﻿भजनमैं.
126.
कैंडो क्रेबै त्हेर्बै क्वे याहवेहजी ङिलाइ सियोनर एपखमा ङि म्होंड धोंन् ङ्हाँइ। 
धै ङि बेल्‍ले सैं तोंसि निस्योदै क्वे प्रिंइ! छाब् म्रोंसि “याहवेहजी चमैंए ल्हागिर थेबै केमैं लमिंइमुँ।” बिसि अरू ह्रेंर्बै म्हिमैंइ बिइ। 
याहवेहजी ङ्योए ल्हागिर थेबै के लमिंइमुँ, छतसि ङ्यो सैं तोंइमुँ। 
ओ याहवेह, नेगेब ह्‍युलर स्योंमैं प्ल्हों खब् धोंले शत्‍तुरमैंइ बोसि च्युथेंबै ङिए म्हिमैं एसि पखमिंन्। 
क्रोदै प्लु प्लुब्मैंइ सैं तोंबै क्वे प्रिंदै खैंब्मुँ। 
क्रोदै प्लु नोसि प्लुबर ह्‍याब्मैंइ म्ल्हा-नारेए तिमैं नोसि सैं तोंबै क्वे प्रिंदै एखब्मुँ। 
