﻿भजनमैं.
127.
कैंडो क्रेबै त्हेए ल्हागिर सोलोमनइ प्ह्रिबै क्वे याहवेहजीन् धिं आबनेस्याँ बनेब्मैंए के फाकर्न तम्। याहवेहजीन् सहर आरुँमिंस्याँ रुँब्मैंइ रुँब फाकर्न तम्। 
चबै सैमैंए ल्हागिर दुःख लबर न्हाँगर्न रेब नेरो ङेसर क्हैल्‍ले रोबै या फाकर्न ग, तलेबिस्याँ खीजी म्हाँया लब्मैंलाइ, न्हरु पिंम्। 
च्ह च्हमिमैं याहवेहजी पिंबै आशिकमैं ग, फो न्होंर्बै प्हसेमैं खीजी पिंबै इनाम ग। 
ल्हडेर ह्‍याबै म्हिए योर्बै मे धों तब फ्रें-छमिंर योंबै प्हसेमैं तम्। 
त्हुर ल्हें मे मुँबै म्हि आशिक योंबै म्हि ग, तलेबिस्याँ निया लबै क्ल्ह्‍योर शत्तुरमैंए उँइँर राल् त्हुमा च फापिल् त्हुरिब् आरे। 
