﻿भजनमैं.
125.
कैंडो क्रेबै त्हेर्बै क्वे याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्। 
यरूशालेमलाइ कोंमैंइ कारर्ग्यु लब् धोंले, याहवेह ह्रोंसए म्हिमैंए कारर्ग्युले खोंयोंन् बिलै तरिम्। 
ठिक के लब्मैंए ह्‍युलर दुष्‍टमैं तरिब् आरे, आस्याँ ठिक के लब्मैंए योइ आछ्याँबै के लब्मुँ। 
ओ याहवेह, छ्याँब लब्मैंलाइ छ्याँबन् लमिंन्, छलेन छ्याँबै खों प्ह्‍याब्मैंलाज्यै या छ्याँबन् लमिंन् 
दिलेया आछ्याँबै के लप्रब्मैं बिस्याँ याहवेहजी दुष्‍ट के लब्मैंलाइ पिंब् धों तबै सजैं पिंब्मुँ! इस्राएलए फिर शान्ति तरिगे! 
