosiuko tutayana paisewayana pasina deri goi akaaiyaka o guna tuta kotu goi Vala Dedevina ana tagíwaya avaboodebode nakae Valayana akamooitamoe.
PHI 1:8 Moitamo komi ategu. Yaubada iyagoigu, abóbwara moitamo! Guyau Yeisu ina matakoi yau yaigu goi akatukuwonemi gagaina.
PHI 1:9 Guna kawanoiyana Yaubada yaina moe ame nakae: Bego imi matakoi tuwaina ibíbina gagaina nanamsa be dovatusi liliuna goi,
PHI 1:10 e bei itoboinemi kaga dedevina toina kokinavedoko. Moe bego komi bei maavadaimi be nakae geya ami pikwanamo Guyau ina tuta manuna.
PHI 1:11 Ame nakae: Latuwogu bego kibóbwata keuwoina ivakayaodeimi; keuwoinayadi Yeisu Guyau ina togaga goi isowóduwo Yaubada ana taimámina be ana wowoina manudi!
PHI 1:12 E segowo, latuwogu komi koyagoidoko bego guna kaiyaka deri goi Vala Dedevina ana núnuwo geya isanabodeyeta, go sem guna kaiyakayana pasina Vala Dedevina ana núnuwo akidedede.
PHI 1:13 Tauna bogina imavada deri ana tomatakavatayao liliudi be nakae tomota liliudi yaidi ameko bego guna yówana moe guna spwagógana Guyau taiyao pasina.
PHI 1:14 Aiyuwoina guna kaiyakayana deri goi pasina sedao badabadaidi ida Tomoya sinumisedoko, tauna tauyadi madi katepatu Yaubada ina livala sitaalavaite.
PHI 1:15 Tomota maniyedi moitamo Guyau Valena sitaalavaite latuwodi sivaitegu. Tauyadi idi matakoi pasina sitalavaita unana siyagoi Yaubada ikinavegu bego Vala Dedevinayana ana tagíwaya avabodebode. Ego tomota maniyedi madi vakipikipi be madi tavilei Guyau Valenayana sitaalavaite.
PHI 1:17 E amo tauyadi Guyau Valena sitaalavaite go, nuwodi nanaayuwoidi goi sitaalavaite; latuwodi idi talavaitayana goi aditava idi yala manudi sipoisógana. Kidi sinuwonúwana bego itoboinedi guna kaiyaka deri goi guna mou sivaituwe.
PHI 1:18 Manakaeda tanuwonúwana amo sinapuyadi manudi? Ame nakae: Nakona vaita pasina sitaalavaita o nakona vakipikipi pasina sitaalavaita go, dogoi gagaina moe Guyau Valena sitaalavaite. Moe pasina auyáwana. Go guna uyawanayana ameko geya ikavaveta geya, go sem tuwaina bei auyáwana.
PHI 1:19 Ayagoi ame aiyakamouyana goi guna talígava bei ababane go, moe imi kawanoi goi be nakae Yeisu Guyau Balomaina ina vaita goi.
PHI 1:20 Moe nakae guna yala be nakae guna lotuta bego geya tayaamo kaga goi bei ogu imayamaya, go sem tuta boi nakae go, ima tuta ame magu katepatu wowogu goi bei Guyau akiilagasi, neta maa yawoigu o neta akámasa.
PHI 1:21 Moe moitamo. Yau yaigu goi neta maa yawoigu, yawoiguyana moe Guyau umana. Neta akámasa, yau Guyau taiyao tauna guna dedevina ababane.
PHI 1:22 Neta nava sakavaigu goi bei akaaiyaka, e itoboinegu tuwaina akéuwo Yeisu manuna. Geya ayagoiyeta manakaegu akinave nako dedevina toina.
PHI 1:23 E enao aiyuwokova sigibiubiugu. Latuwogu toina poyapoya ame akalave go, ana Guyau taiyao kakaaiyaka. Moe enao dedevina toina.
PHI 1:24 Go komi ami dedevina manuna itoboine akaaiyaka maa yawoigu.
PHI 1:25 Moe bogina ayagoi moitamo, tauna ayagoi bego maa yawoigu bei akaaiyaka, e bei liliumi avaaitemi imi numisa ana bíbina be nakae ana uyáwana manudi.
PHI 1:26 Moe bego komi uyawana gagágasa Guyau Yeisu manuna kovaituwe guna kaluvilamna yaimi pasina.
PHI 1:27 Go tayamo toito, komi Guyau ina kalibúbuna tomotaimi, tauna kooketōiya nakae boi bogina Guyau Valena Dedevina ivatulukoimi. Moe bego neta ao avadademi o geya, bei valemi anove bego balomaimi tayamo goi kotaoyaakavata tutayana nuwomi tayamo goi taiyao Vala Dedevina ana vatulúkwana kovaboodebode.
PHI 1:28 Aiyuwoina bei anove bego Vala Dedevinayana ana kaleyayao geya tayaamo kaga goi situbukukuyuimi, go sem kovadókana. Imi vadokanayana moe aba kinana tauyadi yaidi Yaubada bei imtulidi go, komi bei iyavemi. Moe Yaubada ina guinuwa
PHI 1:29 unana komi yabobona aiyuwo goi ikanuwoiyemi Guyau manuna ame nakae: Itagonemi Guyau konumise go, numisa kaka geya, go sem itagonemi Tauyana manuna yogedageda nakae kobabane.
PHI 1:30 Imi yogedagedayana ame nakae: Vala Dedevina ana kaleyayao yaidi goi mou kobabanedi. Mouyadi nakae yau boi Pilipai goi koogitegu ababanedi go, ame tuta konove ameko deri goi nava abaabanedi.
PHI 2:1 E tuwo nuwomi tayamo manuna bei alatuwokoimi. Kita spwagoogonida Guyau taiyao pasina ada kipáiwala tababane ae? U, nakae. Guyauyana ina matakoi bogina ateda ivapatupatudi ae? U, nakae. Baloma Kimaasabaina bogina takabivekovekoe ae? U, nakae. Yaubada ina yabobona be ina nuwokapisi bogina talotowoidi ae? U, nakae.
PHI 2:2 Tauna kovauyaonedokōigu ame nakae: Mami nuwoovavāsa, mami matakooi vavāsa semiyao yaidi, kooebōda tayamo be nakae nuwomi tayamo.
PHI 2:3 Geya tayaamo kaga amitava imi yala manuna o nuwatue goi koguuinūwe, go sem mami nuwootokai konuwonūwana semiyao sitaoyakukuyuimi.
PHI 2:4 Taabu amitava ami dedevina manuna konuuwonūwana, go sem semiyao adi dedevina manudi konuuwonūwana.
PHI 2:5 Moe nuwonuwanayadi yaimi goi koyoisikavatēdi unana Guyau Yeisu nuwona goi nakae iyoisikavatedi. Tauyana ina sinapu ame nakae:
PHI 2:6 Tauyana Yaubada ana tapata,
PHI 2:7 Go sem kebana esaaesaina goi toinina ikisobuye ame nakae:
PHI 2:8 go,
PHI 2:9 Tauna Yaubada ikilagasi toina
PHI 2:10 Moe nakae iguinuwe
PHI 2:11 be nakae Yeisu Guyauyana sikatomoyae
PHI 2:12 Tauna guna kaloyao, boi tuta liliuna kokabikaaonegu, e ame tuta nakae go, imi kabikawanayana geya kada guna kaiyako yaimi pasina kokaabikáwana geya, go sem geya akaiyaketa yaimi goi go, imi kabikawanayana kokidedēde. Nakae bogina kokabikáwana mami matoita be mami malitatátava Yaubada matana goi toinimi ami yava keuwoina kovagitakōe.
PHI 2:13 Moe itoboinemi. Yaubada mana togaga yaimi ipaaisewa go, ina paisewayana pasina ina nuwonúwana koyale koguinuwe be nakae ami toboine koguuinuwe nakae Tauyana latuwona.
PHI 2:14 Kaga liliuna koguuinuwedi geya imi kaukulukuluwomo be geya imi kaumakimakimo koguuinuwēdi
PHI 2:15 bego komi geya ami pikwanamo be nakae imi sinapu maavadaidi, nakae komi Yaubada natunao geya imi bagalamo tomota sulaaigidi be toogoyoidi nauyayanaidi goi. Imi kaiyaka yaidi goi komi utuna nakae koninínima poyapoya ame goi
PHI 2:16 unana Vala Dedevina yawoida vau manuna koyoisiikavate. Neta nakae koguuinuwe, e Guyau ina Maliyalina goi yau itoboinegu aedidigu bei asamolai bego guna paisewa yaimi goi vavalákuna nakae geya kada alokoina besobeso o guna poisógana yaimi goi geya keuwoinamo geya.
PHI 2:17 Go sem bei auyáwana ida gedageda vavasa pasidi. Gedagedayadi vininabeso oine be vininabeso yoguyogu taiyao nakae takasaledi Yaubada yaina. Yau vininabeso oine nakae go, komi imi numisa ina paisewa Guyau manuna moe vininabeso yoguyogu nakae. Tauna kita ida paisewa Guyau manuna moe vininabeso ana yata kówasa tayamo Yaubada yaina nakae. Neta Tonúwala yau vininabeso oine nakae ikaliulagigu yatami, e guna kasala Yaubada yaina manuna auyáwana, nakae komi imi kasala Yaubada yaina manuna auyáwana komi taiyao.
PHI 2:18 E komi nakae. Kouyāwana yau taiyao!
PHI 2:19 E neta ida Tomoya Yeisu ina nuwonúwana nakae, e alotuta giyakainava Timoti aetune iwo yaimi bego valegu konove, e atemi ivapatupatudi go, yau nakae ategu ivapatupatu tutayana tauyana ikaluvilamna ima valemi ilatuwokoigu.
PHI 2:20 Geya vatau tayaamo tauyana nakae yaigu goi ikaaiyaka. Tauyana anetava atema tayamo go, moitamo inuwonúwana gagaina komi ami dedevina manuna yau nakae.
PHI 2:21 Moitamo tauyana anetava. Boda liliuudi toinidi adi dedevina sisokikine go, Yeisu Guyau ina nuwonúwana manuna geya, tauna geya itoboineguta aetunedi siwo.
PHI 2:22 E Timotiyana ina sinapu dedevina bogina koyagoi bego tauyana ivaitegu Vala Dedevina manuna nakae gómana tayamo neta tamana taiyao sipaaisewa.
PHI 2:23 Tauna tutayana agite kaga bei isowóduwo yau yaigu, e alotuta bei tauyana mainao aetune iwo yaimi.
PHI 2:24 E anumisa ida Tomoya yaina bego yau nakae giyakainava bei ao.
PHI 2:25 E anuwonúwana bego itoboine Epapirodito aetunemnei iwo yaimi. Tauyana siyagu, guna tosavaiyuwo be nakae tovayaviya tayamo yau taiyao Vala Dedevina ana vabodaboda manuna. Ego tauyana boi koetune ima imi yabobona ivinigu. Tauyana imi vamoléyana be nakae imi katumapu yau yaigu, e ivaitegu.
PHI 2:26 Latuwogu tauyana aetune iwo yaimi unana liliumi ikatukuwonemi be nakae manumi inuwokubukubu unana livala konove bego ikatówana.
PHI 2:27 Moitamo toina tauyana ikatówana gagaina, nakae giyakainava bego ikámasa go, geya ikamaseta, go sem Yaubada inuwokapisiye. Ego geya kada tauyana anetava inuwokapisiye geya, go sem yau nakae inuwokapisiyegu, govila bei guna nuwomou ivakaigaga.
PHI 2:28 Tauna latuwogu toina tauyana aetunemnei iwo yaimi bego tutayana kogitemnei, kouyáwana go, yau guna nuwokubukubu bei giyaina isou.
PHI 2:29 E tauna ida spwagógana Tomoya taiyao pasina tauyana mami uyáwana kouyaōne go, avatauwa neta ame tauyana nakae, kowowoinēdi.
PHI 2:30 Tauyana kouyaōne unana Guyau ina guinuwa manuna boi giyakainava ikámasa unana tauyana inuwoupa bego ivaitegu. Vaitayana komi geya itoboinemita kovinigu unana aduwanau goi kokaaiyaka. Tauna tauyana kouyaōne.
PHI 3:1 Guna nuwonúwana tuwaina alatuwokoimi, segowo. Ida spwagógana Tomoya taiyao pasina kouyāwana! Ame dogoiyadi boi alatuwokoimi go, ame aginimneidi manumi geya ilausiguta. Moe komi ami vabodaboda manuna.
PHI 3:2 Ami dodōkana kidi weiniya baailidi nakae. Amo tauyadi toguinuwa goyogoyoidi be nakae sakava ana tokupwana goyogoyo. Latuwodi sakavaimi sikupoidi nakae Yaubada ina Katukeda idige bego komi Yaubada ina bodao.
PHI 3:3 Moitamo. Kidi sinuwonúwana sakavaidi adi kúpwana goi kidi Yaubada ina bodao go, kita moe Yaubada ina bodao mooitamoida. Kita Baloma Kimaasabaina goi tataaimámina Yaubada yaina. Kita tauyawana gagágasa Guyau Yeisu manuna go, geya tanumiseta toinida sakavaida ina guinuwa yaina goi.
PHI 3:4 Go neta yau bego sakavaigu ina guinuwa anumise nakae amo tauyadi, yau magu guinuwa dedevidi itoboinegu nakae aguinuwe. Avatau neta inuwonúwana bego itoboine sakavaina ina guinuwa pasina Yaubada ivayoko ina boda, neta latuwogu, itoboinegu tauyana akalisave.
PHI 3:5 Guna numisayana unana ame nakae: Guna bíbina mlina maliyalina ainima aito bogina ababanedi, e sakavaigu sikupo, yau bíbina goi Isileli tubuna, guna dala Beniyamina, yau tokanaiberiu tayamo, yau Parisi, tauna Yaubada ina Katukeda akibobosi.
PHI 3:6 Yaubada ina Katukedayana manuna magu salau apoisógana. Nakae apoikíkina bego Yeisu ana totugugunayao amtulidi! Yaubada ina Katukedayana ana lovina adi kibóbwata manuna yau geya guna pikwanamo. Nakona konuwonúwana amo guinuwayadi dedevidi go, geya.
PHI 3:7 Go sem boi mainao anuwonúwana bego ame guinuwayadi sowogu be guna dedevina ababane go, ame tuta anuwonúwana guinuwayadi geya basabasaidimo Guyau pasina. Go geya kada guinuwayadi kaka geya basabasaidimo yaigu geya,
PHI 3:8 go sem anuwonúwana kaga liliuuna geya basabasaidimo yaigu unana neta ida Tomoya Guyau Yeisu ayagoi, moe bei dogoiyadi ikalisavedi. Tauyana pasina kaga liliuna akalavedi be nakae avayokoidi tomota mosamosaidi nakae bego itoboinegu Guyau akabi
PHI 3:9 o tadigo kada, ‘Yaubada bei idovatusigu, e igitegu yau spwagoogonigu Guyauyana taiyao.’ Ame nakae: Yau kiboobosigu Yaubada nuwona goi geya kada ina Katukeda ana kabikáwana pasina geya, go sem moe Guyau ina guinuwa aba numisa pasina. Yau kiboobosigu unana Tauyana ivayokoigu nakae guna numisa pasina.
PHI 3:10 E yau Guyau goi akaaiyaka, e bei Tauyana ayagoidoko ame nakae: Ina togaga yawoigu goi aalotowo; togagayana moe nakae Yaubada ina togaga goi Yeisu ikaitáoe. Aiyuwoina latuwogu ina gedageda asiuko bei ina kámasa goi atapate,
PHI 3:11 e bei nakona itoboine yau nakae tokámasa yaidi goi Yaubada ikaitaoegu.
PHI 3:12 Geya kada moe bogina ayoisi geya o geya kada guna paisewa bogina alukavavedoko baige akámasa geya, go sem yau nava aatokuma bego itoboinegu guna taoyamna ayoisi. Moe manuna Guyau Yeisu bogina iyoisigu.
PHI 3:13 Segowo, yau geya anuwonuwoneta bego moe bogina ayoisi go, tayamo dogoi aguuinuwe moe kaga liliuna mligu goi anuwoilavedi go, tovavalákuna nakae kaga matagu goi akaanakova bei ayoisi.
PHI 3:14 Magu tokuma alokoina aseivata ana alaitúwana goi bei guna vaiwówana akabi. Vaiwowanayana moe Yaubada iduduwegu yábana yawoinina manuna guna spwagógana Guyau Yeisu taiyao pasina.
PHI 3:15 Tauna liliuda yaida avatauwa neta bogina numisa goi tamatuwo, ame guna nuwonuwanayana nuwoda goi tayoisiikavāte. Ego avatauwa komi neta ituli ta nuwonúwana nuwomi goi koyoisiikavate, e Yaubada nakae bei nuwonúwana mooitamoina ikaiwoduwe yaimi.
PHI 3:16 Go dogoi gagaina moe taaketōiya nakonakae Yaubada bogina ikaiwoduwe yaida.
PHI 3:17 Madabokimi taiyao, segowo, yau imi kaba gita kovatotowonēgu be nakae avatauwa neta ama tapata goi siiketoiya, e tauyadi kodumakavatēdi bego kovatotowonēdi.
PHI 3:18 Bogina koyagoi. Boi tuta badabadaina bogina alatuuwokoimi go, ame tuta magu táiya nakae alatuwokomneimi maniyedi tonumisa polapola yaimi sikaaiyaka; tauyadi Guyau ana kerose ana kaleyayao idi ketoiya goyogoyo pasina.
PHI 3:19 Tauyadi yawoidi ana kaba lukavava moe bei sivailai vata. Idi basaleliu moe toinidi idi vikaiya. Idi guinuwa aba omayamaya moe idi kaba taimámina. Nuwodi goi poyapoya sinapuna siyoisiikavate.
PHI 3:20 Taabu kovatotoowonēdi. Bogina koyagoi. Kita yábana tomotaida, e mada uyáwana ada Toyava tatuuyaosi bei maeko goi ima; Tauyana ida Tomoya Yeisu Guyau.
PHI 3:21 Tauyana ina togaga goi itoboine bei kaga liliuna ivasobusobuyedi. Tauna moe togagayana goi wowoda neenetaidi bei ikaigaviledi, e bei wowodayadi moe Tauyana ina taoyamna wowonina nakae.
PHI 4:1 Tauna, segowo, komi guna kaloyao akatukuuwonemi nakae komi guna kaba uyáwana be nakae guna kaba wowoina, e kaga bogina agini moe nakae komi imi spwagógana ida Tomoya taiyao pasina kotaoyaakavāta.
PHI 4:2 Yuwodiya be Suntuke yaimi akawanoi makimaki ami taiyuwokova imi spwagógana ida Tomoya taiyao pasina nuwomi vavasa koyoisikavatemnēi.
PHI 4:3 U, nakae. Kom guna tosavaiyuwo be guna kalo, kom nakae akawanoiyem ame vevinayadi kuvaitēdi bei nuwodi tayamo. Ame vevinayadi, Kerementi be guna tosavaiyuwo liliudi taiyao bogina sivaitegu guna tokuma Vala Dedevina manuna. Moe tauyadi yoidi yawana vau bukina goi sikaaiyaka.
PHI 4:4 Tuta liliuna komi imi spwagógana ida Tomoya taiyao pasina koouyāwana! Aiyuwoina adigomna, koouyāwana!
PHI 4:5 Imi mesayágana kovagitakōe tomota liliudi yaidi. Ida Tomoya giyakainava bei ima!
PHI 4:6 Geya tayaamo kaga manuna konuuwotūkala, go sem tutayana kokawanoi Yaubada yaina, mami kauyagu Tauyana kolatuwōko kaga liliuna sisowóduwo yaimi.
PHI 4:7 Neta nakae koguuinuwe, e Yaubada ina tuboina Guyau Yeisu ina guinuwa pasina atemi be nuwomi ivabodebodedi unana ina tuboinayana nikuunikuna, nakae geya itoboinedeta tayagoikowosi.
PHI 4:8 Segowo, guna nuwonúwana tuwaina alatuwokoimi. Kaga neta moitamo, kaga neta aba wowoina, kaga neta aba kivavasa, kaga neta maavadaina, kaga neta aba matakoi, kaga neta aba kaodedevina, kaga neta dedevina toina be nakae aba yapali, e moe dogoiyadi manudi konuwoolelēu.
PHI 4:9 Kaga bogina avadamanedi yaimi, kaga yaigu goi bogina kokaisakiyedi, kaga bogina alatuwokoimi konovedi, kaga bogina kogitedi aguuinuwedi, e moe dogoiyadi koguuinuwēdi bei Yaubada, Tauyana tuboina unana, yaimi goi ikaaiyaka.
PHI 4:10 E guna spwagógana ida Tomoya taiyao pasina auyáwana gagaina unana imi vininabeso yau yaigu pasina ayagoi bogina konuwokavatemneigu. Tauna auyáwana. Moitamo boi konuwonúwana manugu go, geya tayaamo enao ikaaiyaka bego kovaitegu.
PHI 4:11 Moe nakae alatuwokoimi geya kada yau anuwokubukubu bego kónana tayamo akiseyeseye geya. Bogina koyagoi. Guna kaiyako liliudi goi wowogu bogina ikonako.
PHI 4:12 Aayagoi manakaegu itoboinegu wowogu ikonako neta atokai o aguyau; nako akaaiyaka o ava kaiyako aababane, neta bogina gamogu o maagu loga, neta esaesa gagaina aalotowo o képwata aalotowo.
PHI 4:13 Nakae adige unana ame: Ame aiyakoyadi liliudi alootowoidi go, yau guna spwagógana Tauyana ikitoogagegu taiyao pasina itoboinegu amesayágana.
PHI 4:14 Go tuwo bogina koguinuwa dókana unana imi yabobona goi guna kaiyakomou kosiuko.
PHI 4:15 E komi da Pilipai nakae bogina koyagoi bego boi tutayana Vala Dedevina kogiminumise, e Mesadoniya parovinsi akalave go, Yeisu ana totugugunayao yaidi asa liliudi goi komi amitava kovaitegu aiguyau manuna, e imi vininabeso goi guna paisewa kosiuko. E vininabesoyana ivaitegu bei itoboinegu Vala Dedevina atalavaite.
PHI 4:16 Aiyuwoina bogina koyagoi bego yau nava Tesalonáika goi akaaiyaka go, sivatayamo geya, go sem sivavina nakae imi vininabeso koetunedi sima guna kiseyaseya manuna.
PHI 4:17 Go geya kada yabobona atalagudigudiye yaimi geya, go sem latuwogu bego komi imi vininabeso pasina keuwoimi ibibíbina Yaubada matana goi.
PHI 4:18 E imi yabobonayana Epapirodito ime madabokina bogina ababane, tauna yau yaigu goi ilausiwosiwo, bogina yoiyagu. Imi yabobonayana moe vininabeso aiigabuna nakae. E mainina dedevina, tuwo Yaubada inove nuwona ikabi, e iuyaone.
PHI 4:19 E guna Yaubada mana esaesa gagaina toina. Tauna kaga neta kokiseyeseye, madabokina komi imi spwagógana Guyau Yeisu taiyao pasina bei ivinibesoimi.
PHI 4:20 E Tamada ida Yaubada aba taimámina ame tuta nakae tuta simamaima. E nakae!
PHI 4:21 Kidi Yaubada ina kimasabayao spwagoogonidi Guyau Yeisu taiyao moeko goi, e guna yabobona tamo tamo yaidi. Sedao ameko goi yau taiyao nakae idi yabobona komi yaimi.
PHI 4:22 Nakae tauyadi Yaubada ina kimasabayao liliudi ameko Roma goi idi yabobona yaimi go, moitamo toina tonumisa Sisa ina vada goi sipaaisewa nakae idi yabobona komi yaimi.
PHI 4:23 Ida Tomoya Yeisu Guyau bei balomaimi ikanuwoiyedi. E nakae! Yau Paulo be nakae Timoti
COL 1:1 Komi Yaubada ina kimasabayao Kolose goi, Yau Paulo Guyau Yeisu ina vamoléyana tayamo Yaubada ina nuwonúwana goi be nakae siyada Timoti taiyao leta ame kaetune iwo komi aba numisa be spwagoogonimi Guyau taiyao yaimi. Yaubada Tamada ina kanuwóiya be ina tuboina bei ivinimi.
COL 1:3 Tuta liliuna Yaubada, Tauyana ida Tomoya Guyau Yeisu Tamana, yaina kakaauyagu tutayana komi manumi kakaawanoi.
COL 1:4 Kakaauyagu nakae boi tutayana vala kagiminove imi numisa imi spwagógana ida Tomoya Guyau Yeisu taiyao goi manuna be nakae imi matakoi kidi Yaubada ina kimasabayao liliudi yaidi manuna go, ima ame tuta.
COL 1:5 Imi numisayana be imi matakoiyana unadi moe imi lotuta go, imi lotutayana bego ami vaiwówana yábana goi Yaubada imataakavate nava bei ivinimi. Moe boi livala mooitamoina goi bogina konove; livalayana moe Vala Dedevina.
COL 1:6 Valayana bogina iwo yaimi, nakae boi ina tomota liliuudi nakae poyapoya ana madabokiina goi yaidi. Amoko goi ikéuwo be nakae inúnuwo, nakae komi yaimi nakae boi tutayana kogiminove be Yaubada ina kanuwóiya kolotowodoko moe moitamo.
COL 1:7 Moe nakae Epapira boi bogina ivatulukoimi. Tauyana ama tosavaiyuwo be nakae ida kalo, nakae Guyau ina tovaita aba numisa komi manumi.
COL 1:8 Boi tauyana ilatuwokoima imi matakoi manuna. Imi matakoiyana unana moe Baloma Kimaasabaina.
COL 1:9 Moe pasina kai nakae tutayana valemi kagiminove go, ima ame tuta ima kawanoi manumi geya kasayateta. Ima kawanoiyana bego Yaubada ina nuwonúwana ana yagoina goi ivakayaodeimi ame nakae: Baloma Kimaasabaina nanamsa liliuna ivinimi, e bei koyagoidoko.
COL 1:10 Latuwoma ivakayaodeimi bego koketoiya dókana nakae kita ida Tomoya ina bodao itoboineda, e bei yawoimi madabokina goi Yaubada kovauuyaone. Koketoiya dōkana ame nakae: Imi guinuwa dedevidi madabokina goi kookēuwo, imi nanamsa Tauyana manuna ibíbina,
COL 1:11 ina togaga madabokina goi ikitogagemi nakae ana káeyana tomoeeyalina ana togaga ana kakainaki. Moe nakae bego itoboinemi tuta liliuna imi egamogamogu manukaina, kotaoyaakavata nakae ina togaga ana kakainaki be mami uyáwana
COL 1:12 kokaauyagu Tamada yaina. Tauyana itagoneda bei itoboineda ina kaiguyau boi ikaatotule ina kimasabayao liliudi bei ivinidi, e mavada ana dadava goi tababane.
COL 1:13 Kita mamaníwana ina kaba lovina goi iyaveda namliyeta ikaidamaneda Natuna, moe ina kakaya, ina kalibúbuna sinaena goi.
COL 1:14 Kita ida spwagógana Natunayana taiyao pasina ada tateta bogina tababane, moe ida goyo adi nuwotao.
COL 1:15 Natunayana moe Yaubada geya tagiteyeta
COL 1:16 Tauyana goi Yaubada kaga liliuna imadagidi;
COL 1:17 Tauyana namliyeta kaga liliuna sisowóduwo,
COL 1:18 Tauyana wowona
COL 1:19 Moe unana Yaubada mana uyáwana iilovina
COL 1:20 be nakae Natunayana ina guinuwa goi
COL 1:21 Komi boi mainao imi guinuwa goyogoyoidi pasidi Yaubada yaina kotavilei be nuwomi goi Tauyana kovakaleye.
COL 1:22 Go ame tuta Guyau wowona ina kámasa goi Yaubada ikabivekovekomneimi, e bei ivagitakoimi toinina matana goi kimaasabaimi Tauyana umana, maavadaimi be nakae geya ami pikwanamo.
COL 1:23 Moe nakae moitamo neta numisa goi kokaiyaka dókana. Numisayana ida dako nakae, yatana bogina tatáoya ikasa. Ago numisayana goi geya tamoyamoya geya, go sem ada yava Vala Dedevina pasina talootutae. Vala Dedevinayana boi bogina konove, bogina inúnuwo Yaubada ina madaginayao liliudi yaidi goi. Valayana manuna yau Paulo bogina amalatovaita.
COL 1:24 Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga Guyau boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.
COL 1:25 Totugugunayami manumi yau bogina amalatovaita, nakae Yaubada bogina ikawoigu komi ami dedevina manuna bego ina Vala madabokina tomota liliudi yaidi goi atalavaite.
COL 1:26 Valayana moe Yaubada ina nuwogau boi nimatu vamoounina tubumao yaidi goi go, ame tuta bogina ikaiwoduwe kita ina kimasabayao yaida.
COL 1:27 Yaubada latuwona bego ina nuwogau ivatulukoida bei tayagoi ame nuwogauyana dedevina toina esaesa nakae go, Totuyoyowo nuumisaimi yaimi tagite. Nuwogauyana moe Guyau yaimi nakae ikaaiyaka. Tauna koolotuta bego Yaubada ana káeyana tomoeeyalina goi bei kokaaiyaka.
COL 1:28 Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.
COL 1:29 Moe manuna nakae apoisógana ame nakae: Tauyana ina togaga sinaegu goi ipaisewa makimaki, e moe togagayana goi aakokóila.
COL 2:1 Moitamo. Aakokóila boda liliudi manudi go, latuwogu koyagoi guna kokoilayana komi manumi be da Laodiseya manudi be avatauwa tuwaina nakae maisigu geya sigiteyeta manudi moe kokóila gagaina.
COL 2:2 Latuwogu bego kidi be nakae komi atemi sipatu ame nakae: Imi matakoi goi taiyao kospwagōgana. Imi spwagoganayana bego Yaubada ina nuwogau madabokina bei koyagoikowosi go, moe yagoinayana bei sowomi. Ina nuwogauyana moe Guyau manuna.
COL 2:3 Tauyana goi nanamsa madabokiina Yaubada manuna tayagoidoko; nanamsayana esaesa vamoounina nakae go, Guyau goi Yaubada ikaiwoduwe.
COL 2:4 Moe alatuuwokoimi bego geya vatau tayaamo itoboine bei ina bóbwara dibidibidi goi ikatuubaumi.
COL 2:5 Moitamo, guna bobwarayadi itoboinedi. Nakona yau moitamo geya maisigumo yaimi go, Baloma Kimaasabaina goi yau akaaiyaka yaimi aauyáwana unana ayagoi komi taiyao kospwagógana be nakae imi numisa Guyau yaina goi ikasa.
COL 2:6 Tauna vatulúkwana ida Tomoya Guyau Yeisu manuna bogina kokabi, tauna imi spwagógana Tauyana taiyao pasina tuta liliuna kooketōiya nakae vatulukwanayana ilatuuwokoimi.
COL 2:7 Imi ketoiyayana ame nakae: Boi komi alova lamna nakae Guyau goi kolabasousou, e kokasa go, nava nakae koguuinūwe. Tauyana imi dako nakae, e yatana yawoimi vada nakae koyowoyōwo kovadōkana. Imi numisa goi kovadōkana nakae Epapira bogina ivatulukoimi. Ago imi kauyagu Yaubada yaina ilausiwosīwo.
COL 2:8 Ami dodōkana, govila bei tomota idi nanamsa polapola geya basabasaidimo goi nukotomi sikobaledi. Amo nanamsayadi tomota goi sima be nakae yábana osasaina ana tolovinao goi sima go, moe geya Guyau ina nuwonúwana geya.
COL 2:9 Guna nuwonúwana ame nakae: Guyau wowona goi Yaubada napasina madabokiina ikaaiyaka go,
COL 2:10 Yaubada bogina ivakayaodeida ida spwagógana Guyauyana taiyao pasina, tauna bogina yoiyada unana Tauyana tolovina liliudi yaidi goi toosakina.
COL 2:11 Komi nakae imi spwagógana Tauyana taiyao pasina ana kaigigita sakava ana kúpwana bogina kobabane bego komi Yaubada ina bodao. Go geya kada tomota nimadi goi sikupo geya, go sem kina Guyau ina kámasa goi sakava sinapudi yaimi kwama bogo nakae ivalilividi ikalavedi.
COL 2:12 Moe nakae isowóduwo tutayana ada sayóyova goi kita tokámasa nakae Guyau taiyao sivaliwogeda. Yaubada ina guinuwa tanumise unana Tauyana itoboine tokámasa ikaitaoedi, tauna kita Guyauyana goi nakae taiyao Yaubada ikaitaoeda.
COL 2:13 Komi go boi mainao kaamasimi nakae imi kapipilova pasina be nakae sakavaimi geya ana kupwanamo pasina go, Yaubada yawoida vau Guyau taiyao bogina ivinida, e ida kapipilovayadi madabokina inuwotaoidi.
COL 2:14 Moe nakae ida rowaga bukina lovina ana kapipilova pasina, e itauwedi; rowaga bukinayana ivayokoida kita toogoyoida go, moe bogina ikabi kerose goi itupatuko tutayana Guyau situpatuko.
COL 2:15 Moeko goi sinitu be dimoni adi tovakumgoyao idi togaga Yaubada Guyau ina guinuwa pasina ivasobusobuyedi namliyeta idi neneta ikaiwoduwe, e wowodi simayamaya.
COL 2:16 E taabu tomota sitaakinōimi komi toogoyoimi bego idi lovina áika manuna be nim manuna, o tala tamo tamo adi káika gagaidi o tukowana vau adi káika o Sabati adi káika manudi geya kokabikaonedita. Manudi geya konuwonuwoneta geya.
COL 2:17 Amo dogoiyadi moe nakae kaga boi Yaubada ikatotule bei ima makayauna kaka go, makayauyana moe Tauyana iimekoida makayauna. Go Makayauyana mooitamoina moe kina Guyau!
COL 2:18 Taabu tomota sitaakinōimi bego komi ami vaiwowana geya kobabaneyeta unana geya kosakululuta kidi nakae. Tauyadi madi nuwotokai polapola anerose yaidi sisaakululu. Kaga neta idi kalayáusa goi siigitedi sivateteliivataedi go, idi kalayausayadi manudi toinidi sikilaagasidi. Ago idi gagasayana geya basabasainamo unana gagasayana toinidi nuwodi neenetaidi goi ima.
COL 2:19 Dabada moe Guyau go, tauyadi geya siyoisikavateyeta. Tauyana pasina kita wowona madabokina Yaubada ina guinuwa goi ibíbina. Ago kita talainao ivapateda be nakae ilamgogoida ida kaba sávina tamo tamo adi vaita goi taeboda tayamo.
COL 2:20 Guyau taiyao bogina takámasa, e yábana osasaina ana tolovinao yaidi goi bogina italigeida ae? Tauna komi kaga unana imi guinuwa ana kaigigita nakae nava idi lovina goi kokaaiyaka, e idi lovina kokabikaaonedi?
COL 2:21 Lovinayadi ame nakae: Kónana maniyedi taabu kooyoisīdi o taabu kobisiikonēdi. O awoinu maniyedi taabu kokaniikonēdi.
COL 2:22 Amo dogoiyadi taepaisewedi, e niga sitagau. Tauna lovinayadi manudi taabu konuuwonūwana. Moe tomota idi lovina be idi vatulúkwana.
COL 2:23 Amo lovinayadi be vatulukwanayadi adi kaigigita nanamsa toina unana adi tosabokuliyao idi sakululu toinidi siwodugu, toinidi sivatabuyedi, wowodi siliiunedi go, geya. Moe sinapuyadi geya basabasaidimo idi vikaiya ana togaga ana sapimata manuna geya.
COL 3:1 E ámasa goi Yaubada bogina ikaitaoeda Guyau taiyao ae? O tadigo kada, ‘Bogina iyolimeda.’ Moitamo. Tauna yábana sinapuna mami salau kosokiikinēdi unana maeko goi Guyauyana ikaaiyaka, wowoina basekoina Yaubada kakataina goi iitusobu.
COL 3:2 Taabu poyapoya sinapuna nuwomi goi koyoisikaavatēdi, go sem sinapuyadi diligaema nuwomi goi koyoisikaavatēdi.
COL 3:3 Kita bogina takámasa nakae, e yawoida bogo bogina ikavava. Tauna yawoida mooitamoina moe vamoounina Guyau taiyao Yaubada goi.
COL 3:4 Yawoidayadi moe Guyau. Tutayana isowóduwo, e kita nakae Tauyana taiyao tasowóduwo ana káeyana tomoeeyalina goi bei takaaiyaka.
COL 3:5 E tuwo poyapoya sinapuna liliudi talaimiyao siepaaisewedi, e kokauumatēdi. Sinapuyadi moe masisi goyogoyoina, kaga goyogoyoina, vikaiya aba omayamaya, yalagau goyogoyoidi be matakónana. Matakonanayana moe nakae kónana bego tomota idi kaba sakululu.
COL 3:6 Sinapuyadi pasidi Yaubada ina egamogamogu bei ina tauyadi kapipiilovaidi yaidi goi.
COL 3:7 Komi nakae, boi sinapuyadi yaidi goi kooketoiya tutayana kidi kapipilovaidiyadi yaidi goi kokaaiyaka.
COL 3:8 Ego tuta ame goi komi nakae ame sinapuyadi madabokidi kwama bogo nakae kovalilivīdi kokalavēdi: Egamogamogu, alakúyuma, nuwonúwana yogedageda manuna, tagíwaya be nakae bóbwara goyogoyoidi.
COL 3:9 Taabu sedao yaidi goi tapolapōla unana yawoida bogo madi guuinuwa goyogoyoidi kwama bogo nakae bogina tavalilividi takalavedi
COL 3:10 go, yawoida vau kwama vau nakae bogina talosidi. Yawoidayadi adi tomadágina iyoolimedi, e kita Tauyana ana tapata nakae, e bei Tauyana tayagoidoko.
COL 3:11 Yawoida vauyadi goi geya tayaamo tavilei ikaaiyaka geya. Nakae Giriki o Diyuu, sakava ana kúpwana o sakava geya ana kupwanamo, woiwoitulu o da Sikidiya woiwoi, paakonidi o taliigavidi. Go sem Guyau kaga liliuna itobukukuyuidi be nakae liliuda yaida goi ikaaiyaka.
COL 3:12 E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.
COL 3:13 Tomota yaidi geya kokawowoteyeta go, neta tomota goyo siguinuwedi yaimi, idi goyoyadi konuwotaōidi. Ida Tomoya ida goyo bogina inuwotaoidi. Kita nakae, tomota idi goyo tanuwotaōidi.
COL 3:14 E moe sinapuyadi kolosidi ikavava, namliyeta baige matakoi kolōsi. Matakoiyana goi taspwagogana dókana.
COL 3:15 Ago tuboina boi Guyau iivinida tatagōne ateda goi ikaabikúnuwo bei taiyao taatuboina. Tuboinayana manuna Yaubada iduduweda bei taeboda tayamo, e kita Guyau wowona. Ago tuta liliuna takaauyāgu Yaubada yaina.
COL 3:16 Guyau valena sowomi, e kotagōne yaimi goi ikaaiyaka ikabikunuimi be mami nanamsa liliuna Same, vesi tapwaroro, Baloma Kimaasabaina ina vesi goi valayana kovatulūkwana be kokatusināpu komi tamo tamo yaimi goi be nakae mami kaauyagu atemi goi kovesivēsi Yaubada yaina.
COL 3:17 Ago kaga liliuna koguuinuwedi, nakona kobobóbwara o nakona kopaaisewa, madabokiina komi Tomoya Yeisu ana katumapuyao nakae koguuinuwēdi imi kauyagu nuwesina Yaubada Tamada yaina go, imi kauyaguyadi Yeisu bei italavaitedi Yaubada yaina.
COL 3:18 Komi vevina, monemiyao yaidi kokatetaagonēmi nakae komi ida Tomoya ina tomotao itoboinemi.
COL 3:19 Komi koroto, monemiyao komatakooiyēdi go, taabu kokubuukasēdi.
COL 3:20 Komi gogómana, kaga liliuna goi tamamiyao be sinamiyao kokabikaaonēdi. Yaubada iuyáwana tutayana komi spwagoogonimi ida Tomoya taiyao nakae koguuinuwe.
COL 3:21 Komi koroto, taabu natumiyao koyokaikaaiyēdi, govila bei nuwodi sitopa.
COL 3:22 Komi paakonimi, kaga liliuna manudi imi tomoyamoya poyapoya goi kokabikaaonēdi. Geya kada matadi kaka goi kokabikaaonēdi geya. Moe nakae tauyadi yapali ana tolusalayao. Go sem mami kasala mooitamoina atemi goi kokaabikāwana go, mami matoita wowooinina ida Tomoya yaina goi.
COL 3:23 Kaga neta koguuinuwe, maa katemi kopaaisēwa go, ami kaigigita geya kada tomota manudi kopaaisewa geya, go sem ida Tomoya manuna kopaaisewa.
COL 3:24 Neta konuwaisi bego kaga ida Tomoya boi bogina ikaatotule komi ina bodao yaimi goi, moe ami vaiwówana bei kobabane. Komi ida Tomoya ina pakonayao, e manuna kopaaisēwa unana Tauyana moe Guyau.
COL 3:25 Moitamo. Avatau neta goyo ana toguinuwa, nakonakae ina goyo, e ana katumapu bei ibabane go, Yaubada Tokivavasa, e ina lovina vavasa tomota liliuda yaida.
COL 4:1 Komi tomoyamoya, mami takínona mooitamoina be kivaavasaina imi pakonayao komatakaavatēdi Yaubada matana goi. Konuwāisi bego komi nakae mami Tomoya yábana goi.
COL 4:2 Kokaasalēmi awanoi goi go, imi kawanoiyana goi mami kauyagu nukotomi goi koyauyāusa.
COL 4:3 Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema Guyau valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka.
COL 4:4 Nakae kokaawanōi manugu bego itoboinegu valayana alumavivisidoko guna kawoi ana toboine nakae.
COL 4:5 Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.
COL 4:6 Imi livala tuta liliuna madi kaanuwōiya, awoinu mana soroti nakae, e bei koyagoi nakonakae itoboinemi tomota tamo tamo idi livala kokatumapudi.
COL 4:7 Tukiko bei aetune iwo bei yau valegu madabokina ilatuwokoimi. Tauyana konōve unana tauyana siyada nakae ida kalo, tayamo tovaita aba numisa nakae ida tosavaiyuwo Tomoyayana umana.
COL 4:8 Tauyana aetune iwo ame manuna: Bego kaga kaga siisowóduwo yaima koyagoidi be nakae itoboine atemi ikipaiwoledi.
COL 4:9 Onesimo taiyao siwowoiwo unana tauyana siyada, nakae ida kalo aba numisa be nakae komi imi boda tayamo. Kaga liliuna siisowóduwo ameko goi adi taiyuwokova bei silatuwokoimi.
COL 4:10 Aristako, tauyana deri ana tokaiyako yau taiyao, ina yabobona yaimi. Banabasi nubaina Maki nakae ina yabobona yaimi. Makiyana manuna ami lovina bogina avinimi. Neta iwo, kouyaōne.
COL 4:11 Yeisu, tauyana youyuwoina Yusto, nakae ina yabobona yaimi. Kidi sakavaidi kuuponidi yaidi goi ame adi taito aditava guna tosavaiyuwoyao Yaubada ina kalibúbuna manuna sivaitegu.
COL 4:12 Epapira, tauyana imi boda tayamo, ina yabobona yaimi. Tauyana Guyau Yeisu ina pákwana tayamo. Tuta liliuna ina kawanoi goi iikokóila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.
COL 4:13 Moe moitamo. Tauyana akamoitamoe yaimi bego iikokóila gagaina manumi be nakae tonumisa Laodiseya be Iyerapoli goi manudi.
COL 4:14 Ida kalo doketa Luke be Demasi idi yabobona yaimi.
COL 4:15 Kai ima yabobona sedao Laodiseya goi yaidi, niuda Nimpa yaina be nakae Yeisu ana totugugunayao tauyana ina vada goi siitugúguna yaidi.
COL 4:16 Tutayana leta ame bogina sikatuyaivi konove, namliyeta koetūne ina Yeisu ana totugugunayao Laodiseya goi nakae kidi sikatuyaivi sinove. Ago kidi adi leta nakae sietune iwo bei komi kokabi kokatuyaivi.
COL 4:17 Ago Arikipo kolatuwōko kami, ‘Paisewa Tomoya bogina iivinim kunuwāisi kulukavave.’
COL 4:18 Guna yabobona ame toinigu nimagu goi agini. Guna kaiyaka deri goi konuwokavāte. Ida Tomoya Yeisu Guyau bei ikanuwoiyemi! Yau Paulo be Timoti
1TH 1:1 Komi Yeisu ana totugugunayao Tesalonáika goi, Komi tauyami Tamada Yaubada be ida Tomoya Yeisu Guyau taiyao bogina kospwagógana, e ame ami leta yau Paulo, Silovano, be Timoti kagini kaetune iwo yaimi. Yaubada ina kanuwóiya be ina tuboina bei ivinimi.
1TH 1:2 Tuta liliuna Yaubada yaina kakaauyagu komi madabokimi manumi. Ima kawanoi Yaubada yaina goi kanuwaaisimi. Tuta liliuna
1TH 1:3 komi imi paisewa imi numisa pasina be imi poisógana imi matakoi pasina be imi mesayágana imi lotuta ida Tomoya Yeisu Guyau yaina pasina ida Yaubada Tamada matana goi kanuwokaavatedi.
1TH 1:4 Komi semao Yaubada imatakooiyemi, ima kauyaguyana unana kaayagoi bogina ikinavemi komi ina bodao.
1TH 1:5 Ami kinavayana kaayagoi unana tutayana Vala Dedevina katalavaite yaimi, ima talavaitayana geya livala kaka goi geya, go sem ima livalayana mana togaga. Nakae livalayana Baloma Kimaasabaina ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.
1TH 1:6 Aiyuwoina komi ami kinavayana kaayagoi unana kai be ida Tomoya kovatotowonema ame nakae: Mou gagaidi kobaabanedi imi numisa pasina go, tuwo Valayana mami uyáwana kouuyaone. Uyawanayana Baloma Kimaasabaina ivinimi.
1TH 1:7 Tauna komi aba gita tonumisa liliudi yaidi, moeko Mesadoniya goi be nakae ameko Akeya goi.
1TH 1:8 Moitamo, komi aba gita tayamo. Komi goi ida Tomoya valena isagayako geya kada Mesadoniya be Akeya kaka goi geya, go sem imi numisayana Yaubada yaina valena bogina isagayako asa liliudi goi! Tauna geya itoboineyeta imi numisa manuna katalavaita.
1TH 1:9 Bogina koyagoi. Ava kasa goi kana, e toni kasa toinidi sitalavaitema manakaema boi mama nuwotokai kasowóduwo yaimi be nakae sitalavaitemi komi manakaemi basaleliu bogina kotugaviledi go, Yaubada maa yawoina be mooitamoina konoko bego komi Tauyana ina pakonayao, e kokasalemi Tauyana yaina.
1TH 1:10 Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.
1TH 2:1 Moe guna livalayadi moitamo, semao. Komi nakae konuwaisi boi ima sowóduwo yaimi goi moe geya kada mama yalagau goyogoyoidi geya,
1TH 2:2 go sem boi Pilipai goi tomota siyogedeegedema be nakae sigieomaeemaema nakae bogina kooyagoi go, tuwo ida Yaubada goi ima katepatu kaababane, e ama mouyadi goi ina Vala Dedevina katalavaite yaimi.
1TH 2:3 Ame moitamo. Boi ima katuliwola goi geya kada kavasulaigimi o mama nuwogau goyogoyoidi o kaapolemi geya,
1TH 2:4 go sem Yaubada bogina idovatusima inumisema bego Vala Dedevinayana katalavaite, e tuwo nakae katalavaite. Ago ima talavaitayana goi geya kada tomota kavauyaonedi geya, go sem latuwoma bego Yaubada, Tauyana nuwoma idovaatusidi, kavauyaone.
1TH 2:5 Ame moitamo. Bogina koyagoi bego boi tutayana kai kao yaimi goi geya kakatunuweenuwemi geya. Ima talavaitayana geya kada vakibala ima matakónana ana vamóuna manuna geya. Iyagoigu!
1TH 2:6 Kai Guyau ina vamoleyanayao itoboinema kalovinaemi go, tuwo ima talavaitayana goi geya latuwoma bego komi o ituli ta tomotava kotaimaminema. Nakae geya kaguinuweyeta, go sem kai oma inuwa; nakae vavina neta toinina natunao meyameyaidi imatakaavatedi,
1TH 2:8 e kai nakae mama lokáyasa be mama uyáwana Yaubada ina Vala Dedevinayana yaimi goi kataalavaite. Ego talavaita kaka geya, go sem tutayana kai yaimi goi, kakasalema unana komi atema.
1TH 2:9 Ame moitamo, segowo. Neta konuuwaisi ima poisógana be ima valitulítuwo yaimi goi. Sabamgo be maliyalina toinima nimama goi kapaaisewa bego ami yogala geya kayatoeta go, Yaubada ina Vala Dedevinayana katalavaite yaimi goi.
1TH 2:10 Komi be nakae Yaubada bogina koyagoima manakaema kakaaiyaka boi komi nuumisaimi yaimi. Kai ima sinapu moe maavadaina, kiboobosina be nakae geya ana pikwanamo.
1TH 2:11 Komi bogina kooyagoi kai ima sinapu komi tamo tamo yaimi nakae koroto tamo toinina natunao yaidi.
1TH 2:12 Ame nakae: Kakipaiiwolemi, atemi kavapatuupatudi be nakae kakaugeogéona bego kooketoiya nakae Yaubada ina bodao itoboinedi. Ame Yaubadayana iduuduwemi ina kalibúbuna goi be nakae ana káeyana tomoeeyalina goi kosiu.
1TH 2:13 Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.
1TH 2:14 Ame moitamo, segowo. Komi gedageda kobaabanedi nakae boi kidi Yaubada ana totugugunayao, moe Guyau Yeisu ina bodao, Yudiya sinaena goi bogina sibabanedi. Tauyadi toinidi sediyao Diyuu nimadi goi gedageda sibabanedi, e komi nakae toinimi semiyao Totuyoyowo siyogedegedemi.
1TH 2:15 Diyuuyadi boi ida Tomoya Yeisu be nakae Yaubada ina tokabivalavalayao sikauumatedi. Aiyuwoina siyogedegedema. Ikavava, sivatapiyema kasiya. Yaubada geya iuyaonedita unana tomota liliudi sivakaleyedi ame nakae:
1TH 2:16 Bego Totuyoyowo yaidi Vala Dedevina katalavaite, e bei itoboinedi adi yava sibabane go, Diyuuyadi sisanabodema. Tauna idi goyo tuta liliuna sivaaituwedi, e giyakainava ikayaoda. E Yaubada ina upa boi iyatoyato bogina bei ima, e ina egamogamogu sivalobodedoko.
1TH 2:17 E kai go boi tuta kaakupina goi maisima tomota sivamoukoimi, semao. Moe wowoma yaimi goi geya sikaiyaketa go, nuwoma yaimi goi sikaaiyaka. Ego atema iyoidi kapoisógana gagaina toina bei maisimi kagitedi
1TH 2:18 unana latuwoma bego kakaluvilamna kao yaimi. Yau Paulo sivavina nakae toinigu apoikíkina bego awokoimi! Latuwoma kao go, Kaleya isanabodema, tuwo geya kawoita. Go moitamo latuwoma bego kagitemi.
1TH 2:19 Tutayana ida Tomoya Yeisu bei ima matana goi tatáoya, imi numisa pasina komi ima kaba lotuta, nakae komi ima kaba uyáwana, e komi pasimi aedidima kasamolai!
1TH 2:20 Moitamo. Komi ima kaba taimámina be ima kaba uyáwana!
1TH 3:1 Tauna tutayana valemi geya kanoveta, nakona komi dedevimi gea geya, e geya itoboinemeta katogaga. Tuwo kalovina kai ametava Ateni goi kakaaiyaka
1TH 3:2 go, Timoti kavamoleye iwo unana tauyana siyada nakae ama tosavaiyuwo Yaubada ina paisewa Guyau Valena Dedevina manuna. Tauna kavamoleye iwo bego ikitogagemi be imi numisa goi atemi ivapatupatudi,
1TH 3:3 e bei geya vatau tayaamo yaimi goi mana kateyova mouyadi pasidi, e ina numisa ikalave geya. Moitamo. Komi bogina kooyagoi moe Yaubada ina nuwonúwana bego mou tavaloobodedi.
1TH 3:4 Kai nakae. Boi tutayana yaimi goi kakaaiyaka, kagimikatumatalimi bego giyakainava mou ida numisa pasina bei tavalobodedi, e nakae bogina siisowóduwo, nakae bogina kooyagoi.
1TH 3:5 Ami mouyadi pasidi yau magu nuwokubukubu geya itoboineguta tuwaina atogaga, tuwo Timoti avamoleye iwo. Latuwogu bego imi numisa ayagoi nakonakae, govila bei Tovakakona bogina iwo ivakakonemi maniyemi kokapusi be nakona ima poisógana yaimi goi geya basabasainamo.
1TH 3:6 E ame tuta Timotiyana yaimi goi bogina ima, imi numisa be imi matakoi valedi dedevidi italavaitedi yaima. Ilatuwokoima bego komi mami uyáwana konuwokaavatema be nakae tuta liliuna kokatukuuwonema nakae kai kakatukuuwonemi.
1TH 3:7 Ame tuta semao, mou be gedageda badabadaidi tomota goi kalootowoidi go, tutayana Timotiyana ina talavaita kanove, e komi imi numisa pasina bogina atema kovapatupatudi.
1TH 3:8 Komi imi spwagógana ida Tomoya taiyao pasina kotaoyaakavata, tauna ame tuta yawoima koolisidi mama uyáwana.
1TH 3:9 Ame moitamo. Manakaema itoboinema bei ima kauyagu Yaubada yaina komi manumi kasayata? Geya itoboinemeta! Komi pasimi Yaubada matana goi kai kaauyáwana gagaina
1TH 3:10 tutayana sabamgo be maliyalina kakawanoi maakimaki Yaubada yaina bego kagitemneimi be nakae kaga neta imi numisa manuna nava geya koyagoiyeta, e kavatulukoimi.
1TH 3:11 E latuwoma bego ida Yaubada Tamada be ida Tomoya Yeisu ima kenao sikiunai bei kao yaimi.
1TH 3:12 E komi manumi sem latuwoma bego ida Tomoyayana imi matakoi ivaituwe be ilausiwosiwo semiyao be tomota liliudi yaidi goi nakae kai bogina kamatakooiyemi.
1TH 3:13 Moe bego nuwomi nakae atemi ikitogagedi, bei geya ami pikwanamo unana komi kimaasabaimi ida Yaubada Tamada matana goi, tutayana ida Tomoya Yeisu mana kimasabayao sima. [E nakae!]
1TH 4:1 E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima spwagógana ida Tomoya Yeisu taiyao pasina kakatuliwolemi tuwaina nakae koguinuwevilevīle.
1TH 4:2 Vatulukwanayadi boi ida Tomoya Yeisu ina lovina goi kaavinimi bogina koyaagoidi.
1TH 4:3 Nakae ame boi kavatulukoimi: Yaubada ina nuwonúwana bego komi kimaasabaimi Tauyana umana, masisi goyogoyoina kovaakilīsi,
1TH 4:4 be nakae komi tamo tamo kooyagōi manakaemi toinimi sakavaimi kokabikunuidi ame nakae: Sakavaimiyadi kokimaasabēdi Yaubada umana be nakae kopoikīki idi guinuwa moe aba wowoina.
1TH 4:5 Go moe geya kada mami vikaiya masisi goyogoyoina koyalagau nakae kidi Totuyoyowo idi sinapu geya. Tauyadi Yaubada sitamogemogeye.
1TH 4:6 Masisi goyogoyoina manuna taabu semiyao kobaagalīdi, e monediyao kotubanibanidi. Boi bogina kagimilatuwokoimi be kakatumatalimi neta moe dogoiyadi koguuinuwedi, e goyoyadi liliudi adi tokatumapu, moe Yauwe, bei ami liuna ivinimi.
1TH 4:7 Geya kada sinapu goyogoyoina ana guinuwa manuna Yaubada iduduweda geya, go sem iduduweda bego kita kimaasabaida toinina umana.
1TH 4:8 Moe pasina tauna, avatauwa neta ame vatulukwanayana siikatae, moe geya kada tomota kaka sikaataedi geya, go sem Yaubada, Tauyana Balomaina Kimaasabaina ikaiguyauye yaida, nakae siikatae.
1TH 4:9 E imi matakoi sedao nuumisaidi yaidi manuna Yaubada bogina ivatulukoimi komatakoiyedi, e nakae bogina koguuinuwe sedao liliudi yaidi Mesadoniya parovinsi ana madabokina goi. Tauna geya tayaamo kaga matakoiyana manuna itoboinegu agini geya. Ego kakawanoi makimaki yaimi, segowo, tuwaina koguuinūwe
1TH 4:11 nakae ami lovina boi bogina kavinimi. Ame nakae: Mami salau kopooikīkina bei mami tuboina semiyao taiyao kokaaiyaka. Taabu kokiboodabōda. Toinimi nimami goi kopaaisēwa.
1TH 4:12 Neta yawoimi moe nakae, e tauyadi geya sinumiseta imi sinapu sigite, bei siwowoinemi be nakae geya tayaamo kaga kokiseyeseye geya.
1TH 4:13 E segowo, geya latuwoma bego kotamogemoge tauyadi tokámasa manudi, govila bei imi tokamasayadi manudi komi woi nava kokaategeda tomota geya idi numisamo nakae. Tomotayadi geya idi lotutamo bego niga ámasa goi bei sitaoyamna.
1TH 4:14 Neta tanumisa bego Yeisu ikámasa namliyeta ámasa goi itaoyamna, e nakae itoboine tanumisa bego Yeisu ina tonumisayao kaamasidi Yaubada bei ikabidi inavedi Yeisu taiyao.
1TH 4:15 Boi ida Tomoya ina livala kalatuwokoimi bego kita maa yawoida nava takaaiyaka ana kadókana ida Tomoya bei ima go, geya tavakumgoita tana Tauyana tavalobode geya; kidi tokámasa sivakumgo.
1TH 4:16 Ida Tomoyayana toinina yábana goi bei isou ima mana lovina ipodede tokámasa yaidi. Amo tutayana anerose adi tokalikumatana bei ipodeda be nakae Yaubada ina síula iuwe namliyeta kidi tokamasayadi spwagoogonidi Guyau taiyao bei sigimitáoya.
1TH 4:17 Sitaoyamna ikavava, e kita nava maa yawoida takaaiyaka Yaubada ma matabuwona ibisilagasida tokamasayadi taiyao, e gaota goi taiyao tatuko bei ida Tomoyayana yábana osasaina goi tavalobode. Tuwo tuta liliuna Tauyana taiyao bei takaiyako vata.
1TH 4:18 Tauna moe livalayadi goi semiyao atedi kovapatuupatūdi.
1TH 5:1 E Guyau ina tuta aluvila manuna, segowo, geya itoboineyeta bego tuwaina agini.
1TH 5:2 Moitamo. Komi bogina koyagoidoko bego Tomoya ina Maliyalina bei ima tovaináwana nakae neta sabamgo goi ivatoopa.
1TH 5:3 Tutayana tomota geya idi numisamo sidigodigo kadi, ‘Kai mama tuboina be dedevima’, e amo tutayana adí mtula bei ima ivatoopa kidi tovenátuna idi gedageda nakae go, geya itoboinedita sisiya, geya toina.
1TH 5:4 E komi sem, segowo, mamaníwana goi geya kokaiyaketa; komi madabokiimi mavada natunao o tadigo kada, ‘Maliyalina natunao.’ Tauna Tomoya ina Maliyalinayana geya itoboineyeta ivatoopemi tovaináwana nakae. Kita geya kada sabamgo natunao o tadigo kada, ‘Kokonótuya natunao’, geya.
1TH 5:6 E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.
1TH 5:7 Kidi tomasisi moe sabamgo goi siimasisi. Kidi bwae toogagaina siniim yaluwo moe sabamgo goi sinimnim.
1TH 5:8 E kita sem maliyalina natunao go, numisa be matakoi kasikasida ana taboda nakae talosīdi be nakae ada yava ana lotuta dabada ana taboda nakae talōsi namliyeta baige toinida takabikuunuīda.
1TH 5:9 Ada yava ana lotuta talōsi unana geya kada Yaubada ina egamogamogu manuna iyatoida ana totugugunayao yaidi goi geya, go sem ada yava ida Tomoya Yeisu Guyau ina guinuwa goi manuna.
1TH 5:10 Guyauyana ikámasa, kita ada katumapu, bego tutayana ima, nakona maa yawoida o bogina takámasa, bei Tauyana taiyao takaaiyaka.
1TH 5:11 Tauna nakae boi bogina koguuinuwe, e ame tuta nakae tuwaina semiyao atedi kovapatuupatūdi be nakae tamo tamo kokitoogagēdi.
1TH 5:12 E kakawanoi yaimi, segowo, avatauwa yaimi goi neta idi spwagógana ida Tomoya taiyao pasina sipooisógana be sivakumgooiyemi be nakae sikatusiinapumi, e kowowooinēdi
1TH 5:13 be nakae idi paisewa pasina mami matakoi kokailaagasīdi gagaina. Mami tuboina taiyao kokaaiyāka.
1TH 5:14 E kakatuliwolemi, segowo, suumoyaidi kokatusiinapūdi silítuwo, tomota nukotodi itopa kovapatuupatūdi, tomota neenetaidi kovaaitēdi be nakae tomota liliudi yaidi goi koaaramāitana.
1TH 5:15 Komatakaavatēmi bego geya vatau tayaamo yaimi ituli ta tomotava idi goyo ikatumapu goyo goi, go sem tuta liliuna kopooikīkina guinuwa dedevidi koguuinuwedi tonumisa yaidi goi nakae ituli ta tomotava liliudi yaidi goi.
1TH 5:16 Tuta liliuna koouyāwana.
1TH 5:17 Imi kawanoi Yaubada yaina taabu koosayāta.
1TH 5:18 Nakona ava sinapuva siisowóduwo yaimi goi, manudi Yaubada yaina kokaauyāgu. Moe guinuwayadi Yaubada latuwona bego komi, tauyami bogina kospwagógana Guyau Yeisu taiyao, koguuinuwedi.
1TH 5:19 Baloma Kimaasabaina ina togaga yeu nakae taabu kosaawuwūi
1TH 5:20 o tadigo kada, ‘Balomayana ina livala tonumisa yaidi goi taabu kokaataēdi.’
1TH 5:21 E kaga liliuna kovakakonēdi. Kaga neta dedevina, koyoisiikavāte
1TH 5:22 go, goyo liliudi kovasiyasiiyaēdi.
1TH 5:23 E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu Guyau ikaluvilamna.
1TH 5:24 Yaubada ada Toduduwo moe aba numisa; moitamo bei iguinuwe nakae idige.
1TH 5:25 Segowo, manuma kokaawanōi.
1TH 5:26 Sedao liliudi moeko goi mami matakoi koyoowoiīdi nakae komi kimaasabaimi Yaubada umana itoboinemi.
1TH 5:27 Ida Tomoya yoina goi alovinaemi ame letayana kokatuyāivi sedao liliudi matadi goi.
1TH 5:28 Ida Tomoya Yeisu Guyau ina kanuwóiya yaimi! Yau Paulo, Silovano be Timoti
2TH 1:1 Komi Yeisu ana totugugunayao Tesalonáika goi, Komi Tamada Yaubada be ida Tomoya Yeisu Guyau taiyao bogina kospwagógana, e ame ami leta yau Paulo, Silovano be Timoti kaetune iwo yaimi.
2TH 1:2 Tamada Yaubada be ida Tomoya Yeisu Guyau idi kanuwóiya be idi tuboina bei sivinimi.
2TH 1:3 Semao, itoboinema tuta liliuna kakaauyagu Yaubada yaina goi komi manumi. Ima kauyaguyana itoboine unana imi numisa nava ibibíbina nakae imi matakoi sedao yaidi goi kovaaituwe.
2TH 1:4 Tauna Yaubada ana totugugunayao liliudi matadi goi kauyawana gagágasa manumi. Yaubada ana totugugunayaoyadi kalatuwokoidi komi gedageda be mou kobaabanedi go, nava komeesayágana be koonumisa.
2TH 1:5 Imi sinapuyadi kiyakiyaya tayamo bego Yaubada ina takínona moe kivaavasaina, tauna bei ivayokoimi kina ina kalibúbuna tomotaimi. Moe pasina ame tuta mouyadi kobaabanedi.
2TH 1:6 Moitamo. Yaubada ina takínona moe kivaavasaina, tauna itoboine tauyadi siyogedeegedemi ikatumapudi, e nakae iyogedegededi.
2TH 1:7 Ago komi be kai ida mouyadi goi ida waiwasi bei ivinida tutayana ida Tomoya Yeisu yábana goi isowóduwo. Tauyana mana aneroseyao toogagaidi
2TH 1:8 yeu sabeninimina ikalinibisidi go, sisou simamaima. E ina sowoduwoyana goi avatauwa neta Yaubada geya siyagoiyeta be nakae ida Tomoya Yeisu Valena Dedevina geya sikabikaoneyeta, bei ikatumapudi.
2TH 1:9 Tomota amo tauyadi nakae Yaubada ina liuna bei sibabane. Liunayana moe sivailai vata. Nakae ida Tomoya matana goi be ina togaga ana káeyana goi itavileiyevataedi.
2TH 1:10 Moe bei isowóduwo tutayana Tauyana bei ima bego ina kimasabayao sitaimamine o tadigo kada, ‘Ina tonumisayao liliudi sikainaope.’ Moe komi nakae taiyao unana ima talavaita konumise.
2TH 1:11 Imi yapaliyana pasina tuta liliuna komi manumi kakaawanoi ida Yaubada yaina bego tutayana idovatusimi, bei igitemi komi imi ketoiya itoboine nakae boi bogina iduduwemi ina bodao. Aiyuwoina kakawanoi bego ida Yaubada ina togaga goi ikitoogagemi bei komi imi sinapu dedevina nakae latuwomi be nakae itoboinemi imi guinuwa imi numisa pasina koguuinuwedi.
2TH 1:12 Ima kawanoiyana nakae bego yawoimi goi ida Tomoya Yeisu ina togaga ana káeyana kovagiitakoe be nakae komi nakae yoimi ikilaagasidi. Moe nakae itoboine unana ida Yaubada be ida Tomoya Yeisu Guyau idi kanuwóiya yaida goi ikaaiyaka.
2TH 2:1 E semao, ida Tomoya Yeisu Guyau ina kaluvilamna be ada lamgógana Tauyana yaina manudi ima kawanoi tayamo. Neta tomota maniyedi siwo valayovayova sivinimi kadi, ‘Tomoya ina takínona ana maliyalina bogina ima’, e kakawanoi yaimi moe valayovayovayana manuna taabu mainao nuwomi siwowōwana be nakae taabu atemi siyovayōva. Nakona silatuwokoimi bego valayana Baloma Kimaasabaina goi ima o bego kai kalatuwokoidi o bego kai leta kaetune ina tauyadi yaidi go, manuna taabu nuwomi siwowōwana be nakae taabu atemi siyovayōva.
2TH 2:3 Geya tayaamo kaga goi tomota kotaagonēdi sikatuubaumi. Mainao tomota liliudi bei sivakaleya Yaubada yaina be nakae koroto kapipiilovaina toina bei isowóduwo, tauyana inonoina ina vailai vata manuna. Ame dogoiyadi bei sisowóduwo namliyeta baige ida Tomoya ina takínona ana maliyalina bei ima.
2TH 2:4 Kaga liliuna tomota sivaayokoidi basaleliuyao o ava kaba sakululu, e tauyana bei ivakaaleyedi go, toinina ikilagasi dogoiyadi liliudi yaidi. Tauna bei isiu Yaubada ina Vada Kimaasabaina goi itusobu go, toinina italavaite bego kina anetava Yaubada toina.
2TH 2:5 Manakae? Bogina konuwoilave boi moeko goi taiyao takaaiyaka amo dogoiyadi bogina alatuwokoimi?
2TH 2:6 Tuwo ame tuta tokapipilovayana ina sowóduwo ana kaba sanaboda bogina kooyagoi. Ina sanabodayana bego ina tuta Yaubada bogina iupeupe goi bei isowóduwo.
2TH 2:7 Ame moitamo. Kina tokapipilovayana ina togaga poyapoya ame goi bogina iepaiseewegau go, tosanabodayana nava ikaaiyaka, tauyana kapipiilovaina isaanabode ana kadókana Yaubada ima tosanabodayana ikabi.
2TH 2:8 Ikabi ikavava, e tuta amo goi kapipilovainayana bei ikaiwoduwe go, ida Tomoya Yeisu bei ibobwaramo, e kapipilovainayana ikaumate. Moeko goi ida Tomoya ina sowóduwo pasina kapipilovainayana ina togaga bei ikavava toina.
2TH 2:9 Go tutayana kapipilovainayana bei isowóduwo ima, e Kaleya ina togaga goi aba kinana polapola kainaaopaidi iguinuwedi bego tomota ikatubaudi, e sinuwonúwana Yaubada goi ima.
2TH 2:10 Aiyuwoina ina guinuwa liliudi goyogoyoidi goi tomota bei ikatubaudi. Amo tomotayadi bogina vailai ana kenao goi sinonoina unana Nanamsa Mooitamoina sikatae go, amo Nanamsayana goi adi yava itoboinedi sibabane!
2TH 2:11 Moe pasina Yaubada pola ana kabikáwana tomota nukotodi goi isanayato, ipaisewa bei tomotayadi adi polayoomanaidi, e pola sinuumisedi.
2TH 2:12 Moe iguinuwe bego itoboine madabokidi itakinoidi toogoyoidi liuna manuna unana geya latuwodi Nanamsa Mooitamoina sinumise, go sem sinapu goyogoyoidi siuyaaonedi.
2TH 2:13 E kai go itoboinema tuta liliuna kakaauyagu Yaubada yaina komi manumi, komi semao Tomoya imatakooiyemi. Ima kauyaguyana bego Yaubada boi komi guna keuwokumgo da Tesalonáika yaidi, e ikabimi toinina umana ami yava manuna ame nakae: Baloma Kimaasabaina ikimasabemi Yaubada umana be nakae Yaubada ana Nanamsa Mooitamoina bogina konumise.
2TH 2:14 Moe pasina Yaubada iduduwemi. Vala Dedevina boi katalavaite yaimi go, ima talavaitayana goi Yaubada iduduwemi ami yava manuna, e bei itoboinemi ida Tomoya Yeisu Guyau ana káeyana tomoeeyalina kosiuko.
2TH 2:15 Semao, tomotayadi sipooikíkina ima vatulúkwana kogiiminove bego sisobale, tauna imi numisa goi koovadōkana be nakae ima vatulukwana dokanayana ima bóbwara goi o ima leta goi koyoisikaavatēdi.
2TH 2:16 E ida Tomoya Yeisu Guyau be nakae Yaubada Tamada bei atemi sivapatupatudi be nakae imi guinuwa dedevidi liliudi goi be nakae imi bóbwara liliudi goi sikitogagemi. Tamadayana imatakoiyeda be nakae ateda ivapatupatuvataedi go, ina kanuwóiya goi yawoida vata bei ivinida. Go moe ikaatotule kita talootutae.
2TH 3:1 Semao, kokaawanōi manuma bego kai itoboinema ida Tomoya Valena katagaegae go, tomota sinove, bei sikilagasi be sinumise nakae komi boi konumise.
2TH 3:2 Aiyuwoina kokaawanōi bego tomota toogoyoidi goi Yaubada iiyavema. Bogina kooyagoi. Tomota badabadaidi geya idi numisamo, tauna idi sinapu sigoyo yaima.
2TH 3:3 Go ida Tomoya aba numisa, tauna bei ikitoogagemi be nakae ivabodeebodemi Togoyoinayana yaina goi.
2TH 3:4 Ago ida Tomoya yaina kanumisa komi manumi bego kaga kaloviinaemi ame tuta be nakae tuta simamaima bei koguuinuwedi.
2TH 3:5 Kakawanoi Yaubada yaina bego ida Tomoya nuwomi ivaakededi, e bei komaatakoi nakae Yaubada imaatakoi be nakae kotaoyaakavata nakae boi Guyau itaoyakavata tutayana tomota siyogeedegede.
2TH 3:6 E ida Tomoya Yeisu Guyau yoina goi kalovinaemi bego avatau neta suumoyaina be nakae vatulúkwana boi kavatuulukoimi geya isabokuliyeyeta, e tauyana kovasiyaasiyāe.
2TH 3:7 Moitamo. Boi kai yaimi goi kakaaiyaka geya suumoyaima geya, go sem kai topoisógana. Tauna komi bogina kooyagoi manakaemi itoboinemi ima sinapu kovatotowone.
2TH 3:8 Toinima avama manuna kaeemaisimi. Geya tayaamo kaga komi yaimi kakaabibeso, go sem mama poisógana be mama valitulítuwo sabamgo be maliyalina goi kapaaisewa, govila bei ami yogala kayato.
2TH 3:9 Kai mama lovina itoboinema bei awoinu goi kovaaitema go, ame nakae geya latuwoma, go sem latuwoma toinima kapaaisewa bego kai imi kaba gita tayamo, e itoboinemi kovatotoowonema.
2TH 3:10 Ame moitamo. Kai boi tutayana kakaaiyaka yaimi nakae, ame lovinayana kavinimi kama, ‘Avatau neta geya ipaiseweta, e nakae tauyana áika geya.’
2TH 3:11 Lovinayana unana valemi bogina kanove bego maniyemi suumoyaimi, nakae paisewa geya, geya toina, go sem koketooiya beso tomota idi paisewa goi koyoobosedi. Tauna lovinayana kavinimneimi.
2TH 3:12 Avatauwa yaimi neta imi sinapu nakae, e ida Tomoya Yeisu Guyau yoina goi kalovinaemi be nakae kakatuliwolemi mami tuwowonuwa kopaaisēwa toinimi avami manuna.
2TH 3:13 E komi go semaoyami guinuwa dedevina manuna taabu kokawoowokāi.
2TH 3:14 E avatau neta ima vatulukwanayana leta ame goi geya isabokuliyeyeta, tauyana imi tugúguna goi yoina kotalavāite bei koyagoi go, kovasiyaasiyāe bego kogieomaemae.
2TH 3:15 Ago tauyana taabu kovaakalēye, go sem koliwoleyāmo unana tauyana siyami.
2TH 3:16 E ida Tomoya, Tauyana tuboina unana, tuta liliuna imi kaiyaka madabokina goi tuboina bei iivinimi. Ida Tomoya komi liliumi taiyao!
2TH 3:17 Yau Paulo vaduduwo ame toinigu nimagu goi agini. Ame aba kinana guna leta liliudi goi bei koyagoi leta ame yau agini. Ame guna sinapu leta ana gínina manuna.
2TH 3:18 Ida Tomoya Yeisu Guyau ina kanuwóiya bei ikaaiyaka komi liliumi yaimi. Yau Paulo, Silovano be Timoti
1TI 1:1 Timoti, Ida numisa tayamo pasina tauna kom natugu toina nakae. Yau Paulo, Guyau Yeisu ina vamoléyana Yaubada ada Toyava be nakae Guyau Yeisu talootutae idi lovina goi. E leta ame agini iwo yaim. Tamada Yaubada be ida Tomoya Guyau Yeisu idi kanuwóiya be idi nuwokapisi be nakae idi tuboina bei sivinim.
1TI 1:3 Tomota maniyedi moeko Epeso goi sikaaiyaka, ituli ta vatulukwana polapola sivaatulúkwana. E leta ame goi akatuliwolem nakae tutayana boi bogina bei atulavem anonoina Mesadoniya parovinsi akatuliwolem bego moeko goi kwaaiyaka bei moe tomotayadi kulovinaēdi ituli ta vatulúkwana taabu sivaatulūkwana.
1TI 1:4 Kulovinaēdi taabu sikaasalēdi vatuta be tubudao adi liliu badabadaaidi yaidi goi. Dogoiyadi moe aumakimaki besobeso sivaaituwedi go, Yaubada ina paisewa moe numisa goi, e geya sivaituweyeta.
1TI 1:5 E guna lovinayana unana, moe bego tomota simatakooiyedi. Go idi matakoiyana itoboine atedi maavadaidi goi be nuwodi geya isabutukoidita goi be nakae idi numisa dókana goi.
1TI 1:6 Ame sinapuyadi tomota maniyedi bogina sivasulaigidi, tauna siketoiya besobeso be aumakimaki geya basabasaidimo sitaiyakekedi.
1TI 1:7 Tauyadi bego Yaubada ina Katukeda ana tovatulukwanayao go, kaga kaga siidigedi be nakae kaga manuna sikaugeogéona geya siyagoidita.
1TI 1:8 E tayagoi bego Yaubada ina Katukedayana dedevina, nakae aba vaita, neta taetakodoko nakae itoboine.
1TI 1:9 Bei taetakodoko neta ame tanuwokavate: Bego Yaubada ina Katukeda iyato geya tokibóbwata manudi geya, go sem Atukedayana ikaaiyaka ame tauyadi manudi: Tomota Atukedayana ana tokapipilova be tokadoinana, Yaubada ana tokaoliliwoyao be toogoyoidi, kaga liliuna kimaasabaina Yaubada umana kidi sikibaibailidi be nakae taviileidi Tauyana yaina, avatauwa neta sinadiyao o tamadiyao silauidi, tokaumata,
1TI 1:10 toroerata be tomasisi goyogoyo, tauyadi koroto koroto taiyao, tauyadi tomota siipakoidi, topola, tokanatamada polapola be nakae kaga liliuna tomota siguuinuwedi go, vatulukwana dókana isanaabodeda taabu taguuinuwēdi.
1TI 1:11 Vatulukwana dokanayana unana moe Yaubada ina togaga ana káeyana Valena Dedevina. Valayana moe Tauyana tubooinina be nakae kaakesaina bogina inumisegu ataalavaite.
1TI 1:12 Guna tokitogaga ida Tomoya Yeisu Guyau yaina akauyagu bego inuwonúwana yau aba numisa, e ina paisewa manuna ikawoigu.
1TI 1:13 Boi Tauyana ataagiwoi be ina tonumisayao ayogedeegededi be nakae Tauyana avakaaleyedi. Tauna itoboinegu liuna ababane go, Tauyana geya ikatumapuguta, go sem inuwokapisiyegu unana tutayana dogoiyadi aguinuwedi, geya anumiseyeta be nakae atamogemogeye, tauna inuwokapisiyegu.
1TI 1:14 E ida Tomoya ina kanuwóiya ilausiwosiwo yau yaigu, e numisa be matakoi ababanedi guna spwagógana Guyau Yeisu taiyao pasina.
1TI 1:15 Livala ame livala aba numisa nakae itoboineda tauyaonedoko: Guyau Yeisu bogina isou ima poyapoya goi bego toogoyoida iyaveda. Ego togoyoidayada yaida goi yau moitamo toogoyoigu toigu go, liuna geya iviniguta geya,
1TI 1:16 go sem inuwokapisiyegu unana ame: Bego yau toogoyoigu toigu yaigu goi Guyau Yeisu ina aramaitana dókana ivagitakoigu. Ina aramaitanayana yau yaigu aba gita tomota yaidi bego avatauwa Tauyana sinumise, yawoidi vata sibabane.
1TI 1:17 E Tokalibubuna vata geya ikamaseta nakae geya tagiteyeta. Tauyana anetava Yaubada. Ame Tauyana aba wowoina be aba taimámina ame tuta be nakae tuta simamaima. E nakae!
1TI 1:18 Natugu Timoti, moe lovinayana bogina nimam goi ayato moe nakae Yaubada ina nuwonúwana kom manum boi ina tokabivalavala bogina sikabivalevaledi yaim. Idi livalayadi kunuwokaavatēdi be kuutogāga bego yaviya dedevina kuvayaviye ame nakae:
1TI 1:19 Im numisa be nakae kaga nuwom iiyagoi dedevina Yaubada matana goi, e kuyoisikaavatēdi. Ago maniyedi tomota nuwonúwana dedevina bogina sikalave, tauna idi numisa sibugoyai.
1TI 1:20 Moe tauyadi yaidi goi koroto adi taiyuwo, tayamo Aimeniyo, tayamo Alekisanda. Tauyadi adi taiyuwokova bogina Kaleya nimana goi ayatoidi bego matadi ivasabudi be siyagoi Yaubada taabu sitaagiwōi!
1TI 2:1 E tuwo dogoi tayamo gagaina akatusinapumi ame nakae: Tugúguna goi imi kawanoi liliudi tomota liliudi idi vaita manudi kotalavaaitēdi Yaubada yaina be nakae manudi kokaauyāgu Tauyana yaina.
1TI 2:2 Aiyuwoina tolovina be tomota madi lovina manudi kokaawanōi bego yawoida goi mada tuboina be mada sakululu takaaiyaka ame nakae: Ida sinapu nakae yábana sinapuna be nakae aba wowoina.
1TI 2:3 Ame dedevina Yaubada ada Toyava matana goi be nakae iuyaone.
1TI 2:4 Tauyana latuwona tomota liliuda iyaveda be ana Nanamsa Mooitamoina tayagoi.
1TI 2:5 Ame moitamo.
1TI 2:6 Toinina ámasa goi ikasale,
1TI 2:7 Kiyakiyayayana manuna Yaubada bogina ivayokoigu yau Yeisu ina totalavaita be ina vamoléyana moe bego yau Totuyoyowo adi tovatulúkwana. Ame abóbwara moitamo; geya apoleta. Go ida numisa ana vatulúkwana be Yaubada ana Nanamsa Mooitamoina avatulukoidi.
1TI 2:8 E tuwaina latuwogu komi koroto imi tugúguna liliudi goi neta nimami kokatulagasidi bego kokawanoi, e nimami maavadaidi. Nakae geya imi egamogamogumo be geya imi kaumakimakimo geya.
1TI 2:9 Kidi go vevina nakae; latuwogu adi kwama nakae vevina todedevidi siilosidi nakae. Adi kwamayadi aba wowoina go, idi losinayana goi idi sinapu sikabikuunuīdi. Nakae adi pasapasa geya kunudi mana goura metametaina o pasapasa esaesa o adi kwama esaesa geya, govila bei Yeisu ana totugugunayao nuwodi sikobaledi.
1TI 2:10 Go sem latuwogu idi guinuwa dedevidi goi sipasa nakae vevina itoboinedi neta Yaubada yaina sikaasaledi.
1TI 2:11 Vevinayadi imi tugúguna goi madi tugau be madi katetagona vatulúkwana dedevina sikabikābi.
1TI 2:12 E vevina geya atagonedita sivatulúkwana, e nakae geya atagonedita koroto sikabikunuidi, go sem madi tugau sikaaiyaka.
1TI 2:13 Guna nuwonúwana ame nakae: Moe Adama Yaubada boi igimimodugu namliyeta baige Ivi.
1TI 2:14 Nakae Kaleya Adama geya ikatubauyeta, go sem Ivi ikatubau, tauna Iviyana ietokapipilova.
1TI 2:15 Go ina venátuna goi Yaubada bei iyave. Moeko goi vevina liliudi itoboinedi adi yava sibabane neta madi numisa be madi matakoi be kimaasabaidi Yaubada umana go, idi sinapu sikabikunuidi.
1TI 3:1 E livala ame livala aba numisa: Ava koroto neta latuwona ietovakumgo, moe paisewa dedevina iyale.
1TI 3:2 Tauna tauyana yawoina itoboine ame nakae: Ina sinapu goi geya ana pikwanamo. Nakae neta inai, monena anetava iyaledoko. Ina nuwonúwana be nakae ina sinapu ikabikunuidi, ina sinapu goi mana wowoina, tomataogaoga be nakae itoboine ivatulukwana dókana.
1TI 3:3 Tuwaina bwae toogagaina taabu inim ginagīna iyaluwo be nakae taabu ikuubukāsa, go sem tauyana sakuululuna. Taabu ikaumaakimāki be nakae esaesa taabu ilookonāko.
1TI 3:4 Tauyana toinina ina bodayáuwo ivakumgoiyedokōidi, nakae natunao madi wowoina dókana ina livala sinovedi.
1TI 3:5 Ego korotoyana neta geya iyagoiyeta manakaena toinina ina bodayáuwo ivakumgoiyedokoidi, e manakaena bei Yaubada ana totugugunayao ivakumgoiyedokoidi? Geya.
1TI 3:6 Neta tauyana tonumisa vau, e taabu ietoovakūmgo, govila bei ina numisa pasina toinina ikilagasi, tauna Yaubada ina takínona ibabane boi Totagíwaya nakae ibabane.
1TI 3:7 E aiyuwoina tauyana valena itoboine dedevina tomota geya sinumiseta yaidi goi, govila bei sitagiwoi be nakae Totagíwaya ina síkwana goi ikona.
1TI 3:8 Tovaita nakae. Itoboine idi sinapu goi madi wowoina, geya maedi aiyuwo geya, taabu sikaasalēdi oine goi be nakae taabu siivāobuna.
1TI 3:9 Tuwaina ida numisa ana vatulúkwana Yaubada bogina ikaaiwoduwe siyoisiikavāte go, nuwodi geya isabutukoidita.
1TI 3:10 E avatau bego ietovaita, mainao kodovatūsi. Neta ina sinapu geya ana pikwanamo, e tauyana kotagōne ietovaita.
1TI 3:11 Kidi go tovaitayadi monediyao nakae idi sinapu goi madi wowoina, taabu siitagīwaya be nakae kaga liliuna yaidi goi taabu sikamonaamonāna. Go sem kaga liliuna goi tauyadi aba numisa.
1TI 3:12 Tovaitayadi neta sinai, monediyao aditava siyaledokōidi be nakae natudiyao be idi bodayáuwo sivakumgoiyedokōidi. Koroto amo nakae kutaagonēdi sieetovaita.
1TI 3:13 Ava tovaitava neta idi paisewa goi siitokuma, e valedi dedevidi bei sibabane tomota matadi goi be nakae madi katepatu sinumisa Guyau Yeisu yaina goi.
1TI 3:14 E ame dogoiyadi aginidi siwo yaim unana alotuta giyakainava bei awowoiwo yaim
1TI 3:15 go, neta akaaimúmuna, latuwogu bego kuuyagoi ava sinapuva itoboine Yaubada ina vada sinaena goi. Ina vadayana moe kita Yaubada maa yawoina ana totugugunayao. Tauyada Yaubada ana Nanamsa Mooitamoina ana lasáuna be nakae ana tovabodaboda.
1TI 3:16 Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae:
1TI 4:1 E kina go Baloma Kimaasabaina bogina italavaitedoko bego tuta ana kaba lukavava goi tomota maniyena ida numisa ana vatulúkwana bei sikalave unana baloma polapolaidi o tadigo kada, ‘Dimoni’ idi vatulúkwana yaidi goi sikasaledi.
1TI 4:2 Vatulukwanayadi tonumisa polapola idi pola goi sima. Ago idi polayadi manudi geya siomaayamaya geya.
1TI 4:3 Tauyadi nai sisanabode be nakae awoinu maniyena sivatabuyedi. Go awoinuyadi kina Yaubada iwodugudi bego kita nuumisaida ana Nanamsa Mooitamoina taayagoi liliuda mada kauyagu tauyaonedi.
1TI 4:4 Moe unana kaga liliuna Yaubada iwodugudi moe dedevidi. Tauna geya tayaamo kaga vaatabuna kita yaida geya neta mada kauyagu tauyaone.
1TI 4:5 Ame moitamo. Dogoiyadi Yaubada ina livala goi be kita ida kawanoi goi bogina ikimasabedi ma basabasaidi. Tauna itoboineda tauyaaonedi.
1TI 4:6 Moe vatulukwanayadi sedao kuvatuulukōidi. Neta nakae, e kom Guyau Yeisu ana tovaita dedevina unana ida numisa ana livala be nakae vatulukwana dókana ana livala bogina kusabokuliyedokoidi. Tauna livalayadi goi balomaim kuuvavani.
1TI 4:7 E da poyapoya idi vatuta besobeso geya basabasaidimo Yaubada manuna. E vatutayadi kuvakiilisīdi. E nakae balomaim kwatubayāsi bei im sinapu nakae yábana sinapuna.
1TI 4:8 Neta wowoda takatubaayasidi,
1TI 4:9 Mae livalayadi livala aba numisa nakae itoboineda tauyaonedokoidi.
1TI 4:10 Mae manuna mada salau tapooisógana be taakokóila! Bogina kuyagoi. Taalotuta Yaubada maa yawoina bei iguinuwe nakae idige. Tauyana tomota liliudi adi Toyava. Go moe moitamo toina kita ana tonumisayao manuda.
1TI 4:11 Moe vatulukwanayadi tomota kuloviinaēdi be kuvatuulukōidi siguuinuwedi.
1TI 4:12 Nakona tomota latuwodi sivasobusobuyem unana kom tubuwau go, taabu kutaagonēdi nakae siguuinuwe, go sem im bóbwara, yawoim, im matakoi, im numisa be im sinapu maavadaina goi tonumisa yaidi kuvagiitakōim kom numisa ana kaba kinana.
1TI 4:13 Imi tugúguna goi mam salau kukaasalēm Gínina Kimaasabaina ana katuyáiva goi, tomota adi liwola goi be nakae adi vatulúkwana goi ana kadókana awokoim.
1TI 4:14 Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.
1TI 4:15 Moe sinapuyadi kuguuinuwēdi be nakae yaidi goi toinim kukaasalēm bego tomota liliudi sigitem im numisa goi kubibíbina.
1TI 4:16 Kumatakavateedokōim be nakae im vatulúkwana kumataakavāte. Moe dogoiyadi kusokikiinakōidi. Neta nakae kuguuinuwedi, e Yaubada kom be am totaiyakekayao taiyao bei iyavemi.
1TI 5:1 Tomoyamoya taabu kuubowōidi, go sem mam wowoina kubuunuwaina goi kuliwolēdi nakae neta tauyadi tamamowo. Tubuwau nakae; mam wowoina kuliwolēdi nakae neta tauyadi toinim tuwowomowo o am gomanao.
1TI 5:2 Namoyamoya nakae; mam wowoina kuliwolēdi nakae neta tauyadi sinamowo. Wowoiyai nakae; mam sinapu maavadaina be mam wowoina kuliwolēdi nakae neta tauyadi niumowo.
1TI 5:3 Kóbuya toidi im vaita goi kuwowoinēdi.
1TI 5:4 E ava kobuyava neta ma natudiyao o ma tubudiyao, e ame tauyadi mainao Yaubada ana taimámina ana guinuwa siguuinūwe toinidi idi bodao yaidi, tuwo sinadiyao o tubudiyao simatakaavatēdi. Moe sinadiyao, tamadiyao be tubudiyao idi matakavata ana katumapu. Moe sinapuyana Yaubada iuyaone.
1TI 5:5 E kóbuya toina moe kina anetava, geya ina bodamo, Yaubada anetava ilotutae bei ivaite be nakae mana salau maliyalina be sabamgo ikawanoi Tauyana yaina ina vaita manuna.
1TI 5:6 Go ava kobuyava neta sakavaidi sitagonedi uyáwana besobeso goi, e nakona tauyadi maa yawoidi go, balomaidi bogina sikámasa nakae.
1TI 5:7 Ame sinapuyadi tomota kuloviinaēdi siguuinuwedi bego geya adi pikwanamo.
1TI 5:8 E avatau neta toinina osenao geya imatakavatedita o moitamo toinina ina vada ana tokaiyakoyao geya imatakavatedita, tauyana ida numisa ana vatulúkwana ikawoilave go, ina sinapu igoyo toina namliyeta kidi Yeisu geya sinumiseyeta idi sinapu.
1TI 5:9 Kóbuya ana lovina vaita manuna ame nakae: Neta ana tala 60 kana ituko, boi monena anetava iyaledoko be nakae valena tomota siyagoi guinuwa dedevidi iguinuwedi. Go guinuwayadi ame nakae: Boi natunao ivabibinidokoidi, imataogaoga, tauyadi Yaubada ina kimasabayao aedi inikidi, tokaiyakomou ivaaitedi, e tauyana kaasalaina guinuwa dedevidi liliudi yaidi goi. Neta kóbuya ina sinapu tauna nakae, tauyana yoina kugīni bei ana vaita iibabane.
1TI 5:11 E kidi go kobukóbuya neta nava wowoiyai, yoidi taabu kuuginīdi be nakae adi vaita kwatāe. Tauyadi bei sikatótula Guyau yaina bego nai toinidi sivatabuye, e bei itoboinedi Tauyana manuna sitokuma. Go tutayana sakavaidi idi vikaiya silotowo, e latuwodi sinaimna, tuwo idi katotulayana bogina sikalave.
1TI 5:12 Moeko goi idi numisa bogina sikalave, tauna Yaubada ina lovina bei sibabane.
1TI 5:13 E tuwaina kobuyayadi tabe sisumoya; nakae sinonoina vada tamo tamo goi situgadogadówana go! Ago kidi sumoya kaka geya, go sem silivalasavisavi be tomota sibooboredi be nakae sikibodaboda. Ago kaga kaga sibooboredi, Yaubada ina bodao geya itoboinedita.
1TI 5:14 Tauna yau guna nuwonúwana latuwogu kobukóbuya wowoiyai sinaimna, sivenátuna be nakae idi vada be idi bodao simatakavatedi. Moeko goi geya tayaamo kaga manuna Kaleyayana itoboine itagiwoidi.
1TI 5:15 Bogina kuyagoi. Maniyedi kóbuya bogina sisuláiga bei Kaleya sisabookuliye.
1TI 5:16 Ava vavina nuumisaina neta ina nunu goi senao maniyedi sikóbuya, e vavinayana imatakavatēdi go, taabu Yeisu ana totugugunayao idi yogala siyatoyāto, e bei itoboinedi kóbuya toidi simatakavatedi.
1TI 5:17 Imi tugúguna ana tovakumgoyao neta sivakumgo dókana, kowowoinedokōidi be koemaisīdi. Ame moitamo toina neta madi poisógana Yaubada ina livala siliwolae be nakae sivatulúkwana.
1TI 5:18 Moe nakae Gínina Kimaasabaina ina vatulúkwana idige kana, ‘Tutayana im bulumakau witi kutukutuna goi ipaaisewa, taabu sopana kuukobōde, go sem kutagōne bei ipaaisewa go, witi tupwana ikakáika.’ Atukeda 25:4 Aiyuwoina idigo kana,
1TI 5:19 Neta tomota tayamo toito ami tovakumgo italavaite goyo iguinuwe, taabu kunovenōve, go sem neta tomota adi taiyuwo o adi taito tovakumgoyana ina goyo manuna sitalavaita, kunovēdi.
1TI 5:20 Kidi go tovakumgoyadi neta nava goyo siguuinuwe, e Yeisu ana totugugunayao matadi goi tauyadi kukamamaetalīdi bego tomota liliudi sigitedi, simatoita goyoyana sivatotowone.
1TI 5:21 Yaubada, Guyau Yeisu be nakae anerose kiinavaidi matadi goi akatuliwolem ame lovinayadi aavinim mam kivavasa kusabokuliyeedokōidi.
1TI 5:22 Neta koroto tayamo bego ietovakumgo, manukaim nimam kwailagasīdi korotoyana dabana goi kukimasābe bego tauyana Yeisu ana totugugunayao adi tovakumgo, govila bei tauyana mana goyo kukimasabe, e ina goyo kom kusiuko. Go toinim kurugwausīm im sinapu geya ana goyomo.
1TI 5:23 Go moe geya kada oine manuna geya. Geya tuwaina bwae kaka kunimnīm, go sem gamom igedageda be nakae im katówana badabadaidi pasidi oine giyaina kunimnīm.
1TI 5:24 Tovakumgo adi kimasabayana goi kukaimūmuna unana ame: Tomota maniyedi idi goyo moe sowooduidi. Nakae tauyadi nava geya kudovatusidita go, tuwo idi goyoyadi bogina kuyagoidi. Ego tomota maniyedi idi goyo mainao geya tagitedita go, neta tatuyáwata, nava bei sisowóduwo, e itoboineda tagitedi.
1TI 5:25 Guinuwa dedevidi nakae. Tomota maniyedi idi guinuwa dedevidi sowooduidi, tauna tayagoidokoidi. Ago maniyedi, idi guinuwa dedevidi geya tayagoidita go, geya itoboinedita sivamoudi. Ago neta tatuyáwata, nava bei sisowóduwo. E tauna moe pasina manukaim tomota kukimasabedi bego kidi tovakumgo.
1TI 6:1 Kidi paakonidi nuumisaidi, toinidi idi tomoyamoya siwowoinedokōidi, govila bei tomota Yaubada yoina be ida numisa ana vatulúkwana sitagiwoidi.
1TI 6:2a E ava tomotava paakonidi neta idi tomoyamoya nuumisaidi, e idi numisa tayamo pasina sivasīyana. Tauna pakonidiyadi taabu idi tomoyamoya sikapipiilavēdi, go sem manudi tuwaina sipoisōgana unana adi tomoyamoyayadi tonumisa nakae, e Yaubada imatakoiyedi go, aiyuwoina adi dedevina sibabane adi topaisewa paakonidi idi paisewa pasina.
1TI 6:2b Ame vatulukwanayadi Yeisu ana totugugunayao kuvatuulukōidi be nakae kuliiwolēdi siguuinuwedi.
1TI 6:3 Avatauwa neta ituli ta vatulúkwana sivaatulúkwana be nakae ida Tomoya Yeisu Guyau valena moitamo be nakae yábana sinapuna geya sisabokuliyedita,
1TI 6:4 e tauyadi toinidi sikilaagasidi. Sinuwonúwana siyagoidoko go, geya tayaamo kaga siyagoidoko, go sem siyala goyogoyo nuwonúwana adi géona besobeso be nakae aumakimaki livala manudi. Amo sinapuyadi goi vakipikipi, livisi, tagíwaya, wowókana goyogoyoidi
1TI 6:5 be nakae aumakimaki sisowóduwo. Go tokaumakimakiyadi nuwodi viviyuwoidi pasina Yaubada ana Nanamsa Mooitamoina yaidi goi bogina itagau. Tauyadi sinuwonúwana bego yábana sinapuna goi esaesa bei sibabane.
1TI 6:6 Ego moitamo neta mada uyáwana kada, ‘Bogina yoiyada’, e yábana sinapuna goi esaesa tababane.
1TI 6:7 Bogina kuyagoi. Nima kaka poyapoya ame goi tasowóduwo, tauna nakae tutayana poyapoya ame takalave, geya tayaamo kaga itoboineda tanave.
1TI 6:8 Go neta kita ma kavada be mada kwama, e amo dogoiyadi pasidi itoboineda kada, ‘Bogina yoiyada.’ Tuwo tauyáwana.
1TI 6:9 E avatau neta latuwona ietoesaesa, aba vakakona bei ibabanedi go, aba vakakonayadi bei sitogagasave namliyeta baige Kaleya ina síkwana goi bei ikona. Sikwanayana moe ina yalagau goyogoyoidi liliudi. Yalagauyadi moe aba yaluwo be nakae aba vailai. Moe pasidi tomota sivailai dókana nakae neta sisalili!
1TI 6:10 Gwa. Esaesa talookonako moe goyo badabadaidi unadi. Tomota maniyedi esaesa manuna sikokóila, tauna vatulúkwana mooitamoina goi sisuláiga go, toinidi idi kokoilayana pasina ategeda gagaina bei sibabane.
1TI 6:11 E kom sem Yaubada ina Koroto, amo sinapuyadi kuvakiilisīdi. E ame sinapuyadi mam salau kusabokuuliyēdi: Kibóbwata Yaubada nuwona manuna, yábana sinapuna, numisa, matakoi, mesayágana be nakae sakululu.
1TI 6:12 Vavalákuna dedevina im numisa goi kuvavalakuuna dōkana. Niga am vaiwówana moe yawoim vata bei kuyoisi. Moe yawoim vata boi Yaubada bogina iduduwem bego ivinim, bei kukabi. Aiyuwoina moe manuna boi im numisa tomota badabadaidi matadi goi kukamoitamoedōko.
1TI 6:13 Yaubada dogoi liliudi yawoidi adi tokaiguyau. Aiyuwoina Guyau Yeisu boi iitáoya Pontiyo Pailato matana goi toinina manuna italavaita dókana. E Yaubadayana be Yeisuyana adi taiyuwokova matadi goi alovinaem
1TI 6:14 bego geya am pikwanamo guna lovina kusabokuliiyedōko ana kadókana ida Tomoya Yeisu Guyau ikaluvilamna ima.
1TI 6:15 Ina kaluvilamnayana Yaubada tuta ana toboine goi bei ikaiwoduwe. Yaubadayana Tokalika tubooinina be nakae kaakesaina, tokalibúbuna liliudi adi Tokalibúbuna, tomoyamoya liliudi adi Tomoya.
1TI 6:16 Tauyana anetava ikaiyako vata be nakae mavada gagaina goi ikaaiyaka go, mavadayana goi kita tomota geya itoboinedeta tanoko. Tauyana boi geya tayaamo tuta tomota sigite go, ame geya itoboinedita sigite. Tauyana aba wowoina vata be nakae Tokalibubuna vata mana togaga. E nakae!
1TI 6:17 Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.
1TI 6:18 Toesaesayadi kuloviinaēdi bego guinuwa dedevidi yaidi siesaesa dōkana, simaatakōi be nakae sikaaiguyāu.
1TI 6:19 Moeko goi idi esaesa toina bei sivaituwedi, e bei adi katumapu tuta imamaima goi sibabane; atumapuyana moe yawoidi toina.
1TI 6:20 Timoti e, kaga manuna neta Yaubada inumisem iivinim kumatakaavatēdi. Da poyapoya idi vatulúkwana kuvakiilisīdi. Idi vatulukwanayadi moe bóbwara besobeso baailidi nakae, tauna geya basabasaidimo Yaubada manuna. Aiyuwoina vatulúkwana moitamo ivaakaleye. Ago vatulukwanayadi manudi tomota kadi, ‘Ame nanamsa.’ Go moe nanamsayana nanamsa polapola.
1TI 6:21 Nanamsayana tomota maniyedi siuuyaone go, idi numisa Yeisu yaina bogina sivasulaigi, tauna kuvakilisīdi. Yaubada ina kanuwóiya yaim. Yau Paulo
2TI 1:1 Timoti, Yau Paulo Guyau Yeisu ina vamoléyana tayamo Yaubada ina nuwonúwana goi. Moe bego Yaubada ina katótula yawoida vau manuna atalavaite, yawoidayadi moe ida spwagógana Guyau Yeisu taiyao pasina tababane. Leta ame agini iwo kom natugu guna kalo nakae yaim. Yaubada Tamada be ida Tomoya Guyau Yeisu idi kanuwóiya be idi nuwokapisi nakae idi tuboina bei sivinim.
2TI 1:3 Nuwogu geya isabutukoeta tutayana ataaimámina Yaubada yaina nakae boi nimatu tubugowo sitaaimámina. Ame Yaubadayana yaina akaauyagu tutayana sabamgo be maliyalina guna kawanoi goi anuwokaavatem.
2TI 1:4 Im táiya boi tutayana akalavem anuwookavate, tauna akatukuuwonem agitemneim bego uyáwana ivakayaodeigu.
2TI 1:5 Guna kauyaguyana unana im numisa mooitamoina anuwokavate. Numisayana moe nakae boi mainao tubum Loisi sowona, niga sinam Yunisi nakae sowona. Ayagoi bego numisayana kom nakae sowom.
2TI 1:6 Im numisayana pasina akavilevilem am kaiguyau manuna. Boi dabam abisikone namliyeta Yaubada ina kaiguyau ivinim. Aiguyauyana kuepaaisēwe nakae yeu neta kukiyamoi, e inínima ivaiteda.
2TI 1:7 Moe itoboine. Yaubada Balomaina ivinida go, Balomayana geya matoita unana geya, go sem Baloma ina kaiguyau pasina itoboineda tatogaga, tamatakoi be toinida takabikunuida.
2TI 1:8 E tauna taabu om imaayamāya ida Tomoya Yeisu valena kutaalavaite. Aiyuwoina ida Tomoyayana valena ana talavaita pasina yau deri ana tokaiyaka go, tuwo taabu kuomaeemāegu, go sem Yaubada ina togaga goi guna mou Vala Dedevina ana talavaita manuna kusīuko.
2TI 1:9 Yaubadayana iyaveda be nakae ivayokoida kita kimaasabaida Tauyana umana. Go geya kada ida guinuwa pasidi geya, go sem toinina ina nuwonúwana pasina be ina kanuwóiya pasina. Anuwoiyayana ivinida ida spwagógana Guyau Yeisu taiyao pasina nakae boi nimatu tuta ana kaba vatowo goi bogina igimilosinapuye.
2TI 1:10 E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.
2TI 1:11 Valayana manuna Yaubada ikawoigu bego yau valayana ana totalavaita, Yeisu ina vamoléyana be nakae valayana ana tovatulúkwana.
2TI 1:12 Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.
2TI 1:13 Vatulúkwana mooitamoidi bogina yau yaigu goi kuunovedi mam numisa be mam matakoi kuyoisikaavatēdi. Go imi yoitakavatayana goi mam numisa be mam matakoi ida spwagógana Guyau Yeisu taiyao pasina.
2TI 1:14 Vatulukwanayadi dedevidi boi Yaubada iivinida, e Baloma Kimaasabaina yaida ikaaiyaka ina togaga goi kuyaausēdi tosobala yaidi goi.
2TI 1:15 Bogina kuyagoi bego tonumisa badabadaidi Esiya goi situgavilegu nakae sikalavegu. Yaidi goi adi taiyuwo moe Pugelo be Eramogene.
2TI 1:16 Ago Onesiporo geya iomaemaeta yau guna kaiyaka deri goi pasina, go sem tuta liliuna yawoigu ilisilisi. Tauna guna kawanoi ida Tomoya yaina bego Onesiporoyana mana bodayáuwo inuwokapisiyedi.
2TI 1:17 Moitamo ona geya imaemaeta, go sem tutayana Roma goi ikaaiyaka, mana poisógana iluusalegu, e ibabanegu.
2TI 1:18 Ina vaita gagaina yaigu Epeso goi bogina kuyagoidoko. Guna kawanoi ida Tomoya yaina bego itagona takínona ana maliyalina goi Onesiporoyana nuwokapisi ibabane Yauwe yaina.
2TI 2:1 E natugu, kutaagonēm bei im spwagógana Guyau Yeisu taiyao pasina Yaubada ina kanuwóiya ikitogagem.
2TI 2:2 Boi vatulúkwana tomota badabadaidi matadi goi avatuulukoim, e moe vatulukwanayadi goi tomota aba numisa kuvatuulukōidi bei itoboinedi ituli ta tomota sivatulukoidi.
2TI 2:3 Guna mou goi kusiukōigu nakae kom Guyau Yeisu ina tovayaviya dedevim itoboinem.
2TI 2:4 Geya tayaamo tovayaviya bei asa sinapuna itagone isuveyali, go sem yaviya ina paisewa iguinuwedoko bego ana tolovina ivauyaone. Kom nakae geya tayaamo kaga kuutagōne Guyau Yeisu ina paisewa goi isuveeyalim.
2TI 2:5 E tovavalákuna nakae, neta vavalákuna ana lovina geya ikabikaonedita, ana vaiwówana geya ibabaneyeta. Kom nakae kaga liliuna goi Guyau Yeisu kukabiikaōne bego am vaiwówana kubabane.
2TI 2:6 Ava tobágula neta ipoisógana, itoboine keuwokumgo igimikabi. Kom nakae kupoisōgana bei am vaiwówana kubabane.
2TI 2:7 Ame guna livalayadi manudi kunuwolelēu. Neta nakae kuguuinuwe, ida Tomoya nanamsa kaga liliuna manuna bei ivinim.
2TI 2:8 Devida tubuna Yeisu Guyau kunuwookavāte. Tauyana boi tokámasa yaidi goi itaoyamna. Moe nakae Vala Dedevina yau ataalavaite.
2TI 2:9 Valayana pasina guna mou abaabanedi, e seni goi siyowóigu nakae neta yau tokapipilova tayamo go, geya vatau tayaamo itoboine Yaubada ina livala ana talavaita seni goi iyowo.
2TI 2:10 Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana káeyana tomoeeyalina vata goi bei sikaaiyaka.
2TI 2:11 Livala ame livala aba numisa:
2TI 2:12 Neta ida mou goi tamesayágana,
2TI 2:13 Neta kita geya aba numisa,
2TI 2:14 Moe dogoiyadi tuta liliuna im tomotao yaidi kukavilevilēdi go, Yaubada matana goi kukatuliiwolēdi taabu sikaumaakimāki livala adi yagoina manudi. Livalayadi geya basabasaidimo be nakae totaiyakeka sigoyainedi.
2TI 2:15 Kupooisōgana bei kuvagitakōim Yaubada yaina nakae kom ina toguinuwa tayamo moitamo. Nakae Yaubada ana Nanamsa Mooitamoina kuvatulukwana dōkana, e im guinuwa pasina Tauyana matana goi om bei geya imaemaeta.
2TI 2:16 E da poyapoya idi vatulúkwana kuvakiilisīdi. Vatulukwanayadi bobwara besobeso baailidi nakae, tauna geya basabasaidimo Yaubada manuna. Neta bobwarayadi tasabokuuliyedi, e Yaubada nuwona takaolilive
2TI 2:17 be nakae idi bobwarayadi sitagayagaya tomota sigoyainedi nakae potu neta iwokani iwodedede. Koroto adi taiyuwo amo nakae moe Aimeniyo be Pileto.
2TI 2:18 Tauyadi tonumisa maniyedi idi numisa sikaigoyaidi unana Yaubada ana Nanamsa Mooitamoina goi bogina sisuláiga go, idi sulaigayana goi kadi, ‘Tokámasa idi taoyamna ana tuta bogina isowóduwo.’
2TI 2:19 Ago Yaubada ina bodao dako kasakasaina nakae bogina sitaoyaakavata. Dakoyana goi gínina ame nakae ikaaiyaka kana, ‘Yauwe toinina ina bodao bogina iyaagoidi.’ Aiyuwoina kana, ‘Avatauwa neta Yauwe yaina sisaakululu goyo situgavīle.’
2TI 2:20 E toesaesa ina vada goi noko goura be noko siriba maniyedi sikaaiyaka go, noko maniyedi alova be vaega nakae sikaaiyaka. Nokoyadi goura be siriba moe aba wowoina ogaoga adi noko. Ago nokoyadi alova be vaega moe aba omayamaya nakae noko besobeso.
2TI 2:21 Tauna avatauwa kita neta noko besobeso nakae takimaavadeda, e kita noko dedevida nakae, kimaasabaida be ma basabasaida ida Tomoya yaina be nakae bogina katubaayasida guinuwa dedevidi liliudi manudi.
2TI 2:22 E tubuwau idi yalagau kusiiyaēdi go, kibóbwata, numisa, matakoi be tuboina kusokikiinakōidi tomota maa katedi maavadaidi ida Tomoya yaina sisaakululu taiyao.
2TI 2:23 E aumakimaki besobeso be aumakimaki kudukudupatudi kuvakiilisīdi unana kuyagoi aumakimakiyadi moe vakaleya idi kaba sowóduwo.
2TI 2:24 E kita ida Tomoya ina pakonayao aumakimaki geya itoboinedeta, go sem itoboine takubunuwa, yoiyada tavatulúkwana, tomota idi goyo yaidi goi tamesayágana,
2TI 2:25 be nakae manukaida ada kaleyayao takitototoidi. Nakona Yaubada bei ivaitedi situgavila, e Yaubada ana Nanamsa Mooitamoina siyagoi
2TI 2:26 be nakae ma nukotodi itoboinedi Totagíwaya ina síkwana goi sisiya. Tauyadi boi bogina iyowóidi bego ina nuwonúwana siguuinuwe.
2TI 3:1 E ame kunuwookavāte: Tuta ana kaba lukavava goi tuta moumoudi bei sisowóduwo.
2TI 3:2 Moitamo. Amo tutayana tomota idi sinapu bei ame nakae: Toinidi simatakooiyedi, esaesa silokonako, gaagasidi, nuwaatuedi, digopopooisidi, tamadiyao be sinadiyao sikapipilavedi, geya idi kauyagumo, kaga liliuna kimaasabaina Yaubada yaina sikibaibailidi,
2TI 3:3 geya idi matakoimo, geya idi nuwotawanamo, tagiiwoidi, goyo goi geya sitototo geya, sasasaidi woiwoi nakae, sinapu dedevina siikatae,
2TI 3:4 tonuwotulu, toguinuwa owáowana, toinidi sikilaagasidi, toinidi idi uyáwana manuna nukotodi iyoi go, Yaubada geya.
2TI 3:5 Adi kaigigita yábana sinapuna ana toguinuwao go, Yaubada ina togaga atedi adi kaigavila manuna sikatae. Tauna nakae tomotayadi idi sinapu tuta ana kaba lukavava goi. Amo tauyadi kuvakiilisīdi.
2TI 3:6 Moitamo. Amo tomotayadi yaidi goi koroto maniyedi idi katunuwanuwa goi vada maniyedi sisiu itoboinedi bei tokaiyaka vevina adi polayoomanaidi sikatutaoidi. Vevinayadi idi goyo gagaina itomatedi go, idi yalagau ibiudi.
2TI 3:7 Tuta liliuna vatulúkwana ituli ituli sikabikabi go, geya itoboinedita bei Yaubada ana Nanamsa Mooitamoina sibabane.
2TI 3:8 E amo korotoyadi Yaubada ana Nanamsa Mooitamoina sivaakaleye nakae boi Yanisi be Yambaresi Mosese sivakaleye. Amo korotoyadi nakae, nuwodi viviyuwoidi nakae kidi tonumisa polapola geya basabasaidimo.
2TI 3:9 Ana kaigigita ame tuta Nanamsa Moitamoinayana itoboinedi sivaakaleye go, geya itoboinedita idi pola goi tomota badabadaidi bei sisobaledi. Moitamo. Idi nuwopatu tomota liliudi bei sikinane nakae tomota boi nimatu Yanisi be Yambaresi idi nuwopatu sikinanedi.
2TI 3:10 E kom sem yawoigu bogina kugite. Guna vatulúkwana, guna sinapu, guna nuwonúwana, guna numisa, guna mesayágana, guna matakoi, guna togaga bogina kukaisakiyedi.
2TI 3:11 Guna mou be guna gedageda Antiyoki goi be Ikoniyam goi be Lustira goi abaabanedi nakae bogina kuyaagoidi. Mouyadi giyaidi kaeda go, atogaga. Ago mouyadi liliudi goi ida Tomoya iiyavegu.
2TI 3:12 E avatauwa kita neta latuwoda ida spwagógana Guyau Yeisu taiyao goi taaketoiya nakae Yaubada iuuyaone, e tomota goi mou bei tababane.
2TI 3:13 E kidi go toogoyoidi o tadigo kada, ‘Tonumisa polapola’ goyo siguuinuwedi go, idi goyoyadi tuwaina sivaituwedi ame nakae: Enao dedevina goi tomota sivasulaigidi go, togoyoidiyadi nakae ituli ta tomota sivasulaigidi.
2TI 3:14 E kom sem vatulúkwana boi sivatuulukoim be nakae kunumisedi, e vatulukwanayadi goi kukaaiyāka unana am tovatulukwanayao bogina kuyaagoidi
2TI 3:15 be nakae am tuta gómana goi go, ima ame tuta Gínina Kimaasabaidi bogina kuyagoidi. Gininayadi goi itoboinem nanamsa am yava manuna kubabane. Ada yavayana moe ida numisa Guyau Yeisu goi pasina.
2TI 3:16 Gínina Kimaasabaidi liliudi unadi moe Yaubada Balomaina. Tuwo Gininayadi ma basabasaidi. Nakae sivatulukoida, ida goyo sikamamaetalidi, sikitototoida be nakae kibóbwata manuna sikatubayasida
2TI 3:17 bego kita Yaubada ina tomotao bogina yoiyada unana bogina sikatubayasida guinuwa dedevidi liliudi manudi.
2TI 4:1 Yaubada matana goi be nakae Guyau Yeisu, Tauyana kidi tokámasa nakae kita maa yawoida ada totakínona, matana goi nakae ina sowóduwo ana tuta pasina be nakae ina kalibúbuna pasina akatuliwolem
2TI 4:2 Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi.
2TI 4:3 Moitamo. Tuta tayamo imamaima bei tomota odi ikai vatulúkwana mooitamoina sitaaiyakeke, go sem unana latuwodi toina vatulúkwana toinidi idi yalagau nakae, e ituli ta tovatulukwanayao siluusaledi bei sitaiyaakekedi unana vatulukwana vau liliudi nuwodi ikabidi siyagoidi.
2TI 4:4 Yaubada ana Nanamsa Mooitamoina bei sivasulaigi go, siketoiya besobeso bei vatulúkwana vatuta nakae sitaiyakekedi.
2TI 4:5 E kom sem kaga liliuna goi toinim kukabikuunuīm. Mou kubaabanedi im paisewa Vala Dedevina pasina goi kuutogāga. Vala Dedevinayana ana totalavaita ana paisewa kuguuinūwe. Kom Yaubada ina topaisewa, tuwo paisewayana boi bogina ivinim kuguuinūwe.
2TI 4:6 Moitamo yau bogina nakae. Yawoigu akasale Yaubada yaina nakae neta yau vininabeso oinena tomota sikaliuulagigu yoguyogu goi sigabu bei mainigu dedevina ituko ina Yaubada inove iuyaone. Tuwo guna talígava bogina ikaponapona.
2TI 4:7 Guna talavaitayana kotu goi vavalákuna nakae go, vavalakunayana avavalakunedoko nakae bogina alukavave go, madabokina goi yau aba numisa.
2TI 4:8 Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.
2TI 4:9 Kukokōila bei woilīm kūma.
2TI 4:10 Geya guna tovaitamo geya. Demasi kina poyapoya sinapuna nuwona ikobale, tauna ikalavegu ina Tesalonáika. Kina go Keresikesi ina Galetiya. Kina go Taito ina Dalimetiya.
2TI 4:11 Go Luke kina aneta ikaaiyaka ameko yau taiyao. Tutayana bei kuma, mainao kūna Maki kwābi taiyao kōma. Tauyana ma basabasaina yau yaigu paisewa manuna.
2TI 4:12 E kina go Tukiko bogina aetune ina Epeso. Tauna yau geya guna tovaitamo geya.
2TI 4:13 Guna tanigo be nakae guna buki boi Tarowasi goi Karaposi yaina akalavedi, tuwo tutayana kuma, amo konaguyadi kukabīdi kumēdi. Ego guna bukiyadi yaidi goi latuwogu toina guna buki moe sowogu kumedi.
2TI 4:14 Kina go kainum ana topaisewa Alekisanda ina goyo yaigu moe gagaina. Go nakonakae tauyana ina guinuwa, e nava bei ida Tomoya ikatumapu.
2TI 4:15 Kom nakae tauyana kuvakilīsi. Tauyana kai ima vatulúkwana ivakaleyemakimakiye.
2TI 4:16 Boi guna tasígina vakuumgoina kotu goi geya vatau tayaamo ima ivapisiyegu, go sem madabokidikova sikalavegu. Guna kawanoi Yaubada yaina bego tauyadi idi kalovayana geya inuwokavateyeta.
2TI 4:17 E kina go ida Tomoyayana iitáoya yau taiyao, ikitogagegu bego Vala Dedevina atalavaitesave, e Totuyoyowo madabokidi bogina siinove. Tuwo Tomoyayana vailai goi iyavegu nakae neta laiyoni tobuna goi iyavegu.
2TI 4:18 Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu ina kalibúbuna yábana goi iyatoigu. Tauyana aba taimámina ame tuta be nakae tuta simamaima! E nakae!
2TI 4:19 Pirisika be Akuila be Onesiporo mana bodayáuwo kulatuwokōidi guna yabobona yaidi.
2TI 4:20 Kina go Erasto Korinta goi ikaaiyaka. E kina go Taropimo ikatówana, tauna Mileto goi akalave ikaaiyaka.
2TI 4:21 Kukokōila bego tula ana tuta nava geya isowoduwoita, e kūma. Ebulosi, Pudesi, Linosi, Kilaudiya be sedao liliudi ameko goi idi yabobona yaim.
2TI 4:22 Ida Tomoya kom balomaim taiyao! Anuwóiya bei ivinim! Yau Paulo
TIT 1:1 Taito, Yau Paulo, Yaubada ina pákwana be nakae Yeisu Guyau ina vamoléyana. Yaubada ikawoigu bei ina kinavayao idi numisa akikakainaki be nakae avaitedi bego Yaubada ana Nanamsa Mooitamoina siyagoidoko. Nanamsayana goi tayagoi manakaeda bei yábana sinapuna goi taketoiya.
TIT 1:2 Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.
TIT 1:3 E toinina ina tuta kaikaila goi yawana vatayana valena ikaiwoduwe kai ina vamoleyanayao yaima goi. Ago valayana ana talavaita inumisegu atalavaite go, guna talavaitayana moe ada Toyava Yaubada ina lovina goi aguinuwe.
TIT 1:4 Taito, ida numisa tayamo pasina kom natugu toina nakae, e leta ame agini aetune iwo yaim. Tamada Yaubada be ada Toyava Guyau Yeisu idi kanuwóiya be idi tuboina bei sivinim.
TIT 1:5 Ame pasina boi Kiriti goi atulavem: Bego kaga kaga boi Tomoya ana totugugunayao yaidi goi taavatowo, e kom kulukavave be nakae Tomoya ana totugugunayao idi tugúguna asa tamo tamo goi koroto kuvayokoidi kidi tugugunayadi adi tovakumgoyao nakae yau bogina alatuuwokoim.
TIT 1:6 Adi kinavayana ame nakae: Avatauwa neta latuwodi bego Tomoya ana totugugunayao adi tovakumgoyao, e idi sinapu goi itoboinedi geya adi pikwanamo. Ame nakae: Neta tauyadi sinai, monediyao aditava siyaledokōidi. Natudiyao aba numisa, idi sinapu goi tomota geya itoboinedita bego siwowokoidi toguinuwa owáowana o tokapipilova. E avatauwa neta idi sinapu tauna nakae kuvayokōidi kidi Tomoya ana totugugunayao adi tovakumgoyao.
TIT 1:7 Bogina kuyagoi. Tovakumgoyadi moe Tomoya ana totugugunayao adi torugwautayao; tauyadi kina Yaubada ana paisewa ana togogo, tauna itoboinedi idi sinapu goi geya adi pikwanamo ame nakae: Taabu sinuuwatūe, taabu mainao siegamoogamōgu, bwae toogagaina taabu sinim ginagīna siyaluwo, taabu sivalaaulāuwo, taabu madi matapógana siivāobuna.
TIT 1:8 Go sem tauyadi simataaogaōga, ava sinapuva dedevidi nuwodi ikabīdi, idi sinapu sikabikunuīdi, kiboobosidi, kaasalaidi Yaubada yaina, idi yalagau sikabikunūi.
TIT 1:9 Tauyadi Yeisu valena aba numisa boi kai Yeisu ina vamoleyanayao kavatuulukoidi siyoisikavāte bego itoboinedi tonumisa siliwoledi ima vatulukwana dókana sisabokuliye go, vatulukwanayana adi tovakaleyayao sikamamaetalidi.
TIT 1:10 Moitamo, idi kamamaetalayana itoboine. Moeko goi tokapipilova badabadaidi sikaaiyaka. Tauyadi moe tokautaotáwana be nakae pola goi tomota nuwodi sikoobaledi. Go moe ivakaigaga kidi tonumisa sakavaidi kuuponidi yaidi.
TIT 1:11 Ame tokapipilovayadi itoboinem kusanabodedi taabu sivaatulūkwana, unana idi vatulukwana polapolayana goi maniyena bodayáuwo sinaedi tomota madabokidi idi numisa sikaigoyaidi. Ame nakae: Kaga sivaatulúkwana geya itoboineyeta. Idi vatulukwanayana goi latuwodi tomota idi mani sivaobudi go, amo sinapuyana moe aba omayamaya.
TIT 1:12 Boi nimatu da Kiriti toinidi idi tonanamsa toolagaina tayamo idigo kana, ‘Da Kiriti topola vata, woiwoi sasasaidi, uuwoyaidi nakae suumoyaidi!’
TIT 1:13 Ame talavaitayana moe moitamo; tokapipilovayadi idi sinapu tauna nakae! Moe pasina tauna tokapipilovayadi kukamamaetalimakimakīdi bego ida vatulúkwana moitamo sinumisedoko.
TIT 1:14 Aiyuwoina kukamamaetalīdi bego geya tuwaina Diyuu idi liliu be nakae tomota idi lovina besobeso siyoisikaavatedi; lovinayadi moe kidi Yaubada ana Nanamsa Mooitamoina siikalave adi lovina.
TIT 1:15 Tonumisayao kulatuwokōidi amo lovinayadi sikalavedi unana ame: Avatauwa neta atedi maavadaidi Yaubada matana goi, awoinu liliudi taagonaidi. Go avatauwa neta atedi baailidi Yaubada matana goi o kada, ‘Geya sinumiseta’, e yaidi goi geya tayaamo awoinu taagonaina, go sem kidi nuwodi be atedi, aiyuwokova, baailidi.
TIT 1:16 Tauyadi sidigodigo bego ida Yaubada siyagoi go, idi guinuwa goi tayagoi Tauyana silawoiwoiye. Tauyadi aba kalagíwala Yaubada yaina, tokapipilova, geya basabasaidimo guinuwa dedevidi manudi.
TIT 2:1 E kom sem tonumisayao tuta liliuna kulatuuwokōidi ava sinapuva itoboinedi sisabokuliyedi nakae vatulukwana dókana idige.
TIT 2:2 Sinapuyadi ame nakae: Tomoyamoyayao kulatuuwokōidi idi vikaiya sikabikunuidi, idi sinapu aba wowoina be nakae idi sinapu sikabikunuīdi. Aiyuwoina kulatuuwokōidi madi salau sivadókana ame dogoiyadi goi: Idi numisa goi, idi matakoi goi be idi mesayágana goi.
TIT 2:3 Kidi go namoyamoya nakae. Kulatuuwokōidi idi sinapu nakae tomota kaasalaina Yaubada umana itoboine. Ame nakae: Taabu siitagīwaya be nakae taabu oine sinim monaamonāna. Tauyadi idi bóbwara be idi guinuwa goi naiwovau sivatuulukoidi kaga dedevina.
TIT 2:4 Idi vatulúkwana bego naiwovauyadi sikatuliwoledi monediyao be natudiyao simatakooiyedi,
TIT 2:5 idi sinapu sikabikunuidi, geya adi goyomo, idi vada simatakavatedokoidi be nakae sikatetagonedi toinidi monediyao yaidi. Tauyadi nakae itoboinedi siguinuwe bego geya tuwaina Yaubada ina Vala Dedevina valena moe aba tagíwaya.
TIT 2:6 Kidi go tubuwau matuwo nakae. Kukatuliiwolēdi idi bóbwara be idi guinuwa liliudi goi idi sinapu sikabikunuidi. Kom go im guinuwa dedevidi goi kuvagiitakōim kom tomota adi kaba kinana. Tutayana kuvaatulúkwana, atem maavadaina nakae im sinapu aba wowoina go,
TIT 2:8 valayana kuvaatulúkwana itoboine moitamo nakae geya ana pikwanamo. Moe bego ada kaleyayao kugieomaemaedi unana geya tayaamo kaga goi itoboinedi kom be yau sikaogoyoeda.
TIT 2:9 Kidi go paakonidi, e kukatuliiwolēdi kaga liliuna goi sikatetagonedi toinidi adi tomoyamoya yaidi. Tauyadi sipoikíkina adi tomoyamoya sivauyaonedi ame nakae: Taabu madi kapipilova sikaubodabōda,
TIT 2:10 adi tomoyamoyayadi yaidi goi taabu sivaaināwana, go sem itoboinedi idi guinuwa madabokina goi be idi bóbwara madabokina goi sivagitakoidi kidi aba numisa toina adi tomoyamoyayadi yaidi. Moe nakae idi sinapu bego idi guinuwa liliudi tomota sigitedi bei vatulúkwana Yaubada ada Toyava manuna nuwodi ikabi.
TIT 2:11 Moe moitamo. Yaubada ina kanuwóiya bogina ikaiwoduwe go, anuwoiyayana goi tomota liliuda ada yava tababane.
TIT 2:12 Anuwoiyayana ivatulukoida bego ida kaoliliwo Yaubada yaina be nakae poyapoya sinapuna ana yalagau takalavedi go, tuta ame taketoiya ame nakae: Ida sinapu takabikuunuidi, taakibóbwata go, taaketoiya nakae Yaubada iuyaone.
TIT 2:13 Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe Guyau Yeisu ina sowóduwo; Tauyana Yaubada Toolagaina, ada Toyava, ana káeyana.
TIT 2:14 Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina kitomyao toinina umana, mada salau latuwoda guinuwa dedevidi taguinuwedi.
TIT 2:15 E mam lovina moe dogoiyadi tomota kulatuwokōidi be kuliwolēdi siguinuwedi go, neta dogoiyadi sikataedi, kukamamaetalidi. Go taabu tomota sikapipiilavēm!
TIT 3:1 Tonumisayao kukavilevilēdi toinidi sikatetagonedi tomota madi lovina liliudi yaidi be nakae sopadi sikabikaonedi go, tuta liliuna madi tagona bego guinuwa dedevidi siguuinuwedi.
TIT 3:2 Geya tayaamo tomota sitaagiwoi, madi tuboina be madi sakululu. Nuwotokai sivagitakoedoko tomota madabokidi yaidi.
TIT 3:3 Im kavilavilayana itoboine. Kita tonumisa boi nimatu tauyadi geya sinumiseta nakae, Yaubada tatamogemogeye. Nakae kita kapipiilovaida be nakae sulaaigida, ida vikaiya liliudi be uyawana owáowana liliudi sipakoida, ida kaiyaka madabokina goi kita goyo ana toguinuwa be vakipiikipida, tomota sikaoliliveda go, kita nakae sedao takaolilivedi.
TIT 3:4 E tutayana ada Toyava Yaubada ina yabobona be ina matakoi ikaiwoduwedi yaida,
TIT 3:5 iyaveda. Go geya kada ida guinuwa toinida ida kibóbwata goi taguuinuwedi pasidi iyaveda geya, go sem Yaubada ina nuwokapisi pasina iyaveda. Ago ina yavayana ame nakae: Ida goyo goi inikida, e tabibinamna go, Baloma Kimaasabaina iyolimeda.
TIT 3:6 Yaubada Balomaina Kimasabainayana ada Toyava Yeisu Guyau ina kámasa goi isiwoi ilausiwosiwo yaida.
TIT 3:7 Go isiwoi yaida bego ame: Ina kanuwóiya pasina ivayokoida kita tokibóbwata, tauna kita ina bodao, e yawoida vata talootutae.
TIT 3:8 Mae livalayana madabokina livala aba numisa. Livala amo nakae manudi latuwogu mam katepatu kukaugeogéona bego kidi bogina Yaubada ana tonumisayao sikasaledi bei tuta liliuna guinuwa dedevidi siguuinuwedi sediyao yaidi. Amo vatulukwanayadi dedevidi, kita tomota ada kaba vaita.
TIT 3:9 Go aumakimaki besobeso, tubudiyao yoidi manudi sililiu, livisi be nakae aumakimaki Yaubada ina Katukeda pasina, e geya tuwaina kunovēdi, go sem kuvakiilisīdi. Amo sinapuyadi goi geya tayaamo kaga dedevina isowóduwo be nakae geya basabasaidimo.
TIT 3:10 Avatau neta liivisina, kwatumatāli isayata. Go neta geya, e sivayuwoina kwatumatāli isayata. Go neta nava geya inovemta, tuwo kulivisīye.
TIT 3:11 Bogina kuyagoi bego tomota liivisidi amo tauyana nakae bogina sisuláiga go, nava goyo siguuinuwe. Tauna toinidi idi guinuwa sitalavaitedi bego kidi togoyoidi Yaubada matana goi. Tauna kulivisiyēdi.
TIT 3:12 Nava Atimasi o Tukiko, tayamo bei aetune iwo yaim kom am katumapu. Tutayana iwo, kupoikīkina kūma asa Nikopori goi. Bogina alovina bego tula ana tuta bei ana amoko goi akaaiyaka.
TIT 3:13 Senasi, tauyana lovina ana tolumavívita, be nakae Apolosi kuvaitedokōidi be ma nimatoodi kuetunēdi idi koidádana goi bego geya tayaamo kaga sikiseyeseye.
TIT 3:14 E ida bodao madabokidi kuvatulukōidi madi salau guinuwa dedevidi siguuinuwedi bei tokaiyakomou sivaaitedi, govila bei ida bodaoyadi yawoidi geya basabasaidimo.
TIT 3:15 Sedao liliudi ameko goi sikaaiyaka yau taiyao idi yabobona yaim. E tauyadi moeko goi simatakooiyeda be nakae idi numisa kita nakae ima yabobona yaidi. Yaubada ina kanuwóiya madabokimi yaimi! Yau Paulo
PHM 1:1 Ima kalo Pilemoni, Yau Paulo deri ana tokaiyako Guyau Yeisu ana talavaita pasina siyada Timoti taiyao leta ame kaetune iwo yaimi; tauyami moe kom Pilemoni be niuda Apiya be Arikipo, tauyana Yeisu ana tovayaviya kai nakae, be nakae komi Tomoya ana totugugunayao kosaakululu Pilemoni ina vada goi.
PHM 1:3 Yaubada Tamada be ida Tomoya Yeisu Guyau idi kanuwóiya be idi tuboina bei sivinim.
PHM 1:4 Livala bogina anove Yaubada ina kimasabayao madabokidi kumatakooiyedi be nakae ida Tomoya Yeisu nava kuunumise, tauna guna kawanoi goi anuwokaavatem go, tuta liliuna akaauyagu guna Yaubada yaina kom manum.
PHM 1:6 Guna kawanoiyana Yaubada yaina bego ida kabivekoveko ida numisa pasina ikitogagem. Moeko goi dogoi liliudi dedevidi Guyau yaina goi siisowóduwo bei kuyagoidokoidi.
PHM 1:7 Siyagu, guna kawanoi itoboine unana im matakoi pasina uyáwana gagaina be nakae atepatu gagaina alootowoidi. Im matakoiyana goi Yaubada ina kimasabayao yawoidi bogina kulisidi. Tauna guna kawanoi goi anuwokaavatem.
PHM 1:8 Tauna latuwogu dogoi tayamo kuguinuwe. Yau Guyau ina vamoléyana magu katepatu gagaina itoboinegu bei alovinaem kaga itoboinem kuguinuwe
PHM 1:9 go, tuwo matakoi pasina akawanoi makimaki yaim dogoiyana kuguinuwe. Yau Paulo Guyau Yeisu ana katumapu be nakae deri ana tokaiyako Guyauyana ana talavaita pasina
PHM 1:10 akawanoimakimakiyem yau natugu Onesimo boi deri goi avaanatune manuna.
PHM 1:11 Tauyana boi geya basabasainamo yaim go, ame tuta tauyana ma basabasaina kom yaim be nakae yau yaigu.
PHM 1:12 Tauyana aetunevile iwo go, tauyana ategu.
PHM 1:13 Latuwogu avagagale bego ikatumapum be guna kaiyaka deri sinaena Vala Dedevina ana talavaita pasina ivaitegu.
PHM 1:14 Go neta geya im tagonamo, e geya tayaamo kaga latuwogu aguinuwe, govila bei im vaita dedevina yaigu moe guna lovina pasina go, geya toinim im nuwonúwana pasina geya.
PHM 1:15 Tauyana geya avagagaleyeta unana nakona tuta kaakupina goi Yaubada ivatumasabemi ame pasina: Bego tutayana ikaluvila iwo, ikaiyako vata yaim. Tauna geya avagagaleyeta.
PHM 1:16 Tutayana ikaluvilamna iwo bei ikaiyako vata yaim go, geya tuwaina im pákwana kaka geya, go sem kidi paakonidi ikalisavedi unana tauyana siyada, ida kalo, Yeisu ana tonumisa tayamo. Tauyana manuna nukotogu iyoi go, nakona kom nukotom iyoi gagaina unana tauyana im pákwana sakava ana dadava goi go, siyam ida spwagógana ida Tomoya taiyao pasina!
PHM 1:17 Tauna neta kom kunuwonúwana bego yau im tosavaiyuwo Yaubada ina paisewa manuna, e agu matakoi yaim goi agu gogo nakae Onesimo kwabimnēi.
PHM 1:18 Go neta kaga nakae boi ina goyo o ana rowaga yaim, e kuyāto, bei yau amapu.
PHM 1:19 Yau Paulo ame toinigu nimagu goi agini! Madabokina bei yau amapusave. Kunuwokavāte yau pasigu yawoim vata bogina kubabane. Moe nakae am rowaga go, geya latuwogu rowagayana manuna akavilevilem.
PHM 1:20 U siyagu, ida spwagógana ida Tomoya taiyao pasina latuwogu vaita kom yaim goi ababane. Ida spwagógana Guyau taiyao pasina yawoigu kulīsi!
PHM 1:21 Ayagoi sopagu bei kwabikaone. Moe pasina leta ame agini unana ayagoi moitamo guna nuwonúwana bei kuguinuwe go, ayagoi bei kukidedededi!
PHM 1:22 E yau kebagu im vada goi kwatuubayāsi. Aalotuta bego imi kawanoi Yaubada yaina goi tuta giyaina bei sitaligeigu, e bei ao. Tauna kebagu kwatuubayāsi.
PHM 1:23 Epapira ina numisa Guyau Yeisu yaina pasina deri ana tokaiyako yau taiyao, e tauyana ina yabobona yaim.
PHM 1:24 Maki, Aristako, Demasi be Luke nakae idi yabobona yaim; tauyadi Yeisu ina tosavaiyuwoyao yau taiyao.
PHM 1:25 Ida Tomoya Yeisu Guyau balomaimi bei ikanuwoiyedi. Yau Paulo
HEB 1:1 Boi nimatu Yaubada ina tokabivalavalayao sopadi goi tubudao ivadigoidi go, giyaina giyaina be ta kenao ta kenao goi ina livalayana ivinidi.
HEB 1:2 Ame tuta ana kaba lukavava Natuna goi ivadigoida.
HEB 1:3 Tauyana Yaubada ana káeyana kanukanununa
HEB 1:4 Tauna anerose itaoyakukuidi
HEB 1:5 Moitamo, anerose itaoyakukuidi. Ava anerose yaina goi Yaubada ibóbwara idigo kana, ‘Kom natugu; yau ame avanatunem’? Same 2:7 Geya tayaamo yaina. O aiyuwoina ava anerose yaina goi ibóbwara idigo kana, ‘Yau Tamana, e Tauyana natugu’? 2 Samwera 7:14 Geya tayaamo yaina.
HEB 1:6 E tuwaina, tutayana Yaubada ina totubukumgo ivamoleye ima poyapoya ame goi, Yaubada idigo kana,
HEB 1:7 Aiyuwoina aneroseyadi manudi idigo kana,
HEB 1:8 Go Natuna yaina idigo kana, ‘Yaubada e,
HEB 1:9 Kibóbwata anasíuna manuna nukotom ikabi go,
HEB 1:10 Aiyuwoina Natuna ilatuwoko idigo kana, ‘Tomoya,
HEB 1:11 Amo dogoiyadi bei sisáwala go,
HEB 1:12 be tanigo nakae kununumidi kuyatoidi.
HEB 1:13 E ava anerose yaina Yaubada idigo kana, ‘Kūma wowoina basekoina kakataigu goi kutusōbu ana kadókana am kaleyayao avasobusobuyedi, e kulovinaedi’? Same 110:1 Geya tayaamo yaina.
HEB 1:14 Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?
HEB 2:1 E Natuna gagaina namliyeta anerose. Moe pasina tauna itoboineda Natunayana ina livala tanuwokavatedi, govila bei tasuláiga.
HEB 2:2 Boi Yaubada ina livala anerose iivinidi sitalavaite Mosese yaina moe livala aba numisa. Tuwo avatauwa neta boi sikapipilave, e idi kapipilovayadi tamo tamo adi katumapu sibabanedoko.
HEB 2:3 Neta amo tauyadi idi kapipilova pasina liuna sibabane, e kita bei manakaeda neta yava gagaina valena takatae? Valayana boi ida Tomoya igimitalavaite go, tauyadi sigiiminove sikamoitamoe yaida. Ago valayana ana kamoitamo Yaubada nakae italavaite kidi taiyao ame nakae: Ina nuwonúwana goi aba kinana kainaaopaidi be guinuwa toogagaidi tamo tamo siguinuwedi be nakae Baloma Kimaasabaina ina kaiguyau tamo tamo tomota iivinidi. Manakae? Neta amo valayana taakatae, bei itoboineda liuna tasiyae? Geya! Tauna tayagoi valayana moe gagaina.
HEB 2:5 Ame moitamo. Livalayana tanuwokavāte. Poyapoya ame sinapuna vau imamaima adigedige go, manakae? Yaubada anerose itagonedi tuta amo tomota liliudi yaidi goi siilovina? Geya!
HEB 2:6 E bogina tayagoi Gínina Kimaasabaina goi Same italavaita avatau bei iilovina. Sameyana idigo kana, ‘Yaubada e,
HEB 2:7 Tuta kaakupina tauna kwaisobuye
HEB 2:8 Go kaga liliuna aena ogalaoina goi kuyatoidi kuvasobusobuyedi, tauna tauyana kaga liliuna bei ikalibubudi.’ Same 8:4-6 Tutayana idigo kana, ‘Kaga liliuna kuvasobusobuyedi’, moe ana yagoina geya tayaamo kaga ikesa bego geya ivasobusobuyeta. Ego ame tuta tagite ana kaigigita bego kaga liliuna aena ogalaoina goi nava geya ivasobusobuyedita.
HEB 2:9 E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana Yeisu. Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.
HEB 2:10 Moitamo Yeisu itoboine ikámasa. Yaubadayana pasina be nakae toinina manuna kaga liliuna sikaaiyaka. Tauna itoboine ada yava ana Tokaimatana ina gedageda goi ikatubayasi bego ina nuwonúwana iguinuwe. Ina nuwonuwanayana bego kita ina bodao liliuda Yeisu ivakededa tana Yaubada ana káeyana tomoeeyalina goi tasiu.
HEB 2:11 Yeisu itoboine ivakededa. Tauyana Tokimasaba be nakae kita kimaasabaida liliudakova unada tayamo, moe Tamada Yaubada, tuwo kita boda tayamo. Moe pasina tauna Tauyana ona geya imaemaeta iduduwedi senao be niunao
HEB 2:12 tutayana Yaubada ilatuwoko idigo kana,
HEB 2:13 Aiyuwoina ina numisa senao nakae manuna idigo kana, ‘Yau bei guna numisa Tauyana yaina goi ayato.’ Aiseya 8:17 Kana,
HEB 2:14 E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe Totagíwaya.
HEB 2:15 Aiyuwoina ikote bego kita italigeida. Kita yawoida madabokina goi tamatoita bego ámasa ana tuta liuna tababane, e moe matoitayana boi iipakoida go, bogina italigeida.
HEB 2:16 Bogina tayagoi Tauyana ima geya bego anerose ivaitedi, go sem ima kita Eberamo tubunao ivaiteda.
HEB 2:17 Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be aba numisa Yaubada ina paisewa liliudi manudi, e bei kita ina bodao ida goyo inuwolidi.
HEB 2:18 Tauyana itoboine ivaiteda. Boi gedageda ilotowo tutayana aba vakakona ibabane. Tauna itoboine tauyadi adi kaba vakakona sibaabanedi ivaitedi.
HEB 3:1 E tauna segowo kimaasabaimi Yaubada umana be nakae yábana goi mami duduwo yau nakae, Yeisu tanuwolelēuye. Tauyana Yaubada ina vamoléyana be nakae ida Tonúwala Toolagaina takamooitamoe.
HEB 3:2 Tauyana aba numisa ina tovayókwana yaina goi nakae Mosese aba numisa tovayokwanayana ina bodayáuwo yaidi goi.
HEB 3:3 Tauna Yeisu tanuwolelēuye. Tauyana itoboine taimámina ibabane namliyeta baige Mosese. Moe nakae vada ana toyówana taimámina gagaina ibabane namliyeta vadayana.
HEB 3:4 Bogina koyagoi. Vada liliudi sikaaiyaka tomota siyowóidi go, Yaubada kaga liliuna adi toyówana.
HEB 3:5 Go Mosese tovaita aba numisa, e Yaubada ina bodayáuwo liliudi ivaitedi be kaga nava bei Yaubada iidigedi tauyana italavaitedi.
HEB 3:6 E kina go Guyau aba numisa, tuwo Yaubada ina vada irugwausidoko geya kada kitom nakae geya, go sem Natuna nakae. Vadayana moe kita, neta moitamo ida katepatu Yaubada yaina manuna be nakae ida uyawana gagágasa ida lotuta ina katótula manudi tayoisikaavatedi.
HEB 3:7 E Baloma Kimaasabaina idigo kana,
HEB 3:8 taabu kodaabakāsa
HEB 3:9 Amoko goi tala poti guna guinuwa toogagaidi
HEB 3:11 Nakae boi guna egamogamogu goi
HEB 3:12 Tauna nakae Baloma Kimaasabaina ina bobwarayana, segowo, e alatuwokoimi komi nakae mami nunūwata, govila bei tomota maniyemi yaimi goi atemi madi goyo, e imi numisa goi kosou bei Yaubada maa yawoina kokalave.
HEB 3:13 Go sem maliyalina tamo tamo goi semiyao atedi kovapatuupatūdi. Neta itoboineda kada, ‘Ame tuta’, e nakae koguuinūwe, govila bei maniyemi goyo ina pola pasina kodabakasa.
HEB 3:14 Bogina koyagoi. Kita bogina Guyau tasiuko taeboda tayamo neta ida numisa boi mainao tagiminumisa nakae tayoisikavate ana kadókana tuta ana kaba lukavava.
HEB 3:15 Moe nakae Same idigo kana,
HEB 3:16 Moitamo taabu kodaabakāsa. Avatauwa yoyowo goi boi Yaubada sinove go, sopana sikapipilave? Tubumiyao maniyedi? Geya, go sem madabokiidi Mosese boi ivakededi Itipita goi sisowóduwo.
HEB 3:17 E avatauwa tala poti goi Yaubada iegamogamoguyedi? Tauyadi toogoyoidi boi yoyowo goi sikámasa ae?
HEB 3:18 Boi Yaubada ikatótula idigo kana, ‘Guna kaba waiwasi bei geya sisiuta geya.’ Same 95:11 Go moe avatauwa yaidi ikatótula? Kidi tokapipilova ae?
HEB 3:19 Tuwo tagite bego ina kaba waiwasiyana goi geya itoboinedita sisiu unana geya sinumiseta.
HEB 4:1 Tauna ame tuta Yaubada ina katótula ina kaba waiwasi ina siu manuna nava ikaaiyaka, tuwo apipilova tamatōite, govila bei maniyeda takapusi, e geya itoboinedeta tasiu.
HEB 4:2 Ida matoitayana itoboine. Amo tokapipilovayadi Vala Dedevina waiwasi manuna Yaubada goi sinove go, geya ivaitedita unana sikatae valayana sinumise. Kita nakae. Vala Dedevina Yeisu ina waiwasi manuna bogina tanove go, neta geya tanumisedokoeta, kita tauyadi nakae, geya ivaitedeta.
HEB 4:3 Ina kaba waiwasiyana goi kita tonumisa tasiu. Aba waiwasiyana moitamo ikaaiyaka nakae Yaubada idige kana, ‘Nakae boi guna egamogamogu goi bogina toinigu yoigu goi akatótula kagu, “Guna kaba waiwasi goi bei geya sisiuta!”’ Same 95:11 Moeko goi tayagoi tomota ida kaba waiwasi bogina ikatubayasi boi nimatu kaga liliuna ana madágina ana kaba lukavava goi.
HEB 4:4 Ame moitamo. Maliyalina ainima aiyuwoina manuna Gínina Kimaasabaina bogina idigo kana, ‘Maliyalina ainima aiyuwoina Yaubada ina paisewa madabokina yaidi goi iwaiwasi.’
HEB 4:5 Aiyuwoina amo aba waiwasiyana manuna idigo kana,
HEB 4:6 E aba waiwasiyana nava ikaaiyaka bei tomota maniyedi itoboinedi sisiu go, tauyadi boi Vala Dedevina sigiiminove geya sisiuta unana sikapipilova.
HEB 4:7 Tauna aiyuwoina tuta tayamo iupae bei tomota sisiu. Tutayana moe ame. Aba waiwasiyana boi nimatu tokapipilova geya sisiuta go, tala maanawena mlidi Devida ina gínina goi Yaubada niyana italavaite nakae bogina adige kagu,
HEB 4:8 Moitamo aba waiwasi nava ikaaiyaka. Iyosuwa boi Isileli tubunao ivakededi sina Kenani goi sisiu bei aba waiwasi sibabane. Go neta aba waiwasiyana moe Kenani kaka, kaga unana niga Yaubada ilatuwokoida ituli ta kaba waiwasi manuna? Moeko goi tayagoi aba waiwasi toina idigedige.
HEB 4:9 Tauna kita Yaubada ina bodao ida kaba waiwasi nava ikaaiyaka bei itoboineda tasiu, aba waiwasiyana moe Sabati ana uyáwana nakae.
HEB 4:10 Avatauwa kita neta Yaubada ina kaba waiwasi goi tasiu, ida paisewa goi tawaiwasi nakae Yaubada toinina ina paisewa goi bogina iwaiwasi.
HEB 4:11 Tauna tapoisōgana aba waiwasiyana goi tasiu, govila bei tayamo yaida tokapipilova ina kapipilova ivatotowone, tauna ikapusi isou.
HEB 4:12 Yaubada ina vala bogina taanove moe maa yawoina. Nakae maa myana be sisi nakae isosoina toina namliyeta sisi liliudi sooinidi matadi aiyuwo nakae. Sisiyana itoboine isiu ina luluda sabalina goi be ada savi goi. E Yaubada ina livala nakae. Itoboine isiu ina nuwoda be balomaida goi. Tuwo itoboine nuwoda ina nuwonúwana be ina nuwogau idovatusidokoidi.
HEB 4:13 Yaubada matana goi geya kada tayaamo kaga vamoounina geya, go sem kaga liliudi sowooduidi be geya adi tabodamo. E Tauyana yaina goi ida guinuwa bei tatalaseyanedi. Tauna tapoisōgana aba waiwasiyana tasiu.
HEB 4:14 E kita mada Tonúwala Toolagaina; Tauyana Yeisu, Yaubada Natuna, bogina ituko yábana. Tauna ame takamoitamōe go, ida kamoitamoyana tayoisiikavāte.
HEB 4:15 Moe itoboine. Kita mada Tonúwala Toolagaina go, geya kada Tonúwala Toolagaidi liliudi nakae geya. Kidi Tonuwalayadi liliudi geya itoboinedita ida neneta silotowoidi. Go sem kita ida Tonúwala ida nenetayadi ilotowoidi. E Tauyana vakakona liliudi kita nakae bogina ibabanedi go, geya ina goyomo.
HEB 4:16 Tauna mada katepatu Tokanayatanatoina, moe anuwóiya ana Tokaiguyau, tanōko bego ina nuwokapisi tababane be nakae ina kanuwóiya ada mou manudi tababane.
HEB 5:1 Guna bóbwara moitamo. Tonúwala Toolagaidi tamo tamo tomota yaidi goi Yaubada ikinavedi namliyeta ivayokoidi tomota adi katumapu ina guinuwa manuna bego itoboinedi tomotayadi idi kauyagu ana yabobona be idi goyo adi vininabeso sikasaledi Tauyana yaina.
HEB 5:2 Moe unana tauyadi itoboinedi idi guinuwa goi sikubunuwa tomota sulaaigidi nakae tamogemogedi yaidi unana Tonuwalayadi madi neneta tomota liliudi nakae.
HEB 5:3 Idi nenetayadi pasidi itoboine toinidi idi goyo adi vininabeso tomota idi goyo adi vininabeso nakae sikasaledi Yaubada yaina.
HEB 5:4 Geya vatau tayaamo itoboine paisewa wowooinina ame toinina ikabi, go sem moe Yaubada ina kinava goi. Moe nakae boi Eroni ikabi.
HEB 5:5 Kina go Guyau ana kinava nakae. Toinina yoina geya ikilagasiyeta ietonúwala toolagaina geya, go sem ana Tokilágata ikinave idigo kana,
HEB 5:6 Nakae ituli ta buki goi idigo kana,
HEB 5:7 Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.
HEB 5:8 Ago Guyau moitamo Yaubada Natuna go, tuwo gedageda ilotowo, e bei gedagedayana goi Yaubada ina nuwonúwana ana kabikáwana iyagoidoko.
HEB 5:9 Tuwo tutayana Yaubada ikimatuwe, Tauyana kita ana tokabikawanayao liliuda ada yava vata unana.
HEB 5:10 Moe itoboine unana Yaubada bogina ivayoko kina Tonúwala Toolagaina nakae Melikisedeki.
HEB 5:11 Yeisu ina paisewa núwala manuna livala liliudi sikaaiyaka go, adi talígava simoumou yaimi unana dabami sipatu.
HEB 5:12 Ame moitamo. Tuta maanawena bogina konumisa, e itoboine ame tuta kovatulúkwana go, geya, go sem itoboine Yaubada ina livala vakuumgoidi adi kaba vatowo aiyuwoina sivatuluukomneimi. Tauna komi nava nunu kaka itoboinemi go, awoinu kasakasaina geya itoboinemita.
HEB 5:13 Avatauwa neta avadi moe nunu kaka, tauyadi nava gariyadi Yaubada ina livala nuwona ana kibóbwata manuna. Tauyadi nava memeya nakae.
HEB 5:14 Ego awoinu moe tomatuwo manudi. Amo tauyadi idi matuwo goi nuwodi poolalaina dovatusi ina sinapu bogina sigiepanaisi be itoboinedi sidovatusi dókana nako dogoi dedevina, nako goyogoyoina.
HEB 6:1 E tauna vatulúkwana vakuumgoidi Guyau manuna bogina tayagoidi, tauna vatulúkwana tuwaina goi tabibībina be ida numisa goi tamatūwo. Ago taabu vatulúkwana vakumgoidiyadi lasáuna nakae takaudakodaakomnēi. Moe nakae takaluvilamna tana vatulukwanayadi sivatulukomneida. Vatulukwanayadi ame nakae: Guinuwa aba kámasa goi tatugavila, numisa Yaubada yaina,
HEB 6:2 sayóyova adi vatulúkwana, ada tovakumgoyao nimadi adi yata dabada goi, tokámasa idi taoyamna be nakae takínona vailai vaatayaina manuna. Moe vatulukwanayadi bogina konovedi tutayana kogiminumisa.
HEB 6:3 Tauna ida numisa goi tamatūwo. Nakae yau be komi taiyao bei taguinuwe neta moitamo Yaubada itagona.
HEB 6:4 Avatauwa neta nuwodi boi Yaubada itapasigidi, yabobona yábana goi ima silotowo, Baloma Kimaasabaina bogina sisiuko, Yaubada ina livala dedevina bogina silotowo be nakae ina togaga tuta imamaima manuna bogina silotowoidi go, niga idi numisa sikalave, e geya vatau tayaamo itoboine iyolimemneidi bei situgavila geya. Tauyadi Yaubada Natuna kerose goi situpatukomnei be nakae sigieomaemaemnei.
HEB 6:7 Poyapoya neta kúwana isou inim, vévana bei sitabo namliyeta dibayoya basabasaina isowóduwo tobágula manudi, e moeko goi poyapoyayana Yaubada bogina ikaipakuye.
HEB 6:8 Ego poyapoyayana goi neta taliboibo be pulipuli sitabo, tadigo kada, ‘Poyapoyayana geya basabasainamo; Yaubada ikatubolate.’ Tauna tagabu. Latuwoda bego kita poyapoya ma basabasaina nakae ae?
HEB 6:9 E guna kaloyao, guna katumátala moumoudi goi alatuuwokoimi go, ayagoidokoimi enao dedevina bei koketoiya. Moe aba kinana ami yava bogina kobabane.
HEB 6:10 Ame moitamo. Yaubada Totakinona vavasa, tauna imi paisewa be nakae imi matakoi Tauyana yaina goi geya inuwoilavedita. Matakoiyana bogina kovagitakoe tutayana Yaubada ina kimasabayao boi kovaaitedi be nakae ame tuta nava kovaaitedi.
HEB 6:11 E latuwogu toina bego komi tamo tamo amo sinapuyadi manudi nava kopooisógana ana kadókana tuta aba lukavava goi nakae boi bogina koguuinuwedi, bei Yaubada ina katótula kolotuutaedi kobabanedi.
HEB 6:12 Moe nakae kopooisōgana, govila bei kosumoya. Geya latuwogu kosumoya, go sem tauyadi madi numisa be madi mesayágana atótula keuwoidi sibaabanedi kovatotoowonedi.
HEB 6:13 Eberamo aba gita tayamo numisa be mesayágana manudi. Eberamoyana yaina goi Yaubada ikatótula go, geya vatau yoina Yaubada yoina ikalisave, tauna toinina yoina goi ikatótula bei atotulayana iguinuwe.
HEB 6:14 Ina katotulayana idigo kana, ‘Moitamo bei akaipakuyem bei im boda akisailidoko.’
HEB 6:15 Tuwo Eberamoyana mana mesayágana ituyáwata go, kaga Yaubada ikaatotule, e keuwoina Eberamo ibabane.
HEB 6:16 Yaubada ina kanatamadayana kita tomota nakae. Neta takanatamada, you gagaina goi takanatamada. Anatamadayana moe aba kamoitamo bego taguinuwa nakae takatótula be nakae tomota geya itoboinedita silawoiwoiyeda.
HEB 6:17 Yaubada nakae. Latuwona bego tauyadi yaidi boi iikatótula ivatulukodokoidi kaga boi bogina iyupu bei iguinuwe go, ina yupunayana geya ikatuvilevileta. Tauna toinina yoina goi ina katótula ikamoitamoe yaidi.
HEB 6:18 Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.
HEB 6:19 Ida lotutayana vailówana nakae, toogagaina be nakae aba numisa, bei ivapaipida geya idoiyedeta go, lotutayana pasina itoboineda tasiu vabodaupa kaarekoina Tukunu Kimaasabaina Toina yábana goi.
HEB 6:20 Amoko goi Yeisu ada tovakumgo bogina isiu unana bogina ietonúwala toolagaina vata nakae Melikisedeki.
HEB 7:1 Moitamo. Yeisu Melikisedeki nakae. Ame Melikisedekiyana da Salema adi tokalibúbuna. Tauyana Yaubada Tokanayatanatoina ina Tonúwala. Boi nimatu Eberamo ivayaviya tolovina yaidi goi, e itogagasavedi. Ikavava, ikaluvilamna imamaima go, Melikisedekiyana ima ivalobode ikaipakuye.
HEB 7:2 Ikavava, Eberamoyana tolovina konadi liliudi iwotaidi aiguyau ana badabada yawou go, aiguyau tayamo ikabi, Melikisedekiyana ivini. Melikisedekiyana yoina ana yagoina mainao moe tokalibúbuna kiboobosina. Aiyuwoina tauyana da Salema adi tokalibúbuna. Salemayana ana kaigavila moe tuboina, tauna mana tuboina ikalibúbuna.
HEB 7:3 Gínina Kimaasabaina goi geya tayaamo kaga ikaaiyaka bei tayagoi tamana be sinana avatauwa. Nakae ina bodao adi liliu Gínina Kimaasabaina goi geya ikaiyaketa. Geya tayagoiyeta ava tuta ibíbina o ava tuta ikámasa. E ana kaigigita tauyana Yaubada Natuna nakae, tauna ietonuwala vata.
HEB 7:4 E ame tauyana kogīte tayamo koroto toolagaina! Eberamo koroto tayamo gagaina go, boi tolovinayadi konadi iwotaidi aiguyau yawou, e aiguyau tayamo ikabi, Melikisedekiyana ivini. Tauna Melikisedeki koroto gagaina namliyeta Eberamo.
HEB 7:5 Ago avatauwa neta Tonúwala Livai tubunao yaidi goi madi lovina nakae Yaubada ina Katukeda idigedige, itoboinedi Yaubada ina bodao idi kaiguyau yawou goi aiguyau tayamo sikabi. Go Livai tubunaoyadi be Yaubada ina bodao boda tayamo, Eberamo tubunao!
HEB 7:6 E kina go Melikisedekiyana Livai tubunao goi geya isowoduwoita, tauna geya ana tagonamo bego tomota idi yawóuna ikabidi go, tuwo Eberamo goi yawounayana ikabi namliyeta Eberamoyana ikaipakuye. Ame Eberamoyana yaina goi boi Yaubada ikatótula.
HEB 7:7 E ida nuwonúwana tayamo bego avatau neta tokaipaku moe tauyana gagaina namliyeta tauyana ikaipakuye. Melikisedeki nakae. Tauyana Eberamo ikaipakuye, tauna itobusave.
HEB 7:8 Ago kidi Livai tubunaoyadi yawóuna sikabikabi go, sikamakámasa. Go Gínina Kimaasabaina ikamoitamo bego kina Melikisedekiyana nava ikaiyako vata, tauna ikalisavedi.
HEB 7:9 Livai tubunao idi paisewa moe yawóuna tomota goi sikabikabi go, ana kaigigita Eberamo goi yawóuna Melikisedeki sivini.
HEB 7:10 Ame moitamo. Boi nimatu tutayana Melikisedeki Eberamo ivalobode, e Eberamoyana tubuna moe Livai go, Livaiyana Eberamo peleleotuna goi nava ikaaiyaka.
HEB 7:11 Tuwo Tonúwala adi kinava unana moe Yaubada ina Katukeda boi tubudao ivinidi. Tauna nakona kita tanuwonúwana bego Tonúwala Livai goi sima itoboinedi tomota sikimatuwedi. Go geya itoboinedita. Tauna itoboine Tonúwala tayamo itáoya geya kada Eroni nakae geya, go sem Melikisedeki nakae.
HEB 7:12 Neta ituli ta Tonúwala itáoya, itoboine Tonúwala ana kinava ana lovina Yaubada ina Katukeda goi nakae isensi.
HEB 7:13 Moitamo. Tonúwala ana kinava ana lovina vau ikaiyaka. Yaubada ina Tonúwala dala vau goi ikinave moe Yeisu. Bogina koyagoi. Tauyana adigedige moe geya ma Livai geya, go sem ana dala ituli. Boi nimatu ima ame tuta dalayana goi geya tayaamo Tonúwala itáoya geya.
HEB 7:14 Ame moitamo. Bogina tayagoi ida Tomoya tubuna moe Yuda go, ame dalayana manuna geya tayaamo kaga Mosese idige bego koroto amo dalayana goi itoboine ietonúwala.
HEB 7:15 Moe imavada toina unana ituli ta Tonúwala bogina itáoya, Tauyana Melikisedeki nakae.
HEB 7:16 Tauyana ietonúwala geya kada tomota adi liliu goi o kada, ‘Eroni goi’ nakae Yaubada ina Katukeda ana lovina idige geya, go sem yawoina toogagaina goi. Yawoinayana geya tayaamo kaga itoboine itusaoli, go sem ikaiyako vata.
HEB 7:17 Moe nakae Gínina Kimaasabaina ikamoitamoe kana,
HEB 7:18 Moeko goi gimilovina Tonúwala adi kinava manuna bogina itauwe unana lovinayana neenetaina be geya basabasainamo.
HEB 7:19 Moitamo. Yaubada ina Katukeda geya tayaamo kaga ikimatuwe. Ego ituli ta kenao bogina isowóduwo go, enaoyana talootutae moe dedevina toina. Enaoyana goi itoboineda Yaubada tanoko.
HEB 7:20 Go moe Yaubada ina guinuwayana toinina yoina goi ikamoitamoe. Bogina koyagoi. Tutayana Livai tubunao sietonúwala Yaubada toinina yoina goi geya ikamoitamoedita.
HEB 7:21 E kina go Yeisuyana ietonúwala tutayana Yaubada toinina yoina goi ikamoitamoe. Ina kamoitamoyana Devida italavaite idigo kana,
HEB 7:22 Moeko goi Yaubada Yeisu ikamoitamoe, tauna tayagoi Tauyana ina kanasiuna vau anasiuna bogo idedevinasave.
HEB 7:23 Tonúwala badabadaaidi bogina sikaaiyaka unana ámasa pasina geya itoboinedita sikaiyako vata. Tauna tayamo ikámasa, ana katumapu itáoya. Nakae nakae go, liliudikova sikámasa.
HEB 7:24 E kina go Yeisuyana ikaiyako vata, tauna Tauyana ida Tonuwala vata.
HEB 7:25 Moe pasina tauna avatauwa kita neta Yeisu goi Yaubada tanoko, e Yeisuyana itoboine iyavevataeda unana tuta liliuna maa yawoina bei ivapiisiyeda Yaubada yaina goi.
HEB 7:26 Moitamo! Itoboine toina kita mada Tonúwala Toolagaina amo nakae. Tonuwalayana moe Yeisu. Tauyana kimaasabaina Yaubada umana, geya ana pikwanamo, kaasalaina Yaubada yaina, geya tayaamo goyo ikibaibaili, tomota toogoyoida yaida goi Yaubada bogina ivatumasabe go, ikilagasi yábana goi.
HEB 7:27 Tauyana geya gimi Tonúwala Toolagaidi liliudi nakae geya. Kidi maliyalina tamo tamo goi toinidi idi goyo manudi idi vininabeso sikaasaledi Yaubada yaina namliyeta boda idi goyo manudi. Moitamo. Kina Tonuwalayadi liliudi nakae geya. Tauyana sivatayamo toinina ikasale Yaubada yaina goi kita ida goyo manudi.
HEB 7:28 Ame moitamo. Nakae Yaubada ina Katukeda idige, e koroto neenetaidi sietonúwala toolagaidi go, Atukedayana mlina Yaubada ina kamoitamo toogagaina goi Natuna ivayoko kina Tonúwala Toolagaina unana bogina ikimatuwevatae.
HEB 8:1 E guna bóbwara ana masi ame nakae: Kita mada Tonúwala Toolagaina; Tauyana moe Yeisu. Tauyana aba wowoina Tokanayatanatoina kebana esaaesaina kakataina yábana goi iitusobu.
HEB 8:2 Tauyana Yaubada ana katumapu Bateta Kimaasabaina Yaubada ina Kaba Kaiyaka toina sinaena goi ipaaisewa. Aba Kaiyakoyana yábana goi ikaaiyaka, tauna tomota geya siyowoeta, go sem Tomoya iyowo.
HEB 8:3 Moitamo Tauyana Bateta Kimaasabaina goi ipaaisewa. Tonúwala Toolagaidi tamo tamo poyapoya ame goi Yaubada ivayokoidi bei idi kauyagu ana yabobona be nakae vininabeso yoguyogu sikasaledi Tauyana yaina. Moe pasina tauna Yeisu ida Tonúwala Tolagainayana nakae itoboine vininabeso tayamo ikasale Yaubada yaina.
HEB 8:4 Tauna neta Yeisu poyapoya ame goi ikaaiyaka, geya itoboineyeta bei ietonúwala unana Tonúwala bogina sikaaiyaka, vininabeso sikaasaledi Yaubada yaina nakae ina Katukeda goi boi bogina idige nakae.
HEB 8:5 Aba Kaiyakoyana poyapoya ame goi sitaaimámina moe Yaubada ina Kaba Kaiyaka yábana goi ana tapata o kada, ‘Makayauna.’ Moe pasina boi tutayana Mosese giyakainava Yaubada ina Kaba Kaiyaka ivatowo imadagi, Yaubada ikatusinapu idigo kana, ‘Mosese, am dodōkana bei kaga liliuna boi mainao koya goi bogina avatulukoim, e nakae kutapatēdi.’
HEB 8:6 E ame tuta kita ida Tonúwala Toolagaina moe Guyau. Go ina paisewa Yaubada ivini moe tonuwalayadi idi paisewa idedevinasavedi unana Tauyana Yaubada ana katumapu, e ina guinuwa goi Yaubada ikanasiunamna kita taiyao. Go moe anasiuna vauyana anasiuna bogo idedevinasave. Atótula dedevidi goi toinina ilovina anasiuna vau manuna. Anasiuna vauyana unana moe atótula dedevidi, nakae anasiuna bogo ana katótula sidedevinasavedi.
HEB 8:7 Neta gimikanasiunayana geya ana goyomo, anasiuna vau geya iguinuweyeta ae?
HEB 8:8 Ame moitamo. Boi nimatu Yaubada Isileli tubunao igitedi idi sinapu igoyo, tauna ina livala ina tokabivalavala Yeremaya italavaite idigo kana, ‘Yauwe idigo kana,
HEB 8:9 Tuwaina Yauwe kana,
HEB 8:10 Yauwe tuwaina kana,
HEB 8:11 Tuwo idi guinuwa goyogoyoidi bei anuwotaoidi
HEB 8:13 Tutayana Yaubada idigo kana, ‘Anasiuna vau bei aguinuwe’, moeko goi ina kanasiuna bogo bogina ikaibogo nakae geya basabasainamo. E anasiuna bogoyana giyakainava bogina isaosáwala.
HEB 9:1 E Yaubada ina kanasíuna vakuumgoina mana lovina tomota idi taimámina Tauyana yaina manuna be nakae mana lovina ina Kaba Kaiyaka yoyou kimaasabaina poyapoya ame goi manuna.
HEB 9:2 Guna nuwonúwana alumavivisi. Yaubada ina Kaba Kaiyaka yoyouyana siyowo go, vabodaupa kaarekoina ivabodaupe, dadava aiyuwo. Dadavayana vakuumgoina goi rampa adi kaba yata be beredi kimaasabaidi ma teboroina sikaaiyaka. Moe dadavayana yoina Bateta Kimaasabaina.
HEB 9:3 Go Aba Kaiyakayana sinaena vabodaupa kaarekoina mlina goi dadava aiyuwoina yoina Tukunu Kimaasabaina Toina.
HEB 9:4 Tukunuyana ana kaba siu goi insensi ana kaba kasala goura ikaaiyaka. Ago Tukunuyana sinaena goi Yaubada ina kanasíuna dedeogaina ikaaiyaka. Dedeogainayana toluyena madabokina goura go, sinaena goi mana ma botorina goura, Eroni ina kaituko tabotaboina, be nakae Yaubada ina kanasíuna ana lovina ma gurewaidi sikaaiyaka.
HEB 9:5 E dedeogayana yatana yábana ana tomatakavatayao adi tapata sikaaiyaka sitaakabobo aba núwala sivainugone; tauyadi moe Yaubada ana káeyana. Ame tuta geya itoboineguta moe dogoiyadi ataligeidokoidi.
HEB 9:6 E tutayana amo dogoiyadi Yaubada ina Kaba Kaiyaka manuna sikatubayasidi nakae ikavava, Tonúwala tuta liliuna sisiusiu Yaubada ina Kaba Kaiyakayana dadava vakuumgoina goi madi taimámina Tonúwala ina paisewa siguuinuwedi.
HEB 9:7 Go dadava aiyuwoina sinaena goi Tonúwala Toolagaina anetava sivatayamo tala tamo tamo bei isiu. Go tutayana isiu, ikaika ime bei ikasale toinina ina goyo manuna be nakae tomota idi goyo madi tamogemoge siguuinuwedi manudi.
HEB 9:8 Baloma Kimaasabaina ame ivatulukoida: Neta dadava vakuumgoina ana paisewa nava ikaaiyaka, e Tukunu Kimaasabaina Toina ana siu ana kenao geya ikatupaeveta.
HEB 9:9 Ame dadava vakumgoinayana moe livalakaibala tayamo ame tuta manuna. Livalakaibalayana goi tayagoi yabobona be vininabeso yoguyogu takasaledi Yaubada yaina go, dogoiyadi geya itoboinedita bei kita Yaubada ana tosakululuyao sikimatuweda bei nuwoda geya isabutukoidita.
HEB 9:10 Amo guinuwayadi moe lovina awoinu be nim be níkina kaka manudi. Go amo guinuwayadi geya nuwoda manudi geya, go sem moe sakava ana lovina Yaubada boi ivinida tasabokuuliyedi ana kadókana enao vau iyato.
HEB 9:11 E kina go Guyau ada Tonúwala Toolagaina bogina isowóduwo go, dogoi dedevidi bogina iguinuwedi. Tauyana Bateta Kimaasabaina goi isiu go, ame Batetayana tomota nimadi goi geya siyowoeta nakae geya Yaubada ana madágina poyapoya ame goi geya. Bateta Kimaasabaina poyapoya ame goi ikalisave be nakae idedevinasave.
HEB 9:12 Bateta Kimasabainayana yábana goi isiu ina Tukunu Kimaasabaina Toina goi go, geya kada goti ikaikaina goi o bulumakau bonatuna ikaikaina goi geya, go sem toinina ikaikaina goi sivatayamo Tukunuyana isiu, e ina guinuwa goi itatetevataeda.
HEB 9:13 Tayagoi ikaikaina ana paisewa moe moitamo. Boi avatauwa neta ma baailidi, itoboinedi sina Tonúwala yaidi goi go, Tonuwalayadi goti o bulumakau bolamo sikaumate, ikaikaina sikabi, tauyadi ma baailidi siseulidi sikimasabedi Yaubada umana, tauna idi báila goi simavada. O nakona bulumakau sikabi, sivakasave. Ikavava, selekauna sikabidi, bwae taiyao sipopolidi, tauyadi ma baailidi siseulidi, sakavaidi sikimasabedi Yaubada umana, tauna idi báila goi simavada.
HEB 9:14 Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina Yeisu ikaikaina ikalisavedi, e nuwoda ikimavadedi.
HEB 9:15 Moe pasina tauna Yeisu moe Yaubada ina togúdala ina kanasiuna vau manuna, e bei kita, Yaubada bogina iduuduweda bego ina bodao, itoboineda bei ada vaiwowana vata ikaatotule tababane. Go Guyauyana Yaubada ina togúdala ina kanasiuna vau manuna ame nakae: Tauyana ikámasa bei ida goyo boi taguuinuwedi tutayana Yaubada ina kanasíuna vakuumgoina goi takaaiyaka yaidi goi itateteda.
HEB 9:16 Aba gita aguinuwe. Anasíuna moe tokámasa dalowoina ana lovina nakae. Koroto tayamo ina dalowo ana lovina konana ana kaiguyau manudi iyato go, lovinayana itoboine bei isowóduwo tutayana lovina ana toyata ikámasa.
HEB 9:17 Bogina koyagoi. Ana kadókana tauyana bei ikámasa, e lovinayana geya itoboineyeta isowóduwo. Neta lovinayana ana toyata maa yawoina, ina bodao geya itoboinedita siguinuwe.
HEB 9:18 Ame pasina boi Yaubada ina gimikanasíuna yoguyogu ikaikaina goi iguinuwe.
HEB 9:19 Ame moitamo. Boi Yaubada ina Katukeda Mosese ivini. Niga Atukedayana ana lovina liliudi Mosese italavaitedi tomota yaidi. Italavaitedi ikavava, bulumakau bonatuna be goti bolamo ikaumatedi go, ikaikaidi ikabidi, bwae taiyao ipopolidi. Ikavava, sipi unuununa kayakayaina ikabi, náuna isopi maniyedi taiyao isikoidi. Ikavava, bwae be ikaika goi isavakutui namliyeta anasíuna bukina be nakae tomotayadi liliudi iseulidi go,
HEB 9:20 idigo kana, ‘Ame ikaikayana goi Yaubada bogina ikanasiukoida. Ilovina anasiunayana tayoisikavāte.’
HEB 9:21 Nakae ikaika ikabi, Yaubada ina Kaba Kaiyaka ma konanina liliudi idi taimámina Tauyana yaina manuna iseulidi.
HEB 9:22 Itoboineda kada, ‘Yaubada ina kanasiuna bogo ina tuta ikaika goi dogoi liliudi takimavadedi nakae ina Katukeda idige.’ Go neta ikaika geya idauta, geya kada tayaamo enao ikaaiyaka ida goyo adi nuwotao manuna geya.
HEB 9:23 E tuwo Yaubada ina Kaba Kaiyaka ma konanina yábana goi Mosese boi itapatedi, e poyapoya ame goi imadagidi. Itoboine bei yoguyogu ikaikaidi goi moe tapatayadi ikimavadedi núwala manuna go, dogoiyadi yábana goi adi kaba kimavada idedevinasavedi; aba kimavadayana moe Guyau ikaikaina.
HEB 9:24 Moitamo. Guyau ikaikaina itoboine. Tauyana Tukunu Kimaasabaina toina siyowoyowo goi geya isiuta. Moe Tukunuyana Tukunu mooitamoina yábana goi ana tapata, go sem Tauyana yábana toina isiu ina ame tuta Yaubada matana goi ikaaiyaka kita manuda.
HEB 9:25 Aiyuwoina geya itoboineyeta Tauyana tuta tuta toinina iikasale ámasa goi Tonúwala Toolagaidi nakae siguinuwe geya. Tala tamo tamo Tonúwala Toolagaina tayamo Tukunu Kimaasabaina Toina goi isiu inuwonúwala go, ina nuwalayana geya toinina ikaikaina goi geya, go sem yoguyogu ikaikaidi goi inuwonúwala.
HEB 9:26 Neta Guyau amo Tonúwala Tolagaidiyadi nakae, itoboine tuta tuta gedageda ilotowo poyapoya ana madágina kunu goi go, ima ame tuta goi. Go moe nakae geya isowoduwoita, go sem bogina sivatayamo tauna tuta ana kaba lukavava goi isowóduwo ina toinina ikasale ámasa goi goyo ana tauwa manuna.
HEB 9:27 Kita tomota liliuda ada lovina ikaaiyaka bego sivatayamo bei takámasa namliyeta takínona ana tuta.
HEB 9:28 Guyauyana nakae. Ana lovina goi sivatayamo Yaubada ikasale ámasa goi be tomota liliuda ida goyo ikabidi ikalavedi go, Tauyana bei aiyuwoina ikaluvilamna ima geya kada ida goyo manudi geya, go sem bei kita mada salau tatuuyaosi ada yava manuna.
HEB 10:1 Guyau ina kasalayana tuwaina ataligei. Yaubada ina Katukeda moe dogoi dedevidi nava bei Yaubada iguuinuwedi yaida makayaudi. Atukedayana geya kada dogoi toina geya. Tauna nakona Tonúwala Toolagaina tala tamo tamo goi tuta liliuna yoguyogu sikaumatedi sikaasaledi Yaubada yaina bego tomota sidedevina Yaubada matana goi go, Atukedayana geya itoboineyeta bei Yaubada ana tovalabelabenayao ikimatuwedi.
HEB 10:2 Manakae? Amo vininabeso yoguyoguyadi nava bei sikaasaledi idi goyo manudi neta sikimavadevataedi? Geya! Neta amo vininabesoyadi moitamo sivatayamo sikasaledi be sikimavadedi, e Yaubada ana tosakululuyao nukotodi geya isabutukoidita idi goyo manudi. Go moe nakae geya isowoduwoita!
HEB 10:3 Go sem vininabesoyadi moe adi kaba nuwokavata tala tamo tamo goi kidi nava madi goyo.
HEB 10:4 Ame moitamo. Bulumakau bolamo be goti bolamo ikaikaidi geya itoboinedita tomota ida goyo sitauwedi.
HEB 10:5 E tauna tutayana Guyau ima poyapoya ame goi, Yaubada ilatuwoko, idigo kana,
HEB 10:6 Tomota idi vininabeso yoguyogu sivakasavedi
HEB 10:7 Tuwo kagu,
HEB 10:8 Mainao maeko goi Tauyana kana, ‘Yoguyogu ikaikaidi adi kasala, parawa ana vininabeso, tomota idi vininabeso yoguyogu sivakasavedi adi kasala be nakae yoguyogu sikaumatedi adi kasala goyo manudi geya latuwom be nakae geya kuuyaonedita.’ Same 40:6 Go moe dogoiyadi sikasaledi nakae Yaubada ina Katukeda idige go, tuwo amo nakae Yaubada ilatuwoko.
HEB 10:9 Niga idigo kana, ‘Gwa! Yau amegu. Bogina ama bei kom im nuwonúwana aguinuwe.’ Same 40:8 Bogina kogite? Enao bogo goyo adi núwala ikabi ikalave go, enao vau iyato.
HEB 10:10 Ina nuwonuwanayana pasina, tauna Yeisu Guyau sivatayamo wowona ana kasala goi ikimasabeda Yaubada umana.
HEB 10:11 Tuwo Tonúwala liliudi Vada Kimaasabaina goi siitáoya maliyalina tamo tamo Yaubada ina paisewa siguuinuwedi; nakae vininabeso liliudi sikaasaledi Yaubada yaina go, vininabesoyadi geya itoboinedita bei tomota idi goyo sikabidi sikalavedi.
HEB 10:12 E kina go ida Tonúwala Tolagainayana sivatayamo vininabeso tayamo ikasale goyo manudi go, ina kasalayana moe tuta madabokina itoboine. Ikasale ikavava, wowoina basekoina Yaubada kakataina goi itusobu.
HEB 10:13 Amo tutayana iiyamwasi ana kadókana ana kaleyayao Yaubada ivasobusobuyedi.
HEB 10:14 Moitamo. Ida Tonúwala Tolagainayana ina núwala ana paisewa bogina ikavava. Tayamo vininabeso goi kita bogina ikimasabevataeda toinina umana ikimatuweda.
HEB 10:15 E moe Baloma Kimaasabaina nakae bogina ikamoitamoe yaida. Tauyana idigo kana,
HEB 10:16 ‘Yauwe idigo kana,
HEB 10:17 Namliyeta idigo kana,
HEB 10:18 E ame goyoyadi yaida goi Yaubada bogina inuwotaoidi, tauna geya tuwaina goyoyadi adi vininabeso takasaledi Yaubada yaina!
HEB 10:19 E tuwo segowo, Yeisu ikaikaina goi mada katepatu Tukunu Kimaasabaina Toina ana siu manuna.
HEB 10:20 Wowona ina kámasa goi enao vau, moe yawana vau ana kenao, ikatupáeve kita manuda tutayana vabodaupa kaarekoina goi isiu ina Tukunu Kimaasabaina Toina goi.
HEB 10:21 Aiyuwoina mada Tonúwala Toolagaina itobukukuyuida go, Yaubada ina Vada irugwausi.
HEB 10:22 Tauna ma kateda mooitamoidi be mada numisa toogagaina Yaubada tanōko unana ateda bogina iseulidi be nakae nuwoda ina sabutuko ikimavadedi go, wowoda bwae maavadaina goi inikidi.
HEB 10:23 Ida lotuta Yeisu yaina goi takamooitamoe, geya ida nanayuwomo tayoisikavāte. Tauyana ada tokatótula moe aba numisa. Tauna ida lotuta Yeisu yaina tayoisikavāte.
HEB 10:24 Aiyuwoina sedao manudi tanuwonūwana manakaeda nuwodi tanuwotalatalaidi bei simatakoi be guinuwa dedevidi siguinuwedi. Ida nuwotalatalayana ame nakae:
HEB 10:25 Taabu ida tugúguna ida Tomoya manuna takaalavēdi nakae tomota maniyedi idi sinapu, go sem sedao atedi tavapatupatūdi go, mada salau nakae taguuinūwe unana Yauwe ina Maliyalina imamaima.
HEB 10:26 Neta nanamsa Yaubada ana Nanamsa Mooitamoina manuna bogina takabi go, talovina nava goyo taguuinuwe, geya tayaamo núwala ida goyo manuna ikaaiyaka,
HEB 10:27 go sem mada matoita ada takínona tatuyaosiyamo be yeu ivakaigaga toina tababane. Amo yeuyana giyakainava bei Yaubada ana kaleyayao ivakasavedi.
HEB 10:28 Avatauwa neta Yaubada ina Katukeda boi Mosese iivinidi sikatae, e geya adi nuwokapisimo go, idi goyo adi totalavaita adi taiyuwo o adi taito idi talavaita goi itoboinedi sikámasa.
HEB 10:29 Neta moe nakae Yaubada itagone ina Katukeda ana tokapipilovayao manudi, manakaemi konuwonúwana tomota adi liuna manuna neta idi goyo ame nakae: Yaubada Natuna sikaolilive? Aiyuwoina Yaubada ina kanasiuna vau ikaikaina sikaogoyoe. Ikaikayana goi Yaubada ikimasabedi toinina umana. Aitonina Baloma Kimaasabaina sikaogoyoe go, Balomayana anuwóiya unana. Manakae? Liuna gagaina bei sibabane gea geya? Bei igoyo toina ae?
HEB 10:30 Moe moitamo. Bogina tayagoi moe kina Yaubada idigo kana, ‘Yau tokapipilova adi toliuna. Yau bei akatumapudi.’ Atukeda 32:35 Aiyuwoina Mosese kana, ‘Yauwe ina bodao bei itakinoidi.’
HEB 10:31 Moe aba matoita toina neta Yaubada maa yawoina ina takínona nimana goi tababane.
HEB 10:32 E konuwovīla boi tutayana Yaubada nuwomi igimitapasigidi, namliyeta mou ana gedageda gagaina kolotowoidi go, kotogaga.
HEB 10:33 Moe gedagedayadi ame nakae: Tuta maniyena tomota matadi goi sigieomaemaemi, nakae sitagiwoimi be siyogedegedemi go, tuta maniyena semiyao nakae sigieomaemaedi; adi gedagedayadi goi komi taiyao kovavasa.
HEB 10:34 Moitamo. Komi taiyao kovavasa. Tauyadi deri ana tokaiyakoyao konuwokapisiyedi be kovaitedi be nakae tutayana konami tomota sivainaoidi go, tuwo kouyáwana unana bogina koyagoi konami dedevina toina be aiyako vaatayaina yábana goi ikaaiyaka nava bei kobabane.
HEB 10:35 Tauna imi katepatu taabu kookalāve. Moe imi katepatuyana goi ami vaiwówana bei kobabane.
HEB 10:36 Neta latuwomi ami vaiwowanayana kobabane, itoboinemi komesayágana bego tutayana Yaubada ina nuwonúwana bogina koguinuwe, kaga ikaatotule bei kobabane.
HEB 10:37 Moe nakae Gínina Kimaasabaina idige kana,
HEB 10:38 E yau guna tokibóbwata numisa goi iiketoiya.
HEB 10:39 E kita go geya Yaubada ana totugavilayao nakae geya, moe vailai ana kenao. Go sem kita tauyadi aba numisa nakae. Moe yawoida adi yava ana kenao.
HEB 11:1 E numisa kaga? Ame nakae: Takaaiyaka nakae neta Yaubada ina katótula talotuutaedi bogina simalatomota. Nakae kaga kaga Yaubada nava bei iguinuwedi ame tuta geya tagitedita go, ida numisayana Yaubada yaina moe guinuwayadi idi sowóduwo adi kiyakiyaya.
HEB 11:2 Tayagoi numisa ame nakae tubudao pasidi. Tauyadi idi numisa pasina Yaubada ikamoitamoedi.
HEB 11:3 Ida numisa goi tayagoi Yaubada ina bóbwara goi kaga liliuna yábana be poyapoya imadagidi, tauna tagite geya tayaamo kaga ikabi bei dogoiyadi imadagidi, go sem ina bóbwara kaka goi dogoi taagitedi imadagidi.
HEB 11:4 Ebeli ina numisa goi ina vininabeso ikasale Yaubada yaina go, ina vininabesoyana Keni ina vininabeso idedevinasave. Ina numisayana pasina Yaubada ivayoko kina kiboobosina ame nakae: Ina vininabesoyana iuyaone. Ebeliyana bogina ikámasa go, ina numisayana goi ana kaigigita nava ibobóbwara yaida goi.
HEB 11:5 Enoki ina numisa goi nava maa yawoina go, Yaubada itukoe tauyana ámasa geya ilotowoeta. Tuwo tomota geya sibabaneyeta unana Yaubada bogina itukoe, tauna geya sigiteyeta. Ame moitamo. Namliyeta Yaubada itukoe, e ikamoitamoe kana, ‘Tauyana ivauyaonegu.’
HEB 11:6 E, neta geya ida numisamo Yaubada yaina, geya itoboinedeta Tauyana tavauyaone. Neta latuwoda tanoko, itoboineda mainao tanumisa bego ikaaiyaka be nakae ana tolusalayao adi vaiwówana ivinidi.
HEB 11:7 Boi nimatu Yaubada Nowa igimikatumatali idigo kana, ‘Nava bei dogoi maniyedi aguinuwedi go, guinuwayadi geya tayaamo avatau boi nakae igitedi.’ Nowayana mana wowoina inove, e ina numisa goi dedeoga gagaina iyowo mana bodayáuwo adi yava manuna. Ago dedeogayana ana yówana goi da poyapoya itakinoidi kidi toogoyoidi go, Yaubada Nowa ivayoko kina koroto kiboobosina ina numisa pasina.
HEB 11:8 Eberamo ina numisa goi Yaubada ina duduwo ikabikaone, tuwo ina kasa ikalave go, ina asa tayamo goi. Asayana giyakainava bei ikabi ina kaba lovina. Tuwo toinina ina kasa ikalave go, geya iyagoiyeta nako inonoina.
HEB 11:9 Ina numisa goi ina asayana katootulina goi ilokasa be ieogaoga go, yoyou parai goi ikaaiyaka. Niga natuna Aisake be tubuna Yakobo idi sinapu nakae. Tauyadi yaidi goi nakae Yaubada ikatótula asayana bei ivinidi idi kaba lovina.
HEB 11:10 Eberamo ogaoga nakae asayana goi ikaaiyaka unana asa aiyako vaatayaina tayamo ituuyaosi; asayana ana tokabitam be ana toyówana moe Yaubada. Tauna Eberamo ogaoga nakae ikaaiyaka.
HEB 11:11 Sera ina numisa goi nakae. Tauyana bogina ikágala go, togaga Yaubada goi ibabane bei itoboine Eberamo goi ikéuwama. Moe nakae unana inuwonúwana Tokatotulayana aba numisa.
HEB 11:12 Tauna Eberamo koroto tayamo wowona bogina ipanunu nakae go, tauyana yaina goi boda gagaina toina isusáila. Bodayadi adi badabada yábana utunaina ana badabada nakae be nakae ediédila ana badabada mamaya goi nakae.
HEB 11:13 Ame tauyadi madabokidi madi numisa sikaaiyaka ana kadókana sikamasa kówasa go, Yaubada ina katotulayadi keuwoidi geya sibabanedita, go sem aduwanau goi nakae sigitedimo be siuyaonedi, tuwo sikamoitamo bego poyapoya ame goi kidi ogaoga be togala.
HEB 11:14 Neta ame nakae tabóbwara, ame nakae asa tayamo talotutae bego toinida ida kasa.
HEB 11:15 Go neta amo asayana bogina siikalave manuna sinuwonúwana, e tuta ana toboine bogina ikaaiyaka itoboinedi sikaluvila sina amo asayana goi.
HEB 11:16 Go nakae geya siguinuweyeta. E kidi latuwodi asa ituli, asayana moe yábana, e toinidi idi kasa idedevinasave. Tauna Yaubada geya iomaemaedita neta siduduwe kadi, ‘Kom ima Yaubada.’ Moe moitamo unana idi kasa bogina ikatubayasi, tauna tayagoi geya iomaemaedita.
HEB 11:17 Eberamo ina numisa goi natuna Aisake ikasale Yaubada yaina tutayana Yaubada ina vakakona ibabane. Aisakeyana moe natuna kaakesaina go, tuwo bego ikaumate ikasale Yaubada yaina. Ame Eberamoyana yaina Yaubada ikatótula
HEB 11:18 idigo kana, ‘Guna katótula tubumowo manudi Aisake goi bei imalatomota.’ Aba Vatowo 21:12 Atotulayana Eberamo inumise.
HEB 11:19 Ina nuwonúwana bego Yaubada itoboine natuna tokámasa yaidi goi ikaitáoe, tuwo itagona ikasale go, Yaubada isanabode. Tauna itoboineda kada, ‘Eberamo natuna ámasa goi iuyaonemnei.’ Moe kaga nava bei isowóduwo makayauna.
HEB 11:20 Aisake ina numisa goi natunao Yakobo be Iso ikaipakuyedi, nakae italavaita kaga kaga nava bei sisowóduwo tauyadi ma tubudiyao yaidi goi.
HEB 11:21 Yakoboyana ina numisa goi tutayana giyakainava bei ikamakámasa Iyosepa natunao tamo tamo ikaipakuyedi. Ikavava, ina kaituko goi ikalivavaina, e isakululu Yaubada yaina.
HEB 11:22 Iyosepa ina numisa goi tutayana ana tuta giyakainava bei ima, e Isileli tubunao idi sowóduwo Itipita goi ikatumatalidi, tuwo tomota adi lovina ivinidi luluna ana valiwoga manuna.
HEB 11:23 Mosese tamana be sinana idi numisa goi Moseseyana ina bíbina mlina sikabi, tukówana aito sivamou unana natudi sigite gómana dedevina be nakae tolovina Pero ina lovina geya simatoiteyeta.
HEB 11:24 Moseseyana ina numisa goi tutayana bogina ibíbina gagaina, ikatae tomota sivayoko kina Pero natuna vavina natuna.
HEB 11:25 Geya latuwona tuta kaakupina goi goyo ana uyáwana ilotowo, go sem ikinava bego Yaubada ina bodao idi kaiyakomou goi isiukoidi bei adi gedagedayadi ilotowoidi.
HEB 11:26 Ina nuwonúwana neta Guyau ina omayamaya ilotowo, moe esaesa gagaina namliyeta da Itipita idi esaesa. Bogina koyagoi. Yábana vaiwowonina manuna imasimasi.
HEB 11:27 Mosese ina numisa goi Itipita ikalave go, tolovina ina egamogamogu geya imatoiteyeta. Tauyana Itipita ikalave unana nava imeesayágana nakae neta itoboine Yaubada igite go, geya vatau tayaamo itoboine Yaubada igite. Tauna Itipita ikalave.
HEB 11:28 Moseseyana ina numisa goi Isileli tubunao ilatuwokoidi Basitáwana Aikanina siguinuwe be nakae lami ikaikaina sikabi, idi vada totomdi siseulidi, govila bei tómtula ima idi botomoyayao ikaumatedi.
HEB 11:29 Isileli tubunaoyadi idi numisa goi Négwasa Kayakayaina sivadamane nakae neta poyapoya sayasayaina goi siiketoiya. Ago tutayana da Itipita sipoikíkina sivadamane, sisalili!
HEB 11:30 Isileli tubunaoyadi idi numisa goi maliyalina ainima aiyuwo goi Yeriko sivanibinibisi namliyeta ina kali gurewa gagaidi sisou.
HEB 11:31 Reyabi boi tomatagogoli go, ina numisa goi geya ivailaita boi kidi Yeriko ina tokapipilovayao taiyao. Boi mainao Isileli tubunao toyáusa Yeriko sisiu go, Reyabiyana mana tuboina iuyaonedi, tauna niga tutayana Isileli tubunao sikaluvila tokapipilovayadi sikaumatedi, Reyabi sivaite, maa yawoina ikaaiyaka.
HEB 11:32 Manakae? Numisa tetelina tuwaina avatetelidi? Itoboinegu avatetala vata Gidiyoni manuna, Baraki manuna, Samsoni manuna, Yepata manuna, Devida be Samwera manudi be nakae Yaubada ina tokabivalavalayao liliudi manudi go, tuta geya itoboineyeta.
HEB 11:33 Amo tauyadi idi numisa goi guinuwa badabadaidi siguuinuwedi. Nakae tolovina maniyedi sivasobusobuyedi, sitakinona vavasa, Yaubada ina katótula sibabanedi, laiyoni sasasaidi tobudi sivakapatudi,
HEB 11:34 yeu sabeninimina ina togaga sisapimate, ámasa sisi goi sisiya, maniyedi neenetaidi go, Yaubada ikitogagedi, madi togaga yaviya goi be nakae adi kaleyayao badabadaidi sivatapiyedi sisiya.
HEB 11:35 Vevina maniyedi idi bodao kaamasidi siuyaonedi tutayana ámasa goi sitaoyamna. E tonumisa maniyedi gedageda gagaina sibabane go, geya latuwodi idi numisa silawoiwoiye adi talígava manuna, go sem idi numisayana geya silawoiwoiyeta bego adi taoyamna moitamo toina sibabane.
HEB 11:36 E maniyedi aiwoteta be dábina silotowoidi. E tuwaina maniyedi seni goi nimadi siyowóidi be nakae deri goi sivaisiudi.
HEB 11:37 Maniyedi gurewa goi sikaumatedi, maniyedi siboboyuwedi, maniyedi sisi goi sikámasa, maniyedi adi kwama moe sipi be goti sakavaidi, e madi vaképwata be madi kaiyakomou be madi gedageda sivanibiníbita.
HEB 11:38 Moe tonumisayadi da poyapoya sidedevinasavedi. Ego idi vanibitayana goi sina yoyowo besobeso goi be koya goi be nakae tukubu be masi goi sikaaiyaka.
HEB 11:39 Amo tauyadi madabokidikova Yaubada ikamoitamoedi idi numisa pasina go, Yaubada ina katótula keuwoina geya sibabaneyeta.
HEB 11:40 Unana Yaubada inuwonúwana kita manuda, e enao dedevina toina bogina ikatubayasi bego kidi kita taiyao itoboineda Yaubada ina katotulayana keuwoina tababane.
HEB 12:1 Tauna kita nakae mada kaba gita amo tauyadi badabadaidi goi. Kidi moe numisa ana totalavaitayadi yábana goi sitaoyakobuda gaota nakae. Tauna goyo aba sanaboda nakae taabu taadanīda, e kwama nakae tavalilivīdi takalavēdi go, mada mesayágana vavalákuna matada goi taalokōine.
HEB 12:2 Ida lokoinayana ame nakae: Yeisu tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.
HEB 12:3 Moitamo. Tauyana toogoyoidi idi vakaleya goi itogaga, e manuna konuwolelēu, govila bei sosomi itapiyapiya, e nukotomi itopa.
HEB 12:4 Toogoyoidi sivakaleyemi bogina kovadókana go, imi vadokanayana goi nava ikaikaimi geya idauta.
HEB 12:5 Nakona tonanamsa ina liwola madabokina bogina konuwoilave. Boi ina liwolayana goi kita natunao nakae ilatuwokoida idigo kana,
HEB 12:6 Avatauwa neta Yauwe imatakoiyedi, bei isapidi.
HEB 12:7 Imi mou goi kotogāga; mouyadi Yaubada ina sápina nakae. Tutayana Tauyana isapimi, ivanaatunemi. Ame moitamo. Ava koroto natuna geya isapiyeta? Geya.
HEB 12:8 E kita Yaubada natunao liliuda ina sápina talotowo. Tauna avatauwa kita yaida neta geya isapideta, e ame tauyada geya Yaubada natunao toida geya.
HEB 12:9 Tuwaina, kita ma tamadao poyapoya ame goi. E tamadaoyadi boi sisapida go, tawowoinedi. Tauna itoboine toina balomaida Tamadi yaina goi tasakululu be yawoida tababane ae?
HEB 12:10 Tamadaoyadi kidi tuta kaakupina poyapoya ame goi sisapida nakae toinidi sinuwonúwana bei dedevina. E kina go Yaubada isapida kita ada dedevina manuna bei kita kimaasabaida Tauyana nakae.
HEB 12:11 E tutayana sápina liliudi tababanedi, geya tanuwonuwoneta bego moe aba uyáwana, go sem nuwomou talotowo. Ago avatauwa neta Yaubada ina sapinayana goi ikatubayasidi, e sapinayana keuwoina sisowóduwo yaidi goi, moe tuboina be kibóbwata Yaubada nuwona manuna.
HEB 12:12 Tauna komi maniyemi tovavalákuna neenetaidi nakae, e nimami taameyaidi be aemi taatavidi kokitogagēdi
HEB 12:13 go, imi kenao kokitotomoiīdi bego kidi topem geya sikapusita, go sem bei sidedevina.
HEB 12:14 Kosokikīna bei tomota liliudi taiyao kotuboina be nakae ma kimaasabaimi kooketoiya Yaubada umana. Neta moe nakae geya koketoiyeta, geya itoboinemita ida Tomoya kogite.
HEB 12:15 Ami dodōkana, govila bei tayamo yaimi goi Yaubada ina kanuwóiya geya ibabaneyeta. Aiyuwoina ami dodōkana, govila bei maniyemi yaimi goi kubukasa lam nakae itabo, e ibíbina go, keuwoina tamatamaina isowóduwo, e bei semiyao badabadaidi ikaigoyaidi.
HEB 12:16 Aitonina ami dodōkana, govila bei maniyemi yaimi goi Yaubada omi ikai o taviileimi Yaubada yaina Iso nakae. Amo tauyana botomoya mana lovina go, lovinayana ikawoilave áika tayamo manuna, e siyana ivini.
HEB 12:17 Bogina tayagoi bego niga Isoyana latuwona tamana ina kaipaku go, tamanayana ikatae. Moe moitamo. Tauyana mana táiya isokikina makimaki bego tamana ikaipakuye go, geya itoboineyeta tamanayana nukotona ibugavile.
HEB 12:18 Moitamo itoboine kosokikina bei kotuboina be nakae kimaasabaimi Yaubada umana. Tutayana Yaubada konoko, komi geya Isileli tubunao nakae geya. Kidi boi neta kaga itoboinedi sibisikonedi, e bei sinokoidi. Sina yeu sabeninimina, kokonótuya, gaugau be nakae yágira lekoleko itowo sigitedi.
HEB 12:19 Ago síula niyana be nakae níyana tayamo ana livala sinovedi go, tutayana sinovedi, simatoita. Tuwo sikawanoi makimaki Yaubada yaina bego livala tuwaina geya ivinidita.
HEB 12:20 Moitamo. Yaubada ina lovina ivinidi idigo kana, ‘Kaga neta koyayana ibisikone, nakona tomota o yoguyogu nakae, e giya gurewa goi kokaumate.’ Tateta 19:12-13 Go kidi idi nuwonúwana Yaubada ina lovinayana geya itoboinedita sikabikaone, tauna simatoita gagaina.
HEB 12:21 Dogoiyana koya goi isowóduwo moe aba matoita gagaina toina, tuwo Mosese nakae idigo kana, ‘Yau matoita ivakayaodeigu; bogina amalitatátava.’
HEB 12:22 E moe geya komi nakae geya, go sem komi bogina koma Saiyoni Koyaina goi. Moe Yaubada maa yawoina ina kasa o tadigo kada, ‘Yerusalema yabanina.’ Aiyuwoina bogina koma anerose badabadaaidi guugunidi madi uyáwana yaidi goi.
HEB 12:23 Aitonina bogina koma Yaubada ina tomotayao, moe ina botomoyayao, e idi tugúguna kosiukoidi. Tauyadi yoidi yábana goi bogina iginidi. Aivasina bogina koma ada Totakínona, moe kita madabokida ida Yaubada, yaina goi be nakae tokibóbwata balomaidi Yaubada ikimatuwedi yaidi goi.
HEB 12:24 Ainimaina bogina koma Yeisu yaina goi, Tauyana Yaubada ina kanasiuna vau ana togúdala be nakae ikaikaina seeulina yaina goi. Ikaikayana valena Ebeli ikaikaina valena ikalisave.
HEB 12:25 Ami dodōkana Tauyana ame tuta ivaadigoida niyana taabu kokapiipilāve. Neta poyapoya goi boi Isileli tubunao Yaubada ina livala sikatae go, geya itoboinedita adi liuna goi sisiya, e kita manakaeda neta Yaubada yábana goi ina livala ikaiwoduwe yaida go, Tauyana tatugavile? Bei ina liuna goi tasiya gea geya? Geya ae?
HEB 12:26 Tauyana niyana amo tutayana poyapoya Saiyoni goi ikiikuiku go, ame tuta bogina ikatótula idigo kana,
HEB 12:27 E ina livalayana kana, ‘Sivatayamo tuwaina.’ Moe ivatulukoida kaga liliuna boi imadagidi bei iegedi ikabidi ikalavedi. Moe nakae iguinuwe bego dogoiyadi geya iegedita bei sikaiyako vata.
HEB 12:28 E tauna Yaubada ina kalibúbuna goi tasiusiu geya iikuneta, go sem ikaiyako vata. Tauna takauyāgu Yaubada yaina go, ida kauyaguyana goi mada wowoina be mada matoita tataimámina Yaubada yaina nakae bei iuyaone.
HEB 12:29 Moe itoboine unana ida Yaubada yeu sabeninimina nakae, e itoboine kaga liliuna ivakasavedi. Tauna tataimámina Yaubada yaina.
HEB 13:1 Semiyao nuumisaidi komatakooiyēdi ame nakae:
HEB 13:2 Taabu mataogaoga konuwooilāve. Amo sinapuyana goi tomataogaoga maniyedi geya siyagoiyeta go, moe nakona anerose simataogeogedi.
HEB 13:3 Deri ana tokaiyakoyao nuumisaidi konuwaaisīdi nakae neta komi tauyadi taiyao deri goi kokaaiyaka. Semiyao nuumisaidi gedageda siibabane konuwaaisīdi nakae komi neta tomota siyogedegedemi nakae.
HEB 13:4 Madabokimi nai kowowōine sowomi o tadigo kada, ‘Nai ana sinapu korugwāusi.’ Neta nakae, bei imi nai ikaaiyaka maavadaina nakae goyo geya ikibaibailiyeta. Avatauwa neta toroerata o tomasisi goyogoyo, e Yaubada bei itakinoidi toogoyoidi.
HEB 13:5 Imi sinapu goi esaesa taabu kolookonāko ame nakae: Ava konami bogina yaimi, e manuna kouyáwana. Moitamo. Yaubada toinina idigo kana, ‘Bei geya anuwooilavem; bei geya akaalavem.’
HEB 13:6 Tauna mada katepatu Same ana togínina nakae tadigo kada,
HEB 13:7 Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.
HEB 13:8 Ame idi numisayana: Yeisu Guyau ikaaiyaka nakae nakae boi nimatu, ame tuta be nakae tuta simamaima.
HEB 13:9 Taabu tomota idi vatulukwana polapola nakae ituli ituli sivasulaaigīmi. Moitamo. Yaubada ina kanuwóiya goi ateda sitogaga go, geya awoinu goi geya. Awoinuyadi adi lovina geya basabasaidimo adi tosabokuliyao yaidi.
HEB 13:10 Mada kaba kasala moe Yeisu ina gedageda kerose goi, e aba kasalayana ana dedevina talotowoidi go, kidi Tukunu Kimaasabaina Toina ana totaimaminayao geya adi tagonamo silotowoidi.
HEB 13:11 Ame moitamo. Tonúwala Toolagaina tala tamo tamo goi yoguyogu ikaikaidi ikabidi ime Tukunu Kimaasabaina Toina sinaena goi isiu ikasale Yaubada yaina tomota idi goyo manudi. Ikavava, yoguyoguyadi sakavaidi sikabidi idi tunagu goi sisowóduwo sinavedi moetala goi sigabusavedi.
HEB 13:12 Tauna kina go Yeisu nakae. Asa moetala goi geda ibabane bego toinina ikaikaina goi ikimasabeda Yaubada umana.
HEB 13:13 Tauna ida tunagu goi tasowōduwo, e Tauyana moetala goi tanōko ada yava manuna go, mada tagona aba omayamaya talotōwo Tauyana nakae.
HEB 13:14 Ameko poyapoya ame goi geya ida kasamo aiyako vaatayaina geya, go sem asa tayamo imamaima tatuuyaosi. Moe asayana yábana Yerusalemaina aiyako vaatayaina.
HEB 13:15 Tauna Yeisuyana goi tuta liliuna ida vininabeso, moe ida yapali, takasāle Yaubada yaina. Moe ida livala keuwoidi tutayana tomota matadi goi takauyagu Tauyana yaina.
HEB 13:16 E guinuwa dedevidi be yabobona taabu konuwooilavēdi bego koguuinuwedi. Moe vininabesoyadi Yaubada iuyaonedi.
HEB 13:17 Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.
HEB 13:18 Nava kokaawanōi kai manuma. Moe itoboinemi unana kayagoi bego nukotoma geya isabutukoidita ima sinapu komi yaimi manuna. Ima nuwonúwana kama, ‘Tuta liliuna tapoikíkina ida sinapu sidedevina.’ Tauna kokawanōi manuma.
HEB 13:19 E akawanoi makimaki yaimi kokawanōi yau manugu bego Yaubada woilina ikaluvilemneigu ao yaimi.
HEB 13:20 E Yaubada tuboina ana tokaiguyau. Tauyana boi ida Tomoya Yeisu, kita sipi ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.
HEB 13:21 Amo Yaubadayana yaina goi akawanoi bego kaga liliuna dedevina goi ikatubayasimi, bei itoboinemi ina nuwonúwana Yeisu Guyau ina vaita goi koguinuwedoko, e bei imi guinuwayana dedevina Tauyana matana goi. Yaubada aba taimámina ame tuta be nakae tuta simamaima! E nakae!
HEB 13:22 E segowo, akawanoi yaimi guna liwola ame mami mesayágana kotaiyakēke. Guna nuwonúwana giyaina tauna agini.
HEB 13:23 Latuwogu koyagoi siyada Timoti deri goi bogina sitaligei. Neta mainao ima, taiyao bei kao kavadademi.
HEB 13:24 Ima yabobona imi tovakumgoyao liliudi be nakae komi Yaubada ina kimasabayao madabokimi yaimi goi. Tauyadi tonumisa da Itali ameko goi idi yabobona sietune iwo yaimi.
HEB 13:25 Yaubada ina kanuwóiya bei ikaaiyaka madabokimi yaimi goi!
JAM 1:1 Komi Yaubada ina bodao dala yawou aiyuwo asa liliudi goi bogina kogala, Yau Yemesa, ida Yaubada be ida Tomoya Yeisu Guyau idi pákwana, leta ame agini iwo yaimi. Uyagu!
JAM 1:2 Segowo, tutayana aba vakakona liliuudi kobaabanedi, kovaayokōidi aba uyáwana toina.
JAM 1:3 Bogina kooyagoi bego imi numisa ana vakakona goi mesayágana idaalaóduwo.
JAM 1:4 Go aramaitanayana kootagōne ikeuwo dókana sinaemi bego imi numisa goi koomatuwo be nakae imi sinapu madabokina bogina sidedevina, e geya kada tayaamo sinapu dedevina bei kokiseyeseye geya.
JAM 1:5 E avatauwa komi neta nanamsa kokiseeyeseye, Yaubada yaina kokaawanōi. Tauyana Tokaiguyau tomota liliuda yaida go, geya iibolagu. Tauna neta Tauyana yaina kokaawanoi, bei ivinimi.
JAM 1:6 Go taabu konaanayūwo, go sem mami numisa kokaawanōi. Avatauwa neta sinaanayuwo, kidi aivaya nakae neta yágira iyaosalesaledi, e sitalasa besobeso.
JAM 1:7 Amo tomotayadi taabu sinuuwonūwana bego tayamo dogoi Tomoya goi bei sibabane
JAM 1:8 unana kidi tonanayuwo; idi guinuwa madabokina goi nuwodi siwówana.
JAM 1:9 E komi tonumisa tookaimi kouyawana gagāgasa ame manuna: Yaubada matana goi komi toesaesa imi numisa pasina, e ikilagasimi.
JAM 1:10 E komi go tonumisa esaaesaimi kouyawana gagāgasa tutayana imi esaesa geya konumisedita, go sem Yaubada matana goi toinimi kokisoobuyemi unana imi esaesa bei sitagau nakae náuna keuboidi sitagau.
JAM 1:11 Moitamo. Níyala ituko, ikalamadimadiya, keuboidiyadi ivayamemelidi. Tauna simémala sisou, e adi kaigigita kaausaraidi sikavava. Kidi toesaesa nakae. Nava idi esaesa manuna sipooisógana go, bei sitagau.
JAM 1:12 Avatauwa komi neta mou goi kootogaga, e ami dedevina bogina kobabane, unana mouyadi kotogoisavedi. Tauna ami vaiwówana moe yawoimi vau bei kobabane. Moe Yaubada ikatotule kita Tauyana ana tomatakoiyao yaida.
JAM 1:13 Ago avatauwa komi neta vakakona koobabane, taabu kodigodīgo kami, ‘Yaubada ivakakonegu bego agoyo.’ Moitamo. Kita tomota geya itoboinedeta Yaubada tavakakone bego goyo iguinuwe. E kina go Yaubada nakae, geya ivakakonedeta bego goyo taguinuwe.
JAM 1:14 E kita go tamo tamo ada vakakona moe toinida ida yalagau iibiuda.
JAM 1:15 Niga ida yalagauyana ikéuwama, e ivenátuna, natuna moe goyo. E kina go goyoyana ibíbina, e ivenátuna ámasa.
JAM 1:16 Taabu tomota sikatuubaūmi, guna kaloyao.
JAM 1:17 Aiguyau dedevidi liliudi be nakae yabobona mooitamoidi liliudi Tamada diligaema goi sisou simamaima. Tauyana yábana mavadainao adi tomadágina. Núgana iitavívila go, Tauyana ina sinapu geya nuganayana nakae geya, go sem ina sinapu geya iitavívila.
JAM 1:18 Tutayana toinina ilovina, e yawoida vau ivinida tabibinamna ame nakae: Tutayana Yaubada ana Nanamsa Mooitamoina tanumise, e yawoida vauyana ivinida, bei kita ina togiminumisayao ina keuwokumgo nakae ina madágina liliudi yaidi.
JAM 1:19 Guna kaloyao, neta livala ame konuuwaisi, kana, ‘Liliuda tataiyakeka dōkana be mainao tanuwonūwana baige tabóbwara go, egamogamogu tatōto.’
JAM 1:20 Kita tomota neta taegamogamogu, ida egamogamoguyana geya itoboineyeta bei Yaubada ina takínona vavasa ikeuwoe.
JAM 1:21 Tauna imi sinapu baailidi liliudi be imi goyo badabadaidi kwama bogo nakae kovalilivīdi kokalavēdi go, ma sakuululumi Yaubada ina vala atemi goi bogina iibaguli kokabiikaōne unana valayana itoboine iyaveda.
JAM 1:22 E Yaubada ina valayana taabu kotaiyakeekeyāmo, go sem valayana koguuinūwe. Neta kotaiyakeekeyamo, e toinimi kokatuubaumi.
JAM 1:23 Avatauwa neta valayana sitaiyakeekeyamo go, geya siguinuweyeta, tauyadi koroto tayamo nakae saribu goi toinina maisina ipotekavate.
JAM 1:24 Maisina ipotekavate ikavava, ina go, geya mgoninamo bogina inuwoilave maisinayana ana kaigigita nakonakae!
JAM 1:25 E Yaubada ina Katukeda mooitamoina italigeida, tauna avatauwa neta Atukedayana sigitedoko go, geya sitaiyakeekeyamo nakae geya sinuwoilaveyeta, go sem sikabiikaone, e tauyadi idi guinuwa madabokina goi adi dedevina sibabane.
JAM 1:26 Avatauwa neta toinidi sinuwonúwana bego kidi Yaubada ana totaimaminao mooitamoidi go, sopadi geya sikabikunuidita, go sem toinidi sikatuubaudi, e idi taimaminayana geya basabasainamo.
JAM 1:27 Yaubada Tamada ana taimámina maavadaina go, geya ana pikwanamo matana goi ame nakae: Gumalau be kóbuya idi kaiyakomou goi sivaaitedi go, toinidi simatakaavatedi bego poyapoya sinapuna geya ikibaibailidita.
JAM 2:1 Segowo, ida Tomoya Yeisu Guyau, Tauyana Yaubada ana káeyana ana tovagitákwana, e ina kabikáwana aba numisa kosabookulīye go, imi sabokuliyana goi taabu tomota adi kaigigita goi kowowooinēdi.
JAM 2:2 Aba gita tayamo goi guna nuwonúwana ataligei. Koroto adi taiyuwo, tayamo guyau, tayamo tookaina go, adi taiyuwokova imi kaba tugúguna goi sisiu. Kina guyauyana ana pasapasa be nakae ana kwama kaausaraidi go, kina tokainayana ana kwama baailidi.
JAM 2:3 Sisiu go, nakona guyauyana mana kwama kaausaraidi kowowoinedoko kami, ‘Kūma ameko kebam dedevina goi kutulāga.’ Go nakona tokainayana kolatuwoko kami, ‘Amoko goi kuutāoya.’ O nakona kami, ‘Ameko aegu ana kaba yata kikina goi kutulīku.’
JAM 2:4 Neta nakae kolatuwokoidi, e imi guinuwa kogite? Tomota yaimi adi kaigigita goi kowowoinedi. Mami nuwogau goyogoyoina koetotakínona.
JAM 2:5 Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?
JAM 2:6 E komi sem imi guinuwa goi tookaidiyadi kogieomaemaedi! Go kogita! Avatauwa mou siivinimi? Avatauwa kotu goi siiyatoimi? Kidi guyaguyauwo ae?
JAM 2:7 Komi bogina koeboda tayamo Yeisu taiyao, tauna Tauyana yoina ikaaiyaka yaimi go, yoinayana dedevina kidi sitaagiwoi ae?
JAM 2:8 Neta tookaidi kogieomaemaedi, moe sinapu igoyo. Ida Tokalibúbuna lovina ame Gínina Kimaasabaina goi ivinida kana, ‘Siyami komataakoīye nakae toinimi komatakooiyemi.’ Vininabeso 19:18 Neta amo lovinayana kokiibobosi, e moe guinuwa dedevina koguuinuwe.
JAM 2:9 Go neta tomota adi kaigigita goi kowowooinedi, e moe goyo koguuinuwe be nakae Atukedayana ikamamaetalimi komi tokapipilova.
JAM 2:10 Avatauwa neta lovina madabokidi Yaubada ina Katukeda goi sikabikaonedi go, lovina tayamo goi sikapusi, e moe nakae Atukedayana madabokina sikapipilave.
JAM 2:11 Moitamo. Atukedayana ana Tokaiguyau tayamo tauna. Moe Tauyana kana, ‘Taabu korooerāta.’ Aiyuwoina kana, ‘Taabu kokaaumāta.’ Tauna neta geya koroerateta, go sem kokaumata, komi Atukedayana ana tokapipilova.
JAM 2:12 Tauna mami matakoi be mami nuwokapisi kobobōbwara be kooketōiya, unana Yaubada bei itakinoida nakonakae ida Tomoya ina Katukedayana matakoi manuna boi bogina italiigeida takabikaone.
JAM 2:13 Neta sedao geya tanuwokapisiyedita, e Yaubada nakae ina takínona goi geya inuwokapisiyedeta. Avatauwa neta tonuwokapisi, Yaubada ina takínona geya simatoiteyeta, go sem Yaubada ina nuwokapisi bei sibabane.
JAM 2:14 Segowo, kaga ana dedevina neta koroto tayamo idigo kana, ‘Yau magu numisa’ go, korotoyana guinuwa geya? Manakae? Bei ina numisayana goi ana yava ibabane gea geya? Geya ae?
JAM 2:15 Nakona siyami o niumi geya ana kwamamo be nakae geya avanamo
JAM 2:16 go, tayamo yaimi kulatuwoko kudigo kam, ‘Yaubada ina yabobona yaim. Kwaiyāka dedevina be nakae kwāika dedevina.’ Go neta kwama o awoinu geya kuviniyeta, moe kaga ana dedevina? Geya ae?
JAM 2:17 Numisa nakae. Neta numisa kaka go, guinuwa geya, numisayana kaamasina nakae. Tauna guinuwa be numisa siituyuwo go, geya itoboinedeta numisa be guinuwa takimasabedi.
JAM 2:18 Go nakona tomota tayamo bei igéona idigo kana, ‘Tomota tayamo mana numisa go, tayamo mana guinuwa.’ Go yau kagu, ‘Kom geya im guinuwamo go, im numisa manakaem kuvatulukoigu agite? Geya itoboinemta! Ago yau guna guinuwa goi bei guna numisa avatulukoim.’
JAM 2:19 Kom kuunumisa bego Yaubada tayamo toito; moe dedevina toina. Ago dimoni nakae siinumisa bego Yaubada tayamo toito go, madi matoita sitátava, unana idi numisa kaka tauna geya ivaitedita! Amo aba gitayana goi tayagoi numisa be guinuwa siituyuwo go, numisa kaka geya ivaitedeta.
JAM 2:20 Kom tapaviivilim! Manakae? Aba gita avatulukoim, e bei kuuyagoi bego numisa kaka go, guinuwa geya moe geya basabasainamo?
JAM 2:21 Aba gitayana ame nakae: Boi tubuda Eberamo natuna Aisake aba kasala goi ikailagasi bego ikasale Yaubada yaina. Manakae? Kada, ‘Tubuda Eberamo ina guinuwa pasina Yaubada ivayoko kina tokibóbwata’? Nakae ae?
JAM 2:22 Moeko goi tayagoi Eberamo ina numisa be ina guinuwa sipaisewa vavasa. Tauna ina guinuwayana pasina ina numisa imatuwo.
JAM 2:23 Moeko goi Gínina Kimaasabaina ina talavaita imalatomota; talavaitayana idigo kana, ‘Eberamo inumisa Yaubada yaina, e ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’ Aba Vatowo 15:6 Tauna Yaubada idigo kana, ‘Eberamo yau siyagu.’
JAM 2:24 Eberamo ana kaba gitayana goi tagite tomota idi guinuwa goi Yaubada ivayokoidi kidi kiboobosidi go, geya kada numisa kaka goi geya.
JAM 2:25 E tomatagogoli Reyabi nakae. Ina guinuwa dedeviina pasina Yaubada ivayoko kina kiboobosina. Ina guinuwayana moe Iyosuwa ina toyausayao adi taiyuwo ina vada goi iuyaonedi go, tutayana sina, ituli ta kenao ivatuulukoidi goi sisiya.
JAM 2:26 Mae guna nuwonuwanayadi moe moitamo. Neta wowoda geya balomainamo, e wowodayadi kaamasidi. Numisa nakae. Numisa neta guinuwa taiyao geya situyuwoita, moe nakae numisayana kaamasina.
JAM 3:1 Segowo, taabu badabadaimi kopooikīkina bego koetovatulúkwana unana tayagoi bego Yaubada ina takínona goi liliuda bei idovatusida go, kai tovatulúkwana bei idovatusidokoima.
JAM 3:2 Guna nuwonúwana ataligei. Dogoi badabadaidi goi kita liliuda taakapusi. Go avatau neta ina bóbwara goi geya ikapusita, e moe tauyana ina numisa goi imatuwo be nakae itoboine wowona madabokina ikabikunui.
JAM 3:3 E konuwonúwana yoguyogu osi manuna. Neta osi ana kaba kabikúnuwo kainum giyaina tobuna goi tayato bego ikabikaaoneda, e itoboineda tauyana ina ketoiya madabokina nakae takabiikunui.
JAM 3:4 Oga gagaina manuna nakae konuwonúwana. Yágira gagaina neta itowo oga ilokoine go, kúnuwo giyaina goi itoboineda ogayana takabiikunui. Nako kita tokabikúnuwo vavagida tana, moe tana.
JAM 3:5 Sopada nakae. Talaida liliudi yaidi goi sopadayana giyaiina go, tuwo dogoi gagaidi manudi ikilagalagasida! Gwa! Pokova giyaiina go, itoboine bei aitowo madabokiina igabu!
JAM 3:6 Sopada ina sinapu tauna yeu nakae. Poyapoya sinapuna goyogoyoina ina kaba kaiyaka moe sopada go, sopadayana yaida goi ikaaiyaka nakae yeu ivakalatétala, tauna sakavaida madabokina ikaiigoyai be nakae yawoida madabokina ana kaba vatowo go, ina ana kaba lukavava goi ikaiigoyai. Ina togaga unana moe tauyana asagabugabu ana tolovina goi imamaima. Go geya itoboinedeta tagiepanaisidi.
JAM 3:7 Moitamo. Kita tomota itoboineda bei yoguyogu liliuudi tagiepanaisidi; nakae woiwoi, mánuwo, moteta be nakae iyaíyana tagiepanaisidi.
JAM 3:8 Go sopadayana, geya vatau tayaamo itoboine bei igiepanaisi. Sopadayana dogoi goyogoyoina be nakae aba kailala.
JAM 3:9 Sopadayana goi Yauwe Tamada tayaapaliye be nakae tomota takatuboolatedi go, tomotayadi Yaubada ana kaigigita goi imadagidi!
JAM 3:10 Sopada tayamo goi aipaku be atubolata siisowóduwo. Segowo, ame sinapuyana kita tonumisayao geya itoboinedeta.
JAM 3:11 Manakae? Bwae be négwasa itoboinedi sákala tayamo goi sidaudau?
JAM 3:12 Segowo, manakae? Lao itoboine ikéuwo oribe? O oine búyala itoboine ikéuwo mogolu? Geya ae? E nakae bwae be négwasa sákala tayamo goi geya itoboinedita taiyao sidau. Tauna aipaku be atubolata nakae geya itoboinedita sopada goi siituyuwo.
JAM 3:13 Avatauwa komi mamii nanamsa be nakae mamii yagoina Yaubada ina sinapu manuna? E imi sinapu dedevina goi kovagiitakōimi bego tuta liliuna imi nanamsayana goi ma sakuululumi imi guinuwa koguuinuwedi.
JAM 3:14 Go neta atemi goi vakipikipi gagaina ikaaiyaka be nakae amitava imi yala manudi kopooisógana, e taabu kogagāgasa kami, ‘Yau maguu nanamsa.’ Moe nakae Nanamsa Mooitamoina kokaigavile pola goi.
JAM 3:15 Moe im nanamsayana yábana goi geya imaita, go sem da poyapoya idi nanamsa be sakavaidi ana yalagau goi be nakae dimoni goi ima.
JAM 3:16 Moitamo. Nako goi vakipikipi ikaaiyaka be nakae tomota aditava idi yala manudi sipooisógana, e vakaleya be nakae guinuwa goyogoyoidi liliudi tabaabanedi.
JAM 3:17 Ago avatau neta ina nanamsa yábana goi ima, e ina sinapu maavadaina, tauyana tuboina nuwonuwona, sakuululuna, taagonaina, nuwokaapisina toina be nakae keuwoina dedevina toina siisowóduwo go, geya kada tomota adi kaigigita goi iwowooinedi geya, e nakae geya ipolapola.
JAM 3:18 E tuboina ana tonuwotalatala idi dibayoya moe kibóbwata Yaubada ina kanasíuna manuna unana tuboina siibaguli.
JAM 4:1 Kaga unana vabobolagu be aumakimaki siisowóduwo yaimi? Unana ame: Toinimi imi vikaiya sivaayaviya imi nuwonúwana dedevina taiyao ae?
JAM 4:2 Imi yalagau pasina komatakónana go, geya itoboinemita kokabi, tauna kokaumata. Aiyuwoina kovakipikipi go, geya itoboinemita kónana kokabidi, tauna kokaumakimaki be kovaboobolagu. Go dogoiyadi geya kokabidita unana Yaubada yaina geya kokawanoita.
JAM 4:3 Nakona kokaawanoi go, ana katumapu geya kobabaneyeta unana imi nuwonúwana viviiyuwoidi. Bego dogoiyadi toinimi imi vikaiya manuna. Tauna imi kawanoi goi ami katumapu geya kobabaneyeta.
JAM 4:4 Komi toroerata nakae! Yaubada monemi nakae go, poyapoya sinapuna kooyaledi. Manakae? Geya koyagoiyeta avatauwa neta poyapoya sinapuna siuyaaonedi, e Yaubada sivaakaleye? Tauna avatauwa neta poyapoya sinapuna siuyaaonedi tauyadi Yaubada ana kaleyayao.
JAM 4:5 Seki nakona konuwonúwana bego Gínina Kimaasabaina ina talavaita moe talavaita geya basabasainamo ae? Talavaitayana kana, ‘Yaubada Balomaina boi iyato sinaeda mana vakókala latuwona toina kita anetava Tauyana manuna!’
JAM 4:6 Go Yaubada ikanuwoiyeda gagaina. Tauna Gínina Kimaasabaina goi italavaita idigo kana,
JAM 4:7 Tauna Yaubada yaina kokatetaagonēmi go, Totagíwaya yaina koovadōkana, e yaimi goi bei isiya.
JAM 4:8 Yaubada koononōko bei Tauyana iiwokoimi. Komi toogoyoimi nimami konikīdi go, komi tonanayuwo nuwomi kokimasabēdi Yaubada umana.
JAM 4:9 Imi sinapu goyo pasidi mami nuwomou be mami kategeda kotaiyakuwokūwala. Goyoyadi pasidi taabu koovanāma nakae taabu koouyāwana, go sem mami nuwomou pasidi kotāiya.
JAM 4:10 Yauwe matana goi toinimi kokisoobuyēmi, e Tauyana bei ikilagasimi.
JAM 4:11 Taabu semiyao kokaogooyoēdi, segowo. Avatauwa komi neta semiyao kokaogooyoedi o kotaakinoidi tauyadi bego toogoyoidi, e moe nakae Yeisu ina lovina matakoi manuna bogina kokaogoyoe be nakae kotakino bego lovinayana goyogoyoina. Neta komi imi guinuwa nakae, e Yeisu ina lovinayana geya koguinuweyeta geya, go sem komi bego koetotakínona.
JAM 4:12 Go lovina ana Tokaiguyau be nakae ana Totakínona tayamo toito ikaaiyaka. Tauyana itoboine kita tomota iyaveda be ikaumateda. Moe Tauyana Yaubada. Tauna komi avatauwa bego semiyao kotakinoidi? Geya!
JAM 4:13 Komi tokaigimona konovēgu! Komi kokaayomana kami, ‘Ame o itomo kana asa tayamo goi bei tala tayamo kakaaiyaka. Amoko goi kapaaisewa, nakae kaagimona be kakaiigimona, e bei ima esaesa kababane.’
JAM 4:14 Moe nakae kobóbwara go, komi geya koyagoiyeta itomo kaga bei isowóduwo yawoimi goi. Kita tomota yawoida moe gaugau nakae. Gaugauyana isowóduwo, tuta kaakupina ikaaiyaka, e isawalamna.
JAM 4:15 Taabu nakae kokaayomāna, go sem kodīgo kami, ‘Neta ida Tomoya itagona, bei kakaaiyaka be nakae ame dogoiyadi latuwoma kaguuinuwedi.’
JAM 4:16 E ame tuta go mami gágasa kokaayomana go, ayomana madabokina amo nakae dogoi goyogoyoina.
JAM 4:17 Tauna avatau neta iyagoi ava guinuwa dedevidi itoboine iguinuwedi go, geya iguinuwedita, e moe ina goyo.
JAM 5:1 Komi toesaesa konovēgu. Yaubada mou bei ivinimi, tauna mami nuwomou kotaiyakuwokūwala!
JAM 5:2 Mouyadi ame nakae: Imi esaesa kovagaagaledi bei sidáura, nakae ami kwama manumánuwo bei sikanidi.
JAM 5:3 Imi goura be imi siriba bei sivagoyo go, idi vagoyoyadi bei sitalavaitemi komi toogoyoimi, e lovina bei kobabane. Tauna idi vagoyoyana yeu nakae bei igabumi. Moitamo komi kónana kokivagovagogoidi toinimi manumi konuwonúwana bego sikaiyako vata. Kom go vatau? Ame tuta ana kaba lukavava goi kokivagovaagogoidi, tauna mou bei kobabane.
JAM 5:4 Konōve! Imi tánuwo adi topaisewa bogina kovaaobudi, e adi maisa kovagagaledi, tauna idi táiya italavaitemi Yaubada yaina imi goyo manuna. Nakae imi todibayoyayao idi táiya Yauwe Tokalika bogina inove.
JAM 5:5 Poyapoya goi komi mami esaesa kokaaiyaka dedevina toina, nakae kouyawana owáowana go, moe toinimi imi vailai manuna kokatubaayasimi takínona ana tuta goi.
JAM 5:6 Kotu ana tolovina nuwona kokobale bei tokibóbwata sitakino tauyana toogoyoina, e kokaumate. Go kina geya ikatumapumita.
JAM 5:7 Tauna segowo, imi vakakona goi koaaramāitana ana kadókana ida Tomoya ikaluvilamna. Tobágula kogīte. Ina vévana ibagulidi ikavava, bonau ituuyaosi. Mana mesayágana daúmwara ana tuta goi be nakae kótala ana tuta goi kúwana ituuyaosi. Iituyáwata ana kadókana poyapoya goi ina dibayoya ibabane, dibayoyayana moe sowona.
JAM 5:8 Komi nakae. Ida Tomoya giyakainava bei ikaluvilamna ima, tauna kootogāga be imi numisa goi kokaatepātu.
JAM 5:9 Imi mou goi taabu semiyao kokuuluīdi, segowo, govila bei takínona ana tuta goi liuna kobabane. Konovēgu! Totakinonayana bogina iyookabúbuna, totom goi iitáoya.
JAM 5:10 Segowo, Yauwe ina tokabivalavalayao aba gita tayamo yaida mamayuyu be mesayágana manudi. Tauyadi boi Yauwe yoina goi ina livala sitaalavaite, tauna mou sibabane go, simeesayágana. E tauyadi kovatotoowonēdi.
JAM 5:11 Gwa! Avatauwa neta mou goi simeesayágana, adi dedevina bogina sibabane. Iyobi aba gita tayamo. Tauyana ina mesayágana tetelina bogina konovenove nakae bogina kooyagoi Yauwe manakaena iguinuwa bego Iyobiyana ina mou ana kaba lukavava goi ana dedevina ibabane. Moeko goi koyagoi Yauwe Tomatakoi toina be Tonuwokapisi.
JAM 5:12 E tayamo dogoi gagaina konuwookavāte, segowo. Neta kokatótula, taabu kokanaatamāda yábana goi o poyapoya goi, nakae geya tayaamo kaga koovatōi geya. Go imi katotulayadi goi neta imi nuwonúwana moitamo, e koodigōmo kami, ‘U.’ Ago geya, kami, ‘Geya.’ Nakae kobóbwara, govila bei pola isowóduwo, e Yaubada ina takínona goi liuna kobabane.
JAM 5:13 Avatauwa komi neta imi mamayuyu koolotowo, kokawanōi Yaubada yaina vaita manuna. Avatauwa komi neta koouyáwana, vesi goi Yaubada koyapalīye.
JAM 5:14 Avatauwa komi neta kookatówana, Tomoya ana totugugunayao adi tovakumgoyao koduduwēdi sima, e pútuma sikabi, ida Tomoya yoina goi sikatukoisimi go, manumi sikawanoi Yaubada yaina.
JAM 5:15 Neta madi numisa sikawanoi, e tokatowanayana ida Tomoya bei ikaitáoe, e iboboina. Neta tokatowanayana mana goyo, Yaubada bei inuwotaoidi.
JAM 5:16 Tauna imi goyo koetalatalavaaitēdi go, kokaawanōi Yaubada yaina manumi, e bei kodedevina. Avatau neta tokibóbwata Yaubada matana goi, e ina kawanoi itogaga toina be nakae ipaisewa dókana.
JAM 5:17 Tayamo aba gita yaida moe Eliyau. Tauyana tomota kita nakae go, ikawanoi makimaki bego geya ikuwoneta, tauna tala aito be nakae tukówana sikisi goi geya ikuwoneta!
JAM 5:18 Ago ikawanoimna, tauna yábana goi kúwana isou, e poyapoya goi awoinu sitabo.
JAM 5:19 Segowo, avatau yaimi neta Yaubada ana Nanamsa Mooitamoina ana kenao goi isuláiga go, neta komi kokaluvilemnei ima enaoyana goi,
JAM 5:20 e ame konuuwāisi: Avatauwa komi neta tosulaigayana ina kenao goyogoyoina kotugavile, tauyana balomaina ámasa goi bogina koyave be nakae komi imi guinuwa pasina ina goyo liliudi Yaubada inuwotaoidi. Yau Yemesa
1PE 1:1 Komi Yaubada ina kinavayao bogina kosapa kona Pontosi goi, Galetiya goi, Kapadosiya goi, Esiya goi be Bituniya goi kogala ogaoga nakae, Komi ami kinavayana nakae Yaubada Tamada boi bogina igimilovina. Ami kinavayana ame nakae: Baloma Kimaasabaina ikimasabemi Yaubadayana umana. Go ikinavemi bei Yeisu Guyau kokabikaone be nakae Tauyana ikaikaina goi iseulimi. Yau Pita Yeisu Guyau ina vamoléyana tayamo ami leta ame agini iwo. Yaubada ina kanuwóiya be ina tuboina bei ivaituwedi yaimi goi.
1PE 1:3 Yaubada aba yapali! Tauyana ida Tomoya Yeisu Guyau ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.
1PE 1:4 Ida lotutayana moe kaga Yaubada boi bogina ikatootuledi bei ivinida. Dogoiyadi moe geya sidaureta geya, go sem sikaiyako vata. Goyo geya itoboineyeta ikibaibailidi. Nakae geya sisaosáwala geya. Yábana goi Yaubada iyatoidi, imatakaavatedi kita manuda.
1PE 1:5 Yaubada aba numisa, e ina togaga goi ikaliibodeda ada yava manuna; yavayana bogina ikatubayasi be tuta ana kaba lukavava goi ikaiwoduwe.
1PE 1:6 Moe pasina tauyáwana gagaina. Go tuta kaakupina ame tuta goi nakona itoboinemi ami mou liliudi pasidi kokaategeda.
1PE 1:7 Moe mouyadi itoboinedi bego imi numisa ana kamoitamo bei isowóduwo. Goura tagabukone bei tayagoi gourayana moitamo isowóduwo. Ago goura kónana kaavavaina go, ida numisayana dogoi gagaina namliyeta goura. Tauna vakakona yeu nakae goi ida numisa ana kamoitamo isowóduwo. Moeko goi Yeisu Guyau ina sowóduwo goi Yaubada bei iyapaliyeda, ana káeyana tomoeeyalina bei tasiuko be nakae iwowoineda gagaina.
1PE 1:8 Tauyana geya tayaamo tuta boi kogite go, tuwo komataakoiye. Ame tuta nakae geya kogiteyeta go, mami numisa Tauyana yaina be nakae manuna mami uyáwana gagaina koouyáwana nakae neta ana káeyana tomoeeyalina bogina kosiuko! Imi uyawanayana ivakaigaga, tauna geya itoboinemita bóbwara goi kovateteli nakonakae.
1PE 1:9 Imi uyawanayana unana imi numisa keuwoina bei kobabane; keuwoinayana moe ami yava.
1PE 1:10 Moe yavayana manuna Yaubada ina tokabivalavalayao boi ami kanuwóiya sigimitaalavaite silumadadana dókana be nakae sinuwonúwana gagaina.
1PE 1:11 Tokabivalavalayadi atedi goi boi Guyau Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namliyeta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.
1PE 1:12 Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima Vala Dedevina ana totalavaitayao nukotodi isanayatoidi, e ame tuta livalayadi sitalavaaitedi yaimi. Livalayadi nakona anerose latuwodi toina bego siyagoidokoidi.
1PE 1:13 Tauna nuwomi kokatubaayasīdi nakae neta paisewa manuna kopaiwa be toinimi kokabikuunuīmi. Ikavava, Yaubada ina kanuwóiya kolotutaedōko. Anuwoiyayana Yeisu Guyau ina sowóduwo goi bei kobabane.
1PE 1:14 Komi Yaubada natunao, tauna kokabiikaōne. Ame nakae: Taabu imi yalagau nuwomi ikoobalēdi nakae boi tutayana nava Yaubada kotamogeemogeye,
1PE 1:15 go sem Yaubada ada Toduduwo kimaasabaina, e komi nakae itoboinemi imi sinapu madabokina goi kimaasabaimi Tauyana umana.
1PE 1:16 Moitamo. Gínina Kimaasabaina goi idigo kana, ‘Yau kimaasabaigu umami, tauna komi itoboinemi kimaasabaimi yau umagu.’
1PE 1:17 Yaubada kita tomota tamo tamo ida guinuwa goi itakinovaavaseda. Ame Yaubadayana kovaatamane, tauna komi ogaoga imi tuta ameko poyapoya goi nakae mami matoita wowooinina Tauyana yaina kooketōiya.
1PE 1:18 Moe nakae itoboine unana bogina kooyagoi bego boi yawoimi ana kenao geya basabasainamo tubudao goi ima, e kenaoyana yaina goi Yaubada itateteda. Go geya kada esaesa nakae siriba o goura kaavavaidi goi itateteda geya,
1PE 1:19 go sem Guyau ikaikaina kaakesaina goi itateteda. Ikaikayana moe lami ikaikaina nakae, geya ana pikwanamo be geya ana bailamo.
1PE 1:20 Yeisuyana kina Yaubada igimikinave namliyeta poyapoya ame imadagi go, ame tuta, tuta ana kaba lukavava goi, bogina isowóduwo kita ada dedevina manuna.
1PE 1:21 Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namliyeta ana káeyana tomoeeyalina goi ivaisiu, tauna Yaubada taanumise be nakae talootutae.
1PE 1:22 Yawoimi bogina kokimasabedi imi kabikáwana Yaubada ana Nanamsa Mooitamoina yaina goi bego itoboinemi matakoi mooitamoina goi semiyao nuumisaidi komatakooiyedi. Tauna tuta liliuna atemi maavadaina goi semiyaoyadi komatakooiyēdi
1PE 1:23 unana bogina kobibinamna go, geya kada sakava bibinina goi geya. Moe bei ikámasa, tauna moe nakae geya, go sem dogoi geya ikamaseta goi. Dogoiyana moe Yaubada ina livala maa yawoina be aiyako vaatayaina goi.
1PE 1:24 Moitamo. Gínina Kimaasabaina nakae idige kana,
1PE 1:25 Yauwe ina livala, moe ikaiyako vata.’ Aiseya 40:6-8 E ame livalayana moe Vala Dedevina bogina konove.
1PE 2:1 E tauna sinapu goyogoyoidi kwama bogo nakae kovalilivīdi kokalavēdi. Sinapuyadi nakae nuwonúwana liliudi yogedageda manuna be nakae pola liliudi livala be guinuwa goi, nakae vakipikipi be amalagibo liliudi.
1PE 2:2 Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.
1PE 2:3 Bogina kolotowo bego ida Tomoya dedevina ae? Tauna ina livalayana kokamonamonāne.
1PE 2:4 Yeisuyana bogina komeko. Tauyana gurewa maa yawoina nakae. Ago gurewayana tomota siikatae geya basabasainamo go, Yaubada matana goi moe kiinavaina be sowona. Tutayana komeko,
1PE 2:5 komi gurewa maa yawoimi nakae Yaubada ivapopoimi be ina vada imadagi go, vadayana goi Balomaina ikaaiyaka. Ago vadayana sinaena komi Yaubada ina tonuwalayao kimaasabaimi Tauyana umana bego Yeisu Guyau ina guinuwa goi itoboinemi imi vininabeso Baloma Kimaasabaina goi kokaasaledi Yaubada yaina, e iuyaonedi.
1PE 2:6 Moitamo. Gínina Kimaasabaina goi Yaubada idigo kana,
1PE 2:7 Tauna komi tonumisa bei wowoina kobabane go, kidi geya sinumiseta, amo tauyadi toyówana Gínina Kimaasabaina italavaaitedi nakae. Gininayana kana,
1PE 2:8 Aiyuwoina kana, ‘Gurewayana aba sapákwana nakae aba satupe.’ Aiseya 8:14 Tauyadi isaapakoidi unana Yaubada ina livala sikapiipilave. Tauyana igimilovina bego idi kapipilova pasina gurewayana bei isapakoidi.
1PE 2:9 E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina kitomyao, e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.
1PE 2:10 Boi komi geya boda tayamo geya go, ame tuta komi Yaubada ina boda. Boi komi Yaubada ina nuwokapisi geya kobabaneyeta go, ame tuta bogina kobabane.
1PE 2:11 Guna kaloyao, komi togala be toeogaoga poyapoya ame goi, e akatuliwolemi sakava ana yalagau sivayaaviyemi kovakiilisīdi.
1PE 2:12 Latuwogu Totuyoyowo yaidi goi imi sinapu kaausaraidi. Neta nakae, nakona bei sikaogoyoemi kadi, ‘Komi goyo ana toguinuwayao’ go, imi guinuwa dedevidi sigitedi, e Yaubada ina vadádana ana tuta goi bei ina togaga ana káeyana ana vagitákwana sikamoitamoe.
1PE 2:13 Ida Tomoya pasina kokatetaagonēmi tomota liliudi madi lovina yaidi. Nakona Sisa yaina, tauyana mana lovina,
1PE 2:14 o gávana yaidi. Tauyadi boi Sisa ivayokoidi kidi ami tolovinayao, e goyo ana toguinuwayao bei siliunedi go, guinuwa dedevina ana toguinuwayao siyapaliyedi.
1PE 2:15 Yaubada ina nuwonúwana bego imi guinuwa dedevidi goi itoboinemi totamogemoge yaaluwoidi sopadi kokaupatudi. Tauna kokatetaagonēmi ami tolovinayadi yaidi goi.
1PE 2:16 Go imi katetagonayana goi komi ma taliigavimi imi spwagógana Guyau taiyao pasina go, imi taligavayana taabu kooetāko guinuwa goyogoyoidi manudi, go sem komi Yaubada ina pakonayao kokatetaagonēmi tolovinayadi yaidi goi.
1PE 2:17 Tomota liliudi kowowooinēdi. Semiyao nuumisaidi komatakooiyēdi. Mami matoita Yaubada kotaaimamīne. Sisa koowowōine.
1PE 2:18 Komi paakonimi, mami wowoina dókana kokatetaagonēmi imi tomoyamoya yaidi goi. Geya kada tomoyamoya dedevidi be sakuululudi aditava yaidi goi geya, go sem imi tomoyamoya kubuukasaidi yaidi nakae.
1PE 2:19 Moitamo. Tutayana geya unanamo siyogedeegededa go, neta ida nuwonúwana Yaubada yaina pasina gedagedayana goi tamesayágana, e moe Yaubada iuyaone.
1PE 2:20 Kaga ana dedevina neta tagoyo, e siyogedegededa go, gedagedayana goi tamesayágana? Geya! Go sem neta kita ida guinuwa dedevidi go, tuwo siyogedegededa go, gedagedayana goi tamesayágana, e moe Yaubada bei iuyaone.
1PE 2:21 Moe manuna Yaubada iduduweda unana Guyau nakae gedageda ilotowo manuda, tuwo aba gita iyato yaida bego kiyaena tavaekuli.
1PE 2:22 Yawoina ame nakae:
1PE 2:23 Tauyana sikaogoyoe go,
1PE 2:24 Tutayana Yeisuyana kerose goi situpatuko,
1PE 2:25 Moitamo, ida dedevinayana itoboine. Komi boi sipi nakae enao dedevina goi koosuláiga, go sem ame tuta bogina kokaluvilamna koma yawoida ana Tomatakavata nakae ana Tolokáyasa yaina goi. Tauna komi paakonimi kokatetaagonēmi imi tomoyamoya yaidi goi.
1PE 3:1 Komi vevina nakae. Kokatetaagonēmi toinimi monemiyao yaidi goi bego monemiyaoyadi nakona ame tuta Yaubada ina livala geya sikabikaoneyeta go, neta kotugaumo, bei imi guinuwa dedevidi kaka goi itoboinemi nuwodi kokobaledi sinumisa.
1PE 3:2 Moe nakae unana imi sinapuyana maavadaina nakae ma wowooinina bogina sigite, tauna sinumisa.
1PE 3:3 Vevinayami komi taabu toluyemi ana pasapasa goi kovaapasēmi. Nakae kunumi metametaina o pasapasa esaesa goura o ami kwama bego imi kaba nuwokabi.
1PE 3:4 Go sem atemi pasapasa vaatayaina goi kovaapasēdi nakae sakululu be nuwotokai. Moe sinapuyadi Yaubada atena.
1PE 3:5 Moitamo. Boi nimatu vevina kimaasabaidi Yaubada umana Tauyana ina katótula silootutae toinidi sivaapasedi ame nakae: Tauyadi sikatetaagonedi toinidi monediyao yaidi goi.
1PE 3:6 Serai nakae aba gita tayamo. Tauyana monena Eberamo ikabikaone nakae ikatomoyae. Ago neta imi guinuwa dedevidi be nakae geya tayaamo aba matoita komaatoite, e komi Seraiyana natunao nakae.
1PE 3:7 Komi koroto nakae alatuwokoimi. Mami nanamsa monemiyao taiyao kootuyūwo go, konuuwāisi tauyadi neenetaidi. Tauyadi kowowooinēdi. Neta konuwaisi Yaubada ina kanuwóiya, moe yawoidi vau, bei sibabane kita koroto nakae. Nakae koguuinūwe, bei geya kada tayaamo kaga itoboine imi kawanoi isanabodedi geya.
1PE 3:8 E tauna latuwogu madabokimi nuwomi tayamo, semiyao idi lotówana nakae kolootowōidi, mami matakōi, mami nuwokapīsi, mami nuwotokāi,
1PE 3:9 tomota idi goyo yaimi taabu goyo goi kokatuumapūdi. O neta tomota sitagiwoimi, taabu tagíwaya goi kokatuumapūdi, go sem kokaipaakuyēdi. Nakae koguuinuwe unana moe manuna Yaubada iduduweda bego ikaipaakuyeda, e tauna nakae tauyadi takatumapudi.
1PE 3:10 Gínina Kimaasabaina nakae ilatuwokoida aipaku manuna, idigo kana,
1PE 3:11 E goyo itugavilēdi go, guinuwa dedevidi iguuinuwēdi.
1PE 3:12 Kina Yauwe matana ikaaiyaka
1PE 3:13 Moitamo nakae takatumapu. Avatau bei iyogedegedemi neta mami salau guinuwa dedevina koguuinuwe? Geya ae?
1PE 3:14 Go sem neta moitamo yogedegedemi unana komi Guyau nuwona ana tokibobwatayao, e tuwo ami dedevina bogina kobabane. Aiseya ina bóbwara koguinūwe; tauyana idigo kana,
1PE 3:15 E atemi goi ida Tomoya, moe Guyau, kokiimasābe. Avatau neta ilumadademi imi lotuta manuna, tuta liliuna mami katubayasi bei idi lumadádana madabokidi kokatumapūdi go, geya livala kasakasaidi goi geya,
1PE 3:16 go sem mami sakululu be mami wowoina kokatuumapūdi. Imi katumapuyana goi itoboinemi nukotomi geya isabutukoidita bego tutayana sikaogoyoemi, kidi imi sinapu dedevina imi spwagógana Guyau taiyao pasina sitaagiwoi bei odi imayamaya.
1PE 3:17 Neta guinuwa dedevidi taguuinuwedi go, seki nakona Yaubada ina nuwonúwana bego guinuwayadi pasidi tomota nimadi goi gedageda tababane, e tuwo nava taguuinuwēdi. Moe dedevina. Go igoyo neta guinuwa goyogoyoidi taguuinuwedi. Neta goyo taguuinuwedi, ada gedagedayana taababane itoboine.
1PE 3:18 Kina Guyau nakae bogina sivatayamo iyogedageda
1PE 3:19 Baloma ana dadavayana goi
1PE 3:20 Dimoniyadi boi sikapipilova Nowa ina tuta goi. Amo tutayana goi dedeoga gagaina iyowoyowo go, Yaubada mana mesayágana goi iituyáwata. Ago adi taiyuwomo, o tadigo kada, ‘Tomota adi tainima adi taito’, Yaubada iyavedi bwae goi.
1PE 3:21 Bwaeyana moe ada sayóyova makayauna nakae go, moe geya kada báila sakavaida goi manuna geya, go sem moe ida katótula Yaubada yaina goi bego ida sinapu bei dedevina nakae nukotoda bei geya isabutukoidita. Ago sayoyovayana goi Yeisu Guyau ina taoyamna pasina kita nakae ada yava tababane.
1PE 3:22 Tauyana bogina ituko ina yábana goi mana lovina be mana togaga wowoina basekoina Yaubada kakataina goi iitusobu go, anerose be yábana osasaina ana tovakumgoyao be ana totogagayao bogina sikatetagonedi Tauyana ina lovina goi.
1PE 4:1 E Guyau wowona goi gedageda ibabane, tauna komi nakae imi nuwonúwana kotakutūdi Yeisu nakae. Ina nuwonuwanayana bego neta kita poyapoya goi geya ada goyomo go, ida numisa pasina gedageda tababane, e ana kaigigita goyo ana sinapu bogina takalave.
1PE 4:2 Moeko goi bei ida tuta madabokina poyapoya ame goi takaaiyaka geya tuwaina da poyapoya idi yalagau tasokiikinēdi geya, go sem Yaubada ina nuwonúwana tasookikīne.
1PE 4:3 Moitamo moe itoboinemi. Komi tuta maanawena bogina Totuyoyowo idi sinapu goyogoyoidi koguuinuwedi go, ame tutayana moe sinapuyadi bogina tuwo, sikavava. Sinapuyadi moe sakava ana vikaiya owáowana, yalagau goyogoyoidi, bwae toogagaina ana nim ginagina yaluwo, uyawana owáowana, masisi goyogoyoina owáowana pati sinaena goi be basaleliu ana sakululu. Moe sakululuyana Yaubada ikalagiwole.
1PE 4:4 Tauyadi nukotodi siwówana unana komi geya latuwomi kosiukoidi be idi guinuwa owaowanayadi taiyao koguinuwedi. Tuwo sikamalagibemi.
1PE 4:5 Nava bei tauyadi kita maa yawoida be tokámasa adi Totakínona matana goi sitáoya idi sinapu sitalaseyanedi.
1PE 4:6 Moitamo. Vala Dedevina ana talavaita tokámasa yaidi nakae unana ame: Nakona sakava ana dadava goi tomota sitakinoidi toogoyoidi go, tuwo Yaubada itakinoidi todedevidi maa yawoidi Baloma Kimaasabaina goi.
1PE 4:7 E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.
1PE 4:8 Dogoi gagaina ame nakae: Matakoi pasina tomota idi goyo badabadaidi geya tanuwokavatedita, tauna mami salau semiyao tamo tamo komatakooiyēdi.
1PE 4:9 Semiyao ogaoga imi vada goi kouyaaonēdi go, taabu kokuuluīdi.
1PE 4:10 Kita tamo tamo Yaubada ina kaiguyau ituli ituli bogina ivinida, tauna aiguyauyadi liliudi koyatakoidi bego sedao tavaitedi.
1PE 4:11 Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu Guyau ina guinuwa goi Yaubada ina togaga ana káeyana sivagitakoe. Guyauyana aba taimámina be Tokalika ame tuta be nakae tuta simamaima! E nakae!
1PE 4:12 Guna kaloyao, ami vakakona gagaidi bogina kobaabanedi. Manudi taabu nukotomi siwowōwana kami, ‘Iyaa, kaga unana vakakonayadi siisowóduwo yaima?’
1PE 4:13 Go sem komi ami gedageda Guyau ana gedageda nakae bogina kolootowoidi, e gedagedayadi manudi koouyāwana bego nava tutayana mana káeyana tomoeeyalina isowóduwo nakae bei kouyáwana gagaina toina.
1PE 4:14 Neta tomota sitagiwoimi unana Guyau yoina ikaaiyaka yaimi, e ami dedevina bogina kobabane unana Yaubada Balomaina, Tauyana Yaubada ana káeyana ana tovagitákwana, yaimi goi ikaaiyaka. Tauna ami dedevina bogina kobabane.
1PE 4:15 Ame moitamo. Neta aumata, vaináwana, goyo o kibodaboda koguuinuwedi, e ami gedageda koobabane moe itoboine. Go amo sinapuyadi komi geya itoboinemita, tauna geya tayaamo yaimi goi kuguuinuwēdi.
1PE 4:16 Go neta komi yoimi Guyau ina tosabokuliyao go, imi numisa pasina gedageda koobabane, e taabu omi imaayamāya, go sem ame yoimiyana kokamooitamōe be Yaubada ana káeyana tomoeeyalina kovagiitakōe.
1PE 4:17 Bogina koyagoi. Takínona ana tuta ivatowo kita Yaubada ina bodayáuwo yaida goi. E kita yaida goi ivatowo, tauna kaga bei isowóduwo Yaubada ina Vala Dedevina ana tokapipilova yaidi goi? Bei igoyo toina!
1PE 4:18 Gínina Kimaasabaina ikamoitamoegu kana,
1PE 4:19 Tauna avatauwa neta gedageda siibabane nakae Yaubada ina nuwonúwana, e nakae idi guinuwa dedevidi goi yawoidi sikaasalēdi ada tomadágina aba numisa yaina goi.
1PE 5:1 Tauna komi tomoyamoya, yau tomoya tayamo komi nakae be Guyau ina gedageda ana totalavaita komi nakae. Aiyuwoina Guyau ina togaga ana káeyana giyakainava bei ikaiwoduwe ina kaluvilamna goi, e yau tupwana bogina aalotowo. Tuwo akatuliwolemi
1PE 5:2 sipi ana tomatakavata nakae Yaubada ina bodao nimami goi sikaaiyaka komatakaavatēdi be kovaakedēdi. Go imi matakavatayana geya kada tomota siloviinaemi koguuinuwe geya, go sem toinimi imi tagona goi nakae Yaubada latuwona. Geya matakónana pasina geya bego imi esaesa kobabane, go sem mami salau kovaaitēdi.
1PE 5:3 Geya lovina kasakasaina goi geya, go sem komi aba gita dedevina yaidi goi.
1PE 5:4 Neta nakae, tutayana Yeisu Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.
1PE 5:5 Komi tubuwau nakae akatuliwolemi kokatetaagonēmi tomoyamoyayadi yaidi goi. Neta konuwaisi Gínina Kimaasabaina idigo kana, ‘E tauyadi nuwaatuedi Yaubada ivakaaleyedi go, kidi toosobudi ikanuwooiyedi.’ Nanamsa 3:34 Tauna madabokimi toosobuna kwamaina nakae kolōsi semiyao yaidi goi.
1PE 5:6 Tauna kokisoobuyēmi be kokatetaagonēmi Yaubada nimana toogagaina goi bego tuta ana toboine goi ikilagasimi.
1PE 5:7 Tauyana ilokayasida, tauna imi nuwokubukubu madabokina nimana goi koyāto.
1PE 5:8 Toinimi kokabikuunuīmi be nakae koyauyāusa. Ada tovakaleya Totagiwayayana laiyoni sasasaina nakae mana gou ivanibiníbita ana tomota ilusala bei ikanisave.
1PE 5:9 Tauyana yaina mami numisa tamadiidinina kovadōkana. Neta konuwaisi gedagedayadi kobaabanedi sedao poyapoya madabokiina goi nakae bogina sibabanedi.
1PE 5:10 E kina go Yaubada, Tauyana anuwóiya liliudi unadi, boi bogina ida spwagógana Guyau Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.
1PE 5:11 Tauyana Tokalika ame tuta be nakae tuta simamaima! E nakae!
1PE 5:12 Leta ame giyaina agini go, kina Silovano nimana goi ayato aetune iwo yaimi. Tauyana aayagoi siyami aba numisa komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!
1PE 5:13 Natugu Maki be kidi Babiloni goi Yaubada ina kinavayao komi nakae idi yabobona sietune iwo yaimi.
1PE 5:14 Mami matakoi semiyao koyoowoiīdi. Komi spwagoogonimi Guyau taiyao tuboina yaimi! Yau Pita
2PE 1:1 Segowo, Yau Saimoni Pita, Yeisu Guyau ina pákwana nakae ina vamoléyana, ami leta ame agini aetune iwo yaimi. Komi tauyami numisa kai ima numisa nakae bogina kouyaone Yeisu Guyau, Tauyana ida Yaubada be ada Toyava, ina kivavasa goi. Moe numisayana komi be kai sowoda.
2PE 1:2 Yaubada be ida Tomoya Yeisu adi yagoina goi Yaubadayana ina kanuwóiya be ina tuboina bei ivaituwedi yaimi.
2PE 1:3 Yaubada ina togaga bogina ivinida kaga liliuna yawoida manuna be nakae yábana sinapuna manuna. Tauyana toinina ina togaga ana káeyana ana vagitákwana goi be nakae napasina dedevina goi iduduweda.
2PE 1:4 Ame dogoiyadi goi ina katótula sowoda be dedevidi toidi ivinida bego atotulayadi goi kita itoboineda Tauyana napasina tasiuko unana aigóyava poyapoya ame goi ikaaiyaka goyo ana yalagau pasina go, bogina tasiyae.
2PE 1:5 E moe pasina tauna mami valitulítuwo napasimi dedevina kovaaitūwe imi numisa goi. E napasimiyana goi nanamsa kovaaitūwe.
2PE 1:6 E imi nanamsayana goi toinimi imi kabikúnuwo kovaaitūwe. E imi kabikunuwoyana goi imi mesayágana kovaaitūwe. E imi aramaitanayana goi yábana sinapuna kovaaitūwe.
2PE 1:7 E yábana sinapuna goi sedao nuumisaidi adi matakoi kovaaitūwe. E amo matakoiyana goi tomota liliudi adi matakoi kovaaitūwe.
2PE 1:8 Neta moe sinapuyadi yaimi goi sikaaiyaka nakae sibibíbina, e sivaitemi bei komi ma basabasaimi be nakae ma keuwoimi. Moeko goi imavada bego ida Tomoya Yeisu Guyau moitamo bogina kooyagoi.
2PE 1:9 Ame moitamo. Avatauwa neta sinapuyadi yaidi goi geya, adi kaigigita matadi igawúwula nakae o kada, ‘Matadi ikebo toina.’ Moe unana boi idi goyo adi kimavada bogina sinuwoilave.
2PE 1:10 Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.
2PE 1:11 Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.
2PE 1:12 Tauna moitamo mae vatulukwanayadi bogina koyaagoidi be nakae Yaubada ana Nanamsa Mooitamoina yatana bogina kotaaoya dókana go, tuwo bokoyo itoboinegu tuta liliuna vatulukwanayadi manudi bei akavilevilemi.
2PE 1:13 E guna nuwonúwana tutayana nava maa wowogu akaaiyaka go, itoboinegu guna vilinayadi goi awoinimi.
2PE 1:14 Unana aayagoi giyakainava wowoguyana bei akalave nakae ida Tomoya Yeisu Guyau bogina ivatulukoigu.
2PE 1:15 E tuwo bei apoisógana bego guna kalovayana mlina nakae leta ame goi vatulukwanayadi tuta liliuna aavilidi yaimi.
2PE 1:16 Itoboinemi vatulukwanayadi konuwaaisidi. Bogina koyagoi. Boi ida Tomoya Yeisu Guyau ina togaga be ina sowóduwo katalavaitedi yaimi go, ima talavaitayana goi geya tonuwosinapu idi vatuta kasabokuuliyedi geya, go sem kai toinima matapoinima kagite Tauyana Toolagaina.
2PE 1:17 Boi Tamana Yaubada wowoina be taimámina ivini tutayana níyana tayamo Tauyana ana káeyana tomoeeyalina goi kanove idigo kana, ‘Ame Tauyana Natugu, guna kakaya, auyaaonedoko.’
2PE 1:18 Niyanayana yábana goi ima, e kai toinima taiyama goi kanove. Neta konuwaisi boi kai Guyau taiyao koya kimaasabaina goi kakaaiyaka.
2PE 1:19 Nakae kagite, tauna Yaubada ina tokabivalavala idi livala kakamoitamoedi. Livalayadi rampa nakae neta mamaníwana goi inínima, e itoboine konuwokavatedi be koyagoidi nako vatulúkwana dedevina, nako igoyo. E itoboinemi livalayadi konuwokavatedi ana kadókana Yeisu ikaluvilamna ima nakae tomo ana sipasipa iliyabale atemi goi kubona ituko, e inínima.
2PE 1:20 Ame koyagoidōko: Tutayana tokabivalavala ina livala Gínina Kimaasabaina goi takatuyaivi, geya vatau tayaamo itoboine toinina ina nuwonúwana goi italigei.
2PE 1:21 Moe moitamo. Tokabivalavala idi livalayadi geya tomota idi nuwonúwana goi sima geya, go sem Baloma Kimaasabaina nukotodi isanayatoidi, e Yaubada ina livala sitalavaite. Tauna itoboine Balomayana ivaiteda bei tayagoi.
2PE 2:1 E boi nimatu tokabivalavala mooitamoidi sikaaiyaka go, Yaubada ina bodao yaidi goi tokabivalavala polapola nakae sikaliwóduwo. E nakae komi yaimi goi nakae tovatulukwana polapola bei sikaliwóduwo. Tauyadi idi vatulúkwana ituli aba kaigoyo sivaisiugaudi. Ago tauyadi boi ida Tomoya itakonedi go, tuwo silawoiwoiye. Moe pasina giyakainava adi kaigoyo bei sibabane.
2PE 2:2 Ago tonumisa badabadaidi yaimi goi bei tovatulukwanayadi sakavaidi adi vikaiya owáowana sisabokuuliyedi. Moeko goi kidi geya sinumiseta bei sigite, Yaubada ana Nanamsa Mooitamoina ana kenao sitagiwoi
2PE 2:3 be nakae tauyadi madi matakónana bei idi pola goi sivaobumi. Go boi nimatu tovatulukwana polapola adi takínona manudi Yaubada bogina ilovina go, geya inuwoilaveyeta geya, go sem bogina iyokabúbuna bego adi liuna ivinidi.
2PE 2:4 Moitamo liuna bei sibabane. Anerose konuwaisidi? Boi nimatu sigoyo go, Yaubada geya inuwokapisiyedita, go sem ilavedi sisou masi mamaniiwonina Taratarasi goi. Tonoko goi iyoisikaavatedi adi takínona manuna.
2PE 2:5 Boi nimatu nakae, Yaubada da poyapoya geya inuwokapisiyedita, go sem mluwa ietune ina tauyadi Yaubada sikaaolilive imtulidi go, boda ana badabada ainima aito iyavedi. Ainima aito yaidi tayamo moe Nowa Yaubada nuwona ana kibóbwata ana totalavaita.
2PE 2:6 Sodoma be Gamora nakae konuwaisidi? Boi nimatu Yaubada itakinoidi asa goyogoyoidi be igabusavedi simalaselekau. Tauna ame aba gita kidi Yaubada sikaaolilive yaidi bego ava liuna bei sibabane.
2PE 2:7 Loti Yaubada nuwona ana tokibóbwata nakae konuwaisi? Tauyana tokapipilova igitedi sakavaidi adi vikaiya owáowana ivakaigaga, tuwo pasidi ikategeda. E Lotiyana mana bodao Yaubada iyavedi.
2PE 2:8 Moitamo. Loti tokibobwatayana maliyalina tamo tamo yaidi goi ikaaiyaka go, idi kapipilova igitedi be inovedi, tuwo idi guinuwayadi kapipiilovaidi pasidi ikategeda.
2PE 2:9 Moe nakae Yauwe ina guinuwayadi toogoyoidi yaidi. Tauna bogina iyagoi manakaena bei ina tomota kaasalaidi adi mou goi iyavedi go, kapipilovaidiyadi iyoisikaavatedi ana kadókana takínona ana maliyalina isowóduwo bei adi liuna ivinidi.
2PE 2:10 E moe moitamo toina neta Yaubada ina lovina siikatae go, latuwodi bego sakavaidi adi yalagau goyogoyoidi sisabokuuliyedi. Kidi tovatulukwana polapolayadi Yaubada geya simatoiteyeta be nakae nuwaatuedi! Geya simatoiteta yábana osasaina toolagaidi sitagiwoidi.
2PE 2:11 Kidi go anerose sitogagasavedi go, tuwo geya latuwodi madi tagíwaya sitaakinoidi Yauwe matana goi unana moe Tauyana ina guinuwa.
2PE 2:12 Go kidi tovatulukwanayadi kaga kaga geya siyagoidita, tuwo sitagiiwoidi. Kidi yoguyogu nakae; idi sinapu goi adi lotówona iloviinaedi go, yoguyoguyadi adi bíbina moe yóita be vailai manudi. Yoguyoguyadi adi vailai nakae, e kidi tovatulukwanayadi nakae moitamo bei sivailai.
2PE 2:13 Tauyadi idi guinuwa goyogoyoidi adi katumapu bei gedageda. Gedagedayana unana ame: Sinuwonúwana idi guinuwa owáowana moe aba uyáwana, e maliyalina goi go, tuwo nakae siguuinuwe. Kidi ma baailidi nakae aba omayamaya yaimi, unana idi goyo ana vikaiya manudi siuyáwana, tutayana komi tonumisa imi kabivekoveko aikanina goi sikáika komi taiyao.
2PE 2:14 Tuwaina idi nuwonúwana madabokina roerata, e idi goyo goi geya sisayateta geya. Tomota idi numisa neenetaidi situbaniibanidi goyo goi. Matakónana silokoonakoidi. Yaubada bogina ikatubolatedi.
2PE 2:15 Enao mooitamoina bogina sikalave go, sisuláiga unana Bosori natuna Balam ina kenao sisabookuliye. Tauyana esaesa guinuwa kapipiilovaidi goi nuwona ikabi.
2PE 2:16 E Balamyana Yaubada ina tokabivalavala tayamo go, tauyana ina goyo pasina Yaubada iboove ame nakae: Balamyana ina ase niyana tomota nakae ibóbwara, ina towosi ibove, e tokabivalavalayana ina guinuwa yaluwo isanabode, tuwo geya iguinuweyeta.
2PE 2:17 Go kidi tovatulukwana polapolayadi doelu daakakaina nakae; mainao kada, ‘Bwae.’ Go niga tagite, bwae geya. O yégula nakae. Kada, ‘Bei ikúwana.’ Go niga yágira iyawoisave, e kúwana geya. Tauyadi manudi Yaubada asa kokonótuya toina ikatubayasi.
2PE 2:18 Moitamo. Tovatulukwanayadi madi livala gaagasidi nakae geya basabasaidimo, e sakavaidi adi yalagau be nakae sakavaidi adi vikaiya owáowana goi tonumisa vau situbanibanidi go, tonumisayadi makaitaga toogoyoidi adi sinapu goi sisiya!
2PE 2:19 Tovatulukwanayadi sikatótula kadi, ‘Kosabokuliyēma bei kaga latuwomi, itoboinemi koguinuwe.’ Ago tovatulukwanayadi toinidi idi goyo iyowomneidi be iloviinaedi, tuwo adí mtula bei sibabane. Moitamo tauyadi paakonidi. Kaga neta itogageesaveda bei iipakoida.
2PE 2:20 Neta poyapoya sinapuna baailidi sisiyaedi tutayana ida Tomoya nakae ada Toyava Yeisu Guyau siyagoi go, niga sikaluvilamna sina sinapuyadi sisiukoidi be dogoiyadi sitogagasavedi, e boi mainao kidi idi kaiyako tupwana igoyo go, ame igoyo toina.
2PE 2:21 Avatauwa neta sinapu dedevina ana kenao siiyagoi go, enaoyana ina lovina kimaasabaina Yaubada goi ima sikalave, e idi goyo ivakaigaga namliyeta avatauwa neta enaoyana geya siyagoiyeta.
2PE 2:22 Tovatulukwana polapolayadi idi sinapu tauna nakae livalakaibala mooitamoina ame, kana, ‘Weiniya ikaluvilamna ina toinina lagobaina goi!’ Nanamsa 26:11 Aiyuwoina kana,
2PE 3:1 Guna kaloyao, ame guna leta aiyuwoina bogina agini iwo. Leta aiyuwokova yaidi guna vílina goi nuwomi awooinidi bei konuwonuwana dókana.
2PE 3:2 Guna vilinayana moe bei Yaubada ina tokabivalavala kimaasabaidi idi livala boi sigimitalavaaitedi be ida Tomoya nakae ada Toyava ina lovina ina vamoleyanayao yaidi goi konuwaaisidi.
2PE 3:3 Latuwogu ame koyagoidoko: Tuta ana kaba lukavava goi tokaiwoteta bei sima toinidi idi yalagau goyogoyoidi sisabokuliyedi.
2PE 3:4 Madi kaiwoteta bei sidigo kadi, ‘Boi Tauyana ina sowóduwo Yaubada ikaatotule go, Tauyana nako? Geya ae? Boi nimatu tubudao gagaidi idi kámasa ana tuta go, ima ame tuta kaga liliuna adi kaigigita tauna nakae sikaaiyaka nakae boi tutayana madágina ana tuta go, ima.’
2PE 3:5 Amo sibágala. Tauyadi sikadoinana ame manuna: Boi nimatu yábana bogina ikaaiyaka go, Yaubada ina livala goi bwae silamgógana, e poyapoya bwae goi ipóiya.
2PE 3:6 Aiyuwoina Yaubada ina takínona manuna sikadoinana. Bwaeyadi iepaisewedi be mluwa idau, e da poyapoya amo tutayana goi ikaigoyaidi.
2PE 3:7 E Yaubada ina livalayana goi nakae yábana be poyapoya ame tuta iyatoidi yeu manuna go, iyoisikaavatedi ana kadókana takínona ana maliyalina goi bei tauyadi Yaubada sikaaolilive igabusavedi.
2PE 3:8 E tayamo dogoi, guna kaloyao, taabu konuwooilāve. Dogoiyana bego Yauwe ina nuwonúwana goi maliyalina tayamo moe nakae tala ana badabada 1,000 go, tala 1,000 moe nakae maliyalina tayamo. Tauna maliyalina be tala sivavasa Tauyana yaina.
2PE 3:9 Tauyana geya ivamumugoneta bego ina katótula iguinuwe nakae tomota sinuwonúwana vamumúgana manuna, go sem kita yaida goi imeesayágana. Geya latuwona tomota tayamo ivailai, go sem latuwona tomota liliudi situgavila.
2PE 3:10 E Yauwe ina Maliyalina moitamo bei ima go, tovaináwana nakae bei ivatoopa. Maliyalinayana goi kaga liliuna yábana osasaina goi ma buutukáona gagaina bei sisáwala. E poyapoya ame Yaubada bei yeu goi ikaigoyai go, kaga liliuna poyapoyayana goi bei ikaiwoduwedi takínona manuna.
2PE 3:11 Amo dogoiyadi madabokidi Yaubada bei imtulidi amo nakae, tauna kita ava sinapu itoboineda? Ame nakae: Itoboineda ida sinapu kimaasabaina nakae yábana sinapuna goi taaketoiya
2PE 3:12 tutayana Tauyana ina Maliyalina ina sowóduwo taayamwasi be nakae tavatuuwowone. Amo Maliyalinayana pasina yábana yeu sabeninimina goi bei itusaoli be nakae dogoi yábana osasaina yeu sabeninimina goi ivakasewoidi.
2PE 3:13 Go yabana vau be poyapoya vau nakae boi ikatootuledi tayaamwasidi. Yabana vauyana be poyapoya vauyana goi Yaubada ina kibobwatayao bei sikaiyako vata.
2PE 3:14 Tauna, guna kaloyao, ame dogoiyadi bogina koyaamwasidi go, kopooisōgana bei imi sinapu madabokina dedevina, e bei tutayana Yaubada idovatusimi, ibabanemi geya ami pikwanamo geya toina be nakae tuboina goi kokaaiyako.
2PE 3:15 Konuwokavāte ida Tomoya ina mesayágana moe ada yava. Moe nakae ida kalo Paulo mana nanamsa ami leta goi igini. Ina nanamsayana moe Yaubada goi ima.
2PE 3:16 Moe nakae ina leta liliudi goi tutayana ame dogoiyadi manudi italavaita. Ago ina letayadi goi vatulúkwana maniyedi adi yagoina moumoudi sikaaiyaka go, kidi totamogemoge be polayoomanaidi sisobaledi. Ame nakae idi sinapu Gínina Kimaasabaidi adi livala madabokina goi. Idi sinapuyana pasina adí mtula bei sibabane.
2PE 3:17 E tauna komi guna kaloyao, bogina kogimiyagoi tovatulukwana polapola bei siwo, tauna korugwaausīmi, govila bei tokapipilova idi pola goi sivasulaigimi go, toinimi imi numisa mooitamoina ana dako yatana goi kosou.
2PE 3:18 E Yeisu Guyau, Tauyana ida Tomoya be ada Toyava, ina kanuwóiya be ina nanamsa goi kobībina. Tauyana aba taimámina ame tuta be nakae tuta simamaima! E nakae! Yau Pita
1JO 1:1 Tauyana aba vatowo goi go, ima ame tuta
1JO 1:2 Livalayana Yaubada ikaiwoduwe,
1JO 1:3 Kaga bogina kagite be kanove yaimi kataalavaite
1JO 1:4 Ame livalayadi kaginidi bego kita tauyawana dókana.
1JO 1:5 Livala ame Tauyana ilatuuwokoima kanove, e kataalavaite yaimi. Livalayana ame nakae: Yaubada moe mavada go, geya kada giyaiina mamaníwana Tauyana sinaena geya, geya toina.
1JO 1:6 Neta tadigo kada, ‘Yaubada taiyao takabivekoveko’ go, nava mamaníwana goi takaaiyaka, e kita tapola be nakae Yaubada ana Nanamsa Mooitamoina geya taguinuweyeta.
1JO 1:7 Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.
1JO 1:8 Neta tadigo kada, ‘Kita geya ida goyomo’, e toinida takatuubauda be nakae Yaubada ana Nanamsa Mooitamoina yaida goi geya ikaiyaketa.
1JO 1:9 Neta ida goyo tatalaseeyanedi Yaubada yaina, e Tauyana aba numisa be tokivavasa tauna ida goyo inuwotaoidi nakae ida guinuwa goyogoyoidi madabokidi bolotodi yaidi goi inikida.
1JO 1:10 Neta tadigo kada, ‘Geya kada tayaamo tuta tagoyo geya’, e amo bobwarayadi goi Yaubada tavayoko topola unana Tauyana kana, ‘Tomota liliudi goyo siguuinuwe.’ Tauna ina livala sinaeda goi geya ikaiyaketa.
1JO 2:1 Natugowo, ame dogoiyadi aginidi siwo bego goyo taabu koguuinūwe. Go neta tagoyo, kita mada Tovapísiya Tamada yaina goi; Tovapisiyayana moe Yeisu Guyau Tokibóbwata.
1JO 2:2 Tauyana ida kaba núwala ida goyo manudi. Go geya kada adetava geya, go sem tomota madabokidi nakae idi goyo manudi.
1JO 2:3 Taayagoi bego Yaubada bogina tayagoidoko ame nakae: Neta Yaubada ina lovina takabikaaonedi.
1JO 2:4 Avatauwa neta sidigo kadi, ‘Tauyana kaayagoi’ go, Yaubada ina lovina geya sikabikaonedita, tauyadi topola be nakae Yaubada ana Nanamsa Mooitamoina nuwodi goi geya.
1JO 2:5 Go neta Yaubada ina livala takabiikaone, e moitamo Yaubada bogina tamatakoiyedoko nakae itoboineda. Ame nakae itoboineda tayagoidoko bego Yaubada taiyao bogina taspwagógana:
1JO 2:6 Avatau neta idigo kana, ‘Yaigu goi Yaubada ikaaiyaka’, e itoboine bei iiketoiya Yeisu nakae.
1JO 2:7 Guna kaloyao, lovina aginigini geya lovina vau geya, go sem lovina bogo boi imi numisa ana kaba vatowo goi go, ima ame tuta ikaaiyaka yaimi. Lovinayana moe livala boi bogina konove.
1JO 2:8 Ago mamaníwana bogina isaosáwala go, mavada mooitamoina bogina ininínima. Tauna ame lovinayana moe lovina vau nakae aginigini matakoi manuna. Lovinayana moitamo boi Yeisu goi tagite go, ame tuta nakae komi goi tagite.
1JO 2:9 Tuwo avatauwa neta sidigo kadi, ‘Kai mavada goi kakaaiyaka’ go, siyadi sikaaolilive, e nava mamaníwana goi sikaaiyaka.
1JO 2:10 Go avatauwa neta siyadi simataakoiye, mavada goi sikaaiyaka. Mavadayana goi geya tayaamo aba sapákwana ikaaiyaka.
1JO 2:11 Go avatauwa neta siyadi sikaaolilive, e nava mamaníwana goi sikaaiyaka be nakae mamaniwanayana goi siiketoiya. Mamaniwanayana pasina matadi ikebo, tauna geya siyagoiyeta nako sinonoina.
1JO 2:12 Komi natugowo, Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.
1JO 2:13 Tomoyamoyayao, Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi. Komi tubuwau, Togoyoinayana bogina kotogagasave, tauna livala ame agini iwo yaimi.
1JO 2:14 Komi natugowo, Tamada bogina kooyagoi, tauna livala ame agini iwo yaimi. Tomoyamoyayao, Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi. Komi tubuwau, Imi numisa goi kootogaga, Yaubada ina livala atemi goi ikaaiyaka be nakae Togoyoinayana bogina kotogagasave, tauna livala ame agini iwo yaimi.
1JO 2:15 Taabu poyapoya sinapuna o konanina manudi nuwomi iyoiyōi. Avatauwa neta sinapuyadi manudi nuwodi iyoiyoi, Tamada geya simatakoiyeyeta.
1JO 2:16 Moe moitamo. Sinapuyadi ame nakae: Tomota sakavaidi idi yalagau, matadi idi yalagau be konadi adi gágasa. Ame sinapuyadi liliudi unadi moe geya Tamada goi geya, go sem unadi moe poyapoya goi.
1JO 2:17 Ago poyapoya sinapuna madi yalagau sisaosáwala. Avatauwa neta Yaubada ina nuwonúwana siguuinuwe, bei sikaiyako vata.
1JO 2:18 Natugowo, ame bogina poyapoya ana tuta ana kaba lukavava. Boi konove bego Guyau ana kaleya imamaima go, ame tuta Guyau ana kaleyayao badabadaidi bogina siisowóduwo. Moeko goi taayagoi ame poyapoya ana tuta ana kaba lukavava.
1JO 2:19 Tauyadi sitavileiyeda go, tauyadi geya ida bodao geya. Neta kidi ida bodao, nava yaida goi sikaaiyaka, go sem tauyadi toinidi sivagitakoidi bego liliudi geya ida bodao geya.
1JO 2:20 Go komi kaaipakumi Totumasaba goi toinina umana, tauna yaimi goi Baloma Kimaasabaina ikaaiyaka, e liliumi mami nanamsa.
1JO 2:21 Tuwo ame agini geya kada unana Yaubada ana Nanamsa Mooitamoina geya koyagoiyeta geya, go sem unana moe bogina kooyagoi be nakae kooyagoi bego geya tayaamo pola Yaubada ana Nanamsa Moitamoinayana goi ima.
1JO 2:22 Go topolayadi avatauwa? Topolayadi moe avatauwa neta Yeisu silawoiwoiye kadi, ‘Yeisu moe geya Guyau geya.’ Moe tauyadi Guyau ana kaleyayao. Yeisu ma Tamana silawoiwoiyedi kadi, ‘Yeisu geya Yaubada Natuna geya. Yaubada geya Yeisu Tamana geya.’
1JO 2:23 Tuwo avatauwa neta Yaubada Natuna silawoiiwoiye, e Yaubada taiyao geya sispwagogoneta, go sem avatauwa neta sikamooitamo bego Yeisu Yaubada Natuna, moe tauyadi Tamana nakae taiyao sispwagógana.
1JO 2:24 Go komi kaga nakae boi imi numisa ana kaba vatowo goi konove, tuwo kotagōna atemi goi ikaiyako vata. Neta kotagona bego atemi goi ikaiyako vata, komi moitamo Yeisu ma Tamana taiyao kospwagógana.
1JO 2:25 Tauna atotulayana boi Tauyana ikaatotuli yaida bei tababane, moe yawoida vata.
1JO 2:26 Ame livalayadi bogina aginidi siwo yaimi bei akatumatalimi ami topolayao manudi.
1JO 2:27 Ago komi sem bogina kaaipakumi Guyau goi, e Baloma Kimaasabaina ikaaiyaka yaimi. Tauna tovatulukwana vau komi taabu koolusāle bego ivatulukoimi, go sem Baloma Kimaasabaina kaga liliuna ivatulukoimi. Go Tauyana ina vatulukwanayana moitamo, pola geya. E kokaaiyāka Yeisu yaina nakae Baloma Kimasabainayana bogina ivatulukoimi.
1JO 2:28 Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.
1JO 2:29 Bogina kooyagoi bego Tauyana Tokibóbwata, tauna nakae koyagoi bego avatauwa neta siikibóbwata, moe aba kinana bego Yaubada goi sibíbina.
1JO 3:1 Konuwonūwana Yaubada ina matakoi gagaina toina iivinida manuna! Ame nakae: Kita ivayokoida natunao! Go moe moitamo, kita natunao! Moe pasina da poyapoya geya siyagoideta, unana Yaubada geya siyagoiyeta.
1JO 3:2 Guna kaloyao, ame tutayana kita Yaubada natunao go, Yaubada geya ivatulukoideta kita nava bei nakonakae. Go tayagoi bego Yeisu ina kaluvilamna goi kita bei Tauyana nakae unana Tauyana bei taulitoinina tagite.
1JO 3:3 Go avatauwa neta moe silootutae, toinidi sikimaasabedi Yaubada umana nakae Yeisuyana kimaasabaina.
1JO 3:4 Go avatauwa neta idi sinapu goi goyo siguuinuwe, tauyadi Yaubada ina lovina ana tokapipilovayao unana sinapu goyo tauna lovina ana kapipilova; aiyuwokova sivavasa.
1JO 3:5 Tayagoi Guyau isowóduwo bego goyo ikabi, inave go, Tauyana geya ina goyomo geya.
1JO 3:6 Tauna avatauwa neta Guyau yaina goi sikaaiyaka, e geya tuwaina goyo siguuinuwe unana Guyauyana geya ana goyomo. Go avatauwa neta nava goyo siguuinuwe, geya sinumiseta Guyau yaina go, aiyuwoina Tauyana geya siyagoiyeta, geya toina.
1JO 3:7 Natugowo, tomota idi vatulukwana polapola goi taabu sikatuubaūmi, tauna goyo koguuinuwe. Avatauwa neta guinuwa dedevidi sikiboobosidi, tauyadi tokibóbwata, nakae Guyau Tokibóbwata.
1JO 3:8 Go avatauwa neta sinapu goyo siguuinuwe, tauyadi Totagíwaya ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.
1JO 3:9 Neta Yaubada goi tabíbina, geya tuwaina sinapu goyo taguuinuwe unana Yaubada yawoina ateda goi bogina ikaaiyaka. Tauna kita geya itoboinedeta bei sinapu goyo nava taguuinuwe, unana kita Yaubada goi bogina tabíbina.
1JO 3:10 Ame nakae itoboineda taayagoi bego avatauwa Yaubada natunao go, avatauwa Totagíwaya natunao: Avatauwa neta guinuwa dedevidi geya sikibobosidita be nakae avatauwa neta siyadi geya simatakoiyeyeta, e tauyadi geya Yaubada ina bodao geya.
1JO 3:11 Moe moitamo. Boi imi numisa ana kaba vatowo goi livala ame bogina konove: Sedao tamatakooiyēdi.
1JO 3:12 Go geya kada Keni nakae geya. Tauyana Kaleya ina boda tayamo, e siyana ivakaleye ikaumate. Go kaga unana siyana ikaumate? Unana Keni ina guinuwa igoyo go, siyana ikibóbwata.
1JO 3:13 Segowo, komi tokibóbwata Ebeli nakae, tauna taabu nuwomi siwowōwana tutayana da poyapoya sikaolilivemi.
1JO 3:14 Tayagoi bego kita ámasa ana dadava bogina takalave go, yawoida vata bogina tababane. Moe taayagoi unana sedao tamatakoiyedi. Go avatauwa neta geya simatakoita, nava ámasa ana dadava goi sikaaiyaka.
1JO 3:15 Avatauwa neta siyadi sikaaolilive, tauyadi tokaumata. Go bogina kooyagoi bego geya tayaamo tokaumata yaina goi yawana vata ikaaiyaka.
1JO 3:16 E tayagoi matakoi kaga ame nakae: Guyau yawoina ikasale ámasa goi ada dedevina manuna. Tauna kita nakae itoboineda yawoida takasaledi ámasa goi sedao adi dedevina manudi.
1JO 3:17 E avatau neta maa konana go, siyana igite tayamo kónana ikiseyeseye go, neta tauyana maa konana ikubuyeve, manakae? Yaubada ina matakoi atena goi ikaaiyaka gea geya? Geya!
1JO 3:18 Natugowo, geya bóbwara kaka sopada goi tamaatakoi, go sem ame nakae: Ida guinuwa goi be nakae Yaubada ana Nanamsa Mooitamoina yaida goi tamaatakōi.
1JO 3:19 Ida matakoiyana goi bei tayagoi bego kita Yaubada ana Nanamsa Mooitamoina goi takaaiyaka be nakae Tauyana matana goi nuwoda bei tatamyabidi ame nakae:
1JO 3:20 Neta nuwoda isabutukoidi, Yaubada ina kanuwóiya ivakaigaga, nakae nuwoda itogagasave be nakae kaga liliuna kita manuda iyagoidokoidi, tauna nuwoda iyagoidi go, tuwo ikanuwoiyeda.
1JO 3:21 Guna kaloyao, neta nuwoda geya isabutukoidita, kita mada katepatu Yaubada matana goi tatáoya,
1JO 3:22 e kaga kaga takawaanoiye Tauyana yaina, bei ivinida. Moe unana Tauyana ina lovina takabikaaonedi be nakae ava guinuwava Yaubada iuyaaonedi taguuinuwedi. Tauna bei ida kawanoiyadi bei inovedi.
1JO 3:23 Ame ina lovina tayamo: Natuna Yeisu Guyau taanumīse be sedao tamatakooiyēdi nakae boi bogina ilatuuwokoida.
1JO 3:24 Neta Yaubada ina lovina takabikaaonedi, Tauyana yaida goi ikaaiyaka. Go tayagoi bego Yaubadayana yaida goi ikaaiyaka ame nakae: Balomaina bogina iivinida ivatulukoida.
1JO 4:1 Guna kaloyao, ame tutayana tokabivalavala polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.
1JO 4:2 Tomota idi vatulúkwana Yaubada Balomaina goi imamaima takinane ame nakae: Avatauwa neta sikamooitamo bego Yeisu Guyau ima poyapoya goi imalasakava, e moe tauyadi idi vatulúkwana Yaubada goi ima.
1JO 4:3 Ago avatauwa neta geya sikamoitamoita bego Yeisu imalasakava, e tauyadi idi vatulúkwana Yaubada goi geya imaita, go sem moe vatulukwanayana Guyau ana kaleya goi ima. Kaleyayana valena bogina konove bei ima go, moitamo ame tuta bogina ikaaiyaka poyapoya ame goi.
1JO 4:4 Natugowo, komi Yaubada ina bodao be nakae vatulúkwana mooitamoina bogina kouuyaone, tauna tokabivalavala polapolayadi bogina kotogagasavedi. Bogina koyagoi. Tauyana sinaemi goi ikitoogagemi ina togaga ivakaigaga toina; nakae tauyana da poyapoya sinaedi ikitoogagedi ina togaga ivakaigagasave.
1JO 4:5 Kidi tokabivalavala polapolayadi moe da poyapoya idi bodao. Idi vatulúkwana moe da poyapoya idi nuwonúwana goi ima. Moe pasina tutayana tokabivalavalayadi sitaalavaita, e kidi da poyapoya siinovedi.
1JO 4:6 Go kai Yaubada ina bodao, tauna avatauwa neta Yaubada siiyagoi, bei sinovema. Go avatauwa neta geya Yaubada ina bodao geya, tauyadi geya sinovemeta. Moeko goi tayagoi ava vatulúkwana moe Baloma Kimaasabaina goi ima, Tauyana Yaubada ana Nanamsa Mooitamoina ana tovagitákwana go, ava vatulúkwana moe Kaleya ina dimoni goi ima.
1JO 4:7 Guna kaloyao, Yaubada matakoi unana, tauna sedao tamatakooiyēdi. Neta tamaatakoi, Tauyana goi tabibíbina be nakae Tauyana taayagoi.
1JO 4:8 Yaubada napasina moe matakoi. Tauna avatauwa geya simatakoita, Tauyana geya siyagoiyeta.
1JO 4:9 Ina matakoi yaida ivatulukoida ame nakae: Natuna kaakesaina ivamoleye ima poyapoya ame goi bego Natunayana ina guinuwa goi kita maa yawoida vau.
1JO 4:10 Matakoi mooitamoina ame nakae: Geya bego kita Yaubada tamatakoiye, go sem bego Tauyana imatakoiyeda, tuwo Natuna ivamoleye ima, iya ida goyo ana kaba núwala.
1JO 4:11 Guna kaloyao, moe nakae Yaubada imatakooiyeda, tauna kita nakae itoboineda sedao tamatakooiyedi.
1JO 4:12 Geya kada tayaamo tomota Yaubada igite geya go, neta kita sedao tamatakooiyedi, Yaubada yaida goi ikaaiyaka be ina matakoi ateda goi bogina imalatomota.
1JO 4:13 Tayagoi bego Yaubada yaida goi ikaaiyaka ame nakae: Balomaina bogina ivinida.
1JO 4:14 Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.
1JO 4:15 Tauna avatauwa neta sikamoitamo bego Yeisu moe Yaubada Natuna, yaidi goi Yaubada ikaaiyaka, e nakae kidi Tauyana yaina sikaaiyaka.
1JO 4:16 Go Yaubada ina matakoi kita yaida bogina talotowo nakae tanumise. Yaubada napasina moe matakoi, tauna neta matakoi goi takaaiyaka, Yaubada taiyao taspwagógana.
1JO 4:17 Yaubada ina matakoi ateda goi bogina imalatomota bego takínona ana maliyalina goi mada katepatu kita bei dedevida. Ina matakoiyana imalatomota dókana yaida goi ame nakae: Nakonakae Guyau napasina, kita napasida nakae ida kaiyaka poyapoya ame goi.
1JO 4:18 Geya tayaamo aba matoita ikaaiyaka matakoi goi. Go sem, matakoi dókana matoita ikausaoli. Nakae neta Yaubada tamataakoiye, ina takínona mana liuna geya tamatoiteyeta. Bogina koyagoi. Matoita unana moe bego liuna tababane. E avatauwa neta Yaubada simaatoite, yaidi goi matakoi nava geya imalatomotadokoneta.
1JO 4:19 Yaubada igimimatakoiyeda, tauna kita tamaatakoi.
1JO 4:20 Avatau neta idigo kana, ‘Yau Yaubada amataakoiye’ go, siyana ikaaolilive, tauyana topola. Moitamo. Neta siyana igitegite go, geya imatakoiyeyeta, e manakaena bei Yaubada geya igitegite imatakoiye? Geya ae?
1JO 4:21 Lovina tayamo Yaubada bogina iivinida ame nakae: Neta Yaubada tamataakoiye, e sedao nakae tamatakooiyēdi.
1JO 5:1 Avatauwa kita neta taanumisa bego Yeisu moe Guyau, Yaubada goi bogina tabíbina. Neta Tamada tamataakoiye, e avatauwa Tauyana goi sibíbina nakae tamatakooiyedi.
1JO 5:2 Tutayana Yaubada tamataakoiye be nakae ina lovina takabikaaonedi, e moeko goi taayagoi bego Yaubada natunao moitamo tamatakoiyedi.
1JO 5:3 Moitamo. Yaubada ana matakoi yaida goi tagite ame nakae: Neta ina lovina takabikaaonedi. Go ina lovinayadi geya moudimo, go sem sikakapu, tauna itoboineda taguuinuwedi.
1JO 5:4 Moe moitamo. Yaubada goi tabíbina, tauna poyapoya sinapuna tatogagasavedi go, ida kaba togagayana moe ida numisa.
1JO 5:5 E avatauwa poyapoya sinapuna sitogagasavedi? Neta kita taanumisa bego Yeisu moe Yaubada Natuna, poyapoya sinapuna tatogagasavedi.
1JO 5:6 Ame Tauyana, Yeisu Guyau, bwae goi be nakae ikaika goi ima poyapoya ame. Moe bogina tayagoi. Geya kada bwae kaka goi ima geya, go sem bwae goi be nakae ikaikaina goi. E ame dogoiyadi Yaubada Balomaina italavaitedokoidi, unana Balomayana moe Yaubada ana Nanamsa Mooitamoina ana tovagitákwana.
1JO 5:7 Moe moitamo. Yeisu Guyau ana kaba talavaita aito sikaaiyaka.
1JO 5:8 Aba talavaitayadi ame nakae: Baloma, bwae be ikaika go, nuwodi tayamo Yeisu manuna.
1JO 5:9 Moitamo tomota idi talavaita tanuumisedi go, Yaubada ina talavaita itogagasavedi. Moe moitamo. Tauyana ina talavaitayana moe Natuna manuna.
1JO 5:10 Tauna avatauwa neta Yaubada Natuna siinumise, atedi goi siiyagoi talavaitayana moe moitamo. Go avatauwa neta Yaubada geya sinumiseyeta, moe nakae Yaubada sivayoko topola unana ina talavaita Natuna manuna geya sinumiseyeta.
1JO 5:11 Ina talavaitayana ame nakae: Yaubada yawoida vata bogina ivinida go, yawoida vatayana ida spwagógana Natuna taiyao pasina tababane.
1JO 5:12 Avatauwa neta Yaubada Natuna taiyao siispwagógana, maa yawoidi vau. Go avatauwa neta Yaubada Natuna taiyao geya sispwagogoneta, e geya yawoidimo.
1JO 5:13 Ame livalayadi bogina aginidi siwo yaimi bego komi Yaubada Natuna ana tonumisayao bei koyagoi bego bogina maa yawoimi vata.
1JO 5:14 Go ida katepatu Yaubada matana goi ame nakae: Kaga takawaanoiye, neta Yaubada ina nuwonúwana nakae, bei inoveda.
1JO 5:15 Neta taayagoi ida kawanoiyadi iinovedi, e taayagoi kaga takawaanoiye, moitamo bei ivinida.
1JO 5:16 Tuwo neta siyami kogite goyo tayamo iguuinuwe go, goyoyana pasina Yaubada bei geya ilivisiyevataeyeta, kokawanōi tauyana manuna go, Yaubada bei iyolime. Go goyo tayamo ikaaiyaka neta taguinuwe, e Yaubada bei ilivisiyeda. Avatauwa yaida goi neta goyoyana iguuinuwe, e tauyana manuna taabu kokaawanōi.
1JO 5:17 Moitamo. Ava guinuwava neta Yaubada nuwona nakae geya moe goyo Yaubada yaina goi go, goyo maniyedi sikaaiyaka, pasidi Yaubada geya ilivisiyevataedeta.
1JO 5:18 Tayagoi avatauwa neta Yaubada goi sibíbina, geya tuwaina sinapu goyo siguuinuwe, go sem Yaubada Natuna, Tauyana Yaubada goi ibíbina, ikalibodedi, tauna Togoyoinayana geya itoboineyeta ibisikonedi.
1JO 5:19 Bogina tayagoi da poyapoya liliudi Togoyoinayana nimana goi sikaaiyaka go, kita Yaubada ina bodao.
1JO 5:20 E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu Guyau. Ame Tauyana Yaubada mooitamoina be nakae yawoida vata unana.
1JO 5:21 Natugowo, basaleliu polapolayao kovakiilisīdi.
2JO 1:1 Kom namoya kiinavaim ma natumowo, Yau imi tomoya ami leta ame agini iwo yaimi. Amatakoiyemi nakae Yaubada ana Nanamsa Mooitamoina bogina ikaiwoduwe yaida. Go geya kada yau agutava geya, go sem avatauwa neta Nanamsayana bogina siiyagoi nakae simatakooiyemi.
2JO 1:2 Moe unana Nanamsa Moitamoinayana nuwoda goi ikaaiyaka nakae yaida bei ikaiyako vata.
2JO 1:3 Yaubada Tamada be Natuna Yeisu Guyau idi kanuwóiya be idi nuwokapisi be nakae idi tuboina yaida bei sikaaiyaka tutayana Nanamsa Moitamoinayana goi be matakoiyana goi takaaiyaka.
2JO 1:4 Auyáwana gagaina unana natumowo maniyedi agitebabanedi, Yaubada ana Nanamsa Mooitamoina sisabookuliye nakae ida lovina boi Tamada iivinida.
2JO 1:5 Go namoya, ame tuta akawanoiyem lovina tayamo kukabiikaōne. Lovinayana geya kada lovina vau agini geya, go sem moe lovina bogo boi ida numisa ana kaba vatowo goi bogina tanove. Lovinayana ame nakae: Sedao tamatakooiyēdi.
2JO 1:6 Go ame matakoi: Yaubada ina lovina takabikaonedi. Ame ina lovinayana nakae boi imi numisa ana kaba vatowo goi bogina konove: Yaubada ana Nanamsa Mooitamoina goi kooketōiya.
2JO 1:7 Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu Guyau imalasakava. Avatau neta amo nakae siibobore, iya moe topolayana, Guyau ana kaleyayana.
2JO 1:8 Topolayadi goi ami dodōkana, govila bei kaga nakae bogina tapooisogane itagau. Moeko goi imi poisoganayana ana vaiwówana madabokina geya itagauta, go sem vaiwowanayana bei kobabane.
2JO 1:9 Avatauwa neta Guyauyana ina vatulúkwana sikaatusavi nakae vatulukwanayana goi geya sikaiyaketa, e tauyadi Yaubada taiyao geya sispwagogoneta. Go avatauwa neta Guyauyana ina vatulúkwana goi sikaaiyaka, e tauyadi Tamada be Natuna taiyao sispwagógana.
2JO 1:10 Avatauwa neta siwo yaimi go, moe vatulukwanayana geya sivatulukoneta, e tauyadi imi vada goi taabu kouyaaonēdi be nakae taabu kokaauyāgu yaidi.
2JO 1:11 Moe moitamo. Avatau neta tauyadi yaidi ikaauyagu, idi guinuwa goyogoyoidi bogina isiukoidi.
2JO 1:12 Kaga liliuna sikaaiyaka go, geya latuwogu leta goi alatuwokoimi, go sem aalotuta bego ao yaimi bei komi taiyao tabóbwara. Moe bego taiyao tauyawana dókana.
2JO 1:13 Siyam kiinavaina ameko goi natunao idi yabobona yaim. Yau Iyoni
3JO 1:1 Gaiyo, Yau im tomoya am leta ame agini iwo yaim. Guna kalo, Yaubada ana Nanamsa Mooitamoina taayagoi, tauna amatakoiyem.
3JO 1:2 Guna kalo, guna kawanoi Yaubada yaina bego im guinuwa liliudi goi kaga liliuna bei idedevina yaim go, nakonakae balomaim bogina idedevina, bei sakavaim nakae idedevina.
3JO 1:3 Bogina kuyagoi. Auyáwana gagaina tutayana sedao maniyedi sima valem sitalavaite bego kom Yaubada ana Nanamsa Mooitamoina kusabookuliye. Idi talavaitayana itoboine unana kom moitamo Yaubada ana Nanamsa Moitamoinayana goi nava kuuketoiya.
3JO 1:4 Geya kada tayaamo kaga ivauyaonegu nakae ame: Neta vala anove bego natugowo Yaubada ana Nanamsa Mooitamoina goi siiketoiya!
3JO 1:5 Guna kalo, boi sedao toliwola asa tamo tamo goi sivanibiníbita, e tutayana siwowoiwo, kom geya kuyagoidita go, tuwo kuvaaitedi. Moe im guinuwayana goi kom aba numisa nakae Yeisu kusabokuliyedoko.
3JO 1:6 Amo tauyadi bogina sima im matakoi sitalavaite kai Yaubada ana totugugunayao yaima ameko goi. Itoboinem tomota moe tauyadi nakae kuvakinaredi unana moe sinapuyana nakae Yaubada latuwona.
3JO 1:7 Moitamo. Tauyadi sivanibiníbita asa liliudi goi Guyau sitaalavaite go, geya tayaamo vaita sikawanoiye Totuyoyowo yaidi unana amo tauyadi geya sinumiseta.
3JO 1:8 Tauna kita tonumisayao itoboineda bei toliwola dedevidi amo toliwolayadi nakae tavaaitedi bego kita tauyadi adi tosavaiyuwoyao Yaubada ana Nanamsa Mooitamoina manuna.
3JO 1:9 Livala tayamo bogina agini iwo komi Yaubada ana totugugunayao moeko goi toliwola adi vaitayana manuna go, iya Diyotiripi bego toinina iilovina, tuwo ima lovina geya ikabikaoneyeta, go sem ikapiipilave.
3JO 1:10 Moe pasina tutayana ao, ina sinapuyadi bei akamamaetalidi. Ina sinapuyadi ame nakae: Tauyana ina tagíwaya goi iwowokoima go, tauyana ina sinapu bóbwara kaka geya, go sem guinuwa goyogoyoidi tuwaidi iguuinuwedi. Nakae neta sedao toliwola siwo, bei ivalilivedi. Aiyuwoina avatauwa neta latuwodi bego toliwolayadi sivaitedi, e tauyana isanabodedi be nakae komi Yaubada ana totugugunayao yaimi goi ivatapiyedi.
3JO 1:11 Guna kalo, sinapu goyo taabu kuvatootowōne, go sem sinapu dedevina kuvatotowōne. Avatauwa neta guinuwa dedevina siguuinuwe, kidi Yaubada ina bodao. Go avatauwa neta sinapu goyo siguuinuwe, Yaubada geya siyagoiyeta.
3JO 1:12 Demetariyo aba gita tayamo dedevina. Tomota liliudi sitalavaita bego tauyana koroto dedevina. Yaubada ana Nanamsa Mooitamoina isabokuliiyedoko, tauna ina sinapuyana nakae italavaita bego tauyana koroto dedevina. E kai ima talavaita nakae. Go kai ima talavaitayana bogina kooyagoi moe talavaita mooitamoina.
3JO 1:13 Kaga liliuna sikaaiyaka go, geya latuwogu leta goi alatuwokoim.
3JO 1:14 E aalotuta bego giyakainava ao avadadem bei taiyao tabóbwara.
3JO 1:15 Tuboina yaim goi! Sedao ameko idi yabobona yaim. Nakae sedao moeko guna yabobona tayamo tayamo yaidi. Yau Iyoni
JUD 1:1 Komi Yaubada Tamada ina kinavayao bogina imatakoiyemi be nakae iyoisikavatemi ana kadókana Yeisu Guyau ikaluvilamna ikabimi, Yau Yuda, Guyau Yeisu ina pákwana be nakae Yemesa ana gómana toina, ame ami leta agini iwo yaimi.
JUD 1:2 Yaubada ina nuwokapisi, ina matakoi be nakae ina tuboina bei ivaituwedi yaimi.
JUD 1:3 Guna kaloyao, latuwogu toina bego ami leta ame goi alatuwokoimi kita tonumisa ada yava tayamo manuna go, geya itoboineguta unana tayamo mou isowóduwo yaimi, tauna itoboine bei leta ame goi akatununuwosimi bego ida numisa ana vatulúkwana kaka kovaboodebode. Ame vatulukwanayana boi Yaubada bogina sivatayamo ivatulukoida kita ina kimasabayao, tauna taabu takaatusāvi o takaaigavīle.
JUD 1:4 Ame moitamo. Maniyena tokapipilova bogina sisiugau imi bodao yaimi goi. Moe tauyadi manudi boi nimatu Yaubada ina tokabivalavala sitalavaita bego tomota amo nakae Yaubada ina lovina moumouna bei sibabane. Tauyadi Yaubada ana tokaoliliwoyao. Ida Yaubada ina vatulúkwana anuwóiya manuna sikaatusavi be nakae sikaiigavile ame nakae: Sidigo kadi, ‘Yaubada ina kanuwóiya goi ida goyo inuwotaoidi, tauna itoboineda sakavaida adi vikaiya owáowana taguuinuwe.’ Aiyuwoina Yeisu Guyau anetava ida Tokalika be ida Tomoya go, tuwo amo silawoiiwoiye!
JUD 1:5 E Yaubada ina liuna apipilova manuna bogina koyagoidoko go, tuwo latuwogu akavilevile yaimi ame nakae: Boi nimatu Isileli tubunao da Itipita idi kasa goi sikaaiyaka, Yeisu iyavedi go, namliyeta avatauwa neta geya sinumiseyeta ikaumatedi.
JUD 1:6 Aneroseyao koonuwēdi. Boi maniyedi toinidi sikilagasidi, e idi kaba lovina geya siyoisikavateyeta, go sem idi kaba kaiyaka dókana sikalave. Tauna aba kaiyaka kokonótuya goi Yaubada iyoisikavateevataedi. Amoko goi sikaaiyaka ana kadókana takínona ana maliyalina gagaina bei lovina moumouna sibabane.
JUD 1:7 Kidi da Sodoma be da Gamora be nakae tomota asayadi kikidi goi sikaaiyaka koonuwēdi. Kidi idi kapipilova amo aneroseyadi nakae. Ame asayadi goi tomota maniyedi latuwodi simasisi goyogoyo vevina taiyao go, maniyedi koroto koroto taiyao. Tauna Yaubada adi liuna ivinidi; liunayana moe yeu sabenínima vaatayaina. Go adi liunayana moe aba gita tayamo kita yaida Yaubada ina lovina moumouna apipilova manuna.
JUD 1:8 Amo liunayadi apipilova ana kaba gita sikakaiyaka go, tuwo kidi tokapipilovayadi yaimi goi tauna nakae. Tauyadi sikanamimi go, sinuwonúwana bego idi kanamimiyadi goi Yaubada ivatulukoidi nakonakae siguinuwe, go geya ivatulukoidita. Moe nakae idi nuwonuwanayana, tauna idi kanamimi pasidi idi masisi goyogoyoina goi sakavaidi sikibaibaailidi, Tomoya ina lovina siikatae be nakae yábana osasaina toolagaidi sitagiiwoidi.
JUD 1:9 E kina go Maikoro anerose adi toolagaina go, tuwo amo nakae geya iguinuweyeta. Boi nimatu Totagíwaya taiyao sikaumakimaki Mosese wowona pasina bego avatau itoboine ikabi. Go tutayana sikaumaakimaki, kina Maikoroyana geya idigopopoiteta, nakae Kaleyayana geya itakinoeta bego tauyana itoboine liuna ibabane ina tagíwaya pasina. Takínona moe Yaubada anetava ina paisewa. Go sem Maikoroyana idigomo kana, ‘Yauwe bei ibowoim, e liuna ivinim!’
JUD 1:10 E kidi go tokapipilovayadi, neta kaga kaga geya siyagoidita, e tuwo sitagiiwoidi. E tauyadi idi nanamsa woiwoi nakae unana woiwoi idi sinapu goi sakavaidi adi yala iloviinaedi. Tauna tauyadi idi sinapu nakae. Ago idi yalayadi pasidi bei sivailai.
JUD 1:11 O tauyadi! Liuna bei sibabane idi kapipilova pasina unana Keni ana kenao goi siiketoiya be toinidi sitaagonedi simaatapógana esaesa manuna, moe Balam ina bágala nakae. Aiyuwoina lovina totoomoidi sikapipiilavedi moe boi Kora ina sinapu nakae, tauna Kora nakae bei sivailai.
JUD 1:12 Amo tokapipilovayadi imi kabivekoveko aikanina goi sisiu sikáika komi taiyao go, geya idi wowoinamo Yeisu manuna, go sem sikaikapopóita. Aiyuwoina aikayana goi tauyadi lai poiina nakae. Laiyana geya tagiteyeta, e oga isaiko bogina igoyo, tauna ami dodōkana, govila bei tauyadi pasidi imi numisa itomava. Tauyadi bego Yaubada ana totugugunayao adi tomatakavatayao go, toinidi simatakavatedimo. E amo tauyadi adi kaigigita nakae losiye goi bou ilabakóluma go, kúwana geya, go sem yágira iyawoisavedimo. Kidi nakae. Sidigodigo bego idi vatulúkwana dedevina go, geya tayaamo kaga dedevina yaidi goi iisowóduwo. E adi kaigigita alova adi tuta kéuwo nakae go, geya keuwoidimo, tuwo silabudi, sigabudi, tauna sikámasa toina. Tauna amo tokapipilovayadi nakae. Tagitedi kada, ‘Dedevidi’ go, yaidi goi geya kada tayaamo keuwoina dedevina isowóduwo geya.
JUD 1:13 Amo tauyadi aivaya gagaidi siitalasa nakae go, mosamosa silaseseli. E kidi nakae, unana idi sinapu goi mosamosa kaka sisowóduwo. Adi kaigigita súluwo nakae. Suluwoyadi silokoina besobeso go, kidi nakae enao totoomoina bogina sivasulaigi, tauna geya itoboinedeta idi vatulúkwana tanumise. Ago idi kasa Yaubada bogina ikatubayasi go, asayana kokonótuya toina. Amoko goi bei sikaiyako vata.
JUD 1:14 Boi nimatu amo tokapipilovayadi manudi Enoki itaalavaita. Enokiyana tubuna moe Adama. Ago Adama ina nunu isou ina Enoki ina nunu moe nunu ana badabada ainima tayamo. E ina talavaitayana goi idigo kana, ‘Gwa! Yauwe imamaima ina aneroseyao kimaasabaidi badabadaidi taiyao
JUD 1:15 bego boda madabokidi itakinoidi. Go Yaubada ana tokaoliliwoyao moe toogoyoidi liliudi ikamamaetalidi idi goyo badabadaidi pasidi be nakae idi livala tagíwaya madabokina Yauwe yaina pasidi.’
JUD 1:16 Ame tokaoliliwoyadi kuuluidi. Tuwaina toinidi adi yalagau sisabokuuliyedi be nakae toinidi sikilagalaagasidi. E aiyuwoina idi katunuwanuwa goi sediyao sikatutaoidi kónana manudi.
JUD 1:17 E guna kaloyao, komi sem ida Tomoya Yeisu Guyau ina vamoleyanayao idi livala konuwokaavatēdi.
JUD 1:18 Boi sidigo kadi, ‘Tuta ana kaba lukavava goi maniyena tomota bei sima komi be Yaubada sikaiwotetemi unana kidi Yaubada sikaolilive; latuwodi toinidi adi yalagau goyoogoyoidi sisabokuliyedi.’
JUD 1:19 Amo tokapipilovayadi moe Yaubada ana totugugunayao adi tolivisiyao, sakava tomotaidi go, Baloma Kimaasabaina kidi yaidi geya ikaiyaketa.
JUD 1:20 E komi go guna kaloyao, semiyao kokitoogagēdi, bei vatulúkwana kimaasabaina toina koonumise goi sitogaga. Go Baloma Kimaasabaina kootagōne ivaakedemi imi kawanoi goi.
JUD 1:21 Ago Yaubada ina matakoi koyoisiikavāte go, ida Tomoya Yeisu Guyau ina nuwokapisi kotuuyaōsi. Nuwokapisiyana goi yawoimi vata bei kobabane.
JUD 1:22 E avatauwa neta sinaanayuwo, konuwokapiisiyēdi.
JUD 1:23 Ago avatauwa neta asagabugabu kikina goi sikaaiyaka kobuvilēdi be koyavēdi. Ago maniyena tomota konuwokapiisiyēdi go, mami matōita, govila bei sibiumi idi goyo goi komi nakae kokapusi. Kidi adi goyo ivakaigaga masisi goyogoyoina ana dadava goi, tauna idi sinapu goyogoyoidi kokaoliilivēdi go, kidi tuwo konuwokapiisiyēdi.
JUD 1:24 E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana káeyana tomoeeyalina goi mami uyáwana ivataoemi.
JUD 1:25 Tauyana anetava Yaubada ada Toyava ida Tomoya Yeisu Guyau ina guinuwa goi. Yaubadayana aba taimámina, Tokanayatanatoina, Tokalika be nakae Tokalibúbuna toogagaina! E nakae! Yau Yuda
REV 1:1 Buki ame moe Yaubada ina nuwogau Yeisu Guyau ivatuluko. Ina nuwogauyana moe kaga bei giyakainava sisowóduwo go, latuwona Yeisu ikaiwoduwedi ina pakonayao yaidi. Tuwo ina anerose ietune ima yau Iyoni, Tauyana ina pákwana, yaigu, e aba kinana goi nuwogauyadi ivatulukoigu.
REV 1:2 Yaubada ina livala, moe Yeisu Guyau ina talavaita, atalavaite, e nakae kaga liliuna aagitedi atalavaitedi.
REV 1:3 Buki ame ina livala Yaubada goi sima. Tuwo ana tokatuyaivayao be nakae ana totaiyakekayao neta ina livala sikabikaaonedi, e adi dedevina bei sibabane. Moitamo. Tuta ikaponapona dogoiyadi buki ame goi bei sisowóduwo, tauna livalayana konōve be kokabiikaōne.
REV 1:4 Yau Iyoni buki ame agini iwo komi Tomoya ana totugugunayao asa ainima aiyuwo Esiya ana dadava goi yaimi. Yaubada, Baloma ainima aiyuwo, be nakae Yeisu Guyau idi kanuwóiya be idi tuboina bei sivinimi. Yaubadayana Tokaiyako vata: Ame ikaaiyaka, boi nimatu ikaaiyaka go, tuta simamaima nakae bei ikaaiyaka. Balomayadi ainima aiyuwo Yaubada kebana esaaesaina matana goi sikaaiyaka.
REV 1:5 Iya Yeisu Guyau Totalavaita dókana aba numisa. Tauyana tokámasa adi Totaoyakumgo. Moe nakae iya ada botomoya o tadigo kada, ‘Da poyapoya adi tolovinayao adi Tokalibúbuna.’ Yeisu imatakooiyeda, tuwo ikaikaina pasina ida goyo ana togaga goi italigeida.
REV 1:6 Ilamgogoida taeboda tayamo bei kita ina bodayáuwo ina kalibúbuna goi takaaiyaka be nakae Tauyana Tamana Yaubada ina togudalayao. Yeisuyana aba taimámina be nakae Tokalika ame tuta be nakae tuta simamaima! E nakae!
REV 1:7 Konōve!
REV 1:8 ‘Yau Alipa be Omega’, Yauwe Yaubada kaena. Tauyana Tokaiyako vata: Ame ikaaiyaka, boi nimatu ikaaiyaka go, tuta simamaima nakae nava bei ikaaiyaka. Tauyana Tokalika.
REV 1:9 Yau Iyoni, siyami be nakae imi tosavaiyuwo ida spwagógana Yeisu taiyao pasina ame nakae: Ada gedageda tayamo, ida Tomoya ina kalibúbuna goi taiyao takaaiyaka be nakae ida mesayágana tayamo ida mou pasina. E, boi tomota siyoisigu, sinavegu simla Patimo goi sikaisobuyegu akaaiyaka unana Yaubada ina livala, moe Yeisu ina talavaita, ataalavaite.
REV 1:10 Tuta tayamo ida Tomoya ana maliyalina goi Baloma Kimaasabaina iyoisigu, e mligu goi níyana gagaina ana taiyakeka síula nakae anove.
REV 1:11 Niyanayana idigo kana, ‘Kaga kuugitedi buki bilibilina goi kuginīdi. Ikavava, kuetunēdi sina Tomoya ana totugugunayao ame asayadi goi: Epeso, Simona, Pegamasi, Tuwatira, Sadesi, Piladelipiya, Laodiseya.’
REV 1:12 Tuwo atugavila; latuwogu agite avatau ivaadigoigu. Atugavila, rampa ana kaba yata goura ainima aiyuwo agitedi go,
REV 1:13 rampayadi nauyayanaidi goi tayamo tomalatomota maisiyana agite iitáoya. Tauyana ana kwama maanawena ilosi, nakae valavana goi isou ina aena goi go, ina gigipáiwala goura.
REV 1:14 E kununa poowouna tooina lami unuununa nakae go, matana yeu sabeninimina nakae.
REV 1:15 Aena barasa aiigabuna e yaayaina ina námala nakae. Niyana gagaina ana taiyakeka bwae gagaidi sidududu nakae.
REV 1:16 Nimakakataina goi utuna ainima aiyuwo iyooisidi. Tobuna goi sisi matana aiyuwo go, sooinina isowóduwo. Maisina níyala niinimina dine nakae.
REV 1:17 Tutayana Tauyana agite, aena goi akanakabobo yau kaamasigu nakae. Go nimakakataina goi ibisikonegu idigo kana, ‘Taabu kuumatōita. Yau Totukumgo be Totumliya.
REV 1:18 Yau maa yawoigu. Boi bogina akámasa go, kunōve, maa yawoigu akaiyako vata. Magu lovina ámasa be nakae tokámasa idi dadava adi ki ayoyoisi.
REV 1:19 Tauna kaga kuugitedi buki goi kuginīdi. Moe dogoiyadi ame tuta sisowóduwo be nakae dogoiyadi nava bei sisowóduwo.
REV 1:20 Utunayadi ainima aiyuwo nimakakataigu goi kuugitedi be nakae rampa ana kaba yata goura ainima aiyuwo adi yagoina vamoounidi kom yaim, tauna bei adi yagoina ataligei. Utunayadi moe Tomoya ana totugugunayao asa ainima aiyuwo adi aneroseyao. Rampa ana kaba yatayadi ainima aiyuwo moe totugúguna adi tugugunayadi ainima aiyuwo.’
REV 2:1 Tauyana idigo kana, ‘Anerose Tomoya ana totugugunayao Epeso goi imatakaavatedi ana leta totugugunayadi manudi kugīni kam, “Yau Yeisu, Tauyagu utuna ainima aiyuwo nimakakataigu goi ayooisidi be nakae rampa goura ana kaba yata ainima aiyuwo nauyayanaidi goi aaketoiya, ame nakae alatuwokoimi:
REV 2:2 Imi sinapu bogina ayaagoidi. Sinapuyadi moe imi poisógana be nakae imi mesayágana. Nakae aayagoi bego toogoyoidi kokataedi be nakae vamoleyana polapola kovakakonedi, tauna koyagoi tauyadi topola.
REV 2:3 Bogina aayagoi komi komesayágana. Mou kobabanedi unana yau yoigu ikaaiyaka yaimi go, geya kotameyeta.
REV 2:4 Go geya kada imi sinapu madabokina dedevina yaimi geya, go sem tayamo imi sinapu akatae. Sinapuyana moe imi gimimatakoi bogina kokalave.
REV 2:5 Tauna boi imi gimimatakoiyana gagaina konuwookavâte; moe matakoiyana goi bogina kokapusi. Kotugavîla go, matakoi goi koguuinûwa boi nakae kogimiguinuwa. Go neta geya, bogina awowoiwo bei imi rampa ana kaba yata akabi anave.
REV 2:6 Go geya kada komi imi sinapu madabokina igoyo geya, go sem imi guinuwa ame dedevina: Kidi Nikalete ina bodao idi sinapu kokaoliilivedi. Sinapuyadi yau nakae akaoliilivedi.
REV 2:7 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi! Avatauwa komi neta kootogaga, bei atagonemi yawana vata alovaina keuwoina Yaubada ina dadava dedevina goi ikaaiyaka kokani.”’
REV 2:8 Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi:
REV 2:9 Imi gedageda be nakae imi tokai bogina ayaagoidi. Go geya kada imi numisa goi komi tokai geya, go sem imi numisayana goi komi kooguyau. E nakae aayagoi ami totagiwayayao toinidi sinuwonúwana kadi, ‘Kai Diyuu, Yaubada ina bodao’ go, moe geya moitamo geya, go sem kidi Kaleya ana totugugunayao!
REV 2:10 Gedageda giyakainava bei kobabanedi taabu komatooitêdi. Konôve! Totagíwaya giyakainava bei ami kaleyayao iepaaisewedi bei deri goi sivaisiumi bego imi numisa ivakakone. Amoko goi maliyalina yawou sinaedi bei mou kobabane. Go komi imi numisa goi kotaoyakavâta ana kadókana kokámasa, bei ami vaiwówana, moe yawoimi vata, avinimi.
REV 2:11 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi! Avatauwa komi neta kootogaga, ámasa aiyuwoina geya itoboineyeta iyogedegedemi.”’
REV 2:12 Tuwaina Tauyana idigo kana, ‘Anerose aitonina Tomoya ana totugugunayao Pegamasi goi imatakaavatedi ana leta totugugunayadi manudi kugīni kam, “Yau Yeisu magu sisi matana aiyuwo go, sooinina. Ame nakae alatuwokoimi:
REV 2:13 Bogina aayagoi ava kasa goi kokaaiyaka. Moe Kaleya ina kaba lovina go, tuwo yoigu yaimi goi nava koyoisiikavate o tadigo kada, ‘Yau guna sinapu aba numisa geya kokalaveyeta.’ Moe nakae imi sinapu Antipasi ina tuta goi. Tauyana guna totalavaita dókana aba numisa, boi yaimi goi ikaaiyaka go, moeko Kaleya ikaaiyaka goi Antipasiyana sikaumate.
REV 2:14 Go geya kada imi sinapu madabokina dedevina geya, go sem maniyemi imi sinapu akataedi. Maniyemi Balam ina vatulúkwana koyoisiikavate. Tauyana boi Balaki ivatuluko manakaena bei Isileli tubunao adi síkwana iyato, e bei ikatubaudi bego awoinu kaasalaidi basaleliu yaidi sikáika be nakae simasisi goyogoyo.
REV 2:15 Go komi maniyemi nakae Nikalete ina bodao idi vatulúkwana koyoisiikavate. Moe vatulukwanayana Balam ina vatulúkwana nakae.
REV 2:16 E tauna kotugavîla! Go geya, woiligu ao bei guna livala sisi sooinina nakae goi avayaviya yaimi.
REV 2:17 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi! Avatauwa komi neta kootogaga, e mana vamoounina bei avinimi kokáika. Aiyuwoina gurewa poowoudi bei avinimi. Gurewayadi goi you vau sikaaiyaka go, youyadi geya vatau tayaamo iyagoidi, go sem komi togogo amitava koyagoidi.”’
REV 2:18 Tuwaina Tauyana idigo kana, ‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam, “Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi:
REV 2:19 Imi sinapu bogina ayaagoidi. Sinapuyadi moe imi matakoi, komi imi sinapu goi aba numisa, imi paisewa be nakae imi mesayágana. Nakae bogina aayagoi ame tuta imi guinuwa dedevidi toidi namliyeta imi guinuwa boi tutayana kogiminumisegu.
REV 2:20 Go geya kada imi sinapu madabokina dedevina geya, go sem imi sinapu tayamo akatae. Sinapuyana moe vavina tayamo Yesibeli nakae kotagone yaimi ikaaiyaka. Tauyana toinina ivayoko bego Yaubada ina tokabivalavala go, tauyana tokabivalavala geya. Guna pakonayao ivatulukoidi go, ina vatulukwanayana goi ivasulaigidi; latuwona bego kidi simasisi goyogoyo be nakae awoinu kaasalaidi basaleliu yaidi sikáika.
REV 2:21 Vavinayana ina tuta bogina avini bego itugavila go, ikatae; geya latuwona bego ina matagogoli ikalave.
REV 2:22 Konôve! Vísiya tayamo bei avini. Go avatauwa komi neta koroerata amo tauyana taiyao, e mou gagaina bei avinimi. Neta ina guinuwa goyogoyoidi amo goi geya kotugavileta, tauna nakae bei aguinuwe.
REV 2:23 Vavinayana natunao bei akaumatedi go, Tomoya ana totugugunayao madabokidi bei siyagoigu bego yau tomota liliudi nuwodi be atedi ayaagoidi. Go madabokimi nakonakae imi guinuwa, nakona dedevidi o nakona goyogoyoidi, nakae bei akatumapumi.
REV 2:24 Go komi da Tuwatirayami, avatauwa komi neta amo sinapu goyogoyoidiyadi geya kosabokuliyedita be nakae vatulúkwana sivayou Kaleya ina vatulúkwana nikuunikudi geya koyagoidita, e lovina tuwaina geya avinimita.
REV 2:25 Go lovina tayamo toito avinimi moe Vala Dedevina koyoisiikavâte ana kadókana akaluvilamna ao.
REV 2:26 Avatauwa komi neta kootogaga be guinuwa koguuinuwedi nakae bogina alatuwokoimi ana kadókana aba lukavava goi, e lovina avinimi bei boda liliudi kolovinaedi.
REV 2:27 Lovinayana avinimi nakae boi yau Tamagu iivinigu. Imi lovinayana toogagaina tomota yaidi nakae Yaubada ina buki idigo kana,
REV 2:28 Aiyuwoina avatauwa komi neta kootogaga, kubona bei avinimi.
REV 2:29 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi!”’
REV 3:1 Tuwaina Tauyana idigo kana, ‘Anerose ainimaina Tomoya ana totugugunayao Sadesi goi imatakaavatedi ana leta totugugunayadi manudi kugīni kam, “Yau Yeisu yaigu goi Yaubada Balomaina ainima aiyuwo be nakae utuna ainima aiyuwo sikaaiyaka. Ame nakae alatuwokoimi: Imi sinapu bogina ayaagoidi. Komi valemi bego balomaimi maa yawoidi go, komi woi balomaimi kaamasidi!
REV 3:2 E tauna matamasimasisi koyâto go, koetoyâusa be ava sinapuva dedevidi nava sikaaiyaka yaimi kokitogagêdi, govila bei giyakainava sikámasa. Moitamo. Imi guinuwa bogina adovatusidi go, guna Yaubada matana goi geya sidedevineta.
REV 3:3 Tauna konuwookavâte manakaemi boi Vala Dedevina konove be nakae bogina kokabi. Valayana koyoisiikavâte go, kotugavîla. Tauna matamasimasisi koyâto go, koyauyâusa! Go neta geya, yau bei tovaináwana nakae avatoopemi, tauna geya koyagoiyeta ava lava goi bei ao.
REV 3:4 Geya kada madabokimi Sadesi goi imi sinapu kwama baailidi nakae bogina sigoyo geya, go sem ami taiyuwomo nava imi sinapu dedevina kwama maavadaina nakae, tauna komi mami toboine yau taiyao mada kwama poowouna taketoiyaa vavasa.
REV 3:5 Avatauwa komi neta kootogaga, e ami kwama poowoudi bei kolosidi be yoimi yawana vata bukina goi geya atauwedita be nakae yoimiyadi akamoitamoedi Tamagu mana aneroseyao yaidi bego komi yau guna bodao.
REV 3:6 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi!”’
REV 3:7 Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu Totumasaba be Aba Numisa. Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi:
REV 3:8 Imi sinapu bogina ayaagoidi bego imi togaga giyaina ikaaiyaka go, tuwo guna livala bogina koyoisikavate be nakae yoigu geya kolawoiwoiyeyeta. Tauna konôve! Niboda bogina akatupáeve manumi go, geya vatau tayaamo itoboine bei ikatunibode.
REV 3:9 Konôve! Tauyadi Kaleya ana totugugunayao kadi, ‘Kai Diyuu, Yaubada ina bodao’ go, geya, go sem kidi topola. Tauyadi nava bei alovinaedi bego sima matami goi aedi sivatugúyala go, bei siyagoigu bego komi amatakooiyemi.
REV 3:10 Guna livala mesayágana manuna bogina koyoisiikavate, tauna yau nakae nava vakakona ana tuta bei ima poyapoya ana madabokina goi da poyapoya adi vakakona sibabane, go komi sem bei vakakonayana yaina goi avagagalemi.
REV 3:11 Giyakainava bei awowoiwo, tauna mami numisa kotaoyaakavâta bego geya vatau tayaamo itoboine imi vaiwówana ivasebukoimi.
REV 3:12 Avatauwa komi neta kootogaga, bei alovina komalakówala nakae guna Yaubada ina Vada Kimaasabaina manuna be Tauyana matana goi kokaiyako vata. Yaimi goi Yaubada yoina be nakae ina kasa yoina aginidi; asayana moe Yerusalema vau, nava bei guna Yaubada yábana goi ietune isou ima. Nakae yoigu vau yaimi goi bei agini.
REV 3:13 Avatauwa komi neta ma taaiyami, Baloma Kimaasabaina ina livala Tomoya ana totugugunayao yaidi konoveedokôidi!”’
REV 3:14 Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana Aba Numisa be Mooitamoina, nakae Yaubada ina madaginao unadi.’ Ame nakae alatuwokoimi:
REV 3:15 Imi sinapu bogina ayaagoidi. Sinapuyadi geya kada basabasaidi bwae tuulaina nakae o bwae yaviyavina nakae geya. O neta komi basabasaimi amo bwaeyadi tayamo nakae!
REV 3:16 Go geya, go sem komi geya basabasaimimo bwae dimokolooisina nakae, tauna tobugu goi bei akalagiwolemi.
REV 3:17 Komi kodigo kami, ‘Kai toinima nimama goi kaetoesaesa. Dogoi liliuna bogina yoiyama’ go, geya koyagoiyeta bego komi ami toovalugo, komi aba nuwokapisi, komi tookaimi, matami sikebo be nakae ma paawakumi.
REV 3:18 Tauna akatuliwolemi goura maavadaina yeu goi yaigu kogimône bego koetoesaesa. Kwama poowoudi kogimonēdi bego kokotedi, imi pawaku ina omayamaya ana tabodaboda. Mátana ana medisini kogimône be matami komigīdi bego kogita dókana.
REV 3:19 Avatauwa komi neta yau amatakooiyemi, akamamaetalimi be asapimi. Tauna kotugavîla go, kopooisôgana imi numisa manuna.
REV 3:20 Konôve! Yau imi totom goi aatáoya akaukeeyakeya. Avatauwa komi neta niyagu konove be imi totomyadi kokatupaevedi, e imi vada goi bei asiu yau komi taiyao takaika vavasa.
REV 3:21 Avatauwa komi neta kootogaga, bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.
REV 3:22 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokôidi!”’
REV 4:1 Amo dogoiyadi bogina sikavava, akandolaga go, konōve! Totom tayamo yábana goi agite ikatupáeva! Ago niyanayana boi anovenove síula nakae idigo kana, ‘Kutūko kūma bei kaga itoboine nava isowóduwo akaiwoduwe yaim goi.’
REV 4:2 Mainao Baloma Kimaasabaina iyoisigu, e tayamo kébana esaaesaina yábana goi agite ikaaiyaka, yatana goi Tolovina itulaagalaga.
REV 4:3 Tolovinayana ana kaigigita agite inámala gurewa naamalidi nakae. Ago kebanayana, kíyala naamalina itaoyakobu.
REV 4:4 Ago kébana esaaesaina adi badabada 24 situkobu, yatadi goi tomoyamoya adi badabada 24 situlaagalaga, tauyadi madi kwama poowoudi be madi dabayogigi goura esaaesaina dabadi goi.
REV 4:5 Tolovina kebanayana goi ávila, butukáwana be palapala sisowóduwo. Kebanayana matana goi dúgala ainima aiyuwo sisaabenínima, mavadayadi moe Yaubada Balomainao ainima aiyuwo.
REV 4:6 Nakae matana goi dogoi tayamo ikaaiyaka ana kaigigita négwasa daaumorina gerasi momooyasuna nakae, e inamanámala go, maavadaina toina. Kebanayana kikina goi dogoi maa yawoidi adi taivasi sitaooyakobu go, sakavaidi madabokina mátana kaka.
REV 4:7 Dogoiyadi ame nakae: Tayamo laiyoni maisiyana, aiyuwoina bulumakau bonatuna maisiyana, aitonina maisina tomota maisiyana, aivasina bóibo maisiyana iyovayova.
REV 4:8 Dogoiyadi maa yawoidi adi taivasi tamo tamo ma panepanedi ainima tayamo. Sakavaidi goi be nakae panepanedi ogalaoidi goi mátana kaka. Tuwo tuta liliuna, maliyalina be sabamgo, sivesivesi kadi,
REV 4:9 Tauyana Tokaiyako vata kebana esaaesaina goi itulaagalaga go, kidi dogoiyadi maa yawoidi sikamoitamo Tauyana itoboine sitaaimamine, siiwowoine be nakae yaina sikaauyagu.
REV 4:10 Tutayana nakae siguinuwe, e tomoyamoyayadi 24 aedi sivaatugúyala kébana ana totusobu yaina. Totusobuyana moe Tokaiyako vata, e yaina goi sisaakululu. Idi sakululuyana goi idi lovina dabayogigina esaaesaina dabadi goi sikabidi, Tauyana kebana matana goi sikaisobuyedi, e sivesi kadi,
REV 4:11 ‘Ima Tomoya Yaubada,
REV 5:1 Tolovina kebana esaaesaina goi itulagalaga go, nimakakataina goi agite buki bilibilina ikaaiyaka. Bukiyana dadava yuwoyuwo giinidi sikaaiyaka go, bukiyana goi aba kaipaki ainima aiyuwo sipakidi.
REV 5:2 Anerose toogagaina nakae agite, tauyana niyana gagaina goi italavaita kana, ‘Avatau mana lovina bei itoboine buki ame ana kaba kaipaki ikitakidi be ikimalelei?’
REV 5:3 Yábana goi, poyapoya goi be tokámasa idi kasa goi geya vatau tayaamo mana lovina itoboine bukiyana ikimalelei be nakae sinaena igite.
REV 5:4 Tuwo atáiya gagaina unana geya vatau tayaamo mana lovina itoboine bukiyana ikimalelei be nakae igite kaga sinaena ikaaiyaka, tauna atáiya.
REV 5:5 Ataitáiya go, tomoyamoyayadi yaidi goi tayamo ilatuwokoigu idigo kana, ‘Taabu kutaitāiya. Kunōve! Devida tubuna Toolagaina sivayoko laiyoni. Tauyana ma Yuda boi ana kaleyayao itogagasavedi, tauna mana lovina itoboine bukiyana ana kaba kaipaki ikitakidi, ikimalelei bei sinaena igite kaga ikaaiyaka.’
REV 5:6 Tolovina kebana esaaesaina kikina goi go, dogoiyadi maa yawoidi adi taivasi be nakae tomoyamoya nauyayanaidi goi Lami tayamo agite iitáoya. Lamiyana ana kaigigita nakae boi sikaumate. Ana sakusaku adi badabada moe ainima aiyuwo be nakae matana adi badabada moe ainima aiyuwo. Matanayadi moe Yaubada Balomainao ainima aiyuwo bogina ietunedi sina poyapoya ana madabokina goi.
REV 5:7 Tolovinayana kebana esaaesaina goi itulagalaga go, iya Lami ibala ima bukiyana Tolovina nimakakataina goi ikabi.
REV 5:8 Tutayana ikabi, dogoiyadi adi taivasi maa yawoidi be nakae tomoyamoyayadi 24 sikanakabobo Lamiyana matana goi sisakululu. Tomoyamoyayadi tamo tamo madi api be nakae madi insensi ma nokoidi goura. Insensiyadi moe Yaubada ina kimasabayao idi kawanoi.
REV 5:9 Sisaakululu go, vesi vau sivesiye kadi,
REV 5:11 Sivesi ikavava, akandobala anerose badabadaaidi niyadi anovedi. Adi badabada aivina tausani nakae; geya itoboineguta akatuyaividi. Aneroseyadi agitedi Tolovina kebanayana, dogoiyadi maa yawoidi be nakae tomoyamoyayadi sitaoyaakobudi go, anovedi,
REV 5:12 niyadi gagaina goi sivesivesi kadi,
REV 5:13 Sivesi ikavava, madágina liliudi yábana goi, poyapoya goi, tokámasa idi kasa goi be négwasa goi anovedi sivesivesi kadi,
REV 5:14 Sivesi ikavava, dogoiyadi maa yawoidi adi taivasi sidigo kadi, ‘U nakae.’ Kidi go tomoyamoyayadi aedi sivatugúyala sisakululu.
REV 6:1 Sivesi ikavava, Lamiyana agite tutayana aba kaipaki tayamo buki goi ikitaki go, dogoiyadi maa yawoidi adi taivasi yaidi goi tayamo niyana anove palapala nakae idigo kana, ‘Kūma!’
REV 6:2 Akandobala go, osi poowouna agite, ana totulaga sau ma gitaina iikavale. Lovina dabayogigina esaaesaina bogina sivini, tauna tauyana mana lovina isowóduwo ina ivayaviya go, ana kaleyayao bei itogagasavedi.
REV 6:3 Tutayana Lami aba kaipaki aiyuwoina ikitaki, dogoi maa yawoina aiyuwoina anove idigo kana, ‘Kūma!’
REV 6:4 Osi aiyuwoina ima, osiyana kayakayaina. Ana totulaga mana tagona tomota poyapoya goi idi tuboina itauwe o tadigo kada, ‘Taudiva sikaumatedi.’ Tuwo ana sisi gagaina sivini.
REV 6:5 Tutayana Lami aba kaipaki aitonina ikitaki, dogoiyana maa yawoina aitonina anove idigo kana, ‘Kūma!’ Akandobala osi aitonina kalaakovina agite ima. Ana totulaga nimana goi awoinu ana sikere iikavale.
REV 6:6 Dogoiyadi adi taivasi nauyayanaidi goi níyana tayamo anove tomota niyadi nakae, idigo kana, ‘Loga gagaina bei isowóduwo. Witi ana moumou kilo tayamo go, ana maisa gagaina tooina! Bali ana moumou kilo aito go, adi maisa gagaina tooina! Go oribe putumina be oine bwaena taabu kubugooyaīdi!’
REV 6:7 Tutayana Lamiyana aba kaipaki aivasina ikitaki, dogoi maa yawoina aivasina anove kana, ‘Kūma!’
REV 6:8 Akandobala, osi aivasina agite tupwana yaoyaoina. Ana totulaga yoina Ámasa. Amasayana mlina goi tauyana yoina tokámasa idi dadava isabookuliye. Adi taiyuwokova madi lovina sikaumata. Tuwo poyapoya dadava tayamo goi tomota liliudi sisi goi, loga goi, vísiya goi be woiwoi goi simtulidi go, dadava aito goi maa yawoidi.
REV 6:9 Tutayana Lami aba kaipaki ainimaina ikitaki, tomota aba kasala ogalaoina goi agitedi. Tomotayadi boi Yaubada ina livala sitalavaitedoko go, adi kaleyayao sitáoya, sikaumatedi.
REV 6:10 Tuwo tauyadi niyadi gagaina goi siduduwo sidigo kadi, ‘Ima Tomoya Toolagaim, kom Totumasaba be nakae Aba Numisa, ava tuta bei ama tokaumata da poyapoya kutakinoidi be nakae ikaikaima pasina kukatumapudi?’
REV 6:11 Tuwo tamo tamo adi kwama maanawedi be poowoudi ivinidi. Ikavava, ilatuwokoidi idigo kana, ‘Itoboine tuta kaakupina kowaiwasi ana kadókana ami kaleyayao sina semiyao sikaumatedi nakae boi komi sikaumatemi Yaubada ina livala ana talavaita pasina. Go semiyaoyadi Yaubada ina pakonayao adi badabada bogina yoiyana, baige togoyoidiyadi adi katumapu sibabane.’
REV 6:12 Tutayana Lamiyana aba kaipaki ainima tayamoina ikitaki, akandobala, e nikuniku gagaina isowóduwo. Tuwo níyala ikamamaníwana kwama kalaakovina toina nakae. Tukówana madabokina ivakayakaya ikaika nakae.
REV 6:13 Yábana nakae itátava, e utuna simáuwo poyapoya goi. Ana kaigigita nakae neta yailúwasa itowotowo, lao keuwoidi gariyadi go, iyaomaaumauidi.
REV 6:14 Yabanayana sekulapeyaina itanunúnuma nakae buki bilibilina. Koya liliudi be nakae simla liliudi adi túmala goi Yaubada ikibaledi.
REV 6:15 Tuwo tomota liliudi da poyapoya adi tolovinayao, koroto gagaidi, tovayaviya adi tokalikumatanayao, guyaguyauwo, toogagaidi, tomota paakonidi liliudi be tomota taliigavidi liliudi sina koya goi, tukubu goi be nakae gurewa goi sitamumu.
REV 6:16 Sitamumu, e koyayadi be gurewayadi silatuwokoidi sidigo kadi, ‘Yaubada be Lami idi egamogamogu ana tuta moumouna bogina isowóduwo ima. Geya vatau tayaamo itoboine liunayana goi itogaga, tauna kosōu kovamōuma Tolovina kebana esaaesaina goi itulaagalaga matana goi be nakae Lamiyana ina egamogamogu yaina goi.’
REV 7:1 Amo dogoiyadi bogina sikavava, anerose adi taivasi agitedi poyapoya ana dadava; dadavavasi goi siitáoya go, yágira aivasi siyooisidi bego yagirayadi geya itoboinedita sitowo poyapoya goi, négwasa goi be alova goi.
REV 7:2 Ituli ta anerose agite bomatu dadavina goi ituko ima go, tauyana Yaubada maa yawoina ina katukatu ana kaba láuwo iikavale. Niyana gagaina goi iduduwo, aneroseyadi adi taivasi madi tagona poyapoya be négwasa sibugooyaidi, e ilatuwokoidi
REV 7:3 idigo kana, ‘Taabu poyapoya, négwasa be alova kobugooyaīdi ana kadókana ida Yaubada ina pakonayao dabadi goi katukatu bogina kakaupakiyedi!’
REV 7:4 Tuwo Isileli tubunao maniyedi dabadi goi katukatuyana sikaupakiyedi go, adi badabada anove moe 144,000. Tauyadi Isileli tubunao adi dala tamo tamo goi ame nakae:
REV 7:5 Dala Yuda goi 12,000. Dala Rubeni goi 12,000. Dala Gadai goi 12,000.
REV 7:6 Dala Aseri goi 12,000. Dala Napatali goi 12,000. Dala Manase goi 12,000.
REV 7:7 Dala Simioni goi 12,000. Dala Livai goi 12,000. Dala Isakara goi 12,000.
REV 7:8 Dala Sebuloni goi 12,000. Dala Iyosepa goi 12,000. Dala Beniyamina goi 12,000. Tauna nakae madabokidi katukatuyana dabadi goi sikaupakiyedi.
REV 7:9 Amo dogoiyadi sikavava, e akandobala boda gagaaina agitedi. Geya vatau tayaamo itoboine ikatuyaividi. Tauyadi aba lovina tamo tamo goi, dala tamo tamo goi, boda tamo tamo goi be aníyana tamo tamo goi sima kébana esaaesaina matana goi be nakae Lamiyana matana goi siitáoya. Tomotayadi madi kwama maanawedi be poowoudi go, nimadi goi magimagi libidi siyooisidi.
REV 7:10 Tauyadi niyadi gagaina goi siiduduwo sidigo kadi,
REV 7:11 Kidi go aneroseyadi liliudi kébana esaaesaina, tomoyamoya be nakae dogoi maa yawoidi adi taivasi sitaoyaakobudi go, Yaubada kebana esaaesaina matana goi aedi sivatugúyala Tauyana yaina sisakululu,
REV 7:12 sidigo kadi,
REV 7:13 Tomoyamoya yaidi goi tayamo ilumadadegu idigo kana, ‘Amo tauyadi adi kwama maanawedi be poowoudi avatauwa? Nako goi sima?’
REV 7:14 ‘Guna tomoya, kom bogina kuyagoi’, kaegu. Tauyana idigo kana,
REV 7:15 Moe pasina Yaubada kebana esaaesaina matana goi
REV 7:16 Tuwo Lamiyana kebana esaaesaina kikina goi
REV 8:1 Tutayana lami aba kaipaki ainima aiyuwoina ikitaki, tuta kaakupina goi geya tayaamo butukáwana yábana goi geya.
REV 8:2 Amo ikavava, anerose ainima aiyuwo Yaubada matana goi siitáoya bego ina nuwonúwana siguinuwe go, agitedi tamo tamo idi síula ivinidi.
REV 8:3 Ituli ta anerose insensi ana kaba kaigábuna goura iikavale ime aba kasala kikina goi itáoya. Aba kasalayana moe kébana esaaesaina matana goi ikaaiyaka. Go Yaubada insensi gagaina aneroseyana ivini bego aba kasala gourayana goi igabu be Yaubada ina kimasabayao liliudi idi kawanoi taiyao situko vavasa Tauyana yaina.
REV 8:4 Tuwo insensiyana igabu ivakaubowo go, aubowoyana Yaubada ina kimasabayao idi kawanoi taiyao situko sina Tauyana matana goi.
REV 8:5 Ikavava, insensi ana kaba kaigábuna ikabi, pokova aba kasalayana goi ikabidi, aba kaigabunayana goi idodoidi. Idodoidi, ilavedi sisou poyapoya goi. Tuwo palapala, ávila, butukáwana be nakae nikuniku amoko goi sisowóduwo.
REV 8:6 Kidi go aneroseyadi ainima aiyuwo idi síula ainima aiyuwo siyokabubunedi bego siuwedi.
REV 8:7 Iya go anerose vakuumgoina ina síula iuwe, tuwo Yaubada kúwana kasakasaidi be yeu sabeninimidi ikaika taiyao ibisilavedi sisou poyapoya goi. Tuwo poyapoya dadava tayamo igabu alova taiyao go, dadava aiyuwo sikesa. Ago dadavayadi aito goi náuna madabokina igabu.
REV 8:8 Iya go anerose aiyuwoina ina síula iuwe, tayamo dogoi ana kaigigita nakae koya gagaina isaabenínima go, Yaubada ibisilave isou ina négwasa goi, e dadava tayamo imalaikaika go, dadava aiyuwo dedevidi.
REV 8:9 Ago amo dadavayana goi iyaíyana liliudi sikámasa be nakae oga liliudi ibugoyaidi.
REV 8:10 Iya go anerose aitonina ina síula iuwe, utuna gagaina yábana osasaina goi isou go, utunayana isabenínima dúgala nakae. Isou ima poyapoya dadava tayamo goi sákala be doelu liliudi ibugoyaidi go, dadava aiyuwo dedevidi.
REV 8:11 Utunayana yoina Tamatama. Tuwo amo dadavayana goi bwae liliudi sitamatama. Niga tomota badabadaidi sinim sikámasa unana bwaeyadi bogina sitamatama gagaina tuwa nakae, tauna sikámasa.
REV 8:12 Iya go anerose aivasina ina síula iuwe, níyala dadava tayamo be tukówana dadava tayamo ibugoyaidi go, dadava aiyuwo dedevidi. Utuna nakae, neta tawotaidi kiwota aito, e kiwota tayamo ibugoyaidi go, aiyuwo dedevidi. Tauna maliyalina tayamo neta tawotai kiwota aito, e kiwota tayamo níyala geya ininimeta go, kiwota aiyuwo sininínima. Sabamgo nakae, kiwota tayamo tukówana be utuna geya sininimeta go, kiwota aiyuwo sininínima.
REV 8:13 Ikavava, akandobala yábana osasaina goi bóibo iyovayova agite go, niyana gagaina anove idigo kana, ‘Oo! O da poyapoya! O da poyapoya! Anerose adi taito bogina siyokabúbuna sikaaiyaka, bei idi síula siuwedi!’
REV 9:1 Iya go anerose ainimaina ina síula iuwe, utuna tayamo agite; utunayana boi yábana osasaina goi bogina isou ima poyapoya goi. Masi gagaina toina poyapoya goi ikaaiyaka go, ana ki Yaubada ikabi utunayana ivini, tauna mana tagona masiyana ikatupáeve.
REV 9:2 Tuwo ki ikabi masiyana ikatupáeve, e tobuna goi aubowo gagaina isowóduwo ituko ina limou neta taagabudi aubowoina nakae. Tauna aubowo ivakaigaga, nakae níyala be poyapoya ana madabokina sikamamaníwana.
REV 9:3 Niga aubowoyana goi tatabole sisowóduwo sima poyapoya goi go, Yaubada togaga gániva ina togaga nakae bogina ivinidi.
REV 9:4 Ivinidi ikavava, ilatuwokoidi idigo kana, ‘Limou, alova be nakae kaga vakalakalaoina taabu kobugooyaīdi, go sem avatauwa neta guna katukatuyana dabana goi geya, e amo tomotayadi mami tagona kobugoyaidi.’
REV 9:5 Kana, ‘Go geya atagonemita bego kokaumatedi, go sem atagonemi tukówana ainima goi koyogedegededimo.’ Adi gedagedayadi moe gániva neta tomota siikanidi nakae.
REV 9:6 Tuwo amo tukowanayadi goi tomota idi kámasa ana kenao bei silusale go, geya sibabaneyeta. Nakae latuwodi toina sikámasa go, geya itoboinedita.
REV 9:7 Tatabole adi kaigigita nakae osi bogina siyokabúbuna yaviya manuna. Nakae bulubuludi goi dabayogigi goura esaaesaina siyatoidi go, maisidi moe tomota maisiyadi.
REV 9:8 Kunudi moe maanawedi vevina kunudi maisiyadi. Saladi gagaidi be sooinidi laiyoni saladi maisiyadi.
REV 9:9 Kasikasidi adi taboda moe kainum nakae. Panepanedi butukaodi adi taiyakeka moe osi badabadaidi madi sariyota butukaodi nakae neta siilokoina yaviya manuna.
REV 9:10 Tataboleyadi maa yuyudi be madi gita gániva yuyudi nakae, tuwo yuyudiyadi madi togaga tukówana ainima goi tomota siyogedegededi.
REV 9:11 Adi tolovina moe anerose tayamo, tauyana masi gagaina toina ana torugwáuta go, yoina moe Diyuu niyadi goi kadi, ‘Abadoni.’ Go kidi da Giriki niyadi goi kadi, ‘Apoliyoni.’
REV 9:12 Mou tayamo bogina ikavava go, konōve! Mou aiyuwo tuwaina nava simamaima amo dogoiyadi mlidi.
REV 9:13 Iya go anerose ainima tayamoina ina síula iuwe, e aba kasala goura ana sakusaku aivasi goi, moe Yaubada matana goi ikaaiyaka, níyana tayamo anove
REV 9:14 anerose ainima tayamoinayana mana síula ilatuwoko idigo kana, ‘Anerose adi taivasi siikonidi sákala gagaina Yuparetisi goi kutaligēidi.’
REV 9:15 Tuwo moitamo, itáoya ina aneroseyadi adi taivasi italigeidi. Tauyadi boi Yaubada bogina ikatubayasidi bei situyáwata amo niyalayana, amo maliyalinayana, amo tukowanayana be nakae amo talayana manuna. Italigeidi bego sina tomota badabadaidi sikaumatedi. Tomotayadi adi badabada nakae neta tomota tawotaidi boda aito, e boda tayamo sikaumatedi go, boda aiyuwo sikesa.
REV 9:16 Ago aneroseyadi idi tovayaviyayao madi osi adi badabada anove badabadaaidi, nakae 200,000,000.
REV 9:17 Guna kalayáusa goi osi madi totulagayaoyadi agitedi adi kaigigita ame nakae: Totulagayadi madi tabodaboda kasikasidi goi siyatoidi, maniyedi kayakayaidi yeu nakae go, maniyedi buruu go, maniyedi yaoyaoidi. Osiyadi bulubuludi moe laiyoni bulubuludi maisiyadi go, yeu sabeninimina, aubowo be poiseni mokauna tobudi goi siisowóduwo.
REV 9:18 Ame dogoiyadi aito moe aba kaumata. Tobudi goi siisowóduwo, e bodayadi aito wotaidi yaidi goi boda tayamo sikámasa go, boda aiyuwo sikaaiyaka.
REV 9:19 Ame moitamo. Osiyadi idi togaga moe tobudi goi be yuyudi goi sikaaiyaka. Yuyudiyadi moteta ma bulubuludi nakae, tuwo itoboinedi tomota siyogedegededi.
REV 9:20 Kidi go boda aiyuwoyadi kesakesaidi aba kaumata amo goi geya sikamaseta, e toinidi nimadi ina guinuwa manuna geya situgavileta o tadigo kada, ‘Yaubada polapola siwoodugudi adi sakululu geya sikalaveyeta.’ Go dogoiyadi dimoni! Goura goi, siriba goi, kopwa goi, gurewa goi be nakae alova goi siwodugudi go, dogoiyadi geya sigitagita, geya sinowonowo, geya siiketoiya.
REV 9:21 E idi sinapu goyogoyoidi goi geya situgavileta. Sinapuyadi moe aumata, méyava, bowou, masisi goyogoyoina be nakae vaináwana.
REV 10:1 Amo ikavava, ituli ta anerose toogagaina agite yábana goi isousou. Tauyana gaota kwama nakae ilosi go, kíyala dabana itakabobo. Maisina ana kaigigita níyala nakae go, aena moe yeu sabeninimina taaoyaina nakae.
REV 10:2 Aneroseyana nimana goi tayamo buki giyaina be bilibilina go, bogina katupaaevaina. Aena kakataina négwasa goi ivakavata go, aena kekelina moe poyapoya goi ivakavata.
REV 10:3 Niyana gagaina goi iduduwo, ana taiyakeka laiyoni ina gou nakae. Tutayana iduduwo, niyanayana palapala adi badabada ainima aiyuwo sikatumapu.
REV 10:4 Tutayana palapalayadi ainima aiyuwo sibóbwara, bego aginidi go, yábana goi níyana tayamo anove idigo kana, ‘Kaga palapala ainima aiyuwo siidigedi kuvamōudi o tadigo kada, “Tabu kuuginīdi.”’
REV 10:5 Iya go aneroseyana agitegite négwasa be poyapoya yaidi goi iitáoya nimakakataina ikatulagasi yábana ivasakikinako,
REV 10:6 ikanatamada Yaubada yoina goi; Tauyana Tokaiyako vata. Yábana, poyapoya, négwasa be nakae kaga liliuna sinaedi imadagidi. Ina kanatamadayana goi idigo kana, ‘Yaubada geya tuwaina iupavilavila,
REV 10:7 go sem tutayana anerose ainima aiyuwoina ina síula iuwe, Yaubadayana ina nuwogau liliudi ilukavavedi, nakae boi nimatu ee, bogina ina pakonayao, tauyadi moe ina tokabivalavalayadi, yaidi goi italavaita.’
REV 10:8 Iya go niyanayana yábana goi agiminove aiyuwoina ilatuwokoigu idigo kana, ‘Kūna aneroseyana négwasa be poyapoya goi iitáoya go, bukiyana katupaaevaina nimana goi kukābi.’
REV 10:9 Tuwo moitamo ana aneroseyana alatuwoko adigo kagu, ‘Moe bukiyana giyaina kuvinīgu.’ Tuwo ivinigu go, idigo kana, ‘Dedevina, kukābi, kukāni. Tutayana kutono, bei gamom goi tamatamaina kulotowo go, tobum goi ana lotówana bei ikalala mokava nakae.’
REV 10:10 Tuwo bukiyana nimana goi akabi akani. Tobugu goi alotowo ikalala mokava nakae go, tutayana atono, tamatamaina gamogu goi alotowo.
REV 10:11 Akáika ikavava, aiyuwoina ilatuwokoigu idigo kana, ‘Aiyuwoina itoboine Yaubada ina livala boda liliudi, kantri liliudi, aníyana liliudi be nakae tolovina liliudi yaidi kukabivalevale.’
REV 11:1 Amo ikavava, anerose duriduri tayamo aba valivaliva ivinigu; duriduriyana ana kaigigita aituko nakae. Ivinigu ikavava, níyana tayamo anove idigo kana, ‘Kutāoya kūna Yaubada ina Vada Kimaasabaina be aba kasala kuvalivelivēdi be nakae tauyadi sinaena sisaakululu kwatuyaivīdi.
REV 11:2 Kidi Totuyoyowo madi tagona tukówana ana badabada 42 sinaedi goi asa kimaasabaina Yerusalema sikibaiibaili be siloovinae. Tauna Vada Kimasabainayana kikina moteo tuwo, kwalāve, moe Totuyoyowoyadi manudi. Taabu kuvaliivelīve.
REV 11:3 Ago guna totalavaitayao adi taiyuwo madi kwama salisalidi atagonedi maliyalina ana badabada 1,260 sinaedi guna livala sitaalavaite.’
REV 11:4 Ame adi taiyuwokova alova oribe aiyuwo be nakae rampa adi kaba yata aiyuwo go, adi taiyuwokova madi katubayásina siitáoya poyapoya ina Tomoya matana goi.
REV 11:5 Ago avatau neta ipoikíkina bego tauyadi iyogedegededi, e tobudi goi yeu isowóduwo adi kaleyayana igabu. Tauna nakae neta adi kaleyayao bego siyogedegededi, itoboinedi sivailai.
REV 11:6 Moe adi taiyuwokova madi lovina kúwana yábana goi sitabode idi tuta poyapoya goi sitaalavaita, bwae sikaigaviledi simalaikaika, be mou liliudi da poyapoya sivinidi. Go moe siguinuwedi nakonakae latuwodi.
REV 11:7 Tutayana idi talavaita silukavave, woiwoi masiyana gagaina goi bei isowóduwo ima ivayaviya adi taiyuwokova yaidi goi go, bei itogaga, e ikaumatedi.
REV 11:8 Ikaumatedi ikavava, asa gagaina sinaena enao goi wowodi bei sikaaiyaka go, moe aba omayamaya. Ago toni kasa idi sinapu igoyo nakae kidi da Sodoma be nakae tomota mou sivinidi nakae kidi da Itipita. Tauna livalakaibala goi amo asayana yoina moe Sodoma be Itipita. Asayana goi boi idi Tomoya kerose goi situpatuko.
REV 11:9 Koroto adi taiyuwo wowodiyadi sikaaiyaka go, tomota badabadaidi nakae boda liliudi be nakae kantri liliudi goi, dala liliudi be aníyana liliudi bei sima siigitedi maliyalina aito be nakae tupwana goi. Siigitedi go, geya vatau tayaamo sitagone bego wowodiyadi ikabidi, tukubu goi ivaliwogedi.
REV 11:10 Moe tokabivalavala adi taiyuwokova boi sima go, da poyapoya sitáoya siyogedegededi, tauna kidi da poyapoyayadi bei siuyáwana gagaina adi taiyuwo idi kámasa pasina. Bei áika gagaina siwodugu, tuwo idi yabobona bei sikaiguyauyedi sediyao yaidi.
REV 11:11 Maliyalina aito be nakae tupwana sikavava, Yaubada yawoina ivaisiu adi taiyuwokova yaidi goi, e sitaoyamna. Sitaoyamna go, tomota sigitedi simatoita gagaina.
REV 11:12 Ago níyana tayamo gagaina yábana goi sinove, adi taiyuwokova ilatuwokoidi idigo kana, ‘Kotūko kōma ameko!’ Tuwo moitamo gaota goi situko sina yábana go, adi kaleyayao sikandolaga sigitedi situkotuko.
REV 11:13 Amo tutayana goi nikuniku gagaina itátava go, asayana dadava tayamo itauwe go, dadava ainima aivasi dedevidi. Ago nikunikuyana goi tomota ana badabada 7,000 sikámasa. Go ava tomotava nava maa yawoidi simatoita gagaina, e Yaubada totobukukui yábana goi ina togaga ana káeyana sikamoitamoe.
REV 11:14 Moeko goi mou aiyuwoina bogina ikavava go, kunōve! Mou aitonina giyakainava bei isowóduwo!
REV 11:15 Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi,
REV 11:16 Amo ikavava, tauyadi tomoyamoya 24 kebadi esaaesaidi yatadi siitulaga Yaubada matana goi, e kebadiyadi goi sisou aedi sivatugúyala be Yaubada yaina madi yapali sisakululu,
REV 11:17 sidigo kadi,
REV 11:18 Tuwo kidi go Totuyoyowoyadi
REV 11:19 Amo ikavava, Yaubada ina Vada Kimaasabaina yábana goi ikatupáeva go, ina kanasíuna dedeogaina agite. Ago ávila, palapala, nikuniku sisowóduwo be nakae kúwana kasakasaidi ikúwana.
REV 12:1 Amo ikavava, aba kinana gagaina mana yagoina yábana goi isowóduwo. Aba kinanayana ame nakae: Vavina tayamo ana kwama níyala nakae ilosi go, tukówana moe vavinayana aena ogalaoina goi ikaaiyaka. Go dabana goi lovina dabayogigina esaaesaina mana utuna yawou aiyuwo sikaaiyaka.
REV 12:2 Vavinayana ikéuwama go, ina tuta venátuna bogina ibabane, tuwo ina geda goi ipodeda.
REV 12:3 Amo ikavava, aba kinana aiyuwoina mana yagoina yábana goi isowóduwo. Aba kinanayana ame: Gigimeta kayakayaina be nakae gagaaina isowóduwo. Bulubuluna ana badabada ainima aiyuwo go, ana dágula ana badabada yawou. Go bulubulunayadi tamo tamo goi lovina dabayogigina esaaesaina sikaaiyaka.
REV 12:4 Yuyuna ikaulagasi utuna liliudi yábana osasaina dadava tayamo goi igolisidi, ilavedi sisou poyapoya goi sitowo go, utuna dadava aiyuwo goi dedevidi. Vavinayana giyakainava ivenátuna go, matana goi iya gigimetayana itáoya iituyáwata bego tutayana vavinayana natuna iveenatuni, itoboine ikanisave.
REV 12:5 Tuwo moitamo vavinayana ivenátuna, natuna koroto. Natunayana bei Totuyoyowo liliudi ilovinaedi go, ina lovinayana toogagaina. Ivenátuna ikavava, gigimetayana bego ikanisave go, anerose ima gomanayana ikabiyamo inave Yaubada kebana esaaesaina goi ikaaiyaka.
REV 12:6 Iya go vavinayana isiya ina yoyowo goi. Amo yoyowoyana Yaubada bogina ikatubayasi bego anerose sima vavinayana simatakavate maliyalina ana badabada 1,260.
REV 12:7 Amo ikavava, yábana goi yaviya isowóduwo. Maikoro mana aneroseyao sitáoya sivayaviya gigimetayana yaina. Gigimetayana mana aneroseyao sipoikiki sitogaga
REV 12:8 go, geya sitogageta, tuwo geya itoboinedita kebadi yábana goi sikaaiyaka unana geya adi tagonamo.
REV 12:9 Yaviya ikavava, kidi Maikoro gigimetayana mana aneroseyao siyoisidi, silavedi sisou sina poyapoya. Gigimetayana gagaina moe moteta boi nimatu ikaaiyaka. Youyuwoina moe Totagíwaya be nakae Kaleya. Tauyana da poyapoya adi topola.
REV 12:10 Amo ikavava, yábana goi níyana tayamo gagaina anove idigo kana,
REV 12:11 Towowokanayana kidi bogina sitogagasave
REV 12:12 Tauna komi yábana ana tokaiyakoyao kouyāwana!
REV 12:13 Tuwo gigimetayana mana aneroseyao sisou sima poyapoya goi. Tutayana nukotona imavada bego silave bogina isou ima poyapoya, e vavinayana boi gómana koroto ivenatuni, ivatapiye.
REV 12:14 Ivatapiye go, vavinayana bóibo panepanena aiyuwo sivini bego iyova isiya ina yoyowobeso goi. Amoko goi ikaaiyaka tala aito be tukówana sikisi goi go, Yaubada imataakavate, tauna motetayana geya itoboineyeta ina iyogedegede.
REV 12:15 Tuwo motetayana tobuna ikanai bwae ikausalave idau sákala nakae ina vavinayana mlina goi bego mluwa ina idoiye.
REV 12:16 Go poyapoya ivaite ame nakae: Poyapoya tobuna ikatupáeva, e bwaeyana gigimeta ikaausalave inim.
REV 12:17 Tuwo gigimetayana gamona igoyo toina vavina yaina. Tuwo itáoya ina ivayaviya vavinayana natunao liliudi yaidi. Natunaoyadi moe tauyadi Yaubada ina lovina adi tokabikawanayao be nakae Yeisu ina talavaita ana toyoitakavatayao.
REV 12:18 Gigimetayana gagaina mamaya goi iitáoya.
REV 13:1 Amo ikavava, woiwoi tayamo agite négwasa goi isinalaga. Mana dágula yawou go, bulubuluna ana badabada ainima aiyuwo. Ana dagulayadi yatadi goi lovina dabayogigina esaaesaina sikaaiyaka. Bulubuluna tamo tamo goi you tamo tamo sikaaiyaka go, youyadi you aipopóita.
REV 13:2 Woiwoiyana agite ana kaigigita simai gagaina nakae go, aena moe gagaidi ma unuunudi be nakae aedidina sooinidi yoguyogu bea nakae. Tobuna gagaina be salana gagaidi laiyoni nakae. Ago gigimeta mamaya goi iitáoya ina togaga ikaidamane ina woiwoiyana goi. Aiyuwoina itagone kebana esaaesaina goi itulagalaga ietolovina be ina lovina toogagaina.
REV 13:3 Woiwoiyana bulubuluna tayamo ana kaigigita vaailaina. Ina vailaiyana itoboine ikaumate go, niga bulubulunayana idedevinamna. Tuwo tomota liliudi sigite, nuwodi siwówana, e woiwoiyana sisabokuliye.
REV 13:4 Go gigimetayana yaina goi sisaakululu unana ina lovina woiwoiyana bogina ivini, tauna yaina sisakululu kadi, ‘Avatau ame woiwoiyana nakae? Geya! Avatau itoboine ivayaviya yaina go, itogaga? Geya!’
REV 13:5 Ago woiwoiyana mana tagona idigopopóita be nakae Yaubada itagiwoi. Aiyuwoina mana tagona ipaaisewa tukówana 42 sinaedi.
REV 13:6 Tuwo moitamo ivatowo Yaubada itagiwoi go, moe nakae Yaubada yoina, ina Kaba Kaiyaka be nakae yábana ana tokaiyakoyao itagiwoidi.
REV 13:7 Aiyuwoina woiwoiyana mana tagona Yaubada ina kimasabayao ivayaviyedi be itogagasavedi. Go mana lovina tomota liliudi yaidi iilovina. Tomotayadi moe dala liliudi, boda liliudi, aníyana liliudi be nakae kantri liliudi yaidi goi.
REV 13:8 Da poyapoya liliudi bei woiwoiyana yaina sisaakululu. Amo da poyapoyayadi yoidi Yaubada ina madágina kunu goi go, ima ame tuta goi yawana vata bukina sinaena geya iginidita. Amo bukiyana moe Lami ina buki. Lamiyana boi nimatu sikaaumate.
REV 13:9 Avatauwa komi neta ma taaiyami, e livala ame konoovedōko:
REV 13:10 Avatau neta Yaubada itagone siyoisi, moitamo bei siyoisi. Avatau neta Yaubada itagone giya sisi goi sikaumate, moitamo giya sisi goi bei sikaumate. Moeko goi kita Yaubada ina kimasabayao ada mou goi taaramāitana be nakae takaaiyāka aba numisa.
REV 13:11 Amo ikavava, woiwoi aiyuwoina agite poyapoya goi isowóduwo ima. Tauyana mana dágula aiyuwo lami nakae go, ina bóbwara gigimeta nakae.
REV 13:12 Amo woiwoiyana moe woiwoi vakuumgoina ana katumapu. Tauna woiwoiyana woiwoi vakuumgoina ina togaga goi iilovina. Tuwo da poyapoya liliudi ilovinaedi bego woiwoi vakuumgoina yaina sisakululu. Woiwoi vakumgoinayana boi ivailai go, ina vailaiyana goi itoboine ikámasa go, niga idedevinamna.
REV 13:13 Aiyuwoina woiwoi vaamliyaina aba kinana gagaidi imaadagidi. Nakae yábana goi yeu sabeninimina iwodugu isou ima poyapoya tomota matadi goi, e nakae isowóduwo.
REV 13:14 Tauyana mana tagona aba kinana imadagidi woiwoi vakuumgoina ina lovina goi go, aba kinanayadi goi tomota da poyapoya ikatubaudi bego woiwoi vakuumgoina yaina sisakululu. Tuwo da poyapoya ilatuwokoidi tokwalu woiwoi vakuumgoina maisiyana siwodugu. Tauyana boi sisi goi ivailai go, idedevinamna.
REV 13:15 Woiwoi aiyuwoina mana tagona tokwaluyana yawoina ivini bego itoboine ibóbwara be nakae ilovina avatauwa neta geya sisakululuta tokwaluyana yaina, ámasa sibabane.
REV 13:16 Tuwaina tomota liliudi, tauyadi youtagau be tauyadi maa yoidi gagaidi, guyaguyauwo be tookaidi, tauyadi paakonidi be tauyadi taliigavidi, e madabokidi woiwoi aiyuwoina ilovinaedi bego nimakakataidi o dabadi goi katukatu sikaupakiyedi.
REV 13:17 Aiyuwoina ilovinaedi bego avatauwa madi katukatu itoboinedi kónana sigimona o sikaigimona. Ago avatauwa neta katukatuyana geya sikaupakiyedita, amo tauyadi geya itoboinedita siigimona o sikaaigimona ana kadókana katukatuyana mainao nimakakataidi o dabadi goi sikaupakiyedi. Katukatuyana moe woiwoi vakuumgoina yoina o yoina ana namba.
REV 13:18 Avatauwa neta madi nanamsa, bei moe ana talígava sibabane. Ame nakae: Avatau neta mana yagoina, woiwoi ana namba ana yagoina italigēi, unana nambayana moe tomota tayamo. Nambayana moe 666.
REV 14:1 Amo ikavava, akandobala, Lami agite mana bodao Saiyoni koyaina yatana goi siitáoya. Bodaoyadi ana badabada 144,000. Dabadi goi Lamiyana yoina be nakae Tamana yoina sikaaiyaka.
REV 14:2 Agite ikavava, yábana goi butukáwana tayamo anove, ana taiyakeka bwae gagaidi sidududu nakae be palapala gagaina butukáona nakae. Butukawanayana anove ana taiyakeka api adi tolauwoyao idi api silauláuwo nakae.
REV 14:3 Anove go, bodaoyadi sikaaiyaka, Yaubada kebana esaaesaina matana goi be dogoi maa yawoidi adi taivasi be nakae tomoyamoya matadi goi vesi vau siivesiye. Geya vatau tayaamo mana tagona vesiyana ivesiye; kidi tomota 144,000 aditava madi tagona sivesiye. Moe tauyadi boi Yaubada da poyapoya yaidi goi bogina itakonedi.
REV 14:4 Amo tauyadi balomaidi maavadaidi nakae tomota neta nai geya go, geya simasisigoyogoyoita. Moitamo. Tauyadi nakae tomota neta geya siroerateta, e geya sisakululuta basaleliu yaidi, tauna geya adi bailamo. Moe tauyadi nako goi Lami inonoina, e sisabookuliye. Da poyapoya yaidi goi Yaubada itakonedi, kidi Tauyana be Lami umana. Kidi dibayoya ana keuwokumgo nakae siikasale Yaubada be Lami yaidi.
REV 14:5 Geya tayaamo pola siivatoi. Moitamo. Tauyadi geya adi pikwanamo.
REV 14:6 Amo ikavava, anerose tayamo agite yábana osasaina goi iyovayova. Aneroseyana Vala Dedevina go, aiyako vaatayaina imememe italavaite da poyapoya liliudi yaidi. Tauyadi moe kantri liliudi, dala liliudi, aníyana liliudi be nakae boda liliudi yaidi goi.
REV 14:7 Livalayana niyana gagaina goi itaalavaite idigo kana, ‘Mami matoita Yaubada ina togaga ana káeyana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’
REV 14:8 Amo ikavava, aneroseyana mlina anerose aiyuwoina ivámliya ima idigo kana, ‘Babiloni bogina ivailai! Asayana gagaina bogina ivailai dókana! Ina sinapu masisi goyogoyoina moe oine nakae go, bodao liliudi ivaanimdi oineyana goi, tauna sinapuyana sivatotowone. Ego amo oineyana pasina Yaubada ina egamogamogu asayana bei ibabane.’
REV 14:9 Amo ikavava, aneroseyadi aiyuwo mlidi goi anerose aitonina ima niyana gagaina goi idigo kana, ‘Avatauwa neta sisaakululu woiwoiyana be nakae ina tokwalu yaidi o ina katukatu dabadi goi o nimadi goi sikaupaakiyedi,
REV 14:10 e tauyadi nakae bei Yaubada ina oine sinim. Oineyana moe Yaubada ina egamogamogu go, oineyana toogagaina bei isiwoi ina liuna keigaina goi. Tauna tauyadi yeu sabeninimina be poiseni mokauna goi geda gagaina bei sibabane anerose kimaasabaidi be Lami matadi goi.
REV 14:11 Ago yeuyana siilotowo aubowoina bei ituko vata go, maliyalina be sabamgo geya itoboinedita gedayana goi siwaiwasi, go sem ikaiyako vata. Tauna nakae bei isowóduwo tauyadi yaidi neta woiwoiyana be ina tokwalu yaidi sisaakululu o yoina nimadi o dabadi goi sikaupaakiyedi.’
REV 14:12 Moeko goi kita Yaubada ina kimasabayao ada mou goi taaramāitana, kita Yaubada ina lovina takabikaaonedi be nakae Yeisu ina kabikáwana aba numisa tavatootowone.
REV 14:13 Amo ikavava, níyana tayamo yábana goi anove idigo kana, ‘Ame nakae kugīni kam, “Ame tuta be nakae tuta simamaima avatauwa neta ida Tomoya taiyao sispwagógana go, sikámasa, adi dedevina bei sibabane.”’ ‘U nakae! Itoboine bei adi mou goi siwaiwasi. Moitamo. Idi guinuwa dedevidi Yaubada bei inuwaisidi’, Baloma Kimaasabaina kaena.
REV 14:14 Amo ikavava, akandobala to gaota poowouna agite go, yatana goi tayamo tomalatomota maisiyana iitusobu. Dabana goi lovina dabayogigina goura esaaesaina ikaaiyaka go, nimana goi sisi sooinina kaudoodogina iikavale.
REV 14:15 Amo ikavava, anerose aivasina Vada Kimaasabaina goi isowóduwo ima niyana gagaina goi tomotayana gaota yatana goi iitusobu ilatuwoko idigo kana, ‘Awoinu poyapoya goi bogina imatuwo, tauna dibayoya ana tuta bogina ima. Tauna kūna im sisi goi kudibayōya.’
REV 14:16 Tuwo moitamo, Tauyana gaota yatana goi iitusobu itáoya, ina sisi iikavale poyapoya goi itala, e poyapoyayana ina dibayoya ilamgogo.
REV 14:17 Amo ikavava, anerose ainimaina Vada Kimaasabaina yábana goi isowóduwo ima go, tauyana nakae mana sisi sooinina be kaudoodogina.
REV 14:18 Niga anerose ainima tayamoina insensi ana kaba kasala kikina Bateta Kimaasabaina goi isowóduwo ima. Tauyana yeu ana tolovina. Niyana gagaina goi iduduwo anerose mana sisi ilatuwoko idigo kana, ‘Oine keuwoina poyapoya goi bogina sibólika. Tauna im sisi goi sipulina kutaupeupēdi be kusevēdi.’
REV 14:19 Tuwo moitamo, ina sisi goi ivatowo oine keuwoina poyapoya goi itaupeupedi. Ikavava, oine keuwoina sipulidiyadi isevedi go, ikalisobuyedi oine ana kaba vavetaveta gagaina goi. Aba vavetavetayana moe Yaubada ina egamogamogu nakae.
REV 14:20 Aba vavetavetayana asa moetala goi ikaaiyaka. Tuwo oine keuwoina aedi goi sivavetevetedi go, aba vavetavetayana goi ikaika idau mluwa nakae. Ana niku ovatayamo go, idau ina aduwanau toina. Moe kilomita 296 nakae.
REV 15:1 Amo ikavava, aba kinana mana yagoina yábana goi agite. Aba kinanayana moe aba matoita be nakae aba kainaopa. Ame nakae: Anerose ainima aiyuwo mou ainima aiyuwo sikaavaledi. Amo mouyadi goi Yaubada ina egamogamogu bogina ikavava. Tauna moe mou adi kaba lukavava.
REV 15:2 Amo ikavava, akandosobu dogoi tayamo agite ana kaigigita négwasa daaumorina gerasi momooyasuna nakae go, yeu sabeninimina taiyao. Negwasayana kikina goi tomota siitáoya agitedi api Yaubada ivinidi sikaavaledi. Tauyadi boi woiwoi sitogagasave. Moe nakae ina tokwalu yaina goi geya sisakululuta be tauyana yoina ana namba geya sikabiyeta.
REV 15:3 Tauyadi Yaubada ina pakonayao Mosese ina vesi moe Lami vesina siivesiye kadi,
REV 15:4 Yauwe, kom im sinapu kiboobosidi
REV 15:5 Amo dogoiyadi bogina sikavava, akandobala Tukunu Kimaasabaina Toina yábana goi agite, moe Yaubada ina Kaba Kaiyaka sinaena. Amoko goi aba vatulúkwana sikaaiyaka. Tukunuyana agite ikatupáeva,
REV 15:6 e anerose ainima aiyuwo sisowóduwo sima mouyadi nimadi goi sikaavaledi. Adi kwama maavadaidi be nakae naamalidi go, idi gigipáiwala moe goura.
REV 15:7 Dogoi maa yawoidi adi taivasi sikaaiyaka go, tayamo itáoya Yaubada, Tauyana Tokaiyako vata, ina egamogamogu ma nokoidi ainima aiyuwo goura ikabidi, aneroseyadi ainima aiyuwo ivinidi.
REV 15:8 Tukunuyana agite aubowo ikayaoda Yaubada ana káeyana tomoeeyalina pasina be nakae ina togaga pasina. Tauna geya vatau tayaamo itoboine Tukunuyana goi isiu ana kadókana mouyadi anerose simemedi sikavava.
REV 16:1 Amo ikavava, níyana tayamo gagaina Tukunu Kimaasabaina Toina goi anove aneroseyadi ilatuwokoidi idigo kana, ‘Kotāoya kōna poyapoya goi Yaubada ina egamogamogu ma nokoidi ainima aiyuwo kokalisiwōidi.’
REV 16:2 Tuwo moitamo, anerose vakuumgoina itáoya ina poyapoya goi ina noko ikalisiwoi. Amoko goi avatauwa neta boi woiwoiyana ana katukatu nimadi o dabadi goi bogina sikaupaakiyedi o ina tokwalu yaina sisaakululu, e sakavaidi sikapotu go, potuyadi goyogoyoidi be nakae gedagedaidi.
REV 16:3 Iya go anerose aiyuwoina itáoya ina négwasa goi ina noko ikalisiwoi, e negwasayana imalaikaika go, ikaikayana moe tokámasa ikaikaina nakae. E tauna iyaíyana liliudi négwasa goi sikamasa kówasa.
REV 16:4 Iya go anerose aitonina itáoya ina sákala liliudi, oveya liliudi be nakae doelu liliudi goi ina noko ikalisiwoi. Amoko goi bwaeyadi simalaikaika.
REV 16:5 Ago anerose tayamo anove, tauyana bwae adi tolovina, Yaubada ilatuwoko idigo kana,
REV 16:6 Amo mouyadi itoboinedi
REV 16:7 Amo ikavava, níyana tayamo aba kasala goi anove idigo kana,
REV 16:8 Iya go anerose aivasina itáoya ina níyala goi ina noko ikalisiwoi. Tuwo mana tagona yeu goi tomota isupidi.
REV 16:9 Ina lovina goi mou sisowóduwo yaidi, e yoina sitagiwoi unana yaviyavi gagaina isupidi. Ago geya situgavileta bei ina togaga ana káeyana sikamoitamoe.
REV 16:10 Iya go anerose ainimaina itáoya ina woiwoiyana vakuumgoina kebana esaaesaina goi ina noko ikalisiwoi. Amoko goi woiwoiyana ina kaba lovina ikamamaníwana, e ina bodao saladi sikakavatedi adi geda pasidi.
REV 16:11 Go Yaubada, Tauyana totobukukui yábana goi, sitagiwoi adi geda be adi potu pasidi go, idi guinuwa goyogoyoidi manudi nava geya situgavileta.
REV 16:12 Iya go anerose ainima tayamoina itáoya, sákala gagaina Yuparetisi goi ina noko ikalisiwoi. Tuwo sakalayana iyápasa bei enao ikaaiyaka tolovina madi tovayaviyayao bomatu dadavina goi itoboinedi sima.
REV 16:13 Anerose ainima tayamoina ina guinuwa ikavava, akandobala baloma goyogoyoidi aito kwekwe maisiyadi agitedi gigimeta tobuna goi be woiwoi tobuna goi be nakae tokabivalavala polapola tobuna goi sisowóduwo.
REV 16:14 Moitamo balomayadi goyogoyoidi. Tauyadi dimoni go, aba kinana siguuinuwedi. Sina tolovina liliudi poyapoya goi silamgogoidi simedi asa tayamo yaviya manuna Yaubada Tokalika ina takínona ana maliyalina goi.
REV 16:15 Ego Tomoya idigo kana, ‘Konōve! Tovaináwana nakae bei ao avatoopemi. Amo tutayana avatau neta iyauyáusa be nakae ana kwama bogina ilosi, e ana dedevina bogina ibabane. Nakae itoboine iguinuwe, govila bei ma paawakuna iiketoiya, e ina omayamaya tomota sigite.’
REV 16:16 Balomayadi sina tolovina liliudi silamgogoidi simedi asa tayamo goi; asayana Diyuu niyadi goi kadi, ‘Amagedoni.’
REV 16:17 Iya go anerose ainima aiyuwoina itáoya, yábana osasaina goi ina noko ikalisiwoi go, tayamo níyana gagaina kébana esaaesaina Tukunu Kimaasabaina Toina goi anove kana, ‘Bogina ikavava.’
REV 16:18 Tuwo ávila, butukáwana gagaina, palapala be nakae nikuniku gagaina sisowóduwo. Boi nimatu tutayana tomota poyapoya goi sigimisowóduwo go, ima ame tuta geya tayaamo nikuniku ana togaga nakae amo nikunikuyana ana togaga; nikuniku gagaina toina.
REV 16:19 Tuwo asa gagaina iwotai dadavato. Totuyoyowo idi kasa liliudi poyapoya goi sivailai. Ago asa gagaina Babiloni ina goyo Yaubada inuwokavate, e ina egamogamogu gagaina oinena ma keigaina ivanimdi.
REV 16:20 Nikunikuyana ina togaga goi simla liliudi sisalili be nakae koya liliudi sitagau.
REV 16:21 Tuwaina, kúwana kasakasaidi gagaidi yábana goi sisou. Kuwanayana gurewa gagaidi nakiyadi, e tamo tamo adi moumou ivakaigaga, kilo 45 nakae. Kuwanayana igoyo toina, tauna Yaubada sitagiwoi.
REV 17:1 Amo ikavava, anerose ainima aiyuwo maadi noko yaidi tayamo ima ilatuwokoigu idigo kana, ‘Kūma! Asayana gagaina vavina tomatagogoli toogagaina nakae ana liuna bei avatulukoim. Tauyana bwae badabadaidi kikidi goi iitusobu iilovina.
REV 17:2 Ana kaigigita da poyapoya adi tolovinayao taiyao simasisi goyogoyo. Ago vavinayana ina oine sinapu goyo nakae goi itubanibanidi ivaanimdi siiyaluwo, e ina sinapu goyogoyoidi nakae sikamonamonaanaedi bego siguinuwedi.’
REV 17:3 Amo ikavava, Baloma Kimaasabaina iyoisigu, e aneroseyana ima ikabigu ikavalegu kana yoyowo beso goi. Amoko goi vavina tayamo agite woiwoi kayakayaina yatana itulagalaga. Woiwoiyana bulubuluna ana badabada ainima aiyuwo go, ana dágula ana badabada yawou. Sakavaina madabokina goi you badabadaidi sikaaiyaka go, youyadi you aipopóita.
REV 17:4 Vavinayana ana kwama kalaakovina be kayakayaina go, ana pasapasa moe goura be gurewa maisadi gagaina be nakae paku maisadi gagaina. Nimana goi tayamo keiga goura iyoyoisi go, kaga aba kalagíwala be báila ikayaoda ina masisi goyogoyoina pasina.
REV 17:5 Dabana goi you tayamo boi ana yagoina vamoounina sigini kadi, ‘Babiloni Gagaina, tomatagogoli sinadi be nakae kaga liliuna aba kalagíwala poyapoya goi unadi.’
REV 17:6 Amo ikavava, vavinayana agite Yaubada ina kimasabayao kaamasidi ikaikaidi bogina inim ginagina iyaluwo, e nukotona ikabi, to igoyo toina. Tauyadi boi Yeisu sitaalavaite go, idi talavaita pasina vavinayana ikaumatedi. Vavinayana agite, akainaopa gagaina.
REV 17:7 Tuwo aneroseyana ilatuwokoigu idigo kana, ‘Kaga unana kukaiinaopa? Vavinayana kugite woiwoiyana ma bulubuluna ainima aiyuwo be mana dágula yawou goi iisowoya, e tauyana be nakae woiwoiyana adi yagoina bei ataligei manum.
REV 17:8 Amo woiwoiyana kugitegite boi mainao maa yawoina ikaaiyaka go, ame geya, nava bei masi gagaina goi ituko ima go, niga bei ivailai vata. Tauna da poyapoya neta Yaubada ina madágina kunu goi go, ima ame tuta yoidi yawana vata bukina sinaena geya iginidita, bei sikainaopa.
REV 17:9 Avatauwa neta madi nanamsa, bei moe ana talígava sibabane. Ana taligavayana ame nakae: Woiwoiyana ma bulubuluna ainima aiyuwo moe koya ainima aiyuwo yatadi goi vavinayana iitusobu. Aiyuwoina bulubulunayadi moe tolovina ainima aiyuwo.
REV 17:10 Tolovinayadi adi tainima bogina sisou go, tayamo nava ikaaiyaka go, tayamo nava geya isowoduwoita. Ago tutayana isowóduwo, tuta kaakupina tauna bei ilovina.
REV 17:11 Iya go woiwoiyana boi ma yawoina, ame tuta ikámasa go, nava bei ikaluvilamna ima. Tauyana tolovina ainima aitonina go, tolovina ainima aiyuwo yaidi goi bei ima go, niga bei ivailai vata.
REV 17:12 Go ana dagulayao yawou kuugitedi moe tolovina yawou. Nava idi kaba lovina geya sibabaneyeta, go sem nava bei idi lovina tolovina nakae sibabane bei itoboinedi tuta kaakupina toina goi silovina woiwoiyana taiyao.
REV 17:13 Amo tolovinayadi idi nuwonúwana tayamo goi idi togaga be idi lovina madabokina sikaidamanedi woiwoiyana yaina.
REV 17:14 Amo tauyadi woiwoiyana taiyao bei sispwagógana go, sivayaviya Lami yaina. Iya go Lamiyana tomoyamoya liliudi adi Tomoya be tokalibúbuna liliudi adi Tokalibúbuna be nakae senao taiyao sikaaiyaka, senaoyadi bogina iduduwedi, tauyadi ana kinavayao be nakae aba numisa. Moe pasina tauna tolovinayadi woiwoiyana taiyao bei itogagasavedi.’
REV 17:15 Tuwaina aneroseyana kana, ‘Bwaeyadi bogina kugitedi kikidi goi vavina tomatagogoli iitusobu, e moe boda liliudi, dala liliudi, kantri liliudi be nakae aníyana liliudi.
REV 17:16 Ago dágula yawou kuugitedi moe tolovina yawou go, woiwoiyana taiyao bei sitáoya, tomatagogoli sikaolilive. Konana be ana kwama liliudi bei sikabidi, e nima kaka ikaaiyaka. Aiyuwoina bei situsaoli nakae neta iwoina sikani go, luluna yeu goi sivakasave.
REV 17:17 Moitamo nakae bei siguinuwe. Yaubada bogina nuwodi isanayatoidi bego ina nuwonúwana siguinuwe. Ame nakae: Idi nuwonúwana tayamo goi idi lovina woiwoiyana bei sivini. Bei iilovina ana kadókana Yaubada ina nuwonúwana bogina sisowóduwo nakae latuwona.
REV 17:18 Iya go vavinayana kugitegite moe asa gagaina poyapoya ana tolovina madabokidi iloviinaedi.’
REV 18:1 Amo dogoiyadi sikavava, ituli ta anerose agite yábana goi isou imamaima. Tauyana mana lovina toogagaina go, ana káeyana tomoeeyalina poyapoya ana madabokina itapasigi.
REV 18:2 Niyana gagaina goi iduduwo idigo kana,
REV 18:4 Amo ikavava, ituli ta níyana tayamo yábana goi anove idigo kana, ‘Guna bodao,
REV 18:6 Niyanayana tuwaina ibóbwara, Yaubada ina toliunayao ilatuwokoidi idigo kana,
REV 18:7 Vavinayana ina nuwonúwana goi idigo kana,
REV 18:8 Ina gágasa pasina geya mgoninamo ame mouyadi
REV 18:9 Tuwo poyapoya ana tolovinao boi vavinayana taiyao simasisi goyogoyo be nakae aiyako owáowana siyale, e tutayana asayana igabu, aubowoina bei sigite itukotuko, bei sitaiyakuwokúwala gagaina asayana manuna.
REV 18:10 Madi matoita asayana ina gedageda pasina, tauna masigava goi bei sitáoya, sidigo kadi, ‘Da Babiloni,
REV 18:11 Kidi go poyapoya ana totalamapuyaoyadi konadi geya vatau tayaamo igimonedi, tauna madi nuwomou bei sitaiyakuwokúwala asayana manuna.
REV 18:12 Konadiyadi moe goura, siriba, gurewa maisadi gagaina, paku maisadi gagaina, areko kayakayaidi dedevidi toidi, areko buruu be momooyasudi be kayakayaidi, alova ma mainidi dedevina be nakae kónana maisadi gagaidi siwodugudi go, konaniyadi moe áivori goi, gavi goi, kopwa goi, kainum goi be nakae gurewa poowoudi goi siwodugudi.
REV 18:13 Tuwaina sinamoni, pútuma, insensi, alovamamaina sisina, aidekoko sisina, oine, oribe mumuna, parawa dedevina, witi, bulumakau, sipi, osi, sariyota be nakae tomota paakonidi; pakonidiyadi moe tomota sikaigimonedi.
REV 18:14 Dogoiyadi dedevidi komi da Babiloni kooyaledi
REV 18:15 Kidi go amo totalamapuyadi boi idi esaesa asayana goi siibabane, masigava goi bei sitáoya unana asayana ina gedageda sigite, simatoita. Ago madi nuwomou be madi táiya
REV 18:16 bei sidigo kadi,
REV 18:17 Tuta kaakupiina goi ame esaesayadi madabokina bogina sisáwala. Tauna asayana ana toovalugo!’ Tuwo kapiteni liliudi, totupa liliudi, gelugelu liliudi be nakae totalamapu liliudi masigava goi siitáoya
REV 18:18 go, asayana aubowoina sigite, siduduwo kadi, ‘Geya tayaamo asa ipate amo asayana gagaina nakae.’
REV 18:19 Tuwo kaukau sikabi dabadi goi silave idi nuwomou pasina go, madi nuwomou be madi táiya siduduwo gagaina sidigo kadi,
REV 18:20 Níyana tayamo anove idigo kana,
REV 18:21 Amo ikavava, tayamo anerose toogagaina gurewa gagaina toina ikabi, ilave isou négwasa goi go, idigo kana,
REV 18:22 Geya tayaamo kaga niyana bei tanove.
REV 18:23 Rampa adi mavada geya tuwaina asayana goi sinínima.
REV 18:24 Aiyuwoina Yaubada ina tokabivalavalayao,
REV 19:1 Moe dogoiyadi sikavava, e níyana tayamo anove ana taiyakeka nakae neta boda gagaaina niyadi gagaina yábana goi siiduduwo sidigo kadi,
REV 19:2 Ida yapaliyana unana ina takínona
REV 19:3 Tuwo aiyuwoina niyadi gagaidi goi siduduwo sidigo kadi,
REV 19:4 Tuwo tomoyamoyayadi 24 be nakae dogoi maa yawoidi adi taivasi aedi sivatugúyala Yaubada kebana esaaesaina goi itulagalaga sisakululu, sidigo kadi,
REV 19:5 Ikavava, níyana tayamo kébana esaaesaina goi anove idigo kana,
REV 19:6 Amo ikavava, níyana tayamo anove ana taiyakeka nakae neta boda gagaaina siiduduwo o nakona bwae badabadaidi sidududu butukaodi nakae o palapala gagaina butukáona nakae go, idigo kadi,
REV 19:7 Tauyawana dōkana,
REV 19:8 Ina katubayasiyana moe Yaubada bogina itagona bego vavinayana kwama poowouna nakae maavadaina ilosi.’ Kwamayana ana yagoina moe Yaubada ina kimasabayao idi sinapu dedevidi nakae.
REV 19:9 Amo ikavava, aneroseyana ilatuwokoigu idigo kana, ‘Livala ame kugīni kam, “Avatauwa komi neta Yaubada iduduwemi Lamiyana ina nai aikanina manuna, e ami dedevina bei kobabane.”’ Tuwaina kana, ‘Ame livalayadi moe Yaubada ina livala mooitamoidi!’
REV 19:10 Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau Yeisu ina pákwana kom be semowo nakae, komi tauyami boi Yeisu ina talavaita koyoisikavate. Tauna Yaubada anetava yaina kusakulūlu. Moitamo. Valayana Yeisu itaalavaite Baloma Kimaasabaina goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’
REV 19:11 Amo ikavava, agite yábana ikatupáeva go, kunōve! Osi poowouna mana totulaga isowóduwo. Totulagayana sivayou Aba Numisa be Moitamo. Tauyana mana kivavasa itakínona be nakae ivayaviya.
REV 19:12 E matana adi kaigigita yeu sabeninimina nakae go, dabana goi lovina dabayogigina esaaesaina badabadaidi sikaaiyaka. Yoina sigini go, ana yagoina Tauyana anetava iyagoi.
REV 19:13 Ana kwama maanawena go, ikaika goi sivakutui, tauna ikaika kaka. Yoina sivayou kadi, ‘Yaubada Ina Livala.’
REV 19:14 Yábana ana tovayaviyayao madi kwama poowoudi be maavadaidi idi osi poowoudi situlaga go, Tauyana sisabookuliye.
REV 19:15 Go Tauyana tobuna goi sisi sooinina nakae iisowóduwo bego Totuyoyowo ikaumatedi. Ikavava, ina lovina toogagaina goi bei ilovina yaidi. Bei oine ana kaba vavetaveta goi ivavetevetedi; aba vavetavetayana moe Yaubada Tokalika toina ina egamogamogu gagaina.
REV 19:16 Go ana kwama maanawena goi be nakae dibuwatuna goi yoina sigini kadi, ‘Tokalibúbuna liliudi adi Tokalibúbuna be nakae tomoyamoya liliudi adi Tomoya.’
REV 19:17 Amo ikavava, tayamo anerose agite níyala goi iitáoya, mánuwo madabokidi yábana osasaina goi siyovayova iduduwedi idigo kana, ‘Kodēli kōma kogūguna Yaubada ana káika gagaina goi
REV 19:18 bego amo tauyadi wowodi kokanidi: Tolovina wowodi, tovayaviya adi tokalikumatanayao wowodi, koroto toogagaidi wowodi, osi madi totulagayao wowodi be nakae tomota liliudi wowodi, nakona taliigavidi o paakonidi, nakona youtagau o maa yoidi.’
REV 19:19 Amo ikavava, woiwoiyana boi négwasa goi isinalaga be nakae poyapoya ana tolovinao madi tovayaviyayao agitedi bogina sitaligógana sima bei Tauyana osi poowouna goi iitulaga mana tovayaviyayao sivayaviyedi.
REV 19:20 Go Tauyana osi poowouna goi iitulaga itáoya, woiwoiyana be nakae tokabivalavala polapolayana iyoisidi. Tokabivalavalayana boi aba kinana imadagidi, e aba kinanayadi goi tomota ikatubaudi. Amo tauyadi woiwoi ina katukatu nimadi o dabadi goi sikaupakiyedi nakae tokwalu woiwoi maisiyana yaina sisaakululu. Tuwo adi taiyuwokova iyoisidi ilavedi ma yawoidi sisou sina yeu sabeninimina poiseni mokauna taiyao sinaedi goi.
REV 19:21 Kidi go woiwoiyana ina tovayaviyayao nava sikaaiyaka, tuwo osiyana ana totulaga ina livala sisi nakae tobuna goi isowóduwo ikaumatedi. Tuwo manuwoyadi liliudi sima wowodi sikanidi, bogina gamodi.
REV 20:1 Amo ikavava, anerose tayamo agite yábana goi isou imamaima go, nimana goi masi gagaina ana ki be nakae seni gagaina ikaavaledi.
REV 20:2 Tuwo isou ima gigimeta iyoisi; gigimetayana moe moteta boi nimatu ikaaiyaka. Motetayana moe Totagíwaya, tauyana youyuwoina moe Kaleya. E tuwo iyoisi, iyowo.
REV 20:3 Iyowo ikavava, ilave isou ina masi sinaena. Ilave ikavava, masi tobuna ikatunibode, iroke go, Yaubada ina lovina goi ina maka ikaupakiye. Tonoko goi ikaaiyaka bego geya tuwaina itoboine tomota ikatubaudi ana kadókana tala ana badabada 1,000 sikavava. Amo talayadi sikavava, bei sitaligei tuta kaakupina manuna.
REV 20:4 Amo ikavava, kébana esaaesaidi agitedi go, tauyadi yatadi goi situlagalaga madi tagona silovina. Aiyuwoina tomotayadi balomaidi agitedi. Boi adi kaleyayao sitáoya, nukotodi sikupoidi unana Yeisu ina talavaita, moe Yaubada ina livala, siyoisikavate. Amo tomotayadi geya sisakululuta woiwoi be tokwalu woiwoi maisiyana yaidi be nakae ina katukatu nimadi goi o dabadi goi geya sikaupakiyedita. Tuwo aagitedi ámasa goi sitaoyamna go, Guyau taiyao siilovina tala 1,000 goi.
REV 20:5 Amo tauyadi kidi togimitaoyamna go, tokámasa liliudi tala 1,000 sikavava baige nakae ámasa goi bei sitaoyamna.
REV 20:6 E avatauwa neta sigimitaoyamna, tauyadi kimaasabaidi adi dedevina sibabane! Ame tauyadi ámasa aiyuwoina bei geya sibabaneyeta. Tauyadi Yaubada be Guyau idi togudalayao. Guyauyana taiyao tala 1,000 goi bei siilovina.
REV 20:7 Tutayana talayadi sikavava, Yaubada ina lovina goi ina aneroseyao sina Kaleya ina kaba yówana goi sitaligei.
REV 20:8 Tuwo bei isowóduwo ina dadava liliuudi poyapoya goi boda liliudi ikatubaudi; bodayadi yoidi moe Gogi be Megogi. Ina pola goi bodayadi bei ilamgogoidi sima yaviya manuna. Adi badabada isaki toina; geya itoboinedeta takatuyaividi. Adi badabada moe ediédila mamaya nakae.
REV 20:9 Tuwo poyapoya ana madabokina goi bei sitaligógana situko sima Yaubada ina kimasabayao idi tunagu o tadigo kada, ‘Asayana Yaubada imataakoiye’ sitaoyakobu. Sitaoyakobu bego sivayaviya go, yeu sabeninimina yábana goi bei isou ima Kaleya ina bodaoyadi ivakasavedi.
REV 20:10 Iya go Totagiwayayana moe kidi adi topola, anerose bei siyoisi, silave isou ina yeu sabeninimina be poiseni mokauna gagaina toina sinaedi goi ikaaiyaka nakae woiwoiyana be tokabivalavala polapolayana bogina sikaaiyaka. Amoko goi bei gedageda siilotowo maliyalina be sabamgo goi go, gedagedayana geya iikavava.
REV 20:11 Amo ikavava, Tolovinayana kebana esaaesaina gagaina nakae poowouna agite, yatana goi Tauyana itulagalaga. Agitegite, e Tauyana matana goi yábana sekulapeyaina be poyapoya mainao sisáwala nakae neta sisiya, e geya tuwaina agitedi.
REV 20:12 Sisáwala ikavava, tokámasa liliudi agitedi, nakona maa yoidi o youtagau, Yaubada kebana esaesainayana matana goi siitáoya. Amo tauyadi négwasa goi sikámasa be nakae tokámasa idi dadava poyapoya goi sima. Siitáoya go, anerose buki sikatupaevedi. Amo bukiyadi sinaedi tomota idi guinuwa liliudi, dedevidi be goyogoyoidi, sikaaiyaka. Ago ituli ta buki nakae sikatupáeve, bukiyana moe yawana vata bukina, sinaena goi avatauwa neta yawoidi vata bei sibabane, e yoidi sikaaiyaka. E tokamasayadi liliudi sima kébana matana goi siitáoya go, Yaubada bukiyadi igitedi, kaga nakae boi idi guinuwa, e amo guinuwayadi goi tamo tamo itakinoidi.
REV 20:14 Amo ikavava, ámasa be nakae tokámasa idi dadavayana Yaubada ilavedi sisou yeu sabeninimina gagaina toina sinaena goi, e sikavava toina. Yeuyana gagaina toina moe ámasa aiyuwoina.
REV 20:15 Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.
REV 21:1 Amo ikavava, yabana vau be poyapoya vau agitedi sisowóduwo. Bogina kuyagoi. Gimi yábana be gimi poyapoya bogina sitagau. Négwasa nakae itagau, geya tuwaina tagitegite.
REV 21:2 Niga asa kimaasabaina nakae agite moe Yerusalema vau go, asayana Yaubada yábana goi isou imamaima. Asayana bogina ivapase tonai vavina nakae bego monena ivalobode.
REV 21:3 Amo ikavava, níyana tayamo kébana esaaesaina goi anove kana,
REV 21:4 Mataiudi bei isekukudi.
REV 21:5 Niyanayana ibóbwara ikavava, kébana esaesainayana ana totulagalaga idigo kana, ‘Kunōve! Dogoi liliudi ayolimemmneidi.’ Tuwaina kana, ‘Livalayadi aba numisa be nakae mooitamoidi, tauna kuginīdi.’
REV 21:6 Tuwaina kana, ‘Amo bogina ikavava! Yau Totukumgo be Totumliya, Aba Vatowo be Aba Lukavava. Avatauwa neta dava sikámasa, bwae ma yawoina bei avinibesoidi.
REV 21:7 Avatauwa neta sitogaga, moe dogoiyadi bei sibabanedi be nakae yau bei tauyadi idi Yaubada go, tauyadi bei avanatunedi.
REV 21:8 E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, basaleliu adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’
REV 21:9 Amo ikavava, aneroseyadi ainima aiyuwo boi gedageda ma nokoidi ainima aiyuwo adi tokavalayao tayamo yaidi ima ilatuwokoigu idigo kana, ‘Kūma! Bei Lami ana tonai vavina avatulukoim.’
REV 21:10 Tuwo Baloma Kimaasabaina iyoisigu, e aneroseyana ima ikabigu itukoegu kana koya gagaina toina dabana goi. Amoko goi Yerusalema kimaasabaina ivatulukoigu; asayana Yaubada yábana goi isou imamaima.
REV 21:11 Asayana yaina goi Yaubada ana káeyana tomoeeyalina ikaaiyaka go, asayana ina yama gurewa esaesa yoina diyáspa nakae o gerasi maavadaina nakae inamanámala.
REV 21:12 Ana kali gurewa ituko ina gagaina. Ana kaba siu adi badabada yawou aiyuwo go, aba siuyadi tamo tamo goi anerose sikaaiyaka be nakae tamo tamo goi Isileli tubunao adi dala yawou aiyuwo yoidi tamo tamo siginidi, tauna aba siu tayamo, you tayamo.
REV 21:13 Go aliyana goi bomatu dadavina aba siu aito, yawéyana dadavina aba siu aito, youya dadavina aito be nakae koiboga dadavina aito.
REV 21:14 Asayana ina kali gurewa ana lasáuna yawou aiyuwo go, lasaunayadi yaidi goi Lami ina vamoleyanayao yawou aiyuwo yoidi sikaaiyaka.
REV 21:15 Aneroseyana boi ilatuuwokoigu nimana goi aba valivaliva goura ikavale bego asayana ana kaba siu be nakae ana kali gurewa ivalivelivedi.
REV 21:16 Asayana kootavaina, tauna dadavavasi. Ana mamanao be ana papaeva sivavasa. Aneroseyana ina kaba valivaliva ikabi, asayana ivalivelive. Ana mamanao be ana papaeva be ana tukotuko madabokina sivavasa, moe kilomita 2,400.
REV 21:17 Asayana ivalivelive ikavava, ana kali gurewa ivalivelive ame nakae: Ana tukotuko moe aba katugúyala ana badabada 144. Moe tomota ina kaba katugúyala goi ivalivelive go, anerose ana kaba katugúyala moe tomota ana kaba katugúyala nakae.
REV 21:18 Ana kali gurewayana ana madágina moe gurewa esaesa yoina diyáspa goi siláui. Go asayana sinaena madabokina goura maavadaina nakae gerasi maavadaina.
REV 21:19 Go ali gurewayana ana lasáuna adi pasapasa moe gurewa esaesa liliudi. Lasáuna vakuumgoina ana pasapasa moe diyáspa vakalakalaoina. Lasáuna aiyuwoina ana pasapasa moe sapaire buruu. Lasáuna aitonina ana pasapasa moe ágeta vakalakalaoina. Lasáuna aivasina ana pasapasa moe emeradi vakalakalaoina.
REV 21:20 Lasáuna ainimaina ana pasapasa moe anikisi kalaakovina be poowouna. Lasáuna ainima tayamoina ana pasapasa moe kaniliani kayakayaina, Lasáuna ainima aiyuwoina ana pasapasa moe kwatisi yaoyaoina. Lasáuna ainima aitonina ana pasapasa moe beleli vakalakalaoina. Lasáuna ainima aivasina ana pasapasa moe topasi vakalakalaoina Lasáuna yawouna ana pasapasa moe kelasedoni vakalakalaoina Lasáuna yawou tayamoina ana pasapasa moe diyasinta dimówana kalaakovina nakae Lasáuna yawou aiyuwoina ana pasapasa moe ametísta kalaakovina.
REV 21:21 Go aliyana ana niboda yawou aiyuwo moe paku esaesa gagaidi yawou aiyuwo, tauna niboda tayamo, paku tayamo gagaina. Go asayana ana kenao madabokina goura maavadaina nakae gerasi maavadaina.
REV 21:22 Ago asayana agite, geya tayaamo Vada Kimaasabaina ikaaiyaka unana asayana madabokina goi Yauwe Yaubada Tokalika be nakae Lami sikaaiyaka.
REV 21:23 Toni kasa geya latuwodi níyala be tukówana bego sitapasigidi. Moitamo. Yaubada ana káeyana tomoeeyalina itapasigidi o tadigo kada, ‘Lamiyana moe toni kasa idi rampa.’
REV 21:24 Tuwo ina mavada goi tomota liliudi bei siiketoiya go, kidi poyapoya ana tolovinao idi esaesa aba taimámina bei simedi asayana goi.
REV 21:25 Go aba siuyadi maliyalina goi geya sikatunibodedita, geya toina. Moitamo. Amoko goi tuta liliuna iimavada maliyalina nakae unana sabamgo geya.
REV 21:26 Totuyoyowo idi esaesa aba taimámina be konadi kaausaraidi tolovinayadi bei simedi asayana sinaena goi.
REV 21:27 Go tomota ma baailidi, tomota kaga aba kalagíwala siguuinuwedi be topola nakae asayana goi geya sisiusiu. Avatauwa neta yoidi Lamiyana ina buki yawana vata manuna goi bogina sikaaiyaka, e aditava madi tagona sisiu.
REV 22:1 Amo ikavava, aneroseyana bwae ma yawoina sakalina ivatulukoigu; bwaeyana imavada toina gerasi nakae go, Yaubada be Lami kebadi esaesa goi idausobu ima
REV 22:2 asayana nauyayanaina enao goi idaudau. Bwaeyana dadavina dadavina goi yawana vata alovaina sitáoya. Alovayadi tala tamo tamo goi yawou aiyuwo nakae sikeuwoko go, idi keuwoyana tukówana tamo tamo goi ituli ta kokowoikava keuwoidi sikeuwoedi. Go vagadi tomota adi potu be nakae adi katówana adi medisini.
REV 22:3 Tuwo amoko goi Yaubada ina katubolata bei ikavava. Go asayana goi Yaubada be Lamiyana kebadi esaesa ikaaiyaka, e Yaubada ina pakonayao bei sitaimámina Tauyana yaina.
REV 22:4 Tauyana maisina bei sigite go, Tauyana yoina dabadi goi bei ikaaiyaka.
REV 22:5 Iya Yauwe Yaubada bei itapasigidi, tauna rampa ina mavada be níyala ina mavada tuwo unana amoko goi sabamgo geya. Go bei silovina vata.
REV 22:6 Aneroseyana ilatuwokoigu idigo kana, ‘Ame livalayadi buki ame sinaena goi moe aba numisa be nakae mooitamoidi. Ida Tomoya Yaubada, Tauyana ina tokabivalavalayao balomaidi inuwoyatoidi sitalavaita, ina anerose ietune ina ina pakonayao ivatulukoidi kaga giyakainava bei sisowóduwo.’
REV 22:7 Iya go Yeisu idigo kana, ‘Konōve! Giyakainava bei ao! Avatau neta buki ame ana talavaita ikabikaaonedi, e ana dedevina bei ibabane.’
REV 22:8 Yau Iyoni amo dogoiyadi madabokidi anovedi be nakae agitedi. Go tutayana bogina anovedi nakae agitedi, anerose ivatuulukoigu aena goi aegu avatugúyala yaina asakululu.
REV 22:9 Go tauyana idigo kana, ‘Moe nakae geya! Yau Yaubada ina pákwana nakae kom be semowo; komi tokabivalavala be nakae tomota liliudi buki ame ina livala ana tokabikawanayao. Tauna Yaubada anetava yaina kusakulūlu!’
REV 22:10 Tuwaina kana, ‘Taabu buki ame ana talavaitayadi kuuvamōudi. Moitamo. Giyakainava bei sisowóduwo.
REV 22:11 Tauna tomota geya itoboinedita situgavila. Tuwo avatauwa neta ame tuta goyo siguuinuwe, e tauyadi nava bei nakae siguuinuwe; moe adi keyakeyaina. Avatauwa neta ame tuta idi sinapu baailidi, e tauyadi nava bei nakae siguuinuwe; moe adi keyakeyaina. Go avatauwa neta ame tuta kiboobosidi, e tauyadi nava bei guinuwa kiboobosina siguuinuwe; moe adi keyakeyaina. Avatauwa neta ame tuta kimaasabaidi Yaubada yaina, e tauyadi nava bei kimaasabaidi Yaubada umana; moe adi keyakeyaina.’
REV 22:12 Yeisu idigo kana, ‘Konovēgu! Giyakainava bei ao ami katumapu avedi akaiguyauyedi yaimi nakae imi guinuwa adi kakainaki.
REV 22:13 Yau Alipa be Omega, Totukumgo be Totumliya, Aba vatowo be Aba lukavava.
REV 22:14 Avatauwa neta adi kwama maanawedi sikimaavadedi, adi dedevina bei sibabane. Adi dedevinayana bego madi tagona yawana vata alovaina keuwoina sikanikani be nakae asayana ana kaba siu goi sisiu.
REV 22:15 Go asayana toluyena ana tokaiyakoyao moe toogoyoidi toidi weiniya nakae, tomeméyava, tobowou, tomasisi goyogoyo, tokaumata, basaleliu ana tosakululu, tauyadi pola nuwodi ikabi be nakae tuta liliuna sipolapola.’
REV 22:16 Tuwaina idigo kana, ‘Yau Yeisu guna anerose bogina aetune iwo yaimi bei moe talavaitayadi italavaitedi komi Yaubada ana totugugunayao yaimi. Yau Devida ina nunu tayamo, tauyana yau tubugu. Yau kubona tapaasigigu.’
REV 22:17 Baloma Kimaasabaina be nakae Yeisu ana totugugunayao moe ina tonai vavina nakae sidigo kadi, ‘Kūma!’ Komi ame bukiyana ana totaiyakekayao kodīgo kami, ‘Kūma!’ Avatauwa komi neta dava kokamakámasa go, latuwomi, e kōma bwae maa yawoina geya ana maisamo kokābi, konīm!
REV 22:18 Komi buki ame ana talavaita adi totalavaitayao yau akatumatalimi. Avatauwa komi neta talavaitayadi kokatuusavidi, e mouyadi buki ame sinaena goi italavaaitedi Yaubada bei ivaituwedi yaimi.
REV 22:19 Avatauwa komi neta tayamo livala buki ame goi kotauwe, e Yaubada nakae ami kaiguyau italavaitedi buki ame goi bei ikabimneidi, tauna geya itoboinemita bei yawana vata alovaina keuwoina kokani be nakae geya itoboinemita asa kimaasabaina goi kokaiyaka.
REV 22:20 Moe livalayadi adi totalavaita idigo kana, ‘Moitamo! Giyakainava bei ao!’ E nakae! Tomoya Yeisu, kūma!
REV 22:21 Ida Tomoya Yeisu ina kanuwóiya bei ikaaiyaka liliumi yaimi. E nakae!
