﻿भजनमैं.
128.
कैंडो क्रेबै त्हेर्बै क्वे याहवेहलाइ मान लब्मैं नेरो खीए घ्याँर प्रब्मैं ताँनइ आशिक योंम्! 
क्हिइ ह्रोंसइन के लसि चब्मुँ; क्हिए फिर आशिक युब्मुँ धै छ्याँब तब्मुँ। 
क्हिए प्ह्रेंस्यो क्हिए धिंर बेल्‍ले रोबै अँगुरए धुँ धों तब्मुँ; क्हिए प्हसेमैं क्हिए टेबलए खागु जैतुनए त्होर धोंन् तब्मुँ। 
याहवेहलाइ मान लबै म्हिइ आशिक योंब्मुँ। 
याहवेहजी सियोनउँइँले क्हिए फिर आशिक पिंरिगे! क्हिइ ह्रोंसए छ्ह तिगोंन् यरूशलेमर छ्याँब तब म्रोंरिगे! 
क्हिइ क्वें-क्वेंमिमै म्रोंल् योंरिगे! इस्राएलए फिर शान्ति तरिगे! 
